About Bible Thianghlim | ©

BibleThianghlim – Isaiah

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Isaiah

12345678910
11121314151617181920
21222324252627282930
31323334353637383940
41424344454647484950
51525354555657585960
616263646566

• A ngantu: Profet Isaiah
• A siartu: Judah
• A huap sung cān: B.C. 740-680

Isaiah-ih hmin sullam cu “Jehovah cu rundamnak a si” ti asilole, “Jehovah in a rundam,” tinak a si. A hmin sullam bangtukin thuṭhennak le rundamnak thu a sim. Judah ram ih um Pathian-ih minungpawl hnenah an cān pawimawh lai thuanthu a ngan. Isaiah ih rawngbawl cān cu siangpahrang Uzziah, Jotham, Ahaz, Hezekiah le Manasseh pawl ih lal lai cān ah a si (1:1; 37:37-38).

Isaiah cabu-ih Israel thuanthu kan hmuh mi hi a hnăwkin theih a harsa. Hih cān ah Judah-mipawl in vansanglămnak ṭum thum an táwng: B.C. 734-732 ah Siria le Israel an doaw, B.C. 722 ah Assiria in Israel a neh ih, B.C. 701 ah Assiria siangpahrang Sennakerib in Judah a la.

Pathian tumtah mipawl zulhin a tho ih a tlu mi hih miphunpawl hi Pathian in a uk hai (bung 13-23). Judah ram khal hin sakhua lamah buainak a nei. Annih in Pathian simdān vekin thawinak an tuah, asinan milem biaknak, nunau-mipa sualnak khal an tuah ih, an ramhnen rairingpawl ih biak mi milem an bia.

Isaiah cabu in a pawimawh zet mi Pathian thuhla a phuanglang. A pakhatnak ah, Pathian cu “Ralkap rualpawlih Jehovah,” a si (vei 45). Anih cu thil ziangkim tlunih Lal a si ih, cupawl hmangin a tumtah mipawl a hlensuak. Anih cu “Israel-ih Mi Thianghlim” khal a si (vei 26). Anih cu thil sual hmuahhmuah ihsin a fihlim ih, a thiangfai pumhlum. Anih cu ziang hmuahhmuah hnakin a danglam, mihleice a si. Curuangah anih cun amah dodaltu thu a ṭhen thei ih, amah rinsantu a rundam thei.

Isaiah bung 40-66 (a hleicein bung 40-48) in ziang vekih mihleice a sizia a tarlang. Amah lawng cu sersiamtu, thutak phuanglangtu umsŭn le tlentu umsŭn a si. B.C. 605, 597, 586 ah doral kut ih Judah a tlûknak hmutu ding le Babilon sál tānnak kumpawl hmutu ding san minungpawl hnenah thazang le ruahsannak peknak dingah, Isaiah in bung 40-66 pawl thu hi a ngan. Hih vanduainakpawl hi Pathian a cah lo ruang le Babilon-mipawlih pathianpawl an cahsawn ruangah a si lo ti theihter a duh. Hih vanduainakpawl hi minungpawlih sual ruangah Pathian in a siang a si.

Isaiah cabu in Messiah a khaisâng. Isaiah in Messiah ropitzia, ṭum hnih a ratnak le lei parih rawng a bawlnak thu in sim. Isaiah in Messiah hrangah hmin tampi a pe (4:2; 11:1; 7:14; 9:6). Jesu-ih nun le a rawngbawlnak ih rung famkim mi thu tampi khal a phuang (7:14; 9:1-2; 53:4-6; 61:1-2). Isaiah ih thuphuan thupibik pawl cu “siahhlawh hlapawl” ah an um (42:1-9; 49:1-6; 50:4-9; 52:13-53:12). Jehovah cu Israel-ih Mi Thianghlim a si. Amah lawng kan rinsan ding a si!

1

1 ^aAmoz-ih fapa Isaiah in Judah siangpahrang Uzziah, Jotham, Ahaz le Hezekiah tepawlih san laiah Judah le Jerusalem thuhla ih a hmuh mi larnak cu.

1:1^a 2Sp 15:1-7, 13, 32-38; 16:1-20; 1San 3:12; 2San 28:1-27; 29:1-33; Isa 2:1; 40:9

Helhmang Miphun

2 ^aMaw van, ngai hnik, Maw leilung, na hna tŭn aw!
Ziangahtile Jehovah in,
“Fanaupawl ka câwm ih, ka pitlingter hai,
Asinan annih cu keimah lakah an hél;
3 ^bCaw in a neitu a thei ih,
Lāk in a pu-ih rawl peknak kuang a thei,
Asinan Israel cun a thei lo,
Ka mipawl cun an theithiam lo,” tiah a ti.
4 ^cAi law, miphun sualrál,
Mawhsualnak thawi a khat mi minungpawl,
Thil ṭha lo tuahhmang cithlahpawl,
Mibawrhhlawh tefapawl!
Jehovah an thlauthla zo,
Israel-ih Mi Thianghlim cu an rak hnáwng,
Dung lam an hawisan.
5 ^dZiangah so vuak nan sisal ding ih,
Ziangah so nan hél sinsin ding?
Lu cu a pumhlum in a nâ ih,
Thinlung cu a pumhlum in a nâ.
6 ^eKe zaphak ihsin lu tiang rori,
Damnak lai hrimhrim a um lo,
Hriamhma, vuak durh le hma hnai hlir a si sawn;
Cupawl cu hmeh le tuam le nēm ko hriak hnih an si lo.
7 ^fNan ram a ṭhing,
Nan khawpipawl cu meisa in a kāng,
Ram dang mipawl in nan hmaika ah nan lópawl an tisiat ṭheh;
Cule cumi cu ram dang mipawl ih ṭhiahbăl mi bangin a ṭhing.
8 ^gZion fanu cu sabit hmuan ih thlamte bang,
Fanghma hmuan ih deute bang le,
Kulhkhŭm mi khawpi bangtuk a si.
9 ^hRalkap rualpawlih Jehovah in kannih a tāngsŭn mál takte hi in zuah lo sehla,
Sodom vek kan si zo ding ih,
Gomorrah vek kan si zo ding.
10 ⁱNannih Sodom uktupawl,
Jehovah-ih kamsuakthu hi ngai hnik uh;
Nannih Gomorrah mipawl,
Kan Pathian Dān lamah nan hna tŭn uh.
11 ^j“Ka hnenih nan raithawi mi liangluang hi ziang tumtahnak hrangah so? Jehovah in a ti.
Tuu cang pawl le ranpi cawm thaupawl hmangih Meiur Thilhlănpawl cu ka khawp tuk zo.
Caw pa pawl le tuu fa no pawl le mêpawlih thisen ah lungawinak ka nei lo.
12 ^kKa hmaiah lang dingin nan rat tikah, ka tualrawn nan cīl hi,
Zo in so a lo phût?
13 ^lA ṭhahnem lo mi raithawinakpawl rak keng nawn hlah uh;
Rimhmui ur mi cu ka hrangah fihnungza a si.
Thla Thar Puaipawl, Sabbath-pawl le pungkhawm dingih sawmkhawmawknak pawl ka fih hai.
Mawhsualnak le tawnkhawmawknak hleice khal ka tuar thei nawn lo.
14 ^mNan Thla Thar Puaipawl le nan puai khiah mipawl ka nun in a hua;
Cupawl cu ka hrangah phurrit an si,
Ka tuar thei hai nawn lo.
15 ⁿNan kut nan phar tikah,
Nan hnen ihsin ka mit ka hup ding;
Vei tam zet thla nan cam khalle,
Ka ngaithla lo ding.
Nan kutpawl cu thisen in an khat.
16 ^o“Khawlhfaiaw uhla, thianfaiaw uh;
Nan thil ti ṭhat lo pawl ka mithmuh ihsin hlăwnhlo uh,
Thil ṭha lo tuah bāng thlang uh.
17 ^pThil ṭha tuah zir uh, diknak hawl uh,
Mi palbĕttupawl kawk uh;
Pa nei lo pawl hum uh,
Nuhmeipawl ṭăn uh.
18 ^q“Atu-ah ra uhla, ruattlang hnik uhsi, Jehovah in a ti,
Nan sualpawl cu senlar bangtuk si khal sehla, vur vekin an var ding;
Sendup bangin sen khal sehla, sahmul vek an si ding.
19 ^rRem nan ti ih thu nan lun asile,
Ram sungih thil ṭha pawl tla nan ei ding;
20 ^sAsinan nan êl ih nan hél a si ahcun, ralnâm in a lo eirál ding,”
Ziangahtile Jehovah-ih kâ in cumi cu a sim zo.
21 ^tZiangtin so khawpi rinum cu hlawhhlang ih a can tâk!
Anih cu diknak ih khat a rak si si,
A sungah dingfelnak a rak cêng,
Asinan atu-ah cun laithatpawl an cêng.
22 ^uNan ngun cu thir-ek ah a cang,
Nan sabit zu cu tidai in a dálter.
23 ^vNan bawipawl cu helhmang an si ih,
Fifirpawlih hawipi an si;
Mi kip in nawhthuh an duh ṭheh ih,
Laksawng an dawi ṭheh.
Pa nei lo pawl an hum lo ih,
Nuhmeipawlih thuhla an hmaiah a thleng fawn lo.
24 ^wCuruangah Bawipa in,
Israel-ih Micak Pa, ralkap rualpawlih Jehovah,
“Aa, ka doralpawl lakin ka hlîtkiangaw ding ih,
Ka ralpawl phuba ka la ding.
25 ^xNan lamah ka kut ka hawi ding ih,
Cingál hmangih tifai vekin nan thir êk ka tifai verver ding,
Cule nan thir êk sia zaten ka tifai ṭheh ding.
26 ^yNan thuṭhentupawl cu a hlan vekah ka cangtersal ding ih,
Nan thurawn petupawl khal a thawktir vekah ka cangtersal ṭheh ding.
Cuih hnuah nannih cu dingfelnak khawpi, khawpi rinum tiih kawh nan si ding,” tiah a ti.
27 ^zZion cu diknak hmangin tlen a si ding ih,
A sungih sual sir mipawl khal dingfelnak hmangin.
28 ^aaThil sual tuahtupawl le misualpawl cu tisiattlang an si ding.
Cule Jehovah hawisantupawl cu an hloral ding.
29 ^abZiangahtile nan duh zet mi ^acayil thingkungpawl ruangah nan ning a zak ding;
Cule nan rak hril mi nan hmuanpawl ruangah nan mithmai a se ding.
30 ^adZiangahtile nannih cu a hnah vuai mi ela thingkung vek le
Tidai um lo hmuan vek nan si ding.
31 ^aeMicak cu meiṭêk vek a si ding ih,
A hnaṭuan cu meici vek a si ding,
An pahnih in an kāngtlang ding ih,
Zohman in an hmit lo ding.

1:2^a Dnp 4:26; 32:1; Isa 30:1, 9; 65:2; Jer 3:22; Eze 24:3; Mik 1:2

1:3^b Job 12:9; Isa 42:25; 44:18; Jer 4:22; 9:3; Hos 2:8; 4:6; 7:9

1:4^c 2Sp 19:22; Isa 9:17; 14:20; 59:13; Eze 39:7

1:5^d Thf 20:30

1:6^e Ṭah 2:13

1:7^f Pui 26:31, 34; Jer 5:17

1:8^g Job 27:18; Isa 10:32

1:9^h 2Sp 21:14; Isa 4:2; Jer 23:3; Joe 2:32; Rom 9:29

1:10ⁱ Isa 5:24; 28:14; Eze 16:49; Thu 11:8

1:11^j 1Sam 15:22; Mal 1:10; Heb 10:4

1:12^k Dnp 16:16; 31:11

1:13^l Thf 28:9; Isa 41:24; Hag 2:14; Mal 2:11

1:14^m Dnp 16:16; Isa 5:12; Hos 2:11; Mal 2:17

1:15ⁿ 1Sam 8:18; Jer 2:34; Eze 7:23; Hos 4:2; Joh 9:31

1:16^o Sam 51:2, 7; Jer 2:22; 25:5; Mat 27:24; Jam 4:8

1:17^p Jer 22:3; Eze 18:31; Amo 5:14; Mik 6:8; Zef 2:3; Jam 1:27

1:18^q 1Sam 2:25; Isa 55:7; Zek 3:3-5

1:19^r Job 36:11; Isa 50:10

1:20^s Isa 40:5; 65:12; Mik 4:4; Tit 1:2

1:21^t Thf 6:17; Jer 2:20; Eze 23:3; Amo 6:12

1:22^u Sam 119:119

1:23^v Isa 10:2; Jer 5:28; Eze 22:7; Amo 5:12; Mik 2:1

1:24^w Jer 51:6; Eze 5:13

1:25^x Isa 48:10; Eze 22:19-22; Mal 3:3

1:26^y Isa 4:3; 33:5; Dan 9:24; Zek 8:3

1:27^z Isa 30:15; Eze 18:30; Hos 2:19

1:28^aa Isa 33:14; 66:24; Jer 4:18

1:29^ab Sam 97:7; Isa 42:17; 44:11; 65:3; Eze 6:13; Hos 4:13

1:29^ac ayil thingkung: Thingkung tum phun khat a si.

1:30^ad Sam 1:3; Isa 64:6

1:31^ae Isa 4:4; Oba 1:18; Mal 3:2; Mat 25:41

2

Hmai lam Cān ih Pathian Inn

1 ^aJudah le Jerusalem thuhla ih Amoz-ih fapa Isaiah in a hmuh mi kamsuakthu cu.

2:1^a Isa 1:1

2 ^aNi netaah cun hitin a si ding,
Jehovah inn umnak tlang cu,
Tlangpawl lakih sangbik ah dĭn a si ding ih,
Tlangmûalpawl tlunah cawisan a si ding;
Cule miphun zaten cumi ah an feh hluarhlo ding.
3 ^bMiphun tampi an ra ding ih,
“Ra uhla, Jehovah-ih tlang ah so uhsi, Jakob-ih Pathian inn ah;
Anih in a lamzinpawl in zirh ding ih,
A zinpawl kan zawh ding,” tiah an ti ding.
Ziangahtile Zion ihsin dān a ra suak ding ih,
Jerusalem ihsin Jehovah-ih kamsuakthu.
4 ^cAnih cun miphunpawl karlakah thu a ṭhen ding ih,
Miphun tampi hrangah thutluknak a tuah ding;
An ralnâmpawl cu leilehnak ah an ser ding ih,
An feipipawl tla leicawhnak thir zúm ah an ser ding;
Miphun pakhat in miphun dokalhin ralnâm a hawi lo ding;
Ral dodān khal an zir nawn hrimhrim lo ding.

2:2^a Isa 11:9; 65:9; Jer 31:23; Joe 3:17; Mik 4:7; Zek 14:10; Apo 2:17; Heb 1:2

2:3^b Dnp 33:19; Sam 137:5; Isa 1:10; 45:14, 23; Jer 3:17; Joe 3:2; Zef 3:8; Zek 14:2; Luk 24:47; Joh 4:22

2:4^c Sem 49:10; Isa 9:5; Jer 30:10; Hos 2:18; Mik 4:3; Zek 9:10

Jehovah-ih Ni

5 ^aMaw Jakob sungza, ra uhla,
Jehovah-ih tleu ah tlanglêng uhsi.
6 ^bZiangahtile nan mi, Jakob sungza nan rak thlauthla,
Ziangruangahtile annih cu nisuahnak lam tidān in an khat ṭheh,
Annih cu Filisṭia-mipawl bangin aizoh thiam an si ih,
Ram dang mipawl parah an lung a hmui.
7 ^cAn ram cu sui le ngun a khat fawn ih,
An hlawnthilpawl cu tawp cin a nei lo;
An ram cu rangpawl a khat fawn ih,
An rang lêngpawl cu a cem dah lo.
8 ^dAn ram cu milem in a khat fawn ih,
Anmai kutsuak an bia,
Anmai kut zung ih tuah mi cu.
9 ^eMitenau kûnter a si ih,
Miropi ningzahter a si;
Curuangah annih cu ngaidam hai hlah aw.
10 ^fJehovah-ih ṭihnunnak rapthlak tak ihsin le,
A cungnun ropitnak lak ihsin,
Lungpi lakah lut uhla, leivut lakah relh uh.
11 ^gMilai duhawknak cu niamter a si ding ih,
Milai uanawknak cu kūnter a si ding,
Cuih ni ah cun Jehovah lawng khaisan a si ding.
12 ^hZiangahtile mihngal le mipuarthau kip tlun le,
Mipawrhaw kip tlunah
Ralkap rualpawlih Jehovah-ih ni cu a ra ding.
Cule annihpawl cu hnuhniam an si ding.
13 ⁱA sâng mi le hlĭrsan a si mi Lebanon sidar kung zate tlun le,
Bashan ih elon thingkung zate tlunah,
14 ^jTlang sâng zate tlun le,
Tlangmûal sâng zate tlunah,
15 ^kDawlsâng kip tlun le,
Kulh hnget kip tlunah;
16 ^lTarshish lăwng zate tlun le,
Puanzar lăwng mawi zet tlunah a ra ding.
17 ^mMilai pawrhawknak cu kūnter a si ding ih,
Milaipawlih uanawknak cu hnuhniam a si ding;
Cuih ni ah cun Jehovah lawng khaisan a si ding,
18 ⁿAsinan milempawl cu hlohralter verver an si ding.
19 ^oNasa takih leilung hnînter dingih a dīn tikah cun,
Jehovah-ih ṭihnunnak rapthlak tak ihsin le,
A cungnun ropitnak lak ihsin,
Annih cu lungpi kuapawl ah le,
Leilung pûk sung pawl ah an lut ding.
20–21 ^pNasa takih leilung hnînter dingih a dīn tikah cun,
Jehovah-ih ṭihnunnak rapthlak tak le,
A cungnun ropitnak lak ihsin,
Lungpi khām rang pawl ah le,
Lungpi khām zum pawl ih feh dingin,
Cuih ni ah cun biak dingih anmai hrang ciar ih an rak tuah mi
An ngun milempawl le,
An sui milempawl cu,
Sinthirpawl le palâppawl hnenah milai in an hlăwn ṭheh ding.
22 ^qA hnar kua ih thaw a thaw mi milai lak ihsin thiarfihlimaw uh;
Ziangahtile anih cu ziang thil ah so a ṭhathnem?

2:5^a Sam 89:15; Isa 58:1; 60:19-20; 1Joh 1:5; Thu 22:5

2:6^b Dnp 18:10; 31:17; 2Sp 1:2; 16:7; Isa 44:25; Jer 12:7; Mik 5:12

2:7^c Dnp 17:14-17; Isa 30:16; 31:1; Mik 5:10

2:8^d Sam 115:4-8; Isa 10:9-11; 17:8; 37:19; 40:19; 44:17; Mik 5:13; Thu 9:20

2:9^e Neh 4:5; Sam 49:2; 62:9; Isa 5:15

2:10^f Isa 2:19, 21; Nah 3:1; 2Th 1:9; Thu 6:15-16

2:11^g Neh 9:29; Sam 18:27; Isa 3:7, 18; 5:15; 13:11; 23:9; 37:23; Hab 2:5; 2Ko 10:5

2:12^h Job 40:11-12; Isa 3:6, 9; 24:4, 21; Jer 30:7; Joe 1:15; Mal 4:1

2:13ⁱ Lai 9:15; Zek 11:2

2:14^j Isa 30:25; 40:4

2:15^k Isa 25:2, 12; 30:25; Zef 1:16

2:16^l Sem 10:4; 1Sp 10:22

2:17^m 2Sam 22:28; Job 40:11

2:18ⁿ Isa 21:9; Jer 10:11; Eze 36:25; Mik 1:7; 5:13

2:19^o Job 30:6; Isa 2:10, 21; 7:19; 13:13; 24:1, 19-20; Hag 2:6-7; Luk 23:30; Heb 12:26; Thu 6:15

2:20-21^p Pui 11:19; Job 22:24; Isa 2:19; 30:22; 31:7; 33:10; Eze 7:19-20

2:22^q Job 12:19; Sam 8:4; 144:3-4; 146:3; Isa 40:15, 17; Jer 17:5; Jam 4:14

3

Judah le Jerusalem parih Dāntatnak

1 ^aZiangahtile ngai hnik, ralkap rualpawlih Jehovah Bawipa in,
Jerusalem le Judah ihsin,
Thil sêkkhawm mi le thil khawlkhawm mi,
An rawl hmuahhmuah,
2 ^bMiralṭha le raldo thiam,
Thuṭhentu le profet,
Simsung thiam le upa;
3 ^cSawmnga hotu ralbawi le upat tlak minung,
Thurawn petu le kut themthiam,
Khawsekawh thiam pawl tla a lahlo ding.
4 ^d“Anmah uktu dingah tleirawlpawl ka pe hai ding ih,
Nauhaktepawl in anmah an uk ding.
5 ^eMinungpawl cu palbĕt an si ding,
Mi kip cu mi dang in, mi kip anmai innhnen in;
Nauhak in upa a do ding ih,
Minauta in upat tlak mi a do ding.”
6 ^fMi in a paih inn ih a unaupa a kaibĕt ih,
“Nang cu hnipuan na nei,
In uktu na si pei ih,
Hi siatralnakpawl hi nangmai thuneihnak hnuaiah um seh,” tiin a ti tikah,
7 ^gCuih ni ah anih in,
“Nan natnak ka lo damter thei lo ding,
Ziangahtile ka inn ah rawl siseh, hnipuan siseh a um lo,
Mipi uktu ah i tuah hlah uh,” tiin a êl ding.
8 ^hZiangahtile Jerusalem cu a bah ih,
Judah cu a tlu,
Ziangruangahtile a ropitnak mit nater dingin,
An ṭawngkam le an thil tipawl in Jehovah an dokalh.
9 ⁱAn mithmai lăngdan in anmah a dokalh ih,
Sodom vekin an sualnak an phuang;
Cumi cu an thup lo.
An hmakhua a pit a si!
Ziangahtile anmai parah thil ṭha lo an thlenaw.
10 ^jMidingfelpawl hnenah nan lam a tluang ding ti uh,
Ziangahtile an thil ti rahpawl an ei ding.
11 ^kMisualrál cu a hmakhua a pit a si!
A van a sia ding,
Ziangahtile a thil ti rah cu amah pek a si ding.
12 ^lKa mipawl hrang lawngte ah cun, anmah palbĕttu cu nauhakpawl an si ih,
Nunaupawl in anmah an uk.
Maw ka mipawl! A lo hruaitupawl in an lo hruai sual ih,
Nan fehnak zinpawl an siatsuah.
13 ^mJehovah cu ṭăn dingin a ding ih,
A mipawl thuṭhensak dingin a ding.
14 ⁿJehovah cu a mipawlih upapawl le a mipawimawhpawl thawn
Dāntatnak ah a lut ding:
“Ziangahtile nannih in sabit hmuan nan ei thluh;
Mifarahpawl nan răm mi cu nan innpawl ah an um.
15 ^oKa mipawl khuai rero le mifarahpawlih hmai rial rero cu ziang so nan duhsan?” tiah ralkap rualpawlih Jehovah Bawipa in a ti.

3:1^a Pui 26:26; Isa 5:13; 9:20; Eze 4:16

3:2^b Dnp 18:10; 2Sp 24:14; Isa 9:14-15; Eze 17:12-13

3:3^c 2Sp 1:9; 24:14; Job 22:8

3:4^d Ths 10:16

3:5^e Isa 9:19; Jer 9:3-8; Mik 7:3-6

3:6^f Isa 4:1

3:7^g Jer 30:12; Eze 34:4; Hos 5:13; Joe 1:16

3:8^h 2San 33:6; Isa 1:7; 6:11; 9:17; 59:3; 65:3

3:9ⁱ Sem 13:13; Mip 32:27; Thf 8:36; 15:32; Isa 1:10-15; 59:12; Jer 14:7; Hos 5:5; Rom 6:23

3:10^j Sem 15:1; Dnp 5:33; 28:1-14; Sam 128:2; Ths 8:12; Isa 54:17; Jer 22:15

3:11^k Dnp 28:15-68; 2San 6:23; Isa 57:20; 65:6-7; Jer 21:14; Ṭah 5:16; Eze 24:14

3:12^l Isa 3:4; 9:16; 28:14-15; Jer 23:13; Mar 3:5

3:13^m Job 10:2; Isa 2:4; 66:16; Hos 4:1; Mik 6:2

3:14ⁿ 1Sam 12:7; Job 22:4; 24:9; Sam 143:2; Isa 11:4; Eze 20:35; Mik 3:3; Jam 2:6

3:15^o Job 24:14; Sam 94:5; Isa 5:7; 10:6

Jerusalem Nunaupawl Thuṭhennak

16 ^aCuihtlunah Jehovah in,
“Zion fanupawl cu an hngal ih,
Van tau uau-o le,
Khawhrik khawhra tangin an feh,
An feh phahin an tláng phah ih,
An ke ah khîngte an awnter.
17 ^bCuruangah Bawipa in Zion fanupawlih lu cu a hmater ding ih,
Jehovah in an zahmawhpawl a langter ding,” tiah a ti.
18 ^cCuih ni ah Bawipa in an ceiawknak,
Khîngtepawl, hngawngawrh puantepawl le an ṭhi kual pawl,
19 ^dAn ṭhipawl, an faupawl le an hmai khuhnakpawl,
20 ^eAn lu thuampawl, an ke ceinakpawl le an lu thuamnakpawl,
An rimhmui dawngpawl, an hmai ceinakpawl le,
21 ^fZunghrukpawl,
Hnarkhaihpawl,
22 ^gPuai thuamhnawpawl le puanbahpawl,
Sinfen leng hrukpawl, paisa dippawl le,
23 ^hThlalangpawl;
Puan nem páte, lupâwngpawl le kâwrfualpawl tla a hlăwnhlo ding.
24 ⁱCule hitin a si ding:
Rimthaw aiah rimsia a um ding,
Taiṭen aiah hridai,
Sám ceimawi aiah lukawlhnak,
Hnipuan mawi aiah buri hnipuan,
Cule mawinak aiah thir ling ih deh.
25 ^jNa mipapawl cu ralnâm in an tlu ding ih,
Na micakpawl cu ral donak ah.
26 ^kA kăwtkapawl an ṭap ding ih, an riah a sia ding,
Cule anih cu ṭhing riamriamin lei ah a to ding.

3:16^a Job 15:25; Sol 3:11; Isa 4:1, 4; 32:9-15

3:17^b Eze 27:31; Amo 8:10

3:18^c Lai 8:21, 26; Isa 2:11

3:19^d Sem 24:47; Eze 16:11-12

3:20^e Suah 39:28

3:21^f Sem 24:22, 47; Eze 16:12

3:22^g Rut 3:15

3:23^h Suah 29:6; Sol 3:11; Eze 16:10

3:24ⁱ Est 2:12; Isa 4:4; 15:3; 22:12; Ṭah 2:10; Eze 27:31; Amo 8:10; Jon 3:5-8; 1Pe 3:3

3:25^j Isa 1:20; 65:12

3:26^k Job 2:13; Isa 14:31; Jer 4:18; 14:2; Ṭah 1:4; 2:10; 4:5

4

1 ^aCule cuih ni ah cun nunau pasarih in mipa pakhat an kaibĕt ding ih, “Kanmai rawl kan ei ding, cule kanmai hnipuan kan hruk ding, na hminte lawng in puter aw, kan ningzahnak in lâkhlohsak aw,” tiin an ti ding.

4:1^a Sem 30:23; Isa 13:12; 54:4; 2Th 3:12

Jehovah-ih Hngeṭêk

2 ^aCuih ni ah cun Jehovah-ih Hngeṭêk cu a mawi in a ropi ding, cule a nungdamsŭn Israel hrangah leilung rah cu a ṭha tuk lawmlam ding ih, thinlung a la zet ding.

4:2^a Sam 72:16; Isa 1:9; 10:20; 11:1; 37:31; 53:2; Jer 23:5-6; 33:15; Joe 2:32; Oba 1:17; Zek 3:8; 6:12

3 ^aCule hitin a si ding, Zion ih tān ta mi le Jerusalem ih a tāng mi cu thianghlim tiih kawh a si ding, Jerusalem ah a nung tiih hmin ngankhum mi kip cu. 4 ^bBawipa in dāntatnak thlarau le meialh thlarau in Zion fanupawlih balhnak a khawlhfai ih, a hnen ihsin Jerusalem thisen a thianfai tikah cun, 5 ^cJehovah in Zion tlang pumhlum tlunah le a mipi táwngkhawmaw tlunah sun ah khawdur le meikhu le zan ah meialh êng a umter ding. Ziangahtile ropitnak zate tlunah khuhtu a um ding. 6 ^dCule sun ih ni sa lakih daihnem hrangah thlamte, thlipi le ruahpi lakih beunak hrangah răwlhimnak a um ding.

4:3^a Suah 32:32; Sam 69:28; Isa 28:5; 46:3; 52:1; Joe 3:7; Zef 3:3; Luk 10:20; Rom 11:4-5

4:4^b Isa 1:15, 31; 3:16; 9:19; 28:6; Mat 3:11; Luk 3:17

4:5^c Suah 13:21-22; 24:16; Mip 9:15-23; Isa 35:2; 41:20; 60:1-2

4:6^d Sam 27:5; 55:8; Isa 8:14; 14:32; 25:4; 32:1-2; Eze 11:16

5

Sabit Hmuan Hla

1 ^aKa duhdawt zet mi hnenah hlaseh ning,
A sabit hmuan thuhla ih ka duhdawt miih hla cu:
Ram ṭha zet tlangmûal ah cun,
Ka duhdawt zet mi in sabit hmuan a nei.
2 ^bCumi cu anih in a lai ih a lung hrâwl pawl a hrilfai hai,
Cule cuih hmuan ah cun sabit ṭhabik a cîng.
A laiah dawlsâng a sak ih,
A sungah sabit sawrnak khal a tuah,
Cule cuih hmuan in sabit ṭha rahsuak dingin a beisei,
Asinan rah sia a rah riangri.
3 ^c“Cule atu-ah, Maw Jerusalem luahtupawl le Judah mipapawl,
Keimah le ka sabit hmuan karlak thu in ṭhensak hram hnik uh.
4 ^dKa sabit hmuan parih ka tuah ding mi ka tuah lo ziang so um nawn?
Ziangruangah sabit ṭha rah dingih ka beisei laiah,
Rah sia a rah riangri?
5 ^eCule atu-ah, ka sabit hmuan parih ka tuah ding mi ka lo sim ding:
Hling ih kulh mi a hruang ka ṭhiat pei ih,
Meisa ih ur a si ding;
A hruangdawl cu ka băl pei ih,
Cīlsiat a si ding.
6 ^fKa ṭhingter ding,
Hleuhfai a si lo ding ih, vur a si fawn lo ding,
Hrambuar le hlingpawl an keuh sawn ding.
A parah ruah sur lo dingin
Khawdurpawl khal thu ka pe ding.”
7 ^gZiangahtile ralkap rualpawlih Jehovah-ih sabit hmuan cu Israel sungza hi a si ih,
Judah mipapawl cu a lunghmuinak thlaikung an si.
Anih in diknak a hawl ih, asinan ngai hnik, thisen suahawknak a hmu;
Dingfelnak a hawl, asinan ngai hnik, băwmnak dilih ṭahnak a hmu.

5:1^a Sam 80:8; Isa 27:2; Jer 12:10; Mat 21:33; Mar 12:1; Luk 20:9; Joh 15:1

5:2^b 1Sam 2:9; Isa 27:3; Jer 2:21; Mat 21:19, 33; Mar 11:13; Luk 13:6

5:3^c Mat 21:40

5:4^d 2San 36:15; Jer 2:5-7; Mik 6:3-4; Mat 23:37

5:5^e 2San 36:21; Isa 10:6; 28:18; Jer 12:10; Ṭah 1:15; Hos 2:12; Mik 7:10; Mal 4:3; Luk 21:24; Thu 11:2

5:6^f Sem 6:13; Pui 26:32; 2Sam 1:21; 23:6; 2San 36:19-21; Isa 7:23-24; Eze 28:24; Hos 2:12; Joe 1:10; Heb 6:8

5:7^g Sam 80:8-11; Isa 1:21; 3:14; 10:2; Eze 9:9

Hmakhuapihnakpawl le Dāntatnakpawl

8 ^aRam laifangih anmah lawng an cēn thei nak dingih,
Hmun lawng um lo ko,
Inn pakhat le pakhat a pehtu,
Ló le ló a kăwmtupawl cu,
An hmakhua a pit a si!
9 ^bRalkap rualpawlih Jehovah in ka hnatheih ah,
“Thungaiin, inn tampi a ṭhing ding,
Inn tumpi pi le mawi zetzet pawl cu, luahtu nei loin.
10 ^cZiangahtile sabit hmuan eka hra in ^dbath khat rah a suah ding ih,
Thlaici ^ehomer khat in efa khat lawng rah a suah ding,” tiah a ti.
11 ^fZu hmun pan dingah,
Zingpit teih thopawl,
Sabit zu an rîtngah hlanlo
Zan simpi tiangtiang umpawl cu an hmakhua a pit a si!
12 ^gAn puaipawl cu ṭingṭang le lemlawi,
Khuangte le phirivau le,
Sabit zu thawn an hmang,
Asinan Jehovah-ih hna cu an ngaihsak lo ih,
A kutsuak thil an ngaihtuah fawn lo.
13 ^hCuruangah ka mipawl cu dawisuah an si ding,
Ziangruangahtile theihnak an nei lo,
An miupat tlak pawl cu an ṭamsawl ding ih,
An mipipawl cu tihâlin an car ding.
14 ⁱCuruangah Sheol cun a dang a kauter ih,
Tah cawk loin a kâ a ang;
Jerusalem ropitnak le a mipi tam zet le năwmawk dupdonak le,
A sungih năwmcennak cu, cu tawkah an sukthla ding.
15 ^jMitenau cu kûnter a si ding ih,
Miropi cu ningzahter a si ding,
Cule mipuarthau mit khal niamter a si ding.
16 ^kAsinan ralkap rualpawlih Jehovah cu a thuṭhennak ruangah khaisan a si ding ih,
A thianghlim mi Pathian cu dingfelnak ruangah thianghlim a sinak a langter ding.
17 ^lCun tuu fa no pawl cu an tlannak hmun ah tlimno an piat ding ih,
Milianpawlih hmun ṭhing pawl ah cun ram dang mipawl in an ei ding.
18 ^mBumnak hrihrual thawi mawhsualnak dirtupawl le,
Lêng hri thawi sual dirtupawl,
19 ⁿ“Kan hmuh thei nak dingah,
A hna cu ṭuan hlauhhlauh in hmanhmawh seh,
Kan theih thei nak dingah,
Israel-ih Mi Thianghlim thil tum cu ra nai sehla, ra thleng seh,” tiih titupawl cu an hmakhua a pit a si.
20 ^oThil ṭha lo cu thil ṭha ti ih, thil ṭha cu thil ṭha lo titupawl,
Tleu cu thim ih ruat ih, thim cu tleu ih a ruattupawl,
Thil thlum cu thil khâ ih ruat ih, thil khâ cu thil thlum ih ruattupawl cu an hmakhua a pit a si!
21 ^pAnmai mit ih fim pawl le,
Anmai ruahnak ih khawruat thiam pawl an hmakhua a pit a si!
22 ^qSabit zu pham zet pawl cu an hmakhua a pit a si,
Zu va rawităwnnak lamih micakvakpawl khal.
23 ^rNawhthuh ruangih misualrál thiam cohtu le,
Midingfel hnen ihsin diknak lahlotu cu an hmakhua a pit a si!
24 ^sCuruangah meihliau in cangpâwl a kangrál vek le,
Meialh in fang ko a hūlral vekin,
An hram cu a măwt ding ih,
An par mûm cu leivut bangin semhloh an si ding,
Ziangruangahtile ralkap rualpawlih Jehovah-ih Dān cu an rak hnáwng ih,
Israel-ih Mi Thianghlim kamsuakthu cu ziang an siar lo.
25 ^tCuruangah Jehovah-ih thinhengnak cu a mipawl parah a tho,
Anmah dokalhin a kut a hawi ih,
Annihpawl cu a vuak hai,
Cule tlangmûalpawl cu an khūr.
An ruangpawl cu kăwtthler laiah êk bangin an um.
Ziangahtile hi tlukih a tuah hnu khalah a thinhengnak cu a reh cuang lo,
A kut a hawi hrih lai thotho.
26 ^uAnih in hla zetih miphunpawl hrangah thantar a tar ding ih,
Leilung dĕng ihsin an hnenah a hurhuk ding,
Ngai hnik, annih cu rang zetin an ra zurzo ding.
27 ^vAn lakih mi zohman an cau lo ding ih an bah fawn lo ding,
Zohman an sĭng lo ding ih an itthat fawn lo ding,
An tâi ihsin an taikhap a dawr lo ding ih,
An kedam hripawl khal an cat fawn lo ding,
28 ^wAn thál fungpawl cu an hriam ih,
An thál zaten an nawpaw cia ṭheh,
An rangpawlih tínpawl cu ṭêklung vekin an cang reureu ih,
An lêng kepawl cu phusîng vek an si.
29 ^xAn hrûm cu kiosa bangtuk a si,
Kiosa vanglai pawl bangin an hrûm,
Hrûm phahin sa an deh ih,
Zohman ih runsuah lo dingin an thiarhlo.
30 ^yCuih ni ah cun tifinriat hrûm bangin
Amah dokalhin an hrûm ding.
Zo in simaw ram cu thlir hman sehla,
Ngai hnik, thim le riahsiatnak lawng!
Cule tleu cu khawdur in a thimter.

5:8^a Job 20:19; Isa 6:5; Jer 22:13; Mik 2:2; Hab 2:9-12

5:9^b Isa 6:11-12; 22:14; Jer 44:11; Mat 23:38

5:10^c Pui 26:26; Isa 7:23; Eze 45:11; Hag 1:6; 2:16; Zek 8:10

5:10^d bath khat: Kalān ruk hrawng a rit.

5:10^e homer khat: Pung 4 hrawng a si.

5:11^f Thf 23:29; Ths 10:16-17; Isa 28:1, 3, 7-8

5:12^g Job 21:12; 34:27; Sam 28:5; Isa 24:8; Eze 26:13; Amo 6:5-6

5:13^h Job 22:8; Thf 10:21; Isa 1:3; 3:3; 27:11; Hos 4:6

5:14ⁱ Mip 16:30; Thf 30:16; Isa 22:2, 13; Hab 2:5

5:15^j Isa 2:9, 11; 10:33

5:16^k Isa 8:13; 29:23; Eze 36:23

5:17^l Isa 7:25; Mik 2:12; Zef 2:6, 14

5:18^m Isa 59:4-8; Jer 23:14; Hos 11:4

5:19ⁿ Isa 1:4; 60:22; Jer 17:15; Eze 12:22; 2Pe 3:4

5:20^o Sem 18:25; Job 24:13; Amo 5:7; Mat 6:22-23

5:21^p Thf 3:7; Isa 47:10; Rom 12:16; 1Ko 3:18-20

5:22^q Thf 23:20; 31:4; Isa 5:11; 56:12; Hab 2:15

5:23^r Suah 23:8; Sam 94:21; Isa 1:17, 23; 10:1-2; Eze 22:12; Amo 5:12; Mik 3:11; 7:3; Jam 5:6

5:24^s Job 6:10; Isa 1:31; 40:8; 47:14; Nah 1:10

5:25^t 2Sp 22:13; Isa 10:17; Jer 4:8; 6:12; Dan 9:16

5:26^u Dnp 28:49; Isa 7:18; 13:5; Zek 10:8

5:27^v Job 12:18; Isa 22:21; Eze 23:15; Joe 2:7-8

5:28^w 2Sp 2:1; Job 1:19; 39:23; Sam 7:12-13; 45:5; Isa 13:18; 21:1; Eze 26:11

5:29^x 2Sp 17:25; Isa 10:6; Jer 51:38; Mik 5:8

5:30^y Lai 6:2; 1Sam 2:9; Job 21:30; Isa 2:11; Joe 2:10; Luk 21:25

6

Isaiah Kawhnak

1 ^aSiangpahrang Uzziah a thih kum ah, sâng zetih khaisan mi laltokham parih to Bawipa ka hmu, a kâwrfualpi fêm cu temple a khat ṭheh. 2 ^bCumi tlunah ^cserafpawl an ding, thla paruk ciar an nei: an thla pahnih in an hmai an hup fingfing ih, pahnih in an ke an hup fingfing, cule pahnih in an zam. 3 ^dCule pakhat le pakhat an auh-aw ih,

6:1^a Suah 24:10; Mip 12:8; 1Sp 1:19, 22; 2Sp 15:7; Joh 12:41; Thu 1:13

6:2^b Eze 1:5; Thu 4:8

6:2^c serafpawl: Hebru ṭawng a si ih, a sullam cu “a alh mi” tinak a si; vancungmi umdān a relnak a si.

6:3^d Suah 1:7, 16; 15:11; Mip 14:21; Isa 11:9; Mal 1:11; Thu 4:8

“Ralkap rualpawlih Jehovah cu a thianghlim, a thianghlim, a thianghlim;
Leilung pumpi cu a ropitnak in a khat!”

tiah an ti. 4 ^aCule a autuih authâwm ruangah sângka biangpawl an hnîn ṭheh ih, inn cu meikhu in a khat ṭheh.

6:4^a Suah 19:18; Eze 43:5; Thu 15:8

5 ^aCule kei in,

6:5^a Suah 6:12, 30; 33:20; Job 42:5; Isa 24:23; Jer 9:3-8; 51:57; Luk 5:8

“Ka hmakhua a pit a si, ziangahtile ka cemthla a si!
Ziangruangahtile kei cu hmur thiang lo ka si ih,
Hmur thiang lo mipawl lakah ka cêng,
Ziangahtile ka mit in Siangpahrang ka hmu zo,
Ralkap rualpawlih Jehovah cu,”

tiah ka ti.

6 ^aCun caiceh thawi Biakṭheng ihsin a lâk mi meiling a kut ih keng phahin serafpawl lakih pakhat ka hnenah a ra zam. 7 ^bCule ka kâ a run dĕp ih,

6:6^a Pui 10:1; Eze 10:2; Thu 8:3

6:7^b Isa 40:2; 45:25; 53:5-6, 11; Jer 1:9; Dan 10:16; 1Joh 1:7

“Ngai hnik, himi in na hmur a dĕpngah zo,
Na mawhsualnak cu lâkhlo a si zo ih,
Na sual ngaidam a si,”

tiah a ti.

8 ^aBawipaih aw ka thei lala ih,

6:8^a Suah 3:4; Job 40:9; Eze 10:5; Apo 9:4; 26:19

“Zo so ka thlah ding ih,
Zo so kan hrangah a feh ding,”

tiin a au.

Cun kei in, “Hi tawkah keimah ka um! I thlah aw,”

tiah ka ti.

9 ^aCule anih in, “Va feh awla, hi minungpawl hnenah:

6:9^a Isa 43:8; Jer 5:21; Amo 7:15; Mat 28:19; Luk 8:10

‘Ngaithla ringring uh, asinan theithiam hlah uh,
Zoh ringring uh, asinan a sullam cu thei hlah uh,’ tiah sim aw.
10 ^a“Hi minungpawlih thinlung hĭtter awla,
An hna setter aw,
Cule an mit cawter aw,
Cu lo asile an mit in an hmu pang ding ih,
An hna in an thei pang ding,
Cule an thinlung in an theithiam pang ding,
Cun an kirsal ding ih damter an si pang ding,”

6:10^a Suah 4:21; Isa 29:9-13; Eze 12:2; Mar 8:18; Joh 12:40

tiah a ti.

11 ^aCun kei in, “Bawipa, ziangtik tiang so a si ding?” tiah ka ti. Cule anih in,

6:11^a Sam 79:5; Isa 24:10; Jer 4:13; 35:17

“Khawpipawl ṭhing ko le luahtu nei loin an um ih,
Innpawl milai um loin an um ih,
Ram cu a ṭhingngah reprep ih,
12 ^aJehovah in milaipawl hla zetah a ṭhawn ih,
Ram sungah tlansan mi hmun tampi an um hlanlo a si ding.
13 ^bPahra lakah pakhat cu, cu tawkah um hman hai sehla,
An kangrál leh ding,
Cumi cu hau tikih an tawbúl tāng mi, ela thingkung le elon thingkung vek a si.
Ci thianghlim hi a tawbúl cu a si,”

6:12^a Dnp 28:64; Isa 5:5, 9; Jer 4:29

6:13^b Dnp 7:6; 14:2; Job 4:8; 14:7; Isa 1:9; 5:6

tiah i sawn.

7

Immanuel Hminsinnak

1 ^aCule Judah siangpahrang Uzziah-ih fapa Jotham-ih fapa Ahaz san ah hitin a si, Siria siangpahrang Rezin le Israel siangpahrang Remaliah-ih fapa Pekah cu Jerusalem do dingin an hung so, asinan an neh thei lo. 2 ^bCule, “Siria ralkappawl cun Efraim ram sungah ṭanhmun an khuar,” tiin David-ih sungza hnenih sim a si tikah, Ahaz-ih thinlung le a mipawlih thinlung cu thli in thingkungpawl a hninter vekin an hnîn ṭheh.

7:1^a 2Sp 15:25, 37; 16:1; 2San 28:5-6; Isa 1:1; 8:6

7:2^b 2Sam 7:1; Isa 6:4; 7:13; 8:12; 9:9; Dan 5:6; Amo 9:11

3 ^aCun Jehovah in Isaiah hnenah, “Puan sawptuih ló zin ih um, tili sakta tikáwng lu ah, Ahaz hmuak dingin nang le na fapa ^bShear-Jashub cu atu-ah fehsuak uhla, 4 ^ca hnenah, ‘Fimkhur awla, hnangamten um aw, hi thing búl mût pahnih, ^dRezin le Siria le Remaliah-ih fapapawlih thinhengnak maksak ruangah hin zianghman ṭih hlah awla, na bei khal dawng hlah. 5 ^eZiangruangahtile Siria, Efraim le Remaliah-ih fapapawl in nangmah dokalhin thil ṭha lo khua an khâng ih, 6 “Judah hung doin hung cawkbuai uhsi, cule a khaw kulh tisiat uhsi la, an tlunah Tabel-ih fapa hi siangpahrang ṭuanter uhsi,” tiah an ti. 7 ^fCuruangah Bawipa Jehovah in,

7:3^a 2Sp 18:17; Isa 10:21; 36:2

7:3^b Shear-Jashub: Hebru ṭawng a si ih, a sullam cu “A tāngsŭnpawl an kirsal ding” tinak a si.

7:4^c Sem 15:1; Dnp 3:2; Isa 30:15; Amo 4:11; Zek 3:2; Mat 24:6

7:4^d Rezin le Siria: Rezin cu Siria siangpahrang a si. Rezin le Siria ṭih hlah tiih a sullam cu Siria-mipawl le an siangpahrang ṭih hlah tinak a si.

7:5^e Isa 7:2

7:7^f Isa 8:10; 28:18; Apo 4:25-26

“Cuih thu cu a thleng lo ding ih,
A cangsuak fawn lo ding.
8 ^aZiangahtile Siria-ih lu cu Damaskas a si ih,
Damaskas-ih lu cu Rezin a si.
Kum 65 sungah Efraim cu siatbăl a si ding ih,
Cutin miphun a si nawn lo ding.
9 ^bEfraim-ih lu cu Samaria a si ih,
Samaria-ih lu cu Remaliah-ih fapa a si,
Na zum lo ding asile,
Dĭn hngetin na um hrimhrim lo ding,”

7:8^a Sem 14:15; Isa 8:4; 9:11; 17:1-3

7:9^b 2Sp 15:29; 2San 20:20; Isa 8:6-8; 9:9

tiah a ti,’ tiin sim uh,” tiah a ti.

10 Cuihhleiah Jehovah in Ahaz a simsal ih, 11 ^a“Jehovah na Pathian hnen ihsin na hrangah hminsinnak, Sheol tlukih thûk in simaw, van tăwng tlukih sângin simaw dil aw,” tiin a sim.

7:11^a Suah 7:9; Dnp 13:2; 2Sp 19:29; Sam 139:8; Isa 37:30

12 ^aAsinan Ahaz in, “Ka dil lo ding, Jehovah ka hniksak fawn lo ding!” tiah a ti.

7:12^a Dnp 4:34

13 ^aCun anih in, “Maw David-ih sungzapawl, atu-ah ngaithla hnik uh! Milai thinbăngter hi nan hrangah thil tenau men maw a si, ka Pathian thin khal nan bāngter hrih thotho ding maw? 14 ^bCuruangah Bawipa amah rori in hminsinnak a lo pe hai ding: ngai hnik, fala him in fa a vun ding ih, fapa a hring ding. A hmin ah ^cImmanuel, tiah a ko ding. 15 ^dThil ṭha lo hnawn le thil ṭha a hril thiam tikah hnawi hlap le khuai tizu a ei ding. 16 ^eZiangahtile naute in thil ṭha lo hnawn le thil ṭha hril a theih hlanah na ṭih mi siangpahrang pahnih ih ram cu răm a si ding. 17 ^fJudah ihsin Efraim a pâwtsuak ni ihsin a thleng dah lo mi ni cu, nangmah le na mipawl le na paih sungza parah a thlengter ding. Na parah Jehovah in Assiria siangpahrang a run hruai ding,” tiah a ti.

7:13^a Sem 30:15; Isa 1:14; 25:1; 43:24; 61:10

7:14^b Suah 3:12; Isa 8:8, 10; Mat 1:23; Luk 1:31; 2:12

7:14^c Immanuel: Hihi Messiah-ih sinak dinhmun a si, a sullam cu “Pathian kan hnenah a um” tinak a si.

7:15^d Sem 3:15; 18:8; Isa 7:22

7:16^e Dnp 1:39; Isa 8:14; 17:3; Jer 7:15; Hos 5:9, 13; Amo 1:3-5

7:17^f 1Sp 12:16; 2San 28:20; Isa 8:7-8; 10:5-6

18 ^aCule cuih ni ah cun hitin a si ding,
Izip tivapawl dĕngih a um mi thothe le
Assiria ram ih a um mi khuaipawl ko dingin
Jehovah a hurhuk ding.
19 ^bAnnihpawl cu an ra pei ih, hawrkuam lawnglak pawl,
Lungpi khām rang pawl,
Hling bur zate parah le ran tlannak hmuahhmuah ah an zaten an ra fu ding.
20 ^cCuih ni thothoah Zufraṭis tiva ral ihsin Bawipa in sān mi sám ziahnak nâmte,
Assiria siangpahrang hmangin,
Lu le ke hmulpawl a ziat ṭheh ding ih,
Khabe hmul khal a ziathlo ṭheh ding.
21 ^dCuih ni ah cun, mi pakhat in caw la pakhat le tuu kăwp khat a vulh ding;
22 ^eCule hitin a si ding, hnawi tampi an suah ruangah,
Hnawi hlap a ei ding,
Ziangahtile ram ih a tāng mi, mi kip in hnawi hlap le khuai tizu an ei ding.
23 ^fCuih ni ah cun hitin a si ding,
Ngun tangka shekel 1000 a mannak
Sabit hri 1000 a rak um ṭheu nak hmun kip ah,
Hram bûar le hling bur an um thlang ding.
24 Cu tawkah thál fungpawl le thálpawl thawn mi an ra ding,
Ziangruangahtile ram pumpi cu hram bûar le hling bur an si ṭheh ding.
25 ^gCule phaihlai thawi na rak laihnak tlangmûal pauhpauh ah,
Hram bûar le hling bur ṭih ah na feh ngam lo ding,
Asinan caw cang pawl tlannak le,
Tuupawl tlannak hmun ah a cang ding.

7:18^a Isa 2:11; 5:26; 13:5

7:19^b Isa 2:19; 7:24-25; 17:9; Jer 16:16

7:20^c Dnp 28:49; 2Sam 10:4; 2Sp 18:13-16; Isa 8:7; 10:15; 11:15; Jer 2:18

7:21^d Isa 14:30; 27:10; Jer 39:10

7:22^e Sem 18:8; Isa 14:30

7:23^f Sol 8:11; Isa 5:6, 10, 17; 32:13

7:25^g Isa 5:17

8

Jehovah Hmanrua, Assiria

1 ^aCuihtlunah Jehovah in ka hnenah, “Cazual tumpi la awla, a parah milai cafung in ^bMaher-Shalal-Hash-Baz thuhla ngan aw. 2 ^cCule ngankhum dingin ka hrangah theihpitu rinum puithiam Uriah le Jeberekiah-ih fapa Zekariah ka rak hruai ding,” tiah i ti.

