BibleThianghlim – Semtirnak
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
Semtirnak
12345678910
11121314151617181920
21222324252627282930
31323334353637383940
41424344454647484950
- A ngantu: Mosi
- A huap sung cān: Sersiamnak ihsin B.C. 1876 tiang hrawng
- Ngan kum: B.C. 1400 laifang hrawng
Bible cabu hmaisabik a si vekin, Semtirnak ah hin thil hramthăwknak tampi ngan a si. Asinan a thupibik hramthăwknak cu Pathian in tlennak khua a khan mi hi a si. Bung 1-2 ah Pathian in leilung tlunah a uknak a dĭn. Amah aiawhin leilung an uk thei nak dingah amah băngpi milai a sersiam. Asinan bung 3 ah milai hmaisabik, Adam le Evi in Pathian doral Setan dung an rak thlun. Anmah Sersiamtu an do, an sualnak cu milai hrin hnenah a darhsuak ih, tuarnak rapthlak a thlen. Bung 4-11 ah sual ih a thlen mi, leilung pumhuap tilik thu telin, siatnak hmaisa lam thu hrekkhat ngan a si.
Bung 12 in Pathian in Adam le Evi hnenih a rak pek mi thutiamkam a tlamtlinnak dingih Pathian tidān a tarlang. Setan nâmthla dingah, milai tlen dingah le amah lamih milai tungdingsal dingah Pathian in Evi-ih tesinfa a hman ding thu a rel (3:15). Mi pakhat, Abraham cu a siahhlawh ah a hril ih, a hnenah thutiamkam tlangpi pathum a tuah. A pakhatnak ah Pathian in tesinfa tampi a pe ding. A pahnihnak ah, an cēnnak dingah Kanaan ram a pe hai ding. A netabikah anmai zarah le an tesinfa mihleice zarah leilung mi zaten a thlawsuah ding. Semtirnak sungih a tāng lai mi thuanthupawl in cuih thutiamkampawl cu nuamte tein an langter vivo.
Dawnkhamtu tampi karlak le Abraham le a tesinfapawlih sualnak karlakpawl hmanah, Pathian in a ṭawngkam cu khawruahharzain a kilhim. Cutiih thil a feh rero laiah, Pathian in anmah cu zirnak thupi a si mi rinnak a ṭulzia, mah le mah parah si loin, Pathian parih ṭhumawkdān ding pawl tla a zirh hai. Semtirnak cemnak lamah cun Abraham-ih tesinfapawl cu mipum 70 an si. Anmah cu Izip ram ih an um laiah an lakih mi pakhat Joseph in mangṭam rapthlak ihsin mipi a run. Cuih thil cang mipawl cun Pathian in a thutiamkampawl cu famkim zetin a tlamtlingter thei ih, a tlamtlingter thluh ding ti an langter.
Semtirnak cabu hi Abraham-ih tesinfapawl hnenih ngan mi a si. Annih cu Israel-mi tiih kawh an si ih, Kanaan la dingin an timtuahaw. Hi cabu hmangin, a thutiamkampawl lamih an zumnak ṭhangter dingin le kawh an sinak kai hnget dingin Pathian in a tumtah. Semtirnak cabu hin san hmuahhmuah ih Pathian-ih minungpawl hnenah thu a sim. Hi cabu hin kan sualnak parih Pathian zangfahnak a luanliamzia a phuanglang. Cuihtlunah Semtirnak cabu hin amah Pathian kan rinsan asile, amai khawkhan mi tlennak ih kanmai lam ṭuanvo khal hlensuak ko titheinak in pe ti khal in zirh.
Thu Hlawm Ṭhen
- I. Leitlun Mi Hmuahhmuah Pathian ih a Pehtlaihnak (1:1-11:26)
- II. Abraham le a tesinfapawl Pathian ih a pehtlaihnak, cumi hmangin milai thawi an pehtlaihawknak a tungdingsal ding (11:27-50:26)
Sersiamnak
1 A hramthăwkah Pathian in leilung le van a rak sersiam. 2 Leilung cu pianhmang nei lo le a lawngpi a si ih, thim cu tipi thûk zet vangdâp parah a um. Cule tipi vangdâp parah Pathian Thlarau a cangvai.
3 Cun Pathian in, “Tleu um seh,” a ti ih tleu a rak um. 4 Cule Pathian in cuih tleu cu ṭhain a hmu, cule Pathian in tleu cu thim ihsin a ṭhen. 5 Pathian in tleu cu Sun tiah a ko ih, thim cu Zan tiah a ko. Cutin cuih zan lam le zing lam cu a ni khatnak a si.
Ni Hnihnak
6 Cun Pathian in, “Tipi karlakah tlolak um sehla, cumi in tipi cu tipi ihsin ṭhen seh,” tiah a ti. 7 Cutin Pathian in tlolak a tuah ih, tlolak hnuaiih tipi le tlolak tlunih tipi cu a ṭhen, cule cutiin a rak cang. 8 Cun Pathian in tlolak cu Van tiah a ko. Cutin cuih zan lam le zing lam cu a ni hnihnak a si.
Ni Thumnak
9 Cun Pathian in, “Van hnuaiih tidaipawl cu hmunkhat ah fĭnaw thluh hai sehla, lei ro langsuak seh,” tiah a ti, cule cutiin a rak cang. 10 Cule Pathian in lei ro cu Leilung tiah a ko ih, hmunkhat ih a fĭnkhawmaw mi tipi cu Tifinriat tiah a ko. Cule Pathian in cumi cu ṭhain a hmu.
11 Cun Pathian in, “Leilung in hrampi siseh, ci nei thlai siseh, anmai phun vek ciar rah mi rah nei thingkung le a rah sungih ci nei leilung parah suah seh,” tiah a ti, cule cutiin a rak cang. 12 Cule leilung in hrampi siseh, amai phun vek ciar rahsuah thei ci nei thlai siseh, cun rah nei thingkung, a ci amah sungih amai phun vekih um siseh a suah. Cule Pathian in cumi cu ṭhain a hmu. 13 Cutin cuih zan lam le zing lam cu a ni thumnak a si.
Ni Litnak
14 Cun Pathian in, “Sun le zan ṭhentu dingah van ih tlolak ah tleupawl um seh; cupawl cu hminsinnakpawl, tikcucānpawl, ni le kum pawl hrangah si hai seh; 15 cun cupawl cu leitlun ah tleu pe dingah van ih tlolak ih tleupawl si hai seh,” tiah a ti, cule cutiin a rak cang. 16 Cun a nasadeuh mi tleu in sun uk dingah le tleu dêmdeuh in zan uk dingah, Pathian in tleu petu nasa zet pahnih a tuah. Arsipawl khal a tuah. 17 Cupawl cu Pathian in van ih tlolak ah leilung tleu pe dingah, 18 sun le zan uk dingah le tleu le thim ṭhen dingah a ret hai. Cule Pathian in cumi cu ṭhain a hmu. 19 Cutin cuih zan lam le zing lam cu a ni litnak a si.
Ni Ngatnak
20 Cun Pathian in, “Tipi in thilnungpawl a tawri tawrin suah sehla, leilungih tlun van, van ih tlolak ah vanzuangpawl zamkûal hai seh,” tiah a ti.
21 Cuti cun Pathian in tipi sung sahring tumpi pi pawl le a cāng thei mi thilnung tinkim tla a sersiam ih, cupawl cu anmai phun vek cio in ti sungah a tawrin an tawr. Cule thla i zam vanzuang tla anmai phun vek cio in a sersiam. Cule Pathian in cumi cu ṭhain a hmu. 22 Cule annihpawl cu Pathian in, “Ci tampi thlah uhla karhzai uh, cule tifinriat ti cu luahkhat uhla, vanzuangpawl cu leilung parah pungzai hai seh,” tiin mal a sawm hai. 23 Cutin cuih zan lam le zing lam cu a ni ngatnak a si.
Ni Ruknak
24 Cun Pathian in, “Leilung in thilnung anmai phun vek ciar in suah seh: ṭilva le bawkvâk le lei ramsa anmai phun vek cio in,” tiah a ti, cule cutiin a rak cang. 25 Cun lei ramsa anmai phun vek cio in, ṭilva anmai phun vek cio in le lei parih bawkvâk phunkim anmai phun vek cio in, Pathian in a tuah. Cule Pathian in cumi cu ṭhain a hmu.
26 Cun Pathian in, “Kan băngpiin, kanmah băngnak neiin milai tuah uhsi. Annih cun tifinriat sungih nga, van ih vanzuangpawl le ṭilva, leilung tlun hmuahhmuah le lei parih băwk i vâk mi bawkvâk kip tlunah thu nei hai seh,” tiah a ti. 27 Cutin Pathian in milai cu amai băngpiin a rak sersiam; Pathian băngpiin amah cu a rak sersiam; anmah cu mipa ah le nunau ah a rak sersiam hai. 28 Cun Pathian in mal a sawm hai ih, Pathian in an hnenah, “Ci tampi thlah uhla karhzai uh; leilung luahkhat uhla nan thu hnuaiah cumi cu ret uh. Tifinriat sungih nga, van ih vanzuangpawl le leilung parih a cāng thei mi thilnung tinkim uk uh,” tiah a ti.
29 Cun Pathian in, “Zoh hnik uh, leilung vangdâp zate parih um, ci nei thlai tinkim le thingkung rah mu nei tinkim in nan hnenah ka lo pe; cucu nan hrangah rawl an si ding. 30 Cule lei ramsa tinkim, van ih vanzuang kip le nunnak nei leilung parih băwk i vâk bawkvâk tinkim, thlai hring pauhpauh an rawl dingah ka pe,” tiah a ti, cule cutiin a rak cang. 31 Cun Pathian in thil ziangkim a tuah mi cu a hmu ih, ngai hnik, cumi cu a ṭha zet. Cutin cuih zan lam le zing lam cu a ni ruknak a si.
Ni Sarihnak
1 Cuti cun leilung, van le cupawl sungih um zaten ṭhehfel thluh a si. 2 A ni sarihnak ah Pathian in a ṭuan mi a hna a ṭheh ih, a ni sarihnak ah a ṭuan mi a hna hmuahhmuah ihsin a cawl. 3 Cule a ni sarihnak cu Pathian in mal a sawm ih a tithianghlim, ziangahtile cuih ni ah Pathian cu a sersiam mi le a tuah mi a hna hmuahhmuah ihsin a cawl.
Eden Hmuan Nun
4 Hihi leilung le van sersiam an si laiih an thuanthu a si, Jehovah
7 Cun Jehovah Pathian in lei ih leivut ihsin milai pa a sersuak ih, a hnar kaw sungah nunnak thaw a thawt; cule milai pa cu a nung mi minung ah a cang.
8 Jehovah Pathian in nisuahnak lam Eden ah hmuan a tuah ih, a sersuah mi milai pa cu cu tawkah a ret. 9 Cun cuih lei ihsin mit-la zet thingkung tinkim le rawl hrangih ṭha thingkung tinkim Jehovah Pathian in a khoter. Hmuan laiah nunnak thingkung le a sia le a ṭha theihnak thingkung khal an um.
10 Cuih hmuan hnâwngter dingah Eden ihsin tiva pakhat a luangsuak ih, cu tawk ihsin an ṭhenaw, cule tiva pi hna pali ah an cang. 11 A pakhatnak ih hmin cu Pishon a si, cumi cu sui umnak hmun Havilah ram pumpi vĕlin a luang. 12 Cun cuih ram sui cu a ṭha. Cu tawkah abdellium le onik lung an um. 13 A pahnihnak tiva hmin cu Gihon a si, cumi cu Kush ram pumpi vĕlin a luang. 14 A pathumnak tiva hmin cu Ṭaigris a si, cumi cu Assiria ram nisuahnak lamah a luang. A palitnak tiva cu Zufraṭis a si.
2:12a bdellium: Thing hnai phun khat a si ih a răwng cu a var nawn, a rim a hmui zet.
15 Cun Jehovah Pathian in milai pa cu a hruai ih, Eden hmuan ah hmuan ṭuan le kilkhawi dingin a ret. 16 Cule Jehovah Pathian in milai pa cu thu a pe ih, “Hmuan sungih thing rah tinkim na duh duhin na ei thei, 17 asinan a sia le a ṭha theihnak thing rah cu na ei lo pei, ziangahtile cumi na ei ni ah na thi tengteng ding a si,” tiah a ti.
18 Cule Jehovah Pathian in, “Mipa amah lawng um a ṭha lo; amah thawi milaw mi bawmtu ka tuahsak ding,” tiah a ti. 19 Lei ihsin Jehovah Pathian in ramsa tinkim le van ih vanzuang tinkim a sersuak ih, an hmin ah ziang a sak pei ti thei dingah aAdam hnenah a hruai hai. Cule thilnung kip Adam in hmin a sak mi pauhpauh cu an hmin ah a cang ta. 20 Cutin ṭilva zate, van ih vanzuangpawl le ramsa tinkim cu Adam in hmin a sak thluh. Asinan Adam hrangah amah thawi milaw mi bawmtu hmuh a si lo.
2:19a Adam: “Milai” tinak a si.
21 Cule Jehovah Pathian in Adam cu thithlepin a ihthahter ih, anih cu a itthat. Cule a hnak ruhpawl lakih pakhat a lâksak ih, cuih hmun cu tit in a phihkhat. 22 Cule Jehovah Pathian in Adam-ih hnak ruh a lak mi in nunau a tuah ih, Adam hnenah nunau cu a hruai.
23 Cun Adam in,
“Atu cun himi hi ka ruh ihta ruh a si ih,
Ka titsa ihta titsa a si,
Mipa ihsi lâksuah mi a si ruangah,
Nunau tiih kawh a si ding,”
tiah a ti.
24 Curuangah mipa in a nu le a pa a tân ta ding ih, a nupi a kăwp ding, cule annih cu taksa pumkhat ah an cang ding.
25 Adam le a nupi cu an pahnih in taklawng in an um ih, an ning a zak lo.
Sualfawrhnak le Minung Tluksiatnak
1 Jehovah Pathian ih tuah mi ramsa dang hnakin rul cu a fim hrăwkhrawl hleice. Cule rul cun nunau hnenah, “Pathian in, ‘Hmuan sungih thingkung kip in nan ei lo pei,’ tiah a lo ti ngaingai maw?” tiah a ti.
2 Cule nunau in rul hnenah, “Hmuan sungih thingkungpawlih rah kan ei thei ko; 3 asinan hmuan laifangih um thingkung rah cu, Pathian in, ‘Nan ei lo pei, a tham khal nan thâm lo pei, cu lo asile nan thi ding,’ in ti,” tiah a ti.
4 Cu tikah rul in nunau hnenah, “Nan thi hrimhrim lo ding. 5 Ziangahtile cumi nan ei ni ah nan mit a vâng ding ih, a sia le a ṭha theiin Pathian nan bang ding ti Pathian in a thei a si,” tiah a ti.
6 Cuti cun nunau in thingkung cu rawl hrangih ṭha, mit-la zet le fim ko mi tuahtu ding hahiau-umza zet thingkung a si ti a hmuh tikah, cu miih rah cu a lo ih a ei. A hnenih um a pasal khal a pe ih, a rak ei ve. 7 Cun an mit a vâng ih, taklawng an si ti an theiaw; cule thei hnah an ṭhikhawm ih anmai hrangah huhawknakpawl an tuah.
8 Cule sîm nem ah hmuan sungih Jehovah Pathian a lēnvah thâwm an rak thei, cule Adam le a nupi cu Jehovah Pathian hmaika ihsin hmuan sungih thing rûl lakah an relh.
9 Cun Jehovah Pathian in Adam cu a ko ih a hnenah, “Khui tawkah na um?” tiah a ti.
10 Cule anih in, “Hmuan sungah na aw ka thei ih, taklawng ih um ka si ruangah ka ṭih ih ka relh,” tiah a ti.
11 Cun anih in, “Zo in so taklawng na si ti a lo sim? Na ei lo pei tiih thu ka lo pek mi thingkung ihta na ei maw si?” tiah a ti.
12 Cu tikah mipa in, “Keimah umpi dingih i pek mi nunau in cuih thingkung rah i pek ih, ka rak ei a si,” tiah a ti.
13 Cule Jehovah Pathian in nunau hnenah, “Ziang simaw na rak tuah?” tiah a ti.
Nunau in, “Rul in i bum ih, ka rak ei a si,” tiah a ti.
14 Cu tikah Jehovah Pathian in rul hnenah,
“Himi na tuah ruangah,
Ṭilva hmuahhmuah hnakin le
Ramsa tintian hnakin camsiat hleice na si;
Na pum in na vâk ding ih,
Na nun sung hmuah leivut na ei ding.
15 Cuihhleiah nangmah le nunau lak,
Na cithlah le nunau Cithlah lakah
Ralawknak ka ret ding,
Anih in na lu hma a baih ding ih,
Nang in a kedil hma na baih ve ding,”
tiah a ti.
16 Nunaunu hnenah,
“Na nat tuar le na favun nasa zetin ka luarter ding,
Nat tuarin fa na hring ding,
Na câknak cu na pasal lamah a si ding ih,
Anih in na tlunah thu a nei ding,”
tiah a ti.
17 Cule Adam hnenah, “Na nupi thu na lung ih, ‘Khami cu na ei lo pei,’ tiih thu ka lo pek mi thingkung ihta na ei ruangah,
Lei cu nangmah ruangah camsiat a si;
Na nun sung hmuahhmuah aṭuan retheiin
Lei ihsin na ei ding.
18 Lei in na hrangah hling le so a suah ding ih,
Hmuan thlai na ei ding.
19 Lei ih na kir tiang
Na hmai thlanhripi tlain rawl na ei ding,
Ziangahtile lei ihsi lâksuah mi na si;
Leivut na si ruangah,
Leivut ah na kirsal ding,”
3:17a ṭuan rethei: Câng 16 ih nat tuar ti mi Hebru ṭawngfáng thawn a bangaw.
tiah a ti.
20 Cule Adam in a nupi hmin ah aEvi tiah a ko, ziangahtile amah cu a nung mi hmuahhmuah ih nu a si.
3:20a Evi: Hebru ṭawng a si ih, a sullam cu “nunnak” ti a si.
21 Jehovah Pathian in Adam le a nupi hrangah savun kâwrfual
22 Cun Jehovah Pathian in, “Ngai hnik, milai cu a sia le a ṭha theiin kanmah lakih mi pakhat vek a si thlang. Atu-ah a kut suahin nunnak thingkung ihta a ei pang asile kumkhua a nung lan ta ding,” tiah a ti.
23 Curuangah Jehovah Pathian in amah a lâksuahnak lei let dingin Eden hmuan ihsin a suakter.
24 Cutin Jehovah Pathian in milai pa cu a dawisuak. Cule Eden hmuan nisuahnak lamah nunnak thingkung lamzin kilveng dingin cherub-pawl
Kain in Abel a That
1 Cule Adam in a nupi Evi a ihpi ih a nupi cun fa a vun. Cule aKain a hring ih, “Jehovah hnenin fapa ka nei thlang,” tiah a ti. 2 Cuih hnuah a nupi in a nau bAbel a hring lala. Abel cu rante rual khāltu ah a cang ih, Kain cu lei lettu ah a cang. 3 Cule cān a liam vivo ih hitin a si, Kain cun lei ihsi suak thlairah thilhlăn Jehovah hnenah a rak keng. 4 Abel khal in a rante rual lak ihta fatirpawl le cupawlih thau a rak keng ve. Cule Jehovah in Abel le a thilhlăn cu a cohlang, 5 asinan Kain le a thilhlăn cu a cohlang lo. Cu tikah Kain cu a thin a heng tuk ih, a mithmai a sia.
4:1a Kain: Kain hmin awsuah cu Hebru ṭawng ih “ngah” ti mi awsuah thawn an bangaw.
4:2b Abel: “Thaw” tinak a si.
6 Cu tikah Jehovah in Kain hnenah, “Ziangah so na thin a heng? Ziangah so na mithmai a siat? 7 Ti ṭha cila cohlan na si lo ding maw? Na ti ṭhat lo asile sual cu sângka hramah a băwk a si. Cule a câkhiar zawng cu na hrangah a si, asinan cumi cu na neh tengteng ding a si,” tiah a ti.
8 Kain in a nau Abel a bia, cule hitin a si, ramlak ih an um laiah Kain cun a nau Abel cu a zawnhnawh ih a that.
9 Cu tikah Jehovah in Kain hnenah, “Khui tawkah na nau Abel a um?” tiah a ti.
Anih in, “Ka thei lo, ka nau kiltu maw ka si?” tiah a ti.
10 Cun Jehovah in, “Ziang so na rak tuah? Lei ihsin na nau thisen aw in i hun auh. 11 Curuangah atu-ah nang cu na kut ihsin na nau thisen dawng dingih kâ ang cia leilung par ihsin camsiat na si. 12 Lei na leh tikah, lei in paṭhatnak a lo pe nawn lo ding. Leilung parah mitawivâk le mivâkvai na si thlang ding,” tiah a ti.
13 Cule Kain in Jehovah hnenah, “Ka dāntatnak co mi cu ka tuartheinak hnakin a nasasawn a si! 14 Ngai hnik, tuihsun ah lei ihsin i dawisuak zo, na hmaika ihsin thuh ka si thlang ding. Leilung vangdâp parah mitawivâk le mivâkvai ka si ding ih, hitin a si ding, zokhal i tawngtu cun in that ding,” tiah a ti.
15 Cule Jehovah in a hnenah, “Curuangah zokhal Kain a thattu cu a parah a let sarih phulei sam a si ding,” tiah a ti. Cun Jehovah in Kain parah hminsinnak a tuah, cu lo ahcun zokhal amah tawngtu pauhpauh in an that pang ding.
16 Cun Jehovah hmaika ihsin Kain cu a fehsuak ih, Eden nisuahnak lam, Nod ram ah a cêng.
Kain Tesinfapawl
17 Cule Kain in a nupi a ihpi ih, fa a vun ih Enok a hring. Cun anih cun khua pakhat a dĭn ih, cuih khua cu a fapa hmin suangin Enok tiah a sak. 18 Enok in Irad a hring; Irad in Mehujael a hring, Mehujael in Methushael a hring ih, Methushael in Lamek a hring.
19 Cun Lamek in nupi pahnih a nei, pakhat deuh ih hmin cu Adah a si, a pahnihnak ih hmin cu Zillah a si. 20 Cun Adah in Jabal a hring. Anih cu sumhnám nei le puanthlampawl sungih khawsapawlih pupá a si. 21 A naupaih hmin cu Jubal a si. Amah cu ṭingṭang le phirivau tumtu hmuahhmuah ih pupá a si.
22 Zillah khal in dar le thir lamih zungthiam kip zirhtu Tubal-Kain a hring. Tubal-Kain farnu cu Naamah a si.
23 Cun Lamek in a nupipawl hnenah:
“Adah le Zillah, ka aw thei uh,
Lamek nupipawl, ka thusim ngaithla uh!
Hriamhma i baih ruangah mipa pakhat ka rak that,
I tuahmawh ruangah tlangval pakhat tiangin.
24 Kain thattu cu a let sarih phulei sam ding a si ahcun,
Lamek thattu cu a let 77 in,”
tiah a ti.
Adam Fapa Dang
25 Cule Adam in a nupi a ihpi leh ih, anih cun fapa a hring, cule a hmin ah aSeth a sak, “Ziangahtile Kain ih a thah mi Abel aiawhtu dingah Pathian in cithlah dang in rak ruatsak a si,” tiah a ti. 26 Cule Seth hrang khalah fapa hrinsak a si ih, a hmin ah Enosh a sak. Cutin minungpawl in Jehovah hmin hlam an thawk.
4:25a Seth: Hebru ṭawng ih a sullam cu “ruatsak” tinak a si men thei.
Adam Tesinfapawl
1 Hihi Adam cithlah sâwng ngankhumnak cazual
6 Seth cu kum 105 a ti tikah Enosh a hring. 7 Enosh a hrin hnuah, Seth cu kum 807 a nung ih, fanupawl le fapapawl a nei. 8 Cutin Seth-ih dam sung kum zat cu 912 a si, cule a thi.
9 Enosh cu kum 90 a ti tikah Kenan a hring. 10 Kenan a hrin hnuah, Enosh cu kum 815 a nung ih, fanupawl le fapapawl a nei. 11 Cutin Enosh-ih dam sung kum zat cu 905 a si, cule a thi.
12 Kenan cu kum 70 a ti tikah Mahalalel a hring. 13 Mahalalel a hrin hnuah, Kenan cu kum 840 a nung ih, fanupawl le fapapawl a nei. 14 Cutin Kenan-ih dam sung kum zat cu 910 a si, cule a thi.
15 Mahalalel cu kum 65 a ti tikah Jared a hring. 16 Jared a hrin hnuah, Mahalalel cu kum 830 a nung ih, fanupawl le fapapawl a nei. 17 Cutin Mahalalel-ih dam sung kum zat cu 895 a si, cule a thi.
18 Jared cu kum 162 a ti tikah Enok a hring. 19 Enok a hrin hnuah, Jared cu kum 800 a nung ih, fanupawl le fapapawl a nei. 20 Cutin Jared-ih dam sung kum zat cu 962 a si, cule a thi.
21 Enok cu kum 65 a ti tikah Methuselah a hring. 22 Methuselah a hrin hnuah, Enok cu Pathian thawn kum 300 sung an lengtlang, cun fanupawl le fapapawl a nei. 23 Cutin Enok-ih dam sung kum zat cu 365 a si. 24 Enok cu Pathian thawn an lengtlang, cule a hlo, ziangahtile Pathian in amah cu a lâk.
25 Methuselah cu kum 187 a ti tikah Lamek a hring. 26 Lamek a hrin hnuah, Methuselah cu kum 782 a nung ih, fanupawl le fapapawl a nei. 27 Cutin Methuselah-ih dam sung kum zat cu 969 a si, cule a thi.
28 Lamek cu kum 182 a ti tikah, fapa a nei. 29 Cule a hmin ah aNoah a sak, “Jehovah in lei a camsiat ruangah kan hnaṭuan le kan kut ṭuan retheihnak thu ah anih cun in thlangăm ding a si,” tiah a ti. 30 Noah a hrin hnuah, Lamek cu kum 595 a nung, cule fanupawl le fapapawl a nei. 31 Cutin Lamek-ih dam sung kum zat cu 777 a si, cule a thi.
5:29a Noah: Noah hmin awsuah cu Hebru ṭawng ih, “cawlhnak” ti thawn a bangaw.
32 Cun Noah cu kum 500 a si, cule Noah in Shem, Ham le Jafeth a hring.
Tilik
1 Cun hitin a si, leilung vangdâp parih minungpawl karhzai an thawk tikah fanupawl tla an nei. 2 Cutin Pathian fapapawl in minung fanupawl cu hmelṭhain an hmu ih, an hril mi pauhpauh cu anmai nupi ah an la.
3 Cule Jehovah in, “aKa Thlarau in minung a buan kumkhua lo ding, ziangahtile anih cu taksa a si, cuti cingin a nun zat cu kum 120 a si ding,” tiah a ti. 4 Cu laiah le cuih hnu khalah leilung parah mimangkawngpawl an rak um. Pathian fapapawl in minung fanupawl an ihpi ih, fa an hrinsak. Cupawl cu hlanlai micak, mihratkhawkheng an si.
6:3a Ka Thlarau in minung a buan kumkhua lo ding: “Ka Thlarau in minung a cēnpi kumkhua lo ding,” ti khal a si thei.
5 Cule leilung parih milai sualralzia a nasa tuk ih, a thinlung ih a khawruah mipawlih tĭn mi kip in thil ṭha lo hlir a si ringring ti Jehovah in a hmu. 6 Cun leilung parih milai a tuah cu Jehovah a riah a sia ih, a thin a nâ. 7 Cu tikah Jehovah in, “Ka sersiam mi milai cu leilung vangdâp par ihsin ka hloralter ding, milai siseh, rannung siseh, bawkvâkih feh le van ih vanzuangpawl tiangin, ziangahtile annih ka rak tuah cu ka riah a sia a si,” tiah a ti. 8 Asinan Noah cun Jehovah-ih mit ah zangfahnak a co.
9 Himi hi Noah-ih cithlah sâwng cu a si. Noah cu amai san minungpawl lakah midingfel, sawihnăwm kai lo a si. Noah cu Pathian thawn an lengtlang. 10 Cun Noah in fapa pathum: Shem, Ham le Jafeth a hring.
11 Leilung cu Pathian hmaiah a bawrhhlawh ih, leilung cu nunrawnnak in a khat. 12 Cu tikah Pathian in leilung a zoh ih, ngai hnik, a rak bawrhhlawh ngai, ziangahtile taksa hmuahhmuah cu leilung parah an nuncan a bawrhhlawh thluh.
Noah Lăwng
13 Cun Pathian in Noah hnenah, “Taksa hmuahhmuah cemnetnak ka hmaiah a thleng thlang, ziangahtile anmah thawngin leilung cu nunrawnnak in a khat ih, ngai hnik, anmah cu leilung thawn ka tisiat ding.
14 Nangmai hrangah agofer thing in lăwng tuah aw. Cuih lăwng sungah pindanpawl tla tuah awla, lăwng cu a sung lam le a leng lam thing thlîng hnih thluh aw.
15 Cule lăwng na tuahdān ding cu hitin a si: lăwng sau lam cu dawng 300, a kauh lam cu dawng 50, a san lam cu dawng 30 a si pei.
16 Lăwng hrangah tukvirh na tuah pei ih, tlun lam tlâng ihsin dawng khat hla ah na netter pei. Sângkapi cu lăwng sir lamah tuah awla, lăwng cu hnuaitabik sâwng, sâwng hnihnak, sâwng thumnak tiin na tuah pei.
17 Cule ngai hnik, van hnuaiih nunnak thaw nei mi taksa hmuahhmuah siathlorálter dingah keimah rori in leilung parah tilik ka tlungter ding, leilung parih um pauhpauh an thi thluh ding.
18 Asinan nangmah thawn ka thukham
6:14a gofer: Ziang thing cekci a si ti a fiang lo, thlîng nei thing phun khat a si.
22 Cuti vekin Noah cun a tuah, Pathian in a hnenih thu a pek bangtukin a tuah ṭheh.
1 Cun Jehovah in Noah hnenah, “Nangmah le na sungkua zaten lăwng sungah lut uh, ziangahtile hi san minungpawl lakah nang cu ka hmaiah midingfel siin ka lo hmu. 2 Rannung thiang tinkim tuak sarih ciar, a pa le amai kăwppi a nu; a thiang lo mi rannung pahnih ciar, a pa le amai kăwppi a nu, 3 tlun zuang vatepawl tuak sarih ciar, a nu le a pa, leilung vangdâp pumpi parah ci nungter sâwng vivo dingin na zawngah na hruai pei. 4 Ziangahtile tuih hnu ni sarih ah leilung ah ni 40 le zan 40 sung ruah ka surter ding. Cule ka tuah cia mi thilnung zaten leilung vangdâp ihsin ka hloralter thluh ding,” tiah a ti. 5 Cule Noah cun Jehovah ih thu a pek mi hmuahhmuah bangtukin a tuah ṭheh. 6 Leilung parih tilik a tlun tikah Noah cu kum 600 a si.
7 Cutin Noah cu tilik ruangah a fapapawl le a nupi le a fapapawlih nupi le thawn lăwng sungah a lut. 8–9 Noah hnenih Pathian in thu a pek vekin, a thiang mi rannungpawl, a thiang lo mi rannungpawl, vatepawl, leilung ih bawkvâk tinkim lakin, a nu le a pa, a khuah khuah in Noah hnenah lăwng sungah an lut. 10 Cule ni sarih hnuah hitin a si, leilung parah tilik a tlung. 11 Noah-ih nun kum 600 a kim kum, a thla hnihnak, cuih thla ni hleisarihnak, cuih ni ah ti thûk zet hnapawl zaten an kekkuai thluh ih, van tukvirhpawl an áwngaw. 12 Cule leilung parah ni 40 le zan 40 sung ruah a sur.
13 Cuih ni lala ah Noah le a fapapawl, Shem, Ham, Jafeth le Noah-ih nupi le a fapapawlih nupi pathum pawl, 14 anmah le ramsa tinkim mah phun cio in, ṭilva zaten mah phun cio in, leilung parih bawkvâkih cangvai tinkim mah phun cio in, vate tinkim mah phun cio in le vate phunphun cu anmah thawn lăwng sungah an lut. 15 Cule nunnak thaw nei a nung mi thil sersiam zate lak ihsin a khuah khuah in, Noah hnenah lăwng sungah an lut. 16 Cutin a lutpawl cu Pathian in Noah hnenih thu a pek vekin taksa nei zate ihsin a nu le a pa an lut. Cule Jehovah in Noah cu a kharkhum.
17 Tilik cu leilung parah ni 40 sung a tho. Ti a ṭhang ih lăwng cu a cawikâng, cule leilung lanin lăwng cu a kaiso. 18 Leilung parah tipi a tho luihlo ih, nasa zetin a ṭhang, cule tipi parah lăwng cu a phuan vivo. 19 Cule leilung parah tipi a tho luihlo tuk lawmmam ih, van hnuai pumpi ih tlang sâng zaten a khuhpil ṭheh. 20 Tipi cu tlun lamah dawng hleinga lai a tho luihlo ih, tlangpawl a khuhpil thluh. 21 Cule leilung parih a cangvai mi taksa nei zate: vanzuangpawl, ṭilvapawl, ramsapawl, leilung parih bawkvâkih feh tinkim le minung zaten an thi thluh. 22 Hnar kua ih nunnak thlarau thaw nei hmuahhmuah, leilung parih um zaten an thi ṭheh. 23 Cutin Pathian in lei vangdâp parih um thilnung tinkim: minung siseh, rannung siseh, bawkvâk thilnung le van ih vanzuang pawl cu a hloralter thluh. Annih cu leilung ihta hlohralter thluh an si. Noah le a hnenih lăwng sungih um vial lăwng nungdamin an tâng. 24 Cule tipi cun ni 150 sung leilung a khuh thluh.
