About Bible Thianghlim | ©

BibleThianghlim – Mipum Siarnak

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Mipum Siarnak

12345678910
11121314151617181920
21222324252627282930
313233343536

• A ngantu: Mosi
• A huap sung cān: B.C. 1445-1406 hrawng
• Ngan kum: B.C. 1406 hrawng

Semtirnak, Suahlannak le Puithiam Hnaṭuannak cabupawl ah thutiamkampawl, thilmakpawl le Dānpawl tampi an um. Cuih cabupawl cun Israel in Kanaan ram an lak ding le Bawipaih puithiam miphun vekih dĭn an si ding cu an hei cuan. Asinan Mipum Siarnak sungih thuanthupawl hin casiartu bei a dăwngter zet. Beidăwnnak cu Pathian lamah si loin, Israel-mipawl lamah a si. Bawipa in khawruahharzain Izip ihsin a runsuah hai zia le ramṭhing ih a kilkhawi hai zia cu Israel-mipawl in an rak hmu. Sinai tlang parih a lăngter mi a thianhlimnak le a zangfahnak khal an rak hmu. Asinan a thutiamkampawl parih tuahsuak ding cān a thlen tikah, zumlonak in dung an sîp. Curuangah Israel-mipawl cu ramṭhing ih kum 40 sung an vahvaih cān ih thi dingin hrem an si.

Mipum Siarnak bung hmaisa pahra pawl in ruahsannak thu an sim. Mosi in ralkap mipum a siar hai ih, ral doawknak hrang timlamnak ding a tuah. Israel hotupawl in Biakbûk hrangah siang zetin thawhhlawm an pe. Mipi in Suahlannak kha puai thawn cīn ringring nak an tuah. Pathian in in umpi ding ti zumnak thawn Sinai ihsin an păwk.

Asinan zamrang zetin buainak a suak: “mipi an phunzai” (11:1). Cumi cu hi cabu luahkhattu helnak pahra thawknak a si. A pipa bik cu bung 13 le 14 ih thil cang mi kha a si. Thlingthlatu hleihnih pawl in Kanaan ram an va zoh. Annih in ram cu thei rah an ṭha zetzet, asinan a cak zetzet mi ral thawn a khat tiah thawng an thăn. Mipi an tha a nau ih, Bawipa in anmah nehnak a pe hai ding, ti an zum lo. Pathian in an parah thuṭhennak a phuang: tiamkam mi ram lut dingah kum 40 sung an hngah tengteng a ṭul. Cuti cingin ruahsannak a tāng lai thotho. Bung 15 ah Pathian in dān thar a pe hai ih, cuih dān thar ihsin Israel-mipawl in Kanaan ram an la ding, ti a fiang. Bung 22-24 in Pathian in Balaam-ih camsiatnakpawl malsawmnak ih a canter thu in sim. Asinan a tlangpithuin kum 40 sung hi cu helnak le thihnak in a khat. Cumi ah Pathian ruat mi hruaitupawlih helnak a tel. Bung 26 ah thlĕngawknak kan hmu. Hi tawkah Pathian in san hnihnak pawl timlam a thawk. Annih in an ralkap mipum an siar lala. Ram tiam thu thawn pehparin dān tamsin an dáwng. Bung 31 ah Midia-mipawl an neh tikah an tha a tho.

Hih thil cang mi hmuahhmuah ah, zumlonak hi atthlak le siatnak a si thu kan hmu. Asinan Bawipa cu ziang tluk fim le huham i khat hotu a si ti kan hmu sinsin. A hmaisaah a lamzin theithiam lo khal nungna, a duhdān hlensuak dingin titheinak in pe dingah amah cu kan rinsan thei a si.

1

Mipum Siar Vei Khatnak

1 ^aIzip ram ihsin an suah hnu a kum hnihnak, thla hnihnak ih ni khatnak ah, Sinai Ramṭhing ih Tawnawknak Puanthlam ah Jehovah in Mosi a bia ih hitin a sim, 2 ^b“Israel tefa umkhawm hmuahhmuah cu, a hrin a hrin in, an pupápawlih sungkua sungkua in, an hmin zat vivoin, mipa kip a pâkpâk in, 3 ^cIsrael tefapawl lakih ral do thei kum 20 ihsin a tlun lam zaten mipum siar aw. Nang le Aaron in ralkappawl cu a bur a bur in nan siar pei. 4 ^dCule hnám kip ihsin mi pakhat, anmai pupá sungkua lakih lubân pakhat ciar nan hnenah an um pei.

1:1^a Suah 19:1; 27:21

1:2^b Suah 30:11-16

1:3^c Suah 4:14; 30:14; Jos 5:4; 1San 5:18

1:4^d Pui 24:11; Dnp 1:15; Jos 22:14

5 ^a“Hipawl hi nan zawngih dīngtu ding pawlih hmin an si: Reuben hnám ihsin Shedeur-ih fapa Elizur; 6 Simeon hnám ihsin Zurishaddai-ih fapa Shelumiel; 7 ^bJudah hnám ihsin Amminadab-ih fapa Nahshon; 8 ^cIssakar hnám ihsin Zuar-ih fapa Nethanel; 9 Zebulun hnám ihsin Helon-ih fapa Eliab; 10 Joseph-ih fapapawl ihsin: Efraim hnám ihsin Ammihud-ih fapa Elishama; Manasseh hnám ihsin Pedahzur-ih fapa Gamaliel; 11 ^dBenjamin hnám ihsin Gideoni-ih fapa Abidan; 12 Dan hnám ihsin Ammishaddai-ih fapa Ahiezer; 13 Asher hnám ihsin Okran-ih fapa Pagiel; 14 Gad hnám ihsin Deuel-ih fapa Eliasaf; 15 Naftali hnám ihsin Enan-ih fapa Ahira tla an si,” tiin. 16 ^eHipawl hi mipi umkhawm lak ihsin hrilsuah mi, an pupápawlih hnámpawlih hotupawl, Israel a thawngthawng ih lubânpawl an si.

1:5^a Sem 29:32; Thu 7:5

1:7^b Sem 29:35; Suah 6:23; Rut 4:20; 1San 2:10; Sam 78:68; Mat 1:4; Luk 3:32

1:8^c Sem 30:18

1:11^d Sam 68:27

1:16^e Suah 18:25; Mip 7:2

17 ^aCun hi an hmin tarlăng mipawl hi Mosi le Aaron in an hruai, 18 ^bcule a thla hnihnak ih a ni khatnak ah mipi umkhawm zaten an pungkhawmawter; an thlahtupawl a hrin a hrin in, an pupápawlih sungkua sungkua in, an hmin zat vivoin kum 20 ihsin a tlun lam zaten a pâkpâk in pakhat ciar in an tarlang. 19 ^cJehovah in Mosi thu a pek vekin, anih in cuti vekin Sinai Ramṭhing ah anmahpawl cu mipum a siar hai.

1:17^a 1San 12:31

1:18^b Suah 30:14; Ezr 2:59; Heb 7:3

1:19^c Suah 30:12

20 ^aIsrael-ih fapa upabik Reuben tefapawlih an thlah sâwng pawl, a hrin a hrin in, an pupápawlih sungkua sungkua in, an hmin zat vivoin, mipa kip a pâkpâk in, ral do thei zaten, kum 20 ihsin a tlun lam, 21 Reuben hnám mipum an siar mipawl cu 46500 an si.

1:20^a Sem 29:32; Thu 7:5

22 ^aSimeon-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, siartelh mipawl, an hmin zat vivoin, mipa kip a pâkpâk in, ral do thei zaten kum 20 ihsin a tlun lam, 23 Simeon hnám mipum an siar mipawl cu 59300 an si.

1:22^a Sem 29:33; Thu 7:7

24 ^aGad tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 25 ^bGad hnám mipum an siar mipawl cu 45650 an si.

1:24^a Sem 30:11; Jos 13:24-28; Thu 7:5

1:25^b Sem 46:16; 1San 5:11

26 ^aJudah-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 27 ^bJudah hnám mipum an siar mipawl cu 74600 an si.

1:26^a Mat 1:2; Thu 7:5

1:27^b 2Sam 24:9

28 ^aIssakar-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 29 ^bIssakar hnám mipum an siar mipawl cu 54400 an si.

1:28^a Sem 30:18; Thu 7:7

1:29^b Sem 30:18

30 ^aZebulun-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 31 Zebulun hnám mipum an siar mipawl cu 57400 an si.

1:30^a Sem 30:20; Thu 7:8

32 ^aJoseph-ih fapapawl sungin, Efraim tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 33 ^bEfraim hnám mipum an siar mipawl cu 40500 an si.

1:32^a Sem 41:52; 49:26

1:33^b 1San 7:20

34 ^aManasseh-ih tefapawl ihsin an thlah sâwng pawlih a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 35 ^bManasseh hnám mipum an siar mipawl cu 32200 an si.

1:34^a Sem 41:51; Thu 7:6

1:35^b Mip 26:34

36 ^aBenjamin-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 37 Benjamin hnám mipum an siar mipawl cu 35400 an si.

1:36^a 2San 17:17; Jer 32:44; Oba 1:19; Thu 7:8

38 ^aDân-ih tefapawl ihsin an thlah sâwng pawl an hrin an hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 39 Dan hnám mipum an siar mipawl cu 62700 an si.

1:38^a Sem 30:6; Dnp 33:22

40 ^aAsher-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 41 Asher hnám mipum an siar mipawl cu 41500 an si.

1:40^a Sem 30:13; Thu 7:6

42 ^aNaftali-ih tefapawl ihsin an thlah sâwng pawl a hrin a hrin in, an pupápawlih sungkua sungkua in, an hmin zat vivoin, ral do thei zaten kum 20 ihsin a tlun lam, 43 ^bNaftali hnám mipum an siar mipawl cu 53400 an si.

1:42^a Sem 30:8; Thu 7:6

1:43^b Suah 1:1-4

44 Hipawl hi Mosi le Aaron in mai pupáih sungkua aiawhtu mi pakhat fingfing, Israel hotu pacang hleihnih pawl thawi an siar mi, mipum siar mipawl an si. 45 Israel tefa mipum an siar mi hmuahhmuah, an pupápawlih sungkua sungkua in, Israel-mi lakih ral do thei zaten kum 20 ihsin a tlun lam, 46 ^amipum an siar mi zaten ting ruk le thawngthum zanga sawmnga an si.

1:46^a Suah 12:37; 2Sam 24:9

Levi-mipawl Siartel an Si Lo

47 ^aAsinan Levi-mipawl cu an pupápawlih hnám ah an lakah siartel an si ve lo. 48 Ziangahtile Jehovah in Mosi hnenah, 49 “Levi hnám lawng na siar lo pei, Israel tefapawl lakah annih cu mipum siar ah na siarcih hai fawn lo pei. 50 ^bAsinan Levi-mipawl cu Theihpinak Biakbûk tlun, a thilri zate tlun, a thil neih mi zate tlunah ṭuanvo na pe hai pei, Biakbûk le a thilri zaten an thiar pei; an kilkhawi pei ih, Biakbûk kimvelah riahhmun an sâm pei. 51 ^cCule Biakbûk a pawhsuak zik cān ah Levi-mipawl in an phelh pei ih, Biakbûk tundīn a si tikah Levi-mipawl in an tungding pei. A rak naihtu mi dang cu thah tengteng an si pei. 52 ^dIsrael tefapawl in mi kip mai riahhmun khuarnak ciar ah, mi kip anmai thantar kiangah, anmai ralkappawl zulhin an puanthlampawl an zar pei. 53 ^eAsinan Levi-mipawl cun Theihpinak Biakbûk kimvelah riahhmun an sâm pei, cutin Israel tefa umkhawm parah thinlingnak a um lo ding, cule Levi-mipawl in Theihpinak Biakbûk ṭuanvo cu an la ding a si,” tiin a rak sim zo. 54 Cubangtuk cun Israel tefapawl cun an rak tuah, Jehovah in Mosi thu a pek mi hmuahhmuah bangtukin an rak tuah.

1:47^a Mip 3:17-20

1:50^b Suah 16:34; 25:9; Mip 3:7-8; 8:19, 22; Apo 7:44; Thu 15:5

1:51^c Suah 21:12; 26:1; Mip 10:17, 21

1:52^d Sam 20:5

1:53^e Suah 38:21; Pui 10:6; Dnp 9:22

2

Riahhmun Sāmdān Ding

1 Jehovah in Mosi le Aaron hnenah, 2 ^a“Israel tefa mi kip in anmai thantar kiang, anmai pupá sungkua hminsinnakpawl kiangah riahhmun an sâm pei, Tawnawknak Puanthlam kimvel ihsin hla nawnah riahhmun an sâm ding a si.

2:2^a Sam 74:4; Isa 31:9; Jer 4:21

Nisuahnak lam Riahhmun

3 ^a“Nisuahnak lam kapah, nisuahnak lam hawiin Judah thawi a kăwpaw mi ralkappawlih thantar cun an ralkappawl zulhin riahhmun an khuar pei. Cule Amminadab-ih fapa Nahshon cu Judah-ih tefapawl hotu a si pei. 4 Cule a ralkap mipum an siar mi cu 74600 a si.

2:3^a Suah 6:23

5 “Amah sangih riahhmun sâmtu ding pawl cu Issakar hnám an si pei, cule Zuar-ih fapa Nethanel cu Issakar-ih tefapawl hotu a si pei. 6 Cule a ralkap mipum an siar mi cu 54400 a si.

7 “Cu ṭhehin Zebulun hnám, cule Helon-ih fapa Eliab cu Zebulun-ih tefapawl hotu a si pei. 8 Cule a ralkap mipum an siar mi cu 57400 a si. 9 ^aJudah ralkappawl thawi kăwpaw-ih, an ralkappawl zulhih siar mi zaten tingkhat le thawng sawmriat le thawngruk le zali an si ih, hipawl hi a păwksuak hmaisabik an si ṭheu pei.

2:9^a Lai 1:1

Thlang lam Riahhmun

10 “Thlang lam kapah an ralkappawl zulhin Reuben thawi a kăwpaw mi ralkappawlih thantar a um pei, cule Reuben tefapawlih hotu cu Shedeur-ih fapa Elizur a si pei. 11 Cule a ralkap mipum an siar mi cu 46500 a si.

12 “Amah sangih riahhmun sâmtu ding pawl cu Simeon hnám an si pei ih, Simeon-ih tefapawlih hotu cu Zurishaddai-ih fapa Shelumiel a si pei. 13 Cule a ralkap mipum an siar mi cu 59300 a si.

14 “Cu ṭhehin Gad hnám, Gad tefapawlih hotu cu Reuel-ih fapa Eliasaf a si pei. 15 Cule a ralkap mipum an siar mi cu 45650 a si. 16 Reuben ralkappawl thawi kăwpaw-ih, an ralkappawl zulhih siar mi zaten tingkhat le thawng sawmnga le thawngkhat le zali le sawmnga an si ih, annih cu a pahnihnak ih păwksuaktu an si pei.

17 “Cule Tawnawknak Puanthlam cu ralkappawlih laiah Levi-mipawlih milaipawl thawn a păwksuak ṭheu ding a si. Riahhmun an khuardān dānin, mi kip anmai hmun cio in an thantar zulhin an păwksuak cio pei.

Nitlaknak lam Riahhmun

18 ^a“Nitlaknak lamah, an ralkappawl zulhin, Efraim thawi a kăwpaw mi ralkappawlih thantar a um pei, cule Efraim tefapawlih hotu cu Ammihud-ih fapa Elishama a si pei. 19 Cule a ralkap mipum an siar mi cu 40500 a si.

2:18^a Sem 48:20; Jer 31:18-20

20 ^a“Amah sangah Manasseh hnám a ra ih, Manasseh-ih tefapawlih hotu cu Pedahzur-ih fapa Gamaliel a si pei. 21 Cule a ralkap mipum an siar mi cu 32200 a si.

2:20^a Sem 48:20

22 “Cu ṭhehin Benjamin hnám, cule Benjamin-ih tefapawlih hotu cu Gideoni-ih fapa Abidan a si pei. 23 Cule a ralkap mipum an siar mi cu 35400 a si. 24 ^aEfraim ralkappawl thawi kăwpaw-ih, an ralkappawl zulhih siar mi zaten tingkhat le thawngriat le zakhat an si ih, annih cu a pathumnak ih păwksuaktu an si pei.

2:24^a Sam 80:2

Sak lam Riahhmun

25 “Sak lam kapah an ralkappawl zulhin Dān thawi a kăwpaw mi ralkappawlih thantar a um pei, cule Dân-ih tefapawlih hotu cu Ammishaddai-ih fapa Ahiezer a si pei. 26 Cule a ralkap mipum an siar mi cu 62700 a si.

27 “Amah sangih riahhmun sâmtu ding pawl cu Asher hnám an si pei ih, Asher-ih tefapawlih hotu cu Okran-ih fapa Pagiel a si pei. 28 Cule a ralkap mipum an siar mi cu 41500 a si.

29 “Cu ṭhehin Naftali hnám, cule Naftali-ih tefapawlih hotu cu Enan-ih fapa Ahira a si pei. 30 Cule a ralkap mipum an siar mi cu 53400 a si. 31 ^aDan ralkappawl thawi kăwpaw-ih, an ralkappawl zulhih siar mi zaten tingkhat le thawng sawmnga le thawngsarih le zaruk an si ih, an thantar zulhin an păwksuak cio pei,” tiin a sim.

2:31^a Jos 6:9

32 ^aHipawl hi an pupápawlih sungkua sungkua ih mipum an siar mi Israel tefapawl an si. An ralkappawl zulhih siar mi ralkap zaten ting ruk le thawngthum le zanga le sawmnga an si. 33 Asinan Jehovah in Mosi thu a pek vekin Levi-mipawl cu Israel tefapawl lakah siartel an si lo.

2:32^a Suah 12:37

34 Cule Israel tefapawl cun Jehovah in Mosi thu a pek mi hmuahhmuah bangtukin an tuah ṭheh. Cuti vekin anmai thantar zulhin riahhmun an sâm, cule cuti vekin mi kip mai hrin mai hrin in, an pupápawlih sungkua zulhin an păwksuak ṭheu.

3

Hriak Thih Puithiampawl

1 ^aHipawl hi Jehovah in Sinai tlang ah Mosi a biak laiih Aaron le Mosi ih an ngankhum mipawl an si. 2 ^bCule hipawl hi Aaron-ih fapapawlih hmin an si, a fatir Nadab le Abihu, Eleazar le Ithamar tla an si. 3 ^cHipawl hi puithiam si dingih hriak thih, puithiam dinhmun ih rawngbawl dingin Mosi ih serhhran mi Aaron-ih fapapawlih hmin cu an si. 4 ^dSinai Ramṭhing ah Jehovah hmaiih meisa danglam an hlăn laiah Nadab le Abihu cu Jehovah hmaika ah an thi. Cule annih cun tefa an nei lo. Cutin Eleazar le Ithamar in an pa Aaron hmaika ah puithiam dinhmun in rawng an rak bâwl.

3:1^a Suah 6:27; 19:11

3:2^b Suah 6:23

3:3^c Suah 28:41

3:4^d Pui 10:1-2, 6, 12; Mip 26:61; 1San 24:1-2

5 Jehovah in Mosi hnenah, 6 ^a“Puithiam Aaron an rĕn thei nak dingah Levi hnám kha nai ah rak hruai hai awla, a hmaika ah rak suahpi hai aw. 7 ^bCule Biakbûk hnaṭuannak ding, amai ṭul mipawl le Tawnawknak Puanthlam hmaiih mipi umkhawm zate ih ṭul mipawl an tawlrel pei. 8 Biakbûk hna ṭuan dingah, Tawnawknak Puanthlam bungruapawl hmuahhmuah le Israel tefapawlih ṭul mipawl khal an tawlrel pei. 9 Cule Levi-mipawl cu Aaron le a fapapawl na pe hai pei. Annih cu Israel tefapawl lak ihta amah pek ṭheh an si. 10 ^cCutin Aaron le a fapapawl cu na ruat hai pei ih, annih in an puithiam hna an hlensuak pei. Asinan a rak naihtu mi dang cu thah a si pei,” tiin a sim.

3:6^a Dnp 10:8; 1San 15:2; 2San 29:11

3:7^b Pui 8:35

3:10^c Suah 29:9; 30:7

11 Cun Jehovah in Mosi hnenah, 12 ^a“Ngai hnik, Israel tefapawl lak ihsin Levi-mipawl cu Israel tefapawl lakih sūl kēutu fatir tinkim aiah keimah rori in ka la hai zo. Curuangah Levi-mipawl cu keimai ta an si pei. 13 ^bZiangruangahtile fatir zaten keimai ta an si. Izip ram ih fatir zaten ka thah ṭheh ni ah, Israel-mipawl lakih fatir zaten milai le rannung an pahnih in ka hrangah ka rak serhhran a si. Annih cu keimai ta an si pei. Keimah cu Jehovah ka si,” tiin a sim.

3:12^a Suah 13:2; Neh 13:29; Mal 2:4

3:13^b Suah 13:12; Pui 11:44

Levi-mipawl Mipum Siarnak

14 ^aSinai Ramṭhing ah Jehovah in Mosi hnenah, 15 “Levi tefapawl cu an pupápawlih sungkua sungkua in, a hrin a hrin in an mipum siar aw, thla khat ihsin a tlun lam mipa kip in na siar pei,” tiin a sim. 16 Cutin thu a pek vekin Mosi in, Jehovah-ih kamsuakthu bangtukin an mipum a siar hai.

3:14^a Suah 19:1

17 ^aHimi Gershon, Kohath le Merari pawl hi Levi fapapawlih hmin an si. 18 ^bCule a hrin a hrin in Gershon fapapawlih hmin cu: Libni le Shimei an si. 19 ^cCule a hrin a hrin in Kohath-ih fapapawl cu Amram, Izehar, Hebron le Uzziel an si. 20 ^dCule a hrin a hrin in Merari-ih fapapawl cu Mahli le Mushi an si. Hipawl cu an pupápawlih sungkua sungkua in Levi-mipawlih hrinpawl an si.

3:17^a Sem 29:34; Suah 6:16; Jos 21:6; 1San 15:4; 2San 29:12

3:18^b Suah 6:17

3:19^c Suah 6:18

3:20^d Sem 46:11; Suah 6:19

Gershon-mipawl Mipum Siarnak

21 ^aGershon ihsin Libni-mipawlih hrin le Shimei-mipawl hrin an rung sêm, hipawl cu Gershon-mipawlih hrinpawl an si. 22 Mipum an siar mi mipa thla khat ihsin a tlun lam zaten, an mipum siar mi cu 7500 an si.

3:21^a Sem 46:11; Suah 6:17

23 Gershon-mipawlih hrinpawl cu Biakbûk dung lam nitlaknak lam kapah riahhmun an sâm. 24 Cule Gershon-mipawlih pupá sungkua hotu cu Lael-ih fapa Eliasaf a si.

Gershon-mipawlih Rawngbawlnak

25 ^aTawnawknak Puanthlam ih Gershon tefapawlih ṭuanvo cu Biakbûk, puanthlam le a khuh, Tawnawknak Puanthlam luhnak puanzar, 26 ^btualrawn puanzarpawl, Biakbûk le Biakṭheng kimvelih tualrawn luhnak puanzar le an hripawl, tiin anmah thawi a pehtlaiaw mi hna hmuahhmuah vekin a si.

3:25^a Suah 25:9; 26:14, 36; 40:2

3:26^b Suah 27:9; 35:18

Kohath-mipawl Mipum Siarnak

27 ^aKohath ihsin Amram-mipawl hrin, Izhar-mipawl hrin, Hebron-mipawl hrin le Uzziel-mipawl hrin tla an ra sêm; hipawl cu Kohath-mipawlih hrin an si. 28 ^bMipa thla khat ihsin a tlun lam zaten mipum an siarnak vekin, hmun thianghlim ṭuanvo latu ding cu 8600 an si. 29 Kohath tefapawlih hrinpawl cu Biakbûk thlang lam kapah riahhmun sâm ding an si. 30 ^cCule Kohath-mipawlih hrinpawlih pupápawl sungkua hotu cu Uzziel-ih fapa Elizafan a si.

3:27^a Sem 46:11; Suah 6:18; 1San 26:23

3:28^b Suah 25:8; 2San 30:19; Sam 15:1; Eze 44:27

3:30^c Suah 6:22; Pui 10:4

Kohath-mipawlih Rawngbawlnak

31 ^aAnnihpawlih ṭuanvo cu Kuang, Cabuai, Meito ṭhuam, Biakṭhengpawl, rawngbawlnak ih an hman mi hmun thianghlim bungbelpawl, puanzar le anmah thawi a pehtlaiaw mi hna hmuahhmuah a si. 32 ^bCule Levi-mipawlih hotupawl uktu cu puithiam Aaron-ih fapa Eleazar a si ih, anih in hmun thianghlim ṭuanvo latupawl a hoha ding.

3:31^a Suah 25:10-23, 31; 26:31-33; Mip 4:15; Dnp 10:1-8; 1San 28:15; 2San 5:2; Jer 3:16

3:32^b Suah 6:23

Merari-mipawl Mipum Siarnak

33 ^aMerari ihsin Mahli-mipawl hrin le Mushi-mipawl hrin an sêm; hipawl cu Merari-ih hrinpawl an si. 34 Cule mipa thla khat ihsin a tlun lam zaten an siarnak vekin, mipum an siar mi cu 6200 an si. 35 Merari hrinpawlih pupápawl sungkua hotu cu Abihail-ih fapa Zuriel a si. Hipawl cu Biakbûk sak lam kapih riahhmun sâmtu ding pawl an si.

3:33^a Sem 46:11; Suah 6:19

Merari-mipawlih Rawngbawlnak

36 ^aCule Merari-ih tefapawlih ṭuanvo an thiah mi cu Biakbûk phar tlêp pawl, a tlângpawl, a ṭhuampawl, a taw khuar pawl, a bungruapawl tiin anmah thawi a pehtlaiaw mi hna hmuahhmuah le 37 ^btualrawn kimvel ṭhuampawl, an taw khuar pawl, an hrĕn hngeh nak pawl le an hripawl tla an si.

3:36^a Suah 26:15-29; 36:36; Mip 4:31-32

3:37^b Suah 27:10-17, 19

38 ^aCuihtlunah Tawnawknak Puanthlam hmai nisuahnak lam, ni hawihin Biakbûk hmaiih riahhmun sâmtu ding cu, Israel tefapawlih ṭul mi tawlreltu, hmun thianghlim ṭuanvo latu, Mosi le Aaron le a fapapawl an si pei. Asinan a rak naihtu mi dang cu thah a si pei. 39 Jehovah thupek in Mosi le Aaron in Levi-mipawl mipum an siar mi zaten a hrin a hrin in, mipa thla khat ihsin a tlun lam zaten 22000 an si.

3:38^a 1San 9:27

Fatir Mipum Siarnak

40 Jehovah in Mosi hnenah, “Israel tefa mipa fatirpawl, thla khat ihsin a tlun lam zaten mipum siar awla, an hmin ngan aw. 41 ^aCule Israel tefapawl lakih fatir hmuahhmuah aiah Levi-mipawl le Israel-mipawlih ṭilva fatir hmuahhmuah aiah Levi-mipawlih ṭilva ka hrangah na la pei. Keimah cu Jehovah ka si,” tiin a sim. 42 Cule Jehovah in thu a pek vekin, Israel tefapawl lakih fatir zaten Mosi in mipum a siar ṭheh. 43 Cule mipa fatir hmuahhmuah, thla khat ihsin a tlun lam hminpawl mipum an siarnak vekih an siar mipawl cu 22273 an si.

3:41^a Pui 11:44

Fatir Tlennak

44 Cun Jehovah in Mosi hnenah, 45 ^a“Israel tefapawl lakih fatir hmuahhmuah aiah Levi-mipawl le an ṭilva aiah Levi-mipawlih ṭilva la aw. Levi-mipawl cu keimai ta an si pei. Keimah cu Jehovah ka si. 46 ^bCule Levi-mipawlih mipum hnakih an tamdeuh nak, Israel tefapawlih fatir 273 tlennak ah, 47 ^cmi pakhat hrangah shekel paisa panga ciar na la pei, hmun thianghlim shekel paisa na hmang pei, shekel paisa pakhat cu ^dgerah 20 a si. 48 Cule mipum hlei mi tlennak ah cuih paisa cu Aaron le a fapapawl na pe pei,” tiah a sim.

3:45^a Pui 11:44

3:46^b Suah 13:13

3:47^c Suah 30:13; Pui 27:6, 25

3:47^d gerah: Bible ih thil tahnak phunphun zoh aw.

49 Cule Levi-mipawl ih tlen mipawl tlunih mi hlei pawl hnen ihsin Mosi in tlennak paisa a lâk. 50 Israel tefa fatirpawl hnen ihsin hmun thianghlim shekel bangtukin shekel 1365 paisa a la. 51 ^aCule Jehovah in Mosi thu a rak pek mi, Jehovah-ih kamsuakthu bangtukin, an tlenawknak paisa cu Mosi in Aaron le a fapapawl a pe.

3:51^a Mip 3:48

4

Kohath Fapapawlih Ṭuanvo

1 Jehovah in Mosi le Aaron hnenah, 2 ^a“Levi-ih fapapawl lak ihsin Kohath-ih fapapawl cu a hrin a hrin in, an pupápawlih sungkua sungkua in, 3 ^bkum 30 ihsin a tlun lam, kum 50 tiang, Tawnawknak Puanthlam sungih hnaṭuan dingah rawngbawlnak ih lut zaten mipum siar aw.

4:2^a Suah 30:12

4:3^b Mip 4:23, 30, 35, 39; 1San 23:3; Ezr 3:8

4 “Himi hi a thianghlimbik mi thilpawl thawi pehparin Tawnawknak Puanthlam sungih Kohath fapapawlih rawngbawlnak cu a si. 5 ^aRiahhmun ṭhawn dingih an timtuah tikah, Aaron le a fapapawl an ra pei ih, tlun khuh puanzar an phelh pei, cule cumi in Theihpinak Kuang an khuh pei. 6 ^bCun cumi cu ṭhakhas phawpawl ih tuah mi khuhpuan an khuh pei, cule puan mepian hlir in an tuam pei ih, a zawnfungpawl an hrawlh pei.

4:5^a Suah 26:31, 33; 1San 23:26

4:6^b Suah 25:5, 13-15; 1Sp 8:7; 2San 5:8

7 ^a“Sangserh Cabuai parah puan mepian an phah pei, cule cumi parah khēngpawl, hai dau pawl, Inding Thilhlăn hrang kheng kûm pawl le thâwlpawl an ret pei. Cule Sangserh cu cumi parah a um ringring ding a si. 8 ^bCupawl cu puan senlar in an khuh pei ih, ṭhakhas phawpawl ih tuah mi khuhnak in an tuambĕt pei. Cule a zawnfungpawl an hrawlh pei. 9 ^cCule puan mepian an la pei ih, mei tleu hrang Meito ṭhuam cu cumi hrangih an hman mi a meitopawl, a caicehpawl, a suahdurpawl le hriak khēng hmuahhmuah thawn an khuh pei, cule cupawl cun meito ṭhuam cu hna an ṭuanter. 10 Cun cumi cu a bungbel hmuahhmuah thawn ṭhakhas phawpawl ih tuah mi khuhnak sungah an thun pei ih, a zawnfung an hrawlh pei.

4:7^a Suah 25:30; 39:36; Pui 24:6; Jer 52:19

4:8^b Suah 26:26-28

4:9^c Suah 25:38

11 ^a“Puan mepian in Sui Biakṭheng tlun cu an phah pei ih, ṭhakhas phawpawl ih tuah mi khuhnak in an tuam pei. Cule a zawnfungpawl an hrawlh pei. 12 Cun hmun thianghlim ih an rawngbawlnak, rawngbawlnak bungbel hmuahhmuah an la pei ih, puan mepian sungah an thun ṭheh pei, cule ṭhakhas phawpawl ih tuah mi khuhnak in an tuam ṭheh pei. Cule zawnfung parah an ret pei. 13 ^bBiakṭheng ihsin vutcâm an lawkfai pei ih, puan sendup an phah pei. 14 ^cCu tawkih an rawngbawlnak hmanrua zaten, meiling suahdurpawl, sa lâknak hmanruapawl, vut ruhnakpawl, cawhtawlhpawl le Biakṭheng bungbel zaten a parah an ret pei, cule ṭhakhas phawpawl ih tuah mi khuhpuan kha an parah an pharh pei. Cule a zawnfungpawl an hrawlh pei. 15 ^dCule Aaron le a fapapawl in hmun thianghlim le hmun thianghlim bungruapawl zaten an khuh ṭheh tikih riahhmun an ṭhawn zik tikah, Kohath-ih fapapawl an ra pei ih an thiar pei. Asinan an thih pang lo nak dingah thil thianghlim pakhat hman an thâm lo pei. Hipawl cu Kohath fapapawl ih thiar ding mi Tawnawknak Puanthlam thilripawl an si.

4:11^a Suah 30:1, 4

4:13^b Suah 27:1-8; Pui 1:16

4:14^c Suah 27:3, 6; 31:9; 1San 28:17; 2San 4:8, 11; Jer 52:18

4:15^d Suah 28:43; 2Sam 6:6-7

16 ^a“Puithiam Aaron-ih fapa Eleazar ṭuanvo an thiah mi cu mei tleu hrang hriak, rimhmui thâw, ni tin Thlairawl Thilhlăn, hnih mi hriak, Biakbûk pumhlum kilkhawi, a sung thil zaten, hmun thianghlim le a thilripawl tla an si,” tiin a sim hai.

4:16^a Suah 25:6; 29:41; Pui 6:14-23; 10:6

17 Cun Jehovah in Mosi le Aaron hnenah, 18 “Levi-mipawl lakih Kohath thlah hrinpawlih hnám hi hlohralter siang hlah uh. 19 Thil thianghlimbik pawl an va naih tikih thi loih an nunnak dingah, an hrangah hihi tuahsak sawn uh. Aaron le a fapapawl cu an lut pei ih, an rawngbawl ding le an thil phurh ding an thiahaw fingfing pei. 20 ^aAsinan Kohath hrinpawl cu an thih pang lo nak dingah thil thianghlim pawl khuh an si laifangah zoh dingin an lut lo pei,” tiin a sim hai.

4:20^a Suah 19:21

Gershon Fapapawlih Ṭuanvo

21 Jehovah in Mosi hnenah, 22 “Gershon-ih fapapawl khal an pupápawlih sungkua sungkua in, a hrin a hrin in mipum siar hai aw. 23 Tawnawknak Puanthlam sungih hnaṭuan dingah, rawngbawlnak ih luttu ding zaten kum 30 ihsin a tlun lam kum 50 tiangin mipum na siar pei. 24 Gershon-mipawlih hrinpawlih rawngbawl hna cu himi ṭuan le thil phurh hi a si. 25 ^aAnnih cun Biakbûk puanzarpawl le Tawnawknak Puanthlam le a khuhnakpawl, a parih ṭhakhas phawpawl ih tuah mi khuhnak, Tawnawknak Puanthlam luhnak puanzarpawl, 26 ^b Biakbûk le Biakṭheng kimvelih tualrawn puanzarpawl, tualrawn kăwt luhnak puanzar le an hripawl, an rawngbawlnak bungruapawl hmuahhmuah le himi thilpawl hrangih an tuah mi zaten an thiar pei, cuti vek cun rawng an bawl ding a si.

4:25^a Suah 26:14, 36; 27:10-18

4:26^b Suah 27:9, 16

27 “Gershon-mipawlih fapapawlih rawngbawlnak zaten, an ṭuanvo hmuahhmuah le an rawngbawlnak hmuahhmuah cu Aaron le a fapapawl in an thiah pei. Cule an thil phurh mi zaten an ṭuanvo ah anmah nan ruat pei. 28 ^aHimi cu Tawnawknak Puanthlam sungih Gershon fapapawlih hrinpawlih rawngbawl hna a si. Cule an ṭuanvo cu puithiam Aaron-ih fapa Ithamar thu hnuaiah a si pei.

4:28^a Suah 6:23; Mip 4:33

Merari Fapapawlih Ṭuanvo

29 ^a“Merari-ih fapapawl cu a hrin a hrin in, an pupápawlih sungkua sungkua in, mipum na siar hai pei. 30 Kum 30 ihsin a tlun lam kum 50 tiangin, Tawnawknak Puanthlam hnaṭuan dingin rawngbawlnak ih a lut mi kip cu an zaten mipum na siar ṭheh pei. 31 Cule himi hi Tawnawknak Puanthlam hrangih an rawngbawlnak zate vekin an thiar ding mi a si: cupawl cu Biakbûk phar tlêp pawl, a tlângpawl, a ṭhuampawl, a taw khuar pawl, 32 le tualrawn kimvel ṭhuampawl, a taw khuar pawl, a hrĕn hngeh nak pawl le a hripawl, an bungruapawl hmuahhmuah thawn le an rawngbawlnak thil hmuahhmuah tla an si. Cule nang in an thiar ding mi vo kha an hmin an hmin in an ṭuanvo na thiah fingfing pei.

