About Bible Thianghlim | ©

BibleThianghlim – Job

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Job

12345678910
11121314151617181920
21222324252627282930
31323334353637383940
4142

• A ngantu: Theih a si lo
• A huap sung cān: Abraham San (B.C. 2000 hrawng)
• Ngan kum: Solomon San (B.C. 950 hrawng) a si men thei

Job cabu hi zo in a ngan ti theih a si lo. A thuanthu hrimhrim hi tuan le mang thu a si, Abraham san ihsin simaw, a hlan ihsin simaw a si men thei. Abraham san vekin, Job cu kum tampi a nung (42:16), leilet pa a si ih, Mosi Dān hlanah diktakin Pathian a bia. Job hi Arabia ram sung sak lamih um a si men thei (1:3).

Hi cabu hi sual nei lo pawlih tuarnak simfiang lo mi a bang. Asinan hi cabu-ih thuken cu cuhnakin a thûk, ziangruangahtile harsat tuarnak in Pathian thuhla ah thusuhnak a suah.

Job cabu sungih thuêltupawl kha ṭhateih na ngai hai asile, harsat tuarnak thu hnakin Pathian thuhla an ṭawng tamsawn ti na hmu ding. Job cabu-ih thuken cu Pathian le milai pehtlaihawknak thu a si.

A hleicein harsatnak kan tawn cān ah Pathian thuhla ah ziang lungput kan nei ding ih a hnenah ziang kan sim ding? Harsatnak kan tuar tikah amah in ziangtin in ruat ih, harsatnak kan tuar tikah amah lamih lungput dik kan neih lo asile ziangtin in ti pei? A maksak zet mi tuarnak le zăwnzaihnak Job ih a tuar mi hin thulehnak thupi zetzet a pe, ziangruangahtile kan khawruahnak le Pathian kan zumnak hi harsat tuarnak in a hniksak (Jam 1:2-3).

Hi cabu-ih thucah cu Pathian cu ziangkim tlunih Lal a si ih (2:3), a thil tidānpawl hi thuthup a si cān a um (Rom 11:33). Asinan Pathian cu ziangtik lai khalah a dingfel, a fim, lainatnak a nei ih, a tuah mi hmuahhmuah le kan parih thlen a sian mi hmuahhmuah ah amah cu a ṭha (Jam 5:10). Ziangruangah harsatnak kan tuar ti kan theih lo tik khalah amah cu a dik a si. Curuangah ziang dang hmuahhmuah hnak khalih a ropit ruangah, neihnunnak le harhdamnak thawi in thlawsuah lo hmanah Jehovah cu upat zetih kan biak ding hi a phu a si. Anih cun ziang vek a si ti in sim ruangah, a cangvaihdān hmuahhmuah in simfiang thluh lo hman sehla, amah kan rinsan ding a phu. Cule anih cu ziangkim tlunih Lal le miṭha a si ruangah, kan tuarnak hi theithiam lo hman nungna a hnenih kan tlukluh ding cu a phu a si. Job in cucu a thei (1:21; 2:10), asinan harsat tuarnak ih nĕnbehnak hnuaiah le a rualpi pathum pawl ih dik lo zetih sual puhnak ruangah, Pathian cu a ṭha ih ziangkim tlunih Lal a si ti a hngilh ih, a zirsal (42:1-6).

1

Job le a Insungsang Uz Ah

1 ^aUz ram ah mi pakhat, a hmin Job an ti mi a rak um, cu pa cu sawihnăwm kai lo le midĭng, Pathian ṭihzah ih thil ṭha lo hrialtu a si. 2 ^bCule anih cun fapa pasarih le fanu pathum a nei. 3 ^cCuihtlunah a thil neih mipawl cu, tuu 7000, kalauk 3000, caw cang hâl 500, lāk nu 500 le siahhlawh tampi an si, cutin anih cu nisuahnak lam minung zate lakah a nasabik mi a si.

1:1^a Sem 6:9; 10:23; 22:12; Job 28:28; Eze 18:21; Jam 5:11

1:2^b Job 42:13

1:3^c Sem 12:16; 13:2

4 Cule a fapapawl in a haha ten khiah mi ni ah an innpawl ah puai an tuah ṭheu ih, an farnule pathum khal an zawngih ei le in dingin mi an thlah ih an sawm ṭheu. 5 ^aHitin a si, an puai nipawl a cem tikah, Job cun mi a thlah ih anmah cu a tithianghlim hai, cule anih cu zingpit ten a tho ih, an zate mipum zulhin Meiur Thilhlănpawl a hlan. Ziangahtile Job in, “Ka fapalepawl in sual tuahin, an thinlung in Pathian an camsiat pangah,” tiah a ti a si. Cuti vek cun Job in a tuah ringring ṭheu.

1:5^a Job 8:4; 42:8

Job Hniksaknak Hmaisa

6 ^aPathian fapapawl Jehovah hmaiah anmah le anmah an lăngawkter ni a rak um, cule Setan khal an lakah a ra ve. 7 ^bCule Jehovah in Setan hnenah, “Khui lam ihsin na ra?” tiah a ti.

1:6^a 1Sp 22:19; 1San 21:1; Sam 89:6

1:7^b Sem 3:1; 1Pe 5:8

Cun Setan in Jehovah cu a let ih, “Leilung tlun khat lam le khat lam ka hlehkâtnak ihsin le suk le so ka vahnak ihsin ka ra,” tiah a ti.

8 ^aCun Jehovah in Setan hnenah, “Ka siahhlawh Job hi na ruat dah maw? Amah vekih sawihnăwm kai lo le midĭng, Pathian ṭihzah ih thil ṭha lo hrialtu leilung tlunah zohman an um lo,” tiah a ti.

1:8^a Suah 20:20; Jos 1:7; Sam 25:12

9 ^aCule Setan in Jehovah hnenah, “Săn um lo menin Job cun Pathian a ṭih maw si? 10 ^bNangmah in a kimvelin, a sungkua kimvelin le a neih mi hmuahhmuah kil kip in hruang na tuahsak a si lo maw? A kut hnaṭuan thlawsuah na pek ih ram sungah a neih mi an karh sinsin a si. 11 ^cAsinan atu-ah, na kut suahin a neih mi zate parah na kutthlak hnik, na hmaika roriah a lo camsiat tengteng ding!” tiah a ti.

1:9^a 1Ti 6:5

1:10^b Sam 34:7

1:11^c Job 2:5

12 Cule Jehovah in Setan hnenah, “Ngai hnik, a neih mi zaten na thiltitheinak sungah a um. Amah par lawngte ah kutthlak hlah,” tiah a ti.

Cutin Setan cu Jehovah hmai ihsin a fehsuak.

13 Job-ih fapapawl le fanupawl an upabik paih inn ih rawl ei le sabit zu in ih an um ni a rak um; 14 cule zualko pakhat Job hnenah a ra ih, “Caw cang pawl lei an let rero ih, an kiangih lākpawl hrampi an piat rero laiah, 15 ^aSabia-mipawl in an run năm ih an hruai ṭheh a si, siahhlawhpawl cu an ralnâm hriam pawl in an that ṭheh, keimah lawng hi nangmah lo sim dingah ka tlânsuak a si!” tiah a ti.

1:15^a Sem 10:7

16 ^aCu pa a ṭawng rero laiah, a dang mi pakhat khal a ra thleng ih, “Van ihsin Pathian meisa a rung tla ih, tuupawl le siahhlawhpawl a kāng hai ih, a kangrál ṭheh; keimah lawng hi nangmah lo sim dingah ka tlânsuak a si!” tiah a ti.

1:16^a Sem 18:17; Pui 10:2; Mip 11:1-3; 1Sp 18:38; 2Sp 1:12

17 ^aCu pa a ṭawng rero laiah, a dang mi pakhat a ra thleng lala ih, “Kaldia-mipawl kha bu thum ah an ṭhenaw, cule kalaukpawl an năm ih an hruai ṭheh, siahhlawhpawl cu an ralnâm hriam in an that; keimah lawng hi nangmah lo sim dingah ka tlânsuak a si!” tiah a ti.

1:17^a Sem 11:28

18 Cu pa a ṭawng rero hrih laiah, a dang mi pakhat a ra thleng lala ih, “Na fapapawl le na fanupawl an upabik paih inn ah rawl ei le sabit zu in-in an um, 19 ^acule ngai hnik, ramṭhing ihsin thlipi a ra hrang ih an inn kil li ah a run nuai, cule minopawl parah a tlu ih, an thi ṭheh; keimah lawng hi nangmah lo sim dingah ka tlânsuak a si!” tiah a ti.

1:19^a Job 16:7; Sam 11:6; Eze 17:10; Hos 13:15; Mat 7:25

20 ^aCun Job cu a tho, a kâwrfual a thlek ih, a lu a metkawlh, cule lei parah a tlu ih Pathian a bia. 21 ^bCule Job in,

1:20^a Sem 37:29; Eze 27:31; Mar 14:63; 1Pe 5:6

1:21^b Lai 10:15; Rut 1:21; 1Sam 2:7; Ths 7:14; Efe 5:20; 1Th 5:18

“Ka nuih sūl sung ihsin taklawng in ka suak ih,
Taklawng in ka kirsal ding.
Jehovah in i pe ih,
Jehovah in a lâksal;
Jehovah hmin cu thangṭhatin um seh,”

tiah a ti.

22 ^aHimi hmuahhmuah ah Job in sual a tuah lo ih, Pathian khal atthlak zetin a mawhthluk fawn lo.

1:22^a Sam 39:1; Thf 10:19; Isa 53:7; Rom 9:20

2

Job Hniksaknak Neta

1 ^aPathian fapalepawl Jehovah hmaiah an lăngawkter ni a um lala, cule Setan khal an lakah Jehovah hmaiih langawter dingah a ra ve. 2 ^bCule Jehovah in Setan hnenah, “Khui lam ihsin na ra?” tiah a ti.

2:1^a Sem 6:2

2:2^b Sem 3:1

Setan in Jehovah hnenah a sawn ih, “Leilung tlun khat lam le khat lam ka hlehkâtnak ihsin le suk le so ka vahnak ihsin ka ra,” tiah a ti.

3 ^aCun Jehovah in Setan hnenah, “Ka siahhlawh Job hi na ruat dah maw? Amah vekih sawihnăwm kai lo le midĭng, Pathian ṭihzah ih thil ṭha lo hrialtu leilung tlunah zohman an um lo. Cule a săn um loih amah siatsuah dingah nang in i ti nân, a felfainak kha a kai hnget thotho,” tiah a ti.

2:3^a Suah 20:20; Sam 44:17

4 Cule Setan in Jehovah hnenah, “Vun aiah vun! A si, milai in a nunnak hrangah a neih mi zaten a pe ding. 5 ^aAsinan atu-ah na kut suah awla, a ruh le a taksa parah na kutthlak hnik aw, cule na hmaika roriah a lo camsiat tengteng ding!” tiah a ti.

2:5^a Suah 20:7; Sam 102:5; Ṭah 4:8

6 ^aCule Jehovah in Setan hnenah, “Ngai hnik, amah cu na kut ah a um, a nunnak lawngte cu zuah aw,” tiah a ti.

2:6^a 2Ko 12:7

7 ^aCule Setan cu Jehovah hmai ihsin a fehsuak ih, Job kha a ke zaphak ihsin a luthlung tiang a na zet mi hmasia thawn a hrem. 8 ^bCule a hmasia a kheuhawknak dingah hlamphei a lâk ih vutcâm lakah a to.

2:7^a Dnp 28:35

2:8^b Jer 6:26; Eze 27:30; Jon 3:5-8; Mat 11:21

9 ^aCun a nupi in a hnenah, “Na felfainak kha na kai hnget lai thotho ding maw? Pathian camsiat awla, thi aw!” tiah a ti.

2:9^a Suah 20:7; 2Sp 6:33

10 ^aAsinan Job in a hnenah, “Nang cu nunau â pakhat ih ṭawng mi vekin na ṭawng. Pathian hnen ihsin thil ṭha kan dawn vekin thil ṭha lo khal kan dawng ding a si lo maw?” tiah a ti. Himi hmuahhmuah ah Job in a hmurkâ in thil sual a tuah lo.

2:10^a Ths 2:24; Ṭah 3:38; Jam 1:12

Job-ih Rualpi Pathum

11 ^aJob-ih rualpi pathum, Teman khawmi Elifaz, Shuh-mi Bildad le Naamath khawmi Zofar in a parih himi thil ṭha lo a thleng mi zaten an theih tikah, mi kip an umnak hmun cio ihsin an ra. Ziangahtile Job riahsiatpi ding le hnem dingih ratlang dingah simawknak an nei cia. 12 ^bCule a hlatnak ihsin an hei zoh tikah amah a si, ti an theithiam lo, an aw suahin an ṭap; cule an kâwrfual an thlek cio ih an lu tlun van lamah leivut an theh. 13 ^cCule annih cu amah hnenah lei ah ni sarih le zan sarih an to, cule zohman in anih cu kam khat hman an be lo, ziangahtile a thinnatdān a nasa tuk ti an hmu.

2:11^a Sem 25:2; 36:11; 37:35; Joh 11:19

2:12^b Sem 37:29; Jos 7:6; Isa 52:14

2:13^c Ṭah 2:10; Eze 3:15

3

Job in a Suah Ni a Camsiat

1 ^aHimi hnuah Job cu a kâ a ang ih a suah ni a camsia. 2 Cule Job cu a hung ṭawng ih:

3:1^a Jer 15:10; 20:14

3 ^a“Ka suah ni hloral sehla,
‘Fapa a vun,’ an rak ti zan thawn.
4 Cuih ni cu thim ah cang seh;
Cung Pathian in ngaihsak hlah sehla,
Tleu khal a parah êng hlah seh.
5 ^bCuih ni cu thim le khawthim sahpi in tuamhlo seh;
A tlunah mero zing seh;
Sun thimnak in thlaphângter seh.
6 ^cCuih zan cu thim in kaibĕt seh;
Cuih kum nipawl lakah lungawi aipuangin um hlah seh,
Thla siarnak khalah tel ve hlah seh.
7 ^dCuih zan cu ṭhing sehla maw!
Aipuan authâwm zianghman um hlah seh!
8 ^eNi camsiat thiam pawl in camse hai seh,
Leviathan tho ko tuah dingih ti-arpawl in.
9 Cuih zing ih arsipawl cu thim hai seh;
Tleu hawl seh, asinan hmu hlah seh,
Cule zing khawfingcah hmu hlah seh;
10 Ziangruangahtile ka nuih sūl kâ a khar lo ih,
Ka mithmuhnak ihsin riahsiatnak a phen lo.
11 “Ziangah so suahthlak laiih ka rak thih lo?
Ziangah so sūl ihsi ka suah laiah ka rak hlohral lo?
12 ^fZiangah so khukpawl ih in dawn?
Ziangah so maw ka fawh ding hnawipawl an um?
13 ^gCuti si lo sehla cu cāng lo le daiten ka it zo ding ih,
Ka rak itthat zo ding,
Cule ka rak cawlhahdam zo ding,
14 ^hAnmai hrangih khaw răm a dĭnsaltu,
Leitlun siangpahrangpawl le thurawn petupawl zawngah;
15 ⁱAsilole an innpawl ngun ih khattertu,
Sui neitu mipawimawh zawngah;
16 ^jAsilole ziangruangah so tleu hmu dah lo nausentepawl bangin,
A thi cia ih suak mi nausente vekih thuhhloh ka rak si lo?
17 ^kCuih hmun ah cun misualrálpawl in buainak tuah an bansan ih,
Caupawl an cawlhahdam.
18 ^lCuih hmun ah cun thawngtlapawl an cawlhahdamtlang;
Mikhâwngtuih aw an thei lo.
19 ^mCuih hmun ah cun mitenaupawl le miropipawl an um ih,
Siahhlawh cu a pu hnen ihsin a zalen.
20 ⁿ“Ziangah so maw vansang mangbang a tuartu hnenah tleu le,
Thinnatnak a tuartu hnenah nunnak,
21 ^oThih duh naih táwng lo,
Cumi cu thuh mi hlawnthilpawl hnakih hawl sawn tu,
22 ^pNasa zetih lungawi aipuangih,
Thlān an hmuh thei tikih lungawitupawl hnenih pek a si?
23 ^qZiangah so a lamzin thuhsak a si mi le,
Pathian in a kulhbĕt mi hnenih tleu pek a si?
24 ^rZiangahtile rawl ka ei hlanah thinpihnak a thleng ih,
Ka aihramnak cu tidai bangih thlet a si.
25 ^sZiangahtile ka ṭih tuk mi thil ka parah a thleng ih,
Ka phan tuk mi ka hnenah a ra thleng.
26 Ka thaw a veng lo ih, daiten ka um thei lo;
Cawlhhahdam ti ka nei lo, ziangahtile buainak a thleng,”

3:3^a Jer 20:14-18; Mat 26:24

3:5^b Sam 23:4; Jer 2:6

3:6^c Job 30:26

3:7^d Isa 26:19; Jer 51:48

3:8^e Sam 74:14; Jer 20:14

3:12^f Sem 30:3; Isa 66:12

3:13^g Job 17:13; Isa 8:22

3:14^h Isa 14:9; Jer 51:37; Nah 3:7

3:15ⁱ Sam 49:16-17; Thf 13:22; Ths 2:26; Isa 2:7

3:16^j Sam 58:8; Ths 6:3

3:17^k Ths 4:2; Isa 14:3

3:18^l Isa 51:14

3:19^m Ths 12:5

3:20ⁿ Jer 20:18; Eze 27:30-31

3:21^o Thf 2:4; Thu 9:6

3:22^p Ths 4:3; Jer 8:3

3:23^q Job 19:6, 8

3:24^r Job 6:7

3:25^s Job 9:28

tiah a ti.

4

Elifaz a Ṭawngsuak

1 ^aCun Teman khawmi, Elifaz in a sawn ih:

4:1^a Sem 36:11

2 ^a“Mi in nangmah lo biak tum hnik sehla, na thin a na pei maw?
Asinan zo so ṭawng loih sūpaw thei ding?
3 ^bNgai hnik, nang in mi tampi na rak zirh ih,
Bân tha cak lo pawl na cakter.
4 ^cNa ṭawngkampawl in mirilbahpawl a tungding ih,
Khuk derthawmpawl na cakter.
5 ^dAsinan cumi cu na parah a thleng ih, nang cu na cau;
Cumi in a lo thâm ih, na buai.
6 ^eNa Pathian ngaihsaknak cu na rinsanawknak a si lo maw?
Cule na nun felfainak hi na beiseinak a si lo maw?
7 ^f“Atu-ah mangsal hnik, zo so mawhnak nei lo hloral dah um?
Asilole khuiah so midĭng sahtan an si dah?
8 ^gKa rak hmuh zo mi vekah cun,
Mawhsualnak tuh dingih lei lettupawl le,
Buainak tuhtupawl cun cumi thotho an khawm.
9 ^hPathian ih semnak in annih cu an hloral ih,
A thinhengnak thaw in annih cu a khangrăl hai.
10 ⁱKiosa hûk,
Kiosa hrang aw le,
Kiosa vanglai hápawl an kiak.
11 ^jKiosa cu deh mi sa neih lo ruangah a thi,
Cule kiosa pinuih fa no pawl an ṭekdarh.
12 ^k“Ka hnenah a thupten thu a thleng ih,
Ka hna in cuih thu sim thektho mi a dawngsáwng.
13 Mi ihhmu thaw zetih an ihthah lai,
Zan larawknakpawl ka ruah laiah,
14 ^lṬihnak ka parah a thleng ih ka khūr,
Cumi cun ka ruhpawl zaten a khūrter.
15 ^mCun thlarau pakhat ka hmaika in a fehtlăng;
Ka taksa hmulthi an ding.
16 ⁿCuih thlarau cu ka hmaiah a ding ringring,
Asinan a hmelhmang ka hliah thei lo.
A pianhmang cu ka mithmuh ah a um;
A reh ṭhepṭhep;
Cun aw ka thei ih:
17 ^o‘Milai hi Pathian hnakin a dingfelsawn thei pei maw?
Minung hi amah tuahtu hnakin a thiangsawn thei pei maw?
18 ^pZoh hnik, anih in a siahhlawhpawl a rinsan hai lo,
A vancungmipawl ti sual a puh hai,
19 ^qTlak innpawl sungih a cêng mipawl,
An ṭohram cu leivut ah a si,
Pangāng vekih a siatrál mipawl parah cun
Ziang tlukin so a puh hai sinsin ding?
20 ^rAnnih cu zing lam ihsin zan lam tiang an kekkuai nêknêk ṭheh;
Zohman ih ngaihsak loin, annih cu kumkhuain an hloral.
21 ^sAnmai cungcuannak cu a hlo ṭheh a si lo maw?
Fimnak nei lo vekin an thi,’ tiah a ti.

4:2^a Jer 4:19

4:3^b Job 29:21; Heb 12:12

4:4^c Isa 1:17; 35:3; Heb 12:12

4:5^d Jos 1:9; Rut 1:13; Thf 24:10

4:6^e 2Sp 18:19; Sam 27:3; Thf 3:26

4:7^f Job 8:2; Sam 37:25

4:8^g Thf 22:8; Gal 6:7-8

4:9^h 2Th 2:8

4:10ⁱ Sam 17:12; 22:13; Thf 28:15

4:11^j Job 27:14; Sam 34:10

4:12^k Job 26:14

4:14^l Hab 3:16

4:15^m Dan 5:6; Mat 14:26

4:16ⁿ 1Sp 19:12

4:17^o Sem 18:25; Job 9:2; Mal 2:10

4:18^p Heb 1:14

4:19^q Sem 2:7; Rom 9:21

4:20^r Sam 89:47; Jam 4:14

4:21^s Job 8:22

5

1 ^a“Atu-ah ko hnik aw,
A lo lettu ding zo tal an um pei maw?
Cule mithiangpawl lakih zo bik so na pan ding?
2 ^bZiangahtile thinlingnak cun mimâwl pa a that ih,
Iksiknak in mifimvar lo a that.
3 ^cMi-â in hrihram a thlak ka hmu,
Asinan hmakhatteah a cēnnak hmun kha ka camsiatsak.
4 ^dA fapapawl cu himnak ihsin an hla,
Kăwtka ah annih cu hrem an si ih,
Zohman runsuaktu an um lo.
5 ^eA thlairawl khawm mi cu mi rilrawng pawl in an ei ṭheh,
Hling lakih um mi tiangin an la ih,
A neihnunnak cu suamhmang in a thiarhlo ṭheh.
6 Ziangahtile zăwnzaihnak cu leivut ihsin a ra lo ih,
Buainak cu leilung ihsin a pûtsuak fawn lo;
7 ^fTlun lamih meici an zām vekin,
Minung cu buai dingah a suak a si.
8 ^g“Asinan kei lawngte cun Pathian ka hawl ding ih,
Ka thuhlapawl Pathian hnenah ka thlen ding,
9 ^hThil ropi pawl le hawlsuah theih lo thilpawl,
Siar cawk lo mangbangza thilpawl titu hnenah.
10 ⁱAnih in leilung parah ruah a surter ih,
Leirampawl cu tidai a pe.
11 ^jMinautapawl hmun sâng ah a ret ih,
Miriahsiapawl cu himnak ah a khaisâng.
12 ^kMihrăwkhrawlpawlih khawkhannakpawl a hlawhsamter,
Cutin an kut in an remruahnakpawl an ṭuansuak thei lo.
13 ^lAnih in mifimpawl cu anmai hrăwkhrawlnak in a awk hai ih,
Midepdepawlih thurawn pek cu anmai parah zamrang zetin a tla.
14 ^mSun cān ah thimnak an táwng ih,
Sun laifangah zan vekin an dap.
15 ⁿAsinan anih in mitlasampawl kha an hmurkâ ralnâm ihsin le,
Micak kut ihsin a runsuak hai.
16 ^oMifarah in ruahsannak a nei ih,
Midik lo in a kâ a cip.
17 ^p“Ngai hnik, Pathian ih nun a rĕm mi cu mithlawsuak a si;
Curuangah Ziangkimtithei-ih nunsimnak cu hmuhsuam hlah.
18 ^qZiangahtile anih in hma a baih, asinan amah in a tuamsak;
Anih in a tuahmawh, asinan amai kut in a damter.
19 ^rAnih in buainak paruk lakah a lo runsuak ding,
A si, pasarih lakah thil ṭha lo zianghman in a lo dai lo ding.
20 ^sMangṭam a thlen tikah thihnak ihsin le,
Ral lakah ralnâm thiltitheinak ihsin a lo tlen ding.
21 ^tHmuhsuamnak ṭawngkam lak ihsin thuh na si ding ih,
Siatralnak a thlen tikah na thin a phâng lo ding.
22 ^uSiatralnak le mangṭam pawl kha na hnihsan hai ding ih,
Leitlun sahrangpawl na ṭih hai lo ding.
23 ^vZiangahtile ló lak lungtopawl thawn thukham na tuah ding ih,
Ramsapawl thawn nan remaw ding.
24 Na puanthlam ah ralmuannak a um ti na thei ding;
Na cēnnak na vehvai ding ih famkimlonak zianghman a um lo ding.
25 ^wNa tesinfapawl cu tampi an si ding ti khal na thei ding ih,
Na cithlahpawl cu leilung hrampi bangtuk an si ding.
26 ^xAmai tikcu teih khawm mi thlairawl kung bangin,
San kimin thlān ah na feh ding.
27 Ngai hnik, himi hi kan hmuhsuak mi a si;
Hihi a si.
Cumi cu ngaithla awla, nangmai hrangah thei aw,”

5:1^a Sam 89:7; Hab 1:2

5:2^b Thf 12:16; Gal 5:26

5:3^c Sam 37:35-36

5:4^d Amo 5:12

5:5^e Lai 2:15; Job 18:8

5:7^f Sem 3:17; Thf 22:8

5:8^g Sam 35:23; Jer 12:1; 1Ko 4:4

5:9^h Job 9:10

5:10ⁱ Pui 26:4; Mat 5:45

5:11^j Mat 23:12; Rom 12:15; Jam 4:10

5:12^k Neh 4:15

5:13^l Thf 21:30; Jer 8:9; 1Ko 3:19

5:14^m Isa 8:22; Joh 12:35

5:15ⁿ Suah 22:23

5:16^o Thf 17:5; Rom 3:19

5:17^p Sam 94:12; Thf 3:1; Heb 12:5-11

5:18^q Dnp 32:39; Isa 57:15; Hos 6:1

5:19^r Sam 34:19; Dan 3:17

5:20^s Sam 33:19; Jer 39:18

5:21^t Sam 12:2-4; 23:4

5:22^u Hos 2:18

5:23^v 2Sp 3:19, 25; Isa 11:6-9; 28:15; Eze 34:25

5:25^w Dnp 28:4; Sam 112:2; Isa 44:3-4

5:26^x Sem 15:15; Dnp 11:21; Thf 3:21-26; Ths 8:13

tiah a ti.

