BibleThianghlim – Ezekiel
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
Ezekiel
12345678910
11121314151617181920
21222324252627282930
31323334353637383940
4142434445464748
- A ngantu: Ezekiel
- A siartu: Judah ram ihsin Babilon ih sál tang Jew-pawl
- Thil cang mi ih huap cān: B.C. 592-570
Ezekiel cu profet a si ih, puithiam khal a si (1:3; 2:5). Nebukhadnezzar hnenih Siangpahrang Jehoiakin a pekawk tikah Ezekiel cu sál ih hruai a si (B.C. 597). Sál ih an hruai a kum ngatnak (B.C. 592) ah thuphuan rawngbawl a thawk, cule B.C. 570 (29:17) tiang thu a phuang.
Jehovah in Ezekiel kha rawngbawl dingih thu a pek tikah, a thusim ngaithla lo tu ding mipawl hnenah thlah a si thu Pathian in ralrinnak a rak pe. A thucah cohlang vekin an umawter (14:1-3; 20:1-3; 33:30-32), asinan a taktakah cun annih cu “pawisak nei lo le lungruh” an si (3:7). Sikhalsehla, Jehovah in an hnenih thuphuan peh vivo thotho dingin thu a pe. A ṭawngkampawl an thlenkim tikah, mipi in “Keimah cu Jehovah ka si,” ti an thei ding tiah a ti. “Keimah cu Jehovah ka si,” ti hi Ezekiel sungah vei 60 hnak tam a lang.
Jehovah-ih ropitnak hi hi cabu-ih hmuitin mi bik a si. A hmaisabik thuphuansuah cu Jehovah-ih ropitnak a si (1:4-28). Profet-ih thuken ropi pahnih cu Israel le miphun dang pawl thuṭhennak (bung 1-32) le Israel malsawmnak a si (bung 33-48). Hi thuken pahnih cu ropitnak in khuahlan temple a suahsannak (bung 8-11) le temple thar ih a kirsalnak in a hmuhsak (bung 43:1-12).
Ezekiel cabu sungih phuanlăng mi hminsin tlak bik cu “minung fapa” ti hi a si men thei. Jehovah in hi hmin hi vei 93 hmangin Ezekiel a ko. Thukham Hlun hmun dangah hi hmin lăngnak cu Daniel 7:13; 8:17 ah kan hmu. Ezekiel cu rawngbawl a thawh tir, Jehovah-ih ropitnak a hmuh hmaisakbik ṭumah “minung fapa” tiih kawh a si (1:28-2:1). “Minung fapa” ti mi ih a hmuhsak mi cu leivut menih sersiam profet le lei le van Sersiamtu ropitdān hleihawkzia a si.
Ezekiel-ih thucah a ropitnak bik cu kum 1000 uknak sungih temple le a sungih rawngbawlnak Pathian in Ezekiel hnenih a phuansuahnak hi a si (bung 40-48). Hi hmun thianghlim thar ih thil pawimawh cu hmun thianghlim thawi pehparaw pauhpauh cu an thianghlim zet (43:12). Cuti asile profet thucah cu a fiang zet: Jehovah-ih ropitnak milai in a ṭawmpi ding asile, thianghlimnak a ṭul a si.
Thu Hlawm Ṭhen
- I. Ezekiel in Jerusalem a tluk hlanah Judah dokalhin thu a phuang (bung 1-24)
- II. Ezekiel in ram dang miphunpawl dokalhin thu a phuang (bung 25-32)
- III. Ezekiel in Pathian in a minungpawl tungdingsal dingin thla a cam (bung 33-48)
Ezekiel ih Hmuh Mi Larnak
1 aKum 30-nak thla litnak, ni ngatnak ah hitin a si, Kebar tiva kiangah, ralkaihpawl lakih ka um laiah, van a áwngaw ih Pathian larawknakpawl ka hmu. 2 bSiangpahrang Jehoiakin sál tānnak ih hruai a si kum ngatnak, cuih thla ni nga ni ah, 3 cKaldia-mipawlih ram, Kebar tiva kiangah, Buzi-ih fapa puithiam Ezekiel hnenah Jehovah-ih kamsuakthu a thleng ih; cu tawkah Jehovah-ih kut cu a parah a um.
1:1a Suah 24:10; Sam 137:1; Eze 11:24-25; Mat 3:16
1:2b 2Sp 24:12-15; Eze 8:1; 20:1
1:3c 2Sp 3:15; Isa 8:11; Eze 3:14, 22
4 aCule ka zoh ih, ngai hnik, sak lam ihsin phusîng a ra thleng, khawdur nasa zet lak ihsin nimthlakau tle zohzo a um, cule a kimvel zaten a tle zet, meisa laifang cu thir rawh ling vekin a tleu. 5 bCumi sung ihsin thilnung pali băngnak nei mi an ra. An lăngdan cu minung băngnak nei an si. 6 cPakhat in hmai pali le thla pali an nei fingfing. 7 An kepawl cu a dĭng ih, an kephah cu caw pa no ke tín vek a si. Dar hnawtfai mi răwng vekin an tle. 8 dAn taksa sir pali ih thla pali hnuaiah milai kut a um fingfing, cule an pali ih hmai le thla bélte cu hiti vek hi a si: 9 epakhat le pakhat an thla a daiaw, an feh tikah an hawikûal lo, hmai lamah dĭngten an feh cio.
1:4a Job 38:1; Jer 1:14; Eze 8:2
1:5b Thu 4:6
1:6c Eze 10:14
1:8d Eze 10:8
1:9e Eze 10:14
10 aAn hmel pianzia bélte cu, minung hmel vek an si. An pali ih vawrh lam sir cio ah kiosa hmel, an pali ih keh lam sir cio ah caw cang hmel, cule an pali in muvanlai hmel an nei fingfing fawn. 11 bAn hmel cu cuti vek cu an si. An thla cu tlun lamah an pharh; an thla pahnih cio in a dang thilnung an hei dai ih, pahnih in an taksa an hup. 12 cCuih thilnungpawl cu hmai lamah dĭngten an feh cio; thlarau in fehter a duhnak kip ah an feh ih, an feh tikah an hawikûal lo. 13 dCuih thilnungpawlih laiah meihol ling alh vek thil pakhat a um, thilnung pali lakih dung le hmaiih tle zohzo vekin. Meisa cu a êng ih, cuih meisa ihsin nimthlakau a suak. 14 Cule thilnungpawl cu nimthlakau tle bangin dung le hmaiah an tlân zohzo.
1:10a Thu 4:7
1:11b Isa 6:2
1:12c Eze 10:16-17
1:13d Thu 4:5
15 aThilnung pali pawl cu ka zoh hai ih, ngai hnik, cuih thilnungpawlih kiangah leilung ah lêng ke a um, an pali kiang cio ah pakhat fingfing a um. 16 bLêng kepawlih pianzia le tuah an sidān cu birul lung mankhung tle vek a si ih, an pali in an hmel a bangaw thluh. An hmel le tuah an sidān cu lêng ke pakhat sungih lêng ke dang a kawkalh zawngih thun vek a si. 17 cAn feh tikah, hawikûal loin dhawi zawng hmun li ah an feh. 18 eLêng ke kûal tlâng pawl cu an sâng ih maktak an si; an pali tlâng pawl cu mit in a khat. 19 Thilnungpawl an feh tikah, lêng kepawl khal an zawngah an feh ve; thilnungpawl cu lei ihsin an thawh tikah, lêng kepawl khal an tho. 20 Thlarau feh duhnak kip ah thilnungpawl cu an feh, cule lêng kepawl cu anmai zawngah an tho, ziangahtile thilnungpawlih thlarau cu lêng kepawl ah a um. 21 fThilnungpawl an feh tikah cupawl khal an feh, an dīn tikah cupawl khal an ding; cule lei ihsin an thawh tikah lêng kepawl khal anmai zawngah an tho ve, ziangahtile thilnungpawlih thlarau cu lêng kepawl ah a um.
1:16b Eze 10:9
1:17c Eze 10:11
1:17d hawi zawng hmun li: Ni suah, ni tlak, sak le thlang tinak a si.
1:18e Thu 4:6
1:21f Eze 10:9-12
22 aCule thilnungpawlih lu tlunah tlolakpi vek a um, cucu an lu tlunih pharhaw khrisṭal lung mankhung maksak vek a si. 23 Cuih tlolakpi hnuaiah an thla cu dĭng zetin an pharh, pakhat in pakhat lamah; thilnung kip thla pahnih in an taksa an khuh fingfing. 24 bAn feh tikah tipi awn vek, ralkap rual thâwm vekih mipi thâwm celcel vek le Ziangkimtithei aw vekin an thla awn ka thei; an dīn tinten an thla an khup. 25 An lu tlunih tlolakpi tlun ihsin aw pakhat a ra thang, an dīn tinten an thla an khup.
1:22a Eze 10:1
1:24b Eze 3:13; 10:5; Dan 10:6; Thu 1:15
26 aAn lu tlunih tlolakpi tlunah a hmel safaira lung vek laltokham bangtuk a um; laltokham bangtuk parah, hmun sâng zetah minung vekih lang pakhat a um. 27 bCule a tâi ihsi a tlun lam hmel cu meisa ih khat thir rawh ling vekin ka hmu ih, a tâi ihsi a hnuai lam hmel cu meisa vekin ka hmu. A kimvel hmuahhmuah cu a tle. 28 cRuah sur ni ih khawdur ih vangro pian vekin, a kimvel zaten a tle kelkel. Hihi Jehovah-ih ropitnak hmel cu a si. Cumi ka hmuh tikah ka băwkkhup ih, mi pakhat ih ṭawng aw ka thei.
1:26a Suah 24:10; Isa 6:1; Jer 3:17
1:28c Sem 9:13; 17:3; Suah 40:34-35; Luk 2:9; Thu 1:17; 4:3
Israel Hélpawl hnenih Ezekiel Thlahnak
1 aCule anih in ka hnenah, “Minung fapa, na ke in dīng awla ka lo be ding,” tiah i ti. 2 bCun i biak laiah, ka sungah Thlarau a lut ih ka ke in i dīngter; cule i betuih aw cu ka thei. 3 cAnih in ka hnenah, “Minung fapa, keimah dokalhih hél, helhmang miphun, Israel tefapawl hnenah ka lo thlah a si; anmah le an pupápawl cu tuihni tiang ka lakah an hél. 4 dZiangahtile annih cu miluhlul le lungruh fāte an si. Anmah hnenah ka lo thlah ih, an hnenah, ‘Bawipa Jehovah in hitin a ti,’ na ti pei. 5 eAnnih cu helhmang sungza an si bangtukin, an ngaithlak ah simaw, an hnawn ah simaw, annih cun an lakah profet pakhat a um ti an thei ding.
2:1a Sam 8:4; Dan 7:13; Apo 9:6
2:4d Suah 32:9; Isa 9:9; Eze 3:7
2:5e Eze 3:11, 27; 33:33; Joh 15:22
6 a“Nang, minung fapa, hling bur le hram bûar pawl in lo kulhvelin, tlangkaikuangpawl lakih cêng si hman awla, anmah cu ṭih hai hlah aw, cule an ṭawngkampawl in lo thlaphângter fawn hlah seh; an ṭawngkampawl ṭih hai hlah aw, an hmaika ah thinphângin um hlah, ziangahtile annih cu helhmang sungza an si. 7 bAn ngaithlak ah simaw, an hnawn ah simaw, an hnenah ka kamsuakthupawl na sim pei, ziangahtile annih cu helhmang an si. 8 cAsinan nang, minung fapa, na hnenih ka sim mi hi ngaithla aw. Cuih helhmang sungza bangin nang cu hél ve hlah; na kâ ang awla, ka lo pek mi ei aw,” tiah a ti.
2:6a Dnp 31:6; 2Sp 1:15; Mik 7:4
2:7b Jer 1:7; 7:27; Eze 3:10-11
2:8c Mip 20:10-13; Isa 8:11; 50:5; Eze 3:1-2; Thu 10:9
9 aCule ka zoh ih, ngai hnik, kut pakhat in i rak dawh; ngai hnik, cuih kut ah cun cazual a um. 10 Cun ka hmaika ah cumi cu a pharh, khat lam khat lamah cangan a um, cuih cangan mipawl cu ṭah hla, lusūnnak le hmakhaw pihnak pawl an si.
2:9a Jer 36:4; Eze 8:3; Thu 5:1-5
1 Cuihhleiah anih in ka hnenah, “Minung fapa, na tawn mi pauhpauh ei aw, hi cazual hi ei aw, cule va feh awla Israel sungza hnenah thu va sim aw,” tiah i ti. 2 Cutin ka kâ ka ang ih, cuih cazual cu i eiter.
3 aAmah thotho in ka hnenah, “Minung fapa, ka lo pek mi cazual hi ei awla, na pum puarter aw,” tiah i ti. Cule cumi cu ka ei, ka kâ sungah khuai tizu vekin a thlum.
3:3a Sam 19:10; Jer 15:16; Thu 10:9-10
4 aCule anih in ka hnenah, “Minung fapa, Israel sungza hnenah feh awla, an hnenah ka kamsuakthupawl sim aw. 5 bZiangahtile nang cu theih băn lo ṭawng le ṭawng har hmang mipawl hnenah thlah na si lo, Israel sungza hnen sawnah a si; 6 ctheih băn lo ṭawng hmang miphun hnenah le ṭawng har hmang, an ṭawngkampawl na theihthiam lo mi hnenah a si lo. Thungaiten, cupawl hnenah lo thlah hman ningla, an lo ngaithla ding. 7 dAsinan Israel sungza cun an lo ngaithla lo ding, ziangruangahtile keimah in ngaithla lo ding; ziangahtile Israel sungza hmuahhmuah cu an luhlul ih an lung a ruh. 8 eNgai hnik, an hmai hnakin na hmai cang sawnin le an cal hnakin na cal cang sawn ko ka lo tuah. 9 fNa cal cu ṭêklung hnakih hak sawn lung cang vekin ka tuah; anmah cu helhmang sungza si khal hai sehla, anmah ruangah thlaphângin um hlah awla, an lo zohnak ruangah lungphâng fawn hlah,” tiah i ti.
3:4a Eze 11:4, 25
3:5b Isa 28:11; 33:19; Apo 26:17
3:6c Jon 3:5-10; Mat 11:21-23
3:7d Isa 48:4; Jer 3:3; Eze 2:4; Joh 15:20
3:8e Jer 1:18
3:9f Isa 50:7; Jer 5:3; Eze 2:6
10 aCuihtlunah anih in ka hnenah, “Minung fapa, na hnenih ka sim mi kamsuakthupawl hmuahhmuah cu na thinlung ah cohlang awla, na hna in ngaithla aw. 11 bCule feh aw, ralkaihpawl hnen, na mipawlih fāte hnenah va thleng awla, an ngaithlak ah simaw, an hnawn ah simaw an hnenah thusim aw, cule, ‘Bawipa Jehovah in hitin a ti,’ tiah sim hai aw,” tiah i ti.
3:10a Job 22:22
3:11b Isa 6:9; Eze 2:4-5, 7
12 aCun Thlarau in i cawiso ih, a hmun ihsin Jehovah-ih ropitnak a thawh tikah ka dungah aw thûm humho ka thei: “Amai hmun ihsi suak Jehovah ih ropitnak cu thangṭhatin um seh,” tiin. 13 bCule pakhat le pakhat thilnungpawlih thla khawngaw awn le an kiangih lêng kepawl awn le awn thûm humho khal ka thei. 14 cCutin Thlarau in i cawiso ih i thiarhlo, cule thinṭeu le thinaithawkin ka feh; asinan Jehovah-ih kut cu ka parah a cak zet. 15 dCun Kebar tiva kiangih cêng, Tel-Abib ih ralkaihpawl hnenah ka feh; cule an tonak hmun ah ka to ih, cu tawkah an lakah khawruahharin ni sarih sung ka to.
3:13b Eze 1:15, 24
3:14c 1Sp 18:12; Isa 8:11; Eze 37:1
Ezekiel cu Ralvengtu a Si
16 aNi sarih a cem tikah Jehovah-ih kamsuakthu ka hnenah a thleng, 17 b“Minung fapa, Israel sungza hrangah ralvengtu ah ka lo tuah, curuangah ka kamsuak thu ngaithla awla, ka ralrin peknak hi anmah pe aw: 18 cmisualrál hnenah, ‘Na thi tengteng ding,’ tiah ka ti tikah, nang in ralrinnak zianghman pe loin, a nundān sualrál ihsin a nunnak runsuak dingin misualrál cu ralrinnak thu na sim fawn lo ih, cuih misualrál cu a mawhsualnak ih a thih asile, a thisen cu na kut ah ka lo hlám ding. 19 dSikhalsehla misualrál cu ralrinnak na pe ih, a sualralnak ihsin lamlêt loin a nundān sualrál ihsi khalin a lamlêt cuang lo asile, a mawhsualnak ah a thi ding; asinan na nunnak cu na runsuak a si.
3:16a Jer 42:7
3:17b Isa 52:8; Jer 1:17; Hab 2:1
3:18c Joh 8:21, 24
3:19d Sam 7:12; Eze 14:14; Apo 18:6; 1Ti 4:16
20 a“Cuvek thothoin midingfel pakhat cu a dingfelnak ihsin lamlêtin, mawhsualnak a rak tuah ih, a hmaiih harsatnak ka ret tikah, anih cu a thi ding; ralrinnak na rak pek lo ruangah a sualnak ah a thi ding ih, a rak tuah mi a dingfelnak cu cīn a si lo ding; asinan a thisen cu na hnenah ka lo hlám ding. 21 bCuti si khal sehla midingfel cu sual tuah lo dingin ralrinnak na pe ih, midingfel in sual a tuah lo asile, anih cu a nung tengteng ding, ziangruangahtile anih cun ralrin peknak kha a cohlang a si; na nunnak na runsuakngah fawn ding,” tiin.
3:20a Pui 26:37; Sam 125:5; Isa 8:14; Eze 7:19; 18:24
22 aCule Jehovah-ih kut cu cu tawkah ka parah a um ih, anih in ka hnenah, “Tho awla phaikuam ah feh aw, cu tawkah ka lo be ding,” tiah i ti.
3:22a Apo 9:6
23 aCun ka tho ih phaikuam ah ka fehsuak, cule zoh hnik, Kebar tiva kiangih ka hmuh mi Jehovah-ih ropitnak vek cu tawkah a ding; cule ka băwkkhup. 24 bCun ka sungah Thlarau a lut ih ka ke in i dīngter, cule i bia ih, ka hnenah: “Feh awla na inn sungah kharkhumaw aw. 25 cCule nang, Maw minung fapa, anmah lakih na fehsuak thei lo nak dingah hridai in an lo ṭem ding ih, an lo hreng ding. 26 dNa sangkhâr ah na lei ka bĕtter ding, cutin ṭawng thei loin na um ding ih, anmah kawktu na si thei lo ding, ziangahtile annih cu helhmang sungza an si. 27 eAsinan ka lo biak tikah na kâ ka kau ding ih, an hnenah, ‘Bawipa Jehovah in hitin a ti,’ tiah na ti ding. A theitu in thei seh; cule a hnáwngtu in hnáwng seh; ziangahtile annih cu helhmang sungza an si.
3:25c Eze 4:8
3:26d Sam 22:15; Eze 2:5; Hos 4:4
Jerusalem Kulhkhŭmnak Lăngternak
1 “Nang, minung fapa, tlăkrawh la awla, na hmaiah ret aw, cule cumi parah Jerusalem khawpi lem kher aw. 2 aJerusalem kulhkhŭmnak tuah aw, amah kulhkhŭmnak hruang dâwl aw, cule lei sûngpâwng aw; khawpi dokalhin ṭanhmun khuarnakpawl khal tuah aw, cule a kimvel hmuahhmuah ah sutsiatnak hmanrua ret aw. 3 bCuihhleiah nangmah hrangah thir pheng la awla, nangmah le khawpi karlakah thir hruang vekin tung aw. Cumi lamah na hmai hawi awla, kulhkhŭm dinhmun ah tuah aw, cule kulhkhŭmaw aw. Cumi cu Israel sungza hrangah hminsinnak a si ding.
4:2a Jer 6:6; 33:4; Eze 17:17; 21:22; Dan 11:15
4:3b Pui 2:5; Isa 8:18; Jer 39:1; Eze 5:1-4; 20:46
4 “Na keh lam nĕnin zau awla, Israel sungza mawhsualnak cu nĕncih aw, ziangahtile na nĕn ni zat in an mawhsualnak na tuar ding a si. 5 Ziangahtile an mawhsualnak kumpawl zulhin na hrangah a ni zat ka khiah zo, ni 390; cuti vek cun Israel sungza mawhsualnak cu na tuar ding a si. 6 aCule cumi na ṭheh hnuah, na vawrh lam nĕnin zau leh aw, cun Judah sungza mawhsualnak cu ni 40 sung na tuar ding a si. Kum khat hrangah ni khat vivo ka lo ruahsak a si. 7 bCuruangah Jerusalem kulhkhŭmnak lam na hmai hawih aw, na bân hlîp awla, a tlun thu phuangsuak aw. 8 cCule ngai hnik, na kulhkhŭm ni zat na ṭheh hlanlo, na sir khat lam ihsin khat lam her thei lo dingin, hridai in ka lo ṭawn ding.
4:6a Suah 28:38; Mip 14:34; Dan 9:24-26
4:7b Eze 6:2
4:8c Eze 3:25
9 “Nangmah hrangah sangvut, barli sangvut
4:12a Isa 36:12
13 aCun Jehovah in, “Cuti vek cun Israel tefapawl in ka hnawhsuahnak hmun, miphunpawl lakah an rawl bawrhbang an ei ding a si,” tiah a ti.
14 aCun kei in, “Ai law, Bawipa Jehovah! Ngai hnik, ka no lai ihsin atu tiang ka bawrhbangawter dah lo; mah te thi siseh, sahrang ih thlek mi siseh ka ei dah lo ih, ka kâ sungah fihnungza sa a lut dah fawn lo,” tiah ka ti.
4:14a Suah 22:31; Pui 11:39; Dnp 14:3; Dan 1:8; Hos 9:3-4
15 Cun anih in ka hnenah, “Zoh hnik, na sang emnak dingah minung êk aiah caw êk ka lo pe ding,” tiah i ti.
16 aCuihtlunah anih in ka hnenah, “Minung fapa, ngai hnik, Jerusalem ih rawl ngahsuahnak hrampi ka sâtcat ding; sang cu khīngkhaiin, thlarîng cingin an ei ding, cule tidai khal tah rori in thinphâng cingin an in ding, 17 bziangruangahtile sang le tidai an tlasam ding; pakhat le pakhat ṭihphângin an zohaw ding ih, an mawhsualnak ruangah an ṭawihrál ding.
4:16a Pui 26:26; Sam 105:16; Isa 3:1; Eze 5:16; 12:19
4:17b Pui 26:39; Eze 24:23; Amo 4:8
Jerusalem Dokalhtu Ralnâm
1 a“Cule nang, minung fapa, ralnâm hriam la aw, cumi cu sám ziattuih nâmte bangin hmang awla, na lu le na khabe hmul ziat aw. Cule khīngkhai dingin khīngkhainak la awla sam cu ṭhen aw. 2 bKhawpi kulhkhŭm zat ni a kim tikah, ṭhen thum ṭhen khat cu khaw laiah na ur pei; cun ṭhen thum ṭhen khat na la pei ih, khawpi kimvel hmuahhmuah ralnâm in na sât pei, cule ṭhen thum ṭhen khat cu thli lakah na thehdarh pei: an dung ihsin ralnâm ka zûk ding a si. 3 cCupawl lak ihsin málten la awla, na sinfen zimah ṭem aw. 4 Cun cupawl lak ihsin a hrekkhat la leh awla, meisa ah paih aw, cule ur aw. Cu tawk ihsin meisa cu Israel sungza hmuahhmuah tlunah a darh vivo ding.
5:1a Pui 21:5; Mip 6:5; 2Sam 10:4; Eze 44:20
5:2b Pui 26:33; Jer 9:16; 13:24; 21:10; Eze 15:7; Zek 13:8
5 a“Bawipa Jehovah in hitin a ti: himi hi Jerusalem a si, miphunpawl lakah ka ret ih, a kimvel hmuahhmuah ah ram an um. 6 bMiphunpawl hnakin ka zīn le dān pawl lakah sualralnak tuahin a hél sawn ih, a kimvelih um rampawl hnakin ka sakhaw dānpawl a dokalh sawn; ziangahtile ka zīn le dān pawl an êl ih, ka sakhaw dānpawl vekin an nung lo. 7 cCuruangah Bawipa Jehovah in hitin a ti: na kimvel hmuahhmuah ih um miphunpawl hnakin na buaithlak sawn, ka sakhaw dānpawl na thlun lo ih, ka zīn le dān pawl na thlun fawn lo, na kimvel hmuahhmuah ih um miphunpawlih zīn le dān pawl rori hman na rak thlun fawn lo. 8 dBawipa Jehovah in hitin a ti: ngai hnik, keimah, keimah rori in ka lo do ih, miphunpawl mithmuh ah na parah thuṭhennakpawl ka hlensuak ding. 9 eCule na thil fihnungza pawl hmuahhmuah ruangah ka rak tuah dah lo mi, ka tuah leh sal dah nawn fawn lo ding mi, cuvek thil cu nan lakah ka tuah ding. 10 fCuruangah nan lakah palepawl in an fapapawl an ei ding ih, fapapawl in an palepawl an ei ve ding; cule nan lakah thuṭhennakpawl ka hlensuak ding ih, nannih a tāngsŭn pawl hmuahhmuah hi thli lakah ka lo thehdarh ding.
5:5a Jer 6:6; Ṭah 1:1; Eze 4:1
5:6b Jer 11:10; Eze 2:3; Zek 7:11
5:7c 2San 33:9; Jer 2:10-11; Eze 16:47
5:8d Jer 21:5; Eze 11:9; Zek 14:2
11 a“Curuangah, ka nun rori bangtukin, Bawipa Jehovah in a ti, thungaiin, na thil bawrhhlawh hmuahhmuah le na thil fihnungza hmuahhmuah thawn ka hmun thianghlim na bawrhbanter zo ruangah, kei khal in ka lo sipsan ve ding; ka mit in a lo zangfah lo ding ih, ka lo zuah fawn lo ding. 12 bNan lakih ṭhen thum ṭhen khat cu nathri sia in an thi ding ih, nan lakah mangṭam in an thi ding; cule na kimvelah ṭhen thum ṭhen khat cu ralnâm in an rīl ding. Cule a dang ṭhen thum ṭhen khat cu thli lakah ka ṭhekdarh ding ih, an dung ihsin ralnâm ka zûk ding.
5:11a Pui 15:31; Jer 16:18; Eze 7:4, 9, 20
5:12b Jer 13:24; 15:2; Eze 6:11-12; Thu 6:8
13 a“Cuti vek cun ka thinhengnak cu hman a si ding ih, an parah ka thinsonak ka thingtla ding, cutin ka di a riam ding; cule an parih ka thinsonak ka hman tikah thîknak thawn ka ṭawngsuak a si ti le, kei hi Jehovah ka si ti an thei ding. 14 bCuihtlunah na kimvelih um miphunpawl zate lakah, a lo páltu zate mithmuh ah khaw răm le hmuhsuam mi ah ka lo tuah ding. 15 cCuti cun thinheng, thinso le thinsosa ih kawknak thawn dān ka lo tat tikah na kimvelih um miphunpawl hnenah nang cu hmuhsuam mi, setet mi, zirhawknak le miṭhihṭhaihnak ah na cang ding. Kei, Jehovah in ka sim a si. 16 dHlohralter ding mi nanmah lo hloralter dingih ka run thlah mi mangṭamih ṭihnungza thál fung cu nanmah dokalhih ka thlah tikah nan parah mangṭam ka pungter ding ih, nan rawl ngahsuahnak hrampi ka sâtcat ding. 17 eCuti cun nan parah mangṭam le sahrang ka thlah ding ih, fāte sūn ko an lo tuah ding. Nathri sia le thisen in a lo hrut ding ih, na parah ralnâm ka run keng ding. Kei, Jehovah in ka sim a si,” tiah i ti.
5:13a Isa 1:24; Eze 16:42; 21:17; Hos 10:10; Zek 6:8
5:14b Sam 74:3-10; Isa 64:11; Eze 6:6
5:15c Dnp 28:20, 46; 1Sp 9:7; Isa 43:28; Jer 22:8-9; 23:40; Eze 14:8
5:17e Pui 26:22; Eze 38:22; Thu 6:8
Milem Bia Israel Dāntatnak
1 Jehovah-ih kamsuakthu cu ka hnenah a thleng, 2 a“Minung fapa, Israel tlangpawl lamah na hmai hawih awla, anmah dokalhin thuphuang aw, 3 bcule, ‘Nannih Israel tlangpawl, Bawipa Jehovah-ih kamsuakthu hi ngaithla uh! Bawipa Jehovah in tlangpawl hnen, tlangmûalpawl hnen, tivapawl hnen le phaikuampawl hnenah: ngai hnik, kei, keimah rori in nan parah ralnâm ka keng ding ih, nan hmun sâng pawl ka siatbăl ding. 4 cCun nan biakṭhengpawl an ṭhing ding, nan rimhmui biakṭhengpawl băl an si ding ih, nan thah mi minungpawl cu nan milempawl hmaiah ka hlăwn ding. 5 dCule Israel tefa ruakpawl cu an milempawl hmaiah ka hlăwn ding ih, nan ruhpawl cu nan biakṭhengpawlih kimvelah an darh reirei ding. 6 eNan cēnnak hmun hmuahhmuah ah khawpipawl cu an răm ding ih, hmun sâng pawl cu an ṭhing phiarphiar ding, cuti cun nan biakṭhengpawl cu an siat ding ih, an ṭhing ding, nan milempawl an cim ding ih hlohralter an si ding, nan rimhmui biakṭhengpawl siatbăl an si ding ih, nan hnaṭuanpawl hlohralter an si ding. 7 fThah mipawl cu nan lakah an rīl teptep ding ih keimah cu Jehovah ka si, ti nan thei ding.
6:4c Pui 26:30; 2San 14:5; Eze 6:6
6:5d Pui 26:30; Sam 53:5; Jer 8:1-2
6:6e Pui 26:30; 1Sam 5:4; Isa 6:11; Eze 5:14; Mik 1:7; Zek 13:2
8 a‘Cuti cingin ram kip ih nan ṭekdarh tikah, miphunpawl lakih ralnâm ihsi tlânsuak an um thei nak dingah a tāngsŭn ka umter ding.
9 bCun ka hnen ihsi tlânsuak mi an thinlung uiretnak
6:8a Sem 11:4; Sam 44:11; Jer 44:28
6:9b Sam 137:6; Jer 8:21; Eze 20:24, 43; Zek 10:9
6:10c Jer 40:2
11 a“Bawipa Jehovah in hitin a ti: na kut bengin na ke tur awla, ralnâm, mangṭam le nathri sia ih rīl ding Israel sungza-ih thil ṭha lo fihnungza pawl hmuahhmuah ruangah, Ai maw!
12 bHlapi ih um cu nathri sia in a thi ding ih, nai ih um cu ralnâm in a thi ding, cule a tāng lai mi le kulhkhŭm mipawl cu mangṭam in an thi ding. Cuti vek cun ka thinsonak cu an parah ka thingtla ding.
13 cCun tlangmûal sâng kip parah, tlang zim zate parah, thing bŭk nîm
6:11a Jer 42:22; Eze 21:14, 17
6:12b Ṭah 4:11, 22; Eze 5:13; Dan 9:7
6:13c Pui 26:30; 1Sp 14:23; Isa 1:29; Jer 2:20; Hos 4:13
6:14d Suah 7:5; Job 30:21; Jer 6:12; Eze 12:19; 20:34
Jehovah Thinlingnak Ni
1 Cuihtlunah Jehovah-ih kamsuakthu cu ka hnenah a thleng,
2 a“Nang, minung fapa, Bawipa Jehovah in Israel ram hnenah:
A netnak! Ram kil li ah a netnak a thleng.
3 bAtu-ah na parah a netnak a thleng ih,
Na parah ka thinhengnak ka thlah ding;
Na nundān bangtukin thu ka lo ṭhen ding ih,
Na thil fihnungza pawl hmuahhmuah ka lo lehrūl ding.
4 cNa thil fihnungza pawl na parih a um sung hmuah cu
Ka mit in a lo zangfah lo ding ih,
Ka lo zuah fawn lo ding;
Cuhnakin na nundān mawh na phur sawn ding,
Cun keimah cu Jehovah ka si, ti nan thei ding, tiin sim aw.
7:2a Amo 8:2, 10; Thu 7:1
5 a“Bawipa Jehovah in hitin a ti:
Thil ṭha lo, thil ṭha lo lawnglawng,
Ngai hnik, cucu a ra thleng a si,
6 aA netnak a ra thleng;
A netnak a ra thleng;
Na parah a ṭhangharh a si;
Ngai hnik, a ra thleng lai rero!
7 bRam sungih cêngpawl hnenah siatnak a thleng;
A cān a thleng thlang,
A ni a nai thlang,
Tlang parah lungawi aipuannak si loin buainak.
8 cAtu-ah na parah thinsonak ka thlebung cing ding ih,
Na parah ka thinhengnak ka hlensuak ding;
Na nundān bangtukin thu ka lo ṭhen ding ih,
Na thil fihnungza pawl hmuahhmuah cu ka lo lehrūl ding.
9 dNa thil fihnungza pawl na parih a um sung hmuah cu,
Ka mit in a lo zangfah lo ding ih,
Ka lo zuah fawn lo ding;
Cuhnakin na nundān mawh na phur sawn ding,
Cun keimah cu a lo vawtu Jehovah ka si, ti nan thei ding.
10 e“Ngai hnik, cuih ni cu!
Ngai hnik, a ra thleng;
Siatnak a ra thleng;
Kianghrăwl a cerh,
Hngalnak a mûm.
11 fThahrum suahnak cu sualralnak kianghrăwl ah a ṭhang;
An mipi khal,
An lennak khal;
Thil hlú ziangkhal
Anmah lakah zianghman an tâng lo ding,
12 gA cān a thleng thlang,
Cuih ni cu a nai thlang.
Thil leitu lungawi aipuangin um hlah sehla,
Thil zuartu khal lungsia-in um fawn hlah seh;
Ziangahtile an mi senpi zate parah thinlingnak a um.
13 Ziangahtile an dam laiah thil zuartu cun a zuar mi lamah a kirsal lo ding,
Ziangahtile mipi pumpi thuhla larnak cu
Hlensuah loin a um lo ding;
Mawhsualnak ih nung zohman an nunnak an hum thei lo ding.
14 hTawtawrawt an phaw ih mi kip an ralringter,
Asinan zohman doawknak ah an feh lo;
Ziangahtile an mipi parah ka thinlingnak a um.
15 iLeng lamah ralnâm a um ih,
Sung lamah nathri sia le mangṭam.
Zokhal ramlak ih um cu ralnâm in an thi ding;
Cule khawpi sungih um pauhpauh mangṭam le nathri sia in a eirál ding.
16 jA nungdampawl an tlansuah tikah,
Tlang parah phaikuam thuro bangtuk an si ding,
Anmai mawhsualnak cio ruatin
An zaten lungsia-in an um ding.
17 kKut zaten an zâwng ṭheh ding ih,
Khuk hmuahhmuah ah zun a luang ding.
18 lBuri hnipuan khal an hruh ding ih;
Tuksumzain a khuh hai ding;
Hmel hmuahhmuah ah ningzahnak a um ding,
An lu zaten a kawlh ṭheh ding.
19 mKăwtthler ah an ngun an hlăwn ding ih,
An sui cu thil thianghlim lo vekah a cang ding;
An sui le an ngun pawl in
Jehovah thinling ni ah cun anmah a runsuak thei lo ding,
Cupawl cun an nunnak a diriamter lo ding ih,
An pum khal a puarter fawn lo ding,
Ziangahtile cupawl cu mawhsualnak ih an bahnak ah a cang.
20 nAmai mawinak cu
Hngalnak ah an hmansak;
Cumi hmangin an fihnungza milimpawl le
An bawrhhlawhnak thilpawl an tuah.
Curuangah cupawl cu an hrangah thil thianghlim lo ah ka tuah.
21 oCumi cu ram dang mipawlih kut ah ralthillawn ah ka pe ding ih,
Leilung misualrálpawl hnenah ralthillâk ah;
Cule cumi cu an bawrhbangter ding.
22 pAnmah ka hawisan ding ih,
Thupi ih ka ruah mi hmun an bawrhbangter ding;
Ziangahtile cuih sungah suamhmangpawl an lut ding ih, an bawrhbangter ding.
23 qCikcin tuah aw,
Ziangahtile ram cu thisen suahawknak sual in a khat ih,
Khawpi cu thahrum suahnak in a khat.
24 rCuruangah miphunpawl lakah a sualrálbik ka rak hruailut ding ih,
An innpawl an neihsak ding;
An hngalpi mi an cahnak cu ka cemter ding ih,
Hmun thianghlim pawl cu bawrhbanter a si ding.
25 sThlaphannak a ra thleng;
Hnangamdaihnak an hawl ding, asinan a um lo ding.
26 tVanduainak parah vanduainak a um ding ih,
Thuthang parah thuthang a um ding.
Cun profet hnen ihsin larnak an hawl ding;
Asinan dān cu puithiam hnen ihsin a hloral ding ih,
Upapawl hnen ihsin thurawn peknak.
27 uSiangpahrang a lung a zur ding,
Uktu cu beidăwnnak hnipuan a hruk ding ih,
Rammipawlih kut a khūr ding.
An nundān bangtukin an parah ka tuah ding ih,
An phûtdān zulhin thu ka ṭhensak hai ding;
Cun keimah Jehovah ka si, ti an thei ding!” tiin.
7:7b Eze 12:23; Amo 5:18-20; Zef 1:14; Mal 3:2
7:9d Dnp 32:35; Sam 39:10; Isa 9:13; Jer 21:7; Eze 5:11; 22:31
7:10e Isa 10:5
7:12g Isa 5:13-14; 24:2; Eze 30:3
7:15i Eze 5:12
7:16j Ezr 9:15; Isa 59:11; Jer 9:19; Eze 6:8
7:17k Jer 47:3; Eze 21:7; Dan 5:6
7:18l Isa 15:2-3; Eze 27:31; Amo 8:10
7:19m Thf 11:4; Hos 4:5; Joe 1:15; Zef 1:7, 18
7:20n Isa 2:20; Eze 5:11; 16:17
7:21o 2Sp 24:13; Sam 74:2-8; Jer 52:13
7:22p Sam 74:7-8; Jer 2:27; Ṭah 2:7; Eze 39:23-24
7:23q Sem 6:11; Eze 11:6; 22:9
7:24r Ṭah 2:7; Eze 24:21; 28:7
7:25s Jer 6:14; Eze 13:10, 16
7:26t Eze 20:1-3; Amo 8:11; Mik 3:6
7:27u Isa 3:11; Eze 18:20; 26:16
Temple sungih Fihnungza
1 aKum ruknak, a thla ruknak, a ni ngatnak ah hitin a si, ka inn sungah ka to ih, Judah upapawl ka hmaiih an to laiah, Bawipa Jehovah-ih kut cu cu tawkah ka parah a rung ṭhumaw. 2 bCun ka zoh ih, ngai hnik, milai pianhmang băngpi nei hi a um: a tâi ihsi tăng lam lăngdan cu meisa vek a si ih, a tâi ihsin tlun lam lăngdan cu êng, thir rawh ling lăngdan vek a si. 3 cAnih in kut vek pakhat in i rak dawh ih, ka sám tawm in i rak kai; cule Thlarau in lei le van karlakah i cawiso ih, Pathian larawknak in Jerusalem ah sak lam hawi tual sungta luhnak ah i hruai, cu tawkah cun thîktertu thîksiatnak milim a um. 4 dCule ngai hnik, cu tawkah phaikuam ih ka hmuh mi larnak vek, Israel-ih Pathian ropitnak a um.
8:1a 2Sp 6:32; Eze 1:1-3; 14:1; 33:31
8:2b Eze 1:4
8:3c Suah 20:5; 24:10; Dnp 32:16; Eze 2:9; 3:12
8:4d Suah 24:16; Eze 3:22
5 aCun anih in ka hnenah, “Minung fapa, atu-ah sak lam hun cuan hnik aw,” tiah i ti. Cutin sak lam cu ka hun cuan, cule ngai hnik, cuih biakṭheng kăwtka ih sak lam, luhnak ah hi thîksiatnak milim cu a um. 6 bCuihhleiah anih in ka hnenah, “Minung fapa, ka hmun thianghlim ihsin hla zetih keimah dawihlo dingah Israel sungza in thil fihnungza nasa zet hi tawkih an thil tuah mi hi na hmu maw? Hi hnakih fihnungsawn na hmu lai ding,” tiah i ti.
