BibleThianghlim – 2 Timothy
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
2 Timothy
- A ngantu: Paul
- A siartu: Timothy
- Ngan kum: A.D. 67-68
Paul in Timothy cakuat pakhat a ngannak hi kum 3 kum 4 hrawng a rei thlang ih, himi cān sungah Paul in hna tam zet a ṭuan. Timothy kha Efesa kawhhran kilkhawi dingih a tān ta hnuah (1 Timothy thuhmaihruai siar aw) Masidonia (1Ti 1:3), Korinth (2Ti 4:20), Khirit (Tit 1:5) le Mileṭas (2Ti 4:20) lamah a tlawng vivo. Cuihsin Efesa ah a kirsal (2Ti 1:18) ih, sak lamih a um mi Troas lamah a feh (2Ti 4:13). Cumi tikcu ah Paul cu a thawngtlak netnak a tuar. Cumi tikcu hrawngah, Nero in Khristianpawl cu Rom khawpi urkāngtu ah a puh. Himi ihsin Khristianpawl parah a nasa zet mi hremnak a thawk. Cutin Rom uknak hmuahhmuah ah a darh.
Himi hi Rom ah Paul a vei hnihnak thawng a tlaknak a si. A vei hnihnak hi a vei khatnak hnakin dinhmun a siasawn (Efesa cakuat Thuhmaihruai siar aw). A vei hnihnak ah cun Paul cu misual vekih dāntatnak a tuar (1:8; 2:9). A thim zet mi thawnginn sungah amah cu an ret. Amah ra vehtu an um phah nân (1:16), a rualpi tamsawn in amah an tlansan (4:10-12). Hiti vek tuarnak lakah Paul cun Bawipaih umpinak thawngin (1:12; 4:17-18) le Pathian thu ih huham thawn (2:9-10) thazang nasa zet a la. A rawngbawlnak cu ṭha zetin a ṭhehsuak. Curuangah Bawipa hnenih um ding a tiar a si (4:6-8).
Paul in a thih hlanah Timothy hnenah ca vei khat kuatsal a duh. Curuangah Timothy cakuat pahnihnak cu A.D. 67-68 hrawngah a ngan. Cuih cān ah Timothy cu Efesa kawhhran kilkhawiin a rak um rero a si men thei. Timothy cun phurrit a phur rero, curuangah Paul in amah tha a pek a ṭul. A cabu sungah phurrit thlentu phun thum in a lang. Cupawl tla cu: thuthangṭha hrangah hrem tuar ruangih ningzahnak (1:3-2:13), a ṭuanvopawl ihsin rawngbawltu dirhlo thei tu a ṭha lo mi câkhiarnakpawl (2:14-26) le zumtu in thuthangṭha humhim a ṭulnak pawl tla an si (3:1-4:8).
Hivek phurrit hi zumtu dang pawl hnakin rawngbawltupawl in an tuar hleice ṭheu. Asinan cumi cu zumtu hmuahhmuah in an do a ṭul ve. Timothy hrangih Paul ih thucah cu zumtu hmuahhmuah hnenih thucah tluk a si. Cumi cu thutak ah umpeh vivo uh ti mi a si (3:14).
Thu Hlawm Ṭhen
Cibaibûknak
1 aKhrih Jesu ih um mi nunnak thutiam bangtukin, Pathian duh zawngih Jesu Khrih-ih apostol, Paul in, 2 bka duhdawt zet mi ka fapa, Timothy hnenah:
1:1a 1Ko 1:1; 2Ko 1:1; Efe 3:6
1:2b Apo 16:1; Rom 1:7; 1Ti 1:2
Pa Pathian le kan Bawipa Khrih Jesu hnen ihsin zangfahnak, zahngainak le hnangamdaihnak um hram seh.
