About Bible Thianghlim | ©

BibleThianghlim – Jeremiah

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Jeremiah

12345678910
11121314151617181920
21222324252627282930
31323334353637383940
41424344454647484950
5152

• A ngantu: Jeremiah
• A siartu: Judah (Pathian-ih minungpawl)
• Thil cang miih huap cān: B.C. 626-561

Profet Jeremiah cu Jerusalem ihsi peng málte lawng hla ih um puithiam fapa a si (1:1). Khuahlan Kanaan ram le a kiangkung rampawl doawknak ruangih harsatnak tam zet lakah Jeremiah cu rawng a bawl. Assiria lalram ṭumsuk a thawk ih, Babilon lalram a kaiso. B.C. 612 ah Babilon ralkap rual in Assiria khawpi Nineveh le Assiria lalram pumpi cu an tisiat. B.C. 603 ah Babilon ralkap rual in Izip an neh. Cuti cun Babilon cu leitlun huap uktu thar a hung si.

Judah ram cu milem biaknak le nunau-mipa sualnak ah a pil rero. B.C. 622 ah Judah ram in ṭhangphawknak tawite a tep. Temple sungah Dān Bu an sar. Asinan an sualnak ih an kirsal tikah, Pathian thuṭhennak a thleng. Babilon ralkap rual in Jerusalem cu kum dangdang B.C. 605, 597 le 586 ah ṭum thum an do. Mipi le an thilripawl an thiar ih, kulhpawl an ṭhiatbăl, cule temple ihsin thil tampi an thiarhlo.

Profet a si vekin, Jeremiah cu mipi sualnak ruangah a ān a hai. An thinlung ah sual a lut thûk zet (13:23; 17:1, 9). Milem biaknak a nasa tuk. Baal, Molok le van khawzingnu an bia. A dik lo mi pathianpawl hnenah an fāte an thawi ih, nunau-mipa sualnak an tuah (7:31; 19:5; 32:34-35) Mi kip: mivantlang, sakhaw lam hruaitupawl (profetpawl le puithiampawl) le ramkhelpawl in Pathian thukham zīn le dān an thlun lo. Pathian be dingin temple ah an feh, asinan an ni tin nun ah amah cu an thlun lo (bung 7 le 26). An lung an thlĕng hmaisak a ṭul. Curuangah Jeremiah in Jehovah hnenih kirsal dingin a fawrh hai (3:12, 14; 4:1). Cuti asile an nun ah sung lam nun thlĕngawknak a um ding. Asinan cucu an êl (5:3).

Jeremiah cu Pathian hrangih thusimtu rinum a si ruangah hremnak (15:15-18), a nunnak lâksak tumnak (11:18-23) le thawngthlaknak (20:2; 38:28) Pathian hrangah a tuar. Bible bung le câng tam zetin a rawngbawlnak ih harsatnak a tawnzia an tarlang (11:18-23; 12:1-6; 15:10-21; 17:14-18; 18:19-23; 20:7-18). Asinan Jeremiah in mipi a duhdawt. Curuangah amah cu “A ṭap mi profet” tiih kawh a si (9:1; 13:17; 14:17). An sualnakpawl ruangah mipi dokalhin thuṭhennak ṭawngkampawl a phuang, asinan ruahsannak ṭawngkampawl khal a hlan thotho (bung 30-33). Pathian-ih thusimtupawl cun sual parih thuṭhennak le thuthangṭha parih ruahsannak thu an phuang tengteng ding a si. Kan lung kan thlĕng asile, a hnenah in tungdingsal ding.

1

1 ^aBenjamin ram, Anathoth khua ih puithiampawl lakih Hilkiah-ih fapa Jeremiah ṭawngkampawl cu: 2 ^bAmon-ih fapa Judah siangpahrang Josiah san, a lal kum hleithumnak ah, a hnenah Jehovah-ih kamsuakthu a thleng. 3 ^cJudah siangpahrang Josiah-ih fapa Jehoiakim san ihsin, Judah siangpahrang Josiah-ih fapa Zedekiah a lal kum hleikhatnak a cem tiang, a thla ngatnak ih Jerusalem ralkaih ih hruaihlo a si tiangin a rung thleng.

1:1^a Jos 21:18

1:2^b 2Sp 22:1; Eze 1:3; Hos 1:1; Joe 1:1

1:3^c 2Sp 23:34; 24:17; Ezr 5:12; Jer 52:15

Pathian in Jeremiah a Ko

4 Cun Jehovah-ih kamsuakthu ka hnenah a thleng,

5 ^a“Sūl sungih ka lo sēmter hlanah ka rak lo thei,
Na suah hlanah ka lo serhhran zo;
Miphunpawl hnenah profet dingah ka lo ruat zo,”

1:5^a Sam 139:13-16; Isa 49:1; Jer 25:15-26; Joh 10:36

tiah a ti.

6 ^aCule kei in,
“A ze, Bawipa Jehovah!
Ngai hnik, ṭawngkam ka thiam lo, ziangahtile mino ka si,”

1:6^a Suah 3:11; 1Sp 3:7

tiah ka ti.

7 Asinan Jehovah in, ka hnenah,

“‘Mino ka si,’ tiah ti hlah,
Ziangahtile ka lo thlahnak hmuahhmuah ah na feh ding ih,
Thu ka lo pek mi pauhpauh na sim ding.
8 ^aAnnih cu ṭih hlah aw,
Ziangahtile nangmah lo runsuak dingin ka lo umpi a si, Jehovah in a ti,”

1:8^a Sem 15:1; 26:3; Jos 1:5; 8:1; Jer 15:20-21; 20:11

tiah i ti.

9 ^aCun Jehovah in a kut a suah ih ka kâ i thâm, cule Jehovah in:

1:9^a Suah 4:12; Isa 6:7

“Ngai hnik, na kâ ah ka kamsuakthupawl ka ret.
10 ^aZoh hnik, a hram ihsi phăwng dingah le dirtla dingah,
Siatbăl ding le hlăwnthla dingah,
Sak dingah le phun dingah
Nang cu tuihsun ah miphunpawl tlun le lalrampawl tlunah ka lo ret zo,”

1:10^a Jer 12:17; 18:7-10; 25:17

tiah i ti.

Almond Hngeṭêk le Bel So Hluahhlo

11 ^aCuihtlunah Jehovah-ih kamsuakthu cu ka hnenah, “Jeremiah, ziang na hmu,” tiin a rung thleng.

1:11^a Jer 24:3; Amo 7:8

Cule kei in, “Almond hngeṭêk ka hmu,” tiah ka ti.

12 ^aCun Jehovah in ka hnenah, “Na hmu dik e, ziangahtile ka kamsuakthu tuahsuak dingin ka thlir ringring a si,” tiah i ti.

1:12^a Jer 31:28; 44:27

13 ^aCule a vei hnihnak Jehovah-ih kamsuakthu ka hnenah, “Ziang na hmu?” tiin a thleng.

1:13^a Jer 24:3; Zek 4:2; 5:2

Cule kei in, “Sak lam ihsin kanmah lam hawi bel so hluahhlo lai ka hmu,” tiah ka ti.

14 ^aCun Jehovah in ka hnenah, “Ram luahtu zate parah sak lam ihsin thil ṭha lo a suak ding. 15 ^bZiangahtile ngai hnik, sak lam lalrampawlih sungkua zaten ka ko ding, tiah Jehovah in a ti. Cule an ra ding ih, Jerusalem kăwtsuah ah, a kimvel kulhpawl hngauhsanin le Judah khawpi zate ah an laltokham an hûng fingfing ding, 16 ^can sualralnak zate thuhla ah anmah dokalhin ka thuṭhennakpawl ka ṭawngsuak ding, ziangruangahtile annih in kei in thlauthla, pathian dang pawl hnenah rimhmui an ur ih, anmai kut hnaṭuanpawl an bia.

1:14^a Isa 14:31

1:15^b Jer 4:16

1:16^c Suah 20:3; Mip 25:3; Sam 115:4-8; Jer 2:13; 7:9; 44:5

Pathian in Jeremiah a Humhim

17 ^a“Curuangah na tâi ṭawn awla, tho aw,
Cule thu ka lo pek mi zaten an hnenah sim aw.
An hmaiah thinphângin um hlah,
Culole an hmaika ah ka lo buaiter ding.
18 ^bZiangahtile ngai hnik, tuihsun ah ram pumpuluk,
Judah siangpahrangpawl,
An hotupawl,
An puithiampawl le,
Ram mipi lakah kulh nei khawpi le thir ṭhuam le
Dar kulh vekin ka lo tuah.
19 ^cAnnih in an lo do ding,
Asinan an lo neh lo ding.
Ziangahtile lo run dingin ka lo umpi a si, Jehovah in a ti,”

1:17^a Dnp 31:6; 2Sp 1:15; Jer 7:27

1:18^b Isa 50:7

1:19^c Thf 20:22; Isa 43:2; Jer 20:11; Apo 26:16-17

tiah i ti.

2

Israel Sual Sir dingin Pathian in a Ngen

1 ^aJehovah-ih kamsuakthu cu ka hnenah a rung thleng, 2 ^b“Feh awla Jerusalem hnatheih ah au aw, ‘Jehovah in hitin a ti:

2:1^a Isa 38:4; Eze 1:3; Mik 1:1

2:2^b Suah 13:3; Dnp 1:19; 2:7; Jer 3:4; Eze 16:8-14; Thu 2:4

Ka lo máng ringring,
Na no laiih na ngilneihzia,
Na ham mi na duhdawtzia,
Thlawh lo mi ram, ramṭhing ih ka dung i thlun laiah khan.
3 ^aIsrael cu Jehovah hrangah thianghlim le,
A thil pung rah hmaisabik a si.
Amah eiráltu zaten an mawh ding;
Thil ṭha lo an parah a thleng, Jehovah in a ti,’

2:3^a Suah 19:5-6; Pui 23:9-14; Dnp 7:6; Isa 41:11; Jer 10:25; 50:7; Thu 14:4

tiin,” tiah a ti.

4 Maw nannih Jakob sungza le Israel sungkua hmuahhmuah, Jehovah-ih kamsuakthu hi ngaithla uh. 5 ^aJehovah in hitin a ti:

2:5^a Dnp 32:21; 1Sam 12:21; 2Sp 17:15; Sam 31:6

“Nan pupápawl in ka parah ziang diklonak an hmuh ruangah so,
Ka hnen ihsin hla zetih an feh,
Milempawl an thlun ih,
Milem betu ih an can?
6 ^a‘Izip ram ihsin in hruaisuaktu,
Ramṭhing, nelrawn, khuarkhuhrum hmun,
Ram car hmun le thim mepmep,
Zohman ih fehtlănglonak hmun le
Zohman cēnlonak hmun ih in hruaitlăngtu Jehovah kha khuiah so?’ tiah an ti lo.
7 ^bRam ṭha zetah a rah le a ṭhatnak ei dingin ka lo hruai.
Asinan nan ra lut ih, ka ram nan bawrhbangter,
Cule ka ro cu fihnungza ah nan tuah.
8 ^cPuithiampawl in, ‘Jehovah cu khuiah a um?’ tiah an ti lo.
Cule dān kengkawhtupawl in in rak thei lo;
Uktupawl khal ka parah an hél,
Profetpawl in Baal hmin in thu an phuang ih,
Hlawknak um lo thilpawl an thlun.
9 ^d“Curuangah nangmah dokalhih mawhpuhnak ka keng hrih ding, Jehovah in a ti,
Cule nan fātepawlih fātepawl dokalhin mawhpuhnak ka keng ding.
10 ^eZiangahtile ^fKittim tikulh lan uhla zoh uh,
Kedar ah mi thlah uhla ṭhaten ruat uh,
Cule hivek thil a um dah maw ti thei uh.
11 ^gMiphun pakhat in pathian a si lo mi thawn
A pathian a thlĕng ding maw?
Asinan ka mipawl cun hlawknak um lo mi thawn an ropitnak an thlĕng.
12 Maw van, himi ah khawruahharin um uhla,
Nasa zetih ṭihin um uh,
Phawkekein um uh, Jehovah in a ti.
13 ^hZiangahtile ka mipawl in thil ṭha lo pahnih an rak tuah:
Tinung tihna keimah in thlauthla ih,
Tidai tling thei lo a khĭng mi tikhuah cu anmai hrangah an kher.
14 ⁱ“Israel cu sál maw a si?
Amah cu inn ih hrin mi siahhlawh maw a si?
Ziangah so anih cu hmuitin mi ih a can?
15 ^jKiosa vanglai pawl in amah an hûkhnawh ih, aw an suah;
A ram ṭhing ko an tuah;
A khawpipawl cu urkăng an si, luahtu um loin.
16 ^klNof le ^mTahapanhes mipawl khal in
Na luthlung an kawlhter.
17 ⁿJehovah na Pathian in lamzin ih a lo hruai laiah,
Na tlansan ruangah
Cumi cu nangmah parah na thlenaw a si lo maw?
18 ^oCule Nâl tiva pi tidai in dingin,
Ziangah so Izip lamzin na zawh?
Cun Zufraṭis tiva tidai in dingin,
Ziangah so Assiria lamzin na zawh?
19 ^pNangmai sualralnak in nun a lo sim ding ih,
Na dungtawlhnak in a lo kawk ding.
Curuangah keimah ṭihnak nangmah ah a um lo ih, Jehovah na Pathian na tlansan hi,
Thil ṭha lo le thil khâ a si ti thei awla hmufiang aw, tiin,
Ralkap rualpawlih Jehovah Bawipa in a ti.
20 ^qZiangahtile tuan le mang laiah na hngawngkol ka rak khiak ih, na hrenghri cat ko ka tuah;
Cule nang in, ‘Ka lo rian lo ding,’ tiah na ti.
Ziangahtile mual sâng kip le thing bŭk nîm hnuai kip ah
Hlawhhlannak tuahin na it.
21 ^rCuti cingin sabit hri ṭha zet vekin ka lo phun, ci ṭhabik hmangin.
Ziangtin saw ka hmai ihsin na pial ih,
Ka hrangah sabit hri danglam phŭn mi ih na can?
22 ^sZiangahtile cingál ih khawlhawin, sahbûan tampi hmang khal awla,
Na mawhsualnak cu ka hmaika ah a lang thotho, Bawipa Jehovah in a ti.
23 ^t‘Kei cu ka bawrhbang lo,
Baalpawlih dung ka thlun lo,’ tiah ziangtin na ti thei?
Phaikuam ah na lamzin zoh awla,
Ziang na rak tuah, ti thei aw:
Nang cu kalauk zam ṭha zet, a hruang pahtlăngtu vek na si,
24 ^uRamṭhing ih um ṭheu ramlak lāk,
A hur cān ih hnar hnûk;
Pawlawk a hiar tikcucān ah zo in so kham thei?
Amah hawltu zaten bāngawter duh hlah hai seh;
A hur thla ah an hmu ding.
25 ^vKedam hruh loin um hlah awla, na dang carter hlah.
Asinan nang in, ‘Ruahsan ding a um lo.
A um lo! Ziangahtile khawtluang mipawl ka duhdawt ih, an dung ka thlun ding,’ tiah na ti.
26 ^w“Rûkru kaih a si tikih a ning a zah vekin,
Israel sungza an ning a zak;
Anmah le an siangpahrangpawl le an bawipawl le an puithiampawl le an profetpawl khal.
27 ^xThingkung hnenah, ‘Nang cu ka pa na si,’ tiin le,
Lungto hnenah, ‘I hringtu na si,’ titupawl cu.
Ziangahtile an hmai in hawih loin, an dung in tŭn.
Asinan an harsat cān ah,
‘Tho awla, in run aw,’ tiah an ti ding.
28 ^yAsinan na hrangih na tuah mi na pathianpawl cu khuiah so an si?
An lo run thei asile, na harsat cān ah tho hai seh;
Ziangahtile Maw Judah, na pathianpawl cu na khawpi zat an si.
29 ^zZiangah so in do?
Nan zaten ka lakah nan hél, Jehovah in a ti.
30 ^aaṬhathnemnak um lo piin nan fātepawl nun ka sim,
Nunrĕmnak an cohlang lo.
Mi siatsuahhmang kiosa bangin,
Na ralnâm in na profetpawl a eirál.
31 ^abMaw ṭhangtharpawl, Jehovah-ih kamsuakthu hmufiang uh.
Israel hnenah ramṭhing vek le,
Khawthim ram maw ka si?
Ziangah so ka mipawl in, ‘Kannih cu mizalen kan si,
Na hnenah kan ra nawn lo ding?’ in ti.
32 ^acFala him in a ceiawknak a hngilh thei maw?
Mo in teh a thuamawknak a hngilh thei maw?
Asinan ka mipawl cun ni siar cawk lo in hngilh.
33 “Duhdawtnak hawl dingin ziang tluk ṭhain so na timlamawk?
Curuangah nunau sualrál pawl in na nundān an lo câwng.
34 ^adNa sinfen khalah mawhnak nei lo mifarahpawlih nunnak thisen hmuh a si.
Annih cu an lo răwk lai na kaih mi khal an si lo.
Cuti cing khalin,
35 ^ae‘Mawhnak nei lo ka si ruangah,
A thinhengnak cu ka par ihsin a kir hrimhrim ding,’ tiah na ti.
Ngai hnik, ‘Thil sual ka tuah lo,’ na ti ruangah
Nangmah dokalhin ka thuhla ka rel ding,
36 ^afNa dinhmun thlĕng dualdo dingin, ziangah so hi tlukih na zuanzam?
Assiria ih an lo ningzahter vekin, Izip khal in na ning an lo zakter ding.
37 ^agA si, na kut in na lu dawmin
Cu tawk ihsin na fehsuak ding;
Ziangahtile na rinsan mipawl cu Jehovah in a hnáwng hai ih,
Anmah hmangin na hmuingil lo ding.

2:6^a Suah 6:6; Dnp 1:19; 8:15; 32:10; Hos 13:4

2:7^b Mip 13:27; Dnp 8:7-9; Sam 106:34-39; Jer 3:9; Eze 11:21

2:8^c 1Sam 2:12; 1Sp 18:22; Jer 3:15; 4:22; 23:13; Hab 2:18

2:9^d Jer 25:31; Hos 4:1; Mik 6:2

2:10^e Sem 10:4; 25:13

2:10^f Kittim: Saipras hmin dang a si.

2:11^g 1Sam 4:21; Isa 37:19; Jer 16:20; Rom 1:23; Gal 4:8

2:13^h Dnp 31:16; Isa 12:3; 65:11; Joh 4:14

2:14ⁱ Suah 4:22; Jer 31:9

2:15^j Pui 26:43; 2Sp 25:9; Isa 1:7; Jer 4:7

2:16^k Isa 19:13; Jer 43:7-9

2:16^l Nof: Izip ram ih khaw pakhat a si.

2:16^m Tahapanhes: Izip ram ih khaw pakhat a si.

2:17ⁿ Isa 1:28; Jer 4:18; 17:13

2:18^o Jos 13:3; 2Sp 16:7; Isa 7:20; 30:2; Hos 5:13

2:19^p Job 20:12-16; Sam 36:1; Isa 3:9; Jer 3:11, 22; 19:4; Hos 5:5; 14:4; Amo 8:10

2:20^q Pui 26:13; Dnp 12:2; Jos 24:18; Isa 1:21; 57:5, 7

2:21^r Suah 15:17; Sam 80:8; Isa 5:4

2:22^s Job 9:30; Sam 51:2; Jer 17:1; Ṭah 1:8, 17

2:23^t 2Sp 23:10; Thf 30:12; Jer 7:31

2:24^u Job 39:5-6

2:25^v Dnp 32:16; Isa 57:10

2:26^w Jer 32:32; 48:27; Ṭah 1:7; Eze 16:54; 22:26

2:27^x Lai 10:10; 1Sp 14:9; 2San 29:6; Isa 37:20; Jer 3:9; 10:8; 18:17; Eze 8:16; Hos 5:15

2:28^y Dnp 32:37; 2Sp 17:29; Isa 40:19-20; 45:20

2:29^z Jer 5:1; Dan 9:11; Mik 3:11

2:30^aa Pui 26:23; Neh 9:26; Apo 7:52; 1Th 2:15

2:31^ab Job 21:14; Isa 45:19

2:32^ac Dnp 32:18; Isa 57:11

2:34^ad 2Sp 21:16; Thf 6:17

2:35^ae 2Sam 12:13; Thf 28:13; Isa 66:16; Eze 17:20; Joe 3:2; 1Joh 1:8-10

2:36^af Sam 108:12; Isa 30:1-3, 7; Jer 31:22

2:37^ag Jer 37:7

3

Rinum Lo Israel

1 ^a“Mi pakhat in a nupi a mâk ih,
A hnen ihsin cu nu cu a feh ih,
Mipa dang ta ih a can asile,
Cu pa cun cu nu cu a lakirsal pei maw?
Cuih ram cu a bawrhhlawh tuk lo ding maw?
Asinan nang cun duh mi tam zet thawn hlawhhlannak na rak tuah;
Cu cingin ka hnenah na ra kir thotho, tiah Jehovah in a ti.
2 ^bHmun sâng phul kawlh lam khi cuan awla, zoh hnik:
Mipa na ihpilonak hmun teh khui tawkah?
Ramṭhing ih Arab-mi bangin,
Anmah hngakin lamzin kapah na to;
Cule hlawhhlannak le na sualralnak in
Ram na bawrhhlawhter a si.
3 ^cCuruangah ruahpi cu kaihtān a si ih,
Ruah neta khal a um lo.
Cule hlawhhlang vekin na calhngal ih,
Na ning a zak lo.
4 ^dAtu thawkin, ‘Ka Pa, nangmah cu ka no laiih i hruaitu na si.
5 ^eAnih cu kumkhuain a thin a heng tata ding maw?
A net tiang a nuar ding maw?’ tiin ka hnenah na au lo ding maw?
Ngai hnik, cuti vekin na ṭawng, asinan thil ṭha lo pawl cu na tithei tawkin na tuah thotho,” tiin.

3:1^a Dnp 24:1-4; Isa 1:21; Eze 16:26, 28-29; Hos 2:5, 12

3:2^b Sem 38:14; Mip 15:39; Isa 1:21; Eze 16:25

3:3^c Pui 26:19; Dnp 11:14; Jer 6:15; 14:3-6; Eze 3:7; Joe 1:10; Amo 4:7

3:4^d Dnp 32:6; Sam 89:26; Isa 63:16; Jer 2:2

3:5^e Sam 103:9; Isa 54:9

Sual sir dingih Kawhnak

6 ^aCuihtlunah siangpahrang Josiah san ah Jehovah in ka hnenah, “Dungtawlh Israel in ziang a rak tuah, ti na hmu maw? Anih cu tlang sâng kip par le a thing bŭk nîm hnuai kip ah a so ih, cu tawkah hlawhhlannak a tuah. 7 ^bCule hi thil hmuahhmuah a tuah hnuah ka hnenah a ra kir ding, tiah ka ruat. Asinan a ra kir cuang lo. Cule a farnu hrăwkhrawl Judah in cumi cu a rak hmu. 8 ^cDungtawlh Israel cu a uiretnak ruangah mâknak ca kenin ka suakter. Cu cingin a farnu hrăwkhrawl Judah cun a ṭih cuang lo, ti ka hmu. Anih cu a fehsuak ih hlawhhlannak a tuah thotho. 9 ^dCule hitin a si, a ngainep mi a hlawhhlannak in ram a bawrhhlawhter ih, thing le lung ih tuah mi pathianpawl hnenah a uire. 10 ^eCule hiti tluk si cingin a farnu hrăwkhrawl Judah cu a thinlung zaten ka hnenah a ra kir lo, a tiawter men, Jehovah in a ti,” tiah i ti.

3:6^a Pui 17:7; Dnp 12:2; 1San 3:14; Jer 2:20; Eze 20:28; Hos 4:13

3:7^b Eze 16:46; 23:4-10

3:8^c Dnp 4:27; Jer 11:10; Eze 16:47

3:9^d Pui 17:7; Isa 1:21; 57:6; Jer 2:27

3:10^e 2Sp 17:19; Jer 12:2; Eze 33:31; Amo 4:9; Hag 2:17

11 ^aCun Jehovah in ka hnenah, “Dungtawlh Israel cu mihrăwkhrawl Judah hnakin dingfelsawnin a langawter. 12 ^bFeh aw, hi thupawl hi sak lamah phuang awla, sim aw:

3:11^a Jer 2:19; Eze 16:51-52

3:12^b 2Sp 17:3-6; Sam 6:2; 103:9; Isa 54:9; Eze 14:6; Hos 14:1

‘Dungtawlh Israel ra kir aw, Jehovah in a ti;
Ka thinhengnak na parah ka tlater lo ding.
Ziangahtile kei cu zahngainak nei ka si, Jehovah in a ti;
Ka thinheng kumkhua lo ding.
13 ^aJehovah na Pathian lakah na rak hél ih,
Thing bŭk nîm hnuai kip ah khawtluang mipawl hnenah na siangaw,
Cule ka thu nan lung lo,
Cuih na mawhsualnakpawl cu pawm aw, Jehovah in a ti.

3:13^a Dnp 12:2; 30:1-3; Jer 2:25; 1Joh 1:9

14 ^a‘Aw, dungtawlh tefapawl tla, ra kirsal uh, Jehovah in a ti, ziangahtile kei cu nan pasal ka si. Nanmah lakin khawpi pakhat ihsin pakhat le sungkua pakhat ihsin pahnih ka la ding ih, Zion ah ka lo hruai ding. 15 ^bCule theihnak le theihthiamnak thawi lo câwmtu ding ka thinlung duh zawng tuu khāltupawl tla ka lo pe ding. 16 Cun hitin a si ding, nan tam ih, ram ih nan karh tikah, cuih san ah, annih in, “Jehovah-ih Thukham Kuang,” an ti nawn lo ding, Jehovah in a ti, an lungthin ah a um lo ding ih, an cîng nawn lo ding; an va pan lo ding ih, an tuah nawn fawn lo ding.

3:14^a Job 22:23; Isa 54:5

3:15^b 1San 15:25; Isa 65:17; Apo 20:28

17 ^a‘Cuih cān ah Jerusalem cu Jehovah Laltokham tiih kawh a si ding ih, cu tawkah miphun zaten fĭnkhawm an si ding, Jehovah hmin umnak, Jerusalem ah. A ṭha lo mi an thinlung ih thupek vekin an nung nawn lo ding. 18 ^bCuih cān ah Judah sungza cu Israel sungza thawn an kăwpaw ding ih, sak lam ram ihsin, nan pupápawl ro ih ka rak pek mi ram ah an ratlang ding,’ tiin sim aw.

3:17^a Sam 22:23; 47:8; Isa 2:3; Eze 43:7; Mik 4:1

3:18^b Dnp 31:7; Isa 11:13; 14:1; Jer 16:15; 30:3; Eze 37:19; Amo 9:15

19 ^a“Kei in, ‘Ziangtin so fanaupawl lakah lo retin,
Miphun tampi lakah ro ṭha,
Ram nuam ka lo pek thei ding?
Cule, nang in, ka Pa, tiah in ko ding ih,
Ka hnen ihsin na tlanhlo lo ding,’ tiah ka ruat.
20 ^bThungaiten nupi in a kăwppi hrăwkhrawl zetih a tlansan bangin,
Maw Israel sungza, ka parah hrăwkhrawl zetin nan tuah, Jehovah in a ti,” tiin.
21 ^cHmun sâng phul kawlh ah aw theih a si,
Israel tefapawlih ṭah le dilnakpawl cu.
Ziangahtile an lamzin an merhkâwi;
Jehovah an Pathian an hngilh.
22 ^d“Nannih dungtawlh tefapawl ra kir uh,
Nan dungtawlhnak ka lo damter ding.”
“Zoh hnik, na hnenah kan ra,
Ziangahtile nangmah cu Jehovah kan Pathian na si.
23 ^eThungaiten ^ftlangpawl le tlangmûalpawlih thawmvâng cu a lak men a si;
Thungaiten, Israel rundamnak cu Jehovah kan Pathian ah a si.
24 ^gAsinan hi thil zahthlak hin
Kan pupápawlih ṭuanbăngnak cu kan no lai ihsin a eirál thluh:
An rante rual le an ranpi rual,
An fapapawl le an fanupawl khal.
25 ^hNingzakin kan zau ih,
Kan mualphonak in in khuh.
Ziangahtile kan no lai ihsin tuihni tiang
Kanmah le kan pupápawl cu
Jehovah kan Pathian parah kan rak sual,
Cule Jehovah kan Pathian thu kan rak lung lo,” tiin.

3:19^a Suah 4:22; Dnp 8:7; 2Sam 7:14; Sam 106:24; Eze 20:6

3:20^b Isa 48:8

3:21^c Jer 7:29; 31:18

3:22^d Isa 30:26; Hos 6:1; 14:4

3:23^e Sam 3:8; Jer 2:20

3:23^f tlangpawl le tlangmûalpawlih thawmvâng: Tlangpawl le tlangmûalpawlih milem an biaknak thawmvâng a si.

3:24^g Jer 11:13; Hos 9:10

3:25^h Lai 10:10; Ezr 9:6; Sam 25:7; Jer 14:20; 22:21; Eze 2:3; Dan 9:7

4

1 ^a“Na ra kir ding asile, Maw Israel,” Jehovah in a ti,
“Ka hnenah ra kir aw;
Cule ka mithmuh ihsin na thil fihnungza pawl na hlăwn ding asile,
Na hnîn lo ding.
2 ^bCule thudik in, diknak in le dingfelnak in,
‘Jehovah a nun rori vekin,’ tiin sia na săm ding;
Cule miphunpawl cu amah ah thlawsuah an peaw ding ih,
Amah ah tluang an khawng ding,” tiin.

4:1^a Dnp 4:30-31; 2Sp 17:13; Hos 12:6; Joe 2:12

4:2^b Sem 22:18; Dnp 10:20; Jer 9:24; 1Ko 1:31; Gal 3:8

3 ^aZiangahtile Judah le Jerusalem mipapawl hnenah Jehovah in hitin a ti:

4:3^a Hos 10:12; Mar 4:18

“Nan leh hrih lo mi lei let uhla,
Hling rûl lakah tuh hlah uh.
4 ^aNannih Judah mipapawl le Jerusalem luahtupawl tla,
Jehovah hrangah nan serh zim tán uhla,
Nan thinlung vun zim tán uh,
Culole ka thinso cu ni sa bangin a thleng ding ih, a kāng ding,
Cule thil ṭha lo na tuah mipawl ruangah
Cumi cu zohman in an hmit thei lo ding,” tiin.

4:4^a Pui 26:41-42; Dnp 10:16; 30:6; Amo 5:6; Zef 1:18; 2:2; Rom 2:28-29

Sîm dingih Hrinhronak

5 ^aJudah ram ah thăn uhla,
Jerusalem ah phuang uh:
“Ram sungah tuu pa ki phaw uh;
‘Fĭnkhawmaw uh,’ tiin au uh,
‘Pungkhawmaw uhla,
Kulh nei khawpi sungah lut uhsi,’ tiah ti uh.
6 ^bZion lamah thantar khaisâng uh.
Răwlhimnak hawl uh!
Muangcâng hlah uh!
Ziangahtile sak lam ihsin thil ṭha lo le,
Siatralnak maksak ka run thlen ding.
7 ^cA phul lak ihsin kiosa a hung suak ih,
Miphunpawl siatsuahtu ding a ra lai.
Na ram ṭhingter dingin,
Anih cu a umnak hmun a suahsan zo.
Luahtu um loin na khawpipawl tla an răm ding.
8 ^dHimi ruangah, buri hniphuan hruh uh,
Ṭap uhla, râk ciamco uh.
Ziangahtile kan hnen ihsin
Jehovah-ih thinhengnak tuksumza cu a kirsal lo,” tiah ti uh.
9 ^e“Cule cuih ni ah hitin a si ding,” Jehovah in a ti,
“Siangpahrang thinlung le
Bawipawl thinlung a hloral ding;
Puithiampawl an khawruah a har ding ih,
Profetpawl an mang a bang ding,” tiin.
10 ^fCun kei in, “Ai law, Bawipa Jehovah!
Ralnâm in thinlung a sun ko na cingin
‘Remdaihnak nan nei ding,’ tiin,
Hi mipi le Jerusalem cu nasa zetin na rak bumngah hai a si,” tiah ka ti.
11 ^gCu laiah hi minungpawl hnen le Jerusalem hnenah,
“Ramṭhing hmun sâng phul kawlh ihsin thli sa cu
Ka minungpawlih fanupawl lamah
Theh ding le thianfai ding si loin a hrang,
12 ^hCumi hrangah a cak zet mi thli cu ka thupek in a thlĕng ding;
Atu-ah an parih dāntatnak khal ka thăn ding,” tiih sim a si ding.
13 ⁱNgai hnik, amah cu mero bangin a kaiso ding ih,
A rang lêngpawl cu phusîng vekin.
A rangpawl cu muvanlaipawl hnakin an rangsawn.
Kan hmakhua a pit a si, ziangahtile kannih cu răwk kan si.
14 ^jMaw Jerusalem, rundam na si thei nak dingah,
Sualralnak lakin na thinlung khawlh aw.
Ziangtik tiang so na sungah ruahnak ṭha lo a um ding?
15 ^kZiangahtile Dan ihsin aw pakhat in a thăn ih,
Efraim tlang ihsin siatnak a phuang.
16 ^lMiphunpawl hnenah sim uh,
Ngai hnik uh, Jerusalem dokalhin phuang uh,
“Ram hlapi ihsin kulhkhŭmtu an ra thleng ih,
Judah khawpipawl dokalhin an aw an suah.
17 ^mLó kiltupawl bangin a kimvel hmuahhmuah in an kulh,
Ziangruangahtile anih cu keimah dokalhin a hél, Jehovah in a ti.
18 ⁿNa nundān le na thil tidān in
Hi thilpawl hi na parah a thlengter.
Himi hi na sualralnak a si,
Ziangruangahtile cumi cu a khâ,
Ziangruangahtile cumi cun na thinlung a sun a si,” tiin.

4:5^a Mip 10:2, 7; Jos 10:20; Jer 8:14

4:6^b Isa 14:31; Jer 1:13-16; 6:1; 11:11

4:7^c Isa 1:7; 6:11; Jer 6:26; 25:38; Eze 12:20; 21:31; Hos 5:14

4:8^d Isa 3:24; 10:4; 22:12; Jer 7:29; Eze 7:18; Joe 1:8

4:9^e Isa 22:3-5; 29:9-10

4:10^f Suah 5:23; Isa 30:10; Eze 13:10; 2Th 2:11

4:11^g Pui 26:33; Hos 13:15

4:12^h Isa 64:6; Jer 1:16

4:13ⁱ 2Sp 2:1; Isa 6:11; 19:1; Eze 2:4; Mik 2:4; Hab 1:8; 3:8

4:14^j Isa 45:22; Jer 6:19; 13:27; Jam 4:8

4:15^k Jer 8:16; 31:6

4:16^l Dnp 28:49; Jer 1:15; Eze 21:21-22

4:17^m 1Sam 12:15; 2Sp 25:1, 4

4:18ⁿ Sam 107:17; Isa 1:28; Jer 2:17, 19

A Siat Mi Miphun ruangih Riahsiatnak

19 ^aMaw ka nunnak, ka nunnak!
Ka thinlung rori a nâ!
Ka sungah ka thinlung in thawmvâng a tuah;
Daiten ka um men thei lo,
Ziangruangahtile na hna in na thei a si, Maw ka nunnak,
Tuu pa ki phawt thâwm,
Ral do authâwm cu.
20 ^bSiatnak parah siatnak a thleng,
Ziangahtile ram pumpi cu tisiat a si.
Rin lo piin ka puanthlampawl tisiat an si ih,
Hmakhatteah ka puanzarpawl khal.
21 ^cZiangtik tiang so thantar ka hmuh ding ih,
Tuu pa ki phawt awn ka theih ding?
22 ^d“Ziangahtile ka mipawl cu an â a si,
Keimah in thei lo.
Annih cu fāte â an si ih,
Theihthiamnak an nei lo.
Thil ṭha lo tuah ding cun an fim,
Asinan thil ṭha tuah dingin theihnak an nei lo,” tiin.
23 ^eLeilung ka zoh, ngai hnik, pianhmang nei lo le lawnglak a si;
Cule van in tleu an nei lo.
24 ^fTlangpawl ka zoh ih, ngai hnik, an hnîn;
Cule tlangmûal zaten an sâwi dualdo.
25 ^gKa zoh ih, ngai hnik, milai pakhat hman an um lo,
Cule tlun zuang vate zaten an zamhlo ṭheh.
26 ^hKa zoh ih, ngai hnik, ram ṭha cu ramṭhing ah a cang,
Cule Jehovah hmaika ah,
A thinhengnak nasa zet hmaika ah
A khawpi zaten an siat thluh.
27 ⁱZiangahtile Jehovah in,
“Ram pumpi a răm ṭheh ding;
Asinan ka siatsuah thluh lo ding.
28 ^jCumi cu leilung in a sūn ding ih,
Tlun lam van an thim ding;
Ziangruangahtile ka ṭawngsuak zo a si.
Ka tumtah zo ih, ka lung ka thleng lo ding,
A hnen ihsin ka kir fawn lo ding.
29 ^kRang ralkappawl le thálsai thiam pawl thâwm ruangah,
Khawpi pumpi cu an tlânse ding.
Phul lakah an lut ding ih, lungpipawl parah an kai ding.
Khawpi kip cu tān ta an si ding ih,
A sungah mi an cêng lo ding.
30 ^lMaw nang răm mi,
Ziang na tuah ding?
Senlar in thuamaw khal awla,
Sui ceiawknak in ceiaw khal awla,
Na mitpawl hnăwih kau khal awla,
Na mawiawter lak men;
Na duh mipawl in an lo hmuhsuam ding;
Na nunnak an hawl ding.
31 ^mZiangahtile nunau fahrin nat tuar authâwm vek ka thei,
Fatir hringtu nuih ānhai aw vek.
Zion fanu ikik aw cu;
‘Atu-ah ka hmakhua a pit a si!
Ziangahtile laithatpawl ruangah ka nun a cau,’ tiin
A kut a phar a si,”

4:19^a Isa 22:4; Ṭah 1:20; Zef 1:16

4:20^b Dnp 31:17; Jer 10:20; Eze 7:26

4:21^c Mip 2:2; Jos 6:20; Hos 5:8

4:22^d Sam 14:4; 36:3; Isa 1:3; Jer 5:21; 13:23; Hos 5:4; 1Ko 14:20

4:23^e Sem 1:2; Job 9:7; Isa 5:30; Ṭah 3:2

4:24^f Suah 19:18; Job 9:6

4:25^g Jer 7:20; Hos 4:3; Zef 1:3

4:26^h Sem 13:10; Isa 6:11; Jer 12:13

4:27ⁱ Pui 26:44; Eze 20:17; Amo 9:8

4:28^j Mip 23:19; Jer 12:4; 23:20; Hos 4:3

4:29^k 1Sam 26:20; Isa 6:12; Jer 6:23

4:30^l 2Sp 9:30; Eze 23:9-10

4:31^m Isa 42:14; Ṭah 1:17; 2:21

tiah a ti.

5

Pathian Minungpawlih Bawrhhlawhnak Tawpkhâwk

1 ^a“Jerusalem kăwtthler ah sak le thlang ah tlân uh,
Atu-ah zoh uhla thei uh;
Cule a mualpawl ah hawl uh,
Mi pakhat tal dik zetih thil ti,
Thutak hawl an um asile,
Jerusalem cu ka ngaidam ding.
2 ^b‘Jehovah a nun rori vekin,’ an ti ko nain,
Thungaiten, dik lo zetin sia an săm thotho.”
3 ^cMaw Jehovah, na mit cu thutak parah a fu lo maw si?
Anmah na vua,
Asinan an thin a nâ lo;
Anmah na eirál ṭheh,
Asinan nunrĕmnak cohlan ding an êl thotho.
An hmai cu lungpi hnakih hakin an rak tuah;
Lamlêt ding an duh lo.
4 ^dCuruangah kei in, “Hipawl hi mifarah an si.
Mi-â an si;
Ziangahtile Jehovah-ih lamzin an thei lo,
An Pathian zīn le dān khal.
5 ^eMiropipawl hnenah ka feh ding ih, anmah ka va be ding,
Ziangahtile annih in Jehovah-ih lamzin le,
An Pathian zīn le dān an thei,” tiah ka ti.
Asinan cupawl cun ṭum khat ah hngawngkol an kiakter ih,
Ṭāwnnak hri an catter.
6 ^fCuruangah kiosa in tupi sung ihsin a that hai ding,
Nelrawn cinghnia in a thlek hai ding;
Tlavang in an khawpipawl a bawh ding.
Cu tawk ihsi leng suak pauhpauh cu thlek nêknêk an si ding,
Ziangruangahtile an dān pahbălnak a tam ih,
An dungtawlhnak a nasa.
7 ^g“Himi ruangah ziangtin so ka lo ngaithiam ding?
Na tefapawl in in thlauthla,
Cule pathian a si lo mipawl sālin sia an săm,
Puar ko ka cawm hai hnuah,
An uire ih,
Hlawhhlang innpawl ah an khat nauhno.
8 ^hZing lamih puar ko cawm mi rang cang hur vek an si;
Mi kip mai innhnen nupi ît-in an hrûm.
9 ⁱHi thilpawl ruangah dāntat hai loin ka um ding maw? Jehovah in a ti.
Hivek miphun parah phuba la loin ka um ding maw?
10 ^j“A tlar ih phŭn mi sabit tlangrănpawl parah kai uhla siatsuah uh,
Asinan cem thluh ko cun tuah hlah uh.
A hngepawl hleuhfai uh,
Ziangahtile cupawl cu Jehovah-ih ta an si lo.
11 ^kZiangahtile Israel sungza le Judah sungza cu
Ka parah hrăwkhrawl zetin thil an ti, Jehovah in a ti.
12 ^lJehovah thuhla ah thuphan an per ih,
‘Zianghman a tuah lo ding.
Kan parah thil ṭha lo a thleng lo ding ih,
Ralnâm le mangṭam khal kan hmu fawn lo ding.
13 ^mCule profetpawl cu thli ah an cang,
Ziangahtile anmah ah kamsuakthu a um lo.
An parah cuti vekih tuah a si ding,’ an ti a si,” tiin.

5:1^a Sem 18:24, 32; 2San 16:9; Eze 13:6; 22:30

5:2^b Jer 4:2; Tit 1:16

5:3^c Pui 26:23; 2San 16:9; 28:22; Isa 1:5; 9:13; Jer 7:26; Eze 2:4-5; 8:9; Amo 4:6; Zek 7:11-12

5:4^d Isa 1:3; Jer 4:2; 8:7

5:5^e Jer 2:20; Mik 3:1, 9

5:6^f Pui 26:22; Sam 17:12; Jer 14:7; Hos 13:7-8

5:7^g Mip 25:1; Dnp 32:21; Jos 23:7; Gal 4:8

5:8^h Jer 13:27; Eze 22:11

5:9ⁱ Jer 9:9

5:10^j Jer 4:27; Amo 9:8

5:11^k 1Sp 19:10; Isa 24:16; Jer 3:6-7, 20

5:12^l Isa 28:15; Jer 14:13; 23:17

5:13^m Job 6:26; 8:2; Jer 14:15

14 ^aCuruangah ralkap rualpawlih Jehovah Bawipa in hitin a ti:

5:14^a Sam 39:3; Isa 1:31; Hos 6:5

“Hih thu nan sim ruangah,
Ngai hnik uh, ka kamsuakthupawl cu na kâ sungah meisa ah ka tuah ding ih,
Hih mipi hi thing ah,
Cule cumi cun a kangrál hai ding.
15 ^aNgai hnik, Maw Israel sungza, lam hlapi ihsin miphun pakhat na hnenah ka run hruai ding, Jehovah in a ti.
Cucu miphun cak,
Khuahlan miphun,
An ṭawng na theih lo mi miphun,
An ṭawng mi na theihthiam thei lo mi cu.
16 ^bAn thál fung bawm cu thlān áwngaw vek a si;
An zaten micak hlir an si.
17 ^cCule na thlairawl khawm mi le na rawl an eicem ding ih,
Na fapapawl le na fanupawl an eirál ding,
Na rante rual le na ranpi rual an eicem ding;
Na sabitpawl le na theipipawl khal an eicem ding;
Na rinsan mi, na khawpi kulh neipawl,
Ralnâm in an siatsuah ding.

5:15^a Sem 11:7; Dnp 28:49; 2Sp 24:2; Isa 28:11

5:16^b Job 39:23

5:17^c Pui 26:25; Dnp 28:31, 33; Isa 1:7; Jer 8:13; 50:7, 17; Hos 2:12

18 ^a“Cuti si khal sehla cuih cān ah, Jehovah in a ti, cemthla ko ka lo tisiat lo ding. 19 ^bCule hitin a si ding, ‘Ziangah so hi thilpawl hi Jehovah kan Pathian in kan parah a tuah?’ nan ti tikah cun, ‘In tansăn ih, nan ram ah ram dang pathianpawl nan rĕn vekin, nan ram a si lo mi ah, khawtluang mi nan rian ve ding,’ tiah na sawn hai ding a si,” tiin.

5:18^a Jer 4:27

5:19^b Dnp 4:28; 28:48; 1Sp 9:9; Jer 2:8

20 ^aHihi Jakob sungza ah thăn awla,
Judah ram ah phuang aw,
21 ^b“Atu-ah hihi ngaithla uh, Maw mi-âpawl,
Theihthiamnak nei lo,
Mit nei ko naih, hmu lo le,
Hna nei naih thei lo pawl:
22 ^cIn ṭih lo maw? Jehovah in a ti.
Ka hmaika ah nan khūr lo ding maw?
Catuan thusuah hmangin,
Tifinriat lan thei lo dingah,
Ramri dingih vunnel rettu ka si.
Cule a tisuar cu let luihlo hman sehla,
A pahtlăng thei cuang lo ih,
Awn humho khal sehla a lan thei lo.
23 ^dAsinan hi minungpawl hin luhlulnak le helnak thinlung an nei;
An hél ih, an fehhlo.
24 ^eAn thinlung in,
‘Atu cun a tikcu teih ruah hmaisa le neta in petu,
Jehovah kan Pathian ṭih thlang uhsi.
Anih cun rawl khawm cān in ruatsak,’ tiah an ti lo.
25 ^fNan mawhsualnakpawl in hi thilpawl a pialhloter ih,
Nan sualpawl in thil ṭha a kham.
26 ^gZiangahtile ka minungpawl lakah misualrál hmuh an si;
Vate thangkamtu bangin băwkin mi an bawh;
Thang an kăm;
Minung an awk.
27 ^hBawm sungih vate a khah vekin,
An innpawl cu bumawknak in a khat.
Curuangah annih cu miropi le milian ah an cang.
28 ⁱAn thau ih an ngil denden;
A si, misualrálpawl ih thil ti an hleih;
Neh dingin thuhla an relsak lo,
Pa nei lo pawlih thuhla cu;
29 ^jHi thilpawl ruangah dān ka tat hai lo ding maw? Jehovah in a ti.
Hivek miphun parah phuba ka la lo ding maw?” tiin.
30 ^kHih ram ah khawruahharza le tuksumza thil sual tuah a si:
31 ^lProfetpawl in dik lo zetin thu an phuang ih,
Puithiampawl in anmai thuneihnak in an uk;
Cule ka minungpawl in cumi cu ṭha an ti.
Asinan a netnakah ziang nan tuah ding?

5:20^a Jer 4:5

5:21^b Dnp 29:4; 32:6; Isa 6:10; 42:20; Eze 12:2; Mat 13:14-15; Mar 8:18

5:22^c Sem 1:9; Dnp 28:58; Sam 46:3; Isa 64:2

5:23^d Dnp 21:18; Sam 14:3

5:24^e Sem 8:22; Pui 26:4; Dnp 6:24; Mat 5:45; Apo 14:17; Jam 5:7

5:25^f Sam 84:11

5:26^g Sam 10:8; Ths 9:12; Mat 7:15

5:27^h Jer 12:1

5:28ⁱ Dnp 32:15; Sam 82:3; Isa 1:23; Zek 7:10

5:29^j Mal 3:5

5:30^k Jer 18:13; Hos 6:10

5:31^l Ṭah 4:13; Hos 9:5; Mik 2:11

6

Sak lam ihsin Sîmtu a Ra Ding

1 ^aMaw nannih Benjamin-ih tefapawl,
Jerusalem ihsin tlânsuak dingah fĭnkhawmaw uh!
Tekoa ah tuu pa ki phaw uhla,
Beth Hakkerem ah hminsinnak thlai uh!
Ziangahtile sak lam ihsin thil ṭha lo a suak ding,
Siatnak maksak tak cu.
2 ^bDuhnungza le nunau nonal,
Zion fanu cu ka sâtcat ding.
3 ^cA hnenah tuu khāltupawl cu rante rual thawn an ra ding.
A kimvel zaten puanthlam an zar ding.
Mi kip mai hmunram cio ah an tlanglêng ding.
4 ^d“Amah do dingin timtuahaw uh,
Tho uhla, sun laiah so uhsi.
Kan hmakhua a pit a si, ziangahtile sun ni a liamhlo,
Ziangahtile khua a thim zikte thlang.
5 Tho aw, zan laiah feh uhsi la,
A siangpahrang innpawl siatbăl uhsi,” tiin.

6:1^a 2San 11:6; Neh 3:14; Jer 4:6; Amo 1:1

6:2^b Sam 9:14; Ṭah 4:5

6:3^c 2Sp 25:1; Jer 12:10; Luk 19:43

6:4^d Jer 15:8

6 ^aZiangahtile ralkap rualpawlih Jehovah in hitin a ti:

6:6^a Dnp 20:19-20; 2Sam 20:15; Jer 22:17; Eze 26:8; Zef 3:1

“Thing hau uhla,
Jerusalem kulhkhŭmnak tuah uh.
Hi khawpi cu dāntat ding a si.
A sungah palbĕtawknak a khat.
7 ^aTihna in a ti thiang a khawhsuak bangin,
Anih in a sualralnak a khawhsuak ve.
Thahrum suahnak le mirămnak cu amah ah theih a si.
Ka hmaika ah thinnatnak le hriamhmapawl a umpeh vivo.
8 ^bMaw Jerusalem, fimkhur aw,
Culole ka lo suahsan pang ding;
Culole luah lo mi ram ah lo cangterin,
Ka lo ṭhingter pang ding,” tiin.

6:7^a Sam 55:9; Isa 58:4; Jer 20:8

6:8^b Eze 23:18

9 ^aRalkap rualpawlih Jehovah in hitin a ti:

6:9^a Jer 8:3

“A tāngsŭn Israel-mipawl cu sabit bangin, lawhfai thluh an si ding;
Sabit lo tu bangin, na kut cu a hngeṭêkpawl parah suahsal aw,” tiin.
10 ^aAn hna ih an theih dingah zo hnenah so ka sim ding ih,
Ralrinnak ka pek ding?
Ngai hnik, an hna cu serh zim tan lo a si ih,
An ngaithla thei lo.
Ngai hnik, Jehovah-ih kamsuakthu cu an hrangah thil hmuhsuamumza a si;
Cumi ah năwmawknak an nei lo.
11 ^bCuruangah Jehovah-ih thinsonak in ka khat.
Sūpawknak ruangah ka cau.
“Khawlak nauhakpawl le,
Hmunkhat ih tlangval pungkhawmpawl parah ka burh ding;
Ziangahtile pasal cu nupi zawngah lâk a si ding,
Kum upapawl le tar kûn pawl khal.
12 ^cCule an innpawl cu mi dang hnenah pek an si ding,
Lópawl le nupipawl thawn;
Ziangahtile cuih ram luahtu parah
Ka kut ka suah ding, Jehovah in a ti.
13 ^dZiangahtile anmah lakih a tenaubik ihsin a tumbik tiang miduhham an si;
Cule mi kip, profet ihsin puithiam tiang dik lo zetin an nung.
14 ^eAnnih in ka miphun ih hriamhma khal ngaihsám zetin an tuamhlawm,
Remdaihnak a um lo laiah
‘Remdaihnak, remdaihnak,’ tiin.
15 ^fThil fihnungza an tuah tikah an ning a zak maw?
Lamlam! An ning a zak hrimhrim lo ih;
Mithmai siat khal an thiam lo.
Curuangah annih cu a tlupawl lakah an tlu ding;
Anmah dān ka tat hai tikah,
Dirhtlak an si ding, Jehovah in a ti.

6:10^a Isa 42:20; Jer 4:4; 7:3, 26; Apo 7:51

6:11^b 2San 36:17; Jer 7:20; 9:21; 20:9

6:12^c Dnp 28:30; 1Sp 11:4; Isa 5:25; Eze 6:14; Mik 2:4; Zef 1:4

6:13^d Isa 56:11; Jer 2:29; Ṭah 4:13

6:14^e Isa 30:10

6:15^f Jer 3:3; 8:12; Mik 3:7; Zek 13:4

16 ^a“Jehovah in hitin a ti,

6:16^a Jos 1:13; 1Sp 8:36; Sam 119:3; Isa 11:10; Jer 18:15; Mat 11:29

Lamzinpawl ah ding uhla, zoh uh,
Lamzin ṭha umnak hlanlai zinpawl kha sut uh,
Cule cumi cu zawh uh;
Cun nan nunnak hrangah cawlhhahdamnak nan hmu ding.
Asinan annih in, ‘Cumi cu kan zawh lo ding,’ tiah an ti.
17 ^aCuihtlunah, ‘Tuu pa ki phawt awn ngai uh!’ tiin anmah kiltu ding pawl ka ruat.
Asinan annih in, ‘Kan ngai lo ding,’ an ti.
18 Curuangah Maw nannih miphunpawl, ngai uhla,
Maw mipi umkhawm, an lakah ziang a um ti thei uh.
19 ^bMaw leilung, ngai aw!
Zoh hnik, hi minungpawl parah,
An khawruahnak rah thil ṭha lo ka thlen ding,
Ziangruangahtile annih in ka kamsuakthupawl an ngaithla lo ih,
Ka dān an hnáwng sawn riangri.
20 ^cZiang hrangah so Sheba ihsin frankinsense siseh,
Ram hlapi ihsin kane ṭha siseh ka hnenih a thlen?
Nan Meiur Thilhlănpawl cu cohlan an si lo ih,
Nan raithawinakpawl khal in ka lung in hmuiter lo.