6

Job a Ṭawngsuak

1 Cun Job in a sawn ih:

2 ^a“Ka thinnatnakpawl hi dikteih cuaithlai si-in le,
Ka vanduainakpawl hi khīngkhai si sehla maw!
3 ^bZiangahtile cumi cu tifinriat vunnel hnakin a ritsawn ding,
Curuangah ka ṭawngkampawl an hrohrannak a si.
4 ^cZiangahtile Ziangkimtithei-ih thál fungpawl ka sungah an um;
Ka thlarau in an tûr a zûk.
Keimah dokalhin Pathian-ih ṭihnunnakpawl an tlaraw.
5 ^dHramlak lāk in a hrampi tlunah a ai maw,
Asilole caw cang in a hram no tlunah a paw maw?
6 ^eThawtnak nei lo kha cite tel loin ei a theih maw?
Asilole ^fkhalamut ti ah thawtnak a um maw?
7 Cupawl dai ding cu ka thinlung in a duh lo;
Ka hrangah luaksuakza rawl vek an si.
8 “Ka ngĕn mi ngah theiin le,
Pathian in ka beisei mi i pe sehla maw!
9 ^gPathian in keimah i rialdip ding duhin,
A kut phawih in i that sehla!
10 ^hCun hnangamnak ka nei ṭhiamṭhiam ding;
Ānhainak ah umin, anih in in zuah lo khal sehla, nasa zetin ka lung a awi ding,
Ziangahtile Mi Thianghlim kamsuakthupawl ka hnáwng lo.
11 “Ruahsannak nei dingin ziang cahnak so ka neih?
Cule dam rei dingin ka hmai lam cu ziang so a si?
12 Ka tha khohnak cu lungto khohnak a simaw?
Asilole ka titsa cu dar a simaw?
13 Ka sungah i bawmtu a um lo maw?
Cule hlawhtlinnak cu ka hnen ihsin dawisuak a simaw?
14 ⁱ“Zăwnzaihter mi pa hnenah a rualpi in ngilneihnak a hmuh ding,
Ziangkimtithei ṭihzahnak a thlauthlak hmanah.
15 ^jKa unaupawl in lihăwng va bangin,
A luangrál mi tiva te bangin in bum.
16 Cuih tiva te pawl cu tikhălpawl ruangah an dum ṭheh ih,
Cumi sungah vur an zupral.
17 Cumi a hlum tikah an luangrál;
A sat tikah an hmun ihsin an kangrál ṭheh.
18 An zawh mi zinpawl a kikâwi,
Khui hmanah feh loin an cem.
19 ^kTema sumdâwng rual in an hawl,
Shiba khualtlawngpawl in cupawl cu an ruahsan.
20 ^lCuih ruahsannak ruangah annih cu an tha a nau;
Cuih hmun ah an ra ih an buai.
21 ^mZiangahtile atu-ah nannih cu zianghman nan si lo,
Thil ṭihnung nan hmu ih nan thla a phâng.
22 ⁿ‘Ka hnenah rak keng uh,’
Asilole, ‘Nan neihnunnak sungin nawhthuh i pe uh,’
23 ^oAsilole, ‘Ral kut ihsin i runsuak uh,’
Asilole, ‘Palbĕttupawl kut ihsin i tlen uh,’ ka lo ti dah maw?
24 ^p“I zirh uh, cule daiten ka um ding;
Khui tawk lai bik ah ka ti sual ti i theithiamter uh.
25 ^qA dik mi ṭawngkampawl cu ziang tlukin so hmual an neih!
Asinan nan thuelnak in ziang so a fiangter.
26 ^rKa ṭawngkampawl le
Thli vek a si mi mimangbang thurel mipawl cu rĕm nan tum maw si?
27 ^sA si, nannih in pa nei lo pawl nan tuah sia ih,
Nan rualpi cu hlawknak hrangah nan hmang.
28 Atu-ah keimah i zoh hram uh;
Ziangahtile nan hmaiah thuphan ka per dah fawn lo.
29 ^tZangfahten kirsal uh, dik lo zetih thil ti um hlah seh!
A si, kirsal uh, hi thil ah hin ka dingfelnak a um a si.
30 Ka lei ah diklonak a um maw?
Ka dang in thil ṭha lo a thleidang thei lo maw si?

6:2^a Thf 11:1; Dan 5:27

6:3^b 1Sp 4:29; Thf 27:3

6:4^c Job 16:13; Sam 38:2

6:5^d Isa 30:24

6:6^e Sam 107:18

6:6^f khalamut ti: Kung pakhat a si ih, a ti cu a thaw lo zet.

6:9^g Mip 11:15; Sam 31:22

6:10^h Pui 11:44; Sam 94:19; Isa 31:1

6:14ⁱ 1Sam 20:42; Sam 38:11; 1Joh 3:17

6:15^j Sam 22:1; Jer 15:18

6:19^k Sem 10:7, 28; 25:15

6:20^l Jer 14:3; Joe 1:11

6:21^m Sam 38:11

6:22ⁿ Sam 49:7; Jer 15:10

6:23^o 2Sp 19:19

6:24^p Sam 39:1; Ths 5:2

6:25^q Ths 12:11

6:26^r Job 8:2; Jer 5:13

6:27^s Suah 22:22, 24; Isa 10:2; Joe 3:3; Oba 1:11

6:29^t Isa 40:27; Zek 13:9

7

1 ^a“Leilung tlunah minung hrangih hnaṭuan khunhar cān a um a si lo maw?
A nipawl khal cu hlawhfa-ih nipawl bangtuk an si lo maw?
2 ^bSiahhlawh in daihnem a ngai tuk vek le,
Hlawhfa in a hlawh man a hngakhlap vekin,
3 ^cNithlapawl tla man nei loih hmanter ka si ih,
Băngthlakza zanpawl ka hrangah ruat an si.
4 ^dKa zau tikah, ‘ziang tikah so ka thawh ding ih,
Zan a cem ding,’ tiah ka ti.
Ziangahtile khawfingcah tiangin khat lam le khat lamah ka let rero.
5 ^eKa titsa cu tholungpawl le leivut an kăwp,
Ka vun a ro ih a kuai.
6 ^f“Ka dam sung cān cu thiamtahtuih thiamhrawlh hnakin a rangsawn ih,
Ruahsannak um loih hmanral an si.
7 ^gKa nunnak cu thaw men a si ti máng ringring aw maw!
Ka mit in thil ṭha a hmusal nawn lo ding.
8 ^hKeimah i hmutu paih mit in i hmusal nawn lo ding;
Ka parih nan mit a fut laiah, ka rak um nawn lo ding.
9 ⁱMero a kian ih a hlohral vekin,
Sheol ih a fehtu cu a suaksal dah lo.
10 ^jA inn ah a kirsal nawn lo ding ih,
A hmunram in amah a thei nawn lo ding.
11 ^k“Curuangah ka kâ ka sûp lo ding;
Ka thinpitin thu ka rel ding;
Ka nun zinfetnak ah ka phunzai ding.
12 ^lKa parih kiltu na ret hi,
Keimah cu tifinriat maw ka si, asilole tifinriat sahring tumpi maw ka si?
13 ‘Ka ihkhun in i thlangăm ding ih,
Ka zaunak in ka phunzainak a dêmter ding,’ ka ti tikah,
14 ^mNang in mangpawl in i ṭihter ih,
Larnakpawl in ka thla na phângter,
15 ⁿCutin ka thinlung cun nun hnakin dēkthat le
Thih a hril sawn.
16 ^oKa nun ka ning,
Ka nung kumkhua lo ding.
In ngaihsak hlah uh,
Ziangahtile ka dam sung cān cu thaw men an si.
17 ^p“Minung hi ziang so a si ih, na khaisan,
A parih na thinlung na ret,
18 ^qZing tinte na vehvai ih,
Ziangtik lai khalih na hniksak?
19 ^rIn hawisan dah lo ding maw si?
Ka cil lem sungte tal i ngaihsak loin na um lo ding maw?
20 Thil sual ka rak tuah maw?
Nang minungpawl thlirtu,
Na parah ziang so ka rak tuah?
Keimah cu keimah lala parih phurrit si dingin,
Ziangruangah na hmui bah mi ih i ret?
21 ^sZiangah so ka dān pahbălnak na ngaithiam lo ih,
Ka mawhsualnak na lâkhloh lo?
Ziangahtile kei cu leivut ah ka it thlang ding ih,
Nang in taima zetin in hawl ding,
Asinan ka rak um nawn lo ding,”

7:1^a Pui 25:50; Isa 40:2

7:2^b Pui 19:13; Ths 2:23

7:3^c Jer 9:1; Ṭah 1:2, 21

7:4^d Dnp 28:67

7:5^e Dnp 28:35; Isa 14:11

7:6^f Sam 39:5; Isa 38:12

7:7^g Job 7:16

7:8^h Sam 37:36; Joh 16:16; Apo 20:25

7:9ⁱ 2Sam 12:23; Amo 9:2

7:10^j Sam 37:10; Jer 18:17

7:11^k Sam 22:2

7:12^l Sem 1:21

7:14^m Sem 41:8

7:15ⁿ 1Sp 19:4; Jon 4:3; Thu 9:6

7:16^o 1Sp 19:4

7:17^p Sam 8:4; Heb 2:6

7:18^q Sam 17:3; 73:14; 139:1-6, 23

7:19^r Sam 139:7

7:21^s Job 10:9

tiah a ti.

8

Bildad a Ṭawngsuak

1 ^aCun Shuh-mi Bildad in a sawn ih:

8:1^a Sem 25:2

2 ^a“Ziangtik tiang so hi thilpawl na sim lai ding ih,
Na kamsuak ṭawngkampawl cu a cak mi thli vek an si ding?
3 ^bPathian in thuṭhennak a herhkawi dah maw?
Asilole Ziangkimtithei in diknak a merhkâwi dah maw?
4 Na fapapawl in a parih thil sual an tuah asile,
An dān pahbălnak ruangah anih in a hlăwnhlo hai.
5 Pathian kha ṭhahnemngai zetin na hawl ih,
Ziangkimtithei hnenih a lainatnak na dil asile,
6 ^cNangmah cu na thiang ih na dĭng asile,
Na hrangah a ṭhangharh tengteng ding ih,
Na covo na cēnnak hmun kha a hmuingilter ding.
7 ^dNa thawknak cu fate hman sehla,
Neta lamih na cemnetnak cu nasa zetin a ṭhang ding.
8 ^e“Khuahlan san kha zingzawi hram awla,
An pupápawl ih hmuhsuah mi thilpawl kha ruat aw;
9 ^fZiangahtile kannih cu mizansunte ih suak mi kan si ih,
Zianghman kan thei lo,
Ziangruangahtile leilung parih kan dam sung cān cu thlahlim men an si.
10 ^gAnnih in an lo zirhin an lo sim lo ding maw,
Cun an thinlung sung ihsin ṭawngkampawl an relsuak lo ding maw?
11–12 ^h“Phaipheng cu lei hnâwng lo ah a ṭhang thei maw?
A hrin lai le sahtan lo a si laiah,
Tikap hrampi teh tidai loin a ṭhangṭha thei maw?
Cuih kung cu hrampi dang hmuahhmuah hlanah a vuai.
13 ⁱPathian hngilhtupawl hmuahhmuah ih netnak cu cuvek a si;
Cule midepdepawlih ruahsannak cu a hloral ding,
14 ^jA ralmuannak cu sahcat a si ding ih,
A rinsan mi cu maimăwm inn râng a si ding.
15 ^kAnih in a inn a hngauhsan, asinan cumi cu a dingsuak lo.
Anih in cumi cu fek zetin a kai, asinan cumi cu a hmun lo.
16 ^lAnih cu sun ah hring dupdoin a ṭhang ih,
A hmuan ah a hngepawl an zamkhat.
17 ^mA hrampawl in lung penkhawm a ngerh ih,
Cuih lungpawl lakah inn ding a hawl.
18 ⁿAnih cu a hmunram ihsin siatsuah a si ahcun,
‘Ka lo hmu dah lo,’ tiin amah cu a hnáwng ding.
19 ^o“Ngai hnik, himi cu amai nundānih aipuannak a si ih,
Leilung ihta a dangpawl an kho ding.
20 ^pNgai hnik, Pathian in sawihnăwm kai lo cu a hlăwn lo ding ih,
Thil ṭha lo tuahtupawl khal a tungding fawn lo ding.
21 ^qAnih in na kâ cu hnihnak in le,
Na hmur cu lungawi aipuannak in a khatter ding.
22 ^rA lo huatupawl cu mualphonak hrukter an si ding ih,
Misualrálpawl cēnnak hmun cu zianghmanlo ah a cang ding,”

8:2^a 2San 36:16

8:3^b Sem 18:25; Jer 12:1; Rom 3:5

8:6^c Isa 58:9

8:7^d Sam 25:13; Jer 29:11

8:8^e Dnp 32:7; Sam 71:18

8:9^f Sem 47:9; Sam 39:6

8:10^g Thf 1:8; 2:1-2

8:11-12^h Suah 2:3; Sam 129:6; Isa 34:4

8:13ⁱ Sam 37:38; 112:10; Thf 10:28

8:14^j Isa 59:5

8:15^k Sam 49:11; Mat 7:26-27

8:16^l Sam 37:35; 80:11; Isa 16:8; Jer 11:16

8:17^m Thf 10:28; Jer 15:9

8:18ⁿ Sam 103:16

8:19^o Sam 119:90; Ths 1:4

8:20^p Sem 18:25

8:21^q Sam 47:6; Isa 35:6

8:22^r 1Sam 8:3; Sam 52:5; Thf 14:11; Eze 7:27

tiah a ti.

9

Job a Ṭawngsuak

1 Cun Job in a let ih:

2 ^a“Cutin a si ti cu ka thei rori a si,
Asinan ziangtin minung cu Pathian hmaiah a dingfel thei ding?
3 ^bMi in Pathian thu el a duh asile,
Vei 1000 ah vei khat hman a let thei lo ding.
4 ^cPathian cu thinlung ah a fim ih,
Thazang ah a cak.
Amai lakih lungruh zo so hmuingil um?
5 ^dAnih in tlangpawl a ṭhawn ih,
Annih in ziang tikah a thinhengnak in anmah a lingletter ti an thei lo;
6 ^eAnih in leilung cu a umnak hmun ihta a hnînter ih,
A ṭhuampawl a hnînter;
7 ^fAnih in ni cu thu a pe ih, ni a suak lo;
Anih in arsipawl khal a hupbĕt.
8 ^gAmah lawngin van a pharh ih,
Tifinriat tisuar parah a feh;
9 ^hAnih in ⁱAyish, Kesil le Kimah le
Thlang lam pindanpawl a tuah;
10 ^jAnih in hmuhsuah băn lo thil ropi pawl a tuah,
A si, siar cawk lo mangbangzapawl tla.
11 Zoh hnik, anih cu ka kiangah a feh ih, ka hmu lo;
A feh vivo ih, amah ka theihliah lo.
12 ^kZoh hnik, anih in a lahlo, zo in so kham thei ding?
Zo in, ‘Ziang so na tuah rero?’ ti ngam ding?
13 ^lPathian in a thinhengnak a hnûkdâwk lo ding,
A hnuaiah ^mRahab bawmtupawl an băwkkhup.
14 “Cuti a si ahcun, ziangtin so amah cu ka sawn thei ding ih,
A hmaiah ka ṭawngkam ka rĕm thei ding?
15 ⁿZiangahtile kei cu midingfel ka si ko nân, anih cu ka sawn thei lo ding;
Ka thuṭhentuih zahngainak ka ngen ding.
16 ^oKa ko ih anih in in sawn a si hmanah,
Anih in ka aw a ngaithla ti ka zum cuang lo.
17 ^pZiangahtile anih in thli sia in i nuai ih,
A săn um loin ka hriamhmapawl a karhter.
18 ^qAnih in ka thaw hīp ding i siang lo ding,
Siatkhâtnak in i khatter sawn.
19 Thazang lam thu ah cun, ngai hnik, anih cu a cak;
Cule diknak thu ah cun, zo in so in ko ding?
20 Keimah cu midingfel si khal ningla, keimai kâ lala in thiam lo in coter ding;
Sawisel ding um lo si khal ningla, cumi cun mikhêrmei ka sizia a fiangter ding.
21 ^r“Keimah cu sawihnăwm kai lo ka si, cuti cingin keimah le keimah ka theiaw lo;
Ka nunnak zianghman ah ka siar lo.
22 ^sHimi cu thil pakhat a si;
Curuangah kei in, ‘Anih in sawihnăwm kai lo le misualrál pawl a siatsuah hai,’ tiah ka ti.
23 ^tHremnak in rin lo pin mi a thah asile,
Anih cun mawhnak nei lo vansanglamnak kha a hnihsan men.
24 ^uLeilung cu misualrál kut sungih pek a si.
Anih in a thuṭhentupawlih hmaipawl a hup.
Cumi cu amah a si lo ahteh, zo dang so a si ding?
25 “Ka dam sung cān cu zualko tlân hnakin an rangsawn;
An tlanhlo, thil ṭha zianghman an hmu lo.
26 Câlte lăwng lêngpawl vekin an liam,
Muvanlai in a sa deh mi a năm lai vekin.
27 ‘Ka phunzainak ka hngilh ding,
Ka riahsiatnak mithmai ka hlit ding ih hnih hmel ka pu ding,’ ka ti a si khalle,
28 ^vKa tuarnakpawl hmuahhmuah ka ṭih;
Nang in mawhnak nei lo ah in ruat lo ding, ti ka thei.
29 ^wKeimah cu thiam lo coter ka si le,
Ziangah so a lak menih ka ṭuanbăng?
30 ^xKeimah le keimah vur tidai thawi ka khawlhawk ih,
Ka kutpawl cingál thawi ka thianfai a si khalle,
31 ^yNang in khur sungah i hnīm thotho ding ih,
Keimai hnipuan rori in in fih ding.
32 ^z“Ziangahtile amah ka sawn thei nak dingah le,
Thuṭhennak hmun ih kan feh veve thei nak dingah,
Anih cu keimah vek milai a si lo.
33 ^aaKan karlakih remnak palai,
Kan pahnih parih kut suahtu ding an um fawn lo.
34 ^abKa hnen ihsin a fungfêk la sehla,
A ṭihnunnak thawn i ṭhihṭhaih hlah seh.
35 Cun ka ṭawng ding ih, amah ka ṭih lo ding,
Asinan cuvek le ka si fawn lo.

9:2^a Sam 143:2; Rom 3:20

9:3^b Sam 44:21; Isa 14:24

9:4^c Job 36:5; Sam 51:6; Thf 2:6

9:5^d Job 26:6

9:6^e Isa 2:21; Hab 3:4

9:7^f Job 38:12; Isa 34:4; Jer 4:28

9:8^g Sem 1:1, 8; Sam 77:19; Isa 48:13

9:9^h Sem 1:16

9:9ⁱ Ayish: Hebru ṭawng a si ih, arsi rual khat hmin a si. Mirang in Great Bear an ti.

9:10^j Dnp 6:22; Sam 72:18; Jer 32:20

9:12^k Job 10:7; Dan 2:21; Rom 9:20

9:13^l Mip 14:18; Sam 78:38; Isa 30:7

9:13^m Rahab: Tipi sungih um samak phun khat relnak a si.

9:15ⁿ Sem 18:25; 1Sam 24:12; Sam 50:6

9:16^o Rom 9:20-21

9:17^p Sam 83:15; Isa 38:13; Jon 1:4

9:18^q Neh 9:32; Jer 49:19

9:21^r Sem 6:9; Mip 11:15

9:22^s Ths 9:2-3; Eze 21:3

9:23^t Sam 64:4; Hab 1:3; Heb 11:36; 1Pe 1:7

9:24^u Job 12:6; Dan 4:17

9:28^v Suah 34:7

9:29^w Sam 37:33

9:30^x Isa 1:15, 18; Jer 2:22; Mal 3:2

9:31^y Sam 73:13; Nah 3:6; Mal 2:3

9:32^z Mip 23:19; Sam 143:2; Rom 9:20

9:33^aa 1Sam 2:25

9:34^ab Sam 32:4; 39:10

10

1 ^a“Ka nun ka ning thlang;
Ka phunzainak ka relsuak thluh ding,
Ka thinlung siatkhâtnak ka rel ding.
2 ^bKei in Pathian hnenah, ‘Thiam lo i coter hlah;
Ziangruangah keimah i bei rero ti i sim aw.
3 ^cNang in na kut hnaṭuan nautat dingah le,
Misualrálpawlih thurawn pek hnihsan dingah,
Na palbĕt ding cu na hrangah thil ṭha a simaw?
4 ^dTitsa mit na nei maw si?
Asilole milai hmuh vekin na hmu maw si?
5–6 ^eKa mawhsualnak na hawlsuak ih,
Ka sual na zăwihliah hi,
Na nipawl teh a thi thei mi milai nipawl vek maw an si?
Na kumpawl teh miralṭha nipawl vek maw an si?
7 ^fNa theih vekin misualrál ka si lo,
Cuti cingin na kut sung ihsin runsuak thei tu zohman an um lo.
8 ^g‘Na kut in i sersiam ih, ṭha zetin i rĕmkhawm;
Cuti cing cun nang in i siatbăl.
9 ^hTlak vekin i tuah ti kha cîng ringring hram aw.
Cule leivut ah i kirtersal ding maw?
10 ⁱHnawi ti vekin i thle ih,
Hnawi cawh khăl vekin i căwk,
11 Vun le titsa thawn i thuam ih,
Ruhpawl le thahripawl thawn in phiarkhawm a si lo maw?
12 ^jNang in nunnak le duhsaknak i pe ih,
Nangmai kilkhawinak in ka thlarau a kilhim.
13 ^k‘Cule hi thilpawl hi na thinlung ah na thup;
Himi cu na hnenah a um ti ka thei:
14 ^lSual ka tuah asile, i hminsin ding ih,
Ka mawhsualnak lak ihsin i thlah lo ding.
15 ^mMisualrál ka si ahcun, ka hmakhuapit seh;
Midingfel ka si ko nân, khua ka tāng ngam lo.
Mualphonak in ka khat;
Ka mangbang vansannak hi zoh aw!
16 ⁿKhua ka tăn a si ahcun,
Nang in kiosa vekin in pêl ih,
Ka hnenah maksak zetin na langawter lala.
17 ^oKeimah dokalhin thutheitu thar pawl na umter ih,
Keimah lamah na aithawknak a luar sinsin;
Ka parah thlĕngawknak le harsatnak an um ringring.
18 ^p‘Ziangah so nang in ka nuih sūl sung ihsi i lâksuah?
Zohman ih hmuh hlanah rak thih sawn men tak ding!
19 Um dah lo vek ka rak si ding.
Sūl sung ihsin thlān ah thiar ka rak si ding nân.
20 ^qKa nipawl hi an mál tuk lo maw?
Cawl thlang aw!
Hnangamnak málte tal ka neih thei nak dingah in tibuai hlah uh.
21 ^rKa kirsal nawn lo nak ding hmun,
Thim le thihnak thlahlim ram ka feh hlanah,
22 ^sThimnak vekih thim lutuk ram,
Hnăwkbuai le thim mepmep,
Tleu hman thim vek a sinak hmun ah,’ tiah ka ti,”

10:1^a Mip 11:15; 1Sp 19:4

10:2^b Hos 4:1; Mik 6:2; Rom 8:33

10:3^c Sam 138:8; Isa 60:21

10:4^d 1Sam 16:7; Sam 11:4; Jer 11:20-23

10:5-6^e Sam 39:5; 2Pe 3:8

10:7^f Dnp 32:39

10:8^g Sem 2:7; Sam 119:73

10:9^h Sem 2:7; Isa 29:16

10:10ⁱ Sam 139:13, 15

10:12^j Sem 2:7; 45:5

10:13^k Job 23:13

10:14^l Suah 34:7; Sam 139:1

10:15^m Sam 25:18; Isa 3:11

10:16ⁿ 1Sam 17:34; Sam 7:2; Isa 38:13; Jer 5:6; Ṭah 3:10; Hos 5:14

10:17^o Rut 1:21

10:18^p Job 3:11; Sam 22:9; Ths 7:1

10:20^q Ths 6:12

10:21^r 2Sam 12:23; Sam 39:13; Ths 12:5

10:22^s 1Sam 2:9

tiah a ti.

