BibleThianghlim – James
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
James
- A ngantu: James
- A siartu: Jew mi zumtupawl
- Ngan kum: A.D. 45-48
Thuthangṭha cu Jerusalem ih Jew-pawl lakah hmakhatteah a rak hlawhtling. Pentikos ni ah Jew-mi 3000 hrawng kawhhran ah bêt an si ti Apo 2 in a tarlang. Zumlotu Jew hotupawl in dungthluntupawl an hrem rero nân, cuih khawpi ah kawhhran a karh vivo thotho. Stefen an thah hnuin Jerusalem kawhhran ih zumtupawl hmuahhmuah in an zumnak ruangah tuar an thawk. Cuih hremnak in Judia peng pumpi le Samaria peng pumpi ah a ṭekdarhter hai (Apo 8:1). Hiti vek dinhmun lakah James in hmun kip ih a vâkdarh mi Jew-mi zumtupawl thapeknak ah hi cakuat hi Jerusalem ihsin a rak ngan. Hi cakuat hi A. D. 45-48 hrawngih a ngan mi a si men thei.
James hi Jesu Khrih-ih nau le Judas-ih suahpi unau a si. Bawipa Jesu in leitlun ih rawng a bawl laiah James le a unaupawl in amah an rak zum lo (Joh 7:3-8). Asinan a hnen rori ih Bawipa a rung lăng ruangah, neta lamah cun James khal zumtu ah a cang (1Ko 15:7). Jesu van a kai hnuah James khal zumtu dang pawl thawn Thlarau Thianghlim rung thlen ding a rak hngak ve (Apo 1:14). Netabikah cun amah hi Jerusalem kawhhran hruaitupawl lakih pakhat ah a rung cang (Apo 12:17; Apo 15; Gal 1:19; 2:9).
Jew zumtu in Jew zumtupawl hnenih thu a zirh mi a si ruangah James in a cakuat ah Jew-pawlih thu le hla diktak a ngan hi mangbang ding a um lo.
A cangan mi hi Thukham Hlun le Jesu Tlang parih Thusim mi parih a ṭhumawkzia a lang (Mat 5-7). A zirhdān khal Jesu ih zirhdān thawn bangawknak an nei. A tahṭhimnak hman mi ah leitlun tahṭhimnakpawl: thli ih hrăn mi lăwng, a vuai rero mi hrampi, a ziam rero mi pangpar, kilkhawi theih lo meisa le thil dang pawl tla a hmang. Ni tin nun ah a takih hman ding mi fimnak thupawl a telh ruangah a cabu hi Thufim cabu thaw khalin bangawknak a nei. Khristian pakhat ih zumnak cu ni tin nun ih lang ding mi a si.
“Thil ti tel lo zumnak” cu a thi a si (2:20). Zumtu pakhat in piantharnak a neih hnu cun a zumnak cu a thil ti ṭha in a langter ṭheu.
Thu Hlawm Ṭhen
- I. Thuhmaihruai (1:1)
- II. Zumtu cun tuarnak le sualfawrhnak a tuar thei ding a si (bung 1)
- III. Zumtu cun unaupawl hnenah duhdawtnak langter in le thil ṭha a tuah ding a si (bung 2)
- IV. Zumtu cun a ṭawng a sūp ding a si (bung 3)
- V. Zumtu cun khawvel a duh ding a si lo (bung 4)
- VI. Zumtu cun dik zetin neihnunnakpawl kha a ruat pei ih kawhhran ah mi dang thuhla dik zetin a ruat ding a si (bung 5)
1 aPathian le Bawipa Jesu Khrih-ih sál a si mi, James in, hmun dangdangih a ṭekdarh mi, Israel hnám hleihnih pawl kha cibai ka lo bûk.
1:1a Dnp 2:26; Joh 7:35; Apo 26:7
Hniksaknak le Zumnak
2 aKa u le nau tla, hniksaknak a phunphun nan tawn tikah aipuannak hlirah ruat uh. 3 bZiangahtile nan zumnak hniksaknak cun tuarfainak a suah ti nan thei. 4 cAsinan nan pitlin ih, nan famkim thluh thei nak dingah tuarfainak cun ṭuan famkim sehla, cuti cun zianghman nan tlasam lo ding. 5 dNan lakah zokhal in fimnak a tlaksam asile, mi zate hnenih siang zet le mi mawhthluk loih pe ṭheu tu Pathian hnenah dil seh, cule anih cu pek a si ding. 6 eAsinan ringhlel loin, zumnak in dil seh, ziangahtile a ringhleltu cu thli in tifinriat suar suk le so ih a hrăn mi vek a si. 7 Curuangah cuvek mi cun Bawipa hnen ihsin thil zianghman ka ngah ding tiah ruat hlah seh. 8 fThinlung phir neitu cu a nun lam tluan hmuahhmuah ah a hnget lo.