Tidai a Kâng Vivo
1 Pathian in Noah le amah thawi lăwng sungih um thilnung tinkim le rannung zaten a cîng ringring. Cule Pathian in leilung parah thli a hrānter ih tidai a ṭum vivo. 2 Ti thûk zet hnapawl le van tukvirhpawl cu phih an si ih, van ihsin ruah hănter a si. 3 Cule leilung par ihsin tipi cu a kâng vivo. Ni 150 a cem tikah tipi cu a ṭum zet thlang. 4 Cun thla sarihnak, ni hleisarihnak ah lăwng cu Ararat tlang tluan pawl lakih pakhat parah a ṭhumaw. 5 Cule thla hratnak tiang tipi cu a ṭum vivo. A thla hratnak, a ni khatnak ah tlang zim pawl hmuh an si thlang.
6 Cule hitin a si, ni 40 a cem tikah, Noah cun a rak tuah mi lăwng tukvirh a áwng. 7 Cun tlangâk pakhat a thlahsuak, cuih tlangâk cu leilung ihsin tipi a kānngah hlanlo a zamtăwn zăwk rero. 8 Lei par ihsin ti a mál thlang maw ti zoh dingah a hnen ihsin thuro khal a thlahsuak. 9 Asinan tidai in leilung vangdâp zaten a khuh lai ruangah thuro cun a ke ṭhumnak ding hmun a hmu lo ih, Noah hnen, lăwng sungah a kirsal. Cutin Noah in a kut a săn ih, thuro cu a kai ih lăwng sung a hnenah a lalut. 10 Cule a dang ni sarih a hngakbêt hrih ih, lăwng ihsin thuro pakhat a thlah lala. 11 Cun sîm lamah thuro cu a hnenah a ra, ngai hnik, a hmur ah olif hnah ṭil tharhlâm pakhat a um, cule Noah in leilung ihsin tidai a mál thlang a si ti a thei. 12 Cule a dang ni sarih a hngak lala ih, thuro pakhat a thlahsuak leh, cule cuih thuro cu a hnenah a ra kirsal nawn lo.
13 Cule hitin a si, kum 601-nak, a thla hmaisabik, a ni khatnak ah leilung parih tipi a kāngngah riai. Noah in lăwng khuhnak a kau ih a zoh, cule ngai hnik, leilung hmai a húl thlang. 14 Cule a thla hnihnak, cuih thla a ni 27 ah leilung a rongah riai.
15 Cun Pathian in Noah a biak ih, 16 “Nangmah le na nupi, na hnenih um na fapapawl le an nupipawl thawn lăwng ihsin suak thlang aw. 17 Na hnenih um a nung mi thil sersiam zate lakih thilnung tinkim: vanzuangpawl le ṭilvapawl le leilung parih a vâk mi bawkvâk pauhpauh cu leilung parah a tawrin, leilung parah ci tampi an zaih ih an karhzai thei nak dingah na zawngah suahpi thluh hai aw,” tiah a ti. 18 Cule Noah cu a fapapawl, a nupi le a fapapawlih nupipawl thawn a suak. 19 Ramsa tinkim, bawkvâk tinkim, vanzuang tinkim le leilung parih bawkvâk pauhpauh anmai phun vek cio in lăwng sung ihsin an suak.
Noah thawi Thukhamawknak
20 Cun Noah in Jehovah hnenah biakṭheng
22 “Leilung a hmun sung cu,
Ci tuh cān le khawm cān,
Daih cān le sat cān,
Thlatang le ṭhal,
Sun le zan
A hlo lo ding,”
tiah a ti.
Noah thawn Thukham
1 Pathian in Noah le a fapapawl cu mal a sawm ih, an hnenah, “Ci tampi thlahin karhzai uhla, leilung luahkhat uh. 2 Cule leitlun ih um ramsa tinkim, van ih vanzuang tinkim, leilung parih a cangvai thei mi zate le tifinriat sungih nga hmuahhmuah cu nanmah ṭihin an lâu ding. Anmahpawl cu nan kut ah pek an si. 3 Nungih lengvâk mi pauhpauh cu nan hrangah rawl an si pei. Thlai hring ka lo pek bangtukin, thil hmuahhmuah ka lo pe a si. 4 Asinan titsa cu a nunnak a si mi a thisen thawn nan ei lo pei. 5 Nan nunnak a si mi nan thisen ka hlám tengteng ding, cumi cu ramsa tinkim kut ihta le milai kut ihta ka hlám ding. Milai kip ih unau kut ihsin milai nunnak ka hlám ding.
6 “Milai thisen a suahtu pauhpauh cu,
Milai in a thisen an suah ve ding,
Ziangahtile Pathian băngpiin
Milai a rak tuah.
7 Cule nannih cu ci tampi thlahin karhzai uh,
A tawrin leilung ah pung uhla a sungah karhzai uh,”
tiah a ti.
8 Cule Pathian in Noah le a hnenih um a fapapawl cu a be hai ih,
9 “Ngai hnik uh, keimah rori in nanmah le lehhnu lamih nan cithlahpawl thawn,
10 nan hnenih um thilnung tinkim: vanzuangpawl, ṭilvapawl, nan hnenih um leilung ramsa tinkim, lăwng sung ihsi ra suak mi zaten, leilung ramsa tinkim thawn ka thukham
Hminsinnak Vangro
12 Cule Pathian in, “Hihi san ra vivo minungpawl hrangah nanmah le keimah le nan hnenih um sersiam mi thilnung tinkim karlakih ka tuah mi ka thukham hminsinnak a si. 13 Khawdur ah ka vangro ka ret ih, cucu keimah le leilung karlakih thukham hminsinnak a si ding. 14 Leilung tlunih khawdur ka rak ken tikah hitin a si ding, khawdur ah vangro hmuh a si ding. 15 Cule nanmah le keimah le taksa hmuahhmuah ih thilnung tinkim karlakih ka thukham ka máng ding, taksa hmuahhmuah hloralter thluh dingin tipi cu tilik ah a cangsal dah nawn lo ding. 16 Khawdur ah vangro a um ding ih, cucu leilung parih a nung mi thil sersiam zate lak ihsin thilnung tinkim le Pathian karlakih kumkhaw thukham cīn ringring nak dingah cumi cu ka zoh ding,” tiah a ti. 17 Cule Pathian in Noah hnenah, “Himi hi keimah le leilung parih um taksa hmuahhmuah karlakih ka rak dĭn mi thukham hminsinnak a si,” tiah a ti.
18 Lăwng ihsi suak Noah-ih fapapawl cu Shem, Ham le Jafeth tla an si. Ham cu Kanaan-ih pupá a si. 19 Hite pathum cu Noah-ih fapa an si ih, hipawl ihsin leilung pumpi an khat thluh.
20 Cule Noah cu lei ṭuan pa si a thawk ih, sabit hmuan a tuah. 21 Cun Noah cun sabit zu a in ih a ri, cule a puanthlam sungah khuhaw loin a um. 22 Cule Kanaan-ih pupá Ham in a paih taklawng cu a hmu ih, lengih a unaule pahnih a va sim. 23 Asinan Shem le Jafeth cun sinfen an la ih, an pahnih liang parah an bât, cule dung fehin an feh ih, an paih taklawng cu an khuhsak. An hmai hmun dang an hawi ih, an paih taklawng an hmu lo.
24 Cule Noah cu a sabit zu rîtnak ihsin a hung fimharh ih, a fapa nautadeuh in a parah ziang a rak tuah ti a thei. 25 Cun anih in,
“Kanaan cu camsiat si seh,
A unau hnenah
Sálpawlih sál a si pei,”
tiah a ti.
26 Cule anih cun,
“Shem-ih Pathian Jehovah cu thangṭhatin um sehla,
Kanaan cu a sál si seh.
27 Jafeth cu Pathian in tumter sehla,
Shem-ih puanthlampawl ah cêng seh;
Cule Kanaan cu a sál si seh,”
tiah a ti.
28 Cule tilik hnuah Noah cu kum 350 a nung. 29 Cutin Noah-ih dam sung kum zat cu 950 a si, cule a thi.
Noah Tesinfapawl
1 Hipawl hi Noah-ih fapapawl: Shem, Ham le Jafeth teih cithlah sâwng cu an si. Tilik hnuah fapapawl tla an nei.
2 Jafeth-ih fapapawl cu: Gomer, Magog, Madai, Javan, Tubal, Meshek le Tiras tla an si. 3 Gomer-ih fapapawl cu: Ashkenaz, Rifath le Tokarmah tla an si. 4 Javan-ih fapapawl cu: Elishah, Tarshish, Kit-mipawl le Dodan-mipawl tla an si. 5 Cupawl ihsin tipi kap tluanih miphunpawl cu anmai rampawl sungah, mi kip anmai ṭawng vek cio in, anmai hrin vek cio in, anmai miphunpawl sungah ṭhenhran an si.
6 Ham-ih fapapawl cu: Kush, Mizraim, Put le Kanaan tla an si. 7 Kush-ih fapapawl cu: Seba, Havilah, Sabtah, Raama le Sabtekha tla an si ih, Raama-ih fapapawl cu Sheba le Dedan an si.
8 Kush in Nimrod a hring, anih cun leilung tlunah micak ralthiam si a thawk. 9 Anih cu Jehovah hmaiah ramtawi micak zet a si. Curuangah, “Jehovah hmaiih ramtawi micak tak Nimrod bang,” tiah ti a si. 10 Cun a lalram thawhnak cu Shinar ram ih aBabel, Erek, Akkad le Kalneh tla an si. 11 Cuih ram ihsin Assiria ah a feh ih, Nineveh siseh, Rehoboth Ir siseh, Kalah siseh, 12 Nineveh le Kalah karlakih khawpi ropi zet a si mi Resen tla a dĭn.
10:10a Babel: “Hnăwkbuai” tinak a si ih, “Babilon” ti khal hi himi ihsi lâk mi a si.
13 Mizraim in Lud-mipawl, Anam-mipawl, Lehab-mipawl, Naftuh-mipawl,
14 Pathrus-mipawl, Kasluh-mipawl a hring (cumi ihsin Filisṭia-mipawl le Kaftor-mipawl
15 Kanaan in a fatir Sidon le Heth a hring. 16 Amah cu Jebus-mi, Amor-mi le Girkash-mi, 17 Hiv-mi, Arki khawmi, Sinai-mi, 18 Arvad khawmi, Zemar khawmi le Hamath khawmipawlih pupá khal a si. Cuih hnuah Kanaan-mipawlih hrinpawl cu an darhkau vivo. 19 Cule Kanaan-mipawlih ramri cu Sidon ihsin Gerar lamih na feh asile Gaza tiang a thleng. Cun Sodom, Gomorrah, Admah le Zeboiim lamih na feh asile Lasha tiang a thleng. 20 Hipawl cu Ham-ih fapapawl, anmai hrin vek cio in, anmai ṭawngpawl vek cio in, anmai rampawl ah le anmai miphunpawl lakah an si.
21 Cule Eber fātepawl hmuahhmuah ih pa, Jafeth-ih u upasawn, Shem khal in fātepawl a hring. 22 Shem-ih fapapawl cu Elam, Asshur, Arfasad, Lud le Aram tla an si. 23 Aram-ih fapapawl cu: Uz, Hul, Gether le Mash tla an si. 24 Arfasad in Salah a hring ih, Salah in Eber a hring. 25 Eber in fapa pahnih a nei: pakhat ih hmin cu aPelek a si, ziangahtile amai san ah leilung a ṭhenaw; a unaupaih hmin cu Joktan a si. 26 Joktan in Almodad, Shelef, Hazarmaveth, Jerah, 27 Hadoram, Uzal, Diklah, 28 Obal, Abimael, Sheba, 29 Ofir, Havilah le Jobab tla a hring. Hipawl hmuahhmuah cu Joktan-ih fapa an si. 30 Umhmun an khuarnak cu Mesha ihsin Sefar lam na feh asile, nisuahnak lamih tlang tluan tiang a si. 31 Hipawl hi Shem-ih fapapawl, anmai hrin vek cio in, anmai ṭawng vek cio in, anmai rampawl ah le anmai miphunpawl vek cio in an si.
10:25a Pelek: “Ṭhenawknak” tinak a si.
32 Hipawl cu anmai miphunpawl lakah anmai cithlah sâwng vek cio in Noah-ih fapapawlih hrinpawl an si ih, himi hrinpawl ihsin leilung parah tilik hnuah miphunpawl an ṭhenṭhêkaw.
Babel Buainak
1 Cuih cān ah leilung pumpi in ṭawng phun khat le ṭawng hmunkhat an rak nei. 2 Cule hitin a si, nisuahnak lam ihsin an tlawn vivo laiah, Shinar ram ah phaikuam an hmu ih, cu tawkah an cêng. 3 Cun pakhat le pakhat, “Ra uh, tlăkrawh tuah uhsi la, ṭha zetin rawh uhsi,” tiah an tiaw. Lungto aiah tlăkrawh an hmang ih, tlăk aiah katṭaya an hmang. 4 Cule, “Ra uh, kanmai hrangah khawpi le a luzim i van tăwng dawlsâng dĭn uhsi, kanmai hrangah hmin tuah uhsi, cuti a si lo ahcun leilung vangdâp pumpi parah kan ṭekdarh thluh pang ding,” tiah an ti.
5 Asinan minung fapapawlih an rak dĭn mi khawpi le dawlsâng zoh dingin Jehovah a rung ṭum. 6 Cule Jehovah in, “Zoh hnik, minungpawl cu miphun pakhat an si ih, an zaten ṭawng hmunkhat an nei, cule himi tuah an thawk a si hi! Tuah an tum mi cu zianghman in ṭulhter theih an si lo ding. 7 Ra uh, vung suk uhsi la, an ṭawng buaiter uhsi, cutin pakhat le pakhat an ṭawng an theiaw nawn lo ding,” tiah a ti. 8 Cutin Jehovah in cuih hmun ihsin leilung pumpi vangdâp parah a ṭekdarhter thluh hai ih, khawpi dĭn cu an bâng. 9 Curuangah a hmin cu aBabel tiih kawh a si, ziangahtile cu tawkah leilung pumpi ih hman mi ṭawng cu Jehovah in a buaiter thluh. Cule cu tawk ihsin Jehovah in anmahpawl cu leilung pumpi vangdâp parah a ṭekdarhter thluh.
11:9a Babel: 10:10 zoh aw.
Shem Tesinfapawl
10 Hipawl hi Shem-ih cithlah sâwng cu an si: Shem cu kum 100 a si ih, tilik hnu kum hnih ah Arfasad a hring. 11 Arfasad a hrin hnuah, Shem cu kum 500 a nung ih, fanupawl le fapapawl a hring.
12 Arfasad cun kum 35 a ti tikah, Salah a hring. 13 Salah a hrin hnuah, Arfasad cu kum 403 a nung ih, fanupawl le fapapawl tla a hring.
14 Salah cu kum 30 a ti tikah, Eber a hring. 15 Eber a hrin hnuah, Salah cu kum 403 a nung ih, fanupawl le fapapawl a hring.
16 Eber cun kum 34 a ti tikah, Pelek a hring. 17 Pelek a hrin hnuah, Eber cu kum 430 a nung ih, fanupawl le fapapawl tla a hring.
18 Pelek cun kum 30 a ti tikah, Reu a hring. 19 Reu a hrin hnuah, Pelek cu kum 209 a nung ih, fanupawl le fapapawl a hring.
20 Reu cun kum 32 a ti tikah, Seruk a hring. 21 Seruk a hrin hnuah, Reu cu kum 207 a nung ih, fanupawl le fapapawl a hring.
22 Seruk cun kum 30 a ti tikah, Nahor a hring. 23 Nahor a hrin hnuah, Seruk cu kum 200 a nung ih, fanupawl le fapapawl a hring.
24 Nahor cun kum 29 a ti tikah, Terah a hring. 25 Terah a hrin hnuah, Nahor cu kum 119 a nung ih, fanupawl le fapapawl a hring.
26 Terah cun kum 70 a ti tikah, Abram
Terah Tesinfapawl
27 Hipawl hi Terah-ih cithlah sâwng cu an si: Terah in Abram, Nahor le Haran a hring. Haran in Lot a hring. 28 Cule Haran cu a suahkehnak ram Kaldia-mipawlih khua Ur ah a pa Terah hlanah a thi. 29 Cun Abram le Nahor in nupi an ṭhi. Abram-ih nupi hmin cu Sarai a si ih, Nahor-ih nupi hmin cu Milkah le Iskah teih pa Haran-ih fanu Milkah a si. 30 Asinan Sarai cu a cing, fa a nei lo.
31 Cule Terah in a fapa Abram le Haran-ih fapa, a tupa Lot le a fapa Abram-ih nupi, a mo Sarai tla a hruai hai ih, Kaldia-mipawlih khua Ur ihsin Kanaan ram feh dingin an păwksuaktlang, cule Haran khua an thleng ih cu tawkah an cêng. 32 Cutin Terah-ih nun zat cu kum 205 a si ih, Terah cu Haran khua ah a thi.
Abram Kawhnak
1 Atu-ah Jehovah in Abram hnenah,
“Na ram ihsin,
Na sungkhat hnen ihsin
Le na paih inn ihsin,
Ka lo hmuh ding mi ram ah fehsuak aw.
2 Miphun tumpi ah ka lo tuah ding,
Mal ka lo sawm ding ih,
Na hmin ka ropiter ding,
Cule nangmah cu malsawmnak thlentu na si ding.
3 Mal a lo sawmtupawl cu mal ka sawm ding,
A lo camsiattu cu ka camsiat ding.
Cule leilung tlunih hrin zaten nangmah thawngin thlawsuah an si ding,”
tiah a rak ti.
4 Cutin Abram cu a hnenih Jehovah ih a rak sim vekin a păwksuak ih, a zawngah Lot a feh ve. Cule Haran khua ihsi a pawh tikah Abram cu kum 75 a si.
5 Cun Abram in a nupi Sarai le a nau fapa Lot le an rak khawl mi an neih mi zate le Haran ih an ngah mi milaipawl cu a hruai hai ih, Kanaan ram ih feh dingin an păwksuak. Cutin Kanaan ram an thleng.
6 Cuih ram paltlăngin Abram cu Shekem hmun lamah a fehlan vivo ih, Moreh ih elon thingkung
7 Cun Abram hnenah Jehovah a lang ih, “Na cithlah hnenah hi ram hi ka pe ding,” tiah a ti. Cule cu tawkah Abram in a hnenih rung lang Jehovah hrangah biakṭheng
Izip ah Abram
10 Cun cuih ram ah cun mangṭam a thleng. Cuih ram ah mangṭam cu a natsat tuk ruangah Abram cu Izip ih cêng dingin cu tawkah a vung feh. 11 Cule hitin a si, Izip luh a naih tikah, a nupi Sarai hnenah, “Ngai hnik, nangmah cu nunau hmelṭha na si ti ka lo thei. 12 Curuangah Izip-mipawl in an lo hmuh tikah hitin a si ding, ‘Hi nu hi a nupi a si,’ an ti ding; cule kei in that ding, asinan nang cu an lo zuah ding. 13 Nangmai zarih ka himdam thei nak dingah le nangmah ruangih ka nun thei nak dingah, ‘Kei cu a farnu ka si,’ tiah zangfahten ti hram aw,” tiah a ti.
14 Cule cuti cun a rak si, Abram cu Izip a thlen tikah, Izip-mipawl in nunaunu cu hmelṭha zetin an hmu.
15 Faro-ih
17 Asinan Jehovah in Faro le a sungzapawl cu Abram-ih nupi Sarai ruangah a nasa zet mi nathri in a hrem. 18 Cule Faro in Abram a ko ih, “Ka parih na rak tuah mi cu ziang a si? Ziangah so amah cu na nupi a si ti i rak sim lo? 19 Ziangah so, ‘Anih cu ka farnu a si,’ tiah na ti? Amah cu ka nupi ah ka rak la leuleu a si si. Curuangah ngai hnik, na nupi hi hruai awla, feh aw,” tiah a ti. 20 Cutin Abram thuhla ah Faro in a milaipawl thu a pe hai ih, a nupi le a neih mi zate thawn an fehsuakter.
Abram in Kanaan a Luah
1 Cuihsin Abram cu amah le a nupi le a neih mi zate le a hnenih Lot thawn Izip ihsin Negev
5 Abram zawngih feh Lot khal in rante rualpawl, ranpi rualpawl le puanthlampawl tla a nei ve. 6 Cun hmunkhat ih cêngtlang dingin leiram in a daih cawk lo, ziangahtile an neih mi a tam tuk ih, hmunkhat ah khua an satlang thei lo. 7 Cule Abram-ih sumhnám khāltupawl le Lot-ih sumhnám khāltupawl karlakah tawhawknak a suak. Cu laiah cuih ram ah Kanaan-mipawl le Periz-mipawl an cêng.
8 Cule Abram in Lot hnenah, “Unau kan si ruangah, nang le kei karlakah siseh, na rannung khāltupawl le ka rannung khāltupawl karlakah siseh, tawhawknak um hram hlah seh. 9 Na hmaiah ram pumpi cu a um a si lo maw? Zangfahten ka hnen ihsin thiarfihlimaw mai aw. Keh lamih na feh asile kei vawrh lamah ka feh ding; vawrh lamih na feh asile kei keh lamah ka feh ding,” tiah a ti.
10 Cule Lot cu khua a cuan ih, Jordan phairawn zate cu hmun kip ah tidai ṭhateih ngah mi Jehovah hmuan vekin le Zoar lam na feh tikih Izip ram vekin a hmu (cucu Jehovah in Sodom le Gomorrah a tisiat hlan a si). 11 Cun Lot in Jordan phairawn zate cu amai hrangah a hril ih, nisuahnak lamah Lot a feh. Cutin pakhat le pakhat an ṭhenaw ta. 12 Abram cu Kanaan ram ah a cêng, cule Lot cu phairawn khuapawl ah a cêng ih, Sodom khua tiangin a puanthlam a zar vivo. 13 Asinan Sodom-mipawl cu Jehovah dokalhin nasa zetih ṭha lo le sual zetin an um.
14 Cule a hnen ihsin Lot a thiarfihlimawk hnuah, Jehovah in Abram hnenah, “Na umhmun ihsin atu-ah khuacuan awla, sak lam, thlang lam, nisuahnak lam le nitlaknak lam zoh hnik. 15 Ziangahtile na hmuh mi ram pumpi hi nangmah le na cithlahpawl hnenah ka lo pe kumkhua a si. 16 Cule na cithlahpawl cu leilung leivut zat ah ka tuah ding; cutin mi in leilung leivut a siar cawk asile, na cithlahpawl khal siar cawk an si ve ding. 17 Tho awla, ram a sau lam le a kauh lam fángsuak hnik, ziangahtile cumi cu na hnenah ka lo pe ding a si,” tiah a ti.
18 Cun Abram cu a puanthlam a ṭhawn ih, Hebron ih Mamre hmun ih elon thingkungpawl
Sál ih Lot Hruainak le Runsuahnak
1 Shinar siangpahrang Amrafel, Ellasar siangpahrang Ariok, Elam siangpahrang Kedorlaomer le miphunpawl siangpahrang Tidal san ah hitin a si, 2 Sodom siangpahrang Bera, Gomorrah siangpahrang Birsha, Admah siangpahrang Shinab, Zeboiim siangpahrang Shemeber le Zoar ti khalih kawh mi Bela ram siangpahrang tla thawn ral an doaw. 3 Hipawl hmuahhmuah cu Cite Tipi, Siddim phaikuam ah an zăwmkhawmaw. 4 Kum hleihnih sung Kedorlaomer an rian ih, a kum hleithumnak ah an hél.
5 Kum hleilitnak ah Kedorlaomer le amah hnenih um siangpahrangpawl an ra ih, Refaim-mipawl
14:5a Shaveh Kiriathaim: Hebru ṭawng a si ih, “Kiriathaim phairawn” tinak a si.
8 Cule Sodom siangpahrang, Gomorrah siangpahrang, Admah siangpahrang, Zeboiim siangpahrang le Zoar ti khalih kawh mi Bela ram siangpahrang pawl cu an ra suak ih, Siddim phaikuam ih ral donak ah an zăwmkhawmaw,
9 cule Elam siangpahrang Kedorlaomer, miphunpawlih siangpahrang Tidal, Shinar siangpahrang Amrafel le Ellasar siangpahrang Ariok pawl cu an do. Siangpahrang pali in panga an do.
10 Siddim phaikuam cu katṭaya khur in a khat. Cule Sodom le Gomorrah siangpahrangpawl an tlânsuak, mi hrekkhat cuih khur ah an tla ih, a tangsŭn
13 Cun a tlânsuak mi pakhat in Hebru-mi Abram cu thuhla a ra sim, ziangahtile anih cu Eshkol le Aner teih unaupa, Amor-mi Mamre ih elon thingkungpawl
17 Cule Abram cu siangpahrang Kedorlaomer le a hnenih um siangpahrangpawl a neh ih a tlunkirsal hnuah, Siangpahrang Phaikuam ti mi Shaveh phaikuam ah Sodom siangpahrang cu amah táwng dingin a fehsuak.
Abram le Melkizedek
18 Cun Salem
“Leilung le van neitu,
Cungnung Bik Pathian in Abram malsawm seh.
20 Cule na kut sungih na doralpawl a rak lo petu,
Cungnung Bik Pathian cu thangṭhatin um seh,”
tiah a ti.
Cule Abram in a neih mi zate ih ṭhen hra ṭhen khat cu amah a pek.
21 Cun Sodom siangpahrang in Abram hnenah, “Milaipawl i pe awla, nangmai hrangah thilripawl la aw,” tiah a ti.
22–24 Asinan Abram in Sodom siangpahrang hnenah, “Pat phang ihsin kedam hri tiang, na ta a si mi pauhpauh cu ziangkhal ka la lo ding, cuti a si lo ahcun, ‘Lian ko Abram ka tuah,’ tiah na ti pang ding. Minopawl ih rak ei zo mi le ka fehpi mipawlih covo siarlo zianghman ka la lo ding, ka fehpi mi Aner, Eshkol le Mamre tepawl lawngin anmai covo la hai seh tiin leilung le van neitu Jehovah, Cungnung Bik Pathian hnenah ka kut ka thlir zo,” tiah a ti.
Abram thawn Thukham
1 Hih thilpawl hnuah, “Abram, ṭih hlah, keimah cu na ralphaw le a nasa zet mi na lawmman ropi ka si,” tiin Jehovah-ih kamsuakthu cu larawknak in Abram hnenah a rung thleng.
2 Asinan Abram in, “Maw Bawipa Jehovah, fa nei loih ka um le ka inn ih ro cotu cu Damaskas-mi Eliezer a si ti na hmu si khawh, nang in ziang i pe ding?” tiah a ti. 3 Cun Abram in, “Zoh hman, nang in cithlah i pe si lo, ngai hnik, ka inn sungih suak mi pakhat cu ka ro cotu a si,” tiah a ti.
4 Cule ngai hnik, “Na ro cotu cu hi pa a si lo ding, na sung ihsi suak ding mi pa cu na ro cotu a si ding,” tiin Jehovah-ih kamsuakthu a hnenah a thleng. 5 Cun Jehovah in Abram cu lengah a hruai ih, “Atu-ah van lam zoh awla, arsipawl khi na siar cawk asile siar hnik,” tiah a ti. Cule Jehovah in a hnenah, “Na cithlahpawl cu khi zat khi an si ding,” tiah a ti.
6 Cule Abram in Jehovah a zum ih, cumi cu a hrangih dingfelnak ah a siarsak.
7 Cun Jehovah in a hnenah, “Keimah cu hi ram hi ro ih co dingah na hnenih lo pe dingin Kaldia-mipawlih Ur khua ihsi a lo hruaisuaktu Jehovah ka si,” tiah a ti.
8 Cule anih in, “Maw Bawipa Jehovah, cuih ram cu ro ah ka co ding a si ti ziangtin ka thei ding?” tiah a ti.
9 Cun anih in a hnenah, “Kum thum kim caw la, kum thum kim me nu, kum thum kim tuu cang, thuro le laileng note ka hnenah rak keng aw,” tiah a ti. 10 Cun cupawl hmuahhmuah cu a hnenah a hei keng ih, an laifangin phel hnih ah a phel vivo, cule a phel khat lam cu khat lam phel zawn ciar ah a ret vivo, asinan vatepawl cu hmun hnih ah a phel lo. 11 Cule cuih saruangpawl parah sahring ei vatepawl an fut tikah, Abram in a rak dawi hai.
12 Ni a tlak zawngah thithlepin Abram cu a itthat ih, ngai hnik, tuksumza le a nasa zet mi thim a parah a thleng. 13 Cun Pathian in Abram hnenah, “Na cithlahpawl cu anmai ram a si lo mi ah mikhual ah an cang ding ih, a rammipawl an rian ding, cule annih in kum 400 sung an palbĕt ding ti fiangten thei cia aw. 14 Cule an rĕn mi miphun cu thu ka ṭhen ding, cuih hnuah neih mi tam zet thawn an suak leh ding. 15 Nang lawngte cu na pupápawl hnenah hnangamten na feh ding, tar kûnih phum na si ding. 16 Asinan san litnak ah hi tawkah an ra kirsal ding, ziangahtile Amor-mipawlih mawhsualnak cu a kim hrih deuh lo,” tiah a ti.
17 Cule hitin a si, ni a tlak ih khua a thim thlang tikah, ngai hnik, meipi khu le meifar alh cu cuih saphelpawl lakin a fehtlăng.
18 Cuih ni thothoah, “Hih ram, Izip tiva ihsin tiva tumpi Zufraṭis tiva tiang le
19 Keni-mipawl, Kenaz-mipawl, Kadmoni-mipawl,
20 Heth-mipawl, Periz-mipawl, Refaim-mipawl
Hakar le Ishmael
1 Abram-ih nupi Sarai cun Abram fa a hrinsak lo. Cun Sarai in a hmin Hakar ti mi Izip-mi siahhlawh nunau pakhat a nei. 2 Cutin Sarai in Abram hnenah, “Atu-ah zoh hnik, Jehovah in fa nei loin i tuah. Amai hnen talin fa ka ngah pangah zangfahten ka siahhlawh nu hi ihpi aw,” tiah a ti. Cule Abram in Sarai-ih thu cu a lung. 3 Cun Kanaan ram ih Abram kum hra a cēn hnuah, Abram-ih nupi Sarai in Izip-mi a siahhlawh nu Hakar cu a hruai ih, a pasal Abram hnenah a nupi dingah a pek. 4 Cutin Abram in Hakar cu a ihpi ih, Hakar cu fa a vun. Cule Hakar in fa ka vun ti a hmuhawk tikah a mit ah a bawinu cu hmuh thăm lo ah a cang.
5 Cun Sarai in Abram hnenah, “Ka thil ti sual mi na parah tlu seh! Na pawm dingah ka siahhlawh nu ka rak lo pe ih, fa a vun ti a hmuhawk tikah keimah cu a mit ah hmuh thăm lo ah ka cang. Jehovah in nangmah le keimah karlakah thuṭhen seh,” tiah a ti.
6 Cu tikah Abram in Sarai hnenah, “Ngai hnik, na siahhlawh nu cu na kut sungih um simaw a si, a parah na duh duhin tuah aw,” tiah a ti. Cule Sarai cun rethei zetin a tuahsiat ih, a hnenum nu cu a hnen ihsin a tlân.
7 Jehovah-ih vancungmi
Anih in, “Ka bawinu Sarai hnen ihsin ka tlân a si,” tiah a ti.
9 Jehovah-ih vancungmi cun a hnenah, “Na bawinu hnenah kir awla, a kut hnuaiah tlulut aw,” tiah a ti. 10 Cun Jehovah-ih vancungmi cun a hnenah, “Nasa zetin na cithlahpawl ka karhzaiter ding, cutin an tam lam siar cawk lo an si ding,” tiah a ti. 11 Cule Jehovah-ih vancungmi in a hnenah,
“Ngai hnik, nangmah cu fa na vun ih,
Fapa na hring ding.
Na zăwnzaihzia Jehovah in a theih ruangah,
A hmin ah aIshmael na sak pei.
12 Anih cu mikawlhsen a si ding,
A kut in mi kip a do ding ih,
Mi kip kut khal in amah cu an do ding.
Cule a unaupawl zate ih hmaika ah a cêng ding,”
16:11a Ishmael: “Pathian in a ngaithla” tinak a si.
tiah a ti.
13 Cuihsin amah betu Jehovah hmin cu, “Nangmah cu Hmutu Pathian na si,” tiah Hakar in a ko, ziangahtile anih cun, “Hi tawkah keimah i hmutu cu ka rak hmu ve zo a si lo maw?” tiah a ti. 14 Curuangah cuih tikhur cu aBeer Lahai Roi tiih kawh a si, ngai hnik, cumi cu Kadesh le Bered karlakah a um.
16:14a Beer Lahai Roi: “A nung mi le i hmutuih tikhur” tinak a si.
15 Cuihsin Hakar in Abram cu fapa a hrinsak ih, Hakar ih hrin mi fapa cu Abram in Ishmael tiah hmin a sak.
16 Hakar in Abram
Abram cu Abraham ah a Cang
1 Abram kum 99 a ti tikah, Abram hnenah Jehovah a lang ih, a hnenah, “Keimah cu Ziangkimtithei Pathian ka si, ka hmaiah feh awla, sawihnăwm kai lo si aw.
2 Cule nangmah le keimah karlakah thukham
3 Cule Abram
9 Cule Pathian in Abraham hnenah, “Nang cun ka thukham na thlun pei, nangmah le na lehhnuih na cithlahpawl anmai san minungpawl tiangin.
10 Himi cu keimah le nangmah le na lehhnuih na cithlahpawl karlakih nan thlun ding mi ka thukham a si. Nan lakih mipa fa pauhpauh cu serh zim tan
Sarai cu Sarah ah a Cang
15 Cun Pathian in Abraham hnenah, “Na nupi aSarai cu, a hmin Sarai tin na ko nawn lo pei, a hmin cu Sarah ti a si sawn thlang ding. 16 Cule amah cu mal ka sawm ding, nang khal amah hmangin fapa ka lo pe ding ih, amah mal ka sawm ding, cule anih cu miphunpawlih nu a si ding. Minungpawlih siangpahrangpawl cu amai sung ihsin an si ding,” tiah a ti.