6:17^a Isa 52:8; Zek 1:4; Luk 16:29

6:19^b Dnp 4:26; Jos 23:15; Thf 1:31; Jer 8:9; 29:19; Eze 20:13; Amo 2:4; Mik 1:2

6:20^c Sem 10:7; Suah 30:23; Sam 50:8-10; Isa 1:11; Amo 5:22; Mik 6:7-8; Mal 1:9

21 ^a“Curuangah Jehovah in hitin a ti:

6:21^a Pui 26:37; Isa 8:14

Ngai hnik, hi minungpawl hmaiah khamtu ka ret ding ih,
A parah palepawl le fapapawl an bahtlâng ding.
Innhnen le a rualpi an hloral ding, tiin.

22 ^a“Jehovah in hitin a ti:

6:22^a Dnp 28:49; Jer 4:6

Zoh hnik, sak lam ram ihsin mipi bur khat an rung ding ih,
Leilung dĕng ihsin miphun ropi an ra suak ding.
23 ^aAnnih in thál le fei an keng ding;
Annih cu nunrâwng le zahngainak nei lo an si;
An aw cu tipi vekin a hûk;
Cule annih cun rang an to,
Nangmah do dingin mipa rual zaraw bangin, Maw Zion fanu,” tiin.
24 ^bCuih thuthang cu kan rak thei;
Kan kut an zăwi:
Ānhainak in in kai,
Nunau fahrin nat tuar vek natnak in.
25 ^cLó ah feh hlah uhla,
Lamzin khalah feh hlah uh.
Ralpawlih ralnâm ruangah,
Kil kip ah ṭihnak a um.
26 ^dMaw ka minungpawlih fanu,
Buri hnipuan hruh awla,
Vutcâm lakah lāwng rero aw!
Fapa neihsŭn lusûn bangin, sūn uh, nasa zetin ṭap uh;
Ziangahtile rin lo pin kan parah suamtu a thleng thutthi ding.
27 ^e“An umdān na theih thei nak dingah le na hniksak thei hai nak dingah,
Ka minungpawl lakah nangmah cu dawlsâng le kulh hnget ah ka lo ret.
28 ^fAn zaten lungruh mihél, mi relsiathmang vâkkual vek an si.
Annih cu dar le thir an si,
An zaten mibawrhhlawh an si.
29 ^gSodawngpawl in nasa zetin an zâp,
Meisa in sûan zŭp ko a tuah;
Erfaituih erfainak cu ṭhathnemnak a um lo,
Ziangahtile misualrálpawl cu hlăwnhloh an si lo.
30 ^hAnnih cu hnawn mi ngun tiah kawh an si,
Ziangruangahtile Jehovah in anmah a hnáwng a si,” tiin.

6:23^a Sam 18:4; Isa 13:18; Jer 4:29

6:24^b Isa 13:7; Jer 4:19, 31

6:25^c Sam 1:1-3; Jer 14:18; 49:29

6:26^d Jer 4:8; 9:1; 25:34; Jon 3:6

6:27^e Jer 1:18; Zek 13:9

6:28^f Jer 5:23; Eze 22:18

6:29^g Mal 3:3

6:30^h Sam 53:5; 119:119; Ṭah 5:22; Hos 9:17

7

Temple Kăwt ih Thusim

1 Jehovah hnen ihsin Jeremiah hnenih thleng kamsuakthu cu, 2 ^a“Jehovah inn kăwtka ah ding awla, cu tawkah hi kamsuakthu hi phuang aw, cule hitin ti aw, ‘Jehovah be dingih hi kăwtkapawl ih a luttu, nannih Judah-mi hmuahhmuah tla, Jehovah-ih kamsuakthu hi ngai uh! 3 ^bRalkap rualpawlih Jehovah, Israel-ih Pathian in hitin a ti: nan nundānpawl le nan thil tipawl tuahṭha uh, cule hi hmun ah ka lo cêngter ding. 4 ^c“Hipawl hi Jehovah-ih temple, Jehovah-ih temple, Jehovah-ih temple an si,” ti mi himi thuphan ṭawngkampawl hi rinsan hlah uh.

7:2^a Jer 17:19

7:3^b Jer 18:11

7:4^c Job 15:31; Mik 3:11

5 ^a‘Ziangahtile nan nundānpawl le nan thil tipawl ṭha zetin nan rĕmṭhat ih, dikten mi pakhat le a innhnen karlakih thu nan ṭhen ih, 6 ^bmikhual, pa nei lo le nuhmei nan palbĕt lo ih, hi hmun ah mawhnak nei lo thisen suah loin, nan siatsuahawknak dingah pathian dang pawl nan biak lo asile, 7 ^cnan pupápawl hnenah kumkhua hrangih ka pek hai mi ram, hi hmun ah ka lo cêngter ding.

7:5^a Isa 1:17; Jer 18:11

7:6^b Dnp 8:19; Jer 5:28; Eze 22:7

7:7^c Dnp 4:40

8 ^a‘Ngai hnik uh, ṭhathnemnak nei lo thuphan ṭawngkampawl nan rinsan. 9 ^bFifir-in, laithatin, uire-in, dik lo zetih sesămin, Baal hnenah rimhmui ur-in, nan theih dah lo mi pathian dang pawl rak thlunin le, 10 ^cka hmin pu hi inn ah rain, ka hmaiah dīngin, hi thil fihnungza pawl hmuahhmuah tuahsal leh thotho zik siin, “Runsuah kan si,” nan ti ding maw? 11 ^dKa hmin pu hi inn cu nan mithmuh ah suamhmangpawlih pûk ah a cang zo maw si? Ngai hnik uh, cumi cu keimah rori hmanin ka rak hmu a si, Jehovah in a ti.

7:8^a Jer 5:31

7:9^b Suah 20:3, 16; Isa 1:13; Jer 11:13, 17; Mal 3:5

7:10^c 2Sp 21:4-5; Eze 23:39

7:11^d Isa 56:7; Mat 21:13; Mar 11:17; Luk 19:46

12 ^a‘Asinan ka hmin ka cēnternak hmaisa, Shiloh ah atu-ah feh uhla, ka mi Israel sualralnak ruangah cuih parah ziang ka tuah ti zoh uh. 13 ^bCule atu-ah, hi thil hmuahhmuah hi nan tuah, nan hnenah thu ka sim leuhleuh, asinan nan ngaithla lo, ka lo ko nân, in rak sawn lo, Jehovah in a ti. 14 ^cCuruangah hih inn, ka hmin pu, nanmah le nan pupápawl hnenih ka pek mi nan rinsan mi hih hmun parah, Shiloh parih ka tuah bangin ka tuah ding. 15 ^dCule nan unau zaten, Efraim cithlah pumpi ka hlăwn bangin, ka mithmuh ihsin ka lo hlăwn ding,’ tiah na ti.

7:12^a Jos 18:1, 10; Lai 18:31; 1Sam 4:10

7:13^b Sam 71:17; Thf 1:24; Isa 48:17; 65:12; Jer 35:17

7:14^c Lai 18:31; 1Sp 9:7; Eze 24:21

7:15^d 2Sp 17:20; Sam 78:67

16 ^a “Curuangah nang cun hi miphun hrangah thlacam hlah, an hrang khalah au hlah awla, ka hnenah an hrangah thlacam fawn hlah, ka hnenah dilsak hai fawn hlah; ziangahtile ka ngaithla lo ding. 17 Judah khawpipawl ah le Jerusalem kăwtthler ah ziang an tuah, ti na hmu lo maw si? 18 ^bFalepawl in thing an khawm, palepawl in mei an muah ih, van siangpahrang bawinu hrangih sang per tuah dingin nunaupawl in sang an nâwng; cule thinheng ko in căwkthawh thei nak dingah pathian dang pawl hnenah Inding Thilhlănpawl an thle. 19 ^cThinheng dingin in căwktho maw? Jehovah in a ti. Anmai ningzahnak dingah an tuah a si men lo maw?

7:16^a Suah 32:10; Mip 23:19; Dnp 9:4

7:18^b 1Sp 14:9; Isa 57:6; Jer 19:13; 44:17-19

7:19^c Dnp 32:21; Jer 9:19

20 ^a “Curuangah Bawipa Jehovah in hitin a ti: ngai hnik, ka thinhengnak le ka thinsonak cu minung par, ramsa par, ramlak thingkungpawl par le lei rah par, hih hmun ah burh a si ding. Cule a kāng ding ih, hmih a si lo ding, tiin.

7:20^a Isa 1:31; Jer 6:11-12; 8:13; Ṭah 2:3-5; 4:11; Eze 20:47

21 ^a “Ralkap rualpawlih Jehovah, Israel-ih Pathian in hitin a ti: nan raithawi mipawl parah nan Meiur Thilhlănpawl bêt uhla, sa ei uh. 22 ^bZiangahtile Izip ram ihsin nan pupápawl ka hruaisuah hai laiah khan Meiur Thilhlănpawl le thawiawknakpawl thawn pehparin an hnenah thu ka sim lo ih, thu ka pe hai fawn lo. 23 ^cHimi hi thu ka pek hai mi cu a si sawn, ‘Ka thu lung uhla, nan Pathian ka si ding, cule nanmah cu ka mi nan si ding. Cun nan lam a tluan thei nak dingah thu ka lo pek mi lamzin zaten thlun uh,’ ti hi. 24 ^dCuti cingin an thlun lo ih, an hna an thawng lo, cuhnakin anmai thinlung ṭha lo thurawn peknak le suangtuahnak an thlun sawn ih, hmai lam pan loin dung lamah an sîp. 25 ^eNan pupápawl in Izip ram an suahsan ni thawkin tuihni tiang, ka siahhlawh profetpawl zaten ni tin nan hnenah ka rak thlah leuhleuh. 26 ^fCu cingin ka thu an thlun lo ih, an hna khal an thawng lo, an ring an khăwngter sawn riangri. An pupápawl hnakin an sual sawn.

7:21^a Jer 6:20; Hos 8:13; Amo 5:21

7:22^b 1Sam 15:22; Isa 43:23

7:23^c Suah 19:5; Dnp 5:33; Isa 51:16; 1Joh 3:23

7:24^d Dnp 29:19; Sam 81:11; Jer 6:10; 11:8

7:25^e 2San 36:15; Isa 20:3; Jer 25:4; 29:19

7:26^f Suah 32:9; Sam 81:11; Jer 16:12; Mal 3:7; Luk 11:47

27 “Curuangah hi thu hmuahhmuah hi an hnenah na sim pei, asinan an lo ngai lo ding. Nang in anmah na ko hai ding, asinan an lo sawn lo ding. 28 ^aAsinan nang in an hnenah, ‘Himi hi Jehovah an Pathian thu lung lo le nunrĕmnak cohlang duh lo miphun an si. Thutak a hloral ih an hmur ihsin sahthlak a si. 29 ^bNa sám met awla, hlăwn aw, cule hmun sâng phul kawlh ah ṭah hla seh aw; ziangahtile a thinlingtertu san minungpawl cu Jehovah in a hnáwng ih, a thlauthla,’ tiah na ti pei.

7:28^a Isa 59:15; Jer 5:3; 9:3

7:29^b Jer 4:8; 6:30; Mik 1:16

Thahawknak Phaikuam

30 ^a“Ziangahtile Judah-ih tefapawl in ka mithmuh ah thil ṭha lo an tuah, Jehovah in a ti. Ka hmin pu mi inn bawrhhlawhter dingin, cu tawkah an thil fihnungza pawl an ret. 31 ^bCule thu ka rak pek lo mi le ka thinlung ih um lo mi, an fapapawl le fanupawl meisa ih ur dingin, Hinnom Fapaih Phaikuam ah ^cTofeth hmun sâng pawl an sak.

7:30^a 2Sp 21:3-7; 2San 33:3-5, 7

7:31^b 2Sp 23:10; Sam 106:38

7:31^c Tofeth: Isa 30:33 simfiangnak zoh aw.

32 ^a“Curuangah ngai hnik uh, ni cu a rung thleng ding, Jehovah in a ti, cumi cu Tofeth tiih kawh a si nawn lo ding ih, Hinnom Fapaih Phaikuam ti khalih kawh a si lo ding, Thahawknak Phaikuam an ti sawn ding; ziangahtile hmun um nawn lo tiangin Tofeth ah an phum ding. 33 ^bHi mipi ruakpawl cu tlun zuang vatepawl le leilung ramsapawlih rawl an si ding. Cule zohman in cuih vatepawl cu an thla an ringter lo ding. 34 ^cCun Judah khawpipawl ihsin le Jerusalem kăwtthler ihsin hlim aw le lungawi aw, mo neitu aw le mo aw ka cemter ding. Ziangahtile ram cu a ṭhing ding.

7:32^a Jer 19:6, 11

7:33^b Dnp 28:26; Jer 19:11; Eze 29:5

7:34^c Isa 24:7-12; Zek 7:14; Mat 23:38; Thu 18:23

8

1 ^a“Cuih cān ah, Jehovah in a ti, Judah siangpahrangpawlih ruh, an bawipawlih ruh, puithiampawlih ruh, profetpawlih ruh le Jerusalem luahtupawlih ruh cu thlān ihsin an phawrhsuak ding. 2 ^bCupawl cu an duhdawt mi, an rak rĕn mi, a dung an rak thlun mi, an rak hawl rero mi le an rak biak mi: ni, thlapi le van ih thilmak rual zate hmaiah an phosuak ding. Fĭnkhawm an si lo ding ih, urkăng khal an si lo ding; leilung vangdâp parah êk bangin an um ding. 3 ^cCun himi sungkua sualrál tāngsŭn zate, ka dawisuak hai nak hmunpawl hmuahhmuah ih ra tang ta tupawl cun nun hnakin thih an hril sawn ding, ralkap rualpawlih Jehovah in a ti.

8:1^a Isa 14:19; Eze 6:5

8:2^b 2Sp 9:37; 23:5; Jer 14:16; Eze 29:5; Zef 1:5; Apo 7:42

8:3^c Dnp 29:28; Job 3:21-22; Thu 9:6

Zirhnak Sual Ṭihnunzia

4 ^a“Cuihtlunah an hnenah hitin na sim pei,

8:4^a Sam 119:67; Thf 24:16; Mik 7:8

‘Jehovah in hitin a ti:
Minung cu an tluk tikah an thosal lo maw?
Mi a pialhlo tikah a kirsal lo maw?
5 ^aZiangah so hih Jerusalem minungpawl hi kumkhuaih dung an tawlh?
Bumnak an kai hnget ih, kir an êl.
6 ^bKa ngaithla ih ka hna in ka thei,
Asinan thudik an sim lo.
“Ziang so ka rak tuah ih?” tiin
Zohman anmai sualralnak an siraw lo.
Doawknak lamih rang tlân bangin
Mi kip mai zin cio ah an pial.
7 ^cA si, van vaca in a tikcu a thei;
Cule thuro, ngathûr hngawng sau vate le peleng tla in
An tlun tikcu an hminsin;
Asinan ka minungpawl cun Jehovah-ih zīn le dān an thei lo.
8 ^d‘Ziangtin so, “Kan fim ih
Jehovah-ih Dān cu kan hnenah a um,” tiah nan ti thei?
Zoh hnik uh, cangantuih thuphan per cafung in thuphan ah a hruai.
9 ^eMifimpawl an ning a zak,
Annih cu an thin a nau ih lâkhloh an si.
Ngai hnik uh, annih in Jehovah-ih kamsuakthu an hnáwng,
Ziang vek fimnak simaw an neih?
10 ^fCuruangah an nupipawl cu mi dang pawl hnenah ka pe ding ih,
An lópawl tla cu a neitu thar pawl hnenah ka pe ding;
Ziangahtile mi kip a tenaubik ihsin a tumbik tiang miduhham an si,
Profet ihsin puithiam tiang
Mi kip dik lo zetin an nung.
11 ^gZiangahtile annih in ka miphun ih fanu hriamhma cu ngaihsâm zetin an tuamhlawm,
Remdaihnak a um lo laiah,
“Remdaihnak, remdaihnak,” tiin.
12 ^hThil fihnungza an tuah tikah an ning a zak maw?
Lamlam! An ning a zak hrimhrim lo ih,
Mithmai siat khal an thiam lo.
Curuangah annih cu a tlupawl lakah an tlu ding;
Dāntat an si tikah
Dirhtlak an si ding, Jehovah in a ti.
13 ⁱAnmah cu ka riarálter hai hrimhrim ding, Jehovah in a ti.
Sabit hri parah sabit rah a um lo ding,
Theipi kung parah theipi rah a um fawn lo ding ih,
An hnah a vuai ding;
Cule anmah ka pek hai mi thilpawl anmah hnen ihsin an hloral ding,’ ” tiin.
14 ^jZiangah so kan to ringring lai hrih?
Pungkhawmaw uh,
Cule kulh nei khawpipawl ah lut uhsi la,
Cu tawkah va hloral uhsi.
Ziangahtile Jehovah kan Pathian in daiten in umter ih,
In dingah ti khâ in rak pe.
Ziangruangahtile Jehovah parah thil sual kan tuah.
15 ^kRemdaihnak kan hngak, asinan thil ṭha a suak lo;
Cule harhdamnak kan hngak,
Asinan, ngai hnik uh, buainak men a si!
16 ^l“Dan ihsin a rangpawlih hnar phît awn theih a si.
A rang aithâwm ah ram pumpi a khūr;
Ziangahtile an ra ih ram le a sungih um zaten an siatsuah thluh,
Khawpi le a sungih cêng hmuahhmuah cu.
17 ^mZiangahtile ngai hnik uh, nan lakah rulpawl ka thlah ding,
Cam theih lo mi rulngânpawl,
Cule an lo cuk ding,” Jehovah in a ti.

8:5^a Jer 5:27; Zek 7:11

8:6^b Sam 14:1-3; Mik 7:2; Thu 9:20

8:7^c Dnp 32:28; Jer 4:22

8:8^d Rom 2:17

8:9^e Job 5:13; Thf 1:7; Isa 29:14; Jer 6:19; 1Ko 1:20

8:10^f Isa 56:11; Jer 6:12; 14:14; 23:11; Ṭah 2:14

8:11^g Jer 8:11; Eze 7:25

8:12^h Sam 52:5-7; Isa 3:9; Jer 3:3; 6:15

8:13ⁱ Jer 5:17; Hos 2:12; Joe 1:7; Mat 21:19; Luk 13:6

8:14^j Jer 9:15; 14:7, 20; Dan 9:5

8:15^k Jer 14:19

8:16^l Lai 18:29; Jer 4:29; 47:3

8:17^m Mip 21:6; Dnp 32:24; Sam 58:4-5

Mipi hrangah Profet a Ṭap

18 ^aKa riahsiatnak cu tidam rual a si lo;
Ka thinlung a cau.
19 ^bNgai hnik! Ram hlapi ihsi ka minungpawlih fanu auaw cu:
“Zion ah Jehovah a um lo maw si?
A sungah a siangpahrang a um lo maw si?”
“Ziangah so an khercawp milimpawl le
Ram dang milempawl thawi thinheng dingih in cawkthawh?”
20 “Thlairawl khawm cān a liam,
Ṭhal cān a cem,
Rundam kan si fawn si lo!”
21 ^cKa minungpawlih fanu hriamhma ruangah hriam ka si.
Ka sûn a si;
Khawruahharnak in in cîm.
22 ^dGilead ah thing hnai a um lo maw si?
Cu tawkah sibawi an um lo maw si?
Ziangah so ka minungpawlih fanu hrangah harhdamnak a um lo?

8:18^a Ṭah 5:17

8:19^b Dnp 28:64; 32:21; Isa 41:24; Jer 44:3; Mik 4:9

8:21^c Jer 4:19; 9:1; 14:17; Eze 6:9

8:22^d Sem 37:25; Jer 14:19; 46:11

9

1 ^aKa lu hi tidai siin,
Ka mit hi mitthli tihna si sehla maw,
Ka minungpawlih fanu thah an sinak ruangah
Sun le zan ka ṭap ding nân!
2 ^bRamṭhing ah khualtlawngpawl hrangah riahnak hmun nei ningla maw;
Ka minungpawl tân tain, ka fehsan hai ding!
Ziangahtile an zaten uire,
Mihrăwkhrawl táwngkhawmaw hleice an si.
3 ^c“Cule thuphan hrangah an lei cu thál bangin an nawp.
Thutak si lo, thuphan in ram a cîm.
Ziangahtile pakhat hnu pakhat thil ṭha lo an suah ih,
Keimah in thei lo, Jehovah in a ti.
4 ^dMi kip mai innhnen cio parah fimkhur uhla,
Unau zokhal rinsan hlah uh;
Ziangahtile unau kip in mi an luahlan nêknêk ding ih,
Innhnen kip in mi zuarthlaihmangpawl zawngah an feh ding.
5 ^eMi kip mai innhnen cio an bum ding ih,
Thutak an sim lo ding;
Thuphan sim dingin an lei an zirh;
Sual tuahnak ah an cau.
6 ^fNa cēnnak hmun cu mi bumhmangpawl lakah a si;
Mi bumnak hmangin keimah in thei duh lo, Jehovah in a ti.

9:1^a Sam 119:136; Isa 22:4; Jer 13:17; Ṭah 2:11

9:2^b Mip 25:1; 1Sp 19:10; Sam 55:7; Isa 24:16; Hos 4:2

9:3^c Suah 20:16; Sam 64:3; Isa 1:3; 44:20; Mik 6:12

9:4^d Sem 27:35; Suah 20:16; Pui 19:16; 2Sam 15:12; Mik 7:5-6

9:5^e Pui 6:2; Sam 15:2; 52:3; Isa 59:4, 15

9:6^f Jer 5:27

7 ^a“Curuangah ralkap rualpawlih Jehovah in hitin a ti:

9:7^a Isa 1:25; Jer 6:27; Mal 3:3

Ngai hnik, ka er hai ding ih ka hniksak hai ding;
Ziangahtile ka minungpawlih fanu parah ziangtin ka tuah ding?
8 ^aAn lei cu mi that thei thál fung vek a si;
Bumnak a ṭawngsuak;
A innhnen parah a kâ in awkam ṭha a ṭawng,
Asinan a thinlung ah cun a bawh.
9 ^bHi thilpawl ruangah anmah cu dāntat loin ka um ding maw? Jehovah in a ti.
Hivek miphun parah phuba la loin ka um ding maw?”
10 ^cTlangpawl hrangah ka ṭap ding ih, ka ṭap ruangro ding,
Cule ramṭhing cēnnak hmunpawl hrangah ṭah hla ka seh ding,
Cupawl cu an kangrál ṭheh ruangah,
Zohman in an paltlăng thei lo ih,
Rannung aithâwm khal an thei thei lo.
Tlun zuang vatepawl le ramsapawl an tlân;
An fehhlo.
11 ^d“Jerusalem cu thil sia penkhawm ah, sihál pûk ah ka tuah ding.
Judah khawpipawl ka ṭhingter ding, luahtu um loin,” tiin.

9:8^a Sam 35:20; Isa 3:5; Jer 5:26

9:9^b Dnp 32:43; Isa 10:3

9:10^c Jer 4:25; 23:10; Hos 4:3; Joe 1:18-19

9:11^d Pui 26:31; Job 30:29; Isa 25:2; 34:13; Jer 1:15; 26:18; Ṭah 1:4

12 ^aHimi thei thei mifim pa cu zo a si? Cule cumi thăn dingih Jehovah-ih kâ dawngtu cu zo a si? Ziangah so ram cu zohman ih paltlăng theih lo dingin a siatrál ih, ramṭhing bangih a kăng?

9:12^a Sam 107:43

13 ^aCule Jehovah in, “An hmaiih ka ret mi ka dān an thlauthla, ka thu an lung lo ih, cumi ihsin an feh fawn lo, 14 ^bcuhnakin anmai thinlung suangtuahnak an thlun ih, an pupápawl in anmah an rak zirh mi Baal an rak thlun sawn ruangah, 15 ^cralkap rualpawlih Jehovah, Israel-ih Pathian in hitin a ti: ngai hnik, hi minungpawl rori hi la-ana kung khâ ka eiter hai ding ih, tûr rawi mi tidai ka inter hai ding. 16 ^dAnmah le an pupápawl ih an rak theih lo mi, miphunpawl lakah ka ṭhekdarh hai ding. Cule anmah ka riarálter thluh hai hlan sung cu ralnâm ka dawiter ding,” tiin.

9:13^a 2San 7:19; Sam 89:30-32

9:14^b Jer 2:8; 3:17; Amo 2:4

9:15^c Jer 8:14; Ṭah 3:15

9:16^d Pui 26:33; Jer 14:12; 44:27; Eze 5:2, 12

Thuṭhennak ah Mipi an Ṭap

17 ^aRalkap rualpawlih Jehovah in hitin a ti:

9:17^a 2San 35:25

“Ruat awla, lusûn nunaupawl ra dingin ko aw;
Cule ṭahthiam nunaupawl ra dingin mi thlah aw.
18 ^aKan mit cu mitthli tlain le,
Kan mit vun ihsin ti pûtsuak dingin,
Annih cu manhlap hai sehla,
Kan hrangah ṭap ruangro hai seh.
19 ^bZiangahtile Zion ihsin ṭah ruangro aw theih a si:
‘Ziangtin so tisiat kan si!
Nasa zetin kan ning a zak,
Ziangruangahtile ram kan thlauthla,
Ziangruangahtile kan cēnnakpawl kha siatbăl an si,’ tiin,”

9:18^a Sam 119:136; Ṭah 3:48

9:19^b Jer 4:13

tiah a ti.

20 Cuti si khal sehla, Maw nannih nunaupawl, Jehovah-ih kamsuakthu hi ngaithla uh,
Cule a kamsuakthu cu nan hna in cohlang seh;
Nan fanupawl kha ṭah ruangro dān zirh uhla,
Mi kip in mai innhnen hnenah ṭah hla.
21 ^aZiangahtile leng lamah nauhakpawl that dingin le,
Tlangvalpawl kăwtthler ih that dingin
Thihnak cu kan tukvirh ihsin a ra ih,
Kan siangpahrang innpawl ah a lut.
22 ^b“Jehovah in hitin a ti: milai ruakpawl hman êk bangin ló ah an rīl ding,
Fang attu dungih tān ta mi fâng tēl bangin,
Cule zohman in an lakhawm lo ding,” ti aw.
23 ^cJehovah in hitin a ti:
“Mifim in a fimnak tluangkhawnpi hlah seh,
Micak in a cahnak tluangkhawnpi hlah sehla,
Milian khal in a lennak tluangkhawnpi fawn hlah seh;
24 ^dCuhnakin tluang a khawngtu cun himi hi tluangkhawnpi sawn seh,
Kei Jehovah hi, lainat duhdawtnak, diknak le dingfelnak leilung ih hmangsuaktu ka si, ti a theihthiamnak le a theihnak ah.
Ziangahtile cupawl ah lungsinak ka nei a si, Jehovah in a ti.

9:21^a 2San 36:17; Jer 18:21; Joe 2:9

9:22^b Jer 8:1-2

9:23^c 1Sp 20:11; Job 4:12; Sam 62:10; Thf 11:28; Ths 9:11; Eze 28:3-7

9:24^d Sam 34:2; 36:5-6, 10; 51:1; Mik 7:18; 1Ko 1:31; 2Ko 10:17; Gal 6:14

25 ^a“Ngai hnik uh, nipawl tla an ra thleng, Jehovah in a ti, vun zim lawng serh zim tántupawl cu dān ka tat hai ding: 26 ^bIzip, Judah, Edom, Ammon-mipawl, Moab le ramṭhing ih cêng beksám metpawl cu. Ziangahtile hi miphunpawl hmuahmuah cu serh zim tan lo an si ih, Israel sungza zaten thinlung serh zim tan lo an si,” tiin.

9:25^a Pui 26:41; Rom 2:25, 28-29

9:26^b Jer 25:23; Eze 31:18; Apo 7:51

10

Milempawl le Pathian Nung

1 Maw nannih Israel sungzatla, Jehovah in nan hnenih a sim mi kamsuakthu hi ngaithla uh.

2 ^aJehovah in hitin a ti:

10:2^a Suah 23:24; Pui 18:3; 20:23

“Miphunpawlih nundān zir hlah uh;
Van hminsinnakpawl ah thlaphângin um hlah uh,
Ziangahtile miphunpawl cu cumi ah an thla a phâng.
3 ^aZiangahtile miphunpawlih nunphung cu zianghmanlo men a si;
Ziangahtile mi pakhat in tupi ihsin thing a hau,
Zungthiam pa in hmanrua thawn thil a salh.
4 ^bCumi cu sui le ngun in an ceimawi;
Hnîn lo dingin sobul le tlawngkhen in an kheng hnget.
5 ^cAnnih cu fanghma hmuan ih tarh mi rît ṭih milim vek an si,
An ṭawng thei lo;
Thiar an ṭul,
Ziangruangahtile anmah ten an feh thei lo!
Cupawl cu ṭih hlah uh,
Ziangahtile thil ṭha lo an tuah thei lo ih,
Thil ṭha khal an tuah thei fawn lo,” tiin.
6 ^dMaw Jehovah, nangmah vek zohman an um lo,
Nang cu na ropi ih, cahnak ah na hmin a thang,
7 ^eMaw miphunpawlih Siangpahrang, nangmah ṭihzah lo zo so um ding?
Ziangahtile cumi cu na phu a si.
Ziangahtile miphunpawlih mifimpawl zate lakah le,
An lalrampawl zate lakah,
Nangmah vek zohman an um lo.
8 ^fAsinan annih cu mimâwl le mi-â an si;
Zanthing milem cu santlailo zirhawknak a si.
9 ^gSer mi ngun cu Tarshish ihsin rak phurh a si ih,
Sui cu Ufaz ihsin,
Zungthiam ih ṭuan mi le
Sui ertuih kutsuak cu.
Mepian le sendup cu an hnipuan a si;
Cupawl hmuahhmuah cu kutthiam nei ih kutsuak an si.
10 ^hAsinan Jehovah cu Pathian dik a si;
Anih cu Pathian nung le kumkhaw Siangpahrang a si.
A thinlingnak ah leilung a hnîn ih,
A aithawknak cu miphunpawl in an tuar thei lo.

10:3^a Dnp 9:21; Isa 40:19; 44:9-20; Eze 7:20

10:4^b 1Sam 5:3; Sam 135:15; Isa 41:7; Hos 13:2; Hab 2:19

10:5^c 1Sp 18:26; Isa 41:23-24; 45:20; Apo 19:26; 1Ko 12:2

10:6^d 2Sam 7:22; Sam 48:1

10:7^e Sam 22:28; Isa 12:4; Jer 5:22; Thu 15:4

10:8^f Dnp 32:21; Isa 40:19; 44:18

10:9^g Sam 115:4; Isa 40:19

10:10^h Jos 3:10; Lai 5:4; Job 9:6; Sam 18:7; 29:8; 76:7; Nah 1:6; Mat 16:16

11 ^aAn hnenah hitin sim uh: “^bLeilung le van tuahtu si lo pathianpawl cu leilung ihsin le hih van hnuai ihsin an hloral ding,” tiin.

10:11^a Isa 2:18

10:11^b Jeremiah cazual pumpi ah hi cângte lawng hi Aramik ṭawng ih ngan mi a si.

12 ^aA huham in leilung a tuah,
A fimnak in leitlun a dĭn ih,
A remtheihnak in van a pharh.
13 ^bA aw a suah tikah,
Van ah tidai thâwm a um.
Cule leilung dĕng ihsin anih in tikhu a kaisoter.
Ruahpi lakah nimthlakau a tuah,
A thli retnak sung ihsin thli a suakter.
14 ^cMi kip cu ruahnak nei lo, theihnak nei lo an si;
Sui ertu pauhpauh cu milim hmangin ningzahter an si ding;
Ziangahtile a bur mi milim cu bumawknak men a si ih,
Anmah ah thaw a um lo.
15 ^dCupawl cu zianghmanlo men an si, hnihsuakza hnaṭuan an si;
Dāntat an si tikcucān ah an hloral ding.
16 ^eJakob-ih covo cu cupawl vek a si lo;
Ziangahtile anih cu thil hmuahhmuah Tuahtu a si ih,
Israel cu ro ih a co mi hnám a si,
Ralkap rualpawlih Jehovah ti hi a hmin a si.

10:12^a Sem 1:1, 8, 31; 1Sam 2:8

10:13^b Dnp 28:12; Sam 104:13; 135:7

10:14^c Sam 97:7; Isa 1:29

10:15^d Isa 41:24; Jer 14:22

10:16^e Suah 34:9; Dnp 32:9; Jer 31:35

Judah cu Dawisuah an Si Ding

17 ^aMaw kulhkhŭm sungih umpawl, lei ihsin nan puanpawl lakhawm uh! 18 ^bZiangahtile Jehovah in hitin a ti:

10:17^a Eze 12:3-12

10:18^b 1Sam 25:29; Isa 22:17

“Ngai hnik uh, kaih an si thei nak dingah tuih cān ah ram luahtupawl cu saihlum vekin ka saisuak hai ding ih,
An van ka sângter ding,” tiin.
19 ^aTuahmawh ka sinak ruangah ka hmakhua a pit a si!
Ka hriamhma a besia tuk.
Cule kei in, “Thungaingaiin himi hi damlonak pakhat a si ih,
Ka tuar hrimhrim ding,” tiah ka ti.
20 ^bKa puanthlam cu tisiat a si ih,
Ka hripawl zaten an cat ṭheh;
Ka fātepawl in in tlansan ih,
An um nawn lo.
Ka puanthlam zartu ding le
Ka puanzarpawl pharhtu ding zohman an um nawn lo.
21 ^cZiangahtile tuu khāltupawl cu ruahnak nei lo ah an cang ih,
Jehovah an hawl lo;
Curuangah an hmuingil lo ding ih,
An rante rual zaten an ṭekdarh thluh ding.
22 ^dNgai hnik, thuthan thâwm a rak thleng,
Sak lam ram ihsin buainak ropi zet cu,
Judah khawpipawl ṭhang ko, sihál pûk ih tuah dingin.
23 ^eMaw Jehovah, minung in amai cemnetnak hrangah thu a nei lo,
A parih thil thleng ding mi ah thuneihnak a nei lo ti ka thei.
24 ^fMaw Jehovah, nun i rĕm aw, asinan diknak in si seh,
Na thinhengnak in si hlah seh, culole zianghmanlo ah i cangter pang ding.
25 ^gNangmah thei lo tu miphunpawl parah le,
Na hmin ko lo tu sungkuapawl parah na thinaithawknak thlebung aw;
Ziangahtile annih in Jakob an eirál thluh,
An eicem ih, an eirál thluh,
Cule a cēnnak hmun cu an ṭhingter.

10:19^a Ṭah 2:13; Mik 1:9; 7:9; Nah 3:19

10:20^b Jer 4:20; 31:15; Ṭah 1:5

10:21^c Isa 56:10; Jer 23:2; Eze 34:6

10:22^d Isa 34:13; Jer 6:22; Eze 12:19

10:23^e Thf 3:5-6; 20:24

10:24^f Sam 6:1; 38:1; Jer 30:11; 46:28

10:25^g Sam 14:4; 69:24; 79:6-7

11

Judah in Thukham a Pahbăl

1 Jehovah hnen ihsin Jeremiah hnenih thleng mi kamsuakthu cu, 2 ^a“Himi thukham thupawl hi ngaithla uhla, Judah-mipawl le Jerusalem luahtupawl hnenah sim uh; 3–4 ^bcule an hnenah, Israel-ih Pathian Jehovah in hitin a ti, ka thu lung uhla, thu ka lo pek mi hmuahhmuah bangtukin tuah uh; cutin nannih cu ka minung nan si ding ih, kei cu nan Pathian ka si ding, tiih Izip ram, thir rawhtitnak meipi ihsin nan pupápawl ka hruaisuah hai ni ih ka thupek hih thukham thupawl a thlun lo tu cu camsiatin um seh. 5 ^cCule nan pupápawl hnenih hnawi le khuai tizu luannak ram, tuihni ih nan co mi ram pe dingin sesămin thukamnak ka tuah cia mi ka kimter ding,” tiin.

11:2^a Dnp 5:2

11:3-4^b Suah 24:3-8; Dnp 11:26-28; 1Sp 8:51; Jer 7:23; Eze 11:20; Gal 3:10

11:5^c Suah 3:8; 6:8; Dnp 7:12; Sam 105:8-11; Jer 28:6

Cule kei in, “Amen, Maw Jehovah,” tiah ka sawn.

6 ^aCun Jehovah in ka hnenah, “Judah khawpipawl ah le Jerusalem kăwtthler ah hih kamsuakthupawl hmuahhmuah hi phuang aw, ‘Hi thukham thupawl hi ngaithla uhla tuahsuak uh. 7 ^bZiangahtile Izip ram ihsin nan pupápawl ka hruaisuah hai ni ihsin tuihni tiang, ka thu lung uh, tiin ralrinnak ka pe leuhleuh hai. 8 ^cCu cingin thupek an thlun lo ih an hna khal an thawng lo, mi kip in anmai thinlung ṭha lo an thlun. Curuangah tuahsuak dingih thu ka pek hai mi, an rak tuahsuak lo mi hih thukhamih camsiatnak thupawl hmuahhmuah hi an parah ka thlengter ding,’ tiin,” tiah i ti.

11:6^a Suah 15:26; Dnp 15:5; Jer 3:12; Jam 1:22

11:7^b 2San 36:15

11:8^c Dnp 28:15-68; Jos 23:15; Sam 78:10; Jer 7:26; 26:4

9 ^aCule Jehovah in ka hnenah, “Judah-mipawl le Jerusalem luahtupawl lakah phiarawknak hmuh a si. 10 ^bKa kamsuakthupawl hnáwngtu, an pupápawlih mawhsualnak lamah an kirsal ih, pathian dang pawl tla rianin an rak feh; Israel sungza le Judah sungza in an pupápawl thawi ka rak tuah mi ka thukham an pahbăl.

11:9^a Eze 22:25

11:10^b Dnp 9:7; Isa 24:5; Jer 16:11; Eze 20:8; Hos 6:7; Zek 7:11

11 ^a“Curuangah Jehovah in hitin a ti: ngai hnik uh, an parah vanduainak, an pumpelh thei lo ding mi cu ka run thlen tengteng ding ih, ka hnenih an au khalle, anmah ka ngaithla hai lo ding. 12 ^bCun Judah khawpipawl le Jerusalem luahtupawl cu an feh ding ih, rimhmui an hlăn mi pathianpawl hnenah an au ciamco ding, asinan an buai cān ah cupawl cun an run hrimhrim hai lo ding. 13 ^cZiangahtile Maw Judah, nan pathianpawl cu nan khawpi zat an si; cule Jerusalem kăwtthler zat in cuih ^dningzakza thil hrangah biakṭhengpawl nan dĭn, Baal hnenih rimhmui urnak ding biakṭhengpawl cu.

11:11^a 2Sp 22:16; Job 27:9; Sam 66:18; Thf 1:28; Isa 1:15; Ṭah 2:22; Eze 8:18; Mal 2:13

11:12^b Dnp 32:38; Lai 10:14; Jer 44:17

11:13^c Suah 20:3; 2Sp 17:29; Jer 2:28; 7:9; 19:4

11:13^d ningzakza thil: Baal a relnak a si.

14 ^a“Curuangah hih minungpawl hrangah thlacam hlah, an hrangah dilsak hlah awla, ngĕnsak fawn hlah; ziangahtile an buai ruangih ka hnen lamih an ausuah cān ah ka ngaithla hai lo ding.

11:14^a Suah 32:10

15 ^a“Sualralnak tampi tuahin
Ka inn ah ka duh mi in ziang so covo a neih?
Thil ṭha lo na tuahnak ah, lungawi aipuangih na um thei nak dingah
Serhhran mi sa in na siatnak cu a lahlo thei ding maw?
16 ^bJehovah cun na hmin ah,
Olif Thing Hring, Duhnungza Rah Ṭha tiah a lo ti.
Thâwm nasa zetin a parah meisa a muah ih,
A hngepawl cu an kiak.

11:15^a Jer 7:9-10; Hag 2:12

11:16^b Sam 1:3; 52:8; Isa 27:11; Hos 14:6; Rom 11:17, 24

17 ^a“Ziangahtile ka thinhengter dingin Baal hnenih rimhmui an hlăn mi Israel sungza le Judah sungza ih thil ṭha lo ruangah, nangmah lo phuntu ralkap rualpawlih Jehovah in na parah thil ṭha lo a phuang a si,” tiah i ti.

11:17^a Suah 15:17; Isa 5:2; Jer 7:9, 18; 12:2

Jeremiah Hro a Si

18 Cule Jehovah in cumi theihnak i rak pe ih, cumi cu ka thei: ziangahtile nang in an thil ti mipawl i hmuh. 19 ^aAsinan kei cu ran thattu hnenih hruai mi tuu fa no nunnem vek ka si; cule “Thingkung cu a rah thawn siatsuah uhsi, cule a hmin cinken a si nawn lo nak dingah, a nungdam mipawlih ram ihsin amah cu sâtcat uhsi,” tiin keimah dokalhin khua an khâng ti ka rak thei lo.

11:19^a Job 28:13; Sam 44:22; 71:10; 83:4; 116:9; Isa 53:7-8

20 ^aAsinan dingfel zetih thuṭhentu,
Ruahnak lungthin le thinlung hniksaktu
Maw ralkap rualpawlih Jehovah,
An parih na phulei samnak i hmuter aw,
Ziangahtile na hnenah ka thiamthu ka phuanglang zo.

11:20^a 1Sam 2:3; 1San 29:17; Sam 7:11; 26:2; 58:10; Ṭah 3:60

21 ^aCuruangah na nunnak hawl ih, “Jehovah hmin in thuphuang hlah uh, culole kan kut in nan thi pang ding,” titu Anathoth-mipawlih thuhla ah Jehovah in hitin thu a sim, 22 ^bcuruangah ralkap rualpawlih Jehovah in hitin a ti: “Ngai hnik, dān ka tat hai ding. Tlangvalpawl cu ralnâm in an thi ding, an fapapawl le an fanupawl cu mangṭam in an thi ding. 23 ^cCule anmah lakah a tāng an um nawn lo ding, ziangahtile Anathoth-mipawl parah thil ṭha lo ka thlengter ding, anmah dāntatnak kum rori cu,” a ti.

11:21^a Jer 1:1; Amo 2:12; Mik 2:6

11:22^b Isa 9:17; Jer 18:21

11:23^c Jer 6:9; 23:12

12

Jeremiah ih Thusuhnak

1 ^aMaw Jehovah, na hnenih thu ka thlen tikah, nang cu na dingfel;
Cu cingin na thuṭhennak thuhla ah nangmah lo be hnik ning:
Ziangah so misualrálpawlih lamzin a hmuingil?
Ziangah so hrăwkhrawl zetih thil titupawl hahdam zetih an um?
2 ^bAnmah cu na phun hai, hram an thla;
An ṭhang ih, rah an suah.
An kâ in an lo naih,
Asinan an lungthin in an lo hlat.
3 ^cAsinan nang, Jehovah cun i thei a si;
Nang in i hmu ih,
Nangmah lamih ka thinlung put na hniksak.
Ran thattu hrangih tuu bangin dirsuak hai awla,
Ran thah ni hrangah rethran hai aw.
4 ^dRam cun ziangtik tiang so a sūn ding ih,
Ramlak hmuahhmuah ih thil ṭo an vuai ding?
Cu tawkih cêngpawlih sualralnak ruangah
Ramsapawl le vatepawl tiang an riaral thluh,
Ziangruangahtile annih cun, “Anih in kan parih thil cang mi a hmu lo ding,” tiah an ti.

12:1^a Ezr 9:15; Job 5:8; 8:3; 21:7-13; Sam 37:7; Eze 18:25; Dan 9:4

12:2^b Job 5:3; Isa 29:13; Jer 3:10; 11:17; Eze 33:31; Mat 15:8; Mar 7:6; Tit 1:16

12:3^c Sam 7:9; 44:11; Jer 16:18

12:4^d Dnp 28:15-18; Jer 4:28; Joe 1:10-12; Amo 1:2

Jehovah in Jeremiah a Sawn

5 ^a“Ke ih fehpawl thawn tlân nan zuamaw ih, an lo cauter asile,
Ziangtin so rang thawn nan zuamawk thei ding?
Cule remdaihnak ram hmanih,
Na tluk a si ahcun, Jordan phul lakah ziangtin na ti ding?
6 ^bZiangahtile na unaupawl, na paih sungza rori hmanin,
Hrăwkhrawl zetin an lo ti;
A si, na dungah ring zetin an koaw.
Ṭawngkam ṭha in lo be khal hai sehla,
Anmah cu zum hai hlah aw.
7 ^c“Ka inn ka thlauthla, ka ro cu ka tân ta;
Ka nunnak ih a duh zet mi cu a ralpawl kut ah ka rak pe.
8 ^dKa ro cu ka hrangah tupi lakih kiosa vek a si;
Anih in i hûkhnawh;
Curuangah amah cu ka hua.
9 ^eKa ro cu ka hrangah mulukawlh ṭial vek a si;
Mulukawlhpawl cu a kimvel hmuahhmuah ah amah dokalhin an um.
Ra uh, ramsa zaten fĭnkhawm uhla,
Eirál dingah rak hruai uh!
10 ^f“Tuu khāltu tampi in ka sabit hmuan an siatsuah,
Ke in ka covo an cil;
Ka covo ṭha zet cu ramṭhing kawlh ah an cangter.
11 ^gCumi cu kawlhter a si;
Kawlhter a si, anih cu ka hnenah a ṭap;
Ram pumpi cu kawlh ko tuah a si,
Ziangruangahtile zohman in an ngaisak lo.
12 ^hRamṭhing hmun sâng phul kawlh hmuahhmuah ah,
Mi rămtu an ra thleng,
Ram khat lam dĕng ihsin khat lam dĕng tiang
Jehovah-ih ralnâm in a eirál hai ding.
Zo hrang hmanah hnangamdaihnak a um lo.
13 ⁱSangvut an cing, asinan hling an at;
Anmah le anmah an bāngawter, asinan hlawknak a um lo.
Jehovah-ih thinhengnak nasa zet ruangah
Nan rawl khawm mi cu nan zahpi ding.

12:5^a Jer 49:19

12:6^b Sam 12:2; Thf 26:24-25

12:7^c 2Sp 21:14; Jer 7:29; 17:4; Hos 11:1-8

12:8^d Sam 5:5; 17:12; Hos 9:15; Amo 6:8

12:9^e Dnp 28:26; Isa 56:9; Eze 23:25

12:10^f Isa 5:1-7; Jer 23:1; Eze 34:2-10

12:11^g Isa 5:6; Jer 9:12

12:12^h Dnp 32:42; Isa 31:8; Jer 3:2; Eze 21:3-4; Amo 9:4

12:13ⁱ Suah 15:7; Pui 26:20; Dnp 28:38

14 ^a“Ka mi Israel hnenah ro dingih ka pek mi a tawkthamtu, ka innhnen ṭha lo pawl hmuahhmuah thuhla ah cun Jehovah in hitin a ti, ngai hnik uh, an ram ihsin ka phawisuak hai ding ih, an lak ihsin Judah sungza ka phawisuak ding. 15 ^bCun hitin a si ding, anmah ka phawisuah hai hnuah, ka kirsal ding ih, an parah lainatnak ka nei ding, cule mi kip mai ro ih co mi ah le mi kip anmai ram cio ah anmah cu ka hruaikir hai ding. 16 ^cCule hitin a si ding, Baal hmin sâlin ka minungpawl sesăm an zirh vekin, ‘Jehovah a nun rori vekin,’ tiin ka hmin sâlih siasăm dingin ka minungpawlih nundān taima zetih an zir asile, annih cu ka minungpawl lakah an hnget ding. 17 ^dAsinan annih in an ngaithlak lo asile, cuih miphun cu ka phawisuak verver ding ih, ka siatsuah ding, Jehovah in a ti,” tiin.

12:14^a Dnp 28:63; 29:28; 2San 7:20; Sam 9:6; Zek 2:7-9

12:15^b Dnp 30:3; Sam 6:2; Amo 9:14-15

12:16^c Jos 23:7; Jer 4:2; 18:8; 1Pe 2:5

12:17^d Sem 27:29

13

Pat zai Fêmte Taikhap

1 Jehovah in ka hnenah hitin a ti: “Feh awla pat zai fêmte ih tah mi taikhap pakhat lei aw, cule na tâi ah khap awla, tidai sungah ret hlah,” tiin. 2 Cule Jehovah-ih kamsuakthu vekin taikhap cu ka lei ih, ka tâi ah ka hreng.

3 ^aJehovah-ih kamsuakthu cu ka hnenah a vei hnihnak a ra thleng, 4 ^b“Na lei mi taikhap kha la awla, na tâi ah hreng aw, cule tho awla, Zufraṭis ah feh aw, cun cumi cu cu tawkih lungpi kâk lakah thup aw,” tiin. 5 ^cCun Jehovah ih thu i pek vekin ka feh ih, Zufraṭis tiva kapah cumi cu ka thup.

13:3^a Jer 33:1

13:4^b Sem 2:14

13:5^c Suah 40:16

6 Ni tampi a rei hnuah, Jehovah in ka hnenah, “Tho aw, Zufraṭis ah feh awla thup dingih thu ka lo pek mi taikhap cu cu tawk ihsin va la aw,” tiah i ti. 7 Cun Zufraṭis ah ka va feh ih ka lai, ka thuhnak hmun ihsin taikhap cu ka la. Cule ngai hnik, taikhap cu a rak siat, ziang hrang hmanah a ṭhahnem lo.

8 Jehovah-ih kamsuakthu cu ka hnenah a thleng, 9 ^a“Jehovah in hitin a ti: hiti hin Judah-ih hngalnak le Jerusalem-ih hngalnak nasa zet cu ka tisiat ding. 10 ^bKa kamsuakthu ngaithla duh loih, anmai thinlung suangtuahnak ih feh ih, pathian dang pawl rian ding le be dingih thluntu hih misualrálpawl hi ziang hrang hmanih ṭhahnem lo hih taikhap vek hi an si ding. 11 ^cZiangahtile taikhap cu mi tâi ih a kăwp bangin, Israel sungza pumpi le Judah sungza pumpi cu ka mi, ka hminthannak, ka thangṭhatnak le ka ropitnak hrangah keimah ih kăwp dingin ka tuah; asinan annih in an rak ngaithla lo, Jehovah in a ti.

13:9^a Pui 26:19; Mat 23:12; Luk 1:51

13:10^b Dnp 8:19; Lai 10:13; Ths 9:3; Jer 22:21

13:11^c Suah 19:5-6; Isa 43:21; 63:12; 65:12

Sabit Zu Thâwl Hminsinnak

12 “Curuangah hi thu hi nang in, ‘Israel-ih Pathian Jehovah in hitin a ti: “Thâwl kip cu sabit zu khahter a si pei,” tiin,’ anmah na sim pei. Cule annih in na hnenah, ‘Thâwl pauhpauh cu sabit zu khahter a si pei, ti hi theifiang lo maw kan si?’ tiah an lo ti ding. 13 ^aCun an hnenah hitin na sim pei, ‘Jehovah in hitin a ti: ngai hnik uh, hi ram luahtu zate, David-ih laltokham parih to siangpahrangpawl, puithiampawl, profetpawl tiangin le Jerusalem luahtu zaten zu rîtnak in ka khatter hai ding. 14 ^bCule anmah cu pakhat parah pakhat, palepawl le fapapawl tiangin ka dengkhawm hai ding, Jehovah in a ti, ka zangfah hai lo ding, ka zuah hai fawn lo ding ih, an parah zahngainak ka nei lo ding, cuhnakin ka siatsuah hai sawn ding a si,’ tiin,” tiah i ti.

13:13^a Sam 60:3; Isa 29:9; Jer 51:57

13:14^b Dnp 29:20; Isa 9:19-21; Ṭah 2:21; Eze 5:10

Hngalnak in Dawisuahnak a Thlen

15 ^aNgai uhla nan hna tŭn hnik uh,
Puarthau hlah uh,
Ziangahtile Jehovah in a ṭawngsuak zo.
16 ^bKhua a thimter hlan le,
Tlang parih khawthim zawngih nan ke nan sit hlanah,
Jehovah nan Pathian hnenah sunlawihnak pe uh.
Tleu nan hawl laiah
Anih in tleu cu thim sah mepmep ah a cangter ih,
Thim zetah a tuah.
17 ^cAsinan nan ngaithla lo ding asile,
Nan hngalnak ruangah hmun thup ah ka ṭap ding;
Nasa zetin ka mit a ṭap ding ih
Mitthli a luang ding,
Ziangruangahtile Jehovah-ih rante rual cu ralkaih ih hruai an si.
18 ^dSiangpahrang le siangpahrang bawinu hnenah,
“Phahniamaw aw;
To aw,
Ziangahtile nan uknak a cim ding, nan ropitnak lallukhum cu,” tiah ti uh.
19 ^eNegev khawpipawl kharpit an si thlang ding ih,
Zohman in an áwng lo ding:
Judah cu ralkaih ih hruaihloh a si ding, an zaten.
20 ^fCuan awla, sak lam ihsi rung khi zoh aw.
An lo pek mi na rante rual, na tuu mawite te teh khuiah so an si?
21 ^gDān a lo tat tikah ziang na sim ding?
Ziangahtile anmah cu na tlunih
Ralbawi si dingah le lubân si dingah na rak zirh hai zo.
Nunau fahrin nat bangin tuarnatnak in a lo kaibĕt lo ding maw?
22 ^hCule na thinlung in,
“Ziangah so hivek ka parih a thlen?” na ti asile,
Na mawhsualnak a natsat tuk ruangah
Na hni sung hruh cu hlîp a si ih, na kedil a lang.
23 ⁱEthiopia-mi in a vun a thlĕng thei in, tlavang in a ṭial a thlĕng thei maw?
Cuti asile nannih thil ṭha lo tuah ṭheu tu khal in, thil ṭha nan tuah thei pei cu!
24 ^j“Curuangah ramṭhing thli in cangpâwl a hrănhloh vekin,
Anmah cu ka ṭekdarhter hai ding.
25 ^kHimi cu na covo,
Na hrangih ka tah cia mi na covo cu a si, Jehovah in a ti,
Ziangruangahtile nang in i hngilh ih,
Thuphan na rinsan.
26 ^lCuruangah kei khal in na hni sung hruh cu na hmaiah ka hîpso ding,
Cutin na ningzahnak a lang ding.
27 ^mHramlak tlangmûalpawl ah
Na uiretnak,
Na hur authâwm,
Na hlawhhlannakih fihnungza hursualnak na tuah mi
Fihnungza pawl cu ka rak hmu.
Maw Jerusalem, na hmakhua a pit a si!
Thianfai loin na um hrih ding maw?” tiin.

