BibleThianghlim – Solomon Hla

16 ^aKei cu ka lungduh ta si ing khaw, kei khal a ta ka si.
Anih cun lily par lakah a rante rual a khāl.
17 ^bKhua a van hlan le
Thlahlim an kian hlanah,
Ra kir aw, ka lungduh,
Bether tlang parih sakhi le zuknêng tûai bang len.

2:16^a Sol 4:5; 6:3; 7:10

2:17^b Sol 4:6

3

1 ^aZan ah ka tlingkhāndâng parah ka duhdawt mi cu ka hawl;
Amah ka hawl, hmanseh ka táwng lo.
2 ^bAtu thoin khaw sungah ka feh ding,
Cule kăwtthler ah le lam ṭêk pawl ah ka nunnak ih a duhdawt mi cu hawl ning.
Amah ka hawl, hmanseh amah cu ka táwng cuang lo.
3 ^cKhawpi hrawhih vâk zan hngaktu in i táwng e;
“Ka lung duh cu nan hmu maw?” tiah ka sut.
4 Cupawl málte ka lan hnuah,
Lungduh val cu ka táwng.
Ka kai ih, ka nuih runinn le i paituih pindan sungih ka hruailuh hlanlo,
Amah cu ka fehter siang nawn lo.
5 ^dMaw Jerusalem fanule tla,
Ramlak sakhi hmin sâlin asilole zuknêng nu hmin sâlin, thu ka lo cah:
A lunghmui hlanlo căwkphur hlah uhla,
Duhdawtnak ṭhangharh fawn hlah uh.

3:1^a Sol 5:6

3:2^b Jer 5:1

3:3^c Sol 5:7; 8:5

3:5^d Sol 2:7; 8:4

Solomon Ratnak

6 ^aZo simaw meikhu ṭhuam bang,
Thlaler ihsi ra suak hi,
Mura le frankinsense rimhmui nâm vungvawn,
Sumdâwng paih podar zate rimhmui thawi ra suak khi?
7 ^bHei cuan hnik hman, ihkhun nuam cu Solomon ta si e,
A velkimah miralṭha pacang 60,
Israel ralṭha pawl um hai.
8 ^cRalnâm an kai an zaten,
Ral do thiam si hai khawh.
Ralnâm thlaih hai an khēl ah pacang tin in,
Zan ih ṭihnungpawl kilveng dingah.
9 Amai hrangah Siangpahrang Solomon in zawn mi doṭhiang tuah e,
Lebanon thing in:
10 A ṭhuam a tuah ngun in,
A dotu cu sui,
A tonak cu puan sendup,
Jerusalem fanupawl in duhdawtnak in an cei a sung lam.
11 ^dSuak thlang u law, Maw Zion fanupawl,
Cuan hman uh, lallukhum khum e
Siangpahrang Solomon in,
Sunghno a nuih khumter cu,
Khūndim ni ah si e,
A thinlung lungawi ni ah si e.