1:4c 1Ko 2:6
1:5d Sam 51:6; Thf 2:3-6; Mat 7:7
1:8f 2Pe 2:14
9 aDinhmun niam unaupa cu cawisan a si tikah tluangkhâwng seh. 10 bAsinan milian pa cu a dinhmun niamter a si tikah, lungawi seh, ziangahtile hrampi par bangin amah cu a ziamral ding a si. 11 cZiangahtile ni a suak ih a sat tikah ni cun hrampi cu a vuaiter ih a par an ṭil, cule a mawinak a hloralter. Cu vekin milian cu a lam tluanah a ziamral ding.
1:9a Mat 23:12
1:10b Isa 40:6-7; 1Ko 7:31; 1Pe 1:24
1:11c Isa 40:6-8; Mat 20:12
12 aHniksaknak a tuar ṭenṭo tu cu mithlawsuak a si. A tuar ṭenṭo ruangah nunnak lallukhum a co ding, cuih lallukhum cu Bawipa in amah duhdawtupawl hnenih pe dingih a tiamkam mi a si.
1:12a Sem 22:1; 1Ko 2:9; 1Pe 3:14
13 Mi pakhat khat in sualfawrhnak a tawn tikah, “Pathian in sual i fawrh,” ti hlah seh; ziangahtile Pathian cu thil ṭha lo thawi sualfawrh theih a si lo ih, mi zohman sual a fawrh fawn lo. 14 aCuhnakin mi kip sualfawrhnak cu hitin a si sawn: anmai câkhiarnak in a hruaihlo hai ih, cutin ziang in simaw a hīp hai. 15 bCun câkhiarnak in fa a vun hnuah, sual a hring; cuih sual cu a pitlin tikah, thihnak a hring.
1:14a Thf 19:3
16 aKa duhdawt mi u le nau tla, bumin um hlah uh. 17 bA ṭha mi thilpek hmuahhmuah le thilpek famkim hmuahhmuah cu tlun lam ihsin an si ih, tleupawlih Pa hnen ihsi ra an si. Amah ah thlĕngdanglamawknak hrimhrim le thlĕngdanglamawknak thlam khal a um lo. 18 cA sersiam mipawl lakih rah hmaisabik vek kan si thei nak dingah, Pathian in amai duh zawngin thutak kamsuakthu in in hring a si.
1:16a 1Ko 6:9
Thu Theihnak le Tuahnak
19 aCuruangah ka duhdawt mi u le nau tla, mi kip in ngaithla dingah zamrang mi si uhla, ṭawng dingah le thinling dingah cun khulfûng mi si uh. 20 bZiangahtile minung thinlingnak in Pathian dingfelnak a hringsuak lo. 21 cCuruangah bawrhhlawhnak hmuahhmuah le sualralnak a khatliam mi cu hlăwn uhla, nan thlarau a lo rundam thei tu phŭn mi kamsuakthu cu nunnemnak thawn cohlang uh.
1:19a Thf 10:19
1:20b Mat 5:22
22 aMah le mah bumawin, kamsuakthu ngaithlatu men lawng si loin, a tuahtu si sawn uh. 23 Ziangahtile mi zokhal tuahtu si loih kamsuakthu a ngai men tu cu thlalang ih a suahkeh hmel zohawtu vek a si. 24 Ziangahtile amah le amah a zohaw ih, a fehsal, cule hmakhatteah ziang vek mi a si ti a hngilh. 25 bAsinan zalĕnnak dān famkim cu zohin, cumi ih umpeh vivoin, a thu ngai mi hngilhsal men tu si loin a tuahtu a si ahcun, cu pa cu a thil tuah mi ah mithlawsuak a si ding.
