About Bible Thianghlim | ©

BibleThianghlim – 1 San Siarnak

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

1 San Siarnak

12345678910
11121314151617181920
212223242526272829

• A ngantu: Ezra
• A siartu: Sál tān hnu Israel-mipawl
• Thil cang kum: B.C. 1011-971

San Siarnak bu khatnak le bu hnihnak hi a thawk ah cun bu khat a si. “San Siarnak” ti cabu hmin hi Jerome in Laṭin a leh mi ihsi thawk mi a si (A.D. 400 hrawng). San Siarnak cabupawl hi Septuagint (B.C. 200 hrawng) ah cun “Hrelh mi Thilpawl” tiin an ko, cumi umzia cu Samuel cabupawl le Siangpahrang cabupawl bêt mi a si men thei. San Siarnak bu khatnak in Adam ihsin Israel miphun thawhkehnak a rel (1:1). Hi cabu hin Babilon sál tān thu (9:1), sál tang pawl Jerusalem ih kir siannak Sairas-ih thusuah (2San 36:22-23) le sál tān hnuih rung nungdam David-ih tesinfapawl (3:17-24) thuhla a tarlang. Curuangah hi cabu hi, hih thil cang mipawl hnu, B.C. 430 hrawngih lâkkhawm mi a si ti a langter. Cabu ngantu in a hmin a ngan dah lo nân, Jew-pawlih thuanthu le a dang nĕmhngettupawl in cabu ngantu cu puithiam le cangantu sicih, Ezra a si ti an langter (Ezr 7:1-6).

San Siarnak cabu hin a thuanthu ngan mipawl hmangin Pathian thu pawimawh zetzet a tarlang. San Siarnak cabu-ih Pathian thu laimu cu Pathian biak a si. San Siarnak cabu pakhatnak le pahnihnak in puithiampawl thuhla le Jehovah biak nasa zetin a uar.

San Siarnak cabupawl in a burpi ih Jehovah biakdān dik a thupitzia a rel uar. Siangpahrang bu khatnak le bu hnihnak hnakin nasa zetin Levi-mipawl, Jehovah-ih puithiampawl le hlasaknak ih Jehovah biak a thupitzia a rel. San Siarnak cabupawl in siangpahrang tampi in temple, asilole Levi-mipawlih rawngbawlnak an ngaipawimawhzia a uar. Pathian cu Bible ih in zirh vekih biak ding a si.

San Siarnak cabupawl in bulpâk ih Jehovah biakdān dik khal a uar. Siangpahrang cabu sungih lang leuhleuh lo, San Siarnak cabupawl ih lang leuhleuh mi ṭawngkampawl cu: Jehovah hawl asilole Jehovah suh, mah le mah phahniamawk, rinumnak, Jehovah parih ṭhumawk tipawl hi an si.

Jehovah tansăn, Pathian parih rinum lo, Jehovah parih thil sual tuah tipawl tla hi Siangpahrang cabupawl ah málte lawng an lang nân, San Siarnak cabupawl ah a lang leuhleuh. San Siarnak cabupawl ih an uar mi thinlung pumhlum neih, asilole thinlung hmuahhmuah ih Pathian rĕn (a hleicein San Siarnak bu hnihnak) ti ṭawngkampawl hi Siangpahrang cabupawl ah an um lo ti tluk a si. Pathian cu bulpâk roriih biak ding a si.

1

Adam ihsin Abraham Tiang

1 ^aAdam, Seth, Enosh, 2 ^bKenan, Mahalalel, Jared, 3 ^cEnok, Methuselah, Lamek, 4 ^dNoah, Shem, Ham le Jafeth.

1:1^a Sem 4:25; 5:1-32; Luk 3:36-38

1:2^b Sem 5:9, 12, 15; Luk 3:37

1:3^c Sem 5:18, 21, 25, 29

1:4^d Sem 5:28, 32; 6:10

Noah Tefapawl

5 Jafeth-ih fapapawl cu: Gomer, Magog, Madai, Javan, Tubal, Meshek le Tiras tla an si. 6 Gomer-ih fapapawl cu: Ashkenaz, Difath le Togarmah tla an si. 7 Javan-ih fapapawl cu: Elishah, Tarshish, Kit-mipawl le Rodan-mipawl tla an si.

8 Ham-ih fapapawl cu: Kush, Mizraim, Put le Kanaan tla an si. 9 Kush-ih fapapawl cu: Seba, Havilah, Sabta, Raama le Sabtekha tla an si ih, Raama-ih fapapawl cu Sheba le Dedan an si. 10 Kush in Nimrod a hring, anih cun leilung tlunah micak ralthiam si a thawk. 11 Mizraim in Lud-mipawl, Anam-mipawl, Lehab-mipawl, Naftuh-mipawl, 12 Pathrus-mipawl, Kasluh-mipawl a hring (cumi ihsin Filisṭia-mipawl le Kaftor-mipawl an ra suak), 13 Kanaan in a fatir Sidon, Heth, 14 Jebus-mi, Amor-mi le Girgash-mi, 15 Hiv-mi, Arki khawmi, Sinai-mi, 16 Arvad khawmi, Zemar khawmi le Hamath khawmi pawl tla a hring.

17 Shem-ih fapapawl cu: Elam, Asshur, Arfasad, Lud, Aram, Uz, Hul, Gether le Meshek an si. 18 Arfasad in Salah a hring ih, Salah in Eber a hring. 19 Eber in fapa pahnih a nei: pakhat ih hmin cu Pelek a si, ziangahtile amai san ah leilung a ṭhenaw; a unaupaih hmin cu Joktan a si. 20 Joktan in Almodad, Shelef, Hazarmaveth, Jerah, 21 Hadoram, Uzal, Diklah, 22 Obal, Abimael, Sheba, 23 Ofir, Havilah le Jobab tla a hring. Hipawl hmuahhmuah cu Joktan-ih fapa an si.

24 ^aShem, Arfasad, Shelah, 25 Eber, Pelek, Reu 26 Seruk, Nahor, Terah, 27 le Abram, amah cu Abraham a si. 28 Abraham-ih fapa cu Isak le Ishmael an si.

1:24^a Sem 10:21-25; 11:10; Luk 3:34-36

Ishmael Tefapawl

29 Hipawl hi an thlah sâwng pawl an si: Ishmael-ih fatir cu Nebajoth a si; cun Kedar, Adbeel, Mibsam, 30 ^aMishma, Dumah, Massa, Hadad, Tema, 31 Jetur, Nafish le Kedemah tla an si. Hipawl hi Ishmael-ih fapapawl an si.

1:30^a Sem 10:7; 22:24; 25:15

Keturah Tefapawl

32 Abraham-ih nusun Keturah ih hrin mi fapapawl cu: Zimran, Jokshan, Medan, Midian, Ishbak le Shuah an si. Jokshan-ih fapapawl cu Sheba le Dedan an si. 33 Midian-ih fapapawl cu Efah, Efer, Hanok, Abida le Elda an si. Hipawl hmuahhmuah cu Keturah-ih tefa an si.

Isak Tefapawl

34 ^aAbraham in Isak a hring. Isak-ih fapapawl cu Esau le Israel an si. 35 ^bEsau-ih fapapawl cu: Elifaz, Reuel, Jeush, Jaalam le Korah an si. 36 ^cElifaz-ih fapapawl cu: Teman, Omar, Zefo, Gatam, Kenaz, Timna le Amalek an si. 37 ^dReuel-ih fapapawl cu: Nahath, Zerah, Shammah le Mizzah an si.

1:34^a Sem 17:5; 32:28; Mat 1:2; Apo 7:8

1:35^b Sem 36:4, 19

1:36^c Sem 36:11; Suah 17:14

1:37^d Sem 36:17

Seir Tefapawl

38 Seir-ih fapapawl cu: Lotan, Shobal, Zibeon, Anah, Dishon, Ezer le Dishan tla an si. 39 Lotan-ih fapapawl cu: Hori le Hemam an si; Lotan-ih farnu cu Timna a si. 40 ^aShobal-ih fapapawl cu: Alian, Manahath, Ebal, Shefo le Onam an si. Zibeon-ih fapapawl cu Aiah le Anah an si. 41 Anah-ih fapa cu Dishon a si. Dishon-ih fapapawl cu: Hemdan, Eshban, Ithran le Keran tla an si. 42 Ezer-ih fapapawl cu: Bilhan, Zaavan le Akan tla an si. Dishan-ih fapapawl cu Uz le Aran an si.

1:40^a Sem 36:2, 23-24

Edom Siangpahrangpawl

43 Hipawl hi Israel tefapawl tlunih siangpahrang in a uk hlanih Edom ram rak uktu siangpahrangpawl an si: Beor-ih fapa Bela, a khaw hmin cu Dinhabah a si. 44 Bela a thih tikah, Bozrah hrin Zerah-ih fapa Jobab in a airawlin a uk. 45 ^aJobab a thih tikah, Teman-mipawlih rammi Husham in a airawlin a uk. 46 Husham a thih tikah, Moab ram ih Midian-mipawl dotu, Bedad-ih fapa Hadad in a airawlin a uk. A khaw hmin cu Avith a si. 47 Cule Hadad a thih tikah, Masrekah-mi Samlah in a airawlin a uk. 48 Cule Samlah a thih tikah, tiva kapih um Rehoboth khawmi Saul in a airawlin a uk. 49 Saul a thih tikah, Akbor-ih fapa Baal-Hanan in a airawlin a uk. 50 Baal-Hanan a thih tikah, Hadad in a airawlin a uk, a khaw hmin cu Pau a si. A nupi hmin cu Mehetabel, Matred fanu, Mezahab-ih fanu a si. 51 Hadad khal a thi ve.

1:45^a Sem 36:11

Edom Hotupawl

Edom hotupawl cu: Hotu Timna, Hotu Alvah, Hotu Jetheth, 52 Hotu Aholibamah, Hotu Elah, Hotu Pinon, 53 Hotu Kenaz, Hotu Teman, Hotu Mibzar, 54 Hotu Magdiel le Hotu Iram tla an si. Hipawl hi Edom hotupawl an si.

2

Israel Tefapawl

1 Hipawl hi Israel-ih fapapawl an si: Reuben, Simeon, Levi, Judah, Issakar, Zebulun, 2 Dan, Joseph, Benjamin, Naftali, Gad le Asher an si.

Judah ihsin David Tiang

3 ^aJudah-ih fapapawl cu: Er, Onan le Shelah an si. Hite pathum cu Kanaan-mi Shua fanu ih a hrinsak mi an si. Judah-ih fatir Er cu Jehovah hmaiah a ṭha lo ih Jehovah in a that. 4 ^bA monu, Tamar in Perez le Zerah a hrinsak. Judah-ih fapapawl cu an zaten panga an si.

2:3^a Sem 29:35; 38:5; Mip 26:19

2:4^b Sem 11:31; 38:11-30

5 ^aPerez-ih fapapawl cu Hezron le Hamul an si. 6 Zerah-ih fapapawl cu: Zimri, Ethan, Heman, Kalkol le Dara, an zaten panga an si.

2:5^a Sem 46:12; Mip 26:21; Rut 4:18

7 ^aKarmi-ih fapa cu ^bAkar a si, Israel buaitertu, camsiat mi thil dān pahbăltu a si.

2:7^a Jos 6:18; 7:1; 1San 4:1

2:7^b Akar: Akar hi Joshua bung 7 ah Akhan tiih kawh a si. Hi tawkah cun Hebru ṭawngfáng “buainak thlentu” ti mi awsuah thlunin “Akar” tiih thlĕng a si.

8 Ethan-ih fapa cu Azariah a si.

9 ^aA hrangih hrin mi Hezron fapapawl cu: Jerahmeel, Ram le Kelubai an si. 10 ^bRam in Amminadab a hring ih, Amminadab in Judah-ih tefapawl hruaitu Nahshon a hring. 11 Nahshon in Salma a hring ih, Salma in Boaz a hring; 12 ^cBoaz in Obed a hring ih, Obed in Jessi a hring; 13 ^dJessi in a fatir Eliab a hring, a pahnihnak ah Abinadab, a pathumnak ah Shimea, 14 a palitnak ah Nethanel, a pangatnak ah Raddai, 15 a paruknak ah Ozem, a pasarihnak ah David.

2:9^a Mip 26:21

2:10^b Rut 4:19; Mat 1:4; Luk 3:32-33

2:12^c Rut 2:1; 4:17

2:13^d Rut 4:17; 1Sam 16:6, 9

16 ^aAn farnupawl cu: Zeruiah le Abigail an si. Zeruiah-ih fapapawl cu Abishai, Joab le Asahel, pathum an si. 17 ^bAbigail in Amasa a hring, Amasa-ih pa Jether cu Ishmael-mi a si.

2:16^a 1Sam 26:6; 2Sam 2:13, 18

2:17^b 2Sam 17:25

Hezron Tefapawl

18 Hezron-ih fapa Kaleb in a nupi Azubah le Jerioth thawn fapa an nei. Hipawl hi a fapapawl cu an si: Jesher, Shobab le Ardon. 19 Azubah a thih tikah, Kaleb in Efarath cu a nupi ah a ṭhi ih, anih in Hur a hrinsak. 20 ^aHur in Uri a hring ih, Uri in Bezalel a hring.