17:15a Sarai/Sarah: “Sarai” le “Sarah” ti mi hin “nunau ropi” ti sullam an nei veve. Hmin thlĕng a sinak hin Pathian in a nunnak ah hna thar a ṭuan ding ti a hmuhsak tla a si thei.
17 Cun Abraham cu a băwkkhup ih a hni, cule a thinlung sungten, “Pacang kum 100 kim hnuah teh fa neih theih a si pei maw? Kum 90 kim Sarah in teh fa a hring ding maw?” tiah a ti. 18 Cule Abraham in Pathian hnenah, “Na hmaiah Ishmael nung hram sehla maw!” tiah a ti.
19 Cule Pathian in, “Si hlah, na nupi Sarah in fapa a lo hrinsak ding ih, a hmin ah Isak
23 Cule Abraham in a fapa Ishmael a hruai ih, amai inn ih suak mi zate le a paisa ih lei mi zate, Abraham inn ih um mi mipa pauhpauh cu Pathian in a hnenih a rak sim vekin cuih ni roriah an serh vun zim titsa a tansak hai.
24 Abraham cu a serh vun zim titsa serh zim tan
Isak Suah ding Tiamkamnak
1 Sun ni ling lai, puanthlam luhnak ih Abraham a to laiah, Mamre hmun ih elon thingkungpawl
Annih in, “Na sim vek cun tuah ko,” tiah an ti.
6 Cule Abraham cu puanthlam sungah hmanhmawh zetin Sarah hnenah a lut ih, “Zamrang zetin, sangvut phut pung khat le a hrek la aw, cucu nāwng awla, sang per pawl ah tuah aw,” tiah a ti. 7 Cule Abraham cu ranpi rual lakah a va tlân ih, caw no le ṭha pakhat a va hruai, cule tlangvalpa hnenah a pek ih, anih in a timlam nawt ciamco. 8 Cun thawphāt, hnawi ti le a rak timlam mi caw no sa cu a lâk ih, an hmaiah a hun hai, cule an ei laiah thingkung thuai an kiangah a ding.
9 Cun annih in a hnenah, “Na nupi Sarah khui tawkah a um?” tiah an sut.
Anih in, “Hi tawk puanthlam sungah,” tiah a ti.
10 Cule Jehovah in, “Hmai kum tu vek tikcu ah na hnenah ka ra kirsal tengteng ding ih, ngai hnik, na nupi Sarah in fapa a nei ding,” tiah a ti. Abraham dung lamih puanthlam luhnak ihsin Sarah in a rak ngai ringring. 11 Atu-ah cun Abraham le Sarah cu an upa thlang, an tar thlang, Sarah cu a fahrin kum a luan zo. 12 Curuangah Sarah cu, “Ka tar hnuah, năwmnak teh ka nei ngai ding maw, ka bawipa le a tar zo fawn?” tiin, a thinlung sungten a hni.
13 Cule Jehovah in Abraham hnenah, “Ziangah so, ‘Ka tar hnuah fa ka vun ngai pei maw?’ tiin Sarah a hnih? 14 Jehovah hrangah a har tuk ti mi thil a um maw si? Hmai kum tu vek tikcu ah na hnenah ka rasal ding, cule Sarah in fapa a nei ding,” tiah a ti.
15 Asinan cucu Sarah in, “Ka hni lo,” tiin a pheh, ziangahtile a ṭih a si.
Cule Jehovah in, “Lamlam, na hni ko,” tiah a ti.
Sodom hrang Abraham Ngĕnsaknak
16 Cun cu tawk ihsin annih cu an tho ih, Sodom lam cu an vun cuan; cule Abraham khal anmah thlah dingah an zawngah lamzin ah a feh. 17 Cule Jehovah in, “Ka tuah ding mi thil hi Abraham hnenah ka thup ding maw, 18 Abraham cu miphun cak zet le tumpi ah a cang tengteng ding ih, leilung tlunih miphun zaten amah thawngin thlawsuah an si ding si khawh? 19 Ziangahtile a falepawl le amah hnuih a sungkuapawl thupe thei dingin, Jehovah lamzin an thlun ih, dingfelnak le diknak tuah dingin, Abraham hnenih Jehovah in a rak ṭawng zo mi thlengkimter dingin, Abraham cu ka rak thei zo,” tiah a ti. 20 Cule Jehovah in, “Sodom le Gomorrah dokalhih auaw a natsat tuk ruangah le an sual a rauh tuk ruangah, 21 ka hnenih thleng mi anmah dokalhih auaw bangtukin an rak tuahkhawm taktak maw ti zoh dingin, atu-ah ka vung suk ding, cule a si ngai le si ngai lo ka thei ko ding,” tiah a ti.
22 Cun cu tawk ihsin annih cu an her ih, Sodom lam panin an feh, asinan Abraham cu Jehovah hmaiah a dīng thotho lai. 23 Cule Abraham in a rak naih ih, “Misualrál zawngah midingfel khal na hloraltercih ding maw? 24 Cuih khaw sungah midingfel 50 um bang hai sehla, cuih khawpi sungih midingfel 50 zarah cuih hmun cu zuah cuang loin na hloralter thotho ding maw? 25 Cuti lam zawngih, midingfelpawl cu misualrálpawl zawngih thah men cu na hnen ihsin hla hram seh. Midingfelpawl kha misualpawl bangtukin na ti ah a cang ding. Cu vek thil cu na hnen ihsin hla hram seh! Leilung hmuahhmuah Thuṭhentu cun dik zetin a ti lo ding maw?” tiah a ti.
26 Cule Jehovah in, “Sodom khawpi sungah midingfel 50 ka hmuh asile anmai zarah cuih hmun zaten ka zuah ding,” tiah a ti.
27 Cu tikah Abraham in a sawn ih, “Ngai hnik, atu-ah kei leivut le vutcâm men hin, Bawipa hnenah keimah ten ṭawng dingin ṭuanvo ka rak la a si hi! 28 Midingfel 50 si loin, 45 lawng um bang hai sehla teh, midingfel panga a sam hrih ruangah khawpi zaten na tisiat thotho pei maw?” tiah a ti.
Cule anih in, “Midingfel 45 ka hmuh asile ka tisiat lo ding,” tiah a ti.
29 Cule anih in a hnenah a ṭawngsal lala ih, “Cu tawkah 40 hmuh si bang hai sehla teh?” tiah a ti.
Cu tikah anih in, “Midingfel 40 zarah ka tisiat lo ding,” tiah a ti.
30 Cun anih in, “Bawipa a thinheng hram hlah seh, ka sim hrih ding, cu tawkah 30 hmuh si ta bang sehla teh?” tiah a ti. Cule anih in, “Cu tawkah 30 ka hmuh asile ka tisiat lo ding,” tiah a ti.
31 Cule Abraham in, “Ngai hnik, atu-ah Bawipa hnenah keimah ten ṭawng dingin ṭuanvo ka rak lâk a si hi, cu tawkah 20 hmuh si ta bang sehla teh?” tiah a ti.
Cu tikah anih in, “20 zarah ka tisiat lo ding,” tiah a ti.
32 Cun Abraham in, “Bawipa a thinheng hram hlah seh, vei khatten ṭawng hrih ko ning, cu tawkah pahra hmuh si ta bang sehla teh?” tiah a ti.
Cule anih in, “Pahra zarah ka tisiat lo ding,” tiah a ti. 33 Cuti cun Jehovah cu Abraham thawn an biakawk ṭheh veten a feh, cule Abraham khal amai hmun ah a tlungkir.
Sodom le Gomorrah Siatralnak
1 Sodom kulh kăwtka ih Lot a to lai, sîm lamah Sodom ah vancungmi
Cule annih in, “Pial hlah, khawlak mual ah kan riak sawn ding,” tiah an ti.
3 Asinan nasa tukin a ngen hai ih, a hnenah cun an pial ih, a inn ah an lut. Cun an hrangah puai a tuahsak hai, thilnu telh lo sang a kănsak hai ih, an ei.
4 An ih hlanah cuih khawpi mipapawl, Sodom mipapawl, upa le mino ti loin veng kip ih mipi zaten inn an ra kulh. 5 Cule Lot an ko ih a hnenah, “Tuihzan na hnenih ra thleng pacangpawl kha khui tawkah an um? Kan ihpi dingah lengah kan hnenah rak suah hai hnik,” tiah an ti.
6 Cule Lot cu sângka lamzin in an hnenah a va suak ih, a dungah sângka a khar ta. 7 Cule, “Ka u le ka nau tla, zangfahten thil ṭha lo cu tuah hlah uh! 8 Atu-ah zoh hnik uh, mipa thei hrih lo fanu pahnih ka nei, cute pahnih cu zangfahten nan hnenah ka rak hruai ding ih, nanmai duhdān dānin an parah nan tuah thei, asinan hi pacangpawl parah cun zianghman tuah hlah uh, ka luangpi hnuaiih an luhnak săn cu himi ruangah hin a si,” tiah a ti hai.
9 Cule annih in, “Rak kiang aw,” tiah an ti. Cun annih in, “Hi pa hi hi tawkih cêng dingin a ra ih, thuṭhentu vekin a um sapbai, nangmah cu anmah hnakih siava sawnin kan lo tuah ding,” tiah an ti. Pacang Lot cu an tûl ciamco ih, sângka bauh dingin an ra naih. 10 Cu tikah cuih pacangpawl in an kut an hei suah, cule Lot cu anmai hnen inn sungah an dirlut ih, sângka an khar. 11 Cule sângka zin ih um mipapawl cu a tûm a te in an mitcaw ko pacangpawl cun an tuah ih, cutin sângka táwngngah dingin an dap duado.
12 Cun pacangpawl cun Lot hnenah, “Hi tawkah mi dang teh na nei lai maw? Mâkpa, na fapapawl, na fanupawl le khawpi sungih na neih mi pauhpauh cu hi hmun ihsin hruaisuak thluh hai aw. 13 Ziangahtile hi hmun hi kan tisiat ding, anmah dokalhih auaw cu Jehovah hnenih a than natsat tuk zo ruangah hi hmun tisiat dingah Jehovah in in rak thlah a si,” tiah an ti.
14 Cule Lot cu a va suak ih, a fanule rak ṭhitu a mâkpapawl hnenah, “Tho uh, hi tawk hmun ihsin suak uh, ziangahtile Jehovah in hi khawpi hi a tisiat ding,” tiah a sim hai. Asinan a mâkpapawl hrangah cun capoh men a bang.
15 Khua a van tikah, vancungmipawl in, “Tho awla, hi tawkih um na nupi le na fanu pahnih hruai aw, culole hi khawpi dāntatnak ah na hloraltercih ve pang ding,” tiin hmanhmawh dingin Lot an ngen. 16 Cule muangcâng takih a um laiah, Jehovah in amah cu zangfah in, pacangpawl cun amai kut, a nupi kut le a fanu pahnih pawlih kut in an dir ih, Lot cu lengah an hruaisuak, cule khawpi lengah an ret. 17 Cule hitin a si, lengih an hruaisuahngah hai tikah, vancungmi pakhat cun, “Na nunnak hrangah tlânsuak aw! Na dung lam hawikir hlah, phairawn khui khalah va cambâng fawn hlah. Tlang tluan pawl ah tlânsuak aw, culole na hloral pang ding,” tiah a ti.
18 Cun Lot in an hnenah, “Ka bawiletla, cutin si hram hlah seh! 19 Ngai hnik, atu-ah na siahhlawh hin na mithmuh ah duhsaknak a co zo ih, ka nun na humhimnak in ka hnenih na rak lăngter mi na zahngainak cu na rak ṭhangter zo. Asinan tlang tluan pawl ah cun ka tlânsuak thei lo ding, cuti a si lo ahcun thil ṭha lo ziang in simaw i manngah ding ih, ka thi pang ding. 20 Atu-ah zoh hnik, hi khua cu va tlannak dingah a nai, cule tet le a te fawn si, zangfahten cu tawkah va tlânsuak ko ning, khaw fate zet a si ko lo maw? Cule ka lu a nung ding,” tiah a ti.
21 Cule anih in a hnenah, “Zoh hnik, himi thu khalah ka lo duhsak a si, na sim mi khua cu ka tisiat lo ding. 22 Hmanhmawh aw, cu tawkah tlânsuak aw. Ziangahtile cu tawk na thlen hlanlo ziang thil hman ka tuah thei lo,” tiah a ti. Curuangah cuih khaw hmin cu Zoar tiih kawh a si.
Lot-ih Nupi in Dung lam a Hawi
23 Zoar ih Lot a luh tikah leilung parah ni a rak suak zo. 24 Cun Jehovah in Sodom le Gomorrah parah kât le meisa cu van ihsin Jehovah hnenin a surter. 25 Cutin Jehovah in cuih khawpipawl, phairawn zate, khawpi sung um mi zate le lei parih a keuh mipawl cu a tisiat thluh.
26 Asinan a nupi cu Lot dung ihsin dung lam a rak zohkir, cule ci ṭhuam ah a cang.
27 Cule Abraham cu zingpit teah Jehovah hmaiih a rak dīn dah nak hmun ah a feh. 28 Cun anih cun Sodom le Gomorrah le phairawn ram pumpi lam a vun cuan, cule ngai hnik, cuih ram meikhu cu meipi khu vekin tlun lamih kaiso a hmu. 29 Cule hitin a si, Pathian in phairawn khawpipawl a ṭhiatbăl tikah, Pathian in Abraham a máng ih, Lot cēnnak khawpipawl a tisiat tikah, cuih tisiat mi khaw sung ihsin Lot a suah.
Lot Tesinfapawl
30 Zoar ihsin Lot cu a so ih, Zoar ih um a ṭih ruangah a fanu pahnih thawn tlang ram ah a cêng. Cule amah le a fanu pahnih cu pûk sungah an cêng. 31 Cule fanu upasawn in a nautasawn hnenah, “Kan pa a tar thlang, cule leilung hmuahhmuah nunphung vekin kan hnenih ra lut ding mipa zohman leilung tlunah an um lo. 32 Ra awla, kan pa hi sabit zu kan inter pei, cule kan ihpi ding ih, cutin kan paih ci kan kilhim thei ding,” tiah a ti. 33 Cutin cuih zan ah an pa cu sabit zu an inter. Cule fanu upasawn cu a lut ih a pa hnenah a it, cule a pa in ziang tikah a fanu a it ih, ziang tikah a tho ti a thei lo.
34 A thaisun ah hitin a si, fanu upasawn in a nautasawn hnenah, “Ngai hnik, mizan ah ka pa hnenah ka it, tuihzan khal sabit zu kan inter lala pei ih, kan paih ci kan kilhim thei nak dingah nang lut awla, a hnenah it aw,” tiah a ti. 35 Cun cuih zan khalah an pa cu sabit zu an inter. Cule a nautadeuh cu a tho ih, a pa hnenah a it, cule a pa in ziang tikah a fanu a it ih, ziang tikah a tho ti a thei lo.
36 Cuti cun Lot fanu pahnih in an paih fa an vun veve.
37 Fanu upasawn in fapa a hring ih, a hmin ah Moab
19:38a Ben-Ammi: “Ka miphun fapa” tinak a si.
Abraham in Abimelek a Bum
1 Abraham cu cuih hmun ihsin Negev
3 Asinan Pathian cu Abimelek hnenah zan ah a mang ah a ra ih, a hnenah, “Ngai hnik, nang cu na lâk mi nunau ruangah mithi na si, ziangahtile anih cu pasal nei a si,” tiah a ti.
4 Asinan Abimelek in cu nu cu a rak naih man lo, cule anih in, “Bawipa, a dingfel mi miphun teh na that pei maw? 5 Amah in teh ka hnenah, ‘Ka farnu a si,’ a ti, a nunau khal in, ‘Ka ṭapa,’ a ti a si lo maw? Thinlung tluangte le kut thiangteih ka tuah mi a si,” tiah a ti.
6 Cule Pathian in mang in a hnenah, “A si, himi hi thinlung tluangten na tuah ti ka thei. Curuangah a si kei khal in keimah dokalhih sual lo dingin ka lo kaitâng, curuangah cu nu dai lo ko ka lo tuah.
7 Curuangah atu-ah hi paih nupi pekir aw, ziangahtile amah cu profet
8 Cule Abimelek cu zingpit teah a tho ih, a siahhlawhpawl zaten a ko hai, cule cuih thil hmuahhmuah cu an hnatheih ah a sim. Cule mipapawl cun an ṭih tuk lawmmam. 9 Cule Abimelek in Abraham a ko ih a hnenah, “Kan hnenah ziang na ra tuah? Na parah ziang mawh ka tuah ruangah so hi tluk sual tumpi ka par le ka lalram parih na thlen? Ka parah thil ti ding awm lo tla na rak tuah,” tiah a ti. 10 Cun Abimelek in Abraham hnenah, “Ziang tumtahnak na nei ih, hivek thil na tuah?” tiin a sut.
11 Cule Abraham in, “Hi hmun ah hin Pathian ṭihzahnak a um hrimhrim lo ding ih, ka nupi ruangah in that pang ding ti ka ruah ruangah a si. 12 Cuihtlunah amah cu ka farnu ngai khal a si taktak. Anih cu ka paih fanu a si, asinan ka nuih fanu cu a si lo, cule ka nupi ah a cang. 13 Cule hitin a si, Pathian in ka paih inn ihsin i vahvaihter tikah khan ka nupi hnenah, ‘Himi hi ka parih na ngilneihnak na lăngterdan ding si seh, kan fehnak hmun kip ah, “Anih cu ka ṭapa a si,” tiah i ti aw,’ tiah ka tiam ta,” tiah a ti.
14 Cun Abimelek in rante rualpawl le ranpi rualpawl, siahhlawh nunaupawl le siahhlawh mipapawl a hruai ih, Abraham hnenah a pek, cule a nupi Sarah khal a pekir. 15 Cule Abimelek in, “Zoh hnik, ka ram cu na hmaiah a um, na duhduhnak ah um aw,” tiah a ti. 16 Cun Sarah hnenah anih in, “Ngai hnik, ngun paisa 1000 na ṭapa ka pe zo, ngai hnik, cucu na umpi mi zate hmai le mi kip hmaiah khuhnak a si. Mawhnak nei loih nĕmhngeh na si,” tiah a ti.
17 Cutin Abraham in Pathian hnenah thla a cam ih, Pathian in Abimelek, a nupi le a siahhlawh nunaupawl cu a damter. Cule faletla an hring. 18 Ziangahtile Abraham-ih nupi Sarah ruangah Abimelek sungza sūl zaten Jehovah in a rak phihsak ṭheh a si.
Isak a Suak
1 Jehovah in a rak sim cia vekin Sarah a vehvai ih, a rak rel cia vekin Jehovah in Sarah hrangah a tuah. 2 Pathian in a hnenih a rel mi cān khiah ah, Sarah in fa a vun ih, Abraham a tar hnu lamah fapa a hrinsak. 3 Cule Sarah in Abraham a hrinsak mi, amah a hrinsak mi a fapa cu Abraham in Isak tiah hmin a sak. 4 Cun Pathian in thu a rak pek bangin, ni riat a ti tikah Abraham in a fapa Isak-ih serh zim a tán. 5 A fapa Isak a hnenih hrinsak a si tikah, Abraham cu kum 100 a si. 6 Cule Sarah in, “Pathian in hni dingin i tuah thlang, hna ih i theitu zaten in hnihpi ding,” tiah a ti. 7 Amah thotho in, “Sarah in naute hnawi ti a fawh leh lai ding ti cu zo in Abraham sim ngaihnak a thei ding? Ziangahtile a tar lamah fapa ka hrinsak,” tiah a ti.
Hakar le Ishmael Dawisuahnak
8 Cule naute cu a ṭhang ih hnawi an thlei. Cule Isak hnawi an thlei ni ah Abraham in puai ropi a tuah.
9 Cun Izip nunau Hakar in Abraham a hrinsak mi fapa in Isak a hmuhsuam lai Sarah in a hmu. 10 Curuangah cu nu in Abraham hnenah, “Hi sál nu le a fapa hi dawisuak aw, ziangahtile hi sál nuih fapa cu ka fapa Isak ro copitu ding a si lo,” tiah a ti. 11 Cule a fapa ruangah cuih thil cu Abraham mithmuh ah thil ṭha lo ngaingai a si.
12 Asinan Pathian in Abraham hnenah, “Mipa nauhak ruangah le siahhlawh nu ruangah na mithmuh ah cumi cu thil ṭha lo si hlah seh. Sarah in na hnenih a sim mi pauhpauh cu, a thu lung ko aw. Ziangahtile Isak ah na cithlah tiih kawh a si ding. 13 Siahhlawh nuih fapa khal na cithlah a si ruangah miphun pakhat ah ka tuah thotho ding,” tiah a ti.
14 Cule Abraham cu zingpit teah a tho ih, rawl le savun thâwl pakhat a keng, cule cucu Hakar-ih liang parah a ret, cucu a pe ih, nauhak cu Hakar a pek, cule Hakar cu a fehter. Cun Hakar cu a păwksuak ih, Beersheba Ramṭhing ah a vâkvai. 15 Cule savun thâwl sungih tidai a cem tikah, nauhak cu hram bur pakhat hnuaiah a ret. 16 Cun Hakar cu athál sai băn tluk hlatnak, amai ralden zawnah a va to ih, “Ka fahniang hnukcah lai hmu hram hlah ning,” tiah a tiaw. Cutin a fāte umnak zawn khat lamah a to ih, ring zetin a aw a suah ih a ṭap.
21:16a thál sai băn tluk hlatnak: Dawng 180 hrawng.
17 Cule Pathian in nauhak aw cu a rak thei. Cun Pathian-ih vancungmi
19 Cun Pathian in a mit a vanter ih, tikhur tidai a hmu. Cule a va feh ih, savun thâwl khat in ti a thun ih, nauhak cu in ding a pe. 20 Cutin Pathian in cuih nauhak cu a umpi ih, nauhak cu a ṭhang, cule ramṭhing ah a cêng ih, thálsai thiam ah a cang. 21 Anih cu Paran Ramṭhing ah a cêng ih, a nu in Izip ram ih nunau nupi ah a ṭhitsak.
Abimelek thawn Abraham Thukham
22 Cule cuih cān ah hitin a si, Abimelek le a ralbawipi
24 Cule Abraham in, “Sia ka săm ko ding,” tiah a ti.
25 Cun Abimelek siahhlawhpawl ih lawn mi tikhur tidai ruangah Abraham in Abimelek a kawk.
26 Cule Abimelek in, “Zo in hi thil hi a tuah ti ka thei riai lo, nang khal in i rak sim lo, ka hna in a theih khal tuihni tiangin ka rak thei lo,” tiah a ti.
27 Cule Abraham in rante rualpawl le ranpi rualpawl a hruai ih, cupawl cu Abimelek a pe, cule an pahnih in thukham
29 Cun Abimelek in Abraham hnenah, “Tuu fa no a nu pasarih a dangteih na ret hai hi ziang tican a si?” tiah a sut.
30 Cule anih in, “Hih tikhur hi ka rak laih mi a si ti theihpitu dingah, ka kut ihsin hi tuu fa no a nu pasarih pawl hi na la ding a si,” tiah a ti. 31 Curuangah cuih hmun cu aBeersheba tiah Abimelek in a ko, ziangruangahtile an pahnih in cu tawkah siasămin thu an kamaw.
21:31a Beersheba: “Thukam tikhur” asilole “pasarih tikhur” tinak a si.
32 Cutin Beersheba ah thukham an tuah. Abimelek cu a ralbawipi Fikol thawn an tho ih, Filisṭia-mipawlih ram ah an tlungkir.
33 Cun Abraham in Beersheba ah esel thingkung
Abraham Hniksaknak
1 Hih thilpawl hnuah hitin a si, Pathian in Abraham a hniksak ih, a hnenah, “Abraham!” tiah a ti.
Cule anih in, “Hinah ka um,” tiah a ti.
2 Cun Pathian in, “Atu-ah na fapa, na duhdawt mi na fapa neihsŭn Isak hruai awla, aMoriah ram ah feh aw, cule ka lo sim ding mi tlangpawl lakih pakhat ah amah cu meiur thilhlăn ah hlan aw,” tiah a ti.
22:2a Moriah: Hebru ṭawng a si ih, “Jehovah ih hril” tinak a si.
3 Cule Abraham cu zingpit teah a tho ih, a lāk a dăm, cule a zawngah tlangval pahnih le a fapa Isak a hruai. Cule meiur thilhlăn hrangah thing a phel, cule a păwk ih Pathian ih a rak sim mi hmun ah cun a feh. 4 Cun a ni thumnak ah Abraham in khua a cuan ih, hla nawnah cuih hmun cu a hei hmu. 5 Cule Abraham in a tlangvalpawl hnenah, “Hi tawkah lāk thawn rak um uh; kei le nauhak cu khi tawkah kan va feh ding ih, Pathian kan va be ta ding, cule nan hnenah kan ra kirsal ding,” tiah a ti hai.
6 Cule Abraham in meiur thilhlăn ding thing a la ih, a fapa Isak a phurter. Cun a kut in mei le nâm a keng ih, an pahnih in an fehtlang. 7 Cule Isak in a pa Abraham a bia ih, “Ka pa!” tiah a ti.
Cule anih in, “Ka fapa, hi tawkah ka um,” tiah a ti.
Cun Isak in, “Zoh hnik, hi tawkah mei le zanthing a um, asinan meiur thilhlăn hrang tuu fa no teh khuiah so?” tiah a ti.
8 Cule Abraham in, “Ka fapa, Pathian in tuu fa no cu meiur thilhlăn hrangah a atumcawpaw mai ding,” tiah a ti. Cutin an pahnih in an fehtlang.
22:8a tumcawpaw: Hebru ah cun “hmu” tinak a si.
9 Cun Pathian in a rak sim mi hmun cu an thleng. Cu tawkah Abraham in biakṭheng a dâwl ih, remten thing a ret, cule a fapa Isak cu a ṭem ih biakṭheng parih thing parah a hlum. 10 Cule Abraham in a kut a suah ih, a fapa that dingin nâm a lâk.
11 Cu tikah Jehovah-ih vancungmi in van ihsin a run ko ih, “Abraham, Abraham!” tiah a ti.
Anih in, “Hi tawkah ka um,” tiah a ti.
12 Cule Jehovah-ih vancungmi in, “Nauhak parah na kutthlak hlah, a parah zianghman tuah hlah, na fapa, na fapa neihsŭn hman ka hrangih na ui lo ruangah, atu-ah cun Pathian na ṭihzah ti ka thei thlang,” tiah a ti.
13 Cun Abraham in khuacuanin a zoh ih, ngai hnik, a dungih thing hnawk lakah a ki ih awk-aw mi tuu cang pakhat a hmu. Cule Abraham cu a va feh ih cuih tuu cang cu a lâk ih, a fapa aiah meiur thilhlăn hrangah a hlan. 14 Cule Abraham in cuih hmun cu, aJehovah Jire tiah hmin a sak, tuihni tiangin, “Jehovah-ih Tlang ah tumcawp a si mai ding,” an ti ṭheu bangin.
22:14a Jehovah Jire: “Jehovah in a tumcawp ding” tinak a si.
15 Cun Jehovah-ih vancungmi in Abraham cu a vei hnihnak van ihsin a run ko ih, 16 “Na fapa, na fapa neihsŭn hman ui loin hi thil na rak tuah ruangah, keimah rori in sia ka săm tiah Jehovah in a ti, 17 mal ka lo sawm tengteng ding ih, van ih arsipawl zat le tifinriat kapih vunnel zat in na cithlahpawl ka karhzaiter tengteng ding, cule na cithlahpawl in an ralpawlih kulh kăwtka an co ding. 18 Nang in ka thu na lun ruangah, na cithlah thawngin leilung tlunih miphun zaten thlawsuah an si ding,” tiah a ti. 19 Cuihsin Abraham cu a tlangvalpawl hnenah a kir, cule an tho ih aBeersheba lamah an fehtlang, cun Beersheba ah Abraham a cêng.
22:19a Beersheba: “Thukam tikhur” asilole “pasarih tikhur” tinak a si.
Nahor Tesinfapawl
20 Cuih thilpawl hnuah hitin a si, “Ngai hnik, Milkah khal in na nau Nahor hrangah fātepawl tla a hrinsak.
21 Fatir ah Huz, a nau ah Buz le Aram pa Kemuel,
22 Kesed, Hazo, Pildash, Jidlaph le Bethuel tla an si,” tiin Abraham hnenah an sim.
23 Cule Bethuel in Rebekah a hring. Hih pariat pawl hi Abraham nau Nahor hnenih Milkah in a hrin mi faletla an si.
24 A nusun
Sarah Thihnak
1 Sarah cu kum 127 a nung, cu hmuah cu Sarah-ih nun zat a si. 2 Cule Kanaan ram ih Hebron ti mi Kirjath Arba ah Sarah a thi ih, Abraham cu Sarah sūn dingah a feh ih amah cu a ṭah.
3 Cun Abraham cu a mithi hmai ihsin a hung dīng ih, Heth-ih fapapawl hnenah, 4 “Kei cu nan lakah khualtlawng mi le mikhual ka si. Ka hmuh băn lo nak ih ka mithi ka phum thei nak dingah, thlānmual hrangah nan lakah covo in pe uh,” tiin a ti hai.
5 Cule Heth-ih fapapawl in a hnenah, 6 “Ka bawipa, i rak ngai hnik, nang cu kan lakah Pathian lal na si, kan thlānmualpawl lakih na duh biknak ah na mithi cu phum aw. Na mithi phumnak ding thlān a lo pe siang lo tu kan lakah kan um lo ding,” tiin Abraham cu an sawn.
7 Cun Abraham cu a hung dīng ih, cuih rammi, Heth-ih fapapawl hmaiah cun a kûn. 8 Cule Abraham in anmah cu, “Ka hmuh băn lo ih ka mithi ruak phum hi nan lung a kim asile i ngaithla uhla, Zohar-ih fapa Efron kha in dilsak hram uh. 9 Cutin a ló tawdĕngih a neih mi Makpelah pûk kha i pe nahman maw! Thlānmual hrangah nan lakah covo vekin a man kimin cuih hmun cu ka hnenah i pe ko seh,” tiin a be hai.
10 Efron cu Heth-ih fapapawl lakah a to. Cule a khawpi kulh kăwtka ih lut mi Heth fapa zate ih hmaika ah Heth-mi, Efron in Abraham cu, 11 “Ka bawipa, cutin si hlah seh, i ngai hram aw, lóram le a sungih um pûk ka lo pe. Cumi cu ka mipipawlih fapapawl hmaika ah ka lo pe. Cumi cu ka lo pe a si. Na mithi cu phum aw,” tiin a sawn.
12 Cun Abraham cu cuih rammipawl hmaiah cun a kûn ih, 13 cuih rammipawl theihah Efron cu, “I pek ding asile zangfahten i rak ngai hram aw. Ló man paisa ka lo pe ding, ka hnen ihsin la awla, cu tawkah ka mithi ka phum ding,” tiin a bia.
14 Cule Efron in Abraham cu,
15 “Ka bawipa, i rak ngai hram aw, cuih leiram cu ngun tangka shekel
17 Cule Mamre hmaiih Makpelah ram ih Efron-ih lóram siseh, cuih ló le a sungih um pûk siseh, ló ri kulh zate sungih um, ló sungih thingkung zate cu, 18 khawpi kulh kăwtka sungih lut mi zate, Heth-ih fapapawl hmaika ah Abraham ih co dingah tifel a si.
19 Cule himi hnuah, Kanaan ram Mamre hmaiih Makpelah ló sungih um pûk sungah Abraham in a nupi Sarah cu a phum. Cuih Mamre cu Hebron khawpi a si. 20 Cule ló le a sungih um pûk cu Heth-ih fapapawl in thlānmual hrangah covo vekin Abraham an coter.
Isak Nupi Ṭhitnak
1 Abraham cu a upa ih, a tar zet thlang, cule ziangkimah Jehovah in Abraham thlawsuah a pe. 2 Cule Abraham in a neih mi zate uktu, a inn ih a siahhlawh upabik pa hnenah, “Zangfahten, aka cāwn thuaiah na kut ret awla, 3 an lakih ka cēnnak Kanaan-mipawlih fanupawl lak ihsin ka fapa nupi ṭhitsak lo dingin leilung Pathian le van Pathian, Jehovah hmin sâlin sia ka lo sămter ding. 4 Ka ram le ka sungkhat hnenah na feh sawn pei ih, ka fapa Isak hrangah nupi na ṭhitsak pei,” tiah a ti.
24:2a Ka cāwn thuaiah: Tuah tengteng ding tiih thukam lâk mi hminsinnak a si.
5 Cule cuih siahhlawh cun a hnenah, “Hi ram um dingin a nunau in i thlun duh lo pang sehla teh, na ratnak ram ah na fapa ka hruaikirsal pei maw?” tiah a ti.
6 Asinan Abraham in a hnenah, “Cu tawkah ka fapa hruaikirsal lo dingin ralring aw.
7 Ka paih inn ihta le ka suahkehnak ram ihta i hruaisuaktu, ‘Na cithlahpawl hnenah hi ram hi ka pe hai a si,’ tiin keimah i run betu le ka hnenih sesămtu Jehovah van Pathian in a vancungmi
10 Cun a siahhlawh cun a pu-ih kalaukpawl lakih pahra a hruai ih, a păwksuak, ziangahtile a pu-ih thilri zaten a kut sungah a um. Cule a tho ih Nahor khua panin Mesopotamia ram ah a feh. 11 Cule nunaupawl ti khai dingih an fehsuah tikcucān, sîm lamah, khaw pawn tikhur kiangah a kalaukpawl a băwkter hai. 12 Cun anih in, “Maw, ka bawipa Abraham-ih Pathian Jehovah, zangfahten tuihsun ah hlawhtlinnak i pe hram awla, ka bawipa Abraham parah na ngilneihnak langter hram aw. 13 Ngai hnik, tikhur kiang hi tawkah ka ding a si, cule tidai khai dingin cuih khawmipawlih fanupawl an rat hi! 14 Atu-ah hitin si hram seh, falanuih hnenah, ‘Zangfahten ka in dingah na ti bel ṭhum aw,’ ka ti mi fala in, ‘In awla, na kalaukpawl khal in ding ka pe hai ding,’ titu cu na siahhlawh Isak hrangih na ruat cia mi fala si seh. Cumi in ka bawipa Abraham parah ngilneihnak na langter ti ka thei ding,” tiah a ti.