11

Zofar a Ṭawngsuak

1 Cun Naamath khawmi Zofar in a sawn ih:

2 ^a“Hi zat liangluang ṭawngkampawl hi leh loin maw a um ding?
Mikamtam pa cu thiamcoter a si ding maw?
3 ^bUmze nei lo na ṭawng mipawl in dai ko mi a tuah ding maw?
Mi na hmuhsuam tikah, ningzak ko zohman ih tuah loin na um ding maw?
4 ^cZiangahtile nang cun,
‘Ka thuzirh cu a fai ih,
Na mithmuh ah ka thiang,’ tiah na ti.
5 Asinan Pathian cu ṭawngsuakin,
Nangmah dokalhin a hmur kau hnik sehla cu aw;
6 Anih in fimnakih thuthuppawl a lo hmuh ding.
Ziangahtile fimnak in kap hnih a nei.
Curuangah Pathian in na mawhsualnak hnakih mál in na parah a tuah ti thei aw.
7 ^d“Pathian thil thûk pawl na hawlsuak thei ding maw?
Ziangkimtithei-ih kauhzia na hmusuak thei ding maw?
8 ^eCupawl cu van hnakin an sâng, nang in ziang so na tuah thei?
Sheol hnakin an thûksawn, nang in ziang so na theih?
9 ^fAn thil tahnak cu leilung hnakin a sausawn ih,
Tifinriat hnakin a kausawn.
10 ^g“Anih cu a lan ih, a kharkhum, cule a fĭnkhawm asile,
Zo in so kham thei ding?
11 ^hZiangahtile anih cun mi bumhmangpawl a thei;
Sualralnak khal a hmu.
Cumi cu ruat loin a um ding maw?
12 ⁱZiangahtile ramlak lāk cu milai ih a suah tikah,
Mi-â cu a fim ding.
13 ^j“Na thinlung na timlam ih,
A lamah na kut na pharh a si ahcun;
14 ^kNa kut ah mawhsualnak a um ih hlapi ah na hlăwn,
Cule na puanthlampawl sungah sualralnak na cēnter lo a si ahcun;
15 ^lNa hmai kha bāl um lo ten na khaisâng thei tengteng ding;
A si, na ding hnget thei ding ih, na ṭih lo ding;
16 ^mZiangruangahtile na mangbang vansannak na hngilh ding ih,
Cumi cu tipi luanghlo vekin na ruat ding.
17 ⁿCule na nunnak cu sun laifang hnakin a tlesawn ding.
Rak thim khal awla, zing lam vek na si ding.
18 ^oCule ralmûangten na um ding, ziangruangahtile ruahsannak a um;
A si, na kiangkapah khur na lai ding ih, himdamten na cawlhahdam ding.
19 ^pNa zau ding ih, zohman in an lo ṭhihṭhaih lo ding;
A si, mi tampi in an lo tlăwn ding.
20 ^qAsinan misualrálpawlih mit cu a rau ding ih,
An tlânsuak thei lo ding,
Cule an ruahsan mi cu an thaw thawt net kha a si,”

11:2^a Job 18:2

11:3^b Suah 20:19; Sam 11:5; Efe 4:29

11:4^c Job 6:10; 10:7; 1Ko 2:10

11:7^d Ths 3:11

11:8^e Sam 57:10; 139:8; Isa 55:9; Efe 3:18

11:9^f Isa 40:26; Efe 3:19-20

11:10^g Thu 3:7

11:11^h Sam 10:14

11:12ⁱ Sam 73:22; Ths 3:18

11:13^j Suah 9:29; 1Sam 7:3; Sam 78:8

11:14^k Jos 24:14; Sam 101:4

11:15^l Sem 4:7; Sam 3:6; 20:8; Efe 6:14

11:16^m Sam 58:7; Isa 65:16; Eze 21:7

11:17ⁿ Sam 37:6; Isa 58:8, 10; Joh 8:12

11:18^o Pui 26:6; Thf 3:24; Ths 5:12; Isa 11:10; Zek 3:10

11:19^p Pui 26:6; Isa 45:14

11:20^q Dnp 28:65; Jer 11:11; Amo 2:14

tiah a ti.

12

Job a Ṭawngsuak

1 Cun Job in a sawn ih:

2 “Thungaiten nannih cu milai nan si ih,
Fimnak cu nan zawngah a thi ding!
3 Asinan nanmah vekin theihthiamnak ka nei ve;
Nanmah hnakin ka niam ce lo.
A si, hivek thilpawl thei lo zo so um?
4 ^a“Keimah cu a rualpipawl ih hmuhsuam mi,
Pathian a kotu le, Pathian ih a leh mi pa,
Midik le sawihnăwm kai lo, hnihsan mi ka si.
5 ^bMingaihngamih ruahnak ah vanduainak cu nautatin a um;
Cumi cu ke nâl pawl hrangah tiar cia ih ret a si.
6 Suamhmangpawlih puanthlampawl cu an hmuingil ih,
Pathian in amai kut hmangih a cawmdawlnak thilpawl ah
Pathian thinhengtertupawl cu ralmûangten an um.
7 ^c“Asinan ramsapawl sut awla, annih in an lo zirh ding;
Cule tlun zuang vatepawl khal, cun annih in an lo sim ding;
8 Asilole leilung hnenah ṭawng awla, anih in a lo zirh ding;
Cule tifinriat ngapawl khal in an lo simfiang ding.
9 ^dCupawl zate lakah
Himi hi Jehovah ih tuahsuak mi a si, ti thei lo zo so um?
10 ^ePathian kut ah thilnung tinkimih nunnak le
Milai zate ih thaw a um a si.
11 Hna in ṭawngkampawl a hniksak ih,
Kâ in a rawl a tep a si lo maw?
12 ^fPutarpawl hnenah fimnak a um ih,
Nikhaw reiah, theihthiamnak.
13 ^g“A hnenah fimnak le cahnak a um,
Anih in thurawn pek le theihthiamnak a nei.
14 ^hZoh hnik, anih in thil a siatbăl, cumi cu dĭnsal theih a si lo;
Anih in thawng mi a thla, thlahsal theih a si lo.
15 ⁱZoh hnik, anih in tipi a kaitâng, an kangrál ṭheh;
Anih in a thlahsuak hai, annih in leilung an cîm ṭheh.
16 ^jA hnenah cahnak le fimnak a um.
Bum mi le bumtu khal amai ta an si.
17 ^kAnih in thurawn petupawl cu ralkaih ah a hruaihlo hai ih,
Thuṭhentupawl mi-â ah a tuah.
18 ^lAnih in siangpahrangpawlih ṭemṭawnnakpawl a phelh ih,
An tâipawl ah taikhap in a ṭem.
19 ^mAnih in puithiampawl ralkaih ah a hruaihlo hai ih,
Micakpawl a hlăwnthlu.
20 ⁿAnih in rinsan mipawlih thusimpawl a merhkâwi ih,
Kum upapawlih thuṭhenfel thiamnak a lahlo.
21 ^oAnih in mipawimawhpawl parah nautatnak a burh ih,
Micakpawlih taikhap a dawrter.
22 ^pAnih in thim sung ihsin thuthuppawl a phuanglang ih,
Thim mepmep kha tleu ah a canter.
23 ^qAnih in miphunpawl a ropiter ih, a siatsuah hai;
Miphunpawl a tumter ih, a kaihruai hai.
24 ^rAnih in leilung mipawlih lubânpawlih theihthiamnak a lâkhlohsak ih,
Zin umlonak ramṭhing ah a vâkvaiter.
25 ^sAnnih cu tleu um lo thim lakah thimtham vahin an vâk ih,
Anih in zuripawl vekin a hawrter hai.

12:4^a Sem 6:9; 38:23; Sam 91:15

12:5^b Sam 17:5; 123:4

12:7^c Mat 6:26; Rom 1:20

12:9^d Isa 1:3

12:10^e Sem 2:7; Mip 16:22; Dan 5:23; Apo 17:28

12:12^f Job 32:7

12:13^g Thf 21:30

12:14^h Job 19:10; Isa 22:22

12:15ⁱ Suah 7:24; Dnp 28:22; Isa 40:12

12:16^j 2San 18:22; Rom 2:11

12:17^k Isa 20:4; 1Ko 1:20

12:18^l Isa 5:27; Nah 1:13

12:19^m Job 34:24; Luk 1:52

12:20ⁿ Isa 3:1-3; Dan 4:33-34

12:21^o Sam 107:40; Isa 34:12

12:22^p Dan 2:22; 1Ko 4:5

12:23^q Isa 9:3; 26:15; Zek 10:8

12:24^r Sam 107:40

12:25^s Dnp 28:29; Sam 107:27; Isa 24:20

13

1 Ngai hnik, himi thil hmuahhmuah hi ka mit in a hmu zo,
Cumi cu ka hna in a thei zo ih a theihthiam zo.
2 Nan theih mi cu kei khal in ka thei ve;
Nang hnakin ka niam ce cuang lo.
3 Asinan Ziangkimtithei hnenah ka ṭawng ding,
Cule Pathian thawi thuelawk ka câk.
4 ^aAsinan nannih thuphan phuahtupawl,
Nannih cu santlailo sibawi nan si.
5 ^bMaw, daiten um men uh,
Cumi cu nan fimnak a si sawn ding.
6 Ka khawruah mipawl hi ngai uhla,
Ka hmur ih elnakpawl kha hna tŭn uh.
7 Pathian hrangah sualrál zetih ṭawngin,
A hrangah hrăwkhrawl zetin thu nan rel ding maw?
8 ^cA hrangah mi thleidannak nan langter ding maw?
Pathian hrangah nan bei ding maw?
9 ^dAnih in a lo hawlsuah tikah thil ṭha a si ding maw?
Asilole mi pakhat in mi dang a bum vekin,
Pathian cu nan bum thei ding maw?
10 ^eA thupteih mi thleidannak nan lăngter asile,
Anih in a lo kawk tengteng ding.
11 ^fA cungnunnak in lo thinphângterin,
A ṭihnunnak na parah a tla lo ding maw?
12 Nan ṭawngfimpawl cu vutcâm thufim an si ih,
Nan humawknakpawl cu lei tlăk humawknak an si.
13 “Ka hmaiah daiten um uh, cule thu ka sim ding,
Cun ka parah ziangkhal thleng ko seh!
14 ^gZiangah so ka titsa cu ka hâ in ka keu ding ih,
Ka nunnak cu ka kut ah ka ret ding?
15 ^hAnih in i that khal sehla, amah cu ka rinsan thotho ding.
Cuti a si hmanah, a hmaiah ka thuhlapawl ka hum ding.
16 ⁱAnih cu ka runsuahnak a si fawn ding,
Ziangahtile midepde cu a hmaiah an ra thei lo ding.
17 Ka thusim mi hi ṭhaten ngai uhla,
Ka thuthan mi hi nan hna tŭn uh.
18 Zoh hnik, ka thuhla ka timlam zo,
Ka dikzia phuansuah a si ding ti ka thei.
19 ^jKeimah i khīngtu ding cu zo so a si?
Ziangahtile a um a si ahcun, daiten ka um ding ih, ka thi ding.
20 “Thil pahnih lawng ka parah tuah hlah aw,
Cun na hnen ihsin ka thupaw lo ding:
21 ^kKa hnen ihsin na kut hi a hlatnak ah zûkkir awla,
Na ṭihnunnak in i ṭihter hlah seh.
22 Ko aw, cule ka lo sawn ding;
Asilole thu sim ning, cun nang in i sawn aw.
23 ^lKa mawhsualnakpawl le sualpawl cu ziang tlukin so an tam?
Ka dān pahbălnak le ka sualnak i theihter aw.
24 ^mZiangah na hmai na thup ih,
Na ral vekih i ruah?
25 ⁿThing hnah khat lam le khat lamih a zam mi cu na lâuter ding maw?
Cule cangpâwl ro cu na dawi ding maw?
26 ^oZiangahtile keimah dokalhin thil khâ pawl na ngan ih,
Ka no lai mawhsualnakpawl i tuarter.
27 ^pNang in ka kepawl hreng na sut ih,
Ka zinpawl zaten nai zetin na thlingthla.
Ka ke zaphakpawl hrangah ri na khiah.
28 ^q“Milai cu thil răwp vekin a ziamral,
Sunhrûl ei mi sinfen vekin.

13:4^a Sam 119:69; Isa 9:15; Jer 8:22; 23:32

13:5^b Lai 18:19; Thf 17:28

13:8^c Pui 19:15

13:9^d Gal 6:7

13:10^e Pui 19:15; 2San 19:7

13:11^f Suah 3:6

13:14^g 1Sam 28:21; Sam 119:109

13:15^h Sam 23:4; Thf 14:32; Isa 12:2; Dan 3:28

13:16ⁱ Sam 30:5; Isa 12:1; Hos 14:4; Fil 1:19

13:19^j Isa 50:8; Rom 8:23

13:21^k Suah 9:3; Sam 39:10; Heb 10:31

13:23^l 1Sam 26:18

13:24^m Dnp 32:20; Sam 88:14-15; Jer 30:14; Ṭah 2:5

13:25ⁿ Pui 26:36; Sam 1:4; Isa 17:13; Hos 13:3

13:26^o Sam 25:7

13:27^p Sem 40:15; Jer 20:2; Apo 16:24

13:28^q Sam 39:11; Isa 50:9; Hos 5:12; Jam 5:2

14

1 ^a“Nunau hrin milai cu
Buainak ih khat ni málte sung hrang lawng a si.
2 ^bAnih cu pangpar vekin a rung um ih a vuaihlo;
Anih cu thlahlim vekin a tlân ih a um pehzăwm lo.
3 ^cCule cuvek mi parah na mit fu-in,
Nangmah rori in thuṭhennak ah na hruai maw?
4 ^dThil thiang lo sung ihsin zo in so thil thiang a lasuak thei ding?
Zohman in!
5 ^eA dam sung ni zat cu relcat cia an si,
A thla zat khal na hnenah a um;
A cān bikhiah na ruat cia ih, anih in a lan thei lo.
6 ^fA cawlhhahdam thei nak dingah a hnen ihsin hmun dang hawi aw,
Hlawhfa vekih a ni a ṭheh tiangin.
7 ^g“Ziangahtile thingkung hrangah ruahsan ding a um,
Cumi cu hauthluk asile, a cerhsal ding ih,
Cerh a bāng dah lo ding.
8 ^hA hrampawl leilung sungah târ vivoin,
Lei parah a bul thi khal sehla,
9 ⁱTidai rimnam ah a hung mûmsal ding ih,
Thil kung bangin a hnge a suah ding.
10 Asinan milai cu a thi ih a riaral;
A si, anih cu a cemrál ih,
Anih cu khuiah so a um?
11 ^jTifinriat ihsin tidai a fehhlo vek le,
Tiva a kāng ih a car vekin,
12 ^kMilai khal a it ih a thosal lo.
Van an um nawn lo tiangin,
A ṭhangharh lo ding ih,
A ihthahnak ihsin a tho fawn lo ding.
13 ^lSheol ah nang in i thupin,
Na thinlingnak a reh hlanlo a thupnak hmun ah i retin,
Ka hrangah tikcu khiahin, i mang cila aw!
14 ^mMilai a thih asile, a nungsal pei maw?
Ka hahdamnak a thlen lai hlanlo,
Ka hnaṭuan khunghar cān sung hmuahhmuah ka hngak ding.
15 In ko ding ih, ka lo sawn ding;
Na kut hnaṭuan kha na hngakhlap ding.
16 ⁿZiangahtile atu-ah ka kekarpawl na siar,
Asinan ka sualnak cu na hminsin lo.
17 ^oKa dān pahbălnak cu dip sungih erhpit a si ih,
Nang in ka mawhsualnak na khuh.
18 ^p“Cule tlang a cim ih a dip ṭheh vekin le,
Lungpi cu a umnak hmun ihsin a ṭhawn vekin;
19 ^qTidai in lungtopawl a eicem ih,
Lihăwng in leilung ram ṭha a hruthlo vekin;
Milai ruahsannak khal na hloralter.
20 ^rAmah cu kumkhaw daihin na neh ih,
Anih cu a hlolan ta;
Nang in a hmel na danglamter ih, amah cu na thlahhlo.
21 ^sA fapapawl cu upat an run hlawh ih,
Cumi cu anih in a thei lo;
Annihpawl cu niamter an si ih, anih in cumi cu a thei lo.
22 ^tAsinan a taksa in nâ a tuar ding ih,
A thinlung a aihram ding,”

14:1^a Sem 3:17; Ths 2:23; Mat 11:11

14:2^b Sam 49:12; Ths 6:12; Isa 40:6-8; Jam 1:10

14:3^c Sam 8:4; 144:3

14:4^d Sam 51:10; Joh 3:6; Rom 5:12; Efe 2:1-3

14:5^e Sam 31:15; 39:4; Apo 17:26

14:6^f Sam 39:13; Isa 16:14

14:7^g Sam 52:5; Isa 6:13; 11:1

14:8^h Isa 6:13

14:9ⁱ Pui 26:4; Sam 1:3; Jer 17:8; Eze 31:7; Zek 10:1

14:11^j 2Sam 14:14; Apo 3:21

14:12^k Sam 102:26; Thu 20:11

14:13^l Sem 8:1; Sam 30:5; Isa 26:20

14:14^m 2Sp 6:33

14:16ⁿ Sam 139:1-3; Thf 5:21; Jer 16:17

14:17^o Dnp 32:34; Jer 32:10

14:18^p Eze 38:20

14:19^q Sem 7:23; Eze 13:13

14:20^r Jam 1:10

14:21^s Ths 9:15; Isa 63:16

14:22^t Sam 38:7; Isa 21:3; Jer 4:19

tiah a ti.

15

Elifaz a Ṭawngsuak

1 Cun Teman khawmi Elifaz in a sawn ih:

2 ^a“Mifim pa in thulolak theihnak thawn ṭawngin,
Nisuahnak lam thli in a pum a puarter ding maw?
3 ^bṬhathnemnak nei lo ṭawng hmangin,
Asilole hlawknak um lo thusim mipawl hmangin thu mi a ruah ding maw si?
4 A si, Pathian ngaihsaknak na hlăwnhlo ih,
Pathian hmaiah ngunngaih zetin na ruat lo.
5 ^cZiangahtile na mawhsualnak in na hmurkâ a zirh ih,
Nang in hrăwkhrawlnak lei na hril.
6 ^dNangmai kâ rori in thiam lo a lo coh, kei si loin;
A si, nangmai hmur rori in nangmah dokalhin thu a theihter.
7 ^e“Nangmah cu minung suak hmaisabik na simaw?
Asilole tlangpawl hlanah tuah na simaw?
8 ^fPathian thurawn pek na hna in na thei dah maw?
Fimnak hi nangmai hrang lawngah a si na ti maw si?
9 Kan theih lo mi ziang na thei?
Kan theihthiam lo mi ziang so na theihthiam?
10 ^gKan lakah ṭuakpar mipawl le kum upapawl an um,
Na pa hnakih upasawn an si.
11 ^hPathian-ih hnĕmnak le,
Na hnenih nemteih ṭawng mi cu na hrangah a tenau tuk maw?
12–13 ⁱNa thinhengnak kha Pathian lamih herter dingin le,
Na kâ ihsin cuvek ṭawngkampawl suakter dingin,
Ziangah so na khawruahnak in a lo hruaihlo ih,
Ziangah so na mit in lungkim lo zetin a zoh?
14 ^j“Thianghlim dingin milai cu ziang so a si?
Cule dingfel dingin nunau hrin mi cu ziang so a si?
15 Zoh hnik, Pathian in a mithiangpawl a rinsan hai lo ih,
A mithmuh ah van an thianghlim lo.
16 ^kCuti asile tidai bangih mawhsualnak intu,
Fihnungza le bawrhhlawh milai cu ziang tlukin so a thianhlim lo sinsin ding!
17–18 ^lMifimpawl ih an sim mi,
An pupápawl hnen ihsin hlah mi nei loih an dăwn mi pauhpauh,
Ka lo sim ding, i ngai aw,
Ka hmuh zo mi ka thăn ding
19 ^m(An lakih khawtluang mi zohman um lo, anmah hnen lawngih ram pek mi an pupápawl):
20 ⁿMisualrál pa cu a dam sung hmuahhmuah nâ a tuar ih,
Mirapthlak pa hrangah cun kum málte lawng khiahsak a si.
21 ^oA hna ah ṭihnungza thâwm pawl a um;
Thlangam zetih a um laiah a parah siatsuahtu a thleng.
22 ^pThim ihsin a kirsal ding ti a zum lo,
Ziangahtile amah cu ralnâm in a hngak ringring.
23 ^qAnih cu rawl hawlin a vâktawi ih,
‘Khuiah so rawl a um?’ tiah a ti.
Thimnak ni a nai ti a thei.
24 ^rBuainak le ānhainak in amah cu a thlaphângter;
Ral do dingih tiar siangpahrang vekin, annih in amah cu an neh.
25 ^sZiangahtile Pathian dokalhin a bân a suah ih,
Ziangkimtithei dokalhin a cakawter.
26 ^tA khoh zetih a lai pâwng mi a ralphaw thawn
Pathian dokalhin lungruh zetin a va tlân.
27 ^u“Amai thaunak in a hmai a tuam ih,
A tâi kha a thau in a ritter ko nain,
28 ^vAmah cu siatrál mai ding khawpi ṭhing pawl ah le,
Zohman ih luah lo mi innpawl ah a cêng.
29 ^wAnih cu a lian lo ding,
A neihnunnak khalin a daih rei lo ding ih,
A neih mipawl khal leitlun ah a karhzai fawn lo ding.
30 ^xAnih cu thim ihsin a fehsuak lo ding;
Amai hngepawl cu meihliau in a roter ding ih,
Anih cu Pathian kâ ih thaw hmangin a fehhlo ding.
31 ^yAmah le amah bumawin a ṭhahnem lo mi thilpawl rinsan hlah seh,
Ziangahtile ṭhathnemlonak kha a lawmman a si ding.
32 ^zCumi cu amai tikcu a kim hlanah tifel a si ding ih, amai hnge cu a hring lo ding.
33 ^aaAnih in sabit hri bangin sabit rah hmin lo mi cu a hnînṭil ding ih,
Olif kung bangin amai par mûm cu a thingtla ding.
34 ^abZiangahtile midepde pungkhawm cu an kawlawng ding ih,
Nawhthuh eihmang puanthlampawl cu mei in a kangrál ṭheh ding.
35 ^acAnnih cun harsatnak an vun ih, buainak an hring;
An sūl in bumnak a timtuah,”

15:2^a Sem 41:6

15:3^b Neh 4:2-3

15:5^c Thf 16:23

15:6^d Sam 10:2; Mat 12:37; Luk 19:22

15:7^e 1Sam 2:8; Sam 90:2; Thf 8:25

15:8^f Isa 9:6; Jer 23:18; Rom 11:34; 1Ko 2:11

15:10^g 2San 10:6

15:11^h Sem 37:35; Dnp 8:3; Jer 15:16; Zek 1:13; 2Ko 1:3-4

15:12-13ⁱ Thf 29:11; Dan 11:30

15:14^j 2San 6:36; Sam 14:3; Ths 7:20

15:16^k Pui 5:2; Thf 19:28

15:17-18^l Dnp 32:7

15:19^m Sem 12:1; Joe 3:17

15:20ⁿ Isa 2:12; 8:22; Jer 46:10; Oba 1:15; Zef 1:7

15:21^o Job 18:11; Isa 13:3; Jer 6:25; 51:25, 53, 56; 1Th 5:3

15:22^p Job 15:30; Amo 5:19-20

15:23^q Eze 39:17; Mat 24:28; Luk 17:37

15:24^r Isa 8:22

15:25^s Sam 2:2-3; Thf 21:30; Isa 3:16; 10:32

15:26^t Jer 44:16

15:27^u Lai 3:17; Sam 17:10

15:28^v Isa 5:9

15:29^w Isa 5:8

15:30^x Isa 40:23-24; Hos 9:1; Mal 4:1

15:31^y Thf 15:29; Isa 44:20; Jer 11:11; Mik 2:1; 3:4; Mat 6:19

15:32^z Thf 10:27; Ths 7:17

15:33^aa Hab 3:17

15:34^ab Suah 23:8; 1Sam 8:3; Heb 10:27

15:35^ac Isa 29:20; Gal 6:7; Jam 1:15

tiah a ti.