8:5a Sam 78:58; Jer 3:2; Eze 8:3; Zek 5:5
8:6b Sam 78:60; Eze 5:11; Hos 5:6
7 Cule tualrawn sângka ah i hruai; cule ka hun zoh tikah, ngai hnik, phar ah ăwng ka hmu. 8 Cule anih in, “Minung fapa, phar cu vit aw,” tiah i ti. Cule phar cu ka vitpăwp ih, ngai hnik, sângka pakhat a rak um. 9 Cule anih in ka hnenah, “Lut awla hi tawkih fihnungza sualralnak an tuah rero mipawl hi zoh hnik,” tiah i ti. 10 aCuti cun ka lut ih ka zoh, ngai hnik, cuih phar kimvel hmuahhmuah ah cun bawkvâk thilnung phun zakip, fihnungza sahrangpawl le Israel sungza milem hmuahhmuah an kher. 11 bCule an hmaiah Israel sungza upa 70 an rak dīng ih, an lakah Shafan-ih fapa Jaazaniah a ding. Mi kip in an kut ah meiling ruhnak an keng fingfing ih, rimhmui khu sah zet a kaiso. 12 cCun anih in ka hnenah, “Minung fapa, Israel sungza upapawl in anmai milem pindan cio ah thim lakah mi kip in ziang an tuah, ti na hmu maw? Ziangahtile annih in, ‘Jehovah in in hmu lo, Jehovah in ram a thlauthla zo a si,’ an ti,” tiah i ti.
8:10a Suah 20:4; Dnp 4:15-18; Jer 16:18; 44:4; Eze 23:14
8:11b Pui 10:1; Jer 44:5; Eze 11:1-2
8:12c Job 22:13; Sam 10:11; Isa 29:15; Eze 9:9; Zef 1:12
13 Cule anih in ka hnenah, “Hi hnakih thil fihnungsawn an tuah rero mipawl na hmu lai ding,” tiah i ti. 14 Cuti cun sak lamih um Jehovah inn kăwtka sângka ah i hruai; cule ngai hnik, cu tawkah aTammuz ṭahin nunaupawl an to.
8:14a Tammuz: Acadia-mipawlih ni pathian a si, amah cawimawinak hrangah kum tin thla khat rei puai an tuah, cuih lăwmnak ah cun thil sualrál zet an tuah.
15 Cun anih in ka hnenah, “Maw minung fapa, himi hi na hmu maw? Hi hnakih thil fihnungsawn na hmu lai ding,” tiah i ti. 16 aCule anih cun Jehovah inn tualrawn sungta ah i hruailut, cule ngai hnik, Jehovah-ih temple sângka ah, hulhliap le biakṭheng karlakah mipa 25 hrawng Jehovah-ih temple dungtunin, an hmai nisuahnak lam hawiin an um, nisuahnak lamih ni cu an rak bia.
8:16a Sem 1:16; Dnp 4:19; Job 31:26-28
17 aCule anih in ka hnenah, “Maw minung fapa, hihi na hmu maw? Hi tawkih an tuah mi thil fihnungza pawl hi Judah sungza hrangah thil tenau men maw a si? Ziangahtile ram cu thahrum suahnak in an khatter ih, tlaitluanin in thinhengter; cule ngai hnik, an hnar ah hnahsawl an ret. 18 bCuruangah kei khal thinsonak in ka cangvai ve ding. Ka mit in a zangfah hai lo ding ih, ka zuah hai fawn lo ding; aw ring zetin ka hna ah ṭap khal hai sehla, ka ngaithla hai lo ding,” tiah i ti.
8:17a Sem 6:11; Mip 11:33; 1Sp 14:9; Eze 16:26
8:18b 1Sam 8:18; Isa 58:4; Jer 11:11; 13:14; 44:6; Eze 5:11
Milem Betupawl Thahnak
1 Aw ring zetin ka hnatheih ah a ausuak, “Khawpi sungih um mi thattupawl, mi kip mai kut cio ah mi thahnak hriamhrei kengin run naih uh,” tiah a ti. 2 aCule ngai hnik, sak lam hawi tlunta kăwtka lam ihsin pacang paruk an ra, pakhat cio in mi thahnak hriamhrei an kut in an keng. An lakih mi pakhat cu pat zai hnipuan in a thuamaw ih, a khēl ah cangantuih hmanrua bawm a thlaih. An vung lut ih dar biakṭheng kiangah an ding.
9:2a Pui 16:4; Eze 10:2; Dan 10:5; Thu 15:6
3 aCule Israel-ih Pathian ropitnak cu a um ṭheu nak hmun cherub
9:4b Sem 4:15; Sam 119:53, 136; Eze 21:6; 2Ko 1:22; Thu 7:3
5 aMi dang pawl hnenah, ka hnatheih ah, “A dung thlunin khawpi hrawhsuakin feh uhla, that uh; nan mit in zangfah hlah uhla, zuah fawn hlah uh. 6 bTar le tlangval, fala le nauhakte te pawl le nunau that verver uh; asinan an parih hminsinnak neitu kiang naiah feh hlah uh, cule ka hmun thianghlim ihsin thawk uh,” tiah a ti. Cuti cun temple hmaiih um upapawl ihsin an thawk. 7 cCun anih in an hnenah, “Temple bawrhbangter uhla, tualrawn cu thah mi ruangpawl in khatter uh. Fehsuak uh!” tiah a ti. Cule an fehsuak ih, khawpi sungih mipi cu an that.
9:5a Suah 32:27; Isa 13:18; Jer 13:14; Eze 5:11
9:6b 2San 36:17; 1Pe 4:17
9:7c 2San 36:17; Eze 6:7; 7:20-22
8 aCule hitin a si, khawpi sungih mi an thah laiah keimah lawng ka tâng, cule ka băwkkhup ih ka ausuak, “Ai law, Bawipa Jehovah! Jerusalem parih na thinsonak thlebungin Israel tangsŭn hmuahhmuah na hloralter hai ding maw?” tiah ka ti.
9:8a Jos 7:6; Eze 7:8; 11:13; Amo 7:1-6
9 aCun anih in ka hnenah, “Israel sungza le Judah sungza ih mawhsualnak cu a nasa tuk lawmmam, ram cu thisen in a khat ih, khawpi cu sualralnak in a khat; ziangahtile annih in, ‘Jehovah in ram a thlauthla ih, Jehovah in a zoh lo,’ tiah an ti. 10 bCule kei bélte cun ka mit in a zangfah lo ding ih, ka zuah hai lo ding, an thil ti cu anmai lu parah ka tlater sawn ding,” tiah i ti.
9:9a Job 22:13; Eze 8:12; 22:29; Hab 1:4
9:10b Jer 13:14; Eze 8:18; 11:21
11 Cule ngai hnik, pat zai hnipuan thawi thuamaw, a khēl ih hmanrua bawm thlaihaw pa cun thawng a thănsal ih, “Thu i rak pek vekin ka tuah zo,” tiah a ti.
Jehovah-ih ropitnak in Temple a Suahsan
1 aCule ka zoh ih, ngai hnik, cherub-pawlih
10:1a Suah 24:10; Eze 1:22; Thu 4:2
3 Cu pa a luh laiah, cherub-pawl cu temple thlang lam kapah an dīng ih, tualrawn sungta cu mero in a luahkhat. 4 aCule Jehovah-ih ropitnak cu cherub hnen ihsin a so ih, temple sângka hnuai zawn zial ah a ṭhawnaw; cule inn cu mero in a luahkhat ih, tualrawn cu Jehovah-ih ropitnak tleu in a khat. 5 bCule Ziangkimtithei Pathian a ṭawng tikah aw vekin, cherub-pawlih thla khâwng awn cu tualrawn lengta ihsin theih a si.
10:4a Suah 24:16; Eze 9:3
6 aCun hitin a si, pat zai hnipuan thawi thuamaw pa cu, “Lêng kepawl karlak, cherub-pawl lak ihsin meisa la aw,” tiin thu a pek tikah, anih cu a lut ih lêng ke kiangah a va ding. 7 Cule cherub pakhat in cherub-pawl lakih um meisa cu cherub-pawl lak ihsin a kut a dawh ih, a hrekkhat a la, cule pat zai hnipuan thawi thuamaw paih kut ah a pe, anih in cumi cu a la ih a fehsuak. 8 bCherub-pawl cun an thla hnuaiah milai kut pian an nei.
10:6a Dan 7:9
10:8b Eze 1:8
9 aKa zoh ih, ngai hnik, cherub-pawlih kiangah lêng ke pali a um, cherub pakhat kiangah lêng ke pakhat a um; cuih lêng kepawlih pianhmang cu birul lung mankhung tle vek a si. 10 An pianhmang cu an pali in an bangaw thluh, lêng ke pakhat sungih lêng ke dang a kawkalh zawngih thun vek a si. 11 An feh tikah, hawikûal loin bhawi zawng hmun li ah an feh; an feh tikah hawikûal loin, an lu hawinak lamah a dang in an thlun. 12 cCule an taksaruangpum pumpi, an dung lam, an kutpawl, an thlapawl le lêng kepawl cu a kimvelin mit in a khat, an pali ih lêng kepawl khal. 13 Lêng kepawl kha ka hnatheih ah, “Lêng ke” tiih kawh an si.
10:11b hawi zawng hmun li: Ni suah, ni tlak, sak le thlang tinak a si.
10:12c Eze 1:15-21; Thu 4:6-8
14 aCherub kip in hmel pali fingfing an nei: a pakhatnak hmel cu cherub hmel a si, a pahnihnak hmel cu milai hmel a si, a pathumnak hmel cu kiosa hmel a si ih, a palitnak hmel cu muvanlai hmel a si. 15 bCule cherub-pawl cu an tho. Hipawl cu Kebar tiva kapih ka hmuh mi thilnungpawl kha an si. 16 Cherub-pawl an feh tikah lêng kepawl cu an kiangah an feh ve; lei ihsin zamso dingin cherub-pawl an thla an zâp tikah, an sir ihsin cuih lêng kepawl cu an cāng lo. 17 cCherub-pawl an dīn tikah lêng kepawl khal an zawngah an ding ve ih, an thawh tikah an tho ve, ziangahtile anmah ah thilnungpawlih thlarau a um.
10:14a Eze 1:6, 10; Thu 4:7
10:17c Eze 3:13
18 aCun Jehovah-ih ropitnak cu temple sângka hnuai zawn zial ihsin a suak ih, cherub-pawlih tlunah a ding. 19 bCule cherub-pawl cu an thla an zâp ih ka mithmuh ah lei ihsin an kaiso. An fehsuak tikah lêng kepawl khal an sirah an um, Jehovah inn nisuahnak lam kăwtka sângka ah an dīr ih, Israel-ih Pathian ropitnak cu an tlunah a um.
20 aKebar tiva kap, Israel-ih Pathian hnuaiih hi ka hmuh mi thilnungpawl hi cherub-pawl an si ti ka thei. 21 bPakhat in hmai pali cio an nei ih, pakhat in thla pali cio an nei; cule an thla hnuaiah milai kut vek a um. 22 cAn hmel umdān lawngte cu, Kebar tiva kapih ka hmuh mi hmel vek an si. An hmai zawn cio ah dĭngten an feh.
10:20a Eze 1:1, 22, 26; 10:15
10:22c Eze 1:1
Thurawn Petu Sualrál pawl Dāntatnak
1 aCuihtlunah Thlarau in i cawiso ih, Jehovah inn-ih nisuahnak lam hawi, nisuahnak lam kăwtka ah i hruai: cule ngai hnik, cuih kăwtka luhnak ah cun pacang 25 an rak um, cupawl lakah mipi uktu Azzur-ih fapa Jaazaniah le Benaiah-ih fapa Pelatiah ka hmu hai. 2 bAnih in ka hnenah, “Minung fapa, hipawl hi mawhsualnak khawkhângtu le hi khawpi sungih thurawn pek sualrál petu an si. 3 cAnnih in, ‘Inn sak cān a nai hrih lo, hi khawpi hi bel a si ih, kannih hi sa kan si,’ tiah an ti. 4 dCuruangah anmah dokalhin thupuang aw, thuphuang aw, Maw minung fapa!” tiah i ti.
11:2b Isa 29:20; Eze 8:11; Nah 1:11
11:3c Jer 1:13; Eze 12:22, 27; 24:3; Mik 3:3
11:4d Eze 3:4
5 aCun Jehovah Thlarau ka parah a rung thleng ih, ka hnenah, “Anih in, ‘Jehovah in hitin a ti: Maw Israel sungza, hihi nan rak ruah ṭheu mi cu a si, ziangahtile nan ruahnak ka thei. 6 bHi khaw sungah mi tampi nan that ih, a kăwtthler cu thah mi ruangpawl in nan khatter. 7 cCuruangah Bawipa Jehovah in hitin a ti, nan mi thah mi ruangpawl khaw sungih nan hlăwn mi cu sa an si ih, hi khawpi hi bel a si: asinan hi tawk ihsin ka lo dirsuak hai ding. 8 dRalnâm nan ṭih ih, nan parah ralnâm ka run keng ding, Bawipa Jehovah in a ti. 9 eA khaw sung ihsin ka lo dirsuak hai ding ih, ram dang mipawl kut ah ka lo pe ding, cule dān ka lo tat ding. 10 Ralnâm in nan tlu ding. Israel ramri ah dān ka lo tat ding. Cule keimah cu Jehovah ka si, ti nan thei ding. 11 fHih khawpi cu nan bel ah a cang lo ding ih, nannih khal cu tawkah sa ah nan cang lo ding, cuhnakin Israel ramri ah dān ka lo tat sawn ding. 12 gCule keimah cu Jehovah ka si, ti nan thei ding: ziangahtile ka sakhaw dānpawl nan thlun lo ih, ka thuṭhennakpawl nan tuahsuak fawn lo, cuhnakin nan kimvel hmuahhmuah ih um miphunpawlih nunphung bangtukin nan rak nung sawn,’ tiin sim aw,” tiah i ti.
11:6b Isa 1:15; Eze 7:23; 22:2-6, 9, 12, 27
11:7c Jer 1:13; Eze 24:3-13; Mik 3:2-3
11:8d Pui 26:25; Thf 10:24; Isa 66:4; Jer 42:16
11:9e Dnp 28:36; Sam 106:41; Eze 5:8
11:11f Eze 11:3, 7-10; 24:6
11:12g Pui 18:4; Eze 6:7; 8:10; 18:9
13 aCule thu ka phuan laiah hitin a si, Benaiah-ih fapa Petaliah cu a thi. Cun ka băwkkhup ih aw ring zetin ka au, “Ai law, Bawipa Jehovah! Israel tāngsŭn cem verver ko na tuah ding maw?” tiah ka ti.
Pathian in Israel a Tungdingsal Ding
14 Jehovah-ih kamsuakthu ka hnenah a thlengsal, 15 a“Minung fapa, Jerusalem luahtupawl in, ‘Jehovah hnen ihsin hlapi ah feh uh, hi ram cu kan neih dingah pek a si zo,’ tiih a ti mipawl cu na unaupawl, na unaupawl rori, na sungkhatpawl le Israel sungza hmuahhmuah hi an si. 16 bCuruangah, Bawipa Jehovah in hitin a ti: miphunpawl lak, hlatpi ah anmah cu ka hruaihlo hai ih, ram dangdangah ka ṭekdarhter hai ko nain, an rak fehnak rampawl ah an hrangah málte sung hmun thianghlim ka si thotho ding. 17 cCuruangah, Bawipa Jehovah in hitin a ti: miphunpawl lak ihsin ka lo khawm ding, nan ṭekdarhnak rampawl ihsin ka lo fĭnkhawm ding ih, Israel ram ka lo pe ding. 18 dCule cu tawkah an feh ding ih, cu tawkih thil bawrhhlawh pawl hmuahhmuah le thil fihnungza hmuahhmuah cu cu tawk ihsin an hlăwnhlo ding. 19 eCun thinlung sakhat ka pe hai ding, cule an sungah thlarau thar ka ret ding ih, cule an titsa ihsin an lungto thinlung cu ka lâkhlosak hai ding, cule titsa thinlung ka pe hai ding. 20 fCun ka sakhaw dānpawl an nunpi thei ding, ka zīn le dān pawl an thlun thei ding ih, an tuahsuak thei ding; cule annih cu ka mi an si ding ih, kei cu an Pathian ka si ding. 21 gAsinan an thinlung an bawrhhlawhnak thilpawl le an fihnungza câknak thluntupawl cu anmai lu parah an thil ti mipawl ka tlater ding, Bawipa Jehovah in a ti,” tiin.
11:15a Eze 33:24
11:17c Neh 1:9; Jer 3:18; Eze 20:41
11:19e 2San 30:12; Sam 86:11; Eze 18:31; Rom 2:5; 2Ko 3:3
11:20f Suah 6:7; Jer 11:4; Eze 14:11; Hos 1:9; Zek 8:8; Heb 8:10
11:21g Jer 16:11, 18; Eze 9:10
22 aCun cherub-pawl
11:22a Suah 24:16; Eze 9:3
11:23b Eze 1:28
24 aCun Thlarau in i cawiso ih, larawknak ah cun Pathian Thlarau in Kaldia ram ih sál ih hruai mipawl hnenah i hruai. Cule larnak ka hmuh mi cun in fehsan. 25 Cule sál ih hruai mipawl hnenah Jehovah in i hmuh mi hmuahhmuah cu ka sim hai.
11:24a Eze 37:1; 2Ko 12:2-4
Sál ih Hruai Hmuhsaknak
1 Jehovah-ih kamsuakthu cu ka hnenah a thleng, 2 a“Minung fapa, helhmang sungza lakah na cêng, annih cun hmuh thei nak mit an nei nân an hmu lo ih, theih thei nak hna an nei nân, an thei lo; ziangahtile annih cu helhmang sungza an si.
12:2a Isa 6:10; Jer 42:21; Mat 13:15; Mar 4:12
3 a“Curuangah minung fapa, dawisuahnak ih feh ding bangin na thuamhnaw timtuah awla, an mithmuh ah sun ah dawisuahnak ih feh vekin feh aw. An mithmuh ah na umnak hmun ihsin hmun dang dawisuahnak ah feh aw. Helhmang sungza si hman hai sehla, an theithiam nahman maw. 4 bDawisuahnak ih feh ding bangin, an mithmuh ah sun ah na thuamhnaw kengsuak aw; cule dawisuahnak ih feh ding bangin sîm lamah an mithmuh ah feh aw. 5 cAn mithmuh ah phar vitpăwp awla, cumi ihsin na thuamhnaw thiarsuak aw. 6 dAn mithmuh ah cupawl cu na liang in phur awla, thim zawngah thiarsuak aw; lei hmu thei lo dingin na hmai tuam aw, ziangahtile nangmah cu Israel sungza hrangih hminsinnak si dingin ka lo ruat a si,” tiin.
12:3a Jer 26:3; 36:3; Eze 3:27; 2Ti 2:25
12:5c Jer 52:7
7 aCule thupek ka si bangtukin ka tuah. Sál tānnak ih feh ding bangin sun ah ka thuamhnaw ka lasuak ih, sîm lamah phar cu ka kut in ka vitpăwp. Khawthim zawngah ka thuamhnaw ka thiarsuak ih, an mithmuh ah ka liang in ka pu.
12:7a Eze 24:18
8 Cule zing lamah Jehovah-ih kamsuakthu ka hnenah a thleng, 9 “Minung fapa, Israel sungza, helhmang sungza in na hnenah, ‘Ziang na tuah rero?’ tiah an lo ti a si lo maw? 10 An hnenah, ‘Bawipa Jehovah in hitin a ti: hi thuphuan cu Jerusalem ih uktu le Israel sungza hmuahhmuah, an lakih umpawl thuhla a si,’ tiin. 11 aKei cu nan hrangah hminsinnak ka si. Ka tuah vekin an parah tuah a si ding; annih cu ralkaih ah hruaihlo an si ding. 12 bCule an lakih um uktu in a thuamhnaw cu a liang in thim zawngah a pu ding ih, a fehsuak ding. A thiarsuahnak dingah, phar an vitpăwp ding. A mit in lei hmu thei lo dingin, a hmai a tuam ding. 13 cKa sur in ka khuh fawn ding ih, ka tháng ah anih cu awh a si ding. Kaldia-mipawlih ram, Babilon ah anih cu ka hruai ding; cu tawkah a thi ko ding nân, cuih ram cu a hmu lo ding. 14 dA kimvelih um amah bawmtu le a ralkap rual zaten thli lakah ka ṭekdarhter hai ding, cule an dung ihsin ka ralnâm ka zûk ding.
12:11a 2Sp 25:7; Isa 8:18; Jer 15:2
12:13c Isa 24:17-18; Jer 24:8; 39:7; Ṭah 4:20; Eze 17:16, 20; Hos 7:12
12:14d 2Sp 25:5; Jer 21:7; Eze 5:10, 12
15 a“Cun miphunpawl lakah ka ṭekdarhter hai ih ram kip ih ka vahdarhter hai tikah, keimah cu Jehovah ka si, ti an thei ding. 16 bAsinan an fehnak kip miphunpawl lakah an thil fihnungza pawl hmuahhmuah an thăn thei nak dingah, mi málte cu ralnâm, mangṭam le nathri sia ihsin ka zuah hai ding. Cun keimah cu Jehovah ka si ti an thei ding,” ti aw.
12:15a Pui 26:33; Eze 6:7, 14; 12:16, 20
12:16b Jer 22:8-9; Eze 6:8-10
Thuṭhennak cu a Thleng Tengteng Ding
17 Cuihtlunah Jehovah-ih kamsuakthu ka hnenah a thleng, 18 a“Minung fapa, ṭhia rero cingin na sang ei awla, khūr cing le phâng cingin tidai in aw. 19 bCule rammipawl hnenah, ‘Israel ram ih Jerusalem luahtupawl thuhla ah Bawipa Jehovah in hitin a ti: thlarîng cingin an sang an ei ding ih, thlaphâng cingin an tidai an in ding, an ram cu a sungih cêngpawl hmuahhmuah ih thahrum suahnak ruangah a sungih thilpawl hmuahhmuah cu kawlawngter an si ding. 20 cCun luah mi khawpipawl cu an kawlawng ding ih, ram cu a ṭhing ding; cule keimah cu Jehovah ka si, ti nan thei ding,’ a ti,” tiin.
12:18a Ṭah 5:9; Eze 4:16
12:19b Jer 10:22; Eze 4:16; 6:6-14; Mik 7:13; Zek 7:14
12:20c Isa 7:23-24; Jer 4:7
21 Cule Jehovah-ih kamsuakthu ka hnenah a thleng, 22 a“Minung fapa, Israel ram ah nan neih mi hi thufim hi ziang tinak saw a si? ‘Nikhua a rei ih, larnak kip an hlawhsam,’ nan ti mi hi! 23 bCuruangah Bawipa Jehovah in hitin a ti: hi thufim hi ka cemter ding ih, Israel ram ah thufim vekin an hmang nawn lo ding. Asinan an hnenah, ‘Ni cu a nai thlang, larawknak kip thlenkim ding ni cu,’ tiah sim hai aw. 24 cZiangahtile Israel sungza lakah larnak dik lo le tinzoh ih ānvel thiamnak a um nawn lo ding. 25 dZiangahtile keimah cu Jehovah ka si. Ka ṭawng ih, ka ṭawngsuak mi kamsuakthu cu a thlengkim ding, a khawtlai nawn lo ding; ziangahtile, Maw helhmang sungza, nan nundam laiah thu ka sim ding ih, ka tuahsuak ding, Bawipa Jehovah in a ti,” tiin.
12:22a Sam 49:4; Isa 5:19; Eze 11:3; Amo 6:3; 2Pe 3:4
12:23b Sam 37:13; Eze 7:7; 18:3; Joe 2:1
12:24c Jer 14:14; Eze 13:23; Mik 3:6; Zek 13:2-4
12:25d Mip 11:23; 14:28-34; Isa 14:24; Eze 13:6; Hab 1:5; 2:3
26 Jehovah-ih kamsuakthu ka hnenah a thlengsal, 27 a“Minung fapa, ngai hnik, Israel sungza in, ‘Larnak a hmuh mi cu tikcu reipi hnuih thleng ding mi a si ih, cān hlapi hrangah thu a phuang a si,’ an lo ti. 28 Curuangah an hnenah, ‘Bawipa Jehovah in hitin a ti: ka kamsuakthu pakhat hman a khawtlai lo ding, i sim mi kamsuakthu cu tuahsuak a si sawn ding, Bawipa Jehovah in a ti,’ tiah ti aw,” tiin.
12:27a Eze 11:3; Dan 10:14; Mat 24:48-50; 2Pe 3:4
Profet Dik lo pawl Hmakhaw Pihnak
1 Cule Jehovah-ih kamsuakthu ka hnenah a thleng, 2 a“Minung fapa, Israel-ih profet thuphuangtupawl dokalhin thuphuang awla, anmai lungpuak thuphuangtupawl hnenah, ‘Jehovah-ih kamsuakthu ngaithla uh!’ tiin sim aw. 3 bBawipa Jehovah in hitin a ti: anmai thinlung thlun ih, zianghman hmuh mi nei lo profet â pawl cu an hmakhua a pit a si! 4 Maw Israel, na profetpawl cu nelrawn ih khawpi răwp lakih sihál vek an si. 5 cKhaw kulh siatnakpawl ah nan so lo ih, Jehovah-ih ni ih ral doawknak ih dīng dingin Israel sungza kimvelah khaw kulh khal nan dâwl lo. 6 dLarnak dik lo le tin zohnak thuphan an hmu. Jehovah in anmah thlah si loin, ‘Jehovah in a ti!’ tiah an ti. Cuti cingin an thu thlengkim dingin an beisei. 7 eKei in ka sim riai lo nain, ‘Jehovah in a ti,’ tiih nan ti tikah larnak dik lo nan hmu ih, tin zohnak thuphan nan sim a si lo maw?
13:2a Isa 9:15; Jer 23:16; 28:15; Eze 22:28
13:3b Jer 23:25-32; Ṭah 2:14; Hos 9:7
13:6d Jer 14:14; 28:15; Eze 12:24
13:7e Isa 30:10
8 a“Curuangah Bawipa Jehovah in hitin a ti: zianghmanlo men nan sim ih, thuphan nan hmuh ruangah, ngai hnik uh, ka lo do a si, Bawipa Jehovah in a ti. 9 bKa kut in larnak dik lo hmutu le tin zohnak thuphan reltu profetpawl cu a do ding; ka mipi pungkhawm lakah an tel lo ding ih, Israel sungza hmin ngannak ah telh an si fawn lo ding, Israel ram khalah an lut lo ding. Cun keimah cu Bawipa Jehovah ka si ti nan thei ding.
13:9b Suah 32:32; Dnp 13:5; Jer 17:13; 20:3-6; Eze 20:38
10 a“Ziangruangahtile hnangamdaihnak um lo piin, ‘Hnangamdaihnak!’ tiin ka mipawl an bum ruangah a si. Cun mi in kulh a dâwl ih, ngai hnik, cumi cu annih in an hnih mawi. 11 bA hnih mawi tu hnenah a cim ding, tiah sim aw. Ruahpi vanbăwng a sur ding ih, Maw nannih rial tumpi pawl, nan tla ding; cule thlipi a rung hrang ding. 12 Ngai hnik, khaw kulh a cim tikah, ‘Na hnih mawi mi cu khuiah so,’ tiah an lo ti lo ding maw?
13:10a Jer 4:10; 23:13; Eze 7:25
13:11b Jos 10:11; Job 38:22-23; Sam 11:6; Eze 38:22
13 a“Curuangah Bawipa Jehovah in hitin a ti: ka thinsonak ah thlipi ka nuaisiatter ding ih, ka thinhengnak ah ruahpi vanbăwng ka surter ding, cule ka thinsonak ah hloralter dingin rial nasa zet ka tlater ding. 14 bCutin nan hnih mawi mi khaw kulh cu ka cimter ding ih, a lungphum a lăng thei nak dingah lei ah ka dirtla ding; cumi a cim tikah nannih cu a sungah nan hloral ding. Cun keimah cu Jehovah ka si ti nan thei ding.
13:13a Suah 9:25; Jos 10:11; Job 38:22-23; Isa 30:30; Thu 11:19
15 “Cuti vek cun khaw kulh par le a hnih mawi tupawl parah ka thinlingnak cu ka hlensuak ding ih, nan hnenah, ‘Khaw kulh a um nawn lo ih, a hnih mawi tupawl khal an um nawn lo, 16 aJerusalem thuhla phuangtu Israel profetpawl le hnangamdaihnak um lo piih hnangamdaihnak larnak hmutupawl khal,’ tiah Bawipa Jehovah in a ti.
13:16a Isa 57:21; Jer 6:14; Eze 7:25
17 a“Cu vekin, nang minung fapa, anmai lungpuak phuangtu, na mipawlih fanupawl dokalhin na hmai hawi awla, anmah dokalhin thuphuang aw,
18 cule Bawipa Jehovah in a ti: mi bân zate hrangih dawi bânbun ṭhitu nunaupawl le mi nunnak pelnak hrangih mitum mite lu khuhnak hrang puan ṭhitu nunaupawl cu an hmakhua a pit a si. Ka mipawlih nunnak cu pêlin, nanmai nunnak cu nan zuah ding maw?
19 bCule barli sangvut
13:17a Lai 4:4; 2Sp 22:14; Luk 2:36; Thu 2:20
13:19b Thf 28:21; Isa 56:11; Eze 20:39; Mik 3:11
20 “Curuangah Bawipa Jehovah in hitin a ti: ngai hnik uh, vate bangih mi nunnak pelnak ih nan hman mi dawi bânbun cu ka do a si. Cupawl cu nan bân ihsin ka băwtthlek ding ih, vate bangih nan pel mipawlih nunnak rori cu ka luatter ding. 21 aNan hmai khuh khal ka băwtthlek ding ih, nan kut ihsin ka mipawl ka runsuak hai ding, cule nan pel dingah annih cu nan kut ah an um nawn lo ding. Cun keimah cu Jehovah ka si, ti nan thei ding.
13:21a Sam 91:3
22 a“Ka riahsiatter mi si lo, thuphan in midingfel thinlung riah nan siatter ih, misualrál cu a nunnak runsuak dingin a sualralnak lamzin ihsin lamlêt lo dingin misualrálpawlih kut nan cakter ruangah, 23 bnannih in larnak dik lo nan hmu nawn lo ding ih, tin nan zoh nawn fawn lo ding; cule nan kut ihsin ka mipawl ka runsuak hai ding, cutin keimah cu Jehovah ka si, ti nan thei ding,” tiin.
13:23b Sam 72:14; Eze 12:24; Mik 3:6
Milem Biaknak Dāntat a Si Ding
1 aIsrael upa hrekkhat ka hnenah an ra ih ka hmaiah an to. 2 Cule Jehovah-ih kamsuakthu ka hnenah a thleng, 3 b“Minung fapa, hi minungpawl in an thinlung sungah an milempawl an tungding ih, mawhsualnak ih anmah bahtertupawl an hmaiah an ret. Keimah in ráwn ding ka siangaw ding maw? 4–5 cCuruangah an hnenah sim awla, an hnenah, ‘Bawipa Jehovah in hitin a ti: an milempawl zate hmangin ka hnen ihsi fehpêng zo Israel sungza thinlung ka lâkkirsal thei nak dingah, Israel sungza mi pakhat in a thinlung ah milempawl tungdingin, a hmaiih a mawhsualnak ih bahtertupawl ret ih, profet hnenih ratu cu kei Jehovah in a milem tamzia zulhin ka let ding,’ ti aw.
14:1a 2Sp 6:32; Isa 29:13; Eze 8:1; 20:1; 33:31
14:4-5c Jer 2:11; Hos 5:7; Zek 11:8
6 a“Curuangah Israel sungza hnenah cun, ‘Bawipa Jehovah in hitin a ti: lungthlĕng uhla, nan milempawl hnen ihsin ra kir uh, nan thil fihnungza pawl hmuahhmuah hawisan uh. 7 bZiangahtile Israel sungza lakih mi pakhat, asilole Israel ram ih cêng ram dang mipawl lakih mi pakhat, ka hnen ihsin thiarfihlimawin, a thinlung ah a milempawl tungding ih, a hmai roriah mawhsualnak ih bahnak retin, keimah ráwn dingih profet a pantu cu kei Jehovah rori in amah cu ka let ding. 8 cCu pa dokalhin ka hmai ka hawi ding ih, amah cu hminsinnak le hnihsuahsainak ah ka tuah ding, cule ka mipawl lak ihsin ka sâtcat ding. Cun keimah cu Jehovah ka si, ti nan thei ding.
14:6a Neh 1:9; Isa 2:20; Jer 3:12
14:7b Suah 12:48; Isa 8:14
14:8c Mip 16:38; Jer 42:20; Eze 5:15; 15:7
9 a‘Cule profet cu bumih umin thusim hnik sehla, cuih profet cu kei Jehovah in ka bum a si ding, cule a parah ka kut ka suah ding ih, ka mi Israel hnen ihsin ka hloralter ding. 10 Cun an mawhsualnak dāntatnak cu an phur ding, profet le amah rawntu dāntatnak cu a bangaw ding; 11 bcutin Israel sungza cu ka hnen ihsin an pial nawn lo ding ih, an dān pahbălnak zate hmangin an bawrhbangawter nawn lo ding, ka minung an si sawn ding ih, an Pathian ka si ding, Bawipa Jehovah in a ti,’ ti aw,” tiin.
14:9a 1Sp 22:23; 2San 18:22; Isa 63:17; Jer 4:10; 14:15; Zek 13:3
14:11b Isa 51:16; Eze 11:19-20; 48:11
Jerusalem Zuah a Si lo Ding
12 Jehovah-ih kamsuakthu ka hnenah a thlengsal: 13 a“Minung fapa, rinum loih umnak in ram pakhat cu ka parih a sual tikah, cumi cu dokalhin ka kut ka suah ding; a sang ngahnak hrampi ka sâtcat ding, a parah mangṭam ka thlah ding ih, minung le ramsa ka that ding. 14 bHi mi pathum Noah, Daniel le Job pawl hman cu tawkah cêng hai sehla, an dingfelnak cun anmah lawng a runsuak ding, Bawipa Jehovah in a ti.
14:13a Pui 26:26; Thf 13:21; Isa 3:1; Eze 5:16
14:14b Sem 6:8-9; Job 1:1; 42:9; Jer 15:1; Eze 3:19; 28:3; Dan 1:6
15 a“Sahrangpawl an ram ka fángsuakter hai asile, ram cu an lawnglakter ding ih, an rămter ding, cutin sahrangpawl ruangah zohman in an pál nawn lo ding. 16 bHite pathum hman cu tawkah cêng hai sehla, ka nun rori vekin, Bawipa Jehovah in a ti, an fapapawl an runsuak lo ding ih, an fanupawl khal; anmah lawng runsuah an si ding, cule ram cu a ṭhing ding.
17 a“Cule cuih ram ah ralnâm ka thlengter ih, ‘Ralnâm in ram fángsuak seh,’ ka ti ih, milai le ramsa ka hloralter asile, 18 cu tawkah hite pathum cêng hai hman sehla, ka nun rori vekin, Bawipa Jehovah in a ti, an fapapawl siseh, an fanupawl siseh an runsuak lo ding, anmah lawng runsuah an si ding.
14:17a Pui 26:25; Jer 25:27; Eze 25:13; Zef 1:3
19 a“Cun cuih ram ah nathri sia ka thlengter ih, minung le ramsa that dingin ram parah kan thinso cu thisen in ka thletbŭng asile, 20 Noah, Daniel le Job pawl hman cu tawkah rak cêng hai sehla, ka nun rori vekin, Bawipa Jehovah in a ti, an fapa siseh, an fanu siseh an runsuak lo ding; an dingfelnak in anmah lawng a runsuak ding.
14:19a Jer 14:12; Eze 7:8; 38:22
21 a“Ziangahtile Bawipa Jehovah in hitin a ti: Jerusalem parih ka dāntatnak na zet pali ralnâm, mangṭam, sahrang le nathri sia pawl tla minung le ramsa that dingih ka thlah tikah cun ziang tlukin so a nasat ding! 22 bCuti cingin, ngai hnik, cu tawkah cun a tāngsŭn hruaisuah ding mipawl cu tān an si ding ih, fapapawl le fanupawl khal; ngai hnik uh, nan hnenah an ra suak ding ih, an nundān le an thil tipawl nan hmu ding. Cun Jerusalem parih thil ṭha lo ka run thlen mi, a parih ka run thlen mipawl hmuahhmuah thu ah hnĕm nan si ding. 23 cCule an nundānpawl le an thil tipawl nan hmuh tikah an lo hnem ding; cule a parih ka thil ti mipawl zaten săn nei loin ka ti lo ti nan thei ding, Bawipa Jehovah in a ti,” tiin.
14:21a Jer 14:12; 15:3; Eze 21:3, 19; Amo 4:6-10; Thu 6:8
14:22b Jer 41:16; Eze 12:16; 20:43; 31:16
14:23c Jer 22:8-9
Ṭhathnemnak Nei Lo Sabit Hri
1 Cule Jehovah-ih kamsuakthu ka hnenah a thleng: 2 a“Minung fapa, sabit hri cu tupi thingkungpawl lakih thing hnge, ziang thing dang hnakin ziang a si cuang? 3 bSabit hri ihta la tahratin thil ziang simaw tuahnak ah hman a simaw? Asilole thil khainak hrangah a hnge cu zumin mi in an tuah ding maw? 4 cNgai hnik, ur ding menah meisa sungih paih a si ṭheu; cule meisa in a zim veve kāngin a lai khal ût bang sehla, a ṭhahnem cuang ding maw? 5 Ngai hnik, a kăngsiat hlan hmanah, cumi ihsin ziang thil hman tuah theih a si lo. Meisa ih kāngin, a ût tikah cun ziang tluk ṭhahnem lo a si sinsin pei?
15:2a Sam 80:8-16; Isa 5:1-7; Jer 2:21; Hos 10:1; Joh 15:2
15:4c Isa 27:11; Eze 15:6; 17:3-10; 19:14; Joh 15:6
6 “Curuangah Bawipa Jehovah in hitin a ti: tupi thingkungpawl lakih sabit hri cu meisa hliauternak hrangih meisa sungih ka paih vekin Jerusalem luahtupawl cu ka pesuak zo. 7 aCule anmah dokalhin ka hmai ka hawi ding. Meisa sung ihsin tlânsuak hman hai sehla, meisa in a kangrál hai thotho ding. Cun anmah dokalhih ka hmai ka hawi tikah keimah cu Jehovah ka si ti nan thei ding. 8 bCuti vekin rinum loih an um ruangah ram cu ka ṭhingter ding, Bawipa Jehovah in a ti,” tiin.
15:7a Pui 26:17; Sam 34:16; Isa 24:18; Eze 5:2, 4; 14:8; Amo 9:1-4
Jerusalem hrang Pathian Duhdawtnak
1 Jehovah-ih kamsuakthu ka hnenah a thlengsal, 2 a“Minung fapa, Jerusalem hnenah a fihnunzia theihter aw, 3 bcule a hnenah, ‘Bawipa Jehovah in hitin a ti: na hramthăwknak le na suahnak cu Kanaan ram ihsin a si; na pa cu Amor-mi a si ih, na nu cu Heth-mi a si. 4 cNa suahnak thuhla ah cun, na suah ni ah na lai hri tan a si lo, lo tifai dingin tidai ih khawlh na si fawn lo ih, cite ih hnulfai na si lo, cule puan ih tuamhlum khal na si lo. 5 Hipawl ti dingin duhdawt zetin lainatnak thawn zo-ih mit hmanih zoh na si lo; cuhnakin ramlak ah hlăwn na si sawn, ziangahtile na suah ni ihsin nang cu fihnungza na si.
16:3b Sem 10:15; 11:25-29; 15:16; Eze 21:30
16:4c Hos 2:3
6 a‘Na kiangih ka rat tikah khan, na thisen ah tâlin ka lo hmu, na thisen ih na um laiah na hnenah, “Nung aw!” tiah ka lo ti. A si, na thisen ih na um laiah, “Nung aw!” tiah ka lo ti. 7 bRamlak ih par mûm bangin ka lo karhter, na ṭhang ih, na hung sâng, cule ceimawiawk na cu thlang. Na pawhte a băwm ih, na sám a sau thlang, asinan nang cu hnipuan lo le taklawng in na um.
16:6a Suah 19:4
8 a‘Na kiangih ka rat tikah khan ka lo hmu, ngai hnik, cai cu na si thlang; cule ka puan ka lo zawn ih, na taklawngnak cu ka khuh. A si, na hnenah sia ka săm ih, thukham ka lo tuahpi, cule nang cu ka ta ah na cang, Bawipa Jehovah in a ti.
