About Bible Thianghlim | ©

BibleThianghlim – Ruth

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Ruth

1234

• A ngantu: Theih a si lo
• A huap sung cān: Laireltupawl san
• Ngan kum: B.C. 1000 hrawng

Hi cabu hmin cu hi thuanthu ih mipawimawh Ruth-ih hmin kha pek a si. Amah cu nuhmei, Naomi-ih mo, miphun dang nuhmei a si. Hi thuanthu cu laireltupawl san cān siat laifangih cang mi thu a si (1:1; Laireltupawl thuhmaihruai zoh aw). Hi thuanthu ih milaipawlih ziaza le nuncan pawl cu Laireltupawl cabu sungih milai ziaza le nuncan pawl thawn an bangaw lo zet. Ruth cabu in mirinum lo miphun lakah mirinum an um ti a langter. Cu hmuahhmuah tlunah, duhdawtnak le rinumnak neitupawl parah Pathian in amai duhdawtnak le rinumnak a langter.

Laireltupawl cabu sungah Hebru ṭawngfáng chesed (rinumnak) ti mi vei hnih lawng a lang. Sikhalsehla hi cabu sungah chesed (rinumnak) ti ṭawngfáng hi vei thum kan hmu ih (1:8; 2:20; 3:10), a ṭawngfáng ih a lănglonak hmun khalah rinumnak le duhdawtnak thuhla cu kan hmu tam zet (1:14, 16-17; 2:11; 3:14, 15). Cān harsa kan tawn tikah Pathian thinhengnak a si hmang tiin kan rak ruatsual ṭheu ti hi thuanthu hin a tarlang (1:13, 20-21). A cāncānah cun in thlawsuah thei nak ding le in hman thei nak dingin harnak a thlenter. Pathian in kawlawngnak (1:21) ihsin khahliamnak (2:14-18; 3:15-17; 4:9-17) ah Naomi le Ruth a hruai.

Hi thuanthu ih thil cang mi hmuahhmuah ih a lăngter mi cu Pathian kilkhawinak a si. Thupi dang pawimawh zet cu “sungkhat-laicin tlentu,” ti mi hi a si. Hi ṭawngfáng hi Hebru ṭawngfáng goel tiin vei 22 a lang ih, ṭulpawi laiih sungkhat-laicin bawmtu le kilkhawitu vekin Boaz hi a tarlang. Ruth in Boaz thawi an pehtlaihawknak tuah a tumnak săn cu sungkhat-laicin tlentu si dingin Boaz in mawhphurhnak a nei ih, Pathian Dān milin Ruth khal in sungkhat-laicin tlentu hawl thei nak a neih ruangah a si. Boaz le Ruth cu kan sungkhat-laicin a si mi, in humhimtu le in câwmtu Khrih (Mat 1:5-6) le David (Rut 4:21-22) ci thlahtu an si.

1

Moab Ram ih Vaihnak

1 ^aLaireltupawl in an uk lai san ah hitin a si, ram ah mangṭam a thleng. Cule Judah ram, Bethlehem khawmi pakhat cu a nupi le a fapa pahnih thawn Moab ram ih cêng dingin an feh. 2 ^bCu paih hmin cu Elimelek a si, a nupi hmin cu Naomi a si, an fapa pahnih hmin cu Mahlon le Kilion an si. Annih cu Judah ram Bethlehlem-ih Efrath-mi an si. Cule annih cu Moab ram ah an lut ih, cu tawkah an umlan ta.

1:1^a Sem 12:10; 35:19; 36:35; 47:4; Lai 2:16-18; 17:7; 2Sp 6:25; Hag 1:11

1:2^b Sem 35:16, 19; 1Sam 1:1; 16:18

3 ^aCun Naomi-ih pasal Elimelek a thi, cule Naomi le a fapa pahnih cu tān ta an si. 4 ^bMoab nunau nupi ah an nei veve. Pakhat ih hmin cu Orpah a si ih, a dang pakhat ih hmin cu Ruth a si. Cule cu tawkah kum hra hrawng an cêng.

1:3^a 2Sp 4:1; Sam 34:19

1:4^b 1Sp 11:1; Ezr 9:2; Neh 13:23; Mat 1:5

5 ^aCun Mahlon le Kilion khal an pahnih in an thi, cutin cu nu cu a fapa pahnih le a pasal in an tān ta.