16

Job a Ṭawngsuak

1 Cun Job in a sawn ih:

2 ^a“Cuvek thil tampi hna in ka rak thei;
Nan zaten tuar har zet mihnemtu nan si!
3 Umze nei lo ṭawngkampawl in cemnetnak an nei lo ding maw?
Asilole ziang in a lo căwktho ih na let?
4 ^bNan dinhmun hi ka dinhmun rak si ve ta sehla cu,
Kei khal nanmah vekin ka ṭawng thei ve ding.
Nanmah dokalhin ṭawngkampawl ka phuah ding ih,
Ka lu ka lo thinhnawh ding;
5 ^cAsinan ka kâ in ka lo cakter ding ih,
Ka hmur ih hnĕmnak in nan thinnatnak a lo dêmter ding.
6 “Ṭawng hman ningla, ka thinnat a dêm cuang lo;
Cule daiten um hnik ningla teh, ka thaw a veng cuang ding maw?
7 ^dAsinan atu-ah Pathian in i cauter tuk zo;
Ka mipi umkhawm zaten na siatsuah ṭheh.
8 ^eNang in i sawngkâwrter ih,
Cumi cu in theihpitu a si;
Ka ṭawlnak in in rek ih,
Keimah dokalhin thu a theihter.
9 ^fAnih in a thinlingnak in i thlek ih, i hua;
Anih in a hacâng i ṭhialhnawh;
Ka ral pa in mitkem zetin i zoh.
10 ^gAnnih cu keimah dokalhin an kâ an ang,
Mualpho zetin ka biang ah in beng,
Keimah dokalhin an pungkhawm.
11 Pathian in amah ngaihsak lo tupawl kut ah i ap ih,
Misualrálpawl kut ah i thlen.
12 ^hKa thaw a rak veng ṭheu, asinan anih in i phelhdarh ṭheh;
Cuihtlunah anih in ka hngawng in i lâk ih, i săwpdip ṭheh;
A hmui bah mi ah i ret.
13 ⁱA thálsai thiam pawl in in kulh.
Anih in ka thin ah i saingah ih, i zangfah lo;
Anih in lei ah ka hnit a thlebung.
14 ^jAnih in hriamhma pakhat hnu pakhat i baih;
Ral dotu bangin i zăwnhnawh.
15 ^k“Ka vun tlunah buri hnipuan ka ṭhit ih,
Leivut ah ka ki ka sawhlut.
16 ^lṬahnak ruangah ka hmai a sen ṭheh ih,
Ka mit vun tlun pawl ah thim mepmep a um,
17 ^mKa kut ah thahrum suahnak um loin,
Ka thlacamnak cu thiang ko hman seh.
18 ⁿ“Maw leilung, ka thisen khuh hlah awla,
Ka ṭahnak in cawlhhahdamnak hmun nei hlah seh!
19 ^oNgai hnik, atu khalah ka thutheihpitu cu van ah a um ih,
Ka thutheihpitu cu hmun sâng ah a um.
20 ^pKa rualpipawl in in zawmtai,
Ka mit in Pathian hnenah mitthli a thlebung.
21 ^qMinung in a innhnen hrangih a ngĕnsak vekin,
Mi pakhat khat in a dang mi pakhat hrangah Pathian hnenah ngĕnsak sehla cu aw!
22 Ziangahtile kum málte a liam hnuah cun,
Kir nawn lo nak lamzin ah ka feh ding.

16:2^a Sam 69:20

16:4^b 2Sp 19:21; Isa 37:22; Jer 48:27; Ṭah 2:15; Mat 27:39

16:5^c Sem 37:35

16:7^d Lai 8:5

16:8^e Sam 6:7; Ṭah 5:17

16:9^f Sam 35:16; Ṭah 2:16; Hos 6:1; Apo 7:54

16:10^g Sam 22:13; 27:3; 119:51; Isa 50:6; Ṭah 3:30; Mik 5:1; Apo 7:59; 23:2

16:12^h Ṭah 3:12

16:13ⁱ Thf 7:23; Ṭah 3:3

16:14^j Joe 2:7

16:15^k Sem 37:34

16:16^l Sam 6:6; Isa 52:14

16:17^m Job 27:4

16:18ⁿ Sem 4:10; Isa 26:21; Heb 11:4

16:19^o Rom 1:9; 1Th 2:5

16:20^p Ṭah 2:19; Joh 15:15; Rom 8:34

16:21^q 1Sp 8:45; Isa 45:9

17

1 ^a“Ka thinlung a kekkuai,
Ka dam sung cān a cem,
Ka hrangah thlān cu tiar cia in a um.
2 ^bThungaiten hmuhsuamtupawl in in kulh.
Mi aithawhnak parah ka mit a fu ringring.
3 ^c“Ka hrangah tiamkamnak tuah aw.
Zo so ka hrangah âmkhām si ding?
4 Ziangahtile nang in theihthiamnak lak ihsin an thinlung na thup;
Curuangah anmah cu na khaisâng lo ding.
5 A hlawknak ding hrangih a rualpipawl dokalhih ṭawngtu cu,
A fātepawlih mit a māl ding.
6 ^d“Asinan Pathian in mi ih puahcăwk mi ah i tuah ih,
Hmai cil phui men mi ah ka cang.
7 Riahsiatnak ruangah ka mit a rau ih,
Ka taksa ṭêk zaten thlahlim vek an si.
8 Himi ah midĭngpawl an khawruah a har ih,
Mawhnak nei lo cu midepde dokalhin a căwkthoaw.
9 ^eMidingfel in a lamzin a kai hnget ding ih,
Kut thiangfai neitu cu a cak sinsin ding.
10 “Asinan zangfahten, nan zaten ra kirsal uh,
Ziangahtile nan lakah mifim pakhat hman ka hmu lo.
11 ^fKa dam sung cān cu a liam,
Ka tumtah mipawl an siatbăl,
Ka thinlung ruahnakpawl tiangin.
12 ^gAnnih in zan kha sun ah an thlĕng;
Thim hmaika ah, ‘Tleu a nai zo,’ tiah an ti.
13 ^hKa inn vekin Sheol ka hngah a si ahcun,
Thim lakah ka ihnak ka tuah a si ahcun,
14 ⁱSiatnak hnenih, ‘Nang cu ka pa na si,’ tiah ka kawh ih,
Tholung hnenah, ‘Nang cu ka nu le ka farnu na si,’ ka ti a si ahcun,
15 ^jKa ruahsannak teh khuiah so a um?
Ka ruahsannak teh zo in a ngai pawimawh?
16 ^kAnnih cu Sheol kăwtkapawl ah an vung feh ding maw?
Leivut ah kan cawlhahdamtlang ding maw?”

17:1^a Sam 143:4; Ths 12:1-7; Isa 38:12

17:2^b Jer 20:7; Ṭah 3:14

17:3^c Thf 6:1; Isa 38:14

17:6^d Mip 12:14; 1Sp 9:7; Jer 15:4

17:9^e 2Sam 22:21; Sam 24:4; Thf 4:18

17:11^f Isa 38:10

17:12^g Isa 50:11

17:13^h 2Sam 14:14; Sam 88:18; 139:8

17:14ⁱ Sam 16:10

17:15^j Ṭah 3:18; Eze 37:11

17:16^k Sem 2:7; Isa 38:10; Jon 2:6

tiah a ti.

18

Bildad a Ṭawngsuak

1 Cun Shuh-mi Bildad in a sawn ih:

2 “Ziang tluk tiang so na ṭawngkampawl na peh ding?
Theihthiamnak neih tum awla, cuih hnuah kannih in kan sim ding.
3 ^aZiangah kannih cu ramsa vekih siar kan si ih,
Na mithmuh ah mi-â ih ruah kan si?
4 Nang thinheng ruangih mah le mah băwtthlekawtu,
Nangmah ruangah leilung hi thlauthlak a si ding maw?
Asilole lungpi cu a umnak hmun ihsin ṭhawn a si ding maw?
5 ^b“A si, misualrálpawlih êng cu a mit ih,
A meisa alh a tle lo.
6 A puanthlam sungah tleu cu a thim ih,
A kiangih um a meito cu mihter a si.
7 ^cCak zetih a kekarpawl cu tawiter an si ih,
Amai thurawn pek in amah a hlăwnthla.
8 ^dAmai ke rori in sur sungah hlăwn a si ih,
Tháng sungah a vâk.
9 ^eSur in a kedil in a awk ih,
Tháng in a awkbĕt.
10 ^fAmah awk dingah lei parah palpelh tháng kămthup a si ih,
A lamzin ah lēmsiah tháng an kăm.
11 ^gA kil kip in ṭihnungzain amah a thlaphângter ih,
A ke dung ihsin a dawi vivo.
12 ^hA cahnak a duai ih,
A kiangah siatralnak tiar cia in a um.
13 ⁱA vun cu hmun kip ih eirál a si;
Thihnak fatir in a kutkepawl a eirál ṭheh.
14 Anih cu a beunak puanthlam ihsin hruaihloh a si ih,
Ṭihnungza siangpahrang hmaiah an hruai.
15 ^jAmai mi si lo pawl a puanthlam sungah an um;
A cēnnak hmun parah kât a darh ṭheh.
16 ^kHnuai lamah a hrampawl an ro ih,
Tlun lamah a hngepawl an vuai.
17 ^lAmah cīn ringring nak cu leilung tlun ihsin a hlo ih,
Mihminthangpawl lakah hmin a nei lo.
18 Anih cu tleu ihsin thim ah dawihlo a si ih,
Leitlun ihsin dawisuak a si.
19 ^mA mipawl lakah fapa asilole tesinfa a nei lo ih,
A cēnnak hmun ih rung tâng khal zohman an um lo.
20 ⁿNitlaknak lamih a um mipawl cu a harsatnak ni ah an khawruah a har,
Nisuahnak lamih a um mipawl an thin a phan vekin.
21 ^oThungaiten misualrál cēnnakpawl cu cuvek a si ih,
Himi cu Pathian thei lo tu paih umnak hmun a si,”

18:3^a Sam 73:22

18:5^b Thf 13:9; Jer 25:10; Mat 25:8; Joh 8:12

18:7^c Sam 18:36; Thf 4:12

18:8^d Ṭah 1:13; Mik 7:2; Hab 1:15

18:9^e Thf 5:22; Isa 24:18; Jer 48:44; Amo 5:19

18:10^f 1Sam 28:9; Sam 140:5; Thf 7:22; Isa 51:20

18:11^g Sam 55:4; Isa 22:18

18:12^h Isa 8:21

18:13ⁱ Mip 12:12; Zek 14:12

18:15^j Sem 19:24

18:16^k Sem 27:28; Isa 5:24; Amo 2:9; Mal 4:1

18:17^l Dnp 9:14; 32:26; Thf 2:22; 10:7; Isa 49:15

18:19^m Sam 37:28; Isa 1:4; 14:22; Jer 22:30

18:20ⁿ Sam 37:13; Isa 52:14; Eze 7:7; 27:35

18:21^o 1Th 4:5; Tit 1:16

tiah a ti.

19

Job a Ṭawngsuak

1 Cun Job in a sawn ih:

2 “Ziangtik tiang so ka nunnak nan sawisat ding ih,
Ṭawngkampawl in in khuaidip ṭheh ding?
3 ^aNannih in vei hra in hmuhsuam;
Ka parih thil ti sual nan ning a zak lo.
4 Cule rak ti sual taktak hman ningla,
Ka ti sualnak cu keimah thaw lawngin a pehtlaiaw ding.
5 ^bKeimah dokalhin nanmah le nanmah nan khaisângaw taktak ih,
Keimah dokalhin ka ningzah mualphonak ding nan ngĕn a si ahcun,
6 Pathian in i lingletter ti le,
A sur thawn in kulhbĕt ti thei uh.
7 ^c“Palhnak thuhla ih ka ausuah asile, zohman ih leh ka si lo.
Ring zetih ka au a si khalle, diknak a um cuang lo.
8 ^dAnih in ka lamzin hruang a kulhpit ih, ka pah-lan thei lo;
Cule anih in ka zinpawl ah thim a ret.
9 ^eAnih in ka ropitnak i hlihsak ih,
Ka lu ihsin lallukhum i hlihsak.
10 Anih in a kil kip in i khuai ih,
Ka cemrálcih;
Ka ruahsannak cu thingkung bangin a hram in a phawng.
11 Ka parah a thinlingnak a alhter ih,
A ral ah i ruat.
12 A ralkap burpi an rakhawm ih,
Keimah do dingah an lamzin an tuahṭha;
Ka puanthlam kimvelah ṭanhmun an khuar.
13 ^f“Anih in ka unaupawl ka hnen ihsin a hlatnak ah a ṭhawn ih,
Ka theihthiam mipawl ka lakah an mikhual.
14 Ka sungkhatpawl in in ngaihthah ih,
Ka hawipi nai pawl in in hngilh.
15 ^gKa inn ih cêngpawl le ka siahhlawh nunaupawl in,
Mikhual ah in ret;
An mithmuh ah khawtluang mi ka si.
16 Ka siahhlawh ka ko, asinan anih in i sawn lo;
Ka kâ in amah cu zangfah ka dil.
17 ^hKa thaw hi ka nupi hrangah huatumza a si ih,
Ka nuih sūl ihsi suak mipawl hrang khalah keimah cu fihnungza ka si.
18 ⁱNauhaktepawl hmanin in nautat;
Ka tho ih, keimah dokalhin an ṭawng.
19 ^jKa hawipi nai pawl hmuahhmuah in in fih ih,
Ka rak duhdawt mipawl khal in in hawisan.
20 Ka vun le ka taksa ka ruh ah an bĕt ih,
Ka hâ-ni thaw lawngin ka tlânsuak.
21 ^k“Maw, nannih ka rualpipawl, in zangfah hram uh, in zangfah hram uh,
Ziangahtile Pathian kut in i vua a si hi!
22 ^lZiangah Pathian ih tuah vekin nannih in in hrem ih,
Ka titsa ah hin nan di a riam tawk lo?
23 ^m“Ka ṭawngkampawl hi ngan si sehla cu aw!
Cazual sungih, ngankhum si sehla aw!
24 ⁿThir cangannak le sûan thawn kumkhuain,
Lungpi parah kher sehla cu aw!
25 ^oZiangahtile i tlentu cu a nung ih,
A netnakah leilung parah a ding leh ding ti ka thei;
26 ^pCule ka vun a siatrál hnuah,
Ka taksa in Pathian ka hmu ding ti ka thei,
27 ^qKeimah rori hrangah ka hmuh ding mi amah cu,
Mi dang si lo, keimai mit rori in a zoh ding.
Ka sungah ka thinlung a cau!
28 ‘Amah cu ziangtin kan hrem ding?
Thu búlhrampawl cu amah ah hmuh theih a si si,’ nan ti a si ahcun,
29 ^rNanmah hrangah ralnâm cu ṭih uh;
Ziangahtile thuṭhennak a um ti nan theihnak dingah
Thinlingnak in ralnâm ih dāntatnak a thlen,”

19:3^a Sem 31:7

19:5^b Sam 35:26

19:7^c Sam 5:2; 22:2; Hab 1:2-4

19:8^d Ths 6:4; Isa 59:9; Ṭah 3:2; Hos 2:6

19:9^e Sam 89:44; Ṭah 5:16

19:13^f 2Sam 15:12; Sam 31:11; 69:8; 88:8, 18; Jer 20:10

19:15^g Sem 14:4; Ths 2:7

19:17^h Sam 38:5

19:18ⁱ 2Sp 2:23

19:19^j Sam 55:12; Joh 13:18

19:21^k Lai 2:15; Ṭah 3:1

19:22^l 2San 28:9; Sam 14:4; Isa 53:4

19:23^m Suah 17:14; Sam 40:7; Isa 8:1

19:24ⁿ Jer 17:1

19:25^o Suah 6:6; Pui 25:25; 1Sam 14:39; Thf 23:11; Isa 41:4

19:26^p Mip 12:8; Mat 5:8; 1Ko 13:12; 1Joh 3:2

19:27^q Sam 42:1; Luk 2:30

19:29^r Sam 1:5; Ths 3:17

tiah a ti.

20

Zofar a Ṭawngsuak

1 Cun Naamath khawmi Zofar in a sawn ih:

2 ^a“Ka khawruah buainak le,
Ka dawnhar khawruahnakpawl in thu in letter.
3 Keimah i mawhthluktuih kawhnak hna in ka thei ih,
Ka theihthiamnak thinlung in thu in letter.
4–5 “Misualrálpawlih nehnak cu a tawi ih,
Midepde-ih aipuannak khal hmakhatte a si, ti hi
Khuahlan, leilung parih milai ret a si thawk ihsin na thei lo maw si?
6 ^bA uanawknak cu van tiang thlengin,
A lu in khawdur dai hman sehla,
7 Anih cu amai êk vekin a hloral kumkhua ding;
Amah a hmu dah tupawl in, ‘Amah cu khuiah so a si?’ tiah an ti ding.
8 ^cAnih cu mang vekin a zamhlo ding ih, hmuh a si lo ding;
A si, zan ih larawknak vekih dawihlo a si ding.
9 Amah a hmutu mit in a hmu nawn lo ding ih,
A um ṭheu nak hmun khalin a zoh dah nawn lo ding.
10 A falepawl in mifarahpawlih duhsaknak an hawl ding ih,
A kut in a neihnunnak a pekirsal ding.
11 A ruhpawl cu a no lai cahvahnak in a khat,
Asinan cumi cu amai zawngah leivut ah a tlu ding.
12 ^d“Amai kâ sungah thil ṭha lo cu thlum in,
A lei tăngah thup khal sehla,
13 ^eAnih in cumi cu khêkin le tlansan loin,
A kâ sungah hmawm sawn hman sehla,
14 ^fA pumpi sungih a rawl cu a thûr mi ah a cang;
Cumi cu a sungah cawngawr tûr ah a cang ding.
15 ^gAnih in lennakpawl a dawlh ih,
A luakkirsal;
Pathian in a pum sung ihsin a hlăwnsuak ding.
16 ^hAnih in cawngawr tûr a zûk ding ih,
Rulngân lei in amah a that ding.
17 ⁱAnih in tiva te pawl,
Khuai tizu le hnawi khăl thawi a luang mi tiva pi pawl a hmu lo ding.
18 ^jA ṭuansuah mi a pekirsal ding ih,
Cupawl a dawlh lo ding;
Sumtuahnak rahsuah mi ihsin
Nunnăwmnak zianghman a ngah lo ding.
19 Ziangahtile mifarahpawl a palbĕt ih a thlauthla,
Amai sak lo mi inn kha thahrum suahin a láwng.
20 ^k“A thinlung sungah daihnak a um lo ti a theih ruangah,
A duh mi thil zianghman a khawl lo ding.
21 A hrangah ei ding zianghman a um lo;
Curuangah a neihnunnak in rei a daih lo ding.
22 ^lA todelhawknak ah anih cu vansangin a um ding;
Mangbang vansannak a tuartu kip ih kut cu a parah a thleng ding.
23 ^mA pum a puar zik zawngah,
A parah Pathian in a thinling sosa a thlah ding ih,
Cumi cu rawl a ei laifangah, a parah ruah surin a sur ding.
24 ⁿAnih cu thir hriamhrei lak ihsin a tlânsuak ding;
Dar thál in amah a saitlăng ding.
25 ^oCumi cu phawi a si ih, a taksa ihsin a hung suak;
A si, a hnit sung ihsin a zim tle a hung suak.
Ṭihnungzapawl a parah a thleng;
26 ^pAmai hrangah thim sah zet khêk a si.
Zâp lo mi meisa in amah a kangrál ding;
Cumi cun a puanthlam ih a tāng mi pa cu a kāng ding.
27 ^qVan in misualrál paih mawhsualnak a phuanglang ding ih,
Leilung in amah cu a do ding.
28 ^rA inn-ih neihnunnak in a suahsan ding ih,
Pathian thinling ni ah cun an luangrál ding.
29 ^sHimi hi Pathian hnen ihsin misualrál paih covo a si,
Pathian in a ro dingih a ruah mi a si,”

20:2^a Sam 37:35-36; 94:3

20:6^b Sem 11:4; Isa 14:13-14; 16:6; Oba 1:3-4

20:8^c Sam 73:20; 90:5, 10; Ths 5:3; 6:12; 12:7; Isa 17:14

20:12^d Sam 10:7

20:13^e Mip 11:18-20

20:14^f Thf 20:17; Jer 2:19; Thu 10:9

20:15^g Pui 18:25

20:16^h Dnp 32:24, 32

20:17ⁱ Dnp 32:13-14; Sam 36:8

20:18^j Dnp 15:11; Sam 10:2; 109:16; Thf 14:31; Amo 8:4

20:20^k Thf 11:4; Ths 5:12; Zef 1:18

20:22^l Lai 2:15; Luk 12:16-20

20:23^m Mip 11:33; Sam 78:30-31; Ṭah 4:11; Eze 5:13

20:24ⁿ Isa 24:18; Jer 46:21

20:25^o Sam 88:15-16

20:26^p Sam 21:9

20:27^q Dnp 31:28

20:28^r Dnp 28:31; Job 21:30; Joh 3:36; Rom 1:18; Efe 5:6

20:29^s Jer 13:25; Thu 21:8

tiah a ti.

21

Job a Ṭawngsuak

1 Cun Job in a sawn ih:

2 “Ka thusim mi hi ṭhaten ngai uhla,
Himi hi nan hnĕmawknak si seh.
3 Ka ṭawng thei nak dingah in rak zāwi hrih uhla,
Ka ṭawng ṭheh tikah, in hmuhsuam leh uh.
4 “Kei in minung dokalhin ka phunzai maw si?
Cuti asile, ziangah so ka thin a tawi lo ding?
5 ^aI zoh uhla, khawruahharin um uh;
Nan kut in nan kâ hup uh.
6 Ka theihsuahsal tikah ka ṭih ih,
Ka thlaphannak ah ka taksaruangpum a khūr.
7 ^bMisualrálpawl cu ziangah so an nun ih an tar,
Huham nasa zet neiih an can?
8 ^cAn tesinfapawl cu anmai zawngah an mithmuh ah dĭn hnget an si ih,
An cikuangpawl an mithmuh ah.
9 An innpawl cu ṭihphannak lak ihsin an him ih,
Pathian fungfêk khal an parah a tla lo.
10 An caw pa in hlawhsam loin ci a thlah;
An caw pi in fasiat lo ten fa a nei.
11 An fanau tete pawl rante rual vekin an thlah men ih,
An fātepawl an lâm.
12 ^dKhuangte le ṭingṭang tumin hla an sak ih,
Phirivau awn ah lungawi aipuangin an um.
13 ^eAn dam sung cān cu neinung zetin an hmang ih,
Hmakhatteah Sheol ah an feh.
14 ^fCuti cing cun Pathian hnenah, ‘In fehsan aw,
Ziangahtile na lamzinpawl theih kan duh lo.
15 ^gAmah kan rĕn thei nak dingah, Ziangkimtithei cu zo so a si?
Cule a hnenih thla kan cam asile ziang hlawknak so kan ngah ding?’ tiah an ti.
16 ^hNgai hnik, an hmuingilnak cu an kut ah a um lo;
Misualrálpawlih thurawn pek cu ka hnen ihsin a hla.
17 “Misualrálpawlih meito cu vei ziang zat so mihter a si?
An siatralnak teh an parah vei ziang zat so a thlen?
A thinhengnak in Pathian in vawi ziang zat so riahsiatnak a zem hai?
18 ⁱAnnih cu thli hmaiih cangpâwl vek le,
Thlipi ih a hrănhloh mi fāng hi vek an si.
19 ^jAnnih in, ‘Pathian in mi pakhat ih mawhsualnak cu a falepawl hrangah a khawl,’ tiah an ti.
Anih in cumi a theih thei nak dingah Pathian in cu pa cu lehrūl seh.
20 ^kA siatralnak cu a mit in hmu sehla,
Anih in Ziangkimtithei-ih thinlingnak cu in seh.
21 ^lZiangahtile a nithla zat a hrek ih sahtan a si tikah,
A hnuih a sungkuapawl hrangah ziang so a ruahsak ding?
22 ^m“Anih in a sannak hmun ih um mipawl thu a ṭhen ruangah,
Zo tal in Pathian cu theihnak an zirh thei pei maw?
23 Mi pakhat cu a harhdam zet laiah a thi,
Thawvéng le ralmûang zetih a um laiah.
24 ⁿA taksaruangpi cu thau in a khat ih,
A ruhthlikpawl cu an hnâwng.
25 A dang pakhat cu thinna zetin a thi,
Thil ṭha tep dah loin.
26 ^oAnnih cu leivut ah bangrepten an it,
Tholungpawl in an bawmkhat.
27 “Zoh hnik, na ruahnakpawl ka thei ih,
I tisiatnak ding khawkhan mipawl thawn.
28 Ziangahtile nannih in, ‘Khui tawkah so mipawimawh paih inn cu?
Khui tawkah so misualrálpawl cēnnak hmun cu?’ tiah nan ti.
29 Lamzin ih khualtlawngpawl nan rak sut a si lo maw?
An hminsinnakpawl nan thei lo maw si?
30 ^pZiangahtile misualrálpawl cu vanduai ni hrangah khêk an si;
Thinling ni ah anmah cu hruaisuah an si ding.
31 ^qZo in so a hmaika ah a lamzin thiam lo coter?
A tuah cia mi hrangah zo in so lehrūl?
32 Cuti cingin anih cu thlān ah hruai a si ding ih,
A thlān cu kil a si.
33 Hawrkuam lei hlawm cu a hrangah a thlum ding;
Amai hlanih siar cawk lo an rak feh vekin,
Mi kip in amah cu an thlun ding.
34 Nan thulehnakpawl cu diklonak a um ruangah,
Ziangtin saw nannih in thulolak ṭawngkampawl in in hnĕm thei ding?”