15 Cule a ṭawng a cem hlanah, hitin a si, ngai hnik, a liang parah ti bel pu-in Rebekah a ra suak. Rebekah cu Bethuel-ih fanu a si ih, Bethuel cu Milkah-ih fapa a si, Milkah cu Abraham nau Nahor-ih nupi a si. 16 Cuih falanu cu zoh a mawi tuk, mipa zohman ih ihpi dah lo mi fala him a si. Cuih falanu cu tikhur ah a ṭum ih, a ti bel a thunkhat ih, a hung so. 17 Cule siahhlawh cu cu nu táwng dingah a va tlân ih, “Zangfahten na ti bel sungih tidai málten i inter hram aw,” tiah a ti.
18 Cule cu nu in, “In aw, ka bawipa,” tiah a ti. Cule zamrang zetin a ti bel a ṭhum ih a kut in a cawithla, cule a inter. 19 Cun tidai a inter ṭhehin falanu cun, “Na kalaukpawl hrang khalah tidai an in khawp hlanlo ka khaisak hai ding,” tiah a ti. 20 Cun zamrang zetin a ti bel cu tikuang sungah a tlĕng ih, ti khaisak dingin tikhur panin a tlân, cule a kalauk zate hrangah a khaisak. 21 Cule cu pa cu cu nuih parah a khawruah a har ih, Jehovah in ka khualtlawnnak i hlawhtlingter maw ter lo ti thei dingin daiten a um.
22 Cun hitin a si, kalaukpawl in tidai an in ṭheh tikah, cu pa cun shekel
24 Cule cu nu in a hnenah, “Keimah cu Milkah in Nahor a hrinsak mi fapa Bethuel-ih fanu ka si,” tiah a ti. 25 Cuihtlunah anih in siahhlawh hnenah, “Cangpâwl le ran rawl tampi le riahnak ding pindan khal kan nei,” tiah a tibêt.
26 Cun cu pa cu a lu a kûn ih, Jehovah a bia. 27 Cule anih in, “Ka bawipa parih a zahngainak le a thutak thlauthla lo tu ka bawipa Abraham-ih Pathian Jehovah cu thangṭhatin um ko seh. Khualtlawngih ka um laiah, Jehovah cun ka bawipaih unaupawl inn ah i rak hruai,” tiah a ti. 28 Cutin falanu cu a tlân ih, cuih thupawl cu a nuih sungkuapawl a va sim.
29 Rebekah in ṭapa a nei ih, a hmin cu Laban a si. Laban cu tihna kiangih a um mi pa hnenah a va tlânsuak. 30 Cun hitin a si, a farnuih ngêlpawl parih fau le hnarkhaih a hmuh tikah le a farnu Rebekah in, “Cu pa in hitin i sim,” a ti mi ṭawngkampawl a theih tikah, Laban cu cu pa hnenah a feh. Cule anih cu tikhur ih a kalaukpawl kiangah a rak ding. 31 Cule Laban in, “Rung lut aw, Maw Jehovah ih thlawsuah mi! Ziangah so lengah cun na dīn ringring? Inn ka timtuah zo ih, kalaukpawl hrangah hmun ka timtuah zo,” tiah a ti.
32 Cun cu pa cu inn sungah a lut. Cule Laban in kalaukpawlih thilri cu a cawithla ih, kalaukpawl hrangah cangpâwl le ran rawl le amai ke le a hnenih um mipawl ke khawlhnak ding tidai a rak pe. 33 A hmaiah ei dingah rawl an hŭn, asinan anih in, “Ka ra tlawnnak săn ka lo sim thluh hlanlo ka ei lo ding,” tiah a ti.
Cule anih in, “In sim hnik aw,” tiah a ti.
34 Cun anih in, “Kei cu Abraham-ih siahhlawh ka si. 35 Jehovah in ka bawipa cu nasa zetin thlawsuah a pe ih, a lian zet thlang, cule rante rualpawl le ranpi rualpawl, sui le ngun, siahhlawh nunau le siahhlawh mipa pawl, kalaukpawl le lākpawl tla a pe. 36 Cule ka bawipaih nupi Sarah in a tar hnuah ka bawipa hnenah fapa a hrinsak, cule ka bawipa in a neih mi zaten amah a pe thluh. 37 Ka bawipa in, ‘Ka fapa nupi dingah ka cēnnak ram, Kanaan-mipawlih fanu sung ihsin na la lo pei, 38 ka paih sungkua le ka hrinpipawl hnenah na feh pei ih, ka fapa hrangah nupi na ṭhi sawn pei,’ tiin sia i sămter. 39 Cule kei in ka bawipa hnenah, ‘A nunau in i thlun duh lo pang sehla teh,’ tiah ka ti. 40 Cule anih in ka hnenah, ‘A hmaiih ka tlanlēnnak Jehovah in na hnenah a vancungmi a thlah ding ih, na lamzin a lo hmuingilter ding, cule ka hrinhnámpi hnen ihsin le ka paih sungkua ihsin ka fapa nupi ding na la pei. 41 Ka hrinhnámpi hnen na thlen tikah, ka thukam ihsin na fihlim ding. Ziangahtile anih cu na hnenih an lo pek lo asile ka thukam ihsin na zalen ding a si,’ tiah i ti.
42 “Cule tuihsun ah tihna ah ka feh ih, ‘Maw Jehovah, ka bawipa Abraham-ih Pathian, tuih ka fehnak lamzin na hmuingilter ding asile, 43 ngai hnik, tikhur kiangah ka ding a si, tidai khai dingin fala him a ra dīng ih, kei in a hnenah, “Zangfahten in dingah na ti bel sungih tidai málten i pe aw,” tiah ka ti ding, 44 cule anih in ka hnenah, “In awla, na kalaukpawl hrang khalah ka lo khaisak ding,” tiah i ti ih, cutin thil a cang asile, cuih nunau cu ka bawipaih fapa nupi hrangah Jehovah ih ruat cia mi si seh,’ tiah ka ti.
45 “Ka thinlung sungih ka ṭawng rero lai a cem hlanah, ngai hnik, a liang parah a ti bel pu-in Rebekah cu a ra suak, cule tikhur ah a ṭum ih ti a khai. Cule kei in a hnenah, ‘Zangfahten i inter hram aw,’ tiah ka ti. 46 Cule anih cun zamrang zetin a liang par ihsin a ti bel a ṭhum lohli ih, ‘In aw, na kalaukpawl khal an in ding ka pe hai ding,’ tiah i ti. Cuti cun ka in ih, kalaukpawl khal in ding tidai a pe. 47 Cun kei in a hnenah ka sut ih, ‘Zawih fanu na si?’ tiah ka ti. Anih in, ‘Milkah in amah a hrinsak mi, Nahor fapa, Bethuel fanu ka si,’ tiah i ti. Cuihsin a hnar ah hnarkhaih ka khaih ih, a ngêl ah fau ka bun. 48 Cule ka lu ka kûn ih Jehovah ka bia, cule ka bawipaih fapa nupi dingah ka bawipaih naupaih fanu ṭhi dingin lam dik ih i hruaitu ka bawipa Abraham-ih Pathian Jehovah cu ka thangṭhat. 49 Atu-ah ngilnei zet le rinum zetin ka bawipa parah lai nan rel asile in sim uh. Cu lo asile keh lam maw, vawrh lam deuh ka zawh ding ti in sim uh,” tiah a ti.
50 Cun Laban le Bethuel in an sawn ih, “Hi thu cu Jehovah hnen ihsi ra a si, na hnenah a sia simaw a ṭha simaw zianghman kan rel thei lo. 51 Zoh hnik, na hmaiah Rebekah a um, hruai awla, feh aw. Cule Jehovah ih a lo sim zo vekin amah cu na pu fapaih nupi si seh,” tiah an ti.
52 Cule hitin a si, Abraham-ih siahhlawh in an ṭawngkampawl a theih tikah, leilung ah kûnin Jehovah a bia. 53 Cun siahhlawh cun ngun thil, sui thil le hnipuan pawl cu a phawrhsuak ih, Rebekah a pek. A ṭapa le a nu khal thil mankhung a pe hai ve.
54 Cule amah le a hnenih um mipapawl cu an ei an in ih, zan an riak. Cun zing an tho ih, siahhlawh pa cun, “Ka bawipa hnenah i thlah thlang uh,” tiah a ti.
55 Asinan a ṭapa le a nu in, “Falanu cu ni tawkfang sung, ni hra tal kan hnenah cām seh, cuih hnu lawngah feh seh,” tiah an ti.
56 Cule anih in an hnenah, “Jehovah in ka lamzin a hmuingilter zo ruangah in kham hlah uh. I thlah uhla, ka bawipa hnenah ka tlung ding,” tiah a ti.
57 Cu tikah annih in, “Falanu kan ko ding ih, amah rori kan sut ding,” tiah an ti. 58 Cun Rebekah an ko ih a hnenah, “Hi pa hnenah na feh pei maw?” tiah an ti.
Cule anih in, “Ka feh ding,” tiah a ti.
59 Cun an farnu Rebekah le a umtu cu Abraham-ih siahhlawh le a milaipawl thawn an thlah. 60 Cule annih in Rebekah thlawsuah an pe ih a hnenah,
“Kan farnu, nang cu
Mi thawngza tampi nu ah cang awla,
Na cithlahpawl cun
Anmah huatuih akulh kăwtkapawl co hai seh,”
24:60a kulh kăwtkapawl co hai seh: “An ralpawl neh hai seh” tinak a si.
tiah an ti.
61 Cun Rebekah le a falapawl cu an tho ih, kalaukpawl parah an to, cule cu pa cu an thlun. Siahhlawh pa cun Rebekah a hruai ih, an păwksuak.
62 Cule Beer Lahai Roi zin ihsin Isak a ra, ziangahtile amah cu Negev
24:63a khawruat dingin: Himi Hebru ṭawngfáng hi “cawlhahdam” asilole “zunpâwng tlan” tinak khal a si thei.
Siahhlawh in, “Ka bawipa a si,” tiah a ti. Cule Rebekah cun hmai tuamnak a la ih, a khuhaw.
66 Cule siahhlawh cun a thil ti mi zaten Isak hnenah a sim. 67 Cun Isak in a nu Sarah-ih puanthlam sungah a hruailut ih, Rebekah cu a nei ih a nupi ah a cang. Cule Isak in a duhdawt zet. Cun a nuih thih hnu khalah Isak cu a thla a ngam.
Abraham-ih Fapapawl
1 Abraham in nupi dang a neisal ih, a hmin cu Keturah a si. 2 Cule cu nu in Zimran, Jokshan, Medan, Midian, Ishbak le Shuah a hrinsak. 3 Jokshan in Sheba le Dedan a hring. Cule Dedan fapapawl cu Asshur-mipawl, Letush-mipawl le Leum-mipawl tla an si. 4 Cule Midian-ih fapapawl cu Efah, Efer, Hanok, Abida le Elda an si. Hipawl hmuahhmuah cu Keturah-ih tefa an si.
5 Cule Abraham in a neih mi zaten Isak a pe thluh. 6 Asinan Abraham-ih neih mi nusunpawlih fapapawl cu thilpekpawl Abraham in a pe. Cule amai nun laiah anmahpawl cu nisuahnak lamah, a fapa Isak hnen ihsin nisuahnak lam ram ah a thlah hai.
Abraham Thihnak
7 Abraham-ih nun sung kum hmuahhmuah a nun zat cu kum 175 a si. 8 Cun Abraham cu tar kûn, putar, kum kim a si tikah, a thaw netabik a suah ih, a thi. Cule a mipawl hnenah fĭn a si. 9 Cule Abraham cu Mamre hmai zawnih Heth-mi Zohar-ih fapa Efron-ih ló Makpelah pûk sungah a fapa Isak le Ishmael in an phum. 10 Cuih ló cu Abraham in Heth-ih fapapawl hnen ihsin a lei mi a si. Cu tawkah Abraham cu phum a si ih, a nupi Sarah khal. 11 Cule hitin a si, Abraham a thih hnuah Pathian in a fapa Isak mal a sawm. Isak cu Beer Lahai Roi ah a cêng.
Ishmael Fapapawl
12 Hihi Sarah-ih siahhlawh nu, Izip-mi Hakar in Abraham a hrinsak mi Abraham-ih fapa Ishmael cithlah sâwng cu a si. 13 Cule hipawl hi an hmin cio le anmai cithlah sâwng cio bangtukin Ishmael-ih fapapawlih hmin an si: Ishmael-ih fatir cu Nebajoth a si, cu hnuah Kedar, Adbeel, Mibsam, 14 Mishma, Dumah, Massa, 15 Hadar, Tema, Jetur, Nafish le Kedemah tla an si. 16 Hipawl hi Ishmael-ih fapapawl an si ih, hipawl hi an khua cio le an cawlhhmun khuarnak cio zulhin, an miphunpawl bangtukin lal hleihnih pawlih hmin cu a si. 17 (Himi hi Ishmael-ih nun zat a si, kum 137 a si tikah, a thaw netabik a suah ih a thi, cule a mipawl hnenah fĭn a si ve.) 18 Annih cu Havilah ihsin Assiria lam na feh tikih Izip nisuahnak Shur tiangin an cêng. A unaupawl zate ih hmaika ah a thi.
Jakob le Esau
19 Hihi Abraham-ih fapa, Isak-ih cithlah sâwng cu a si. Abraham in Isak a hring. 20 Isak in Padan Aram ih Siria-mi Bethuel-ih fanu, Siria-mi Laban-ih farnu Rebekah nupi ih a ṭhit tikah amah cu kum 40 mi a si. 21 A nupi a cin ruangah Isak in a nupi hrangah Jehovah a dil, cule a dil mi cu Jehovah in a pe ih, a nupi Rebekah in fa a vun. 22 Asinan a pum sungah a fāte cu an sualaw ih, anih in, “Ziangkim a tluan thluh asile, ziangah so hiti vekin ka um?” tiah a ti. Cule Jehovah suthliah dingin a feh.
23 Cule Jehovah in a hnenah,
“Na sūl sungah miphun pahnih an um,
Na taksaruangpum ihsin mi bur pahnih an ṭhenaw ding,
Mi bur pakhat cu a dang pakhat hnakin a cakdeuh ding ih,
A upadeuh in nautadeuh a rian ding,”
tiah a ti.
24 Cule a fa hrin ding ni a kim tikah, ngai hnik, a sūl sungah faphir an um.
25 Cule a suak hmaisa tu cu a sen, a taksa pumpi in sinfen hmul vek a si ih, a hmin ah Esau
27 Cule mipa nauhakpawl cu an ṭhang. Esau cu sapel thiam, ramtawi mi a si, Jakob lawngte cu midaite, puanthlampawl ih cêng mi a si. 28 Cule Isak cun Esau-ih ramsa sa a ei ṭheu ruangah Esau a duh, Rebekah bélte cun Jakob a duh sawn.
Esau in a Fatir sinak a Zuar
29 Jakob in tihâng a suang, cule hramlak ihsin ṭāmsāwl nawnin Esau a ra tlung.
30 Cule Esau in Jakob hnenah, “Hāng sen na suan mi kha zangfahten i eiter hram aw, ziangahtile ka ṭāmsāwl a si,” tiah a ti. Curuangah a hmin cu Edom
31 Asinan Jakob in, “Tuihsun ah na fatir sinak i zawrh aw,” tiah a ti.
32 Cule Esau in, “Zoh hnik, ka thi zikte, a hi fatir sinak cu ka hrangah ziang so a ṭhathnem?” tiah a ti.
33 Cun Jakob in, “Tuihsun ah siasăm aw,” tiah a ti. Cule a hnenah sia a săm ih, a fatir sinak cu Jakob hnenah a zuar. 34 Cule Jakob in sang le pe hâng Esau a pe, a ei ih a in ṭheh tikah a tho ih a tlung. Cutin a fatir sinak cu Esau in ziangah a siar lo.
Isak le Abimelek
1 Abraham san ih thleng mi a vei khatnak mangṭam hleiah an ram ah mangṭam a thleng. Cule Gerar-ih Filisṭia-mipawlih siangpahrang Abimelek hnenah Isak a feh.
2 Cun a hnenah Jehovah a lang ih, “Izip ram ah suk hlah, ka lo sim ding mi ram ah um ko aw. 3 Hi ram ah cêng awla, na hnenah ka um ding ih, mal ka lo sawm ding. Ziangahtile na hnen le na cithlahpawl hnenah hi ram zaten ka lo pe ih, na pa Abraham hnenih sia ka săm mi thukam ka tuahsuak ding. 4 Cule van ih arsipawl zat in na cithlahpawl ka karhzaiter ding ih, hi ram zaten na cithlahpawl hnenah ka pe ding. Cule na cithlah ah leilung miphun zaten thlawsuah an si ding. 5 Ziangruangahtile Abraham in ka thu a lung ih ka thucah siseh, ka thupekpawl siseh, ka sakhaw dānpawl siseh, ka dānpawl siseh a thlun a si,” tiah a ti.
6 Cule Isak cu Gerar ah a cêng. 7 Cule cuih hmun mipapawl in a nupi thuhla an sut. Cule anih in, “Anih cu ka farnu a si,” tiah a ti. Ziangahtile, “Anih cu a hmel a ṭhat ruangah cuih hmun mipapawl in, Rebekah ruangah in that pang ding,” tiih a ruah ruangah, “Anih cu ka nupi a si,” tiih sim a ṭih. 8 Cun hitin a si, cu tawkih reipi a um hnuah, Filisṭia-mipawlih siangpahrang Abimelek in a tukvirh ihsin khua a vun cuan ih, cu tawkah Isak in a nupi Rebekah a lehpi lai a hmu. 9 Cu tikah Abimelek in Isak cu a ko ih, “Anih cu na nupi rori a si, ziangtin, ‘Anih cu ka farnu a si,’ tiah na ti thei?” tiah a ti.
Cule Isak in a hnenah, “Ziangruangahtile, ‘Amai ruangah ka thi pang ding,’ ka ti a si,” tiah a ti.
10 Cule Abimelek in, “Kan parih na tuah mi hi ziang a si? Tawkfang ah mipi lakih mi pakhat khat in na nupi an ihpi pang thei a si si, cule nang in kan parah mawh in thlen a si ding a si si,” tiah a ti. 11 Cun Abimelek in a mipawl zate hnenah, “Hi pa siseh, a nupi siseh, a daitu cu thah tengteng a si pei,” tiin thu a pe.
12 Cun Isak in cuih ram ah thlaici a tuh ih, cuih kum lala ah a let 100 a at, cule Jehovah in anih cu a thlawsuah. 13 Isak cu ṭhanso a thawk ih, nasa zetih milian a si tiangin a ṭhangsopeh vivo. 14 Ziangahtile rante rualpawl, ranpi rualpawl le hnenum tampi a nei. Curuangah Filisṭia-mipawl in amah cu an iksik. 15 Cun a pa Abraham san laiih a paih siahhlawhpawl ih laih mi tikhur zaten Filisṭia-mipawl in an rak phihsak ih, leilung an silhkhat thluh. 16 Cule Abimelek cun Isak hnenah, “Kan hnen ihsin tlân aw, ziangahtile nang cu kanmah hnakin na cak tuk thlang a si,” tiah a ti.
17 Cun cu tawk ihsin Isak cu a păwksuak ih, Gerar Hawrkuam ah a puanthlam a zar, cule cu tawkah a cêng. 18 Cule a pa Abraham san laiih an rak laih zo mi tikhurpawl cu Filisṭia-mipawl in Abraham thih hnuah an rak phihsak ruangah, Isak in a huatsal. Cuih tikhurpawl cu a pa Abraham ih rak sak mi hmin thotho a sak hai.
19 Isak-ih siahhlawhpawl khal in hawrkuam ah an lai ve ih, cule cu tawkah tihna nei tikhur an táwng. 20 Asinan Gerar-ih rannung khāltupawl in Isak-ih rannung khāltupawl kha, “Tidai kha kanmai ta a si,” tiin thu an ra êl. Amah an ra el ruangah cuih tikhur cu aEsek tiah hmin a sak. 21 Cun a dang tikhur an lai leh ih, cumi khal cuh tumin an ra el thotho. Cuti cun a hmin ah bSitnah tiah a sak. 22 Cule cu tawk ihsin a ṭhawn ih tikhur dang a lai lala ih, cumi cu cuh tumin an ra el nawn lo. Cun, “Atu-ah cun Jehovah in hmunram in tuahsak zo ih, hi ram ah ci tam zet kan thlah thlang zik si,” tiin a hmin ah cRehoboth a sak.
26:20a Esek: “Tawhawknak” tinak a si.
26:21b Sitnah: Hebru ṭawng a si ih, “dodalawknak” tinak a si.
26:22c Rehoboth: “Hmunram kaupi pawl” tinak a si.
23 Cun Isak cu cuih hmun ihsin Beersheba lamah a so. 24 Cule cuih zan ah a hnenah Jehovah a lang ih, “Keimah cu na pa Abraham-ih Pathian ka si. Ṭih hlah, ziangahtile na hnenah ka um. Ka siahhlawh Abraham ruangah mal ka lo sawm ding ih, na cithlahpawl ka karhzaiter ding,” tiah a ti. 25 Cule Isak in cu tawkah biakṭheng a dâwl ih, Jehovah hmin a ko, cule cu tawkah puanthlam a zar, cule Isak-ih siahhlawhpawl in cu tawkah tikhur an lai.
Isak le Abimelek in Thukham an Tuah
26 Abimelek cu Gerar ihsin a rualpipawl lakih pakhat a si mi Ahuzzath le a ralbawipi Fikol thawn Isak hnenah a ra. 27 Cule Isak in an hnenah, “In huat ruangah nan hnen ihsin in dawi ih, ziangah so ka hnenih nan rat?” tiah a ti hai.
28 Asinan annih in, “Na hnenah Jehovah a um ti fiang zetin kan hmu. Cule, ‘Kan karlakah, kannih le nangmah karlakah thukamnak um seh, cule nangmah thawn thukham
30 Cule Isak in puai a tuahsak hai, cule an ei ih an in. 31 Cun zingpit teah an tho ih pakhat le pakhat sesăm thukamnak an tuahaw, cule Isak in a thlah hai ih, a hnen ihsin hnangamten an păwksuak.
32 Cuih ni lala ah hitin a si, Isak-ih siahhlawhpawl an ra tlung ih an laih mi tikhur thuhla an ra sim, cule a hnenah, “Tidai kan táwng zo,” tiah an ti. 33 Cuti cun cuih tikhur cu aShebah tiah a ko. Curuangah tuihni tiang cuih khaw hmin cu bBeersheba a si lan ta.
26:33a Shebah: “Thukamnak” tinak a si.
26:33b Beersheba: “Thukam tikhur” asilole “pasarih tikhur” tinak a si.
34 Esau kum 40 a ti tikah Heth miphun Beeri-ih fanu Judith le Heth miphun Elon-ih fanu Basemath tla nupi ah a ṭhi. 35 Cule annih cu Isak le Rebekah lungthin natertu an si.
Jakob Malsawm a Si
1 Cun hitin a si, Isak cu a tar thlang ih khua hmu ṭhiṭha thei loin a mit a malh tikah, a fapa upadeuh Esau a ko ih a hnenah, “Ka fapa,” tiah a ti.
Cule anih in a hnenah, “Hi tawkah ka um,” tiah a sawn.
2 Cun Isak in, “Ngai hnik, atu cun ka tar thlang. Ka thih ding ni ka thei lo. 3 Curuangah zangfahten atu-ah na hriamhreipawl, na thál fung bawm le na thál la aw, cule ramlak ah va feh awla, ka hrangah ramsa va pêl aw. 4 Cule ka thih hlanah ka nunnak in mal a lo sawm thei nak dingah ka duh zet mi rawl thaw i tuahsak awla, ka ei dingah ka hnenah run keng aw,” tiah a ti.
5 Isak in a fapa Esau a sim lai cu Rebekah in a rak ngai ringring. Cule Esau cu ramsa va pêl dingin le cumi cu run keng dingin ramlak ah a feh. 6 Cule Rebekah in a fapa Jakob hnenah, “Ngai hnik, na pa in na u Esau hnenah, 7 ‘Ka thih hlanih, Jehovah hmaika ah mal ka lo sawm thei nak dingin ramsa i sum awla, ka ei dingah rawl thaw zet i tuahsak aw,’ tiih a sim ka thei. 8 Curuangah atu-ah ka fapa, thu ka lo pek bangtukin ka thu lung aw. 9 Atu-ah rante rual lakah va feh awla, cu tawk ihsin mêpawl lakih a ṭha mi me no pahnih in i rak ken aw, cule cumi ihsin a duh zet mi rawl thaw na pa hrangah ka tuah ding. 10 Cun a ei ih a thih hlanih mal lo sawm dingah na pa hnenah na keng pei,” tiin a sim.
11 Cule Jakob in a nu Rebekah hnenah, “Zoh hnik, ka u Esau cu hmul tampi nei mi a si ih, kei cu vun nonal nei mi ka si. 12 Ka pa in i thâm pang ding ih, a hnenah bumtu ka bang ding. Cule malsawm si loin ka parah camsiatnak ka thlenaw riangri ding,” tiah a ti.
13 Asinan a nu in a hnenah, “Ka fapa, na camsiatnak cu ka parah thleng seh, ka thu lung men aw, va feh awla, cupawl cu in va lâksak aw,” tiah a ti. 14 Cule a va feh ih, cupawl cu a va lâksak ih, a nu hnenah a rak keng, cule a nu in a pa ih duh zet mi rawl thaw a tuah. 15 Cun Rebekah in a fapa upadeuh Esau-ih hnipuan ṭha, amai hnen, inn ih um mipawl cu a lâk ih a fapa nauta Jakob a hrukter. 16 Cule a kut le a hngawng ih a nonalnak hmun cu me no vun in a tuamsak. 17 Cun a timtuah mi rawl thaw le sang cu a fapa Jakob-ih kut ah a pe.
18 Cule a pa hnenah a feh ih, “Ka pa,” tiah a ti.
Anih in, “Hi tawkah ka um ko. Zo na si, ka fapa?” tiah a ti.
19 Jakob in a pa hnenah, “Na fatir Esau ka si, i sim vek cekciin ka tuah thluh zo. Na nunnak in mal i sawm thei nak dingah zangfahten tho aw, to awla, ka ramsa sa cu ei aw,” tiah a ti.
20 Asinan Isak in a fapa hnenah, “Ka fapa, ziangti thu saw a si, hi tluk lawmmam zamrangin na hmuh thei?” tiah a ti.
Cule a fapa cun, “Jehovah na Pathian in ka hnenih a rak hruai ruangah a si,” tiah a ti.
21 Cun Isak in Jakob hnenah, “Ka fapa Esau na si ngai le si ngai lo ka lo tham thei nak dingah ra nai hnik, ka fapa,” tiah a ti. 22 Cule Jakob cun a pa Isak cu a va naih, cule a pa in a rak thâm ih, “A aw cu Jakob aw a si ko, asinan a kutpawl cu Esau kut an si,” tiah a ti. 23 Cule a kutpawl cu a u Esau kut vekin a hmul ruangah amah cu a rak theithiam lo, cutin anih cu a pa in mal a rak sawm.
24 Cun a pa cun, “Nangmah cu ka fapa Esau na si taktak maw?” tiah a ti.
Anih in, “Ka si,” tiah a ti.
25 Isak in, “Ka nunnak in mal a lo sawm thei nak dingah na rawl cu ka kiang naiah run keng awla, ka fapaih ramsa sa cu ka ei ding,” tiah a ti. Cule Jakob in a kiang naiah a run keng ih a ei, cule sabit zu khal a rak ken ih a in. 26 Cun a pa Isak in a hnenah, “Atu-ah i naih awla i hnam ta aw, ka fapa,” tiah a ti. 27 Cule Jakob cun a hei naih ih a pa cu a hnam. Cule a pa in a hnipuan rim a hnīm ih mal a sawm,
“Ngai hnik, ka fapaih rim cu
Jehovah-ih mal rak sawm mi
Ramlak rim vek a si.
28 Curuangah Pathian in
Van daifim siseh,
Leiram ṭhatnak siseh,
Thlairawl tampi le
Sabit zu thar tampi lo pe seh.
29 Miphunpawl in nangmah lo rian hai sehla,
Na hmaiah minungpawl kûn hai seh.
Na unaupawl tlunah uktu si awla,
Na nuih fapapawl na hmaiah kûn hai seh.
A lo camsetu kip cu camsiat si hai sehla,
Mal a lo sawmtu cu malsawm si hai seh,”
tiah a ti.
30 Cule hitin a si, Isak in Jakob malsawm a pek ṭheh veten a pa Isak hnen ihsin Jakob a suak man fang ah a ramtawihnak ihsin a u Esau a ra tlung. 31 Cule anih khal in rawl thaw zet a tuah ih, cumi cu a pa hnenah a rak keng. Cule a pa hnenah, “Na nunnak in mal i sawm thei nak dingah ka pa kha tho sehla, a fapaih ramsa sa ei seh,” tiah a ti.
32 Cule a pa Isak in a hnenah, “Zo na si?” tiah a ti.
Cun anih in, “Keimah cu na fapa, na fatir Esau ka si,” tiah a ti.
33 Cun Isak cu nasa zetin a khūr ih, “Cuti asile ramsa pêl tahratih ka hnenih run kengtu kha teh zo a si? Na rat hlanteah a zaten ka rak ei thluh zo, amah cu mal ka rak sawm zo ih, malsawmin a um taktak ding,” tiah a ti.
34 Esau in a paih ṭawngkampawl a theih tikah, a mak i mak nasa zetin le lungzûr zetin a au, cule a pa hnenah, “Maw ka pa, mal i sawm aw, kei khal,” tiah a ti.
35 Asinan a pa in, “Na naupa cu bumnak thawn a ra ih, na malsawm a lo lâksak zo,” tiah a ti.
36 Cule Esau in, “Amah cu aJakob tiin hmin an sak dik tuk a si lo maw? Ziangahtile hi vei hnih rori i lawnsak zo. Ka fatir sinak a lahlo ih atu-ah zoh hnik, ka malsawm a lâkhloh hi!” tiah a ti. Cule Esau thotho in, “Ka hrangah malsawm i rak tān lo maw si?” tiah a ti.
27:36a Jakob: 25:26 simfiangnak zoh aw.
37 Cun Isak in a sawn ih Esau hnenah, “Ngai hnik, na nau cu a lo uktu ah ka tuah zo, cule a unaupawl zaten a siahhlawh ah ka rak pe zo. Amah cu thlairawl le sabit zu thar thawn ka câwm zo. Na hrangah ziang ka tuah nawn ding, ka fapa?” tiah a sawn.
38 Cule Esau in a pa hnenah, “Ka pa, malsawm pakhat lawng maw na neih? Maw ka pa, mal i sawm aw, kei khal,” tiah a ti. Cule Esau cu a aw a suah ih a ṭap ruangro.
39 Cun a pa Isak in a sawn ih a hnenah,
“Ngai hnik, na cēnnak hmun cu
Leiram ṭhatnak le
Tlun van daifim hlatnak ah a si ding.
40 Na ralnâm hmangin na nung ding ih,
Na nau na rian ding,
Cule hitin a si ding,
Na talsuahngah tikah
Na hngawng ihsin a hngawngkol cu na băl pei,”
tiah a ti.
Rebekah in Jakob Tha a Pe
41 Cule a pa ih malsawm pek zo mipawl ruangah Esau in Jakob a hua, cule Esau in a thinlung sungten, “Ka pa kan sūn ding cān cu a thleng cing ding, cun ka nau Jakob ka that leh ding,” tiah a ti.
42 Cule a fapa upadeuh Esau-ih ṭawngkampawl cu Rebekah an sim. Cun anih in mi a thlah ih a hnenah a fapa nautasawn Jakob cu a ko ih a hnenah, “Ngai hnik, na u Esau cu na thuhla ah amah le amah nangmah lo thah a tumnak in a hnemaw. 43 Curuangah atu-ah ka fapa, ka thu lung aw, tho awla, Haran ih ka ṭapa Laban hnenah va tlân aw. 44 Cule a hnenah cān tawkfang, na u a thinso a reh hlan sung, 45 na parih na u thinheng a reh le a parih na tuah mi a hngilh hlan sung va um aw. Cun mi ka rak thlah ding ih, cu tawk ihsin ka lo hruai ding. Ziangah so ni ni khat ih nan pahnih roriih ka lo hloh ding?” tiah a ti.
46 Cule Rebekah in Isak hnenah, “Heth fanupawl ruangah ka nun hi ka ning. Jakob in nupi ah Heth nunau, hivek mi rammipawlih fanu pakhat khat a ṭhit asile ka nun man ziang a um?” tiah a ti.
Isak in Jakob Tha a Pe
1 Isak in Jakob cu a ko ih mal a sawm, cule thu a pe, “Kanaan fanupawl lak ihta nupi na ṭhi lo pei. 2 Tho awla, Padan Aram ih na nuih pa Bethuel inn ah va feh aw, cule cu tawkih na nuih ṭapa Laban fanupawl lak ihta na nupi ah ṭhi aw.
3 “Ziangkimtithei Pathian in mal lo sawm seh,
Cule mipi burpi ih na hung can thei nak dingah
Ci tam zet lo zaihter sehla, lo karhzaiter seh.
4 Cule Pathian in Abraham a pek mi,
Mikhual na sinak ram hi
Ro ih na co thei nak dingah,
Abraham hnenih malsawm a pek mi cu
Nangmah le na cithlahpawl hnenah lo pe seh,”
tiah a ti.
Laban hnenah Jakob a Tlân
5 Cule Isak in Jakob cu a thlah ih, Jakob le Esau nu Rebekah-ih ṭapa, Siria-mi Bethuel-ih fapa Laban hnen Padan Aram ah a feh.
