About Bible Thianghlim | ©

BibleThianghlim – Sam

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Sam

12345678910
11121314151617181920
21222324252627282930
31323334353637383940
41424344454647484950
51525354555657585960
61626364656667686970
71727374757677787980
81828384858687888990
919293949596979899100
101102103104105106107108109110
111112113114115116117118119120
121122123124125126127128129130
131132133134135136137138139140
141142143144145146147148149150

• A ngantu: David le mi dang pawl
• A huap sung cān: Cān dangdang
• Ngan kum: B.C. 1400-500 hrawng

Sam a hrek hrawng hi David ih phuah mi an si. Sam tampi cu siangpahrang a si hlanih a phuah mi an si. Sam phuahtu mi dang cu: Asaf (73-83), Solomon (72; 127), Ezrah-mi Ethan (89), Mosi (90) le puithiam sungkua Korah fapapawl tla an si (84; 85; 87; 88). Sam 50 zikte hi cu a phuahtu theih an si lo.

David ih phuah mi Sam tampi cu a nun lam tluanih thil thleng mi ṭansanih a phuah mi an si (Ṭhimnakah, 18; 34; 51; 52). Sam hrekkhat cun Messiah thuhla le a Siangpahrang sinak thu an simsung (Ṭhimnakah, 2; 22; 45; 110). Thlacamnak le thangṭhatnak ih a khat mi hi cabu hi Pathian in zumtupawl a pe.

Sam hla phuahtupawl in an hlapawl hmangin milai phun dangdang hnenah thu an sim. Ṭhimnakah, a phuahtu in amah lala hnenih thu a simawknak (23; 103), mithiangpawl hnenih thusimnak (20; 29; 33; 34; 37; 47; 95), misualpawl hnenih thusimnak (52; 58) le leilung tlunih miphun zate hnenih thusimnak (96; 97; 100; 117) pawl tla an si. Sam hrekkhat ah cun a phuahtu in Pathian, a tumtah mipawl, a thiltipawl le a kamsuakthupawl ngunngaih zetin a ruat (1; 2; 14; 19; 24; 32; 46). Culawng si loin, Sam phuahtupawl in Pathian hnenih an ṭawngsuak mi khal tam zet kan hmu.

Sam 119 hi a saubik ih, cuih Sam cu Pathian Dān ropitzia thangṭhatnak le theihthiamnak ding hrangih thlacamnak a si. Sam tamsawnah cun Pathian hnenih thlacamnak kan hmu ih, a hrek tluk cun câng hmaisabikah thlacamnak in an thawk. Sam ah hin milaipawlih harsatnak, riahsiatnak, ṭahnak, beidăwnnak, thinhengnak le lungawi aipuannak an tawnteh mipawl kan hmu. A cāncānah cun Sam phuahtupawl in humhimnak duhin an ausuak ṭheu (6; 12; 13; 69). Sam hrekkhat ah cun runsuahnak ruangih Pathian an thangṭhat thu kan hmu (7; 34). A cāncānah cun Pathian daiteih a um ruangah, an beidăwn cān khal a um (42; 88). Pathian umpinak ruangih lungawi cān (63; 66), sual ruangih riahsiat cān (38; 51) le Pathian ngaidamnak ruangih lungawi aipuan (32) cān khal an nei.

Misualrálpawl hnianghnar zetih an um tikah an beidăwn cān khal a um (73). Pathian in dik zetin mi zaten a uk ruangah, amah biak cān an nei ih (2; 47; 52) a fimnak le a thil ti mipawl parah khawruahharih an um cān khal a um (8; 19; 103; 104). Sam tam tak ih thupi pawimawh zet kan hmuh mi cu Pathian rinsannak hi a si (Ṭhimnakah, 2:12; 4:5; 8; 5:11; 7:1; 9:10; 11:1; 13:5; 16:1; 37:3, 5, 40). Kan thinlung ih um zaten ziangtin Pathian kan sim ding ti Sam in in khihhmuh ih, ziang dinhmun ih kan um tik khalah amah rinsan dingin in zirh.

Bu 1-nak

1

Lamzin Phun Hnih

1 ^aPathian ngaihsak lo thurawn peknak ih feh lo tu,
Misualpawl lamzin khalih ding lo tu,
Mihmuhsuamtupawl tonak khalih to lo tu cu mithlawsuak a si.
2 ^bAmai năwmnak cu Jehovah Dān ah a si sawn ih,
A dān cu a sun a zanin ngunngaih zetin a ngaihtuah.
3 ^cAmah cu ti luang kapih phŭn mi thingkung,
A tikcu teih a rah rahsuak ṭheu,
A hnah khal vuai dah lo mi vek a si.
A tuah mi pauhpauh ah a hmuingil ding.
4 ^dPathian ngaihsak lo pawl cu cuvek an si lo,
Annih cu thli ih a semhlo mi fāng hi vek an si sawn.
5 ^eCuruangah Pathian ngaihsak lo tupawl cu thuṭhennak ah an dīng thei lo ding,
Misualpawl khal midingfel umkhawmnak ah an tel thei lo ding.
6 ^fZiangahtile Jehovah in midingfelpawlih lamzin cu a thei,
Asinan Pathian ngaihsak lo pawlih lamzin cu a siatrál ding.

1:1^a Job 21:16; Thf 1:22; Isa 28:14; Hos 7:5

1:2^b Sam 112:1; Eze 11:20; Rom 7:22

1:3^c Job 14:9; Jer 11:16; 17:8; Eze 17:5, 8

1:4^d Job 13:25; Isa 40:24; Jer 13:24

1:5^e Job 19:29; Sam 26:12

1:6^f Pui 26:38; Nah 1:7

2

A Hriak Thih Mi hnenih Pathian Thutiam

1 ^aZiangah so miphunpawl an thin a so ih,
Minungpawl hin thil ṭhahnem lo phiarsawmnak an tuah?
2 ^bJehovah le a Hriak Thih dokalhin,
Leilung siangpahrangpawl an ding ih,
Uktupawl thu an rawnawkhawm ih,
3 ^c“An ṭemṭawnnak hripawl siatbăl ṭheh nêknêkin,
An hrihrualpawl kan hnen ihsin hlăwnhlo uhsi,” tiah an ti.
4 ^dVan parih totu cu a hni ding;
Bawipa cun anmah a hnihsan hai ding.
5 ^eCun thinling zetin anmah a be ding ih,
A thinsonak in an thla a phângter ding:
6 ^f“Sikhalsehla kei cun ka tlang thianghlim Zion ah,
Ka Siangpahrang ka ruat zo.”
7 ^g“Thusuah ka thăn ding:
Jehovah in ka hnenah hitin i sim,
‘Nang cu ka Fapa na si,
Tuihsun ah ka lo hring a si.
8 ^hI dil awla, miphunpawl cu na ro dingah ka lo pe ding,
Cule leilung dĕng thlengin na ta dingah.
9 ⁱAnmah cu thir kianghrăwl in na khuai hai ding;
Bel tuahtuih bel vekin na hlăwnkuai nêknêk hai ding.’ ”
10 ^jCuruangah Maw siangpahrangpawl, fim uh;
Nannih leilung parih thuṭhentupawl, fimkhur uh.
11 ^kJehovah kha ṭihzahnak thawn rian uhla,
Khūr reroin lungawi aipuangin um uh.
12 ^lFapa kha hnam uh, culole a thin a heng ding ih,
Nan thulunlonak ah nan hloral pang ding,
A thinlingnak alh cu rei lo te lawng a si.
Amah a rinsantu hmuahhmuah cu mithlawsuak an si.

2:1^a Thf 24:2

2:2^b 1Sam 9:16; Apo 4:25-26

2:3^c 2Sam 3:34; Job 36:8

2:4^d Isa 37:16

2:5^e Sam 6:1; 21:9

2:6^f Suah 15:7; 2Sp 19:31

2:7^g 2Sam 7:14; Mat 3:17; Heb 1:5; 6:5

2:8^h Mat 21:38; Joh 17:4-5; Thu 2:26

2:9ⁱ Sem 49:10; Suah 15:6; Isa 30:14; Jer 9:10; Thu 2:27; 12:5

2:10^j Thf 8:15; 27:11; Amo 2:3

2:11^k 1San 16:30; Sam 9:2; 89:7; 103:11; 104:34; Isa 61:10

2:12^l Dnp 9:8; Sam 84:12; Thu 6:16

3

Ral lakih Pathian Rinsannak

A fapa Absalom hnen ihsin a tlansuah ṭumih David-ih Sam.

1 Maw Jehovah, keimah harsatnak i petupawl hi ziang tlukin so an karh!
Keimah dokalhtu an tam tuk.
2 ^aMi tampi in ka nunnak thuhla ah,
“A hrangah Pathian băwmnak a um lo,” tiah an ti. Selah
3 ^bAsinan Maw Jehovah, nang cu ka hrangah ralphaw na si,
Ka ropitnak le ka lu Cawisângtu na si.
4 ^cJehovah hnenah ka au ih,
Anih in a tlang thianghlim ihsin i rak sawn. Selah
5 ^dKa zau ih ka itthat;
Ka ṭhangsal, ziangahtile Jehovah in i kilhim.
6 ^eKeimah do dingah ka kimvel hmuahhmuah ih a timlamaw mi,
Mi 10000 kha ka ṭih lo ding.
7 ^fMaw Jehovah, tho aw;
Maw ka Pathian i run aw!
Ziangahtile nang in ka ralpawl zaten an khabe ruh na rak vuak;
Pathian ngaihsak lo pawlih hâ na khiahsak.
8 ^gRunsuahnak cu Jehovah-ih ta a si.
Na thlawsuah cu na minungpawl parah a um. Selah

3:2^a Sam 22:8; Isa 36:15

3:3^b Sem 15:1; Sam 27:6

3:4^c Job 30:20; Sam 2:6; 22:2-5

3:5^d Pui 26:6; Sam 17:15

3:6^e Job 11:15; Sam 118:11

3:7^f 2San 6:41; Job 16:10; 29:17; Thf 30:14; Isa 25:9; Jer 42:11; Ṭah 3:16; Mat 6:13

3:8^g Mip 6:23; Sam 27:1; Isa 43:3, 11; Hos 13:4; Jon 2:9; Thu 7:10

4

Runsuahnak hrang Thlacam

Hla Hruaitu Hrang. Neginoth thawi Sak ding Mi, David-ih Sam.

1 ^aMaw ka dingfelnak Pathian, ka lo kawh tikah i thei aw!
Ka vansannak ihsin i run zo;
Ka parah zahngai awla, ka thlacam thei aw.
2 ^bMaw nannih minung fapapawl,
Ziangtik tiang so,
Ka ropitnak hi ningzahnak ah nan canter ding?
Ziangtik tiang so thil santlailo nan duh ding ih,
Thuphan nan hawl ding? Selah
3 ^cJehovah in Pathian ngaihsaktu kha amai hrangah a rethran ti thei uh;
Amah Jehovah ka kawh tikah in let ding.
4 ^dNan thinheng khalle, sual tuah hlah uh.
Nan ihkhun parah nan thinlung in ngunngaih zetin ngaihtuah uhla, hnangamten um uh. Selah
5 ^eDingfelnak raithawinakpawl hlan uh,
Cule Jehovah rinsan uh.
6 ^fMi tampi in,
“Zo in so thil ṭha in hmuh ding,” tiah an ti.
Maw Jehovah, na mithmai kha kan parah tlangter aw.
7 ^gKa thinlung ah lungawinak na ret,
An thlairawl le sabit zu an neih tam cān ih an lungawinak hnakih tam in.
8 ^hHnangamten ka zau ding ih, ka itthat ding;
Ziangahtile Maw Jehovah, nangmah lawng in himten i cêngter.

4:1^a Sem 32:7; Lai 2:15; Sam 13:3; 17:6; 30:10

4:2^b Suah 16:7; Lai 2:17; 1Sam 4:21; 2Sp 19:26; Job 8:22; Ths 8:11; Jer 3:25; Amo 2:4

4:3^c Sam 6:8; Mik 7:2, 7; 1Ti 4:7; 2Pe 3:11

4:4^d Dan 2:28; Efe 4:26

4:5^e Thf 3:5; Isa 26:4; Joh 14:1

4:6^f Mip 6:25

4:7^g Sem 27:28; Dnp 28:51; Isa 9:3; Apo 14:17

4:8^h Pui 26:6; Mip 6:26; Job 11:18; Jer 32:37

5

Runsuahnak hrangih Pathian Rinsannak

Hla Hruaitu Hrang. ^aNehillot thawi Sak ding Mi, David-ih Sam.

^a Nehillot: Thli ih sĕm awn ci awnmawi thilripawl thawi sak ding tinak.

1 ^aMaw Jehovah, ka ṭawngkampawl lamah hna tŭn aw,
Ngunngaih zetih ka ngaihtuahnak hi ngaihsak aw.
2 ^bKa Siangpahrang le ka Pathian,
Ka auaw hi ngaithla aw,
Ziangahtile na hnenah thla ka cam ding.
3 ^cMaw Jehovah, zing ah ka aw na thei ding;
Zing ah cumi cu na hnen lamah ka thlengter ding,
Cule tlun lam ka zoh ding.
4 ^dZiangahtile nang cu, sualralnak ih lungsi Pathian na si lo ih,
Nangmah ah thil ṭha lo a um fawn lo ding.
5 ^eMitluangkhâwngpawl cu na mithmuh ah an ding lo ding;
Nang cun mawhsualnak tuahtu zaten na hua.
6 ^fNang in thuphan perpawl na siatsuah ding;
Jehovah in thisen suahhmang le mi bumhmang pa cu a fih a si.
7 ^gAsinan kei lawngte cu, na lainat duhdawtnak tampi thawn na inn sungah ka lut ding;
Nangmah lo ṭihzahnak thawn na temple thianghlim lamah ka băwkkhup ding.
8 ^hMaw Jehovah, ka ralpawl ruangah na dingfelnak in i hruai aw.
Ka hmaika ah na lamzin dĭngten tuah aw.
9 ⁱZiangahtile an kâ ah rinumnak a um lo;
An sung lam cu siatralnak a si;
An dang cu a áwngaw mi thlān vek a si;
An lei in mi an fakder.
10 ^jMaw Pathian, anmahpawl kha mawh neiah phuang aw!
Anmai khawkhannakpawl hmangin tlu hai seh;
An dān pahbălnak tampi ruangah anmah cu hlăwnsuak hai aw,
Ziangahtile annih cu na lakah an hél.
11 ^kAsinan nangmah rinsantu hmuahhmuah cu lungawi aipuangin um hai seh;
Anmah na humhim hai ruangah, aipuangin au hai seh;
Na hmin duhdawttupawl khal nangmah ah aipuangin um hai seh.
12 ^lZiangahtile Maw Jehovah, nang cun midingfel na thlawsuah ding;
Amah cu duhsaknak thawn ralphaw vekin na kulh ding.

5:1^a 1Sp 8:29; Dan 9:18

5:2^b Job 19:7

5:3^c Isa 26:9; Jer 21:12; Hab 2:1; Rom 8:19

5:4^d Sam 1:5; Thf 2:22

5:5^e Thf 1:7, 22; 8:5; Ths 5:4

5:6^f Thf 19:22; Joh 8:44; Apo 5:3; Thu 21:8

5:7^g Dnp 13:4; 1Sp 8:48; Jer 44:10; Dan 6:26

5:8^h 1Sp 8:36; Sam 23:3; Thf 8:20; Joh 1:23

5:9ⁱ Thf 15:4; Jer 5:16; 9:8; Luk 11:44; Rom 3:13

5:10^j Sam 78:40; Ṭah 1:5; 3:42

5:11^k Job 22:19; Sam 33:1; 69:36

5:12^l Sem 15:1; Sam 32:7; 112:2

6

Damnak hrang Thlacam

Hla Hruaitu Hrang. Neginoth le ^aSheminith thawi Sak Mi, David-ih Sam.

^a Sheminith: Hri riat nei awnmawi thilri thawi sak ding tinak.

1 ^aMaw Jehovah, na thinhengin i kawk hlah awla,
Na lunghmuilonak sosa in nun i sim fawn hlah.
2 ^bMaw Jehovah, ka tlunah zahngai hram aw, ziangahtile kei cu micak lo ka si;
Maw Jehovah, i tidam aw, ziangahtile ka ruhpawl an buai.
3 ^cKa nun khal nasa zetin harsatnak a táwng;
Maw Jehovah, nang cu ziangtik tiang so na rei ding?
4 ^dMaw Jehovah, ra kir awla, ka nunnak runsuak aw!
Na lainat duhdawtnak ruangah i run aw.
5 ^eZiangahtile thihnak ah cun nangmah cīn ringring nak a um lo;
Sheol ah zo in so na hnenih lungawi thu sim ding?
6 ^fKa aihramnak ah ka cau ṭheh.
Zanvar ka ihkhun ka ciapter;
Ka lukham khal ka mitthli in ka cîarter ṭheh.
7 ^gThinnatnak ruangah ka mit a māl;
Ka ralpawl hmuahhmuah ruangah ka mit a māl deuhdeuh.
8 ^hNannih mawhsualnak tuahtu zaten, ka hnen ihsin tlânsuak uh.
Ziangahtile Jehovah in ka ṭahnak aw a thei zo a si.
9 ⁱJehovah in ka dilnak a thei zo,
Jehovah in ka thlacamnak a cohlang ding.
10 ^jKa ralpawl zaten ningzak le nasa zetih harsa-in um hai seh;
Dung lamah kirsal hai sehla, hmakhatteah ningzakin um hai seh.

6:1^a Sam 2:5

6:2^b Isa 40:31; Jer 3:12; 8:18; Eze 21:7

6:3^c Job 7:11; Isa 6:11; Jer 4:14; Hab 1:2; Zek 1:12; Joh 12:27; Rom 9:2; 2Ko 2:4

6:4^d Isa 54:8, 10

6:5^e Ths 9:10; Isa 38:18

6:6^f Lai 8:5; Job 3:24; Ṭah 1:8, 11, 21-22; Luk 7:38; Apo 20:19

6:7^g Job 16:8; Isa 38:14

6:8^h Sam 3:4; Mat 7:23

6:9ⁱ Sam 28:6

6:10^j 2Sp 19:26; Sam 40:14

7

Băwm Dilnak

Benjamin-mi, Kush-ih Ṭawngkampawl Thuhla ih Jehovah Hnenih David ih Sak Mi ^aShiggaion.

^a Shiggaion: Hla thu, asilole hlasakdān ding simfiangnak a si men thei.

1 ^aMaw Jehovah ka Pathian, nangmah ah ka beu a si;
I hremtupawl zate lak ihsin i run aw;
Cule i runsuak aw.
2 ^bCulole kiosa vekin in thlek ding,
Zohman runsuaktu an um lo laiah, in thlekdip ṭheh pang ding.
3 ^cMaw Jehovah ka Pathian, himi ka rak tuah zo asile:
Ka kut ah mawhsualnak a um asile,
4 ^dKeimah thawn remawteih umtu hnenah thil ṭha lo thawn ka lehrulh asile,
Asilole thu um loin ka ral pa thil ka lawn asile,
5 ^eKa ral pa in i dawi sehla i man seh.
A si, ka nunnak cu lei parah cīl seh,
Cule ka ropitnak kha leivut ah ret seh.
6 ^fMaw Jehovah, na thinhengin tho aw;
Ka ralpawlih thinsonak ruangah ding aw;
Thu na rak pek mi thuṭhennak lamah ka hrangah tho aw!
7 ^gCutin miphun umkhawm in an lo kulh ding;
An tlun, hmun sâng ah kirsal aw.
8 ^hJehovah in minungpawl thu a ṭhen ding;
Maw Jehovah, ka dingfelnak zulh le ka felfainak zulhin thu i ṭhen aw.
9 ⁱMaw, misualpawlih sualralnak kha cem seh,
Asinan midikpawl cu tungding aw;
Ziangahtile a dingfel mi Pathian in thinlung le ruahnak lungthin a hniksak a si.
10 I humhimtu cu, thinlung dĭngpawl runtu Pathian a si.
11 ^jPathian cu thuṭhentu dik a si ih,
Pathian cu misualrálpawl parah ni tin a thin a heng.
12 ^kMi pakhat cu a sirawk lo asile,
Anih in a ralnâm a tât-hriam ding;
A thál a nawp ding ih tiar cia in a ret ding.
13 ^lAnih cun thihnak hmanruapawl khal amai hrangah a timlam;
Anih in a thál fungpawl cu a alh mi fungpawl ah a canter.
14 Ngai hnik, misualrál cun mawhsualnak a suakter;
A si, harsatnak a pai ih, thuphan a hringsuak.
15 ^mAnih in khur a tuah ih, cumi cu a lai,
Cule a tuah mi khur sungah amah a tla.
16 A harsatnak cu amai lu parah a kirsal ding,
Cule hrohrang zetih mi a dawrnak khal amai lallukhum tlunah a thlengsal ding.
17 ⁿJehovah cu a dingfelnak bangtukin ka thangṭhat ding,
Cule Cungnung Bik Jehovah hmin hnenah thangṭhatnak hla ka sak ding.

7:1^a Sam 3:7; 31:15

7:2^b Sem 49:9; Thu 4:7

7:3^c Isa 59:3

7:4^d Thf 24:28

7:5^e Suah 15:9; 2Sam 22:43; 2Sp 9:33; Isa 10:6; Ṭah 3:16

7:6^f 2San 6:41

7:7^g Sam 48:11

7:8^h Sem 18:25; 1San 16:33; Apo 17:31; 1Ko 4:4-5

7:9ⁱ 1San 28:9; Jer 11:20; Thu 2:23

7:11^j Dnp 9:8; Isa 11:4; Jer 11:20

7:12^k 2Sam 22:35; Isa 5:28; Eze 3:19

7:13^l Sam 11:2; Isa 59:4; Jam 1:15

7:15^m Job 4:8; Thf 26:27

7:17ⁿ Sem 14:18; 2San 31:2; Rom 15:11; Heb 2:12

8

Jehovah hminṭhatnak

Hla Hruaitu Hrang. Gittith Thawn. David-ih Sam.

1 ^aMaw Jehovah, kan Bawipa,
Na hmin cu leitlun hmuahhmuah ah hin a va ṭha hleice ve,
Nang cu van tlunih na ropitnak rettu na si!
2 ^bNa ralpawl ruangah,
Nausenpawl le nausente hnawi fawp lai pawl kâ ih suak mi in cahnak na rak remruat,
Cutin ral le phuba latupawl kha daiten na umter ding.
3 ^cNa kut zung ih ṭuan mi, na van,
Na rak remruah mi thlapi le arsipawl ka ruah tikah,
4 ^dMinung hi ziang so maw a si, na ngaihsak ih,
Minung fapa hi na vehvaih ṭheu?
5 ^eAnih cu ^fvancungmipawl hnakih málte niamdeuhin na rak tuah ih,
Amah cu ropitnak le upatnak na khumter.
6 ^gAnih cu na kut hnaṭuanpawl tlunah uknak nei dingin na rak tuah;
Thil hmuahhmuah cu a ke hnuaiah na ret ṭheh.
7 ^hTuu le caw cang zate, ramlak ih ramsapawl khal,
8 ⁱTlun zuang vatepawl le,
Tifinriat zin ih a feh mi,
Tifinriat sungih leng pauhpauh thawn.
9 Maw Jehovah, kan Bawipa,
Na hmin cu leitlun hmuahhmuah ah hin a va ṭha hleice ve!

8:1^a Suah 15:11; 1San 16:10; Hab 3:3; Luk 2:9

8:2^b Mat 21:16

8:3^c Sem 1:16; 15:5; Dnp 10:14; 1San 16:26; 2San 2:12; 1Ko 15:41

8:4^d 1San 29:14; Heb 2:6-9

8:5^e Sem 1:26

8:5^f vancungmipawl: Hebru ah cun Elohim (Pathian) ti a si.

8:6^g Sem 1:26, 28; 1Sp 5:3; Mat 28:18; 1Ko 15:25, 27; Efe 1:22

8:7^h Sem 2:19; 13:5

8:8ⁱ Sem 1:26

9

Pathian Huham

Hla Hruaitu Hrang. ^aMuth-labben Hla Thlûk ih Sak Ding. David-ih Sam.

^a Muth-labben: “Fapa thihnak” ti mi hla thlûk ih sak ding tinak.

1 ^aMaw Jehovah, ka thinlung zaten ka lo thangṭhat ding;
Na mangbangza hnaṭuan zaten ka sim ding.
2 ^bNangmah ah ka lung a awi ding ih ka ai a puang ding;
Maw Cungnung Bik, na hmin thangṭhatnak hla ka sak ding.
3 Ka ralpawl an kirsal tikah,
Na hmaiah an tlu ding ih an hloral ding.
4 ^cZiangahtile ka diknak le ka ṭannak pawl i kilkhawisak;
Na laltokham parah toin dingfelnak in thu na ṭhen.
5 ^dMiphunpawl na rak kawk,
Misualrálpawl na rak siatsuah;
An hmin cu kumkhuaih kumkhua tiang na rak thaihlo.
6 ^eMaw ral, kumkhaw daihin siatsuahnak cu a cem!
Cule khawpipawl na rak siatsuah;
An cīn ringring nak tiangin a hloral.
7 ^fAsinan Jehovah cu kumkhua a hmun ding;
Anih in a laltokham cu thuṭhennak hrangah a timlam.
8 ^gAnih in leilung cu dingfelnak in thu a ṭhen ding ih,
Miphunpawl hrangah diktakin thuṭhennak khal a kilkhawi ding.
9 ^hCuihhleiah Jehovah cu palbĕt mipawl hrangah răwlhimnak a si,
Harnak cān ih răwlhimnak.
10 ⁱCule na hmin theitupawl in nangmah an lo rinsan ding;
Ziangahtile Jehovah, nang cun nangmah hawltupawl na rak thlauthla lo.
11 ^jZion ih um Jehovah hnenah thangṭhatnak hlasak uh!
Miphunpawl lakah a thil tuah mipawl thăn uh.
12 ^kThisen phuba a lâk tikah, anmah a máng;
Mităngdawrpawlih ṭahnak a hngilh lo.
13 ^lMaw Jehovah, ka parah zahngai aw!
I huatupawl hnen ihsi ka harnak hi ruat aw,
Thihnak kăwtkapawl ihsin i khaisotu cu nangmah na si.
14 ^mCuti cun Zion fanuih kăwtkapawl ah na thangṭhatnak hmuahhmuah ka sim thei ding.
Na runsuahnak ah lungawi aipuangin ka um ding.
15 ⁿAnmai tuah mi khur sungah miphunpawl an tla;
An thuh mi sur ah, anmai ke an awk-aw.
16 ^oJehovah cu amai tuah mi a thuṭhennak ihsin a phuangaw a si;
Misualrál cu amai kut hnaṭuan ihsi awh a si.
^pHiggaion. Selah
17 ^qMisualrálpawl cu Sheol ah thlak an si ding ih,
Pathian hngilhtu miphun hmuahhmuah khal.
18 ^rZiangahtile mitlasampawl kha hngilh ringring an si lo ding;
Mifarahpawlih ruahsannak cu a hloral kumkhua lo ding.
19 ^sMaw Jehovah, tho aw,
Milai in lo neh hlah seh;
Miphunpawl kha na mithmuh ah thuṭhensak si hai seh.
20 ^tMaw Jehovah, anmahpawl kha an thlaphângter aw;
Cutin miphunpawl kha minung menmen an sizia theiawter hai aw. Selah

9:1^a Dnp 4:34; Sam 86:12

9:2^b Job 22:19; Isa 25:9; Jer 30:19; Joe 2:21; Zef 3:14; Mat 5:12

9:4^c Isa 6:1; 1Pe 2:23

9:5^d 1Sam 17:45-51; Job 18:17

9:6^e Ths 9:5; Isa 14:22; Jer 2:3; Mik 7:10; Zef 2:8-10

9:7^f 1San 16:31; Isa 6:1; 66:1; Heb 13:8

9:8^g Sam 7:11; 11:7

9:9^h Dnp 33:27; 2Sam 22:3

9:10ⁱ Sem 28:15; Dnp 4:31; Isa 49:14; Jer 15:18; Heb 13:5

9:11^j Isa 24:13; Eze 20:23

9:12^k 2Sam 4:11; Isa 49:13

9:13^l Mip 10:9; Job 17:16; Mat 16:18

9:14^m Isa 1:8; Jer 4:31; Ṭah 1:6; Mik 1:13; Zef 3:14; Zek 2:10; Mat 21:5; Joh 12:15

9:15ⁿ Job 4:8; Sam 35:8

9:16^o Thf 5:22

9:16^p Higgaion: Awnmawi ṭawngkam a si ih, awnmawi tumsal tinak a si men thei.

9:17^q Mip 16:30; Job 8:13; Thf 5:5

9:18^r Thf 23:18; Jer 14:8

9:19^s 2San 14:11; Sam 110:6; Isa 2:4; Joe 3:12

9:20^t Sem 35:5; Isa 13:8; 31:3; Eze 28:2; Luk 21:26

10

Runsuahnak hrang Thlacam

1 ^aMaw Jehovah, ziangah so hlatpi ih na dīn?
Ziangah so harsat cān ah na thuhawk?
2 ^bMisualrál in a hngalnak in mifarah a hrem;
Anmah ih an ruahsuak mi phiarsawmnak ah awk-aw hai seh.
3 ^cZiangahtile misualrál pa cu a thinlung ih câk mi parah tluang a khâwng;
Miduhham cun Jehovah a camsiat ih, a hnáwng.
4 ^dMisualrál cun a pawrhawknak ah Pathian a hawl lo;
A khawruahnak zate ah Pathian a um lo.
5 ^eA lamzinpawl ah a hmuingil ringring;
Na zīn le dān pawl cu a hmuh băn lo nak, tlun lam sangpi ah an si;
A ralpawl zaten a hnihsan hai men.
6 ^fAnih in a thinlung in, “Ka hnîn lo ding;
San tluansuakin harsat mangbangnak ah ka um lo ding,” tiah a ti.
7 ^gA kâ cu camsiatnak le bumnak le nekrawknak in a khat;
A lei tăngah harsatnak le mawhsualnak a um.
8 ^hAnih cu khaw kip ih mi bawhthupnak hmun ah a to;
Hmun thup pawl ah mawhnak nei lo pawl a that;
A mit in bawmtu nei lo pawl a bihthup.
9 ⁱKiosa a pûk sungih a bawh vekin, a thupten mi a bawh;
Mifarah kaingah dingah a bawh;
Mifarah cu a tháng ih a awhngah hnuah a kai.
10 ^jBawmtu nei lo kha a thazang thawi a thlûk thei nak dingah,
Lei ah bawkvâkin a pêl.
11 ^kA thinlung in,
“Pathian in a hngilh zo;
A hmai a thup;
A hmu dah nawn lo ding,” tiah a ti.
12 ^lMaw Jehovah, tho aw!
Maw Pathian, na kut thlir aw!
Mităngdawrpawl kha hngilh hlah.
13 Ziangruangah misualrál in Pathian a hnáwng?
A thinlung in, “Nang in himi thu cu na zăwihliah nawn lo ding,” tiah a ti.
14 Asinan nang cun na rak hmu, ziangahtile na kut ih lehrūl dingah nang in harsatnak le thinnatnak na hminsin.
Bawmtu nei lo cu na hnenah a peaw;
Nang cu pa nei lo pawl bawmtu na si.
15 ^mMisualrál le miṭha lo ih bān cu khiak aw;
Pakhat hman na hmuh nawn lo tiangin a sualralnak hawl aw.
16 ⁿJehovah cu kumkhuain kumkhua tiang Siangpahrang a si;
Miphunpawl cu a ram ihsin an hloral ṭheh zo.
17 ^oMaw Jehovah, mităngdawr miih saduhthah cu na theihsak;
An thinlung na hngetter ding;
Na hna in na theihsak ding.
18 ^pPa nei lo le palbĕt mipawl hrangah diknak tuahsak dingah a si,
Cutin lei parih minung in mi a palbĕt nawn lo ding.

10:1^a Sam 13:1; 22:1, 11

10:2^b Job 20:19

10:3^c Sam 49:6; Jer 48:30; Jam 4:16

10:4^d Sam 36:1

10:5^e Sam 18:27; Thf 2:13, 15; Isa 13:11; Jer 48:29

10:6^f Thu 18:7

10:7^g Job 20:12; Sam 73:8; Ths 4:1; Rom 3:14

10:8^h Sam 37:32; Thf 1:11; Jer 5:26; Hos 6:9

10:9ⁱ Job 18:8

10:10^j Job 9:17

10:11^k Job 22:13-14

10:12^l Dnp 33:29; Sam 3:7; 17:7; Isa 26:11; 37:5

10:15^m Job 31:22

10:16ⁿ Suah 15:18; Dnp 8:20

10:17^o Suah 22:23; Sam 9:12, 18

10:18^p Dnp 24:17

11

Jehovah Rinsannak Hla

Hla Hruaitu Hrang. David-ih Sam.

1 ^aJehovah ah ka beu,
Ziangtin so ka nunnak hnenah,
“Vate vekin na tlang ah zuang aw,” na ti thei.
2 ^bZiangahtile zoh hnik!
Misualrálpawl in an thál an nawp,
An thál fungpawl thál hri parah an thluah cia,
Cutin thinlung ih midĭngpawl kha a thupteih an saingah thei nak dingah a si.
3 ^cLungphumpawl an siat asile,
Midingfel in ziang so a tuah thei ding?
4 ^dJehovah cu a temple thianghlim ah a um,
Jehovah-ih laltokham cu van ah a si,
A mit in a zoh,
A mit tlâng pawl in minung fapapawl a hniksak.
5 ^eJehovah in midingfel a hniksak,
Asinan misualrál le hrohran duhpawl cu a thinlung in a hua.
6 ^fAnih in misualrál parah meiling a surter ding,
Meisa, kât le a alh rero mi thli cu an covo a si ding.
7 ^gZiangahtile Jehovah cu a dingfel,
Anih cun dingfelnak a duh,
Midĭng cun a mithmai an hmu ding.

11:1^a Sem 14:10; Sam 50:11

11:2^b 2Sam 22:35; Job 33:3

11:3^c Sam 18:15; Isa 24:18

11:4^d 1Sp 8:48; 1San 17:5; Thf 15:3; Jon 2:7; Mik 1:2; Hab 2:20; Mat 5:34; Thu 4:2

11:5^e Dnp 7:13; Job 23:10; Isa 1:4

11:6^f Sem 19:24; Job 1:19; Thu 9:17

11:7^g 2San 12:6; Ezr 9:15; Job 1:1; Isa 28:17; Jer 9:24; Luk 23:50; 2Ti 4:8

12

Harsat Cān ih Băwm Dilnak

Hla Hruaitu Hrang. ^aSheminith thawi Sak Ding. David-ih Sam.

^a Sheminith: Hri riat nei awnmawi thilri thawi sak ding tinak.

1 ^aI bawm aw, Jehovah, ziangahtile Pathian ngaihsak pa a um nawn lo!
Ziangahtile minung fapapawl lakah mirinum an um nawn lo.
2 ^bMi kip in an innhnen thawn thulolak men lawng an simaw;
Fakdernak lei le thinlung phir neiin thu an sim.
3 ^cJehovah in fakdernak hmur zate le,
A pawrhaw mi lei cu sattán thluh seh.
4 ^d“Kan lei thawn kan neh ding;
Kan hmur cu kanmah ta a si;
Zo so kan tlunih thuneitu?” titupawl cu.
5 ^e“Mifarah namnehnak ruangah, mitlasam aihramnak ruangah,
Atu cu ka tho thlang ding,
Amah cu a duhthusam mi himnak hmun ah ka ret ding,” tiah Jehovah in a ti.
6 ^fJehovah-ih kamsuakthupawl cu an thiang,
Leilung ih tuah mi rawhtitnak mei sungih hniksak mi ngun,
Vei sarih tifai mi vek a si.
7 ^gMaw Jehovah, cupawl cu nang in na kilveng hai ding,
Tuih san minungpawl hnen ihsin kumkhua tiang na kilhim ding a si.
8 ^hMisualrál cu hmun kip ah a tawivâk,
Hlohthlaunak kha minung fapapawl lakih khaisan a si tikah.

12:1^a Isa 57:1; Mik 7:2

12:2^b Thf 6:19; Isa 32:7; Rom 16:18

12:3^c Thf 26:28; Dan 7:8; Jam 3:5; Thu 13:5

12:4^d Thf 18:21; Jam 3:6

12:5^e Ths 4:1; Isa 3:15; Apo 7:34

12:6^f 2Sam 22:31; Thf 30:5; Isa 48:10; Zek 13:9

12:7^g Joh 17:12

12:8^h Sam 55:10-11

13

Runsuah Dilnak

Hla Hruaitu Hrang. David-ih Sam.

1 ^aMaw Jehovah, ziangtik tiang so?
In hngilh kumkhua ding maw?
Ziangtik tiang so ka hnen ihsin na hmai na thuh ding?
2 ^bKa thinlung ah ni tin riahsiatnak neiin,
Ziangtik tiang so ka thinlung a el-awk ding?
Ka tlunah ziangtik tiang so ka ralpawl khaisan an si ding?
3 ^cMaw Jehovah ka Pathian, zawn i ruat awla, i ngai hram aw;
Ka mitvângter aw,
Culole thih ihthat in ka itthat pang ding.
4 ^dCulole ka ral pa in, “Amah ka neh zo,” a ti pang ding;
Culole ka hnin tikah harsatnak i petupawl lungawi aipuangin an um pang ding.
5 ^eAsinan kei cu na lainat duhdawtnak ka rinsan;
Ka thinlung cu na runsuahnak ah lungawi aipuangin a um ding.
6 ^fJehovah hnenah hla ka sak ding,
Ziangruangahtile anih cu ka parah ṭha zetin thil a ti.

13:1^a Dnp 31:17; Thf 29:12; Isa 8:17; Ṭah 5:20

13:2^b Sam 77:2-12; Isa 33:18; Dan 7:28

13:3^c Ezr 9:8; Jer 51:39

13:4^d 1Sp 19:2

13:5^e Job 33:26; Sam 6:4; Isa 25:9

13:6^f Suah 15:1; Sam 7:17

14

Pathian Ngaihsak lo pawl Bawrhhlawhnak

Hla Hruaitu Hrang. David-ih Sam.

1 ^aMi-â in a thinlung in,
“Pathian a um lo,” tiah a ti.
Annih cu an bawrhhlawh ih,
Thil fihnungza an tuah,
Thil ṭha tuah zohman an um lo.
2 ^bJehovah in van ihsin minung fātepawl a run zoh,
Thu theithiam ih Pathian hawltu zo tal an um maw ti hmu dingin.
3 ^cAn zaten an rak pial ṭheh,
Mibawrhhlawh ah an cang thluh;
Thil ṭha tuah zohman an um lo,
An um lo, pakhat hman.
4 ^dSang ei vekih ka mipawl ei thluh tupawl,
Jehovah hlám lo, mawhsualnak tuahtupawl in theihnak an nei lo maw si?
5 Cu tawkah annihpawl cun nasa zetin an ṭih,
Ziangahtile Pathian cu midingfel san minungpawl hnenah a um.
6 ^eMifarah paih ruahmannak cu mualpho ko na tuah thei,
Asinan Jehovah cu amai răwlhimnak a si.
7 ^fZion ihsin Israel runsuahnak ra suak sehla maw!
Jehovah in a minungpawl vanneihnak a pekkirsal tikah,
Jakob cu lungawi aipuangin um sehla, Israel cu lungawi seh.

14:1^a Sam 10:4

14:2^b Ezr 6:21; Job 41:34; Ṭah 3:50

14:3^c 1Sam 8:3; 1Sp 8:46; Ths 7:20; 1Ti 5:15; 2Pe 2:7

14:4^d Isa 64:7; Jer 4:22; 10:25; Hos 7:7; Mik 3:3

14:6^e 2Sam 22:3

14:7^f Dnp 30:3; Jer 48:47

15

Tlang Thianghlim ih Cêngtu ding Mipawl

David-ih Sam.

1 ^aMaw Jehovah, na puanthlam ah zo so um ringring thei ding?
Na tlang thianghlim ah zo so cêng thei ding?
2 ^bDĭng teih nungtu le,
Dingfel teih ṭuantu le,
A thinlung ih thudik ṭawngtu;
3 ^cA lei ih mi relse lo tu,
A innhnen par khalih thil ṭha lo tuah lo tu,
A rualpi mawhthluk lo tu;
4 ^dA mit in mihlothlau hmuhsuamtu,
Asinan Jehovah ṭihzahtupawl upattu;
Sesăm ih, amai siatnak ding khal siseh, thinlung thlĕngsal lo tu;
5 ^eA paisa a ṭhang ih mi cawih lo tu,
Mawhnak nei lo dokalh zawngih nawhthuh la lo tu.
Hivek thilpawl tuahtu cu a hnîn dah lo ding.

15:1^a Suah 25:8; 29:46; 1San 15:17; 22:9

15:2^b Thf 16:13; Isa 45:19; Zek 8:3, 16; Rom 9:1; Efe 4:25; Tit 1:6

15:3^c Pui 19:16

15:4^d Dnp 23:21; Jos 9:18; Job 19:9; Mat 5:33; Apo 28:10

15:5^e 1Sam 8:3; Apo 2:25; 24:26; Heb 12:28; 2Pe 1:10

16

Rinnak Hla

David-ih Mikhtam.

1 ^aMaw Pathian, i kilveng aw, ziangahtile nangmah ah ka beu a si.
2 ^bJehovah hnenah,
“Nangmah cu ka Bawipa na si,
Nangmah siarlo ṭhatnak ka nei lo,” tiah ka ti.
3 ^cLeitlun ih um mithiangpawl hrang lawngte ah cun,
“Annih cu micungcuang an si, an parah ka lungsinak zaten a um,” tiah a ti.
4 ^dA dang pathian dawi rero tupawl cu, an riahsiatnak a pungzai;
An thisen Inding Thilhlăn cu ka hlan lo ding ih,
An hmin khal ka hmur in ka sal lo ding.
5 ^eMaw Jehovah, nang cu ka co mi ro le ka no na si;
Nang in ka covo na kai hnget.
6 ^fRamripawl cu hmun nuam pawl ah ka hrangah an tla;
A si, ka ro cu ka hrangah an mawi a si.
7 ^gIn kaihruaitu Jehovah cu ka thangṭhat ding;
Ka thinlung khalin zan tikcucānpawl ah thu i zirh.
8 ^hJehovah cu ka hmaiah ka ret ringring;
Amah cu ka vawrh lamih a um ruangah ka hnîn lo ding.
9 ⁱCuruangah ka thinlung cu a lung a awi ih, ka sunlawinak cu lungawi aipuangin a um;
Ka taksa khal ruahsannak ah a cawlhahdam ding.
10 ^jZiangahtile ka thlarau cu Sheol ah na tân ta lo ding ih,
Na Mi Thianghlim cu a ṭawihrál khal na siang lo ding.
11 ^kNang in nunnak lamzin i hmuh ding;
Na hmaika ah aipuannak famkim a um;
Na vawrh lamah lunghmuinak a um kumkhua.

16:1^a Sam 2:12; 12:7

16:2^b Sam 31:14; 73:25

16:3^c Dnp 33:3; Sam 101:6; Dan 7:18; Apo 9:13; Rom 1:7

16:4^d Suah 18:11; 23:13; Dnp 8:19; Sam 32:10; Thf 23:29

16:5^e Dnp 32:9; Job 31:2; Sam 23:5; Ṭah 4:21; Hab 2:16

16:6^f Thf 8:29; Jer 5:22

16:7^g Job 35:10; Sam 4:8; Thf 15:22; Isa 11:2

16:8^h 1Sp 2:19; 1San 6:39

16:9ⁱ Sam 4:7

16:10^j Mip 16:30; Job 17:14; Hos 13:14; Apo 2:31

16:11^k Mat 7:14; Apo 2:25-28

17

Runsuahnak hrang Thlacam

David-ih Thlacam.

1 ^aMaw Jehovah, a dik mi ka ṭannak hi ngaithla aw,
Ka aunak lamah na hna tŭn aw;
Thuphan simhmang hmur ihsin si lo, ka thlacamnakpawl ah hna tŭn aw.
2 ^bKa diknak cu na hmai ihsin phuansuah si seh;
Na mit in thleidan nei loin zoh seh.
3 ^cNang in ka thinlung na rak hniksak;
Zan ah nang in i rak zohhliah;
Nang in i hniksak ih, zianghman na hmu lo;
Ka kâ in dān pahbăl lo dingin thutluknak ka tuah.
4 Minungpawlih hnaṭuan mi thuhla ah cun,
Na hmur kamsuakthu ruangah,
Mi siatsuahtu zinpawl ka rak pialsan a si.
5 ^dKa kekarpawl na zinpawl ah kai hnget aw,
Cuti cun ka kekarpawl an tawlh lo ding.
6 ^eMaw Pathian, nangmah ka lo ko, ziangahtile nang in i sawn ding;
Ka lamah na hna thawng aw, cule ka ṭawng ngai aw.
7 ^fNa lainat duhdawtnak cu mak zetin langter aw,
Maw nang, anmah dotupawl lak ihsin nangmah a lo rinsantupawl na kut vawrh lam hmangih Runtu.
8 ^gNa mit mu vekin i kilveng aw;
Na thlazar hnuaiah i thup aw.
9 ^hI palbĕttu, misualrálpawl lak ihsin,
I kulhtu thihnak ralpawl lak ihsin.
10 ⁱAn thinlung hit cu an khar ih,
An kâ in puarthau zetin an ṭawng.
11 ^jAtu-ah annih in kan fehnak lamzinpawl an kulh ṭheh,
Leilung ih in năwrthluk an tum,
12 ^kKiosa in a sa deh mi băwtthlek thluh a hiar vekin le,
Kiosa vanglai in a thupteih sa a bawh vekin.
13 ^lMaw Jehovah, tho aw,
Amah cu va do awla, tluter aw;
Misualrál hnen ihsin na ralnâm in ka nunnak runsuak aw.
14 ^mMaw Jehovah, minungpawl lak ihsin, na kut in,
Hi dam sung nun ih covo neitu leilung minungpawl lak ihsin le,
Na thuh mi hlawnthil thawi an pumpi na khahter mipawl lak ihsin.
Annihpawl cu an fāte parah an di a riam ih,
An neih thil a tāng lai mi cu an fasente te pawl hrangah an tân ta.
15 ⁿKei hrang lawngte ah cun,
Dingfelnak thawn na mithmai ka hmu ding;
Nangmah băngnak nei ih ka ṭhangharh tikah ka di a riam ding.

17:1^a Isa 29:13

17:2^b Sam 24:5

17:3^c Sam 39:1; Jer 12:3; 50:20

17:5^d Dnp 32:35; Job 23:11

17:6^e Sam 4:1; 86:7; 116:2

17:7^f Sam 2:12; 10:12; 31:21

17:8^g Mip 6:24; Rut 2:12; Thf 7:2; Isa 34:15

17:9^h Sam 109:3

17:10ⁱ 1Sam 2:3; Isa 6:10

17:11^j Sam 88:17

17:12^k Sem 49:9; Jer 5:6; Ṭah 3:10

17:13^l Mip 10:35; Sam 35:8

17:14^m Isa 2:7; Luk 16:8, 25

17:15ⁿ Mip 12:8; Sam 3:5; Mat 5:8; 1Joh 3:2

18

Nehnak Hla

Hla Hruaitu Hrang. A ralpawl hmuahhmuah kut ihsin le Saul kut ihsin Jehovah ih a runsuah ni ah hih hla thupawl Jehovah hnenih sehtu Jehovah-ih siahhlawh David-ih Sam. Hitin a ti:

1 ^aKa lo duhdawt, Maw Jehovah, ka cahnak.
2 ^bJehovah cu ka lungpi le ka kulh hnget le i runsuaktu a si;
Ka Pathian, ka lungpi, ka beunak ding;
Ka ralphaw le ka runsuahnak ki, ka ral hruangkulh.
3 ^cThangṭhat tlak Jehovah cu ka ko ding;
Cule keimah cu ka ralpawl lak ihsin rŭn ka si ding.
4 ^dThihnak hrihrualpawl in i kulh ṭheh ih,
Pathian ngaihsaklonak tilian in i thlaphângter.
5 ^eSheol hrihrualpawl in in kulh;
Thihnak thangpawl in in pah.
6 ^fKa vansannak ihsin Jehovah ka ko ih,
Ka Pathian hnenah ka ausuak;
Anih cun a temple ihsin ka aw a rak thei,
Cule ka aunak cu a hmaiah a thleng, a hna roriah.
7 ^gCun leilung cu a hnîn ih a khūr;
A thin a heng ruangah tlangpawlih ṭohrampawl khal an hnîn ih an thir.
8 ^hA hnar kuapawl ihsin meikhu a suak ih,
A kâ ihsin mikāngraltu meisa;
Cumi in meiholpawl a alhter.
9 ⁱAnih in van khal a kûnter ih, a ke tăngih thim thawn a rung suk.
10 ^jCule anih cu cherub parah a to ih, a zam;
Thlipi thlapawl hmangin a zam.
11 ^kThim cu amah tuamtu ah a tuah;
A umnak kimvelah cun tipi thim le van khawdur sahpi an um.
12 ^lA hmaiih tleu ihsin,
A khawdur sahpi pawl cu rialruah le meiling vâm thawn an fehtlăng.
13 ^mJehovah cu van ihsin khawpiri vekin a thang ih,
Cungnung Bik cun a aw a suah,
Cule rialruah le meiling vâm a suak.
14 ⁿA thál fungpawl a fehsuakter ih ralpawl a ṭekdarhter,
Anmah cu nimthlakau tampi in a vaivuanter hai.
15 ^oCule ti luannakpawl hmuh an si,
Maw Jehovah, na mi kawknak le na hnar thaw ih na sĕmnak ruangah leilung ṭohrampawl an langsuak.
16 ^pAnih in tlun lam ihsin a run dawh ih, i la;
Tidai nasa zet sung ihsin i dirsuak.
17 ^qA cak mi ka ral lak ihsin i runsuak,
I huatupawl hnen ihsi khalin,
Ziangahtile annihpawl cu ka hrangah an cak tuk.
18 ^rAnnih cun ka vanduai ni ah keimah dokalhin in hmuak,
Asinan Jehovah cu ka ṭhumawknak a si.
19 ^sCuihhleiah anih cun hmun kaupi ah i hruaisuak;
Ka parih a lungsi ruangah i runsuak.
20 ^tJehovah in ka dingfelnak zulhin lawmman i rak pe;
Ka kut thianfainak zulhin i rak rul.
21 ^uZiangahtile Jehovah-ih lamzinpawl ka rak thlun ih,
Ka Pathian cu sualrál zetin ka suahsan dah lo.
22 ^vZiangahtile a zīn le dān pawl zaten ka hmaiah an um,
Cule a sakhaw dānpawl cu ka hnen ihsin ka hlăwn lo.
23 ^wKeimah khal a hmaiah sawihnăwm kai lo ka si ih,
Ka mawhsualnak lak ihsin ka kilhimaw.
24 ^xCuruangah Jehovah in ka dingfelnak zulhin,
A mithmuh ih ka kut thiannak zulhin i rak lehrūl.
25 ^yZahngainak thawi khat mi hnenah na zahngainak na hmuh ding;
Sawihnăwm kai lo mi hnenah sawihnăwm kai loin na langawter ding;
26 ^zMithiang hnenah na thianzia na hmuh ding;
Cule mikhêrmei hnenah na khermeizia na hmuh ding.
27 ^aaZiangahtile nang in mităngdawrpawl na run ding,
Asinan mihngalpawl cu na nâmthla ding.
28 ^abZiangahtile nang in ka meito na vâng ding;
Jehovah ka Pathian in ka thimnak cu a tleuter ding.
29 ^acZiangahtile nangmah ruangah ralkap burpi ka năwr thei,
Ka Pathian ruangah hruang tlunah ka khir thei.
30 ^adPathian hrangah cun, a lamzin cu a famkim;
Jehovah-ih kamsuakthu cu hniksak a si;
Anih cu amah rinsantupawl hmuahhmuah hrangah ralphaw a si.
31 ^aeZiangahtile Jehovah siarlo Pathian zo so um?
Cule kan Pathian siarlo lungpi zo so um?
32 ^afCahnak thawi i thuamtu le,
Ka lamzin famkimtertu cu Pathian a si.
33 ^agAnih in zuknêng ke vekin ka ke a tuah ih,
Ka hmun sâng pawl ah i ret.
34 ^ahKa bānpawl in dar thál kūlter thei dingin,
Amah in ka kutpawl tla ral do dingin a zirh.
35 ^aiNang in na runsuahnak ralphaw khal i rak pe,
Na vawrh lam kut in i rak tungding, na zaidamnak in miropi ah i tuah.
36 ^ajKa hnuaiah ka zin na kauter,
Cule ka ke a nâl lo.
37 ^akKa ralpawl ka dawi ih ka man hai;
Thah an si lai hlanlo ka kirsal lo.
38 ^alAnmahpawl cu hriamhma ka baih hai,
Cutin an tho thei lo;
Ka ke tăngah an rīl.
39 ^amZiangahtile nang in ral donak hrangah cahnak thawn i rak thuam;
Keimah i dokalhih thotupawl kha ka ke hnuaiah na rak duaiter hai.
40 ^anI rak huatupawl ka hlohralter thei nak dingah
Ka ralpawlih ^aohngawngpawl khal i rak pe.
41 ^apBăwm duhin an ausuak, hmanseh runtu ding zohman an um lo;
Jehovah hnen rori khalah, asinan anih in a let hai lo.
42 ^aqCun anmah cu thli hmaiih leivut vekin ka vawdip hai;
Kăwtthler ih ciarbêk vekin anmah cu ka hlăwn hai.
43 ^arNang in mipi buainak lak ihsin i runsuak;
Miphunpawlih lubân ah i rak tuah;
Ka rak theih lo mi minungpawl in in rian ding.
44 ^asKa thuhla an theih veten ka thu an thlun;
Ram dang mipawl ka hnenah an tlulut.
45 ^atRam dang mipawl cu an ziam,
An hruangkulh ihsin khūr phahin an ra suak.
46 ^auJehovah cu a nung a si!
Ka lungpi cu thangṭhatin um seh!
Ka runsuahnak Pathian cu khaisan si seh.
47 ^avPhuba i lâksaktu cu Pathian a si ih,
Ka hnuaiah miphunpawl a duaiter.
48 ^awAnih in ka ralpawl lak ihsin i runsuak.
Nang khalin keimah doih thotupawl tlunah i khaisâng;
Nang cun thahrum suah pa lak ihsin i runsuak.
49 ^axCuruangah Maw Jehovah, miphunpawl lakah na hnenah lungawi thu ka sim ding,
Cule na hmin thangṭhatnak hla ka sak ding.
50 ^ayAnih in a siangpahrang hnenah runsuahnak maksak a pe,
Cule a hriak thih mi parah lainat duhdawtnak a langter,
David le a cithlahpawl hnenah kumkhuain.

18:1^a Suah 15:2; Dnp 33:29; 1Sam 2:10; Isa 12:2; Jer 16:19

18:2^b Sem 15:1; Suah 33:22; 1Sam 2:1; Sam 2:2; 28:1, 8; 40:17; Jer 16:19; Luk 1:69

18:3^c 1San 16:25; Sam 9:13

18:4^d Sam 116:3; Isa 5:30; Jer 6:23

18:5^e Thf 13:14

18:6^f Dnp 4:30; Job 16:18

18:7^g Isa 5:25; Jer 10:10

18:8^h Sem 19:28; Suah 15:7; Pui 10:2; Job 41:21

18:9ⁱ Sem 11:5; Suah 20:21

18:10^j Sem 3:24; Eze 10:18

18:11^k Suah 19:9; Sam 27:5; Isa 4:5; Jer 43:10

18:12^l Jos 10:11; Hab 3:4

18:13^m Suah 9:23; 1Sam 2:10

18:14ⁿ Dnp 32:23; Job 36:30

18:15^o Suah 15:8; Isa 50:2

18:16^p Suah 15:5; Thf 18:4

18:17^q 2Sam 22:18

18:18^r Dnp 32:35; 2Sam 22:19; Isa 3:1

18:19^s Mip 14:8

18:20^t Rut 2:12; 1Sam 26:23; 1Ko 3:8

18:21^u Thf 8:32

18:22^v Sam 119:30

18:23^w Sem 6:9

18:24^x 1Sam 26:23

18:25^y Thf 2:8

18:26^z Thf 3:34; Luk 16:8; Fil 1:10; 1Ti 5:22; Tit 1:15; 1Joh 3:3

18:27^aa 2Sam 22:28; Job 41:34; Mat 23:12

18:28^ab Job 29:3; Joh 1:5; Apo 26:18; 2Pe 1:19

18:29^ac 1Sam 17:49; Isa 45:5

18:30^ad Dnp 32:4; Thf 30:5

18:31^ae Sem 49:24; Dnp 4:35; Isa 44:6, 8

18:32^af Heb 10:14; Jam 3:2; 1Pe 5:10

18:33^ag Sam 42:1; Thf 5:19; Isa 35:6; Hab 3:19

18:34^ah Sam 144:1

18:35^ai 2Sam 22:36; Sam 3:5; 119:116

18:36^aj Job 18:7; Sam 31:8

18:37^ak Pui 26:7

18:38^al Isa 26:14

18:39^am Sam 144:2; Isa 45:5, 24

18:40^an Ṭah 5:5

18:40^ao hngawngpawl: Siangpahrang in a neh mi siangpahrang cu a băwkter ding ih a hngawng a pál.

18:41^ap 1Sam 8:18; Jer 11:11

18:42^aq Dnp 9:21; Isa 2:22

18:43^ar 2Sam 8:1-14; Isa 55:5

18:44^as Isa 25:5

18:45^at Isa 24:4; Jam 1:11

18:46^au Jos 3:10; 2Ko 13:4

18:47^av Sem 4:24; Lai 4:23

18:48^aw Sam 7:10; Dan 3:17

18:49^ax Rom 15:9

18:50^ay 2Sam 23:1

19

Sersiam Mipawlih Pathian Thangṭhatnak

Hla Hruaitu Hrang. David-ih Sam.

1 ^aVan khin Pathian ropitnak an thăn;
Cule van rāng kulhpi in a kutsuak a langter.
2 ^bNi tin thu a sim ih,
Zan tin theihnak a phuanglang.
3 Thusim a um lo, ṭawng a um lo, an aw theih a si lo.
4 ^cAn ^daw cu leilung tlun hmuahhmuah a thangsuak ih,
An ṭawngkampawl cu leitlun dĕng tiang a thleng.
Van ah cun anih in ni hrangah puanthlam a dĭn.
5 ^eCuih ni cu mo neitu a pindan sung ihsi ra suak vek a si,
Cule micak pa tlan zuamawknak ih tlân ding vekin a ai a puang.
6 ^fA ra suahnak cu van netnak khat lam ihsin a si ih,
A fehkualnak cu khat lam dĕng tiang a si,
Cule a satnak ihsin thuh thei mi zianghman a um lo.
7 ^gJehovah-ih dān cu a famkim, nun a danglamter;
Jehovah-ih thutheihternak cu a fiangfel, mimâwl a fimter.
8 ^hJehovah-ih sakhaw dānpawl cu an dik, thinlung lungawi aipuang ko a tuah;
Jehovah-ih thupek cu a thiang, mit a vângter.
9 ⁱJehovah ṭihzah cu a thiangfai, kumkhua a daih;
Jehovah-ih thuṭhennakpawl cu thutak an si ih an dingfel pumhlum.
10 ^jSui hnakih duh sawn ding an si,
A si, sui hlirhlăng tampi hnakin;
Khuai tizu le khuai thlar hnak khalin an thlumsawn.
11 Cuihtlunah cupawl hmangin na siahhlawh cu ralrinnak pek a si,
Cumipawl thlunnak ah lawmman ropi a um.
12 ^kZo in so amai ti sual mi theithiam thei?
Thupte ti sualnakpawl lak ihsin i thianfai aw.
13 ^lNa siahhlawh hi tuah hrim sualnakpawl lak ihsi khalin kilhim aw;
Cupawl cun ka tlunah in uk hram hlah hai seh.
Cun kei cu sawihnăwm kai lo ka si ding,
Cule dān pahbălnak tumpi lakah mawhnak nei lo ka si ding.
14 ^mKa kamsuak ṭawngkampawl le ka thinlung ih ngunngaih zetih ngaihtuahnak cu na hmaiah cohlan tlak si hram hai seh,
Maw Jehovah, ka lungpi le i tlentu.

19:1^a Sem 1:8; Sam 4:2; Isa 6:3; 40:22; Rom 1:19

19:2^b Sam 74:16

19:4^c Lai 5:31; Job 36:29; Rom 10:18

19:4^d aw: Hebru ah cun, “Tahnak rīn,” ti a si.

19:5^e Isa 61:10; Joh 3:29

19:6^f Dnp 30:4; Ths 1:5

19:7^g Dnp 4:6; Sam 1:2; 119:142; Jam 1:25

19:8^h Ezr 9:8; Sam 33:4; 119:14

19:9ⁱ Sam 34:11; Thf 1:7; Ths 12:13; Isa 33:6

19:10^j 1Sam 14:27; Job 22:24; Thf 8:10; Sol 4:11

19:12^k Sam 51:2; Ths 12:14

19:13^l Sem 6:9; Mip 15:30

19:14^m Suah 6:6; Sam 18:31; 104:34

20

Nehnak hrang Thlacam

Hla Hruaitu Hrang. David-ih Sam.

1 ^aJehovah in harsat ni ah lo let hram seh;
Jakob-ih Pathian hmin cun lo humhim hram seh.
2 ^bAnih in hmun thianghlim ihsin băwmnak lo pe hram sehla,
Zion ihsin na tha lo cakter hram seh.
3 ^cAnih in na thilhlăn zaten cîng ringring hram sehla,
Na Meiur Thilhlăn lo cohlang hram seh. Selah
4 ^dAnih in na thinlung saduhthah vekin lo pe hram sehla,
Na tumtah mi zaten lo tlamtlingter hram seh.
5 ^eNa ral nehnak ah lungawi aipuangin kan au ding ih,
Kan Pathian hmin in kan thantarpawl kan tar ding!
Jehovah in na dil mi zaten tlamtlingter hram seh.
6 ^fJehovah in a hriak thih mi a runsuak ti ka thei;
A van thianghlim ihsin a vawrh lam kut rundamnak tha thawn amah cu a run let ding.
7 ^gMi hrek in rang lêngpawl an rinsan ih, mi hrek in rangpawl an rinsan;
Asinan kannih cun Jehovah kan Pathian hmin kan máng ringring ding.
8 ^hAnnih cu an kûn ih an tlu;
Asinan kannih cu kan tho ih dĭng zetin kan ding.
9 ⁱMaw Jehovah, runsuak aw!
Kan kawh tikah Siangpahrang in in sawn hram seh.

20:1^a Suah 3:6; Sam 59:1

20:2^b Mip 3:28; Sam 2:6; 18:18; 30:10

20:3^c Dnp 33:11; Apo 10:4

20:4^d Sam 21:2; Thf 16:3; Isa 26:8; Eze 24:25; Dan 1:17

20:5^e 1Sam 1:17; Job 3:7; Isa 5:26; 25:9; Hab 3:18

20:6^f 2Sam 23:1; Job 40:14; Hab 3:13

20:7^g Dnp 17:16; 2Sp 19:23; 2San 32:8; Thf 21:31; Isa 31:1

20:8^h Job 11:15; Sam 27:2; Thf 10:25; Isa 40:30; Jer 46:6; Mik 7:8

20:9ⁱ Sam 17:6

21

Nehnak ruangih Lungawi Thu Simnak

Hla Hruaitu Hrang. David-ih Sam.

1 ^aMaw Jehovah, na cahnak ah siangpahrang in aipuannak a nei ding,
Cule na runsuahnak ah ziang tluk nasa lungawi aipuangin um tak pei maw!
2 ^bNang in a thinlung saduhthah na rak pe zo ih,
A hmur ih dil mi cu na ui lo.
3 ^cZiangahtile a hnenah ṭhatnak malsawmpawl thawn na ra,
A lu parah sui hlirhlăng lallukhum na khumter.
4 ^dNa hnen ihsin nunnak a lo dil ih,
Nang in cumi cu na pek,
Kumkhuain kumkhua tiang damreinak thawn.
5 ^eNa runsuahnak ah amai ropitnak cu a nasa,
A parah upatnak le cungnunnak na ret.
6 ^fZiangahtile amah kha kumkhuaih thlawsuah cotu bik ah na tuah,
Na umpinak in lungawinak nasa zet na pe.
7 ^gZiangahtile siangpahrang in Jehovah a rinsan ih,
Cungnung Bik ih lainat duhdawtnak thawngin amah cu a hnîn lo ding.
8 ^hNa kut in na ralpawl zaten a hmusuak ding,
Na vawrh lam kut in nangmah a lo huatupawl a hmusuak ding.
9 ⁱNa thinheng cān ah anmah cu thŭk ling zet vekin na tuah hai ding,
Jehovah in a thinlingnak in anmah cu a dawlh hai ding ih,
Meisa in a kangrál hai ding.
10 ^jAn tesinfapawl cu leilung par ihsin na that hai ding ih,
An cithlahpawl cu minung fapapawl lak ihsin.
11 ^kZiangahtile nangmah dokalhin thil ṭha lo an rak tum,
Phiarthupnak khua an khâng ih, an hlawhtling lo ding.
12 ^lCuruangah anmah cu na dawikirsal hai ding,
Na thál fungpawl kha tiar cia in an hmai zawnah na tĭn ding.
13 ^mMaw Jehovah, nangmai cahnak ah khaisanin um aw!
Na huham cu hlasakin kan thangṭhat ding.

21:1^a 1Sam 2:10; 2Sam 22:51

21:2^b Sam 20:4

21:3^c 2Sam 12:30; Zek 6:11; Thu 14:14

21:4^d Sam 13:3; 16:10

21:5^e Sam 18:50

21:6^f 1San 17:27; Sam 43:4

21:7^g Sem 14:18; 2Sp 18:5

21:8^h Isa 10:10

21:9ⁱ Jer 15:4

21:10^j Dnp 28:18

21:11^k Job 10:3; Sam 2:1

21:12^l Suah 23:27

21:13^m Sam 18:1

22

Runsuahnak hrang Ngĕnnak

Hla Hruaitu Hrang. ^aAijeleth Hashshahar Hla Thlûk In, David-ih Sam.

^a Aijeleth Hashshahar: “Khawfingcat sakhi” ti mi hla thlûk ih sak ding tinak.