Lungawi Thu Simnak le Thapeknak
3 aPupápawl in an rak rĕn bangin sia le ṭha theihnak thiang thawi ka rĕn mi, Pathian hnenah ka lung a awi, cuti cun bâng loin sun le zan ka thlacamnak ah ka lo máng ringring. 4 bAipuannak thawi ka khah thei nak dingah, nangmah lo hmuh ka hiar zet, na mitthlipawl ka ngaihsak ringring. 5 cZumnak diktak nangmah ih um mi cu ka cîng ringring ih, cuih zumnak cu a tirin na pi Lois hnenah le na nu Zunis hnenah a um. Cucu nangmah khalah a um ti ka theifiang. 6 dCuruangah na parih ka kut ka suannak ihsin nangmah ih um, Pathian thilpek cu sēmalh tharsal dingin ka lo theihtersal a si. 7 eZiangahtile Pathian in ṭihnak thlarau in pe lo ih, thiltitheinak thlarau, duhdawtnak thlarau le thununawk thei nak thlarau in pe sawn a si.
1:3a Apo 23:1; Rom 1:8, 10
1:4b Apo 20:37
1:7e Isa 11:2; Jer 42:11; Rom 8:15; 1Ti 4:12; Heb 2:15
8 aCuruangah kan Bawipaih thuhla theihter cu zahpi hlah awla, amai thawngtla kei khal hi i zahpi hlah. Pathian huham vekin thuthangṭha ruangih harsat tuarnak cu i tuarpi sawn aw.
9 bAnih cun kan hnaṭuan vek si loin, amai tumdān le zangfahnak vek sawnin in rundam ih, kawhnak thianghlim in in ko a si. Cuih zangfahnak cu leilung sēm hlanin Khrih Jesu ah pek zo kan si.
10 cAsinan in Rundamtu Jesu Khrih lăngnak zarah, cuih zangfahnak cu atu-ah lăngter a si zo. Anih cun thihnak cu a ṭhiathlo ih, nunnak le thih thei lo nak cu thuthangṭha hmangin a langter zo.
11 dCuih thuthangṭha simtu ah, apostol ah le Zentelpawl
1:10c 1Ko 15:26, 54; Efe 1:9
1:12e Mar 8:38; 1Ko 1:8; 1Ti 6:20
13 aKhrih Jesu ih um zumnak le duhdawtnak in a ziktluak mi ṭawngkampawl zohṭhim ding mi ka hnen ihsi na theih mi kha kai hnget aw. 14 bCuih thil ṭha na hnenih ap mi cu kan sungih cêng Thlarau Thianghlim hmangin kilhim aw.
1:13a Rom 6:17; 1Th 1:3; 1Ti 1:10; Tit 1:9
1:14b Rom 8:9
15 aAsia peng ih umpawl hmuahhmuah in in tlansan ti kha na thei, cupawl lakah Fikel le Harmokens an tel.
1:15a Apo 2:9
16 aOnisiforas cun i harhtharter ṭheu. Ka cikcin khal in zahpi lo ruangah, Bawipa cun a sungkuapawl hnenah zahngainak pe hram seh. 17 Rom ih a um laiah, anih cun ngunngaih zetin in hawl ih, in hmu. 18 bCuih Ni ah Bawipa hnen ihsin zahngainak a hmuh thei nak dingah, Bawipa in a hnenah pe hram seh. Cule Efesa khua ah anih in ziang tluk nasain i rian ti kha na theifiang a si.
Khrih Ralkap Ṭha
1 aCuruangah nang, ka fapa, Khrih Jesu ih um zangfahnak ah cak zetin um aw. 2 bCule theihpitu tampi lakah ka hnen ihsin na theih mi thupawl kha mirinum, mi dang va zirh sâwngsin thei tu ding pawl hnenah ap aw. 3 cCuruangah nang cu Jesu Khrih ralkap ṭha vekin retheih zăwnzaihnak tuar aw. 4 Ralkap si dingih amah a hriltu a lunghmuiter thei nak dingah ral do laiah hi dam sung khawsaknak thupawl thawn zohman an hnawihnihaw lo. 5 dCule mi pakhat in zuamawknak ah zuam vein, dān vekih a zuam lo asile, nehnak lukhum pek a si lo. 6 eLo ṭuantu bāng zetih a ṭuantu cu a rah sĕng hmaisabik tu a si ding a si. 7 Ka sim mi hi ruat aw, Bawipa in thil ziangkimah theihthiamnak lo pe hram seh.
