BibleThianghlim – Joel
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
Joel
- A ngantu: Pethuel fapa Joel
- A siartu: Judah le Jerusalem
- Ngan kum: B.C. Kum zabi 8 le 9 hrawng
Kharbawk ih siatsuahnak nasa zet a ram pum ih an tuar hnuah, Judah ram ah Joel in thu a phuang. Hi cabu in a kum thu a tarlang lo nân, temple um laiih ngan a si ti a fiang. Curuangah hi cabu cu Jew-pawl sál an tān laiih ngan mi a si thei lo. Hi cabu san laiih Israel-ih ral tumbik pawl cu Edom-mipawl, Filisṭia-mipawl, Fonisia-mipawl le Izip-mipawl an si; Assiria-mipawl le Babilon-mipawl cu neta lamah Israel ral ah an rung cang. Hih cān ah hin, Grikmipawl khal theih an si nân, annih cu hmun hla zetih ram cak tiih ruah an si. Hih thupawl sirhsanin, Joel cu B.C kum zabi pakua in pariat karlakah thu a phuang, tiah kan ti thei.
Mosi thukham an pahbăl ruangah Pathian in a mipawl hnenih a thlah mi kharbawk ih siatsuahnak thu relsalnak in Joel in a thawk. Israel in Jehovah thawi an thukham an pahbăl asile, Dān Peksalnak ah Pathian in hi harsatnak rori hi a tiamkam (Dnp 28:38-42), cule Joel san ah cuih dāntatnak cu a thleng taktak. Himi “Jehovah-ih ni” ti hi a ra thleng ding mi Pathian in leilung tlun pumpi dān a tat ding ni Jehovah-ih ni ropi thuhla mipi hnenih ralrin a peknak a si. Asinan dāntatnak ti mi hi hi cabu-ih a tumbik mi cu a si lo. Judah a sirawk asile, khaih cān ah Pathian in mal a sawm ding ih, hmai lam hlapi khalah Pathian in mal a sawm ding (2:18-3:21). Mosi thukhamih Pathian in thu a tiamkam hai vekin (Dnp 30:1-10), Pathian-ih minungpawl cu thlawsuah an si ding ih, an ralpawl cu dāntat an si ding.
Khristianpawl cu kan sualnak le kan hlawhsamnak pawl ruangah kan tha a nau zet ṭheu. A cāncānah cun kan sualnak ruangah Pathian in kanmah in cohlang nawn lo vekih ruahnak kan nei. Kharbawk hremnak in Judah ram a siatsuah vekin, sual cun khawih siat mi a nei, asinan kharbawkpawl ih an eirál mi kumpawl rūlsal dingin Pathian in a tiamkam. Ziang tluk ngaidamnak ropi so a si!
Thu Hlawm Ṭhen
1 aPethuel-ih fapa, Joel hnenih Jehovah-ih kamsuakthu thleng:
Ram a Siat
2 aMaw nannih upapawl, himi hi ngaithla uhla,
Nannih ram luahtupawl nan hna tŭn uh!
Nan san ah hivek a cang dah maw,
Asilole nan pupápawl san ah teh a rak um dah maw?
3 bHi thu hi nan falepawl sim uh,
Nan falepawl in an falepawl sim sin hai seh,
Cule an falepawl in san dang mipawl sim sin hai seh.
4 cdMi keuhmang kharbawk ih a ei hlah mi cu, a bur a bur ih um kharbawk in an rak ei;
A bur a bur ih um kharbawk ih an ei hlah mi cu, bawkvâk kharbawk in an rak ei ih,
Bawkvâk kharbawk ih an ei hlah mi cu, khaukhuap in an rak ei.
5 eNannih zuripawl, ṭhang uhla, ṭap uh;
Cule nannih sabit zu intupawl, sabit zu thlum ruangah a râkin râk uh,
Ziangahtile nan kâ ihsin sabit zu cu lâkhlo a si.
6 fZiangahtile a cak mi le mipum siar cawk lo miphun pakhat cu ka ram dokalhin a ra.
A hâ cu kiosa hâ vek an si ih,
Kiosa pinu ho a nei.