2:20^a Suah 31:2

21 ^aCuih hnuah Hezron cu Gilead-ih pa Makir fanu hnenah a lut, cu nu cu kum 60 a kim hnuih a ṭhit mi a si; cu nu in Segub a hrinsak. 22 Segub in Jair a hring, cu pa cun Gilead ram ah khawpi 23 a nei. 23 Geshur le Aram in Jair-ih khawtepawl cu an lâk, Kenath le a khaw ṭêk khaw 60 thawn. Hipawl hmuahhmuah hi Gilead-ih pa Makir tefapawl cu an si. 24 Cuih hnuah Hezron cu Kaleb Efrathah ah a thi, Hezron-ih nupi Abijah in Tekoa-ih pa Ashur a hring.

2:21^a Mip 27:1; Lai 5:14

Jerahmeel Tefapawl

25 Hezron-ih fatir Jerahmeel fapapawl cu, a fatir ah Ram, cule Bunah, Oren, Ozem le Ahijah tla an si. 26 Jerahmeel in a dang nupi a nei, a hmin cu Atarah a si, amah cu Onam-ih nu a si. 27 Jerahmeel-ih fatir Ram-ih fapapawl cu: Maaz, Jamin le Eker an si. 28 Onam-ih fapapawl cu Shammai le Jada an si. Shammai-ih fapapawl cu Nadab le Abishur an si.

29 Abishur-ih nupi hmin cu Abihail a si ih, anih in Ahban le Molid a hring. 30 Nadab-ih fapapawl cu Seled le Appaim an si; Seled cu fa nei loin a thi. 31 Appaim-ih fapa cu Ishi a si, Ishi-ih fapa cu Sheshan a si ih, Sheshan-ih fapa cu Ahlai a si. 32 Shammai-ih unaupa Jada-ih fapapawl cu Jether le Jonathan an si; Jether cu fāte nei loin a thi. 33 ^aJonathan-ih fapapawl cu Pelet le Zaza an si. Hipawl hi Jerahmeel-ih tefapawl an si.

2:33^a Mip 32:42; Dnp 3:4

34 Sheshan in fapa a nei lo, fanupawl lawng a nei. Cule Sheshan in Izip-mi siahhlawh a nei, a hmin cu Jarha a si. 35 Sheshan in a fanu cu nupi dingah a siahhlawh Jarha a pek, cule anih in fapa Attai a hring. 36 Attai in Nathan a hring ih, Nathan in Zabad a hring; 37 Zabad in Eflal a hring ih, Eflal in Obed a hring; 38 Obed in Jehu a hring ih, Jehu in Azariah a hring; 39 Azariah in Helez a hring ih, Helez in Eleasah a hring; 40 Eleasah in Sismai a hring ih, Sismai in Shallum a hring; 41 Shallum in Jekamiah a hring ih, Jekamiah in Elishama a hring.

Kaleb Tefapawl

42 Jerahmeel-ih unaupa Kaleb-ih tesinfapawl cu: a fatir ah Mesha a si, amah cu Zif-ih pa a si, cule Hebron-ih pa Mareshah in fapa dang pawl tla a nei. 43 Hebron-ih fapapawl cu: Korah, Tappuah, Rekem le Shema an si. 44 Shema in Jorkoam-ih pa Raham a hring ih, Rekem in Shammai a hring. 45 ^aShammai-ih fapa cu Maon a si ih, Maon cu Beth Zur-ih pa a si.

2:45^a Jos 15:55, 58

46 Kaleb-ih nusun Efah in Haran, Moza le Gazez a hring; cule Haran in Gazez a hring. 47 Jahdai-ih fapapawl cu Regem, Jotham, Geshan, Pelet, Efah le Shaaf an si.

48 Kaleb-ih nusun Maakah in Sheber le Tirhanah a hring. 49 ^aCu nu in Madmannah-ih pa Shaaf, Makbenah-ih pa Sheva le Gibea-ih pa a hring. Kaleb-ih fanu cu Akhsah a si.

2:49^a Jos 15:16, 31

50 Hipawl hi Kaleb-ih tesinfapawl an si: Hur-ih fa, Kirjath Jearim-ih pupá, Efrathah-ih fatir Shobal, 51 Bethlehem-ih pupá Salma le Beth Gader-ih pupá Haref tla an si.

52 Kirjath Jearim-ih pupá Shobal cun tesinfa a nei: Haroeh le Manuhoth sungza a hrek an si. 53 ^aKirjath Jearim hrinpawl cu Ithri-mipawl, Put-mipawl, Shumat-mipawl le Mishrait-mipawl an si.

2:53^a 2Sam 23:38

54 ^aSalma-ih fapapawl cu Bethlehem, Netofat-mipawl, Atroth Beth Joab, Manahath-mipawl a hrek le Zor-mipawl an si.

2:54^a Ezr 2:22; Neh 7:26

55 ^aJabez ih cêng, cangantupawlih hrinpawl cu: Tira-mipawl, Shimea-mipawl le Suka-mipawl tla an si. Cupawl cu Rekab sungzapawlih pupá Hammath hnen ihsi ra Ken-mi an si.

2:55^a Sem 15:19; Jos 19:35; Lai 1:16; 2Sp 10:15, 23; Jer 35:2-19

3

David Tefapawl

1 ^aHipawl hi Hebron khua ih suak David-ih fapapawl an si: Amnon cu fatir a si ih, Jezereel-mi Ahinoam ihsin a si; a pahnihnak cu Karmel-mi Abigail ihsin Daniel a si; 2 ^ba pathumnak cu Geshur siangpahrang Talmai-ih fanu Maakah-ih fapa Absalom a si; a palitnak cu Haggith-ih fapa Adonijah a si; 3 a pangatnak cu Abital hnen ihsin Shefatiah; a paruknak cu a nupi Eglah hnen ihsin Ithream a si. 4 ^cHite paruk cu Hebron a um laiih hrinsak mi an si. Cu tawkah kum sarih le thla ruk sung a lal, Jerusalem ah kum 33 sung a lal. 5 ^dHipawl hi Jerusalem ih hrinsak mipawl an si: Shimea, Shobab, Nathan le Solomon, an pali ten Ammiel-ih fanu ^eBathshua ihsin an si. 6 Cuihtlunah Ibhar, Elishama, Elifelet, 7 Nogah, Nefeg, Jafia, 8 Elishama, Eliada le Elifelet khal an um, an zaten pakua an si. 9 ^fHipawl hi a nusunih fapapawl telh loin, an zaten David-ih fapa an si ih, Tamar cu an farnu a si.

3:1^a Jos 15:56; 1Sam 25:43; 2Sam 3:3

3:2^b 2Sam 13:37; 1Sp 2:22

3:4^c 2Sam 2:11; 5:4-5

3:5^d 2Sam 5:14; 11:3; 2San 14:4-7

3:5^e Bathshua: Bathshua hi Bathsheba hmin dang a si.

3:9^f 2Sam 13:1

Solomon Tefapawl

10 ^aSolomon-ih fapa cu Rehoboam a si; Abijah cu a fapa a si, cuih fapa cu Asa a si, cuih fapa cu Jehoshafat a si, 11 cuih fapa cu Joram a si, cuih fapa cu Ahaziah a si, cuih fapa cu Joash a si, 12 cuih fapa cu Amaziah a si, cuih fapa cu Azariah a si, cuih fapa cu Jotham a si, 13 ^bcuih fapa cu Ahaz a si, cuih fapa cu Hezekiah a si, cuih fapa cu Manasseh a si, 14 ^ccuih fapa cu Amon a si, cuih fapa cu Josiah a si. 15 ^dJosiah-ih fapapawl cu fatir ah Johanan, a pahnihnak ah Jehoiakim, a pathumnak ah Zedekiah le a palitnak ah Shallum a si. 16 ^eJehoiakim-ih tefapawl cu: a fapa Jekoniah le a fapa Zedekiah an si.

3:10^a 1Sp 11:43; 15:1-8; 22:50; 2Sp 12:1; Mat 1:7-10

3:13^b 2Sp 21:1-18; 2San 33:1; Isa 1:1; Jer 26:19; Mik 1:1

3:14^c 2Sp 21:19-26; 22:1; 2San 33:21; 34:1

3:15^d 2Sp 23:31, 34; Jer 37:1

3:16^e 2Sp 24:6, 8, 18; Jer 22:24; Mat 1:11

17 ^aThawngtla Jekoniah-ih fapapawl cu: a fapa Shealtiel, 18 ^bMalkiram, Pedaiah, Shenazzar, Jekamiah, Hoshama le Nedabiah an si. 19 ^cPedaiah-ih fapapawl cu Zerubbabel le Shimei an si. Zerubbabel-ih fapapawl cu Meshullam, Hananiah le an farnu Shelomith le, 20 Hashubah, Ohel, Berekiah, Hasadiah le Jushab-Hesed, an zaten panga an si. 21 Hananiah-ih fapapawl cu Pelatiah, Jeshaiah, Refaiah-ih fapapawl, Arnan-ih fapapawl, Obadiah-ih fapapawl le Shekaniah-ih fapapawl an si. 22 ^dShekaniah-ih fapa cu Shemaiah a si. Shemaiah-ih fapapawl cu Hattush, Igal, Bariah, Neariah le Shafat, an zaten paruk an si. 23 Neariah-ih fapapawl cu Elioenai, Hezekiah le Azrikam, an zaten pathum an si. 24 Elioenai-ih fapapawl cu Hodaviah, Eliashib, Pelaiah, Akkub, Johanan, Delaiah le Anani, an zaten pasarih an si.

3:17^a Ezr 3:2; Mat 11:12

3:18^b Ezr 1:8; Jer 22:30

3:19^c Neh 7:7; Hag 1:1; Zek 4:6

3:22^d Ezr 8:2-3

4

Judah Tefapawl

1 ^aJudah-ih fapapawl cu Perez, Hezron, Karmi, Hur le Shobal an si. 2 Shobal-ih fapa Reaiah in Jahath a hring ih, Jahath in Ahumai le Lahad a hring. Hipawl hi Zora-mipawlih hrinpawl an si. 3 Hipawl hi Etam-ih paih fapapawl an si: Jezreel, Ishma le Idbash; cule an farnuih hmin cu Hazelelponi a si. 4 ^bPenuel cu Gedor-ih pa a si ih, Ezer cu Husah-ih pa a si. Hipawl hi Bethlehem-ih pupá Efrathah-ih fatir Hur-ih fapapawl an si.

4:1^a Sem 29:35; 38:29; Mip 26:21

4:4^b Suah 31:2; Rut 1:19

5 Tekoa-ih pa Ashur in nupi pahnih a nei, Helah le Naarah. 6 Naarah in Ahuzzam, Hefer, Temeni le Haahashtari a hrinsak. Hipawl hi Naarah-ih fapapawl an si. 7 Helah-ih fapapawl cu Zereth, Zohar le Ethnan an si. 8 Koz in Anub, Zobebah le Harum-ih fapa Aharhel hrinpawl tla a hring.

9 ^aJabez cu a unaupawl hnakin upat tlak a si ih, a nu in a hmin ah Jabez a sak, “Ziangruangahtile nâ tuarin ka hring,” tiah a ti.

4:9^a Jabez: “Jabez” ti hmin awsuah hi Hebru ṭawngfáng “na” ti awsuah vek a si.

10 Jabez in Israel-ih Pathian cu, “Maw, mal i sawm taktak awla, ka ram kauter aw, na kut in i umpi sehla, nâ tuar lo dingin thil ṭha lo lakin i humhim aw,” tiin a ko. A dil mi cu Pathian in a pe.

11 Shuhah-ih unaupa Kelub in Eshton-ih pa Mehir a hring. 12 Eshton in Beth-Rafa, Paseah le Ir-Nahash-ih pa Tehinnah a hring. Hipawl hi Rekah-ih mipapawl an si. 13 ^aKenaz-ih fapapawl cu Othniel le Seraiah an si. Othniel-ih fapapawl cu Hathath le Meonothai an si. 14 Meonothai cu Ofrah-ih pa a si. Seraiah in Ge-Harashim-ih pa Joab a hring, annih cu zungthiam an si. 15 Jefunneh-ih fapa Kaleb-ih fapapawl cu Iru, Elah le Naam tla an si. Elah-ih fapa cu Kenaz a si. 16 Jehallelel-ih fapapawl cu Zif, Zifah, Tiria le Asarel an si. 17 ^bEzrah-ih fapapawl cu Jether, Mered, Efer le Jalon an si. Mered-ih nupi in Miriam, Shammai le Eshtemoa-ih pa Ishbah a hring. 18 ^cA nupi ^dJehudijah in Gedor-ih pa Jered le Sokoh-ih pa Heber le Zanoah-ih pa Jekuthiel a hring. Hipawl hi Mered ih ṭhit mi Faro-ih fanu Bithiah-ih fapapawl an si.

4:13^a Jos 15:17; Lai 3:9, 11

4:17^b Suah 15:20

4:18^c Jos 15:34

4:18^d Jehudijah: Judah hnám ihsin tinak a si men thei.

19 ^aNaham-ih farnu, Hodiah nupi-ih fapapawl cu Gar-mi Keilah le Maakath-mi Eshtemoa an si. 20 Shimon-ih fapapawl cu Amnon, Rinnah, Ben-Hanan le Tilon an si. Ishi-ih fapapawl cu Zoheth le Ben-Zoheth an si.

4:19^a Dnp 3:14; Jos 15:44; 2Sp 25:23

21 ^aJudah fapa Shelah-ih fapapawl cu Lekah-ih pa Er, Mareshah-ih pa Laadah le Beth-Ashbea ih pat zai ṭuantu umkhawm hrinpawl an si; 22 cuihtlunah Jokim, Kozeba-ih mipapawl le Joash; Moab ihsin uktu Saraf le Jashubi-Lehem an si. Ngankhum mipawl hi khuahlan ta an si.