8:1^a Dnp 27:8; Job 19:23; Isa 30:8; Jer 20:3; 51:60; Hos 1:4

8:1^b Maher-Shalal-Hash-Baz: Ralthillawn lamah khulrang aw, ralthillawn lamah hmanhmawh aw, tinak a si.

8:2^c Jos 24:22; Rut 4:9; 2Sp 16:10-11, 15-16

3 ^aCun nunau profet hnenah ka feh ih anih in fapa a vun ih a hring. Cun Jehovah in ka hnenah, “A hmin ah ^bMaher-Shalal-Hash-Baz sak aw; 4 ^cziangahtile cuih fapate in, ‘Ka pa,’ asilole, ‘Ka nu,’ tiih kawh hna a thiam hlanah, Damaskas lennakpawl le Samaria-ih ralthillâkpawl cu Assiria siangpahrang in a lahlo ṭheh ding,” tiah i ti.

8:3^a Suah 15:20; Isa 8:1

8:3^b Maher-Shalal-Hash-Baz: Câng 1 simfiangnak zoh aw.

8:4^c Sem 14:15; Isa 7:8, 16

5 Jehovah in ka hnenah,

6 ^a“Hi mipi hin nemteih a luang mi
Shiloah tidai an hnáwng ih,
Rezin le Remaliah-ih fapa ah lungawi aipuangin an um;
7 ^bCuruangah atu-ah, ngai hnik, Bawipa in a khoh zet mi le a cak zet mi Zufraṭis tiva pi a si mi
Assiria siangpahrang le a ropitnak hmuahhmuah in annih cu a khuhter ṭheh hai ding;
A tihriat zate le
A kap zaten cuih tiva pi cun a cimpil ṭheh ding.
8 ^cCuih tiva pi cun Judah tiang a hrut ding,
A luangliam ding ih a hruttlăng vivo ding,
Hngawng tiang hman a thleng ding,
Cule a thla pharh mi cu
Maw ^dImmanuel, na ram kauh zat in a khat ṭheh ding,”

8:6^a Isa 5:24; 7:1; Joh 9:7

8:7^b Jos 3:15; 2San 28:20; Isa 7:20; 10:5; 17:12-13; Dan 11:40; Nah 1:8

8:8^c Isa 7:14; 10:6; 28:15; 30:28; Jer 4:13

8:8^d Immanuel: 7:14 simfiangnak zoh aw.

tiin i simsal.

9 ^aKekkuai ṭheh uh, Maw nannih miphunpawl tla, cip nêknêkin kuai ṭheh uh!
Nan hna tŭn uh, nannih leilung dĕngih um ram hmuahhmuah tla.
Nan tâi ṭawn uh, cu cingin kuai seksek uh,
Nan tâi ṭawn uh, cu cingin kuai seksek uh.
10 ^bThu rawnawkhawm uh, asinan cumi cu hlawhsamter a si ding,
Thu relkhawm uh, asinan a ding khawsuak lo ding,
Ziangahtile Pathian in in umpi a si.

8:9^a Jos 6:5; Job 34:24; Isa 17:12-13; Jer 6:4; Eze 38:7; Joe 3:9; Zek 14:2-3

8:10^b Job 5:12; Thf 19:21; Isa 7:7, 14; Mat 1:23; Rom 8:31

Pathian Ṭihzah Aw

11 ^aZiangahtile Jehovah in huham nasa zet thawn ka hnenah hitin thu a sim, cule hi minungpawlih lamzin ka zawhlonak dingah i khihhmuh:

8:11^a Eze 2:8; 3:14

12 ^a“Hi minungpawlih phiarthupnak an ti mi hmuahhmuah cu,
‘Phiarthupnak,’ ti ve hlah aw,
An ṭihphan mi ṭih fawn hlah awla, na thla khal phâng hlah seh.
13 ^bRalkap rualpawlih Jehovah cu thianghlim ah ruat uh;
Anih cu nan ṭih mi si-aw sehla,
Anih cu a lo thlaphângtertu si seh.
14 ^cAnih cu hmun thianghlim a si ding,
Asinan Israel sungza pahnih hrangah cun,
Tlûknak lung le bahnak lungpi a si sawn ding,
Jerusalem luahtupawl hrangah tháng le sur thang a si ding.
15 ^dCule an lakih mi tampi cu ^ean parah an bah ding,
An tlu ding ih an kekkuai ṭheh ding,
Thang ih awh an si ding ih kaih an si ding,” tiin.
16 ^fTheihpinak hi ṭembĕt aw,
Ka dungthluntupawl lakah dān hi erhpit aw.
17 ^gCule Jakob sungza hnen ihsin a hmai thuptu Jehovah cu ka hngak ding;
Cule amah cu ka ruahsan ding.

8:12^a Isa 7:2; 30:1; 1Pe 3:14-15

8:13^b Suah 20:20; Mip 20:12; Isa 29:23

8:14^c Isa 4:6; 24:17-18; Jer 6:21; Eze 3:20; Rom 9:33; 1Pe 2:8

8:15^d Thf 4:19; Isa 28:13; Rom 9:32

8:15^e an parah: Câng 14 ih lung le lungpi a relnak a si.

8:16^f Rut 4:7; Isa 29:11-12; Jer 32:14; Dan 8:26; 12:4

8:17^g Dnp 31:17; Hab 2:3

18 ^aNgai hnik, keimah le Jehovah ih i pek mi nauhakpawl hi, Zion tlang ih cêng ralkap rualpawlih Jehovah hnen ihsin Israel lakah hminsinnak le mangbangza kan si.

8:18^a Suah 3:12; Dnp 28:46; Eze 4:3; 12:11; Luk 2:34; Heb 2:13

19 ^aCule nan hnenah, “Ṭawng thektho le a phun supso mi thlaraukawh thiam pawl le tinzoh thiam pawl ráwn uh,” an lo ti tikah, mi in an Pathian an ráwn sawn lo ding maw? A nung mi aiah a thi mi an ráwn ding maw? 20 ^bDān le theihpinak thlun ding a si! Hi kamsuakthu bangtukih an rel lo asile, anmah ah tleu a um lo ruangah a si ding.

8:19^a Pui 20:6; Mip 27:21; 1Sam 28:8; Isa 29:4

8:20^b Rut 4:7; Isa 1:10; 9:2; Mik 3:6; Luk 16:29

21 ^aHar zet le ṭamsawlin an fehtlăng ding, cule hitin a si ding, an ril a rawn tikah an ai a thawk ding, cule an siangpahrang le an Pathian an camse ding ih, van an tau ding. 22 ^bCun leilung an zoh ding ih, ngai hnik, buainak le thim, ānhai beidăwnnak an hmu ding; cule annih cu thim lakah dawihlo an si ding.

8:21^a Suah 22:28; Job 18:12; Thu 16:11

8:22^b Job 15:24; Isa 5:30; Joe 2:2; Mat 25:30; Thu 16:10

9

Kan hrangah Naute a Suak

1 ^aCuti si khal sehla vansannak tuartu ram parah nguinak a um nawn lo ding,
Hi hlanah cun Zebulun ram le Naftali ram cu a rak ngainep,
Sikhalsehla lehhnuah cun Jordan tiva ral,
Tipi lamzin ih um,
Miphunpawl umnak Galili a sunlawih ding.
2 ^bThim lakih a rak um mipawl in
Tleu nasa zet an rak hmu;
Thimkhawzing ram ih cêngpawl,
An parah êng a ra suak.
3 ^cMiphun na rak karhter ih,
A aipuannak na pungzaiter;
Rawl khawm aipuan bangtukin,
Ralthillâk an zemawk laiih lungawi aipuangih mi an um bangtukin,
Na hmaiah lungawi aipuangin an um.
4 ^dZiangahtile Midia-mi san laiih na rak tuah vekin
A phurrit hngawngkol na khiahsak,
A liang ih fung,
A palbĕttuih kianghrăwl cu.
5 ^eZiangahtile ral do buainak ih bun mi kedam hmuahhmuah le,
Sinfen thisen kăwp hnuanghni pawl cu,
A kāng ding ih, meisa hrangah mei hliautertu vek a si ding.
6 ^fKan hrangah naute a suak,
Kan hrangah Fapa pek kan si,
Cule uknak cu a liang parah a um ding.
Cule a hmin cu Mangbangza Thurawn petu, Pathian Cak, Kumkhaw Pa, Remnak Lal, tiih kawh a si ding.
7 ^gA uknak le daihnak a kauhdān cu
Cem ti a nei lo ding,
David-ih laltokham par le a lalram tlunah a to ding ih,
Cuih cān ihsin kumkhua tiangin
Thuṭhennak le diknak in a lalram cu a dĭn hnget ding.
Ralkap rualpawlih Jehovah-ih ṭhahnemngainak cun hihi a tuahsuak ding.

9:1^a 2Sp 15:29; 2San 16:4; Job 15:24; Mat 4:15-16

9:2^b Isa 58:8; Mal 4:2; Mat 4:15-16; Luk 1:79; Efe 5:8

9:3^c Suah 15:9; Jos 22:8; Job 12:23; Isa 25:9

9:4^d Lai 7:25; Job 34:24; Isa 37:36-38; Jer 2:20; Eze 30:18; Nah 1:13; Mat 11:30

9:5^e Isa 2:4

9:6^f Sem 3:15; Job 15:8; Mat 28:18; Luk 2:11, 14; Joh 3:16; 14:9-10

9:7^g 2Sam 7:13; Isa 26:11; Jer 23:5; Dan 2:44; Luk 1:32; Joh 12:34

Israel parih Jehovah-ih thinhengnak

8 ^aBawipa in Jakob dokalhin thucah a thlah ih,
Israel parah a tla.
9 ^bEfraim le Samaria luahtu minung zate in an thei ding.
Anmah cu hngal zet le thinlung duhaw zetih ṭawngtu an si.
10 ^cAnnih in, “Tlăkrawhpawl an cim,
Asinan ser mi lungpawl in kan saksal ding,
Sikamor kungpawl cu hauthluk an si,
Asinan sidar thingpawl in kan airawl ding,” tiah an ti.
11 ^dCuruangah Jehovah in Rezin doralpawl kha amah do dingin a cakter ding ih,
A ralpawl a căwktho ding,
12 ^eNisuahnak lamah Siria-mipawl le nitlaknak lamah Filisṭia-mipawl,
Cule annih in kâ ângin Israel cu an eirál ding.
Cuti cing khalin a thinhengnak a reh cuang lo,
Cuhnakin a kut a hawi hrih lai thotho.
13 ^fCuih minungpawl cun anmah vawtu lam an hawi duh lo,
Ralkap rualpawlih Jehovah an hawl duh lo.
14 ^gCuruangah Jehovah in Israel cu a lu le a mei,
Ṭhulhfau hnah le phaipheng pawl thawn ni khat sungah a sattán ding.
15 ^hUpa le upat tlak cu a lu a si,
Thuphan zirhtu profet cu a mei a si.
16 ⁱZiangahtile hi minungpawl in anmah cu an hruai sual ih,
An kaihhruai mipawl cu an hloral ṭheh.
17 ^jCuruangah Bawipa cu an minopawl parah aipuannak a nei lo ding ih,
An pa nei lo pawl le an nuhmeipawl par khalah zahngaihnak a nei fawn lo ding;
Ziangahtile mi kip cu midepde le thil ṭha lo tuahtu an si,
Cule kâ i kip in atthlak thu an rel,
Cuti cing khalin a thinhengnak a reh cuang lo,
Cuhnakin a kut a hawi hrih lai thotho.
18 ^kZiangahtile sualralnak cu meisa vekin a kāng;
Hram bûar le hling bur pawl a kangrál,
Cule ramlak phul a kāng;
Annih cu meikhu sâng takah an cang.
19 ^lRalkap rualpawlih Jehovah-ih thinlingnak hmangin ram cu urkăng a si,
Cule minungpawl cu mei hliautertu vek an si ding,
Zohman in mai unau an zuah lo ding.
20 ^mCule a kut vawrh lam ihta a hlep ding nân,
A ril a râwng thotho ding;
A keh lam ihta a ei ding ih
A khăwpkham cuang lo ding;
Mi kip in anmai bantit an ei ding.
21 ⁿManasseh in Efraim a ei ding ih,
Efraim in Manasseh;
Judah an dotlang ding.
Ziangahtile a thinhengnak a reh lo,
A kut a hawi hrih lai thotho.

9:8^a Dnp 32:2

9:9^b Isa 7:2, 9; 28:1; 46:12

9:10^c Sem 11:3; Mal 1:4

9:11^d Isa 7:8

9:12^e 2Sp 16:6; 2San 28:18; Sam 79:7; Isa 5:25; Jer 10:25

9:13^f Isa 2:3; Jer 50:4; Eze 7:9; Dan 9:13; Hos 3:5; Amo 4:6, 10; Zef 1:6; Hag 2:17

9:14^g Isa 19:15; Thu 18:8

9:15^h Job 13:4; Isa 3:2; 5:13; 28:7; Mat 24:24

9:16ⁱ Isa 3:12; Mat 15:14; 23:16, 24

9:17^j Job 5:4; Isa 1:4; 3:8; Jer 9:21; 18:21; Amo 4:10; 8:13; Mat 12:34; Rom 3:13

9:18^k Dnp 29:23; Isa 1:31; 5:6

9:19^l Job 40:11; Isa 1:31; 3:5; Jer 17:27

9:20^m Job 18:12; Isa 49:26; Zek 11:9

9:21ⁿ 2San 28:6; Isa 5:25; 11:13

10

1 ^aThusuah ṭha lo suahtupawl,
Thutluknak dik lo ngan ringring tupawl,
2 ^bNuhmeipawl thil lâksakin,
Pa nei lo pawl an suam thei nak dingah
Mitlasampawl hnen ihsin thuṭhennak dik lawnsaktu,
Ka minungpawl lakih mifarahpawlih covo lâksaktupawl cu an hmakhua a pit a si.
3 ^cDāntatnak ni ah le,
Hmun hla zet ihsin a ra ding mi siatnak ni ah ziang na tuah ding?
Băwmnak dil dingah zo hnenah so na tlanluh ding?
Cule na neihnunnak teh khuiah so na tān ta ding?
4 ^dThawngtlapawl lakih kun le,
Thah mipawl lakih tlûk ti siarlo cu zianghman a um nawn lo.
Ziangahtile a thinhengnak cu a reh lo,
A kut a hawi hrih lai thotho.

10:1^a Sam 58:2; 94:20; Isa 5:8; 29:21; 59:4, 13

10:2^b Job 6:27; Isa 3:14; 5:23

10:3^c Job 31:14; Isa 20:6; Jer 5:9; 9:9; Luk 19:44

10:4^d Isa 5:25; Ṭah 1:12; Nah 3:3

Mihngal Assiria Dāntatnak

5 ^a“Ka thinhengnak fungfêk, Assiria le
Ka aithawknak kengtu kianghrăwl cu a hmakhua a pit a si.
6 ^bRalthillâk va cuh dingin le ralkaih mi va lăwng dingin,
Kăwtthler ih ciarbêk bangih anmah cīl dingin,
Amah cu Pathian ngaihsak lo miphun do dingin ka thlah ding ih,
Ka thinlingtertu miphun do dingin amah cu thucah ka pe ding.
7 ^cSikhalsehla anih cun cuvek cu a tum lo,
Cuvek cu a thinlung in a ruat fawn lo;
Miphun málte men thah ding si loin,
Va thah ṭheh ding kha a thinlung ah a um sawn.
8 ^dZiangahtile anih cun,
‘Ka bawipawl cu siangpahrang an si thluh lo maw?
9 ^eKalno khua cu Karkemish khua bangtuk a si lo maw?
Hamath khua cu Arpad khua bangtuk a si lo maw?
Samaria khua cu Damaskas khua bangtuk a si lo maw?
10 ^fJerusalem le Samaria ta hnakih ṭhasawn khercawp milimpawl neitu,
Milem betu lalrampawl ka kut ih a hmuhsuah bangin,
11 ^gSamaria le a milempawl parih ka tuahdān bangin,
Jerusalem le a milempawl parah ka tuah ve lo ding maw?’ tiah a ti.”

10:5^a Isa 30:31; Jer 50:23; 51:20; Zef 2:13

10:6^b Lai 6:4; Sam 7:5; Isa 5:29; 9:17

10:7^c Sem 50:20; Mik 4:11-12; Apo 4:23-28

10:8^d Sem 14:5; 2Sp 16:9

10:9^e Sem 10:10; Mip 34:8; 2Sp 16:9; 18:34; 2San 8:4; 35:20; Isa 11:11; Jer 49:24

10:10^f 2Sp 19:17-18

10:11^g Isa 2:8

12 ^aCuruangah hitin a si ding, Bawipa in Zion tlang le Jerusalem parah a hna zaten a ṭuan ṭheh tikah, anih in, “Assiria siangpahrang hngalnak thinlung rah le hngal zetih a mi zohnak cu dān ka tat ding,” tiah a ti.

10:12^a Isa 2:11; 30:31-33; Jer 5:29; 50:18; Eze 28:17

13 ^aCuruangah anih in:

10:13^a Dnp 8:17; 32:26-27; Isa 14:13-14; Eze 28:4; Dan 4:30

“Ka bân thacahnak le ka fimnak in ka tuah,
Ziangahtile kei cu khawruat thiam ka si;
Miphunpawlih ramri khal ka ṭhawn ih an hlawnthil retnakpawl ka suam;
Micak vekin a luahtupawl ka dirtla.
14 ^aVate bu bangin miphunpawlih lennak cu ka kut in a hmusuak ih,
Tān tâk mi vate ti mi in an khawm vekin,
Leilung hmuahhmuah ka rak khawm;
Cule thla zâp pakhat hman an um lo,
Âi dingih kâ ang khal an um lo,”

10:14^a Job 31:25; Isa 37:24-25; Jer 49:16; Oba 1:4; Hab 2:6-11

tiah a ti.

15 ^aHreitlung in thing cehnak ih amah hmangtu tlunah a tluangkhâwng ding maw?
Hluah in thingattu tlunah a titumaw ding maw?
Cuti si ta sehla cu fungfêk in amah hawitu a văikir ih,
Kianghrăwl in thing si lo amah hawitu a văikir a si ding.
16 ^bCuruangah ralkap rualpawlih Jehovah Bawipa in,
A mithaupawl lakah ṭawlnak a thlah ding;
A ropitnak hnuaiah
Meisa kāng bangin
Mei a ur ding.
17 ^cCutin Israel-ih tleu cu meisa dingah a si ding ih,
A Mi Thianghlim cu meialh hrangah;
Cumi cun a kāng ding ih a kangrál ding,
Ni khat thilthu ah a hling bur le hram bûar pawl tla.
18 ^dCule cumi in a tupi le a lóram ṭha pawlih ropitnak cu a kangrál ding,
An nunnak le an taksa a pahnih in,
Annih cu mina ziamral lai vek an si ding.
19 ^eCun a tupi thingpawl lakih a tāngsŭn cu mál takte an si ding ih,
Naute ih hminsin thei fangte an si ding.

10:15^a Isa 10:5; 29:16; 45:9; Jer 51:20; Rom 9:20-21

10:16^b Sam 106:15; Isa 8:7; 10:18; 17:4; Jer 21:14

10:17^c Mip 11:1-3; 2Sam 23:6; Job 41:21; Isa 9:18; Zek 2:5

10:18^d 2Sp 19:23; Isa 10:33-34

10:19^e Isa 17:6; 32:19; Jer 44:28

A Tangsŭn Israel Kirsalnak

20 ^aCule cuih ni ah cun hitin a si ding,
Israel tāngsŭn le,
Jakob sungza a tlânsuak mipawl cun,
Anmah nehtu an rinsansal dah nawn lo ding,
Thutak ah, Israel-ih Mi Thianghlim, Jehovah an rinsan sawn ding.
21 ^bMitangsŭn, Jakob mitangsŭnpawl cu an ra kirsal ding,
A cak mi Pathian hnenah cun.
22 ^cMaw Israel, na mipawl cu, tifinriat vunnel zat si khal hai sehla,
A tāngsŭn lawng an kir ding,
Thusuah mi siatralnak cu dingfelnak in a tuam ṭheh ding.
23 ^dRam sungah ralkap rualpawlih Jehovah Bawipa in thuṭhencatnak a tuah ding.

10:20^a Isa 5:24; 17:7; Jer 21:2; Mik 3:11; Zek 9:16

10:21^b Sem 45:7; Isa 6:13; 7:3; 9:6; Zef 3:13

10:22^c Ezr 1:4; Isa 48:9; Jer 33:22; 40:2; Dan 9:27

10:23^d Isa 6:12; Rom 9:7, 28

24 ^aCuruangah ralkap rualpawlih Jehovah Bawipa in hitin a ti, “Zion ih cêng, Maw ka minungpawl, Assiria-mipawl ṭih hlah uh. Izip tidān vekin fungfêk in a lo thawi ding ih a kianghrăwl a lo hawihnawh ding. 25 ^bZiangahtile a rei hlanah aithawknak a cem ding, an siatralnak dingih ka thinhengnak vekin,” tiah a ti. 26 ^cCule ralkap rualpawlih Jehovah in Oreb lungpi ih Midian-mipawl an thah lai vek khan cu pa hrangah fungfêk a căwktho ding, cutin anih in tipi tlun le Izip ram ih a tidān vekin a hawi ding.

10:24^a Suah 5:14; Sam 87:5-6; Isa 7:4; 12:2; 37:6

10:25^b Isa 17:14; Dan 8:19; Mik 5:6; Hag 2:6

10:26^c Suah 14:16; Isa 9:4; 30:32; 37:36-38

27 ^aCuih ni ah cun hitin a si ding
Na liang ihsin a phurrit lâkhloh a si ding ih
Na hngawng ihsin a hngawngkol lâkhloh a si ding,
Cule hnih mi hriak ruangah hngawngkol cu siatbăl a si ding.
28 ^bAnih cu Aiath khua a thleng zo,
Migron khua a lan;
Mikmash khua ah a bungrua a retṭha.
29 ^cAnnih cu tlang kāwn in an fehliam,
Geba khua ah an riak.
Ramah cu a thla a phâng,
Saul-ih khua Gebeah a zamhlo.
30 ^dNa aw suah aw,
Maw Gallim fanu!
Laish khua tiang theih dingin,
Maw Anathoth na va farah ve!
31 Madmenah khua cu a zamhlo,
Gebim luahtupawl in răwlhimnak an hawl.
32 ^eTuihsun ah anih cu Nob khua ah a tâp hrih ding,
Zion fanuih tlang,
Jerusalem cu a kuttum a hmuh ding.
33 ^fNgai hnik, ralkap rualpawlih Jehovah Bawipa in,
Tuksumzain thing zîk a săwktán ding,
A ṭêk sâng pawl cu sahthlak an si ding ih,
A lăwr hleice pawl cu niamter an si ding.
34 ^gAnih in hrei in tupi sah tak cu a hau ding ih,
Micak Pa ruangah Lebanon a tlu ding.

10:27^a Pui 26:13; Isa 9:4; Jer 30:8

10:28^b Lai 18:21; 1Sam 13:2, 5; 14:2; 17:22

10:29^c Jos 18:24-25; Lai 19:14; Neh 11:31

10:30^d Jos 21:18; 1Sam 25:44; Neh 11:32; Jer 1:1

10:32^e Job 15:25; Isa 16:1; Jer 6:23

10:33^f Suah 12:12; Isa 18:5; Eze 31:3; Amo 2:9

10:34^g Sem 49:24; 2Sp 19:23; Zek 11:2

11

Jessi-ih Hngeṭêk

1 ^aJessi-ih Búlhram ihsin Cerhno a hung suak ding ih,
A hram ihsin Hngeṭêk a cerhsuak ding,
2 ^bAmai parah Jehovah-ih Thlarau a fu ding,
Fimnak le theihthiamnak Thlarau,
Thurawn peknak le cahnak Thlarau,
Theihnak le Jehovah ṭihnak Thlarau cu.
3 ^cA lungsinak cu Jehovah ṭihnak ah a si ih,
A mit ih a hmuhnak zulhin thu a ṭhen lo ding ih,
A hna ih a theihnak zulhin thutluknak a tuah fawn lo ding;
4 ^dAsinan dingfelnak hmangin mifarahpawl thu a ṭhen ding ih,
Dik zetin leilung minunnempawl hrangah thutluknak a tuah ding;
A kâ ih fungfêk in leilung a vaw ding ih,
A hmur ih thaw in misualrálpawl a that hai ding.
5 ^eDingfelnak cu a tai bawr khapnak a si ding,
Rinumnak cu a taikhap a si ding.
6 ^fCinghnia khal tuu fa no zawngah a tláng ding,
Tlavang cu me no zawngah a băwk ding,
Caw pa no le kiosa vanglai le cawm thau mi ran cu an băwktlang ding,
Cule nauhakte in cupawl cu a hruai hai ding.
7 ^gCaw le savâwm hrampi an piattlang ding,
An fa note pawl an băwktlang ding,
Cule caw cang bangin kiosa in cangpâwl a ei ding.
8 ^hHnawi fawp lai naute cu cawngawr kua ah a lek ding ih,
Hnawi thlei zo naute in rulngân bu a pur ding.
9 ⁱKa tlang thianghlim ah cun an tuahmawhaw lo ding ih, an siatsuahaw fawn lo ding,
Ziangahtile tipi in tifinriat a khuh bangin,
Leilung cu Jehovah theihnak in a khat ding.
10 ^jCule cuih ni ah cun miphunpawl hrangih thantar vekih dīngtu ding Jessi-ih Búlhram a um ding;
Ziangahtile miphunpawl in amah an hawl ding ih,
A cawlhnak hmun cu a ropi ding.
11 ^kCuih ni ah cun hitin a si ding,
Assiria ihsin, Izip ihsin, Pathros ihsin, Kush ihsin, Elam ihsin, Shinar ihsin, Hamath ihsin le tifinriat tikulhpawl ihsin tān mi, a minung tāngsŭn pawl la leh dingin,
Bawipa in a vei hnihnak a bân a pharsal ding.
12 ^lMiphunpawl hrangah thantar a tar ding ih,
Israel-mi lakih dawisuak mipawl cu a khawm ding,
Cule leilung kil li ihsin,
Judah-mi lakih a ṭekdarh mipawl cu a fĭnkhawm ding.
13 ^mEfraim-ih iksiknak khal a reh ding ih,
Judah doral cu sahtan a si ding;
Efraim in Judah a iksik lo ding ih,
Judah in Efraim a hnaihnăwk lo ding.
14 ⁿAnnih cu Filisṭia-mipawlih liang par, nitlaknak lamah an zamthla sawn ding;
Nisuahnak lam mipawl an rămtlang ding,
Edom le Moab parah an kut an thlak ding,
Cule Ammon-mipawl in an thu an lung ding.
15 ^oJehovah in Izip Tifinriat ti kĕl a siatsuah verver ding,
A cak zet mi a thlipi hmangin Zufraṭis tiva tlunah a kuttum a hmuh ding ih,
Cumi cu tiva te pasarih cang ko a vaw ding,
Mi in an kedam thawn an paltlăng ding.
16 ^pIzip ram ihsin a hung soh ni ih Israel hrangih a um vek khan,
A nungdam tāngsŭn a mipawl hrangah
Assiria ihsin zinpi a um ding.

11:1^a 2Sp 19:30; Isa 4:2; 6:13; 9:7; 11:10; 27:6; Jer 23:5; Zek 3:8; Thu 5:5; 22:16

11:2^b Isa 42:1; 48:16; 61:1; Mat 3:16; Joh 1:32-33; 1Ko 1:30; 2Ti 1:7

11:3^c Isa 33:6; Joh 2:25; 7:24

11:4^d Isa 3:14; Zek 14:12; Mal 4:6; 2Th 2:8

11:5^e Suah 12:11; Isa 25:1; Efe 6:14

11:6^f Isa 65:25

11:7^g Job 40:15; Isa 65:25

11:8^h Isa 65:20

11:9ⁱ Suah 7:5; Isa 45:6; Jer 24:7; Hab 2:14

11:10^j Isa 11:12; 14:3; 49:22; 62:10; Hag 2:9; Zek 2:5; Luk 2:32; Joh 12:32; Apo 11:18; Rom 15:12

11:11^k Dnp 30:4; Isa 10:9, 20; 24:15; Jer 16:15; Eze 38:8; Hos 11:11; Mik 7:12; Zek 8:7; 10:10

11:12^l Neh 1:9; Isa 14:2; Jer 16:15; Eze 28:25; Zef 3:10; Thu 7:1

11:13^m Isa 9:21; Jer 3:18; Eze 37:16-17, 22; Hos 1:11

11:14ⁿ Mip 24:18; Isa 34:5-6; Jer 48:40; Eze 25:12; Zef 2:8-11; Mal 1:4

11:15^o Sem 41:6; Suah 14:22; Isa 37:25; Jer 50:38

11:16^p Isa 19:23; Jer 50:5

12

Thangṭhatnak Hla

1 ^aCuih ni ah cun nang in,

12:1^a Sam 9:1; 30:5; Isa 25:1; 40:1-2; 54:7-10

“Maw Jehovah, ka lo thangṭhat ding;
Ka parah na thin rak heng khal awla,
Na thinhengnak cu a dai ih, nang in i hnem.
2 ^aNgai hnik, Pathian cu ka runsuahnak a si,
Ka rinsan ding ih ka thla a phâng lo ding;
Ziangahtile ^bYAH, Jehovah cu ka cahnak le ka hla a si;
Anih cu ka rundamnak khalah a ra cang,”

12:2^a Isa 17:10; 26:3-4; Dan 6:23

12:2^b YAH: Jehovah a tawi zawngih kawhnak a si.

na ti pei. 3 ^aCuruangah runsuahnak tikhurpawl ihsin aipuang zetin tidai na khai ding. 4 ^bCule cuih ni ah cun nang in,

12:3^a Suah 15:25; Jer 2:13; Joh 4:10, 14

12:4^b Isa 10:20; Zef 2:11; Mal 1:11

“Jehovah cu thangṭhat uh, a hmin ko uh;
Miphunpawl lakah a thil tipawl thăn uh,
A hmin cu khaisanin a um ti tarlang uh.
5 ^aJehovah hnenah hlasak uh,
Ziangahtile anih cun thil ṭha cungcuang pawl a tuah;
Cumi cu leilung pumpi ah theihter uh.
6 ^bAusuak uhla aipuang zetin au uh, Maw Zion luahtupawl;
Ziangahtile nan lakih um, Israel-ih Mi Thianghlim cu a ropi a si!”

12:5^a Suah 15:1; Sam 98:1; Isa 24:14; 42:10-11; 44:23

12:6^b Isa 1:24; 49:26; 52:9; 54:1; 60:16; Jer 20:13; Eze 39:7; Zef 3:15-17

tiah na ti pei.

13

Babilon Dokalhih Thuphuansuah

1 ^aAmoz-ih fapa Isaiah in Babilon thuhla ih thuphuan a hmuh mi.

13:1^a Isa 1:1; Nah 1:1; Hab 1:1; Thu 14:8

2 ^a“Tlang sâng parah thantar tar aw,
An hnenah na aw ringpin suah aw,
Mizahumpawlih kăwtkapawl an luh thei nak dingah na kut zāp aw.
3 ^bKa serhhran mipawl thu ka pe hai;
Ka thinhengnak hlĕnsuakter dingin khaisan ka sinak ih lungawi aipuangih um, ka micakpawl khal ka ko hai.
4 ^cTlang ih mipi thawmvâng cu,
Mi tampi thawmvâng bangtuk a si!
Umkhawm miphunpawl, lalrampawlih thawmvâng nuaino cu!
Doawknak hrangah ralkap rualpawlih Jehovah in ralkappawl a kokhawm.
5 ^dAnnih, Jehovah le a aithawknak hriamhreipawl cu,
Ram hlatpi,
Van dĕng ihsin
Ram pumpi siatsuah dingin an ra.
6 ^eRâk ciamco uh, ziangahtile Jehovah-ih ni cu a nai a si!
Cumi cu Ziangkimtithei hnen ihsin siatnak ra thleng vekin a ra ding.
7 ^fCuruangah kut zaten a zâwng ding,
Mi kip thinlung a tiral ding ih,
8 ^gAn thin a phâng ding.
Natnakpawl le riahsiatnakpawl in anmah an kaibĕt ding,
Nunau nau hrin nat vekin tuarnak a um ding;
Pakhat le pakhat mak tiin an zohaw ding,
An hmai cu meialh bangtuk a si ding.
9 ^hNgai hnik, Jehovah-ih ni cu a ra thleng,
Ram ṭhingter dingah,
Thinlingnak le thinhengnak nasa zet, siava tak thawn,
Cule cu tawk ihsin misualpawl a hloralter hai ding.
10 ⁱZiangahtile van arsipawl le an arsi rualpawl,
An tleu an suah lo ding;
Ni a ra suah tikah a thim ding ih,
Thlapi in a êng a suah lo ding.
11 ^jLeitlun cu a ṭhatlonak ruangah le,
Misualrálpawl cu an mawhsualnak ruangah dān ka tat hai ding,
Cule mipuarthaupawlih duhawknak ka netter ding ih,
Miṭihnungpawlih uanawknak ka hnûkniam ding.
12 ^kSui ṭha hnakin milai hlú ko ka tuah ding,
Ofir sui thianghlim hnakin milai khal.
13 ^lCuruangah ralkap rualpawlih Jehovah-ih thinlingnak le
A nasa zet mi a thinheng ni ah cun,
Van ka hnîn ding ih,
Leilung cu a hmun ihsin hninter a si ding.
14 ^mCule hitin a si ding, dawi mi sakhi vek le,
Khāltu nei lo tuu vekin,
Mi kip anmai mi hnen cio ah an kir ding ih,
Mi tin anmai ram cio ah an zâm ding.
15 ⁿHawlsuah pauhpauh suntlăng an si ding ih,
Kaih mi kip cu ralnâm in an tlu ding.
16 ^oAn fātepawl cu anmai mithmuh ah parh ṭheh ko hlăwn an si ding;
An innpawl cu răm an si ding ih,
An nupipawl sualpi an si ding.
17 ^p“Ngai hnik, anmah dotu dingah Medes ka căwktho ding,
Annih cun ngun cu ziangah an rel lo ding;
Cule sui khalah lungsinak an nei lo ding.
18 ^qCuihtlunah an thálpawl in tlangvalpawl cu a that ding ih,
Rilrah parah zangfahnak an nei lo ding;
An mit in nautepawl tla an zuah lo ding.
19 ^rCule lalrampawlih mawinak,
Kaldia-mipawl in an tluangkhawnpi, a ropi mi Babilon cu,
Pathian in Sodom le Gomorrah a siatsuah vekin a siatsuah ding.
20 ^sCumi cu zohman in an luah dah nawn lo ding ih,
San hmuahhmuah ah mi an um fawn lo ding,
Arab-mipawl in puanthlam an zar fawn lo ding,
Tuu khāltupawl khal in cu tawkah an tuupawl an băwkter nawn lo ding.
21 ^tNelrawn sahrangpawl cu tawkah an băwk sawn ding ih,
An innpawl ah sumbuhpawl an khat ding;
Kalauk vapawl cu tawkah an cêng ding ih,
Zâtharpawl cu tawkah an lek ding.
22 ^uvRam uipawl cu anmai kulhhnget sungah an bo ding ih,
Cinghniapawl cu anmai siangpahrang inn nuam zet pawl sungah an um ding.
Amai tikcucān a nai zo ih,
Amai cān cu sauter a si nawn lo ding.”

13:2^a Isa 5:26; 10:32; 19:16; 24:12; Jer 50:2; 51:58

13:3^b Job 40:11; Jer 51:11; Joe 3:11

13:4^c Isa 5:30; 17:12; Jer 50:41; Joe 3:14

13:5^d Jos 6:17; Isa 5:26; 7:18; 10:5; 24:1; Jer 50:25

13:6^e Sem 17:1; Isa 2:12; 10:3; 13:9; 34:2, 8; 61:2; Eze 30:2-3; Amo 5:18; Zef 1:7; Jam 5:1

13:7^f Jos 2:11; Isa 19:1; Jer 47:3; Eze 7:17; 21:7; Nah 2:10

13:8^g Isa 21:4; Joe 2:6; Nah 2:10; Joh 16:21

13:9^h Isa 9:19; 13:6; 26:21; Joe 3:2

13:10ⁱ Job 9:7; Isa 5:30; 24:23; 50:3; Eze 32:7; Joe 2:10; Amo 5:20; Mat 24:29; Apo 2:20; Thu 6:12

13:11^j Isa 2:11; 3:11; 11:4; 14:5; 23:9; Jer 48:29; Dan 4:37; 5:22-23

13:12^k Sem 10:29; 1Sp 9:28; Job 28:16; Sam 45:9; Isa 4:1; 6:11-12

13:13^l Job 9:5-6; Isa 2:19; 24:1, 19-20; 34:4; 51:6; Ṭah 1:12; Hag 2:6

13:14^m 1Sp 22:17; Isa 17:13; Nah 3:7; Mat 9:36; Mar 6:34; 1Pe 2:25

13:15ⁿ Isa 14:19; Jer 50:25; 51:3-4

13:16^o Sem 34:29; Mip 16:27; Sam 137:8-9; Isa 13:18; 14:21; Hos 10:14; 13:16; Nah 3:10

13:17^p Thf 6:34-35; Jer 50:9; 51:11; Dan 5:28

13:18^q 2Sp 8:12; 2San 36:17; Isa 14:22; 47:6; Jer 6:23; 50:9

13:19^r Sem 19:25; Dnp 29:23; Isa 1:9-10; 21:9; 47:5; 48:14; Jer 49:18; Dan 4:30; Amo 4:11; Rom 9:29; Thu 18:11-16, 19, 21

13:20^s 2San 17:11; Isa 14:23; 34:10-15; Jer 51:37-43

13:21^t Isa 34:11-15; Jer 14:6; Zef 2:14; Thu 18:2

13:22^u Dnp 32:35; Isa 25:2; 34:14; Jer 48:16

13:22^v Ram uipawl: Cinghnia phun khat an si ih, mirang in Hyena an ti.

14

Jakob parih Zahngainak

1 ^aZiangahtile Jehovah in Jakob parah zahngainak a nei ding ih, Israel cu a hril leh ding, cule anmai bul ram ah umhmun a khuarter ding. Ram dang mipawl in an run fĭn ding ih, Jakob sungza an run kăwp ding. 2 ^bCun anmah kha miphunpawl in an hruai ding ih, anmai ram ah an hruai ding, cule Israel sungzapawl in anmah cu Jehovah-ih ram ah siahhlawh mipa ah le siahhlawh nunau ah an nei ding; ralkaih ih anmah rak hruaitupawl kha ralkaih ah an hruai sawn ve ding ih, anmah palbĕttupawl an uk ding.

14:1^a Sem 18:18; Isa 41:8; Jer 33:26; Zek 10:6

14:2^b Isa 49:23; 60:14; Eze 39:10; Zef 3:19; Zek 2:13

Babilon Siangpahrang Tlûknak

3 ^aNa riahsiatnak, na ṭihphannak le hnaṭuan khunghar zet an lo ṭuanternak ihsin Jehovah in a lo cawlhter ni ah cun hitin a si ding, 4 ^bhi ṭawng ĕl hi Babilon siangpahrang na relhnawh ding ih,

14:3^a Suah 1:14

14:4^b Isa 9:4; 13:1; Mik 2:4; Hab 2:6

“Ziangtin so palbĕttu cu a reh!
Ziangtin so thinsonak cu a reh!
5 ^aJehovah in misualrálpawlih kianghrăwl a khiak,
Uktupawlih siangpahrang kianghrăwl cu;
6 ^bThinlingin minungpawl catbang loin a rak thawi,
Thinhengin miphunpawl a rak uk ih,
Sūpaw loin a rak hrem.
7 ^cLeilung pumpi hi a cawl ih a dai reprep;
Aipuang zetin an ausuak.
8 ^dA si, mirang far thingpawl cu na parah lungawi aipuangin an um ih,
Lebanon sidar khal,
‘Hauthluk na si ihsi thawkin,
Thing hautu zohman kanmah hau dingin an hung so lo,’ an ti.
9 ^eNa rat tikah nangmah lo hmuak dingin hnuai lamih Sheol cu a tha a tho zet,
Na hrangah mithi, leilung lubân zate ih thlarau a căwktho hai,
Miphunpawlih siangpahrang zaten
An laltokham ihsin a thoter hai.
10 ^fAn zaten an lo be ding ih, na hnenah:
‘Kanmah vekin na ṭawnṭai ve zo a simaw?
Kanmah bangtukah na cang zo maw si?
11 ^gNa ropitnak cu Sheol ah dirhtlak a si,
Na tum mi hripawlih aw thawn;
Tholung cu na tăngah an phahaw ih,
Pangāngpawl in an lo khuh,’ tiah an lo ti ding.
12 ^h“Ziangtin so van ihsin na tlak,
Maw deirel arsi, varṭian fapa!
Ziangtin so lei ih sahthlakih na um,
Nang miphunpawl cak lo tertu!
13 ⁱZiangahtile na thinlung in,
‘Van ah ka kaiso ding,
Pathian arsipawl tlunah ka laltokham ka khaisâng ding;
Sak lam a hlatnak bik,
Mipi umkhawmnak tlang parah ka to fawn ding;
14 ^jKhawdur sangpi tlunah ka so ding,
Cungnung Bik vekin ka tuahaw ding,’ tiah na ti.
15 ^kSikhalsehla nang cu Sheol ah namthlak na si ding,
Khur thûknak bik ah cun.
16 ^lA lo hmutupawl in an lo zoh keukeu ding ih,
‘Hi pa hi leilung khūr ko tuahtu,
Lalrampawl hnîntu,
17 ^mRamṭhing vekih leitlun tuahtu le,
A khawpipawl siatsuahtu,
A thawngtlapawl inn ih tlung dingih sângka ăwn duh lo tu kha a si lo maw?’ tiin na thuhla an ruat ding.
18 Miphunpawlih siangpahrang hmuahhmuah,
An zaten, ropi zetin an itthat,
Mi kip anmai thlān fingfing ah;
19 ⁿAsinan nang cu na thlān ihsin hlăwnsuak na si,
Fihnungza hngeṭêk bangin,
Thah mipawlih sinfen bangin,
Ralnâm ih suntlăng mi,
Khur sungih lungtopawl lakih a sukthla mi,
Ke hnuaiih cīl rero mi mithi ruak bangin.
20 ^oAn lakah phumtel na si lo ding,
Ziangruangahtile na ram na siatsuah ih
Na mipawl na that.
Thil ṭha lo tuahtupawlih cithlahpawl cu an hmin hlam an si dah lo ding.
21 ^pAn pupápawlih mawhsualnak ruangah
A fātepawl hrangah mi thattu timlam uh,
Culole an tho ding ih ram an nei pang ding,
Cule leitlun vangdâp cu khawpipawl a khatter thluh pang ding,” tiin.
22 ^q“Anmah do dingin ka păwk ding, tiah ralkap rualpawlih Jehovah in a ti,
Babilon ihsin a hmin le minung tāngsŭn le,
A cithlah le a tefapawl ka sattán ding, Jehovah in a ti.
23 ^rCumi cu sakuh ta ah ka tuah ding ih,
Dum ah ka tuah fawn ding,
Cumi cu siatralnak hmunphiah in ka phiat ding,” tiah ralkap rualpawlih Jehovah in a ti.

14:5^a Sam 125:3

14:6^b Isa 47:6; Hab 1:17

14:7^c Isa 12:6; Jer 50:34; Zek 1:11

14:8^d 2Sp 19:23; Isa 37:24; Eze 31:16

14:9^e Eze 32:21

14:10^f Eze 26:20

14:11^g Mip 16:30; Job 21:26; Isa 51:8; Amo 6:5

14:12^h Eze 26:17; Luk 10:18; Thu 2:28

14:13ⁱ Isa 37:24; Eze 28:2; 2Th 2:4

14:14^j Job 20:6; Dan 11:36; 2Th 2:4

14:15^k Isa 13:6; Jer 51:8, 43

14:16^l Jer 50:23; Hag 2:6, 21

14:17^m Isa 15:6; Jer 50:33; Joe 2:3

14:19ⁿ 2Sp 23:16; Isa 22:16-18; Jer 41:7-9

14:20^o 1Sp 21:19-22; Job 18:19; Isa 1:4

14:21^p Pui 26:39; Mip 16:27-32

14:22^q 2Sam 18:18; 1Sp 14:10; Job 18:17; Isa 13:18

14:23^r Jer 25:12; 50:3; Zef 2:14

Assiria Dokalhih Thuphuansuah

24 ^aRalkap rualpawlih Jehovah in sia a săm,

14:24^a Job 9:3; Isa 7:7; Eze 12:25; Dan 4:35; Apo 4:28

“Ka ruah mi vekin a cangsuak tengteng ding ih,
Ka tumtah vekin a thlengsuak tengteng ding:
25 ^aKa ram sungih Assiria-mi ka khiak ding ih,
Ka tlangpawl ah ka ke hnuaiah amah cu ka cīl ding.
Cun an hnen ihsin a hngawngkol lâksak a si ding ih,
An liang ihsin a phurrit lâksak a si ding,” tiin.
26 ^bHimi cu leilung pumpi dokalhih tumtah mi thu tum cu a si ih,
Himi cu miphun hmuahhmuah tlunih kut hawi mi cu a si.
27 ^cZiangahtile ralkap rualpawlih Jehovah in tumtahnak a rak nei ih,
Zo in so tlawlhter ding?
A kut a hawi ih,
Zo in so lakirter ding.

14:25^a Isa 9:4; 10:12, 24-27

14:26^b Suah 15:12; Isa 23:9

14:27^c Isa 43:13; Jer 49:20; Dan 4:35

Filisṭia Dokalhih Thuphuansuah

28 ^aHimi hi siangpahrang Ahaz thih kum ih thleng, thuphuan a si.

14:28^a 2Sp 16:20; Isa 13:1

29 ^a“Nannih Filisṭia-mi hmuahhmuah tla,
Nanmah lo thawitu fungfêk a kiah ruangah lungawi aipuangin um hlah uh.
Ziangahtile rul búlhram ihsin rulngân a ra suak ding,
Cule a cithlah cu ṭihnungza rulvankâi a si ding.
30 ^bMifarah fatirpawl in an ei ding ih,
Mitlasampawl himten an băwk ding,
Na hrampawl cu mangṭam in ka thiter hai ding ih,
Cumi in na mitangsŭnpawl a that hai ding.
31 ^cRâk ciamco aw, Maw kăwtka! Ṭap aw, Maw khawpi!
Zupral uh, Maw nannih Filisṭia-mi hmuahhmuah tla!
Ziangahtile sak lam ihsin meikhu a ra ding ih,
Mai cān bikhiah cio ah zohman mah te lawng an um lo ding,” tiin.
32 ^dCuih miphunih palaipawl cu ziangtin so an rak sawn ding?
Jehovah in Zion a rak dĭn hnget ih,
A minungpawl lakih mifarahpawl cu cu tawkah an beu ding.

14:29^a Jos 13:3

14:30^b Eze 25:15-17; Zef 2:5; Zek 9:5-6

14:31^c Isa 3:26; 13:6; Jer 1:14; Eze 32:30

14:32^d Isa 37:9; Jam 2:5

15

Moab dokalhih Thuphuansuah

1 ^aMoab dokalhih thuphuan.

15:1^a Sem 19:37; Mip 22:3-6; 2Sp 3:25; Isa 25:10-12

Thungaiten zan ah Moab ram ih Ar khua cu ṭhing ko tuah le siatbăl a si,
Thungaiten zan ah Moab ram ih Kir khua cu ṭhing ko tuah le siatbăl a si.
2 ^aAnih cu hmun sâng ih um temple le Dibon ah ṭap dingin a so.
Moab in Nebo le Medeba a ṭahhnawh ding;
Lu i kip cu kawlh ṭheh a si ding ih,
Khabe hmul kip cu tan a si ding.
3 ^bAn kăwtthlerpawl ah buri hnipuan an thuamaw ding,
An inn lupawl ah le
An kăwtthler ah
Mi kip an râk ciamco ding ih, nasa zetin an ṭap ding.
4 ^cHeshbon le Elealeh an ausuak ding,
An aw cu Jahaz tiangin theih a si ding;
Curuangah ralthuam keng Moab ralkappawl cu an ausuak ding,
A sungih a nunnak cu a khūr ding.
5 ^dKa thinlung cu Moab hrangah a ausuak ding,
A raltlânpawl cu Zoar le Eglath-shelishiyah tiang an tlân ding.
Ziangahtile Luhith so ah ṭap phahin an so;
Ziangahtile Horonaim lamzin ah
Siatralnak auaw an suah.
6 ^eZiangahtile Nimrim tipi a kāng ding,
Thungaiten hram hring a vuaihlo zo;
Hrampi a ro, a hring mi zianghman a um lo.
7 ^fCuruangah an neih mi liangluang le,
An rak sêkkhawm mipawl cu,
Partiam tiva teah an thiarhlo ding.
8 ^gZiangahtile Moab ramri kimvelah authâwm a thang,
Râk ciamco aw cu Eglaim khua tiang le
Râk ciamco aw cu Beer Elim khua lam tiangin.
9 ^hZiangahtile Dimon ti cu thisen in a khat ding,
Ziangruangahtile Dimon parah thil nasa sinsin ka thlengter ding,
Moab ihsin a tlânsuaktu le
A tāngsŭn rammipawl cu kiosa in a bei ding.

15:2^a Pui 21:1, 5; Mip 21:30; 32:38; Isa 13:6; 16:12; Jer 48:37

15:3^b Isa 3:24; 16:9; 22:1, 4; Ṭah 2:11; Eze 7:18; Mik 1:8

15:4^c Mip 21:23; 32:3; Jos 13:26

15:5^d Isa 16:11; Jer 4:20; 48:3, 31, 34

15:6^e Isa 19:5-7; Jer 48:34; Hos 4:3; Joe 1:10-12; Thu 8:7

15:7^f Jer 48:36; Luk 12:20-21

15:8^g Mip 21:16; Eze 47:10

15:9^h 2Sp 17:25; Jer 50:17

16

1 ^aRam uktu hnenah tuu fa no kuat uh,
Sela ihsin ramṭhing zawhin, Zion fanuih tlang ah.
2 ^bZiangahtile cumi cu a bu ihsin dawisuak mi vate vâkvai vek a si ding;
Cuti vekin Moab fanupawl cu Arnon tiva kāi ah an um ding.
3 ^c“Thurawn pek la aw, thuṭhennak tuah aw;
Na thlahlim cu sun laifangah zan bangin tuah aw;
Hnawhsuah mipawl cu thup aw,
A tlânsuak pa kha zuarthlai hlah.
4 ^dMoab-mipawl lak ihsi hnawhsuah mipawl cu na hnenah cêng hai seh;
Siatsuahtu hmaika ihsin an hrangah beunak si aw.
Ziangahtile minēkrawktu cu a cemnetnak a thleng,
Siatnak a cem,
Mi palbĕttupawl khal ram ihsin an hloral verver.
5 ^eLaltokham cu lainat duhdawtnak in dĭn hnget a si ding;
Cule David-ih puanthlam ah cuih laltokham parah rinumnak thawn thuṭhentu a to ding,
Anih cun diknak kengkawhin dingfelnak lamah a khul a rang ding.”
6 ^fMoab hngalzia kan hna in kan thei zo,
Nasa tukin a pawrhaw,
A uanawknak, a hngalnak le a thinlingnak pawl khal;
A pawrhawknak santlailo cu zianghmanlo men a si.
7 ^gCuruangah Moab cu a râk ciamco ding,
Moab-mi hmuahhmuah an râk ciamco ding.
Kir Hareseth sabit car sang per nan ṭah ding;
Thungaiten annih cu vuak an si.
8 ^hZiangahtile Heshbon lópawl cu an car ṭheh ih,
Sibmah sabit hri khal;
Jazer tiangih zâm bān a hnge,
Ramṭhing lamih zâm, hnge cerh thar darhsuak mi in tipi ralkhat tiangih zâm sabit hnge ṭha pawl cu miphunpawlih bawipawl in an cil.
9 ⁱCuruangah Sibmah sabit hri cu ka ṭah ding,
Jazer-ih ṭahin ka ṭah ding;
Maw Heshbon le Elealeh,
Ka mitthli ka lo tawih hai ding;
Ziangahtile nan ṭhal thlairahpawl le nan rawl khawm mi thuhla ah,
Lungawi aipuannak auaw a um nawn lo.
10 ^jPaṭhatnak ló ihsin lungawinak le aipuannak lâkhlo a si;
Sabit hmuanpawl ah hlasak a um lo ding,
Lungawinak auaw khal a um lo ding;
Sabit sawrkhur ah sabit cīltupawl in sabit an cil lo ding;
An aunak ka cemter a si.
11 ^kCuruangah ka thinlung cu Moab ruangah ṭingṭang bangin a awnsal ding ih,
Ka sungril khal Kir Heres ruangah.
12 ^lCule hitin a si ding,
Moab cu hmun sâng pawl ah a so ih, a cau-awter lak men a si;
Anih cu thlacam dingin a hmun thianghlim ah a ra ding;
Asinan a hlawhtling lo ding.