16:8a Jer 2:2; Hos 2:7, 19; Mal 2:14
9 a‘Cun tidai in ka lo khawlh; a si, na thisen ka lo khawlhfaisak verver ih, hriak ka lo culh.
10 Cawihcin puan in ka lo tuam ih, ṭhakhas
16:9a Rut 3:3
16:11b Sem 41:42; Isa 3:19; Jer 4:30
16:12c Sem 35:4; Thf 1:9; Isa 3:21
16:13d Est 2:9, 17; 5:1
16:14e 1Sp 10:24; Est 1:11; Sam 48:2; Ṭah 2:15
15 a‘Asinan na mawinak na rinsan, na hminthan ruangah hlawhhlannak na tuah ih, a lo pantu kip hnenah na hlawhhlannak na thlebung. 16 bNa sinfen hrekkhat na la ih, răwng phunkim in na hmun sâng pawl na cei ih, an parah hlawhhlannak na tuah. Cuvek thil cu thleng ding a si lo, a um khal um ding a si lo. 17 cKa sui le ka ngun ceiawknak mawi zetzet ka lo pek mi khal na la ih, cupawl thawn hlawhhlannak na tuah thei nak dingah, nangmah hrangah mipa limpawl na tuah. 18 dNa cawihcin sinfen na la ih, cupawl cu na tuam hai, cule an hmaiah ka hriak le ka rimhmui na hlan. 19 eKa lo pek mi ka rawl: ka lo cawmnak sangvut phut, hriak le khuai tizu pawl cu an hmaiah rimhmui thaw ah na hlan, Bawipa Jehovah in a ti.
16:15a Isa 57:8; Jer 2:20; Eze 23:3
16:18d Jer 44:5
16:19e Hos 2:8
20 a‘Cuihtlunah i hrinsak mi na fapapawl le na fanupawl na hruai ih, ei dingah milimpawl hnenah rai ah na thawi. Hlawhhlannak na tuah mi hi thil tenau men maw a si? 21 bKa fātepawl na that ih, meisa paltlăngterin an hnenih na hlăn hi. 22 cCule na no laiih hnipuan hruh lo le taklawng ih na um le na thisen ih na tāl lai cānpawl kha na fihnunnak le hlawhhlannak na tuahnak hmuahhmuah ah na cîng nawn lo.
16:20a Isa 57:5; Jer 7:31; Eze 23:37
16:22c Sam 25:7; Jer 2:2; Hos 2:15
23 ‘Cule, hmakhaw pihnak, na hmakhua a pit a si! Bawipa Jehovah in a ti. Na sualralnak hmuahhmuah hleiah, 24 anangmah hrangah binnte na tuah ih, kăwtthler kip ah nangmai hrangah hmun sâng na tuah. 25 cKăwtthler lu i kip ah hmun sâng na tuah ih, na mawinak cu fihnungza ah na canter. A lo pantu kip hnenah na pharhaw ih, na hlawhhlannak na karhter. 26 dNa innhnen etaksa tûm nei, Izip-mipawl thawn hlawhhlannak na tuah ih, ka thinhengter dingin na hlawhhlannak na karhter.
16:24a Sam 78:58; Isa 57:7; Jer 2:20
16:24b innte: Hihi pathian biaknak innte a si.
16:26e taksa tûm nei: Mipa zahmawh relnak.
27 a‘Curuangah ngai hnik, nangmah dokalhin ka kut ka suah, na ni tin rawl cu ka málter. Na hurnak zahpitu, nangmah huatu Filisṭia fanupawlih duh duhih tuah dingah ka lo pesuak zo. 28 bNa khawp thei lo ruangah, Assiria-mipawl hnenah hlawhhlannak na tuah; a si, anmah thawn hlawhhlannak na tuah, asinan na di a riam thei hrih cuang lo. 29 cCuihhleiah sumdâwng ram Kaldia thawn na hlawhhlannak na karhter, cu cingin na di a riam thei cuang lo.
16:28b 2Sp 17:6-7; Isa 57:8
16:29c Jer 3:1; Eze 23:14-17; Nah 3:4
30 a‘Ningzah thei lo hlawhhlang nuih umdān vekin hi thil hmuahhmuah na tuah tikah, na thinlung cu ziang tlukin so a ṭawnṭai! Bawipa Jehovah in a ti. 31 bKăwtthler lu kip ah na innte na dĭn ih, zin kip ah na hmun sâng na sak. Cu cingin hlawhhlang na bang cuang lo, ziangruangahtile hlawhhlannak man na nautat. 32 Nang cu nupi uire, mai pasal aiih mi dangpi latu na si! 33 cHlawhhlang zate hnenah mipa in man an pe ṭheu, asinan nang cun hmun i kip ihsin na hlawhhlannak an lo pan thei nak dingah, a lo duhtu zate hnenah nawhthuh na pe sawn ṭheu hai ih na hlang hai sawn riangri. 34 Na hlawhhlannak ah zohman ih an lo pan lo hi, nunau dang pawl hnakih na danglamnak a si. Nangmah in a man na pe sawn riangri ih, zohman in man an lo pe lo, curuangah nang cu na danglam hrimhrim.
16:30a Jer 3:3
16:31b Isa 52:3
16:33c Hos 8:9-10
35 ‘Curuangah, Maw hlawhhlang nu, Jehovah-ih kamsuakthu hi ngaithla aw, 36 aBawipa Jehovah in hitin a ti: na hurnak cu thletbŭng a si ih, na cai mipawl thawn nan hlawhhlannak ah na taklawngnak hlîp a si, na fihnunnak milempawl hmuahhmuah ruangah le milempawl hnenih na pek mi na fātepawlih thisen ruangah, 37 bngai hnik, a lo duhtu, năwmtawlnak na tuahpipawl zate, na duh mipawl hmuahhmuah rori le na huat mipawl zaten ka kokhawm hai ding; cule hmun kip ihsin nangmah dokalhin ka hruaikhawm hai ding ih, na taklawngnak zaten an hmuh thei nak dingah, an hnenah na taklawngnak ka hlīp ding. 38 cCule uire le thisen suahhmang nunaupawl vekin dān ka lo tat ding, thinso le thîkthusiatnak thisen na parah ka thlengter ding. 39 dNangmah khal an kut ah ka lo pe ding, annih in na inntepawl an tluter ding ih, na hmun sâng pawl an siatbăl ding. Na hnipuan an lo hlihsak ding, na ceiawknak mawi zetzet pawl an lo lâksak ding ih, hnipuan lo le taklawng in an lo tân ding.
16:37b Isa 47:3; Hos 2:10; Thu 17:16
16:38c Sem 38:24; Pui 20:10; Sam 79:3, 5; Eze 23:25; Zef 1:17
40 a‘Cuihtlunah nangmah dokalhin mipungkhawm an hruai ding, lungto in an lo deng ding ih, an ralnâm in an lo cándip ding. 41 bMeisa in na innpawl an ur ding ih, nunau tampi mithmuh ah dān an lo tat ding; cule hlawhhlannak tuah thei lo ko ka lo tuah ding ih, a lo duhtupawl khal na hlang hai nawn lo ding. 42 cCutin na parih ka thinsonak cu ka rehter thlang ding ih, ka thîkthusiatnak in a lo suahsan ding. Ka thin a dai ding ih, ka thin a heng nawn lo ding. 43 dNa no lai nipawl na cîng nawn lo ih, hi thilpawl hmangih ka thin i hengter ruangah, ngai hnik, na thil ti mipawl cu na lu parah ka tlater ve ding. Cule na thil fihnungza pawl hleiah fihnungza hursualnak na tuah nawn lo ding, Bawipa Jehovah in a ti.
16:40a Joh 8:5, 7
16:41b Dnp 13:16; Jer 19:13; Eze 23:10
16:42c 2Sam 24:25; Isa 40:1-2
44 ‘Ngai hnik, thufim reltu pauhpauh in hi thufim hi nangmai thuhla ah an rel ding: “A fanu in a nu a zăwn!” ti hi! 45 aA pasal le a fātepawl ningtu na nuih fanu na si, an pasalpawl le fātepawl huatu na unaupawlih unaunu na si. Na nu cu Heth-mi a si ih, na pa cu Amor-mi a si.
46 a‘Cule na unu cu Samaria-mi
16:46a Sem 13:10-13; Jer 3:7-11; Eze 23:4
16:49d Sem 13:13; Sam 138:6; Jer 5:28; Eze 18:7, 12; 28:2; Luk 12:16-20; Jam 5:5
16:50e Sem 18:20-21; Sam 18:27
51 a‘Samaria in na sualpawlih a hrek hman a tuah ve lo; asinan nang cun anmah hnakin na thil fihnungza pawl cu na karhter ih, na tuah mi thil fihnungza hmuahhmuah ruangah na unau nunaupawl cu midingfel vekin na langter hai. 52 bNa laicin nunaupawl aiawhih na hrawlhawk ruangah nangmai ningzahnak khal phur aw. Na rak tuah zo mi na sualpawl cu anmah hnakih fihnungsawn an si ruangah nangmah hnakin an diksawn a si. Curuangah na ningzak awla, nang khal na ningzahnak phur aw, ziangahtile na unau nunaupawl cu nangmah hnakih dingfelsawn na bangter hai.
16:51a Jer 3:8-11; Eze 5:6-7
53 a‘An vanneihnak ka tungdingsal ding, Sodom le a fanulepawlih vanneihnak le Samaria le a fanulepawlih vanneihnak, cule an lakah na vanneihnak ka tungdingsal ding, 54 bcumi cu na mualphonak na phurh thei nak dingah le an hnĕmawknak ding hrangih na thil tuah zo mipawl hmuahhmuah ih na ning a zah thei nak dingah a si. 55 cNa unau nunaupawl a si mi Sodom le a fanulepawl le Samaria le a fanulepawl cu an dinhmun hmaisaah an kirsal ding ih, nangmah le na fanulepawl khal nan dinhmun hmaisaah nan kirsal ve ding. 56 Ziangahtile na sualralzia hmuhsuah a si hlanlo, na unaunu Sodom cu na hngal nipawl ah na kâ ah relsuah a rak si lo. 57 Cucu nangmah lo hmuhsuamtu na kimvelih um Siria fanupawl le a kimvelih um zate hrang, Filisṭia-mipawlih fanupawl hrangah nang cu hmuhsuam mi ah na cang. 58 dNa hurnak le na fihnunnak cawhkuan na phur a si, Jehovah in a ti. 59 eZiangahtile Bawipa Jehovah in hitin a ti: thukham pahbălnak ih thukamnak hmuhsuamtu nang, na tuah bangin na parah ka tuah ve ding.
16:53a Dnp 30:3; Isa 19:24; Jer 48:47; Eze 39:25
16:54b Jer 2:26
16:58d Eze 23:49
16:59e Eze 17:19
60 a‘Cuti si khal sehla na no lai cān ih nangmah thawi ka thukham ka cîng ding ih, nangmah thawn kumkhaw thukham ka dĭn ding. 61 bCun na unau nunaupawl, na unu le na naunu na cohlan tikah, na nundānpawl na mangsal ding ih na ning a zak ding. Anmah cu fanu vekin nangmah ka lo pe ding, nangmah thawi ka thukham ruangah cun si loin. 62 cNangmah thawn ka thukham ka dĭn ding ih, keimah cu Jehovah ka si ti na thei ding, 63 dcutin na rak tuah mipawl hmuahhmuah ka ngaidam tikah, na mangsal ding ih na ning a zak ding, cule na ningzahnak ruangah na kâ na ang nawn lo ding, Bawipa Jehovah in a ti,’ ti aw,” tiin.
16:60a Sem 9:16; Sam 25:7; Jer 2:2; Eze 37:26
16:62c Dnp 29:14; Jer 24:7; Eze 20:37; Hos 2:19
16:63d Sam 39:8-9; 65:3; Dan 9:7-8; Rom 3:19
Muvanlai Pahnih le Sabit Hri
1 Jehovah-ih kamsuakthu ka hnenah a thleng, 2 a“Minung Fapa, thupawlh thawh awla, Israel sungza hnenah tahṭhimnak sim aw, 3 b‘Bawipa Jehovah in hitin a ti:
17:2a Lai 14:12; Eze 20:49; 24:3
17:3b Dnp 28:49; Jer 22:23; 47:2; Dan 7:4; Hos 8:1
‘Muvanlai tumpi, thla tûm zet le sau zet nei,
Răwng phunphun hmul thawi khat cu
Lebanon
Sidar
4 A lu zîk ih hnge no cu a khiak ih,
Sumtuahnak ram ah a thiar.
Sumdâwngpawlih khawpi ah cumi cu a ret.
5 aCun cuih ram ih thlaici hrekkhat a la ih,
Lei ṭha ah a tuh;
Tidai tampi kiangah a phun ih,
Partiam thing bangin a phun.
6 bCule cucu a ṭhang ih sabit hri niam ciaici ah a cang;
A hngepawl cu amah lamah an zâm vivo,
Asinan a hram cu a hnuaiah an um.
Cutin sabit hri ah a hung cang ih,
A hung cerhsuak,
Cule hngeṭêk a suak.
7 cAsinan hmul tampi nei muvanlai tumpi thla hlai zet a dang pakhat a um;
Ngai hnik, tidai a pek thei nak dingah
Sabit hri cu amah lamah a hram a thla ih,
A phunnak hmun ihsin amah lamah hngeṭêkpawl cu a cerhsuak.
8 Hngeṭêkpawl suahin, rahsuahih sabit hri ṭha a si thei nak dingah
Cumi cu tidai tlaksamlonak hmun lei ṭhatnak ah phŭn a si,’ ti aw.
17:5a Dnp 8:7-9; Sam 1:3; Isa 44:4
17:6b Isa 18:5
17:7c Eze 31:4
9 a“Cule nang in, ‘Bawipa Jehovah in hitin a ti:
‘A hmuingil pei maw?
A vuai ih a hnah cerh thar pawl khal a vuai thei nak dingah,
A rah satṭil in,
A hram a phawisuak lo ding maw?
A hram ihsi phawisuak dingin ahuham nasa zet le mi tampi khal a ṭul lo ding.
10 bA si, ngai hnik, phŭn a si ko nân,
A hmuingil pei maw?
Nisuahnak lam thli in a hrăn tikah, a ṭonak hmun ah a ro in a vuai thluh lo ding maw?’ ti aw,” a ti.
17:9a huham: A ṭawng hrampi ah cun, “bân” ti a si.
11 Cuihtlunah Jehovah-ih kamsuakthu ka hnenah a thleng,
12 a“Atu-ah helhmang sungza hnenah sim hai aw: ‘Hi thilpawlih tican nan thei maw?’ tiin. Nang in, ‘Ngai hnik, Babilon siangpahrang cu Jerusalem ah a feh ih, a siangpahrang le a bawipawl a lâksak, cule Babilon ih a hnenah a hruai hai.
13–14 bCun lalram cu a duai ih, amah te a dīn thei lo nak dingah, a thukham
17:12a 2Sp 24:15; 2San 36:10; Eze 24:19
17:13-14b Suah 23:32; 2San 36:13; Isa 3:2; Jer 37:1; Eze 29:14
17:15c Dnp 17:16; Sam 56:7; Isa 30:2, 5; Jer 34:3; 37:5; 52:3; Eze 29:16
16 a‘Ka nun rori bangin, Bawipa Jehovah in a ti, siangpahrang ih amah ruattu siangpahrang cēnnak hmun Babilon ah a thi tengteng ding; a thukam cu anih in a hmuhsuam ih, a thukham khal a pahbăl.
17 bMi tampi that dingin lei an sûngpâwng ih kulhkhŭmnak hruang an tuah tikah, a ralkap cak pawl le mipungkhawm tumpi hmangin Faro
17:16a 2Sp 24:17, 20; Jer 52:11; Eze 12:13; 16:59
17:17b Isa 36:6; Jer 37:5, 7; Eze 4:2
17:18c 2Sp 10:15; 1San 29:24
19 a‘Curuangah Bawipa Jehovah in hitin a ti: thungaiten a hmuhsuam mi cu ka thukam a si ih a pahbăl mi cu ka thukham a si, ka nun rori bangin, amai lu parah mawhnak ka tlater ding. 20 bKa sur in ka khuh ding ih, amah cu ka tháng ah awh a si ding. Amah cu Babilon ah ka hruai ding ih, ka parih a rinumlonak ruangah amah cu cu tawkah thu ka ṭhen ding. 21 cA ralkap rual lakih hril mipawl cu ralnâm in an tlu ding ih, a tāngsŭnpawl cu thli lakah thehdarh an si ding; cule kei, Jehovah in ka ṭawngsuak a si, ti nan thei ding,’ tiah sim aw.
17:20b Eze 12:13
17:21c Pui 26:33; 2Sp 25:5, 11; Jer 27:8; Eze 12:14; Zek 2:6
22 a“Bawipa Jehovah in hitin a ti: sidar thing lu zîk ka la ding ih, ka phun ding. A lu zîk ih cerhno cu ka khiak ding ih, tlang sâng turu takah ka phun ding. 23 bHngeṭêk suahin, rah rahin, sidar kung ropi zetih a can thei nak dingah, Israel tlang sâng ah ka phun ding. Cu tawkah vate phun zakim an cêng ding, a hngeṭêk zârhnem ah an cêng ding. 24 cCule ramlak thingkung hmuahhmuah in keimah cu Jehovah ka si, ti an thei ding. Thingkung sâng ka hnûkniam ih, thingkung niam ka khaisâng, thingkung hring ka roter ih, thingkung ro ka hringter, keimah cu Jehovah ka si, keimah in ka ṭawngsuak ih, ka tuahsuak a si,” tiin.
17:22a 2Sp 19:30; Isa 2:2; 4:2; Jer 23:5; Eze 20:40
17:23b Sam 92:12; Isa 27:6; Dan 4:12; Mat 13:32
17:24c Mip 17:8; Dan 5:21; Amo 9:11
Thufim Dik lo Hnawnnak
1 Jehovah-ih kamsuakthu ka hnenah a thlengsal, 2 a“Israel ram thuhla ih hi thufim,
‘Palepawl in sabit rah thûr an ei ih,
Falepawlih hâ a ṭim,’
ti mi nan hman tikah ziang nan ti duhsan a si? 3 Ka nun rori bangin, Bawipa Jehovah in a ti, Israel ram ah hi thufim hi nan hmang nawn lo ding.
4 a“Ngai hnik uh, nunnak zaten ka ta a si;
Paih nunnak ka ta a si ih, fapaih nunnak khal;
Sual tuahtu cu a thi ding.
5 Asinan midik pakhat rak umin,
Diktak le thil dik tuahin,
6 bTlang parih rairingpawlih thawinak
Israel sungza-ih milempawl lam zoh loin,
A innhnen nupi bawrhbangter loin,
Nunau dān nei lai naih loin;
7 cZohman palbĕt loin,
Leibatu hnenah a tiamkamnak pekirsalin;
Thahrum suahin zohman suam loin,
Mirilrâwng hnenah a sang pe sawnin,
Taklawng ih umpawl hnipuan hruhter sawnin;
8 dA pungih mi cawih loin,
A ṭhang zianghman la fawn loin,
Mawhsualnak ihsin a kut sûp sawnin,
Minung le minung karlakah dik zetih thuṭhennak tuahin;
9 eKa sakhaw dānpawl zawhin,
Ka zīn le dān pawl rinumten a thlun asile;
Anih cu midik a si;
Anih cu a nung tengteng ding! Bawipa Jehovah in a ti.
10 fAnih cun fapa suamhmang,
Thisen suahhmang,
gHivek thilpawl lakih ziang simaw tuahtu,
11 h(A pa cun hi thilpawl lakih pakhat hman a tuah lo nain)
Tlang parah rairingpawlih thawinak hman ei sawnin,
A innhnen nupi bawrhbangterin;
12 iMifarah le mitlasam palbĕtin,
Mi va suamin,
A tiamkamawknak hlensuak loin,
Milempawl zohin,
Thil fihnungza tuahin;
13 jA pungih mi cawihin,
A ṭhang khal la hnik ta sehla,
Anih cu a nung ding maw si?
A nung lo ding!
Hi thil fihnungza pawl hmuahhmuah a rak tuah zo,
Thah tengteng a si ding a si;
A thisen cu a lu parah a tla ding.
14 kNgai hnik, anih khal in fapa hringin
A pa ih rak tuah mi sualpawl hmuahhmuah kha hmuin,
Cupawl cu ruatin, cu vekih tuah ve loin;
15 lTlang parah rairingpawlih thawinak ei loin,
Israel sungza-ih milempawl zoh loin,
A innhnen nupi bawrhbangter fawn loin;
16 mZohman palbĕt loin,
Thukamnak zianghman phût fawn loin,
Mi va suam fawn loin,
Mirilrâwngpawl hnenah sang pe sawnin,
Taklawng ih umpawl hnipuan hruhterin;
17 nMifarah hnenah dik lo zetih thil ti ding kut sūpin,
A pungih cawih loin,
A ṭhang la fawn loin,
Ka thuṭhennakpawl tuahsuak sawnin,
Ka sakhaw dānpawl a thlun asile,
A paih mawhsualnak ruangah a thi lo ding;
A nung tengteng ding!
18 A pa lawngte cun râwng zetin mi a palbĕt,
A unaupa a suam ih,
A mipawl lakah thil ṭha lo a rak tuah ruangah,
Ngai hnik uh, anih cu a mawhsualnak ruangah a thi ding.
18:4a Mip 16:22; 27:16; Job 21:20; Rom 6:23
18:6b Dnp 4:19; Eze 6:13; Amo 5:26
18:7c Suah 22:21; Dnp 15:11; Eze 16:49; Mal 3:5; Mat 25:36; Luk 3:11; Jam 5:4
18:8d Suah 18:21; Pui 25:35-37; Dnp 23:19-20; Jer 22:3; Zek 8:16
18:9e Pui 18:5; 19:37; Amo 5:4; Hab 2:4
18:10f Suah 21:12; Eze 22:6
18:10g Hivek thilpawl: Câng 5-9 tiangih a rel mi sualnakpawl a sawhkhih.
18:11h Eze 22:9
18:12i Suah 22:22; 2Sp 21:11; Job 24:9; Isa 59:6-7; Jer 22:17; Eze 16:49; Amo 4:1; Hab 2:6
18:13j Suah 22:25; Pui 20:9; Eze 33:4-5; Hos 12:14
18:14k 2San 34:21; Thf 23:24
18:15l Eze 22:9
18:16m Suah 22:27; Sam 41:1; Isa 58:7, 10; Eze 16:49
19 a“Cu cingin nannih in, ‘Ziangah so fapa in a paih mawhsualnak a tuar lo ding?’ tiah nan ti. A fapa cun dikte le felten a tuah ih, ka sakhaw dān zaten a thlun ih a tuahsuak ṭheh ruangah, anih cu a nung tengteng ding. 20 bSual tuahtu cu a thi ding. Fapa in a paih mawhsualnak a tuar lo ding ih, pa khal in fapaih mawhsualnak a tuar lo ding. Midingfelih dingfelnak cu amai hrangah siar a si ding ih, misualrálih sualralnak cu amai parah a tla ding.
18:19a Eze 20:18-20; Zek 1:3-6
18:20b Mip 15:31; Dnp 24:16; 1Sp 8:32; Isa 3:11; Mat 16:27; Joh 9:2
21 a“Asinan misualrál cun a tuah mi sualpawl hmuahhmuah ihsin a lamlêt ih, ka sakhaw dān zaten a thlun, cule dikte le felteih a tuah asile, a nung tengteng ding, a thi lo ding. 22 bA rak tuah mi dān pahbălnakpawl lakih pakhat hman amah dokalhih cinken a si lo ding; a rak tuah mi dingfelnak ruangah, anih cu a nung ding. 23 cMisualrál thihnak ah lunghmuinak ziang tal ka nei maw? Bawipa Jehovah in a ti. A nundān ihsin lamlêt ih a nun hi ka duh sawn lo maw si?
18:21a Sem 26:5; Jer 18:8; Eze 13:22
18:22b Sam 18:20-24; Mik 7:19
18:23c Sam 147:11; Ṭah 3:33; Mik 7:18; 1Ti 2:4
24 a“Asinan midingfel pakhat a dingfelnak ihsin a pial ih mawhsualnak a tuah, cule misual pa ih tuah bangtukin thil fihnungza pawl hmuahhmuah a tuah asile, anih cu a nung pei maw? A rak tuah mi dingfelnak hmuahhmuah cu cinken an si lo ding; a rinumlonak ruangih a mawhnak le a rak tuah mi sualpawl ruangah anih cu a thi ding.
18:24a 1Sam 15:11; Eze 3:20; 2Pe 2:20-22
25 a“Cu cingin nannih in, ‘Bawipaih thil tidān hi a dik lo,’ nan ti. Maw Israel sungzatla, atu-ah ngai hnik uh, ka thil tidān hi a dik lo maw si? A dik lo sawn cu nanmai thil tidān hi a si lo maw? 26 Midingfel cu a dingfelnak ihsin a pial ih, mawhsualnak a tuah tikah, cumi ruangah a thi, a rak tuah mi mawhsualnak ruangah anih cu a thi ding a si. 27 bCuihhleiah, misualrál cu a rak tuah mi sualralnak ihsin a lamlêt ih, dikte le felteih thil a ti asile, a nunnak a humhim ding. 28 cA ngaihtuahaw ih, a rak tuah mi dān pahbălnak hmuahhmuah ihsin a lamlêtsal ruangah, anih cu a nung tengteng ding, a thi lo ding. 29 Cuti cingin Israel sungza in, ‘Bawipaih thil tidān hi a dik lo,’ tiah an ti. Maw Israel sungzatla, ka thil tidānpawl hi an dik lo maw si? A dik lo sawn cu nanmai thil tidān hi a si lo maw?
18:25a Sem 18:25; Jer 12:1; Zef 3:5; Mal 2:17
18:28c Isa 55:7
30 a“Curuangah Maw Israel sungzatla, mi kip nanmai nundān cio bangtukin thu ka lo ṭhen ding, Bawipa Jehovah in a ti. Lungthlĕng uhla, nan dān pahbălnak hmuahhmuah ihsin ra kir uh, cutin mawhsualnak cu nan siatralnak a si lo ding. 31 bNan rak tuah mi dān pahbălnak hmuahhmuah cu nan hnen ihsin hlăwnhlo uhla, nanmai hrangah thinlung thar le ruahnak thar tuah uh! Maw Israel sungzatla ziangah so nan thih ding? 32 cZiangahtile mi thihnak ah lunghmuinak ka nei lo, Bawipa Jehovah in a ti. Curuangah lamlêt uhla, nung uh!” tiin.
18:30a Eze 7:3; Hos 12:6; 1Pe 1:17
18:31b Sam 51:10; Isa 1:16-17; Jer 27:13; Eze 11:19
18:32c 2San 7:14; Job 22:23; Isa 55:7; Mal 3:7
Ṭah Hla
1 a“Cuihhleiah nang bélte cun, Israel mipawimawhpawl hrangah ṭah hla seh aw, 2 bcule:
19:1a Eze 2:10; 26:17; Amo 5:1
‘Na nu cu ziang a si? Kiosa pinu!
Kiosapawl lakah a kûal;
Kiosa vanglai pawl lakah a fa no pawl a câwm.
3 A fa no pawl lakih pakhat a câwmpitling ih,
Kiosa vanglai ah a hung cang;
Sapel a zir ih,
Minungpawl a eirál.
4 aMiphunpawl khal in a thuhla an rak thei;
An khur ah an kaingah ih,
Izip ram ah sio in an dir.
5 bKiosa pinu cun a hngak lak men ti a hmuh tikah a ruahsannak a hlo,
A fa no dang pakhat a la ih kiosa vanglai ah a tuah.
6 cKiosapawl lakah a vâkkual ih,
Kiosa vanglai ah a cang;
Mi deh a zir ih, milaipawl a eirál.
7 dAnih in a răm mi an hmunrampawl a thei ih,
An khawpipawl a kawlawngter;
A hûk awn in ram le a sungih um zaten a ṭhingter ṭheh.
8 eCun a kimvelih um miphunpawl in kil i kip in an run do,
An sur in an khuh ih,
An khur ah an kai.
9 fSio thluahawpi in bawm ah an khum ih,
Babilon siangpahrang hnenah an hruai;
Israel tlang ah a aw theih a si nawn lo nak dingah,
Khumnak sungah an ret,
10 gNa nu cu hsabit hmuan ih sabit hri vek,
Tidai tlaksamlonak hmun ih phŭn a si,
Tidai a tlaksam lo ruangah
Rah tam zet a suah ih, hngeṭêk tam zet a nei.
11 iA hngeṭêk khoh zet pawl cu uktupawlih kianghrăwl ah an cang.
A kung in khawdur a dai ih,
Hngeṭêk tampi a neih ruang le a san ruangah a langsar.
12 jAsinan sabit hri cu thinsoin khiah a si,
Lei ah hlăwn a si ih,
Nisuahnak lam thli in a rah ro ko a sēm;
A hngeṭêk khoh zet pawl an kiak ih, an ro;
Meisa in a kangrál ṭheh.
13 kCule atu-ah anih cu ramṭhing ah phŭn a si,
Ram ro le ram car ah.
14 lA hngeṭêk ihsin meisa a suak ih,
A rahpawl a kangrál,
Cutin uknak kianghrăwl tlak hnge khoh zet a nei nawn lo,’
19:4a 2Sp 23:33-34; 2San 36:4; Ṭah 4:20
19:6c 2San 36:9
19:7d Eze 29:10
19:8e 2Sp 24:11
19:9f 2Sp 19:28; 24:15; 2San 36:6; Zek 11:3
19:10h sabit hmuan: Kut ngan Hebru Bible tampi ah cun “thisen” ti a si.
19:12j Sem 41:6; Dnp 29:28; Isa 27:11; Eze 17:24; Hos 13:15
19:13k Eze 20:35; Hos 2:3, 14
tiin.” Himi hi ṭah hla a si ih, ṭah hla ah a cang.
Israel Helnak
1 aKum sarihnak, thla ngatnak, cuih thla ni hratnak ah hitin a si, Jehovah ráwn dingin Israel upa hrekkhat an ra ih, ka hmaiah an to. 2 Cun Jehovah-ih kamsuakthu ka hnenah a thleng, 3 b“Minung fapa, Israel upapawl cu be hai awla, an hnenah, ‘Bawipa Jehovah in hitin a ti: keimah thu ráwn dingin nan ra maw? Ka nun rori bangin, Bawipa Jehovah in a ti, keimah thu in ráwn ding ka lo siang hai lo ding,’ tiah sim hai aw.
20:1a Sem 25:22
20:3b 1Sam 28:6; Isa 1:15; Eze 7:26; 14:3; Amo 8:12; Mik 3:7
4 a“Anmah dāntatnak thu na phuang pei maw, minung fapa, dāntatnak thu na phuang pei maw? Cuti asile an pupápawlih fihnunnakpawl theihter hai aw. 5 bCule an hnenah, ‘Bawipa Jehovah in hitin a ti: Israel ka hril ni le Jakob sungza tesinfapawl hnenih ka bân pharih thukam ka tuah ni le Izip ram ah an hnenih ka theihawkter ni, “Keimah cu Jehovah nan Pathian ka si,” tiih an hnenah bân pharih thukam ka tuah tikah, 6 cIzip ram ihsin an hrangih ka hrilsuah mi, ram hmuahhmuah hnakih ropisawn hnawi ti le khuai tizu luannak ram ih hruailut dingin bān pharin cuih ni ah an hnenah thukamnak ka tuah. 7 dCun kei in an hnenah, “Mai mithmuh ih thil fihnungza pawl hlăwn cio uhla, Izip milempawl thawn bawrhbangawter hlah uh. Kei cu Jehovah nan Pathian ka si,” tiah ka ti hai. 8 eAsinan annih in keimah in dokalh ih, ka thu in lung duh lo. An mithmuh ih um thil fihnungza pawl an hlăwn lo ih, Izip milempawl an tlansan fawn lo. Cun kei in, “An parah ka thinsonak ka thlebung ding ih, Izip ram ah anmah dokalhin ka thinhengnak ka hmangsuak ding,” tiah ka ti. 9 fCucu an lakih an va umnak miphunpawl, Izip ram ihsin anmah hruaisuahnak hmangih ka theihawkter zo nak miphunpawl mithmuh ah ka hmin bawrhbanter a silonak dingah ka hmin ruangah cumi cu ka tuah a si.
20:5b Sem 14:22; Pui 11:44; Dnp 7:6
20:6c Suah 3:8; 6:8; Dnp 8:7; Dan 8:9; Mal 3:12
20:7d Suah 20:4; Pui 18:3; Dnp 29:18; Eze 6:9
20:8e Suah 32:1-9; Dnp 9:7; Isa 63:10; Eze 5:13; 7:8; 29:13, 21
10 a‘Curuangah Izip ram ihsin anmah cu ka suakter hai ih, ramṭhing ah ka hruai hai. 11 bCule ka sakhaw dānpawl anmah ka pe hai ih, ka zīn le dān pawl ka theihter hai, cumi cu mi in a thlun asile, a nung ding. 12 cCuihtlunah keimah cu anmah tithianghlimtu Jehovah ka si, ti an theihnak dingah, keimah le anmah karlakih hminsinnak hrangah, ka Sabbath-pawl anmah ka pe. 13 dCuti cingin Israel sungza cu ramṭhing ah ka lakah an hél, ka sakhaw dānpawl an nunpi lo; ka zīn le dān pawl an hmuhsuam, cumi cu mi in a thlun asile, a nung ding; cule nasa zetin ka Sabbath-pawl an bawrhbangter. Cun anmah cemrálter dingah ka thinsonak cu an parah ramṭhing ah ka thlebung ding, tiah ka ti. 14 eAnmah ka hruaisuah hmutu miphunpawl mithmuh ah ka hmin bawrhbanter a silonak dingah ka hmin ruangah cumi cu ka tuah a si. 15 fCun ram hmuahhmuah hnakih ropisawn hnawi ti le khuai tizu luannak, ka pek mi ram ah hruailut hai lo dingin an hnenah ramṭhing ah ka bân pharin thukamnak ka tuah, 16 gziangruangahtile ka zīn le dān pawl an hmuhsuam, ka sakhaw dānpawl an nunpi lo ih, ka Sabbath-pawl an bawrhbangter sawn riangri; ziangahtile an thinlung in an milempawl an thlun a si. 17 hCuti cingin ka mit in anmah cu siatnak ihsin a zuah hai. Ramṭhing ah cem ko ka tuah hai lo.
20:10a Suah 13:18
20:11b Suah 20:1-23; Pui 18:5; Dnp 4:7-8; Rom 10:5
20:12c Suah 20:10; 31:13; Pui 20:8; Jer 17:22
20:13d Mip 14:29; Sam 78:40; Isa 56:6
20:15f Mip 14:2, 23; Dnp 1:34; Sam 95:11; Heb 3:11
20:16g Mip 15:39; Jer 11:8; Amo 2:4
20:17h Jer 4:27; 5:18; Eze 11:13
18 a‘Asinan ramṭhing ah an tefapawl hnenah, “Nan pupápawl ih zirh mi nunpi hlah uh, an zīn le dān pawl thlun hlah uhla, an milempawl hmangin bawrhbangawter fawn hlah uh. 19 bKeimah cu Jehovah nan Pathian ka si; ka sakhaw dānpawl nunpi uh, ka zīn le dān pawl thlun uhla cupawl tuahsuak uh; 20 ckeimah cu Jehovah nan Pathian ka si ti nan theih thei nak dingah ka Sabbath-pawl thiangter uh, cule keimah le nanmah karlakah cupawl cu hminsinnak an si ding,” tiah ka ti.
20:18a 2San 30:7; Sam 106:39; Zek 1:4
20:19b Suah 20:2; Dnp 5:32-33
20:20c Suah 20:10; 31:13; Jer 17:22
21 a‘Sikhalsehla cuih tefapawl cu keimah dokalhin an hél; ka sakhaw dānpawl an nunpi lo ih, ka zīn le dān pawl thlun dingin an fimkhur lo, cumi cu mi in a thlun asile, a nung ding; ka Sabbath-pawl an bawrhbangter sawn riangri. Cun kei in ramṭhing ah an parah ka thinsonak ka thlebung ding, tiah ka ti. 22 bCuti si khal sehla ka kut ka sūp ih, anmah ka hruaisuah lai hmutu miphunpawl mithmuh ah ka hmin bawrhbanter a silonak dingah ka hmin ruangah ka tuah a si. 23 cCuihtlunah miphunpawl lakah ka ṭekdarhter hai ding ih, ram kip ah ka vâkdarhter hai ding, tiah bān pharin ramṭhing ah thukamnak ka tuah, 24 dziangruangahtile annih in ka zīn le dān pawl an tuahsuak lo ih, ka sakhaw dānpawl an hnáwng, ka Sabbath-pawl an bawrhbangter ih, an pupápawlih milempawl parah an mit a fu sawn riangri. 25 eCuruangah kei khal in a ṭha lo mi dānpawl le an nunpi thei lo ding mi zīn le dān pawl anmah ka pe; 26 fcule anmah cu răm ko ka tuah hai thei nak dingah, meisa an paltlăngter mi an fatir zate, an thilpekpawl ruangah anmah cu ka bawrhbangter hai, cule keimah cu Jehovah ka si ti an thei ding,’ tiin sim aw.
20:21a Mip 25:3; Jer 7:26; Eze 7:8
20:23c Pui 26:33
20:25e Sam 81:12; Isa 66:4; Rom 1:28; 2Th 2:11
20:26f Pui 18:21; 20:2-5; 2Sp 17:17
27 a“Curuangah, minung fapa, Israel sungza hnenah, ‘Bawipa Jehovah in hitin a ti: ka hnenih an rinumlonak in nan pupápawl cun cuti vek cun in thangsiat
20:27a Mip 15:30; Sam 78:57; Rom 2:24
20:28b Neh 9:23; Sam 78:55, 58; Jer 2:7; Eze 6:13
20:29c Eze 16:16
20:29d Bamah: A ṭawng hrampi ah cun, “hmun sâng” ti a si.
30 a“Curuangah Israel sungza hnenah, ‘Bawipa Jehovah in hitin a ti: nan pupápawlih tidān vekin mah le mah bawrhbangawterin, an thil fihnungza pawl thawn hlawhhlannak nan tuah ding maw si? 31 bZiangahtile meisa nan paltlăngter mi nan fapapawl cu thilpek ih nan hlăn tikah, tuihni tiangin nan milem hmuahhmuah thawn nan bawrhbangawter a si. Nannih in thu in ráwn lai ding maw, Maw Israel sungzatla? Ka nun rori bangin, nannih ih thu in ráwn ka lo siang lo ding, Bawipa Jehovah in a ti. 32 cNannih in, “Thing le lung rianin, miphunpawl vekin, ram dangdangih um hnámpawl vek kan si ding,” tiin nan thinlung in nan rak ti nân, nan si dah lo ding.
20:30a Lai 2:16-19; Jer 16:12
20:31b Sam 106:37-39; Jer 7:31; Eze 14:3; 16:20; Zek 7:13
20:32c 1Sam 8:19-20
33 a‘Ka nun rori bangin, kut cak zet le bān suahin le thinsonak thlebungin ka lo uk ding, Bawipa Jehovah in a ti. 34 bMiphunpawl lak ihsin ka lo hruaisuak hai ding ih, nan ṭekdarhnak rampawl ihsin kut cak zet le bân suahnak le thinsonak thlebungin ka lo fĭnkhawm hai ding. 35 cCule miphunpawlih ramṭhing ah ka lo hruailut ding ih, cu tawkah hmaităwnin thu ka ṭhen ding. 36 dIzip ram ramṭhing ih nan pupápawl tlunih thu ka ṭhen vekin, nan tlunah thu ka lo ṭhen ding, Bawipa Jehovah in a ti.