1 ^aKa Pathian, ka Pathian, ziangah so i fehsan?
Keimah băwmnak ihsin le ka aihramnak ṭawngkampawl ihsin ziangah so hla tukih na um?
2 ^bMaw ka Pathian, sun cān ah ka lo ko, asinan in sawn lo.
Cule zan cān ah, daiten ka um lo.
3 ^cAsinan nang cu na thianghlim,
Israel-mipawlih thangṭhatnak ah na to.
4 ^dKan pupápawl in nangmah an rak lo rinsan;
An lo rinsan ih, nang in anmah cu na runsuak hai.
5 ^eNa hnenah an au ih, runsuah an si;
Nangmah an lo rinsan ih, an mualpho lo.
6 ^fAsinan kei cu pangāng men ka si ih, minung ka si lo;
Mi ih hmuhsuam le minungpawl ih nautat mi ka si.
7 ^gKeimah i hmutu hmuahhmuah in hnihsuahsainak ah in hmang;
An hmur an kû ih, an lu an thing.
8 ^h“Anih in Jehovah a rinsan, amah cun runsuak hnik seh;
Amah cun runsuak hnik seh, a parih a lungsi ruangah,” tiah an ti.
9 ⁱAsinan nang cu sūl sung ihsin i lasuaktu na si;
Ka nuih hnawi ka fawh laiah khan nangmah rinsan ko i tuah.
10 ^jSūl sung ihsin na hnenih ap mi ka si.
Ka nuih pum sungih ka um lai ihsin
Nang cu ka Pathian na rak si.
11 ^kKa hnen ihsin a hlatnak ah um hlah,
Ziangahtile harsatnak a nai a si;
Ziangahtile in bawmtu ding zohman an um lo.
12 ^lCaw pa tampi in in kulh;
Bashan caw pa cak pawl in in kulh.
13 ^mAn kâ in ānhnawh,
A thinso ih a hûk mi kiosa bangin.
14 ⁿKei cu tidai vekih thlet ka si,
Cule ka ruhpawl zaten an pelh;
Ka thinlung cu khuailûl vek a si;
Ka sungah a zŭp ṭheh.
15 ^oKa tha cu hlamphei vekin a ro ih,
Ka lei khal ka dangah a bĕt;
Nang in thihnak leivut ah in rak ret.
16 ^pZiangahtile uicopawl in in kulh,
Misualrál umkhawm in in kulhpit ṭheh.
Annih in ka kut le ka ke an sŭn.
17 ^qKa ruhpawl zaten ka siar thei ṭheh.
Annih in in zoh ih in mêt.
18 ^rAnmah lakah ka sinfen an ṭhenaw ih,
Ka hnipuan hrangah camcawhfung an zûk.
19 ^sAsinan Maw Jehovah, ka hnen ihsin a hlatnak ah um hram hlah aw;
Maw ka cahnak, i bawm zâng aw.
20 ^tRalnâm lakin ka nunnak runsuak aw,
Ka neihsŭn nunnak cu uico thiltitheinak lak ihsin.
21 ^uKiosa kâ ihsin le caw cang hrang pawlih kipawl lak ihsin in run aw!
Nang cun in rak let zo!
22 ^vKa unaupawl hnenah na hmin ka thăn ding;
Mipungkhawm lakah ka lo thangṭhat ding.
23 ^wNannih Jehovah a ṭihzahtupawl, amah cu thangṭhat uh!
Nannih Jakob cithlah zate, amah cu sunlawih uhla,
Nannih Israel tesinfa zaten amah cu ṭihzah uh.
24 ^xZiangahtile anih cun zăwnzaih tuar miih zăwnzaihnak kha a hmuhsuam lo ih, a fih fawn lo;
A hnen ihsin a hmai khal a thup lo;
Cuhnakin a hnenih a au tikah, a theihsak sawn.
25 ^yPunkhawmnak ropi ih ka thangṭhatnak cu nangmai hnen ihsi ra a si;
Amah ṭihzahtupawl hmaiah ka thutiampawl ka tuahsuak ding.
26 ^zMifarahpawl in an ei ding ih an khawp ding;
Amah hawltupawl in Jehovah an thangṭhat ding.
Kumkhuain nung law!
27 ^aaLeilung netnakpawl zate in an máng ringring ding ih,
Jehovah hnenah an kirsal ding,
Cule miphunpawlih innsungsang zaten na hmaiah an băwkkhup ding.
28 ^abZiangahtile lalram cu Jehovah-ih ta a si,
Cule anih in miphunpawl tlunah a uk.
29 ^acLeitlun ih mihlawhtlingpawl zate in an ei ding ih an băwkkhup ding;
Leivut ih a feh zo mipawl hmuahhmuah khal a hmaiah an kûn ding,
A nunnak humhimaw thei lo mi tiangin.
30 ^adCithlah in amah a rian ding.
A ra lai ding mi san minungpawl hnenah Bawipaih thu an simsal ding.
31 ^aeA suak lai ding mipawl hnen khalah an ra ding ih a dingfelnak an thăn ding,
Himi hi amah in a tuah tiin.

22:1^a Mat 27:46; Mar 15:34

22:2^b Job 19:7; Sam 42:3

22:3^c Suah 15:2; 2Sp 19:22; Isa 6:3; Mar 1:24

22:4^d Sam 78:53

22:5^e 1San 5:20; Isa 8:17; Rom 9:33

22:6^f 2Sam 12:14; Job 4:19; Isa 49:7; Mal 2:9; Mat 16:21

22:7^g Job 17:2; Mat 27:39, 44; Mar 15:31-32; Luk 23:36, 39

22:8^h 2Sam 22:20; Mat 3:17

22:9ⁱ Job 10:18; Nah 1:7

22:10^j Isa 46:3; 49:1

22:11^k 2Sp 14:26; Isa 41:28

22:12^l Isa 2:13; Eze 27:6; Amo 4:1

22:13^m Sem 49:9; Ṭah 3:46; Eze 22:25

22:14ⁿ Job 23:16; Dan 5:6; Mik 1:4

22:15^o Isa 45:9; Ṭah 4:4; Joh 19:28

22:16^p Isa 51:9; Zek 12:10; Joh 20:25; Fil 3:2

22:17^q Ṭah 2:17; Mik 7:8; Luk 23:35

22:18^r Pui 16:8; Mat 27:35; Mar 15:24; Luk 23:34; Joh 19:24

22:19^s Sam 18:1; 38:22; 40:13

22:20^t Job 5:20; Fil 3:2

22:21^u Mip 23:22; Job 4:10

22:22^v Heb 2:12

22:23^w Dnp 14:23; Isa 24:15; Jer 3:17

22:24^x Job 24:12; Sam 102:17; Heb 5:7

22:25^y Mip 30:2; Sam 26:12

22:26^z Sam 40:16; 69:32; 107:9

22:27^aa Dan 7:27; Mik 4:1

22:28^ab Sam 47:7; Zek 14:9

22:29^ac Sam 45:12; 89:48; 95:6; Isa 14:16; 26:19; 27:13

22:30^ad Sam 102:18; Isa 53:10

22:31^ae Sam 78:6; Luk 18:31

23

Tuu Khāltu Ropi

David-ih Sam.

1 ^aJehovah cu ka tuu khāltu a si;
Ka tlasam lo ding.
2 ^bAnih cun tlimno lakah i băwkter;
^cTidai dam diaidi kiangah i hruai.
3 ^dAnih cun ka nunnak tha a tlungtersal;
A hmin ruangah dingfelnak zinpawl ah i hruai.
4 ^eA si, thihnak thlahlim phaikuam zawh hman ningla,
Thil ṭha lo ka ṭih lo ding;
Ziangahtile ka hnenah nang na um;
Na fungfêk le na kianghrăwl in ka hna in ngamter.
5 ^fKa ralpawl hmaika ah ka hrangah cabuai na timlam;
Ka lu hriak na thih;
Ka no a liam.
6 ^gThungaiin ṭhatnak le lainat duhdawtnak in
Ka dam sung ni hmuahhmuah in thlun ding;
Cule Jehovah inn ah ka cêng kumkhua ding.

23:1^a Sem 48:15; Sam 28:9; 34:9; Joh 10:11; Fil 4:19

23:2^b Sam 36:8; Thu 7:17

23:2^c Tidai dam diaidi: A ṭawng hrampi ah cun, “a cawl mi tidai,” ti a si.

23:3^d Sam 19:7; 25:9; Isa 42:16

23:4^e Job 3:5; Sam 3:6; 16:8; Isa 43:2

23:5^f Job 36:16; Sam 16:5; 45:7; Luk 7:46

23:6^g Neh 9:25

24

Temple sungih Lut thei Mipawl

David-ih Sam

1 ^aLeilung cu Jehovah-ih ta a si, a sungih um hmuahhmuah thawn,
Leitlun le a sungih a cêngtupawl khal.
2 ^bZiangahtile anih in leilung cu tifinriat parah a toter ih,
Tipi parah a dĭn hnget.
3 ^cJehovah-ih tlang ah zo so kai thei ding?
Asilole a hmun thianghlim ah zo so dīng thei ding?
4 ^dKut thiangfai le thinlung thiang neitu,
Zianghmanlo lamih thinlung pe lo tu,
Dik lo zetih sia a săm fawn lo tu.
5 ^eAnih cun Jehovah hnen ihsin thlawsuah a ngah ding ih,
A runsuahnak Pathian hnen ihsin dingfelnak.
6 ^fHihi amah hawltupawlih san minung, a mithmai hawltu, Jakob rori a si. Selah
7 ^gNannih kăwtkapawl nan lu khaisâng uh!
Cule nannih khuahlan sângkapawl, khaisângaw uh!
Cule ropitnak Siangpahrang cu a rung lut ding.
8 ^hHimi a ropi mi Siangpahrang cu zo a si?
Jehovah, thazang cak le micak,
Jehovah, ral donak ih micak a si.
9 Nannih kăwtkapawl, nan lu khaisâng uh!
Nannih khuahlan sângkapawl, khaisângaw uh!
Cule ropitnak Siangpahrang cu a rung lut ding.
10 ⁱRopitnak Siangpahrang cu zo a si?
Ralkap rualpawlih Jehovah,
Amah cu ropitnak Siangpahrang a si.

24:1^a Suah 9:29; Job 41:11; 1Ko 10:26

24:2^b Sem 1:6; Sam 104:3, 5; 2Pe 3:5

24:3^c Sam 2:6; 15:1

24:4^d 2Sam 2:21; Sam 51:10; Eze 18:15; Mat 5:8

24:5^e Dnp 11:26; Sam 17:2

24:6^f Sam 27:8; Hos 5:15

24:7^g Sam 118:19-20; Isa 26:2; Zek 9:9; Mat 21:5; Apo 7:2; 1Ko 2:8

24:8^h Suah 5:3, 6; Dnp 4:34; 1San 29:11; Jer 50:34; Efe 6:10

24:10ⁱ 1Sam 1:11

25

Lamhruainak hrang Thlacam

David-ih Sam.

1 ^aMaw Jehovah, nangmah ka lo ngai.
2 ^bMaw ka Pathian, nangmah ka lo rinsan;
Mualphoin um hlah ning;
Ka ralpawl in in neh hlah hai seh.
3 ^cThungaiten, nangmah a lo hngaktu zohman an mualpho lo ding;
A săn um loih, zum tlak loih umtu cu mualphoin um seh.
4 ^dMaw Jehovah, na lamzinpawl i hmuh aw;
Na zinpawl i zirh aw.
5 ^eNa thutak ah i hruai awla i zirh aw,
Ziangahtile nang cu ka runsuahnak Pathian na si;
Sunvu in nangmah ka lo hngak.
6 ^fMaw Jehovah, na lainatnak le na lainat duhdawtnak cu máng ringring aw,
Ziangahtile cupawl cu hlanlai ihsin a um mi an si.
7 ^gKa no lai sualpawl cîng hlah aw, ka dān pahbălnakpawl khal;
Na lainat duhdawtnak bangtukin i máng aw,
Na ṭhatnak ruangah, Maw Jehovah.
8 ^hJehovah cu a ṭha ih a dĭng;
Curuangah anih cun misualpawl cu lamzin a zirh hai.
9 ⁱMităngdawrpawl kha diknak ah a hruai hai ih,
Mităngdawrpawl kha amai lamzin a zirh.
10 ^jJehovah-ih zin hmuahhmuah cu lainat duhdawtnak le thutak an si,
A thukham le a thutheihter mipawl a thluntu hrangah.
11 ^kMaw Jehovah, na hmin ruangah,
Ka mawhsualnak ngaithiam aw, ziangahtile cumi cu a tam tuk lawmmam.
12 ^lJehovah ṭihtu cu zo so a si?
Anih in cu pa cu a hril mi lamzin a zirh ding.
13 ^mAmah rori cu hmuingilnak ah a cêng ding ih,
A tesinfapawl in leilung an luah ding.
14 ⁿJehovah-ih thuthup cu amah ṭihzahtupawl hnenah a um ih,
Anmahpawl kha a thukham a theihter hai ding.
15 ^oKa mit in Jehovah lam a zoh ringring,
Ziangahtile anih in sur ihsin ka ke a lasuak ding.
16 ^pNangmah kha ka lamah hawi awla, ka parah zahngai aw,
Ziangahtile kei cu lileng le zawnzaiin ka um.
17 ^qKa thinlung harsatnakpawl a tûm vingvo;
Ka vansannak ihsin i hruaisuak aw.
18 ^rKa zăwnzaihnak le ka harsatnak hi zoh awla,
Ka sualpawl zaten ngaidam aw.
19 ^sKa ralpawl hi zoh hnik, ziangahtile annih cu an tam tuk lawmmam;
Annih in nasa tukin in hua.
20 ^tKa nunnak kilhim awla, i runsuak aw;
Ningzakin um hlah ning, ziangahtile nangmah ah ka beu a si.
21 ^uFelfainak le dĭngnak in i humhim seh,
Ziangahtile nangmah ka lo hngak a si.
22 ^vMaw Pathian, Israel tlen aw,
An harsatnak zate ihsin!

25:1^a Sam 86:4

25:2^b Sam 13:4; 31:1, 6

25:3^c Sam 22:5; Isa 24:16; Hab 1:13; Zef 3:4; 2Ti 3:4

25:4^d Job 34:32

25:5^e Joh 16:3

25:6^f Isa 63:7, 15; Jer 31:20

25:7^g Suah 23:21; 1San 16:34; Isa 54:4; Jer 3:25; 2Ti 2:22

25:8^h Isa 26:7; 28:26

25:9ⁱ Sam 23:3

25:10^j Sam 18:25; 103:18

25:11^k Suah 9:16; Jer 14:7

25:12^l Thf 2:5; Isa 50:10; Apo 10:2

25:13^m Mip 14:24; 1Sp 3:14; Mat 5:5

25:14ⁿ Sem 17:2; Thf 3:32; Joh 7:17

25:15^o 2San 20:12; Heb 12:2

25:16^p Mip 6:25; Sam 68:6

25:17^q 1Sp 1:29

25:18^r 2Sam 16:12; Rom 12:12

25:19^s Sam 3:1; 35:19

25:20^t Sam 86:2

25:21^u 1Sp 9:4; Thf 10:9; 11:3; Dan 6:22

25:22^v Luk 24:21

26

Dik zetih Thuṭhen dingih Ngĕnnak

David-ih Sam.

1 ^aMaw Jehovah, ka dikzia langter aw,
Ziangahtile felfai zetin ka nung.
Jehovah khal ka rinsan;
Ka hnîn dualdo lo ding.
2 ^bMaw Jehovah i cek awla, i hniksak aw;
Ka lungthin le ka thinlung khīngkhai aw.
3 ^cZiangahtile na lainat duhdawtnak cu ka mithmuh ah a um,
Cule na thutak ah ka nung.
4 ^dMisantlailo pawl hnenah ka to dah lo ih,
Midepdepawl zawng khalah ka feh lo ding.
5 Thil ṭha lo tuahtupawl punkhawmnak ka hua ih,
Misualrálpawl hnenah ka to lo ding.
6 Mawhnak nei loin ka kutpawl hi ka khawlh ding;
Cun na biakṭheng ka hel ding, Maw Jehovah,
7 ^eCutin lungawi thu simnak aw ka suah ding ih,
Na mangbangza hnaṭuan hmuahhmuah ka sim ding.
8 ^fMaw Jehovah, na umnak na inn ka duhdawt ih,
Na ropitnak cēnnak hmunpawl khal.
9 ^gKa nunnak misualpawl hnenah khawm hlah aw,
Thisen suahhmangpawl hnenah ka nunnak khal.
10 ^hAn kut ah tumtahnak ṭha lo a um ih,
An vawrh lam kut cu nawhthuh in a khat.
11 ⁱKei lawngte cu, felfai zetin ka nung ding;
I tlen awla, ka parah zahngai hram aw.
12 ^jKa ke cu hmun rawn ah a ding;
Mipi umkhawmnak ah Jehovah ka thangṭhat ding.

26:1^a 1Sam 24:15; Thf 20:7; Heb 10:23

26:2^b Jer 11:20; Eze 11:5

26:3^c 1Sp 2:4

26:4^d Sam 73:13; Mat 27:24

26:7^e Jos 3:5; Isa 42:12

26:8^f Suah 29:43; 2San 7:1; Sam 22:6; 96:6; Isa 66:10

26:9^g Sam 5:6; Thf 29:10

26:10^h Job 36:18; Sam 21:11; Isa 1:23; Eze 22:1

26:11ⁱ Sam 31:5; Tit 2:14

26:12^j Sam 22:25; 27:11; Isa 26:7; Zek 4:7; Luk 6:17

27

Pathian Rinsan Pumhlumnak

David-ih Sam.

1 ^aJehovah cu ka tleunak le ka runsuahnak a si;
Zo so ka ṭih ding?
Jehovah cu ka nun humhimnak a si;
Zo so ka ṭih ding?
2 ^bMisualrálpawl in keimah dokalhin ka sa ei dingih an rat tikah,
Ka ralpawl le i huatupawl cu,
An bah ih an tlu.
3 ^cRalkappawl in keimah do dingin in kulh khal hai sehla,
Ka thinlung in a ṭih lo ding;
Keimah do dingah ral tho khal sehla,
Himi ah hnget zetin ka um ding.
4 ^dJehovah hnenah thil pakhat saduhthah mi ka nei,
Cumi cu ka hawl ding:
Ka dam sung hmuahhmuah Jehovah inn ih cêng dingin,
Jehovah mawinak hmu ding le,
A temple ih thusut dingin.
5 ^eZiangahtile harsat tikcucān ah anih in a thlam sungah i thup ding;
A puanthlam sungih a thupnak hmun ah anih in i thup ding;
Lungpi par hmun sâng ah i ret ding.
6 ^fCule ka kimvel hmuahhmuah ih ka ralpawl tlunah ka lu a khaisâng ding;
Curuangah a puanthlam sungah aipuang zetin thawinak ka hlan ding;
Hla ka sak ding, a si, Jehovah hnenah thangṭhatnak hlapawl ka sak ding.
7 ^gMaw Jehovah, ka au tikah thei hram aw!
Ka parah zahngai awla, i sawn aw.
8 ^h“Ka mithmai hawl aw,” na ti tikah,
Ka thinlung in na hnenah, “Maw Jehovah, na mithmai ka hawl ding,” tiah a ti.
9 ⁱKa hnen ihsin na hmai thup hlah aw;
Thinhengin na siahhlawh hi dungtun hlah aw;
Nang cu i bawmtu na si;
I tansăn hlah awla, i thlauthla fawn hlah,
Maw ka runsuahnak Pathian.
10 Ka nu le ka pa in in thlauthlak tikah,
Jehovah in i cawi ding.
11 ^jMaw Jehovah, na lamzin i zirh awla,
Ka ralpawl ruangah zin tluang ah i hruai aw.
12 ^kI dotupawlih duhnak ah i thlen hlah aw;
Ziangahtile thutheitu dik lo pawl cu keimah dokalhin an tho ih,
Hrohrang zetin an thaw an suah.
13 ^lA nungdam mipawlih ram ah Jehovah ṭhatnak ka hmu ding tiah rak zum lo ningla cu, ka bei a dawng zo ding.
14 ^mJehovah cu hngak aw;
Tha la awla, na thinlung cakter aw;
Jehovah cu hngak aw.

27:1^a Suah 15:2; 2Sam 22:29; Job 13:15; Sam 9:9

27:2^b Sam 9:3; Dan 11:9; Rom 11:11

27:3^c Sem 4:7; Job 4:6

27:4^d Sam 23:6; Luk 10:42

27:5^e Job 38:23; Sam 12:7; 17:8; 40:2

27:6^f Suah 15:1; 2Sam 22:49; Ezr 3:13; Job 22:26; Sam 22:12; 33:2; 50:14; Efe 5:19

27:7^g Sam 4:1; 5:3; Isa 28:23

27:8^h 1San 16:11

27:9ⁱ Dnp 4:31; 31:17; Isa 41:17; Jer 14:9

27:11^j Suah 33:13; Ezr 8:21; Jer 21:12

27:12^k Mat 26:60; Apo 6:13

27:13^l Suah 3:19; 2San 6:41; Job 28:13

27:14^m Isa 8:17; Hab 2:3; Zef 3:8; Apo 1:4; Efe 6:10

28

Băwmnak hrang Thlacam

David-ih Sam.

1 ^aMaw Jehovah, ka lungpi, na hnenah ka au ding:
Ka hnenah daiten um hlah aw,
Daiteih i umsan asile,
Kei cu khur sungih lutpawl vek ka si pang ding.
2 ^bNa hnenih ka au tikah,
Ka dilnak aw thei aw,
Na hmun thianghlim lam hawiih ka kut ka phar tikah.
3 ^cRemawten an innhnen be siin,
An thinlung sungih thil ṭha lo um,
Misualrálpawl le mawhsualnak a tuahtupawl zawngah i hruaihlo hlah aw.
4 ^dAn thil ti zulhin anmah cu lehrūl hai aw,
Cule sualrál zetih an ṭanlaknak zulhin;
An kut hnaṭuan zulhin anmah cu lehrūl hai aw;
An phu tawkin lehrūl hai aw.
5 ^eZiangruangahtile annih cun Jehovah-ih hnaṭuanpawl ziang an siar lo,
A kut ṭuansuah mipawl khal,
Anih in anmahpawl cu a siatsuah hai ding ih,
A dĭnsal hai nawn lo ding.
6 ^fJehovah cu thangṭhatin um seh,
Ziangruangahtile anih cun ka dilnak aw i theihsak!
7 ^gJehovah cu ka cahnak le ka ralphaw a si;
Ka thinlung in amah a rinsan ih, băwmin ka um;
Curuangah ka thinlung cu nasa zetin a ai a puang ih,
Ka hla thawn amah ka thangṭhat ding.
8 ^hJehovah cu an cahnak a si ih,
Amah cu a hriak thih mi hrangah himteih răwlhimnak a si.
9 ⁱNa minungpawl run awla,
Na ro a si mipawl thlawsuah pe aw;
Anmah cu khāl awla,
Kumkhuain cawi ringring hai aw.

28:1^a Dnp 1:45; Job 33:18

28:2^b Ezr 9:5; Sam 17:1; Ṭah 2:19; 1Ti 2:8

28:3^c Sam 112:2; Jer 9:8

28:4^d Sam 62:12; Ṭah 3:64; 2Ti 4:14; Thu 18:6

28:5^e Isa 5:12

28:6^f Sem 24:27; 2Ko 1:3; Efe 1:3; 1Pe 1:3

28:7^g Dnp 16:15; Isa 26:3

28:8^h Suah 15:2; Hab 3:13

28:9ⁱ Suah 34:9; Dnp 1:31; 1San 16:35; Isa 40:11; Jer 31:10; Mik 7:14

29

Thiltithei Pathian Aw

David-ih Sam.

1 ^aMaw nannih Pathian fapapawl, Jehovah hnenah pe uh,
Jehovah hnenah sunlawihnak le cahnak pe uh.
2 ^bAmai hmin ih phu tawk sunlawihnak Jehovah hnenah pe uh;
Thianhlimnak mawinak thawn Jehovah cu bia uh.
3 ^cJehovah-ih aw cu tipi tlunah a um;
Pathian ropitnak cu khawri vekin a ri;
Jehovah cu tidai tampi tlunah a um.
4 ^dJehovah-ih aw cu huham a nei zet;
Jehovah-ih aw cu cungnunnak in a khat.
5 ^eJehovah-ih aw in sidar thingpawl a kiakter,
A si, Jehovah in Lebanon ih sidar thingpawl a khuaidarh.
6 ^fAnih in cupawl cu caw pa no vekin a khirter hai,
Lebanon le Sirion cu caw cang hrang vekin.
7 ^gJehovah-ih aw in meialh a ṭeksuakter.
8 ^hJehovah-ih aw in ramṭhing a hnînter;
Jehovah in Kadesh Ramṭhing a hnîn.
9 ⁱJehovah-ih aw in zuknêng fa a hringter ih,
Tupi thing hnahpawl a kawlhter;
Cule a temple sungah mi kip in “Ropitnak!” tiah an ti.
10 ^jJehovah cu tilian lakah a to ih,
Jehovah cu Siangpahrang vekin a to kumkhua.
11 ^kJehovah in a mipawl hnenah cahnak a pe ding;
Jehovah in a mipawl kha hnangamdaihnak thawn thlawsuah a pe ding.

29:1^a 2Sam 1:19; 1San 16:28; Isa 10:13

29:2^b 1San 16:29; Sam 96:7-9

29:3^c Suah 15:10; 1Sam 2:10; Job 37:5; Sam 24:7; 46:6; Jer 10:13; Joe 2:11; Amo 1:2; Apo 7:2

29:4^d Sam 68:33

29:5^e Lai 9:15; Isa 2:13

29:6^f Mip 23:22; Dnp 3:9; Job 39:9; Sam 92:10; 114:4

29:7^g Eze 1:14; Thu 8:5

29:8^h Mip 13:26

29:9ⁱ Mip 13:32; Sam 26:8; Isa 2:13; Eze 27:6; Amo 2:9

29:10^j Sem 6:17; Suah 15:18

29:11^k Pui 26:6; Mip 6:26; Sam 18:1

30

Băwmnak ruangih Pathian Ṭhatnak Hla

Sam. Inn Hlănnak Hla, David ih Phuah Mi.

1 ^aMaw Jehovah, ka lo cawimawi ding, ziangahtile nang cun i rak khaisâng ih,
Ka ralpawl kha ka parah lungawi aipuang ko na rak tuah lo.
2 ^bMaw Jehovah ka Pathian, na hnenah ka au ih,
Nang in i rak damter.
3 ^cMaw Jehovah, nang in ka nunnak cu Sheol ihsin na hruaisuak;
Khur sungih ka vung suhlonak dingah, nang in nungdamin i rak kilkhawi.
4 ^dNannih a mithiangpawl, Jehovah hnenah thangṭhatnak hlasak uhla,
A hmin thianghlim cīn ringring nak ah lungawi thu sim uh.
5 ^eZiangahtile a thinheng cu rei lo te lawng a si,
A duhsaknak cu dam sung hrang a si;
Ṭahnak cu zan khat a daih thei,
Asinan zing lamah aipuannak a ra.
6 ^fKa hmuingilnak ah,
“Ziangtik hmanah ka hnîn lo ding,” tiah ka ti.
7 ^gJehovah, nangmai duhsaknak in ka tlang cu hnget zetih dīng ko na rak tuah;
Na hmai na thup ih, harsatnak ka tuar.
8 Maw Jehovah, na hnenah ka ausuak;
Cule Bawipa, na hnenah dilnak ka thlen:
9 ^h“Khur sungah sukthla hnik ningla,
Ka thisen ah ziang hlawknak so a um?
Leivut in a lo thangṭhat ding maw?
Cumi cun na thutak a thăn ding maw?
10 ⁱMaw Jehovah, i ngaithla awla, ka parah zahngai aw;
Maw Jehovah, nang cu i bawmtu si aw!” tiin.
11 ^jNang in ka lusûn ṭahnak cu lāmnak ah i rak thlĕngsak zo;
Ka buri hnipuan na hlit ih, lungawinak thawn i thuam.
12 ^kCutin a net tiang daiten um loin ka nunnak in na hnenah thangṭhatnak hla a sak ding.
Maw ka Pathian, Jehovah na hnenah lungawi thu ka sim kumkhua ding.

30:1^a Suah 15:2; Job 11:8; Sam 22:17; 63:9; Thf 9:18; Isa 14:15

30:2^b Mip 12:13; Sam 5:2

30:3^c Thf 1:12; Isa 38:17; Jon 2:6

30:4^d Suah 3:15; Sam 145:21

30:5^e 2Sam 15:30; Ezr 3:11; Job 14:13; Sam 103:9; Jer 31:16; 2Ko 4:17

30:6^f Job 29:18; Sam 10:6

30:7^g Dnp 31:17

30:9^h Job 33:18; Sam 6:5; Isa 38:18

30:10ⁱ Sam 4:1; 17:1; 20:2

30:11^j Suah 15:20; Dnp 16:15; 2Sam 3:31; Est 4:1

30:12^k Sam 35:18; Thu 11:17

31

Runsuahnak hrang Thlacam

Hla Hruaitu Hrang. David-ih Sam.

1 ^aMaw Jehovah, nangmah ka lo rinsan;
Ningzakin um dah hram hlah ning;
Na dingfelnak in i runsuak aw.
2 ^bKa lamah na hna run tŭn aw,
Zamrang zetin i runsuak aw;
Ka răwlhimnak lungpi si awla,
Keimah run dingih ṭanlâknak kulh hnget si aw.
3 ^cZiangahtile nang cu ka lungpi le ka kulh hnget na si;
Curuangah nangmai hmin ruangah,
I hruai awla lamzin i hmuh aw.
4 ^dKeimah awhnak dingah a thupteih an kăm mi sur ihsin i dirsuak aw,
Ziangahtile nang cu ka cahnak na si.
5 ^eNa kut ah ka thlarau ka lo ap;
Nang cun i tlen zo, Maw Jehovah thutak Pathian.
6 ^fṬhathnemnak nei lo milempawl ngaisangtupawl cu ka hua hai;
Asinan kei cu Jehovah ka rinsan.
7 ^gNa lainat duhdawtnak ah lungawi le aipuangin ka um ding;
Ziangahtile nang in ka harsatnak i ngaihsak;
Harsat buainakpawl lak khalah ka nunnak i theihsak.
8 ^hCule ka ralpawl kut ah i kharkhum lo;
Nang in hmun kau ah ka ke na ret.
9 ⁱMaw Jehovah ka tlunah zahngai aw, ziangahtile harsatnak ka táwng a si;
Thinnatnak ruangah ka mit an cak lo,
A si, ka nunnak le ka taksa tiangin.
10 ^jZiangahtile ka nun hi thinnatnak thawn ka hmang ih,
Ka dam kumpawl khal aihramnak thawn;
Ka mawhsualnak ruangah ka cahnak a mál vivo ih,
Ka ruhpawl an mawih.
11 ^kKa ralpawl zate lakah mawhsiat mi ka si,
A hleicein ka innhnenpawl lakah,
Cule ka theih mipawl hnen khalah mitkemza ka si;
Khaw lengih i hmutupawl in in tlansan.
12 ^lKei cu mithi vekih hngilh ka si, theih ka si lo;
Kei cu a kekkuai mi bel vek ka si.
13 ^mZiangahtile mi tampi ih in relsiatnak ka thei;
Ṭihnak cu kil kip ah a um;
Keimah dokalhin thu an rawnawkkhawm laiah,
Ka nunnak la dingin khua an khâng.
14 ⁿAsinan kei cun, Maw Jehovah, nangmah ka lo rinsan.
“Nang cu ka Pathian na si,” tiah ka ti.
15 ^oKa dam sung cānpawl cu nangmai kut ah an um;
Ka ralpawl le i hremtupawl kut ihsin i runsuak aw.
16 ^pNa siahhlawh parah na hmel êngter aw;
Na lainat duhdawtnak ruangah i run aw.
17 ^qMaw Jehovah, i ningzakter hram hlah aw, ziangahtile nangmah ka lo ko a si;
Misualrálpawl kha ningzak hai seh;
Sheol ah daiten um hai seh.
18 ^rThuphan per hmurpawl kha daiten um hai seh,
Cupawl cun mi nautatnak thilpawl kha puarthau zetin an ṭawng ih, midingfelpawl dokalhin an hminsiatnak an ṭawng.
19 ^sNa ṭhatnak cu ziang tlukin so a natsat,
Minung fapapawl mithmuh ah,
Nangmah a lo ṭihzahtupawl hrangih na khawl mi,
Nangmah a lo rinsantupawl hrangih na timlam mi cu!
20 ^tAnnihpawl cu miih phiarthupnakpawl lak ihsin na umnak hmun thup ah na ret hai ding;
Tawhawknak leipawl lak ihsin na thlam sungah a thuptein na kilkhawi hai ding.
21 ^uJehovah cu thangṭhat si ko seh,
Ziangahtile anih in khawpi hnget sungah a mangbangza lainat duhdawtnak cu i hmuh zo.
22 ^vZiangahtile hmanhmawh zetin,
“Kei cu na mithmuhnak ihsin sahcat ka si,” tiah ka ti;
Sikhalsehla na hnenih ka au tikah, nang in ka dilnak aw i rak theihsak.
23 ^wMaw nannih a mithiangpawl zate, Jehovah cu duhdawt uh!
Ziangahtile Jehovah cun mirinumpawl a kilhim ih,
Mipuarthaupawl cu kim zetin a lehrūl hai.
24 ^xTha la awla, na thinlung cakter aw,
Nannih Jehovah hnenih ruahsannak neitu hmuahhmuah.

31:1^a Sam 5:8; 7:1

31:2^b Suah 2:17; 2Sam 22:3; Sam 6:4

31:3^c Sam 18:2; 23:3

31:4^d 1Sam 28:9; Job 18:10

31:5^e Isa 45:19; Luk 23:46; Apo 7:59

31:6^f Dnp 32:21; Sam 4:5

31:7^g Luk 22:44

31:8^h Dnp 32:30; 2Sam 22:20

31:9ⁱ Sam 4:1; 6:7; 63:1

31:10^j Sam 6:2, 6; 22:15; 25:18

31:11^k Dnp 30:7; Sam 22:6; 38:11

31:12^l Sam 28:1; 88:5

31:13^m Sem 37:18; Pui 19:16; Job 18:11; Sam 41:7; Isa 13:8; Ṭah 2:22

31:14ⁿ Sam 4:5

31:15^o Job 14:5

31:16^p Mip 6:25; Sam 6:4

31:17^q 1Sam 2:9; Sam 22:5; 115:17

31:18^r 1Sam 2:3; Thf 10:18; Jud 1:15

31:19^s Sam 23:5; 27:13; Isa 64:4; Rom 11:22

31:20^t Sam 17:8; 27:5; 64:2

31:21^u Sam 17:7; 28:6; 91:1; 1Pe 2:9

31:22^v Job 6:9; Sam 6:9; 116:11; 145:19; Isa 38:12

31:23^w Dnp 32:41; Sam 4:3; 18:25; Thu 2:10

31:24^x Sam 27:14

32

Ngaidamnak ruangih Aipuannak

David-ih Sam. Maskil.

1 ^aA dān pahbălnak ngaidamsak si ih,
A sual khuhsak a si mi cu mithlawsuak a si.
2 ^bJehovah in mawh ih a puh lo mi le,
A thinlung ih mi bumnak a um lo mi milai cu mithlawsuak a si.
3 ^cDaiteih ka um men tikah,
Sunvu-ih ka aihramnak ruangah ka ruhpawl an cak lo ṭheh.
4 ^dA sun a zanin na kut cu ka parah a rit zet;
Ka hninhnonak khal ṭhal khawkheng vekah an cang ṭheh. Selah
5 ^eNa hnenah ka sualnak ka phuanglang ih,
Ka mawhsualnak ka thup lo.
“Jehovah hnenah ka dān pahbălnakpawl ka phuang ding,” tiah ka ti.
Cule nang in ka mawhsualnak i rak ngaithiam. Selah
6 ^fHimi ruangah Pathian ngaihsaktu kip in,
Hmuh theih na si tikcucān ah,
Na hnenah thlacam cio hai seh;
Nasa zetih ti a len tikah na kiangah, an ra thei lo ding.
7 ^gNang cu ka relhnak hmun na si;
Harnak lak ihsin i kilhim ding;
Runsuahnak hlapawl thawn i kulh ding. Selah
8 ^hNa fehnak ding lamzin ka lo sim ding ih ka lo zirh ding;
Ka mit in lam ka lo khihhmuh ding.
9 ⁱTheihthiamnak nei lo rang le lākrang vekin um hlah,
Annih cu kakharh le hmur hri thawi dirh ṭul an si,
Cuti lo cun na hnen an ra lo naih lo ding.
10 ^jMisualrálpawl hnenah riahsiatnak tampi a thleng ding;
Asinan Jehovah a rinsantu hnenah cun, lainat duhdawtnak in amah cu a kulh ding.
11 ^kNannih midingfelpawl, Jehovah hnenah lungawi uhla, aipuang uh;
Cule aipuan ruangah au uh, nannih thinlung dĭngpawl hmuahhmuah!

32:1^a Sam 85:2

32:2^b Joh 1:47; Rom 4:7-8; Thu 4:5

32:3^c Job 3:24; 31:34; Sam 6:6; 31:10

32:4^d 1Sam 5:6; Sam 22:15; 27:14; Isa 35:3-4

32:5^e Pui 26:40; Job 31:33; Thf 28:13; 1Joh 1:9

32:6^f Suah 15:10; Sam 69:1, 13; Isa 43:2; 55:6

32:7^g Sam 31:20; Jer 36:26; Kol 3:3

32:8^h Sam 33:18; Thf 3:5-6; Isa 49:10

32:9ⁱ Job 30:11; Thf 26:3; Jam 3:3

32:10^j Thf 16:20; Rom 2:9

32:11^k Sam 64:10

33

Sersiamnak le Thuanthu ih Jehovah Thuneihnak

1 ^aMaw nannih midingfelpawl, Jehovah ah lungawi aipuangin um uh!
Ziangahtile midĭng hnen ihsi thangṭhatnak cu a mawi a si.
2 ^bJehovah cu ṭingṭang thawn thangṭhat uh;
Hri hra nei ṭingṭang in a hrangah awnmawi tuah uh.
3 ^cA hnenah hla thar sak uh;
Thiam zetin tum uhla aipuangin au uh.
4 ^dZiangahtile Jehovah-ih kamsuakthu cu a dik a si,
Cule a hnaṭuan mi hmuahhmuah cu a taktak ih ṭuan a si.
5 ^eAnih cun dingfelnak le diknak a duh;
Leilung hi Jehovah-ih lainat duhdawtnak in a khat.
6 ^fJehovah-ih kamsuakthu in van khi tuah a si ih,
A kâ ihsi suak mi thaw in cu tawkih um mi hmuahhmuah a tuah.
7 ^gTifinriat tipi kha hmunkhat ah penkhawm mi vekin a khawm;
Tipithuanthum thûk zet cu retkhawmnak ah a ret.
8 ^hLeilung hmuahhmuah in Jehovah cu ṭihzah hai seh;
Leitlun ih a umtu zate in amah ṭihzahupatin dīng hai seh.
9 ⁱZiangahtile anih cu a ṭawng ih, cumi cu a cangsuak;
Thu a pe ih, cumi cu a dīng hnget.
10 ^jJehovah in miphunpawlih thurawn pek cu zianghmanlo ah a tuah;
Minungpawlih ruahmannak khal a hlawhsamter.
11 ^kJehovah-ih thurawn pek cu a ding hnget kumkhua,
A thinlung ih ruahmannak cu san hmuahhmuah daih a si.
12 ^lA Pathian ih Jehovah neitu miphun cu mithlawsuak an si,
A ro dingih a hril mi minungpawl khal.
13 ^mJehovah in van ihsin a zoh;
Minung fapapawl zaten a hmu.
14 ⁿA cēnnak hmun ihsin leilung ih a um mi zaten a run zoh.
15 ^oAn zate ih thinlung tuahtu cu amah a si;
An hnaṭuan hmuahhmuah khal a theithiam.
16 ^pSiangpahrang zohman ralkap tamnak in a run lo;
Micak khal cahnak nasa zetin a runsuak lo.
17 ^qRang hi himnak dingah ruahsannak ṭhahnem lo a si;
A cahnak in zohman a runsuak thei lo.
18 ^rNgai hnik, Jehovah-ih mit cu amah a ṭihzahtupawl,
A lainat duhdawtnak ruahsantupawl parah,
19 ^sThihnak ihsin an nunnak runsuak dingah le,
Mangṭam sungah anmah nungdamih kilkhawinak dingah a um.
20 ^tKan nunnak in Jehovah a hngak;
Amah cu in bawmtu le kan ralphaw a si.
21 ^uZiangahtile kan thinlung cu amah ah lungawi aipuangin a um ding,
Ziangruangahtile a hmin thianghlim kan rinsan a si.
22 ^vNangmah ih ruahsannak kan neih bangtukin
Maw Jehovah, kan tlunah na lainat duhdawtnak um hram seh.

33:1^a Sam 11:7

33:2^b 1Ko 14:7; Thu 5:8

33:3^c Job 3:7; Isa 42:10

33:4^d Sam 19:8; Thu 19:9

33:5^e Sam 6:4; 11:7

33:6^f Sem 1:3, 16; Heb 11:3

33:7^g Sem 1:10; Jos 3:16

33:8^h Isa 18:3; Mik 1:2

33:9ⁱ Sam 48:5

33:10^j Job 5:12; Isa 44:25

33:11^k Mip 23:19; Job 23:13; Thf 19:21

33:12^l Suah 34:9; Dnp 7:6

33:13^m Job 28:24; Heb 4:13

33:14ⁿ 1Sp 8:30, 39; Sam 123:1

33:15^o Job 10:8; Thf 22:2; Ths 7:29

33:16^p 1Sam 14:6

33:17^q Sam 20:7

33:18^r Job 36:7; Sam 34:15-20; 56:13

33:19^s Job 5:20

33:20^t Sam 27:14

33:21^u 1Sam 2:1; Sam 30:1; Joe 2:23

33:22^v Sam 6:4

34

Runsuahnak ruangih Thangṭhatnak

Abimelek hmaiah mi-â vekin a umawter, anih in a dawisuak ih, a fehsuak laiih David-ih Sam.

1 ^aZiangtik cān khalah Jehovah ka thangṭhat ding;
Amah thangṭhatnak cu ka kâ ah a um tlaitluan ding.
2 ^bKa nunnak in Jehovah ah tluang a khawng ding;
Mităngdawrpawl in cumi cu an thei ding ih an lung a awi ding.
3 ^cJehovah cu ka zawngah cawimawi uhla,
A hmin khaisângtlang uhsi.
4 ^dJehovah ka hawl ih, anih in i sawn,
Cule ka ṭihphannak zate lak ihsin i runsuak.
5 ^eHnangam zetin amah an zoh ih, annih cu an rung tle ih,
An mithmai ah ningzahnak a um lo.
6 ^fHi mifarah pa cu a au ih, Jehovah in a ngaithla,
Cule a harsatnak zate lak ihsin a run.
7 ^gJehovah-ih vancungmi in amah ṭihzahtupawlih kimvel hmuahhmuah a kulh ṭheh,
Cule anmah a runsuak.
8 ^hJehovah cu a ṭha a si ti hi tep in hmu hnik uh!
Amah rinsantu pa cu mithlawsuak a si.
9 ⁱMaw, nannih a mithiangpawl, Jehovah cu ṭihzah uh!
Amah ṭihzahtu in zianghman a tlasam lo.
10 ^jKiosa vanglai pawl tlasamin an ril a râwng ṭheu.
Asinan Jehovah hawltu cu thil ṭha zianghman a tlasam lo ding.
11 ^kNannih falepawl tla ra uh, i ngai hnik uh;
Jehovah ṭihzahdān ka lo zirh ding.
12 ^lThil ṭha a hmuh thei nak dingah, nun ding saduhthat ih,
Nun khawsau duhtu pa cu zo a si?
13 ^mThil ṭha lo ihsin na lei kilveng awla,
Mi bumnak ihsin na hmur kilveng aw.
14 ⁿThil ṭha lo ihsin tlân awla, thil ṭha tuah aw;
Remdaihnak hawlin, dawi aw.
15 ^oJehovah-ih mit cu midingfelpawl parah a fu ih,
A hna cu an auaw lamah a thawng.
16 ^pAnmah cīn ringring nak kha leilung ihsin sâtcat dingin,
Jehovah-ih mithmai cun thil ṭha lo tuahtupawl a dokalh.
17 ^qMidingfelpawl an ausuak ih, Jehovah in a thei,
Cule an harsatnak zate ihsin anmah a runsuak hai.
18 ^rJehovah cun thinlung kekkuaipawl a naih ih,
Sirawknak lungthin neipawl kha a run.
19 ^sMidingfel khal zăwnzaihnak tampi a tuar,
Asinan amah cu Jehovah in cupawl hmuahhmuah lak ihsin a runsuak.
20 ^tA ruhpawl zaten a kilvensak;
Pakhat hman a kiak lo.
21 ^uThil ṭha lo in misualrál a that ding ih,
Midingfel huatupawl cu thiam lo coter an si ding.
22 ^vJehovah in a siahhlawh nunnak a tlen ih,
Amah rinsantu zohman thiam lo coter an si lo ding.

34:1^a Sam 71:6; Efe 5:20; 1Th 5:18

34:2^b Sam 69:32; 119:74; Jer 9:24; 1Ko 1:31

34:3^c Suah 15:2; Dan 4:37; Rom 15:6

34:4^d Suah 32:11; Sam 72:2

34:5^e Suah 34:29; Sam 25:3; 83:16

34:6^f Sam 25:17

34:7^g Dan 3:28; Mat 18:10; Apo 12:11

34:8^h Sam 2:12; Heb 6:5; 1Pe 2:3

34:9ⁱ Dnp 6:13; Thu 14:7

34:10^j Sam 23:1

34:11^k Sam 19:9; 32:8; 66:16

34:12^l Ths 3:3

34:13^m Sam 12:2; 39:1; Thf 13:3; Jam 1:26; 1Pe 2:22

34:14ⁿ Isa 1:17; Rom 14:19

34:15^o Job 36:7; Mal 3:16; Joh 9:31

34:16^p Suah 17:14; Pui 17:10; Jer 23:30; 1Pe 3:10-12

34:17^q Sam 145:19

34:18^r Dnp 4:7; Isa 50:8

34:19^s Job 5:19; Sam 25:17; 2Ti 3:11

34:20^t Joh 19:36

34:21^u Thf 14:32

34:22^v Suah 6:6; Sam 2:12; Luk 1:68; Thu 5:9; 14:3

35

Runsuahnak hrang Thlacam

David-ih Sam.

1 ^aMaw Jehovah, i beitupawl bei aw;
I dotupawl do aw.
2 ^bNa ralphaw le na ralphaw pi keng awla,
Keimah bawm dingin dīng aw.
3 ^cNa feipi khal phawi awla,
I dawitupawl cawlter hai aw.
Ka hnenah, “Keimah cu na runsuahnak ka si,” tiah sim aw.
4 ^dKa nunnak thah duh ih hawltupawl hi ningzahter le mualphoter si hai seh;
Keimah tuahmawh dingih phiarthuptupawl hi
Kirtersal le buaiter si hai seh.
5 ^eCupawl cu thli hmaiih fāng hi vek si hai sehla,
Jehovah-ih vancungmi in dûm hai seh.
6 An lamzin cu thim le bahnak si sehla,
Jehovah-ih vancungmi in dawi hai seh.
7 ^fZiangahtile săn um loin keimah awhnak dingah sur an thup,
Ka nunnak la dingin săn um loin khur an lai.
8 Rin lo piin a parah siatralnak thleng sehla,
A rak thuh mi a sur in amah awk seh;
Cumi siatralnak roriah amah tla seh.
9 ^gCule ka nunnak cu Jehovah ah lungawi aipuangin a um ding;
A runsuahnak ah a ai a puang ding.
10 ^hKa ruhpawl hmuahhmuah in,
“Maw Jehovah, amah hnakih a cak zet mi hnen ihsi mifarah runsuaktu le,
Mifarah le mitlasam a neih mi lawnsaktu hnen ihsin runsuaktu,
Nangmah vek zo so um?” tiah an ti ding.
11 ⁱThutheitu dik lo pawl an tho;
Annih in ka theih lo mi thilpawl in sut.
12 ^jKa thil ti ṭhat kha thil ṭha lo in in lehrūl ih,
Ka thinlung an riahseter.
13 ^kAsinan kei ka hrangah cun, an dam lo tikah,
Ka hnipuan cu buri an si;
Rawl ul-in ka thinlung ka riahseter ih,
Ka thlacamnak cu ka thinlung ah a kirsal.
14 ^lKa rualpi ṭha le ka unau vekin a parah ka tuah,
Mi pakhat in a nu a sūn vekin, rit tuar tukin ka kûn.
15 ^mAsinan ka bah tikah lungawi aipuangin an um ih,
An táwngkhawmaw;
Ka theih dah mi i dotupawl an táwngkhawmaw ih,
In băwtthlek, cawl loin.
16 ⁿPuai ah Pathian ngaihsak lo pawl tidān vekin,
An hacâng in rialhnawh.
17 ^oBawipa, ziangtik tiang so na zoh men hai ding?
An mi siatsuahnakpawl ihsin i run awla,
Ka neihsŭn ka nunnak hi kiosapawl lak ihsin.
18 ^pPunkhawmnak ah lungawi thu ka lo sim ding;
Mi tampi lakah ka lo thangṭhat ding.
19 ^qDik lo zetih nung ka ralpawl in ka parah lungawi aipuangin um hlah hai seh;
Thu um loih i huatupawl in mitkemin in mêt hlah hai seh.
20 ^rZiangahtile annih cun remdaihnak thu an rel lo,
Hih ram sungih thlangamteih a um mipawl bumnak ding thu an ruat sawn.
21 ^sKeimah dokalhin an kâ kau zetin an ang ih,
“A ze, a ze!
Kan mit in a hmu zo,” tiah an ti.
22 ^tMaw Jehovah, himi hi na hmuh zo mi a si;
Daiten um hlah aw.
Maw Bawipa, ka hnen ihsin a hlatnak ah um hlah aw.
23 ^uHarhawter awla, ka dikzia langter dingin ṭhang aw,
Ka thuhla ah, ka Pathian le ka Bawipa.
24 ^vMaw Jehovah ka Pathian, na dingfelnak zulhin ka dikzia langter awla,
Annihpawl kha ka parah lungawi aipuang hlah hai seh.
25 ^wAn thinlung in, “A ze, kan duh a tling,” ti hlah hai seh.
Annih in, “Amah cu kan dawlh zo,” ti hlah hai seh.
26 ^xKa tuarnak parih lungawi aipuangtupawl cu,
Ningzak le buainak ah hruai si hai seh;
Keimah dokalhih khaisângawpawl khal
Ningzak le mualphonak hnipuan hruk hai seh.
27 ^yKa thiamconak i duhsaktupawl cu,
Aipuang le lungawiin au hai seh;
Cule annih in, “A siahhlawh hmuingilnak ih lungsitu Jehovah cu cawimawiin um seh,” tiin tlaitluanin sim hai seh.
28 ^zCule ka lei in na dingfelnak le na thangṭhatnak cu sunvu in a sim ding.

35:1^a Suah 14:14; 1Sam 24:15

35:2^b Sam 91:4; Isa 42:13

35:3^c Mip 25:7

35:4^d Sam 25:3; 129:5; Isa 45:16; Jer 4:30; Mal 2:9

35:5^e Job 13:25; Sam 34:7

35:7^f Job 9:31; 18:8

35:9^g Sam 2:11; 9:14; Luk 1:47

35:10^h Suah 9:14; Sam 18:31; Isa 41:17

35:11ⁱ Suah 23:1; Mat 26:60

35:12^j Sam 38:20; Thf 17:3; Jer 18:20

35:13^k 2Sam 3:31; Sam 69:10-11

35:14^l Sam 38:6

35:15^m Job 16:10; 31:29

35:16ⁿ Job 16:9; Sam 22:7; Mar 9:18; 10:34; Apo 7:54

35:17^o Sam 6:3; 22:20-21

35:18^p Sam 22:22, 25; 42:4

35:19^q Sam 9:13; Thf 6:13; Joh 15:25

35:20^r Sam 38:12; Jer 9:8; Mik 6:12

35:21^s Job 16:10; Sam 40:15; Eze 25:3

35:22^t Suah 3:7; Sam 10:1

35:23^u 1Sam 24:15; Sam 7:6; 17:13

35:24^v Sam 7:8

35:25^w Sam 124:3; Thf 1:12; Ṭah 2:16

35:26^x Job 8:22; Sam 22:17; 40:14-15; Mik 7:10

35:27^y Sam 9:4; 20:5; 147:11

35:28^z Sam 5:8; 71:15, 24

36

Milai Sualnak le Pathian Ṭhatnak

Hla Hruaitu Hrang. Jehovah-ih siahhlawh David-ih Sam.

1 ^aMisualrálpawl dān pahbălnak thuhla ah ka thinlung sungah thucah a um:
A mit ah Pathian ṭihzahnak a um lo.
2 ^bZiangahtile amai mawhsualnak hmuhsuah thu le huatnak thu ah,
A mithmuh ah amah le amah a pawrhaw.
3 ^cA kamsuak ṭawngkampawl cu sualralnak le bumnak an si,
Anih cun fim ih um le thil ṭha tuah a cawlhsan.
4 ^dA ihkhun parah sualralnak a ngaihtuah,
Amah le amah thil ṭha lo ti dingin a tuahaw,
Thil ṭha lo kha a fih lo.
5 ^eMaw Jehovah, na lainat duhdawtnak cun van a dai ih,
Na rinumnak cu khawdurpawl a thleng.
6 ^fNa dingfelnak cu Pathian tlangpawl vek a si,
Na thuṭhennakpawl cu ti thûkpi vek a si,
Maw Jehovah, nang in minung le ramsa na humhim.
7 ^gMaw Pathian, na lainat duhdawtnak cu a va hlú tak ve!
Curuangah minung fātepawl in na thlazar tăngah an rinsannak an ṭhum.
8 ^hAnnih cu na inn ih neihnunnak luangliam thawn tlaiter an si ih,
Na lungsinak tiva ihta in ding na pe hai.
9 ⁱNa hnenah nunnak tihna a um,
Na tleu ah tleunak kan hmu.
10 ^jMaw, nangmah a lo theitu hnenah na lainat duhdawtnak catbang loin um sehla,
Na dingfelnak cu thinlung dĭngpawl hnen khalah.
11 ^kMihngalpawl ke cu keimah dokalh dingin ra hlah hai sehla,
Misualrálpawlih kut in i dawihlo hlah seh.
12 ^lCu tawkah mawhsualnak tuahtupawl an tlu,
Namthluk an si ih an tho thei nawn lo.

36:1^a Job 21:16; 23:15; Jer 2:19; Rom 3:18

36:2^b Dnp 29:19

36:3^c Job 5:13; Isa 44:20; Jer 4:22; Amo 3:10

36:4^d Thf 4:16; Isa 65:2; Rom 12:9

36:5^e Sam 57:10; 89:1

36:6^f Sem 1:2; Neh 9:6

36:7^g Rut 2:12; Sam 91:4

36:8^h Job 20:17; Sam 23:2; Isa 25:6; Jer 31:12, 14; Thu 22:1

36:9ⁱ Sam 4:6; 87:7; Thf 10:11; Isa 2:5; Jer 2:13; Joh 1:4; 1Pe 2:9

36:10^j Sam 7:10; Jer 9:24; 31:3

36:11^k Sam 71:4

36:12^l Sam 18:38

37

Tuarfai dingih Thapeknak

David-ih Sam.

1 ^aThil ṭha lo tuahtupawl ruangah na thinbāng hlah,
Mawhsualnak tuahtupawl kha daw fawn hlah.
2 ^bZiangahtile annih cu hrampi vekin an ziam cing ding ih,
Thlai hring vekin an vuai ding.
3 ^cJehovah rinsan awla, thil ṭha tuah aw,
Ram sungah cêng awla, a rinumnak nunpi aw.
4 ^dJehovah parah nuamaw awla,
Anih in na lungthlitum a lo pe ding.
5 ^eJehovah hnenah na lamzin cu ap aw,
Amah rinsan awla,
Amah in cumi cu a cangsuakter ding.
6 ^fAnih in na dingfelnak cu tleu vekin le,
Na diknak cu sun lai vekin a tleuter ding.
7 Jehovah hmaiah daiten um awla, amah kha thinsauten hngak aw,
A lamzin hmuingil pa ruangah na thinbāng hlah,
A sualrál mi khawkhannak tuahtu pa ruang khalah.
8 ^gThinhengnak ihsin bāng awla, thinlingnak tansăn aw,
Na thinbāng hlah, cumi cun siatnak lawng a suahpi.
9 ^hZiangahtile thil ṭha lo tuahtupawl cu hlohralter an si ding,
Asinan Jehovah hngaktupawl cun,
Leilung hi ro ah an co ding.
10 ⁱZiangahtile rei lo teah misualrál pa cu a um nawn lo ding,
A si, a umnak kha fimkhurten na hawl ding,
Asinan anih cu a um nawn lo ding.
11 ^jAsinan mităngdawrpawl in leilung an luah ding ih,
Hmuingilnak nasa zetah an nuamaw ding.
12 ^kMisualrál in midik dokalhin a phiar ih,
A parah a hacâng a rialhnawh.
13 ^lBawipa in cu pa cu a hnihsan,
Ziangahtile cu paih ni a thleng ding ti kha a hmu.
14 ^mMisualrálpawl in mifarah le tlasam pawl thlu dingah le,
Midĭngpawl that dingah,
An ralnâm an phawi ih,
An thál an nawp.
15 ⁿAn ralnâmpawl anmai thin roriah a lut ding ih,
An thálpawl cu an kiak ding.
16 ^oMidingfel pakhat in thil málte a neih mi cu,
Misualrál tampi ih lennak hnakin a ṭhasawn.
17 ^pZiangahtile misualrálpawlih bān cu khiah an si ding,
Asinan midingfel cu Jehovah in a kai hnget ding.
18 ^qJehovah in sawihnăwm kai lo pawlih nipawl a thei ih,
An co mi ro cu kumkhaw hrangah a si ding.
19 Annih cu cān ṭha lo khalah an ning a zak lo ding ih,
Mangṭam nikhua khalah an khăwpkham ding.
20 ^rAsinan misualrálpawl cu an hloral ding,
Jehovah-ih ralpawl khal,
Hram hring ropitnak vek men an si ding, an hloral ding,
Meikhu bangin an hloral ding.
21 ^sMisualrál cun a cawi ih a samsâl nawn lo,
Asinan midingfel cun zah a ngai ih a pe.
22 ^tZiangahtile Jehovah ih thlawsuah a pek mipawl in leilung an luah ding,
Asinan a camsiat mipawl cu sahtan an si ding.
23 ^uMiṭha paih kekarpawl cu Jehovah in a hruai ih,
A lamzin ah lungsinak a nei.
24 ^vA tlûk a si khalle, a tlulan ta lo ding,
Ziangahtile Jehovah in a kut in amah cu a kai hnget ding.
25 ^wMino ka rak si dah ih, atu cu ka upa thlang,
Midingfel thlauthlakih a um le,
A tesinfapawl rawl an dil ka hmu dah lo.
26 ^xAnih cu sunnihlawhin zahngainak in a khat ih, mi a cawih,
Cule a tesinfapawl cu thlawsuah an co.
27 ^yṬhatlonak tlansan awla, thil ṭha tuah aw;
Cule kumkhuain thlangamten cêng aw.
28 ^zZiangahtile Jehovah in diknak a duh ih,
A mithiangpawl a thlauthla lo,
Annih cu kumkhuain a humhim,
Asinan misualrálpawlih tesinfapawl cu sahcat an si ding.
29 ^aaMidingfel in ram an luah ding ih,
Cumi sungah kumkhuain an cêng ding.
30 ^abMidingfel kâ in fimnak a sim ih,
A lei in diknak a rel.
31 ^acA Pathian-ih dān cu a thinlung sungah a um,
A kekarpawl an nâl dah lo ding.
32 ^adMisualrál pa in midingfel kha a thlingthla ih,
Amah thah tumin a hawl.
33 ^aeJehovah in midingfel pa cu misualrál paih kut ah a tân ta lo ding,
Thuṭhensak a si tik khalah thiam lo a coter lo ding.
34 ^afJehovah kha hngak awla,
A lamzin thlun aw,
Cule ram luah dingin a lo khaisâng ding,
Misualrálpawl hlohralter an si tikah na hmu ding.
35 ^agA ṭonak ding hmun ih a hnah nîm ciaiciai thingkung vekih zarpharhaw, minunrâwng, misualrál ka hmu.
36 ^ahAsinan anih cu a thi ih a um nawn lo, cule ngai hnik, amah cu a um nawn lo,
A si, amah ka hawl nân, hmuh theih a si nawn lo.
37 ^aiSawihnăwm kai lo pa kha hminsin awla, midĭng pa kha zohhliah aw;
Ziangahtile cu paih hmai lam cān cu hnangamdaihnak a si.
38 ^ajAsinan dān pahbăltupawl cu hmunkhat ah siatsuahtlang an si ding,
Misualrálpawlih hmai lam cān cu siatsuah a si ding.
39 ^akAsinan midingfelih runsuahnak cu Jehovah hnen ihsin a si,
Amah cu harsat cān ah an cahnak a si.
40 ^alCule Jehovah in annihpawl kha a bawm ding ih a runsuak ding,
Misualrálpawl lak ihsin a runsuak hai ding ih,
A hum ding,
Ziangruangahtile annih in amah cu an rinsan.

37:1^a Sam 73:3; Thf 3:31; 24:19

37:2^b 2Sp 19:26; Job 14:2; Isa 40:7; Jam 1:10

37:3^c Dnp 30:20; Eze 34:14; Joh 10:9

37:4^d Job 27:10; 37:9; Sam 145:9; Mat 6:33

37:5^e Sam 4:5

37:6^f Job 11:17; Sam 18:24

37:8^g Efe 4:31; Kol 3:8

37:9^h Thf 2:22; Isa 25:9; 49:8; Mat 5:5

37:10ⁱ Job 7:10; Eze 27:36

37:11^j Pui 26:6; Mip 6:26; 14:24; Mat 5:5

37:12^k Job 16:9; Sam 2:1

37:13^l 1Sam 26:10; Eze 12:23

37:14^m Sam 11:2; 22:20; 35:10

37:15ⁿ 1Sam 2:4; Sam 9:16; Jer 49:35

37:16^o Thf 15:16

37:17^p Job 38:15; Sam 1:6; 41:12; 146:7

37:18^q Job 23:10; Sam 44:21

37:20^r Isa 51:6

37:21^s Pui 25:35; Sam 112:5

37:22^t Job 5:3

37:23^u Mip 14:8; Job 11:15; Sam 147:11

37:24^v 2San 9:8; Sam 13:4; 41:12; 119:165; Thf 3:23

37:25^w Sam 71:18; 111:5; Mar 10:46; Heb 13:5

37:26^x Pui 25:35; Dnp 28:4; Sam 112:2

37:27^y Mip 24:21; Sam 34:14; 3Joh 1:11

37:28^z Sem 17:14; Dnp 7:6; 32:26; Sam 18:25

37:29^aa Thf 2:21; Isa 34:17

37:30^ab Sam 49:3; Thf 10:13

37:31^ac Dnp 6:6; Job 22:22

37:32^ad Sam 10:8; 11:5

37:33^ae Job 32:3; Sam 34:22; 2Pe 2:9

37:34^af Sam 18:21; 27:14; 53:6

37:35^ag Job 5:3

37:36^ah Thf 12:7; Isa 41:12; Dan 11:19

37:37^ai Sem 6:9; Sam 18:25; Isa 57:1-2

37:38^aj Sam 1:1; 73:19

37:39^ak Sam 3:8; 9:9

37:40^al 1San 5:20; Sam 2:12; 18:48; 34:7

38

Băwmnak hrang Thlacam

Mansuahsalternak Hrang, David-ih Sam.

1 ^aMaw Jehovah, na thinlingnak ah i kawk hlah awla,
Na lungawilonak sosa ah nun i sim fawn hlah.
2 ^bZiangahtile na thál fungpawl in thûkpin in sun ih,
Na kut in i nambet a si.
3 ^cNa thinhengnak ruangah
Ka taksa ah harhdamnak lai khal a um lo,
Cule ka sualnak ruangah
Ka ruhpawl ah harhdamnak a um lo.
4 ^dZiangahtile ka mawhsualnakpawl in ka lu an cimpil;
Phurrit zet vekin cupawl cu ka hrangah an rit tuk.
5 ^eKa atnak ruangah,
Ka hmapawl an thu ih hnai an khuar.
6 ^fKa buai a si, nasa zetih namthlak ka si;
Sunnihlawhin ka hrûm.
7 ^gZiangahtile ka tâi hi meialh vekin a sa ṭheh,
Cule ka taksa ah harhdamnak lai a um lo.
8 ^hKa tha a cem ih, nasa zetin ka tlu;
Ka thinlung buainak ruangah ka hrûm.
9 ⁱMaw Bawipa, ka saduhthah hmuahhmuah cu na hmaiah an um;
Cule ka thawpi suah mi khal thei loin na um lo.
10 ^jKa thin a tûr, ka tha a cem;
Ka hmuh thei nak cu, ka hnen ihsin an hlo.
11 Ka duhdawt mipawl le ka rualpipawl cu ka natnak ihsin a hlatnak ah an um ih,
Ka sungkhatpawl khal hlatpi ah an ding.
12 ^kKa nunnak hawltupawl khal in in awhnak dingah tháng an kăm;
Tuahmawh i tumtupawl in siatnak thu an rel ih,
Sunnihlawhin bumnak khua an khâng.
13 ^lAsinan kei cu, hnaset pa vekin, ka hna in zianghman ka thei lo;
Cule kei cu kâ ang lo, ṭawng thei lo pa vek ka si.
14 Cutin kei cu hna ih zianghman thei lo pa,
A kâ ih letsal thei lo pa vek ka si.
15 ^mZiangahtile maw Jehovah, nangmah ah ruahsannak ka nei.
Maw Bawipa ka Pathian, nang in i ngaithla ding.
16 ⁿCuruangah kei in, “Ka ke a nâl tikah, ka parih khaisângawtupawl kha lungawi aipuangin umter hai hlah aw,” tiah ka ti.
17 ^oZiangahtile, kei cu ka tlu zikte,
Cule ka hmaiah ka riahsiatnak a pehaw vivo.
18 ^pZiangahtile ka mawhsualnak ka thăn ding;
Ka sualnak ruangah thinnain ka um ding.
19 ^qAsinan ka ralpawl cu an virvat a ṭha ih, an tam;
Cule dik lo zetih i huatu an pung vivo.
20 ^rAnnih cu thil ṭha kha thil ṭha lo ih lehrūl duhtu an si,
Annih cu i dodaltu an si, ziangruangahtile kei in thil ṭha ka thlun.
21 ^sMaw Jehovah, i thlauthla hlah aw;
Maw ka Pathian, ka hnen ihsin hla ah um hlah.
22 ^tMaw Bawipa, ka runsuahnak,
Zamrangin i ra bawm aw!