3:6^a Suah 30:34; Sol 4:6, 14; 8:5

3:7^b 1Sam 8:11

3:8^c Job 15:22; Sam 91:5

3:11^d Isa 3:16; 54:5; Jer 3:14

4

Mo Neitu

1 ^aNgai hman, ka duhdawt mi, mawi ciaici ci e!
Ngai hman, mawi ciaici ci!
Na hmai khuh phenah na mit cu thuro mit iangin.
Na sám cu ^bme rual Gilead tlang ihsi sukthla bang len!
2 ^cdNa hâ cu tuu hmul meh khawlhfai hung suak bang,
Faphir hring cio hai khawh,
Cing hlah hai e an lakah pakhat hman.
3 ^ePat senlar bang e na hmur,
Na hmurkâ duhnungza si e.
Talê rah phel hluan e na ^fbekpawl in, na hmai khuh phenah.
4 ^ghNa hngawng cu lung tianrem David dawlsâng iang e,
Ralphaw a thawngin thlaiaw e cuih parah,
Miralṭha ralphaw si e a zaten.
5 ⁱNa pawhte pahnih cu sakhi note pahnih iang e,
Lily par lakih, sakhi faphir hram piat hluanin.
6 ^jKhawvan hlan le thlahlim an kian hlanah,
Mura tlang le frankinsense mual pâwng lamah feh ning naw.
7 ^kṬhat fum ci e, ka duhdawt mi,
Sâwi ding um lawn nangmah ah.
8 ^lKa thainu, Lebanon in ra law ka zawngah,
Lebanon in ka zawngah.
Cuan law Amana zimin,
Senir le Hermon zimin,
Kiosa pûkin,
Keiṭial tlangin.
9 ^mKa farnu, ka thainu, ka lungthin mawlh ci e;
Na mit sir melh khat le na awrh ṭhi rual khat menin ka lungthin mawlh ci e.
10 ⁿA mawi hluan e na dawtnak,
Ka farnu, ka thainu!
Sabit zu hnakin ṭhasawn e na dawtnak,
Rimhmui hmuahhmuah hnak khalin ṭhasawn e na hriak cu!
11 ^oMaw ka thainu,
Na hmur in fawr e khuai thlar bang,
Na lei hnuaiah khuai tizu le hnawi ti um e,
Na sinfen rimhmui Lebanon rimhmui iangin.
12 ^pqKhar mi hmuan si ci e,
Ka farnu, ka thainu,
Hrĕn mi cirhti,
Phih mi tihna si ci e.
13 ^rNa thlaikungpawl tla rah duhum zetzet nei talê hmuan,
Hena rimhmui le ^sspaiknard thawn,
14 ^tSpaiknard le safaron,
Kane le thingthak,
Frankinsense kung hmuahhmuah thawn,
Mura le aloe,
Rimhmui cuanghlei hmuahhmuah tla si hai e.
15 ^uNang cu hmuan ih tihna,
Tinung ticawm le,
Lebanon ihsi luangthla tiva te vek si ci e.

4:1^a Mip 32:1; Sol 1:15; 6:5; Jer 22:6

4:1^b me rual: Palisṭin ram ih me rual cu an dum, a năkin an năk, a umtuzia cu a duh mi nuih sám cu a dum ih, a liang tiang a uaithla.

4:2^c Sol 6:6

4:2^d Na hâ cu tuu hmul meh khawlhfai: Hih Bible câng ih umtuzia cu nunau khan hâ var zet a nei ih, pakhat hman kim lo a um lo tinak a si.

4:3^e Sol 1:5; 5:16; 6:7

4:3^f bekpawl: Himi hin a biang a huaptel a zumum; tale thawi tahṭhimnak hin a răwng lung mankhung sen vek le an pianhmang lam a uar.

4:4^g Sam 144:12; Eze 27:10

4:4^h Na hngawng...: Tlangval in nunaunuih hngawng sâng mawi zet ṭhi thawi ceimawi mi a faknak a si. Zoh aw Eze 27:11 ziangahtile ceimawinak ah khawpi kulh parah phaw an bâng.

4:5ⁱ Thf 5:19; Sol 2:16; 7:3

4:6^j Sol 2:17; 3:6

4:7^k Sol 1:15; 5:2

4:8^l Dnp 3:9; 1San 5:23; Sol 5:1

4:9^m Eze 16:11

4:10ⁿ Sol 1:2; 7:6; Isa 57:9

4:11^o Sol 5:1; Hos 14:6

4:12^p Thf 5:15-18; Sol 5:1; 6:2; Isa 5:7

4:12^q : Hi Bible câng ih khaikhinnakpawl hin nunaunu in an neihawknak dingih nun thianghlim tei a umnak a sim duh.

4:13^r Sol 1:14; 7:12

4:13^s spaiknard: Nard kung ihsi an tuah mi hriak rimhmui a si. Hih Bible câng le câng 14 ih rimhmui phunphun zate hi Palisṭin ram ih phurhluh mi an si, curuangah an man a khung zet. Khuahlan san laiah cuih rimhmuipawl cu duhdawtnak thawn a kăwpaw ṭheu. Tlangval khan khaih rimhmui phunphun kha a mo ding a mawizia hlirnak ah a hmang.

4:14^t Mip 24:6; Sol 1:12; 3:6

4:15^u Thf 5:18; Jer 31:12

Mo

16 ^aMaw zo thli, ṭhang thlang law,
Maw sim thli, hung hrang law!
A rimhmui suah dingin ka hmuan sēm aw.
Ra seh law ka lungduh cu a hmuan ah,
Ei seh hmuan rah duhum zetzet tla.

4:16^a Sol 2:3; 7:13

5

Mo Neitu

1 ^aKa ra thleng e, ka farnu, ka thainu, ka hmuan ah;
Khawm ing e, ka mura cu ka rimhmui thawn;
Ka rak ei e, ka khuai thlar cu ka khuaiti thawn;
Ka rak in e, ka sabit zu cu ka hnawi thawn.
Ei u law, Maw ruallenuh!
In u law, Maw duhdawt mi tla,
Si ngai e, khăwpten in uh!