20:33a Jer 21:5; Eze 16:27; 25:16
20:34b Dnp 30:4; Isa 31:3; Jer 44:6; Ṭah 2:4; 2Ko 6:17
20:35c Jer 2:35; Eze 19:13; Hos 2:14
20:36d Mip 1:1-35; 1Ko 10:5-10
37 a‘Kianghrăwl hnuaiah ka lo fehter ding ih, thukham
20:38b Eze 13:9; Amo 9:9-10; Zek 13:8-9; Mal 3:3; Heb 4:3
39 a“Nanmah hrang lawngte ah cun, Maw Israel sungzatla, Bawipa Jehovah in hitin a ti: ka thu nan lun lo ding ahcun, feh uhla atu ihsin tuih hnu khalah mi kip in mai milem cio va rian uh; nan thilpekpawl le nan milempawl hmangin ka hmin thianghlim cu nan bawrhbangter nawn lo ding a si. 40 bZiangahtile ka tlang thianghlim, Israel tlang sâng parah cun, Bawipa Jehovah in a ti, cu tawkah Israel sungza hmuahhmuah, ram sungih um hmuahhmuah in keimah in rian ding; cu tawkah anmah ka cohlang hai ding ih, nan thawhhlawmpawl le nan thilpek ṭhabik bik pawl cu nan thil thianghlim pawl hmuahhmuah thawn cu tawkah ka lo phût ding. 41 cMinungpawl lak ihsin ka lo hruaisuah tikah le nan vahdarhnak rampawl ihsin ka lo fĭnkhawm hai tikah, rimthaw ah ka lo cohlang ding; cule miphunpawl mithmuh ah nanmah lakah ka thianhlimnak ka tarlang ding. 42 dCun nan pupápawl hnenah bân pharih ka tiamkam mi ram, Israel ram ih ka lo hruailuh tikah keimah cu Jehovah ka si, ti nan thei ding. 43 eCule cu tawkah nan nundānpawl le bawrhbang zetih nan umnak nan thil ti mipawl nan mangsal ding; cule nan rak tuah mi thil ṭha lo hmuahhmuah ruangah nanmai mithmuh roriah nanmah le nanmah nan fihaw ding. 44 fCun nan nundān sualrál zulhin si loin, nan thil ti bawrhhlawh pawl zulhin si fawn loin, ka hmin ruangih nanmah ka lo pehtlaih tikah, keimah cu Jehovah ka si ti nan thei ding, Maw Israel sungza, Bawipa Jehovah in a ti,” tiin.
20:39a Suah 20:7; Jer 44:25; Eze 13:19; 43:7
20:40b Isa 56:7; 60:7; Eze 17:22; Mal 3:4
20:41c Dnp 30:4; Isa 5:16; Eze 28:25; 2Ko 2:14; 6:17
20:42d Jer 23:8; 30:3; Eze 34:13, 27
20:43e Pui 26:41; Eze 14:22; Hos 5:15
20:44f Sam 109:21; Isa 43:25; Eze 36:22
Tupi Dokalhih Thuphuan
45 Cuihtlunah Jehovah-ih kamsuakthu ka hnenah a thleng,
46 a“Minung fapa, thlang lam hawi aw; thlang lam dokalhin thusim awla, Negev
20:46a Isa 30:6; Jer 13:19; Eze 4:3; Amo 7:16
20:47b 2Sp 19:23; Isa 9:18-19
20:48c Jer 7:20; 17:27; Eze 21:5, 32
49 aCun kei in, “Ai law, Bawipa Jehovah! ‘Tahṭhimnak thupawl a sim lo maw si,’ in ti,” tiah ka ti.
20:49a Eze 17:2; Mat 13:13; Joh 16:25
Pathian Ralnâm
1 Jehovah-ih kamsuakthu ka hnenah a thleng, 2 a“Minung fapa, Jerusalem lam hawi aw, hmun thianghlim pawl dokalhin thusim awla, Israel ram dokalhin thuphuang aw; 3 bcule Israel ram hnenah, ‘Jehovah in hitin a ti: ngai hnik, ka lo do a si, ka ralnâm cu a kawm sung ihta ka zûk ding ih, na hnen ihsin midingfel le misualrál ka that ding. 4 cNa hnen ihsin midingfel le misualrál ka thah ding ruangah, thlang lam ihsin sak lam tiang titsa hmuahhmuah dokalhin ka ralnâm cu a kawm ihsin a suak ding, 5 dcutin kei Jehovah in ka ralnâm cu a kawm ihsin ka zûk ti titsa hmuahhmuah in an thei ding; thunsal a si nawn lo ding,’ tiah sim aw.
21:2a Jer 26:11; Eze 13:17; 20:46
21:3b Job 9:22; Isa 27:1; 57:1; Jer 21:13; 47:6; Eze 14:21
21:4c Pui 26:25; Jer 25:27; Eze 20:47
21:5d Isa 34:5; Eze 20:47-48; Nah 1:9
6 a“Curuangah nang minung fapa, thinlung kuaiin hrûm rero awla, lungsia zetin an mithmuh ah hrûm rero aw. 7 bCule hitin a si ding, ‘Ziangah na hrûm rero?’ an lo ti tikah, ‘Thuthang thleng mi ruangah a si. Thinlung kip in a tiral ding ih, kut zaten an zâwng thluh ding, lungthin hmuahhmuah an cau ding ih, khuk hmuahhmuah ah zun a luang ding. Ngai hnik, cumi cu a ra ih, a thleng famkim ding, Bawipa Jehovah in a ti,’ tiah na sawn pei,” tiin.
21:6a Isa 22:4; Jer 30:6; Eze 9:4
21:7b Pui 26:36; Sam 6:2; Eze 22:14
8 Jehovah-ih kamsuakthu ka hnenah a thlengsal, 9 “Minung fapa, thuphuang awla, ‘Jehovah in hitin a ti: ti aw.
‘Ralnâm, tât-hriam le rawt tleu ralnâm!
10 aMi thahnak dingih tât-hriam,
Nimthlakau bangih tle dingih rawt tleu!
Ka fapaih kianghrăwl ah kan hlim ding maw?
Hlim hlah e,
Ralnâm in thingkung zaten a hmuhsuam.
11 bCule ralnâm cu rawt tleu dingih pek a si,
Hman a si thei nak dingah;
Mi thattuih kut ih pek dingah
Himi ralnâm cu tât-hriam a si ih, rawt tleu a si,’ tiah sim aw.
12 cṬap awla râk aw, minung fapa;
Ziangahtile cumi cu ka mipawl dokalhin a um ding,
Israel-ih mipawimawhpawl zaten a dokalh.
Ka mipawl thawn anmah cu ralnâm kut ih peksuah an si;
Curuangah dna cawn beng aw.
13 Hniksaknak a ra ding,
Cule ralnâm in a hmuhsuam mi kianghrăwl a um nawn lo tikah ziang a cang pei? Bawipa Jehovah in a ti.
14 eCuruangah nang minung fapa, thuphuang awla,
Na kut beng aw.
Mi thahnak ralnâm, ralnâm cu vei hnih, a si, vei thum ra thleng seh!
Anmah kulhtu nasa zetih thahnak ralnâm a si.
15 fAn thinlung a tiral ih, mi tampi an bah,
Ralnâm cu mi that dingin an kăwtkapawl hmuahhmuah lamah ka tĭn.
A ze! Tle thei ko tuah a si;
Mi thahnak dingah zûksuah a si:
16 Vawrh lamah văi aw!
Keh lamah văi aw,
Na hmai hawihnak lam lamah.
17 gKei khal in ka kut ka beng ding ih,
Ka thinsonak ka rehter ding;
Kei Jehovah in ka ti a si,” tiin.
21:10a Dnp 32:41; Isa 34:5-6
21:11b Jer 46:4
21:12c Jer 31:19
21:12d na cawn beng aw: Riahsiatnak lăngternak a si.
21:15f 2Sam 17:10; Sam 22:14
18 Jehovah-ih kamsuakthu ka hnenah a thlengsal: 19 a“Nang minung fapa, Babilon siangpahrangih ralnâm ra thleng dingin lamzin pahnih rak ruat aw, cuih lamzin pahnih cu ram pakhat ihsin a suak ding a si: hminsinnak tuah awla, cumi cu khawpi luhnak lamzin thawhnak ah tar aw. 20 bAmmon-mipawlih khua, Rabbah ah ralnâm thleng dingin lamzin pakhat rak ruat aw, Judah ram ih kulh mi Jerusalem khalah. 21 cZiangahtile Babilon siangpahrang cu tin zoh dingin lamzin ṭêk ah a ding, lamzin pahnih tawnawknak ah; a thál fungpawl a thing, milimpawl a ráwn, sa thin a zoh. 22 dTin zohnak ah a kut vawrh lamah Jerusalem a cuang: ralpawl ruat dingin, thahawknak ih kâ angter dingin, aukionak aw suah dingin, kulh kăwtkapawl sutsiatnak ding ruat dingin, lei sūnpâwng tuah dingin le hruangkulh tuah dingin. 23 eCule cumi cu anmah thawi sesăm thukamnak tuahtupawl mithmuh ah tin zohnak dik lo vek a si ding, asinan hruaihlo an si thei nak dingah an mawhsualnak a theihtersal ding.
21:19a Jer 31:21
21:20b Dnp 3:11
21:21c Mip 22:7; Thf 16:33; Zek 10:2
21:22d 2Sp 25:1; Jer 4:16; 32:24; Eze 4:2
24 “Curuangah Bawipa Jehovah in hitin a ti: nan mawhsualnak cīn ringring dingih nan tuah ruangah, cumi ah nan dān pahbălnakpawl cu an lang, cutin nan thil tipawl hmuahhmuah ah nan sualpawl an lang, ziangruangahtile nannih in nan mansuahsal ruangah kut ih kaih nan si ding.
25 a“Cule nang, mibawrhbang, Israel uktu sualrál, na ni a thleng zo, dāntat na sinak netabik cān cu, 26 bBawipa Jehovah in hitin a ti:
21:26b Sam 75:7; Isa 28:5; 40:4; Jer 13:18; Eze 17:22, 24; Mat 23:12
Lupâwng hlihsak uhla, lallukhum lâkhlosak uh;
Zianghman kelawh an um nawn lo ding.
Dinhmun niam khaisâng uhla, dinhmun sâng niamter uh.
27 aSiatbăl ko, siatbăl ko,
Siatbăl ko ka tuah ding!
A cotu ding diktak a thlen hlanlo,
Cumi cu a um nawn lo ding,
Cule amah ka pe ding.
21:27a Sem 49:10; Sam 2:6; Jer 23:5-6; Eze 37:24; Hag 2:22
Ammon-mipawl Dokalhtu Ralnâm
28 a“Cule nang minung fapa, thuphuang awla, ‘Ammon-mipawl thuhla le deusawn an sinak thuhla ah, Bawipa Jehovah in hitin a ti,’ tiah sim aw, cule:
21:28a Sem 19:38; Jer 12:12; Zef 2:8
Ralnâm, ralnâm cu zûk a si,
Mi thahnak dingah, mi eiralnak dingah, nimthlakau vek si dingah tlêtter a si.
29 aNan thuhla ah larawknak dik lo hmuin
Nan thuhla ah tin zohnak thuphan tuah hman sehla,
Dāntat an sinak cān netabik, anmah hrangih ni rung thleng,
Thah ding misualpawlih hngawng ah,
Cumi cu a tla hrimhrim ding.
30 bA kawm sungah thunsal aw.
Sersiam na sinak hmun,
Na suahkehnak ram ah,
Thu ka lo ṭhen ding.
31 cNa parah ka aithawknak ka thlebung ding;
Ka thinlingnak meisa in ka lo sēm ding ih,
Mi siatsuah thiam, minunrâwngpawl kut ah ka lo pe ding.
32 dNang cu meisa hliauternak na si ding,
Na ram ah na thisen cu suah a si ding.
Cinken na si nawn lo ding,
Ziangahtile kei Jehovah in ka sim zo,”
21:29a Jer 27:9; Eze 13:6-9; 22:28; 35:5
21:31c Sam 18:15; 79:6; Isa 11:4; Jer 4:7; Eze 16:39; 22:20
21:32d Eze 20:47-48; 25:10; Mal 4:1
tiin.
Jerusalem Sualnak
1 Cuihhleiah Jehovah-ih kamsuakthu ka hnenah a thleng, 2 a“Atu-ah, nang minung fapa, thisen suahhmang khawpi hnenah dāntatnak thu na phuang pei maw, dāntatnak thu na phuang pei maw? A si, a fihnunnak zaten amah theihter aw! 3 Cun, ‘Bawipa Jehovah in hitin a ti: amai cān thleng dingin khawpi in a sungah thisen a suah; cule amah le amah bawrhbangawter dingin a sungah milempawl a tuah. 4 bThisen na suahnak in mimawh ah na cang ih, na tuah mi milempawl in na bawrhbangawter. Cutin na ni nai ko na tuah ih, na tikcu cemnetnak a thleng thlang; curuangah miphunpawl lakah nautat mi le ram hmuahhmuah ih hnihsan mi ah ka lo tuah. 5 cNang, hminsia le buainak ih khat, na kiangnâi le hlapi ih umpawl in an lo hmuhsuam ding.
22:2a Eze 16:2; 24:6, 9; Hos 4:2; Nah 3:1; Hab 2:12
22:5c Isa 22:2
6 a‘Ngai hnik, Israel hotu zate in nangmah ah thisen suah dingin an thiltitheinak an hmang cio. 7 bNangmah ah nu le pa an zah lo, na sungah ram dang mi an palbĕt, nangmah ah pa nei lo le nuhmei an tuah sia. 8 cKa thil thianghlim pawl na nautat ih, ka Sabbath-pawl na bawrhbangter. 9 dNangmah ah thisen suah dingih mi hēkhmang an um, nangmah ah tlangpawl ah rairingpawlih einnte ah an ei, na sungah fihnungza hursualnak an tuah. 10 fNangmah ah an palepawlih taklawngnak an hlîp, nangmah ah nunau dān nei thiang lo lai an sualpi. 11 gMi in a innhnen nupi thawn thil fihnungza an tuah; mi dang pakhat in hursual tuahin a mo cu hursual tuahnak in a bawrhbangter; cule mi dang pakhat in nangmah ah a unaunu, a paih fanu a sualpi. 12 hNangmah ah thisen suah dingah nawhthuh an la; sum ṭhang le a fa ṭhang na la; na innhnen ihta dik lo zetin sum na la, cule keimah in hngilh, Bawipa Jehovah in a ti.
22:6a Eze 11:6
22:7b Suah 22:21-22; 23:9; Dnp 5:16; Mik 7:6
22:8c Suah 20:8; Eze 23:38-39
22:9d Pui 19:16; Isa 59:3; Eze 11:6; 18:11; 23:29; Hos 4:2, 10, 14
22:9e innte: Pathian innte a si.
22:11g Sem 38:24-26; Pui 18:15; 2Sam 13:14; Jer 5:8
22:12h Pui 19:13; Isa 5:23; Eze 23:35; Amo 5:12; Mik 7:3
13 a‘Curuangah, ngai hnik, dik lo zetih sum na ngahnak le na sungih thisen suahnak ah ka za ka lo bĕnghnawh ding. 14 bKa lo beih tikcu ah na thinlung in a tuar thei pei maw, na kut teh a cak pei maw? Kei Jehovah in ka ṭawngsuak ih, ka tuahsuak ding. 15 cMiphunpawl lakah ka lo ṭhekdarh ding, ram i kip ah ka lo vâkdarhter ding ih, na hnen ihsin na thianlonak ka hloralter ding. 16 Miphunpawl mithmuh ah na bawrhbangawter ding; cun keimah cu Jehovah ka si ti na thei ding,’ tiah ti aw,” tiin.
22:13a Isa 33:15; Eze 6:11; 21:17
22:14b Sam 76:7; Joe 2:11; Nah 1:6; Mal 3:2
22:15c Pui 26:33; Dnp 4:27; Zek 7:14
Jerusalem Dāntatnak
17 Jehovah-ih kamsuakthu ka hnenah a thleng, 18 a“Minung fapa, Israel sungza cu ka parah thir êk ah an cang; rawhtitnak meisa sungih dar, rangva, thir le sûan men an si; ngun êk ah an cang. 19 bCuruangah Bawipa Jehovah in hitin a ti: nan zaten thir êk ih nan can ruangah, ngai hnik, Jerusalem ah ka lo fĭnkhawm hai ding. 20 cNgun, dar, thir, sûan le rangva pawl rawhtitnak meisa sungah an retkhawm, tiralter dingin meisa an sēm vekin, ka thinhengnak le ka thinsonak ah ka lo fĭnkhawm hai ding ih, cu tawkah ka lo thun ding, cule ka lo tiralter ding. 21 dKa lo fĭnkhawm ding ih, ka thinlingnak meisa ka sēm ding, cule a sungah na tiral ding. 22 eRawhtitnak meisa sungih ngun a tiral vekin, a sungah na tiral ve ding; cule kei Jehovah in na parah ka thinsonak ka thlebung ti nan thei ding,” tiin.
22:18a Isa 48:10; Jer 6:28-30
22:19b Sam 119:119
Israel Hotu Sualrál Pawl
23 Cule Jehovah-ih kamsuakthu cu ka hnenah a thleng, 24 a“Minung fapa, a hnenah: ‘Nang cu tifai lo mi ram na si ih, aithawh ni ih ruahti co lo na si fawn,’ tiah sim aw. 25 bKiosa cun hûk phahin a sa deh mi a thlek vekin a sungah a profetpawlih phiarthupnak a um; mi nunnak an eirál, hlawnthil le thil mankhung pawl an la; a sungah mi tampi nuhmei cang ko an tuah. 26 cA puithiampawl in ka dān an pahbăl ih, ka thil thianghlim pawl an bawrhbangter; thil thianghlim le thil thianghlim lo an thleidang lo ih, a thiang le thiang lo khal an zirh lo; cule ka Sabbath-pawl an mithmuh ah an ngaihsak lo, cutin kei cu an lakah bawrhbanter ka si. 27 dDik lo zetih hlawknak ngah dingin thisen suah le mi nunnak lâknak ruangah a sungih hotupawl cu sa băwtthlekhmang cinghniapawl vek an si. 28 eJehovah in thu a sim lo lai khalah, ‘Bawipa Jehovah in hitin a ti,’ tiin larnak dik lo hmuin le tin zohnak thuphan tuahin a profetpawl in anmai thil tipawl cu mipi hrangah an hnih mawi. 29 fRam mipi in palbĕtnak, mi va suamnak le mifarah le mitlasam tuahsiatnak an hmang ih, ram dang mi dik lo zetin an palbĕt. 30 gCule ram ka tisiatlonak dingah an lakah khaw kulh tuahtu ding le ram aiawhin ka hmaiih khaw kulh siatnak hmun ih dīngtu ding mi ka hawl; asinan zohman ka hmu lo. 31 hCuruangah an parah ka aithawknak cu ka thlebung; ka thinlingnak meisa in ka cimitter hai; cule an lu parah an thil tipawl ka tlakter, Bawipa Jehovah in a ti,” tiin.
22:24a Eze 24:13
22:26c Pui 20:25; 1Sam 2:12-17; Jer 2:8, 26; Eze 13:19; Hag 2:11-14
22:27d Eze 11:6; Mik 3:2, 10; Mat 7:15
22:28e Ṭah 2:14; Eze 13:2, 6-7; 21:29
22:29f Suah 22:21; Sam 62:10; Isa 5:7
22:30g Isa 64:7; Jer 5:1; Eze 13:5
22:31h Isa 30:27; Ṭah 4:11; Eze 16:43; Rom 2:8
Hlawhhlang Pahnih
1 Jehovah-ih kamsuakthu ka hnenah a thlengsal:
2 a“Minung fapa, nu pakhat ih fanu
Nunau pahnih an um.
3 bAn pahnih in Izip ah hlawhhlannak an tuah,
An no laiah hlawhhlannak an tuah;
An pawhte an thamsak,
An pawhte himte cu an hmehsak.
4 cA upasawn ih hmin cu dOholah a si ih a nau cu eOholibah a si;
Ka ta an si ih,
Fapapawl le fanupawl tla an hring.
An hmin cu hitin a si:
Oholah cu Samaria a si ih,
Oholibah cu Jerusalem a si.
23:3b Pui 17:7; Jos 24:14; Eze 20:8
23:4c Eze 16:46
23:4d Oholah: Hebru ṭawng ih a sullam cu “a puanthlam” tinak a si ih, Samaria in amai biakbûk asilole pathian biaknak hmun a dĭn tinak a sawhkhih.
23:4e Oholibah: Hebru ṭawng ih a sullam cu “amah ih ka puanthlam,” tinak a si ih, Jerusalem ah Jehovah in amai biakbûk, Pathian biaknak hmun a dĭn ti a sawhkhih.
Hlawhhlang Upasawn
5 a“Ka ta a si laiah, Oholah cun hlawhhlannak a tuah;
Amah duhtu, a ramhnen Assiria-mipawl a hahio hai,
6 Cupawl cu hnipuan mepian an hruh,
Ralbawipawl le uktupawl,
Tlangval ît-um hlir,
Rang parih to rang ralkappawl an si.
7 Hiti vekin anih cun anmah thawn hlawhhlannak a tuah,
An zaten Assiria mipa ṭhabik bik an si;
An zaten ihpi dingih a hahio mipawl an si,
An milempawl in a bawrhbangawter.
8 bIzip a um lai ihsin a hursualnak a bâng lo,
Ziangahtile a no laiah mipapawl in an ihpi,
A pawhte himte an hmehsak ih,
A parah an hursualnak an thlebung.
9 cCuruangah ihpi a câk mi,
A duh mipawlih kut,
Assiria-mipawl kut ah,
Amah cu ka pek lawlaw.
10 dA taklawngnak an hlîp,
A fapapawl le a fanupawl an lahlo ih,
Ralnâm in amah cu an that;
Nunaupawl lakah hnihsuak ah a cang,
Ziangahtile amah cu dān an tat a si.
23:5a 2Sp 16:7; Isa 57:8; Hos 5:3
23:9c 2Sp 18:11; Jer 4:30; Hos 2:5
23:10d 1Sp 9:7; Eze 16:36, 41; Hos 2:10
Unaunu Nautasawn
11 a“A naunu Oholibah in cumi a hmu ko na cingin, anih cu a unu hnakin a câkhiarnak a nasasin ih,
A hlawhhlannak ah cun a unau-ih hlawhhlannak hnakin a bawrhhlawhsawn.
12 bAnih in Assiria-mi,
Ralbawipawl le uktupawl
Mawi zetih thuamaw
Rang parih to rang ralkappawl,
Tlangval ît-um hlir cu
A câk hai.
13 cCun amah cu a bawrhbang a si ti ka hmu;
An pahnih in zin bangrep an zawh.
14 dAnih in a hlawhhlannak a pungter;
Phar parih mipa zuk a hmu,
Kaldia-mipawlih milimpawl sen nawnih ṭelh mi a si,
15 eAn tâi ah taikhap an khap ih,
An lu ah lupâwng mawi zet an pâwng,
An zaten ralbawi bangtuk le,
Kaldia ram, an suahkehnak ram Babilon-mipawl vek cu.
16 fA mit in cupawl a hmuh veten
Ihpi a hiar ih,
Cupawl hnenah Kaldia ram ah thuphurtupawl a thlah.
17 gCule Babilon-mipawl cu duhdawtawknak ihkhun ah an ra ih,
An hurnak in cu nu cu an bawrhbangter;
Cule cu nu cu annih in an bawrhbangter ih, a thinlung in anmah cu a fih hai.
18 hA hlawhhlannak a langter ih a taklawngnak a hlîp.
A unu ka fih vekin anih cu ka fih a si.
19 Cu cingin anih cun
A no lai cān ih Izip ram ih hlawhhlannak a tuah lai cān a mangsal ih,
A hlawhhlannak a nasater sinsin.
20 Ziangahtile anih cun a caithup mipawl a hahio,
iA taksa cu lāk pa pawl ta tia a si ih,
A cihnâng suak mi cu rangpawlih cihnâng suak vek a si.
21 jCuti vek cun
Na no lai pawhte,
Izip-mipawl in na pawhte an hmeh lai,
Na no laiih na hursual tuahnak cu na ngai.
23:11a Jer 3:7-11; Eze 16:51
23:12b 2San 28:16; Eze 16:15
23:14d Jer 22:14; Eze 8:10; Nah 2:3
23:15e Isa 5:27
23:18h Sam 78:59; Jer 6:8; Amo 5:21
23:20i A taksa: Mipa zahmawh a si.
23:21j Eze 16:26
22 a“Curuangah Maw Oholibah, Bawipa Jehovah in hitin a ti:
23:22a Jer 4:30; Eze 16:37; Hos 2:10
Ngai hnik, nangmah do dingin na duhdawt mipawl ka căwktho hai ding,
Na fih mipawl cu,
Kil i kip in nangmah do dingin ka run hruai hai ding:
23 aBabilon-mipawl,
Kaldia-mipawl hmuahhmuah,
Pekod-mipawl, Shoa-mipawl, Koa-mipawl le
An hnenih um Assiria-mi hmuahhmuah thawn,
Tlangval ît-um hlir,
Thuneitupawl le uktupawl,
Ralbawipawl le mihminthangpawl,
Rang parih to rang ralkappawl.
24 bCule nangmah do dingin
Rang lêngpawl le ralthuampawl le ral donak rangpawl thawn,
Mipungkhawm tumpi thawn an ra ding.
Ralphaw pi, ralphaw le lukhum thawn
Nangmah lo do dingin na kimvelah an tlaraw ding,
An parah dāntatnak ka ret ding ih,
An nunphung bangtukin dān an lo tat ding.
25 cNangmah dokalhin ka lo thîk ding ih,
Thinsosain an lo bei ding;
Na hnar le na hna an sattán ding ih,
Na mi tāngsŭn pawl cu ralnâm in an rīl ding;
Na fapapawl le na fanupawl an la ding ih,
Na mi tāngsŭn pawl cu meisa in a kangrál hai ding.
26 dNa hnipuan khal an lo hlîtsak ding ih,
Na ceimawiawknak mawi zetzet khal an lahlo ding.
27 eCuti vek cun Izip ram ihsi na hun ken mi
Na fihnungza hursual tuahnak le na hlawhhlannak cu ka cemter ding,
Cutin annih cu na thlir nawn lo ding ih,
Izip cu na mangsal nawn lo ding.
23:23a Sem 11:28; 2Sp 20:14-17; 24:2; Jer 50:21
23:24b Jer 39:5-6; Eze 26:7, 10; Nah 2:4
23:25c Dnp 29:20; Eze 5:13; 17:21; 24:21
23:26d Isa 3:18-23; Jer 13:22; Eze 16:39
23:27e Eze 16:41
28 a“Ziangahtile Bawipa Jehovah in hitin a ti: ngai hnik, na huat mipawl kut ah, na fih mipawl kut ah ka lo pe ding. 29 bHua zetin an lo ti ding, bāng zetih na ṭuansuah mipawl zaten an lahlo thluh ding ih, taklawng le hnipuan hruh loin an lo tân ta ding. Na câkhiarnak le na hursualnak ih hlawhhlannak taklawng cu an hlîp ding. 30 cMiphunpawl thawn na hlawhhlan ruangah le an milempawl thawn na bawrhbangawkter ruangah hi thilpawl hi na parah ka tuah ding. 31 dNa unuih zin na zawh; curuangah a eno cu na kut ah ka ret ding.
23:28a Jer 34:20
23:29b Dnp 28:48; Jer 13:27; Eze 16:36; 22:9; Mik 1:11
23:30c Sam 106:38; Zef 3:1
23:31e no: Dāntatnak hmuhsaknak a si.
32 a“Bawipa Jehovah in hitin a ti:
23:32a Sam 44:13; 60:3; Isa 51:17; Jer 25:15; Hos 7:16
Na unuih no tûm le sâng cu na in ding,
Hmuhsuam le hnihsan na si ding;
Cuih no ah cun thil tampi a tlem.
33 aRîtnak le riahsiatnak in na khat ding,
Tuksumza le rămnak no,
Na unu Samaria-ih no.
34 bNa in ding ih na thlebung ṭheh ding,
A keknawi na ṭhialdip ding ih,
Na ṭāng ih hnipuan na thlek ding;
Ziangahtile ka ṭawngsuak a si, Bawipa Jehovah in a ti.
35 a“Curuangah Bawipa Jehovah in hitin a ti: i hngilh ih na dung lamih i hnawn ruangah, nang khal in na hursual tuahnak le na hlawhhlannak rah na tuar ding,” tiin.
23:35a Dnp 32:18; 2San 29:6; Eze 16:52
Nunau Pahnih Dāntatnak
36 aCulo khal Jehovah in ka hnenah, “Minung fapa, Oholah le Oholibah tlunah dāntatnak thu na phuang pei maw? Cuti a si ahcun an hnenah an thil fihnungza pawl cu phuang aw. 37 bZiangahtile an uire ih, an kut ah thisen a kai. An milempawl thawn an uire ih, in hrinsak mi an fapapawl tiangin kangrál dingin meisa an paltlăngter. 38 cCuihtlunah hi khal hi ka parah an tuah: cuih ni thothoah ka hmun thianghlim an bawrhbangter ih, ka Sabbath-pawl an bawrhhlawhter. 39 dZiangahtile an milempawl hnenih an fāte an thah hnuah, cuih ni lala ah ka hmun thianghlim bawrhhlawhter dingin cu tawkah an lut; cule ngai hnik, cuti vek cun ka inn sungah an rak tuah a si.
23:36a Isa 58:1; Eze 16:2; Mik 3:8
23:37b Eze 16:36
23:39d 2Sp 21:4; Jer 7:10; Eze 22:8
40 a“Cuihhleiah hlapi ihsin ra dingin mi nan cah, an hnenah palai nan thlah ih, ngai hnik, an ra thleng. Cule an hrangah na khawlhaw, na mit na hnih mawi ih, ceimawiawknak in na thuamaw.
41 bIhkhun ropi ah na to, cumi hmaiah cabuai timtuah a si, a parah ka rimhmui le ka hriak na ret.
42 cCule amai kimvelah mipi nuamtawl thâwm theih a si ih, zu ri le mizaranpawl cu ramṭhing ihsin hruai an si, cupawl cun nunaupawlih ngêl ah fau an bunter ih, an lu ah lallukhum mawi zetzet an khumter.
43 Cun uiret ruangih hnang zo nu thuhla ah kei in, ‘Atu-ah amah rori cu annih in uiretnak
23:40a 2Sp 9:30; Jer 4:30; Eze 16:13-19; Hos 2:13
23:41b Est 1:6; Thf 7:17; Isa 57:7; Jer 44:5; Hos 2:8; Amo 6:4
23:42c Sem 24:30; Sam 73:5; Thf 23:20-21; Eze 16:11-12
23:45d Pui 20:10; Eze 16:38; 22:3; Hos 2:2
46 a“Ziangahtile Bawipa Jehovah in hitin a ti: anmah dokalh dingah mi burpi hun hruai uhla, ṭihnungza ah le ralkaih ah pesuak aw. 47 bMi burpi in lungto in an deng hai ding ih, an ralnâm in an satthat ding; an fapapawl le an fanupawl an that ding ih, meisa in an innpawl an ur ding. 48 cCuti vek cun ram sung ihsin hursual tuahnak cu ka cemter ding, cutin nunau hmuahhmuah cu nanmah ih nan rak tuah zo bangtukih hursual lo dingih zirh an si ding. 49 dNan hursualnak ruangah phuba an lo la ding ih, nan milem biaknak sual man cawhkuan nan tuar ding. Cutin kei cu Bawipa Jehovah ka si ti nan thei ding,” tiin.
23:46a Dnp 28:25; Jer 25:9; Eze 16:40
23:47b 2San 36:17, 19; Jer 34:22
23:48c Eze 16:41; 2Pe 2:6, 9
23:49d Eze 24:13
Suan Bel Thucah
1 aKum kuatnak, thla hratnak, cuih thla ni hratnak ah, Jehovah-ih kamsuakthu ka hnenah a thlengsal, 2 b“Minung fapa, tuihni rori, ni hmin hi ngan aw, himi ni roriah hin Babilon siangpahrang in Jerusalem a kulhkhŭm. 3 cCule helhmang sungza hnenah tahṭhimnak thu sim awla, an hnenah, ‘Bawipa Jehovah in hitin a ti:
24:1a Eze 8:1
24:2b Isa 30:8; Jer 39:1; Hab 2:2
24:3c Isa 1:2; Eze 2:3, 6; 20:49
Bel toh uh, toh ringring uhla,
A sungah tidai khal thun uh.
4 aA sungah sasem tete thlakkhawm uh,
Sasem ṭhaṭha thlak uh,
A cāwn le a liang.
Saruh ṭhaṭha thawn khatter uh.
5 bRante rual lakih a ṭhabik hril uh.
Bel hnuaiah sa ruhpawl retkhawm uh,
Bel cu so hluahhloter uhla,
Saruhpawl suang uh.
24:4a Eze 11:7
24:5b Isa 34:12; Jer 52:10; Mik 3:2-3
6 a‘Curuangah Bawipa Jehovah in hitin a ti:
24:6a Joe 3:3; Oba 1:11; Nah 3:10
Dar êk umnak bel,
Dar êk thianfai lo bel,
Thisen suahhmang khawpi cu a hmakhua a pit a si!
Hril hleice nei loin
Sem khat hnu sem khat thursuak uh.
7 aZiangahtile a thisen cu amah lakah a um;
Cumi cu lungpi parah a ret;
Leivut ih khuh dingin
Lei ah a thlebung lo.
8 Phuba lâknak dingih thinsonak a suah thei nak ding le,
Khuh a silonak dingah,
A thisen cu lungpi parah ka ret.
24:7a Pui 17:13
9 ‘Curuangah Bawipa Jehovah in hitin a ti:
Thisen suahhmang khawpi cu a hmakhua a pit a si!
Kei khal in tihthing nasa zetin ka pengkhawm ding.
10 Thing pengkhawm uhla,
Meisa muah uh,
Sa cu ṭhaten suang uh,
Rimthaw thlak uhla,
A ruhpawl cu kāng seh.
11 aCun meiling parah bel dăn cu kawlawngter uh,
Cule a hung sa ding ih, a dar cu a ling ding,
A thianlonak cu a tiral ding ih,
A dar êk cu a hloral ding.
12 A hnaṭuannak ah a cau ih,
A dar êk nasa zet cu a hnen ihsin a kăwk thei lo.
A dar êk cu meisa sungih paih si seh!
13 bNa thianlonak ah hursualnak a um.
Lo thianfai ka tum cing khalih na fai lo ruangah,
Na parih ka thinsonak ka hmansuah hlanlo,
Na bawrhhlawhnak cu thianfai a si nawn lo ding.
14 cKei Jehovah in cumi cu ka sim a si,
A rung thleng ding, ka tuahsuak ding;
Ka sūpaw lo ding ih,
Ka zuah lo ding,
Ka lung ka thlĕng fawn lo ding;
Na nundān zulhin le
Na thil ti zulhin
Thu an lo ṭhen ding, Bawipa Jehovah in a ti,’
24:11a Jer 21:10
24:13b Isa 22:14; Jer 6:28-30; Ṭah 1:9; Eze 16:42; Hos 7:1; Zek 6:8
24:14c Mip 11:23; Job 27:22; Isa 3:11; Eze 8:18; 18:30; 22:14; 36:19; Zek 8:14
tiah ti aw,” tiin.
Profet Nupi a Thi
15 Jehovah-ih kamsuakthu ka hnenah a thlengsal, 16 a“Minung fapa, ngai hnik, na mit tlăinak cu vei khat kutthlaknak in ka lahlo ding; asinan mithi sūn hlah, ṭap hlah awla, na mitthli khal luangter fawn hlah. 17 bThâwm loin hrûm rero aw, mithi sūn hlah; na lu ah na lupâwng ṭawn awla, na ke ah na kedam bun aw; na hmur hmul hup hlah awla, milai sang ei hlah,” tiin.
24:16a Sam 84:1; Sol 7:10; Jer 13:17; Ṭah 2:4
24:17b Suah 28:39; Pui 13:45; Sam 39:9; Isa 3:20; 20:2; Jer 16:7
18 aCutin zing lamah mipi hnenah ka ṭawng ih, sîm lamah ka nupi a thi; cule a thaizing ah thupek ka si vekin ka tuah.
24:18a Eze 12:7
19 aCule mipi in ka hnenah, “Hi thil na tuah mi hi kan hrangah ziang tican a si ti in sim lo ding maw?” tiah in ti.
24:19a Eze 12:9
20 Cun kei in an hnenah, “Jehovah-ih kamsuakthu ka hnenah a thleng, 21 a‘Israel sungza hnenah sim aw: Bawipa Jehovah in hitin a ti, ngai hnik, ka hmun thianghlim, nan tluangkhawnpi mi nan cahnak, nan mit tlăinak bik, nan nun diremnak cu ka bawrhbangter ding; cule nan tān ta mi nan fapapawl le nan fanupawl cu ralnâm in an rīl ding. 22 bKa tuah vekin nan tuah ve ding, nan hmur hmul nan hup lo ding ih, milai sang nan ei fawn lo ding. 23 cNan lu ah lupâwng pâwng uhla, nan ke ah kedam bun uh; mithi sūn hlah uhla, ṭap fawn hlah uh, nan mawhsualnakpawl ah nan ziamral ding ih, pakhat le pakhat nan ṭahaw ding. 24 dCuti vek cun Ezekiel cu nan hrangah hminsinnak a si ding a si; thil a tidān hmuahhmuah bangtukin nan tuah ve pei; cule himi a ra thlen tikah, keimah cu Bawipa Jehovah ka si ti nan thei ding,’ tiin.
24:21a Pui 26:19; Sam 27:4; Jer 7:14-15; Eze 23:25; Amo 7:17; Mal 2:12
24:23c Suah 28:39; 33:4; Pui 26:39; Sam 78:64; Isa 3:20
25 a“Cule nang, minung fapa, an hnen ihsin an ralhruang, an aipuannak, an ropitnak, an mit tlăinak, an nun diremnak, an fapapawl le an fanupawl ka lâkhlohsak ni ah, 26 bcumi ni ah a tlânsuaktu pakhat na hnenih thu lo sim dingin a ra ding. 27 cCuih ni ah a tlânsuaktu pa hnenah na ṭawng thei thlang ding; na ṭawng ding ih, ṭawng thei lo na si nawn lo ding. Cuti vek cun an hrangah hminsinnak na si ding ih, keimah cu Jehovah ka si ti an thei ding,” tiah thu ka let hai.
24:25a Sam 50:2; Ṭah 2:4; Eze 24:21
24:26b 1Sam 4:12
24:27c Eze 3:26; Dan 10:15-16
Ammon Dokalhih Thuphuansuah
1 Jehovah-ih kamsuakthu ka hnenah a thleng, 2 a“Minung fapa, Ammon-mipawl dokalhin na hmai hawi awla, anmah dokalhin thuphuang aw. 3 bAmmon-mipawl hnenah, ‘Bawipa Jehovah-ih kamsuakthu ngaithla uh! Bawipa Jehovah in hitin a ti: ka hmun thianghlim bawrhbanter a si lai, Israel ram rămter a si laiah le sál tānnak ih Judah sungza hruai an si laiih, “A ze!” na ti ruangah, 4 cngai hnik, nisuahnak lam minungpawl hnenah an co ta dingah nangmah hi ka pe hai ding ih, nangmah ah riahbûk an sak ding, cule nangmah ah an cēnnak hmunpawl an tuah ding; na thing rah an ei ding ih, na hnawi ti an in ding. 5 dCule Rabbah khawpi cu kalauk tlannak ah ka tuah ding ih, Ammon-mipawl cu rante rual cawlhnak hrangah. Cun keimah cu Jehovah ka si ti nan thei ding.
25:2a Jer 49:1-6; Eze 13:17; 21:28
25:3b Sam 35:21; Thf 17:5; Eze 26:2; Zef 2:8
25:4c Sem 25:6; Dnp 28:33; Lai 6:3, 33
6 a‘Ziangahtile Bawipa Jehovah in hitin a ti: na za na beng, na ke na tur ih, Israel ram dokalhin na thinlung zaten hnihsanin lungawi aipuangih na um ruangah, 7 bngai hnik, nangmah dokalhin ka kut ka phar ding ih, miphunpawl hnenah ralkaih ah ka lo pesuak ding; miphunpawl hnen ihsin ka lo sâtcat ding ih, rampawl ihsin ka lo hloralter ding; ka lo tisiat ding ih, keimah cu Jehovah ka si ti na thei ding,’ tiah sim aw.
25:6a Mip 24:10; Eze 6:11; Oba 1:12; Zef 2:8
25:7b Mip 14:3; Eze 21:32; Amo 1:14-15; Zef 1:4
Moab Dokalhih Thuphuansuah
8 a“Bawipa Jehovah in hitin a ti: Moab le Seir in, ‘Ngai hnik! Judah sungza cu miphunpawl hmuahhmuah vek an si,’ tiih an ti ruangah, 9 bngai hnik, khawpipawl lak ihsin Moab ramri, a ramri ih um khawpipawl lak ihsin ram ropitnak, Beth Jeshimoth, Baal Meon le Kirjathaim pawl cu ka duaiter hai ding ih, 10 cnisuahnak lam mipawl hnenah, Ammon-mipawl thawn an neih dingah ka pecih ding, cutin Ammon-mipawl cu miphunpawl lakah cīn an si nawn lo ding. 11 dCuti vekin Moab cu dān ka tat ding, cule keimah cu Jehovah ka si ti an thei ding.