38:1^a Sam 6:1

38:2^b Job 6:4

38:3^c Job 33:19; Thf 3:8; Isa 66:14

38:4^d Mip 11:14; Ezr 9:6; Sam 40:12; Luk 11:46

38:5^e Job 19:17; Sam 69:5; 147:3; Thf 5:23; Ths 10:3

38:6^f Sam 35:14; 43:2; 57:6

38:7^g Job 14:22

38:8^h Sam 6:3, 6; 34:18; Thf 5:11; 17:22

38:9ⁱ Job 3:24; Sam 119:20

38:10^j Job 37:1; Sam 6:7; 31:10

38:12^k Sam 31:4; 35:4, 20

38:13^l Sam 115:6; Isa 43:8; Mar 7:37

38:15^m Sam 17:6; 27:4

38:16ⁿ Dnp 32:35; Sam 35:24-26

38:17^o Job 6:10; Sam 37:24

38:18^p Pui 26:40

38:19^q Sam 18:17; 25:19; 35:19

38:20^r Sem 44:4; Sam 54:5

38:21^s Sam 10:1; 27:9

38:22^t 1San 16:35; Sam 22:19; 40:13

39

Fimnak hrang Thlacam

Hla Hruaitu Hrang. ^aJeduthun Hrang. David-ih Sam.

^a Jeduthun: Jeduthun hi temple ih hla hruaitupawl lakih pakhat David in khawm hruaitu dingih a hril mi a si (1San 16:41-42 zoh aw).

1 ^aKei in, “Ka nun lamzinpawl ka kil ṭha ding,
Culole ka lei in sual ka tuah pang ding;
Ka hmaiih misualrálpawl an um sung cu,
Ka kâ hi hmurṭemnak in ka ṭembĕt ding,” tiah ka ti.
2 ^bKei cu ṭawng loin daiten ka rak um,
Thil ṭha rori hman sim loin daiten ka rak um;
Cule ka riahsiatnak a luar sinsin.
3 ^cKa thinlung cu ka sungah a sa;
Thu ka ruah laiah, meisa a alh.
Cun ka lei in ka ṭawngsuak.
4 ^dMaw Jehovah, ka nun cemnetnak le,
Ka dam zat ding nipawl i theiter aw,
Ka nun tawizia in theiter aw.
5 ^eNgai hnik, ka dam sung cān hi ^fza băwk khat tluk fangah na rak tuah,
Cule ka kum khal na hmaiah cun zianghmanlo a si;
A taktakah cun, mi kip ih ṭhat vanglai khal tikhu vek a si. Selah
6 ^gThungaiten mi kip hi thlahlim vekih vâk men mi an si.
Zianghman santlailo mi ah an buaiawter men,
Lennak an pengkhawm ih,
Cupawl cu zo in an lakhawm ding ti khal an thei lo.
7 ^h“Cule atu-ah, Maw Bawipa, ziang so ka hngah?
Ka ruahsannak cu nangmah na si.
8 ⁱKa dān pahbălnak hmuahhmuah ihsin i runsuak aw;
Mi-âpawlih hnihsuahsainak ah i tuah hlah aw.
9 ^jṬawng thei lo ka rak si, ka kâ ka rak ang lo,
Ziangruangahtile cumi cu nangmah ih tuah mi a si.
10 ^kNa hremnak hi ka hnen ihsin ṭhawn aw;
Na kut ih i vuaknak in ka cemrál.
11 ^lMawhsualnak ruangah kawknak in mi nun na rĕmsak,
Amai mawinak kha sunhrûl ei vekin na rálter ṭheh;
Thungaiten mi kip cu tikhu men an si. Selah
12 ^mMaw Jehovah, ka thlacam hi ngai awla,
Ka aunak lamah na hna tŭn aw;
Ka mitthlipawl hi daiten umsan men hlah;
Ziangahtile kei cu nangmah lakah ka mikhual a si,
Ka pupápawl vekin khualtlawng lamvai men ka si.
13 ⁿKa fehhlo ih ka um nawn lo hlanah,
Aipuannak ka ngah thei nak dingah, khat lam i hawisan aw.”

39:1^a 1Sp 2:4; Job 1:22; 6:24; Thf 20:11; Jam 1:26; 3:2

39:2^b Job 31:34; Sam 6:3

39:3^c Sam 32:4; Jer 5:14; Luk 24:32

39:4^d Sem 47:9; Job 14:2, 5

39:5^e Job 10:20

39:5^f za băwk: Bible ih thil tahnak phunphun ih sau lam tahnak zoh aw.

39:6^g Job 8:9; Ths 6:12; Luk 12:20; Jam 1:11; 4:14

39:7^h Sam 9:18

39:8ⁱ Isa 53:5, 8; Dan 9:16

39:9^j Sam 38:13, 15; Isa 38:15

39:10^k Suah 9:3; 2San 21:14

39:11^l Job 7:7; Isa 66:15; Eze 5:15; Luk 12:23; Jam 5:2; 2Pe 2:16

39:12^m Sem 23:4; 47:9; Pui 25:23; Dnp 1:45; 2Sp 20:5; Sam 17:1; Heb 11:13

39:13ⁿ Job 10:21

40

Runsuahnak ruangih Lungawi Thu Simnak

Hla Hruaitu Hrang. David-ih Sam.

1 ^aJehovah cu thinsau zetin ka hngak;
Cule anih cun ka lam a hawi ih,
Ka aunak a thei.
2 ^bCuihhleiah anih in ṭihnungza khur sung ihsin le
Tlak lei bêk sung ihsin i dirsuak ih,
Lungpi parah ka ke a ret,
Cule ka kekarpawl a hngetter.
3 ^cAnih in kan Pathian thangṭhatnak, ka kâ ah hla thar a ret,
Mi tampi in cumi cu an hmu ding ih, an ṭih ding,
Cule Jehovah an rinsan ding.
4 ^dMipuarthau upat lo ih, thuphan pernak lamih a pial lo tu,
Jehovah a rinsantu pa cu, mithlawsuak a si.
5 ^eMaw Jehovah ka Pathian, na thil tuah mangbangzapawl hi an tam tuk,
Kan hrangih na ruah mipawl thawn;
Na hnenah a sangsángten siar theih cawk a si lo.
Cupawl cu thănin sim tum hnik ningla, siar ding cun an tam tuk.
6 ^fThawinak le thilhlăn na duh lo;
Ka hnapawl na rak ăwngter.
Meiur Thilhlăn le Sual Thilhlăn na ngen lo.
7 ^gCun kei in, “Ngai hnik, ka ra;
Cazual sungah ka thuhla nganin a um.
8 ^hMaw ka Pathian, na duhnak tuah ding hi nuam ka ti zawng a si ih,
Na dān cu ka thinlung ah a um,” tiah ka ti.
9 ⁱPunkhawmnak pi ah
Dingfelnak lungawiumza thuthang ka rak phuang;
Thungaiten, ka hmur ka sûp lo,
Maw Jehovah, nangmah rori in na thei.
10 ^jKa thinlung sungah na dingfelnak ka thup lo;
Na rinumnak le na runsuahnak ka thăn;
Mipungkhawmpi lakah
Na lainat duhdawtnak le na thutak ka zep lo.
11 ^kMaw Jehovah, ka hnen ihsin na zahngainak duhum cu sūp hlah;
Na lainat duhdawtnak le na thutak cun i humhim tlaitluan seh.
12 ^lZiangahtile siar cawk lo thil ṭha lo in i kulh;
Ka mawhsualnakpawl in in man,
Curuangah tlun lam ka zoh thei lo;
Cupawl cu ka lu parih sám hnakin an tamsawn;
Cule ka thinlung a cau.
13 ^mMaw Jehovah, i runsuak dingin lunghmui aw;
Maw Jehovah, i bawm dingin hmanhmawh aw!
14 ⁿKa nunnak la dingih hawltupawl hi
Ningzahter le mualphoterin um hai seh;
Ka siatnak ding duhtupawl cu
Dung lamah kirter le mualphoterin um hai seh.
15 ^oKa hnenih, “A ze, a ze!” i titupawl cu
An ningzah ruangah thinpit khawruahharin um hai seh.
16 ^pNangmah a lo hawltupawl zaten nangmah ah aipuang le lungawiin um hai seh;
Na runsuahnak duhtupawl in,
“Jehovah cu cawimawiin um seh,” tiah ti tlaitluan hai seh.
17 ^qAsinan kei cu mifarah le mitlasam ka si;
Cu cingin Bawipa in i ngaihsak.
Nang cu i bawmtu le i runsuaktu na si;
Maw ka Pathian, muang hlah aw.

40:1^a Sam 6:9; 37:7; 145:19

40:2^b Job 9:31; 30:19; Sam 27:5; 31:8; 69:14

40:3^c Suah 14:31; Thu 5:9

40:4^d Dnp 31:20; Sam 2:12; Thf 3:34; 1Pe 5:5

40:5^e Dnp 4:34

40:6^f Suah 21:6; 1Sam 15:22; Isa 1:11; Jer 6:20; Amo 5:22; Heb 10:5-6

40:7^g Job 19:23; Jer 36:2; Eze 2:9; Zek 5:1; Heb 10:7

40:8^h Dnp 6:6; Job 22:2; Mat 26:39; Rom 7:22; Heb 10:5-7

40:9ⁱ Jos 22:22; Sam 22:25, 31

40:10^j Sam 22:22; 89:1

40:11^k Sam 26:3; 61:7; Thf 20:28; Zek 1:12

40:12^l Sam 22:11-19; 38:4; 69:4; 73:26

40:13^m Sam 22:19

40:14ⁿ 1Sam 20:1; Est 9:2; Sam 35:4

40:15^o Sam 35:21

40:16^p Dnp 4:29; 1San 28:9; Sam 9:2; 35:27

40:17^q Sam 18:2; 20:2; 86:1; 119:60; 144:3

41

Rinsan tlak Jehovah Băwmnak

Hla Hruaitu Hrang. David-ih Sam.

1 ^aMifarah ngaihsaktu cu mithlawsuak a si;
Jehovah in amah cu harsat cān ah a runsuak ding.
2 ^bJehovah in amah cu a humhim ding ih, a nungter ding,
Cule anih cu leilung tlunah thlawsuah a co ding;
Nang in amah cu a ralpawlih duhnak ah na thlengter lo ding.
3 ^cJehovah in damlonak ihkhun parah cahnak a pe ding;
Nang in a natnak na tidam ṭheh ding.
4 ^dKei in, “Maw Jehovah, ka parah zahngai hram aw;
Ka nunnak tidam aw, ziangahtile na hnenah ka sual a si,” tiah ka ti.
5 ^eKa ralpawl in in relsia:
“Ziang tikah a thi ding ih, a hmin a hlo ding,” tiah an ti.
6 ^fCule keimah táwng dingih a rat tikah, thuphan a per;
A thinlung in mawhsualnak a khawl;
A fehsuak tikah, cumi cu a relsuak.
7 ^gI huatupawl hmuahhmuah in keimah dokalhnak a thupten an reltlang;
Keimah tuahmawhnak ding thu an ruattlang.
8 ^hAnnih in, “Anih cu nathri ṭha lo in a kai.
Cule a tlu, a thosal thei nawn lo ding,” tiah an ti.
9 ⁱKa sang eitu,
Ka rak rinsan mi ka rualpi nēl mi hmanin,
Keimah dokalhin a kedil a rak khai.
10 ^jAsinan Maw Jehovah, nang in ka parah zahngai awla, i kaitho aw,
Cutin anmah ka lehrūl thei ding.
11 ^kKa parah na lung a hmui ti ka theihnak cu,
Ka ral in nehnak aw a suah thei lo hi a si.
12 ^lKei lawngte cu, ka felfainak ah nang in i tungding ih,
Na hmaiah i ret kumkhua.
13 ^mIsrael-ih Pathian Jehovah cu
Kumkhuain kumkhua tiang thangṭhatin um seh!
Amen, Amen.

41:1^a Job 24:4; Sam 25:17

41:2^b Dnp 6:24; Ezr 9:9; Sam 12:5; 37:22

41:3^c 2Sam 13:5; 2Sp 1:4; Sam 6:6

41:4^d Dnp 32:39; Sam 6:2; 51:4; 2Ko 5:21

41:5^e Sam 38:12

41:6^f Pui 19:16; Sam 12:2; Thf 26:24; Mat 5:11

41:7^g Sam 71:10

41:8^h 2Sp 1:4; Sam 71:10-11

41:9ⁱ 2Sam 15:12; Job 19:14; Mat 26:23; Joh 13:18

41:10^j 2Sam 3:39

41:11^k Mip 14:8; Sam 25:2

41:12^l Sam 18:35; 25:21

41:13^m Sem 24:27; Sam 72:18

Bu 2-nak

42

Pathian Ngainak

Hla Hruaitu Hrang. Korah Fapapawlih Maskil.

1 ^aSakhi in tiva te ti a hāl duahdo vekin,
Maw Pathian, ka nunnak in nangmah a lo hâl.
2 ^bKa nunnak in Pathian a hâl, a nung mi Pathian cu.
Ziang tikah Pathian hmaiah fehin lang lai ing?
3 ^cKa mitthli hi a sun a zanin ka rawl a si,
Annih in, “Na Pathian cu khuiah so a um?” tiah sunnihlawhih in ti laiah.
4 ^dCuih thilpawl ka mansal tikah,
Ka sungah ka nunnak ka sûngbung.
Ziangahtile kei cu mi tampi zawngah ka feh ṭheu;
Pathian inn ah an zawngah ka feh,
Aipuannak aw le thangṭhatnak thawn,
Biaknak puai hmangtu mipi tampi thawn.
5 ^eMaw ka nunnak, ziangah so na kun?
Ziangah so ka sungah na buai?
Pathian ruahsan aw, ziangahtile amah ka thangṭhatsal ding a si,
Amai hmel ih um băwmnak ruangah.
6 ^fMaw ka Pathian, ka nunnak cu ka sungah a kûn ringring;
Curuangah nangmah kha, Jordan ram ihsin le,
Hermon le,
Mizar tlang ihsin ka lo máng ringring ding.
7 ^gNa titlaserpawl thâwm ah ti thûk in ti thûk a ko;
Na tisuar le tihlăwk pawl in in cimpil a si.
8 ^hJehovah in a lainat duhdawtnak cu sun cān ah thu a pek ding ih,
A hla kha zan ah ka hnenah a um ding,
Cu mi cu ka nunnak Pathian hnenih thlacamnak a si ding.
9 ⁱPathian ka lungpi hnenah,
“Ziangruangah so i rak hngilh?
Ziangruangah so ral ih nekrawknak ruangah ka aihram rero?” tiah ka ti ding.
10 ^jKa ralpawl in in hmuhsuam,
Annih in sunnitlakin,
“Na Pathian khuiah so a um?” in ti tikah,
Cumi cu ka ruh khiah tluk a si.
11 ^kMaw ka nunnak ziangah so na kun?
Ziangah so ka sungah na buai?
Pathian ruahsan aw;
Ziangahtile amah ka thangṭhatsal ding,
I runsuaktu le ka Pathian cu.

42:1^a Dnp 10:7; Job 19:27; Sam 119:131; Joe 1:20

42:2^b Jos 3:10; Sam 63:1; Mat 16:16; Rom 9:26

42:3^c Job 3:24; Joe 2:17; Mik 7:10

42:4^d Jos 6:5; 1Sam 1:15; Ezr 3:13; Sam 55:14; Isa 2:2; Jon 2:9

42:5^e Sam 143:3-4; Ṭah 3:20; Mat 26:38

42:6^f Sem 13:10; Mip 13:29; Dnp 3:8

42:7^g Sem 1:2; Jon 2:3

42:8^h Sam 16:7; 57:3; 133:3; Ths 5:18

42:9ⁱ Job 20:19; Sam 9:13

42:10^j Dnp 32:27

42:11^k Sam 43:5

43

Harsat Cān ih Pathian hnenih Thlacam

1 ^aMaw Pathian, ka dikzia langter awla,
Pathian ngaihsak lo miphun dokalhin ka diknak i phuansak aw;
Mi bumhmang le midik lo pa hnen ihsin i runsuak aw.
2 ^bZiangahtile nang cu ka cahnak Pathian na si;
Ziangah so in hnăwn?
Ziangah so ralpawlih palbĕtnak ruangah ka aihram ding?
3 ^cMaw, na tleunak le na thutak kha thlahsuak aw!
Cupawl in in hruai hai seh;
Cupawl in na tlang thianghlim le,
Na cēnnak ah in thlen hai seh.
4 ^dCun Pathian biakṭheng ah ka feh ding,
Ka aipuannak maksak Pathian hnenah;
Maw Pathian, ka Pathian, ṭingṭang thawn ka lo thangṭhat ding.
5 ^eMaw ka nunnak, ziangah so na kun?
Ziangah so ka sungah na buai?
Pathian ruahsan aw;
Ziangahtile amah ka thangṭhatsal ding,
^fI runsuaktu le ka Pathian cu.

43:1^a Lai 6:31; Sam 25:20; 36:3

43:2^b Sam 35:14; 42:9; 44:9

43:3^c 2Sam 15:25; Sam 2:6; 25:5

43:4^d Sem 4:21; Sam 21:6; 26:6; 42:2

43:5^e Sam 42:6

43:5^f I runsuaktu: A ṭawng hrampi Hebru ah “Ka hmel runsuaktu” ti a si.

44

Israel Miphun Ṭahnak

Hla Hruaitu Hrang. Korah Fapapawlih Maskil.

1 ^aMaw Pathian, khuahlan lai,
Kan pupápawl dam laiih na tuah mipawl kha,
Anmah in in sim ih,
Kan hna in kan rak thei.
2 ^bNangmah in miphunpawl kha na kut in na dawisuak hai,
Asinan kan palepawl cu na dĭn hnget,
Minungpawl na zawnzaiter ih, na dawisuak hai.
3 ^cZiangahtile anmai ralnâm hmangin ram an la a si lo ih,
Anmai bān in anmah a run fawn lo;
Cumi tuahtu cu na vawrh lam kut,
Na bân le na hmel tleu a si sawn,
Ziangruangahtile anmah na duhsak.
4 ^dMaw Pathian, nang cu ka Siangpahrang na si;
Jakob hrangah nehnakpawl thu pe aw.
5 ^eNangmah thawngin kan ralpawl kan nâmthlu ding;
Nangmai hmin in in dotupawl kan pál ding.
6 ^fZiangahtile ka thál ka rinsan lo ding,
Ka ralnâm khalin i run fawn lo ding.
7 ^gNangmah in kan ralpawl lak ihsin in runsuak sawn ih,
Kanmah huatupawl na mualphoter.
8 ^hPathian ah sunnitlakin tluang kan khawng ih,
Kumkhuain na hmin kan thangṭhat. Selah
9 ⁱAsinan nang cun in hnáwng ih in ningzakter,
Cule kan ralkappawl zawngah na feh lo.
10 ^jNang cun kan ralpawl hnen ihsin dung in sipter ih,
In huatupawl in anmai hrangah kan thilripawl in láwng ṭheh.
11 ^kNang in thah ding mi tuu vekin in ap ih,
Miphunpawl lakah in ṭhekdarh ṭheh.
12 ^lNa mipawl kha man um loin na zuar ih,
Anmah na zuarnak in zianghman na ngah lo.
13 ^mNang in kan innhnenpawl ih hmuhsuam dingah in tuah,
Kan kimvelih umpawl hmuahhmuah ih hmuhsuam le hnihsan dingah in tuah.
14 ⁿNang in miphunpawl lakah hnihsuahsainak ah,
Minungpawlih lu thinhnawhsan men dingah in tuah.
15 ^oKa hminsiatnak kha sunnivu ka hmaiah a um ih,
Ka mithmai ningzahnak in i khuh,
16 ^pKanmah in hmuhsuamtu le in zăwkzettuih aw ruangah,
Kan ral le phuba latu ruangah a si.
17 ^qHipawl hmuahhmuah hi kan parah an thleng;
Asinan nangmah kan lo hngilh lo,
Na thukham khal dik lo zetin kan hmang cuang lo.
18 Kan thinlung a kirsal lo ih,
Kan kekarpawl khal na lamzin ihsin an pial fawn lo.
19 ^rAsinan nang cun cinghniapawlih hmun ah in khuai ih,
Thihnak thlahlim in in khuh.
20 ^sPathian hmin kan hngilh,
Asilole ram dang pathian hnenih kan kut kan pharh asile,
21 ^tPathian in cumi cu a hmusuak lo ding maw?
Ziangahtile anih cun thinlung thuthuppawl a thei.
22 ^uCu cingin nangmah ruangah sunnivu thahin kan um;
Kannih cu sathattu hrangih tuu vekih ruah mi kan si.
23 ^vMaw Bawipa, ṭhang aw, ziangah so na itthat?
Tho aw! In hnáwng kumkhua hlah aw.
24 ^wZiangruangah na hmai na thuh ih,
Kan zăwnzaihnak le palbĕt kan sinak na hngilh?
25 ^xZiangahtile kan nunnak cu leivut ah a pil;
Kan taksaruangpum khal lei ah a bĕt.
26 ^yKanmah bawmtu dingah tho awla,
Na lainat duhdawtnak ruangah in tlen aw.

44:1^a 2Sam 7:22; 1San 17:20; Jer 26:11

44:2^b Suah 15:17; Jos 3:10; Lai 4:23; 2San 14:13; Isa 60:21; Jer 32:23; Apo 7:45

44:3^c Suah 15:16; Dnp 4:37; Jos 24:12; Sam 78:54; 89:15; Isa 40:10

44:4^d Sam 5:2; 24:7; 74:12; Isa 33:22

44:5^e Jos 23:5; Sam 60:12

44:6^f Sem 48:22; Hos 1:7

44:7^g Dnp 20:4; Job 8:22

44:8^h Sam 30:12; 34:2; 52:1; 1Ko 1:31; 2Ko 10:17

44:9ⁱ Dnp 8:3; Sam 43:2; 108:11; Isa 5:15

44:10^j Pui 26:17; Lai 2:14

44:11^k Jer 12:3; Zek 2:6

44:12^l Isa 50:1; Jer 15:13

44:13^m 2San 29:8; Eze 23:32; Mik 2:6

44:14ⁿ 1Sp 9:7; 2San 7:20

44:15^o 2San 32:21

44:16^p Jer 11:19; Rom 12:19

44:17^q Dnp 6:12; Thf 3:1

44:19^r Job 30:29; Isa 34:13

44:20^s Suah 20:3; Isa 43:12; Jer 5:19

44:21^t Thf 15:11; Jer 12:3

44:22^u Isa 53:7; Rom 8:36

44:23^v Sam 7:6; 59:5; 74:1; 78:65

44:24^w Dnp 26:7; Ṭah 5:20

44:25^x Sam 119:25

44:26^y Mip 10:35

45

A Ropi Mi Ṭhitawknak Hla

Hla Hruaitu Hrang. ^aShoshannim Hla Thlûk In Korah Fapapawlih Maskil. Duhdawtnak Hla.

^a Shoshannim: “Lily Parpawl” ti mi hla thlûk ih sak ding tinak.

1 ^aKa thinlung hi thil ṭha in a khatliam;
Siangpahrang hnenah ka hnaṭuanpawl ka sim ding;
Ka lei hi ca ngan thiam paih cafung a si.
2 ^bNang cu minung fapapawl hnakin na mawisawn;
Na hmur ah zangfahnak burh a si;
Curuangah Pathian in kumkhaw daihin a lo thlawsuah.
3 ^cMaw, Micak Pa, na ralnâm kha na tâi ah thlaih aw,
Na ropitnak le na cungnunnak thawn.
4 ^dCule thutak, tăngdawrnak le dingfelnak humhim dingin, na cungnunnak thawn hmuingil zetin cuang aw;
Cule na vawrh lam kut in thil maksak pawl lo zirh seh.
5 ^eNa thál fungpawl cu an hriam zet, miphunpawl cu na tăngah an tlu,
Siangpahrang ralpawlih lung hrangah na thálfungpawl cu an hriam.
6 Maw Pathian, na laltokham cu kumkhuain kumkhua tiang a si;
Dingfelnak kianghrăwl cu na lalram kianghrăwl a si.
7 ^fDingfelnak na rak ngaina ih, sualralnak na hua;
Curuangah Pathian, na Pathian in na hawipipawl hleihin lungawinak hriak a lo thih a si.
8 ^gNa sinfen zaten mura le aloe le kassia pawl hnih an si,
Vui ho ih sak mi siangpahrang innpawl ah, ṭingṭangpawl in lungawi ko an lo tuah.
9 ^hSiangpahrang fanupawl lakah upat tlak na nunaupawl an um;
Na vawrh lamah Ofir sui thawi thuamaw siangpahrang bawinu a ding.
10 ⁱMaw ka fanu, ngai hnik,
Ruat awla, na hna thawng aw;
Na mipawl hngilh awla, na paih sungkuapawl khal.
11 ^jCutin Siangpahrang in na mawinak hi nasa zetin a hâ a hio ding a si;
Ziangruangahtile amah cu na Bawi a si, a hmaiah băwkkhup aw.
12 ^kCule Ṭaiar fanu kha thilpek thawn a ra ding;
Minungpawl lakih milianpawl in na duhsaknak an hawl ding.
13 ^lSiangpahrang fanu cu siangpahrang inn sungah ropitnak in a kulh;
A hnipuan cu sui thawi ṭelh mi a si.
14 ^mCu nu cu siangpahrang hnenah kâwrfual răwng tampi nei hrukin hruai a si ding;
A hawipi amah thluntu, fala him pawl in amah cu na hnenah an rak hruai ding.
15 ⁿLungawinak le aipuannak thawn amah cu an rak hruai ding;
Siangpahrang inn sungah an lut ding.
16 ^oNa falepawl in na palepawl ai an awh ding;
Leilung tlun hmuahhmuah ah uktu ah na tuah ding.
17 ^pNa hmin cu san hmuahhmuah tiang cīn ringring dingah ka tuah ding;
Curuangah minungpawl in kumkhuain kumkhua tiang an lo thangṭhat ding.

45:1^a Sol 1:1

45:2^b Sam 21:6; Luk 4:22

45:3^c 2Sam 1:19; Job 40:10; Thu 1:16

45:4^d Zef 2:3; Thu 6:2

45:5^e Mip 24:8; Sam 21:12

45:7^f Sam 33:5; Isa 45:1; Zek 4:14; Heb 1:8-9

45:8^g Suah 30:24; Isa 38:20

45:9^h Sem 10:29; Sam 45:13; Isa 62:5

45:10ⁱ Rut 1:11, 16; Jer 5:1

45:11^j Est 1:11; Sol 4:7; 1Pe 3:6

45:12^k Jos 19:29; 2San 9:24

45:13^l Suah 39:3; Isa 61:10

45:14^m Lai 5:30; Est 2:15; Sol 1:3

45:15ⁿ Est 8:17

45:16^o 1Sam 2:8; Sam 113:8

45:17^p Suah 3:15; Thu 22:5

46

Jerusalem Kulh Hnget

Hla Hruaitu Hrang. Korah Fapapawlih Sam. ^aAlamoth Hla Thlûk In.

^a Alamoth: Soprano asilole key sang zetih sak ding tinak.

1 ^aPathian cu kan răwlhimnak le kan cahnak a si,
Harsat tawn tikih bawmtu naibik a si.
2 ^bCuruangah kan ṭih lo ding,
Leilung hi ṭhawn in,
Tlangpawl khi tifinriat sungih thiar si hman hai sehla.
3 ^cA tipi hi hûk in, so khal sehla,
Cuih tisuarpawl in tlangpawl hnînter hman hai sehla kan ṭih lo ding.
4 ^dTiva pakhat, a ṭêkpawl in Cungnung Bik ih cēnnak hmun thianghlim,
Pathian khawpi lungawitertu ding a um.
5 ^ePathian cu cuih khawpi ah a um, cucu a hnîn lo ding;
Pathian in a bawm ding, khawvâng zawngah.
6 ^fMiphunpawl an thin a so, lalrampawl an hnîn;
Pathian in a aw a suah ih, leilung a tiral.
7 ^gRalkap rualpawlih Jehovah cu kan lamah a ṭang;
Jakob-ih Pathian cu kan răwlhimnak a si. Selah
8 ^hRa uh, Jehovah-ih thil tipawl ra zoh hnik uh,
Leilung a lawnglakter.
9 ⁱLeilung dĕng tiang ral doawknak a rehter;
Thál a khiak ih feipi hmun hnih ah a tán;
Rang lêngpawl meisa ah a ur.
10 ^jThlangamten um uhla, keimah hi Pathian ka si ti thei uh;
Miphunpawl lakah khaisan ka si ding,
Leilung tlunah cawisan ka si ding.
11 ^kRalkap rualpawlih Jehovah cu kan lamah a ṭang;
Jakob-ih Pathian cu kan răwlhimnak a si. Selah

46:1^a Dnp 4:30; Thf 14:26; Ṭah 3:57; Luk 1:54

46:2^b Isa 13:13; Jer 4:23; Dan 11:19; Mik 1:4; Nah 1:5; Hab 3:6

46:3^c Lai 5:5; Isa 17:13; Jer 5:22; Eze 1:24

46:4^d Sem 14:18; 2Sam 15:25

46:5^e 1San 5:20; Isa 12:6; Zek 2:5

46:6^f Isa 5:30; 33:3; Eze 26:18; Mat 4:8

46:7^g Mip 14:9; 1Sam 1:11; Sam 20:1; Isa 8:10

46:8^h Isa 17:9; Dan 9:26; Luk 21:20

46:9ⁱ Isa 9:5; 22:6; Eze 39:9; Hos 2:18

46:10^j Dnp 4:35; 1Sp 18:36, 39; Isa 2:11; Eze 36:23

46:11^k Sam 20:1

47

Leitlun Pumpi Siangpahrang Jehovah

Hla Hruaitu Hrang. Korah Fapapawlih Sam.

1 ^aMaw nannih miphun hmuahhmuah tla, nan za beng uh!
Nehnak aw in Pathian hnenah au uh!
2 ^bZiangahtile Cungnung Bik Jehovah cu a maksak a si;
Amah cu leilung tlun hmuahhmuah ah Siangpahrang ropi a si.
3 ^cAnih in minungpawl kha kan tăngah,
Miphunpawl kha kan ke hnuaiah a duaiter hai ding.
4 ^dKan co ding mi ro,
A duhdawt mi Jakob-ih ropitnak cu in hrilsak ding.
5 ^ePathian cu authâwm thawn a hung so,
Jehovah cu tuu pa ki phawt aw thawn.
6 ^fPathian hnenah thangṭhatnak hlasak uh, thangṭhatin hlasak uh!
Kan Siangpahrang hnenah thangṭhatnak hlasak uh, thangṭhatin hlasak uh!
7 ^gZiangahtile Pathian cu leilung tlun hmuahhmuah ih Siangpahrang a si;
Thiam zetin thangṭhatnak hlasak uh.
8 Pathian in miphunpawl a uk;
Pathian cu a laltokham thianghlim ah a to.
9 ^hMinungpawlih mipawimawhpawl cu hmunkhat ah an khawmaw,
Abraham-ih Pathian-ih minungpawl cu.
Ziangahtile leilung ralphawpawl cu Pathian ta an si;
Amah cu nasa zetih khaisan a si.

47:1^a 2Sp 11:12; Sam 33:3

47:2^b Sem 14:18; Dnp 7:21; Mat 5:35

47:3^c Isa 14:6

47:4^d Amo 6:8; 1Pe 1:4

47:5^e Mip 10:2; 2Sam 6:15; Job 8:21; Efe 4:8

47:6^f 2Sam 22:50

47:7^g Zek 14:9; Kol 3:16

47:9^h Job 25:2; Sam 46:10

48

Zion Ropitnak

Hla. Korah Fapapawlih Sam.

1 ^aJehovah cu a ropi a si,
Kan Pathian khawpi sung,
A tlang thianghlim ah, nasa zetih thangṭhat ding a si.
2 ^bA san lam a mawi zet mi,
Leilung pumpuluk ih aipuannak cu,
Sak lamih um Zion tlang,
Siangpahrang ropi ih khawpi a si.
3 ^cCuih khaw kulh sungah cun Pathian a um;
Anih cu răwlhimnak ah a tuahaw.
4 ^dZiangahtile ngai hnik, siangpahrangpawl an táwngkhawmaw ih,
An suakkhawm.
5 ^eAnnih in an hmu ih, an mang a bang;
An thin a buai, zamrang zetin an tlanhlo.
6 ^fCu tawkah ṭihnak in a tuam hai,
Cule nunau nau nei zik nat vekin an nâ.
7 ^gNisuahnak lam thli hmangin
Tarshish lăwngpawl na siatbăl ṭheh.
8 ^hKan hna ih kan rak theih zo vekin,
Ralkap rualpawlih Jehovah khawpi sung,
Kan Pathian khawpi sungah kan hmu.
Pathian in cuih khawpi cu kumkhua hrangah a dĭn hnget ding a si. Selah
9 ⁱMaw Pathian, na temple sungah,
Na lainat duhdawtnak thu kan rak ruat zo.
10 ^jMaw Pathian, na hmin a than bangtukin,
Nangmah thangṭhatnak cu leilung dĕng tiangin a thang;
Na vawrh lam kut cu dingfelnak in a khat a si.
11 ^kNa thuṭhennakpawl ruangah,
Zion tlang cu aipuang seh,
Judah fanupawl khal lungawi hai seh.
12 ^lZion kiangah vâkkual aw,
Cule a kimvel hmuahhmuah hēl aw,
A dawlsângpawl siar aw.
13 ^mAn ral kulhpawl cu hminsin aw;
A siangpahrang innpawl fáng thluh aw;
Cule a ra lai ding san minungpawl hnenah cumi cu na sim thei ding.
14 ⁿZiangahtile hihi Pathian,
Kumkhuain kumkhua tiang kan Pathian a si;
Anih cu kan thih tiang
Lam in hruaitu a si ding.

48:1^a Isa 11:9; Jer 10:6; Mik 4:1; Zek 8:3

48:2^b Jos 13:27; Eze 16:14; Mat 5:35

48:3^c Sam 18:2; 122:7

48:4^d 2Sam 10:1-19

48:5^e Suah 15:16; Isa 13:8; Jer 46:5; Dan 5:9

48:6^f Sem 3:16; Job 4:14

48:7^g Sem 41:6; 1Sp 10:22

48:8^h Jer 23:6; Zek 8:13

48:9ⁱ Sam 6:4; 26:3

48:10^j Suah 6:3; Jos 7:9; 1Sam 2:10

48:11^k Sam 97:8

48:12^l Neh 3:1

48:13^m Sam 71:18; Isa 26:1; 58:12; Ṭah 2:8; Heb 2:1

48:14ⁿ Sam 25:5; Thf 6:22; Isa 49:10

49

Lennak Rinsan Atthlakzia

Hla Hruaitu Hrang. Korah Fapapawlih Sam.

1 ^aNannih miphunpawl hmuahhmuah tla, hihi thei uh;
Leilung tlunih um hmuahhmuah tla, nan hna tŭn hnik uh,
2 ^bMiniam le misâng,
Milian le mifarah nan zaten.
3 ^cKa kâ in fimnak a rel ding ih,
Ka thinlung ih ngunngaih zetih ngaihtuahnak in theihthiamnak a pe ding.
4 ^dThufim lamah ka hna ka thawng ding;
Ka thupawlhpawl kha ṭingṭang thawn ka phuanglang ding.
5 ^eKa ralpawlih mawhsualnak ih in kulhvel tikah,
Harsat cān ah ziangah so ka ṭih ding?
6 ^fAn neihnunnak rinsantupawl le,
An lennak tampi parih tluang a khâwngtupawl khal.
7 ^gAnmah lakah zohman in ziangti lam khalin a unaupa a tlen thei lo ih,
Pathian hnenah cu pa hrangah tlennak khal a pe thei lo.
8 ^hZiangahtile an nunnak tlennak man cu a khung tuk,
Cumi cu a cem lan kumkhua ding a si.
9 ⁱCutin anih cu kumkhuain a nung tlaitluan ding ih,
Khur a hmu lo ding.
10 ^jZiangahtile mifimpawl an thih kha a hmu;
Cuvek thothoin mi-â le ruahnak nei lo khal an hloral,
Cule an neihnunnak kha mi dang hnenah an tan.
11 ^kAn sungmuril cun an innpawl hmun kumkhua dingah an ruat,
An cēnnak hmunpawl cu cithlah sâwng vivo tiang hmun dingah;
An leirampawl cu anmai hmin an sak.
12 ^lMinung cu, upat si khal sehla, a hmun ringring lo;
Amah cu a hloral ding mi ramsa vek a si.
13 ^mHimi hi mi-âpawlih lamzin a si ih,
An thusim pawmtu an tesinfapawlih lamzin a si. Selah
14 ⁿAnmahpawl cu tuu vek an si ih, Sheol hrangih ruat an si;
Thihnak cu an hrangah tuu khāltu vek a si ding;
Midĭngpawl in zing lamah an tlunah thuneihnak an nei ding;
Cule an mawinak cu Sheol ah eirál a si ding, cēnnak ding an nei lo ding.
15 ^oAsinan Pathian in ka nunnak cu Sheol thiltitheinak ihsin i tlen ding,
Ziangahtile anih in i cohlang ding. Selah
16 Mi pakhat milian ih a can tikah,
A sungkua neihnunnak a pun tikah thinphâng hlah.
17 ^pZiangahtile a thih tikah zianghman a keng lo ding;
A ropitnak khalin a thlun lo ding.
18 ^qA dam laiah amah le amah thlawsuah peaw hman sehla,
Ziangahtile nangmai hrangih na lam a tluan tikah mi in an lo thangṭhat ding,
19 ^rAnih cu a palepawlih san minungpawl hnenah a feh ding;
Annih in tleu an hmu dah lo ding.
20 ^sTheihthiamnak nei loih upat hlawh milai cu,
A hloral ding mi ramsa vek a si.

49:1^a Sam 33:8; 78:1; Isa 1:2

49:2^b Sam 62:9

49:3^c Sam 37:30; 119:130

49:4^d Mip 12:8; Eze 12:22; Luk 4:23

49:5^e Sam 23:4

49:6^f Job 36:19; Jer 48:7

49:7^g Mat 16:26

49:8^h Mip 35:31; Job 36:18-19

49:9ⁱ Sam 16:10; 22:29

49:10^j Ths 2:16, 18, 21; Luk 12:20

49:11^k Mar 5:3; Luk 8:27

49:12^l Job 14:2; 2Pe 2:12

49:13^m Luk 12:20

49:14ⁿ Mip 16:30; Job 21:13; Sam 44:11; 55:15; Isa 14:2; Jer 12:3; Dan 7:18

49:15^o Sem 5:24; Sam 56:13; Hos 13:14

49:17^p Sam 17:14; 1Ti 6:7

49:18^q Sam 10:6; Luk 12:19

49:19^r Sem 15:15; Job 33:30

49:20^s Thf 16:16

50

Raithawinak Pawm Tlak

Asaf-ih Sam.

1 ^aA cak mi Pathian, Jehovah cu a ṭawngsuak ih,
Leilung hi nisuahnak ihsin nitlaknak tiang a ko.
2 ^bMawinak ṭha famkim Zion ihsin
Pathian cu a êngsuak.
3 ^cKan Pathian cu a ra ih, daiten a um lo;
A hmaiah mei a kāng vivo ih,
A kiangkap hmuahhmuah ah thli sia napin a hrang.
4 ^dAnih in a mipawl thu a ṭhen thei nak dingah,
Tlun lam ihsin van le leilung a ko.
5 ^e“Keimah thawi, thawinak hmangih thukham a tuahtupawl,
Ka mithiangpawl ka hnenah ratlang uh,” tiin.
6 ^fVan in Pathian dingfelnak an thăn,
Ziangahtile amah Pathian rori kha thuṭhentu a si. Selah.
7 ^gMaw ka mipawl, ngai uh, thu ka sim ding,
Maw Israel, nanmah dokalhin thu ka theihter ding;
Keimah hi Pathian, nan Pathian ka si!
8 ^hKa hmaiih a tlaitluanih nan tuah mi,
Nan thawinakpawl asilole nan Meiur Thilhlănpawl ruangah ka lo kawk hai lo.
9 ⁱNan inn ihsin caw pa ka la lo ding ih,
Nan ran rual lak ihsin nan me pa pawl khal ka la lo ding.
10 ^jZiangahtile tupi sungih ramsa zate le,
Tlang a thawng a thawng parih um rannungpawl khi ka ta an si.
11 ^kTlang parih um vate hmuahhmuah ka thei ṭheh,
Cule ramsa hmuahhmuah khal ka ta an si.
12 ^lKa rilrawng hnik khal sehla, nang ka lo sim lo ding.
Ziangahtile leilung le a sungih um hmuahhmuah hi ka ta an si.
13 Caw pa pawlih sa ei in,
Me pa pawlih thi ka in ding maw?
14 ^mPathian hnenah lungawi thu simnak hlan uhla,
Cungnung Bik hnenah nan thutiampawl hlensuak uh.
15 ⁿHarsat nikhua ah i ko aw;
Ka lo runsuak ding ih, nang in i sunlawih ding.
16 ^oAsinan misualrál hnenah cun Pathian in,
“Ka sakhaw dānpawl thăn dingah, asilole ka thukham na kâ ih rel dingah
Ziang thuneihnak so na neih?
17 ^pNang cun thu zirhnak na hua ih,
Ka kamsuakthupawl na hnáwng.
18 ^qFifir na hmuh tikah, amah cu na rak lungkimpi men,
Uirepawl lak khalah na tel ve.
19 ^rNa kâ kha thil ṭha lo lamah na pek ih,
Na lei in bumnak ruang a zĭng.
20 ^sNa to ih na unau dokalhin na ṭawng;
Na nu roriih fapa na relsia.
21 ^tHipawl na tuah ih, kei cu daiten ka um;
Kei cu nangmah thawi bangreptlang ah i ruat;
Asinan ka lo kawk ding ih,
Na tuah mipawl na hmaiah a sangsángten ka lo sim ding.
22 ^uNang Pathian hngilhtu, hihi ngaihtuah aw,
Culole ka lo thlekdip ṭheh ding ih,
Lo runsuaktu ding zohman an um lo ding.
23 ^vZokhal thangṭhatnak hlantu cun i sunlawih a si;
Cule dik zetih nungtu hnenah,
Pathian runsuahnak ka hmuh ding,” tiah a ti.

50:1^a Jos 22:22; Sam 113:3

50:2^b Dnp 33:2; Ṭah 2:15

50:3^c Pui 10:2; Job 37:9; Sam 18:8; Isa 29:6; 42:14; Jon 1:4; Nah 1:3

50:4^d Dnp 4:26; Isa 1:2; Heb 10:30

50:5^e Suah 24:7; Dnp 7:6; 2San 6:11

50:6^f Sem 16:5; Job 9:15; Sam 19:1

50:7^g Suah 20:2; Sam 48:14; Heb 2:4

50:8^h Sam 40:6; Isa 1:11-31

50:9ⁱ Pui 1:5; 16:5; Mip 32:16

50:10^j Sam 104:20, 24; Isa 56:9; Mik 5:8

50:11^k Sam 8:7; Mat 6:26

50:12^l Suah 19:5; Jos 3:11; 1Ko 10:26

50:14^m Mip 30:2; Ezr 1:4; Sam 66:13

50:15ⁿ Sam 69:17; Isa 55:6; Zek 13:9; Jam 5:13

50:16^o Sam 25:10; Isa 29:13

50:17^p 1Sp 14:9; Thf 1:22

50:18^q Job 22:15; Rom 1:32; 1Ti 5:22

50:19^r Sam 10:7

50:20^s Mat 10:21

50:21^t Sam 35:5; Isa 42:14; 50:2; 57:16

50:22^u Job 8:13; Isa 17:10; Mik 5:8

50:23^v Isa 52:10

51

Ngaidamnak hrang Thlacam

Hla Hruaitu Hrang. Bathsheba a sualpi hnu, Profet Nathan a hnenih a rat hnuih, David-ih Sam.

1 ^aMaw Pathian, na lainat duhdawtnak zulhin ka parah zahngai hram aw;
Na lainatnak nasa zet zulhin,
Ka dān pahbălnakpawl thaihlo aw.
2 ^bKa mawhsualnak ihsin i sawpfai ṭheh awla,
Ka sualnak ihsin i thiangter aw.
3 ^cZiangahtile ka dān pahbălnakpawl ka thei ih,
Ka sualnak cu ka hmaiah a um ringring.
4 ^dNa parah, nangmah par lawngah ka rak sual ih,
Na mithmuh ah hi thil ṭha lo hi ka rak tuah a si.
Cutin na ṭawng tikah thiam na co ding ih,
Thu na ṭhen tikah sawihnăwm kai lo na si ding.
5 ^eNgai hnik, kei cu mawhsualnak thawi hrinsuah ka si ih,
Sual thawn ka nu in i pai.
6 ^fNgai hnik, nang cun sung lamih thutak kha na duh ih,
Lang lo lamah nang in fimnak i theihter ding.
7 ^gHissop thawn i thianfai aw, cule ka thiang ding;
I khawlh aw, cule vur hnakin ka var ding.
8 ^hAipuannak le lungawinak ka hna in i theihter aw,
Cutin na khiah zo mi ruhpawl an ai a puang thei ding.
9 ⁱKa sualpawl ihsin na hmai thup aw,
Cule ka mawhsualnak zaten thaihlo aw.
10 ^jMaw Pathian, keimah ah a thiang mi thinlung sersiam aw,
Cule ka sungah a hnget mi thinlung titharsal aw.
11 ^kNa umnak ihsin i hlăwnhlo hlah awla,
Ka hnen ihsin na Thlarau Thianghlim lahlo hlah aw.
12 ^lNa runsuahnak aipuannak ka hrangah thartersal aw,
Cule ṭhahnemngainak thinlung thawn in tungding aw.
13 ^mCun dān pahbăltupawl kha na lamzinpawl ka zirh hai ding,
Cule misualpawl kha nangmah lamah an lamlêt ding.
14 ⁿMaw Pathian, ka runsuahnak Pathian,
Thisen suah mawhnak ihsin i runsuak aw.
Cule ka lei in na dingfelnak thuhla aipuang zetin hla in a sak ding.
15 ^oMaw Bawipa, ka hmurpawl áwng awla,
Ka kâ in nangmah thangṭhatnak a langter ding.
16 ^pZiangahtile raithawinak ah na di a riam lo, cuti si lo sehla cu ka lo hlan zo ding;
Meiur Thilhlăn khalah na lung a si lo.
17 ^qPathian duh mi thawiawknakpawl cu thinlung kekkuai a si,
Maw Pathian, a kekkuai mi le a siraw mi thinlung cu na hnáwng lo ding.
18 ^rNa duhthusam vekin, Zion parah thil ṭha tuah aw;
Jerusalem hruangkulh dâwl aw.
19 ^sCun nang cu dingfelnak raithawinakpawl,
Meiur Thilhlăn le pumhlum Meiur Thilhlăn parah na lung a hmui ding;
Cule na biakṭheng parah caw pa pawl an hlan ding.

51:1^a 2San 6:21; Neh 4:5; 9:27; Isa 63:7; Apo 3:19

51:2^b Rut 3:3; Thf 20:30; Isa 4:4; Jer 2:22; Eze 36:25; Zek 13:1; Heb 9:14; 1Joh 1:7, 9

51:3^c Isa 59:12

51:4^d Sem 20:6; 1Sam 15:24; Luk 15:21; Rom 3:4

51:5^e Pui 5:2; Job 15:14

51:6^f Job 9:4

51:7^g Mip 19:6; Isa 1:18; 4:4; Eze 36:25; Heb 9:19

51:8^h Isa 35:10; Jer 33:11

51:9ⁱ Isa 38:17; Jer 16:17; Zek 4:10

51:10^j Eze 18:31; Mat 5:8; Apo 15:9

51:11^k Sem 4:14; Suah 33:15; Isa 63:10; Efe 4:30

51:12^l Job 33:26; Sam 18:35; 110:3

51:13^m Suah 33:13; Job 33:27; Sam 1:1; Apo 9:21-22

51:14ⁿ 2Sam 12:9

51:15^o Suah 4:15

51:16^p 1Sam 15:22; Heb 10:5

51:17^q Thf 15:8; Hag 2:14

51:18^r Isa 4:3; 44:26

51:19^s Dnp 33:19; Jer 17:26

52

Mi Bumhmang parih Thuṭhennak

Hla Hruaitu Hrang. Edom-mi, Doeh in Saul hnenah, “David cu Ahimelek-ih inn ah a feh,” tiih a sim tikih David-ih Maskil.

1 ^aMaw micak pa, ziangah so thil ṭha lo parih tluang na khawn?
Pathian-ih lainat duhdawtnak cu sunnihlawhin a hmun.
2 ^bNa lei in siatralnak khua a khâng,
Nâmte hriam vekin, mi bumnak lawnglawng a ṭuan.
3 ^cNang cun thil ṭha hnakin thil ṭha lo na duh,
Dingfelnak hnakin thuphan sim na duh. Selah
4 ^dNang mi bumhmang lei,
Mi siatsuahnak ṭawngkam zaten na duh.
5 ^eCu vekin Pathian in nang khal kumkhaw daihin a lo siatsuah ding;
A lo lahlo ding ih, na cēnnak hmun ihsin a lo dirsuak ding,
Cule a nungdam mipawlih ram ihsin na hram ihsin a lo phawi ding.
6 ^fMidingfelpawl khal in an hmu ding ih an ṭih ding,
Cule amah cu an hnihsan ding ih,
7 ^g“Mi pakhat amai răwlhimnak ih Pathian hmang lo tu pa a um,
Anih cun a lennak tampi kha a rinsan sawn,
Cule a sualralnak ah amah le amah a cakawter,” tiah an ti ding.
8 ^hAsinan kei bélte cu Pathian inn sungih Olif thing hring vek ka si;
Pathian-ih lainat duhdawtnak kha kumkhuain kumkhua tiang ka rinsan ding.
9 ⁱHipawl na tuah zo ruangah,
Ka lo thangṭhat kumkhua ding;
Cule na mithiangpawl umnak hmun ah na hmin ka hngak ding,
Ziangahtile cumi cu a ṭha a si.

52:1^a Sam 10:3; 44:8

52:2^b Mip 6:5; Sam 50:19

52:3^c Suah 10:10; 1Sam 12:25; Jer 9:5; Thu 21:8

52:4^d Sam 5:9; Thf 10:31

52:5^e Dnp 28:63; Job 28:13; Eze 17:24

52:6^f Job 22:19

52:7^g 2Sam 22:3; Sam 49:6; Thf 11:28; Mar 10:23

52:8^h Sam 1:3; 6:4; Thu 11:4

52:9ⁱ Dnp 7:6; Sam 30:12; 54:6

53

Pathian Ngaihsaklonak Dĕmnak

Hla Hruaitu Hrang. ^aMahalath Hla Thlûk In, David-ih Maskil.

^a Mahalath: Natnak asilole riahsiatnak tinak a si men thei. Curuangah Ṭah hla tinak a si ding.

1 ^aMi-â in a thinlung in,
“Pathian a um lo,” tiah a ti.
Annih cu an bawrhhlawh ih, fihnungza mawhsualnak an tuah;
Thil ṭha tuah zohman an um lo.
2 ^bPathian in van ihsin minung fātepawl a run zoh,
Thu theithiam ih Pathian hawltu zo tal an um maw ti hmu dingin.
3 ^cAn zaten an rak pial ṭheh;
Mibawrhhlawh ah an cang thluh;
Thil ṭha tuah zohman an um lo,
An um lo, pakhat hman.
4 Sang ei vekih ka mipawl ei thluh tupawl,
Pathian hlám lo, mawhsualnak tuahtupawl in theihnak an nei lo maw si?
5 ^dṬih ding umlonak hmun ah annihpawl cun nasa zetin an ṭih;
Ziangahtile Pathian in nangmah dokalhih hmun khuartu paih ruhpawl a thehdarh ṭheh a si;
Anmahpawl cu Pathian in a hnawn hai ruangah,
Nang in mualpho ko na tuah hai.
6 Zion ihsin Israel runsuahnak ra suak sehla maw!
Pathian in a minungpawl vanneihnak a pekkirsal tikah,
Jakob cu lungawi aipuangin um sehla, Israel cu lungawi seh.

53:1^a Sam 10:4; 74:22; Thf 10:23

53:2^b 2San 15:2; Sam 33:13; 82:5; Jer 23:24

53:3^c Rom 3:10-12

53:5^d Pui 26:17, 36; 2Sp 17:6; 23:14; Job 8:22; Sam 141:7; Jer 6:30; 8:1; Ṭah 5:22; Eze 6:5

54

Băwmnak hrang Thlacam

Hla Hruaitu Hrang. Neginoth thawi Sak Ding. Zif-mipawl in, “Kan hnenah David a relh a si lo maw?” tiah Saul hnenih an ti laiih David-ih Maskil.

1 ^aMaw Pathian, na hmin in i run aw,
Cule na cahnak in ka dikzia nĕmhnget aw.
2 ^bMaw Pathian, ka thlacamnak hi thei aw;
Ka kamsuak ṭawngkampawl lamah na hna tŭn aw.
3 ^cMikhualpawl keimah dokalhin an tho ih,
Mi palbĕttupawl ka nunnak la dingin in hawl;
Annih cun an hmaiah Pathian an ret lo. Selah
4 Ngai hnik, Pathian cu i bawmtu a si;
Bawipa cu ka nunnak tungdingtupawl hnenah a um.
5 ^dKa ralpawl kha an ṭhat lo man a lehrūl hai ding.
Na thutak in anmah cu sâtcat hai aw.
6 ^eNa hnenah keimai duhnak in thawinak ka hlan ding;
Maw Jehovah, na hmin ka thangṭhat ding, ziangahtile cumi cu a ṭha a si.
7 ^fZiangahtile amah in harsatnak zate lak ihsin i runsuak;
Cule ka mit in ka ralpawl parih a duhthusampawl a hmu zo.

54:1^a 1Sam 24:5; 2San 20:6; Sam 20:1

54:2^b Sam 4:1

54:3^c 1Sam 20:1; Sam 18:35, 48; 36:1; 86:14

54:5^d Dnp 32:35; Sam 89:49; Thf 24:12; Isa 42:3

54:6^e Pui 7:2, 16; Ezr 1:4; Sam 44:8; 52:9

54:7^f Sam 34:6; 59:10; 118:7

55

Rualpi Rinumlonak ruangih Phunzainak

Hla Hruaitu Hrang. Neginoth thawi Sak Mi, David-ih Maskil.

1 ^aMaw Pathian, ka thlacamnak lamah na hna tŭn aw,
Cule ka dilnak ihsin thupaw hlah aw.
2 ^bI ngaithla awla, thu i let aw;
Ka vuivainak ah cawlhhahdam ka nei dah lo ih, ka hrûm ruangro.
3 ^cKa ralpawlih aw ruangah,
Misualrálpawlih palbĕtnak ruangah a si.
Ziangahtile ka parah harsatnak an run thlen ih,
An thinlingnak ah keimah in hua.
4 ^dKa sungah ka thinlung besia zetin a na ih,
Ṭihnungza thihnak in i nĕn.
5 ^eṬihphannak le khurhnak ka parah a thleng,
Cule tuksumzain i khuh.
6 Kei in, “Thuro vekin thla nei ningna maw!
Ka zamhlo ding ih, ka cawlhahdam ding.
7 ^fNgai hnik, hlapi ah ka vâkvai ding ih,
Ramṭhing ah ka va tâp ta ding. Selah
8 ^gThli sia le thlipi lak ihsin,
Ka răwlhimnak lam panin ka hmanhmawh ding,” tiah ka ti.
9 ^hMaw Bawipa, buaiter hai awla, an ṭawngpawl hnăwkter aw,
Ziangahtile khawpi sungah nunrawnnak le tawhawknak ka hmu.
10 ⁱA sun a zanin khawpi kulhnak parin an helkûal;
Mawhsualnak le harsatnak pawl khal khawpi sungah an um.
11 ^jSiatralnak cu a sungah a um;
Mipalbĕtnak le bumawknak in a kăwtthler a suahsan lo.
12 Ziangahtile keimah i hmuhsuamtu hi ka ral a si lo;
Si sehla cu ka tuar thei tuk ding.
Keimah dokalhih khaisângaw ih i huatu khal a si lo;
Si sehla cu, a hnen ihsin ka relh ding nân.
13 ^kAsinan cumi cu nangmah na rak si, ka tlukpi milai,
Ka hawipi le theih zet mi.
14 ^lPawlkăwmawknak ṭha kan rak nei ih,
Mipi lakah Pathian inn ah kan rak fehtlang.
15 ^mThihnak in anmahpawl cu kai seh;
Nung cingin Sheol ah suk hai seh,
Ziangahtile sualralnak cu an cēnnak hmun ah le anmah lakah a um.
16 Kei lawngte cu, Pathian ka ko ding ih,
Jehovah in i runsuak ding.
17 ⁿZan lam, zing lam le sun ah
Ka aihram ding ih, ka hrûm ding,
Cule anih in ka aw a ngaithla ding.
18 Anih in ka nunnak cu keimah in donak hmun ihsin remdaihnak thawn a tlen zo,
Ziangahtile in dotupawl an rak tam tuk.
19 ^oKhuahlan ihsi a rak um ringring mi,
Pathian cun i ngaithla ding ih,
Anmah cu a zawnzaiter hai ding. Selah
Ziangruangahtile anmah ah thlĕngawknak a um lo ih,
Pathian an ṭihzah lo.
20 ^pAnih in amah thawi remaw zetih a um mipawl parah a kut a thlak;
A thukham cu a rak pahbăl.
21 ^qA kamsuak ṭawngkampawl cu hnawi khăl hnakin a nâlsawn,
Asinan a thinlung sungah ral do duhnak a um;
A kamsuakthupawl cu hriak hnakin a nêmsawn,
Cuti si khal sehla, cupawl cu ralnâm zûk cia an si.
22 ^rNa phurrit kha Jehovah parah ṭhum aw,
Cule anih in a lo dăwmcawi ding;
Midingfel cu hninter a siang dah lo ding.
23 ^sAsinan Maw Pathian, nang cun anmahpawl kha siatralnak khur sungah na thlak hai ding;
Thisen suahhmangpawl le mi bumhmangpawl cu an san hrek hman an nung lo ding;
Asinan kei cu nangmah ka lo rinsan ding.

55:1^a Sam 27:9; Ṭah 3:56

55:2^b 1Sam 1:15-16; Sam 4:1

55:3^c Sam 44:16; 73:8

55:4^d Job 18:11; Sam 116:3

55:5^e Dnp 28:67; Job 4:4; Isa 21:4; Jer 46:5; Eze 7:18; 2Ko 7:15

55:7^f 1Sam 23:14

55:8^g Sam 31:20; 77:12; Isa 4:6

55:9^h Sem 4:17; 11:9; Sam 11:5; Isa 59:6; Jer 6:7; Eze 7:11; Hab 1:3; Apo 2:4

55:10ⁱ 1Sam 19:11; Hos 7:6; Apo 9:24

55:11^j Sam 5:9; 10:7

55:13^k 2Sam 15:12

55:14^l Sam 42:4; Apo 1:16-17

55:15^m Sam 49:14; 64:7; Thf 6:15; Isa 29:5; 1Th 5:3

55:17ⁿ Sam 5:3; 141:2; Apo 3:1; 10:3, 9-10

55:19^o Suah 5:18; Dnp 33:27; Sam 36:1; 78:59

55:20^p Sam 7:4; 41:9

55:21^q Sam 12:2; 57:4; Thf 5:3; 12:18; Thu 1:16

55:22^r Sam 15:5; 18:35; Mat 6:25-34; 1Pe 5:7

55:23^s Job 15:32; Sam 9:15; 11:1; Isa 14:15; Eze 28:8; Luk 8:31

56

Hremnak Cān ih Pathian Rinsannak

Hla Hruaitu Hrang. ^aJonath Elem Rehokim hla thlûk in. Filisṭia-mipawl in Gath khua ih David an kaih laiih David-ih Mikhtam.

^a Jonath Elem: “Ram hla zetih um mi daiteih um thuro” ti mi hla thlûk ih sak ding tinak.

1 ^aMaw Pathian, ka parah zahngai hram aw, ziangahtile mi in in pál;
Sunnivuin i do ih i palbĕt.
2 ^bKa ralpawl in sunnivu in dawi,
Ziangahtile i dotu an tam tuk, Maw Cungnung Bik.
3 ^cṬihphângih ka um tikah,
Nangmah ka lo rinsan ding.
4 ^dA kamsuakthu ka thangṭhat mi Pathian,
Pathian ah ka rinsannak ka ṭhum;
Ka ṭih lo ding.
Minung in ka parah ziang so an tuah thei ding?
5 ^eSunnihlawhin ka ṭawngkampawl an herkawi,
Keimah dokalhih an ruah mi zaten thil ṭha lo an si.
6 ^fKa nunnak lâk tumih in bawh tikah,
Buainak an căwktho,
An bawhthup, ka kenehpawl an hminsin.
7 ^gMawhsualnak ihsin an luat pei maw?
Maw Pathian, miphunpawl hi na thinhengin thlu hai aw.
8 ^hKa vahvaihnakpawl na hminsin;
Ka mitthlipawl na thâwl sungah thăn aw;
Cupawl cu na cazual ah an um a si lo maw?
9 ⁱNa hnenih ka ausuah tikah,
Ka ralpawl an kirsal ding;
Himi hi ka thei, ziangruangahtile Pathian ka lamah a ṭang.
10 A kamsuakthu ka thangṭhat mi Pathian,
A kamsuakthu ka thangṭhat mi Jehovah,
11 Pathian ah ka rinsannak ka ṭhum zo;
Ka phâng lo ding.
Minung in ka parah ziang so a tuah thei ding.
12 ^jNa hnenih thutiampawl in in ṭawn, Maw Pathian;
Na hnenah thangṭhatnakpawl ka hlan ding,
13 ^kZiangahtile nang in ka nunnak kha thihnak ihsin na runsuak zo.
Ka kepawl khal tlûkrilhnak ihsin na kilkhawi,
Cutin Pathian hmaiih nunnak tleu ah ka feh ding.

56:1^a Sam 6:2; 17:9; 57:1-3

56:2^b Sam 35:1, 25

56:3^c Sam 55:23

56:4^d Sam 27:1; 118:6; Mat 10:28; Heb 13:6

56:5^e Sam 41:7; 2Pe 3:16

56:6^f Sam 17:11; 71:10; Mar 3:6

56:7^g Sam 36:2; Eze 17:15; Rom 2:3; Heb 12:25

56:8^h 2Sp 20:5; Isa 63:9; Dan 7:10; Mal 3:16

56:9ⁱ Mip 14:8; Dnp 31:6; Rom 8:31

56:12^j Sam 50:14

56:13^k Job 33:30; Sam 30:3

57

Hremnak Cān ih Pathian Thangṭhatnak

Hla Hruaitu Hrang. Al-tashheth hla thlûk in. Saul hnen ihsi a tlânsuak ih pûk ih a um laiih David-ih Mikhtam.

1 ^aMaw Pathian, ka parah zahngai hram aw, ka parah zahngai hram aw!
Ziangahtile ka nunnak in nangmah a lo rinsan;
Na thlazar hnuai daihnem hi ka răwlhimnak ah ka tuah ding,
Vanduainakpawl an lan hlanlo cu.
2 ^bCungnung Bik Pathian hnenah ka ausuak ding,
Ka hrangih thil hmuahhmuah i tisaktu Pathian hnenah.
3 ^cAmah in van ihsin băwmnak a run thlah ding ih, i runsuak ding;
Keimah pal a tumtu kha a hmuhsuam ding. Selah
Pathian in a lainat duhdawtnak le a thutak a thlahsuak ding.
4 ^dKa nunnak cu kiosapawl lakah a um;
Eiráltu, minung fapapawl lakah ka um,
An hâ cu fei le thál fung an si ih,
An lei cu ralnâm hriam an si.
5 ^eVan tlunah khaisângaw aw, Maw Pathian;
Na ropitnak cu leilung hmuahhmuah ih tlunah um seh.
6 ^fAnnih in ka ke hrangah sur an kăm;
Ka nunnak cu a kûn;
Ka hmaiah khur an lai;
An laih mi khur sungah anmah rori an tla. Selah
7 ^gKa thinlung hi a hnget a si, Maw Pathian, ka thinlung hi a hnget;
Hla ka sak ding ih thangṭhatnak ka lo pe ding.
8 ^hTho thlang aw, maw ka nunnak!
Tho thlang uh, cawngcing le ṭingṭang!
Ka ṭhang ding khawfingcat.
9 Maw Bawipa, minungpawl lakah ka lo thangṭhat ding;
Miphunpawl lakah na hnenah hla ka sak ding.
10 ⁱZiangahtile na lainat duhdawtnak cu van thleng tiangin a ropi,
Cule na thutak cu khawdurpawl tiang.
11 ^jVan tlunah khaisângaw aw, Maw Pathian;
Na ropitnak cu leilung hmuahhmuah ih tlunah um seh.

57:1^a Rut 2:12; Isa 26:20; Mat 23:37

57:2^b Sam 138:8

57:3^c Sam 18:9, 16; 25:10; 56:1

57:4^d Thf 30:14

57:5^e Sam 108:5

57:6^f Est 6:13; Sam 9:15; 10:9; 38:6; Thf 28:10; Ths 10:8

57:7^g Sam 112:7

57:8^h Sam 33:2; 150:3

57:10ⁱ Sam 36:5

57:11^j Sam 8:1

58

Phuba Lâksak dingih Thlacam

Hla Hruaitu Hrang. Al-tashheth hla thlûk in. David-ih Mikhtam.

1 ^aNannih daiteih umpawl, dingfelnak nan sim taktak maw?
Nannih minung fapapawl, dik zetin thu nan ṭhen maw?
2 ^bLamlam ah, nan thinlung ah sualralnak nan tuah;
Leilung parah nan kut ih nan tuah mi nunrawnnak kha khing nan khai.
3 Misualrálpawl cu sūl sung ihsin ṭhenhran an si;
An suahthlak veten an fehpêng, thuphan an sim.
4 ^cAn tûr cu rul tûr vek a si;
Annih cu a hna a phit mi cawngawr hnaset vek an si.
5 ^dAizēl thiam pawlih aw,
Ziang tluk thiamin an cam khalle ngai cuang lo ding vek an si.
6 ^eMaw Pathian, an kâ sungah an hápawl khiak aw!
Kiosa vanglai hopawl cu khiak aw, Maw Jehovah!
7 ^fAnmahpawl cu tipi luang bangin luanghlo hai seh;
A thál a nawp tik khalah,
A thál fung zim pawl cu kiahter si hai seh.
8 ^gA feh phahih a rál vivo mi kharkhem vek si hai seh,
Ni hmu lo, thi cia ih suak mi nausen vek si hai seh.
9 ^hNan lei belpawl in hling bur alh mei hlum an theih hlanah,
A hring khal siseh, a ro khal siseh,
Anih in cupawl cu phusîng hmangin a semhlo hai ding.
10 ⁱMidingfel pa in phuba lâknak a hmuh tikah lungawi aipuangin a um ding;
Misualrálpawlih thisen ah a ke a khawlh ding.
11 ^jCule mi in, “Midingfel hrangah lawmman a um taktak a si;
Leilung parih thuṭhentu Pathian a um taktak,” tiah an ti ding.