7 gAnih cun ka sabit hmuan a siatter ih,
Ka theipi kung a siatsuah;
A hâwng a hâwk ih, kawlh ko a tuah, cule a hlăwnhlo;
A hngeṭêkpawl cu var ko a tuah.
8 hA no laiih a pasal dingih ham mi a thih ruangih fala himte in buri khuhaw-ih a râk vekin râk aw.
9 iJehovah inn ah Thlairawl Thilhlăn le Inding Thilhlăn run ken a si nawn lo;
Jehovah rawngbawltu puithiampawl an ṭap.
10 jLó a siat thluh,
Ram in a sûn;
Ziangahtile thlairawl a siat ih,
Sabit zu thar a kâng,
Hriak thar a cem.
11 kNannih lóthlopawl, nan ningzak uh,
Nannih sabit hmuan simsialtupawl râk rero uh,
Sangvut le barli sangvut
Ziangruangahtile ló ih fang ah ding a hloral ṭheh.
12 lSabit hri a ro ih,
Theipi kung a car;
Talê kung,
Ṭhulhfau kung le epal kung khal.
Ló ih thingkung hmuahhmuah an car ṭheh;
Thungaiten, minung fapapawl hnen ihsin aipuannak a car a si.
1:4c Suah 10:5, 14-15; Dnp 28:39; Amo 7:1; Nah 3:15
1:4d mi keuhmang kharbawk…a bur a bur ih um kharbawk…bawkvâk kharbawk…khaukhuap: Hi kharbawk bangawk lozia hi theihfiang a har zet. An hmin kawhdān hin an sinak a lăngfiangter thei a bang.
1:5e Isa 24:7; Joe 3:3; Rom 13:11
1:6f Joe 2:2, 11, 25; Thu 9:8
1:10j Mip 18:12; Isa 5:6; Jer 3:3; Hos 9:2
1:12l Suah 28:33; Isa 15:6; Hag 2:19
Sual Sir dingih Kawhnak
13 aNannih puithiampawl buri hnipuan hruh uhla ṭap uh;
Nannih biakṭheng hmaiih rawngbawltupawl râk rero uh;
Nannih ka Pathian rawngbawltupawl,
Ra uhla, zanvar buri hnipuan hrukin um uh.
Ziangahtile nan Pathian inn ah Thlairawl Thilhlăn le Inding Thilhlăn run ken a si lo.
14 bRawl ulhnak serhhran uh,
Tawnkhawmawknak hleice ko uh;
Jehovah nan Pathian inn ah
Upapawl le
Ram luahtu zaten khawm uh,
Cule Jehovah hnenah au uh.
15 cAi law, cuih ni ruangah!
Ziangahtile Jehovah-ih ni cu a nai thlang a si;
Cuih ni cu mi siatsuahtu vekin Ziangkimtithei hnenin a ra ding.
16 dKan mithmuh ah rawl sahcat a si ih,
Aipuannak le lungawinak cu Pathian inn ah sahcat a si lo maw?
17 eLeilung sungah thlaici an ro,
Rawl khawlnak inn an lawng;
Cuampawl tla an ṭet,
Ziangahtile thlairawl a car.
18 fRamsa an hrūmdān hi!
Piat ding tlimno um lo ruangah,
Ranpi rual an vâkvai;
Rante rual khal in an tuar.
19 gMaw Jehovah, na hnenah ka ausuak a si;
Ziangahtile ramṭhing ih ran tlannak hmun meisa in a kangrál ih,
Hramlak thingkung hmuahhmuah meisa alh in a kāng ṭheh.
20 hRamsapawl khal in an lo ngai duahdo,
Ziangahtile tiva te pawl ti an kâng ih,
Meisa in ramṭhing ih ran tlannak hmun a siatter ṭheh.
1:13a Jer 4:8; Eze 7:18; Hos 9:4; Joe 2:14
1:14b 2San 20:3-4; Hos 4:1; Jon 3:8
1:16d Dnp 12:7; Sam 51:8; Isa 3:7
1:17e Isa 17:10-11
1:18f Sem 47:4; Jer 9:10; Rom 8:22
1:19g Sam 50:15; 97:3; Joe 2:3; Mik 7:7
1:20h 1Sp 17:7
Jehovah-ih Ni
1 aZion ah tuu pa ki phaw uhla,
Ka tlang thianghlim ah ralrinnak thawmvâng tuah uh!