25:8a Sem 14:6; 19:37; Dnp 23:3-6; Isa 16:6
25:9b Mip 33:49; Jos 13:17, 19
25:10c Eze 21:32
25:11d Isa 15:9; Jer 48:1; Amo 2:1-3
Edom Dokalhih Thuphuansuah
12 a“Bawipa Jehovah in hitin a ti: Edom in Judah sungza tlunah phuba lain nasa zetin a mawh, amah hrangih phuba an lâk ruangah, 13 bBawipa Jehovah in hitin a ti, Edom parah ka kut ka suah ding, minung le rannung a hnen ihsin ka that ding ih, Teman ihsin Dedan tiang ka ṭhingter ding, ralnâm in an rīl ding. 14 cKa mi Israel kut hmangin Edom phuba ka la ding, Edom parah ka thinhengnak bangtukin le ka thinsonak bangtukin an tuah ding ih, ka phuba lâknak an thei ding, Bawipa Jehovah in a ti.
25:12a 2San 28:17; Sam 137:7; Amo 1:11
25:13b Sem 36:11, 15, 34; Eze 14:17; 35:3
25:14c Sam 137:7; Isa 11:14; Eze 35:11; Amo 1:11; Oba 1:1, 10-16; Mal 1:4
Filisṭia Dokalhih Thuphuansuah
15 a“Bawipa Jehovah in hitin a ti: Filisṭia-mipawl in phuba lain, kumkhaw ralawknak in, mi tihloral duhnak thinlung sia pu-in phuba an lak ruangah, 16 bBawipa Jehovah in hitin a ti, Filisṭia parah ka kut ka suah ding ih, Kereth-mipawl ka that ding, cule tipi kapih mitangsŭnpawl cu ka hloralter hai ding. 17 cThinheng zetih kawknak thawn an parah nasa zetin phuba ka la ding; cule an parih ka phuba lâknak ka thlenter tikah, keimah cu Jehovah ka si ti an thei ding,” tiin.
25:15a Jos 13:3; 2San 28:18; Eze 25:6
25:16b 1Sam 30:14; 2San 26:6; Eze 20:33; Amo 1:8
25:17c Suah 6:2; Mip 31:3; Sam 9:16; Jer 47:4; Eze 5:15; Joe 3:4
Ṭaiar Dokalhih Thuphuansuah
1 aA kum hleikhatnak, cuih thla ni khatnak ah, Jehovah-ih kamsuakthu ka hnenah hitin a thleng, 2 b“Minung fapa, Ṭaiar in Jerusalem dokalhin, ‘A ze, miphunpawlih kăwtka a siatbăl, ka lamah a áwngaw, anih cu kawlawngter a si ruangah kei cu ka lian thlang ding,’ a ti ruangah, 3 cBawipa Jehovah in hitin a ti: ngai hnik, Maw Ṭaiar ka lo do a si, tifinriat tisuar a thawh luailo vekin nangmah do dingin miphun tampi ka thoter ding. 4 dCule annih in Ṭaiar khaw kulhpawl an siatbăl ding ih, a dawlsângpawl an cimter ding; kei khal in a hnen ihsin thil se nawi ka ziatfai ding ih, lungpi kawlh vekah ka tuah ding. 5 eAmah cu tifinriat laiih sur pharhnak hmun a si ding, ziangahtile ka sim zo a si, Bawipa Jehovah in a ti, amah cu miphunpawlih ralthillâk ah a cang ding. 6 Cule ramlak ih um a fanupawl cu ralnâm ih thah an si ding, cule keimah cu Jehovah ka si ti an thei ding.
26:1a Eze 24:1
26:3c Jer 50:42
26:4d Isa 23:1, 11; Amo 1:10
26:5e Mip 14:3; Eze 27:32; 29:19; 47:10; Zek 9:2-4
7 a“Ziangahtile Bawipa Jehovah in hitin a ti: ngai hnik, rangpawl le rang lêngpawl le rang ralkappawl le mipungkhawm le mipi tam zet thawn Babilon siangpahrang Nebukhadnezzar, siangpahrangpawlih siangpahrang cu sak lam ihsin Ṭaiar dokalhin ka run thlah ding. 8 bNa fanupawl cu ramlak ah ralnâm in a that hai ding; cule nangmah dokalhin kulhkhŭmnak hruang a tuah ding, nangmah dokalhin lei a sûngpâwng ding ih, nangmah dokalhin phawpi a khai ding. 9 cNa khaw kulh lamah sutsiatnak a hawiter ding ih, ralnâm in na dawlsângpawl a siatter ding. 10 dA rang an tam tuk ruangah an khûtter mi leivut in a lo tuam ding; khawpi kulh siatnak hmun ih mi an luh vekih na kăwtka ih a luh tikah, rang ralkappawl, lêng kepawl le rang lêngpawl thawmvâng ah na khaw kulh cu a khūr ding. 11 eA rangpawlih ke in na kăwtthler zaten a cīl ding; na minungpawl cu ralnâm in a that ding ih, na ṭhuam khoh zetzet pawl lei ah an tlu ding. 12 fNa lennakpawl cu ralthillâk ah an tuah ding ih, na sumdawnnak thilripawl an suam ding, cule khaw kulh an tisiat ding ih, na inn nuam zetzet pawl an tisiat ding; na lungtopawl, na thing le na thil se nawi cu tipi sungah an hlăwn ding. 13 gNa hla awnpawl ka cemter ding ih, na ṭingṭang awn theih a si nawn lo ding. 14 hLungpi kawlh vekah ka lo tuah ding; nang cu sur pharhnak hmun ah na cang ding ih, dĭnṭhatsal na si dah nawn lo ding, ziangahtile kei Jehovah in ka ṭawngsuak zo, Bawipa Jehovah in a ti.
26:7a Ezr 7:12; Jer 27:6; Eze 23:24; Nah 2:3-4
26:9c Eze 21:22
26:11e Isa 5:28; 26:5; Jer 43:13
26:12f Isa 23:8; 26:5-6; Jer 4:7; Hab 1:8
26:13g Job 30:31; Sam 137:2; Isa 14:11; 23:7; Jer 7:34; 16:9; Thu 18:22
15 a“Bawipa Jehovah in Ṭaiar hnenah hitin a ti: na sungih thahawknak a um tikah, hriamhma pupawl an hrûm tikah, na tlûk thawmvâng ah tipi kap tluan pawl an khur lo ding maw? 16 bCun tipi uktupawl zaten an laltokham ihsin an ṭum ding ih, an kâwrfualpawl an hlit ding ih, an cawihcin sinfenpawl an phawih ding; khurhnak in an thuamaw ding; lei ah an to ding, an khūr rero ding ih, mak an lo ti ding. 17 cCule na hrangah ṭah hla an săm ding ih na hnenah:
26:15a Job 24:12; Isa 41:5; Jer 49:21; Eze 27:35
26:16b Pui 26:32; Job 2:8, 13; 8:22; Isa 23:8; Eze 32:10; Hos 11:10
‘Ziangtin so maw na siatrál,
Tipi ihsi hloral nang, Maw khawpi hminthang!
Hlanlai ih tipi ih rak cak,
Amah le a luahtupawl,
A luahtu zaten ṭihtertu,
18 aNa tlûk ni ah tipi kap tlang tluan pawl an khūr;
A si, tifinriat kap tlang tluan pawl cu na hloh ni ah an buai,’
26:18a Isa 23:5-7; Jer 49:21; Eze 27:35
tiah an ti ding.
19 a“Ziangahtile Bawipa Jehovah in hitin a ti: khawpi răm, luah lo mi khawpipawl vekih ka lo tuah tikah, tipi nasa zet na tlunah ka thlenter ih a lo khuh tikah, 20 bzohman ih an lo luahlonak dingah, hlanlai mi, khur thûk sungih thlak mipawl hnenah ka lo hruaithla ding, cule hlanlai ihsi kawlawng zo lei hnuai lamah, khur ih sukthlapawl hnenah ka lo cêngter ding; cule a nungdam mipawl ram ah ropitnak ka dĭn ding. 21 cRapthlak takin ka lo cemter ding ih, na um nawn lo ding; lo hawl hman hai sehla hmuh na si dah nawn lo ding, Bawipa Jehovah in a ti,” tiin.
26:20b Mip 16:30; Job 28:13; Sam 28:1; Eze 31:14; 32:24, 30; Amo 9:2; Jon 2:2
26:21c Sam 37:36; Jer 51:64; Eze 27:36; Dan 11:19; Thu 18:21
Ṭaiar hrangih Ṭah Hla
1 Jehovah-ih kamsuakthu ka hnenah a thlengsal, 2 a“Atu-ah, minung fapa, Ṭaiar hrangah ṭah hla seh awla, 3 bṬaiar hnenah ‘Maw nang tipi luhnak ih um, tipi kap tluan ih um ram tampi ih sumtuah ṭheu miphunpawl, Bawipa Jehovah in hitin a ti:
27:2a Eze 19:1
27:3b Sam 83:7; Isa 23:9; Eze 16:15; Hos 9:13
“Mawi lamih ka famkim,” titu, Maw Ṭaiar!
4 aNa ramripawl cun tipi lai an sawh;
A lo dĭntupawl in na mawinak an famkimter.
5 bNa thing pheng zaten Senir far thing in an tuah;
Na hrangah lăwng puanzar băn tuah dingin Lebanon
6 cNa lăwng hlaunak dingah Bashan ram ih elon thing
Saipras tipi kap tluan ihsi an lâk mi
Ashur thing hmangin lăwng zial an tuah ih,
Vui ho in an cei.
7 dIzip ihsi cawihcin puan nem páte cu na lăwng puanzar ah na pharh;
Cumi cu na thantar a si,
Na tukvirh cu Elishah tipi kap tluan ihsi lak mi
Puan Mepian le sendup ih zarh a si.
8 eSidon le Arvad luahtupawl cu na lăwng hlautu an si;
Maw Ṭaiar, na milai thil thiam pawl cu na lăwng mâwngtu an si.
9 fGebal upapawl le a mifimpawl cu
Na lăwng tuahtu an si;
Tipi lăwngpawl hmuahhmuah le
A mâwngtupawl cu na hnenah an um,
Na hnenih sumtuah dingin.
10 gPersia-mi, Lud-mi le Libia-mi pawl cu
Na ral dotu ralkap rual an si;
Na khaw kulh ah ralphaw le lukhum an bâng;
Mawi zetih lo thuamtu an si.
11 Na ralkap rual le Arvad pacangpawl cu na khaw kulh kimvelah an um ih,
Gammad pacangpawl cu na dawlsângpawl ah;
Na khaw kulh kimvelah an ralphawpawl an bâng;
Na mawinak an famkimter.
27:4a Eze 28:12
27:6c Sem 10:4; Mip 21:33; Isa 23:12; Jer 2:10; 22:20; Zek 11:2
27:7d Sem 10:4; Suah 25:4; 26:36; Isa 19:9; Jer 10:9
27:10g Sem 10:6; 2San 36:20; Ezr 1:1; Sol 4:4; Isa 66:19; Eze 30:5; 38:5; Dan 8:20; Nah 3:9
12 a‘Na thil neih phun zakip ruangah Tarshish cu na sumdawnnak a si. Na thilri man ah ngun, thir, rangva le sûan pawl an lo pe.
13 bJavan, Tubal le Meshek cu a lo dawrtu an si. Na thilri man ah milai nunnak le dar bungbelpawl an lo pe.
14 cTogarmah sungza in rang, ral donak rang le lākrang thawn na thil an lo thlĕng.
15 dDedan-mipawl cu a lo dawrtu an si; tikulh tampi cu na sumdawnnak an si. Thilri man ah vui ho le eboni thing an lo pe.
16 eThilri na neih tam ruangah Siria cu a lo dawrtu a si. Emerald
27:12a Sem 10:4
27:13b Sem 10:2; Isa 66:19; Eze 32:26; Joe 3:6; Thu 18:13
27:14c Sem 10:3
27:15d Sem 10:7; Jer 25:23; Thu 18:12
27:16e Suah 28:18; Lai 10:6; Job 28:18
27:17f Sem 43:11; Lai 11:33; 1Sp 5:9; Apo 12:20
27:18g Sem 14:15; Eze 47:16-18
27:19h Sem 10:2; Suah 30:24
27:20i Sem 10:7
27:23l Sem 10:22; 11:26; Mip 24:24; Isa 37:12
25 aTarshish lăwngpawl cu na sumtuahnak thil phurtu an si.
Nang cu tipi ah na khat ih nasa zetin na ropi.
26 bNa lăwng mâwngtupawl in tipi nasa zetzetah an lo fehpi,
Asinan nisuahnak lam thli in tifinriat ah a lo nuaisiat.
27 cNa lennakpawl, na thilripawl le na sumtuahnak thilpawl,
Na lăwng hnaṭuantupawl le na lăwng mâwngtupawl,
Lăwng rĕmtupawl le na thil dawrtupawl,
Nangmah ih um na ral do pacangpawl le,
Na sungih um mipungkhawm (zaten),
Na siat ni ah tipi ah an pil ding.
28 dNa lăwng mâwngtupawlih authâwm ah ran tlannak ram lawnglak a khūr ding.
29 Lăwng hlaunak kaitupawl hmuahhmuah,
Lăwng hnaṭuantupawl,
Tipi parih lăwng mâwngtu hmuahhmuah
An lăwngpawl ihsin an ṭum ding ih lei parah an dīng ding.
30 eNanmah ruangah an aw theih dingin an tuah ding;
Nasa zetin an ṭap ding ih, an lu ah leivut an phulh ding,
Vutcâm lakah an lāwng rero ding.
31 fNangmah ruangah an lu an ziatkawng ding ih,
Buri hnipuan an hruh ding,
Cule thinna zet le nasa zetih râkin an lo ṭah ding.
32 gAn râknak ah ṭah hla sămin,
An lo ṭah ding,
Tipi laiih siatter mi Ṭaiar khawpi vek zo so um?
33 hTipi parih na dawr thil a fehsuak tikah,
Mi tam zet na tlaiter;
A tawrih tawr na thilri le na dawr thilpawl in,
Leilung siangpahrangpawl na lianter.
34 iAsinan ti thûk zetah tipi in a lo tisiat.
Na sumdawnnak thilpawl le na mipungkhawm zaten na zawngah an pil ding.
35 jTikulhpawl luahtu zaten nangmah ah an khawruah a har ding;
An siangpahrangpawl nasa zetin an thla a phâng ding ih,
An hmel a danglam ṭheh ding.
36 kMiphunpawl lakih sumtuahpawl in an lo heheu ding;
Tuksumza ah na cang ih, na um kumkhua nawn lo ding,’
27:25a Sem 10:4; Isa 2:16; 23:14
27:28d Jer 49:21
27:30e Jos 7:6; 2Sam 1:2; Jer 6:26; Thu 18:18-19
27:31f Pui 13:40; Est 4:1; Job 3:20; Isa 22:12; Jer 6:26; Ṭah 2:10; Eze 7:18; Thu 18:15
27:32g Isa 23:1-6; Eze 19:1; 26:5
27:33h Eze 27:12, 18; 28:4-5
27:34i Eze 26:12; 27:26-27; Zek 9:4
27:35j Pui 26:32; Job 18:20; Eze 26:15-18
27:36k Sam 37:10, 36; Jer 19:8; Eze 26:21; Zef 2:15
ti aw,” tiin.
Ṭaiar Siangpahrang Dokalhih Thuphuansuah
1 Jehovah-ih kamsuakthu ka hnenah a thlengsal, 2 a“Minung fapa, Ṭaiar hotu hnenah sim aw, ‘Bawipa Jehovah in hitin a ti:
28:2a Sem 3:5; Sam 9:20; Zef 2:15; 2Th 2:4
Na thinlung a khaisângaw,
“Keimah cu pathian ka si, tipi ih pathianpawlih tokham ah ka to,” tiah na ti,
Na thinlung cu Pathian thinlung vekin ruataw khal awla,
Nang cu milai na si, Pathian na si lo.
3 aNgai hnik, Daniel hnakin na fimsawn!
Na hnen ihsin thuh thei mi thuthup a um lo!
4 bNa fimnak le na theihthiamnak in
Nangmah hrangah lennakpawl na ngah ih;
Sui le ngun cu na hlawnthil retnak ah na khawl.
5 cNa fim tuk nak le na sumdawnnak in na lennak na karhter ih,
Na lennak ruangah na thinlung a khaisângaw.
28:5c Sam 52:7; Isa 23:8; Jer 9:23; Eze 27:33; Hos 12:8; 13:6
6 ‘Curuangah Bawipa Jehovah in hitin a ti:
Na thinlung cu pathian thinlung vekih na ruahawk ruangah,
7 aNgai hnik, miphunpawl lakih ṭihnungza bik,
Na parah ram dang mipawl ka run hruai ding,
Cule annih in na fimnak rah mawi dokalhin an ralnâm an zûk ding ih,
Na ropitnak an bawrhbangter ding.
8 bKhur sungah an lo hlăwn ding ih,
Tipi ih thah mi mithi bangin na thi ding.
9 cNang cu pathian si loin, milai na si ruangah,
A lo thattuih kut, a lo thattu hmaiah,
“Keimah cu pathian ka si,” tiah na ti lai pei maw?
10 dKhawtluang mipawlih kut ah
Serh zim tan
Ziangahtile ka ṭawngsuak a si, Bawipa Jehovah in a ti,’ tiin.”
28:7a Eze 7:24; 30:11; 31:12; Hab 1:6
28:8b Sam 28:1; 55:23; Eze 26:12; 32:30
28:9c Isa 31:3; Apo 12:22-23
Ṭaiar Siangpahrang hrang Ṭah Hla
11 Cuihtlunah Jehovah-ih kamsuakthu ka hnenah a thleng, 12 a“Minung fapa, Ṭaiar siangpahrang cu ṭah hla seh awla a hnenah, ‘Bawipa Jehovah in hitin a ti:
Nang cu ṭha famkim,
Fimnakih khat, mawinak ih famkim na si.
13 aPathian hmuan Eden ah na um;
Lung mankhung phunkim
Sardion, ṭopaz le daimon,
Birul, onik, jasper,
Safaira
Na umnak kimvel le na dīnnak cu
Sui ih ceimawi an si,
Cupawl cu sersiam na si ni ih timtuah an si.
14 bNang cu kiltu cherub
Cu tawkah ka rak lo ret;
Nang cu Pathian tlang thianghlim parah na rak um;
Lungto vâm lakah na rak lengkûal.
15 Semsuah na si ni ihsin na nundān ah na famkim,
Mawhsualnak nangmah ih hmuh a si ni tiang.
16 cNa sumdawnnak a tam deuhdeuh ih,
Thahrum suahnak in a lo luahkhat,
Cule thil sual na tuah,
Curuangah thil bawrhhlawh vekin ka lo hlăwn, Pathian tlang ihsin;
Cule lungto vâm lak ihsin.
Ka rak lo siatsuah, Maw nang kiltu cherub.
17 dNa mawinak ruangah na thinlung a uangaw;
Na ropitnak ruangah na fimnak na bawrhhlawhter;
Lei ah ka lo hlăwn,
Zohnuam ah siangpahrangpawl hmaiah ka lo ret.
18 eNa mawhsualnak tam tuk le
Na sumdawnnak mawhsualnak in
Na hmun thianghlim pawl na bawrhbangter;
Curuangah na sungin meisa ka suakter,
Cumi in a lo kangrál ih,
A lo hmutu zate mithmuh ah,
Leilung ah vutcâm ah ka lo cangter.
19 fMiphunpawl lakih a lo theitu zaten nangmah ah an khawruah a har;
Tuksumza ah na cang ih,
Na um nawn lo kumkhua ding,’ ti aw,” tiin.
28:13a Sem 2:8; 3:1; Eze 27:16; 31:8-9; Thu 17:4; 21:20
28:14b Suah 25:17-20; 30:26; 40:9
28:16c Sem 3:24; 6:11; Hab 2:17
28:17d Thf 11:2; Eze 16:14-15; 19:12
28:18e Oba 1:18; Zek 9:2-4; Mal 4:3
28:19f Pui 26:32; Jer 51:64; Eze 26:21
Sidon Dokalhih Thuphuansuah
20 Jehovah-ih kamsuakthu ka hnenah a thlengsal, 21 a“Minung fapa, Sidon lam hawih awla, amah dokalhin thuphuang aw, 22 bcule a hnenah, ‘Bawipa Jehovah in hitin a ti:
28:21a Sem 10:15; Jer 25:22; Eze 13:17
28:22b Pui 10:3; Eze 30:19; 39:13
Ngai hnik, Maw Sidon, ka lo do a si;
Na lakah sunlawih ka si ding.
A parah dān ka tat ih, a sungih tithianghlim ka si tikah,
Keimah cu Jehovah ka si ti an thei ding.
23 aZiangahtile a parah nathri sia ka thlen ding ih,
A kăwtthler ah thisen;
Kil i kip ah amah dokalhin ralnâm in,
A sungah hriamhma baihpawl an tlu ding;
Cun keimah cu Jehovah ka si ti an thei ding.
28:23a Eze 5:17
24 a‘Cule Israel sungza hrangah, an kimvel hmuahhmuah ih anmah hmuhsuamtupawl lakah suntu hling le na zetih suntu hling a um nawn lo ding. Cun keimah cu Bawipa Jehovah ka si ti an thei ding.
Ralmûang zetih Israel Hruaikhawmnak
25 a‘Bawipa Jehovah in hitin a ti: miphunpawl lakih an ṭekdarhnak ihsin Israel sungza ka fĭnkhawm ih, keimah cu miphunpawl mithmuh ah anmah lakih ka thianhlim tikah, ka siahhlawh Jakob hnenih ka pek mi anmai ram ah an cêng ding. 26 bCule cu tawkah ralmûangin khua an sa ding, innpawl an sak ding ih, sabit hmuanpawl an tuah ding; a si, an kimvelih um anmah hmuhsuamtupawl dān ka tat tikah, hnangam zetin khua an sa ding. Cule keimah cu Jehovah an Pathian ka si ti an thei ding,’ ti aw,” tiin.
28:25a Sam 106:47; Isa 11:12; Jer 12:15; 32:37; Eze 11:17; 20:41
28:26b Pui 25:18; Dnp 12:10; 1Sp 4:25; Sam 149:9; Isa 65:21; Jer 17:25; 32:15; Eze 38:8; Hos 2:15; Amo 9:14-15
Izip Dokalhih Thuphuansuah
1 aKum hratnak, thla hratnak, cuih thla ni hleihnihnak ah, Jehovah-ih kamsuakthu ka hnenah a thleng,
2 b“Minung fapa, Izip siangpahrang Faro
29:1a Eze 26:1
29:2b Isa 19:1-17; Jer 25:19; 46:2; Eze 25:2; 30:1-26
29:3c Isa 27:1; Jer 44:30; 46:8; Eze 32:2
Ngai hnik, ka lo do a si,
Maw Izip siangpahrang Faro,
A tiva pi pawl ih băwk, Maw sahring tumpi,
“Ka Nâl tiva pi hi ka ta a si, ka hrangih ka sersiam mi a si,” titu,
Ka lo do a si.
4 aAsinan na khabe ruh ah sio ka thluah ding ih,
Na phawhir parah na tivapawlih nga ka bĕtter ding.
Na tivapawl sung ihsin ka lo lasuak ding ih,
Na phawhirpawl parah na tivapawl sungih nga zaten an bĕt ding.
5 bRamṭhing ah kan lo tân ta ding,
Nangmah le na tivapawlih nga zate;
Ramlak ah na tlu ding;
Fĭnkhawm le sar na si lo ding.
Ramsa le tlun zuang vate rawl ah
Nangmah cu ka lo pesuak a si.
6 cCun Izip luahtu hmuahhmuah in
Keimah cu Jehovah ka si ti an thei ding,
Ziangruangahtile annih cu Israel sungza hrangah câlte ko tluk fang an rak si.
7 dAn kut ih an lo kaih tikah,
An liang zaten na khiak ih, na bauh;
Nangmah an lo hngauhsan tikah;
Na khiak ih, an êl zaten na khūrter,’ tiah sim aw.
29:4a 2Sp 19:28; Job 41:2; Eze 38:4
29:5b Jer 7:33; 8:2; Eze 31:13
29:6c 2Sp 18:21
29:7d 2Sp 18:21; Isa 36:6; Jer 17:5; Eze 17:15-17
8 a“Curuangah Bawipa Jehovah in hitin a ti: ngai hnik, na parah ralnâm ka thlen ding ih, na hnen ihsin milai le ramsa ka sâtcat ding. 9 bCule Izip ram cu a ṭhing ding ih, a răm ding; cun keimah cu Jehovah ka si, ti an thei ding, ziangruangahtile anih in, ‘Nâl tiva pi cu ka ta a si ih, ka sersiam mi a si,’ tiah a ti. 10 cNgai hnik, curuangah ka lo do ih, na tivapawl khal ka do, cule Izip ram cu ṭhing rupri le răm ko ka tuah ding, Migdol ihsin Sene tiang, cuisin Kush ramri tiang. 11 dMinung ke in a pál lo ding ih, ramsa ke khal in a pál lo ding, cule cumi cu kum 40 sung luah loin a um ding. 12 eIzip ram cu a ṭhing mi rampawl lakah ka ṭhingter ding ih, a răm mi khawpipawl lakah a khawpipawl cu kum 40 sung an răm ding; cule miphunpawl lakah Izip-mipawl ka ṭekdarhter hai ding ih, ram i kip ah ka vâkdarhter hai ding.
29:8a Eze 25:13
29:9b Jer 46:8; Eze 30:7-8, 13-19
29:10c Suah 14:2; Jer 46:19; Eze 30:4
29:11d Eze 32:13
29:12e Jer 27:6-11; 46:19; Eze 30:7
13 “Ziangahtile Bawipa Jehovah in hitin a ti: kum 40 a kim tikah, Izip-mipawl cu an ṭekdarhnak miphunpawl lak ihsin ka fĭnkhawm hai ding. 14 aIzip vanneihnak ka tungdingsal ding ih, Pathros ram, an suahkehnak ram ah ka kirsalter hai ding, cule cu tawkah annih cu lalram tenau an si ding. 15 bCumi cu lalrampawl lakah tenaubik a si ding; miphunpawl tlunah a khaisângaw dah nawn lo ding, lalrampawl an uksal nawn lo nak dingah, anmah cu ka tenauter hai ding. 16 cIsrael sungza ih rinsan mi a si nawn lo ding, cuhnakin anmah thlun dingih an lamlêt tikah, an mawhsualnak theihter an si sawn ding. Cun keimah cu Bawipa Jehovah ka si, ti an thei ding,” tiin.
29:14a Isa 11:11; 19:22; Jer 46:26; Eze 17:14; 30:14
29:15b Zek 10:11
29:16c Mip 5:15; 2San 32:10; Isa 20:5; Ṭah 4:17; Hos 8:13
Babilon in Izip a Răm Ding
17 aCule hitin a si, kum 27-nak, a thla khatnak, cuih thla ni khatnak ah, Jehovah-ih kamsuakthu ka hnenah a thleng, 18 b“Minung fapa, Babilon siangpahrang Nebukhadnezzar in nasa zetih Ṭaiar năwr dingin a ralkap rual cu a fial; lu pauhpauh cu kawlh ko a tuah ih, liang pauhpauh cu niam ko a tuah; asinan Ṭaiar hnen ihsin amah in siseh, a ralkap rual in siseh, a parih an tuah mi an hnaṭuannak ihsin hlawknak an hmu lo. 19 cCuruangah Bawipa Jehovah in hitin a ti: ngai hnik, Izip ram cu Babilon siangpahrang Nebukhadnezzar kut ah ka pe ding ih, anih in a lennak a lâkhlosak ding, a ralthillâkpawl a thiarhlo ding ih, a ralthillawnpawl a lâksak ding; cule cumi cu a ralkap rual hrangih hlawh man a si ding. 20 dA ṭuanbăngnak ruangah Izip ram cu amah ka pe, ziangruangahtile annih in ka hrangah hna an ṭuan a si, Bawipa Jehovah in a ti.
29:17a Eze 24:1
29:18b Pui 13:40; Job 1:20; Jer 25:9; 27:6; 48:37
29:19c Isa 19:4; Jer 43:10-13; Eze 26:5; 30:4, 10, 24-25
29:20d Isa 10:6-7; 43:3; Jer 25:9
21 a“Cuih ni ah Israel sungza hrangah ki ka khoter ding ih, an lakah na kâ ka lo angter ding. Cule keimah cu Jehovah ka si, ti an thei ding,” tiin.
29:21a Sam 132:17; Eze 3:27; 33:22; Luk 1:69
Izip hrang Ṭah Hla
1 Jehovah-ih kamsuakthu ka hnenah a thlengsal, 2 a“Minung fapa, thuphuang awla, ‘Bawipa Jehovah in hitin a ti:
Râk uh, cuih ni ruangah, Hui hâ!
3 aZiangahtile cuih ni cu a nai thlang a si,
Jehovah-ih ni rori cu a nai;
Khawdur um ni, miphunpawl hlohral cān a si ding.
4 bIzip parah ralnâm a thleng ding ih,
Kush ram ah ānhainak a um ding,
Izip ram ih thah mipawl an rilh tikah,
A lennak an lâkhlohsak ding ih,
A lungphumpawl an cim.
30:3a Eze 7:7, 12; Joe 1:15; Oba 1:15
30:4b Sem 10:6; Eze 29:8, 10, 19; Dan 11:43
5 a‘Kush, Libia, Lud, Arabia zate, Libia le ram ṭangrual ih tel ram minungpawl cu anmahpawl thawn ralnâm in an tlu ding.
30:5a 2San 9:14; Jer 25:20; Eze 27:10
6 a‘Jehovah in hitin a ti:
30:6a Eze 29:10
Izip bawmtupawl an tlu ding ih,
A hngalpi mi a thiltitheinak a cem ding.
Migdol ihsin Sene tiang,
A sungih umpawl ralnâm in an tlu ding, Bawipa Jehovah in a ti.
7 aA ṭhing mi rampawl lakah annih cu an ṭhing ding ih,
A răm mi khawpipawl lakah a khawpipawl cu an tel ding.
8 bIzip parih meisa ka ret tikah le
Amah bawmtupawl hmuahhmuah ka siatsuah tikah,
Annih in keimah cu Jehovah ka si, ti an thei ding.
9 cCuih ni ah ralring loih um Kush-mipawl thlaphâng ko tuah dingin
Palaipawl cu ka hnen ihsin lăwngpawl ah an feh ding ih,
Izip hlohral ni vekin an parah ānhainak nasa zet a thleng ding;
Ziangahtile ngai hnik, a thleng rero lai.
30:7a Eze 29:12
30:8b Suah 14:18; Eze 29:9; 39:6; Amo 1:4, 7, 10; Nah 1:6
30:9c Sem 10:6; Isa 23:5; Eze 32:9-10; Zef 2:2
10 a‘Bawipa Jehovah in hitin a ti:
Babilon siangpahrang Nebukhadnezzar kut hmangin Izip mi burpipawl cem ko ka tuah fawn ding.
11 aRam tisiat dingin
Amah le a hnenih um a mipi, miphunpawl lakih ṭihnungbik cu run hruai an si ding;
Izip dokalhin an ralnâmpawl an zûk ding ih,
Ram cu thah mipawl in an khatter ding.
12 bNâl tiva pi ka roter ding ih,
Misualrálpawlih kut ah ram cu ka zuar ding;
Khawtluang mipawl kut hmangin,
Ram le a sungih um zaten ka kawlawngter ding,
Kei, Jehovah in ka ṭawngsuak a si.
30:11a Eze 28:7
30:12b Isa 19:6; Jer 46:8; Eze 19:7-9; 29:9
13 a‘Bawipa Jehovah in hitin a ti:
30:13a Isa 19:13; Jer 43:12; Eze 6:6; Zek 10:11
Milempawl khal ka siatbăl ding ih,
Nof ihsin milimpawl cem ko ka tuah ding;
Izip ram ah uktupawl an um nawn lo ding;
Izip ram ah ṭihnak ka ret ding.
14 aPathros ṭhing ko ka tuah ding ih,
Zoan ah meisa ka ret ding,
Cule No khawpi dān ka tat ding.
15 Ka thinsonak cu Izip cahnak Sin khawpi parah ka thlebung ding;
Cule No khawpi mi burpipawl ka that ding.
16 bCule Izip ram ah meisa ka ret ding;
Sin khua cun nasa zetin nat a tuar ding,
No khawpi kulh cu vihpăwp a si ding ih,
Nof cu ni tin ānhaiin a um ding.
17 cAven le Pi Beseth tlangvalpawl cu ralnâm in an tlu ding ih,
Hih khawpipawl cu ralkaih ah an feh ding.
18 dIzip hngawngkol ka khiahsak tikah,
Tehafnehas khalah ni a thim ding.
Cule amah ah a hngalpi mi a cahnak a cem ding;
Amah cu khawdur in a tuam ding ih,
A fanupawl cu ralkaih ah an feh ding.
19 eCuti vekin Izip cu dān ka tat ding,
Cule keimah cu Jehovah ka si ti an thei ding,’ tiah ti aw,” tiin.
30:14a Mip 13:22; Jer 46:25; Eze 29:14
30:17c Sem 41:45
30:18d Pui 26:13; Isa 9:4; Jer 43:7
30:19e Eze 28:22-23
Faro Dokalhih Thuphuansuah
20 aCule hitin a si, kum hleikhatnak, thla hmaisabik, cuih thla ni sarihnak ah, Jehovah-ih kamsuakthu ka hnenah a thleng,
21 b“Minung fapa, Izip siangpahrang Faro-ih
30:20a Eze 26:1
30:21b Jer 30:13; 44:30; 48:25
30:22c Sem 15:18; Sam 37:17; Jer 46:25; Zek 11:17
30:23d Eze 29:12
30:24e Jer 51:52; Eze 21:14; Zef 2:12; Zek 10:6, 12
30:25f Suah 7:5; 1San 21:16; Eze 29:19
30:26g Eze 29:12
Thingkung Tumpi vekin Izip cu Hauthluk a Si
1 aCule hitin a si, kum hleikhatnak, thla thumnak, cuih thla ni khatnak ah Jehovah-ih kamsuakthu ka hnenah a thleng,
2 “Minung fapa, Izip siangpahrang Faro
‘Na ropitnak ah zo in so a lo bang?
3 aNgai hnik, Assiria cu Lebanon
Hngeṭêk mawi zetzet nei, tupi hliapin, sangpi ah a khuiso,
A zim in khawdur a dai.
4 bTidai in a ṭhangter;
Lei hnuai tidai in a sângter,
Phun a sinak kimvelah a tivapawl an luang ih,
Ramlak thingkungpawl hmuahhmuah hnenah a tiva te pawl a luangter.
5 cCuruangah a san lam cu ramlak thingkungpawl hnakin a lăwr;
A hngeṭêk sâwm an karh ih,
A kung ih tidai a tam ruangah a hngeṭêkpawl an sau zetzet.
6 dA hngeṭêk sâwm parah tlun zuang vatepawl in bu an sâm,
A hngeṭêkpawl hnuaiah ramsapawl in fa an hring;
Cule a zârhnem ah miphun ropi zaten an cêng.
7 eCuti vek cun a hngeṭêkpawl an sau ruangah ropitnak ah a mawi,
Ziangruangahtile a hram in tidai tampi a zûk ban.
8 fPathian hmuan ih sidarpawl thawn khaikhin rual a si lo;
A hngeṭêk sâwm cu far thingpawl thawi khaikhin rual a si lo,
Cule armon thing khalin a hngeṭêkpawl an tluk lo;
Pathian hmuan ih ziang thingkung hmanin mawi lamah a tluktu an um lo.
9 gHngeṭêk tampi thawn mawi zet ko ka tuah,
Cule Pathian hmuan, Eden ih thingkung hmuahhmuah in an iksik,’ tiin sim aw.
31:3a 2Sp 19:23; Isa 10:33-34; Jer 50:18; Eze 19:11; Zek 11:1-2
31:6d Eze 17:23; Dan 4:12; Mat 13:32
31:7e Job 14:9
31:9g Sem 2:8; 13:10; Eze 28:13
10 a“Curuangah Bawipa Jehovah in hitin a ti: a sang ih, a zîk cun khawdur a dai, cule a thinlung cu a sannak ih a khaisanawk ruangah a hngal, 11 bcuruangah anih cu miphunpawlih micak paih kut ah ka pe ding, cule anih in a bei ding; a sualralnak zulhin anih cu ka hnawhsuak a si. 12 cCule khawtluang mipawl, miphunpawl lakih ṭihnungbik in anih cu a hautlu ih a tán; a hngeṭêkpawl cu tlang par le phaikuam hmuahhmuah ah an tlu; a hngeṭêk sâwm cu ram sungih tiva hmuahhmuah kapah khiahin an um; cule leilung miphun hmuahhmuah cu a zârhnem hnuai ihsin an suak ih, amah cu an tān. 13 dA siatnak parah tlun zuang vate zaten an cêng ding ih, ramsa zaten a hngeṭêkpawl ah an cêng ding. 14 eHipawl hi tiva kiangih thingkung pakhat hmanin an sannak ruangah khaisângaw nawn loin, an zîk in khawdur dai nawn loin le tidai cawmṭhat thingkungpawl khal cumi cān ih an san nawn lo nak dingah a si.
31:11b Dan 5:18-20
31:12c Eze 28:7; 32:5, 12; Dan 4:14
31:14e Sam 49:14; 63:9; 82:7; Eze 26:20
Ziangahtile minung tefapawl lakah
Anmah thawi khur sungih suktupawl thawn,
An zaten thihnak hrangah, leilung khur hrangah ruat an si.
15 a“Bawipa Jehovah in hitin a ti: Sheol
31:15a Nah 2:10
31:16b Sem 2:8; Isa 14:8, 15; Jer 49:21; Eze 14:22; 32:18
31:17c Sam 9:17; Eze 32:20-30
18 a“Eden thingkung lakah ropitnak le nasatnak ah nangmah tluk zo so um? Cuti si khal sehla Eden thingkungpawl thawn lei hnuaiih hlăwn na si ding; ralnâm ih thah, serh zim tan
Faro hrang Ṭah Hla
1 aCule hitin a si, kum hleihnihnak, thla hleihnihnak, cuih thla ni khatnak ah Jehovah-ih kamsuakthu ka hnenah a thleng,
2 b“Minung fapa, Izip siangpahrang Faro
32:1a Eze 31:1
32:2b Sem 1:21; 2San 35:25; Job 41:31; Sam 74:13; Isa 27:1; Eze 19:1; 29:3; Nah 2:11-13
‘Nangmah cu miphunpawl lakih kiosa vanglai vek na si ih,
Tipi sungih sahring tumpi na bang,
Na hnar in na tivapawl na phulter,
Na ke in tipi na nawiter ih,
An tivapawl na bawrhhlawhter.
3 a‘Bawipa Jehovah in hitin a ti:
Curuangah nangmah le mipungkhawm tumpi parah ka sur ka pharh ding ih,
Ka sur in an lo dirsuak ding.
4 aCun lei ah ka lo tân ding;
Hramlak ah ka lo hlăwnsuak ding ih,
Na parah tlun zuang vate zaten ka umter hai ding.
Cule nangmah hmangin leilung pumpuluk ramsa ka tlaiter hai ding.
5 bTlang parah na sa ka ret ding ih,
Na ruak nawi cambâng in phaikuam a khatter ding.
6 cRam cu na thisen suak mi in ka tawih ding,
Tlangpawl khal;
Cule tiva kuang cu nangmah ihsi suak mi in a khat ding.
7 dNa tleu ka cemter tikah,
Van ka khuh ding ih, arsipawl ka thimter ding;
Khawdur in ni ka tuam ding ih,
Thlapi in a tleu a suah lo ding.
8 eVan ih a tle mi tleu zaten na parah ka thimter thluh ding ih,
Na ram ah khawthim ka thlen ding,
Bawipa Jehovah in a ti,’ ti aw.
32:4a Isa 18:6; Eze 29:5; 31:12-13
32:5b Eze 31:12
32:6c Isa 34:3
32:7d Isa 13:10; Eze 30:3; Joe 2:2, 31; Mat 24:29; Thu 6:12-13
32:8e Job 9:7; Jer 4:23; Joe 2:10
9 “Na theih dah lo mi rampawl ah, miphunpawl lakih siatralnak ka thlen tikah, miphun tampi thinlung ka buaiter fawn ding. 10 aA si, miphun tampi nangmah ah khawruahhar ko ka tuah hai ding ih, an hmaiih ralnâm ka văi tikah an siangpahrangpawl cun nasa zetin an lo ṭih ding; cule mi kip anmai nunnak cio hrangah, na rilh ni ah cun an ṭhia rero ding.
32:10a Isa 30:32; Jer 46:10; Eze 26:16; Thu 18:9-10
11 a“Ziangahtile Bawipa Jehovah in hitin a ti: Babilon siangpahrangih ralnâm na parah a thleng ding. 12 bMicak ral dopawlih ralnâm in na mi burpipawl ka tluter hai ding, an zaten miphunpawl lakih ṭihnungbik an si.