1:22a Mat 7:21
1:25b Sam 19:7; Joh 8:32; 13:17; Gal 2:4
26 aNan lakah mi pakhat in sakhua lamih zuamaw zetah a ruataw nân, a lei kil ṭha loin, amai thinlung a bum sawn asile, cu paih sakhua cu zianghmanlo men a si. 27 bPathian le Pa hmaika ih sakhua thiang le bawrhhlawh lo cu, nu le pa nei lo le nuhmeipawl an harsat cān ih veh le khawvel mi sinak lak ihsin sawisel ding um loih mah le mah kilkhawiawk hi a si.
1:27b Dnp 14:29; Job 31:16-17, 21; Isa 1:17, 23; Mat 25:36; Rom 12:2; 2Pe 1:4
Mi Thleidan Neih
1 aKa u le nau tla, ropitnak Lal, kan Bawipa Jesu Khrih nan zumnak ah, mi thleidan nei hlah uh. 2 Ziangahtile nan punkhawmnak ah mi pakhat sui zunghruk hrukin, hnipuan ṭha zet thawn rung lut sehla, cule mifarah hnipuan se ṭiapṭi thawn rung lut ve sehla, 3 hnipuan ṭha hruktu cu nan upat ih, a hnenah, “Nang hi tawkih hmun ṭha ah hin to aw,” nan ti ih, cuih mifarah hnenah, “Nang cu khi tawkah khin dīng aw,” tiin simaw, “Ka ke retnak ah to aw,” tiin simaw nan ti a si ahcun, 4 bnanmah le nanmah lakah thleidanawknak neiin, khawruahnak ṭha lo hmangih thuṭhentu ah nan cang lo ding maw?
2:1a Pui 19:15; Dnp 1:17; Thf 24:23; Apo 7:2; 10:34
2:4b Joh 7:24
5 aKa duhdawt mi u le nau tla, ngai hnik uh, Pathian in hi leitlun ih mifarahpawl hi zumnak ih milian ah le amah duhdawtupawl hnenih a tiamkam mi Pathian uknak ro cotu ah a hril a si lo maw?
6 bAsinan nannih in mifarahpawl nan hmuhsuam. Milianpawl cun an lo palbĕt ih, thuṭhennak ah an lo dir ṭheu a si lo maw?
7 Kawh nan sinak hmin zahum cu an thangsiat
2:5a Job 34:19; Mat 25:34; Luk 12:21; Thu 2:9
8 a Cathiang
2:9b Dnp 1:27
2:11d Suah 20:13-14; Dnp 5:17-18
12 aCuruangah zalĕnnak dān ih thuṭhen ding mi vekin ṭawng uhla, tuah uh. 13 bZiangahtile zahngainak langter dah lo tu parah zahngainak tel loin thuṭhensak a si ding. Zahngainak in thuṭhennak cu a neh.
2:12a Mat 16:27
Zumnak le Tuahnak
14 aKa u le nau tla, mi pakhat in zumnak ka nei ti khal sehla thil ti a neih lo ahcun, ziang a ṭhahnem? Cuvek zumnak cun amah a rundam thei ding maw? 15 bUnaupa, asilole unaunu cu taklawng ih umin, a ni tin ei ding rawl nei loin um sehla, 16 cnan lakih pakhat in an hnenah, “Hnangamten feh uhla, hlum le puarin um uh,” ti sehla, an taksaruangpum ṭul mi thilpawl a pek si lo ahcun, ziang a ṭhahnem? 17 dCuvek thothoin zumnak khal thil ti tel loih amah lawng a um ahcun a thi a si.
2:14a Mat 7:26
2:15b Mat 25:35-36
2:16c Luk 3:11; 1Joh 3:17-18
2:17d Gal 5:6
18 aAsinan mi pakhat in, “Nang in zumnak na nei ih, kei in thil ti ka nei. Na zumnak cu na thil ti tel loin i hmuh awla, kei in ka zumnak cu thil ti in ka lo hmuh ding,” tiah a ti khal a si men ding. 19 bPathian pakhat a um ti na zum. Na ti ṭha e. Khawsiapawl hmanin an zum ih, an khūr rero!
2:18a Mat 7:16-17; Rom 3:28
2:19b Dnp 6:4; Mat 8:29; Mar 12:24; Luk 4:34; 1Ko 8:4-6
20 Sikhalsehla Maw nang mi-â! Thil ti tel lo zumnak cu a thi a si ti theih na duh maw?
21 aKan pa Abraham in a fapa Isak, biakṭheng parih a hlăn laiah khan thil ti ruangin thiam a co a si lo maw?
22 bA zumnak cu a thil tipawl thawn an ṭuantlang ih, thil tipawl ruangah zumnak cu famkimter a si ti na thei!
