About Bible Thianghlim | ©

BibleThianghlim – Nahum

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Nahum

123

• A ngantu: Nahum
• A huap sung cān: B.C 663 le 612 karlak
• A siartu: Judah (Pathian-ih minungpawl) le Assiria

Nahum in Assiria lalram pi a siat ding tiah a simsung. A cabu hin Assiria khawpi Nineveh thuhla a rel. Hi cabu sungih a dang khawpi pawimawh cu No-Amon a si. Assiria in hi khawpi pawimawh Izip cu B.C. 663 ah an tisiat (3:8-10). Nahum in himi thil cang hnu, asinan Nineveh siat hlan B.C. 612 ah hi cabu hi a ngan (2:1-3:7; 3:11-19).

Assiria in Zufraṭis tiva ihsin Kanaan ram ih sak lam kha B.C. 850-612 tiang a uk. Khuahlan leilung pi hin Assiria lalram hi an ṭih ngaingai, ziangruangahtile miphun dang pawl an siatsuah ih, an mipi an ṭekdarhter (2Sp 17:1-6). Assiria cun thiltitheinak, neihnunnak le hminthannak a hawl. Sikhalsehla hi lalram pi cu a tlu ding, ziangruangahtile cuih lalram pi cu Pathian in a do ding ih, dān a tat ding (2:13; 3:5).

Nahum in a simsungnak hi Pathian thangṭhatnak hla in a thawk (1:2-8). Pathian cu ral dotu a si. Anih cu thiltitheinak ah a nasa ih, dingfelnak a ngaina. A ralpawl dān a tat.

Amah cu ṭhat khal a ṭha, a thin a fual ih a mipawl parah lainatnak a nei. Bung 1-nak ah Pathian thangṭhatnak hla hnuah runsuahnak le dāntatnak a peh. Dāntatnak cu Jehovah dokalhih thil ṭha lo tuah tumtupawl hrangah a si (1:9, 11, 14), asinan runsuahnak cu Pathian-ih minungpawl hnenah a thleng ding (1:12-13, 15).

Hi cabu-ih bung le câng pawimawhpawl cu 2:1-3:7; 3:11-19 hi an si. Hi tawkah Nahum in Nineveh siatnak a tarlang. Cumi cu a thleng hrih lo nân, Nahum in thil thleng zo mi vekin a sim. Cumi cu Pathian dāntatnak a thlen rori ding ruangah a si. Nineveh cu neh theih lo ding vek a bang, Izip khawpi No-Amon khal neh theih lo ding vek a bang. Khawruahharzain Pathian in Assiria kha No-Amon khawpi kawlawngtertu dingah a rak hmang (3:8-10). Cuti vekin Nineveh khal a tisiat ding.

Ziangah so No-Amon siatnak cu Pathian mipawl hrangah thathawhnak thuthang a si? Pathian cu thil cang mi zate tlunih thuneitu a si ih, miphun zate uktu Lal a si. Miphun zaten thil sual an tuah tikah Pathian in tawk a ti cin a um. Pathian thuṭhennak a um. Milai sualralnak cu Pathian in siang hman sehla, an sualralnak săn cu a hnenah an sim leh ding. Leilung tlunih uktu cakbik in a dingfel mi Pathian thuṭhennak hmaiah a ding thei lo. Dāntatnak ni cu a ra lai rero a si. Pathian cu ral dotu a si. Anih cun thil ṭha lo dān a tat, asinan a mipawl hrang khalah ral a do ih, thlawsuah a pe hai. Curuangah a camsiatnak si loin, a malsawm dawng dingah Pathian thawi pehzăwmawknak dik neih hi a thupi tuk.

1

1 ^aNineveh thuhla ih thuphuan. Elkosh khawmi Nahum-ih larnak cazual.