1:5^a Isa 49:21; Luk 7:12

Naomi a Kirsal

6 ^aCun Jehovah in a mipawl cu rawl peknak in a vehvai hai ti thu Moab ram ihsin Noami in a theih ruangah, a mole thawn Moab ram ihsin tlung dingin a tho. 7 ^bCule a rak umnak hmun ihsin a feh ih, a zawngah a mole pahnih tla an feh ve, cule Judah ram ih kir dingin zin zawhin an feh.

1:6^a Sem 50:24; Suah 4:31; Jer 2:7; Mat 6:11

1:7^b 2Sp 8:3

8 ^aCule Naomi in a mole pahnih hnenah, “Nan nuih inn ah tlung veve uh. Keimah le in thihsantupawl parih nan rinum bangin nan parah Jehovah rinum ve seh. 9 ^bJehovah in nan pasal luangpi hnuaiih cawlhhahdamnak hmuh ding lo siang veve hram seh,” tiah a ti. Cun anih in a hnam hai, cule ring zetin an ṭap.

1:8^a Sem 19:19; 38:11; 2Ti 1:16

1:9^b Sem 27:27, 38; Mip 25:6

10 ^aCule annih in a hnenah, “Nangmah thawn na mipawl hnenah kan kir ve hrimhrim ding,” tiah an ti.

1:10^a Zek 8:23

11 ^aAsinan Naomi in, “Ka fanule tla, tlungkir mai uh, ziangah so ka hnenih nan feh ding? Nan pasal dingah ka pum sungah fapatla ka nei nawn maw si? 12 ^bKa fanule tla, kir ko uh, feh uh, ziangahtile pasal nei dingah ka tar tuk zo. Ruahsannak ka nei tiin, tuihzan ah pasal neiin, fapatla hring hman ningla, 13 ^can pitlin tiang teh nan hngak ding maw? Pasal loin maw nan rak um ringring ding? Ka fanule tla, cutin si hlah seh. Jehovah-ih kut cu keimah dokalhin a um ruangah, cumi in nanmai hrangah ka thin a nater tuk,” tiah a ti.

1:11^a Sem 38:11; Dnp 25:5

1:12^b Sem 17:17; 18:11-12

1:13^c Sem 38:11; Lai 2:15; 1Sam 30:6; Sam 32:4

14 ^aCun an aw an suah ih an ṭap lala, cule Orpah in a ni cu a hnam, asinan Ruth cu a ni hnenah a kăwpbet.

1:14^a Sem 31:28; Dnp 10:20; Thf 17:17; Mik 7:6

15 ^aCule anih in, “Zoh hman, na pasal unau-ih nupi cu a miphun hnen le a pathianpawl hnen lamah a tlungkir, amah thlun ve aw,” tiah a ti.

1:15^a Dnp 25:7; Jos 24:14; Lai 11:24

16 ^aAsinan Ruth in,

1:16^a Sem 24:58; Jos 24:15; 2Sp 2:2

“Nangmah lo tân dingin,
Asilole nangmah lo thlun bansan dingin i hnêk rero hlah.
Ziangahtile na fehnak kip ah ka feh ding,
Cule na riahnak kip ah ka riak ve ding.
Na miphun cu ka miphun a si ding ih,
Na Pathian cu ka Pathian a si ding.
17 ^aNa thihnak hmun ah ka thi ding ih,
Cu tawkah phum ka si ding.
Nang le kei hi thihnak siarlo thil dang in in ṭhen asile,
Jehovah in ka parah siatnak tuah sehla,
Cuhnakih nâ khalin tuah seh,”

1:17^a 1Sam 3:17; 2Sam 3:9; 15:21; 1Sp 2:23; 2Sp 6:31

tiah a ti. 18 ^aA hnenih feh dingin a tum hnget tuk ti a hmuh tikah, a hnenih ṭawng a bâng.

1:18^a Apo 21:14; Efe 6:10

19 ^aCun cute pahnih cu Bethlehem an thlen hlanlo an feh. Cule hitin a si, Bethlehem an thlen tikah, anmai ruangah khaw sung mi zaten an phur zet, cule nunaupawl in, “Himi hi Naomi maw si?” tiah an ti.