6 Isak in Jakob cu mal a rak sawm ih, Padan Aram ah amai hrangah nupi ṭhi dingin a thlah thu siseh, mal a rak sawm laiah, “Nupi ah Kanaan fanupawl na ṭhi lo pei,” tiih thu a pek mipawl siseh, 7 Jakob in a nu le a paih thulungin Padan Aram ah a feh ti khal Esau in a hmu. 8 Esau in Kanaan fanupawl in a pa Isak-ih lung an hmuiter lo ti a hmu fawn. 9 Cun Esau cu Ishmael hnenah a feh ih, a rak neih cia mi nupipawl hleiah a nupi dingah Nebajoth-ih farnu, Abraham fapa Ishmael-ih fanu Mahalath a ṭhi.
Bethel ih Jakob Máng
10 Cule Beersheba ihsin Jakob a fehsuak ih, Haran lam a pan.
11 Cun hmun pakhat a thleng ih, ni a tlak zo ruangah cuih zan cu cuih hmun ah a riak. Cu tawk hmun ih lungtopawl lakih pakhat a lâk ih, a lukham ah a hmang, cule itthat dingin cuih hmun ah cun a zau.
12 Cun mang a măn, ngai hnik, leilung ah kailawn a dawnaw ih, a luzim in van a bān, cule ngai hnik, Pathian-ih vancungmipawl
13 Cule ngai hnik, cuih kailawn tlunah Jehovah a dīng ih, “Keimah cu Jehovah na pa Abraham-ih Pathian le Isak-ih Pathian ka si, atu-ih na zaunak ram cu nangmah le na cithlahpawl ka lo pe ding. 14 Cun na cithlahpawl cu leilung ih leivut zat an si ding, nisuahnak lam, nitlaknak lam, sak lam le thlang lamah na darh ding. Cule nangmah ah le na cithlah ah leilung tlunih hrin zaten malsawm an si ding. 15 Ngai hnik, na hnenah ka um, na fehnak kip ah ka lo kilkhawi ding ih, hi ram ah ka lo hruaikirsal ding. Ziangahtile na hnenih ka rak lo sim zo mi ka tuahsuak lai hlanlo ka lo tân ta lo ding,” tiah a ti.
16 Cun Jakob cu a ihthahnak ihsin a hung ṭhang ih, “Hi hmun ah Jehovah a rak um taktak a si hi, cucu thei loin maw ka rak um,” tiah a ti. 17 Cule Jakob cun a ṭih ih, “Hi hmun hi ziang tluk maksak so a si! Himi cu thil dang si loin Pathian inn a si ih, himi cu van kăwtka a si!” tiah a ti.
18 Cun Jakob cu zingpit teah a tho ih, a lukham ih a hman mi lungto cu a lâk ih, hngilhlonak lungphun a phun, cule a luzim ah hriak a tawih.
19 Cun cuih hmun cu Bethel
Padan Aram ah Jakob a Thleng
1 Jakob cu a khualtlawn a fehlan vivo ih, nisuahnak lam mipawl ram ah a thleng. 2 Cule khua a cuan ih, ramlak ah tikhur pakhat a hmu; cule zoh hnik, cuih tikhur kiangah cun rante rual, rual thum an kûal, ziangahtile cuih tikhur ihsin rante rualpawl cu ti an pe ṭheu. Tikhur kâ ah lungto tumpi a um. 3 Cuih hmun ah rante rualpawl zaten hruaikhawm an si ṭheu ih, tikhur kâ ihsin lungto an hril ih rantepawl cu tidai an inter ṭheu. Cule tikhur kâ ah lungto an retsal ṭheu.
4 Cule Jakob in an hnenah, “Ka unaupawl, khui lamin nan ra?” tiah a sut hai.
Cu tikah annih in, “Haran ihsi ra kan si,” tiah an ti.
5 Cun anih in an hnenah, “Nahor-ih fapa Laban nan thei maw?” tiah a ti hai.
Cule annih in, “Kan theih mi a si,” tiah an ti.
6 Cutin amah thotho in an hnenah, “A dam maw?” tiah a ti hai.
Cule annih in, “A dam. Cule zoh hnik, a fanu Rachel cu rante rual thawi a rat lai khi,” tiah an ti.
7 Cu tikah anih in, “Zoh hnik uh, khua a tuan lai, sumhnám hmunkhat ih khawm tikcu a si hrih lo. Rante rualpawl ti inter uh, feh uhla rawl pe hrih uh,” tiah a ti hai.
8 Asinan annih in, “Rante rual zaten an ra thlenkhawm hlanah cun cumi cu kan tuah thei lo. Cule tikhur kâ ihsin lungto an hrilh hnu lawngah rantepawl cu ti kan inter ṭheu,” tiah an ti.
9 Cutiih an biakawk rero laiah, Rachel cu a paih rante rualpawl thawn a ra, ziangahtile anih cun rante rual a khāl a si. 10 Cule hitin a si, Jakob in a nuih ṭapa Laban-ih fanu Rachel le a nuih ṭapa Laban-ih rante rual a hmuh tikah, Jakob in a va naih ih, tikhur kâ ihsin lungto a hril, cule a nuih ṭapa Laban-ih tuupawl cu ti a inter. 11 Cun Jakob in Rachel cu a ahnam ih, a aw a suah ih a ṭap. 12 Cule Jakob in Rachel hnenah amah cu a paih sungkhat a si thu le Rebekah-ih fapa a si thu pawl tla a sim. Cu tikah Rachel cu a tlân ih a pa a va sim.
29:11a hnam: An cibaibûkawkdān a si.
13 Cun hitin a si, Laban in a farnu-ih fapa Jakob thuhla an sim mi a theih tikah, amah táwng dingin a tlân ih amah cu a pawm, a hnam ih, a inn ah a hruai. Cun Jakob in hi thil hmuahhmuah cu Laban a sim. 14 Cule Laban in a hnenah, “Nangmah cu ka ruh le ka titsa taktak na si,” tiah a ti. Cule a hnenah thla khat a câm.
15 Cun Laban in Jakob hnenah, “Nangmah cu ka sungkhat na si ruangah, a lakin in rian ding maw si? Na hlawh man teh ziang so a si ding? In sim aw,” tiah a ti. 16 Laban in fanu pahnih a nei: a u hmin cu Leah a si ih, a nau hmin cu Rachel a si. 17 Leah-ih mit cu a mawi lo, asinan Rachel cu a ruang le a pian a mawi.
18 Jakob in Rachel a duh, cule, “Na fanu nauta Rachel hrangah kum sarih sung ka lo rian ding,” tiah a ti.
19 Cule Laban in, “Mi dang neihter hnakin nangmah neihter a ṭhasawn. Ka hnenah um ko,” tiah a ti. 20 Cun Jakob in Rachel ruangah kum sarih sung a rian, asinan a duhdawtnak ruangah a hrangah ni rei lo te a bang.
Jakob in Leah le Rachel a Ṭhi
21 Cun Jakob in Laban hnenah, “A hnenih ka luh thei nak dingah, ka tikcu a kim zo ruangah ka nupi i pe aw,” tiah a ti. 22 Cule Laban in a inn ah cuih hmun ih mi zaten hmunkhat ah a kokhawm ih puai a tuah. 23 Zan lam a thlen tikah hitin a si, Laban in a fanu Leah a hruai ih Jakob hnenah a pe, cule a hnenah a lut. 24 Cun Laban in a siahhlawh nu Zilpah cu a fanu Leah-ih siahhlawh dingah a ken. 25 Cule zing khua a hung van tikah hitin a si, ngai hnik, a nupi cu Leah a rak si tariai. Cule Jakob in Laban hnenah, “Ka hnenih na thil tuah mi hi ziangtin a si? Rachel ruangah ka lo rian a si lo maw? Ziangah so i bum?” tiah a ti.
26 Cule Laban in, “Fanu upabik hlanih nautasawn pasal neihter hmaisak cu kan ram tidān a si lo. 27 A hnenah zarh khat um ta phawt awla, a dang kum sarih sung i rĕn leh ding mi hna ruangah ka fanu nautasawn khal kan lo pe ding,” tiah a ti.
28 Cun Jakob in cuti vek cun a tuah ih, cu nuih hnenah zarh khat a um ta. Cule Laban in a fanu Rachel khal a nupi ah Jakob a pe. 29 Cule Laban in a siahhlawh nu Bilhah cu Rachel-ih siahhlawh dingah a ken. 30 Jakob cu Rachel hnen khalah a lut, cule Leah hnakin Rachel a duh sawn fawn. Cun a dang kum sarih sung a pu Laban a rianbêt lala.
Jakob Fātepawl
31 Leah in duh a co lo ti Jehovah in a hmuh tikah, a sūl a ăwnsak, asinan Rachel cu a cing.
32 Cule Leah in fa a vun ih fapa a hring, a hmin ah Reuben
Rachel in Leah a Iksik
1 Rachel in Jakob fa a hrinsak ve lo ti a hmuhawk tikah anih in a unu a iksik ih, Jakob hnenah, “Falepawl tla i pe aw, cu lo asile ka thi ding,” tiah a ti.
2 Cule Jakob-ih thinheng cu Rachel parah a lingin a ling, cule, “Keimah cu sūl rah lo ko lo kaihtāngsaktu Pathian aiawhtu maw ka si?” tiah a ti.
3 Cu tikah Rachel in, “Hinah ka siahhlawh nu Bilhah a um, a hnenah lut awla, anih in ka khuk parah fa a hring ding ih, kei khal in amah hmangin falepawl tla ka nei ve ding,” tiah a ti.
4 Cun a siahhlawh nu Bilhah cu a nupi ah a pe ih, a hnenah Jakob a lut.
5 Cule Bilhah in fa a vun ih, Jakob cu fapa a hrinsak.
6 Cun Rachel in, “Pathian in ka thuhla ah thu a rak ṭhen zo, ka aw khal a rak thei ih, fapa i pe zo,” tiah a ti. Curuangah a hmin ah Dan
9 Leah in a fahrin a tawp ti a theihawk tikah a siahhlawh nu Zilpah cu Jakob hnenah nupi ah a pek.
10 Cule Leah-ih siahhlawh nu Zilpah in fapa Jakob a hrinsak.
11 Cule Leah in, “Ralkap burpi an thleng!” tiah a ti. Curuangah a hmin ah Gad
14 Sangvut khawm tikcu ah Reuben cu ló ah a feh ih, ló ah adudei kung a táwng ih, a nu Leah hnenah a tlŭn. Cun Rachel in Leah hnenah, “Zangfahten na fapaih dudei kung hrekkhat i pe hram aw,” tiah a ti.
30:14a dudei kung: Ram thlai phun khat tawba nei mi a si ih, Palisṭin le Siria ram ih um a si, fa neih thei nak si vekih zum an um.
15 Asinan Leah in a hnenah, “Ka pasal i lâksak hi thu tenau men maw a si? Ka fapaih dudei kung tiang khal na la ding maw?” tiah a ti.
Cule Rachel cun, “Cumi ruangah na fapaih dudei kung man ah Jakob na hnenah tuihzan a it pei,” tiah a ti.
16 Sîm lamah ló ihsin Jakob a hung tlun tikah, amah hmuak dingin Leah a va suak ih, “Ka hnenah na lut tengteng pei, ziangahtile nangmah cu ka fapaih dudei kung in ka lo hlang zo,” tiah a ti. Cule cuih zan cu a hnenah a it.
17 Cule Pathian in Leah a ngaithla ih, fa a vun, cule a pangatnak fapa Jakob a hrinsak.
18 Leah in, “Pathian in ka hlawh man i rak pe, ka siahhlawh nu ka pasal ka pek ruangah a si,” tiah a ti. Curuangah a hmin ah Issakar
30:21a Dinah: “Thuṭhennak” tinak a si.
Rachel in Fapa a Nei
22 Cun Pathian in Rachel cu a máng, cule Pathian in a ngaithla ih a sūl a ăwnsak. 23 Cule fa a vun ih fapa a hring, cule, “Pathian in mawhsiat ka tuarnak i lâkhlohsak zo,” tiah a ti. 24 Curuangah a hmin ah aJoseph a sak ih, “Jehovah in fapa dang i pebêt ding,” tiah a ti.
30:24a Joseph: “Anih in in pebêt ding” tinak a si.
Laban in Jakob Um hrih dingin a Hmĭn
25 Cule hitin a si, Rachel in Joseph a hrinngah tikah, Jakob in Laban hnenah, “Keimai hmun le keimai ram ih ka feh thei nak dingah, i thlah aw. 26 Anmah ruangih ka lo rĕnnak ka nupi le ka falepawl i pe awla, feh ko ning. Ziangahtile nangmah hrangih ka rak tuah mi ka lo rĕnnak cu na thei,” tiah a ti.
27 Cule Laban in a hnenah, “Na hmaiah duhsaknak ka co asile zangfahten um hrih ko aw, ziangahtile nangmai zarah Jehovah in mal i rak sawm ti simsung thiamnak in ka zirngah zo a si,” tiah a ti. 28 Cun anih in, “Na hlawh man i khiah awla, ka lo pe ding,” tiah a ti.
29 Cule Jakob in a hnenah, “Ziangti vekin ka lo rian ih, ziang vekin na sumhnám ka hnenah an um ti na thei. 30 Ziangahtile ka rat hlanih na neih mi cu málte lawng a si, a tawr le sĕngin a rak pungzai zo, ka thlen hnu ihsin Jehovah in mal a lo sawm. Cule atu-ah, ziang tikah so ka innsungsang hrangih ka ṭuansuak ve ding?” tiah a ti.
31 Cu tikah Laban in, “Ziang ka lo pe ding?” tiah a ti.
Cule Jakob in, “Zianghman i pe lo pei. Hi thil pakhat ka hrangah na tuah asile na rante rualpawl ka câwmsal ding ih, ka lo kilsak ding. 32 Tuihsun ah na rante rual zate lakah ka vâk vivo ding ih, cu tawk ihsin ṭial cipih a ṭial mi le ṭial kauih a ṭial mi zate tuu le tuu fa no lakih a dum nawn zaten, me lakih ṭial kauih a ṭial mi le ṭial cipih a ṭial mi hmuahhmuah cu ka ṭhawn thluh ding, cule cucu ka hlawh man a si pei. 33 Cuti cun ka hlawh man thuhla na hmaiih a thlen tikah, a ra lai ding mi cān ah ka dingfelnak in i simfiangsak mai ding. Me lakih ṭial cipih a ṭial lo mi le ṭial kauih a ṭial lo mi pauhpauh le tuu fa no lakih a dum nawn a si lo mi ka hnenih na hmuh mi zaten ka rûk mi ah ruat mai aw,” tiah a ti.
34 Cu tikah Laban in, “Ngai hnik, na ṭawngkam vekin si ko seh law!” tiah a ti. 35 Cule cuih ni ah me pa ṭial cipih ṭial le ṭial kauih ṭial mi zaten, me nu ṭial cipih ṭial le ṭial kauih ṭial mi zaten, a râng rawi mi pauhpauh le tuu fa no pawl lakih a dum nawn zaten a ṭhawn thluh ih a fapapawl kut ah a pek.
Jakob-ih Rannung an Karhzai
36 Cun amah le Jakob umnak karlak ni thum feh bănnak ah a ret hai, cule Jakob in Laban-ih rante rual a tāng mipawl cu a câwm.
37 Cule Jakob in amai hrangah alibna thing hring, almond thing
30:37a libna thing: Ṭhang cak zet thingkung sang tuk lo a si ih, hnah hring le hnah var a nei, thingkung tumpi a si ih, mirang in poplar thingkung râng an ti.
41 Cule hitin a si, rante rual cak cuangce pawl an rai tinten fungfêkpawl lakah fa an rai thei nak dingah Jakob in ti huah kuar ih rante rual mithmuh ah fungfêkpawl a ret ṭheu. 42 Asinan rante rualpawl an derthawm tikah cun an hmaiah fungfêkpawl cu a ret lo. Cutin a derthawmdeuh pawl Laban in a co ih, a cakdeuh pawl cu Jakob in a co. 43 Cuti cun nasa zetin Jakob cu a ṭhangso ih, rante rualpawl, siahhlawh nunaupawl le siahhlawh mipapawl, kalaukpawl le lākpawl tampi a nei.
Jakob a Tlung
1 Cuih cān ah Jakob in, “Kan paih ta hmuahhmuah Jakob in a lâk ṭheh ih, kan paih rak neih mi lennak zaten a co ṭheh,” tiih Laban fapapawlih ṭawngkam a rak thei. 2 Cule Jakob in Laban-ih mithmai a zoh ih, ngai hnik, a hlan vekin a lamah a mithmai a ṭha nawn lo.
3 Cun Jehovah in Jakob hnenah, “Na pupápawlih ram ah le na sungkhat hnenah kir awla, ka lo umpi ding,” tiah a ti.
4 Cule Jakob in mi a thlah ih Rachel le Leah cu a rante rual tlannak ramlak ah a ko hai. 5 Cule Jakob in an hnenah, “A hlan vekin nan paih mithmai ka lamah a ṭha nawn lo ti ka hmu, asinan ka paih Pathian cun i umpi ringring. 6 Cule ka cahnak zaten nan pa ka rian ti nan thei. 7 Cu cingin nan pa cun i bum ih ka hlawh man vei hra rori i tidanglamsak, asinan i tuahmawh ding Pathian in a siang lo. 8 ‘Ṭial cip pauhpauh na hlawh man ah si seh,’ a ti asile rante rual zaten ṭial cip hlir an hring. Cule, ‘Ṭial ngân cu na hlawh man ah si seh,’ a ti asile rante rual zaten ṭial ngân hlir an hring lala. 9 Cuti cun Pathian in nan paih sumhnám a lâksak ih, keimah i pe.
10 “Cule hitin a rak cang, rante rualpawl in fa an rai tikcān ah khua ka rak cuan ih ka mang ah hihi ka hmu, ngai hnik, rante rualpawl dawhtu a papawl cu ṭial ngân, ṭial cip le a pâwl ih ṭial an si.
11 Cun ka mang ah cun Pathian-ih vancungmi
14 Cun Rachel le Leah cun an sawn ih a hnenah, “Kan paih inn ah covo le ro ding ziang tal kan nei lai maw si? 15 Anih cun ram dang mi ah in ruat thlang a si lo maw? Ziangahtile in zuar zo ih, kan paisa hmuahhmuah khal a eirál ṭheh. 16 Ziangahtile kan pa hnen ihsi Pathian ih a rak lâk mi hih lennak zate hi kanmah le kan fātepawl ta an si. Cun atu-ah Pathian in na hnenih a lo sim mi pauhpauh cu tuah ko aw,” tiah an ti.
17 Cun Jakob cu a tho ih, a fapapawl le a nupipawl cu kalaukpawl parah a toter hai. 18 Cule Kanaan ram ih a pa Isak hnenah tlung dingin a sumhnám zate le a ngah mi thilri zate, Padan Aram ih a ngah mi a neih mi sumhnám cu a thiar thluh. 19 Cun Laban cu a tuu hmul met dingin a feh laiah, Rachel in a paih ta sungkaw milempawl cu a rûk. 20 Jakob cun a tlan ding thu simlonak in, Siria-mi Laban a bum. 21 Cutin a neih mi zate thawn a tlân. A tho ih, Zufraṭis tiva tánin, Gilead tlang lam a pan.
Laban in Jakob a Dawi
22 Cule ni thumnak ah Jakob a tlan thu Laban an sim. 23 Cun a unaupawl a hnenah a hruai ih, ni sarih feh hlatnak tiang a dawi, cule Gilead tlang ah a hei man. 24 Asinan Siria-mi Laban hnenah zan ah a mang ah Pathian a ra ih, a hnenah, “A sia siseh, a ṭha siseh, Jakob hnenih ṭawng lo dingin ralring aw,” tiah a ti.
25 Cun Laban in Jakob a hei man. Cuih cān ah Jakob in tlang ah puanthlam a rak zar ih, Laban in a unaupawl thawn Gilead tlang ah puanthlam an zar ve.
26 Cule Laban in Jakob hnenah, “Ka theih loin na rak ruhlo ih, ka fanupawl cu ralnâm thawi ralkaihpawl bangin na thiarhlo hai, ziang so maw na rak tuah? 27 Ziangah so a thupten na tlân ih, i sim loin ka hnen ihsin na rûkhlo? Ziangahtile hlim le hlapawl thawn, khuangte le ṭingṭang thawn ka rak lo thlah lo ding maw? 28 Ziangruangah ka tulepawl le ka fanupawl hnamter ta hman i sĕn lo? Atu-ah atthlak zetin thil na ti a si. 29 Lo tuahmawh thei nak cahnak ka nei, asinan mizan ah na paih Pathian in, ‘A sia siseh, a ṭha siseh Jakob hnenih ṭawng lo dingin ralring aw,’ tiin i sim. 30 Cule atu-ah nang cu na paih inn na ngai tuk ruangah na rak feh zo ngai, asinan ziangah so ka pathianpawl tla na rûk?” tiah a ti.
31 Cu tikah Jakob in a sawn ih Laban hnenah, “Ziangruangahtile, ‘Duh lo theih loin na fanupawl ka hnen ihsin na la hai pang ding,’ ti ka phâng. 32 Na pathianpawl na hmuhnak zo zokhal nungin zuah hlah. Kan unaupawl hmaika ah na ta ka lâk mi cu thailang awla na hnenah la aw,” tiah a ti. Ziangahtile Rachel in a rak ru hai ti Jakob in a thei lo.
33 Cule Laban cu Jakob-ih puanthlam sung, Leah-ih puanthlam sung le siahhlawh nunau pahnih teih puanthlam sungah a lut nân, a hmu lo. Cun Leah-ih puanthlam sung ihsin a suak ih, Rachel-ih puanthlam sungah a lut. 34 Rachel in sungkaw milempawl cu a rak la a si, kalauk kung tawphah hnuaiah a ret ih, a tonĕn hai. Laban in puanthlam sung zaten a hawl nân, a hmu hai lo lawlaw. 35 Cule Rachel in a pa hnenah, “Nunau dān ka neih ngelcel ruangah na hmaiih ka dīn thei lo nak in ka bawipa thinhengter hram hlah seh,” tiah a ti. Cule Laban cun a hawl nasa nân sungkaw milempawl cu a hmu cuang lo.
36 Cun Jakob a thin a heng ih Laban a kawk, cule Jakob in a sawn ih, Laban hnenah, “Ka dān pahbălnak ziang a si? Sual ka tuah mi ziang a si? Hi tluk lawmmamih i dawi ciamco. 37 Ka thilri zaten na hawl ko nân, na sungkaw thilpawl ziang tal na hmu maw? Kan pahnih karlak thu an ṭhen thei nak dingah hi tawkah na unaupawl le ka unaupawl hmaiah cuih thil cu ret hnik! 38 Himi kum 20 sung rori na hnenah ka um ih, na tuu pi pawl le na me pi pawl khal an fa an siat dah lo ih, na rante rual lakih tuu cang pawl khal ka ei dah lo. 39 Sahrang deh mi cu na hnenah ka tlŭn lo, keimah te ka kuan ṭheu. Sun ih rûk mi siseh, zan ih rûk mi siseh keimah i kuanter thluh. 40 Hitin ka rak um ṭheu! Kei cu sun ah ni ling in i em, zan ah vur dai ka rak tuar, aka itthat ṭhiṭha thei lo. 41 Cuti cun kum 20 sung rori na inn ah ka um, na fanu pahnih ruangah kum hleili sung ka lo rian ih, na rante rual ruangah kum ruk sung ka lo rian. Ka hlawh man vei hra rori i tidanglamsak fawn. 42 Ka paih Pathian, Abraham-ih Pathian le Isak ih ṭih mi, ka hnenah um lo sehla, atu-ah kutlawng in i tlungter tengteng ding. Pathian in ka zăwnzaihnak le ka kut ih ka ṭuan retheihnak a hmu ih, mizan ah a rak lo kawk a si,” tiah a ti.
31:40a ka itthat ṭhiṭha thei lo: Hebru ṭawng ah cun “ka ihthahnak cun ka mit a suahsan” ti a si.
Laban thawn Thukham
43 Cule Laban in a sawn ih Jakob hnenah, “Hi fanupawl hi ka fanule an si ih, hi fanaupawl tla hi ka tule an si, cule hi rante rual khal hi ka rante rual an si, na hmuh mi zaten ka ta an si ṭheh. Asinan tuihsun ah hi ka fanupawl parah le an hrin mi an fātepawl parah ka tuah thei mi ziang so a um?
44 Curuangah atu-ah ra aw, nang le kei in thukham
45 Cule Jakob in lungto a la ih hngilhlonak lung a phun. 46 Cun Jakob in a unaupawl hnenah, “Lungto sarkhawm uh,” tiah a ti. Cule lungto an la ih lung pen an tuah, cule cu tawk lung pen ah cun an ei. 47 Cuih lung pen cu Laban in aJekar Sahadutha tiah a ko, asinan Jakob cun cumi cu bGaleed tiah a ko. 48 Cule Laban in, “Hih lung pen cu tuihsun ah nangmah le keimah karlakih theihpitu a si,” tiah a ti. Curuangah a hmin ah Galeed tiin le 49 cMizpah ti khalih sak a si, ziangruangahtile anih in, “A dangdangih kan um tikah Jehovah in nangmah le keimah karlakah in kilveng hram seh. 50 Ka fanupawl na zăwnzaihter ah siseh, ka fanupawl hleiah a dang nupipawl na neih ah siseh, mipa zohman kan hnenih an um lo hmanah, ngai hnik, Pathian cu nangmah le keimah karlakih in theihpitu a si,” tiah a ti.
31:47a Jekar Sahadutha: Aramik ṭawng a si ih, “theihpitu lung pen” tinak a si.
31:47b Galeed: Hebru ṭawng a si ih, “theihpitu lung pen” tinak a si.
31:49c Mizpah: Hebru ṭawng a si ih, “khawcăwnnak dawlsâng” a si.
51 Cule Laban in Jakob hnenah, “Nangmah le keimah karlakih ka ret mi hi lung pen hi zoh hnik, hi hngilhlonak lungphun hi zoh hnik. 52 Hi lung pen cu theihpitu a si ih, hi hngilhlonak lungphun khal theihpitu a si. Tuahmawhaw dingin hi lung pen hi na lamah ka rak lan lo ding ih, nang khal in hi lung pen le hi hngilhlonak lungphun hi ka lamah na rak lan ve lo pei. 53 Abraham-ih Pathian, Nahor-ih Pathian le an pupápawlih Pathian in kan pahnih karlak thu in ṭhensak seh,” tiah a ti. Cule a pa Isak ih ṭih mi hmin in Jakob in sia a săm. 54 Cun Jakob in tlang ah raithawinak a hlan, cule a unaupawl rawl ei dingin a ko hai. Cule rawl an ei ih, tlang ah zanvar an um. 55 Cule zingpit ten Laban cu a tho ih, a tulepawl le a fanulepawl a hnam ih mal a sawm hai. Cun Laban cu a păwksuak ih, amai umnak ah a tlungkir.
Jakob in Esau a Ṭih
1 Jakob cu lamzin ah a feh vivo, cule Pathian-ih vancungmipawl
32:2a Mahanaim: “Riahhmun pahnih” tinak a si.
3 Cun Edom
6 Cun palaipawl cu Jakob hnenah an kirsal ih, “Na u Esau hnenah kan feh ih, anih khal nangmah lo hmuak dingin pacang 400 thawn a ra,” tiah an sim. 7 Cule Jakob cun a ṭih tuk ih a van a sâng, cule a hnenih um a milaipawl, rante rualpawl le ranpi rualpawl le kalaukpawl cu bur hnih ah a ṭhen. 8 Cule anih in, “Bur pakhat sawn hnenah Esau rain a do hai asile, a tāng mi bur dang deuh tal an tlânsuak thei ding,” tiah a ti.
9 Cun Jakob in, “Ka hnenah, ‘Na ram le na sungkhat hnenah kir awla, ka lo ti ṭha ding,’ tiih i run titu ka pa Abraham-ih Pathian le ka pa Isak Pathian, Maw Jehovah, 10 na siahhlawh hnenih na lăngter zo mi zahngainak hmuahhmuah le thutak hmuahhmuah lakih a tenaubik hman hmu tlak ka si lo. Ziangahtile hi Jordan tiva hi ka kianghrăwlte thawn ka rak tán, atu-ah cun mi bur pahnih ah ka cang thlang. 11 Ka u kut ihsin, Esau kut ihsin i run hram aw, ziangahtile amah ka ṭih, a ra ding ih, keimah le nufa rual tla i ra do pang ding. 12 Ziangahtile nang in, ‘Ka lo ti ṭha tengteng ding ih, na cithlahpawl cu an tam tuk lamah siar cawk lo, tifinriat vunnel zat vek an si ding,’ tiah i ti kha,” tiah a ti.
13 Cule cu tawkah cuih zan cu a riak ta ih, a kut ih um pauhpauh a u Esau hrangah laksawng dingah a lâk. 14 Cupawl tla cu: me nu 200, me cang 20, tuu nu 200 le tuu cang 20, 15 hnawi ti sawr lai kalauk 30 le an fātepawl thawn, caw nu 40 le caw pa tûai pahra, lāk nu 20 le lāk cang pahra an si. 16 Cun cupawl cu a rual a rual in a siahhlawhpawl kut ah a pe ih, a siahhlawhpawl hnenah, “Ka hmaiah rak feh sung uhla, bur khat le bur khat karlak hlat nawnnawnin feh uh,” tiah a ti hai. 17 Cule a hmaisabik pa hnenah, “Ka u Esau in a lo tawn ih, ‘Zawih milai na si?’ tiin le ‘Khui tawkah na feh ding? Na hmaiih um teh zo-ih ta an si?’ tiin a lo suh tikah, 18 nang in, ‘Hipawl cu na siahhlawh Jakob-ih ta an si. Cucu ka bawi Esau hnenih laksawng a kuat mi a si, ngai hnik, amah khal kan dungah a ra lai,’ tiah na rak sim pei,” tiin thu a pe. 19 Cule a pahnihnak, a pathumnak le ran rualpawl khawrtu zate hnenah, “Esau nan tawn tikah, hitin nan sim cio pei, 20 cule hitin nan simbêt pei, ‘Ngai hnik, kan dungah na siahhlawh Jakob a ra lai,’ tiin,” tiah thu a pe. Ziangahtile Jakob in, “Ka hmaiih a feh cia mi laksawng in a thin ka damter ding, cuih hnuah a hmel ka hmu ding; i rak cohlang mahna,” tiah a ti. 21 Cutin Jakob hmaiah laksawngpawl cu an rak feh cia, asinan amah cu riahhmun ah cuih zan cu a riak ta.
Pathian thawn Buanawknak
22 Cule cuih zan ah Jakob cu a tho ih a nupi pahnih, a siahhlawh nunau pahnih le a fapa hleikhat pawl cu a hruai ih, Jabbok tiva cu a kāi ihsin an tán. 23 Annih cu a hruai hai, tiva ralkhat lamah a kuat hai ih, a neih mi thilpawl ralkhat ah a kuat. 24 Cun Jakob cu amah lawng a tang ta, cule Pa pakhat in amah cu khua a van hlanlo a buan. 25 Cule cu pa in ka neh lo ding ti a hmuh tikah a khēl ruh a tham. Cule cutiih a buan rero laiah cun Jakob-ih khēl ruh a pelh. 26 Cule cu pa in, “I thlah aw, ziangahtile khua a vâng zik thlang,” tiah a ti.
Asinan Jakob in, “Mal i sawm ta lo ah cun ka lo thlah lo ding,” tiah a ti.
27 Cun cu pa cun, “Na hmin zo a si?” tiah a sut.
Anih in, “Jakob,” tiah a ti.
28 Cule cu pa cun, “Na hmin cu Jakob tiih kawh a si nawn lo ding, aIsrael ti a si sawn thlang ding, ziangahtile Pathian le minungpawl na buan ih, na neh a si,” tiah a ti.
32:28a Israel: “Pathian buantu” tinak a si.
29 Cun Jakob in, “Zangfahten na hmin i sim aw,” tiin a sut.
Cule anih in, “Ziangruangah nang in ka hmin i sut?” tiah a ti, cule cu tawkah anih in Jakob cu mal a sawm ta.
30 Cule, “Hmaităwnin Pathian ka hmu ih, ka nunnak cu zuah a si,” a ti, curuangah Jakob in cuih hmun cu a hmin ah aPeniel a sak. 31 Peniel a lan laiah a parah ni a suak, cule anih cu a khēl ruh ruangah a ke a bái. 32 Curuangah Israel tefapawl in tuihni tiangin rannung khēl ruh hlikhlăwk tit thacawm sa an ei lo. Ziangahtile Jakob khēl ruh hlikhlăwk cu a tit thacawm laifangih a rak thamsak ruangah a si.
32:30a Peniel: “Pathian hmai” tinak a si.
Jakob le Esau Tawnawknak
1 Jakob cu khuacuanin a zoh ih, ngai hnik, Esau cu pacang 400 rual thawn a ra rero lai. Cu tikah Jakob in a fātepawl cu Leah hnenah, Rachel hnenah, a siahhlawh nunau pahnih hnenah tiin a ṭhen. 2 Cule hmaiah a siahhlawh nunaupawl le an fātepawl, an dungah Leah le a fātepawl, cule a netabikah Rachel le Joseph a ret hai. 3 Cun Jakob in anmah a hei lan hai ih, a u a va naih hlanah vei sarih lei ah a kûn.
4 Asinan Esau cu amah hmuak dingin a tlân, cule a pawm ih a hngawng in a kuah ih a hnam, cule an ṭap. 5 Cule Esau cu khua a cuan ih nupinupawl le nauhakpawl a hmu ih, “Himi na hnenih umpawl hi zo an si?” tiah a ti.
Cule Jakob in, “Pathian in zangfah zetin na siahhlawh hnenih a pek mi fāte an si,” tiah a ti. 6 Cun siahhlawh nunaupawl cun an ra naih ih, anmah le an fātepawl cu an kûn. 7 Cule Leah khal a fale thawn nai ah an ra ih an kûn ve. Cuih hnuah Joseph le Rachel khal nai ah an ra ih an kûn.
