About Bible Thianghlim | ©

BibleThianghlim – 3 John

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

3 John

1

• A ngantu: John
• A siartu: Kaias
• Ngan kum: A.D. 80-95

John cakuat pathumnak hi John cakuat pahnihnak ih sim mi thu thawn an bangaw (John cakuat pahnihnak thuhmaihruai siar aw). An bangawknak cu thuthangṭha sim ih khualtlawngpawl zohṭhat ding thu hi a si. Hi cakuat khal hi apostol John in A.D. 80 le 95 karlak, Efesa kawhhran ih pastor a ṭuan laiih a ngan mi a si men thei. A thuanthu dinhmun cu John cakuat pahnihnak thawn an bangaw, thutak le duhdawtnak thupipawl khal an pahnih ah an um veve. Asinan John cakuat pahnihnak ah cun zirhtu dik lo thusimtupawlih thu a buaipi ih, John cakuat pathumnak ah cun thutak hrangih a fehsuaktu thuthangṭha simtupawlih thu a buaipi vethung. John cakuat pahnihnak ah cun zirhtu dik lo pawl cohlang lo dingin hril mi nunau le a falepawl hnenah ralrinnak a pe ih, John cakuat pathumnak ah cun thutak phuangtupawl cohlang dingin Kaias hnenah tha a pe.

John cakuat pathumnak hi John in Kaias (câng 1) hnenih a ngan mi a si ih, amah hi cu tawk peng ih kawhhran hruaitu a si men thei. John in Kaias hi kawhhran hruaitu a si thu lamzin pahnih in a langter. A pakhatnak ah, John in Kaias hnenah cakuat a ngan. John in Kaias hnenah Daioṭhefes parih dĕmnak le Demeṭrias parih lăwmnak thu a ngan. Himi hin, Kaias hi John-ih kaihhruainak hnuaiah kawhhran hruai dingih thuneitu a bang. A pahnihnak ah, Kaias in a inn ah khualtlawngih thusimtupawl a rak lăwm thu a langter. Cuvek hnaṭuan cu kawhhran hruaituih ṭuanvo a si ṭheu.

John in hi a cakuat tawite hi Kaias lăwmnak le a hrangih thlacamnak in a hram a thawk (câng1-8). Kaias in khualtlawngih thusimtupawl parih a khualṭhatnak hi thutak lamih a hnaṭuannak a si (câng 3-4). Khualṭhatnak cu zumnak thil ti (câng 5), duhdawtnak thil ti (câng 6), a ṭul ruangih ṭuan mi (câng 7) le thutak ih pawlkăwmawknak thil ti (câng 8) hi a si. Cuṭhehah John in thusimtupawl a hnawn ruangah Daioṭhefes cu thiam lo a coh (câng 9-11). John in cu pa ih a hmakhaw sialnak thinlung le a tuahnak ṭha lo a phawrhlang. John in Demeṭrias parih lăwmnak (câng 12) le thucemternak duhum hmangin a cakuat a netter (câng 13-14).

Zumtupawl in zirhtu dik lo pawl hnawn ding ṭuanvo kan nei. Asinan rawngbawltupawl cu thutak siahhlawh an si ahcun, an hnenih duhdawtnak lăngter hi kan ti tengteng ding mi a si. Kan khualṭhatnak hi Pathian ih in rulh leh ding mi rinumnak hnaṭuan a si (câng 5).

1

Kaias Cibaibûknak

1 ^aElder in thutak ih ka duhdawt mi duh tak Kaias hnenah:

1:1^a Apo 11:30; 2Joh 1:1

2 Duhdawt mi, na nun a hmuingil vek khan thil ziangkimih na hmuingilnak ding le harhdamnak ṭha na neihnak ding hrangah thla ka cam. 3 ^aZiangahtile unau hrekkhat an ra ih thutak ih na um vekin nangmah ih thutak thuhla an theihter tikah nasa zetih lungawi aipuangin ka um. 4 ^bKa falepawl thutak ah an feh ti hna ih ka theih tikih ka aipuannak hnakih nasasawn aipuannak ka nei lo.

1:3^a Apo 1:16; 2Joh 1:4

1:4^b 1Joh 2:1

Kaias-ih Tirhsiannak

5 ^aDuhdawt mi, unaupawl hrang le mikhualpawl hrangih na tuah mi ziangkimah rinum zetin na tuah ṭheu. 6 ^bNa duhdawtnak thuhla kawhhran hmaiah an rak theihter zo. Pathian mipawlih nundān milin anmahpawl cu an khualtlawnnak ah na hei thlah asile, na ti ṭha ding. 7 ^cZiangruangahtile annih cu Bawipaih hmin ruangah an fehsuak a si, Zentelpawl hnen ihsin zianghman an la lo. 8 Curuangah thutak ih rawngbawltlang kan si thei nak dingah, cuvek mipawl kha kan cohlang ding a si.

1:5^a Rom 12:13; Heb 13:2

1:6^b Apo 15:3; 1Ko 16:11; 2Ko 1:16; Efe 4:1

1:7^c Dan 7:13; Zek 12:10; Joh 15:21; Apo 20:33, 35

Daioṭhefes-ih Hngalnak

9 Kawhhran hnenah ca ka rak ngan, asinan mithupibik si a duhtu Daioṭhefes in in cohlang lo. 10 ^aCuruangah ka rat asile, a tuah mi a thil tipawl kha ka phuang ding. Anih cun kanmah dokalhin ṭawngkam siava pawl a ṭawng. Cuih ṭawng lawng cu tawk a ti lo ih, unaupawl khal a cohlang hai lo, cule cohlan a duhtupawl khal a dawn hai ih, kawhhran ihsin a suah hai.

1:10^a Joh 9:22, 34; 2Joh 1:12

11 ^aDuhdawt mi, thil sia câwng loin, thil ṭha kha câwng sawn aw. Thil ṭha a tuahtu cu Pathian hnen ihta a si, asinan thil sia a tuahtu cun Pathian a rak hmu lo. 12 ^bMi kip in Demeṭrias thuhla ṭha an rak theihter, diknak rori khal in. Kannih khal in amai thu cu kan theihter ve, kan theihter mi thu cu a dik a si ti nan thei.

1:11^a Sam 34:14; 1Joh 2:29; 3:6, 9-10

1:12^b Joh 19:35; 1Ti 3:7

Cibaibûknak Netabik

13 ^aNgan ding thil tampi ka nei, asinan na hnenah cafung le cati ih ngan ka duh lo. 14 ^bLo hmuh cing ding ka beisei, cule hmaităwnin kan beaw ding. Na hnenah hnangamdaihnak um hram seh. Hi tawkih kan rualpipawl in cibai an lo bûk. Kha tawkih rualpipawl kha an hmin sâlin cibai rak bûk hai aw.

1:13^a Dan 7:13

1:14^b Joh 10:3; Rom 1:7; Efe 6:23; 2Joh 1:12