16:1^a Lai 1:36; 1Sam 8:2; 2Sp 3:4-5; 2San 32:23; Isa 10:32

16:2^b Mip 21:29; Lai 11:18; Thf 27:8; Jer 48:20

16:3^c 1Sam 25:4; 1Sp 18:4

16:4^d Isa 9:4; 51:13; 58:7

16:5^e 1Sam 7:16; Thf 20:28; Isa 9:7; Dan 7:14; Mik 4:7; Luk 1:33

16:6^f Pui 26:19; Job 20:6; Jer 48:29-30; Eze 25:8; Amo 2:1; Oba 1:3; Zef 2:10

16:7^g 2Sp 3:25; Jer 48:20, 36-39; Hos 3:1

16:8^h Mip 32:3; Job 8:16; Isa 15:4, 6

16:9ⁱ Mip 32:3; Isa 15:4; Jer 40:10, 12; 48:32

16:10^j Lai 9:27; Job 24:11; Isa 5:2; Jer 48:33

16:11^k Job 30:31; Isa 15:5; Hos 11:8; Fil 2:1

16:12^l 1Sp 11:7; Isa 44:17-18; 1Ko 8:4

13 Himi hi tuih hlanih Jehovah in Moab thuhla a rak sim mi kamsuakthu a si. 14 ^aAsinan atu-ah Jehovah in, “Hlawhfa pa ih kum tiam vekin, kum thum sungah, Moab ropitnak cu a mipi nasa zet hmuahhmuah thawn hmuhsuamin a um ding ih, a tāngsŭn cu mál tuk le ṭawnṭai tuk an si ding,” tiin a sim.

16:14^a Pui 25:50; Isa 21:16-17; 25:10-12; Jer 48:42

17

Siria Dokalhih Thuphuansuah

1 ^aDamaskas dokalhih thuphuan.

17:1^a Sem 14:15; Isa 25:2; Jer 49:23-27; Apo 9:2

“Ngai hnik, Damaskas cu a khawpi sinak ihsin a cem ding ih,
Inn siat penkhawm mi men a si ding.
2 ^aAroer-ih khawpipawl cu tansăn an si;
Annih cu rante rual tlannak an si ding ih,
Cupawl cu zohman in an thlaphângter lo ding.
3 ^bKulh hnget khal Efraim hnen ihsin a cem ding,
Uknak cu Damaskas hnen ihsin,
Cule Siria-mi lakih a tāngsŭn khal;
Cupawl cu Israel tefapawlih ropitnak a ziamral vekin an si ding, tiah ralkap rualpawlih Jehovah in a ti.
4 ^cCuih ni ah cun hitin a si ding,
Jakob-ih ropitnak cu a zawr ding ih,
A titsa thaunak cu a ṭumṭawl ding.
5 ^dCumi cu rawl khawmtu in thlairawl a khawm lai le,
A kut ih a vuipawl a ah lai vek a si ding;
Cumi cu Refaim phaikuam ih
Mi in thlairawl vuipawl a khawm vek a si ding.
6 ^eSikhalsehla olif thing an hnin tikah,
A zim sangbik ih a rah hmin pahnih pathum simaw, a rah bawrnak hnge ah pali panga simaw a tān bangin,
Thlairawl khawm ding mi a lêp a tāng lai,” tiah Israel-ih Pathian Jehovah in a ti.
7 ^fCuih ni ah cun milai in amah Sersiamtu a thlir ding ih,
A mit in Israel-ih Mi Thianghlim a beisei ding.
8 ^gA kutsuak biakṭhengpawl a zoh lo ding,
A kut zung ih a rak tuah mi
Asherah-pawl le rimhmui biakṭhengpawl a upat lo ding.
9 ^hCuih ni ah cun Israel tefapawl ruangih tān ta mi an khawpi hnget pawl cu
Tupi le tlang zim ih tansăn mi hmun vek an si ding ih,
A ṭhing reprep thluh ding.
10 ⁱZiangruangahtile na runsuahnak Pathian na hngilh zo ih,
Na hauhruang Lungpi na ngaihsak lo,
Curuangah kung duhum taktak phunin,
Ram dang ta sabit hnge phun khal awla,
11 ^jNa phun ni ah ṭha zetin na kulh ih,
A thaizing ah na thlaici cerhno suahter hman awla,
Thinnatnak le a nasa zet mi riahsiat ni ah cun
Rah sĕngkhawmnak cu siatnak penkhawm a si ding.
12 ^kTifinriat hûk durdo bangih hûk miphun tam zet le,
Tipi lian nasa tak thâwm durdo luang awn bangih thâwm neitu miphunpawl cu an hmakhua a pit a si!
13 ^lMiphunpawl cu tipi lian nasa tak bangin an thâwm durdo ding;
Asinan Pathian in annih cu a kawk hai ding ih hlapi ah an tlanhlo ding,
Cule tlang ih thli hmaiih fāng hi bang le,
Phusîng hmaiih leivut bangin sempĕt an si ding.
14 ^mCun ngai hnik, zan lamah buainak a thleng!
Cule zing khawvan hlanah annih cu an um nawn lo.
Hihi kanmah rămtupawlih covo a si ih,
Kanmah suamtupawl ih co mi cu a si.

17:2^a Dnp 2:36; 2Sp 10:33; Isa 27:10; Jer 7:33; Eze 25:5; Zef 2:6

17:3^b Isa 7:8; Amo 1:3-5

17:4^c Isa 2:11; 10:16

17:5^d Jos 18:16; Jer 51:33; Joe 3:13; Mat 13:30

17:6^e Dnp 4:27

17:7^f Isa 2:11; 12:6; 22:11; Hos 3:5

17:8^g Dnp 16:21-22; Lai 3:7; 2San 32:19; Isa 2:8, 18, 20; Jer 10:1-16; Thu 9:20

17:9^h Isa 7:19

17:10ⁱ Sem 49:24; Sam 18:1-2; Isa 51:13; Jer 2:32; Eze 22:12; Hos 8:14

17:11^j Job 4:8; Hos 8:7; Joe 1:11; Hag 1:6

17:12^k Isa 41:11; Luk 21:25

17:13^l Job 21:18; Sam 2:1-10; Isa 2:22; 40:15, 17; Dan 2:35

17:14^m 2Sp 19:35; Sam 37:35-36; Isa 29:5

18

Kush Dokalhih Thuphuansuah

1 ^aKush tivapawl ralkhat ih a um mi thla zâp awn phuppho ram cu
A hmakhua a pit a si,
2 ^bTipi parih phaipheng lăwngpawl hmangin
Tifinriat lamzin in palai thlahtu cu.
A rang zet mi palaipawl tla,
Miphun khān sâng le vun nonal pawl,
Ram hla le ram nai ih umpawl ih ṭih mi,
Miphun thiltithei le mi palthlukhmang,
Tiva pi pawl ih an ram a ṭhensak mi minungpawl hnenah feh uh.
3 ^cLeitlun luahtupawl le leilung tlunih cêngpawl zaten:
Tlangpawl parih thantar a tar tikah, zoh uhla,
Tuu pa ki a phawt tikah, ngai uh.
4 ^dZiangahtile Jehovah in ka hnenah,
“Ni tlan cān ih khawsa lutuk zoh bangin le,
Rawl khawm khawsat cān ih khawdur zoh bangin,
Ka cēnnak hmun ihsin daiten ka thlir ding,” tiah i ti.
5 ^eZiangahtile rawl khawm hlanah, par mûm a cût tikah le,
A par a hung rah tikah,
Anih in a cerhte te pawl cu favah in a hlep ding,
Cule a hngeṭêk zampawl khal a lahlo ding ih a sattán ding.
6 ^fCupawl cu tlang ih sa ei vatepawl le
Leilung ramsapawl hrangah tānkhawm an si ding;
Sa ei vatepawl in ṭhal ah cucu an tlān ding ih,
Leilung ramsapawl in cucu thlatang ah an tlān ding.
7 ^gCuih cān ah miphun khān sâng le vun nonal pawl,
Ram hla le ram nai ih um mipawl ih ṭih mi,
Miphun thiltithei zet le mi palthlukhmang pawl,
Tiva pi pawl in an ram a ṭhensak mi minungpawl hnen ihsin
Ralkap rualpawlih Jehovah hmin umnak hmun,
Zion tlang ah,
Ralkap rualpawlih Jehovah hnenah laksawng an rak keng ding.

18:1^a Eze 29:10; 30:4; Zef 3:10

18:2^b Sem 10:8-9; Suah 2:3; 2San 12:3; Job 9:26

18:3^c Jos 6:20; Lai 3:27; 2Sam 20:1; Isa 5:26; Jer 4:21

18:4^d Isa 26:21; Hos 5:15; Mik 1:3

18:5^e Isa 10:33; 17:10-11; Eze 17:6

18:6^f Isa 37:36; 56:9; Jer 7:33; Eze 32:4; Thu 19:17, 21

18:7^g 2San 9:24; Isa 60:6-7; Hab 1:7

19

Izip Dokalhih Thuphuansuah

1 ^aIzip dokalhih thuphuansuah.

19:1^a Suah 12:12; Dnp 10:14; Jos 2:11; 2Sam 22:10; Jer 44:8; Joe 3:19; Thu 1:7

Ngai hnik, Jehovah cu a rang zet mi khawdur parah to-in,
Izip ah a ra ding;
A hmaiah Izip milempawl an khūr thlauhthlo ding ih,
Izip-mipawlih thinlung cu a sungah a zupral ding.
2 ^a“Izip-mipawl le Izip-mipawl ka doawter hai ding,
Mi kip in anmai unau an do ding ih,
Mi kip in anmai innhnen an do ding,
Khawpi le khawpi, lalram le lalram an doaw ding.
3 ^bIzip-mipawlih thinlung cu a sungah a bei a dawng ding,
An thurawn pek ka buaiter ding ih,
Annih in milempawl le dawithiampawl, thlaraukawh thiam pawl le polpawl an ráwn ding.
4 ^cCule mihrohrang zet bawi kut ah,
Izip-mipawl ka pe ding ih,
Anmah cu siangpahrang kawlhsen zetin a uk hai ding,”
Ralkap rualpawlih Jehovah Bawipa in a ti.
5 ^dTifinriat a kāng ding,
Cule tiva pi a kāng ding ih a car ṭheh ding.
6 ^eTiva pi pawl an rim a se ṭheh ding,
Kilvenawknak tiva te pawl an kāng ding ih, an car ṭheh ding,
Câlte rûl le phaiphengpawl an vuai ding.
7 ^fNâl tiva pi kap, Nâl tiva pi suah roriih a um mi phŭkpawl le,
Nâl tiva pi kapih thlai cīnnak ló zaten,
An vuai ding, semhloh an si ding ih, an um nawn lo ding.
8 ^gNga kaitupawl khal riahsiain an ṭap ding;
Nâl tiva pi sungih sio thlatu zaten lungzûrin an ṭap ding ih,
Tipi parih sur vawrhtupawl an bei a dawng ding.
9 Cuihhleiah pat zai fêmte hmangih puan nem páte tuahtupawl le
Puan var tahtupawl an ning a zak ding;
10 Cule a ṭhuampawl cu an kiak ding.
Hlawhawtu zaten an nun a buai ding.
11 ^hThungaiten Zoan-ih bawipawl cu mi-â an si;
Faro-ih thurawn petu mifim pawl in atthlakza thurawn an pe.
Ziangtin nannih in Faro hnenah, “Keimah cu mifim fapa ka si,
Khuahlan siangpahrangpawlih fapa ka si,” nan ti thei?
12 ⁱCuti asile khuiah so na mifimpawl cu?
Atu-ah lo sim hai sehla,
Ralkap rualpawlih Jehovah in Izip dokalhin ziang a tum ti thei hai seh.
13 ^jZoan-ih bawipawl cu mi-â ah an rak cang,
Nof-ih bawipawl cu bumin an um;
Annih in Izip cu an hruai sual fawn,
An hnám sutpibănpawl cun.
14 ^kJehovah in an lakah buainak lungput a burh;
Cule zu ri pa amai luak ih a hâwr rero vekin,
Annih in Izip cu a thil ti hmuahhmuah ah an hruai sual.
15 ^lIzip lu in siseh, a mei in siseh,
Ṭhulhfau hnah in siseh, phaipheng in siseh,
A tuah thei mi zianghman a um lo ding.

19:2^a 2San 15:6; Mar 13:8; Luk 21:10

19:3^b Pui 19:31; 1San 10:13; Job 5:12; Isa 47:13; Dan 2:2

19:4^c Isa 20:4; Jer 46:26; Eze 29:19

19:5^d Isa 44:27; Jer 51:36; Eze 30:12

19:6^e Suah 2:3; 7:18; Job 8:11; Isa 37:25; Eze 30:12

19:7^f Mip 11:5; Isa 23:3; Eze 30:12; Zek 10:11

19:8^g Mip 11:5; Eze 47:10; Hab 1:15

19:11^h Mip 13:22; 1Sp 4:30; Sam 78:43; Apo 7:22

19:12ⁱ Isa 14:24; Rom 9:17; 1Ko 1:20

19:13^j Mip 13:22; Jer 2:16; Hos 9:6

19:14^k 1Sp 22:20-23; Isa 28:7-8; 29:9-10

19:15^l Isa 9:14-15

16 ^aCuih ni ah cun Izip-mipawl cu nunau bangtukah an cang ding ih, ralkap rualpawlih Jehovah in a kut a văi mi, an tlunih a văi mi ruangah an lung a phâng ding ih an ṭih ding. 17 ^bCule Judah ram cu Izip hrangah mirâptu a si ding; ralkap rualpawlih Jehovah in tuah a tum mi, Izip dokalhih a tuah tum mi ruangah, Judah hmin sāl theitu pauhpauh cu an thin a phâng ding.

19:16^a Dnp 2:25; Jer 50:37; Nah 3:13; Heb 10:31

19:17^b Sem 35:5; Isa 14:24; Dan 4:35

18 ^aCuih ni ah cun Izip ram ih khawpi panga cu Kanaan ṭawng an hmang ding ih, ralkap rualpawlih Jehovah hmin in sia an săm ding; khawpi pakhat cu ^bSiatralnak Khawpi tiah an ko ding.

19:18^a Dnp 10:20; Isa 45:23-24; Zef 3:9

19:18^b Siatralnak Khawpi: Siatralnak ti ṭawngfáng hi ni sa ti khalih leh a si. Cuti asile Ni Khawpi tinak a si thei.

19 ^aCuih ni ah cun Izip ram sungah Jehovah hrangah Biakṭheng a um ding ih, a ramri ah Jehovah hrangah ṭhuam a um ding. 20 ^bCule cumi cu Izip ram sungah ralkap rualpawlih Jehovah hrangah hminsinnak le theihpinak a si ding; ziangahtile palbĕttupawl ruangah Jehovah an auh ding ih, anih in an hrangah Rundamtu le Humhimtu a thlah ding, cule anih in anmah cu a run ding. 21 ^cCun Jehovah cu Izip ih theih a si ding ih, cuih ni ah cun Izip-mipawl in Jehovah an thei ding, cule raithawinak le thilhlăn thawn Pathian an be ding; a si, Jehovah hnenah thutiam an tuah ding ih, cumi cu an hlensuak fawn ding. 22 ^dCule Jehovah in Izip a thawi ding, a thawi ding ih a damter ding; annih cu Jehovah hnenah an hawikir ding, cule amah in a ngaihsak hai ding ih a tidam ding.

19:19^a Sem 28:18; Dnp 10:20; Jos 22:10

19:20^b Lai 2:18; 1Sam 25:9; Isa 45:21

19:21^c Mip 30:2; Dnp 23:21; Zek 14:16-18; Mal 1:11

19:22^d Eze 33:11; Hos 6:1; Joe 2:13; Heb 12:11

23 ^aCuih ni ah cun Izip ihsin Assiria ah zinpi a um ding, cule Izip ah Assiria-mipawl an ra ding ih, Assiria ah Izip-mipawl an ra ding, cule Izip-mipawl cu Assiria-mipawl thawn Jehovah an betlang ding.

19:23^a Isa 2:3; 11:16; Mik 7:12

24–25 ^aCuih ni ah cun Israel cu Izip le Assiria zawngah pathum lakih pakhat a si ding ih, “Ka miphun Izip le ka kutsuak Assiria le ro ih ka co mi Israel cu thlawsuah si hai seh,” tiih ralkap rualpawlih Jehovah in a pek mi thlawsuah cu leilung parah a um ding.

19:24-25^a Sem 12:2-3; Dnp 32:9; Hos 2:23; Isa 11:11

20

Izip le Ethiopia Dokalhih Thuphuansuah

1 ^aAssiria siangpahrang Sargon ih thupek in Ashdod ah ralbawipi a ra ih, Ashdod cu a do ih a la. 2 ^bCulaifangah Jehovah in Amoz-ih fapa Isaiah hnenah, “Feh awla na tâi ihsin buri hnipuan hlit aw, cule na ke ih na kedam phawih aw,” tiah a sim. Cule cutin a tuah, taklawng le kelawng in a vâk rero.

20:1^a Jos 11:22; 2Sp 18:17

20:2^b 1Sam 19:24; 2Sp 1:8; Mik 1:8

3 ^aCun Jehovah in, “Izip le Kush dokalhtu hminsinnak le mangbangza hrangah kum thum sung taklawng le kelawngih feh ka siahhlawh Isaiah vekin, 4 ^bThawngtla Izip-mipawl le ralkaih Kush-mipawl cu nauhak le upa ti loin, taklawng, kelawng le tawlangin, Izip mualphonak dingah Assiria siangpahrang in a hruaihlo hai ding. 5 ^cCun an ruahsan mi Kush le an tluangkhawnnak Izip parih thil thleng mi ruangah an thla a phâng ding ih an ning a zak ding. 6 ^dCule cuih cān ah cun hi tipi kap tluan luahtupawl in, ‘Ngai hnik, Assiria siangpahrang hnen ihsin in runsuakin in bawmtu ding tiih kan ruahsan mi le an hnenih kan rak tlanluhnakpawl parih thil cang mipawl hi! Ziangtin so kannihpawl hi kan tlansuah thei ding?’ an ti ding,” tiah a ti.

20:3^a Sem 10:6; Isa 8:18; 18:1; 37:9; Jer 7:25

20:4^b Isa 19:4; Jer 46:19; Hos 2:3; Nah 3:5, 10

20:5^c 2Sp 18:21; Isa 30:3-5; Eze 29:16

20:6^d 1Sam 30:15-17; 2Sp 18:21; Isa 30:7; Mat 23:33; 1Th 5:3; Heb 2:3

21

Babilon Tlûknak ding Thuphuansuah

1 ^aTifinriat kapih ramṭhing dokalhih thuphuansuah.

21:1^a Isa 13:1; 14:23; Jer 51:42; Dan 11:40; Zek 9:14

Phusîng in Negev a hrut bangin,
Cumi cu tuksumza ram, nelrawn ihsin a ra.
2 ^aLarnak rapthlak tak cu ka hnenah thăn a si.
Hrăwkhrawl zetih titu cun hrawkhrâwl zetin a ti ih,
Mi rămtu cun mi a răm.
Hung so aw, Maw Elam!
Kulhkhŭm aw, Maw Media!
A mi aihramternak zaten ka rehter zo.
3 ^bCuruangah ka êl a na ṭheh;
Nunau in fahrin nat a tuar bangin ka nâ thluh.
Hna in cumi ka theih tikah vansangin ka um;
Cumi ka hmuh tikah, ka thla a phâng.
4 ^cKa lung a phu dukdo, ṭihphannak in i lâuter;
Ka hngakhlap zet mi zan cu ka hrangah ṭihphannak ah a cang.
5 ^dCabuai timtuah uh,
Pher phah uh,
Ei uhla in uh.
Nannih ralbawipawl tho uh,
Ralphaw kha hriak thih uh!
6 ^eZiangahtile hitin Bawipa in,
“Feh aw, ralvengtu ret aw,
Anih in a hmuh mi cu thăn seh.
7 ^fCule rang lêngpawl, rang ralkap a kăwp a kăwpin,
Lākto thiam pawl, kalaukto thiam pawl a hmuh tikah,
Ralringten ngunngaih zetin ngaithla seh,” tiah ka hnenah i sim a si.
8 ^gCun ^hkiosa vekin a ausuak ih, “Bawipa, sun ah ral vennak dăwnsang ah ka ding ringring;
Zan tin ka kilnak hmun ah ka um.
9 ⁱCule zoh hnik, rang lêngpawl, rang ralkappawl a kăwp a kăwpin an rat khi!” tiah a au.
Cun anih in a sawn ih,
“A tlu e, a tlu e, Babilon cu!
A pathianpawlih khercawp milim zaten lei ah khuai ṭheh an si,” tiah a ti.
10 ^jAw, hruih hmun ih cīl mi ka thlairawl tla!
Israel-ih Pathian, ralkap rualpawlih Jehovah hnen ihsin ka hna ih ka theih zo mipawl na hnenah ka thăn a si.

21:2^a Sem 10:22; Isa 33:1; Jer 25:25

21:3^b Sam 48:6; Isa 13:8; 26:17; Jer 30:6; Joh 16:21

21:4^c Dnp 28:67; Sam 55:5; Dan 5:9

21:5^d 2Sam 1:21; Isa 5:12; Jer 46:3; 51:39, 57; Dan 5:2

21:6^e 2Sp 9:17-20

21:7^f Lai 6:5

21:8^g Sam 127:1; Hab 2:1

21:8^h kiosa vekin a ausuak: Hebru Masoretic text ah “Kiosa vekin a ausuak” asilole “ ‘Kiosa’ tiah a ausuak” tin a um. Dead Sea Scroll cun “ralvengtu.” Hebru ṭawng ah “ralvengtu” ti le “kiosa” ti hi a bangaw zet.

21:9ⁱ Isa 13:1; Jer 50:2; 51:8; Thu 14:8

21:10^j Jer 51:33; Mik 4:13; Mat 3:12

Edom Dokalhih Thuphuansuah

11 ^aEdom dokalhih thuphuansuah cu.

21:11^a Sem 25:14; 32:3

Seir ihsin mi pakhat in i ko ih,
“Ralvengtu, zan hi ziangtik tiang so a thlen zo?
Ralvengtu, zan hi ziangtik tiang so a thlen zo?” tiah i ti.
12 Ralvengtu in, “Zing khua a hung vâng ih, zan a rung thleng.
In suh duh asile, in sut uh;
Ra kirsal uh!” tiah a ti.

Arabia Dokalhih Thuphuahsuah

13 ^aArabia dokalhih thuphuansuah.

21:13^a Sem 10:7; Jer 25:23-24

Maw nannih Dedan-mi khualtlawng miburpawl,
Arabia phul lakah zan nan cām ding.
14 ^aMaw Tema ram luahtupawl,
Tihâl mi hnenah tidai rak keng uh;
Raltlânpawl cu sang thawn rak hmuak uh.
15 ^bZiangahtile annih cu ralnâm lak ihsin, phawi cia ralnâm lak ihsin,
Thál nawp cia lak ihsin le ral donak ṭihnungza lak ihsin an rung tlânsia a si.

21:14^a Sem 25:15

21:15^b Isa 13:14-15; 31:8

16 ^aZiangahtile hitin Bawipa in ka hnenah, “Hlawhfa kum siar zulhin, kum khat sungah, Kedar-ih ropitnak zaten a hlo ṭheh ding; 17 ^bcule a tāng mi thálsai thiam pawl, Kedar-mi miralṭhapawl cu an mál vivo ding; ziangahtile Israel-ih Pathian Jehovah in cumi cu a sim zo a si,” tiah i ti.

21:16^a Sem 25:13; Isa 16:14

21:17^b Mip 23:19; Isa 1:20

22

Jerusalem Dokalhih Thuphuansuah

1 ^aLarnak phaikuam dokalhih thuphuansuah.

22:1^a Jos 2:8; Isa 15:3; Jer 48:28

Ziangah so maw inn tlun khuh parih nan kai ṭheh,
2 ^aThawmvâng thawi a khat mi,
Khawpi hlung dupdo, aw nang khawpi aipuang?
Na thah mipawl cu ralnâm ih thah an si lo,
Ral donak hmun ih thi khal an si fawn lo.
3 ^bNa uktupawl hmuahhmuah cu an zâmtlang ṭheh;
Annih cu thál tel loih kaih an si.
Annih cu hmun hlapi ah rak tlân khal hai sehla,
Na sungih kaih mi hmuahhmuah cu an ṭemkhawm ṭheh.
4 ^cCuruangah kei in, “In hawisan uh,
Nasa takin ka ṭap ding;
Ka mipawlih fanu rămnak ruangah cun,
In hnem dingin ṭanla duh hlah uh,” tiah ka ti.
5 ^dZiangahtile larnak phaikuam ah
Buainak le palbĕtnak le mangbangnak ni cu ralkap rualpawlih Jehovah Bawipa hnen ihsin a ra thleng,
Khaw kulhpawl cimternak le tlang lamih aunak ni cu.
6 ^eRang lêng mâwngtupawl le rang ralkappawl zawngah,
Elam in thál fung bawm a keng;
Cule Kir in ralphaw tuamnak a phawrh cia.
7 ^fHitin a si ding, na phaikuam ṭhabik pawl cu
Rang lêngpawl in a khat thluh ding ih,
Rang ralkappawl cu kăwtsuah ah tiar cia in an tlaraw ding.
8 ^gAnih in Judah kilhimnak cu a ṭhawnhlo.
Cuih ni ah cun nang in tupi inn ih ralthuam na rak cuan;
9 ^hDavid-ih khawpi kulh siatnak zawn cu a tam ti na hmu fawn,
Cule hnuaita sawn tili ti cu na khawlkhawm.
10 ⁱJerusalem ih innpawl na siar ih,
Khaw kulh hngehternak dingah, innpawl cu na ṭhiatbăl.
11 ^jTili hlun ti hrangah khaw kulh pahnih karlakah tikhawlnak na tuah fawn.
Asinan a sersiamtu pa cu na rak ngaihsak lo ih,
Hlanlaipiih cumi a rak ruahmantu khal na upat fawn lo.
12 ^kCule cuih ni ah cun ralkap rualpawlih Jehovah Bawipa in
Ṭap ding le sūn dingin,
Lu ziatkawlh ding le buri hnipuan veng dingin a lo ko.
13 ^lNgai hnik, cumi aiah aipuannak le lungawinak,
Caw cang pawl thatin le tuupawl thatin,
Sa eiin le sabit zu inin nan um:
“Ei uhsi la in uhsi, ziangahtile thaisun ah kan thi ding!” tiah nan ti.
14 ^mCun ralkap rualpawlih Jehovah in cumi cu ka hnenah a phuang,
“Hi mawhsualnak hrangah na thih tiang khal sualkhuhthawinak na hrangah a um hrimhrim lo ding,” ralkap rualpawlih Jehovah Bawipa in a ti.

22:2^a Isa 32:13; Ṭah 1:1

22:3^b 2Sp 25:4-7; Isa 3:1-4

22:4^c Isa 15:3; Jer 9:1; Ṭah 1:16; Eze 21:6; Luk 19:41

22:5^d Neh 1:3; Isa 5:5; 10:6; Jer 30:7; Eze 13:14; Zef 1:15

22:6^e Sem 10:22; 2Sp 16:9; Isa 21:2

22:7^f Jos 15:8; 2San 32:1-2

22:8^g 1Sp 7:2; 10:17

22:9^h 2Sp 18:17; Neh 1:3

22:10ⁱ 2San 32:5; Jer 33:4

22:11^j 2Sp 19:25; 25:4; Jer 39:4

22:12^k Pui 13:40; Isa 3:24; Joe 1:13; Mik 1:16

22:13^l 1Sam 25:36; Isa 5:22; 21:5; Luk 17:26-29; 1Ko 15:32

22:14^m 1Sam 2:25; 3:14; Isa 5:9; Eze 24:13

Shebna parih Dāntatnak

15 ^aRalkap rualpawlih Jehovah Bawipa in hitin a ti:

22:15^a 2Sp 18:18; Isa 37:2

“Ra awla, hi sum kiltu hnenah feh aw,
Siangpahrang sungkua hotu Shebna va pan awla:
16 ^a‘Hi tawkah thlān na virh,
Hmun sâng ah thlān na virh ih,
Mai hrangih lungpi lakih cēnnak hmun na kher hi
Ziang thuneihnak so na neih ih,
Hi tawkah zo so na neih?
17 ^bNgai hnik, Jehovah in rapthlak takin a lo hlăwnhlo ding,
Maw minung,
Cule a lo kai hnget ding.
18 ^cNasa takin a lo herh rero ding ih thil hlûm bangin
Ram kaupi sungah a lo deng ding;
Cu tawkah na thi ding, cu tawkih na rang lêng ropi pawl khal,
Nang cu na Bawipaih inn hrangah ningzahnak na si.
19 ^dCutin na hnaṭuan ihsin ka lo dawisuak ding ih,
Na dinhmun ihsin ka lo nâmthla ding.
20 ^eCun cuih ni ah cun hitin a si ding,
Hilkiah-ih fapa ka siahhlawh Eliakim ka ko ding,
21 ^fAmah cu na kâwrfual ka hruhter ding ih,
Na taikhap in amah cu ka cakter ding;
A kut ah na thuneihnak ka pe ding.
Amah cu Jerusalem luahtupawl le
Judah sungza hrangah pa a si ding.
22 ^gDavid-ih sungza tawhfung cu a liang parah ka ṭhum ding;
Cule a ăwn mi cu zohman in an khar lo ding;
Cule a khar mi cu zohman in an áwng lo ding.
23 ^hHmun him ih kilhbĕtnak vekin anih cu ka hngetter ding ih,
Anih cu a paih sungza-ih laltokham ropi ah a cang ding.

22:16^a 2San 16:14; Mat 27:60

22:17^b Jer 10:18

22:18^c Sem 41:43; Isa 17:13

22:19^d 1Sam 2:7; Luk 16:3

22:20^e 2Sp 18:18; Isa 36:3

22:21^f Isa 5:27

22:22^g 1San 9:27; Job 12:14; Isa 9:6; Mat 16:19; Thu 3:7

22:23^h 1Sam 2:7-8; Ezr 9:8; Job 36:7; Zek 10:4

24 ‘Annih in a paih sungza ropitnak zate, a tefapawl le a cithlahpawl, bungbel tenau zate, nopawl ihsin thâwlpawl hmuahhmuah tiangin a parah an thlai ṭheh ding. 25 ^aCuih ni ah cun ralkap rualpawlih Jehovah in, Hmun him ih kilhbĕtnak hrĕn hnget mi cu a phawng ding ih hauthluk a si ding, cule a tlu ding, cun a parih thlaiaw thil rit cu sahtan a si ding, ziangahtile Jehovah in a rel zo, tiah a sim,’ tiin,” tiah a ti.

22:25^a Isa 1:20; Mik 4:4

23

Ṭaiar Dokalhih Thuphuansuah

1 ^aṬaiar dokalhih thuphuansuah.

23:1^a Sem 10:4; Jos 19:29; 1Sp 5:1; 10:22; Isa 2:16; Jer 47:4; Eze 26:4; 27:2; Joe 3:4-8; Amo 1:9-10

Râk ciamco uh, nannih Tarshish lăwngpawl!
Ziangahtile cumi cu inn le lăwng cawlhhmun pakhat hman um loin,
Ṭhing riamriamin a um,
Cumi cu Saipras ram ihsin an hnenih simthan a si.
2 ^aNannih tipi kap tluan luahtupawl,
Nannih Sidon sumdâwngpawl,
Tifinriat ih khualtlawngpawl ih neihnunter mipawl,
Daiten um uh.
3 ^bCule tidai tampi parah an tlawng ṭheu,
Shihor thlairawl, Nâl tiva pi ihsin thlairawl an khawm mi cu amai sum hmuhnak a si,
Cule anih cu miphunpawlih sumdawnnak hmunpi a si.
4 ^cNa ningzak aw, Maw Sidon;
Ziangahtile tifinriat in thu a sim,
Tifinriat cahnak cun,
“Fahrin nat ka tuar lo ih, fāte khal ka hring lo;
Tlangvalpawl khal ka câwmṭhanglian dah lo ih,
Fala him pawl khal ka cawm ṭhanglian dah lo,” tiah a ti.
5 ^dThuthang cu Izip a thlen tikah,
Annih khal Ṭaiar thuhla ruangah an thin a nâ duahdo ding.
6 ^eTarshish ah va feh uh;
Râk ciamco uh, nannih tipi kap tluan luahtupawl!
7 ^fTuan le mang ihsi rak um,
Ram hla zetih cêng dingah a ke ih feh ṭheu,
Hi khawpi hi nan khawpi nuam zet kha a si lo maw?
8 ^gA mipawimawhpawl sumdâwngin,
A sumtuahtu leilung mizahumpawl a si mi,
Lallukhum khum Ṭaiar khua cu dokalhin,
Zo in so hi thurawn pek hi a rak la?
9 ^hRopitnak hmuahhmuah ih hngalnak dirtla dingin,
Leilung tlunih mizahumpawl hmuahhmuah mualphoter dingin,
Ralkap rualpawlih Jehovah in cumi cu a rak tumtah a si.
10 Maw Tarshish fanu,
Nâl tiva pi bangin na ram ah luangliam humho aw,
Lăwng cawlhnak hrimhrim a um nawn lo.
11 ⁱAnih in tifinriat tlunah a kut a hun hawi,
Lalrampawl a hnîn hai;
Jehovah in Kanaan dokalhin thu a pe,
A hauhruangpawl siatbăl dingin.
12 ^jCule anih in, “Nan ai a puang nawn lo ding,
Maw nang palbĕt mi fala him Sidon fanu.
Tho law, Saipras lamah feh aw;
Cu tawk khalah cawlhdamnak na hmu lo ding,” tiah a ti.
13 ^kNgai hnik, Kaldia-mipawlih ram,
A hloral zo mi, hi miphun;
Assiria in nelrawn ramsapawl hrangah a canter.
Annih in a dawlsângpawl an dĭn,
Annih in a siangpahrang innpawl an tisia,
Cumi cu siat ko an tuah.
14 ^lRâk ciamco uh, nannih Tarshish lăwngpawl!
Ziangahtile nan hauhruangpawl tisiat a si.

23:2^a Lai 1:31; Isa 47:5; Eze 27:5-24

23:3^b Jos 13:3; Isa 19:7; Jer 2:18

23:4^c Sem 10:15, 19; Isa 54:1

23:5^d Eze 26:17-18; 30:9

23:6^e Sem 10:4

23:7^f Isa 22:2; Eze 26:13

23:8^g Eze 28:5; Nah 3:16; Thu 18:23

23:9^h Job 40:11; Isa 5:13; 13:11; 14:24; Eze 23:10; 27:3, 12

23:11ⁱ Suah 14:21; Sam 46:6; Isa 25:2; Eze 26:4; Amo 1:9-10; Zek 9:3-4

23:12^j Sem 10:4; Thu 18:22

23:13^k 2Sp 25:1; Isa 10:5, 7; 43:14

23:14^l Sem 10:4; 1Sp 10:22; Isa 2:16; Eze 27:12

15 ^aCuih ni ah cun hitin a si ding, Ṭaiar cu siangpahrang pakhat kum zat kum 70 sung hngilh a si ding. Kum 70 a cem tikah hlawhhlang hla ih a sim vekin, Ṭaiar parah a thleng ding:

23:15^a Sam 90:10; Jer 25:22

16 ^a“Ṭingṭang la-in, khawpi fang aw,
Nang hngilh mi hlawhhlang;
Cinken na si thei nak dingah,
Awnmawi tum awla, hla tampi sak aw,” tiin.

23:16^a Thf 7:10

17 ^aCule kum 70 a cem tikah hitin a si ding, Jehovah in Ṭaiar cu a vehvai ding. Anih cu a ^bzuarawknak ah a kirsal ding ih, leilung vangdâp parih leitlun lalram hmuahhmuah thawn nunau-mipa sualnak a tuah ding. 18 ^cA ngah mi le a hlawh man cu Jehovah hrangah serhhran a si ding; cumi cu ro ah ret a si lo ding ih, khawl a si fawn lo ding, ziangahtile a ngah mi cu khăwpkham teih ei dingah le hnipuan ṭha hrangah Jehovah hmaika ih cêngpawl hrangah a si ding.

23:17^a Dnp 23:17-18; Jer 25:26; Eze 16:26; Nah 3:4; Thu 17:1

23:17^b zuarawknak: Hi tawkih zuarawknak ti hi nunau-mipa sualnak lam a si lo. Pathian a theih hlanih Ṭaiar sumdawnnak a simnak a si. Pathian a theih hnuah sum a dawngsal ding ih a ngah mi cu Jehovah hrangah serhhran a si ding (câng 18).

23:18^c Jos 6:19; Isa 18:7; Mik 4:13

24

Jehovah in Leilung a Tisiat Ding

1 ^aNgai hnik, Jehovah in leilung cu lawnglak ko le ṭhing ko a tuah ding,
Lei hmai a siatsuah ding ih
A luahtupawl ram dangah a ṭekdarhter ding.
2 ^bCule hitin a si ding:
Mipi parih a thlen vekin, puithiam parah a thleng ding;
Siahhlawh parih a thlen vekin, a pu parah a thleng ding;
Siahhlawh nu parih a thlen vekin, a pi parah a thleng ding;
A leitu parih a thlen vekin, a zuartu parah a thleng ding;
A cawihtu parih a thlen vekin, a cawitu parah a thleng ding;
A batertu parih a thlen vekin, a bâktu parah a thleng ding.
3 ^cLeilung cu a pumhlum in a lawnglak ding ih răm ṭheh verver a si ding,
Ziangahtile Jehovah in hi thu hi a sim zo.
4 ^dLeilung a ngui ih a ziamral,
Leitlun a cau ih a ziamhlo;
Leilung miropipawl an cau.
5 ^eLeilung khal a luahtupawl ruangah a bawrhbang,
Ziangruangahtile annih in dānpawl an buar ih,
Zīn le dān an pahbăl,
Kumkhaw thukham an pahbăl.
6 ^fCuruangah camsiatnak in leilung a eirál ih,
A sungih cêngpawl an mawh.
Cuihruangah leilung luahtupawl cu urkăng an si ih,
Mi málte lawng an tâng.
7 ^gSabit zu thar a ngui ih, sabit hri a cau,
Hliparnak thinlung hmuahhmuah an aihram ṭheh.
8 ^hAn khuangte tum hlimnak a reh.
Năwmawknak thâwm a dai,
Ṭingṭang thawi aipuannak a reh.
9 ⁱHla thawn sabit zu an in lo ding,
Zu cu a intu hrangah a khâ.
10 ^jA hnăwk luihlo mi khawpi cu siatbăl a si;
Zohman an luh thei lo nak dingah, inn kip khar an si.
11 ^kSabit zu ngaiin kăwtthler ah auaw a um,
Aipuannak zaten a thim ṭheh,
Ram hlimnak cu a cem riaiaw.
12 ^lKhawpi cu a ṭhing reprep ih,
Kăwtka cu tisiat a si.
13 ^mOlif kung hnin bang le,
Sabit rah lawh hnuih sabit hri parih an tuah vekin,
Leilung miphunpawl parah tuah a si ding.
14 ⁿAn aw an suah ding, hla an sak ding;
Jehovah-ih cungnunnak ruangah
Nitlaknak lam ihsin ringpin an au ding.
15 ^oCuruangah nisuahnak lamah Jehovah sunlawih uh,
Tifinriat kap tluan pawl ah Israel-ih Pathian Jehovah hmin cu.
16 ^pLeilung dĕng ihsin hlapawl kan rak thei:
“Midingfel Pa cu sunlawihin um seh!” tiin.
Asinan kei in, “Ka cem aw, ka cem aw!
Ka hmakhua a pit a si!
Hrăwkhrawl takih titupawl cun hrăwkhrawl takin an ti,
A si, hrăwkhrawl takih titupawl cun nasa zetih hrăwkhrawlin an rak ti a si,” tiah ka ti.
17 ^qṬihnungza, khúr le tháng cu
Na tlunah an um, Maw leilung luahtu.
18 ^rCule hitin a si ding,
Ṭihnak thawmvâng ihsin a tlânsuaktu cu
Khur sungah a tla ding ih,
Khur sung ihsin a hung suaktu cu
Tháng in a rak awk ding;
Ziangahtile hmun sannak ih tukvirhpawl cu ăwn an si ih,
Leilung lungphumpawl an hnîn.
19 ^sLeilung cu nasa takin a kekkuai,
Leilung cu a khĭngcat vemvem,
Leilung cu a makih makin a hnîn.
20 ^tLeilung cu zu ri bangin a hâwr cuaco ih,
Thlamte bangin a hnîn ciamco;
A dān pahbălnak cu a parah a rit tuk ding ih,
Thosal thei nawn lo dingin a tlu ding.
21 ^uCuih ni ah hitin a si ding,
Jehovah in van ih thilmak rual le,
Leilung ih um lei siangpahrangpawl dān a tat hai ding.
22 ^vThawngtlapawl cu khur sungah fĭnkhawm an si bangin
Annihpawl cu fĭnkhawm an si ding ih,
Thawnginn sungah kharkhum an si ding;
Ni tampi hnuah annih cu dāntat an si ding.
23 ^wCun thlapi cu a mualpho ding ih,
Ni cu a ning a zak ding;
Ziangahtile Zion tlang le Jerusalem ihsin,
Ralkap rualpawlih Jehovah in a uk ding ih,
Amai upapawl hmaiah a ropitnak a um ding.

24:1^a Sem 11:8-9; Isa 2:19-21; Jer 25:29

24:2^b Isa 3:1-7; Eze 7:12; Hos 4:9; 1Ko 7:29-31

24:3^c Sem 6:13; Jer 6:11; 45:5

24:4^d Jer 12:11; Joe 1:10

24:5^e Sem 3:17; 6:11; Isa 1:2

24:6^f Isa 1:31

24:7^g Isa 7:23; Jer 48:33; Joe 1:5

24:8^h Jer 7:34; Eze 26:13; Hos 2:11

24:9ⁱ Isa 5:11, 22

24:10^j Isa 6:11

24:11^k Isa 15:6; Jer 14:2

24:12^l Isa 3:26; 19:18

24:13^m Dnp 30:4; Isa 17:6; Mik 7:1

24:14ⁿ Isa 12:6; 43:5

24:15^o Isa 42:4; Mal 1:11

24:16^p 1Sam 4:8; Ezr 9:15; Isa 21:2; 28:5; 33:1

24:17^q Isa 8:14; Jer 48:43; Luk 21:34-35

24:18^r Lai 5:4; Job 9:6; Sam 18:7; Eze 12:13; 38:19-20; Amo 5:19

24:19^s Sam 46:2-3; Zek 14:4

24:20^t Job 12:25; Isa 1:2, 28; 19:14

24:21^u Sam 76:12; Isa 2:11; 10:12; Thu 17:12-14

24:22^v Isa 14:15; 42:22; Thu 20:10

24:23^w Isa 13:10; 28:5; Eze 48:35; Joe 2:31; Zek 2:5

25

Jehovah Thangṭhatnak

1 ^aMaw Jehovah, nang cu ka Pathian na si,
Ka lo cawimawi ding,
Na hmin ka thangṭhat ding,
Ziangahtile mangbangza thilpawl na tuah a si;
Na thurawn pek hlun pawl cu an rinumin an tak a si.
2 ^bZiangahtile khawpi cu thil se penkhawm ah na tuah ih,
Kulh hnget nei khawpi na siatter,
Ram dang mipawlih siangpahrang inn cu khawpi si nawn dah lo ko na tisiat;
Cumi cu ziangtik hmanah saksal a si nawn lo ding.
3 ^cCuruangah miphun cak in a lo sunlawih ding;
Ṭihnungza miphunih khawpipawl in an lo ṭihzah ding.
4 ^dZiangahtile nang cu mifarahpawl humtu na si,
Mitlasampawl hrangah an vansan laiih cahnak na si,
Thlipi lakah răwlhimnak na si,
Ni sa lakah daihnem na si,
Ziangahtile miṭihnungpawlih thaw cu khaw kulh nuaitu thlipi vek le,
5 ^eA car mi hmun ih khawsâ vek a si.
Khawtluang mipawlih thawmvâng cu na dimter ding,
Khawdur hnem hnuaiih khawsâ a dem bangin,
Miṭihnungpawlih hla cu a dêm ding.
6 ^fCule hi tlang ah ralkap rualpawlih Jehovah in miphun zate hrangah
A thawbik mi rawl puai a um ding ih,
Uam rei mi sabit zu,
Thlik ih khat sa thaupawl le,
Ṭha zetih uam sabit zu thlawrfim mi in puai a tuah ding.
7 ^gCule minung zate khuhnak puan,
Miphun zate khuhnak puan rori cu,
Hih tlang ah anih in a dawlh ṭheh ding.
8 ^hAnih in kumkhaw daihin thihnak a dawlhhlo ding ih,
Bawipa Jehovah in hmai hmuahhmuah ihsin mitthli a hnulfai ṭheh ding;
A mipawlih ningzahnak cu
Leilung pumpi ihsin a lahlo ding;
Ziangahtile Jehovah in a sim zo a si.
9 ⁱCule cuih ni ah cun,
“Ngai hnik uh, in run dingih kan hngah mi, amah hi kan Pathian a si.
Anih hi kan hngah mi Jehovah cu a si;
A runsuahnak ah lungawi le aipuangin um uhsi,” tiih rel a si ding.
10 ^jZiangahtile Jehovah-ih kut cu hi tlang ah hin a ṭhumaw ding ih,
Cangpâwl cu ran êk penkhawmnak hmun ih an cīl bangin,
Moab cu cīlthlak a si ding.
11 ^kCule ti leuhtu in ti leuh dingih a văi bangin,
An laiah a kut a phar ding.
Cule anih in an hngalnak a dirtla ding
An mi bumnak kutpawl thawn.
12 ^lNa kulh hnget hauhruang sangpi pi pawl cu
A cimter ding, niam ah a ṭhum ding ih,
Lei ah, leivut thleng ko a cimter ding.

25:1^a Mip 23:19; Isa 12:1; 46:10; Joe 2:21, 26; Efe 1:11

25:2^b Job 12:14; Isa 17:1

25:3^c Sam 22:27

25:4^d 2Sam 22:3; Isa 29:19

25:5^e Isa 13:11; Jer 51:55

25:6^f Sam 63:5; Isa 1:19; 2:2; 66:18; Jer 31:12-13; Joe 3:18; Mat 8:11

25:7^g Isa 60:1-3; 2Ko 3:14-16; Efe 4:18

25:8^h Sam 89:50; Isa 26:19; 54:4; 58:14; Jer 31:16; Hos 13:14; 1Ko 15:54; Thu 7:14, 17

25:9ⁱ Sam 9:14; 13:5; Isa 8:17; 12:2; 30:18-19

25:10^j Sem 19:37; Mip 21:29; Dnp 23:3, 6; Isa 2:2; Amo 2:1-3

25:11^k Pui 26:19; Job 40:12; Isa 5:25

25:12^l Job 40:11; Isa 2:12, 15; 26:5

26

Thangṭhatnak Hla

1 ^aCuih ni ah Judah ram ah hi hla hi an sak ding:

26:1^a Isa 60:18; Zek 2:4-5

“Khawpi hnget tak kan nei;
Pathian in himnak dingah hauhruang le kulh hnget a tuah.
2 ^aKăwtkapawl rak áwng uh,
Thutak kaitu a dingfel mi miphun a ra lut ding.
3 ^bNa parih a lungthin rettu cu
Nang in hnangamnak famkim ah na ret ding.
Ziangruangahtile anih in nangmah a lo rinsan.
4 ^cKumkhuain Jehovah rinsan aw,
Ziangahtile YAH, Jehovah cu kumkhaw Lungpi a si.
5 ^dZiangahtile hmun sâng ih cêngpawl a dirtla,
Khawpi sâng tak,
Niamte ah a ṭhum,
Lei thleng ko niam ah a ṭhum,
Leivut thleng ko a dirtla.
6 ^eCumi cu ke in a cīl ding,
Mifarah ke le
Mitlasampawlih kekarpawl khal in,” tiin.
7 ^fMidingfel paih lamzin cu na tluangter;
Midĭng, midik lamzin na rualter.
8 ^gA si, na thuṭhennak lamzin ah cun,
Maw Jehovah, nangmah ka lo hngak;
Kan nunnak ih a hiar mi cu na hmin le
Nangmah cīn ringring hi a si.
9 ^hKa nunnak in zan ah nangmah a lo ngai,
A si, ka sungih ka thlarau in hlawptlo zetin a lo hawl ding;
Ziangahtile leilung ih na thuṭhennak a thlen tikah,
Leitlun luahtupawl in dingfelnak thu an zir ding.
10 ⁱMisualrál hnenah duhsaknak lăngter si khal sehla,
Dingfelnak a zir cuang lo;
Dĭngnak ram ah dik lo takin a ti ih,
Jehovah-ih cungnunnak a zoh lo.
11 ^jJehovah, na bân na phar ih, annih in an hmu lo.
Annih in mi hrangih na ṭhahnemngainak an hmu ih an ning a zak.
A si, meisa in na ralpawl a kangrál hai ding.
12 ^kMaw Jehovah, nang in kan hrangah hnangamdaihnak in dĭnsak ding,
Ziangahtile kan hnaṭuan hmuahhmuah khal nang in kan hrangah in tuahsak ṭheh.
13 ^lMaw Jehovah kan Pathian, nangmah lawng si loin, bawi dang pawl in, in rak uk ve hai a si;
Asinan nangmai zar lawngin na hmin kan máng a si.
14 ^mAnnihpawl cu an thi ih, an nung lo ding;
Annihpawl cu an liam ih, an tho lo ding.
Nang in annihpawl cu dān na tat hai ih na hloralter hai,
Cule anmah cīn ringring nak zaten na siatter ṭheh.
15 ⁿNang in hi miphun hi na karhzaiter, Maw Jehovah,
Nang in hi miphun hi na karhzaiter,
Nang cu sunlawihin na um;
Hi ram ramri zaten na kauter.
16 ^oMaw Jehovah, buai cān ah nangmah an lo pan ṭheu,
Na nunsimnak an parih a thlen tikah, ti thekthote lawngin thla an cam thei.
17 ^pMaw Jehovah, nunau naupai,
Hrin nai thlang in,
Fahrin nat tuar ih, tâl ih, a hrûm rero bangin,
Kannih khal na mithmuh ah kan um ve ṭheu.
18 ^qNau kan rak pai, kan rak tâl;
^rThli vek menfang kan hring,
Leilung ah hin ziang runsuahnak hman kan rak hlensuak lo ih,
Leitlun luahtupawl khal hrin an rak si fawn lo.
19 ^sNa mithipawl an nung ding,
An taksaruang an tho ding.
Ṭhang uhla hlasak uh, nannih leivut ih itpawl tla;
Ziangahtile na daifim cu zing daifim bangtuk a si ih,
Leilung in mithipawl a hringsuak ding.
20 ^tRa uh, ka mipawl, nan pindanpawl ah lut uhla,
Nan sângkapawl kharkhumaw hnik uh;
Mit ṭhep kar sungte relh hnik uh,
A aithawknak a reh lai hlanlo.
21 ^uZiangahtile ngai hnik, an mawhsualnak ruangah leilung luahtupawl dāntat dingin,
Jehovah cu a umnak hmun ihsin a ra suak thlang ding.
Leilung luahtupawl an mawhsualnak ruangih dāntat dingin,
Leilung khal in a thisen suah mipawl a phawrhsuak ding ih,
A mi thah mipawl a hup nawn lo ding.