1:19^a Lai 17:7; Ṭah 2:15; Mat 21:10

20 ^aAsinan anih in an hnenah, “^bNaomi tiah in ko hlah uh. ^cMara tiah in ko uh, ziangahtile Ziangkimtithei cun ka nunnak khâ tukin a tuah. 21 ^dKhatliamin ka fehsuak ih, Jehovah in kawlawngin i tlungkirtersal. Jehovah in keimah dokalhnak a rak phuanglang zo ih, Ziangkimtithei in i zawnzaiter zo siin, ziangah so Naomi tiah in ko?” tiah a ti hai.

1:20^a Job 6:4; Sam 91:1

1:20^b Naomi: Nuam tinak a si.

1:20^c Mara: A khâ tinak a si.

1:21^d 1Sam 2:7; Job 1:21; 30:11; Sam 88:7; Isa 53:4

22 ^aCutin Naomi cu Moab ram ihsin Moab-mi, a mo Ruth thawn a tlungkir. Annih cu barli sangvut khawm cût thawk ah Bethlehem an thleng.

1:22^a Sem 11:31; Suah 9:31; Pui 19:9; 2Sam 21:9

2

Ruth in Boaz a Táwng

1 ^aCun Naomi pasalih sungkhat, Elimelek-ih hrin lak ihta milian zet pa pakhat a rak um. A hmin cu ^bBoaz a si. 2 ^cMoab rammi Ruth in Naomi hnenah, “Zangfahten ló ah fehin, an mithmuh ih duhsaknak ka conaknak dung ihsin fang vui lâk hrelh mi khawm ning,” tiah a ti.

2:1^a Lai 6:12; 1Sam 9:1; 1Sp 11:28; Mat 1:5; Luk 3:32

2:1^b Boaz: Hebru ṭawng a si ih, a sullam cu “cumi ah cahnak tha a um,” tinak a si.

2:2^c Sem 6:8; Pui 19:9

Cule anih in a mo hnenah, “Ka fanu, feh aw,” tiah a ti.

3 ^aCun anih cu a pawk ih a feh, cule ló ih fang attupawl dung ihsin an hrelh mi a sar. Anih cu Elimelek-ih sungkhat Boaz-ih ló ah a va feh ngelcel. 4 ^bNgai hnik, Boaz cu Bethlehem ihsin a ra thleng ih, fang attupawl hnenah, “Jehovah in lo umpi hram seh,” tiah a ti.

2:3^a 2Sp 4:18; 1San 2:11-12; Jer 9:22; Amo 9:13

2:4^b Sem 28:3; Mip 6:24; Sam 129:7-8; Luk 1:28; 2Th 3:16

Cule annih in a hnenah, “Jehovah in mal lo sawm seh,” tiah an sawn.

5 Cun Boaz in fang attupawl hotu ih a ret mi a siahhlawh hnenah, “Hihi zo-ih fala so a si?” tiah a ti.

6 Fang attupawl hotu siahhlawh cun a sawn ih, “Amah cu Moab ram ihsi Naomi thawi ra tlungkir mi, Moab fala a si. 7 ^aCu nu in, ‘Zangfahten nan thlaithar tēl pawl lakih thlaithar attupawl ih hrelh mi sarin khawm hram ning,’ tiah in ti. Cule cu nu cu a ra thleng ih, inn ih málte sung a cawlh siarlo zing ihsin atu tiang a ṭuan,” tiah a ti.

2:7^a Sem 37:7; Pui 19:9; 2Sam 4:5; Thf 18:23

8 ^aCun Boaz in Ruth hnenah, “Ka fanu, na ngai lo ding maw? Fang sar dingin mi dang ló ah feh hlah, hi tawk ihsi khalin tlân hlah, ka siahhlawh falapawl hnenah nai zetin um sawn aw. 9 ^bLó ih an ah lai zohhliah awla, an dung ihsin thlun vivo aw. Tlangvalpawl zohman in nangmah lo thâm lo dingin thu ka pe hai zo a si lo maw? Cule na ti a hāl asile, tidai thâwl pan awla, tlangvalpawl ih khai cia mi in aw,” tiah a ti.