13:15^a Suah 23:21; Sam 95:7

13:16^b Pui 26:37; Jos 7:19; 1Sam 2:9; Job 3:23; Sam 82:5; Isa 51:17

13:17^c Sam 80:1; Jer 9:1; Mal 2:2; Luk 19:41-42

13:18^d 2Sp 24:8, 12, 15; 2San 33:12, 19; Isa 22:17; Jer 22:26; Ṭah 5:16

13:19^e Jer 20:4; Ṭah 1:3

13:20^f Jer 6:22; 23:2; Hab 1:6

13:21^g Sam 41:9; Jer 4:31; Oba 1:7

13:22^h 1Sp 9:9; Isa 20:4; Jer 9:2-6; Ṭah 1:8; Eze 16:37; Nah 3:5-6

13:23ⁱ 2San 6:36

13:24^j Pui 26:33; Job 1:19; Sam 1:4

13:25^k Dnp 31:20; Job 20:29; Sam 4:2; 106:19-21; Isa 17:10; Mat 24:51

13:26^l Ṭah 1:8; Eze 16:37; Nah 3:5

13:27^m Isa 57:7; Eze 6:13; 23:29; Hos 8:5

14

Ralnâm, Mangṭam le Nathri Sia

1 ^aKhawkhen thuhla ih Jeremiah hnenih thleng Jehovah-ih kamsuakthu cu.

14:1^a Dnp 28:22; Isa 5:6

2 ^a“Judah cun a sūn ih,
A kăwtkapawl tla an ngui;
Ram cu an sūn ih,
Jerusalem aunak cu a kaiso.
3 ^bAn mizahumpawl in tidai hawl dingin an fanau tete an thlahsuak;
Tikhur lamah an feh ih, tidai an hmu lo.
An thâwl kawlawngin an kirpi;
An ning a zak ih, an bei a dawng,
Cule an lu an khuh.
4 ^cRam ah ruah a um lo ruangah
Lei a khĭng,
Lei lettupawl an ning a zak;
An lu an khuh.
5 ^dA si, zuknêng pinu khal in hramlak ah fa a hring,
Asinan hrampi um lo ruangah a tlansan.
6 ^eCule hmun sâng phul kawlh ah ramlak lākpawl an ding;
Sihál bangin an thaw a hlām;
Hrampi a um lo ruangah an mit a māl.
7 ^fMaw Jehovah, kan mawhsualnakpawl cu kanmah dokalhin thutheihpitu si khal hai sehla,
Na hmin zarah ziang simaw tal tuah hram aw!
Ziangahtile kan dungtawlhnak a tam,
Na parah thil sual kan tuah a si.
8 ^gMaw Israel ih Ruahsan Mi, harsat cān ih Runtu,
Ziangah so hi ram ah hin mikhual bangtukih na um,
Zan khat riak ih khualtlawng pa bangih na um?
9 ^hZiangah so khawruahhar pa vek le
Micak mah te runaw thei lo bangih na um?
Cu cingin Maw Jehovah, nang cu kan lakah na um ih,
Na hmin putu kan si;
In tansăn hlah aw!” tiin.

14:2^a Isa 3:26

14:3^b Dnp 28:48; 2Sp 18:31; Eze 6:12

14:4^c Jer 3:3; Amo 4:8; Zek 14:17

14:5^d Isa 15:6

14:6^e Job 39:5-6; Jer 2:24; Joe 1:18

14:7^f 1Sam 12:22; Sam 79:9; Isa 3:9; Hos 5:5

14:8^g Sam 18:46; 46:1; Isa 25:9; Jer 17:13

14:9^h Sem 17:7; Sam 27:9; Isa 50:2; 63:19

10 ^aHi minungpawl hnenah Jehovah in hitin a ti,

14:10^a Jer 6:20; 44:21-23; Hos 7:2; 8:13; Amo 3:2; 5:22; 8:7

“Vahvaih an duh ih, an ke an sûp lo.
Curuangah Jehovah in anmah cu a cohlang hai lo;
Atu-ah anih in an mawhsualnak a cingkeng ding ih,
An sualpawl dān a tat ding,” tiin.

Thuphan Per Profetpawl Hnawnnak

11 ^aCun Jehovah in ka hnenah, “Hi minungpawlih ṭhatnak ding hrangah thlacam hlah. 12 ^bRawl an ulh tikah an auaw ka ngai lo ding ih, Meiur Thilhlăn le Thlairawl Thilhlăn an hlăn tikah ka cohlang lo ding. Cuhnakin anmah cu ralnâm, mangṭam le nathri sia in ka that hai sawn ding,” tiah i ti.

14:11^a Suah 32:10; 1Sam 2:25

14:12^b Pui 1:1-17; 2:1-16; Dnp 1:45; Isa 51:19; Jer 15:2; 21:6; Eze 14:21; Amo 5:22

13 ^aCun kei in, “Aa, Bawipa Jehovah! Ngai hnik, profetpawl in an hnenah, ‘Ralnâm nan hmu lo ding, mangṭam khal nan tuar lo ding, cuhnakin hi hmun ah ralmuannak taktak ka lo pe sawn ding,’ an ti,” tiah ka ti.

14:13^a Dnp 18:22; Isa 30:10; Jer 5:12

14 ^aCule Jehovah in ka hnenah, “Profetpawl in ka hmin in thuphan an phuang. Anmahpawl hi ka thlah hai lo, thu ka pe hai lo ih, an hnenah thu ka sim fawn lo. Nan hnenah larnak dik lo, simsung thiamnak, ṭhathnemnak nei lo thil le anmai thinlung bumnak men an phuang. 15 ^bCuruangah ka hmin ih thuphuangtu profetpawlih thuhla ah Jehovah in hitin a ti: ka thlah hai mi an si lo, asinan annih cun, ‘Hi ram ah mangṭam le ralnâm a thleng lo ding,’ tiah an ti. Cuih profetpawl cu ralnâm le mangṭam in an hloral ding. 16 ^cCule an thuphuan rak dawngsáwngtu minungpawl khal mangṭam le ralnâm ruangah Jerusalem kăwtthler ah hlăwn an si ding; zohman phumtu an nei lo ding ih, an nupipawl, an fapapawl, an fanupawl tiang phumtu an nei lo ding. Ziangahtile an sualralnak cu anmah parah ka burh ding.

14:14^a Jer 5:1; 23:15-16, 21, 32; Ṭah 2:9; Eze 12:24; 13:2, 6

14:15^b Jer 5:12-13; 20:6; Eze 14:9-10

14:16^c Sam 79:3; Thf 1:31; Jer 7:33; 17:10

17 ^a“Curuangah hi thu hi an hnenah na sim pei:

14:17^a 2Sp 19:21; Sam 119:136; Isa 23:12; Jer 8:21

‘A sun a zanin ka mit ihsin mitthli luang sehla,
Cawl hlah seh;
Ziangahtile ka mipawlih fanu fala him cun hriam a tuar,
A nasa zet mi kutthlaknak cu.
18 ^aRamlak ih ka feh asile,
Zoh hnik, ralnâm ih thah mipawl!
Khaw sungih ka luh asile,
Zoh hnik, mangṭam ruangih nāpawl!
A si, profet le puithiampawl cu an vâkvai, an theihlonak ram ah,’ tiin,” tiah i ti.

14:18^a 2San 36:10; Jer 13:17; Eze 7:15

Mipi in Zahngainak an Dil

19 ^aJudah cu na hnáwng pumhlum maw si?
Na nunnak in Zion teh a fih maw?
Kan hrangah tidamnak um lo ko ziangah so in rak vuak?
Hnangamdaihnak kan beisei, asinan ṭhatnak a um lo;
Cule dam cān kan beisei, asinan zoh hnik harsatnak!
20 ^bMaw Jehovah, kan sualralzia le,
Kan pupápawlih mawhsualnak kan pawm a si,
Ziangahtile na parah kan sual.
21 ^cNa hmin zarah in fih hlah aw;
Na ropitnak laltokham hminseter hlah.
Kan hnenih na thukham siatbăl hlah awla, cîng ringring aw.
22 ^dMiphunpawlih milem lakah pakhat tal in ruah surter thei an um maw?
Asilole van in teh ruahpi an pe thei maw?
Nangmah cu Jehovah kan Pathian na si lo maw?
Curuangah nangmah kan lo hngak ding,
Ziangahtile nang in hi thil hmuahhmuah hi na tuah a si.

14:19^a Job 19:8; Isa 1:6; Jer 7:29; 8:15

14:20^b Pui 26:40; Lai 10:10; 1Sp 8:47; Ezr 9:6; Jer 3:13; Dan 9:7-8

14:21^c Suah 2:24; Jos 7:9; Isa 62:7

14:22^d 1Sp 8:36; Sam 135:7; Isa 41:24; 43:10; 44:10; Hab 2:18

15

Jehovah a lamlêt lo Ding

1 ^aJehovah in ka hnenah, “Mosi le Samuel hman ka hmaiah ding khal hai sehla, hi minungpawl lamah ka lungthin a hawi lo ding. Ka mithmuh ihsin anmah cu thlahsuak uhla, fehsuak hai seh. 2 ^bCule hitin a si ding, ‘Khuiah so kan feh ding?’ tiin na hnenih an ti asile, nang in, ‘Jehovah in hitin a ti:

15:1^a Suah 32:11-14; Mip 14:13-20; 1Sam 7:9; 2Sp 17:20

15:2^b Dnp 28:26; Jer 14:12; 42:22; Ṭah 4:9; Zek 11:9; Thu 13:10

“Thihnak hrang a si mipawl cu thihnak ah;
Ralnâm hrang a si mipawl cu ralnâm ah;
Cule mangṭam hrang a si mipawl cu mangṭam ah;
Ralkaihpawl cu ralkaih ah,” tiin,’ tiah na sim hai pei.

3 ^a“Cule thil phun li ka ruatsak hai ding, Jehovah in a ti: that dingah ralnâm, thlek dingah uicopawl, eirál le siatsuah dingah tlun zuang vatepawl le leilung ramsapawl. 4 ^bJudah siangpahrang Hezekiah-ih fapa Manasseh in Jerusalem ih a rak tuah mi thil ruangah, leilung lalrampawl hmuahhmuah ah miṭhihṭhaihnak ah anmah cu ka tuah hai ding.

15:3^a Pui 26:22-25; Dnp 28:26; Jer 7:33; Eze 14:21

15:4^b Dnp 28:25; 2Sp 21:1-18; 24:3-4; Job 17:6; Jer 24:9

5 ^a“Maw Jerusalem, zo in so a lo zangfah ding?
Asilole zo in so a lo riahsiatpi ding?
Asilole na dam maw lo ti dingin zo so ra pial ding?
6 ^bNang in i thlauthla a si, Jehovah in a ti,
Dung na rak tawlh a si,
Curuangah na parah ka kut ka thlak ding ih, ka lo siatsuah ding;
Na hrangih lamlêt khal ka khawp tuk thlang.
7 ^cCule ram kăwtkapawl ah, zāpnak ṭangṭa in anmah ka zâp hai ding;
Fāte lusūn ko ka tuah hai ding ih,
An nundān ihsin an rak kir lo ruangah
Ka mipawl ka hloralter hai ding,
8 ^dTifinriat vunnel hnakih tam in ka hnenah an nuhmeipawl an karh ding;
Anmah par le tlangvalpawlih nu parah
Sun laiah rămtu ka thlen ding;
An parah ānhainak le tuksumza ka thlengter thutthi ding.
9 ^e“Fa pasarih hringtu nu a tha a cem;
A thaw netabik a suah.
Sun a si laiah a ni a tla:
Anih cu ningzak le mualphoin a um.
Cule anmah lakih a tāngsŭn cu an ralpawl hmaika ah ralnâm hrangah ka pe hai ding,”

15:5^a Isa 27:11; Jer 13:14; Nah 3:7

15:6^b Dnp 32:15; Isa 31:3; Jer 7:20; Amo 7:9; Zef 1:4

15:7^c Isa 9:13; 41:16; Jer 18:21

15:8^d Job 18:11; Isa 47:9; Jer 22:7

15:9^e 1Sam 2:5; 2Sp 25:7; Jer 6:4; 21:7; 50:12; Amo 8:9

tiah Jehovah in a ti.

Jeremiah Phunzainak

10 ^aMaw ka nu, leilung pumpuluk ah
Mi-ĕltaitu pa le mitotu pa ih in rak hrin hi
Ka hmakhua a pit a si!
A pungṭhangin mi ka cawih dah lo ih,
A pungṭhangin mi in in cawih dah fawn lo.
An zaten in camsiat.
11 ^bJehovah in,
“Nan ṭhatnak dingah ka lo zalenter tengteng ding;
Dodal cān le zăwnzaih cān ah,
Na ralpawl ih zangfah lo dil dingin ka tuah tengteng ding.
12 ^cZo tal in thir a khiak thei maw?
Sak lam thir le dar cu?
13 ^dNa sualpawl hmuahhmuah ruangah,
Na neihnunnak le na hlawnthilpawl cu,
Na ram sung hmuahhmuah ah man loin ralthillâk ah ka pe ding.
14 ^eCule na theih lo mi ram ah,
Na ralpawl in lo hruailut dingin ka tuah ding;
Ziangahtile ka thinhengnak cu a alh.
Cumi cun nangmah a lo kāng ding,” tiah a ti.
15 ^fMaw Jehovah nangmah in na thei a si;
I máng awla, i vehvai aw,
I hremtupawl kha phulei i samsak aw.
Na mi zāwi thei nak in i lahlo hram hlah.
Nangmah ruangah kawk ka tuar ti thei aw.
16 ^gNa kamsuakthupawl cu hmuhsuah an si ih ka ei;
Cule na kamsuakthu cu ka hrangah aipuannak le ka thinlung lungawi aipuannak a si;
Ziangahtile keimah cu na hmin putu ka si,
Maw ralkap rualpawlih Pathian Jehovah.
17 ^hMi hmuhsuamtupawlih punkhawmnak ah ka to lo ih,
Lungawi aipuangin ka um fawn lo;
Ka parih kut na thlak ruangah keimah lawngin ka to,
Ziangahtile nang in aithawknak in i khatter.
18 ⁱZiangah so ka tuarnat a reh thei lo ih,
Ka hma a dam thei lo, tidam ding a el?
Ka parah nang cu tiva te rinsan tlak lo vek na si ngaingai ding maw?

15:10^a Pui 25:36; Dnp 23:19; Neh 5:1-12; Job 3:1; Jer 1:18-19

15:11^b Jer 21:1-2; 40:4

15:12^c Dnp 28:48; Jer 28:14; Ṭah 1:14; Hos 10:11

15:13^d 2Sp 24:13; Sam 44:12; Isa 52:3; Jer 17:3

15:14^e Dnp 28:36, 64; Sam 21:9

15:15^f Suah 34:6; Lai 16:28; Sam 44:22

15:16^g Job 23:12; Sam 119:103; Isa 43:7; Eze 2:8; 3:1-3; Thu 10:10

15:17^h Rut 3:3; Sam 26:4-5; Ṭah 3:28

15:18ⁱ Job 6:4, 15; Jer 10:19; Mik 1:9

19 ^aCuruangah Jehovah in hitin a ti,

15:19^a Suah 4:16; Zek 3:7

“Na ra kir asile, kel ka lo awhtersal ding;
Ka hmaika ah na dīng leh ding;
Cun thulolak men lak ihsin thil hlú na lâksuah asile,
Nang cu ka kâ na si ding.
Annih cu na hnenah kir hai seh,
Asinan nang cu an hnenah na kir lo pei.
20 ^aCule hi miphun hrangah dar kulh hnget ah ka lo tuah ding;
Cule nangmah an lo do ding,
Asinan an lo neh lo ding;
Ziangahtile lo hum dingin le lo runsuak dingin
Ka lo umpi a si, tiah Jehovah in a ti.
21 ^bMisualrálpawl kut ihsin ka lo runsuak ding ih,
Mirapthlakpawlih kaihbĕtnak ihsin ka lo tlen ding,”

15:20^a Sam 129:2; Isa 50:7; Jer 1:8; Eze 3:8-9

15:21^b Sem 48:16; Sam 97:10; Jer 1:8; 50:34

tiin.

16

Jeremiah cu Nupi Ṭhi Ding a Si Lo

1 Jehovah-ih kamsuakthu ka hnenah a thleng ih, 2 ^a“Nupi na nei lo pei, hi hmun ah fapapawl le fanupawl na nei lo pei. 3 ^bZiangahtile hi hmun ih suak fapapawl le fanupawl thuhla le hi ram ih anmah hringtu an nuih thuhla le anmah thlahtu an paih thuhla ah Jehovah in hitin a ti: 4 ^cnathri rapthlak in an thi ding, ṭah an si lo ding ih, phum an si fawn lo ding, cuhnakin leilung vangdâp parah êk vek an si sawn ding. Ralnâm le mangṭam in an thi ding ih, an ruak cu tlun zuang vatepawl le leilung ramsapawl rawl ah an cang ding.

16:2^a 1Ko 7:26-27

16:3^b Jer 6:21; 15:8

16:4^c Dnp 28:26; Sam 79:1-3; Jer 9:22; 14:15-16; 25:33

5 ^a“Ziangahtile Jehovah in hitin a ti: lusûn inn ah va lut hlah la, ṭahnak khalah feh hlah, riahsiatpi hai fawn hlah; ziangahtile hih minungpawl hnen ihsin ka hnangamdaihnak ka lahlo a si, Jehovah in a ti, ka lainat duhdawtnak le ka zahngainak khal. 6 ^bMiropi le mitenau cu bangrepin hi ram ah an thi ding. Phum an si lo ding ih, mi in an ṭah hai lo ding, anmah le anmah an at-aw fawn lo ding ih, an sám khal an metkawlh lo ding. 7 ^cMithi ruangih hnĕmnak ah mi in lusūnpawl hrangah sang an phel lo ding; an paih ruang le an nuih ruangih thlakungzawnnak ah in ding no mi in an pe fawn lo ding. 8 ^dCuihtlunah puai inn ah anmah hnenah to ih ei le in dingin na lut lo pei. 9 ^eZiangahtile ralkap rualpawlih Jehovah, Israel-ih Pathian in hitin a ti: ngai hnik uh, hlim aw siseh, lungawi aw siseh, mo aw siseh, mo neitu aw siseh, nan mithmuh le nan san ah hi hmun ah hin ka rehter ding.

16:5^a Eze 24:16-23

16:6^b Pui 19:28; 2San 36:17; Job 1:20; Jer 9:21; Eze 9:5-6

16:7^c 2Sam 3:35; Jer 22:10; Ṭah 1:9, 16; Eze 24:17; Hos 9:4

16:8^d Ths 7:2-4; Jer 15:17

16:9^e Sam 78:63; Isa 22:12-14; 24:8; Eze 26:13; Amo 6:4-7; Thu 18:23

10 ^a“Cule hitin a si ding, hi minungpawl hnenih hih kamsuakthupawl na hmuh hai tikah, ‘Ziangah so Jehovah in himi siatnak rapthlak hmuahhmuah hi kan parih a phuan? Kan mawhsualnak ziang a si? Jehovah kan Pathian dokalhin kan rak tuah mi kan sualnak cu ziang a si?’ an ti asile, 11 ^ban hnenah, ‘Nan pupápawl ih in rak thlauthlak ruangah a si, Jehovah in a ti; pathian dang pawlih dung an rak thlun, an rian ih an rak bia, cule kei in thlauthla ih ka dān an thlun lo. 12 ^cCule nan pupápawl hnakin nan sual sawn, ziangahtile ngai hnik uh, keimah ngaithla loin mai thinlung ṭha lo suangtuahnak cio nan thlun. 13 ^dCuruangah hi ram ihsin nanmah le nan pupápawl khalih nan theih lo mi ram ah ka lo hlăwnsuak ding; cule cu tawkah a sun a zanin ram dang pathianpawl tla nan rian ding, cuih hmun ah duhsaknak ka lo hmuh lo ding,’ tiin na sim pei.

16:10^a Dnp 29:24; Jer 5:19

16:11^b 1Sp 9:9; Sam 106:35-43

16:12^c Suah 32:8; Ths 9:3; Jer 3:17; 7:26

16:13^d Dnp 4:28; 1Sp 9:9; 2San 7:20; Jer 15:14

Pathian in Israel a Tungdingsal Ding

14 ^a“Curuangah ngai hnik uh, ‘Israel tefapawl Izip ram ihsin hruaisuaktu Jehovah a nun rori vekin,’ an ti nawn lo ding cān a ra thleng thlang, Jehovah in a ti, 15 ^bcuhnakin, ‘Sak lam ram le a rak dawisuah hai nak ram zate ihsin Israel tefa hruaisuaktu Jehovah a nun rori vekin,’ tiah an ti sawn ding. Ziangahtile an pupápawl ka rak pek mi anmai ram ah ka hruaikir hai ding.

16:14^a Dnp 15:15; Jer 23:7

16:15^b Dnp 30:3; Isa 11:11-12; 14:1; Jer 3:18; Joe 3:1

16 ^a“Ngai hnik uh, nga kaitu mi tampi ka cah ding, Jehovah in a ti, cule anmah cu an kai ding, cuih hnuah ramtawi mi tampi ka cah leh ding ih, tlang kip le tlangmûal kip ah le lungpi kâk pawl ah anmah an pêl ding. 17 ^bZiangahtile ka mit cu an lamzin zate parah a fu; ka hmaika ihsin thuh an si lo ih, an mawhsualnak cu ka mithmuh ihsin thuh an si lo. 18 ^cCule an mawhsualnak le an sualnak cu a letin ka lehrūl hmaisa ding, ziangruangahtile annih in ka ram an bawrhbangter; ro ih ka co mi cu an thil ningsinza ruakpawl le fihnungza an milempawl an khatter,” tiin.

16:16^a Amo 4:2; 9:3; Mik 7:2; Hab 1:14

16:17^b Sam 51:9; Ths 12:14; Mar 4:22; 1Ko 4:5; Heb 4:13

16:18^c Mip 35:33-34; Isa 40:2; 65:6; Jer 2:7; 17:18; Eze 5:11; Thu 18:6

Jeremiah-ih Thlacamnak

19 ^aMaw Jehovah, ka thazang le ka kulh hnget,
Harsat cān ih ka răwlhimnak,
Leilung dĕng ihsin na hnenah miphunpawl an ra ding ih,
“Kan pupápawl in thuphan, thulolak men le ṭhathnemnak um lo thilpawl hleilo co mi an nei lo,” tiah an ti ding.
20 ^bMi in amai hrangah pathianpawl tla a tuah thei maw?
Asinan cupawl cu pathian an si lo.
21 ^c“Curuangah ngai hnik, ka theihter hai ding,
Tuih ṭumah ka thiltitheinak le ka cahnak ka theihter hai ding;
Cule annih in ka hmin cu Jehovah a si ti an thei ding.”

16:19^a 1Sam 12:21; Sam 4:2; 46:1; Isa 2:2; 25:4; 40:19

16:20^b Sam 115:4-7; Rom 1:23; Gal 4:8

16:21^c Suah 3:15; Amo 5:8

17

Judah Sualnak le Dāntatnak

1 ^a“Judah sualnak cu thir cafung le,
Daimon zim zum ih ngan a si, cucu an thinlung tlap par le,
Nan biakṭheng kipawl parih kher a si.
2 ^bTlangmûal sâng parih thing bŭk nîm kiangih
An biakṭhengpawl le an Asherah-pawl cu an fātepawl in an cîng ringring.
3 ^cHramlak ih um maw ka tlang,
Na ramri sungih hmun sâng pawl ih na sualnak ruangah
Na neihnunnak, na hlawnthil zaten
Ralthillâk ah ka pe ding.
4 ^dCule nang, nangmah rori hmanin
Ka lo pek mi na ro cu na hloh ding;
Cule na theih lo mi ram ah
Na ralpawl ka lo rianter ding;
Ziangahtile a kāng kumkhua ding mi ka thinhengnak ah meisa nan muah a si,”

17:1^a Suah 27:2; Dnp 6:6; Job 19:24; 2Ko 3:3

17:2^b 2San 24:18; Jer 2:20

17:3^c Jer 15:13; 26:18; Mik 3:12

17:4^d Dnp 28:48; Jer 7:20; 16:13; Ṭah 5:2

tiin.

5 ^aJehovah in hitin a ti:

17:5^a Sam 108:12; 146:3; Isa 2:22; 2Ko 1:9

“Milai rinsan ih
Minung cahnak ih ṭhumaw,
A thinlung in Jehovah a tlansantu cu camsiatin um seh.
6 ^aZiangahtile anih cu nelrawn ih thing bŭk vek a si ding ih,
Thil ṭha suak a hmu lo ding,
Cuhnakin ramṭhing ih hmun ro,
Luah lo mi cite leiram a luah sawn ding.
7 ^b“Jehovah a rinsan ih,
Jehovah parih ṭhumawtu pa cu mithlawsuak a si.
8 ^cZiangahtile anih cu ti kapih phŭn mi,
Tiva kapih hram thla,
Khawsa thlen khal ṭih lo;
A hnah hring riangri sawn,
Khawkhen kum khal pawisa lo,
Rah ṭhulh dah lo thingkung vek a si.
9 ^dThinlung cu thil hmuahhmuah hnakih bumhmang le,
Se tawpkhâwk a si;
Zo in so thei thei ding?
10 ^eKei, Jehovah in mi kip anmai lamzin cio bangtuk le,
Anmai thil ti rah cio bangtukih pe dingin,
Thinlung ka dap ih,
Lungthin ka hniksak a si.
11 ^fDik lo zetih lennak ngahtu cu,
Varung in amai tit lo mi a awpkeuh vek a si;
A vanglai ah cumi cun a tlansan ding ih,
A cemnetnakah amah cu mi-â ah a cang ding.”
12 ^gA tir ihsi khaisan mi laltokham ropi cu,
Kan hmun thianghlim umnak a si.
13 ^hIsrael ih ruahsan mi, Maw Jehovah,
Nangmah thlauthlatu zaten an ning a zak ding.
Ka hnen ihsi tlânsuaktu cu
Leilung ah ngan an si ding,
Ziangruangahtile tinung tihna
Jehovah an rak thlauthla.

17:6^a Dnp 29:23; Job 30:3; 39:6; Sam 107:34; Jer 48:9

17:7^b Sam 26:1; 146:5; Thf 16:20

17:8^c Job 14:9; Sam 1:3; 92:12-14; Eze 19:10

17:9^d Ths 9:3; Mat 13:15; Mar 7:21-22

17:10^e Jos 22:22; 2San 6:30; Sam 17:3; 62:12; 139:23; Jer 12:13; Eze 11:5; Mat 16:27; Thu 2:23

17:11^f Jer 22:13; Luk 12:20

17:12^g Jer 3:17

17:13^h Sam 71:5; Isa 12:3; Jer 2:13; Joh 4:10

Jeremiah ih Thlacam

14 ^aMaw Jehovah i tidam awla, ka dam ding,
I run awla, run ka si ding,
Ziangahtile nangmah cu ka thangṭhat mi na si!
15 ^bNgai hnik, “Jehovah-ih kamsuakthu cu khuiah so?
Atu-ah thlengter aw,” tiah in ti.
16 ^cKei bélte cu, nangmah lo thluntu tuu khāltu sinak ihsin manhlap zetin ka tlanhlo lo ih,
Hmakhaw Pihnak ni cu ka ngai fawn lo;
Ka kâ ihsin ziang a suak ti na thei;
Cumi cu na hmaiah a um a si.
17 ^dKa parah tuksumza si hlah aw;
Nang cu ni ṭha lo ni ah ka ruahsan mi na si.
18 ^eI hremtupawl cu ningzakin um hai seh,
Kei lawngte cu ningzakin i umter hlah;
Annih cu thlaphângin um hai sehla,
Kei tu cu thinphâng lo ten i ret thung aw.
An parah vansannak ni thlengter awla,
Siatnak a thuahin siatter hai aw!

17:14^a Suah 15:2; Dnp 10:21; Sam 109:1

17:15^b Isa 5:19; 2Pe 3:4

17:16^c Sam 139:4; Jer 12:3

17:17^d Sam 46:1; 88:15-16; Jer 16:19; Nah 1:7

17:18^e Sam 35:1-8; Jer 20:11

Sabbath Ni Ul Aw

19 ^aJehovah in ka hnenah hitin a ti: “Feh awla, Judah siangpahrangpawl luhnak le suahnak, mipi kăwtka ah le Jerusalem kăwtka hmuahhmuah ah va feh awla, va dīng aw; 20 ^bcule an hnenah sim aw, ‘Nannih Judah siangpahrangpawl le Judah-mi zate le hi kăwtkapawl ih lut, Jerusalem luahtupawl zaten Jehovah-ih kamsuakthu hi ngai uh. 21 ^cJehovah in hitin a ti, nanmah hrangah fimkhur uh, Sabbath ni ah ziang phur hman phur hlah uhla, Jerusalem kăwtkapawl ihsin luhpi fawn hlah uh; 22 ^dnan innpawl ihsin Sabbath ni ah phur suahpi hlah uhla, ziang hna hman ṭuan hlah uh, nan pupápawl thu ka pek hai vekin, Sabbath ni cu thiangter uh. 23 ^eCuti cingin an thlun lo ih an hna khal an thawng lo, ngaithla lo dingin le nuncan rĕmnak cohlang lo dingin an ring an khăwngter sawn riangri.

17:19^a Jer 7:2

17:20^b Jer 19:3; 22:2

17:21^c Mip 15:32-36; Dnp 5:14; Neh 13:15-22; Joh 5:10

17:22^d Sem 2:3; Suah 20:8; Isa 56:2-6

17:23^e Jer 7:24-28; 19:15; Zek 7:11

24 ‘Cule hitin a si ding, Jehovah in a ti, ṭha zetin in rak ngaithla ih, Sabbath ni ah hi khawpi kăwtkapawl ihsin phur phurlut loin, Sabbath ni thiangterin, cuih ni ah ziang hna hman nan ṭuan lo asile, 25 ^ahi khawpi kăwtkapawl ah siangpahrangpawl le mizahumpawl, David-ih laltokham parih totu ding pawl cu lêngpawl le rangpawl parah toin an lut ding, anmah le an mizahumpawl, Judah pacangpawl le Jerusalem luahtupawl thawn; cule hi khawpi cu a hmun kumkhua ding. 26 ^bCule Judah khawpipawl le Jerusalem kiangkap hmunpawl ihsin, Benjamin ram ihsin le hmun niam ihsin, tlang ram ihsin le Negev ihsin an ra ding ih, Meiur Thilhlănpawl le thawiawknakpawl, Thlairawl Thilhlănpawl le rimhmui, thangṭhatnak raithawinakpawl cu Jehovah inn ah an run keng ding.

17:25^a 2Sam 7:16; Isa 9:7; Jer 22:4; Eze 28:26; Luk 1:32

17:26^b Jer 32:44; Zek 7:7

27 ^a‘Asinan Sabbath ni thianghlimter dingin Sabbath ni ah Jerusalem kăwtkapawl ihsi thil phurhluh lo ding ti vek thu, in ngaithla lo asile, cuih kăwtkapawl ah meisa ka muah ding ih, Jerusalem siangpahrang innpawl cu cumi cun a kangrál hai ding ih, hmih theih a si lo ding,’ tiah i ti,” tiah a ti.

17:27^a 1Sp 9:6-7; 2Sp 25:9; Jer 7:20; Ṭah 4:11; Hos 8:14; Amo 2:5

18

Bel Tuahtu le Bel Lei

1 Jehovah hnen ihsin Jeremiah hnenih thleng mi kamsuakthu cu, 2 “Tho awla, bel tuahtuih inn ah suk aw, cule cu tawkah ka kamsuakthupawl ka lo ngaithlater ding,” tiin a sim. 3 Cun bel tuahtuih inn ah ka suk ih, ngai hnik, anih cun lêng ke ah thil a rak tuah rero. 4 Cule bel lei ihsi a tuah mi bungbel cu bel tuahtuih kut ah a siat; cutin cumi cu bungbel dangah a tuahsal, bel tuahtuih ṭha a ti dandanin a tuah.

5 Cun Jehovah-ih kamsuakthu cu ka hnenah a thleng, 6 ^a“Maw Israel sungzatla, hi bel tuahtu vek hin ka lo tuah thei lo maw si? tiin Jehovah in a ti. Zoh hnik uh, bel lei cu bel tuahtu kut ih a um bangin, ka kut ah nannih khal nan um ve, Maw Israel sungzatla! 7 ^bPhawisuah ding, dirhtlak ding le siatbăl dingin miphun le lalram thuhla ka sim tinten, 8 ^ca thuhla ka rak sim mi cuih miphun cu a ṭhatlonak ihsin a kirsal asile, a parih siatnak thlengter dingih ka ruah mi cu ka lamlêt ding. 9 ^dCule sak ding le phun dingin miphun le lalram thuhla ka sim tinten, 10 ^eka thu lung loin, ka mithmuh ah thil ṭha lo a tuah asile, a hrangih thil ṭha tuah ka tum mi cu ka lamlêt ding.

18:6^a Sem 2:7; Isa 29:16; Rom 9:20

18:7^b Jer 1:10

18:8^c Jer 31:28; Dan 9:14; Hos 11:8-9; Joe 2:13; Jon 3:8-10

18:9^d Jer 1:10

18:10^e 1Sam 2:29-30; Jer 1:10; Eze 33:18

11 ^a“Curuangah atu-ah, Judah-mipawl hnen le Jerusalem luahtupawl hnenah, ‘Jehovah in hitin a ti: ngai hnik uh, siatnak ka ruahman ih, nanmah lo phiarnak ding khua ka khâng. Atu-ah mi kip in mai umdān ṭha lo ihsin kirsal cio uhla, nan lamzinpawl le nan thil tipawl tuahṭha uh,’ tiin sim aw.

18:11^a 2Sp 17:13; 22:16-17; Jer 7:3

12 ^a“Cule annih in, ‘Cucu ruahsan ding um lo a si! Kanmai khawkhandān vekin kan nung ding ih mi kip in mai thinlung ṭha lo luhlulnak zulhin kan tuah cio ding,’ tiah an ti.

18:12^a Isa 57:10; Jer 3:17

13 ^a“Curuangah Jehovah in hitin a ti:

18:13^a 2Sp 19:21; Isa 66:8; Jer 5:30

Atu-ah miphunpawl lakah sut uh,
Zo in so hivek thil a hna in a rak thei?
Israel fala him ih tuksumza thil a rak tuah.
14 Lebanon vur in a lungpi khāmpawl a suahsan thei ding maw?
Ram dang ihsi rialtidai ra luang cu lâkhloh a theih ding maw?
15 ^aZiangruangahtile ka minungpawl in keimah in rak hngilh,
Santlailo milempawl hnenah rimhmui an rak ur.
Cupawl cun khuahlan zinpawl ihsin
An lamzinpawl ah an bahter,
Zinpi si loin zinte an rak zawh;
16 ^bAn ram kawlh ko an tuah, sisio tlaitluan dingah;
Cumi a paltlăngtu pauhpauh khawruahharin
An lu an thing ding.
17 ^cNisuahnak lam thli ih a darhter bangin, doral hmaiah ka darhter hai ding;
An vanduai ni ah hmai hawih loin, dung ka tŭn hai ding,” tiin.

18:15^a Isa 57:14; Jer 2:13; 6:16; 10:15; Eze 44:12; Hos 11:2

18:16^b 1Sp 9:8; Sam 22:7; Jer 19:8; 25:9; Ṭah 1:12; Eze 33:28

18:17^c Job 27:21; Jer 13:24

18 ^aCun annih in, “Ra uhla, Jeremiah dokalhin phiarsawm uhsi; ziangahtile puithiam hnen ihsin dān a hloral lo ding ih, mifim hnen ihsin thurawn peknak le profet hnen ihsin kamsuakthu khal. Ra uh, kan lei in amah cu do uhsi la, a thusim zianghman ngaihsak hlah uhsi,” tiah an ti.

18:18^a Job 5:13; Jer 2:8; 5:13; 11:19; Eze 7:26; Mal 2:7

Jeremiah-ih Thlacamnak

19 Maw Jehovah, i ngaihsak awla,
I dotupawlih aw hi ngaithla aw!
20 ^aThil ṭha cu thil ṭha lo ih rulh ding a simaw?
Ziangahtile annih in ka hrangah khur an lai.
An hrangah thil ṭha sim dingin le,
An hnen ihsin na thinlingnak lahlo dingin,
Na hmaika ih ka dīn kha cîng aw.
21 ^bCuruangah an fātepawl cu mangṭam ah ap awla,
Ralnâm cahnak ah ap hai aw;
An nupipawl nuhmei ah cang hai sehla,
Fa nei lo ah cang hai seh.
An pacangpawl sahthat si hai sehla,
An tlangvalpawl khal doawknak ah ralnâm in thah si hai seh.
22 ^cAn parih ralkap burpi na thlenter thutthi tikah,
An innpawl ihsin auaw theih si seh;
Ziangahtile keimah kai dingin khur an lai ih,
Ka ke awk dingin tháng an kam thup.
23 ^dCuti si khal sehla, Maw Jehovah, keimah that dingih an khawkhannak zaten na thei ṭheh.
An mawhsualnak ngaidam hlah awla,
Na mithmuh ihsin an sual khal thaihlo fawn hlah,
Cuhnakin na hmaiah hlăwn si sawn hai seh.
Na thinheng ni ah an parah thlengter aw.

18:20^a Dnp 9:19; Sam 35:7; 106:23; 109:4; 119:85; Jer 14:7-9

18:21^b Sam 63:10; 109:9; Isa 47:9; Jer 15:7-8; Ṭah 5:3

18:22^c Sam 35:14-15; 119:85; 140:5; Jer 6:26

18:23^d Neh 4:5; Sam 59:5; Jer 11:22

19

Bel Kuai Hminsinnak

1 ^aJehovah in hitin a ti: “Feh awla, bel tuahtuih lei thâwl pakhat va lei aw, cule mipi lak ihsin upa hrekkhat le puithiam upa hrekkhat hruai aw. 2 ^bCule Hlamphei Kăwtka luhnak kiangih Hinnom Fapaih Phaikuam ah feh aw; cule cu tawkah ka lo sim leh ding mi thupawl cu phuang aw, 3 ^ccule, ‘Maw Judah siangpahrangpawl le Jerusalem luahtupawl, Jehovah-ih kamsuakthu hi ngai uh. Ralkap rualpawlih Jehovah, Israel-ih Pathian in hitin a ti: ngai hnik uh, hi hmun ah thil ṭha lo ka thlengter ding, zokhal hna ih cumi theitu cu a hna a khing ding.

19:1^a Mip 11:17; 1Sp 8:1; Jer 18:2

19:2^b Jos 15:8

19:3^c 1Sam 3:11; Jer 6:19; 17:20

4 ^a‘Keimah in thlauthla ih hi hmun hi an bawrhbangter, cule anmah le an pupápawl le Judah siangpahrangpawl khalih an theih dah lo mi pathian dang pawl hnen, hi hmun ah rimhmui an rak ur ih, mawhnak nei lo thisen thawn hi hmun cu an rak khahter ruangah a si. 5 ^bCule thu ka pek hai lo mi, ka rel lo mi le ka lungthin khalih a um dah lo mi thil, meiur thilhlăn hrangah an fapapawl meisa ih ur dingah Baal hmun sâng pawl an rak dĭn. 6 ^cCuruangah ngai hnik uh, hi hmun cu Tofeth tiin le Hinnom Fapaih Phaikuam tiih ko nawn loin, Thahawknak Phaikuam an ti ni a ra thleng leh ding, Jehovah in a ti. 7 ^dCule hi hmun ah Judah le Jerusalem ih thurawn pek cu zianghmanlo ah ka cangter ding ih, an ralpawl hmaika ah le an nunnak hawltuih kut in ralnâm hmangin ka tluter hai ding; an ruak cu tlun zuang vatepawl le leilung ramsapawlih rawl dingah ka pe ding. 8 ^eHi khua cu ṭhing reprep le sisio dingah ka tuah ding; a siat tawn mi hmuahhmuah ruangah amah paltlăngtu pauhpauh in mak an ti ding ih an sisio ding. 9 ^fCule an fapapawl le fanupawlih sa ka eiter hai ding ih, an doralpawl le an nunnak hawltupawlih zăwnzaihter dingin an kulhkhŭm ih ānhai ko an tuah tikah pakhat le pakhat an sa an eiaw ding,’ tiin ti aw.

19:4^a Dnp 31:16; 2Sp 21:6; Isa 65:11

19:5^b Pui 18:21; 2Sp 3:27; Sam 106:37-38; Jer 7:31; Eze 16:36

19:6^c Jos 15:8; 2Sp 23:10; Jer 7:32

19:7^d Pui 26:17; Dnp 28:25-26; Jer 16:4

19:8^e Pui 26:32; Dnp 28:37; 29:22; Ṭah 2:15-16

19:9^f Pui 26:29; Dnp 28:49-57; Ṭah 4:10

10 ^a“Cun a lo thluntupawlih mithmuh ah thâwl cu na khuai pei ih, 11 ^ban hnenah, ‘Ralkap rualpawlih Jehovah in hitin a ti: khiti vek hin hi minungpawl le hi khawpi hi ka khuai ding, tuahṭhat leh sal theih lo ko bel tuahtuih bungbel a kuai vekin; anmah cu hmun um nawn lo tiangin ^cTofeth ah an phumaw ding. 12 ^dCuti vekin hi hmun parah le a luahtupawl parah ka tuah ding, Jehovah in a ti, cule hi khawpi cu Tofeth vekin ka tuah ding. 13 ^eVan ih thilmak rual zate hnenih rimhmui an urnak inn zate tlunah, pathian dang pawl hnenah Inding Thilhlănpawl an thletbŭng ruangah, Jerusalem innpawl le Judah siangpahrang innpawl cu Tofeth hmun vekin a bawrhbang ding,’ tiah an ti pei,” tiah i ti.

19:10^a Sam 2:9; Jer 13:14; 19:1

19:11^b Sam 2:9; Isa 30:14

19:11^c Tofeth: Isa 30:33 simfiangnak zoh aw.

19:12^d Jer 7:32

19:13^e Dnp 4:19; 2Sp 17:16; 23:12; Jer 32:29; Apo 7:42

14 ^aCun Jeremiah cu Jehovah in thuphuang dingih a rak thlahnak hmun Tofeth ihsin a suak, cule Bawipaih inn tualrawn ah a dīng ih mipi zate hnenah, 15 ^b“Ralkap rualpawlih Jehovah, Israel-ih Pathian in hitin a ti: ngai hnik uh, amah dokalhih ka rak phuan mi thil ṭha lo hmuahhmuah kha hi khawpi par le a khaw ṭêk pawl zate parah ka thlengter ding, ziangruangahtile ka kamsuakthupawl ngaithla lo dingin an ring an khăwngter a si, a ti,” tiin.

19:14^a 2San 20:5

19:15^b Neh 9:16; Jer 11:11; 22:21; Apo 7:51

20

Pashur in Jeremiah a Hrem

1 ^aImmer-ih fapa, Jehovah inn uktu lu bik puithiam Pashur in Jeremiah in hi thilpawl a phuang ti a hna in a rak thei. 2 ^bCun Pashur in profet Jeremiah cu a vuak ih, Jehovah inn kiangih um, Benjamin kăwtka tlunta kol ah a ret.

20:1^a 2Sp 25:18; 1San 24:14; Ezr 2:37-38

20:2^b Dnp 25:2-3; Job 13:27; 29:7; Jer 1:19; 37:13; 38:7; Zek 14:10

3 ^aCule a thaisun ah, Pashur in Jeremiah cu kol ihsin a suah. Jeremiah in a hnenah, “Jehovah in na hmin Pashur tiah a ko nawn lo, ^bMagor-Missabib tiah a ko sawn a si. 4 ^cZiangahtile Jehovah in hitin a ti: ‘Ngai hnik, na hrang le na rualpi zate hrangah tuksumza ah ka lo tuah ding; cule annih cu an doralpawlih ralnâm in an tlu ding ih, cumi cu na mit in a hmu ding. Cun Judah-mi zaten Babilon siangpahrang kut ah ka pe ding, cule anih in Babilon ah ralkaih ah a hruai hai ding ih, ralnâm in a that hai ding. 5 ^dCuihtlunah hi khawpi neihnunnak zate, a ṭuansuah mi zate le a thil mankhung zate cu ka pesuak ding; Judah siangpahrangpawlih hlawnthil zaten an doralpawl kut ah ka pe thluh ding, annih in an răm ding ih, an lahlo ding, cule Babilon ah an hruai ding. 6 ^eCule nangmah, Pashur le na inn ih cêng zaten ralkaih ah nan feh ding. Nang cu Babilon ah na feh ding ih, cu tawkah na thi ding, cule nangmah le an hnenih thuphan na phuannak na rualpi hmuahhmuah thawn, cu tawkah phum nan si ding,’ a ti,” tiah a ti.

20:3^a Sam 31:13; Hos 1:4

20:3^b Magor-Missabib: Kil kip ah ṭihnak a um tinak a si (câng 10; 6:25).

20:4^c Jer 13:19; 21:4-10; 29:21

20:5^d 2Sp 20:17; 25:15; Isa 39:6

20:6^e Jer 14:15; Ṭah 2:14

A Langsar lo Mi Jeremiah-ih Rawngbawlnak

7 ^aMaw Jehovah, nang in i rak bum ih, bumin ka um;
Nang cu kei hnakin na cak ih, i rak neh.
Kei cu sunnihlawh nautatin ka um;
Mi kip in in hmuhsuam.
8 ^bZiangahtile ka ṭawng tikah, ka ausuak;
“Thahrum suahnak le rămawknak,” tiah ka au.
Jehovah-ih kamsuakthu ruangah
Kei cu sunnihlawh hmuhsuam le nautat ka hlawh.
9 ^cCun kei in, “Amah ka phuanglang lo ding ih,
A hmin khalin thu ka sim nawn lo ding,” tiah ka ruat.
Asinan a kamsuakthu cu ka thinlung ah
Ka ruh sungih meikāng khumaw vek a si;
Ka sūpawknak ah ka cau ih,
Ka tuar thei lo lawlaw.
10 ^dZiangahtile thuhla simawk thektho ka thei:
“Kil kip ah ṭihnak a um!
Zuarthlai uh, kan zuarthlai ding,” an ti.
Ka rualpi ṭha pawl in ka bah ding bawhin,
“Anih cu bum a si ding ih, kan neh ding,
Cule a parah phulei kan sam ding,” an ti.
11 ^eAsinan Jehovah cu micak ralthiam, Mimaksak vekin ka hnenah a um.
Curuangah i hremtupawl cu an bah ding ih, in neh lo ding.
Annih cu nasa zetin an ning a zak ding, ziangahtile annih cu an hmuingil lo ding.
An kumkhaw mualphonak cu hngilh a si dah lo ding.
12 ^fAsinan, Maw ralkap rualpawlih Jehovah,
Nang, midingfel hniksaktu le
Ruahnak lungthin le thinlung hmutu,
An parih na phulei samnak in hmuter aw;
Ziangahtile na hmaika ah ka thuhla ka thlen.
13 ^gJehovah hnenah hlasak uhla, Jehovah thangṭhat uh!
Ziangahtile anih cun thil ṭha lo tuahtupawlih kut ihsin
Mifarahpawlih nunnak a runsuak.
14 ^hKa suah ni cu camsiat si seh!
Ka nuih i hrin ni cu thlawsuahin um hlah seh;
15 Ka pa hnenih “Fapa na hring,” tiih thuthang kengtu pa,
Amah lungawitertu cu camsiatin um seh.
16 ⁱCule cu pa cu Jehovah in lainat loih a hlăwn mi khawpi vek si seh:
Cu pa cun zing lamah ṭah le
Sun ah râknak thei seh,
17 ^jAnih in sūl sungih i thah lo ruangah,
Cuti rak si ta sehla ka nu cu ka thlān a rak si ding ih,
A sūl cun i pai ringring ding.
18 ^kṬuanbăngnak le riahsiatnak hmu ding le,
Ningzahnak thawi ka dam sung cān hmang dingin,
Ziangah so maw ka nuih sūl sung ihsi ka rak suah le?

20:7^a Suah 5:23; Job 12:4; 17:2; Isa 8:11; Ṭah 3:14; 1Ko 9:16

20:8^b 2San 36:16; Jer 6:7

20:9^c Sam 39:1-3; Jer 4:19; 44:16; Amo 3:8; Apo 4:20

20:10^d 1Sp 19:2; Neh 6:6-13; Job 19:14; Sam 57:4; Isa 29:21; Jer 6:25; Luk 11:53-54

20:11^e Sam 129:2; Jer 1:8; 15:15; 17:18; Rom 8:31

20:12^f Dnp 32:35; Sam 7:9; 62:8; Rom 12:19

20:13^g Sam 34:6; 97:10; Isa 12:6

20:14^h Job 1:3, 16; Jer 15:10

20:16ⁱ Sem 19:25; Jer 6:26

20:17^j Job 3:16; 10:18-19

20:18^k Job 5:7; Sam 90:9; 102:3; Ths 4:2; Ṭah 3:1

21

Nebukhadnezzar Kut ah Jerusalem a Tlu Ding

1–2 ^a“Zangfahten Jehovah in suhsak aw, ziangahtile Babilon siangpahrang Nebukhadnezzar in in ra do a si. Cutiih in suhsak asile, kan hnen ihsin amah cu a fehhlo thei nak dingah Jehovah in a mangbangza hnaṭuan hmuahhmuah bangtukin in tisak ve nahman maw!” tiih sim dingin Siangpahrang Zedekiah in Jeremiah hnenah Melkiah-ih fapa Pashur le Maaseiah-ih fapa puithiam Zefaniah a thlah hai laiah Jehovah hnen ihsin a hnenih kamsuakthu thleng cu hihi a si.

21:1-2^a Sem 10:10; 2Sp 25:1, 18; 1San 9:12; Sam 44:1-4; Jer 32:17; 52:1

3 Jeremiah in an hnenah, “Zedekiah hnenah hitin nan sim pei: 4 ^a‘Israel-ih Pathian Jehovah in hitin a ti, ngai hnik, kulh leng ihsi lo kulhkhŭmtu Babilon siangpahrang le Kaldia-mipawl nan donak ding nan kut ih um hriamhreipawl cu ka khir ding ih, hih khawpi laifangah ka retkhawmter hai ding. 5 ^bKeimah rori in thinheng le thinso le thinling zetin kut suahin, ka bân cak thawn ka lo do ding. 6 ^cHi khawpi luahtu minung le rannung parah kut ka thlak ding, cule tuksumza nathri sia in an thi ding. 7 ^dCule cuih hnuah, Jehovah in a ti, Judah siangpahrang Zedekiah, a siahhlawhpawl le nathri sia lak, ralnâm lak le mangṭam lak ihsi nungdam hi khawpi sungih a minungpawl cu Babilon siangpahrang Nebukhadnezzar kut, an ralpawl kut le an nunnak hawltupawlih kut ah ka pe hai ding; cule anih in ralnâm hriam in a sat hai ding; a zuah hai lo ding, a zangfah hai lo ding ih, an parah zahngainak a nei lo ding, a ti,’ ti aw.

21:4^a Jer 32:5; 37:8-10

21:5^b Suah 3:20; 6:6; Isa 63:10; Eze 5:8

21:6^c Jer 7:20

21:7^d 2Sp 25:5; 2San 36:17; Jer 14:12; 15:9; 52:9; Eze 7:9; 12:14; Hab 1:6

8 ^a“Cule hi minungpawl hnenah hitin na sim pei, ‘Jehovah in hitin a ti: ngai hnik uh, nan hmaiah thihnak lamzin le nunnak lamzin ka ret. 9 ^bHi khawpi sungih a tāngtu cu ralnâm, mangṭam le nathri sia in a thi ding; asinan a tlânsuak ih a lo kulhkhŭmtu Kaldia-mipawl bēntu cu a nung ding, cule a nunnak cu a hrangah ralthillawn vek a si ding. 10 ^cZiangahtile ṭhatnak ding hrangah si loin, thil ṭha lo hrangah hi khawpi dokalhin ka hmai ka hawih zo, Jehovah in a ti. Cumi cu Babilon siangpahrang kut ah pek a si ding ih, anih in meisa in a rak ur ding, a ti,’ ti aw.