Ram luahtupawl hmuahhmuah khūr hai seh;
Ziangahtile Jehovah-ih ni a thleng cing ding,
Ziangahtile cuih ni cu a nai tuk zo:
2 bThimnak ni le lungsiat ni,
Khawdur ni le thim sah zet ni a si,
Tlangpawl parih khawfingcat a darh bangin.
Mi tampi le micakpawl an ra,
Khuahlan lai ihsin cuvek mi an um dah kel lo;
Anmah hnu khalah cuvek mi cu an um nawn lo ding,
San tampi tiang khalah.
3 cAnmahpawl hmaiah meisa a kāng ih,
An dung lamah meialh hliau a kāng;
An hmaiah ram cu Eden hmuan vek a si ih,
An dung lam cu ramṭhing kawlh vek a si;
Cumi ihsin zianghman an luat hrimhrim lo ding.
4 deAn pianzia cu rang pianzia vek a si;
Cule ral do rang vekin an tlân.
5 fRang lêng awn bangin
Tlang zim pawl ah an khir zohzo,
Meisa hliau in cangpâwl a kăng awn bangin an awn,
Micakpawl ral do dingih tlaraw bangin.
6 gAn hmaiah mipi an thin a phâng;
An hmel a râm thluh.
7 hMicak bangin an tlân,
Ral do mi bangin phar parah an lâwnso;
Anmai zawn cio ah an feh ih,
An zin an pialsan lo.
8 Pakhat le pakhat an nēkbuaiaw lo.
Anmai zin cio ah an feh vivo.
Hriamhreipawl karlakah pahtlăng khal hai sehla, khambĕt an si lo.
9 iKhawpi sungah a suk a so ah an tlân,
Phar parah an tlân;
Inn sungah an kai,
Fifir bangin tukvirhpawl in an lut.
10 jAn hmaiah leilung a hnîn,
Van khal an khūr;
Ni le thlapi an thim ih,
Arsipawlih tleunak khal a hlo.
11 kJehovah in a ralkap hmaiah a aw a suah,
Ziangahtile a ṭanhmun khuarnak cu a pipa lawlaw;
Ziangahtile a kamsuakthu tlamtlingtertu cu micak a si.
Ziangahtile Jehovah-ih ni cu a ropi ih, tuksumza a si;
Zo so tuar thei ding?
2:1a Joe 1:15; Zef 1:14-16
2:3c Sem 2:8; Suah 10:12; Sam 97:3; Isa 1:31; 14:17
2:4d Thu 9:7
2:4e An: Bung 1:4 ih kharbawkpawl relnak a si.
2:6g Isa 13:8; 29:22; Jer 8:21
2:7h Job 16:14; Thf 30:27; Isa 5:27
2:10j Job 9:7; Sam 18:7; Isa 5:30; Eze 32:8; 38:19; Nah 1:5; Mat 24:29; Mar 13:24; Thu 9:2
2:11k 2Sam 22:14; Sam 29:3; Isa 2:12; Oba 1:15; Zef 1:14; Thu 6:17
Sual sir dingih Kawhnak
12 aCuruangah atu-ah Jehovah in,
“Nan thinlung zaten,
Rawl ulhnak thawn, ṭahnak thawn le lungsiatnak thawn ka hnenah ra kir uh,” tiah a thăn.
13 bCun nan sinfenpawl si loin, nan thinlung thlek uh;
Jehovah nan Pathian hnenah kir uh,
Ziangahtile anih cu zangfahnak le lainatnak nei a si,
A thin a fual ih, lainat duhdawtnak nasa zet a nei;
Siatnak thlahsuak ding mi a lakirsal ṭheu.
14 cAnih cun hawikir ih lamlêtin,
A dung lamah malsawmnak, Jehovah nan Pathian hrangih Thlairawl Thilhlăn le Inding Thilhlăn pawl tla a tân lo ding ti zo in thei?
15 dZion ah tuu pa ki phaw uh,
Rawl ulhnak serhhran uh,
Tawnkhawmawknak hleice ko uh;
16 eMipi kokhawm uh,
Mipi umkhawm tithianghlim uh,
Upapawl pungkhawmter uh,
Nauhakpawl le nau hnawi fawp lai pawl fĭnkhawm uh;
Mo neitu cu a umnak pindan sung ihsin suak sehla,
Mo khal a ceiawknak pindan sung ihsin suak seh.