26:2^a Sam 24:7, 9; Isa 1:26

26:3^b Sam 84:12; 112:8; Isa 9:6-7; Fil 4:7

26:4^c Sam 73:26; Isa 12:2

26:5^d Job 40:11-13; Isa 25:2, 12

26:6^e Isa 3:14-15; 5:5; 28:3

26:7^f Sam 1:6; Thf 5:21

26:8^g Suah 3:15; Isa 12:4

26:9^h 1San 16:14; Sam 63:2; Isa 55:6

26:10ⁱ 1Sam 12:24-25; Thf 29:27; Isa 32:6; Hos 11:7; Mat 5:45; Joh 5:37-38; Rom 2:4-5

26:11^j Sam 10:12; Isa 9:7; Joe 2:18; Mik 7:16; Zek 1:14; Heb 10:27

26:12^k Sam 68:28; Isa 9:6

26:13^l Jer 12:4; 25:14

26:14^m Job 26:5; Sam 9:6; Isa 8:19

26:15ⁿ Job 12:23; Isa 9:3

26:16^o Isa 37:3; Hos 5:15

26:17^p Isa 13:8; 21:3; Joh 16:21

26:18^q Sam 17:14; Isa 33:11; 42:6

26:18^r Thli vek menfang: Zianghmanlo tinak a si men thei.

26:19^s Isa 25:8; Eze 37:1-14; Dan 12:2; Efe 5:14

26:20^t Suah 12:22-23; Job 14:13; Isa 10:25

26:21^u Job 16:18; Isa 29:6; Jud 1:14-15

27

1 ^aCuih ni ah Jehovah in a ralnâm turu tak, tumpi le khoh takin
Rulpi zam ṭha Leviathan,
Rulpi ngerhfe Leviathan cu dān a tat ding;
Tifinriat sungih rulhreng a that ding.

27:1^a Job 3:8; 26:13; 41:1-34; Sam 74:14; Isa 2:11; 31:8; Thu 12:9

Sabit Hmuan Hla

2 ^aCuih ni ah cun a hnenah,

27:2^a Isa 5:1-7; Jer 2:21

“Sabit zu suahnak sabit hmuan, hlasak aw!
3 ^aKeimah, Jehovah in ka kilveng,
Atu le atu tidai ka tawih;
Cumi cu tuahmawh a silonak dingah,
A sun a zan ka kilveng.
4 ^bKeimah ah thinsonak a um lo.
In tibuai dingin, hram bûar le hling bur um khal sehla,
Cupawl cu doawknak ah ka pah rumro hai ding ih,
Ka urkāng thluh hai ding.
5 ^cCulole ka kilhimnak rinsan hai seh,
Keimah thawn remnak tuah hai seh,
Keimah thawn remnak tuah hai seh,” tiin.
6 ^dLehhnuah cun Jakob cu hram a thla ding,
Israel cu a par mûm ding ih a par ding,
Cule leitlun vangdâp cu rah in a khat ding.
7 ^eIsrael vawtupawl a vuak hai vekin, anih in Israel cu a vaw dah maw si?
Asilole Israel thattupawl a thah hai bangtukin Israel cu thah a simaw si?
8 ^fDawisuak le thlahhloin annih cu na bei.
Nisuahnak lam thli ih a hrăn ni vek khan,
A thlipi rapthlak in annih cu a hrănhlo.
9 ^gCuruangah himi hin Jakob-ih mawhsualnak cu khuhhlo a si ding;
Cule hihi a sual lâkhlohnak man pumhlum a si ding:
Leivut cang ko an sŭt mi ṭhúng lungto bangih
Biakṭheng lungto zaten a canter tikah,
Asherah-pawl le rimhmui urnak biakṭhengpawl an ding nawn lo ding.
10 ^hZiangahtile kulh hnget nei khawpi ah minung an um nawn lo,
A sungih cêngpawl in an tansăn ih ramṭhing bangin an tān ta,
Caw pa no in hrampi a piat ding ih cu tawkah a băwk ding,
Cule a hngeṭêkpawl a ei ṭheh ding.
11 ⁱA hngeṭêkpawl an vuai tikah, an kiak ding,
Nunaupawl an ra ding ih cupawl cu meisa ah an tik ding.
Ziangahtile cumi cu theihthiamnak nei lo minung an si;
Curuangah anmah Sersiamtu cun an parah zahngainak a nei lo ding ih,
Anmah Semsuahtu cun an hnenah duhsaknak a langter lo ding.
12 ^jCule cuih ni ah cun hitin a si ding,
Zufraṭis tiva pi ihsin Izip Hawrkuam tiang
Jehovah in thlairawl a cīl ding,
Maw nannih Israel tefapawl tla,
Pakhat teten sarkhawm nan si ding.
13 ^kCuih ni ah cun hitin a si ding:
Tawtawrawt tumpi an phaw ding;
Assiria ram ih a hloral zik rero pawl le,
Izip ram ih raltlânpawl an ra ding ih,
Jerusalem tlang thianghlim ah Jehovah an be ding.

27:3^a Isa 5:2; 58:11; Joh 6:39

27:4^b Isa 10:17; Mat 3:12; Heb 6:8

27:5^c Job 22:21; Isa 25:4; Rom 5:1; 2Ko 5:20

27:6^d Isa 37:31; Eze 17:23; Hos 14:5-8

27:7^e Isa 10:20-26

27:8^f Isa 49:14; Jer 10:24

27:9^g Suah 23:24; 2San 14:5; Rom 11:27

27:10^h Dnp 13:16; Isa 5:5-6, 17; 17:2, 9; 32:14; Ṭah 1:4

27:11ⁱ Dnp 32:28-29; Isa 1:3; 10:33; 44:24; Jer 11:16

27:12^j Sem 15:18; Dnp 30:4; Isa 11:11; 43:5-7; Mat 3:12

27:13^k Pui 25:9; Isa 2:2; 11:11-16; 19:24-25; Mat 24:31

28

Efraim Hmakhaw Pihnak

1 ^aEfraim zuripawlih lallukhum puarthau,
Lu parih phaikuam hring demdem um,
A ropi mi mawinak ih pangpar vuai rero mi,
Sabit zu ih a ciahneh mipawl cu an hmakhua a pit a si!
2 ^bNgai hnik, Bawipa in micak le tha cak pa a nei,
Rial nasa takih tla tupto vek le siatsuahtu thlipi vek,
Tilik nasa takih luang luihlo bangin,
Anih in anmahpawl cu a kut in leilung ah a hlăwnthlu hai ding.
3 ^cEfraim zuripawlih lallukhum puarthau cu,
Ke hnuaiih cīl a si ding;
4 ^dCule phaikuam hring demdem lu ih um, a ropi mi mawinak ih pangpar vuai rero cu
Ṭhal hlanih theipi hmin hmaisabik, a hmutu in kut ih a lâk veteih a dawlh mi vek a si ding.
5 ^eCuih ni ah ralkap rualpawlih Jehovah cu
A minung tāngsŭn pawl hrangah,
Lallukhum ropi le lallukhum mawi ah a cang ding.
6 ^fThuṭhennak ih totu pa hnenah diknak thlarau le,
Kăwtka tiangih a dokirtupawl hnenah thazang a si ding.
7 ^gAsinan hipawl hi sabit zu ruangah an pái cuaco ih, zu ruangah an hawr ṭuaṭo:
Puithiam le profet cu zu ruangah an rak hawr ṭuaṭo,
Annih cu sabit zu in a ciah ṭheh hai,
Annih cu zu ruangah lamzin tluanah an hâwr ṭuaṭo;
Larnak an hmuh laiah an pái cuaco, thu an ṭhen laiah an kûr nguaingo.
8 ^hZiangahtile sakhua lam cabuai zaten fihnungza luak in a khat;
A fainak hmun hrimhrim a um lo.
9 ⁱ“Zo hnenah so theihnak a zirh ding?
Cule zo hnenah so thucah a simfiang ding?
Hnawi thlei pekte pawl hnenah maw si?
Hnawi fawh bānter pekte pawl hnenah maw si?
10 Ziangahtile ^jthupek parah thupek, thupek parah thupek,
Rīn parah rīn, rīn parah rīn,
Hi tawkah málte, khi tawkah málte ti a si.”
11 ^kZiangahtile ṭawng mak le ram dang ṭawng hmangin,
Hi minungpawl a be hai ding,
12 ^lAnih in an hnenah, “Hihi cawlhhahdamnak a si,
Micaupawl cawlhahdamter uh,” tiin le
“Hihi hahdamnak hmun a si,” tiah a ti,
Cuti cingin an ngaithla duh lo.
13 ^mCuruangah Jehovah-ih kamsuakthu an hnenih thleng mi cu hihi a si:
Thupek parah thupek, thupek parah thupek,
Rīn parah rīn, rīn parah rīn,
Hi tawkah málte, khi tawkah málte.
Cutin annihpawl cu an feh ding ih, zapathalin an tlu ding,
Cule an kiak ding ih, awh le kaihngah an si ding.
14 ⁿCuruangah Jehovah-ih kamsuakthu ngaithla uh,
Jerusalem ih um hi minungpawl uktu, nannih mi nautathmang pawl,
15 ^oZiangruangahtile nannih in,
“Thihnak thawn thukham kan tuah zo ih,
Sheol thawn lungkimtlangnak kan tuah zo.
Tilian vekin vuaknak a thlen tikah,
In cîm bān lo ding,
Ziangahtile kan răwlhimnak ah thuphan kan hmang ih,
Thudik lo hnuaiah kan relh a si,” tiah nan ti.

28:1^a Isa 5:5, 11; 28:7; Hos 5:5; 7:5; Amo 6:6

28:2^b Jos 10:11; Isa 8:7-8; 28:17; 29:6; 40:10

28:3^c Job 40:12; Isa 5:5

28:4^d Hos 9:10; Mik 7:1; Nah 3:12

28:5^e Isa 1:9; 62:3; Eze 16:12; Zek 9:16

28:6^f 1Sp 3:28; Isa 32:15-16; Joh 5:30

28:7^g Pui 10:9; Isa 3:12; 56:12; Efe 5:18

28:8^h Jer 48:26

28:9ⁱ Isa 2:3; Jer 31:34; Heb 5:12; 1Pe 2:2

28:10^j thupek parah thupek: Hebru ah cun ki tsav latsav, tsav latsav, qav laqav, qav laqav ti a si. Ram dang misîmtu an rat tikah an ṭawng cu naute hnawi thlei pekte ṭawng ăwndān thawi bangawin profet in a sim.

28:11^k Sem 11:7; Isa 33:19; Jer 5:15; Eze 3:5-6; 1Ko 14:1

28:12^l Jos 1:13; Job 11:18; Isa 11:10; Mat 11:28-29

28:13^m Isa 8:15; 28:10; Mat 21:44

28:14ⁿ 2San 36:16; Isa 1:10

28:15^o Isa 8:8; 9:15; 29:15; 30:9-11; Jer 23:24; Dan 11:22

16 ^aCuruangah Bawipa Jehovah in hitin a sim:

28:16^a Sam 118:22; Isa 8:14-15; 14:32; 29:22; Dan 2:34; Apo 4:11; Rom 9:33; 1Ko 3:11; 2Ti 2:19; 1Pe 2:6

“Ngai hnik uh, Zion ih lungphum dingah lungto,
Hniksak zo mi lungto, a kilih lung mankhung, lungphum hnget tak cu ka ret;
Zokhal amah zumtu cu a vaivuan lo ding.
17 ^aDiknak cu rīn tahnak ah le,
Dingfelnak cu darhlumthlai hri ah a tuah fawn ding;
Rial in thuphanpawlih răwlhimnak cu a phiatfai ṭheh ding ih,
Tilian in hmun thup pawl a hrut ṭheh ding.
18 ^bThihnak thawi nan thukham cu a pelhsawlh ding ih,
Sheol thawi nan lungkimtlangnak cu a ding khawsuak lo ding;
Tilian vekin vuaknak a thlen tikah cun,
Nannih cu cumi hmangin cîmhloh nan si ding.
19 ^cCumi a thlen tinten a lo la ṭheu ding;
Ziangahtile cumi cun zing tin le a sun a zanin a lo cîm ding;
Thuthan theihthiamnak cun mirâpza ṭihphannak lawng a thlen ding,” tiin.
20 ^dZiangahtile ihkhun cu ke thluan dingah a tawi tuk ih,
Puan cu sĭn dingah a fate tuk.
21 ^eZiangahtile a hnaṭuan, a hnaṭuan maksak cu a ṭuansuah thei nak dingah le,
A thil ti, a thil ti maksak cu a ṭhehsuak thei nak dingah
Jehovah cu Perazim tlang ih a thawh bang khan a tho ding,
Anih cu Gibeon phaikuam ih a thin a heng bangkhan a thin a heng ding.
22 ^fCuruangah minautattu si nawn hlah uh,
Culole nan kolpawl a khoh sinsin pang ding,
Ziangahtile leilung tlun pumpi parih siatralnak thleng tengteng dingih ruat mi cu
Ralkap rualpawlih Jehovah Bawipa hnen ihsin ka hna in ka thei zo a si.
23 ^gNan hna tŭn uhla, ka aw hi ngai hnik uh,
Ngaithla uhla, ka thurel mi hi thei hnik uh.
24 ^hLeilettu in thlaici cîng dingin a tlaitluanin lei a let ringring dah maw si?
Lei hlăng pawl dipter in a lei a căwklet ringring maw si?
25 ⁱA vangdâp a cawhrual tikah, ^janethon tuhin, ^kkumin a vawrh ih,
A tlarin sangvut phunin,
Barli sangvut khal a hmun ah le,
Kusemet sangvut khal a kap tluanah a cîng a si lo maw?
26 ^lZiangahtile Pathian in anih cu zīn le dān dik a khihhmuh,
A Pathian in a zirh a si.
27 ^mAnethon cu thlairawl vuaknak in an vaw dah lo ih,
Kumin cu lêng ke in an cīl dah fawn lo;
Anethon cu fung in vuak a si sawn ih,
Kumin cu fungfêk in.
28 ⁿThlairawl cu rial ding a si;
Curuangah anih in cumi cu a cil kumkhua lo,
A lêng ke in a khuai ringring lo ih,
A rang ralkappawl thaw khalin a cīlkuai ringring fawn lo.
29 ^oHi khal hi ralkap rualpawlih Jehovah hnen ihsi ra a si,
Anih cu thurawn peknak ih mangbangza le fimnakih cungcuanghleice a si.

28:17^a 2Sp 21:13; Sam 11:7; Isa 5:16; 8:7-8; Amo 7:7-9

28:18^b Isa 5:5; 8:10; Dan 8:13

28:19^c 2Sp 21:12; Job 18:11; Jer 10:22

28:20^d Isa 59:6

28:21^e Jos 10:10-14; 2Sam 5:20; 1San 14:11, 16; Ṭah 2:17; Luk 19:41-44

28:22^f 2San 36:16; Isa 10:22-23; Jer 29:18; Ṭah 2:15; Zef 2:15

28:23^g Joe 1:2

28:24^h Ths 3:2

28:25ⁱ Suah 9:31-32; Eze 4:9; Mat 23:23

28:25^j anethon: Grik ṭawng a si ih, thlaikung rimhmui phun khat a si.

28:25^k kumin: Grik ṭawng a si ih, rawl hmeh ih an thlak ṭheu mi mu fate takte nei thlaikung a si.

28:26^l Sam 94:10

28:27^m Job 41:30; Isa 21:10; Amo 1:3

28:28ⁿ Isa 21:10

28:29^o Sam 92:5; Isa 9:6; Rom 11:33

29

Jerusalem Hmakhaw Pihnak

1 ^a“David rak cēn ṭheu nak khawpi ^bAriel, Ariel cu a hmakhua a pit a si!
Kum ah kum bêt uh;
Puaipawl ra thleng hai seh.
2 ^cAriel cu kan vansangter ding;
Phur rihnak le riahsiatnak a um ding ih,
Cumi cu ka hrangah cun Ariel vek a si ding.
3 ^dNangmah dokalhin na kimvelah ṭanhmun ka khuar ding,
Khur laiin nangmah ka lo kulhkhŭm ding ih,
Nangmah dokalhin lei ka sûngpâwng ding.
4 ^eNang cu dirhtlak na si ding,
Lei ihsin na ṭawng ding;
Na bawhnak leivut ihsin na ṭawngkam cu theih a si ding;
Na aw cu thlaraukawh thiam aw bangtukin, lei ihsin a hung suak ding,
Leivut ihsin thu na sim thektho ding.
5 ^fCuihhleiah mipi tam tak na ralpawl cu,
Leivut dip zet bangtuk an si ding ih,
Miṭihnungza mipi tam tak cu sempĕt mi fāng hi bangtuk an si ding;
A si, cumi cu mit ṭhep karah, a thleng thutthi ding.
6 ^gNangmah cu ralkap rualpawlih Jehovah in
Khawri le linghnîn le awn nasa zet thawn,
Thlipi le phusîng le
Mikāngral thei meialh thawn dāntat na si ding.
7 ^hAriel dotu miphunpawlih mipi zaten,
Amah dotu, a kulh hnget dotu le
Amah vansangtertu zaten,
Mang, zan ih larnak vek an si ding.
8 ⁱCumi cu rilrawng pa in mang a man vek a si:
Zoh hnik, rawl a rak ei,
Asinan a hung ṭhang tikah a rilrawn a reh cuang lo;
Asilole tihâl pa in mang a man vek a si:
Zoh hnik, ti a in,
Asinan a hung ṭhang tikah, ngai hnik, a ṭamsawl ih a tihal a reh cuang lo.
Zion tlang a rak dotu miphun hmuahhmuah ih mipi cu cu vekah an cang ding,” tiin.
9 ^jHngak hrih uhla, mak ti uh!
Nan mit cawter uhla mitcaw uh!
Zu an ri, asinan sabit zu a si lo;
An hâwr ṭuaṭo, asinan zu in a si lo.
10 ^kZiangahtile Jehovah in ihthah thlepthlep nak thlarau nan parah a burh a si,
Cule nan (profetpawl) mit a sinter,
Cule nan (hmutupawl) lu a khuh.

29:1^a 1Sam 15:22; Isa 1:14; 22:12-13

29:1^b Ariel: Pathian-ih kiosa tinak a si.

29:2^c Isa 3:26; Ṭah 2:5

29:3^d 2Sp 25:1; Zek 14:2; Luk 19:43-44

29:4^e 1Sam 28:7; Isa 8:19; 47:12

29:5^f Sam 1:4; Isa 17:14; 1Th 5:3

29:6^g Suah 19:16; Pui 10:2; Zek 14:1-5; Mat 24:7; Mar 13:8; Luk 21:11; Thu 6:12

29:7^h Job 20:8; Zek 12:9

29:8ⁱ Isa 17:12-14; 65:13; Zek 12:3

29:9^j Dnp 28:29; Sam 60:3; Isa 51:17, 21-23; Jer 13:13; Hab 1:5

29:10^k 1Sam 9:9; Isa 6:9-10; Jer 51:57; Mik 3:6-7; Rom 11:8; 1Th 5:6-7; 2Th 2:9-11

11 ^aLarnak zaten nan hrangah erhpit mi cazual sungih cangan mi bangtukah a cang. Cumi cu casiar thiam hnenah, “Hihi rak siar hram aw,” tiih an pek tikah, “Ka siar thei lo, ziangahtile cumi cu erhpit mi a si,” tiah anih in a ti.

29:11^a Dan 8:26; Mat 13:11; Thu 5:1-2

12 Cun cuih cazual cu casiar thiam lo mi hnenah, “Hihi siar hram aw,” tiin pek a si.

Cule anih in, “Kei cu ca ka siar thiam lo,” tiah a rak ti.

13 ^aCuruangah Bawipa in,

29:13^a Isa 58:2-4; Jer 12:2; Eze 33:31; Hag 2:12-14; Mat 15:8-9; Mar 7:6-7; Kol 2:22

“Hi minungpawl cun an kâ in in ra naih ih
An hmur in in upat,
Asinan an thinlung cu ka hnen ihsin hla zetah an ṭhawn ih,
In ṭihzahnak cu minung ih thupek zirhawknak men a si,
14 ^aCuruangah ngai hnik, hi minungpawl hnenah tuksumza, thilmak taktak ka tuahsal ding;
Ziangahtile an mifimpawlih fimnak cu a hloral ding,
Cule an khawruat thiam pawlih theihthiamnak cu thuh a si ding,”

29:14^a Job 5:13; Isa 6:9-10; Jer 8:9; 1Ko 1:19

tiah a ti.

15 ^aJehovah hnen ihsin an khawkhan mi thûk zetih thuh tumtupawl le,
Thim lakih thil titupawl cu an hmakhua a pit a si;
Annih in, “Zo in so in hmu?” ih,
“Zo in so in thei?” tiah an ti.
16 ^bThungaiten thil nan merhkâwi ṭheh a si hi teh!
Bel tuahtu cu bel lei tluk fangih ruah ding a simaw?
Thil tuah mi in a tuahtu paih thuhla ah,
“Anih ih tuah mi ka si lo,” a ti ding maw?
Asilole thil sersiam mi in a sersiamtuih thuhla ah,
“Anih in theihthiamnak a nei lo,” a ti ding maw si?

29:15^a Sem 3:8; Job 8:3; 22:13; Isa 28:15; 40:27; Eze 8:12

29:16^b Sem 2:7; Job 9:12; Isa 45:9; Jer 18:6; Rom 9:20

Hmai lam Cān ih Ruahsannak

17 ^aLebanon cu lóram ṭha zetah a can ih,
Lóram ṭha zet cu tupi vekih ruah a si ding cu,
A rei nawn lo ding a si lo maw?
18 ^bCuih ni ah cun hnasetpawl in cazual sungih canganpawl an ngaithla thei ding ih,
Khawthim le khawmaw lakah mitcawpawl in an hmu ding.
19 ^cMităngdawrpawl khal in Jehovah hnenih an lungawi aipuannak a karh ding ih,
Minungpawl lakih mifarahpawl in
Israel-ih Mi Thianghlim hnenah lungawi aipuangin an um ding.
20 ^dZiangahtile miṭihnung pa cu zianghmanlo ah dirhtlak a si ding,
Mi hmuhsuamtu pa cu a hloral ding ih,
Thil sual tuah tum ringring tu zaten sahtan an si ding.
21 ^eCupawl cun ṭawngkam khat in mawh neiah mi an cangter ih,
Kăwtka ah nun simtu pa hrangah tháng an kăm ih,
Diknak lamih umtu kha thulolak ṭawngkam hmangin thiam lo an coter.

29:17^a Sam 107:34-35; Isa 32:15

29:18^b Isa 35:5; Mat 11:5; Mar 7:37; Luk 7:22

29:19^c Isa 61:1; Mat 11:5; Luk 7:22; Jam 1:9; 2:5

29:20^d 2San 36:16; Job 15:35; Isa 9:4; Eze 11:2; Mik 2:1; Nah 1:11

29:21^e Thf 28:21; Isa 5:23; Amo 5:10, 15; Hab 1:4

22 ^aCuruangah Abraham runsuaktu Jehovah in Jakob sungza thuhla ah hitin a ti:

29:22^a Sam 22:5; Isa 41:8; 45:17; 51:2; Joe 2:6, 26-27; Nah 2:10

“Atu-ah cun Jakob cu a ning a zak nawn lo ding,
Atu-ah cun a hmai a râm nawn fawn lo ding,
23 ^aAsinan an lakih ka kut hnaṭuan, a tefapawl a hmuh tikah,
Ka hmin an zah ding ih,
Jakob-ih Mi Thianghlim cu an zah ding,
Cule Israel-ih Pathian cu ṭihzahin an dīng ding.
24 ^bThinlung ih feh sual pawl khal in an theithiam thlang ding ih,
A phunzaipawl in nunzirhnak an pawm ding,” tiin.

29:23^a Isa 49:20-26; 60:21

29:24^b Isa 1:3; 30:21; 54:13; Heb 5:2

30

Helhmang Miphun Hmakhaw Pihnak

1 ^aJehovah in, “An hmakhua a pit a si, helhmang tefapawl,
Keimah ráwn loin, khua an khâng,
Cule ka Thlarau ráwn loin, sual parih sual an bêt thei nak dingah, khawkhannak an tawlrel.
2 ^bFaro-ih humhimnak ah beunak hawl le,
Izip hnemdai rinsan dingin
Ka ruahdān in sut loin,
Izip ih suk dingin ke an kar.
3 ^cCuruangah Faro-ih humhimnak cu nan ningzahnak a si ding ih,
Izip hnemdai nan rinsannak cu
Nan mualphonak a si ding.
4 ^dZiangahtile a bawipawl cu Zoan ah an um ih,
A palaipawl cu Hanes ah an ra thleng.
5 ^eAnmah ṭhathnemnak pe thei lo minungpawl ruangah an ning a zak thluh ding,
Băwmnak siseh, ṭhathnemnak siseh an si lo ding ih,
Ningzahnak le hminsiatnak an si sawn ding,” tiah a ti.

30:1^a Dnp 21:18; 2Sp 17:4

30:2^b Mip 27:21; Isa 31:1; 36:9; Jer 2:18, 36; Eze 17:15

30:3^c Sam 44:13

30:4^d Isa 19:11

30:5^e Isa 20:5; 31:1-3; Jer 2:36

6 ^aNegev ramsapawl dokalhih thuphuansuah.

30:6^a Sem 42:26; Suah 5:10; Dnp 4:20; 8:15; 1Sam 15:7; 25:18; Isa 46:1; Jer 11:4

Kiosa pinu le kiosa pa,
Rulngân le ṭihnungza rulvankâi suahnak,
Buainak le ānhainak ram paltlăngin,
Annih in an lennakpawl cu lāk tûai pawl zāng in le,
An hlawnthilpawl cu kalaukpawl ṭhúng in
Anmah bawm thei lo tu miphun hnenah an thiar ding;
7 ^aMi a băwmnak cu thulolak le zianghmanlo men a si mi Izip hnen roriah cun.
Curuangah amah cu to thluang ve menmen ^bRahab tiah ka ko.
8 ^cAtu-ah feh aw, calung parah cumi cu an hmaika ah ngan awla,
Cazual parah khum aw,
Cumi cu a ra lai ding mi tikcucān hrangah a si ding,
Kumkhuain kumkhua tiang:
9 ^dHimi cu helhmang miphun,
Bumhmang fāte,
Jehovah-ih Dān ngaithla lo ding mi fāte an si;
10 ^eHmutupawl hnenah, “Hmu hlah uh,” tiin le,
Profetpawl hnenah, “Kan hnenah thil dik phuang hlah uh;
Kan lunghmui zawng phuang uh, bumnak thupawl phuang uh.
11 ^fLamzin cu suahsan uh,
Zin ihsin pial uh,
Israel-ih Mi Thianghlim cu kan hmaika ihsin hloter uh,” titupawl tla.

30:7^a 2Sp 18:21; Job 9:13; Jer 2:36

30:7^b Rahab: Sam 87:4 simfiangnak zoh aw.

30:8^c Dnp 27:8; Jer 25:13; Hab 2:2

30:9^d Sam 78:8; Isa 28:15; Eze 2:6

30:10^e 1Sam 9:9; 1Sp 22:8; Jer 4:10; 11:21; Eze 13:7; Amo 7:13; Rom 16:18; 2Ti 4:3-4

30:11^f Job 21:14; Thf 3:6; Isa 29:19

12 ^aCuruangah Israel-ih Mi Thianghlim cun hitin a ti:

30:12^a Sam 10:7; Isa 5:7, 19

“Hi kamsuakthu na nautat ih, palbĕtnak le merhkawinak na rinsan,
Cule an parih na ṭhumawk ruangah,
13 ^aHi mawhsualnak cu na hrangah
A cim zik ṭiaṭia mi khaw kulh khĭng bangtuk le
Hruang sangpi tung iau-iau,
Rin lo paralih cim hruak bangtuk a si.
14 ^bCuih siatnak cu bel tuahtuih bel khuai vekin a si,
Cumi cu dip seksekih khuai a si ruangah;
Thŭk ih meiling lâknak ding asilole,
Tikhur ih tidai suahnak ding a phelte hman hmuh a si lo ding,” tiin.

30:13^a 1Sp 20:30; Isa 17:14; 29:5

30:14^b Sam 2:9

15 ^aZiangahtile Israel-ih Mi Thianghlim, Bawipa Jehovah in,

30:15^a 2San 20:12; Isa 7:4; 8:6

“Siraw ih nan cawlh asile runsuah nan si ding;
Daiteih um le rinsannak cu nan cahnak a si ding,”

tiin a rak ti.

Asinan nannih in nan rak duh lo.
16 ^aCule nannih in, “Kan duh lo, ziangahtile rang toin kan tlân ding,” tiah nan ti.
Curuangah nan tlân a si pei cu!
Cule, “Rang tlân cak zet pawl kan to ding,” nan ti.
Cuihruangah a lo dawitupawl khal an tlân cak ding!
17 ^bMi pakhat ih hro men nak in mi 1000 an tlânse ding,
Tlang zim ih thantar vek le
Tlang parih hminsinnak vekih tān nan si tiangin,
Mi panga ih hronak in nan tlânse ding.

30:16^a Dnp 17:16; 1Sp 10:28-29; Sam 20:7; Isa 31:1, 3; Jer 46:6

30:17^b Pui 26:8, 36; Dnp 28:25; Jos 23:10; Thf 28:1

Pathian cun Zangfahnak a Nei Ding

18 ^aCuruangah nanmah a lo zangfah thei nak dingah Jehovah in a hngakhlap;
Curuangah nan parih zahngainak langter dingah a tho ding.
Ziangahtile Jehovah cu diknak Pathian a si;
Amah hngaktupawl zaten mithlawsuak an si.
19 ^bZiangahtile minungpawl cu Jerusalem ih Zion ah an cêng ding;
Na ṭap nawn lo ding.
Anih cu na ṭah auaw ah zangfahnak a nei ding;
Cumi a hna ih a theih veten a lo sawn ding.
20 ^cCule harsatnak rawl le zăwnzaihnak tidai Bawipa in lo pe khal sehla,
Nanmah a lo zirhtupawl cu thuh an si nawn lo ding,
Cuhnakin nan mit in nanmah zirhtupawl nan hmu sawn ding.
21 ^d“Hihi lamzin a si, cumi ah feh uh,” tiih nan dung lamih rel mi thu cu,
Vawrh lamih na pial, asilole keh lamih na pial tiktikah nan hna in nan thei ding.
22 ^eCuihtlunah ngun khût mi nan milimpawl,
Sui khût mi nan milimpawl khal nan bawrhbangter ding.
Thil thiang lo dinhmun in cupawl cu nan hlăwnhlo ding;
An hnenah, “Tlanhlo uh!” tiah nan ti ding.
23 ^fCun anih in lei ih na cīn mi na thlaici hrangah ruah a lo pe ding ih,
Leilung rawl na paṭha ding;
Cumi cu a hlawk nasa ding ih a tam liailiai ding.
Cuih ni ah cun nan sumhnámpawl cu
Ran tlannak hmun kau zetah an tláng ding.
24 ^gCuvek thothoin lei lettu caw cang pawl le lākpawl in
Suahdur le ^hthehfainak hmanrua thawi an tifai mi,
Ṭha zetih timtuah mi ran rawl an ei ding.
25 ⁱThahawknak ni rapthlak,
Dawlsângpawl an tlûk ni ah,
Tlang sâng kip le tlangmûal sâng kip ah
Tiva ti a luang ding.
26 ^jCuihhleiah Jehovah in a mipawlih hma a tuamsak ni le
Amai tuahmawhnak an hriamhma a damter ni ah cun,
Thlapi tleu cu ni tleu vek a si ding ih,
Ni tleu cu a let sarih in,
Ni sarih ta tleu vek a si ding.

30:18^a Isa 8:17; 42:14; Ṭah 3:25; Jon 3:10; 2Pe 3:9, 15

30:19^b Isa 25:8; Zek 13:9; Mat 7:7-11

30:20^c 1Sp 22:27; Sam 74:9; 80:5; Amo 8:11

30:21^d Thf 3:5-6; Isa 29:24; 35:8

30:22^e Suah 32:4; Lai 17:3; Eze 7:19-20

30:23^f Dnp 28:12; Job 36:31; Sam 65:9-13; Isa 32:20

30:24^g Job 6:5; Mat 3:12; Luk 3:17

30:24^h thehfainak hmanrua: Sangvut tifainak hrangih thirkut vekih thing ih tuah mi a si, cumi in sangvut thli ih semfaiternak dingah an theh ṭheu.

30:25ⁱ Isa 35:6; Joe 3:18; Zek 14:8

30:26^j Isa 24:23; Hos 14:4; Zek 14:7; Thu 21:23

Assiria parih Dāntatnak

27 ^aNgai hnik, Jehovah hmin cu hla zet ihsin,
A thinhengnak meialh le
Meikhu sahpi thawn a ra.
A hmur cu aithawknak in a khat ih
A lei cu kăngralhmang meisa bangtuk a si.
28 ^bMiphunpawl ṭangṭa ih khei dingah le siatnak lamih hruaihlo dingah,
Minungpawl kâ ih kakharh kharh dingin,
A thaw cu hngawng tiang thleng tiva te luangliam vek a si.
29 ^cZan ih puai thianghlim nan hman tikih sak vekin hla nan nei ding.
Jehovah-ih tlang ih kai dingin le,
Israel Lungpi hnenih feh dingin,
Phirivau awn thawn a feh mi pa vekin nan lung a awi ding.
30 ^dJehovah in a aw ropi cu mi a theihter ding ih,
A thinhengnak nasa zet,
Mi kăngralhmang meialh,
Thlipi le ruahpi le rial thawn,
A kutthlak lai cu a langter ding.
31 ^eZiangahtile Jehovah-ih aw hmangin
Fungfêk ih a vuak tikah,
Assiria cu ṭihin a thir thlauhthlo ding.
32 ^fCule Jehovah in cu pa a vuaknak,
Dāntatnak kianghrăwl hmangih a vuak tinten,
Khuangtepawl le ṭingṭangpawl in an thlun ding;
Cule ral donak ah hriamhrei hawiin annih cu a do ding.
33 ^gZiangahtile ^hTofeth cu hlanlaipi ihsi timlam cia a rak si,
A si, cumi cu siangpahrang hrangih timlam mi a si.
Cumi cu thûk zet le kau zetin a rak tuah;
Meisa ih ur dingah zanthing penkhawm a si,
Kât tiva bangtuk a si mi Jehovah-ih thaw in cumi cu a alhter.

30:27^a Job 41:21; Isa 10:5; 26:20; Eze 22:31

30:28^b Isa 8:8; 11:4; Amo 9:9

30:29^c Sem 49:24; 1Sam 10:5; Mat 26:30

30:30^d Suah 9:18; 20:18; Isa 4:4; 9:12; 10:25

30:31^e Isa 10:5, 12

30:32^f Suah 15:20; Isa 10:26; Eze 32:10

30:33^g Sem 19:24; 2Sam 22:16; 2Sp 23:10; Isa 1:31

30:33^h Tofeth: Molek pathian hnenih milai rai an thawinak hmun a si.

31

Izip Rinsantupawl Hmakhaw Pihnak

1 ^aBăwmnak dilih Izip ih a sukthlatu le,
Rangpawl a rinsantupawl,
An tam ruangih rang lêngpawl a rinsantupawl le,
An cah tuk ruangih rang ralkappawl rinsan ih,
Israel-ih Mi Thianghlim a zoh lo tupawl,
Jehovah a hawl fawn lo tupawl cu an hmakhua a pit a si!
2 ^bCuti si khal sehla anih cu a fim fawn ih siatnak a thlengter ding,
Cule a kamsuakthupawl cu a hnûkkir lo ding,
Cuhnakin thil ṭha lo tuahtu sungza do dingin le
Mawhsualnak tuahtupawlih băwmnak do dingin a tho sawn ding.
3 ^cIzip-mipawl cu milai an si ih, Pathian an si lo;
Cule an rangpawl cu titsa an si ih, thlarau an si lo.
Jehovah in a kut a hawi tikah cun,
A bawmtu cu a bah ding ih,
Băwm mi khal a bah ding;
An zaten an hloráltlang ding.

31:1^a Dnp 17:16; Job 6:10; Thf 21:31; Isa 9:13; 30:2, 5; Jer 46:9; Eze 29:16

31:2^b Mip 23:19; Thf 19:1; Isa 1:4; 45:7; Amo 3:6; Rom 16:27

31:3^c Isa 9:17; 20:5-6; Jer 15:6; 17:5; 51:25; Eze 20:34; 28:9; 2Th 2:4

Pathian in Jerusalem a Runsuak Ding

4 ^aZiangahtile Jehovah in ka hnenah hitin a ṭawng:

31:4^a Mip 24:9; Isa 42:13; Hos 11:10; Amo 3:8; Zek 12:8

“Kiosa simaw, kiosa vanglai simaw a sa deh mi parih a hûk durdo ih,
Cuih sahrang do dingin tuu khāltu burpi an kawhawk tikah,
An aw cun cuih sahrang cu a thlaphângter lo ding ih,
An thawmvâng in a hnaihnăwk fawn lo ding.
Cu vekin Zion tlang le a tlangmûal hrangih do dingin,
Ralkap rualpawlih Jehovah cu a rung ṭum ding.
5 ^aVatepawl an bu tlunih an dîr curco bangin,
Ralkap rualpawlih Jehovah in Jerusalem a kilhim ding.
A kilhim ding ih a runsuak ding,
A zuah ding ih, a humhim ding,” tiin.

31:5^a Suah 12:23; Sam 34:7; 91:4; Zek 9:15

6 ^aMaw Israel tefapawl, nasa takih nan helsan mi pa hnenah ra kir uh. 7 ^bZiangahtile cuih ni ah cun sualnak dingah nanmai kut rori in nanmai hrangih nan tuah mi ngun milempawl le sui milempawl cu mi kip in nan hlăwn ding.

31:6^a Job 22:23; Isa 1:5

31:7^b 1Sp 12:30; Isa 2:20; 30:22

8 ^a“Cun Assiria cu milai ralnâm a si lo mi in a tluter ding ih,
Milai ralnâm a si lo mi in a eirál ding.
Anih cu ralnâm lak ihsin a luat lo ding ih,
A tlangvalpawl cu hramhramih ṭuanbăngter mi ah an cang ding.
9 ^bṬihnak ruangah a lungpi cu a hloral ding ih,
A mipawimawhpawl cun thantar an ṭih ding,” tiin,
Zion ih a meisa rettu le,
Jerusalem ih a meipi rettu Jehovah in a ti.

31:8^a Sem 49:15; Dnp 20:11; Isa 10:12; 14:25

31:9^b Dnp 32:31; Isa 10:17; 18:3; Nah 3:7; Mal 4:1

32

Dingfelnak Lalram

1 ^aNgai hnik, siangpahrang pakhat in dingfelnak in a uk ding ih,
Uktupawl in diknak in an uk ding.
2 ^bPakhat ciar cu thli lakih relhnak hmun le
Thlipi lakih phentu an si cio ding,
A carnak hmun ih tiva pi pawl vek an si ding ih,
Ram car ih lungpi tumpi thlahlim vek an si ding.
3 ^cA hmutupawlih mit cu a caw lo ding ih,
A ngaithlatupawlih hna in a thei ding.
4 ^dMihaihawt thinlung khalin thudik a theithiam ding ih,
Ṭawnghak mi lei khalin fiang zetih ṭawng dingin a tiar ding.
5 ^eMi-â cu mizahum tiah an ti nawn lo ding ih,
Mitirhfak khal mitirhsiang tiah an ti fawn lo ding.
6 ^fZiangahtile mi-â cun thil atthlak a rel ih,
Pathian ngaihsak loih nung dingin,
Jehovah dokalhih thil sual rel dingin,
Mirilrâwngpawl khăwpkhamter lo dingin le,
Tihâlpawl tidai inter lo dingin
A thinlung in sual a ruat.
7 ^gA ṭha lo mi khawkhângtuih khawkhannakpawl cu an ṭha lo;
Mitlasam in diknak thu a rel hmanah,
Thuphan ṭawngkampawl thawi mifarahpawl siatsuah dingin,
Ruahmannak sualrál pawl khua a khâng.
8 ^hAsinan mizahum cun zah tlak thil ti dingin khua a khâng ih,
Zah tlak thil ti dingin khua a khan ruangah anih cu a ding hnget.

32:1^a Isa 9:6-7; Jer 23:5; Eze 37:24

32:2^b Isa 25:4; 44:3; Jer 31:9

32:3^c Isa 29:18

32:4^d Isa 29:24; 35:6

32:5^e 1Sam 25:25

32:6^f Isa 3:12, 15; 9:17

32:7^g Isa 29:20; Dan 12:10; Mik 7:3

32:8^h 1San 29:9; Thf 11:25

Jerusalem Nunaupawl Ralrin Peknak

9 ^aNannih nunau thlahdahaw pawl, tho uh,
Ka aw hi ngaithla hnik uh;
Nannih midaithlang fanupawl,
Ka thurel lamah nan hna tŭn uh.
10 ^bKum khat le ni tawkfang ah
Nan buai ding, nannih nunau daithlangpawl;
Ziangahtile sabit a rah lo ding,
Sabit rah lawh ti a um lo ding.
11 ^cKhūr uh, nannih nunau thlahdahaw pawl;
Buai uh, nannih midaithlang pawl;
Hlîtaw uh, lawngten um uhla,
Nan tâi ah buri hnipuan veng uh.
12 ^dLóram ṭha le sabit rah bawr zet pawl kha, nan âwm cūmin ṭah uh.
13 ^eZiangahtile ka mipawlih ram ah hling bur le hram bûar an ṭo,
A si, khawpi nuam zet sungih aipuannak inn hmuahhmuah cu ṭah uh.
14 ^fZiangruangahtile siangpahrang innpawl cu tlansan an si,
Mi tampi umnak khawpi cu thlauthlak a si.
Khaw kulhpawl le dawlsângpawl cu pûk ah an cang kumkhua,
Ramlak lākpawlih aipuannak le rante rual tlannak ah a cang tariai.
15 ^gTlun sâng ihsin kan parah Thlarau burh a si tiang le,
Ramṭhing cu ram ṭha ih a can tiang le,
Lóram ṭha cu tupi vekih siar a si tiangin.

32:9^a Dan 4:4; Amo 6:1; Zef 2:15

32:10^b Isa 5:5-6; 7:23

32:11^c Isa 3:24; 33:14; 47:2; Mik 1:8

32:12^d Isa 16:9; Nah 2:7

32:13^e Isa 5:6; 23:7; 24:11; Hos 10:8

32:14^f Isa 6:11; 13:22

32:15^g Isa 11:2; 29:17; Eze 37:9

Pathian Uknak ruangih Daihnak

16 ^aCun diknak cu ramṭhing ah a cêng ding ih,
Dingfelnak cu lóram ṭha ah a tâp ding.
17 ^bDingfelnak thil ti cu hnangamnak a si ding ih,
Dingfelnak rah cu kumkhaw thawvennak le rinrahawknak a si.
18 ^cKa mipawl cu ralmuannak hmun ah,
Him zetih cēnnak hmunpawl le cawlhhahdamnak hmunpawl ah an cêng ding.
19 ^dTupi ah rial a tla ih, khawpi cu santlaihlonak ah niam ko dirh a si hmanah,
20 ^eNannih tipi kap hmuahhmuah ih thlairawl cīngtupawl le,
Caw cang le lāk zalen zetih tlangtertupawl cu mithlawsuak nan si.

32:16^a Isa 1:26; 9:7; 35:1, 6

32:17^b Isa 30:15; Rom 14:7; Heb 12:11; Jam 3:18

32:18^c Jos 1:13; Job 11:18; Amo 9:14

32:19^d Job 40:11; Isa 10:19; 28:17; Zek 11:2

32:20^e Job 39:8; Ths 11:1

33

Vansannak le Băwmnak

1 ^aNang, rămnak táwng dah lo na cing ih, mi rămtu nang,
Nang, hrawkhrâwl zetih ti táwng dah lo na cing ih, hrăwkhrawl zetih mi titu nang, na hmakhua a pit a si!
Mi va răm na bān tikah, răm na si ding.
Hrawkhrâwl zetih mi ti na bān tikah,
Mi dang in hrawkhrâwl zetin an lo ti ding.
2 ^bMaw Jehovah, in zangfah hram aw;
Nangmah kan rak lo hngak a si.
Zing tin an thazang rung si aw,
Buai cān ah kan runsuahnak khal rung si hram aw.
3 ^cMipi thawmvâng ruangah mi an tlân;
Na dīn tikah, miphunpawl an ṭekdarh.
4 ^dKhaukhuap in thil a thiarkhawm bangin,
Na ralthillâkpawl cu fĭnkhawm an si,
Kharbawkpawl a suk a so ih an pet vekin,
Annih in cupawl cu an va cuh.
5 ^eJehovah cu khaisanin a um, ziangahtile anih cu tlun sâng ah a cêng,
Anih in diknak le dingfelnak in Zion a khatter.
6 ^fAnih cu na dam sung lo tihngettu a si ding ih,
Anih cu runsuahnak luangliam le fimnak le theihnak a si ding.
Jehovah ṭihzah cu a hlawnthil a si.
7 ^gNgai hnik, an miralṭhapawl cu kăwtthler ah an ṭap ding,
Remnak palaipawl cu nasa takin an ṭap ding.
8 ^hZinpipawl cu an ṭhing reprep,
Khualtlawng an um nawn lo.
Anih in thukham a pahbăl,
Khawpipawl a nautat,
Zohman a hmaisăwng lo.
9 ⁱLeilung cu a ṭap ih a cau,
Lebanon cu ningzakin a vuai,
Sharon cu ramṭhing bangtuk a si ih,
Bashan le Karmel an hnîn.
10 ^jJehovah in, “Atu-ah ka tho ding;
“Atu-ah khaisan ka si ding,
Atu-ah ka cawisângaw ding.
11 ^kNannih in fāng hi nan vun ding,
Nannih in cangpâwl nan hring ding,
Nan thaw in meisa vekin a lo kangrál hai ding.
12 ^lCule minungpawl cu ṭhúng lung rawh mi bangtuk an si ding;
Annih cu sahthlak mi hling meisa ih ur mi bangtuk an si ding.
13 ^mNannih hlapi ih umpawl, ka thil tuah mi hi nan hna in rak thei uh,
Cule nannih naite-ih umpawl,
Ka cahzia hi rak thei uh,” tiah a ti.
14 ⁿZion ih um misualpawl cu an thin a phâng;
Ṭihnak in midepdepawl a kaibĕt:
“Kan lakah zo so meisa kāng lakah cêng thei um?
Kan lakah zo so catuan meialh lakah cêng thei ding?” tiah an ti?
15 ^oDingfel zetih tlanglêngtu le dik zetih ṭawngtu,
Palbĕtnak ih ngah mi nautattu,
Nawhthuh la duh loih a kut herhsantu,
Thisen suah ding thu thei duh loih a hna hupbĕttu le,
Thil ṭha lo hmu lo dingih a mit hupbĕttu cu:
16 ^pHmun sâng ah a cêng ding,
A kilhimawknak cu lungpi kulh hnget a si ding,
Rawl a tlasam lo ding ih,
Tidai a tlasam lo ding.
17 ^qNa mit in Siangpahrang cu amai mawinak ah a hmu ding,
A hla zet mi ram an hmu ding.
18 ^rNa thinlung in ṭihnungza ngunngaih zetin a ngaihtuah ding:
“Khuiah so cangantu cu a um?
Khuiah so cuaithlaitu kha a um?
Dawlsângpawl siartu teh khuiah so?” tiin.
19 ^sMikawlhsenpawl,
Theihthiam thei lo mi ṭawng ṭawngtu le,
Theihfiang thei lo mi ṭawnghak ih a ṭawngtu minung na hmu nawn lo ding.
20 ^tKan puai ruat mipawl hmannak khawpi Zion cu zoh hman;
Ralmûang takih tlanlēnnak hmun,
Phelh lo ding mi puanthlam,
A fung khĕn pakhat hman ṭhawn lo ding mi,
A dirhnak hri pakhat hman sahcat lo ding mi Jerusalem cu
Na mit in a hmu ding.
21 ^uAsinan a ropi mi Jehovah cu kan hrangah,
Hlaucawp lăwngte le lăwng ropi pi khal an fehlonak
Tiva pi le tiva te umnak hmun kaupi ah a cang ding.
22 ^vZiangahtile Jehovah cu kan thuṭhentu a si,
Jehovah cu kan dān petu a si,
Jehovah cu kan Siangpahrang a si,
Anih in in runsuak ding.
23 ^wNa lăwng hri a dawr,
An puanzar bānpawl an hngetter thei nawn lo,
An puanzar an pharh thei nawn lo,
Cun ralthillâk nasa zet cu an zemaw ding;
Kebái in ralthillawn a la.
24 ^xCule cuih khua luahtu zohman in, “Ka dam lo,” an ti lo ding ih,
Cu tawkih cêng mipawl cu an mawhsualnak ngaidam an si ding.

33:1^a Isa 21:2; 24:16; Jer 30:16; Mat 7:2

33:2^b Ezr 9:8; Isa 25:9; 30:18; 40:10

33:3^c Mip 10:35; Isa 59:16-18

33:4^d 2Sp 7:16; Joe 1:4; 3:13

33:5^e Sam 97:9; Isa 1:26; 9:7

33:6^f Thf 1:7; Isa 11:3; 12:2; Mat 6:33

33:7^g 2Sp 18:18

33:8^h 2Sp 18:13-14

33:9ⁱ 1Sp 18:19; 2Sp 19:23; 1San 27:29; Isa 3:26; Jer 22:6; Mik 7:14; Nah 1:4

33:10^j Isa 2:21

33:11^k Isa 1:31; 26:18; Jam 1:15

33:12^l Isa 5:6; Amo 2:1

33:13^m Sam 48:10; Isa 34:1

33:14ⁿ Zek 13:9; Heb 12:29

33:15^o Sam 15:2; Thf 15:27; Isa 58:8

33:16^p Dnp 32:13; Isa 48:21

33:17^q Isa 4:2; 6:5; 26:15

33:18^r Isa 2:15; 17:14

33:19^s Sem 11:7; Isa 28:11

33:20^t Sam 125:1; Isa 32:18; 54:2

33:21^u Sam 1:3; Isa 10:34; 23:1

33:22^v Sam 89:18; Isa 2:3; 11:4; Jam 4:12

33:23^w 2Sp 7:8, 16

33:24^x Mip 23:21; Isa 30:26; Jer 31:34; 1Joh 1:7-9

34

Miphunpawl Dāntatnak

1 ^aNannih miphunpawl, ngaithla dingin ra nai hnik uh,
Nannih minungpawl, ngai uh!
Leilung le a sungih um mi hmuahhmuah khalin ngaithla hai seh.
Leitlun le a sung ihsin a ra suak mi thil hmuahhmuah khalin.
2 ^bZiangahtile Jehovah-ih aithawknak cu miphun zate parah a thleng ih,
An ralkap zate parah a thinsonak;
Anih in annihpawl cu a that ṭheh hai,
Mi thattu hnenah a ap hai a si.
3 ^cAn thah mipawl khal hlăwnsuah an si ding;
An mithi ruangpawl ihsin an rimsia a tho vutvo ih,
Tlangpawl cu an thisen in a ciah ding.
4 ^dVan ih thilmak rual zaten an rál ṭheh ding ih,
Van cu cazual bangin an zualaw ding;
Sabit hri ihsin a hnah a tlak bangin le,
Theipi kung ihsin a rah a ṭilh bangin,
Van ih thilmak rual zaten an ṭil ṭheh ding.
5 ^eZiangahtile ka ralnâm cu van ah a ri,
Ngai hnik, cumi cu Edom parah le,
Ka camsiat mipawl parah, thuṭhennak hrangah a ra thleng ding.
6 ^fJehovah-ih ralnâm cu thisen in a khat ih, thau a kăwp liailiai,
Tuu fa no pawl le me pa pawlih thisen in,
Tuu cang pawlih kaileng thau tla in.
Ziangahtile Jehovah in Bozrah ah raithawinak a nei ih,
Edom ram ah thahawknak rapthlak zet.
7 ^gRamlak caw cang pawl cu anmah zawngah an tlu ding ih,
Caw pa tûai pawl khal caw cang cak zet pawl zawngah,
An ram cu thisen in a ciahaw ding ih,
An leivut cu thau in a rîm ṭheh ding.
8 ^hZiangahtile Jehovah in phuba lak ni,
Zion ruangah lehrulhnak kum a nei.
9 ⁱA tiva te pawl cu katṭaza ah an cang ding ih,
A leivutpawl cu kât ah an cang ding;
A ram cu katṭaza kāng hluahhlo ah a cang ding.
10 ^jCumi cu a sun a zanin a mit lo ding;
A meikhu cu a khu kumkhua ding.
Cumi cu san khat ihsin san khat tiang a ṭhing ding;
Kumkhuain kumkhua tiang cumi cu zohman in an paltlăng nawn lo ding.
11 ^kAsinan cumi cu ^lka-at va le sakuh in an luah ding,
Sumbuh le tlangâk khal cu tawkah an cêng ding.
Cule anih in cumi tlunah hnăwkbuainak hri le kawlawngnak darhlumthlai hri a thlai ding.
12 ^mCucu lalram tiih kawh dingin a mipawimawhpawl in zianghman an nei nawn lo ding,
A bawipawl zaten zianghmanlo ah an cang ding.
13 ⁿCule a siangpahrang innpawl ah hling an kho ding,
A kulh hnget sungah thaihliak le hling bur an ṭo ding;
Cumi cu cinghniapawl umnak le,
Kalauk vapawl umnak a si ding.
14 ^oNelrawn sahrangpawl khal cinghniapawl thawn an táwngaw ding ih,
Zâthar in a hawipi a ko ding;
Zan vâk ṭihnungza pinu khal cu tawkah umhmun a khuar ding ih,
Cu tawkah a khawsa ding.
15 ^pRulngân in cu tawkah bu a tuah ding ih ti a ti ding,
Cule fa a keuhter ding ih, a kilhimnak hnuaiah a khawm hai ding;
Khautepawl khal cu tawkah an umkhawm ding,
Mai kăwppi fingfing thawn.
16 ^qJehovah-ih cazual sung ihsin hawl uhla, siar uh:
Hipawl lakah pakhat hman kim lo a um lo ding;
Kăwppi tlasam pakhat hman an um lo ding,
Ziangahtile ka kâ in thu a pe zo ih, a Thlarau in a fĭnkhawm hai zo.
17 ^rAn hrangah camcawhfung a zûksak zo ih,
Tahnak rīn in an lakah cumi cu a kut in a zem hai.
Kumkhuain cumi cu an nei lan ta ding;
San khat hnu san khat, cu tawkah an cêng ding.