58:1^a Sam 82:2

58:2^b Sam 94:20; Isa 59:4-6; Mat 15:19

58:4^c Mip 21:6; Ths 10:11

58:5^d Sam 81:11; Jer 8:17

58:6^e Job 4:10; Sam 3:7

58:7^f Job 11:16; Sam 112:10

58:8^g Job 3:16; Isa 13:7

58:9^h Sam 118:12; Ths 7:6

58:10ⁱ Dnp 32:35; Job 22:19; Sam 68:23; Jer 11:20; Rom 12:17-21

58:11^j Sem 15:1; 18:25; Sam 128:2; Luk 6:23

59

Runsuahnak hrang Thlacam

Hla Hruaitu Hrang. Al-tashheth hla thlûk in. Saul in mi a thlah ih, that dingih a inn ih an hawl laiih David-ih Mikhtam.

1 ^aKa ralpawl hnen ihsin i runsuak aw, Maw ka Pathian;
Keimah dokalhih thopawl hnen ihsin i hum aw.
2 ^bMawhsualnak tuahtupawl hnen ihsin i runsuak aw,
Cule thisen suahhmangpawl hnen ihsin i run aw.
3 ^cZiangahtile zoh hnik, annih cun ka nunnak an bawh;
Maw Jehovah, ka dān pahbălnak le ka sual ruangah si loin,
Keimah dokalhin micakpawl an táwngkhawmaw.
4 ^dKa mawhnak zianghman a um lo nân, an tlân ih an timlamaw aw.
Keimah bawm dingah tho awla, zoh aw.
5 ^eCuruangah nang, Maw ralkap rualpawlih Pathian Jehovah, Israel-ih Pathian,
Miphunpawl hmuahhmuah cawhkuan pe dingin tho aw;
Misualrál dān pahbălpawl zawih par hmanah zahngainak nei hlah aw. Selah
6 ^fZan lamah an ra kirsal,
Uico vekin an bo ih,
Khawpi kimvel hmuahhmuah an fáng.
7 ^gNgai hnik, an kâ in ṭawng sia an suah;
An lei ah ralnâmpawl an um;
Ziangahtile annih in, “Zo in so ngaithla ding?” tiah an ti.
8 ^hAsinan Maw Jehovah, annihpawl cu na hnihsan hai;
Miphunpawl hmuahhmuah cu hnihsuaksainak ah na hmang.
9 ⁱNangmah ka lo hngak ding, nang cu ka cahnak na si;
Ziangahtile Pathian cu ka khaw kulh hnget a si.
10 Lainat duhdawtnak thawn ka Pathian in i hmuak ding;
Pathian in ka ralpawl parih ka saduhthah i hmuter ding.
11 ^jAnmah cu that hlah aw, culole ka mipawl in an hngilh pang ding;
Maw Bawipa, kan ralphaw,
Anmah cu na huham in ṭhekdarh hai awla,
Duaiter hai aw.
12 ^kAn kâ ih an tuah mi sual le an hmursuak ṭawngkampawl ruangah,
An hngalnak ah awk-aw hai seh,
Cule mi an camsiatnak le thuphan an pernak pawl ruang khalah.
13 ^lNa thinlingnak ah cemrálter hai aw, an um nawn lo nak dingah, cemrálter hai aw;
Cule Pathian in Jakob a uk ti kha anmah theihter aw,
Leilung dĕng tiangin. Selah
14 Cule zan lamah an ra kirsal,
Uico vekin an bo ih,
Khawpi kimvel hmuahhmuah an fáng.
15 ^mRawl hawl ah suk le so ah an vâktawi ih,
An khawp lo asile an bo.
16 ⁿAsinan kei cun na huham kha hla in ka sak ding;
A si, na lainat duhdawtnak thuhla ah zing lamah aipuang zetin hla ka sak ding;
Ziangahtile nang cu ka khaw kulh hnget le,
Ka harsat ni ih ka răwlhimnak na si.
17 Maw ka cahnak, na hnenah thangṭhatnak hla ka sak ding;
Ziangahtile Pathian cu ka khaw kulh hnget,
Lainat duhdawtnak i hmuhtu Pathian a si.

59:1^a Sam 20:1; 143:9

59:2^b Sam 14:4; 26:9; Thf 29:10

59:3^c Sam 56:6

59:4^d Sam 13:3; Isa 59:7; Mat 5:11

59:5^e Sam 9:5; 44:23; 69:6; Isa 10:3; Jer 18:23

59:6^f Sam 22:16

59:7^g Sam 55:2; 94:4; Thf 10:32

59:8^h Sam 2:4; 37:13; Thf 1:26

59:9ⁱ Sam 9:9; 18:1

59:11^j Dnp 4:9; Sam 3:3; 89:10; Isa 33:3

59:12^k Sam 10:7; 64:8; Thf 10:14; Isa 2:12; Zef 3:11

59:13^l Sam 83:18; 104:35

59:15^m Job 15:23

59:16ⁿ Dnp 4:30; 1Sam 2:10; 2Sam 22:3; Sam 5:3; 101:1; 106:8

60

Rampi Nehnak Co dingih Thlacam

Hla Hruaitu Hrang. ^aShoshan Eduth hla thlûk in. Mesopotamia-mipawl le Siria-zobahmipawl thawn an doaw ih, Joab a kir ih, Edom-mipawl thawng hleihnih Cite Phaikuam ah a thah hnuih phuah, zirh ding mi David-ih Mikhtam.

^a Shoshan Eduth: “Thutheihternak Lily Par” ti mi hla thlûk ih sak ding tinak.

1 ^aMaw Pathian, nang in in hnáwng;
Nang in in khuaidarh;
Na lung a hmui lo;
Maw, in tungdingsal aw!
2 ^bNang in leilung hnîn ko na tuah,
Na kakter;
A kaknakpawl damtersal aw, ziangahtile a hnîn rero lai a si.
3 ^cNa mipawl thil harsa na hmuh hai;
Buainak sabit zu in inter.
4 ^dNangmah a lo ṭihzahtupawl hnenah thantar na rak pe,
Cutin thutak ruangah cumi cu lăngter a si ding.
5 ^eCutin na duhdawt mipawl runsuah an si ding ih,
Na vawrh lam kut in run awla, in ngaithla aw.
6 ^fPathian in a hmun thianghlim ihsin,
“Lungawi aipuangin ka um ding;
Shekem cu ka ṭhen ding ih,
Sukkoth phaikuam cu ka tah ding.
7 ^gGilead cu ka ta a si, Manasseh cu ka ta a si;
Efraim khal ka lu hrangah lukhuh a si;
Judah cu ka siangpahrang kianghrăwl a si.
8 ^hMoab cu ka kut khawlhnak khēng a si;
Edom tlunah ka kedam ka hlăwn ding;
Filisṭia cu nehnak in ka auhhnawh ding!” tiah a ti.
9 Kulh hnget nei khawpi ah zo in so i fehpi ding?
Edom ah zo in i hruai ding?
10 ⁱMaw Pathian, in hnáwngtu cu nangmah na si lo maw?
Maw Pathian, kan ralkappawl zawngih fehsuak lo tu cu nangmah na si lo maw?
11 ^jHarsat buainak ihsin băwmnak in pe aw,
Ziangahtile milai băwmnak cu san a tlai lo.
12 ^kPathian thawngin ralṭha zetin kan tuah ding,
Ziangahtile kan ralpawl páltu ding cu amah a si.

60:1^a 2Sam 5:20; Sam 79:5; 80:3

60:2^b 2San 7:14; Sam 18:7

60:3^c Sam 71:20; 75:8; Isa 29:9; Jer 25:15-16; Zek 12:2; Thu 14:10

60:4^d Isa 5:26

60:5^e Dnp 33:12; Job 40:14

60:6^f Sem 12:6; 33:17

60:7^g Sem 41:52; 49:10; Mip 34:19; Jos 13:31

60:8^h 2Sam 8:1-2, 14

60:10ⁱ Jos 7:12

60:11^j Sam 146:3; Thf 3:5

60:12^k Job 40:12; Sam 44:5

61

Pathian Kilvennak Rinsan Ngamnak

Hla Hruaitu Hrang. Ṭingṭang thawi Sak Ding. David-ih Sam.

1 ^aMaw Pathian, ka aunak ngaithla aw;
Ka thlacamnak lamah na hna thawng aw.
2 ^bKa thin a pit tuk tikah,
Leilung dĕng ihsin ka lo ko;
Keimah hnakih a sângsawn mi lungpi lamah i hruai aw.
3 ^cZiangahtile nang cu ka hrangah beunak na si,
Ral lak ihsin dawlsâng hnget na si.
4 ^dNa biakbûk sungah ka um kumkhua ding;
Na thlapawlih beunak ka rinsan ding. Selah
5 ^eZiangahtile maw Pathian, nang cun na hnenih ka thutiampawl hna in na thei;
Na hmin ṭihzahtupawlih co mi ro i pe.
6 ^fNang in siangpahrangih nun na sauter ding,
A dam kumpawl cu san tampi vek an si ding.
7 ^gAnih cu Pathian hmaiah kumkhuain a um ding.
Amah kilhim thei tu ding lainat duhdawtnak le thutak timlam aw!
8 ^hNa hmin thangṭhatnak hla kumkhuain ka sak ding,
Cutin ni tin ka thutiampawl ka tuahsuak ding.

61:1^a Sam 4:1; 64:1; 86:6

61:2^b Sam 6:2; 18:2

61:3^c Sam 9:9; 59:9; Thf 18:10

61:4^d Dnp 32:11; Sam 15:1; Mat 23:37

61:5^e Suah 6:3; Sam 65:1; 66:19; Isa 59:19

61:6^f 1Sp 3:14; Sam 21:4

61:7^g Sam 40:11; 41:12; Luk 22:69; Efe 1:20; Kol 3:1

61:8^h Suah 15:1; Mip 30:2; Dnp 23:21

62

Pathian Rinsannak Hla

Hla Hruaitu Hrang. ^aJeduthun Hrang. David-ih Sam.

^a Jeduthun: Jeduthun hi temple ih hla hruaitupawl lakih pakhat David in khawm hruaitu dingih a hril mi a si (1San 16:41-42 zoh aw).

1 ^aThungaiten ka nunnak in daiten Pathian a hngak;
Amah hnen ihsin ka runsuahnak a ra.
2 ^bAmah lawng hi ka lungpi le ka runsuahnak a si;
Amah cu ka khaw kulh hnget a si;
Nasa tuk cun hninter ka si lo ding.
3 ^cAmah that dingin ziangtik tiang so mi pakhat cu nan do ding, nannih nan zate in,
Himi a tlu zik mi phar le a hnîn rero mi hruang hi?
4 ^dAnnih cun a dinhmun sâng ihsi dirhtlak ding lawng an rawnaw;
Thuphan per hi nuam an ti zawng a si;
An kâ in thlawsuah an pe,
Asinan an sung lam cun an camsiat. Selah
5 Maw ka nunnak, daiten Pathian lawng hngak aw,
Ziangahtile ka ruahsannak cu amai hnen ihsin a si.
6 Amah lawng hi ka lungpi le ka runsuahnak a si;
Amah cu ka khaw kulh hnget a si;
Hninter ka si lo ding.
7 ^ePathian ah ka runsuahnak le ka ropitnak a ṭhumaw;
Ka cahnak lungpi le,
Ka răwlhimnak cu Pathian a si.
8 ^fNannih minungpawl, ziangtik lai khalah amah cu rinsan uh;
A hmaiah nan thinlung thlebung uh;
Pathian cu kan răwlhimnak a si. Selah
9 ^gThungaiten, dinhmun niam minung fapapawl khal zianghmanlo an si,
Dinhmun sâng minung fapapawl khal bumawknak an si;
Anmah kha cuaithlai si hai sehla,
An zaten tikhu hnakin an zângsawn ding.
10 ^hMipalbehnak kha rinsan hlah awla,
Misuamnak ah ṭhathnemnak nei lo ruahsannak nei fawn hlah;
Lennak a karh asile,
Cupawl ah na thinlung ret hlah.
11 ⁱPathian in vei khat a ṭawng zo,
Himi hi cu vei hnih hna in ka thei:
Huham cu Pathian ta a si ti mi hi.
12 ^jLainat duhdawtnak cu na ta a si, Maw Bawipa;
Ziangahtile mi kip anmai ṭuan mi bangtuk cio in na lehrūl a si.

62:1^a Sam 5:3

62:2^b Suah 15:2; Sam 18:31; 59:9

62:3^c Isa 30:13

62:4^d Sam 28:3

62:7^e Sam 61:3

62:8^f 1Sam 1:15; Isa 26:4

62:9^g Sam 49:2; Isa 40:15

62:10^h Job 31:25; Isa 61:8; Eze 22:29; Nah 3:1; Mat 19:23-24; 1Ti 6:6-10, 17

62:11ⁱ 1San 29:11; Thu 19:1

62:12^j Job 21:31; Mat 16:27; Rom 2:6; 1Ko 3:8; Kol 3:25

63

Pathian Umpitnak ih Thlangamnak

Judah Ramṭhing ih a Um Laiih David-ih Sam.

1 ^aMaw Pathian, nang cu ka Pathian na si;
Tuan teah ka lo hawl ding;
Ka nunnak in nangmah a lo hâl a si;
Ram ro le
Tidai umlonak tihalnak ram ah,
Ka taksa in a lo ngai.
2 ^bCutin hmun thianghlim sungah ka rak lo hmu,
Na huham le na ropitnak zoh dingah.
3 ^cNa lainat duhdawtnak cu nunnak hnakih a ṭhatsawn ruangah,
Ka hmur in a lo thangṭhat ding.
4 ^dCutin ka nun sung hmuah na hnenah lungawi thu ka sim ding;
Na hmin in ka kut ka phar ding.
5 ^eThlik le thau thawi tlai vekin ka nunnak cu a tlai ding ih,
Ka kâ in a aipuang zet mi hmur thawn a lo thangṭhat ding.
6 ^fKa ihkhun parih ka lo man tikah,
Zan sentari kilpawl ah na thuhla ngunngaih zetin ka ngaihtuah a si.
7 ^gZiangruangahtile nang cu i bawmtu na si;
Na thlazar tăngah lungawi aipuangin ka um ding.
8 ^hKa nunnak in a lo kăwp;
Na vawrh lam kut in i tungding.
9 ⁱAsinan ka nunnak siatsuah dingih a hawltupawl cu,
Leilung tăng lamah an vung feh ding.
10 ^jAnnih cu ralnâm in an tlu ding;
Cinghniapawlih covo an si ding.
11 ^kAsinan siangpahrang cu Pathian ah lungawi aipuangin a um ding;
Amah sālih sesămtu cu a ropi ding;
Asinan thuphan simtuih kâ cu cīpter a si ding.

63:1^a Sam 42:2; 143:6

63:2^b Suah 16:7; Sam 15:1

63:3^c Sam 36:7

63:4^d Sam 104:33; Isa 38:20; 1Ti 2:8

63:5^e Sam 36:8; Mat 5:6

63:6^f Dnp 6:4-7; Mat 14:25

63:7^g Rut 2:12; Sam 27:9

63:8^h Mip 32:12; Sam 41:12; Hos 6:3

63:9ⁱ Sam 40:14; 55:15

63:10^j Jer 18:21; Ṭah 5:18; Eze 35:5; Amo 1:11

63:11^k Job 5:16; Isa 19:18

64

Kilvennak hrang Thlacam

Hla Hruaitu Hrang. David-ih Sam.

1 ^aMaw Pathian, ka vuivainak ah, ka aw ngai aw;
Ral ṭihnak ihsin ka nunnak humhim aw.
2 ^bMisualrálpawlih phiarthupnakpawl ihsin i thup aw,
Mawhsualnak tuahtupawlih helnak ihsin.
3 ^cAn lei cu ralnâm vekin an tât-hriam ih,
An thál fungpawl an tĭn bangin an ṭawngkam khâ pawl an tĭn,
4 ^dCutin sawihnăwm kai lo pawl hmun thup ihsi an sai thei nak dingah a si;
Hmakhatteah amah cu an sai ih an ṭih lo.
5 ^eThil ṭha lo tumnak ah anmah le anmah tha an peaw;
A thupten thangkamnak thu an rel;
Annih in, “Zo in so anmah cu a hmu ding,” tiah an ti.
6 Mawhsualnakpawl tuah dingin khua an khâng:
“A ṭha lo mi khawkhannak kha famkim zetin kan tawlrel zo,” tiah an ti.
Sung lam ruahnak le minung thinlung cu an thûk veve a si.
7 Asinan Pathian in thál fung in a sai hai ding;
Hmakhatteah hriam an si ding.
8 ^fCutin annih in amah cu an tluter ding;
Anmai lei in anmah a dokalh;
A hmutu zaten an tlanhlohsan ding.
9 ^gMi hmuahhmuah in an ṭih ding ih,
Pathian thil ti mi an thăn ding;
Cule a tuah mi kha an ruat ding.
10 ^hMidingfel cu Jehovah ah a lung a awi ding ih, amah a rinsan ding.
Cule thinlung dĭngpawl zaten an tluangkhâwng ding.

64:1^a Sam 140:1; 142:2

64:2^b Sam 27:5; 56:6

64:3^c Sam 7:13; 55:21; Isa 49:2

64:4^d Job 9:23; Sam 55:19

64:5^e Job 22:13; Sam 91:3

64:8^f Dnp 28:37; 2Sp 19:21; Sam 59:12; Thf 18:7

64:9^g Sam 40:3; Jer 51:10

64:10^h Job 22:19; Sam 11:1

65

Leilung Malsawmnak ruangih Thangṭhatnak

Hla Hruaitu Hrang. David-ih Sam. Hla.

1 ^aThangṭhatnak in, Maw Pathian, Zion ah a lo hngak.
Na hnenah thutiam tuahsuak a si ding.
2 ^bMaw nang, thlacam ngaithlatu,
Na hnenah milai hmuahhmuah an ra ding.
3 ^cMawhsualnakpawl in i neh;
Kan dān pahbălnak thuhla bélte ah cun,
Nang in sualkhuhthawinak na pe hai ding.
4 ^dNa sumtualrawnpawl ih um dingah,
Nangmah lo naih dingih na hril mi cu, mithlawsuak a si.
Na temple thianghlim, na inn ih thil ṭha pawl in kan tlai ding.
5 ^eNang in a maksak mi thil tipawl hmangin dingfelnak in in let, Maw kan runsuahnak Pathian,
Nang cu tifinriat hlatbik le
Leilung dĕngpawl hmuahhmuah ih rinsan mi na si.
6 ^fAmai cahnak in tlangpawl a dĭn hnget,
Huham ih thuamawin.
7 ^gTifinriatpawlih thâwm na daiter,
An tisuarletpawlih thâwm le,
Miphunpawl buaihnăwknak khal.
8 ^hA hlatnak bik ih cêngpawl khal in na hminsinnakpawl an ṭih;
Zing lam le sîm lam khal lungawi aipuang ko na tuah.
9 ⁱLeilung na vehvai ih, tidai na tawih, nasa zetin na ṭhatter;
Pathian tiva cu tidai in a khat;
Minung hrangah thlairawl na pe,
Ziangahtile leilung cu nangmah in na timtuah.
10 ^jLeilehnak pâwng pawl cu tidai ciap zetin na pe,
Leileh kuar pawl na rualter;
Ruah in cumi cu na nemter,
A thlai ṭo pawl thlawsuah na pe.
11 ^kKum cu na ṭhatnak na khumter ih,
Na lêng zinpawl ah thlairawl an fûan.
12 ^lRamṭhing ran tlannak hmun ah an fûan ih,
Tlangpawl an thuamaw, lungawi aipuannak in.
13 ^mRan tlannak hmun ah rante rual an khat;
Phaikuampawl khal thlairawl in a khuh ṭheh.
Aipuangin an au ih, hla khal an sak.

65:1^a Dnp 23:21; Sam 2:6; 116:18

65:2^b Sam 86:9; Isa 66:23

65:3^c Sam 40:2; 79:9; Rom 3:25; Heb 9:14

65:4^d Sam 33:12; 36:8

65:5^e Dnp 4:34; Sam 18:46; 45:10; 107:23; Isa 64:3

65:6^f Sam 18:1; Isa 51:9; Amo 4:13

65:7^g Isa 17:12-13; Mat 8:26

65:8^h Sam 2:8; Isa 24:16

65:9ⁱ Sem 27:28; Pui 6:4

65:10^j 2Sam 1:21; Job 36:28; Apo 14:17

65:11^k Dnp 28:12; Job 36:28; Luk 6:38; Joh 10:10

65:12^l Job 28:26; Sam 98:8; Joe 2:22

65:13^m Isa 14:8; 30:23; 44:23; Zek 8:12

66

Pathian Ṭhatnak ruangih Thangṭhatnak

Hla Hruaitu Hrang. Sam.

1 ^aLeilung hmuahhmuah, Pathian hnenah aipuangin au uh!
2 ^bA hmin ropitnak cu hla in sak uh;
A thangṭhatnak cu ropiter uh.
3 ^cPathian hnenah,
“Na thil tipawl hi ziang tluk maksak so an si!
Na huham a natsat tuk ruangah,
Na ralpawl na hnenah an ra tlulut ding.
4 ^dLeilung hmuahhmuah in nangmah an lo be ding ih,
Na hnenah thangṭhatnak hla an sak ding;
Na hmin thangṭhatnak hla an sak ding,” tiin ti uh. Selah
5 ^eRa uhla, Pathian thil tipawl hi zoh hnik uh;
Minung fapapawl hrangih a thil tipawl a maksak a si.
6 ^fTifinriat kha lei ro ah a canter;
Tiva cu an ke in an tán.
Cuih hmun ah amah ah lungawi aipuangin kan um ding.
7 ^gAnih in a huham thawn kumkhuain a uk;
A mit in miphunpawl a zoh;
Helhmang pawl kha khaisângaw hlah hai seh. Selah
8 ^hMaw nannih miphunpawl, kan Pathian thangṭhat uh!
Amah thangṭhatnak aw kha thangter uh,
9 ⁱKan nunnak a kilhim ih, kan ke tlûk ding a siang lo.
10 ^jZiangahtile nang in kanmah in hniksak, Maw Pathian;
Ngun erfai vekin nang in in erfai.
11 ^kNang in sur sungah in hruailut;
Kan zāng ah zăwnzaihnak na ret.
12 ^lKan lu parah minungpawl na toter hai.
Tidai le meisa kan pahtlăng;
Asinan nang in hnianghnarnak hmun ah in fehpi.
13 ^mNa inn sungah Meiur Thilhlăn thawn ka lut ding;
Ka thutiampawl na hnenah ka hlensuak ding,
14 Harsatnak ka tuar laiah,
Ka hmur ih a sim mi le ka kâ ih a ṭawngsuak mipawl cu.
15 ⁿA thau mi ṭilva-ih Meiur Thilhlănpawl ka lo hlan ding,
Tuu cang meiur rimthaw thawn;
Caw pa pawl le me cang pawl ka hlan ding. Selah
16 ^oNannih Pathian a ṭihzahtupawl hmuahhmuah ra uhla, ngai uh,
Ka nunnak hrangih a rak tuah mi ka thăn ding.
17 A hnenah ka kâ in ka au ih,
Amah cu ka lei in ka cawimawi.
18 ^pKa thinlung ah sual ka ngaihsak asile,
Bawipa in i ngaithla lo ding.
19 ^qAsinan Pathian cun i ngaithla rori a si;
Ka thlacamnak aw lamah a hna a thawng.
20 ^rPathian cu thangṭhat si ko seh,
Ka thlacamnak hnáwng lo ih,
Ka hnen ihsin a lainat duhdawtnak khal lahlo lo tu cu!

66:1^a Sam 81:1; 100:1

66:2^b Sam 79:9; Isa 42:8, 12

66:3^c Dnp 7:21; 2Sam 22:45

66:4^d Sam 7:17; 22:27

66:5^e Sam 106:22

66:6^f Sem 8:1; Suah 14:21-22; Pui 23:40; 1Ko 10:1

66:7^g Suah 3:16; 15:18; Mip 17:10

66:8^h Sam 22:23

66:9ⁱ Dnp 32:35; Job 12:5

66:10^j Suah 15:25; Dnp 8:2; Sam 12:6

66:11^k Sem 3:17; Suah 1:14; Isa 10:27; 42:7

66:12^l Sam 18:19; Isa 51:23

66:13^m Sam 22:25; 51:19; Ths 5:4; Jon 2:9

66:15ⁿ Pui 16:5; Sam 51:19

66:16^o Sam 34:11; 71:15, 24

66:18^p Dnp 1:45; 1Sam 8:18; Jam 4:3

66:19^q Sam 18:6

66:20^r Sam 22:24

67

Pathian Thangṭhat dingih Miphunpawl Kawhnak

Hla Hruaitu Hrang. Neginoth thawi Sak Ding. Sam. Hla.

1 ^aKan parah Pathian zahngai sehla, in thlawsuah seh,
Cule kan parah a mithmai run êngter seh, Selah
2 ^bCutin leilung parah na lamzin cu theih a si ding,
Miphunpawl zate hnenah na runsuahnak khal.
3 Miphunpawl in lo thangṭhat hai seh, Maw Pathian;
Mi hmuahhmuah in lo thangṭhat hai seh.
4 ^cMiphunpawl cu lungawi hai sehla, aipuan ruangah hlasak hai seh!
Ziangahtile nang in minungpawl kha dingfel zetin thu na ṭhen ding ih,
Leitlun ah miphunpawl kha na uk ding. Selah
5 Miphunpawl in lo thangṭhat hai seh, Maw Pathian;
Mi hmuahhmuah in lo thangṭhat hai seh.
6 ^dCun leilung in a thlairawl a rahsuah;
Pathian, kanmai Pathian rori in in thlawsuah.
7 ^ePathian in in thlawsuah ih,
Leilung tlun mi hmuahhmuah in amah cu an ṭihzah.

67:1^a Mip 6:24-26

67:2^b Sam 98:2; Isa 40:5; 62:2; Apo 10:35; Tit 2:11

67:4^c Sam 9:4; 68:32; 100:1-2

67:6^d Sem 8:22; 12:2; Pui 26:4; Sam 85:12; Isa 55:10; Eze 34:27; Zek 8:12

67:7^e Sam 2:8; 22:27; 33:8

68

Thangṭhatnak le Lungawi Thu Simnak

Hla Hruaitu Hrang. David-ih Sam. Hla.

1 ^aPathian cu tho seh,
A ralpawl ṭekdarh hai sehla;
Amah huatupawl khal a hmaiah tlânse hai seh.
2 ^bMeikhu semhloh a si vekin,
Annih khal semhlo hai aw;
Khuailûl cu meisa kiangih a zŭp vekin,
Misualrálpawl cu Pathian hmaiah hloral hai seh.
3 ^cAsinan midingfelpawl cu lungawi hai seh;
Pathian hmaiah aipuang hai seh;
A si, nasa zetin aipuang hai seh.
4 ^dPathian hnenah hlasak uh, a hmin thangṭhatnak hlasak uh;
Khawdurpawl parih a totu cu cawimawi uh,
A hmin cu Jehovah a si ih,
A hmaiah lungawi aipuangin um uh.
5 ^eA hmun thianghlim ih um Pathian cu,
Pa nei lo pawlih pa a si, nuhmeipawl humtu a si.
6 ^fPathian in mi pâk pawl cu sungkua ah a dĭn;
Thawngtlapawl kha hmuingilnak ah a hruai;
Asinan helhmang pawl cu lei car ah an cêng.
7 ^gMaw Pathian, na mipawl hmaiih na feh laiah le,
Ramṭhing pahtlăngih na feh laiah, Selah
8 ^hLeilung a hnîn;
Van khal in Pathian hmaiah ruah an surter;
Sinai rori khal Pathian hmaiah, Israel-ih Pathian hmaiah a hnîn.
9 ⁱNangmah in ruah tampi na surter, Maw Pathian;
A car laiah na co mi ro na nĕmhnget.
10 ^jNa mipi umkhawm cu cumi sungah an cêng;
Maw Pathian, nang in na ṭhatnak ihsin mifarahpawl na câwm.
11 ^kBawipa in thu a pe;
Cumi lungawiumza thuthang phuangtu nunaupawl cu an tam zet:
12 ^lRalkappawl hotu siangpahrangpawl cu an tlânsia, an tlânsia,
Cule inn ih a um mi nunau in ralthillâkpawl a zem.
13 ^mTuu rual lakih nan zau khal asile,
Nannih cu a thlapawl ngun thawi tuam mi,
A thla hmulpawl sui aihre thawi tuam mi thuro vek nan si.
14 ⁿZiangkimtithei in cumi hmun ih siangpahrangpawl a ṭhekdarh tikah,
Zalmon ih vur vekin an var.
15 ^oPathian tlang cu Bashan tlang a si;
Bashan tlang ah cun tlang zim tampi a um.
16 ^pNannih tlang zim tampi nei tlangpawl, Ziangruangah so iksiknak thawi nan thin a ṭeu?
Himi cu Pathian in a cēnnak dingih a saduhthah mi tlang a si;
A si, Jehovah cu cumi ah kumkhuain a cêng ding.
17 ^qPathian rang lêngpawl cu siar cawk lo an si,
Thawng tampi an si;
Bawipa cu an lakah Sinai ih a um vekin, a Hmun Thianghlim ah a um.
18 ^rJehovah Pathian cu cu tawk hmun ih a cēn thei nak dingah,
Tlun sang ah na rak kaiso,
Sál tang pawl cu sál ah na hruai;
Minungpawl lakah thilpek tampi na ngah,
Mihélpawl hnen ihsi khalin.
19 ^sNi tin ih kan phurrit in phurhsaktu,
Bawipa cu thangṭhatin um seh,
Kan runsuahnak Pathian cu! Selah
20 ^tKan Pathian cu runsuahnak Pathian a si;
Cun Jehovah Bawipa ah thihnak ihsin tlansuahnak a um.
21 Asinan Pathian in a ralpawlih lu a tuahmawh ding,
A mawhsualnak ih a feh vivo tu sám i khat lu-ûm cu!
22 ^uBawipa in, “Bashan ihsin ka hruaikirsal ding,
Anmah cu tifinriat thûknakpawl ihsin ka hruaikirsal hai ding,” tiah a ti;
23 ^vCutin anmahpawl kha na ke in thisen suak ko na pál thei ding ih,
Na uicopawlih lei in na ralpawl lak ihsin covo an nei thei ding.
24 ^wAnnih in na feh lai an lo hmu, Maw Pathian,
Ka siangpahrang, hmun thianghlim lam pan ih, ka Pathian ih feh lai cu.
25 ^xHlasaktupawl hmaiah an feh, awnmawi tumtupawl in an thlun;
An lakah khuangte tumtu falapawl an feh.
26 ^yMipi umkhawmnak ah Pathian thangṭhat uh,
Israel tesinfa ihsin, Bawipa cu.
27 ^zAnmah hruaitu cu, nautabik Benjamin a si,
Judah tlangsuak upapawl le an hopawl in an thlun,
Zebulun tlangsuak upapawl le Naptali tlangsuak upapawl thawn.
28 ^aaNan cahnak dingah nan Pathian in thu a pe;
Maw Pathian, kan hrangih na tuah mipawl cakter sin aw.
29 ^abJerusalem ih na temple ruangah,
Siangpahrangpawl in na hnenah laksawngpawl an run keng ding.
30 ^acCâlte kungpawl lakih a tlanglêng mi ramsapawl,
Minungpawlih caw pa pawl le caw pa no rualpawl kawk aw,
Mi tin an ngun tangka nawi thawi an păwk hlan tiang.
Ral doawknak nuam titupawl khal ṭhekdarh ṭheh aw.
31 ^adIzip ram ihsin palaipawl an ra ding;
Kush khal in Pathian hnenah zamrang zetin a bân a phar ding.
32 ^aeLeitlun lalrampawl, Pathian hnenah hlasak uh;
Maw, Bawipa hnenah, thangṭhatnak hlasak uh. Selah
33 ^afA sangbik van ih to, khuahlan lai ihsin a um mi amah hnenah cun!
Ngai hnik, amah in a aw a suah, a nasa zet mi aw cu.
34 ^agPathian cahnak phuang uh;
A ṭhat hleice nak cu Israel parah a si ih,
A cahnak cu khawdurpawl ah a um.
35 ^ahMaw Bawipa, nang cu na hmun thianghlim pawl ah na maksak.
Israel-mipawlih Pathian cu a mipawl hnenih cahnak le huham petu a si. Pathian cu thangṭhatin um seh!

68:1^a Mip 10:35; Sam 12:5; 18:14; 144:6; Isa 17:13

68:2^b Mip 10:35; Sam 22:14; 37:20; 80:16

68:3^c Sam 64:10

68:4^d Suah 6:3; 20:21; Dnp 33:26; 2Sam 22:50

68:5^e Suah 22:22; Dnp 10:18; 26:15; Jer 25:30

68:6^f Isa 35:7; 61:1; Luk 4:18

68:7^g Suah 13:21; Sam 78:40

68:8^h Dnp 33:2; Lai 5:4-5; 2Sam 21:10; 22:8; Ths 11:3

68:9ⁱ Dnp 32:2; Job 36:28; Eze 34:26

68:10^j Dnp 28:12; Sam 65:9

68:11^k Suah 15:20

68:12^l Jos 10:16; Lai 5:30

68:13^m Sem 49:14

68:14ⁿ Lai 9:48; 2Sam 22:15

68:15^o Mip 21:33; Sam 36:6; Jer 22:20

68:16^p Dnp 12:5

68:17^q Isa 66:15; Dan 7:10; Hab 3:8

68:18^r Mip 17:10; Lai 5:12; Efe 4:8

68:19^s Sam 65:5; 81:6

68:20^t 1Sam 10:19; Jer 45:5; Eze 14:14; Hab 3:13

68:22^u Job 36:30; Mat 18:6

68:23^v 1Sp 21:19; Sam 58:10

68:24^w Sam 63:2

68:25^x Sem 31:27; Isa 5:12; Thu 18:22

68:26^y Pui 19:2; Sam 22:22; Heb 2:12

68:27^z Mip 34:21; Lai 5:14, 18; 1Sam 9:21

68:28^aa Suah 9:16; Sam 29:11; Isa 40:31; 2Ko 12:9-10

68:29^ab 2San 9:24

68:30^ac Sam 18:14; 22:12; 40:2; 120:7; Jer 50:27

68:31^ad Isa 11:11; 19:19; Zef 3:10

68:32^ae Sam 7:17; 46:6

68:33^af Suah 9:23; Dnp 33:26; Sam 29:4; Isa 30:30

68:34^ag Sam 45:3

68:35^ah Sem 28:17; Dnp 7:21; Sam 18:1; 28:6; 29:11; Isa 40:29; 2Ko 1:3

69

Runsuahnak hrang Thlacam

Hla Hruaitu Hrang. ^aShoshannim Hla Thlûk In. David-ih Sam.

^a Shoshannim: 45:0 simfiangnak zoh aw.

1 ^aI run aw, Maw Pathian!
Ziangahtile tipi in ka nunnak a cimpil zik.
2 ^bKe ṭhumnak um lo,
Cirh dûp sungah ka pil;
Tisuarpawl ih in cîmpilnak hmun,
Tipi thûk zet sungah ka um.
3 ^cKa ṭahnak ah ka cau;
Ka dang a car;
Ka Pathian ka hngah laiah, ka mit a kham.
4 ^dSăn um lo piih i huatupawl hi ka lu parih sám hnakin an tamsawn;
Dik lo zetih i siatsuah duhtu
Ka ralpawl cu an cak tuk;
Ka rûk lo mi thil,
Ka rulhsal thotho a ṭul.
5 ^eMaw Pathian, ka atnak na thei;
Ka sualpawl cu na hnen ihsin thuh an si lo.
6 Nangmah a lo hngaktupawl cu, Maw ralkap rualpawlih Jehovah Bawipa
Keimah ruangah ningzakin um hram hlah hai seh;
Nangmah a lo hawltupawl cu keimah ruangah an thinbuai hram hlah hai seh, Maw Israel-ih Pathian.
7 ^fNangmah ruangah hmuhsuamnak ka táwng;
Ningzahnak in ka hmai a tuam.
8 ^gKa unaupawl hnenah mikhual ah ka cang ih,
Ka nuih fātepawl hnenah khawtluang mi ah;
9 ^hNa inn hrangih ṭhahnem ka ngainak in i ei thluh ih,
A lo hmuhsuamtupawlih mi hmuhsuamnak cu ka parah a tla.
10 ⁱRawl ulhnak thawi ka thinlung ih ka ṭah tikah,
Cumi cu ka hminsiatnak ah a cang.
11 ^jKa sinfen dingah buri ka rak tuah fawn;
An hrangah an hnihsuahsainak ah ka cang.
12 ^kKăwtka ih topawl in keimah dokalhin an ṭawng ih,
Keimah cu zuripawlih hla ka si.
13 ^lAsinan Maw Jehovah, kei lawngte cu,
Tikcu remcâng cān ah na hnenah thla ka cam a si;
Maw Pathian, na lainat duhdawtnak ropi zet ruangah,
Na runsuahnak thutak thawn i ngaithla aw.
14 ^mCirh dûp lak ihsin i runsuak aw,
I pilter hram hlah aw;
Keimah huatupawl lak ihsin runsuah si hram ning,
Tipi thûk zet sung ihsi khalin.
15 ⁿTilik in i cimpil hlah seh,
Ti thûk khal in i dawlh hlah seh;
Cule khur khal in a kâ sungah i hmawm hlah seh.
16 ^oI ngaithla aw, Maw Jehovah, ziangahtile na lainat duhdawtnak cu a ṭha a si;
Na lainatnak nasa tak zulhin ka hnen lamah ra hawikir aw.
17 ^pCule na siahhlawh hnenin na hmai thup hlah aw,
Ziangahtile harsatnak ka táwng;
Zamrang zetin i ngai aw.
18 ^qKa nunnak run naih awla, tlen aw;
Ka ralpawl ruangah i runsuak aw.
19 ^rIn hmuhsuamnak, ka ningzahnak le ka hminsiatnak pawl na thei;
I dotupawl zaten na hmaiah an um.
20 ^sHmuhsuamnak in ka thinlung a kuaiter ih,
Ka dam lo;
Zangfahnak ka hawl nân, ka hmu lo;
Cule hnemtu ding ka hawl, asinan zohman ka hmu lo.
21 ^tKa rawl dingah thil khâ in pe ih,
Ka ti a hāl tikah sabit ti thûr in dingah in pek.
22 ^uAn cabuai cu an hmaiah tháng ah cang sehla,
An hlawhtlinnak cu, an awkawknak ah.
23 ^vKhua an hmuh thei lo nak dingah, an mit thim sehla;
An tâi hnîn tlaitluan seh.
24 ^wNa aithawknak an parah burh awla,
Na thinheng sosa in anmah dawiman seh.
25 ^xAn cēnnak hmun cu lawnglakin um seh;
An thlampawl ah zohman um hlah hai seh.
26 ^yNa vuak cia mipawl kha annih in an hrem ih,
Na tuahmawh cia mipawlih thinnatnak thu an rel.
27 ^zAn mawhsualnak ah mawhsualnak bêt aw,
Cule na dingfelnak ah lut hlah hai seh.
28 ^aaA nung mipawlih cazual sung ihsin anmah cu phiahhlo si hai sehla,
Midingfelpawl zawngih ngan si hlah hai seh.
29 ^abAsinan kei cu mifarah le miriahsia ka si;
Maw Pathian, na runsuahnak in hmun sâng ah i ret seh.
30 ^acPathian hmin cu hla thawn ka thangṭhat ding,
Cule lungawi thu simnak thawn amah cu ka cawimawi ding.
31 ^adHimi hin, Jehovah cu, kipawl le ke tínpawl a nei mi,
Caw cang le caw pa hnakin a lung a hmuiter sawn ding.
32 ^aeMităngdawrpawl in cumi cu an hmu ding ih an lung a awi ding;
Cule nannih Pathian hawltupawl, nan thinlung a thar ding.
33 ^afZiangahtile Jehovah in mifarahpawl a ngaithla hai ih,
Sál tang pawl a hmuhsuam lo.
34 ^agVan le leilung in amah thangṭhat hai seh,
Tifinriatpawl le an sungih tlanglêng mi pauhpauh khalin.
35 ^ahCu tawkih an cēn ih an lâk thei nak dingah,
Pathian in Zion a runsuak ding ih,
Judah khawpipawl a dĭn ding.
36 ^aiA siahhlawhpawlih tesinfapawl khal in cumi cu ro ah an co ding,
Cule a hmin a duhdawtupawl cu cu tawkah an cêng ding.

69:1^a Sam 32:6; 42:7; Jon 2:5

69:2^b Job 30:19

69:3^c Sam 6:6; 119:82

69:4^d Sam 25:19; 35:19; 40:14; Isa 32:7; Joh 15:25

69:5^e Sam 38:5; 44:21

69:7^f Sam 39:8; 44:15; Jer 15:15; 2Ko 5:21

69:8^g Job 19:13-15; Isa 53:3; Joh 7:5

69:9^h Sam 89:50; Joh 2:17; Rom 15:3

69:10ⁱ Sam 35:13

69:11^j 2Sam 3:31; Sam 35:13

69:12^k Sem 18:1; Job 30:9

69:13^l Isa 49:8; 2Ko 6:2; Heb 5:7

69:14^m Sam 144:7

69:15ⁿ Mip 16:33; Sam 28:1; 124:4-5

69:16^o Sam 63:3

69:17^p Sam 22:24; 50:15; 143:7

69:18^q Sam 49:15

69:19^r Sam 22:6

69:20^s Job 16:2; Sam 142:4; Isa 63:5

69:21^t Mip 6:3; Mat 27:34, 48; Mar 15:23, 36; Luk 23:36; Joh 19:28-30

69:22^u 1Sam 28:9; Job 18:10

69:23^v Isa 6:9-10; Rom 11:25

69:24^w Sam 79:6; Jer 10:25

69:25^x Pui 26:43; Mat 23:38; Apo 1:20

69:26^y Job 19:22; Zek 1:15

69:27^z Neh 4:5; Sam 109:14

69:28^aa Suah 32:32; Eze 13:9; Luk 10:20

69:29^ab Sam 40:17; 109:22

69:30^ac Sam 28:7; 34:3

69:31^ad Sam 50:9-13

69:32^ae Sam 22:26; 34:2

69:33^af Sam 12:5

69:34^ag Sam 96:11; Isa 44:23

69:35^ah Ezr 9:9; Oba 1:17

69:36^ai Sam 25:13; 37:29

70

Runsuahnak hrang Thlacam

Hla Hruaitu Hrang. David-ih Sam. Mansuahsalternak Hrang.

1 ^aMaw Pathian, i runsuak dingin hmanhmawh aw!
Maw Jehovah, i bawm dingin hmanhmawh aw.
2 ^bKa nunnak hawltupawl hi
An ningzakin an thinbuai seh;
Hriam ka si ding duhtupawl hi
Kirsalin buai hai seh.
3 ^c“A ze, a ze,” titupawl cu,
An ningzah ruangah kirsal hai seh.
4 ^dNangmah a lo hawltupawl zaten nangmah ah aipuang le lungawiin um hai seh;
Cule na runsuahnak duhtupawl in,
“Pathian cu cawimawiin um seh!” tiah ti tlaitluan hai seh.
5 ^eAsinan kei cu mifarah le mitlasam ka si;
Maw Pathian, ka hnenah hmanhmawh zetin ra aw!
Nang cu i bawmtu le i runsuaktu na si;
Maw Jehovah, muang hlah aw.

70:1^a Sam 22:19

70:2^b Sam 6:10; 35:4; 129:5

70:3^c Sam 40:15

70:4^d Sam 9:10; 31:6-7

70:5^e Sam 18:2; 30:10; 86:1; 109:22; 119:60; 141:1

71

Runsuahnak Lungpi Pathian

1 ^aMaw Jehovah, nangmah ka lo rinsan;
Ningzakin um dah hram hlah ning.
2 ^bNa dingfelnak in i runsuak awla, i tlânsuakter aw;
Ka lamah na hna thawng awla, i run aw.
3 ^cKa răwlhimnak hnget si aw;
Cuih hmun ih tlaitluan kan rat thei nak dingah;
Keimah run dingah thupek na pe zo,
Ziangahtile nang cu ka lungpi le ka kulh hnget na si.
4 ^dMaw ka Pathian, misualrálpawl kut ihsin le,
Midingfel lo pawl le minunrâwngpawl kut ihsin i runsuak aw.
5 ^eZiangahtile Maw Bawipa Jehovah, nang cu ka ruahsan mi na si;
Nang cu ka no lai ihsin ka rinsan mi na si.
6 ^fKa suah ihsin nangmah cu i dăwmcawitu na si;
Nang cu ka nuih sūl sung ihsi i lasuaktu na si.
Ka thangṭhatnak cu nangmah na si tlaitluan ding.
7 ^gMi tampi hrangah hminsinnak ah ka cang,
Nang cu ka răwlhimnak hnget na si.
8 ^hKa kâ hi nangmah thangṭhatnak thawn a khat,
Sunnivuin na sunlawinak thawn.
9 ⁱKa tar tikah i hnáwng hlah aw;
Ka tha a ṭum tikah i thlauthla hlah aw.
10 ^jZiangahtile ka ralpawl in keimah dokalhin an ṭawng;
Cule ka nunnak hngakih bawhtupawl khal thu an rawnawkhawm.
11 ^k“Amah pa hi Pathian in a thlauthla zo;
Dawi uhla, amah cu kai uh, ziangahtile amah runsuaktu ding zohman an um lo,” tiah an ti.
12 ^lMaw Pathian, keimah thawn a hlatnak ah um hlah aw;
Maw ka Pathian, i bawm dingah hmanhmawh aw.
13 ^mKa nunnak dodaltupawl cu
Thinbuaiin le cemrálin um hai seh;
Hriam si dingih
I hawltupawl cu hminsiatnak le ningzahnak thawn khat hai seh.
14 ⁿAsinan kei cun ka ruahsan tlaitluan ding ih,
Nangmah ka lo thangṭhat sinsin ding.
15 ^oKa kâ in na dingfelnak a sim ringring ding ih,
Sunnihlawhin na runsuahnak khal,
Ziangahtile cupawl cu ka tah cawk hai lo.
16 ^pBawipa Jehovah-ih cahnak in ka feh ding;
Na dingfelnak, nangmai ta lawng ka rel ding.
17 ^qMaw Pathian, ka no lai ihsin i rak zirh ih,
Tuihni tiang na mangbangza thil tipawl ka thăn.
18 ^rHih san minung hnenih na cahnak ka thăn hlanlo,
A ra suak lai ding mi mi kip hnenih na huham ka thăn hlanlo cu,
Maw Pathian, ka tar ih ka sám a par tik khalah,
I thlauthla hlah aw.
19 ^sCuihhleiah na dingfelnak cu, Maw Pathian, a sâng tuk,
Nang thil nasa zet tampi tuahtu;
Maw Pathian, nangmah vek zo so um?
20 ^tNang, harsatnak le vansannak tam tak i hmuhtu cun,
I nungtersal ding ih,
Leilung thûknakpawl ihsin i lasuaksal ding.
21 ^uKa ropitnak na ṭhangter sinsin ding ih,
A kil kip in i hnemsal ding.
22 ^vCuihtlunah cawngcing thawn ka lo thangṭhat ding,
Maw ka Pathian, na rinumnak cu!
Maw Israel-ih Mi Thianghlim,
Na hnenah ṭingṭang thawn hla ka sak ding.
23 ^wNa hnenih hla ka sak tikah, ka hmur cu lungawi aipuang zetin a um ding,
Cule nangmah ih na tlen zo mi ka nunnak khal.
24 ^xKa lei khal in na dingfelnak sunnivuin a rel ding;
Ziangahtile hriam dingih
I hawltupawl cu an thin a buai,
Ziangahtile annih cu mualpho ko tuah an si.

71:1^a 2Sp 18:5; 1San 5:20; Sam 22:5

71:2^b 2Sp 19:16

71:3^c Sam 18:2; 91:1-2

71:4^d Sem 48:16; Sam 140:4

71:5^e Sam 39:7; Jer 17:7

71:6^f Job 3:16; Sam 9:1; Isa 46:3-4

71:7^g 2Sam 22:3; Sam 31:3; Isa 8:18; 1Ko 4:9

71:8^h Sam 51:15; 96:6

71:9ⁱ Dnp 4:31; Isa 46:4

71:10^j Suah 1:10; Thf 1:18; Mat 12:14

71:11^k Sam 3:2; Isa 40:27; Ṭah 5:20; Mat 27:46

71:12^l Sam 22:19; 38:21

71:13^m Job 8:22; Sam 70:2; Jer 18:19

71:14ⁿ Job 13:15; Sam 43:5

71:15^o Sam 22:22-25; 71:24

71:16^p Sam 9:1; 29:11; Efe 3:16

71:17^q Dnp 4:5; Job 5:9; Sam 71:5

71:18^r Suah 9:16; Job 8:8; Isa 46:4; Joe 1:3

71:19^s Sam 35:10; 36:5; 126:2; Isa 55:9; Luk 1:49

71:20^t Sam 63:9; Hos 6:2

71:21^u Isa 12:1

71:22^v 2Sp 19:22; Job 21:12; Sam 33:2

71:23^w Suah 15:13; Sam 20:5

71:24^x Dnp 11:19; Sam 35:28

72

Lamhruainak hrang Thlacam

Solomon-ih Sam.

1 ^aMaw Pathian, thuṭhen thiamnak siangpahrang pe aw,
Cule na dingfelnak kha siangpahrang fapa hnenah.
2 ^bAnih in na mipawl kha dingfelnak thawn thu a ṭhen ding ih,
Na mifarahpawl kha diknak thawn.
3 ^cTlangpawl in mipi hnenah daihnak an thlen ding ih,
Tlang fate pawl in dingfelnak.
4 Anih in mipi lakih mifarahpawl hnenah diknak a thlen ding;
Mitlasampawlih falepawl a run ding ih,
Mi palbĕttupawl cu a khuaidip ṭheh ding.
5 ^dNi le thlapi an ṭunghmun sung,
San hmuahhmuah tluansuakin,
Annih in an lo ṭih ding.
6 ^eAmah cu vah mi hrampi parih sur mi ruahti vek le,
Leilung tidai petu ruah hmai vekin a rung suk ding.
7 ^fA san sungah, midingfel cu a ṭhangso ih,
Thlapi a um nawn lo tiangin,
Hnangam zetin a um.
8 ^gTifinriat ihsin tifinriat tiang le,
Zufraṭis tiva ihsin leilung dĕng tiang a uk ding.
9 Ramṭhing ih cêngpawl cu a hmaiah an kûn ding ih,
A ralpawl in leivut an liak ding.
10 ^hTarshish le tikulh siangpahrangpawl in laksawngpawl an rak keng ding;
Seba le Sheba siangpahrangpawl khal in
Thilpekpawl an rak hlan ding.
11 ⁱA si, siangpahrangpawl zaten a hmaiah an băwkkhup ding;
Miphunpawl hmuahhmuah in amah an rian ding.
12 Ziangahtile mitlasam a au tikah a runsuak ding,
Mifarah le bawmtu nei lo khal.
13 ^jAnih in mifarah le mitlasam a zangfah ding ih,
Mitlasampawlih nunnak cu a hum ding.
14 ^kAnih in an nunnak kha, palbĕtnak le nunrawnnak ihsin a tlen hai ding;
Cule a mithmuh ah an thisen cu a hlú zet ding.
15 ^lCule amah cu a nungdam ding;
Sheba sui kha a hnenih pek a si ding;
Catbang loin thlacamnak khal a hrangih tuah a si ding,
Cule ni tin amah cu thangṭhat a si ding.
16 ^mLeilung ah le tlangpawlih zim tiangin,
Thlairawl tam zet a um ding;
A rah cu Lebanon vekin an sâwiaw ding;
Cule khawpi sungih umpawl cu leilung hrampi vekin an ṭhang ding.
17 ⁿA hmin cu a hmun kumkhua ding;
A hmin cun ni tlukin a daih rei ding.
Amah ah minungpawl thlawsuah an si ding;
Miphunpawl hmuahhmuah in amah cu mithlawsuak tiah an ti ding.
18 ^oJehovah Pathian, Israel-ih Pathian,
Khawruahharza thil tuahtu amah lawng cu thangṭhatin um seh.
19 ^pCule a hmin sunglawi cu kumkhuain thangṭhat si seh!
Cule leitlun pumpi cu a ropitnak in khat seh.
Amen, Amen.
20 ^qJessi-ih fapa David-ih thlacamnakpawl a tawp.

72:1^a Dnp 1:16

72:2^b Isa 9:7; 32:1; Jer 23:5

72:3^c Sam 27:11; 72:16; Isa 11:4; 32:16-17; 49:13

72:5^d 1Sam 13:13; Sam 33:11

72:6^e Dnp 32:2

72:7^f Sam 72:7; 92:12; Thf 14:11

72:8^g Suah 23:31; 1Sp 4:21; Zek 9:10

72:10^h Sem 10:4, 7; 2San 9:24; Est 10:1

72:11ⁱ Sem 27:29; Ezr 1:2

72:13^j Job 5:15-16; Isa 60:10; Luk 10:33; Jam 2:5-6

72:14^k 1Sam 26:21; Sam 69:18; Eze 13:23

72:15^l Sem 10:7; Sam 35:28

72:16^m Sem 27:28; Mip 22:4; Sam 92:12; Isa 4:2; 44:4; Eze 34:27

72:17ⁿ Suah 3:15; Sam 89:36; Mat 1:21, 23; Luk 1:48

72:18^o 1San 29:10; Job 5:9

72:19^p 2Sam 7:26; Neh 9:5; Sam 41:13

72:20^q Rut 4:17; 2Sam 23:1

Bu 3-nak

73

Palbehnak ihsi Runsuak dingih Ngĕnnak

Asaf-ih Sam.

1 ^aThungaiten Pathian cu Israel hnenah a ṭha,
Thinlung thiang neipawl hnenah.
2 ^bAsinan kei ka hrangah cun, ka ke an bah zikte;
Ka kepawl an nâl zikte a si.
3 ^cZiangahtile mitluangkhâwngpawl ka iksik,
Misualrálpawlih hmuingilnak ka hmuh tikah.
4 Ziangahtile an thihnak ah harsatnak an tuar lo,
An thazang a hnget sawn riangri.
5 ^dMi dang pawl vekin buainak ah an um lo ih,
Mi dang pawl vekih hrem khal an si lo.
6 ^eCuruangah hngalnak kha an ṭhi a si;
Nunrawnnak sinfen in an khuhaw.
7 ^fAn neih tam tuk ruangah an mit a pâwng thluh;
Thinlung ih duhthusamnak ah thil sual an tuah.
8 ^gMi an hnihsan ih, palbĕtnak thu ah sualrál zetin an ṭawng;
Hngal zetin an ṭawng.
9 An kâ cu van dokalhin an ret ih,
An lei cun leitlun a fángsuak.
10 Curuangah a mipawl cu hi tawk hmun ah an ra kirsal ih,
Tidai tampi an in.
11 Cule annih in, “Pathian in ziangtin a thei?
Cungnung Bik hnenah theihnak a um maw?” tiah an ti.
12 ^hNgai hnik, hipawl hi Pathian ngaihsak lo tu an si,
Ngaihngam huahhiin an um men;
Lennak ah an ṭhangso deuhdeuh.
13 ⁱThungaiten, ka thinlung hi ka rak thianter lak men ih,
Mawhnak nei loin ka kut ka khawlh lak men.
14 Ziangahtile sunnihlawhih sawisak ka si ih,
Zing tinten nunsim ka si.
15 Kei in, “Hi vekin ka sim ding,” rak ti ta hnik ningla cu,
Ngai hnik, na falepawlih san ah midik lo ka rak si ding.
16 ^jHimi theithiam dingih ka ruah tikah,
Ka hrangah a na tuk,
17 ^kPathian hmun thianghlim sungih ka luh tiangin;
Cun an cemnetnak ka theithiam.
18 ^lThungaiten, anmah cu a nâl mi hmunpawl ah na ret hai a si;
Anmah cu siatralnak ah na hlăwn.
19 ^mAw, ziangtin so annih cu hmakhatteih kawlawngnak ih hruai an si!
Annih cu ṭihphannak in nasa zetin a hloralter hai.
20 ⁿMi pakhat a ṭhangharh tikih a mang vek a si,
Bawipa, na ṭhangharh tikah,
An thlahlim na hmuhsuam ding.
21 Ka thin a nat ih,
Ka lungthin a vansan tikah,
22 ^oKei cu mi-â tuk le theihnak nei lo ka rak si;
Na hmaiah cun ramsa vek ka rak si.
23 ^pSikhalsehla, kei cu tlaitluanin na hnenah ka um;
Nang in ka vawrh lam kut in i kai.
24 ^qNa thurawn peknak thawn lam i hmuh ding ih,
Cuih hnuah sunlawinak ah i hruai ding.
25 ^rNangmah siarlo van ah khin zo so ka neih?
Leilung tlun khalah nangmah hleiih ka duh mi zohman an um lo.
26 ^sKa titsa le ka thinlung an derthawm men thei;
Asinan Pathian cu ka thinlungih lungpi le kumkhuaih ka covo a si.
27 ^tZiangahtile, ngai hnik, na hnen ihsi hla zetih umtupawl cu an hloral ding;
Rinumlonak ruangih nangmah a lo tlansantupawl zaten na siatsuah hai zo.
28 ^uAsinan ka hrangah cun Pathian naih hi a ṭha;
Na thil tipawl hmuahhmuah ka thăn thei nak dingah Bawipa Jehovah ka rinsan.

73:1^a Sam 24:4; Mat 5:8

73:2^b Dnp 32:35; Sam 69:2; Efe 4:27

73:3^c Job 21:7; Thf 3:31; Jer 12:1

73:5^d Thf 21:11-12; Eze 23:42; Heb 12:8

73:6^e Sem 6:11; 41:42; Pui 26:19; Thf 4:17; Eze 28:2-5

73:7^f Sam 17:10

73:8^g Sam 10:7; 17:10; 41:5; 53:1-4; Eze 5:15; Kol 3:8

73:12^h Sam 37:35; 49:6

73:13ⁱ Sem 44:16; Job 9:29-31

73:16^j Ths 8:17

73:17^k Suah 15:17; Job 8:13; Sam 63:2; Fil 3:19

73:18^l Dnp 32:35; Sam 35:6

73:19^m Sem 19:15; Job 20:5; Thf 24:22; Isa 47:11

73:20ⁿ Job 20:8; Isa 29:8

73:22^o Thf 30:2; Ths 3:18

73:23^p Sem 48:13

73:24^q 1Sp 22:5; Sam 48:14

73:25^r Sam 16:5; Fil 3:8

73:26^s Dnp 32:9; Sam 84:2

73:27^t Sam 34:21; 119:155; Jer 12:2; Hos 4:12

73:28^u Zef 3:2; Heb 10:22; Jam 4:8

74

Harsat Cān ih Băwmnak hrang Thlacam

Asaf-ih Maskil.

1 ^aMaw Pathian, ziangah so kumkhuaih in hnawn?
Ziangah so na thinhengnak khu cu na ran tlannak hmun ih tuupawl parih a khût?
2 ^bNa mipi umkhawm, hlan lai piih na rak lei mipawl,
Ro ih na co mi hnám, na rak tlen zo mipawl,
Na rak cēnnak hi Zion tlang hi máng ringring aw.
3 ^cKumkhuaih a siat mipawl lamah hin na ke kar aw.
Ral in hmun thianghlim sungih thilri hmuahhmuah a rak siatsuah ṭheh.
4 ^dNa ralpawl cu nan tawnkhawmawknak hmun ah an aukio;
An thantarpawl kha hminsinnak hrangah an tar.
5 ^eAmah cu thing rûl lakih
Hreitlung hawiih um mi pa a bang.
6 ^fCule a ker mi thil zaten vei khat ah annih in an khuai ṭheh,
Hreitlungpawl le sobulpawl in.
7 ^gNa hmun thianghlim kha mei in an ur;
Na hmin cēnnak hmun kha lei ah an bawrhbangter.
8 ^hAn thinlung in,
“An zaten that thluh lawlaw uhsi,” tiah an ti.
Ram sungih Pathian-ih tawnkhawmawknak hmunpawl zaten an rak urkāng ṭheh.
9 ⁱKan hminsinnakpawl kan hmu lo;
Profet pakhat hman an um nawn lo ih,
Ziang tluk a rei ding ti theitu khal kan lakah an um nawn lo.
10 ^jMaw Pathian, ralpawlih in hmuhsuamnak hi ziang tluk a rei lai ding?
Ralpawl in na hmin hi kumkhua an thangsiat ding maw?
11 ^kZiangah so na kut, na vawrh lam kut rori na sûp?
Cumi cu na ṭāng ihsin lasuak awla, anmah cu siatsuah aw.
12 ^lZiangahtile Pathian cu hlanlai ihsin ka siangpahrang a si,
Leilung tlunih runsuahnak tuahtu a si.
13 ^mNa cahnak in tifinriat na rak ṭhen;
Tipi sungih um tifinriat sahring tumpi pawlih lu na rak khuai.
14 ⁿLeviathan lupawl na khuaidip ṭheh ih,
Ramṭhing luahtu minungpawl hnenah rawl ah anih cu na pe hai.
15 ^oNang in tihnapawl le lihăwng na pûtsuakter;
Kāng dah lo tivapawl na kāngter.
16 ^pSun hi na ta a si, zan khal na ta a si;
Nang in tleu le ni na rak timtuah.
17 ^qLeilung ramri hmuahhmuah na rak dĭn;
Ṭhal le thlatang na tuah.
18 ^rMaw Jehovah, ral ih in rak hmuhsuam le,
Mi-âpawl ih na hmin an rak thangsiat hi cîng aw.
19 ^sAw, na thuro nunnak hi sahrang hnenah pe hlah aw!
Na mifarahih nunnak hi kumkhuain hngilh hlah aw.
20 ^tThukham kha upat aw;
Ziangahtile leilung hmun thimnakpawl cu nunrawnnak in a khat.
21 ^uAw, palbĕt mipawl kha ningzakin kirtersal hlah aw!
Mifarah le mitlasam pawl in na hmin thangṭhat hai seh.
22 ^vMaw Pathian, tho aw, na ṭannak hum aw;
Ziang vekin mi-â pa in ni tin a lo hmuhsuam ti kha cîng ringring aw.
23 ^wNa ralpawlih aw kha hngilh hlah,
A karh vivo mi nangmah dokalhih thotupawlih thawmvâng khal.

74:1^a Sam 43:2; 44:23; 79:13

74:2^b Suah 15:13; 34:9; Dnp 9:29; 32:7; Isa 46:13; 48:20; Joe 3:17, 21; Oba 1:17; 1Ko 6:20

74:3^c Isa 44:26

74:4^d Mip 2:2; Jer 4:6; Ṭah 2:7

74:5^e Jer 46:22

74:6^f 1Sp 6:18

74:7^g Pui 15:3; 20:3; Isa 64:11; Apo 21:28

74:8^h 2Sp 25:9; Sam 94:5; Jer 21:10

74:9ⁱ Suah 4:17; 1Sam 3:1

74:10^j Sam 6:3; 44:16

74:11^k Suah 15:6; Ṭah 2:3

74:12^l Sam 2:6; 27:1; 44:4; Isa 33:22

74:13^m Suah 14:21; Eze 29:3

74:14ⁿ Job 3:8; Isa 27:1

74:15^o Suah 14:29; 17:5-6; Mip 20:11; Jos 2:10

74:16^p Sem 1:16

74:17^q Sem 8:22; Dnp 1:8, 32; Apo 17:26

74:18^r Dnp 32:6; Sam 74:22

74:19^s Sem 8:8; Isa 59:11

74:20^t Sem 6:18; 17:7-8; Job 34:22

74:21^u Sam 9:9, 18; Isa 58:10

74:22^v Sam 17:13; 53:1

74:23^w Mip 25:17; Sam 46:6; 65:7; Isa 31:4

75

A Mangbangza Tuah Mi Ruangih Pathian Thangṭhatnak

Hla Hruaitu Hrang. Al-tashheth Hla Thlûk In. Asaf-ih Sam. Hla.

1 ^aNa hnenah lungawi thu kan lo sim, Maw Pathian, lungawi thu kan lo sim!
Ziangahtile na hmin a nai;
Mi in na mangbangza thil tipawl an thăn.
2 ^b“Tikcu remcâng ka hril tikah,
Dĭng zetin thu ka ṭhen ding.
3 ^cLeilung le amah luahtu zaten an ziamral ṭheh;
Kei in a ṭhuampawl cu hnget zetin ka phun. Selah
4 ^dKei in mitluangkhâwngpawl hnenah,
‘Tluangkhâwng hlah uh,’
Cule misualrálpawl hnenah, ‘Nan ^eki sângter hlah uh.
5 ^fNan ki sâng ah tisâng hlah uh;
Lungruhnak thawn ṭawng hlah uh,’ tiah ka ti.”
6 Ziangahtile cawisannak cu nisuahnak lamin maw,
Nitlaknak lamin maw, thlang lamin simaw a ra mi a si lo.
7 ^gPathian cu thuṭhentu a si:
Mi pakhat a namthlak ih,
A dang kha a cawisâng.
8 ^hZiangahtile Jehovah-ih kut ah no pakhat a um,
Cule sabit zu cu a hung phûl;
Cumi cu kimteih cawhrawi mi a si ih, anih in a thletsuak;
Thungaiten leitlun misualrálpawl hmuahhmuah in
A siabik a tawne tiang rori in an in thluh ding.
9 Kei lawngte cun cumi cu a kumkhuain ka thăn ding,
Jakob-ih Pathian hnenah hla ka sak ding.
10 ⁱMisualrálpawlih kipawl zaten ka sattán ding,
Asinan midingfelpawlih kipawl hmuahhmuah cu santer an si ding.

75:1^a Jos 3:5; Sam 77:12; Jer 10:6

75:2^b Suah 13:10; Sam 7:11

75:3^c 2Sam 8:15; 23:3-4; Isa 24:19; Jer 4:23

75:4^d 1Sam 2:3; Sam 5:5; Zek 1:21

75:4^e ki: Hi tawkah “ki” hin caw ki in a cahnak a hmuhsak vekin thazangcahnak a hmuhsak.