5:1^a Sol 4:8, 10-11; Isa 55:1; Joe 3:18

Mo

2 ^aKa zau zawnah merem thiam lawn;
Cucu ka lungduh aw si ai!
Ka duhdawt mi cun,
“Ka farnu, ka lungduh te,
Ka thuro, ka mifamkim sângka i rak ăwn law;
Ziangahtile ka lu cu daifim in a tuam,
Ka samzaipawl tla zan daitla in a khuh,” tiin king ai.
3 ^bKa kâwrfual hlit zo ing e;
Ziangtin hruhsal thei lai ing?
Ka ke khawlh zo ing e;
Ziangtin bawrhbangter thei lai ing?
4 ^cKa lungduh cun sângka kalh ah a kut ret e,
Ka lungthin in amah ngai ruangmang e.
5 ^dKa lungduh ăwnsak dingin tho ing khaw,
Ka zaṭial kut ihsin mura fawr e,
Ka kut zungpawl ihsin mura ti,
Kalhnak thing kutkaih cungah.
6 ^eKa lungduh cu ăwnsak ing e,
Asinan ka lungduh cu kir na khaw fehhlo ai.
A ṭawng tikah ka thinlung a khir.
Amah ka hawl, asinan ka hmu thei lo;
Amah ka ko, asinan anih in i sawn lo.
7 ^fKhawpi hrawhih vâk zan hngaktupawl in in táwng.
Annih cun in vua, in hriam;
Kulh kiltupawl in ka hmai khuh ka hnen ihsin an lahlo.
8 ^gMaw Jerusalem fanupawl, thu ka lo cah,
Ka lungduh nan tawn le,
“Zūn tuarin a nâ e,” tiah sim uh!

5:2^a Sol 4:7; 6:9

5:3^b Sem 19:2; Luk 11:7

5:4^c Jer 31:20

5:5^d Sol 5:13

5:6^e Sol 3:1; 6:1-2

5:7^f Sol 3:3

5:8^g Sol 2:5, 7

Jerusalem Fanupawl

9 ^aMaw nunau lakih mawi hlei,
Hiti roriih thu in cah cu,
Ziang a si cuangce, na lungduh cu mi dang lungduh hnakin?
Na lungduh cu ziang a si cuangce mi dang lungduh hnakin?

5:9^a Sol 1:8

Mo

10 ^aKa lungduh cu a ngo ih sen nawn te si e,
Mi 10000 lakah a lăwrbik ko.
11 A lu cu sui ṭhabik vek si e;
A sám kir khaw,
Tlangâk bang dum e.
12 ^bA mit cu tiva kiangih thuro,
Hnawi ti thawi khawlhaw,
Rem zetih to bang hluan e.
13 ^cA biangpawl cu rimhmui umnak hmuan,
Hrampi rimhmui pen bang si e.
A hmurpawl cu mura zihmui ti fawrnak lily par si e.
14 ^dA kutpawl cu birul lung mankhung thawi ceimawi mi sui tluan si hai e.
A ruangpum cu safaira thawi ceimawi mi vui ho si e.
15 ^eA kepawl cu sui hlirhlăng ih tuah mi thil retnak parih tŭn mi marbal lung ṭhuam si hai e.
A hmel cu Lebanon bang,
Sidar thingpawl vekih cuanghleice si ai.
16 ^fA kâ cu a thlumbik,
Si ngai e, anih cu duhnungza famkim si e.
Hihi ka lungduh si ai,
Hihi ka ṭhianrual si e,
Maw Jerusalem fanupawl!

5:10^a Sam 45:2

5:12^b Sem 49:12; Sol 1:15

5:13^c Sol 1:10; 2:1; 6:2

5:14^d Job 28:6

5:15^e 1Sp 4:33; Sol 7:4

5:16^f Sol 4:3; 7:9

6

Jerusalem Fanupawl

1 ^aMaw nunau lakih mawi hlei,
Na lungduh cu khuiah so a rak pial?
Nangmah thawn amah kan hawltlang pei kan ti asile,
Na lungduh cu khui lamah rak pial maw?

6:1^a Sol 5:6, 13

Mo

2 Ka lungduh cu,
A ran rualpawl hmuan sungih khāl dingin le,
Lily parpawl tla ṭăwtkhawm dingin rimhmui umnak hmuan ah a rak feh.
3 ^aKei cu ka lungduh ta si ing khaw,
Ka lungduh cu keimai ta si ai.
Anih cu lily par lakah nuam zetin um ai e.