4:21^a Sem 38:5; 46:12

23 Hipawl hi bel tuahtupawl le Netaim le Gederah ih cêngpawl an si; annih cu cuih hmun ah siangpahrang hnenah a hna ṭuanin an cêng.

Simeon Tefapawl

24 ^aSimeon-ih fapapawl cu Nemuel, Jamin, Jarib, Zerah le Shaul an si; 25 a fapa cu Shallum a si, cuih fapa cu Mibsam a si ih, cuih fapa cu Mishma a si. 26 Cule Mishma-ih fapapawl cu Hamuel, cuih fapa cu Zakkur a si ih, cuih fapa cu Shimei a si. 27 Shimei in fapa hleiruk le fanu paruk a nei; asinan a unaupawl in fāte tampi an nei lo, an hrinpawl lakih zokhal Judah-ih tefapawl zat in an karhzai fawn lo.

4:24^a Sem 29:33; Suah 6:15; Mip 26:12

28 ^aAnmah cu Beersheba, Moladah le Hazar Shual, 29 ^bBilhah, Ezem, Tolad, 30 ^cBethuel, Hormah, Ziklag, 31 ^dBeth Markaboth, Hazar Susim, Beth Biri le Sharaim pawl ah an cêng. Hipawl hi David a lal tiangih an khawpipawl an si. 32 ^eAn khuapawl cu Etam, Ain, Rimmon, Token le Ashan, khaw nga an si; 33 cule cuih khawpi kimvel khaw ṭêk pawl zaten Baal tiang a thleng. Hipawl hi an cēnnak hmunpawl an si ih, an cithlah sâwng an kilhim. 34 Meshobab, Jamlek le Amaziah-ih fapa Joshah, 35 Joel le Joshibiah fapa Jehu, Seraiah fapa, Asiel fapa; 36 Elioenai, Jaakobah, Jeshohaiah, Asaiah, Adiel, Jesimiel, Benaiah; 37 Ziza cu Shifi-ih fapa a si, Shifi cu Allon-ih fapa a si, amah cu Jedaiah-ih fapa a si, amah cu Shimri-ih fapa a si ih, amah cu Shemaiah-ih fapa a si. 38 An hmin tarlăng mipawl hi anmai hrin cio hruaitu an si ih, an pupáih sungza cu nasa zetin a karh.

4:28^a Sem 21:14; Jos 15:26

4:29^b Jos 15:29; 19:4

4:30^c Mip 14:45; Jos 15:31

4:31^d Jos 15:36; 19:5

4:32^e Mip 34:11; Jos 15:42

39 ^aAnnih cu Gedor luhnak ah an feh ih, an rante rual hrang tlannak ding hawlin phaikuam nisuahnak lam tiang an feh. 40 ^bCule ran tlannak ding hmunram duhnungza le ṭha an táwng, cuih hmunram cu kaupi le hmun reh, ralmûangza a si, ziangahtile cu tawkah hlanlai ah Ham-mipawl an rak um dah.

4:39^a Jos 15:58

4:40^b Lai 18:7-10

41 ^aA tlunih ngankhum mi hminpawl hi Judah siangpahrang Hezekiah san ihsi ra um a si, cule annih in Ham-mipawlih thlampawl le cu tawkih tawn mi Meun-mipawl an do ih, an thatfai ṭheh, tuihsun ni tiangin. Cule annih cu cupawlih hmunram ah an cêng, ziangruangahtile an rante rual hrangah tlannak a um. 42 ^bAnmah lakih mi hrekkhat, Simeon-ih fapapawl lakih mi 500 cu Seir tlang ah an feh ih, an hotu ah Ishi-ih fapapawl Pelatiah, Neariah, Refaiah le Uzziel tla an hmang. 43 ^cAnnih cun a tāng mi Amalek tlânsuak mipawl kha an neh. Annih cu tuihsun ni tiangin cu tawkah an cêng.

4:41^a 2Sp 18:8; 19:11; 2San 20:1

4:42^b Sem 14:6

4:43^c Sem 14:7; 1Sam 15:8; 30:17

5

Reuben Tefapawl

1 ^aReuben cu Israel-ih fatir a si. A paih ihkhun a bawrhbanter ruangah, a fatir sinak cu Israel-ih fapa Joseph-ih fapapawl hnenih pek a si, cutin cithlah sâwngawknak cu fatir dinhmun zulhih siar a si lo; 2 ^bcuti si khal sehla Judah in a unaupawl a neh hai ih, amah ihsin uktu a ra, fatir sinak covo cu Joseph ta a si ko na cingin. 3 ^cIsrael fatir Reuben-ih fapapawl cu Hanok, Pallu, Hezron le Karmi an si.

5:1^a Sem 29:32; 35:22; 48:5, 15, 22

5:2^b Sem 25:31; 49:8, 10; 1Sam 9:16; 2Sam 6:21; Sam 60:7; Mat 2:6

5:3^c Sem 29:32; Suah 6:14; Mip 26:5-11

4 Joel in fapapawl tla a nei, Shemaiah cu a fapa a si. Cuih fapa cu Gog a si, cuih fapa cu Shimei a si, 5 cuih fapa cu Mikah a si, cuih fapa cu Reaiah a si, cuih fapa cu Baal a si, 6 ^acuih fapa cu Beerah a si, anih cu Assiria siangpahrang Tiglath-Pileser in ralkaih ah a hruai. Anih cu Reuben-mipawl hruaitu a si. 7 ^bA unaupawl cu an hrin vek cio in, an tesinfanaupawl cithlah sâwngawkdān khum a si tikah: lubân Jeiel, Zekariah, 8 ^cAzaz-ih fapa Bela, Azaz cu Shema-ih fapa a si, cuih fapa cu Joel a si, amah cu Aroer ah a cêng, Nebo le Baal Meon tiang. 9 ^dGilead ram ah an sumhnám an karhzai ruangah, nisuahnak lamah Zufraṭis tiva ihsin ramṭhing luhnak tiang umhmun an khuar.

5:6^a 2Sp 15:19; 18:11; 2San 28:20

5:7^b Jos 13:15-23; 1San 5:17

5:8^c Mip 32:3, 34; Jos 12:12; Lai 11:26

5:9^d Sem 2:14; Mip 32:26

10 Saul san laiah annih cu Hagar-mipawl thawn an doaw, cupawl cu an kut ah an duai, cule Gilead nisuahnak lam ram tluansuakin anmai thlam ah an cêng.

Gad Tefapawl

11 ^aGad tefapawl cu Bashan ram ralden Salkah tiang an cêng. 12 Joel cu an lubân a si ih, a sangtu cu Shafam a si, cun Jaanai le Shafat cu Bashan ah an um, 13 cule an pupá sungza-ih unaupawl cu: Maikal, Meshullam, Sheba, Jorai, Jakan, Zia le Eber, an zaten pasarih an si. 14 Hipawl hi Hur-ih fapa Abihail-ih tefa an si, cumi cu Jaroah-ih fapa a si ih, cumi cu Gilead-ih fapa a si, cumi cu Maikal-ih fapa a si, cumi cu Jeshishai-ih fapa a si, cumi cu Jahdo-ih fapa a si, cumi cu Buz-ih fapa a si; 15 Ahi cu Abdiel-ih fapa a si, cumi cu Guni-ih fapa a si ih, an pupáih sungza hotu a si. 16 Gad-mipawl cun Gilead ram Bashan ah le a khuapawl le Sharon-ih ran tlannak ram lawnglak pawl hmuahhmuah an ramri cin ah an cêng. 17 ^bHipawl hmuahhmuah cu Judah siangpahrang Jotham san le Israel siangpahrang Jeroboam san ih cithlah sâwng ih siar a si.

5:11^a Sem 30:11; Mip 1:25; Dnp 3:10; Jos 22:8-9

5:17^b 2Sp 14:23; 15:32

18 ^aReuben-ih fapapawl, Gad-mipawl le Manasseh hnám a hrek cun miralṭha, ralphaw le ralnâm keng thei mipa, thálsai thiam le ral do dingih feh raldo thiam mipa 44760 an nei. 19 ^bAnnih cun Hagar-mipawl, Jatur, Nefis le Nodab an do. 20 ^cAnnih cu cupawl donak ah băwm an si ih, Hagar-mipawl le an zawngih um mipawl zaten an kut ah pek an si, ziangahtile ral an do tikah annih in Pathian an ko. Amah an rinsan ruangah anih in an thlacam a cohlang. 21 Cun an sumhnámpawl an lâksak, an kalauk 50000, an tuu ting hnih le thawng sawmnga, an lāk 2000 an si, mipa tingkhat khal; 22 ^dral donak cu Pathian ta a si ruangah, mi tampi cu thi in an rīl. Cule annih cu sál ih hruai an si hlanlo cutepawlih hmunram ah an cêng.

5:18^a Mip 1:3

5:19^b Sem 25:15; 1San 1:31

5:20^c 1Sp 8:44; Sam 37:40; Isa 26:3; Dan 6:23

5:22^d Dnp 20:4; Jos 23:10; 2Sp 15:29; 2San 32:8

Manasseh Tefapawl

23 ^aManasseh hnám hrek pawlih tefapawl cu cuih ram ah an cêng. An mipum cu Bashan ihsin Baal, Senir, asilole Hermon tlang tiang an karhzai. 24 Hipawl hi an pupápawlih sungza lubânpawl an si: Efer, Ishi, Eliel, Azriel, Jeremiah, Hodaviah le Jahdiel. Annihpawl cu micak ralṭha, mihminthang le an pupápawlih sungza lubânpawl an si.

5:23^a Dnp 3:8-9; Sol 4:8

25 ^aAnnih cu an pupápawlih Pathian lakah an rinum lo ih, an hmaiih Pathian ih a rak hlohralter mi, cuih ram minungpawlih pathianpawl lakah hlawhhlannak an rak tuah. 26 ^bIsrael-ih Pathian in Assiria siangpahrang Pul-ih thinlung a căwktho, cucu Assiria siangpahrang Tiglath-Pileser a si. Anih in Reuben-mipawl, Gad-mipawl le Manasseh hnám hrek pawl cu a hruaihlo hai. Anih in annihpawl cu Halah khawpi, Habor tiva, Hara peng le Gozan tiva ah a hruai hai, tuihni tiangin.

5:25^a Suah 34:1, 5; Pui 18:3; Dnp 32:15-18; 2San 12:2

5:26^b 2Sp 15:19, 29; 17:6; Isa 37:7

6

Levi Tefapawl

1 ^aLevi-ih fapapawl cu ^bGershon, Kohath le Merari an si. 2 ^cKohath-ih fapapawl cu Amram, Izhar, Hebron le Uzziel an si. 3 ^dAmram-ih falepawl cu Aaron, Mosi le Miriam an si. Aaron-ih fapapawl cu Nadab, Abihu, Eleazar le Ithamar an si. 4 ^eEleazar in Finehas a hring ih, Finehas in Abishua a hring; 5 Abishua in Bukki a hring ih, Bukki in Uzzi a hring, 6 Uzzi in Zerahiah a hring, cule Zerahiah in Meraioth a hring; 7 Meraioth in Amariah a hring ih, Amariah in Ahitub a hring; 8 ^fAhitub in Zadok a hring ih, Zadok in Ahimaaz a hring, 9 Ahimaaz in Azariah a hring ih, Azariah in Johanan a hring; 10 ^gJohanan in Azariah a hring (amah cu Jerusalem ih Solomon ih sak mi temple ih puithiam a si); 11 Azariah in Amariah a hring ih, Amariah in Ahitub a hring; 12 Ahitub in Zadok a hring ih, Zadok in Shallum a hring; 13 ^hShallum in Hilkiah a hring ih, Hilkiah in Azariah a hring; 14 ⁱAzariah in Seraiah a hring ih, Seraiah in Jehozadak a hring. 15 ^jJehovah in Judah le Jerusalem cu Nebukhadnezzar kut hmangin a hruaihloh hai tikah, Jehozadak khal hruaihloh a si.

6:1^a Sem 29:34; Mip 26:57

6:1^b Gershon: Himi hmin Gershon hi hih bung sung hmun dangah cun Gershom ti a si.

6:2^c Suah 6:18; 1San 6:18

6:3^d Suah 6:23; 15:20; Pui 10:1, 6

6:4^e Ezr 7:5

6:8^f 2Sam 8:17; 15:27; Ezr 7:2

6:10^g 1Sp 4:2; 2San 26:17

6:13^h 2Sp 22:1-20; 2San 34:9

6:14ⁱ 2Sp 25:18; Ezr 2:2

6:15^j Neh 11:11; 12:1; Hag 1:1; Zek 6:11

16 ^aLevi-ih fapapawl cu Gershon, Kohath le Merari tla an si. 17 ^bHipawl hi Gershom-ih fapapawlih hmin an si: Libni le Shimei. 18 ^cKohath-ih fapapawl cu Amram, Izhar, Hebron le Uzziel an si. 19 ^dMerari-ih fapapawl cu Mahli le Mushi an si. Hipawl hi an pupápawl zulhin Levi-mipawlih hrinpawl cu an si: 20 Gershon-ih fapa cu Libni a si, cuih fapa cu Jahath a si, cuih fapa cu Zimmah a si, 21 cuih fapa cu Joah a si, cuih fapa cu Iddo a si, cuih fapa cu Zerah a si ih, cuih fapa cu Jeatherai a si. 22 ^eKohath-ih fapapawl cu a fapa Amminadab, cuih fapa cu Korah a si, cuih fapa cu Assir a si, 23 cuih fapa cu Elkanah a si, cuih fapa cu Ebiasaf a si, cuih fapa cu Assir a si, 24 cuih fapa cu Tahath a si, cuih fapa cu Uriel a si, cuih fapa cu Uzziah a si ih, cuih fapa cu Shaul a si. 25 Elkanah-ih fapapawl cu Amasai le Ahimoth an si. 26 Elkanah thuhla ah cun, Elkanah-ih fapapawl cu Zofai cu a fapa a si, cuih fapa cu Nahath a si, 27 ^fcuih fapa cu Eliab a si, cuih fapa cu Jeroham a si ih, cuih fapa cu Elkanah a si. 28 ^gSamuel-ih fapapawl cu a fatir ah Joel le a pahnihnak ah Abijah an si. 29 Merari-ih fapapawl cu Mahli, cuih fapa cu Libni, cuih fapa cu Shimei, cuih fapa cu Uzza, 30 cuih fapa cu Shimea, cuih fapa cu Haggiah a si ih, cuih fapa cu Asaiah a si.