17 fJehovah-ih rawngbawltu, puithiampawl cu,
Hulhliap le biakṭheng karlakah ṭap hai seh;
“Maw Jehovah, na minungpawl zuah aw,
Cule na ro cu miphunpawl lakah hnihsuahsainak le hmuhsuam men dingah pe hlah.
Ziangah so miphunpawl lakah,
‘An Pathian cu khuiah a um?’ tiah an ti ding,” tiah ti hai seh.
2:12a Dnp 4:30; 1Sam 7:3; Eze 33:11; Hos 12:6
2:13b Sem 37:29; Suah 34:6; Mip 14:6; Sam 34:18
2:14c Joe 1:3; Hag 2:19; Zek 8:13; Mal 3:10
2:15d Suah 32:5; Mip 10:2-3; Jer 36:9
2:17f 1Sp 9:7; Job 17:6; Sam 42:3; Isa 22:12; Joe 1:13
Jehovah-ih Sawnnak
18 aCun Jehovah in a ram cu a thîk ding ih,
A mipawl a zangfah hai ding.
19 bCule Jehovah in a sawn ding ih, a mipawl hnenah,
“Ngai hnik uh, thlairawl le sabit zu thar le hriak thar ka lo kuat ding,
Cule cumi cun nan tlai ding.
Miphunpawl lakah hnihsuakza ah ka lo tuah dah nawn lo ding.
20 cCuhnakin sak lam ralkap cu hlatpi ah ka lo ṭhawnsak ding ih,
Amah cu ram car le ram kawlh ah,
A hmai lamih umpawl cu dnisuahnak lam tifinriat ah le,
A dung lamih umpawl cu enitlaknak lam tifinriat ah a dawihlo ding;
Cuih rimsia cu a ra suak ding,
Cule a rim fihnungza cu a suak ding,
Ziangruangahtile anih in thil rapthlak a tuah a si.
21 f“Maw ram, ṭih hlah;
Lungawi awla, lungawi aipuangin um aw,
Ziangahtile Jehovah in mangbangza thilpawl a tuah!
22 gNannih ramsapawl tla, ṭih hlah uh;
Ziangahtile ramṭhing ih ran tlannak hmunpawl an cerhno a si,
Thingkung in rah an rah;
Theipi kung le sabit hri khal in an neihnunnak an pesuak.
23 h“Nannih Zion falepawl lungawi uh,
Cule Jehovah nan Pathian ah lungawi aipuangin um uh;
Ziangahtile anih cun rinum zetin ruah hmaisa a lo pe ih,
Nan hrangah ruah a surter,
A hmaisa vekin ruah hmaisa le ruah neta khal.
24 i“Hruih hmun cu thlairawl a khat ding ih,
Sabit zu khawlnakpawl cu sabit zu thar le hriak thar a luangliam ding.
25 jA bur a bur ih um kharbawk,
Bawkvâk kharbawk,
Khaukhuap le
Mi keuhmang kharbawk pawl ih an rak ei mi kumpawl ka lo rūlsal ding.
Cupawl cu nan lakih ka thlah mi ka ralkap burpi an si.
26 kEi ding tampi nan nei ding ih, nan khăwpkham ding,
Cule nan hrangih mangbangza thil a tuahtu,
Jehovah nan Pathian hmin nan thangṭhat ding;
Cule ka mipawl cu ningzahter an si dah lo ding.
27 lCun keimah cu Israel lakah ka um ti le
Keimah cu Jehovah nan Pathian ka si ih,
A dang Pathian a um lo ti nan thei ding.
Ka mipawl cu ningzahter an si dah lo ding.
28 m“Cule cuih hnuah hitin a si ding,
Milai zate parah ka Thlarau ka burh ding;
Nan fapapawl le nan fanupawl in profet thuphuan in thu an phuang ding,
Nan putarpawl in mang an man ding,
Nan minopawl in larnakpawl an hmu ding.
29 nCule cuih cān ah ka siahhlawh mipapawl le ka siahhlawh nunaupawl tlun khalah
Ka Thlarau ka burh ding.