75:5^f Job 15:5

75:7^g Sem 16:5; 1Sam 2:7; Job 5:11; Sam 50:6; Eze 21:26; Dan 2:21; Thu 18:8

75:8^h Thf 23:30; Isa 51:17; Jer 25:15; Zek 9:15

75:10ⁱ Sam 40:10; 89:17

76

Leitlun Pumpuluk Thuṭhentu Pathian

Hla Hruaitu Hrang. Neginoth thawi Sak Ding. David-ih Sam. Hla.

1 ^aJudah ram ah Pathian cu theih a si;
Israel ram ah a hmin a ropi.
2 ^bA puanthlam khal Salem ah a um ih,
A cēnnak hmun cu Zion ah a si.
3 ^cCu tawkah cun meialh thál fungpawl a khiak,
Ral donak ralphaw le ralnâm khal. Selah
4 ^dNang cu deh ding mi ramsa umnak tlangpawl hnakih
Ropi le ṭha hleice sawn na si.
5 ^eLungruhpawl cu lâksak an si;
Thithlepin an itthat;
Cule micakpawl pakhat hmanin an kut an hmang thei nawn lo.
6 ^fMaw Jakob-ih Pathian, na kawknak ruangin,
Rang lêng parih totupawl le rangpawl cu mithi ihthatin an itthat.
7 ^gNangmah rori hi ṭihzah ding mi cu na si;
Cule na thin a heng ceng asile,
Zo so na hmaika ah a dīng thei ding?
8 ^hNa thuṭhennak cu van ihsin hna ih theih dingin na tuah;
Leilung in a ṭih ih daiten a um,
9 ⁱLeilung parih palbĕt mipawl hmuahhmuah runsuak ding le thuṭhen dingih Pathian a thawh tikah. Selah
10 ^jMinung thinlingnak cun nangmah a lo thangṭhat tengteng ding;
A tāngsŭn thinlingnak thawn na hrengaw ding.
11 ^kJehovah na Pathian hnenah thutiampawl tuah awla, hlensuak aw;
Nannih a kiangkapih um mipawl nan zaten, ṭihzah tlak a si mi amah hnenah laksawngpawl pe uh.
12 Anih in uktupawlih thinlung a sattán ding;
Amah cu leitlun siangpahrangpawl in an ṭih.

76:1^a Sam 99:3

76:2^b Sem 14:18; 2Sam 5:7; Heb 7:1

76:3^c Sam 46:9; Eze 39:9

76:4^d Sam 36:9; Isa 63:1

76:5^e Lai 20:44; Sam 13:3; Mat 9:24

76:6^f Suah 15:4; Sam 50:1

76:7^g 1San 16:25; Ezr 9:15; Sam 2:5; Nah 1:6; Thu 6:17

76:8^h 1San 16:30

76:9ⁱ Sam 9:8; 72:4

76:10^j Suah 9:16; Rom 9:17

76:11^k Pui 22:18; 2San 32:23; Sam 50:14; Ths 5:4-5

77

Pathian Thil Ti Mak Pawl Ruahsalnak

Hla Hruaitu Hrang. ^aJeduthun Hrang. Asaf-ih Sam.

^a Jeduthun: Jeduthun hi temple ih hla hruaitupawl lakih pakhat David in khawm hruaitu dingih a hril mi a si (1San 16:41-42 zoh aw).

1 ^aKa aw in Pathian hnenah ka au.
Ka aw in Pathian hnenah;
Cule anih in a hna i tŭn.
2 ^bKa harsat nikhua ah Bawipa ka hawl;
Zan ah ka kut khám loin ka phar;
Ka nun in hnĕm ding a êl.
3 ^cPathian ka mangsuak ih, ka buai;
Ka phunzai ih, ka thinlung a cau. Selah
4 ^dKa mit tlâng pawl na kaimeng ringring;
Ka thinbuai tuk ruangah ka ṭawng thei lo.
5 ^eKhuahlan nipawl ka vun ruat,
Hlanlai kumpawl khal.
6 Zan ah hla ka mangsuak;
Ka thinlung ah ngunngaih zetin ka ngaihtuah,
Cule ka thinlung in taima zetin a hliakhlai.
7 ^fBawipa in in hnáwng kumkhua ding maw?
Duhsaknak a nei nawn lo ding maw?
8 ^gA lainat duhdawtnak teh a cem lan ta maw si?
A thutiamkam teh a pelh lan ta maw si?
9 ^hPathian in zangfahnak neih ding a hngilh zo maw si?
A thinhengin a zahngaihnak duhnungza a kharpit ṭheh zo maw si? Selah
10 ⁱCule kei in, “Himi hi ka ānhainak a si,
Cungnung Bik ih vawrh lam kut a thlĕngawknak hi,” tiah ka ti.
11 ^jJehovah-ih thil tipawl kha ka cîng ringring ding;
Thungaiten khuahlan ih mangbangza na tuah mipawl ka cîng ringring ding.
12 ^kNa thil tipawl zate par khalah ngunngaih zetin ka ngaihtuah ding,
Cule na tuah mipawl ka ngaihtuah ding.
13 ^lMaw Pathian, na lamzin cu hmun thianghlim ah a si;
Kan Pathian vek Pathian nasa cu zo so a si?
14 ^mNangmah cu mangbangzapawl tuahtu Pathian na si;
Miphunpawl lakah na cahnak na rak thăn.
15 ⁿNa bân thawn na mipawl na tlen zo,
Jakob le Joseph fapapawl. Selah
16 ^oMaw Pathian, tidaipawl in an lo hmu;
Tipi in an lo hmu, an thla a phâng;
Tipithuanthum thûk pawl khal an khūr.
17 ^pKhawdurpawl in ti an tawih;
Van in thawngvâng an thlahsuak;
Na thál fungpawl khal an tle zukzo.
18 ^qNa khawri aw cu phusîng ah a um;
Nimthlakaupawl in leilung an tlêt;
Leilung a khūr ih a hnîn.
19 ^rNa lamzin cu tifinriat ah a si,
Na zin cu tipi kaupi ah a si,
Cule na kenehpawl cu theih an si lo.
20 ^sNa mipawl cu
Mosi le Aaron ih kut hmangin rante rual vekin na hruai.

77:1^a 1Sp 8:52; Sam 3:4

77:2^b Sem 37:35; 2Sam 22:7; Job 11:13; Mat 2:18

77:3^c Suah 2:23; Sam 6:2; Jer 45:3

77:4^d Sam 39:2, 9

77:5^e Dnp 32:7; Sam 143:5; Ths 7:10

77:7^f 1San 28:9; Sam 85:1

77:8^g Sam 6:4; 2Pe 3:9

77:9^h Sam 25:6; Isa 49:15

77:10ⁱ Suah 15:6

77:11^j Neh 9:17

77:12^k Sem 24:63; Sam 143:5

77:13^l Suah 15:11

77:14^m Suah 3:20

77:15ⁿ Suah 6:6

77:16^o Suah 14:21, 28; Isa 50:2; Hab 3:8, 10

77:17^p Suah 9:23; Dnp 32:23; Lai 5:4

77:18^q Lai 5:4; 2Sam 22:13

77:19^r Suah 14:22; Job 9:8; Isa 51:10; Hab 3:15

77:20^s Suah 4:16; 13:21; Mip 33:1; Sam 78:52; Isa 63:11

78

Pathian Ṭhatnak le Israel Lungawi hna Thiamlonak

Asaf-ih Maskil.

1 ^aKa dān lamah nan hna thawng uh, Maw ka mipawl tla;
Ka kamsuakthupawl lamah nan hna tŭn uh.
2 ^bTahṭhimnak hmangin ka kâ ka ang ding;
Khuahlan laiih thupawlhpawl ka ṭawngsuak ding,
3 ^cKan pupápawl ih in rak sim cia mi le,
Kan hna ih a theih zo mi le kan thinlung khalih a theih zo mipawl an si.
4 ^dCuih thupawl cu an fātepawl hnen ihsin kan thup lo ding,
Jehovah thangṭhatnakpawl, a cahnak le mangbangza hnaṭuan a tuah mipawl cu,
A ra lai ding mi san minungpawl hnenah kan sim ding.
5 ^eZiangahtile Jakob hnenah theihpinak a rak dĭn hnget ih,
Israel hnenah dān a ruat,
Annih in cumi cu an falepawl hnenih an theihter thei nak dingah,
Kan pupápawl hnenah thu a rak pe,
6 ^fCutin a ra lai ding mi san minungpawl in an thei thei ding,
A suak lai ding mi nauhakpawl in,
Cule annih cu an tho ding ih, an falepawl hnenah cumi cu an sim ding,
7 ^gCutin annih in Pathian ah ruahsannak an nei thei ding ih,
Pathian thil tipawl hngilh loin,
A thupekpawl an thlun ding;
8 ^hLungruh le helhmang san,
Thinlung dikteih ret duh lo san le,
An thinlung khal Pathian hnenih rinum lo,
An pupápawl bangtuk an si lo ding.
9 ⁱEfraim tefapawl, ralthuam thuamaw le thálpawl kengtu cu,
Ral do ni ngaingai ah dungah an kirsal.
10 ^jAnnih in Pathian thukham an rak thlun lo;
Amai dān ih feh ding an rak êl.
11 ^kCule a thil tipawl an rak hngilh ih,
An hnenih a hmuh zo mi a mangbangzapawl khal.
12 ^lIzip ram sung, Zoan ram ah,
Pathian in nan pupápawl mithmuh ah mangbangza thilpawl a rak tuah.
13 ^mTifinriat a ṭhen ih, a fehtlăngter hai;
Cule tipi kha penkhawm mi vekin a dīngter.
14 ⁿSun cān khalah khawdur in a hruai hai ih,
Zanvar mei tleu in.
15 ^oRamṭhing ah lungpipawl a phelter ih,
An in ding tidai kha ti thûkpi vekin a tawrih tawrin a pek hai.
16 Lungpi sung ihsin tiva te pawl khal a suakter ih,
Tipi cu tiva pi vekin a luangter.
17 ^pAsinan amah dokalhin thil sual an rak tuah sinsin,
Ramṭhing ah Cungnung Bik dokalhin an hél.
18 ^qCule an thinlung in Pathian an rak hniksak,
An hiar mi rawl dilnak in.
19 ^rA si, Pathian dokalhin an ṭawng:
Annih in, “Ramṭhing ah hin Pathian in cabuai a timlam thei ding maw?
20 ^sNgai hnik, anih in lungpi a vuak,
Cutin tidai a khâwtsuak,
Cule tiva te pawl ah an luangliam.
Sang teh a pe thei ngai pei maw?
A mipawl hrangah sa teh a pe thei hai pei maw?” tiah an ti.
21 ^tCuruangah Jehovah in himi cu hna in a thei ih, a thin a so;
Cule Jakob parah mei a alhter ih,
Israel parah a thinhengnak khal a thleng.
22 ^uZiangruangahtile annih in Pathian an rak zum lo ih,
A runsuahnak an rinsan lo.
23 ^vCuti cing cun, tlun van khawdurpawl thu a pek ih,
Van sângkapawl a áwng,
24 ^wAn ei dingah an parah manna a surter ih,
Van ihsin sang a pek hai.
25 Minungpawl in vancungmipawlih rawl an ei;
Anih in an ei khawp tiang rawl a pe hai.
26 ^xVan ah nisuahnak lam thli a hrānter;
Cule a huham thawn thlang lam thli a hruai.
27 ^yAn parah sa kha leivut vekin a run surter,
Tifinriat vunnel vekin thla nei vate rori khal.
28 Cule cupawl cu an ṭanhmun khuarnak ah a tlakter hai,
An cēnnak kiangkap hmuahhmuah ah.
29 ^zCun an ei ih an khawp zet,
Anmai hiar mi a pe.
30 ^aaAn câkhiarnak di a riamngah hlan,
An kâ ih an rawl a um lai rori hmanah,
31 ^abPathian thinlingnak an tlunah a rak thleng ih,
Anmah lakih misek bik pawl a that hai ih,
Israel pacangṭha hrilpawl a duaiter hai.
32 Cuti cing khalin an sual lai hrih thotho,
Cule a mangbangza thil tipawl an zum lo.
33 ^acCuruangah anih in an dam sung nipawl cu zianghmanlo ah a canter ih,
An dam sung kumpawl cu ṭihphannak ah.
34 ^adAnmah a thah hai tikah, amah an rak hawl;
Cule an kirsal ih thungaithlakin Pathian an hawl.
35 ^aeCun Pathian kha an lungpi a si ti le,
Cungnung Bik Pathian kha anmah tlentu a si ti an mangsal.
36 ^afSikhalsehla amah cu an kâ in an fakder ih,
An lei in a hnenah thuphan an sim.
37 ^agZiangahtile amah parah an thinlung a hnget lo ih,
A thukham ah an rinum fawn lo.
38 ^ahAsinan anih cu lainatnak thawi khat a si vekin, an mawhsualnak a rak ngaidam ih,
Annih cu a siatsuah hai lo.
A si, vei tampi a thinhengnak a sūp ih,
A thinlingnak a thoter ṭheh lo.
39 ^aiZiangahtile anih in annihpawl cu titsa men an si,
A hloral mi thaw, a kirsal nawn lo mi men an si ti a cîng ringring.
40 ^ajRamṭhing ah amah cu vei ziang zat meng an căwktho ih,
Nelrawn ah vei ziang zat meng a thin an natter!
41 ^akA si, Pathian an hniksak leuhleuh ih,
Israel-ih Mi Thianghlim a riah an siatter.
42 ^alA huham an cîng nawn lo:
Ral kut ihsin anmah a tlen ni,
43 ^amIzip ram ih a rak tuah mi a hminsinnakpawl le,
Zoan ram ih a mangbangza tuah mipawl khal.
44 ^anAn tiva pi pawl le,
Tiva te pawl thisen ah a canter ih, an rak in thei lo.
45 ^aoAn lakah fikte burpipawl a thlah, cupawl in anmah an keu,
Anmah siatsuahtu butlakpawl tla.
46 ^apAn thlairawl kungpawl kharbawk a pe ih,
An ṭuanbăngnak rah cu khaukhuap a pe.
47 ^aqAn sabit hripawl rial in a siatsuah ih,
An sikamor kungpawl vur in.
48 ^arAn ṭilvapawl rial hnenah a pe ih,
An rante rualpawl ṭihnungza nimthlakau hnenah.
49 ^asA thinhengnak nasa zet,
A thinlingnak, a aithawknak le buainak pawl cu an parah a tlakter,
Mi siatsuahtu vancungmipawl an hnenih thlahnak in.
50 A thinhengnak hrangah zin a tuah;
An nunnak kha thihnak ihsin a zuah hai lo,
An nunnak kha hremnak ah a pek hai sawn.
51 ^atCule Izip ram ah fatir zaten a that ṭheh,
Ham-ih puanthlampawl sungih an cahnak rah hmaisabik pawl cu.
52 ^auAsinan amai minungpawl cu tuu rual vekin a fehsuakter ih,
Ramṭhing ah rante rual vekin a hruai hai.
53 ^avCule anih in annihpawl cu himdamten a hruai hai, cule an ning a ṭih lo;
Asinan an ralpawl sawn cu tifinriat in a cimpil ṭheh.
54 ^awCule a ramri thianghlim tiangin anmah cu a hruai hai,
A vawrh lam kut thawn a neh cia mi himi tlang tiangin.
55 ^axA hmaiah miphunpawl a dawisuak hai,
Ro ih an co ding rampawl cu tahin a zem hai,
Cule Israel hnámpawl kha anmai puanthlampawl sungah a cêngter.
56 Cuti cing cun Cungnung Bik Pathian cu an hniksak ih an hél,
Cule thutheihter mipawl an thlun lo.
57 ^ayDung lamah an kirsal ih an pupápawl vekin rinum loin an nung;
Annih cu mi bumhmang thál vekin an fehpêng.
58 ^azZiangahtile an hmun sâng pawl hmangin thinheng dingin amah an rak cawktho,
Cule an milem khercawppawl ruangah a thîksiatnak an thoter.
59 ^baPathian in himi a theih tikah, a thin a so ih,
Israel cu a fih tuk lawmmam.
60 ^bbCuruangah Shiloh Biakbûk cu a tansăn,
Minung lakih a ret mi puanthlam,
61 ^bcCule a cahnak kha ralkaih ah a pek ih,
A ropitnak kha ral kut ah.
62 ^bdA mipawl khal ralnâm ah a pek,
Cule ro ih a co mi parah a thin a so.
63 ^beAn minopawl meisa in a kangrál ih,
An falapawl in ṭhitawknak hla an nei lo.
64 ^bfAn puithiampawl ralnâm in an thi ih,
An nuhmeipawl in an ṭah lo.
65 ^bgCun Bawipa cu ihthahnak ihsi ṭhang mi vekin a tho,
Sabit zu ruangih ausuaktu micak pa vekin.
66 ^bhCule anih in a ralpawl a nehkirsal;
Kumkhaw hmuhsuamnak ah a ret hai.
67 ^biCuihtlunah Joseph-ih puanthlam a hnáwng ih,
Efriam hnám khal a hril lo.
68 ^bjJudah hnám,
A duhdawt mi Zion tlang a hril sawn.
69 ^bkCule a hmun thianghlim cu hmun sâng pawl vekin a sak,
Kumkhaw hrangih a dĭn mi leilung vekin.
70 ^blA siahhlawh David khal a hril ih,
Tuu hruang sung ihsin amah cu a lasuak;
71 ^bmTuu note pawl a kilkhawinak ihsin a hruaisuak,
A mi Jakob le,
A ro Israel khāl dingah.
72 ^bnCuti cun anmah cu felfainak thinlung zulhin a khāl hai,
Cule anmah cu a kut in thiam zetin a hruai hai.

78:1^a Isa 51:4; 55:3

78:2^b Sam 49:4; Mat 13:35

78:3^c Lai 6:13

78:4^d Dnp 11:19; 32:7; Job 15:18; Sam 26:7

78:5^e Sam 19:7; 147:19

78:6^f Sam 22:31

78:7^g Dnp 5:29; 6:12

78:8^h Suah 32:9; Dnp 21:18; 2San 30:7; Isa 30:9

78:9ⁱ Lai 20:39; 1San 12:2; Hos 7:16

78:10^j Jos 7:11; 2Sp 17:15; Jer 11:8; 32:23

78:11^k Sam 106:13

78:12^l Mip 13:22; Neh 9:17

78:13^m Suah 14:21-22

78:14ⁿ Suah 13:21

78:15^o Mip 20:11; 1Ko 10:4

78:17^p Dnp 9:22; Isa 30:1; 63:10; Heb 3:16

78:18^q Suah 15:24; 17:2; Mip 11:4; 1Ko 10:9

78:19^r Mip 21:5

78:20^s Mip 11:18; 20:11; Isa 35:6

78:21^t Mip 11:1

78:22^u Dnp 1:32; Heb 3:19

78:23^v Sem 7:11; 2Sp 7:2; Mal 3:10

78:24^w Suah 16:4; Joh 6:31

78:26^x Mip 11:31

78:27^y Suah 16:13

78:29^z Mip 11:20

78:30^aa Mip 11:33

78:31^ab Isa 10:16

78:33^ac Mip 14:29, 35

78:34^ad Dnp 4:29; Hos 5:15

78:35^ae Dnp 9:26; 32:4

78:36^af Eze 33:31

78:37^ag Apo 8:21

78:38^ah Suah 34:6; Job 9:13; Isa 30:18; 48:9

78:39^ai Sem 6:3; Job 7:7; Isa 29:5; Jam 4:14

78:40^aj Suah 23:21; Sam 95:8; Efe 4:30

78:41^ak Suah 17:2; Mip 14:22; 2Sp 19:22

78:42^al Lai 3:7; 8:34; Neh 9:17; Sam 106:10

78:43^am Suah 3:20; 10:1; Sam 105:27

78:44^an Suah 7:20; Sam 105:29

78:45^ao Suah 8:2, 6, 24; Sam 105:31

78:46^ap Suah 10:13-14; 1Sp 8:37; Nah 3:15

78:47^aq Suah 9:23; Sam 105:32; 147:17

78:48^ar Suah 9:25

78:49^as Sem 19:13; Suah 12:29-30; 15:7; Sam 78:50; 1Ko 10:10

78:51^at Suah 12:12, 29; Sam 105:36

78:52^au Suah 15:22; Job 21:11; Sam 28:9; 77:20

78:53^av Suah 14:19, 28; 15:7

78:54^aw Suah 15:17; Sam 44:3

78:55^ax Dnp 1:38; Jos 13:7; Sam 44:2; Apo 13:19

78:57^ay 2San 30:7; Eze 20:27

78:58^az Suah 20:4; Dnp 5:8; Lai 2:12

78:59^ba Pui 26:28, 30; Mip 32:14; Dnp 32:19

78:60^bb Jos 18:1; 1Sam 4:11; Eze 8:6

78:61^bc 1Sam 4:17; Sam 132:8

78:62^bd Dnp 28:25; 1Sam 4:10

78:63^be Mip 11:1; Jer 7:34; Ṭah 2:21

78:64^bf 1Sam 4:17

78:65^bg Sam 44:23; Isa 42:13

78:66^bh 1Sam 5:6

78:67^bi Jer 7:15; Hos 9:13

78:68^bj Suah 15:17; Mip 1:7

78:69^bk Sam 15:1

78:70^bl 1Sam 16:11

78:71^bm Sem 33:13; 37:2; Sam 28:9

78:72^bn Sem 17:1; 1Sp 9:4

79

Jerusalem hrangih Thlacamnak

Asaf-ih Sam.

1 ^aMaw Pathian, miphunpawl in ro ih na co mipawl an ra sîm;
Na temple thianghlim an bawrhbangter;
Jerusalem khal hnawm pen ah an tuah.
2 ^bNa siahhlawhpawlih ruangpawl kha
Vanih vatepawl rawl ah an pek,
Na mithiangpawlih sa cu lei ramsapawl an pek.
3 ^cJerusalem kimvel hmuahhmuah ah tidai vekin an thisen an thlebung ih,
Anmah phumtu ding zohman an um lo.
4 ^dKannih cu kan ramhnenpawl hnenah hmuhsuam mi ah kan cang,
Kan kiangkapih in kulhtupawl hnenah nautat le hnihsan kan si.
5 ^eZiangtik tiang so, Maw Jehovah?
Kan tlunah na thinheng kumkhua ding maw?
Na thîksiatnak meisa vekin a kāng ding maw?
6 ^fNangmah a lo thei lo tu miphunpawl parah le,
Na hmin ko lo tu lalrampawl parah na thinlingnak thlebung aw.
7 ^gZiangahtile Jakob an ei ṭheh ih,
A cēnnak hmun khal răm ko an tuah.
8 ^hAw, pupápawlih mawhsualnakpawl kan parah cîng ringring nawn hlah aw!
Na zahngainak duhnungza kha kanmah táwng dingah zamrangten ra seh,
Ziangahtile kannih cu niam zetih dirhtlak kan si.
9 ⁱIn bawm aw, Maw kan runsuahnak Pathian,
Na hmin sunlawinak dingah;
In runsuak aw, na hmin zarah kan sualpawl in ngaidam aw!
10 ^jZiangah so miphunpawl in,
“Khuiah so an Pathian cu?” tiah an ti ding.
Na siahhlawhpawlih thisen an suah zo mi hrangih thisen phuba lâknak cu,
Kan mithmuh ah miphunpawl lakah theihter si seh.
11 Thawngtla aihramnak cu na hmaiah thleng seh;
Na ^khuham a nasatdān zulhin,
Thi dingih relcat cia zo mipawl humhim aw.
12 ^lCule nangmah nautat ih an lo hmuhsuamnak kha,
Kan ramhnenpawl parah an ṭāng sungah a let sarih in kirtersal aw, Maw Bawipa.
13 ^mCule kannih na mipawl le na ran tlannak hmun ih tuupawl in,
Kumkhuain lungawi thu kan lo sim ding;
San hmuahhmuah hnenah nangmah thangṭhatnak kan langter ding.

79:1^a Suah 34:9; Pui 20:3; 2Sp 25:9; Neh 4:2; Sam 74:3; Isa 6:11

79:2^b Dnp 28:26; Jer 7:33; Thu 19:7, 18

79:3^c Jer 14:16; 25:33; Thu 11:9

79:4^d Sam 39:8; 44:13; Eze 5:14

79:5^e Dnp 29:20; Sam 74:1, 10; Zef 3:8

79:6^f Sam 14:4; 69:24; Jer 10:25; Thu 16:1

79:7^g Isa 9:12; Jer 10:25

79:8^h Dnp 28:43; Sam 106:6; 116:6; Jer 44:21

79:9ⁱ 2San 14:11; Sam 25:11; Jer 14:7

79:10^j Sam 42:3, 10; 94:1; Thu 6:10

79:11^k huham: A ṭawng hrampi ah, “bân” ti a si.

79:12^l Sem 4:15; Isa 65:6; Jer 32:18

79:13^m Sam 44:8; 74:1; Isa 43:21

80

Israel Tundīnsalnak hrang Thlacamnak

Hla Hruaitu Hrang. ^aEl-Shoshannim Eduth Hla Thlûk In. Asaf-ih Sam.

^a El-Shoshannim Eduth: “Thutheihternak Lily Parpawl” tinak a si.

1 ^aNa hna tŭn aw, Maw Israel tuu khāltu,
Nang rante rual vekih Joseph hruaitu;
Nang cherub-pawl tlunih um, êngsuak aw!
2 ^bEfraim, Benjamin le Manasseh pawl hmaiah
Na cahnak thoter aw,
Cule ra awla, i run aw.
3 ^cKan kel in sitersal aw, Maw Pathian;
Na mithmai êngter aw,
Cule runsuah kan si ding!
4 ^dMaw ralkap rualpawlih Pathian Jehovah,
Ziangtik tiang so na mipawlih thlacam dokalhin na thin a heng ding?
5 ^eAnmah cu mitthli rawl thawn na câwm hai ih,
Mitthli tam ngaingai na inter hai.
6 ^fNang in kan ramhnenpawl hrangih tawhawknak ah in tuah,
Cule kan ralpawl cu anmah lakah an hni.
7 Kan kel in sitersal aw, Maw ralkap rualpawlih Pathian;
Na mithmai êngter aw,
Cule runsuah kan si ding.
8 ^gIzip ram ihsin sabit hri na tlŭn;
Miphunpawl na dawisuak ih, sabit hri cu na phun.
9 A hrangah hmun na timlamsak ih,
A hram thûkpi ah na luhter,
Cule anih in ram a khuh ṭheh.
10 Tlangpawl cu a thlahlim in a khuh ih,
A hngeṭêkpawl in sidar thing tumpi pawl a khuh.
11 ^hA hngeṭêkpawl tifinriat tiang a thleng ih,
A hngepawl Zufraṭis tiva tiang an thleng.
12 ⁱA kiang zin ih a fehtu zate ih a rah lawh thei dingah,
Ziangah so a kulhnak hruang na băl ṭheh?
13 ^jThing rulpi sung ngal in a siatsuah ih,
Ramsapawl in an ei.
14 ^kKan lo dil a si, ra kirsal aw, Maw ralkap rualpawlih Pathian;
Van ihsin run thlir awla, zoh aw,
Cule himi sabit hri hi kilkhawi aw,
15 Na vawrh lam kut ih na rak phŭn mi sabit hmuan le,
Nangmah hrangih cak ko na tuah mi a hngeṭêk cu.
16 ^lCumi cu meisa ih ur a si ih, hauthluk a si;
Cupawl cu na mithmai thawn na kawknak in an hloral.
17 ^mNa vawrh lam kut a si mi pa parah na kut ret aw,
Nangmah hrangih cak ko na rak tuah mi pa, minung fapa parah cun.
18 ⁿCun na hnen ihsin kan kirsal lo ding;
In ṭhangphawksal aw, cule na hmin kan ko ding.
19 Kan kel in sitersal aw, Maw ralkap rualpawlih Pathian Jehovah;
Na mithmai êngter aw,
Cule runsuah kan si ding!

80:1^a Suah 25:22; Sam 77:15, 20

80:2^b Mip 2:18-24; Sam 35:23; 54:1

80:3^c Mip 6:25; Sam 71:20; 80:7; Ṭah 5:21

80:4^d Dnp 29:20; Sam 74:10; 79:5

80:5^e Job 3:24; Sam 42:3; Isa 30:20

80:6^f Sam 79:4

80:8^g Suah 15:17; 23:28-30; Jos 13:6; Isa 5:1-2; Jer 2:21; Apo 7:45

80:11^h Sam 72:8

80:12ⁱ Sam 89:40; Isa 5:5; Jer 39:8

80:13^j Jer 5:6

80:14^k Dnp 26:15; Sam 102:19

80:16^l Dnp 28:20; Sam 74:8

80:17^m Job 25:6

80:18ⁿ Sam 85:6; Isa 57:15; Hos 6:2

81

Israel Lungruhpawl hnenih Pathian Kawhnak

Hla Hruaitu Hrang. Gittith Thawn. Asaf-ih Sam.

1 ^aKan cahnak Pathian hnenah ringpin hlasak uh;
Jakob-ih Pathian hnenah aipuangin au uh.
2 ^bHla thawk uhla, khuangte tum uh,
Ṭingṭang ngai nuam zet le cawngcing khal.
3 ^cThla Thar cān ah tuu pa ki phaw uh,
Thla thul cān, kan puai ni ah.
4 Ziangahtile himi hi Israel hrangah sakhaw dān a si,
Jakob-ih Pathian-ih zīn le dān a si.
5 ^dIzip ram sung a hrawhsuak laiah,
Joseph ah himi hi thutheihternak vekin a dĭn hnget,
Ka theihthiam lo mi ṭawng hna in ka thei.
6 ^e“A liang cu phurrit ihsin ka ṭhawn;
A kutpawl khal khopawl ihsin zalenter an si.
7 ^fBuai cān ah na ko ih, ka lo runsuak;
Khawri-ih hmun thup sung ihsin ka lo sawn;
Meribah tidai ah ka lo hniksak. Selah
8 ^g“Ngai hnik uh, Maw ka mipawl, nun ka lo zirh hai ding!
Maw Israel, i ngaithla ding asile!
9 ^hNan lakah ram dang pathian a um lo pei;
Ram dang pathian ziangkhal na be fawn lo pei.
10 ⁱKei cu Jehovah na Pathian ka si,
Izip ram ihsin a lo hruaisuaktu;
Na kâ kau pin ang aw, cule ka khatter ding.
11 ^j“Asinan ka mipawl cun ka aw an ngaithla lo,
Cule Israel cu ka hnenah a tlulut lo.
12 ^kAnmai thurawn peknak ih feh dingin,
Annih cu a ruh mi anmai thinlung ah ka ap hai.
13 ^lKa mipawl in keimah in ngaithla in,
Israel in ka lamzinpawl ah feh sehla cu maw!
14 ^mAn ralpawl ka duaiter lohli ding ih,
Anmah dotupawl parah ka kut ka thlah ding nân.
15 ⁿJehovah huatupawl cu a hnenih tlulut vekin an umawter,
Asinan an vanduainak cun kumkhua a daih ding.
16 ^oSangvut ṭhabik thaw khalin a rak câwm hai ding nân;
Cule lungpi ihsi khuai tizu thawn ka lo diriamter zo ding.”

81:1^a Sam 66:1; 95:2

81:2^b Suah 15:20; Job 21:12; Sam 92:3

81:3^c Pui 23:24; Mip 10:10; Neh 10:33

81:5^d Suah 11:4; Sam 114:1

81:6^e Suah 1:14; Isa 9:4

81:7^f Suah 2:23; 17:7; 19:19; Dnp 33:8

81:8^g Sam 50:7

81:9^h Suah 20:3; Dnp 5:7

81:10ⁱ Suah 6:6; Sam 107:9; Eze 2:8

81:11^j Suah 32:1-6

81:12^k Eze 20:25; Apo 7:42; Rom 1:24

81:13^l Dnp 5:29; Sam 81:8

81:14^m Sam 47:3; Amo 1:8

81:15ⁿ Rom 1:30

81:16^o Dnp 32:14; Sam 147:14

82

Dik zetih Thuṭhen dingih Ngĕnnak

Asaf-ih Sam.

1 ^aPathian cu mipi umkhawm tampi lakah a ding;
Amah in pathianpawl lakah thu a ṭhen.
2 ^bZiangtik tiang so maw dik lo zetih thuṭhenin,
Misualrálpawl na duhsak ding? Selah.
3 ^cMifarahpawl le pa nei lo pawl hum uh;
Mizawnzaipawl le mitlasampawl parah diknak tuah uh.
4 Mifarahpawl le mitlasampawl runsuak uh;
Misualrálpawl kut ihsin luatter uh.
5 ^dAnnih cun an thei lo ih, an theithiam fawn lo;
Thim lakah an tawivâk rero men;
Leilung ṭohrampawl zaten an hnîn.
6 ^eKei cun, “Nannih cu pathianpawl nan si ih,
Nan zaten Cungnung Bik ih falepawl nan si.
7 ^fAsinan minungpawl vekin nan thi ding ih,
Ram uktupawl lakih mi pakhat vekin nan tlu ding,” tiah ka ti.
8 ^gTho aw, Maw Pathian, leilung hi thuṭhen aw;
Ziangahtile nang in ro ah miphunpawl zaten na co ding a si.

82:1^a Job 21:22; Sam 7:8; Isa 3:13; Joe 3:12

82:2^b Dnp 1:17; Sam 58:1-2; Thf 18:5

82:3^c Dnp 24:17; Sam 140:12; Jer 5:28

82:5^d Lai 5:4; Job 30:26; Sam 14:4; Isa 5:30; Jer 13:16; Ṭah 3:2

82:6^e Sam 82:1; Joh 10:34

82:7^f Sam 49:12; Eze 31:14

82:8^g Sam 2:8; 12:5; 76:9

83

Israel Doralpawl Thuṭhen dingih Thlacamnak

Hla. Asaf-ih Sam.

1 ^aDaiten um hlah aw, Maw Pathian!
Um menmen hlah awla,
Daiten um hlah, Maw Pathian!
2 ^bZiangahtile ngai hnik, na ralpawl in hnaihnawhnak an tuah;
A lo huatupawl khal an lu an tung.
3 ^cNa mipawl dokalhin hrăwkhrawl zetin khua an khâng ih,
Na hum mipawl dokalhin thu an ruatkhawm.
4 ^dAnnih in, “Israel hmin cīn a si nawn lo nak dingah,
Ra uhla, anmah cu an miphun pumpi in cimitter uhsi,” tiah an ti.
5 ^eZiangahtile lungkhat tein thu an ruatkhawm;
Nangmah dokalhin thukham an tuah.
6 ^fEdom le Ishmael-mipawlih puanthlampawl;
Moab le Hagar-mipawl;
7 ^gGebal, Ammon le Amalek;
Filisṭia le Ṭaiar ih cêngpawl in;
8 ^hAssiria khal in anmah a kăwp;
Lot tefapawl an rak bawm. Selah
9 ⁱAnmahpawl parah Midian-pawl parih na tuah vek,
Kishon tiva te ih Sisera le
Jabin parih na tuah vekin tuah aw,
10 ^jEn Dor ih hloral,
Leilung êk ih a cangtupawl vekin.
11 ^kAn mizahumpawl kha Oreb le Zeeb pawl vekin tuah hai aw,
A si, an ram uktupawl zaten Zebah le Zalmunna vekin,
12 ^lAnnih cun, “Pathian-ih ran tlannak hmunpawl hi
Kanmah hrangah la uhsi,” tiah an ti.
13 ^mMaw ka Pathian anmahpawl hi phusîng ih herh mi leivut vek,
Thli ih sĕm mi fāng hi vek siter hai aw.
14 ⁿMeisa in ramlak a kăng vekin le,
Meialh in tlangpawl a kăng vekin,
15 ^oAnmah cu na thli sia thawn dawi hai awla,
Na thlipi thawn ṭhihṭhaih hai aw.
16 ^pNa hmin an hawl thei nak dingah, Maw Jehovah,
An hmaipawl ningzahnak thawn khatter aw.
17 ^qKumkhuain mangbang le thlaphângin um hai seh.
A si, ningzakin um hai sehla, hloralcih hai seh,
18 ^rCutin leitlun hmuahhmuah ah Jehovah hmin pu nangmah lawng hi Cungnung Bik na si ti an thei ding.

83:1^a Sam 28:1; 35:2

83:2^b Lai 8:28; Isa 17:12

83:3^c Sam 17:14; Isa 29:15

83:4^d Est 3:6; Jer 11:19; 48:2

83:5^e Sam 2:2

83:6^f Sem 25:16; Isa 34:5; Jer 49:7; Amo 1:11

83:7^g Sem 19:38; Jos 13:5; 2San 20:10; Eze 27:3, 9

83:8^h Sem 10:11; Dnp 2:9

83:9ⁱ Sem 25:2; Lai 4:23-24

83:10^j Isa 5:25; Jer 8:2; Zef 1:17

83:11^k Lai 7:25; 8:5

83:12^l 2San 20:11; Eze 35:10

83:13^m Job 21:18; Isa 17:13

83:14ⁿ Dnp 32:22; Isa 9:18

83:15^o Job 9:17; Sam 58:9

83:16^p Sam 34:5

83:17^q Sam 35:4; 70:2

83:18^r Job 34:29; Isa 45:21

84

Temple ih Pathian Biak Aipuannak

Hla Hruaitu Hrang. Gittith Thawn. Korah Fapapawlih Sam.

1 ^aNa biakbûkpawl cu ziang tluk duhnung so a si,
Maw ralkap rualpawlih Jehovah!
2 ^bKa nunnak in Jehovah sumtualrawnpawl a ngai,
A si, cauh phah tiangin;
Ka thinlung le ka titsa khal in a nung mi Pathian an ko.
3 ^cKa Siangpahrang le ka Pathian,
Maw ralkap rualpawlih Jehovah,
Sunṭam hmanin na biakṭhengpawl ah inn a hmungah ih,
Peleng in a fa no retnak ding hrangah bu a sak.
4 Na inn sungih umpawl cu mithlawsuak an si;
Nangmah an lo thangṭhat camcin ding. Selah
5 ^dA cahnak nangmah ih a hmutu,
A thinlung zalampi ngaitu milai cu mithlawsuak a si.
6 ^efBaka phaikuam an zawh tikah,
Cuih hmun cu tihna pût ah an tuah.
Ruahti khal in cuih hmun cu tili in a khuh.
7 ^gCahnak ihsin cahsinnak ah an feh;
Zion ah Pathian hmaiah pakhat cio in an va lang ṭheh.
8 ^hMaw ralkap rualpawlih Pathian Jehovah, ka thlacamnak hi ngai aw;
Maw Jakob-ih Pathian, na hna tŭn aw! Selah
9 ⁱMaw Pathian, kan ralphaw hi zoh hnik,
Cule na hriak thih mi paih mithmai hi zoh hnik aw.
10 ^jNa sumtualrawnpawl ih ni khat sung um hi hmun dangih ni 1000 um hnakin a ṭhasawn.
Ka Pathian inn sângka kiltu ih um hi
Misualrálpawl puanthlam ih cēn hnakin ka duh sawn.
11 ^kZiangahtile Jehovah Pathian cu ni le ralphaw a si;
Jehovah in zangfahnak le ropitnak a pe;
Dĭng teih a nungtupawl hnen ihsin
Thil ṭha zianghman a sûp lo ding.
12 ^lMaw ralkap rualpawlih Jehovah,
Nangmah a lo rinsantu milai cu mithlawsuak a si!

84:1^a Sam 43:3

84:2^b Jos 3:10; Job 19:27; Sam 42:2

84:3^c Sam 2:6; 5:2; 43:4; Jer 44:11

84:5^d Sam 81:1; Jer 31:6

84:6^e Job 38:26; Sam 107:35; Joe 2:23

84:6^f Baka: Hebru ṭawng ih “ṭap” ti simaw, balsan thingkung simaw a sawhkhih thei.

84:7^g Dnp 16:16; 1Sp 8:1; Job 17:9; Isa 40:31

84:8^h Sam 4:1; 59:5

84:9ⁱ 1Sam 16:6; Sam 59:11

84:10^j 1San 23:5; Sam 27:4

84:11^k Sem 15:1; Sam 34:10; Isa 60:19; Thu 21:23

84:12^l Sam 2:12

85

Ṭhangphawknak hrang Thlacamnak

Hla Hruaitu Hrang. Korah Fapapawlih Sam.

1 ^aMaw Jehovah, na ram parah duhsaknak na nei;
Jakob cu vanneihnak na pekirsal.
2 ^bNa mipawlih mawhsualnak na ngaithiam;
An sual hmuahhmuah na khuhsak ṭheh. Selah
3 ^cNa thinlingnak zaten na lahlo ṭheh;
Na thinhengnak nasa zet ihsin na herkirsal.
4 ^dMaw kan runsuahnak Pathian, kan kel in sitersal awla,
Kan parih na thinhengnak kha cemter aw.
5 ^eKumkhuain maw kan parah na thin a heng ding?
Na thinhengnak cu san hmuahhmuah tiang na awhter ding maw?
6 ^fNa mipawl na parih lungawi aipuangih an um thei nak dingah,
In ṭhangphawksal lo ding maw?
7 ^gNa lainat duhdawtnak in hmuh aw, Maw Jehovah,
Na runsuahnak in pe aw.
8 ^hJehovah Pathian in ziang a sim ding ti ka ngai ding,
Ziangahtile a mipawl le a mithiangpawl hnenah
Daihnak thu a sim ding;
Asinan atnak lamah cun kirsal hlah hai seh.
9 ⁱRopitnak kan ram ih a cēn thei nak dingah,
Thungaiten a runsuahnak cu amah ṭihtupawl hnenah a nai a si.
10 ^jLainat duhdawtnak le thutak hmunkhat ah an táwngaw;
Dingfelnak le remdaihnak an hnamaw.
11 ^kLeilung ihsin thutak a pûtsuak ding ih,
Dingfelnak in van ihsin a run zoh ding.
12 ^lA si, Jehovah in thil ṭha a pe ding;
Cule kan ram khal in a rah a suah ding.
13 A hmaiah dingfelnak a feh ding ih,
A kenehpawl kha kan zin ah a tuah ding.

85:1^a Dnp 30:3; Jer 30:18; Eze 39:25

85:2^b Suah 32:30; Mip 14:19; 1Sp 8:34

85:3^c Suah 32:12; Dnp 13:7; Sam 106:23; Dan 9:16; Jon 3:9

85:4^d Sam 65:5; 71:20

85:5^e Sam 50:1; 74:1

85:6^f Sam 80:18; Fil 3:1

85:7^g Sam 6:4; 27:1; 106:4

85:8^h Pui 26:6; Sam 29:11; Thf 26:11; Isa 60:17; Joh 14:27; 2Th 3:16

85:9ⁱ Sam 84:11; Isa 46:13; 60:19; Hag 2:7, 9; Zek 2:5; Joh 1:14

85:10^j Sam 72:2-3; Thf 3:3; Isa 32:17

85:11^k Isa 45:8

85:12^l Pui 26:4; Sam 84:11; Zek 8:12; Jam 1:17

86

Băwm Dilnak

David-ih Thlacam

1 ^aNa hna i run tŭn aw, Maw Jehovah, i ngaithla aw;
Ziangahtile kei cu mifarah le mitlasam ka si.
2 ^bKa nunnak humhim aw, ziangahtile kei cu ka thianghlim;
Nang cu ka Pathian na si;
Nangmah a lo rinsantu na siahhlawh cu run aw.
3 ^cKa parah zahngai hram aw, Maw Bawipa,
Ziangahtile sunnihlawhin na hnenah ka au.
4 ^dNa siahhlawh nunnak hi lungawi aipuangin umter aw,
Ziangahtile, Maw Bawipa, ka nunnak ka cawiso a si.
5 ^eZiangahtile Bawipa, nang cu na ṭha ih ngaithiam dingah na tiar ringring,
Cule nangmah a lo kotupawl zate hnenah lainat duhdawtnak luangliamin na nei.
6 ^fMaw Jehovah, ka thlacamnak lamah na hna tŭn hram awla,
Ka dilnak aw lamah na hna thawng aw.
7 ^gKa harsat nikhua ah ka lo ko ding,
Ziangahtile nang cun i sawn ding.
8 ^hMaw Bawipa, pathianpawl lakah nangmah bang an um lo,
Na tuah mipawl bangtuk zianghman an um lo.
9 ⁱMaw Bawipa, na semsuah mi miphunpawl zaten an ra ding ih,
Na hmaika ah an lo be ding,
Cule na hmin an cawimawi ding.
10 ^jZiangahtile nang cu na nasa ih, mangbangza thilpawl na tuah;
Nangmah lawng hi Pathian na si.
11 ^kNa lamzin i zirh aw, Maw Jehovah;
Na thutak ah ka feh ding;
Na hmin ṭihzahnak dingah thinlung phir lo in pe aw.
12 ^lKa lo thangṭhat ding, ka thinlung zaten, Maw Bawipa ka Pathian,
Cule na hmin cu a kumkhuain ka cawimawi ding.
13 ^mZiangahtile ka parih na lainat duhdawtnak hi a nasa tuk,
Nang cun ka nunnak hi Sheol thûk tak ihsin i runsuak.
14 ⁿMaw Pathian, keimah doin mipuarthaupawl an tho ih,
Minunrâwng umkhawm in ka nunnak an hawl,
Nangmah an lo ngaihsak lo.
15 ^oAsinan Maw Bawipa, nang cu lainatnak le zangfahnak ih khat,
Thinsaunak le lainat duhdawtnak le thutak thawi khatliam Pathian na si.
16 ^pKa hnenah kirsalin ka parah zahngai hramaw maw!
Na siahhlawh hnenah na cahnak pe awla,
Na siahhlawh nuih fapa hi run aw.
17 ^qNa ṭhatzia hminsinnak i hmuh aw,
Cule i huatupawl in cumi cu an hmu ding ih an ning a zak ding,
Ziangruangahtile, nang, Jehovah in i bawm ih i hnem.

86:1^a Sam 17:6

86:2^b Sam 25:2

86:3^c Sam 4:1; 88:9

86:4^d Sam 25:1

86:5^e Suah 34:6; Neh 9:17; Joe 2:13

86:6^f Sam 5:2; 55:1

86:7^g Sam 3:4; 50:15; Isa 30:19; Hab 3:16; Zek 13:9

86:8^h Suah 8:10; Job 21:22; Sam 18:31

86:9ⁱ Isa 19:21; 43:7; Zek 8:20-22; Thu 15:4

86:10^j Dnp 6:4; 2Sam 7:22; Isa 43:10; Mar 12:29; 1Ko 8:4

86:11^k Suah 33:13; Dnp 6:24; Sam 25:5; Jer 32:39; Eze 11:19

86:12^l Sam 9:1

86:13^m Sam 16:10

86:14ⁿ Sam 54:3

86:15^o Suah 34:6; Mip 14:18; Neh 9:17; Joe 2:13

86:16^p Sam 6:4; 9:13; 18:1; 116:16

86:17^q Suah 3:2; Lai 6:17; Mat 24:3; Joh 2:11

87

Zion ih Cēn Năwmnak

Korah Fapapawlih Sam. Hla.

1 ^aA ṭohram cu tlang thianghlim pawl ah a si.
2 ^bJakob cēnnakpawl zate hnakin,
Jehovah in Zion kăwtkapawl kha a duhdawt.
3 ^cMaw Pathian khawpi,
Na ropitnak thuhla an rel! Selah
4 ^d“Keimah i theitupawl hnenah ^eRahab le Babilon thuhla ka sim hai ding;
Ngai hnik, Maw Filisṭia le Ṭaiar, Kush thawn:
‘Hi pa hi khi tawkah a suak,’ ” tiin.
5 Cule Zion thuhla cu,
“Hi pa le khi pa cu amah nuih sung ihsi suak an si;
Cule Cungnung Bik amah rori in cu nu cu a dĭn hnget ding,” tiih sim a si ding.
6 ^fAnih in miphunpawl hmin cazin a tuah tikah,
Jehovah in,
“Hi pa cu khi tawkah a suak,” tiah a khum ding. Selah
7 ^gHlasaktupawl le awnmawi hmanrua tumtupawl cun,
“Ka tihna zaten nangmah ah a um,” tiah an ti ding.

87:1^a Sam 48:1

87:2^b Sam 2:6

87:3^c Sam 46:4

87:4^d Job 9:13; Sam 45:12; Isa 19:25; Joe 3:4

87:4^e Rahab: “Tluangkhâwng” tinak a si. Curuangah Bible hla thu ah cun Izip hi Rahab tiih kawh a si.

87:6^f Sam 69:28; Isa 4:3; Mal 3:16

87:7^g Sam 36:9; 149:3

88

Băwmnak hrang Thlacam

Hla. Korah Fapapawlih Sam. Hla hruaitu hrang. ^aMahalath hla thlûk zulhin. Ezrah-mi Heman-ih Maskil.

^a Mahalath: 53:0 simfiangnak zoh aw.

1 ^aMaw Jehovah, ka runsuahnak Pathian,
Na hmaiah sun le zanin ka au.
2 Ka thlacam hi na hmaiah thleng seh,
Ka aunak lamah na hna thawng aw.
3 ^bZiangahtile ka thinlung hi harsatnak in a khat ih,
Ka nun in Sheol lam a naih.
4 ^cKhur lamih a fehthlatupawl zawngih siarcih ka si;
Cahnak nei lo pa vek ka si.
5 ^dMithipawl lakih tān tâk,
Na cīn hai nawn lo mi,
Na kut ihsin sahtan mi,
Thlān sungih mithipawl vek ka si.
6 ^eNang in khur tawdĕng bik ah i ret,
Thim lakah, hmun thûk ah.
7 ^fNa thinlingnak in ka parah rit zetin i nĕn,
Cule na tisuarpawl hmuahhmuah in i zawnzaiter.
8 ^gKa hawipipawl kha ka hnen ihsin hlatpi ah na ret;
An hrangih fihnungza ah i tuah;
Kei cu kharkhumbĕt ka si ih, ka suak thei lo.
9 ^hZăwnzaihnak ruangah ka mit a rau.
Maw Jehovah, ni tin nangmah ka lo ko;
Na hnenah ka kut ka phar.
10 ⁱMithipawl hrangah mangbangza na tuah ding maw?
Mithipawl thosal in an lo thangṭhat ding maw? Selah
11 ^jNa lainat duhdawtnak cu Sheol ah thăn a si ding maw?
Asilole na rinumnak cu ^kAbaddon ah?
12 Na mangbangzapawl cu thim lakah theihter a si ding maw?
Na dingfelnak cu hngilhnak ram ah?
13 ^lAsinan na hnenah kei cu ka ausuak, Maw Jehovah,
Zing lamah ka thlacam na hnen a thleng.
14 ^mMaw Jehovah, ziangah so ka nunnak na hnawn?
Ziangah so ka hnen ihsin na hmai na thup?
15 ⁿKa no lai ihsin zăwnzaihter ka si ih, thi zikte tein ka um;
Na ṭihnunnakpawl ka tuar;
Vansang ka lam.
16 ^oNa thinling sosa in in khuh ṭheh;
Na ṭihnunnakpawl in ṭawng thei lo ko in tuah.
17 ^pCupawl cun sunnivu tidai vekin in kulh;
In kulhbĕttlang.
18 ^qIn duhdawttu le rualpi cu ka hnen ihsin a hlatnak ah na ret ih,
Ka hawipipawl khal thim sungah.

88:1^a Sam 3:4; 51:14; Luk 18:7

88:3^b Job 33:22; Sam 6:3

88:4^c Sam 28:1; 143:7

88:5^d Sam 31:22; Isa 53:8

88:6^e Sam 30:1; 86:13; Ṭah 3:55

88:7^f Sam 7:11; 42:7

88:8^g Job 19:13; 30:10; Jer 32:2

88:9^h Job 11:13; Sam 5:2; 22:2; 38:10

88:10ⁱ Sam 6:5

88:11^j Sam 30:9

88:11^k Abaddon: Siatnak tinak a si.

88:13^l Sam 5:3; 30:2; 119:147

88:14^m Sam 13:1; 43:2

88:15ⁿ Job 6:4; Sam 129:1; Jer 22:21; Eze 16:22; Hos 2:15; 2Ko 4:8

88:16^o 2San 28:11; Job 6:4; Sam 7:11; Ṭah 3:54

88:17^p Sam 124:4

88:18^q Job 19:13; Sam 38:11; 88:8

89

David hnenih Pathian Thukham

Ezrah-mi Ethan-ih Maskil.

1 ^aJehovah-ih lainat duhdawtnakpawl cu kumkhuain hla in ka sak ding;
Ka kâ in na rinumnak cu san hmuahhmuah hnenah ka theihter ding.
2 ^bZiangahtile kei in, “Lainat duhdawtnak cu kumkhuain tundīn a si ding,
Na rinumnak cu van ah na dĭn hnget ding,” tiah ka ti.
3 “Ka hril mi thawn thukham ka tuah,
Ka siahhlawh David hnenah sia ka săm ih,
4 ^c‘Na cithlah ka dĭn hnget kumkhua ding ih,
Na laltokham khal san hmuahhmuah tiangin ka tungding ding,’ ” tiah na ti. Selah
5 ^dCule van in na mangbangzapawl an thangṭhat ding, Maw Jehovah;
Na rinumnak khal mithiangpawl punkhawmnak ah.
6 ^eZiangahtile van ah khin Jehovah thawi khaikhin theih zo so um?
Micakpawlih fapapawl lakah teh Jehovah thawi tahṭhim theih zo so um?
7 ^fPathian cu mithiangpawl punkhawmnak ah nasa zetih ṭihzah ding a si,
Cule a kiangkapih um mi hmuahhmuah khalih upat ding a si.
8 ^gMaw ralkap rualpawlih Pathian Jehovah,
Nangmah vekih micak zo so um, Maw Jehovah?
Na rinumnak khal in nangmah a lo kulh a si.
9 ^hNang in tifinriat solet na uk;
A tisuarpawl an thawh tikah, dai ko na tuah hai.
10 ⁱThah mi vekin ^jRahab kha na siatter ṭheh;
Na ralpawl kha a cak mi na bān in na ṭhekdarh ṭheh.
11 ^kVan khi na ta an si, leilung khal hi na ta a si;
Leilung le a sungih um hmuahhmuah, na rak dĭn mipawl.
12 ^lSak lam le thlang lam, cupawl khal na sersiam mi an si;
Tabor le Hermon khal na hmin ah lungawi aipuangin an um.
13 ^mNang in a cak mi bân na nei;
Na kut cu a cak ih, na vawrh lam kut cu khaisan a si.
14 ⁿDingfelnak le diknak cu na laltokham ṭohram an si;
Lainat duhdawtnak le thutak cu na hmaiah an feh.
15 ^oAipuanumza thawmvâng theitu minungpawl cu mithlawsuak an si!
Annih cu, Maw Jehovah, na mithmai tleu ah an feh.
16 ^pNa hmin ah sunnihlawh lungawi aipuangin an um ih,
Na dingfelnak in khaisan an si.
17 ^qZiangahtile nang cu an thazang ropitnak na si ih,
Nangmai duhsaknak ah kan ki khaisan a si.
18 ^rZiangahtile kan ralphaw cu Jehovah-ih ta a si ih,
Kan siangpahrang khal Israel-ih Mi Thianghlim ta a si.
19 Cun na Mi Thianghlim hnenah larawknak in thu na sim ih,
“Micak pa hnenah băwmnak ka pek;
Mipi lak ihsin hril mi pakhat ka khaisâng.
20 ^sKa siahhlawh David ka hmu zo;
Ka hriak thianghlim thawn amah hriak ka thih.
21 ^tKa kut in amah a dĭn hnget ding;
Ka bân khal in amah a cakter ding.
22 ^uRal in amah an bum linglet lo ding ih,
Sualralnak fapa khal in a zawnzaiter lo ding.
23 ^vA hmaiah amah dotupawl ka vawthlu hai ding ih,
Amah huatupawl ka hrem ding.
24 ^wKa rinumnak le ka lainat duhdawtnak cu a hnenah an um ding,
Cule ka hmin in a ki khaisan a si ding.
25 ^xCuihtlunah a kut kha tifinriat tlunah ka ret ding ih,
A vawrh lam kut kha tiva pi pawl tlunah.
26 ^yKa hnenah, ‘Nang cu ka Pa,
Ka Pathian le ka runsuahnak lungpi na si,’ tiah a au ding.
27 ^zCuihhleiah amah cu ka fatir ah ka tuah ding,
Leilung siangpahrangpawl lakih a sangbik ah ka tuah ding.
28 ^aaKa lainat duhdawtnak kha a hrangah ka ret kumkhua ding ih,
Ka thukham cu a hrangah a hnget ding.
29 A cithlah khal kumkhuain ka hmunter ding ih,
A siangpahrang tokham khal van um sung hmuah in.
30 A fapapawl in ka dān thlauthla in,
Ka zīn le dān ih an feh lo a si ahcun,
31 Ka sakhaw dānpawl pahbăl in,
Ka thupekpawl an thlun lo a si ahcun,
32 ^abAn dān pahbălnak kha fung in cawhkuan ka pe ding ih,
An mawhsualnak kha vuaknakpawl in.
33 ^acSikhalsehla ka lainat duhdawtnak cu a hnen ihsin cem ko ka la lo ding ih,
Ka rinumnak khal ka tlawlhter lo ding.
34 ^adKa thukham ka pahbăl lo ding ih,
Ka hmur ihsi a suak mi kamsuakthu khal ka tidanglam lo ding.
35 Vei khat ka thianhlimnak sālin sia ka săm;
David hnenah thuphan ka per lo ding.
36 A cithlah ka hmunter kumkhua ding ih,
A laltokham khal ka hmaiih ni vek a si fawn ding.
37 ^aeThlapi bangtukin dĭn hngeh kumkhua a si ding,
Van ih thutheihpitu rinum vekin,” tiah na ti. Selah
38 ^afAsinan nang in na hlăwn ih na hnáwng,
Na hriak thih mi parah na thin a so.
39 ^agNa siahhlawh thukham na rak hnáwng;
A lallukhum kha lei parih hlăwnnak in na bawrhbangter.
40 ^ahA hruangpawl zaten na bălsiat ṭheh;
A ral hruangkulhpawl na siat ṭheh.
41 ^aiA kiangih fehtupawl zate in amah cu an răm;
Amah cu a innhnenpawl lakah hmuhsuam mi ah a cang.
42 ^ajAmah dodaltupawlih vawrh lam kut na khaisâng;
A ralpawl zaten aipuangin na tuah.
43 ^akCuihtlunah dung lamah a ralnâm hriam na kirter ih,
Ral donak ah amah na bawm lo.
44 A ropitnak na cemter ih,
A laltokham kha leilung ah na hlăwn.
45 ^alA no lai cān na tawiter;
Amah cu ningzahnak in na tuam. Selah
46 ^amZiangtik tiang so, Maw Jehovah?
Kumkhuain na thupaw ringring ding maw?
Na thinlingnak cu meisa vekin a kāng ding maw?
47 ^anKa nunnak hi ziang tluk tawi a si ti kha cîng ringring aw;
Ziangahtile minung fātepawl hi ziang tluk santlailoin na sersiam?
48 ^aoZiangtin minung cu thihnak hmu loin a nung thei ding?
A nunnak cu Sheol huham ihsin a runsuak thei ding maw? Selah
49 Bawipa, a hlanih na lainat duhdawtnak,
Na thutak ih David hnenih sia na săm kha khuiah so an si?
50 ^apBawipa, na siahhlawhpawl hmuhsuam an sinak hi cîng ringring aw.
Miphunpawl hmuahhmuah ih hmuhsuamnak cu ka ṭāng sungah ziang tlukin so ka tuar,
51 ^aqCumi thawn na ralpawl in mi an hmuhsuam, Maw Jehovah,
Cumi thawn na hriak thih mi paih keneh an hmuhsuam.
52 ^arJehovah cu kumkhuain thangṭhat si seh!
Amen, Amen.

89:1^a Sam 36:5; 59:16

89:2^b Sam 36:5; 103:17

89:4^c 2Sam 7:12-16; 1Sp 8:16; Isa 9:7; Eze 37:24-25; Mat 1:1; Luk 1:33

89:5^d Sam 1:5; 19:1

89:6^e Sem 1:26; Suah 9:14; Sam 113:5

89:7^f Job 5:1; Sam 47:2; 111:1

89:8^g Sam 71:19; Isa 6:3

89:9^h Sam 65:7

89:10ⁱ Sam 59:11

89:10^j Rahab: Sam 87:4 simfiangnak zoh aw.

89:11^k Sem 1:1; Dnp 10:14; 1San 29:11

89:12^l Dnp 3:8; Jos 19:22; Sam 98:8

89:13^m Jos 4:24; Sam 98:1

89:14ⁿ Sam 85:10-11; 97:2

89:15^o Sam 1:1; 44:3

89:16^p Sam 30:4

89:17^q Sam 18:1

89:18^r Sam 18:2; 28:8; 47:9

89:20^s Suah 29:7; 1Sam 2:35; 2Sam 22:51; 1Sp 1:39; Sam 78:70; Apo 13:22

89:21^t Sam 18:35

89:22^u Lai 3:15; 2Sam 7:10; Sam 125:3

89:23^v 2Sam 7:9; Sam 18:40

89:24^w 2Sam 7:15

89:25^x Sam 72:8

89:26^y 2Sam 7:14; 22:47; Sam 62:2; Jer 3:4; Heb 1:5

89:27^z Mip 24:7; Sam 2:6; Kol 1:18; Thu 1:5

89:28^aa Isa 55:3

89:32^ab 2Sam 17:14; Job 21:9

89:33^ac 2Sam 7:15

89:34^ad Mip 23:19

89:37^ae Sam 72:5; Jer 33:20-21

89:38^af 1San 28:9

89:39^ag Ṭah 5:16

89:40^ah Sam 80:12; Isa 22:5; Ṭah 2:2

89:41^ai Lai 2:14; Sam 44:13

89:42^aj Sam 13:2

89:43^ak Sam 44:10

89:45^al Sam 39:5; 44:15

89:46^am Sam 79:5

89:47^an Sem 47:9; Job 7:7; 1Pe 1:24

89:48^ao Sem 5:24; Sam 22:29; 49:15

89:50^ap Sam 69:9, 19

89:51^aq Sam 74:10

89:52^ar Sam 41:13

Bu 4-nak

90

Kumkhaw Pathian le Ziamral mai ding Milai

Pathian Mi, Mosi Thlacam.

1 ^aBawipa, nang cu san hmuahhmuah ih kan cēnnak na si.
2 ^bTlangpawl sēm hlan,
Asilole leilung le leitlun na rak tuah hlan ihsin,
Kumkhua ihsin kumkhua tiang, nang cu Pathian na si.
3 ^cNang in minung hi leivut ah na kirter ih,
“Minungpawlih falepawl tla, kirsal uh,” tiah na ti.
4 ^dNa hmaiah kum 1000 cu
A cemrál mi mizansun vek a si ih,
Zan sentari kil ṭum khat tluk a si.
5 ^eAnmah cu tilian vekin na thiarhlo hai;
An itthat.
Zing lamah cun hrampi kho a hung ṭhang mi vek an si.
6 ^fCumi cu zing lamah cun a par ih, a ṭhang;
Zan lamah a vuai ih a ziam.
7 Ziangahtile na thinhengnak in in kangrál ih,
Na thinlingnak in kan thla in phângter.
8 ^gNa hmaiah kan mawhsualnak na ret,
Kan thupte sualpawl khal na mithmai tleu ah.
9 ^hZiangahtile kan dam sung ni hmuahhmuah hi na thinlingnak ah an cemrál;
Kan dam sung kumpawl khal thawsuah vekin an ziam.
10 ⁱKan dam kumpawl cu kum 70 an si;
Cahnak ruangah kum 80 a si thei,
Sikhalsehla an tluangkhawnnak cu ṭuanbăngnak le riahsiatnak men a si;
Ziangahtile cumi cu a ziamral lohli ih, kan zamhlo.
11 ^jZo in so na thinhengnak huham theithiam?
Ziangahtile na thinlingnak ṭih cu, nangmah ṭih tluk a si.
12 ^kFimnak thinlung kan neih thei nak dingah,
Kan dam sung nipawl siardān in zirh aw.
13 ^lRa kirsal aw, Maw Jehovah!
Ziangtik tiang so na rei ding?
Na siahhlawhpawl parah lainatnak nei hram aw.
14 ^mKan dam sung ni hmuahhmuah ah aipuang le lungawiih kan um thei nak dingah,
Zingpit teah na lainat duhdawtnak thawn kan di in riamter aw!
15 In zăwnzaihter zo nak nipawl zulhin in lungawiter aw,
Thil ṭha lo kan rak hmuh kumpawl thawi milawin.
16 ⁿNa siahhlawhpawl hnenah na thil ti lang seh,
Cule na ropitnak khal an falepawl hnenah lang seh.
17 ^oJehovah kan Pathian-ih duhsaknak cu kan tlunah um sehla,
Kan kut thil tipawl hi kanmah hrangah dĭn hnget si seh;
A si, kan kut thil tipawl hi kanmah hrangah dĭn hnget si seh.

90:1^a Dnp 33:27; Efe 2:22; Thu 2:3

90:2^b Sem 21:33; Job 10:5; 15:7; 36:26; Thf 8:23-26; Isa 9:6

90:3^c Sem 2:7; 1Ko 15:47, 56

90:4^d Job 10:5; 2Pe 3:8

90:5^e Sem 19:15

90:6^f Isa 40:6-8; Mat 6:30; Jam 1:10

90:8^g Sam 19:12; 2Ko 4:2; Efe 5:12; Heb 4:13

90:9^h Sam 78:33

90:10ⁱ 2Sam 19:35; Job 5:7; 20:8; Isa 23:5, 17; Jer 25:11

90:11^j Sam 7:1; 76:7

90:12^k Dnp 32:29; Sam 39:4; Thf 16:9, 16

90:13^l Dnp 32:36; Sam 6:4

90:14^m Sam 5:11; 31:7; 77:8; 103:3-5

90:16ⁿ Sam 44:1; Heb 3:2

90:17^o Isa 26:12

91

Pathian hnenih Beu cu Himnak

1 ^aCungnung Bik ih kilhimnak ih a cêngtu cu,
Ziangkimtithei-ih thlahlim hnuaiah a um ringring ding.
2 ^bJehovah thuhla ah cun, “Amah cu ka răwlhimnak le ka kulh hnget,
Ka rinsan mi ka Pathian a si,” tiah ka ti ding.
3 ^cAnih cun thángkamtuih tháng lak ihsin le
Thih thei nak nathri sia pawl lakin a lo runsuak hrimhrim ding.
4 ^dA thla hmulpawl thawn a lo khuh ding ih,
A thla hnuaiah răwlhimnak na hmu ding;
A thutak cu na ralphaw le na ralphaw pi a si ding.
5 ^eZan ah ṭihnungza na ṭih lo ding ih,
Sun ih a zam mi thál fungpawl siseh,
6 Thim lakih vâk mi nathri sia siseh,
Sun laiih ṭhing ko mi tuahtu siatralnak siseh na ṭih lo ding.
7 Na kiangah minung 1000 an tlu ding ih,
Na vawrh lamah 10000;
Asinan cuih nat sia cun a ra lo naih lo ding.
8 ^fNa mit lawngin na zoh ding ih,
Misualrálpawl thungrulhnak na hmu ding.
9 Ziangruangahtile Jehovah cu na răwlhimnak ah na tuah,
Cungnung Bik rori hman na cēnnak ah.
10 ^gNa parah thil ṭha lo zianghman a thleng lo ding ih,
Ziang vek nathri hman na puanthlam kiangah a ra lo ding.
11 ^hZiangahtile na lamzinpawl hmuahhmuah ih lo kilveng dingah,
Na cungcangthu ah a vancungmipawl thu a pe ding,
12 ⁱAn kut in an lo dăwm ding,
Culole na ke in lungto a khawngngah pang ding.
13 ^jNang in kiosa le cawngawr na pál ding,
Kiosa vanglai le rul cu na ke tăngah na cīl ding.
14 Ziangruangahtile ka parah a duhdawtnak a ret, curuangah amah ka runsuak ding;
Amah cu hmun sâng ah ka ret ding,
Ziangruangahtile anih in ka hmin a thei.
15 ^kAnih in i ko ding ih, kei in ka sawn ding;
Harsatnak ah a hnenah ka um ding;
Amah cu ka runsuak ding ih, ka cawisâng ding.
16 ^lNun saunak thawn amah cu a di ka riamter ding ih,
Ka runsuahnak ka hmuh ding.