6:16^a Sem 29:34; 46:11; Mip 3:17-20; 26:57

6:17^b Suah 6:17

6:18^c Suah 6:18

6:19^d Sem 46:11; Suah 6:19

6:22^e Suah 6:24; 1San 6:41-42

6:27^f 1Sam 1:1, 20; 1San 6:34

6:28^g 1Sam 8:2; 1San 6:33

Jehovah Inn ih Awnmawitum Thiam Pawl

31 ^aHipawl hi cawl dingih Kuang a ra thlen hnuih, David in Jehovah inn sungih hla hruaitu dingih a ruat mipawl an si. 32 Solomon in Jerusalem ah Jehovah inn a sak hlan tiang, annih cun Tawnawknak Puanthlam Biakṭheng ah hla in rawng an bawl ṭheu, an rawngbawl hna cu an hnenih pek mi dān bangtukin an bâwl.

6:31^a Ezr 3:10; Neh 12:45; Sam 68:25

33 ^aHipawl hi an tesinfapawl thawi dingpawl an si: Kohath-mipawlih tesinfapawl ihsin hlasatu Heman, amah cu Samuel-ih fapa Joel-ih fapa a si. 34 ^bSamuel cu Jeroham fapa Elkanah-ih fapa a si. Jeroham cu Toah fapa Eliel-ih fapa a si. 35 Toah cu Elkanah fapa Zuf-ih fapa a si ih, Elkanah cu Amasai fapa Mahath-ih fapa a si. 36 Amasai cu Joel fapa Elkanah-ih fapa a si ih, Joel cu Zefaniah fapa Azariah-ih fapa a si. 37 ^cZefaniah cu Assir fapa Tahath-ih fapa a si ih, Assir cu Korah fapa Ebiasaf-ih fapa a si. 38 ^dKorah cu Kohath fapa Izhar-ih fapa a si ih, Kohath cu Israel fapa Levi-ih fapa a si. 39 ^eHeman-ih unaupa Asaf cu a vawrh lamah a ding. Asaf cu Berakiah-ih fapa a si, cuih fapa cu Shimea, 40 cuih fapa cu Maikal, cuih fapa cu Baaseiah, cuih fapa cu Malkijah, 41 cuih fapa cu Ethni, cuih fapa cu Zerah, cuih fapa cu Adaiah, 42 cuih fapa cu Ethan, cuih fapa cu Zimmah, cuih fapa cu Shimei, 43 cuih fapa cu Jahath, cuih fapa cu Gershom a si ih, cuih fapa cu Levi a si.

6:33^a Mip 26:57; 1Sp 4:31

6:34^b 1Sam 1:1

6:37^c Suah 6:24

6:38^d Suah 6:21

6:39^e 1San 29:13; 2San 5:12; Neh 11:17

44 An sungkhat, Merari tesinfapawl cu keh lamah an um. Ethan cu Abdi fapa Kishi-ih fapa a si. Abdi cu Malluk-ih fapa a si. 45 Malluk cu Amaziah fapa Hashabiah-ih fapa a si ih, Amaziah cu Hilkiah-ih fapa a si. 46 Hilkiah cu Bani fapa Amzi-ih fapa a si ih, Bani cu Shemer-ih fapa a si. 47 Shemer cu Mushi fapa Mahli-ih fapa a si ih, Mushi cu Levi fapa Merari-ih fapa a si.

Aaron Tefapawl

48 Cule an unau Levi-mipawl cu Pathian inn Biakbûk rawngbawl hna tinkim hrangih ruat an si.

49 ^aAsinan Aaron le a tesinfapawl in Pathian siahhlawh Mosi in thu a rak pek mi hmuahhmuah bangtukin, Hmun Thianghlim Bik hna hmuahhmuah hrang le Israel hrangih sualkhuhthawinak tuah dingah Meiur Thilhlăn biakṭheng par le rimhmui biakṭheng parah thawinakpawl an hlan. 50 Hipawl hi Aaron-ih tesinfapawl an si: Eleazar cu a fapa a si, cuih fapa cu Finehas, cuih fapa cu Abishua, 51 cuih fapa cu Bukki, cuih fapa cu Uzzi, cuih fapa cu Zerahiah, 52 cuih fapa cu Meraioth, cuih fapa cu Amariah, cuih fapa cu Ahitub, 53 ^bcuih fapa cu Zadok a si ih, cuih fapa cu Ahimaaz a si.

6:49^a Suah 27:1-8; 30:7; Mip 18:1-8; 2San 26:18

6:53^b 2Sam 8:17

Levi-mipawlih Cēnnak Hmunrampawl

54 ^aHipawl hi an ram sungih an cēnnak hmunpawl le an umhmun khuarnak hrangah Aaron-ih fapapawl lakih Kohath hrin hnenah camcawhfung zûknak hmangih pek an si: 55 Judah ram ih Hebron le a kimvelih ran tlannak ram lawnglak pawl cu anmah an pe. 56 ^bAsinan khawpi lórampawl le a khaw ṭêk pawl cu Jefunneh-ih fapa Kaleb an pe. 57 ^cRăwlhimnak khuapawl lakih pakhat Hebron, cuihtlunah Libnah khua le a ran tlannak ram lawnglak pawl, Jattir le a ran tlannak ram lawnglak pawl, Eshtemoa khua le a ran tlannak ram lawnglak pawl, 58 ^dHilen khua le a ran tlannak ram lawnglak pawl, Debir khua le a ran tlannak ram lawnglak pawl, 59 ^eAshan khua le a ran tlannak ram lawnglak pawl, cule Beth Shemesh khua le a ran tlannak ram lawnglak pawl cu Aaron-ih fapapawl hnenah an pe. 60 ^fBenjamin hnámih rampawl lak ihsin: Geba khua le a ran tlannak ram lawnglak pawl, Alemeth khua le a ran tlannak ram lawnglak pawl, Anathoth khua le a ran tlannak ram lawnglak pawl an pe. An hrinpawl lakih an khawpi zate cu khawpi hleithum a si.

6:54^a Mip 31:10; Jos 21:4, 10

6:56^b Jos 14:13

6:57^c Mip 33:20; Jos 15:48; 21:13

6:58^d Jos 10:3; 21:15

6:59^e Jos 15:42; 21:16

6:60^f Jos 21:18; Jer 1:1

61 A tāng lai mi Kohath-mipawlih hrinpawl hnenah camcawhfung zûknak hmangin Manasseh hnám hrek pawlih ta ihsin khawpi pahra an pe. 62 Gershom-ih tesinfapawl hnenah, an hrin cio hnenah, Issakar hnám covo ihsin, Asher hnám covo ihsin, Naftali hnám covo ihsin le Bashan ram ih Manasseh hnám covo ihsin khawpi hleithum an pe. 63 Merari-ih tesinfapawl hnenah, an hrin cio hnenah, Reuben hnám covo ihsin, Gad hnám covo ihsin le Zebulun hnám covo ihsin khawpi hleihnih an pe. 64 ^aIsrael tefapawl in hi khawpipawl cu a ran tlannak ram lawnglak pawl thawn Levi-mipawl an pe. 65 Camcawhfung zûknak hmangin Judah-ih tefapawlih hnám covo ihsin, Simeon-ih tefapawlih hnám covo ihsin le Benjamin-ih tefapawlih hnám covo ihsin an hmin ih kawh mi hi khawpipawl cu an pe.

6:64^a Mip 35:1-8

66 Kohath-ih tesinfapawlih hrin hrekkhat cun Efraim hnám ramripawl sungah khawpipawl an nei. 67 ^aAnnih in Efraim tlang ram ih răwlhimnak khuapawl lakih pakhat Shekem cu a ran tlannak ram lawnglak pawl thawn an co, Gezer khua le a ran tlannak ram lawnglak pawl khal, 68 ^bJokmeam khua cu a ran tlannak ram lawnglak pawl thawn, Beth Horon khua cu a ran tlannak ram lawnglak pawl thawn, 69 ^cAijalon khua cu a ran tlannak ram lawnglak pawl thawn, cule Gath Rimmon khua cu a ran tlannak ram lawnglak pawl thawn an pe. 70 Manasseh hnám hrek hnen ihsin: Aner khua cu a ran tlannak ram lawnglak pawl thawn le Bileam cu a ran tlannak ram lawnglak pawl thawn a tāng mi Kohath cithlahpawl hrin hrangah an pe.

6:67^a Jos 10:33; 21:21

6:68^b Jos 10:10; 21:22; 1Sp 4:12

6:69^c Jos 10:12; 19:45

71 ^aManasseh hrin a hrek pawlih covo ihsin Gershom-ih tesinfapawl an pek mi cu Bashan ram ih Golan khua le a ran tlannak ram lawnglak pawl, Ashtaroth khua le a ran tlannak ram lawnglak pawl a si. 72 ^bIssakar hnám covo ihsin Kedesh khua le a ran tlannak ram lawnglak pawl, Daberath khua le a ran tlannak ram lawnglak pawl, 73 Ramoth khua le a ran tlannak ram lawnglak pawl, Anem khua le a ran tlannak ram lawnglak pawl an pe. 74 ^cAsher hnám covo ihsin Mashal khua le a ran tlannak ram lawnglak pawl, Abdon khua le a ran tlannak ram lawnglak pawl, 75 Hukok khua le a ran tlannak ram lawnglak pawl, Rehob khua le a ran tlannak ram lawnglak pawl an pe. 76 ^dNaftali hnám covo ihsin Galili ram ih Kedesh khua le a ran tlannak ram lawnglak pawl, Hammon khua le a ran tlannak ram lawnglak pawl, Kirjathaim khua le a ran tlannak ram lawnglak pawl an pe.

6:71^a Jos 20:8; 21:27

6:72^b Jos 19:12; 21:28

6:74^c Mip 13:21; Jos 19:34

6:76^d Mip 32:37; Jos 19:28

77 Zebulun hnám covo ihsin Merari-ih tefa a tāng mipawl hnenah Rimmon khua le a ran tlannak ram lawnglak pawl, Tabor khua le a ran tlannak ram lawnglak pawl pek an si. 78 ^aJeriko ralden Jordan khat lam ral, Jordan nisuahnak lamah Reuben hnám covo ihsin ramṭhing ih Bezer khua le a ran tlannak ram lawnglak pawl, Jahzah khua le a ran tlannak ram lawnglak pawl, 79 ^bKedemoth khua le a ran tlannak ram lawnglak pawl, Mefaath khua le a ran tlannak ram lawnglak pawl khal an pe. 80 ^cGad hnám covo ihsin Gilead ram ih Ramoth khua le a ran tlannak ram lawnglak pawl, Mahanaim khua le a ran tlannak ram lawnglak pawl, 81 Heshbon khua le a ran tlannak ram lawnglak pawl, Jazer khua le a ran tlannak ram lawnglak pawl an pe.

6:78^a Jos 20:8

6:79^b Dnp 2:26

6:80^c Sem 32:2; Mip 21:32; Jos 20:8; 2San 11:14

7

Issakar Tefapawl

1 ^aIssakar-ih fapapawl cu Tola, Puah, Jashub, Shimron, an zaten pali an si. 2 Tola-ih fapapawl cu Uzzi, Refaiah, Jeriel, Jahmai, Jibsam le Shemuel an si ih, an pupáih sungza lubân an si. Tola-ih fapapawl cu anmai san ah micak ralṭha an si, David san ih an mipum cu 22600 an si. 3 Uzzi-ih fapa cu Izrahiah a si ih, Izrahiah-ih fapapawl cu Maikal, Obadiah, Joel le Isshiah an si. An panga in an zaten hotu an si. 4 Cupawl zawngah, anmai sungkua cio cun an pupápawlih sungza zulhin ral do dingih tiar cia ralkap 36000 an nei, ziangahtile annihpawl cun nupi tampi le fapa tampi an nei.

7:1^a Sem 30:18; 46:13; Mip 26:23

5 Issakar hrin hmuahhmuah ih an sungkhat micak ralṭha, an cithlah sâwng vekih siartelh mi mipum 87000 an um.

Benjamin Tefapawl

6 ^aBenjamin-ih fapapawl cu Bela, Beker le Jediael, an zaten pathum an si. 7 Bela-ih fapapawl cu Ezbon, Uzzi, Uzziel, Jerimoth le Iri, an zaten panga an si. An pupápawlih sungza lubânpawl, micak ralṭha an si ih, annihpawl cu an cithlah sâwng siarnak mipum 22034 lakih siartel an si.