30 o“Van ah le leilung ah mangbangzapawl ka langter ding:
Thisen le meisa le meikhu ṭhuam pawl cu.
31 pJehovah-ih ni ropi le maksak a thlen hlanah,
Ni a thim ding ih,
Thla thisen ah a cang ding.
32 qCule hitin a si ding, zokhal Jehovah hmin kotu cu rundam a si ding.
Ziangahtile Zion tlang le Jerusalem ah,
Jehovah ih a kawh mi a tāngsŭn lakah
Jehovah ih a rak sim bangin, runsuahnak a um ding.
2:18a Sam 72:13; Isa 26:11; 42:13; Zek 1:14
2:19b Pui 26:5; Sam 4:7; Jer 31:12; Eze 34:29
2:20c Isa 34:3; Jer 1:14-15; Zek 14:8
2:20d Nisuahnak lam tifinriat: Tipi Thi a relnak a si.
2:20e nitlaknak lam tifinriat: Mediṭerenian Tipi a relnak si.
2:21f Sam 9:2; 126:3; Isa 25:1; 29:22; Zef 3:16-17
2:22g Mip 16:14; 1Sp 4:25; Sam 65:12; Joe 1:18-20; Zek 8:12
2:23h Dnp 32:2; Sam 33:21; Isa 12:6; Hab 3:18; Jam 5:7
2:24i Thf 3:10; Joe 3:18; Amo 9:13; Mal 3:10
2:25j Suah 10:14; Joe 1:6; Amo 4:9
2:26k Pui 26:5; Sam 22:26; 126:3; Isa 29:22; 62:9
2:27l Suah 6:7; Isa 44:8; 45:17; Joe 3:17; Zef 3:11
2:28m 1Sam 19:20; Isa 11:2; Apo 2:17-18
2:29n Eze 36:27; Zek 12:10; 1Ko 12:13; Gal 3:28
2:30o Mar 13:24-25; Luk 21:11
2:31p Joe 1:15; Oba 1:15; Mal 3:2; Mat 24:29
2:32q Isa 4:2; 46:13; 59:20; Apo 2:17-21, 39; Rom 10:13
Pathian in Miphunpawl Dān a Tat
1 a“Zoh hnik, cuih ni le cuih cān ah,
Judah-mipawl le Jerusalem-mipawlih vanneihnak ka tundinsal tikah,
2 bMiphunpawl hmuahhmuah khal ka fĭnkhawm ding ih,
cJehoshafat phaikuam ah ka hruai hai ding;
Cule cuih hmun ah anmah dāntat dingin ka ra ding.
Ro ih ka co mi Israel, ka mipawl ruangah cucu ka tuah ding.
Ziangruangahtile annih in ka mipawl cu miphunpawl lakah an ṭekdarhter;
Ka ram khal an ṭhen ṭheh.
3 dKa mipawl hrangah camcawhfung an zûk,
Hlawhhlang hrangah mipa nauhak an pe ih,
An rît thei nak dingah sabit zu hrangah nunau nauhak an zuar.
4 e“A si, Maw nannih Ṭaiar le Sidon le Filisṭia rampawl hmuahhmuah,
Ka parah ziang tuah nan tum?
In lehrūlsal ding maw si?
In thungrulh asile,
Nanmai lu par lala ah zamrang zet le cak zetin ka lo thungrūlsal ve ding.
5 fZiangruangahtile ka ngun le ka sui nan rak lâk ih,
Ka thil ṭha pawl nan temple-pawl sungah nan thiar.
6 gCuihtlunah an ramri ihsin hlapi ih nan kuat thei nak dingah,
Judah-mipawl le Jerusalem-mipawl cu hJavan-mipawl hnenah nan rak zuar.
7 iNgai hnik uh, nan zuarnak hmun ihta ka thoter hai ding ih,
Nan lehrulhnak cu nanmai lu parah ka kirter ding.
8 jNan fapapawl le nan fanupawl cu Judah-mipawl hnenah ka zuar ding ih,
Ram hlapi ih um Sabia-mipawl hnenah an zuar sin ding;
Ziangahtile Jehovah in a rak sim a si,” tiah a ti ding.
9 kMiphunpawl lakah hihi phuang uh:
Ral do dingin timtuah uh!