32:11a Isa 19:4; Jer 46:13; Eze 29:19
Izip hngalnak an răm ding ih,
A mi burpipawl cu tisiat an si ding.
13 aTidai tampi kiangih ramsa hmuahhmuah khal ka that fawn ding;
Minung ke in a nawiter nawn lo ding ih,
Rannung tínpawl khal in an nawiter nawn fawn lo ding.
14 Cun an tidai ka fimter ding ih,
An tivapawl cu hriak bangin ka luangter ding, Bawipa Jehovah in a ti.
15 bIzip ram cu răm ko tuahin,
Ram khattertupawl tisiat ih,
A sungih um hmuahhmuah ka vuakthluk hai tikah,
Annih in keimah cu Jehovah ka si, ti an thei ding.
16 cHimi hi amah an ṭahnak ding ṭah hla a si;
Miphunpawlih fanupawl in amah cu an ṭah ding;
Izip le a mi burpipawl an ṭah ding,
Bawipa Jehovah in a ti,” tiin.
32:13a Eze 29:8, 11
32:15b Suah 7:5; Sam 107:33-34; Eze 30:26
17 Kum hleihnihnak, cuih thla ni hleingatnak ah hitin a si, Jehovah-ih kamsuakthu ka hnenah a thleng:
18 a“Minung fapa, Izip mi burpipawl hrangah râk awla,
Leilung thûknak ah hlăwn hai aw,
Amah le ram hminthang pawlih fanupawl cu,
Khur sungih vung sukpawl thawn:
19 b‘Mawinak ah zo so na hleih?
Suk aw, serh zim tan
20 cRalnâm ih thah mipawl lakah an tlu ding;
Ralnâm cu zûk a si ih,
Amah le a mi burpipawl cu dirhsuah an si.
21 dRal do mipawl lakih micakpawl cun amah le amah bawmtupawl thuhla ah Sheol
‘An rung suk ih, ralnâm ih thah mi
Serh zim tan lo pawl hnenah an zau,’ tiin.
22 Cu tawkah Assiria le a mipungkhawm zaten an um,
A thlānpawl cu a kimvel hmuahhmuah ah an um,
An zaten thah an si, ralnâm ih tlu an si.
23 eA thlānpawl cu khur sungih a dĕngkawrnak bik ah an um ih,
A thlān kimvel hmuahhmuah ah a mipungkhawmpawl an um,
An zaten thah an si, ralnâm ih tlu,
A nungdam mipawl ram ih thil ṭihnung thlentu an si.
24 fA thlān kimvel hmuahhmuah ah,
Elam le a mi burpipawl an um,
An zaten thah an si, ralnâm ih tlu,
Leilung hnuaiih serh zim tan loih suk,
A nungdam mipawl ram ih thil ṭihnung thlentu an si;
Khur sungih sukpawl thawn an ningzahnak an phur.
25 gA mi burpipawl thawn
Thah mipawl lakah a ihkhun an retsak,
Cumi kimvel hmuahhmuah ah a thlānpawl an um,
Serh zim tan lo an si ih, ralnâm ih thah mi an si;
A nungdam mipawl ram ih thil ṭihnung thlentu an si ko nân,
Khur sungih sukpawl thawn an ningzahnak an phur thotho;
Amah cu thah mipawl lakih ret a si.
26 hA nungdam mipawl ram ih thil ṭihnung thlentu an si ko nân
Meshek, Tubal le an burpipawl cu cu tawkah an um,
An thlānpawl cu an kimvelah an um,
An zaten serh zim tan lo an si ih, ralnâm ih thah an si.
27 iMicak serh zim tan lo tlupawl,
An ral donak hriamhreipawl thawi Sheol ih suk,
An ralnâmpawl an lu tăngih ret mipawl hnenah an zau lo ding,
Asinan an mawhsualnakpawl cu an ruhpawl parah a um ding,
Micakpawlih ṭhihṭhaihnak cu a nungdam mipawlih ram ah rak um ṭheu khal sehla.
28 Serh zim tan lo pawl lakah na kekkuai ding,
Cule ralnâm ih thah mipawl hnenah na zau ding.
29 jEdom cu a siangpahrang le a mipawimawhpawl hmuahhmuah khal cu tawkah an um,
Cak khal hai sehla, ralnâm ih thah mipawl kiangah hlŭm an si;
Khur sungih suk, serh zim tan lo pawl zawngah an zau ding.
30 kSidon-mipawl hmuahhmuah thawn
Sak lam mipawimawhpawl hmuahhmuah cu, cu tawkah an um.
Cahnak ruangah ṭhihṭhaih khal hai sehla, ningzakin thah mipawl thawn an sukthla,
Serh zim tan lo ralnâm ih thah mipawl hnenah an zau,
Cule khur sungih sukpawl thawn an ningzahnak an phur.
31 lFaro, amah rori le a ralkap rual hmuahhmuah in an hmu hai ding ih,
Ralnâm ih thah a mi burpipawl hmuahhmuah hrangah a hna a ngam ding,
Bawipa Jehovah in a ti.
32 mZiangahtile a nungdam mipawl ram ah ka thil ṭihnungza ka rak tuah;
Cule serh zim tan lo, ralnâm ih thah mipawl hnenah anih cu ret a si ding,
Faro le a mipi hmuahhmuah cu, Bawipa Jehovah in a ti,” tiin.
32:18a Jer 1:10; Eze 26:20; Mik 1:8
32:20c Sam 28:3; Eze 31:17-18
32:21d Isa 14:9-10; Eze 28:10
32:23e Isa 14:15
32:24f Sem 10:22; 14:1; Job 28:13; Jer 49:34-39; Eze 26:20
32:25g Eze 28:10
32:27i Sam 109:18; Isa 14:18
32:29j Sam 137:7; Isa 34:5-9; Jer 49:7-22; Eze 25:12-14; 35:15; Oba 1:1-2
32:30k Sem 10:15; Jer 25:22, 26; Eze 26:20; 38:6
32:32m Job 3:13-14
Ralvengtu
1 Jehovah-ih kamsuakthu ka hnenah a thlengsal, 2 a“Minung fapa, na mipawlih tefapawl hnenah sim aw, cule an hnenah: ‘Ram sungih ralnâm ka thlenter tikah ram mipi in an ram ihsin mi pakhat hrilin, an ralvengtu dingah ret hai sehla, 3 banih in ram parih ralnâm ra hmuin, tawtawrawt a phaw ih, mipi ralrinnak a pek tikah, 4 cmi pakhat in tuu pa ki phawt awn thei cingin, ralrinnak la loin ralnâm ra thlengin a nunnak a lâk asile, amai thisen cu a lu parah a um ding a si. 5 dTuu pa ki phawt awn a thei ko na cingin, a ralrin lo ruangah a thisen cu amai parah a um ding a si. Asinan ralrinnak rak la ta sehla cu a nunnak a runsuak ding. 6 eAsinan ralvengtu in ralnâm rat lai hmu ko nain, tuu pa ki phaw loin, mipi cu ralrinnak a pek lo asile, ralnâm ra thleng in an lak ihta mi pakhat khat nunnak a lâk a si ahcun, a nunnak cu a mawhsualnak ruangih lâkhloh a si hmanah, a thisen cu ralvengtuih kut ah ka hlám ding,’ tiah sim aw.
33:2a Pui 26:25; 1Sam 14:16; Isa 21:6-9; Jer 12:12; 51:12
33:3b Mip 10:7; Neh 4:18-20; Hos 5:8
33:4c Pui 20:9; 2San 25:16; Jer 6:17; Zek 1:4; Apo 18:6
33:5d Suah 9:19-21; Heb 11:7
33:6e Isa 56:10; Eze 3:18, 20
7 a“Nang, minung fapa, Israel sungza hrangah ralvengtu ah ka lo tuah; curuangah ka kamsuak thu na thei ding ih, ka ralrin peknak hi anmah pe aw. 8 bMisualrál hnenah, ‘Maw misualrál, na thi tengteng ding,’ tiah ka ti tikah, a nundān ihsin ralrinnak na pek lo asile, misualrál cu a mawhsualnak ah a thi ding; asinan a thisen cu na kut ah ka lo hlám ding. 9 cCuti si khal sehla misualrál cu a nundān ihsin lamlêt dingin ralrinnak na pe ih, anih cu a nundān ihsin khalin a lamlêt cuang lo asile, a mawhsualnak ah a thi ding; asinan na nunnak cu na runsuak a si.
33:7a Isa 62:6; Jer 1:17; Eze 3:17-21
10 a“Curuangah nang minung fapa, Israel sungza hnenah, ‘Nannih in, “Kan dān pahbălnakpawl le kan sualpawl kan parah a um ih, cupawl ih kan riaral asile, ziangtin so kan nun thei ding?” nan ti,’ tiah sim aw. 11 bAn hnenah, ‘Ka nun rori vekin, Bawipa Jehovah in a ti, misualrál thihnak ah lunghmuinak ka nei lo, cuhnakin misualrál in a nundān ihsin lamlêt ih a nun hi ka lunghmui zawng a si sawn. Lamlêt uh, nan nundān ṭha lo pawl ihsin lamlêt uh! Maw Israel sungza, ziangah so maw nan thih ding?’ ti aw.
33:11b Jer 3:12; Ṭah 3:33; Eze 18:23; Hos 11:8; Joe 2:12-13; 1Ti 2:4
12 a“Curuangah nang, Maw minung fapa, na mipawlih tefapawl hnenah, ‘A dān pahbăl ni ah midingfel dingfelnak in amah cu a runsuak lo ding; misualrál sualralnak thu ah cun, a sualralnak ihsin a lamlêt tikah a sualralnak in a tluter lo ding ih, midingfel khal a sual ni ah a dingfelnak ruangah a nung thei fawn lo ding,’ tiah sim aw. 13 bMidingfel hnenah na nung tengteng ding tiah ka sim na cingin, amai dingfelnak rinsanin mawhsualnak a tuah asile, thil dik a rak tuah mipawl lakih pakhat hman cinken a si lo ding; mawhsualnak a tuah mipawl ruangah a thi sawn ding. 14 cCuihtlunah misualrál hnenah, ‘Na thi tengteng ding,’ tiah ka ti ih, anih cu a sualnak ihsin a lamlêt ih dik le fel zetih thil a tuah ih, 15 dmisual cun thukamawknak cu a hlensuaksal ih, a thil rûk mi a pesal ih, mawhsualnak tuah riai loin nunnak sakhaw dānpawl tla a thlun asile, a nung tengteng ding, a thi lo ding. 16 eA rak tuah mi a sualpawl lakih pakhat hman amah dokalhin cinken a si lo ding; dik le fel zetin thil a rak tuah ih, a nung tengteng ding.
33:12a 2San 7:14; Eze 14:3; 18:24
33:13b Heb 10:38; 2Pe 2:20-21
33:14c Isa 55:7
33:15d Suah 22:26; Pui 6:2-5; Jer 18:7-8; Luk 19:8
33:16e Isa 43:25; Jer 50:20; Eze 18:22
17 “Cu cingin na mipawlih tefapawl in, ‘Bawipaih thil tidān hi a dik lo,’ tiah an ti. A dik lo mi cu anmai thil tidān hi a si sawn! 18 aMidingfel cu a dingfelnak ihsin a pial ih, mawhsualnak a tuah tikah, cumi ruangah cun a thi ding. 19 Asinan misualrál cu a sualralnak ihsin a lamlêt ih, dikte le felteih thil a ti asile, cumi ruangah a nung ding. 20 bCuti cingin nannih in, ‘Bawipaih thil tidān hi a dik lo,’ tiah nan ti. Maw Israel sungza, nan zaten nanmai nundān bangtukin thu ka lo ṭhen ding,” tiin.
Jerusalem Duainak
21 aSál ih hruai kan si a kum hleihnihnak, thla hratnak, cuih thla ni ngatnak ah, Jerusalem ihsi tlânsuak mi pakhat ka hnenah a ra ih, “Khawpi cu lâk a si zo!” tiah a ti.
33:21a 2Sp 25:8-10; Jer 39:1-2; Eze 24:26
22 aCu pa a ra thlen hlan a mizan sim lamah Jehovah-ih kut cu ka parah a um. Cule ka hnenah zing ih a ra thlen tikah Jehovah in ka kâ i rak angter zo; cutin ka kâ cu ka ang thei zo ih, ṭawng thei lo ka si nawn lo.
33:22a Eze 1:3; 3:26-27; 24:27; 29:21; Luk 1:64
23 Cun Jehovah-ih kamsuakthu ka hnenah a thleng: 24 a“Minung fapa, Israel ram ih hmunram luahtupawl in, ‘Abraham cu mi pakhat lawng a si nain, ram a luah. Kannih mi tampi hnenah kan ro dingah ram cu pek a si,’ tiah an ti.
33:24a Isa 51:2; Jer 40:7; Luk 3:8; Apo 7:5
25 a“Curuangah an hnenah, ‘Bawipa Jehovah in hitin a ti: thisen telin sa nan ei, nan milempawl lam nan zoh ih thisen nan suah. Cutiin teh ram cu nan co ding maw si? 26 bNan ralnâm nan rinsan, thil fihnungza pawl nan tuah ih, mai innhnen nupi cio nan bawrhbangter. Cutiin teh ram cu nan co ding maw si?’ tiah sim aw.
33:25a Sem 9:4; Jer 7:9-10; Eze 22:6, 27
33:26b Eze 22:11
27 a“An hnenah, ‘Bawipa Jehovah in hitin a ti: ka nun rori vekin, khaw răm ih umpawl cu ralnâm in an thi tengteng ding ih, ramlak ih umpawl cu eirál dingah ramsapawl hnenah ka pe ding, cule ralhruang sungih umpawl le pûk sungih umpawl cu nathri sia in an thi ding. 28 bZiangahtile ram cu nasa zetih răm le ṭhing ko ka tuah ding, a hngalpi mi a cahnak a cem ding ih, Israel tlangpawl tla zohman ih pal lo dingin a ṭhing ding. 29 cCun an tuah mi an thil fihnungza hmuahhmuah ruangah ram cu răm le ṭhing ko ka tuah tikah, annih in keimah cu Jehovah ka si, ti an thei ding,’ tiin sim aw.
33:27a 1Sam 13:6; Isa 2:19; Jer 42:22; Eze 7:15
33:28b Sem 6:7; Jer 9:10-11; Eze 6:14
33:29c Pui 26:34; Jer 18:16; Mik 7:13
30 “Nang minung fapa, na mipawlih tefapawl in khaw kulh kiang le inn sângkapawl ah na thuhla an rel; cule pakhat le pakhat an simaw, mi kip in an unau cio hnenah, ‘Ra aw, Jehovah hnen ihsi ra thleng kamsuakthu hi ngai hram hnik,’ tiah an ti. 31 aCutin na hnenah a bur a bur in an ra ih, ka mi an sinak vekin na hmaiah an to, cule na kamsuakthupawl an ngaithla, asinan an tuahsuak lo; ziangahtile an kâ in duhdawtnak an langter, asinan an thinlung cun anmai hlawknak ding lawng an dawi. 32 bNgai hnik, nang cu an hrangah duhnungza hla, mawi zetih sak mi le awnmawitum vek na si: na ṭawngkampawl cu an ngaithla, asinan an thlun lo. 33 cCule himi a thlen tikah, ngai hnik, a thleng cing ding, an lakah profet a um ti an thei ding,” tiin.
33:31a Sam 119:36; Isa 29:13; Jer 3:10; Eze 8:1; Mat 13:22; 1Joh 3:18
33:32b Mar 6:20
33:33c 1Sam 3:19-20; Jer 28:9; Eze 2:5
Tuu Khāltu Sualpawl
1 Jehovah-ih kamsuakthu ka hnenah a thleng, 2 a“Minung fapa, Israel tuu khāltupawl dokalhin thuphuang aw, thuphuang awla an hnenah, ‘Bawipa Jehovah in tuu khāltupawl hnenah hitin a ti: mah le mah câwmaw Israel tuu khāltupawl an hmakhua a pit a si! Tuu khāltu cun rante rual a câwm ding a si lo maw? 3 bAn thau nan ei ih sahmul in nan thuamaw; a thauthau nan that, asinan rante rual cu nan câwm lo. 4 cA ṭawnṭai pawl nan cakter lo ih, a dam lo pawl nan tidam lo, hriamhma pupawl nan tuamsak fawn lo, a ṭekdarh mipawl khal nan hruaikir lo, a hlo mi khal nan hawl cuang lo; cuhnakin khoh zet le râwng zetin nan uk sawn riangri. 5 dCule khāltu an neih lo ruangah an ṭekdarh ih, an ṭekdarhnak hmun ah cun ramsa hmuahhmuah ih rawl ah an cang. 6 eKa rante rual cu tlang kip hrawhin le tlangmûal kip ah an vâkvai; a si, ka rante rual cu leilung vangdâp pumpi ah an ṭekdarh, zohman in an hawl lo ih, an zăwihnit lo.
34:2a Sam 78:71; Isa 40:11; Jer 3:15; Mik 3:1-3; Joh 10:11
34:3b Isa 56:11; Eze 22:27; Zek 11:5
34:4c Pui 25:43; Isa 1:6; 3:7; Mik 3:3; Zek 11:16
34:5d Mip 27:17; Isa 56:9; Mat 9:36; Apo 20:29
34:6e Pui 26:33; Sam 142:4; Jer 10:21; 50:6; Luk 15:4-5; 1Pe 2:25
7 ‘Curuangah nannih tuu khāltupawl, Jehovah-ih kamsuakthu hi ngaithla uh, 8 aka nun rori vekin, Bawipa Jehovah in a ti, thungaiten tuu khāltu an um lo, cule tuu khāltupawl in ka rante rual an hawl lo ih, tuu khāltupawl in ka rante rual câwm loin, anmah an cawmawk sawn ruangah ka rante rual cu deh mi sa ah an cang ih, ka rante rual cu ramsa hmuahhmuah rawl ah an cang. 9 Curuangah Maw nannih tuu khāltupawl, Jehovah-ih kamsuakthu hi ngaithla uh! 10 bBawipa Jehovah in hitin a ti: ngai hnik, tuu khāltupawl ka do a si, an kut ah ka rante rual ka hlám ding; ka rante rual an cawmnak ka cemter ding ih, tuu khāltupawl in anmah le anmah an cawmaw nawn lo ding; ziangahtile an kâ ihsin ka rante rual ka runsuak hai ding, an hrangah rawl an si nawn lo ding,’ ti aw.
34:10b Zek 10:3
Tuu Khāltu Diktak Pathian
11 a“Ziangahtile Bawipa Jehovah in hitin a ti: ngai hnik, keimah rori in ka rante rual ka zăwihnit ding ih ka hawlsuak ding. 12 bTuu khāltu in a rante rual vâkdarhpawl lakih a rante rual a hawl vekin, ka rante rual ka hawlsuak ding ih, khawdur ni le thim hnuaiih an vahdarhnak hmun hmuahhmuah ihsin ka runsuak hai ding. 13 cCule miphunpawl lak ihsin ka hruaisuak hai ding ih, ram i kip ihsin ka fĭnkhawm hai ding, cule anmai ram ah ka hruai hai ding; Israel tlang ah, tiva te pawlih kappawl ah le umhmun an khuarnak kip ah ka câwm hai ding. 14 dTlimno ṭha umnak hmun ah ka tlangter hai ding ih, an tlannak hmun cu Israel tlang sâng pawl parah a si ding. Cu tawkah tlannak hmun ṭha zetah an kûal ding ih, Israel tlangpawl parih tlimno ṭhatnak hmun ah an tlang ding. 15 eKa rante rual ka câwm ding ih, ka băwkter hai ding, Bawipa Jehovah in a ti. 16 fA hlo mi ka hawl ding ih, a ṭekdarh mipawl ka hruaikir ding, hriamhma pupawl ka tuam hai ding ih, dam lo pawl ka cakter hai ding; asinan mithau le micak cu ka hloralter hai ding ih, diknak in ka khāl hai ding.
34:11a Sam 119:176
34:12b Isa 40:11; Jer 31:10; Eze 32:7; Joe 2:2; Luk 19:10
34:13c Dnp 30:4; Isa 66:20; Jer 23:8; 50:19; Mik 4:6
34:14d Sam 23:2; Isa 65:10; Amo 9:14; Mik 7:14
34:16f Sam 147:3; Isa 10:16; Luk 19:10
17 a“Cule nang, Maw ka rante rual, Bawipa Jehovah in hitin a ti: ngai hnik, ran le ran karlak le tuu cang pawl le me cang pawl karlak thu ka ṭhen ding. 18 bTlimno ṭhaṭha ah tlang in, a dang a tāng lai mi tlimno nan palsiat hi thil tenau a simaw si? Tidai thiang nan in hnuah a dang a tāng lai mi nan ke ih nan nawiter khal hi? 19 Cule ka rante rual bélte cun nan ke ih nan rak pal mi ei-in, nawi ko nan ke ih nan pal mi an in ding a si hi!
34:17a Mat 25:32
20 a“Curuangah Bawipa Jehovah in hitin a ti: ngai hnik, keimah rori in rante thau le ṭawl lakah thu ka ṭhen ding. 21 bA cak lo hmuahhmuah cu nan sir le nan liang in nan năwr ih, nan ki in nan khît, cule nan vâkdarhter ṭheh, 22 ccuruangah ka rante rual ka runhim ding ih, deh an si nawn lo ding; cule ran le ran karlakah thu ka ṭhen ding. 23 dAn tlunah tuu khāltu pakhat ka ret ding, ka siahhlawh David cu, cule anih in a câwm hai ding. Amah cu anmah khāltu a si ding ih, a câwm hai ding. 24 eCule kei, Jehovah cu an Pathian ka si ding ih, ka siahhlawh David cu anmah lakah uktu a si ding; kei, Jehovah in ka ṭawngsuak a si.
34:20a Mat 25:32
34:21b Dan 8:4
34:22c Sam 72:12-14; Jer 23:2-3
34:23d Isa 40:11; Jer 30:9; Mik 5:4; Joh 10:16; Thu 7:17
34:24e Jer 23:4-5; Eze 36:28
25 a“Anmah thawn remnak thukham
34:25a Isa 11:6-9; Eze 16:62; 37:26; Hos 2:18
34:26b Sem 12:2; Sam 68:9; Isa 44:3; Joe 2:23
34:27c Pui 26:13; Jer 30:8; Eze 20:42
34:28d Jer 30:10; Eze 28:26; Hos 11:11; Amo 9:15; Zef 3:13
34:29e Isa 4:2; Eze 36:6, 15, 29; Joe 2:19
31 a“Nannih cu ka rante rual, ka tlimno lakih rante rual nan si; nannih cu minung nan si ih, kei cu nan Pathian ka si, Bawipa Jehovah in a ti,” tiin.
34:31a Sam 28:9; 100:3; Jer 23:1
Seir Tlang Dāntatnak
1 Cuihtlunah Jehovah-ih kamsuakthu ka hnenah a thleng, 2 a“Minung fapa, Seir tlang lam hawi awla amah dokalhin thuphuang aw, 3 bcule a hnenah, ‘Bawipa Jehovah in hitin a ti:
35:3b Isa 34:10; Jer 6:12; Eze 25:12-14
Ngai hnik, Maw Seir tlang, ka lo do a si;
Na parah ka kut ka phar ding ih,
Răm le ṭhing ko ka lo tuah ding;
4 aNa khawpipawl măng ko ka tuah ding ih,
Nangmah khal na kawlawng ding.
Cule nang in keimah cu Jehovah ka si, ti i thei ding.
35:4a Jer 44:2; 49:10; Mal 1:3
5 a‘Anmah dāntatnak netabik a thlen tikah, an vansiat ni ah Israel tefapawl cu ralnâm thiltitheinak in thisen na suah hai ih na huat kumkhua hai ruangah, 6 bka nun rori vekin, Bawipa Jehovah in a ti, thisen suahnak ding ka lo pe ding ih, thisen suahnak in a lo dawi ding; thisen suahnak na huat lo ruangah, thisen suahnak in a lo dawi ding. 7 cCuti vek cun Seir tlang cu răm le ṭhing ko ka tuah ding ih, cu tawk ihsi a lut le a suak pawl cu ka that hai ding. 8 dCule a tlangpawl cu thah mipawl in ka khatter ding; na mual pâwng pawl, na phaikuampawl le na tiva te pawl cu ralnâm ih thah mi hlir a khat ding. 9 eKumkhuain ṭhing ta ko ka lo tuah ding ih, na khawpipawl luahtu an um lo ding; cun nannih in keimah cu Jehovah ka si, ti nan thei ding.
35:5a Sam 137:7; Eze 21:29; Oba 1:10-14
35:6b Isa 34:3-6; 63:3-6
35:7c Jer 49:17
10 a‘Jehovah umnak hmun thuhla ah nang in, “Hih bmiphun pahnih le himi ram pahnih hi ka ta an si ding ih, ka nei ding,” tiah na ti ruangah, 11 cka nun rori vekin, Bawipa Jehovah in a ti, na thinhengnak zulhin le anmah na huatnak ruangih na lăngter mi na iksiknak zulhin ka tuah ding; cule thu ka lo ṭhen tikah anmah lakah keimah le keimah ka theiawter ding. 12 dCun keimah cu Jehovah ka si ti na thei ding. Israel tlangpawl dokalhih na thangsiatnak zaten ka thei, “Annih cu an ṭhing; kan eirál dingah annih cu kan hnenih pek an si,” tiah na ti. 13 eCuti vek cun na kâ in keimah dokalhin na tluangkhâwng ih, keimah dokalhin thu tampi na ṭawng, ti ka thei ṭheh a si.
35:10a Sam 83:12; Eze 36:2, 5; 48:35
35:10b miphun pahnih le himi ram pahnih: Israel le Judah relnak a si.
35:11c Sam 9:16; Eze 25:14; Oba 1:15; Mat 7:2
35:12d Jer 50:7
35:13e Jer 29:23; 49:16; Dan 11:36
14 a‘Bawipa Jehovah in hitin a ti: leilung pumpuluk lungawi aipuangih a um tikah, răm ko ka lo tuah ding. 15 bIsrael sungza ih co mi ro a răm ruangih lungawi aipuangih na um vekin, na par khalah ka tuah ve ding; nang cu na răm ding, Maw Seir tlang, a sungih um hmuahhmuah thawn, Edom hmuahhmuah khal! Cun annih in keimah cu Jehovah ka si, ti an thei ding,’ tiah ti aw,” tiin.
35:14a Jer 51:48
35:15b Isa 34:10; Jer 50:11-13; Ṭah 4:21; Eze 36:5; Oba 1:12, 15
Israel Tharthawhsalnak
1 a“Nang minung fapa, Israel tlangpawl hnenah thuphuang awla, ‘Maw Israel tlangpawl, Jehovah-ih kamsuakthu hi ngai hnik uh! 2 bBawipa Jehovah in hitin a ti: na ralpawl in nangmah dokalhin, “A ze! Khuahlan hmun sâng kan ta ah a cang,” tiah an ti ruangah, 3 cthuphuang uhla sim uh, Bawipa Jehovah in hitin a ti: răm ko an lo tuah ih, kil i kip ihsin an lo sutdip, cutin miphunpawlih ta dingah nan cang, cule mi ih relsiat le mi ih simsiat ih nan can ruang roriah, 4 dMaw Israel Tlangpawl, Bawipa Jehovah-ih kamsuakthu hi ngaithla uh! Bawipa Jehovah in tlangpawl, mual pâwng pawl, tivapawl, phaikuampawl, hmun ṭhing reprep pawl le tansăn mi khawpipawl, a kimvel hmuahhmuah ih miphunpawl lakih a tāngsŭn, răm mi le hnihsan ih cang hnenah a sim. 5 eCuruangah Bawipa Jehovah in hitin a ti: miphunpawl lakih a tāngsŭn le a ran tlannak hmunpawl ruangah anmai ta si thei dingih thinlung zate aipuangin le mi hmuhsuamnak lungthin thawi anmai ram si dingin le an sa deh si dingih rak latu Edom hmuahhmuah hnenah thîkthusiatnak nasa zet thawn ka ṭawng taktak a si,’ tiin.
36:1a Eze 6:2-3
36:2b Dnp 32:13; Eze 25:3; 35:10
36:3c Sam 44:13-14; Ṭah 2:16; Oba 1:12-13
36:4d Pui 26:43; Dnp 11:11; Sam 79:4; Eze 6:3; 33:28-29
36:5e Dnp 29:20; Isa 66:16; Eze 25:12-14; Joe 3:2
6 a“Curuangah Israel ram thuhla ah thuphuang awla, tlangpawl, mual pâwng pawl, tivapawl le phaikuampawl hnenah, ‘Bawipa Jehovah in hitin a ti: miphunpawlih ningzahternak nan tuar ruangah thîksia le thinsoin ka ṭawng a si. 7 bCuruangah Bawipa Jehovah in hitin a ti: na kimvelih miphunpawl cun anmai ningzahnak an tuar tengteng ding a si tiin bān pharin thukamnak ka tuah. 8 cAsinan nannih, Israel tlangpawl, ka mi Israel hrangah nan hngeṭêk nan suah pei ih rah nan suah pei, ziangahtile annih cu an ra thleng cing ding. 9 dZiangahtile zoh hnik, kei cu nan lamah ka ṭang a si, nan hnenah ka kir ding ih, nannih cu cawhlet nan si ding, cule nan parah an tuh ding. 10 eNan parah minung ka karhzaiter ding, Israel sungza hmuahhmuah, an zaten; cule khawpipawl luah an si ding ih, a siat mipawl dĭnṭhatsal an si ding. 11 fNan parah minung le ramsa ka karhter ding; cule an pungzai ding ih fa no an hring ding; hlanlai bangin ram luahin ka lo umter ding ih, tuih hlan hnakih ṭhain ka lo tuah ding. Cun nannih in keimah cu Jehovah ka si, ti nan thei ding. 12 gA si, nan parah mi ka fehter hai ding, ka minung Israel rori cu; cule an ta nan si ding, nanmah cu an co mi ro nan si ding; an fāte lu na sūnter nawn lo ding.
36:6a Sam 74:10; 123:3; Eze 34:29
36:7b Mip 14:30
36:9d Jer 31:22
36:10e Isa 49:8, 19-23; Jer 30:18-19
36:11f Sem 1:22, 28; Pui 26:9; Job 42:12; Jer 31:27; Eze 16:55; Zek 10:8
36:12g Eze 47:14, 22
13 a‘Bawipa Jehovah in hitin a ti: nang in milai na eirál ih, na miphun cu tefa nei lo ko na tuah, tiih an lo ti ruangah, 14 milai na eirál nawn lo ding ih, na miphun khal tefa nei lo ko na tuah nawn lo ding, Bawipa Jehovah in a ti. 15 bMiphunpawlih hmuhsuamnak na hna in ka lo theiter nawn lo ding ih, minungpawlih nautatnak na tuar nawn fawn lo ding, na miphun na bahter nawn fawn lo ding, Bawipa Jehovah in a ti,’ ti aw,” tiin.
36:13a Mip 13:32
36:15b Sam 89:50-51; Isa 54:4; Eze 34:29
16 Cuihtlunah Jehovah-ih kamsuakthu ka hnenah a thleng, 17 a“Minung fapa, Israel sungza anmai ram ih an cēn laiah, anmai nundān le thil tidān in ram an bawrhbangter; ka hmaiih an nundān cu nunau thian lo laiih an bawrhhlawhnak vek a si. 18 bCuruangah ram sungih an suah mi thisen ruangah le ram an bawrhbanternak milempawl ruangah an parah ka thinsonak ka thlebung. 19 cCule anmah cu miphunpawl lakah ka ṭekdarhter hai ih, ram i kip ah an vâkdarh; an nundān le an thil tidān zulhin anmah cu thu ka ṭhen hai. 20 dAn va fehnak miphunpawl hnen an thlen tikah ka hmin thianghlim an bawrhhlawhter ih, mi in, ‘Hipawl hi Jehovah-ih mi si cingin, a ram ihsin an suak,’ tiah an ti. 21 eAsinan Israel sungza in an va fehnak miphunpawl lakih an bawrhhlawhter mi ka hmin thianghlim cu ka ngaihsak a si.
36:18b 2San 34:21; Eze 7:8
36:19c Pui 18:24-28; Dnp 28:64
36:20d Isa 52:5; Jer 33:24; Rom 2:24
22 a“Curuangah Israel sungza hnenah, ‘Bawipa Jehovah in hitin a ti: Maw Israel sungzatla, nanmah ruangah si loin, nan va fehnak miphunpawl lakih nan bawrhhlawhter mi ka hmin thianghlim ka ngaihsak ruang sawnah hihi ka tuah a si. 23 bCule ka hmin ropi, an lakih nan bawrhhlawhter mi, miphunpawl lakih bawrhhlawh ih um mi cu ka tithianghlim ding; cule an mithmuh ah nanmah lakih ka thianhlimnak ka lăngter tikah miphunpawl in keimah cu Jehovah ka si ti an thei ding, Bawipa Jehovah in a ti. 24 cMiphunpawl lak ihsin ka lo lasuak ding ih, ram kip ihta ka lo fĭnkhawm ding, cule nanmai ram ah ka lo hruai ding. 25 dCun nan parah tidai fimte ka lo theh ding ih, nan fai ding; nan thianlonak hmuahhmuah le nan milempawl lak ihsin ka lo thianfai ding. 26 eThinlung thar ka lo pe ding ih, nan sungah lungthin thar ka ret ding; nan titsa ihsin lungto thinlung cu ka lahlo ding ih, titsa thinlung ka lo pe ding. 27 fCule nan sungah ka Thlarau ka ret ding ih, ka sakhaw dānpawl ka lo thlunter ding, cule ka zīn le dān pawl nan thlun ding ih nan tuah ding. 28 gCun nan pupápawl ka pek mi ram ah nan cêng ding; nannih cu ka mi nan si ding ih, kei cu nan Pathian ka si ding. 29 hNan thianlonak hmuahhmuah ihsin ka lo runsuak ding. Thlairawl ka ko ding ih ka karhzaiter ding, cule nan parah mangṭam ka tlungter lo ding. 30 iCule miphunpawl lakah mangṭam ruangih mualphonak nan tuar nawn lo nak dingah, thingkung rahpawl ka karhzaiter ding ih, ló suak ka tamter ding. 31 jCun nan nundān ṭha lo pawl le nan thil ti ṭha lo pawl nan máng ding ih, nan mawhsualnakpawl le nan thil fihnungza pawl ruangah, nanmai mithmuh ah nanmah le nanmah nan fihaw ding. 32 kHimi hi nanmah ruangih ka tuah mi a si lo, ti thei uh. Nanmai nundānpawl ruangah ningzak uhla, mualphoin um uh, Maw Israel sungzatla, Bawipa Jehovah in a ti.
36:22a Dnp 9:5-6; Sam 106:8; Eze 20:44
36:23b Mip 6:27; Sam 46:10; Isa 5:16; Eze 20:14; 38:23
36:24c Isa 43:5-6; Eze 34:13; 37:21
36:25d Pui 14:5-7; Mip 19:13-20; Isa 4:4; Heb 9:13; 10:22
36:26e Sam 51:10; Jer 24:7; Eze 11:19; 18:31; 2Ko 5:17
36:27f Isa 44:3; 59:21; Joe 2:28-29; Joh 3:5; 1Th 4:8
36:28g Jer 30:22; Eze 11:17; Zek 8:8
36:29h Eze 34:27-29
36:30i Pui 26:4-5
36:31j Isa 6:5; Jer 31:18-19; Eze 6:9; 20:43
33 a‘Bawipa Jehovah in hitin a ti: nan mawhsualnakpawl ihsi ka lo thianfai ni ah, khawpipawl ah mi ka cêngter fawn ding ih, a siat mipawl cu dĭnṭhatsal an si ding. 34 A páltu zate mithmuh ih khaw răm a si ding can aiah, ram lawnglak cu leh a si ding. 35 bCule annih in, “A răm mi hi ram cu Eden hmuan vekah a cang; a răm mi le a ṭhing mi, a siat mi khawpipawl cu atu-ah cun kulh le luah an si thlang,” tiah an ti ding. 36 cCun nan kimvel hmuahhmuah ih a tāng mi miphunpawl in kei Jehovah in hmun siat pawl cu ka dĭnṭhasal ih a lawnglak mipawl ah thil ka phun ti an thei ding. Kei Jehovah in ka ṭawngsuak a si, cucu ka tuah ding.
36:33a Isa 58:12
37 a‘Bawipa Jehovah in hitin a ti: Israel sungza minung cu rante rual vekih karhter dingin ka hnenih in dil ding hi ka siang ding. 38 bRaithawinak ding serhhran mi rante rual vek le khiah mi puai nipawl ih Jerusalem ih rante rual vekin, khawpi siat pawl cu mipi runpi in an khat ding. Cule annih in keimah cu Jehovah ka si, ti an thei ding,’ ti aw,” tiin.
36:37a Sam 102:17; Jer 29:12-14; Zek 10:6
36:38b Suah 6:2; 1Sp 8:63; 2San 35:7-9
Ruh Ro Larnak
1 aJehovah-ih kut cu ka parah a um ih, Jehovah Thlarau cun i hruaisuak ih, phaikuam laiah i ret; cun cuih phaikuam cu ruh hlir in a khat. 2 An kimvelin i hruai vivo, cule ngai hnik, phaikuam ah cun tam ngaingai an um, cule ngai hnik, cupawl cu an ro zet. 3 bCule anih in ka hnenah, “Minung fapa, hi ruhkolpawl hi an nung thei pei maw?” tiah i ti.
37:1a Eze 1:3; 11:24; 40:1; Luk 4:1; Apo 8:39
37:3b Dnp 32:39; 1Sam 2:6; Isa 26:19
Cule kei in, “Maw Bawipa Jehovah, nangmah in na thei,” tiah ka sawn.
4 aAmah thotho in ka hnenah, “Hih ruh ro pawl hnenah thuphuang awla, an hnenah, ‘Maw ruh ro pawl, Jehovah-ih kamsuakthu hi ngai hnik uh! 5 bHi ruhkolpawl hnenah Bawipa Jehovah in hitin a ti: ngai hnik uh, nan sungah thaw ka lutter ding ih nan nung ding. 6 cNan parah thahri ka umter ding ih nan parah titsa ka umter ding, vun thawn ka lo tuam ding ih nan sungah thaw ka ret ding, cule nan nung ding. Cun nannih in keimah cu Jehovah ka si, ti in thei ding,’ ti aw,” tiah i ti.
37:5b Sem 2:7; Sam 104:29-30; Thu 11:11
37:6c Isa 49:23; Eze 35:9; 38:23
7 Thupek ka si vekin thu ka phuang; cule thu ka phuan tikah thawmvâng a um, ngai hnik, an khawngaw ruihro; ruhkolpawl cu hmunkhat ah an fĭnaw ih ruh le ruh an pehaw. 8 Ka zoh ih, ngai hnik, anmah ah thahri le titsa an hung um ih, vun in a tuam thluh hai; asinan anmah ah thaw a um lo.
9 aCun anih in ka hnenah, “Thli hnenah thuphuang aw, thuphuang aw, minung fapa, cule thli hnenah, ‘Bawipa Jehovah in hitin a ti: Maw thaw, lei kil li ihsin ra awla an nun thei nak dingah, hi thah mipawl parah hin thaw aw,’ ti aw,” tiah i ti. 10 bCutin amah ih thu i pek vekin thu ka phuang ih, an sungah thaw a lut, cule an hung nung ih, an ke in an ding, cule ralkap tam zet an rak si.
37:9a Sam 104:29-30; Jer 49:36; Dan 7:2; Thu 7:1
37:10b Thu 11:11
11 aCun anih in ka hnenah, “Minung fapa, hih ruhkolpawl hi Israel sungza zate an si, ngai hnik, annih cun, ‘Kan ruhpawl an ro, kan ruahsannak a hlo ih, kanmah rori khal thah kan si!’ tiah an ti. 12 bCuruangah thuphuang awla an hnenah, ‘Bawipa Jehovah in hitin a ti: ngai hnik, Maw ka minungpawl, nan thlānpawl ka áwng ding ih, nan thlānpawl ihsin ka lo suakter ding, cule Israel ram ah ka lo hruai hai ding. 13 cCun Maw ka minungpawl nan thlānpawl ka ăwn ih, nan thlānpawl ihsin ka lo hruaisuah hai tikah nannih in keimah cu Jehovah ka si, ti nan thei ding. 14 dNan sungah ka thaw ka ret ding ih, nan nung ding, cule nanmai ram ah ka lo ret ding. Cule nannih in keimah cu Jehovah ka si, ti nan thei ding, cumi cu ka ṭawngsuak ih, ka tuah ding, Jehovah in a ti,’ ti aw,” tiah i ti.