23 cCule Cathiang in,
2:21a Sem 22:9, 12
2:23c Sem 15:6; 2San 20:7; Isa 41:8; Rom 4:3
25 aCuvek thothoin, hlawhhlang Rahab khal kha thil ti parah ṭhumawin thiam a co a si lo maw? Palaipawl a rak cohlan hnuah, anmah cu zin dang in a rak thlah hai. 26 Ziangahtile thlarau tel lo taksaruangpum cu thi a si vekin, thil ti tel lo zumnak khal thi a si.
2:25a Heb 11:31
Khuahkhirh Theih Lo Lei
1 aKa u le ka nau tla, zirhtupawl in thuṭhennak nasasawn kan táwng ding ti theiin, nanmah lakih mi tampi kha zirhtu va si hlah uh. 2 bZiangahtile kan zaten thil tampi ah kan tlu ṭheu. Zokhal a ṭawngkam ih sual a tuah lo asile, anih cu mipitling a si ih, a taksaruangpum khal a thunun thei a si.
3:1a Mat 7:1; Rom 2:21; Efe 4:11
3:2b 1Sp 8:46; Sam 39:1; Mat 12:37; Rom 3:9-20; 1Pe 3:10; 1Joh 1:8
3 aNgai hnik uh, kan thu an lun thei nak dingah, rang kâ ah rang kakharh kan bun ih, cumi hmang cun an taksaruangpi cu kan herter ṭheu.
4 bLăwngpawl khal khi zoh hnik uh, an tûm zet ih a nasa zet mi thli in a fehter, lăwngpawl cu lăwng mâwngtu in a duhnak lamlam ah lăwng hlaunak fate zetin a herter.
5 cCuvek thothoin lei khal hi taksa ṭêk fate zet a si ih, nasa zetzetin a tluangkhâwng ṭheu. Ngai hnik, meisa fatakte in ziang tluk thil tum a kāngter thei!
6 Cule lei hi meisa a si ih, siar cawk lo dingfellonak tuahtu a si. Cuti vek cun kan taksa ṭêk lakah a cangvai ih, kan taksaruangpi pumhlum in a bawrhhlawhter. Lei cun kan nun lam tluan a kāngter ṭheu; cuih mei cu hell
3:3a Sam 32:9
3:4b Thf 16:27; Mat 5:22; 15:11
3:5c Sam 12:3-4
7 Ziangahtile ramsa phun kip le vate phun zakip, bawkvâk phun zakip le tifinriat sungih thilnung phun zakip pawl cu milai in ngawingam ko an tuah ih, ngam ko an rak tuah. 8 aSihmansehla lei cu zohman in an ngawingamter thei lo. Lei cu khuahkhirh theih lo thil ṭha lo, thihnak tûr thawi khat mi a si.
9 aCumi thawn kan Pathian le Pa cu kan thangṭhat ih, cumi thawn Pathian băngnak neiih tuah mi, milai kan camsiat. 10 Cuih kâ thotho ihsin thangṭhatnak le camsiatnak a suak. Ka u le ka nau tla, hih thilpawl hi cuti vekih si ding a si lo. 11 Cirh tihna pakhat ihsin ti thlum le ti khâ a suaktlang maw? 12 bKa u le ka nau tla, theipi kung in olif rah a rah thei maw, asilole sabit hri in teh theipi rah a rah thei maw? Cuti vekin ziang tihna ihsi hmanin ti-ál le ti thiang a suakkăwp thei lo.
3:9a Sem 1:26-27; 1Ko 11:7
3:12b Mat 7:16
Fimnak Phun Hnih
13 aNan lakah zo so mifim le theihnak nei? Anih cun a thil tuah mipawl cu umtlandān ṭhain, fimnakih nunnemnak thawn langter seh. 14 bSihmansehla nan thinlung sungah iksiknak nasa zet le ṭhenṭhêkter duhnak thinlung nan neih asile, tluangkhâwng hlah uh, thutak dodalin thuphan per hlah uh. 15 cHi fimnak cu tlun lam ihsin a rung lo ih, leitlun, milai le khawsia hnen ihsin a si sawn. 16 dCuruangah iksiknak le ṭhenṭhêk duhnak thinlung a umnak hmun ah, buainak le thil ṭha lo phun zakip a um ṭheu.