91:1^a Suah 33:22; Sam 63:7; Isa 49:2; Ṭah 4:20

91:2^b 2Sam 22:2-3, 51

91:3^c 1Sp 8:37; Sam 124:7; Thf 6:5

91:4^d Dnp 32:10-11; Rut 2:12; Isa 27:3; Zek 12:8

91:5^e Job 5:19-27

91:8^f Sam 37:34

91:10^g Thf 1:21

91:11^h Sem 32:1; Sam 34:7; Heb 1:14

91:12ⁱ Mat 4:6; Luk 4:10-11

91:13^j Dan 6:22; Luk 10:19

91:15^k 1Sam 2:30; Joh 12:26

91:16^l Dnp 6:2; Sam 50:23

92

Phuba Lak ruangih Thangṭhatnak

Sam. Sabbath Ni Hrang Hla.

1 ^aJehovah hnenih lungawi thu sim le,
Hla ih na hmin thangṭhat hi a ṭha, Maw Cungnung Bik;
2 ^bZing lamih na lainat duhdawtnak thăn le,
Zan tin na rinumnak thăn khal,
3 ^cHri hra nei cawngcing le,
Ṭingṭang awnmawi thawn na hmin thangṭhat hi.
4 ^dZiangahtile Jehovah, nang in na thil ti in ka lung i awiter;
Na kut thil tipawl ruangah aipuangin hla ka sak ding.
5 ^eNa thil tipawl hi ziang tlukin so an natsat, Maw Jehovah!
Na ruahnakpawl hi an thûk tuk.
6 ^fRuahnak nei lo pa cun a thei lo ih,
Mi-â khal in cumi cu a theithiam lo.
7 ^gMisualrálpawl hrampi vekih an ṭhan tikah le,
Mawhsualnak tuahtupawl zaten an ṭhanso tikah,
Cumi cu anmahpawl siatsuah an si kumkhua thei nak dingah a si.
8 Asinan Jehovah, nang cu cawisanin na um kumkhua.
9 ^hZiangahtile ngai hnik, na ralpawl hi, Maw Jehovah,
Ziangahtile zoh hnik hman, na ralpawl hi an hloral ding;
Mawhsualnak tuahtupawl zaten an ṭekdarh ṭheh ding.
10 ⁱAsinan ka ki cu ramlak caw cang ki bangin na khaisâng;
Kei cu hriak thar thih ka si.
11 ^jKa mit khal in ka ralpawl parih ka saduhthah a hmu;
Ka hna khal in keimah i dotu,
Misualrálpawl parih ka saduhthah a thei.
12 ^kMidingfel cu ṭhulhfau kung bangin an hring demdem ding,
Lebanon sidar bangin an ṭhang ding.
13 ^lJehovah inn sungih phŭn mipawl cu
Kan Pathian sumtualrawnpawl ah an hring demdem ding.
14–15 ^mJehovah cu midingfel a si ti thăn dingah,
An tar hnu khalah an rah lai thotho ding;
Thlīng pai in an hring demdem ding.
Amah cu ka lungpi a si ih, amah ah dingfellonak zianghman a um lo.

92:1^a Sam 9:2; 27:6; 135:3

92:2^b Sam 55:17

92:3^c 1Sam 10:5; Neh 12:27; Sam 71:22

92:4^d Sam 5:11; 8:6

92:5^e Job 36:24; Sam 40:5; 139:17; Isa 28:29; Rom 11:33

92:6^f Sam 73:22

92:7^g Sam 37:2

92:9^h Sam 45:5; 68:1

92:10ⁱ Sam 23:5; 29:6; 89:17, 24

92:11^j Sam 54:7

92:12^k Sam 1:3; 72:7, 16; Jer 17:8; Hos 14:5-6

92:13^l Sam 135:2

92:14-15^m Job 34:10; Sam 1:3; Joh 15:2-5

93

Jehovah-ih Kumkhaw Uknak

1 ^aJehovah in lai a rel, amah cu cungnunnak thawn a thuamaw;
Jehovah cu a thuamaw,
Cahnak thawn a tâi a khapaw.
Thungaiin leilung cu dĭn hnget a si, curuangah hninter a si lo ding.
2 ^bNa laltokham cu hlanlai ihsi rak dĭn hnget mi a si;
Nang cu kumkhua ihsin na si.
3 ^cMaw Jehovah, tilianpawl an sosâng,
Tilianpawl in an aw an suah;
Tilianpawl in an tisuarpawl an khaisâng.
4 ^dHmun sâng ih um Jehovah cu
Tidai tampi thâwm hnakin le,
A cak zet mi tifinriat tisuar hnakin a caksawn.
5 ^eNa thutheihter mipawl cu an hnget taktak;
Thianghlimnak le na inn cu an milaw, Maw Jehovah, a kumkhuain.

93:1^a 1San 16:30-31; Job 40:10; Sam 24:2; 65:6

93:2^b Sem 21:33; 2Sam 7:16

93:3^c Job 9:8; Isa 5:30; 51:5; Jer 6:23; 31:35; Hab 3:10

93:4^d Neh 9:32; Jer 6:23

93:5^e Sam 5:4-7; 29:2

94

Midingfel Răwlhimnak Pathian

1 ^aPhuba latu Pathian, Maw Jehovah, phuba latu Pathian, êngsuak aw!
2 ^bMaw leilung thuṭhentu, tho aw;
Mipuarthaupawl thungrūl aw.
3 ^cMaw Jehovah, misualrálpawl hin ziangtik tiang,
Misualrálpawl hin ziangtik tiang so tluang an khawn ding?
4 ^dAnnih in thu an sim ih, hngal zetin an ṭawng;
Mawhsualnak tuahtupawl zaten an tluangkhâwng.
5 ^eNa mipawl an khiakdip ṭheh, Maw Jehovah,
Cule na co mi ropawl an zawnzaiter.
6 ^fNuhmeipawl le mikhualpawl an that ih,
Pa nei lo pawl khal an that.
7 ^gCu cing cun, “Jehovah in a hmu lo,
Jakob-ih Pathian khal in a ngaihsak lo,” tiah an ti lai.
8 Nannih mipi lakih ruahnak nei lo pawl, ngaihsak uh;
Cule nannih mi-âpawl, ziang tikah so nan fim ding?
9 Hná tuahtu cun thei loin a um ding maw?
Mit tuahtu cun hmu loin a um ding maw?
10 ^hMiphunpawl nun simtu cun nunsim loin a um ding maw,
Milai zirhtu cun theihnak a nei lo ding maw?
11 ⁱJehovah in milai ruahnakpawl a thei,
Zianghmanlo an si ti a thei.
12 ^jMaw Jehovah, nun na zirh ih,
Na dān na zirh mi pa cu mithlawsuak a si,
13 ^kCutin anih cu misualrálpawl hrangih khur laih a si hlanlo,
Harsat mangbang nikhuapawl ihsin hahdamnak na pek thei nak dingah a si.
14 ^lZiangahtile Jehovah cun a mipawl a hnáwng lo ding ih,
A ro cu a tansăn lo ding.
15 ^mAsinan diknak kha dingfelnak lamah a kirsal ding ih,
Thinlung dĭngpawl hmuahhmuah in cumi cu an thlun ding.
16 ⁿZo so ka hrangah thil ṭha lo tuahtupawl dokalh dingih tho ding?
Zo so ka hrangah mawhsualnak tuahtupawl dokalh dingah dīng ding?
17 ^oJehovah hi i bawmtu rak si hlah sehla cu,
Ka nun hi hmun reh ah a rak um zo ding.
18 ^p“Ka ke a nâl,” ka ti asile, Maw Jehovah,
Na lainat duhdawtnak in i dăwmcawisal ding.
19 ^qDawnharnak tampi ka neih tikah,
Na mihnĕmnak in ka thin a nuamter.
20 ^rMipalbĕtnak dān tuahtu, siatralnak laltokham thawn nan ṭangtlang thei ding maw si?
21 ^sMidingfel nunnak do dingah an táwngkhawmaw,
Cule mawhnak nei lo thisen thiam lo coter dingin.
22 ^tAsinan Jehovah cu ka khaw kulh hnget le,
Ka Pathian ka răwlhimnak lungpi a si.
23 ^uAn parah anmai mawhsualnak a thlenter ih,
Anmai sualralnak ah a that hai ding;
Jehovah kan Pathian in a that hai ding.

94:1^a Sem 4:24; Dnp 33:2; Rom 12:19

94:2^b Sem 18:25; Mip 10:35; Heb 12:23; Jam 5:9

94:3^c Sam 13:2

94:4^d Sam 31:18; 52:1

94:5^e Sam 28:9; Isa 3:15

94:6^f Dnp 10:18; 24:19; Isa 1:17

94:7^g Job 22:13; Sam 10:11

94:10^h Job 35:11; Sam 44:2; Isa 28:26

94:11ⁱ Thf 15:26; Mat 9:4; 1Ko 3:20

94:12^j 1Sam 12:23; Job 5:17; Heb 12:5

94:13^k Sam 7:15; 86:7

94:14^l Dnp 31:6; Rom 11:2

94:15^m Sam 7:10; 97:2

94:16ⁿ Mip 10:35; Sam 59:2; Isa 14:22

94:17^o Sam 31:17; 124:2

94:18^p Job 12:5; Sam 38:16

94:19^q Job 6:10; Ths 11:10; Isa 66:13

94:20^r Sam 58:2; Jer 22:30

94:21^s Sem 18:23; Sam 1:6; 5:6; 106:38; Thf 17:15, 26; Isa 5:20, 23; Mat 27:4

94:22^t 2Sam 22:3; Sam 9:9; 59:9

94:23^u Sem 19:15; Suah 32:34; Sam 9:5

95

Amah Be ding le Thulung dingih Kawhnak

1 ^aRa uh, Jehovah hnenah hlasak uhsi!
Kan runsuahnak Lungpi hnenah aipuang zetin au uhsi.
2 ^bA hmaiah lungawi thu simnak thawn feh uhsi;
Sam hla thawn a hnenah aipuang zetin au uhsi!
3 Ziangahtile Jehovah cu Pathian ropi a si,
Cule pathianpawl zate tlunah Siangpahrang ropi a si.
4 ^cA kut ah leilung hmun thûk pawl an um;
Tlang zim pawl khal amai ta an si.
5 ^dTifinriat khal amai ta a si, ziangahtile a tuah mi a si;
Cule a kutpawl in khawmual a sersiam.
6 ^eAw ra uh, băwkkhupin amah bia uhsi;
In tuahtu Jehovah hmaiah cun kan khuk bil uhsi.
7 ^fZiangahtile amah cu kan Pathian a si,
Cule kanmahpawl cu a ran tlannak hmun ih minungpawl kan si ih,
A kilkhawi mi tuu rual kan si.
Tuihsun ah a aw nan theih asile,
8 ^gRamṭhing ih hniksak ni ih hel lai vek khan,
Nan thinlung hakter hlah uh.
9 ^hCu tawkah nan pupápawl in in rak hniksak;
Ka thil ti hmu na cingin, in rak hliakhlai a si.
10 ⁱCuih san minungpawl cu kum 40 sung ka fih hai,
Cule kei in, “An thinlung ih fehpêng minung an si ih,
Ka duhdān an thei lo,” tiah ka ti.
11 ^jCuruangah ka thin a ling ih,
“Ka cawlhnak ah an lut lo ding,” tiah sia ka săm.

95:1^a 2Sam 22:47; Sam 5:11; 34:3, 11; 81:1; Isa 44:23; Zef 3:14

95:2^b Sam 4:4; 47:2; 81:2; 96:4; Mik 6:6

95:4^c Sam 63:9

95:5^d Sem 1:9

95:6^e 2Sam 12:16; Hos 8:14

95:7^f Sam 74:1

95:8^g Suah 17:7; Sam 78:17, 40; Mar 10:5; Heb 3:8, 13, 15

95:9^h Mip 14:22; 1Ko 10:9

95:10ⁱ Suah 16:35; Mip 14:34; Dnp 8:6; Isa 53:6; Jer 31:19; Eze 34:6; Apo 7:36; Heb 3:17

95:11^j Mip 14:23; Dnp 1:34-35; Heb 3:7-11, 18

96

Thuṭhennak thawi Ra ding Mi Pathian Thangṭhatnak

1 ^aJehovah hnenah hla thar sak uh!
Leilung hmuahhmuah tla, Jehovah hnenah hlasak uh.
2 ^bJehovah hnenah hlasak uhla, a hmin thangṭhat uh;
A runsuahnak thuthangṭha cu ni khat hnu ni khat phuang uh.
3 ^cMiphunpawl lakah a ropitnak thăn uh,
Minungpawl zate lakah a mangbangzapawl.
4 ^dZiangahtile Jehovah cu a ropi ih, ropi zetih thangṭhat ding a si;
Amah cu pathianpawl zate hnakih ṭihzah ding a si.
5 ^eZiangahtile miphunpawlih pathianpawl zaten milem an si,
Asinan Jehovah cun van a tuah.
6 ^fUpatnak le cungnunnak cu a hmaiah an um;
Cahnak le mawinak cu a hmun thianghlim ah an um.
7 ^gMaw miphunpawlih sungkuapawl, Jehovah hnenah pe uh,
Jehovah hnenah sunlawihnak le cahnak pe uh.
8 ^hA hmin phu tawk sunlawihnak Jehovah hnenah pe uh;
Thilhlăn kengin, a sumtualrawnpawl ah ra uh.
9 ⁱAw, thianhlimnakih mawinak ah Jehovah cu biak uh!
Leilung hmuahhmuah tla, a hmaika ah khūr uh.
10 ^jMiphunpawl lakah, “Jehovah in a uk;
Leitlun khal hngetkhoh zetih dĭnsuah a si,
A ṭhawn lo ding;
Anih in dingfel zetin minungpawl cu thu a ṭhen ding,” tiah ti uh.
11 ^kLungawi aipuangin van cu um sehla, leilung khal lungawi seh;
Tifinriat le a sungih zaten hûk dumdo hai seh.
12 ^lLóram le a sungih um zaten lungawi aipuangin um hai seh!
Cun tupi thingkungpawl hmuahhmuah Jehovah hmaiah lungawi aipuangin um hai seh.
13 ^mZiangahtile amah cu a ra ding, ziangahtile amah cu leilung thuṭhen dingin a ra.
Dingfelnak thawn leitlun thu a ṭhen ding ih,
Miphunpawl kha thutak thawn.

96:1^a Isa 42:10; Thu 5:9

96:2^b Sam 27:1; 68:4

96:3^c Sam 8:1; 71:17; Thu 15:3

96:4^d Dnp 28:59; Sam 95:3

96:5^e Pui 19:4; 2San 2:12

96:6^f Sam 21:5; 29:1

96:7^g Sam 22:27; 29:1-7

96:8^h Sam 45:12; 65:4

96:9ⁱ Suah 15:14; 23:25; Jon 1:9

96:10^j Sam 24:2; 58:11; 67:4; 93:1; 97:1

96:11^k Isa 49:13; Thu 12:12

96:12^l Isa 44:23; Eze 17:24

96:13^m Sam 86:11; Apo 17:31; Thu 19:11

97

Jehovah Thangṭhatnak Hla

1 ^aJehovah in a uk;
Leilung cu lungawi aipuangin um seh;
Tikulh tampi cu lungawiin um hai seh!
2 ^bKhawdurpawl le khawthim in amah an kulh;
Dingfelnak le diknak cu a laltokham ṭohram an si.
3 ^cA hmaiah meisa a feh ih,
A kiangkapih um a ralpawl a kangrál hai.
4 ^dA nimthlakaupawl in lei an tlêt;
Leilung in a hmu ih a khūr.
5 ^eTlangpawl cu Jehovah hmaika ah khuailûl bangin an zŭp,
Leilung pumpi ih Jehovah hmaika ah cun.
6 ^fVan in a dingfelnak an thăn ih,
Miphunpawl hmuahhmuah in a ropitnak an hmu.
7 ^gKhercawp milimpawl riantu,
Milempawl tluangkhawnpitupawl zaten ningzahter si hai seh.
Nannih pathianpawl zaten amah cu bia uh!
8 ^hZion in a thei ih a lung a awi,
Cule na thuṭhennakpawl ruangah
Judah fanupawl lungawi aipuangin an um, Maw Jehovah.
9 ⁱZiangahtile Jehovah, nang cu leilung hmuahhmuah tlunah Cungnung Bik na si;
Nang cu pathianpawl zate tlun sangpi ih khaisan na si.
10 ^jNannih Jehovah duhdawtupawl, thil ṭha lo hua uh!
Anih cun a mithiangpawlih nunnak a humhim;
Misualrálpawlih kut ihsin a runsuak hai.
11 ^kTleu cu midingfel hrangih tuh a si ih,
Lungawinak cu thinlung dĭngpawl hrangah.
12 ^lJehovah ah lungawi aipuangin um uh, nannih midingfelpawl,
Cule a hmin thianghlim cīn ringring nak ah a hnenah lungawi thu sim uh.

97:1^a Suah 15:18; Est 10:1; Isa 24:23

97:2^b Suah 19:9; Job 22:14; Sam 89:14

97:3^c 2Sam 22:9; Isa 9:19; Dan 7:10; Joe 1:19; Hab 3:5

97:4^d 2Sam 22:8; Job 36:30; Thu 6:12

97:5^e Jos 3:11

97:6^f Sam 19:1; 50:6

97:7^g Suah 12:12; Pui 26:1; Dnp 5:8; Isa 42:17; Jer 10:14; Heb 1:6

97:8^h Sam 9:2; 48:11

97:9ⁱ Job 34:29; Sam 47:9

97:10^j Job 28:28; Thf 2:8; Jer 15:21; Amo 5:15; Rom 12:9

97:11^k Job 22:28

97:12^l Suah 3:15; Job 22:19; Isa 41:16; Fil 4:4

98

Leitlun Thuṭhentu Thangṭhatnak

Sam.

1 ^aAw, Jehovah hnenah hla thar sak uh!
Ziangahtile amah in mangbangza thilpawl a tuah;
A vawrh lam kut le a bân thianghlim in amai hrangah nehnak a co.
2 ^bJehovah in a runsuahnak a theihter;
Miphunpawl mithmuh ah a dingfelnak a phuanglang.
3 ^cIsrael sungkuapawl hnenah a lainat duhdawtnak le a rinumnak cu a cîng ringring;
Leilung dĕng tiangih um zaten kan Pathian-ih runsuahnak an hmu.
4 ^dLeilung hmuahhmuah tla, Jehovah hnenah aipuang zetin au uh;
Hla thawn ausuak uh, lungawi aipuangin um uhla, thangṭhatnak hlasak uh.
5 ^eJehovah hnenah ṭingṭang thawn hlasak uh,
Ṭingṭang le Sam hla awnmawi thawn,
6 ^fTawtawrawtpawl le tuu pa ki phawt awn thawn;
Jehovah, Siangpahrang hmaiah aipuang zetin au uh.
7 ^gTifinriat le a sungih um zaten hûk durdo hai seh,
Leitlun le a sungih umpawl khal.
8 ^hTivapawl in an kut beng hai sehla;
Tlangpawl khal Jehovah hmaika ah aipuangin hlasaktlang hai seh.
9 ⁱZiangahtile anih cu leilung thuṭhen dingin a ra ding.
Dingfelnak thawn leitlun thu a ṭhen ding,
Cule miphunpawl parah thleidannak um loin.

98:1^a Suah 15:1, 11; Jos 4:24; Job 40:9; Isa 12:5; 51:9; Luk 1:51

98:2^b Sam 67:2; 97:6; Isa 52:10; Luk 3:6

98:3^c Sem 49:10; 50:23; 1San 16:15

98:4^d Sam 20:5; Isa 12:6

98:5^e Sam 33:2; Isa 57:3

98:6^f Suah 19:13; Mip 10:1-10; 2Sam 6:15; Sam 20:5

98:7^g Sam 24:1; 93:3

98:8^h 2Sp 11:12; Sam 148:9; Isa 44:23

98:9ⁱ Sam 96:10

99

A Thianhlimnak ruangih Jehovah Thangṭhatnak

1 ^aJehovah in a uk;
Miphunpawl khūr hai seh!
Anih cu cherub-pawl tlunah a um;
Leilung hnîn seh!
2 ^bJehovah cu Zion ah a ropi a si,
Cule anih cu miphunpawl hmuahhmuah ih tlunah cawisan a si.
3 ^cAnnih in na hmin ropi le maksak cu thangṭhat hai seh.
Anih cu a thianghlim a si.
4 ^dSiangpahrang cahnak khal in diknak a duh;
Nang in thleidan umlonak na dĭn hnget zo;
Nang in Jakob ah diknak le dingfelnak in thu na ṭhen zo.
5 ^eJehovah kan Pathian cu cawisâng uhla,
A ke retnak ah biak uh.
Anih cu a thianghlim a si.
6 ^fMosi le Aaron cu a puithiampawl lakih tel an si ih,
Samuel cu amah kotupawl lakih tel a si.
Anmahpawl in Jehovah an ko ih anih in a sawn hai.
7 ^gAnnih cu khawdur ṭhuam ihsin a be hai;
An hnenih a pek mi a thutheihter mipawl le a zīn le dān an thlun.
8 ^hMaw Jehovah kan Pathian, anmah cu na run let hai a si;
An thil ti mipawl parah phuba na la ko nân,
An hrangah cun ngaithiamtu Pathian na si.
9 Jehovah kan Pathian cu khaisâng uhla,
A tlang thianghlim ah bia uh;
Ziangahtile Jehovah kan Pathian cu a thianghlim a si.

99:1^a Suah 15:14; 25:22; 2Sam 6:2

99:2^b Suah 15:1; Sam 2:6; 48:1-3

99:3^c Suah 15:11; Pui 11:45; Sam 30:4; 76:1; Thu 4:8

99:4^d Sem 18:19; 1Sp 10:9; Sam 2:6; 98:9; Thu 15:3

99:5^e Suah 15:2

99:6^f Suah 24:6-8; 28:1; 1Sam 7:5, 9-12; Sam 4:3

99:7^g Suah 13:21; Mip 11:25; 12:5

99:8^h Suah 22:27; Pui 26:18; Mip 14:20

100

Pathian Thangṭhat dingih Ram hmuahhmuah Kawhnak

Lungawi Thu Simnak Sam.

1 ^aNannih ram hmuahhmuah tla, Jehovah hnenah aipuangin au uh!
2 ^bLungawi zetin Jehovah rian uh;
Hlasak phahin a hmaika ah ra uh.
3 ^cAmah Jehovah cu Pathian a si ti thei uh;
Kanmahpawl in tuahtu cu amah hi a si ih, kanmah kan si lo;
Kanmah cu a minung kan si ih, a ran tlannak hmun ih tuu rual kan si.
4 ^dLungawi thu sim phahin a kăwtka sungah lut uhla,
A sumtualrawnpawl ah thangṭhatnak thawn.
A parah lungawi uhla, a hmin thangṭhat uh.
5 ^eZiangahtile Jehovah cu a ṭha a si;
A lainat duhdawtnak cu kumkhuain a hmun ih,
A thutak cu san hmuahhmuah a daih.

100:1^a Sam 66:1; 98:4

100:2^b Dnp 10:12; Sam 95:2

100:3^c 2Sam 24:17; 1Sp 18:21; Job 10:3; Sam 79:13; Isa 19:25

100:4^d Sam 42:4; 96:8; 116:17

100:5^e 1San 16:34; Ezr 3:11; Sam 108:4

101

Jehovah hnenah Rinum dingih Thutiamnak

David-ih Sam.

1 ^aLainat duhdawtnak le diknak thu cu hla in ka sak ding;
Maw Jehovah, na hnenah thangṭhatnak hla ka sak ding.
2 ^bSawisel ding um lo nundān lamah ka thinlung ka pe ding.
Aw, ziang tikah so ka hnenih na rat ding?
Ka inn sungah sawihnăwm kai lo thinlung thawn ka nung ding.
3 ^cKa mithmuh ah thil santlailo ka ret lo ding;
A tlubah mipawlih thil ti ka hua;
Cumi cu ka hnenah a kăwp lo ding.
4 ^dA khermei mi thinlung in i fehsan ding;
Sualralnak ka thei lo ding.
5 ^eA thupteih a innhnen relsetu pauhpauh cu,
Keimah in ka siatsuah hai ding;
Hngalnak mithmai a neitu le pawrhawknak thinlung a neitu cu,
Keimah in ka zāwi lo ding.
6 ^fKa hnenih an cēn thei nak dingah,
Ram sungih mirinumpawl parah ka mit a fu ding;
Sawisel ding um lo zin ih a fehtu in,
Keimah i rian ding.
7 ^gBumnak ih thil titu cu ka inn ah a cêng lo ding;
Thuphan pertu cu ka mithmuh ah a um hnget thei lo ding.
8 ^hJehovah khawpi sung ihsin thil ṭha lo tuahtupawl ka sahtan thei nak dingah,
Ram sungih misualrálpawl hmuahhmuah cu zing tin ka siatsuah hai ding.

101:1^a Sam 33:1

101:2^b Sem 17:1; 1Sp 3:14; Fil 1:10

101:3^c Sam 5:5; Jer 16:18; Eze 11:21; Hos 9:10

101:4^d Thf 3:32

101:5^e Suah 20:16; Pui 19:16; Sam 10:5

101:6^f Sam 119:1

101:7^g Sam 52:2, 4-5

101:8^h 2Sam 3:39; Sam 5:3; 75:10; Jer 21:12

102

Kumkhaw Siangpahrang hnenih Băwmnak hrang Thlacam

A cau ih, Jehovah hmaika ih phunzainak a thletbŭng laiih zăwnzaihnak tuartuih thlacamnak.

1 ^aKa thlacam ngai aw, Maw Jehovah,
Na hnenah ka aunak thleng seh.
2 ^bKa harsat ni ah ka hnen ihsin na hmai thup hlah aw;
Ka lamah na hna thawng aw;
Ka lo kawh nikhua ah, zamrangten i let aw.
3 ^cZiangahtile ka dam sung cān cu meikhu vekin an kangrál ih,
Ka ruhpawl khal thŭk vekin an kāng.
4 ^dKa thinlung hi hriamnat a si ih hrampi vekin a vuai,
Cutin ka rawl ei ding hman ka hngilh.
5 ^eKa aihram awnau ruangah
Ka ruhpawl ka vun ah an bĕt.
6 ^fKei cu ramṭhing ih ^gka-at va vek ka si;
Kei cu nelrawn sumbuh vek ka si.
7 ^hZau phahin ka meng,
Cule inn luanglu parih sunṭam lileng vek ka si.
8 ⁱKa ralpawl in sunnihlawhin in hmuhsuam,
Hnihsuahsainak ih i hmangtupawl cun ka hmin an camsiat.
9 ^jZiangahtile rawl vekin vutcâm ka ei ih,
Ka in mi khal mitthli thawn ka rawi,
10 ^kNa aithawknak le na thinlingnak ruangah a si;
Ziangahtile nang in i cawisâng, cule i hlăwnhlo.
11 ^lKa dam sung cān cu thlahlim sauter mi vek a si ih,
Kei cu hrampi vekin ka vuaihlo.
12 ^mAsinan Maw Jehovah, nang cu kumkhuain na hmun ih,
Na cīn ringring nak cu san hmuahhmuah tiangin a si.
13 ⁿNa tho ding ih, Zion parah lainatnak na nei ding;
Ziangahtile amah duhsaknak cān a thleng,
A si, cān khiah mi a kim thlang.
14 Ziangahtile na siahhlawhpawl cu a lungtopawl ah an lung a hmui ih,
A leivut hnen khalah duhsaknak an hmuh.
15 ^oCutin miphunpawl in Jehovah hmin an ṭih ding ih,
Leitlun siangpahrangpawl hmuahhmuah in na ropitnak.
16 ^pZiangahtile Jehovah in Zion a tungding ding;
A ropitnak thawn a lang ding.
17 ^qMiretheipawlih thlacam a ngaihsak ding ih,
An thlacam ziang siar loin a um lo ding.
18 ^rSersiam lai ding mi san minungpawl in Jehovah an thangṭhat thei nak dingah,
Himi hi a ra lai ding mi san hrangih ngan a si ding.
19 ^sZiangahtile anih cun a sang mi a hmun thianghlim ihsin a run zoh;
Jehovah in van ihsin leilung a run thlir.
20 Thawngtlapawl aihram aw thei dingah le,
Thah dingih relcat mipawl luatter dingah,
21 ^tZion ih Jehovah hmin thăn dingah le,
Jerusalem ih amai thangṭhatnak thăn dingah,
22 ^uJehovah rian dingih miphunpawl le
Lalrampawl an tawnkhawmawk tikah.
23 ^vLamlak ah ka tha a ṭumter ih;
Ka dam sung cān a tawiter.
24 ^wKei in, “Maw ka Pathian,
Ka san ṭhat lai cān ah i lahlo hlah aw;
Na kumpawl cu san hmuahhmuah hrawhsuakin a si.
25 ^xKhuahlan laiah leilung ṭohram na rak bun ih,
Van khi nangmai kutsuak a si.
26 ^yCupawl cu an hloral leh ding, asinan nang cu na hmun ringring ding;
A si, cupawl hmuahhmuah cu sinfen bangin an hlun thluh leh ding;
Puan bangin cupawl cu na thleng ding,
Cule an hloral ding.
27 ^zAsinan nang cu nangmah kel na si,
Cule na kumpawl in cem ti an nei lo ding.
28 ^aaNa siahhlawhpawlih fātepawl cu an umpeh vivo ding,
Cule an tesinfapawl khal na hmaika ah dĭn hnget an si ding,” tiah ka ti.

102:1^a Suah 2:23; Sam 4:1

102:2^b 2Sp 19:16; Sam 22:24

102:3^c Sam 37:20; Ṭah 1:13; Jam 4:14

102:4^d 1Sam 1:7; Ezr 10:6; Job 33:20

102:5^e Sam 6:6

102:6^f Job 30:29; Isa 34:11; Zef 2:14

102:6^g ka-at va: Pui 11:18 simfiangnak zoh aw.

102:7^h Sam 38:11; 77:4

102:8ⁱ Eze 14:8; Zek 8:13; Luk 22:63-65

102:9^j Sam 6:6; Isa 44:20

102:10^k Sam 71:11

102:11^l 1San 29:15; Jam 1:10

102:12^m Suah 3:15; 15:18; Isa 55:13

102:13ⁿ Isa 54:8; Dan 8:19; Apo 1:7

102:15^o 1Sp 8:43; Isa 2:2

102:16^p Isa 60:1-2

102:17^q 1Sp 8:29

102:18^r Sam 22:31; Rom 4:24

102:19^s Sam 53:2; Luk 4:19

102:21^t Sam 9:14; 22:22

102:22^u Zek 8:20-23

102:23^v Sam 39:5, 13

102:24^w Sem 21:33; Job 36:26

102:25^x Sem 1:1; Heb 1:10-12

102:26^y Eze 32:8; Joe 2:10; Mat 24:35; Thu 20:11

102:27^z Mip 23:9; Heb 13:8; Jam 1:17

102:28^aa Sam 25:13; 69:36

103

Pathian Ṭhatnak ruangih Lungawi Thu Simnak

David-ih Sam.

1 ^aMaw ka nunnak, Jehovah thangṭhat aw;
Ka sungih a um mi hmuahhmuah tla, a hmin thianghlim thangṭhat uh.
2 ^bJehovah thangṭhat aw, Maw ka nunnak,
A ṭhahnem mi a thil ti mi hmuahhmuah hngilh hlah:
3 ^cNa mawhsualnakpawl hmuahhmuah lo ngaithiamtu,
Na nathripawl hmuahhmuah lo tidamtu,
4 ^dKhur ihsi na nunnak runsuaktu,
Lainat duhdawtnak le lainatnak lo khumtertu,
5 ^eNa nonak muvanlai vekih a tharthawhsal thei nak dingih,
Na saduhthah thil ṭha pawl thawi lo diriamtertu a si.
6 ^fJehovah in palbĕt mipawl zate hrangah dingfelnak le
Diknak in thu a ṭhen.
7 ^gAnih in Mosi hnenah a lamzinpawl a theihter,
Israel tefapawl hnenah a hnaṭuandānpawl.
8 ^hJehovah cu zahngainak le zangfahnak thawi khat a si,
A thin a fual ih, lainat duhdawtnak ah a luangliam.
9 ⁱAnih cun in buan ringring lo ding ih,
A thinhengnak a khawl kumkhua fawn lo ding.
10 ^jKan sualnakpawl vekin kan parah a ti lo ih,
Kan mawhsualnakpawl vekin in thungrūl fawn lo.
11 ^kZiangahtile van khi leilung hnakih an san zet vekin,
Amah ṭihzahtupawl lamah a lainat duhdawtnak khal a nasa a si.
12 ^lNisuahnak lam cu nitlaknak lam ihsin a hlat vekin,
Kan dān pahbălnakpawl cu kan hnen ihsin anih in a ṭhawnhlo.
13 ^mPa in a falepawl a zangfah vekin,
Jehovah in amah ṭihzahtupawl a zangfah a si.
14 ⁿZiangahtile anih in kan taksaruangâm a thei;
Leivut kan si kha a cîng ringring.
15 ^oMinung bélte cu, a dam sung cānpawl cu hrampi vek a si;
Ramlak pangpar vekin, anih cu a par.
16 ^pZiangahtile thli in a hran ih a hloral,
Cule a umnak hmun in a cîng nawn lo.
17 ^qAsinan Jehovah-ih lainat duhdawtnak cu
Amah ṭihzahtupawl parah kumkhua ihsin kumkhua tiang a um,
Cule a dingfelnak khal an fātepawlih fātepawl sin tiang.
18 ^rA thukham thluntu le,
A thupekpawl tuah dingih cîng ringring tupawl par khalah cu vekin a si thotho.
19 ^sJehovah in a laltokham van ah a dĭn hnget ih,
A lalram in ziang hmuahhmuah a uk ṭheh.
20 ^tCahnak ih nasa, a kamsuakthu lung ih, a thu tuahsuaktu,
Nannih vancungmipawl,
Jehovah thangṭhat uh.
21 ^uNannih a ralkap rual hmuahhmuah,
Amai lunghmui zawng tuah ih, amai rawngbawltupawl, Jehovah thangṭhat uh.
22 ^vA uknak hmunpawl hmuahhmuah ih,
Amai kutsuakpawl tla, Jehovah thangṭhat uh.
Maw ka nunnak, Jehovah thangṭhat aw.

103:1^a Sam 28:6; 30:4

103:2^b Dnp 6:12; 8:11

103:3^c Kol 3:13; 1Pe 2:24; 1Joh 1:9

103:4^d Sam 34:22; Isa 43:1

103:5^e Suah 19:4; Job 33:26; 2Ko 4:16

103:6^f Sam 74:21; Isa 9:7

103:7^g Suah 33:13; Sam 99:7

103:8^h Suah 22:27; Mik 7:18; Jam 5:11

103:9ⁱ Isa 57:16; Jer 1:3, 5, 12; Mik 7:18

103:10^j Ezr 9:13; Rom 6:23

103:11^k Ṭah 3:22; Efe 3:18

103:12^l Rom 4:7; Efe 2:5

103:13^m Mal 3:17; 1Joh 3:1

103:14ⁿ Sem 2:7; Isa 29:16

103:15^o Job 14:2; Isa 40:6; Jam 1:10

103:16^p Job 7:8, 10; Isa 40:7; Hag 1:9

103:17^q Sem 48:11; Ezr 9:12

103:18^r Mip 15:40; Dnp 29:9; Joh 14:15

103:19^s Sam 47:2, 8; Dan 4:17

103:20^t Neh 9:6; Luk 2:13; Heb 1:14

103:21^u 1Sp 22:19; Neh 7:73

103:22^v Sam 19:1; 104:1

104

Sersiamtu Jehovah Thangṭhatnak

1 ^aMaw ka nunnak, Jehovah thangṭhat aw.
Maw Jehovah ka Pathian, nang cu na ropi tuk:
Nangmah cu maksaknak le cungnunnak ih thăwm na si,
2 ^bNangmah ten tleu kha sinfen vekin na hruh,
Van khi puanzar vekin na pharh.
3 ^cAnih in tidaipawl ah a pindan tlunta pawlih tlângkhanpawl ah a ret,
Khawdurpawl kha rang lêng ah a hmang,
Thlipi thlapawl parah a tlanglêng.
4 ^dThli kha a thuphurtupawl ah a tuah,
Meisa alh kha a rawngbawltupawl ah.
5 ^eAnih in leilung cu a ṭohrampawl parah a dĭn,
Ziangtik khalah a hnîn dah lo ding.
6 ^fCumi cu tipi thûk zet thawn sinfen vekin na khuh;
Tipi cu tlangpawl tlunah an ding.
7 ^gAnnih cu na kawk tikah an tlân;
Na khawpiri awn ruangah zamrangin an feh.
8 ^hTlangpawl parah an kaiso;
Phaikuampawl ah an ṭum,
An hrangih na tuah mi hmun ah.
9 ⁱAn lan thei lo nak dingah ramri na ret,
Leilung khuh dingin an ra kirsal thei lo nak dingah a si.
10 ^jAnih in hawrkuampawl ah tihna a luangter,
Tlangpawl karlakah an luang.
11 ^kCupawl cun ramsa tinkim in ding an pe;
Hramlak lākpawl khal in an tihal an riamter.
12 ^lVanih vatepawl tla an kiangah bu an nei;
Thing hngepawl lakah hla an sak.
13 ^mA pindan tlunta ihsin tlangmûalpawl tidai a tawih;
Leilung cu na thil tipawlih rah in a khăwpkham.
14 ⁿAnih in leilung ihsin rawl a suahter thei nak dingah,
Rannung hrangah hrampi a khoter ih,
Minung in lei a leh thei nak dingah thlaikungpawl,
15 ^oMinung thinlung lungawitertu sabit zu,
A mithmai êngtertu hriak le,
Minung thinlung caktertu sangpawl tla.
16 ^pJehovah-ih thingkungpawl cu khăwpkham zetih ti tawih an si,
A phŭn mi Lebanon ih sidar cu,
17 Cu tawkah vatepawl in an bupawl an sak;
Ngathûr in far thingpawl ah bu a nei.
18 ^qTlang sâng pawl cu zâtharpawl hrangah an si;
Khāmpawl cu shafanpawlih răwlhimnak an si.
19 ^rTik le cu pawl hrangah thlapi a ruat;
Ni in a tlaknak ding a thei.
20 ^sNang in thim na tuah ih, cumi cu zan a si,
Cu tawkah tupi sung ramsapawl zaten an vâksuak.
21 ^tKiosa vanglai pawl in an sa deh ding thlunin an hrûm ih,
Pathian hnen ihsin an rawl an hawl.
22 ^uNi a suah tikah, an tlung ih,
An pûkpawl ah an băwk.
23 ^vMinung cu a hnaṭuannak ah le,
A ṭuanbăngnak ah sîm lam tiang a fehsuak.
24 ^wMaw Jehovah, na thil tipawl hi ziang tluk phun tam so a si!
Cupawl hmuahhmuah cu na fimnak thawi na tuah mi an si.
Leilung cu na sersiam mipawl in a khat.
25 ^xKhi tawkah a tûm le a kau mi tifinriat a um,
A sungah siar cawk lo thilnung tampi an um,
Nunnak nei a te le a tûm pawl thawn.
26 ^yCu tawkah lăwngpawl an feh;
Cu tawk hmun ah lek dingih na tuah mi Leviathan khal a um.
27 ^zA tikcucān teih an rawl na pek thei nak dingah,
Cupawl hmuahhmuah cun nangmah an lo hngak.
28 ^aaAnnih in na pek hai mipawl an khawm;
Na kut na san, annih cu thil ṭha in an khat.
29 ^abNa hmai na thuh tikah, harsatnak an táwng;
An thaw na lâksak tikah, an thi ih leivut ah an kir.
30 ^acNa Thlarau na thlah ih, annihpawl cu sersiam an si;
Cule leilung vangdâp na thartersal.
31 ^adJehovah-ih ropitnak cu hmun kumkhua hram seh;
Jehovah cu a thil ti mipawl ah lungawi aipuangin um seh.
32 ^aeAnih in leilung a run zoh ih, leilung a khūr;
Tlangpawl a thâm hai ih, meikhu an suak.
33 ^afKa nun sung hmuahhmuah Jehovah hnenah hla ka sak ding;
Ka dam sung hmuahhmuah ka Pathian hnenah thangṭhatnak hla ka sak ding.
34 ^agNgunngaih zetih ka ngaihtuahnak hi a hrangah thlum hram seh;
Kei lawngte cu, Jehovah ah ka lung a awi ding.
35 ^ahMisualpawl kha leilung par ihsin kangrál ṭheh si hai sehla,
Misualrálpawl um nawn hlah hai seh.
Maw ka nunnak, Jehovah thangṭhat aw!
Jehovah thangṭhat aw!

104:1^a Job 40:10

104:2^b Job 9:8; 37:18; Isa 40:22; Jer 43:1; 1Ti 6:16

104:3^c Dnp 33:26; 2Sp 2:11; Isa 19:1; Amo 9:6; Nah 1:3

104:4^d Sem 3:24; 2Sp 2:11; Sam 148:8; Heb 1:7

104:5^e Suah 31:17; 1Sam 2:8

104:6^f Sem 7:19; 2Pe 3:6

104:7^g Suah 9:23; Sam 18:15

104:8^h Sam 33:7

104:9ⁱ Sem 1:9

104:10^j Isa 41:18

104:11^k Isa 32:14; Jer 14:6

104:12^l Mat 8:20; 13:32

104:13^m Pui 26:4; Jer 10:13; Amo 9:6

104:14ⁿ Sem 1:29-30; Job 28:5

104:15^o Dnp 8:3; Mat 6:11; Luk 7:46

104:16^p Sem 1:11; Sam 72:16

104:18^q Dnp 14:5; Thf 30:26

104:19^r Sem 1:14; Sam 19:6

104:20^s Isa 45:7; Amo 5:8

104:21^t Joe 1:20; Amo 3:4; Mat 6:26

104:22^u Job 37:8

104:23^v Lai 19:16

104:24^w Sem 1:31; Sam 24:1

104:25^x Sam 69:34; Eze 47:10

104:26^y Sem 1:21; Job 3:8; Eze 27:4; Jon 1:3

104:27^z Job 36:31; 38:41

104:28^aa Sam 103:5

104:29^ab Dnp 31:17; Job 7:21

104:30^ac Sem 1:2

104:31^ad Sem 1:4; Suah 40:35; Rom 11:36

104:32^ae Suah 19:18; Sam 97:4; 144:5

104:33^af Suah 15:1

104:34^ag Sam 2:11

104:35^ah Job 7:10; Sam 28:6; 37:38

105

Jehovah-ih Kumkhaw Rinumnak

1 ^aAw, Jehovah hnenah lungawi thu sim uh!
A hmin ko uh;
Miphunpawl lakah a thil ti mipawl theihter uh!
2 ^bA hnenah hlasak uh, a hnenah Sam hla sak uh;
A mangbangza thil ti mi zaten rel uh.
3 ^cA hmin thianghlim tluangkhawnpi uh;
Jehovah hawltupawlih thinlung cu lungawi aipuangin um seh.
4 ^dJehovah le a cahnak hawl uh;
A mithmai hawl camcin uh!
5 ^eA tuah mi mangbangza a thil tipawl cîng ringring uh,
A thilmakpawl le a relsuak mi thuṭhennakpawl khal,
6 ^fMaw, a siahhlawh Abraham-ih cithlah,
Nannih Jakob tefa, a hril mipawl tla!
7 Amah cu Jehovah kan Pathian a si;
A thuṭhennakpawl cu leilung hmuahhmuah ah a um.
8 ^gA thukham a cîng kumkhua,
San 1000 hrangih thu a pek mi kamsuakthu,
9 ^hAbraham thawi a tuah mi thukham le,
Isak hnenih a thukam cu.
10 ⁱCule cumi cu Jakob hnenah sakhaw dān hrangah a nĕmhnget,
Israel hnenah kumkhaw thukham hrangah,
11 ^j“Na ro covo ah,
Na hnenah Kanaan ram ka lo pe ding,” tiin.
12 ^kAnmahpawl mipum málte an rak si lai,
Málte taktak an si ih, cuih ram ih mikhual an si laiah.
13 ^lAnmahpawl cu miphun khat ihsin a dang phun khat ah an vâkvai ih,
Lalram pakhat ihsin mi dang hnenah.
14 ^mZohman anmah va dekcăwk ding a siang lo;
Anmah ruangah siangpahrangpawl a kawk.
15 ⁿ“Ka hriak thih mipawl hi dai hlah uhla,
Ka profetpawl tuahmawh hlah uh,” tiah a ti.
16 ^oCuihhleiah an ram ah mangṭam a tlunter;
An neih mi thlairawl zaten a siatsuah ṭheh.
17 ^pAn hmaiah mi pakhat a thlah,
Sál ih an zuar mi Joseph cu.
18 ^qA ke cu thir cikcinpawl in an tuahmawh,
Amah cu thir kual sungah an ret.
19 ^rA sim sung mi thu a thlenkimnak ding tikcu a thlen hlanlo,
Jehovah-ih kamsuakthu in amah a hniksak.
20 ^sSiangpahrang in mi a thlah ih amah cu an suakter,
Miphunpawl uktu in amah a luatter.
21 A sungza hotu ah le,
A neih hmuahhmuah uktu ah a tuah,
22 A bawipawl a duh vekih ṭemṭawn dingah le,
A miupapawl fimnak zirh dingah.
23 ^tIsrael khal Izip ah a feh ih,
Jakob cu Ham ram ah a cêng.
24 ^uA mipawl nasa zetin a punter ih,
An ralpawl hnakih cakdeuhin a tuah hai.
25 ^vA mipawl hua dingin le
A siahhlawhpawl hrăwkhrawl zetih ti dingin an thinlung a letter.
26 ^wA siahhlawh Mosi le,
A hril mi Aaron a thlah.
27 ^xAnnih in a thilmak hminsinnakpawl cu an lakah an tuah ih,
Ham ram ah mangbangzapawl.
28 ^yThim a thlah ih, thim ko a tuah;
Cule a kamsuakthu an dokalh nawn lo.
29 ^zAn tidaipawl thisen ah a canter ih,
An ngapawl a that.
30 ^aaAn ram cu butlak in a khat,
An siangpahrangpawlih pindan sung tiangin.
31 ^abThu a pe ih, thothe rual burpi an ra,
Cule an ram sung hmuahhmuah ah fikte an khat ṭheh.
32 ^acAnih in ruah aiah rial a pek hai ih,
An ram ah nimthlakau khal.
33 ^adAn sabit hripawl le theipi kungpawl a vawsiat ih,
An ram sungih thingkungpawl thinghniar ah a canter.
34 ^aeThu a pe ih, kharbawkpawl an ra,
Siar cawk lo kharbawk no pawl.
35 Cule an ram ih thlaikung zaten an ei ṭheh,
Cule an leiram rahsuak mipawl an ei ṭheh.
36 ^afAn ram ih fatir hmuahhmuah khal a that,
An cahnak rah hmaisabik hmuahhmuah cu.
37 ^agAnmahpawl cu sui le ngun thawn a hruaisuak hai ih,
A hnámpawl lakah micak lo pakhat hman an um lo.
38 ^ahAnmahpawl an fehsuah tikah Izip a lung a awi,
Ziangahtile anmah cu an ṭih.
39 ^aiKhuhtu dingah khawdur a pharh ih,
Zan ih tleu petu dingah meisa.
40 ^ajMi senpi in an dil ih, vanîm a pek,
Cule annih cu van sang thawn an khăwpkham.
41 ^akLungpi a áwng ih, tidai a khâwtsuak;
Tiva vekin hmun ro pawl ah a luang.
42 ^alZiangahtile anih in a thutiamkam thianghlim le,
A siahhlawh Abraham a máng ringring.
43 ^amA mipawl kha aipuannak thawn a hruaisuak,
A hril mipawl lungawinak thawn.
44 ^anMiphunpawlih rampawl anmah a pek hai ih,
Minungpawlih ṭuanbăngnak kha ro ah an co,
45 ^aoCutin a sakhaw dānpawl an thlun ih,
A dānpawl an thlun thei nak dingah a si.
Jehovah cu thangṭhat uh.

105:1^a 1San 16:34; Sam 80:18; Joe 2:32; Apo 2:2

105:2^b Sam 7:17; 30:4; 75:1

105:3^c Sam 89:16

105:4^d Sam 24:6

105:5^e Dnp 7:18; Sam 40:5

105:6^f Dnp 10:15; Sam 106:5

105:8^g Sem 9:15; Eze 16:60; Luk 1:72

105:9^h Luk 1:73; Gal 3:15-18

105:10ⁱ Isa 55:3

105:11^j Sem 12:7; Mip 34:2

105:12^k Sem 23:4; Heb 11:9

105:13^l Mip 32:13

105:14^m Sem 12:17-20; 35:5

105:15ⁿ Sem 26:11

105:16^o Sem 12:10; Pui 26:26; Isa 3:1; Eze 4:16

105:17^p Sem 37:28; Apo 7:9

105:18^q Sem 40:15

105:19^r Sem 12:10; 41:40

105:20^s Sem 41:14, 40, 43-44

105:23^t Sem 46:6; 47:28; Sam 78:51; Apo 7:15

105:24^u Suah 1:7, 9; Apo 7:17

105:25^v Suah 1:6-10; 4:21; Apo 7:19

105:26^w Suah 3:10; 4:16

105:27^x Suah 3:20; 4:17; 7:8-12; Dan 4:3

105:28^y Sem 1:4; Suah 7:22; 10:22

105:29^z Suah 7:21; Sam 78:44

105:30^aa Suah 8:2-3, 6

105:31^ab Suah 8:16-18, 21-24

105:32^ac Suah 9:22-26; Sam 78:47

105:33^ad Suah 10:5, 12

105:34^ae Suah 10:2-15; 1Sp 8:37; Joe 1:6

105:36^af Suah 4:23

105:37^ag Suah 3:21-22

105:38^ah Suah 15:16

105:39^ai Suah 13:21; 1Ko 10:1

105:40^aj Suah 16:4, 13; Joh 6:31

105:41^ak Mip 20:11; 1Ko 10:4

105:42^al Sem 12:1-3

105:43^am Suah 15:1-18; Sam 106:12

105:44^an Suah 32:13; Dnp 6:10-11; Jos 11:16-23

105:45^ao Dnp 4:1, 40; Sam 104:35

106

Israel Ngaidamnak ih Lungawi Aipuannak

1 ^aJehovah cu thangṭhat uh!
Aw, Jehovah hnenah lungawi thu sim uh!
Ziangahtile anih cu a ṭha!
Ziangahtile a lainat duhdawtnak cu kumkhuain a hmun.
2 ^bZo in so Jehovah thil ti nasa tak pawl cu simsuak thei ding?
A thangṭhatnak zaten zo in so thăn cawk ding?
3 ^cDiknak kai hnget tu le
Ziang tik cān khalih dingfelnak tuahtu cu mithlawsuak a si.
4 ^dMaw Jehovah, na mipawl hnenih na neih mi duhsaknak thawn i máng ringring aw;
Aw, na runsuahnak thawn i vehvai aw,
5 ^eCutin na hril mipawlih hmuingilnak ka hmuh thei nak dingah le,
Na miphunpawlih lungawinak ih lungawi aipuangih ka um ve thei nak dingah le,
Ro ih na co mipawl zawngih ka tluangkhawn ve thei nak dingah.
6 ^fKan pupápawl thawn kan rak sual,
Mawhsualnak kan rak tuah,
Sualrál zetin kan rak tuah.
7 ^gKan pupápawl in Izip ram ah na mangbangzapawl an rak theithiam lo;
Na zahngainak tampi khal an cîng ringring lo,
Tifinriat kap, Tipi Sen ah an rak hél.
8 ^hSikhalsehla a huham cahnak a theihter thei nak dingah,
Amai hmin ruangah a runsuak hai.
9 ⁱTipi Sen khal a kawk ih, a kâng;
Cule ramṭhing hrawhtlăng vekin,
Ti thûk hrawhtlăngin a hruaisuak hai.
10 ^jAnmah huatupawl kut ihsin a runsuak hai,
Cule ralpawl kut ihsin anmah a tlen.
11 ^kTipi in an ralpawl a khuh;
An lakah a tāng mi pakhat hman an um lo.
12 ^lCun annih in a kamsuakthupawl an zum;
A thangṭhatnak hla an sak.
13 ^mA thil tipawl an hngilh lohli;
A thurawn pek an rak hngak lo.
14 ⁿAsinan ramṭhing ah câkhiarnak nasa zet an nei ih,
Nelrawn ah Pathian an hniksak.
15 ^oCule an dil mi a pe hai,
Asinan an lakah tha cem nat a thlenter.
16 ^pMosi le Jehovah-ih mithiang Aaron cu an ṭanhmun khuarnak ih an iksik tikah,
17 ^qLeilung a áwngaw ih Dathan a lĕm,
Cule Abiram-ih mipi umkhawm a khuh ṭheh.
18 ^rAn mipi umkhawmnak ah mei a alh;
Meialh in misualrálpawl a kangrál.
19 ^sAnnih in Horeb ah caw no pakhat an tuah ih,
Cuih burcawp milim cu an bia.
20 ^tCutin an ropitnak Pathian cu
Hrampi ei caw cang lim ah an thlĕng.
21 ^uIzip ram ih thil ropi pawl tuahtu,
Anmah Rundamtu Pathian an hngilh,
22 ^vHam ram ih mangbangza hnaṭuanpawl le,
Tipi Sen kiangih thil maksak pawl tuahtu kha.
23 ^wCuruangah anmah siatrálter lo dingih a thinlingnak pêngter dingah,
A hril mi Mosi kha Pathian hmaiah rak ding lo sehla cu anmahpawl a siatsuah ding tiah a ti.
24 ^xCun ram nuam cu an nautat;
A kamsuakthu an zum lo.
25 ^yAn puanthlampawl ah an phunzai rero sawn ih,
Jehovah-ih thu an rak lung lo.
26 ^zCuruangah anmahpawl ramṭhing ih hlăwn ṭheh dingin a bân a phar ih
Anmahpawl dokalhin thukamnak a tuah,
27 ^aaMiphunpawl lakih an tesinfapawl hlăwn dingin le,
Ram dangdangih ṭekdarhter dingin.
28 ^abAnmah ten Peor tlang ih Baal an kăwp ih,
Mithi hnenih raithawi mipawl an ei.
29 ^acCutin annih in an thil ti mipawl in a thinheng ko an căwktho ih,
An lakah hremnak a suak.
30 ^adCun Finehas a dīng ih a rak hrawlhaw,
Cule hremnak cu a reh.
31 ^aeCule cumi cu Finehas hrangih dingfelnak ih siarsak a si,
Kumkhuain san hmuahhmuah tiangin.
32 ^afMeribah tidai ah annih in a thin an hengter,
Cule anmahpawl ruangah Mosi parah thil ṭha lo a thleng.
33 ^agA Thlarau dokalhin an hel ruangah,
Mosi in a hmur in manhlap zetin a ṭawngsuak.
34 ^ahThat dingin an hnenih Jehovah in thu a rak pek vekin,
Annih in miphunpawl cu an rak that lo.
35 ^aiAnnih cu miphunpawl thawn an rawiaw ih,
An nundān an zir.
36 ^ajAn milempawl an rian,
Cupawl cu anmah hrangih tháng ah an cang.
37 ^akAn fapapawl tiangin rai ah an thawi ih,
An fanupawl khal khawsiapawl hnenah.
38 ^alCule mawhnak nei lo thisen an suah,
Kanaan milempawl hnenah raithawinak ih an hman mi,
An fapapawl le an fanupawlih thisen cu;
Cule ram cu thisen in a bāl ṭheh.
39 ^amCutin annih cu anmai thil tipawl in a bawrhbangter ih,
Anmai thil tipawl hmangin hlawhhlang an ṭuan.
40 ^anCuruangah Jehovah-ih thinlingnak cu a mipawl parah a alh ih,
Ro ih a co mipawl a fih.
41 ^aoCule anmahpawl kha miphunpawl kut ah a pek ih,
Anmah huatupawl in an uk.
42 ^apAn ralpawl khal in anmah cu an palbĕt ih,
An thuneihnak hnuaiah duaiter an si.
43 ^aqVei tam tuk anmah a runsuak;
Asinan an tumtah mi ah an hél ih,
An mawhsualnak ruangah niam sinsin ih ret an si.
44 ^arCuti cing khal cun, anih cun an auaw a theih tikah,
An zăwnzaihnak a theihpi thotho.
45 ^asCule anmah ruangah anih in a thukham a máng ringring ih,
A lainat duhdawtnak a natsat bangtukin a lamlêt.
46 ^atRalkaih ih hruaihlotu hmuahhmuah in an parih zangfahnak nei ding khalin a tuah.
47 ^auIn run aw, Maw Jehovah Pathian,
Cule miphunpawl lak ihsin in hruaikhawm aw,
Na hmin thianghlim hnenih lungawi thu sim dingah le,
Na thangṭhatnak ih neh dingah.
48 ^avIsrael-ih Pathian Jehovah cu
Kumkhuain kumkhua tiang thangṭhatin um seh!
Cule minungpawl hmuahhmuah in “Amen” tiah ti hai seh.
Jehovah cu thangṭhat uh!

106:1^a Ezr 3:11; Jer 33:11

106:2^b Sam 71:16

106:3^c Sam 15:2; Hos 12:6

106:4^d Sem 50:24; Sam 25:6-7; 77:7

106:5^e Suah 34:9; Dnp 30:15; Sam 105:6

106:6^f 1Sp 8:47; Rom 3:9

106:7^g Suah 14:11; Lai 3:7

106:8^h Isa 25:9; Joe 2:32

106:9ⁱ Isa 50:2; 63:11-14; Nah 1:4

106:10^j Suah 14:30; Isa 35:9

106:11^k Suah 14:27-28

106:12^l Suah 15:1-21

106:13^m Suah 15:24; 16:28; Mip 27:21

106:14ⁿ Sam 68:7; 78:40; 1Ko 10:9

106:15^o Suah 16:13; Mip 1:33

106:16^p Mip 16:1-3

106:17^q Suah 15:12; Mip 16:1

106:18^r Pui 10:2

106:19^s Suah 32:4; Apo 7:41

106:20^t Jer 2:11; Rom 1:23

106:21^u Dnp 10:21

106:22^v Suah 3:20; Dnp 4:34

106:23^w Mip 11:2; Dnp 9:19

106:24^x Mip 14:11; Jer 3:19; Heb 3:18

106:25^y Suah 15:24; 1Ko 10:10

106:26^z Mip 14:23; Heb 3:17

106:27^aa Pui 26:33

106:28^ab Mip 23:28; Dnp 4:3

106:29^ac Mip 16:46

106:30^ad Suah 6:25; Mip 25:8

106:31^ae Sem 15:6; Mip 25:11-13

106:32^af Suah 17:7; Mip 20:2-13

106:33^ag Mip 20:8-12; Isa 63:10

106:34^ah Suah 23:24; Dnp 2:34; Jos 9:15

106:35^ai Lai 3:5-6; Ezr 9:1-2

106:36^aj Suah 10:7; Dnp 7:16

106:37^ak Suah 22:20; Dnp 12:31

106:38^al Dnp 18:10; 2Sp 3:27

106:39^am Sem 3:17; Mip 15:39; Eze 20:18

106:40^an Suah 34:9; Dnp 9:29

106:41^ao Lai 2:14

106:42^ap Lai 4:3

106:43^aq Jos 10:14; Neh 9:28

106:44^ar Lai 3:9; 6:7

106:45^as Sem 9:15; Suah 32:14; Luk 1:72

106:46^at Suah 3:21; 1Sp 8:50

106:47^au Isa 1:12; Jer 31:8; Eze 20:34; Mik 4:6

106:48^av Sam 41:13

Bu 5-nak

107

A Runsuahnak Hna Ropi ruangih Jehovah Thangṭhatnak

1 ^aAw, Jehovah hnenah lungawi thu sim uh, ziangahtile anih cu a ṭha a si!
Ziangahtile a lainat duhdawtnak in kumkhua a daih.
2 ^bRal kut sung ihsin a tlen zo mipawl,
Jehovah ih a tlen zo mipawl khal in cuti vek thothoin sim hai seh,
3 ^cCule ni suah, ni tlak,
Sak lam le thlang lam rampawl ihsin
A hruaikhawm mipawl khal in.
4 ^dRamṭhing ah zin răm zawhin an vâkvai;
Cēnnak ding khua an hmu lo.
5 ^eRilrawng le tihâlin,
An nunnak khal anmai sungah a cau.
6 ^fCun an buai tikah Jehovah hnenah an ausuak ih,
Anih in an vansannakpawl ihsin a runsuak hai.
7 ^gAn cēnnak ding khua ih an feh thei nak dingah,
Anih in anmah cu zin tluang ah a hruai hai.
8 ^hA lainat duhdawtnak ruangah le,
Minung fapapawl parih a mangbangza thil tipawl ruangah Jehovah hnenah lungawi thu sim hai seh!
9 ⁱZiangahtile tihâl mi nunnak kha a di a riamter ih,
A rilrawng mi nunnak kha ṭhatnak in a khatter.
10 ^jKhawthim sung le thihnak thlahlim tăngih topawl,
Zăwnzaihnak le thir cikcinpawl thawi ṭemṭawn a si mipawl cu.
11 ^kPathian kamsuakthupawl dokalhih an hel ruangah le,
Cungnung Bik ih thurawn pek an nautat ruangah a si.
12 ^lCuruangah an thinlung cu ṭuanbăngnak in a tăngdawrter;
An tlu, bawmtu zohman an um lo.
13 ^mCun an buai tikah Jehovah hnenah an ausuak ih,
Anih in an vansannakpawl ihsin a runsuak hai.
14 ⁿAnih in annihpawl cu khawthim le thihnak thlahlim sung ihsin a lasuak hai ih,
An thir cikcinpawl a catter.
15 ^oA lainat duhdawtnak ruangah le,
Minung fapapawl parih a mangbangza thil tipawl ruangah Jehovah hnenah lungawi thu sim hai seh!
16 Ziangahtile anih in dar kăwtkapawl a băl ṭheh ih,
Thir tluan pawl tan hnih ah a tán.
17 ^pAn dān pahbălnakpawl ruangah le,
An mawhsualnakpawl ruangah mi-âpawl in zăwnzaihnak an tuar.
18 ^qAn nunnak in rawl a si mi pauhpauh an fih ih,
Thihnak kăwtkapawl kiang lam an pan.
19 ^rCun an buai tikah Jehovah hnenah an ausuak ih,
Anih in an vansannakpawl ihsin a runsuak hai.
20 ^sAnih in a kamsuakthu a thlah ih a tidam hai,
Cule an siatralnakpawl ihsin a runsuak.
21 ^tA lainat duhdawtnak ruangah le,
Minung fapapawl parih a mangbangza thil tipawl ruangah Jehovah hnenah lungawi thu sim hai seh!
22 ^uAnnih in lungawi thu simnak raithawinak thawi hai sehla,
A thil tipawl kha lungawi aipuang zetin thăn hai seh.
23 ^vTifinriat ih lăwng thawi a fehtupawl,
Tipi parih sumdâwngpawl in,
24 ^wJehovah-ih thil tipawl le,
Ti thûkpi ah a mangbangzapawl an hmu.
25 ^xZiangahtile thu a pe ih thlipi a hrangter,
Cumi cun tifinriat tisuarpawl a thoter.
26 ^yVan lamah an vawrhsoaw,
Ti thûknak sungah an ṭumsal;
Harsat buainak ruangah sumdâwngpawlih thinlung a tiral.
27 ^zKhat lam le khat lamah an pái ih, zu ri pa vekin an hawr,
Umngaihnak an thei lo.
28 ^aaCun an buai tikah Jehovah hnenah an ausuak ih,
Anih in an vansannakpawl ihsin a runsuak hai.
29 ^abAnih in thlipi a daiter,
Cutin tisuarpawl cu an reh.
30 Cun an reh ruangah annih cu an lung a awi.
Cule an duhthusam lăwng cawlhnak hmun ah a hruai hai.
31 ^acA lainat duhdawtnak ruangah le,
Minung fapapawl parih a mangbangza thil tipawl ruangah Jehovah hnenah lungawi thu sim hai seh!
32 ^adAnnih in mipi punkhawmnak hmun khalah amah kha khaisâng hai sehla,
Upapawl khawmnak ah amah cu thangṭhat hai seh.
33 ^aeAnih in tivapawl kha ramṭhing ah a canter ih,
Tihna suahnakpawl kha lei ro ah a canter.
34 ^afA sungih cêngpawlih sualralnak ruangah,
Rah tampi a suah mi ram cu a cing mi ram ah.
35 ^agAnih in ramṭhing kha tilipawl ah a canter ih,
Ram ro kha tihna suahnak ram ah.
36 An cēnnak ding khua an dĭnsuah thei nak dingah,
Cuih hmun ah mi rilrawng pawl a umter.
37 ^ahCule lórampawl ah thlaici an tuh ih sabit hmuan an tuah,
Rah tampi an khawm thei nak dingah a si.
38 ^aiAnih khal in anmah a thlawsuah hai ih, nasa zetin an karh;
Cule an rannungpawl khal a zuzitter lo.
39 ^ajAnmahpawl kha palbĕtnak, zăwnzaihnak le riahsiatnak pawl ruangih,
An zuzit vivo le an tlakniam vivo tikah,
40 ^akMipawimawhpawl parah nautatnak a thlet ih,
Lamzin umlonak ramṭhing ah a vâkvaiter hai.
41 ^alSikhalsehla mifarahpawl hmun sâng ah a ret, zăwnzaihnak thawi a hlatnak ah,
Cule an sungkuapawl cu rante rual vekin a tuah.
42 ^amMidingfelpawl in cumi cu an hmu ih an ai a puang,
Asinan misualrálpawl zaten an kâ an hup.
43 ^anMifim a si mi pauh in hi thilpawl cu an ngaihsak ding,
Cule Jehovah-ih lainat duhdawtnak an ngaihtuah ding.