8 Cu tikah Esau in, “Himi ran rual zate ka tawn mipawl hi ziang dingah so an si?” tiah a ti.
Cule anih in, “Hipawl cu ka bawipaih mithmuh ih duhsaknak conak dingah an si,” tiah a ti.
9 Asinan Esau in, “Ka nau, tampi ka nei ko, na neih mi cu nangmah te co ko,” tiah a ti.
10 Cule Jakob in, “A si lo, zangfahten atu-ah na mithmuh ih duhsaknak ka co asile ka kut ihsin ka laksawngpawl hi cohlang hram aw. Ziangahtile na mithmai ka hmuh hi Pathian hmu tluk ka si ih, ka parah na lung a hmui. 11 Na hnenih ka ken mi ka malsawm hi zangfahten i cosak hram aw. Ziangruangahtile ka parah Pathian in zangfah zetin i tuamhlawm ih, a tawkin ka nei a si,” tiah a ti. Cule Jakob in a ngen tuk ih, Esau in a rak cohlang.
12 Cun Esau in, “Kan khualtlawn kan thawk thlang pei, feh uhsi, na hmaiah ka feh ding,” tiah a ti.
13 Asinan Jakob in a hnenah, “Falepawl hi cak lo tete an si ih, hnawi fawp lai rante rualpawl le ranpi rualpawl thawn ka si ti ka bawipa in a thei. Cule mi in ni khat sung nawt deuhin khawr hai sehla rante rual zaten an thi ṭheh mai ding. 14 Zangfahten ka bawipa cu a siahhlawh hmaiah feh sung ko seh. Seir ih ka bawipa hnen ka thlen hlanlo falepawl le ka hmaiih feh sumhnámpawl ih tlin tawkten nuamte ten ka hruai hai ding,” tiah a ti.
15 Cule Esau in, “Ka milai hrekkhat tal na hnenah tân ta hram ning,” tiah a ti.
Asinan Jakob in, “Ziang so a ṭulnak um? Ka bawipaih mithmuh ah duhsaknak co hram ning,” tiah a ti. 16 Cutin Esau cu cuih ni lala ah Seir panin a tlungkir. 17 Cule Jakob cu aSukkoth lamah a ṭhawn, amai hrangah inn a sak ih, a sumhnámpawl hrangah bûktepawl a sak. Curuangah cuih hmun hmin cu Sukkoth tiih kawh a si.
33:17a Sukkoth: “Bûktepawl” tinak a si.
Kanaan Thlennak
18 Cun Jakob cu Padan Aram ihsin a rat tikah, Kanaan ram, Shekem khua ah himdamten a thleng. Cule khaw hmaiah a puanthlam a zar. 19 Cule a puanthlam a zarnak hmunram cu Shekem-ih pa, Hamor-ih tefapawl kut ihsin tangka 100 ih a lei mi a si. 20 Cun cu tawkah biakṭheng a dâwl ih, cumi cu aEl Elohe Israel tiah a ko.
33:20a El Elohe Israel: “Pathian, Israel-ih Pathian” tinak a si.
Shekem in Dinah Ṭhit a Duh
1 Leah in Jakob a hrinsak mi a fanu Dinah cu cuih ram fanupawl zoh dingin a fehsuak. 2 Cule cuih ram lal, Hiv-mi Hamor-ih fapa Shekem in a hmuh tikah a hruai ih a ihpi, cule a hmin a siatter. 3 A thinlung cu Jakob-ih fanu Dinah in nasa tukin a hipngah ih, cuih fala cu a duh, cule cuih fala cu aw thlum zetin a bia. 4 Cun Shekem in a pa Hamor hnenah, “Hi fala hi nupi ah i ṭhitsak aw,” tiin a sim.
5 Cule Jakob in a fanu Dinah cu Shekem in a bawrhbangter zo ti a rak thei. A fapapawl cu ramlak ah sumhnám an khal thluh, cule an ra thlen hlanlo Jakob cu daiten a um men. 6 Cun Shekem pa Hamor cu Jakob hnenah amah be dingin a fehsuak. 7 Cule Jakob-ih fapapawl cu cuih thu an theih tikah ramlak ihsin an ra tlung. Cule mipapawl cu an thin a na ih nasa zetin an thin a heng, ziangahtile thil tuah lo ding mi, Jakob fanu ihpinak in Israel-mi lakah ningzak mualphoza thil a rak tuah. 8 Asinan Hamor in an hnenah, “Ka fapa Shekem in a nunnak rori in na fanu a ngai duahdo a si. Zangfahten a nupi dingah pe hram aw. 9 Cule kanmah thawn neiawtăwn uhsi, nan fanupawl in neiter uhla, kan fanupawl ra nei ve uh. 10 Cule kan hnenah nan cêng ding ih, nan hmaiah hi leiram hi a um ding. Cuih leiram ah cêng uhla a sungah sumtuah uh, cule cumiih nan ngah mi thilpawl cu nanmai hrangah co uh,” tiah a ti.
11 Cun Shekem in falanuih pa le falanuih ṭapapawl hnenah, “Nan mithmuh ah duhsaknak co hram ningla, ka hnenih nan sim mi pauhpauh ka lo pe ding. 12 Ziang zat khal man le laksawng in ngen uhla, in ngĕn zatzat ka lo pe ding, asinan fala cu nupi ah i pe hram uh,” tiah a ti.
13 Asinan an farnu Dinah a rak bawrhbangter zo ruangah Jakob fapapawl in Shekem le a pa Hamor cu an sawn ih, bum phahin an bia.
14 Cule annih in an hnenah, “Serh zim tan lo mi hnenih kan farnu pek ding cu kan ti thei lo mi thil a si, ziangahtile cumi cu kan hrangah hminsiatnak a si ding.
15 Asinan nanmah lakih mipa pauhpauh serh zim tan
18 Cule an ṭawngkampawl cun Hamor le Hamor-ih fapa Shekem lung a hmuiter. 19 Cun Jakob fanu hnenih um a lungsi ruangah tlangval in cuih thil tuah ding cu a ṭhukṭhun lo. Amah cu a paih sungkua mi hmuahhmuah hnakin upat tlak a si.
20 Cule Hamor le a fapa Shekem cu an khaw kulh kăwtka ah an ra ih, an khawmi mipapawl hnenah, 21 “Hi milaipawl hi kan hnenah daiten an um. Curuangah ram sungah cêng hai sehla, sumtuah ve hai seh. Ziangahtile ngai hnik, an hrangah ram kau tawk a um. An fanupawl nupi dingah kan ṭhi pei ih, kan fanupawl pe ve uhsi. 22 Anmahpawl serh zim tan an si vekin kan lakih mipa kip serh zim tan kan co asile, kan hnenih cêng dingah le miphun pakhat cang dingah hiti lawngin an mipapawl an lung a kim ding. 23 An sumhnám, an thilri le an ṭilva zaten kan ta ah an cang lo ding maw? Lungkimpi mai uhsi la, kan hnenah cêng hai seh,” tiin an sim. 24 Cule amai khaw kulh kăwtka lengih suak mi mipa hmuahhmuah cun Hamor le a fapa Shekem thu an lung ih, a khaw kăwtka lengih suak mipa zate ih serh zim tansak thluh an si.
Shekem Mipapawl Thahnak
25 Cun a ni thumnak ah hitin a si, nâ tuarih an um laiah, Dinah-ih ṭapapawl, Jakob-ih fapa pahnih Simeon le Levi in an ralnâm an la veve ih, ralṭha zetin cuih khaw sungah an lut, cule mipa zaten an that. 26 Cun Hamor le a fapa Shekem khal ralnâm hriam in an that ih, Shekem-ih inn ihsin an farnu Dinah cu an hruai ih, an suak. 27 An farnu bawrhbanter a si ruangah, Jakob-ih fapapawl cu an thah mipawl hnenah an feh ih, an khua an răm. 28 Annih in an rante rualpawl le ranpi rualpawl, an lākpawl le khaw sungih um pauhpauh le ramlak ih um pauhpauh, 29 cule an lennak zaten an lâksak. An fanau tete pawl le an nupipawl ralkaih ah an hruai. Cule inn sungih um pauhpauh tiangin an răm.
30 Cun Jakob in Simeon le Levi hnenah, “Ram sungih um Kanaan-mipawl lakah le Periz-mipawl lakah fihnungza-ih in tuahnak in buainak in thlen zo. Kei cu mipum málte ka si ruangah keimah dodalin an pungkhawmaw ding ih in that ding. Hlohralter ka si ding, kei le ka sungkuapawl thawn,” tiah a ti.
31 Asinan annih in, “Kan farnu cu hlawhhlang vekin a tuah ding maw si?” tiah an ti.
Bethel ah Jakob a Kir
1 Pathian in Jakob hnenah, “Tho aw, Bethel
2 Cule Jakob in a sungkua le a hnenih um mipawl zate hnenah, “Nan lakih ram dang pathianpawl kha hlăwn uhla, nanmah le nanmah thianfaiaw uh, cule nan sinfen thlĕng uh.
3 Cun tho uhsi la Bethel ah feh uhsi, cule ka vansan lai cān ih i lettu le ka fehnak kip ih i umpitu Pathian hnenah, cu tawkah biakṭheng ka tuah ding,” tiah a ti.
4 Cule an kut ih um ram dang pathian hmuahhmuah le an hna ih um an hnakhaihpawl cu Jakob an pe. Cule Shekem kiangih um ela thingkung
5 Cule annih cu an ṭhawn ih, an kiangkap zate ih khuapawl ah Pathian ṭihnak a um ih Jakob-ih fapapawl cu an dawi lo. 6 Cutin Jakob cu a hnenih um mipawl zate thawn Kanaan ram ih Bethel ti mi Luz ah a thleng. 7 Cule a u hmaika ihsin a tlan laiah cu tawkih Pathian a rung lăng ruangah, cu tawkah biakṭheng a dâwl ih, aEl Bethel tiah hmin a sak.
35:7a El Bethel: “Pathian inn ih Pathian” tinak a si.
8 Rebekah umtu, Deborah a thi, cule cu nu cu Bethel khaw taw elon thingkung
35:8a Allon Bakuth: “Ṭahnak elon kung” tinak a si.
9 Cun Padan Aram ihsin Jakob a ra thlen tikah, Jakob hnenah Pathian a langsal ih mal a sawm. 10 Cule Pathian in a hnenah, “Na hmin cu Jakob a si, na hmin cu Jakob tiih kawh a si nawn lo ding, cuhnakin na hmin cu Israel a si sawn ding,” tiah a ti. Cule a hmin cu Israel tiah Pathian in a ko. 11 Pathian in a hnenah, “Keimah cu Ziangkimtithei Pathian ka si. Ci tampi thlah awla karhzai aw, na hnen ihsin miphun pakhat le miphun burpi pakhat an suak ding. Cule na rilrah ihsin siangpahrangpawl tla an suak ding. 12 Abraham le Isak hnenih ka rak pek mi ram na hnenah ka lo pe, cule hi ram cu na lehhnuih na cithlahpawl hnenah ka pe a si,” tiah a ti. 13 Cun Pathian cu Jakob a biaknak hmun ih, Jakob hnen ihsin a kaiso.
14 Cule Pathian in a run biaknak hmun ah Jakob in hngilhlonak lungphun pakhat, lung ṭhuam a phun ih, a parah Inding Thilhlăn a tawih, cule a par thothoah hriak khal a tawih. 15 Cule Jakob in Pathian ih amah a biaknak hmun cu Bethel tiah hmin a rak sak.
Rachel Thihnak
16 Cun Bethel ihsin an ṭhawn vivo. Cule Efrath feh ding málte an hlat deuh laiah, Rachel cu nau a vei ih har zetin a vei. 17 Cule har zetin nau a vei tikah, hitin a si, nau sartu nu in a hnenah, “Ṭih hlah, ziangahtile fapa dang na nei ding,” tiah a ti. 18 Cule hitin a si, a nunnak a suah zik zawngah Rachel in naute cu aBenoni tiah hmin a sak. Cule Rachel cu a thi. Asinan a pa Jakob cun naute cu Benjamin tiah a sak.
35:18a Benoni: “Ka riahsiatnak fapa” tinak a si.
19 Cuti vek cun Rachel cu a thi ih, Jakob in Bethlehem ti mi Efrath fehnak zin ah a phum. 20 Cule a thlān parah Jakob in lungphun a phun ta. Cuih lungphun cu tuihni tiangin Rachel-ih thlān lungphun a si. 21 Cun Israel cu a ṭhawn vivo ih, Eder dawlsâng hei lanah puanthlam a zar.
Jakob Fapapawl
22 Cule hitin a rak cang, cuih ram ah Israel a cēn laiah, Reuben in a paih nusun Bilhah a va ihpi ih cuih thu cu Israel in a rak thei. Cule Jakob in fapa hleihnih a nei.
23 Leah-ih fapapawl cu: Jakob fatir Reuben, Simeon, Levi, Judah, Issakar le Zebulun tla an si.
24 Rachel-ih fapapawl cu: Joseph le Benjamin an si.
25 Rachel-ih siahhlawh nu Bilhah-ih fapapawl cu: Dan le Naftali an si.
26 Leah-ih siahhlawh nu Zilpah-ih fapapawl cu: Gad
Isak Thihnak
27 Cun Jakob cu a pa Isak hnen, Mamre asilole Hebron ti mi Kiriath Arba a thleng. Cu tawkah Abraham le Isak an rak cêng dah. 28 Isak nun zat cu kum 180 a si. 29 Cun Isak cu tar kûn tiang nungin le kum kimin a thaw netabik a suah ih a thi, cule a mipawl hnenih fĭn a si. Cule a fapa Esau le Jakob in an phum.
Esau Tesinfapawl
1 Hihi Edom ti mi Esau-ih cithlah sâwng cu a si. 2 Esau in Kanaan nunaupawl a nupi ah a ṭhi. A nupi Adah cu Heth-mi Elon-ih fanu a si ih, a nupi Aholibamah cu Hiv-mi Zibeon-ih fanu, Anah-ih fanu a si. 3 Cule a nupi Basemath cu Ishmael-ih fanu a si ih, Nebajoth-ih farnu a si. 4 Cun Esau cu Adah in fapa Elifaz a hrinsak ih, Basemath in Reuel a hrinsak. 5 Cule Aholibamah in Jeush, Jaalam le Korah a hrinsak. Hipawl cu Esau in Kanaan ram ih a neih mi a fapapawl an si.
6 Cun Esau in a nupipawl, a fapapawl, a fanupawl, a sungkuapawl zate, a sumhnámpawl le a ranpawl zate le Kanaan ram ih a ngah mi thilri zaten a la ṭheh ih, a nau Jakob hmaika ihsin ram hla ah a feh. 7 Ziangahtile hmunkhat ih khuasatlang dingah an neih mi thilri a tam tuk ih, an sumhnámpawl ruangah mikhual an rak sinak leiram in a câwm cawk lo. 8 Cutin Esau cu Seir tlang ah khua a sa. Esau cu Edom a si.
9 Cule hihi Seir tlang ih Edom-mipawlih pupá Esau-ih cithlah sâwng cu a si. 10 Esau fapapawlih hmin cu hipawl hi an si: Esau nupi Adah-ih fapa Elifaz le Esau nupi Basemath-ih fapa Reuel tla an si. 11 Cule Elifaz-ih fapapawl cu Teman, Omar, Zefo, Gatam le Kenaz tla an si.
12 Cun Timna cu Esau fapa Elifaz-ih nusun a si, cu nu cun Elifaz hnenah Amalek a hrinsak. Hipawl hi Esau nupi Adah-ih fapapawl an si.
13 Reuel-ih fapapawl cu: Nahath, Zerah, Shammah le Mizzah an si. Hipawl hi Esau nupi Basemath-ih fapa an si.
14 Zibeon fanu, Anah-ih fanu, Esau nupi Aholibamah-ih fapapawl cu hipawl hi an si. Aholibamah in Esau hnenah Jeush, Jaalam le Korah tla a hrinsak.
15 Hipawl hi Esau fapapawl lakih hotu an si: Esau-ih fatir Elifaz-ih fapapawl tla cu Hotu Teman, Hotu Omar, Hotu Zefo, Hotu Kenaz, 16 Hotu Korah, Hotu Gatam le Hotu Amalek. Hipawl hi Edom ram ih Elifaz cithlah hotu an si ih, annih cu Adah-ih tefapawl an si.
17 Esau fapa Reuel-ih fapapawl cu: Hotu Nahath, Hotu Zerah, Hotu Shammah le Hotu Mizzah tla an si. Hipawl hi Edom ram ih, Reuel cithlah hotupawl an si. Hipawl hi Esau nupi Basemath-ih fapapawl an si.
18 Cule Esau nupi Aholibamah-ih fapapawl cu: Hotu Jeush, Hotu Jaalam le Hotu Korah tla an si. Anah-ih fanu Esau nupi Aholibamah cithlah hotupawl cu hipawl hi an si. 19 Hipawl hi Edom ti mi Esau-ih tefapawl an si ih hipawl hi an hotupawl an si.
Seir Tesinfapawl
20 Hipawl hi ram luahtu, Hor-mi Seir-ih tefapawl an si: Lotan, Shobal, Zibeon, Anah, 21 Dishon, Ezer le Dishan tla an si. Hipawl cu Hor-mi hotupawl an si ih, Edom ram ih Seir-ih tefapawl an si.
22 Cule Lotan-ih fapapawl cu: Hori le Hemam an si. Lotan-ih farnu cu Timna a si.
23 Shobal-ih fapapawl cu: Alvan, Manahath, Ebal, Shefo le Onam tla an si.
24 Hite pahnih Aiah le Anah hi Zibeon fapa an si. Anah cu a pa Zibeon-ih lākpawl a khalh laiih ramṭhing ih tidai hmusuaktu a si. 25 Anah-ih falepawl cu: Dishon le Anah-ih fanu Aholibamah tla an si.
26 Dishon-ih fapapawl cu: Hemdan, Eshban, Ithran le Keran tla an si. 27 Hipawl hi Ezer-ih fapapawl an si: Bilhan, Zaavan le Akan tla hi. 28 Dishan-ih fapapawl cu Uz le Aran tla an si.
29 Hor-mipawlih hotupawl: Hotu Lotan, Hotu Shobal, Hotu Zibeon, Hotu Anah, 30 Hotu Dishon, Hotu Ezer le Hotu Dishan tla hi an si. Hipawl hi Seir ram ih an hotupawl vek cio in Hor-mipawlih hotupawl an si.
Edom Siangpahrangpawl
31 Zo siangpahrang hmanih Israel tefapawl an uk hlanah hipawl hi Edom ram uktu siangpahrangpawl cu an si:
32 Beor-ih fapa Bela in Edom ram ah a uk ih, a khaw hmin cu Dinhabah a si.
33 Cule Bela a thih tikah, Bozrah hrin Zerah-ih fapa Jobab in a airawlin a uk.
34 Jobab a thih tikah, Teman-mipawlih rammi Husham in a airawlin a uk.
35 Cule Husham a thih tikah, Moab
Esau-mipawlih Hotupawl
40 Cule hipawl hi an hrinpawl le an hmunpawl cio vekin Esau-mipawlih hotupawlih hminpawl cu an si. Cuih hminpawl cu: Hotu Timna, Hotu Alvah, Hotu Jetheth, 41 Hotu Aholibamah, Hotu Elah, Hotu Pinon, 42 Hotu Kenaz, Hotu Teman, Hotu Mibzar, 43 Hotu Magdiel le Hotu Iram tla an si. Hipawl hi anmai co mi ram ah an cēnnak hmun cio bangtukin Edom hotupawl an si. Esau cu Edom-mipawlih pupá a si.
Joseph Mang
1 Cuih cān ah Jakob cu a pa mikhual a rak si dah nak Kanaan ram ah a cêng. 2 Hihi Jakob-ih thuanthu a si. Joseph kum hleisarih a kim tikah, a ulepawl thawn rante rual an khāl. Cule nauhak pa cu a paih nupi Bilhah-ih fapapawl le Zilpah-ih fapapawl hnenah a um ih, a pa hnenah a ulepawlih thu sia a thlen.
3 Cule Israel in a fāte dang hmuahhmuah hnakin Joseph a duh cuang. Ziangruangahtile Joseph cu a tar fa a si ruangah a si. Cun răwng phunphun nei kâwrfual
5 Cuih cān ah Joseph in mang a măn ih, cuih a mang cu a ulepawl a sim, cule amah an hua sinsin. 6 Cule anih in an hnenah, “Ka măn mi hih mang hi zangfahten ngai hram hnik uh. 7 Ngai hnik uh, ló ah thlaithar kan rak têl rero, cun ngai hnik uh, ka thlaithar tēl a tho ih, fel zetin a ding. Cule ngai hnik uh, nan thlaithar tēl pawl in an ra kulh ih, ka thlaithar tēl lamah an kûn,” tiah a ti.
8 Cule a ulepawl in a hnenah, “Nang hin in uk taktak ding maw? Asilole kan parah thu na nei ngaingai ding maw?” tiah an ti. Cule a ulepawl cun a mangpawl le a ṭawngkampawl ruangah amah cu an hua sinsin.
9 Cun Joseph in a dang mang a măn lala ih, cucu a unaupawl a sim, “Zoh hnik uh, a dang mang ka măn lala. Cule tuih ṭumah cun ni, thlapi le arsi hleikhat pawl ka hmaiah an kûn,” tiah a ti.
10 Cule cumi cu a pa le a unaupawl a sim, cule a pa in Joseph cu a kawk ih, a hnenah, “Na rak măn mi himi mang cu ziang a si? Kei le na nu le na unaupawl cun leilung ah băwkin na hmaiah kan ra kûn ngaingai ding maw?” tiah a ti. 11 Cule a ulepawl in Joseph cu an iksik, asinan a pa in cuih thu cu a lung sungah a ret.
Joseph Zuarnak
12 Cun a ulepawl cu Shekem ah an paih rante rual khāl dingin an feh. 13 Cule Israel in Joseph hnenah, “Na ulepawl cu Shekem ah rante rual an khāl a si lo maw? Ra aw, an hnenah ka lo thlah ding,” tiah a ti.
Cu tikah Joseph in a pa hnenah, “Hi tawkah ka um ko,” tiah a ti.
14 Cun a pa in a hnenah, “Zangfahten va feh awla, na ulepawl an dam maw, an rante rualpawl teh an dam maw ti va zoh aw, cule thu in ra simkirsal aw,” tiah a ti. Cuti cun Hebron phaikuam ihsin amah cu a thlahsuak ih, Shekem ah a feh.
15 Joseph ramlak ih a vahvaih rero laiah mi pakhat in a rak táwng ih, cu pa cun Joseph thu a sut ih a hnenah, “Ziang so na hawl rero?” tiah a ti.
16 Cule anih in, “Ka ulepawl ka hawl. Zangfahten khui tawkah an rante rualpawl an khāl ti in sim hram aw,” tiah a ti.
17 Cule cu pa in, “Hi tawk ihsin an fehsuak zo, ziangahtile, ‘Dothan ah feh uhsi,’ an ti lai ka thei,” tiah a ti. Cutin Joseph in a ulepawl cu an dung ihsin a dawi hai ih, Dothan ah a va hmu hai.
18 Cule a unaupawl in hla nawn ihsin an rak hmuh tikah, an hnen a ra naih hai hlan ihsin amah that dingin an tawlrel. 19 Cun pakhat le pakhat, “Zoh hnik uh, mang mantu a rat khi! 20 Curuangah ra uh, atu-ah that uhsi la, khur pakhat khat sungah thlak uhsi, cule, ‘Sahrang in a deh,’ tiah kan ti ding. Cule a mang măn mipawl ziang an cang ti kan hmu ding!” tiah an ti.
21 Asinan cuih thu Reuben in a theih tikah, amah cu an kut ihta a runsuak ih, “A nunnak la hlah uhsi,” tiah a ti. 22 Cule Reuben in an hnenah, “A thisen suah hlah uh, asinan ramṭhing ih himi khur sungah hin thlak uh, asinan a parah kutthlak hrimhrim hlah uh,” tiah a ti hai. Joseph kha an kut ihsin runsuak tahratin a pa hnenih a hruaikirsal thei nak dingah Reuben in cutin a tinak a si.
23 Cun hitin a si, a ulepawl hnenih Joseph a thlen tikah Joseph cu a kâwrfual, răwng phunphun nei kâwrfual a hruh mi cu an hlihsak. 24 Cun an hruai ih, khur sungah an thlak. Cule cuih khur cu a kawlawng ih, a sungah tidai a um lo.
25 Cule rawl ei dingin an tokhawm. Cun khaw dang tangin, an zoh tikah, Gilead ram ihsin an kalaukpawl thawi Ishmael mi bur khat ra lai an hei hmu. An kalaukpawl cu rimthaw, thing hnai, mura
29 Cun Reuben cu khur ah a kir ih, ngai hnik, khur sungah Joseph a um nawn lo, curuangah a hnipuan a thlek. 30 Cule a unaupawl hnenah a kir ih, “Tlangvalpa a um nawn lo! Kei cu khuiah so ka feh thlang ding?” tiah a ti.
31 Cule Joseph-ih kâwrfual cu an lâk ih, mêpawl lakih me pa pakhat an that, cule a thisen sungah a kâwrfual cu an hnīm. 32 Cun răwng phunphun nei kâwrfual cu an kuat ih, an pa hnenah an keng, cule, “Hihi kan sar. Na fapaih kâwrfual a si le si lo na theithiam maw?” tiah an ti.
33 Cule Jakob cun a rak theithiam ih, “Himi cu ka fapaih kâwrfual a si. Sahrang in a rak deh a si hi! Rinhlelh ding um loin Joseph cu bawhthlek thluh a si ko,” tiah a ti.
34 Cun Jakob in a hnipuan a thlek ih, buri hnipuan a tâi ah a ṭawn ih, a fapa cu ni reipi a sûn.
35 Cule a fapapawl zate le a fanupawl zaten an pa hnem dingin an ra. Asinan anih cun hnĕm ding a el ih, “Ka fapa sūnin Sheol
36 Cu laiah Midian-mipawl in Joseph cu Izip ram ah Poṭifar hnenah an zuar. Poṭifar cu Faro
Judah le Tamar
1 Cuih cān ah hitin a si, Judah in a unaupawl a fehsan ih, Adullam khaw pa pakhat, a hmin Hirah hnenah a va cêng.
2 Cule Judah in cu tawkah a hmin Shua an ti mi Kanaan pa pakhat ih fanu a hmu ih, anih in cu nu cu nupi ah a ṭhit, cule a hnenah a lut. 3 Cun a nupi cu fa a vun ih, fapa a hring, cule Judah in a hmin ah Er a sak. 4 A nupi cun fa a vun lala ih fapa a hring, a hmin ah Onan a sak. 5 Cule a nupi in fa a vun leh lala ih, fapa a hring, cule a nu in a hmin ah Shelah a sak. Kezib ih a um laiah, a nupi in fa a hring.
6 Cun Judah in a fatir Er cu nupi a ṭhitsak, a hmin cu Tamar a si. 7 Asinan Judah-ih fatir Er cu Jehovah-ih mithmuh ah misualrál a si ih, Jehovah in amah cu a that. 8 Cule Judah in Onan hnenah, “Na u nupi hnenah lut awla, a parih na aṭuanvo cu tuah aw, cule na unaupa hrangah ci thlahsak aw,” tiah a ti. 9 Asinan Onan in cinung a thlah mi cu amai ta a si lo ding ti a thei, cule hitin a si, a u nupi hnenih a luh tikah, a u hrangah ci a thlahsak pang ding tiah a ci cu lei ah a tlakter. 10 Cule cuti vekih thil a tuah mi cu Jehovah-ih mithmuh ah thil ṭha lo a si, curuangah anih khal Jehovah in a that.
38:8a ṭuanvo: “Ṭhi aw” tinak a si.
11 Cun Judah in a fapa nupi Tamar hnenah, “Ka fapa Shelah a cût hlanlo na paih inn ah nuhmei in va um hrih ko aw,” tiah a ti. Ziangahtile, “Cuti a si lo ahcun anih khal a unaupawl vekin a thi ve pang ding,” tiah a ti. Cule Tamar cu a paih inn ah a tlung ih, a va cêng.
12 Tawkfang zet a rei hnuah Shua-ih fanu, Judah-ih nupi cu a thi. Cule Judah cu a hna a ngam thlang ih, amah le Adullam khawmi a rual pa Hirah cu Timnah ih a tuu hmul mettupawl hnenah an feh. 13 Cule Tamar hnenah, “Zoh hnik, na pasalih pa cu a tuu hmul met dingin Timnah panin a so,” tiah an sim. 14 Cun Tamar cun a nuhmei sinfen a hlit, khuhawknak in a hmai a khuhaw ih a ṭawnaw, cule Timnah khaw zin Enaim khaw luhnak ah a rak to, ziangahtile Shelah cu a cu thlang ih, amah Tamar cu Shelah nupi dingah pek a si lo ti a hmu. 15 Judah in amah a hmuh tikah, a hmai a khuh ruangah cu nu cu hlawhhlang ah a ruat. 16 Cun zin kapah cu nuih lam a hawi ih, “Zangfahten na hnenah ra lut ning,” tiah a ti. Ziangahtile a fapa nupi a si ti a rak thei lo.
Cule Tamar in, “Ka hnenih na luh thei nak dingah ziang i pe ding,” tiah a ti.
17 Cule anih in, “Rante rual lakih me no pakhat ka lo kuat ding,” tiah a ti.
Cule anih in, “Cumi i pek hlan sung kămawknak i pe ta lawk pei maw?” tiah a ti.
18 Cun anih in, “Ziang kămawknak so ka lo pek ding?” tiah a ti.
Cule cu nu in, “Na tacik le a hri le na kut ih um na kianghrăwl i pe ta aw,” tiah a ti. Cule cu nu hnenah cupawl cu a pe ih, a hnenah a lut, cule cu nu cun cu paih fa a vun. 19 Cutin Tamar cu a tho ih, a feh. Cule a hmai tuamnak a hlit ih, a nuhmei sinfen a hruksal.
20 Cule Judah in cu nuih kut ihsin a kămawknak va la dingin a rual pa Adullam khawmi kut in me no pakhat a kuat, asinan cuih nunau cu a hmu nawn lo.
21 Cun cuih hmun ih um mipapawl hnenah, “Zin kap Enaim khua ih sakhaw hlawhhlang
Annih in, “Hi hmun ah hlawhhlang an um lo,” tiah an ti.
22 Cule cu pa cu Judah hnenah a kir ih, “Cu nu ka hmu thei lo. Cu tawk hmun ih um mipapawl khal in hi hmun ah sakhaw hlawhhlang
23 Cun Judah in, “A lâk mi cu amah in co men seh, culole kan mualpho pang ding; ngai hnik, hi me no hi ka kuat ih, cu nu na va hmu fawn lo,” tiah a ti.
24 Cule hitin a si, thla thum tluk a rei hnuah, “Na fapa nupi Tamar cun nunau-mipa sualnak a tuah, cuihtlunah nunau-mipa sualnak a tuahnak in fa a vun,” tiin Judah an sim.
Cule Judah in, “Amah cu hruaisuak uhla, urkăng si seh,” tiah a ti.
25 Cu nu an hruaisuah tikah a pasalih pa hnenah thu a cah ih, “Hi thilri neituih fa sokhaw ka vun,” tiah a ti. Cule, “Hi tawkih hminkhennak, hri le kianghrăwl hi zo ta an si ti ṭhaten ruat seh,” tiah a ti.
26 Cule Judah in cupawl cu a rak theithiam ih, “Anih cu kei hnakin a dingfeldeuh a si, ziangahtile ka fapa Shelah cu amah ka pek si lo,” tiah a ti. Cule anih cu a ihpisal nawn lo.
27 Cun hitin a si, nau hrin a cût tikah, ngai hnik, a sūl sungah faphir an um. 28 Cule fahrin a thawk rero laiah, hitin a si, pakhat in a kut a suah, nau sartu in, “Hihi suak hmaisa a si,” tiin pat senlar a lâk ih a kut ah a rak khit. 29 Cun hitin a si, naute in a kut a lâkkir tikah, ngai hnik, a unaupa a ra suak hmaisa. Cule nau sartu nu in, “Ziangtin nangmah ten na rak pahsuak?” tiah a ti. Curuangah a hmin ah aPerez tiah an sak. 30 Cuih hnuah a kut ih pat senlar a khih mi a naudeuh a suak. Cule cu paih hmin cu bZerah tiih kawh a si.
38:29a Perez: “Pahsuak” tinak.
38:30b Zerah: “Tle” tinak.
Joseph le Poṭifar Nupi
1 Joseph cu Izip ram ah an hruai. Faro
7 Cule hi thilpawl hnuah, hitin a si, a pu nupi in câknak mit in Joseph a mitmei ih, “I ihpi aw,” tiah a ti.
8 Asinan anih in a el ih, a pu nupi hnenah, “Zoh hnik, ka bawipa in ka hnenih um a inn sungih thilri zianghman a thei lo, a neih mi zaten ka kut ah i ap. 9 Hi inn sungah keimah hnakih tûm zohman an um lo, ka bawipa in nangmah siarlo ka parah zianghman sian lo mi a nei lo. Ziangruangahtile nang cu a nupi na si. Ziangtin hi sualralnak rapthlak tuahin Pathian parah ka sual thei ding?” tiah a ti.
10 Cun hitin a si, cu vekin ni tin Joseph hnenah a ṭawng ringring nân, Joseph in cu nuih thu a ngai lo ih, amah ihpi le a hnenih um a duh lo.
11 Asinan ni khat cu hitin a si, a hnaṭuan dingin inn sungih Joseph a luh tikah, cuih inn ih um mipa zohman an rak um lo. 12 Cule a pu-ih nupi in, “I ihpi aw,” tiin a sinfen in a kai. Asinan a kut ah a sinfen a tān ta, cule a tlânsuak ih, lengah a tlân. 13 Cule hitin a si, a kut ah a sinfen a tān ta ih lengah a tlânsuak ti a hmuh tikah, 14 a inn um mipapawl a ko hai ih an hnenah, “Zoh hnik uh, Poṭifar in Hebru pa kan inn sungah kanmah in hmuhsuam dingah a hruailut. I ihpi dingin ka hnenah a rung lut ih, aw ring zetin ka au. 15 Cule hitin a si, ka aw suahin ka au ti a theih tikah, ka hnenah a sinfen a tān ta ih a tlânsuak, cule lengah a feh,” tiah a sim hai.