34:1^a Dnp 4:26; Sam 49:1; Isa 33:13

34:2^b Isa 10:25; 13:5; Zek 5:3

34:3^c Isa 14:19; Eze 5:17; 39:11; Joe 2:20

34:4^d Joe 2:31; Mat 24:29; 2Pe 3:10; Thu 6:13-14

34:5^e Jos 6:17; Jer 47:6; Eze 21:5; Mal 1:4

34:6^f Isa 63:1; Jer 49:13

34:7^g Mip 23:22; Sam 68:30

34:8^h Isa 1:24; 2:12; 59:18; Eze 25:12-17; Joe 3:4

34:9ⁱ Sam 11:6

34:10^j Isa 1:31; 13:20; Jer 49:18; Eze 29:12; Mal 1:3

34:11^k Joe 3:19; Amo 7:8; Thu 18:2

34:11^l ka-at va: Pui 11:18 simfiangnak zoh aw.

34:12^m Job 12:21

34:13ⁿ Pui 11:16; Isa 5:6; 13:22

34:14^o Thu 18:2

34:15^p Dnp 14:13

34:16^q Isa 1:20; 30:8

34:17^r Isa 17:13; Jer 13:25

35

Tlen Mipawlih Aipuannak

1 ^aRamṭhing le nelrawn cu anmai hrangah an lung a awi ding ih,
Arabah phairawn cu a ai a puang ding, cule rose pangpar vekin a par ding;
2 ^bCumi cu hlaw zetin a par ding ih, lungawi aipuangin a um ding,
Cule aipuangin hla a sak ding.
Lebanon-ih ropitnak cu a hnenah pek a si ding,
Karmel le Sharon ṭhatnak bik khal.
Annih in kan Pathian-ih cungcuannak,
Jehovah-ih ropitnak an hmu ding.
3 ^cKut cak lo pawl cu cakter uhla,
Khuk ṭawnṭai pawl cu cakter uh.
4 Thinlung thlaphângpawl hnenah,
“Cak zetin um uh, ṭih hlah uh!
Ngai hnik uh, phuba la dingin nan Pathian a ra ding,
Pathian lehrulhnak a thleng ding;
Anih cu a ra ding ih a lo run hai ding,” tiah sim uh.
5 ^dCun mitcawpawlih mit a vâng ding ih,
Hnasetpawlih hna a vâng ding.
6 ^eCun kebáipawl cu zuknêng bangin an khir ding ih,
Ṭawng thei lo pawlih lei in aipuangin hla a sak ding.
Ziangahtile ramṭhing ah tidai a pût ding ih,
Arabah phairawn ah tiva te pawl.
7 ^fLei car sa hiamhiam cu dûm ah a cang ding ih,
Ram tihâl cu tihna ah a cang ding,
Cinghniapawl cēnnak, an bawhnak hmun ih hrampi cu câlte rûl le phaipheng ah an cang ding.
8 ^gCu tawkah cun zinpi le lamzin a um ding ih,
Cumi cu Thianghlimnak Zinpi tiah an ko ding.
Mithiang lo cun cumi cu a zawh lo ding,
Asinan cucu mi dang hrangah a si ding.
Lamzin zawhtu pauhpauh cu, mi-â an si hmanah,
Zin pêng an zawh lo ding.
9 ^hCu tawkah cun kiosa an um lo ding ih,
Sahrang koham khal pakhat hman cu tawkah an so lo ding,
Cu tawkah hmuh an si lo ding.
Asinan tlen mipawl cu cu tawkah an tlanglêng ding.
10 ⁱJehovah ih tlen mipawl cu an ra kirsal ding ih,
Hlasak phahin Zion ah an ra ding,
An lu parah catuan aipuannak thawn.
Aipuannak le lungawinak an congah ding ih,
Riahsiatnak le aihramnak cu an tlanhlo ding.

35:1^a Isa 27:6

35:2^b Isa 33:9

35:3^c Job 4:3-4; Heb 12:12

35:5^d Sam 146:8; Isa 29:18; Joh 9:6-7; Apo 26:18

35:6^e Suah 17:6; Isa 32:4; Mat 9:32-33; 15:30; Mar 7:35; Luk 7:22; 11:14; Joh 5:8-9; 7:38; Apo 3:8

35:7^f Sam 107:35; Isa 13:22

35:8^g Isa 11:16; 52:1; Jer 31:21; Mat 7:13-14

35:9^h Isa 62:12

35:10ⁱ Isa 30:19; Thu 7:17

36

Sennakerib in Jerusalem a Hro

1 ^aCule hitin a si, Siangpahrang Hezekiah a lal kum hleilitnak ah, Assiria siangpahrang Sennakerib cu Judah ram ih kulh nei khawpipawl hmuahhmuah do dingin a hung so ih a lâk ṭheh. 2 ^bCule Assiria siangpahrang in Rabshakeh cu ralkap tampi thawn Lakish khua ihsin Jerusalem ih siangpahrang Hezekiah hnenah a thlah. Cule anih cu puan sawptuih ló zin ih um, tili sakta tikáwng kiangah a ding. 3 ^cCule siangpahrang sungkua lakih hohatu Hilkiah-ih fapa Eliakim, cangantu Shebna le Asaf-ih fapa ngankhumtu Joah pawl tla a hnenah an ra suak.

36:1^a 2Sp 18:9; 2San 32:1

36:2^b Isa 7:3

36:3^c 2Sp 18:18; Isa 22:20-21

4 ^aCule Rabshakeh in an hnenah, “Hezekiah hnenah atu-ah, ‘Siangpahrang ropi Assiria siangpahrang in hitin a ti: “Nan rinsan mi rinawknak hi ziang a si? 5 ^bDoawknak hrangah ruahmannak le huham neiin na sim, asinan cupawl cu ṭawngkam men lawng an si, ka ti. Atu-ah zo na rinsan ih keimah dokalhih na hél? 6 ^cZoh hnik! A kiak mi himi câlte kianghrăwl, Izip na rinsan a si hi, a parih mi a ṭhumawk asile, a kut sungah a lut ding ih a sun ding. Cu vekin Izip siangpahrang Faro rinsantu hmuahhmuah an cang ding. 7 ^dAsinan ka hnenah, ‘Jehovah kan Pathian kan rinsan,’ na ti asile, cumi cu a hmun sâng pawl le a biakṭhengpawl cu Hezekiah in a lahlo zo ih, Judah le Jerusalem ah, ‘Himi biakṭheng hmaiah nan be ding,’ a ti a si lo maw?” tiah a ti.

36:4^a 2Sp 18:19

36:5^b 2Sp 18:19-20

36:6^c 2Sp 17:4; Isa 30:2, 5; Eze 17:17; 29:6-7

36:7^d Dnp 12:2-5; 2Sp 18:4; 2San 31:1; Sam 22:8; Mat 27:43

8 ^a‘Curuangah atu-ah, ka lo dil a si, Assiria siangpahrang ka bawipa hnenah thukamnak pe awla, nangmah lamin an parih totu ding pawl na ret thei ding asile, rang 2000 ka lo pe ding! 9 ^bRang lêngpawl le rang ralkappawl hrangah Izip rinsanin, ka bawipaih siahhlawhpawl lakih a tebik pawl lakih ralbawi pakhat hman ziangtin so na khir thei ding? 10 ^cAtu hi Jehovah tel loin, hi ram dokalhih siatbăl dingah ra maw ka si? Jehovah in ka hnenah, “Hi ram dokalhin so awla, cumi cu siatbăl aw,” in ti a si,’ tiah sim aw,” tiah a ti.

36:8^a Sam 20:7

36:9^b Sam 20:7; Isa 31:3; 37:24

36:10^c Isa 10:5-7

11 ^aCun Eliakim, Shebna le Joah tepawl in Rabshakeh hnenah, “Zangfahten na siahhlawhpawl hnenah Aramik ṭawng in ṭawng aw, ziangahtile cucu kan theithiam a si, cule khaw kulh parih um mipi hnatheih ah Hebru ṭawng in in be hlah,” tiah an ti.

36:11^a Ezr 4:7

12 ^aAsinan Rabshakeh in, “Ka bawipa in na bawipa hnen le na hnen lawngah hi ṭawngkampawl hi sim dingin in thlah maw si? Khaw kulh parih topawl, mai êk ei le mai zun in ding pawl hnen khalah in thlah a si lo maw?” tiah a ti.

36:12^a 2Sp 6:25; Eze 4:12

13 ^aCun Rabshakeh cu a dīng ih Hebru ṭawng in aw ring zetin a ausuak ih, “Siangpahrang ropi, Assiria siangpahrangih ṭawngkampawl hi ngaithla uh, tiah a ti. 14 ^bSiangpahrang in hitin a ti: ‘Hezekiah in lo bum hlah seh, ziangahtile anih in a lo runsuak thei lo ding, 15 ^cHezekiah in, “Jehovah in in runsuak tengteng ding, hi khawpi cu Assiria siangpahrang kut ah pek a si lo ding,” tiah tiin Jehovah lo rinsanter fawn hlah seh,’ a ti. 16–17 ^dHezekiah cu ngaithla hlah uh, ziangahtile Assiria siangpahrang in hitin a ti: laksawng hmangin keimah thawn remnak tuah uhla, ka hnenah ra suak uh, cule nan hnen ka rat ih nanmai ram bangtuk ram, thlairawl le sabit zu thar tamnak ram, sang le sabit hmuanpawl tamnak ram ih ka lo hruaihloh hlanlo mi kip in mai sabit hri ihta le mai theipi kung ihta nan ei fingfing ding ih, mi kip mai tikhur ih tidai nan in cio ding. 18 ^eFimkhur uh, culole, “Jehovah in in runsuak ding,” tiin Hezekiah in a lo lēmneh pang ding. Miphunpawlih pathianpawl lakih pakhat tal in Assiria siangpahrang kut ihsin an ram an runsuak dah maw si? 19 ^fHamath le Arpad teih pathianpawl cu khuiah so? Sefarvaim-ih pathianpawl kha teh khuiah so? Annih in ka kut ihsin Samaria kha an rak runsuak maw? 20 ^gHi rampawlih pathianpawl zate lakin zopawl in so ka kut ihsin an rampawl rak runsuak? Cuti asile Jehovah in ka kut ihsin Jerusalem a runsuak thei ding maw si?’ a ti,” tiah a ti.

36:13^a 2San 32:18

36:14^b 2San 32:15

36:15^c Sam 3:2, 7; Isa 37:10

36:16-17^d Sem 27:28; Dnp 28:51; 1Sp 4:25; 2Sp 15:29; Thf 5:15

36:18^e Isa 36:15

36:19^f 2Sp 15:29; 17:24; 18:34

36:20^g Suah 5:2; 2San 25:15; Dan 3:15

21 ^aAsinan annih cu daiten an um ih kam khat hman an let lo, ziangahtile siangpahrangih thupek cu, “Amah kha sawn hlah uh,” ti a si. 22 Cun siangpahrang inn kilkhawitu, Hilkiah-ih fapa Eliakim, cangantu Shebna le Asaf-ih fapa Joah, ngankhumtu cu an hnipuan tlêkpi thawn Hezekiah hnenah an thleng ih, Rabshakeh-ih ṭawngkampawl cu an sim.

36:21^a Thf 9:7-8

37

Hezekiah in Isaiah Thu a Ráwn

1 ^aCule hitin a si, siangpahrang Hezekiah in cuih thu a theih tikah, a hnipuan a thlek ih, buri hnipuan a khuhaw, cule Jehovah inn ah a lut. 2 ^bCun anih in siangpahrang sungkua hohatu Eliakim, cangantu Shebna le puithiampawl lakih upapawl cu buri hnipuan khuhawin Amoz-ih fapa profet Isaiah hnenah a thlah hai. 3 ^cCule annih in a hnenah, “Hitin Hezekiah in a ti, ‘Tuihni cu buainak le kawkawknak le thangsiatawknak ni a si, ziangahtile naute suah a cu thlang, asinan sangsuak dingin tha a nei lo. 4 ^dA nung mi Pathian simse dingih a bawipa Assiria siangpahrang in a thlah mi Rabshakeh-ih ṭawngkampawl cu Jehovah na Pathian in a theih ka zum, cule Jehovah na Pathian in a theih mi ṭawngkampawl ruangah amah cu a kawk ding. Curuangah tān mi a tāngsŭn pawl hrangah thlacam aw,’ tiin,” tiah an ti.

37:1^a Mat 11:21

37:2^b 2Sp 18:18; Isa 36:3

37:3^c Hos 13:13

37:4^d 2San 32:17; Amo 7:2

5 Cun siangpahrang Hezekiah-ih siahhlawhpawl cu Isaiah hnenah an feh. 6 ^aCule Isaiah in an hnenah, “Nan bawipa hnenah hitin nan sim pei, ‘Jehovah in, “Assiria siangpahrangih siahhlawhpawl ih in thangsiatnak na theih mi ṭawngkampawl kha ṭih hlah. 7 ^bNgai hnik, a parah thlarau pakhat ka ret ding ih, anih in thuthang a thei ding, cule amai ram ah a kir ding; cule amai ram ah ralnâm ih tlu dingin ka tuah ding,” a lo ti,’ tiah nan ti pei,” tiah a ti hai.

37:6^a Mip 15:30; Jos 1:9; Isa 7:4

37:7^b Isa 31:8

8 ^aCun Rabshakeh cu a kirsal ih, Assiria siangpahrang in Libnah khua a do rero lai a va hmu, ziangahtile anih cu Lakish khua ihsin a suak zo ti a hna in a thei. 9 ^bCule siangpahrang in, “Anih cu nangmah thawi doaw dingin a fehsuak zo,” tiah Kush siangpahrang Tirhakah-ih thuhla a thei. Cuih thu a theih tikah, anih cun Hezekiah hnenah palaipawl a thlah ih, 10 ^c“Judah siangpahrang hnenah hitin nan sim pei, ‘Na rinsan mi na Pathian in, “Jerusalem cu Assiria siangpahrang kut ah pek a si lo ding,” tiin lo bum hlah seh. 11 ^dZoh hnik! Assiria siangpahrangpawl in siatbăl ṭheh verver ko ram zate parih an tuah mi cu na hna in na thei zo. Cuti a si ahcun nang cu runsuahin na um ding maw? 12 ^eMiphunpawlih pathianpawl in ka pupápawl ih an rak siatbăl mi, Gozan le Haran le Rezef le Telassar ih a um mi Eden-mipawl kha an rak runsuak dah maw? 13 ^fHamath siangpahrang, Arpad siangpahrang, Sefarvaim khawpi siangpahrang, Hena siangpahrang le Ivah siangpahrang pawl kha khuiah so?’ tiin nan va sim pei,” tiah a ti hai.

37:8^a Mip 33:20; Jos 10:29, 31-32

37:9^b 2San 32:1; Isa 20:3

37:10^c 2San 32:11, 15; Isa 36:15

37:11^d Isa 36:18-20

37:12^e 2Sp 18:11; Amo 1:5

37:13^f 2Sp 17:24; Isa 10:9; 36:20

Hezekiah Thlacam

14 ^aCule Hezekiah in palaipawl kut ihsin cakuat cu a cohlang ih a siar. Cule Hezekiah cu Jehovah inn ah a so ih, Jehovah hmaiah cakuat cu a pharh. 15 ^bCun Hezekiah in Jehovah hnenah, 16 ^c“Maw ralkap rualpawlih Jehovah, Israel-ih Pathian, cherub-pawl karlakih cêng, nang hi, nangmah lawng hi, leilung lalrampawl hmuahhmuah ih Pathian na si. Nang in lei le van na rak tuah. 17 ^dMaw Jehovah, na hna thawng awla, rak ngai aw; Maw Jehovah, na mit meng awla, zoh hnik; a nung mi Pathian simse dingih a kuat mi Sennakerib-ih ṭawngkampawl hi ngaithla aw. 18 ^eMaw Jehovah, Assiria siangpahrangpawl in miphunpawl hmuahhmuah le an rampawl cu an ṭhingter thluh ngaingai ih, 19 ^fan pathianpawl cu meisa ah an urkāng, ziangahtile annih cu pathian taktak an si lo, milai kutsuak thing le lung an si sawn. Curuangah cupawl cu annih in an rak siatbăl ṭheh a si. 20 ^gCuruangah atu-ah, Maw Jehovah kan Pathian, leilung lalrampawl hmuahhmuah in nangmah lawng hi Jehovah na si, ti an theihnak dingah a kut ihsin in rundam aw,” tiin thla a cam.

37:14^a 1Sp 8:33; 2San 32:17

37:15^b 2San 32:20

37:16^c Dan 4:34; Apo 4:24

37:17^d 1Sp 8:29

37:18^e 2Sp 15:29

37:19^f 2San 32:19; Isa 40:17-20; Jer 2:11; Gal 4:8

37:20^g 1Sp 18:36-37; Sam 46:10; Isa 37:17

Sennakerib Tlûknak

21 Amoz-ih fapa Isaiah in Hezekiah hnenah, “Israel-ih Pathian Jehovah in, ‘Assiria siangpahrang Sennakerib thuhla ah ka hnenih thla na cam ruangah, 22 ^ahihi Jehovah in amah dokalhih a rel mi a kamsuakthu cu a si:

37:22^a Isa 10:32

“Fala him, Zion fanu cun,
A lo nautat ih, hmuhsuamin a lo hnihsan;
Jerusalem fanu cun,
^aNa dung ihsin a lu a lo thĭn!
23 ^bZo so na simsiat ih na thangsiat?
Zo dokalhin saw na aw na suah ih
Na mit sâng ih na ngauhnawh?
Israel-ih Mi Thianghlim dokalhin a si lo maw?
24 ^cNa siahhlawhpawl hmangin Bawipa rak simsia-in,
‘Ka rang lêng tampi thawn
Tlang sangpi pi ah ka kai,
Lebanon tlang sannak bik ah cun;
A sidar thing sangpi pi le
A mirang far thing ṭhaṭha pawl ka hau ding;
A hmun sannak hlabik, a tupi ṭha ah ka lut ding.
25 Tikhur ka lai ih tidai ka in,
Cule ka ke zaphak in kilhimnak tiva te zaten ka kāngter ṭheh,’ tiah na ti.
26 ^dHihi hna in na thei dah lo maw si?
Tuan le mang laiah cumi cu ka rak ruatfel zo,
Khuahlan ihsin cumi cu ka rak tum zo.
Kulh hnget nei khawpipawl siatbălin thil se penkhawm menih na canter dingah,
Atu-ah cumi cu ka cangsuakter a si.
27 ^eCuruangah an sungih cêngpawl in huham málte an nei;
Annih cu an thla a ṭem ih an ān a hai;
Annih cu ramlak hrampi le
Thlai hring vek an si,
A pitlin man hlanih ni ih a emro mi inn luanglu rawn parih hrampi vek an si.
28 ^fAsinan na cēnnak hmun,
Na thil ti mi zate le,
Ka parih na thinsosatnak ka thei.
29 ^gKa parih na thinsosatnak le na vaivungawknak cu
Ka hna ih a hung thlen ruangah,
Ka sio cu na hnar ah ka thluah ding ih,
Ka kakharh cu na kâ ah,
Cule na ratnak zinin ka lo kirter ding,” tiin thu a cah.

37:22^a Na dung ihsin: Assiria a si.

37:23^b Mip 15:30; Isa 2:11

37:24^c Isa 36:9

37:26^d Isa 10:6; 25:1-2

37:27^e Sam 129:6; Isa 15:6

37:28^f Sam 2:1; 139:1-3

37:29^g 2San 33:11; Isa 10:12

30 ^a‘Hihi na hrangih hminsinnak a si ding:

37:30^a Sam 107:37; Jer 31:5

Tuih kum ah amah teih kho mi nan ei ding ih,
A kum hnihnak khal cumi ihsin a kho mi thotho nan ei ding;
A kum thumnak khalah nan tuh ding ih nan at ding,
Sabit hmuanpawl tla nan tuah ding ih a rah nan ei ding.
31 ^aCule Judah sungza lakih tlânsuak minung tāngsŭn cu
Hnuai lamih hram thla le
Tlun lamih rahsuahin an umsal ding.
32 ^bZiangahtile Jerusalem ihsin mitangsŭnpawl an feh ding ih,
A tlânsuak mipawl cu Zion tlang ihsin.
Ralkap rualpawlih Jehovah-ih ṭhahnemngainak in himi hi a tuah ding a si,’ tiah a ti.

37:31^a Isa 11:10; 27:6

37:32^b Isa 1:9; 9:7; 11:11

33 “Curuangah Jehovah in Assiria siangpahrang thuhla ah hitin a sim:

‘Anih cu hi khawpi sungah a lut lo ding ih,
Cu tawkah thál fung khal a sai lo ding,
Khawpi hmaiah ralphaw keng khalin a ra fawn lo ding,
Khawpi kulhkhŭmnak lei sūnpâwng khal a dâwl fawn lo ding.
34 A ratnak zin thothoin a tlungkir ding,
Cule anih cu hi khawpi sungah a lut lo ding, Jehovah in a ti.
35 ^aZiangahtile keimah le ka siahhlawh David ruangah,
Hi khawpi run dingin ka kilveng ding,’

37:35^a 1San 17:19; Isa 31:5; Eze 36:2, 22

tiah a ti,” tiin.

36 ^aJehovah-ih vancungmi a fehsuak ih, Assiria-mipawlih ṭanhmun khuarnak ah mi tingkhat le thawng sawmriat le thawngnga a that hai; cule zingpit teih mi an hung thawh tikah, ngai hnik, mithi ruak hlir an rak si. 37 ^bCule Assiria siangpahrang Sennakerib cu a păwk ih, a fehhlo, inn ah a tlung ih, Nineveh ah a umlan ta. 38 Cule hitin a si, a pathian Nisrok-ih temple ih pathian a biak laiah, amai fapa Adrammelek le Sharezer in amah cu ralnâm in an sahthluk; cule anmah cu Ararat ram ah an tlanhlo. Cun a aiah a fapa Esarhaddon a lal.

37:36^a Suah 12:12; Isa 10:12

37:37^b 2San 32:21

38

Hezekiah Natnak

1 ^aCu laiah Hezekiah cu a na ih a thi zikte. Cule Amoz-ih fapa profet Isaiah a hnenah a va feh ih a hnenah cun, “Jehovah in hitin a ti, ‘Na innsang felten tawlrel aw, ziangahtile na thi ding ih na nung lo ding,’ a lo ti a si,” tiah a ti.

38:1^a 2Sp 20:1

2 ^aCun Hezekiah cu phar lam a hawi ih, Jehovah hnenah thla a cam, 3 ^b“Maw Jehovah, ka lo ngen a si, thungaithlak le rinumnak thinlung thawi na hmaika ih ka nundān le na mithmuh ih thil ṭha ka tuah mipawl kha cing hram aw,” tiah a ti. Cule Hezekiah cu nasa zetin a ṭap.

38:2^a 2Sp 20:2

38:3^b Dnp 6:18; 2Sp 18:3; 20:3; Sam 6:8; 26:3

4 ^aCule Isaiah hnenah Jehovah-ih kamsuakthu a ra thleng ih, 5 ^b“Feh awla Hezekiah hnenah sim aw, ‘Na pa David-ih Pathian, Jehovah in hitin a ti: na thlacam ka thei, na mitthlipawl ka hmu; zoh hnik, na dam sung nipawl cu kum hleinga ka bêt ding. 6 ^cAssiria siangpahrang kut ihsin nangmah le hi khawpi ka runsuak ding ih, hi khawpi ka hum ding.

38:4^a 2Sp 20:4

38:5^b 2Sp 18:2; 20:5; Sam 6:6

38:6^c 2Sp 20:6; Isa 31:5

7 ^a‘Cule Jehovah in a rel zo mi hi thil hi a tuah tengteng ding a si, ti lăngternak ah himi hi Jehovah hnen ihsin hminsinnak a si: 8 ^bngai hnik, Ahaz-ih kailawn parih thlahlim a ṭum zo mi khi, kal hra ka kirtersal ding,’ tiin,” tiah a ti. Cutin ni cu kailawn parih a ṭum zo hnuah kal hra a kirsal.

38:7^a 2Sp 20:8; Isa 7:11, 14

38:8^b Jos 10:13; 2Sp 20:11

9 Himi hi Judah siangpahrang Hezekiah in a damlonak ihsin a damsal hnuih a ngan mi a si:

10 ^aKei in, “Ka vanglai cān ah
Sheol kăwtka ka lut ding;
A tāng lai mi ka dam kumpawl cu ka hloh a si hi,” tiah ka ti.
11 ^bKei in, “YAH, Jehovah cu a nungdam mipawlih ram ah ka hmu nawn lo ding a si hi;
Leitlun luahtupawl lakah milai ka hmu nawn lo ding.
12 ^cTuu khāltuih deuthlam bangin ka cēnnak cu phelh a si;
Puan tahtu bangin ka nunnak cu ka zual.
Anih in thiambu ihsin i sattán;
Nang in khawvan ihsin khawthim hlan menah i cemter a si hi.
13 ^dZing a si hlanlo khua ka ruat,
Kiosa bangtukin anih in ka ruhpawl zaten a khiak ṭheh;
Khawvan ihsin khawthim hlan menah i cemter riai.
14 ^eVaca simaw, peleng simaw bangin ka au ruri;
Thuro bangin ka ai;
Tlun lam ka zohnak ah ka mit a khám.
Maw Jehovah, palbĕtin ka um;
Ka hrangah ṭuanvo la hram aw!
15 ^fZiang so ka sim ding?
Anih cun in bia ih,
Amah lala in cumi cu a rak tuah.
Ka nunnak ih harsatnak ruangah ka dam sung nuamnaite ten ka tlanglêng ding.
16 ^gMaw Bawipa, milaipawl cu hi thilpawl ruangah an nung;
Cule hi thilpawl ruangah nunnak ka nei;
Cutin nang in in damtersal ih in nungter.
17 ^hNgai hnik, ka ṭhatnak dingah
Harsatnak nasa lutuk ka rak táwng;
Asinan nang in duhdawt zetin siatralnak khur ihsin ka nunnak na runsuak,
Ziangahtile ka sualpawl hmuahhmuah na dung lamah na rak hlăwn.
18 ⁱZiangahtile Sheol cun lungawi thu a lo sim thei lo,
Thihnak cun a lo thangṭhat thei lo;
Khur sungih a suktupawl cun na thutak an beisei thei lo.
19 ^jA nung mi, a nung mi milai, anih in a lo thangṭhat ding,
Tuihni ih ka tuah vekin;
Pa in a fātepawl na thutak a theihter hai ding.
20 ^kJehovah in i runsuak cing ding;
Curuangah ka hlapawl hi cawngcingpawl thawn Jehovah inn ah
Kan dam sung hmuahhmuah in kan sak ding,” tiah ka ti.

38:10^a Job 17:16; Sam 102:24; 2Ko 1:9

38:11^b Job 28:13; Sam 116:9; Isa 12:2

38:12^c Job 4:21; 7:6

38:13^d Job 9:17; 10:16; Sam 37:7; Ṭah 3:4

38:14^e Sam 6:7; Isa 59:11

38:15^f 2Sam 7:20; Job 7:11; Sam 39:9

38:16^g Sam 119:25; Heb 12:9

38:17^h Job 7:11; Sam 103:3, 12; Isa 43:25; Jer 31:34; Mik 7:19; Rom 8:28; Heb 12:11

38:18ⁱ Mip 16:30; Sam 6:5; 30:9; Ths 9:10

38:19^j Sam 118:17; 119:175

38:20^k Sam 23:6; 33:2; 68:25; 116:17-19

21 ^aCun Isaiah in, “Theipi rah hmeh mi hlawm khat la uhla, khuaihli parah cun bĕn uh, cule anih cu a dam ding,” tiah a ti.

38:21^a 2Sp 20:7

22 ^aCule Hezekiah in, “Jehovah inn tiang ka so ding, ti hminsinnak cu ziang a si?” tiah a rak ti.

38:22^a 2Sp 20:8

39

Babilon Palaipawl

1 ^aCuih cān ah Baladan-ih fapa, Babilon siangpahrang Merodak-Baladan in Hezekiah hnenah cakuatpawl le laksawng a kuat, ziangahtile anih cu a na ih a damsal zo, ti thu a thei. 2 ^bCule Hezekiah cu an parah a lung a hmui ih, a hlawnthil retnak inn ihta, sui le ngun, rimhmuipawl le hnih mi hriak mankhung le a ralthuam retnak in sung hmuahhmuah, a hlawnthil retnak ih um hmuahhmuah a hmuh ṭheh hai. Hezekiah in an hnenih a hmuh hai lo mi a inn sungah siseh, a uknak ram hmuahhmuah ah siseh pakhat hman a um lo.

39:1^a 2Sp 20:12; 2San 32:31

39:2^b 2Sp 18:15; 20:13

3 ^aCun profet Isaiah cu Siangpahrang Hezekiah hnenah a feh ih a hnenah, “Hi milaipawl hin ziang so an rel ih khui ihsin so na hnenih an rat?” tiah a ti.

39:3^a Dnp 28:49; 2Sp 20:14-15

Cule Hezekiah in, “Ram hlapi Babilon ihsin ka hnenah an ra,” tiah a ti.

4 Cule anih in, “Na inn ah ziang so an hmuh?” tiah a ti.

Cun Hezekiah in, “Ka inn sungih um mi zaten an hmu ṭheh; ka hlawnthil retnak innpawl ah anmah ka zohter lo mi pakhat hman a um lo,” tiah a sawn.

5 ^aCun Isaiah in Hezekiah hnenah, “Ralkap rualpawlih Jehovah-ih kamsuakthu hi rak ngai aw: 6 ^b‘Ngai hnik, na inn sungih a um mi hmuahhmuah le na pupápawl in tuihni tiangih an rak khawl mipawl hmuahhmuah, Babilon ih an thiar thluh ding cān a ra thleng ding; zianghman tān mi an nei lo ding, tiah Jehovah in a ti. 7 ^cCule annih in na hrin ding mi, nangmai tesinfa a si ding mi na fapapawl lakih mi hrekkhat an hruaihlo ding; cule annih cu Babilon siangpahrang inn ih tilper ah an cang ding,’ a ti,” tiah a ti.

39:5^a 2Sp 20:16

39:6^b 2Sp 20:17; 24:13

39:7^c 2Sp 20:18; 24:15; Dan 1:1-7

8 ^aCule Hezekiah in Isaiah hnenah, “Na rak sim mi Jehovah-ih kamsuakthu cu a ṭha e!” tiah a ti. Ziangahtile anih in, “Ka dam sungah daihnak le thutak a um ding,” tiah a ti.

39:8^a 2Sp 20:19; 2San 32:26; Sam 39:9

40

Pathian Mipawl Hnĕm an Si

1 ^a“Thlangam uh, a si, ka mipawl thlangam uh,” nan Pathian in a ti.
2 ^b“^cDuat takin Jerusalem hnenah thusim uhla,
A ral donak cu a cem,
A mawhsualnak ngaithiam a si, tiah ausuak uh;
Ziangahtile a sualpawl zate hrangah a letin Jehovah-ih kut ihsin anih cun a rak tuar,” tiin.
3 ^dRamṭhing ih mi pakhat auaw cun,
“Jehovah-ih lamzin timlam uh,
Kan Pathian hrangah nelrawn ah zinpi dĭngter uh.
4 ^eA kuarnak kip kha silhkhat uhla,
Tlang le mual kip in rāwnter uh.
Hmun rual lo pawl rualter uhla,
Hmun bingbo pawl tlămter uh.
5 ^fJehovah-ih ropitnak a lang ding ih,
Milai hmuahhmuah in cumi cu an hmutlang ding;
Ziangahtile Jehovah-ih kâ in a rak rel zo,” tiin.
6 ^gAw in, “Au aw!” tiah a ti.
Cule anih in, “Ziang so ka au ding?” tiah a ti.
“Milai hmuahhmuah hi hrampi an si ih,
An mawinak hmuahhmuah hi ramlak pangpar bangtuk an si.
7 ^hHrampi a vuai, pangpar a ziam,
Ziangruangahtile Jehovah-ih thaw cu a parah a hrang;
Thungaiten minungpawl cu hrampi an si.
8 ⁱHrampi a vuai, pangpar a ziam,
Asinan kan Pathian kamsuakthu cu kumkhuain a hmun,” tiin.
9 ^jNang thuthangṭha kengtu, Maw Zion,
Tlang sâng ah khin kaiso hnik;
Nang thuthangṭha kengtu, Maw Jerusalem,
Na aw ringpin suah hnik,
Ṭih hlah, na aw suah ko;
Judah khawpipawl hnenah, “Zoh hnik uh, nan Pathian!” tiah sim uh.
10 ^kNgai hnik uh, Bawipa Jehovah cu kut cak tak thawn a ra ding ih,
A bân in amai hrangah a uk ding;
Ngai hnik uh, a lawmman cu a hnenah a um ih,
A hnaṭuan cu a hmaiah a um.
11 ^lTuu khāltu bangin a rante rual a khāl ding;
Tuu fa no pawl cu a bân in a fĭnkhawm hai ding ih,
A ṭāng sungah a thiar hai ding,
Cule a notepawl cu dimdawih zetin a hruai hai ding.
12 ^mZo in so tipi cu a kut zaphak ih tah um dah,
Zo in so van cu khâp in a tah dah ih,
Leilung leivut cu zo in so a tah dah?
Zo in so tlangpawl cu khīngkhainak ih tah ih,
Tlangmûalpawl cu cuai thlainak thawi tah dah?
13 ⁿZo in so Jehovah-ih Thlarau hnenih thu pe,
Asilole amai thurawn vekih amah zirh dah?
14 ^oZo hnenah so thurawn pek a lâk ih,
Zo in so amah thu rak pe dah ih,
Diknak zin ih amah zirh dah?
Zo in so theihnak amah zirh ih,
Theihthiamnak zin amah khihhmuh dah?
15 ^pNgai hnik, miphun zaten ṭin sungih tidai fawr khat vek an si ih,
Khīngkhainak parah leivut fáng khat vek fangih siar an si;
Zoh hnik, anih cun tikulhpawl cu thil fate zet vekin a khai men.
16 ^qCule Lebanon cu ur dingah a daih tawk lo,
A ramsapawl khal Meiur Thilhlăn dingah a daih tawk fawn lo.
17 ^rA hmaiah cun miphun hmuahhmuah hi zianghmanlo men an si ih,
Annih cu zianghmanlo menah le thulolak menah a ruat hai.
18 ^sPathian cu zo thawn so nan tahṭhim ding?
Asilole amah cu ziang lem thawn so nan khaikhin ding?
19 ^tSodeng pa in milim a ser,
Sui ertu cun a parah sui ti a khût ih,
Ngun ertu in cikcin ṭhi a tuahsak.
20 ^uNun har tuk ruangih cuvek thawhhlawm thawh thei ve lo tu cun
Răwp thei lo zanthing a hril;
A derdai lo ding mi khercawp milim tuahsak dingin
Amai hrangah kut themthiam a hawl.
21 ^vNan thinlung in nan thei dah lo maw si?
Nan hna in nan thei dah lo maw si?
A tir ihsin rak sim zo nan si lo maw si?
Leilung sersiam thawk ihsi khan nan rak theithiam zo lo maw si?
22 ^wAnih cu leilung kualpûm tlunih totu kha a si,
Cumi luahtupawl cu kharbawk bangtuk an si,
Van kha puanzar bangtukin a zar ih,
Cēnnak ding puanthlam bangtukin a pharh.
23 ^xAnih cun uktupawl cu zianghmanlo ah a canter;
Leilung thuṭhentupawl cu hman tlak lo ah a tuah hai.
24 ^yHarsa zetih phun an si ding,
Harsa zetih tuh an si ding,
Harsa zetin an kungpi in leilung sungah hram a thla ding,
Anih in anmah a sĕm tikah,
An vuai ding ih
Phusîng in cangpâwl bangin a cawihlo hai ding.
25 ^z“Zo vek thawn so in tahṭhim ding,
Asilole zo vek thawn so in tlukawkter ding?” Mi Thianghlim in a ti.
26 ^aaVan tau uhla, zoh uh,
Zo in hi thilpawl a rak sersiam,
Zo in so arsipawl pakhat teten a hruaisuak ih,
An zaten an hmin ih ko?
A cahnak nasa tak le
A thiltitheinak thazang ruangah,
Mi pakhat hman an hlo lo.
27 ^abZiangah so, Maw Jakob, hitiih na ti,
Maw Israel, ziangah so hitiih na ṭawng:
“Ka lamzin cu Jehovah hnen ihsin thuh a si ih,
Ka covo thuṭhennak dik hi ziangah so ka Pathian in a ngaihsak lo,” tiin?
28 ^acNan thinlung in nan rak thei lo maw si?
Nan hna in nan rak thei lo maw si?
Catuan Pathian, Jehovah,
Leilung dĕng tiangih sersiamtu cu,
A hnang dah lo ih a cau dah fawn lo ti mi hi,
A thil theihthiamzia cu hmuhsuah ding rual a si lo.
29 ^adAnih in a hnang mipawl hnenah thiltitheinak a pe ih,
Cahnak nei lo pawl hnenah an cahnak a ṭhangter.
30 ^aeMinopawl hnangin cau hman hai sehla,
Tlangvalpawl tlu thlepthlep hman hai sehla,
31 ^afJehovah beiseitupawl cu
Thazang thar an ngah ding;
Muvanlai bangin thla in an zamso ding,
An tlân ding ih an cau lo ding,
An feh ding ih an hnang lo ding.

40:1^a Isa 12:1; Jer 31:13; Zef 3:14-17; Zek 1:17; 2Ko 1:3

40:2^b Isa 35:4; Jer 16:18; Zek 9:12; Thu 18:6

40:2^c Duat takin: A ṭawng hrampi ah cun, “thinlung ah” ti a si.

40:3^d Mal 3:1; Mat 3:3; Mar 1:3; Joh 1:23

40:4^e Isa 49:11; Jer 31:9

40:5^f Luk 2:30

40:6^g Job 14:2; Sam 90:5-6; 103:15-16; Jam 1:10-11; 1Pe 1:24

40:7^h Suah 15:10; Job 8:12; Eze 22:21

40:8ⁱ Isa 5:24; Mat 5:18; 1Pe 1:24-25

40:9^j Isa 41:27; Nah 1:15; Apo 13:32

40:10^k Isa 35:4; Mat 21:5; Thu 22:7, 12

40:11^l Dnp 30:4; Mik 5:4; Joh 10:1-16

40:12^m Job 12:15

40:13ⁿ Isa 11:2; 1Ko 2:16

40:14^o Isa 55:9; Kol 2:3

40:15^p Jer 10:10

40:16^q Isa 33:9; Mik 6:7

40:17^r Isa 30:28; Dan 4:35

40:18^s Suah 8:10; 1Sam 2:2; Apo 17:29

40:19^t Isa 2:20; Jer 10:3; Hab 2:18; Zek 10:2

40:20^u 1Sam 5:3-4; Isa 41:7; 44:19; 46:7

40:21^v Isa 41:22; 48:13; Apo 14:17; Rom 1:19

40:22^w Sem 1:1, 8; Mip 13:33; Job 22:14

40:23^x Amo 2:3

40:24^y 2Sam 22:16; Job 5:3; Isa 41:2

40:25^z 1Sam 2:2; 1San 16:25; Isa 1:4

40:26^aa Job 9:4; 38:32; Sam 89:11; Isa 51:6; Efe 1:19

40:27^ab Job 27:2; 34:5; Isa 49:14; 54:8; Luk 18:7-8

40:28^ac Sam 147:5; Rom 11:33

40:29^ad Sem 18:14; Sam 68:35; Isa 50:4; Jer 31:25

40:30^ae Sam 20:8; Isa 5:27; 9:17; Jer 6:11

40:31^af Suah 19:4; 1Sam 2:4; 2Sp 6:33; Sam 37:9; Luk 18:1; 2Ko 4:1, 16; Heb 12:1-3

41

Jehovah cu Milempawl hnakin a Ropisawn

1 ^a“Ka hmaiah daiten um uh, Maw tifinriat kap tluan pawl,
Cule miphunpawl cu an thazang tharter hai seh!
Ra nai hai sehla, ṭawng hai seh;
Thuṭhennak hrangah va naih tlangkhawm uhsi.
2 ^bZo in so nisuahnak lam ihsi mi pakhat cawktho?
Zo in so dingfelnak in amah cu a ke hramah a ko?
Anih cun a hmaika ah miphunpawl cu a hruaisuak ih,
Siangpahrangpawl a duaiter.
Anih cun a ralnâm hmangin anmah cu leivut vekin le,
A thál hmangin cangpâwl thli ih a semhloh vekin a tuah.
3 ^cAnih cun a ke ih a feh dah lo nak zinin anmah a dawi ih, himten a lan hai.
4 ^dZo in so a tir ihsin cithlah sâwng zaten koin, tuahsuak ih tisuak?
Kei, Jehovah cu a hmaisabik le,
A netabik umpitu amah cu ka si.”
5 ^eTifinriat kap tluan pawl in cumi cu an hmu ih an ṭih,
Leilung dĕngpawl an thin a phâng;
An ra nai ih an ra.
6 ^f“Cak zetin um aw!” tiah mi kip in anmai innhnen an bawm ih,
An unau hnenah an sim!
7 ^gCun an thil car cu, “A ṭha e,” tiin zungthiam pa in thirsertu thazang a pe,
Sobul ih a thil sutu pa in dolung dengtu a lawm;
Cun derdai lo dingin,
Kilhnakpawl in cumi cu a hngetter.
8 ^h“Asinan ka rual Abraham-ih tesinfapawl,
Nang, Israel ka siahhlawh,
Ka hril mi Jakob,
9 ⁱNang cu leilung dĕng ihsin ka lo lâksuah mi na si ih,
Hmun hlatnak bik ihsin ka lo kawh mi na si,
Cule na hnenah,
‘Nang hi ka siahhlawh na si,
Ka rak lo hril ih ka lo hlăwn lo,’ tiah ka lo ti.
10 ^jṬih hlah, ziangahtile na hnenah ka um;
Na thinphâng hlah, ziangahtile keimah cu na Pathian ka si.
Ka lo cakter ding,
A si, ka lo bawm ding,
Ka dingfelnak vawrh lam kut in ka lo kaibĕt ding.
11 ^kNgai hnik, nangmah lo thinhengtertu hmuahhmuah cu
An ning a zak ding ih an mualpho ding;
Cule nangmah a lo dotupawl cu zianghmanlo ah an cang ding ih, an hloral ding.
12 ^lNangmah a lo beitu cu,
Na hawl hai ding ih na hmu hai lo ding.
Nangmah a lo dotupawl cu,
Thil um lo mi vekin,
Zianghmanlo ah an cang ding.
13 ^mZiangahtile kei, Jehovah na Pathian in na kut vawrh lam ka kai.
‘Ṭih hlah, ka lo bawm ding,’ titu cu keimah ka si.
14 ⁿṬih hlah, nang pangāng Jakob,
Nannih Israel mipapawl!
Ka lo bawm ding, Jehovah in a ti.
Nanmah tlentu cu Israel-ih Mi Thianghlim a si.
15 ^oNgai hnik, hâ hriam nei thlairawl vuaknak thar ah ka lo tuah,
Tlangpawl na cīl pei ih na vaw te ṭheh ding,
Cule tlangmûalpawl cu fāng hi bangtukah na tuah ding.
16 ^pAnnih cu na theh hai ding ih, thli in a hrănhlo hai ding,
Cule phusîng in a darhter hai ding;
Sikhalsehla nang cu Jehovah ah na ai a puang ding ih,
Israel-ih Mi Thianghlim ah tluang na khawng ding.
17 ^qMifarahpawl le mitlasampawl in tidai an hawl, asinan a um lo,
An lei cu tihâlin a ro ding.
Kei, Jehovah in annih cu ka sawn hai ding;
Kei, Israel-ih Pathian in ka thlauthla hai lo ding.
18 ^rHmun sâng kawlh ah tivapawl ka luangsuakter ding,
Phaikuampawl laiah tihnapawl ka pûtter ding,
Ramṭhing cu tili ah le,
Ram car cu tihna ah ka tuah ding.
19 ^sRamṭhing ah sidar le akasia thing,
Hadas le hriak thing ka phun ding,
Nelrawn ah mirang far thing le far thing le ^ttidhar thing pawl ka khotlangter hai ding,
20 ^uCutin hihi Jehovah-ih kut in a rak tuah ih,
Israel-ih Mi Thianghlim in a rak sersiam ti an hmu ding ih an thei ding,
Cule an ngaihtuah ding ih an theithiamtlang ding,” tiah a ti.
21 ^v“Nan thuhla run thlen uh,” Jehovah in a ti.
“Nan thiamthu rak suahpi uh,” Jakob-ih Siangpahrang in a ti.
22 ^wRak suahpi hai sehla, thil cang ding mi in hmuh hai seh;
Kan ruah thiam thei nak dingah le,
Lehhnuih an netnak ding kan theih thei nak dingah,
Hi hlan thilpawl kha ziang an si ti in hmuh hai seh,
Asilole a ra lai ding thilpawl kan hnenah in thăn hai seh.
23 ^xNannih cu pathian nan si ti kan theih thei nak dingah,
Tuih hnuih a ra thleng ding mi thilpawl in hmuh uh,
Kan thin a phâng ding ih, kan ṭih thei nak dingah,
A si, thil ṭha simaw, thil ṭha lo simaw tuah uh.
24 ^yNgai hnik uh, nannih cu zianghmanlo men nan si ih,
Nan hnaṭuan mi khal zianghmanlo a si;
A lo hriltu cu fihnungza a si.
25 ^z“Sak lam ihsin mi pakhat ka cawktho ih,
Anih cu a ra ding,
Ni a suah ihsin ka hmin a ko ding;
Cule lung rialdip mi cīl vekin le,
Bel tuahtu in tlak a cīl bangin,
Uktupawl tlunah a ra ding.
26 ^aaKan theih thei nak dingah, zo in so a tir ihsin a rak thăn?
Cule ‘Anih cu midingfel a si,’ kan titheinak dingah a hlan cānpawl kha zo in so a thăn?
Thungaiten a hmuhtu zohman an um lo,
Thungaiten a thăntu zohman an um lo,
Thungaiten na ṭawngkampawl theitu zohman an um lo.
27 ^abZion hnenah, ‘Zoh hnik, annihpawl khi!’ tiah ka ti hmaisa ding ih,
Jerusalem hnenah thuthangṭha kengtu pakhat ka pe ding.
28 ^acCule ka zoh ih, mi zohman an um lo;
An lak ka zoh, asinan thurawn petu an um lo,
Zo so a si tiih ka suh tikah an lakah kam khat hman in sawn thei tu an um lo.
29 ^adNgai hnik, an zaten misantlailo hlir an si,
An hnaṭuan mipawl cu zianghmanlo men an si,
An burcawp milimpawl cu thli le hnăwkhnainak men an si.

41:1^a Isa 48:16; Zef 1:7; Zek 2:13

41:2^b 2Sam 22:43; Ezr 1:2; Isa 13:4, 18

41:3^c Dan 8:4

41:4^d Sem 1:1; Dnp 32:39; Isa 43:7; Thu 1:8, 17

41:5^e Dnp 30:4; Isa 11:11-12; Eze 26:17-18

41:6^f Jos 1:6

41:7^g 1Sam 5:3; Isa 44:13; Jer 10:3-5

41:8^h 2San 20:7; Isa 14:1; Jam 2:23

41:9ⁱ Dnp 7:6; Isa 11:11

41:10^j Sem 15:1; Suah 3:20; Dnp 3:22; Jos 1:9; Job 40:14; Isa 43:1-2

41:11^k Suah 23:22; Isa 17:12; 29:8, 22

41:12^l Job 7:8; Isa 17:14; 34:12

41:13^m Sam 73:23; Isa 42:6

41:14ⁿ Job 4:19; 19:25; Isa 1:4, 27

41:15^o Suah 19:18; Job 41:30; Jer 9:10; Eze 33:28

41:16^p Isa 25:9; 40:24; 45:25; Jer 15:7; Dan 2:35; Mar 1:24

41:17^q Dnp 31:6; Sam 27:9; Isa 30:19; 42:16; 55:1

41:18^r Job 38:26; Isa 30:25; 35:7; 43:19

41:19^s Suah 25:5, 10, 13; Isa 37:24; 44:14; 60:13

41:19^t tidhar: Thingkung fate a si, a hnah a bŭk ih a hring ringring. Lebanon tlang ah a kho.

41:20^u Suah 6:7; Ezr 7:6; Isa 29:24; 50:2; Jer 32:17

41:21^v Isa 43:15

41:22^w Isa 42:9; 43:9, 18; Joh 13:19

41:23^x Isa 45:3; Jer 10:5

41:24^y 1Sam 12:21; Sam 109:7; Isa 37:19; 1Ko 8:4

41:25^z 2Sam 22:43; Ezr 1:2; Jer 50:9, 41; Nah 3:14

41:26^aa 1Sp 18:26; Isa 52:6; Hab 2:18-19

41:27^ab Isa 48:3, 16

41:28^ac Isa 50:2; 65:2; Jer 25:4; Eze 22:30

41:29^ad Isa 37:19; Jer 5:13

42

Jehovah-ih Siahhlawh

1 ^a“Ngai hnik! Ka kaih hnget mi ka siahhlawh,
Ka hril mi, ka thinlung cu a parah a lung a hmui!
A parah ka Thlarau ka ret;
Anih in miphunpawl hnenah diknak a thlen ding.
2 ^bAnih cu a ausuak lo ding ih, a aw khal a suah lo ding,
Kăwtthler ih theih dingin a aw a suah fawn lo ding.
3 ^cA phusuih mi câlte kung hman a tán lo ding ih,
Meica thi zikte a mitter lo ding;
Thutak hrangah diknak a keng ding.
4 ^dLeilung tlunah diknak a dĭnsuak hlanlo,
A cau lo ding ih, a tha khal a ṭum lo ding,
Cule tifinriat kap tluan pawl in a dān an hngak ding,” tiin.
5 ^eJehovah Pathian,
Van sersiamtu le kaipharhtu,
Leilung le a sung ihsi suak pharhtu,
A parih um minungpawl hnenih thaw petu le,
A parih tlanglêngtupawl hnenih thlarau petu cun hitin a ti:
6 ^f“Kei, Jehovah in dingfelnak in ka lo ko,
Na kut ka lo kai ding ih,
Ka lo humhim ding.
Minungpawl hrangih thukham dingah le,
Miphunpawl hrangih tleu si dingah ka lo ruat ding.
7 ^gMitcawpawl mitvângtertu dingah,
Thawnginn ihsin thawngtlapawl suaktertu dingah le,
Thawnginn thim sungih topawl suahtu dingah a si.
8 ^hKeimah cu Jehovah ka si, cumi cu ka hmin a si,
Cule ka ropitnak cu mi dang ka pe lo ding,
Thangṭhat mi ka sinak khal sercawp milimpawl hnenah ka pe fawn lo ding.
9 ⁱNgai hnik, thil hmaisa cu an rak cang zo ih,
Thil thar pawl ka thăn;
An cerhno hlanah an thuhla ka lo sim a si,” tiin.