4:29^a Sem 46:11; Suah 30:12

33 ^a“Himi cu Merari fapapawlih hrinpawlih rawngbawl hna a si, puithiam Aaron-ih fapa Ithamar thu hnuaiah Tawnawknak Puanthlam hrangih an rawngbawl hna hmuahhmuah cu a si,” tiin a sim.

4:33^a Suah 38:21

Levi-mipawl Mipum Siarnak

34 Mosi, Aaron le mipi umkhawm hotupawl in Kohath-mipawlih fapapawl cu a hrin a hrin in, an pupápawlih sungkua sungkua in, 35 kum 30 ihsin a tlun lam kum 50 tiangin Tawnawknak Puanthlam sungih hna hrangih rawngbawlnak ih a lut ding mi kip in mipum an siar ṭheh. 36 Cule an hrin an hrin ih mipum an siar mi cu 2750 an si. 37 Mosi le Aaron in Jehovah in Mosi hmangih thu a pek bangtukin Kohath-mipawlih hrinpawl mipum an siar. Cupawl cu Tawnawknak Puanthlam sungih rawngbawl ding an si.

38 ^aCule Gershon-ih fapapawl cu a hrin a hrin in le an pupápawlih sungkua sungkua in mipum an siar. 39 Kum 30 ihsin a tlun lam kum 50 tiangin, Tawnawknak Puanthlam sungih rawngbawl dingih a lut ding mi kip in, 40 an hrin an hrin le an pupápawlih sungkua sungkua ih an siar mi mipum cu 2630 an si. 41 Mosi le Aaron in Jehovah in Mosi hmangih thu a pek bangtukin Gershon fapapawlih hrinpawl mipum an siar. Cupawl cu Tawnawknak Puanthlam sungih rawngbawltu ding an si.

4:38^a Sem 46:11

42 Merari fapapawlih hrinpawl, an hrin an hrin le an pupápawlih sungkua sungkua in mipum an siar. 43 Kum 30 ihsin a tlun lam kum 50 tiangin, Tawnawknak Puanthlam sungih hna hrangih rawngbawlnak ih a luttu ding kip in, 44 a hrin a hrin in mipum an siar mi cu 3200 an si. 45 Hipawl hi Mosi le Aaron in Jehovah in Mosi hmangih thu a pek bangtukih Merari fapapawlih hrinpawl mipum an siar mi an si.

46 Mosi, Aaron le Israel hotupawl in mipum an siar mi, Levi-mipawl an siar mi zaten, a hrin a hrin in le an pupápawlih sungkua sungkua in, 47 kum 30 ihsin a tlun lam kum 50 tiangin, Tawnawknak Puanthlam sungah rawngbawl hna ṭuansuak ding le phurh thiar hna ṭuan dingih a ratu kip in, 48 mipum an siar mipawl cu 8580 an si. 49 Jehovah-ih thupek bangtukin Mosi hmangin annih cu anmai rawngbawl hna vek cio in le anmai phurh thiar hna ciar bangtukin ṭuanvo an thiah. Jehovah in Mosi thu a pek vekin annihpawl cu mipum a siar.

5

Mithiang Lo Pawl

1 Jehovah in Mosi hnenah, 2 ^a“Miphar pauhpauh, thil put nei mi pauhpauh le zokhal mithi ruak ruangih a bawrhbangawtertu cu riahhmun khuarnak ihsin suah dingin Israel tefapawl hnenah thu pe aw. 3 ^bMipa siseh, nunau siseh nan suah ding a si, ka cēnnak an riahhmun khuarnak laifang kha an bawrhbanterlonak dingah annih cu riahhmun khuarnak lengah nan suah pei,” tiin a sim. 4 Cule cuti vekin Israel tefapawl in an tuah, cule riahhmun khuarnak lengah an suahter hai. Mosi hnenih Jehovah in a sim vekin Israel tefapawl cun an tuah.

5:2^a Pui 13:2-3; 15:2; 21:11; Mat 9:20

5:3^b Suah 29:45; Pui 26:12; 2Ko 6:16

Rulhsalnak

5 Jehovah in Mosi hnenah, 6 ^a“Israel tefapawl hnenah, ‘Mipa in simaw, nunau in simaw, milaipawl in sual an tuah ṭheu mi sual pakhat khat tuahin Jehovah lakah a rinum lo tikah, cuih milai cu a mawh a si. 7 ^bCun a rak tuah mi sual cu a phuang pei. A mawh man cawhkuan cu kimten a pe pei, ṭhen nga ṭhen khat a bêt pei ih, a ti sualnak pa hnenah a pe pei. 8 ^cAsinan mawh man cawhkuan a pek ding mi cu dawngtu ding sungkhat mipa an um lo a si ahcun, mawh man cawhkuan cu puithiam ta dingah Jehovah hnenah a feh pei, amai hrangih sualkhuhthawinak, sualkhuhthawinak tuu cang zawngah a pe pei. 9 ^dIsrael tefapawlih thil thianghlim thawhhlawm tinkim, puithiam hnenih an rak ken mi cu amai ta an si ṭheh pei. 10 ^eCule mi kip ih thil thianghlim pawl cu amai ta an si ṭheh pei, mi in puithiam a pek mi pauhpauh cu amai ta an si pei,’ tiin sim hai aw,” tiah a ti.

5:6^a Pui 5:14-6:7; 6:2

5:7^b Pui 5:5, 16; Luk 19:8

5:8^c Pui 5:15; 6:6-7

5:9^d Suah 29:28; Pui 6:17; Dnp 18:3-4

5:10^e Pui 7:29-34

Nupi Rinum Lo Thuhla

11 Jehovah in Mosi hnenah, 12 ^a“Israel tefapawl hnenah sim awla an hnenah, ‘Mi pakhat ih nupi cu a fehpêng ih a parah rinum loin a um ih, 13 ^bmi pakhat in amah nu a rak ihpi, cule cumi cu a pasal mit ihsin thuh a si ih, a bawrhbangawter ti khuhhlo a rak si, cule a hmutu an um lo ih, kaihngah khal a si fawn lo asile, 14 ^camah paih thinlung ah thîksiatnak a ra tlun ih a bawrhbangtu nu, a nupi parih a thîk a sia a si ahcun, asilole amah nu cu bawrhbang si loin, amah paih thinlung ah thîksiatnak a ra tlung ih a nupi parah a thîk a sia asile, 15 ^dcu pa cun a nupi cu puithiam hnenah a rak hruai pei. Amah nu hrangih phût mi thilhlăn, barli sangvut phut efa khat ih ṭhen hra ṭhen khat a rak keng pei, a parah hriak a tawih lo pei ih, frankinsense a thuh lo pei, ziangruangahtile cumi cu thîknak Thlairawl Thilhlăn, mantersalnak ding hrang thilhlăn a si, ziangahtile mawhsualnak manternak dingah a si.

5:12^a Suah 20:14

5:13^b Suah 20:14

5:14^c Sol 8:6

5:15^d Suah 16:36; Pui 6:20; Eze 21:23

16 ‘Cule puithiam in cu nu cu naite ah a hruai pei ih Jehovah hmaika ah a suahpi pei. 17 Puithiam in lei bel sungah tidai thianghlim a thun pei ih, Biakbûk zial parih leivut ziangmaw zat a la pei, cule tidai sungah a phulh pei. 18 ^aCun puithiam in cu nu cu Jehovah hmaiah a dīngter pei ih a lukhuh a hlihsak pei, cule thîksiatnak Thlairawl Thilhlăn a si mi mantersalnak thilhlăn cu a kut ah a kengter pei. Cule puithiam in camsiatnak thlentu tidai khâ cu a kut ah a keng pei. 19 Cule puithiam in amah nu cu sia a sămter pei, cule nunaunu hnenah, “Na hnenah zohman an it lo ih, na pasal ṭāng ihsin thianlonak ih na rak fehpêng lo asile, camsiatnak thlentu tidai khâ ihsin na luat a si. 20 Asinan na pasal ṭāng hnuaiin na rak fehpêng ih, na rak bawrhbangawter ih na pasal si lo, mi dang in an rak lo ihpi asile,” a ti hnuah, 21 ^bpuithiam in cu nu cu camsiatnak thukam hnuaiah a ret pei ih, anih in nunaunu hnenah, “Jehovah in na mipawl lakah camsiat le thukam ah a lo tuah, Jehovah in na cāwnpi lo siatter sehla na pum lo thlingter seh. 22 ^cCule hi tidai in na pumpi camsiatnak thlen seh, cule na pum thlingter sehla na cāwnpi siatter seh,” a ti pei. Cun nunaunu in, “Amen, cuvek cun cang ko seh,” tiah a ti pei.

5:18^a Pui 10:6; 1Ko 11:6

5:21^b Jos 6:26; 1Sam 14:24; Neh 10:29

5:22^c Dnp 27:15; Sam 109:18

23 ^a‘Cun puithiam in hi camsiatnakpawl hi cazual pakhat ah a ngan pei ih tidai khâ sungah a thaithla pei. 24 Cule nunaunu cu siatcamnak thlentu tidai khâ a inter pei, cule camsiatnak thlentu tidai cu amah nu sungah khâter dingin a lut ding a si. 25 ^bCun puithiam in nunaunuih kut ihsin thîksiatnak Thlairawl Thilhlăn a la pei ih Jehovah hmaiah thilhlăn cu a sēp pei, cule Biakṭheng ah a rak keng pei. 26 ^cCule puithiam in a zate aiah ṭhuam khat a la pei ih, Biakṭheng parah cumi cu a ur pei, cu ṭhehin nunaunu cu tidai a inter pei. 27 ^dAnih in cu nu tidai a inter ṭhehin hitin a si pei, cu nu cu rak bawrhbangawterin a pasal lakah a rak rinum lo asile, camsiatnak thlentu tidai cu amah nu sungah a lut pei ih a khâ ding, cule a pum a thling ding ih a cāwnpi a siat ding, cule nunaunu cu a mipawl lakah camsiat a si ding. 28 Asinan nunaunu cu a rak bawrhbangawter lo ih a rak thiang asile, cu nu cu a luat ding ih nau a pai thei ding.

5:23^a Jer 45:1

5:25^b Pui 8:27

5:26^c Pui 2:2

5:27^d Isa 43:28; Jer 26:6; Zek 8:13

29 ‘Hihi cu thîksiatnak dān a si, nupi cu a pasal ṭāng ih a um laiah a fehpêng ih a bawrhbangawter tikah siseh, 30 mi pakhat thinlung ah thîksiatnak a ra tlung, a nupi parah a thîksiat tikah, anih in Jehovah hmaiah nunaunu cu a dīngter pei. Cule puithiam in hi dān hmuahhmuah hi amah nu parah a tuah pei. 31 ^aCun cu pa cu mawhsualnak lak ihsin a luat ding, asinan cuih nunaunu cun amai mawh a phur ding a si,’ tiah sim aw,” tiin a sim.

5:31^a Pui 5:1; 20:17, 19-20

6

Nazir-mi hrang Dān

1 Jehovah in Mosi hnenah, 2 ^a“Israel tefapawl be awla an hnenah, ‘Mipa in simaw, nunau in simaw, Jehovah hrangah serhhranaw dingah, Nazir-mi sinak thutiam hleice a lâk tikah, 3 ^banih cun sabit zu le zu lak ihsin a serhhranaw pei, sabit zu asilole zu ihsin tuah mi zu thûr a in lo pei, sabit ti a in lo pei ih, sabit rah tharhlâm siseh, sabit rah car pawl siseh a ei lo pei. 4 A serhhranawk ni hmuahhmuah cu sabit hri ihsin a ci simaw, a hâwng simaw ihsin tuah mi zianghman a ei lo pei.

6:2^a Sem 28:20; Lai 13:5; Apo 21:23

6:3^b Pui 10:9; 25:5; Rut 2:14; Sam 69:21; Thf 10:26; Amo 2:12; Luk 1:15

5 ^a‘Thutiam ih a serhhranawk ni hmuahhmuah cu sám ziahnak nâmte in a lu a dai lo pei. Jehovah hnenih a serhhranawk ni a kim hlanlo, anih cu a thianghlim pei. Cun a lusam a zuah pei. 6 ^bJehovah hnenih a serhhranawk ni hmuahhmuah cu mithi ruak a naih lo pei. 7 ^cA pa lole a nu ruang hmanah siseh, a unaupa lole a farnu ruangah siseh, an thih tikah a bawrhbangawter lo pei, ziangruangahtile Pathian hnenih a serhhranawknak cu a lu parah a um. 8 A serhhranawk ni hmuahhmuah cu Jehovah hrangah ni thianghlim a si.

6:5^a 1Sam 1:11; Sam 52:2; Isa 7:20; Eze 5:1

6:6^b Pui 21:1-3

6:7^c Pui 21:1-2, 11

9 ^a‘Cule rin lo piin mi pakhat khat a kiangah a thi hruak asile, anih cun a serhhran mi a lu a bawrhhlawhter a si ih, thianawkternak ni ah a sám a met pei, a ni sarihnak ah a ziat ding a si. 10 ^bCun a ni riatnak ah thuro pahnih simaw, laileng no pahnih simaw puithiam hnen, Tawnawknak Puanthlam luhnak hramah a rak keng pei. 11 ^cCule puithiam in a hrangah sualkhuhthawinak tuahsak dingin Sual Thilhlăn ah pakhat, Meiur Thilhlăn ah a dang pakhat a hlan pei, ziangruangahtile anih cu mithi ruak ruangah a rak sual a si. Cule cumi ni roriah a lu a tithianghlim ding a si. 12 ^dAnih in a serhhranawknak nipawl cu Jehovah hnenah a hlansal pei, cule Mawh Thilhlăn hrangah tuu fa no a pa, kum khat ti a rak keng pei. Asinan a ni hmaisa pawl cu siarcih a si lo pei, ziangruangahtile a serhhranawknak cu bawrhhlawhter a rak si.

6:9^a Pui 14:9; Apo 18:18; 21:24

6:10^b Pui 5:7; 14:10-11

6:11^c Sem 8:20; Suah 29:36; 30:10

6:12^d Pui 5:15; 12:6

13 ^a‘Himi cu Nazir-mi hrangih dān a si. A serhhranawk nipawl a kim tikah, Tawnawknak Puanthlam luhnak hramah anih cu hruai a si pei. 14 ^bCule anih in Jehovah hnenah Meiur Thilhlăn dingah sawisel ding um lo tuu fa no a pa kum khat ti pakhat, Sual Thilhlăn dingah sawisel ding um lo tuu fa no a nu kum khat ti pakhat, Remnak Thilhlăn dingah sawisel ding um lo tuu cang pakhat, 15 ^chriak rawi mi sangvut phut ih tuah mi sang per pawl le hriak măn mi thilnu telh lo sang per páte pawl ih tuah mi thilnu telh lo sang kho khat le an Inding Thilhlănpawl thawn an Thlairawl Thilhlănpawl cu a rak keng pei.

6:13^a Pui 14:11; Apo 21:26

6:14^b Suah 12:5; Pui 3:1; 4:3; 5:15

6:15^c Sem 35:14; Suah 29:2; Pui 2:1

16 ^a‘Cun puithiam in Jehovah hmaiah cupawl cu a rak keng pei ih, a Sual Thilhlăn le a Meiur Thilhlăn cu a hlănsak pei. 17 ^bCule anih in Jehovah hnenah Remnak Thilhlăn raithawinak ah tuu cang cu thilnu telh lo sang kho khat thawn a hlan pei, puithiam in cu miih Thlairawl Thilhlăn le Inding Thilhlăn khal a hlan fawn pei. 18 ^cCun Nazir-mi cun Tawnawknak Puanthlam luhnak hramah a serhhran mi lu cu a ziat pei, cule a rak serhhran mi a lusam cu a la pei ih Remnak Thilhlăn raithawinak hnuaiih meisa parah a paih pei.

6:16^a Pui 1:3

6:17^b Suah 29:41; Pui 3:1; 23:13

6:18^c Apo 21:24

19 ^a‘Cule amah pa in a serhhran mi-ih sám a ziah hnuah puithiam in tuu cang liang suan hmin cia, kho ihsin thilnu telh lo sang per pakhat le thilnu telh lo sang per páte pakhat a la pei, cule cupawl cu Nazir-miih kut parah a ret pei. 20 ^bCule puithiam in Jehovah hmaiih sēp thilhlăn dingah cupawl cu a sēp pei. Cupawl cu sēp thilhlănih a ṭâng le cawikhai thilhlănih a cāwn thawn puithiam ta dingah an thianghlimtlangkhawm hai a si. Cuih hnuin Nazir-mi cun sabit zu a in thei thlang,’ tiah ti aw.

6:19^a Pui 7:12; 1Sam 2:15

6:20^b Pui 7:30, 34; 27:9; Ths 9:7

21 “Himi cu a serhhranawknak hrangah Jehovah hnenih a thilhlăn thutiam hleiah amai tlin tawkteih pe dingin thu a tiam asile, a serhhranawknak dān milin a thutiam cia bangtukin a tuah tengteng ding, ti hi Nazir-mi hrangih dān a si,” tiin a sim.

Aaron-ih Malsawm

22 Jehovah in Mosi cu a bia ih, 23 ^a“Aaron le a fapapawl hnenah hitin sim aw, ‘Israel tefapawl mal nan sawmdān ding cu hitin a si pei; an hnenah,

6:23^a Dnp 21:5; 1San 23:13

24 ^a“Jehovah in lo malsawm sehla, lo kilveng seh.
25 ^bJehovah in na parah a mithmai êngter sehla,
Lo zangfah hram seh.
26 ^cJehovah in na parah a hmel lo hawih sehla,
Hnangamdaihnak lo pe seh,”

6:24^a Sem 28:3; Dnp 28:3-6; 1Sam 2:9; Sam 17:8; 28:9

6:25^b Sem 43:29; Job 29:24; Sam 4:6; 25:16

6:26^c Sam 4:6, 8; Isa 14:7; Jer 33:6; Joh 14:27

tiin.’

27 ^a“Cule Israel tefapawl parah ka hmin an puter ding ih anmah mal ka sawm hai ding,” tiah a sim.

6:27^a Dnp 28:10; 2Sam 7:23; 2San 7:14; Neh 9:10; Jer 25:29; Eze 36:23

7

Biakbûk Hlănnak

1 ^aMosi in Biakbûk dĭn a ṭhehfel ni ah hitin a si, cumi cu hriak a thih ih, cumi le a thilri hmuahhmuah le Biakṭheng le a bungbel zaten a serhhran hai, cutin cupawl cu hriak a thih hai ih a serhhran hai a si. 2 Cun Israel hotupawl a si mi, an pupápawlih sungkuapawlih lubânpawl, hnám hotupawl le mipum an siar mi uktupawl cun thilhlăn an hlan. 3 ^bCule annih in tlun khuh nei lêng paruk le caw cang hleihnih cu hotu pahnih ah lêng pakhat vivo le hotu pakhat ah caw cang pakhat ciar in Jehovah hmaiah an thilhlăn an rak keng. Cule annih in cupawl cu Biakbûk hmaiah an rak suahpi.

7:1^a Suah 30:26; 40:9-10, 17; 2San 7:9

7:3^b Sem 45:19; 1Sam 6:7-14; 1San 13:7

4 Cun Jehovah in Mosi hnenah, 5 “Hibangpawl hi Tawnawknak Puanthlam hnaṭuannak ih an hman thei nak dingah an hnen ihsin cohlang aw. Cule an rawngbawlnak zulhin Levi-mi, mi kip hnenah cupawl cu na pe pei,” tiin a sim. 6 Cule Mosi in lêngpawl le caw cang pawl cu a la hai ih, Levi-mipawl a pe. 7 Anmai rawngbawlnak mil tawkin Gershon-ih fapapawl hnenah lêng pahnih le caw cang pali a pe. 8 Cule anmai rawngbawlnak mil tawkin puithiam Aaron-ih fapa Ithamar thu hnuaiih um Merari-ih fapapawl hnenah lêng pali le caw cang pariat a pe. 9 ^aAsinan Kohath-ih fapapawl cu zianghman a pe hai lo, ziangruangahtile thil thianghlim rawngbawl hna cu anmai ta a si ih, cupawl cu an liang in an thiar.

7:9^a Mip 3:31

Hotupawl in an Thilhlănpawl an rak Keng

10 ^aBiakṭheng hriak thih a si ni ah, hotupawl in Biakṭheng hrangah apnak thilhlăn an rak hlan, cutin hotupawl in Biakṭheng hmaiah an thilhlăn an rak hlan. 11 Cule Jehovah in Mosi hnenah, “Biakṭheng apnak hrangah ni khat ah hotu pakhat ciar in an thilhlăn an hlan pei,” tiah a ti.

7:10^a Dnp 20:5; 2San 7:9

12 Cule a ni khatnak ih a Thilhlăn hlantu cu Judah hnám ihsin Amminadab-ih fapa Nahshon a si. 13 ^aAnih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit ngun cawhtawlh pakhat le shekel 70 rit ngun kheng kûm pakhat, 14 ^brimhmui thawi a khat mi shekel pahra rit sui hai dau pakhat, 15 ^cMeiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 16 ^dSual Thilhlăn dingah me pa pakhat, 17 ^ecule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Amminadab-ih fapa Nahshon-ih thilhlăn a si.

7:13^a Suah 27:3; Pui 2:1; 27:3-7

7:14^b Suah 25:6; 1Sp 7:50; 2Sp 25:14; 2San 4:22

7:15^c Suah 24:5; Pui 1:3

7:16^d Pui 4:3

7:17^e Pui 3:1

18 A ni hnihnak ah Issakar hotu, Zuar-ih fapa Nethanel in thilhlăn a rak keng. 19 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 20 rimhmui thawi a khat mi shekel pahra rit sui hai dau pakhat, 21 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 22 Sual Thilhlăn dingah me pa pakhat, 23 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Zuar-ih fapa Nethanel-ih thilhlăn a si.

24 A ni thumnak ah Zebulun-ih tefapawl hotu, Helon-ih fapa Eliab in thilhlăn a rak keng. 25 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit ngun cawhtawlh pakhat le shekel 70 rit ngun kheng kûm pakhat, 26 rimhmui thawi a khat mi shekel pahra rit sui hai dau pakhat, 27 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 28 Sual Thilhlăn dingah me pa pakhat, 29 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Helon-ih fapa Eliab-ih thilhlăn a si.

30 A ni litnak ah Reuben tefapawl hotu, Shedeur-ih fapa Elizur in thilhlăn a rak keng. 31 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi, hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 32 rimhmui thawi a khat mi shekel pahra rit, sui hai dau pakhat, 33 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 34 Sual Thilhlăn dingah me pa pakhat, 35 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Shedeur-ih fapa Elizur-ih thilhlăn a si.

36 A ni ngatnak ah Simeon-ih tefapawl hotu, Zurishaddai-ih fapa Shelumiel in thilhlăn a rak keng. 37 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 38 rimhmui thawi a khat mi shekel pahra rit, sui hai dau pakhat, 39 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 40 Sual Thilhlăn dingah me pa pakhat, 41 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Zurishaddai-ih fapa Shelumiel-ih thilhlăn a si.

42 A ni ruknak ah Gad tefapawl hotu Deuel-ih fapa Eliasaf in thilhlăn a rak keng. 43 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 44 rimhmui thawi a khat mi shekel pahra rit, sui hai dau pakhat, 45 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 46 Sual Thilhlăn dingah me pa pakhat, 47 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Deuel-ih fapa Eliasaf-ih thilhlăn a si.

48 A ni sarihnak ah Efraim tefapawl hotu, Ammihud-ih fapa Elishama in thilhlăn a rak keng. 49 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 50 rimhmui thawi a khat mi shekel pahra rit, sui hai dau pakhat, 51 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 52 Sual Thilhlăn dingah me pa pakhat, 53 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Ammihud-ih fapa Elishama-ih thilhlăn a si.

54 A ni riatnak ah Manasseh-ih tefapawl hotu, Pedahzur-ih fapa Gamaliel in thilhlăn a rak keng. 55 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 56 rimhmui thawi a khat mi shekel pahra rit, sui hai dau pakhat, 57 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 58 Sual Thilhlăn dingah me pa pakhat, 59 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Pedahzur-ih fapa Gamaliel-ih thilhlăn a si.

60 A ni kuatnak ah Benjamin-ih tefapawl hotu Gideoni-ih fapa Abidan in thilhlăn a rak keng. 61 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 62 rimhmui thawi a khat mi shekel pahra rit, sui hai dau pakhat, 63 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 64 Sual Thilhlăn dingah me pa pakhat, 65 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Gideoni-ih fapa Abidan-ih thilhlăn a si.

66 A ni hratnak ah Dân-ih tefapawl hotu Ammishaddai-ih fapa Ahiezer in thilhlăn a rak keng. 67 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 68 rimhmui thawi a khat mi shekel pahra rit, sui hai dau pakhat, 69 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 70 Sual Thilhlăn dingah me pa pakhat, 71 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Ammishaddai-ih fapa Ahiezer-ih thilhlăn a si.

72 A ni hleikhatnak ah Asher-ih tefapawl hotu Okran-ih fapa Pagiel in thilhlăn a rak keng. 73 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 74 rimhmui thawi a khat mi shekel pahra rit, sui hai dau pakhat, 75 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 76 Sual Thilhlăn dingah me pa pakhat, 77 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Okran-ih fapa Pagiel-ih thilhlăn a si.

78 A ni hleihnihnak ah Naftali tefapawl hotu Enan-ih fapa Ahira in thilhlăn a rak keng. 79 Anih in a thilhlăn cu Thlairawl Thilhlăn dingih hriak rawi mi sangvut phut a khat veve mi hmun thianghlim shekel bangtukih shekel 130 rit, ngun cawhtawlh pakhat le shekel 70 rit, ngun kheng kûm pakhat, 80 rimhmui thawi a khat mi shekel pahra rit, sui hai dau pakhat, 81 Meiur Thilhlăn dingah caw pa tûai pakhat, tuu cang pakhat le tuu fa no kum khat ti a pa pakhat, 82 Sual Thilhlăn dingah me pa pakhat, 83 cule Remnak Thilhlăn raithawinak hrangah caw cang pahnih, tuu cang panga, me pa panga le kum khat ti tuu fa no a pa panga tla an si. Himi cu Enan-ih fapa Ahira-ih thilhlăn a si.

84 Himi cu Biakṭheng hriak a thih ni ih Israel hotupawl hnen ihsin Biakṭheng hrang apnak thilhlăn a si, cupawl cu ngun cawhtawlh hleihnih, ngun kheng kûm hleihnih le sui hai dau hleihnih tla an si. 85 Ngun kheng kûm pawl cu shekel 130 an rit fingfing ih, kheng kûm pawl cu shekel 70 an rit fingfing. Hmun thianghlim shekel bangtukin ngun bungbel zaten shekel 2400 a rit. 86 Rimhmui thawi a khat mi sui hai dau hleihnih pawl cu hmun thianghlim shekel bangtukin, shekel pahra ciar an rit; sui hai dau zate ih rihnak cu shekel 120 a si. 87 Meiur Thilhlăn hrangih ṭilva hmuahhmuah cu: caw pa tûai hleihnih, tuu cang hleihnih, an Thlairawl Thilhlăn zawngah kum khat ti tuu fa no a pa hleihnih le Sual Thilhlăn hrang me pa hleihnih tla an si. 88 ^aCule Remnak Thilhlăn raithawinak hrang ṭilva hmuahhmuah cu: caw pa tûai 24, tuu cang 60, me pa 60 le kum khat ti tuu fa no a pa 60 tla an si. Himi cu Biakṭheng hriak an thih hnuih Biakṭheng hrangih apnak thilhlăn a si.

7:88^a Sem 32:14

89 ^aMosi cu Jehovah thawn beaw dingin Tawnawknak Puanthlam ih a luh tikah, Theihpinak Kuang parih Sualkhuhthawinak Hmun tlun, cherub pahnih karlak ihsin amah betu mi pakhat aw a thei, cutin Mosi cu a run bia.

7:89^a Suah 16:34; 29:42; 40:2; Sam 80:1

8

Meito Ṭhuam Rĕmfelnak

1 Jehovah in Mosi hnenah, 2 ^a“Aaron be awla a hnenah, ‘Meitopawl na rĕmfel tikah meito pasarih in Meito ṭhuam hmai lam a tlêt tengteng pei,’ tiah sim aw,” tiin a sim. 3 Cule Aaron in cuti vek cun a tuah. Jehovah in Mosi thu a pek vekin meitopawl in Meito ṭhuam hmai lam hawih dingin a rĕmfel. 4 ^bMeito ṭhuam an tuahdān cu sui ser mi in a si, a kopi ihsin a parpawl tiangin a serih ser a si. Jehovah in Mosi a rak hmuh mi pianhmang bangtukin Meito ṭhuam cu a tuah.

8:2^a Suah 25:37

8:4^b Suah 25:9, 31-40

Levi-mipawl Tithianghlimnak

5 Jehovah in Mosi hnenah, 6 ^a“Levi-mipawl cu Israel tefapawl hnen ihsin hruaisuak awla, anmah cu thianfai hai aw. 7 ^bHitin anmah thianfai dingah na tuahsak hai pei: an parah ^cthenfainak tidai theh aw, cule an takpum zaten met hai sehla, an hnipuan sawp hai seh, cutin anmah le anmah faiawter hai seh. 8 ^dCun hriak rawi mi sangvut phut ih tuah mi Thlairawl Thilhlăn thawn caw pa tûai la hai seh, cule nang in Sual Thilhlăn dingah a dang caw pa tûai na la pei. 9 ^eCule Tawnawknak Puanthlam hmaiah Levi-mipawl na hruai hai pei ih, Israel tefa umkhawm zaten na fĭnkhawmawter hai pei. 10 ^fCun Jehovah hmaiah Levi-mipawl na hruai pei ih, Israel tefapawl in Levi-mipawl parah an kut an suang pei. 11 ^gCule Jehovah-ih hna an ṭuan thei nak dingah, Aaron in Jehovah hmaiah sēp thilhlăn bangtukin, Levi-mipawl cu Israel tefapawl hnen ihsin a hlan hai pei. 12 ^hCun Levi-mipawl in caw pa tûai pawl lu parah an kut an suang pei. Levi-mipawl hrangah sualkhuhthawinak tuah dingin, nang in Jehovah hnenih Sual Thilhlăn hrangah pakhat le Meiur Thilhlăn hrangah a dang pakhat na hlan pei.

8:6^a Pui 22:2; Isa 1:16

8:7^b Sem 35:2; Pui 14:8-9; Dnp 21:12

8:7^c thenfainak tidai: Hebru ṭawng cun “Sual Thilhlăn tidai” tinak a si.

8:8^d Pui 2:1; 4:3

8:9^e Suah 29:4; 40:12; Pui 8:3

8:10^f Pui 3:2; Apo 6:6

8:11^g Suah 29:24

8:12^h Suah 29:10, 36; Pui 1:3; 4:3

13 ^a“Cule Levi-mipawl cu Aaron le a fapapawl hmaiah na dīngter hai pei, cu ṭhehin Jehovah hnenah sēp thilhlăn bangtukin, anmah cu na hlan hai pei. 14 ^bCuti vekin Levi-mipawl cu Israel tefapawl lak ihsin na rethran hai pei ih Levi-mipawl cu keimai ta an si pei. 15 Cuih hnuin Levi-mipawl cu Tawnawknak Puanthlam rawngbawl hna ah an lut ding a si. Cutin anmah cu na thianfai pei ih sēp thilhlăn hrangah na hlan hai pei. 16 Ziangahtile annih cu Israel tefapawl lak ihsin ka hnenah pek pumhlum an si zo. Annih cu sūl áwngtu Israel tefa fatir hmuahhmuah aiawhah ka hrangah ka la hai zo a si. 17 ^cZiangahtile Israel tefapawl lakih fatir hmuahhmuah milai le ṭilva an pahnih in ka ta an si. Izip ram ih fatir hmuahhmuah ka thah ṭheh ni ah khan annih cu ka hrangah ka rak serhhran hai. 18 Israel tefa fatir hmuahhmuah aiah Levi-mipawl cu ka la zo a si. 19 ^dCule Israel tefapawl in hmun thianghlim an rak naih tikah Israel tefapawl lakah hremnak a umlonak dingah, Tawnawknak Puanthlam sungah Israel tefapawl hrangih hnaṭuan dingah le Israel tefapawl hrangih sualkhuhthawinak tuahsak dingah Israel tefapawl lak ihsin Levi-mipawl cu thilpek vekin Aaron le a fapapawl ka rak pe,” tiin a sim.

8:13^a Suah 29:24

8:14^b Mip 3:12

8:17^c Suah 4:23; 13:2; 22:29

8:19^d Mip 25:11, 13

20 Cule Mosi le Aaron le Israel tefa umkhawm zaten, Levi-mipawl hnenah an tuah, cutin Israel tefapawl in Jehovah in Levi-mipawl thuhla ih Mosi thu a rak pek bangtukin an parah an tuah a si. 21 ^aCule Levi-mipawl cu an thianfaiaw ih an hnipuanpawl an sawp. Cun Aaron in Jehovah hmaiah sēp thilhlăn hrangah anmah cu a hlan hai, cule Aaron in anmah thenfainak dingah an hrangah sualkhuhthawinak a tuahsak hai. 22 Cuih hnuah Levi-mipawl cu Tawnawknak Puanthlam sungih an hna ṭuan dingah, Aaron le a fapapawl hmaiah an lut. Levi-mipawl thuhla ah Jehovah in Mosi thu a pek vekin annih in an hnenah an tuah.

8:21^a Sem 35:2

23 Cun Jehovah in Mosi hnenah, 24 ^a“Himi cu Levi-mipawl thawi pehtlaiaw mi a si. Kum 25 ihsin a tlun lam minung cu Tawnawknak Puanthlam hna rawngbawlnak ah an lut thei. 25 Cule kum 50 an tiin himi rawngbawl hna cu an cawlhsan pei ih hna an ṭuan nawn lo pei. 26 Ṭulhai mi tawlrel dingin an unaupawl zawngah Tawnawknak Puanthlam sungah rawng an bawl thei, asinan an hna kel an ṭuan ding a si lo. Hitin an ṭuanvo thuhla ah Levi-mipawl hnenah na tuah ding a si,” tiah a sim.

8:24^a Suah 38:21; 1San 23:3

9

Lanta Puai

1 ^aIzip ram ihsin an ra suah hnu a kum hnihnak thla khatnak ah Jehovah in Sinai Ramṭhing ah Mosi hnenah, 2 “Israel tefapawl in tikcu khiah mi cān ah Lanta Puai hmang hai seh. 3 ^bHimi thla a ni hleilitnak, khawthim zawng, tikcucān khiah cān ah nan hmang pei. A sakhaw dānpawl le a zīn le dān hmuahhmuah bangtukin nan hmang ding a si,” tiin a sim. 4 ^cCun Lanta Puai hmang dingin Mosi in Israel tefapawl a sim. 5 ^dCule Sinai Ramṭhing ah a thla khatnak, ni hleilitnak khawthim zawngah Lanta Puai an hmang. Jehovah in Mosi thu a rak pek bangtukin Israel tefapawl cun an tuah.

9:1^a Suah 40:2

9:3^b Suah 12:2-11, 42; Pui 23:5-8; Dnp 16:1-8

9:4^c Suah 12:11

9:5^d Suah 12:6

6 ^aMilai ruak ruangah a bawrhbangawtertu mi hrekkhat an rak um, cutin annih cun cuih ni cu Lanta Puai an hmangngah lo, cule anmah cu Mosi le Aaron hnenah cuih ni ah an ra. 7 ^bCule cupawl in a hnenah, “Milai ruak ruangah mibawrhbang ah kan rak cang. Ziangah so Israel tefapawl lakih tikcu khiah mi cān ah Jehovah-ih thilhlăn va hlăn ding dawnkhamih kan um?” tiah an ti.

9:6^a Suah 18:15; Pui 5:3; 21:11

9:7^b Mip 9:13

8 ^aCule Mosi in an hnenah, “Nan thuhla ah Jehovah ih thu in pek ding mi hna ih ka theih thei nak dingah rak hngak hrih uh,” tiah a ti hai.