Micakpawl ṭhangharh uh,
Ral do mi mipapawl hmuahhmuah in naih hai sehla,
Do hai seh.
10 lNan leilehnak hmanruapawl cu ralnâm ah ser uhla,
Nan thil sahnak namtăwngpawl cu feipi ah ser uh,
Micak lo khal in, “Ka cak a si,” tiah ti seh.
11 mNannih miphunpawl hmuahhmuah, khawmaw uhla ra uh,
Cule fĭnkhawmaw uh.
Maw Jehovah, na micakpawl hi tawkah rung sukter hai aw.
12 nMiphunpawl ṭhangharh hai sehla, Jehoshafat phaikuam ah feh hai seh;
Ziangahtile cu tawkah kiangkap miphunpawl hmuahhmuah thuṭhen dingin ka to ding.
13 oFavah suah uh, ziangahtile fang an thar zo.
Ra uhla, cīl uh;
Ziangahtile sabit sawrkhur a khat a si,
Sabit zu khawlnak khal a liam.
Ziangahtile an sualralzia a nasa tuk.
14 pMipi tampi, mipi tampi cu thuṭhennak phaikuam ah an um!
Ziangahtile Jehovah-ih ni cu thuṭhennak phaikuam a thleng zikte thlang a si.
15 qNi le thlapi an thim ding ih,
Arsipawl khal an êng nawn lo ding.
16 rJehovah khal Zion ihsin a hûk ding ih,
Jerusalem ihsin a aw a suah ding;
Van le lei an hnîn ding;
Asinan Jehovah cu a mipawl hrangah beunak a si ding ih,
Israel tefapawlih cahnak a si ding.
17 sCule keimah cu ka tlang thianghlim Zion ih cêng Jehovah nan Pathian ka si ti nan thei ding.
Cun Jerusalem cu a thianghlim ding ih,
Khawtluang mipawl an sukso nawn lo ding.
3:1a Dnp 30:3; Jer 40:5; Zef 3:20
3:2c Jehoshafat phaikuam: Jehovah dāntatnak phaikuam tinak a si.
3:3d Job 6:27; Eze 24:6; Joe 1:5; Amo 2:6
3:4e Sem 10:15; Pui 26:28; Sam 87:4; Isa 14:29-31; Jer 47:1-7; Amo 1:9; Zek 9:5-7; Mat 11:21
3:5f 2San 21:16-17
3:6h Javan-mipawl: Jafeth fapa Javan-ih cithlahpawl an si. Sem 10:2 zoh aw.
3:7i Isa 43:5-6; 66:6; Jer 23:8
3:11m Isa 13:3; Eze 38:15-16; Zef 3:8
3:12n Sam 82:1; Isa 2:4; Mik 4:3
3:13o Hos 6:11; Mat 13:29; Mar 4:29
3:14p Isa 34:2-8; Eze 36:5; Joe 1:15
3:15q Job 9:7; Eze 32:7; Joe 2:10
3:16r Sam 46:1; Amo 1:2; Zek 9:12; 12:8
3:17s Suah 6:7; Sam 2:6; 74:2; Isa 4:3; 52:1; Jer 31:40; Joe 2:27; Zek 9:8
Pathian in a Mipawl a Thlawsuah
18 a“Cule cuih ni ah hitin a si ding,
Tlangpawl ihsin sabit zu thlum a fawr ding,
Tlangmûalpawl ihsin hnawi a luang ding,
Cule Judah ram ih tiva te zaten ti a luang ding;
Jehovah inn ihsin tihna a pût ding ih,
Shittim phaikuam cu ti a pe ding.
19 b“Izip cu hmun ṭhing ah a cang ding ih,
Edom cu ramṭhing lawnglak ah a cang ding,
Judah-mipawl parih an nun a rawn ruangah a si.
Anmai ram ah mawhnak nei lo thisen an suah.
20 cAsinan Judah cu luah a si kumkhua ding ih,
Jerusalem khal san hmuahhmuah ah.
21 dPhuba ka lâk lo mi Israel thisen cu phuba ka la ding,
Ziangahtile Jehovah cu Zion ah a cêng a si,” tiin.
3:18a Isa 30:25; Eze 47:1; Amo 9:13; Thu 22:1-2