7:6^a Sem 46:21; Mip 26:38-41

8 Beker-ih fapapawl cu Zemirah, Joash, Eliezer, Elioenai, Omri, Jerimoth, Abijah, Anathoth le Alemeth an si. Hipawl hmuahhmuah hi Beker-ih fapa an si. 9 Annih cu an sungkua vek cio in cithlah sâwng ngankhumnak ah khum an si, an pupápawlih sungza lubân micak ralṭha 20200 an um. 10 Jediael-ih fapa cu Bilhan a si ih, Bilhan-ih fapapawl cu Jeush, Benjamin, Ehud, Kenaanah, Zethan, Tarshish le Ahishahar an si.

11 Hih fapapawl hmuahhmuah hi an pupápawlih sungza lubân an si; ral do le doawknak ih feh dingih tling tlak micak ralṭha mipum 17200 an um. 12 Shuppim le Huppim cu Ir-ih fapa an si ih, Hushim cu Aher-ih fapa a si.

Naftali Tefapawl

13 ^aNaftali-ih fapapawl cu Jahziel, Guni, le Jezer an si ih, Bilhah-ih fapa an si.

7:13^a Sem 30:8; Mip 26:43

Manasseh Tefapawl

14 ^aManasseh tesinfapawl cu a nusun Siria-mi in Makir a hrinsak, amah cu Gilead-ih pa a si ih, cumi cu Asriel-ih pa a si. 15 ^bMakir in Huppim le Shuppim hrangah nupi a ṭhi. A farnuih hmin cu Maakah a si. A pahnihnak ih hmin cu Zelofehad a si, asinan Zelofehad cun fanu lawnglawng a hring. 16 Makir-ih nupi Maakah in fapa a hring ih, a hmin ah Peresh a sak. A unaupaih hmin cu Sheresh a si ih, a fapapawl cu Ulam le Rakem an si. 17 ^cUlam-ih fapa cu Bedan a si. Hipawl hi Manasseh-ih fapa Makir-ih fapa Gilead-ih tesinfapawl an si.

7:14^a Sem 41:51; Mip 26:30; Jos 17:1

7:15^b Mip 26:30-33; 27:1

7:17^c Mip 26:30

18 ^aA farnu Hammolekheth in Ishhod, Abiezer le Mahlah a hring.

7:18^a Jos 17:2; 1Sam 12:11

19 ^aShemida-ih fapapawl cu Ahian, Shekem, Liki le Aniam an si.

7:19^a Jos 17:2

Efraim Tefapawl

20 ^aEfraim-ih tefapawl cu hipawl hi an si: Shuthelah cu a fapa a si, cuih fapa cu Bered, cuih fapa cu Tahath, cuih fapa Eleadah, cuih fapa Tahath, 21 cuih fapa Zabad, cuih fapa Shuthelah (Shuthelah fapa Ezer le Elead cu sumhnám ru dingin Gath ram ih an suk tikah, cu tawk rammi Gath-mipawl in an rak that. 22 An pa Efraim in ni tampi sung a sûn hai, cule amah hnem dingin a sungkhatpawl an ra. 23 Anih cu a nupi hnenah a lut, a nupi cun fa a vun ih fapa a hring. A sungkua tlunah vanduainak a thlen ruangah a hmin ah ^bBeriah a sak. 24 ^cEfraim-ih fanu cu Sheerah a si ih, anih in Beth Horon tlunta khua le tăngta khua le Uzzen-Sheerah khua a dĭn). 25 Cuih fapa Refah le Reshef, cuih fapa Telah, cuih fapa Tahan, 26 cuih fapa Laadan, cuih fapa Ammihud, cuih fapa Elishama, 27 cuih fapa Nun, cuih fapa cu Joshua a si.

7:20^a Sem 41:52; Mip 1:33

7:23^b Beriah: Hebru ṭawng ih a sullam cu “vanduainak ah” tinak a si.

7:24^c Jos 10:10; 16:3

28 ^aAn neih mi le an cēnnak hmunpawl cu Bethel le a kiangkap khawtepawl: nisuahnak lamah Naaran, nitlaknak lamah Gezer le a kiangkap khawtepawl, cule Shekem le a kiangkap khawtepawl, Ayyah le a kiangkap khawtepawl tiang a si, 29 ^bcule Manasseh-ih tefapawlih ^cramri lamah cun Beth Shean le a kiangkap khawtepawl, Taanak le a kiangkap khawtepawl, Megiddo le a kiangkap khawtepawl, Dor le a kiangkap khawtepawl an si. Hipawl ah Israel-ih fapa Joseph tefapawl an cêng.

7:28^a Jos 10:33

7:29^b Sem 41:51; Jos 11:2; 17:11

7:29^c ramri: A ṭawng hrampi ah, “kut” ti a si. Hebru ṭawng ih kut ti mi cun mi pakhat ih neih mi, ramṭhen, thuneihnak a aiawh thei.

Asher Tefapawl

30 ^aAsher-ih fapapawl cu Jimnah, Ishvah, Ishvi, Beriah le an farnu Serah tla an si. 31 Beriah-ih fapapawl cu Heber le Birzaith-ih pa Malkiel an si. 32 Heber in Jaflet, Shomer, Hotham le an farnu Shua a hring. 33 Jaflet-ih fapapawl cu Pasak, Bimhal le Ashvath an si. Hipawl hi Jaflet-ih fale an si. 34 Shemer-ih fapapawl cu Ahi, Rohgah, Jehubbah le Aram tla an si. 35 A unaupa Helem-ih fapapawl cu Zofah, Imna, Shelesh le Amal an si. 36 Zofah-ih fapapawl cu Suah, Harnefer, Shual, Beri, Imrah, 37 Bezer, Hod, Shamma, Shilshah, Jithran le Beera an si. 38 Jether-ih fapapawl cu Jefunneh, Pispah le Ara an si. 39 Ulla-ih fapapawl cu Arah, Haniel le Rizia an si.

7:30^a Sem 41:55; Mip 1:40

40 Hipawl hmuahhmuah hi Asher tefa, an pupápawlih sungza lubânpawl, mipa ṭhabik pawl, micak ralṭha, hotu lu bik pawl an si. Cupawl cu ralkappawl lakah doawknak hrangih a tling tlak mi ah an cithlah sâwng cio vekih ngankhum an si, an mipum cu 26000 an si.

8

Benjamin Tefapawl

1 ^aBenjamin in a fatir Bela a hring, a pahnihnak ah Ashbel, a pathumnak ah Aharah, 2 a palitnak ah Nohah le a pangatnak cu Rapha a si. 3 ^bBela-ih fapapawl cu Addar, Gera, Abihud, 4 ^cAbishua, Naaman, Ahoah, 5 Gera, Sefufan le Huram an si.

8:1^a Sem 46:21; Mip 26:38

8:3^b Sem 46:21; Mip 26:40

8:4^c 2Sam 23:9

6 ^aHipawl hi Ehud-ih fapa an si, annih cu Geba luahtu an pupápawlih sungza lubânpawl an si ih, Manahath ah dawisuak an si: 7 Naaman, Ahijah le Gera pawl tla. Gera in Uzza le Ahihud a hring, anih in Geba luahtupawl a dawisuak hai.

8:6^a Lai 3:12-30

8 A nupi Hushim le Baara a thlahhlo hnuah Shaharaim in Moab ram ah tefa a nei. 9 A nupi Hodesh hnenin Jobab, Zibia, Mesha, Malkam, 10 Jeuz, Sakiah le Mirmah a hring. Hipawl hi a fapapawl le an pupápawlih sungza lubânpawl an si.

11 Anih cun Hushim hnen ihsin Abitub le Elpaal a hring. 12 ^aElpaal-ih fapapawl cu Eber, Misham le Ono khawpi le Lod khawpi le a kiangkap khawtepawl dĭntu Shemed, 13 ^bcule Gath khawpi luahtupawl dawisuaktu, Beriah le Shema cu Aijalon khawpi luahtu an pupápawlih sungza lubânpawl an si. 14 Ahio, Shashak Jeremoth, 15 Zebadiah, Arad, Eder, 16 Maikal, Ispah le Joha cu Beriah-ih fapa an si. 17 Zebadiah, Meshullam, Hizki, Heber, 18 Ishmerai, Jizliah le Jobab cu Elpaal-ih fapa an si. 19 Jakim, Zikri, Zabdi, 20 Elienai, Zillethai, Eliel, 21 Adaiah, Beraiah le Shimrath cu Shimei-ih fapa an si. 22 Ishpan, Eber, Eliel, 23 Abdon, Zikri, Hanan, 24 Hananiah, Elam, Antothijah, 25 Ifdeiah le Penuel cu Shashak-ih fapa an si. 26 Shamsherai, Shehariah, Athaliah, 27 Jaareshiah, Elijah le Zikri cu Jeroham-ih fapa an si.

8:12^a Ezr 2:33; Neh 6:2

8:13^b Jos 10:12; 11:22; 1San 8:21

28 Hipawl cu an cithlah sâwng zulhin an pupápawlih sungza lubânpawl le hotu an si. Hipawl cu Jerusalem ah an cêng.

29 ^aGibeon khua ah Gibeon-ih pa a cêng, a nupi hmin cu Maakah a si. 30 A fapa upabik cu Abdon a si, a fapa dang pawl cu Zur, Kish, Baal, Nadab, 31 Gedor, Ahio, Zeker, 32 Shimeah hringtu Mikloth tla an si. Annih khal an sungkhatpawl kiangkungah Jerusalem ah an unaupawl thawn an cêng ve. 33 ^bNer in Kish a hring, Kish in Saul a hring, Saul in Jonathan, Malkishua, Abinadab le ^cEsh-Baal a hring. 34 ^dJonathan-ih fapa cu Merib-Baal a si ih, Merib-Baal in Mikah a hring. 35 Mikah-ih fapapawl cu Pithon, Melek, Tarea le Ahaz an si. 36 Ahaz in Jehoaddah a hring, Jehoaddad in Alemeth, Azmaveth le Zimri a hring ih, Zimri in Moza a hring. 37 Moza in Binea a hring, cuih fapa cu Rafah, cuih fapa cu Eleasah, cuih fapa cu Azel a si.

8:29^a Jos 9:3; 1San 9:35-38

8:33^b 1Sam 9:1; 14:49; 28:19; 2Sam 2:8

8:33^c Esh-Baal: Bible hmun dangah cun Ish-Bosheth ti a si.

8:34^d 2Sam 4:4; 9:12

38 Azel in fapa paruk a nei ih an hmin cu: Azrikam, Bokeru, Ishmael, Sheariah, Obadiah le Hanan an si. Hipawl hmuahhmuah hi Aze-ih fapa an si. 39 A unaupa Eshek-ih fapapawl cu a fatir ah Ulam, a pahnihnak ah Jeush, a pathumnak ah Elifelet a si.

40 ^aUlam-ih fapapawl cu micak ralṭha le thálsai thiam an si. Annih cun fapa tampi le tupa tampi an nei, an zaten 150 an si. Hipawl hmuahhmuah hi Benjamin-ih fapa an si.

8:40^a Mip 26:38

9

Jerusalem ih Cêngpawl

1 ^aIsrael miphun zate cithlah sâwngawkdān ngankhum a si. Cule ngai hnik, annih cu Israel siangpahrangpawlih cazual ah ngan an si. An rinumlonak ruangah Judah-mipawl cu Babilon ih hruaihloh an rak si. 2 ^bCun an co mi an khawpipawl luah hmaisabik tupawl cu Israel-mi mi hrekkhat, puithiampawl, Levi-mipawl le Nethin-mipawl an si.

9:1^a Dnp 21:10; 2San 1:2; 29:24; Ezr 2:59

9:2^b Jos 9:27; Ezr 2:43, 58, 70; Neh 7:60

3 Jerusalem ah Judah-ih tefapawl, Benjamin tefa hrekkhat le Efraim tefa hrekkhat le Manasseh tefa hrekkhat an cêng. 4 ^aUthai cu Ammihud-ih fapa a si, cumi cu Omri-ih fapa a si, cumi cu Imri-ih fapa a si, cumi cu Bani-ih fapa a si, cupawl cu Judah fapa Perez-ih tesinfa an si. 5 Shilon-mipawl cu: fatir ah Asaiah le a fapapawl an si. 6 Zerah-ih fapapawl cu Jeuel le a sungkhatpawl thawn mipum 690 an si. 7 Benjamin-ih tefapawl cu: Sallu cu Meshullam-ih fapa a si, cumi cu Hodaviah-ih fapa a si, cumi cu Hassenuah-ih fapa a si, 8 Ibneiah cu Jeroham-ih fapa a si, Elah cu Uzzi-ih fapa a si, cumi cu Mikri-ih fapa a si, Meshullam cu Shefatiah-ih fapa a si, cumi cu Reuel-ih fapa a si, cumi cu Ibnijah-ih fapa a si, 9 an sungkhat, an cithlah sâwng vekin mipum 956 an si. Cupawl hmuahhmuah cu an pupápawlih sungzapawl lakah pupápawlih sungza lubânpawl an si.