1:1^a Sem 10:11; Isa 13:1; Jer 50:18; Nah 2:8

A Doralpawl hnenih Pathian Thinlingnak

2 ^aPathian cu thîkthusia a si ih, Jehovah cu phuba lakhmang a si.
Jehovah in phuba a la ih, a thin a so.
Jehovah in amah dokalhtupawl hnenah phuba a la ding ih,
A doralpawl hrangah thinlingnak a khêk.
3 ^bJehovah cu thinfûal le huham nasa zet nei a si ih,
Misualpawl cu hrem loin a zuah men hrimhrim lo ding.
Jehovah-ih zin cu phusîng le thlipi cak lakah a si ih,
Khawdurpawl cu a ke ih leivut an si.
4 ^cTifinriat a kawk ih a carter,
Cule tivapawl zaten a kāngter ṭheh.
Bashan le Karmel an cuai ih,
Lebanon parpawl khal an vuai.
5 ^dA hmaika ah tlangpawl an hnîn ih,
Tlangmûalpawl an zupral,
Cule leilung cu a hmaika ah a tho,
A si, leilung le a sungih cêng mi hmuahhmuah tla.
6 ^eA aithawhnak hmaika ah zo so dīng thei ding?
A thinhengnak nasa zet cu zo so tuar thei ding?
A thinsosatnak cu meisa bangin thletbŭng a si ih,
Lungpipawl tla amah in a khuai.
7 ^fJehovah cu a ṭha,
Harsat cān ih hauhruang a si;
Cule amah rinsantupawl a ngaihsak hai.
8 ^gAsinan tilian nasa zetin,
^hCuih hmun cu a netter lellel ding ih,
Khawthim lakah doralpawl cu a dawi hai ding.
9 ⁱJehovah dokalhin ziang khua na khâng?
Cumi cu amah in a netter lellel ding.
Zăwnzaihnak vei hnih a ra lo ding.
10 ^jZiangahtile annih cu hling awkkalhaw le
Ri ko ih zu in mipawl bangin,
Annih cu cangpâwl ro reprep bangin an ziamral ding.
11 Na hnen ihsin Jehovah dokalhih thil ṭha lo khawkhângtu,
Sualralnak thurawn petu a suak zo.

1:2^a Sem 4:24; Suah 20:5; Dnp 32:41; Sam 94:1

1:3^b 2Sp 2:1; Sam 50:3; 104:3

1:4^c Suah 14:22; Isa 33:9; Mat 8:26

1:5^d Suah 19:18; Eze 38:20

1:6^e Sam 76:7; 130:3; Isa 5:24-25; Eze 22:14; Mal 3:2

1:7^f Sam 1:6; 22:9; 2Ti 2:19

1:8^g Isa 8:7; Dan 9:26

1:8^h Cuih hmun: Câng 1-nak ih Nineveh kha a si.

1:9ⁱ 1Sam 3:12; Sam 2:1; Hos 7:15

1:10^j Isa 5:24; 49:26; Mal 4:1

12 ^aJehovah in hitin a sim:

1:12^a Isa 10:34; 54:6-8

“Annih cu cakin tam zet khal hai sehla,
Annih cu thah an si ding ih,
An hloral ding.
Rak lo zawnzaiter zo khal ningla,
Ka lo zawnzaiter nawn lo ding.
13 ^aAtu-ah na parih hngawngkol ka khiak ding ih,
An lo hrennakpawl ka catter ding,” tiin.
14 ^bNa thuhla ah Jehovah in thu a pe:
“Na hmin a um ringring nawn lo ding.
Na pathianpawlih inn sung ihsin kher mi milim le salh mi milim cu ka ṭhiatbăl ding.
Na thlān ka tuah ding,
Ziangahtile nang cu santlaihnak nei lo na si,” tiin.
15 ^cZoh hnik, tlang parih thuthangṭha kengtu,
Remnak thu phuangtuih ke khi!
Maw Judah, na puaipawl cu tuah ko,
Na thutiampawl hlensuak aw.
Ziangahtile misualrál pa nan lakah a ra nawn lo ding,
Anih cu thahhlo vuarvi a si.