9:8^a Suah 18:15; Pui 24:12; Sam 85:8

9 Cun Jehovah in Mosi hnenah, 10 ^a“Israel tefapawl hnenah, ‘Nan lakih mi pakhat khat simaw, nan tesinfa pakhat khat simaw, miruak ruangah a thiang lo, asilole lam hla ih khual a rak tlâwnghlo a si ahcun, Jehovah-ih Lanta Puai a hmang thei hrih lai ko. 11 ^bA thla hnihnak ni hleilitnak khawthim zawngah an hmang pei. Thilnu telh lo sang le thlai khâ thawn cumi cu an eicih pei. 12 ^cA thaizing tiangah pakhat hman an hlah lo pei, a ruh khal pakhat hman an khiak fawn lo pei. Lanta Puai sakhaw dān hmuahhmuah bangtukin cumi cu an thlun pei. 13 ^dAsinan mithiangfai le khualtlawng lo mi, Lanta Puai hmang lo tu cu, a mipawl lak ihsin cuih milai cu sahcat a si pei. Ziangruangahtile a tikcu khiah cān ah Jehovah-ih thilhlăn a rak keng lo, cuih milai cun amai sual a phur ding a si. 14 ^eCule nan lakih cêng ram dang mi in Jehovah-ih Lanta Puai a hmang asile, Lanta Puai sakhaw dān bangtuk le zīn le dān bangtukin a tuah tengteng pei, ram dang mi le rammi an pahnih hrangah sakhaw dān pakhat nan nei pei,’ tiin sim aw,” tiah a sim.

9:10^a 2San 30:2

9:11^b Suah 12:6, 8

9:12^c Suah 12:8, 46; Joh 19:36

9:13^d Sem 17:14

9:14^e Suah 12:19, 43

Mero le Meisa

15 ^aBiakbûk dĭn a si ni ah, Biakbûk, Theihpinak Puanthlam cu mero in a khuh, cumi cu meisa pianhmang kengin zan lam ihsin zing lam tiang Biakbûk tlunah a um ringring. 16 ^bSun ah mero in a khuh ih, zan ah meisa pianhmang kengin a khuh, cuti vek cun a um tlaitluan. 17 ^cPuanthlam tlun ihsin mero lâkso a si tinten, cumi hnuin Israel tefapawl cu an ṭhawn ṭheu. Cule mero a ṭhumawknak hmun hmun ah, Israel tefapawl cun riahhmun an sâm ṭheu. 18 ^dIsrael tefapawl cu Jehovah thupek in an ṭhawn ṭheu ih, Jehovah thupek in riahhmun an sâm. Biakbûk tlunih mero a cām sung pauh cu riahhmun ah an tâp ringring. 19 ^eNi tampi sung Biakbûk tlunih mero a campeh hmanah, Israel tefapawl cu Jehovah-ih thucah an thlun ih an ṭhawn dah lo. 20 Biakbûk tlunah ni málte sung mero a um tikah, hitin a si, Jehovah-ih thupek bangtukin riahhmun ah an tâp ih Jehovah-ih thupek bangtukin an ṭhawn ṭheu. 21 Hitin a si, zan lam ihsin zing lam tiang lawng mero a tâp ih, zingah mero lâkso a si tikah an ṭhawn. Sun a si khalle zan a si khalle mero lâkso a si tiktikah an ṭhawn. 22 ^fBiakbûk tlunah ni hnih maw, thla khat maw, kum khat maw mero a tâp khalle, Israel tefapawl cu riahhmun ah an tâp ih, an ṭhawn dah lo, asinan cumi cu lâksoh a si tikah an ṭhawn ṭheu. 23 Jehovah-ih thupek in riahhmun ah an tâp ṭheu ih, Jehovah-ih thupek in an ṭhawn. Mosi hmangih Jehovah ih thupeknak in Jehovah-ih thucah cu an thlun.

9:15^a Suah 26:30; 33:16; 38:21

9:16^b Suah 40:38

9:17^c 1Ko 10:1

9:18^d Suah 40:37

9:19^e Suah 40:37; Pui 8:35

9:22^f Suah 40:36-37

10

Ngun Tawtawrawt Pahnih

1 Jehovah in Mosi hnenah, 2 ^a“Na hrangah ngun tawtawrawt pahnih tuah aw, a serih serin na tuah hai pei, mipi umkhawm kawhnak le ralkappawl pawhsuahnak ding theihternak ah na hmang pei. 3 An pahnih in an phawt tikah mipi umkhawm zaten Tawnawknak Puanthlam luhnak ih na hmaiah an fĭnkhawmaw pei. 4 ^bAsinan pakhat lawng phawt asile, hotu a si mi Israel ralkap rual lubânpawl na hnenah an pungkhawm pei. 5 Theihternak na phawt tikah, nisuahnak lam kapih ralkappawl an păwksuak pei. 6 A vei hnihnak theihternak na phawt tikah, thlang lam kapih ralkappawl an păwksuak pei, annih in pawhsuah thawknak ding theihternak an phaw pei. 7 ^cCule mipungkhawm hmunkhat ih táwngkhawmaw ding an si tikah, nan phaw pei, asinan pawhsuahnak theihternak cu nan phaw lo pei. 8 ^dAaron-ih fapa puithiampawl in tawtawrawtpawl cu an phaw pei ih, hipawl cu nan tefa san tiangin kumkhuain nan hrangah sakhaw dān an si pei.

10:2^a Neh 4:18; 12:35; Sam 47:5; Jer 4:5, 19; Hos 5:8; Joe 2:1, 15; Amo 3:6

10:4^b Suah 18:21

10:7^c Jer 4:5; Joe 2:1; 1Ko 14:8

10:8^d Sem 9:12; 1San 15:24; 2San 13:12

9 ^a“Nan ram sungah nanmah a lo palbĕttu doral do dingih nan feh tikah, tawtawrawtpawl in ralkhēlnak nan phaw pei, cule Jehovah nan Pathian hmaika ah cīn ringring nan si ding ih, nan ralpawl lak ihsin rŭn nan si ding. 10 ^bNan lungawi ni, nan puai khiah mipawl le nan thla thawktir pawl khalah, nan Meiur Thilhlăn tlunah le Remnak Thilhlăn raithawinak tlunah nan tawtawrawtpawl nan phaw pei, cule cupawl cu nan Pathian hmaiah nanmah hngilhlonak an si ding. Keimah cu Jehovah nan Pathian ka si,” tiin a sim.

10:9^a Sem 8:1; Suah 3:9; Lai 2:18; 1Sam 10:18; 2Sp 13:4; 2San 13:12; Sam 106:4, 42

10:10^b Pui 1:3; 3:1; 23:24; 1Sam 20:5, 24; 2Sp 4:23; Sam 81:3; Isa 1:13; Eze 45:17; Amo 8:5

Pawhsuahnak

11 ^aA kum hnihnak ih a thla hnihnak ni 20-nak ah, hitin a si, Theihpinak Biakbûk tlun ihsin mero cu lâkso a rak si. 12 ^bCule Israel tefapawl cu Sinai Ramṭhing ihsin feh vivo dingin an păwksuak, cun Paran Ramṭhing ah mero a ṭhumaw. 13 ^cCutin Mosi hmangih Jehovah in thu a pek mi bangtukin a vei khatnak an păwksuak.

10:11^a Suah 38:21; 40:17

10:12^b Dnp 1:1

10:13^c Dnp 1:6

Judah Ralkappawl Pawhsuahnak

14 An ralkappawl zulhin Judah-ih tefapawlih ralkap thantar cu a hmaisabikah a păwksuak, an ralkap hotu cu Amminadab-ih fapa Nahshon a si. 15 Issakar-ih tefapawl hnám ralkap hotu cu Zuar-ih fapa Nethanel a si. 16 Cule Zebulun-ih tefapawl hnám ralkap hotu cu Helon-ih fapa Eliab a si. 17 Cun Biakbûk cu phelh a si, cule Gershon-ih fapapawl le Merari-ih fapapawl an păwksuak ih Biakbûk an thiar.

Reuben Ralkappawl Pawhsuahnak

18 Cule an ralkappawl zulhin Reuben ralkap thantar a păwksuak, an ralkap hotu cu Shedeur-ih fapa Elizur a si. 19 Simeon-ih tefapawl hnám ralkap hotu cu Zurishaddai-ih fapa Shelumiel a si. 20 Cule Gad tefapawl hnám ralkap hotu cu Deuel-ih fapa Eliasaf a si.

21 Cun thil thianghlim pawl thiar phahin Kohath-mipawl an păwksuak. An thlen hlanah Biakbûk rak tundīn cia ding a si.

Efraim Ralkappawl Pawhsuahnak

22 Cule an ralkappawl zulhin Efraim tefapawlih ralkap thantar a păwksuak, an ralkap hotu cu Ammihud-ih fapa Elishama a si. 23 Manasseh-ih tefapawl hnám ralkap hotu cu Pedahzur-ih fapa Gamaliel a si. 24 Cule Benjamin-ih tefapawl hnám ralkap hotu cu Gideoni-ih fapa Abidan a si.

Dan Ralkappawl Pawhsuahnak

25 Cun ralkappawl zate nekhawrtu Dân-ih tefapawlih ralkappawl cu an ralkappawl zulhin thantar thawn an păwksuak, an ralkap hotu cu Ammishaddai-ih fapa Ahiezer a si. 26 Asher-ih tefapawl tlunih ralkap hotu cu Okran-ih fapa Pagiel a si. 27 Cule Naftali tefapawl tlunih ralkap hotu cu Enan-ih fapa Ahira a si. 28 Cuti vek cun an pawhsuak tikih an ralkappawl zulhin Israel tefapawl an ralṭhuang fehsuahdān cu a si.

Mosi-ih Pu

29 ^aCun Midian-mi, Mosi-ih pu Reuel-ih fapa Hobab hnenah Mosi in, “Jehovah in, ‘Ka lo pe ding,’ tiih in ti mi hmun kan pan rero, kan zawngah ra ve awla ṭha zetin kan lo kilkhawi ding, ziangahtile Jehovah in Israel hnenah thil ṭha pawl a rak tiamkam sokhaw,” tiah a ti.

10:29^a Suah 2:18; 3:1; Lai 4:11

30 ^aCule anih in a hnenah, “Ka feh lo ding, ka ram le ka sungkhatpawl hnenah ka păwksuak sawn ding,” tiah a ti.

10:30^a Suah 18:27

31 ^aCule Mosi in, “Cuti asile ramṭhing ah khuiah riahhmun kan sâm ding ti na theihngah tiang zangfahten in tlansan hlah aw, cule nang cu kan mit na si ding. 32 ^bCule kan zawngih na feh asile, hitin a si ding, Jehovah in kan parih a tuah ding mi thil ṭha pauhpauh cu bangrepin na parah kan tuah ding,” tiah a ti.

10:31^a Job 29:15

10:32^b Suah 12:48; Dnp 10:18; Sam 22:27-31

33 ^aCule annih cu Jehovah-ih tlang ihsin an păwksuak ih ni thum sung an feh, cule an hrangih cawlhhmun hawlsak dingin, Jehovah-ih Thukham Kuang cu an hmaiah ni thum feh tiang a feh. 34 Cule riahhmun khuarnak ihsin an fehsuak tikah Jehovah-ih mero cu sun ah an tlunah a um. 35 ^bHitin a rak si ṭheu, Kuang a pawhsuak tinten, Mosi in,

10:33^a Dnp 1:33; 10:8; Jos 3:3; Lai 20:27; Sam 132:8

10:35^b Dnp 5:9; Lai 5:31; 1Sam 2:1; Sam 17:13; 68:1-2; Isa 17:12-14; 59:18

“Tho law, Maw Jehovah!
Na ralpawl cu ṭekdarh hai sehla,
Nangmah huatupawl cu na hmaiah tlân hai seh,”

tiah a ti.

36 ^aCule a cawlh tikah anih in,

10:36^a Sem 15:5; Dnp 1:10; Neh 9:23

“Ra kirsal aw, Maw Jehovah,
Israel mipi thawngza tampi hnenah hin,”

tiah a ti ṭheu.

11

Jehovah Meisa

1 ^aMipi an phunzai tikah Jehovah a lung a awi lo, ziangahtile cumi cu Jehovah in a hna in a thei ih a thinhengnak a alhin a alh. Cun an lakah Jehovah-ih meisa a kāng ih riahhmun pawnsa pawl hrekkhat a kāng hai. 2 ^bCun Mosi hnenah mipi an au, cule Jehovah hnenah Mosi thla a cam ih meisa cu a mit. 3 ^cCun an lakah Jehovah-ih meisa a kăng ruangah, cuih hmun cu ^dTaberah tiah hmin a sak.

11:1^a Suah 14:11; Pui 10:2; Dnp 1:34; Sam 78:63; Isa 26:11; Ṭah 3:39

11:2^b Sem 20:7; Dnp 9:19-20; 1Sam 2:25; Jon 2:1

11:3^c Dnp 9:22; Job 1:16; Isa 10:17

11:3^d Taberah: Hi mi cu “a kāng” ti mi ṭawngfáng ihsi ra a si.

Manna ruangih Phunzainak

4 ^aAn lakih kahpia mipi cu a nasa zet mi câkhiarnak in an khat, Israel tefapawl khal an ṭapsal ih, “Zo in so sa ei ding in pe ding? 5 ^bIzip ram ih ngasa man loih kan ei mi, fanghmapawl, dawnfawhpawl, purunpawl, khasuan sen pawl le khasuan rang pawl kan máng a si, 6 ^catu-ah kan pumhlum in a car ṭheh zo, manna siarlo kan mithmuh ah zianghman an um lo lawlaw,” tiah an ti.

11:4^a Suah 16:3

11:5^b Suah 16:3

11:6^c Suah 16:14

7 ^aManna cu ^bnānnān ci vek a si ih, a răwng cu ^cbdellium răwng vek a si. 8 ^dMipi an vâkkual ih manna cu an sarkhawm, rial lungpawl in an rial, asilole sum ah an phăwm ih, khēng dau pawl in an suang, cule sang per ah an tuah, a thawtdān cu hriak thawi tuah mi vek a si. 9 ^eCule zan ah riahhmun khuarnak ih dai a tlak tikah manna cu a tla ve.

11:7^a Sem 2:12; Suah 16:14, 31

11:7^b nānnān: Thlai phun khat a si ih, Mediṭerenian tipi kap tluan le Israel ram nisuahnak lam rampawl ih um a si. Cuih thlaikung cun pangpar var fate zet le sen dâng nawn a nei; a ci cu rimhmui hrangih hman a si.

11:7^c bdellium: Thing hnai phun khat a si ih a răwng cu a var nawn, a rim a hmui zet.

11:8^d Suah 16:16-18

11:9^e Suah 16:13

10 Cun mipi cun a hrin a hrin in mi kip anmai puanthlam luhnak ah an ṭap celcel ti Mosi in a hna in a thei, cule Jehovah-ih thinhengnak cu nasa zetin a alh, Mosi mithmuh khalah thil ṭha lo a si. 11 ^aCutin Mosi in Jehovah hnenah, “Ziangah so na siahhlawh hi na zawnzaiter? Ziangah so na mithmuh ah duhsaknak ka co lo? Hi mipi zate ih phur cu ka parah na ṭhum zo. 12 ^bHi mipi hmuahhmuah hi ka vun hai maw si? Anmah cu ka hring hai maw si? An pupápawl hnenah sesăm ih na tiamkam mi ram ah, ‘Nau pawmtu in nau hnawi fawp lai a pawm bangin na ṭāngnêm ah pawm aw,’ tiih ka hnenih na ti? 13 ^cHih mipi hmuahhmuah pek ding sa cu khuiah so ka hmuh ding? Ziangahtile annih cun ka tlunah, ‘Kan ei ding sa in pe aw,’ tiin an ṭap. 14 ^dKeimah lawng cun hi mipi hmuahhmuah hi ka phur thei lo ding, ziangruangahtile ka hrangah phur hi a rit tuk. 15 ^eNang in hi vekih i sawisa ding a si ahcun, zangfahten i that lohli awla, na mithmuh ih duhsaknak ka co asile, thinpih mangbangnak i táwngter hlah aw!” tiah a ti.

11:11^a Sem 34:30; Suah 5:22

11:12^b Sem 12:7; Suah 13:5; Isa 40:11

11:13^c Joh 6:5-9

11:14^d Suah 18:18

11:15^e Suah 32:32; 1Sp 19:4; Isa 38:12; Jon 4:3

Upa 70

16 ^aCule Jehovah in Mosi hnenah, “Mipi parih hotu le mipi lakih upa siih na theih mi Israel upa pacang 70 ka hnenah rak khawm aw. Nangmah thawi dīngtlâng dingin Tawnawknak Puanthlam ah rak hruai hai aw. 17 ^bCun ka rung ṭum pei ih cu tawkah ka lo be ding. Na parih Thlarau hrekkhat ka la ding ih an parah ka ret ding, nangmah te lawngih na phurhlonak dingah, annih in mipi phur an phur ve ding a si. 18 ^cCun mi senpi hnenah nang in, ‘Thaizing hrangah tithianghlimaw uh, cule sa nan ei ding, ziangahtile Jehovah theihah, “Zo in so ei ding sa in pe ding? Izip ah cun kan rak nuam tuk nan si khawh,” tiin nan rak ṭap. Curuangah Jehovah in sa a lo pe ding ih nan ei ding. 19 Ni khat, ni hnih, ni nga, ni hra, asilole ni 20 simaw lawng nan ei lo ding, 20 ^dnan hnar kua ihsin a pâwtsuak le nan hrangih luaksuak umzaih a can hlanlo a thla pumpi in nan ei ding. Ziangruangahtile nan lakih um Jehovah cu nan rak hnáwng ih a hmaiah ṭapin, “Ziangah so Izip ihsin kan rak suah?” tiin nan ti,’ tiah na ti pei,” tiah a ti.

11:16^a Suah 3:16; 18:25

11:17^b Suah 19:20; 1Sam 10:6; Isa 32:15; Joe 2:28; Hag 2:5

11:18^c Suah 19:10; Apo 7:39

11:20^d Pui 26:43; Jos 24:27; Lai 8:23; 1Sam 10:19; Job 20:13, 23; 31:28; Sam 78:29; Isa 59:13; Hos 13:11

21 ^aCule Mosi in, “Ka umpi mi, mi senpi cu ke ralkap thawng zaruk an si, cu cingin ‘Thla khat pumpi an ei dingah sa ka pe ding,’ tiah na ti! 22 ^bAn daih tawk pe dingin an hrangah ranpi rual le rante rual thah an si ding maw si? Asilole anmah daih tawk pe dingin tifinriat ih nga zaten fĭnkhawm an si ding maw si?” tiah a ti.

11:21^a Suah 12:37

11:22^b Mat 15:33

23 ^aCule Jehovah in Mosi hnenah, “Jehovah-ih kut cu tawiter a simaw si? Atu-ah ka kamsuakthu na parah a thleng taktak maw taktak lo ti na hmu ding,” tiah a ti.

11:23^a 1Sam 15:29; Isa 50:2; Eze 12:25

24 Cule Mosi cu a va suak ih mipi hnenah Jehovah-ih kamsuakthupawl a va sim hai, cule mipi upapawl lakih pacang 70 pawl cu a kokhawm ih Puanthlam kimvelah a ret. 25 ^aCun mero sungin Jehovah a rung ṭum ih amah cu a run bia, cule a parih Thlarau hrekkhat a lâk ih upapawl lakih pacang 70 pawl parah a ret, cule hitin a rak cang, an parih Thlarau a ṭhumawk tikah thu an phuang, asinan cu vekin an phuang leh sal nawn cuang lo.

11:25^a Suah 19:9; Lai 3:10; Apo 2:17

Eldad le Medad

26 ^aAsinan pacang pahnih cu riahhmun khuarnak ah an tâp lan ta, pakhat ih hmin cu Eldad a si ih, a dang pakhat ih hmin cu Medad a si. Cule an parah Thlarau a ṭhumaw. Annih cu hmin ngan mipawl lak ihta an si, asinan Puanthlam sungah an va feh lo, cuti cingin riahhmun khuarnak ah thu an phuang rero. 27 Cule Mosi hnenah tlangval pakhat a va tlân ih a hnenah, “Eldad le Medad cu riahhmun ah thu an phuang rero sokhaw,” tiah a sim.

11:26^a 1San 12:18; Thu 1:10

28 ^aCun a hril mi pacangpawl lakih pakhat, Mosi bawmtu, Nun-ih fapa Joshua in a sawn ih a hnenah, “Ka bawipa Mosi, annih cu dawn hai aw!” tiah a ti.

11:28^a Suah 24:13; 33:11; Jos 1:1; 14:10

29 ^aCun Mosi in a hnenah, “Keimah aiawhin na thîk maw si? Jehovah-ih mi zaten profet si hai sehla, Jehovah in an parah a Thlarau ret sehla ka va ti em!” tiah a ti. 30 Cule Mosi cu amah le Israel upapawl thawn riahhmun khuarnak ah a kir.

11:29^a 1Sam 10:5; 2San 24:19; Jer 7:25

Jehovah in Vanîm a Pe

31 ^aJehovah hnen ihsin thli a ra hrang, cule tifinriat ihsin vanîm a rak hranpi ih, hi lamah ni khat feh hrawng, khat lamah ni khat feh hrawng, riahhmun khuarnak kimvel hmuahhmuah ah lei hmai ihsin dawng hnih tluk sangin riahhmun khuarnak kiangah an ṭum. 32 Cule mi senpi cu cuih ni sunvu, zanvar le a thaisun sunvu an ding ih vanîm cu an khawm, a khawm malbik in ^bhomer pahra an khawm. Cule riahhmun khuarnak kimvel hmuahhmuah ah an pharh ciamco. 33 ^cAsinan an hâ karlakih sa a um lai, an ṭhial man hlanah mi senpi dokalhin Jehovah-ih thinhengnak cu a alh, cule Jehovah in a nasa zet mi hremnak in mi senpi cu a vuak hai. 34 ^dCule cu tawkih mihrăwngpawl an phum ruangah, cuih hmun cu ^eKibroth Hattaavah tiah hmin a sak. 35 Mipi cu Kibroth Hattaavah ihsin Hazeroth ah an ṭhawn, cule Hazeroth ah riahbûk an sâm.

11:31^a Suah 16:13; Sam 78:26-28; 105:40

11:32^b homer: Pui 27:16 simfiangnak zoh aw.

11:33^c Dnp 9:7; Lai 2:12; 2Sp 22:17; Sam 78:30; 106:29; Isa 10:16; Jer 44:3; Eze 8:17

11:34^d Dnp 9:22

11:34^e Kibroth Hattaavah: “Mihrăwngpawl thlān” tinak a si.

12

Aaron le Miriam Vuivainak

1 ^aKush-mi nunau a ṭhit ruangah, Miriam le Aaron in Mosi an mawhsiat, ziangahtile anih in Kush-mi nunau a rak ṭhi. 2 ^bCun annih in, “Jehovah in Mosi lawng hmangin maw thu a rel taktak? Kanmah hmang khalin thu a rel ve lo maw si?” tiah an ti. Cule cumi cu Jehovah in a hna in a thei. 3 ^c(Mosi ti mi pa cu mităngdawr tuk a si, leilung vangdâp parih milai hmuahhmuah hnakin a tăngdawr cuang.)

12:1^a Suah 2:21; 15:20

12:2^b 2Sp 19:4; Eze 35:12-13; Mik 6:4

12:3^c Mat 11:29

4 Hmakhatteah Jehovah in Mosi, Aaron le Miriam tepawl hnenah, “Nannih pathum kha Tawnawknak Puanthlam ah ra suak uh,” tiah a ti. Cun an pathum in an ra suak. 5 ^aCun Jehovah cu mero ṭhuam lakah a rung suk ih Puanthlam luhnak ah a ding, cule Aaron le Miriam a run ko. Cule an pahnih in hmaiah an ra. 6 ^bCun anih in,

12:5^a Suah 13:21

12:6^b Sem 15:1; 20:3; 1Sam 3:7, 21; Mat 27:19; Heb 1:1

“Ka kamsuakthupawl ngai hnik uh,
Nan lakah profet a um asile,
Kei Jehovah in larawknak in a hnenah ka theihawter ṭheu,
Mang in a hnenah ka ṭawng ṭheu.
7 ^aKa siahhlawh Mosi hnenah cun cuvek a si lo,
Anih cu ka sungkua zate lakah a rinum a si.
8 ^bHmaităwnin a hnenah ka ṭawng ṭheu, ṭawng thûk si loin, fiang zetin,
Cule anih cun Jehovah-ih pianhmang a hmu.
Ziangah so ka siahhlawh mawhsiat ding ṭih loih nan um?”

12:7^a Dnp 34:5; Jos 1:12; Sam 105:26; Heb 3:2, 5

12:8^b Suah 24:2; Job 19:26; Sam 17:15; Isa 6:1

tiah a ti.

Miriam a Phâr

9 ^aJehovah-ih thinhengnak cu an parah a alh ih anih cu a fehsuak. 10 ^bCule Puanthlam tlun ihsin mero a kianhloh tikah, ngai hnik, Miriam cu vur vekih varin a phâr. Cun Miriam lamah Aaron cu a va hawi, cule ngai hnik, anih cu a rak phâr! 11 ^cCule Aaron in Mosi hnenah, “Maw, ka bawipa! Â zetih kan rak tuah mi le kan rak sualnak ah zangfahten hi sualnak hi kan parah ret hram hlah aw. 12 Amah nu cu a nuih sūl sung ihsin a rak suah tikih a taksa hrek a se mi mithi vekah cangter hram hlah,” tiah a ti.

12:9^a Sem 17:22; Suah 4:14

12:10^b Suah 4:6; 40:2; Dnp 24:9; 2Sp 5:1, 27; 2San 16:12

12:11^c 2Sam 19:19

13 ^aCule Mosi cu Jehovah hnenah, “Maw Pathian, ka lo ngen a si, amah nu hi damter hram aw,” tiin a au.

12:13^a Suah 15:26; Hos 6:1

14 ^aCun Jehovah in Mosi hnenah, “A pa in a hmaiih cil a phui men lawng hmanah ni sarih sung ningzakin a um ding a si lo maw? Amah nu cu riahhmun khuarnak ihsin ni sarih sung suah si seh, cule cuih hnuah anih cu cohlan a sisal ding,” tiah a ti. 15 ^bCule Miriam cu riahhmun khuarnak ihsin ni sarih sung suahter a si ih, Miriam hruailuhsal a si hlanlo mi senpi cu an feh lo. 16 ^cCule cuih hnuin mi senpi cu Hazeroth ihsin an ṭhawn ih Paran Ramṭhing ah riahhmun an sâm.

12:14^a Pui 13:46; Dnp 25:9; Job 17:6; Isa 50:6

12:15^b Pui 13:4; 14:8

12:16^c Sem 21:21

13

Thlingthlatu Hleihnih Thlahnak

1 Jehovah in Mosi hnenah, 2 ^a“Israel tefapawl ka pek mi Kanaan ram ah thlingthla dingin milai thlah hai aw, an lakih hotu pakhat fingfing an pupápawlih hnám pakhat ciar ihsin mi pakhat na thlah pei,” tiin a sim. 3 ^bCule Mosi in Jehovah-ih thupek bangtukin cupawl cu Paran Ramṭhing ihsin a thlah hai. An zaten Israel tefapawlih hotu pacang an si.

13:2^a Pui 14:34; 24:11; Dnp 1:22; Jos 1:3

13:3^b Mip 12:16; 32:8

4 Cule hipawl hi an hmin a si: Reuben hnám ihsin Zakkur-ih fapa Shammua, 5 Simeon hnám ihsin Hori-ih fapa Shafat, 6 ^aJudah hnám ihsin Jefunneh-ih fapa Kaleb, 7 Issakar hnám ihsin Joseph-ih fapa Igal, 8 Efraim hnám ihsin Nun-ih fapa Hoshea, 9 Benjamin hnám ihsin Rafu-ih fapa Palti, 10 Zebulun hnám ihsin Sodi-ih fapa Gaddiel, 11 Joseph hnám ihsin, cumi cu Manasseh hnám ihsin a si, Susi-ih fapa Gaddi, 12 Dan hnám ihsin Gemalli-ih fapa Ammiel, 13 Asher hnám ihsin Maikal-ih fapa Sethur, 14 Naftali hnám ihsin Vofsi-ih fapa Nahbi, 15 Gad hnám ihsin Maki-ih fapa Geuel tla an si. 16 ^bHipawl cu ram thlingthla dingih Mosi in a thlah mi pacangpawlih hmin an si. Cule Mosi in Nun-ih fapa Hoshea cu Joshua tiah hmin a sak.

13:6^a Dnp 1:36; Lai 1:12-15

13:16^b Dnp 32:44

17 ^aCun Mosi in Kanaan ram thlingthla dingin annihpawl cu a thlah hai ih an hnenah, “Himi lamzin ihsin Negev ah hung so uhla, tlang ah kaiso uh, 18 cule ram cu ziang a bang ti va zoh uh, a sungih cêng mi senpi an cak maw cak lo, an tam maw an mál, 19 an cēnnak ram cu a ṭha maw a sia, an luah mi khuapawl cu riahhmun khuarnak vek men maw ral hruangkulh nei saw an si, 20 ^bram cu a lian maw a farah, thing rûl a simaw si lo ti va zoh uh. Ralṭha zetin um uhla, a ram thingthei rah hrekkhat rak la uh,” tiah a ti. Cuih tikcu cu sabit cût hmaisabik cān a si.

13:17^a Sem 12:9; Dnp 1:7; Jos 9:1; 14:7; Lai 1:9

13:20^b Dnp 1:25; Neh 9:25, 35

21 ^aCutin annihpawl cu an feh ih Zin Ramṭhing ihsin Hamath luhnak kiang Rehob tiangin ram cu an thlingthlasuak ṭheh. 22 ^bCule Negev an fángsuak ih Hebron ah an ra. Cu tawkah Anak cithlah Ahiman, Sheshai le Talmai tepawl an um. Hebron cu Izip ram ih Zoan dĭn hlan kum sarih ah dĭn a si. 23 ^cCun Eshkol Hawrkuam ah an ra ih sabit hnge bawr khat an satthla, zawnfung in mi pahnih in an zâwn. Talê rah le theipi khal an rak phur. 24 Israel tefapawl in cu tawkih sabit bawr an sahthlak ruangah cuih hmun cu ^dEshkol Hawrkuam tiah hmin an sak. 25 ^eCule annihpawl cu ni 40 hnuah ram an thlingthlaknak ihsin an ra kirsal.

13:21^a Jos 15:1; Lai 3:3; Jer 52:9; Amo 6:14

13:22^b Jos 5:14; 11:21; Lai 1:10; Eze 30:14

13:23^c Suah 28:33; Dnp 8:8; Neh 13:15

13:24^d Eshkol: “Sabit bawr” tinak a si.

13:25^e Sem 7:4

Mosi hnenih Thawngthannak

26 ^aCule annihpawl cu an păwk ih Paran Ramṭhing ih Kadesh hmun ah Mosi le Aaron le Israel tefa umkhawm zate hnenah an ra kirsal. Annih in anmahpawl le mipi umkhawm zate hnenah thuhla an rak thlen ih a ram thingthei rahpawl tla an hmuh. 27 ^bCun annih in a hnenah, “In thlahnak ram ah cun kan va feh. A ram cu hnawi ti le khuai tizu a luang ngaingai, cule himi hi a thingthei rah cu a si. 28 ^cCuti si khal sehla a ram ih cêng mipawl cu an cak tuk, an khuapawl cu kulh hnget nei an si ih an tûm tuk lawmmam. Cuihhleiah cu tawkih Anak cithlahpawl tla kan va hmu. 29 ^dNegev ah Amalek-mipawl an cêng, tlang rampawl ah Heth-mipawl, Jebus-mipawl le Amor-mipawl an cêng, cule Kanaan-mipawl cu tifinriat kapah le Jordan tiva kap tluanah an cêng,” tiah an ti.

13:26^a Sem 14:6-7; Dnp 1:25

13:27^b Suah 3:8; Dnp 1:25; Jer 2:7

13:28^c Dnp 1:28; Jos 14:12

13:29^d Sem 10:15; 14:7; Suah 17:8; Mip 14:43

30 Cun Kaleb in mi senpi cu Mosi hmaiah daiten a umter hai ih an hnenah, “Hmakhatteah hung so uhsi la, cuih ram cu hung la uhsi, ziangahtile cumi cu kan neh thei tuk ding,” tiah a ti hai.

31 ^aAsinan a zawngih a hung sotu pacangpawl in, “Cuih mi senpi do dingin kan so thei lo, ziangahtile annihpawl cu kannih hnakin an caksawn a si,” tiah an ti. 32 ^bCule an hung thlingthlak mi ram thuhla cu a se zawngin Israel tefapawl an sim ih, “Kan hung feh ih kan thlingthlaksuak mi ram cu a luahtupawl eirál ṭheh tu a si ih, kan hmuh mi mipi zaten mitumpi pi an si. 33 ^cCu tawkah mimangkawngpawl kan va hmu, Anak cithlahpawl cu mimangkawngpawl thlah an si; cule kharbawk vek fangin kan hmu-aw ih, annih khal in cuvek cun in hmu,” tiah an ti.

13:31^a Dnp 9:1; Jos 14:8

13:32^b Dnp 1:28; Eze 36:13; Amo 2:9

13:33^c Jos 11:22; Ths 12:5; Isa 40:22

14

Israel Helnak

1 ^aMipi umkhawm zate in an aw suahin an au ih, cuih zan cu mi senpi an ṭap ciamco. 2 ^bCule Israel tefa zate in Mosi le Aaron an mawhthluk ih an hnenah mipi umkhawm zate in, “Izip ram ih kan rak thih men lo cu aw! Asilole hi ramṭhing ah hin kan rak thih men lo ee! 3 ^cKan nupipawl le kan fanau tete pawl mi ih thiarhloh men dingah ziangah so Jehovah in ralnâm ih tlu dingih hi ram ih in hruai? Izip ram ih kirsal hi kan hrangah a ṭhasawn lo ding maw?” tiah an ti. 4 ^dCule annih cu pakhat le pakhat, “Hruaitu hril uhsi la, Izip ah kir uhsi,” tiah an tiaw.

14:1^a Sem 27:38; Suah 33:4; Dnp 1:45

14:2^b Suah 15:24; Heb 3:16

14:3^c Sem 34:29; Suah 5:21; Dnp 1:39

14:4^d Neh 9:17

5 ^aCun Mosi le Aaron cu Israel tefa umkhawm pungkhawm zate hmaiah an băwkkhup. 6 ^bAsinan ram va thlingthlasuaktu lakih tel Nun-ih fapa Joshua le Jefunneh-ih fapa Kaleb cun an hnipuan an thlek. 7 ^cCule annih in Israel tefa umkhawm zate hnenah, “Thlingthla dingih kan va fansuah mi ram cu ram ṭha tuk a si. 8 ^dKan parah Jehovah a lungsi ahcun, hnawi ti le khuai tizu luannak ram, himi ram sungah in hruailut ding ih, cumi cu kanmah in pe ding. 9 ^eJehovah lakah hél loin rammipawl cu ṭih fawn lo phawt sehla, ziangahtile anmah cu kan rawl an si. An ^fhumhimawknak in a suahsan hai zo ih, kan hnenah Jehovah a um. Anmah cu ṭih hlah uh,” tiah an ti.

14:5^a Jos 5:14; Eze 1:28

14:6^b Ezr 9:3; Est 4:1; Mar 14:63

14:7^c Dnp 1:25

14:8^d Dnp 7:8; Thf 11:20

14:9^e Dnp 1:26, 30

14:9^f humhimawknak: Hebru ṭawng ah cun “thlahlim” a si ih, humhimnak hmuhsaknak thlahlim a si.

10 ^aCule mipi umkhawm zate in lung in kan lo deng ding tiah an ti. Cun Israel tefa zate hmai, Tawnawknak Puanthlam sungah Jehovah-ih ropitnak a rung lang.

14:10^a Suah 17:4; 24:16

Mipi hrangah Mosi Thla a Cam

11 ^aJehovah in Mosi hnenah, “Hi mi senpi hin ziangtik tiang so in hnawn ding? Hminsinnak zaten an lakah tuah cingin, ziangtik tiang so in zum lo ding? 12 ^bNathri sia rapthlak zetin ka vaw hai ding ih ro ka coter hai lo ding, cule anmah hnakih ropisawn le caksawn miphun ah ka lo tuah ding,” tiah a ti.