107:1^a 2San 5:13; 7:3

107:2^b Sam 106:10; Isa 35:9

107:3^c Neh 1:9

107:4^d Jos 5:6

107:5^e Suah 15:22; 16:3

107:6^f Suah 14:10

107:7^g Ezr 8:21

107:8^h Sam 6:4; 75:1; 105:1

107:9ⁱ Jer 31:25; Mat 5:6; Luk 1:53

107:10^j Job 36:8; Isa 9:2; 61:1; Mik 7:9

107:11^k Mip 14:11; 1Sp 22:5

107:12^l 2Sp 14:6

107:13^m Sam 106:8

107:14ⁿ Luk 1:79; Apo 12:7

107:15^o Sam 6:4; 75:1; 105:1

107:17^p Isa 65:6-7; Jer 30:14; Gal 6:7-8

107:18^q Job 17:16; 33:20, 22

107:19^r Sam 5:2; 34:4

107:20^s Job 33:28; Mat 8:8; Luk 7:7

107:21^t Sam 6:4; 75:1

107:22^u Pui 7:12; Job 8:21

107:23^v Isa 42:10

107:24^w Sam 64:9

107:25^x Sam 50:3; 93:3; 105:31

107:26^y Jos 2:11; Luk 8:23

107:27^z Isa 19:14

107:28^aa Jon 1:6

107:29^ab Sam 65:7; 93:3; Luk 8:24

107:31^ac Sam 6:4; 25:1

107:32^ad Sam 1:5; 30:1

107:33^ae 1Sp 17:1; Isa 41:15

107:34^af Sem 13:10

107:35^ag 2Sp 3:17; Job 38:26; Isa 35:7; 43:19

107:37^ah 2Sp 19:29; Isa 37:30

107:38^ai Sem 12:2; 49:25; Dnp 7:13

107:39^aj 2Sp 10:32; Sam 44:9; Eze 5:12

107:40^ak Dnp 32:10; Job 12:18

107:41^al 1Sam 2:8; Job 21:11

107:42^am Job 5:16; 22:19; Rom 3:19

107:43^an Sam 103:11; Jer 9:12; Hos 14:9

108

Nehnak ruangih Thangṭhatnak

Hla. David-ih Sam.

1 ^aMaw Pathian, ka thinlung hi a hnget a si;
Hla ka sak ding ih thangṭhatnak ka lo pe ding, ka thinlung hmuahhmuah khalin.
2 ^bTho thlang uh, cawngcing le ṭingṭang!
Ka ṭhang ding khawfingcat.
3 Maw Jehovah, minungpawl lakah ka lo thangṭhat ding,
Cule miphunpawl lakah na hnenah thangṭhatnak hla ka sak ding.
4 ^cZiangahtile na lainat duhdawtnak cu van hnakin a sângsawn ih,
Na thutak khal khawdurpawl tiang a thleng.
5 ^dKhaisângaw aw, Maw Pathian, van tlunah,
Cule na ropitnak cu leilung hmuahhmuah tlunah um seh;
6 ^eCutin na duhdawt mipawl runsuah an si ding ih,
Na vawrh lam kut in run awla, in ngaithla aw.
7 ^fPathian in a hmun thianghlim ihsin,
“Lungawi aipuangin ka um ding;
Shekem cu ka ṭhen ding ih,
Sukkoth phaikuam cu ka tah ding.
8 ^gGilead cu ka ta a si; Manasseh cu ka ta a si;
Efraim khal ka lu hrangah lukhuh a si;
Judah cu ka siangpahrang kianghrăwl a si.
9 ^hMoab cu ka kut khawlhnak khēng a si;
Edom tlunah ka kedam ka hlăwn ding;
Filisṭia cu nehnak in ka auhhnawh ding,” tiah a ti.
10 Kulh hnget nei khawpi ah zo in so i fehpi ding?
Edom ah zo in so i hruai ding?
11 ⁱMaw Pathian, in hnáwngtu cu nangmah na si lo maw?
Maw Pathian, kan ralkappawl zawngih fehsuak lo tu cu nangmah na si lo maw?
12 ^jHarsat buainak ihsin băwmnak in pe aw,
Ziangahtile milai băwmnak cu san a tlai lo.
13 ^kPathian thawngin ralṭha zetin kan tuah ding,
Ziangahtile kan ralpawl páltu ding cu amah a si.

108:1^a Sam 18:49; 112:7

108:2^b Job 21:12

108:4^c Suah 34:6; Mip 14:18; Sam 36:5

108:5^d Sam 8:1; 57:5

108:6^e Job 40:14; Sam 60:5-12

108:7^f Sem 12:6; 33:17; Sam 68:35; 89:35

108:8^g Sam 78:68

108:9^h Sem 19:37; 2Sam 8:1, 13-14

108:11ⁱ Sam 44:9

108:12^j Sam 118:8; Isa 10:3; Jer 2:36

108:13^k Sam 44:5; Isa 22:5

109

Phuba La dingih Thlacamnak

Hla Hruaitu Hrang. David-ih Sam.

1 ^aDaiten um hlah, ka thangṭhat mi Maw Pathian!
2 ^bZiangahtile misualrálpawlih kâ le mi bumhmangpawlih kâ cu
Keimah dokalhin an ang;
Keimah dokalhin thuphan per lei thawn an ṭawng.
3 ^cCuihhleiah annih in huatnak ṭawngkampawl thawn in kulh ih,
Săn um lo piin in do.
4 ^dKa duhdawtnak cu annih in sual puhnak in in thungrūl,
Asinan kei cu thlacam dingin ka peaw.
5 ^eCutin thil ṭha kha thil ṭha lo in in rul ih,
Ka duhdawtnak kha huatnak in in rul.
6 ^fAmah tlunah misualrál pa ret aw,
Cule sual puhtu kha a vawrh lamah dīngter aw.
7 ^gThuṭhensak a si tikah, mimawh a sizia hmuh si seh,
Cule a thlacam kha sual ah cang seh.
8 ^hA san tawi sehla,
A dinhmun cu mi dang in luah seh.
9 ⁱA falepawl pa nei loin le,
A nupi kha nuhmei ah cang seh.
10 ^jA falepawl cu vâkvai le rawl dilin um hai seh;
A răm mi an hmunpawl ihsin hlatpi ah rawl hawl hai seh.
11 ^kThil a cawihtupawl in a neih hmuahhmuah lâksak hai sehla,
Mikhualpawl in a ṭuanbăngnak răm hai seh.
12 ^lA parah lainat duhdawtnak nei duhtu um hlah hai sehla,
Pa nei lo a falepawl tlunah duhsaktu zohman um fawn hlah hai seh.
13 ^mA cithlah cimit sehla,
A ra lai ding mi san ah an hmin phiahhlo si seh.
14 ⁿAn pupápawlih mawhsualnak cu Jehovah hmaiah cīn ringring si sehla,
A nuih sualnak cu phiahhlo si hlah seh.
15 ^oCupawl cu catbang loin Jehovah hmaiah um hai seh,
Cule anmah cīn ringring nak kha leilung tlun ihsin hlohralter a si ding.
16 ^pZiangruangahtile anih in lainat duhdawtnak lăngter ding kha a mang nawn lo,
Thinlung kekkuaipawl tiangih a thah thei nak dingah,
Mifarah le mitlasam a hrem riangri sawn.
17 ^qMicamsiat a duh vekin, cumi cu a parah thleng seh;
Anih cu thlawsuahnak ih a năwmawk lo vekin, thlawsuahnak kha a hnen ihsin a hlatnak ah um seh.
18 ^rCamsiatnak kha a sinfen vekih a hruk vekin,
Cuih camsiatnak kha a taksaruangpum sungah tidai vekin a lut ih,
A ruhpawl sungah hriak vekin.
19 ^sA hrangah amah khuhtu sinfen vekah cang sehla,
A khap ringring mi a taikhap ah cang seh.
20 ^tCumi cu i hēktupawl hnenah Jehovah-ih lawmman a pek mi si-aw sehla,
Keimah dokalhih thil ṭha lo ṭawngtupawl hnen khalah.
21 ^uAsinan Maw Jehovah Bawipa, nangmah in,
Na hmin ruangah ka parah ṭha zetin in ti aw;
Ziangruangahtile na lainat duhdawtnak cu a ṭha, i runsuak aw.
22 Ziangahtile kei cu mifarah le tlasam ka si ih,
Ka thinlung hi ka sungah hriam a tuar.
23 ^vThlahlim a rál vivo vekin ka cemrál vivo;
Kharbawk vekih thinthlak ka si.
24 ^wRawl ulhnak ruangah ka khukpawl an ṭhia,
Cule thau tlaksam ruangah ka titsa a derthawm.
25 ^xKei khal an hnenah hmuhsuam mi ah ka cang;
Keimah in hmuh tikah, an lu an thing.
26 ^yI bawm hram aw, Maw Jehovah ka Pathian!
Na lainat duhdawtnak zulhin i run hram aw,
27 ^zCutin himi hi na kut ih tuah mi a si ti an thei ding;
Maw Jehovah, cumi cu nangmah ih tuah mi a si!
28 ^aaAnnih cun in camsiat ko hai seh, asinan nang cun thlawsuah i pe aw;
Annih in keimah in dokalh tikah, ningzakin um hai seh,
Asinan na siahhlawh cu lungawi aipuangin um seh.
29 ^abI hēktupawl cu ningzahnak thawi thăwm si hai sehla,
Anmai mualphonak thawn anmah le anmah puan vekin khuhaw hai seh.
30 ^acKa kâ in Jehovah cu nasa zetin ka thangṭhat ding;
A si, mi senpi lakah amah cu ka thangṭhat ding.
31 ^adZiangahtile amah thiam lo cotertupawl hnen ihsin run dingah
Anih cu mifarah kut vawrh lamah a ding.

109:1^a Suah 15:2; Job 34:29; Jer 17:14

109:2^b Sam 43:1; 52:4

109:3^c Sam 35:7; 69:4; Joh 15:25

109:4^d Sam 69:13

109:5^e Sem 44:4

109:6^f 1San 21:1; Job 1:6; Zek 3:1

109:7^g Sam 1:5; Thf 28:9; Isa 41:24

109:8^h Job 15:32; Sam 55:23; Apo 1:20

109:9ⁱ Suah 22:24; Jer 18:21

109:10^j Sem 4:12

109:11^k Mip 14:3; Neh 5:3; Job 20:18; Isa 1:7; Ṭah 5:2

109:12^l Job 5:4

109:13^m Mip 14:12; Job 18:19; Thf 10:7

109:14ⁿ Suah 20:5; Mip 14:18; Isa 65:6-7; Jer 32:18

109:15^o Suah 17:14; Dnp 32:26; Sam 90:8

109:16^p Job 20:19; Sam 34:18

109:17^q Thf 28:27; Mat 7:2

109:18^r Mip 5:22; Sam 10:7

109:19^s Sam 73:6; Eze 7:27

109:20^t Suah 32:34; Sam 91:10; Isa 3:11; 2Ti 4:14

109:21^u Suah 9:16; Sam 3:7; 69:16

109:23^v Suah 10:19; Job 14:2

109:24^w Job 16:8; Sam 35:13; Heb 12:12

109:25^x Job 16:4; Sam 22:6; Mat 27:39; Mar 15:29

109:26^y Sam 12:1

109:27^z Job 37:7

109:28^aa 2Sam 16:12; Sam 66:4; Isa 35:10

109:29^ab Sam 35:26

109:30^ac Sam 35:18

109:31^ad Sam 16:8

110

Puithiam le Siangpahrang a si miih Nehnak

David-ih Sam.

1 ^aJehovah in ka Bawipa hnenah,
“Na ralpawl na ke retnak ih ka tuah hlanlo,
Ka vawrh lamah to aw,” tiah a ti.
2 ^bJehovah in Zion ihsin a cak mi Siangpahrang kianghrăwl a fehsuakter ding.
Na ralpawl lakah uk aw!
3 ^cNa thuneihnak ni ah cun,
Na mipawl an pum an peaw ding;
Thianhlimnakih mawinak ah,
Na minopawl cu khawfingcat pum sung ihsi a suak mi daifim vek an si ding.
4 ^dJehovah in sia a săm zo ih
A lung a thlĕng lo ding,
“Nangmah cu Melkizedek-ih sidān zulhin
Kumkhuain puithiam na si,” tiah a ti.
5 ^eBawipa cu na vawrh lamah a um;
Anih in a thinling ni ah cun siangpahrangpawl a vawthlu hai ding.
6 ^fAnih in miphunpawl lakah thu a ṭhen ding,
Mithi ruak in hmun zakip a khatter ding,
Ram tampi lubânpawl a vawthlu hai ding.
7 ^gLamzin kap tiva te ih tidai a in ding;
Curuangah a lu a cawisâng ding.

110:1^a Jos 10:24; 1Sp 5:3; Mat 22:44; Mar 6:19; 12:36; Luk 20:42; Apo 2:34-35; 1Ko 15:25; Heb 1:13

110:2^b Sem 49:10; Sam 2:6; 72:8; Isa 14:5; Jer 48:17

110:3^c Suah 15:11; Lai 5:2; Mik 5:7

110:4^d Sem 14:18; Mip 23:19; Zek 6:13; Heb 5:6, 10

110:5^e Dnp 7:24; Isa 60:12; Dan 2:44; Rom 2:5; Thu 6:17

110:6^f Sam 9:19; 18:38; Isa 5:25

110:7^g Sam 3:3

111

A Thil Ti Ropi pawl ruangih Pathian Thangṭhatnak

1 ^aJehovah cu thangṭhat uh!
Midĭngpawl punkhawmnak le mipi umkhawmnak ah
Ka thinlung hmuahhmuah in Jehovah cu ka thangṭhat ding.
2 ^bJehovah-ih thil tipawl cu a nasa a si,
Cupawl parih lunghmuinak neitu hmuahhmuah in an zir.
3 ^cA thil ti cu upat tlak le sunlawih tlak a si ih,
A dingfelnak in kumkhua a daih.
4 ^dA mangbangza thil tipawl cu cīn ringring dingah a tuah;
Jehovah cu zangfahnak nei le lainatnak thawi khat a si.
5 ^eAnih in amah ṭihzahtupawl hnenah rawl a pe;
A thukham kha a cîng kumkhua ding.
6 ^fMiphunpawlih ropawl kha a mipawl hnenih a peknak in,
A thil tipawlih huham kha a mipawl hnenah a thăn.
7 ^gA kut thil tipawl cu an tak ih an dik;
A nunphung dānpawl khal rin tlak an si.
8 ^hCupawl cu kumkhuain kumkhua tiang a dīng hngetter,
Cule thutak le dĭngnak thawi tuah mi an si.
9 ⁱA mipawl hnenah tlennak a pe;
A thukham khal kumkhaw hrangah thu a pe:
A hmin cu thianghlim le maksak a si.
10 ^jJehovah ṭihzah cu fimnakih hramthăwknak a si;
A thupekpawl tuahsuaktu hmuahhmuah in theihthiamnak ṭha an nei.
A thangṭhatnak cu kumkhua a hmun.

111:1^a Sam 1:5; 9:1; 34:1; 89:7

111:2^b Job 36:24; Sam 64:9; Thu 15:3

111:3^c Sam 112:3, 9

111:4^d Dnp 4:31; Sam 86:5

111:5^e Sem 1:30; 1San 16:15; Mat 6:31-33

111:6^f Sam 64:9

111:7^g Sam 19:7; 92:4

111:8^h Isa 40:8; Mat 5:18

111:9ⁱ Sam 34:22; Luk 1:49, 68

111:10^j Dnp 4:6; Job 23:15; Sam 28:6

112

Midingfelih Mithlawsuak Sinak Dinhmun

1 ^aJehovah cu thangṭhat uh!
Jehovah ṭihzahtu pa cu mithlawsuak a si,
A thupekpawl ih nasa zetih nuamawtu cu.
2 ^bA tesinfapawl cu leilung tlunah an cak ding,
Midĭngih cithlah sâwng pawl cu thlawsuah an si ding.
3 ^cA inn sungah neihnunnak le lennak a um ding ih,
A dĭngfelnak cu a hmun kumkhua.
4 ^dMidĭng hrangah cun thim lakah tleu a suak;
Anih cu zangfahnak nei, lainatnak neiin a dingfel a si.
5 ^eMiṭha pa in zangfahnak a langter ih a cawih ṭheu;
Amai thuhlapawl cu dik zetin a tawlrel.
6 ^fAnih cu a hnîn dah hrimhrim lo ding;
Midingfel cu kumkhuaih cīn ringring a si ding.
7 ^gAnih cun thuthang ṭha lo a ṭih lo ding;
Jehovah rinsanin a thinlung a hnget.
8 ^hA ralpawl parih a saduhthah a hmuh hlanlo,
A thinlung cu dĭn hngeh a si ih, a ṭih lo ding.
9 ⁱAnih cun tam zet a zemdarh,
Mifarahpawl hnenah a rak pe;
A dingfelnak cu kumkhuain a hmun;
A ki cu upatnak thawn khaisan a si ding.
10 ^jMisualrál in cumi cu a hmu ding ih a thin a nâ ding;
A hâ a rial ding ih, a zupral ding;
Misualrál saduhthah cu a hloral ding.

112:1^a Job 1:8; Sam 1:1-2; 128:1

112:2^b Sam 25:13

112:3^c Dnp 8:18; Sam 37:6

112:4^d Sam 18:28

112:5^e Luk 6:35

112:6^f Sam 15:5; Thf 10:7; Ths 2:16

112:7^g Isa 12:2

112:8^h Sam 54:7; Thf 1:33; Isa 12:2

112:9ⁱ Sam 75:10; 111:3; Luk 19:8; Apo 9:36; 2Ko 9:9

112:10^j Job 8:13; Sam 34:21; 37:12; 86:17; Mat 8:12

113

Pathian Cungnunnak le Maksaknak

1 ^aJehovah cu thangṭhat uh!
Thangṭhat uh, Maw Jehovah-ih siahhlawhpawl tla,
Jehovah hmin cu thangṭhat uh.
2 ^bAtu ihsin kumkhua tiang,
Jehovah hmin cu thangṭhatin um seh!
3 ^cNi suah ihsin ni tlak tiangin
Jehovah hmin cu thangṭhatin um seh.
4 ^dJehovah cu miphunpawl zate tlunah cawisan a si,
A ropitnak khal van tlunah.
5 ^eJehovah kan Pathian vekih
Hmun sâng ih um,
6 ^fLei le van ih a um mi thilpawl thlir dingin,
Amah le amah phahniamawtu cu zo so a si?
7 ^gAnih in mifarah kha leivut ihsin a tungding ih,
Mitlasam kha hnawm penkhawm ihsin a khaisuak,
8 ^hCutin mizahumpawl zawngah a toter,
A mipawlih mizahumpawl zawngah.
9 ⁱAnih in nunau cing pawl inn a pe,
Falepawl thawi aipuang zetih um hringtu nu vekin.
Jehovah cu thangṭhat uh!

113:1^a Sam 22:23; 34:22

113:2^b Sam 30:4; 115:18; Isa 12:4; Dan 2:20

113:3^c Isa 24:15; Mal 1:11

113:4^d Sam 8:1; 99:2

113:5^e Suah 8:10; Job 16:19; Sam 35:10; 103:19

113:6^f Sam 11:4; Isa 57:15

113:7^g 1Sam 2:8; Sam 107:41

113:8^h 2Sam 9:11

113:9ⁱ 1Sam 2:5

114

Israel a Runsuahnak ih Pathian Huham

1 ^aIzip ram ihsin Israel a fehsuak tikah,
Jakob sungza cu ṭawng phun dang a ṭawng mipawl hnen ihsin,
2 ^bJudah cu a hmun thianghlim ah a cang ih,
Israel kha a uk mi ah.
3 ^cTifinriat in a zoh ih a tlanhlo;
Jordan khal a kirsal.
4 ^dTlangpawl cu tuu cang pawl vekin an khir,
Tlang fate pawl khal tuu fa note pawl vekin.
5 ^eZiang in so a lo hnaihnăwk ih, Maw tifinriat, na tlan?
Maw Jordan, na kir?
6 Maw tlangpawl tla, ziangah so tuu cang pawl vekih nan khir?
Maw tlang fate pawl, tuu note pawl vekin?
7 ^fMaw leilung,
Bawipaih hmaika ah le Jakob-ih Pathian hmaika ah khūr aw,
8 ^gLungpi tili ih cangtertu,
Ṭêklung tihna ih cangtertu cu amah a si.

114:1^a Suah 12:51; 13:3

114:2^b Suah 15:17; Sam 76:1

114:3^c Suah 14:21; 15:8; Jos 3:16

114:4^d Lai 5:5

114:5^e Suah 14:21

114:7^f Suah 15:14; 1San 16:30

114:8^g Suah 17:6; Mip 20:11

115

Milem Santlaihlonak le Pathian Rinsan tlak a Sinak

1 ^aKan hnenah si loin, Maw Jehovah, kan hnenah si loin,
Na hmin hnenah ropitnak pe aw,
Na lainat duhdawtnak ruangah,
Na thutak ruangah.
2 ^bZiangah so miphunpawl in,
“An Pathian cu khuiah so?” tiah an ti ding.
3 ^cAsinan kan Pathian cu van ah khin a um;
A duh mi pauhpauh a tuah.
4 ^dAn milempawl cu sui le ngun an si,
Minungpawl kut ih tuah mi an si.
5 ^eCupawl cun kâ an nei nân, an ṭawng thei lo;
Mit an nei nân, an hmu lo.
6 Hna an nei nân, an thei lo;
Hnar an nei nân, rim an thei lo.
7 Kut an nei nân, an thâm thei lo;
Ke an nei nân, an feh thei lo;
An dang ihsi khalin aw an suah thei lo.
8 Cupawl a tuahtupawl khal anmah vek an si,
Cupawl a rinsantupawl khal.
9 ^fMaw Israel, Jehovah rinsan aw;
Amah cu anmahpawl bawmtu le an ralphaw a si.
10 ^gMaw Aaron teih sungza, Jehovah rinsan uh;
Amah cu anmah bawmtu le an ralphaw a si.
11 ^hNannih Jehovah ṭihzahtupawl, Jehovah rinsan uh;
Amah cu anmah bawmtu le an ralphaw a si.
12 ⁱJehovah cun kanmah in ngaihsak ringring;
Amah in thlawsuah in pe ding;
Amah in Israel sungza thlawsuah a pe ding;
Amah in Aaron sungza thlawsuah a pe ding.
13 ^jAmah in Jehovah a ṭihzahtupawl,
A tûm a sen in thlawsuah a pe ding.
14 ^kJehovah in lo pungzaiter sinsin seh,
Nangmah le na falepawl cu.
15 ^lLei le van tuahtu,
Jehovah in thlawsuah lo pe hram seh.
16 ^mVan, van tiang hmanin Jehovah-ih ta a si;
Asinan leilung cu minungpawlih fātepawl hnenah a pek.
17 ⁿMithipawl cun Jehovah an thangṭhat lo ih,
Daiteih umnak hmun ih a fehtupawl khal in.
18 ^oAsinan kannih cun Jehovah kan thangṭhat ding,
Tuih cān ihsi thawkin le kumkhuain.
Jehovah cu thangṭhat uh!

115:1^a Suah 34:6; Sam 29:2

115:2^b Sam 42:3, 10

115:3^c Ezr 5:11; Neh 1:4; Sam 135:6; Mat 6:9

115:4^d 2Sp 19:18; Jer 10:3-5; Apo 19:26; Thu 9:20

115:5^e Jer 10:5

115:9^f Sam 33:20; 37:3

115:10^g Suah 30:30

115:11^h Sam 22:23

115:12ⁱ Sem 12:2; 1San 16:15

115:13^j Sam 112:1

115:14^k Dnp 1:11

115:15^l Sem 1:1; Apo 14:15; Thu 10:6

115:16^m Sem 1:28; Sam 89:11

115:17ⁿ Sam 88:10-12

115:18^o Sam 28:6; 111:1; 113:2

116

Thihnak ihsi Runsuahnak ruangih Lungawi Thu Simnak

1 ^aJehovah ka duhdawt, ziangruangahtile anih in
Ka aw le ka dilnak i theihsak.
2 ^bKa lamih a hna a run thawn ruangah,
Ka dam sung hmuahhmuah amah ka ko ding.
3 ^cThihnak hripawl in in vel ih,
Sheol natnak in in kaibĕt;
Harsatnak le riahsiatnak ka táwng.
4 ^dCun Jehovah hmin ka ko:
“Maw Jehovah, ka lo ngen a si, ka nunnak runsuak aw!” tiah ka ti.
5 ^eJehovah cu zangfahnak nei le midingfel a si;
A si, kan Pathian cu lainatnak thawi khat a si.
6 ^fJehovah in mimâwlpawl a humhim;
Kei cu niamter ka si, cule anih in in run.
7 ^gMaw ka nunnak, na cawlhhahdamnak ah kirsal aw,
Ziangahtile Jehovah in na parah ṭha zetin thil a ti.
8 ^hZiangahtile thihnak ihsin ka nunnak na runsuak,
Mitthli lak ihsin ka mit,
Tlûknak ihsin ka ke.
9 ⁱA nungdam mipawlih ram ah
Jehovah hmaiah ka feh ding.
10 ^jKa zum, curuangah ka sim,
“Kei cu nasa zetih zăwnzaihter ka si.”
11 ^kManhlap zetin kei in,
“Milai hmuahhmuah hi thuphan per an si,” tiah ka ti.
12 ^lKa parih a ṭhatnak zozai ruangah
Jehovah hnenah ziang so ka pek ve ding?
13 ^mRunsuahnak no ka dăwm ding ih,
Jehovah hmin ka ko ding.
14 ⁿJehovah hnenih ka thutiam mipawl cu
A mipawl zate hmaiah ka hlensuak ding.
15 ^oA mithiangpawl thihnak cu,
Jehovah-ih mithmuh ah hlú tak a si.
16 ^pMaw Jehovah, thungaiten keimah cu na siahhlawh ka si;
Keimah cu na siahhlawh ka si, na siahhlawh nuih fapa;
Nang in in ṭemṭawnnakpawl na phelh ṭheh.
17 ^qNa hnenah lungawi thu simnak raithawinak ka hlan ding ih,
Jehovah hmin ka ko ding.
18 ^rJehovah hnenih ka thutiampawl cu
A mipawl zate hmaika ah ka hlensuak ding,
19 ^sJehovah inn sumtualrawnpawl ah,
Maw Jerusalem, nangmai laifang khalah.
Jehovah cu thangṭhat aw!

116:1^a Sam 6:9; 18:1; 31:22

116:2^b Sam 5:1

116:3^c 2Sam 22:6

116:4^d Sam 50:2; 80:18

116:5^e Suah 9:27; 22:27; 2San 12:6; Ezr 9:15; Sam 86:15

116:6^f Sam 18:3; 79:8

116:7^g Sam 13:6; 46:10; Mat 11:29

116:8^h Sam 49:15; 86:13

116:9ⁱ Jer 11:19

116:10^j Sam 37:18; 2Ko 4:13

116:11^k Jer 9:3-5; Hos 7:13; Mik 6:12; Rom 3:4

116:12^l Sam 103:2

116:13^m Sam 105:1

116:14ⁿ Mip 30:2

116:15^o Mip 23:10; Sam 72:14

116:16^p Job 12:18; Sam 86:16; 119:125

116:17^q Pui 7:12; Ezr 1:4

116:18^r Pui 22:18

116:19^s Sam 92:13; 102:21

117

Miphun hmuahhmuah in Jehovah Thangṭhat hai Seh

1 ^aNannih miphunpawl hmuahhmuah, Jehovah thangṭhat uh!
Nannih hrinpawl hmuahhmuah amah cu thangṭhat uh!
2 ^bZiangahtile a lainat duhdawtnak cu kan hrangah a nasa ih,
Jehovah-ih thutak cu kumkhuain a hmun.
Jehovah cu thangṭhat uh!

117:1^a Sam 22:23; Rom 15:11

117:2^b Sam 17:7; 119:90

118

Nehnak Hla

1 ^aJehovah hnenah lungawi thu sim uh, ziangahtile amah cu a ṭha!
A lainat duhdawtnak cu kumkhuain a hmun fawn si.
2 ^bIsrael in,
“A lainat duhdawtnak cu kumkhuain a hmun,” tiah ti seh.
3 ^cAaron-ih sungzapawl in,
“A lainat duhdawtnak cu kumkhuain a hmun,” tiah ti hai seh.
4 ^dJehovah a ṭihzahtupawl in,
“A lainat duhdawtnak cu kumkhuain a hmun,” tiah ti hai seh.
5 ^eKa vansan tikah Jehovah ka ko;
Jehovah in i sawn ih hmun kaupi ah i ret.
6 ^fJehovah cu ka lamah a ṭang,
Ka ṭih lo ding.
Minung in ka parah ziang so a tuah thei ding?
7 ^gJehovah cu keimai hrang, i bawmtupawl lakih mi a si;
Curuangah i huatupawl parah ka saduhthah ka hmu ding.
8 ^hMinung rinsan hnakin,
Jehovah hnenih răwlhimnak lâk a ṭhasawn.
9 ⁱUktupawl rinsan hnakin
Jehovah hnenih răwlhimnak lâk a ṭhasawn.
10 ^jMiphunpawl hmuahhmuah in in kulh,
Asinan Jehovah hmin in anmah cu ka siatsuah hai ding.
11 ^kAnnih cun in kulh,
A si, annih cun in kulh;
Asinan Jehovah hmin in anmah cu ka siatsuah hai ding.
12 ^lAnnih in khuai vekin in kulh;
Annih cu hling rûl meikāng vekin cimih an si;
Jehovah hmin in anmah cu ka siatsuah hai ding.
13 ^mNang cun tlu dingin nasa zetin i tûl,
Asinan Jehovah in i bawm.
14 ⁿJehovah cu ka cahnak le ka hla a si ih,
Amah cu ka runsuahnak ah a cang.
15 ^oMidingfelpawlih puanthlam sungah
Lungawi aipuannak aw le runsuahnak aw a um;
Jehovah-ih vawrh lam kut in ralṭha zetin hna a ṭuan.
16 Jehovah-ih vawrh lam kut cu khaisan a si;
Jehovah-ih vawrh lam kut in ralṭha zetin a hna a ṭuan.
17 ^pKa thi lo ding, ka nung sawn lam ding ih,
Jehovah-ih thil tipawl ka thăn ding.
18 ^qJehovah in na zetin nun i sim,
Asinan thihnak hnenah cun i pesuak lo.
19 ^rDingfelnak kăwtkapawl i ăwnsak aw;
Cupawl ihsin ka lut ding ih,
Jehovah ka thangṭhat ding.
20 ^sHimi hi Jehovah-ih kăwtka a si,
Cumi ihsin midingfelpawl an lut ding.
21 ^tKa lo thangṭhat ding,
Ziangahtile nang in i rak sawn ih,
Ka runsuahnak ah na cang.
22 ^uInn saktupawl ih an hnawn mi lungto kha,
A kilih lungto pawimawhbik ah a cang.
23 Himi hi Jehovah ih tuah mi a si;
Kan mithmuh ah mangbangza a si.
24 ^vHimi hi Jehovah ih semsuah mi ni a si;
Cumi ah aipuang le lungawiin kan um ding.
25 ^wMaw Jehovah, thla ka cam a si, i run aw;
Maw Jehovah, thla ka cam a si, hmuingilnak thlah aw.
26 ^xJehovah hmin ih ra cu thangṭhatin um seh!
Jehovah inn ihsin thangṭhatnak kan lo pe.
27 ^yJehovah cu Pathian a si ih,
Amah in tleu in pe;
Biakṭheng kipawl ah raithawinak cu hri thawn ṭem uh.
28 ^zNang cu ka Pathian na si ih, ka lo thangṭhat ding;
Nang cu ka Pathian na si, ka lo khaisâng ding.
29 Jehovah hnenah lungawi thu sim uh, ziangahtile amah cu a ṭha!
Ziangahtile a lainat duhdawtnak cu kumkhuain a hmun.

118:1^a 1San 16:8; 2San 5:13; Ezr 3:11

118:2^b Sam 106:1; 115:9

118:3^c Suah 30:30; Sam 115:10

118:4^d Sam 115:11

118:5^e Sam 18:6; 34:4

118:6^f Dnp 31:6; Sam 56:4; Heb 13:5-6

118:7^g Dnp 33:29; Sam 54:7; Heb 13:6

118:8^h 2San 32:7-8; Sam 2:12; Isa 2:22; 25:4

118:9ⁱ Sam 146:3

118:10^j Sam 37:9

118:11^k Sam 88:17

118:12^l Dnp 1:44; Sam 58:9

118:13^m 2San 18:31; Sam 86:17

118:14ⁿ Suah 15:2; Sam 6:2

118:15^o Suah 15:6; Job 8:21; Luk 1:51

118:17^p Dnp 32:3; Hab 1:12

118:18^q Sam 86:13; Jer 31:18; 1Ko 11:32; Heb 12:5

118:19^r Sam 24:7; 100:4

118:20^s Sam 15:1-2; 122:1; Thu 22:14

118:21^t Sam 27:1

118:22^u Isa 8:14; 17:10; Zek 4:7; Mat 21:42; Mar 12:10-11; Apo 4:11

118:24^v Sam 70:4

118:25^w Sam 28:9

118:26^x Sam 129:8; Mat 11:3; Mar 11:9; Luk 13:35; Joh 12:13

118:27^y Suah 27:2; Pui 23:40; Sam 27:1; Isa 58:10; Mal 4:2; 1Pe 2:9

118:28^z Sem 28:21; Suah 15:2; Isa 25:1

119

Pathian Dān Ropitzia

1 ^aJehovah Dān ih a fehtu,
An nundān ih sawihnăwm kai lo pawl cu mithlawsuak an si!
2 ^bA thutheihter mipawl thluntu,
Thinlung zate ih amah hawltupawl cu mithlawsuak an si!
3 ^cAnnih cun mawhsualnak an tuah lo;
A lamzinpawl ah an feh.
4 ^dNa nunphung dānpawl ṭhahnemngai zetih thlun dingin
Nang in thu in rak pe.
5 ^eKa nundānpawl hi na sakhaw dānpawl thlun dingih
Tundīn si sehla cu aw!
6 Cule na thupekpawl hmuahhmuah ka zoh tikah,
Ningzahter ka si lo ding.
7 ^fA dingfel mi na thuṭhennakpawl ka zir tikah,
A dik mi thinlung thawn ka lo thangṭhat ding.
8 ^gNa sakhaw dānpawl ka thlun ding;
I thlauthla verver hlah aw maw!

119:1^a Sem 17:1; Dnp 18:13; Thf 11:20

119:2^b Dnp 10:12; 1San 16:11; Sam 99:7; 112:1; Isa 56:2

119:3^c Sam 59:4; 128:1; Jer 6:16; 1Joh 1:3, 9

119:4^d Dnp 6:17; Sam 103:18

119:5^e Pui 19:37; Thf 4:26

119:7^f Dnp 4:8

119:8^g Sam 38:21

9 ^aMino in ziangtin a nun a thiangter thei ding?
Na kamsuakthu bangtukih kilvenawknak in.
10 ^bKa thinlung zaten ka lo hawl;
Na thupekpawl ihsin i vâkvaiter hlah!
11 ^cNangmah dokalhih ka suallonak dingah,
Ka thinlung ah na kamsuakthu ka khawlkhawm.
12 ^dMaw Jehovah, nang cu thangṭhat tlak na si!
Na sakhaw dānpawl i zirh aw!
13 Na relsuak mi zīn le dān pawl zaten
Ka hmur in ka thăn.
14 Lennak hmuahhmuah tlukin,
Na thutheihter mipawlih zin ah lungawi aipuannak ka nei.
15 Na nunphung dānpawl cu ngunngaih zetin ka ngaihtuah ding ih,
Na lamzinpawl ṭhaten ka ngaihtuah ding.
16 ^eNa sakhaw dānpawl ah ka nuamaw ding;
Na kamsuakthu ka hngilh lo ding.

119:9^a Sam 39:1

119:10^b Sam 9:1

119:11^c Dnp 6:6; Job 22:22; Thf 3:23; Isa 63:13

119:12^d Suah 18:20; Sam 28:6; 143:8, 10

119:16^e Sam 112:1

17 ^aKa nundam ih na kamsuakthu ka thlun thei nak dingah,
Na siahhlawh parah ṭha zetin thil ti aw.
18 Na dān ihsin mangbangza thilpawl ka hmuh thei nak dingah,
Ka mitvângter aw.
19 ^bKei cu leilung ah mikhual ka si;
Ka hnen ihsin na thupekpawl thup hlah.
20 ^cZiangtik lai khalah na zīn le dān pawl ngaiin,
Ka thinlung a kuai.
21 ^dNa thupekpawl pialsantu,
Camsiat mi, mipuarthaupawl cu na kawk hai.
22 ^eKa hnen ihsin hmuhsuamnak le nautatnak kiangter aw,
Ziangahtile kei cun na thutheihter mipawl ka thlun a si.
23 Uktupawl khal an tokhawm ih keimah dokalhin an ṭawng,
Asinan na siahhlawh cun na sakhaw dānpawl ngunngaih zetin a ngaihtuah.
24 Na thutheihter mipawl khal ka năwmawknak le
Thurawn i petu an si.

119:17^a Sam 13:6

119:19^b Sem 23:4; Heb 11:13

119:20^c Sam 42:2; Isa 26:9

119:21^d Dnp 27:26; Job 30:1; Jer 20:7; Dan 4:37; Mal 3:15

119:22^e Sam 39:8

25 ^aKa nunnak hi leivut ah a bĕt;
Na kamsuakthu zulhin i ṭhangphawksal aw.
26 ^bKa nundānpawl ka rak thăn ih, nang in i rak let;
Na sakhaw dānpawl i zirh aw.
27 ^cNa nunphung dānpawlih umtuzia theithiam ko i tuah aw;
Cutin na mangbangza thil tipawl ngunngaih zetin ka ngaihtuah ding.
28 ^dRiahsiatnak ruangah ka thinlung a ṭap;
Na kamsuakthu zulhin i cakter aw.
29 ^eThuphan per nundān kha ka hnen ihsin ṭhawnhlo awla,
Na dān cu siang zetin i pe aw.
30 ^fThutak zin cu ka rak hril;
Na zīn le dān pawl khal ka hmaiah ka ret.
31 ^gNa thutheihter mipawl ah ka bĕt;
Maw Jehovah, ningzakin i umter hlah!
32 Na thupekpawl zin ah ka tlân ding,
Ziangahtile nang in ka thinlung na várkauter.

119:25^a Sam 44:25

119:26^b Sam 25:4; 86:11

119:27^c Sam 105:2

119:28^d Sam 6:7; 18:1; Isa 40:29; 51:11; Jer 45:3

119:29^e Mip 6:25; Sam 26:4

119:30^f Job 24:22; Sam 26:3; 108:1

119:31^g Dnp 10:20

33 Maw Jehovah, na sakhaw dānpawl zin i zirh aw,
Cule a net tiang ka thlun ding.
34 ^aTheihthiamnak i pe awla, na dān ka thlun ding;
Thungaingaiin, cumi cu ka thinlung zaten ka thlun ding.
35 ^bNa thupekpawl zin i zawhter aw,
Ziangahtile cumi ah ka nuamaw a si.
36 ^cMi thil dawtnak lamah si loin,
Ka thinlung hi na thutheihter mipawl lamah hawiter aw.
37 ^dKa mit hi thil santlailo pawl zoh rero nak ihsin pialter aw,
Cule na lamzin ah i ṭhangphawksal aw.
38 ^eNangmah ṭihzahnak suaktertu,
Na kamsuakthu kha na siahhlawh hnenah dĭn hnget aw.
39 ^fKa ṭih zet mi hmuhsuam ka sinak hi phialhlo aw,
Ziangahtile na zīn le dān pawl cu an ṭha.
40 Ngai hnik, na nunphung dānpawl ka ngai;
Na dingfelnak ah i ṭhangphawksal aw.

119:34^a Dnp 6:25; Job 32:8; Thf 2:6; Dan 2:21; Jam 1:5

119:35^b Sam 1:2; 25:4-5

119:36^c Jos 24:23; Eze 33:31

119:37^d Sam 71:20

119:38^e Mip 23:19

119:39^f Sam 69:9; Isa 25:8

41 ^aNa lainat duhdawtnak kha ka hnen khalah thlengter aw, Maw Jehovah,
Na kamsuakthu zulhin na runsuahnak khal.
42 ^bCutin i hmuhsuamtu lehsalnak ka nei ding,
Ziangahtile na kamsuakthu ka rinsan.
43 ^cCule thutak kamsuakthu kha ka kâ sung ihsin lahlo thluh hlah,
Ziangahtile na zīn le dān pawl ah ruahsannak ka nei.
44 ^dCutin na dān cu ka thlun tlaitluan ding,
Kumkhuain kumkhua tiang.
45 ^eCule zalen zetin ka feh ding,
Ziangahtile na nunphung dānpawl ka hawl a si.
46 ^fSiangpahrangpawl hmai khalah na thutheihter mipawl ka sim ding,
Cule ningzahter ka si lo ding.
47 ^gCule ka duh mi,
Na thupekpawl ah ka nuamaw ding.
48 ^hKa kutpawl khal ka duh mi,
Na thupekpawl lamah ka thlir ding,
Cule na sakhaw dānpawl ngunngaih zetin ka ngaihtuah ding.

119:41^a Sam 6:4

119:42^b Sam 42:10; Thf 27:11

119:43^c 1Sp 17:24

119:44^d Dnp 6:25

119:45^e Thf 4:12

119:46^f Mat 10:18; Apo 26:1-2

119:47^g Sam 112:1

119:48^h Sem 24:63

49 Na siahhlawh hnenih na kamsuakthu,
Cumi parih ruahsannak i neihter mi kha cîng ringring aw.
50 Himi hi zăwnzaih ka tuar tikih ka hnangamnak a si,
Ziangahtile na kamsuakthu in i rak ṭhangphawk.
51 ^aMipuarthaupawl in nasa zetin in hnihsan,
Asinan na dān ihsin ka pial cuang lo.
52 ^bKhuahlan na zīn le dān pawl ka cîng ringring, Maw Jehovah,
Cule keimah le keimah ka hnemaw.
53 ^cNa dān thlauthlatu misualrálpawl ruangah
Aithawknak in in cîmbuai.
54 ^dKa khualtlawnnak inn ah,
Na sakhaw dānpawl hi ka hla an si.
55 ^eZan ah na hmin ka cîng ringring, Maw Jehovah,
Na dān ka thlun a si.
56 ^fHimi hi ka ta ah a cang,
Ziangahtile na nunphung dānpawl ka thlun.

119:51^a Job 16:10; 23:11

119:52^b Sam 103:18

119:53^c Suah 32:19; Sam 89:30

119:54^d Sam 101:1

119:55^e Sam 1:2; Isa 26:9; Apo 16:25

119:56^f Mip 15:40

57 ^aNang cu ka covo na si, Maw Jehovah;
Na kamsuakthupawl ka thlun ding tiah ka tiamaw.
58 ^bNa duhsaknak kha ka thinlung hmuahhmuah in ka ngen a si,
Na kamsuakthu zulhin ka parah zahngainak nei hram aw.
59 ^cKa lamzinpawl ka ruat,
Cule na thutheihter mipawl lamah ka ke ka her.
60 Na thupekpawl thlun dingah,
Ka hmanhmawh zet, ka muangcâng lo.
61 Misualrálpawlih hrihrualpawl in in vêt,
Asinan na dān ka hngilh lo.
62 ^dNa zīn le dān dik pawl ruangah
Zanṭim ah nangmah lo thangṭhat dingin ka tho ding.
63 ^eKeimah cu nangmah ṭihzahtu hmuahhmuah le,
Na nunphung dānpawl thluntupawlih hawipi ka si.
64 ^fLeilung hi na lainat duhdawtnak in a khat, Maw Jehovah;
Na sakhaw dānpawl i zirh aw.

119:57^a Dnp 32:9; Jer 51:19; Ṭah 3:24

119:58^b Sem 43:29; Dnp 4:29; 1San 16:11; Ezr 9:8

119:59^c Jos 24:14-15

119:62^d Apo 16:25

119:63^e Sam 15:4

119:64^f Sam 33:5

65 ^aMaw Jehovah, na kamsuakthu bangtukin
Na siahhlawh hi na rak ti ṭha.
66 ^bThuṭhennak ṭha le theihnak i zirh aw,
Ziangahtile na thupekpawl ka zum.
67 ^cZăwnzaihter ka si hlanah cun ka rak fehpêng,
Asinan atu-ah cun na kamsuakthu ka thlun a si.
68 ^dNang cu miṭha na si ih, thil ṭha na tuah;
Na sakhaw dānpawl i zirh aw.
69 ^eMipuarthaupawl in keimah dokalhin thuphan an phuah,
Asinan kei cun na nunphung dānpawl ka thinlung zaten ka thlun ding.
70 ^fAn thinlung cu a hit bepbep,
Asinan kei cu na dān ah ka nuamaw a si.
71 Na sakhaw dānpawl ka thlun thei nak dingah,
Zăwnzaihter ka si hi ka hrangah a ṭha.
72 ^gNa kamsuak dān cu,
Sui le ngun a thawng a thawng hnakin ka hrangah a ṭhasawn a si.

119:65^a Sam 125:4; Isa 50:2; Mik 2:7

119:66^b Sam 51:6; Fil 1:6

119:67^c Sam 95:10; 116:10; Jer 8:4

119:68^d Suah 18:20; Sam 100:5

119:69^e Job 13:4

119:70^f Sam 17:10; Isa 29:13; Apo 28:27

119:72^g Job 28:17

73 ^aNa kut in i tuah ih i sersiam;
Na thupekpawl ka zir thei nak dingah, theihthiamnak i pe aw.
74 ^bNangmah ṭihzahtupawl in keimah in hmuh tikah an lung a awi ding,
Ziangruangahtile na kamsuakthu parah ruahsannak ka nei a si.
75 ^cMaw Jehovah, na thuṭhennakpawl cu a dik ti ka thei,
Cule rinumnak ah nang in i zawnzaiter.
76 ^dNa siahhlawh hnenih na kamsuakthu zulhin,
Na lainat duhdawtnak cu ka hnangamnak si seh.
77 ^eKa nundam thei nak dingah
Ka hnenah na lainatnak thlengter aw;
Ziangahtile na dān cu ka năwmawknak a si.
78 ^fMipuarthaupawl ningzahter si hai seh,
Ziangahtile thuphanpi in dik lo zetin in hringhro rero;
Asinan kei cu na nunphung dānpawl ngunngaih zetin ka ngaihtuah ding.
79 Nangmah ṭihzahtupawl ka lamah hawi hai seh,
Na thutheihter mipawl theitupawl kha.
80 ^gNingzahter ka silonak dingah,
Na sakhaw dānpawl thuhla ah ka thinlung hi sawihnăwm kai lo si seh.

119:73^a Sem 1:27; Job 4:17

119:74^b Sam 34:2; 130:5

119:75^c Heb 12:5-11

119:76^d Sam 6:4

119:77^e Sam 90:13

119:78^f Sam 35:19; Jer 50:32

119:80^g Sem 26:5; 1Sp 8:61

81 ^aNa runsuahnak hmuh duhin ka nunnak a cau,
Asinan na kamsuakthu ah ruahsannak ka nei.
82 ^bNa kamsuakthu ka hawlnak ah ka mit an rau thluh.
“Ziang tikah so i hnem ding?” tiah ka ti.
83 Ziangahtile kei cu meikhu lakih ret mi sabit zu thâwl vek ka si.
Asinan na sakhaw dānpawl ka hngilh lo.
84 ^cNa siahhlawhih dam sung nipawl tla hi ziang zat an si?
Keimah i hremtupawl parah ziang tikah so thuṭhennak na tuah ding?
85 ^dMipuarthaupawl in ka hrangah khurpawl an lai,
Cumi cu na dān thawi milaw a si lo.
86 ^eNa thupek zaten an rinum;
Annih in dik lo zetin in hrem;
In bawm aw!
87 ^fLeitlun ah in hloralter zikte thlang,
Asinan na nunphung dānpawl ka thlauthla cuang lo.
88 ^gNa lainat duhdawtnak zulhin i ṭhangphawksal aw,
Cutin na hmurkâ ih thutheihter mipawl ka thlun thei ding.

119:81^a Sam 84:2

119:82^b Sam 6:7; Ṭah 2:11

119:84^c Sam 6:3; Jer 12:3; Thu 6:10

119:85^d Sam 35:7; Jer 18:20, 22

119:86^e Sam 7:6; 109:26

119:87^f Isa 1:4, 28

119:88^g Sam 41:2

89 ^aMaw Jehovah, na kamsuakthu cu,
Van ah kumkhuain dĭn hngeh a rak si.
90 ^bNa rinumnak cu san hmuahhmuah a daih;
Leilung hi na dĭn hnget ih, a um ringring.
91 ^cNa zīn le dān zulhin tuihni tiang an pehzăwm vivo,
Ziangahtile an zaten na siahhlawh an si.
92 ^dNa dān hi ka năwmawknak rak si lo sehla cu,
Ka zăwnzaihnak ah ka hloral zo ding.
93 ^eNa nunphung dānpawl ka hngilh dah lo ding,
Ziangahtile anmahpawl hmangin nang in in ṭhangphawk.
94 ^fKei cu nangmai ta ka si, i run aw;
Ziangahtile na nunphung dānpawl ka hawl.
95 ^gMisualrálpawl in keimah siatsuah dingin in bawh,
Asinan kei cun na thutheihter mipawl ka ngaihtuah ding.
96 ^hFamkimnak hmuahhmuah ih netnak ka hmu zo,
Asinan na thupek cun nasa tukin a huap kau a si.

119:89^a Sam 89:2; Isa 51:6; Mat 5:18; 1Pe 1:25

119:90^b Job 8:19; Sam 36:5; 45:17

119:91^c Sam 104:2-4; Jer 31:35; 33:25

119:92^d Sam 37:4

119:93^e Sam 103:5

119:94^f Sam 54:1; Jer 17:14

119:95^g Sam 69:4

119:96^h Sam 19:7

97 Na dān ka duhzia cu aw!
Cumi cu sunnihlawh ngunngaih zetih ka ngaihtuah mi a si.
98 ^aNangmah in, na thupekpawl hmangin, ka ralpawl hnakih fimsawnah i tuah;
Ziangahtile na thupekpawl cu ka hnenah an um ringring.
99 I zirhtupawl zate hnakin theihthiamnak ka nei tamsawn,
Ziangahtile na thutheihter mipawl cu ngunngaih zetih ka ngaihtuah mi an si.
100 ^bMiupapawl hnakin ka theithiam tamsawn,
Na nunphung dānpawl ka thlun ruangah a si.
101 ^cLamzin ṭha lo kip ihsin, ka ke ka sūp thei nak dingah,
Na kamsuakthu ka thlun.
102 ^dNa zīn le dān pawl ka suahsan lo,
Ziangahtile nangmah rori in i zirh zo.
103 ^eNa kamsuakthupawl cu ziang tlukin so an thlum!
Khuai tizu hnakin ka kâ ah cun an thlumsawn.
104 ^fNa nunphung dānpawl ihsin theihthiamnak ka ngah;
Curuangah lamzin sual pauhpauh ka hua.

119:98^a Dnp 4:6; 2Ti 3:5

119:100^b Dnp 6:17

119:101^c Thf 1:15

119:102^d Dnp 4:5; 17:20; Jos 23:6

119:103^e Sam 19:10; Thf 24:13-14

119:104^f Sam 111:10

105 ^aNa kamsuakthu cu ka ke hrangah meito a si ih,
Ka zin hrangah tleu a si.
106 ^bNa zīn le dān dik pawl ka thlun ding tiah
Sia ka săm ih, ka nĕmhnget.
107 Zăwnzaihnak nasa zetin ka tuar;
Maw Jehovah, na kamsuakthu zulhin i ṭhangphawksal aw.
108 ^cMaw Jehovah, ka kâ palungsuak thilhlănpawl hi cohlang awla,
Na zīn le dān pawl in zirh aw.
109 ^dKa nunnak cu catbang loin thlaphanumzain a um,
Asinan na dān cu ka hngilh dah lo.
110 ^eMisualrálpawl in ka hrangah tháng an kăm,
Asinan na nunphung dānpawl ihsin ka pial lo.
111 Na thutheihter mipawl cu ka kumkhaw ro a si,
Ziangahtile cupawl cu ka thinlung aipuannak an si.
112 ^fKumkhuain, a net tiang rori in,
Na sakhaw dānpawl tuahsuak dingin ka thinlung in ka tum.

119:105^a Thf 6:23; 20:27; 2Pe 1:19

119:106^b Neh 10:29

119:108^c Sam 51:15

119:109^d Lai 12:3

119:110^e Sam 25:15; Isa 8:14; Amo 3:5

119:112^f Sam 108:1

113 ^aThinlung phir ka hua,
Asinan na dān cu ka duh.
114 ^bNang cu ka relhnak le ka ralphaw na si;
Na kamsuakthu ah ruahsannak ka nei.
115 ^cNannih thil ṭha lo tuahtupawl, ka hnen ihsin tlân uh,
Ziangahtile ka Pathian thupekpawl ka thlun ding!
116 ^dKa nun thei nak dingah, na kamsuakthu zulhin i tungding aw;
Cule ka ruahsan mi parah ningzakin i umter hlah.
117 ^eI kai hnget aw, cule ka him ding,
Cule na sakhaw dānpawl catbang loin ka thlun ding.
118 Na sakhaw dānpawl ihsin a pialtupawl zaten na rak hnáwng,
Ziangahtile an mi bumnak cu thuphan a si.
119 ^fLeilung misualrálpawl zaten thir êk bangin na hlăwnhlo hai;
Curuangah na thutheihter mipawl cu ka duh a si.
120 ^gNangmah ṭih ruangah ka titsa a khūr ih,
Na thuṭhennakpawl ka ṭih.

119:113^a 1Sp 18:21; Jam 1:8

119:114^b Sem 15:1

119:115^c Sam 6:8

119:116^d Sam 18:35; Isa 46:4; Rom 5:5

119:117^e Sam 34:4; Isa 41:10

119:119^f Isa 1:22, 25; Eze 22:18-19

119:120^g Jos 24:14; Job 4:14; Isa 64:2; Jer 10:7; Hab 3:2, 16

121 ^aA dik mi le a dingfel mi ka rak tuah;
I palbĕttupawl hnenah i tân ta hlah aw.
122 ^bNa siahhlawh ṭhatnak dingah âmkhāmtu si aw;
Mipuarthaupawl kha in palbĕtter hlah.
123 ^cA dingfel mi na kamsuakthu le
Na runsuahnak hawl ah ka mit an rau ṭheh.
124 ^dNa lainat duhdawtnak thawn na siahhlawh hi ṭha zetin ti aw,
Cule na sakhaw dānpawl i zirh aw.
125 ^eKei cu na siahhlawh ka si;
Na thutheihter mipawl ka theih thei nak dingah,
Theihthiamnak i pe aw.
126 ^fAtu hi Jehovah căngvaih cān a si,
Ziangahtile annih in na dān an pahbăl.
127 ^gCuruangah na thupekpawl cu sui hnakin ka duh a si,
A si, sui hlirhlăng hnakin.
128 ^hCuruangah thil hmuahhmuah thuhla ah cun,
Na nunphung dānpawl hmuahhmuah hi
A dik tiah ka ruat;
Lamzin sual pauhpauh ka hua.

119:121^a 2Sam 8:15; Job 27:6

119:122^b Job 17:3; Sam 106:42

119:123^c Isa 38:14

119:124^d Sam 25:7

119:125^e Sam 116:16

119:126^f Mip 15:31

119:127^g Job 3:21; Sam 19:10

119:128^h Sam 19:8; 31:6; Thf 13:5

129 Na thutheihter mipawl cu mangbangza an si;
Curuangah ka nunnak in a thlun hai.
130 ^aNa kamsuakthupawl phuanlăngnak in tleu a pe;
Cumi in mimâwlpawl hnenah theihthiamnak a pe.
131 ^bKa kâ ka ang ih ka thaw hluthlo,
Ziangahtile na thupekpawl ka ngai.
132 ^cI zoh awla, i zangfah hram aw,
Na hmin duhdawtupawl lamih na ti kel vekin.
133 ^dKa kekarpawl hi na kamsuakthu in hngetter aw,
Cule mawhsualnak in in uk hlah seh.
134 Na nunphung dānpawl ka thlun thei nak dingah,
Minungpawlih palbĕtnak ihsin i tlen aw.
135 ^eNa siahhlawh parah na mithmai êngter awla,
Na sakhaw dānpawl i zirh aw.
136 ^fKa mit ihsin tiva a luang,
Ziangruangahtile milaipawl in na dān an thlun lo.

119:130^a Sam 19:7

119:131^b Sam 42:1

119:132^c 2Sam 24:14; Sam 5:11; 6:4

119:133^d Rom 6:12, 16

119:135^e Mip 6:25

119:136^f Ezr 9:15; Neh 9:13; Isa 22:4; Jer 9:2-7

137 Maw Jehovah, nang cu midingfel na si,
Na zīn le dān pawl khal an dik.
138 ^aThu na pek mi na thutheihter mipawl cu,
An dingfel ih an rinum zet.
139 ^bKa ralpawl in na kamsuakthupawl an hngilh ruangah,
Ka ṭhahnemngainak in i kangrál.
140 ^cNa kamsuakthu cu a fai tuk;
Curuangah na siahhlawh in cumi cu a duh.
141 ^dKei cu mitenau le hmuhsuam mi ka si,
Cuti cing cun na nunphung dānpawl ka hngilh lo.
142 ^eNa dingfelnak cu kumkhaw dingfelnak a si ih,
Na dān cu thutak a si.
143 Buainak le ānhainak in in táwngngah,
Cuti cing cun na thupekpawl cu ka năwmawknak an si.
144 Na thutheihter mipawl cu an dingfel kumkhua;
Theihthiamnak i pe aw, cule ka nung ding.

119:138^a Sam 19:7-9

119:139^b Sam 69:9; Joh 2:17

119:140^c Jos 23:14; Sam 12:6

119:141^d Sam 22:6

119:142^e Sam 19:7

145 Ka thinlung zaten ka ausuak;
Maw Jehovah, i ngai aw!
Na sakhaw dānpawl ka thlun ding.
146 Na hnenah ka ausuak;
I run aw, cule na thutheihter mipawl ka thlun ding.
147 ^aKhawfingcat hlanah ka tho ih,
Băwmnak hrangah ka au;
Na kamsuakthu ah ruahsannak ka nei.
148 ^bNa kamsuakthu ngunngaih zetih ka ngaihtuah thei nak dingah,
Zan sentari kil cān tluansuakin ka meng.
149 ^cNa lainat duhdawtnak zulhin ka aw ngai aw;
Maw Jehovah, na diknak zulhin i ṭhangphawksal aw.
150 ^dSualralnak thluntupawl in in ra naih vivo;
Annih cu na dān thawn a hlataw mi an si.
151 ^eMaw Jehovah, nang cu na nai a si,
Cule na thupekpawl hmuahhmuah hi thutak an si.
152 ^fNa thupekpawl cu kumkhaw daih dingin na rak dĭn ti na thutheihter mipawl ihsin hlanah ka rak thei.

119:147^a Sam 5:3

119:148^b Sam 63:1, 6

119:149^c Sam 27:7

119:150^d Sam 37:2

119:151^e Sam 34:18; Fil 4:5

119:152^f Sam 111:8; Luk 21:33

153 ^aKa zăwnzaihnak zoh awla i runsuak aw,
Ziangahtile na dān ka hngilh lo.
154 ^bKan ṭannak hum awla, i tlen aw;
Na kamsuakthu zulhin i ṭhangphawk aw.
155 Runsuahnak cu misualrálpawl hnen ihsin a hla,
Ziangahtile na sakhaw dānpawl an hawl lo.
156 ^cNa lainatnak cu a nasa tuk, Maw Jehovah;
Na zīn le dān pawl zulhin i ṭhangphawk aw.
157 ^dKa ralpawl le i hremtupawl an tam tuk,
Cu cingin na thutheihter mipawl ihsin ka fehpêng lo.
158 ^eMi phatsanhmangpawl ka hmu hai ih, ka mit an kem,
Ziangruangahtile annih in na kamsuakthu an thlun lo.
159 ^fNa nunphung dānpawl ziang tluk ka duh ti ruat hnik;
Maw Jehovah, na lainat duhdawtnak zulhin i ṭhangphawksal aw.
160 ^gNa kamsuakthu pumpi in thutak a si ih,
A dik mi na zīn le dān pawl cu pakhat fingfing in kumkhua an daih.

119:153^a Sam 3:7; 13:3; 44:17

119:154^b 1Sam 24:15; Sam 35:1; Jer 50:34; Mik 7:9

119:156^c Neh 9:27; Jam 5:11

119:157^d Sam 7:1; 44:18

119:158^e Suah 32:19

119:159^f Sam 41:2

119:160^g Sam 111:8

161 ^aThu um loin uktupawl in in hrem,
Asinan ka thinlung cu na kamsuakthu ṭihzahupatnak thawn a ding.
162 ^bHlawnthil tampi sartu vekin,
Na kamsuakthu ah lungawi aipuangin ka um.
163 Thuphan cu ka hua ih ka fih,
Asinan na dān cu ka duh.
164 A dik mi na zīn le dān pawl ruangah,
Ni khat ah vei sarih ka lo thangṭhat.
165 ^cNa dān duhtupawl cun hnangamdaihnak nasa zet an nei ih,
Zianghman in a bahter hai lo.
166 Na runsuahnak ka ruahsan, Maw Jehovah,
Na thupekpawl ka thlun.
167 Ka nunnak in na thutheihter mipawl a thlun ih,
Cupawl cu nasa zetin ka duh hai.
168 ^dNa nunphung dānpawl le na thutheihter mipawl ka thlun,
Ziangahtile ka lamzin hmuahhmuah cu na hmaiah an um.

119:161^a 1Sam 24:11, 14-15

119:162^b 1Sam 30:16; Isa 9:3

119:165^c Sam 37:11; Isa 26:3, 12; 1Joh 2:10

119:168^d Job 10:4; Thf 5:21

169 ^aKa aunak na hmaiah thleng seh, Maw Jehovah;
Na kamsuakthu zulhin theihthiamnak i pe aw.
170 ^bKa dilnak na hmaiah thleng seh;
Na kamsuakthu zulhin i runsuak aw.
171 ^cKa hmur in thangṭhatnak a simsuak ding,
Ziangahtile nang in na sakhaw dānpawl i zirh.
172 ^dKa lei in na kamsuakthu a rel ding,
Ziangahtile na thupekpawl hmuahhmuah cu an dingfel a si.
173 ^eNa kut hi keimah bawmtu ah cang seh,
Ziangahtile kei in na nunphung dānpawl ka hril zo.
174 Na runsuahnak ka ngai a si, Maw Jehovah,
Cule na dān cu ka năwmawknak a si.
175 ^fKa lu nung seh, cule a lo thangṭhat ding;
Cun na zīn le dān pawl in i bawm seh.
176 ^gA hlo mi tuu vekin ka rak pial;
Na siahhlawh hi hawlsuak aw,
Ziangahtile na thupekpawl ka hngilh lo.

119:169^a Job 16:18; Sam 102:1

119:170^b 1Sp 8:30; 2San 6:24; Sam 3:7

119:171^c Sam 51:15; 94:1; Isa 2:3; Mik 4:2

119:172^d Sam 51:14

119:173^e Jos 24:22; Sam 37:24; Isa 41:10

119:175^f Isa 55:3

119:176^g Sam 95:10; Isa 53:6; Jer 50:17; Eze 34:11; Luk 15:4

120

Runsuahnak hrang Thlacam

Sokai Hla.

1 ^aKa vansannak ah Jehovah hnenah ka au,
Cule anih in i rak ngai.
2 ^bMaw Jehovah, thuphan perhmang hmur ihsin le
Mi bumhmang lei lak ihsin i runsuak aw.
3 Maw nang a dik lo mi lei,
Na parah ziang tuah a si ding?
Asilole na hnenah ziang pek a si ding?
4 ^cRal dotuih thál fung hriam pawl le,
Hmunphiah kung meilingpawl!
5 ^dMeshek ih ka cēn le,
Kedar puanthlampawl lakih ka cēn hi cu,
Ka hrangah hmakhaw pihnak a si.
6 Ka nunnak hi remdaihnak huatupawl hnenah
Rei tuk a rak cêng.
7 Kei cun remdaihnak ka duh;
Asinan ka ṭawng tikah, annih cun ral do an duh.

120:1^a 2Sam 22:7; Sam 18:6

120:2^b Sam 31:18; 52:4

120:4^c Dnp 32:23

120:5^d Sem 25:13; Jer 2:10

121

Rinsan tlak Pathian Băwmnak

Sokai Hla.

1 Tlangpawl lam khi ka mit in ka hei thlir ding,
Khui lamin so keimah băwmnak a rat ding?
2 ^aKeimah băwmnak cu lei le van tuahtu,
Jehovah hnen ihsin a ra.
3 Anih cun na ke tawlhter a siang lo ding;
Nangmah kilvengtu cu a sĭng dah lo ding.
4 ^bNgai hnik, Israel kilvengtu cu a sĭng lo ding ih,
A itthat lo ding.
5 ^cJehovah cu a lo kilvengtu a si;
Jehovah cu na vawrh lamih a lo hliaptu a si.
6 ^dSun ah ni in siseh,
Zan ah thlapi in siseh harnak an lo pe lo ding.
7 ^eJehovah in thil ṭha lo zate lak ihsin a lo kilhim ding;
Anih in na nunnak a kilhim ding.
8 ^fJehovah in na suah na luhin a lo kilhim ding,
Tuih cān ihsin, kumkhuain kumkhua tiang.

121:2^a Sem 1:1; Sam 104:5

121:4^b Sam 127:1

121:5^c Sam 1:6; 16:8; 91:4

121:6^d Isa 49:10

121:7^e Sam 9:9

121:8^f Dnp 28:6

122

Jerusalem ruangih Thangṭhatnak

Sokai Hla. David-ih Thangṭhatnak Hla.

