About Bible Thianghlim | ©

BibleThianghlim – 2 John

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

2 John

1

  • A ngantu: John
  • A siartu: Hril mi nunaunu le a fātepawl
  • Ngan kum: A.D. 80-95

Rom uknak in Mediṭerenian kiangkap rampawl ah remdaihnak a dĭn hnget ruangah veivahnak a áwl ih a him. Amah lawngte khuahlan riahbûkpawl cu sualralnak le thianghlimlonak in an hmin a than ruangah thuthangṭha simtupawl hrangah riahnak hmun ṭha a si lo. Curuangah zumtu innpawl ah an riak sawn ṭheu. Zirhtu dik lo pawl in cu vekih khualthlenawkdān kha remcānnak ah lain, zumtupawl hnenah buainak nasa zet an thlen. John cakuat pahnihnak le John cakuat pathumnak hin hivek buainak hi an buaipi.

Hi cakuat pahnih hin bangawknak tam zet an nei. Khualṭhatnak thu hleiah, an pahnih in thutak le duhdawtnak thupi ah an hmang veve. An pahnih in cangantu pakhat, “elder” ti mi ih ngan mi an si. Cangantu in zo a si ti a langawter lo nân, kawhhran thuanthu hmuahhmuah ah hih elder hi apostol John a si tiih zum a si. Hi cakuatpawl hi John in a thuthangṭha a ngan tikcu hrawngih a ngan mi an si men thei. Curuangah hi cakuatpawl hi A.D. 80-95 hrawng, Efesa kawhhran ah pastor a ṭuan laiih a ngan mi a si a zumum.

John cakuat pahnihnak hi John in, “hril mi nunau le a falepawl” hnenih a ngan mi a si (câng 1-nak). “Nunau” ti mi ṭawngkam hi kawhhran sungih nunau pakhat a si. John cun a hnenah duhdawtnak, thutak le thianhlimnak thu ah thape dingin a ngan.

Pathian in zumtupawl hi pakhat le pakhat duhdawtawtăwn dingin in ko. Asinan thutak kai hnget ih zirhnak dik lo do ding khal in fial. Hi thil pahnih thlun ding hi thu kalhaw mi an si lo. Hih cakuat in cupawl hmuahhmuah ziangtin rinumten a tuah ding ti thei dingah zumtu a bawm.

Thu Hlawm Ṭhen

  • I. Thuhmaihruai (câng 1-3)
  • II. John in zumtupawl thutak ih an rinum ruangah a lawm hai (câng 4)
  • III. John in zumtupawl pakhat le pakhat duhdawtawknak hmangih Pathian thupek thlun dingin tha a pe hai (câng 5-6)
  • IV. John in zirhtu dik lo pawl laihlăngnak in le donak in kawhhran thianghlimter ringring dingin zumtupawl thu a pe hai (câng 7-11)
  • V. Thukharnak (câng 12-13)

1

Cibaibûknak

1–2 aElder in kanmah ih um ringring mi le kan hnenih kumkhua um ding mi thutak ruangah, keimah lawng si loin, thutak theitu hmuahhmuah ih an duhdawt ve mi, thutak ih ka duhdawt mi hril mi nunau le a falepawl hnenah:

1:1-2a Joh 8:32; 14:17; Apo 11:30; Rom 16:13; 1Ti 2:4; 1Pe 5:13; 2Pe 1:12; 1Joh 1:8

3 aPa Pathian hnen ihsin le Bawipa Jesu Khrih, Pa-ih Fapa hnen ihsin zangfahnak, zahngainak le hnangamdaihnak cu nan hnenah thutak le duhdawtnak thawn um hram seh.

1:3a Rom 1:7

Khrih Thupek vekih Nun

4 aPa hnen ihsin thupek kan rak cohlan zo vek khan, na fale hrekkhat thutak ah an feh rero ti ka rak hmu ih, nasa zetih lungawi aipuangin ka um. 5 bCule upat tlak nunau, na hnenah thupek thar ka ngan lo, a tir ihsi kan rak neih mi thupek kha a rak si sawn, ka lo ngĕn mi cu pakhat le pakhat kan duhdawaw ding ti hi a si. 6 cA thupekpawl vekih nun hi duhdawtnak cu a si. Himi hi nan nunpi thei nak dingah a tir ihsin hna ih nan theih mi a thupek cu a si.

1:4a 3Joh 1:3-4

1:5b 1Joh 2:7

1:6c Joh 14:15; 1Joh 2:5, 7

7 aZiangahtile mi bumtu tampi leilung tlunah an ra suak zo, annih cun Jesu Khrih milai taksa in a ra ti an pawm lo. Cuvek mi cu mi bumtu le Khrih dodaltu a si. 8 bKan rak ṭuan zo mi thilpawl kan hloh lo ih, lawmman famkim kan ngah thei nak dingah nanmah lamah fimkhur uh.

1:7a Joh 1:14; 1Joh 2:18, 22

1:8b Mat 10:42; Mar 10:29-30; 1Ko 3:8; Heb 10:35-36

9 aZokhal Khrih ih zirh mi thlun lo tu le Khrih zirhnak ih um ringring lo tu cun Pathian a nei lo. Khrih zirhnak ih um ringring tu cun Pa a nei ih Fapa khal a nei. 10 bZokhal cuih zirhnak nei loin nan hnenih a ra thlen asile, nan inn sungah lutter hlah uhla, cibai khal bûk fawn hlah uh. 11 cZiangahtile cu pa cibai a bûktu cu, cu paih thil ti ṭha lo mi ah a tel ve a si.

1:9a Joh 8:31; 1Joh 2:23

1:10b Rom 16:17

1:11c 1Ti 5:22

Cibaibûknak Netabik

12 aNan hnenah ngan ding thil tampi ka nei, cahnah le cati hman ding ka duh lo. Cuhnakin kan aipuannak a famkim thei nak dingah nan hnenah rain hmaităwnih lo biak ding ka ruahsan sawn.

1:12a Joh 3:29; 3Joh 1:13-14

13 Pathian hril mi na unaunuih falepawl in cibai an lo bûk. Amen.