14:11^a Suah 3:20; 23:21; Dnp 1:32; 9:23; Joh 3:15; Heb 3:18

14:12^b Suah 5:3; 32:10; Dnp 9:14; Sam 109:13

13 ^aCule Mosi in Jehovah hnenah, “Anmai lak ihsin hi mi senpi hi na cahnak in na hruaisoh mi an si. Asinan na vuak hai thu cu Izip-mipawl in an thei ding ih, 14 ^bannih in cumi cu hi rammipawl hnenah an sim ding. Nang, Jehovah cu hi minungpawl lakah na um ti le, Jehovah, nangmah cu hmaităwnin an lo hmu zo ih an tlunah na mero a ding, cule sun ah mero ṭhuam in, zan ah meisa ṭhuam in, an hmaiah na feh ti annihpawl hin an hna in an thei zo. 15 Hi mi senpi hi mi pakhat tluk fangih na thah ṭheh asile, na thuhla a rak theitu miphun dang pawl in, 16 ^c‘Anmah pe dingih sia a săm mi ram ah hi mi senpi hi Jehovah in a hruailut thei lo ruangah a si, curuangah anmah cu ramṭhing ah a that hai,’ tiin an lo ti ding. 17 Cule atu-ah ka lo ngen a si, ka Bawipaih thiltitheinak cu ropi seh law, nangmah in, 18 ^d‘Jehovah cu mithinsau le zahngaihnak ngah mi, mawhsualnak le dān pahbălnak ngaidamtu a si, asinan ziangti lam khalih mawhnak luatter dah lo, tefapawl parah san thum san li tiang palepawlih mawhsualnak lehrūltu a si,’ tiin na rak ti zo kha! 19 ^eIzip ram ihsin atu tiang rori hi mi senpi na ngaidam vekin, na zahngainak ropi zet zulhin, ka lo ngen a si, hi mipipawlih mawhsualnak hi ngaidam hram aw,” tiah a ti.

14:13^a Suah 32:11-14; Sam 106:23

14:14^b Suah 15:14; 33:16; Dnp 5:4; Jos 2:9

14:16^c Suah 32:12; Jos 7:7

14:18^d Suah 20:5; Sam 145:8; Jon 4:2; Jam 5:11

14:19^e Suah 34:9; Sam 85:2

20 ^aCun Jehovah in, “Na ṭawngkam bangtukin ka ngaidam hai a si, 21 ^basinan keimah ka nun taktak vekin, leilung pumpuluk ah Jehovah-ih ropitnak cu a khat taktak ṭheh ding. 22 ^cZiangruangahtile ka ropitnak le Izip ram le ramṭhing ih ka tuah mi hminsinnakpawl a hmu zo tu le vei hra lai i hniksak ih ka thu lung duh lo tu hi milaipawl hmuahhmuah hin, 23 ^dan pupápawl hnenih sia ka rak săm zo mi ram cu an hmu hrimhrim lo ding ih, in hnáwngtu pauhpauh khal in cumi cu an hmu fawn lo ding. 24 ^eAsinan ka siahhlawh Kaleb cu thinlung danglam a neih ruangah le pumhlum in keimah i thlun ruangah a va fehnak ram ah cun ka hruailut ding ih a cithlahpawl in ram cu ro ah an co ding. 25 ^fAtu-ah phaikuam ah Amalek-mipawl le Kanaan-mipawl an cêng. Thaizing ah her uhla, Tipi Sen zin lamin ramṭhing ah ṭhawnlut uh,” tiah a ti.

14:20^a Suah 34:6; Mik 7:18-20

14:21^b Dnp 32:40; Hab 2:14

14:22^c Suah 14:11; Sam 81:7; 1Ko 10:5

14:23^d Dnp 1:34; Sam 95:11

14:24^e Dnp 1:36; Jos 14:8; Sam 25:13

14:25^f Sem 10:18; 14:7; Suah 23:31; Dnp 1:40; 1Sp 9:26

Mihélpawl an Thi

26 Cule Jehovah in Mosi le Aaron hnenah, 27 ^a“Keimah i mawhthluktu hi miṭha lo mipi umkhawm hi ziangtik tiang so ka zāwi hai ding? Ka parih Israel tefapawl ih an tuah mi phunzainak cu ka hna in ka rak thei a si. 28 An hnenah Jehovah in, ‘Ka nun rori vekin, ka hnatheih ih nan rel vek rori in nan parah ka tuah ding a si. 29 ^bKum 20 ihsin a tlun lam, nan mipum zate ih siar mi nan zaten, keimah i mawhthluktu nan ruangpawl cu hi ramṭhing ah an rīl ṭheh ding a si. 30 ^cKa lo cêngter hai ding a si tiih ^dsia ka săm mi ram ah, Jefunneh-ih fapa Kaleb le Nun-ih fapa Joshua siarlo, ziangti lamlam hmanin nan lut lo ding. 31 ^eAsinan mi ih thiarhloh men mi an si ding, tiih nan ti mi nan fanau tete pawl cu ka hruailut hai ding ih nan hnawn mi ram cu an theingah ding. 32 Asinan nannih tu cu, hi ramṭhing ah nan ruak an rīl ṭheh ding. 33 ^fCule ramṭhing ah nan ruak an ziam ṭheh hlanlo nan fapapawl cu ramṭhing ah kum 40 sung tuu khāltu ah an cang ding ih nanmai rinumlonak man an tuar ding. 34 Ram nan va thlingthlak ni zat zulhin, ni 40 cu, ni khat hrangah kum khat ciar in kum 40 sung nan mawh nan tuar ding ih, ka lo hnawnnak nan thei ding. 35 ^gHimi hi keimah Jehovah in ka rel zo a si. Keimah dokalhih hmunkhat ih fĭnkhawmaw hi miṭha lo mipi umkhawm parah cutiin ka tuah taktak ding a si. Hi ramṭhing ah hin an hloral ṭheh ding ih, cu tawkah an thi ṭheh ding,’ tiah a ti,” tiin a sim hai.

14:27^a Suah 16:12; Dnp 1:34-35

14:29^b Suah 30:12; 1Ko 10:5; Heb 3:17; Jud 1:5

14:30^c Suah 6:8; Dnp 32:40; Neh 9:15; Eze 20:5

14:30^d sia ka săm: A ṭawng hrampi ah “ka kut ka phar” ti a si.

14:31^e Pui 26:43; Dnp 1:39

14:33^f Suah 16:35; Apo 13:18; Heb 3:9

14:35^g Mip 14:27

36 Curuangah ram thlingthla dingin Mosi in a thlah mi pacangpawl, rak kirsal tahratih ram thuhla cu a se zawngih thlennak in amah mawhthluk dingin mipi umkhawm hmuahhmuah tuahtupawl, 37 ^aram thuhla ah thu sia a thlentu pacangpawl rori cu Jehovah hmaiah hremnak in an thi. 38 ^bAsinan ram va thlingthla dingih va fehtu pacangpawl lakah Nun-ih fapa Joshua le Jefunneh-ih fapa Kaleb cu an nung.

14:37^a Dnp 4:3; 1Ko 10:10; Heb 3:17

14:38^b Jos 14:6

39 ^aCun Mosi in hi thupawl hi Israel tefapawl zate hnenah a sim ih, mi senpi cu nasa zetin an ṭap ciamco. 40 ^bCule zingpit teah an tho ih tlang zimah an hung kai, cule annih in, “Ngai hnik, hi tawkah kan um e, Jehovah in in tiamkam mi hmun ah cun kan hung so ding, ziangahtile kan rak sual zo a si!” tiah an ti.

14:39^a Suah 33:4

14:40^b Suah 9:27

41 ^aCule Mosi in, “Ziangah so Jehovah-ih thupek nan pahbăl? Nan thil tum cu a hlawhtling lo ding. 42 ^bHung so hlah uh, culole nan ralpawl in an lo neh pang ding, nan lakah Jehovah a um si lo. 43 ^cNan hmaiah Amalek-mipawl le Kanaan-mipawl an um si ih, ralnâm in nan thi ding, Jehovah hnen ihsin nan pial zo ruangah, nan hnenah Jehovah a um lo ding,” tiah a ti hai.

14:41^a 2San 24:20

14:42^b Dnp 1:42

14:43^c Sem 39:23; Dnp 31:8; Jos 6:27; Lai 1:19; 3:13; 1Sam 3:19; 2San 1:1

44 ^aAsinan annih cun tlang zim ih soh an tumruh thotho. Cuti si khal sehla Jehovah-ih Thukham Kuang siseh, Mosi khal siseh riahhmun khuarnak ihsin an păwksuak ve lo. 45 ^bCun cuih tlang ih a cêng mi Amalek-mipawl le Kanaan-mipawl an rung suk ih anmah cu an run do, cule Hormah tiang an run neh hai.

14:44^a Dnp 1:43

14:45^b Dnp 1:44; Jos 12:14; Lai 1:17; 1Sam 30:30; 1San 4:30

15

Meisa ih Ur Mi Thilhlăn

1 Jehovah in Mosi hnenah, 2 ^a“Israel tefapawl be awla, an hnenah, ‘Ka lo pek mi, nan luah ding mi ram nan thlen tikah, 3 ^branpi rual le rante rual lak ihsin Jehovah hnenih rimthaw tuah dingah, thutiam tlamtlingter dingin simaw, lungpuak thawhhlawm ah maw, nan puai khiah mipawl hrangah simaw, Meiur Thilhlăn asilole raithawinak cu Jehovah hnenah meisa in thilhlăn tuah uh. 4 ^cCun Jehovah hnenih a thilhlăn run suahpitu cun hriak kalān khat ih ṭhen li ṭhen khat rawi mi sangvut phut efa khat ih ṭhen hra ṭhen khat Thlairawl Thilhlăn a rak suahpi pei. 5 ^dCule tuu fa no pakhat ciar thawn Meiur Thilhlăn maw raithawinak simaw zawngah, Inding Thilhlăn hrangah sabit zu kalān khat ih ṭhen li ṭhen khat na timtuah pei. 6 ^eTuu cang pakhat thawn asile, Thlairawl Thilhlăn hrangah hriak kalān khat ih ṭhen thum ṭhen khat thawi rawi mi sangvut phut efa khat ih ṭhen hra ṭhen hnih na timtuah pei. 7 ^fCule Jehovah hrangih rimthaw si dingah Inding Thilhlăn ah sabit zu kalān khat ih ṭhen thum ṭhen khat na hlan pei.

15:2^a Pui 23:10; Dnp 26:1

15:3^b Pui 1:2-3, 9; 7:16; 23:1-44; Ezr 1:4

15:4^c Suah 29:40; Pui 6:14; 23:13

15:5^d Sem 35:14; Pui 3:7; 10:9

15:6^e Pui 5:15; 23:13; Eze 46:14

15:7^f Pui 1:9; 23:13

8 ^a‘Cule Jehovah hnenah Meiur Thilhlăn dingah simaw, thutiam tlamtlingter dingih raithawi dingah simaw, Remnak Thilhlăn dingah simaw, caw pa tûai na timtuah tikah, 9 ^bcaw pa tûai zawngah hriak kalān hrek thawi rawi mi sangvut phut efa khat ih ṭhen hra ṭhen thum in Thlairawl Thilhlăn a hlan pei. 10 ^cCule meisa ih ur mi thilhlăn hrangah, sabit zu kalān hrek in Inding Thilhlăn cu Jehovah hrangih rimthaw si dingah na rak keng pei.

15:8^a Suah 12:5; Pui 1:5; 3:6; 22:18

15:9^b Pui 2:1; 14:10; Mip 28:12, 14

15:10^c Pui 1:9; 23:13

11 ‘Cuti vekin caw pa tûai hrangah simaw, tuu cang hrangah simaw, tuu fa no hrangah simaw, me no hrangah simaw tuah ciar ding a si. 12 ^aNan hlăn mi mipum zat zulhin, an pum zat ihzirin rannung kip parah cutin nan tuah pei. 13 ^bJehovah hrangih rimthaw a si mi meisa ih ur mi thilhlăn suahpinak cu a rammi zate in hi thilpawl hi hibang tukin an tuah pei. 14 ^cCule zokhal nan hnenih cêng mi ram dang mi le nan tesinfa san tiangih nan lakih um meisa ih ur mi thilhlăn, Jehovah hrangih rimthaw a hlantu cun nanmai tuahdān vek cekciin a tuah ve pei. 15 Mipungkhawm lak ihta nanmah hrang le nan hnenih cêng ram dang mi hrangah sakhaw dān pakhat a si pei, nan tesinfa san tiang kumkhuain sakhaw dān pakhat a si pei. Jehovah hmaiah ram dang mi cu nanmah vek thotho a si ve pei. 16 ^dNanmai hrang le nan hnenih cêng ram dang mi hrangah dān le zīn le dān pakhat a um pei,’ tiah ti hai aw,” tiin a sim.

15:12^a Ezr 7:17

15:13^b Pui 1:9; 16:29

15:14^c Suah 12:19, 43; Pui 3:17; 22:18

15:16^d Suah 12:49; Pui 22:18

17 Jehovah in Mosi a besal ih, 18 ^a“Israel tefapawl be awla, an hnenah, ‘Ka lo hruainak ram nan thlen tikah, 19 ^bhitin a si ding, a ram sang nan ei tikah, Jehovah hnenah cawikhai thilhlăn nan hlan pei. 20 ^cCawikhai thilhlăn hrangah nan nawn hmaisabik mi sang per nan hlan pei, hruih hmun ihta cawikhai thilhlăn vekin nan hlan pei. 21 ^dNan nawn hmaisabik mi sang in cawikhai thilhlăn cu nan tesinfa san tiangin Jehovah hnenah nan pe pei.

15:18^a Pui 23:10

15:19^b Jos 5:11-12

15:20^c Sem 50:10; Pui 2:14; 23:14

15:21^d Pui 23:14; Dnp 26:2, 10; Neh 10:37; Eze 44:30; Rom 11:16

Tum lo pi Sual hrang Thilhlăn

22 ^a‘Tum lo piin sual nan tuah ih Jehovah in Mosi hnenih a rak sim mi hi thupekpawl zaten nan thlun lo ih, 23 Mosi hmangih Jehovah in thu a lo pek mi hmuahhmuah kha Jehovah in thu a lo pek ni ihsin nan tesinfa san vivo tiang nan thlun lo asile, 24 ^bhitin a si ding, mipi umkhawm theih loin, tum lo piin sual tuah asile, mipi umkhawm zaten zīn le dān bangtukin a Thlairawl Thilhlăn le a Inding Thilhlăn zawngah Jehovah hrangih rimthaw Meiur Thilhlăn dingah caw pa tûai pakhat, Sual Thilhlăn dingah me pa no pakhat an hlan pei. 25 ^cCutin puithiam in Israel tefa umkhawm zate hrangah sualkhuhthawinak a tuah pei, cule an sual ngaidam a si ding, ziangahtile cumi cu tum lo piih ti mi a si. Tum lo piih an tuah mi sual hrangah annih in Jehovah hrangih meisa ih ur mi thilhlăn, an thilhlăn le an Sual Thilhlăn cu Jehovah hmaiah an rak keng pei. 26 Israel tefa umkhawm zate le an lakih cêng ram dang mi khal ngaidam an si pei, ziangruangahtile mipi umkhawm zate in tum lo piin an tuah mi a si.

15:22^a Pui 4:2

15:24^b Pui 2:1; 4:3, 14; 5:15; 23:13

15:25^c Pui 4:3, 20; Rom 3:25

27 ^a‘Cule mi pakhat in tum lo piin sual a tuah asile, Sual Thilhlăn hrangah me nu kum khat ti a rak keng pei. 28 ^bCutin puithiam in tum lo piih thil sual a tuahtu pa hrangah sualkhuhthawinak a tuahsak pei, Jehovah hmaiah tum lo piih sual a tuah tikah, a hrangah sualkhuhthawinak tuah ding a si, cule anih cu ngaidam a si ding. 29 ^cTum lo piih thil sual a tuahtu hrangah, Israel tefapawl lakih rammi hrangah le an lakih cêng ram dang mi hrangah dān pakhat lawng nan nei pei.

15:27^a Pui 4:3, 27-28

15:28^b Pui 4:20

15:29^c Suah 12:49

Tumhrim Sual hrang Dāntatnak

30 ^a‘Asinan tumhrimnak thawi thil pakhat a tuahtu cu, rammi a si ah siseh, ram dang mi a si ah siseh, cu pa cun Jehovah a thangsiat a si, anih cu a mipawl lak ihsin sahcat a si pei. 31 ^bZiangruangahtile Jehovah-ih kamsuakthu a nautat ih a thupek a pahbăl a si, cu pa cu sahcat verver ding a si, amai mawh cu amah in a phur ding,’ tiah sim aw,” tiin a sim.

15:30^a Sem 17:14; Dnp 1:43; Job 31:22; Isa 37:6, 23

15:31^b 1Sam 15:23, 26; 2Sam 12:9; 2San 36:16; Thf 13:13

Sabbath Buartu

32 Israel tefapawl ramṭhing ih an um laiah, mi pakhat Sabbath ni ah thinghreu a fawm lai an hmu. 33 Cule thinghreu a fawm lai hmutupawl in cu pa cu Mosi le Aaron le mipi umkhawm zate hnenah an rak hruai. 34 Cu pa cu kiltupawl hnenah an ap, ziangruangahtile a parah ziangtiih tuah ding ti simfiang a si hrih lo.

35 ^aCun Jehovah in Mosi hnenah, “Cu pa cu thah tengteng ding a si, riahhmun khuarnak lengah mipi umkhawm zaten lung in an deng pei,” tiah a ti. 36 ^bCule Jehovah in Mosi thu a pek vekin, mipi umkhawm zaten cu pa cu riahhmun khuarnak lengah an hruai ih, lung in an deng, cule a thi.

15:35^a Suah 31:14-15; Pui 20:2; Luk 4:29; Apo 7:58

15:36^b Suah 31:14; Pui 20:2; Jer 17:21

Sinfen hrang Dān

37 Jehovah in Mosi a bia ih a hnenah, 38 ^a“Israel tefapawl be awla, an tesinfa san tiangin an sinfen tlâng zim pawl ah a fêm tuah dingin le a tlang fêm pawl ah pat phang mepian ther dingin sim hai aw. 39 ^bCule cumi cu na zoh ih, Jehovah thupek zaten na cing ih na tuahsuak hai nak dingah angki fêm nan nei pei, cutin lo hlawhhlangtertu ding nan thinlung le nan mit nan thlun lo ding ih, 40 ^cka thupek hmuahhmuah nan máng ding ih nan tuah thei ding, cule nan Pathian hrangah nan thianghlim ding a si. 41 ^dNan Pathian si dingih Izip ram ihsin a lo hruaisuaktu Jehovah nan Pathian ka si. Keimah cu Jehovah nan Pathian ka si,” tiin a sim.

15:38^a Pui 3:17; Dnp 22:12; Mat 23:5

15:39^b Pui 17:7; Dnp 4:23; Lai 2:17; Jer 3:2; 7:24; Eze 20:16; Hos 4:12

15:40^c Sem 26:5; Pui 11:44; Rom 12:1; Kol 1:22; 1Pe 1:15

15:41^d Sem 17:7; Suah 20:2

16

Korah Helnak

1 ^aLevi-ih fapa Kohath, cumiih fapa Izhar, cumiih fapa Korah cu Eliab fapapawl Dathan le Abiram le Peleth-ih fapa On, Reuben tefapawl thawn paho an hruai, 2 cule annihpawl cu Israel tefa hrekkhat, micallang deuhdeuh, mipi umkhawm aiawhtu, mipi umkhawm hotu mi 250 thawn Mosi hmaika ah an tho. 3 ^bAnnihpawl cu Mosi le Aaron dokalhin an fĭnkhawmaw ih an hnenah, “Kan tlunah nanmah le nanmah nan titumaw tuk, ziangahtile mi kip, mipi umkhawm zaten an thianghlim ih Jehovah khal an lakah a um. Ziangah so Jehovah-ih mipungkhawm tlunah nanmah le nanmah nan khaisanawk?” tiah an ti.

16:1^a Suah 6:16, 18, 21, 24; Mip 27:3; Dnp 11:6; Jud 1:11

16:3^b Suah 19:6; Sam 106:16-18

4 ^aCun cumi cu Mosi in a theih tikah, lei ah a băwkkhup, 5 ^bcule anih in Korah le a mipi umkhawm zate hnenah, “Thaizing ah Jehovah in amai ta cu zo a si ti le zo so a thianghlim ti a langter ding ih, a hnenah in naihter ding. A hril mi cu a hnen a naihter ding. 6 ^cHitin tuah uh, Korah le nan mipi umkhawm zaten meiling suahdur rak keng uh, 7 ^dthaizing ah Jehovah hmaiah cupawl sungah meisa ret uhla rimhmui ret uh, cule Jehovah ih hril mi pa cu mithianghlim a si ti a lang ding. Nannih Levi fapapawl, nanmah le nanmah nan titumaw tuk!” tiin a sim hai.

16:4^a Mip 20:6

16:5^b Pui 10:3; Sam 65:4; Jer 30:21; 50:44; 2Ti 2:19

16:6^c Pui 10:1; Thu 8:3

16:7^d Suah 30:9; Pui 10:1

8 Cun Mosi in Korah hnenah, “Levi fapapawl i ngai hnik uh, 9 ^aamah lo naihter dingah, Jehovah-ih Biakbûk hnaṭuan dingah le anmah rian dingih mipi umkhawm hmaiih dīng dingah, Israel mipi umkhawm lak ihsin Israel-ih Pathian in a lo rethran hai hi nan hrangah thil tenau maw a si? 10 ^bCule anih in nangmah le na hnenih um Levi fapa na unaupawl hmuahhmuah cu amah naih ko a lo hruai a si. Puithiam si ding nan duh hrih maw? 11 ^cCuruangah nangmah le na mipi umkhawm zaten Jehovah dokalhin hmunkhat ah nan pungkhawm. Ziang a rak tuah ruangah so Aaron parih nan phunzai?” tiah a ti.

16:9^a Sem 30:15; Dnp 10:8; 1Sam 2:11; Sam 134:1; Eze 44:11

16:10^b Lai 17:5, 12

16:11^c Suah 16:7; 1Ko 10:10

12 Cule Mosi in Eliab-ih fapapawl, Dathan le Abiram cu ko dingin mi a thlah, asinan annih in, “Kan hung so lo ding! 13 ^aRamṭhing ah that ṭheh dingin, hnawi ti le khuai tizu luannak ram ihsin in hruaisuah hi thil tenau maw a si? Kan tlunah na lalawter vivo ding maw? 14 ^bCuihhleiah hnawi ti le khuai tizu luannak ram ah in hruailut lo ih, lórampawl le sabit hmuanpawl khal ro ah in pe fawn lo. Hi milaipawlih mit hi na phawrhsuak tum a simaw? Kan hung so lo ding!” tiah an ti.

16:13^a Sem 13:8; Apo 7:27, 35

16:14^b Suah 22:5; Pui 20:24; Lai 16:21; 1Sam 11:2; 1Sp 4:25; Neh 13:15; Jer 5:17; 39:7; Hos 2:12; Joe 2:22; Hag 2:19; Zek 3:10

15 ^aCun Mosi cu a thin a heng tuk ih Jehovah hnenah, “An thilhlăn rak cohlansak hlah aw. An hnen ihsin lāk pakhat hman ka lâksak dah lo ih, an lakih mi pakhat khal ka nater dah fawn lo,” tiah a ti. 16 ^bCule Mosi in Korah hnenah, “Thaizing ah nangmah le na mipi umkhawm zaten nangmah le anmahpawl le Aaron telin Jehovah hmaiah nan ra suak pei. 17 ^cMi kip an meiling suahdur rak keng fingfing hai sehla, a sungah rimhmui ret ciar hai seh, cule mai meiling lâknak ciar, meiling lâknak 250 cu Jehovah hmaiah rak keng hai seh. Nang le Aaron khal in nan pahnih in meiling lâknak nan rak keng veve pei,” tiah a ti. 18 ^dCule mi kip in anmai meiling suahdur an rak keng fingfing ih, a sungah meisa an ret, cumi parah rimhmui an ret, cule Tawnawknak Puanthlam luhnak hramah Mosi le Aaron te thawn an ding. 19 ^eCule Korah in anmah dokalhin mipi umkhawm zaten Tawnawknak Puanthlam luhnak hramah a fĭnkhawm hai. Cun mipi zate hnenah Jehovah-ih ropitnak a rung lang.

16:15^a Suah 4:14; 1Sam 12:3

16:16^b Suah 16:9

16:17^c Eze 8:11

16:18^d Pui 10:1

16:19^e Suah 16:7

20 Cule Jehovah in Mosi le Aaron hnenah, 21 ^a“Hmakhatteah anmah ka run khăngral ṭheh thei nak dingah, hi mipi umkhawm lak ihsin rak thiarfihlimaw uh,” tiah a ti.

16:21^a Sem 19:14; Suah 32:10; Sam 73:19

22 ^aCun annih cu an băwkkhup ih, “Maw Pathian, titsa hmuahhmuah thlaraupawlih Pathian, mi pakhat ih sualnak ruangah mipi umkhawm zate parah na thin a heng ding maw si?” tiah an ti.

16:22^a Sem 18:23; Job 12:10; Jer 32:27; Eze 18:4; Heb 12:9

23 Cule Jehovah in Mosi hnenah, 24 “Mipi umkhawm hnenah, ‘Korah, Dathan le Abiram teih cēnnak hmunpawl kiangkap ihsin rak kiang uh,’ tiin sim aw,” tiin a sim.

25 ^aCun Mosi cu a tho ih, Dathan le Abiram hnenah a feh, cule Israel upapawl in amah cu an thlun. 26 ^bCule anih in mipi umkhawm hnenah, “Hi misualrálpawlih puanthlam hi rak suahsan uh! An thil zianghman thâm hlah uh, cu lo ahcun anmai sualpawl hmuahhmuah ah nan hloral ding,” tiah a ti. 27 ^cCutin annihpawl cu Korah, Dathan le Abiram teih cēnnak hmunpawl kiangkap ihsin an sîp, cule Dathan le Abiram cu an nupipawl, an fapapawl le an fanau tete pawl thawn an ra suak ih an puanthlampawl luhnak ah an ra ding. 28 ^dCule Mosi in, “Himi ihsin hi hna hmuahhmuah ṭuan dingah Jehovah in in thlah a si ti nan thei ding, ziangahtile keimai lungpuak menin hibangpawl hi ka ti hai lo. 29 ^eHih milaipawl hi milai zate thihdān kel vekih an thih ih, milai zate tawn kel an tawn asile, Jehovah in i thlah lo a si ding. 30 ^fAsinan Jehovah in thil thar a sersiam ih, leilung in a kâ a an ih, anmah le an ta zaten a dawlh thluh ih, Sheol sungah an nungcung ih an tlakthlak ṭheh asile, nannih in hi milaipawl hin Jehovah an rak hnáwng ti nan theithiam ding,” tiah a ti.

16:25^a Suah 19:7

16:26^b Sem 19:15; Isa 52:11; Jer 51:6

16:27^c Suah 33:8; Jos 7:24; Isa 13:16

16:28^d Suah 3:12; 1Sp 18:36; Joh 5:36

16:29^e Job 31:2; Ths 3:19

16:30^f Sem 37:35; 1Sam 2:6; Job 5:26; Sam 141:7; Isa 5:14; 14:11; Eze 26:20

31 ^aCule hitin a rak si, hi thupawl a ṭawng ṭheh veten an hnuaiih lei cu a kakcat, 32 ^bcule leilung in a kâ a ang ih, an sungkuapawl le Korah hnenih a um mi milai zaten an neih mi hmuahhmuah thawn a dawlh ṭheh. 33 ^cAnmah le an hnenih a um mipawl hmuahhmuah cu an nungcung in Sheol ah an tla ṭheh, leilung in anmah a kharnĕn hai ih mipungkhawm lak ihsin an hloral. 34 Cun an kimvelih a um mi Israel miphun zaten an ṭaprâk awn ruangah an tlanhlo ṭheh, ziangahtile annih in, “Leilung in in dawlh ṭheh ve pang ding,” tiah an ti. 35 ^dCule Jehovah hnen ihsin meisa a rak suak ih rimhmui hlantu pacang 250 pawl cu a kangrál ṭheh.

16:31^a Isa 64:1; Eze 47:1-12; Mik 1:3-4; Zek 14:4

16:32^b Suah 15:12

16:33^c Jud 1:11

16:35^d Pui 10:2; Sam 106:18; Thu 11:5

36 Cun Jehovah in Mosi hnenah, 37 ^a“Meialh sung ihsin meiling suahdurpawl lasuak dingin puithiam Aaron-ih fapa Eleazar kha sim aw, ziangahtile annih cu an thianghlim ih, ziangmaw zat a hlatnak ah meisa kha hlăwndarh aw. 38 ^bAnmai nunnak siatsuahawknak dingih sual tuahtu hi milaipawlih meiling suahdurpawl cu Biakṭheng khuhnak tlêp hrangah ser hai seh, ziangruangahtile Jehovah hmaiih an hlăn mi a si, curuangah cupawl cu an thianghlim a si, cule cupawl cu Israel tefapawlih hminsinnak an si pei,” tiah a sim. 39 ^cCule mei ih kăngral mipawl ih an hlăn mi dar meiling suahdurpawl cu puithiam Eleazar in a la hai, cule cupawl cu Biakṭheng khuhnak dingah a ser. 40 ^dJehovah in Mosi hmangih a hnenih a rak sim vekin Korah le a mipi umkhawm vekih an canlonak dingah, Aaron cithlah a si lo mi, mi dang zohman in rimhmui ur dingin Jehovah hmaiah an rak naih ding a si lo ti Israel tefapawl hrangih mansalnak ding a si.

16:37^a Suah 6:3

16:38^b Suah 20:24; Pui 10:1; Dnp 28:46; Thf 20:2; Jer 44:29; Eze 14:8; 2Pe 2:6

16:39^c Pui 20:14; 2San 26:18

16:40^d Suah 30:1, 9; 2Sp 12:3; Isa 1:13; Jer 41:5

41 A thaisun ah Israel tefa umkhawm zate in Mosi le Aaron hnenah, “Jehovah-ih minungpawl nan that a si,” tiin an mawhthluk. 42 ^aCule hitin a rak cang, Mosi le Aaron dokalhin mipi umkhawm an fĭnkhawmawk tikah, Tawnawknak Puanthlam lam an hawi ih, ngai hnik, mero in cumi cu a run khuh, cule Jehovah-ih ropitnak a rung lang. 43 Cun Mosi le Aaron cu Tawnawknak Puanthlam hmaiah an ra.

16:42^a Suah 16:7

44 Cule Jehovah in Mosi hnenah, 45 ^a“Hmakhatteih anmah ka run khăngral ṭheh thei nak dingah hi mipi umkhawm lak ihsin rak sīp uh,” tiin a sim hai. Cule annih cu an băwkkhup.

16:45^a Suah 32:10

Aaron in Hremnak a Cemter

46 ^aCule Mosi in Aaron hnenah, “Meiling suahdur la aw, Biakṭheng ih meisa parah ret awla, a parah rimhmui ret aw, cule cumi cu mipi umkhawm hnenah zamrang zetin keng awla, an hrangah sualkhuhthawinak tuah aw. Ziangahtile Jehovah hnen ihsin thinlingnak a ra păwksuak zo. Hremnak cu a thawk zo a si,” tiah a ti. 47 Cun Aaron in Mosi thupek vekin cumi cu a la ih, mipungkhawm lakah a tlânlut, hremnak cu mi senpi lakah a rak thawk zo. Cutin rimhmui a ret ih mipi hrangah sualkhuhthawinak a tuah. 48 ^bCule anih cu mithipawl le a nung mipawl karlakah a ding, cutin hremnak cu rehter a si. 49 Korah ruangih a thi mipawl hleiah hremnak ih a thi mipawl cu 14700 an si. 50 Cule Tawnawknak Puanthlam luhnak ih Mosi hnenah Aaron cu a kirsal, ziangahtile hremnak cu a reh zo.

16:46^a Suah 29:36; Pui 10:1, 6; 26:25; Sam 106:29

16:48^b 2Sam 24:25; Sam 106:30

17

Aaron-ih Kianghrăwl a Cerh

1 Jehovah in Mosi hnenah, 2 ^a“Israel tefapawl hnenah sim awla, an pupá sungkua ciar hnen ihsin kianghrăwl, an pupápawlih sungkua zulhih an hotupawl hmuahhmuah ih kianghrăwl hleihnih in la aw. Kianghrăwl parah an hmin ciar ngan aw. 3 Cule Levi-mipawlih kianghrăwl parah Aaron-ih hmin na ngan pei. Ziangahtile pupá sungkua lubân pakhat ciar hrangah pakhat fingfing a si ding a si. 4 ^bCun nang in ka lo tawnnak hmun, Theihpinak hmaiih Tawnawknak Puanthlam sungah cupawl cu na ret pei. 5 ^cCule hitin a si ding, ka hril mi paih kianghrăwl cu a par ding. Cutin keimah in nangmah an lo dokalhnak, Israel tefapawlih phunzainak ka cemter ding,” tiin a sim.

17:2^a Sem 32:10; Suah 4:2

17:4^b Suah 16:34; 25:22; 40:2

17:5^c Suah 16:5, 7

6 Cule Mosi in Israel tefapawl a bia ih, an hotupawl in kianghrăwl pakhat ciar an pe fingfing, an pupápawlih sungkuapawl zulhin hotu pakhat in kianghrăwl pakhat ciar tiin kianghrăwl hleihnih a kim. Cule Aaron-ih kianghrăwl cu an kianghrăwlpawl lakah a um. 7 ^aCule Mosi in kianghrăwlpawl cu Theihpinak Puanthlam sungih Jehovah hmaiah a ret hai.

17:7^a Suah 38:21; 2San 24:6

8 ^aHitin a rak si, a thaisun ah Theihpinak Puanthlam sungah Mosi a lut, cule ngai hnik, Levi sungkaw ta a si mi Aaron-ih kianghrăwl cu a cerh ih par mûm pawl a suah, parpawl a suah ih almond rahpawl a rahsuak. 9 Cun Mosi in kianghrăwl zaten Jehovah hmaika ihsin Israel tefa zate hnenah a rak kengsuak hai, cule an rak zoh ih mi kip in anmai kianghrăwl ciar an rak la.

17:8^a Eze 17:24; Heb 9:4

Kuang sungah Kianghrăwl Ret a Si

10 ^aCule Jehovah in Mosi hnenah, “Mihélpawl hrangih hminsinnak ah retṭha dingin Aaron-ih kianghrăwl kha Theihpinak hmaiah rak kengkir aw, cutin an phunzainak kha ka hnen ihsin na cemter thei ding, cuti a si lo ahcun, an thi pang ding,” tiah a ti. 11 Cuti vek cun Mosi in a tuah, Jehovah in amah thu a rak pek vekin a tuah.

17:10^a Suah 23:21; Dnp 9:24; Sam 66:7; Thf 24:21

12 ^aCule Israel tefapawl in Mosi hnenah, “Ngai hnik, kan thi ṭheh, kan hloral ṭheh, kan zaten kan hloral ṭheh hi! 13 Jehovah-ih Biakbûk a rak naihtu pauhpauh an thi tengteng ding a si. Kan zaten kan thi verver ding maw si?” tiah an ti.

17:12^a Lai 13:22; Isa 6:5

18

Puithiam Sinak

1 ^aJehovah in Aaron hnenah, “Nangmah le na fapapawl le na pupáih sungkua in na zawngah hmun thianghlim thawi a pehpar mi mawhsualnak nan phur ding, cule nangmah le na fapapawl in nangmah thawn puithiam sinak thawi a pehtlaiaw mi mawhsualnak an phur ding. 2 ^bTheihpinak Puanthlam hmaiah nangmah le na hnenih na fapapawl an um laiah, Levi hnám na unau, na pupáih hnám in an lo kăwp ih an lo rĕn thei nak dingah, na zawngah rak hruai ve hai aw. 3 ^cAnnih in na ṭulhai mipawl le Puanthlam ṭulhai zaten an tawlrel ding, asinan hmun thianghlim thilripawl le Biakṭheng cu an rak naih lo pei, cu lo ahcun annih le nanmah khal, nan thi pang ding. 4 Biakbûk hna zate hrangah annih in nangmah an lo kăwp pei ih, Tawnawknak Puanthlam pawiṭul mipawl an tawlrel pei, asinan mi dang cun nan kiang an lo naih lo pei. 5 ^dCule Hmun Thianghlim ṭuanvo le Biakṭheng ṭuanvo cu nanmah in nan la pei, cutin Israel tefapawl parah thinlingnak a um nawn lo ding. 6 Ngai hnik, nan unau Levi-mipawl cu keimah in Israel tefapawl lak ihsin ka la hai zo, annih cu Tawnawknak Puanthlam hnaṭuan dingah Jehovah in nan hnenih a lo pek mi thilpek an si. 7 ^eCuruangah nangmah le na fapapawl in nangmah thawn Biakṭheng thil tinkim hrang le puanzar dungih puithiam hna nan hlensuak ding, cule nannih in nan hna nan ṭuan ding. Rawngbawlnak thilpek ah nan puithiam hna hi ka lo pe a si, asinan a rak naihtu mi dang cu thah an si pei,” tiah a ti.