37:11a Job 17:15; Jer 33:24; Ṭah 3:54; Eze 36:10
37:12b Dnp 32:39; 1Sam 2:6; Isa 26:19; Jer 29:14; Zef 3:20; Zek 8:8
37:14d Isa 32:15; Eze 11:19; 39:29; Joe 2:28-29; Thu 11:11
15 Jehovah-ih kamsuakthu ka hnenah a thlengsal, 16 a“Nang minung fapa, nangmah hrangah funghreu pakhat la awla a parah, ‘Judah hrang le amah kăwptu Israel tefapawl hrangah,’ tiin ngan aw. Cun a dang funghreu lasal awla, a parah, ‘Efraim funghreu, Joseph hrangah le amah kăwptu Israel sungza hmuahhmuah hrangah,’ tiin ngan aw. 17 bCule nangmah hrangah funghreu pakhat ih cang dingin kăwm hai aw, cule na kut ah pakhat ah an cang ding.
37:16a Mip 17:2-3; 1Sp 12:19-20; 2San 10:17-19; 15:9
37:17b Isa 11:13; Jer 50:4; Hos 1:11
18 a“Cule na mipawlih tefapawl in na hnenah, ‘Himi hi ziang na tican a si, in sim lo ding maw?’ an lo ti asile, 19 ban hnenah, ‘Bawipa Jehovah in hitin a ti: ngai hnik uh, Efraim kut ih um, Joseph funghreu le amah kăwptu Israel hnámpawl cu ka la hai ding ih, cupawl cu Judah funghreu a si mi, cumi funghreu thawn ka peh ding, cule funghreu pakhat ah ka tuah hai ding ih, ka kut ah pakhat ah an cang ding,’ tiah ti hai aw. 20 Cule na ngannak funghreu cu an mithmuh ah na kut ah a um ding.
37:18a Eze 24:19
37:19b Zek 10:6
21 a“Cun an hnenah, ‘Bawipa Jehovah in hitin a ti: ngai hnik uh, an vahdarhnak miphunpawl lak ihsin Israel tefapawl cu ka la hai ding ih, hmun tin ihsin ka khawm hai ding, cule anmai ram ah ka hruai hai ding; 22 bcule cuih ram, Israel tlang parah miphun pakhat ah ka tuah hai ding ih, an zate tlunah siangpahrang pakhat in siangpahrang a ṭuan ding; miphun pahnih an si nawn lo ding ih, lalram pahnih khalah an ṭhenawsal nawn lo ding. 23 cAn milempawl thawn siseh, an thil fihnungza pawl thawn siseh, an dān pahbălnak ziang thaw khalin an bawrhbangawter nawn lo ding; cuhnakin sual an rak tuahnak, an cēnnak hmunpawl ihsin ka runsuak hai sawn ding ih, ka thianfai hai ding. Cule annih cu ka mi an si ding ih, kei cu an Pathian ka si ding,’ ti hai aw.
37:21a Isa 43:5-6; Jer 29:14; Eze 20:42; Mik 4:6
37:22b Jer 3:18; 33:24; Eze 17:22; 34:23-24; Hos 1:11
37:23c Jer 7:24; Eze 11:18; 43:7; Nah 2:2
24 a“Ka siahhlawh David cu an tlunah siangpahrang a si ding ih, an zaten tuu khāltu pakhat an nei ding; ka zīn le dān khal an nunpi ding ih, ka sakhaw dānpawl khal an thlun ding, cule an tuahsuak ding.
25 bCun nan pupápawl an rak cēnnak hmun, ka siahhlawh Jakob ka pek mi ram ah an cêng ding, anmah le an fātepawl le an tesin-faparpawl thawn kumkhuain an cêng ding, cule ka siahhlawh David cu anmah uktu a si kumkhua ding.
26 cCuihtlunah anmah thawn remnak thukham
37:24a Sam 78:70; Isa 32:1; 55:4; Jer 30:9, 21; Hos 3:5; Zek 13:7
37:25b Ezr 9:12; Sam 89:3-4; Eze 28:25; 34:23-24; Amo 9:15
37:26c Pui 26:11; Isa 55:3; Jer 30:19; Eze 16:62; Heb 13:20
37:27d Pui 26:11; Eze 34:30; 2Ko 6:16
37:28e Suah 31:13; Eze 20:12; 43:9; Zef 3:15
Gog Dokalhih Thuphuansuah
1 Jehovah-ih kamsuakthu ka hnenah a thleng,
2 a“Minung fapa, Magog ram ih Gog lam, Meshek le Tubal uktu
38:2a Sem 10:2; Eze 27:13; 39:1; Thu 20:8
38:3b Eze 39:1
38:4c Isa 43:17; Eze 29:4; Dan 11:40
38:5d Sem 10:6; Eze 27:10; 30:4-5
38:6e Sem 10:2-3; Eze 27:14; 32:30
7 a“Timlamaw awla, tiar aw, nangmah le na hnenih pungkhawmaw na mi burpi hmuahhmuah thawn; anmah kiltu na si pei. 8 bNi tampi hnuah kawh na si ding. Kum neta lamah cun ralnâm lakih runsuah, miphun tampi lak ihsi hruaikhawm mipawl umnak ram, Israel tlangpawl, reipi kawlh ih um mi ah na ra lut ding; a mipawl cu miphunpawl lak ihsin hruaisuak an si ih, an zaten atu-ah cun ralmûang zetin an cêng. 9 cNa hung so ding ih thlipi vekin na ra ding, cule nangmah le na hnenih ralkap rual zate le na hnenih miphun tampi cu mero in ram a tuam vek hi na si ding.
38:7a Isa 8:9
38:8b Isa 11:11; 24:22; Jer 23:6; Eze 28:26; 36:24; 37:21; Joe 3:1
38:9c Isa 25:4; Jer 4:13; Joe 2:2; Thu 20:8
10 a“Bawipa Jehovah in hitin a ti: cuih ni ah hitin a si ding, na lungthin sungah ruahnak a suak ding ih, khawkhannak ṭha lo na tuah ding; 11 bcule nang in, ‘Kulh lo mi khuapawlih ram ka sîm ding; ralmûang zet le hnangam zetih cêng mipawl dokalhin ka feh ding, an zaten kulh nei loin an cêng ih, kăwtka le a kalhnak hrawlh khal an nei lo. 12 Ralthillâk la ding le ralthillawn la dingin, a lawnglak zo mi hmun luahsaltupawl le miphunpawl lak ihsi hruaikhawm zo, sumhnám le bungrua nei ih, leitlun laifangih cêngpawl parah kut suah dingin ka feh ding,’ tiah na ti ding. 13 cSheba, Dedan, Tarshish sumtuahpawl le an kiosa vanglai hmuahhmuah in na hnenah, ‘Ralthillâk la dingin na ra maw si? Ralthillawn la dingin, sui le ngun thiarhlo dingin, sumhnám le thilri lahlo dingin, ralthillâk nasa zetih la dingin na mipungkhawm na hruai maw si?’ an lo ti ding.
38:10a Sam 36:4; Jer 17:10; Mik 2:1
38:13c Sem 10:4, 7; 25:3; Isa 10:6; Jer 15:13; Eze 27:15
14 a“Curuangah minung fapa, thuphuang awla, Gog hnenah, Bawipa Jehovah in hitin a ti: cuih ni, ka mi Israel himdamteih an um ding cān cu na thei lo maw? 15 bNa umnak hmun sak lam dĕng ihsin na ra ding, nangmah le na hnenih um minung tam zet, an zate ih rang parih to, mipungkhawm tûm zet, ralkap rual cak zet pawl cu. 16 cMero in ram a tuam bangin ka mi Israel do dingin na hung so ding. Hitin a si ding, ni neta lamah cun ka ram do dingin ka lo hruai ding, cule miphunpawl cun in thei ding, Maw Gog, an mithmuh ah nangmah hmangih ka thianhlimnak ka lăngter tikah cun.
38:14a Pui 25:18; Jer 23:6; Zek 2:5
38:15b Eze 32:30; 39:2; Thu 20:8
38:16c Pui 10:3; Sam 83:17-18; Isa 29:23; Eze 36:23; 39:21; Joe 3:11
17 “Bawipa Jehovah in hitin a ti: anmah dokalhin ka lo hruai ding tiih kum tampi sung, hlanlai ih thu rak phuangtu ka siahhlawh Israel profetpawl hmangih, hi hlanih ka rak sim mipawl lakih pakhat na simaw si?
18 “Cule cuih ni ah hitin a si ding, Israel ram do dingih Gog a rat tikah, ka thinsonak cu a tho ding, Bawipa Jehovah in a ti. 19 aZiangahtile cuih ni ah cun Israel ram ah nasa zetin ling a hnîn tengteng ding, tiin ka thîkthusiat ruangah le ka thinlingsosat ruangah ka phuang a si, 20 bcule tipi sung ngapawl, tlun zuang vatepawl, ramsapawl, lei parih bawkvâk thilnungpawl hmuahhmuah le leilung vangdâp parih um milai hmuahhmuah cu ka hmaika ah an thir rero ding. Tlangpawl niamter an si ding, khāmpawl an cim ding ih, khaw kulh hmuahhmuah lei ah an cim ding. 21 cCule ka tlang zate parah Gog do dingin ralnâm ka ko ding, ralnâm thawn mi kip in anmai unau an do ding, Bawipa Jehovah in a ti. 22 dAmah cu nathri sia le thisen suahnak in dān ka tat ding; amah le a ralkap rual le a hnenih mi tampi parah ruah nasa zet, rial tumpi pi, meisa le kât ka surter ding. 23 eCuti vek cun ka hliraw ding ih, ka thianhlimnak ka langter ding, cule keimah cu miphun tampi mithmuh ah theih ka si ding. Cule annih in keimah cu Jehovah ka si, ti an thei ding,” tiin.
38:19a Sam 18:7; Isa 24:18; Eze 5:13; Joe 2:10; 3:16; Hag 2:6, 21; Thu 6:12
38:20b Sam 76:7-8; Hos 4:3; Nah 1:4-6; Zek 14:4-5
38:21c Isa 66:16; Eze 14:17; Hag 2:22
38:22d Sem 19:24; Suah 9:18, 22-25; Sam 18:12-14; Jer 25:31; Eze 13:13; Thu 9:17; 16:21
38:23e Eze 37:28
1 a“Nang minung fapa, Gog dokalhin thuphuang awla, ‘Bawipa Jehovah in hitin a ti: ngai hnik, Meshek le Tubal uktu
39:1a Sem 10:2; Eze 38:2-3; Thu 20:8
39:2b Eze 32:30
39:5e Eze 32:4
39:6f Suah 6:7; Jer 25:22; Eze 30:8; Thu 20:9
7 a‘Ka mi Israel lakah ka hmin thianghlim ka theihter ding ih, ka hmin ka bawrhhlawhter hai nawn lo ding. Cun miphunpawl in keimah Jehovah cu, Israel ram ih Mi Thianghlim ka si ti an thei ding. 8 bNgai hnik, a ra thleng cing ding, hlensuah a si tengteng ding, Bawipa Jehovah in a ti. Hih ni hi a si, ka rak sim zo mi kha.
39:7a Isa 12:6; 49:26; Eze 13:19; 20:9; 36:20-22
39:8b Eze 7:6-10
9 a‘Cun Israel khawpipawl ih cêngpawl cu an suak ding ih, hriamhreipawl cu mei ah an muah ding, cule an urkāng ding, ralphaw pi le ralphaw te, thál le thál fung, feite le feipi pawl cu an tik ding; kum sarih sung an tik ding. 10 bRamlak ah thing an hlám lo ding ih, tupi sungah an hau fawn lo ding, ziangruangahtile hriamhreipawl cu tihthing ah an hmang, cule anmah rămtupawl an răm ding ih, anmah suamtupawl an suam ve ding, Bawipa Jehovah in a ti.
39:10b Suah 3:22; Isa 14:2; 33:1; Hab 2:8; Zek 12:9
11 a‘Cuih ni ah hitin a si ding, Israel ram ah phumawknak hmun cu Gog ka pe ding, tipi nisuahnak lamih khualtlawng vahveinak phaikuam cu; cule cumi cun khualtlawngpawl a kham thluh ding, ziangruangahtile cu tawkah Gog le a mi burpipawl zaten an phum ding. Curuangah cuih hmun cu Gog Mi Burpipawl Phaikuam tiah an ko ding. 12 bRam thianfai dingin Israel sungza in cupawl cu thla sarih sung an phum ding. 13 cA si, ram mipi hmuahhmuah in an phum ding ih, sunlawih ka si ni ah cumi cu an hminṭhatnak a si ding, Bawipa Jehovah in a ti. 14 Ram thianfai dingin, ram ih phum lo mi ruakpawl phum dingin, ram pumpi va hawl tlaitluan dingin mipapawl ka rethran ding. Thla sarih sung an hawl ding. 15 Ram fángsuaktupawl in an fáng ih, minung ruhkolpawl an hmuh tikah, Gog Mi Burpipawl Phaikuam ah phumtupawl in an phum hlan sung ruhkolpawl kiangah hminsinnak an tuah ding. 16 Cuih khawpi hmin khal Mi Burpipawl ti a si ding. Cuti vek cun ram cu an thianfai ding,’ ti aw.
39:12b Dnp 21:23
17 a“Nang minung fapa, Bawipa Jehovah in hitin a ti, ‘Vate phun zakim le ramsa tinkim hnenah thusim aw:
39:17a Eze 32:4; Zef 1:7; Thu 19:17-18
Pungkhawm uhla, ra uh;
Israel tlangpawl parih thawiawknak rapthlak,
Nan hrangih ka timtuah mi
Raithawinak sa ah cun kil i kip ihsin
Fĭnkhawmaw uh;
Sa nan ei ding ih thisen nan in ding.
18 aMicak sa nan ei ding ih,
Bashan ram ih cawm thau
Tuu cang pawl le tuu fa no pawl,
Me pa le caw cang a si mi leilung uktupawl hmuahhmuah ih thisen nan in ding.
19 bNan hrangih ka timtuah mi
Ka raithawinak hmun ah
Nan hnet hlanlo sa thau nan ei ding ih,
Nan rît hlanlo thisen nan in ding.
20 cRangpawl le a totupawl,
Micakpawl le ral do mipawl hmuahhmuah cu ei in
Ka cabuai ah nan hne ding, Bawipa Jehovah in a ti,’ tiin.
39:19b Pui 3:9
39:20c Hag 2:22; Thu 19:17-18
21 a“Miphunpawl lakah ka ropitnak ka langter ding; miphun hmuahhmuah in ka tuah mi ka dāntatnak le an parih ka thlak mi ka kut an hmu ding. 22 Cuih ni thawkin Israel sungza in keimah hi Jehovah an Pathian ka si, ti an thei ding. 23 bIsrael sungza cu an mawhsualnak ruangah ralkaih ah an feh, ti miphunpawl in an thei ding, ka hnenih an rinum lo ruangah an hnen ihsin ka hmai ka thup. Anmah cu an ralpawl kut ah ka pe hai ih, an zaten ralnâm in an tlu. 24 cAn thianlonak zulhin le an dān pahbălnak zulhin an parah ka tuah ih an hnen ihsin ka hmai ka thup.
39:21a Suah 9:16; Isa 37:20; Eze 38:16
39:23b Isa 1:15; 59:2; Jer 22:8-9
39:24c 2Sp 17:23; Jer 2:17, 19; Eze 7:22; Dan 9:7
25 a“Curuangah Bawipa Jehovah in hitin a ti: atu-ah Jakob-ih vanneihnak ka tungdingsal ih, Israel sungza pumpi parah zahngainak ka nei ding, cule ka hmin thianghlim hrangah ka thîkthu a sia ding. 26 bZohman ih thlaphanter loin, anmai ram ih ralmûangih an cēn tikah, ka parih an rinumlonak hmuahhmuah le an ningzahnak cu an hngilh ding. 27 cMiphunpawl lak ihsi hruaisuaksalin, an ralpawlih ram ihsin fĭnkhawmin, anmah ah miphun tampi mithmuh ih ka thianhlimnak ka lăngter tikah, 28 dmiphunpawl lakih ralkaihnak ih ka fehter hai leh sal ih, anmai ram rori ih ka hruaikhawm lehdān ah annih in keimah cu Jehovah an Pathian ka si, ti an thei ding; cule ralkaih ih tâng an um nawn lo ding. 29 eCule Israel sungza parih ka Thlarau ka burh tikah cun, an hnen ihsin ka hmai ka thup nawn lo ding, Bawipa Jehovah in a ti,” tiin.
39:25a Isa 27:12-13; Jer 30:18; 33:7; Eze 16:53
39:26b 1Sp 4:25; Eze 34:25-28; 38:8; Mik 4:4
39:27c Eze 37:21
39:28d Sam 147:2; Eze 36:23, 36
Temple Thar
1 aKan sál tānnak kum 25-nak, cuih kum kum tir, cuih thla a ni hratnak, khawpi lâk a si hnu a kum hleilitnak, cuih ni cekci ah ka parah Jehovah-ih kut a um ih, bcu tawkah cun i hei hruai. 2 cPathian larnakpawl hmangin anih cun Israel ram ah i rak hruai ih, tlang sâng zet parah i ret, cumi kiang a thlang lamah khawpi pianhmang vek nei khawpi a um. 3 dCule anih in cu tawkah cun i hruai ih, a hmel lăngdan ah dar vekih lang, a kut ih pat zai hri le tahfung keng pa pakhat a rak um, anih cu kăwtka ah a ding.
40:1a 2Sp 25:7; Jer 39:1-10; 52:1-11; Eze 1:1-3; 3:14; 33:21; 37:1
40:1b cu tawkah: Israel ram tinak a si.
40:2c Suah 24:10; Jer 31:12; Eze 17:22-23; Dan 7:1, 7; Thu 21:10
40:3d Eze 1:7; 47:3; Dan 10:6; Zek 2:1-2; Thu 1:15; 11:1
4 aCule cu pa cun ka hnenah, “Minung fapa, ka lo hmuh ding mi hmuahhmuah khi na mit in zoh awla, na hna in thei aw, cule na thinlung pe aw, ziangahtile hipawl ka lo hmuh thei nak dingah, hi tawkih hruai na si. Na hmuh mi thil hmuahhmuah hi Israel sungza hnenah than aw,” tiah i ti. 5 bCule ngai hnik, temple leng lam kimvelin hruang a um ih, cu paih kut ah cun dawng ruk sau tahfung a um (dawng khat hi dawng khat le sum khat a si), cule hruang pianhmang cu a tah ih, a sah lamah tahfung khat a si ih, a san lam khal tlûk khat thotho a si.
40:4a Dnp 6:6; Jer 26:2; Eze 43:10-12; 44:5
40:5b Eze 42:20; Thu 21:12, 15
Nisuahnak lam Temple Kăwtka
6 aCun nisuahnak lam hawi kăwtka lamah a feh ih, a kailawn in a kaiso, cule kăwtka hnuai zawn zial cu a tah ih tahfung khat a kau, a dang kăwtka hnuai zawn zial khal tahfung khat thotho a si. 7 Pindan fate pawl cu tahfung khat sau, tahfung khat kau an si fingfing. Pindan fate pawl ih an karlakpawl cu dawng nga sah an si. Cule sungta inn suknak hulhliap kiangih kăwtka hnuai zawn zial cu tahfung khat a si. 8 Sung lam hawi kăwtka hulhliap khal a tah ih, tahfung khat a si. 9 Cun kăwtka hulhliap cu a tah tikah dawng riat a kau, a sirih ṭhuampawl cu a tah ih dawng hnih sah an si. Cuih kăwtka hulhliap cu sung lam a hawi. 10 Nisuahnak lam ihsin kăwtka khat lam khat lamah pindan fate pathum veve an um, an pathum in tia-aw hlir an si. A sirih ṭhuampawl khal hi lam le khat lam an tia-aw ṭheh.
11 Kăwtka luhnak cu a tah tikah dawng hra a si, kăwtka sau lam khal a tah ih dawng hleithum a ti. 12 Pindan fate pawl hmaiah khat lam khat lamih dawng khat veve kau hmun lawng a um, khat lam khat lamih pindan fate pawl cu a sau lam le a kauh lam dawng ruk cio an si. 13 Cun pindan fate tlun khuh zim cu a dang tlun khuh zim tiang kăwtka cu a tah ih, sângka le sângka hmai hawihawin dawng 25 a kau. 14 aA sir ṭhuampawl a tah ih dawng 60 an sâng, tualrawn lam hawi hulhliap tiang a thleng. 15 Kăwtka tăwntir ihsin sungta kăwtka hulhliap tăwntir tiang dawng 50 a si. 16 bKăwtka cun a kimvelah tukvirhpawl a nei, a sirih pindan fate pawl le an ṭhuampawl lamah khan tukvirhpawl cu an bideuh vingvo, cuti vek cun hulhliap khal in a kimvelah tukvirhpawl a nei ih, ṭhuampawl cu ṭhulhfau kung ih ceimawi an si.
40:14a Thu 21:21
40:16b 1Sp 6:4, 29, 32, 35; 2San 3:5; Eze 40:22; 41:25-26
Lengta Tualrawn
17 aCun lengta tualrawn ah i hruai ih, zoh hnik, tualrawn pumpi kimvelah pindanpawl an um ih, lung an phah; pindan 30 cun lungphah lam an hawi. 18 Lungphah cu kăwtka kapah a um ih, kăwtka can ih kau a si, himi cu lungphah hnuaita a si. 19 bCun kăwtka hnuaita zim ihsin sungta tualrawn zim tiang a kauh lam a tah ih, nisuahnak lam le sak lamah dawng 100 veve a ti.
40:17a 1Sp 6:5; 2San 31:11-12; Eze 41:6; 42:1; 45:5; Thu 11:2
40:19b Eze 46:1
Sak lam Kăwtka
20 Lengta tualrawn ih sak lam hawi kăwtka sau lam le kauh lam a tah fawn. 21 Kăwtka pindan fate pawl cu khat lam khat lamah pathum veve an um, a sirih ṭhuampawl le a hulhliappawl cu kăwtka hmaisa tia thotho an si, a sau lamah dawng 50, a kauh lamah dawng 25 an si. 22 aA tukvirhpawl le a hulhliappawl le a ṭhulhfau kungpawl khal nisuahnak lam hawi kăwtka ta vek kha an si. Cu tawkih feh ding cun karbak pasarih palso a ṭul ih, cupawl hmaiah hulhliap a um. 23 bSungta tualrawn kăwtka cu nisuahnak lam kăwtka vek thothoin sak lam kăwtka zawnah a um. Kăwtka le kăwtka karlak a tah ih dawng 100 a si.
40:22a Suah 20:26; 1Sp 6:29-35; 7:36; 2San 3:5; Eze 40:16, 19, 26, 31, 49
40:23b Suah 27:9-18; 38:9-12; Eze 40:19, 27
Thlang lam Kăwtka
24 aCuih hnuah thlang lamah i hruai ih, ngai hnik, thlang lam hawi kăwtka pakhat a rak um. Cule a sirih ṭhuampawl le a hulhliappawl cu a tah ih, a dangpawl thawn an tia-aw ṭheh. 25 Kăwtka le a hulhliap cun a kimvelah a dang vek thothoin tukvirh a nei; a sau lam cu dawng 50 a si ih, a kauh lam cu dawng 25 a si. 26 Cu tawkah karbak pasarih nei kailawn a um so, a hulhliap cu an hmaiah a um ih a ṭhuam khat lam khat lamin ṭhulhfau kung in an cei. 27 Sungta tualrawn thlang lamah kăwtka pakhat a um, cule kăwtka pakhat ihsin thlang lam kăwtka tiang a tah vivo ih, dawng 100 a si.
40:24a Eze 40:21
Tual Sungta Kăwtka
28 Cun thlang lam kăwtka zawhin sungta tualrawn ah i hruai, thlang lam kăwtka cu a tah ih, a dang tapawl thawn an tia-aw. 29 Cule a sirih pindan fate pawl, a sirih ṭhuampawl le a hulhliappawl cu a dangpawl thawn an tia-aw ṭheh. Kăwtka le a hulhliap in a kimvelah tukvirh an nei, cumi cu dawng 50 a sau ih dawng 25 a kau. 30 A kimvelin hulhliappawl an um ih dawng 25 sau le dawng 5 kau an si. 31 Kăwtka hulhliap cun lengta tualrawn lam a hawi, a sirih ṭhuampawl cu ṭhulhfau kung in an cei, a kaisohnak cu karbak pariat a si.
32 Cun anih in nisuahnak lamih sungta tualrawn ah i hruai, kăwtka cu a tah ih a dangpawl thawn an tia-aw. 33 Kăwtka pindan fate pawl le a sirih ṭhuampawl le a hulhliappawl cu a dangpawl thawn an tia-aw. Kăwtka le a hulhliap cun an kimvelah tukvirh an nei, cumi cu dawng 50 a sau ih dawng 25 a kau. 34 A hulhliap cun lengta tualrawn lam a hawih ih, khat lam khat lamih a sirih ṭhuampawl cu ṭhulhfau kung in an cei, a kaisohnak cu karbak pariat a si.
35 aCun sak lam kăwtka ah i hruai, cule cumi cu a tah ih a dangpawl thawn an tia-aw. 36 Kăwtka sirih pindan fate pawl, a sirih ṭhuampawl le a hulhliap cu a dangpawl thawn an tia-aw. A kimvelah tukvirhpawl a nei, a sau lam dawng 50 a si ih, a kauh lam dawng 25 a si. 37 A hulhliap in lengta tualrawn lam a hawi, khat lam khat lamih a sirih ṭhuampawl cu ṭhulhfau kung in an cei, a kaisohnak cu karbak pariat a si.
40:35a Eze 40:20-21, 32-33; 44:4
Raithawinak Timlamnak Hmun
38 aCule kăwtka ih hulhliap luhnak ṭhuampawl kiangah pindan pakhat a um, cu tawk hmun ah Meiur Thilhlăn ding pawl an khawlh ṭheu. 39 bCule kăwtka hulhliap khat lam khat lam kapah cabuai pahnih veve an um. Cu tawk cu Meiur Thilhlăn, Sual Thilhlăn le Mawh Thilhlăn pawl thahnak ding hmun a si. 40 Leng lamah, sak lam kăwtka kaisohnak lamah cabuai pahnih an um, hulhliap khat lam khalah cabuai pahnih an um. 41 Khat lamah cabuai pali an um ih, a dang khat lamah cabuai pali an um, cutin an raithawinakpawl cu cuih cabuai pariat pawl parah an that ṭheu. 42 cMeiur Thilhlăn hrang lungto ser ih tuah mi cabuai pali, an sau lam dawng khat le a hrek, an kauh lam dawng khat le a hrek, an san lam dawng khat an um, cupawl parah Meiur Thilhlăn le raithawinak ding thahnak hmanruapawl an ret. 43 A sung lamah cun sum khat can thirkutpawl, a kimvel hmuahhmuah ah an thlai ih, cabuaipawl parah thilhlăn sa a um.
40:39b Pui 4:2-3, 27-29; 6:8-13; 7:1-2; Eze 46:2
40:42c Suah 20:25; Eze 21:9-11
Puithiampawl hrang Pindan
44 aSungta kăwtka lengah sungta tualrawn ih hlasaktupawl hrangah pindan a um, pakhat cu sak lam kăwtka kiangah a um ih, thlang lam a hawi, a dang pakhat cu thlang lam kăwtka kiangah a um ih sak lam a hawi. 45 bCun anih in ka hnenah, “Thlang lam hawi pindan cu temple ih ṭuanvo neitu puithiampawl hrangah a si. 46 cSak lam hawi pindan cu biakṭheng ṭuanvo neitu puithiampawl hrangah a si; cupawl cu a rawngbawl dingih Jehovah naihtu, Levi fapapawl lakih Zadok-ih fapapawl an si,” tiah i ti.
40:44a 1San 6:31-32; 16:41-43; 25:1
40:45b 1San 9:23
40:46c Pui 6:12-13; Mip 16:5; 18:4-5; 2Sam 8:17; 1Sp 2:35; Ezr 7:2; Eze 42:13; 43:18-19; 44:10, 14-16
47 aCule anih in tualrawn cu a tah, sir li canrep thluh a si ih, dawng 100 kau a si, cule biakṭheng cu temple hmaiah a um.
40:47a Eze 41:13-14
Temple Luhnak
48 aCule anih in temple hulhliap ah i hruai ih, hulhliap sirih ṭhuampawl a tah, khat lam khat lam dawng nga veve an si. Cule kăwtka kauh lam cu dawng hleili a si ih, kăwtka sir phar cu khat lam khat lam dawng thum veve a si. 49 bHulhliap cu a sau lam dawng kul a si ih, a kauh lam dawng hleikhat a si. Kaisohnak cu karbak pahra a si, a sirih ṭhuampawl kiangah ṭhuam pakhat veve an um.
40:49b 1Sp 6:3; 7:15-22; 2San 3:4, 15-17; Thu 3:12
Hmun Thianghlim Kauh Lam
1 Cuih hnuah hmun thianghlim ah i hruai ih, a sirih ṭhuampawl a tah, khat lam khat lamah dawng ruk an sah, cumi cu biakbûk kauh lam rual ah an um. 2 aSângka cu dawng hra kau a si ih, sângka sirih phar cu khat lam khat lamin dawng nga veve an si. Cule biakbûk cu a tah ih, dawng 40 sau, dawng 20 kau a si.
41:2a 2San 3:3
3 Cun anih cu a sungah a lut ih, luhnak sirih ṭhuampawl cu a tah, dawng hnih an si; cule sângka cu dawng ruk a sâng ih, a sirih phar kauh lam dawng sarih veve an si. 4 aAnih cun hmun thianghlim leng lam tiang a tah ih, dawng 20 sau, dawng 20 kau a si, cule anih in ka hnenah, “Hihi Hmun Thianghlim Bik a si,” tiah i ti.
41:4a Suah 26:33; 1Sp 6:20; 2San 3:8; Heb 9:2-8
Temple kimvelih Pindanpawl
5 aCuih hnuah temple phar a tah ih, dawng ruk a sah; temple kimvel sir tin ih pindanpawl cu dawng li ciar an sah. 6 bA sirih pindanpawl cu sâwng thum an si, sâwng khat tlunah sâwng khat vivoin, sâwng khat ah pindan 30 ciar an um, a sirih pindanpawl an kaih hngetawk thei nak dingah temple phar kimvelah kaih hngetawknak a um, asinan temple phar parah cun an bunaw lo. 7 cSâwng khat hnu sâwng khat a kaisoh tikah, inn sâwng khat hnu sâwng khat a kimvelin a kauso vivo. Ziangruangahtile temple phar sungih anmah dotu ṭhuam bil pawl cu karbak vekin a kauso vivo. Curuangah temple cu a san deuhdeuh asile a kau deuhdeuh. A hnuaitabik ihsin a laita paltlăngin a tlunta bik ah an feh ṭheu. 8 Ṭhumawknak sâng khal temple kimvelah ka hmu, a sirih pindanpawl lungphum cu tahfung tlûk khat, dawng ruk a si. 9 A sirih pindanpawlih leng lam phar sahdān cu dawng nga an si ih, temple sirih pindanpawl le, 10 a dang pindanpawlih karlakah dawng kul kau temple kimvelah hmun lawng a um. 11 A sir pindanpawlih sângkapawl cu hmun lawng lamah ăwn an si ih, pakhat in sak lam a hawi ih, a dang pakhat in thlang lam a hawi, cule a sir tluanin hmun lawng cu dawng nga kau a si.
41:5a 1Sp 6:5
41:6b 1Sp 6:6, 9-10; Eze 40:17
41:7c 1Sp 6:8
12 Inn-ih nitlaknak lam zim ih um tualrawn hrante hawihtu inn cu dawng 70 a kau, a phar kimvelin dawng nga sah hlir a si ih, dawng 90 a sau.
13 Temple cu a tah ih dawng 100 a sau, cule inn tualrawn hrante le a phar siartelhin dawng 100 kau a si. 14 aTualrawn hrante telin, temple nisuahnak lam hmai lam cu dawng 100 a si fawn.
41:14a Eze 40:47
15 aTemple dung lamih um mi tualrawn hrante leng lam ihta inn a tah ih, khat lam khat lamih bkhawcăwnnak varanda veve thawn dawng 100 sau a si, temple sung lam le tualrawn hulhliap telin, 16 csângka hnuai zawn zialpawl, tukvirh fate pawl le a sâwng thum kimvelih sângka hnuai zawn zial raldenih khawcăwnnak varandapawl cu zial ihsin tukvirhpawl tiangin thing pheng ih ceimawi an si, cule tukvirhpawl cu ceimawi an si. 17 Sângka tlun, inn sung lam le leng lam tiangin, phar kimvel cu a sung a leng in tah ṭheh a si.
41:15a Eze 42:2-3, 5
41:15b khawcăwnnak varanda: Temple kulh sungih puithiampawl inn tlunih hmun lawng.
41:16c 1Sp 6:4, 15, 18; Eze 40:16, 25; 42:3
18 aCule cherub-pawl
41:18a Suah 37:6-9; 1Sp 6:18, 23-29; 2San 3:5, 7; Eze 10:20-21; 40:16
41:19b Eze 10:4, 14
21 Temple sângka biangpawl cu kil li canrepaw hlir an si ih hmun thianghlim hmai khal cuvek thotho a si. 22 aBiakṭheng cu thing ih tuah a si, dawng thum sâng, dawng hnih sau a si. A kil, a tawphah, a sir cu thing ih tuah an si, cule anih in ka hnenah, “Himi hi Jehovah hmaika ih um mi cabuai a si,” tiah i ti.
41:22a Suah 25:23, 30; 30:1-3; Pui 24:5-9; 1Sp 6:20; Eze 23:40-41; 44:15-16; Mal 1:7, 11-12
23 aHmun thianghlim sungta le lengta in sângka pahnih an nei veve. 24 bSângkapawl cun hnah hnih an nei, thleh theih hnah hnih an nei veve ih, sângka pakhat in hnah hnih, a dang sângka pakhat in hnah hnih an nei veve. 25 cCherub-pawl le ṭhulhfau kungpawl cu phar parih kher an si bang khan temple sângkapawl par khalah kher an si. Hulhliap leng lam hmai lamah thing pheng ih tuah mi daihnem a um. 26 dHulhliap phar khat lam khat lam cu tukvirh te pawl le ṭhulhfau in an ceimawi ih, temple pindanpawl le daihnempawl cu, cuti vekih tuah an si.
41:23a 1Sp 6:31-33
41:24b 1Sp 6:34
41:25c 1Sp 6:35
41:26d Eze 40:16
Puithiampawl hrang Pindan
1 aCun sak lam zinin lengta tualrawn ah i hruaisuak ih, hmun lawnglak ralden, sak lam inn hmai zawn pindanpawl lamah i hruai. 2 Sângka sak lam hawi inn sau lam cu dawng 100 a si ih, a kauh lam cu dawng 50 a si. 3 bSungta tualrawn ihta dawng 20 lam hawiin le lengta tualrawn ih lungphah hawiin sâwng thum khawcăwnnak varanda thawi bangaw khawcăwnnak varanda a um. 4 cPindanpawl hmai lamih an sung lamah dawng hra kau, dawng 100 sau fehnak lamzin a um, cule an sângkapawl in sak lam an hawi. 5 Tlunta pindanpawl cu an bisawn, ziangruangahtile inn sâwng hnuaitabik le a laita hnakin khawcăwnnak varanda in hmun a luah tam cuang. 6 Ziangahtile cupawl cu sâwng thum an si ih, tualrawn ṭhuam vek ṭhuam an nei ve lo, curuangah sâwng tlunta bik cu tăngta bik le a laita hnakin a zial cu a bi cuang. 7 Pindanpawl hmaiah cuih pindanpawl zawnah lengta tualrawn lam panin dawng 50 sau hruang a um. 8 Lengta tualrawn zawnih pindanpawlih sau lam cu dawng 50 an si ih, temple zawnih pindanpawl cu dawng 100 a si. 9 dCule lengta tualrawn ihsin ra luh tikah pindanpawlih hnuaiah nisuahnak lamah luhnak a um.
42:1a Eze 40:1-7, 20; 41:12-14
42:4c Eze 46:19
42:9d Eze 44:5
10 aLuh sianlonak hmun zawn le a innpi zawn thlang lam tualrawn hruang sahnak lamah pindanpawl an um fawn. 11 Cu tawk khalah an hmaiah fehnak zin a um ih, sak lam pindanpawl thawn an bangaw, an sau le an kauh khal a dang vek thotho an si, an suahnak, an sakdān le an luhnak hmuahhmuah ah 12 thlang lam hawi pindanpawl thawn an bangaw. Nisuahnak lam ihsi ra luh tikah hruang zawnih um lamzin lu ah luhnak a um.
42:10a Eze 41:12-14
13 aCun anih in ka hnenah, “Luh sianlonak hmun raldenih sak lam pindanpawl le thlang lam pindanpawl cu Jehovah pantu puithiampawl in thilhlăn thianghlim pawl an einak ding pindan thianghlim pawl an si. Cu tawkah Thlairawl Thilhlăn, Sual Thilhlăn le Mawh Thilhlăn ti mi thilhlăn thianghlim pawl an ret ding a si, ziangahtile cuih hmun cu a thianghlim a si. 14 bCu tawkih puithiampawl an luh tikah, cu tawkih rawng an bawlnak an sinfen thawn pindan thianghlim suahsanin lengta tualrawn ah an feh ding a si lo, an rawngbawlnak sinfenpawl cu an tân ta ding a si, ziangahtile cupawl cu an thianghlim a si. Sinfen dang an hruk pei, cutin mipi an naih thei ding,” tiah i ti.
42:13a Suah 29:31-34; Pui 2:3, 10; 4:13-14; 6:14-30; 10:17; Mip 18:9-10; Eze 40:46; 41:12-14; 43:19
42:14b Suah 29:4-9; Pui 6:23-24; 8:6-9, 13; Eze 44:19
Temple Leng lam Kauhzia
15 aCule temple sung lam a tah ṭheh thlang ih, nisuahnak lam hawi kăwtka lamah i hruai, cun a kimvelin a tah ṭheh. 16 Tahfung in nisuahnak lam a tah ih, a kimvel hmuahhmuah cu tahfung ih tahin dawng 500 a si. 17 Sak lam a tah ih, tahfung ih tahin dawng 500 a si. 18 Thlang lam a tah ih, tahfung ih tahin dawng 500 a si. 19 Nitlaknak lamah a her ih, tahfung ih tahin dawng 500 a si. 20 bA sir li in a tah, hmun thianghlim le hmun thianghlim lo ṭhen thei nak dingah a kimvelin dawng 500 sau, dawng 500 kau hruang a um.
42:15a Eze 43:1-2, 4
42:20b Eze 22:26; 40:5-6; 43:12; 45:1-2; Zek 2:5; Thu 21:15-17
Pathian Ropitnak
1 aCuih hnuah kăwtka ah i hruai, nisuahnak lam hawih kăwtka ah. 2 bCule ngai hnik, nisuahnak lam ihsin Pathian ropitnak a ra. A aw cu tidai tampi thâwm vek a si ih, leilung cu a ropitnak in a êng. 3 Larnak ka hmuh mi cu khawpi tisiat dingih a rat laiih ka rak hmuh mi larnak thawn le Kebar tiva kiangih ka hmuh mi larnak vek thotho a si; cule leisin bihin ka băwk. 4 cCun Jehovah-ih ropitnak cu nisuahnak lam hawi kăwtka lamzin ihsin temple sungah a lut. 5 dThlarau in i cawiso ih, sungtadeuh tualrawn ah i ret; cule ngai hnik, Jehovah-ih ropitnak in temple a luahkhat.
43:1a 1San 9:18; Eze 8:16; 46:1
43:2b Sam 29:3-4; Isa 6:3-4; Eze 1:24, 28; 11:22-23; Thu 1:15; 14:2; 18:1; 19:6
43:4c Eze 10:3-4, 18-19; 11:22-23
43:5d Suah 16:7; 40:34; 1Sam 4:21-22; 1Sp 8:10-11; Eze 3:12; 11:24; Thu 21:10-11, 22-23
6 Cun mi pakhat kha ka kiangih a dīn laiah, temple sung ihsin zo in simaw i bia-in ka thei. 7 aCule anih in ka hnenah, “Minung fapa, himi hi ka laltokham umnak hmun le ka kephah retnak hmun, Israel tefapawl lakih kumkhua ka cēnnak ding hmun a si hi! Israel sungza in ka hmin thianghlim cu anmah in siseh, an siangpahrangpawl in siseh, an hlawhhlannak le an hmun sâng pawl ih an siangpahrang ruakpawl khal in siseh an bawrhbangter nawn lo ding. 8 bAn sângka hnuai zawn zial cu ka sângka hnuai zawn zial kiangah an ret ih, an sângka biang cu ka sângka biang kiangah, anmah le keimah karlakah phar lawng umterin an thil ti fihnungza pawl cun ka hmin thianghlim cu an bawrhbangter; curuangah ka thinhengnak in cemrál ko ka tuah hai. 9 cAtu-ah an hlawhhlannak le an siangpahrangpawlih ruak cu ka hnen ihsin hla zetah ret hai seh, cule an lakah ka cêng kumkhua ding.