1:13^a Job 12:18; Sam 107:14; Isa 9:4; Jer 2:20

1:14^b Isa 14:22; Jer 28:8; Eze 32:22; Mik 5:13

1:15^c Isa 40:9; 52:1, 7; Apo 10:36; Rom 10:15

2

Nineveh Siatnak

1 ^aNangmah dokalhin mi ṭekdarhtertu a thleng zo.
Ralhruang kil aw!
Lamzin kilveng aw!
Na zāng tha suah aw!
Nasa zetin na cahnak suah aw.
2 ^bZiangahtile Jehovah in Jakob-ih ropitnak cu Israel-ih ropitnak vekin a dĭnsal ding,
Ziangahtile mikawlawngtertupawl cun an kawlawngter hai zo ih,
An sabit hngepawl khal an siatsuah.
3 ^cA miralṭhapawlih ralphawpawl tla an senter,
Micakpawl cu senlar in an thuamaw.
A timlamawk ni ah
Rang lêngpawl tla meialh thawn an ra,
Feipipawl an tle zukzo.
4 ^dRang lêngpawl cu kăwtthler ah nasa zetin an mâwng,
Lamzin kau pawl ah pakhat le pakhat an nēk aw;
Meisa hliau vek an si ih,
Nimthlakau bangin suk le so ah an tlân.
5 ^eAnih cun a miupapawl a máng ringring;
An feh laiah an bah;
Khaw kulh panin an tlân,
Khamawknak phaw an timlam.
6 ^fTiva pi kăwtkapawl an áwngaw ih,
Siangpahrang inn a riaral.
7 ^gHitin nĕmhngeh a si:
Anih cu ralkaih ih hruaihlo a si ding,
Anih cu an fehpi ding;
Cule a siahhlawh nunaupawl in thuro aw vekin an ṭah ding ih,
An ṭâng an cūm ding.
8 Nineveh cu amai san ah tili vek si khal sehla,
“Ding uh! Ding uh!” tiin an tlanhlo,
Asinan zohman dunglet hawi an um lo.
9 Ngun kha răm uh! Sui kha răm uh!
Hlawnthil a cem thei lo,
Duhthusam neihnunnak tinkim a um.
10 ^hAnih cu a lawnglak, a ṭhing reprep ih, a kawlh!
Thinlung a zŭp ih, khukpawl an ṭhia rero;
Natnak cu taksa hmun i kip ah a um ih,
An hmel zaten a râm thluh.
11 ⁱKiosapawlih pûk cu khuiah a um ih,
Kiosa pa le kiosa pinu le kiosa fa no an lēnvahnak hmun,
Zohman in thinphâng ko an tuahlonak
Kiosa vanglai pawl cawmnak hmun teh khuiah a um?
12 ^jKiosa in a fa no pawl hrangah a duhtawkin sa a thlek,
A kiosa pinupawl hrangah sa a that,
A pûkpawl cu a deh mi sa in a khatter ih,
A umnak hmunpawl cu sa hlir in a khat.
13 ^kRalkap rualpawlih Jehovah in, “Ngai hnik, ka lo do a si.
Rang lêngpawl meikhu cang ko ka urkāng ding ih,
Na kiosa no pawl cu ralnâm in a that ṭheh ding;
Leilung ihsin na deh ding mi sa thaihloh ṭheh a si ding ih,
Na thuphurtupawlih aw cu theih a si nawn lo ding,” tiah a ti.