18:1^a Suah 28:38; Mip 18:23

18:2^b Sem 29:34; Mip 3:6-10

18:3^c Mip 3:25, 31, 36

18:5^d Suah 27:21; Pui 6:12

18:7^e Suah 29:9; Heb 5:4; 9:3, 6

Puithiam hrang Rawl

8 ^aCule Jehovah in Aaron hnenah, “Ngai hnik, keimah rori in keimai cawikhai thilhlănpawl ṭuanvo, Israel tefapawlih thilpek thianghlim zaten na hnenah ka lo pebêt a si, kumkhaw sakhaw dān hrangah cupawl cu nangmah le na fapapawl covo ah ka lo pebêt a si. 9 ^bHih meisa ih ur lo mi, a thianghlim zet mi thilpawl cu nangmai ta an si pei: ka hnenih an hlăn mi an thilhlăn tinkim, Thlairawl Thilhlăn tinkim le Sual Thilhlăn tinkim le Mawh Thilhlăn tinkim pawl cu nangmah le na fapapawl hrangah a thianghlim zet mi an si pei. 10 ^cCumi cu a thianghlim zet mi hmun ah na ei hai pei, mipa kip in nan ei ding a si. Cumi cu nan hrangah thil thianghlim a si pei. 11 ^dHimi Israel tefapawlih sēp thilhlăn hmuahhmuah thawn an thilpek cawikhai thilhlăn khal hi nangmai ta a si. Kumkhaw sakhaw dān hrangah cupawl cu nangmah ka lo pe a si, na fapapawl le na fanupawl khal nangmai zawngah ka pe hai a si. Na sungkua lakih a thiang mi kip in cumi cu an ei pei. 12 ^eHriak thar ṭhabik hmuahhmuah, sabit zu thar le thlairawl thar ṭhabik hmuahhmuah, Jehovah hnenih an pek mi rah hmaisabik pawl cu nangmah ka lo pe a si. 13 ^fJehovah hnenih an rak ken mi an ram ih an khawm hmaisabik mi rah pauhpauh cu nangmai ta an si pei. Na sungkua lakih a thiang mi kip in cumi cu an ei thei pei.

18:8^a Pui 2:2; 6:16; 7:32; Dnp 18:1; 2San 31:4

18:9^b Pui 2:1; 5:15; 6:17, 25; 14:13

18:10^c Pui 6:16, 18, 26

18:11^d Suah 29:26; Pui 7:30-34; 10:14; 22:2-3, 11-13

18:12^e Dnp 7:13; 2San 31:5; Neh 10:35, 37

18:13^f Suah 29:27; Pui 2:14; Mip 18:11; Dnp 26:2

14 ^a“Israel ram sungih serhhran zo mi thil pauhpauh cu nangmai ta a si ding. 15 ^bJehovah hnenih an rak ken mi, titsa hmuahhmuah lakih sūl áwngtu hmaisabik pauhpauh cu, milai a si ah maw, ṭilva a si ah maw nangmai ta an si pei. Sikhalsehla milai fatir cu na tlen tengteng pei ih, a thiang lo mi ṭilva fatir khal na tlen pei. 16 ^cCule tlĕn ding mipawl cu thla khat an ti tikah tlĕn ding an si ih, an man cu nangmah ih na khiah vekin, hmun thianghlim shekel bangtukin ngun tangka shekel panga na pe pei, shekel pakhat cu gerah 20 thawn an tlukaw. 17 ^dAsinan caw fatir, tuu fatir le me fatir cu na tlen lo pei, cupawl cu an thianghlim a si. Nang in an thisen cu Biakṭheng parah na theh pei ih, Jehovah-ih rimthaw dingah meisa ih ur mi thilhlăn ah an thau na ur pei. 18 ^eCule sēp thilhlănih a ṭâng le a vawrh lam cāwn cu na ta a si vekin an tit cu nangmai ta an si pei.

18:14^a Pui 27:21; Jos 6:17-19

18:15^b Sem 10:15; Suah 13:2, 13; 34:20

18:16^c Suah 30:13; Pui 27:6

18:17^d Suah 29:13; Pui 1:9; 3:2; 27:9

18:18^e Suah 29:26, 28; Pui 7:30

19 ^a“Israel tefapawl in Jehovah hnenih an hlăn mi cawikhai thilhlăn thianghlim zaten kumkhaw sakhaw dān dingah na hnenah ka lo pe, na fapapawl le na fanupawl khal nangmah zawngah ka pe hai a si. Cumi cu nangmah le na hnenih um na cithlahpawl thawi Jehovah hmaiih kumkhaw cite thukham a si,” tiah a ti.

18:19^a Pui 2:13; 2Sp 12:4

20 ^aCun Jehovah in Aaron hnenah, “Nang cun an ram sungah ro na nei lo pei ih an lakah covo ziangkhal na nei fawn lo pei. Keimah cu Israel tefapawl lakah na covo le na ro ka si. 21 ^bNgai hnik, Levi tefapawl cu Tawnawknak Puanthlam hna an ṭuan mi hna aiah Israel ram sungih ṭhen hra ṭhen khat zaten ro ah ka pe hai a si. 22 ^cIsrael tefapawl cun Tawnawknak Puanthlam an rak naih nawn lo pei, cu lo ahcun sual phurin an thi pang ding. 23 ^dAsinan Levi-mipawl cun Tawnawknak Puanthlam hna an ṭuan pei ih, anmai mawhsualnak cu anmah in an phur ding. Israel tefapawl lakah ro an nei lo pei ti mi cu nan tesinfa san tiangin, cumi cu kumkhaw sakhaw dān a si ding. 24 ^eZiangahtile Jehovah hnenih cawikhai thilhlăn hrangih an hlăn mi, Israel tefapawlih ṭhen hra ṭhen khat cu an ro dingah Levi-mipawl ka pe zo a si. Curuangah an hnenah, ‘Israel tefapawl lakah ro an nei lo pei,’ ka rak tinak a si,” tiah a ti.

18:20^a Dnp 10:9; 12:12; Jos 13:33; 14:3; 18:7; Eze 44:28

18:21^b Neh 10:37; Mal 3:8; Heb 7:5

18:22^c Suah 28:43; Pui 22:9

18:23^d Suah 12:14; Dnp 10:9; Eze 44:10

18:24^e Pui 27:30; Dnp 26:12

25 Cun Jehovah in Mosi hnenah, 26 ^a“Levi-mipawl hnenah hitin sim awla, an hnenah, ‘Nan ro dingah an hnen ihsin ka lo pek mi Israel tefapawlih ṭhen hra ṭhen khat sung ihta nan lâk tikah, cumiih ṭhen hra ṭhen khat cu Jehovah hnenih cawikhai thilhlăn hrangah cumi cu na hlan pei. 27 ^bCule nan cawikhai thilhlăn cu nan hrangah thlairawl hruih hmun ih thlai vekah le sabit sawrkhur luangliam vekah lo ruahsak a si ding. 28 ^cCuti vekin nannih in Israel tefapawl hnen ihsin nan ngah mi nan ṭhen hra ṭhen khat zate ihsin Jehovah hnenah cawikhai thilhlăn nan hlan fawn ding a si, cule cumi ihta Jehovah-ih cawikhai thilhlăn cu puithiam Aaron hnenah nan pe ding a si. 29 Thawhhlawm nan ngah mi zate lakih Jehovah-ih covo ding cawikhai thilhlăn pauhpauh cu an lakih a ṭhabik ihsin an lak ihta serhhran mi si dingah nan hlan pei,’ tiah ti aw. 30 Curuangah nang in an hnenah, ‘Cumi lakih a ṭhabik nan cawikhai tikah, a hlei mi cu Levi-mipawl hrangah hruih hmun ih suak mi le sabit sawrkhur ih suak mi vekah siar a si pei. 31 ^dNanmah le nan sungkuapawl in cumi cu khui hmun khalah nan ei thei, ziangahtile cumi cu Tawnawknak Puanthlam sungih nan hna hrangih nan hlawh man a si. 32 ^eCule cupawl lakih a ṭhabik nan hlăn tikah, cumi ruangah sual nan phur lo ding. Asinan nannih in Israel tefapawlih thilpek thianghlim pawl nan bawrhbangter lo pei, culole nan thi pang ding,’ tiah na ti hai pei,” tiah a ti.

18:26^a Neh 10:38

18:27^b Mip 15:20; 18:30; Dnp 15:14

18:28^c Mal 3:8

18:31^d Mat 10:10; Luk 10:7; 1Ko 9:13; 1Ti 5:18

18:32^e Pui 19:8; 22:2, 15

19

Caw La Sen

1 Jehovah in Mosi le Aaron hnenah, 2 ^a“Himi hi Jehovah ih thupek mi dānih sakhaw dān a si, ‘Israel tefapawl hnenah, taksa himlonak a nei lo mi le hngawngkol bât dah lo mi, sawisel ding um lo caw la sen pakhat nan hnenih rak keng dingin sim hai uh. 3 ^bCumi cu anih in riahhmun khuarnak lengah a hruai ih a hmaika ih thah a sinak dingah nannih in cumi cu puithiam Eleazar nan pe pei. 4 ^cCule puithiam Eleazar in a kut zung in a thisen hrekkhat a la pei ih, Tawnawknak Puanthlam hmai lam roriah a thisen cu vei sarih a theh pei. 5 ^dCun caw la cu amai mithmuh ah ur a si pei, a vun, a tit, a thisen le a êk pawl cu ur a si pei. 6 ^eCule puithiam in sidar thing le hissop le pat senlar a la pei ih, caw la kāng rero laifangah a denglut pei. 7 ^fCun puithiam cu a hnipuan a sawp pei, tidai ah a takpum a khawlh pei ih, cu ṭhehin riahhmun khuarnak ah a lut pei. Puithiam cu zan lam tiang mithiang lo a si pei. 8 ^gCule cumi a urtu pa cun tidai ah a hnipuan a sawp pei, tidai ah a takpum a khawlh pei ih, zan lam tiang mithiang lo a si pei. 9 ^hCun a thiang mi mi pakhat in caw la vutcâm cu a rutkhawm pei ih riahhmun khuarnak leng, hmun thiangfai ah cupawl cu a retṭha hai pei. Cule cumi cu Israel tefa umkhawm hrangah thianternak tidai si dingah na retṭha pei. Cumi cu sual ihsin thianawkternak hrangah a si. 10 ⁱCule caw la vutcâm khawmtu cun a hnipuan a sawp pei ih, zan lam tiang mithiang lo a si pei. Cumi cu Israel tefapawl hrangah thenfainak le an lakih a cêngtu ram dang mi hrangah kumkhaw sakhaw dān a si pei.

19:2^a Sem 15:9; Pui 22:19-25; Dnp 21:3; 1Sam 6:7

19:3^b Suah 29:14; Pui 4:12

19:4^c Pui 4:17; Heb 9:13

19:5^d Suah 29:14; Pui 4:11-12

19:6^e Pui 14:4, 6, 49; Sam 51:7

19:7^f Pui 11:25; 14:8

19:8^g Mip 19:5

19:9^h Sem 35:2; Pui 4:12; Heb 9:13

19:10ⁱ Pui 3:17; 14:46; 15:10; 22:18; Mip 19:7

Mithiang lo hrang Tidai

11 ^a‘Mithi pakhat ih taksa a daingahtu pauhpauh cu ni sarih sung mithiang lo an si pei. 12 ^bAnih in a ni thumnak le a ni sarihnak ah amah le amah ti thawn a thianfaiaw pei, cule mithiang a si ding. Asinan a ni thumnak le a ni sarihnak ih a thianfaiawk lo asile, anih cu mithiang a si lo ding. 13 ^cMithi zo pakhat khat ih taksa a dai ih a thianfaiaw lo tu pauhpauh cun Jehovah-ih Biakbûk an bawrhhlawhter a si. Cu pa cu Israel-mipawl lak ihsin sahcat a si pei. Anih cu mithiang lo a si pei, ziangruangahtile thianternak tidai a parah theh a si lo, a thianlonak cu a parah a um lai a si.

19:11^a Pui 8:33; 21:1; Mip 5:2; Apo 21:26-27

19:12^b Mip 31:19; 2San 26:21

19:13^c Pui 7:20; 15:31; 21:11; 2San 36:14; Hag 2:13

14 ‘Himi hi mi pakhat puanthlam sungih a thih tikih dān a si. Cuih Puanthlam sungih a luttu le cuih puanthlam sungih a umtu zaten ni sarih sung mithiang lo an si pei, 15 ^acule sĭn hnget lo mi, a áwngaw mi bungbel pauhpauh cu an thiang lo. 16 ^bRamlak ah ralnâm ih thah mi maw, mah te thi mi maw, mi pakhat ih ruh maw, thlān simaw a thâmngahtu pauhpauh cu ni sarih sung mithiang lo an si pei. 17 ^cCule annih in mithiang lo pa hrangah sual thenfainak caw la urnak vutcâm hrekkhat an la pei ih, cupawl cu bel sungah an ret pei, cule a parah ti luang lai thun a si pei. 18 ^dA thiang mi mi pakhat in hissop a la pei ih, cumi cu cuih tidai sungah a hnīm pei, cumi cu puanthlam, bungbel hmuahhmuah, cu tawkih um milai hmuahhmuah, asilole mithi ruh, mi ih thah mi, mithi simaw, thlān simaw a thâmngahtu parah a theh pei. 19 ^eA thiang mi pa in a thiang lo mi pa kha a ni thumnak le a ni sarihnak ah a theh pei, cule a ni sarihnak ah a thianfaiaw pei, a hnipuan a sawp pei ih, tidai in a khawlhaw pei, cule zan lam a si tikah a thiang ding a si.

19:15^a Pui 6:28; 11:32

19:16^b Pui 5:3; 2Sp 23:6; Eze 6:5; Mat 23:27

19:17^c Heb 9:13

19:18^d Suah 12:22; Pui 4:17

19:19^e Sem 35:2; Pui 16:14-15; Mip 19:12; Eze 36:25; Heb 10:22

20 ^a‘Asinan a thiang lo le thianfaiaw lo pa cu mipungkhawm lak ihsin sahcat a si pei, ziangruangahtile Jehovah-ih hmun thianghlim a rak bawrhbangter a si. A parah thianternak tidai theh a rak si lo, anih cu mithiang lo a si. 21 ^bCumi cu an hrangah sakhaw dān a si lan ta pei. Thianternak tidai a thehtu pa cun a hnipuan a sawp pei, cule thianternak tidai a thâmtu cu zan lam tiang mithiang lo a si pei. 22 ^cMithiang lo pa in a thamngah mi cu ziangkhal a thiang lo pei. Cule cumi thâmtu cu zan lam tiang mithiang lo a si pei,’ tiin sim uh,” tiah a ti.

19:20^a Suah 30:33; Pui 14:8; 15:31; Sam 74:7

19:21^b Suah 27:21

19:22^c Pui 5:2; Hag 2:13

20

Miriam a Thi

1 ^aIsrael tefa, mipi umkhawm zaten a thla khatnak ah Zin Ramṭhing an ra thleng ih, mi senpi cu Kadesh ah an câm, cule cu tawkah Miriam a thi ih, cu tawkah cun an phum ta.

20:1^a Suah 15:20; Mip 13:21; Dnp 1:46; Sam 29:8

Lungpi ihsin Tidai

2 ^aMipi umkhawm hrangah tidai a um lo, cule Mosi le Aaron dokalhin an fĭnkhawmaw. 3 ^bCule mipi in Mosi an to ih, “Jehovah hmaiih kan unaupawl an thih laiah khan rak thi ve men nungla maw! 4 ^cHi tawkih thi dingin kanmah le kan ṭilvapawl hi, ziangah so hi ramṭhing ah Jehovah-ih mipungkhawm hi in hruaisoh? 5 ^dZiangah so himi hmun ṭha lo ih in hruai dingin Izip ihta in suahter? Thlairawl siseh, theipipawl siseh, sabit hripawl siseh, talê rahpawl siseh a umlonak hmun a si ih, in ding tidai khal a um lo,” tiin an ṭawng ciamco. 6 ^eCule Mosi le Aaron cu mipungkhawm hmaika ihsin Tawnawknak Puanthlam luhnak ah an feh ih, lei ah an băwkkhup. Cule an hnenah Jehovah-ih ropitnak a rung lang.

20:2^a Suah 15:22; 17:1

20:3^b Sem 13:7; Suah 5:21; 17:2; Mip 14:2-3

20:4^c Suah 14:11

20:5^d Suah 17:3

20:6^e Suah 40:2; Pui 9:23

7 Cule Jehovah in Mosi hnenah, 8 ^a“Na kianghrăwl la aw, nangmah le na unaupa Aaron in mipi umkhawm fĭnkhawmawter uh. An mithmuh ah lungpi hnenah ṭawng awla, a tidai a suah ding, cutin nang in lungpi sung ihsin an hrangah tidai na suakter ding ih mipi umkhawm le an ṭilvapawl na inter pei,” tiin a sim. 9 Cule anih in thu a pek vekin, Mosi in Jehovah hmai ihsin kianghrăwl cu a la.

20:8^a Suah 4:2, 17, 20; 17:6; Neh 9:15; Isa 41:18; Jer 31:9

10 ^aCule Mosi le Aaron in mipungkhawm cu lungpi hmaiah an fĭnkhawm, cule Mosi in an hnenah, “Ngai hnik uh, nannih mihélpawl! Himi lungpi sung ihsin nan hrangah tidai kan suakter ding maw si?” tiah a ti. 11 ^bCun Mosi in a kut a hawi ih a kianghrăwl in lungpi cu vei hnih a vuak, cule a tawrih tawrin tidai a ra suak ih mipi umkhawm le an ṭilvapawl in an in.

20:10^a Sam 106:32-33

20:11^b Suah 17:6; Isa 33:21; 1Ko 10:4

12 ^aCun Jehovah in Mosi le Aaron hnenah, “Israel tefapawl ka thianhlimnak hmuter dingin keimah in zum lo ruangah, nannih in hi mipungkhawm hi anmah ka pek mi ram ah nan hruailut lo pei,” tiah a ti. 13 ^bHimi cu Meribah tidai a si, ziangruangahtile Israel tefapawl in Jehovah an to a si, cule amah in an lakah a thianhlimnak a hmuh hai.

20:12^a Dnp 1:37; 32:51; Isa 5:16; Eze 20:41

20:13^b Suah 17:7; Pui 10:3; Sam 81:7; 95:8

Edom-mipawlih Khirnak

14 ^aCule Mosi in Edom siangpahrang hnenah Kadesh ihsin palaipawl a thlah hai ih, “Na unaupa Israel in, ‘Kan parih a tla mi retheih zăwnzaihnak, 15 ^bziangti vekin Izip ah kan pupápawl an sukthla ti le Izip ah cān reipi kan cêng ti le Izip-mipawl in kanmah le kan pupápawl in zawnzaiter ti na thei ṭheh. 16 ^cJehovah hnenih kan ausuak tikah, anih in kan aw in thei, cule vancungmi a thlah ih Izip ihta in lasuak. Ngai hnik, hi tawk na ramri zimteih a um mi khua, Kadesh ah kan um a si. 17 ^dZangfahten na ram in paltlăngter hram aw. Lópawl siseh, sabit hmuanpawl siseh kan pahtlăng lo ding, tikhur tidai khal kan in fawn lo ding, siangpahrang zinpi kan zawh ding. Na ramri kan lan hlanlo vawrh lamah siseh, keh lamah siseh kan pial lo ding,’ tiin a ti a si,” tiah an ti.

20:14^a Sem 25:30; Dnp 2:4; Lai 11:16-17; Oba 1:10, 12

20:15^b Sem 46:6; Suah 1:14; 12:40

20:16^c Sem 16:11; Suah 2:23; 14:19; Dnp 26:8

20:17^d Mip 21:22; Dnp 2:27; Lai 11:17

18 Cun Edom in a hnenah, “Ka ram na paltlăng lo pei, cu lo ahcun ralnâm thawn nangmah lo do dingin ka ra păwk ding,” tiah a ti.

19 ^aCule Israel tefapawl in a hnenah, “Zinpi in kan feh ding sokhaw, keimah in simaw, ka sumhnám in simaw na tidai kan in pang asile, a man ka lo pe ding, thil dang zianghman ti loin, ke in lo paltlăng menmen ning!” tiah an ti.

20:19^a Dnp 2:6, 28

20 ^aCun anih in, “Na paltlăng ding a si lo,” tiah a ti. Cule Edom cu anmah do dingin mi tampi le a cak mi kut thawn a ra suak. 21 ^bCutiin Edom in Israel cu a ramkulh sung paltlăngter a siang lo, cutin Israel cu a hnen ihsin a pial.

20:20^a Lai 11:17

20:21^b Dnp 2:8, 27, 30; Lai 11:18

Eleazar Puithiam Lu bik ah a Cang

22 ^aIsrael tefa, mipi umkhawm zaten Kadesh ihsin an suak ih Hor tlang an thleng. 23 Cule Edom ramri kiang Hor tlang ah Jehovah in Mosi le Aaron hnenah, 24 ^b“Aaron cu a mipawl hnenah fĭn a si thlang ding. Ziangahtile anih cu Israel tefapawl ka pek mi ram ah a lut lo ding, ziangruangahtile Meribah tidai hmun ah ka kamsuakthu dokalhin nan hél. 25 Aaron le a fapa Eleazar kha hruai awla, Hor tlang ah hun hruaiso aw. 26 ^cCule Aaron in a sinfen hlit sehla a fapa Eleazar hruhter seh, Aaron cu a mipawl hnenah fĭn a si ding ih, cu tawkah a thi ding a si,” tiah a ti. 27 Cule Jehovah ih thu a pek vekin Mosi in a tuah ih, mipi umkhawm zate ih mithmuh ah Hor tlang ah an fehso. 28 ^dMosi in Aaron-ih sinfen cu a hlihsak ih, cupawl cu a fapa Eleazar a hruhter, cule cu tawk tlang zimah Aaron a thi. Cun Mosi le Eleazar cu tlang ihsin an rung ṭum.

20:22^a Mip 33:37; Dnp 32:50

20:24^b Sem 25:8; Suah 17:7

20:26^c Suah 28:1-4; Pui 16:4

20:28^d Suah 29:29-30; Dnp 10:6

Aaron a Thi

29 ^aMipi umkhawm zate in Aaron a thi ti an hmuh tikah Israel sungkua zaten Aaron cu ni 30 sung an ṭah.

20:29^a Pui 10:6; Dnp 32:50; 34:8

21

Arad Neh a Si

1 ^aNegev ih cêng Kanaan-mi siangpahrang Arad in Israel cu Atharim lamzin in an ra lai ti hna in a thei. Cun anih in Israel cu a rak do ih, mi hrekkhat a kai hai. 2 ^bCule Israel in Jehovah hnenah thutiam a tuah ih, “Hi mipi hi ka kut ih in pek taktak asile, an khuapawl khi ka siatsuah ṭheh verver ding,” tiah a ti. 3 ^cCule Jehovah in Israel-ih auaw cu a ngai ih, Kanaan-mipawl cu an kut ah a pe, cule annih in anmah le an khuapawl cu an siatsuah ṭheh verver. Cule cumi hmun hmin cu ^dHormah tiah kawh a si.

21:1^a Sem 12:9; Mip 33:40; Dnp 1:7; Jos 12:14; Lai 1:16

21:2^b Sem 28:20; Dnp 2:34; Jos 2:10; Lai 11:30; Jer 25:9

21:3^c Jos 19:4; Lai 1:17

21:3^d Hormah: “Siatsuah ṭheh verver” tinak a si.

Rul

4 ^aCun annih cu Edom ram helkûal dingin Hor tlang ihsin Tipi Sen zinpi zawhin an feh, lam tluanah mi senpi tha a nau ṭheh. 5 ^bCule mi senpi in Pathian dokalhin le Mosi dokalhin, “Ziangah so ramṭhing ih thi dingin Izip ihta in hruaisuak? Rawl a um si lo, tidai a um si lo, hi sang santlailo hi kan nunnak in a fihin a fih,” tiah an ti. 6 ^cCuruangah Jehovah in mi senpi lakah ^drulpawl a thlah ih, mi senpi an cuk ciamco, cule Israel mi senpi lakih mi tampi an thi.

21:4^a Dnp 2:1, 8; Lai 11:18

21:5^b Suah 14:11; 16:3; Sam 78:19

21:6^c Dnp 8:15; Sam 58:4; Jer 8:17; 1Ko 10:9

21:6^d rulpawl: Rulngân a si.

7 ^aCuruangah mi senpi cu Mosi hnenah an ra ih, a hnenah, “Thil sual kan rak tuah a si, ziangahtile Jehovah dokalhin le nangmah dokalhin kan rak ṭawng. Kan hnen ihsin rulpawl a lâkhlohnak dingah Jehovah hnenah thlacam aw,” tiah an ti. Cule Mosi in mi senpi hrangah thla a cam.

21:7^a Suah 8:8; 1Sam 12:19; 1Sp 13:6; Sam 78:34; Hos 5:15; Apo 8:24

Dar Rul

8 ^aCun Jehovah in Mosi hnenah, “Rul pakhat in tuah awla, ṭhuam parah tar aw, cule hitin a si ding, rul cuk mi kip in cumi an zoh tikah an nung ding,” tiah a ti. 9 ^bCule Mosi in dar rul a tuah ih, ṭhuam parah a tar, cule hitin a rak cang, rul in mi pakhat khat a cuk asile, anih in dar rul cu a zoh ih a nung.

21:8^a Isa 14:29; 30:6; Joh 3:14-15

21:9^b 2Sp 18:4; Joh 3:14-15

Moab Ram Pannak

10 Israel tefapawl cu an păwk ih Oboth ah riahhmun an sâm. 11 ^aCule Oboth ihsin an feh ih, nisuahnak lam, Moab nisuahnak lam kap ramṭhing ih ^bIje Abarim ah riahhmun an sâm. 12 ^cCu tawk ihsin an ṭhawn ih Zered Hawrkuam ah riahhmun an sâm. 13 ^dCu tawk ihsin an ṭhawn ih Amor-mipawl ramri ihsin a thawk mi ramṭhing ih Arnon tiva khat lam kapah riahhmun an sâm, ziangahtile Arnon cu Moab le Amor-mipawl karlakih um Moab ramri a si. 14 ^eCuruangah Jehovah-ih Ral donakpawl Cazual ah hitin an rel:

21:11^a Sem 36:35; Jer 40:11

21:11^b Ije Abarim: Hebru ṭawng a si ih, a sullam cu “Abarim lei vurpâwng” tinak a si.

21:12^c Dnp 2:13-14

21:13^d Sem 10:16; Dnp 2:24; Lai 11:18; 2Sp 10:33; Isa 6:2

21:14^e 1Sam 17:47

“Sufah ih a um mi Waheb,
Arnon-ih hawrkuampawl tla,
15 ^aHawrkuampawlih kap hrâpnak,
Ar khaw umnak tiang a rung thleng mi,
Moab ramri ih ṭhumaw cu,”

21:15^a Dnp 2:9, 18, 29; Isa 15:1

tiin.

16 ^aCu tawk ihsin Beer ah an feh, cumi cu Jehovah in Mosi hnenah, “Mipi hmunkhat ah fĭnkhawmaw, cule tidai ka pe hai ding,” tiih a tinak tikhur kha a si.

21:16^a Suah 17:6; Lai 9:21; Isa 15:8

17 ^aCun Israel-mipawl in,

21:17^a Suah 15:1

“Ra irhsuak aw, maw tikhur!
Nan zaten a hnenah hlasak uh,
18 ^aUktupawl ih an laih mi tikhur,
Miphun u pawl ih laih mi,
An fungpawl hmangin, dān petu ih thupeknak in,”

21:18^a Sem 49:10; Isa 33:22

ti mi hi hla hi an sak.

Cule ramṭhing ihsin Mattanah ah, 19 Mattanah ihsin Nahaliel ah, Nahaliel ihsin Bamoth ah, 20 ^acule Moab ram ih phaikuam ih um Bamoth ihsin ram car an run thlirnak Pisgah tlang zimah an feh.

21:20^a Mip 23:14, 28; Dnp 3:17, 27; Jos 12:3

Sihon le Og Nehnak

21 ^aCun Israel in Amor-mipawlih siangpahrang Sihon hnenah palaipawl a thlah ih, 22 “Na ram paltlăng ning. Lópawl ah simaw, sabit hmuanpawl ah simaw kan pial lo ding, tikhur tidai kan in lo ding. Na ramri kan lan hlanlo siangpahrang lampi kan zawh ding,” tiah a ti. 23 ^bAsinan Israel in a ramkulh sung a paltlăng ding Sihon in a siang lo. Cun Sihon in a minung zaten a khawm ih ramṭhing ih Israel do dingin an ra păwksuak, cule anih cu Jahaz ah a ra ih Israel cu a do. 24 ^cCun anih cu Israel in ralnâm hriam in a neh ih Arnon tiva ihsin Jabbok tiva tiang, Ammon tefapawl ramri tiang rori a ram a lawn, ziangahtile Ammon tefapawlih ramri cu a kilhim. 25 ^dCule Israel in khua zate in a lâk ṭheh, cule Israel cu Amor-mipawlih khawpi hmuahhmuah, Heshbon le a kiangkap khawte hmuahhmuah ah a cêng. 26 ^eZiangahtile Heshbon cu Moab siangpahrang hmaisa a dotu le a kut ihsin Arnon tiva tiang rori a ram pumpi rak lâksak thluh tu Amor-mipawlih siangpahrang Sihon-ih khawpi a si. 27 Curuangah thufim simtupawl in,

21:21^a Suah 23:23; Dnp 2:26-27; Jos 2:10; Lai 11:19; 1Sp 4:19; Neh 9:22

21:23^b Dnp 2:32; 29:7; Lai 11:20; Isa 15:4; Jer 48:21

21:24^c Dnp 2:33; Jos 12:1; 13:10; Sam 135:11; Amo 2:9

21:25^d Dnp 1:4; Jos 9:10; Lai 10:11; Amo 2:10

21:26^e Dnp 29:7

“Heshbon ah ra uh, cumi cu dĭn si seh,
Sihon khawpi cu rĕmṭhat si seh.
28 ^aZiangahtile Heshbon ihsin meisa a darh,
Sihon khawpi ihsin meisa a darh,
Cumi in Moab-ih Ar khua a kangrál,
Arnon tiva hmun sâng pawlih lalpawl cu.
29 ^bCamsiat na si, nang Moab!
Nan hloral e, maw Kemosh minungpawl!
Kemosh in a fapapawl cu raltlân vekin a pe hai,
A fanupawl cu sál tānnak ah,
Amor-mipawlih siangpahrang Sihon hnenah.
30 ^cAsinan anmah kan rak kap,
Heshbon cu Dibon tiang rori a siatrál.
Medeba kiang, Nofah tiang rori an ram ṭhing ko kan tuah,”

21:28^a Dnp 12:2; Jos 13:17; Jer 48:45

21:29^b Lai 11:24; 2Sam 8:2; Isa 15:2, 5; 25:10; Jer 48:7, 46

21:30^c Jos 13:9, 17; 1San 19:7; Isa 15:2; Jer 48:18

tiah a ti.

31 Cutiin Israel cu Amor-mipawl ram ah a cêng. 32 ^aCun Mosi in Jazer thlingthla dingin mi a thlah hai. Cule a kiang nai khawtepawl an la ih cu tawkih Amor-mipawl cu an dawisuak.

21:32^a Jos 13:25; Lai 18:2; 2Sam 24:5; 1San 6:81; Jer 48:32

33 ^aCule an her ih Bashan zinin an so. Cun Bashan siangpahrang Og cu anmah do dingah amah le a mipawl zaten Edrei ah doaw dingin an ra suak. 34 ^bCun Jehovah in Mosi hnenah, “Amah cu ṭih hlah, ziangahtile a minungpawl hmuahhmuah le a ram thawn amah cu na kut ah ka lo pe zo. Heshbon ih cêng Amor-mipawlih siangpahrang Sihon parih na tuah vekin a par khalah na tuah pei,” tiah a ti. 35 ^cCule annih in amah, a fapapawl le a miphun hmuahhmuah cu pakhat te hman nungdam tâng nawn lo tiangin an neh, cule a ram cu an lawnsak.

21:33^a Dnp 1:4; 3:3-4; Jos 2:10; 12:4; Neh 9:22

21:34^b Dnp 3:2; Sam 135:10

21:35^c Dnp 3:3-4; Jos 9:10; 13:12

22

Balak in Balaam a Ko

1 ^aIsrael tefapawl cu an ṭhawn ih Jeriko ralden Jordan tiva kapih Moab phairawn ah riahhmun an sâm. 2 ^bCule Zippor-ih fapa Balak in Amor-mipawl parih Israel in a tuah mi zaten a hmu ṭheh. 3 ^cCule Moab cun mi senpi cu a ṭih tuk lawmmam, ziangruangahtile annih cu an tam tuk, cule Moab cu Israel tefapawl ṭih ah a thin a phâng. 4 ^dCule Moab in Midian upapawl hnenah, “Atu-ah hi mipungkhawm hin, caw cang in lóram hrampi a piatfai thluh bangin kan kimvelih ziangtinkimin a piatfai ṭheh zik a si hi,” tiah a ti. Cule cuih cān ah Zippor-ih fapa Balak cu Moab rammipawlih siangpahrang a si. 5 ^eCun anih in Pethor ih a um mi Beor-ih fapa Balaam hnenah amah ko dingin palaipawl a thlah. Pethor cu amai miphunih fapapawl ram ih Zufraṭis tiva kiangih um a si. Cule, “Zoh hnik, Izip ihsin miphun pakhat an ra. Ngai hnik, leilung vangdâp an khuh ṭheh ih keimah rite ah an um zo! 6 Curuangah atu-ah ra awla, anmah ka neh ih ram ihsin ka dawisuak thei pangah ka hrangah hi mi senpi hi ra camsiat hram aw, ziangahtile annih cu ka hrangah an cak tuk. Ziangahtile thlawsuah na pek mi cu thlawsuah a si ih, na camsiat mi cu camsiat a si ti ka thei,” tiah a ti.

22:1^a Dnp 32:49; Jos 2:1

22:2^b Jos 24:9; Lai 11:25; Thu 2:14

22:3^c Suah 15:15

22:4^d Sem 19:37; 25:2; Jos 13:21; Job 5:25; Sam 72:16

22:5^e Sem 2:14; Suah 13:3; Mik 6:5; 2Pe 2:15; Jud 1:11

7 ^aCule Moab upapawl le Midian upapawl cu an kut ih tinzoh man thawn an păwksuak, cule Balaam hnenah an thleng ih Balak-ih ṭawngkampawl cu amah an sim. 8 Cule anih in an hnenah, “Tuihzan cu hi tawkah riak uhla, Jehovah in ka hnenih a rel vekin nan hnenah thu ka lo thlenkir ding,” tiah a ti. Cule Moab tlangsuak upapawl cu Balaam hnenah an câm.

22:7^a Sem 30:27; 1Sam 9:7-8

9 ^aCun Balaam hnenah Pathian a ra ih, “Na hnenih umpawl hi zo so an si?” tiah a ti.

22:9^a Sem 20:3; Job 33:15-16

10 Cule Balaam in Pathian hnenah, “Moab siangpahrang, Zippor-ih fapa Balak in ka hnenah mi a rak thlah ih, 11 ‘Ngai hnik, Izip ihsin miphun pakhat an ra suak ih leilung vangdâp an khuh ṭheh. Atu-ah ra awla, anmah ka neh ih ka dawisuak thei hai pangah ka hrangah anmah cu camsiat hai aw,’ tin i ti,” tiah a ti.

12 ^aCule Pathian in Balaam hnenah, “An hnenah na feh lo pei, mi senpi na camse lo pei, ziangahtile annih cu thlawsuah co mi an si,” tiah a ti.

22:12^a Sem 12:2; Rom 11:28

13 Cule Balaam cu zing ah a tho ih Balak-ih tlangsuak upapawl hnenah, “Nan ram ah va tlungkir uh, ziangahtile Jehovah in nan hnenih feh ding in siang lo,” tiah a ti hai.

14 Cule Moab tlangsuak upapawl cu an tho ih Balak hnenah an tlung, cule a hnenah, “Balaam in kan hnenih rat ding in êl,” tiah an ti.

15 Cun Balak in anmah hnakih tam le anmah hnakih upat tlak tlangsuak upapawl a thlahsal. 16 Cule annih cu Balaam hnenah an ra ih a hnenah, “Zippor-ih fapa Balak in, ‘Ka hnenih ra dingah zianghman in lo kham hlah seh. 17 Ziangahtile keimah in nasa zetin ka lo sunlawih tengteng ding ih, ka hnenih na sim mi pauhpauh ka tuah ding. Curuangah zangfahten ra awla, hi mi senpi hi i camsiatsak aw,’ a lo ti,” tiah an ti.