43:7a Pui 26:27-28, 30; Jer 3:6-10; Eze 6:4-7, 13; 20:27-32, 39-41, 44; 37:23
43:8b Eze 8:3, 16
43:9c Suah 25:8; 29:45-46; Sam 68:16; 132:13-14; Isa 57:15; Eze 37:26-28; Thu 21:3
10 a“Nang minung fapa, an mawhsualnakpawl an zahpinak dingah Israel sungza hnenah temple hi simfiang hai aw; cule annih in a ruahmandān cu tah hnik hai seh. 11 bAn rak tuah mi hmuahhmuah an zahpi asile, temple ruang zĭngdān le rĕmkhawmdān, a suahnakpawl le a luhnakpawl, a riruangpawl le a zīn le dān pawl hmuahmuah, a ruangâm hmuahhmuah le a dānpawl hmuahhmuah an hnenah theihter aw. A ruang zĭng cia mi pumpi le a zīn le dān hmuahhmuah an thlun ih an nunpi thei nak dingah, cumi cu an mithmuh ah ngan aw. 12 cHimi hi temple dān cu a si: tlang zim kiangkap pumpi cu hmun thianghlimbik a si. Ngai hnik, hihi temple dān a si.
43:10a Eze 16:61, 63
43:11b Eze 11:19-20; 44:5
Biakṭheng
13 a“Hihi dawng ih tahin biakṭheng tûm lam a si: dawng khat cu dawng khat le sum khat a si; a tawphah cu dawng khat sâng le dawng khat kau a si, a tlang kimvel hmuahhmuah cu khâp khat vivoin a kûal ding a si. Himi hi biakṭheng san lam a si: 14 blei ih a tawphah ihsin a hnuaita biang cu dawng hnih a si ih, a sah lam dawng khat a si; a hnuaita biang ihsin tlunta biang tiang dawng li a si ih, dawng khat sah a si. 15 cBiakṭheng thŭk cu dawng li a sâng ih, biakṭheng thŭk zawn ihsin ki pali a suak. 16 dBiakṭheng thŭk cu dawng hleihnih a sau ih, dawng hleihnih a kau, a biang pali cu an canaw ṭheh; 17 ecule a biang pali cu an canaw ṭheh, a biang cu dawng hleili a sau ih, dawng hleili a kau; a sah lam cu dawng hrek a si; a tawphah cu a kimvelin dawng khat a si; a karbakpawl cun nisuahnak lam an hawi,” tiah i ti.
43:13a Suah 20:24; 27:1; 2San 4:1
43:14b Eze 43:17, 20; 45:19
43:15c Suah 27:2-4
43:16d Thu 21:16
43:17e Suah 20:26; 27:1, 5-8; Eze 45:19
18 aCule anih in ka hnenah, “Minung fapa, Bawipa Jehovah in hitin a ti: a parih Meiur Thilhlănpawl thawinak
43:18a Suah 40:29; Pui 1:5, 11; Heb 9:21-22; 10:4-7, 11-18
43:19b Suah 29:10-14; Pui 4:2-3; Mip 16:39-40; 2Sam 8:17; Ezr 7:2; Eze 40:46; 44:15-16
43:20c Pui 4:7; 8:15; 16:17-19; Eze 45:18-20
43:21d Suah 29:14; Pui 4:11-12; Heb 13:10-14
22 “Ni hnihnak ah Sual Thilhlăn ah sawisel ding um lo me cang pakhat na hlan pei; cule biakṭheng cu caw pa thawi an thenfai vekin an thianfai pei. 23 aBiakṭheng na thianfai tikah, sawisel ding um lo caw pa tûai pakhat le sawisel ding um lo rante rual lak ihsin tuu cang pakhat na hlan pei. 24 bCupawl cu Jehovah hmaika ah na hlan pei ih, puithiampawl in cupawl parah cite an phulh pei, cule Jehovah hnenah cupawl cu Meiur Thilhlăn ah an hlan ding a si. 25 cNi sarih sung cu ni tin Sual Thilhlăn ah me cang pakhat na timtuah pei; sawisel ding um lo caw pa tûai pakhat le rante rual lakih tuu cang pakhat khal an timtuah fawn pei. 26 Ni sarih sung cu biakṭheng hrangah sualkhuhthawinak an tuah pei ih, an thianfai ding a si, cule biakṭheng cu an serhhran pei. 27 dCuih nipawl a cem tikah, hitin a si ding, ni riatnak le cumi hnuah, puithiampawl in biakṭheng parah nan Meiur Thilhlănpawl le nan Remnak Thilhlănpawl an hlan pei; cule ka lo cohlang hai ding, Bawipa Jehovah in a ti,” tiah i ti.
43:23a Suah 29:1; Pui 22:17-25
43:24b Pui 2:13; Mar 9:49-50
43:25c Suah 29:35-37; Pui 8:33
43:27d Suah 32:4-6; Pui 6:8-13; 7:11-15; 9:1-4; Isa 60:7
Temple Thar ih Pathian Biaknak
1 aCun anih in nisuahnak lam hawi hmun thianghlim lengtadeuh kăwtka ah i hruaikir, asinan cucu a kharaw. 2 bCule Jehovah in ka hnenah, “Hi kăwtka cu khar a si ding; ăwn a si lo ding ih, cumi ihsin zohman an lut lo ding, ziangruangahtile Israel-ih Pathian Jehovah cu cuih kăwtka ihsin a rak lut; curuangah khar a si pei. 3 cUktu lawngte cu Jehovah hmaika ih rawl ei dingin cu tawkah cun a to ding; hulhliap kăwtka zin ihsin a lut pei ih, cuih zin thothoin a suak pei,” tiah i ti.
44:1a Eze 43:1
44:2b Eze 43:4-5
44:3c Suah 24:9-11; Eze 46:1-3, 8
4 aAnih cun temple hmaiah sak lam kăwtka zin ihsin i rak hruai; ka hun zoh ih, ngai hnik, Jehovah-ih ropitnak in Jehovah inn cu a luahkhat; cule leisin bihin ka băwkkhup.
5 bCule Jehovah in ka hnenah, “Minung fapa, ṭhaten hminsin awla na mit in zoh aw, cule Jehovah inn zīn le dān thuhla na hnenih ka lo sim mi hmuahhmuah le a dān hmuahhmuah kha ngaithla aw. Inn sungih luhnak ding le hmun thianghlim ihsi suahnak ding pawl hmuahhmuah kha ṭhaten hminsin hai aw.
6 cHelhmang Israel sungza hnenah sim aw, ‘Bawipa Jehovah in hitin a ti: Maw Israel sungza, nan thil fihnungza pawl hmuahhmuah hi tawk thlang seh.
7 dKa hmun thianghlim sungah ram dang mi, thinlung serh tan lo mi, titsa serh tan lo mipawl nan run hruai, bawrhbangter dingah ka hmun thianghlim ih rung lut ih, ka rawl a si mi thau le thisen nan hlan tikah khan, ka inn rori cu nan bawrhbangter a si. Cule nan thil fihnungza pawl hmuahhmuah hleiah, annih in ka thukham
44:4a Isa 6:3-4; Eze 3:23; 10:4; 40:35; Dan 8:17; Thu 15:8
44:5b Eze 40:4; 42:9; 43:10-11
44:7d Sem 17:14; Suah 12:48; Pui 26:40-42; Jer 9:25-26; Apo 21:28
44:8e Pui 22:2, 10; Mip 18:7
44:9f Jer 9:25-26; Joe 3:17; Zek 14:21
Levi-mipawlih Sualnak
10 a‘An milempawl thlunih Israel-mipawl ka hnen ihsin hla zetih an rak feh pen hlo laiih ka hnen ihsi hla zetih rak fehpêng hlo tu Levi-mipawl in anmai mawhsualnak an tuar ding. 11 bAnnih cu inn kăwtka kiltu le inn rawngbawltu dinhmun in ka hmun thianghlim ah rawngbawltu an si ding a si; mipi hrangah Meiur Thilhlăn le thawiawknak ran an that pei, cule anmah rawngbawlsak dingin mipi hmaiah an dīng pei. 12 cAn milempawl hmaiah rawng an bawlsak hai ih, mawhsualnak ah Israel sungza an rak tlukter ruangah anmai mawhsualnak cu anmah in an tuar ding, tiin anmah dokalhin bān pharin thukamnak ka rak tuah a si, Bawipa Jehovah in a ti. 13 dCule puithiam dinhmun ih rawngbawl dingin in ra naih lo ding ih, ka thil thianghlim zianghman an naih lo ding, thil thianghlimbik khal; asinan an rak tuah mi an thil fihnungza pawl le an ningzahnak cu an tuar ding a si. 14 eCuti si khal sehla an hna hmuahhmuah le a sungih tuah ding mipawl hmuahhmuah tuah dingin, temple kilkhawi ṭuanvo ka pe hai ding.
44:10a Mip 18:21-23; Sam 95:10-11
44:11b Mip 3:5-37; 16:8-11; 1San 26:2-19; 2San 29:34
44:12c 2Sp 16:10-16; Sam 106:26; Isa 9:16; Jer 14:10; 18:15, 17
44:13d Mip 18:3; 2Sp 23:9; Eze 16:60-63
44:14e Mip 18:4, 6; 1San 23:27-32; Eze 40:45
Puithiampawl hrang Dān
15 a‘Asinan Israel tefapawl ka hnen ihsin an feh pen hlo laiah ka hmun thianghlim kilkhawitu Levi cithlah puithiampawl, Zadok-ih fapapawl cun ka rawngbawl dingin in run naih ding; cule thau le thisen in hlan dingin ka hmaiah an dīng ding a si, Bawipa Jehovah in a ti. 16 bKa hmun thianghlim ah an lut pei ih, ka rawngbawl dingin ka cabuai an ra naih ding ih, ṭuanvo ka pek mi an hlensuak ding a si. 17 cCule hitin a si ding, sungta tualrawn kăwtkapawl an luh tinten, pat zai tah mi sinfen an hruh pei; sungta tualrawn kăwtkapawl sung le inn sungih rawng an bawl laiah sahmul hnipuan an hruh lo pei. 18 dAn lu ah pat zai lupâwng an ngerh pei ih, an tâi ah pat zai puante an kaih pei. Thlan suakter thei mi hnipuan zianghman an hruh lo pei. 19 eMipi hnen, tualrawn lengta ih an suah tikah rawng an bawlnak sinfenpawl cu an hlit pei ih, pindan thianghlim sungah an tân pei, cule an sinfen thianghlim pawl thawn mipi an tithianghlimlonak dingah, sinfen dang an hruh ding a si.
44:15a Suah 29:13; Pui 3:16; 1Sam 2:35; 2Sam 15:27; Ezr 7:1-2; Jer 33:17-18; Eze 40:46; 43:19; 48:11; Zek 3:7
44:16b Mip 18:5; Eze 41:22; Zek 3:7
44:17c Sem 41:42; Suah 28:1-5, 15, 39-43; Pui 19:19; Thu 19:8
44:18d Suah 28:39-43; 39:27-31; Pui 16:4
44:19e Pui 6:10-11; 16:23-24; Eze 42:14; 46:20
20 a‘An lu an ziatkawlh lo pei, an sám a sau fawn lo pei, a mawi tawkten an met ding a si. 21 bTualrawn sungtadeuh ih an luh tikah puithiam in sabit zu an in lo pei. 22 cNupi ah nuhmei le mâk mi nunau an ṭhi lo pei, Israel sungza tesinfa fala him, asilole puithiam ih thihsăn mi nuhmei an ṭhi sawn ding a si. 23 dCule ka mipawl cu thil thianghlim le thianghlim lo danglamzia an zirh pei ih, thil thiang le thiang lo an thleidangter ding a si. 24 eThubuai a um tikah puithiam cu thuṭhentu dinhmun in an dīng pei ih, ka zīn le dān pawl bangtukin thu an ṭhen pei. Ka ruat mi puaipawl hmuahhmuah ah ka dānpawl le ka sakhaw dānpawl an thlun pei ih, ka Sabbath-pawl an thianghlimter ding a si. 25 fMah le mah bawrhbangawter dingin mithi ruak an naih lo pei. Asinan pa simaw, nu simaw, fapa simaw, fanu simaw, unau mipa simaw, pasal nei lo unau nunau simaw hrang lawngah an bawrhbangawter thei. 26 gA thianfaiawk hnuah, a hrangah ni sarih an siarsak ding a si. 27 hCule hmun thianghlim ih rawngbawl dingin hmun thianghlim ih a feh ni ah, sungta tualrawn ah a sual thilhlăn a hlan tengteng pei, Bawipa Jehovah in a ti.
44:20a Pui 21:5; Mip 6:5; Eze 5:1; Apo 21:23-26
44:21b Pui 10:9
44:22c Pui 21:7, 13-15
44:23d Sem 7:2; Pui 10:10; 12:2; 13:2; 14:2, 54-57; 15:31-33; 20:26; Jer 15:19; Eze 22:26; Hag 2:11-14; Mal 2:4-8
44:24e Pui 23:2-3; Dnp 17:8-9; 2San 19:5-10
44:26g Pui 8:33; 12:2; Mip 19:11, 14, 22
44:27h Pui 4:27-29; 5:5-6; 9:1-2; Mip 6:2, 8-12
28 a‘Cule hitin a si ding, an ro thuhla ah, keimah cu an co mi ro ka si. Israel ram ah covo zianghman nan pe hai lo pei, ziangahtile keimah hi an covo ka si. 29 bThlairawl siseh, sual thilhlăn siseh, mawh thilhlăn siseh an ei pei; Israel ram ih hlăn mi thil pauhpauh cu anmai ta a si pei. 30 cThlaithar hmaisabik lakih a ṭhabik pauhpauh le thawhhlawm nan pek mi zaten puithiampawl ta an si pei; na inn sungih malsawmnak a umlan ta thei nak dingah, nan sangvut thar hmaisabik cu puithiam hnenah nan pe pei. 31 dMah te thi le ramsa ih thlek mi vate le ramsa zianghman puithiampawl cun an ei lo pei.
44:28a Mip 18:20; Dnp 10:9; 18:1-2; Jos 13:14, 33; Eze 45:4
44:29b Pui 6:16, 26; 7:7; 27:21, 28; Mip 18:9, 14, 21; 1Ko 9:11-12
44:30c Pui 25:20-22; Mip 3:11-13; 15:18-21; 18:12-14, 19; 2San 31:4-5, 10; Neh 10:35-37; Mal 3:8-10
44:31d Suah 22:31; Pui 11:39-40; 22:8; Dnp 14:21; Lai 14:8-9; Mar 5:41-42
Ramṭhen Thianghlim
1 a‘Cuihtlunah camcawhfung zûknak hmangin ro hrangih ram nan zemawk tikah, ramṭhen thianghlim pakhat, ramṭhen pakhat cu Jehovah hrangah nan serhhran pei; a sau lam cu dawng 25000 a si pei ih, a kauh lam cu dawng 10000 a si pei. Cuih ramri kulh sung hmuahhmuah cu a thianghlim ding a si. 2 bCumi ah hmun thianghlim hrangah leiram sir li canaw ṭheh mi, dawng 500 hrawng sau, dawng 500 hrawng kau le a kimvelah hmun lawng dawng 50 zuah a si pei. 3 Himi ramṭhen ihsin dawng 25000 sau le dawng 10000 kau tah aw; cu tawkah hmun thianghlim a um pei, Hmun Thianghlim Bik cu. 4 cCumi cu ram sungih hmun thianghlim, puithiampawlih ta, hmun thianghlim rawngbawltu, Jehovah rian dingih va naihtu, puithiampawlih ta a si pei; cuih hmun cu inn thianghlim hrangih hmun thianghlim a si pei. 5 dHmun dang a sau lam dawng 25000 le a kauh lam dawng 10000 khal temple rawngbawltu, puithiampawl ta thotho a si pei; annih in pindan 20 an nei pei.
45:1a Mip 26:52-56; 34:13; Eze 47:21; 48:8-12, 29
45:2b Eze 42:20
45:5d Eze 48:13-14
Uktu Covo
6 a‘Ramṭhen thianghlim serhhran zo mi kiangah khawpi dingah a kauh lam dawng 5000, a sau lam dawng 25000 nan ruat pei; cumi cu Israel sungza pumpi ta a si pei.
45:6a Eze 48:15-20
7 a‘Uktu covo cu serhhran zo mi ramṭhen thianghlim khat lam le khat lam sir veve le khawpi dingih ruat mi hmun khat lam le khat lam sir veve ah a si pei; uktu covo cun nitlaknak lam le nisuahnak lamah ramṭhen thianghlim le khawpi hmun cu a va rî ding a si. Nitlaknak lam ihsin nisuahnak lam hawiin uktu covo cun zem cia mi ram thlurhin a um ding a si. 8 bCucu Israel ram ih amai covo ding a si: cule ka uktupawl cun ka mipawl an palbĕt nawn lo ding, cuhnakin Israel sungza cu a tāng lai mi ram khal an hnám izirin an pe sawn ding a si.
45:7a Eze 48:21
45:8b Mip 26:53-55; Eze 46:18
Uktu hrang Dān
9 a‘Bawipa Jehovah in hitin a ti: Maw Israel uktupawl, a tawk thlang! Thahrum suahnak le mi va răm kha bāng thlang uh, diknak le dingfelnak nunpi uhla, ka mipawl hnawhsuah cu bang thlang uh, Bawipa Jehovah in a ti.
45:9a Sam 12:5; Jer 22:2-3; Eze 44:6; Zek 7:9-10; 8:16-17
10 a‘Khīngkhainak dik, efa
45:10a Pui 19:35-36; Dnp 25:14-15; Thf 11:1; 16:11; Amo 8:4-7; Mik 6:10-11
45:11b Suah 16:33, 36; Pui 27:16; 1Sp 7:26, 38; Isa 5:10
45:12c Suah 30:13; Pui 27:25; Mip 3:47
45:12d mina: Rih lam tahnak simfiangnak zoh aw.
Thawhhlawmpawl le Puaipawl
13 ‘Himi hi nan hlăn ding mi thawhhlawm a si: sangvut homer khat sungin efa ṭhen ruk ih ṭhen khat le barli sangvut
45:14a 2San 2:10
45:15b Pui 1:4; 6:30; Sam 23:2; 65:11-13
45:17c Pui 16:16-17, 33-34; 23:37-38; Mip 10:10; 1Sp 8:62-63; 2San 31:3; Isa 66:23; Eze 46:4-12
18 a‘Bawipa Jehovah in hitin a ti: thla khatnak, cuih thla ni hmaisabikah sawisel ding um lo caw pa tûai pakhat na hruai pei ih hmun thianghlim cu na thianfai pei. 19 bPuithiam in Sual Thilhlăn thisen ziangmaw zat a la pei ih, temple sângka biangpawl ah, biakṭheng biang tlang li ah le sungtadeuh tualrawn kăwtka biangpawl ah a tât pei. 20 cCule cuti vekin cuih thla ni sarihnak ah tum lo pi le thei lo piih sual tuahtu mi kip hrangah nan tuah ding a si. Cuti vek cun temple hrangah sualkhuhthawinak nan tuah ding a si.
45:18a Suah 12:2; Pui 16:33-34; 22:20; Heb 9:13-14
45:19b Pui 16:18-19; Eze 43:17, 20
45:20c Pui 4:27-30
21 a‘Thla khatnak, cuih thla ni hleilitnak ah ni sarih sung Lanta Puai
45:21a Suah 12:10-14, 18-20; Pui 23:4-8; Mip 9:1-5; Dnp 16:1-6
45:22b Pui 4:13-14
45:23c Mip 22:40; 28:16-25; Job 42:8
45:24d Mip 28:11-13; Eze 46:5-7
25 a‘Cu vekin thla sarihnak, cuih thla ni hleingatnak ih puai ah, Sual Thilhlăn, Meiur Thilhlăn, Thlairawl Thilhlăn le Hriak Thilhlăn hrangah ni sarih sung a tuah pei.
45:25a Pui 23:34-43; Mip 29:12-38; Dnp 16:13-17
Sabbath Nipawl le Thla Thar
1 a‘Bawipa Jehovah in hitin a ti: nisuahnak lam hawi tualrawn sungta kăwtka cu hnaṭuan ni, ni ruk sung khar a si pei; asinan Sabbath ah cun ăwn a si pei ih, Thla Thar ni ah ăwn a si fawn pei.
2 bUktu cu leng lamin kăwtka hulhliap lamzin ihsin a lut pei ih, kăwtka kapih ṭhuam kiangah a dīng pei. Puithiampawl in a Meiur Thilhlăn le a Remnak Thilhlănpawl an timlamsak pei. Kăwtka hnuai zawn zial ah Pathian a be ding a si. Cun a fehsuak ding, asinan kăwtka cu sîm lam a thlen hlanlo khar a si lo pei.
3 cRam mipi cun Sabbath-pawl le Thla Thar pawl ah cuih kăwtka luhnak ah Jehovah hmaika ah Pathian an be pei.
4 dSabbath ni ah uktu in Jehovah hnenih Meiur Thilhlăn a hlăn ding mi cu sawisel ding um lo tuu fa no paruk le sawisel ding um lo tuu cang pakhat a si pei;
5 ecule tuu cang pakhat hrangah Thlairawl Thilhlăn efa
46:4d Mip 28:9-10; Eze 45:17
46:5e Mip 28:12; Eze 45:24; 46:7
46:5f a pek thei zatzat: A ṭawng hrampi ah cun, “a kut ih thilpek” ti a si.
46:6g Pui 22:20; Mip 10:10; 28:9-10; Eze 45:15-17
46:7h Eze 45:24-25
46:8i Eze 44:1-3
9 a‘Asinan ram mipi cu Jehovah hmaika ah ruat mi puaipawl ih an rat tikah, Pathian be dingih sak lam kăwtka lamzin ihsi a luttu zokhal thlang lam kăwtka zinin a suak pei ih, thlang lam kăwtka ihsi a luttu zokhal sak lam kăwtka zinin a suak pei. A rung luhnak kăwtka zinin a suak lo pei, dung kir loin dĭngten a suak sawn pei. 10 bCun uktu cu an lakah a um pei. An luh tikah anih khal a lut pei, cule an suah tikah anih khal a suak ve pei.
46:9a Suah 23:14; Dnp 16:16-17; Sam 84:7; Eze 48:30-31, 33
46:10b 2Sam 6:14-15; Sam 42:4
11 a‘Puaipawl le ruat mi puaipawl ah Thlairawl Thilhlăn cu caw pa tûai pakhat hrangah efa khat, tuu cang pakhat hrangah efa khat, tuu fa no pakhat hrangah a pek thei zatzat le efa khat ah hriak kalān khat a si ding a si. 12 bUktu in Jehovah hnenih mai palungsuak Meiur Thilhlăn, asilole mai palungsuak Remnak Thilhlăn a hlăn tikah, nisuahnak lam hawi kăwtka cu ăwnsak a si pei; cule Sabbath ni ih a hlăn vekin a Meiur Thilhlăn le a Remnak Thilhlăn cu a hlan pei. Cun a fehsuak pei ih, a fehsuah hnuah kăwtka cu khar a si pei.
46:11a Eze 46:5, 7
46:12b Pui 7:15-18; Eze 45:17
13 a‘Ni tin Jehovah hnenih Meiur Thilhlăn hrangah, sawisel ding um lo tuu fa no kum khat kim mi na hmang pei; cumi cu zing tin na timlam pei. 14 bCule cumi thawn efa ṭhen ruk ṭhen ih ṭhen khat le sangvut phut hnawnternak ding hriak kalān khat ṭhen thum ṭhen ih ṭhen khat zing tin thlairawl thilhlăn hrangah na timlam pei. Hih thlairawl thilhlăn cu Jehovah hnenih hlăn ringring ding mi zīn le dān a si. 15 cCuti vek cun hlăn ringring mi Meiur Thilhlăn vekin, tuu fa no, Thlairawl Thilhlăn le hriak cu zing tin timlam ding a si.
46:13a Suah 29:38-39; Mip 28:2-4; Sam 5:3; Heb 7:26-27; 10:10-18
46:14b Suah 29:40-43; Mip 15:6; 28:5-10; Dan 8:11
46:15c Suah 29:38, 42; Mip 28:5-6
Inn le Ló Dān
16 a‘Bawipa Jehovah in hitin a ti: uktu in a fapapawl hnenah a ro lak ihsin thilpek a pek fingfing asile, cumi cu a fapapawlih ta cio a si ding a si; cumi cu ro ih an co mi an ta a si. 17 bAsinan a siahhlawhpawl lakih pakhat khat hnenih a ro lak ihsin thilpek a pek asile, cumi cu zalĕnnak kum a thlen hlanlo a siahhlawh ta a si pei, cuih hnuah cumi cu uktu hnenah a kirsal ding a si, a ro cu a fapapawlih ta a si ding a si; anmai ta a si ding. 18 cAn inn le ló ihsi dawisuakin, uktu in mipi ro zianghman a láwng ding a si lo; ka mipi pakhat hman anmai inn le ló ihsi an ṭekdarhlonak dingah, a fapapawl cu amai thil neih mi sung ihsin ro a pe ding a si,’ tin sim aw,” tiah i ti.
46:16a 2San 31:3
46:17b Pui 25:8-10, 13-17
46:18c Pui 25:23-24; 1Sam 8:14; Eze 45:7-8; Mik 2:1-2
Thilhlănpawl Suannak Hmun
19 aCule kăwtka sirih luhnak ihsin sak lam hawi, puithiampawlih pindan thianghlim pawl sungah i hruailut, cule ngai hnik, nitlaknak dĕng lamah hmun pakhat a um. 20 bCule anih in ka hnenah, “Himi hi puithiampawl in mawh thilhlăn le sual thilhlăn an suannak ding hmun le thlairawl thilhlăn an kănnak ding hmun a si, culole cupawl cu tualrawn lengta ah an kengsuak ding ih, mipi an thianghlimter pang ding,” tiah i ti.
46:19a Eze 42:4, 9, 13
46:20b Pui 2:4-8; 6:27; 2San 35:13-14; Eze 44:19; Zek 14:20-21
21 Cun anih in tualrawn lengta ah i hruaisuak ih, kil li ih tualrawn ah i fehpi; cule ngai hnik, cuih kil tin ah tualrawn dang a um vivo. 22 Kil li ih tualrawn ah cun tualrawn phar nei a sau lam dawng 40 le a kauh lam dawng 30 a um; kil li ih tualrawnpawl cu an tia-aw thluh. 23 Cuih hmun li sung lamah a kimvelin a tlarin lung an rĕm ih, cuih tlar hnuaiah a kimvelin suannak ding thŭk a um. 24 Cule anih in ka hnenah, “Himi hi sa suannak hmun, temple rawngbawltupawl in mipi raithawinak sa an suannak ding hmun a si,” tiah i ti.
Temple ihsin Tiva a Luangsuak
1 aCuih hnuah anih in temple sângka ah i hruaikirsal; cule ngai hnik, temple sângka hnuai zawn zial ihsin nisuahnak lamah tidai a irhsuak, ziangahtile temple cu nisuahnak lam hawi a si, cule tidai cu biakṭheng thlang lam, temple vawrh lam hnuaiin a luang. 2 bAnih in sak lam kăwtka zin ihsin i hruaisuak ih, nisuahnak lam hawi kăwtka lengtadeuh tiang lengah i hruaikûal; cule ngai hnik, vawrh lamah tidai a luangsuak.
47:1a Sam 46:4; Isa 55:1; Joe 3:18; Zek 13:1; 14:8-10; Thu 22:1
47:2b Eze 40:20, 23, 35; 44:1-2
3 aCule cuih pacangpa cu a kut ah tahnak hri kengin nisuahnak lamah a fehsuak ih, dawng 1000 a tah, cule tidai tánin i hruai, tidai cu ka kedil a thleng. 4 Dawng 1000 a tahsal lala ih, tidai tánin i hruai vivo, tidai cu ka khuk tiang a si. Dawng 1000 a tahsal lala ih, tidai tánin i fehpi; tidai cu ka tâi tiang a si. 5 bDawng 1000 a tahsal ih, ka tan thei lo mi tiva pi a si; ziangahtile tidai cu a lian luihlo ih, a leuhih leuh ding mi, tankai theih lo tiva pi a si. 6 Cule anih in ka hnenah, “Minung fapa, himi hi na hmu a si lo maw?” tiah i ti. Cun anih cun i hruai ih tiva pi kapah i hruaikirsal.
47:3a Eze 40:3
47:5b Sem 2:10; Isa 11:9; Hab 2:14
7 aKa va kir tikah, ngai hnik, tiva kap tluanah cun khat lam le khat lamah thingkung tam ngaingai an um.
8 bCun anih cun ka hnenah, “Hi tidai cu nisuahnak lam ram panin a luang ih, Arabah phairawn
47:7a Isa 60:13; Eze 47:12; Thu 22:2
47:8b Mip 34:3, 12; Isa 41:17-20
47:9c Isa 12:3; 55:1; Joh 4:13-14
47:10d Sem 1:20-23; Mip 34:6; Jos 15:62; Sam 104:25; Eze 26:5; 48:28
47:11e Dnp 29:23
47:12f Sem 2:9; 47:7; Sam 1:3; Jer 17:8; Eze 36:8; Thu 22:2
Ramripawl
13 aBawipa Jehovah in hitin a ti, “Hihi Israel hnám hleihnih lakih ro dingih ram an zemawkdān ding cu a si: Joseph in covo pahnih a nei pei. 14 bBangrep cio in nan co ding a si, ziangahtile nan pupápawl hnenah cumi cu pe hai dingin hi ram hi nan ro dingah nan hnenah a tlu ding, tiin bān pharin thukamnak ka rak tuah zo.
47:13a Sem 48:5, 15-16; Mip 34:2-12; 1San 5:1-2
47:14b Sem 12:7; Dnp 1:8; Eze 20:5-6, 28, 41-44; 36:12-14
15 a“Hihi ramri a si pei: sak lamah, Tifinriat Tumpi ihsin Hethlon zin hrutin Zedad, 16 bcule Damaskas ramri le Hamath ramri karlakih um Hamath, Berothah, Sibraim tiang, Hauran ramri parih um Hazar Hattikon tiang a si pei. 17 cCuti vek cun ramri cu Tifinriat ihsin Hazar Enan tiang, Damaskas ramri tiang a si pei; cule sak lamah cun Hamath ramri a thleng. Himi hi sak lam ramri a si pei.
47:15a Mip 34:2, 6-9; Eze 48:1
47:16b Mip 13:21; 2Sam 8:8; Jer 49:23-24; Eze 48:1
47:17c Mip 34:9
18 a“Nisuahnak lamah, Hauran le Damaskas karlakah ramri a um pei ih, Gilead le Israel ram karlakih Jordan tiva thlunin a feh pei; cule nisuahnak lam tifinriat thlunin na tahsuak pei. Himi hi nisuahnak lam ramri a si pei.
47:18a Mip 34:10-12, 15; Jos 22:10-12, 21-29; Eze 27:18
19 a“Thlang lamah, ramri cu Tamar ihsin Kadesh kiangih Meribah
47:19a Sem 15:18; Mip 20:12-13; 34:3-5; Dnp 32:51; Sam 81:7; Isa 27:12; Eze 48:28
47:19b tiva: Izip tiva a si men thei.
20 a“Nitlaknak lamah, Lebo Hamath zawn tiang Tifinriat Tumpi in a ri pei. Hihi nitlaknak lam ramri a si pei.
47:20a Mip 13:21; 34:6; Eze 48:1
21 “Cuti vek cun hi ram hi Israel hnámpawl a hnám a hnám zirin nan lakah nan zemaw pei. 22 aCule hitin a si ding, nanmai hrangah le nan lakih cêng tefa nei ram dang mipawl hrangih ro dingah camcawhfung zûkin ram cu nan zemaw pei. Israel tefapawl lakah annih cu rammi vekin nan ruat ding a si; Israel hnámpawl lakah nan zawngah ro an nei ve pei. 23 bCule hitin a si pei, ziang hnám lak khalih ram dang mi a cēn asile, cu tawkah cun a ro ding nan pe ding a si, Bawipa Jehovah in a ti.
47:22a Pui 24:22; Mip 26:55-56; Isa 14:1; 56:6-7; Apo 15:9; Efe 2:11-18; 3:6; Kol 3:11
47:23b Dnp 10:17-19
Ram Zemawknak
1 a“Hipawl hi hnám hminpawl an si: sak lam dĕng ihsin thawkin, Hethlon ihsin Lebo Hamath lamzin hrutin, Damaskas sak lam ramri ih Hazar Enan tiang, nisuahnak lam ihsin nitlaknak lam tiang cu Dan hrang, covo pakhat. 2 bDan thawn ri-awin nisuahnak lam ihsin nitlaknak lam tiang cu Asher hrang, covo pakhat. 3 cAsher thawn ri-awin nisuahnak lam ihsin nitlaknak lam tiang cu Naftali hrang, covo pakhat. 4 dNaftali thawn ri-awin nisuahnak lam ihsin nitlaknak lam tiang cu Manasseh hrang, covo pakhat. 5 eManasseh thawn ri-awin nisuahnak lam ihsin nitlaknak lam tiang cu Efraim hrang, covo pakhat. 6 fEfraim thawn ri-awin nisuahnak lam ihsin nitlaknak lam tiang cu Reuben hrang, covo pakhat. 7 gReuben thawn ri-awin nisuahnak lam ihsin nitlaknak lam tiang cu Judah hrang, covo pakhat.
48:1a Sem 30:6; Jos 19:40-48; Eze 47:15-17, 20
48:2b Sem 30:12-13; Jos 19:24-31
48:3c Sem 30:7-8; Jos 19:32-39
48:4d Sem 41:51; Jos 13:29-31; 17:1-11
48:5e Sem 41:52; Jos 16:5-9; 17:7-10, 17
48:6f Sem 29:31-32; Jos 13:15-23
48:7g Sem 29:35; Jos 15:1-63
8 a“Judah thawn ri-awin nisuahnak lam ihsin nitlaknak lam tiang cu nan serhhran mi ramṭhen a si pei, cucu dawng 25000 kau le a sau lam cu nisuahnak lam ihsin nitlaknak lam tiang covo dang vek thotho a si ih, a laiah hmun thianghlim a um ding a si. 9 bJehovah hrangih nan serhhran mi ramṭhen cu a sau lamah dawng 25000 le a kauh lamah dawng 10000 a si pei. 10 cHimi ah hin puithiampawl hrangah ramṭhen thianghlim zuah a si pei: sak lamah dawng 25000 sau, nitlaknak lamah dawng 10000 kau le nisuahnak lamah dawng 10000 kau, thlang lamah dawng 25000 sau a si ding a si. A laiah Jehovah-ih hmun thianghlim a um ding a si. 11 dCumi cu ṭuanvo ka pek mi hlensuaktu, Zadok-ih fapa serhhran mi puithiampawl hrangah a si pei. Cupawl cu Israel tefapawl an feh pen laiih Levi-mipawl vekih fehpêng ve lo an si. 12 Hi serhhran mi ramṭhen cu an hrangah thil thianghlimbik a si ding a si, Levi-mipawl thawn ri-awin. 13 ePuithiam covo thawn ri-awin Levi-mipawl in covo an nei pei, a sau lam dawng 25000 le a kauh lam dawng 10000 a si pei; a pumpi sau lam cu dawng 25000 le a kauh lam cu dawng 10000 a si pei. 14 fCule cumi cu an zuar lo pei ih, ziang thaw hmanin an thleng fawn lo pei; hi hril mi ram hi mi dang hnenah an pe fawn lo pei, ziangahtile cumi cu Jehovah hrangah a thianghlim a si.
48:9b Eze 45:1
48:10c Isa 12:6; Eze 45:3-4
48:11d Pui 8:35; 2Sam 8:17; Eze 14:11; 40:46; 44:10-16
48:13e Eze 45:5
48:14f Pui 25:32-34; 27:9-10, 28, 32-33
15 a“Dawng 5000 kau le dawng 25000 sau ram hlei cu khawpi hrangah thil dangdang hrangih hman ding a si pei: cēnnak hmun ding le ran tlannak ram lawnglak hrangah a si pei, khawpi cu a laiah a um ding a si. 16 bA tahdān ding cu hitin a si pei: sak lamah dawng 4500, thlang lamah dawng 4500; nisuahnak lamah dawng 4500, nitlaknak lamah dawng 4500 a si pei. 17 A khawpi cun ran tlannak ram lawnglak a nei pei ih, sak lamah dawng 250, thlang lamah dawng 250, nisuahnak lamah dawng 250, nitlaknak lamah dawng 250 a si pei. 18 cRamṭhen thianghlim thawn ri-awin a sau lam hlei mi cu: sak lamah dawng 10000, thlang lamah dawng 10000 a si pei. Cumi cu ramṭhen thianghlim thawn an ri-aw a si; cu tawk ihsi thil suak mipawl cu khawpi hnaṭuantupawlih rawl an si pei. 19 Israel hnámpawl hmuahhmuah ihsin khawpi ih hnaṭuantupawl in lei an let ding a si. 20 Ramṭhen thianghlim pumpi cu a sau lamah dawng 25000, a kauh lamah dawng 25000 a si pei. Ramṭhen thianghlim, sir li canaw cu khawpi neih thilpawl thawn nan serhhran ding a si.
48:15a Eze 45:6
48:18c Eze 45:6
21 a“Ramṭhen thianghlim le khawpi covo sir veve ih ram hlei cu uktu ta a si pei, ramṭhen thianghlim dawng 25000 ihsin nisuahnak lamah nisuahnak lam ramri tiang, cule khaih dawng 25000 ihsin nitlaknak lamah nitlaknak lam ramri tiang; covo zem zo mipawlih sir cu uktu hrangah a si pei. Ramṭhen thianghlim le temple hmun thianghlim cu a laiah a um pei. 22 Cuihtlunah Levi-mipawl covo le khawpi hmun cu uktu covo karlakah a um pei, cule uktu covo cu Judah covo le Benjamin covo thawn a ri-aw pei.
23 a“A tāng lai mi hnámpawl hrangah cun, nisuahnak lam ihsin nitlaknak tiang cu Benjamin hrang, covo pakhat.
24 bBenjamin thawn ri-awin nisuahnak lam ihsin nitlaknak lam tiang cu Simeon hrang, covo pakhat.
25 cSimeon thawn ri-awin nisuahnak lam ihsin nitlaknak lam tiang cu Issakar hrang, covo pakhat.
26 dIssakar thawn ri-awin nisuahnak lam ihsin nitlaknak lam tiang cu Zebulun hrang, covo pakhat.
27 eZebulun thawn ri-awin nisuahnak lam ihsin nitlaknak lam tiang Gad hrang, covo pakhat.
28 fGad-ih thlang lam ramri cu Tamar ihsin Kadesh kiangih Meribah
48:23a Sem 35:18; Jos 18:11-28
48:24b Sem 29:33; Jos 19:1-9
48:25c Sem 30:18; Jos 19:17-23
48:26d Sem 30:20; Jos 19:10-16
48:27e Sem 30:10-11; Jos 13:24-28
48:28f Sem 14:7; Mip 34:6; Eze 47:19
48:29g Dnp 32:7-9; Eze 45:1; 47:14, 21-22
Khawpi Kăwtkapawl le an Hmin
30 “Hipawl hi khawpi suahnakpawl cu an si: dawng 4500 sau sak lamah kăwtka pathum 31 a(khawpi kăwtkapawl cu Israel hnámpawlih hmin pek an si), sak lamih kăwtka pathum pawl cu Reuben kăwtka, Judah kăwtka le Levi kăwtka an si. 32 Dawng 4500 sau nisuahnak lamah kăwtka pathum a um: Joseph kăwtka, Benjamin kăwtka le Dan kăwtka. 33 Dawng 4500 sau nitlaknak lamah kăwtka pathum a um: Simeon kăwtka, Issakar kăwtka le Zebulun kăwtka. 34 Dawng 4500 sau nitlaknak lamah kăwtka pathum a um: Gad kăwtka, Asher kăwtka le Naftali kăwtka. 35 bKhawpi kimvel cu dawng 18000 a si pei ih, cuih ni thawkin khawpi hmin cu: CU TAWKAH JEHOVAH A UM, ti a si thlang ding,” tiin.
48:31a 2San 4:4; Thu 21:12-14
48:35b Suah 29:45-46; Isa 12:6; Jer 3:17; 14:7-9; 33:14-18; Eze 43:7, 9; Joe 3:20-21; Thu 3:12; 21:3, 16; 22:3