42:1^a Isa 9:7; 11:2; Mat 3:17; 12:18-21; 17:5; Mar 1:11; Luk 3:22; Joh 3:34; Fil 2:7; 1Pe 2:4, 6

42:2^b Thf 8:1-4

42:3^c Job 13:25; Sam 72:2; 96:13

42:4^d Sem 49:10; Isa 2:4

42:5^e Sem 1:6; Isa 48:13; Apo 17:25

42:6^f Isa 41:13; 49:8; Jer 23:6; 31:31; Dan 9:7; Mal 3:1

42:7^g Isa 24:22; 49:9; 61:1; Zek 9:11; Luk 4:19; Apo 26:18; 2Ti 2:26

42:8^h Suah 8:10; Isa 48:11

42:9ⁱ Isa 41:22; 43:19

Jehovah Thangṭhatnak

10 ^aJehovah hnenah hla thar sa uhla,
Amah thangṭhatnak cu leilung dĕng ihsin sak uh,
Nannih tifinriat sungih luttupawl le a sungih um hmuahhmuah tla,
Nannih tifinriat kap tluan pawl le nannih cu tawkih cêngpawl tla!
11 ^bRamṭhing le a khawpipawl in an aw suah hai seh,
Kedar-mipawl umnak khawtepawl tla in.
Sela luahtupawl in hlasak hai seh,
Tlangpawlih zim ihsin au hai seh.
12 ^cJehovah hnenah sunlawinak pe hai sehla,
Tifinriat kap tluan pawl ah a thangṭhatnak thăn hai seh.
13 ^dJehovah cu micak pa bangtukin a păwksuak ding,
A ṭhahnemngainak cu ral do mi bangin a căwktho ding.
A ausuak ding, a si, ringpin a au ding;
A ralpawl cu a neh hai ding.
14 ^e“Cān reipi daiten ka rak um,
Ka um menmen ih ka rak sūpaw.
Atu cun nunau fahrin nat tuar bangin ka au ding,
Hmakhatteah ka thaw hluthlo ding ih ka thaw hutho ding.
15 ^fTlangpawl le tlangmûalpawl cu ka ṭhingter hai ding ih,
Cu tawkih thil ṭo zaten ka roter ding;
Tiva pi pawl cu tifinriat kap tluan pawl ah ka tuah ding ih,
Tilipawl ka kāngter ding.
16 ^gMitcawpawl cu an theih lo mi lamzin in ka hruai hai ding,
An rak theih dah lo mi zinpawl ah ka hruai hai ding.
An hmaiah thim cu tleu ah ka cangter ding ih,
Hmun bingbo pawl ka rualter ding.
Hi thilpawl hi an hrangah ka tuah ding ih,
Anmah cu ka thlauthla hai lo ding.
17 ^hKhercawp milimpawl rinsan ih,
‘Nannih cu kan pathian nan si,’ tiih
Burcawp milimpawl hnenih titupawl cu
Kirter an si ding ih, nasa zetin ningzahter an si ding.
18 ⁱNannih hnasetpawl, ngai uh;
Nannih mitcawpawl, nan hmuh thei nak dingah zoh uh.
19 ^jKa siahhlawh dah ti lo zo so mitcaw um,
Asilole ka thlah mi ka palai vekih hnaset zo so um?
Keimah thawi remaw pa vekih mitcaw le,
Jehovah-ih siahhlawh vekih mitcaw zo so um?
20 ^kThil tampi hmu cing siin, na ngaihsak lo;
Hnavâng cingin, a hna in a thei lo,” tiin.
21 ^lJehovah cu amai dingfelnak ruangah a lung a hmui tuk;
Anih in dān a khaisâng pei ih upat tlakah a tuah ding.
22 ^mAsinan himi cu suam le răm tuar miphun a si,
An zaten kua sung pawl ah kaih an si ih,
Thawng innpawl ah thuh an si;
Annih cu runsuaktu nei lo deh ding mi sa ah le,
“Pekir uh,” titu nei lo ralthillâk ah an cang.
23 ⁿNan lakah zo in so himi lamih hna tŭn ding?
Zo in so ngaithlain cān ra lai ding hna ih thei ding?
24 ^oZo in so Jakob cu ralthillâk dingah le,
Israel cu misuamtupawl hnenah a pe ding?
A lakih thil sual kan tuahnak pa,
Jehovah kha a si lo maw?
Ziangahtile annih in a lamzin an zawh duh lo ih,
A dān khal an thlun duh fawn lo.
25 ^pCuruangah anih in a thinsosatnak nasa tak le,
Doawknak rapthlak tak cu a parah a burh;
A kimvel hmuahhmuah cu mei in a ur,
Cu cingin anih in a thei cuang lo;
Amah cu a kāng nân,
A thinlung ah a lalut cuang lo.

42:10^a Suah 15:1; Dnp 30:4; 1San 16:32; Sam 96:1, 11

42:11^b Isa 32:16; Nah 1:15

42:12^c 1San 16:24; Isa 11:11; 1Pe 2:9

42:13^d Suah 14:14; Isa 66:14; Jer 25:30; Hos 11:10; Joe 3:16; Amo 1:2

42:14^e Jer 4:31; Luk 18:7; 2Pe 3:9

42:15^f Isa 11:15; Eze 38:20; Nah 1:4-6

42:16^g Dnp 4:31; Isa 29:24; Jer 31:8-9; Luk 1:78-79; 3:5; Heb 13:5

42:17^h Suah 32:4; Sam 97:7

42:18ⁱ Isa 29:18; 35:5

42:19^j Isa 41:8-9; 44:26; Eze 12:2

42:20^k Isa 6:9-10; Jer 5:21

42:21^l Isa 43:25; 2Ko 3:7

42:22^m Lai 6:4; 2Sp 24:13; Isa 5:29

42:23ⁿ Dnp 32:29; Isa 57:11

42:24^o Jos 1:7; 2Sp 17:6; Jer 44:10

42:25^p Isa 1:3; 29:13; Ṭah 2:3; Eze 7:19; Hos 7:9; Nah 1:6

43

Israel Runsuaktu Umsŭn

1 ^aAsinan atu-ah, Maw Jakob, nangmah lo sersiamtu le,
Maw Israel nangmah a lo dĭnsuaktu Jehovah in hitin a ti:
“Ṭih hlah, ziangahtile ka lo tlen zo;
Na hmin in ka lo ko zo;
Nang cu keimai ta na si.
2 ^bTipi na tan tikah, ka lo umpi ding ih;
Tiva pi pawl na tan tikah an lo cimpil lo ding.
Meisa na zawhtlăng tikah, na kāng lo ding ih,
A alh khal in a lo em-ut lo ding.
3 ^cZiangahtile keimah cu Jehovah na Pathian ka si,
Israel-ih Mi Thianghlim, nangmah Runsuaktu ka si,
Nangmah tlennak ah Izip,
Na aiah Kush le Seba ka pe.
4 ^dNang cu ka mithmuh ah na sunglawi tuk,
Cawimawi na rak si ih,
Ka rak lo duhdawt;
Curuangah na aiah mi dang,
Na nunnak aiah miphunpawl ka pe ding.
5 ^eṬih hlah, ziangahtile ka lo umpi a si;
Nisuahnak lam ihsin na tesinfapawl ka hruai ding ih,
Nitlaknak lam ihsin ka lo fĭnkhawm ding,
6 ^fSak lam hnenah, ‘Thlah hai aw!’ ka ti ding ih,
Thlang lam hnenah, ‘Kaitâng hai hlah!’ ka ti ding.
Hmun hlapi ihsin ka fapapawl rak hruai uhla,
Leilung dĕng ihsin ka fanupawl rak hruai hai uh, ka ti ding.
7 ^gKa hmin ih kawh mi pauhpauh,
Ka sunlawinak ding hrangih ka rak sersiam mi,
Ka rak dĭnsuah mi, ka rak tuah mi rori cu,” tiin.
8 ^hMit nei si mitcawpawl le hna nei si hnasetpawl cu rak hruaisuak uh.
9 ⁱMiphun zaten fĭnkhawmaw hai sehla,
Minungpawl cu pungkhawm hai seh.
An lakah zo so himi thăn thei le,
Hi hlan thilpawl in hmuh thei tu um?
Thiam an co thei nak dingah, an thutheihpitupawl cu rak hruai hai seh;
Asilole an hna in thei hai sehla, “Cumi cu thudik a si,” ti hai seh.
10 ^j“Nannih cu ka thutheihpitu nan si, tiah Jehovah in a ti ih,
Keimah in thei ih in zum thei nak ding le,
Amah cu ka si, ti in theihthiam thei nak dingah,
Ka hril mi ka siahhlawh na si.
Ka hlanah Pathian pakhat hman dĭnsuah an si lo ih,
Ka hnu khalah dĭnsuah an si lo ding.
11 ^kKei, keimah rori hi Jehovah cu ka si ih,
Keimah siarlo runsuaktu an um lo.
12 ^lKeimah in ka thăn zo ih ka run zo,
Ka phuangsuak zo ih,
Nan lakah ram dang Pathian pakhat hman an um lo;
Curuangah nannih cu Pathian ka si, ti ka thutheihpitu nan si, Jehovah in a ti.
13 ^mA si, nithla a um hlan ihsin, keimah cu amah ka si;
Cule ka kut ihsin mi runsuak thei zohman an um lo,
Ka thil tuah zo mi cu, zo in a zûkkir pei?” tiah a ti.
14 ⁿJehovah, nangmah tlentu, Israel-ih
Mi Thianghlim in hitin a ti:
“Nanmah ruangah Babilon ah mi ka thlah ding ih,
Kaldia-mipawl cu an aipuannak lăwngpawl sungah,
Raltlân dinhmun in ka hruaithla hai ding.
15 ^oKeimah cu Jehovah, nan Mi Thianghlim, Israel Sersiamtu, nan siangpahrang ka si,” tiin.
16 ^pTifinriat ih lamzin tuahtu le,
Tipi cak zet pahtlăngih zin tuahtu,
17 ^qLêng le rang,
Ralkap le miralṭha hruaitu Jehovah in hitin a ti
(An tlu ding ih, an thosal nawn lo ding;
Meica vekih mihter an si ih, an cimit ṭheh):
18 ^r“A hlan thilpawl cîng ringring hlah awla,
Hlanlai thilpawl ngaihtuah fawn hlah.
19 ^sNgai hnik, thil thar ka tuah ding,
Atu-ah cumi cu a cerhsuak ding;
Cumi cu thei loin maw na um ding?
Ramṭhing ah lamzin le
Nelrawn ah tiva pi pawl tiangin ka tuah ding.
20 ^tRamsapawl in in cawimawi ding,
Cinghniapawl le kalauk vatepawl in,
Ziangruangahtile ka hril mi, ka mipawl inter dingah,
Ramṭhing ah tidai le
Nelrawn ah tiva pi pawl ka pek hai.
21 ^uHi minungpawl cu keimah hrang rori ih ka rak dĭnsuak mi an si;
Annih in keimah thangṭhatnak an thăn ding.
22 ^v“Asinan Maw Jakob, nannih in keimah in rak ko lo;
Maw Israel, nannih in keimah in ning a si.
23 ^wNang cun na Meiur Thilhlănpawl hrangah tuu i rak ken dah lo,
Nang cun na raithawinakpawl khalin in cawimawi dah fawn lo.
Thlairawl Thilhlănpawl thawn in rian dingin ka lo fial dah lo ih,
Rimthaw thawinak thaw khalin ka lo bāngter dah fawn lo.
24 ^xPaisa in kane thlum i leih dah lo ih,
Na raithawinak thaupawl khal in i tlaiter dah fawn lo;
Cuhnakin na sualpawl in in phurritter sawn ih,
Na mawhsualnakpawl in in bāngter.
25 ^y“Kei, keimah rori hi, keimai zarah na dān pahbălnakpawl thaihlo ṭheh tu ka si ih,
Na sualpawl cu ka cîng lo ding.
26 ^zI mangsuakter aw;
Êl-aw hnik uhsi;
Thiam na co thei nak dingah na thuhla hun rel hnik.
27 ^aaA hmaisabik na pa in thil sual a rak tuah ih,
Na palaipawl cu keimah dokalhin sual an rak tuah.
28 ^abCuruangah hmun thianghlim mipawimawhpawl cu ka bawrhhlawhter hai ding;
Jakob cu camsiat mi ah ka pe ding ih,
Israel cu zăwkzet bawr ah.

43:1^a Dnp 7:6; Isa 27:11; Mal 3:17

43:2^b Isa 8:7; 29:6; Dan 3:25-27

43:3^c Sem 10:7; Suah 20:2; Isa 20:3; Eze 29:20

43:4^d Suah 19:5; Isa 63:9; Thu 3:9

43:5^e Sem 1:22; 15:1; Isa 44:2; Zek 8:7; Mat 8:11

43:6^f Dnp 30:4; Sam 107:3; Isa 60:4; Jer 23:8; Eze 16:61; 36:24; 2Ko 6:18

43:7^g Sam 86:9; 100:3; Isa 19:25; 27:11; 48:1; Jer 15:16; Jam 2:7

43:8^h Isa 6:9-10; 42:20; Eze 12:2

43:9ⁱ Isa 41:1, 26; 48:6

43:10^j Suah 6:7; Dnp 4:35; Jos 24:22; Sam 86:10; Isa 20:3; Jer 14:22

43:11^k Suah 6:2; Isa 43:3; Hos 13:4

43:12^l Dnp 32:12

43:13^m Mip 23:8; Dnp 32:39; Sam 90:2

43:14ⁿ Isa 1:4; 13:14-15; 23:13

43:15^o Isa 27:11; 41:20; 42:8

43:16^p Suah 14:29

43:17^q Job 13:25; Sam 118:12; Jer 51:21; Eze 38:4

43:18^r Isa 65:17; Jer 23:7

43:19^s Sam 126:4; Isa 40:3; Jer 16:15; 2Ko 5:17; Thu 21:5

43:20^t Mip 20:8; Isa 13:22

43:21^u Sem 2:7; Sam 66:2; Mal 3:17; 1Pe 2:9

43:22^v Jos 22:5; Isa 30:11

43:23^w Suah 30:35; Pui 2:1; Jer 7:22; Amo 5:25; Mik 6:3; Zek 7:5-6; Mal 1:6-8

43:24^x Pui 3:9; Isa 1:14; Mal 2:17

43:25^y 2Sam 12:13; 2San 6:21; Mar 2:7; Luk 5:21

43:26^z Isa 1:18; 41:1

43:27^aa Sem 12:18; Isa 24:20; Jer 5:31

43:28^ab Isa 42:24; Jer 24:9; Eze 5:15

44

Pathian in Israel a Hril

1 ^a“Sikhalsehla atu-ah, Maw ka siahhlawh Jakob,
Ka hril mi Israel i ngaithla aw.
2 ^bA lo tuahtu le sūl ihsin a lo dĭnsuaktu, nangmah lo bawmtu ding Jehovah in hitin a ti:
‘Maw ka siahhlawh Jakob le,
Ka hril mi, nang, Jeshurun ṭih hlah.
3 ^cZiangahtile ram tihâl parah tidai ka tawih ding ih,
Lei car parah ti ka likter ding;
Nan tesinfapawl parah ka Thlarau ka burh ding ih,
Nan tefapawl parah ka malsawm ka burh ding;
4 ^dAnnih cu hrampi lakah an kho ding
Tikáwng kapih partiam bangin,’ tiin.
5 ^eMi pakhat in, ‘Keimah cu Jehovah-ih ta ka si,’ a ti ding;
Mi dang in Jakob hmin kengtu ah a bunaw ding;
Mi dang in, ‘Jehovah-ih ta,’ tiin a kut in a ngan ding ih,
Israel hmin a bunaw ding.

44:1^a Isa 14:1; 41:8

44:2^b Sem 2:7; Mip 23:21; Dnp 32:6; Isa 41:10; 43:5; Jer 30:10

44:3^c Thf 9:5; Eze 36:27; Joe 3:18; Mar 1:8; Joh 4:10; Apo 2:17

44:4^d Job 5:25; 40:22

44:5^e Suah 13:9; Isa 60:3; Jer 50:5

Pathian dang a Um Lo

6 ^aJehovah, Israel Siangpahrang le
Amah tlentu, ralkap rualpawlih Jehovah in hitin a ti:
“Keimah cu a hmaisabik ka si ih keimah cu a netabik ka si;
Keimah siarlo Pathian an um lo.
7 ^bCule zo so keimah vek um?
Phuang sehla thăn seh.
Khuahlan mipawl ka rak ruat ihsi thawkin,
Anih in cumi cu a sangsángten thăn seh.
Cule a cang rero lai mi le a cang leh lai ding mi thilpawl cu an hnenah hmuh hnik hai seh.
8 ^cṬih hlah uh, nan thin khal phâng fawn hlah uh;
Cu lai ihsin ka lo sim cia ih ka lo thăn cia a si lo maw?
Nannih cu ka thutheihpitu nan si.
Keimah hleiah Pathian dang an um maw?
A si, Lungpi dang pakhat hman an um lo;
Pakhat hman ka thei lo,” tiin.
9 ^dMilim tuahtupawl cu, an zaten hman tlak lo an si ih,
An thil hlú pawl cu ṭhathnemnak an nei lo ding.
Ningzahter an sinak dingah,
An thutheihpitupawl cun an hmu thei lo ih, a theih khal an thei lo.
10 ^eṬhathnemnak nei lo pathian tuahtu le milim burtu cu zo a si?
11 ^fNgai hnik a hawipi zaten an ning a zak ding ih,
Kutthiam neipawl cu milai men an si.
An zaten pungkhawmaw hai seh,
Dīng hai seh;
Cuti cing khalin an ṭih ding,
Ningzak ko tuahtlang an si ding.
12 ^gSodeng pa in a hmanrua thawn meiling ah thil pakhat a ser,
Cumi cu sobul in a su ih, a bân tha in a ṭuan.
Cule anih cu a ril a râwng ih, a tha a cem;
Tidai a in lo ih a cau.
13 ^hZungthiam pa in a hri a dir,
Cafung in cumi cu a hminsin;
Cumi cu zipaw in a năwr,
Rinkualnak in a hminsin ih,
Milai pianhmang bangtukin a tuah,
Inn ih ret theih dingin milai mawinak neiin a tuah.
14 ⁱAmai hrangah sidar thingpawl a hau ih,
Mirang far thing le elon thingkung a la;
Tupi thing rûl lakah cumi cu amai hrangah a humhimbĕt.
Far kung a phun ih ruahpi in a câwm.
15 ^jCun cumi cu mi pakhat in meisa tihnak ah a hmang,
Anih in a hrekkhat a la ih a ai;
A si, mei a muah ih sang a em;
A si, pathian a tuah ih cucu a bia;
Milim khercawp a tuah ih băwkkhupin a bia.
16 ^kA hrek cu meisa ah a tik;
Cumi-ih a hrek cun sa a rawh, a ei ih, a tlai zet.
A hlumawter ih,
“Cei law! Ka hlum thlang e,
Meisa hmungah ing e,” tiah a ti.
17 ^lCule a tāng lai mi thing cu pathian ah a tuah,
A khercawp mi milim ah.
Cumi hmaiah a băwk ih, a bia,
A hnenah thla a cam ih,
“I runsuak aw, ziangahtile nang cu ka pathian na si!” tiah a ti.
18 ^mAnnih cun an thei lo ih an theithiam fawn lo;
Ziangahtile an hmuh thei lo nak dingah an mit huhsak an si,
An theihthiamlonak dingah an thinlung kharsak an si.
19 ⁿCule “A hrek cu meisa ah ka tik,
A si, meiling parah sang ka êm fawn;
Sa ka rawh ih ka ei;
Cule a tāng lai pawl cu thil fihnungza ah ka tuah ding maw si?
Thing tum hmaiah ka băwk ding maw si?” ti dingin,
An thinlung in zohman in an ruat lo,
Theihnak an nei lo ih, theihthiamnak khal an nei fawn lo.
20 ^oVutcâm a ei ṭheu,
Mi bumhmang thinlung in amah cu a hruaipêng;
Cule a nunnak a runsuak thei lo ih,
“Ka vawrh lam kut ah thuphan a um lo maw si?” ti khal a ti thei fawn lo.

44:6^a Dnp 6:4; 1San 17:20; Isa 41:4; 43:10; Thu 1:8, 17

44:7^b Dnp 32:39; Isa 41:22, 26

44:8^c Sem 49:24; Isa 40:21; 43:10

44:9^d Suah 20:4; Pui 19:4; Isa 1:29; 40:19; 41:24; Jer 22:22

44:10^e Isa 41:29; Jer 10:5; Hab 2:18

44:11^f 2Sp 19:18; Isa 1:29; 37:19

44:12^g Isa 40:19, 28; Apo 17:29

44:13^h Lai 17:4-5; Sam 115:4; Isa 41:7

44:14ⁱ Isa 41:19

44:15^j Suah 20:5; 2San 25:14; Thu 9:20

44:16^k Isa 47:14

44:17^l Suah 20:5; Lai 10:14; 1Sp 18:26; Isa 45:20; Jer 1:16

44:18^m Isa 1:3; 6:9-10; Jer 4:22

44:19ⁿ Dnp 27:15; Isa 5:13; 40:20

44:20^o Job 15:31; Isa 59:3-4; Rom 1:21, 23, 28; 2Th 2:11; 2Ti 3:13

Jehovah in Israel a Tlen

21 ^a“Maw Jakob, hipawl hi cîng ringring aw,
Israel khal in, ziangahtile nang cu ka siahhlawh na si;
Ka rak lo dĭnsuak, nang cu ka siahhlawh na si;
Maw Israel, nang cu ka lo hngilh dah lo ding!
22 ^bNa dān pahbălnakpawl cu khawdur sahpi bangin, ka hloter hai ih,
Na sualpawl cu mero bangin ka hloter hai.
Ka hnenah ra kir aw, ziangahtile ka lo tlen zo,” tiin.
23 ^cMaw van, aipuang zetin au uh, ziangahtile Jehovah in cumi cu a tuah ṭheh zo!
Nannih leilung hmun niamnak pawl, lungawi aipuangin au uh;
Nannih tlangpawl, Maw tupi le a sungih um thingkung hmuahhmuah tla aipuangin ausuak uh!
Ziangahtile Jehovah in Jakob cu a tlen zo ih,
Israel ah a sunlawihaw zo a si.

44:21^a Isa 46:8; 49:15; Jer 31:20; Zek 10:9

44:22^b Job 22:23; Isa 33:24; Mat 20:28; 1Ko 6:20

44:23^c Pui 10:3; Sam 69:34; 96:11-12; Isa 55:5; Jer 30:19

Pathian in Sairas a Hril

24 ^aNangmah tlentu le,
Sūl sung ihsin a lo dĭnsuaktu, Jehovah in hitin a ti:
“Keimah cu Jehovah, thil ziangkim tuahtu,
Mah lawngih van zarpharhtu,
Mah teih leilung pharhtu ka si,
25 ^bKei cu phun nuahno tupawlih hminsinnak pelhsawlhtertu le,
Aizoh thiam pawl buaitertu;
Mifimpawl dung lamih kirtertu le,
An theihnak atthlakza ih cangtertu ka si;
26 ^cA siahhlawhih kamsuakthu nĕmhngettu le,
A palaipawlih thurawn pek tuahsuaktu ka si;
Jerusalem hnenah, ‘Nang cu luah na si leh ding,’ tiin le,
Judah khawpipawl hnenah, ‘Nannih cu dĭnsal nan si ding,’ titu ka si ih,
A hmun ṭhing pawl ka tungdingsal ding;
27 ^dTi thûknak hnenah, ‘Rak kāng aw!
Cule na tiva pi pawl ka kāngter ding,’ titu ka si.
28 ^eSairas thuhla ah, ‘Anih cu ka tuu khāltu a si ih,
Ka lunghmui zawng hmuahhmuah cu a tuahsuak ding,’
Jerusalem cungcangthu ah, ‘Sak na si leh ding,’ tiin le,
Temple thuhla ah, ‘Na lungphum phum a si leh ding,’ tiah a ti ding.

44:24^a Sem 2:1; Job 19:25

44:25^b Pui 19:26; 1Sam 6:2; Job 5:13; Isa 2:6; Jer 27:9; Dan 2:2, 10; Mik 3:7

44:26^c Ezr 9:9; Isa 49:8-21; Jer 23:20; Ṭah 2:17; Dan 9:12; Mat 5:18

44:27^d Isa 11:15; 42:15; Jer 50:38; 51:36; Thu 16:12

44:28^e 2San 36:22; Ezr 1:2-4; Isa 14:32; 28:16; 41:2

45

Pathian Hmanrua, Sairas

1 ^a“A hmaiih miphunpawl duaiter dingin,
Siangpahrangpawlih ralthuam hlihsak dingin,
A hmaiah sângka thuah hnih ăwnsak ih,
Kăwtkapawl khar si lo dingin
A hriak thih mi, a kut vawrh lamih ka kaihbĕt mi Sairas hnenah Jehovah in hitin a ti:
2 ^b‘Na hmaiah ka feh ding ih
Hmun bingbo pawl ka rualter ding;
Dar kăwtkapawl ka băldarh ṭheh ding ih,
Thir tlângpawl ka khiak ding.
3 ^cThim lakih hlawnthilpawl le
Hmun thup pawl ih thuh mi lennakpawl ka lo pe ding,
Cutin keimah cu na hmin ih nangmah lo kotu Jehovah ka si ti le,
Israel-ih Pathian ka si ti na thei ding.
4 ^dKa siahhlawh Jakob ruangah le
Ka hril mi Israel ruangah,
Na hmin rori in ka rak lo ko a si;
In rak thei dah lo nain, hmin ka rak lo sak thotho.
5 ^eKeimah cu Jehovah ka si ih, mi dang zohman an um lo;
Keimah siarlo Pathian an um lo.
In rak thei dah lo nain, na tâi ka lo ṭem thotho ding.
6 ^fCutin keimah siarlo zohman an um lo,
Keimah cu Jehovah ka si ih, mi dang an um lo ti,
Ni suah ihsin ni tlak tiang an thei ding;
7 ^gTleu ka tuah ih thim khal ka sersiam,
Hnangamnak ka tuah ih vanduainak khal ka sersiam;
Hi thil hmuahhmuah tuahtu hi keimah Jehovah ka si,’ tiin.
8 ^h“Nannih van, tlun ihsin rung surthla uhla,
Vandumpawl in dingfelnak run burhthla hai seh;
Leilung áwngaw sehla, runsuahnak rahsuah seh,
Cule dingfelnak hung keuhtlang hai seh.
Keimah, Jehovah in cumi cu ka sersiam a si.
9 ⁱ“Amah tuahtu ĕltaitu cu a hmakhua a pit a si!
Leilung hlampheipawl lakih hlamphei men cu!
Bel lei in amah tuahtu hnenah, ‘Ziang so na tuah,’ a ti ding maw?
Asilole nangmai kutsuak in, ‘Anih cu kut a nei lo,’ a ti ding maw?
10 A pa hnenah, ‘Ziang so na hrin?’ titu siseh,
A nu hnenah, ‘Ziang so na rak hrinsuak?’ titu cu a hmakhua a pit a si!” tiin.
11 ^jAmah tuahtu Jehovah le Israel-ih Mi Thianghlim in hitin a ti:
“Ka fapapawlih thuhla ih a ra thleng ding mi thilpawl in sut uh;
Cule ka kut hnaṭuan thuhla ah thu in pe uh.
12 ^kLeilung ka rak tuah ih,
Cu tawkih um milai ka rak sersiam.
Keimah in keimai kut rori in van ka zarpharh ih,
An arsipawl zaten thu ka rak pe.
13 ^lAnih cu dingfelnak in ka tungding ih,
A lamzin hmuahhmuah ka tluangter ding;
A man duh ruangah le lawmman duh ruang khalah si fawn loin,
Anih in ka khawpi a sak ding ih
Ka sál tang pawl cu a suah hai ding,”
Ralkap rualpawlih Jehovah in a ti.
14 ^mJehovah in hitin a ti:
“Izip neihnunnak le Kush-ih sumtuahnak le,
Mikhansâng Sabia-mipawl cu,
Na hnenah an ra ding ih, cupawl cu na ta ah an cang ding;
Na dung lamin an ra ding ih,
Cikcin ih ṭemin an ra thleng ding;
Cule na hmaiah an băwkkhup ding.
Na hnenah, ‘Pathian cu nangmah ah a um rori,
A dang an um lo;
Pathian dang an um lo,’ tiin na hnenah dilnak an nei ding,” tiin.
15 ⁿThungaiten Maw Israel-ih Pathian, Rundamtu,
Nang cu a thupaw ṭheu mi Pathian na si!
16 ^oAnnih cu an ning a zak ding ih,
An zaten an mualpho fawn ding,
Milem tuahtupawl cu,
An hnăwkbuaitlang ṭheh ding.
17 ^pAsinan Israel cu catuan runsuahnak in
Jehovah in a runsuak ding,
Nang cu kumkhuain kumkhua tiang na ning a zak lo ding ih,
Na mualpho lo ding.
18 ^qZiangahtile van sersiamtu,
Leilung dĭnsuak ih a tuahtu,
A dĭn hnget tu,
A lak menih sersiam loih,
Luah dingih dĭnsuaktu Jehovah Pathian cun hitin a ti:
“Keimah cu Jehovah ka si, a dang an um lo.
19 ^rA thup in le,
Leilung thimnak hmun ah thu ka rel lo;
Jakob cithlah hnenah,
‘A lak menin in hawl aw,’ ka ti dah lo;
Kei, Jehovah cun dingfelnak thu ka rel ih,
A ding mi thilpawl ka thăn a si.
20 ^s“Pungkhawm uhla ra hnik uh;
Nannih miphunpawl lak ihsi tlânsuakpawl,
In rak naihtlang hnik uh.
Anmai khercawp mi milim zanthing thiartupawl le,
Mi runsuak thei lo pathian hnenih thlacamtupawl cun,
Theihnak an nei lo.
21 ^tNan thuhla rel uhla rak suahpi hnik uh;
A si, rawnawkhawm hai seh.
Tuan le mang ihsin zo in so hihi rak thăn dah tu um?
Cuih cān ihsin zo so cumi rak rel dah?
Keimah, Jehovah in ka rel dah a si lo maw?
Cule keimah siarlo Pathian dang an um lo,
Diknak Pathian le runsuaktu ka si;
Keimah siarlo zohman an um lo.
22 ^u“Ka lam ra hawi uhla, rundamin um uh,
Nannih leilung dĕngpawl ih a um mi hmuahhmuah tla!
Ziangahtile keimah cu Pathian ka si ih, a dang an um lo.
23 ^vMah le mah sālawin sia ka săm a si;
Ka hnenah khuk hmuahhmuah an bil ding ih,
Lei hmuahhmuah in thukamnak an tuah thei nak dingah,
Thu cu ka kâ ihsin dingfelnak in a pâwtsuak ih,
A ra kirsal nawn lo ding.
24 ^wAnih in,
‘Thungaiten Jehovah ah dingfelnak le cahnak ka nei.
A hnenah mi an ra ding ih,
A parih thinhengtupawl cu a hnenah an ra ding,
Cule an zaten an ning a zak ding.
25 ^xIsrael tesinfapawl zaten Jehovah ah thiamcoter an si ding ih tluang an khawng ding,’ a ti ding,” tiin.

45:1^a 2San 36:22; Isa 41:2, 13; 48:14; Jer 50:35; Mik 4:13

45:2^b Suah 23:20; Jer 51:30; Ṭah 2:9; Nah 3:13

45:3^c Suah 33:12; 2Sp 24:13; Isa 41:1, 23

45:4^d Isa 14:1; 44:1; Apo 17:23

45:5^e Dnp 32:12; Isa 43:10; 44:8

45:6^f Sam 102:15; Zef 2:15

45:7^g Sem 1:4; Suah 10:22; Isa 14:5; Ṭah 3:38

45:8^h Isa 41:2; Hos 10:12; Joe 2:23; 3:18; Amo 5:24; Mal 4:2

45:9ⁱ Job 12:13; 33:6; Isa 10:15; Dan 4:35; Rom 9:20-21; 1Ko 10:22

45:11^j Sam 8:6; 149:2; Isa 1:4

45:12^k Neh 9:6; Job 38:32; Isa 48:13

45:13^l 1Sp 8:36; 2San 36:22; Ezr 1:2; Isa 52:3

45:14^m Sem 27:29; 2Sam 8:2; Isa 2:3; 11:9; 43:10; Jer 16:19; 1Ko 14:25

45:15ⁿ Dnp 31:17; Sam 44:24; Isa 25:9

45:16^o Sam 35:4; Isa 1:29; 42:17

45:17^p Sem 30:23; Isa 12:2; 29:22; Jer 23:6; Rom 11:26

45:18^q Sem 1:1-2; Dnp 4:35

45:19^r Dnp 4:29; 30:11; 2San 15:2; Isa 41:8; 48:16; Jer 2:31; 31:36

45:20^s Dnp 32:37; Isa 43:9; 44:19; Jer 1:16

45:21^t Isa 25:9; 46:9-10; Mar 12:32

45:22^u Sem 49:10; Isa 44:22; Hos 13:4

45:23^v Sem 22:16; Isa 14:24; Rom 14:11; Fil 2:10-11; Heb 6:13

45:24^w Isa 41:11; Jer 33:16

45:25^x Isa 4:3; 24:23; 41:16

46

Babilon Milempawl le Pathian Nung

1 ^abBel cu a kûn ih, ^cNebo cu a niamawter;
An milempawl cu rannung le ṭilva an phurter.
Nan phurpawl cu phurrit tak an si,
Ramsa cau hrangah phurrit a si.
2 ^dAn awp, an kûntlangkhawm;
Annih in phurrit cu an phur thei lo,
Asinan anmah rori cu ralkaih ah an rak feh.
3 ^e“Na suah ihsin ka lo dăwm mi le,
Sūl sung ihsin ka lo thiar mi,
Maw Jakob sungza le,
Israel sungza tāngsŭn hmuahhmuah tla,
I ngaithla hnik uh:
4 ^fNa tar kûn tiangin keimah cu ka kel ringring ding ih,
Na ṭuak a par tiangin ka lo paw ding!
Ka lo tuah zo ih, ka lo phur ding;
Ka lo paw ding ih, ka lo runsuak ding.
5 ^gZo thawn so in tahṭhim ding, in tlukawter ding ih,
Mibangaw kan si thei nak dingin zo thawn so in khaikhin?
6 ^hZâl sung ihta sui a sûngbung ih,
Ngun cu cuai thlainak ah khīng a khai;
Sui-er thiam an hlang ih, anih in cumi cu pathian ah a tuah;
An băwkkhup ih, an bia.
7 ⁱCumi cu liang in an zâwn, an thiar ih,
Amai hmun ah an toh, cule cumi cu a ding;
A hmun ihsin a ṭhawn nawn lo ding.
Cumi cu mi in an auh nân, cumi cun a sawn thei lo,
An buainak sung ihsi khalin a runsuak thei fawn lo.
8 ^jMaw nannih thil sual tuahtupawl,
Hihi cîng ringring uhla, pacangawter uh, ruat ṭhasal uh.
9 ^kKhuahlan thil hlun pawl kha cîng ringring uh,
Ziangahtile keimah cu Pathian ka si ih, a dang zohman an um lo;
Keimah cu Pathian ka si ih, keimah bangtuk pakhat hman an um lo,
10 ‘Ka thurawn pek cu a dingsuak ding ih,
Ka lunghmui zawng hmuahhmuah ka tuah ding,’ tiin,
A tir ihsin a netnak ding ka thăn ih,
Tuan le mang ihsin tuah hrih lo mi thilpawl ka thăn,
11 ^lNisuahnak lam ihsin sa dehhmang vate ka ko,
Ram hlapi ihsin ka thurawn pek tuahsuaktu ding pa ka ko,
A si, cucu ka sim zo a si;
Cangsuak ko ka thlengter fawn ding,
Cumi cu ka tumfel zo ih,
Ka tuahsuak fawn ding.
12 ^mNannih thinlungruh,
Dingfelnak hlattupawl, in ngaithla hnik uh:
13 ⁿNaiteah ka dingfelnak ka run keng, cumi cu hlapi ah a um lo ding;
Ka runsuahnak a khawtlai lo ding.
Ka rundamnak cu Zion hrangah le
Ka ropitnak cu Israel hrangah ka pe ding.

46:1^a 1Sam 5:2-3; Isa 21:9; 45:20; Jer 50:2

46:1^b Bel: Babilon pathianpawl lakih pakhat a si.

46:1^c Nebo: Babilon khawzingnu Nabu hmin pakhat a si.

46:2^d Lai 18:17-18; 2Sam 5:21; Jer 51:47

46:3^e Dnp 1:31; Sam 22:10; Isa 1:9; 48:12

46:4^f Sam 18:35; 119:117; Isa 43:13

46:5^g Suah 15:11; Job 41:10; Jer 49:19

46:6^h Suah 20:5; Isa 40:19; Hos 13:2

46:7ⁱ 1Sam 5:3; 1Sp 18:26; Isa 44:17

46:8^j Isa 1:2; 44:21

46:9^k Dnp 32:7; Isa 42:9; 45:5, 21; 65:17

46:11^l Ezr 1:2; Isa 25:1; Jer 44:28

46:12^m Sam 76:5; 119:150; Isa 46:3; 48:4; Jer 2:5; Zek 7:11-12

46:13ⁿ Isa 44:23; Joe 2:32

47

Babilon parih Thuṭhennak

1 ^a“Rung ṭum awla leivut ah to aw,
Maw Babilon fanu fala himte aw;
Laltokham loin lei parah rung to aw,
Maw Kaldia-mipawlih fanu aw!
Ziangahtile nang cu nonal hngialhngi le duhnungza an lo ti nawn lo ding.
2 ^bRial lung la awla fang rial aw.
Na hmai khuh kha áwng aw,
Na hni hlit aw,
Na cāwn langter aw,
Tiva pi pawl tán aw.
3 ^cNa taklawngnak lăngter a si ding,
A si, na ningzahnak cu lăngter a si ding;
Phuba ka la ding ih,
Mi ka dimdawih lo ding,” tiin.
4 ^dIn Tlentu cu, a hmin ralkap rualpawlih Jehovah, Israel-ih Mi Thianghlim a si.
5 ^e“Maw Kaldia-mipawlih fanu,
Daiten to awla, thim lakah lut aw;
Ziangahtile nang cu Lalrampawlih lalnu tiih kawh na si nawn lo ding.
6 ^fKa mipawl parah ka thin a heng;
Ro ih ka co mipawl ka bawrhhlawhter hai ih,
Na kut ah ka lo pe hai zo.
Nang in an parah zahngainak na langter lo;
Kum upapawl parah a rit zet mi na hngawngkol na bun hai.
7 ^gCule nang in, ‘Kumkhuain lalnu ka si ringring ding,’ tiah na ti,
Hi thilpawl hi na thinlung ah na ret duh lo ih,
Cupawlih cemnetnak khal na mangngaih fawn lo.
8 ^h“Curuangah nang năwmtawlnak cēn ih,
Ngaihngam takih um huahhi,
Na thinlung ah, ‘Keimah hi ka si mai, keimah siarlo mi dang zohman an um lo;
Nuhmei in ka to lo ding ih,
Fāte thih khal ka thei lo ding,’ a titu atu-ah hihi na hna in thei aw;
9 ⁱAsinan hmakhatteah le ni khat sungah, hi thil pahnih hi na parah a ra thleng ding,
Fāte thih le nuhmei sinak cu.
Na dawi hmannak a tam tuk na cingin le
Na khawse kawhnak a nasa tuk na cingin,
Cupawl cu na parah an ra thlengkim thluh thotho ding.
10 ^jNa sualralnak na rak rinsan;
Nang in, ‘Zohman in in hmu lo,’ tiah na ti;
Na fimnak le na theihnak in an lo merhkâwi;
Cule na thinlung tein,
‘Keimah hi ka si mai, keimah siarlo mi dang zohman an um lo,’ tiah na rak ti.
11 ^kCuruangah na parah thil ṭha lo a ra thleng ding;
Khui ihsin a ra pawt ti na thei lo ding.
Cule na parah buainak a thleng ding ih,
Cumi cu na phawih thei lo ding.
Cule rin lo piin siatnak na parah a ra thleng ding,
Cumi cu na thei lo ding.
12 ^lAtu-ah Khawsekawh thiamnak le
Na dawi thiamnak nasa tak thawn dīng hnik,
Na no lai ihsin na rak ṭuanbăng mi kha
Na hlawkpi men thei sokhaw,
Na khurter hai tla a si thei men!
13 ^mNa thurawn pek dăwn a tam tuk nak ah na cau a si hi;
Atu-ah van lam thil zoh thiam pawl, arsi zoh thiam pawl le,
Thlapi zoh ih thuphuang thiam pawl cu dīng hai sehla, na parih thil thleng ding lak ihsin lo run hai seh.
14 ⁿNgai hnik annih cu cangpâwl vek an si ding,
Meisa in a kāng hai ding;
Meisa alhhliau thiltitheinak lak ihsin anmah ten an runsuakaw thei lo ding;
Hlumawkternak ding meiling a si lo ding ih,
Ai ding mi meisa khal a si fawn lo ding!
15 ^oNa rak ṭuanbăngpipawl cu,
Cu vekin na hrangah an cang ding,
Na no lai ihsin na hnenih sumdâwngpawl cu,
Anmai lamzin ciar ah an vâkvai ding.
Zohman in an lo run lo ding.

47:1^a Dnp 28:56; Job 2:13; Isa 21:9; Jer 50:2

47:2^b Sem 24:65; Suah 11:5; Isa 32:11; Mat 24:41

47:3^c Sem 2:25; Eze 16:37; Nah 3:5

47:4^d Job 19:25; Jer 50:34; Amo 4:13

47:5^e Isa 13:9; Ṭah 1:1; Thu 17:18-18:2

47:6^f Dnp 13:15; Jer 2:7

47:7^g Dnp 32:29; Isa 10:13; Dan 4:30

47:8^h Isa 32:9; Ṭah 1:1; Thu 18:7

47:9ⁱ Jer 15:8; Mal 3:5; 1Th 5:3; Thu 9:21; 18:8-10

47:10^j Job 15:31; Isa 5:21; 44:20

47:11^k Isa 10:3; Luk 17:27; 1Th 5:3

47:12^l Isa 47:9

47:13^m Isa 57:10; Jer 51:58; Hab 2:13

47:14ⁿ Isa 5:24; 10:17; 30:30; Jer 51:30, 32

47:15^o Thu 18:11

48

Lungruh Israel

1 ^a“Maw Jakob sungza, Israel hmin ih kawh mi le,
Judah ṭhalbe ihsi suak,
Thutak in maw, dingfelnak in maw si si loih,
Jehovah hmin ih sesămtu le
Israel-ih Pathian hmin saltupawl,
Hihi ngai uh;
2 ^bZiangahtile annih cu khawpi thianghlim mi kan si an tiaw ih,
Israel-ih Pathian an rinsan;
Ralkap rualpawlih Jehovah ti hi amai hmin a si.
3 ^c“A tir ihsin khuahlan thilpawl ka rak thăn;
Cupawl cu ka kâ ihsin an pâwtsuak ih mi ka theihter hai.
Cupawl cu hmakhatteah ka rak tuah ih, cutin an rak cang.
4 ^dMi lungruh na si ih,
Na hngawng thahri cu thir a si,
Na cal cu dar a si ti ka theih ruangah,
5 ^eA tir ihsi hrimhrim in cumi cu na hnenah ka thăn;
A rak can hlan ihsin na hnenah ka rak phuang cia zo,
Culole nang in, ‘Cupawl cu ka milem ih tuah mi an si ih,
Khercawp ka milim le burcawp ka milim in
Thu an rak pek mi an si,’ na ti pang ding.
6 ^fNa hna in na rak theih kha;
Hipawl hmuahhmuah hi na hmu ṭheh ko.
Cule nang in na thăn lo ding maw?
Tuih cān ihsin thil thar,
Thil thup pawl le na theih dah lo mipawl tiangin na hna in thei ko ka lo tuah.
7 ^gCupawl cu hlanlai ah si loin atu-ih sersiam mi an si;
Cule tuihni hlanah nang in cupawl cu na hna in na rak thei hrih hai lo,
Culole nang in, ‘Ka theih cia mi an si ko,’ na ti pang ding.
8 ^hA si, na hna in na rak thei dah lo,
A si, na thinlung in na rak thei dah lo;
A si, a hlan reipi ihsin na hna cu ăwn a rak si lo.
Ziangahtile hrăwkhrawl zetin na ti ding ti ka thei ih,
Sūl sung ihsin thil sual titu tiih kawh na si.
9 ⁱ“Ka lo hlohralterlonak dingah
Ka hmin ruangah ka thinhengnak ka khekkhăl hrih ding ih,
Ka hminṭhatnak ruangah na hrangah ka sūp hrih ding.
10 ^jNgai hnik, ka lo erfai zo, asinan ngun vek cun si loin;
Zăwnzaihnak meipi ah ka lo hniksak zo a si.
11 ^kKeimah ruang roriah, keimah ruang roriah, cumi cu ka tuah ding;
Ziangahtile ziangtin ka hmin cu bawrhhlawhter a si ding?
Cule mi dang hnenah ka ropitnak ka pe lo ding.

48:1^a Sem 29:35; Isa 45:23; 59:14; Jer 4:2; 7:9-10

48:2^b Neh 11:1; Isa 10:20; 47:4; Rom 2:17

48:3^c Jos 21:45; Isa 40:21; 41:22

48:4^d Suah 32:9; Dnp 9:27; Isa 9:9; Eze 3:9; Apo 7:51

48:5^e Isa 40:21; Jer 44:15-18

48:6^f Isa 41:22; Rom 16:25

48:7^g Isa 45:21; 65:18

48:8^h Dnp 9:7, 24; 29:4; Isa 1:3; 41:24; Mal 3:11

48:9ⁱ 1Sam 12:22; Neh 9:31; Job 9:13

48:10^j Isa 1:25; Zek 13:9; Mal 3:3; 1Pe 1:7

48:11^k Dnp 32:27; 1Sam 12:22; Isa 42:8

Pathian in Israel a Zalenter Ding

12 ^a“Maw Jakob le ka kawh mi Israel in ngai hnik:
Keimah cu amah ka si, keimah cu a hmaisabik ka si,
Keimah cu a netabik khal ka si.
13 ^bThungaiten ka kut in leilung lungphum a rak phum ih,
Ka kut vawrh lamin van a rak zarpharh a si;
Cupawl ka kawh hai tikah,
Hmunkhat ah an ding.
14 ^cNan zaten, pungkhawm uhla, ngai hnik uh!
An lakih zo in so hi thilpawl hi a rak thăn?
Jehovah in amah cu a duhdawt;
Babilon parah amai lunghmui zawng a tuah ding ih,
A bân in Kaldia-mipawl a do ding.
15 ^dKei, keimah rori in ka rel zo;
A si, amah cu ka ko zo,
Ka hruai zo ih, a lamzin a hmuingil ding.
16 ^eI rak naih uhla, hihi ngaithla hnik uh:
A tir ihsin a thupin thu ka rel dah lo;
Cān a rak um ihsin, cu tawkah ka rak um.”
Cule atu-ah Bawipa Jehovah in a Thlarau thawn kei hi in rak thlah a si.
17 ^fJehovah, nangmah tlentu, Israel-ih Mi Thianghlim in hitin a ti:
“Keimah cu Jehovah na Pathian,
Na hlawknak dingih lo zirhtu le,
Na fehnak ding lamzin ih lo hruaitu ka si.
18 ^gKa thupekpawl kha rak ngaihsak cila maw!
Na hnangamdaihnak cu tiva pi bangtuk a rak si ding ih,
Na dingfelnak cu tifinriat suar bangtuk a rak si ding nân.
19 ^hNa tesinfapawl khal vunnel bangtuk an rak si ding ih,
Na taksa cikuang khal vunnel fáng zat an rak si ding nân;
A hmin cu thaihloh a si lo ding ih,
Ka hmaika ihsi khalin hlohralter a si fawn lo ding nân!” tiin.
20 ⁱBabilon ihsin suak uh!
Kaldia-mipawl cu tlanhlohsan uh!
Hlasak aw thawn,
Hihi thăn uhla, phuang uh,
Leilung dĕng tiangin thăn uh;
“Jehovah in a siahhlawh Jakob a tlen zo,” tiah ti uh.
21 ^jCule nelrawn paltlăngih a hruai hai tikah khan,
An ti a rak hâl dah lo;
Anih in an hrangah lungpi ihsin tidai a khawhsuakter;
Lungpi khal a khĭngter ih tidai a khawhsuak.
22 ^k“Misualrálpawl hrangah cun hnangamdaihnak a um lo,” tiah Jehovah in a ti.

48:12^a Isa 41:4, 8; 46:3; Thu 1:17

48:13^b Sem 2:1; Suah 20:11; Job 9:8; Isa 40:26

48:14^c Isa 43:9; Jer 50:45

48:15^d Isa 44:28-45:4

48:16^e Isa 11:2; 41:1; Zek 2:9, 11

48:17^f Job 19:25; Isa 28:9; 47:4; 49:7, 9-10

48:18^g Isa 33:21; 42:23

48:19^h Sem 22:17; Job 5:25; Isa 43:5

48:20ⁱ Sem 49:10; Dnp 30:4; Jer 31:10; 48:6

48:21^j Mip 20:11; Isa 30:25; 33:16; 35:6

48:22^k Isa 3:11; 57:21

49

Jehovah-ih Siahhlawh

1 ^a“Maw tifinriat kap tluan pawl, i ngaithla hnik uh,
Nannih ram hlapi ih miphunpawl fimkhur uh!
Jehovah in sūl sung ihsin i rak ko zo;
Ka nuih sūl sung ihsin ka hmin a rak sak zo.
2 ^bCule ka kâ cu ralnâm hriam bangtukah a rak tuah;
A kut thlahlim ah i rak thup ih,
Tât-hriam mi thál fung ah i tuah;
A thál fung bawm sungah i rak thup.
3 ^cCule anih in ka hnenah,
‘Nangmah ah sunlawih ka sinak dingah,
Maw Israel, nang cu ka siahhlawh na si,’ tiah i ti.
4 ^dCun kei in, ‘A lakin ka rak ṭuanbāng ih,
Thulolak men le zianghmanlo men hrangah ka thazang ka rak hmang;
Sikhalsehla thungaiten ka diknak lawmman cu Jehovah hnenah a um ih,
Ka ṭuan rah cu ka Pathian hnenah a um,’ tiah ka ti.
5 ^e“A hnenih Jakob hruaikirsal dingin le,
A hnenih Israel an punkhawmnak dingah,
A siahhlawh si dingih sūl sung ihsin i dĭnsuaktu Jehovah in atu-ah hitin a ti.
(Ziangahtile Jehovah-ih mithmuh ah ka sunglawi ding ih,
Ka Pathian cu ka cahnak a si ding.)
6 ^f‘Anih in Jakob hnámpawl thoter dingah le,
Zuah mi Israel tungding dingah,
Ka siahhlawh ih na can ding cu thil tenau a si.
Miphunpawl hnenih tleu si dingah ka lo ruat ding,
Cutin leilung dĕng tiang ka rundamnak na si ding,’ tiah i ti,” tiin.
7 ^gJehovah, Israel tlentu, anmai Mi Thianghlim,
Mi ih an hmuhsuam mi,
Miphunpawl ih an fih mi,
Uktupawlih siahhlawh hnenah cun hitin a ti:
“Nangmah hriltu
A rinum mi Jehovah,
Israel-ih Mi Thianghlim ruangah, Siangpahrangpawl in an hmu ding ih an tho ding,
Uktupawl in an be ding,” tiin.
8 ^hJehovah in hitin a ti:
“Cohlan tikcu ah ka rak lo ngaithla ih,
Rundamnak ni ah ka rak lo bawm;
Leilung dĭnṭhasal dingin le,
A ṭhing mi ropawl anmah coter dingin,
Minungpawl hrangih thukham ah,
Nang cu ka lo kilhim ding ih ka lo pe ding;
9 ⁱCutin nang in, thawngtlapawl hnenah, ‘Suak uh,’
Thim lakih umpawl hnenah, ‘Ra suak uh,’ tiin na ti ding.
Lamzin tluanah rawl an ei phah vivo ding ih,
An tlannak cu hmun sâng phul kawlh pawl ah a si ding.
10 ^jAn ril a râwng lo ding ih an ti a hâl fawn lo ding,
Sâ an tuar lo ding ih ni in a emna hai fawn lo ding;
Ziangahtile an parih zahngainak neitu in a hruai hai ding,
Tihna kiang tiangin a kaihhruai hai ding.
11 ^kKa tlang hmuahhmuah cu lampi ah ka tuah hai ding ih,
Ka zinpipawl cu santer an si ding.
12 ^lNgai hnik, hipawl cu a hlatnak ihsin an ra ding,
Zoh hnik! Khipawl cu sak lam le nitlaknak lam ihsin le,
Hipawl cu ^mSinim ram ihsin an si,” tiin.
13 ⁿMaw van, aipuangin au uh!
Maw leilung, lungawi aipuangin um aw!
Maw tlangpawl tla, aipuangin ausuak uh!
Ziangahtile Jehovah in a minungpawl a hnem ih,
Zăwnzaih tuar a mipawl parah zahngainak a nei.