18 ^aCun Balaam in a sawn ih, Balak-ih siahhlawhpawl hnenah, “Balak cun sui le ngun ih khat mi a inn hman i pe sehla, a te khal a tûm khal tuah dingah Jehovah ka Pathian kamsuakthu leng ka lan thei lo. 19 Curuangah atu-ah zangfahten hi tawkah tuihzan khal cām uhla, Jehovah in ka hnenah ziang a simbêt ding ti ka thei ding,” tiah a ti hai.

22:18^a 1Sp 22:14; 2San 18:13

20 ^aCule zan ah Balaam hnenah Pathian a ra ih, a hnenah, “Nangmah ko dingin milaipawl an rat ahcun tho awla, an hnenah feh aw, asinan na hnenih ka lo sim mi kamsuakthu lawng na tuah pei,” tiah a ti. 21 Cule Balaam cu zingte ah a tho ih, a lāk a dăm, cule Moab tlangsuak upapawl zawngah cun a feh ve.

22:20^a Sem 20:3; 2San 18:13

Lāk le Vancungmi

22 ^aCun a feh ruangah Pathian thinhengnak cu a alh ih a doral vekin lamzin ah Jehovah-ih vancungmi cu a ding. Cule anih cu a lāk a to rero lai a si ih a hnenah a siahhlawh pahnih an um. 23 ^bLāk in a kut ih ralnâm phawi cia thawi lamzin ih ding, Jehovah-ih vancungmi cu a hmu, cule lamzin kapah lāk cu a pial ih ló lakah a lut. Curuangah Balaam in lāk cu lamzin lamah herkir dingin a thawi. 24 Cun Jehovah-ih vancungmi cu kap hnih ih hruang umnak sabit hmuanpawl karlak zin bitnak ah a ding. 25 Cule lāk in Jehovah-ih vancungmi a hmuh tikah hruang a va tawt ih Balaam-ih ke cu hruang ah a rekbĕt, curuangah anih in lāk cu a thawisal.

22:22^a Sem 16:7; Suah 4:14; Lai 13:3, 6, 13; 1San 21:16

22:23^b Jos 5:13; 2Sp 6:17; Apo 22:9

26 Cun Jehovah-ih vancungmi cu a va fehbêt ih, vawrh lamah siseh, keh lamah siseh hernak ding a umlonak hmun a cêpnak hmun ah a va ding. 27 ^aCule lāk in Jehovah-ih vancungmi a hmuh tikah Balaam-ih tăngah a băwk, curuangah Balaam-ih thinheng cu a alh ih a fung in lāk cu a thawi. 28 ^bCun Jehovah in lāk kâ a ăwnsak ih Balaam hnenah, “Ziang ka lo ti ruangah so hitiih vei thum rori i thawi?” tiah a ti.

22:27^a Jam 1:19

22:28^b 2Pe 2:16

29 ^aCule Balaam in lāk hnenah, “I dekcăwk ruangah a si. Ka kut ah ralnâm rak um sehla cu aw, atu-ah ka lo that ding nân!” tiah a ti.

22:29^a Thf 12:10; Mat 15:19

30 Cun lāk in Balaam hnenah, “Na ta ka si thawk ihsin tuihni tiang na to ṭheu mi na lāk ka si ko lo maw? Hi vekin ka lo ti dah maw si?” tiah a ti.

Cule anih in, “Ti dah lo,” tiah a ti.

31 ^aCun Jehovah in Balaam-ih mit a vanter ih a kut ih ralnâm phawi cia, lamzin parih ding Jehovah-ih vancungmi cu a hmu, cule a kûn ih a băwkkhup. 32 Cule Jehovah-ih vancungmi in, “Ziangruangah na lāk vei thum tiang na thawi? Ngai hnik, na lamzin in i kalh ruangah nangmah lo kham dingin ka ra a si. 33 Lāk in keimah i hmu ih hitin vei thum rori i rak kian a si. Amah in i kian lo ta sehla cu atu-ah ka lo that zo tengteng ding ih, anih cu ka nungter ding,” tiah a ti.

22:31^a Sem 21:19; 2Sp 6:17; Luk 24:16, 31

34 ^aCule Balaam in Jehovah-ih vancungmi hnenah, “Sual ka rak tuah a si, ziangahtile keimah khamin lamzin ah na rak ding ti ka thei lo. Atu-ah na mithmuh ih thil ṭha lo a si ahcun, ka kirsal ding,” tiah a ti.

22:34^a Sem 39:9; 1Sam 15:24; 26:21; 2Sam 12:13; Job 33:27; 34:31-32; Sam 51:4

35 Cun Jehovah-ih vancungmi in Balaam hnenah, “Milaipawl hnenah va feh ko, asinan na hnenih ka lo sim mi kamsuakthu lawng na sim pei,” tiah a ti. Cutin Balaam cu Balak-ih tlangsuak upapawl hnenah a feh.

36 Balaam a ra ti Balak ih a theih tikah, amah hmuak dingin an ramri ih Moab-mipawlih khua pakhat ah a va feh. Cumi cu ramri a si mi Arnon tiva kiangah a um. 37 Cun Balak in Balaam hnenah, “Nangmah ko dingin na hnenah thungaithlakin mi ka rak thlah hai a si lo maw? Ziangah so ka hnenih na rat lo? Kei hin ka lo sunlawih thei lo maw si?” tiah a ti.

38 Cule Balaam in Balak hnenah, “Ngai hnik, na hnenah ka ra zo! Atu-ah hin, ziang tal rel thei nak ka nei maw si? Pathian in ka kâ ih kamsuakthu a ret mi ka sim ding,” tiah a ti. 39 Cule Balaam cu Balak zawngah a feh ih Kirjath Huzoth an thleng. 40 ^aCun Balak in caw cang pawl le tuupawl in rai a thawi ih, Balaam le a zawngih um tlangsuak upapawl cu a hrekkhat a kuat hai. 41 ^bA thaizing ah cun hitin a si, Balak in Balaam cu a hruai ih Baal hmun sâng pawl ah a kaipi. Cutin cu tawk ihsin mi senpi hrekkhat umnak hliah dingah a si.

22:40^a Eze 45:23

22:41^b Dnp 12:2

23

Balaam Thuphuan Vei Khatnak

1 Balaam in Balak hnenah, “Hi tawkah ka hrangah biakṭheng pasarih in i tuahsak aw, cule hi tawkah ka hrangah caw pa tûai pasarih le tuu cang pasarih timtuah aw,” tiah a ti.

2 Balaam ih a sim vekin Balak in a tuah ih, Balak le Balaam in biakṭheng pakhat fingfing parah caw pa le tuu cang an hlan. 3 Cun Balaam in Balak hnenah, “Na Meiur Thilhlăn kiangah rak ding awla, kei ka va feh ding. Keimah táwng dingin Jehovah a ra mahna, cule ka hnenih a phuan mi ka lo sim ding,” tiah a ti. Cutin hmun sâng phul pakhat ah a hung so. 4 Cule Pathian in Balaam a táwng ih, Balaam in a hnenah, “Biakṭheng pasarih ka timlam zo, cule biakṭheng pakhat ah caw pa pakhat le tuu cang pakhat ka hlan fingfing,” tiah a ti.

5 ^aCun Jehovah in Balaam kâ ah kamsuakthu a ret ih a hnenah, “Balak hnenah kir awla, hitin na sim pei,” tiah a ti. 6 Cutin a hnenah a kirsal ih, a Meiur Thilhlăn kiangah ngai hnik, amah le Moab tlangsuak upapawl zaten an rak ding.

23:5^a Suah 4:12, 15; Isa 51:16; 59:21

7 ^aCule anih in a thusim a thawk ih,

23:7^a Sem 24:10; Jos 24:9; 2Sam 23:1; 2Sp 5:1; Neh 13:2

“Moab siangpahrang Balak in Aram ihsin i ra hruai,
Nisuahnak lam tlangpawl ihsin,
‘Ra aw, ka hrangah Jakob ra camsiat aw,
Cule ra awla, Israel simse aw!’ i ti.
8 ^aPathian ih camsiat lo mi ziangtin ka camsiat ding?
Cule Jehovah ih simsiat lo mi ziangtin ka simse ding?
9 ^bZiangahtile lungpi zim pawl ihsin amah ka hmu,
Tlangpawl ihsin amah ka cuan,
Ngai hnik! Miphun pakhat cu anmah te lawng an cêng,
Anih cu miphun dang pawl lakah siartel a si lo.
10 ^cZo in so Jakob-ih leivut siar thei ding,
Cule Israel-ih ṭhen li ṭhen khat teh siar thei ding?
Midĭng thihin thi ning,
Cule ka netnak cu amai cemnetnak vek si sehla maw!”

23:8^a Isa 43:13

23:9^b Suah 33:16; Dnp 32:8; Jos 11:23; Ezr 9:2

23:10^c Sem 13:16; Sam 16:3; 37:37; Isa 57:1; Thu 14:13

tiah a ti.

11 ^aCun Balak in Balaam hnenah, “Ka parih na thil tuah mi hi ziang vek so a si? Ka ralpawl camsiat dingah ka lo hruai ih, ngai hnik, nang in tirhsiang lutukin anmah na thlawsuah hi!” tiah a ti.

23:11^a Dnp 23:5; Jos 24:10; Neh 13:2

12 Cule anih in a sawn ih, “Jehovah in ka kâ ih a ret mi cu sim dingin fimkhur loin maw ka um ding?” tiah a ti.

Balaam Thuphuan Vei Hnihnak

13 Cun Balak in a hnenah, “Anmah na hmuh thei nak ding hmun dangah ka zawngah zangfahten ra hram aw, a pawnsadeuh pawl lawng na hmu hai ding ih an zate cun na hmu lo ding, cu tawk ihsin ka hrangah annih cu camse hai aw,” tiah a ti. 14 Cule anih in Zofim-ih ló, Pisgah tlang zimah amah cu a hruai, cule biakṭheng pasarih an tuah ih, biakṭheng parah caw pa pakhat le tuu cang pakhat ciar an hlan.

15 Cule anih in Balak hnenah, “Khi tawkih Jehovah ka va tawn sung cu na Meiur Thilhlăn kiang hi tawkah rak ding aw,” tiah a ti.

16 ^aCun Jehovah in Balaam a táwng ih, a kâ ah kamsuakthu a ret, cule, “Balak hnenah kir awla, hitin na sim pei,” tiah a ti.

23:16^a Suah 4:15

17 Cutin anih cu a hnenah a ra ih, ngai hnik, a Meiur Thilhlăn kiangah a rak ding, cule a zawngah Moab tlangsuak upapawl an rak um. Cule Balak in a hnenah, “Jehovah in ziang so a sim?” tiah a ti.

18 Cun anih in a thusim a thawk ih,

“Tho aw, Balak, ngai aw!
I ngai hnik, nang Zippor-ih fapa!
19 ^aThuphan per dingin Pathian cu milai a si ve lo,
Lungthlĕng ding khalin milai fa a si fawn lo.
A rel zo mi cu, a tuah lo ding maw si?
A sim zo mi cu a famkimter lo ding maw?
20 ^bNgai hnik, thlawsuah dingin thupek ka rak dáwng,
Anih in mal a sawm zo,
Cumi cu kei in ka danglamter thei lo.
21 ^cAnih cun Jakob-ih mawhsualnak a zohhliah lo,
Israel ah sualralnak a hmu fawn lo.
Jehovah a Pathian cu a hnenah a um,
Siangpahrang ih aunak cu an lakah a um.
22 ^dPathian in Izip ihta a hruaisuak hai,
Anih cu ramlak caw cang vekin a cak.
23 ^eZiangahtile Jakob dokalhtu dawithiam an um lo,
Israel dokalhtu tinzoh thiam an um fawn lo.
Atu-ah Jakob le Israel hnenah,
‘Maw, Pathian ih thil tuah mi hi!’ tiah an ti tengteng ding.
24 ^fNgai hnik, kiosa pinu vekin miphun pakhat an ra tho,
Cule kiosa bangin a ding,
A sa deh mi a ei hlanlo,
A thah miih thisen a in hlanlo cu a băwk lo ding,”

23:19^a 1Sam 15:29; 2Sam 7:25; Job 12:13; Sam 33:11; Jer 4:28; Hos 11:9; Rom 11:29; Heb 6:18; Jam 1:17

23:20^b Sem 22:17; Job 9:12

23:21^c Suah 29:45-46; Dnp 4:7; Sam 32:2, 5; 89:15-18; Isa 33:24; Jer 50:20; Zek 2:10; Rom 4:7-8

23:22^d Dnp 33:17; Jos 2:10; Job 39:9-12; Sam 22:21; 92:10

23:23^e Sem 30:27; Sam 44:1

23:24^f Sem 49:9, 27; Jos 11:23; Eze 19:2; Nah 2:11

tiah a ti.

25 Cun Balak in Balaam hnenah, “A cam khal camse citcet hai hlah, mal khal sawm citcet fawn hlah!” tiah a ti.

26 Curuangah Balaam in a sawn ih, Balak hnenah, “Na hnenah, ‘Jehovah ih sim mi zaten ka tuah tengteng ding a si,’ tiah ka lo sim cia ko lo maw?” tiah a ti.

Balaam Thuphuan Vei Thumnak

27 Cun Balak in Balaam hnenah, “Zangfahten ra aw, hmun dangah ka lo hruai ding, cu tawk ihsin ka hrangah anmah na camsiat ding cu Pathian mithmuh ah thil dik tla a si pangah,” tiah a ti. 28 ^aCule Balak in Balaam cu ram car vun thlirnak Peor tlang zimah a hruai.

23:28^a Dnp 3:29; Jos 22:17; Sam 106:28-29; Hos 9:10

29 Cun Balaam in Balak hnenah, “Hi tawkah ka hrangah biakṭheng pasarih tuah aw, cule hi tawkah caw pa tûai pasarih le tuu cang pasarih timlam aw,” tiah a ti. 30 Cule Balak cun Balaam ih a sim vekin a tuah, cule biakṭheng pakhat par ciar ah caw pa pakhat le tuu cang pakhat an hlan.

24

1 Israel malsawm ding hi Jehovah lunghmui zawng a si ti Balaam in a hmuh tikah, cān dang vekin dawi thiamnak hman ding zuam dingin a feh lo, cuhnakin ramṭhing lam hmai a hawih sawn. 2 ^aCule Balaam in khua a cuan ih Israel-mipawl cu anmah le an hnám an hnám in riahhmun an sâm ti a hmu. Cule Pathian Thlarau a parah a rung thleng. 3 Cun anih in a thusim a thawk ih,

24:2^a Lai 3:10; 1Sam 19:20, 23; 2San 15:1

“Beor-ih fapa Balaam kamsuak cu,
A mit vanter mi milaiih kamsuak cu,
4 ^aPathian kamsuakthupawl a theituih kamsuak cu,
Ziangkimtithei hnen ihta larawknak hmutu cu,
Mit meng cingih băwkkhuptu cu.
5 ^bNa puanthlampawl cu ziang tluk duhnungza so an si, maw Jakob,
Na cēnnakpawl tla, maw Israel!
6 ^cAnnih cu a pharhaw mi phaikuam vek,
Tiva kiangih hmuanpawl vek,
Jehovah ih phŭn mi aloe kungpawl vek,
Tipi kiangih sidar kungpawl vek an si.
7 ^dAmai tithâwlpawl ihsin tidai a tawih ding,
A cithlahpawl cu tidai tampi ah an um ding,
A siangpahrang cu Agag hnakin a sângsawn ding,
A lalram cu khaisan a si ding.
8 ^eAnih cu Izip ihsin Pathian in a hruaisuak,
Anih cu ramlak caw cang vekin a cak,
A ralpawl, miphunpawl a eirál ṭheh ding,
An ruhpawl a khiak ding ih,
A thál fungpawl in anmah a suntlăng hai ding.
9 ^fAnih cu a kûn ih, kiosa vekin a băwk,
Kiosa vek a si, zo in so amah cu thoharhter ding?
Nangmah mal lo sawmtu cu malsawm co mi a si,
Nangmah lo camsetu cu camsiat mi a si,”

24:4^a Sem 15:1; Eze 1:28

24:5^b Jer 4:20; Mal 2:12

24:6^c Sem 2:10; Sam 1:3; 45:8; Sol 4:14; Jer 17:8; Eze 31:5

24:7^d Suah 17:8-16; Dnp 28:1; 2Sam 5:12; 1San 14:2; Sam 89:27

24:8^e Suah 15:6; 2Sam 18:14; Sam 45:5; Isa 38:13; Jer 50:17

24:9^f Sem 12:3; 27:29; 49:9; Mip 23:24

tiah a ti.

10 ^aCun Balak-ih thinheng cu Balaam parah a alh ih, a kut a beng, cule Balak in Balaam hnenah, “Ka ralpawl camse dingah ka lo ko ih, zoh hnik, vei thum rori tirhsiang zetin anmah mal na sawm! 11 Atu-ah nangmai hmun lamah tlanhlo aw, nasa zetin ka lo sunlawih ding ka ti nân, ngai hnik, nangmah sunlawih ding Jehovah in a kham a si hi!” tiah a ti.

24:10^a Job 27:23; Ṭah 2:15; Eze 21:14, 17

12 Cule Balaam in Balak hnenah, “Ka hnenih na rak thlah mi na palaipawl hnenah, 13 ‘Balak in sui le ngun ih khat mi a inn i pe khal sehla, keimai lungpuak in a ṭha maw a sia simaw tuah dingin, Jehovah-ih kamsuakthu pahbălin ka feh thei lo. Jehovah ih a rel mi ka rel ve ding,’ ka ti tho lo maw? 14 ^aCule atu-ah ngai hnik, ka mipawl hnenah ka tlung thlang ding. Ra aw, ni netaah hi mi senpi in na mipawl hnenah ziang an tuah ding ti ka lo sim ding,” tiah a ti.

24:14^a Sem 49:1; Mik 6:5; Thu 2:14

Balaam Thuphuan Vei Litnak

15 Cule anih in a thusim a thawk ih,

“Beor-ih fapa Balaam kamsuak le,
A mit vanter mi milai kamsuak cu,
16 ^aPathian kamsuakthupawl a theituih kamsuak cu,
Cungnung Bik ih theihnak a neitu cu,
Ziangkimtithei ihta larawknak hmutu cu,
Tlu ih mit mengtu cu.
17 ^bAmah ka hmu ding, atu-ah si sawn loin,
Amah ka cuan ding, naite mi si sawn loin,
Jakob ihsin Arsi a ra suak ding,
Israel ihsin Siangpahrang Kianghrăwl a ra suak ding,
Moab caldar a sawhkek ding,
Mi bur fapapawl zaten a ṭhekdarh ṭheh ding.
18 ^cCule Edom cu a ta a si ding,
Seir khal a ta an si ding, a ralpawl cu.
Israel in ralṭha zetin a tuah.
19 ^dJakob ihsin Uktu a suak ding,
Cule khua ih a tāng mipawl a that ṭheh ding,”

24:16^a Sem 14:18; Isa 14:14; Apo 7:48

24:17^b Sem 49:10; Dnp 23:6; Jer 48:45; Mat 2:2; Thu 1:7

24:18^c Sem 14:6; Lai 5:4; 2Sam 8:14; 1San 18:11; Isa 11:14; Amo 9:12; Oba 1:2

24:19^d Sem 49:10; Amo 9:11; Mik 5:2

tiah a ti.

20 ^aCun anih in Amalek a zoh, cule anih in a thusim a thawk ih,

24:20^a Sem 14:7; Suah 17:14; 1Sam 15:3, 8, 20; 2Sam 8:12; 2San 18:11

“Amalek cu miphunpawl lakah a hmaisabik a si,
Asinan a siatrál hlanlo, a netabik a si ding,”

tiah a ti.

21 ^aCun Ken-mipawl a zoh ih, anih in a thusim a thawk,

24:21^a Sem 15:19; Sam 37:27; Isa 32:18

“Na cēnnak hmun cu a hnget ih,
Na bu cu lungpi sungah na sak.
22 ^aCuti si khal sehla Kain cu urkăng a si ding.
Assiria in ralkaih ih a lo thiar hlanlo maw a rei ding?”

24:22^a Sem 10:22

tiah a ti.

23 Cun anih in a thusim a thawk ih,

“Ai law! Hi thil Pathian in a ti tikah teh zo so nungdam ding?
24 ^aAsinan Kittim tipi kap tluan ihsin lăwngpawl an ra ding,
Annih in Assiria an zawnzaiter ding ih,
Eber khal an zawnzaiter ding,
Cule anihih cemnetnak cu siatralnak a si ding,”

24:24^a Sem 10:4, 21, 25; Dan 11:30

tiah a ti.

25 Cule Balaam cu a tho, a păwksuak ih, a umnak ah a kir, Balak khal a tlung ve.

25

Balaam Zirhnak

1 ^aIsrael-mipawl cu Shittim hmun ah an tâp hrih, cule mi senpi cu Moab nunaupawl thawn nunau-mipa sualnak tuah an thawk. 2 ^bMoab nunaupawl cun mi senpi cu an pathianpawl raithawinak ah an sawm, cule mi senpi cun an ei ih an pathianpawl an bia. 3 ^cCule Israel-mipawl in Peor Baal an kăwp ruangah, Jehovah-ih thinhengnak cu Israel-mipawl parah a alh. 4 ^dCun Jehovah in Mosi hnenah, “Mipi hotu zaten hruai awla, Israel-mipawl hnen ihsin Jehovah-ih tuksumza thinhengnak a kirhloh thei nak dingah thil sual tuahtupawl kha sunvâng ah Jehovah hmaiah thlai hai aw,” tiah a ti.

25:1^a Sem 19:37; Jos 2:1; 1Ko 10:8; Thu 2:14

25:2^b Suah 20:5; 32:6; Jos 22:17; Hos 9:10

25:3^c Dnp 4:19; Sam 106:28; Jer 1:16

25:4^d Suah 32:12; Dnp 4:3; 13:17; Jos 7:26; 2Sp 23:26

5 ^aCule Mosi in Israel-mi thuṭhentupawl hnenah, “Mi kip in Peor Baal a kăwptu mai milaipawl kha that uh,” tiah a ti.

25:5^a Suah 18:21; 32:27; Hos 9:10

6 ^aCule ngai hnik, Israel tefapawl lakih mipa pakhat a ra ih, Tawnawknak Puanthlam luhnak hramih a ṭap rero mi, Mosi ih mithmuh le Israel tefa umkhawm zate mithmuh ah Midian nunau pakhat a unaupawl hnenah a rak hruai. 7 ^bPuithiam Aaron-ih fapa Eleazar, cumiih fapa Finehas in cumi cu a hmuh tikah, mipi umkhawm lak ihsin a tho ih a kut in fei a la. 8 ^cCule Israel paih puanthlam ah a luhhnawh ih an pahnih in a suntlăng hai, Israel pa le nunaunuih pum cu a tlăng. Cutin Israel tefapawl lakih hremnak cu a reh. 9 ^dCule hremnak ih a thi mi cu 24000 an si.

25:6^a Sem 25:2; Ezr 10:1; Sam 126:6; Jer 41:6

25:7^b Suah 6:25; Jos 22:13; Sam 35:3; Joe 3:10; Mik 4:3

25:8^c Sam 106:30

25:9^d Dnp 4:3; 1Ko 10:8

Finehas Fak a Si

10 Jehovah in Mosi hnenah, 11 ^a“Puithiam Aaron-ih fapa Eleazar, cumiih fapa Finehas in Israel tefapawl hnen ihsin ka thinlingnak a kirter a si, ziangruangahtile anih cu an lakah ka ṭhahnemngai tlukin ṭhahnem a ngai, cutin ka ṭhahnemngainak in Israel tefapawl cu ka siatrálter hai lo. 12 ^bCuruangah, ‘Ngai hnik, ka remnak thukham cu amah ka pe. 13 ^cCule cumi cu amah le amai hnuih a cithlahpawl hnenah kumkhaw puithiam sinak thukham a si pei, ziangruangahtile anih cu a Pathian hrangah ṭhahnem a ngai ih Israel tefapawl hrangah sualkhuhthawinak a tuah,’ ti aw,” tiah a ti.

25:11^a Suah 20:5; Dnp 32:16, 21; 1Sp 14:22; Sam 78:58; 1Ko 10:22

25:12^b Isa 54:10; Eze 34:25; Mal 2:4-5

25:13^c Suah 29:36; 1Sp 19:10; 2Sp 10:16; 1San 6:4; Rom 3:25

14 Cule an thah mi, Midian nunau thawi an thah mi Israel paih hmin cu Salu-ih fapa Zimri a si, Simeon-mipawl lakih pupá sungkua pakhat hotu a si. 15 ^aCule an thah mi Midian nunauih hmin cu Zur-ih fanu Kozbi a si. Zur cu Midian-mipawl lakih pupá sungkua mipi lubân a si.

25:15^a Jos 13:21; Hab 3:7

16 Cun Jehovah in Mosi hnenah, 17 ^a“Midian-mipawl hnaihnăwk awla, do hai aw. 18 ^bZiangruangahtile annih in Peor thuhla ah le Peor ruangih hremnak a tlun cān ih an thah mi, an farnu, Midian hotuih fanu Kozbi thuhla ah an hrăwkhrawlnak in an lo bum, cumi hmangin an lo hnaihnăwk kha,” tiin a sim.

25:17^a Mip 31:1-3; Lai 2:16-18; Neh 9:27

25:18^b Thu 2:14

26

Mipum Siar a Vei Hnihnak

1 Cule hitin a si, hremnak hnuah Jehovah in Mosi le puithiam Aaron-ih fapa Eleazar hnenah, 2 ^a“Israel tefa umkhawm hmuahhmuah, anmai pupápawlih sungkua sungkua in, Israel-mipawl lakih kum 20 ihsin a tlun lam ral do thei zate in mipum siar uh,” tiah a ti. 3 ^bCule Mosi le puithiam Eleazar in Jeriko khat lam ral, Jordan tiva kapih Moab phairawn ah anmah hnenah, 4 ^c“Jehovah in Mosi le Izip ram ihta a hung suak mi Israel tefapawl thu a pek vekin, kum 20 ihsin a tlun lam mi senpi mipum siar uh,” tiah a ti.

26:2^a Suah 30:11-16

26:3^b Jos 13:32

26:4^c Mip 1:1

5 ^aReuben cu Israel fatir a si: Reuben-ih tefapawl cu Hanok ihsin Hanok-mipawlih hrin, Pallu ihsin Pallu-mipawlih hrin, 6 ^bHezron ihsin Hezron-mipawlih hrin, Karmi ihsin Kar-mipawlih hrin tla an si. 7 Hipawl cu Reuben-mipawlih hrinpawl an si, anmah lakih mipum an siar mi cu 43730 an si. 8 Cule Pallu-ih fapa cu Eliab a si. 9 Eliab-ih fapapawl cu: Nemuel, Dathan le Abiram an si. Hipawl cu mipi umkhawm aiawhtu Dathan le Abiram kha an si. Jehovah an tawh ṭumah Mosi le Aaron a rak totu Korah-ih ho ah an ṭang. 10 ^cCule meisa in pacang 250 a kangrál ṭheh ṭumih, cumi mipi umkhawm an thih laiah, leilung cun a kâ a ang ih annih cu Korah thawn a dawlh ṭheh hai, cule annih cu hminsinnak ah an rung cang ta. 11 ^dCuti si khal sehla Korah tefapawl cu an rak thi lo.

26:5^a Sem 46:9; Suah 6:14

26:6^b 1San 5:3

26:10^c Suah 3:12; 15:12; Mip 16:31-35; 1Ko 10:6

26:11^d Suah 6:24; 2Sp 14:6; 1San 6:22-23; Eze 18:20

12 ^aAn hrinpawl bangtukin Simeon-ih fapapawl cu: Nemuel ihsin Nemuel-mipawlih hrin, Jamin ihsin Jamin-mipawlih hrin, Jakin ihsin Jakin-mipawlih hrin, 13 ^bZerah ihsin Zerah-mipawlih hrin, Shaul ihsin Shaul-mipawlih hrin tla an si. 14 Hipawl cu Simeon-mipawlih hrinpawl an si ih, an mipum cu 22200 an si.

26:12^a Sem 46:10; Suah 6:15; 1San 4:24

26:13^b Sem 46:10

15 ^aAn hrinpawl bangtukin Gad-ih fapapawl cu: Zefon ihsin Zefon-mipawlih hrin, Haggi ihsin Haggi-mipawlih hrin, Shuni ihsin Shuni-mipawlih hrin, 16 Ozni ihsin Ozni-mipawlih hrin, Eri ihsin Eri-mipawlih hrin, 17 Arod ihsin Arod-mipawlih hrin, Areli ihsin Areli-mipawlih hrin tla an si. 18 ^bHipawl cu mipum an siar mi bangtukin Gad fapapawlih hrinpawl an si ih, an mipum cu 40500 an si.

26:15^a Sem 46:16

26:18^b Sem 30:11; Jos 13:24-28

19 ^aJudah-ih fapapawl cu Er le Onan an si. Er le Onan cu Kanaan ram ah an rak thi. 20 ^bAn hrinpawl bangtukin Judah-ih fapapawl cu: Shelah ihsin Shelan-mipawlih hrin, Perez ihsin Perez-mipawlih hrin, Zerah ihsin Zerah-mipawlih hrin tla an si. 21 ^cCule Perez-ih fapapawl cu: Hezron ihsin Hezron-mipawlih hrin, Hamul ihsin Hamul-mipawlih hrin tla an si. 22 Hipawl cu mipum an siar mi bangtukin Judah hrinpawl an si ih, an mipum cu 76500 an si.

26:19^a Sem 38:2-10; 46:12; 1San 2:3-5

26:20^b Sem 38:5, 29; Jos 7:17

26:21^c Sem 38:29; Rut 4:19

23 ^aAn hrinpawl bangtukin Issakar-ih fapapawl cu: Tola ihsin Tola-mipawlih hrin, Puah ihsin Puah-mipawlih hrin, 24 Jashub ihsin Jashub-mipawlih hrin, Shimron ihsin Shimron-mipawlih hrin tla an si. 25 ^bHipawl cu mipum an siar mi bangtukin Issakar hrinpawl an si ih, an mipum cu 64300 an si.

26:23^a Sem 46:13

26:25^b Sem 30:18

26 ^aAn hrinpawl bangtukin Zebulun-ih fapapawl cu: Sered ihsin Sered-mipawlih hrin, Elon ihsin Elon-mipawlih hrin, Jahleel ihsin Jahleel-mipawlih hrin tla an si. 27 ^bHipawl cu mipum an siar mi bangtukin Zebulun-mipawlih hrinpawl an si ih, an mipum cu 60500 an si.

26:26^a Sem 46:14

26:27^b Sem 30:20

28 ^aAn hrinpawl bangtukin Joseph-ih fapapawl cu Manasseh le Efraim an si. 29 ^bManasseh-ih fapapawl cu: Makir ihsin Makir-mipawlih hrin, cule Makir in Gilead a hring, Gilead ihsin Gilead-mipawlih hrin tla an si. 30 ^cHipawl cu Gilead-ih fapapawl an si: Jeezer ihsin Jeezer-mipawlih hrin, Helek ihsin Helek-mipawlih hrin, 31 Asriel ihsin Asriel-mipawlih hrin, Shekem ihsin Shekem-mipawlih hrin, 32 Shemida ihsin Shemida-mipawlih hrin, Hefer ihsin Hefer-mipawlih hrin. 33 ^dHefer-ih fapa Zelofehad in fapa nei loin fanu lawnglawng a nei, Zelofehad fanupawlih hmin cu Mahlah, Noah, Hoglah, Milkah le Tirzah tla an si. 34 Hipawl cu Manasseh-ih hrinpawl an si ih, mipum an siar mi cu 52700 an si.

26:28^a Sem 41:52; 46:20; Dnp 33:16

26:29^b Sem 50:23; Lai 11:1

26:30^c Jos 17:2; Lai 6:11; 1San 7:14, 17

26:33^d Jos 17:3; 1San 7:15

35 ^aHipawl cu an hrinpawl bangtukin Efraim-ih fapapawl an si: Shuthelah ihsin Shuthelah-mipawlih hrin, Beker ihsin Beker-mipawlih hrin, Tahan ihsin Tahan-mipawlih hrin tla an si. 36 Cule hipawl cu Shuthelah-ih fapapawl an si: Eran ihsin Eran-mipawlih hrin an si. 37 Hipawl cu mipum an siar mi bangtukin Efraim fapapawlih hrinpawl an si ih, an mipum cu 32500 an si. Hipawl hi an hrinpawl bangtukin Joseph-ih fapapawl an si.

26:35^a 1San 7:20

38 ^aAn hrinpawl bangtukin Benjamin-ih fapapawl cu: Bela ihsin Bela-mipawlih hrin, Ashbel ihsin Ashbel-mipawlih hrin, Ahiram ihsin Ahiram-mipawlih hrin, 39 ^bShufam ihsin Shufam-mipawlih hrin, Hufam ihsin Hufam-mipawlih hrin tla an si. 40 ^cCule Bela-ih fapapawl cu Ard le Naaman an si: Ard ihsin Ard-mipawlih hrin, Naaman ihsin Naaman-mipawlih hrin tla an si. 41 Hipawl cu an hrinpawl bangtukin Benjamin-ih fapapawl an si, cule mipum an siar mi cu 45600 an si.

26:38^a Sem 46:21; 1San 8:40

26:39^b 1San 7:12; 8:5

26:40^c Sem 46:21

42 ^aHipawl cu an hrinpawl bangtukin Dân-ih fapapawl an si: Shuham ihsin Shuham-mipawlih hrin tla an si. Hipawl cu an hrinpawl bangtukin Dan hrinpawl an si. 43 An mipum an siar mi bangtukin Shuham-mipawlih hrin zaten 64400 an si.

26:42^a Sem 46:23; Lai 18:19

44 ^aAn hrinpawl bangtukin Asher-ih fapapawl cu: Jimnah ihsin Jimnah-mipawlih hrin, Jesui ihsin Jesui-mipawlih hrin, Beriah ihsin Beri-mipawlih hrin tla an si. 45 Beriah-ih fapapawl cu: Heber ihsin Heber-mipawlih hrin, Malkiel ihsin Malkiel-mipawlih hrin tla an si. 46 Cule Asher-ih fanu hmin cu Serah a si. 47 Hipawl cu mipum an siar mi bangtukin Asher fapapawlih hrinpawl an si ih, an mipum cu 53400 an si.

26:44^a Sem 46:17; 1San 7:30-31

48 ^aAn hrinpawl bangtukin Naftali-ih fapapawl cu: Jahzeel ihsin Jahzeel-mipawlih hrin, Guni ihsin Guni-mipawlih hrin, 49 Jezer ihsin Jezer-mipawlih hrin, Shillem ihsin Shillem-mipawlih hrin tla an si. 50 Hipawl cu an hrinpawl bangtukin Naftali hrinpawl an si, cule mipum an siar mi cu 45400 an si.

26:48^a Sem 46:24; 1San 7:13

51 ^aHipawl cu Israel tefa mipum an siar mipawl an si ih, an mipum cu ting ruk le thawngkhat zasarih sawmthum an si.

26:51^a Suah 12:37

52 Cun Jehovah in Mosi hnenah, 53 ^a“Hmin zat zulhin, an ro dingah ram cu hipawl hnenah zem an si pei. 54 Hnám tûm hnenah ro tumdeuh na pe pei ih hnám tedeuh hnenah ro tedeuh na pe pei. An mipum siar mipawl zulhin an ro pek fingfing an si pei. 55 ^bAsinan ram cu camcawhfung zûkin zem an si pei, an pupápawlih hnám hminpawl bangtukin annihpawl in ro an co pei. 56 Camcawhfung zûk mi bangtukin an ro cu a tumdeuh le a tedeuh lakah zem a si pei,” tiin a sim.

26:53^a Jos 11:23; 14:1; Sam 105:44

26:55^b Pui 16:8; Jos 11:23; 14:2

57 ^aCule hipawl cu an hrinpawl bangtukin Levi-mipawl mipum an siar mi an si: Gershon ihsin Gershon-mipawlih hrin, Kohath ihsin Kohath-mipawlih hrin, Merari ihsin Merari-mipawlih hrin tla an si. 58 ^bHipawl cu Levi-mipawlih hrinpawl an si: Libni-mipawlih hrin, Hebron-mipawlih hrin, Mahli-mipawlih hrin, Mushi-mipawlih hrin le Korath-mipawlih hrin tla an si. Cule Kohath in Amram a hring. 59 ^cAmram nupi hmin cu Jokebed a si, Levi fanu a si, amah cu Izip ram ah Levi ih a hrin mi a si. Cule cu nu in Aaron le Mosi le an farnu Miriam cu Amram a hrinsak. 60 ^dAaron in Nadab, Abihu, Eleazar le Ithamar a hring. 61 ^eCule Nadab le Abihu cu Jehovah hmaiih meisa danglam an hlăn laiah an rak thi. 62 Thla khat le a tlun lam mipa kip mipum an siar mi cu 23000 an si. Ziangtintile annih cu Israel tefa dang pawl lakah siartel an si lo, ziangruangahtile Israel tefapawl lakah annih cu ro pek an si lo.