21:8^a Dnp 30:15

21:9^b Jer 14:12; 27:11; Eze 5:12

21:10^c 2Sp 25:9; 2San 36:19; Jer 20:4; 44:27; Amo 9:4

David Sungza hnenih Thucah

11 ^a“Cule Judah siangpahrang sungza hnenah, ‘Jehovah-ih kamsuakthu hi ngaithla uh. 12 ^bMaw David-ih sungzatla, Jehovah in hitin a ti:

21:11^a Jer 17:20

21:12^b Pui 25:17; Sam 27:11; Isa 1:17; 42:25; Jer 23:2; Zek 7:9

‘Zing ah dik zetin thuṭhen uh;
Cule mi palbĕttupawl kut ihsin
Răm mipawl cu runsuak uh,
Culole thil ṭha lo na tuahnak ruangah
Ka thinso cu meisa vekin a fehsuak ding ih,
Zohman ih hmih thei loin a kāng ding.
13 ^a“Kanmah do dingah zo so suk ding?
Asilole kan cēnnak ah zo so ra lut ding?” tiih titu,
Maw phaikuam luahtu le
Phairawn lungpi, ngai hnik, nangmah ka lo do a si, Jehovah in a ti.
14 ^bAsinan nan thil ti rah bangtukin dān ka lo tat hai ding, Jehovah in a ti;
A kimvelih thil hmuahhmuah a kangrál ṭheh thei nak dingah
A tupi ah meisa ka muah ding a si,’

21:13^a 2Sam 5:6-7; Sam 125:2; Jer 23:30; Ṭah 4:12; Eze 5:8; Oba 1:3-4; Nah 2:13

21:14^b 2San 36:19; Thf 1:31; Isa 3:10-11; Jer 11:16; Ṭah 2:3; Eze 20:47

tiah ti aw,” tiin.

22

1 ^aJehovah in hitin a ti, “Judah siangpahrang inn ah suk awla, cu tawkah hi thu hi sim aw: 2 ^b‘Maw Judah siangpahrang, David-ih laltokham ih to, nangmah le na siahhlawhpawl le hi kăwtkapawl ih lut na minungpawl, Jehovah-ih kamsuakthu hi ngai uh! 3 ^cJehovah in hitin a ti: diknak le dingfelnak nunpi uhla, mi palbĕttupawlih kut ihsin răm mipawl runsuak uh. Mikhualpawl, pa nei lo pawl le nuhmeipawl parah diklonak le thahrum suahnak tuah hlah uh, hi hmun ah mawhnak nei lo thisen suah fawn hlah uh. 4 ^dZiangahtile hi thil hi nan tuah ngaingai asile, David-ih laltokham parih to siangpahrangpawl cu rangpawl le rang lêngpawl parah toin a siahhlawhpawl le a minungpawl thawn himi inn kăwtkapawl ihsin an lut ding. 5 ^eAsinan hi kamsuakthupawl nan ngaithla lo asile, hi inn hi a ṭhing ding, keimah le keimah sālawin sia ka săm a si, Jehovah in a ti,’ ti aw.

22:1^a Jer 13:18

22:2^b Jer 17:20, 25; Amo 7:16; Luk 1:32

22:3^c Suah 22:22; Pui 25:17; Sam 72:4; Isa 56:1; Jer 5:1; 7:6; Eze 33:14-15; Hos 12:6; Amo 5:24; Mik 6:8

22:4^d Jer 17:25

22:5^e Sem 22:16; Jer 17:27; Heb 6:13

6 ^a“Ziangahtile Judah siangpahrang sungza hnenah Jehovah in hitin a ti:

22:6^a Sem 31:21; Sam 107:34; Sol 4:1; Isa 6:11; Mik 3:12

“Nangmah cu ka hrangah Gilead le
Lebanon tlang zim na si;
Cu cingin ramṭhing le
Luahtu nei lo khawpipawl ah ka lo tuah hrimhrim ding.
7 ^aZiangahtile nangmah tisiattu ding pawl ka timtuah ding,
Mi kip anmai hriamhrei cio thawn;
Na sidar ṭhabik bik pawl an hautlu ding ih,
Meisa sungah an paih ding.

22:7^a Sam 74:5; Isa 10:34; Jer 4:7; Zek 11:1

8 ^a“Cule miphun tampi in hi khawpi hi an paltlăng ding ih, mi kip in anmai innhnen par cio ah, ‘Ziangah so hi khawpi ropi parah Jehovah in hitin a rak tuah?’ an ti ding. 9 ^bCun annih in, ‘Jehovah an Pathian thukham an thlauthla ih, pathian dang pawl an bia ih an rak rian ruangah a si,’ tiah an ti ding,” tiin.

22:8^a Dnp 29:25-26; 1Sp 9:8-9

22:9^b 1Sp 9:9; Jer 16:11; Eze 39:23

10 ^aMithi ṭah hlah uhla, amah sûn fawn hlah uh;
Cuhnakin a fehhlo mi hrangah nasa zetin ṭap sawn uh,
Ziangahtile anih cu a kirsal nawn lo ding ih,
A suahkehnak ram khal a hmu nawn lo ding.

22:10^a Ths 4:2; Eze 24:16

Shallum hnenih Thucah

11 ^aZiangahtile Judah siangpahrang Josiah-ih fapa, a pa Josiah airawlih uktu, hi hmun ihsi hruaihloh mi ^bShallum thuhla ah Jehovah in hitin a ti, “Amah cu a kirsal nawn lo ding, 12 ^ccuhnakin ralkaih ih an hruainak hmun ah a va thi sawn ding, hi ram hi a hmu nawn lo ding,” tiin.

22:11^a 2Sp 23:30-34

22:11^b Shallum: Himi hmin sullam cu “pekkirsal kim mi” tinak a si. 2Sp 23:31 ih amah kawhnak hmin cu Jehoahaz a si.

22:12^c 2Sp 23:34

Jehoiakim hnenih Thucah

13 ^a“Dingfellonak ih a inn saktu le
Diklonak ih a pindan tlunta pawl saktu,
Hlawh man pe loih mai innhnen sawr ih,
A ṭuan man zianghman pe lo tu cu a hmakhua a pit a si,
14 ^b‘Inn tumpi ka hrangah ka sak ding, pindan tlunta kaupi pi neiin,
Tukvirhpawl tla ka tuah ding,
Sidar thing in ka tuam fawn ding,
Cule răwng sen ka hnih ding,’ titu paih hmakhua cu.
15 ^cSidar thing ih mi na hleih ruangah siangpahrang maw na si?
Na pa kha ei le in ah a lungkim tawk ih,
Diknak le dingfelnak a rak tuah a si lo maw?
Cucu a hrangah a ṭha a si.
16 ^dMifarah le mitlasam thu a ṭhensak,
Cucu a ṭha a si.
Cucu in theihdān ding a si lo maw? Jehovah in a ti.
17 ^eAsinan duhhamnak hrang,
Mawhnak nei lo thisen suahnak hrang,
Palbĕtnak le thahrum suahnak hrang lawngah na mit le na thinlung cu na ret,” tiin.

22:13^a Pui 19:13; Isa 5:8; Mik 3:10; Hab 2:9; Jam 5:4

22:14^b 2Sam 7:2; Isa 5:8-9; Hag 1:4

22:15^c Sam 128:2; Isa 3:10

22:16^d Sam 36:10; 72:1-4, 12-13; Thf 24:23; Jer 9:24

22:17^e 2Sp 24:4; Isa 56:11; Jer 6:13; 8:10; Mik 2:2

18 ^aCuruangah Judah siangpahrang, Josiah-ih fapa Jehoiakim thuhla ah Jehovah in hitin a ti,

22:18^a 1Sp 13:30

“Annih in, ‘Ai maw, ka unaupa!’ asilole ‘Ai maw, ka unaunu!’ tiin
Amah cu an ṭah lo ding.
‘Ai maw, hotu pa!’ asilole ‘Ai maw, a ropitnak!’ tiin
Amah cu an ṭah lo ding.
19 ^aAmah cu lāk phum men bangin phum a si ding,
Jerusalem kăwtkapawl lengah dirsuakin an hlăwn ding,” tiin.
20 ^b“Lebanon ah so awla ausuak aw,
Cule Bashan ah na aw suah aw;
Abarim ihsin au aw,
Ziangahtile na miduhpawl an hloral.
21 ^cNa hmuingil tikah na hnenah thu ka sim,
Asinan nang in, ‘Ka ngaithla lo ding,’ na ti.
Ka thu na thlun lo,
Na no lai ihsin hihi na nundān a si,
22 ^dNa tuu khāltupawl zaten thli in a hrănhlo hai ding,
Cule na miduhpawl cu ralkaih ah an feh ding:
Na sualralnak hmuahhmuah ruangah
Ningzak le mualphoin na um ding.
23 ^eNang, Lebanon luahtu,
Sidar thingpawl lakah na bu na sâm,
Nunau fahrin nat vekin,
Na parih natnak a thlen tikah cun ziang tluk zangfahumza so maw na si ding?” tiin.

22:19^a 2Sp 24:6; Jer 8:2; 36:30

22:20^b Mip 27:12; Sam 68:15; Isa 57:13; Ṭah 1:19; Eze 16:33

22:21^c Dnp 9:7; Jer 3:10, 13, 24-25; Zef 3:2; Zek 7:7

22:22^d Dnp 28:64; Job 27:21; Jer 10:21; 23:1

22:23^e Jer 4:31; 6:24; Eze 17:3

Koniah hnenih Thucah

24 ^a“Ka nun rori vekin, Jehovah in a ti, Judah siangpahrang Jehoiakim-ih fapa ^bKoniah cu ka vawrh lam kut nĕmnak zunghruk si hman sehla, cu tawk ihsin ka lo phawisuak thotho ding; 25 ^ccule nan nunnak hawltupawlih kut ah, an mithmai na ṭih mipawlih kut ah, Babilon siangpahrang Nebukhadnezzar kut ah le Kaldia-mipawlih kut roriah ka lo pe ding. 26 ^dCule nangmah le a lo hringtu na nu cu nan suahsemlonak hmunram dangah ka lo hlăwn ding ih, cu tawkah nan thi ding. 27 Asinan kir an duh duahdo mi ram ah an ra kir lo ding.”

22:24^a 2Sp 24:6, 8; Hag 2:23

22:24^b Koniah: Jehoiakin asilole Jekoniah ti khalih kawh a si (1San 3:16).

22:25^c 2Sp 24:15-16

22:26^d Jer 10:18; Eze 19:9-14

28 ^aHi pa Koniah hi an hmuhsuam mi bel kuai,
Zohman ih an duh lo mi a si lo maw?
Ziangah so amah le a tesinfapawl hlăwnsuak ih,
An theih lo mi ram ih an hlăwnsuak?
29 ^bMaw leilung, leilung, leilung,
Jehovah-ih kamsuakthu ngaithla aw!
30 ^cJehovah in hitin a ti:
“Hi pa hi fa nei lo,
A dam sung hmuingil lo ding mi ah ngan uh,
Ziangahtile a tesinfa pakhat hman hmuingil ih,
David-ih laltokham parih to le,
Judah ram uktu ding an um nawn lo ding,” tiin.

22:28^a 2Sp 24:12; Sam 31:12; Jer 15:1

22:29^b Jer 6:19

22:30^c 1San 3:17-18; Job 18:19; Sam 94:20; Jer 10:21; 36:30; Mat 1:12

23

Dingfelnak Hnge

1 ^a“Ka ran tlannak hmun ih tuu runrual hloráltertu le ṭekdarhtertu tuu khāltupawl cu an hmakhua a pit a si! Jehovah in a ti. 2 ^bCuruangah Israel-ih Pathian Jehovah cun ka minungpawl khāltu tuu khāltupawl parah hitin a ti: ka rante rual nan ṭekdarhter, nan dawihlo ih, nan rak vehvai lo. Ngai hnik uh, thil ṭha lo nan tuah mi ruangah nanmah dokalhin ka ra ding, tiah Jehovah in a ti. 3 ^cAsinan ka rak dawisuak hai nak ram hmuahhmuah ihta a tāngsŭn ka rante rual cu ka khawm ding ih, an hruang sungah ka hruaikirsal hai ding, cule ci tampi an thlah ding ih, an karh ding. 4 ^dAnmah khāltu dingah an tlunah tuu khāltupawl ka tungding ding, cule an ṭih nawn lo ding, an thla khal a phâng lo ding ih, an tlasam fawn lo ding, Jehovah in a ti.

23:1^a Sam 100:3; Isa 56:11; Jer 10:21; Eze 34:1-10; Zek 10:2

23:2^b Suah 32:34; Eze 34:8-10; Joh 10:8

23:3^c Isa 11:10-12; Jer 32:37; Eze 34:11-16

23:4^d Isa 31:4; Jer 3:15; 30:10; Joh 6:39

5 ^a“Ngai hnik, David hnenih dingfelnak Hnge ka tundīn ding cān cu a rung thleng a si, Jehovah in a ti;
Siangpahrang in a uk ding ih a hmuingil ding,
Cule diknak le dingfelnak in leilung ah thu a ṭhen ding.
6 ^bAmai san ah Judah cu runhim a si ding ih,
Israel cu ralmûangin a khawsa ding;
Cule JEHOVAH KAN DINGFELNAK ti cu amah kawhnak hmin a si ding.

23:5^a Sem 18:19; Isa 4:2; 9:7; Jer 33:14; Eze 17:22; Luk 1:32

23:6^b Dnp 33:28; Ezr 9:15; Isa 42:6; Jer 32:37; 33:16; Zek 14:11; Mat 1:21-23; Rom 1:3, 21; 1Ko 1:30

7 ^a“Curuangah ngai hnik, ‘Israel tefapawl Izip ram ihsi hruaisuaktu Jehovah a nun rori vekin,’ tiih an ti nawn lo ding cān a thleng ding, Jehovah in a ti. 8 ^bCuhnakin, ‘Sak lam ram ihta le ka dawisuak hai nak ram hmuahhmuah ihta Israel sungza tesinfa hruaisuak ih hruaikirsaltu Jehovah a nun rori vekin,’ an ti sawn ding. Cule anmai ram ah an cêng ding,” tiin.

23:7^a Dnp 15:15; Jer 16:14; 30:3

23:8^b Isa 14:1; 43:5-6; Eze 20:42

Profet Dik lo pawlih Ruahsannak Hnawn a Si

9 ^aProfetpawl thuhla ah:

23:9^a Job 4:14; Jer 20:8-9; Hab 3:16

Ka sungih ka thinlung a kuai,
Ka ruh zaten an hnîn ṭheh.
Jehovah ruangah le
A kamsuakthu thianghlim ruangah
Kei cu zu ri pa vek le
Sabit zu ih ciahneh mi pa vek ka si.
10 ^aZiangahtile ram cu uirepawl an khat;
Camsiatnak ruangah ram cun a sûn.
Ramṭhing ih hmun duhumpawl cu an ro.
An nundān a ṭha lo ih,
An cahnak a dik lo.
11 ^b“Ziangahtile profet le puithiam cu an bawrhhlawh;
A si, ka inn ah an sualralnak ka hmusuak, Jehovah in a ti.
12 ^cCuruangah an lamzin cu an hrangah,
Khawthim lakih a nâl mi lamzinpawl vek a si ding,
Cuih parah dawisuah an si ding ih,
An tlu ding;
Ziangahtile an parah thil ṭha lo ka thlengter ding,
Anmah dāntatnak kum cu, Jehovah in a ti.
13 ^dCule Samaria profetpawl lakah atnak ka hmu:
Baal sālin thu an phuang ih,
Ka mi Israel thil sual an tuahter.
14 ^eJerusalem profetpawl lak khalah thil rapthlak ka hmu:
An uire ih thuphan in an nung;
Thil ṭha lo tuahtupawlih kut khal an cakter,
Cutin zohman an sualralnak ihsin an kirsal nawn lo.
An zaten ka hrangah Sodom vek le,
A luahtupawl cu Gomorrah vek an si.”

23:10^a Sam 107:34; Jer 4:26; 9:2, 10

23:11^b Jer 6:13; 32:34; Zef 3:4

23:12^c Dnp 32:35; Thf 4:19; Jer 11:23

23:13^d 1Sp 18:18-22; Isa 3:12; Eze 13:10

23:14^e Sem 18:20; Isa 5:18; Jer 5:30-31; 20:16; 29:23; Hos 6:10; Amo 4:11; Mat 11:24

15 ^aCuruangah ralkap rualpawlih Jehovah in profet thuhla ah hitin a sim:

23:15^a Jer 8:10, 14

“Ngai uh, la-ana kung khâ in ka câwm hai ding,
Cule tûr rawi mi tidai ka inter hai ding;
Ziangahtile Jerusalem profetpawl hnen ihsin
Ram hmuahhmuah ah bawrhbannak a darhsuak.

16 ^a“Ralkap rualpawlih Jehovah in hitin a ti:

23:16^a Jer 9:20; 14:14; 27:9-10, 14-17; Eze 13:3; Mat 7:15

Nan hnenih thuphuangtu profetpawlih kamsuakthu ngaithla hlah uh.
Thulolak ah an lo tuah;
Jehovah-ih kâ ihsin suak a si lo mi,
Anmai thinlung suangtuahnak men an rel.
17 ^aI hmuhsuamtupawl hnenah, ‘Remdaihnak nan nei ding, Jehovah in a ti,’ tiah catbang loin an ti;
Cule annih in, ‘Nan parah thil ṭha lo zianghman a thleng lo ding,’ tiah mai thinlung lungruhnak zulhih nungtu pauhpauh hnenah an ti,” tiin.
18 ^bZiangahtile Jehovah-ih thurawn peknak ah zo so rak ding,
A kamsuakthu rak dawngsáwng le hna ih thei zo so um?
Zo in so a kamsuakthu rak ngaihven ih rak ngaithla?
19 ^cNgai hnik, Jehovah-ih phusîng cu thinsoin a thawksuak, phusîng maktak cu!
Misualrálpawlih lu parah nasa zetin a herhaw ding.
20 ^dA thinlung khawruah mi a tuahsuak ih a hlensuak hlanlo,
Jehovah-ih thinhengnak cu a lamlêt lo ding.
Ni netaah cumi cu famkim zetin nan theithiam lai ding.
21 ^e“Hih profetpawl hi ka thlah hai lo, asinan an tlân thotho.
An hnenah thu ka sim lo, asinan thu an phuang thotho.
22 ^fAsinan ka thurawn peknak hmun ah rak têl hai sehla cu,
Ka minungpawl hnenah ka kamsuakthu an phuang ding ih,
An nundān ṭha lo le
An thil ti ṭha lo ihsin an lamlêt zo ding nân!
23 ^gKei cu hla zetih um Pathian si loin,
Naite-ih um Pathian maw ka si? Jehovah in a ti.
24 ^hKa hmuh lo dingin
Zo tal hmun thup ah a relh thei pei maw? Jehovah in a ti;
Lei le van ah hin ka khat a si lo maw? Jehovah in a ti.

23:17^a Jer 5:12; 13:10; Eze 13:10; Amo 9:10; Mik 3:11

23:18^b Rom 11:34; 1Ko 2:16

23:19^c Isa 30:30; Amo 1:14; Zek 7:14

23:20^d 2Sp 23:26; Jer 4:28

23:21^e Jer 14:14

23:22^f Dnp 33:10; 2Sp 17:13; Jer 35:15; Zek 1:4

23:23^g Sam 139:1-10

23:24^h Sem 3:8; 1Sp 8:27; Job 22:13-14; Ths 12:14; Isa 29:15; 1Ko 4:5

25 ^a“ ‘Mang ka măn, mang ka măn,’ tiin ka hmin ih thuphan simtu profetpawl ih thusim mi cu ka rak thei! 26 ^bThuphuangtu profetpawlih thinlung ah ziangtik tiang so thuphan a um ding? A si, annih cun anmai thinlung ih bumnak thu an phuang. 27 ^cAn pupápawl in Baal ruangih ka hmin an hngilh bangin, annih cun an innhnenpawl hnenah an mang thu simawktăwnnak in ka minungpawl ka hmin hngilhter an tum.

23:25^a Dnp 13:1; Jer 14:14; 27:9

23:26^b Isa 30:10; Jer 14:14; Eze 13:2; 1Ti 4:1-2

23:27^c Dnp 13:1-3; Lai 3:7; Jer 2:23; 29:8

28 ^a“Mang neitu profet cun a mang sim seh;
Cule ka kamsuakthu neitu cun rinum zetin ka kamsuakthu rel seh.
Cangpâwl le sangvut in ziang bangawknak so an neih? Jehovah in a ti.
29 ^bKa kamsuakthu cu meisa vek le
Lungto khuaidipnak sobul vek a si lo maw? Jehovah in a ti.

23:28^a Jer 9:12

23:29^b Sam 39:3; Jer 5:14; 20:9; 2Ko 10:4-5; Heb 4:12

30 ^a“Curuangah ngai hnik uh, ka kamsuakthu firawtăwntu profetpawl cu ka do a si, Jehovah in a ti. 31 Ngai hnik uh, an lei hmangih ‘Anih in a ti,’ titu profetpawl ka do a si, Jehovah in a ti. 32 ^bNgai hnik uh, mang thuphan phuang le sim, an thuphan le an uarawknak hmangih ka minungpawl fehpêngtertu profetpawl ka do a si, Jehovah in a ti. Annih cu ka thlah hai lo ih, thu ka pe hai fawn lo. Curuangah annih in hi minungpawl cu ṭhathnemnak an pe hrimhrim lo ding, Jehovah in a ti.

23:30^a Dnp 18:20; Sam 34:16; Jer 14:15

23:32^b Jer 14:14; 50:6; Ṭah 2:14; Eze 13:3, 8-9; Zef 3:4

33 ^a“Cule hi minungpawl in siseh, profet in siseh, puithiam in siseh, an lo sut ih, ‘Jehovah-ih thucah cu ziang a si?’ an lo ti asile, ‘Ziang thucah so?’ tiah na ti hai pei. ‘Nanmah khal ka lo tansăn ding,’ tiah Jehovah in a ti. 34 ^bCule, ‘Jehovah-ih thucah,’ tiih titu cu profet a si ah maw, puithiam a si ah maw, mi menmen an si ah maw, cu pa le a sungkua cu dān ka tat ding a si. 35 ^cMi kip mai innhnen le mi kip mai unau cio hnenah, ‘Jehovah cun ziangtin a sawn?’ ih, ‘Jehovah in ziang so a sim?’ tiah nan ti pei. 36 ^dCule Jehovah-ih thucah cu nan mang nawn lo ding. Ziangahtile mi kip ih kamsuak cu thucah ah a cang ding, ziangahtile a nung mi Pathian, ralkap rualpawlih Jehovah, kan Pathian kamsuakthupawl cu nan rak merhkâwi a si. 37 Profet hnenah nang in, ‘Jehovah in ziangtin a lo sawn?’ ih, ‘Jehovah in ziang so a sim?’ tiah na ti pei. 38 Asinan, ‘Jehovah-ih thucah cu!’ tiah nan ti asile, Jehovah in hitin a ti: ‘ “Jehovah-ih thucah cu!” ti hlah uh,’ tiin ka lo thlah ih, asinan ‘Jehovah-ih thucah cu!’ tiah nan ti thotho. 39 ^eCuruangah ngai hnik uh, keimah rori in ka lo hngilh ding ih, nanmah le nan pupápawl hnenih ka rak pek mi khawpi khal ka hmaika ihsin ka hlăwn ding. 40 ^fCule nan parah kumkhaw hminsiatnak le hngilh lo ding mi catbang lo ningzahnak ka thlen ding,” tiin.

23:33^a Jer 23:39; Mal 1:1

23:34^b Ṭah 2:14; Zek 13:3

23:35^c Jer 33:3; 42:4

23:36^d 2Sp 19:4; Gal 1:7-8; 2Pe 3:16

23:39^e Jer 7:15

23:40^f Jer 20:11; Eze 5:14-15

24

Theipi Rah Ṭha le Sia

1 ^aBabilon siangpahrang Nebukhadnezzar in Jehoiakim-ih fapa Judah siangpahrang Jekoniah le Judah bawipawl, zungthiampawl le soser thiam pawl thawn, Jerusalem ihsin Babilon ah ralkaih ih a hruaihloh hai hnuah, Jehovah in i hmuh ih, ngai hnik, theipi rah kho hnih Jehovah-ih temple hmaiah a hungaw. 2 ^bKho khat ah cun theipi rah ṭha zet, theipi hmin hmaisabik vek khi a um; cule kho dangah cun ei theih lo ding mi theipi rah sia zet a um, an rak sia ngaingai. 3 ^cCun Jehovah in ka hnenah, “Jeremiah, ziang so na hmuh?” tiah i ti.

24:1^a 2Sp 24:10-16; 2San 36:9-10; Jer 27:20; Amo 8:1-2

24:2^b Isa 5:4; Jer 29:17

24:3^c Jer 1:11; Amo 8:2

Cule kei in, “Theipi rah, theipi rah ṭha, a ṭha zet mi le ei theih lo ding mi a sia, a sia zet mi, a sia ngaingai mi,” tiah ka ti.

4 Cule Jehovah-ih kamsuakthu ka hnenah a thleng leh ih, 5 ^a“Israel-ih Pathian Jehovah in hitin a ti, ‘Hi hmun ihsin an ṭhatnak ding hrangih Kaldia ram ih ka rak thlah mi, Judah ram ihsin ralkaih ih hruaihloh mipawl cu hi theipi rah ṭha pawl vekin ka pawm hai ding. 6 ^bZiangahtile an ṭhatnak dingah an parah ka mit ka futter ding ih, hi ram ah ka hruaikir hai ding; ka tungding hai ding ih, ka dirtla hai lo ding, cule ka phun hai ding ih, ka phawi hai fawn lo ding. 7 ^cCun keimah cu Jehovah ka si ti thei dingin thinlung ka pe hai ding, cule annih cu ka mi an si ding ih, an Pathian ka si ding, ziangahtile an thinlung zaten ka hnenah an ra kir ding.

24:5^a Jer 29:4, 20; Zek 13:9

24:6^b Dnp 30:3, 9; 32:37, 41; Jer 27:22; 29:11; 33:7; Eze 11:17; Amo 9:14-15

24:7^c Dnp 30:6; 2San 6:37-38; Isa 51:16; Jer 31:33; 32:40; Eze 11:19-20; Zek 2:11; Heb 8:10

8 ^a“Cule ei theih lo ding mi theipi rah sia vekin, thungaiten Judah siangpahrang Zedekiah le a bawipawl, Jerusalem ih tāngsŭn hi ram ih cambâng le Izip ram ih cêngpawl cu ka dungtun hai ding, tiah Jehovah in a ti. 9 ^bKa dawisuah hai nak ding hmun hmuahhmuah, leilung lalram zate ah hmuhsuam ding, puahcăwk ding, ĕlhsen dingah le camsiat dingah ṭhihṭhaihnak ah le siatnak ah ka tuah hai ding. 10 ^cCule anmah le an pupápawl hnenih ka pek mi ram ihta an cemrál tiangin an lakah ralnâm, mangṭam le nathri sia ka thlah ding,” tiin.

24:8^a Jer 29:17; 32:4-5; 39:6, 9; 44:1, 26-30

24:9^b Dnp 28:25, 37; 1Sp 9:7; 2Sp 22:19; Sam 44:13; Jer 15:4; Dan 9:7

24:10^c Dnp 28:21; Isa 51:19; Jer 15:2; 21:9

25

Kum 70 Sung Sál Tānnak

1 ^aJosiah-ih fapa Judah siangpahrang Jehoiakim a lal kum litnak, Babilon siangpahrang Nebukhadnezzar a lal kum khatnak ah Judah-mipawl hmuahhmuah thuhla ih Jeremiah hnenih thu rung thleng mi, 2 ^bprofet Jeremiah in Judah-mi zate le Jerusalem luahtupawl zate hnenih a sim mi cu, 3 ^c“A liam cia mi kum 23, Judah siangpahrang Amon-ih fapa Josiah a lal kum hleithumnak ihsin tuihni tiangin Jehovah-ih kamsuakthu ka hnenah a rung thleng, cule nan hnenah ka sim leuhleuh nân, nan rak ngaithla lo. 4 ^dCule Jehovah in nan hnenah a siahhlawh profetpawl hmuahhmuah a thlah ih, a thlah leuhleuh hai, asinan nan rak ngaithla lo ih, thei dingin nan hna khal nan thawng lo. 5 ^eAnnih in, ‘Mi kip in nan nundān ṭha lo le nan thil ti ṭha lo ihsin atu-ah ra kir cio uhla, nanmah le nan pupápawl hnenah Jehovah in kumkhaw hrangih a pek mi ram ah cêng uh. 6 ^fCun pathian dang pawl rian ding le be dingin an dung thlun hlah uhla, nan kut thil ti mipawl in ka thinheng dingin in căwktho hlah uh; cule ka lo tuahmawh hai lo ding,’ tiah an ti. 7 ^gCuti cingin nannih in in rak ngaithla lo, nan kut thil tipawl thawn nanmai hriamhma dingah ka thinheng ko in rak căwktho, Jehovah in a ti.

25:1^a 2Sp 24:1-2

25:2^b Jer 18:11

25:3^c Isa 65:12; Jer 7:25-26; 11:7

25:4^d Jer 6:17; 7:13, 25-26

25:5^e Sem 17:8; 2Sp 17:13

25:6^f Suah 20:3; Dnp 8:19

25:7^g Dnp 32:21; 2Sp 17:17

8 “Curuangah ralkap rualpawlih Jehovah in hitin a ti: ka kamsuakthupawl nan rak ngaithlak lo ruangah, 9 ^angai hnik uh, mi ka cah ding ih, sak lam sungkua zaten ka la thluh ding, Jehovah in a ti, cule ka siahhlawh Babilon siangpahrang Nebukhadnezzar khal ka cah ding ih, anmah cu hi ram le a luahtupawl le a kimvelih miphunpawl hmuahhmuah do dingin ka run hruai ding, cule a siatrálter hai verver ding ih, khawruahharih sisio men dingah le ṭhing lan ta dingah ka tuah hai ding. 10 ^bCuihtlunah hlim aw le lungawi aw, mo neitu aw le mo aw, rial lung awn le meito tleu cu an hnen ihsin ka la ding. 11 ^cCule hi ram pumpuluk cu a ṭhing ding ih tuksumza a si ding, cule hi miphunpawl in kum 70 sung Babilon siangpahrang an rian ding.

25:9^a Jer 1:15; 6:22; Eze 12:20

25:10^b Ths 12:3-4; Isa 24:8; Ṭah 5:15; Thu 18:22

25:11^c Pui 26:31; Jer 28:14

12 ^a“Cun hitin a si ding, kum 70 a kim tikah, Babilon siangpahrang le cuih Kaldia ram cu an mawhsualnak ruangah dān ka tat ding ih, kumkhuain ka ṭhingter ding, Jehovah in a ti. 13 ^bCule cuih ram parah cun anmah dokalhih ka phuan mi ka kamsuakthupawl hmuahhmuah, miphunpawl hmuahhmuah dokalhih Jeremiah ih a rak phuan mi, himi cazual sungih ngankhum mi zaten ka thlengter ding. 14 ^cZiangahtile miphun tampi le siangpahrang ropi pawl cu anmah in an rian ve ding; cule an thil ti bangtukin le anmai kut thil ti bangtukin ka lehrūl hai ding,” tiah a ti.

25:12^a Ezr 1:1; Jer 27:7

25:13^b Jer 36:4, 32

25:14^c Isa 14:6; Jer 50:9; 51:24

Pathian Thinlingnak No

15 ^aIsrael-ih Pathian Jehovah in ka hnenah hitin a ti: “Hi ka thinsonak sabit zu no hi ka kut ihsin la awla, an hnenih ka lo thlahnak miphunpawl hmuahhmuah cu inter hai aw. 16 ^bCule an in ding ih an hawr ding, cule an â ding, an lakih ka thlah ding mi ralnâm ruangah,” tiin.

25:15^a Ṭah 4:21; Thu 14:10

25:16^b Sam 60:3; Jer 51:7

17 ^aCun Jehovah-ih kut ihta no cu ka lâk ih, i kuatnak miphun zaten ka inter: 18 ^btuihsun ih a si bang hin, ṭhing ko tuah dingah, tuksumza ah, sisio dingah le camsiat dingah, Jerusalem le Judah khawpipawl, a siangpahrangpawl le a bawipawl, 19 ^cIzip siangpahrang Faro le a siahhlawhpawl, a minungpawl hmuahhmuah, 20 ^dmipi căwkcawrawi, Uz ram ih siangpahrang hmuahhmuah, Filisṭia-mipawl ram (Ashkelon, Gaza, Ekron le a tāngsŭn Ashdod-mi) siangpahrang hmuahhmuah; 21 ^eEdom, Moab le Ammon tefapawl; 22 ^fṬaiar siangpahrang hmuahhmuah, Sidon siangpahrang hmuahhmuah le tifinriat ralkhat ih um tipi kap tluan siangpahrang hmuahhmuah; 23 ^gDedan, Tema, Buz le beksám metpawl; 24 ^hArabia siangpahrang hmuahhmuah le thlaler ih khawsa mipi căwkcawrawipawlih siangpahrang hmuahhmuah; 25 ⁱZimri siangpahrang hmuahhmuah, Elam siangpahrang hmuahhmuah le Media siangpahrang hmuahhmuah; 26 ^ja hla le a nai ih um sak lam siangpahrang hmuahhmuah a sang sangin; cule leilung vangdâp ih um lalram hmuahhmuah cu. Cupawl hnuah ^kSheshak siangpahrang in a in ve ding.

25:17^a Jer 1:10

25:18^b Isa 51:17; Jer 13:13

25:19^c Jer 44:30; 46:2-28; Eze 29:2

25:20^d Isa 20:1; Jer 47:5; Ṭah 4:21; Eze 30:5

25:21^e Sam 137:7; Jer 48:1; 49:7-22

25:22^f Jer 47:4; 49:23; Zek 9:2-4

25:23^g Sem 22:21; Jer 9:25-26; 49:7-8

25:24^h 2San 9:14; Eze 30:5

25:25ⁱ Isa 21:2; Jer 49:34

25:26^j Isa 23:17; Jer 50:3, 9

25:26^k Sheshak: Babilon hmin thup a si (Jer 51:41 khal).

27 ^a“Curuangah an hnenah, ‘Ralkap rualpawlih Jehovah, Israel-ih Pathian in: “In uh, ri uhla luak uh! Nan lakih ka thlah ding mi ralnâm ruangah tlu uhla tho nawn hlah uh,” a ti,’ ti aw.

25:27^a Isa 63:6; Jer 25:16; Eze 21:4-5; Hab 2:16

28 ^a“Cule hitin a si ding, na kut ihta in dingah no an lâk duh lo asile, an hnenah, ‘Ralkap rualpawlih Jehovah in hitin a ti: “Nan in hrimhrim pei! 29 ^bZiangahtile, ngai hnik, ka hmin pu hi khawpi parah siatnak thlen ka thawk ih, dāntat loin nan um pei maw? Dāntat lo nan si lo ding, ziangahtile leilung luahtu hmuahhmuah hrangah ralnâm ka ko ding,” ralkap rualpawlih Jehovah in a ti,’ tiah ti aw.

25:28^a Jer 49:12

25:29^b Thf 11:31; Eze 9:6; 38:21

30 ^a“Curuangah hi kamsuakthu hmuahhmuah hi an hnenah phuang awla, an hnenah sim aw:

25:30^a Isa 63:3; Joe 3:13; Amo 1:2; Thu 14:19

‘Tlun sâng ihsin Jehovah a hrûm ding ih,
A umnak hmun thianghlim ihsin a aw a suah ding;
A ran tlannak dokalhin nasa zetin a hrûm ding.
Sabit pálsawrtu vekin,
Leilung luahtu hmuahhmuah dokalhin a au ding.
31 ^aLeilung dĕng tiang thawmvâng a thang ding,
Ziangahtile Jehovah in miphunpawl thawn buainak a nei.
Milai hmuahhmuah thu a ṭhensak ding.
Misualrálpawl bélte cu ralnâm ah a pe ding, Jehovah in a ti,’

25:31^a Jer 23:19; Eze 36:5; Mik 6:2

ti aw,” tiah a ti.

32 ^aRalkap rualpawlih Jehovah in hitin a ti:

25:32^a Dnp 28:49; Isa 30:30; 34:2; Jer 23:19

“Ngai hnik uh, miphun pakhat ihsin miphun pakhat hnenah
Siatnak a fehsuak ding ih,
Leilung dĕng ihsin phusîng cak zet a tho ding.

33 ^a“Cule cuih ni ah Jehovah ih thah mipawl cu leilung khat lam dĕng ihsin khat lam dĕng tiang a si ding. Cuihpawl cu an ṭah lo ding ih, fĭnkhawm an si fawn lo ding, phum khal an si lo ding; lei parah êk vek an si ding.

25:33^a Sam 79:3; Jer 8:2

34 ^a“Nannih tuu khāltupawl, râk uhla ṭap uh!
Leivut lakah lāwng rero uh,
Nannih tuu run hruaitupawl!
Ziangahtile thah nan si ding cān le nan vâkdarh ni a thleng thlang;
Bungbel hlú tlak bangin nan tla ding.
35 ^bCule tuu khāltupawl in tlanhlohnak lamzin an nei lo ding ih,
Tuu rual hruaitupawl khalin tlansuahnak an nei lo ding.
36 ^cTuu khāltupawlih auaw le,
Tuu rual hruaitupawlih râk rero aw cu!
Ziangahtile Jehovah in an ran tlannak a răm ih,
37 A nasa zet mi Jehovah-ih thinhengnak ruangah,
Hnangamteih ran tlannak hmunpawl cu siatbăl a si.
38 ^dKiosa bangin a umnak a suahsan;
Ziangahtile tuksumza palbĕttu ruangah le
Ṭihnungza a thinhengnak ruangah an ram cu a kawlh ṭheh,” tiin.

25:34^a Isa 34:6; Jer 4:8; 6:26; 50:27; Eze 27:30; Zek 10:3; 11:4, 7

25:35^b Job 11:20

25:36^c Jer 6:26; 23:1; Zek 11:3

25:38^d Job 10:16; Jer 4:7; Hos 5:14; 13:7

26

Temple sungih Jeremiah Thuphuansuah

1 ^aJudah siangpahrang Josiah-ih fapa Jehoiakim a lal thawk pekte ah Jehovah hnen ihsin hi kamsuakthu hi a rung thleng, 2 ^b“Jehovah in hitin a ti: ‘Jehovah inn tualrawn ah ding awla, amah be dingih Jehovah inn ih ra, Judah khawpi zate hnenah, an hnenih sim ding ka pek mi thu zaten sim aw. Kam khat hman sūp hlah! 3 ^cAn thil ti ṭhat lo ruangih an parah thlen dingih ka tumtah mi siatnak thuhla ah ka lamlêt thei nak dingah mi kip in ngaithlain an nundān ṭha lo ihsin an pial nahman maw!’ 4–5 ^dCule nang in an hnenah, Jehovah in hitin a ti, ‘Nan hmaika ih ka ret mi ka dān thlun dingin nan ngaithla lo ih, ngaithlak dingih nan hnenih ka run thlah leuhleuh mi ka siahhlawh profetpawlih thupawl khal nan ngaithlak lo asile, 6 ^ehi inn cu Shiloh vekin ka tuah ding ih, hi khawpi cu leilung miphunpawl zate hnenah camsiat ah ka tuah ding,’ tiah na sim pei,” tiin.

26:1^a 2Sp 23:36

26:2^b Dnp 4:2; Jer 7:2; 19:14; Mat 28:20; Apo 20:20, 27

26:3^c Dnp 30:2; 2San 33:12-13; Isa 55:7; Jer 18:8

26:4-5^d Suah 20:1-17; Pui 26:14; 1Sp 9:6; Thf 1:24; Isa 1:20; 65:2

26:6^e Jos 18:1; 1Sam 4:10-12; 2Sp 22:19; Sam 78:60

7 Cun puithiampawl, profetpawl le mipi hmuahhmuah in Jehovah inn sungih hi thu Jeremiah ih a sim mi cu hna in an rak thei. 8 ^aCule hitin a si, mipi zate hnenah sim dingih Jehovah ih thu a rak pek mi zaten a sim ṭheh tikah, puithiampawl, profetpawl le mipi hmuahhmuah in amah cu an kai ih, “Na thi tengteng ding a si! 9 ^b‘Hi hmun cu Shiloh vek a si ding ih, luahtu nei loin hi khawpi cu a ṭhing ding,’ tiin ziangah so Jehovah hmin ih na phuan,” tiah an ti. Cule mipi zate cun Jehovah inn ah Jeremiah cu an kulh vialvial.

26:8^a Neh 9:26; Jer 11:19; 18:23; 43:1

26:9^b Jer 9:11; 33:10

10 ^aJudah bawipawl in hi thilpawl hi hna in an theih tikah, siangpahrang inn ihsin Jehovah inn ah an so ih Jehovah inn kăwtka thar luhnak ah an to. 11 ^bCule puithiampawl le profetpawl cun bawipawl le mipi zate hnenah an ṭawng ih, “Hi pa hi thi tlak a si! Ziangahtile hna ih nan rak theih vekin, hi khawpi dokalhin thu a rak phuang a si,” tiah an ti.

26:10^a Jer 26:21; 36:10

26:11^b Dnp 18:20; Jer 38:4; Mat 26:66; Apo 6:11-14

12 ^aCun Jeremiah in bawipawl le mipi zate hnenah, “Nan rak theih mi thu hmuahhmuah bangtukin, hi inn dokalhin le hi khawpi dokalhih thuphuang dingin Jehovah in i rak thlah a si. 13 ^bCuruangah atu-ah nan umdān le nan thil ti rĕmṭha uhla, Jehovah nan Pathian thu lung uh; cule nanmah dokalhih a rak phuan mi thil ṭha lo thuhla ah Jehovah a lamlêt ding a si. 14 ^cKei tu cu, ngai hnik uh, nan kut ah ka um ko; dik le ṭha nan ti dandanin in tuah ko uh. 15 ^dAsinan in thah asile, nanmah par, hi khawpi par le a luahtupawl parah mawhnak nei lo thisen cu nan thlen tengteng ding a si ti thei uh; ziangahtile nan hnatheih ih hi thupawl sim dingah Jehovah in nan hnenah i rak thlah taktak a si,” tiin a sim hai.

26:12^a Isa 6:8; Jer 1:17-18; Amo 7:15; Apo 4:18-20

26:13^b Jer 7:3, 5; 18:8; Joe 2:12-14; Jon 3:9-10

26:14^c Jer 38:5

26:15^d Jer 7:6

16 ^aCun bawipawl le mipi zaten puithiampawl le profetpawl hnenah, “Hi pa hi thi tlak a si lo. Ziangahtile kan hnenah Jehovah kan Pathian hmin in thu a sim a si,” tiah an ti.

26:16^a Apo 23:9, 29

17 Cun cuih ram upa hrekkhat cu an tho ih, mipi pungkhawm zate hnenah, 18 ^a“Judah siangpahrang Hezekiah san ah Moreseth-mi Mikah in thu a rak phuang ih, Judah mipi zate hnenah, ‘Ralkap rualpawlih Jehovah in hitin a ti:

26:18^a Neh 4:2; Sam 79:1; Jer 9:11; Mik 1:1; 3:12

Zion cu ló bangin leh a si ding,
Jerusalem cu hnawm pen ah a cang ding ih,
Temple tlang cu
Tupi hmun sâng vekah a cang ding,’

tiin thu a sim.

19 ^a“Judah siangpahrang Hezekiah le Judah-mi hmuahhmuah in amah cu an rak that maw? Anih in Jehovah ṭihzahin Jehovah-ih duhsaknak a hawl ih, an parih siatnak nasa zet thleng dingih a rak phuan mi thuhla ah Jehovah a lamlêt a si lo maw? Asinan kanmah parah thil ṭha lo nasa zet kan tuah zik a si hi!” tiah an ti.

26:19^a Suah 32:14; 2Sam 24:16; 2San 32:24-26; Isa 37:14-20; Jer 44:7; Hab 2:10

Urijah Thihnak

20 ^aCule mi pakhat Jehovah hmin ih thuphuangtu, hi khawpi dokalh le hi ram dokalhin Jeremiah-ih kamsuakthu bangtukih thuphuangtu Kirjath Jearim-mi Shemaiah-ih fapa Urijah a rak um dah. 21 ^bCule siangpahrang Jehoiakim le a micak hmuahhmuah le a bawipawl hmuahhmuah in a thusim mi an theih tikah, amah cu siangpahrang in that dingin a hawl; asinan cumi cu Urijah in a theih tikah, a ṭih ih a tlanhlo, cule Izip ah a feh. 22 ^cCun siangpahrang Jehoiakim in Akbor-ih fapa Elnathan cu mi dang mi hrekkhat thawn Izip ram ah a thlah. 23 ^dCule Izip ihsin Urijah an run tlunpi ih, siangpahrang Jehoiakim hnenah an hruai; anih cun ralnâm in amah cu a that ih, a ruak cu mivantlangpawlih thlān ah a hlăwn.

26:20^a Jos 9:17

26:21^b 1Sp 19:2; 2San 16:10; Jer 2:30; Mat 10:23; 23:37

26:22^c Jer 36:12, 25

26:23^d 2Sp 23:6; Heb 11:37

24 ^aSikhalsehla Jeremiah cu mipi kut ah that dingih an peklonak dingah, Shafan-ih fapa Ahikam in amah cu a ṭanpi.

26:24^a 2Sp 22:12-14

27

Hminsinnak Hngawngkol

1 ^aJudah siangpahrang Josiah-ih fapa ^bZedekiah a lal thawk pekah, Jehovah hnen ihsin Jeremiah hnenah hitin thu a thleng, 2 ^cJehovah in hitin a ti: “Nangmai hrangah hngawngkol le a hri tuah awla, na hngawng ah bât aw, 3 ^dcule Judah siangpahrang Zedekiah hnenih Jerusalem ih hung so thuphurtupawl hmangin Edom siangpahrang, Moab siangpahrang, Ammon-mipawlih siangpahrang, Ṭaiar siangpahrang le Sidon siangpahrang pawl hnenah thu cah aw. 4 Cule an bawipawl hnenih sim dingin thu pe hai awla, ‘Ralkap rualpawlih Jehovah, Israel-ih Pathian in hitin a ti; nan bawipawl hnenah hitin nan sim pei: 5 ^e“Ka huham maksak le ka bān suahin leilung, minung le lei parih um ramsa ka tuah ih, cumi cu ka duh mi hnenah ka pe. 6 ^fCule atu-ah hi ram hmuahhmuah hi ka siahhlawh, Babilon siangpahrang Nebukhadnezzar kut ah ka pe, cule ramsapawl khal amah rian dingin ka pe. 7 ^gCule a ram tlûk tikcucān a thlen hlanlo, miphun hmuahhmuah in amah le a fapa le a fapaih fapa an rian ding, cuih hnuah miphun tampi le siangpahrang ropi pawl in amah cu anmai siahhlawh ah an tuah ve ding.

27:1^a 2San 36:11

27:1^b Zedekiah: Hebru kut ngan Bible hrekkhat ah Jehoiakim an ti.

27:2^c Jer 28:10; 30:8

27:3^d Sem 10:15; Jer 25:17, 21

27:5^e Sem 1:1, 25; Dnp 9:29; Sam 115:15; Dan 4:17

27:6^f Jer 21:7; 25:9; Dan 2:37-38

27:7^g 2San 36:20; Jer 25:12; Dan 5:26-28

8 ^a“Cule hitin a si ding, Babilon siangpahrang Nebukhadnezzar rian lo ding miphun le Babilon siangpahrang hngawngkol hnuaiih a hngawng ret duh lo miphun cu ralnâm, mangṭam le nathri sia in, amai kut hmangih ka hlohralter hlanlo, dān ka tat hai ding, Jehovah in a ti. 9 ^bCuruangah nan hnenih, ‘Babilon siangpahrang nan rian lo ding,’ tiih lo titu nan profetpawl, nan tinzoh thiam pawl, nan mang mantupawl, nan aizoh thiam pawl le nan dawithiampawl kha ngaithla hlah uh. 10 ^cZiangahtile nan ram ihsin hla zetih lo ṭhawn dingin nan hnenah thuphan an phuang, ka lo dawisuak ding ih nan hloral ding a si. 11 ^dAsinan Babilon siangpahrang hngawngkol hnuaiih hngawng rettu le amah riantu miphunpawl cu anmai ram ah ka umter hai ding, cule lei an let ding ih cu tawkah an cêng ding, Jehovah in a ti,” tiin,’ ti aw,” tiah a ti.

27:8^a Jer 5:12; 9:16; 21:9

27:9^b Dnp 13:1-3; 18:10-11; Jer 6:14; Eze 13:1-23

27:10^c 2Sp 23:27; Jer 8:19; 23:25

27:11^d Jer 21:9; 38:2

12 ^aHi ṭawngkampawl bangtukin Judah siangpahrang Zedekiah hnen khalah ka sim a si, “Babilon siangpahrang hngawngkol hnuaiah na hngawng ret awla, amah le a mipi cu rian aw, cule nung aw! 13 ^bBabilon siangpahrang rian lo ding mi miphun dokalhin Jehovah a ṭawng bangtukin, nangmah le na mipi cu ziangah so ralnâm, mangṭam le nathri sia ih nan thih ding? 14 ^cCuruangah nan hnenih, ‘Babilon siangpahrang nan rian lo pei,’ tiih lo simtu profetpawlih ṭawngkampawl kha ngaithla hlah uh, ziangahtile annih cun nan hnenah thuphan an phuang a si. 15 ^d‘Ziangahtile annih cu ka thlah hai lo, cu cingin nanmah rori, nanmah le nan hnenih thuphuangtu profetpawl ka lo dawisuak ih, nan hlohralnak dingah annih cun ka hmin in thuphan an phuang,’ Jehovah in a ti,” tiin.

27:12^a Jer 27:3-8; 38:17

27:13^b Thf 8:36; Eze 18:31

27:14^c Jer 14:13-14; 23:16; Mat 7:15

27:15^d Jer 6:15; 23:21; 27:10; 29:9

Puithiampawl le Mipi Ralrin Peknak

16 ^aCule puithiampawl le hi minungpawl zate hnen khalah ka sim ih, “Jehovah in hitin a ti: nan hnenah, ‘Ngai hnik uh, Babilon ihsin Jehovah inn ih bungbelpawl cu a rei hlanah thlenter a si ding,’ tiih thuphuangtu profetpawlih ṭawngkampawl cu ngaithla hlah uh; ziangahtile nan hnenah thuphan an phuang a si. 17 ^bAnmah cu ngaithla hlah uh; Babilon siangpahrang rian uhla nung uh! Ziangah so maw hi khawpi cu a siat ding? 18 ^cAsinan anmah cu profet an si ih, Jehovah-ih kamsuakthu cu an hnenih a um asile, Jehovah inn sung, Judah siangpahrang inn sung le Jerusalem ih tān ta mi bungbelpawl cu Babilon ih thiartel lo dingin, atu-ah Jehovah hnenah thlacam hai seh.

27:16^a 2Sp 24:13; Dan 1:2

27:17^b Jer 23:16; 42:11

27:18^c Mip 21:7; 1Sam 7:8

19–20 ^a“Ziangahtile ralkap rualpawlih Jehovah in ṭhuampawl thuhla, Tikuangpi thuhla, ^btohkālpawl thuhla le Judah siangpahrang Jehoiakim-ih fapa Jekoniah le Judah le Jerusalem mizahum zaten Jerusalem ihsin Babilon ah ralkaih ih a hruai ṭumih hi khawpi sungih tān ta mi bungbel thuhla cu hitin a sim, 21 a si, Jehovah inn sung le Judah siangpahrang inn sung le Jerusalem ih rung tâng bungbelpawl thuhla ah ralkap rualpawlih Jehovah, Israel-ih Pathian cun hitin a ti: 22 ^ccupawl cu Babilon ih thiar an si pei ih, cu tawkah ka vehvai hai hlanlo an um ding. Cuih hnuah ka run keng hai ding ih, hi hmun ah ka ret hai leh ding, Jehovah in a ti,” tiin.

27:19-20^a Dnp 28:36; 1Sp 7:13-51; 2San 36:10; Jer 22:28; 24:1; 52:17-23

27:19-20^b tohkālpawl: Dar ih tuah mi, dar maihum hūnnak; 1Sp 7:27-39 hi a simfiangnak a si.

27:22^c 2Sp 20:17; 25:13; 2San 36:18-19; Ezr 7:19

28

Hananiah in Jeremiah a Do ih a Thi

1 ^aCule cuih kum thothoah, Judah siangpahrang Zedekiah a lal thawk pek, a kum litnak, thla ngatnak ah hitin a si, profet Hananiah, Azur-ih fapa, Gibeon-mi cun puithiampawl le mipi zate mithmuh ah, Jehovah inn ah ka hnenah thu a sim ih, 2 ^b“Ralkap rualpawlih Jehovah, Israel-ih Pathian cun hitin a ti: Babilon siangpahrangih hngawngkol ka khiak zo. 3 ^cKum hnih pumhlum sungah Jehovah inn ih bungbel zaten Babilon siangpahrang Nebukhadnezzar in hi hmun ihsin a lâk ih Babilon ih a thiar mi hmuahhmuah kha, hi hmun ah hin ka run thlenkir ding. 4 ^dCule Judah siangpahrang Jehoiakim-ih fapa Jekoniah le Babilon ih feh Judah ralkaih hmuahhmuah cu ka hruaisal leh ding; ziangahtile Babilon siangpahrangih hngawngkol cu ka tisiat ding, Jehovah in a ti,” tiin.