9:4^a Sem 38:29

10 Puithiampawl lakah: Jedaiah, Jehoiarib le Jakin, 11 Hilkiah-ih fapa Azariah pawl tla an si, cumi cu Meshullam-ih fapa a si, cumi cu Zadok-ih fapa a si, cumi cu Meraioth-ih fapa a si, cumi cu Pathian inn ih hohatu Ahitub-ih fapa a si, 12 ^aJeroham-ih fapa Adaiah a si, cumi cu Pashur-ih fapa a si, cumi cu Malkijah-ih fapa a si; a dang leh cu Adiel-ih fapa Maasai a si, cumi cu Jahzerah-ih fapa a si, cumi cu Meshullam-ih fapa a si, cumi cu Meshillemoth-ih fapa a si, cumi cu Immer-ih fapa a si. 13 An sungkhat, an pupápawlih sungza lubânpawl cu mipum 1760 an si. Annih cu Pathian inn sungih rawngbawl hna ṭuan thei nak titheinak nei an si.

9:12^a Ezr 2:38; Neh 10:3; Jer 21:1

14 Levi-mipawl lakah: Hasshub-ih fapa Shemaiah a si, cumi cu Azrikam-ih fapa a si, cumi cu Hashabiah-ih fapa a si, cupawl cu Merari-ih fapa an si. 15 ^aA dang Levi-mipawl cu Bakbakkar, Heresh, Galal, Mikah-ih fapa Mattaniah tla an si. Mikah cu Zikhri-ih fapa a si, cumi cu Asaf-ih fapa a si, 16 ^bShemaiah-ih fapa Obadiah, cumi cu Galal-ih fapa a si, cumi cu Jeduthun-ih fapa a si; cule a dang leh cu Asa-ih fapa Berekiah a si, cumi cu Netofat-mipawlih khuapawl ih um a si.

9:15^a 2San 20:14; Neh 11:17, 22

9:16^b Neh 11:17; 12:28

17 ^aKăwtka kiltupawl cu Shallum, Akkub, Talmon, Ahiman le an sungkhatpawl an si. Shallum cu hotu a si. 18 ^bTutiangin annih cu nisuahnak lam siangpahrang kăwtka ih Levi tefapawlih ṭanhmun khuarnak kăwtka kiltu an si.

9:17^a 2San 8:14; Ezr 2:42; Neh 7:45

9:18^b Eze 43:1

19 ^aShallum cu Kore-ih fapa a si, cumi cu Ebiasaf-ih fapa a si, cumi cu Korah-ih fapa a si. A pupáih sungza ihsin Shallum-ih sungkhat, Korah-mipawl cu biakbûk kăwtka kiltu rawngbawl hna ṭuanvo pek mi an si. An pupápawl cu Jehovah ih ṭanhmun khuarnak luhnak kiltu an rak si. 20 ^bEleazar-ih fapa Finehas cu a liam cia cān ah anmah tlunih hotu a rak si; a hnenah Jehovah a um. 21 Meshelemiah-ih fapa Zekariah cu tawnawknak biakbûk sângka kiltu a si.

9:19^a Jer 35:4

9:20^b Mip 25:6-13; 31:6

22 ^aKăwtka kiltu dingih hril mi zaten mipum 212 an si. Annih cu anmai khua ciar ah an cithlah sâwng cio vekih ngankhum an si. David le hmutu Samuel in annih cu rinsan tlak hna hrangah an ruat. 23 Anmah le an tefapawl cu Jehovah inn kăwtkapawl, cucu biakbûk inn a si, kiltu an si. 24 Kăwtka kiltupawl cu kap li ah, nisuahnak lam, nitlaknak lam, sak lam le thlang lamah an um. 25 ^bAn khawtepawl ih an sungkhatpawl cu ni sarih dan ah a haha in hnaṭuan dingin an ra. 26 Ziangahtile himi rinsan tlak hna ah kăwtka kiltu hotu pali an um, cupawl cu Levi-mi an si. Annih cu Pathian inn pindanpawl le hlawnthil retnak kil ding ṭuanvo an nei. 27 ^cAn hna a si ruangah le zing tin kăwtka ăwn ṭuanvo an neih ruangah annih cu Pathian inn kimvelah an riak.

9:22^a 1Sam 9:9; 1San 26:1-2

9:25^b 2Sp 1:5; 11:4-7

9:27^c Mip 3:38; Isa 22:22

28 Mi hrekkhat cu rawngbawlnak bungbel an kilkhawi, ziangahtile annih in cupawl cu an suah le an luh tinten an siar ta ṭheu. 29 ^aMi hrekkhat cu bungruapawl le bungbel thianghlim pawl hmuahhmuah le sangvut phut le sabit zu le hriak le rimhmui le hriak rimthaw kil dingih ruat an si. 30 ^bCule puithiam fapa hrekkhat pawl in hnih mi rimhmui an tuah.

9:29^a Mip 3:28; 1San 23:29

9:30^b Suah 30:22-25

31 Korah-mi Shallum-ih fatir Levi-mi Mattithiah cun khēng dau pawl parih kăn mi sangpawl tlunih rinsan tlak hna a nei. 32 ^aAn sungkhat dang, Kohath-ih tefa hrekkhat cu Sabbath ni tinten cabuai parih Sangserh timlam ding ṭuanvo pek an si.

9:32^a Pui 24:5-8; 2San 13:11

33 ^aCupawl cu hlasaktu, Levi-mipawlih pupápawlih sungza lubânpawl, pindanpawl ih riak, ṭuanvo dang lakih âwl an si, ziangahtile annih cu a sun a zan cuih hnaṭuan dingih thiah an si. 34 Hih Levi-mipawlih pupápawlih sungza lubânpawl cu anmai san cio ah lubân an rak si. Annih cu Jerusalem ah an cêng.

9:33^a 2San 5:12; Sam 134:1

Saul-ih Sungkua

35 Gibeon khua ah Gibeon-ih pa Jeiel a cêng, a nupi hmin cu Maakah a si. 36 A fapa upabik cu Abdon a si, a fapa dang pawl cu Zur, Kish, Baal, Ner, Nadab, 37 Gedor, Ahio, Zekariah le Mikloth tla an si. 38 Mikloth in Shimean a hring. Annih khal an sungkhatpawl kiangkungah Jerusalem ah an unaupawl thawn an cêng ve. 39 ^aNer in Kish a hring, Kish in Saul a hring, Saul in Jonathan, Malkishua, Abinadab le ^bEsh-Baal a hring. 40 ^cJonathan-ih fapa cu Merib-Baal a si ih, Merib-Baal in Mikah a hring. 41 Mikah-ih fapapawl cu Pithon, Melek, Tarea le Ahaz tla an si. 42 Ahaz in Jarah a hring, Jarah in Alemeth, Azmaveth le Zimri a hring ih, Zimri in Moza a hring, 43 Moza in Binea a hring, cuih fapa cu Refaiah a si, cuih fapa cu Eleasah a si, cuih fapa cu Azel a si. 44 Azel in fapa paruk a nei ih an hmin cu: Azrikam, Bokeru, Ishmael, Sheariah, Obadiah le Hanan an si, hipawl hi Azel-ih fapa an si.

9:39^a 1Sam 9:1; 13:22; 2Sam 2:8

9:39^b Esh-Baal: 8:33 zoh aw.

9:40^c 2Sam 4:4

10

Saul le a Fapapawl Thihnak

1 Cule Filisṭia-mipawl in Israel an do ih, Filisṭia-mipawl hmaiah Israel mipapawl cu an tlânsia, cule an thah mipawl cu Gilboa tlang ah an rīl teptep. 2 Cun Filisṭia-mipawl in Saul le a fapapawl cu an dung tein an dawi ih, Filisṭia-mipawl cun Saul-ih fapa Jonathan, Abinadab le Malkishua cu an that. 3 Saul an donak cu a nasa deuhdeuh. Thálsai thiam pawl in Saul cu an rak saingah ih, anih cu thálsai thiam pawl in an tuahmawh. 4 Cun Saul in a ralthuam kengtu hnenah, “Na ralnâm zûk awla, cumi in i dawttlăng aw, culole hi serh zim tan lo pawl hi an ra ding ih, in ra puahcăwk pang ding,” tiah a ti. Asinan a ralthuam kengtu in a ti duh lo, ziangahtile anih cun a ṭih tuk. Curuangah Saul in ralnâm a lâk ih, a parah a bawhhnawh. 5 Cule a ralthuam kengtu in Saul a thi ti a hmuh tikah, anih khal a ralnâm a bawhhnawh ve ih a thi. 6 Cutin Saul le a fapa pathum cu an thi ih, a sungkuapawl cu an zaten an thitlang ṭheh. 7 Cule phaikuam ih um Israel mipapawl hmuahhmuah in ralkappawl an tlân ti le Saul le a fapapawl an thi ti an hmuh tikah, an khawpipawl cu an tān ta ih an tlân; cun Filisṭia-mipawl an ra ih, cuih khawpipawl ah cun an cêng.

8 Cun a thaisun ah hitin a si, Filisṭia-mipawl cu an thah mipawlih thuam hlit dingih an rat tikah, Gilboa tlang ah Saul le a fapapawl rīlin an hmu. 9 Cule Saul cu an hlihsak ih, a lu le a ralthuam an lâk, cule temple sungih an milempawl hnenah le mipi hnenih thuthang thăn dingin Filisṭia-mipawlih ram pumpi ah thu an thlah. 10 ^aCun a ralthuam cu an pathianpawlih temple sungah an ret ih, a lu cu Dagon temple sungah an tar.

10:10^a Lai 16:23; 1Sam 31:10

11 ^aCule Jabesh Gilead luahtu hmuahhmuah in Filisṭia-mipawl ih Saul an tuahdān thu an theih tikah, 12 miralṭhapawl zaten an tho ih, Saul-ih ruak le a fapapawlih ruak cu an la. Cule cucu Jabesh ah an thiar ih, an ruhpawl cu Jabesh ah esel thingkung hnuaiah an phum, cule ni sarih sung rawl an ul.

10:11^a Lai 21:8

13 ^aCun Saul cu Jehovah parih a rinumlonak thil sual a tuah ruangah a thi, Jehovah-ih kamsuakthu a thlun lo ih, kaihruaitu dingah thlaraukawh thiam thu a ráwn. 14 ^bJehovah a rak sut lo, curuangah amah cu a that ih, lalram cu Jessi-ih fapa David hnenah a ṭhawn.

10:13^a Pui 19:31; 1Sam 13:13; 2Sam 1:1

10:14^b 1Sam 13:14; 1San 12:23

11

David cu Israel tlunah Siangpahrang ih Tuah a Si

1 ^aIsrael miphun zaten Hebron ah David hnenah an rakhawm ih, “Ngai hnik, kanmah cu na titsa le na ruh kan si. 2 ^bCuihtlunah, hi hlanah, Saul siangpahrang a si laiah, nangmah cu Israel hruaisuaktu le hruailuttu na si. Cule Jehovah na Pathian in na hnenah, ‘Ka mi Israel na kilkhawi pei ih, ka mi Israel tlunah uktu na si ding,’ tiah a lo ti,” tiah an ti. 3 ^cCuruangah Israel upapawl zaten siangpahrang hnenah Hebron ah an ra ih David in anmahpawl thawn Hebron ah Jehovah hmaiah thukham a tuah. Cule Samuel hnenih Jehovah-ih kamsuakthu bangtukin, annih in David cu Israel tlunih siangpahrang ah hriak an thih.

11:1^a Sem 13:18; 2Sam 5:1

11:2^b 1Sam 5:3; Sam 78:71; Mat 2:6

11:3^c 1Sam 16:1-13; 2Sam 5:3

David in Zion a La

4 ^aDavid le Israel miphun zaten Jerusalem ah an feh, cucu Jebus a si, cu tawkah ram luahtu Jebus-mipawl an um. 5 Jebus luahtupawl in David hnenah, “Hi tawkah na lut lo pei!” tiah an ti. Sikhalsehla David in Zion ral hruangkulh cu a lak, cumi cu David-ih Khawpi a si. 6 ^bDavid in, “Jebus-mipawl do hmaisabik tu pauhpauh cu hotu le ralbawi ah an cang ding,” tiah a ti. Zeruiah-ih fapa Joab cu hmaisabikah a fehso ih, anih cu hotu ah a cang. 7 Cun David cu ral hruangkulh sungah a cêng, curuangah cumi cu David-ih Khawpi tiih kawh a si. 8 ^cAnih in Millo ihsin a kiangkap hmunram tiang khawpi kulh a sak. Joab in a tāng mi khawpi cu a rĕmṭha. 9 ^dCutin David cu a ropi deuhdeuh ih, ralkap rualpawlih Jehovah in a umpi.

11:4^a Sem 10:16; Jos 3:10; Lai 1:21

11:6^b 2Sam 2:13

11:8^c 2Sam 5:9; 2San 32:5

11:9^d 2Sam 3:1; Est 9:4

David-ih Micakpawl

10 Israel thuhla ah Jehovah-ih kamsuakthu bangtukih David kha siangpahrang ih tuah dingih Israel miphun zate thawn ṭangtlangin, a lalram hrangih ṭang zet tu, David-ih neih mi micak hleice pawl cu hipawl hi an si. 11 ^aHihi David-ih neih mi micak ralthiam um zat an si: Hakmon-miih fapa, Jashobeam cu ralbawipawl lakih lu bik a si. Anih cun a feipi a khai ih ṭum khatah mi 300 a that hai.

11:11^a 2Sam 17:10; 1San 27:2

12 Cule amah sangtu cu Ahoh-mi Dodo-ih fapa Eleazar a si. Cu pa cu micak ralthiam pathum pawl lakih pakhat a si. 13 Anih cu Pasdammim hmun ah David zawngah a rak um. Cu tawkah Filisṭia-mipawl cu ral do dingin an fĭnkhawmaw, cule barli sangvut thawi a khat mi lóram ṭhen hrekkhat a um. Mipi cu Filisṭia-mipawl hnen ihsin an tlân. 14 ^aAnih le David cu cuih ló sungah an ding, ló cu an hum ih, Filisṭia-mipawl cu an that. Cutin Jehovah in nehnak maksak a pe.