21:5^a Lai 18:19

21:7^b Sam 37:1; 73:3; Ths 7:15; Hab 1:13; Mal 3:15

21:8^c Sam 17:14

21:12^d Sam 33:2; Mat 11:17

21:13^e Sam 10:1-12; 49:14; Isa 14:15

21:14^f Dnp 32:15; Sam 95:10; Thf 1:29; Isa 30:11

21:15^g Isa 48:5; Jer 44:17

21:16^h Sam 1:1; 26:5

21:18ⁱ Sem 7:23; Sam 1:4; Thf 10:25

21:19^j Suah 20:5; Jer 31:29; Eze 18:2; Joh 9:2

21:20^k Dnp 24:16; Jer 25:15; Thu 14:10

21:21^l Ths 9:5-6

21:22^m Isa 40:14; Rom 11:34

21:24ⁿ Sam 73:4; Thf 3:8

21:26^o Ths 9:2-3; Isa 14:11

21:30^p Thf 16:4; Rom 2:5; 2Pe 2:9

21:31^q Sam 62:12; Isa 59:18

tiah a ti.

22

Elifaz a Ṭawngsuak

1 Cun Teman khawmi Elifaz in a sawn ih:

2 ^a“Mifim cu amai hrangah cun a ṭhahnem men ding nân,
Milai hi Pathian hrangah ṭhathnemnak a nei thei pei maw?
3 ^bMidingfel na sinak cu, Ziangkimtithei hrangah lunghmuinak ziang tal a um maw?
Asilole sawihnăwm kai loih na nundānpawl cun a hrangah hlawknak a pe maw?
4 ^c“Amah na ṭihzahnak ruangah maw nun a lo rĕm ih,
Thuṭhennak ih a lo luhpi?
5 Na sualralnak cu a nasa in,
Na mawhsualnak cu net ti a nei lo a si lo maw?
6 ^dZiangahtile săn um loin na unaupawl hnen ihsin an thil pawng mi lain,
An hnipuan hlihsakin taklawng in na ret hai.
7 ^eCaupawl hnenah in ding tidai na rak pe lo ih,
Rilrawngpawl rawl na pe lo.
8 ^fAsinan miralṭha pa in leilung a luah ih,
Cu tawkah upat tlak pa a cêng.
9 ^gNuhmeipawl kutlawng in na tlungter hai ih,
Pa nei lo pawlih bân na khiahsak.
10 Curuangah thangpawl in nangmah an lo kulh,
Rin lo piih thleng ṭihphannak in simaw,
11 ^hThim in simaw a lo buaiter, cule khua na hmu thei lo ih,
Tidai tampi in a lo khuh.
12 “Pathian cu a sannak van ah a um a si lo maw?
Arsi sangbik pawl khi ziang tluk sâng an si ti zoh hnik aw!
13 ⁱCule nang in, ‘Pathian in ziang a thei?
Thim thûkpi lakah thu a ṭhen thei ding maw?
14 ^jKhawdur sahpi pawl in amah an khuh ih, khua a hmu thei lo,
Cule van kûal tlunin a feh,’ tiah na ti.
15 ^kMisualrálpawl ih zawh mi,
Lamzin hlun cu na thlun ding maw?
16 ^lAn ṭohrampawl tiva in a fĕnhlo ih,
An tikcu kim hlanah hauthluk an si.
17 Annih in Pathian hnenah, ‘In tlansan aw!
Ziangkimtithei in an parah ziang so a tuah thei?’ tiah an ti.
18 Cuti cing cun Pathian in an innpawl thil ṭha in a khatter;
Asinan misualrálih thurawn pek cu ka hnen ihsin a hla a si.
19 ^m“Midingfelpawl in cumi cu an hmu ih an lung a awi,
Cule mawhnak nei lo pawl in anmah cu an hnihsan:
20 ‘Thungaiten kan doralpawl cu hauthluk an si ih,
An thil tāngsŭn pawl khal mei in a kangrál ṭheh,’ tiin.
21 ⁿ“Amah thawn va remaw uhla, remawten um uh,
Cule na hnenah thil ṭha a thleng ding.
22 ^oA kâ ihsin nunzirhnak dawngsáwng hram awla,
A kamsuakthupawl na thinlung ah khawl aw.
23 ^pZiangkimtithei hnenih na kirsal asile, dĭn hngeh na si ding;
Na puanthlampawl ihsin mawhsualnak hla zetah na hlăwnhlo ding.
24 ^qCun na sui kha leivut ah na ret ding ih,
Na Ofir sui kha tiva te pawlih lungtopawl lakah.
25 ^rA si, Ziangkimtithei kha na sui le,
Na ngun hlú a si ding.
26 ^sZiangahtile Ziangkimtithei hnenah năwmawknak na nei ding ih,
Pathian hnenah na hmai na khaisâng ding.
27 ^tA hnenah thla na cam ding ih,
Anih in a lo ngaithla ding,
Cule a hnenih na thutiampawl na tuahsuak ding.
28 ^uThutluknak khal na tuah ding ih,
Cumi cu na hrangah dĭn hngeh a si ding;
Cutin na lamzinpawl ah tleu a êng ding.
29 ^vAnnihpawl namthlak an si tikah, nang in, ‘Cawisannak a ra ding!’ tiah na ti.
Cun Pathian in mităngdawr a rundam ding.
30 ^wAnih in mawhnak nei lo a si lo mi hman a runsuak ding;
A si, anih cu nangmai kut thianfainak hmangin runsuah a si ding,”

22:2^a Luk 17:10

22:3^b Isa 1:11; Hag 1:8

22:4^c Sam 143:2

22:6^d Suah 22:26; Dnp 24:6, 17; Eze 18:16

22:7^e Isa 58:7; Eze 18:7; Mat 5:42; 10:42

22:8^f Isa 3:3

22:9^g Isa 1:17; 10:2; Luk 1:53

22:11^h Sam 69:1-2; Ṭah 3:54

22:13ⁱ Sam 10:11; Isa 29:15; Eze 9:9

22:14^j Sam 97:2; Thf 8:27

22:15^k Sam 1:1

22:16^l Sem 7:23; Mat 7:26-27

22:19^m Sam 5:11; 52:6

22:21ⁿ Thf 3:2; Rom 5:1; 1Pe 5:6

22:22^o Job 6:10; Thf 2:6

22:23^p Isa 31:6

22:24^q 1Sp 9:28; Mat 6:19

22:25^r Thf 11:28; Isa 33:6

22:26^s Sam 37:4; Isa 58:14

22:27^t Sam 86:7; Isa 30:19

22:28^u Sam 97:11; Thf 4:18

22:29^v Mat 23:12; Jam 4:6; 1Pe 5:5

22:30^w Sam 18:20; 24:4

tiah a ti.

23

Job a Ṭawngsuak

1 Cun Job in a sawn ih:

2 ^a“Tuihni hmanah ka phunzainak hi a khâ;
Ka aihramnak ruangah ka kut a rit.
3 ^bA tonak hmun ih ka feh thei nak dingah,
Khui tawk hmun ah amah ka táwng thei ding ti thei ningla maw!
4 A hmaiah ka thuhla ka thlen ding ih,
Ka kâ cu thuelnakpawl ka khatter ding.
5 In săwnnak ding ṭawngkampawl ka thei ding ih,
Ka hnenih a sim ding mi ka theithiam ding.
6 A huham nasa zet thawn keimah i bei pei maw?
Bei hlah e! A hna i tŭn sawn ding.
7 Cu tawkah midĭng in amah thawn thu an ruattlang ding ih,
Thu in ṭhentu hnen ihsin kumkhuain runsuah ka si ding.
8 “Zoh hnik, hmai lamah ka feh, asinan anih cu a um lo,
Cule dung lamah ka kir, asinan amah ka theifiang thei lo.
9 Keh lamih hna a ṭuan tikah, amah cu ka hmufiang thei lo;
Vawrh lamih a her tikah, amah ka hmu thei lo.
10 ^cAsinan anih in ka lamzin zawh mi a thei,
I hniksak tikah, sui vekah ka suak ding.
11 ^dA kekarpawl ka ke in fekten a thlun,
A lamzin ka thlun ih ka pial lo.
12 ^eA hmur ih thupek ka suahsan lo,
Ka ṭul mi rawl hnakin a kamsuakthupawl ka khawlkhawm sawn.
13 ^f“Asinan amah cu mi danglam hleice a si ih, zo in so amah danglamter thei ding?
A thinlung ih duh mi pauhpauh a tuah.
14 ^gZiangahtile ka hrangih ruat mi a tuahsuak ih,
A hnenah cuvek thil tampi a um.
15 ^hCuruangah a hmaiah ka thla a phâng,
Ka ruah tikah amah ka ṭih.
16 ⁱZiangahtile Pathian in ka thinlung a cauter ih,
Ziangkimtithei in i thlaphângter;
17 Ziangruangahtile keimah cu thim hmaika ihsin danbĕt ka si lo ih,
Anih in ka hmai ihsin thim sahpi a thup lo,”

23:2^a Sam 6:6; 32:4; Jer 45:3

23:3^b Dnp 4:29

23:10^c Sam 1:6; 7:9; 119:168; 139:1-3; 1Pe 1:7

23:11^d Sam 17:5; 44:18

23:12^e Mat 4:4; Joh 4:32, 34

23:13^f Sam 115:3; Isa 55:11

23:14^g 1Th 3:3; 1Pe 4:12

23:15^h Jos 24:14; Ths 3:14

23:16ⁱ Suah 3:6; Dnp 20:3; Thu 6:16

tiah a ti.

24

1 ^a“Ziangkimtithei in thuṭhennak tikcucān a thup fawn lo ih,
Ziangruangah so amah theitupawl in a nipawl an hmuh lo?
2 ^b“Mi hrek in ramripawl an ṭhawn,
Râwng zetin rante rual an kai ih an ei;
3 ^cPa nei lo pawlih lākpawl an dawihlohsak;
Nuhmei caw cang kha thil pawngnak ah an lâksak.
4 ^dLamzin ihsin mitlasampawl an tûlsuak;
Ram sungih mifarah zate hramhramih relhter an si.
5 ^eNgai hnik, annih cu nelrawn ih hramlak lākpawl vekin,
Rawl hawlih hnaṭuan dingin an fehsuak.
Ramṭhing in anmah le an fātepawl hrangah rawl a suah.
6 Ló ah ran rawl an khawm ih,
Misualrálpawlih sabit hmuan ah sabit rah hrelh mi an lakhawm.
7 ^fZan kha hnipuan loin, taklawng in an tuar ih,
Khawdai lakah sĭn ding an nei lo.
8 ^gAnnih cu tlang ruah in a cîarter ṭheh ih,
Beunak duh ruangah lungpi an pawm.
9 ^h“Mi hrek in pa nei lo pawl an hnawi fawh lai an lawnsak ih,
Mifarahpawl hnen ihsin thil pawngnak an la.
10 ⁱMifarahpawl hnipuan loin, taklawng in an fehter,
Cule annih in mirilrâwng hnen ihsin fâng tēl pawl an lâksak.
11 ^jAn hruang sungah hriak an sawr ih,
Sabit sawrnak an cīlsak, cuti cing cun an ti a hâl thotho.
12 ^kKhawpi sungah mithi zik pawl an hrûm ih,
Hriamhma pupawl an ausuak;
Cuti cing cun Pathian in annih cu sual a puh hai cuang lo.
13 ^l“Anmah cu tleu dokalhtupawl an si;
Tleu lamzinpawl an thei lo ih,
Tleu zinpawl ah an kăwp fawn lo.
14 ^mLaithattu cu khawfingcah ah a tho ih,
Mifarah le mitlasam a that;
Cule zan ah cun anih cu fifir vek a si.
15 ⁿUire mit in thim hmulhmak a hngak,
‘Zawih mit hmanin in hmu lo ding,’ tiah a ti;
Cule ^oa hmai a tidanglam.
16 ^pThim ah innpawl an bauh ih, sun ah an kharkhumaw,
Tleu an thei lo.
17 Ziangahtile zing lam cu an hrangah thim mepmep vek a si;
Annih cun ṭihnungza thim mepmep kha an theifiang tuk.
18 “Annih cu tipi vangdâp parih fenlanter an si ding,
An covo cu leilung parah camsiat an si ding,
Cutin an sabit hmuanpawl lamzin ah zohman an piallut lo ding.
19 Khawkheng le khawsa in vur a tiralter vekin,
Sheol in thil sual tuahtupawl cu a lemrál hai.
20 ^qSūl in amah cu a hngilh ih,
Tholung in amah cu thaw zetin an ei ding;
Amah cu cīn ringring a si nawn lo ding ih,
Sualralnak cu thingkung vekih tisiat a si ding.
21 Ziangahtile anih in favun lo, micingpawl harsatnak a pe ih,
Nuhmei hrangah thil ṭha a tuah lo.
22 ^r“Asinan Pathian in miralṭha kha a huham in a hnûkhlo;
A hung thosal, asinan zohman in a nung tengteng ding, an ti ngam lo.
23 ^sAnih in anmah cu ralmuannak a pe hai ih, cumi cu an rinsan;
Cuti cing cun a mit cu an lamzinpawl ah a fu ringring.
24 ^tAnnih cu rei lo te sung khaisan an si,
Cule an rál.
Annih cu namthlak an si;
Mi dang vek thothoin lamzin ihsin lâkhloh an si;
Fang vuipawl vekin an ro.
25 “Thungaiten, zohman in thuphan pertu ka si, ti an langter thei lo ding ih,
Ka thusimpawl man nei lo ah an tuah thei lo ding,”

24:1^a Isa 2:12; Apo 1:7; 2Pe 3:7

24:2^b Suah 20:15; Dnp 19:14

24:3^c Dnp 24:17

24:4^d Sam 12:5; Thf 28:28; Isa 11:4

24:5^e Sam 104:23

24:7^f Suah 22:26

24:8^g Ṭah 4:5

24:9^h Thf 30:14; Isa 3:14; Eze 18:12

24:10ⁱ Pui 19:9; Dnp 24:12-13

24:11^j Mik 6:15

24:12^k Thu 6:10

24:13^l Efe 5:8-14

24:14^m Sam 10:8; Mik 3:3

24:15ⁿ Sam 10:11; Thf 7:8-9

24:15^o a hmai a tidanglam: A ṭawng hrampi ah cun, “a hmai a khuh,” ti a si.

24:16^p Joh 3:20

24:20^q Thf 10:7; Dan 4:14

24:22^r Dnp 28:66; Mat 6:27; Jam 4:14

24:23^s 2San 16:9; Thf 15:3

24:24^t 2Sp 19:35; Sam 37:10; Isa 5:24; 17:5

tiah a ti.

25

Bildad a Ṭawngsuak

1 Cun Shuh-mi Bildad in a sawn ih:

2 ^a“Uknak le ṭihzahnak cu Pathian ta an si;
Amai hmun sâng pawl ah daihnak a tuah.
3 ^bA ralkappawl siar cawk an simaw?
Zo parah so a tleu tlâng loih a um?
4 Ziangtin minung cu Pathian hmaiah a dingfel thei ding?
Asilole ziangtin nunau hrin mi cu a thiangfai thei ding?
5 Thlapi hman a êng lo ih,
Arsipawl hman a mithmuh ih an thianfai lo a si ahcun,
6 ^cTholung a si mi minung le,
Pangāng a si mi milai fapa cu ziang tlukin so a fai lo sinsin ding?”

25:2^a 2San 20:6; Sam 47:9; Thu 1:6

25:3^b Mat 5:45; Jam 1:17

25:6^c Sam 22:6

tiah a ti.

26

Job a Ṭawngsuak

1 Asinan Job in a sawn ih:

2 “Huham nei lo pa kha ziang vekin so na băwm?
Cahnak nei lo bān kha ziang vekin so na run?
3 Fimnak nei lo pa kha ziang vekin so thurawn na pek?
Ziang vekin so mi tampi hnenah a ṭhahnem mi ruahnak na pek?
4 Zo hnenah so ṭawngkampawl na simsuak ih?
Zo-ih thlarau so na hnen ihsi ra suak?
5 ^a“Tipi tăngih a um mipawl le cu tawk luahtu,
Mithipawl an khūr.
6 ^bPathian hmaiah Sheol cu taklawng in a um ih,
^cAbaddon cun khuh a nei lo.
7 ^dAnih in boruak lawng tlunah sak lam a pharh;
Leilung cu zianghmanlo parah a khai.
8 ^eAmai khawdur sahpi sungah tidai a funkhawm ih,
Cumi tăngah khawdurpawl cu an păwp lo.
9 Anih in a laltokham hmai cu a khuh ih,
Cumi tlunah a khawdur a pharh.
10 ^fTleu le thim ramri ah,
Tipi vangdâp parah kualpûm a rîn.
11 ^gVan ṭhuampawl an khūr ih,
A kawknak ah an khawruah a har.
12 ^hA huham in tifinriat a căwktho ih,
A theihthiamnak in ⁱRahab a siatter.
13 ^jA Thlarau in van a ceimawi,
A kut in rul tlân lai a dawttlăng.
14 ^kNgai hnik, hipawl cu a thil ti mipawl lakih a zimte men lawng an si ih,
A thuhla kan theih mi hi a va tenau em!
Asinan a huham khawri thâwm cu zo so theithiam thei ding?”

26:5^a Sam 88:10

26:6^b Sam 139:8; Thf 15:11; Thu 9:11

26:6^c Abaddon: Siatralnak tinak a si.

26:7^d Job 9:8; Sam 104:5; Thf 3:19; Isa 40:22

26:8^e Sam 147:8; Thf 3:20; 30:4

26:10^f Sem 1:6; Thf 8:27; Isa 40:22

26:11^g 2Sam 22:8

26:12^h Suah 14:21; Isa 51:15; Jer 31:35

26:12ⁱ Rahab: 9:13 simfiangnak zoh aw.

26:13^j Isa 27:1

26:14^k 1Ko 13:12

tiah a ti.

27

1 Cuihtlunah Job in a thusim a peh ih:

2 “Ka diknak lahlotu Pathian le,
Ka nunnak tuarhartertu Ziangkimtithei, a nun rori vekin,
3 ^aKa sungih ka thaw a um sung le,
Ka hnar sungih Pathian thaw a um sung cu,
4 Ka hmur in sualralnak a ṭawng lo ding ih,
Ka lei khal in mi bumnak a ṭawngsuak lo ding.
5 Nannih nan dik ka lo ti ding cu ka hnen ihsin hla seh,
Ka thih tiang ka hnen ihsin ka felfainak cu ka thlah lo ding.
6 ^bKa dingfelnak ka kai hnget ding ih, ka thlah lo ding,
Ka nun sung hmuah in ka thinlung in i mawhthluk lo ding.
7 “Ka ral cu misualrál vek si sehla,
I dotu cu midingfel lo vek si seh.
8 ^cZiangahtile Pathian in midepde paih nunnak lâksakin,
A sahtansak a si ahcun,
A hrangah ziang ruahsannak so a um ding?
9 ^dA parih buainak a thlen tikah,
Pathian in a aunak a ngaithla pei maw?
10 Anih cu Ziangkimtithei parah a nuamaw pei maw?
Pathian a ko tlaitluan pei maw?
11 “Pathian kut thuhla ka lo zirh ding,
Ziangkimtithei hnenih um mi cu ka thup lo ding.
12 Thungaiten cumi cu nan zaten nan rak hmu;
Ziangruangah so thulolak menih nan nun?
13 “Himi hi Pathian hnen ihsi misualrál paih covo a si ih,
Ziangkimtithei hnen ihsi palbĕttupawlih co mi ro cu a si.
14 ^eA fātepawl an karhzai asile, cumi cu ralnâm hrangah a si,
Cule a cikuang cu rawl an khăwpkham lo ding.
15 ^fA mitangsŭnpawl cu an thi ding ih, phum an si ding.
A nuhmeipawl an ṭap lo ding,
16 ^gAnih cun leivut vekin ngun pengkhawmin,
Tlăk vekin hnipuan a thuahthuahin ret hman sehla,
17 ^hAnih in pengkhawm hman sehla, cumi cu midik in a hruk ding,
Cule mawhnak nei lo pawl in a ngunpawl cu an ṭhenaw ding.
18 ⁱMaimăwm bangin a inn a sak,
Ralvengtu ih sak mi deuthlam bangin.
19 Lian zetin a it,
Asinan zianghman a keng lo;
A mit a hun meng ih,
Cucu a um nawn lo.
20 Ṭihnungzapawl in tilian bangin amah cu an cîm,
Thli sia in amah cu zan ah a thiarhlo.
21 ^jNisuahnak lam thli in amah cu a hrănhlo ih, a hlo,
Cuih thli cun a umnak hmun ihsin a phiathlo.
22 ^kThli in amah cu a nuai ih a zuah lo,
Anih cu thli thiltitheinak ihsin beidawng zetin a tlân.
23 ^lA za a bĕnghnawh ding ih,
A umnak hmun ihsin a heheu ding.

27:3^a Sem 2:7

27:6^b Apo 23:1; Rom 2:15

27:8^c Mat 16:26; Luk 12:20

27:9^d Dnp 1:45; Thf 1:28; Jer 14:12

27:14^e Dnp 28:41; Ṭah 2:22

27:15^f Sam 78:64

27:16^g Zek 9:3

27:17^h Sam 39:6; Thf 13:22; Ths 2:26

27:18ⁱ Isa 1:8

27:21^j Jer 13:24

27:22^k Jer 13:14; Eze 5:11

27:23^l Nah 3:19

28

Khui tawk ihsin Fimnak a Ra?