28:1^a Jos 9:3; 2San 36:11-13

28:2^b Jer 27:12

28:3^c 2Sp 24:13

28:4^d 2Sp 25:27; Jer 24:1-6

5 Cun profet Jeremiah in puithiampawl le Jehovah inn hmaiih ding mipi zate hmaiah profet Hananiah hnenah thu a sim ih, 6 ^aprofet Jeremiah in, “Amen! Jehovah in cuti cun tuah seh; Jehovah inn ih bungbelpawl le ralkaih ih hruaihloh mi hmuahmuah Babilon ihsi hi hmun ih run thlensal dingih na phuan mi na kamsuakthupawl cu Jehovah in famkimter seh. 7 Cuti si khal sehla na hnatheih le mipi zate hnatheih ih ka sim mi hi kamsuakthu cu atu-ah ngaithla aw. 8 ^bKeimah le nangmah hlanih profetpawl cun tuan le mang ihsin ram tampi le lalram ropi pawl parah ral doawknak siseh, thil ṭha lo siseh, nathri sia thuhla siseh an rak phuang. 9 ^cProfet, remnak thuphuangtu, cuih profet-ih kamsuakthu a thlenkim tikah, cuih profet cu Jehovah in a thlah rori a si, ti theih a si pei cu,” tiah a ti.

28:6^a Jer 11:5

28:8^b Pui 26:14-17; Isa 5:5-7; Nah 1:2

28:9^c Dnp 18:22; Eze 33:33

10 ^aCun profet Hananiah in profet Jeremiah hngawng ih hngawngkol cu a lâksak ih a tisiat. 11 ^bCule Hananiah in mipi zate mithmuh ah hitin thu a sim, “Jehovah in hitin a ti: Babilon siangpahrang Nebukhadnezzar-ih hngawngkol cu hiti vekin, kum hnih pumhlum sungah miphun hmuahhmuah hngawng ihsin ka tisiat ding,” tiin. Cule profet Jeremiah in a fehsan.

28:10^a Jer 27:2

28:11^b Jer 14:14

12 Cun profet Hananiah cun profet Jeremiah hngawng ihsin hngawngkol a tisiat hnuah, Jehovah-ih kamsuakthu cu Jeremiah hnenah hitin a thleng, 13 “Hananiah hnenah feh awla, hitin sim aw, ‘Jehovah in hitin a ti: thing hngawngkol na tisiat zo, asinan a airawlin thir hngawngkol na rak tuah. 14 ^aZiangahtile ralkap rualpawlih Jehovah, Israel-ih Pathian in hitin a ti: Babilon siangpahrang Nebukhadnezzar an rĕn thei nak dingah hi miphun hmuahhmuah ih hngawng ah thir hngawngkol ka bât hai; cule amah an rian ding. Ramsapawl tiangin amah ka pe a si,’ a ti,” tiin.

28:14^a Dnp 28:48; Jer 25:11; 27:6-7; 39:1; Dan 1:1

15 ^aCun profet Jeremiah in profet Hananiah hnenah, “Atu-ah ngaithla aw, Hananiah, Jehovah in a lo thlah lo, hi minungpawl hi thuphan na rinsanter hai men sawn a si. 16 ^bCuruangah Jehovah in hitin a ti: ‘Ngai hnik, leilung vangdâp ihsin ka lo hlăwn ding. Tuih kum ah na thi ding, ziangruangahtile Jehovah dokalhin helnak na rak zirh,’ ” tiah a ti.

28:15^a Jer 29:31; Ṭah 2:14; Eze 13:22

28:16^b Sem 7:4; Dnp 6:15; 13:5; Jer 20:6

17 Cule cuih kum a thla sarihnak ah profet Hananiah cu a thi.

29

Ralkaih Babilon-mipawl hnenih Jeremiah Cakuat

1 ^aCule Nebukhadnezzar in Jerusalem ihsin Babilon ih a rak hruai mi a dang ralkaih upapawl, puithiampawl, profetpawl, mipi zate hnenah profet Jeremiah in Jerusalem ihsin ca a kuat mi ṭawngkampawl cu hipawl hi an si. 2 ^bHimi cu siangpahrang Jekoniah, siangpahrang bawinu, bawipawl, Judah le Jerusalem uktupawl, zungthiampawl le soser thiam pawl in Jerusalem an suahsan hnuih thil cang mi a si. 3 Judah siangpahrang Zedekiah in Babilon ah Babilon siangpahrang Nebukhadnezzar hnenih a thlah mi Shafan-ih fapa Elasah le Hilkiah-ih fapa Gemariah kut in a kuat mi cu:

29:1^a Jer 29:25-29

29:2^b 2Sp 24:12-16; Jer 22:26

4 ^a“Ralkap rualpawlih Jehovah, Israel-ih Pathian in ralkaih mi zate, Jerusalem ihsin Babilon ih ka hruaihlohter hai mipawl hnenah hitin a ti: 5 ‘Innpawl tla sak uhla, cêng uh; hmuanpawl tla tuah uhla, a rah ei uh. 6 ^bNupi ṭhi uhla, fapapawl le fanupawl tla hring uh; cule fapapawl le fanupawl an neih thei nak dingah nan fapapawl hrangah nupi ṭhi uhla nan fanupawl cu pasal neiter uh, cutin ṭumsuk hlah uhla, karhzai uh. 7 ^cCule ralkaih ih hruaihloh ka lo siternak khawpi hamṭhatnak ding hawl uhla, a hrangah Jehovah hnenah thlacam uh; ziangahtile a hamṭhatnak ah hamṭhatnak nan hmu ding. 8 ^dZiangahtile ralkap rualpawlih Jehovah, Israel-ih Pathian in hitin a ti: nan lakih um profetpawl le tinzoh thiam pawl in lo bum hlah hai sehla, mang nei dingih tha nan pek mipawlih mang khal ngaithla hlah uh. 9 ^eZiangahtile nan hnenah ka hmin in dik lo zetin thu an phuang a si; annih cu ka thlah hai lo, Jehovah in a ti.

29:4^a Jer 24:5

29:6^b Jer 30:19

29:7^c Ezr 6:10; 1Ti 2:1-2

29:8^d Jer 23:27; 27:9; Efe 5:6; 1Joh 4:1

29:9^e Jer 23:21; 27:15; Ṭah 2:14; Eze 13:6

10 ^a‘Ziangahtile Jehovah in hitin a ti: Babilon hrangah kum 70 a kim tikah ka lo vehvai ding ih, nanmah lamih ka kamsuakthu ṭha cu ka tuahsuak ding, cule hi hmun ah ka lo kirter ding. 11 ^bZiangahtile nanmah hrangih ka ruah mi khawruahnak cu ka thei, hmakhua le ruahsannak lo pe dingin, khawruahnak ṭha lo si loin hamṭhatnak khawruahnak sawn a si, Jehovah in a ti. 12 ^cCun nannih in in ko ding, nan ra ding ih ka hnenah thla nan cam ding, cule kei in ka lo ngaithla ding. 13 ^dCule nannih in in hawl ding, nan thinlung zate ih in hawl tikah in hmu ding. 14 ^eNannih in in hmu ding, Jehovah in a ti, cule nan vanneihnak zaten ka lo pekirsal ding; ka lo dawisuahnak miphun hmuahhmuah le hmun hmuahhmuah ihsin ka lo khawm ding, Jehovah in a ti, cule ralkaih ih hruaihloh ka lo siternak hmun ah khan ka lo hruaikirsal ding.

29:10^a 1Sp 8:56; 2San 36:21; Jer 16:14-15; Dan 9:2; Zek 7:5

29:11^b Sam 40:5; Jer 23:5-6; Hos 2:15; Zek 9:15

29:12^c 1Sp 8:30; Sam 145:19; Isa 55:6; Hos 2:23; Zef 3:12

29:13^d Dnp 4:29; 2San 6:37; Mat 7:7

29:14^e Dnp 30:3; Jer 3:14; Eze 37:21; 39:25; Amo 9:14; Zef 3:20

15 ‘Ziangruangahtile nannih in, “Jehovah in Babilon ah kan hrangah profetpawl in tundīnsak,” tiah nan ti. 16 Curuangah David-ih laltokham parih to siangpahrang thuhla ah le nan unau nan zawngih sál tānnak ih feh lo hi khawpi ih a cêng mi zate thuhla ah Jehovah in hitin a ti; 17 ^aralkap rualpawlih Jehovah in hitin a ti: ngai hnik, an parah ralnâm, mangṭam le nathri sia ka thlah ding ih, ei theih lo mi theipi rah ṭâwt se zet vekah ka tuah hai ding. 18 ^bCule ralnâm, mangṭam le nathri sia thawn ka dawi hai ding, cule leilung lalram hmuahhmuah ah harsatnak pe dingah, camsiatnak si dingah, mak ti dingah, sisio dingah le ka dawisuah hai nak miphun zate lakih hmuhsuam dingah anmah cu ka pe ding. 19 ^cZiangruangahtile ka siahhlawh profetpawl hmangih ka thlah leuhleuh mi ka kamsuakthu an rak ngaithla lo, Jehovah in a ti, nan rak ngaithla duh lo, tiah Jehovah in a ti. 20 ^dCuruangah nannih Jerusalem ihsin Babilon ih ka kuat mi sál tang nan zaten Jehovah-ih kamsuakthu hi ngaithla uh.

29:17^a Jer 24:3, 8-10; 27:8

29:18^b Dnp 28:25, 37; 2San 29:8; Isa 28:22; Jer 15:4; 42:18

29:19^c Jer 6:19; 7:25; 25:4

29:20^d Jer 24:5

21 ^a‘Ralkap rualpawlih Jehovah, Israel-ih Pathian cun Kolaiah-ih fapa Ahab le Maaseiah-ih fapa Zedekiah, ka hmin ih thuphan nan hnenih phuangtu thuhla ah hitin a ti: ngai hnik uh, Babilon siangpahrang Nebukhadnezzar kut ah anmah cu ka pe ding ih, nan mithmuh ah anih in a satthat hai ding. 22 ^bCule anmah ruangah Babilon ram ih sál tang Judah-mi zate in, “Babilon siangpahrang in mei ih a rawh mi Zedekiah le Ahab vekin Jehovah in na parah ti seh,” ti hi camsiatawknak ah an hmang ding; 23 ^cIsrael ram ah thil atthlak an tuah ih, an innhnen nupi lakah an uire, thu ka rak pek hai lo mi cu ka hmin in thuphan an sim, keimah cu a theitu le thutheihpitu ka si, Jehovah in a ti,’ tiin.

29:21^a Jer 14:14

29:22^b Dan 3:6, 21

29:23^c Jer 23:14; Mal 3:5; Heb 4:13

24 ^a“Nehelam-mi Shemaiah hnen khalah hitin sim aw: 25 ‘Ralkap rualpawlih Jehovah, Israel-ih Pathian in hitin a ti, Jerusalem ih um mi zate hnen, puithiam Maaseiah-ih fapa Zefaniah hnen le puithiam zate hnenah na hmin in hitin ca na kuat, 26 ^b“Nangmah cu thuphuangtu mi-â pauhpauh parah Jehovah inn ih uktu si dingin, Jehovah in puithiam Jehoiada aiah puithiam ah a lo tuah. Cumi cu amah hrengsut ding le thir kol bun dingah a si. 27 Atu-ah ziangah so na hnenih thuphuang Anathoth-mi profet Jeremiah cu na kawk lo? 28 Ziangahtile anih cun kan hnenah Babilon ah, ‘Hi sál tānnak cu a rei ding, innpawl tla sak uhla, cêng uh, cule hmuanpawl tuah uhla, a rah ei uh,’ tiin thu in cah,” tiin,’ sim aw,” tiah a ti.

29:24^a Jer 29:31-32

29:26^b Jer 20:2; Hos 9:7; Mar 3:21; Joh 10:20

29 ^aCule puithiam Zefaniah in profet Jeremiah hnatheih ah hi cakuat cu a siar. 30 Cun Jehovah-ih kamsuakthu cu Jeremiah hnenah hitin a thleng, 31 ^b“Sál tang zate hnenah sim aw, ‘Nehelam-mi Shemaiah thuhla ah Jehovah in hitin a ti: amah cu ka thlah lo, Shemaiah in nan hnenah thu a rak phuang ih, thuphan a lo rinsanter. 32 ^cCuruangah Jehovah in hitin a ti: ngai hnik uh, Nehelam-mi Shemaiah le a cithlahpawl cu dān ka tat hai ding. Hi minungpawl lakih cêngtu ding mi pakhat hman a nei lo ding ih, ka mipawl parih ka tuah ding mi thil ṭha a hmu lo ding, ziangruangahtile Jehovah dokalhin helnak a rak zirh, Jehovah in a ti,’ sim aw,” tiah a ti.

29:29^a Jer 21:1

29:31^b Jer 14:14

29:32^c 1Sam 2:30-33; Jer 28:16

30

Israel le Judah Tundinsal ding Tiamkamnak

1 Jehovah hnen ihsin Jeremiah hnenih kamsuakthu cu hitin a si, 2 ^a“Israel-ih Pathian Jehovah cun hitin a sim: na hnenih ka sim mi kamsuakthu hmuahhmuah kha cazual sungah ngan aw. 3 ^bZiangahtile ngai hnik, Jehovah in a ti, ka mi Israel le Judah hnenih vanneihnak ka peksal ding ni cu a thleng rero a si. Cule an pupápawl hnenih ka pek mi ram ah ka hruaikirsal hai ding ih, cumi cu an nei ding, Jehovah in a ti,” tiin.

30:2^a Isa 30:8

30:3^b Jer 16:14-15; 29:10, 14; Eze 36:24

4 Cule Israel le Judah thuhla ih Jehovah ih sim mi kamsuakthupawl cu hipawl hi an si.

5 ^a“Jehovah in hitin a ti:
Ṭih le thlaphan authâwm kan thei,
Hnangamdaihnak a um lo.
6 ^bAtu-ah sut uhla, ruat hnik uh, mipa in nau a vei dah maw?
Ziangah so nunau nau vei bangih mipa kip in an kut in an tâi an dăwm ih,
An hmai hmuahhmuah râm ṭheh ih ka hmuh?
7 ^cAi maw! Cuih ni cu a va rapthlak ve, cuvek a um dah kel lo;
Cumi cu Jakob-ih harsatnak tikcucān a si,
Asinan anih cu cumi ihta runsuah a si ding.

30:5^a Jer 6:25

30:6^b Jer 4:31; 6:24

30:7^c Isa 1:2, 12; Dan 12:1; Zef 1:14-15

8 ^a“Ziangahtile cuih ni ah hitin a si ding, ralkap rualpawlih Jehovah in a ti, na hngawng ihsin a hngawngkol ka khiak ding ih, na hripawl ka catter ding. Cule ram dang mipawl in anmah cu sál ah an tuah hai nawn lo ding. 9 ^bJehovah an Pathian le an hrangih ka tundīn ding mi an siangpahrang David an rian sawn ding.

30:8^a Sam 107:14; Isa 9:4; Jer 25:14; Eze 34:27

30:9^b Eze 34:23-24; Hos 3:5; Luk 1:69; Apo 2:30

10 ^a“Curuangah ka siahhlawh, Maw Jakob ṭih hlah, Jehovah in a ti, thlaphâng fawn hlah, Maw Israel;
Ziangahtile ngai hnik, ram hlapi ihta ka lo runsuak ding ih,
An ralkaihnak ihsin na cithlahpawl cu.
Jakob cu a kirsal ding ih cawlhahdam le ralmûangin a um ding,
Cule zohman in an thlaphângter lo ding.
11 ^bZiangahtile lo run dingah ka lo umpi a si, Jehovah in a ti.
Ka lo dawiṭeknak miphun hmuahhmuah cu ka cemter thluh hai ding,
Asinan nang cu ka lo cemter thluh lo ding ih,
Dik zetin ka lo rĕm ding,
Cule dāntat loin ka lo suah lo ding.
12 ^c“Ziangahtile Jehovah in hitin a ti:
Na hma cu tidam theih a si lo,
Na hriamhma cu a bese tuk.
13 ^dNa damlonak thuhla ah na thuhla lo dilsaktu zohman an um lo;
Na hrangah damnak a um lo.
14 ^eNa duh mipawl hmuahhmuah in an lo hngilh, an lo hawl lo;
Ziangahtile doral hriamhma le
Minunrâwng nunsimnak thawn ka lo tuahmawh a si,
Ziangahtile na mawhsualnak a nasa tuk ih, na sualpawl a tam tuk.
15 ^fZiangah so na hriamhma ruangah na ṭah?
Na natnak cu tidam theih a si lo
Na mawhsualnak a nasa tuk ih, na sualpawl a tam tuk ruangah,
Na parah hi thilpawl hi ka tuah a si.
16 ^gCuruangah nangmah a lo dawlhtu zaten dawlh an si ve ding ih,
Na doral hmuahhmuah, an zaten ralkaih ah an feh ding;
A lo rămtupawl cu răm an si ding ih,
A lo răwktu zaten răwk mi ah ka tuah hai ding.
17 ^hZiangahtile harhdamnak ka lo pesal ding ih,
Na hriamhma ka lo tidam ding, Jehovah in a ti;
Ziangruangahtile ‘Hihi Zion cu a si, zohman in an hawl lo,’ tiin,
Nang cu hnawn mi, tiah an lo ko.
18 ⁱ“Jehovah in hitin a ti:
Ngai hnik, Jakob-ih puanthlam vanneihnak cu ka pekirsal leh ding ih,
A cēnnak hmunpawl parah zahngaihnak ka nei ding.
Khawpi cu mual parah dĭn a si ding ih,
Siangpahrang inn cu a umnak ding hmun ah a um ding.
19 ^jCupawl ihsin lungawi thu simnak le hliparnak tuahtupawlih aw a thangsuak ding;
Anmah ka karhter ding ih,
An ṭumsuk lo ding;
Ka sunlawih hai fawn ding ih,
Mi málte an si lo ding.
20 ^kAn falepawl khal a hlan vekin an si ding ih,
An mipi umkhawm cu ka hmaika ah dĭn hnget an si ding,
Cule anmah palbĕttu zaten dān ka tat hai ding.
21 ^lAn mizahum cu anmah lakih mi a si ding ih,
An uktu cu an lak ihsin a suak ding;
Cun amah cu ka kiangah ka run hruai ding ih,
Anih in i pan ding;
Ziangahtile zo so keimah pan dingih a nunnak hloh ngam? tiin Jehovah in a ti.
22 ^mNannih cu ka mi nan si ding ih,
Kei cu nan Pathian ka si ding,” tiin.
23 ⁿNgai hnik uh, Jehovah-ih phusîng cu!
Thinsonak a fehsuak,
Semhlotu thlipi cu,
Misualrálpawlih lu nasa zetin a nuai ding.
24 ^oA thinlung ih tumtah mi a tuahsuak hlanlo le a hlensuak hlanlo,
Jehovah-ih thinhengnak nasa zet cu a lamlêt lo ding.
Ni netaah cumi cu nan theithiam leh ding.

30:10^a Isa 29:22; 41:10, 13; 44:2; Eze 34:25-28

30:11^b Pui 26:44; Jos 1:5; Jer 5:10, 18; 10:24; Amo 9:8

30:12^c 2San 36:16; Jer 15:18

30:13^d Lai 6:31; Jer 8:22; Nah 3:19

30:14^e Job 13:24; 30:21; Jer 22:20; Ṭah 1:2

30:15^f Jer 10:19; 15:18; Ṭah 1:5

30:16^g Isa 14:2; Jer 10:25; 49:2; Joe 3:4-8

30:17^h Sam 142:4; Isa 11:12; Jer 33:6; Hos 6:1

30:18ⁱ Dnp 30:3; Sam 102:13; Jer 31:4, 38; Eze 36:10; 39:25; Amo 9:14

30:19^j Sam 9:2; 126:1-2; Isa 35:10; 44:23; 51:3, 11; Eze 37:26; Zek 2:4; 10:8

30:20^k Suah 23:22; Isa 1:26; 54:13-14; Zek 8:5

30:21^l Mip 16:5; Dnp 17:15; Jer 23:5-6

30:22^m Pui 26:12; Eze 36:28; Hos 2:23

30:23ⁿ Jer 23:19

30:24^o Jer 4:8, 28; 23:19-20; Ṭah 1:12

31

1 ^a“Cuih cān ah cun Israel hrin hmuahhmuah ih Pathian ka si ding ih, anmah cu ka minung an si ding, Jehovah in a ti,” tiah a ti.

31:1^a Pui 26:12

2 ^aJehovah in hitin a ti:

31:2^a Suah 33:14; Mip 14:20; Dnp 1:13

“Ralnâm ih thah hrelh mipawl cun
Israel in cawlhhahdamnak a hawl lai vek khan
Ramṭhing ah zangfahnak an hmu,” tiin.
3 ^aHlapi ihsin ka hnenih rung lang Jehovah in hitin a ti,
“A si, kumkhaw duhdawtnak in ka lo duhdawt;
Curuangah lainat duhdawtnak in ka lo hruai a si.
4 ^bKa lo dĭnṭha leh sal ding ih, dĭnṭhat na si ding,
Maw Israel fala him!
Na khuangtepawl na tum leh sal ding ih,
Lungawi aipuangih lāmpawl hnenah na pawk ve ding.
5 ^cSamaria tlangpawl ah sabit hripawl tla na cing ding;
A cīngtupawl in an phun ding ih, a rah cu an lungawipit ding.
6 ^dZiangahtile Efraim tlang ah ralvengtupawl in
‘Tho uhla, Jehovah kan Pathian hnenah feh uhsi,’ tiih an au ni a thleng leh ding,” tiin.

31:3^a Dnp 4:37; 7:8; Hos 11:4; Mal 1:2

31:4^b Suah 15:20; Jer 24:6; 30:19; 33:7

31:5^c Sam 107:37; Isa 65:21; Eze 28:26; Amo 9:14

31:6^d Isa 2:3; 52:8; Jer 31:12; Mik 4:2

7 ^aZiangahtile Jehovah in hitin a ti:

31:7^a Dnp 28:13; Sam 14:7; Isa 12:6; 37:31; 61:9

“Jakob hrangah lungawiin hlasak uhla,
Miphunpawlih lubânpawl lakah au uh;
Phuang uh, thangṭhat uhla,
‘Maw Jehovah, Israel tangsŭn, na minungpawl runsuak aw!’ tiin ti uh.
8 ^aNgai hnik, sak lam ram ihsin ka hruai hai ding ih,
Leilung dĕng ihta ka fĭnkhawm hai ding,
Cupawl lakah mitcaw le kebái,
Nunau naupai le
Fahrin nat tuar rero lai an um;
Cu tawkah mipungkhawm nasa tak an ra kir ding.
9 ^bṬap phahin an ra ding ih,
Ka hruai hai laiah thla an cam ding.
Tiva kapah ka fehter hai ding,
An bahlonak ding a dĭng mi lamzin ah cun;
Ziangahtile keimah cu Israel-ih Pa ka si ih,
Efraim cu ka fatir a si.
10 ^c“Maw nannih miphunpawl, Jehovah-ih kamsuakthu hi ngaithla uhla,
A hla zet mi tipi kap tluanah thăn uh,
‘Israel ṭekdarhtertu in amah cu a fĭnkhawm leh ding ih,
Tuu khāltu in a rante rual a kilhim bangin a kilhim ding,’ tiah ti uh.
11 ^dZiangahtile Jehovah in Jakob a runsuak ih,
Amah hnakih caksawn kut ihsin a tlen.
12 ^eCuruangah Zion tlang parah an ra ding ih hla an sak ding,
Jehovah-ih ṭhatnak ah cun an êngza ding,
Sangvut le sabit zu thar le hriak ruangah,
Rante rual le ranpi rual fātepawl ruangah;
An nunnak cu hmuan ti tawih mi vek a si ding ih,
An riah a sia nawn hrimhrim lo ding.
13 ^fCun fala him cu lāmnak ah lungawi aipuangin a um ding ih,
Tlangvalpawl le tar khal hmunkhat ah;
Ziangahtile an lungsiatnak cu aipuannak ah cangterin ka hnem hai ding,
Cule an riahsiatnak ihsin lungawi aipuang ko ka tuah hai ding.
14 ^gPuithiampawlih nunnak cu sa thau in ka tlaiter hai ding ih,
Ka minungpawl cu ka ṭhatnak thawn an di a riam ding, Jehovah in a ti.

31:8^a Sem 33:13; Dnp 30:4; Sam 106:47; Isa 42:16; Jer 3:18; 23:8; Eze 34:12-16; Mik 4:6

31:9^b Suah 4:22; Dnp 30:4; Ezr 3:12; Sam 126:5; Isa 43:20; 49:10; 63:13; 64:8; Jer 3:19; 50:4; Eze 34:12

31:10^c Isa 40:11

31:11^d Sam 142:6; Isa 44:23; Zek 9:16

31:12^e Isa 30:19; 35:10; 58:11; Joe 2:19; 3:18; Joh 16:22; Thu 7:17; 21:4

31:13^f Sam 30:11; Isa 40:1; 51:11; 61:3

31:14^g Sam 36:8; Isa 30:23; Jer 50:19

15 ^a“Jehovah in hitin a ti:

31:15^a Sem 37:35; Jos 18:25; Jer 10:20; Mat 2:17-18

Ramah khua ah aw theih a si,
Mithi ṭah le nasa zetih ṭahnak,
Rachel in a falepawl a ṭah.
A fale an um nawn lo ruangah
Hnĕm theih khal a si lo.

16 ^a“Jehovah in hitin a ti:

31:16^a Rut 2:12; 2San 15:7; Sam 30:5; Isa 25:8; Jer 30:3; Eze 11:17

Ṭahnak ihsin na aw sūp awla,
Mitthli lak ihsin na mit;
Ziangahtile na hnaṭuan cu lawmman pek a si ding, Jehovah in a ti,
Cule ral ram ihsin an ra tlungkir ding.
17 ^aNan hmakhua ruahsan ding a um, Jehovah in a ti, nan falepawl tla anmai ram ah an kirsal ding.
18 ^bEfraim ṭah aw ka thei rori:
‘Kei cu nunsim ka si,
Caw pa no sawizăwi lo vekin, nang in nun i rak sim;
I lamlêtter awla, ka lamlêt ding,
Ziangahtile nang cu Jehovah ka Pathian na si.
19 ^cThungaiten, ka sirawk hnuah ka lung ka thlĕng;
Cule nun zirh ka si hnuah ka cāwnpi ka cumaw;
Ka ning a zak, a si, ningzahter ka si,
Ziangruangahtile ka no laiih mualphonak ka tuar a si,’ tiin.
20 ^dEfraim cu ka fapa duh a simaw?
Amah cu duhnungza fa a simaw?
Ziangahtile amah dokalhin ṭawng khal ningla,
Amah cu ka cîng thotho;
Curuangah ka thinlung in amah cu a ngai;
A parah zahngainak ka nei hrimhrim ding, Jehovah in a ti.
21 ^e“Lamzin hminsinnak tuah aw,
Ramri tuah aw;
Na fehnak lamzin,
Zinpi lamah na thinlung ret aw.
Maw Israel fala him, ra kir aw,
Hih na khawpipawl ah hin kirsal aw.
22 ^fMaw nang dungtawlh fanu,
Ziangtik tiang so na tawihvah hrih ding?
Ziangahtile Jehovah in leilung ah thil thar a rak tuah,
Nunau in mipa a hum ding,” tiin.

31:17^a Job 8:7; Jer 29:11; 30:20

31:18^b Job 5:17; Sam 80:3; 94:12; Hos 4:16

31:19^c Ezr 9:6; Sam 25:7; Eze 21:12; 36:31

31:20^d Ṭah 3:33; Hos 11:8; Mik 7:18

31:21^e Isa 52:11; Jer 50:5; Eze 21:19

31:22^f Isa 43:19; Jer 2:3, 6, 18, 23, 36; 49:4

23 ^aRalkap rualpawlih Jehovah, Israel-ih Pathian in hitin a ti: “An vanneihnak ka pekkirsal hai tikah Judah ram le a khawpipawl ah hivek ṭawngkam hi an hmang leh sal ding: ‘Maw diknak umnak hmun, tlang thianghlim, Jehovah in lo thlawsuah seh,’ tiin! 24 ^bCule cu tawkah Judah-mipawl le a khawpi ih mi zate cu an umkhawm ding, lóthlopawl le rante rual thawi fehsuakpawl thawn. 25 ^cZiangahtile caupawl ka tlaiter hai ih, lungsia pauhpauh ka hlipárter hai.” 26 ^dCuih hnuah ka ṭhangharh ih ka zohkûal, cule ka ihthah a thaw zet.

31:23^a Sam 48:1; Isa 1:26; Jer 30:18; Zek 8:3

31:24^b Jer 30:18; 31:12; Zek 8:4-8

31:25^c Isa 40:29; Joh 4:14

31:26^d Thf 3:24

27 ^a“Ngai hnik, Israel sungza le Judah sungza ah milai ci le ramsa ci ka tuh cān a thleng ding, Jehovah in a ti. 28 ^bCule hitin a si ding, anmah phawi ding, khuai ding, hlăwn ding le siatsuah ding, zawnzaiter dingih ka tawlrel vekin, anmah tungding dingin le phun dingin ka tawlrel ding, Jehovah in a ti. 29 ^cCuih cān ah cun,

31:27^a Eze 36:9, 11; Hos 2:23

31:28^b Jer 1:10; 18:7-8; 24:6

31:29^c Sem 9:25; Ṭah 5:7; Eze 18:2

‘Palepawl in sabit thûr an ei ih, falepawlih hâ a ṭim,’

an ti nawn lo ding. 30 ^aAsinan mi kip anmai mawhsualnak an thihpi ding; sabit thûr ei pauhpauh an hâ a ṭim ding.

31:30^a Dnp 24:16; 2Sp 14:6; Isa 3:11; Gal 6:7

Thukham Thar

31 ^a“Ngai hnik, Israel sungza le Judah sungza thawi thukham thar ka tuah ding cān a thleng zik thlang, Jehovah in a ti, 32 ^bIzip ram ihsin kut in ka hruaisuah hai laiih an pupápawl thawi ka tuah mi thukham, an pasal ka si ko na cingih an rak pahbăl mi ka thukham vek si lo, Jehovah in a ti. 33 ^cHimi hi, cumi hnuih Israel sungza thawi ka tuah ding mi thukham cu a si, Jehovah in a ti: an thinlung ah ka Dān ka ret ding ih, cumi cu an ruahnak ah ka ngan ding, an Pathian ka si ding ih, annih cu ka minung an si ding. 34 ^dMi kip in, ‘Jehovah thei aw,’ tiin an innhnen le an unau an zirh nawn lo ding, ziangahtile an lakih a tebik ihsin a tumbik tiangin an zaten keimah in thei ding, Jehovah in a ti. Ziangahtile an mawhsualnak ka ngaidam hai ding ih, an sual ka cîng nawn lo ding,” tiin.

31:31^a Isa 42:6; 54:10; Luk 22:20; Heb 8:8-12; 10:16

31:32^b Suah 19:5; 24:6-8; Dnp 5:2-3; Isa 54:5; Jer 11:4

31:33^c Sam 40:8; Jer 24:7; 32:40; 2Ko 3:3; Heb 10:16

31:34^d Job 7:21; Sam 130:4; Isa 11:9; Mik 7:18-19; Joh 6:45; Rom 11:27; Heb 10:17; 1Joh 2:27

35 ^aSun ih tleu dingah ni petu,
Zan ih vâng dingah arsipawl le thlapi hrangih dān hnget ruattu,
Tifinriat ṭhentu le
A tisuarpawl awn humho tertu Jehovah in hitin a ti,
A hmin cu ralkap rualpawlih Jehovah a si.
36 ^b“Hi dān hnget hi ka hmaika ihsin a hloral asile,
Israel ci cu miphun pakhat sinak ihsin, ka hmaika ihsin a hloral kumkhua ve ding, Jehovah in a ti.

31:35^a Sem 1:16; Sam 19:1-6; 136:7-9; Isa 51:15; Jer 10:16

31:36^b Job 38:33; Sam 89:36-37; 148:6

37 ^a“Jehovah in hitin a ti,

31:37^a Job 38:5; Jer 33:24-26; Rom 11:1-5

Tlun lam van tah theih a si ih,
Hnuai lam leilung lungphumpawl hawlsuah theih asile,
An thil ti mipawl hmuahhmuah ruangah
Israel ci hmuahhmuah khal ka hlăwnhlo ding, Jehovah in a ti.

38 ^a“Ngai hnik uh, hi khawpi cu Hananel Dawlsâng ihsin Kil Kăwtka tiang Jehovah hrangih sakṭhat leh ding cān a thleng leh ding, Jehovah in a ti. 39 ^bA tahnak hri cu Gareb tlangmûal tlun tiangin dĭngten a thleng ding; cun Goah lamah a kâwi ding. 40 ^cCule mithi ruangpawl le vutcâm paihnak phaikuam pumpi le hramlak hmuahhmuah, Kidron Hawrkuam tiang, nisuahnak lamih Rang Kăwt kil tiangin Jehovah hrangah a thianghlim ding. Cumi cu kumkhuain phawi le hlăwnthlak a si nawn lo ding,” tiin.

31:38^a 2Sp 14:13; Neh 3:1; Jer 30:18; Zek 14:10

31:39^b Zek 2:1

31:40^c 2Sam 15:23; 2Sp 11:16; Neh 3:28; Isa 4:3; Jer 8:2; Joe 3:17; Zek 14:20-21; Joh 18:1

32

Jeremiah in Ló a Lei

1 ^aJudah siangpahrang Zedekiah a lal kum hratnak, Nebukhadnezzar a lal kum hleiriatnak ah, Jehovah hnen ihsin Jeremiah hnenih rung thleng kamsuakthu. 2 ^bCu laiah cun Babilon siangpahrangih ralkappawl in Jerusalem an kulhkhŭm ih, profet Jeremiah cu Judah siangpahrang inn kulh sungih um kiltupawl umnak hmun ah kharkhum a si. 3 ^cZiangahtile Judah siangpahrang Zedekiah in amah cu a kharkhum ih, “Nang in, ‘Jehovah in hitin a ti: ngai hnik uh, hi khawpi cu Babilon siangpahrang kut ah ka pe ding ih, anih in cumi cu a la ding; 4 ^dcule Judah siangpahrang Zedekiah cu Kaldia-mipawl kut ihsin a tlânsuak lo ding, cuhnakin Babilon siangpahrang kut ah pek a si hrimhrim sawn ding ih, amah thawn hmaităwnin an beaw ding; 5 ^ecun anih in Babilon ah Zedekiah cu a hruai ding ih, anih cu ka veh hlanlo cu tawkah a um ding. Kaldia-mipawl cu do khal awla, na hlawhtling cuang lo ding, Jehovah in a ti,’ tiah ziangah saw thu na phuan?” tiah a sut.

32:1^a 2Sp 25:1; Jer 25:1

32:2^b 2Sp 25:1; Neh 3:25; Sam 88:8

32:3^c Jer 26:8-9

32:4^d Jer 21:7; 34:21

32:5^e 2Sp 25:7; Jer 27:22; 39:7; Ṭah 1:14; Eze 12:12-13

6 Cule Jeremiah in, “Jehovah-ih kamsuakthu cu ka hnenah a thleng, 7 ^a‘Ngai hnik, na paseu Shallum-ih fapa Hanamel cu, “Anathoth khua ih ka ló kha nangmai hrangah lei aw, ziangahtile nangmah cu lei ih tlennak tuah dingin thuneihnak na nei,” tiin na hnenah a ra ding,’ tiin. 8 Cun ka paseu-ih fapa Hanamel cu Jehovah-ih kamsuakthu bangtukin kiltupawl umnak hmun ka hnenah a ra ih, ‘Zangfahten Benjamin ram Anathoth ih ka ló i lei aw; ziangahtile ro ih co ding le tlen ding thuneihnak cu nangmai ta a si; cumi cu nangmai hrangah lei aw,’ tiah i ti. Cun himi cu Jehovah-ih kamsuakthu a si ti ka thei.

32:7^a Pui 25:24-25; Jos 21:18; Rut 4:3-4; Jer 11:21; Mat 27:10

9 ^a“Cule ka paseu fapa Hanamel hnen ihsin Anathoth ih um a ló cu ka lei ih, a hrangah ngun tangka shekel hleisarih cuai an thlai. 10 ^bCule cahnah parah ka hmin ka khĕn ih ka erhpit, cule theihpitu dingah mi ka ko ih, tangka cu cuai thlainak ah ka thlai. 11 Cun leiawknak cahnahpawl, thupek le nunphung dān ngannak erhpit mi le erhpit lo mi cu ka la; 12 ^ccule leiawknak cahnah cu ka paseu-ih fapa Hanamel hmaika le leiawknak cahnah parih hmin khĕn theihpitu mithmuh, kiltupawl umnak hmun ih to Judah-mi zate mithmuh ah Mahseiah-ih fapa Neriah-ih fapa Baruk hnenah ka pe.

32:9^a Sem 23:16; Jer 37:12; Eze 4:10

32:10^b Rut 4:9; Isa 8:2

32:12^c Jer 36:4; 51:59

13 “Cun an mithmuh ah Baruk cu, 14 ^a‘Ralkap rualpawlih Jehovah, Israel-ih Pathian in hitin a ti: “Hih cahnahpawl, erhpit mi le erhpit lo mi leiawknak cahnah cu la awla, ni reipi daih dingin lei bel sungah ret aw,” tiin. 15 ^bZiangahtile ralkap rualpawlih Jehovah, Israel-ih Pathian in hitin a ti: “Hi ram ah innpawl, lópawl le sabit hmuanpawl cu neihsal a si ding,” tiin,’ thu a pe.

32:14^a Isa 8:16

32:15^b Isa 44:26; Eze 28:26; Amo 9:14

16 “Neriah-ih fapa Baruk hnenah leiawknak ca ka pek hnuah Jehovah hnenah thla ka cam ih, 17 ^a‘Ai law, Bawipa Jehovah! Ngai hnik, na huham maksak le na bân suah mi in van le leilung na tuah. Na hrangah thil har tuk ti a um lo. 18 ^bMaw Pathian ropi le cak, mi thawng tampi hnenah lainat duhdawtnak na langter ih, pupápawlih mawhsualnak cu an falepawlih ṭāng sungah na lehrūl, ralkap rualpawlih Jehovah cu a hmin a si. 19 ^cThurawn peknak ih ropi le hnaṭuannak ih cak, minung fapapawlih lamzin hmuahhmuah zohtu, mi kip anmai nundān bangtuk le an thil ti rah bangtukih petu a si. 20 ^dIzip ram ah hminsinnakpawl le mangbangzapawl na tuah, tuihni tiangin Israel le minungpawl lakah tuihni ihta vekin nangmah hrangah hmin na tuah. 21 ^eIzip ram ihsin na mi Israel cu hminsinnakpawl le mangbangzapawl thawn, kut cak le bân suahnak thawn le ṭihnungza nasa zet thawn na hruaisuak hai; 22 ^fan pupápawl hnenah pe dingih sia na săm mi hi ram “hnawi le khuai tizu luannak ram” cu anmah na pe. 23 ^gCule an lut ih cuih ram cu an nei, asinan na thu an lung lo ih, na dān an zawh lo. Tuah dingih thu na pek hai mi pakhat hman an tuah lo; curuangah hi vansiatnak hmuahhmuah hi an parah thleng dingin na tuah.

32:17^a 2Sp 3:18; 19:15; Sam 102:25; Jer 1:6; Mat 19:26

32:18^b Suah 20:5-6; Dnp 5:9-10; Sam 79:12; Jer 10:6, 16

32:19^c Job 12:13; 34:11; Thf 5:21; Dan 2:20; Mat 16:27

32:20^d Suah 3:20; 9:16; Job 9:10; Isa 55:13

32:21^e Suah 6:6; Dnp 5:15; 26:8; Dan 9:15

32:22^f Suah 3:8; Eze 20:6

32:23^g Dnp 28:64; 1Sp 9:6; Dan 9:14

24 ^a‘Zoh hnik, khawpi la dingih an lei sūnpâwng mi cun khawpi a can thlang; cule ralnâm, mangṭam le nathri sia ruangah khawpi cu a dotu Kaldia-mipawl hnenih pek a si zo. Na rak sim mi cu a thleng; ngai hnik, cumi cu na hmu! 25 ^bCule Maw Bawipa Jehovah, khawpi cu Kaldia-mipawl kut ah pek si cingin, “Tangka in ló cu lei awla, theihpitu la aw,” tiah ka hnenah i ti thotho,’ tiin,” tiah a ti.

32:24^a Dnp 4:25; Jos 23:15; Jer 14:12

32:25^b Isa 8:2

26 Cun Jehovah-ih kamsuakthu cu Jeremiah hnenah hitin a thleng, 27 ^a“Ngai hnik, keimah cu titsa hmuahhmuah ih Pathian, Jehovah ka si. Ka hrangah thil harsa tuk a um maw? 28 ^bCuruangah Jehovah in hitin a ti: ngai hnik, hi khawpi cu Kaldia-mipawl kut, Babilon siangpahrang Nebukhadnezzar kut ah ka pe ding ih, anih in cumi cu a lâk ding. 29 ^cCule hi khawpi dotu Kaldia-mipawl an ra lut ding ih, hi khawpi cu meisa in an ur ding, cule a kāng ding; ka thinhengnak căwktho dingih Baal hnenih rimthaw an rak hlănnak le pathian dang pawl hnenih Inding Thilhlănpawl an tawihnak inn tlun rawn nei innpawl thawn; 30 ^dziangruangahtile Israel tefapawl le Judah tefapawl cun an no lai ihsin ka mithmuh ah thil ṭha lo lawng an rak tuah. Ziangahtile Israel tefapawl in an kut thil ti mi in thinheng ding lawngin in rak căwktho, Jehovah in a ti. 31 ^eZiangahtile hi khawpi hi an sak ni ihsin tuihni tiang ka thinhengnak le ka thinsonak căwkthotu a si; cutin cumi cu ka hmaika ihsin ka ṭhawnhlo ding, 32 ^fthinheng ko in căwktho dingin an rak tuah mi thil ṭha lo hmuahhmuah ruangah Israel tefapawl le Judah tefapawl: anmah, an siangpahrangpawl, an bawipawl, an puithiampawl, an profetpawl, Judah pacangpawl le Jerusalem luahtupawl cu ka ṭhawnhlo hai ding. 33 ^gCule annih cun hmai in hawih loin dung in tŭn; zirh leuhleuhin, anmah ka zirh hai ko na cingin, nunzirhnak cohlang dingin an rak ngaithla lo. 34 ^hAsinan ka hmin pu mi inn sungah bawrhbangter dingin an fihnunnakpawl an ret. 35 ⁱCule Hinnom Fapaih Phaikuam ih um mi Baal hmun sâng pawl an dâwl, an fapapawl le an fanupawl cu Molek hnenah meisa an paltlăngter, cumi cu thu ka pek mi a si lo ih, Judah sual tuahter dingin hi thil fihnungza an tuah mi hi ka lungthin sung khalih um mi a si lo.

32:27^a Sem 18:14; Mip 16:22

32:28^b 2San 36:7; Jer 21:10

32:29^c Jer 7:9; 19:13; 44:18

32:30^d Sam 25:7; Jer 8:19; 25:7

32:31^e Jer 27:10; Mat 23:37

32:32^f 1Sp 14:9; Jer 2:26; Dan 9:8

32:33^g Jer 7:28; Eze 8:16

32:34^h 2Sp 21:4; Jer 7:30; Eze 8:3-16

32:35ⁱ Pui 18:21; 1Sp 14:24; Jer 5:7; 19:5

36 “Curuangah, ‘Babilon siangpahrang kut ah ralnâm, mangṭam le nathri sia hmangin pek a si,’ nan ti mi hi khawpi thuhla ah atu-ah Israel-ih Pathian Jehovah in hitin a ti: 37 ^angai hnik uh, ka thinhengnak, ka thinsonak le thinlingnak nasa zetin ka dawisuak hai nak ram hmuahhmuah ihsin ka fĭnkhawm hai ding; hi hmun ah ka hruaikirsal hai ding ih, ralmûangin ka khawsater hai ding. 38 ^bAnnih cu ka mi an si ding ih, kei cu an Pathian ka si ding; 39 ^ccun anmai ṭhatnak le an lehhnuih an tefapawl ṭhatnak ding hrangah, kumkhuaih in ṭihzah thei nak dingah thinlung pakhat le lamzin pakhat ka pe hai ding. 40 ^dCule an hrangih thil ṭha tuah ka ṭhulhlonak dingah anmah thawn kumkhaw thukham ka tuah ding; cule ka hnen ihsin an tlanlonak dingah an thinlung ah keimah ṭihzahnak ka ret ding. 41 ^eA si, an hrang thil ṭha tuah cu ka lungawi zawng a si ding ih, ka thinlung hmuahhmuah le ka ruahnak hmuahhmuah in himi ram ah anmah cu ka phun tengteng hai ding.

32:37^a Jer 21:5; Eze 34:28; Zek 14:11

32:38^b Jer 24:7; 2Ko 6:16

32:39^c Dnp 6:24; Joh 17:21; Apo 4:32

32:40^d Sem 9:16; Dnp 4:10; Isa 42:6; Jer 24:7

32:41^e Dnp 28:63; Isa 62:4; Jer 24:6; Mik 7:18

42 ^a“Ziangahtile Jehovah in hitin a ti: hi mipi parah hi siatnak maksak zaten ka thlenter vekin, anmah ka rak tiamkam mi thil ṭha zaten an parah ka thlengter ding. 43 ^bCule, ‘Ramṭhing, Kaldia-mipawl kut ih pek zo, minung le ramsa umlonak,’ nan ti mi ram ah lópawl tla an lei ding. 44 ^cBenjamin ram ah, Jerusalem kiangkap hmunpawl ah, Judah khawpipawl ah, tlang ram khawpipawl ah, hmun niam khawpipawl ah le Negev hmun ih khawpipawl ah mi in tangka in ló an lei ding, hmin an khĕn ding ih an erhpit ding, cule theihpitupawl tla an ko ding; ziangahtile an vanneihnak ka pekirsal hai ding, Jehovah in a ti,” tiin.

32:42^a Jer 29:10; 33:14; Ṭah 3:38

32:43^b Jer 33:10, 12; Eze 37:11-14

32:44^c Rut 4:9; Ezr 9:9; Sam 14:7; Isa 8:2; Jer 17:26

33

Dāntat hnuih Tidamnak

1 ^aCuihtlunah Jeremiah cu kiltupawl umnak hmun ih kharkhum a si laiah, a hnenah a vei hnihnak Jehovah-ih kamsuakthu a thleng, 2 ^b“A hmin Jehovah ti mi, ^cleilung sersiamtu Jehovah, dĭn hnget dingih semsuahtu Jehovah in hitin a ti: 3 ^dI ko awla, ka lo sawn ding, cule na theih lo mi thil ropi le maksak ka lo hmuh ding.

33:1^a Sam 88:8; Jer 37:21

33:2^b Suah 3:15; Sam 136:6

33:2^c leilung: Hebru Bible ah cun a um lo, asinan Jer 10:12; 51:15 sirhsanin leilung tinak a bang, Septuagint khalah leilung ti a si.

33:3^d Job 28:11; Isa 55:6

4 ^a“Ziangahtile lei sūnpâwng le ralnâm lak ihsin kilhimawknak hrangih an rak siatbăl mi Judah siangpahrangpawlih innpawl le hi khawpi innpawl thuhla ah Israel-ih Pathian Jehovah in hitin a ti: 5 ^b‘Kaldia-mipawl do dingin an feksuak, asinan ka thinheng le ka thinso ih ka thah ding mi mithi ruangpawl in ka khatter ding, ziangahtile an sualralnak hmuahhmuah ruangah hi khawpi ihsin ka hmai ka thup a si. 6 ^cNgai hnik, a hrangah harhdamnak le tidamnak ka run keng ding; ka tidam hai ding ih, an hnenah hnangamdaihnak luangliam le thutak ka phuanglang ding. 7 ^dCule Judah vanneihnak le Israel vanneihnak ka pekirsal hai ding ih, cuih hmunpawl cu a hmaisa lai vekin an saksal ding. 8 ^eKa parih sual an rak tuah mi an mawhsualnak zate lak ihsin ka thianfai hai ding ih, sual an rak tuah mi le ka parih dān an pahbălnak an mawhsualnak hmuahhmuah ka ngaithiam hai ding. 9 ^fCule thil ṭha hlir ka tuahsak mi leilung miphunpawl zate hmaika ah ka hrangah cumi cu aipuannak hmin, thangṭhatnak le sunlawinak a si ding; a hrangih ka rak pek mi thil ṭha hmuahhmuah le hmuingilnak hmuahhmuah ruangah an ṭih ding ih an khūr ding,’ tiin.

33:4^a Jer 32:24; Eze 4:2; Hab 1:10

33:5^b Dnp 31:17; Isa 8:17; Jer 21:4-7

33:6^c Dnp 32:39; Isa 9:6

33:7^d Isa 1:26; Jer 24:6; 30:18; 31:4, 38; 32:44; Amo 9:14

33:8^e Pui 16:30; 2Sam 24:14; Heb 9:11-14

33:9^f Isa 55:13; 60:18; 64:2; Jer 3:17

10 ^a“Jehovah in hitin a ti. ‘Minung le ramsa um loin a lawnglak,’ tiih nan ti mi Judah khawpipawl le minung um loin, luahtu um loin le ramsa um loih ṭhing reprep nak hi hmun Jerusalem kăwtthler ah, 11 ^baipuan aw le lungawi aw, mo neitu aw le mo aw le,

33:10^a Pui 26:32; Jer 32:43

33:11^b Pui 7:12; 1San 16:34; 2San 5:13; Sam 25:8; 51:8; 100:4-5; Nah 1:7

‘Ralkap rualpawlih Jehovah cu thangṭhat uh,
Ziangahtile Jehovah cu a ṭha,
Ziangahtile a zahngainak cu kumkhuain a hmun,’

tiih titu ding pawlih aw le Jehovah inn sungih thangṭhatnak thawinak kengtu ding pawlih aw a um leh ding. Ziangahtile a hmaisa vekin ram cu ka umtersal ding, Jehovah in a ti.

12 ^a“Ralkap rualpawlih Jehovah in hitin a ti: minung le ramsa um loih a lawnglak mi hi hmun ah le a khuapawl hmuahhmuah ah an rante rual kûaltertu ran khāltupawlih cēnnak hmun a um leh ding. 13 ^bTlang ram khawpipawl ah, hmun niam khawpipawl ah, Negev khawpipawl ah, Benjamin ram ah, Jerusalem kiangkap hmunrampawl ah le Judah khawpipawl ah ran hruangkulh sungih rante rual an luh tikah ran khāltupawl in an siar leh ding, Jehovah in a ti.

33:12^a Isa 65:10; Jer 32:43; Eze 34:11-15

33:13^b Pui 27:32; Jer 17:26; 31:5; Oba 1:20

14 ^a“Ngai hnik, Israel sungza le Judah sungza parih ka rak tiamkam mi cuih thil ṭha ka tuahsuak ding cān a thleng rero thlang, Jehovah in a ti.

33:14^a Dnp 28:1-14; Jos 23:15; Eze 34:23-25; Hag 2:6-9

15 ^a“Cuih cān le cuih tikcu ah,
Dingfelnak Hnge cu
David hrangah ka ṭhangter ding;
Anih cun leilung ah thuṭhennak le dingfelnak in ro a rel ding.
16 ^bCuih cān ah Judah cu runhim a si ding ih,
Jerusalem cu ralmûangin a um ding.
Cule KAN DINGFELNAK JEHOVAH ti cu amah an kawhnak hmin a si ding.

33:15^a 2Sam 7:12; Sam 72:2; Isa 4:2

33:16^b Isa 45:17; Zef 3:13; Zek 8:3, 16; 1Ko 1:30

17 ^a“Ziangahtile Jehovah in hitin a ti: David in Israel sungza laltokham parih to a tlasam dah lo ding; 18 ^bpuithiampawl, Levi-mipawl in ka hmaika ah Meiur Thilhlănpawl hlantu ding, Thlairawl Thilhlănpawl urtu ding le catbang loih raithawitu ding milai an tlasam dah lo ding,” tiin.

33:17^a 2Sam 7:13; 2San 7:18; Sam 89:29-37; Luk 1:33

33:18^b Mip 25:11-13; Dnp 18:1; Heb 7:17-22; 13:15

19 Cule Jeremiah hnenah Jehovah-ih kamsuakthu a thleng, 20 ^a“Jehovah in hitin a ti: anmai tikcucān teah sun le zan um lo dingin, sun thawi ka thukham le zan thawi ka thukham nan ṭhiatbăl thei asile, 21 ^ba laltokham parih uktu ding fapa a neihlonak dingah le ka hmaika ih rawngbawl dingin Levi-mi puithiampawl a neihlonak dingah ka siahhlawh David thawi ka thukham khal ṭhiahbăl a si ve ding. 22 ^cVan ih thilmak rual siar cawk an si lo vek le tifinriat vunnel tah cawk an si lo vekin, ka siahhlawh David-ih tesinfapawl le i riantu Levi-mipawl khal ka karhzaiter hai ding,” tiin.

33:20^a Sem 1:14; Sam 89:36-37; 104:19-23

33:21^b Dnp 18:1; 2Sam 7:13; 2San 7:18; Sam 89:34

33:22^c Sem 15:5; 22:17; Hos 1:10

23 Cuihtlunah Jeremiah hnenah Jehovah-ih kamsuakthu a thleng, 24 ^a“Hi minungpawl in, ‘Jehovah in a hril mi sungkua pahnih, amah in a hlăwnhlo,’ tiih an ti mi cu na rak ruat dah lo maw si? Cuti vekin an hmaika ah miphun pakhat si nawn lo vekin, annih in ka mipawl an rak hmuhsuam. 25 ^bJehovah in hitin a ti, sun le zan thawn ka thukham tuah mi a hnget lo ih, van le leilung dān ka hngetter lo asile, 26 ^cJakob le ka siahhlawh David-ih tesinfapawl ka dawihlo ding, cutin Abraham, Isak le Jakob tesinfapawl tlunih uktu dingah amai tesinfapawl lak ihsin pakhat hman ka la lo ding. Asinan an vanneihnak ka pekirsal hai ding ih, an parah zahngainak ka nei ding,” tiin.