2:8^a 1Sam 3:6, 16; 2Sp 5:13

2:9^b Sem 20:6; Thf 6:29

10 ^aCule Ruth cu a hmai leisin bihin a kûn ih, leilung ah a băwk, cule a hnenah, “Ram dang mi ka si na cingin, i ngaihsak dingin ziangah so maw na mithmuh ah duhsaknak ka co?” tiah a ti.

2:10^a Sem 19:1; Dnp 15:3; 1Sam 20:41; 25:23; Sam 41:1

11 ^aCule Boaz in a sawn ih a hnenah, “Na pasal a thih ihsin na ni hrangih na tuah mi hmuahhmuah, na nu le na pa, na suahkehnak ram tan ta in, na theih dah lo mi miphun hnenih rat na duhzia thupawl tla ka hnenah in sim ṭheh. 12 ^bJehovah in na ṭuan man lo rul sehla, a thla hnuaiih răwlhimnak hrangih na pan mi, Israel-ih Pathian Jehovah in lawmman kimten lo pe hram seh,” tiah a ti.

2:11^a Sem 12:1; Isa 55:5

2:12^b 1Sam 24:19; Sam 17:8; 18:20; 61:4; 71:1; Jer 31:16

13 ^aCule amah nu in, “Ka bawipa, na mithmuh ah duhsaknak co ning. Ziangahtile keimah cu na siahhlawh nunaupawl lakih pakhat vek ka si lo na cingin, nang cun i thlangăm zo ih, na siahhlawh nu hnenah ^bṭha zetin na rak ṭawng,” tiah a ti.

2:13^a Sem 37:7; Pui 19:9

2:13^b ṭha zetin: A ṭawng hrampi ah cun, “thinlung ah” ti a si.

14 ^aBoaz in a hnenah rawl ei cān ah, “Hinah ra awla, sang ra ei aw, cule na sang phel cu sabit ti thûr sungah hnīm aw,” tiah a ti. Cutin cu nu cu thlaithar attupawl kiangah a to ih, anih in thlairawl kăn a pe, cule a ei ih, a khawp, cule ziangmaw zat cu a retṭha. 15 ^bCule thlairah sar dingin a thawh tikah, Boaz in a tlangvalpawl hnenah, “Thlaithar tēl lak ihta khal la ko seh, mawhthluk hlah uh. 16 ^cCuihhleiah a hrangah thlairah cu thlaithar tēl pawl ihsin zûkthla hrim uh, cumi cu a sar dingah tân uhla, amah cu kawk hlah uh,” tiah a ti.

2:14^a Sem 3:19; Pui 23:14

2:15^b Sem 37:7; Pui 19:9; Lai 18:7

2:16^c Sem 37:10; Dnp 24:19

17 ^aCutin ló ah sîm lam tiang thlairah a sar ih, a sar mi cu a vua, cule cumi cu barli sangvut efa khat hrawng a si. 18 Cun Ruth in cumi cu a la ih, khawpi sungah a feh, cule a ni in a sar mi a rak hmu. Cutin khawp teih a ei hnuih a tāng mi a retṭhat mi cu a phawrh ih a ni cu a pe.

2:17^a Pui 19:36; Lai 6:11; Eze 45:11

19 ^aCule a ni in a hnenah, “Tuihsun teh khuiah fang na sar? Khui tawkah hna na ṭuan? Nangmah a lo ngaihsaktu cu malsawmin um seh,” tiah a ti.

2:19^a Thf 14:21

Cutin a hna a va ṭuannak paih thu cu a ni hnenah a sim ih, “Tuihsun ih hna ka ṭuannak paih hmin cu Boaz a si,” tiah a ti.

20 ^aCun Naomi in a mo hnenah, “A thi mi le a nung mi hnenih rinumnak bansan lo tu Jehovah in anih cu malsawm hram seh,” tiah a ti. Cule Naomi in a hnenah, “Hi pa cu kan sungkhat a si, kan ^bsungkhat nai zet pakhat a si,” tiah a ti.

2:20^a Sem 19:19; Pui 25:25; Lai 17:2; Rut 1:8; 1Sam 23:21

2:20^b sungkhat nai: Sungkhat-laicin tlentu tinak a si.

21 Moab rammi Ruth in, “Cuihtlunah anih in ka hnenah, ‘Ka rawl khawm an ṭheh thluh hlanlo, ka tlangvalpawl naih ah um ringring aw,’ i ti,” tiah a sim.