49:1^a Isa 7:14; Jer 1:5; Mat 1:20; Gal 1:15

49:2^b Dnp 32:23; Isa 51:16; Efe 6:17; Heb 4:12; Thu 1:16

49:3^c Pui 10:3; Isa 44:23; Zek 3:8

49:4^d Isa 35:4; 45:25

49:5^e Dnp 30:4; Isa 43:4; Gal 1:15

49:6^f Dnp 30:4; Isa 1:9; 9:2; Mat 28:19; Joh 1:9; 11:52; Apo 13:47

49:7^g Dnp 7:9; Sam 22:6-8; 69:7-9; Isa 14:1; 52:15; 53:3

49:8^h Mip 34:13; Isa 42:6; 60:10, 21; Luk 4:19; 2Ko 6:2

49:9ⁱ Isa 41:18; 42:7

49:10^j Isa 33:16, 21; Thu 7:16

49:11^k Isa 11:16; 40:4; Jer 31:9

49:12^l Isa 2:3; 59:19; Mat 8:11

49:12^m Sinim: Izip ram Nâl tiva pi kiangih hmunram pakhat a si. Atu-ah cun Aswa tiah an ko.

49:13ⁿ Isa 14:1; 40:1; 48:20; 2Ko 1:4

Pathian in Zion a Máng Ding

14 ^aAsinan Zion in, “Jehovah in i thlauthla zo ih,
Ka Bawipa in i hngilh zo,” tiah a ti.
15 “Nunau in hnawi a fawh lai mi a fa hngilhin,
A rilrah a fapa lainat loin a um thei pei maw?
A si, an hngilh khal a si thei,
Cuti si khal sehla kei cun ka lo hngilh lo ding.
16 ^bNgai hnik, ka kut zaphak ah ka lo ngan;
Na khaw kulhpawl cu ka hmaiah an um ringring.
17 ^cNa fapapawl cu an hmanhmawh ciamco;
A lo siatsuahtupawl le a lo ṭhingtertupawl cu
Na hnen ihsin an tlanhlo ding.
18 ^dKhuacuan aw, na kiangkap zoh awla thlir hnik;
Hipawl hmuahhmuah hi an pungkhawmaw ih na hnenah an ra.
Ka nun rori vekin, Jehovah in a ti,
Nang cu ceiawknak thuam vekin an zate hmangin na thuamaw tengteng ding ih,
Mo a thăwmawk vekin, anmah hmangin na thuamaw ding.
19 ^eZiangahtile a răm mi le a ṭhing mi na hmunpawl le,
A siat mi na ram cu,
A luahtupawl hrang hmanah a bi tuk thlang ding;
Cule a lo dawlhtupawl cu hlapi ah an um thlang ding.
20 ^fMi dang pawl na hloh hnuah,
Na neih ding mi na fātepawl in,
‘Ka hrangah hmun a bi tuk;
Ka cēnnak ding hmun i pe aw,’ tiin,
Na hnatheih ah an lo simsal ding.
21 Cun na thinlung ah nang in,
‘Ka fātepawl ka hloh hai ih ka ṭhin thluh ihsin,
Ralkaih mi ka si ih, a suk le a so ih ka vahvaih ihsin,
Zo in so hipawl hi i hrinsak?
Zo in so hipawl hi a pitlingter hai?
Ngai hnik, kei cu mah te lawngih tān ka si;
Asinan hibangpawl hi khuiah so an rak um?’ na ti ding,” tiin.
22 ^gBawipa Jehovah in hitin a ti:
“Ngai hnik miphunpawl hnenah ka kut ka thlir ding ih,
Minung zate hrangah thantar ka phun ding;
Na fapapawl cu an bân in an hruai ding ih,
Na fanupawl cu an liang in an pungpucuan ding,
23 ^hSiangpahrangpawl cu nangmah kiltu an si ding ih,
An siangpahrang bawinupawl cu a lo kilkhawitu an si ding;
Annih cu na hmaiah leisin bihin an kûn ding ih,
Na ke ih leivut an liak ding.
Cun keimah cu Jehovah ka si ti na thei ding,
Ziangahtile keimah hngaktu cu an mualpho lo ding,” tiin.
24 ⁱMicak ralthiam hnen ihsin ralthillawn le
Midingfel hnen ihsin ralkaihpawl cu runsuah an si pei maw?
25 ^jAsinan Jehovah in hitin a ti:
“Micak ralthiamih ralkaihpawl hman lawnsakin,
Miṭihnungza-ih ralthillawn mi khal runsuah an si ding;
Ziangahtile a lo dotu cu ka do ding ih,
Na fātepawl cu ka run ding.
26 ^kA lo palbĕttupawl cu anmai sa rori ka eiter hai ding ih,
Sabit zu thlum rit vekin anmai thisen an ri ding.
Keimah cu Jehovah a lo Rundamtu le,
A lo Tlentu Jakob-ih Micak ka si ti titsa hmuahhmuah in an thei ding,” tiin.

49:14^a Sam 9:10; Isa 27:8; 44:21

49:16^b Suah 28:9; Sam 48:12-13; Isa 62:6

49:17^c Isa 5:6

49:18^d Isa 11:12; 45:23; 52:1; 54:9; 61:10; Jer 2:32

49:19^e Pui 26:33; Isa 5:6; 54:1-2; Eze 36:10; Zek 10:10

49:20^f Isa 29:23; 49:21; Jer 10:20; Zek 2:4

49:22^g Isa 11:10; 63:4

49:23^h Sem 3:14; 27:29; Suah 6:2; Mip 11:12; Sam 22:5; 37:9; Isa 42:8; 60:3, 6; Thu 3:9

49:24ⁱ Mat 12:29; Mar 3:27; Luk 11:21

49:25^j 1Sam 24:15; Isa 14:2; 25:9; Jer 50:34

49:26^k Sem 49:24; Suah 6:7; Mip 23:24; Job 19:25; Isa 9:4, 20; 25:9; Jer 25:27; Eze 39:7

50

Israel Sualnak

1 ^aJehovah in hitin a ti:
“Ka rak dawisuak mi,
Nan nu mâknak ca kha khuiah so?
Asilole ka leibatnak zo bik hnenah so ka rak lo zuar?
Nan mawhsualnakpawl ruangah nanmah ten nan zuaraw ih,
Nan dān pahbălnakpawl ruangah nan nu cu dawisuak a rak si.
2 ^bKa rat laiah khan, ziangruangah so milai an um lo?
Ka kawh laiah khan, ziangruangah so zohman sawntu an um lo?
Ka kut hi tlen thei lo ding tiangtiangin a tawi maw si?
Asilole runsuak dingin huham ka nei lo maw si?
Ngai hnik, ka nunsimnak in tifinriat ka kāngter,
Tiva pi pawl thlaler ah ka canter;
Tidai a um lo ruangah an ngapawl
Tihâlin an thi ih an thu.
3 ^cVan cu thimnak ka hrukter hai ih,
Buri puan thawn ka khuhawter hai,” tiin.

50:1^a Dnp 24:1; 32:30; Jer 3:8; Hos 2:2

50:2^b Suah 14:21; Isa 41:28; 59:1, 16; Jer 14:9

50:3^c Suah 10:22; Isa 5:30; Thu 6:12

Siahhlawh Thulunnak

4 ^a“Micau hnenah a tikcu teih ṭawngkam,
Ṭawngdān ding ka theih thei nak dingah,
Ṭawngkam thiamnak, Bawipa Jehovah in i rak pe.
Zing tinten anih in i ṭhang,
Zirh mi bangih ngaithla dingin, ka hna a ṭhang,
5 ^bBawipa Jehovah in ka hna a rak áwng,
Kei cu ka rak hél lo ih,
A pial khal ka rak pial fawn lo.
6 ^cI vawtupawl hnenah ka zâng ka rak tŭn ih,
Ka kha hmul phawitupawl hnenah ka biang;
Mualphonak le cil phuinak lakah ka hmai ka thup lo.
7 ^dBawipa Jehovah in i băwm ruangah, ka mualpho lo;
Curuangah ṭêklung bangin ka hmai ka hawih ih,
Ka ning a zak dah lo ding ti ka thei.
8 ^eThiam i cotertu cu a nai a si;
Zo in so in do ding?
Kan ding veve hnik pei.
Zo so i dodaltu?
I rak naih hnik seh.
9 ^fNgai hnik, Bawipa Jehovah cun i bawm;
Thiam lo i cotertu cu zo so a si?
Ngai hnik, annih cu sinfen bangin an hlun ding,
Tlap in a ei ṭheh hai ding.”
10 ^g“Nan lakah Jehovah ṭih ih, a siahhlawh thu thlun le
Tleu nei lo, thim lakih tlanglêng cu zo so a si?
Jehovah hmin rinsan sehla,
A Pathian parah ṭhumaw seh.
11 ^hZoh hnik, nannih meisa vângtu hmuahhmuah le mai meifar ih kulhawtupawl,
Nan mei tleu ah le nan van mi meifar lakah vâk uh,
Ka kut ihsin nan co ding mi cu hihi a si:
Harsa zetin nan it ding.

50:4^a Suah 4:12; Isa 57:19; Mat 11:28

50:5^b Sam 40:6; Eze 2:8; Mat 26:39; Joh 8:29; Heb 5:8; 10:7

50:6^c Isa 53:5; Mat 26:67; 27:30; Mar 10:34; Luk 22:63; Joh 19:1

50:7^d Isa 28:16; Jer 1:18; Eze 3:8-9

50:8^e Isa 41:1; Rom 8:32-34

50:9^f Job 13:28; Isa 48:16; 51:8

50:10^g Thf 1:7; Isa 1:19; 10:20; Hag 1:12; Apo 26:18

50:11^h Job 15:20; Thf 26:27; Isa 65:13

51

Jehovah in Abraham-ih Tefapawl a Bawm

1 ^a“Nannih dingfelnak dawitupawl, nannih Jehovah hawltupawl,
I ngai hnik uh:
Nanmah sersuahnak lungpi le,
Nanmah laihsuahnak khur cu zoh hnik uh.
2 ^bNan pa Abraham le,
A lo hringtu Sarah cu zoh hnik uh;
Ziangahtile amah lawnglawng ka ko,
Cule mal ka sawm ih ka pungzaiter a si,” tiin.
3 ^cZiangahtile Jehovah in Zion cu a hnem ding,
A hmun ṭhing pawl zaten a hnem hai ding;
A thlaler cu Eden bangtukah a cangter ding;
A nelrawn cu Jehovah hmuan bangtukah a tuah ding,
Cumi ah aipuannak le lungawinak hmuh a si ding,
Lungawi thu simnak le awnmawi khal.
4 ^d“Ka mipawl, i ngai hnik uh;
Maw ka miphun, hna in tŭn uh:
Ziangahtile keimah ihsin dān a ra suak ding ih,
Ka thuṭhennak dik cu miphunpawlih tleu ah ka hmunter ding.
5 ^eKa dingfelnak cu a nai a si,
Ka runsuahnak a fehsuak ih,
Ka bân in miphunpawl thu a ṭhen ding;
Tifinriat kap tluan pawl in keimah in hngak ding ih,
Ka bân an hngak ding.
6 ^fVan lam hun cuan uhla,
Thuai lamih leilung khi zoh hnik uh.
Ziangahtile van cu meikhu bangin an ziamral ding,
Leilung cu sinfen bangin an hlun ding,
Cubangtukin a sungih cêngpawl cu an thi ding;
Asinan ka runsuahnak cu kumkhaw daih a si ding ih,
Ka dingfelnak cu cemrálter a si lo ding.
7 ^g“Nannih dingfelnak theitupawl,
Nannih thinlung ih ka dān neitupawl, i ngai hnik uh:
Milaipawlih nautatnak cu ṭih hlah uhla,
An lo hmuhsuamnak ruang khalah thinphâng fawn hlah uh.
8 ^hZiangahtile anmah cu sinfen bangin tlap in a ei hai ding,
Cule sahmul puan bangin nget in a ei hai ding,
Asinan ka dingfelnak cu kumkhaw daih a si ding ih,
Ka runsuahnak cu san khat ihsin san khat tiang,” tiin.
9 ⁱṬhangharh aw, ṭhangharh aw, cahnak hruh aw,
Maw Jehovah-ih bân!
Tuan le mang lai, khuahlan san lai bang khan ṭhangharh aw.
Nang hi ^jRahab satṭhentu,
Rulhreng tuahmawhtu kha na si lo maw?
10 ^kA thûk zet mi,
Tifinriat kāngtertu;
Tlen cia mipawl tankainak dingih
Tifinriat thûknak hmunpawl tla lamzin ih tuahtu kha na si lo maw?
11 ^lJehovah ih tlen mipawl cu an ra kirsal ding ih,
Hlasak phahin Zion ah an ra ding,
An lu parah catuan aipuannak thawn.
Aipuannak le lungawinak an congah ding;
Riahsiatnak le aihramnak cu an tlanhlo ding.
12 ^m“Kei, keimah rori hi a lo hnemtu ka si.
A thi thei mi milai le
Hrampi vekih tuah mi milai fapa ṭihtu cu zo so maw na si?
13 ⁿCule van zarpharhtu le
Leilung lungphum phumtu,
Nangmah a lo tuahtu Jehovah na hngilh a si;
Siatsuah dingih a timlam tikah,
A lo palbĕttuih thinhengnak ruangah
Ni tinten na rak ṭih ringring.
Cule palbĕttuih thinhengnak cu khuiah so?
14 ^oṬemṭawnih um mi cu suah a si cing ding,
Cutin khur sungah a thi lo ding ih,
A rawl khal a cem lo ding.
15 ^pAsinan keimah cu Jehovah na Pathian,
Tifinriat cawktho ih a tisuar hrûm dupdo tertu ka si;
A hmin cu ralkap rualpawlih Jehovah a si.
16 ^qCule na kâ ah ka kamsuakthupawl ka ret;
Ka kut thlahlim in ka lo phen,
Cutin van ka zarpharh thei ding ih,
Leilung lungphumpawl ka phum thei ding,
Cule Zion hnenah, ‘Nang cu ka mi na si,’ ka ti thei ding,” tiin.
17 ^rṬhangharh aw, ṭhangharh aw!
Dīng hnik, Maw Jerusalem,
Nang, Jehovah-ih kut ih a ritu, a thinsosatnak no a ritu;
Hâwr rero nak no tawne tiangin na in ih,
Na thlefai ṭheh verver.
18 ^sA hrin mi a fapapawl zate lakah
Amah kaihruaitu ding pakhat hman an um lo;
A cawm pitlin mi a fapapawl zate lakah
Kut ih amah hruaitu khal pakhat hman an um fawn lo.
19 ^tHi thil pahnih hi an hnenah an ra thleng;
Zo so nangmah ruangih ninghang ding?
Ṭhinnak le siatralnak, mangṭam le ralnâm tla an si.
Zo in so lo hnem ding?
20 ^uNa fapapawl cu an ṭamsawl ṭheh zo,
Sur sungih zâtum bangin,
Kăwtthler kip ah an zau;
Jehovah-ih thinsonak,
Na Pathian-ih kawknak in annih cu an khat.
21 ^vCuruangah zăwnzaihter mi nang,
Sabit zu si lo a ri mi, zangfahten hihi ngaithla aw.
22 ^wNa Bawipa, a mipawl hrangih ngĕnsak ṭheu tu,
Jehovah le na Pathian cun hitin a ti:
“Zoh hnik, hâwr rero nak no,
Ka thinsosatnak no tawne cu,
Na kut ihsin ka lâk zo;
Cumi cu na insal nawn lo ding.
23 ^xAsinan cumi cu nangmah a lo zawnzaitertupawlih kut ah ka ret ding,
Annih in na hnenah,
‘Na parih kan feh thei nak dingah băwk aw,’ an lo ti.
Cule lei bangtukin na taksa na phah ih,
Na parih a fehtupawl hrangah kăwtthler vekin na phahaw,” tiin.

51:1^a Sem 17:15-17; Sam 94:15; Isa 46:3; 51:7

51:2^b Sem 12:1; 15:5; Isa 29:22; Rom 4:16; Heb 11:11

51:3^c Sem 2:8; Isa 5:6; 25:9; 61:4; Jer 16:9

51:4^d Suah 6:7; Sam 78:1; Isa 2:3; 42:6

51:5^e Sem 49:10; Isa 12:2; 42:4

51:6^f Sam 102:26; Isa 45:7; Heb 1:10-12; 2Pe 3:10

51:7^g Isa 51:1; Mat 5:11; Luk 6:22

51:8^h Isa 14:11; 50:9; 51:6

51:9ⁱ Suah 6:6; Dnp 4:34; Job 26:12; Sam 74:13; Isa 51:17

51:9^j Rahab: Sam 87:4 simfiangnak zoh aw.

51:10^k Suah 14:22; Isa 50:2; 63:11; Zek 10:11

51:11^l Isa 35:9; 48:20; Jer 33:11; Thu 7:17

51:12^m Isa 2:22; 40:1; 51:3; 2Ko 1:4; 1Pe 1:24

51:13ⁿ Sem 1:1; Isa 17:10; 40:22; 45:12

51:14^o Isa 42:7; 49:10

51:15^p Isa 13:4; Jer 31:35

51:16^q Isa 48:13; Jer 7:23; Eze 14:11; Zek 8:8

51:17^r Lai 5:12; Job 21:20; Isa 42:25; Mat 20:22; Thu 14:10

51:18^s Sam 88:18; Isa 41:13

51:19^t Isa 14:30; Jer 14:12

51:20^u Dnp 28:20; Job 18:10; Isa 5:25; Jer 14:16; Ṭah 2:19

51:21^v Isa 29:9

51:22^w Isa 49:25; Jer 25:15; Hab 2:16; Mat 20:22

51:23^x Jos 10:24; Jer 25:15; Mik 7:10; Zek 12:2

52

Jehovah in Jerusalem a Tlen

1 ^aṬhangharh aw, ṭhangharh aw!
Maw Zion, na cahnak in thuamaw hnik;
Maw Jerusalem, khawpi thianghlim,
Na sinfen mawi pawl hruk hnik!
Serh zim tan lo pawl le mithiang lo pawl
Na hnenah an ra nawn lo ding.
2 ^bLeivut ihsin thingaw awla, hung tho aw;
To aw, Maw Jerusalem!
Maw ralkaih mi Zion fanu,
Na hngawng ṭemnak phelhaw aw!

52:1^a Sem 34:14; 1Sam 2:4; Neh 11:1; Isa 51:17; Joe 3:17; Nah 1:15; Zek 9:8; Mat 4:5; Thu 21:2, 27

52:2^b Isa 10:27; 29:4; 60:1

3 ^aJehovah in hitin a ti:

52:3^a Sam 44:12; Isa 1:27; 45:13; 1Pe 1:18

“Zianghmanlo ah nan rak zuaraw aw ih,
Paisa tel loin tlen nan si ding.
4 ^aZiangahtile Bawipa Jehovah in hitin a ti:
Ka mipawl cu a tirah
Izip ih cêng dingin an vung suk;
Cun a săn um loin Assiria-mipawl in an palbĕt.
5 ^bCuruangah atu-ah, hi tawkah ziang so ka neih, tiah Jehovah in a ti.
Cutin ka mipawl cu zianghmanlo ah hruaihloh an simaw?
Anmah uktupawl in râk rero ko an tuah, tiah Jehovah in a ti,
Cule ni tin ka hmin cu thangsiat tlaitluan a si.
6 ^cCuruangah ka mipawl in ka hmin an thei thlang ding;
Curuangah cuih ni ah cun annih in,
‘Ngai hnik, cumi cu keimah ka si,’ titu kha keimah ka si, ti an thei thlang ding,” tiin.
7 ^dTlangpawl parah thuthangṭha thlen ih,
Remnak tlangaupi ih,
Thil ṭha thuthangṭha keng ih,
Runsuahnak phuang ih,
Zion hnenih,
“Na Pathian in a uk a si!” tituih ke cu ziang tlukin so a mawi!
8 ^eNa ralvengtupawl cun an aw an suah ding ih,
An aw suahin aipuang zetin an au ding;
Ziangahtile Jehovah in Zion ih a hruaikirsal tikah an mit rori in an hmu ding.
9 ^fNannih Jerusalem hmun ṭhing pawl,
Lungawi aipuangin ausuak uh!
Ziangahtile Jehovah in a mipawl a hnem ih,
Jerusalem a tlen.
10 ^gMiphun zate mithmuh ah,
Jehovah in a bân thianghlim cu a hlîp,
Cule kan Pathian runsuahnak cu
Leilung dĕngpawl hmuahhmuah in an hmu ding.
11 ^hPăwksuak uh! Păwksuak uh! Cu tawk ihsin fehsuak uh,
A thiang lo mi thil thâm hlah uh,
Nannih Jehovah-ih bungbel phurtupawl
A sung ihsin fehsuak uhla, thiangten um uh.
12 ⁱZiangahtile manhlapin nan feh lo pei ih,
Raltlân vek khalin nan feh lo pei,
Ziangahtile nan hmaiah Jehovah a feh ding ih,
Israel-ih Pathian cu a lo khawrtu a si ding.

52:4^a Sem 46:6; Isa 10:24

52:5^b Isa 37:23; Rom 2:24

52:6^c Suah 6:3; Isa 10:20; 41:26; 49:23

52:7^d Isa 40:9; Luk 2:14; Rom 10:15; 1Ko 15:24-25; Efe 6:15

52:8^e Mip 10:36; Isa 59:20; Jer 6:17; Eze 3:17; Zek 8:3

52:9^f Isa 40:1; 44:26; 51:3; Luk 2:25

52:10^g Jos 4:24; Sam 44:3; Isa 53:1; Luk 2:30

52:11^h Mip 8:6; Isa 48:20; 2Ko 6:17; 2Ti 2:19

52:12ⁱ Suah 12:11; 14:19; Mik 2:13; Joh 10:4

Kan hrangah Siahhlawh in a Tuar Ding

13 ^aNgai hnik, ka siahhlawh in thiam zetin a cangvai ding,
Anih cu khaisan a si ding ih cawimawi le nasa zetih cawisan a si ding.
14 ^bA hmel cu milai zo vek hnak hman khalin tisiat a si ih,
A pianhmang khal milai fapapawl hnakin,
Na parah mi tampi an khawruah a har vekin,
15 ^cMiphun tampi a vansangter hai ding.
Siangpahrangpawl cu amah ruangah an kâ an hup ding;
Ziangahtile anmah sĭm dah lo mi an hmu ding ih,
An hna ih an rak theih dah lo mi an theithiam ding.

52:13^a Isa 42:1; 53:11; Fil 2:9

52:14^b Isa 53:2-3

52:15^c Eze 36:25; Rom 15:21; Efe 3:4-5

53

1 ^aZo in so kan thuthan mi a zum?
Zo hnenah so Jehovah-ih bân lăngter a si?
2 ^bZiangahtile anih cu thil cerhno vekin a hmaiah a ṭhang ding ih,
Lei car ihsin phawisuah mi hrám vek a si ding.
Anih cu pianhmang le mawinak hrimhrim a nei lo,
Amah kan zoh tikah,
Amah kan duhnak dingah mawinak hrimhrim a nei lo.
3 ^cAnih cu milaipawl in an hmuhsuam ih an hnáwng,
Miriahsia le thinnat thei mi a si.
Cule mi in an hmai an huhsan mi pa bangin,
Anih cu hmuhsuam a si ih, amah cu kan rak ngaisang lo.
4 ^dAnih cun kan thinnatnak a phur taktak ih,
Kan riahsiatnak khal a phur.
Sikhalsehla kannih cun Pathian ih vuak ah le,
Velh mi ah le zăwnzaihter mi ah kan ruat.
5 ^eAsinan anih cu kanmai dān pahbălnakpawl ruangah hriamhma putter a si;
Kan mawhsualnakpawl hrangah hmabaihin a um,
Kan hnangamnak dingih nunsimnak cu a parah a tla ih,
An vuaknak vualpawl in tidam kan si.
6 ^fKan zaten tuu bangin kan fehpêng ṭheh,
Mi kip mai lamzin cio ah kan pial;
Jehovah in kan zate ih mawhsualnak cu a parah a ṭhum.
7 ^gAnih cu palbĕt a si ih anih cu zăwnzaihter a si,
Sikhalsehla anih cu a kâ a ang lo;
Anih cu ran thattu hnenih hruai mi tuu fa no vek a si ih,
A hmul mettu hmaiih tuu daiteih a um bangin a kâ a ang lo.
8 ^hAnih cu palbĕtnak le thuṭhennak thawn lâk a si ih,
Amai san minungpawl lak ihsin zo in so a thuhla dīnpi ding?
Anih cu a nungdam mipawlih ram ihsin sahcat a si;
Ziangahtile anih cu ka mipawlih dān pahbălnak ruangah vuak a si.
9 ⁱCule a thlān cu misualrálpawl lakah ruahman a si nân,
A thih tikah cun milian zawngah tuahsak a si,
Ziangruangahtile anih cun thil sual zianghman a tuah dah lo ih,
A kâ khalah bumnak pakhat hman a um dah lo.
10 ^jSikhalsehla amah vuak durh ding cu Jehovah-ih lunghmui zawng a si;
Anih in amah cu thinna ko a tuah.
A nunnak cu mawh thilhlăn ih tuah a si tikah,
Amai cithlah a hmu ding ih, a dam sung kumpawl a sauter ding,
Cule Jehovah-ih lunghmui zawng cu a kut ah a hmuingil ding.
11 ^kAnih in a nunnak ih ṭuanbăng rah a hmu ding ih, a di a riam ding.
Amai theihnak in a dingfel mi ka Siahhlawh in mi tampi thiam a coter ding,
Ziangahtile anih in an mawhsualnakpawl a phur ding.
12 ^lCuruangah miropipawl zawngah covo amah ka zem ding ih,
Anih cu micakpawl thawn ralthillâk an zemaw ding,
Ziangruangahtile anih in thihnak tiang a nunnak a sûngbung ih,
Dān pahbăltupawl lakih siartel a si.
Cule anih in mi tampi sual a phur ih,
Thil sual tuahtupawl hrangah thla a cam.

53:1^a Isa 28:9; 52:10; Joh 12:38; Rom 10:16

53:2^b Isa 11:1; 52:14

53:3^c Mat 16:21; Joh 1:10-11; Heb 5:8

53:4^d Rut 1:21; Mat 8:17; Joh 19:7

53:5^e Mat 27:26; Joh 3:17; 19:1; Rom 4:25; 1Ko 15:3; Heb 9:28

53:6^f Isa 56:11; Rom 4:25

53:7^g Isa 50:6; Mat 27:31; Mar 14:61; Joh 1:29; Apo 8:32; 1Pe 2:23

53:8^h Dan 9:26; Mar 14:49

53:9ⁱ Job 16:17; Mat 27:5-60; 1Pe 2:22; 1Joh 3:5; Thu 14:5

53:10^j Isa 46:10; Apo 2:23

53:11^k Isa 45:25; Apo 10:43; Rom 5:18-19

53:12^l Isa 59:16; Mar 15:28; Rom 8:34; Fil 2:9; Heb 7:25; 9:28; 1Pe 2:24

54

Hmai lam Cān ih Zion Ropitnak

1 ^a“Maw micing, nang fa hring dah lo, aipuangin au aw!
Lungawi aipuangin ausuak awla, ring zetin ausuak aw,
Nang fahrin nat tuar dah lo!
Ziangahtile pasal nei nunau hnakin
Thlauthlak mi nunau in fa a nei tamsawn, Jehovah in a ti.
2 ^bNa puanthlam hmun kauh aw,
Na cēnnak hmunpawlih puanzarpawl cu zar si hai seh,
Ren hlah;
Na hridaipawl sauter awla,
A fung khĕnpawl fekter aw.
3 ^cZiangahtile vawrh lamah le keh lamah na darhkau ding,
Cule na tesinfapawl in miphunpawl an co ding ih,
Khawpi ṭhing pawl kha minung umnak ah an tuah ding.
4 ^d“Ṭih hlah, ziangahtile na ning a zak lo ding;
Na mithmai sia fawn hlah, ziangahtile ningzahter na si lo ding;
Ziangahtile na no laiih na ningzahnak na hngilh ding ih,
Na nuhmei sinak hminsiatnak cu na cîng lo ding.
5 ^eZiangahtile nangmah a lo tuahtu cu na pasal a si,
A hmin cu ralkap rualpawlih Jehovah a si,
Nangmah tlentu cu Israel-ih Mi Thianghlim a si;
Anih cu leilung pumpi Pathian tiih kawh a si.
6 ^fZiangahtile thlauthlak mi nunau thinna ih um bangin le,
Vāng lai nupi, hnawn zo mi kawhkirsal bangin,
Pathian in a lo ko, Jehovah in a ti.
7 ^gZiangahtile camkhatte lawng ka lo thlauthla,
Asinan a nasa zet mi zahngainak in ka lo fĭnkhawm leh ding.
8 ^hThinlingnak luangliam ruangah na lakah camkhatte sung ka hmai ka thup;
Asinan catuan ngilneihnak in na parah zahngainak ka nei ding,
A lo tlentu Jehovah in a ti.
9 ⁱ“Ziangahtile himi cu ka hrangah Noah san laiih tipi bangtuk a si;
Ziangahtile Noah san laiih tidaipawl in leilung an khuh nawn lo ding, tiih sia ka rak săm vek khan,
Na parah ka thin a heng nawn lo ding ih a kawk khal ka lo kawk nawn lo ding, tiah sia ka săm a si.
10 ^jTlangpawl cu ṭhawnawin,
Tlangmûalpawl cu hnîn khal hai sehla,
Ka ngilneihnak cun a lo suahsan lo ding ih,
Ka hnangamdaihnak thukham a hnîn fawn lo ding,” tiah na parih zahngainak neitu Jehovah in a ti.
11 ^k“Maw nang zăwnzaihter mi,
Thli sia ih thēn rero mi le hnĕm táwng lo mi,
Ngai hnik, na lungtopawl cu răwng a phunphun nei lung mankhung pawl in ka rĕm ding ih,
Na lungphumpawl cu safaira thawn ka phum ding.
12 ^lNa luanglu cu rubi in ka tuah ding,
Na kăwtkapawl cu khrisṭal in,
Cule na phar zaten lung mankhung hlir in ka tuah ding.
13 ^mNa fātepawl hmuahhmuah cu Jehovah in a zirh hai ding ih,
Na fātepawlih hnangamnak cu nasa tak a si ding,
14 ⁿDingfelnak ih dĭn hngeh na si ding;
Palbĕtnak ihsin hla zetah na um ding, ziangahtile na ṭih riai lo ding;
Thil rapthlak ihsin na hla fawn ding, ziangahtile cumi in a lo naih lo ding.
15 ^oNgai hnik, keimah ruangah si loin, an pungkhawm tengteng ding.
Nangmah lo doih pungkhawmawtu pauhpauh cu,
Nangmah ruangah an tlu ding.
16 ^p“Ngai hnik, meisa sungih meilingpawl zâptu soser ka dĭn a si,
A hna hrangih hriamhrei sersuaktu cu;
Cule siatsuah dingin mi rămtu ka dĭn fawn.
17 ^qNangmah dokalhih hriamhrei sersuah pakhat hman a hmuingil lo ding ih,
Thuṭhennak ih nangmah dokalhih a thotu lei pauhpauh cu thiam lo na coter hai ding.
Himi cu Jehovah-ih siahhlawhpawlih ro a si ih,
An dingfelnak cu keimah hnenin a si,” tiah Jehovah in a ti.

54:1^a Sem 21:6; 30:1; 1Sam 2:5; Isa 66:7; Gal 4:27

54:2^b Isa 26:15; 33:20

54:3^c Sem 13:14; Isa 48:19; 49:19-20

54:4^d Sem 30:23; Isa 28:16; Jer 30:10; Joe 2:21

54:5^e Isa 51:13; Jer 3:14; Hos 2:7, 16

54:6^f Hos 1:10; Mal 2:14

54:7^g Job 14:13; Isa 26:20; 49:18

54:8^h Isa 9:12; 48:17; Hos 2:19

54:9ⁱ Sem 8:21; Dnp 28:20; Isa 14:24; Mik 7:18

54:10^j Sem 9:16; Mip 25:12; Isa 14:1; 42:6; Heb 12:27

54:11^k Job 28:16; Thu 21:19

54:12^l Thu 21:21

54:13^m Isa 48:18; Mik 4:2; Joh 6:45; Heb 8:11

54:14ⁿ Isa 9:4; 26:2; Jer 30:20; Zef 3:15; Zek 9:8

54:15^o Isa 41:11-16

54:16^p Isa 10:5; 13:5; 44:12

54:17^q Sam 17:2; Isa 29:8; 41:11; Zek 1:20-21

55

Tihâlpawl Pathian in a Sawm

1 ^a“Aw! Tihâl mi pauhpauh,
Tidai umnak ah ra uh;
Cule nannih paisa nei lo pawl,
Ra uh, lei uhla ei uh.
A si, ra uh, paisa lo le man loin,
Sabit zu le hnawi ra lei uh.
2 ^bZiangah so rawl a si lo mi hrangah paisa nan ^chmang ih,
Puarnak a si lo mi hrangah nan hlawh manpawl nan hman?
Fimkhur zetin i ngaithla uhla, a ṭha mi cu ei uh,
Cule nan nunnak cu neihnunnak ah lungsi zetin um seh.
3 ^dNan hna thawng uhla, ka hnenah ra uh.
Ngaithla uh, cule nan nung ding;
David hnenih lăngter mi zahngainak hnget vekin,
Na hnenah catuan thukham ka tuah ding.
4 ^eNgai hnik, mipi hrangah thutheihpitu ah le,
Mipi hrangih hruaitu le thu petu ah amah cu ka ruat zo.
5 ^fNgai hnik, na theih lo mi miphun ka ko ding ih,
Jehovah na Pathian ruangah le,
Israel-ih Mi Thianghlim ruangah;
Na theih lo mi miphunpawl na hnenah an ra tlân ding;
Ziangahtile anih in a lo sunlawih zo.”
6 ^gHmuh theih a si laiah Jehovah cu hawl uhla,
A nai laiah amah cu ko uh.
7 ^hMisualrál in a lamzin tlansan sehla,
Midingfel lo pa in amai ruahnakpawl tlansan seh;
Jehovah hnenah ra kirsal sehla,
Anih in a parah zahngainak a nei ding,
Cule kan Pathian hnenah ra kirsal seh,
Ziangahtile anih in a ngaidam tuk ding.
8 ⁱ“Ziangahtile ka ruahnakpawl cu nan ruahnakpawl a si lo ih,
Nan lamzinpawl khal ka lamzinpawl an si lo, Jehovah in a ti.
9 ^jZiangahtile van cu leilung hnakih a sansawn vekin,
Ka lamzinpawl cu nan lamzinpawl hnakin an sângsawn ih,
Ka ruahnakpawl cu nan ruahnakpawl hnakin.
10 Ziangahtile van ihsin ruahpi le vur a rung tla ih,
Leilung cîarter loin,
Cu tawkah a kirsal lo,
Thlai a keuhter ih a cerhter,
Cutin thlaicingtu hnenah ci a pe ih,
Eitu hnenah rawl a pek bangin,
11 ^kCu vekin ka kâ ihsi suak ka kamsuakthu cu a si;
A lakin ka hnenah a kirsal lo ding,
Ka duh mi a tuahsuak sawn ding ih,
Ka thlahnak săn hrangah a hlensuak ding.
12 ^l“Ziangahtile aipuang zetin nan fehsuak pei ih,
Thlangam zetin hruai nan si ding;
Tlangpawl le tlangmûalpawl in
Na hmaiah lungawi aipuangin an ausuak ding ih,
Ramlak ih thingkung zaten an za an beng ding.
13 ^mHling aiah mirang far thing an kho ding ih,
Hram bûar aiah hadas thing a kho ding;
Cule cumi cu Jehovah cīn ringring nak,
Thaihloh a si lo ding mi kumkhaw hminsinnak a si ding.”

55:1^a Sam 42:1; 63:1; 143:6; Sol 5:1; Isa 41:17; Joh 4:14; 7:37-38; Thu 21:6

55:2^b Isa 25:6; Jer 12:13; 31:14; Hos 4:10; Hag 1:6

55:2^c hmang: A ṭawng hrampi ah cun, “ngun nan thlai” ti a si.

55:3^d Pui 18:5; Isa 54:8, 10; Joh 6:27; Apo 13:34; Rom 10:5; Heb 13:20

55:4^e 1Sam 13:14; Isa 32:1; Thu 1:5

55:5^f Isa 2:3; 12:6; 44:23; 49:6

55:6^g Dnp 4:29; 2San 15:2; Jer 29:12; Apo 17:27

55:7^h 2San 6:21; 7:14; Isa 54:10; Jer 26:3

55:8ⁱ Mik 4:12

55:9^j Job 11:8; Sam 103:11; Isa 40:13-14

55:11^k Dnp 32:2; Isa 40:8; Mat 5:18; Joh 1:1

55:12^l 1San 16:33; Sam 98:8

55:13^m Mip 33:55; Isa 5:6; 60:13; Jer 33:9

56

Miphunpawl hrang Rundamnak

1 ^aJehovah in hitin a ti:
“Diknak kai hnget uhla, dingfel zetin tuah uh,
Ziangahtile ka runsuahnak cu a ra thleng zikte ih,
Ka dingfelnak cu lăngter a si ding.
2 ^bHimi a tuahtu pa le,
Cumi a kai hnget tu minung fapa cu mithlawsuak a si;
Sabbath bawrhbangter loih a ultu le,
Thil ṭha lo tuah lo ih a kut a kilkhawitu cu mithlawsuak an si,” tiin.
3 ^c“Jehovah in a mipawl hnen ihsin in thliardang verver,” tiin,
Ram dang fapa Jehovah a thluntu in ṭawng hlah seh;
Cun tilper mi khal in,
“Ngai hnik, kei cu thingkung ro men ka si,” ti hlah seh.
4 ^dZiangahtile Jehovah in hitin a ti:
“Ka Sabbath-pawl ultu tilperpawl le,
Ka lunghmui zawng hriltupawl le,
Ka thukham fekteih kaitupawl hnenah,
5 ^eKa inn le ka hruang sung roriah
Fapapawl le fanupawl sinak hnakih ṭhasawn
Hmin le cinken ringring nak an hnenah ka pe ding.
A hloral dah lo ding mi catuan hmin ka pe hai ding.
6 ^f“Amah rian dingih, Jehovah a rak thluntu le,
A sál si dingih Jehovah hmin duhdawt dingih,
Sabbath bawrhbangter loih a ultu kip le,
Ka thukham fekteih a kaitu,
Ram dang mipawl khal,
7 ^gAnmah rori cu ka tlang thianghlim ah ka hruai hai ding ih,
Ka thlacamnak inn ah anmah cu ka aipuangter hai ding;
An meiur thilhlănpawl le an thawiawknakpawl cu,
Ka biakṭheng ah cohlan an si ding;
Ziangahtile ka inn cu miphun zate hrangih thlacamnak inn, tiah kawh a si ding,” tiin.
8 ^hHnawhsuak mi Israel hruaikhawmtu Bawipa Jehovah in,
“A hnenih hruaikhawm zo mipawl hleiah,
A hnenah mi dang ka hruaikhawm leh ding,” a ti.

56:1^a Sam 85:9; Isa 1:17; Dan 9:24

56:2^b Suah 20:8, 10; Sam 119:2

56:3^c Suah 12:43; Dnp 23:3; Isa 11:10; Jer 38:7; Apo 8:27

56:4^d Suah 31:13; Jer 38:7

56:5^e Isa 26:1; 43:7; 48:19; 55:13

56:6^f Suah 12:43; 1San 22:2; Isa 60:7, 10; Mal 1:11

56:7^g Isa 2:2; Mat 21:13; Mar 11:17; Luk 19:46; Rom 12:1; Fil 4:18; Heb 13:15

56:8^h Dnp 30:4; Isa 11:12; Eze 34:12; Joh 10:16

Pathian in Misualrálpawl a Mawhthluk

9 ^aNannih ramlak ramsa hmuahhmuah tla,
Eirál ṭheh dingin ra uh,
Nannih tupi sungih ramsa hmuahhmuah.
10 ^bA rak kilvengtupawl cu mitcaw an si,
An zaten theihnak nei lo an si;
An zaten aw nei lo uico an si,
An bo thei lo;
An it, an zau, sĭnghmang mi an si.
11 ^cA si, annih cu khawh ti nei lo uico duhham an si.
Cule annih cu theithiam thei lo tuu khāltu an si;
An zaten anmai zin ah an pial,
Mi kip in dik lo zetih hlawknak an dawi.
12 ^d“Ra uh, sabit zu ka rak keng ding ih,
Ri thlekthlek ko zu kan in pei;
Thaisun khal tuihsun vek a si ding ih,
A nasa sinsin ding,” tiah an ti cio.

56:9^a Isa 18:6; Jer 12:9; Eze 34:5, 8

56:10^b Jer 6:17; Eze 3:17; Nah 3:18

56:11^c Jer 6:13; 23:1; Eze 13:19; 34:2; Mik 3:11

56:12^d Pui 10:9; Thf 23:20; Isa 22:13

57

A Santlailo mi Israel-ih Milem Biaknak

1 ^aMidingfel a hloral ih,
Zohman in an pawisa lo;
Zohman ih an ngaihtuah lo laifangah
Zahngai thei mipapawl lâkhloh an si,
Ziangahtile midingfel cu siatnak lak ihsin lâkhloh a si.
2 ^bAnih cu daihnak ah a lut;
Dĭngnak ih a fehtupawl cu an ihkhun ah an cawlhahdam ṭheu.

57:1^a Isa 42:25; Eze 21:3

57:2^b Isa 26:7; Dan 12:13

3 ^a“Asinan nannih dawithiam nuih fapapawl,

57:3^a Suah 22:18; Isa 1:21; Jer 2:20; Mal 3:5

Nannih uire le hlawhhlang cithlahpawl,
Hi tawkah ra uh!
4 ^aZo so nan hnihsan?
Zo dokalhin so kâ nan ān ih,
Lei nan khakhnawh?
Nannih cu dān pahbălnak fā le,
Diklonak cithlah nan si lo maw?
5 ^bThing bŭk nîm hnuai kip ih pathianpawl thawn sakhaw hursualnak tuahin,
Hawrkuampawl ah
Lungpi khĭng hnuaiih naute thattu nan si lo maw?
6 ^cTiva te ^dlungto ngil pawl lakah
Na covo a um;
Cupawl, cupawl cu na covo an si!
Cupawl hnen roriah Inding Thilhlăn na rak tawih,
Thlairawl Thilhlăn na rak hlan.
Cupawl ah cun ka thin a na lo ding maw?
7 ^eTlang sâng le nasa ah
Na ihkhun na rak hung;
Cu tawk tiangin raithawinak hlan dingah
Na rak kaiso.
8 ^fSângka le sângka biang phenah
Na hrangah hngilhlonak na rak tung;
A taktakah cun keimah tlansanin,
Na taklawngnak na hlîpaw ih,
An hnenah na so;
Na ihkhun na kauh ih
Anmah thawn nan remaw;
An taklawngnak na hmuhnak an ihkhun na ngaina.
9 ^gHriak thawn siangpahrang na pan ih,
Na rimhmuipawl na luarter sinsin;
Na palaipawl cu hlapi ah na thlah hai ih,
Sheol tiangin an ṭumthla.
10 ^hNa lamzin a hlat ruangah na cau,
Cuti cing khalin nang in, ‘Ruahsan ding a um lo,’ na ti dah lo.
Cahnak thar na hmuh ruangah na cau lo.
11 ⁱ“Thuphan na rel, in hngilh, keimah ngaihsak loih na um tikah
Zo so na huphurh ih na ṭih?
Reipi lai ihsin daiteih ka rak um ruangah in ṭih lo a si lo maw?
12 ^jNa dingfelnak le
Na hnaṭuanpawl ka thăn ding,
Asinan na hlawkpi cuang lo ding.
13 ^kNa ausuak tikah,
Na khawlkhawm mi milempawl in lo run hai seh.
Asinan cupawl cu thli in a hrănhlo ṭheh hai ding,
Thaw in a semhlo hai ding.
Asinan keimah i rinsantu cun ram a co ding ih,
Ro ah ka tlang thianghlim a co ding.”

57:4^a Isa 1:2

57:5^b Isa 1:29; Jer 2:20; Eze 16:20

57:6^c Jer 3:9; 5:9, 29; 7:18; Hab 2:19

57:6^d lungto ngil pawl: Thlairawl le milai cithlah ṭhatnak pathianpawl hmuhsaknak a si.

57:7^e Jer 3:6; Eze 16:16

57:8^f Eze 16:15, 36

57:9^g Eze 23:16

57:10^h Isa 47:13; Jer 18:12; Mal 3:14

57:11ⁱ Sam 50:21; Isa 42:23; Jer 2:32; Eze 22:12

57:12^j Isa 29:15; Eze 16:2; Mik 3:2-4

57:13^k Sam 37:3, 9; Jer 22:20

Jehovah in Mităngdawrpawl a Cēncilh

14 ^aCule mi in,
“Sûngpâwng uh! Sûngpâwng uh!
Lamzin rak timlam uh,
Ka mipawl lamzin ih khamtu kha hlăwn uh,” a ti ding.
15 ^bZiangahtile Micungnung le Cawisan mi Pa
Kumkhuaih nung, a hmin Thianghlim ti mi cun hitin a ti:
“Mităngdawr thinlung ṭhangphawk dingin le,
Lungkuaipawl thinlung ṭhangphawk dingin,
Hmun sâng le hmun thianghlim ah le,
Lungkuai le mităngdawr pawl hnenah ka um.
16 ^cZiangahtile ka do kumkhua hai lo ding ih,
Ka thinheng ringring fawn lo ding;
Ziangahtile ka hmaiah thlarau cu a hlawhsam ding ih,
Ka tuah mi nunnakpawl khal an hlawhsam ding.
17 ^dA duhhamnak mawhsualnak ruangah,
Ka thin a heng ih amah cu ka vua;
Ka thup ih ka thin a heng,
Cule a thinlung duhdān in a pialhlo.
18 ^eA nundān ka hmu zo ih, amah ka damter ding;
Amah ka hruai fawn ding ih,
Amah le amah ninghanpitupawl hnenah hnĕmnak ka thartersal ding.
19 ^fKei in hmur rah ka sersiam:
Remnak, lam hla ih a um mi hnenah le naite-ih a um mi hnenah remnak um seh, Jehovah in a ti,
Cule amah cu ka damter ding,” tiin.
20 ^gAsinan misualrálpawl cu tifinriat so ut-o bangtuk an si,
Cumi cu a cawlh thei lo tikah,
An tipi in ciarbêk le hnawm pawl a hun hlăwnsuak.
21 ^h“Misualrálpawl hrangah cun hnangamdaihnak a um lo,” tiah ka Pathian in a ti.

57:14^a Isa 11:16; 62:10; Jer 18:15

57:15^b Dnp 33:27; Job 5:18; Sam 34:18; Isa 52:13

57:16^c Sem 2:7; Sam 50:21; 103:9; Isa 3:13-14; 42:5

57:17^d Isa 56:11; Jer 6:13

57:18^e Dnp 32:39; 2San 7:14; Isa 30:26

57:19^f Isa 2:4; 6:7; Apo 2:39; Heb 13:15

57:20^g Sem 49:4; Job 18:5-14; Efe 4:14; Jud 1:13

57:21^h Isa 26:3; 48:22; Eze 13:16

58

Rawl Ulh Dik

1 ^a“Ringpin au aw, dĭm hlah aw;
Tuu pa ki phawt bangin na aw thangter aw;
Ka mipawl hnenah an dān pahbălnak sim hai awla,
Jakob sungza hnenah an sualpawl khal.
2 ^bAnnih cun ni tin a hawl cu in hawl ve ko,
Ka lamzin theih ding khal nuam an ti,
Dingfelnak a tuahtu le an Pathian zīn le dān a thlauthla lo tu miphun bangin.
Annih in diknak zīn le dān in sut;
Pathian pan ding khal nuam an ti.
3 ^c‘Ziangruangah so rawl kan ul ih in rak hmuh lo?
Ziangruangah so kan nunnak kan zawnzaiter ih na rak theih lo?’ tiah an ti.
Ngai hnik, nan rawl ulh ni ah năwmnak nan hawl ih,
Nan hlawhfa hmuahhmuah nan ṭuanbāngter.
4 ^dNgai hnik, toaw ding le êlaw ding le
Kuttum sualrál thawi mi thăwng dingin a si rawl nan ulh.
Tlun sâng lamih nan aw theih tlak ding cun,
Tuihni vek si loih rawl nan ulh a ṭul.
5 ^eNi khat sung mi in an phahniamawk menmen hi maw si ka hril mi rawl ulh cu?
Câlte bangih lu kûn le
Buri puan sĭnih vutcâm lakih um hi maw si?
Hihi rawl ulhnak tiin le Jehovah ih cohlan tlak ni tiah na ti ding maw si?
6 ^f“Dik lo zetih ṭembĕt mipawl phelhsak le,
Hngawngkol hri hlihsak,
Palbĕt mipawl zalenter le,
Hngawngkol kip na khiahsak hi
Ka hril mi rawl ulhnak cu a si lo maw?
7 ^gMirilrâwngpawl na sang na hlawm ih,
Inn nei lo mifarahpawl na inn ah na hruai ih,
Taklawng ih um na hmuh tikah na khuh ih,
Na hrinpipawl lakih an thuhawk lo ding hi a si lo maw?
8 ^hCun na tleu cu khawfingcat bangin a tleusuak ding ih,
Na harhdamnak cu zamrang zetin a ra pûtsuak ding;
Cule na dingfelnak cu na hmaiah a feh ding;
Jehovah-ih ropitnak cu na dung lo khawrtu a si ding.
9 ⁱCun na ko ding ih, Jehovah in a lo sawn ding,
Na auh ding ih anih in, ‘Hi tawkah ka um,’ a lo ti ding.
Nan lakih hngawngkol le,
Kut zung ih mi khih le sualrál takih ṭawngpawl tla na lahlo ih,
10 ^jRilrawngpawl hnenah na tirhsiang ih,
Zăwnzaihter mi thinlung na dirĕmter a si ahcun,
Na tleu cu thim ah a tleu ding ih,
Na thim cu sun laifang vek a si ding.
11 ^kJehovah in a lo kaihruai tlaitluan ding ih,
Khawkhen cān khalah na nunnak a lo diriamter ding,
Cule na ruhpawl a cakter ding;
Nang cu ti tawih mi hmuan bangtuk na si ding,
A tidai kâng dah lo mi tihna bangtuk na si ding.
12 ^lNan lakih mipawl in a ṭhing mi hmun hlun pawl an dĭnsal ding;
Nang in san tampi hrang lungphumpawl na tungdingsal ding;
Cule nang cu Khaw kulh siatnak zawn Rĕmṭhatu le,
Cēnnak dingah Kăwtthler Rĕmṭhasaltu an lo ti ding.
13 ^m“Ka ni thianghlim ah nangmai duh zawng ti ih,
Sabbath buar lo dingin na ke na kilkhawi ih,
Sabbath cu thinnăwmnak tiih na kawh ih,
Jehovah-ih ni thianghlim cu na upat ih,
Nangmai lamzin zawh loin na upat ih,
Nangmai duhnak hawl fawn loin le,
Nangmai ṭawngkam men na rel lo a si ahcun,
14 ⁿJehovah ah na nuamaw ding ih,
Leilung tlangmûal sangpi pi pawl ka lo cuangter ding,
Cule na pa Jakob-ih ro in ka lo câwm ding,
Ziangahtile Jehovah-ih kâ in a rel zo,” tiin.