2:2b 1Ti 6:12
2:3c 1Ti 1:18
2:5d 1Ko 9:25
2:6e 1Ko 9:10
8 aKa thuthangṭha bangtukih mithi lak ihsi kaihthawh mi, David cithlah Jesu Khrih kha cîng ringring aw. 9 bCuih thuthangṭha ruangah thil ṭha lo tuahtu bangin, cikcin ih ṭemṭawnnak tiang harsatnak ka tuar; asinan Pathian kamsuakthu cu ṭemṭawn a si lo. 10 cCuruangah Khrih Jesu ih a um mi rundamnak cu sankhuk ropitnak thawn annih khal in an co ve thei nak dingah, hril mipawl hrangah thil ziangkim hi ka tuar a si.
2:8a Mat 1:1; Apo 2:24; Rom 2:16
2:9b Apo 9:16; 21:33; Heb 4:12
2:10c 2Ko 1:6; 4:17; Kol 1:24; Tit 1:1; 1Pe 5:10
11 a“Ziangahtile amai zawngih kan thih asile,
Amai zawngah kan nung ding.
12 bKan tuar asile,
Amai zawngah kan uk ve ding.
Amah kan phatsan asile,
Anih khal in in phatsan ve ding.
13 cKan zum lo a si khalle,
Anih cu a rinum ringring,
Amah le amah a phatsanaw thei lo,”
2:11a Rom 6:2-11; 1Ti 1:15
2:12b Mat 10:33; Rom 8:17; 1Pe 4:13
ti ṭawngkam hi rinsan tlak a si.
Pathian Pawm Mi Hnaṭuantu
14 aHi thilpawl hi zumtupawl cingkengter ringring hai aw, hlawknak si lo, a ngaithlatupawl siatnak sawn a si mi ṭawngkam menmenih an elawklonak dingah, Bawipa hmaika ah nā zetin thu pe hai aw. 15 bPathian pawm mi vekin nangmah le nangmah Pathian hnenih peaw dingin nasa zetin taima aw. Hnaṭuantu ningzak lo, thutak kamsuakthu dik zetih ṭhenfeltu si aw. 16 cAsinan Pathian zahlonak le sullam nei lo phunnawinakpawl cu hrial aw, ziangahtile cupawl cun Pathian ngaihsak lo sinsin nak lamah an lo hruai ding. 17 dCule an thusim mi cun ekhensa mi ei vekin mi a ei ding. Cupawl lakah Haimenias le Fileṭas an tel. 18 fAnnih cun, “Thawhsalnak cu a thleng zo,” tiin thutak an ṭhelh. Cule mi hrekkhat ih zumnak an hloralter. 19 gSihmansehla Pathian-ih ṭohram hnget cu a ding ringring ih, hi hminsinnak hi a nei:
2:15b Efe 1:13; Kol 1:5; Jam 1:18
2:17d 1Ti 1:20
2:17e khensa: Nathri phun khat nā zet a si ih, taksa vun nemnak eisiattu hmasia, thihnak tiang thlen thei a si.
2:19g Suah 33:12; Mip 16:5; Isa 28:16; Joh 10:14; 1Ko 1:2
ti le, “Khrih hmin saltu pauhpauh cun dingfellonak tlansan seh,” ti hi!
20 aAsinan inn ropi sungah sui le ngun bungbelpawl lawng si loin, thing le lei bungbelpawl khal an um. A hrekkhat cu sunglawi zetih hman ding an si ih, a hrekkhat cu a menmenih hman ding mi an si. 21 bCuruangah hipawl ihsin mi a thianfaiawk asile, anih cu sunlawih tlak bungbel, tithianhlim le Bawipa hrangih hman tlak le hnaṭuan ṭha tinkim hrangih timlam mi bungbel a si ding.
2:20a Rom 9:21
22 aNo lai câkhiarnakpawl khal tlansan aw, thinlung thiang ih Bawipa a kotupawl thawn dingfelnak, zumnak, duhdawtnak, hnangamdaihnak pawl cu dawi sawn aw. 23 Sikhalsehla atthlak le sullam nei lo thusuhnakpawl cun buainak a suakter ti na theih ruangah cupawl cu hrial aw. 24 bCule Bawipaih sál cun mi a elbuai ding a si lo, mi hmuahhmuah hnenah a zaidam ding, mi a zirh thei ding ih, thinsaunak a nei sawn ding a si. 25 cDokalhtupawl cu nunnem zetin nunsim hai aw. Cuti cun Pathian in anmah cu thutak theihnak lamah lungthlĕngnak a pe hai mahna. 26 dCule ṭhangharhsalin amai duh zawng ti dingih ralkaih ih rak kaitu Diabol-ih tháng sung ihsin an tlânsuak thei ding.