22 ^aCule Naomi in a mo Ruth hnenah, “Ka fanu, mi in mi dang ló ih an lo tibuailonak dingah, a siahhlawh falapawl zawngih na fehsuah cu a ṭha,” tiah a ti. 23 ^bCutin barli sangvut khawm le sangvut khawm an ṭheh hlanlo, thlairah sarin Boaz-ih siahhlawh falapawl kiangah a um. Cule a ni hnenah a cêng.

2:22^a Rut 2:8

2:23^b Sem 30:14; Suah 9:31; 1Sam 6:13

3

Ruth-ih Ngĕnnak

1 Cun a ni, Naomi in a hnenah, “Ka fanu, na ṭhatnak dingah cawlhhahdamnak ka lo hawlsak lo ding maw? 2 ^aA siahhlawh falapawl hnenih na umnak pa, Boaz cu kan sungkhat a si lo maw? Ngai hnik, anih in tuihzan ah hruih hmun ah barli sangvut a zâp ding. 3 ^bCuruangah khawlhaw awla, zihmui rimthaw hnihaw aw, cule na sinfen ṭhabik hruh awla, hruih hmun ah feh aw. Asinan ei le in a ṭheh hlanah cun cu pa hnenah theihawter hlah. 4 ^cCun hitin a si ding, a ih tikah, a ihnak hmun na hminsin pei. Cule na lut pei ih, a ke na hlîp pei, cule na it pei. Cun na tuah ding mi a lo sim ding,” tiah a ti.

3:2^a Pui 2:14; Mip 18:27; Lai 6:11

3:3^b Sem 41:14; 2Sam 12:20; 14:2; Isa 61:3

3:4^c Dnp 25:5-10

5 ^aCule Ruth in a hnenah, “I sim mi zaten ka tuah ṭheh ding,” tiah a ti. 6 ^bCuti cun hruih hmun ah a suk ih a ni in a hnenih a sim mi hmuahhmuah bangtukin a tuah.

3:5^a Efe 6:1; Kol 3:20

3:6^b Suah 20:12; Pui 19:3; Mip 18:27

7 ^aCule Boaz cun a ei le in a ṭheh tikah a thinlung a nuam zet ih, it dingin fang pen hram lam a pan. Cule cu nu cu dimten a ra, Boaz-ih ke a hlîp ih a it. 8 Cun zanṭim ah hitin a rak cang, Boaz a ṭhang dukdi ih a sir a her, cule ngai hnik, a ke lamah nunau pakhat a it.

3:7^a Lai 19:6, 22; 1Sam 25:36; 2Sam 13:28; 1Sp 21:7; Est 1:10; Sol 7:2; Hag 2:16

9 ^aCule anih in, “Zo na si?” tiah a ti.

3:9^a Dnp 25:5-10; Eze 6:8

Cule cu nu cun, “Na sál nu Ruth ka si. Na thlazar hnuaiah na siahhlawh nu hi la aw, ziangahtile nang cu ^asungkhat nai na si,” tiah a sawn.

3:9^a sungkhat nai: Sungkhat-laicin tlentu tinak a si.

10 ^aCun anih in, “Ka fanu, Jehovah in mal lo sawm hram seh! Ziangahtile milian, asilole mifarah tlangvalpawl dung na thlunlonak hin a thawk hnakin a cemnakah na rinumnak na langter sinsin a si. 11 ^bCule ka fanu, atu cun ṭih hlah, na ngĕn mi zaten ka lo tuahsak ding, ziangahtile ka umnak khawmipawl zate in nang cu nunau ṭhaṭhum na si ti an lo thei. 12 Na ^csungkhat nai ka si ti cu a dik a si. Hmansehla kei hnakih sungkhat naideuh mi pakhat a um lai. 13 ^dTuihzan cu riak aw. Thaizing ah ^ena parih sungkhat nai sinak ṭuanvo a tuah asile a ṭha, tuah ko seh. Asinan na parih a ṭuanvo a tuah duh lo asile, Jehovah a nun rori vekin, cuih ṭuanvo cu na hrangah ka tuah ding! Zing lam tiangin it ko aw,” tiah a ti.