1 ^a“Thungaiten ngun laihnak khur a um ih,
Sui thianfainak hmun a um.
2 ^bThir cu leilung ihsi lâksuah a si ih,
Dar cu lung ihsin rawhtit a si.
3 ^cMilai in thim a cemter ih,
Lung cu thim le thim mepmep kĕlkawm kip tiangin a hawl.
4 Anih in milai umnak thawi a hlatnak ah lung khur kua a laipăwp;
Ke ih fehpawl ih an hngilhnak hmun ah, milai umnak hmun ihsi hla zetah thlai in, khat lam le khat lamah an sēp.
5 ^dLeilung bélte cu, amah ihsin rawl a suak,
Asinan a thuai cu meisa ih lehter vekin a letaw rero.
6 ^eA lungtopawl cu safaira lung suahnak hrampi a si ih,
Sui dipnâwi khal an tel.
7 Cuih zin cu vate in a thei lo ih,
Khauva mit khal in a hmu dah lo.
8 Cumi cu kiosa puarthau in a pál dah lo ih,
Kiosa hrâng khal in a paltlăng dah lo.
9 ^fAnih in a kut cu ṭêklung parah a ret,
Tlangpawl kha an ṭhumawknakpawl ihsin a linglet ṭheh.
10 Lungtopawl lakah ti luannak a tuah ih,
A mit in thil hlú tinkim a hmu.
11 ^gTihnapawl pût thei lo dingin a phit,
Thuh mi cu tleu ah a suah.
12 ^h“Asinan fimnak cu khuiah so hmuh theih a si ding?
Theihthiamnak umnak hmun cu khuiah so a si?
13 ⁱMilai in fimnak hlutzia a thei lo ih,
Cumi cu a nungdam mipawlih ram khalah hmuhsuah a si lo.
14 ^jTi thûkpi in, ‘Keimah ah a um lo,’ tiah a ti;
Tifinriat in, ‘Ka hnenah a um lo,’ tiah a ti.
15 ^kFimnak cu sui ih thlĕng theih a si lo ih,
A man ah ngun khīngkhai theih a si lo.
16 ^lCumi cu Ofir sui thaw khalin a man khiah theih a si lo,
Onik lung mankhung asilole safaira lung mankhung thaw khalin a man khiah theih a si lo.
17 ^mSui asilole khrisṭal lung in a tluk thei lo ih,
Sui ṭha ih tuah mi thil thaw khalih thlĕng theih a si lo.
18 ⁿKoral le khrisṭal pawl cu rel tlak an si lo,
Fimnakih man cu rubi lungpawl hnakin a sângsawn.
19 ^oKush ṭopaz khalin a tluk thei lo ih,
Sui hlirhlăng man khalin a tluk lo.
20 “Cuti asile fimnak cu khui tawk ihsin a ra?
Theihthiamnak hmun teh khui tawkah a si?
21 Cumi cu a nung mi zate mit ihsin thuh a si ih,
Tlun zuang vatepawl hnen ihsi khalih khuhhlo a si.
22 ^pqAbaddon le Thihnak in,
‘Cuih thu an sim mi cu kan hna in kan thei,’ tiah an ti.
23 ^rPathian in cumiih lamzin a thei ih,
A umnak hmun khal a thei.
24 ^sZiangahtile Pathian in leilung dĕng tiangin a zoh ih,
Van rāng tăng hmuahhmuah a hmu ṭheh,
25 ^tThli hrangah rihnak pe-in,
Tipi cu thil tahnak hmangih a ṭhen tikah,
26 ^uRuah hrangih dān le,
Ṭêk hrangih zin a tuah tikah,
27 ^vAnih in fimnak a rak hmu ih, cumi cu a thăn;
Fimnak kha a timtuah, a si, a hmusuak.
28 ^wCule milai hnenah anih in,
‘Ngai hnik, Bawipa ṭihzah cu fimnak a si ih,
Thil ṭha lo tlansan cu theihthiamnak a si,’ a ti,”

28:1^a Mal 3:3

28:2^b Dnp 8:9

28:3^c Ths 1:13

28:5^d Sem 1:29

28:6^e Isa 54:11

28:9^f Dnp 8:15; Jon 2:6

28:11^g Sem 7:11

28:12^h Thf 3:13; Ths 7:24

28:13ⁱ Thf 3:15; Mat 13:44

28:14^j Dnp 30:13

28:15^k Thf 3:13-14; 8:10-11

28:16^l Suah 24:10; 1Sp 9:28

28:17^m Thf 8:10

28:18ⁿ Eze 27:16

28:19^o Suah 28:17; Thf 3:14-15

28:22^p Thf 8:32-36; Thu 9:11

28:22^q Abaddon: Siatralnak tinak a si.

28:23^r Thf 8:22-31

28:24^s Sam 33:13-14; Thf 15:3; Heb 4:13

28:25^t Sam 135:7

28:26^u Sam 65:12; Isa 35:7; Jer 51:16

28:27^v Thf 8:22-31

28:28^w Suah 20:20; Sam 111:10; Thf 3:7

tiah a ti.

29

Job a Ṭawngsuak

1 Cuihtlunah Job in a thusim a peh ih:

2 ^a“Maw, a liam cia mi thlapawl ah rak umin,
Pathian in i rak kilven lai nipawl bang khan;
3 Ka lu parih a meito a en lai le,
A tleu hmangih thim lakih ka feh laiah khan;
4 ^bKa no lai cān ih ka si vek khan,
Ka puanthlam tlunih Pathian in in duhsak zetih in kăwmnak a um laiah khan;
5 ^cZiangkimtithei ka hnenah a um ih,
Ka fātepawl ka kimvelih an um laiah khan,
6 ^dKa kepawl hnawi khăl in a khawlh ih,
Tivapawl vekin lungpi in ka hrangah hriak a thletbŭng laiah khan,
7 ^e“Khawpi ihsin kăwtka ah ka feh ih,
Tokhawmnak mual ih ka to laiah khan,
8 ^fTlangvalpawl in in hmu ih an relh,
Cule kum upapawl an tho ih an ding;
9 ^gMipawimawhpawl an ṭawng an cawl ih,
An kut in an kâ an hup;
10 ^hMizahumpawlih aw a dim ih,
An lei an sangkhâr ah a bĕt.
11 An hna in a theih tikah, annih in thlawsuah in pe,
Cule in hmuh tikah, annih in in fak;
12 ⁱZiangruangahtile băwmnak dilih a ausuak mi mifarah ka rak runsuak,
Pa nei lo le bawmtu nei lo pawl khal.
13 ^jMithi zik paih thlawsuahnak ka parah a thleng ih,
Aipuan ruangah nuhmei thinlung hlasak ko ka tuah.
14 ^kDingfelnak ka hruh ih, cumi in in thuam;
Ka diknak cu kâwrfual le lupâwng vek an si.
15 ^lMitcaw hrangah mit ka si ih,
Kebái hrangah ke ka si.
16 ^mMifarah hrangah pa ka si ih,
Ka theih lo mi hrangah thubuai ka hawlsuahsak.
17 ⁿMisualrálih hopawl ka khiak ih,
A hâ ihsin a sa deh mi ka lâksak.
18 ^o“Cun kei in, ‘Ka bu sungah ka thi ding ih,
Ka nipawl vunnel tlukin ka tamter ding.
19 ^pKan hram cu tipi lam tiangin a zâm,
Cule ka hngeṭêk parah zanvar daifim a tla.
20 ^qKa ropitnak ka sungah a thar ringring ih,
Ka kut ah ka thál cu thartersal a si,’ tiah ka ti.
21 “Milaipawl in in ngaithla ih in hngak,
Cule ka thurawn pek lamah daiten an um.
22 ^rKa ṭawng hnuah cun an ṭawngsal nawn lo ih,
Ka thusim mi cu an parah dai vekin a tla.
23 Annih in ruahti vekin in hngak ih,
Ṭhal tawp ruah hngakhlap vekin, an kâ kau pin an ang.
24 ^sAn zum lo tikah, ka hnihsan hai,
Annih in ka hmel tleu an hloter lo.
25 An hrangah lamzin ka hril ih, an lu bik vekin ka to;
Miaihrampawl hnemtu vekin,
Ralkappawl lakah siangpahrang vekin ka cêng.

29:2^a Jer 31:28

29:4^b Sam 25:14; Thf 3:32

29:5^c Sam 127:3-5

29:6^d Dnp 32:13; Sam 81:16

29:7^e Thf 31:23

29:8^f Pui 19:32

29:9^g Lai 18:19; Thf 30:32

29:10^h Sam 137:6

29:12ⁱ Dnp 24:17; Sam 72:12; Thf 21:13

29:13^j Dnp 10:18

29:14^k Sam 132:9; Isa 61:10; Efe 4:24

29:15^l Mip 10:31

29:16^m Thf 29:7

29:17ⁿ Sam 3:7

29:18^o Thf 3:1-2

29:19^p Sem 27:28; Mip 24:6; Sam 1:1-3; 133:3; Jer 17:8

29:20^q Sem 49:24; Sam 18:34; Isa 40:31

29:22^r Dnp 32:2

29:24^s Mip 6:25; Thf 16:15

30

1 “Asinan keimah hnakih nautapawl in in hmuhsuam.
An palepawl cu ka rante rual kilvengtu uicopawl lak hmanih ka telter duh lo mipawl an si.
2 A si, an kut cahnak cu ka parah ziang a ṭhahnem?
An thazang a cem.
3 ^aAnnih cu tlaksam le rilrawn ruangah an ṭawl ṭheh,
A lawnglak mi le a kawlh mi ramṭhing ah tlaikhawhnupi ah an tlân,
4 ^bHram bur lakah hnah nêm an ṭăwt ih,
Rawl ah hmunphiah kung hrampawl an ring.
5 Milai lak ihsin dawisuak an si,
Fifir vekin an auh.
6 ^cAnnih cu lungpi hawrkuampawl ah an um,
Lei kua le lung kua pawl ah.
7 Hram bur lakah an ai,
Hlingpawl tăngah an umkhawm.
8 Annih cu mi-â cithlah an si,
A si, zianghman ih siar lo cithlah an si;
Annih cu an umnak ram ihsi vuaksuak mi an si.
9 ^d“Cule atu-ah kei cu an hnihsan mi ka si,
A si, kei cu an puahcăwk mi ka si.
10 ^eIn fih ih, ka hnen ihsi hlapi ah an um;
Ka hmaiih cil phui an hreh lo.
11 ^fPathian in a thál hri a thlah ih i nater,
Annih in ka hmaiah an kakharh an phawih.
12 ^gKa kut vawrh lamah mino sualrál pawl an tho;
Ka ke an tûlhlo ih,
Anmai siathlohralnak lamzinpawl keimah dokalhin an dĭn.
13 ^hAnnih in ka zin an tisiat,
Ka vanduainak an hlawkpi;
Bawmtu zohman an ṭul lo.
14 Băl mi kaw kaupi ih luh vekin an lut;
Siatnak lakah an rung rīl.
15 ⁱṬihnungzapawl ka parah an ra thleng;
Thli vekin upat ka sinak an dawi ih,
Mero bangin ka hmuingilnak a hlo.
16 ^j“Cule atu-ah ka vansanglamnak ruangah ka thinlung cu thletbŭng a si;
Zăwnzaihnak nipawl in in kaibĕt.
17 Ka ruhpawl cu zan ah ka sungah an na tuk ih,
Ka natnak ih in ṭamnak hi cawlh ti a um lo.
18 A cak tuk mi huham in ka sinfen a siatter;
Cumi cun ka kâwrcung hngawng vekin i ṭawn.
19 ^kAnih in ciarbêk lakah i hlăwn ih,
Leivut le vutcâm vekah ka cang.
20 ^l“Na hnenah ka ausuak, asinan nang in i sawn lo;
Ka hung dīng ih, nang in i ngaihsak lo.
21 ^mNang cu ka parah na nun a râwng;
Na kut cahnak in in hrem.
22 ⁿNang in thli lakah i cawisâng ih a parah i toter;
Thlipi lakah i riarálter.
23 ^oZiangahtile nunnak nei zate hrangih ruat cia mi inn ah le,
Thihnak ah in hruai ding ti ka thei.
24 ^p“Pathian in a siatsuah tikih an ausuak asile,
Thil sia penkhawmnak dokalhin a kut a suah hrimhrim lo ding.
25 ^qBuainak táwngtu pa hrangah ka ṭap a si lo maw?
Mifarah hrangah ka thin a na ṭheu a si lo maw?
26 ^rAsinan thil ṭha ka beisei tikah, ka parah thil ṭha lo a thleng;
Cule tleu ka hngak tikah, thim a ra thleng.
27 ^sKa thin a buai ih a cawlhahdam thei lo;
Zăwnzaihnak nipawl in in pan.
28 ^tDum tialtialin ka vâkkual, ni sa ruangih dum ka si lo;
Punkhawmnak ah ka dīng ih, băwmnak dilin ka ausuak.
29 ^uKei cu cinghniapawlih unau le,
Kalauk vapawlih hawipi ka si.
30 ^vKa vun a hung dum ih an hâwk;
Ka ruhpawl cu a sat ruangah an kāng.
31 ^wKa ṭingṭang cu lusûn ṭahnak ah a cang ih,
Ka lemlawi cu a ṭap mipawlih aw ah.

30:3^a Isa 8:21

30:4^b Jer 17:6

30:6^c Isa 2:19; Jer 4:29

30:9^d Sam 69:1; Ṭah 3:14, 63

30:10^e Dnp 25:9; Mat 26:67

30:11^f Rut 1:21

30:12^g Sam 109:6

30:13^h Isa 3:12

30:15ⁱ Sam 55:4-5

30:16^j 1Sam 1:15; Sam 22:14; Isa 53:12

30:19^k Sem 3:19; Sam 40:2; Jer 38:6, 22

30:20^l 1Sp 8:52; Ṭah 3:8

30:21^m Isa 9:1; Jer 6:23; Eze 6:14

30:22ⁿ Jud 1:12

30:23^o Heb 9:27

30:24^p 1Sp 9:8; Jer 9:11

30:25^q Sam 35:13-14; Luk 19:41; Rom 12:15

30:26^r Jer 4:23; 8:15

30:27^s Sam 38:8; Ṭah 2:11

30:28^t Sam 38:6

30:29^u Sam 44:19; Isa 34:13; Mik 1:8

30:30^v Sam 102:3; Ṭah 4:8

30:31^w Sam 137:2; Ṭah 5:15

31

1 ^a“Ka mit thawn thukham kan tuah;
Ziangah so fala ka zoh ding?
2 ^bZiangahtile tlun lam ihsin Pathian lakih covo le,
A sannak hmun ihsin Ziangkimtithei lakih ro cu ziang a si?
3 ^cMisualrál hrangah cun siatralnak siin,
Mawhsualnak tuahtupawl hrangah cun vansiatnak a si lo maw?
4 ^dAnih in ka lamzinpawl hmu-in,
Ka kekar zaten a siar ṭheh a si lo maw?
5 “Umze nei loih ka feh asile,
Asilole mi bum dingih ka ke a hmanhmawh asile,
6 ^eTlaitluannak cuai thawn thlai si ning,
Cuti cun Pathian in ka felfainak a thei ding.
7 ^fKa kekar cu lamzin ihsin a pial asile,
Asilole ka mit dung thlunih ka thinlung a feh asile,
Asilole ka kut ah thil bāl pakhat khat a kai asile,
8 ^gKei in tuh ningla, mi dang in ei hai seh;
A si, ka thlaikungpawl phawithat si hai seh.
9 ^h“Ka thinlung in nunau a ît ih,
Ka innhnen sângka in ka bawhthup asile,
10 ⁱKa nupi in mi dang rial lung rial sehla,
A parah mi dang băwk hai seh.
11 ^jZiangahtile cuvek cu sualralnak a si;
A si, cumi cu thuṭhensak tlak mawhsualnak a si.
12 ^kZiangahtile cumi cu ^lAbaddon tiangih kangráltu meisa a si ih,
Ka thil pungṭhang hmuahhmuah a hram in phawi a si ding.
13 ^m“Ka parih an phunzai tikah,
Ka siahhlawh pa, asilole ka siahhlawh nuih thuhla ka ngaihsak lo asile,
14 ⁿPathian a căngvaih tikah ziang ka tuah pei?
Anih in cawhkuan a pek tikah, ziangtin ka sawn ding?
15 ^oSūl sungih i tuahtu khan anih khal a tuah ve a si lo maw?
Sūl sungih in dĭn veve tu cu amah a si lo maw?
16 ^p“Mifarahpawl ih thil duh mi ka khambĕt asile,
Asilole nuhmei mithmai se dingih ka tuah asile,
17 Asilole pa nei lo pawl in ei ve loin,
Keimah lawngin ka rawl ka ei asile
18 (Asinan ka no lai ihsin pa vekin amah cu ka kilkhawi ih,
Ka nauhak lai ihsin nuhmei ka kaihruai);
19 ^qHnipuan tlaksam ruangih hloral pakhat khat,
Asilole tuamawknak nei lo mifarah pakhat khat ka hmuh asile;
20 ^rA thinlung in thlawsuah i pe loin,
Ka tuu hmul thawi a hlum lo asile,
21 ^sKăwtka ah bawmtu ka nei ti ka hmuh ruangih,
Pa nei lo pawl dokalhin ka kut ka hawi asile,
22 ^tKa liang ihsin ka bân tla seh,
Ka bān cu ka liangdar ihsin thlawng seh.
23 Ziangahtile Pathian hnenih a ra mi siatralnak cu ka hrangah ṭihnungza a si ih,
Amai ropitnak ruangah ka tuarsuak thei lo.
24 ^u“Sui parih ka rinsanawknak ka ṭhum asile,
Asilole sui ṭha cu ka ṭhumawknak a si ka ti asile;
25 ^vKa neihnunnak a natsat ruangah le,
Ka kut in lennak tampi a ngah ruangih lungawi aipuangih ka um asile;
26 ^wNi a tlan lai,
Asilole thlapi vanglai ka zoh asile,
27 ^xCutin ka thinlung in a thupten a ît ih,
Ka kâ in ka kut a hnăm asile;
28 ^yHimi khal hi thuṭhensak tlak mawhsualnak a si,
Ziangahtile cumi cu cung Pathian hnáwng ka si ding.
29 ^z“I huatu paih siatralnak parah lungawi aipuangin ka um maw si?
A parah vansiatnak a tlak tikah aipuangin ka um maw si?
30 ^aaA nunnak parih camsiatnak thleng dingih dil dingin,
Ka kâ cu thil sual tuah ding ka siang lo.
31 ‘A rawl khăwpkham dah lo mi pakhat zo in so hmusuak thei ding?’ tiah ka puanthlam ih um mipawl in an ti lo maw si?
32 ^abKhualtlawng hrangah ka sângka ka ăwnsak ruangah,
Mikhual zohman lengah an riak lo.
33 ^acKa mawhsualnak ka ṭāng sungih thuhnak in,
Adam vekin ka dān pahbălnakpawl ka khuhhlo maw si?
34 ^adMipi tam zet ka ṭih ruangah le,
Sungkuapawl ih nautat ka phan ruangah,
Daiten umin,
Leng ka suak lo.
35 I ngaithlatu ding mi pakhat nei ningla maw!
Hihi ka hminsinnak a si.
Ziangkimtithei in i letin,
Ka doral in cazual ngan sehla cu maw!
36 Thungaiten cumi cu ka liang parah ka phur ding ih,
Lallukhum vekin cumi cu ka parah ka ṭem ding.
37 Pathian hnenah ka kekar zat ka thăn ding;
Uktu vekin amah ka pan ding.
38 “Keimah dokalhin ka ram ausuakin,
A lei hrut kuar pawl an ṭaptlang asile;
39 ^aeCumiih ^afrah cu paisa loin ka ei,
Asilole a neitupawlih nunnakpawl ka hlohter pang asile,
40 ^agSangvut aiah hling le,
Barli sangvut aiah hrampi kho seh,”

31:1^a Suah 20:14; Dnp 5:18; Mat 5:28; 2Pe 2:14

31:2^b Sam 11:6; Ths 3:22

31:3^c Rom 2:9

31:4^d 2San 16:9; Job 14:16; Thf 5:21

31:6^e Pui 19:36

31:7^f Ths 11:9

31:8^g Mik 6:15; Joh 4:37

31:9^h Job 24:15; Jam 1:14

31:10ⁱ Dnp 28:30; Jer 8:10

31:11^j Pui 20:10; Dnp 22:22

31:12^k Thf 6:27

31:12^l Abaddon: Siatralnak tinak a si.

31:13^m Dnp 24:14-15

31:14ⁿ Sam 10:13, 15; Kol 4:1

31:15^o Thf 22:2; Efe 6:9

31:16^p Suah 22:22; Jam 1:27

31:19^q Job 29:13; Isa 58:7

31:20^r Dnp 24:13

31:21^s Jam 1:27

31:22^t Sam 10:15

31:24^u Mar 10:23-25; Luk 12:15

31:25^v Sam 49:6; 62:10; Eze 28:5

31:26^w Dnp 4:19; Eze 8:16

31:27^x Dnp 11:16

31:28^y Dnp 17:2-7; Job 31:11

31:29^z Thf 17:5; 24:17; Oba 1:12; Mat 5:44

31:30^aa Rom 12:14

31:32^ab Lai 19:20; Mat 25:35

31:33^ac Sem 3:8; Sam 32:5; Thf 28:13

31:34^ad Suah 23:2

31:39^ae 1Sp 21:19; Jam 5:4

31:39^af rah: A ṭawng hrampi ah, “cahnak” ti a si.

31:40^ag Sem 3:18; Zef 2:9

tiah a ti.

Job-ih ṭawngkampawl a cem.

32

Elihu a Ṭawngsuak

1 Cule hi mi pathum pawl cun Job cu an sawn nawn lo, ziangruangahtile anih cu amai mithmuh ah midingfel a si. 2 ^aCun Ram-ih sungkua, Buz-mi Barakhel-ih fapa Elihu-ih thinlingnak cu Job parah a tho; Pathian hnakin amah le amah thiam a coawter ruangah a thinlingnak a thawhnak a si. 3 A rualpi pathum par khalah a thinlingnak a tho, ziangruangahtile thulehnak an hmusuak thei lo, cuti cingin Job kha thiam lo an coh.

32:2^a Sem 22:21

4 ^aAmah hnakin annih cu an upat sawn ruangah, Elihu in Job hnenih a ṭawng ding a hngak. 5 Elihu in hite mi pathum kâ ah thulehnak a um lo ti a hmuh tikah, a thinlingnak cu a tho.

32:4^a Pui 19:32

6 Cule Buz-mi, Barakhel-ih fapa Elihu in a sawn ih:

“Kei cu kum in ka nauta ih, nannih cu nan upa tuk;
Curuangah ka ṭih ih, ka ruahnak khal ka rel ngam lo.
7 ^a‘Kum in thurel sehla,
Kum tam in fimnak zirh seh,’ tiah ka ti.
8 ^bAsinan minung sungah thlarau a um ih,
Ziangkimtithei-ih thaw in anmah cu theihthiamnak a pe.
9 ^cKum tam pawl hi an fim cuang lo ih,
Kum upat ruangah diknak an theihthiam cuang lo.
10 “Curuangah kei in, ‘I ngaithla uh,
Kei khal in ka ruahnak ka rel ve ding,’ tiah ka ti.
11 Ngai hnik, nan ṭawngkampawl ka hngak,
Nan rel ding mi nan hawl sungah, nan thuruahrel mipawl ka ngaithla.
12 Ṭhaten nan thu ka ngaithla;
Cule ngai hnik uh, zohman in Job nan hmĭn lo,
Nan lakih mi pakhat hmanin a ṭawngkampawl nan let thei lo;
13 ^dCulole, ‘Fimnak kan hmungah zo,
Anih cu milai in si loin, Pathian in a duaiter ding,’ tiah nan ti pang ding.
14 Anih in a ṭawngkampawl in keimah i sawh lo;
Nan ṭawngkampawl hmangin amah cu ka let lo ding.
15 “Annih cu an mang a bang ih an sawn nawn lo;
Ṭawng ding an nei nawn lo.
16 Cule an ṭawng lo ruangah, kei in ka hngak,
Ziangruangahtile daiten an dīng men ih an sawnbêt nawn lo.
17 Kei khal in thu ka leh ding tawk ka let ding,
Ka ruahdān ka rel ve ding.
18 ^eZiangahtile kei cu thurel ding mi in ka khat,
Ka sungih thlarau in in tur.
19 ^fNgai hnik, ka pum cu suahnak kaw nei lo, sabit zu vek a si;
Sabit zu thâwl thar puakkuai zik vek a si.
20 Ka thawven thei nak dingah ka ṭawng ding;
Ka hmur ka kau ding ih, ka sawn ding.
21 ^gZawih hnen hmanah thleidannak langter hram hlah ning;
Cun zohman fakder fawn hlah ning.
22 ^hZiangahtile mifakderdān ka thiam lo,
Culole i tuahtu in i lahlo lohli pang ding.