11:14^a Suah 14:30; 1Sam 11:13

15 ^aCun hotu 30 lakih pathum cu lungpi ah David hnenah Adullam pûk sungah an suk, cule Filisṭia-mipawlih ralkap rual cu Refaim phaikuam ah ṭanhmun an khuar. 16 ^bDavid cu ral hruangkulh sungah a um ih, Filisṭia ṭanhmun kiltu ralkappawl cu Bethlehem ah an um. 17 Cule David cun ngai kuahkoin, “Bethlehem kăwtka kiangih tikhur ihta tidai in ding zo tal in simaw i pe sehla maw!” tiah a ti. 18 ^cCule cuih mi pathum pawl cun Filisṭia-mipawlih ṭanhmun khuarnak cu an pahtlăng ih, kăwtka kiangih um, Bethlehem tikhur ihta tidai cu an va khai, cule an la ih David hnenah an run keng. Sikhalsehla David in cumi cu a in duh lo, Jehovah hrangah a thlebung sawn. 19 Cule anih in, “Maw ka Pathian, himi tuah ding cu ka hnen ihsin hla seh! An nun thāptu hipawlih thisen ka in ding maw? Ziangahtile an nun thāpin himi hi an run keng a si,” tiah a ti. Curuangah anih cun cumi cu a in duh lo. Hi thilpawl cu micak ralthiam pathum pawl ih tuah mi a si.

11:15^a 2Sam 23:13; Isa 17:5

11:16^b 2Sam 5:17

11:18^c Dnp 12:16

20 ^aJoab-ih unaupa Abishai cu a dang mi pathum lakah lu bik a si. Anih in mi 300 pawl dokalhin a feipi a khai ih a that hai, cule an pathum lakah a hmin a thang bik. 21 Amah cu an pathum lakah a dang pahnih hnakih hlir hleice mi a si. Curuangah anih cu an hotu ah a cang. Cuti si khal sehla anih cun a hmaisa pathum pawl cu a tluk hrih lo.

11:20^a 1Sam 26:6; 1San 18:12

22 ^aCule Kabzeel ihsi micak fapa Jehoiada-ih fapa Benaiah in thil tampi a rak tuah. Cu pa cun kiosa bang Moab miralṭha pahnih a that. A rung suk ih, vur tlak ni ah khur sungah kiosa a that fawn. 23 ^bIzip-mi, misâng zet pa pakhat, dawng nga sâng khal Benaiah cun a that. Cuih Izip-miih kut ah thiamtahtuih thiam tlâng tluk feipi a um; cule anih cu Izip pa hnenah cun fungfêk thawn a run pan, cule a kut ihta feipi cu a lawn ih a feipi cun amah cu a that. 24 Hi thilpawl cu Jehoiada-ih fapa Benaiah in a tuah ih, micak ralthiam pathum pawl lakah a hmin a thang bik. 25 Ngai hnik, amah cu khaih mi 30 pawl hnak khalih hlir mi a si, asinan a hmaisa pathum pawl cu a tluk cuang lo. Cule David in cu pa cu amah kiltupawl hotu ah a ret.

11:22^a Jos 15:21; 1Sam 17:36

11:23^b 1Sam 17:7

26 ^aMicak ralthiam pawl cu Joab-ih unaupa Asahel, Bethlehem khawmi Dodo-ih fapa Elhanan, 27 Haror-mi Shammot, Pelon-mi Helez, 28 Tekoa-mi Ikkesh-ih fapa Ira, Anathoth-mi Abiezer, 29 ^bHushath-mi Sibbekhai, Ahoh-mi Ilai, 30 Netofat-mi Maharai, Netofat-mi Baanah-ih fapa Heled, 31 ^cBenjamin hrin Gibeah khawmi Ribai-ih fapa Ithai, Pirathon-mi Benaiah, 32 Gaash tiva ih um mi Hurrai, Arbath-mi Abiel, 33 Baharum-mi Azimaveth, Shaalbon-mi Eliahba, 34 Gizon-mi Hashem-ih fapapawl, Harar-mi Shageh-ih fapa Jonathan, 35 Harar-mi Sakar-ih fapa Ahiam, Ur-ih fapa Elifal, 36 Mekarath-mi Hefer, Pelon-mi Ahijah, 37 Karmel-mi Hezro, Ezbai-ih fapa Naarai, 38 Nathan-ih unaupa Joel, Hagri-ih fapa Mibhar, 39 Ammon-mi Zelek, Beeroth-mi Naharai (Zeruiah-ih fapa Joab-ih ralthuam kengtu), 40 Ithri-mi Ira, Ithri-mi Gareb, 41 ^dHeth-mi Uriah, Ahlai-ih fapa Zabbad, 42 Reuben-mipawl hotu Reuben-mi Shiza fapa Adina, ral do mi 30 a nei, 43 Maakah-ih fapa Hanan, Mithni-mi Joshafat, 44 ^eAshterath-mi Uzzia, Aroer-mi Hotham-ih fapa Jehiel le Shama, 45 Shimri-ih fapa Jediael, Tiz-mi Joha-ih unaupa, 46 Mahav-mi Eliel, Elnaam-ih fapa Jeribai le Joshaviah, Moab-mi Ithmah, 47 Eliel, Obed le Mezoba-mi Jaasiel tla an si.

11:26^a 2Sam 2:18; 23:24

11:29^b 2Sam 21:18; 23:27

11:31^c Lai 12:13; 1San 27:14

11:41^d 2Sam 11:6

11:44^e Dnp 1:4

12

Ramṭhing ih David Thluntupawl

1 ^aHipawl hi Kish-ih fapa Saul hnen ihsin David raltlân a si laiih Ziglak khua David hnenih ra thlengpawl an si, annihpawl cu doawknak ih bawmtu micak ralthiam pawl lakih mi, 2 ^bthálpawl tla thawi thuamaw, keh lam le vawrh lamih virvăwm lungpawl hmang thiam le thál thawi thál fungpawl sai thiam an si. Annih cu Benjamin hnám, Saul-ih sungkhatpawl an si.

12:1^a Jos 15:31; 1Sam 27:2

12:2^b Lai 3:15; 2Sam 3:19

3 An hotu cu Ahiezer a si, cun Gibeath-mi Shemaah-ih fapa Joash; Azmaveth-ih fapa Pelet le Jeziel; Anathoth-mi Berakah le Jehu; 4 ^aGibeon-mi Ishmaiah cu mi 30 lakih micak ralthiam le mi 30 hotu a si; Jeremiah, Jahaziel, Johanan le Gederah-mi Jozabad; 5 Eluzai, Jerimoth, Bealiah, Shemariah le Haruf-mi Shefatiah, 6 Korah-mi Elkanah, Jisshiah, Azarel, Joezer le Jashobeam; 7 ^bcule Gedor khua ihsin Jeroham-ih fapa Joelah le Zebadiah tla an si.

12:4^a Jos 15:36

12:7^b Jos 15:58

8 ^aGad-mi mi hrekkhat micak ralthiam, ral do dingih zirh mi, ralphaw le fei hmang thiam pawl cun ramṭhing ih pûk ah David an kăwp; an hmel cu kiosa hmel vek an si ih, tlang ih sakhi vekin an rang zet. 9 Ezer cu a pakhatnak a si, a pahnihnak ah Obadiah, a pathumnak ah Eliab, 10 a palitnak ah Mishmannah, a pangatnak ah Jeremiah, 11 a paruknak ah Attai, a pasarihnak ah Eliel, 12 a pariatnak ah Johanan, a pakuatnak ah Elzabad, 13 a pahratnak ah Jeremiah le a hleikhatnak ah Makbanai an si. 14 ^bHi Gad-ih fapapawl cu ralkap hotu an si; a cak lo bik in 100 a uk ih, a cakbik in 1000 a uk. 15 ^cHipawl cu a thla khatnak, Jordan tiva a kuang hmuahhmuah a liam laiih a tánkaitupawl an si; cule annih in phaikuam ih umpawl cu nisuahnak lam le nitlaknak lamah an tlânter.

12:8^a Sem 30:1; 2Sam 2:18

12:14^b Pui 26:8; Dnp 32:30; 1Sam 18:13

12:15^c Jos 3:15; 4:18-19

16 ^aCun Benjamin tefa hrekkhat le Judah tefa hrekkhat cu David hnenah pûk ah an ra. 17 Anmah hmuak dingin David cu a fehsuak, cule anih in a let hai ih an hnenah, “Keimah bawm dingin remdaihnak duhin ka hnenih ra nan si le, ka thinlung cu nanmah thawn pumkhat a si ding; asinan ka ralpawl hnenih in phiar dingih ra nan si ahcun, ka kutpawl ah thil sual a um lo ruangah, kan pupápawlih Pathian in zoh sehla thuṭhennak thlen seh,” tiah a ti. 18 ^bCun ralbawipawl hotu, Amasai parah Thlarau a ^cthleng ih,

12:16^a 2Sam 3:19

12:18^b Lai 3:10; 1Sam 25:5-6; 2Sam 17:25

12:18^c thleng: A ṭawng hrampi ah, “thuam,” ti a si.

“Maw David, kannih cu na ta kan si;
Nang Jessi-ih fapa, kannih cu na lam ṭang kan si!
Na parah remdaihnak, remdaihnak um sehla,
A lo bawmtupawl parah remdaihnak um seh!
Ziangahtile na Pathian in a lo bawm a si,”

tiah a ti.

Cun David in anmah cu a cohlang hai ih, ralkap burpi hotu ah a tuah hai.

19 ^aSaul do dingin Filisṭia-mipawl zawngih a feh tikah, Manasseh hnen ihsin mi hrekkhat in David an kăwp; asinan annih cun Filisṭia-mipawl cu an rak bawm cuang lo, ziangahtile Filisṭia-mipawlih bawipawl cun an relkhawm ih amah cu an dawihlo, “A pu Saul lamah a kăwp ding ih kan lu kan hloh pang ding,” tiah an ti. 20 ^bZiklag ih David a feh tikih, a hnenih ra kăwp Manasseh-mipawl cu Adnah, Jozabad, Jediael, Maikal, Jozabad, Elihu le Zilthai an si, annih cu ralkap 1000 hotu Manasseh-mi an si. 21 Annih cun David in misîmtupawl a do tikah an bawm, ziangahtile anmah cu an zaten micak ralṭha le ralkap bawi an si. 22 Ziangahtile cuih cān ah annih cu amah bawm dingin Pathian ralkap vekih ralkap tam zet an si hlanlo, ni khat hnu ni khat David hnenah an ra thleng.

12:19^a 1Sam 29:2-11

12:20^b 1Sam 27:6

Hebron ah David-ih Ralkappawl

23 ^aJehovah-ih kamsuakthu vekih Saul-ih lalram cu David hnenih pe dingah Hebron khua ah David hnenih ral do dingin ralthuam thuamawih feh zat cu hipawl hi an si: 24 ral do dingih ralphaw le fei keng, Judah tefa 6800 an si: 25 Simeon tefa ihsin ral donak hrangih tling tlak micak ralṭha 7100 an si; 26 Levi tefa ihsin 4600 an si; 27 Aaron-mipawl hruaitu cu Jehoiada a si ih, a hnenah mi 3700 an um; 28 micak ralṭha tlangval Zadok le a paih sungkua ihsin ralbawi 22 an si; 29 ^bBenjamin tefa ihsin, Saul-ih sungkhatpawl mi 3000 an si, hi hlanah cun a tamsawn cu Saul sungza lamah an rinum; 30 Efraim tefa ihsin micak ralṭha, an pupáih sungza tluansuakih hminthang 20800 an si; 31 Manasseh hnám a hrek sung ihsin David siangpahrang ih tuah dingih hmin thiah ih ra mi 18000 an si. 32 ^cIssakar tefa ihsin Israel in ziang a tuah a mawi ti thei dingah tikcucān theithiam, an hotupawl cu 200 an si; cule an sungkhatpawl hmuahhmuah cu an thu hnuaiih um an si. 33 Zebulun hnám ihsin ral do dingih fehsuak, ral donak hriamhrei zate ih raldo thiam 50000 an si, mi bawm dingih thinlung hnget zet pu an si; 34 Naftali-mi ralbawi 1000 le a hnenih ralphaw le fei thawn mipa 37000 an um; 35 Dan hnám lakih ral do dingih tiar mipa 28600 an um; 36 Asher hnám lakih ral do dingih feh thei, ral do dingih timlam mipa 40000; 37 Jordan tiva ralkhat lamah Reuben hnám lakih mi, Gad hnám lakih mi le Manasseh hnám a hrek, ral donak hriamhrei phunkim thawi ral do dingih thuamaw tingkhat le thawngkul an si.

12:23^a 1Sam 16:1-4; 2Sam 2:3-4

12:29^b 2Sam 2:8-9

12:32^c Est 1:13

38 Hipawl hmuahhmuah cu ral do mi, ṭanlak thiam an si, Israel miphun zate tlunah David cu siangpahrang ih tuah dingin rinumnak thinlung thawn Hebron ah an ra; cule a tāng mi Israel zaten David cu siangpahrang ih tuah dingin lungthin hmunkhat an nei. 39 ^aAnnih cu David hnenah ni thum sung ei le in-in an um, ziangahtile an sungkhatpawl in an hrangah an timtuah. 40 ^bCuihtlunah anmah naihtu Issakar-mi mi hrekkhat, Zebulun-mi mi hrekkhat le Naftali-mi mi hrekkhat pawl in lākpawl, kalaukpawl le lākrangpawl le caw cang pawl thawn sangvut ih tuah mi rawl, theipi car le sabit rah car, sabit zu le hriak le caw cang pawl le rante rual tampi an rak phur, ziangahtile Israel ram ah lungawi aipuannak a um.