33:24^a Neh 4:4; Jer 30:17; Eze 36:20; 37:22

33:25^b Sem 1:18; Sam 74:16-17; 148:6

33:26^c Pui 26:44; Sam 14:7; Isa 14:1; Jer 30:18

34

Zedekiah hnenih Thucah

1 ^aBabilon siangpahrang Nebukhadnezzar le a ralkap zate, a uknak hnuaiih leilung lalram zate le minung hmuahhmuah in Jerusalem le a khawpi zate an do laiah Jehovah hnen ihsin Jeremiah hnenih kamsuakthu rung thleng mi cu, 2 ^b“Israel-ih Pathian Jehovah in hitin a ti: Judah siangpahrang Zedekiah hnenah feh awla, ‘Jehovah in hitin a ti: ngai hnik, hi khawpi cu Babilon siangpahrang kut ah ka pe ding ih, anih in cucu meisa in a ur ding. 3 ^cCule a kut sung ihsin na luatsuak lo ding, kaih tengteng na si sawn ding ih, a kut ah pek na si ding; cule Babilon siangpahrang thawn nan hmu-aw ding ih, hmaităwnin a lo be ding, cule Babilon ah na feh ding. 4 ^dCu cingin Maw Judah siangpahrang Zedekiah, Jehovah-ih kamsuakthu ngaithla aw! Na thuhla ah Jehovah in hitin a ti: ralnâm in na thi lo ding. 5 ^eHnangamten na thi ding; na hlanih siangpahrang hmaisa pawl, na pupápawl ih rimhmui an ur bangin, na hrangah rimhmui an ur ve ding ih, “Ai maw, bawipa!” tiah an lo ṭah ding. Ziangahtile thu ka rak phuangsuak zo, Jehovah in a ti,’ ti aw,” tiin.

34:1^a 2Sp 25:1; Jer 27:7; 39:1

34:2^b 2San 36:11; Jer 22:1-2; 32:29; 37:1-2

34:3^c 2Sp 25:7

34:4^d Jer 52:11

34:5^e 2San 16:14; Jer 22:18

6 ^aCun Jerusalem ih Judah siangpahrang Zedekiah hnenah profet Jeremiah in hi thu hmuahhmuah hi a sim, 7 ^bcumi cu Babilon siangpahrangih ralkappawl in Jerusalem le a tāng mi Judah khawpipawl zate, Lakish le Azekah an do laiah a si; ziangahtile Judah khawpipawl lakih kulh nei khawpi tāngsŭn cu hipawl lawng hi an si.

34:6^a 1Sam 3:18; 15:16-24

34:7^b Jos 10:3, 10; 2San 11:9

Sálpawl Tuahsiatnak

8 ^aHimi hi siangpahrang Zedekiah in an hnenih zalĕnnak phuangsuak dingih Jerusalem ih um mipi hmuahhmuah thawi thukham a tuah hnuih Jehovah hnen ihsin Jeremiah hnenih rung thleng mi kamsuakthu a si: 9 ^bmi kip in Hebru mipa, asilole Hebru nunau, an sál nu le an sál pa cu an zalenter ding a si; zohman in Judah-mi unaupa cu sál ah a nei ding a si lo. 10 Cule mi kip in an sál nu le an sál pa an zalenter ih, zohman in anmah cu sál ih an hman nawn lo nak dingah, thukham tuahtu bawipawl le mipi hmuahhmuah cun thu an lung. Cutin thu an lung ih an zalenter hai. 11 ^cAsinan lehhnu deuhah an lungthin an thlĕng ih an zalenter mi sál nu pawl le sál pa pawl cu an lakirsal ih, an thu hnuaiah sál nu le sál pa dingah an hruai.

34:8^a Suah 21:2; Pui 25:39-41; 2Sp 11:17; Neh 5:5-8

34:9^b Dnp 15:12-18

34:11^c Sam 78:37

12 Curuangah Jehovah-ih kamsuakthu cu Jeremiah hnenah Jehovah hnen ihsin hitin a thleng, 13 ^a“Israel-ih Pathian Jehovah in hitin a ti: Izip ram, sál tānnak inn ihta ka lo hruaisuah hai ni ah, nan pupápawl thawn hitin thukham ka tuah, 14 ^b‘Mi kip in anmai unaupa Hebru-mi, a hnenih rak zuar zo mi cu kum sarih a kim tikah zalenter seh; cule kum ruk a lo rĕn hnuah, na hnen ihsin zalenin na fehsuakter ding a si,’ tiin. Asinan nan pupápawl in in rak ngaithla lo ih, an hna an thawng fawn lo. 15 ^cCule nannih cu tupekte ah nan lamlêt ih, mi kip in mai innhnen hnenah zalĕnnak phuangin ka mithmuh ah thil dik nan tuah; cule ka hmaika ah ka hmin pu mi inn ah thukham nan tuah. 16 ^dAsinan nan lamlêt ih, ka hmin nan bawrhbangter, cule mi kip in anmai duh zawngih nan zalenter mi nan sál pa le sál nu cu nan hruaikirsal ih, nan sál nu le sál pa dingah nan thu hnuaiah nan hruaikirsal.

34:13^a Suah 24:3, 7-8; Dnp 15:15

34:14^b Suah 21:2; 1Sp 9:22; 2Sp 17:13-14; Jer 7:26

34:15^c Neh 10:29; Jer 32:34

34:16^d Pui 19:12; Eze 3:20

17 ^a“Curuangah Jehovah in hitin a ti: mi kip in mai unaupa le mi kip in mai innhnen parih zalĕnnak nan phuannak ah ka thu nan rak thlun lo. Ngai hnik uh, ralnâm, nathri sia, mangṭam lakah nan hrangah zalĕnnak ka phuang, Jehovah in a ti. Cule leilung lalram zate lakah ṭhihṭhaihnak ah ka lo tuah ding. 18 ^bCule caw pa no cu phel hnih ah an phel ih, a karlakih an fehtlăng tikah, ka hmaika ih an tuah mi thukham thu tuahsuak lo tu ka thukham pahbăltu pacangpawl: 19 ^cJudah uktupawl, Jerusalem uktupawl, bawipawl, puithiampawl le caw pa no phel mi karlakih fehtlăngtu ram mipi zaten, 20 ^dan doralpawl kut ah le an nunnak hawltupawl kut ah ka pe hai ding. An mithi ruangpawl cu tlun zuang vate le leilung ramsa hrangih rawl ah an cang ding. 21 ^eCule Judah siangpahrang Zedekiah le a bawipawl cu an doralpawl kut ah, an nunnak hawltupawlih kut ah, nan hnen ihsi fehsuaksal Babilon ralkappawl kut ah ka pe ding. 22 ^fNgai hnik, thu ka pe ding ih, hi khawpi ah ka kirsalter hai ding, an do ding ih an la ding, meisa in an urkāng ding; cule luahtu um loin Judah khawpipawl cu ka ṭhingter ding, Jehovah in a ti,” a ti.

34:17^a Jer 14:12; 15:4; 21:7; Mat 7:2; Gal 6:7

34:18^b Sem 15:10; Jer 11:10

34:19^c Jer 26:10; Zef 3:3-4

34:20^d Dnp 28:26; Jer 11:21; 21:7; Eze 16:27

34:21^e 2Sp 25:21; 2San 36:10; Jer 21:7; 32:4; 37:5

34:22^f Pui 26:32; Neh 2:17; Isa 1:7; Jer 39:1-2; Eze 23:47

35

Rekab-mipawlih Thulunnak

1 ^aJudah siangpahrang Josiah-ih fapa Jehoiakim san ah Jehovah hnen ihsin Jeremiah hnenah hitin kamsuakthu a thleng, 2 ^b“Rekab-mipawl sungza hnenah feh aw, an hnenah thusim awla, Jehovah inn sung, pindan pakhat sungah hruai hai aw, cule an in dingah sabit zu pe hai aw,” tiin.

35:1^a 2Sp 23:34-36; 2San 36:5-7

35:2^b 1Sp 6:5; 2Sp 10:15

3 Cun Habazziniah fapa Jeremiah-ih fapa Jaazaniah, a unaupawl le a fapa zaten, cun Rekab-mipawl sungza pumpi cu ka hruai ih, 4 ^aPathian mi Igdaliah fapa Hanan-ih fapapawlih pindan sung, Jehovah inn ah ka hruailut hai; cuih pindan cu bawipawlih pindan kiang, sângka kiltu Shallum fapa Maaseiah-ih pindan tlunih um a si. 5 Cun Rekab sungza fapapawlih hmaika ah sabit zu a khat mi belpawl le nopawl ka hûng; cule an hnenah, “Sabit zu in uh,” tiah ka ti.

35:4^a Dnp 33:1; 2Sp 12:9; 1San 9:19

6 ^aAsinan annih in, “Sabit zu kan in lo ding, ziangahtile kan pupá Rekab-ih fapa Jonadab in hitin thu in rak pe, ‘Kumkhuain sabit zu nan in lo pei, nanmah le nan fapapawl khal in. 7 ^bInn nan sak lo pei, thlaici nan cîng lo pei ih, sabit hmuan khal nan tuah lo pei, pakhat hman nan tuah lo pei; cuhnakin mikhual nan sinak ram ih nan dam rei thei nak dingah, nan dam sung hmuahhmuah puanthlam ah nan cêng sawn ding a si,’ tiin. 8 ^cCuti vek cun kan pupá Rekab-ih fapa Jonadab-ih awka ih thu in pek mi zate, kan dam sung kanmah le kan nupipawl, kan fapapawl le kan fanupawl in sabit zu in lo ding siseh, 9 ^dkanmai hrang cēnnak ding inn sak lo ding le sabit hmuan, ló le thlaici khal neih lo ding cu kan thlun. 10 Asinan puanthlampawl ah kan um ih, kan pupá Jonadab ih thu in rak pek mi hmuahhmuah bangtukin kan thlun ih kan tuah. 11 ^eAsinan hitin a si, Babilon siangpahrang Nebukhadnezzar in hi ram a run do tikah, kannih in, ‘Kaldia ralkappawl ṭih ruangah le Siria ralkappawl ṭih ruangah ra uh, Jerusalem ah feh uhsi,’ kan ti ih, Jerusalem ah kan cêng,” tiah an ti.

35:6^a Pui 10:9; Mip 6:2-4; 2Sp 10:15; Luk 1:15

35:7^b Suah 20:12; Efe 6:2-3; Heb 11:9

35:8^c Thf 1:8-9; 4:1-2; 6:20; Efe 6:1; Kol 3:20

35:9^d Sam 37:16; 1Ti 6:6

35:11^e Jos 10:20; 2Sp 24:1

12 Cun Jeremiah hnenah Jehovah-ih kamsuakthu hitin a thleng, 13 ^a“Ralkap rualpawlih Jehovah, Israel-ih Pathian in hitin a ti: va feh awla Judah pacangpawl le Jerusalem luahtupawl hnenah, ‘Ka kamsuakthupawl ngaithla dingin simfiangnak nan cohlang lo ding maw si? Jehovah in a ti. 14 ^bA fapapawl hnenih thu a pek mi, sabit zu in lo ding ti mi Rekab-ih fapa Jonadab-ih thu an thlun; cuti cun tuihni tiangin zianghman an in lo ih, an pupáih thupek cu an thlun. Asinan nannih cu ka lo sim leuhleuh ko nain, nannih cun in rak ngaithla lo. 15 ^cKa siahhlawh profetpawl hmuahhmuah khal, nan hnenah ka rak thlah leuhleuh, “Mi kip nanmai nundān ṭha lo ihsin ra kir uh, nan thil tipawl rĕmṭha uhla, rian dingin pathian dang pawl thlun hlah uh; cun nanmah le nan pupápawl ka pek mi ram ah nan cêng ding,” tiin. Asinan nan hna nan thawng lo ih, in rak ngaithla fawn lo. 16 ^dA si, Rekab-ih fapa Jonadab-ih fapapawl in an pupáih thucah anmah a cah mi cu an thlun, asinan hi minungpawl cun in rak ngaithla lo,’ tiin a ti.

35:13^a Isa 28:9-12; Jer 6:10; 11:6

35:14^b Isa 30:9; Jer 7:13

35:15^c Suah 20:3; Dnp 4:40; 2Sp 17:13; Isa 1:16-17; Jer 6:10; 7:25; Eze 14:6

35:16^d Pui 20:9; Mal 1:6

17 ^a“Curuangah ralkap rualpawlih Jehovah, Israel-ih Pathian in hitin a ti: ngai hnik uh, Judah le Jerusalem luahtupawl hmuahhmuah dokalhih ka rak phuan mi siatnak zaten an parah ka thlengter ding; ziangruangahtile an hnenah thu ka sim nân an rak ngaithla lo, cule anmah ka ko hai nân, in rak sawn lo,” tiin.

35:17^a Jos 23:15; 1Sp 13:34; Thf 1:24; Jer 7:13; Rom 10:21

18 ^aCule Jeremiah in Rekab sungza hnenah, “Ralkap rualpawlih Jehovah, Israel-ih Pathian in hitin a ti: nan pupá Jonadab-ih thucah nan thlun ih, a nunphung dānpawl hmuahhmuah nan thlun, cule thu a lo pek mi hmuahhmuah bangtukih nan tuah ruangah, 19 ^bRalkap rualpawlih Jehovah, Israel-ih Pathian in hitin a ti: ‘Rekab-ih fapa Jonadab in ka hmaiih ding mipa kumkhuain a tlasam lo ding,’ tiin,” tiah a ti.

35:18^a Suah 20:12; Efe 6:1-3

35:19^b Isa 48:19; Jer 15:19

36

Jeremiah-ih Cazual

1 ^aJosiah-ih fapa, Judah siangpahrang Jehoiakim a lal kum litnak ah hitin a si, Jehovah hnen ihsin Jeremiah hnenah hi kamsuakthu hi a thleng, 2 ^b“Cazual la awla, cu tawkah Israel, Judah le miphun hmuahhmuah dokalhin na hnenih thusim ka thawk ni ihsin, Josiah san ihsin tuihni tiang na hnenih ka lo sim mi kamsuakthu zaten ngan aw. 3 ^cJudah sungza cun an parih thil ṭha lo thlenter ka tum mi zaten hna in an thei ding ih, mi kip an nundān ṭha lo ihsin an lamlêt nahman maw; cutin an mawhsualnak le an sual ka ngaidam ding,” tiin.

36:1^a 2Sp 24:1-2; 2San 36:5-7

36:2^b Suah 17:14; Sam 40:7; Jer 1:2; Eze 2:7; Hab 2:2

36:3^c 2Sp 17:13; Isa 6:9; 44:22; Jer 18:8; Eze 12:3; Amo 5:15; Mar 4:12; Apo 3:19

4 ^aJeremiah in Neriah-ih fapa Baruk a ko ih, Jehovah in a hnenih a ṭawng mi a kamsuakthu zaten Jeremiah-ih kâ ihsin Baruk in cazual ah a ngan. 5 Jeremiah in Baruk thu a pe ih, “Kei cu kharkhum ka si, Jehovah inn ah ka feh thei lo. 6 ^bCuruangah nangmah feh awla, Jehovah-ih kamsuakthupawl, ka kâ ihsin cazual ih na rak ngan mi kha rawl ulh ni ah Jehovah inn ah mipi hnatheih ah siar aw. Cule anmai khua cio ihsi ra Judah-mi hmuahmuah hnatheih khalah na siar pei. 7 ^cJehovah hmaiah zahngaih an dilnak thlenin mi kip in an nundān ṭha lo ihsin an lamlêt nahman maw! Ziangahtile hi mipi dokalhih a phuansuah mi thinhengnak thinso cu a nasa tuk a si,” tiah a ti. 8 Cule Neriah-ih fapa Baruk cun Jehovah inn ah Jehovah-ih kamsuakthupawl cu cazual ihta siarin Jeremiah ih thu a pek bangtukin a tuah.

36:4^a Jer 32:12; 51:59; Eze 2:9; Dan 7:1; Zek 5:1

36:6^b Suah 4:16; 2San 20:4

36:7^c Dnp 31:17; Jer 26:3; 37:20

9 ^aJosiah-ih fapa, Judah siangpahrang Jehoiakim a lal kum ngatnak, a thla kuatnak ah hitin a si, Jerusalem-mi hmuahhmuah le Judah khawpipawl ihsin Jerusalem ih ra mi hmuahhmuah in Jehovah hmaika ah rawl ulh ding an phuang. 10 ^bCun Jehovah inn ih Kăwtka Thar luhnak, tlunta tualrawn ih um cangantu Shafan-ih fapa Gemariah-ih inn pindan sung ihsin mipi zate hnatheih ah Jeremiah-ih kamsuakthupawl cu cazual sung ihsin Baruk in a siar.

36:9^a Lai 20:26; 1Sam 7:6; 2San 20:3; Joe 1:14; 2:15; Jon 3:5

36:10^b Sem 23:10; Jer 26:24; 29:3; 52:25

11 Shafan-ih fapa Gemariah fapa Mikaiah in cazual ihsin Jehovah-ih kamsuakthu zaten hna in a theih tikah, 12 ^asiangpahrang inn sungih cangantuih pindan sungah a suk, cule ngai hnik, bawipawl zaten an rak to: cangantu Elishama, Shemaiah-ih fapa Delaiah, Akbor-ih fapa Elnathan, Shafan-ih fapa Gemariah, Hananiah-ih fapa Zedekiah le a dang bawipawl hmuahhmuah cu. 13 Cun Mikaiah cun mipi hnatheih ih Baruk in cazual ihsin a siar mi kamsuakthu zaten an hnenah a thăn. 14 Curuangah bawipawl hmuahhmuah in Kushi-ih fapa, Shelemiah-ih fapa Nethaniah fapa Jehudia cu Baruk hnenah an thlah ih, a hnenah, “A sung thu mipi hnatheih ih na siar mi cazual kha na kut in rak keng awla, ra aw,” tiah an ti. Cutin Neriah-ih fapa Baruk cun a kut in cazual cu a keng ih an hnenah a va feh. 15 Cule annih in, a hnenah, “To awla, in siarsak aw,” tiah an ti. Cule Baruk in cumi cu a siarsak hai.

36:12^a 2Sam 8:17; Jer 26:22; 38:4

16 ^aCuih kamsuakthu zaten an hna ih an theih tikah hitin a si, pakhat le pakhat ṭihin an zohaw ih, Baruk hnenah, “Hi kamsuakthu hmuahhmuah cu siangpahrang kan sim tengteng ding,” tiah an ti. 17 ^bCule Baruk an sut ih, “Atu-ah in sim aw, hi kamsuakthu hmuahhmuah hi Jeremiah kâ ihsin ziangtin na rak ngan,” tiah an ti.

36:16^a Apo 24:25

36:17^b Joh 9:10, 15, 26

18 Baruk in a sawn hai ih, “Anih in a kâ in hi kamsuakthu hmuahhmuah hi ka hnenah a phuang ih, kei in cupawl cu cazual ah cati in ka ngan a si,” tiah a ti.

19 ^aCun bawipawl in Baruk hnenah, “Feh awla, nangmah le Jeremiah cu relh uh; cule nan umnak zohman in thei hlah hai seh,” tiah an ti.

36:19^a 1Sp 17:3; Jer 6:16

20 Cazual cu cangantu Elishama-ih pindan ih an ret hnuah, annihpawl cu tualrawn ah, siangpahrang hnenah an feh; cule kamsuakthu hmuahhmuah cu siangpahrang hnatheih ah an sim. 21 ^aCu tikah siangpahrang cun cazual la dingin Jehudi cu a thlah ih, anih in cangantu Elishama pindan ihsin cumi cu a lâk. Cule Jehudi in siangpahrang hnatheih ah le siangpahrang kiangih ding bawipawl zate hnatheih ah cumi cu a siar. 22 ^bA thla kuatnak ah siangpahrang cu a hmaiih thŭk meisa aiin thlatang inn ah a to. 23 ^cCule hitin a si, Jehudi in thu hlawm thum hlawm li hrawng a siarngah tikah, siangpahrang in cumi cu cangantuih nâmte in a hlep ih, thŭk sungih meisa ah a paih, thŭk sungih meisa ah cazual hmuahhmuah a kangrál thluh tiangin. 24 ^dCuti cingin siangpahrang le hi kamsuakthu theitu a siahhlawhpawl hmuahhmuah cu an thla a phâng lo, an sinfen khal an thlek lo. 25 Elnathan, Delaiah le Gemariah in cazual urkāng lo dingin, siangpahrang an dil nân, anih in a ngaithla hai lo.

36:21^a 2Sp 22:10; 2San 34:18; Eze 2:4-5

36:22^b Lai 3:20; Amo 3:15

36:23^c 1Sp 22:8

36:24^d Sem 37:29; Mip 14:6; Sam 36:1

26 ^aA ngaithlak hai lo hleiah, siangpahrang in siangpahrang fapa Jerahmeel, Azriel-ih fapa Seraiah le Abdeel-ih fapa Shelemiah pawl cu cangantu Baruk le profet Jeremiah kai dingin thu a pe, asinan Jehovah in a thup hai.

36:26^a 1Sp 17:3; Sam 11:1; Mat 23:34

27 Jeremiah kâ ihsin Baruk ih a rak ngan mi cazual sungih kamsuakthu siangpahrang ih a ur hnuah, Jeremiah hnenah Jehovah-ih kamsuakthu hitin a thleng: 28 “Judah siangpahrang Jehoiakim ih a urkăng mi cazual sungih kamsuakthu hmaisa zaten cazual dang la awla, cumi ah ngan aw. 29 ^aCule Judah siangpahrang Jehoiakim hnenah hitin na sim pei, ‘Jehovah in hitin a ti: Babilon siangpahrang a ra tengteng ding ih, hi ram a tisiat ding, cule hi tawk ihsin milai le ramsa a cemrálter ding, ziangah so cumi sungih na ngan?’ tiin hi cazual cu na urkāng. 30 ^bCuruangah Judah siangpahrang Jehoiakim thuhla ah Jehovah in hitin a ti, ‘David-ih laltokham parih totu ding a nei lo ding ih, amai ruak cu sun ni sa le zan vur lakah hlăwnsuak a si ding. 31 ^cAn mawhsualnak ruangah amah, a cithlah le a siahhlawhpawl cu dān ka tat hai ding; cule anmah par le Jerusalem luahtupawl par le Judah mipapawl parah anmah dokalhih ka rak phuan zo mi thil ṭha lo zaten ka thlengter ding; asinan annih in an rak ngaithla lo,’ tiah a ti,” tiin.

36:29^a Dnp 29:19; Job 15:24-25; Isa 30:10; 45:9

36:30^b 2Sp 24:6; Isa 14:19; Jer 8:2; 52:2

36:31^c Suah 20:5; Thf 1:24; 29:1

32 ^aJeremiah in a dang cazual a la ih, cumi cu Neriah-ih fapa cangantu Baruk a pek, anih cun cumi parah Jeremiah kâ ihsin cazual sungih kamsuakthu zate, Judah siangpahrang Jehoiakim ih meisa urkăng zo mi zaten a ngan. Cuihhleiah ṭawngkam bangaw tampi bêt a si.

36:32^a Suah 34:1; Jer 30:2

37

Jeremiah Thawngthlak a Si

1 ^aBabilon siangpahrang Nebukhadnezzar in Judah ram siangpahrang ih a ret mi Josiah-ih fapa Zedekiah cu Jehoiakim-ih fapa Koniah aiah a lal. 2 ^bAsinan profet Jeremiah hmangih a sim mi Jehovah-ih kamsuakthupawl cu amah in siseh, a siahhlawhpawl in siseh, a ram mipi in siseh an rak ngaithla lo.

37:1^a 2Sp 24:17-19; 1San 3:15-16; 2San 36:10; Jer 22:24

37:2^b 2Sp 24:19-20; Dan 9:6

3 ^aSiangpahrang Zedekiah in Shelemiah-ih fapa Jehukal le puithiam Maaseiah-ih fapa Zefaniah cu profet Jeremiah hnenah, “Kan hrangah Jehovah kan Pathian hnenah thlacam hram aw,” tiih sim dingin a thlah. 4 ^bJeremiah cu mipi lakah a um, ziangahtile amah cu thawng an thlak hrih lo. 5 ^cCun Izip ihsin Faro ralkappawl an hung so; cule Jerusalem kulhkhŭmtu Kaldia-mipawl in cuih thuthang an theih tikah, Jerusalem an tlansan.

37:3^a Suah 9:28; Mip 21:7; 1Sam 12:19; 1Sp 13:6; 2Sp 19:4; 25:18; Jer 42:20

37:4^b Jer 32:2; Apo 24:23

37:5^c Isa 30:1-2; Jer 34:21

6 ^aCun profet Jeremiah hnenah Jehovah-ih kamsuakthu hitin a thleng, 7 ^b“Israel-ih Pathian Jehovah in hitin a ti, ‘Ka hnen ihsin thuhla sut dingih lo thlahtu Judah siangpahrang hnenah hitin na sim pei: ngai hnik, nangmah lo bawm dingih hung so Izip ralkappawl cu anmai ram Izip ah an kir ding. 8 ^cCule Kaldia-mipawl an rasal ding ih, hi khawpi hi an do ding, cule an la ding ih, meisa in an ur ding,’ tiin. 9 ^dJehovah in hitin a ti: ‘Nanmah le nanmah, “Kaldia-mipawl cun in fehsan tengteng ding,” tiin bumaw hlah uh, ziangahtile annih cun an lo tlansan lo ding. 10 ^eZiangahtile nanmah lo dotu Kaldia ralkap pumpi cu nehin, an puanthlam ah hriamhma pu mipapawl lawng tâng khal hai sehla, an tho ding ih khawpi cu meisa in an ur ding,’ tiah a ti,” tiin.

37:6^a Suah 9:21; 2San 36:21; Sam 33:4

37:7^b Sam 146:3; Ṭah 1:7; 4:17

37:8^c Jer 21:10; 32:29; 38:18

37:9^d Job 15:31; Jer 29:8; Gal 6:7

37:10^e Jer 21:5, 10

11 Cule hitin a si, Faro ralkap rual ruangah Kaldia ralkap rual in Jerusalem an kulhkhŭmnak ihsin an suah tikah, 12 ^aJeremiah cu a mipawl lakah a ro co dingin Benjamin-ih ram ah Jerusalem ihsin a fehsuak. 13 ^bBenjamin Kăwtka ih a um tikah, kiltupawl hotu Hananiah-ih fapa Shelemiah fapa a hmin Irijah cu a rak um; cu pa cun, “Kaldia-mipawl lamah na ṭang a si,” tiin profet Jeremiah cu a rak kai!

37:12^a Jer 32:6-9

37:13^b Lai 18:16; Jer 21:9

14 ^aCun Jeremiah in, “Thuphan! Kaldia-mipawl lamah ka ṭang lo,” tiah a ti. Asinan anih in amah cu a rak ngaithla lo.

37:14^a Suah 7:13; Job 27:4; Isa 58:9; Jer 40:4

Cule Irijah in Jeremiah cu a kai ih bawipawl hnenah a hruai. 15 ^aCuruangah bawipawl cu Jeremiah parah an thin a heng ih, amah cu an rak vua, cule cangantu Jonathan-ih inn sungah thawng an thlak. Ziangahtile cumi cu thawnginn ah an hmang.

37:15^a 1Sp 22:27; Jer 1:19; Heb 11:36

16 ^aJeremiah cu inn sungah an run hruai ih, inn hnuai khur thim ah an ret, cu tawkah ni tampi sung a tâng. 17 ^bCun siangpahrang Zedekiah in mi a thlah ih amah cu a suah; cule siangpahrang in a inn ah a thupten a sut ih, a hnenah, “Jehovah hnen ihsin kamsuakthu ziang tal a um maw?” tiah a ti.

37:16^a Isa 9:2

37:17^b Sem 25:22; Jer 21:7; 38:16

Cule Jeremiah in, “Um e!” tiah a ti. Cun anih in, “Nangmah cu Babilon siangpahrang kut ih pek na si ding!” tiah a ti.

18 ^aCuihtlunah Jeremiah in siangpahrang Zedekiah hnenah, “Nangmah dokalhin simaw, na siahhlawhpawl dokalhin simaw, na mipi dokalhin simaw, ziang thil sual ka tuah ruangah so thawng i thlak? 19 ^bNa hnenah, ‘Babilon siangpahrang cu nangmah dokalhin le na ram dokalhin a ra lo ding,’ tiih phuangtu na profetpawl kha khuiah so atu-ah an um? 20 ^cCuruangah maw ka bawi siangpahrang, atu-ah ngaithla hram aw, ka dilnak hi na hmaika ah cohlan si hram sehla, cangantu Jonathan-ih inn ah i kirter hlah aw, culole cu tawkah ka thi pang ding,” tiah a ti.

37:18^a 1Sam 26:18; Dan 6:22; Joh 10:32; Apo 25:8

37:19^b Jer 14:13-15; Eze 13:2

37:20^c Dnp 1:16; Thf 11:9

21 ^aCun siangpahrang Zedekiah in Jeremiah cu sentari kiltupawlih hruang sungih ret dingin le khawpi sungih sang a cem hlanlo sang rawhtupawlih kăwtthler ihsin ni tin sang hlăwm khat pe dingin thu a pe. Cuti vekin Jeremiah cu sentari kiltupawlih hruang sungah cun a um.

37:21^a Pui 26:26; 2Sp 25:3; Isa 33:16; Jer 32:2; Ṭah 1:11

38

Khur sungah Jeremiah Thlak a Si

1 ^aMattan-ih fapa Shefatiah, Pashur-ih fapa Gedaliah, Shelemiah-ih fapa Jukal le Malkiah-ih fapa Pashur in mipi zate hnenih Jeremiah ih sim mi thupawl an rak thei ih, 2 ^b“Jehovah in hitin a ti: hih khawpi ih tāngtu cu ralnâm, mangṭam le nathri sia in a thi ding; asinan Kaldia-mipawl lamih a fehtu cu a nung ding, ziangahtile a nunnak cu a hrangah ralthillawn vek a si ding ih, amah cu a nung ding. 3 ^cJehovah in hitin a ti: ‘Hih khawpi hi Babilon siangpahrang ralkap rual kut ih pek tengteng a si ding ih, a la ding,’ tiin,” tiah an ti.

38:1^a 1San 9:12; Jer 37:3; Dan 9:6

38:2^b Jer 34:17; 45:5

38:3^c Jer 21:7, 10; 32:28; Eze 21:24

4 ^aCuruangah bawipawl in siangpahrang hnenah, “Kan lo ngen a si, hi pa hi thah si seh, ziangahtile anih in an hnenah hiti vek ṭawngkampawl simin hi khawpi ih tâng ral do mipawlih kut le mipi zate kut cu a cak lo ter a si. Ziangahtile hi pa hin hi mipi ṭhatnak ding a ruat lo ih, an siatnak ding a ruat sawn a si,” tiah an ti.

38:4^a 1Sam 17:24, 32; Jer 11:21; 36:12

5 ^aSiangpahrang Zedekiah in, “Zoh hnik uh, amah cu nan kut ah a um a si. Ziangahtile siangpahrang in nanmah dokalhin zianghman a tuah thei lo,” tiah a ti. 6 ^bCuti cun Jeremiah cu an hruai ih, sentari kiltupawlih hruang sungih um siangpahrang fapa Malkiah-ih khur thim sungah an hlăwn, Jeremiah cu hridai in an thlak. Cuih khur sungah cun ti a um lo, lei bêk lawng a um. Jeremiah cu lei bêk ah a tla.

38:5^a 1Sam 15:24; Jer 26:14

38:6^b Sem 14:10; Jos 2:15; Job 30:19; Ṭah 3:53

7 ^aSiangpahrang inn ih um tilperpawl lakih pakhat Kush-mi, Ebed-Melek in Jeremiah cu khur thim sungah an thlak ti hna in a rak thei. Benjamin Kăwt ah siangpahrang cu a to ih, 8 ^bEbeb-Melek cu siangpahrang inn ihsin a suak ih siangpahrang hnenah thu a sim: 9 ^c“Ka bawi siangpahrang, hipawl in profet Jeremiah parih an tuahdān ah hin thil ṭha lo an tuah a si, khur thim sungah an hlăwn ih, a umnak hmun ah rilrawngin a thi ding. Ziangahtile khawpi sungah sang a um nawn lo,” tiah a ti. 10 ^dCun siangpahrang in Kush-mi Ebed-Melek cu thu a pe ih, “Hi tawk ihsin na kut hnuaiih mipa 30 hruai awla, profet Jeremiah cu a thih hlanah khur thim ihsin lasuak aw,” tiah a ti. 11 ^eEbed-Melek in mipapawl cu a hnenah a hruai hai ih, siangpahrang inn ih hlawnthil retnak hnuaiah a lut, cule cu tawk ihsin hnipuan hlun le sinfen sia pawl cu a la ih, Jeremiah hnen, khur thim sungah hridai in a vun thlak. 12 Cun Kush-mi Ebed-Melek in Jeremiah hnenah, “Hi hnipuan hlun le sinfen sia pawl hi na zak hnuaiah dăm awla, hridai in hrengcih aw,” tiah a ti. Cule Jeremiah in cuti vekin a tuah. 13 ^fCutin hridai in Jeremiah cu an dir ih, khur thim ihsin lengah an suah. Jeremiah cu sentari kiltupawlih hruang sungah a um.

38:7^a Job 29:7; Sam 87:4; Isa 56:3-5; Jer 37:13

38:8^b Jer 39:16-18; Apo 8:27

38:9^c Sem 37:18, 22, 24; Ṭah 1:11

38:10^d Sem 18:30; Job 22:29

38:11^e Jos 2:15; Hos 11:4

38:13^f Sem 37:28; Sam 147:6; Jer 37:21

Jeremiah in Zedekiah Ralrinnak a Pesal

14 ^aSiangpahrang Zedekiah in mi a thlah ih profet Jeremiah cu Jehovah inn luhnak pathumnak ah an hruai. Cule siangpahrang in Jeremiah hnenah, “Thil pakhat ka lo sut ding, ka hnen ihsin zianghman thup hlah aw,” tiah a ti.

38:14^a 1Sam 3:17; Jer 37:3

15 ^aJeremiah in Zedekiah hnenah, “Na hnenah cumi ka lo sim a si ahcun, i that tengteng lo ding maw? Thurawn ka lo pek khalle, i ngaithla lo ding,” tiah a ti.

38:15^a Suah 4:1; 1Sam 16:2

16 ^aAsinan siangpahrang Zedekiah in Jeremiah hnenah a thupten sia a săm ih, “Kan nunnak tuahtu Jehovah a nun rori bangin, ka lo that hrimhrim lo ding ih, na nunnak hawltu hi minungpawl kut khalah ka lo pe lo ding,” tiah a ti.

38:16^a Isa 42:5; Jer 37:17

17 ^aCun Jeremiah in Zedekiah hnenah, “Ralkap rualpawlih Pathian Jehovah, Israel-ih Pathian in hitin a ti: Babilon siangpahrangih bawipawl hnenih na pekawk asile na nung ding, hi khawpi khal meisa ih urkăng a si lo ding ih, nangmah le na sungza cu nan nung ding. 18 ^bAsinan Babilon siangpahrangih bawipawl hnenih na pekawk lo asile, hi khawpi cu Kaldia-mipawl kut ah pek a si ding ih, annih in meisa in an ur ding, cule nangmah khal an kut ihsin na tlânsuak lo ding,” tiah a ti.

38:17^a Sam 119:175; Jer 21:9; 27:8

38:18^b Est 4:13; Jer 34:3; 37:8

19 ^aCule siangpahrang Zedekiah in Jeremiah hnenah, “Kaldia-mipawl lamih ṭang dingih peaw zo Judah-mipawl ka ṭih, Kaldia-mipawl in cupawl kut ah in pe ding ih, in puahcăwk pang ding,” tiah a ti.

38:19^a 1Sam 31:4; Isa 51:7; Jer 39:9; Joh 12:42

20 ^aAsinan Jeremiah in, “An lo pe lo ding. Ka lo ngen a si, ka lo sim mi Jehovah-ih thu hi zangfahten lung aw; cutin na hrangah a ṭha ding ih, na nung ding. 21 ^bAsinan pekawk na el asile, Jehovah ih i rak hmuh mi kamsuakthu cu hihi a si: 22 ^catu-ah ngai hnik, Judah siangpahrang inn sungih tān ta mi nunau zaten Babilon siangpahrangih bawipawl hnenah hruaisuah an si ding ih, cuih nunaupawl in:

38:20^a Sem 22:18; Dnp 5:33; Isa 55:3; Jer 40:9

38:21^b Jer 15:2; 38:18; Luk 2:26

38:22^c Job 19:14, 19; Sam 69:2; Jer 6:12; 8:10

‘Na rinsan mi rualpipawl in an lo bum ih,
An lo neh;
Na ke cu ciarbêk lakah a pil ih,
An lo kirsan,’

tiah an ti ding.

23 ^a“Na nupipawl le na fātepawl cu Kaldia-mipawl hnenah hruai an si ding. An kut ihsin na tlânsuak lo ding, cuhnakin Babilon siangpahrang kut ih kaih na si sawn ding. Cule hi khawpi cu meisa ih urkăng a si ding,” tiah a ti.

38:23^a Thf 16:18; Jer 21:7-11; 32:4; Eze 17:15

24 ^aZedekiah in Jeremiah hnenah, “Hi thu hi zohman in thei hlah hai seh, cule na thi lo ding. 25 ^bAsinan bawipawl in nangmah thawn kan beaw ti hna ih an theih asile, na hnenah an ra ding ih, ‘Siangpahrang hnenih na sim mi le siangpahrang ih a lo sim mi atu-ah in sim awla, kan hnen ihsin thup hlah, cule kan lo that lo ding,’ tiah an lo ti ding. 26 ^cCu tikah an hnenah, ‘Jonathan inn ih thi dingin i kirter hlah, tiah siangpahrang hnenah ka dil,’ tiah sim hai aw,” tiah a ti.

38:24^a Thf 11:13; Jer 37:17

38:25^b Thf 17:4, 9; Apo 4:29

38:26^c 1Sam 16:2; Jer 37:15, 20

27 ^aCun bawipawl zaten Jeremiah hnenah an ra ih, amah cu an sut. Cule anih in an hnenih siangpahrang in thu a pek mi hmuahhmuah bangtukin a rak sim hai. Cule cuih thuhla cu theih a si lo ruangah amah cu an sut nawn lo. 28 ^bJerusalem lâk a si ni tiangin Jeremiah cu sentari kiltupawlih hruang sungah a um. Jerusalem lâk a si tikah anih cu cu tawkah a rak um.

38:27^a Sam 41:7; Thf 16:28

38:28^b Jer 37:16, 21

39

Jerusalem Siatnak

1 ^aJudah siangpahrang Zedekiah a lal kum kuatnak, a thla hratnak ah, Babilon siangpahrang Nebukhadnezzar le a ralkap rual zaten Jerusalem an do ih, an kulhkhŭm. 2 ^bZedekiah a lal kum hleikhatnak, a thla litnak, cuih thla ni kuatnak ah khawpi kulh cu an virhăwng.

39:1^a 2Sp 24:1, 20; 25:1-2; 2San 36:9-11; Ezr 5:12; Jer 25:9; 52:4

39:2^b 2Sp 25:4; Eze 26:2; 33:21

3 ^aCun Babilon siangpahrangih bawipawl hmuahhmuah cu an ra ih, Kăwtka Laita ah an to: cucu Nergal-Sharezer, Samgar-Nebo, Sarsekim Rabsaris, Nergal-Sharezer Rabmag le a tāng mi Babilon siangpahrangih bawipawl hmuahhmuah thawn an si.

39:3^a Jer 1:15; 21:4

4 ^aCule hitin a si, Judah siangpahrang Zedekiah le ral do mipa zaten cupawl an hmuh tikah, an tlânsuak ih zan ah phar pahnih karlak ihsin suakin, siangpahrang hmuan zin zawhin, khawpi ihsin an suak. Cule Arabah phairawn lam panin an feh. 5 ^bAsinan Kaldia ralkap rual in annihpawl cu an dawi vivo ih, Jeriko phairawn ah Zedekiah cu an hei man. An kaih hnuah Babilon siangpahrang Nebukhadnezzar hnenah, Hamath ram Riblah ah an hruai ih, cuih hmun ah anih in a parah thu a ṭhen. 6 ^cZedekiah mithmuh ah a fapapawl cu Babilon siangpahrang in Riblah ah a that hai; Babilon siangpahrang in Judah mizahumpawl hmuahhmuah khal a satthat ṭheh. 7 ^dCuihhleiah Zedekiah-ih mit a phawrh ih, Babilon ih hruai vivo dingin dar cikcin in an khit. 8 ^eCule Kaldia-mipawl in siangpahrang inn cu an ur ih mipi innpawl cu meisa in an ur, cule Jerusalem kulh cu an bălsiat. 9 ^fCun khawpi sungih a tāng mi umsŭn le a hnenih pelutawtupawl cu, a tangsŭn mipi thawn Babilon ah kiltupawl hotu Nebuzaradan in ralkaih ah a hruai hai. 10 ^gAsinan kiltupawl hotu Nebuzaradan in Judah ram ih mifarah, zianghman nei lo mipawl cu a tân ta ih, cuih ṭumah sabit hmuanpawl le lópawl a pecih hai.

39:4^a Isa 22:2-3; Jer 52:7; Eze 12:12

39:5^b Mip 34:11; 2Sp 23:33; 25:5-6; Jer 21:7

39:6^c Dnp 28:34; 2Sp 25:7; Jer 21:7

39:7^d Jer 52:11; Eze 12:13

39:8^e Neh 1:3; Sam 80:16; Isa 22:5; Jer 34:22; 52:13; Ṭah 2:8; Amo 2:5

39:9^f 2Sp 25:11; Jer 24:8; 40:1; Ṭah 1:5

39:10^g 2Sp 25:12; Jer 52:16

11 Babilon siangpahrang Nebukhadnezzar in Jeremiah thuhla ah kiltupawl hotu Nebuzaradan hnenah hitin thu a cah ih, 12 ^a“Amah hruai awla ṭhaten kilkhawi aw, tuahmawh hlah, na hnenih a lo sim vekin tuahsak sawn aw,” tiah a ti. 13 ^bCutin kiltupawl hotu Nebuzaradan in Nebushaban Rabsaris, Nergal-Sharezer Rabmag le Babilon siangpahrangih bawipawl hmuahhmuah cu a cah hai. 14 ^cCun annihpawl in mi an thlah ih sentari kiltupawlih hruang sung ihsin Jeremiah cu an hruaisuak ih, Shafan-ih fapa Ahikam-ih fapa Gedaliah hnenah inn ih tlunpi dingin an ap. Cutin anih cu mipi lakah a cêng.

39:12^a Sam 105:14; Thf 16:7; Jer 15:21; 1Pe 3:13

39:13^b Jer 39:3

39:14^c 2Sp 25:22; Jer 38:28; 40:5

Ebed-Melek hrang Thucah

15 Sentari kiltupawlih hruang sungih khum a si laiah Jeremiah hnenah Jehovah-ih kamsuakthu a thleng ih, 16 ^a“Ethiopia-mi Ebed-Melek hnenah feh awla, ‘Ralkap rualpawlih Jehovah, Israel-ih Pathian in hitin a ti: ngai hnik, hi khawpi parah ka kamsuakthupawl cu thil ṭha lo hrangah ka thlengter ding, thil ṭha hrangah si loin, cule cuih ni ah na hmaika ah tisuah an si ding. 17 ^bAsinan cuih ni ah ka lo runsuak ding, Jehovah in a ti, cule na ṭih mipawlih kut ah pek na si lo ding. 18 ^cKa lo runsuak tengteng ding ih, ralnâm in na tlu lo ding; cuhnakin na nunnak cu na hnenah ralthillawn vek a si sawn ding, ziangruangahtile keimah in rinsan a si, Jehovah in a ti,’ tiah va sim aw,” tiah a ti.

39:16^a Sam 91:8; Jer 38:7; 44:28; Ṭah 2:17; Zek 1:6

39:17^b Sam 34:22; 39:3

39:18^c Job 5:8; Jer 17:7; 21:9; 45:5; Rom 10:11

40

Jeremiah le Uktu Gedaliah

1 ^aJerusalem le Judah ihsin ralkaih ih hruaihloh mipawl thawn Jeremiah cu cikcin ih ṭawnin Babilon ih ralkaih ih hruaihloh an si laiah kiltupawl hotu Nebuzaradan in amah cu Ramah khua ih a suahter hnuah a hnenih Jehovah-ih kamsuakthu thleng.

40:1^a 2Sp 25:11, 21; 2San 36:17-20; Sam 68:11; Nah 3:10

2 ^aKiltupawl hotu in Jeremiah cu a hruai ih, a hnenah: “Jehovah na Pathian in hi thil ṭha lo hi himi hmun parah a phuang zo. 3 ^bAtu-ah Jehovah in cumi cu a rak thlengter zo ih, a sim vekin a tuah. Ziangruangahtile nannih in Jehovah dokalhin thil sual nan rak tuah ih, a thu nan rak lung lo, curuangah hi thil hi nan parah a thleng a si. 4 ^cAtu-ah ngai hnik, tuihni ah na kut ih um cikcin ihsin ka lo zalenter a si. Babilon ah ka zawngih rat na duh sawn asile, ra awla, ka lo zohṭha ding. Asinan Babilon ih rat na duh lo asile, hi tawkah tāng ko aw. Ngai hnik, leiram hmuahhmuah cu na hmaiah a um; ṭha na tinak hmun pauhpauh le feh na remcānnak kip ah feh aw,” tiah a ti.

40:2^a Dnp 28:15; Sam 18:30; Rom 13:4; Gal 6:7-8

40:3^b Pui 26:23-33; 1Sp 9:9; Thf 13:6; Dan 9:11; Apo 7:39; Rom 2:5

40:4^c Sem 13:9; Apo 12:6-7

5 ^aJeremiah a kir man hlanah, Nebuzaradan in, “Judah khawpipawl uktu dingah Babilon siangpahrang in a tuah mi Shafan-ih fapa, Ahikam-ih fapa Gedaliah hnenah tlungkir awla, mipi lak, amah hnenah um aw; culole na hrangih feh a remnak nak ah feh aw,” tiah a ti. Cuti cun kiltupawl hotu in lamcaw le thilpek a pe ih a fehter. 6 ^bCun Jeremiah cu Mizpah ah Ahikam-ih fapa Gedaliah hnenah a feh ih, ram ih mipi rung tāngpawl thawn a hnenah a cêng.

40:5^a Sem 32:20; 1Sam 9:7; 2Sp 22:12-14; Jer 39:14

40:6^b 1Sam 7:5; 2Sp 19:30-31; Rom 9:27; 11:5

7 ^aLópawl ih um ralkappawlih bawipawl zate, anmah le an mipapawl in Babilon siangpahrang in ram uktu ah Ahikam-ih fapa Gedaliah a tuah ih, mipapawl, nunaupawl, nauhakpawl le Babilon ralkaih ih hruaihloh lo mi ram sungih mifarahbik pawl cu a hnenah a ap ti hna in an rak thei. 8 ^bCun Mizpah khua ih Gedaliah hnenah an ra: Nethaniah-ih fapa Ishmael, Kareah-ih fapa Johanan le Jonathan, Tanhumeth-ih fapa Seraiah, Netofat-mi Efai fapapawl le Maakath-miih fapa Jaazaniah, anmah le an hopawl cu an ra. 9 ^cCule Ahikam-ih fapa, Shafan-ih fapa Gedaliah in annihih hmaika ah le an mipapawl hmaika ah sia a săm ih, “Kaldia-mipawl rĕn ding ṭih hlah uh. Ram sungah cêng uhla, Babilon siangpahrang cu rian uh, cule cumi cu nan hrangah a ṭha ding. 10 ^dKei lawngte cu, ngai hnik uh, kan hnenih ra ding mi Kaldia-mipawl hmaiah nan aiih dīng dingin Mizpah ah ka cêng ding. Asinan nannih cun sabit zu, ṭhal thing rah le hriak khawm uhla, nan bungbelpawl sungah thun uh, cule nan rak lâk mi khawpipawl ah cêng uh,” tiah a ti. 11 ^eCuvek thothoin Moab ram ih um, Ammon-mipawl lak le Edom ih umpawl le ram hmuahhmuah ih um Judah-mi hmuahhmuah in Babilon siangpahrang in Judah-mi a tāngsŭn pawl cu a tân ih, anmah uktu dingah Shafan-ih fapa, Ahikam fapa Gedaliah a ret ti hna ih an theih tikah, 12 ^fdawisuah an sinak hmunpawl hmuahhmuah ihsin Judah-mi zaten an ra kir ih, Judah ram Mizpah khua ih Gedaliah hnenah an ra thleng, cule sabit zu le ṭhal thing rah a tawrin an khawm.

40:7^a Sem 41:41; 2Sp 25:22; Jam 2:5

40:8^b Dnp 3:14; 2Sam 23:28; Jer 42:1

40:9^c 2Sp 25:24; Jer 5:19; Ṭah 1:1; Rom 13:1-2

40:10^d Sem 27:28; Suah 23:16

40:11^e Sem 25:30; 36:8; Isa 16:4

40:12^f Jer 12:14; 43:5

13 ^aCuihtlunah Kareah-ih fapa Johanan le ló ih um ralkap rual hotupawl zaten Mizpah khua ih Gedaliah hnenah an ra ih, 14 ^ba hnenah, “Ammon-mipawlih siangpahrang Baalis in Nethaniah-ih fapa Ishmael cu nangmah that dingin a rak thlah ti na thei maw?” tiah an ti. Asinan Ahikam-ih fapa Gedaliah in a zum hai lo.

40:13^a Jer 40:7; 42:1; 43:4

40:14^b Sem 19:38; 2Sam 10:1-19

15 ^aCun Kareah-ih fapa Johanan in Mizpah khua ih Gedaliah hnenah a thupten hitin a sim, “Ka lo ngen a si, i fehter awla, Nethaniah-ih fapa Ishmael ka that ding, cule cumi cu zohman in an thei lo ding. Nangmah ra pankhawmtu Judah-mipawl an darh ih Judah tāngsŭn pawl hloral dingin ziangah so maw a lo thah ding?” tiah a ti.

40:15^a Dnp 5:17; Mat 26:31; Joh 11:50-52

16 ^aAsinan Ahikam-ih fapa Gedaliah in Kareah-ih fapa Johanan hnenah, “Hi thil cu na tuah lo pei, ziangahtile Ishmael thuhla na rel mi hi a dik lo a si,” tiah a ti.

40:16^a Dnp 5:20; 2Sp 25:25; Thf 6:16-19; 14:25; Jer 40:8; 41:1; 43:2

41

Gedaliah Thah a Si

1 Cule a thla sarihnak ah hitin a si, Elishama fapa Nethaniah-ih fapa Ishmael, siangpahrang cikuang le siangpahrangih bawipawl cu mipa pahra thawn Mizpah khua ah Ahikam-ih fapa Gedaliah hnenah an ra. Cule cu tawk Mizpah ah sang an eikhawm. 2 ^aNethaniah-ih fapa Ishmael le a hnenih um mipa pahra cu an tho ih, Babilon siangpahrang in ram uktu ih a tuah mi Shafan-ih fapa Ahikam-ih fapa Gedaliah cu ralnâm in an sat ih an that. 3 ^bA hnenih um Jew-pawl hmuahhmuah, Mizpah khua ih Gedaliah hnenih um le cu tawkih tawn mi Kaldia ralkappawl cu Ishmael in a that hai fawn.

41:2^a 2Sam 3:27; Sam 41:9; 109:7; Jer 40:5

41:3^b Mip 35:30; Dnp 17:6-7

4 ^aCule Gedaliah a thah hnu a thaisun ah hitin a si, zohman ih an theih hlanah, 5 ^bmi hrekkhat cu Shekem ihsin, Shiloh ihsin le Samaria ihsin mipa 80 cu an kha hmul metin le an hnipuanpawl tlêkin, anmah le anmah ât-awin, an kut ah thilhlănpawl le rimhmui kengin Jehovah inn ih keng dingin an ra. 6 ^cCule Nethaniah-ih fapa Ishmael cu anmah hmuak dingin Mizpah ihsin a fehsuak, lamzin tluanah ṭap phahin a feh; cule anmah a tawn hai tikah an hnenah, “Ahikam-ih fapa Gedaliah hnenah ra uh,” tiah a ti hai. 7 ^dCule khawpi sung an thlen tikah, Nethaniah-ih fapa Ishmael le a hruai mi mipapawl cun annih cu an that ih, khur sungah an hlăwn.

41:4^a Job 3:26; Sam 83:3; Isa 29:15

41:5^b Suah 30:7-8; Pui 19:28; 21:5; Jos 18:1; 1Sp 3:2; 12:1; 16:24

41:6^c 2Sam 3:16; Job 12:16; Sam 5:9; Hos 7:11; 2Pe 2:3; Thu 20:10

41:7^d 2Sp 10:14; Sam 12:6; 35:7; 64:2

8 ^aAsinan an lakih tawn mi mi pahra pawl cun Ishmael hnenah, “In that hlah, ziangahtile retnak ló ah sangvut, barli sangvut, hriak le khuai tizu kan nei,” tiah an ti. Cuti cun a zuah hai ih, an unaupawl lakah a that hai lo.

41:8^a Isa 8:12; 26:10

9 ^aAtu-ah Ishmael in Gedaliah ruangih a mi thah mi pacangpawlih ruak a hlăwnnak khur cu Israel siangpahrang Baasha ruangih siangpahrang Asa in a rak tuah mi a si. Cuih khur cu Nethaniah-ih fapa Ishmael in mithi ruak in a khatter. 10 ^bCun Mizpah khua ih a tāng lai mi mipi hmuahhmuah, siangpahrang fanupawl le kiltupawl hotu Nebuzaradan in Ahikam-ih fapa Gedaliah kut ih a ap mi Mizpah ih tâng mipi hmuahhmuah cu Ishmael in ralkaih ah a hruaihlo hai. Cule Nethaniah-ih fapa Ishmael in anmahpawl cu sál ah a hruai hai ih, Ammon-mipawl umnak khat lam ralah a fehpi hai.