16 Cule Joseph-ih pu a ra tlun hlanlo a hnenah Joseph-ih sinfen cu a ret. 17 Cun Poṭifar hnenah a nupi in, “Kan hnenih na run hruai mi Hebru siahhlawh cu ka hnenah i hmuhsuam dingin a rung lut. 18 Cule hitin a si, ka aw suahin, ka au. Cule ka hnenah a sinfen a tān ta ih, lengah a tlânsuak,” tiin hiti vek thupawl tla a rak sim.
19 Hitin a si, “Na siahhlawh pa in ka parah hitin a tuah,” tiih a hnenih a nupi sim mi thu Joseph-ih pu in a theih tikah, a thinheng cu a lingin a ling. 20 Cun Joseph cu a pu in a hruai ih, thawnginn sungah a ret, cucu siangpahrangih thawngtlapawl an khumnak hmun a si. Cule anih cu cu tawkih thawnginn ah cun a um. 21 Asinan Joseph cu Jehovah in a umpi ih, a parah zahngainak a langter, cule thawnginn kiltu mithmuh ah duhsaknak a coter. 22 Cule thawnginn kiltu pa in thawnginn sungih um thawngtla zaten Joseph kut ah a ap. Cu tawkih an tuah mi pauhpauh cu Joseph ih tuah a si ṭheh. 23 Thawnginn kiltu pa in thil zianghman Joseph thuneihnak hnuaiih um mi cu a zoh lo. Ziangahtile Jehovah in Joseph cu a umpi ih, a tuah mi pauhpauh, Jehovah in a hmuingilter.
Joseph in Mang a Hrilhfiah
1 Hi thilpawl hnuah hitin a si, Izip siangpahrang sabit zu suahtu le sang rawhtu in an bawi Izip siangpahrang parah thil an ti sual.
2 Cule Faro
5 Cun thawnginn sungih khum mi Izip siangpahrang sabit zu suahtu le sang rawhtu an pahnih in zan khat zan ah sullam nei mang an măn veve. 6 Cule a thaizing Joseph an hnen a va feh ih, a va zoh hai tikah, riahsiain a hmu hai. 7 Cule a bawipaih inn ih khumnak sungih a hnenih um ve mi Faro-ih bawi pahnih te hnenah cun, “Ziangah so tuihsun cu riahsia hmel nan put?” tiin a sut hai.
8 Cule annih in a hnenah, “Kan pahnih in mang kan măn veve ih, hrilhfiahtu zohman an um lo,” tiah an ti.
Cule Joseph in an hnenah, “A hrilhfiahnak cu Pathian ta a si lo maw? Zangfahten nan mang cu in sim hnik uh,” tiah a ti.
9 Cun sabit zu suahtu lu bik cun a mang Joseph a sim ih a hnenah, “Ngai hnik, ka mang ah ka hmaiah sabit hri a um ih, 10 cuih sabit hri parah hnge pathum a um. A cerh liaili laiah a parsuak ih, a hngepawl cun sabit rah hmin bawr pawl an suah. 11 Cun Faro-ih no cu ka kut ah a um, cule sabit rah ka lo ih Faro-ih no sungah ka sawr, cule cuih no cu Faro kut ah ka pe,” tiah a ti.
12 Cule Joseph in a hnenah, “Na mang hrilhfiahnak cu hihi a si, a hnge pathum cu ni thum tinak a si. 13 Ni thum sungah Faro in na lu a lo cawisâng ding ih, nangmai hna kel ah a lo retsal ding. Cule a hlan vekin a sabit zu suahtu na rak si laiih na tidān vek khan Faro-ih no cu a kut ah na ret leh ding. 14 Cun na lam a tluan tikah, i máng hram awla, ka hnenah ngilneihnak langter hram aw, Faro hnenah i rellang awla, hi inn ihsin i suah hram aw. 15 Ziangahtile thungaiten keimah cu Hebru ram ihsi in rûk mi ka si ih, hi tawk khalah thawnginn thim sungih thlak ding tlak sual tuah mi zianghman ka nei lo,” tiah a ti.
16 Sang rawhtu lu bik in hrilhfiahnak cu a ṭha ti a thei ih, Joseph hnenah, “Kei khal mang ka nei ve ih, ngai hnik, ka lu parah sang var kho thum a um. 17 A tlunta bik kho sungah Faro hrangih kăn mi rawl phun zakip a um ih, ka lu par kho sung ihta pawl cu vate in an ei,” tiah a ti.
18 Cule Joseph in a sawn ih, “A hrilhfiahnak cu hihi a si, kho pathum cu ni thum tinak a si. 19 Ni thum sungah Faro in na lu a lo cawikâng ding ih, thing parah a lo thlaithat ding, cule vatepawl in na titsa an ei ding,” tiah a ti.
20 A ni thumnak ah hitin a si, cucu Faro suah ni cam a si, a siahhlawhpawl zate hrangah puai a tuahsak. Cule sabit zu suahtu lu bik le sang rawhtu lu bik cu a siahhlawhpawl lakah an lu a cawikâng veve. 21 Cun sabit zu suahtu lu bik cu sabit zu suahtu sinak kel ah a retsal ih, Faro kut ah no a pe. 22 Asinan Joseph in a rak hrilhfiahsak hai vekin sang rawhtu lu bik cu a thlaithat. 23 Cuti a si nân sabit zu suahtu lu bik in Joseph cu a máng nawn lo, a hngilh riangri.
Faro Mangpawl
1 Cun hitin a si, kum hnih pumpi a cem ah, Faro
9 Cun sabit zu suahtu lu bik in Faro hnenah, “Tuihni ah ka thil sual tuah mipawl ka mangsuak. 10 A siahhlawhpawl parah Faro a thin a heng tikah, keimah le sang rawhtu lu bik cu kiltupawl hotu inn ih khumnak ah in khum. 11 Amah le kei cu zan khat zan ah mang kan măn veve. Mang sullam dang nei veve kan măn. 12 Cu tawkah kan hnenah Hebru tlangval pakhat a um ih, kiltupawl hotu paih siahhlawh a si. Cule amah kan sim ih, anih in kan mangpawl cu in hrilhfiahsak. Kan mang sullam veve vekin in hrilhfiahsak. 13 Cule hitin a si, in hrilhfiahsak vek rori in kan parah a cang taktak. Kei cu ka hna kel ah i retsal ih, anih cu a thlaithat,” tiin a sim.
14 Cun Faro in mi a thlah ih Joseph cu a ko. Cule thawnginn thim sung ihsin a rang thei bikin an suah, cule a ziataw, a hnipuan a thlĕng ih Faro hnenah a feh. 15 Cule Faro in Joseph hnenah, “Mang ka măn ih, a hrilhfiah thei tu zohman an um lo. Asinan nang in mang thu na hna ih na theih tikah, na hrilhfiah thei tiah na thuhla ka rak thei,” tiah a ti.
16 Cun Joseph in Faro cu, “Cucu keimah ih um a si lo, Pathian in Faro cu hnangamumza thulehnak a pe ding,” tiin a sawn.
17 Cun Faro in Joseph hnenah, “Ngai hnik, ka mang ah, Nâl tiva pi kapah ka rak ding. 18 Cule ngai hnik, Nâl tiva pi sung ihsin caw pi mawi zetzet le thau ṭha hmemhmem pasarih an ra suak ih, tlimno umnak hmun lei hnâwng ah an tláng. 19 Cun ngai hnik, cupawl hnuah caw pi ṭiaṭai lo le zohse zet le ṭawl ṭéngṭéng a dang pasarih an ra suak, cuvek caw pi zoh sia cu Izip ram pumpi khalah ka hmu dah lo. 20 Cuih cawpi ṭawl ṭéngṭéng le zohse zet pawl cun a hmaisadeuh caw pi thau ṭha hmemhmem pasarih pawl cu an ei thluh. 21 Cutiih an ei thluh hnu khalah, zohman in an ei ti an theithiam cuang lo, ziangahtile cuih cawpawl cu a tir vekin zoh an se thotho. Cutin ka hung ṭhang. 22 Ka mang thothoah cun ngai hnik, fang ko pakhat ihsin fang vui khat ṭiaiṭiai le ṭha pasarih an ra suak ka hmu. 23 Cun ngai hnik, cupawl hnuah fang vui vuai, fêm le nisuahnak lam thli ih hranro mi pasarih an hung suak. 24 Cule fang vui ṭha pasarih pawl cu fang vui fêm pawl cun an dawlh thluh. Cutin hi thil cu mitkher thiam pawl ka sim nain, i lehsak thei tu zohman an um lo,” tiah a ti.
25 Cule Joseph in Faro hnenah, “Faro-ih mangpawl cu thu khat a si. Pathian in a tuah ding mi Faro a rak theihter a si hi! 26 Caw pi ṭha pasarih cu kum sarih a si, fang vui ṭha pasarih khal kum sarih thotho a si, mangpawl cu thu khat a si. 27 Cule cupawl hnuih ra suak caw pi ṭawl ṭéngṭéng le zohse zet pasarih cu kum sarih a si ih, nisuahnak lam thli hranro mi fang vui hivâi khal kum sarih mangṭam a si. 28 Himi hi Faro hnenih ka sim mi cu a si. Pathian in a tuah ding mi Faro a rak hmuh cia. 29 Ngai hnik, Izip ram pumpuluk ah nasa zetih paṭhatnak kum sarih sung a um ding. 30 Asinan cuih hnuah kum sarih mangṭam a thleng ding ih, paṭhat kum zaten Izip ram sungah hngilh thluh a si ding, cule cuih mangṭam cun ram a eise thluh ding. 31 Cuih hnuih ra thleng ding mi mangṭam ruangah cuih ram paṭhat lai cu theih a si nawn lo ding, ziangahtile cuih mangṭam cu a rauh tuk ding. 32 Cule hi thil hi Pathian dĭn hngeh mi a si ruangah mang cu Faro hnenah vei hnih nawlhsal a si ih Pathian in cumi cu a thlengter cing ding.
33 “Curuangah Faro in thil thleidang thiam le fim mi pakhat hril sehla, Izip ram sungih thuneitu ah ret seh. 34 Faro in cumi cu tuah sehla, kum sarih paṭhat kum sungih Izip ram ih a suak mi ṭhen nga ṭhen khat tirawl khawng dingin a ram sungah hotupawl ruat seh. 35 Cule cupawl cun a ra thleng lai ding mi paṭhat kum ih rawl hmuahhmuah khawm hai sehla, Faro-ih thuneihnak hnuaiah fang khawl hai seh, cule khawpipawl ah rawl khawl hai seh. 36 Cun mangṭam laiih ram a siatrallonak dingah, cuih rawl cu Izip ram ih mangṭam ra thleng lai ding mi kum sarih hrangah siahrelh a si pei,” tiah a ti.
Joseph cu Uktu ah a Cang
37 Cuih thurăwt mi cu Faro mit ah le a siahhlawhpawl zate ih mit ah thil ṭha a si. 38 Cule Faro in a siahhlawhpawl hnenah, “Pathian Thlarau umnak hi pa vek mi dang kan hmu thei ding maw?” tiah a ti.
39 Cule Faro in Joseph hnenah, “Pathian in cupawl zaten a rak lo hmuh zo. Nang vekih thil thleidang thiam le mifim zohman an um lo. 40 Ka sungkua ah thuneitu na si ding ih, na ṭawngkam vekin ka mipawl hmuahhmuah cu uk an si ding. Laltokham thu lawngah nangmah hnakin kei ka tumsawn pei,” tiah a ti. 41 Cule Faro in Joseph hnenah, “Zoh hnik, Izip ram pumpi tlunih thuneitu ah ka lo ruat zo,” tiah a ti.
42 Cun Faro in a kut ih zunghruk tacik
41:45a Zafnath-Paaneah: Hebru ṭawng ih a sullam cu theihfiang a si lo. Izip hmin a si ih, a sullam a hlo zo.
46 Joseph cu Izip siangpahrang Faro hmaiih a dīn tikah kum 30 a si. Cule Joseph cu Faro hmaika ihsin a fehsuak ih, Izip ram pumpi a tlawngsuak thluh. 47 Paṭhat kum kum sarih sung cu lei in rah a tawrin a suah. 48 Cule Izip ram ih kum sarih sungih rawl zaten Joseph in a khawm ih, khawpipawl ah a sêkkhawm. Khawpi kip ah an kiangkap cio ih lópawl ih rawl cu a sêkkhawm. 49 Tah cawk a si nawn lo ruangah a siar cawlhsan tiangin Joseph in tifinriat vunnel vekin fang tam ngaingai, siar cawk lo a khawl.
50 Cule On khawpi ih puithiam Potiferah-ih fanu Asenath in mangṭam a thlen hlanah fapa pahnih Joseph a hrinsak. 51 Joseph in a fatir hmin cu aManasseh tiah a sak. “Ziangahtile Pathian in ka harnak zate le ka paih innsungsang zaten i hngilhter a si,” tiah a ti. 52 A pahnihnak cu bEfraim tiah hmin a sak. “Ziangahtile Pathian in ka zăwnzaihnak ram ah ci tampi i zaihter a si,” tiah a ti.
41:51a Manasseh: “Hngilhter” tinak a si.
41:52b Efraim: “Ci tampi zaih” tinak a si.
53 Cun Izip ram ih paṭhat kum kum sarih cu a cem. 54 Cule Joseph in a sim cia bangin kum sarih mangṭam a thleng thawk thlang. Ram hmuahhmuah ah mangṭam a thleng, asinan Izip ram pumpi ah cun rawl a um. 55 Cule Izip ram pumpi an ṭam tikah, Faro hnenah rawl dilin mipi an au. Cun Izip-mi zate hnenah Faro in, “Joseph hnenah feh uhla, a lo sim mi pauhpauh tuah uh,” tiah a ti hai. 56 Mangṭam cu leilung vangdâp pumpi parah a tlung ih, Joseph in rawl khawlnak inn zaten a áwng ṭheh ih, Izip-mipawl hnenah a zuar. Cule mangṭam cu Izip ram ah a rauh zet. 57 Ram hmuahhmuah ah mangṭam a rauh tuk ruangah, ram kip in Joseph hnenah Izip ram ah fang lei dingin an ra.
Izip ah Joseph Unaupawl an Feh
1 Jakob in Izip ram ah fang a um ti a hmuh tikah Jakob in a fapapawl hnenah, “Ziangruangah pakhat le pakhat nan zoh aw?” tiah a ti hai. 2 Cule amah thotho in, “Ngai hnik uh, Izip ram ah fang a um tiah ka thei, thi loih kan nun thei nak dingah cu tawkah vung feh uhla, kan hrangah vung lei uh,” tiah a ti hai.
3 Cule Joseph-ih u mi pahra pawl cu fang lei dingin Izip ram ah an vung feh. 4 Asinan Jakob in Joseph-ih nau Benjamin cu a ulepawl hnenah a thlah lo. Ziangahtile, “A parah vanduainak ziang simaw a thleng pang ding,” tiah a ti. 5 Cule Israel-ih fapapawl cu khualtlawng mipawl lakah fang lei dingin an suk, ziangahtile Kanaan ram khalah mangṭam a thleng.
6 Cuih cān ah Joseph cu ram uktu a si ih, amah cu cuih rammi zate hnenih fang zawrhtu a si. Cule Joseph-ih ulepawl cu an ra ih, an hmai leisin bihin a hmaiah an băwk. 7 Joseph in a ulepawl a hmuh tikah a theithiam hai, asinan an hnenah mi dangpi vekin a umawter ih, hrohrang zetin a be hai. Cun an hnenah, “Khui tawkin nan ra?” tiah a sut hai.
Cule annih in, “Rawl lei dingin Kanaan ram ihsin kan ra,” tiah an ti.
8 Cuih cān ah annih cun an theithiam lo nain, Joseph cun a ulepawl cu a theithiam hai. 9 Cun Joseph in a ulepawl thuhla ih a măn mi mangpawl cu a cîng lai. Cule an hnenah, “Nanmah cu thlingthlatu nan si! Ram a lawnglakzia zoh dingih ra nan si,” tiah a ti hai.
10 Cule annih in a hnenah, “A si lo, ka bawipa, na siahhlawhpawl hi rawl lei dingih ra kan si sawn. 11 Kan zaten mi pakhat fa kan si, midik kan si, na siahhlawhpawl hi thlingthlatu kan si lo,” tiah an ti.
12 Asinan anih in an hnenah, “A si lo, kan ram ṭawnṭaihzia zoh dingih ra nan si,” tiah a ti hai thotho.
13 Cule annih in, “Na siahhlawhpawl hi unau hleihnih kan si, Kanaan ram ih mi pakhat fa kan si. Thungaiin, nautabik cu tuihni ah kan pa hnenah a um ih, pakhat cu a um nawn lo,” tiah an ti.
14 Asinan Joseph in an hnenah, “Ka lo ti zo bangin, ‘Thlingthlatu nan si,’ tiah a ti hai.
15 Hitiih hniksak nan si ding: Faro
18 Cun a ni thumnak ah Joseph in an hnenah, “Hihi tuah uhla, nan nung ding, ziangahtile Pathian ka ṭihzah. 19 Midik nan si ngaingai le nan unau lakih pakhat khat nan umnak thawnginn ah khum si seh, asinan nannih cu feh uhla nan innsungsang mangṭam hrangah fang phur uh. 20 Cule nan nautabik cu ka hnenah run hruai uh, cuti cun nan ṭawngkampawl cu thudik a si ti a nĕmhnget ding ih, nan thi lo ding,” tiah a ti. Cule a ti vekin an tuah.
21 Cun pakhat le pakhat, “Kan naupa thuhla ah kan mawh taktak a si. Ziangahtile zangfah in dil rero laiah a nun ānhaizia kan hmu ko, curuangah kan rak ngaithla lo. Curuangah hi vansannak hi kan parah a thleng a si,” tiah an tiaw.
22 Cule Reuben in an hnenah, “Nan hnenah, ‘Tlangvalpa parah sual hlah uh,’ tiin ka lo ti a si lo maw? Ka thu in ngai lo pi. Curuangah, ngai hnik uh, a thisen man kan kuan thlang a si hi,” tiin a sawn hai. 23 Asinan an hnenah ṭawng lettu hmangin a biak hai ruangah annih in Joseph in an ṭawng a theithiam hai ti an rak thei lo. 24 Cule anmah cu dung a hawisan lawk hai ih a ṭap. Cun an lam a hawisal ih a be hai. Cule an mithmuh ah Simeon a kai ih, a ṭawn.
25 Cun Joseph in a ulepawlih dip sungah fang khat ko thunsak dingin le an paisa khal an dip sung cio ah sănsaksal dingin le lamzin ih an lamcaw ding khal pe dingin thu a pe. Cuti vekin a ulepawl hnenah cun a tuah. 26 Cule a ulepawl cun an lākpawl fang an phurhter ih, cu tawk ihsin an păwksuak. 27 Riahbûk an thlen tikah an unau lakih pakhat in a lāk rawl pe dingin a dip a kau ih, a paisa a hmu. Cule ngai hnik, cucu a dip kâ ah a si. 28 Cule anih in a unaupawl hnenah, “Ka paisa in khirh, ngai hnik uh, ka dip sungah a um!” tiah a ti. Cun thinphâng le khūrin an um.
Pakhat le pakhat, “Kan parih Pathian thil tidān hi ziangtin a si?” tiah an tiaw.
29 Cun Kanaan ram ih an pa Jakob hnenah an tlung ih, an parih thil cang mi zaten an sim. 30 “Cuih ram uktu pa in hrohrang zetin in bia ih, an ram thlingthlatu ah in puh. 31 Asinan kannih in a hnenah, ‘Kannih cu midik kan si, thlingthlatu kan si lo. 32 Kanmah cu pa pakhat fa kan si ih, unau hleihnih kan si. Pakhat cu a um nawn lo ih, kan nautabik cu tuihsun ah Kanaan ram, kan pa hnenah a um,’ tiah kan ti. 33 Cule cuih ram bawi, cu pa cun kan hnenah, ‘Hiti hin midik nan si ti ka thei ding, nan unauza lakih pakhat cu ka hnenah tân ta uh, nan sungkua mangṭam hrangah rawl phur uhla, tlung uh. 34 Cule nan nautabik ka hnenah run hruai uh, cu lawnglawngah thlingthlatu si loin midik nan si ti ka thei ding. Cule nan unaupa ka lo pe ding ih, hi ram ah sum nan tuah thei ding,’ tiah in ti,” tiah an sim.
35 Cun hitin a si, an dip an tlĕng tikah, ngai hnik, an paisa ken mi cu a tawmin an dip sung cio ah a um. Cule annih le an pa in cuih paisa tawm an hmuh tikah an ṭih. 36 Cule an pa Jakob in an hnenah, “Nannih in fa lo ah in can a si hi: Joseph a um nawn lo, Simeon a um nawn lo, Benjamin hruaihlo nan duh lala fawn. Hi thil hmuahhmuah tla hin i nĕn a si,” tiah a ti.
37 Cu tikah Reuben in a pa hnenah, “Na hnenih ka hun tlunkirpi lo asile ka fapa pahnih that aw, Benjamin cu ka kut ah i ap mai awla, amah cu na hnenah ka hun hruaikir tengteng ding,” tiah a ti.
38 Asinan Jakob in, “Ka fapa cu nan hnenah a vung feh lo pei, ziangahtile a u a thi zo ih, amah lawng a tâng. Lamlak ah vanduainak a parah ziang simaw a thlen pang asile ka sámpar hi riahsiatnak thawn Sheol
A Vei Hnihnak Izip Tlawnnak
1 Mangṭam cu cuih ram ah a rauh tuk lawmmam. 2 Cule hitin a si, Izip ram ihsin an phurh mi fang an eicem tikah, an pa in an hnenah, “Vung fehsal uhla, kan hrangah rawl málte tal lei leh uh,” tiah a fial hai.
3 Asinan Judah in a hnenah, “Cu pa in, ‘Nan naupa nan run hruai lo asile ka hmel in hmu lo ding,’ tiin khohkhah zetin ralrinnak in pe. 4 Kan naupa kan hnenih na thlah ve asile kan suk ding ih, rawl kan lo leisak ding. 5 Asinan na thlah lo ding asile kan vung suk lo ding, ziangahtile cu pa in, ‘Nan naupa nan run hruai lo asile ka hmel in hmu lo ding,’ in ti,” tiah a ti.
6 Cule Israel in, “Ziangruangah saw nau dang nan neih thu cu pa simin ka hrangih thil ṭha lo nan tuah?” tiah a ti hai.
7 Asinan annih in, “Cu pa in, ‘Nan pa teh a nung lai maw? Nau dang teh nan nei maw?’ tiin kan thuhla le kan sungkhat umdān cipciarin in sut. Cule hi ṭawngkampawl bangtukin kan rak sim ve. ‘Nan naupa nan run hruai pei,’ tiah in ti ding ti ziangtin kan rak thei cia thei ding?” tiah an ti.
8 Cule Judah in a pa Israel hnenah, “Ka zawngah pate cu thlah aw. Cule kan fanau tete pawl le kanmah le nangmah khal thi loih kan nun thei nak dingah kan tho ding ih, kan feh ding. 9 Keimah rori hi a hrangah âmkhām ka si ding; keimah hnenah amah cu i hlám aw. Amah cu na hnenah hruaikirsal loin le na hmaiah thlen loih ka um asile kumkhuain mawh tuar ko ning. 10 Ziangahtile um rei lo sehla, atu-ah cun a vei hnihnak kan hung tlungkirsal zo tengteng ding,” tiah a ti.
11 Cule an pa Israel in an hnenah, “Cuti ding asile hitin tuah ko uh, nan bawm sungah hi ram suak thingthei rah ṭhabik bik tla săn uh. Cun thing hnai málte siseh, khuai tizu málte siseh, rimthaw siseh, amura siseh, bpestasoe le almond
43:11a mura: 37:25 simfiangnak zoh aw.
43:11b pestasoe: Hebru ah cun
15 Cule milaipawl cun cuih laksawng le paisa a letih tam an kut in an keng, Benjamin khal an hruai. Cule an tho ih Izip ram lam panin an suk ih, Joseph hmaiah an ding. 16 Joseph in an zawngih Benjamin a hmuh tikah, a inn kilkhawitu hnenah, “Hipawl hi ka inn ah hruai hai aw, cule ran that awla timtuah cia aw, ziangahtile hipawl hi sun ah ka hnenah rawl an ei ding,” tiah a ti. 17 Cun cu pa cun Joseph thupek vekin a tuah ih, cu pa cun annihpawl cu Joseph-ih inn sungah a hruailut hai.
18 Cu pa in Joseph inn sungih a hruailuh hai ruangah an ṭih. Cule annih in, “A hmaisa ṭum kan rat tikih kan dip sungah paisa khirhsal a rak si ruangah in hruailut a si. Cutin mawhpuhin in do ih, kan lākpawl thawn sál ih in hruai a tum a si ding,” tiah an ti.
19 Joseph-ih inn kilkhawituih kiang an va naih tikah, sângka kiangah amah thawn an beaw ih, 20 annih in, “Maw bawipa, rawl lei ding rori in a hmaisa ṭumah khan kan ra. 21 Asinan, hitin thil a cang, riahbûk kan thlen tikah kan dippawl kan kau ih, ngai hnik, kan paisa cio cu paisa kimten kan dip kâ cio ah a um. Cucu atu-ah kan kut in kan run kengkir. 22 Cule rawl leinak ah paisa dang khal kan kut in kan run kengbêt. Kan dippawl sungah kan paisa zo in a ret ti kan thei lo,” tiah an ti.
23 Asinan anih in, “Hnangamten um uh, ṭih hlah uh. Nan paih Pathian le nan Pathian in nan dip sungah hlawnthil a rak lo pe a si, nan paisa ka ngahkim ko,” tiah a ti hai. Cun an hnenah Simeon a suah.
24 Cule cu pa in Joseph-ih inn sungah annihpawl cu a hruailut hai ih, tidai a pe hai, cule an ke an khawlh ih, an lākpawl rawl a pe. 25 Cun sun ih Joseph a tin tikih pek dingah laksawng an timtuah cia, ziangahtile cu tawkah rawl an ei ding a si ti hna in an rak thei cia.
26 Cule inn ih Joseph a tin tikah, inn sungih an kut sungih um mi an laksawng cu an pe ih, a hmaiah leilung ah an kûn. 27 Cun Joseph in an dam le dam lo thuhla a suthliah hai. Cule, “Nan rel mi putar, nan pa teh a dam maw? A nung lai maw?” tiah a ti.
28 Cule annih in, “Na siahhlawh kan pa cu a damṭha, a nung lai sokhaw,” tiah an let. Cule an kûn ih, an băwkkhup.
29 Cun Joseph cu khua a tang ih a nuih fa, a nau Benjamin a hmu, cule, “Hi pa hi ka hnenih in sim mi nan nautabik cu a simaw?” tiah a ti. Cule anih in, “Pathian in na parah zangfahnak nei hram seh, ka fapa,” tiah a ti. 30 A thinlung in a naupa a lainat; curuangah Joseph cun ṭahnak ding zamrang zetin a hawl lohli. Cule a pindan sungah a lut ih, cu tawkah a ṭap. 31 Cun a hmai a phiah ih, a ra suak. Cule a sūpaw ṭenṭo ih, “Sang timtuah thlang uh,” tiah a ti.
32 Cule a dangten anih cu rawl an pe ih, a ulepawl khal a dangten an pe. A hnenih rawl ei Izip-mipawl khal a dangten an pe. Ziangruangahtile Izip-mipawl cun Hebrumipawl
Joseph-ih No
1 Joseph in a inn kilkhawitu hnenah, “Hipawlih dip sungah an phurh thei zat in rawl thunkhat awla, an paisa cio khal an dip kâ ciar ah retsak aw. 2 Nautabik dip kâ ah ka no, ngun no le a fang leinak tangka kha săn aw,” tiin thu a pe. Cule Joseph ih sim mi ṭawngkam bangtukin a tuah. 3 Zing khua a van veten, cuih mipapawl cu anmah le an lākpawl thawn tlunter an si. 4 Khawpi sung ihsi hla tuk an thlen man hlanah Joseph in a inn kilkhawitu hnenah, “Tho aw, hipawl hi an dung ihsin dawi awla, na man hai tikah, an hnenah, ‘Ziangah so thil ṭha cu thil ṭha lo ih nan lehrulh? 5 Hihi ka bawipa ih in ṭheu nak no le simsung thiamnak roriih a hman ṭheu mi kha a si lo maw? Thil nan rak tuah mi hi thil ṭha lo a si,’ tiah na ti pei,” tiin thu a pek.
6 Cule a hei man hai ih, an hnenah hi ṭawngkampawl cekci cu a va sim hai. 7 Cule annih in a hnenah, “Ziangah so ka bawipa in hi ṭawngkampawl a ṭawng? Kannih na siahhlawhpawl in cuvek thil kan ti hrimhrim lo ding. 8 Zoh hnik, kan dip kâ ih kan hmuh mi paisa cu Kanaan ram ihsin na hnenah kan run kengkir. Ziangtin saw na bawipaih inn ih sui le ngun cu kan fir thei ding? 9 Cuvek thil na hmuhnak na siahhlawh pauhpauh cu thi ko seh, cule kannih khal ka bawipaih sál ah kan cang ko ding,” tiah an ti.
10 Cule anih in, “Atu-ah nan ṭawngkampawl bangtukin si ko seh. Cuih thil ka tawnnak pa cu ka sál ah a cang ding ih, nannih cu sawihnăwm kai lo nan si ding,” tiah a ti. 11 Cun mai dip cio zamrangin lei ah an ṭhum ih, anmai dip cio an kau. 12 Cule anih in a hawl. Upabik ihsin a thawk ih nautabik ah a net, cule Benjamin dip sungah no cu hmuh a si. 13 Cu tikah an hnipuan an thlek ih, lāk parah an thilri cio an suang ih khawpi sungah an kirsal.
14 Cule Judah le a unaupawl cu Joseph inn ah an ra lut ih, cu tawkah Joseph a rak um lai. Cule a hmaiah lei ah an hlăwnaw. 15 Cule Joseph in an hnenah, “Nan thil tuah mi ziang a si? Kei vek minung cun simsung thiamnak in thil ka hmusuak thei ti nan thei lo maw?” tiah a ti hai.
16 Cun Judah in, “Ka bawipa hnenah ziang kan sim ding? Ziang kan ṭawng ding? Asilole ziangti zawngin kan mawh lozia kan lo hmuh ding? Na siahhlawhpawlih mawhsualnak cu Pathian in a hmusuak zo. Ngai hnik, kannih cu ka bawi-ih sál rual kan si, kannih le no tawnnak pa cu na sál kan si ko,” tiah a ti.
17 Asinan Joseph in, “Cuti vek cun ka tuah lamlam zik lo, a kut ih no ka siahhlawh ih a tawnnak pa lawng ka sál ah cang seh. Cule nannih cu nan pa hnenah hnangamten hung tlungso uh,” tiah a ti.
18 Cun Judah in amah cu a va naih ih, “Zangfahten, maw ka bawipa, na siahhlawh in ka bawipaih theihah kam khatten ṭawng ta seh, na siahhlawh parah na thinhengnak alh hram hlah seh. Ziangahtile nang cu Faro
24 “Cun hitin a si, na siahhlawh ka pa hnenih kan hung soh tikah, ka bawi-ih ṭawngkampawl cu amah kan sim.
25 Cule kan pa in, ‘Fehsal uhla, kan hrangah rawl málten va lei uh,’ in ti.
26 Asinan kannih in, ‘Kan vung feh thei lo, kan nautabik kan hnenih a tel lawngah kan vung ding, ziangahtile kan nautabik kan hnenih tel lo cun cu paih hmel kan hmu thei lo ding,’ tiah kan ti.
27 Cule na siahhlawh, ka pa in kan hnenah, ‘Ka nupi in fapa pahnih i hrinsak ti nan thei.
28 Pakhat deuh cu ka hnen ihsin a fehhlo zo ih, “Thungaiten anih cu bawhthlek nêknêk a si zo,” tiah ka lo ti, cuih si thawkin amah ka hmu nawn lo.
29 Cun hi pa ka hnen ihsi nan hruai lala asile vanduainak a parah thleng pang sehla, ka sámpar pi hi riahsiatnak thawn Sheol
30 “Cun na siahhlawh ka pa hnen ka hung thlen tikah, kan hnenih nauhniang a tel lo asile kan paih nunnak cu hi nauhniang nunnak thawi a pehawk ruangah, 31 hitin a si ding, kan hnenah nauhniang a tel lo ti kan pa in a hmuh tikah cun a thi ko ding. Cule na siahhlawhpawl hin na siahhlawh kan pa sámpar pi cu riahsiain Sheol ah kan fehliamter ding. 32 Ziangahtile, ‘Nauhniang na hnen ka thlenpi lo asile ka nun sung ka pai hmaiah kumkhuain mawh tuar ko ning,’ tiin na siahhlawh hi nauhniang hrangah ka pa hnenih âmkhām ka si. 33 Curuangah atu-ah zangfahten, hi nauhniang aiah ka bawipaih siahhlawh ah na siahhlawh hi tāng ta sawn ningla, nauhniang cu a ulepawl zawngah tlung hram seh. 34 Ziangahtile nauhniang cu ka zawngih a tel lo a si ahcun, ziangtin ka pa hnenah ka tlung thei ding, cu lo asile ka pa parih thleng ding mi siatnak ka hmu pang ding?” tiah a ti.
Joseph a Phuangaw
1 Joseph cu a kiangih dīngpawl zate hmaiah a sūpaw thei nawn lo ih, “Ka hnen ihsin mi kip suakter thluh uh!” tiah a au. Cule a unaupawl hnenih Joseph a theihterawk laiah a kiangah zohman an ding lo.