26:57^a Sem 46:11; Suah 6:16-19; 1San 6:1, 16

26:58^b Suah 6:20

26:59^c Suah 2:1-2; 6:20

26:60^d Suah 6:23

26:61^e Pui 10:1-2; 1San 24:2

63 Hipawl cu Jeriko khat lam ral, Jordan tiva kapih Moab phairawn ih Israel tefa mipum an siar mi, Mosi le puithiam Eleazar ih mipum an siar mipawl an si. 64 ^aAsinan hipawl lakah, Sinai Ramṭhing ah Israel tefa mipum siar laiih Mosi le puithiam Aaron in mipum an rak siar mi cu mi pakhat hman an um nawn lo. 65 ^bZiangahtile Jehovah in anmai thuhla ah, “Annih cu ramṭhing ah an thi tengteng ding a si,” a rak ti a si. Cule Jefunneh-ih fapa Kaleb le Nun-ih fapa Joshua siarlo an lakih mi pakhat hman an tâng nawn lo.

26:64^a Dnp 2:14-15

26:65^b 1Ko 10:5

27

Zelofehad Fanupawl

1 ^aJoseph-ih fapa Manasseh hrinpawl ihsin, Manasseh-ih fapa Makir, cumiih fapa Gilead, cumiih fapa Hefer-ih fapa Zelofehad-ih fanupawl an ra, cule hipawl hi a fanupawlih hminpawl cu an si: Mahlah, Noah, Hoglah, Milkah le Tirzah tla an si. 2 ^bCule annih cu Tawnawknak Puanthlam luhnak kiangih Mosi hmai, puithiam Eleazar hmaiah le hotupawl le mipi umkhawm hmuahhmuah hmaiah an ding ih, 3 “Kan pa cu ramṭhing ah a rak thi. Anih cu Jehovah dokalhih a fĭnkhawmaw mi, Korah-ih mipi umkhawm lakah cun a tel lo, asinan amai bulpâk sualnak ruangah a thi. Cule fapa a nei lo. 4 ^cZiangah so fapa a neih lo ruangih a hrinpi lak ihsin kan paih hmin a hloh ding? Kan paih unaupawl lakah covo in pe ve uh,” tiah an ti.

27:1^a Sem 50:23; Jos 17:2-3; 1San 2:21

27:2^b Suah 40:2, 17

27:4^c Jos 17:4

5 ^aCule Mosi in Jehovah hmaiah an thuhla cu a thlen. 6 Cule Jehovah in Mosi hnenah, 7 ^b“Zelofehad-ih fanupawl hin thudik an rel a si. An paih unaupawl lakah ro ding covo na pe tengteng hai pei, cule an paih ro cu an hnenah na pe sâwng ding a si. 8 Cule nang in Israel tefapawl hnenah, ‘Mi pakhat cu thi in fapa a neih lo asile, a ro cu a fanu nan pe sâwng pei. 9 Anih in fanu a neih lo asile, a ro cu a unaupawl nan pe pei. 10 Anih in unau a neih lo asile, a ro cu a paih unaupawl nan pe pei. 11 ^cCule a pa in unau a neih lo asile, an hrin lakih amah naibik hnenah a ro cu nan pe pei, cule anih in a co pei,’ tiah ti aw. Cule Jehovah in Mosi thu a pek vekin, cumi cu Israel tefapawl hrangah sakhaw dān le zīn le dān a si pei,” tiin a sim.

27:5^a Sem 25:22; Suah 18:19

27:7^b Jos 17:4; Job 42:15

27:11^c Rut 4:3-6; Jer 32:6-9

12 ^aJehovah in Mosi hnenah, “Abarim tlang ah hung so awla, Israel tefapawl ka pek mi ram cu hung zoh aw. 13 ^bCule cumi na hmuhngah in na unaupa Aaron fĭn a si bangin, nang khal na mipawl hnenah fĭn na si ding. 14 ^cZiangahtile Zin Ramṭhing ih mipi umkhawm in in tawh laiah, an hmaika ih tidai hmun ah ka thianhlimnak hmuter dingin ka thupek lakah nan rak hél a si,” tiah a ti. Cumi cu Zin Ramṭhing sung, Kadesh hmun ih Meribah tidai a si.

27:12^a Pui 14:34; Dnp 3:23-27; 34:1; Jer 22:20

27:13^b Dnp 4:22; 1Sp 2:1

27:14^c Suah 17:7; Dnp 32:51

Hruaitu Thar Joshua

15 Cun Mosi in Jehovah hnenah, 16 ^a“Jehovah, titsa hmuahhmuah ih thlaraupawlih Pathian in mipi umkhawm tlunah mi pakhat ret seh. 17 ^bAnih cu an hmaiah a lutin a suak ding, anih in a hruaisuakin a hruailut hai ding. Cutin Jehovah-ih mipi umkhawm cu khāltu nei lo tuu rual vek an si lo ding,” tiah a ti.

27:16^a Job 21:20; Heb 12:9

27:17^b Dnp 31:2; 1Sam 8:20; 18:13; 1Sp 22:17; 2San 18:16; Eze 34:5; Zek 10:2; Mat 9:36

18 ^aCule Jehovah in Mosi hnenah, “Na zawngah Nun-ih fapa Joshua hruai aw, amah ah Thlarau a um a si, a parah na kut suang aw. 19 ^bPuithiam Eleazar hmaika ah le mipi umkhawm zate hmaika ah amah cu dīngter awla, amah cu an mithmuh ah ṭuanvo pe aw. 20 ^cCule Israel tefa umkhawm zaten a thu an lun thei nak dingah nang in na thuneihnak hrekkhat amah na pe pei. 21 ^dAmah cu thuṭhennak Urim hmangih a hrangah Jehovah hmaika ih suthliahsaktu ding puithiam Eleazar hmaiah a dīng pei. Mipi umkhawm hmuahhmuah, Joshua le a hnenih Israel tefapawl zaten a ṭawngkam in an suak pei ih a ṭawngkam in an lut pei,” tiah a ti.

27:18^a Sem 41:38; Dnp 34:9; Apo 6:6

27:19^b Dnp 3:28; 31:7

27:20^c Jos 1:16-18

27:21^d Suah 28:30; Lai 20:18, 23, 26; 1Sam 28:6; Mal 2:7

22 Cule Jehovah in thu a pek vekin, Mosi cun a tuah. Joshua cu a hruai ih puithiam Eleazar hmaiah le mipi umkhawm hmuahhmuah hmaiah a dīngter. 23 Cule Mosi hmangih Jehovah in thu a pek vekin anih in a parah kut a suang ih ṭuanvo a pek.

28

Ni Tin Thilhlănpawl

1 Jehovah in Mosi hnenah, 2 ^a“Israel tefapawl thu pe awla an hnenah, ‘Ka thilhlăn, ka hrangih rimthaw dingih meisa ih ur mi ka thilhlănpawl hrangih ka rawl cu a tikcu khiah cān ah ka hnenah hlan dingin nan ralring pei,’ tiah ti aw.

28:2^a Pui 1:9; 3:11; 21:6, 8; 23:1-44

3 ^a“Cule nang in an hnenah, ‘Himi hi Jehovah hnenih nan hlăn mi meisa ih ur mi thilhlăn a si: ni tin, sawisel ding um lo tuu fa no kum khat ti pahnih hi hlăn ringring ding mi Meiur Thilhlăn an si. 4 Tuu fa no pakhat cu zing lamah na hlan pei ih a dang tuu fa no pakhat cu khawthim zawngah na hlan pei. 5 ^bCule sawr mi hriak kalān khat ih ṭhen li ṭhen khat thawi rawi mi Thlairawl Thilhlăn dingah sangvut phut efa khat ih ṭhen hra ṭhen khat nan kengcih pei. 6 ^cCumi cu Jehovah hnenih meisa ih ur mi rimthaw hrangah Sinai tlang ihsi rak hlăn thawk mi, hlăn ringring mi Meiur Thilhlăn a si. 7 ^dCule cumiih Inding Thilhlăn cu tuu fa no pakhat veve hrangah kalān khat ih ṭhen li ṭhen khat a si pei, zu cu Jehovah hnenih thilhlăn ah hmun thianghlim sungah na thle pei. 8 ^eA dang tuu fa no pakhat cu khawthim zawngah na hlan pei, zing lamih Thlairawl Thilhlăn le cumiih Inding Thilhlăn bangin cumi cu Jehovah hrangih rimthaw, meisa ih ur mi thilhlăn ah na hlan pei.

28:3^a Suah 12:5; 29:38-42; Amo 4:4

28:5^b Suah 16:36; Pui 2:1; 6:20

28:6^c Suah 19:3; 29:42; Pui 1:3, 9

28:7^d Pui 3:7; 10:9

28:8^e Suah 29:39; Pui 1:9; 3:7

Sabbath Thilhlănpawl

9 ^a‘Cule Sabbath ni ah sawisel ding um lo, kum khat ti tuu fa no pahnih le sangvut phut efa khat ih ṭhen hra ṭhen hnih kha hriak thawn rawiin Thlairawl Thilhlăn dingah cumiih Inding Thilhlăn thawn na hlan pei. 10 ^bHimi hi a Inding Thilhlăn zawngih hlăn ringring mi Meiur Thilhlăn hleiah, Sabbath tin hrangih Meiur Thilhlăn a si.

28:9^a Suah 20:10; Pui 23:13

28:10^b Pui 23:38; Eze 46:4-5

Thla Tin Thilhlănpawl

11 ^a‘Nan thla thawktir tinten Jehovah hnenah Meiur Thilhlăn nan hlan pei: cupawl cu sawisel ding um lo caw pa tûai pahnih, tuu cang pakhat le kum khat ti tuu fa no pasarih an si, 12 caw pa pakhat fingfing hrangah Thlairawl Thilhlăn dingah, hriak rawi mi sangvut phut efa khat ih ṭhen hra ṭhen thum, tuu cang pakhat hrangah Thlairawl Thilhlăn dingah, hriak rawi mi sangvut phut efa khat ih ṭhen hra ṭhen hnih, 13 ^bcule tuu fa no pakhat fingfing hrangah Thlairawl Thilhlăn dingah, hriak rawi mi sangvut phut efa khat ih ṭhen hra ṭhen khat pawl cu Jehovah hnenih meisa ih ur mi Thilhlăn, rimthaw Meiur Thilhlăn a si. 14 ^cAn Inding Thilhlăn cu, caw pa pakhat hrangah sabit zu kalān hrek, tuu cang pakhat hrangah kalān khat ih ṭhen thum ṭhen khat le tuu fa no pakhat hrangah kalān khat ih ṭhen li ṭhen khat a si pei. Himi cu kum tluanin thla tin hrangih Meiur Thilhlăn a si pei. 15 ^dHlăn ringring mi Meiur Thilhlăn le cumiih a Inding Thilhlăn hleiah Jehovah hnenih Sual Thilhlăn hrangah me pa pakhat hlăn a si fawn pei.

28:11^a Pui 1:3; 5:15; 1San 23:31; Isa 1:13-14; Kol 2:16

28:13^b Pui 1:9; 6:14

28:14^c 2San 2:4; Ezr 3:5

28:15^d Pui 4:3

Lanta Puai

16 ^a‘Thla khatnak, ni hleilitnak cu Jehovah-ih Lanta Puai a si. 17 ^bCule hi thla, ni hleingatnak cu puai a si, ni sarih sung thilnu telh lo sang ei a si pei. 18 ^cA ni khatnak ah tawnkhawmawknak thianghlim nan nei pei, hna kel nan ṭuan lo pei. 19 ^dCule Jehovah hrangih Meiur Thilhlăn dingah meisa ih ur mi thilhlăn pakhat nan hlan pei: cupawl cu caw pa tûai pahnih, tuu cang pakhat le kum khat ti tuu fa no pasarih tla an si. Cupawl cu sawisel ding um lo an si tengteng pei. 20 ^eAn Thlairawl Thilhlăn cu hriak rawi mi sangvut phut a si pei, caw pa pakhat hrangah efa khat ih ṭhen hra ṭhen thum le tuu cang pakhat hrangah efa khat ih ṭhen hra ṭhen hnih nan hlan pei, 21 tuu fa no pasarih lakih pakhat ciar hrangah efa khat ih ṭhen hra ṭhen khat nan hlan pei. 22 ^fNan hrangih sualkhuhthawinak tuahnak ah Sual Thilhlăn dingah me pa pakhat nan hlan fawn pei. 23 Hlăn ringring mi Meiur Thilhlăn, zing lamih Meiur Thilhlăn hleiah hibangpawl hi nan hlan ding a si. 24 ^gCuti vek cun Jehovah hrangih rimthaw dingah ni tin ni sarih sung meisa ih ur mi thilhlăn rawl nan hlan pei, cumi cu hlăn ringring mi Meiur Thilhlăn le cumiih a Inding Thilhlăn hleiih hlăn ding mi a si. 25 Cule a ni sarihnak ah tawnkhawmawknak thianghlim nan nei pei, hna kel nan ṭuan lo pei.

28:16^a Suah 12:11; 2San 30:13

28:17^b Suah 12:15, 19; Pui 23:6

28:18^c Suah 12:16

28:19^d Pui 1:9; Dnp 15:21

28:20^e Pui 14:10

28:22^f Pui 4:3; Rom 8:3

28:24^g Pui 1:9

Zarhkar Sarih hnu Puai

26 ^a‘Rah hmaisabik pawl ni ah, Zarhkar Sarih hnu Puai ah Jehovah hnenah Thlairawl Thilhlăn thar nan rak ken tikah, tawnkhawmawknak thianghlim nan nei pei. Hna kel zianghman nan ṭuan lo pei. 27 Jehovah hrangih rimthaw dingah Meiur Thilhlăn nan hlan pei, cupawl cu: caw pa tûai pahnih, tuu cang pakhat le kum khat ti tuu fa no pasarih le, 28 hriak rawi mi sangvut phut, an Thlairawl Thilhlăn thawn a si, caw pa pakhat ciar hrangah efa khat ih ṭhen hra ṭhen thum, tuu cang pakhat hrangah ṭhen hra ṭhen hnih le, 29 tuu fa no pasarih lakih pakhat ciar hrangah ṭhen hra ṭhen khat tiin, 30 nan hrangih sualkhuhthawinak tuahnak ah me pa pakhat khal nan hlan pei. 31 Cupawl cu sawisel ding um lo an si tengteng pei. Cupawl cu hlăn ringring mi Meiur Thilhlăn le a Thlairawl Thilhlăn hleiah an Inding Thilhlănpawl thawn nan hlan pei.

28:26^a Suah 23:16; 34:22; Pui 23:10, 15

29

Tawtawrawt Puai

1 ‘Cule thla sarihnak, cuih thla ni khatnak ah tawnkhawmawknak thianghlim nan nei pei. Hna kel zianghman nan ṭuan lo pei. Cumi cu nan hrangah tawtawrawtpawl phawt ni a si. 2 ^aJehovah hrangih rimthaw dingah Meiur Thilhlăn nan hlan pei, cupawl cu: sawisel ding um lo, caw pa tûai pakhat, tuu cang pakhat le kum khat ti tuu fa no pasarih an si pei. 3 An Thlairawl Thilhlăn cu hriak rawi mi sangvut phut, caw pa hrangah efa khat ih ṭhen hra ṭhen thum tuu cang hrangah ṭhen hra ṭhen hnih le, 4 tuu fa no pasarih pawl hrangah efa khat ih ṭhen hra ṭhen khat ciar a si pei. 5 Nan hrangih sualkhuhthawinak tuahnak ah Sual Thilhlăn hrangah me pa pakhat thawn, 6 ^bThla Thar hrangih Meiur Thilhlăn le a Thlairawl Thilhlăn hleiah, rimthaw dingah, Jehovah hnenah meisa ih ur mi thilhlăn pakhat cu hlăn ringring mi Meiur Thilhlăn le a Thlairawl Thilhlăn, an zīn le dān bangtukin an Inding Thilhlăn pawl nan hlan pei.

29:2^a Pui 1:3, 9

29:6^b Pui 1:9

Sualkhuhthawinak Ni

7 ^a‘Himi thla sarihnak, ni hratnak ah tawnkhawmawknak thianghlim nan nei pei. Nan phahniamaw pei, ziang hna hman nan ṭuan lo pei. 8 Rimthaw dingah Jehovah hnenah Meiur Thilhlăn nan hlan pei, cupawl cu: caw pa tûai pakhat, tuu cang pakhat le kum khat ti tuu fa no pasarih an si pei. Cupawl cu sawisel ding um lo an si tengteng pei. 9 An Thlairawl Thilhlăn cu hriak rawi mi sangvut phut a si pei ih, caw pa hrangah efa khat ih ṭhen hra ṭhen thum, tuu cang pakhat hrangah efa khat ih ṭhen hra ṭhen hnih, 10 cule tuu fa no pasarih lakih pakhat ciar hrangah efa khat ih ṭhen hra ṭhen khat an si pei. 11 ^bSualkhuhthawinak hrangih Sual Thilhlăn, hlăn ringring mi Meiur Thilhlăn le a Thlairawl Thilhlăn le an Inding Thilhlăn pawl hleiah, Sual Thilhlăn hrangah me pa pakhat khal nan hlan pei.

29:7^a Suah 31:15; Pui 16:29; 23:27; Sam 35:13; Apo 27:9

29:11^b Pui 16:3, 5

Bûkte Puai

12 ^a‘A thla sarihnak ih a ni hleingatnak ah tawnkhawmawknak thianghlim nan nei pei. Hna kel zianghman nan ṭuan lo pei ih, ni sarih sung Jehovah-ih puai nan hmang pei. 13 ^bJehovah hrangih rimthaw dingah meisa ih ur mi thilhlăn, Meiur Thilhlăn nan hlan pei, cupawl cu: caw pa tûai hleithum, tuu cang pahnih le kum khat ti tuu fa no hleili an si pei. Cupawl cu sawisel ding um lo mi an si pei. 14 An Thlairawl Thilhlăn cu hriak rawi mi sangvut phut a si pei ih, caw pa hleithum pawl hrangah efa khat ih ṭhen hra ṭhen thum fingfing, tuu cang pahnih hrangah efa khat ih ṭhen hra ṭhen hnih veve le, 15 tuu fa no hleili pawl hrangah efa khat ih ṭhen hra ṭhen khat fingfing an si. 16 Hlăn ringring mi Meiur Thilhlăn, a Thlairawl Thilhlăn le a Inding Thilhlăn pawl hleiah Sual Thilhlăn dingah me pa pakhat khal nan hlan pei.

29:12^a Pui 23:34; Dnp 16:13-15; 1Sp 8:2; Eze 45:25

29:13^b Ezr 3:4

17 ^a‘A ni hnihnak ah sawisel ding um lo, caw pa tûai hleihnih, tuu cang pahnih le kum khat ti tuu fa no hleili le, 18 a zīn le dān bangtukin an pum zat pum zat in caw pa pawl hrang, tuu cang pawl hrang le tuu fa no pawl hrangah an Thlairawl Thilhlăn le an Inding Thilhlăn pawl, 19 hlăn ringring mi Meiur Thilhlăn le a Thlairawl Thilhlăn le an Inding Thilhlănpawl hleiah, Sual Thilhlăn hrangah me pa pakhat khal nan hlan pei.

29:17^a Pui 23:36

20 ‘A ni thumnak ah sawisel ding um lo caw pa tûai hleikhat, tuu cang pahnih, kum khat ti tuu fa no hleili le, 21 a zīn le dān bangtukin an pum zat pum zat in caw pa hrang, tuu cang pawl hrang, tuu fa no pawl hrangah an Thlairawl Thilhlăn le an Inding Thilhlăn pawl, 22 hlăn ringring mi Meiur Thilhlăn, a Thlairawl Thilhlăn le an Inding Thilhlănpawl hleiah Sual Thilhlăn dingah me pa pakhat khal nan hlan pei.

23 ‘A ni litnak ah sawisel ding um lo caw pa tûai pahra, tuu cang pahnih le tuu fa no kum khat ti hleili le, 24 a zīn le dān bangtukin an pum zat pum zat in, caw pa pawl hrang, tuu cang pawl hrang le tuu fa no pawl hrangah an Thlairawl Thilhlăn le an Inding Thilhlăn pawl, 25 hlăn ringring mi Meiur Thilhlăn, a Thlairawl Thilhlăn le a Inding Thilhlăn hleiah Sual Thilhlăn dingah me pa pakhat khal nan hlan pei.

26 ‘A ni ngatnak ah sawisel ding um lo caw pa tûai pakua, tuu cang pahnih le kum khat ti tuu fa no hleili, 27 a zīn le dān bangtukin an pum zat pum zat in, caw pa pawl hrang, tuu cang pawl hrang le tuu fa no pawl hrangah an Thlairawl Thilhlăn le an Inding Thilhlăn pawl, 28 hlăn ringring mi Meiur Thilhlăn, a Thlairawl Thilhlăn le a Inding Thilhlăn hleiah Sual Thilhlăn dingah me pa pakhat khal nan hlan pei.

29 ‘A ni ruknak ah sawisel ding um lo caw pa tûai pariat, tuu cang pahnih le kum khat ti tuu fa no hleili le, 30 a zīn le dān bangtukin an pum zat pum zat in, caw pa pawl hrang, tuu cang pawl hrang le tuu fa no pawl hrangah an Thlairawl Thilhlăn le an Inding Thilhlăn pawl, 31 hlăn ringring mi Meiur Thilhlăn, a Thlairawl Thilhlăn le a Inding Thilhlăn hleiah Sual Thilhlăn dingah me pa pakhat khal nan hlan pei.

32 ‘A ni sarihnak ah, sawisel ding um lo caw pa tûai pasarih, tuu cang pahnih le kum khat ti tuu fa no hleili le, 33 a zīn le dān bangtukin an pum zat pum zat in, caw pa pawl hrang, tuu cang pawl hrang le tuu fa no pawl hrangah an Thlairawl Thilhlăn le an Inding Thilhlăn pawl, 34 hlăn ringring mi Meiur Thilhlăn le a Thlairawl Thilhlăn le a Inding Thilhlăn hleiah Sual Thilhlăn dingah me pa pakhat khal nan hlan pei.

35 ^a‘A ni riatnak ah tawnkhawmawknak hleice nan nei pei. Hna kel zianghman nan ṭuan lo pei. 36 ^bJehovah hrangih rimthaw dingah meisa ih ur mi thilhlăn pakhat, Meiur Thilhlăn pakhat cu: caw pa tûai pakhat, tuu cang pakhat, sawisel ding um lo kum khat ti tuu fa no pasarih le, 37 a zīn le dān bangtukin an pum zat pum zat in, caw pa hrang, tuu cang hrang le tuu fa no pawl hrangah an Thlairawl Thilhlăn le an Inding Thilhlănpawl hleiah, 38 hlăn ringring mi Meiur Thilhlăn, a Thlairawl Thilhlăn le a Inding Thilhlăn hleiah Sual Thilhlăn dingah me pa pakhat khal nan hlan pei.

29:35^a Pui 23:36

29:36^b Pui 1:9

39 ^a‘Nan thutiam thilhlănpawl le nan lungpuak thawhhlawmpawl hleiah, hipawl hi nan Meiur Thilhlănpawl le nan Thlairawl Thilhlănpawl ah, nan Inding Thilhlănpawl le nan Remnak Thilhlănpawl ah nan puai cān khiah mipawl ah Jehovah hnenah nan hlan pei,’ tin na ti pei,” tiah a ti. 40 Cule Jehovah in Mosi thu a pek vekin, Mosi in Israel tefapawl ziangtinkimin a sim hai.

29:39^a Pui 1:3; 3:1; 23:2; 1San 23:31; 2San 31:3; Ezr 3:5

30

Thutiampawl

1 Israel tefapawl thuhla ah Mosi in hnám lubânpawl hnenah, “Himi cu Jehovah ih thupek mi a si. 2 ^aMi pakhat in Jehovah hnenah thutiam a tuah simaw, kaihhrenawknak pakhat khat hmangin amah kaihrengtu ding thukam pakhat sia a săm simaw asile, amai ṭawngkam cu a pahbăl lo pei, a kâ ihsin a pâwtsuak mi hmuahhmuah bangtukin a tuah pei.

30:2^a Dnp 23:21-23; Lai 11:35; Job 22:27; Sam 22:25; Ths 5:4-5; Isa 19:21; Joh 1:16

3 “Nunau pakhat in Jehovah hnenah thutiam a tuah ih a no laiih a paih inn ih a um laiah kaihhrenawknak pakhat khat hmangin amah le amah a kaihrengaw ih, 4 a thutiam le amah le amah a kaihhrenawknak kaihhrenawknak cu a pa in hna in a thei ih a pa in cu nu cu a nguisan men asile, a thutiam zaten an nung pei ih, amah a kaihhrenawknak kaihhrenawknak kip cu a nung pei. 5 Asinan a pa in a theih ni ah a dăwn asile, a thutiampawl le amah le amah a kaihhrenawknak kaihhrenawknakpawl khal an nung lo pei, a pa in a dăwn ruangah, Jehovah in amah cu a phawih ding.

6 ^a“A thutiampawl in amah le amah a kaihrengaw, asilole thlahdahaw zetih a hmur ih a ṭawngsuak mi in a kaihrenawk laiah cu nu in pasal a nei ih, 7 cumi cu a pasal in hna in a theih ni ah cu cu a nguisan men asile, a thutiampawl cu an nung pei ih, amah le amah a kaihhrenawknak kaihhrenawknakpawl khal an nung ding a si. 8 ^bAsinan a pasal in cumi cu hna in a theih ni ah a dăwn a si ahcun, a lâk mi a thutiam le amah le amah a kaihhrenawknak a hmur ih a ṭawngsuak mi cu anih in zianghmanlo ah a tuah pei, cule Jehovah in cu nu cu a phawih ding.

30:6^a Pui 5:4; Sam 56:12

30:8^b Sem 3:16

9 “Nuhmei pakhat in, asilole mâk mi nunau pakhat in amah le amah a kaihhrenawknak thutiam pauhpauh cu cu nuih hrangah a nung pei.

10 “A pasalih innsang ah thutiam a la, asilole thukam pakhat thawn amah le amah kaihhrenawknak pakhat hmangin a kaihrengaw, 11 cule cumi cu a pasal in hna in a thei ih, cu nu cu a nguisan men ih a dăwn fawn lo asile, a thutiam zaten an nung pei ih, kaihhrenawknak tinkim thawi amah le amah a kaihhrenawknak cu a nung pei. 12 ^aAsinan cupawl cu a pasal in hna in a theih ni ah cupawl cu zianghmanlo ah a tuah taktak a si ahcun, a thutiampawl thawi pehparaw, asilole amah kaihhrennak kaihhrenawknak thawi pehparih a hmur ihsin a ṭawngsuak mi pauhpauh an nung lo pei, a pasal in zianghmanlo ah a tuah, cule Jehovah in cu nu cu a phawih ding. 13 Cu nu phahniamawtertu thutiam kip le kaihhrennak thukam kip cu a pasal in a nungter ding, asilole a pasal in zianghmanlo ah a tuah ding. 14 A pasal in ni khat hnu ni khat cu nu cu a nguisan men asile, cu nu kaihrengtu a thutiam hmuahhmuah, asilole kaihhrenawknak zaten a nungter a si. A theih ni ah a nguisan men ruangah a nungter hai a si. 15 ^bAsinan a theih hnuah cupawl cu zianghmanlo ah a tuah a si ahcun, amah pa in cu nuih mawh a phur ding,” tiah a ti.

30:12^a Efe 5:22; Kol 3:18

30:15^b Pui 5:1

16 Hipawl cu mi pakhat le a nupi karlak le a pa le a fanu a no laiih a paih innsang ih a um mi karlak thu ah Jehovah in Mosi thu a pek mi sakhaw dānpawl an si.

31

Midian parih Phuba Lâknak

1 Jehovah in Mosi hnenah, 2 ^a“Israel tefapawl hrangah Midian-mipawl parah phuba la aw. Cu ṭhehin na mipawl hnenah fĭn na si ding,” tiin a sim.

31:2^a Sem 25:2

3 ^aCule Mosi in mi senpi hnenah, “Nan lakih mi hrekkhat cun ral donak hrang ralthuam thuamaw hai seh. Cule Midian-mipawl parah Jehovah hrangih phuba la dingin Midian-mipawl do dingah feh hai seh. 4 Israel hnámpawl zate lakah hnám khat ah 1000 ciar ral do dingin nan thlah pei,” tiin a sim hai. 5 Cule hnám khat ah 1000 ciar in Israel ralkap lak ihsin ral do dingah ralthuam thuamaw mi ralkap 12000 an thawh. 6 ^bCun hnám khat ah mi 1000 ciar in Mosi in ral donak ah a thlah hai. A kut ih thil thianghlim pawl le ralrin peknak tawtawrawtpawl keng puithiam Eleazar-ih fapa Finehas thawn annih cu ral do dingah a thlah.

31:3^a Jos 13:21; Lai 11:36; 1Sam 24:12; 2Sam 4:8; Jer 11:20

31:6^b Suah 6:25; Pui 23:24

7 ^aCule annih in Jehovah in Mosi thu a pek vekin, Midian-mipawl cu an do ih an mipa zaten an that ṭheh. 8 ^bMi dang an thah zawngah, Midian-mipawlih siangpahrangpawl an that, Midian siangpahrang panga pawl cu: Evi, Rekem, Zur, Hur le Reba tla an si. Beor-ih fapa Balaam khal ralnâm in an thatcih. 9 ^cCule Israel tefapawl in Midian nunaupawl cu an fanau tete pawl thawn ralkaih ah an hruai hai ih, an ran rual zate, an sumhnám rual zate le an thilri zaten ralthillâk ah an lâk ṭheh. 10 ^dAn cēnnak khua hmuahhmuah le an hmun khuarnak zaten meisa in an urkāng ṭheh. 11 ^eCule milai le ṭilva ralthillawn hmuahhmuah le ralthillâk hmuahhmuah cu an hruai ṭheh hai. 12 ^fCun annih in ralkaihpawl, ralthillawnpawl le ralthillâkpawl cu Mosi hnen, puithiam Eleazar hnen le Israel tefa umkhawm hnen, Jeriko ralkhat Jordan tiva kap, Moab phairawnpawl ih riahhmun khuarnak ah an hruai ṭheh.

31:7^a Dnp 20:13; Lai 21:11; 1Sam 27:9; 1Sp 11:15-16

31:8^b Jos 13:21-22

31:9^c Sem 34:29

31:10^d Sem 25:16; Jos 6:24; Lai 18:27; 1San 6:54; Eze 25:4

31:11^e Dnp 20:14; Jos 8:2; 2San 28:8

31:12^f Sem 49:27; Suah 15:9

Ral Dotupawl Thenfainak

13 Cule Mosi, puithiam Eleazar le mipi umkhawm hotu zaten anmah hmuak dingah riahhmun khuarnak lengah an feh. 14 ^aAsinan Mosi cu ral ram ihsin a ra tlung mi a thawng hotu le a za hotu ralbawipawl parah a thin a heng. 15 Cule Mosi in an hnenah, “Nunau zate in nan zuah ṭheh a simaw? 16 ^bZoh hnik uh, Balaam-ih thurawn peknak hmangin hi nunaupawl hin Peor ih a cang mi thil ah khan Jehovah dokalhin Israel tefapawl rinum lo ko an tuah. Cule Jehovah-ih mipi umkhawm lakah hremnak a rak tlung. 17 ^cCuruangah atu-ah fanau tete pawl lakah mipa nauhak kip le mipa ihpi zo nunau kip cu that ṭheh uh. 18 ^dAsinan mipa ihpi hrih lo nunau note zaten nan hrangah zuah uh. 19 ^eCule nannih lawngte cu, riahhmun khuarnak lengah ni sarih sung nan tâp pei. Zokhal mi a rak thattu le thah mi pakhat khat a thâmngahtu cun nanmah le nan ralkaihpawl thawn a ni thumnak le a ni sarihnak ah thianfaiaw uh. 20 Sinfen kip, saphaw ih tuah mi tinkim, me hmul ih tah mi tinkim le thing ih tuah mi tinkim in thianfai uh,” tiah a ti.

31:14^a Suah 18:21; Dnp 1:15

31:16^b 2Pe 2:15

31:17^c Dnp 7:2; Lai 21:11-12

31:18^d Dnp 21:10-14

31:19^e Pui 21:1

21 Cun puithiam Eleazar in ral donak ih a fehtu ral dotupawl a be hai ih, “Himi hi Jehovah in Mosi thu a pek mi dān lakih sakhaw dān a si. 22 ^aSikhalsehla sui, ngun, dar, thir, rangva le sûan, 23 ^bziangkim meisa tuar thei pawl cu meisa ah nan hrawlh pei ih cumi cu a thiangfai ding. Cule thianternak tidai in cumi cu na thiangter pei. Asinan meisa tuar thei lo zaten tidai ah nan hrawlh pei. 24 ^cCule a ni sarihnak ah nan hnipuan nan sawp pei ih nan thiang ding, cule cu ṭhehin riahhmun khuarnak ah nan lut thei ding,” tiah a ti.

31:22^a Jos 6:19

31:23^b 1Ko 3:13

31:24^c Pui 11:25

Rallâksum Zemawknak

25 Jehovah in Mosi hnenah, 26 “Nang le puithiam Eleazar le mipi umkhawm lubân pupápawl in rallâk milai le ṭilva an kaih mipawl kha siar uh.

27 ^a“Cule ralthillawnpawl kha ral do mi ral donak ih fehpawl le mipi umkhawm zate karlakah ṭhen hnih ah ṭhen uh. 28 Cule ral do mi ral donak ih a fehtupawl hnen ihsin milai, ranpipawl, lākpawl le rantepawl ihsin 500 ah pakhat vivoin Jehovah hrangah siah khawng uh. 29 ^bRal do mipawl in a hrek an co mi lak ihta kha la uhla, Jehovah hnenih Cawikhai Thilhlăn dingah puithiam Eleazar pe uh. 30 Cule Israel tefapawl in a hrek an co mi milai, ranpipawl, lākpawl le rantepawl, sumhnám hmuahhmuah ihsin 50 ah pakhat na la pei ih Jehovah-ih Biakbûk ṭuanvo latu Levi-mipawl na pe pei,” tiin a sim. 31 Cule Mosi le puithiam Eleazar in Jehovah in Mosi thu a pek vekin an tuah.

31:27^a Jos 22:8; 1Sam 30:24

31:29^b Dnp 18:1-5

32 Ralthillawn ihsin a tāng mi ralthillâk, ral do mipawl in an lâk mi cu, rante ting ruk le thawng sawmsarih thawngnga, 33 ranpi 72000, 34 lāk 61000 le, 35 mipa ihpi hrih lo nunau hmuahhmuah an zaten mi 32000 an si. 36 Cule ral donak ih a fehtupawlih covo a hrek cu rante ting thum le thawng sawmthum thawngsarih zanga a si. 37 Cule Jehovah-ih siah rante cu 675 a si. 38 Ranpi cu 36000 an si ih, cumi ihta Jehovah-ih siah cu 72 a si. 39 Lāk cu 30500 an si ih, cumi ihta Jehovah-ih siah cu 61 a si. 40 Milai cu 16000 an si ih, cumi ihta Jehovah-ih siah cu milai 32 an si. 41 Cun Jehovah in Mosi thu a pek vekin Mosi in Jehovah-ih cawikhai thilhlăn siah cu puithiam Eleazar a pe.

42 Ral dotupawl hnen ihsin Mosi in a thliarhran mi, Israel tefapawl in a hrek an co mi ralkaih mipawl ihsin, 43 (mipi umkhawm ih an co mi a hrek cu rante ting thum le thawng sawmthum thawngsarih zanga, 44 ranpi 36000, 45 lāk 30500 le, 46 milai 16000 an si.) 47 Jehovah in Mosi thu a pek bangin, Mosi in Israel tefapawl in a hrek an co mi ihsin milai le ṭilva ihsin a lâk mi 50 ah pakhat cu Jehovah-ih Biakbûk ṭuanvo latu Levi-mipawl a pe.