41:9^a 1Sp 15:22; 2San 16:1, 6

41:10^b Jer 38:22; 40:14

11 ^aAsinan Kareah-ih fapa Johanan le a hnenih um ralkap rual hotupawl hmuahhmuah in Nethaniah-ih fapa Ishmael ih thil ṭha lo a tuah mi hmuahhmuah an theih tikah, 12 ^bmipa zaten an hruai ih Nethaniah-ih fapa Ishmael do dingin an feh; cule amah cu Gibeon ih tili tumpi kiangah an hmu. 13 Cule Ishmael hnenih um mipi hmuahhmuah in Kareah-ih fapa Johanan le a hnenih um ralkap rual hotupawl hmuahhmuah an hmuh tikah, an lung a awi. 14 ^cCun Ishmael in ralkaih ih a hruaihloh mipawl hmuahhmuah cu Mizpah khua ihsin an her ih an kirsal, cule Kareah-ih fapa Johanan hnenah an feh. 15 ^dAsinan Nethaniah-ih fapa Ishmael cu mipa pariat thawn Johanan hnen ihsin an tlânsuak ih, Ammon-mipawl hnenah an feh.

41:11^a Jer 40:8-9

41:12^b Jos 9:1-2; Lai 15:7; 16:28; 2Sam 2:13; Joh 18:36

41:14^c Jer 40:6

41:15^d Job 21:29-31; Thf 28:17

16 ^aCun Ahikam-ih fapa Gedaliah cu Nethaniah-ih fapa Ishmael in a thah hnuah Mizpah khua ih Ishmael hnenih um, a tāngsŭn hmuahhmuah: Gibeon ihsi a rak hruaikir mi ral do mipapawl, nunaupawl, nauhakpawl le tilper mipawl cu Kareah-ih fapa Johanan le a hnenih um ralkap rual hotupawl hmuahhmuah in an hruaisuak. 17 ^bKaldia-mipawl ruangah Izip ram ah feh tumin an păwksuak ih, Bethlehem khaw kiangih um Geruth Khimham ah an câm. 18 ^cZiangahtile anmahpawl cu an ṭih; Babilon siangpahrang in ram uktu dingih a ret mi, Ahikam-ih fapa Gedaliah cu Nethaniah-ih fapa Ishmael in a thah ruangah a si.

41:16^a Isa 1:9; Jer 38:7; 42:1; Zef 2:9

41:17^b Sem 35:19; 2Sam 19:37; 2Sp 25:26; Jer 42:14; Mik 5:2

41:18^c Mip 14:9; 2Sp 25:22; Isa 51:12; Jer 42:15-16; 43:7; Luk 12:4-5

42

Izip Ram ih Tlan Kham a Si

1 ^aRalkap rual hotupawl zate, Kareah-ih fapa Johanan, Hoshaiah-ih fapa Jezaniah le mipi zate, a tebik ihsin a tumbik tiangin an va naih ih, 2 ^bprofet Jeremiah hnenah, “Kan lo ngen a si, kan dilnak cu na hmaika ah cohlan si sehla, Jehovah na Pathian hnenah kan hrangah thlacam aw, hi a tāngsŭnpawl hrangah hin; ziangahtile kannih cu, in hmuh vek hin, mi tam zet lak ihsin tān mi mi málte kan si. 3 ^cJehovah na Pathian in kan zawh ding mi lamzin in hmuhnak dingah le kan tuah ding mi thil in hmuhnak dingah,” tiah an ti.

42:1^a Jer 6:13; 40:13; 41:16

42:2^b Pui 26:22; Ṭah 1:1; Apo 8:24

42:3^c Sam 86:11; Thf 3:6; Jer 15:11

4 ^aCun profet Jeremiah in an hnenah, “Ka hna in ka rak lo thei hai zo. Ngai hnik uh, nan ṭawngkampawl bangtukin Jehovah nan Pathian hnenah thla ka cam ding; cule Jehovah ih a lo leh mi ziangkhal, nan hnenah ka thăn ding, nan hnen ihsin zianghman ka sûp lo ding,” tiah a ti hai.

42:4^a Suah 8:29; 1Sam 3:17-18

5 ^aCule annih in Jeremiah hnenah, “Jehovah na Pathian in kan hnenih a lo thlahnak săn thil hmuahhmuah bangtukih kan tuah lo asile, Jehovah cu kan karlakah theihpitu dik le rinum si seh. 6 ^bCumi cu a duhum simaw, duhum lo simaw, a hnenih kan lo thlahnak Jehovah kan Pathian thu cu kan lung ding, Jehovah kan Pathian thu kan lun tikah, kan lam a tluang ding,” tiah an ti.

42:5^a Dnp 7:9; Joh 8:26; Rom 1:9; 1Ko 1:9; Thu 1:5

42:6^b Suah 24:7; Dnp 5:29; Jos 24:24

7 Ni hra hnuah hitin a si, Jeremiah hnenah Jehovah-ih kamsuakthu a thleng. 8 ^aJeremiah in Kareah-ih fapa Johanan le a hnenih um ralkap rual hotupawl zate le a tebik ihsin a tumbik tiang mipi zaten a ko hai ih, 9 ^ban hnenah, “Jehovah nan Pathian, a hmaika ah nan dilnak thlen dingih a hnenih in rak thlahnak pa khan hitin a ti: 10 ^c‘Hi ram ih nan um hrih ding asile, ka lo tuahṭha ding ih, ka lo tûltla lo ding, cule ka lo phun ding ih, ka lo phawi lo ding. Ziangahtile nan parih thil ṭha lo ka rak thlenter mi thuhla ah ka lamlêt ding. 11 ^dNan ṭih mi Babilon siangpahrang cu ṭih hlah uh, amah cu ṭih hlah uh, Jehovah in a ti, ziangahtile nanmah lo run dingin le a kut ihsin lo runsuak dingin nan hnenah ka um. 12 ^eNan parih zahngainak a neih thei nak dingah zahngainak ka lo hmuh ding ih, nan ram roriah ka lo kirter ding,’ tiin.

42:8^a Jer 41:16; Heb 8:11

42:9^b 2Sp 22:15

42:10^c Dnp 30:9; Ths 3:2; Jer 43:4; 45:4; Eze 36:36

42:11^d Thf 20:22; Jer 27:11; Rom 8:31

42:12^e Sem 31:3; Neh 1:9; Jer 31:17; Luk 6:36

13 ^a“Asinan, ‘Hi ram ah kan cêng lo ding,’ nan ti ih, Jehovah nan Pathian thu khal nan lung lo, 14 ^b‘Lamlam, Izip ram ah kan feh sawn ding, cu tawkah ral doawknak kan hmu lo ding ih, tuu pa ki phawt awn khal kan thei lo ding, cule rawl tlaksam a um lo ding ih, cu tawkah kan cêng sawn ding,’ nan ti asile, 15 ^cMaw nannih a tāngsŭn Judah-pawl, atu-ah Jehovah-ih kamsuakthu hi ngaithla uh! Ralkap rualpawlih Jehovah, Israel-ih Pathian in hitin a ti: ‘Izip ram ih lut dingin le cu tawkih cêng dingin thutluknak nan neihfel asile, 16 ^dhitin a si ding, nan rak ṭih mi ralnâm in cu tawk Izip ram ah a lo man ding ih, nan rak ṭih mi mangṭam in cu tawk Izip ah naiten a lo thlun ding; cule cu tawkah nan thi ding. 17 ^eIzip ram ih cêng dingih thutluknak neifeltu mipa hmuahhmuah ralnâm, mangṭam le nathri sia in an thi ding. An parih ka thlenter ding mi thil ṭha lo ihsin anmah lakah zohman an tâng lo ding ih, an tlânsuak fawn lo ding,’ tiin.

42:13^a Dnp 11:26-28

42:14^b Suah 16:3; Mip 11:4; Dnp 8:3; Jer 4:19, 21

42:15^c Dnp 17:16; Jer 44:24-28

42:16^d Jer 41:18; 44:29-30; Eze 11:8

42:17^e Thf 10:3; Isa 24:18; Jer 11:11

18 ^a“Ziangahtile ralkap rualpawlih Jehovah, Israel-ih Pathian in hitin a ti: ‘Jerusalem luahtupawl parah ka thinhengnak le ka thinsonak thletbŭng a si vekin, Izip nan luh tikah, ka aithawknak cu nan parah thletbŭng a si ding. Cule nanmah cu camsiat tuar, miṭhihṭhaihnak, camsiat mi le hmuhsuam mi nan si ding; cule hi hmun hi nan hmu nawn lo ding,’ tiin.

42:18^a Sam 44:13; 103:16; Jer 22:10; Zek 1:3

19 ^a“Maw nannih Judah tāngsŭn pawl, Jehovah in nan thuhla a sim zo, ‘Izip ah feh hlah uh,’ tiah a ti. Tuihsun ah ralrinnak ka lo pe, ti theihliah uh. 20 ^bZiangahtile thil nan ti sual a si, ‘Jehovah kan Pathian hnenah thla in camsak awla, Jehovah kan Pathian ih a sim mi hmuahhmuah bangtukin in thăn aw, cule cumi cu kan tuah ding,’ tiih Jehovah nan Pathian hnenih in thlahtu nan si ruangah. 21 ^cCule cumi cu tuihsun ah nan hnenah ka thăn a si, asinan Jehovah nan Pathian thu nan lung lo ih, keimah hmangih nan hnenih a thlah mi ziang thu khal nan thlun lo. 22 ^dCuruangah cêng dingih feh nan duhnak hmun ah ralnâm in, mangṭam in le nathri sia in nan thi ding, ti atu-ah theihliah uh,” tiah a ti.

42:19^a Dnp 17:16; Isa 30:7, 18; Jer 40:15; 44:14

42:20^b Isa 30:9; Jer 42:2-3; Eze 14:7-8

42:21^c Suah 24:7; Eze 2:7; 3:19; Zek 7:11

42:22^d Isa 1:28; Jer 8:3; 14:12; Eze 18:4; Hos 9:6; Rom 2:5

43

Izip ah Jeremiah Hruai a Si

1 ^aCule Jeremiah in mipi zate hnenih Jehovah an Pathian kamsuakthu hmuahhmuah, Jehovah an Pathian in sim dingih an hnenih a thlahnak săn, hi kamsuakthu hmuahhmuah sim a ṭheh tikah, 2 ^bHoshaiah-ih fapa Azariah, Kareah-ih fapa Johanan le mipa mipuarthau hmuahhmuah in Jeremiah cu an bia ih, “Thuphan na per a si! ‘Izip ram ah cêng dingin feh hlah uh,’ tiih sim dingin Jehovah kan Pathian in a lo thlah lo. 3 ^cKanmah cu Kaldia-mipawl kut ah pein, in thah thei nak dingah simaw, Babilon ah ralkaih ih hruaihloh kan si thei nak dingah simaw, Neriah-ih fapa Baruk in nangmah cu kanmah dokalhin a lo fawrh sawn a si,” tiah an ti. 4 ^dCuti cun Kareah-ih fapa Johanan, ralkap rual hotu zate le mipi hmuahhmuah in Judah ram ih cêng dingin Jehovah-ih thu an lung lo. 5 ^eKareah-ih fapa Johanan le ralkap rual hotupawl zaten Judah ram ih cêng dingin hnawhsuah an sinak miphun dang hmuahhmuah ihsi ra kir Judah tāngsŭn hmuahhmuah: 6 ^fmipapawl, nunaupawl, nauhakpawl, siangpahrang fanupawl le kiltupawl hotu Nebuzaradan in Shafan-ih fapa, Ahikam-ih fapa Gedaliah hnenih a rak tān ta mi le profet Jeremiah le Neriah-ih fapa Baruk pawl khal an hruai riangri. 7 ^gCule Izip ram ah an feh, ziangahtile annih in Jehovah-ih thu cu an rak lung lo, cuti cun Tahpanhes tiang an rak feh a si.

43:1^a Jer 26:8

43:2^b Dnp 13:3; 1Sam 2:3; Sam 120:2; Jer 23:32; 37:14; Rom 9:1

43:3^c Jer 32:12; 36:4, 26; 38:4

43:4^d Jer 36:4; 41:16; 45:1

43:5^e Jer 40:12

43:6^f Jer 6:12; 32:12; 39:10

43:7^g 2Sp 25:26; Jer 2:16; Eze 33:20

Babilon in Izip a Neh Ding

8 ^aCun Tahpanhes ah Jeremiah hnenah Jehovah-ih kamsuakthu hitin a thleng ih, 9 ^b“Na kut in lung tumpi pi la awla, Tahpanhes ih Faro inn luhnak ih tlăkrawh tualrawn ih bel lei lakah Judah mipapawl mithmuh ah thup aw. 10 ^cCule an hnenah, ‘Ralkap rualpawlih Jehovah, Israel-ih Pathian in hitin a ti: ngai hnik uh, ka siahhlawh Babilon siangpahrang Nebukhadnezzar ka cahsuak ding ih, ka rak thuh mi hi lungtopawl tlunah a laltokham a hung ding. Cupawl tlunah a siangpahrang puanthlam a pharh ding. 11 ^dAmah a rat tikah, Izip ram a do ding, thi dingih ruat mipawl cu an thi ding ih, ralkaihnak ih hruai dingih ruat mipawl cu ralkaihnak ih hruai an si ding, ralnâm ih thi dingih ruat mipawl cu ralnâm in an thi ding. 12 ^eIzip pathianpawlih innpawl ah meisa a muah ding, cule anih in cupawl cu a ur ding ih, ralkaih ah a hruaihlo hai ding. Cule tuu khāltu in a sinfen a hruh vekin, Izip ram thawn a thuamaw ding, cule cu tawk ihsin hnangamten a fehsuak ding. 13 ^fIzip ram ih um ^gBeth Shemesh ṭhuamserhpawl khal a siatbăl ding ih, Izip-mipawlih pathianpawlih innpawl cu meisa in a urkāng ding,’ tiah a ti,” tiin.

43:8^a Job 34:21; Sam 139:7; Jer 23:23

43:9^b Sem 31:45-53; Dnp 27:2; Jos 4:1-7; 1Sp 18:31-32; Eze 4:12; Nah 3:14

43:10^c Isa 44:28; Jer 25:9; 35:13; 46:13; Eze 30:25

43:11^d Jer 15:2; Eze 29:19; Thu 13:10

43:12^e Sam 109:19; Jer 46:25; Eze 30:13

43:13^f Lai 1:33; Jer 46:25; Eze 30:14-16

43:13^g Beth Shemesh: Ni temple a si.

44

Izip ah Israel-mipawl Dāntat an si Ding

1 ^aIzip ram ih cêng Jew-pawl hmuahhmuah, Migdol khua, Tahpanhes khua, Nof khua le Pathros ram ih cêngpawl thuhla ih Jeremiah hnenih thu rung thleng mi cu hitin a si, 2 ^b“Ralkap rualpawlih Jehovah, Israel-ih Pathian in hitin a ti: Jerusalem le Judah khawpipawl parih ka rak thlenter mi thil ṭha lo zaten nan rak hmu zo; ngai hnik uh, tuihsun ah cupawl cu an ṭhing thluh ih, cuih hmunpawl ah zohman an um lo, 3 ^canmah le nanmah le nan pupápawl khalih an rak theih dah lo mi pathian dang pawl rian le rimhmui ur-in, ka thinhengter dingin an rak tuah mi an sualralnak ruangah a si. 4 ^dCu cingin ka siahhlawh profetpawl zaten nan hnenah ka rak thlah leuhleuh hai, ‘Maw, ka huat mi hi fihnungza thil hi tuah hlah uh!’ tiah an ti. 5 ^eAsinan an sualralnak ihsin lamlêt dingin, pathian dang pawl hnenih rimhmui ur lo dingin an ngaithla lo ih, an hna khal an thawng lo. 6 ^fCuruangah ka thinsonak le ka thinhengnak cu thletbŭng a si ih, Judah khawpipawl ah le Jerusalem kăwtthler ah an alh; cule tuihni ih nan hmuh vek hin cupawl cu an ṭhing ih an lawnglak.

44:1^a Isa 19:13; Jer 43:7-8; Eze 30:13

44:2^b 2San 34:24; Isa 47:11; Jer 34:22; Mik 3:12

44:3^c Dnp 29:26; Lai 10:6-7; 2Sp 22:17; Isa 65:3

44:4^d Dnp 16:22; 1Sp 14:22; Jer 7:13, 25; 26:5

44:5^e Sem 6:5; Lai 2:19; Thf 1:24; 29:1; Eze 8:9-11

44:6^f Jer 7:34; Eze 8:18; Zek 7:13-14

7 ^a“Curuangah atu-ah, ralkap rualpawlih Pathian, Israel-ih Pathian Jehovah in hitin a ti: zohman zuah loih nan lak ihsin nunau le mipa, nauhak le hnawi fawp lai pawl cu nannih Judah-mipawl lak ihsin thathlo thluh dingin ziangah so hi thil ṭha lo zet hi nanmah le nanmah dokalhawih nan tuah? 8 ^bCêng dingih nan va fehnak Izip ram ih pathian dang pawl hnenah rimhmui ur-in leilung miphunpawl zate lakah camsiat tuar le hmuhsuam nan sinak dingah le thahhlo thluh nan sinak dingah ziangah so nan kut thil ti mipawl in ka thin in lingter? 9 ^cJudah ram le Jerusalem kăwtthler ih an rak tuah mi nan pupápawlih sualralnak, Judah siangpahrangpawlih sualralnak, an nupipawlih sualralnak, nanmah roriih sualralnak le nan nupipawlih sualralnak cu nan rak hngilh maw si? 10 ^dTuihni tiangin an phahniamaw cuang lo ih, an ṭih fawn lo; nan pupápawl le nanmai hmaika ih ka ret mi ka dān le ka sakhaw dānpawl khal an thlun lo.

44:7^a Mip 16:38; Jer 9:21; Eze 33:11; Luk 12:57

44:8^b 1Sp 9:7; Sam 44:13; Jer 11:12; 42:18; 1Ko 10:21-22

44:9^c Sam 10:11; Jer 7:9-10, 17; Jam 1:24

44:10^d Pui 18:4; 23:29; 2San 13:18; Sam 107:11; 1Pe 5:6

11 ^a“Curuangah ralkap rualpawlih Jehovah, Israel-ih Pathian in hitin a ti: ngai hnik uh, thil ṭha lo hrangah le Judah hmuahhmuah that dingin nanmah dokalhin ka hmai ka hawi ding. 12 ^bIzip ram ah feh dingin, cu tawkih va cêng dingih hmai hawitu Judah tāngsŭn pawl cu ka hruai hai ding, an zaten Izip ram ah an hloral ding ih, ralnâm in an tlu ding, cule mangṭam in an hloral ding. A tebik ihsin a tumbik tiang ralnâm le mangṭam in an thi ding; cule anmah cu camsiat tuar le miṭhihṭhaihnak, camsiat mi le nautat mi ah an cang ding! 13 ^cZiangahtile ralnâm, mangṭam le nathri sia in Jerusalem dān ka tat vekin, Izip ram ih cêng mipawl cu dān ka tat hai ding, 14 ^dcutin Izip ram luh hnuih, kir le cēn an câknak Judah ram ih kir dingin Judah mitangsŭn zohman nungdam an um lo ding; ziangahtile a tlânsuak málte ngaingai dah ti lo cu zohman tlungkir khal an um lo ding,” tiin.

44:11^a Pui 20:5; Isa 37:16; Amo 9:4

44:12^b Jer 42:15-18; Eze 8:18

44:13^c Suah 32:34; Jer 16:4; Eze 6:11; 2Pe 2:9

44:14^d Rut 1:1; Jer 22:10, 27; Mar 13:20; Rom 9:27

15 ^aCun an nupipawl in pathian dang pawl hnenah rimhmui an ur ti theitu mipa zate le cu tawkih ding nunau zate, mipungkhawm tum zet, Izip ram Pathros ih cêng mi zate in Jeremiah cu hitin an sawn, 16 ^b“Jehovah hmin in kan hnenih na sim mi kamsuakthu kha cu kan lo ngaithla lo ding! 17 ^cAsinan kanmah le kan pupápawl, kan siangpahrangpawl le kan bawipawl in Judah khawpipawl ah le Jerusalem kăwtthler ih an rak tuah ṭheu vekin, van siangpahrang bawinu hnenih rimhmui ur le a hnenih Inding Thilhlănpawl thletbŭng ding cu kan kâ ihsi suak mi thil vekin kan tuah hrimhrim ding. Ziangahtile kha laiah khan rawl a tawrin kan nei, kan hmuingil ih, thil ṭha lo zianghman kan hmu lo. 18 ^dAsinan van siangpahrang bawinu hnenih rimhmui ur kan bān ihsin le Inding Thilhlănpawl a hnenih thletbŭng kan bān ihsin ziangkim kan tlasam ih, ralnâm le mangṭam in kan hloral a si,” tiah an ti.

44:15^a 1Sp 1:2, 4; Thf 31:10; Jer 18:15; 1Ti 2:14

44:16^b 1Sam 8:19; Jer 42:21; Eze 2:5; Zek 7:11; Apo 7:57

44:17^c Suah 16:3; Pui 23:13; Mip 11:4-5; Neh 9:34-35; Hos 2:5-13

44:18^d Mip 11:6; 2Sp 23:4-5, 8; Jer 42:16

19 ^aCun nunaupawl in, “Van siangpahrang bawinu hnenih rimhmui kan ur lai le a hnenih Inding Thilhlănpawl kan thletbŭng laiah, kan pasalpawlih siannak tel loin, amah nu biaknak ah a hrangah sang kan tuah ih, a hnenah Inding Thilhlănpawl kan thlebung maw si?” tiah an ti.

44:19^a Pui 26:1-6; Mip 30:12; Apo 17:29; Efe 5:22

20 Cun Jeremiah in mipi zate, mipapawl, nunaupawl le amah sawntu mipi zate hnenah hitin a ti: 21 ^a“Judah khawpipawl le Jerusalem kăwtthler ih nanmah le nan pupápawl, nan siangpahrangpawl le nan bawipawl, ram minungpawl in nan ur mi rimhmui cu Jehovah in a cing in, a lungthin ah a lut lo maw si? 22 ^bNan thil ṭha lo tuah mipawl ruangah le nan tuah mi fihnungza pawl ruangah Jehovah in a tuar thei nawn lo. Curuangah nan ram cu tuihni ih nan hmuh vek hin a ṭhing ih, miṭhihṭhaihnak le camsiat mi, luahtu um lo ah a cang. 23 ^cRimhmui nan ur ih, Jehovah parah nan sual, cule Jehovah-ih thu cu nan lung lo ih, a dān, a sakhaw dānpawl le a thutheihter mipawl nan thlun lo, curuangah hi thil ṭha lo hi tuihni ih nan hmuh vek hin nan parah a thleng a si,” tiah a ti.

44:21^a Sam 79:8; Jer 2:26-28; 44:9; Hos 8:13

44:22^b Sem 19:13; Pui 26:21-33; Sam 107:33-34; Jer 25:18; Eze 33:28

44:23^c Pui 18:4-5; 26:33; 1Sp 9:6-9; Jer 40:2; Dan 9:11

24 ^aCuihhleiah Jeremiah in mipi zate hnenah le nunau zate hnenah, “Izip ram ih um Judah-mi hmuahhmuah in Jehovah-ih kamsuakthu hi ngaithla uh! 25 ^bRalkap rualpawlih Jehovah, Israel-ih Pathian in hitin a ti: nanmah le nan nupipawl cun, ‘Van siangpahrang bawinu hnenah rimhmui ur le a hnenih Inding Thilhlănpawl thletbŭng cu kan rak tuah vekin kan thutiam mi cu kan tuahsuak tengteng ding,’ tiin nan kâ in nan ṭawng ih, nan kut in nan thlengkimter. Nan tiamkam mi cu hlensuak tengteng hmen uh! Nan tiamkam mi cu tuahsuak tengteng hmen uh! 26 ^cCuruangah nannih Izip ram ih um Judah-mi hmuahhmuah in Jehovah-ih kamsuakthu hi ngaithla uh: ngai hnik uh, ka hmin ropi sālin sia ka săm a si, Jehovah in a ti, Izip ram pumpi ih Judah-mi zo-ih kâ hmanin, ‘Bawipa Jehovah a nung a si,’ tiin ka hmin an sâl nawn lo ding. 27 ^dNgai hnik, ṭhatnak dingah si loin, thil ṭha lo hrangah anmah ka thlingthla hai ding. Cule Izip ram ih um mipa hmuahhmuah cu an cem thluh hlanlo ralnâm le mangṭam in an hloral ding. 28 ^eRalnâm ihsi luatsuak mipum málte cu Izip ram ihsin Judah ram ah an kir ding; cule cêng dingih Izip ram ih fehsuak Judah tāngsŭn pawl hmuahhmuah in zo-ih ṭawngkam ding hnget sawn pei, keimai maw anmai ti an thei ding. 29 ^fCule himi hi nan hrangah hminsinnak a si ding, Jehovah in a ti, ka kamsuakthu hi nan parah thil ṭha lo hrangah a ding hnget tengteng ding ti nan theihnak dingah hi hmun ah dān ka lo tat ding.

44:24^a Jer 43:7; 44:15

44:25^b Dnp 32:37-38; Thf 20:25; Eze 20:39; Jam 1:13-15

44:26^c Sem 22:16; Sam 50:16; Heb 6:13

44:27^d 2Sp 21:14; Jer 21:10; 39:16; 44:14

44:28^e Isa 10:20; Jer 45:5; Eze 6:8

44:29^f Thf 19:21

30 ^a“Jehovah in hitin a ti: ngai hnik, Judah siangpahrang Zedekiah cu a nunnak hawltu a doral Babilon siangpahrang Nebukhadnezzar kut ih ka pek bangin, Izip siangpahrang Faro Hofra cu a ralpawlih kut ah, a nunnak hawltupawlih kut ah ka pe ding,” tiah a ti.

44:30^a Eze 30:21-26

45

Baruk hnenih Thucah

1 ^aJudah siangpahrang Josiah-ih fapa Jehoiakim a lal kum litnak ah, Jeremiah-ih kâ ihsin hi kamsuakthupawl cazual sungih Neriah-ih fapa Baruk in a ngan laiih a hnenih profet Jeremiah ih sim mi kamsuakthu cu hitin a si: 2 ^b“Maw Baruk, Israel-ih Pathian Jehovah in na hnenah hitin a ti: 3 ^cnang in, ‘Ka hmakhua a pit a si! Ziangahtile Jehovah in ka riahsiatnak ah thinnatnak a bêt. Ka hrūmnak ah ka cau ih, cawlhhahdamnak ka hmu lo,’ na ti.

45:1^a Suah 17:14; Sam 40:7; Jer 32:12; 36:1, 4, 18, 32; 43:4

45:2^b Luk 12:7

45:3^c Job 23:2; Sam 6:6; 120:5; Isa 24:16; Jer 36:26; Ṭah 1:3; Rom 9:2; 2Th 3:13

4 ^a“A hnenah hitin na sim pei, ‘Jehovah in hitin a ti: ngai hnik, ka sak zo mi ka băl ding ih, ka phun zo mi ka phawi ding, cucu hi ram pumpi hi a si. 5 ^bNangmai hrangah thil ropi pawl na hawl maw? Cupawl cu hawl hlah; ziangahtile, ngai hnik, milai zate parah thil ṭha lo ka thlengter ding, Jehovah in a ti. Asinan na nunnak cu ralthillawn vekin na fehnak hmun kip ah ka lo pe ding,’ tiin,” ti a si.

45:4^a Dnp 28:63; Ths 3:2-3; Isa 5:5-7; Jer 11:17; Rom 9:21

45:5^b 2Sp 5:26; Sam 68:20; Jer 21:9; 39:18; Mat 6:25; Rom 12:16

46

Izip parih Thuṭhennak

1 ^aMiphunpawl thuhla ih Profet Jeremiah hnenih rung thleng Jehovah-ih kamsuakthu.

46:1^a Jer 1:10; 25:15

2 ^aIzip thuhla, Judah siangpahrang Josiah-ih fapa Jehoiakim a lal kum litnak ah, Zufraṭis tiva kapih um Karkemish khawpi ih Babilon siangpahrang in a neh mi Izip siangpahrang Faro Neko ralkappawlih thuhla:

46:2^a Sem 15:18

3 ^a“Ralphaw tûm le ralphaw te timlam uhla,
Doawknak kiang naiah va feh uh!
4 ^bRangpawl thuam uh,
Rang ralkappawl, rang parah to uh!
Nan lukhumpawl thawn dīng uh,
Feipawl hnawttle uh,
Ralthuam hruh uh!
5 ^cZiang so ka hmuh? Anmah cu thlaphâng le dungsipin an um.
An micakpawl nehin an um;
Dunglet hawi loin,
Zamrang zetin an tlân.
Ziangahtile ṭihnak cu kil kip ah a um, tiah Jehovah in a ti.
6 ^dMizuanzângpawl tlanhlo hlah hai sehla,
Micakpawl khal tlânsuak hlah hai seh;
Zufraṭis tiva kiang, sak lamah
An bah ding ih an tlu ding.
7 ^e“Nâl tiva pi vekih so luihlo hi zo so a si?
A tidaipawl cu tivapawl vekin a so luihlo.
8 ^fIzip cu Nâl tiva pi bangin a tho luihlo ih,
Tiva luang luihlo vekin;
Cule anih in, ‘Ka kaiso ding ih, leilung ka cimpil ding,
Khawpi le a luahtupawl ka siatsuah ding,’ tiah a ti.
9 ^gNannih rangpawl, so uhla, nannih rang lêngpawl tlân vutvo uh!
Micakpawl in hmai năwr hai seh:
Ralphaw keng Kush-mipawl le Libia-mipawl le,
Thál keng ih nawp Lud-mipawl kha.
10 ^hZiangahtile hihi ralkap rualpawlih Jehovah Bawipaih ni,
Phuba lâk ni a si,
Cutin amah in a doralpawl phuba a la ding;
Ralnâm in a eirál hai ding;
A tlai ding ih, an thisen a in ding;
Ziangahtile ralkap rualpawlih Jehovah Bawipa in sak lam ram,
Zufraṭis tiva kiangah raithawinak a nei.
11 ⁱGilead ah so awla, thing hnai la aw,
Maw fala him, Izip fanu;
Si tampi na hmangrál lak men ding;
Na dam cuang lo ding.
12 ^jMiphunpawl in na mualphozia hna in an thei ih,
Na ṭahnak in ram a luahkhat ṭheh;
Ziangahtile micak pa cu micak parah a bah;
An pahnih in an rīltlang,” tiin.

46:3^a Isa 21:5

46:4^b 2San 26:14; Neh 4:16; Eze 21:9-11

46:5^c Sam 31:13; Jer 48:44

46:6^d Isa 30:16; Dan 11:19

46:7^e Jer 47:2

46:8^f Eze 29:3; Dan 11:10; Amo 8:8

46:9^g Eze 26:10; Nah 3:2

46:10^h Dnp 32:42; 2Sam 22:47-49; Joe 1:15; Zef 1:7; 2:2

46:11ⁱ Sem 37:25; Jer 8:22; 30:13; Mik 1:9

46:12^j Isa 19:4; Nah 3:8-10

13 ^aBabilon siangpahrang Nebukhadnezzar ra tahratin Izip ram a dodān ding, profet Jeremiah hnenih Jehovah ih sim mi thu:

46:13^a Isa 19:1; Jer 27:7; Eze 32:11-12

14 ^a“Izip ah thăn uhla, Migdol ah phuang uh;
^bNof ah le Tahpanhes khalah;
‘Ding hnget uhla timlamaw uh,
Ziangahtile ralnâm in nan kiangkung hmuahhmuah a eirál ṭheh,’ tiah ti uh.
15 ^cZiangah so na ralthiampawl nuaihloh ih an um?
An dīng thei lo,
Ziangruangahtile Jehovah in a hnawhsuak hai.
16 ^dMi tam zet a tluter hai;
A si, mi pakhat parah pakhat a tlu.
Cule annih in, ‘Tho uh!
Palbĕttuih ralnâm lakin
Kan minungpawl hnenah kir uhsi,
Kan suahnak ram ah,’ tiah an ti.
17 ^e‘Izip siangpahrang Faro hi thawmvâng men lawng a si,
Cān khiah cu a lan zo!’ tiin cu tawkah an au.
18 ^f“A hmin ralkap rualpawlih Jehovah ti mi Siangpahrang in,
Tobor cu tlangpawl lakih a um vek le
Tifinriat kapih Karmel a um vekin
Amah cu ka nun vekin a ra tengteng ding, tiin a phuang.
19 ^gMaw nang fanu, Izip ih um,
Sál tānnak ih feh dingin na zâl timtuah aw!
Ziangahtile Nof cu a răm ding ih, urkăng a si ding, luahtu nei loin.
20 ^h“Izip cu caw la mawi zet vek a si,
Asinan mi keuhmang tho a ra, sak lam ihsin a ra.
21 ⁱA kawlrawih mi ralkappawl cu an lakah caw pa no cawm thau vek an si,
Ziangahtile annih khal dung an kir ih,
An tlânsetlang.
An ṭanhmun ah an ding lo,
Ziangahtile an vansiat ni cu an parah a rak thleng,
Dāntat cān khal.
22 ^j“Rul vekih siksikin Izip a tlanhlo ding,
Ziangahtile a ralpawl cu ralkap rual bangin an ra ih,
Thing hautupawl bangin,
Amah dokalhin hreitlung thawn an ra.
23 ^kAnnih in a tupi an hau ding,
Hmuh ding a um nawn riai lo ding, Jehovah in a ti,
Khaukhuappawl hnakih tamsawn le
Siar cawk lo si hai hman sehla.
24 ^lIzip fanu cu a ning a zak ding;
Anih cu sak lam mipawl kut ih pek a si ding,” tiin.

46:14^a 2Sam 2:26; Isa 19:13; Jer 43:8

46:14^b Nof: Hihi Memfis khawpi a si.

46:15^c Jos 23:5; Isa 22:19

46:16^d Pui 26:37; Isa 13:14; Jer 25:38

46:17^e 1Sam 2:3; Isa 19:11-16

46:18^f Jos 19:22; 1Sp 18:42; Jer 48:15

46:19^g Isa 19:13; Eze 29:10, 12

46:20^h Jer 1:14; 47:2; Hos 4:16

46:21ⁱ 2Sp 7:6; Job 18:18-20; Jer 18:17; Hos 10:13; Amo 5:19; Joh 10:13

46:22^j Sam 74:5; Isa 29:4-5

46:23^k Dnp 28:42; Lai 7:12

46:24^l 2Sp 24:7; Jer 31:19

25 ^aRalkap rualpawlih Jehovah, Israel-ih Pathian in hitin a ti: “Ngai hnik, Thebes khawpi ih ^bAmon, Faro le Izip, an pathianpawl le an siangpahrangpawl thawn dān ka tat hai ding; Faro le amah rinsantupawl rori cu. 26 ^cCule anmahpawl cu an nunnak hawltupawl kut, Babilon siangpahrang Nebukhadnezzar le a siahhlawhpawl kut ah ka pe ding. Cuih hnuah Izip cu a hlan vekin luah a si leh ding, Jehovah in a ti.

46:25^a Jer 43:12; Eze 30:14; Nah 3:8

46:25^b Amon: Izip pathian a si.

46:26^c Isa 19:4; Jer 44:30; Eze 29:11-16

27 ^a“Asinan nang ka siahhlawh Jakob, ṭih hlah aw;
Maw Israel, thlaphângin um hlah!
Ziangahtile, ngai hnik, hlapi ihsin ka lo run ding ih,
Na cithlah cu ralkaih an sinak ram ihsin;
Jakob a ra tlungkir ding ih, an cawlhahdam ding, cule thawvéngin an um ding;
Zohman in thlaphâng ko an tuah lo ding.
28 ^bMaw Jakob ka siahhlawh, ṭih hlah, Jehovah in a ti,
Ziangahtile ka lo umpi a si;
Ziangahtile ka lo hnawhsuahnak ih
Miphunpawl zaten ka hloralter verver ding.
Asinan nang cu ka lo hloralter verver lo ding.
Dik zetin nun ka lo rĕm ding,
Ziangahtile dāntatnak lo pe loin ka lo tân lo ding,” tiin.

46:27^a Sem 28:21; Isa 11:11; 41:8; 43:5; 44:2; Jer 30:10

46:28^b Mip 14:9; Jer 4:27; 30:11

47

Filisṭia parih Thuṭhennak

1 ^aFaro in Gaza a doneh hlan, Filisṭia-mipawl thuhla ih profet Jeremiah hnenih thleng Jehovah-ih kamsuakthu:

47:1^a Sem 10:14, 19; Suah 23:31; Jos 13:2-3; Zek 9:5-7

2 ^aJehovah in hitin a ti,

47:2^a Isa 13:6; 14:31; 15:3

“Ngai hnik, sak lam ihsin tipi a tho ih,
Tilian maktak a si ding;
Ram a cîm ding ih, a sungih um hmuahhmuah thawn,
Khawpi le a sungih cêngpawl khal;
Cun mipapawl an au ding ih,
Ram luahtupawl hmuahhmuah an râk ding.
3 ^aA rangpawlih ke awn thlurhthlo thawmvâng ah,
A rang lêngpawl awn durdo ah,
A lêng kepawl awn hngawr thâwm ah,
Ralṭhatnak tlaksam ruangah,
Fāte hrangah palepawl an hawikir lo,
4 ^bFilisṭia-mi hmuahhmuah răm ni,
Ṭaiar le Sidon ihsin a umsŭn mi bawmtu kip sahcat ni a thlen ruangah;
Ziangahtile Jehovah in Kaftor tikulh ih nungdam umsŭn,
Filisṭia-mipawl a răm ding.
5 ^cGaza parah lukawlhnak a rak thleng,
Ashkelon cu sahcat a si,
Maw an phaikuam ih mi tāngsŭn pawl,
Ziangtik tiang so nanmah le nanmah nan âtaw ding?
6 ^dA ze, Jehovah-ih ralnâm,
Ziangtik tiang so cawl loih na um ding?
Na kawm sungah lut aw,
Cawl awla, daiten um aw!
7 Jehovah in ti ding a pek si ahcun,
Ziangtin so daiten a um thei ding?
Ashkelon le tipi kap do dingin,
A ruat fawn si ahcun,” tiin.

47:3^a Isa 13:7; Jer 46:9; Eze 7:17

47:4^b Sem 10:14-15; Dnp 2:23; Isa 23:1; Joe 3:4; Amo 1:9-10

47:5^c 1Sp 18:28; Jer 25:20; 44:8

47:6^d Isa 34:5; Eze 21:3-4, 30; 25:15-17; 47:7

48

Moab parih Thuṭhennak

1 ^aMoab thuhla.

48:1^a Sem 19:37; Mip 1:32, 37-38; Dnp 23:6; Jos 13:19

Ralkap rualpawlih Jehovah, Israel-ih Pathian in hitin a ti:

“Nebo cu a hmakhua a pit a si!
Ziangahtile anih cu răm a si,
Kirjathaim cu ningzak ko tuah le lâk a si;
Kulh hnget cu ningzak ko tuah le tisiat a si.
2 ^aMoab in lăwm a hlawh nawn lo;
Heshbon ah amah dokalhin thil ṭha lo khua an khâng:
‘Ra uh, miphun pakhat a sinak ihsin sâtcat uhsi,’ tiah an ti.
Maw Madmen khua, nang khal hauthluk na si ding!
Ralnâm in a lo dawi ding.
3 ^bHoronaim ihsin auaw a um ding:
‘Rămnak le siatnak maksak cu!’ tiin.
4 Moab cu tisiat a si;
A fahniangte te pawl an ṭap;
5 ^cZiangahtile Luhith Kaisohnak ah ṭap phahin an kai;
Ziangahtile Horonaim sukthlaknak ah siatnak ṭah thâwm an thei.
6 ^dRamṭhing ih junipa vek si dingin
Tlânse uh, nan nunnak runsuak uh!
7 ^eNa hnaṭuanpawl le na hlawnthilpawl na rinsan ruangah,
Nangmah khal kaih na si ding.
Cule ^fKemosh cu sál ah a feh ding,
A puithiampawl le a bawipawl thawn.
8 ^gMirămtupawl khaw kip ah an ra ding ih,
Zohman an tlânsuak lo ding.
Phaikuam khal a hloral ding ih,
Phairawn khal siatsuah a si ding, Jehovah ih a rak sim vekin.
9 ^hA tlânsia ih, a zamhloh thei nak dingah
Moab cu thla pe uh;
Ziangahtile a khawpipawl an ṭhing ding,
Cu tawkah zohman an cêng lo ding.
10 ⁱDaithlang zetih Jehovah hna a ṭuantu cu camsiatin um seh,
Cule thisen lak ihsi a ralnâm sūptu cu camsiatin um seh.
11 ^j“Moab cu a no lai ihsin ralmûangin a um;
Thâwl khat in thâwl khat ih tlĕng loin,
A bawm ah a um ringring,
Sál tānnak khalah a rak feh lo.
Curuangah a thawtnak cu amah ah a tāng ih,
A rim khal a thlĕngaw dah lo.
12 Curuangah ngai hnik, nipawl cu an thleng a si, Jehovah in a ti,
A thletu ding sabit zu ṭuantu ka thlah ding ih,
A bungbelpawl a lawngter ding,
Cule thâwlpawl a khuai ding.
13 ^kAn rinsan mi Bethel cu Israel in a zahpi bangin,
Moab in Kemosh a zahpi ding.
14 ^l‘Kanmah cu micak le ral donak ih micak kan si,’ tiah ziangtin na ti thei?
15 ^mMoab cu răm a si ih, a khawpipawl ah mi an so;
A hril mi tlangvalpawl cu mi thattu kut ah an tlu, a hmin ralkap rualpawlih Jehovah ti mi Siangpahrang in a ti.
16 ⁿMoab-ih vanduainak cu a thleng cing ding,
Cule a zăwnzaihnak cu rang zetin a thleng ding.
17 ^oNannih a kimvelih umpawl hmuahhmuah in amah cu ṭah uh;
Cule nannih a hmin theitupawl hmuahhmuah in,
‘Ziangtin so kianghrăwl cak cu a kiak,
A mawi zet mi fungfêk cu!’ tiah ti uh.
18 ^pNang fanu, Dibon luahtu,
Na ropitnak ihsin ṭum awla,
Lei ro ah to aw;
Ziangahtile Moab rămtu cu na parah a thleng,
Anih in na hauhruangpawl a siatbăl.
19 ^qMaw Aroer luahtu,
Lamzin kapah dīng awla, thlir aw;
A tlânse pa le
A tlânsuak nu kha sut aw;
‘Ziang a cang,’ tiah ti aw.
20 ^rMoab cu a mualpho, ziangahtile anih cu siatbăl a si.
Râk awla, ṭap aw!
Moab cu tisiat a si, tiin Arnon tiva kapah phuang uh.
21 ^sPhairawn ram ah thuṭhennak a thleng:
Holon, Jahzah le Mefaath parah,
22 ^tDibon, Nebo le Diblathaim parah,
23 ^uKirjathaim, Beth Gamul le Beth Meon parah,
24 ^vKerioth le Bozrah parah
Moab ram khawpipawl hmuahhmuah a hla le a nai parah.
25 ^wMoab ki cu sahtan a si ih,
A bān cu khiah a si, Jehovah in a ti.
26 ^xJehovah dokalhin a khaisanawk ruangah
Ri ko tuah uh.
Moab cu amai luak lakah a tâl ding ih,
Amah cu hnihsan a si fawn ding.
27 ^yZiangahtile Israel cu na hrangah hnihsuakza a si lo maw?
Amah cu fifirpawl lakah hmuh a simaw?
Ziangahtile a thuhla na rel tinten
Hmuhsuamin na lu na thing.
28 ^z“Maw nannih Moab ih cêngpawl,
Khawpipawl tansăn uhla lungkhām hrâp lakah cêng uh,
Cule pûk kâ kapih thuro bu sâm vek si uh.
29 ^aaMoab hngalzia hna in kan rak thei,
Anih cu a puarthau tuk lawmmam,
A pawrhawkzia le a duhawkzia, a hngalzia le
A thinlung uanawkzia pawl tla.
30 ^abA thinlingzia ka thei, Jehovah in a ti,
Asinan cucu zianghman a ṭhahnem lo;
A tluangkhawnnak cun zianghman a hngăwng lo.
31 ^acCuruangah Moab hrangah ka râk ding ih,
Moab zate hrangah ka ṭap ding;
Kir Heres mipawl ka sūn ding.
32 ^adMaw Sibmah sabit hmuan! Jazer ṭahnak thawn ka lo ṭah ding.
Na hngeṭêkpawl cu tipi tlun an thleng,
Jazer tipi an bān.
Na ṭhal thing rah le na sabit rah cu siatsuahtu in a tuam.
33 ^aeAipuannak le lungawinak cu
Thing rah tam zet nak lóram ṭha ihsin le
Moab ram ihsin lâkhlo a si;
Sabit sawrnak ihsin sabit zu ka cemter;
Zohman in au phahin an cil nawn lo ding,
A aunak cu aipuan au a si lo!
34 ^af“Heshbon ihsin Elealeh le Jahaz tiang an au,
An aw an suah,
Zoar ihsin Horonaim tiang le
Eglath-shelishiyah tiang,
Ziangahtile Nimrim tipi khal a kāng ding.
35 ^agCuihtlunah, hmun sâng pawlih thawinak hlantu le
A pathianpawl hnenih rimhmui urtu cu
Moab ah ka cemter ding, tiah Jehovah in a ti.
36 ^ahCuruangah ka thinlung cu phirivau bangin Moab hrangah a ṭap ding ih,
Phirivau bangin Kir Heres mipawl hrangah ka thinlung a ṭap ding.
Curuangah an khawl mi lennakpawl an hloral.
37 ^aiZiangahtile lu hmuahhmuah mehkawlh a si ding ih, kha hmul i kip meh a si ding;
Kut hmuahhmuah ah a si ding ih, tâipawl ah buri hnipuan ven a si ding.
38 ^ajMoab inn tlun hmuahhmuah ah le
A kăwtthler ah ṭahnak a um ding;
Ziangahtile Moab cu duh nawn lo mi bungbel bangin ka khuai a si, Jehovah in a ti.
39 ^akA va se lawmmam ve!
An va ṭap nasa ve!
Moab cu ningzahnak thawn dunglet a hawi!
Cutin Moab cu hnihsan a si ding ih,
A kiangkapih um zate hrangah tuksumza a si ding.
40 ^alZiangahtile Jehovah in hitin a ti:
Ngai hnik, anih cu muvanlai bangin a zam ding ih,
Moab dokalhin a thla a pharh ding.
41 ^amKerioth cu kaih a si ih,
A hauhruangpawl cu kulhkhŭm an si;
Cuih ni ah Moab micakpawlih thinlung cu
Nunau fahrin nat tuar cān ih thinlung vek a si ding.
42 ^anJehovah dokalhin a khaisanawk ruangah,
Moab cu miphun pakhat sinak ihsin tisiat a si ding.
43 ^aoMaw Moab luahtu,
Na parah ṭihnak, khur le tháng a um ding, Jehovah in a ti.
44 ^apṬihnak ihsin a tlânsetu cu khur sungah a tla ding ih,
Khur sung ihsin a suaktu cu tháng in a awk ding.
Ziangahtile a parah, Moab par roriah
An dāntatnak kum ka thlengter ding, Jehovah in a ti.
45 ^aqCauh ruangah Heshbon thlahlim tăngah a tlânsepawl an dîng.
Asinan Heshbon ihsin meisa a suak ding,
Sihon ihsin meialh,
Cule Moab beksám a kāngfai ding,
Buainak ngainatupawlih lu ruh a kāng.
46 ^arMaw Moab, na hmakhua a pit a si!
Kemosh-ih milaipawl an hloral;
Ziangahtile na fapapawl cu ralkaih ih hruai an si ih,
Na fanupawl khal ralkaih ih hruai an si.

48:2^a Mip 21:25; Jos 13:26; Isa 16:14

48:3^b Isa 15:5; Jer 48:5, 34

48:5^c Isa 15:5

48:6^d Sem 19:17; Jer 17:6

48:7^e Sam 49:6; Isa 46:1-2; Amo 2:3

48:7^f Kemosh: Moab pathian a si.

48:8^g Suah 12:23; Jer 4:7

48:9^h Sam 11:1; Isa 16:2

48:10ⁱ 1Sp 20:42; Jer 47:6

48:11^j Zef 1:12; Zek 1:15

48:13^k Jos 7:2; Hos 10:6

48:14^l Isa 10:13-16

48:15^m Isa 9:17; 15:5-9

48:16ⁿ Isa 13:22

48:17^o Sam 110:2

48:18^p Mip 21:30; Jos 13:9; Isa 47:1

48:19^q Mip 32:34; Dnp 2:36; 1Sam 4:13-14

48:20^r Mip 21:13; Isa 16:7

48:21^s Mip 21:23; Jos 13:18; Isa 15:4

48:22^t Mip 21:30; 32:38; Jos 13:9, 17

48:23^u Mip 32:37; Jos 13:17, 19

48:24^v Isa 15:1; Jer 49:13; Amo 2:2

48:25^w Sam 10:15; 75:10; Eze 30:21

48:26^x Suah 5:2; Jer 25:16; Dan 5:23

48:27^y Dnp 28:37; Sam 44:14; Jer 2:26; Mik 7:8-10; Zef 2:8, 10

48:28^z Sem 8:8; Lai 6:2; Sol 1:15

48:29^aa Pui 26:19; Job 40:12; Sam 10:5; Thf 16:18

48:30^ab Isa 37:28

48:31^ac 2Sp 3:25; Isa 15:5-8

48:32^ad Mip 32:3; Jos 13:25

48:33^ae Isa 24:7; Joe 1:12

48:34^af Sem 13:10; Jos 13:26; Isa 15:5-6

48:35^ag Isa 15:2; Jer 11:13

48:36^ah 2Sp 3:25; Isa 15:7

48:37^ai Sem 37:34; Pui 19:27; 2Sam 10:4; Isa 3:24; 15:2; Jer 41:5; Eze 27:31; Amo 8:10

48:38^aj Isa 15:3; Jer 22:28

48:39^ak Eze 26:16

48:40^al Dnp 28:49; Isa 8:8; Hab 1:8

48:41^am Isa 15:1; 21:3; Amo 2:16

48:42^an Isa 16:14

48:43^ao Isa 24:17; Jer 49:5

48:44^ap Job 20:24; Isa 24:18; Jer 11:23; 46:5

48:45^aq Mip 21:21; 24:17; Jos 12:2

48:46^ar Mip 21:29; Lai 11:24; 1Sp 11:7; Jer 48:7

47 ^a“Cu cingin ni netaah, Moab vanneihnak cu ka dĭnṭhasal leh ding, Jehovah in a ti,” tiin. Moab parih thuṭhennak cu hitin a cem.

48:47^a Sam 14:7; Isa 11:11; Jer 49:6; Eze 16:53; Dan 11:41

49

Ammon parih Thuṭhennak

1 ^aAmmon-mipawlih thuhla.

49:1^a Sem 19:38; 30:11; 1Sam 11:1-11; 2Sam 10:1-19

Jehovah in hitin a ti:

“Israel in fapapawl tla a nei lo maw?
Ro cotu teh a nei lo maw?
Ziangah so Milkom in Gad cu ro ah a co ih,
A khawpipawl ah a minungpawl an cēn?
2 ^aCuruangah ngai hnik uh, a tikcucān cu a thleng ding a si, Jehovah in a ti,
Ral do awthâwm ka theihter hai ding,
Rabbah khua ah, Ammon-mipawl;
Anih cu thil se penkhawm ah a cang ding ih,
A khaw ṭêk pawl cu meisa ih ur an si ding.
Cule Israel in ro ih a co mi cu a la ding, Jehovah in a ti.
3 ^b“Maw Heshbon, râk rero aw, ziangahtile Ai khua cu răm a si!
Nannih Rabbah fanupawl, ṭap uh,
Buri hnipuan hruh uh!
Ṭap uhla, kulh sungah tlankûal rero uh;
Ziangahtile Milkom cu a puithiampawl le a bawipawl thawn sál tānnak ah an fehtlang ding.
4 ^cZiangah so na phaikuampawl na tluangkhawnpi?
Na phaikuam cu a hloral rero a si, Maw dungtawlh fanu.
A hlawnthilpawl rinsanin,
‘Zo in so i do ding?’ tiah na ti.
5 ^dNgai hnik, na parah ṭihnak ka thlen ding,
Na kimvelih umtupawl hmuahhmuah hnen ihsin, ralkap rualpawlih Jehovah Bawipa in a ti;
Raltlânpawl cu fĭnkhawmtu ding zohman nei loin,
Ṭhekdarh seksek nan si ding.
6 ^eAsinan cuih hnuah Ammon-mipawlih vanneihnak cu ka dĭnṭhasal leh ding, Jehovah in a ti,” tiin.

49:2^a Dnp 3:11; 13:16; Jer 4:19; Eze 21:28-32

49:3^b Sem 12:8; 37:34; Jos 8:28; 13:26; Jer 48:7

49:4^c Jer 9:23; 21:13; 1Ti 6:17

49:5^d Jer 46:5; 49:29

49:6^e Jer 12:14-17

Edom parih Thuṭhennak

7 ^aEdom thuhla.