6:3^a Sol 2:16; 7:10

Mo Neitu

4 ^aMaw ka duhdawt mi, nang cu Tirzah iangin na mawi,
Jerusalem iangin duh na nung,
Thantar thawi ralkap rual feh bangin ^bkhawruahharza na si.
5 ^cI hawisan aw,
Ziangahtile na mit in kei in rak neh aw.
Na sám cu me rual Gilead ihsi sukthla a bang.
6 ^dNa hâ cu tuu nu rual khawlhfai hung suak bang,
Faphir hring cio hai khawh,
Cing hlah hai e an lakah pakhat hman.
7 ^eTalê rah phel hluan e na bekpawl in, na hmai khuh phenah.
8 ^fSiangpahrang bawinu 60 rual le nusun 80 le,
Fala him siar cawk lo um hai e.
9 ^gKa thuro, ka mifamkim,
Amah lawng cu,
A nuih neihsŭnte,
A hringtuih duat bik si ai.
Fanupawl in hmu hai khawh,
Mihualvanṭha tiah ko hai,
Siangpahrang bawinupawl le nusunpawl in,
Amah cu fak hai.
10 ^hZing khawfingcat bang, thlapa bang mawi,
Ni bang fim kilkel,
Thantarpawl thawi ralkap rual bang ⁱkhawruahharza cu zo si ngai?

6:4^a Mip 1:52; Jos 12:24; 1Sp 15:33; Sam 48:2

6:4^b khawruahharza: A mawizia rel uar nak a si.

6:5^c Sol 4:1

6:6^d Sol 4:2

6:7^e Sol 4:3

6:8^f Est 2:14; Sam 45:9

6:9^g Sol 1:15; 3:4; 5:2

6:10^h Job 31:26

6:10ⁱ khawruahharza: 6:4 simfiangnak zoh aw.

Mo

11 ^aHawrkuam hring dildel zoh dingah,
Sabit hri an cerh maw ti le,
Talê an mûm maw ti zoh awkah
Thingthei hmuan ah suk ing e.
12 Ka tiar man hlanah,
Ka thinlung cu ka mizahumpawlih rang lêng to vek si ai ing.

6:11^a Sol 7:12

Jerusalem Fanupawl

13 ^aMaw Shulam nu, ra kirsal aw, ra kirsal aw:
Kan lo thlir thei nak dingah ra kirsal aw, ra kirsal aw!

6:13^a : Hi Bible câng hi zawi ṭawng mi a si ti theihfiang a si lo.

Mo Neitu

Ralkap bur hnih ralṭhuang tuah zoh hluanin,
Ziangah so Shulam nu cu nan thlir?

7

1 ^aMaw fanu zahum,
Kedan sungih na ke cu ziang tluk mawi na maw!
Na cāwn kūl pawl cu kutthiam nei kutsuak, keplung bang.
2 Na laimu cu sabit zu cawhrawi tlasam dah lo kheng kûm bial si e;
Na pum cu lily par thawi ceimawi mi sangvut sūnkhawm si e.
3 ^bNa pawhte pahnih cu sakhi note pahnih,
Sakhi faphir iang e.
4 ^cNa hngawng cu vui ho dawlsâng bang,
Na mitpawl cu Bath Rabbim kulh kăwtka kiangih Heshbon ^ddilpawl bangtuk si e.
Na hnar cu Damaskas lam hawi,
Lebanon ^edawlsâng vek si ai.
5 ^fKarmel tlang bangin na lu in lallukhum khum khaw,
Cule na lu parih na sám cu sendup bang;
Siangpahrang cu na sám phiar mite in kaitâng e.
6 ^gNa duhumnak thawn, nang cu ziang tluk dawh le mawi si ci,
Maw duh mi!
7 ^hNa ruangrai cu ṭhulhfau kung bang khawh,
Na pawhtepawl cun a rah bawr an iang.
8 ⁱKei in, “Ṭhulhfau kung parah kaiding lai ing khawh,
A kâupawl tla kai hnget lang,” tiah ka ti.
Na hnawipawl cu sabit bawr bang seh,
Na thaw rimhmui te cu epal bang seh law.

7:1^a Sam 45:13

7:3^b Sol 4:5

7:4^c Mip 21:26; Sam 144:12; Sol 5:15

7:4^d dilpawl: A mit mawizia cu dil ti tle thawn a khaikhin zum a um.

7:4^e dawlsâng: A hnar a mawizia a khaikhinnak a si men thei.