48 Cun ralkap a thawngthawng uktupawl, ralkap 1000 hotupawl le ralkap 100 hotupawl cu Mosi an ra naih ih, 49 ^aannih in Mosi hnenah, “Kan kut hnuaiih a um mi ral do mi pahopawl cu na siahhlawhpawl in an zate mipum kan siar ih kan lakih mi pakhat hman kan hloh lo. 50 ^bJehovah hmaiih kanmai hrangih sualkhuhthawinak tuahnak dingah, mi kip in an sarngah mi ceiawknak sui thilri a si mi: bānnâlpawl, faupawl, zunghrukpawl, hnakhaihpawl le ṭhipawl tla Jehovah hrangih thilhlăn pakhat ah kan rak keng a si,” tiah an ti. 51 Cun sui ih tuah mi ceiawknak hmuahhmuah cu anmah hnenin Mosi le puithiam Eleazar in an rak cohlang. 52 Cule ralkap 1000 hotupawl le ralkap 100 hotupawl in Jehovah hnenih an pek mi sui thawhhlawm zaten shekel 16750 a si. 53 ^cRal do mipawl cun anmai bulpâk hrang cio ah ralthillâk cu an la. 54 ^dCule Mosi le puithiam Eleazar in ralkap 1000 hotupawl le ralkap 100 hotupawl hnen ihsin sui cu an rak cohlang, cule Jehovah hmaiah Israel tefapawl hrangih hngilhlonak ah Tawnawknak Puanthlam sungah an rak kenglut.

31:49^a Jer 23:4

31:50^b Suah 30:12-16

31:53^c Dnp 20:14

31:54^d Suah 27:21; 28:12; 30:16

32

Miphun Pahnih le a Hrek Jordan Nisuahnak Lamah

1 ^aReuben tefapawl le Gad tefapawl in sumhnám tam ngaingai an nei, cule Jazer ram le Gilead ram an hmu ih, ngai hnik, cuih ram cu sumhnám hrangah hmun ṭha a si. 2 ^bCule Gad tefapawl le Reuben tefapawl cu an ra ih Mosi, puithiam Eleazar le mipi umkhawm hotupawl hnenah, 3 ^c“Ataroth, Dibon, Jazer, Nimrah, Heshbon, Elealeh, Shebam, Nebo le Beon, 4 ^dcupawl cu Israel mipi umkhawm hmaiih Jehovah in a lâk mi ram an si ih, sumhnám hrangah ram ṭha a si. Kannih na siahhlawhpawl hin sumhnám kan nei,” tiin an ra sim. 5 Curuangah annih in, “Na mithmuh ah duhsaknak kan co asile kan neih dingah hi ram hi na siahhlawhpawl hnenah hin pek si seh. Jordan in lanter hram hlah aw,” tiah an ti.

32:1^a Sem 31:21; Suah 12:38; Jos 13:25; Lai 5:16; 2Sam 24:5

32:2^b Pui 4:22

32:3^c Dnp 32:49; Jos 13:17, 26; 1San 5:8; Isa 15:2, 4; Jer 48:1, 22

32:4^d Suah 12:38

6 Cule Mosi in Gad tefapawl le Reuben tefapawl hnenah, “Nannih hi tawkih nan to laiah nan unaupawl cu ral do dingah an feh maw? 7 Jehovah in anmah a pek mi ram ih tankai ih an luhlonak dingah ziangah so Israel tefapawlih thinlung nan nauter? 8 ^aRam zoh dingih Kadesh Barnea ihsin anmah ka thlah hai laiah hiti vekin nan pupápawl in an rak ti zo. 9 ^bEshkol Hawrkuam ah an hung so ih ram an hung hmuh tikah, annih in Israel tefapawlih thinlung an nauter, cutin Jehovah in anmah a pek mi ram ah annih cu an lutngah lo. 10 ^cCun Jehovah-ih thinhengnak cu cuih ni ah a alh ih anih in, 11 ^d‘Izip ihsin a hung sotu mipa lakah kum 20 ihsin a tlun lam mi zohman in Abraham, Isak le Jakob tepawl hnenih ka rak tiamkam mi ram cu an hmu hrimhrim lo ding, ziangruangahtile annih in pumhlum in kei in thlun lo. 12 ^eKeniz-mi Jefunneh-ih fapa Kaleb le Nun-ih fapa Joshua lawngin an hmu ding, ziangahtile annih cun pumhlum in Jehovah an thlun a si,’ tin thukamnak sia a rak săm. 13 ^fCule Jehovah-ih thinhengnak cu Israel-mipawl parah a alh ih Jehovah mithmuh ih thil ṭha lo a rak tuahtu khaih san minung zaten an hlohral thluh hlanlo, kum 40 sung ramṭhing ah a rak vâkvaiter hai. 14 ^gCun ngai hnik uh! Misualpawlih cithlahpawl, Israel-mipawl parih Jehovah-ih tuksumza thinhengnak tamsinih pungzaiter dingin, nan pupápawl aiawhin nan rak tho. 15 ^hZiangahtile amah thlun nan pialsan asile, anih in ramṭhing ah anmah cu a tāngter leh ding ih, hi miphun hmuahhmuah hi nan hloralter ṭheh ding,” tiah a ti.

32:8^a Dnp 1:19-25

32:9^b Dnp 1:24, 28

32:10^c Dnp 1:34-36

32:11^d Sem 50:24; Dnp 1:35

32:12^e Dnp 1:36; Jos 14:8-9; Sam 63:8

32:13^f Suah 4:14

32:14^g Dnp 1:34; Sam 78:59

32:15^h Dnp 30:17-18; Jos 22:16, 18; 2San 7:19-20

16 ^aCun annih in Mosi cu an rak naih ih, “Kannih in hi tawkah kan sumhnámpawl hrangah ran hruang kan kulh pei ih, kan fanau tete pawl hrangah khawpipawl kan dĭn pei. 17 ^bAsinan kanmah taktak cu ralthuam kan thuamaw pei ih, an hmun kan thlenpingah hlanlo Israel tefapawl hmaiah feh dingin kan tiar ding. Asinan kan fanau tete pawl cu a rammipawl ruangah khawpi kulh hnget pawl ah an rak cêng ding. 18 ^cIsrael tefapawl mi kip in anmai ro an congah hlanlo kan inn ah kan kir lo ding. 19 ^dZiangahtile Jordan khat lam ral le a pawn lamah an zawngah ro kan co lo ding, ziangruangahtile kannihih ro ding cu Jordan nisuahnak lamih hi lam ral hi kan parah a tla zo,” tiah an ti.

32:16^a Suah 12:38; Dnp 3:19

32:17^b Dnp 3:20; Jos 4:12-13

32:18^c Jos 22:1-4

32:19^d Jos 12:1; 13:8

20 ^aCun Mosi in an hnenah, “Hi thil nan tuah ih, ral do dingah Jehovah hmaiah ralthuam nan thuamawk ih, 21 a hmaika ihsin a ralpawl a dawisuak ṭheh hlanlo, ralthuam thuamaw mi nan pacang zaten Jehovah hmaiah Jordan an tankai ih, 22 ^bram cu Jehovah hmaiah nehngah a si ahcun, cu ṭhehin nan kir pei ih Jehovah hmai le Israel-mipawl hmaiah sawihnăwm kai lo nan si ding, cule Jehovah hmaiah hi ram hi nan co mi a si ding. 23 ^cAsinan cuti vekih nan tuah lo asile, ngai hnik uh, Jehovah dokalhin sual nan tuah ding ih, nan sualnak in a lo hmusuak ding ti thei uh. 24 Nan fanau tete pawl hrangah khawpipawl dĭn uhla nan rantepawl hrangah hruangkulh tuah uh, cule nan kâ ihsin a suak mi cu tuah uh,” tiah a ti.

32:20^a Dnp 3:18; Jos 1:13-14

32:22^b Pui 14:34; Dnp 3:18-20; Jos 1:15; 22:4

32:23^c Sem 4:7; Isa 3:9

25 ^aCule Gad tefapawl le Reuben tefapawl in Mosi hnenah, “Na siahhlawhpawl in ka bawipaih thupek vekin kan tuah ding. 26 ^bKan fanau tete pawl, kan nupipawl, kan rante rual le kan sumhnám zaten Gilead khawpipawl ah an rak um ding. 27 ^cAsinan ka bawipaih sim vekin, Jehovah hmaiih ralthuam thuamaw kip in, na siahhlawhpawl hin ral do dingin kan tankai ding,” tiin an sim.

32:25^a Jos 1:16, 18

32:26^b Jos 1:14; 2Sam 2:9; 1San 5:9

32:27^c Jos 4:12

28 ^aCutin Mosi in anmai thuhla ah puithiam Eleazar hnen, Nun-ih fapa Joshua hnen le Israel tefapawlih hnámpawlih pupápawlih sungza lubânpawl hnenah thupek a pe. 29 Cule Mosi in an hnenah, “Jehovah hmaiah ral do dingih ralthuam thuamaw kip in, Gad tefapawl le Reuben tefapawl nan zawngah Jordan an tankai ih, nan hmaiah ram cu nehngah asile, an ta dingah Gilead ram hi an hnenah nan pe pei. 30 Asinan nan zawngah ralthuam thuamaw ih an tankai lo asile, Kanaan ram sungah nan lakah co mi an nei pei,” tiah a ti.

32:28^a Jos 1:13

31 Cun Gad tefapawl le Reuben tefapawl in, “Jehovah in na siahhlawhpawl hnenih a sim vekin kan tuah ding. 32 ^aKanaan ram ah Jehovah hmaiah ralthuam thuamawin kan tankai ding, asinan kan ro ding covo cu Jordan-ih hi lam ralah kan hnenah a tāng pei,” tiin an sawn.

32:32^a Jos 12:6

33 ^aCuruangah Mosi in Amor-mipawl siangpahrang Sihon ih uk mi ram le Bashan siangpahrang Og ih uk mi ram cu an ramri sungih ram le a khawpipawl thawn, an kimvel ram ih khawpipawl thawn, Gad tefapawl hnen, Reuben tefapawl hnen le Joseph-ih fapa Manasseh hnám hrek pawl hnenah a pe.

32:33^a Jos 12:2; 13:24-28; 1Sam 13:7; 1San 5:8; Jer 48:19

34 Cule Gad tefapawl in kulh nei khawpi: Dibon, Ataroth, Aroer, 35 ^aAtroth, Shofan, Jazer, Jogbehah, 36 Beth Nimrah le Beth Haran pawl an dĭn, khawpi kulh hnget neipawl, cule rantepawl hrangah hruangpawl an kulh. 37 ^bCule Reuben tefapawl in: Heshbon, Elealeh, Kirjathaim, 38 ^cNebo, Baal Meon (hipawl cu an hmin an thlĕng ṭheh) le Sibmah khuapawl an dĭn. Cule an dĭn mi khuapawl cu hmin dang an pek ṭheh.

32:35^a Lai 8:11

32:37^b Jos 13:19; 1San 6:76; Jer 48:1

32:38^c Suah 23:13; Isa 15:2; Jer 48:1, 22

39 ^aCule Manasseh-ih fapa Makir tefapawl cu Gilead ram ah an feh ih an va lâk, cule cu tawkih Amor-mipawl an dawisuak ṭheh. 40 ^bCutin Mosi in Gilead ram cu Manasseh-ih fapa Makir a pek, cule anih cu cu tawkah a cêng. 41 ^cManasseh-ih fapa Jair khal a păwk ih khuapawl a va la, cule cupawl cu Havoth Jair tiah hmin a sak hai. 42 ^dCun Nobah cu a păwk ih Kenath le a kiangkap khawtepawl a va la, cule amai hmin thlunin Nobah tiah hmin a sak.

32:39^a Sem 10:16; 50:23; Dnp 2:36

32:40^b Sem 50:23; Dnp 3:15

32:41^c Dnp 3:14; Lai 10:4; 1Sp 4:13

32:42^d Lai 8:11; 1San 2:23; Sam 49:11

33

Izip ihsin Kanaan Khualtlawnnak

1 ^aHipawl hi Mosi le Aaron ih hohatnak ih Izip ram ihsin an ralkap an ralkap vekih a păwksuak mi Israel tefapawl an fehsuahdān a si. 2 ^bJehovah ih thupeknak in Mosi in an fehsuahnak hmunpawl a ngan vivo. Cule hipawl hi an pawhsuahnak hmun bangtukih an fehsuahdān cu a si.

33:1^a Suah 4:16; 17:1

33:2^b Suah 17:14

3 ^aA thla khatnak, cuih thla ni hleingatnak ah Rameses ihsin an păwksuak, Lanta Puai-ih a thaisun ah Israel tefapawl cu Izip-mi zate ih hmuhhngan ah calhngal zetin an fehsuak. 4 ^bIzip-mipawl cu Jehovah in an lakih a thah mi an fatirpawl an phum laifang a si. Jehovah in an pathianpawl parah thuṭhennakpawl a rak tuah fawn.

33:3^a Sem 47:11; Suah 14:8; Jos 5:10

33:4^b Suah 4:23; 12:29

5 ^aCun Israel tefapawl cu Rameses ihsin an păwk ih Sukkoth ah riahhmun an sâm. 6 ^bSukkoth ihsin an păwk ih Etham ah riahhmun an sâm, cumi cu ramṭhing zim a si. 7 ^cEtham ihsin an păwk ih Pi Hahiroth lamah an kirsal, cumi cu Baal Zefon-ih nisuahnak lam a si, cule Migdol kiangah riahhmun an sâm. 8 ^dHahiroth hmai ihsin an păwk ih tipi laifang ihsin tánkaiin ramṭhing an lut, Etham Ramṭhing sungah ni thum sung an feh ih Marah ah riahhmun an sâm. 9 Marah ihsin an păwk ih Elim ah an feh. Elim ah tihna hleihnih le ṭhulhfau kung 70 a um, cutin cu tawkah riahhmun an sâm.

33:5^a Suah 12:37

33:6^b Suah 13:20

33:7^c Suah 14:9

33:8^d Suah 14:22; 15:22-23

10 ^aElim ihsin an păwk ih Tipi Sen kiangah riahhmun an sâm. 11 Tipi Sen ihsin an păwk ih Sin Ramṭhing ah riahhmun an sâm. 12 Sin Ramṭhing ihsin an păwk ih Dofkah ah riahhmun an sâm. 13 Dofkah ihsin an păwk ih Alush ah riahhmun an sâm. 14 ^bAlush ihsin an păwk ih Refidim ah riahhmun an sâm, cu tawkah mipi hrangah tidai in ding a um lo.

33:10^a Suah 16:1

33:14^b Suah 17:1

15 ^aRefidim ihsin an păwk ih Sinai Ramṭhing ah riahhmun an sâm. 16 Sinai Ramṭhing ihsin an păwk ih Kibroth Hattaavah ah riahhmun an sâm. 17 Kibroth Hattaavah ihsin an păwk ih Hazeroth ah riahhmun an sâm. 18 Hazeroth ihsin an păwk ih Rithmah ah riahhmun an sâm. 19 Rithmah ihsin an păwk ih Rimmon Perez ah riahhmun an sâm. 20 ^bRimmon Perez ihsin an păwk ih Libnah ah riahhmun an sâm. 21 Libnah ihsin an păwk ih Rissah ah riahhmun an sâm. 22 Rissah ihsin an păwk ih Kehelathah ah riahhmun an sâm. 23 Kehelathah ihsin an păwk ih Shefer tlang ah riahhmun an sâm. 24 Shefer tlang ihsin an păwk ih Haradah ah riahhmun an sâm. 25 Haradah ihsin an păwk ih Makeloth ah riahhmun an sâm. 26 Makeloth ihsin an păwk ih Tahath ah riahhmun an sâm. 27 Tahath ihsin an păwk ih Terah ah riahhmun an sâm. 28 Terah ihsin an păwk ih Mithkah ah riahhmun an sâm. 29 Mithkah ihsin an păwk ih Hashmonah ah riahhmun an sâm. 30 ^cHashmonah ihsin an păwk ih Moseroth ah riahhmun an sâm. 31 Moseroth ihsin an păwk ih Bene Jaakan ah riahhmun an sâm. 32 ^dBene Jaakan ihsin an păwk ih Hor Hagidgad ah riahhmun an sâm. 33 Hor Hagidgad ihsin an păwk ih Jotbathah ah riahhmun an sâm. 34 Jotbathah ihsin an păwk ih Abronah ah riahhmun an sâm. 35 ^eAbronah ihsin an păwk ih Ezion Geber ah riahhmun an sâm. 36 Ezion Geber ihsin an păwk ih Zin Ramṭhing ah riahhmun an sâm, cumi cu Kadesh a si. 37 ^fKadesh ihsin an păwk ih Edom ram ramri ih Hor tlang ah riahhmun an sâm.

33:15^a Suah 19:1-2

33:20^b Jos 10:29

33:30^c Dnp 10:6

33:32^d Dnp 10:7

33:35^e Dnp 2:8; 1Sp 9:26

33:37^f Sem 36:16

Aaron a Thi

38 ^aCun puithiam Aaron cu Jehovah ih thupek in Hor tlang ah a hung kai ih Izip ram ihsin Israel tefapawl an pawhsuah hnu a kum sawmlitnak, a thla ngatnak ih a ni khatnak ah cu tawkah a thi. 39 Aaron cu Hor tlang ih a thih tikah kum 123 a si.

33:38^a Suah 16:35

Khualtlawn Peh a Si

40 ^aCule Kanaan ram Negev ih cêng Kanaan-mi Arad ram siangpahrang in Israel tefapawl an rat kha a rak thei.

33:40^a Sem 10:18; 12:9

41 Cutin Hor tlang ihsin an păwk ih Zalmonah ah riahhmun an sâm. 42 Zalmonah ihsin an păwk ih Punon ah riahhmun an sâm. 43 Punon ihsin an păwk ih Oboth ah riahhmun an sâm. 44 Oboth ihsin an păwk ih Moab ramri Ije Abarim ah riahhmun an sâm. 45 Ijim ihsin an păwk ih Dibon Gad ah riahhmun an sâm. 46 ^aDibon Gad ihsin an păwk ih Almon Diblathaim ah riahhmun an sâm. 47 ^bAlmon Diblathaim ihsin an păwk ih Nebo hmai Abarim tlangpawl ah riahhmun an sâm. 48 ^cAbarim tlangpawl ihsin an păwk ih Jeriko ralkhat Jordan tiva kapih Moab phairawnpawl ah riahhmun an sâm. 49 ^dJordan tiva kapah Beth Jeshimoth ihsin Abel Shittim tiangin Moab phairawnpawl ah riahhmun an sâm.

33:46^a Jer 48:22; Eze 6:14

33:47^b Dnp 32:49

33:48^c Sem 13:10; Jos 12:9

33:49^d Jos 12:3; Eze 25:9

Kanaan Nehdān Ding

50 Cule Jeriko ralkhat Jordan tiva kapih Moab phairawnpawl ah Jehovah in Mosi hnenah, 51 ^a“Israel tefapawl be awla, an hnenah, ‘Jordan nan tankaingah ih Kanaan ram nan luh tikah, 52 ^bnan hmai ihsin a ram luahtupawl zaten nan dawisuak ṭheh pei, an lung kher mi zaten nan siatsuah ṭheh pei, an milim bur mi zaten nan siatsuah ṭheh pei ih an hmun sâng zaten nan ṭhiat ṭheh pei. 53 ^cA ram luahtupawl nan dawisuak pei ih, cu tawkah nan cêng pei, ziangahtile ram cu nan co dingah ka lo pe zo. 54 ^dCule nan hrinpawl lakah ro dingah camcawhfung zûkin ram cu nan zemaw pei, hrin tamdeuh hnenah ro kaudeuh na pe pei ih, hrin máldeuh hnenah ro bideuh na pe pei, mi kip an ro ding cu camcawhfung a tlaknak nak a si pei. Nan pupápawl hnám zulhin ro nan co ding a si. 55 ^eAsinan a rammipawl nan hmai ihsin nan dawisuak lo asile, hitin a si ding, nan zuah mipawl cu nan mit hrangah mi suntu le nan hnak hrangah hling táwm an si ding ih, nan cēnnak ram ah nanmah a lo hnaihnăwktu an si ding. 56 Cuihhleiah hitin a si ding, an parih ka tuah tum mi kha nan parah ka tuah ding,’ tiah sim hai aw,” tiin a sim.

33:51^a Dnp 9:1; Jos 3:17

33:52^b Pui 16:1; Sam 106:34-36

33:53^c Dnp 11:31; Jos 21:43

33:54^d Pui 16:8; Jos 18:10

33:55^e Jos 23:13; Lai 2:3; Sam 106:36

34

Kanaan Ramripawl

1 Jehovah in Mosi hnenah, 2 ^a“Israel tefapawl thu pe awla an hnenah, ‘Kanaan ram nan luhngah tikah nan parih a tla mi ram kha nanmai ro ding a si. Kanaan ramripawl cu a táng lam vekin a si. 3 ^bThlang lam nan ramri cu Zin Ramṭhing ihsin Edom ramri tluan tiang, cun thlang lam nan ramri cu nisuahnak lamah Cite Tipi dĕng tiang a kau ding, 4 ^ccule nan ramri cu Akrabbim Sohnak hmun thlang lam kap ihsin a kĕl ding ih, Zin tiang a feh vivo ding, cule Kadesh Barnea thlang lamah a feh vivo pei, cun Hazar Addar ah a feh ding ih Azmon ah a feh vivo ding, 5 ^dramri cu Azmon ihsin Izip Hawrkuam lamah a kĕl ding ih Tifinriat ah a net ding.

34:2^a Sem 17:8; Dnp 1:7-8; Jos 23:4; Sam 78:54-55

34:3^b Sem 14:3; Jos 15:1-3; Eze 47:13-21

34:4^c Jos 15:3; Lai 1:36

34:5^d Sem 15:18; Jos 15:4, 47; 1Sp 8:65; Isa 27:12

6 ^a‘Nitlaknak lam ramri cu, Tifinriat Tumpi kha nan ramri ah nan hmang ding. Hihi nitlaknak lam nan ramri a si ding.

34:6^a Jos 1:4; Eze 47:10, 19-20

7 ^a‘Cule hihi sak lam nan ramri a si ding: Tifinriat Tumpi ihsin Hor tlang ah nan ramri rīn nan tuah pei, 8 ^bHor tlang ihsin Hamath luhnak ah nan ramri nan tuah pei, cun ramri netnak cu Zedad lamah a feh pei, 9 cun ramri cu Zifron lamah a feh vivo pei ih, Hazar Enan ah a net ding. Hihi sak lam nan ramri ding a si.

34:7^a Eze 47:15-17

34:8^b Jos 13:5; 2Sp 14:25; Eze 47:15

10 ^a‘Nisuahnak lam nan ramri rīn cu Hazar Enan ihsin Shefam ah nan tuah pei, 11 ^bramri cu Shefam ihsin Ain nisuahnak lam Riblah ah a suk pei, ramri cu a suk vivo pei ih Kinnereth Tili nisuahnak lam kapah a thleng pei, 12 Jordan tiva tluanin ramri a suk vivo pei ih, Cite Tipi ah a net ding. Hihi a kimvel ramripawl bangtukih nan ram ding a si,’ tiah sim hai aw,” tiin a ti.

34:10^a Jos 15:5

34:11^b Dnp 3:17; Jos 11:2; 12:3; 2Sp 23:33; Jer 39:5

Kanaan Ram Ṭhendān

13 ^aCun Mosi in Israel tefapawl hnenah, “Hihi Jehovah in hnám kua le hnám hrek pe dingih thu a pek mi, camcawhfung zûk ih nan luah ding mi ram cu a si. 14 ^bZiangahtile Reuben tefapawlih hnám anmai pupápawlih sungkua bangtukin le Gad tefapawlih hnám anmai pupápawlih sungkua bangtukin an ro an co zo, cule Manasseh hnám hrek in an ro an co zo. 15 Hnám hnih le a hrek in nisuahnak lam, Jeriko-ih nisuahnak lam ralkhat, Jordan-ih hi lamah an ro an co zo,” tiin thu a pe.

34:13^a Sem 15:18; Dnp 11:24; Jos 14:3

34:14^b Dnp 33:21; Jos 14:3

16 Cule Jehovah in Mosi hnenah, 17 ^a“Nan lakah nan ro ding ram a lo zemtu milaipawlih hmin cu puithiam Eleazar le Nun-ih fapa Joshua an si. 18 Cule ro hrangih ram zem dingah hnám kip ihsin hotu pakhat nan rak hruai pei. 19 ^bHihi cuih milaipawlih hminpawl cu an si: Judah hnám ihsin Jefunneh-ih fapa Kaleb, 20 ^cSimeon-ih tefapawl hnám ihsin, Ammihud-ih fapa Shemuel, 21 ^dBenjamin hnám ihsin Kislon-ih fapa Elidad, 22 Dân-ih tefapawl hnám ihsin hotu pakhat Jogli-ih fapa Bukki, 23 Joseph fapapawl ihsin, Manasseh-ih tefapawl hnám ihsin hotu pakhat Efod-ih fapa Hanniel le, 24 Efraim tefapawl hnám ihsin hotu pakhat, Shiftan-ih fapa Kemuel, 25 ^eZebulun-ih tefapawl hnám ihsin hotu pakhat Parnak-ih fapa Elizafan, 26 Issakar-ih tefapawl hnám ihsin hotu pakhat Azzan-ih fapa Paltiel, 27 Asher-ih tefapawl hnám ihsin hotu pakhat, Shelomi-ih fapa Ahihud le, 28 Naftali tefapawl hnám ihsin hotu pakhat, Ammihud-ih fapa Pedahel pawl tla an si,” tiah a sim.

34:17^a Dnp 1:38; Jos 14:1; 19:51

34:19^b Sem 29:35

34:20^c Sem 29:33

34:21^d Sam 68:27

34:25^e Sem 30:20

29 Hipawl cu Jehovah in Kanaan ram ah Israel tefapawl lakah ro zem dingih thu a pek mipawl an si.

35

Levi-mipawlih Khawpipawl

1 Jeriko ralkhat Jordan tiva kapih Moab phairawnpawl ah Jehovah in Mosi hnenah, 2 ^a“Israel tefapawl kha an ro ding covo ihsin Levi-mipawlih cēnnak ding khuapawl pe dingin thu pe aw, cule cuih khuapawl kimvelih ran tlannak ram lawnglak khal Levi-mipawl nan pe pei. 3 ^bAnnih in cēnnak ding khuapawl an nei ding ih, an ran tlannak ram lawnglak cu an rannung rual hrang, an ranpi rual hrang le an ṭilva zate hrangah a si pei. 4 Levi-mipawl nan pek ding mi khawpipawlih ran tlannak ram lawnglak cu khaw kulhnak hruang leng lam ihsin a kimvelin dawng 1000 a kau ṭheh pei. 5 ^cCule khaw leng lam cu nisuahnak lam sirah dawng 2000 le thlang lam sirah dawng 2000, nitlaknak lam sirah dawng 2000 le sak lam sirah dawng 2000 nan tah pei. Khua cu a laiah a um pei. Himi cu annih in khawpipawl hrangih ran tlannak ram lawnglak ah an nei pei.

35:2^a Pui 25:32; Jos 14:3-4; 21:1-42; Eze 45:1; 48:10-20

35:3^b Dnp 18:6; Jos 14:4

35:5^c Pui 25:34; Jos 3:4; 2San 11:14

Răwlhimnak Khawpipawl

6 ^a“Levi-mipawl nan pek ding mi khuapawl lakah khaw ruk cu răwlhimnak khua ah nan ruat pei. Cutin cu tawkah mi that pang tu cu a tlânlut ding. Cule hipawl hleiah khaw dang 42 nan pebêt pei. 7 Levi-mipawl nan pek ding mi khaw zate cu khaw 48 a si ding. Hipawl hi an ran tlannak ram lawnglak thawn nan pe ding a si. 8 Cule nan pek ding mi khuapawl cu Israel tefapawl ih co mi sung ihsin an si pei. Hnám tumdeuh in khaw tamdeuh nan pe pei ih, hnám tedeuh in khaw máldeuh nan pe pei. Hnám kip in an co mi ro a tûm a tet zulhin Levi-mipawl hnenah khua nan pe ding a si,” tiin a sim.

35:6^a Dnp 4:41; Jos 21:13

9 Cun Jehovah in Mosi hnenah, 10 ^a“Israel tefapawl be awla, an hnenah, ‘Jordan nan tankai ih Kanaan ram nan luh tikah, 11 ^bnan hrangah răwlhimnak khawpipawl dingah khawpipawl nan ruat pei. Cutin tum lo piih mi pakhat khat a thattu mi that pang tu cu, cu tawkah a tlânlut thei ding. 12 ^cCupawl cu phuba latu lak ihsin nan hrangah răwlhimnak khawpi an si ding. Cuti cun mipi umkhawm hmaiih thuṭhennak ih a dīn hlanlo mi that pang tu cu a thi lo ding. 13 Cule răwlhimnak khua hrangah khaw ruk nan pe ding a si. 14 Khaw thum cu Jordan-ih hi lam ralah nan ruat pei ih, a dang khaw thum cu Kanaan ram sungah nan ruat pei, cupawl cu răwlhimnak khua an si ding. 15 Hih khaw ruk pawl cu, Israel tefapawl hrang, ram dang mi hrang le an lakih um mikhual hrangah răwlhimnak an si ding. Cuti cun tum lo piih mi pakhat khat a thattu pauhpauh cu cu tawkah an tlânlut thei ding a si.

35:10^a Dnp 9:1; Jos 1:2, 11

35:11^b Suah 21:13

35:12^c Dnp 19:6; Jos 20:3, 5-6; 2Sam 14:11

16 ^a‘Asinan anih in thir hmanrua in a thawi ih, cutin a thi a si ahcun, cu pa cu laithat a si, cuih laithat pa cu thah tengteng a si pei. 17 Cule a kut ih mi an thih thei nak ding lungto in mi a su ih a thi a si ahcun, cu pa cu laithat a si, cuih laithat pa cu thah tengteng a si pei. 18 Asilole mi an thih thei nak ding thing hmanrua in mi a thawi ih a thi a si ahcun, cu pa cu laithat a si, cuih laithat pa cu thah tengteng a si pei. 19 ^bThisen phuba latu ding cu pa rori in laithat pa cu a that pei, anih in amah a tawn tikah a that ding a si. 20 ^cA huat ruangah a rak năm, asilole a thupten bawhin thil pakhat khat in a dēn ruangih a thi, 21 asilole ralawknak ruangah a kut in mi a cūm ih a thi a si ahcun, a cūmtu pa cu thah tengteng ding a si. Cu pa cu laithat a si. Thisen phuba latu dingin laithat pa a tawn tikah a that ding a si.

35:16^a Suah 21:12; Dnp 19:11-12

35:19^b Dnp 19:6, 12

35:20^c Sem 4:8; Suah 21:14; Dnp 19:11-12; 2Sam 3:27

22 ^a‘Sikhalsehla ralawknak um riai loin a năm pang, asilole bawhthup loin thil pakhat khat in a dengngah pang, 23 asilole milai thih thei nak ding lungto hmangin mi pakhat in hmu lo piin mi a dengngah ih, a ral a si lo lai le tuahmawh a tum lo laiah a thi asile, 24 ^bmipi umkhawm in hi zīn le dān pawl bangtukin mi that pang tu pa le thisen phuba latu paih karlak thu an ṭhen pei. 25 ^cCutin mipi umkhawm in mi that pang tu pa cu thisen phuba latu paih kut ihsin an runsuak pei, cule mipi in cu pa cu a rak tlanluhnak răwlhimnak khua ah an kirter pei. Cule hriak thianghlim hnih mi puithiam lu bik a thih hlanlo, cu tawkah a tâp ta pei.

35:22^a Suah 21:13

35:24^b Jos 20:6

35:25^c Suah 28:41; 29:7; Pui 4:3; 21:10

26 ‘Asinan mi that pang tu pa cu a tlanluhnak răwlhimnak khua ramri leng a feh tiktikah, 27 thisen phuba latu pa in cu pa cu a răwlhimnak khua ramri lengah a táwng ih, thisen phuba latu pa in mi that pang tu pa cu a thah asile, thisen lakah cu pa cu mimawh a si lo pei. 28 Ziangruangahtile anih cu puithiam lu bik a thih hlanlo, a răwlhimnak khua ah tâp ringring ding a si. Asinan mi that pang tu pa cu puithiam lu bik a thih hnuin amai co mi ram ah a kirsal pei.

29 ^a‘Cule hi thilpawl cu nan tesinfa san tiangin nan cēnnak kip ah nan hrangah thuṭhennak sakhaw dān an si pei. 30 ^bMi a thattu pauhpauh cu theihpitupawlih theihpinak in cuih laithat pa cu thah ding a si, asinan theihpitu pakhat lawng cu mi pakhat thihnak tiang dāntat dingah theihpinak tling a si lo. 31 Thihnak tlak a mawh mi laithat paih nunnak hrangah tlennak man nan cohlang lo pei, anih cu thah tengteng sawn ding a si. 32 Cule amai răwlhimnak khua ih a tlânluttu pa hrangah puithiam thih hlanih amai ram ih va cêngin a kirsal thei nak dingah tlennak man na cohlang lo pei. 33 ^cCutin nan umnak ram cu nan bawrhhlawhter ding a si lo, ziangahtile thisen cun ram a bawrhhlawhter a si. Ram ah thisen suah a si ruangah cuih ram hrangah thisen suahtuih thisen siarlo in sualkhuhthawinak tuah theih a si lo. 34 ^dCuruangah nan luah mi ram ka cēnnak hmun cu bawrhbangter hlah uh, ziangahtile Israel tefapawl lakah kei Jehovah hi ka cêng a si,’ tiah sim aw,” tiin a sim.

35:29^a Suah 12:20

35:30^b Dnp 17:6; Mat 18:16; Joh 7:51

35:33^c Sem 4:10; Sam 106:38; Jer 3:1-2, 9

35:34^d Suah 29:45; Pui 18:24-25; Dnp 21:23

36

Zelofehad Fanupawlih Pasal Neihnak

1 ^aJoseph fapaih hrinpawl lakih Manasseh-ih fapa Makir, cumiih fapa Gilead tefapawlih hrinpawlih pupápawlih sungza lubânpawl cu an ra nai ih, Mosi hmai le Israel tefapawlih pupápawlih sungza lubânpawl a si mi hotupawl hmaiah an ra ṭawng. 2 ^bCule annih in, “Jehovah in Israel tefapawl hnenah camcawhfung hmangin ro dingah ram pe dingin nang ka bawipa Mosi thu a lo pe, cule kan unaupa Zelofehad-ih fanupawl ro pe dingin Jehovah in nang ka bawipa thu a lo pe. 3 Israel tefa hnám dang pawlih fapapawl pakhat khat in anmah cu an neih asile, kan pupápawlih ro ihsin an ro cu lâkhlo a si ding, cule an va neih mi hnámih ro ah cumi cu bêt a si ding. Cutin kan co mi ro ihsin cumi cu lâkhlo a si ding. 4 ^cCule Israel tefapawlih ^dJubili a thlen tikah, an ro cu an va neih mi hnámih ro ah bêt a si ding, cutin kan pupápawlih hnám ro ihsin an ro cu lâkhlo a si ding,” tiah an ti.

36:1^a Sem 50:23

36:2^b Jos 17:3-4

36:4^c Pui 25:10

36:4^d Jubili: Kum 50 kim tinteih tuah mi lungawi kum a si. Puithiam Hnaṭuannak bung 25 zoh aw.

5 Cun Mosi in Jehovah-ih kamsuakthu bangtukin, Israel tefapawl thu a pe ih, “Joseph-ih fapapawl hnám ih sim mi cu a dik a si. 6 Himi hi Zelofehad-ih fanupawl thuhla ah Jehovah ih thupek mi a si, ‘A ṭhabik ih an ruah mi cu nei ko hai seh, asinan an pupápawl hnám lakih an hrin sung ihta lawng an nei thei,’ tiah a ti. 7 ^aIsrael tefa mi kip in an pupápawlih hnám ro an kilhim ding ruangah Israel tefapawlih ro cu hnám khat ihsin hnám khat ah ṭhawn a si lo ding. 8 ^bCule Israel tefapawl in an pupápawlih ro an co thei nak dingah, Israel tefapawl ziang hnám khalah ro a cotu fanu kip cu an paih hnám lakih hrin minung pakhat khat ih nupi a si pei. 9 Israel tefa hnám kip in anmai bul ro ciar an kilhim ding ruangah hnám khat ihsin hnám dangah ro a ṭhawn ti a um lo ding,” tiin a sim hai.

36:7^a 1Sp 21:3

36:8^b 1San 23:22

10 Jehovah in Mosi thu a pek vekin, Zelofehad-ih fanupawl in an tuah. 11 ^aZelofehad fanu Mahlah, Tirzah, Hoglah, Milkah le Noah pawl cu an paseupawlih fapapawl in an nei. 12 ^bAnnih cu Joseph-ih fapa Manasseh-ih tefapawl sungih hrinpawl in an nei, cule an ro cu an paih hrinih hnám ah a tâng.

36:11^a Jos 17:3

36:12^b 1San 7:15

13 ^aHipawl cu Jeriko ralkhat, Jordan kapih Moab phairawnpawl ah Mosi hmangin Israel tefapawl hnenah Jehovah in thu a pek mi thupekpawl le zīn le dān pawl tla an si.

36:13^a Pui 7:38