2:22a Apo 2:21; 1Ti 1:5, 14
2:24b 1Ti 3:2-3
2:25c 1Ti 2:4
2:26d 1Ti 3:7
Ni netaah Pathian Ngaihsaknak a Kiam Ding
1 aCule hihi thei aw, ni netaah cun cān ṭihnungza a ra thleng ding. 2 bZiangahtile minungpawl cu mah le mah ngainaawtu, paisa ngainatu, mitluangkhâwng, mipuarthau, mi thangsiathmang, nu le paih thulung lo, lungawi hna thiam lo, thianghlim lo, 3 suahpi duhdawtnak nei lo, remnak siatsuahtu, mi relsiathmang, sūpaw thei lo, minunrâwng, thil ṭha duh lo tu, 4 cmi phatsanhmang, pawisak nei lo, miduhaw, Pathian duhdawt hnakih năwmcen ngaina sawn tu an si ding. 5 dPathian ngaihsak hmel an pu nân, a huham cu an êl. Cuvek mipawl cu va tlansan aw.
3:2b Rom 1:30; 1Ti 3:3; 2Pe 2:10
6 aZiangahtile cupawl cu innpawl ah lutthupin, nunau â pawl cu sál ah an kai ih, cuvek nunaupawl cu sualpawl ih nĕn mi le câkhiarnak phun zakip ih hruai rero mi an si. 7 bCupawl cu zir rero na cingih thutak theihnak ih thleng bān thei lo pawl an si. 8 cCun Jannes le Jambres in Mosi an dokalh vek khan, hipawl khal in thutak an dokalh. Lungthin se thluh zo mi, zumnak thu ih tling lo mi an si. 9 dAsinan Jannes le Jambres atzia a lăng vek khan an atzia cu mi hmuahhmuah hmaika ah phuansuah a si ding ruangah, hlapi cu an feh thei lo ding.
3:6a Jud 1:4
3:7b 1Ti 2:4
3:8c Suah 7:11; Apo 13:8; 1Ti 6:5
3:9d Suah 7:12
Paul in Timothy Thu a Pe
10 aAsinan nang cun ka zirh mi thu, ka umtudān, ka tumtah mi, ka zumnak, ka thinsaunak, ka duhdawtnak, ka tuarfainak,
11 bhremnak ka tuar mipawl le ka zăwnzaihnakpawl Anṭiok, Ikoniam le Listra khuapawl ah ka parih a thleng mi, ziang hremnakpawl ka tuar ti khal na thei thluh zo. Asinan cupawl hmuahhmuah sung ihsin Bawipa in i runsuak a si.
12 cA si, Khrih Jesu ah Pathian ngaihsak ih nun a duhtu hmuahhmuah cun hremnak an tuar ding.
13 dAsinan miṭha lo pawl le mi bumhmangpawl cu mi bumin le bumih umin an sual sinsin ding.
14 Sikhalsehla nang cu na zir zo mi le a dik a si tiih na theih mi thilpawl kha zo hnen ihsin ka zir ti theiin, cumipawl ah umlan vivo aw.
15 eCule nauhakte na si lai ihsin Cathiang
3:10a 1Ti 4:6
3:11b Sam 34:19; Apo 13:14; Rom 15:31; 2Ko 11:23-27
3:13d Mar 13:5
3:15e Dnp 4:6; Sam 119:98-99; Joh 5:39
16 aCathiang hmuahhmuah hi Pathian thawtkhumnak in pek a si ih, zirhawknak hrang, kawkawknak hrang, nunrĕmawknak hrang, dingfelnak zirhawknak hrangah hlawknak a si. 17 bCuti cun Pathian mi cu a tling mi le hnaṭuan ṭha hmuahhmuah tuah dingah thăwm famkim a si thei ding.