3:10^a Jos 2:12; Lai 17:2; Rut 2:20

3:11^b Thf 12:4

3:12^c sungkhat nai: Câng kuatnak zoh aw.

3:13^d Mip 14:21; Dnp 25:5; Hos 4:15; Mat 22:24

3:13^e na parih sungkhat nai sinak ṭuanvo: A lo tlen tinak a si.

14 ^aCutin zing lam khawvan tiang a ke hramah cun a it, cule pakhat le pakhat an theihthiamawk hlanah cu nu cu a tho. Cun Boaz in, “Hruih hmun ah nunau a ra ti zohman in thei hlah hai seh,” tiah a ti. 15 ^bCuihtlunah Boaz in, “Na sĭn mi puan keng awla, rak dawng aw,” tiah a ti. Cule a dawn tikah, anih in barli sangvut tah ruk a tah ih, Ruth parah a suan. Cun Ruth cu khawpi sungah a lut.

3:14^a Mip 18:27; Rom 14:16; 2Ko 8:21; 1Pe 2:12

3:15^b Isa 3:22; 2Ko 9:6

16 A ni hnen a va thlen tikah, a ni cun, “Ka fanu, na dinhmun ziangtin a si?” tiah a ti.

Cun anih in a hrangih cu pa in a tuah mi zaten a sim ṭheh. 17 Cule anih in, “Himi barli sangvut tah ruk hi i pek, ziangahtile anih in ka hnenah, ‘Na kutlawng in na ni hnenah tlung hlah,’ i ti,” tiah a ti.

18 ^aCun anih in, “Ka fanu, ziangtin thu a tlu ding ti na theih hlan cu to hrih aw, ziangahtile tuihsun ah hi thu fel ko a tuah hlanlo, anih cu a um menmen lo ding,” tiah a ti.

3:18^a Suah 14:13; Sam 37:3-5

4

Boaz in Ruth a Tlen

1 ^aBoaz cu khawpi kăwtka ah a fehso ih, cu tawkah cun a to. Cule ngai hnik, Boaz-ih a rak rel mi Elimelek-ih ^bsungkhat nai pa cu a ra. Cutin Boaz in, “Unaupa, ra pial aw, hi tawkah to hnik,” tiah a ti. Cutin cu pa cu a ra pial ih, a to.

4:1^a Sem 18:1; 2Sam 15:2; 19:8

4:1^b sungkhat nai: 3:9 simfiangnak zoh aw. Himi hi 4:3, 6, 8, 14 khalah a um.

2 ^aCule Boaz cun khaw sung upa pahra a ko hai ih, “Hi tawkah to uh,” tiah a ti. Cule annih cu an to. 3 ^bCun a sungkhat nai pa hnenah, “Moab ram ihsi ra tlung Naomi in kan unaupa Elimelek-ih leiram a zuar. 4 ^cCule, ‘Hi tawkih topawl le ka mipawlih upapawl hmaiah cumi cu leisal aw. Na tlen ding asile tlen aw, asinan na tlen lo ding asile, ka theih thei nak dingah i sim aw. Ziangahtile nangmah siarlo a tlentu ding zohman an um lo ih, nangmah sangtu cu keimah hi ka si,’ tiih thu lo theihter dingin ka ruat,” tiah a ti.

4:2^a Suah 3:16; 18:21-22; Dnp 25:7

4:3^b Pui 25:25

4:4^c Pui 25:25; Jer 32:7-8; 2Ko 8:21

Cule anih in, “Ka tlen ding,” tiah a ti.

5 ^aCun Boaz in, “A rothil parih a thi mi paih hmin a hlohlonak dingah, Naomi hnen ihsin lóram na lei ni ah, a thi mi paih nupi Moab rammi Ruth khal na leicih tengteng pei,” tiah a ti.

4:5^a Sem 38:8; Luk 20:28

6 ^aCule sungkhat nai pa cun, “Keimai hrangah cumi cu ka tlen thei lo, ka rothil ka siatsuah pang ding. Ka tlen thei nak cu nangmai hrangah la awla, tlen aw, ziangahtile ka tlen thei lo a si,” tiah a ti.