2:1^a Jer 51:20

2:2^b Isa 60:15; Eze 37:23

2:3^c Isa 63:2

2:4^d Jer 4:13; Eze 23:24

2:5^e Jer 46:12

2:6^f Isa 45:1; Nah 3:13

2:7^g Sem 8:8; Isa 38:14; 59:11

2:10^h Jos 2:11; Isa 29:22

2:11ⁱ Job 4:10; Isa 5:29

2:12^j Isa 37:18; Jer 4:7; 51:34

2:13^k 2Sam 2:26; Sam 46:9; Jer 21:13; Mik 5:6; Nah 3:5

3

Nineveh Hmakhaw Pihnak

1 ^aThisen suahhmang khawpi na hmakhua a pit a si!
Cuih khua cu thuphan le suamawknak in a khat.
A tuartupawl an cem dah lo.
2 Hrihrual vuak awn le
Rang lêng ke rīl awn,
Rang tlân tlurhtlo,
Rang lêng tlân thlurhthlo!
3 ^bRang ralkappawl in an năwr, ralnâm tle zukzo, feipi tle zerzer,
Thah mi minung tam zet,
Ruang tam zet pengaw reprep,
Miruak siar cawk lo,
Ruakpawl parah an tlu!
4 ^cZiangruangahtile hlawhhlangpawlih hursual tuahnak in a khat,
Dawithiam hotu nunau cun a bum,
Anih cun miphunpawl cu a hursual tuahnak in a zuar hai ih,
A dawi thiamnak in minungpawl cu a zuar hai.
5 ^dRalkap rualpawlih Jehovah in, “Ngai hnik, ka lo do a si, a ti;
Na hni sunghruhpawl na hmai tlunah ka hlîp ding,
Miphunpawl na taklawngnak ka hmuh hai ding ih,
Lalrampawl na ningzahnak.
6 ^eNa parah fihnungza ka hlăwn ding,
Mi-â vekin ka lo ceibawl ding ih,
Zohnuam ah ka lo tuah ding,” tiah a ti.
7 ^fHitin a si ding, a lo hmutu hmuahhmuah in an lo tlansan ding ih,
“Nineveh cu a siat ṭheh zo!
Zo in a ṭah pei?” tiah an ti ding.
Nangmah a lo hnemtupawl khuiah ka hawl ding?
8 ^gNâl tiva pi kiangih um,
Tipi ih kulh,
Tifinriat cu a kulhawknak a si mi,
A phar cu ti a si mi,
Thebes khawpi hnakin na ṭhasawn maw?
9 ^hKush le Izip cu leitēk um loih a cahnak an si.
Put le Lubim cu a lo bawmtu an si.
10 ⁱCu cingin Thebes cu hruaihlo a si thotho,
Ralkaih ah a feh;
Lamzin ṭêk kip ah a falepawl khal hlăwndarh an si;
A mizahumpawl hrangah camcawhfung an zûk ih,
A miropipawl cu cikcin ih ṭawn an si.
11 ^jNang Nineveh, nang khal na ri ding;
Thuh na si ding;
Nang khal in na ralpawl lakah răwlhimnak na hawl ding.
12 ^kNa hauhruangpawl zaten a rah hmin mi theipi kung vek an si:
An hnin asile,
A eituih kâ sungah an ṭil.
13 ^lNgai hnik, nanmah lakih um na ralkappawl cu nunau an si!
Na ram sungih kăwtkapawl cu na ralpawl hrangah kau zetin an áwngaw.
Na kăwtka tlângpawl cu meisa in a kangrál.
14 ^mKulhkhŭm cān hrangah ti khai aw!
Na ralhruangpawl hngetter aw!
Bel lei umnak ah feh awla, tlăk kha pál aw!
Tlăkrawh hak tuah aw!
15 ⁿCu tawkah meisa in a lo kangrál ding,
Ralnâm in a lo sattán ding;
Kharbawk vekin ralnâm in a lo ei ding.
Kharbawk bangin karhzaiawter aw!
A bur a bur ih um kharbawkpawl bangin karhzaiawter aw!
16 Van arsipawl hnakin na sumdâwngpawl cu na karhter.
Kharbawkpawl in an ei ih, an zamhlo.
17 ^oNa ralbawipawl cu a bur a bur ih um kharbawk vek an si ih,
Na ralbawipipawl cu khaukhuap tumpi pi vek an si,
Annih cu khawdaih cān ah lungto kulh mi ṭanhmun khuarnak ah an um;
Asinan ni a suah tikah an zamhlo.
Khui hmun ah an um ti theih a si lo.
18 ^pMaw Assiria siangpahrang, na tuu khāltupawl an sĭng cuahco.
Na miupapawl an zau.
Na mipawl cu tlangpawl ah an ṭekdarh ih,
Zohman in an fĭnkhawm lo.
19 ^qNa tuahmawhawknak in damnak a nei lo,
Na hriamhma a bese tuk.
Na thuthang theitu hmuahhmuah in an za an lo bĕnghnawh ding,
Ziangahtile cem ti um lo na sualralnak tuar lo zo so um?

3:1^a Sam 12:2; Eze 22:2; Mik 3:10; Hab 2:12

3:3^b 2Sp 19:35; Isa 34:3; Jer 47:3

3:4^c Isa 23:17; 47:9; Eze 16:15-29

3:5^d Isa 20:4; 47:3; Jer 13:22; Nah 2:13

3:6^e Suah 29:14; 1Sam 2:30; Job 9:31; Isa 14:16; Jer 51:37; Mal 2:9

3:7^f Job 3:14; Isa 13:14; 51:19; Jer 15:5; Nah 1:1

3:8^g Isa 19:6-9; Jer 46:25; Eze 20:14-16; Amo 6:2

3:9^h Sem 10:6; 2San 12:3; Eze 27:10; 30:5

3:10ⁱ 2Sp 8:12; Isa 13:16; 20:4; Jer 40:1; Hos 13:16; Joe 3:3

3:11^j Isa 49:26; Jer 25:15-17, 27

3:12^k Sol 2:13; Isa 28:4; Thu 6:13

3:13^l Isa 19:16; 45:2; Nah 2:6

3:14^m 2San 32:4; Nah 2:1

3:15ⁿ 2Sam 2:26; Jer 51:14; Joe 1:4

3:17^o Jer 51:27; Thu 9:7

3:18^p 1Sp 22:17; Sam 76:5-6; Isa 56:10; Jer 50:18

3:19^q Job 27:23; Isa 37:18; Jer 30:13; Ṭah 2:15; Mik 1:9; Zef 2:15