49:7^a Sem 25:30; 36:11, 15, 34; Sam 83:6

Ralkap rualpawlih Jehovah in hitin a ti:

“Teman ah fimnak a um nawn lo maw?
Khawruat thiam hnen ihsin thurawn pek a cemrál maw si?
An fimnak a ziamral maw si?
8 ^aMaw Dedan luahtupawl, tlânsia uh, kirsal uh, hmun thûk ah um ta uh!
Ziangahtile amah cu dān ka tat tikcān ah,
Esau-ih vanduainak cu a parah ka thlengter ding.
9 Sabit rah lotupawl na hnenih an rat asile,
Lawh hrelh mi lêp an tân ta lo ding maw?
Zan ah fifirpawl in,
An ṭul zat lawng an ru lo ding maw?
10 ^bAsinan Esau cu ka kawlawngter;
A hmun thup pawl ka hlit ih,
A relh thei lo ding.
A tesinfapawl cu răm an si,
A unaupawl le a innhnenpawl cu,
Cule amah khal a um nawn lo.
11 ^cPa nei lo na falepawl cu tân aw,
Nungdamten ka kilveng hai ding;
Cule na nuhmeipawl in keimah in rinsan hai seh,” tiin.

49:8^a Sem 10:7; Lai 6:2

49:10^b Sem 3:8; Isa 34:10-12; Eze 35:4; Oba 1:18; Mal 1:2-5

49:11^c Dnp 10:18; Hos 14:3

12 ^aZiangahtile Jehovah in hitin a ti: “Ngai hnik, no in dingih thuṭhensak lo mipawl in an in ngaingai. Nang cu dāntat loih fehlan ding na simaw? Dāntat loin na fehlan lo ding, cumi cu na in hrimhrim sawn ding. 13 ^bZiangahtile keimah le keimah sal-awin sia ka săm a si, Bozrah cu miṭhihṭhaihnak, hmuhsuam mi, hmun lawnglak le camsiat mi ah a cang ding. Cule a khawpipawl zaten a răm lan ta ding, Jehovah in a ti,” tiin.

49:12^a Isa 51:22-23; Mat 20:22

49:13^b Sem 22:16; 36:33; Jer 19:8; 42:18; Eze 35:9

14 Jehovah hnen ihsin thucah ka thei ih,
Palai cu miphunpawl hnenih thlah a si:
“Fĭnkhawmaw uhla, amah cu do uh,
Cule ral do dingin tho uh!
15 Ziangahtile, ngai hnik, miphunpawl lakah mitenau ah ka lo tuah ding,
Minungpawl lakah hmuhsuam na si ding.
16 ^aṬihnungza na sinak in a lo bum zo,
Na thinlung hngalnak in,
Maw nang lung kham hrâp pawl lakih cêng,
Tlang sâng luahtu!
Muvanlai bangin sangpi ah na bu sâm khal awla,
Cu tawk ihsin ka lo dirtla ding, Jehovah in a ti.
17 ^b“Edom cu miṭhihṭhaihnak ah a cang ding;
A kiangih fehtu pauhpauh an khawruah a har ding ih,
A hriamhma parah an cekcek ding.
18 ^cSodom le Gomorrah le an khawhnenpawl siatbăl an si vekin,
Cu tawkah zohman an tâng nawn lo ding ih,
Cu tawkah milai an cêng lo ding, Jehovah in a ti.
19 ^dNgai hnik uh,
Tidai kāng dah lo ran tlannak hmun dokalhih Jordan phul lak ihsi kiosa a soh bangin
Anih cu a so ding;
Asinan hmakhatteah amah cu cuih hmun ihsin tlanhlo ko ka tuah ding.
Cule a tlunih thuneitu dingah ka hril mi cu ka ruat ding.
Ziangahtile keimah bangtu cu zo a si?
Zo in so thuṭhennak ih i kawh ding?
Ka hmaiih ding thei cuih tuu khāltu cu zo a si?
20 ^eCuruangah Edom dokalhih a rak pek mi Jehovah-ih khawkhannak le
Teman luahtupawl dokalhih a tumtah mipawl hi ngaithla uh:
Rante rual lakih a fatebik pawl tiangin dirhsuah an si tengteng ding;
Anih in an cēnnak hmunpawl cu anmah thawn a kawlawngter tengteng ding.
21 ^fAn tlûk thâwm ah leilung a hnîn;
Ṭah thâwm cu Tipi Sen ihsin theih a si.
22 ^gZoh hnik uh, anih cu a hung so ding ih, muvanlai bangin a zam ding,
Cule Bozrah dokalhin a thla a pharh ding;
Cuih ni ah Edom micakpawlih thinlung cu
Nunau fahrin nat tuar thinlung vek a si ding,” tiin.

49:16^a Job 39:27-28; Oba 1:12

49:17^b Dnp 29:22; Eze 35:7

49:18^c Sem 19:24; Isa 34:10; Jer 23:14

49:19^d 1Sam 17:34-35; 2San 20:6; Job 9:19; Isa 46:5; Jer 12:5

49:20^e Sem 36:11; Isa 14:27; Jer 50:45; Mal 1:3-4

49:21^f Sam 114:7; Jer 50:46; Eze 26:15, 18

49:22^g Dnp 28:49; Isa 13:8; Jer 50:36; Hos 8:1; Nah 3:13; Hab 1:8

Damaskas parih Thuṭhennak

23 ^aDamaskas thuhla.

49:23^a Sem 14:15; 49:4; 1Sp 8:65; 2Sp 14:28; 18:34; Isa 10:9; Eze 47:16; Amo 6:2; Zek 9:2; Apo 9:2

“Thuthang sia an theih ruangah,
Hamath le Arpad cu an ning a zak;
An thinlung a cau;
Tipi kapah vansanglămnak a um;
Cumi cu rehter theih a si lo.
24 ^aDamaskas a ṭawnṭai thlang,
Tlânsehlo dingin a heraw ih,
Ṭihnak in amah cu a kaingah.
Nunau fahrin nat tuar vekin, amah cu ānhainak le riahsiatnak in a rak kai.
25 Ka aipuannak khawpi, an simfak mi khawpi cu ziangtin so tlansan a si thlang lo?
26 ^bCuruangah cuih ni ah a tlangvalpawl cu kăwtthler ah an tlu ding ih,
Ral do thiam pawl hmuahhmuah cu duaiter an si ding, ralkap rualpawlih Jehovah in a ti.
27 ^cDamaskas kulh ah meisa ka muah ding ih,
Ben-Hadad siangpahrang innpawl a kangrál ding,” tiin.

49:24^a Jer 13:21

49:26^b Isa 9:17; Jer 50:30; Amo 4:10

49:27^c 1Sp 15:18; Amo 1:4

Kedar le Hazor parih Thuṭhennak

28 ^aBabilon siangpahrang Nebukhadnezzar ih a neh mi Kedar thuhla le Hazor lalrampawl thuhla.

49:28^a Sem 25:13; Jos 11:1; Lai 6:3

Jehovah in hitin a ti:

“Tho uh, Kedar ah so uhla,
Nisuahnak lam mipawl siatsuah uh!
29 ^aAn puanthlampawl le an rante rualpawl an lâkhlosak ding.
An puanzarpawl cu anmai hrangah an la ding,
An bungbelpawl le an kalaukpawl hmuahhmuah thawn;
Cule, ‘Kil kip ah ṭihnak a um!’ tiah pakhat le pakhat an auh-aw ding.
30 ^bNannih Hazor luahtupawl,
Tlânse uh, hlapi ah feh uh, hmun thûk ah cêng uh! Jehovah in a ti.
Ziangahtile nanmah dokalhin Babilon siangpahrang in khua a khâng zo ih,
Nanmah dokalhin tumtahnak a nei.
31 ^cRalmûang zet le him zetih cêng miphun dokalhin tho uhla so uh,
Kăwtkapawl le a kharpawl khal nei lo,
Mah lawngih cêng hnenah, Jehovah in a ti.
32 ^dAn kalaukpawl cu ralthillawn hrangah an si ding ih,
An sumhnám tam zet cu ralthillâk hrangah.
Sam tawi pawl cu thli lakah ka thehdarh hai ding ih,
An vanduainak cu kil kip ihsin ka thlengter ding, Jehovah in a ti.
33 ^eHazor cu sihálpawl cēnnak a si ding, a răm kumkhua ta ding;
Cu tawkah zohman an um lo ding ih,
Milai zohman an cêng lo ding,” tiin.

49:29^a 1San 5:20; Jer 6:25; Hab 3:7

49:30^b Jos 11:1; Lai 6:2

49:31^c Eze 38:11

49:32^d Lai 6:5; Jer 9:26

49:33^e Jos 11:1; Isa 13:22; Jer 48:9; 51:37

Elam Miphun parih Thuṭhennak

34 ^aJudah siangpahrang Zedekiah a lal thawk pek ih Elam miphun thuhla profet Jeremiah hnenih Jehovah-ih kamsuakthu thleng cu hitin a si, 35 ^bRalkap rualpawlih Jehovah in hitin a ti:

49:34^a Sem 10:22; 2Sp 24:18

49:35^b Sam 37:15; Isa 22:6

“Ngai hnik, an cahnak bik
Elam-ih thál ka khiak ding.
36 ^aElam parah van kil li ihsin thli pali ka thlengter ding ih,
Cuih thlipawl lamah ka ṭekdarhter hai ding;
Hnawhsuah mi Elam fehlonak miphun a um lo ding.
37 ^bZiangahtile Elam cu an ralpawl hmaiah le,
An nunnak hawltupawl hmaiah thlaphâng ko ka tuah hai ding.
An parah thil ṭha lo ka thlengter ding,
Ka thinhengnak nasa zet rori cu, Jehovah in a ti;
Cule anmah ka eirál thluh lai hlanlo,
An dung thlunin ralnâm ka thlah ding.
38 Cule Elam ah ka laltokham ka ret ding ih,
Siangpahrang le bawipawl ka siatsuah ding, Jehovah in a ti.
39 ^cAsinan ni netaah hitin a si ding:
Elam vanneihnak ka dĭnṭhasal leh ding, Jehovah in a ti,” tiin.

49:36^a Eze 5:10; Dan 7:2; 8:8; Amo 9:9; Thu 7:1

49:37^b Jer 9:16; 30:24; Eze 32:24

49:39^c Jer 48:47

50

Babilon parih Thuṭhennak

1 ^aBabilon thuhla le Kaldia-mipawlih ram thuhla ih profet Jeremiah hmangin Jehovah ih sim mi kamsuakthu.

50:1^a Sem 10:10; Sam 137:8

2 ^a“Miphunpawl lakah thăn uh,
Phuang uhla, thantar khai uh;
Phuang uh, thup hlah uh:
‘Babilon cu lâk a si, Bel cu ningzak ko tuah a si.
Merodak cu a kuaidarh ṭheh;
A milempawl an mualpho,
A milimpawl an kuaidarh ṭheh,’ ti uh.
3 ^bZiangahtile sak lam ihsin amah do dingin miphun pakhat a ra,
Cumi cun a ram ṭhing ko a tuah ding ih,
Cu tawkah zohman an cêng lo ding.
An ṭhawnhlo, an suahsan,
Minung le ramsa in.
4 ^c“Cuih ni le cuih tikcucān ah, Jehovah in a ti,
Israel tefapawl an ra ding,
Anmah le Judah-ih tefapawl;
Ṭap phah reroin an ra ding ih,
Jehovah an Pathian an hawl ding.
5 ^dZion lam hawiin
Zion lamzin an sut ding,
‘Ra uh, hngilh lo ding mi kumkhaw thukham ah
Jehovah run kăwp uhsi,’ tiah an ti ding.
6 ^eKa mipawl cu tuu hlo an rak si;
Anmah khāltupawl in an hruaipêng;
Tlang parah an pialhloter.
Tlang pakhat ihsin tlang dangah an feh rero;
An cawlhnak hmun an hngilh.
7 ^fAnmah hmutu hmuahhmuah in anmah cu an eirál;
Cule an doralpawl in, ‘Kannih kan mawh lo,
Diknak luahtu Jehovah,
An pupápawlih ruahsannak Jehovah dokalhin thil sual an tuah ruangah a si,’ tiah an ti.
8 ^gBabilon ram ihsin tawivâk uhla, Kaldia ram ihsin suak uh; rante rual hmaihruaitu me cang tluk fangah cang ve uh.
9 ^hZiangahtile ngai hnik, Babilon run do dingin sak lam ram ihsin miphun maksak rual pungkhawmaw cu ka thoter ding ih ka păwkter ding,
Cule amah do dingin an tlaraw ding;
Cu tawk ihsin anih cu kaih a si ding.
An thál fungpawl cu kutlawng ih tlung lo raldo thiam pawl vek an si.
10 ⁱCule Kaldia cu răm a si ding;
Amah rămtu zaten an tlai ding, Jehovah in a ti.
11 ^j“Maw nannih ka ro siatsuahtupawl,
Nan lungawi ruangah, nan aipuan ruangah,
Thlairawl cil caw la bangin nan khir ruangah le
Rang cang bangih nan ai ruangah,
12 ^kNasa zetin nan nu a ning a zak ding;
A lo hringtu nu a ning a zak ding.
Ngai hnik uh, anih cu miphunpawl lakih fatebik, ramṭhing, ram ro le thlaler a si ding.
13 ^lJehovah-ih thinlingnak ruangah
Anih cu luah a si lo ding,
Cuhnakin a ṭhing sawn ding.
Babilon kiangih a fehtu kip cu an lâu ding ih,
A hriamhma zate parah an cekcek ding.
14 ^mNannih thál nawptupawl,
Babilon do dingin a kimvel hmuahhmuah ah tlaraw uh;
Amah cu sai uh, thál fungpawl sūp hlah uh,
Ziangahtile anih cu Jehovah parah thil sual a tuah.
15 ⁿA kimvel hmuahhmuah ah amah dokalhin au uh,
A ṭhuampawl an tlu,
A kulhpawl an cim;
Ziangahtile himi cu Jehovah-ih phulei samnak a si.
A parah phulei sam uh.
Mi dang parih a tuah vekin a parah tuah uh.
16 ^oBabilon ihsi thlaici vawrhtu le,
Fang ah cān ih favah kaitu that uh.
Ziangahtile palbĕttuih ralnâm ṭih ruangah
Mi kip anmai miphun cio hnenah an kir ding ih,
Mi kip anmai ram cio ah an tlânse ding.
17 ^pIsrael cu tuu rual vâkdarh vek a si;
Kiosapawl in an dawihlo.
A hmaisabikah Assiria siangpahrang in a eirál,
Netabikah Babilon siangpahrang Nebukhadnezzar in a ruhpawl a khiaksak.
18 ^q“Curuangah ralkap rualpawlih Jehovah, Israel-ih Pathian in hitin a ti:
Ngai hnik uh, Assiria siangpahrang dān ka tat bangin,
Babilon siangpahrang le a ram cu dān ka tat ding
19 ^rAsinan Israel cu a tlimno umnak hmun ah ka hruaikirsal ding ih,
Karmel le Bashan ah tlimno a piat ding;
Efraim le Gilead tlang ram ah a tlai ding.
20 ^sCuih ni le cuih tikcucān ah, Jehovah in a ti,
Israel-ih mawhsualnak cu hawl a si ding, asinan a um lo ding;
Cule Judah-ih sualpawl khal hawl a si ding, asinan hmuh a si lo ding;
Ziangahtile ka kilhim mipawl cu ka ngaidam hai ding.
21 ^t“Merathaim ram do dingin so uh, amah cu do uhla,
Pekod luahtupawl do uh.
Rămter uhla, siatsuah verver uh, Jehovah in a ti,
Thu ka lo pek mi hmuahhmuah bangtukin tuah uh.
22 ^uRam sungah ral do thâwm a um,
Rapthlak zetih siatnak cu.
23 ^vLeilung pumpi sobul cu sahtan a si ih a va kekkuai nasa ve!
Miphunpawl lakah Babilon cu miṭhihṭhaihnak ah a cang!
24 ^wMaw Babilon, na hrangah tháng ka kam ih, na theih hlanah awh na si,
Hmuh na si ih kaih na si,
Ziangruangahtile Jehovah na rak do.
25 ^xJehovah in a ralthuam retnak a áwng ih,
A aithawknak hriamhreipawl a lasuak;
Ziangahtile himi cu Kaldia-mipawl ram ih,
Ralkap rualpawlih Jehovah Bawipaih hnaṭuan a si.
26 ^yA hlatnak bik ramri ihsin ra uhla amah cu do uh,
A thil retkhawmnak inn cu áwng uh;
Amah cu thil sia penkhawm vekin hlăwn uhla,
Amah cu siatsuah verver uh;
A thil zianghman tān si hlah seh.
27 ^zA caw pa tûai pawl zaten that uh,
Sathattu hnenah suk hai seh.
An hmakhua a pit a si!
Ziangahtile an cān a thleng zo, dāntat an sinak tikcucān cu.
28 ^aaZion ah Jehovah kan Pathian ih phuba lâknak, a temple hrangih phuba lâknak thăn dingin,
Babilon ram ihsi tlânsia le tlânsuakpawl ih aw a um.
29 ^abBabilon do dingin thálsai thiam tampi kokhawm uh.
Nannih thál nawptupawl hmuahhmuah,
Amah dokalhin a kimvel hmuahhmuah ah ṭanhmun khuar uh;
Pakhat hman tlânsuakter hlah uh.
A thil ti bangtukin lehrūl uh;
A tuah mi hmuahhmuah bangtukin a parah tuah uh;
Ziangahtile anih cu Jehovah dokalhin,
Israel-ih Mi Thianghlim dokalhin a puarthau,
30 ^acCuruangah a tlangvalpawl cu kăwtthler ah an tlu ding ih,
A ral do mipapawl cu cuih ni ah duaiter an si ding, Jehovah in a ti.
31 ^ad“Ngai hnik, maw nang lungruh pa, nangmah ka lo do a si, ralkap rualpawlih Jehovah Bawipa in a ti;
Ziangahtile na ni a thleng zo,
Nangmah dān ka lo tat ding tikcucān cu.
32 ^aeMipuarthaubik a bah ding ih a tlu ding,
Cule zohman in an kaitho lo ding;
A khawpipawl ah meisa ka muah ding ih,
A kimvel hmuahhmuah a kāng ṭheh ding.

50:2^a Pui 26:30; Dnp 30:4; Sam 97:7; Isa 13:2; 21:9; 46:6; Jer 51:31

50:3^b Isa 13:20; 14:22-23; 41:25; Zef 1:3

50:4^c Isa 9:13; Jer 3:18; Eze 37:17, 22; Hos 3:5

50:5^d Dnp 29:14; Isa 11:16; 55:3; Heb 8:6-10

50:6^e Jer 3:6; Eze 13:10; 34:6

50:7^f Jer 2:3; 5:17; 14:8; Eze 35:12

50:8^g Isa 48:20; Jer 51:6; Thu 18:4

50:9^h Isa 13:17-18; 41:25; Jer 25:14

50:10ⁱ Isa 47:11; Jer 30:16

50:11^j Isa 47:6; Jer 31:18

50:12^k Isa 21:1; Jer 51:26, 47

50:13^l Jer 9:11; 18:16; 51:41; Hab 2:6

50:14^m Isa 13:18; Hab 2:8, 17

50:15ⁿ 2Sp 25:4; Sam 137:8; Isa 10:3; Jer 51:6, 14; Hab 2:7-8; Thu 18:6

50:16^o Isa 13:14; Jer 25:38; 51:9

50:17^p Pui 26:33; Mip 24:8; Dnp 4:27; 2Sp 15:29; 24:1, 17; Jer 5:17; 51:34; Ṭah 3:4

50:18^q Isa 10:12; Eze 31:3; Zef 2:13

50:19^r Jer 31:5, 10, 14; Eze 34:13; Mik 7:14; Zek 10:10

50:20^s Sem 45:7; Sam 7:3; 103:12; Isa 38:17; Eze 33:16; Mik 7:18; Zek 3:4, 9; Rom 9:27

50:21^t Eze 23:23

50:22^u Jer 4:19-21; 51:54-56

50:23^v Isa 10:5; 14:16; Jer 51:25

50:24^w Job 9:4; 40:2, 9; Jer 51:12, 31

50:25^x Isa 13:5; Jer 51:25, 55

50:26^y Isa 14:22-23; Jer 50:10; 51:11

50:27^z Job 18:20; Sam 68:30; Isa 30:25; Jer 51:6

50:28^aa 2Sp 24:13; Isa 48:20; Jer 51:13

50:29^ab Dnp 32:41; Sam 78:41; Isa 14:13-14; 41:20; Eze 35:11; Dan 5:23; Oba 1:15

50:30^ac Isa 13:18; Jer 9:21; 18:21; 49:26; 51:4

50:31^ad Jer 21:13; Thu 18:7-8

50:32^ae Sam 20:8; 119:21; Jer 49:27; Amo 5:2

33 ^a“Ralkap rualpawlih Jehovah in hitin a ti:

50:33^a Isa 14:17; 58:6

Israel tefapawl cu palbĕt an si,
Judah-ih tefapawl khal;
Ralkaih ih hruaitu hmuahhmuah in hnget zetin an kai;
Thlah an siang lo.
34 ^aAnmah Tlentu cu a cak;
A hmin cu ralkap rualpawlih Jehovah a si.
Cule ram sungih cawlhhahdamnak a pek hai thei nak dingah le
Babilon luahtupawl a tibuai thei nak dingah
Cipciarin an thuhla a ngĕnsak hai ding.
35 ^b“Ralnâm in Kaldia-mipawl a do,
Babilon luahtupawl a do ih,
A bawipawl le a mifimpawl a do, Jehovah in a ti.
36 ^cRalnâm in aizoh thiam pawl a do ih, anmah cu mi-â ah an cang ding.
A micakpawl cu ralnâm in a do ih, an thla a phâng ding.
37 ^dRalnâm in an rangpawl a do,
An rang lêngpawl a do ih,
An lakih um miphun căwkcawrawi pawl hmuahhmuah a do;
Cule annih cu nunaupawl vekah an cang ding.
Ralnâm in a hlawnthilpawl a do ih, annih cu răm an si ding.
38 ^eKhawkheng in a tidaipawl a do ih, an kāng thluh ding.
Ziangahtile himi cu khercawp milimpawlih ram a si ih,
An milempawl an atcilh.
39 ^fCuruangah cu tawkah nelrawn ramsapawl cu sihálpawl thawn an cêng ding ih,
Kalauk vapawl khal cu tawkah an cêng ding.
Cuih hmun cu kumkhuain luah a si nawn lo ding ih,
San khat hnu san khat cuih hmun cu luah a si lo ding.
40 ^gPathian in Sodom le Gomorrah le a khawhnenpawl a tisiat vekin
Cu tawkah zohman an um lo ding ih,
Milai zohman an cêng lo ding, Jehovah in a ti.
41 ^h“Zoh hnik, sak lam ihsin mipi bur khat an rung ding ih,
Leilung dĕng ihsin
Miphun ropi le siangpahrang tam zet an ra suak ding.
42 ⁱAnnih in thál le fei an keng ding;
Annih cu an nun a râwng ih, zahngainak an langter lo ding.
An aw cu tipi vekin a hûk ding;
Rang an to ding,
Ral do dingih mi pakhat tiaraw bangin an tlaraw ding,
Nangmah dokalhin, Maw Babilon fanu.
43 ^jAn thuhla thăn mi cu Babilon siangpahrang in a rak thei ih,
A kut a zăwi ṭheh.
Ānhainak in amah cu a kai,
Nunau fahrin nat tuar vekin.
44 ^k“Ngai hnik uh, tidai kāng dah lo ran tlannak hmun dokalhih Jordan phul lak ihsi kiosa a soh bangin
Anih cu a so ding,
Asinan hmakhatteah amah cu cuih hmun ihsin tlanhlo ko ka tuah ding.
Cule a tlunih thuneitu dingah ka hril mi cu ka ruat ding.
Ziangahtile keimah bangtu cu zo a si?
Zo in so thuṭhennak ih i kawh ding?
Ka hmaiih ding thei cuih tuu khāltu cu zo a si?
45 ^lCuruangah Babilon dokalhih a rak pek mi Jehovah-ih khawkhannak le
Kaldia-mipawlih ram dokalhih a rak tumtah mipawl hi ngaithla uh:
Rante rual lakih a fatebikpawl tiangin dirhsuah an si tengteng ding;
Anih in an cēnnak hmunpawl cu anmah thawn a ṭhingter tengteng ding.
46 ^mBabilon an kaihnak awthâwm ah
Leilung a hnîn ih,
Miphunpawl lakah a ṭah aw theih a si,” tiin.

50:34^a Suah 6:6; Job 19:25; Sam 119:154; Isa 14:7; 49:25; Jer 31:35; Ṭah 3:58

50:35^b Isa 45:1; Jer 47:6; Dan 5:7

50:36^c Jer 49:22; 51:30, 32

50:37^d Isa 19:16; 45:3

50:38^e Sam 137:1; Jer 51:36

50:39^f Sam 74:14; Isa 13:19-22; Jer 51:37; Thu 18:2

50:40^g Sem 19:24; Jer 51:62; Mat 10:15

50:41^h Jer 13:4, 17; 51:27

50:42ⁱ Job 30:21; Isa 5:30; 13:18; 47:1

50:43^j Jer 6:22-24; 47:3

50:44^k Mip 16:5; Job 41:10; Isa 46:9; Jer 12:5; 49:19

50:45^l Sam 33:11; Isa 48:14

50:46^m Lai 5:4; Jer 49:21; Thu 18:9-10

51

Babilon Siatnak

1 ^aJehovah in hitin a ti:

51:1^a Isa 13:17; Jer 25:12

“Ngai hnik, Babilon parah,
^aLeb Kamai ih cêngpawl parah
Siatsuahnak thinlung ka căwktho ding.
2 ^bCule amah theh dingin le a ram lawnglakter dingin
Babilon ah thehtupawl ka thlah hai ding.
Ziangahtile siatnak ni ah
Annih cun a kimvel zaten an do ding.
3 ^cAmah dokalhin thálsai thiam in a thál nawp sehla,
A ralthuam thawn amah dokalhin ding seh.
A tlangvalpawl kha zuah hai hlah;
A ralkap hmuahhmuah that thluh verver aw.
4 ^dCuti vek cun thah mipawl cu Kaldia-mipawlih ram ah an rīl ding ih,
Suntlăng mipawl cu a kăwtthler ah.
5 ^eZiangahtile an ram cu Israel-ih Mi Thianghlim parih mawhnak in a khat ko na cingin,
Israel cu a Pathian, ralkap rualpawlih Jehovah in, a hngilh lo, Judah khal,” tiah a ti.
6 ^fBabilon lak ihsin tlânse aw,
Cule mi kip an nunnak runsuak hai seh!
Dāntat a sinak ah hlorálawter hlah,
Ziangahtile hihi Jehovah ih phuba lak cān a si;
Anih in amah cu phuba a la ding.
7 ^gBabilon cu leilung hmuahhmuah ritertu,
Jehovah-ih kut ih um sui no a si,
Miphunpawl in a sabit zu an in;
Curuangah miphunpawl cu an â ṭheh.
8 ^hRin lo piin Babilon cu a tlu ih a siat.
Ṭah uh!
A natnak hrangah thing hnai run keng uh,
A dam mahna.
9 ⁱBabilon cu tidam kan tum nân,
A dam cuang lo.
Tlansan men uhla, mi kip mai ram cio ah feh uhsi;
Ziangahtile thu an ṭhensaknak in van a tăwng ih, van boruak tiang khaisan a si.
10 ^jJehovah in kan dingfelnak a phuanglang zo.
Ra uhla, Jehovah kan Pathian thil ti cu Zion ah thăn uhsi.
11 ^kThál fungpawl tât-hriam uh!
Thál fung bawm khatter uh!
Jehovah in Medes siangpahrangpawlih thinlung a thoter.
Ziangahtile a khawkhan mi cu Babilon dokalhih tisiat ding hi a si,
Ziangruangahtile cucu Jehovah-ih phuba lâknak a si,
A temple hrangih phuba lâknak cu.
12 ^lBabilon kulh dokalhin thantar thlai uh;
Kiltu tamter uh,
Ralvengtupawl ret uh,
Bawhtu timlam uh.
Ziangahtile Jehovah in Babilon luahtupawl thuhla a rak sim mi thu ah amah in khua a khang ih a hlensuak.
13 ^mNang tidai tampi kiangih cêng,
Hlawnthil tam ngaingai nei,
Na netnak a thleng a si,
Na tikcucān tawiter a si.
14 ⁿRalkap rualpawlih Jehovah in amah le amah sal-awin sia a săm,
“Kharbawk vekin milai in ka lo khatter tengteng ding ih,
Nangmah dokalhin an ausuak ding,” tiah a ti.
15 ^oA huham in leilung a tuah;
A fimnak in leitlun a dĭn ih,
A theihthiamnak in van a pharh.
16 ^pA aw a suah tikah,
Van ah tidai thâwm a um.
Leilung dĕng ihsin anih in tikhu a kaisoter.
Ruahpi lakah nimthlakau a tuah,
A thli retnak sung ihsin thli a suakter.
17 ^qMi kip cu ruahnak nei lo, theihnak nei lo an si;
Sui ertu pauhpauh cu milim hmangin ningzahter an si ding;
Ziangahtile a bur mi milim cu bumawknak men a si ih,
Anmah ah thaw a um lo.
18 ^rCupawl cu zianghmanlo men an si, hnihsuakza hnaṭuan an si;
Dāntat an si tikcucān ah an hloral ding.
19 ^sJakob-ih covo cu cupawl vek a si lo,
Ziangahtile anih cu thil hmuahhmuah Tuahtu a si ih;
Israel cu ro ih a co mi hnám a si.
Ralkap rualpawlih Jehovah ti hi a hmin a si.
20 ^t“Nang cu ka ral donak hreitlung le ral donak hriamhrei na si:
Ziangahtile nangmah hmangin miphun ka khuai nêknêk ding;
Nangmah hmangin lalrampawl ka siatsuah ding;
21 ^uNangmah hmangin rang le a par to cu ka kekkuaiter nêknêk ding;
Nangmah hmangin rang lêng le a totu ka kekkuaiter nêknêk ding;
22 ^vNangmah hmangin nunau le mipa ka sawprăwpter ding;
Nangmah hmangin tar le mino ka sawprăwpter ding;
Nangmah hmangin tlangval le fala ka sawprăwpter ding;
23 Nangmah hmangin tuu khāltu le rante rual ka sawprăwpter nêknêk ding;
Nangmah hmangin ló neitu le a caw cang hngawngkol ka sawprăwpter nêknêk ding;
Cule nangmah hmangin uktupawl le thuneitupawl ka sawprăwpter nêknêk ding.
24 ^wCule nanmai mithmuh ah Zion ah,
Thil ṭha lo an tuah mi hmuahhmuah cu
Babilon le Kaldia luahtupawl zate parah ka lehrūl ding, Jehovah in a ti.
25 ^x“Ngai hnik, leilung hmuahhmuah siatsuahtu,
Maw siatsuahtu tlang, nangmah ka lo dokalh a si, Jehovah in a ti.
Cule na parah ka kut ka thlak ding,
Lungtopawl ihsin ka lo hriltla ding ih,
Tlang kāng ah ka lo tuah ding.
26 ^yNa hnen ihsin a kilih phum ding mi lungto an la lo ding ih,
Lungphum hrangah lungto khal an la lo ding,
Nang cu na kawlawng kumkhua ding, Jehovah in a ti.
27 ^zRam sungah thantar tar uh,
Miphunpawl lakah tuu pa ki phaw uh!
Amah dokalhin miphunpawl timtuah uh,
Amah dokalhin Ararat, Minni le Ashkenaz lalrampawl ko uh.
Amah dokalhin ralbawipi ruat uh;
Kharbawk bupi bangin, rangpawl hung soter uh.
28 Amah do dingin miphunpawl timtuah uh,
Medes siangpahrangpawl le,
A uktupawl le a thuneitupawl,
A uk mi ram hmuahhmuah thawn.
29 ^aaCule ram cu a khūr ding ih a riah a sia ding;
Ziangahtile Babilon ram luahtu um loih ṭiauter dingin,
Babilon parih Jehovah ih thil tum hmuahhmuah cu tuahsuak a si ding.
30 ^abBabilon micakpawl ral do an bâng,
An hauhruang sungah an tâng;
An cahnak a cem,
Nunaupawl vekah an cang;
A cēnnak hmunpawl an urkāng,
A kăwtka tlângpawl an kiak.
31 ^acA khawpi pumpi cu lâk a si ti Babilon siangpahrang sim dingah,
Zualko pakhat cu a dang pakhat dungah a tlân ih,
Thuphurtu pakhat cu a dang thuphurtu dungah;
32 ^adTiva kāipawl phih an si,
Phai kungpawl meisa in an ur ih,
Ral do mipapawl an thla a phâng.
33 ^ae“Ziangahtile ralkap rualpawlih Jehovah, Israel-ih Pathian in hitin a ti:
Babilon fanu cu buh cīl tikcucān ih hruih hmun vek a si,
A rei hlanah, amah sĕngkhawm cān a thleng ding,” tiin.
34 ^af Zion luahtu in hitin a ti ding,
“Babilon siangpahrang Nebukhadnezzar in i rak eirál, i sawprăwpter;
Bungbel kawlawng ah i tuah,
Rulhreng vekin i dawlh;
A pum cu ka rawl thaw in a khatter,
Anih cun i khaksuak.
35 ^agKa par le ka sungkhat parih tuah mi thahrum suahnak cu Babilon parah thleng seh,” tiin.
“Ka thisen mawh cu Kaldia luahtupawl parah um seh!” Jerusalem luahtu in a ti ding.

51:1^a Leb Kamai: Hi ṭawngfángih sullam cu “I dokalhtupawl lakah” tinak a si. Hihi Hebru ṭawng ih “Kaldiamipawl” kawhnak a si, asinan ca ih ngan cun cafáng linglet zawngin a si.

51:2^b Isa 13:5, 9; 41:16; Mat 3:12

51:3^c Jer 46:4; 50:29

51:4^d Isa 13:15, 18; 14:19; Jer 49:26; 50:30, 37

51:5^e Pui 26:44; Isa 54:6-8; Hos 4:1

51:6^f Mip 16:26; Dnp 32:35; Job 21:19; Isa 1:24; 48:20; Jer 50:27; Ṭah 3:64; Thu 18:4

51:7^g Isa 51:22; Thu 14:8-10

51:8^h Isa 14:15; Jer 46:11; Thu 14:8

51:9ⁱ Isa 13:14; Jer 46:16; Thu 18:4-5

51:10^j Sam 37:6; 64:9; Isa 40:2; Mik 7:9

51:11^k Pui 26:25; Isa 13:3; 21:5; 41:2; Jer 50:9, 28, 45

51:12^l 2Sam 18:24; Sam 33:11; Jer 50:24; Eze 33:2

51:13^m Isa 45:3; Jer 50:38; Eze 22:27; Hab 2:9

51:14ⁿ Sem 22:16; Jer 50:15; Amo 6:8; 7:1-2; Nah 3:15

51:15^o Sem 1:1; Sam 104:2, 24; 136:5

51:16^p Dnp 28:12; Job 28:26; Sam 18:11-13; 135:7; Jon 1:4

51:17^q Isa 44:20; Hab 2:18-19

51:18^r Jer 18:15

51:19^s Suah 34:9; Sam 119:57

51:20^t Job 34:23-24; Isa 10:5; 45:1; Mik 4:13; Zek 9:13

51:21^u Suah 15:1; Isa 43:17; Jer 50:37

51:22^v 2San 36:17; Isa 13:17-18

51:24^w Dnp 32:41; Isa 45:1; Ṭah 3:64

51:25^x Suah 3:20; Jer 50:23; Zek 4:7

51:26^y Isa 13:19-22; 28:13-16; Jer 25:12

51:27^z Sem 8:4; 10:3; Isa 13:2; Jer 25:14

51:29^aa Lai 5:4; Sam 33:11; Isa 13:20; Jer 48:9

51:30^ab Isa 19:16; 45:2; 47:14; Jer 50:36

51:31^ac 2Sam 18:19-31; Jer 50:2; Dan 5:30

51:32^ad Isa 47:14; Jer 50:36

51:33^ae Isa 13:22; 17:5; 21:10; 47:1

51:34^af Pui 18:25; Jer 50:17; Hos 8:8

51:35^ag Sam 137:8; Joe 3:19; Hab 2:17

36 ^aCuruangah Jehovah in hitin a ti:

51:36^a Sam 140:12; Isa 11:15; Jer 50:38; Ṭah 3:58; Rom 12:19

“Ngai hnik, na hrangah ka dīng ding ih, na hrangah phuba ka sam ding.
A tipi ka kāngter ding ih, a tihna ka kāngter ding.
37 ^aBabilon cu hnawm pen ah a cang ding,
Sihálpawl cēnnak hmun ah,
Luahtu um loin,
Miṭhihṭhaihnak ah le sisio mi ah.
38 ^bKiosapawl vekin an hûkkhawm ding,
Kiosa fa no bangin an hngirhngir ding.
39 ^cAn tha a thawh tikah puai ka tuahsak hai ding;
Lungawi aipuangih an um thei nak dingah le
Zianghman thei loin an ihthah lan ih,
An ṭhănglonak dingah
Ka riter hai ding, Jehovah in a ti.
40 ^dRan thattu hnenah tuu fa no bangin ka hruai hai ding,
Tuu cang pawl le me pa pawl bangin
Ka hruaisuk hai ding.
41 ^e“^fSheshak cu ziangtin neh a si thlang ih,
Leilung pumpi ih simfak mi cu ziangtin kaih a si thlang!
Miphun dang lakah Babilon cu miih miṭhihṭhaihnak ah a cang!
42 ^gBabilon tlunah tipi a tho;
Anih cu tipi suar tam zetin a khuh.
43 ^hA khawpipawl cu an kawlawng,
Ram ro le ramṭhing,
Zohman cēnlonak ram,
Milai zohman ih paltlănglonak ah a cang.
44 ⁱBabilon ah Bel cu dān ka tat ding ih,
A rak dawlh mi kha a kă sung ihsin ka lasuak ding;
Cule miphunpawl cu amah ah an luanglutkhawm nawn lo ding.
A si, Babilon kulh a cim ding.
45 ^jKa mipawl tla, a sung ihsin suak uh!
Cule a nasa zet mi Jehovah-ih thinhengnak lak ihsin mi kip runsuakaw uh.
46 ^kNan thanau hlah seh,
Ram sungih titilenglawng nan theih ding mi ṭih fawn hlah uh.
Ziangahtile kum khat ah titilenglawng a thleng ding ih,
Cuih hnuah, kum dangah titilenglawng a thleng leh ding,
Ram sungah thahrum suahnak a um ding, uktu in uktu a do ding.
47 ^l“Curuangah ngai hnik uh,
Babilon milimpawl dān ka tat cān a thleng ding,
A ram pumpi cu ningzakin an um ding ih,
A mithi hmuahhmuah cu a mipi lakah an um ding.
48 ^mCun van le leilung le a sungih um hmuahhmuah cu Babilon tlunah
Aipuang zetin an au ding;
Ziangahtile sak lam ihsin rămtupawl a hnenah an thleng ding, Jehovah in a ti.
49 ⁿBabilon ruangah leilung minung hmuahhmuah an thih vekin,
Israel-ih mithipawl ruangah Babilon a tlu tengteng ding,” tiin.
50 ^oNannih ralnâm ihsi tlânsuakpawl,
Fehhlo uh! Dīng ringring hlah uh!
Hlatpi ihsin Jehovah cîng ringring uhla,
Nan lungthin ah Jerusalem câm ringring seh.
51 ^pNautatnak kan theih ruangah kan ning a zak.
Ningzahnak in kan hmai a khuh,
Ziangahtile Jehovah inn ih hmun thianghlim pawl ah mikhual an lut.
52 ^q “Curuangah ngai hnik, a milimpawl dān ka tat ding tikcucān a thleng ding, Jehovah in a ti.
A ram pumpuluk ah hriam tuar mipawl an hrûm ding.
53 ^rBabilon cu van tăwng khal sehla,
A cahnak hmun sâng cu kulh hnget hman sehla,
Ka hnen ihsin rămtupawl a hnenah an ra ding, Jehovah in a ti.
54 ^sBabilon ihsin ṭah aw a suak ding,
Kaldia ram ihsin siatnak maksak aw khal!
55 ^tJehovah in Babilon a răm ding ih,
A aw ring reh ko a tuah ding.
A tisuarpawl cu tipi nasa zet vekin a hûk ding,
An awthâwm a thang ding.
56 ^uA parah, Babilon parah rămtu a thleng ding ih,
A micakpawl lâksak an si ding.
An thál fungpawl a kiak ding;
Ziangahtile Jehovah cu phulei sam Pathian a si,
Famkim zetin phuba a la ding.
57 ^vA bawipawl le mifimpawl,
A ram uktupawl le a bawipawl le a micakpawl ri ko ka tuah hai ding.
Cule an itthat lan ding ih,
An ṭhang lo ding, a hmin ralkap rualpawlih Jehovah ti mi, Siangpahrang in a ti.
58 ^w“Ralkap rualpawlih Jehovah in hitin a ti:
Babilon kulh kaupi cu a cim verver ding ih,
A kăwtka sâng pawl cu meisa ih ur a si ding;
Mipi cu an ṭuan lak ding ih,
Meisa ruangah miphunpawl
An tha a cem ding,” tiin.

51:37^a Isa 13:22; Jer 50:13, 39; Mal 2:9; Thu 18:2

51:38^b Isa 5:29; Jer 2:15

51:39^c Sam 13:3; Isa 21:5; Jer 50:24

51:40^d Jer 50:27; Eze 39:18

51:41^e Isa 13:19; Jer 25:26; 50:13

51:41^f Sheshak: Hihi Hebru ṭawng ih Babilon kawhnak hmin a si, asinan cafáng linglet zawngih ngan a si.

51:42^g Sam 18:4; Isa 8:7

51:43^h Isa 13:20; 21:1

51:44ⁱ Isa 21:9; 46:1; Jer 50:15

51:45^j Sam 76:10; Isa 48:20

51:46^k 2Sp 19:7; Jer 46:27

51:47^l Isa 46:1-2; Jer 27:7; 50:12

51:48^m Sam 149:2; Isa 41:25; Thu 18:20

51:49ⁿ Sam 137:8

51:50^o Dnp 4:29-31; Sam 137:6; Jer 23:23; 44:28

51:51^p Sam 44:13-16; Ṭah 1:10

51:52^q Jer 50:38

51:53^r Sem 11:4; Isa 14:13-14; Jer 49:16

51:54^s Job 24:12; Jer 50:22

51:55^t Sam 18:4

51:56^u Sem 4:24; Dnp 32:41; Sam 46:9; 94:1-2; Hab 2:8

51:57^v Job 5:13; Sam 76:5; Isa 6:5; 21:5

51:58^w Isa 47:13-14; Hab 2:13

59 ^aHi thu hi Judah siangpahrang Zedekiah a lal kum litnak ah Babilon ih amah zawngih feh ve, Mahseiah fapa Neriah-ih fapa Seraiah hnenih profet Jeremiah ih thupek kamsuakthu a si. Seraiah cu hotu bawi a si. 60 ^bJeremiah in Babilon parih thil ṭha lo thleng ding hmuahhmuah, Babilon thuhla ngan mi hi kamsuakthupawl hmuahhmuah hi cazual pakhat ah a ngan. 61 Jeremiah in Seraiah hnenah, “Babilon na thlen tikah hi kamsuakthupawl zaten awsuakin siar aw, 62 ^ccule nang in, ‘Maw Jehovah, minung siseh, ramsa siseh, a sungah zianghman um lo dingin, hi hmun na băl ding thuhla ah na ṭawngsuak zo, kumkhuain a ṭiau lan ta ding,’ tiah na ti pei. 63 ^dCule hitin a si ding, hi cazual na siar ṭheh tikah, lungto ṭawncih awla, Zufraṭis tiva sungah hlăwn aw. 64 ^eCun, ‘Babilon cu hiti vek hin a pil ding ih, a parih vanduainak ka thlen ding mi ihsin a tho lo ding. Cule an tha a cem ding,’ tiah na ti pei,” tiah a ti.

51:59^a Jer 28:1; 32:12; 36:4; 52:1

51:60^b Suah 17:14; Jer 30:2-3; 36:2, 4, 32

51:62^c Isa 13:20; Jer 9:11

51:63^d Sem 2:14

51:64^e Job 31:40; Eze 26:21; Thu 18:21

Hi vial hi Jeremiah kamsuakthupawl cu an si.

52

Jerusalem Tlûknak Thlirsalnak

1 ^aZedekiah cu siangpahrang a si tikah kum 21 mi a si ih, Jerusalem ah kum hleikhat sung a lal. A nuih hmin cu Hamutal a si ih, Libnah khawmi Jeremiah-ih fanu a si. 2 ^bAnih khal Jehoiakim ih a rak tuah mi hmuahhmuah bangtukin, Jehovah-ih mithmuh ah anih khal in thil ṭha lo a tuah. 3 ^cJehovah-ih thinhengnak ruangah a hmaika ihsin anmah a hlăwnsuak tiangin, hihi Jerusalem ah le Judah ah a cang. Cun Zedekiah cu Babilon siangpahrang parah a hél.

52:1^a Jos 10:29; 2Sp 8:22; 24:17

52:2^b 1Sp 14:22; 2Sp 24:19; 2San 36:12; Jer 36:30

52:3^c Sem 4:14; Suah 33:15; 2San 36:13; Isa 3:1; Eze 17:12-16

4 ^aCun hitin a si, a lal kum kuatnak, a thla hratnak, a ni hratnak ah Babilon siangpahrang Nebukhadnezzar le a ralkap rual zaten Jerusalem an do ih, ṭanhmun an khuar. Cule cumi kimvel hmuahhmuah ah kulhkhŭmnak sūnpâwng an tuah. 5 Cun Siangpahrang Zedekiah a lal kum hleikhatnak tiang khawpi cu kulh a si. 6 ^bThla litnak, a ni kuatnak ah, khawpi sungah ṭam a luarkai tuk ih, rammipawl hrangah rawl a um lo. 7 ^cCun khawpi kulh cu siatbăl a si ih, ral do mipapawl zaten an tlânsuak, cule siangpahrang hmuan kiangih phar pahnih karlak ihsin, kăwtka lamzin ihsin zan ah khawpi sung ihsin an suak ih Arabah phairawn lam panin an feh (Kaldia-mipawl cu khawpi kimvelah an um).

52:4^a Jer 6:6; 34:1; Eze 24:1-2; Zek 8:19

52:6^b Pui 26:26; Isa 3:1; Ṭah 1:11

52:7^c 2Sp 25:4; Jer 39:4-7; 51:32; Ṭah 4:19

8 Asinan Kaldia ralkappawl in siangpahrang cu an dawi ih, Jeriko phairawn ah Zedekiah cu an hei man. A ralkappawl zaten a hnen ihsin an ṭekdarh ṭheh. 9 ^aCun siangpahrang cu an hruai ih, Hamath ram, Riblah ah, Babilon siangpahrang hnenah an fehpi, cule anih in a parah thuṭhennak a phuang. 10 ^bBabilon siangpahrang in a mithmuh ah Zedekiah-ih fapapawl cu a that. Cule Riblah ah Judah bawipawl zaten a that hai. 11 ^cZedekiah-ih mit khal a phawrhsuak, amah cu Babilon siangpahrang in dar cikcin in a ṭawn ih, Babilon ah a hruai, cule a thih ni tiangin thawng a thlak.

52:9^a Mip 13:21; 34:11; Jer 21:7

52:10^b 2Sp 25:7; Jer 22:30; 39:6

52:11^c Jer 34:4; Eze 12:13

12 ^aBabilon siangpahrang, siangpahrang Nebukhadnezzar a lal kum hleikuatnak, thla ngatnak, a ni hratnak ah, kiltupawl hotu Nebuzaradan, Babilon siangpahrang riantu cu Jerusalem ah a ra. 13 ^bAnih cun Jehovah inn le siangpahrang inn a urkāng; Jerusalem inn zaten, miropi inn zaten meisa in a ur ṭheh. 14 ^cCule kiltupawl hotu hnenih um Kaldia ralkappawl zaten Jerusalem kulh hmuahhmuah cu a kil kip in an băltla. 15 ^dCun kiltupawl hotu Nebuzaradan in mifarah hrekkhat, khawpi sungih rung tâng mipawl le Babilon siangpahrang hnenah ap-aw ih rak peawtupawl cu a tāng lai mi zungthiampawl thawn ralkaih ah a hruaihlo hai. 16 ^eAsinan kiltupawl hotu Nebuzaradan in cuih ram ih mifarahpawl lakih hrekkhat cu sabit hmuan simsialtu dingah le ló thlotu dingah a tân.

52:12^a Zek 7:5

52:13^b Dnp 13:16; 29:24; Sam 74:8; Ṭah 2:6; Mik 3:12

52:14^c Neh 1:3; Ṭah 2:8

52:15^d 2Sp 25:1; Jer 38:19

52:16^e 2Sp 25:12; Jer 39:10; 40:6

17 ^aJehovah inn ih dar ṭhuampawl le Jehovah inn ih a tohkālpawl le dar Tikuangpi cu Kaldia-mipawl in an khuai nêknêk ih, an dar hmuahhmuah cu Babilon ah an thiar. 18 ^bBelpawl, suahdurpawl, caicehpawl, kheng kûm pawl, haipawl le puithiampawl in rawngbawlnak ih an hman mi dar bungbelpawl hmuahhmuah khal an la thluh. 19 ^cKiltupawl hotu in cawhtawlhpawl, meiling suahdurpawl, kheng kûm pawl, belpawl, meito ṭhuampawl, hai dau pawl le thawinak ih hman mi nopawl, sui a si mi pauhpauh le ngun a si mi pauhpauh cu a lahlo. 20 ^dSiangpahrang Solomon in Jehovah inn hrangih a tuah mi, ṭhuam pahnih, Tikuangpi pakhat le a hnuaiih um dar caw pa hleihnih le a tohkālpawl, hi dar bungbelpawl hmuahhmuah cu tah cawk a si lo. 21 ^eṬhuampawl thuhla ah: ṭhuam pakhat san lam cu dawng 18 a si, a velkimin dawng hleihnih a tum ih, a sah lam cu zung li băwk a si, cumi cu a kawlawng. 22 ^fA parah dar lu bol a um, lu bol pakhat ih san lam cu dawng nga a si, cuih lu bol, dar hlir ih tuah mi kimvelah ṭelh sengsi mi le talê rahpawl an um. A pahnihnak ṭhuam khalin cuvek thothoin talê rahpawl a nei ve. 23 ^gA sirpawl ah talê rah 96 a um; ṭelh singseng mi kimvelah a zaten talê rah 100 a um.

52:17^a 1Sp 7:15, 27-37; Jer 27:19

52:18^b Suah 27:3; Mip 4:14; 1Sp 7:45

52:19^c Suah 25:29; Pui 10:1; Mip 3:31; 4:7; Ezr 1:7; Dan 5:2

52:20^d 1Sp 7:25, 47

52:21^e 1Sp 7:15

52:22^f Suah 28:33; 1Sp 7:16

52:23^g 1Sp 7:20

24 ^aCule kiltupawl hotu in puithiam lu bik Seraiah, puithiam pahnihnak Zefaniah le sângka kiltu pathum cu a hruai hai. 25 ^bRal do mipawl parih hotu ih ṭuanvo pek mi pakhat le siangpahrang thurawn petu khawpi sungih pacang pasarih, ram mipi khawmtu ralkappawlih cangantu lu bik le khawpi sungih hmuh mi rammi pacang 60 pawl khal khawpi sung ihsin a hruaisuak hai. 26 Kiltupawl hotu Nebuzaradan in hipawl cu a hruai hai ih, Riblah ah, Babilon siangpahrang hnenah a thlenpi hai. 27 ^cCun Babilon siangpahrang in cupawl cu Hamath ram Riblah ah a sat hai ih, a that hai. Cuti cun Judah cu amai ram ihsin ralkaih ih hruaihlo a si.

52:24^a 2Sp 25:18; 1San 6:14; 9:19; Ezr 7:1; Jer 21:1; 29:25, 29

52:25^b Jer 36:10

52:27^c Mip 34:11; Jer 20:4

28 ^aHipawl hi Nebukhadnezzar in ralkaih ih a hruaihlo mipawl an si: a kum sarihnak ah Jew-mi 3023; 29 Nebukhadnezzar ih kum hleiriat a uknak ah, Jerusalem ihsin mi 832 cu ralkaih ah a hruaihlo hai; 30 ^bNebukhadnezzar in kum 23 a uknak ah, kiltupawl hotu Nebuzaradan in Jew-mi 745 cu ralkaih ah a hruaihlo hai. An zaten mi 4600 an si.

52:28^a Dnp 28:36; 2San 36:20; Neh 1:2

52:30^b Jer 13:19; 43:3

31 ^aCule Judah siangpahrang Jehoiakin sál ih hruai a si kum 37-nak ah hitin a si, a thla hleihnihnak, cuih thla ni 25 ah, Babilon siangpahrang Evil-Merodak a lal kum khatnak ah Judah siangpahrang Jehoiakin hnenah duhsaknak a pe ih, thawng ihsin a suah. 32 Cule amah cu ngilnei zetin a bia ih, Babilon ih a hnenih um siangpahrangpawl hnakih tokham cungnungsawn a pe. 33 ^bCule Jehoiakin cun a thawngtla sinfen cu a thlĕng ih, a dam sung hmuahhmuah cu siangpahrang hmaika ah rawl a ei ringring. 34 ^cCule amah cawmnak ah, Babilon siangpahrang in tlaitluanin a covo, a dam sung hmuahhmuah, a thih ni tiangin, a ni tin covo cu amah a pe.

52:31^a 2San 36:9

52:33^b Sem 41:14, 42; 2Sam 9:7, 13; 1Sp 2:7

52:34^c 2Sp 25:27-30