4:6^a Pui 25:25; Dnp 25:7

7 ^aHlanlai ah cun Israel ram ah tlenawknak le thlĕngawknak thuhla ah thil ziangkim an hngehterdān cu hitin a si: mi pakhat in a kedam a phuak ih mi dang a pe, hihi Israel ram ih thil an hngehterdān a si.

4:7^a Pui 25:24; Dnp 25:7-9; Isa 8:1-2

8 ^aCuruangah sungkhat nai pa cun Boaz hnenah, “Nangmai hrangah lei aw,” tiah a ti. Cule a kedam a phawih.

4:8^a Dnp 25:9-10

9 ^aCule Boaz in upapawl le mipi zate hnenah, “Nannih cu Elimelek ta, Kilion ta le Mahlon ta zaten Naomi hnen ihsin keimah in ka lei a si ti tuihsun ah theihpitu nan si. 10 ^bCuihtlunah a rothil parih a thi mi paih hmin a hlohlonak dingah, Moab rammi Ruth, Mahlon nupi cu ka nupi dingah ka cohlang. Cutin a thi mi paih hmin cu a unaupawl hnen ihsin le khawpi kăwtka ih a dinhmun ihsin a hloral lo ding. Nanmah hi tuihsun ah theihpitu nan si,” tiah a ti.

4:9^a Rut 1:2; Isa 8:2; Jer 32:10, 44

4:10^b Dnp 25:5-6; Jos 24:22

11 ^aCule khawpi kăwtka ih um, mipi hmuahhmuah le upapawl in, “Kanmah cu theihpitu kan si. Jehovah in na inn sungih lut nunau cu Israel sungza dĭntu Rachel le Leah te pahnih vekin tuah hram seh. Cule Efrathah ah hlawhtling awla, Bethlehem ah na hminthang hram seh. 12 ^bCuihtlunah hi fala hnen ihsin Jehovah in a lo pek ding mi cithlah hmangin, na sungkua cu Tamar in Judah hnenih a hrin mi, Perez-ih sungkua vek si seh,” tiah an ti.

4:11^a Sem 4:19; 23:10; 35:16; Dnp 25:9

4:12^b Sem 38:6, 24, 29; 46:12

Boaz le Ruth-ih Tesinfapawl

13 ^aCun Boaz in Ruth cu a ṭhi ih, a nupi ah a cang. Cule a hnenih a ih tikah, Jehovah in fa a vunter ih, fapa a hring. 14 ^bCun nunaupawl in Naomi hnenah, “Sungkhat nai nei loih tuihni ih lo umter lo tu, Jehovah cu thangṭhatin um seh. Cule Israel ram ah a hmin thang seh! 15 ^cCule amah cu na nunnak tungdingsaltu le na tar tikih a lo câwmtu si seh. Ziangahtile a lo duhdawtu na mo, na hrangih fapa pasarih hnakih ṭhahnem sawn in fapa a lo hrĭn a si,” tiah an ti.

4:13^a Sem 8:1; 29:32; Luk 1:57

4:14^b Sem 24:27; Rut 4:11, 21; Isa 11:1; Mat 1:5-6, 17; Luk 1:58

4:15^c Sem 11:31; 1Sam 1:8; Job 1:2

16 Cun Naomi in naute cu a la ih, a ṭāng ah a pawm, cule amah cu nau umtu ah a cang. 17 ^aCuihtlunah an innhnen nunaupawl in cuih naute cu hmin an sak, “Naomi hnenah fapa a suak,” tiah an ti. Cule a hmin ah Obed an sak. Anih cu David pa, Jessi-ih pa a si.

4:17^a 1Sam 16:1, 13, 18; 1San 2:12-13, 15; Sam 72:20

18 ^aPerez-ih cithlah sâwng thuanthu cu hihi a si: Perez in Hezron a hring, 19 ^bHezron in Ram a hring ih, Ram in Amminadab a hring, 20 ^cAmminadab in Nahshon a hring ih, Nahshon in Salmon a hring, 21 ^dSalmon in Boaz a hring ih, Boaz in Obed a hring, 22 ^eObed in Jessi a hring ih, Jessi in David a hring.

4:18^a Sem 38:29; Mip 26:1; Luk 3:33

4:19^b Suah 6:23; Mat 1:4

4:20^c Mip 7:12; Luk 3:32

4:21^d 1San 2:11-12

4:22^e 1Sam 16:1; Isa 11:1