2 Cule awsuakin ring zetin a ṭap ih, a ṭah aw cu Izip-mipawl le Faro
3 Cun Joseph in a unaupawl hnenah, “Keimah cu Joseph ka si, ka pa a nung lai maw?” tiah a ti. Asinan a ulepawl in an sawn thei lo, ziangahtile a hmaika ah an thla a phâng. 4 Cule Joseph in a unaupawl hnenah, “Zangfahten i rak naih uh,” a ti ih an naih. Cun anih in, “Izip ram ih nan zuar mi nan nau Joseph ka si. 5 Asinan atu-ah thinnain um hlah uh, cun hi tawkih in rak zuar ruangah nanmah le nanmah tlun khalah thinheng hlah uh. Ziangahtile nunnak zuah dingah Pathian in nan hmaiah i rak thlah a si. 6 Ziangahtile ram sungah kum hnih lawng mangṭam a thleng hrih lai, tuih hnu kum nga sung leileh le rawl khawm a um lo ding. 7 Cule leilung parah nan hrangah mitangsŭn lo zuahsak dingin le nan nunnak cu runsuahnak nasa zetih lo run dingin Pathian in nan hlanah i rak kuat cia. 8 Cutin hi tawkih i kuattu taktak cu nanmah nan si lo, Pathian a si sawn. Pathian in Faro hrangah pa vek le a innsungsang zate parih bawi ah le Izip ram pumpi uktu ah i tuah.
9 “Zamrang uh, ka pa hnenah tlungkir uhla, a hnenah, ‘Hitin na fapa Joseph in, “Pathian in Izip ram pumpi bawi ah i rak tuah; ka hnenah rung suk aw, muangcâng hlah. 10 Goshen ram ah na cêng pei, cule ka kiang naiah nangmah le na fātepawl siseh, na fātepawlih fāte siseh, na rante rualpawl le na ranpi rualpawl siseh, cun na neih zate thawn na cêng ding. 11 Cu tawkah ka lo câwm ding, cu lo asile nangmah le na sungkuapawl le na neih mi hmuahhmuah tla nan harsa pang ding. Ziangahtile kum nga sung mangṭam a um lai ding,” a ti,’ tiah sim uh.
12 “Cule ngai hnik uh, nan mit le ka nau Benjamin mit in nan hnenih ṭawng rero tu hi keimai kâ a si ti nan hmu. 13 Cule Izip ram ih ka ropitnak hmuahhmuah le nan hmuh zo mi hmuahhmuah ka pa sim thluh uh, cule nan hmanhmawh pei ih hi tawkah ka pa nan run hruai pei,” tiah a ti hai.
14 Cun a nau Benjamin-ih hngawng a kuah ih a ṭap. Benjamin khal Joseph-ih hngawng ah cun a ṭap ve. 15 Cule a unaupawl zaten a hnam hai ih a ṭah hai vivo, cule cuih hnuah a unaupawl in thu an relpi.
16 “Joseph-ih unaupawl an ra thleng,” ti thu cu Faro inn sungih umpawl in an rak thei. Cule cuih thu cun Faro le a siahhlawhpawl lung a hmuiter.
17 Cule Faro in Joseph hnenah, “Na unaupawl hnenah, ‘Hitin tuah uh, nan ṭilvapawl an phur suan uhla, păwk uh, Kanaan ram ah feh uh. 18 Nan pa le nanmai sungkua cio hruai uhla, ka hnenah ra uh, Izip ram ṭhabik ka lo pe ding ih, a ram thau nan ei ding. 19 Himi tuah dingin thupek nan si. Nan fanau tete pawl hrangah le nan nupipawl hrangah Izip ram ihsin lêngpawl keng uh; nan pa run hruai uhla, ra uh. 20 Nan thilripawl tla seherh hlah uh, ziangahtile Izip ram ṭhabik cu nan ta a si,’ ti aw,” tiah a ti.
21 Cun Israel-ih fapapawl in cu vekin an tuah. Cule Faro thupek bangtukin Joseph in lêngpawl a pek ih, lamcaw a ken hai. 22 An zaten bulpâk cio in thlĕngawknak sinfen tla a pe hai. Asinan Benjamin cu ngun tangka 300 le thlĕngawknak sinfen panga a pe. 23 Cule a pa hnenah himi thilpawl: Izip ram ih thil ṭha lāk pahra phur, lāk nu pahra phur fang, sang le rawl tla a paih khualtlawnnak ding hrangah a kuat. 24 Cutin a unaupawl cu a tlunter ih, an păwksuak. Cule an hnenah, “Lam tluanah va toaw pang hlah uh,” tiah a cah ta hai.
25 Cun Izip ihsin an fehsuak ih, an pa Jakob hnen Kanaan ram an thleng. 26 Cule an pa hnenah, “Joseph a nung lai, amah cu Izip ram pumpuluk uktu a si,” tiah an sim. A zum hai lo ruangah, Jakob-ih thin a thir dukdi. 27 Asinan an hnenih Joseph-ih ṭawngkam zaten amah an sim tikah le amah phurhsuknak dingah Joseph ih a kuat mi lêngpawl a hmuh tikah an pa Jakob-ih thinlung a ṭhangharh. 28 Cun Israel in, “A tawk zo! Ka fapa Joseph a nung lai. Ka vung feh ding ih, ka thih hlanah amah ka hmu ding,” tiah a ti.
Jakob Sungkua Izip ah an Feh
1 Israel cu a neih mi zate thawn khual a tlawng ih, aBeersheba a thleng, cule a pa Isak-ih Pathian hnenah raithawinakpawl a hlan. 2 Cun Pathian in Israel hnenah zan ih larawknakpawl ah a sim ih, “Jakob, Jakob,” tiah a ti.
46:1a Beersheba: “Thukam tikhur” asilole “pasarih tikhur” tinak a si.
Cule anih in, “Hi tawkah ka um,” tiah a ti.
3 Cule Pathian in, “Keimah cu Pathian, na paih Pathian ka si. Izip ram ih vung feh ding ṭih hlah, ziangahtile cu tawkah miphun tumpi ah ka lo tuah ding. 4 Izip ram ah na hnenah ka suk ve ding ih, ka lo hruaisosal tengteng fawn ding. Cule Joseph in a kut na mit ah a ret ding,” tiah a ti.
5 Cun Beersheba ihsin Jakob a tho ih, Faro
8 Izip ram ih a fehtu Israel fātepawlih hminpawl cu hipawl hi an si, cumi Jakob le a fapapawl tla cu: Reuben cu Jakob-ih fatir a si. 9 Reuben-ih fapapawl cu Hanok, Pallu, Hezron le Karmi tla an si. 10 Simeon-ih fapapawl cu Jemuel, Jamin, Ohad, Jakin, Zohar, Kanaan nuih fapa Shaul tla an si. 11 Levi-ih fapapawl cu Gershon, Kohath le Merari tla an si. 12 Judah-ih fapapawl cu Er, Onan, Shelah, Perez le Zerah tla an si, asinan Er le Onan cu Kanaan ram ah an thi. Perez-ih fapapawl cu Hezron le Hamul tla an si. 13 Issakar-ih fapapawl cu Tola, Puvah, Job le Shimron tla an si. 14 Zebulun-ih fapapawl cu Sered, Elon le Jahleel tla an si. 15 Hipawl hi Leah-ih tufapawl, Jakob-ih fanu Dinah thawn, Padan Aram ih Jakob a hrinsak mi an si. A fapapawl le a fanupawl milai hmuahhmuah cu an zaten mi 33 an si.
16 Gad-ih fapapawl cu Zifion, Haggi, Shuni, Ezbon, Eri, Arodi le Areli tla an si. 17 Asher-ih fapapawl cu Jimnah, Ishuah, Isui, Beriah le an farnu Serah tla an si. Beriah-ih fapapawl cu Heber le Malkiel tla an si. 18 Hipawl hi Laban in a fanu Leah a ken mi Zilpah-ih tefapawl an si. Zilpah in himi mi hleiruk pawl hi Jakob a hrinsak.
19 Jakob nupi Rachel-ih fapapawl cu Joseph le Benjamin tla an si. 20 Cule Asenath cu On khawpi puithiam Potiferah fanu a si. Anih in Izip ram ah Joseph hnenah Efraim le Manasseh a hrinsak. 21 Benjamin-ih fapapawl cu Bela, Beker, Ashbel, Gera, Naaman, Ehi, Rosh, Muppim, Huppim le Ard tla an si. 22 Hipawl hi Jakob a hrinsak mi Rachel-ih tefapawl an si, an zaten mi hleili an si.
23 Dân-ih fapa cu Hushim a si. 24 Naftali fapapawl cu Jahzeel, Guni, Jezer le Shillem tla an si. 25 Hipawl hi Laban in a fanu Rachel a ken mi Bilhah in Jakob a hrinsak mi tefa an si, an zaten mi pasarih an si.
26 Jakob fapapawlih nupi hleiah Izip ram ih Jakob-ih luhpi mi hmuahhmuah cu amai rilrah vial ah an zaten mi 66 an si. 27 Cule Izip ram ih suak Joseph-ih fapa cu pahnih an si. Jakob sungza Izip ih feh mi zaten mi 70 an si.
28 Cun Goshen lam panih a hmaiih lamzin khihhmuhtu dingah Jakob in Judah cu Joseph hnenah a thlah cia. Cule Goshen ram an thleng. 29 Cule Joseph in a rang lêng timtuah cia in a pa Israel hmuak dingin Goshen ah a feh. Cule a pa hnenah a va langawter, cule a paih hngawng a kuah ih, a paih hngawng ah reipi a ṭap.
30 Cule Israel in Joseph hnenah, “Na hmel ka hmuh zo ruangah, atu-ah cun thi thlang ko ning, ziangruangahtile nang cu na rak nung lai a si,” tiah a ti.
31 Cu tikah Joseph in a unaupawl le a paih sungkuapawl hnenah, “Ka so ding ih, Faro ka sim ding, cule a hnenah, ‘Kanaan ram ih ka unaupawl le ka paih sungkuapawl ka hnenah an rung thleng zo. 32 Anmah cu ran khāl an si, ziangahtile an hnaṭuan cu sumhnám khalh a si ih, an rante rualpawl, an ranpi rualpawl le an neih zaten an thiar thluh,’ tiah ka ti ding. 33 Cun hitin a si ding, Faro in a lo ko ih, ‘Ziang hna nan ṭuan?’ tiah a lo ti tikah, 34 nannih in, ‘Na siahhlawhpawlih hna cu kan no lai ihsin tuihni tiang kan pupápawl le kanmah khal sumhnám vulh kan si,’ tiah nan ti pei. Cutin Goshen ram ah nan cêng thei ding. Ziangahtile Izip-mipawl hrangah ran khāltu pauhpauh cu fihnungza an si,” tiah a ti hai.
1 Joseph cu a feh ih, Faro
3 Cun Faro in a unaupawl hnenah, “Ziang hnaṭuan nan si?” tiah a ti hai.
Cule annih in Faro hnenah, “Na siahhlawhpawl cu kanmah le kan pupápawl khal ran khāl kan si,” tiah an ti. 4 Cule annih in Faro hnenah, “Hi ram ah cêng dingin kan ra. Ziangruangahtile na siahhlawhpawl in an rante rualpawl hrangah ei ding an nei lo. Ziangahtile Kanaan ram ah mangṭam a rauh tuk lawmmam. Curuangah atu-ah, zangfahten na siahhlawhpawl Goshen ram ah cêngter hram aw,” tiah an ti.
5 Cun Faro in Joseph hnenah, “Na pa le na unaupawl na hnen an ra thleng zo. 6 Izip ram cu na hmaiah a um. Na pa le na unaupawl cu a ṭhatnak bik ah cêng hai seh, Goshen ram ah cêngter hai aw. An lakah thiltithei deuh mi na theih asile ka sumhnám kiltupawl hotu ah tuah aw,” tiah a ti.
7 Cun Joseph in a pa Jakob a hruai ih Faro hmaiah a suahpi, cule Jakob in Faro cu thlawsuah a pe. 8 Faro in Jakob hnenah, “Kum ziat na si?” tiah a ti.
9 Cule Jakob in Faro hnenah, “Ka khualtlawnnak kum le ni pawl cu kum 130 a si thlang. Ka dam sung kumpawl hi a rak mál ih, a ṭha lo. Ka pupápawl khualtlawngih an um laiih an nun zat hman a si lo,” tiah a ti. 10 Cule Jakob in Faro cu thlawsuah a pe ih Faro hnen ihsin a suak.
11 Cule Joseph in Faro thupek bangin a pa le a unaupawl cu umhmun a khuarter ih, an hnenah a ṭhatnak bik hmun, Rameses peng, Izip ram ah covo a pe hai. 12 Cun Joseph in a pa, a unaupawl le a paih sungkuapawl hmuahhmuah cu an innsang mipum zulhin rawl in a câwm hai.
Joseph le Mangṭam
13 Ram pumpi ah rawl a um lo, ziangahtile mangṭam cu a rauh tuk lawmmam, cuti cun mangṭam ruangah Izip ram le Kanaan ram cu an ān a hai. 14 Cule Joseph in fang an leinak ruangah, Izip ram le Kanaan ram ih hmuh mi paisa zaten a lâkkhawm thluh, cule cuih tangka cu Joseph in Faro inn ah a kenglut ṭheh.
15 Cule Izip ram le Kanaan ram ih tangka a cem tikah, Izip-mipawl zaten Joseph hnenah an ra ih, “Rawl in pe aw, ziangah so na hmaika ih kan thih ding? Ziangahtile paisa a cem zo,” tiah an ti.
16 Cu tikah Joseph in, “Paisa a cem zo asile nan sumhnám in pe uhla nan sumhnám man ah rawl ka lo pe ding,” tiah a ti. 17 Cule Joseph hnenah an sumhnám an rak hruai ih, rangpawl, rante rualpawl, ranpi rualpawl lakih ṭilvapawl le lākpawl thlĕngnak ah Joseph in rawl a rak pe hai. Cutin cuih kum cu an sumhnám hmuahhmuah thlĕngnak man in annih cu rawl in a câwm hai.
18 Cuih kum a cem tikah, a hna kum khal a hnenah an ra ih a hnenah, “Kan paisa a cem zo ti cu kan bawipa na hnenah kan thup lo ding, kan bawipa in kan sumhnámpawl lakih ranpi rualpawl khal a nei a si. Kan taksa le kan ram siarlo ka bawipaih mithmuh ah zianghman a tâng nawn lo. 19 Kanmah le kan leiram thawn na mithmuh ah ziangah so kan thih ding? Rawl ngah dingah kanmah le kan leiram in lei awla, kanmah le kan leiram cu Faro-ih siahhlawh kan si ding. Cutin leiram a lawnglaklonak ding le thi loih kan nunnak dingah thlaici in pe aw,” tiah an ti.
20 Cule Izip leiram zaten Joseph in Faro hrangah a leisak thluh. Ziangahtile mangṭam a rauh tuk ruangah Izip-mi zaten an ló an zuar cio. Cutin leiram cu Faro ta ah an cang thluh. 21 Cule Izip ramri dĕng ihsin a khat lam ramri dĕng tiang mipi cu khawpipawl ah a ṭhawnter thluh. 22 Puithiampawlih leiram lawnglawng a lei lo. Ziangahtile puithiampawl in Faro hnenin covo an nei. Cule annih in Faro ih an covo a pek hai mi cu an ei. Curuangah an leirampawl an zuar lo.
23 Cun Joseph in mi senpi hnenah, “Ngai hnik uh, tuihni ah Faro hrangah nanmah le nan leiram ka lo lei zo. Zoh hnik uh, hi tawkah nan hrangah thil ci a um. Lóram ah nan cîng pei. 24 Cun rawl khawm cān ah, hitin a si ding, ṭhen nga ṭhen khat Faro nan pe ding. A dang ṭhen nga ṭhen li cu nanmai hrangah, nan ló sungih cīn ding le nan rawl dingah, nan sungkua rawl hrangah le nan fanau tete pawlih rawl hrangah a si pei,” tiah a ti.
25 Cule annih in, “Kan nunnak in run zo. Ka bawipaih mithmuh ah duhsaknak hmu hram nung, cule kannih cu Faro-ih siahhlawh kan si ding,” tiah an ti. 26 Cule Joseph in Faro in ṭhen nga ṭhen khat a co ding ti thu hi Izip ram hrangah tuihni tiangin dān ah a tuah, puithiampawlih ram lawngte Faro ta a si lo.
27 Cutin Israel-mipawl cu Izip ram Goshen peng ah an cêng. Cu tawkah neinungin, ci tampi an thlah ih, nasa zetin an karhzai. 28 Cule Jakob cu cuih ram ah kum hleisarih sung a um. Cutin Jakob-ih dam sung kum cu kum 147 a si.
29 Israel a thihnak ding cān a naih tikah, a fapa Joseph a ko ih a hnenah, “Na mithmuh ih duhsaknak ka co asile ka cāwnpi hnuaiah na kut ret awla, ngilnei zet le rinum zetin i ti aw. Zangfahten Izip ram ah i phum hram hlah. 30 Ka pupápawl hnenah zâl sawn ning; Izip ram ihsin i thiar awla, anmah phumnak hmun ah i phum ve aw,” tiah a ti.
Cule anih in, “Na sim vekin ka tuah ding,” tiah a ti.
31 Cun anih in, “Ka hnenah siasăm aw,” tiah a ti. Cule a hnenah sia a săm. Cutin Israel cu ihkhun lu lamah a kûn.
Jakob in Joseph-ih Fapapawl Mal a Sawm
1 Hi thilpawl hnuah hitin a si, Joseph hnenah, “Ngai hnik, na pa a dam lo,” tiah an sim. Cule Joseph in a fapa pahnih Manasseh le Efraim cu a hnenah a hruai hai. 2 Cule Jakob hnenah, “Zoh hnik, na fapa Joseph na hnenah a ra thleng zo,” tiah an sim. Cule Israel cu ṭan a hun la ih, ihkhun parah a hung to.
3 Cun Jakob in Joseph hnenah, “Kanaan ram Luz ah Ziangkimtithei Pathian ka hnenah a rung lang ih thlawsuah i rak pe, 4 cule ka hnenah, ‘Ngai hnik, ci tam zet ka lo zaihter ding ih ka lo karhzaiter ding, cule mipi burpi ah ka lo tuah ding. Kumkhuaih colan ta dingah, na lehhnuih na cithlahpawl hnenah hi ram hi ka pe ding,’ tiah i ti. 5 Cule Izip ram ka rat hlanih Izip ram ih na hrin mi na fapa pahnih cu ka ta an si. Reuben le Simeon ka ta an si bangin, Efraim le Manasseh khal ka ta an si ding. 6 Anmah hnuih na tesinfa cu nangmai ta an si pei. An covo ro an dăwn tikah, annih cu an ulepawlih hmin an ṭawmpi mai pei. 7 Asinan kei lawngte cu, Padan ihsi ka pawhsuak tikah, Efrath ihsin tawkfang feh, Kanaan ram ih lamzin ah Rachel ka kiangah a thi; cule amah cu cu tawkah, Bethlehem ti mi Efrath lam fehnak ah ka phum ta,” tiah a ti.
8 Cun Israel in Joseph-ih fapapawl a hmu ih, “Hipawl teh hi zo an si?” tiah a ti.
9 Cule Joseph in a pa hnenah, “Anmah cu Pathian in hi tawk hmun ih i pek mi ka fapapawl an si,” tiah a ti.
Cule anih in, “Zangfahten ka hnenah run hruai hai awla, mal ka sawm hai ding,” tiah a ti. 10 Cun a upat ruangah Israel-ih mit a mal thlang, cutin khua a hmu thei nawn lo. Cun Joseph in a fapale pahnih cu a paih kiangah a hruai ih, anih in a rak hnam hai, cule a pawm hai. 11 Cun Israel in Joseph hnenah, “Na hmel hmuh ding ka rak beisei bān lo. Asinan ngai hnik, na cithlah tiangin Pathian in i hmuhter hi teh!” tiah a ti.
12 Cule Joseph in annih pahnih cu a khuk kiang ihsin a lasuak hai ih, a hmai leisin bihin a băwk. 13 Cule Joseph in an pahnih in, Efraim cu a kut vawrh lamin Israel keh lam kut lamah, Manasseh cu a kut keh lamin Israel vawrh lam kut lamah a hruai hai ih, Israel-ih kiang naiah a ret. 14 Cun Israel in a vawrh lam kut a suah ih, a nautadeuh Efraim-ih lu parah a ret. Cule Manasseh cu fatir a si ko nain, a kut kalh zawngin Manasseh-ih lu parah a keh lam kut a re. 15 Cule Israel in Joseph mal a sawm ih,
“Ka pupá Abraham le Isak,
A hmaiih an rak feh ṭheu nak Pathian,
Tuihni tiang ka dam sung i câwmtu Pathian,
16 Thil ṭha lo hmuahhmuah lak ihsi i tlentu vancungmi
Hih nauhniang pahnih te hi malsawm pe hram sehla,
Ka hmin le ka pupá Abraham le Isak ih hmin cu an hmin ah pu hai seh.
Cule leilung parah mipi tampi ah ṭhang hai seh,”
tiah a ti.
17 Joseph in a pa in a vawrh lam kut cu Efraim-ih lu parah a ret ti a hmuh tikah, a thin a nuam lo ih, a paih kut cu Efraim-ih lu par ihsin Manasseh-ih lu parih ṭhawnsak dingin a kai. 18 Cule Joseph in a pa hnenah, “Ka pa, hitin a si lo, ziangahtile hi pa hi fatir a si, a lu parah na vawrh lam kut ret aw,” tiah a ti.
19 Asinan a pa in a el ih, “Ka fapa, ka thei ko, ka thei ko. Anih khal miphun pakhat ah a cang ding ih, anih khal a ropi ve ding. Asinan a nautadeuh hi anih hnakin a ropisawn taktak ding ih, a cithlah cu miphun tampi ah an cang ding,” tiah a ti.
20 Israel in, “Israel-mipawl in, ‘Efraim le Manasseh bangin Pathian in lo umter ve seh,’ tiin nanmai hmin sâlin mi mal an sawm ṭheu ding,” tiin cui ni ah annih cu mal a sawm hai. Cule cutiin Manasseh hnakih cungnungsawnah Efraim cu a ret. 21 Cun Israel in Joseph hnenah, “Ngai hnik, ka thi thlang ding, asinan Pathian in a lo umpi ding ih, na pupápawlih ram ah a lo hruaikir leh ding. 22 Cuihtlunah na unaupawl tlunah vo pakhat ka lo pekbêt, cucu ralnâm le ka thál thawi Amor-mi kut ihsi ka lâk mi a si,” tiah a ti.
Jakob in a Fapapawl Mal a Sawm
1 Jakob in a fapapawl a kokhawm ih, “Ni neta cān ah nan tlunah ziang a ra thleng lai ding ti ka lo sim thei nak dingah, hmunkhat ah fĭnkhawmaw uh.
2 “Nannih Jakob fapapawl,
Hmunkhat ah fĭnkhawmaw uhla,
Ngai uh, nan pa Israel hi ngaithla hnik uh.
3 “Reuben, nang cu ka fatir, ka thazang hramthawhnak,
Zahumnak bik le cahnak bik na si.
4 Ti bangin na hnîn rero, mi na hleih lo ding,
Ziangruangahtile na paih ihnak ah na kai ih,
Na bawrhbangter,
Cun ka ihkhun ah a kai ih a bawrhbangter.
5 “Simeon le Levi cu unau an si,
An hriamhreipawl cu nunrawnnak hmanrua a si.
6 An thuruahrelnak ah tel ve hlah ning,
An punkhawmnak ah ka sunlawinak kăwp hlah seh,
Ziangahtile an thinhengin mipa an that,
Anmai duhnak rori in caw cang kaiza an sâtcat.
7 An thinhengnak cu camsiat si seh,
Ziangahtile cumi cu a hrohrang tuk.
An thinlingnak cu camsiat si seh,
Ziangahtile cumi cu a siava tuk!
Anmah cu Jakob-mipawl lakah ka ṭhen hai ding ih,
Israel-mipawl lakah ka ṭhekdarh hai ding.
8 “Judah, nang cu na unaupawlih thangṭhat ding mi na si.
Na kut cu na ralpawlih hngawng ah a um ding ih,
Na paih fapawl na hmaiah an kûn ding.
9 Judah cu kiosa fa no a si,
Ka fapa, sa deh mi ihsin na fehso zo.
Anih cu a băwk ih, kiosa vekin a kûal,
Kiosa pinu vekin, zo in so ṭhang ngam ding?
10 aShiloh a ra thlen hlanlo,
Siangpahrang kianghrăwl in Judah a suahsan lo ding ih,
Dān petu khal in a ke karlak ihsin a suahsan lo ding.
Cule miphunpawl in a thu an lung ding.
11 Sabit hri ah a lāk a hreng ding,
Cule a lāk fa cu sabit hri ṭhabik ah a hreng ding,
Sabit zu ah a sinfen a sawp ih,
A hnipuan cu bsabit thisen ah a sawp.
12 A mit cu sabit zu hnakin an dum,
Cule a hâ cu hnawi ti hnakin a var.
13 “Zebulun cu tipi ih lăwng cawlhnak kapah a cêng ding,
Anih cu lăwngpawl hrangah cawlhnak ah a cang ding ih,
A ramri cu Sidon a pehzăwm ding.
14 “Issakar cu lāk cak a si,
Phur pahnih karlakah a zau huahhi.
15 Anih cun cawlhhmun cu ṭhain a hmu ih,
Ram khal nuamin a hmu.
Thil phur dingin a liang a ṭhum ih,
Hnaṭuan khung ṭuantu săwr mi sál ah an cang.
16 “Dan cun Israel hnámpawl lakih hnám pakhat dinhmun in
A mi senpi thu a ṭhen ding.
17 Dan cu lamzin ih rul,
Zinte ih rulngân,
Rang kedil cuk ih,
A par totu dung lamih tla ko tuahtu a si ding.
18 Maw Jehovah, na runsuahnak ka hngak a si.
19 “Gad cu ralkap burpi in an bei ding,
Asinan an dung ihsin a bei hai ding.
20 “Asher cu rawl a paṭha ding ih,
Siangpahrang ei mi thaw zetzet a pesuak ding.
21 “Naftali cu zuknêng thlahsuak mi vek a si,
Ṭawngkam mawi zetzet a hmang.
22 “Joseph cu a rah zet mi hngeṭêk a si,
Tihna kiangih rah zet hngeṭêk a si,
A hngepawl cu hruang parah an zam.
23 Thálsai thiam pawl in na zetin an do,
Amah an sai ih, an hua.
24 Sihmansehla Joseph-ih thál cu khoh zetin a tāng thotho ih,
Jakob-ih Pathian Cak kut in,
(Cumi hnenin Tuu khāltu, Israel-mipawlih Lungpi a um.)
A bânpawl cu cahter an si.
25 Nangmah lo bawmtu ding na paih Pathian,
Lo malsawmtu ding Ziangkimtithei in,
Tlun lam van malsawmnakpawl,
Hnuai lamih băwk mi thûk zet malsawmnakpawl,
Hnawi le sūl malsawmnakpawl thawn a lo malsawm ding.
26 Na paih malsawmnakpawl cun
Ka pupápawlih malsawmnakpawl le
Kumkhua tlang zim pawl ih duhnungza thilpawl a hleih.
Cupawl cu Joseph-ih lu parah an um ding ih,
A unaupawl lak ihsi ṭhenhranih um miih luthlung parah a um ding.
27 “Benjamin cu cinghnia koham a si.
Zing ah a deh mi sa a ei ding ih,
Zan ah a ralthillâk mi a zem ding,”
49:10a Shiloh a ra thlen hlanlo: Hebru ṭawng cun sullam dangdang a nei thei, asinan himi hin Messiah a sawhkhih bik (Eze 21:26-27 zoh aw).
49:11b sabit thisen ah a sawp: Sabit ti a relnak a si.
tiah a ti.
28 Hipawl hmuahhmuah hi Israel hnám hleihnih cu an si ih, himi hi an pa in an hnenih a ṭawngsuak mipawl an si. Anmah cu mal a sawm hai, an malsawm co ding tawk vek cio in mal a sawm fingfing.
Jakob Thihnak
29 Cun thu a pe hai ih, an hnenah, “Ka mipawl hnenih fĭn ding ka si thlang. Heth-mi Efron-ih ló sungih pûk ah ka pupápawl hnenah, 30 Kanaan ram Mamre hmai zawn Makpelah ló sungih pûk ah in phum pei. Cuih pûk cu Abraham in a covo dingah thlānmual hrangih Heth-mi Efron hnenin a ló thawi a lei mi a si. 31 Cu tawkah Abraham le a nupi Sarah an phum. Cu tawk thothoah Isak le a nupi Rebekah khal an phum. Cu tawkah Leah khal ka phum. 32 Cuih ló ih pûk le ló cu Heth-ih fapapawl hnen ihsi lei mi a si,” tiah a ti. 33 Cule Jakob in a fapapawl thupek a ṭheh tikah, ihkhun parah a ke a hun khaiso ih, a hnuk a cat, cule a mipawl hnenih fĭn a si.
Izip-mipawl in Jakob an Ṭah
1 Joseph cun a paih hmai tlukhnawhin a ṭah ih, a hnam. 2 Cule Joseph in a siahhlawh sibawipawl hnenah a pa ṭawih thei loih tuah dingin thu a pe hai. Cutin sibawipawl cun Israel cu ṭawih thei lo dingin an tuah. 3 Cutiih ruak tuahnak ah ni 40 rei a ṭul, ziangahtile cucu ṭawih thei lo dingih ruak tuah tikih ṭul zat ni a si. Cule Izip-mipawl in ni 70 sung an ṭah.
4 Cule amah ṭah nipawl a cem tikah, Joseph in Faro
6 Cule Faro in, “Sia a lo sămter ta vekin hung so awla, na pa va phum ta aw,” tiah a ti.
7 Cutin Joseph cu a pa phum dingin a hung so, cule a hnenah Faro-ih siahhlawhpawl hmuahhmuah, a inn ih upapawl le Izip ram ih upapawl hmuahhmuah, 8 Joseph sungza hmuahhmuah, a unaupawl le a paih innsungsangpawl khal an so ve. An fanau tete pawl, an rante rualpawl le ranpi rualpawl lawng Goshen ram ah an tān ta. 9 Cule Joseph zawngah rang lêngpawl le rang ralkappawl khal an feh ve. Cule cumi cu mipi bur tumpi an si.
10 Cun Jordan ralkhat Atad hruih hmun an thleng ih, cu tawkah nasa zet le ninghang zetin an ṭap. Joseph in a pa sūnnak ni sarih sung a tuah. 11 Cule Atad hruih hmun ih an ṭah ciamco cu cuih ram ih um Kanaan-mipawl in an hmuh tikah, “Himi cu Izip-mipawlih a nasa zet mi sūnnak a si,” tiah an ti. Curuangah Jordan ralkhat ih cuih hmun cu aAbel-Mizraim tiah hmin sak a si.
50:11a Abel-Mizraim: “Izip-mipawl ṭahnak” tinak a si.
12 Cule a fapapawl in an pa Jakob hrangah thu a pek ta hai vekin an tuah. 13 Cule a fapapawl in Jakob cu Kanaan ram ah an phur ih, Makpelah-ih ló pûk sungah an phum, cuih hmun cu Mamre hmaiah a si ih, Abraham in thlānmual hrangah covo vekin Heth-mi Efron hnen ihsi ló thawi a lei mi a si. 14 Cule a pa a phumngah hnuah, Joseph cu a unaupawl le a pa phum dingih hung so mipi hmuahhmuah thawn Izip ah a tlungkir.
Joseph in a Ulepawl a Tiamsal
15 Joseph-ih unaupawl in an pa a thi zo ti an hmuh tikah, “Joseph in in rak hua-in, a parih thil ṭha lo kan rak tuah mi zate man ah phulei in samkim pang pei,” tiah an ti. 16 Cule Joseph hnenah, “Na pa a thih hlanah, 17 ‘Na hnenah, “Na ulepawlih dān pahbălnak le an sualnak ngaithiam hram aw, tiah zangfah ka lo dil. Ziangahtile na parah thil ṭha lo an rak tuah,” tiah nan sim pei,’ tiin thu in pe. Atu-ah na paih Pathian siahhlawhpawlih mawhsualnak cu ngaithiam hram aw,” tiin palai an thlah. Cule a hnenih an ṭawng laiah Joseph cu a ṭap.
18 Cun a ulepawl khal an ra ih a hmaiah an hlăwnaw, cule, “Ngai hnik, kannih hi na siahhlawh kan si,” tiah an ti.
19 Joseph in an hnenah, “Ṭih hlah uh, ziangahtile keimah cu Pathian aiawh maw ka si? 20 Nannih lawngte cun ka parah thil ṭha lo tuah nan rak tum; sihmansehla Pathian cun tuihsun vek hin mi tampi nungdamih rundam dingin thil ṭha-ih canter a rak tum a si. 21 Curuangah ṭih hlah uh; nanmah le nan fanau tete pawl tiang khal ka câwm ding,” tiah a ti hai. Cule anmah a hnem hai ih, athlum zetin a be hai.
50:21a thlum zetin a be hai: A ṭawng hrampi ah cun, “An thinlung ah a ṭawng” ti a si.
Joseph Thihnak
22 Joseph cu amah le a paih sungkuapawl thawn Izip ram ah an cêng. Cule Joseph cu kum 110 a nung. 23 Joseph in Efraim-ih tefa cu san thum tiangin a hmu man ta. Manasseh-ih fapa Makir-ih fātepawl khal Joseph-ih khuk parah an suak.
24 Cule Joseph in a unaupawl hnenah, “Ka thi thlang ding, asinan Pathian in a lo vehvai tengteng ding ih, hi ram ihsin Abraham, Isak le Jakob hnenih sia a săm mi ram ah a lo hruailut leh ding,” tiah a ti. 25 Cun Joseph in, “Pathian in a lo vehvai tengteng ding ih, hi tawk hmun ihsin ka ruh nan phurso pei,” tiin Israel tefapawl thukamnak a lâkter hai. 26 Kum 110 a ti tikah Joseph a thi. Cule ṭawih thei lo dingin si an culh ih, kuang sungah Izip ram ah an ret.