7:5^f Isa 35:2

7:6^g Sol 1:15; 4:10

7:7^h Sol 4:5

7:8ⁱ Sol 2:5

Mo

9 ^aNa sangkhâr cu sabit zu ṭhabik bang seh law.
Sabit zu cu ka lungduh hrangah luang ziaizo seh,
Ihhmupawl hmur ah tawlhlut diaido seh.
10 ^bKei cu ka lungduh ta si ing khaw,
A ngai mi cu keimah si ing e.
11 Ka lungduh, ra law,
Ramlak ah feh nung naw;
Khawtepawl ah va riak nung naw.
12 ^cZing ten sabit hmuan ah păwk pung e;
Sabit hri hnah no a cerh maw, a par mûmte a par maw ti le,
Talê a par lai a simaw ti zoh nung naw.
Cu tawkah ka duhdawtnak lo hlan lang.
13 ^dDudei kung in rimhmui suah khaw,
Ka rak lo retkhawmsak mi,
Kan kăwtpawl ah thei rah duhumza tintian,
A hlun a thar um hai e,
Ka lungduh aw.

7:9^a Sol 5:16

7:10^b Sam 45:11; Sol 2:16; 6:3

7:12^c Sol 1:6; 2:13, 15; 4:13; 6:11

7:13^d Dudei kung: Ram thlai phun khat tawba nei mi a si ih, Palisṭin ram le Siria ram ih um a si, fa neih thei nak si vekih ruattu an um.

8

1 Maw, nang cu ka nuih hnawi ih cawm mi,
Ka unaupa hluan ci e!
Khaw lengah lo táwng ningna, lo hnam lang;
Hmuhsuam ka si lo ding.
2 Nun i rak sim ṭheu tu, ka nuih runinn sungah,
Ka lo hruai ding ih, ka lo lawipi ding.
Sabit zu hmui le,
Ka talê rah uam mi ti ka lo inter ding.
3 A keh lam zaṭial kut cu ka lu thuaiah,
Cule a vawrh lam kut in i rak pawm.
4 Maw Jerusalem fanule tla, thu ka lo cah,
A lunghmui hlanlo căwkphur hlah uhla,
Duhdawtnak ṭhangharh fawn hlah uh.

A Sungkhatpawl

5 A lungduh hngauhsan tahratih,
Thlaler ihsi ra suak hi zo a si?

Mo

Epal kung hnuaiah ka rak lo ṭhang.
Cu tawkah na nu in a lo hring;
Cu tawkah a lo hringtu nu in a lo hring.
6 ^aNa lungthin ah tacik bangin i re law,
Na bân parah tacik bangin.
Ziangahtile duhdawtnak cu thihnak tlukin a cak,
Thîkthusiatnak cu Sheol tlukin a nun a râwng;
A alh cu meisa alh a si,
Meisa alh nasabik vek.
7 Duhdawtnak cu tidai tampi in a mitter thei lo,
Tivapawl khal in an fĕn thei lo.
Duhdawtnak hrangah mi in a inn ih
A lennak zaten pe thluh hnik hman sehla,
Cumi cu nasa zetih hmuhsuam a si ding.

8:6^a Thf 6:34; Isa 49:16; Jer 22:24

Mo Ṭapapawl

8 ^aFarnu tlawlsamte nei ung khaw,
Anih cun hnawi nei hlah e.
Amai thuhla an rel ni ah
Kan farnu hrangah ziang tuah lai ung e?
9 ^bAmah cu khaw kulh si sehla cu,
A parah ngun ih tuah mi ral kahnak ăwng kan sak ding nân;
Amah cu sângka si sehla,
Sidar thing pheng in amah cu kharkhum lai ung e.

8:8^a Eze 16:7

8:9^b 1Sp 6:15

Mo

10 Kei cu khaw kulh si ing khaw,
Ka pawhtepawl in dawlsâng iang e;
Cun kei cu a mit ah hnangamdaihnak hmungahtu vek si ing.
11 ^aBaal Hamon ah Solomon in sabit hmuan rak nei e.
Cuih a sabit hmuan cu kiltupawl hnenah rak sān e;
Mi kip in a rah hrangah
Ngun paisa 1000 cio pek ding si ai.
12 Ka sabit hmuan cu ka kut ah um e.
Maw Solomon, nang cun 1000 le,
A rah kiltu mi 200 lai nei nahman ci maw.

8:11^a Mat 21:33

Mo Neitu

13 Nang ka hmuan sungih cêng,
Na hawipipawl in na aw ngai hai,
Kei khal in thei ve ning!

Mo

14 Zamrang law, ka lungduh,
Cule sakhi, asilole rimhmui tlang ih
Zuknêng tûai bang len.