1 “Jehovah inn ah feh uhsi,” tiin
Ka hnenih an ti tikah ka lung a awi.
2 Kan ke cu na kăwtkapawl sungah an ding, Maw Jerusalem.
3 Jerusalem cu,
Hngetkhoh zetih dĭn mi khawpi vekih sak mi a si.
4 Cuih hmun lamah hnámpawl,
Jehovah hnámpawl cu,
Israel-mipawlih ti ṭheu vekin,
Jehovah hmin hnenah lungawi thu sim dingin an so ṭheu.
5 Ziangahtile cu tawkah thuṭhennak hrangah laltokhampawl dĭn a si,
David-ih sungza-ih laltokham cu.
6 ^aJerusalem daihnak hrangah thlacam uh:
“Nangmah duhdawtupawl cu hmuingil hai seh.
7 ^bNa hruangkulhpawl sungah daihnak um seh,
Na siangpahrang innpawl sungah hmuingilnak,” tiin.
8 Ka unaupawl le ka hawipipawl ruangah,
Atu-ah, “Na hnenah hnangamdaihnak um seh,” tiah ka ti ding.
9 ^cJehovah kan Pathian inn ruangah
Na ṭhatnak ka hawl ding.

122:6^a Sam 26:8

122:7^b 1Sam 25:6; Sam 48:12-14

122:9^c Sam 128:5

123

Zahngainak Dilnak

Sokai Hla.

1 ^aNa hnen lam ka hun thlir,
Maw, nang van ih cêng.
2 ^bNgai hnik, siahhlawhpawlih mit in an pulepawlih kut an zoh vek le,
Siahhlawh nunaupawlih mit in an pilepawlih kut an zoh vekin,
In zangfah hlanlo,
Kan mit in Jehovah kan Pathian a zoh.
3 In zangfah hram aw, Maw Jehovah, in zangfah hram aw!
Ziangahtile mi ih hmuhsuamnak thawn kan khat nasa tuk.
4 Kan nunnak cu ngaihngam huahhi ih a nung mipawl ih nautatnak le
Mipuarthaupawl ih hmuhsuamnak in,
Nasa zetin a khatliam.

123:1^a Sam 68:5; Isa 6:1

123:2^b Sam 25:15

124

Runsuahnak ruangih Lungawi Thu Simnak

Sokai Hla. David-ih Thangṭhatnak Hla.

1 ^aAtu-ah cun Israel-mipawl in,
Kan lamah Jehovah ṭang lo sehla cu,
2 Minungpawl kanmah dokalhih an thawh tikah,
“Kan lamah Jehovah ṭang lo sehla cu,
3 Kan parih an thinlingnak a alh tikah khan,
Nung cingin in dawlh thluh zo ding.
4 ^bCun tipi in in cimpil ding ih,
Tiva te pawl in kan nunnak an fĕnhlo zo ding;
5 Cule ti luang khoh in
Kan nunnak a cimpil zo ding,” tiah ti hai seh.
6 Ramsa ih bawhthlek dingih in siang lo tu
Jehovah cu thangṭhatin um seh.
7 ^cKan nunnak cu thángkamtuih tháng sung ihsin a tlânsuak mi vate vekin a tlânsuak;
Thang cu ṭhiahbăl a si ih, kan tlânsuak.
8 ^dKan hrangih băwmnak cu
Lei le van tuahtu Jehovah hmin ah a si.

124:1^a Sam 129:1

124:4^b Sam 18:4; 88:17

124:7^c Sam 25:15; 91:3

124:8^d Sem 1:1; 1Sam 17:45; Sam 134:3

125

Pathian Mipawl Himnak

Sokai Hla.

1 ^aJehovah rinsantupawl cu,
Zion tlang,
Hnin theih lo mi, kumkhuaih a um hnget mi vek an si.
2 ^bJerusalem kha tlangpawl in a kulh vekin,
Jehovah in a mipawl cu tuihni ihsin
Kumkhua tiang a kulhbĕt.
3 ^cMidingfelpawl hnenih zem mi ram ah cun
Sualralnak kianghrăwl a cawl lo ding,
Culole midingfelpawl in mawhsualnak tuah dingin an kut an suah pang ding.
4 ^dMaw Jehovah, miṭhapawl hnenah thil ṭha tuah aw,
Cule thinlung dĭngpawl hnen khalah.
5 ^eA kawi mi an lamzinpawl lamih pialtupawl lawngte cu,
Jehovah in mawhsualnak tuahtupawl thawn a hruaihlo hai ding.
Israel parah hnangamdaihnak um seh.

125:1^a Sam 46:5; 48:12; Isa 33:20

125:2^b 1San 21:15; Zek 2:4-5

125:3^c 1Sam 24:10; Est 4:11; Sam 89:2; Thf 22:8; Isa 13:11

125:4^d Sam 36:10; 119:65

125:5^e Job 23:11; Sam 92:7; 128:6; Thf 2:15; 17:6; Isa 59:8; Gal 6:16

126

Aipuang zetih Thlairawl Khawm

Sokai Hla.

1 ^aJehovah in Zion cu vanneihnak a pekkirsal laiah khan,
Kannih cu mang mantu vek kan si.
2 ^bKan kâ cu hnihnak in a khat ih,
Kan lei khal hlasaknak in a khat.
Cun miphunpawl lakah,
“Jehovah in an hrangah thil ropi pawl a tuah zo,” tiah an ti.
3 ^cJehovah in kan hrangah thil ropi pawl a rak tuah ih,
Kan lung a awi.
4 ^dMaw Jehovah kan vanneihnak in pekirsal aw,
Negev tiva te pawl vekin.
5 ^eMitthli thawi thlaici tuhtu cun,
Aipuangin a at ding.
6 ^fVawrh dingah thlaici kengih,
Ṭap cingin cawl loih a fehtu cu,
A fâng tēl pawl phurin,
Aipuang zetin a kirsal leh tengteng ding.

126:1^a Ezr 1:1-3; Sam 85:1; Jer 29:14; Hos 6:11

126:2^b Sem 21:6; Job 8:21; Luk 1:49

126:3^c Sam 9:2; 106:1; Joe 2:21, 26

126:4^d Dnp 30:3; Sam 107:35; Isa 43:19

126:5^e Sam 6:6; 16:11; Isa 35:10; Jer 31:6-7, 12; 50:4; Gal 6:9

126:6^f Mip 35:6

127

Innsungsang ih Pathian Thlawsuah

Sokai Hla. Solomon-ih Thangṭhatnak Hla.

1 ^aJehovah in inn a sak lo ahcun,
Cuih inn saktupawl cu an ṭuanbāng lak men;
Jehovah in khawpi a kil lo ahcun,
A kiltu pa cu a meng lak men.
2 ^bṬuanbăngnak rawl ei dingah,
Zingpit teih thawh,
Tlaipi ih cawlh khal hi na hrangah a lak men a si;
Ziangahtile anih in a duhdawt mi cu ihthahnak a pe.
3 ^cNgai hnik, fātepawl hi Jehovah hnen ihsin kan co mi ro an si,
Rilih rah hi lawmman a si.
4 ^dMi pakhat ih a no lai fātepawl cu,
Ralkap kut ih um thál fungpawl vek an si.
5 ^eThál fung bawm a khat ih neitu pa cu mithlawsuak a si;
Kăwtka ih an ralpawl an biak tikah an ning a zak lo ding.

127:1^a Sam 78:69; 121:4

127:2^b Sem 3:17; Mip 6:26; Dnp 33:12; Job 11:18; Ths 2:25

127:3^c Sem 1:28; Dnp 7:13; 28:4; Jos 24:3

127:4^d Sam 111:2

127:5^e Sem 23:10; 24:60; Sam 128:2-3

128

Innsungsang Nuam

Sokai Hla.

1 ^aA lamzinpawl ih a fehtu,
Jehovah ṭihzahtu pauhpauh cu mithlawsuak an si.
2 ^bNa kut ṭuanbăngnak rah na ei tikah,
Na lung a awi ding ih, cumi cu na hrangah a ṭha ding.
3 ^cNa nupi cu na inn sungril thûkbik ah,
A rah zet mi sabit hri vek a si ding,
Na fātepawl cu na cabuai kimvel hmuahhmuah ah,
Olif kung vek an si ding.
4 ^dNgai hnik, Jehovah a ṭihzahtu pa cu
Cu vekih thlawsuah a si ding.
5 ^eJehovah in Zion ihsin thlawsuah lo pe sehla,
Na dam sung hmuahhmuah
Jerusalem hnianghnarnak hmu law.
6 ^fA si, na fātepawlih fāte sin pawl hmu law.
Israel parah hnangamdaihnak um seh!

128:1^a Sam 103:11; 119:1-3

128:2^b Sem 39:3; Sam 58:11; Thf 10:22; Isa 3:10

128:3^c Sem 49:22; Job 29:5; Sam 52:8

128:4^d Sam 1:1; 112:1

128:5^e Sam 20:2; 122:9

128:6^f Sem 48:11; Sam 125:5

129

Israel Doralpawl Duainak hrang Thlacamnak

Sokai Hla.

1 ^aAtu-ah Israel in,
“Annih in ka no lai ihsin vei tampi in zawnzaiter,
2 ^bAnnih in ka no lai ihsin vei tampi in zawnzaiter;
Asinan in neh dah lo.
3 Lei lettupawl in ka zāng ah lei an let;
An leileh kuar pawl saupin an tuah,” tiah ti seh.
4 ^cJehovah cu a dingfel;
Misualrálpawlih hrihrualpawl a tán ṭheh.
5 ^dZion huatupawl hmuahhmuah cu
Ningzakin kirsal hai seh.
6 ^eAnmah cu a ṭhansan hlanih a vuai mi,
Inn tlunih hrampi vek si hai seh.
7 ^fCuih hrampi cu a attuih kut hman a khat lo,
A bân thawi a tēl ding khal a um lo.
8 ^gA kiangkapih fehtupawl zohman in,
“Jehovah thlawsuah cu na parah um hram seh,
Jehovah hmin in thlawsuah kan lo pe,” tiah ti hlah hai seh.

129:1^a Suah 1:13; Sam 88:15

129:2^b Jer 1:19; Mat 16:18

129:4^c Suah 9:27; Sam 37:9; 140:5

129:5^d Sam 70:2; Mik 4:11

129:6^e 2Sp 19:26; Isa 37:27

129:7^f Dnp 28:38

129:8^g Sam 118:26

130

Pathian Tlennak Hngah

Sokai Hla.

1 ^aTi thûkpi sung ihsin na hnenah ka au, Maw Jehovah;
2 ^bBawipa, ka aw ngai aw!
Ka dilnak aw lamah
Na hna rak thawng aw.
3 ^cMaw Jehovah, nang in mawhsualnakpawl hminsin hnik ta la cu,
Maw Bawipa, zo so a ding thei ding?
4 ^dAsinan ṭihzah na si thei nak dingah,
Na hnenah ngaidamnak a um.
5 ^eJehovah ka hngak, ka nunnak in a hngak,
Cule amai kamsuakthu ah ruahsannak ka nei.
6 ^fKiltu in zing a hngahhlap hnakih nasain,
Ka nunnak in Bawipa a hngak,
A si, kiltu in zing a hngahhlap hnakih nasain.
7 ^gMaw Israel, Jehovah ah ruahsannak nei aw;
Ziangahtile Jehovah hnenah lainat duhdawtnak a um ih,
A hnenah tlennak luangliam a um.
8 ^hCule anih in Israel kha
A mawhsualnakpawl hmuahhmuah ihsin a tlen ding.

130:1^a Job 30:19; Sam 22:2; Ṭah 3:55

130:2^b 2San 6:40; Sam 27:7; 28:6

130:3^c 1Sam 6:20; Ezr 9:15; Nah 1:6; Thu 6:17

130:4^d Suah 34:7; 2Sam 24:4; 1Sp 8:40; Jer 31:34

130:5^e Sam 40:1; 62:1, 5; Isa 8:17

130:6^f 2Sam 23:4; Sam 63:6

130:7^g 1San 21:13; Rom 3:24

130:8^h Suah 34:7; Mat 1:21; Luk 1:68

131

Daiteih Pathian Hngahnak Hla

Sokai Hla. David-ih Thangṭhatnak Hla.

1 ^aMaw Jehovah, ka thinlung a hngal lo,
Ka mit khal a sâng lo.
Thuhla pipapawl khalah ka tel lo ih,
Ka hrangih thil harsa tuk pawl khalah.
2 ^bThungaiten ka nunnak cu daiten ka umter ih, hnangamten ka umter zo,
Naute hnawi thlei mi a nu thawi umtlang vekin;
Naute hnawi thlei mi vekin ka nunnak cu ka sungah a um a si.
3 ^cMaw Israel, tuih cān ihsin kumkhua tiangin
Jehovah ah ruahsannak nei aw.

131:1^a 2Sam 22:20; Jer 45:5; Rom 12:16

131:2^b Mat 18:3; 1Ko 13:11

131:3^c Sam 113:2

132

Zion ih Pathian Cēnnak

Sokai Hla.

1 ^aMaw Jehovah, David le a zăwnzaih tuarnak hmuahhmuah kha cîng ringring aw;
2 ^bAnih in Jehovah hnenah sia a săm ih,
Jakob-ih Micak Pa hnenah thu a kam:
3 ^c“Ka inn pindan sungah ka lut hrimhrim lo ding,
Asilole ka ihkhun khalah ka kai lo ding;
4 Ka mit ka itthatter lo ding,
Asilole ka mit vunpawl ka sĭngter lo ding,
5 ^dJehovah hrangah hmun ka hmuh hlanlo,
Jakob-ih Micak Pa hrangah cēnnak hmun ka hmuh hlanlo,” tiah a ti.
6 ^eNgai hnik, cumi cu Efrathah ah hna in kan thei;
Cumi cu Jaar ram ah kan hmu.
7 ^fA biakbûk sungah feh uhsi;
A ke retnak ah bia uhsi.
8 ^gMaw Jehovah, tho aw, na cawlhhahdamnak hmun ah,
Nangmah le na cahnak thukham kuang thawn.
9 ^hNa puithiampawl cu dingfelnak thawn thuamaw hai sehla,
Na mithiangpawl aipuangin au hai seh.
10 Na siahhlawh David ruangah,
Na hriak thih mi paih hmai cu herkirter hlah aw.
11 ⁱJehovah in David hnenah thungaingaiin sia a rak săm;
Cumi ihsin a kirsal lo ding:
“Na laltokham parah na rilrah ka toter ding.
12 ^jNa fapapawl in ka thukham le
Anmah ka zirh ding mi ka thutheihternak an thlun a si ahcun,
An fapapawl khal na laltokham ah kumkhuain an to ve ding.”
13 ^kZiangahtile Jehovah in Zion a hril zo;
A cēnnak dingah a saduhthah mi hmun a si:
14 ^l“Hih hmun cu ka kumkhaw cawlhnak hmun a si,
Hih hmun ah ka cêng ding, ziangahtile ka saduhthah hmun a si.
15 ^mAmah cu luangliamin ka thlawsuah ding;
A mifarahpawl rawl in ka tlaiter hai ding.
16 ⁿCuihtlunah a puithiampawl runsuahnak thawn ka thuam ding,
Cule a mithiangpawl aipuangin an au ding.
17 ^oCu tawkah David-ih ki ka ṭoter ding;
Ka hriak thih mi pa hrangah meito ka timlam ding.
18 ^pA ralpawl ningzahnak thawn ka thuam ding,
Asinan amai parah cun a lallukhum a tle ding.”

132:1^a 1Sam 18:11; 2Sam 15:14

132:2^b Sem 49:24; Isa 49:26; 60:16

132:3^c 2Sam 7:2, 27

132:5^d 1Sp 8:17; Apo 7:46

132:6^e Jos 9:17; 1Sam 7:1-2; 17:12

132:7^f 2Sam 15:25; 1San 28:2

132:8^g Mip 10:35

132:9^h Job 27:6; Isa 61:3, 10; Zek 3:4; Mal 3:3; Efe 6:14

132:11ⁱ 1San 17:11; Mat 1:1; Luk 3:31

132:12^j 2San 6:16; Luk 1:32; Apo 2:30

132:13^k Suah 15:17; 1Sp 8:13

132:14^l 2Sam 6:2; Sam 132:8

132:15^m Sam 107:9

132:16ⁿ 2San 6:41; Job 8:21

132:17^o 2Sp 8:19; Eze 29:21; Luk 1:69

132:18^p 2Sam 12:30; Job 8:22

133

Lungrualnak Sunlawizia

Sokai Hla. David-ih Thangṭhatnak Hla.

1 ^aNgai hnik, unau rual hrangah lungrualteih hmunkhat ih cēntlang hi
Ziang tlukin a ṭha ih, ziang tlukin a nuam!
2 ^bCumi cu lu parih hriak mankhung,
Khabe hmul parih luangthla,
Aaron-ih khabe hmul,
A sinfen zim tiangih luangthla vek a si.
3 ^cCumi cu Hermon daifim,
Zion tlangpawl parih tlathla vek a si;
Ziangahtile cu tawkah Jehovah in thlawsuahnak thu a pe,
Kumkhaw nunnak cu.

133:1^a Sem 13:8; Joh 17:21; Rom 14:10

133:2^b Suah 29:7

133:3^c Suah 15:17; Dnp 3:8; 4:48; Job 29:19; Sam 21:4; Thf 19:12; Isa 18:4; Hos 14:5; Mik 5:7

134

Zan ih Pathian Thangṭhat

Sokai Hla.

1 ^aNgai hnik, Jehovah thangṭhat uh,
Nannih Jehovah-ih siahhlawhpawl hmuahhmuah,
Zan ih Jehovah inn sungih rawngbawltupawl tla!
2 ^bHmun thianghlim sungah nan kut thlir uhla,
Jehovah thangṭhat uh.
3 ^cLei le van tuahtu Jehovah in,
Zion ihsin thlawsuah lo pe seh!

134:1^a Mip 16:9; 1San 5:2; 23:30

134:2^b Sam 15:1; 33:2; 1Ti 2:8

134:3^c Pui 25:21

135

Sersiamnak le Tlennak ruangih Pathian Thangṭhatnak

1 ^aJehovah thangṭhat uh!
Jehovah hmin cu thangṭhat uh;
Maw nannih Jehovah-ih siahhlawhpawl, amah cu thangṭhat uh.
2 ^bNannih, Jehovah inn le,
Kan Pathian inn sumtualrawnpawl ih rawngbawltupawl,
3 ^cJehovah thangṭhat uh, ziangahtile Jehovah cu a ṭha;
A hmin thangṭhatnak hlasak uh, ziangahtile cumi cu a nuam a si.
4 ^dZiangahtile Jehovah in Jakob kha amai hrangah a hril zo,
Israel kha a hlawnthil hleice ah.
5 ^eZiangahtile Jehovah cu a nasa ti le,
Kan Bawipa cu pathianpawl zate tlunah a um ti ka thei.
6 ^fVan ah le lei ah,
Tifinriatpawl ah le ti thûk hmunpawl hmuahhmuah ah,
Jehovah in a lunghmui zawng pauhpauh a tuah.
7 ^gAnih in tikhu kha leilung dĕng ihsin a kaisoter;
Ruahpi hrangah nimthlakau a tuah;
A hlawnthilpawl lak ihsin thli a thlahsuak.
8 ^hAnih in Izip fatir a that,
Minung fatir le rannung fatir tla.
9 ⁱAnih in nan lakah hminsinnakpawl le mangbangzapawl a thlah, Maw Izip,
Faro le a siahhlawhpawl zate parah.
10 ^jMiphun tampi a neh ih,
A cak zet mi siangpahrangpawl a that,
11 ^kAmor-mipawlih siangpahrang Sihon,
Bashan siangpahrang Og le,
Kanaan lalrampawl hmuahhmuah tla.
12 ^lCule an ram kha ro ah a pek,
A mi Israel hnenah ro ah.
13 ^mMaw Jehovah, na hmin cu kumkhua a hmun,
Maw Jehovah, nangmah cīn ringring nak cu san hmuahhmuah hrawhsuakin a si.
14 ⁿZiangahtile Jehovah in a mipawl thu a ṭhen ding,
Cule a siahhlawhpawl parah lainatnak a nei ding.
15 ^oMiphunpawlih milempawl cu sui le ngun an si,
Minungpawl kut ih tuah mi an si.
16 ^pCupawl cun kâ an nei nân, an ṭawng thei lo;
Mit an nei nân, an hmu lo;
17 ^qHna an nei nân, an thei lo;
An kâ sung khalah ziang thaw hman a um lo.
18 Cupawl a tuahtupawl khal anmah vek an si;
Cupawl a rinsantupawl khal.
19 ^rMaw Israel sungza! Jehovah thangṭhat uh!
Maw Aaron sungza, Jehovah thangṭhat uh.
20 Maw Levi sungza, Jehovah thangṭhat uh!
Nannih Jehovah ṭihzahtupawl, Jehovah thangṭhat uh.
21 ^sJerusalem ih cêng Jehovah cu Zion ah thangṭhat uh!
Jehovah thangṭhat uh.

135:1^a Neh 7:73

135:2^b 1San 15:2; Luk 2:37

135:3^c 1San 16:34; Sam 68:4; 92:1

135:4^d Suah 19:5; Dnp 10:15; Mal 3:17; Tit 2:14

135:5^e Suah 12:12; 1San 16:25; Job 21:22

135:6^f Dan 4:35; Mat 6:10; 28:18

135:7^g Dnp 28:12; Job 5:10; Isa 30:23; Jer 10:13; Joe 2:23; Amo 4:13; Zek 10:1

135:8^h Suah 4:23

135:9ⁱ Suah 7:9; Sam 136:10-15

135:10^j Mip 21:21-25; Jos 24:8-11

135:11^k Mip 1:21, 26, 33; Jos 12:7-24

135:12^l Dnp 29:8

135:13^m Suah 3:15; Sam 102:12, 21

135:14ⁿ Dnp 32:36; 1Sam 24:15; Heb 10:30

135:15^o Isa 2:8; Jer 1:16; Thu 9:20

135:16^p 1Sp 18:26

135:17^q Jer 10:13-14; Hab 2:19

135:19^r Sam 22:23

135:21^s 1Sp 8:13; 2San 6:2, 6

136

A Lainat Duhdawtnak ruangih Pathian Thangṭhatnak

1 ^aMaw, Jehovah hnenah lungawi thu sim uh, ziangahtile anih cu a ṭha!
Ziangahtile a lainat duhdawtnak cu kumkhuain a hmun.
2 ^bMaw, pathianpawlih Pathian hnenah lungawi thu sim uh!
Ziangahtile a lainat duhdawtnak cu kumkhuain a hmun.
3 ^cMaw, bawipawlih Bawi hnenah lungawi thu sim uh!
Ziangahtile a lainat duhdawtnak cu kumkhuain a hmun:
4 ^dAmah lawngih a nasa mi mangbangzapawl tuahtu hnenah,
Ziangahtile a lainat duhdawtnak cu kumkhuain a hmun;
5 ^eFimnak ih van tuahtu hnenah,
Ziangahtile a lainat duhdawtnak cu kumkhuain a hmun;
6 ^fTipi tlunih leilung pharhtu hnenah,
Ziangahtile a lainat duhdawtnak cu kumkhuain a hmun;
7 ^gA nasa zet mi tleu petupawl a tuahtu hnenah,
Ziangahtile a lainat duhdawtnak cu kumkhuain a hmun,
8 ^hSun uktu dingah ni,
Ziangahtile a lainat duhdawtnak cu kumkhuain a hmun;
9 Zan uktu dingah thlapi le arsipawl,
Ziangahtile a lainat duhdawtnak cu kumkhuain a hmun.
10 ⁱIzip fatir thattu hnenah,
Ziangahtile a lainat duhdawtnak cu kumkhuain a hmun;
11 ^jCule an lak ihsin Israel hruaisuaktu hnenah,
Ziangahtile a lainat duhdawtnak cu kumkhuain a hmun;
12 ^kA cak mi kut in le bān suahin,
Ziangahtile a lainat duhdawtnak cu kumkhuain a hmun;
13 ^lTipi Sen hmun hnih ih ṭhentu hnenah,
Ziangahtile a lainat duhdawtnak cu kumkhuain a hmun;
14 ^mCule cumi laifang ihsin Israel a fehtlăngtertu hnenah,
Ziangahtile a lainat duhdawtnak cu kumkhuain a hmun;
15 ⁿAsinan Faro le a ralkappawl lawngte cu Tipi Sen ah a ^opilter hai,
Ziangahtile a lainat duhdawtnak cu kumkhuain a hmun;
16 ^pA mipawl ramṭhing ih hruaitu hnenah,
Ziangahtile a lainat duhdawtnak cu kumkhuain a hmun;
17 ^qSiangpahrang nasa zetzet thattu hnenah,
Ziangahtile a lainat duhdawtnak cu kumkhuain a hmun;
18 ^rCule siangpahrang cak zetzet thattu hnenah,
Ziangahtile a lainat duhdawtnak cu kumkhuain a hmun.
19 ^sAmor-mipawlih siangpahrang Sihon thattu,
Ziangahtile a lainat duhdawtnak cu kumkhuain a hmun;
20 ^tBashan siangpahrang Og thattu,
Ziangahtile a lainat duhdawtnak cu kumkhuain a hmun.
21 ^uCule an ram cu a mipawl ro ah a pe,
Ziangahtile a lainat duhdawtnak cu kumkhuain a hmun;
22 ^vA siahhlawh Israel hnenah ro,
Ziangahtile a lainat duhdawtnak cu kumkhuain a hmun.
23 ^wKan dinhmun niamnak in rak cîng ringring tu cu,
Ziangahtile a lainat duhdawtnak cu kumkhuain a hmun;
24 ^xKan ralpawl lak ihsin in runsuaktu cu,
Ziangahtile a lainat duhdawtnak cu kumkhuain a hmun;
25 ^yMilai zate hnenih rawl petu cu,
Ziangahtile a lainat duhdawtnak cu kumkhuain a hmun.
26 ^zVan Pathian hnenah lungawi thu sim uh!
Ziangahtile a lainat duhdawtnak cu kumkhuain a hmun.

136:1^a 2San 5:13; 7:3; Ezr 3:11; Jer 33:11; Nah 1:7

136:2^b Dnp 10:17

136:3^c Dnp 10:7; 1Ti 6:15

136:4^d Suah 3:20; Job 9:10

136:5^e Thf 3:19; Jer 51:15

136:6^f Sem 1:1, 6, 9; Isa 42:5; Jer 10:12

136:7^g Sem 1:16; Jam 1:17

136:8^h Sem 1:16

136:10ⁱ Suah 4:23

136:11^j Suah 6:6

136:12^k Suah 3:20; Dnp 5:15; 9:29

136:13^l Suah 14:21; Sam 66:6; 78:13

136:14^m Suah 14:22

136:15ⁿ Suah 14:27

136:15^o pilter: A ṭawng hrampi ah cun, “thingtla” ti a si.

136:16^p Suah 13:18

136:17^q Mip 21:23-25; Jos 24:8-11

136:18^r Dnp 29:7; Jos 12:7-24

136:19^s Mip 21:21-25

136:20^t Mip 21:33-35

136:21^u Dnp 1:38; Jos 12:1; 14:1

136:22^v Dnp 29:8; Isa 20:3

136:23^w Sam 78:39

136:24^x Dnp 6:19; Jos 10:14; Neh 9:28

136:25^y Sem 1:30; Mat 6:26

136:26^z Ezr 3:11; Sam 105:1; 115:3

137

Zion Ngainak Hla

1 ^aBabilon tivapawl kapah,
Cu tawkah kan to, a si,
Zion kan ruah tikah kan ṭap.
2 ^bKan ṭingṭangpawl,
Partiam thingpawl parah kan thlai.
3 ^cZiangahtile cuih hmun ah ralkaih ih in hruaihlotupawl in hlasak in fial,
Cule in sawisatupawl in hlim dingin in fial,
“Zion hlapawl lakih pakhat tal in saksak uh,” an ti.
4 ^dJehovah hla cu mi ram ah cun
Ziangtin saw kan sak thei ding?
5 ^eMaw Jerusalem, ka lo hngilh asile,
Ka vawrh lam kut in a thil thiam hngilh seh.
6 ^fKa lo cīn ringring lo asile,
Ka sangkhâr ah ka lei bêt seh,
Ka aipuannak sangbik tlunih
Jerusalem ka ret lo ahcun.
7 ^gMaw Jehovah, Jerusalem băl ni ih Edom fapapawl ih an rel mi kha cîng ringring aw:
“A ṭohram rori tiangin,
Siatbăl ṭheh uh, siatbăl ṭheh uh,” titupawl kha!
8 ^hMaw, Babilon fanu, tisiat ding mi nu,
Kan parih na tuah vekih a lo rūlsaltu cu mithlawsuak a si!
9 ⁱNa fahniangpawl kaibĕt ih,
Lungpi sansiah ih vawtu cu ziang tluk mithlawsuak so a si!

137:1^a Neh 1:4; Isa 3:26; Ṭah 1:4; Eze 1:1

137:2^b Pui 23:40; Job 30:31; Isa 24:8; Eze 26:13; Amo 6:5; 8:10

137:3^c Job 30:9; Ṭah 1:5; Eze 6:5-7

137:4^d Neh 12:46

137:5^e Isa 2:3

137:6^f Dnp 4:29; Neh 2:3; Jer 51:50; Eze 6:9

137:7^g Sem 25:30; 2Sp 25:1-10; 2San 28:17; Ṭah 4:21-22; Oba 1:11

137:8^h Isa 13:1; Jer 25:12-26

137:9ⁱ 2Sp 8:12; Isa 13:16; Luk 19:44

138

Lungawi Thu Simnak le Thangṭhatnak

David-ih Sam.

1 ^aKa thinlung hmuahhmuah in ka lo thangṭhat ding,
Na hnenah pathianpawl hmaiah thangṭhatnak hla ka sak ding.
2 ^bNa temple thianghlim lam hawihin ka băwkkhup ding ih,
Na lainat duhdawtnak le na thutak ruangah,
Na hmin ka thangṭhat ding;
Ziangahtile thil hmuahhmuah tlunah na hmin le na kamsuakthu cu na rak cawisâng.
3 ^cKa ausuah ni ah, nang in i sawn,
Cule ka nunnak na cakter ih ralṭha ko in tuah.
4 ^dNa kamsuak ṭawngkampawl an theih tikah,
Maw Jehovah, leilung siangpahrangpawl zaten an lo thangṭhat ding.
5 ^eA si, Jehovah ih thil tidānpawl cu hla in an sak ding,
Ziangahtile Jehovah-ih ropitnak cu a nasa tuk.
6 Jehovah cu cawisan a si ko nân,
Dinhmun niam pawl a ngaihsak thotho;
Asinan mipuarthaupawl cu a hlatnak ihsin a thei hai.
7 ^fHarsat buainak lakah feh khal ningla,
Nang in i ṭhangphawksal ding;
Ka ralpawlih thinlingnak dokalhin na bân na pharh ding ih,
Na vawrh lam kut in i run ding.
8 ^gJehovah in keimah thawi pehparaw mi thupawl a famkimter ding,
Na lainat duhdawtnak cu, Maw Jehovah kumkhuain a hmun;
Na kut thil tipawl thlauthla hlah aw.

138:1^a Sam 27:6; 95:3

138:2^b 1Sp 8:29

138:3^c Sam 28:7; Thf 28:1; Apo 4:29

138:4^d Sam 72:11

138:5^e Sam 40:4; Mat 23:12

138:7^f Suah 7:5; Sam 7:6; 17:7, 14

138:8^g Ezr 3:11; Job 10:3, 8; Sam 5:11; Fil 1:6

139

Ziangkim Thei le Hmun kip ih Um Pathian

Hla Hruaitu Hrang. David-ih Sam.

1 ^aMaw Jehovah, nang in in hliakhlai ih in thei.
2 ^bNang in ka to le ka thawh na thei;
A hlatnak ihsin ka ruahnak khal na thei.
3 ^cKa lēnvah le ka zau khal na theifel ih,
Ka umdān hmuahhmuah khal na thei thluh.
4 ^dKa lei ih ṭawngkam a um hlanin,
Ngai hnik, Maw Jehovah, nang in cumi cu na thei ṭheh.
5 ^eNang in ka dung lam le ka hmai lam i kulh ṭheh,
Cule ka parah na kut na ret.
6 ^fCuvek theihnak cu ka hrangah mangbangza nasa tuk a si;
Cumi cu a sâng ih, ka ngahsuak thei lo.
7 ^gNa Thlarau hnen ihsin khui tawkah so ka feh thei ding?
Asilole na hmaika ihsin khuiah so ka tlan ding?
8 ^hVan ah ka kai a si khalle, cu tawkah nang na um;
Sheol ah ihnak ka tuah khal asile, ngai hnik, cu tawkah nang na um.
9 Khawfingcat thlapawl lain,
Tifinriat dĕngah cêng khal ningla,
10 ⁱCu tawk hmun khalah na kut in i hruai ding ih,
Na vawrh lam kut in i kai hnget ding.
11 “Thim in i tuam tengteng ding,” ti khal ningla,
Zan hman kha ka kiangkapah tleu ah a cang ding.
12 ^jA si, thim hman na hrangah cun a thim lo,
Zan hi sun vekin a vâng;
Na hnenah cun khawthim le tleu hi an bangrep.
13 ^kZiangahtile nang in ka sungrilpawl na sersiam;
Ka nuih sūl sungah i phiar.
14 ^lKa lo thangṭhat ding, ziangahtile maksak le khawruahharza zetih tuah ka si;
Na thil tipawl hi mangbangza an si,
Cule cumi cu ka nunnak in a theifiang.
15 ^mA thupnak ih tuah ka si lai,
Leilung thûknak bik hmunpawl ah thiam zetih phiar ka si laiah,
Ka ⁿtaksaruangâm hi na hnen ihsin thuh a rak si lo.
16 ^oPianhmang dĭnsuah hrih lo cinung ka si lai khal na mit in i rak hmu.
Cule ka hrangih ruah cia mi nipawl,
Pakhat hman an rak um hlanin,
Na cazual ah ngan ṭheh an si.
17 ^pKa hrangih na ruahnakpawl hi ziang tluk hlú so an si, Maw Pathian!
A kăwmkhawm cu ziang tlukin so a tam!
18 ^qCupawl cu siar ningla, vunnel hnakin an tamsawn ding;
Ka hung ṭhang tikah, kei cu na hnenah ka um lai thotho.
19 ^rMaw Pathian, misualrálpawl hi that ṭheh la cu aw!
Curuangah nannih thisen suahhmangpawl ka hnen ihsin tlânsuak uh.
20 ^sZiangahtile nangmah dokalhin sualrál zetin an ṭawng;
Na ralpawl in na hmin zianghmanlo menin an rel.
21 ^tMaw Jehovah, nangmah huatupawl kha ka hua ve hai a si lo maw?
Cule nangmah dokalhih thopawl ka mitkem ve a si lo maw?
22 ^uAnmah cu huat taktakin ka hua hai;
Ka ral ah ka ruat hai.
23 ^vMaw Pathian i hliakhlai awla, ka thinlung thei aw;
I hniksak awla, ka dawnharnakpawl hi thei aw.
24 ^wCule keimah ah sualralnak a um maw, ti zoh aw,
Cule kumkhaw lamzin ah i hruai aw.

139:1^a Sam 17:3; 44:21; Rom 8:27

139:2^b 2Sp 19:27; Sam 94:1, 11; Thf 24:12; Jer 12:3

139:3^c 2Sp 19:27; Job 31:4

139:4^d Heb 4:13

139:5^e 1Sam 25:16; Job 9:33

139:6^f Sam 131:1; Rom 11:33

139:7^g Jer 23:24; Jon 1:3

139:8^h Dnp 30:12-15; Job 17:13; Amo 9:2-3

139:10ⁱ Sam 23:3; Isa 41:10, 13

139:12^j Job 34:22; Dan 2:22

139:13^k Job 10:11; Isa 44:2, 24; Jer 1:5

139:14^l Job 40:19; Sam 119:73

139:15^m Job 10:1; Sam 63:9; Ths 11:5

139:15ⁿ taksaruangâm: A ṭawng hrampi ah “ruhpawl” ti a si.

139:16^o Job 33:29; Sam 90:12

139:17^p Job 5:9; Sam 92:5

139:18^q Job 29:18; Sam 3:5

139:19^r Sam 5:6; 26:9; Isa 11:4

139:20^s Dnp 5:11; Sam 65:7

139:21^t 2San 19:2; Sam 26:5

139:22^u Mat 5:43

139:23^v 1Sam 16:7; 1San 29:17; Job 31:6; Thf 17:3; Jer 11:20; Thu 2:23

139:24^w Sam 5:8; Jer 25:5

140

Runsuahnak hrang Thlacam

Hla Hruaitu Hrang. David-ih Sam.

1 ^aMiṭha lo pawl hnen ihsin i runsuak aw, Maw Jehovah;
Mihrohrangpawl hnen ihsin i humhim aw,
2 ^bAn thinlung sungih thil ṭha lo ruahmannak neipawl hnen ihsin.
Annih cu ralthoter dingin catbang loin an táwngkhawmaw.
3 ^cAn lei cu rul vekin an hriamter;
An hmur hnuaiah rulngân tûr a um. Selah
4 ^dMisualrálpawl kut ihsin i kilhim aw, Maw Jehovah;
Ka kekarpawl bahter tumtu,
Mihrohrangpawl hnen ihsin i humhim aw.
5 ^eMipuarthaupawl cun ka hrangah tháng le hrihrualpawl an thup;
Lamzin kiangah sur an pharh;
Ka hrangah tháng an kăm. Selah
6 ^fKei in Jehovah hnenah, “Nang cu ka Pathian na si;
Ka dilnak aw lamah na hna tŭn aw, Maw Jehovah.
7 ^gKa runsuahnak cahnak, Maw Jehovah Bawipa,
Ral do ni ah ka lu na hup.
8 ^hMaw Jehovah, misualrálih saduhthah cu pe hlah aw;
A khawkhannak sualrál khal kauter hlah,
Culole khaisan an si pang ding. Selah
9 ⁱKeimah i kulhtupawlih lu parah cun,
An hmur ṭhatlonak in anmah khuh seh.
10 ^jAn parah meiling tla seh;
Meisa sungih hlăwn si hai seh,
An thawhsal nawn lo nak dingah, khur thûk zet sungah.
11 ^kMi thangsiattu pa cu leilung parah dĭn hnget si hlah seh;
Amah neh dingah mihrohrang pa cu thil ṭha lo in pêl seh,” tiah ka ti.
12 ^lJehovah in mizawnzaipawl cu an thuhla ah le,
Mifarahpawl hrangah diknak a ṭăn ding ti ka thei.
13 ^mMidingfelpawl cun na hmin ah lungawi thu an sim tengteng ding;
Midĭngpawl cu na hmaika ah an cêng ding.

140:1^a Sam 17:13; 86:14

140:2^b Sam 36:4; 68:30; Thf 6:14; Isa 59:4; Hos 7:6, 15

140:3^c Sam 57:4; 58:4; Rom 3:13; Jam 3:8

140:4^d Sam 36:11; 141:9

140:5^e Job 18:8-9; 34:30

140:6^f Sam 16:2; 28:2, 6

140:7^g Sam 68:20; 118:14; 144:10

140:8^h Sam 10:2

140:9ⁱ Thf 18:7

140:10^j Sam 11:6; Mat 3:10; Luk 12:49; Thu 20:15

140:11^k Sam 34:21

140:12^l 1Sp 8:45, 49; Sam 35:10; 82:3

140:13^m Sam 11:7; 16:11; 138:2

141

Sual lak ihsin Kilveng dingih Thlacamnak

David-ih Sam.

1 ^aMaw Jehovah, na hnenah ka ausuak;
Ka hnenah hmanhmawh zetin ra aw!
Na hnenih ka au tikah, ka aw lamah na hna tŭn aw.
2 ^bKa thlacamnak cu na hmaiah rimhmui vekih ret si seh,
Ka thlir mi ka kutpawl cu, zan lam raithawinak vek si seh.
3 ^cMaw Jehovah, ka kâ ah kiltu ret aw;
Ka hmur sângka ah kiltu ret aw.
4 ^dKa thinlung hi ziang thil ṭha lo lam khalah hawiter hlah aw,
Mawhsualnak tuahtupawl thawi
Thil sualrál tuah dingah, ṭan duhnak neiter hlah aw;
Cule an rawl thaw pawl khal i eiter hlah aw.
5 ^eMidingfel cun i thawi seh;
Cumi cu ngilneihnak a si ding.
Cule anih cun i kawk seh;
Cumi cu lu parih hriak vek a si ding;
Cumi cu ka lu in êl hlah seh;
Ziangahtile ka thlacamnak cun misualrálpawlih thil tipawl a dokalh ringring lai.
6 ^fAn thuṭhentupawl cu khām ih hlăwnthlak an si,
Cule annih in ka ṭawngkampawl an thei, ziangahtile ka ṭawngkampawl cu an thlum a si.
7 ^gMi pakhat in lei a leh tikih leilung a kuaiter vekin,
Kan ruhpawl cu Sheol sângka ah thehdarh an si.
8 ^hAsinan Jehovah Bawipa, ka mit in nangmah lam a thlir;
Nangmah ah ka beu a si;
Ka nunnak hi kiltu um loin tân hlah aw.
9 ⁱKeimah awhnak dingih an kăm mi tháng ihsin le,
Mawhsualnak tuahtupawlih thangkam mipawl ihsin i kilhim aw.
10 ^jHimdamteih ka tlansuah laiah,
Misualrálpawl cu anmai sûrpawl sungah tla hai seh.

141:1^a Sam 4:1; 22:19

141:2^b Suah 29:39, 41; Sam 28:2; Luk 1:9; 1Ti 2:8; Thu 5:8

141:3^c Sam 12:2; 34:13; Jam 1:26

141:4^d Jos 24:23; Sam 106:29; Thf 23:1-3

141:5^e Suah 7:5; Thf 9:8; Ths 7:5

141:6^f 2San 25:12

141:7^g Mip 16:32; 33:30; Sam 129:3

141:8^h Sam 2:12; 123:2

141:9ⁱ Sam 38:12; 64:5; 140:4-5

141:10^j Sam 7:15; 124:7

142

Runsuahnak hrang Thlacam

David Maskil. Pûk sung a um laiih a Thlacam.

1 ^aKa aw in Jehovah hnenah ka ausuak;
Ka aw in Jehovah hnenah dilnak ka tuah.
2 ^bKa phunzainak a hmaiah ka thlebung;
Ka harsat buainak a hmaiah ka thăn.
3 Ka thlarau thinhar mangbangin ka sungih a um tikah,
Nang cun ka zin na thei.
Ka fehnak lamzin ah
Annih in a thupten tháng in kam.
4 ^cVawrh lam zoh awla, hmu aw.
Ziangahtile keimah i ngaihsaktu zohman an um lo;
Răwlhimnak ka nei lo;
Zohman in ka nunnak an kilkhawi lo.
5 ^dMaw Jehovah, na hnenah ka ausuak a si:
“Nang cu ka răwlhimnak,
A nungdam mipawl ram ah ka covo na si,” tiah ka ti.
6 ^eKa aunak lamah na hna thawng aw,
Ziangahtile dinhmun niam tukih dirhtlak ka si;
I hremtupawl hnen ihsin i runsuak aw,
Ziangahtile annih cu ka hrangah an cak tuk.
7 ^fNa hmin ka thangṭhat thei nak dingah,
Thawnginn ihsin ka nunnak suah aw;
Midingfelpawl in in kulh ding,
Ziangahtile nang cun ka parah ṭha zetin thil na ti ding.

142:1^a 1Sp 8:52; Sam 30:8

142:2^b Sam 6:2; Jer 8:18; Ṭah 1:22; 2:19

142:4^c Job 11:20; Sam 88:8, 18; Jer 25:35; 30:17

142:5^d Dnp 32:9; Job 28:13; Sam 46:1

142:6^e Sam 17:1; 25:20; 79:8; Jer 31:11

142:7^f 2San 6:41; Sam 7:17; 66:11

143

Runsuahnak hrang Thlacam

David-ih Sam.

1 ^aKa thlacamnak ngai aw, Maw Jehovah,
Ka dilnak lamah na hna tŭn aw!
Na rinumnak le
Na dingfelnak in i let aw.
2 ^bNa siahhlawh hi thuṭhennak ah hruai hlah aw,
Ziangahtile na mithmuh ah a nung mi zohman midingfel an um lo.
3 ^cZiangahtile ral in ka nunnak an hrem;
Anih in ka nunnak kha lei ah a palsiat;
Khuahlan laiih a rak thi zo mipawl vekin,
Hmun thim ah i cêngter.
4 ^dCuruangah ka sungah ka thlarau cu thinhar mangbangin a um;
Ka thinlung khal ka sungah vansangin a um.
5 ^eTuihlan nipawl ka máng;
Na thil tipawl hmuahhmuah kha ngunngaih zetin ka ngaihtuah;
Na kut thil ti ka ruat.
6 ^fNa hnenah ka kutpawl ka pharh;
Lei car in tidai a hāl bangin, ka nunnak in nangmah a lo hâl. Selah
7 ^gZamrangten i sawn aw, Maw Jehovah;
Ka thlarau a cau a si!
Ka hnen ihsin na hmai thup hlah,
Culole khur sungih sukpawl vek ka si pang ding.
8 ^hZing lamah na lainat duhdawtnak thu hna in thei ning,
Ziangahtile nangmah ka lo rinsan;
Ka fehnak ding lamzin i theihter aw,
Ziangahtile ka nunnak na hnen lamah ka dăwmcawi a si.
9 ⁱKa ralpawl hnen ihsin i runsuak aw, Maw Jehovah;
Nangmah ah ka beu a si.
10 ^jNa duh zawng tuah dingin i zirh aw,
Ziangahtile nang cu ka Pathian na si;
A ṭha mi na Thlarau cun dĭngnak ram ah i hruai seh.
11 Na hmin ruangah i ṭhangphawksal aw, Maw Jehovah!
Ziangahtile na dingfelnak ruangah ka nunnak kha harsat buainak sung ihsin hruaisuak aw.
12 ^kNa lainat duhdawtnak in ka ralpawl sattán hai aw,
Cule ka nunnak zawnzaitertupawl zaten siatsuah ṭheh aw;
Ziangahtile kei cu na siahhlawh ka si.

143:1^a Suah 34:6; Sam 28:2; 71:2; 141:1

143:2^b Sam 14:3; Rom 3:10

143:3^c Sam 107:10; Ṭah 3:6

143:4^d Sam 30:7; 77:3; Ṭah 3:11

143:5^e Sem 24:63; Sam 77:6

143:6^f Suah 9:29; Job 11:13

143:7^g Sam 22:24; 69:17; 142:3

143:8^h Suah 33:13; Job 34:32; Sam 6:4; 25:1-2

143:9ⁱ Sam 18:17; 140:1

143:10^j Sam 25:11-12; 31:1; 41:2

143:12^k Sam 54:5; 86:2; 116:16

144

Runsuahnak hrang Thlacam

David-ih (Sam).

1 ^aKa kutpawl ral dodān zirh ih,
Ka kut zungpawl doawkdān zirhtu,
Jehovah ka lungpi cu thangṭhatin um seh.
2 ^bAnih cu ka lainat duhdawtnak le ka kulh hnget,
Ka dawlsâng le i runsuaktu,
Ka ralphaw le ka beunak,
Minungpawl ka tăngih duaitertu a si.
3 ^cMaw Jehovah, minung hi ziang so maw a si ih, na ngaihsak ringring?
Asilole minung fapa teh ziang so a si ih, a zawn na ruah ṭheu?
4 ^dMinung cu thaw vek a si;
A dam sung cān cu a liam rero mi thlahlim vek a si.
5 ^eMaw Jehovah, na van kûnter awla rung ṭum aw;
Tlangpawl thâm awla, meikhu an suak ding.
6 ^fNimthla kauter awla annihpawl ṭhekdarh hai aw;
Na thál fungpawl thlahsuak awla siatsuah hai aw.
7 ^gTlun lam ihsin na kut run pharh aw;
Tipi nasa zet lak ihsin,
Ram dang mipawl kut ihsin,
I runsuak in i dirsuak aw,
8 ^hAn kâ in bumnak ṭawngkampawl ṭawngtupawl le,
An vawrh lam kut khal thuphan vawrh lam kut a si mipawl kut sung ihsin.
9 ⁱMaw Pathian, na hnenah hla thar ka sak ding;
Hri hra nei cawngcing thawn na hnenah thangṭhatnak hla ka sak ding.
10 ^jSiangpahrangpawl hnenih runsuahnak petu,
A siahhlawh David kha
Thihnak ralnâm lak ihsi runsuaktu na si.
11 ^kRam dang mipawl kut ihsin i lasuak awla i runsuak aw,
An kâ ihsi thuphan ṭawngkampawl ṭawngtupawl le,
An vawrh lam kut khal thuphan vawrh lam kut a si mipawl hnen ihsin.
12 ^lKan fapapawl khal an vanglai ah thlaikung pitling vek si hai seh;
Kan fanulepawl cu
Siangpahrang inn hrangih ceimawi mi a kilih ṭhuampawl vek si hai seh;
13 ^mLó rawl suak mi a phunphunin
Kan cuampawl khat hai seh,
Kan lórampawl ah kan tuupawl khal in fa no thawng tampi, thawngza tampi in hring hai seh;
14 ⁿKan caw cang pawl an thau,
Hawi siatsuah ih rung lut an um lo ih,
A suak khal an um lo,
Kăwtthler ah authâwm a um lo.
15 ^oCuvek dinhmun ih umpawl cu mithlawsuak an si;
An Pathian ih Jehovah neitu miphun cu mithlawsuak an si!

144:1^a Sem 49:24

144:2^b Sem 15:1; Lai 4:23; Sam 59:9

144:3^c Job 7:17; Heb 2:6

144:4^d 1San 29:15; Job 7:6-7; 14:2; Isa 2:22; Jam 4:14

144:5^e Sem 11:5; Sam 18:9; 104:32; Isa 64:1

144:6^f Hab 3:11; Zek 9:14

144:7^g 2Sam 2:17

144:8^h Sem 14:22; Sam 12:2; 18:44

144:9ⁱ Sem 14:22; Dnp 32:40; Sam 12:2; 36:3

144:10^j 2Sam 8:14; Job 5:20

144:11^k Sam 3:7; 18:44; 144:7-8; Isa 44:20

144:12^l Sol 4:4; 7:4

144:13^m Thf 3:10

144:14ⁿ 2Sp 25:11; Thf 14:4; Isa 24:11; Jer 14:2-3

144:15^o Dnp 28:3

145

Pathian Maksaknak le Ṭhatnak

David-ih Thangṭhatnak Hla.

1 ^aMaw Siangpahrang, ka Pathian, ka lo cawisâng ding;
Cule kumkhuain kumkhua tiang na hmin ka thangṭhat ding.
2 ^bNi tinte ka lo thangṭhat ding ih,
Kumkhuain kumkhua tiang na hmin ka thangṭhat ding.
3 ^cJehovah cu a nasa ih, nasa zetih thangṭhat ding a si;
Cule a nasatnak hi hawlsuah theih a si lo.
4 ^dNa thil tipawl cu san khat in san khat hnenah an thangṭhat sâwng vivo ding,
Cule na thil ti nasa tak pawl an thăn ding.
5 ^eNa cungnunnak maksak ropi le
Na mangbangza tuah mipawl cu ngunngaih zetin ka ngaihtuah ding.
6 ^fMinungpawl in na thil ti maksak pawlih cahzia an sim ding ih,
Kei in na nasatnak ka thăn ding.
7 ^gAnnih in na ṭhatnak nasa tak cīn ringring nak khal an relsuak ding,
Cule na dingfelnak cu hla in an sak ding.
8 ^hJehovah cu zangfahnak le lainatnak thawi khat a si,
A thin a fual ih a lainat duhdawtnak a nasa.
9 ⁱJehovah cu mi hmuahhmuah parah a ṭha,
Cule a lainatnak khal a thil ti hmuahhmuah tlunah a um.
10 ^jMaw Jehovah, na thil ti hmuahhmuah in an lo thangṭhat ding ih,
Na mithiangpawl in an lo thangṭhat ding.
11 ^kNa lalram ropitzia an rel ding ih,
Na cahnak an sim ding,
12 ^lMinung fapapawl hnenah a thil ti nasa tak pawl le,
A lalram mawinak ropitzia theihter dingah.
13 ^mNa lalram cu kumkhaw lalram a si ih,
Na thuneihnak cu san hmuahhmuah hrawhsuakin a si.
14 ⁿJehovah in a tlupawl zaten a tungding,
Cule a băwkkhup mipawl zaten a kaitho.
15 ^oMit hmuahhmuah in nangmah an lo zoh ih,
Nang in a tikcucān teah an rawl na pe.
16 ^pNa kut na pharh ih,
Nunnak nei mi hmuahhmuah ih hiar mi di na riamter.
17 ^qJehovah cu a lamzin hmuahhmuah ah a dingfel,
A thil ti hmuahhmuah ah ngil a nei.
18 ^rJehovah cu amah kotu hmuahhmuah kiangah a um,
Thutak ih amah kotu zate hnenah.
19 ^sAmah ṭihzahtupawlih saduhthah a tlamtlingter ding;
Cuihtlunah an auaw a thei ding ih a run hai ding.
20 ^tJehovah in amah a duhdawtupawl hmuahhmuah a humhim ding,
Asinan misualrálpawl hmuahhmuah a siatsuah ṭheh ding.
21 ^uKa kâ in Jehovah thangṭhatnak thu a sim ding ih,
Milai hmuahhmuah in a hmin thianghlim cu
Kumkhuain kumkhua tiang an thangṭhat ding.

145:1^a Sam 2:6; 30:1; 54:6

145:2^b Sam 34:1; 71:6, 8, 15; Isa 25:1

145:3^c 2Sam 2:4; Job 5:9

145:4^d Dnp 11:19; Sam 22:30; 71:16, 18

145:5^e Sam 75:1; 76:6

145:6^f Dnp 32:3; Sam 66:3; 75:1; 78:4

145:7^g Suah 18:9; Sam 27:13; 138:5

145:8^h Sam 86:5, 15

145:9ⁱ 1San 16:34; Mat 19:17; Mar 10:18

145:10^j Sam 8:6; 115:17-18

145:11^k Suah 15:2; Mat 6:13

145:12^l Isa 2:10, 19, 21

145:13^m Suah 15:18; Dnp 7:9; Jos 23:14; 1Ko 1:9; 1Ti 1:17; 2Pe 1:11; Thu 11:15

145:14ⁿ 1Sam 2:8; Sam 38:6

145:15^o Sem 1:30; Job 28:5; Mat 6:26

145:16^p Sam 90:14

145:17^q Suah 9:27; Ezr 9:15

145:18^r Mip 23:21; Sam 18:6; Fil 4:5

145:19^s 1Sam 10:19; Job 22:28; Sam 31:22

145:20^t Sam 1:6; 31:23; 94:23

145:21^u Suah 3:15; Sam 65:2; 71:8, 15

146

Bawmtu Jehovah Thangṭhatnak

1 ^aJehovah cu thangṭhat uh!
Maw ka nunnak, Jehovah thangṭhat aw!
2 ^bKa nun laiah Jehovah ka thangṭhat ding;
Nungdamih ka um laiah ka Pathian thangṭhatnak hla ka sak ding.
3 ^cUktupawl parah nan rinsannak ret hlah uhla,
Băwm thei nak nei lo, minung fapa par khalah.
4 ^dA thlarau in a fehsan ih, amah cu lei ah a kirsal;
Cuih ni roriah a khawkhannakpawl an hloral.
5 ^eAmah bawmtu dingih Jakob-ih Pathian neitu cu mithlawsuak a si,
A ruahsannak cu Jehovah a Pathian ah a si,
6 ^fLei le van, tifinriat le
A sungih um mi zate tuahtu;
Thutak kumkhuaih a kilkhawitu,
7 ^gPalbĕt mipawl hrangah diknak tuahtu,
Rilrawngpawl hnenih rawl petu cu.
Jehovah in thawngtlapawl a suah hai.
8 ^hJehovah in mitcawpawlih mit a vângter;
Jehovah in a băwkkhup mipawl a kaitho;
Jehovah in dingfelnak a duh.
9 ⁱJehovah in mikhualpawl a kilveng;
Pa nei lo pawl le nuhmeipawl a bawm;
Asinan misualrálpawlih lamzin cu a lingletter.
10 ^jJehovah in kumkhuain a uk ding.
Maw Zion, na Pathian cun san hmuahhmuah a uk ding.
Jehovah cu thangṭhat uh!

146:1^a Sam 103:1

146:2^b Sam 63:4; 104:33; 105:2

146:3^c Isa 2:22; 31:3

146:4^d Sem 3:19; Job 7:21; Sam 33:10; Ths 12:7; 1Ko 2:6

146:5^e Sam 70:5; Jer 17:7

146:6^f Dnp 7:9; Apo 14:15; Thu 10:6

146:7^g Sam 37:17; 66:11; 103:6; 107:9-10

146:8^h Suah 4:11; Job 23:10; Thf 20:12; Isa 29:18; Mat 11:5

146:9ⁱ Suah 22:2; Pui 19:34; Jam 1:27

146:10^j 1San 16:31; Thu 11:15

147

Jerusalem Kilkhawinak ruangih Pathian Thangṭhatnak

1 ^aJehovah cu thangṭhat uh!
Ziangahtile kan Pathian hnenih thangṭhatnak hlasak hi a ṭha;
Ziangahtile cumi cu a nuam ih, thangṭhatnak cu a mawi.
2 ^bJehovah in Jerusalem a tungding;
Israel-mipawl lakih dawisuah mipawl a khawm.
3 ^cAnih in thinlung kuai pawl a damter ih,
An hmapawl a tuamsak.
4 ^dArsi um zat a siar;
An zaten an hmin ciar in a ko hai.
5 ^eKan Bawipa cu a nasa ih, a cahnak cu a nasa;
A theihthiamnak in cem ni a nei lo.
6 ^fJehovah in mităngdawrpawl a dăwmcawi;
Misualrálpawl leilung ah a hlăwn.
7 ^gJehovah hnenah lungawi thu simnak thawn hlasak uh;
Kan Pathian hnenah ṭingṭang thawn thangṭhatnak hlasak uh,
8 ^hKhawdur thawi van khuhtu,
Leilung hrangih ruah petu,
Tlangpawl parih hrampi kho dingih tuahtu cu.
9 ⁱAmah in ramsapawl rawl a pe ih,
Tlangâk note pawl khal an ai tikah rawl a pe.
10 ^jRang cahnak ah a nuamaw lo;
Minung kepawl khalah lunghmuinak a nei lo.
11 ^kJehovah cu amah ṭihzahtu le
A lainat duhdawtnak ih ruahsannak neitupawl parah a lung a hmui.
12 ^lMaw Jerusalem, Jehovah thangṭhat aw!
Maw Zion, na Pathian thangṭhat aw.
13 ^mZiangahtile amah in na kăwtka tlângpawl a hngetkhohter;
Na sungih um na fātepawl thlawsuah a pe.
14 ⁿNa ramri sungah remdaihnak a tuah ih,
Sangvut ṭhabik in a lo tlaiter.
15 ^oLeilung ah a thupek a thlah;
A kamsuakthu cu zamrang zetin a tlân.
16 ^pSahmul bangin vur a pek;
Vutcâm bangin vur a thehdarh.
17 ^qA vur kha lungtenawi vekin a hlăwndarh;
Amai khawdai hmaiah zo so dīng thei ding?
18 ^rA kamsuakthu a thlahsuak ih, cupawl cu an zŭp ṭheh;
A thli a hrānter ih, tipi a luang.
19 ^sJakob hnenah a kamsuakthu a thăn,
Israel hnenah a sakhaw dānpawl le a zīn le dān pawl khal.
20 ^tCu vekin ziang miphun par hmanah a ti dah lo;
Cule a zīn le dān pawl khal annih cun an thei lo.
Jehovah cu thangṭhat uh!

147:1^a Sam 33:1; 135:3

147:2^b Sam 51:18; 106:47

147:3^c Mip 12:13; Job 5:18; Isa 1:6; Eze 34:16

147:4^d Sem 15:5; Isa 40:26

147:5^e Suah 14:31; Isa 40:28

147:6^f 2San 33:23; Sam 37:9

147:7^g Sam 27:6; 30:4; 42:4; 98:5

147:8^h 2Sam 1:21; Job 38:25-27

147:9ⁱ Sem 8:7; Mat 6:26

147:10^j 1Sam 16:7; Job 39:19-25

147:11^k Sam 6:4; 33:18; 35:27; 119:38, 43

147:12^l Sam 48:1

147:13^m Pui 25:21; Dnp 33:25

147:14ⁿ Pui 26:6; Dnp 32:14; 2Sam 7:10; Isa 48:18

147:15^o Job 37:1, 12; Isa 55:11

147:16^p Job 38:29

147:17^q Job 38:22-23

147:18^r Sam 33:9; 50:3

147:19^s Suah 20:1; Jos 1:8; Mal 4:4; Rom 9:4

147:20^t Dnp 4:7-8, 32-34; Sam 33:2; 79:6

148

Sersiam Mipawlih Jehovah Thangṭhatnak

1 ^aJehovah thangṭhat uh!
Van ihsin Jehovah thangṭhat uh;
Hmun sâng pawl ah thangṭhat uh.
2 ^bA vancungmipawl hmuahhmuah tla, amah thangṭhat uh;
A ralkap rual hmuahhmuah tla, amah thangṭhat uh.
3 ^cNi le thlapi tla, amah thangṭhat uh;
Nannih a tleu mi arsipawl hmuahhmuah tla, amah thangṭhat uh.
4 ^dNannih a sangbik mi van,
Nannih van tlunih tipi, amah thangṭhat uh.
5 ^eAnnih in Jehovah hmin thangṭhat hai seh,
Ziangahtile anih in thu a pek ih anmahpawl cu sersiam an si.
6 ^fAnih in cupawl cu kumkhuain kumkhua tiang a dĭn hnget hai;
Anih in a hloral lo ding mi thupek a suah.
7 ^gNannih tifinriat sahring tumpi pawl le ti thûk hmuahhmuah pawl,
Leilung ihsin Jehovah thangṭhat uh.
8 ^hMeisa le rial, vur le khawdurpawl,
A kamsuakthu tlamtlingtertu thlipi;
9 ⁱTlangpawl le mualpawl hmuahhmuah;
Rah thei mi thingkungpawl le sidar hmuahhmuah;
10 ^jRamsapawl le rannungpawl hmuahhmuah;
Bawkvâkpawl le a zam mi vatepawl;
11 ^kLei siangpahrangpawl le miphunpawl hmuahhmuah;
Uktupawl le leilung thuṭhentupawl hmuahhmuah;
12 Falapawl le tlangvalpawl;
Tarpawl le nauhakpawl.
13 ^lAnnih in Jehovah hmin thangṭhat hai seh,
Ziangahtile amai hmin lawng hi khaisan a si;
A ropitnak cu lei le van tlunah a si.
14 ^mCule a mipawlih ki a khaisâng zo,
A mithiangpawl,
A kiang nai ih um Israel tefapawl hmuahhmuah ih thangṭhatnak cu.
Jehovah thangṭhat uh.

148:1^a Sam 19:1; 33:2, 6

148:2^b 1Sp 22:19

148:3^c Sam 19:1-6

148:4^d Sem 1:7; Dnp 10:14

148:5^e Sam 145:21

148:6^f Jer 31:35

148:7^g Sem 1:21; Dnp 33:13

148:8^h Suah 9:18, 23-25; Jos 10:11; Job 37:2-6, 11

148:9ⁱ Isa 44:23

148:10^j Isa 43:20; Hos 2:18

148:11^k Sam 102:15

148:13^l Sam 8:1; 13:2; 45:5

148:14^m Suah 15:2; Dnp 26:19; 28:1; 1Sam 2:1

149

A Ṭhatnak ruangih Jehovah Thangṭhatnak

1 ^aJehovah thangṭhat uh!
Jehovah hnenah hla thar sak uhla,
A mithiangpawl punkhawmnak ah amah thangṭhatnak.
2 ^bIsrael cu anmah Sersiamtu parah lungawi aipuangin um seh;
An Siangpahrang parah Zion fātepawl aipuang hai seh.
3 ^cLam phahin a hmin thangṭhat hai seh;
Khuangte le ṭingṭang thawn a hnenah thangṭhatnak hlasak hai seh.
4 ^dZiangahtile Jehovah cu a mipawl parah a lung a hmui a si;
Anih in mităngdawrpawl kha rundamnak thawn a ceimawi ding.
5 Mithiangpawl cu ropitnak ah aipuang zetin um hai seh;
An ihkhun parah ringpin hlasak hai seh.
6 Sang zetih Pathian thangṭhatnak cu an kâ ah um sehla,
An kut ah kap hnih hriam ralnâm,
7 Miphunpawl parah phulei sam dingah le,
Minungpawl parih cawhkuan pe dingah;
8 An siangpahrangpawl kha thir cikcin ih ṭem dingah le,
An upapawl thir hreng sŭt dingah;
9 An parah thuṭhennak ngan cia tuahsuak dingah a si.
Himi hi a mithiangpawl hmuahhmuah cawimawinak a si.
Jehovah thangṭhat uh.

149:1^a Sam 1:5; 28:7; 33:3, 21; Thu 5:9

149:2^b Job 10:3; Isa 13:3; 32:20; 44:2; Jer 51:48; Zek 9:9

149:3^c Suah 15:20; Sam 57:8

149:4^d Sam 35:27

150

A Natsat Hleice nak ruangih Jehovah Thangṭhatnak

1 ^aJehovah thangṭhat uh!
A hmun thianghlim ah Pathian thangṭhat uh;
A tlolak nasa takah amah thangṭhat uh.
2 ^bA thil ti nasa tak pawl ruangah amah thangṭhat uh;
A nasat hleice nak zulhin amah thangṭhat uh.
3 ^cTuu pa ki phawt awn thawn amah thangṭhat uh;
Cawngcing le ṭingṭang thawn amah thangṭhat uh.
4 ^dKhuangte le lāmin amah thangṭhat uh;
Cawngcingpawl le phirivau thawn amah thangṭhat uh!
5 ^eDar sumsel awn thawn amah thangṭhat uh;
Dar sumsel khāwng phahin amah thangṭhat uh!
6 ^fThaw nei hmuahhmuah in Jehovah thangṭhat hai seh.
Jehovah thangṭhat uh!

150:1^a Sam 68:24-26; 112:1; 148:1

150:2^b Suah 15:7; Dnp 3:24

150:3^c Mip 10:10; Sam 57:8

150:4^d Sem 4:21; Suah 15:20; Sam 45:8

150:5^e 2Sam 6:5

150:6^f Sam 103:22