58:1^a Suah 20:18; Isa 40:6; 57:12; Eze 3:17

58:2^b Dnp 32:15; Isa 1:11; 48:1; Tit 1:16

58:3^c Pui 16:29; Isa 22:13; Jer 44:10; Zek 7:5-6; Mal 3:14; Luk 18:12

58:4^d 1Sp 21:9-13; Isa 59:2, 6; Jer 6:7; Mik 3:4

58:5^e Zek 7:5; Mat 6:16

58:6^f Neh 5:10-11; Jer 34:8

58:7^g Job 22:7; 31:18-21; Eze 18:16; Mat 25:36; Luk 3:11

58:8^h Suah 14:19; Job 11:17; Sam 85:13; Isa 30:26; 58:10

58:9ⁱ Job 8:6; Thf 6:13; Isa 30:19; Zek 10:6

58:10^j Dnp 15:7-8; Job 11:17; Sam 37:6; Isa 42:16

58:11^k Isa 42:16; 49:10; Jer 31:12; Joh 4:14

58:12^l Isa 44:28; 49:8; 61:4; Amo 9:11

58:13^m Suah 20:8; Jer 17:21-27

58:14ⁿ Dnp 32:13; Job 22:26; Isa 40:5

59

Mipi Sualnak

1 ^aNgai hnik, Jehovah-ih kut cu lo run thei lo dingin a tawi lo ih,
Lo thei thei lo dingin a hna khal a set fawn lo.
2 ^bAsinan nanmai mawhsualnakpawl in nan Pathian hnenin a lo ṭhen ih,
Nan sualpawl in nan hnen ihsin a hmai a rak phen,
Cutin anih in a lo ngaithla hai lo ding.
3 ^cZiangahtile nan kut cu thisen thawn an bawrhbang ih,
Nan kut zung cu mawhsualnak in;
Nan hmur in thuphan a rak per;
Nan lei in ngiaufiaunak a ṭawng bûarbo.
4 ^dZohman in diknak an hlám lo ih,
Zohman in thutak ngĕnnak khal an tuah fawn lo,
Thil ṭha lo an vun ih mawhsualnak an hring.
5 ^eRulngân ti an ăwp ih maimăwm inn râng an tah;
An ti a eitu cu a thi ih,
A kek mi sung ihsin rulngân a hung suak.
6 ^fAn maimăwm inn râng cu sinfen ah an cang lo ding ih,
An hnaṭuan mi in an khuhaw lo ding;
An hnaṭuan cu mawhsualnak hnaṭuan an si ih,
Râwng zetih cangvaihnak cu an kut ah a um.
7 ^gAn ke cu thil ṭha lo lam panin a tlân ih,
Mawhnak nei lo thisen suah dingin an manhlap;
An ruahnak cu mawhsualnak ruahnak an si;
Khawhralnak le siatralnak cu an lamzin ah an um.
8 ^hHnangamdaihnak lamzin an rak thei lo ih,
An lamzinpawl ah diknak hrimhrim a um lo;
Anmah in lamzin kĕlkawi pawl an tuahaw;
Zokhal cuih lamzin zawhtu cun hnangamdaihnak a thei lo ding.
9 ⁱCuruangah diknak cu kan hnen ihsin a hla ih,
Dingfelnak khal in in cîm bān lo;
Kannih in tleu kan hawl ih, ngai hnik thim kan hmu riangri!
Tleu kan hawl ih, thim ah kan vâk riangri.
10 ^jMitcaw bangin phar kan cul duado ih,
Mit nei lo bangin kan dap duado;
Thim hmulhmak vekin sun laiah kan bah ih;
Kannih cu hmun ṭhing ih mithi vek kan si.
11 ^kKan zaten savâwm bangin kan hrûm ih,
Thuro bangin riahsia zetin kan ai;
Diknak kan hawl, asinan pakhat hman kan hmu lo;
Runsuahnak kan hawl, asinan cumi cu kan hnen ihsin a hla.
12 ^lZiangahtile kan dān pahbălnakpawl cu na hmaiah an pung deuhdeuh ih,
Kan sualpawl in kanmah dokalhin thu an theihter;
Ziangahtile kan dān pahbălnakpawl cu kan hnenah an um ringring ih,
Kan mawhsualnakpawl tla kan thei a si:
13 ^mThil sual tuahnak, Jehovah phatsannak,
Kan Pathian hawisannak,
Palbĕtnak le helnak thu kan relnak,
Thinlung ah thuphan pai ih ṭawngsuahnak pawl tla hi.
14 ⁿDiknak cu a hawikir ih,
Dingfelnak cu hlapi ah a va ding;
Ziangahtile thutak cu lamzin ah a tlu ih,
Rualrānnak cu a lut thei lo.
15 ^oA si, thutak cu a hlawhsam ih,
Thil ṭha lo hawisantu cu hmuitin mi ah a tuahaw riangri.

59:1^a Isa 30:19; 41:20; 50:2; Jer 32:17

59:2^b Isa 58:4; Jer 5:25; 11:11; Eze 39:23; Joh 9:31

59:3^c Isa 3:8; Eze 7:23; 22:9; Hos 4:2

59:4^d Job 4:8; Isa 29:20; 30:12; Jer 7:4, 8; Jam 1:15

59:5^e Job 8:14; Mat 3:7

59:6^f Thf 4:17; Isa 58:4; Jer 6:7

59:7^g Thf 6:17; Mik 3:10; Rom 3:15-17

59:8^h Isa 57:21; Hos 4:1; Luk 1:79

59:9ⁱ Job 19:8; Isa 5:30; Luk 1:79

59:10^j Dnp 28:29; Isa 6:9-10; Ṭah 3:6; Zef 1:17; Joh 11:9-10

59:11^k Isa 38:14; Jer 48:28; Nah 2:7

59:12^l Sem 4:7; Ezr 9:6; Isa 57:12; Jer 2:19; 14:7

59:13^m Isa 46:8; Mat 10:33; Mar 7:21-22; Tit 1:16

59:14ⁿ Isa 29:21; Hab 1:4

59:15^o Isa 5:7; Jer 7:28; Dan 8:12

Zion Tlentu

Cun cumi cu Jehovah in a hmu ih,
Diknak um lo cun ^aa riah a siater.
16 ^bAnih in mi zohman an um lo ti a hmu ih,
Mi dang hrang thlacamsaktu an um lo cu a mang a bang;
Curuangah amah hrangih runsuahnak cu amai bân rori in a run thlen;
Cule amai dingfelnak in amah a tungding.
17 ^cZiangahtile anih in awmphaw ah dingfelnak a hruk ih,
Runsuahnak lukhum cu a lu ah a khum;
Hnipuan ah phuba lâknak sinfen a hruh ih,
Kâwrfual ah ṭhahnemngainak a hruh.
18 ^dAn thil tipawl bangtukin a rul hai ding,
Amah dodaltupawl hnenah aithawhnak a rul ding,
Tifinriat kap tluan pawl khal kimten a rul ṭheh hai ding.
19 ^eCubangtukin nitlaknak lam ihsin Jehovah hmin an ṭih ding ih,
Nisuahnak lam ihsin a ropitnak an ṭih ding;
Jehovah-ih thli in a hrăn mi tiva suar bangin amah cu a ra ding.
20 ^f“Zion ah tlentu a ra ding ih,
Jakob tefapawl lakih dān pahbălnak hawisantupawl hnenah a ra ding, Jehovah in a ti.

59:15^a a riah a sia: A ṭawng hrampi ah cun, “mithmuh ah ṭha loin a hmu,” ti a si.

59:16^b Isa 41:28; 53:12; Eze 22:30

59:17^c Eze 5:13; Efe 6:14, 17; 1Th 5:8

59:18^d Mip 10:35; Job 34:11; Isa 34:8; Mat 16:27

59:19^e Isa 24:15; 49:12; Mat 8:11

59:20^f Job 19:25; Isa 52:8; 60:16; Eze 18:30-31; Apo 2:38-39; Rom 11:26

21 ^a“Kei ka hrangah cun, anmah thawi ka thukham cu hihi a si, Jehovah in a ti: na parih um ka Thlarau le na kâ ih ka ret mi ka kamsuakthupawl cun atu ihsin kumkhuaih kumkhua tiangin na kâ, na tesinfapawlih kâ le na tesinfapawlih tesinfapawl kâ suahsan hlah seh,” tiah Jehovah in a ti.

59:21^a Jos 1:8; Isa 11:2; Jer 31:31-34

60

Zion Ropitnak

1 ^aTho awla, êngsuak aw;
Ziangahtile na tleu a ra thleng zo!
Cule Jehovah-ih ropitnak cu na parah a rung suak a si.
2 ^bZiangahtile ngai hnik, thim in leilung a khuh ding ih,
Thim thûkpi in minungpawl a khuh ding;
Asinan Jehovah cu na tlunah a tho ding ih;
Na parah a ropitnak hmuh a si ding.
3 ^cNa tleu ah miphunpawl an ra ding ih,
Siangpahrangpawl cu na ra suahnak êng ah an ra ding.
4 ^dNa kimvel vun cuan awla, zoh hnik;
An zaten an pungkhawm ih na hnenah an ra;
Na fapapawl cu a hlatnak ihsin an ra ding ih,
Na fanupawl cu na cawi hai ding.
5 ^eCun na hmu ding ih tleu ah an cang ding,
Cule na thinlung cu aipuangin a hlim ding;
Ziangruangahtile tifinriat lennak cu na lamah an ra her ding ih,
Miphunpawlih lennak cu na hnenah an ra thleng ding.
6 ^fKalauk tam zetin na ram an khuh ṭheh ding ih,
Midian le Efah pawlih kalauk an khat ṭheh ding;
Cupawl hmuahhmuah cu Sheba ihsin an ra ding;
Sui le rimthaw an rak phur ding ih,
Jehovah thangṭhatnak an phuang ding.
7 ^g“Kedar ram ih rante hmuahhmuah cu na hnenih fĭnkhawm an si ding,
Nebaioth ram ih tuu cang pawl in an lo rian ding;
Cohlan mi siin ka biakṭheng ah an kai ding ih,
Ka ropitnak inn cu ka sunlawih ding.
8 ^h“Khawdur bangih zuang le,
Thuro bangih an riahnak pantu cu zo so an si?
9 ⁱTifinriat kap tluan pawl cun in hngak tengteng ding;
Cule Jehovah na Pathian hmin hrangah le,
Israel-ih Mi Thianghlim hrangah,
Hla zetih um na fapapawl, an sui le an ngun pawl an zawngih rak keng dingin,
Tarshish lăwngpawl cu a hmaisabikah an ra ding,
Ziangruangahtile anih in a lo sunlawih zo.
10 ^j“Ram dang mipawl in na hruangkulh an dâwl ding ih,
An siangpahrangpawl in na rawng an bawl ding;
Ziangahtile ka thinlingnak in ka rak lo vua,
Asinan ka duhsaknak in na parah zahngainak ka rak nei.
11 ^kCuruangah na kăwtkapawl cu ăwn ringring an si ding;
An siangpahrangpawl in hmai an hruai ih
Mi in miphunpawl lennak an rak lo sum thei nak dingah,
A sun a zanin khar an si lo ding.
12 ^lNangmah a lo rian lo tu miphun le lalram cu an hloral ding ih,
Cuih miphunpawl cu an se nêknêk ding;
13 ^m“Ka hmun thianghlim mawiter dingin,
Lebanon-ih ropitnak, mirang far thing, far thing le ⁿtidhar thing pawl cu na hnenah an ra thleng ding;
Cule ka ke retnak hmun ka sunglawiter ding.
14 ^oA lo zawnzaitertupawlih fapapawl khal
Na hmaiah kûnin an ra ding ih,
A lo hmuhsuamtu zaten na ke zaphak hramah an băwk ding;
Cule annih in Jehovah-ih khawpi,
Israel-ih Mi Thianghlim ih Zion an lo ti ding.
15 ^pNang cu thlauthlak le mi ih huat mi na si ih,
Zohman ih paltlăng si lo si khal awla,
Kumkhuaih micungcuangbik,
San khat hnu san khat aipuannak ah ka lo tuah ding.
16 ^qMiphunpawlih hnawi ti le siangpahrangpawlih hnawi ti na in ding;
Keimah, Jehovah cu a lo runsuaktu le
A lo tlentu, Jakob-ih Micak Pa ka si ti in thei ding.
17 ^rDar aiah sui ka rak keng ding,
Thir aiah ngun ka rak keng ding,
Thing aiah dar le lungto aiah thir ka rak keng ding.
Hnangamdaihnak cu na bawi ah ka tuah ding ih;
Dingfelnak cu na thuṭhentu ah ka tuah ding.
18 ^sNa ram ah thahrum suahnak theih a si nawn lo ding ih,
Na ramri kulh sungah ṭhinnak le siatbălnak khal theih an si nawn lo ding;
Na hruangpawl cu Runsuahnak tiin le,
Na kăwtkapawl cu thangṭhatnak tiin na ko ding.
19 ^t“Ni cu sun ah na hrangih tleu a si nawn lo ding ih,
Êng hrangah thlapi khal in tleu a lo pe nawn fawn lo ding,
Asinan Jehovah cu na hrangah catuan tleu a si ding ih,
Na Pathian cu na ropitnak a si ding.
20 ^uNa ni a tla nawn lo ding ih,
Na thlapi a liam nawn fawn lo ding,
Ziangahtile Jehovah cu na catuan tleu a si thlang ding ih,
Na ninghannak nipawl an cem thlang ding.
21 ^vNa minungpawl hmuahhmuah khal midingfel an si ṭheh ding,
Annih in ram cu ro ah an luah kumkhua ding,
Anmah cu hngeṭêk vekin ka phun hai ding,
Anmah cu ka kut hnaṭuan mi an si,
Cutin keimah cu sunlawih ka si thei ding.
22 ^wA tebik cu 1000 ah a hung cang ding ih,
Mitenaubik cu miphun cak zetah a hung cang ding.
Keimah, Jehovah in a tikcucān teah cumi cu ka hmanhmawhter ding,” tiin.

60:1^a Isa 52:2; Joh 8:12; Efe 5:14

60:2^b 1Sam 2:9; Isa 8:20; Jer 13:16; Kol 1:13

60:3^c Isa 2:3; 9:2; 49:23; Mat 2:1-11; Thu 21:24

60:4^d Isa 11:12; 43:6; 49:18; Jer 30:10

60:5^e Suah 34:29; Isa 35:2; Zek 10:7; Thu 21:26

60:6^f Lai 6:5; 1Sp 5:7; Isa 42:10; Mat 2:11

60:7^g Sem 25:13; Isa 19:21; Eze 20:40; Zef 3:10; Hag 2:7-9

60:8^h Isa 49:21

60:9ⁱ Sem 10:4; Isa 11:11; 44:23; Jer 30:19

60:10^j Isa 14:1-2; 49:8; 54:8; Zek 6:15

60:11^k Isa 60:5; 62:10; Mik 2:13; Thu 21:25

60:12^l Sem 27:29; Dan 2:34; Zek 14:17

60:13^m 1San 28:2; Sam 132:7; Isa 35:2; 41:19

60:13ⁿ tidhar thing: Thingkung fate a si, a hnah a bŭk ih a hring ringring. Lebanon tlang ah a kho.

60:14^o Isa 14:2; Heb 12:22

60:15^p Isa 1:7-9; 33:8; 65:18; Jer 30:17

60:16^q Job 19:25; Isa 25:9; 43:3-4; 49:23

60:17^r 1Sp 10:21; Isa 9:7; Hag 2:9

60:18^s Pui 26:6; Isa 26:1

60:19^t Zek 2:5; Thu 21:23; 22:5

60:20^u Isa 30:19, 26; Thu 7:17; 21:4

60:21^v Sam 37:11; Isa 4:3; 29:23; 44:23; Jer 32:41; Amo 9:15; Efe 2:10; Thu 21:27

60:22^w Sem 12:2; Isa 5:19

61

Jehovah ih Duhsak Kum

1 ^aBawipa Jehovah-ih Thlarau cu ka parah a um,
Ziangahtile mifarahpawl hnenih thuthangṭha phuang dingah
Jehovah in hriak i thih zo.
Thinlung kekkuaipawl damter dingah le,
Sál tang pawl hnenih zalĕnnak phuang dingah le,
Thawngtlapawl hnenah zalĕnnak thu phuang dingah,
2 ^bJehovah-ih duhsak kum le,
Kan Pathian phulei samnak thu phuang dingah,
A ṭap mipawl hmuahhmuah thlangăm dingin,
3 ^cZion ih a ṭap mipawl hnem dingah,
Vutcâm aiah lu ceimawinak pe dingah le,
Ṭahnak aiah aipuannak hriak pe dingah,
Nguinak thlarau aiah thangṭhatnak sinfen pe dingah i rak thlah.
Cutin annih cu dingfelnak thingkung tiih kawh an si ding,
Amah sunlawih a si thei nak dingah, Jehovah ih phŭn mi ti an si ding.
4 ^dCule annih in a siat mi hmunpawl an dĭnsal ding,
Hlanih a răm zo mipawl an tungding ding ih,
San tampi a răm zo mi, khawpi siat pawl an rĕmsal ding.
5 ^eMi dang an dīng ding ih nan rante rualpawl an khāl ding,
Cule ram dang mipawl cu nan lei lettu le nan sabit hmuan simsialtu an si ding.
6 ^fAsinan nannih cu Jehovah-ih puithiam tiah hmin an lo sak ding,
Annih in nannih cu kan Pathian siahhlawh tiah an lo ti ding.
Nannih in miphunpawlih lennak nan ei ding ih,
Anmai ropitnak ah tluang nan khâwng ding.
7 ^gNan mualpho aiah a letih upatnak nan co ding ih,
Mualphonak aiah an covo ah lungawi aipuangin an um ding.
Curuangah an ram ah a letin an nei ding;
Catuan aipuannak cu anmai ta a si ding.
8 ^h“Ziangahtile kei, Jehovah hin diknak ka ngaina;
Meiur Thilhlăn hrangih misuamnak ka hua;
Rinum zetin an lawmman ka pe hai ding ih,
Anmah thawn catuan thukham ka tuah ding.
9 ⁱAn tesinfapawl cu miphunpawl lakah theih an si ding ih;
An cithlahpawl cu minungpawl lakah theih an si ding.
Anmah hmutu hmuahhmuah in annih cu Jehovah ih thlawsuah mi cithlah an si, ti an thei ding,” tiin.
10 ^jJehovah ah nasa zetin lungawi aipuangin ka um ding,
Ka nunnak cu ka Pathian ah a aipuang ding;
Ziangahtile mo neitu cu lu ceimawinak ih a ceiawk vek le,
Mo cu a ceimawiawknak mawi zetzet thawi a ceiawk vekin
Anih in runsuahnak sinfen i hruhter,
Dingfelnak kâwrfual in i tuam.
11 ^kZiangahtile leilung in cerhno a suah vek le,
Hmuan in a sungih an tuh mi a keuhter vekin,
Bawipa Jehovah in miphunpawl hmaiah dingfelnak le thangṭhatnak a keuhter ding.

61:1^a Job 5:16; Sam 45:7; Isa 11:2; 48:16; 49:9; 50:4; Mat 11:5; Luk 4:18; 7:22; 2Ko 3:17

61:2^b Isa 34:8; 40:1; 49:8; 57:18; Mat 5:4; Luk 4:18-19; 6:21

61:3^c Job 2:8; Sam 45:7; Isa 44:23; 60:21; Jer 31:13; Mat 5:4; Joh 15:8; Heb 1:9

61:4^d Isa 44:26; Eze 36:33; Zek 1:16

61:5^e Isa 14:1-2

61:6^f Suah 19:6; Isa 60:5, 11; 1Pe 2:5

61:7^g Sam 126:5; Isa 29:22; 54:4; Zek 9:12

61:8^h Sem 17:7; Sam 11:7; Jer 32:40; Heb 13:20

61:9ⁱ Sem 12:2; Dnp 28:3-12; Isa 44:3

61:10^j Suah 28:2, 4; 1Sam 2:1; 2San 6:41; Sam 13:5; Isa 49:18; 52:1; Hab 3:18; Luk 1:47; Thu 19:8; 21:2

61:11^k Isa 45:8; 55:10; 58:11

62

Zion Hmin Thar

1 ^aA dingfelnak cu tleu vekin a suak ih,
A runsuahnak cu a alh mi meifar vekih a suah hlanlo cu,
Zion ruangah daiten ka um men lo ding ih,
Jerusalem ruangah ka cawl men fawn lo ding.
2 ^bMiphunpawl in na dingfelnak an hmu ding ih,
Siangpahrang hmuahhmuah in na ropitnak an hmu ding.
Jehovah-ih kâ in hmin a lo sak ding mi,
Hmin thar in an lo ko ding.
3 ^cNang cu Jehovah-ih kut ah
Sunlawinak lallukhum na si ding ih,
Na Pathian kut ah lallukhum ropi na si ding.
4 ^dNang cu Thlauthlak mi an lo ti nawn lo ding ih,
Na ram cu a ṭhing mi ram an ti nawn lo ding,
Nang cu ^eKhefsivah an lo ti ding ih, na ram cu ^fBeulah an ti sawn thlang ding;
Ziangahtile Jehovah cu nangmah ah a nuamaw ih,
Na ram cu ṭhit a si ding.
5 ^gZiangahtile tlangval in fala himte a ṭhit bangin,
Na fapapawl in an lo ṭhi ding;
Cule mo neitu cu mo parih lungawi aipuangih a um vekin,
Na Pathian cu na parah lungawi aipuangin a um ding.
6 ^hMaw Jerusalem, na hruangpawl parah ralvengtupawl ka ret zo;
A sun a zanin daiten an um men lo ding.
Nannih Jehovah hlâmtupawl daiten um hlah uhla,
7 ⁱLeilung ah Jerusalem cu thangṭhatnak ih a tuah hlanlo le,
A dĭnngah hlanlo anih cu cawlter hlah uh.
8 ^jJehovah cun a vawrh lam kut in sia a săm zo ih,
A cahnak bân in sia a săm zo:
“Na ralpawl ei dingah na rawl ka pe nawn hai hrimhrim lo ding;
Cule ram dang mipawl in na ṭuanbăng mi, na sabit zu thar an in lo ding,
9 ^kAsinan cumi a sĕngtupawl cun an ei ding ih,
Jehovah an thangṭhat ding;
A khawmtupawl in ka tualrawn thianghlim ah an in ding,” tiin.
10 ^lFehtlăng uh, kăwtkapawl ihsin fehtlăng uh!
Mipi hrangah lamzin timlam uh;
Sûngpâwng uh,
Zinpi kha sûngpâwng uh!
Lungtopawl kha hlăwn uhla, miphunpawl hrangah thantar khaisâng uh!
11 ^mNgai hnik uh, Jehovah in leitlun dĕng hnenah,
“Zion fanu hnenah,
‘Ngai hnik, na runsuahnak a nai zo,
Ngai hnik, lawmman cu a hnenah a um ih,
Ṭuan man cu a zawngah a um,’ ti aw,” tiah a phuang.
12 ⁿCule annih cu Jehovah ih tlen mi,
A thianghlim mi minung tiah an ko ding;
Cule nang cu hawlsuah mi,
Thlauthlak lo mi Khawpi tiah an lo ti ding.

62:1^a Est 4:14; Thf 4:18; Isa 1:26

62:2^b Sam 67:2; Isa 61:9; 65:15; Thu 2:17

62:3^c Isa 28:5; 1Th 2:19

62:4^d Pui 26:43; Isa 49:19; 54:5; Jer 3:14; Hos 2:19-20; Zef 3:17; Mal 3:12

62:4^e Khefsivah: Ka lungsinak cu amah ah a um tinak a si.

62:4^f Beulah: Hebru ṭawng ih a sullam cu “Ṭhit mi tinak a si” tinak a si.

62:5^g Sol 3:11; Isa 61:10; 65:19; Jer 31:12; Zef 3:17

62:6^h Isa 52:8; 56:10

62:7ⁱ Isa 60:18; Jer 33:9; Luk 18:1-8

62:8^j Sem 22:16; Dnp 28:30-33; Isa 14:24

62:9^k Dnp 12:7; 14:23-29; Isa 1:19; Joe 2:26; Amo 9:14

62:10^l Isa 11:10, 16; 57:14

62:11^m Isa 35:4; 40:10; Zek 9:9; Mat 21:5; Joh 12:15; Thu 22:12

62:12ⁿ Suah 19:6; Dnp 7:6; Isa 42:16; 1Pe 2:9

63

Pathian ih Phuba Lâk Ni le Runsuah Ni

1 ^aHimi Bozrah khua ihsi a tle mi sinfen thawi Edom ram ihsi ra,
Cuvek sinfen hruhih ropi tak,
A cahnak ropitnak thawi ra hi zo so a si?
“Mi runsuak dingih, dingfelnak ih thusimtu keimah hi ka si,” tiin.
2 ^bZiangah so na sinfen a sen ih,
Sabit sawrnak khur ih cīl mi bangih na sinfen an um?
3 ^c“Keimah te lawngin sabit sawrnak ka pálsawr ih,
Miphunpawl lak ihsin ka zawngah zohman an tel lo.
Ziangahtile ka thinhengnak in annih cu ka pálsawr ih,
Ka thinsosain annih cu ka cīl hai;
An thisen cu ka sinfen parah a ṭek ih,
Ka angki fual zaten a hnih ṭheh.
4 ^dZiangahtile phulei samnak ni cu ka thinlung ah a um ih,
Ka tlennak kum a ra thleng zo.
5 ^eKhua ka cuan ih, ngai hnik, bawmtu ding an um lo,
Cule ṭanpitu an um lo ruangah ka mang a bang;
Curuangah ka bân rori in ka hrangah runsuahnak a thlen ih;
Keimai thinsosatnak rori in in tuahsuakter.
6 ^fKa thinhengnak in miphunpawl a palsawr hai,
Ka thinsosatnak in ri ko ka tuah hai ih,
An cahnak cu leilung ah ka dirtla.”

63:1^a Isa 26:19; 34:5-6; 46:13; Jer 49:13; Amo 1:12; Zef 3:17; Thu 19:13

63:2^b Thu 19:13, 15

63:3^c Job 40:12; Mik 7:10; Thu 14:20; 19:13

63:4^d Isa 1:24; Jer 51:6

63:5^e 2Sp 14:26; Isa 59:16

63:6^f Job 40:12; Isa 29:9; 34:3; Ṭah 4:21

Thlacamnak le Thangṭhatnak

7 ^aJehovah-ih lainat duhdawtnak le
Jehovah thangṭhatnak cu
Jehovah ih in pek mi hmuahhmuah zulhin ka thăn ding.
A lainat duhdawtnak tampi bangtukin,
A zahngainak bangtukih a pek hai mi
Israel sungza parih a ṭhatnak ropi tak khal.
8 ^bZiangahtile anih in, “Thungaiten annih cu ka mi, thuphan per lo ding mi ka tefa an si,” tiah a ti.
Cutin anih cu an rundamtu ah a cang.
9 ^cAnih cu an zăwnzaihnak hmuahhmuah ah zăwnzaihter a si ve ih,
A hmaika ihsi thlah mi Vancungmi in a run hai;
Anih in a duhdawtnak le a zangfahnak in a tlen hai;
Cule khuahlan cān hmuahhmuah ah
Anih in a phur hai ih a thiar hai.
10 ^dAsinan annih in a Thlarau Thianghlim cu an do ih a thin an nater;
Curuangah anih cu anmah dokalhin ral vekin a her ih,
Anmah cu a do hai.
11 ^eCun anih in khuahlan,
Mosi le a mipawl san lai a cîng ringring,
A tuu rual khāltu hmangih
Tifinriat sung ihsin anmah hruaisuaktu kha khuiah so?
An sungih a Thlarau Thianghlim rettu,
12 ^fA bân sunglawi thawi,
Mosi vawrh lam kut hmangih anmah hruaitu,
Amai hrangah catuan hmin tuah dingih
An hmaiih tidai ṭhencat ih,
13 ^gAn bahlonak dingih
Ramṭhing ih rang hruai vekih,
Ti thûk zetih anmah hruaitlăngtu kha khuiah so?
14 ^hPhaikuam ih ramsa a sukthlak bangin,
Jehovah Thlarau in anih cu a cawlter,
Cutin nangmah le nangmah hmin sunglawi tuahaw dingin,
Na mipawl na rak hruai hai.
15 ⁱVan ihsin run thlir awla,
A thianghlim le a ropi mi na cēnnak ihsin run zoh hnik.
Na ṭhahnemngainak le na cahnak,
Na thinlung ih in ngainak le ka lamih na zahngainakpawl kha khuiah so?
Cupawl cu sūp an si ṭheh maw si?
16 ^jAbraham in in ngaihsak loin,
Israel in in thei lo hman sehla,
Rinhlelh ding um loin nang cu kan Pa na si.
Maw Jehovah nang cu kan pa na si;
Khuahlan ihsin in tlentu ti mi cu na hmin a si;
17 ^kMaw Jehovah ziangah so na lamzin ihsin in rak pialter ih,
Nangmah ṭihnak ihsin kan thinlung na hakter?
Ro ih na co mi hnámpawl,
Na siahhlawhpawl ruangah hin ra kirsal aw.
18 ^lNa mithianghlimpawl cun cumi cu rei lo te sung lawng an co;
In dodaltupawl in na hmun thianghlim an cīl men.
19 ^mKannih cu na rak uk dah lo mi le,
Na hmin ih kawh dah lo mi bangtukah kan cangaw.

63:7^a 1Sp 8:66; Isa 54:7-8; Efe 2:4

63:8^b Dnp 33:29; Sam 100:3

63:9^c Dnp 1:31; 7:7-8; 32:10-12; Lai 10:16

63:10^d Ṭah 2:4-5; Eze 20:8; Apo 7:39-42, 51; Efe 4:30

63:11^e Suah 14:22, 30; Mip 11:17, 25, 29

63:12^f Suah 3:20; 14:16-22; 15:16; Neh 9:10-11

63:13^g Suah 14:22; Dnp 32:12; Jer 31:9

63:14^h Suah 33:14; Dnp 12:9

63:15ⁱ Dnp 26:15; Sam 33:14; 80:14; Isa 9:7; 64:12; Jer 31:20; Hos 11:8

63:16^j Suah 4:22; Job 14:21; Isa 43:14; 64:8; Jer 3:4

63:17^k Suah 4:21; 34:9; Mip 10:36; Sam 90:13; Isa 29:13; Ṭah 3:9

63:18^l Pui 26:31; Dnp 4:26; 2Sp 25:9; Sam 74:3-7; Isa 64:11; Dan 8:13

63:19^m Isa 43:7; Jer 14:9

64

1–2 ^aNa doralpawl hnenah na hmin theihter ih,
Na hmaika ih miphunpawl an khurhnak dingah
Meisa in thing hâr a kăng vek le
Meisa in tidai a soter lai vek khan
Na hmaika ah tlangpawl an khurhnak dingah
Van thlekin rung ṭum hram cila maw!
3 ^bKan beisei băn lo mi thil maksak pawl na tuah laiah khan,
Na rung ṭum ih,
Na hmaika ah tlangpawl an khur.
4 ^cZiangahtile amah hngaktu hrangih cāngvaitu,
Nangmah siarlo Pathian zohman,
Leilung semtir ihsi thawkin,
Annih in an hna in an thei dah lo,
An hna ah a lut dah fawn lo ih,
An mit khal in a hmu dah fawn lo.
5 ^dNang cun milungawi-aipuang le dingfelnak a tuahtu le,
Na lamzinpawl ah nangmah a lo máng ringring tu cu na rak cohlang ṭheu.
Kan rak sual ih, himi lamzinpawl ah kan umpeh vivo ruangah,
Ngai hnik, nang cu na thin a heng;
Rundam kan si thei ding maw?
6 ^eAsinan kan zaten thil thiang lo bangtuk kan si ih,
Kan dingfelnak hmuahhmuah cu ^fpuan sia thiang lo bangtuk an si;
Kan zaten thing hnah vekin kan vuai ih,
Kan mawhsualnakpawl in thli bangin in hrănhlo ṭheh.
7 ^gCule nangmah lo pāwk dingih căwkthoawtu le,
Na hmin lo hlâmtu zohman an um lo;
Ziangahtile kan lakah na hmai na thup ih,
Kan mawhsualnak ruangah in siatsuah ṭheh a si.
8 ^hAsinan atu-ah, Maw Jehovah,
Nang cu kan Pa na si;
Kannih cu bel lei kan si ih, nang cu bel tuahtu na si;
Kan zaten nangmai kutsuak kan si.
9 ⁱMaw Jehovah, thinsoin um hlah aw,
Mawhsualnak khal kumkhuain cîng ringring hlah;
Ngai hnik, zangfahten in zoh hnik law, kan zaten na mi kan si!
10 ^jNa khawpi thianghlim pawl cu ramṭhing ah an cang,
Zion cu ramṭhing ah a cang,
Jerusalem khal a răm ṭheh.
11 ^kKan pupápawl ih an rak lo thangṭhatnak hmun,
Kan temple thianghlim le mawi cu
Meisa ih urkăng a si;
Cule kan thil hlú pawl zaten an ziamral ṭheh.
12 ^lMaw Jehovah, hi thilpawl a thlen hnu khalah na um men hrih ding maw?
Daiten umin nasa zetin in zawnzaiter ding maw si?

64:1-2^a Suah 19:18; Sam 99:1; Jer 5:22; Mik 1:3-4

64:3^b Sam 18:7

64:4^c Sam 31:19; 1Ko 2:9

64:5^d Isa 26:8-9; 42:24

64:6^e Pui 5:2; Sam 90:5-6; Isa 50:1

64:6^f puan sia thiang lo: Nunau thi neih laiih an dăm mi puan a si.

64:7^g Dnp 31:18; Isa 41:28; Jer 8:6; Eze 22:30; Hos 7:7

64:8^h Suah 4:22; Isa 60:21; Jer 3:4; 18:2-6; Rom 9:20-21

64:9ⁱ Isa 43:25; 54:8; Ṭah 5:20-22

64:10^j Dnp 29:23; Isa 1:7

64:11^k Pui 26:31; 2Sp 25:9; Ṭah 1:7, 10

64:12^l Isa 42:14; Zek 1:12

65

Thuṭhennak le Rundamnak

1 ^a“I sut dah lo tupawl ih hawl ka si;
I hawl lo tupawl in in hmu.
Ka hmin hlám dah lo tu miphun hnenah, ‘Hinah ka um, hinah ka um,’ tiah ka ti.
2 ^bAnmai ruahnak zulhih
Thil ṭha lo lamzin a zawhtu
Helhmang minungpawl hnenah sunvu in ka kut ka san,
3 ^cHmuan sungah raithawiin le,
Lei rawh ih dawl mi biakṭheng parih rimhmui ur-in
Hi minungpawl cun ka hmaika roriah thinheng camcin dingin in turhnawh.
4 ^dAnnih cu thlān lakah zanvar an to,
Annih cun văwk sa an ei ih,
An bungbel sungah sa thiang lo ningnawi a um;
5 ^e‘Nangmah ten um aw,
I rak naih hlah,
Ziangahtile nang hnakin ka thianghlimdeuh a si!’ titu an si.
Hipawl cu ka hnar kaw sungih a um mi meikhu,
Sunvu-ih a alh ṭheu mi meisa an si.
6 ^fNgai hnik, ka hmaika ah cumi cu ngan a si:
Daiten ka um men lo ding, ka lehrūl hai sawn ding,
Anmai ṭāng sung roriah ka lehrūl hai ding.
7 ^gNanmai mawhsualnak le nan pupápawlih mawhsualnak cu ṭum khat ah ka lo lehrūl ding,
Jehovah in a ti,
Tlang parih rimhmui urtu le
Tlangmûal parih i thangsiattu an si;
Curuangah an hnaṭuan hmaisa kha anmai ṭāng sungah ka tahsak hai ding,” tiin.
8 ^hJehovah in hitin a ti:
“Sabit rah bawr ah sabit zu thar an hmu ih,
Mi in, ‘Kha kha siatsuah hlah uh,
Ziangahtile cu tawkah malsawmnak a um,’ an ti vekin,
Ka siahhlawhpawl zarah cutin ka tuah ding.
An zate cun ka siatsuah ṭheh lo ding.
9 ⁱJakob ihsin tesinfa ka suakter ding ih,
Judah ihsin ka tlangpawl ro ih cotu ding mi pakhat ka suakter ding,
Cumi cu ka hril mi in a co ding ih,
Ka siahhlawhpawl cu tawkah an cêng ding.
10 ^jIn hawltu ka mipawl hrangah cun,
Sharon cu rante rual tlannak hmun a si ding ih,
Akor phaikuam cu ranpi rual bawhnak hmun a si ding.
11 ^kAsinan nannih cu Jehovah thlauthlatu,
Ka tlang thianghlim hngilhtu, ^lGad hrangih cabuai timlamtu le, ^mMeni hrangih Inding Thilhlăn timlamtu nan si.
12 ⁿCuruangah ralnâm hrangah ka lo ruat cia hai ding ih,
Mi thattu hnenah nan zaten nan kûn ding;
Ziangruangahtile ka lo kawh laiah in rak sawn lo;
Ka lo biak laiah nan ngaithla lo;
Ka mithmuh ah thil ṭha lo nan tuah sawn ih,
Ka duh lo zawng nan rak hril sawn,” tiin.

65:1^a Sam 14:4; Hos 1:10; Rom 9:24-26, 30; Efe 2:12

65:2^b Thf 24:2; Rom 10:21

65:3^c Pui 2:2; Job 1:11; Isa 1:29; Jer 41:5; Eze 23:41

65:4^d Pui 11:7; Isa 66:3, 17

65:5^e Thf 10:26; Mat 9:11; Luk 7:39

65:6^f Sam 50:3, 21; Isa 42:14; 64:12; Jer 16:18

65:7^g Suah 20:5; Thf 10:24; Isa 57:7; Jer 32:18

65:8^h Isa 5:2; Jer 30:11

65:9ⁱ Mip 34:13; Isa 45:19; Jer 50:19

65:10^j Jos 7:26; Isa 51:1; Jer 31:12; Apo 9:35

65:11^k Dnp 28:20; Isa 2:2; 5:22; Jer 2:13

65:11^l Gad: Hebru ṭawng ih a sullam cu “ralkap burpi” simaw “vanneihnak” ti simaw a si. Mi hrekkhat cun hi Gad hi vanneihnak thlentu rairingpawlih pathian a si tiah an ti.

65:11^m Meni: Hmuitin mi thlentu rairingpawlih pathian.

65:12ⁿ Thf 1:24; Jer 7:13, 27

13 ^aCuruangah Bawipa Jehovah in hitin a ti:

65:13^a Isa 33:16; 44:9; 60:5; Luk 6:25

“Ngai hnik uh, ka siahhlawhpawl cun an ei ding,
Nannih lawngte cu nan ril a rawng ding;
Ngai hnik uh, ka siahhlawhpawl cun an in ding ih,
Nannih lawngte cu nan ti a hâl ding;
Ngai hnik uh, ka siahhlawhpawl cu an ai a puang ding ih,
Nannih lawngte cu nan ning a zak ding,
14 ^aNgai hnik uh, ka siahhlawhpawl cu lungawinak thinlung thawn an au ding,
Nannih lawngte cu thinlung riahsiat ruangah nan ṭap ding,
Cule thinnat ruangah nan râk rero ding.
15 ^bNan hmin cu micamsiatnak hrangah ka mi hril hnenah nan tân ta ding;
Ziangahtile Bawipa Jehovah in a lo that ding ih,
A siahhlawhpawl cu hmin dang in a ko hai ding;
16 ^cCutin leilung ah mi hrangih malsawm diltu cun
Thutak Pathian hmin in a ti ding,
Cule leilung tlunah sia a sămtu cun,
Thutak Pathian hmin in sia a săm ding;
Ziangruangahtile harsatnak hmaisa pawl cu hngilh ṭheh an si,
Ziangruangahtile cupawl cu ka mithmuh ihsin thuhhlo an si!

65:14^a Isa 5:2; Mat 8:12; Luk 13:28; Jam 5:13

65:15^b Sem 32:28; Mip 5:27; Thu 2:17

65:16^c Job 11:16; Sam 31:5; Isa 19:18; 45:23

Van Thar le Leilung Thar

17 ^a“Ziangahtile ngai hnik uh, van thar le leilung thar ka sersiam;
Cule a hmaisa cu cinken an si nawn lo ding ih, ruah an si nawn lo ding.
18 ^bAsinan ka sersiam mi ah cun kumkhuain lungawi uhla lungawi aipuangin um uh;
Ziangahtile ngai hnik uh, Jerusalem cu lungawi aipuannak dingah ka sersiam ih,
A mipi cu năwmnak dingah.
19 ^cJerusalem ah lungawi aipuangin ka um ding ih,
Ka mipawl ah ka aipuang ding;
A sungah ṭah aw theih a si nawn lo ding ih,
Authâwm khal theih a si nawn fawn lo ding.
20 ^dCu tawkah cun ni málte lawng a nung mi naute an um nawn lo ding ih,
Putar mai dam kum zat ding kimter lo an um fawn lo ding;
Ziangahtile kum 100 ih thi cu nauhak ih siar an si ding ih,
Misual kum 100 nung lo cu camsiat mi ih siar a si ding.
21 ^eAnnih in inn an sak ding ih an luah ding;
Annih in sabit hmuan an tuah ding ih a rah an ei ding.
22 ^fInn an sak ding ih mi dang in an luah lo ding;
Ka mipawl cu thingkung nun rei vekin an nung rei ding ih,
Ka mihrilpawl cu anmai kutsuak ah reipi pi lungawi aipuangin an um ding.
23 ^gA lakin an ṭuanbāng lo ding ih,
Buainak hrangah tefa an hring fawn lo ding;
Ziangahtile annih cu Jehovah ih thlawsuah mi tesinfa an si ding,
Cule an cikuangpawl cu an hnenah an um ding.
24 ^hHitin a si ding
Annih ih in kawh hlanah, ka sawn hai ding;
Cule an ṭawng lai rero hmanah ka hna in ka thei hai ding.
25 ⁱCinghnia le tuu fa no cu hrampi an piattlang ding,
Kiosa in caw cang bangin cangpâwl a ei ding ih,
Leivut cu rul rawl a si ding.
Ka tlang thianghlim hmuahhmuah ah an tuahmawhaw lo ding ih, an siatsuahaw nawn lo ding,”

65:17^a Isa 41:22; Jer 3:16; 2Pe 3:13; Thu 21:1

65:18^b Dnp 32:43; Isa 51:11

65:19^c Isa 25:8; 35:10; 62:4-5; Jer 32:41; Thu 7:17

65:20^d Dnp 4:40; Job 5:26; Sam 34:12; Ths 8:12-13; Isa 3:11

65:21^e Isa 32:18; Jer 31:5; Eze 28:26; Amo 9:14

65:22^f Dnp 28:30; Sam 92:12-14; Isa 14:1

65:23^g Sem 12:2; Dnp 28:3-12; Isa 44:3; Jer 16:3-4; Apo 2:39; 1Ko 15:58

65:24^h Isa 55:6; Dan 9:20-23; 10:12; Mat 6:8

65:25ⁱ Sem 3:14; Isa 11:6; Mik 4:3

tiah Jehovah in a ti.

66

Pathian Biak Dik le Dik Lo

1 ^aJehovah in hitin a ti:

66:1^a 2Sam 7:7; 1Sp 8:27; Mat 5:34-35; 23:22; Joh 4:20-21

“Van cu ka laltokham a si ih,
Leilung cu ka ke retnak a si.
Ka hrangih nan sak ding mi inn cu khuiah so?
Ka cawlhnak hmun cu khuiah so?
2 ^aZiangahtile cuih thil hmuahhmuah cu ka kut ih tuah mi an si ih,
Cuih thil hmuahhmuah cu an ra um a si, tiah Jehovah in a ti.
Asinan hi thil pakhat, mifarah le a siraw duahdo mi lungput le
Ka kamsuakthu parih a khūr rero tu pa cu ka zoh a si.
3 ^b“Caw cang thattu cu milai that tluk a si;
Tuu fa no ih raithawitu cu uico hngawng tan tluk a si;
Thlairawl Thilhlăn hlantu cu văwk thisen hlan vek a si.
Rimhmui urtu cu milem thlawsuah pe tluk a si.
A si, anmai lamzin an rak hril vek cekciin le,
Anmai thil fihnungza pawl ah an thinlung a nuamaw,
4 ^cKei khal in anmai hrangah tisiatnak ka hril ding ih,
An parah an ṭih zawng ka thlengter ding;
Ziangruangahtile ka kawh hai tikah, zohman in in sawn dah lo;
Ka biak hai tikah an ngaithla lo;
Ka mithmuh ah thil ṭha lo an rak tuah sawn ih,
Ka lungawi lo zawng an rak hril,” tiin.

66:2^a Ezr 9:4; Isa 40:26; Mat 5:3-4; Luk 18:13-14

66:3^b Dnp 27:15; Isa 44:19; 57:17

66:4^c 2Sp 21:2, 4, 6; Thf 10:24; Isa 65:12; Jer 7:13

5 ^aNannih a kamsuakthu parih a khūr rero tupawl, Jehovah-ih kamsuakthu hi ngaithla hnik uh:

66:5^a Ezr 9:4; Sam 38:20; Luk 13:17; Joh 15:21

“A lo huatu nan unaupawl,
Ka hmin ruangih a lo dawisuaktupawl in,
‘Nan aipuannak kan hmuh thei nak dingah,
Jehovah cu sunlawihin um seh,’ tiah an ti.
Asinan annih cu ningzak ko tuah an si ding.
6 ^aKhawpi ihsin thâwm celcel cu!
Temple ihsi authâwm cu!
A ralpawl kimcângteih a lehrūltu,
Jehovah-ih authâwm cu!
7 ^b“Anih cun fahrin nat a tuar hlanin nau a hring;
A nat a thawh hlanah,
Mipa a hring.
8 ^cZo in so cuvek thil a hna in a thei dah?
Cubangtuk thilpawl cu zo in so hmu dah?
Leilung hi ni khat ih hrinsuah a si pei maw?
Asilole hmakhatteah miphun a suak pei maw?
Ziangahtile Zion cun fahrin nat a tuar veten,
A fātepawl a hring.
9 ^dHrinter si loin, nau hrin cān ka thlengter pei maw? tiah Jehovah in a ti.
Nau hringtertu hin an sūl ka phit ding maw? tiah na Pathian in a ti.
10 ^e“Nannih amah duhdawtu hmuahhmuah tla Jerusalem zawngah lungawi aipuangin um uhla,
A zawngah lungawi uh;
Aipuan ruangah amah thawn lungawi aipuangin um uh,
Nannih amah ṭahtu hmuahhmuah tla;
11 ^fA thlangamnak hnawi nan fawh ih nan dirĕm thei nak dingah le,
Hnawi ti ih khat hnawi hnangamten nan in thei nak dingah a si.

66:6^a Pui 26:28; 1Sam 2:10; Joe 3:7

66:7^b Isa 54:1; Thu 12:1-5

66:8^c Isa 49:20-22; 64:4

66:9^d Sem 18:14; Isa 37:3

66:10^e Dnp 32:43; Sam 26:8; 137:6; Rom 15:10

66:11^f Sem 49:25; Mip 11:12; Isa 60:16

12 ^a“Jehovah in hitin a ti:

66:12^a Sam 72:3-7; Isa 48:18; 60:4-5

Ngai hnik, daihnak cu tiva pi bangin a hnen tiang ka kauter ding ih,
Miphunpawl sunlawinak cu tiva te luang bangin a hnen tiang ka luangter ding.
Cun a hnawi nan fawp ding;
A lo pawm ding ih,
A khuk parah a lo lehpi ding.
13 ^aMi, a nu ih a hnĕm vekin kei khal in ka lo hnem hai ding;
Cule Jerusalem ah hnangamter nan si ding.
14 ^bHimi nan hmuh tikah nan thinlung cu lungawi aipuangin a um ding ih,
Nan ruhpawl cu hrampi bangin an cerhno hluahhlo ding;
Jehovah-ih kut cu a siahhlawhpawl hnenah theihter a si ding ih,
A ralpawl hnenah a thinaithawknak.
15 ^cZiangahtile ngai hnik, Jehovah cu meisa thawn a ra ding ih,
Phusîng bangin a rang lêngpawl thawn a ra ding,
A thinhengnak cu thinsonak ih lăngter dingin le,
A mi kawknak cu meialh thawi langter dingin a si.
16 ^dZiangahtile Jehovah in meisa le a ralnâm hmangin
Titsa hmuahhmuah thu a ṭhen ding,
Cule Jehovah ih a thah mipawl cu tampi an si ding.
17 ^eVăwk sa le thil fihnungza le zinghnam sa ei phahih,
Hmuan laiih um pa dung thlunih mah te tithianghlimawtupawl le thianfaiawtupawl cu,
An hloráltlang ding, Jehovah in a ti.

66:13^a Isa 49:13; 2Ko 1:4; 1Th 2:7

66:14^b Ezr 8:31; Isa 25:9; Joe 2:23

66:15^c Dnp 28:20; 2Sp 2:1; Isa 1:31

66:16^d Isa 30:30; Jer 2:35; Eze 36:5; Amo 7:4; Mal 4:1

66:17^e Pui 11:7, 29; Sam 37:20; Isa 1:29

Mi hmuahhmuah in Jehovah an Be Ding

18 ^a“Ziangahtile an thil tipawl le an ruahnakpawl cu ka thei. Miphunpawl le ṭawng phun zakip ka hruaikhawm cān a ra thleng ding; cule annih cu an ra ding ih ka ropitnak an hmu ding. 19 ^bAn lakah hminsinnak ka tuah ding ih, an lak ihsin a tlânsuak mi miphun: Tarshish le Pul le thál nawptu Lud, Tubal le Java, ka hminthannak thei dah lo le ka ropitnak khal hmu dah lo hlatpi ih um tifinriat kap tluan pawl hnenah ka kuat hai ding. Cule annih in miphunpawl lakah ka ropitnak an thăn ding. 20 ^cCun Israel tefapawl in Jehovah inn ah bungbel thianghlim hmangih an thilhlăn an rak ken ṭheu bangin, Jehovah hnenih hlăn ding hrangah miphunpawl lak ihta nan unau zaten rang, rang lêng, lêng, lākrang le kalauk pawl hmangin ka tlang thianghlim Jerusalem ah an rak hruai ding, tiah Jehovah in a ti. 21 ^dCule an lakih mi hrekkhat cu puithiam le Levi-mi si dingah ka la fawn hai ding, Jehovah in a ti.

66:18^a Suah 16:7; Thf 24:2; Isa 2:3; Zek 12:3

66:19^b Sem 10:2; Isa 11:10; 24:15; Jer 31:10; Dan 11:18; Mat 24:30

66:20^c Isa 11:12; 52:11; 60:9

66:21^d Suah 19:6; Isa 61:6; 1Pe 2:5, 9

22 ^a“Ziangahtile ka tuah leh ding mi van thar le leilung thar cu
Ka hmaiih an um ringring ding vekin,
Nan tesinfapawl le nan hmin khal a um ringring ve ding tiah, Jehovah in a ti.
23 ^bCule hitin a rak si ding,
Thla thar ihsin thla thar dang leh tiang,
Sabbath ihsin Sabbath dang leh tiang
Titsa hmuahhmuah in ka hmaiah in be dingin an ra ding, tiah Jehovah in a ti.
24 ^cCule an fehsuak ding ih,
Keimah dokalhih thil sual tuahtupawlih ruakpawl an zoh ding.
Ziangahtile an tholung a thi dah lo ding ih,
An meisa a mit dah lo ding.
Annih cu titsa zate hrangih fihnungza an si ding,” tiin.

66:22^a Isa 48:19; 65:17; Joh 10:27; Heb 12:26; 1Pe 1:4-5; 2Pe 3:13

66:23^b Isa 1:13; Eze 46:1-3; Thu 15:4

66:24^c Isa 1:2; Mat 25:41; Mar 9:48