3:16a Dnp 29:29; Rom 4:23-24; 2Pe 1:20-21
3:17b 1Ti 6:11
Pathian Kamsuakthu Phuang Aw
1 aCuruangah a rung lăngnak le a uknak ih mithipawl le minungpawl thuṭhentu ding Bawipa Jesu Khrih le Pathian hmaika ah thu ka lo cah a si. 2 bKamsuakthu cu phuang aw! A tikcu ah siseh, a tikcu lo khalah siseh tiar ringring aw. Thinsaunak hmuahhmuah le zirhnak hmuahhmuah thawn an mawhzia theihter aw, kawk awla, thape aw. 3 cZiangahtile minungpawl in zirhnak ziktluak an pawm thei lo cān a ra thleng ding ruangah an hnaza dirĕmternak ah anmai câkhiarnak zulhin, zirhtupawl anmai hnenah an khawm sawn ding. 4 dCule thutak ihsin an hna cu an her ding ih, phuahcawp thuanthu lamah an pial ding. 5 eAsinan nang cu thil ziangkimah ralring aw, zăwnzaihnakpawl cu tuar ṭenṭo aw, evangelist hna cu ṭuan aw, na rawngbawlnak zaten hlensuak aw.
4:3c 1Ti 1:10
4:4d 1Ti 1:4
6 aZiangahtile kei cu Inding Thilhlăn vekin, thletbŭng ka si rero zo ih, ka fehsuak cān a nai thlang. 7 bDoawknak ṭha cu ka do zo, ka hna ka ṭheh zo ih, zumnak cu ka kilhim zo. 8 cKa hrangah dingfelnak lallukhum cu lehhnu hrangah ret a si zo, cumi cu Bawipa, Thuṭhentu dingfel cun cuih Ni ah i pe ding. Ka hnen lawngah si loin a lăngnak hngakhlaptupawl hmuahhmuah hnen khalah a pe ding.
4:6a Mip 15:1-12; Fil 2:17
4:7b Apo 20:24; 1Ko 9:24; 1Ti 1:18
Pumpak Thuhlapawl
9 aKa hnenih rat zâng zuam aw. 10 bZiangahtile Demas cun tulai khawvel a ngainat ruangah i tlansan ih, Thessalonika khua ah a feh. Kresen cu Galatia peng ah a feh ih, Tita khal Dalmaṭia peng ah a feh. 11 cLuke lawng ka hnenah a um. Mark kha sawm awla, na zawngah rak hruai ve aw. Ziangahtile anih cu rawngbawlnak ah miṭhahnem a si. 12 dCule Ṭaikikas cu Efesa khua ah ka rak thlah zo. 13 eTroas khua, Karpas hnenih ka kâwrfual ka tān mi kha, na rat tikah cazualpawl thawn rak keng aw, a hleicein savun cazualpawl kha.
4:9a Tit 3:12
4:10b 2Ko 2:13; Kol 4:14; Flm 1:24; 1Joh 2:15
4:11c Apo 12:12; Kol 4:14; Flm 1:24
4:12d Apo 20:4
4:13e Apo 16:8
14 aDarser thiam, Alexander in ka parah thil ṭha lo tampi a tuah. Bawipa in a hnaṭuan mipawl vekin lehrūl seh. 15 Kan ṭawngkampawl a dokalh nasat ruangah, nang khal a lakah ralring aw.
4:14a Sam 28:4; Rom 2:6; 1Ti 1:20
16 aHumawknak thu ka rel hmaisak ṭumah zohman in in dīnpi lo, an zaten in tlansan thluh sawn. An parah mawh thleng lo dingin Pathian hnenah thla ka cam.
17 bCuti va si hman sehla, thuthangṭha cu keimah hmangin phuankim a si thei nak dingah le Zentelpawl
4:16a Apo 7:60
4:17b Sam 22:21; Dan 6:22; Apo 23:11
Cibaibûknak Netabik
19 aPrisilla le Akuila le Onisiforas teih sungkua kha cibai i bûksak aw. 20 bErasṭas cu Korinth khua ah a cām ih, Trofimas cu Mileṭas ah dam loin ka tān ta. 21 cThlatang hlanah ra tlawn thei tum hramhram aw. Zubulas, Pudens, Linas, Klaudia le unaupawl zate in cibai an lo bûk.
4:19a Apo 18:2
4:21c Tit 3:12
22 aBawipa Jesu Khrih cu na thlarau ah um seh. Zangfahnak na hnenah um hram seh. Amen.