3:13a 1Pe 2:12
3:14b 2Ko 12:20
3:15c 1Ti 4:1
3:16d Gal 5:20
17 aSihmansehla tlun lam ihsi ra fimnak cu a hmaisabik in a thianghlim, cule remnak a duh, a zaidam, mi dang hnenah a tlulut, zahngainak le rah ṭha in a khat, mi thleidan a nei lo ih, nun deu a nei lo. 18 bCun dingfelnak rah cu remnak a tuahtupawl in remnak in an tuh a si.
3:17a Luk 6:36; Rom 12:9; 1Ko 2:6; Heb 12:11
3:18b Hos 10:12; Mat 5:9; Rom 14:19; Fil 1:11
Khawvel thawi Pawlkăwmawknak
1 aNan lakih doawknakpawl le tawhawknakpawl hi khui ihsin an ra? A doaw mi nan taksa ṭêk lakih câkhiarnak ihsi ra suak mi an si lo maw? 2 bCâkhiarnak nan nei nân, nan câkhiar mi cu nan nei lo. Lai nan that ih neih nan duh, asinan nan ngah thei lo. Nan toaw ih nan doaw. Cu cingin nan nei cuang lo, ziangruangahtile nan dil lo a si. 3 cNan dil ih nan ngah lo, nan năwmcennak hrangih hmang dingih dik lo zetih nan dil ruangah a si.
4:2b Mat 5:21-22; 1Joh 3:5
4 aNannih uire mipapawl le uire nunaupawl! Khawvel thawi rualpitawknak cu Pathian thawi ralawknak a si ti nan thei lo maw si? Curuangah zokhal khawvelih rualpi si a duhtu cu Pathian doral a si.
5 b Cathiang
4:4a Isa 54:5; Hos 2:2-5; Joh 15:19; 1Joh 2:15
4:5b 1Ko 6:19
6 aSihmansehla Pathian cun zangfahnak tamsin a pe. Curuangah anih in,
tiah a ti.
7 aCuruangah Pathian hnenah tlulut uh. Diabol cu do uh, cule a lo tlansan ding. 8 bPathian naih uhla, anih khal in a lo naih ve ding. Nannih misualpawl, nan kut khawlhfai uh. Cule nannih thinlung phir neipawl, nan thinlung thianfai uh. 9 cLungkuaiin um uh, ninghang lungsia-in um uhla, ṭap uh! Nan hnihnak cu ninghan lungsiatnak ah cang sehla, nan aipuannak cu riahsiatnak ah cang seh. 10 dBawipaih mithmuh ah hnuaidawr uh, cule anih in a lo khaisâng ding.
4:8b Isa 1:16; Jer 4:14; Mal 3:17; Heb 7:19
4:9c Luk 6:25
11 aU le nau tla, pakhat le pakhat relse-aw hlah uh. A unau a relsia ih a unau thu a ṭhentu cun Dān a relsia ih Dān cu thu a ṭhen a si. Dān thu na ṭhen asile, nang cu Dān thluntu si loin, Dān thuṭhentu na si sawn. 12 bDān petu pakhat a um, amah cu mi run thei tu le mi siatsuah thei tu a si. Mi dang thu va ṭhen dingin, nang cu zo so na si?
4:11a Mat 7:1; Rom 1:30; 2Ko 12:20; 1Pe 2:1
4:12b Isa 33:22; Mat 7:1; 10:28
Thaisun hrangah Tluangkhâwng Hlah
13 aAtu-ah nannih, “Tuihsun ah, asilole thaisun ah cumi khami khawpi ah kan feh ding ih, cu tawkah cun kum khat kan um ding, cule kan lei ding ih kan zuar ding, cule kan hlawk ding,” a titupawl, ngai hnik uh, 14 bthaisun ah ziang a cang ding ti nan thei lo. Ziangahtile nan nunnak cu ziang a si? Nan nunnak cu cān málte sung a lang ih a hlorálsal mi mero vek a si. 15 cCuhnakin, “Bawipa in rem a ti asile, kan nungdam ding ih, cumi khami kan tuah ding,” ti sawn ding nan si. 16 dAsinan atu-ah nannih cu duhaw zetin nan tluangkhâwng. Cuvek tluangkhawnnak hmuahhmuah cu thil ṭha lo a si. 17 eCuruangah thil ṭha tuah ding thei na cingih a tuah lo ahcun, cucu a hrangah sual a si.