32:7^a 2San 10:6

32:8^b Sam 119:34; Jam 1:5

32:9^c Sam 119:100; 1Ko 1:26

32:13^d Jer 9:23

32:18^e Apo 4:20; 1Ko 9:16

32:19^f Jer 20:9; Mat 9:17

32:21^g Pui 19:15; 2San 19:7; Thf 29:5; 1Th 2:5

32:22^h Sam 12:2-4

33

1 “Asinan Job, ka sim mi hi na hna in thei hram awla,
Ka ṭawngkam hmuahhmuah hi ngaithla aw.
2 Atu-ah cun ka kâ ka ang;
Ka kâ sungih um ka lei a ṭawng.
3 A dĭng mi ka thinlung ihsin ka ṭawngkampawl an ra suak;
Ka hmur in theihnak dik zetin a ṭawngsuak.
4 ^aPathian Thlarau in i rak tuah ih,
Ziangkimtithei thaw in nunnak i pe.
5 Na ti thei asile, i sawn aw,
Keimah dokalhin timtuah aw,
Ṭanla aw.
6 ^bNgai hnik, Pathian hmaiah nang le kei kan dinhmun a bangaw;
Kei khal tlăk thawi tuah mi ka si.
7 ^cNgai hnik, ka hnen ihsin ziang ṭihnak hmanin a lo thlaphângter lo ding ih,
Na parah ka kut a rit fawn lo ding.
8 Thungaiten ka hnatheih ah na ṭawng ih,
Na ṭawngkampawlih thâwm hna in ka thei:
9 ^d‘Kei ka thiangfai, dān pahbălnak ka nei lo;
Mawhnak nei lo ka si ih, keimah ah mawhsualnak a um lo.
10 Pathian cun keimah dokalhin cān remcâng a hmu thotho,
A ral vekah i ruat.
11 ^eKa ke hreng a sŭt,
Ka zinpawl hmuahhmuah a vilveng,’ na ti.
12 ^f“Zoh hnik, himi ah cun na dik lo.
Ka lo sawn ding,
Ziangahtile Pathian cu milai hnakin a ropisawn.
13 ^gZiangruangah so amah dokalhih na phunzai?
Ziangahtile Pathian in a hnaṭuan thuhla ah zo hnen hmanah a săn a rel lo.
14 ^hZiangahtile Pathian in vei khat, asilole vei hnih a ṭawng,
Cuti cingin, cumi cu zohman in an thei lo.
15 ⁱMang ah, zan ih larawknak ah,
Milai parih thithlep an ihthah laiah,
An ihkhun parih an ih thluahthlo laiah,
16 ^jCu laiah milaipawlih hna a ăwnsak hai ih,
An nun simawknak a kharkhumsak hai.
17 A thil ti mi ihsin milai a kirsalter thei nak dingah le,
Milai hnen ihsin a hngalnak a khambĕt thei nak dingah,
18 ^kA thlarau cu Khur ihsin le,
A nunnak cu ralnâm hmangih hlohralnak ihsin Pathian in a kilhim.
19 ^l“Milai cu a ihkhun parah natnak in nunsim a si fawn ih,
A ruhpawl ah bâng loin natnak a um.
20 ^mCutin a nunnak in rawl a fih ih,
A thinlung ih a duh zet mi rawl khal.
21 ⁿA titsa cu mithmuhnak ihsin an rálhlo ih,
Hmuh dah lo mi a ruhpawl an lang.
22 ^oA si, a thlarau in Khur a naih deuhdeuh ih,
A nunnak in mi thattupawl.
23 ^p“Milai hnenih a dĭngnak theifiangter dingah,
Thawngkhat lakah pakhat, remnak palai,
A hrangih thuphurtu a um asile,
24 A parah zangfahnak a nei ding ih, a hnenah,
‘Khur sungih liam rero pa kha runsuak uh,
Tlennak man ka hmu zo,’ tiah a ti.
25 ^qA titsa cu nauhakteih ta bangin a no ding ih,
A no lai cān ah a kirsal ding.
26 ^rAnih cu Pathian hnenah thla a cam ding ih,
Pathian cu a parah a lung a si ding,
Pathian hmel cu aipuang zetin a hmu ding,
Ziangahtile Pathian in milai hnenah a dingfelnak a pesal.
27 ^sCun cu pa in minungpawl a zoh hai ih,
‘Thil sual ka rak tuah ih, a dik mi ka rak merhkâwi,
Cule cumi cu ka hrangah a ṭhahnem lo,’ tiah a ti.
28 ^tPathian in a thlarau Khur sungih liam ding cu a tlen ding ih,
A nunnak in tleu a hmu ding.
29 ^u“Ngai hnik, hi thil hmuahhmuah hi Pathian in milai hrangah vei hnih, vei thum a tuah.
30 ^vKhur ihsin a thlarau hruaikirsal dingah,
Nunnak tleu ih a tlêt thei nak dingah a si.
31 ^w“Job, na hna thawng aw, i ngaithla hnik;
Daiten um aw, cule ka ṭawng ding.
32 Sim ding na neih asile, i sawn aw;
Ṭawng aw, ziangahtile thiam lo coter ka duh.
33 ^xCuti asilole, i ngaithla aw;
Daiten um aw, cule fimnak ka lo zirh ding,”

33:4^a Sem 2:7

33:6^b Apo 14:15; Jam 5:17

33:7^c 2Ko 2:4

33:9^d Job 9:21; 10:7; 13:18; 16:17

33:11^e Job 13:27

33:12^f Sam 8:4; Ths 7:20; Isa 55:8-9

33:13^g Isa 45:9

33:14^h Sam 62:11

33:15ⁱ Sem 15:1; 20:3; Mip 12:6; Dan 2:19; Mat 27:19; Apo 16:9

33:16^j Isa 50:5

33:18^k Isa 14:15; Jon 2:6; Zek 9:11

33:19^l Job 30:17; Isa 38:13

33:20^m Sam 102:4; 107:18

33:21ⁿ Sam 22:17

33:22^o Sam 9:13; 116:3

33:23^p Mik 6:8; Gal 3:19; Heb 8:6

33:25^q 2Sp 5:14; Sam 103:5

33:26^r Sam 17:15; 1Joh 1:9

33:27^s Ezr 9:13; Luk 15:21; Rom 6:21; Jam 2:13

33:28^t Sam 103:4; Isa 38:17

33:29^u Efe 1:11; Fil 2:13

33:30^v Sam 56:13; Efe 5:14; Jam 5:19-20

33:31^w Jer 23:18

33:33^x Sam 34:11; Thf 10:8

tiah a ti.

34

1 Elihu in a sawn ih:

2 “Nannih mifimpawl, ka ṭawngkampawl hi ngaithla uh;
Nannih theihnak neipawl, keimah lamah hna tŭn uh.
3 Ziangahtile dang in rawl a teh vekin,
Hna in ṭawngkampawl a hniksak.
4 ^aKanmai hrangah diknak hril uhsi,
Kanmah lakah a ṭha mi ziang a si ti thei uhsi.
5 “Ziangahtile Job in, ‘Keimah cu midingfel ka si,
Asinan Pathian in ka diknak a hlăwn;
6 ^bKa diknak thuhla ah thuphan ka sim ding maw?
Dān pahbălnak nei lo mi ka si ko nân, ka ^chriamhma cu tidam theih ci a si lo,’ tiah a ti.
7 Job vek milai cu ziang so a si,
Mi hmuhsuamnak cu tidai vekih intu,
8 Mawhsualnak tuahtupawl kăwptu le,
Misualrálpawl thawi fehtlangtu cu?
9 Ziangahtile anih in, ‘Pathian lamih a năwmawknak cu
Milai hrangah zianghman a ṭhahnem lo,’ tiah a ti.
10 ^dCuruangah nannih theihthiamnak neitupawl, i ngai hnik uh:
Pathian in sualralnak a tuah ding le,
Ziangkimtithei in mawhsualnak a tuah ding cu a hla tuk a si.
11 ^eZiangahtile Pathian in milai cu amai hnaṭuan bangtukin a lehrūl ih,
A lamzin zawh mi vekin lawmman hmu dingin milai a tuah.
12 ^fPathian in ziangtik hmanah sualrál zetin thil a ti dah hrimhrim lo ding ih,
Ziangkimtithei in diknak a merhkâwi dah fawn lo ding.
13 ^gZo in leilung parih ṭuanvo cu Pathian a pe?
Asilole amah cu zo in leitlun pumpi hrangah mawhphurhnak a pe?
14 ^hAnih in leilung parah a thinlung retin,
Amai Thlarau le a thaw a lâksuah a si ahcun,
15 ⁱNunnak nei zaten hmunkhat ah an thi ding ih,
Milai cu leivut ah a kirsal ding.
16 “Theihthiamnak na neih asile, hihi ngaithla aw;
Ka ṭawng thâwm pawl hi ngai aw:
17 ^jDiknak huatu in a uk ding maw?
Midikbik cu thiam lo na coh ding maw?
18 ^kAnih cun siangpahrang hnenah, ‘Nang cu misantlailo na si,’ tiin le,
Mizahumpawl hnenah, ‘Nannih cu misualrál nan si,’ tiah a ti.
19 ^lAnih cu mipawimawhpawl hnenah thleidan a nei lo ih,
Mifarahpawl hnakin milianpawl a ngaihsak cuang fawn lo;
Ziangahtile annih cu a kutsuak hlir an si.
20 ^mAnnih cu rei lo teah an thi, zan laifangah;
Milaipawl cu khurhter an si ih an hloral.
Micakpawl cu kut tel loin lâkhloh an si.
21 ⁿ“Ziangahtile a mit cu milai lamzinpawl ah a fu ih,
A kekar zaten a hmu ṭheh.
22 ^oMawhsualnak tuahtupawl an thuhawk thei nak ding hmun,
Thim le thim mepmep a um lo.
23 Ziangahtile thuṭhen dingah Pathian hmaiih feh dingin,
Pathian in milai a ngaihtuahbêt a ṭul lo.
24 ^pAnih in micakpawl cu an thu zingzawi loin a khuaidip ṭheh ih,
Mi dang pawl kha anmai hmun ah a ret hai.
25 ^qCuruangah anih in an hnaṭuanpawl a thei;
Zan ah anmahpawl cu a hlăwn hai ih,
Annihpawl cu an kuai thluh.
26 ^rAnih in mi dang pawl ih mithmuh ah annih cu misualrálpawl vekin a vuak hai.
27 ^sZiangruangahtile a hnen ihsin an kirsal ih,
A lamzinpawl pakhat hman an ngaihtuah lo,
28 ^tCutiin annih in mifarahpawlih ṭahnak a hnenah an thlengter;
Ziangahtile anih in mizawnzaipawlih ṭahnak a thei.
29 ^uAnih cu daiteih a um tikah, zo in sual a puh thei ding?
Cule miphun pakhat maw, mi pakhat lawng simaw dokalhin,
A hmel a thuh tikah, zo in so amah cu hmu thei ding?
30 ^vMidepde pa in uk hlah seh,
Mipi hrangah tháng si hlah seh.
31 “Ziangahtile mi pakhat khat in Pathian hnenah,
‘Nunsimnak ka tuar;
Ka sual nawn lo ding;
32 ^wKa hmuh lo mi i zirh aw;
Mawhsualnak ka rak tuah asile, ka tuah nawn lo ding,’ tiah a ti dah maw si?
33 ^xCumi cu nang in na hnawn ruangah,
Anih in nangmai ruahdān bangtukin a lo lehrūl ding maw si?
Nangmah in na hril tengteng pei, kei si loin;
Curuangah na theih mi rel aw.
34 “Theihthiamnak nei minungpawl in kan hnenah in sim,
Keimah i ngaithlatu mifim in:
35 ‘Job in theihnak nei loin a ṭawng,
A ṭawngkampawl cu fimnak tel lo an si,’ tiah ti seh.
36 Job cu a vawrtawp tiangih hniksak si sehla maw!
Ziangruangahtile a thulehnakpawl cu misualrálpawl thulehnak vek an si.
37 Ziangahtile anih in a sualnak ah helnak a bêt;
Kan lakah a kut a beng ih,
Pathian dokalhin a ṭawngkam a tam,”

34:4^a 1Th 5:21; Heb 5:14

34:6^b Jer 10:19

34:6^c hriamhma: A ṭawng hrampi ah, “thál fung” ti a si.

34:10^d Sem 18:25; Dnp 32:4; Sam 92:15; Rom 3:5

34:11^e Jer 17:10; Eze 33:20; Mat 16:27

34:12^f Job 34:10; Rom 9:14; Tit 1:2

34:13^g Job 38:4

34:14^h Sam 104:29

34:15ⁱ Sem 3:19; 7:21; Job 10:9

34:17^j Job 40:8; Rom 3:5-6

34:18^k Suah 22:28

34:19^l Pui 19:15; Apo 10:34; Gal 2:6; Jam 2:5

34:20^m Suah 11:4

34:21ⁿ Thf 5:21; 15:3; Jer 32:19

34:22^o Sam 74:20; 139:12; Heb 4:13

34:24^p Job 12:19

34:25^q Job 34:11, 20

34:26^r Sam 9:5; Jer 44:11

34:27^s 1Sam 15:11; Sam 28:5

34:28^t Suah 22:23; Jam 5:4

34:29^u Sam 13:1; Rom 8:34

34:30^v Thf 29:2-12

34:32^w Sam 139:23-24; Luk 19:8

34:33^x Job 33:32

tiah a ti.

35

1 Cuihtlunah Elihu in a sawn ih:

2 “Hihi a dik tiah na ruat maw?
‘Pathian hnakin ka dingfelnak hi a nasasawn,’ tiah na ti maw?
3 Ziangahtile nang in,
‘Cumi cu na hrangah ziang hlawknak so a si ding?
Thil sual rak tuah lo ta ningla teh, ziang ṭhathnemnak so ka hmuh cuang ding?’ tiah na ti.
4 “Nangmah le na zawngih um na hawipipawl
Ka lo let ding.
5 ^aVan zoh awla hmu aw;
Cule khawdurpawl zoh aw,
Cupawl cu nang hnakin an sângsawn.
6 ^bThil sual na tuah asile, Pathian dokalhin ziang so na hlensuak?
Asilole na dān pahbălnakpawl punter an si ahteh, a parah ziang so na tuah?
7 ^cNa dingfel asile, ziang so amah na pek?
Asilole anih in na kut ihsin ziang ngah mi a nei?
8 ^dNa sualralnak in nangmah vek milai a khawih sia ih,
Na dingfelnak in minung fapa.
9 ^e“Palbĕtnak a tam tuk ruangah annih cu an ausuak:
Micak paih bān ruangah băwmnak dilin an ausuak.
10 ^fAsinan zohman in,
‘Zan ih hlapawl i petu,
I Sersiamtu Pathian,
11 ^gLeilung ramsapawl hnakih tam fimnak in petu le,
Van vatepawl hnakih fimsawn ih in tuahtu cu khuiah so?’ tiah an ti lo.
12 ^hCu tawkah miṭha lo pawlih hngalnak ruangah an ausuak, asinan anih in a sawn hai lo.
13 ⁱThungaiten Pathian in sullam nei lo thurel a ngaithla lo ding ih,
Ziangkimtithei khal in cumi cu a ngaihsak lo ding.
14 ^jNang in amah ka hmu lo na ti ko nân,
Diknak cu a hmaiah a um ih, amah na hngak tengteng ding a si.
15 ^kCule atu-ah, a thinhengnak in dān a rak tat lo ih,
A atnak a hminsin lo ruangah,
16 ^lJob cu sullam nei loin a kâ a ang;
Theihnak tel loin ṭawngkampawl a pungter,”

35:5^a Sem 15:5; Dnp 10:14; Sam 19:1-4

35:6^b Thf 8:36; Jer 17:9

35:7^c Luk 17:10; Rom 11:35; 1Ko 4:7

35:8^d Job 25:6

35:9^e Suah 2:23

35:10^f Sam 42:8; Apo 16:25

35:11^g Sam 94:12; Luk 12:24

35:12^h 1Sam 8:18; Sam 66:18

35:13ⁱ Dnp 1:45; Thf 15:8

35:14^j Job 9:11; 23:8-9

35:15^k Sam 10:11; Hos 7:2; Amo 8:7

35:16^l Job 34:37; Tit 1:10

tiah a ti.

36

1 Elihu cun a ṭawng a peh hrih ih:

2 “Málten i zāwi hrih awla,
Pathian aiawhih sim ding mi thupawl ka nei hrih ti ka lo hmuh ding.
3 A hlatnak ihsin ka theihnak ka la ding;
I Sersiamtu hnenah dingfelnak ka hlan ding.
4 Ziangahtile thungaiten ka ṭawngkampawl cu dik lo an si lo;
Theihnak ih mifamkim pa cu na hnenah a um.
5 ^a“Ngai hnik, Pathian cu micak a si, asinan zohman a nautat dah lo;
Anih cu theihthiamnak ah a nasa a si.
6 Misualrál nunnak a zuah lo,
Asinan palbĕt mi hnenah diknak a pe.
7 ^bMidĭngpawl hnen ihsin a mit a lasal lo;
Asinan annih cu siangpahrangpawl thawn laltokham parah an totlang,
Ziangahtile Pathian in annih cu kumkhuain a toter hai ih,
Annih cu khaisan an si.
8 ^cCule annihpawl cu kol bunterin,
Zăwnzaihnak hridaipawl in hren an si le,
9 Anih in an hnaṭuan le an dān pahbălnakpawl a sim hai,
Puarthau zetin thil an rak tidānpawl khal.
10 ^dAnih in nunzirhnak lamah an hna a vângter fawn ih,
Mawhsualnak ihsin hawikir dingin thu a pe.
11 ^eAnnih in a thu lungin amah an rian asile,
An nipawl cu hmuingil zetin le an kumpawl cu nuam zetin an hmang ding.
12 ^fAsinan a thu an lun lo asile,
Ralnâm in an hloral ding ih,
Theihnak nei loin an thi ding.
13 ^g“Asinan midepdepawl cun an thinlung ah thinlingnak an khawlkhawm;
Anih in anmah a ṭem hai tikah băwmnak dilin an au lo.
14 ^hAn no laiah an thi ih,
Sakhaw hlawhhlangpawl lakah an nunnak a cem.
15 ⁱAnih in mifarahpawl kha an zăwnzaihnak in a runsuak hai ih,
Palbĕt an sinak in an mit a vângter hai.
16 ^j“Anih cun hmun cêp ihsin, khuahkhirhnak umlonak hmun kaupi ah a lo hruaisuak;
Cule na cabuai parih an lo hŭn mi cu rawl ṭha hlir a si.
17 Asinan nang cu misualrálpawl thuṭhensak an si ding duhnak in na khat;
Thuṭhennak le diknak in a lo kai.
18 ^kMi va hmuhsuam dingin thinlingnak in a lo lēmngahlonak dingah ralring aw,
Cule nawhthuh tampi in lo pialter hlah seh.
19 ^lNa lennakpawl,
Asilole na cahnak thapawl in,
Vansannak ihsin a lo kilhim thei ding maw?
20 Mi an umnak hmun ihsi sahtan an si tikah,
Zan cu hngakhlap hlah.
21 ^mFimkhur aw, mawhsualnak ah pial hlah,
Ziangahtile nang cun zăwnzaihnak hnakin himi hi na hril sawn a si.
22 ⁿ“Ngai hnik, Pathian cu a huham in a khaisâng a si;
Amah vek zirhtu zo so um?
23 ^oZo in so a lamzin a ruatsak,
Asilole zo in, ‘Na ti sual a si,’ ti dah?
24 ^p“Mi in hla ih an sak mi a hnaṭuan kha,
Cawisâng ding na si ti máng ringring aw.
25 ^qMi kip in cumi cu an rak hmu;
Milai in hlapi ihsin a hmu.
26 ^r“Ngai hnik, Pathian cu a ropi ih, amah cu kan thei lo;
A kum zat khal hmuhsuah theih a si lo.
27 ^sZiangahtile anih in mero ihsin ruah ih a surter mi,
Tidai fawr pawl a hîpso,
28 ^tCumi cu khawdur in a fawrter ih,
Milai parah tampi in a sur.
29 ^uKhawdurpawl pharhawkdān,
A deuthlam ihsin khawpi rîtdān zo in so theithiam?
30 ^vZoh hnik, anih in cumi parah a tleu a darhter ih,
Tifinriat thûk pawl a khuh.
31 ^wZiangahtile hipawl hmangin anih in miphunpawl thu a ṭhen;
Anih in rawl tampi a pe.
32 ^xAnih in nimthlakau thawn a kut a tuam ih,
A hmuitin mi fuhngah dingin thu a pe.
33 Cuih awnthawm cun amai thuhla a rel,
Thlipi rung thleng cu sumhnámpawl khal in an langter.

36:5^a Sam 22:24; 138:6

36:7^b 1Sam 2:7-8; Sam 34:15; Isa 22:23

36:8^c Job 36:15; Sam 107:10, 14

36:10^d Hos 14:1; Jon 3:8

36:11^e Dnp 28:1; 30:15-16; Isa 1:19; 1Ti 4:8

36:12^f Pui 26:15, 17; Job 4:21

36:13^g Amo 4:11; Rom 2:5

36:14^h Dnp 23:17

36:15ⁱ Sam 119:67, 71

36:16^j 2Sam 22:20; Sam 18:19; 23:5; 118:5; Hos 2:14

36:18^k Job 33:24

36:19^l Thf 11:4

36:21^m Sam 66:18; Heb 11:25

36:22ⁿ Rom 11:33-34

36:23^o Isa 40:13-14

36:24^p Suah 15:1; Sam 92:5; Thu 15:3

36:25^q Rom 1:20

36:26^r Sam 90:2; 1Ko 13:12; Heb 1:12

36:27^s Sam 147:8

36:28^t Thf 3:20; Isa 55:10; Joe 2:23; Mat 5:45

36:29^u Thf 8:28; Isa 40:22; Jer 10:13

36:30^v Job 37:11; Hab 3:11

36:31^w Job 37:13; Sam 104:27; Apo 14:17

36:32^x Sam 18:14

37

1 ^a“Himi khalah ka thin a khūr ih,
A umnak ihsin a khir.
2 ^bKhawri vek a aw le
A kâ ihsi suak mi thâwm durdo cu ṭhaten ngai uh.
3 ^cAnih in cumi cu van rāng tăng pumpi ah a thlahsuak,
A nimthlakau cu leilung dĕng tiangin.
4 ^dCuih hnuah aw pakhat a thangsuak dumdo;
Anih in khawri vekin a aw maksak a suah ih,
A aw an theih tikah cuih nimthlakaupawl cu a sūp cuang lo.
5 ^ePathian in khawri vekin a aw mak zetin a suah,
Kan theihsuak thei lo mi thil ropi pawl a tuah.
6 ^fZiangahtile anih in vur hnenah,
‘Leilung parah tla aw,’ tiah a ti,
Cuvek thothoin ruah hmai le a cahnak ruah hnen khalah.
7 Mi hmuahhmuah in amai hnaṭuan an theihnak dingah,
Anih in mi kip kut cu a cawlter.
8 ^gRamsapawl kua sungah an lut ih,
An cēnnak hmun ah an tâp ta.
9 ^hThlang lam ihsin phusîngpi a hung hrang ih,
Sak lam ihsin thlipi dai.
10 ⁱPathian thaw hmangin tikhăl pek a si ih,
Tipi kaupi cu an khál.
11 Cuihtlunah anih in khawdur dum sahpi cu tikhu in a hnâwngter,
A khawdur var pawl a darhter.
12 ^jCule anmah thu a pek hai mi pauhpauh vekin leilung vangdâp pumpi ih an tuah thei nak dingah,
Amai hruainak in an her ih, an let.
13 ^kAnih in nunrĕmnak hrangah maw,
A ram hrangah maw,
A zahngainak hrangah simaw, cumi cu a cangter a si.
14 “Maw Job, hihi ngai aw;
Dīng awla, Pathian-ih mangbangza thil tipawl hi ruat hnik.
15 Ziangtin cupawl cu Pathian in thu a pe hai ti le,
A khawdur tleu cu êng dingin a tuah ti na thei maw?
16 Theihnak ih mifamkim pa ih tuah mi mangbangzapawl,
Khawdurpawl hi ziangtin an tâng ti na thei maw?
17 Thlang lam thli in leilung daiten a umter laiih sinfen hlum nei pa, nang,
18 ^lBur mi thlalang vekih a khoh mi,
Van cu amah thawn na pharh ve maw?
19 “A hnenah ziang kan sim ding ti in zirh aw,
Ziangahtile thim ruangah zianghman kan timlamaw thei lo.
20 Ka sim duh tiah amah sim a ṭul maw?
Milai in a ṭawng asile, amah cu dawlhhlo a si tengteng ding.
21 Thli a hrang ih a thianter hai tikah cun,
Minung in tleu kha van ih a tlêt tikah an zoh ngam lo.
22 ^mSak lam ihsin sui tle a ra,
Cungnung maksaknak cu Pathian hnenah a um.
23 ⁿZiangkimtithei lawngte cu, kannih in amah kan hmu thei lo;
Anih cu huham ah khaisan a si ih,
Diknak le a nasa zet mi dingfelnak cu a merhkâwi dah lo.
24 ^oCuruangah milaipawl in amah cu an ṭihzah;
Anih in thinlung fimvar mi zawih par hmanah thleidannak a nei lo,”

37:1^a Jer 4:19; Hab 3:16

37:2^b Sam 18:13

37:3^c Job 38:13

37:4^d 1Sam 2:10; Sam 29:3

37:5^e Joh 12:29

37:6^f Sem 7:4; Dnp 28:12

37:8^g Sam 104:22

37:9^h Sam 50:3

37:10ⁱ Sam 147:17

37:12^j Sam 148:8

37:13^k Sem 7:4; Suah 9:18, 23; 1Sam 12:18-19; 1Sp 18:45

37:18^l Isa 44:24

37:22^m Suah 24:17; Sam 19:5

37:23ⁿ Ṭah 3:33; Rom 11:33; 1Ti 6:16

37:24^o Ths 12:13; Mik 6:8; Mat 10:28; 1Ko 1:26

tiah a ti.