4:13a Thf 27:1; Luk 12:18-20
4:15c Apo 18:21
4:16d 1Ko 5:6
Milian Ralrin Peknak
1 aNannih milianpawl, atu-ah ngai hnik uh, nan parih a thleng ding mi harsatnak nasa zet pawl ruangah ṭap uhla aihram uh. 2 bNan lennakpawl cu an ṭawih ih nan sinfenpawl cu sunhrûl in a ei. 3 Nan sui le ngun pawl cu a tlapsiat thluh zo ih, cupawlih tlap cu nanmah lo dokalhih theihpitu a si ding ih, nan titsa cu meisa kāng bangin a ei ding. Ni neta cān hrangah hlawnthil nan rak khawlkhawm a si. 4 cNgai hnik uh, bumnak ruangah nan ló ih nan hlawhfa, fang attupawl kha an hlawh nan pe lo. An hlawh manpawl cu an ausuak, cule fang attupawlih aunak cu Ralkap rualpawlih Bawi-ih hna a thleng. 5 dLeitlun ah nunnuam zetin nan nung ih nuam nan cēn, nan thinlung cu ran thah ni vekin nan rak cawm thau. 6 eMidik kha thiam lo nan coter ih nan that, anih in a lo dokalh lo.
5:2b Sam 39:11; Isa 50:9; Mat 6:19-20
5:4c Dnp 24:15; Jer 22:13; Mal 3:5; Rom 9:29
5:5d Eze 16:49; Amo 6:1; Luk 16:19
5:6e Heb 10:38
Tuarfainak
7 aCuruangah u le nau tla, Bawipa a rat tiangin thinsauin um uh. Ngai hnik uh, ló ṭuantu cun thlai in ruah hmaisa le ruah neta a ngah lai hlanlo thinsau zetin a hngak ih, a hlú zet mi leilung rah cu a hngak a si. 8 bNannih khal thinsauten um uh. Bawipaih rat ding a nai ruangah nan thinlung hngetter uh.
5:7a Joe 2:23; 1Ko 1:7; Gal 6:9
9 aU le nau tla, pakhat le pakhat phunaw hlah uh, Pathian in thiam lo a lo coter pang ding. Ngai hnik uh, Thuṭhentu cu sângka ah a ding a si! 10 bKa u le nau tla, Bawipaih hmin ih thu a simtu profetpawl cu harsat tuardān ah le tuarfaidān ah zohṭhim dingah la uh. 11 cNgai hnik uh, a tuartupawl cu mithlawsuak ah kan ruat. Job-ih tuarfainak cu hna in nan rak thei zo ih, Bawipa in a netnakah a hrangah ziang a tuahsak ti khal nan hmu zo. Bawipa cun lainatnak tam zet le zahngainak tam zet a nei.
5:9a Mat 24:33; 1Ko 4:5; 1Pe 4:5
5:10b Mat 5:12
5:11c Suah 34:6; Mip 14:18; Neh 9:17; Job 42:10; Sam 86:15; 103:8; Joe 2:13; Jon 4:2; Mat 5:10; Heb 10:36
12 aAsinan ka u le nau tla, a pawimawhbik cu hihi a si: van sālin simaw, leilung sālin simaw, a dang ziang sal khalin simaw, siasăm hlah uh. “A si,” nan ti mi cu, “A si,” si sehla, “A si lo,” nan ti mi cu, “A si lo,” si seh. Culole thuṭhennak nan táwng pang ding.
5:12a Mat 5:34-37
Zumnak ih Thlacam
13 aNan lakah harsatnak tuar nan um maw? Thlacam seh. Lungawi an um maw? Sam
5:14b Sam 23:5; Isa 1:6; Luk 10:34; Apo 11:30
5:16c Mat 7:7; Apo 19:13; Heb 12:13; 1Pe 2:24
17 aElijah cu kanmah vek mizia nei milai pakhat a rak si. Ruah sur lo dingin nasa zetin thla a cam ih, kum thum le thla ruk sung leitlun ah ruah a sur lo. 18 bCun thla a camsal ih van in ruah a pe, cule leilung in rah a suah.
5:18b 1Sp 18:41-45
19 aU le nau tla, nan lakih mi pakhat khat thutak ihsin a pial ih pakhat in cu pa cu a kirtersal asile, 20 bmisual a lamzin pialnak ihsin a kirtertu cun thihnak ihsin cu paih nunnak cu a runsuak ding ih, sual tampi a khuh fawn ding ti thei seh.
5:19a Mat 18:15