38

Jehovah in Job hnenah a Ziangkim Titheinak a Phuanglang

1 ^aCun phusîng lak ihsin Jehovah in Job cu a let ih:

38:1^a Job 40:6

2 ^a“Theihnak tel lo ṭawngkampawl hmangin,
Thurawn pek thimtertu cu zo a si?
3 Atu-ah pacang vekin na tâi khap hnik;
Thu ka lo sut ding ih, nang in thu i let pei.
4 ^b“Leilung lungphum ka phum laiah khuiah so na um?
Theihthiamnak na neih asile i sim aw.
5 ^cA tahnak teh zo in a relcat?
Na thei ngaingai a si hi!
Asilole cumi tlunih rīn teh zo in a rîn?
6–7 ^dA ṭhumawknak teh ziang parah a ṭhumaw?
Asilole zing lam arsipawl hla an sakkhawm lai le,
Pathian fapapawl hmuahhmuah aipuangih an au laiah khan a kilih lungto teh zo in a phum?
8 “Asilole tifinriat kha sūl ihsin a suak ih, a pâwtsuak laiah,
Zo in so tifinriat cu sângkapawl thawi rak khar?
9 Khawdurpawl kha tifinriat sinfen hrangah ka tuah ih,
A tuamnak puan dingah thim sahpi ka tuah laiah;
10 A hrangih ramri ka khiahsak ih,
Tlâng pawl le sângkapawl ka bun laiah;
11 ^e‘Hi tiang lawng na ra ding, na ra bêt thei lo,
Cule hi tawkah a puarthau mi na tisuarpawl tawp tengteng seh!’ ka ti laiah.
12–13 ^f“Leilung dĕng tiang kaibĕt ih
Cu tawk ihta misualrálpawl thingsuak ṭheh dingah,
Na dam sungah zing lam hnenah thu pe-in,
Khawfingcat teh a umnak na theihter dah maw?
14 Leilung cu tlak parih tacik khĕn vekin ruangâm a langter ih,
Sinfen vekin a dingsuak.
15 ^gTleu cu misualrálpawl hrangah sian a si lo ih,
A hawi sâng mi bān cu khiah a si.
16 ^h“Tifinriat tihnapawl ah na lut dah maw?
Asilole a thûknak bik pawl ah na veivâk dah maw?
17 ⁱThihnak kăwtkapawl teh na hnenah phuanlăng a si dah maw?
Asilole thim mepmep sângkapawl teh na hmu dah maw?
18 ^jLeilung kauhdān teh na thei maw?
Hipawl hmuahhmuah na theih asile rel hnik.
19–20 ^k“A ram sungih na hruai thei nak dingah,
A inn fehnak zin na theih thei nak dingah,
Tleu cēnnak lam cu khuiah so a si?
Thim umnak hmun cu khui tawkah a si?
21 Na thei pei cu, cu laiih na suah zo si,
Na kum khal a tam tuk zo!
22 “Vur khawlnak ah na lut dah maw,
Asilole rial khawlnak teh na hmu dah maw?
23 ^lCupawl cu buainak tikcucān hrangih ka khêk mi a si,
Doawknak le ral do nikhua hrangah.
24 ^mTleu hi ziangtin a kapdarh aw,
Asilole nisuahnak lam thli teh leilung parah ziangtin a darh?
25–27 ⁿ“Zohman umlonak ram le,
Minung zohman an umlonak ramṭhing ih ruah surter dingah le,
Ram lawnglak tlaiter dingah le,
Hram no khosuakter dingah,
Ti luang liam hrangah ti luannak kâwr le,
Ṭêk hrangih zin zo in so a tuah?
28 ^oRuah in pa a nei maw?
Asilole daifim fawr teh zo in a hring?
29 ^pZo-ih sūl ihsin vur a suak?
Van ih vur teh zo in a hring?
30 Tipi cu lungto vekin a hak ih,
Ti thûk vangdâp cu a khál.
31 ^q“Kimah rual khi hmunkhat ah na ṭemkhawm thei ding maw?
Asilole Kesil hri na dawrter thei ding maw?
32 Cule ^rMazzarah-pawl khi anmai tikcucān ah na hruaisuak thei maw?
Asilole ^sAyish cu a falepawl thawn na kaihruai thei maw?
33 ^tVanih zīn le dān teh na thei maw?
Leilung an uknak na dĭn thei maw?
34 “Tidai tam zetin lo khuh dingin,
Khawdurpawl lamah na aw na suah thei maw?
35 Nimthlakaupawl kha an fehsuak thei nak dingah le,
Na hnenah, ‘Hi tawkah kan um!’ tiah lo ti dingin na kuatsuak thei maw?
36 ^uZo in lungthin ah fimnak a rak ret?
Asilole zo in thinlung ah theihthiamnak a rak pe?
37–38 Zo in fimnak hmangin khawdurpawl siar thei ding?
Asilole leivut a hak deuhdeuh ih,
Thil hlawm pawl an kăwpawktlang tikah,
Van tithâwlpawl zo in a thlebung thei ding?
39–40 ^v“An pûkpawl ah an băwk ih,
An sa bawhnak hmun ih sa an bawh laiah,
Kiosa hrangah sa pelsak theiin,
Kiosa vanglai pawl ih rilrawnnak na diriamter thei maw?
41 ^wPathian hnenih a fa note te pawl an au le,
Rawl tlasamih an vahvai tikah,
Zo in tlangâk rawl a pe?

38:2^a Isa 40:13; 1Ti 1:7

38:4^b Sem 1:1; Sam 104:5; Thf 30:4

38:5^c Job 26:7; Thf 8:29; Isa 40:12

38:6-7^d Sem 1:16; Job 1:6

38:11^e Sam 65:7

38:12-13^f Sam 74:16; 104:35; Amo 5:8

38:15^g Sam 10:15; 37:17

38:16^h Sam 77:19

38:17ⁱ Sam 9:13; Mat 16:18

38:18^j Isa 40:12

38:19-20^k Sam 139:11-12

38:23^l Suah 9:18; Jos 10:11; Isa 28:17; Eze 13:11, 13; Thu 16:21

38:24^m Jer 10:13

38:25-27ⁿ Sam 104:14; 107:35

38:28^o Sam 147:8; Jer 14:22

38:29^p Sam 147:16-17

38:31^q Amo 5:8

38:32^r Mazzarah: Hebru ṭawng a si ih, arsi rualpawl tinak a si.

38:32^s Ayish: Hebru ṭawng a si ih, arsi rual khat hmin a si. Mirang in Great Bear an ti.

38:33^t Sam 148:6; Jer 31:35-36

38:36^u Sam 51:6; Jam 1:5

38:39-40^v Job 37:8; Sam 104:21

38:41^w Sam 147:9; Mat 6:26; Luk 12:24

39

1 ^a“Zâtharpawl in ziang tikah fa an hring ti na thei maw?
Asilole zuknêng fāte hrin lai na hminsin thei maw?
2 An fāte pai thla zat na thei thei maw?
Asilole an fa no ziang tikah an hring ti na thei maw?
3 An băwk,
An fa no an hring,
An fahrin nat a tawp.
4 An fa no pawl cu an harhdam zet,
Ramlak ah an ṭhanglian;
An fehsuak ih an nulepawl hnenah an kir nawn lo.
5 “Zo in so hramlak lāk thlahsuak?
Zo in so a hrennak phawihsak?
6 ^bA umnak ding inn ah ramṭhing le,
A cēnnak dingah cite ram ka tuahsak.
7 Anih in khawpi sung thâwm cu a hnihsan,
A khāltuih aunak cu ziang a siar lo.
8 ^cTlang tluan pawl cu a tlannak an si ih,
Thil hring pauhpauh a hawl.
9 ^d“Ramlak caw cang in a lo rian duh ding maw?
Na ran inn ah a riak duh ding maw?
10 Ramlak caw cang cu leilehnak hmun ah hridai in na ṭem thei ding maw?
Asilole na hrangah phaikuampawl a let ding maw?
11 A thazang a nasat ruangah amah cu na rinsan ding maw?
Asilole na hna cu a hnenah na tân ta ding maw?
12 Na thlairawl inn ih phurthleng dingah le,
Na hruih hmun ih na thlairawl thiar dingah na rinsan ding maw?
13 ^e“Kalauk va in pawrhaw zetin a thla a khâwng,
Asinan a thla le a thla hmul cu ngathûr ta vek an si.
14 Ziangahtile a tipawl kha leilung parah a tân ta ih,
Leivut ah a hlumter;
15 Ke in a pálkuai ding ti le,
Ramsapawl in an khuai ding ti kha a hngilh.
16 ^fMai fa lo bangin, a fa no pawl cu râwng zetin a kilkhawi;
A ṭuanbăngnak cu a lak a si khalle, a pawisa lo.
17 Ziangruangahtile Pathian in fimnak a hngilhter ih,
Theihthiamnak a pe lo.
18 A thla a zâp sâng tikah,
Rang le a totu cu a hnihsan.
19 “Rang kha cahnak thazang na pe dah maw?
A hngawng cu tuang hmul in na thuam dah maw?
20 ^gAmah cu kharbawk vekin na petter thei maw?
A hnar phit maksak tak cu ṭihnungza a si.
21 ^hPhaikuam ah lei a huat ih, a cahnak ah lungawi aipuangin a um;
Doawknak ralthiam a va pan.
22 ⁱṬihnak cu a hnihsan ih, a thla a phâng lo;
Ralnâm ihsin a kirsal dah lo.
23 ^jAmah dokalhin thál fung bawm an khâwng awn ih,
A tle zohzo mi fei le feite thawn.
24 ^kAnih in khūr thlohthlo le thinsosain lei ah a tlân,
Tawtawrawt awn ah a ding menmen thei lo.
25 Tuu pa ki an phawt tinten, anih cun, ‘Ceiraw!’ tiah a ti.
Doawknak cu hlapi ihsin a rim a thei,
Ralbawipawlih thâwm le aunak khal.
26 Na fimnak in sambak zamter in,
Thlang lamah a thla na pharhter maw?
27 ^lMuvanlai cu nangmai thupek in zamso-in,
A sannak hmun ah a bu a sâm maw?
28 Anih cu lungpi parah a cêng ih, umhmun a khuar,
Lung khawkrăwk par le hmun him ah.
29 ^mCuih hmun ihsin sa deh ding a thlingthla;
A mit in hlapi ihsin a hmu.
30 ⁿAn fa no pawl in thi an zûk;
Cule saruak umnak ah cuih va cu a um,”

39:1^a Dnp 14:5; 1Sam 24:2; Sam 29:9

39:6^b Sam 107:34; Jer 2:24

39:8^c Isa 32:20

39:9^d Mip 23:22; Isa 1:3

39:13^e Zek 5:9

39:16^f Ṭah 4:3

39:20^g Jer 8:16; Joe 2:4-5; Thu 9:7

39:21^h Jer 8:6

39:22ⁱ Dnp 28:12; Sam 135:7

39:23^j Isa 5:28; Nah 3:3

39:24^k Mip 10:9; Jer 4:19; Amo 3:6

39:27^l Jer 49:16; Oba 1:4; Hab 2:9

39:29^m Jer 49:16; Oba 1:3

39:30ⁿ Mat 24:28; Luk 17:37

tiah a ti.

40

1 Cuihtlunah Jehovah in Job hnenah:

2 ^a“Sawiseltu in Ziangkimtithei a êl ding maw si?
Pathian kawktu in, cumi cu sawn seh,”

40:2^a Isa 45:9

tiah a ti.

Job ih Pathian Săwnnak

3 Cun Job in Jehovah cu a sawn ih:

4 ^a“Ngai hnik, keimah cu zianghmanlo ka si,
Ziang ka lo sawn ding?
Ka kâ ka hup a si.
5 Vei khat ka ṭawng zo, asinan ka sawn nawn lo ding;
A si, vei hnih, asinan ka pehbêt nawn lo ding,”

40:4^a Lai 18:19; Ezr 9:6

tiah a ti.

6 ^aCun phusîng lak ihsin Jehovah in Job cu a let ih:

40:6^a Job 38:1

7 “Atu-ah pacang vekin na tâi khap hnik;
Thu ka lo sut ding ih, nang in i sawn pei.
8 ^a“Ka thuṭhennak cu na nuaihlo ngaingai ding maw?
Thiam na co thei nak dingah, keimah thiam lo i coh ding maw?
9 ^bPathian bān vek na nei maw?
Asilole amah vekin khawri aw na suah thei maw?
10 ^cCun maksaknak le cungnunnak thawn thuamaw awla,
Ropitnak le mawinak thawn ceiaw hnik.
11 ^dNa thinlingnak sosa cu thlesuak aw;
Mipuarthau pauhpauh kha zoh awla, tiniam ṭheh hnik.
12 ^eMipuarthau pauhpauh kha zoh awla, hnuaidawrter hai aw;
Misualrálpawl cu an umnak hmun ah palbĕt hnik.
13 ^fAnnih cu leivut ah thupkhawm hai aw,
Hmun thup ah an hmai ṭem hnik.
14 ^gCule na vawrh lam kut in a lo run thei ti na hnenah ka phuang ding.
15 “Atu-ah nangmah thawi ka tuah mi ^hBehemoth kha zoh hnik;
Caw cang bangin anih cu hrampi a ei.
16 Zoh hnik, a thazang cu a khēl bawr ah a um ih,
A thiltitheinak cu a pumpi thahripawl ah a um.
17 A mei cu sidar thingkung vekin a cangvai,
A kawng tha cu fek zetin a phiaraw.
18 A ruhpawl cu dar tluan pawl vek an si ih,
A hnak ruhpawl cu thir tluan pawl vek an si.
19 ⁱAnih cu Pathian lamzinpawl lakih hmaisabik a si;
Amah tuahtu in a ralnâm thawn va naih seh.
20 ^jThungaiten tlangpawl in a hrangah rawl an pek ih,
Cu tawkah ramsa zaten an lek.
21 ^kAnih cu loṭas kung tăngah a băwk,
Câlte rûl le dûm khalah.
22 ^lLoṭas kungpawl in amah cu an thlam in an hliah;
Tiva kap partiam thingpawl in an kulh.
23 ^mNgai hnik, tiva cu a len khalle,
Anih cu a thla a phâng lo;
A kâ ah Jordan luanglut khal sehla, anih cu a rinsanaw thotho.
24 ⁿA kilvenawk laiah,
Sio in a hnar va thul in, zo in so kai thei ding?

40:8^a Rom 3:4

40:9^b Suah 20:19; 2San 32:8; Sam 29:3-4; Eze 10:5

40:10^c Sam 93:1; 104:1; 145:5

40:11^d Sam 7:11; Isa 2:11-17; 42:25; Jer 7:20; Nah 1:6

40:12^e Isa 22:5; 63:3; Dan 4:37; 5:20; Mal 4:3

40:13^f Mip 16:31-34; Isa 2:10

40:14^g Sam 18:35; Isa 41:10; 63:5

40:15^h Behemoth: Hlanlai Samak tumpi a si. Ti sung le ti leng khalih um thei a si, a um nawn lo a si men thei.

40:19ⁱ Job 26:14

40:20^j Sam 104:14, 26

40:21^k Sam 68:30

40:22^l Isa 44:4

40:23^m Sem 13:10

40:24ⁿ 2Sp 19:28; Isa 37:29

41

1 ^a“Leviathan kha sio thawn na dirsuak thei pei maw?
Asilole a lei teh hrihrual thawn na awk thei pei maw?
2 ^bA hnar na thul thei pei maw?
Asilole a khabe kha sio in na dawttlăng thei pei maw?
3 Na hnenah ngĕnnak tampi a thlen pei maw?
Na hnenah teh nemten a ṭawng pei maw?
4 ^cNangmah thawn thukham a tuah pei maw?
Amah cu na siahhlawh ah na la kumkhua pei maw?
5 Amah cu vate vekin na lehpi pei maw?
Asilole na falapawl hrangah amah kha na hreng pei maw?
6 Sumdâwngpawl in amai thuhla ah a man an nepaw pei maw?
Sumdâwngpawl lakah amah cu an zemaw pei maw?
7 A vun cu fei in na dawttlăng thei pei maw?
Asilole a lu kha ngafei in?
8 A parah na kut ret hnik aw;
Nan beihawk kha na cîng ringring ding ih,
Ziangtik hmanah cumi cu na tuah leh sal nawn lo ding!
9 Ngai hnik, milai ruahsannak cu a dik lo a si;
Amah hmuh men hmanin mi a beidawngter lo ding maw?
10 ^dAmah căwktho ngam dingin zohman an rorum lo.
Cuti asile zo so keimah dokalhih dīng thei?
11 ^eAmah ka rulhsal thei nak dingah, zo in so in rak pe?
Van rāng tăng thil ziangkim cu ka ta a si.
12 “A kutkepawl siseh,
A cak mi a huham siseh, a pumrua mawizia thuhla ah siseh, ka ngui men lo ding.
13 Zo in so a sinfen leng lam hlit thei ding?
Kakharh thuah hnih thawn zo in so amah cu pan thei ding?
14 A mithmai sângkapawl cu zo in so áwng thei ding?
A hâ kûal hngiarhngiarpi cu ṭihnungza a si.
15 A phuhlip thliar hngethnget pawl cu a hngalnak a si,
Erhpit mi vekin hnget zetin a kăwpaw.
16 An karlakih thli lut thei lo tiangin,
Pakhat le pakhat an naihaw.
17 Annih cu pakhat le pakhat an pehaw,
An kăwpaw ih, ṭhen theih an si lo.
18 ^fA hahthio tikah tleu a suak ṭheu ih,
A mit cu zing lam mit vek an si.
19 A kâ ihsin meialh tleupawl a suak ih;
Meici a suak.
20 ^gA hnar kuapawl ihsin meikhu a suak,
Tiso bel le phŭk lakih suak vekin.
21 ^hA thaw in meihol a vâmter ih,
A kâ ihsin meialh a suak.
22 A hngawng ah cahnak a um ih,
A hmaiah riahsiatnak a lâm.
23 ⁱA titsa thuahpawl an pehawkhawm;
Cupawl cu a parah an hnget ih, ṭhawn theih an si lo.
24 A thinlung cu lungto vekin a hak,
Rial lung tăngta sawn hah tlukin.
25 A thawh tikah, micakpawl an thla a phâng;
Kekkuainak awnpawl ruangah annih cu vansang an lam.
26 Ralnâm in do khal sehla, a neh thei lo;
Fei, fei zum tawite le feite khalin.
27 Thir cu cangpâwl vekah a ruat ih,
Dar cu thing răwp vekah.
28 ^jkThál fung in amah a tlânseter thei lo;
Herhli lung hlum cu a hrangah fang kuang hrambúl vek a si.
29 Fungfêkpawl cu a hrangah cangpâwl vekih ruah an si;
Feitepawl khawnawk awn cu a hnihsan men.
30 ^lA taksa tăng lam hlamphei hriam vek a si;
Lei bêk lakah leilehnak hâ vekin a hrut.
31 ^mTi thûk cu bel vekin a soter;
Tifinriat kha hnih mi hriak bel vekah a ruat.
32 A fehnak hnuhma cu a êng hupho;
Ti thûk in sám var a nei tiih ruah a si ding.
33 Ṭihnak nei loih tuah mi amah vek,
Leilung parah zianghman a um lo.
34 ⁿAnih in thil sâng kip in a zoh;
Mihngal zate tlunah anih cu siangpahrang a si,”

41:1^a Job 3:8; Sam 74:14; 104:26; Isa 27:1

41:2^b 2Sp 19:28; Isa 37:29

41:4^c Suah 21:6

41:10^d 2San 20:6; Jer 50:44; Thu 6:17

41:11^e Sam 24:1; 50:12; Rom 11:35; 1Ko 10:26

41:18^f Job 3:9

41:20^g Sam 18:8

41:21^h 2Sam 22:13; Isa 11:4; 40:7

41:23ⁱ Job 41:17

41:28^j Sam 91:5

41:28^k Thál fung: Himi hriamhrei relnak hrangah, Hebrumipawl in “thál fapa” ti le “a thál fapapawl” ti ṭawngkam hi an hmang ṭheu.

41:30^l Isa 28:27; Amo 1:3

41:31^m Eze 32:2

41:34ⁿ Job 28:8

tiah a ti.

42

Job-ih Tundīnawksalnak

1 Cun Job in Jehovah cu a let ih:

2 ^a“Ziangkim na ti thei ih,
Na tumtah mi cu kham theih a si lo ti ka thei.
3 ^bNang in, ‘Theihnak tel loih, thurawn pek thuptu hi zo a si?’ tiah i sut.
Curuangah ka theihthiam lo mi ka rak ṭawngsuak a si,
Ka rak theih lo mi ka hrangih mangbangza lutuk thilpawl cu.
4 Ngaithla hram aw, ṭawng ve hnik ning;
Nang in, ‘Thu ka lo sut ding ih, nang in i let ding,’ tiah na ti.
5 ^c“Hna ih theihnak cun ka rak lo thei,
Asinan atu-ah cun ka mit in ka lo hmu.
6 ^dCuruangah keimah le keimah ka fihaw ih,
Leivut le vutcâm lakah toin ka lung ka thlĕng a si,”

42:2^a Sem 18:14; 2San 20:6; Mat 19:26; Apo 4:28; Efe 1:11

42:3^b Sam 40:5; 131:1; 139:6

42:5^c Isa 6:5; Rom 10:17; Efe 1:17-18

42:6^d Sem 18:27; Ezr 9:6

tiah a ti.

7 ^aCule hitin a si, Jehovah in Job hnenih himi kamsuakthupawl a sim ṭheh hnuah, Jehovah in Teman khawmi Elifaz hnenah, “Ka thinlingnak cu nangmah le na rualpi pahnih dokalhin a tho, ziangahtile ka siahhlawh Job ih a rak sim vekin, ka thuhla thudik nan rel lo. 8 ^bCuruangah nanmai hrangah caw pa pasarih le tuu cang pasarih kengin, ka siahhlawh Job hnenah va feh uh, cule nan hrangah Meiur Thilhlăn va hlan uh. Cule ka siahhlawh Job in nan hrangah thla a lo camsak ding. Ziangahtile amah cu ka ^ccohlang ding, culole nan atdān izirin nan parah ka ti ding, ziangruangahtile ka siahhlawh Job ih a sim vekin, ka thuhla thudik nan rel lo,” tiah a ti.

42:7^a Job 2:11

42:8^b Sem 20:7; Mip 23:1; Eze 45:23; Jam 5:15-16; 1Joh 5:16

42:8^c cohlang: A ṭawng hrampi ah, “mi pakhat mithmai khaisan” ti a si.

9 Teman khawmi Elifaz le Shuh-mi Bildad le Naamath khawmi Zofar tepawl cu an feh ih, Jehovah in an hnenih a sim hai vekin an tuah, cule Jehovah in Job cu a cohlang. 10 ^aCule Job in a rualpipawl hrangih thla a cam tikah, Jehovah in Job cu a hloh mipawl a pesal. Cule Jehovah in Job cu a hlanih a neih miih letin a pe. 11 ^bCun a unaupawl zate, a farnupawl zate le a hlanih a hmeltheih zaten a hnenah an ra ih, a inn ah rawl an eikhawm. Cule Jehovah in a tlunih harsat mangbangnak a thlenter mipawl hmuahhmuah thu ah an tuarpi ih an hnem. Ngun tangka le sui zunghruk amah an pe fingfing.

42:10^a Dnp 30:3; Sam 14:7; 85:1-3; Jam 5:11

42:11^b Job 19:13

12 Jehovah in Job-ih cān neta cu a thawknak hnakin thlawsuah a pe, cule tuu 14000, kalauk 6000, caw cang hâl 1000 le lāk nu 1000 a nei. 13 Fapa pasarih le fanu pathum a nei fawn. 14 Cule a pakhatnak cu ^aJemimah, pahnihnak cu ^bKeziah, pathumnak cu ^cKeren-Happukh tiah hmin a sak hai. 15 Ram hmuahhmuah ah Job fanupawl vekih nunau hmelṭha hmuh an si lo. An pa in annihpawl cu an ṭapapawl lakah ro a pe hai.

42:14^a Jemimah: Hebru ṭawng a si ih, a sullam cu “thuro” tinak a si.

42:14^b Keziah: Hebru ṭawng a si ih, a sullam cu kassia tinak a si. Kassia cun rimhmui kung sung lam a sawhkhih.

42:14^c Keren-Happukh: Hebru ṭawng a si ih, a sullam cu “mit răwng hnih ki” tinak a si.

16 Himi hnuah Job cu kum 140 a dam ih, a fapapawl le a tulepawl san litnak tiang a hmu. 17 ^aCutin Job cu tar kûn le kum kimin a thi.

42:17^a Sem 15:15