12:39^a 2Sam 3:20; Isa 25:6-8

12:40^b 1Sam 25:18; 2Sam 16:1

13

Kirjath Jearim ihsin Kuang an Thiar

1 David in hruaitupawl a ráwn hai, cupawl cu ralkap 1000 hotupawl le ralkap 100 hotupawl an si. 2 David in Israel mipungkhawm hnenah, “Ṭha nan ti ih, Jehovah kan Pathian in rem a ti asile, Israel ram hmuahhmuah ih a tāng lai mi, hmun kip ih kan unaupawl cu, an khuapawl le an ran tlannak ram lawnglak pawl ih um puithiampawl le Levi-mipawl in ra kăwm dingin thu kan cah pei; 3 ^acule kan Pathian Kuang cu kan hnenah lakirsal uhsi, ziangahtile Saul san laiah Kuang ah Pathian kan rak hawl lo,” tiah a ti. 4 Mipungkhawm zate in cuti cun, “Kan tuah ding,” tiah an ti, ziangahtile cuih thil cu mipi zate mithmuh ah a dik a si.

13:3^a 1Sam 7:1-2; 2San 1:5

5 ^aCun David in Izip ram Shihor tiva ihsin Hamath khaw luhnak tiang Israel miphun zaten Kirjath Jearim khua ihsin Pathian Kuang lakirsal dingin hmunkhat ah a khawm. 6 ^bCule David le Israel miphun zaten Baalah ah, cumi cu Judah ta Kirjath Jearim a si, cherub-pawl lakih cêng Jehovah hmin phuansuahnak Pathian Kuang cu la dingin an hung so. 7 ^cPathian Kuang cu Abinadab-ih inn ihsin lêng thar in an phur ih, Uzza le Ahio in lêng cu an mâwng. 8 ^dCun David le Israel miphun hmuahhmuah in hlasakin, ṭingṭangpawl, cawngcingpawl, khuangtepawl, sumselpawl le tawtawrawtpawl thawn theihtawp suahin Pathian hmaiah awnmawi an tum.

13:5^a Mip 13:21; Jos 13:3; 1Sam 6:21; 7:1-2

13:6^b Suah 25:22; Jos 15:9; 1Sam 4:4; 2Sp 19:15

13:7^c Mip 14:15; 1Sam 6:7; 7:1

13:8^d 2Sam 6:5; 2San 5:12; Sam 92:3

9 Cule Kidon-ih hruih hmun an thlen tikah, caw cang pawl an tal hnuaihni ruangah kuang lamah Uzza in Kuang kai dingin a kut a suah. 10 ^aCun Jehovah-ih thinhengnak cu Uzza parah a tho ih, Kuang parih a kut a ret ruangah amah cu a vuak; cule anih cu cu tawk Pathian hmaiah a thi. 11 ^bUzza parih Jehovah-ih aithawknak a puakkuai ruangah David a thin a heng; cule cuih hmun cu tuihni tiangin a hmin ah ^cPerez Uzza, tiah an ko. 12 Cuih ni ah cun David in Pathian a ṭih, “Ziangtin ka inn ah Pathian Kuang cu ka lakirsal thei ding?” tiah a ti.

13:10^a Pui 10:2; Mip 4:15; 1San 15:13, 15

13:11^b Sam 7:11

13:11^c Perez Uzza: Uzza parih puakkuai tinak a si.

13 David in Kuang cu amai hnen David-ih Khawpi ah ṭhawn loin, Gath-mi Obed-Edom-ih inn sawnah a thiar. 14 ^aPathian Kuang cu Obed-Edom-ih inn ah thla thum sung a um. Cule Jehovah in Obed-Edom sungkua le a neih mi zaten mal a sawm.

13:14^a Sem 30:27; 2Sam 6:11; 1San 26:4-8

14

David-ih Inn le Fātepawl

1 ^aṬaiar siangpahrang Hiram in David hnenah palaipawl a thlah ih, inn saksak dingin sidar thingpawl, lungser thiam pawl le lettamapawl a kuat. 2 ^bCule David in Israel tlunah siangpahrang ah amah cu Jehovah in a dĭn zo ih, a mi Israel ruangah a uknak cu a rak khaisâng zo a si ti a thei.

14:1^a 1Sp 5:6; 2San 2:3; Ezr 3:7; Hag 1:8

14:2^b Mip 24:7; Dnp 26:19

3 Cun David in Jerusalem ah nupi tam sinsin a neibêt ih, David cun fapa le fanu tamsin a hring. 4 Jerusalem ih a neih mi a fāte hminpawl cu: Shammua, Shobab, Nathan, Solomon, 5 Ibhar, Elishua, Elpelet, 6 Nogah, Nefeg, Jafia, 7 Elishama, Beeliada le Elifelet an si.

Filisṭia-mipawl Neh an Si

8 Cun Israel zate tlunih siangpahrang ah David cu hriak thih a si zo ti Filisṭia-mipawl in hna ih an theih tikah, Filisṭia-mipawl zaten David hawl dingin an so. Cule David in cuih thu cu hna in a thei ih, anmah táwng dingin a fehsuak. 9 ^aFilisṭia-mipawl cu an feh ih, Refaim phaikuam an sîm. 10 David in, “Filisṭia-mipawl do dingin ka so pei maw? Anmah cu ka kut ah in pe pei maw?” tiin Pathian a ráwn.

14:9^a Jos 17:15; 1San 14:13

Jehovah in a hnenah, “So aw, ziangahtile anmah cu na kut ah ka lo pe a si,” tiah a ti.

11 ^aCutin Israel-mipawl cu ^bBaal Perazim ah an fehso ih, cu tawkah David in Filisṭia-mipawl cu a neh hai. Cun David in, “Ka ralpawl cu ka kut hmangin tidai ih a pahsiat vekin Pathian in a rak siatsuah a si,” tiah a ti. Curuangah cuih hmun cu a hmin ah Baal Perazim tiah an ko. 12 ^cCule Filisṭia-mipawl in cu tawkah an pathianpawl an tan ta tikah, David in thupek a pe ih, cupawl cu meisa ih ur an si.

14:11^a Sam 94:16; Isa 28:21

14:11^b Baal Perazim: A ṭawng hrampi ah cun, “puaksuak bawipa” ti a si.

14:12^c Suah 32:20; Jos 7:15

13 Filisṭia-mipawl cun phaikuam ah an sîm leh sal. 14 Curuangah David in Pathian a ráwnsal ih, Pathian in a hnenah, “An dung ihsin dawi hlah, anmah hrialkûal awla, thingtheihmu kungpawl hmaiah năm hai aw. 15 Cule hitin a si ding, thingtheihmu kungpawl zim ih feh ṭhupṭho thâwm na theih tikah, ral do dingin na feh pei, ziangahtile Filisṭia-mipawl ṭanhmun khuarnak vaw dingin na hmaiah Pathian a fehsuak zo a si,” tiah a ti. 16 ^aCule David in cuti vek cun Pathian in amah thu a pek vekin a tuah, cule Gibeon ihsin Gezer tiang Filisṭia ralkappawl cu a neh hai. 17 ^bRam hmuahhmuah ah David-ih hmin cu a thang ih, Jehovah in miphunpawl zate tlunah ṭihnak a thlen.

14:16^a Jos 9:3; 10:33; 2Sam 5:25

14:17^b Suah 15:14-16; Jos 6:27; Sam 2:1-12

15

Jerusalem ah Kuang Thiar a Si

1 ^aDavid-ih Khawpi sungah amai hrangah David in innpawl a sak; cule Pathian Kuang hrangah hmun a timlam ih, cumi hrangah puanthlam a zar. 2 ^bCuih cān ah David in, “Levi-mipawl siarlo zohman in Pathian Kuang an zâwn thei lo, ziangahtile Kuang zâwntu ding le a hmaiih kumkhua rawngbawl dingah Jehovah in anmah cu a hril zo a si,” tiah a ti. 3 David in Jehovah-ih Kuang retnak ding hmun a rak timlam mi ah zawnso dingin Jerusalem ah Israel miphun zaten a fĭnkhawm. 4 ^cDavid in Aaron le Levi tefapawl cu a pungkhawmawter hai: 5 Kohath tefapawl lakah hotu cu Uriel a si ih, unau sungkhat 120 an si; 6 Merari-ih tefapawl lakah Asaiah cu hotu a si ih, unau sungkhat 220 an si; 7 Gershom tefapawl lakah Joel cu hotu a si ih, unau sungkhat 130 an si; 8 ^dElizafan tefapawl lakah Shemaiah cu hotu a si ih, unau sungkhat 200 an si; 9 ^eHebron tefapawl lakah Eliel cu hotu a si ih, unau sungkhat 80 an si; 10 Uzziel tefapawl lakah Amminadab cu hotu a si ih, unau sungkhat 112 an si.

15:1^a 2Sam 6:17; 1San 16:1; Sam 132:1-18

15:2^b Mip 3:6; Dnp 10:8; 31:9; 2San 5:5; 29:11; Sam 134:1

15:4^c Mip 3:17-20

15:8^d Suah 6:22

15:9^e Suah 6:18

11 ^aDavid in puithiam Zadok le Abiathar, Levi-mi Uriel, Asaiah, Joel, Shemaiah, Eliel le Amminadab pawl cu a ko hai. 12 ^bAnih in an hnenah, “Nannih hi Levi-mipawlih pupápawlih sungza lubânpawl nan si; Israel-ih Pathian Jehovah-ih Kuang cu a hmun ka timlam mi ih nan zawnsoh thei nak dingah nannihpawl hi nan unaupawl thawn tithianghlimaw uh. 13 ^cA hmaisaah khan nannih in cumi cu nan rak ti lo ruangah, Jehovah kan Pathian cu kan parah a puakkuai a si, ziangruangahtile kannih in amah cu a thupek bangtukin kan rak ráwn lo,” tiah a ti.

15:11^a 1Sam 22:20-23; 1San 12:28

15:12^b Suah 29:1; Pui 11:44

15:13^c Pui 5:10; 2Sam 6:3; 1Sp 8:4

14 Israel-ih Pathian Jehovah-ih Kuang cu zawnso dingin puithiampawl le Levi-mipawl cu an tithianghlimaw. 15 ^aCule Mosi in thu a rak pek vekin, Jehovah-ih kamsuakthu bangtukin, Levi tefapawl in Pathian Kuang cu a zawnfungpawl in an liang in an zawn.

15:15^a Suah 25:14; Mip 4:15; 7:9; 2Sam 6:7

16 ^aDavid in Levi-mi hotupawl hnenah an unau sungkhatpawl cu awnmawi hmanruapawl, cawngcingpawl, ṭingṭangpawl, sumselpawl thawi hlasaktu dingah, aw ring zet le aipuang zetih hlasak dingih ruat dingin a sim. 17 Levi-mipawl cun Joel-ih fapa Heman, a unau sungkhatpawl lak ihsin Berekiah-ih fapa Asaf, an unau sungkhat Merari-ih fapapawl lak ihsin Kushaiah-ih fapa Ethan pawl cu a ruat hai. 18 ^bCupawl zawngah an unau sungkhatpawl lak ihsin a pahnihnak bur ah Zekariah, Ben, Jaaziel, Shemiramoth, Jehiel, Unni, Eliab, Benaiah, Maaseiah, Mattithiah, Elifelet, Mikneiah, kăwtka kiltu Obed-Edom le Jeiel tla a ruat; 19 Hlasaktu Heman, Asaf le Ethan cu dar sumsel awnter dingih ruat an si; 20 cun Zekariah, Aziel, Shemiramoth, Jehiel, Unni, Eliab, Maaseiah le Benaiah tepawl cu ^cAlamoth bangtukih cawngcingpawl tum dingih ruat an si; 21 Mattithiah, Elifeleh, Mikneiah, Obed-Edom, Jeiel le Azaziah tepawl cu ^dSheminith bangtukih ṭingṭang tum dingih ruat an si; 22 Levi-mipawl hruaitu Kenaniah cu hla hrangih ruat a si, a thiam tuk ruangah anih cun hlasakdān a zirh; 23 Berekiah le Elkanah cu Kuang sângka kiltu an si; 24 ^ecun puithiam a si mi Shebaniah, Joshafat, Nethanel, Amasai, Zekariah, Benaiah le Eliezer te cu Pathian Kuang hmaiah tawtawrawt phawtu ding an si, cule Obed-Edom le Jehiah cu Kuang sângka kiltu dingih ruat an si.

15:16^a 2San 7:6; 29:26; Neh 11:23; 12:27; Job 21:12; Sam 68:25; 150:5; Amo 6:5

15:18^b 2Sam 6:10

15:20^c Alamoth: Hebru ṭawng a si ih, a sullam cu “fala him” asilole “nunau no” ti a si ih, nunau no pawl soprano aw an suah mi thawi bangaw awnmawi aw a sawhkhih a si men thei.

15:21^d Sheminith: Hri riat nei awnmawi thilri thawi sak ding tinak.

15:24^e Mip 10:8; 2San 5:12; Sam 81:3

25 ^aCun David, Israel upapawl le 1000 hotu ralbawipawl cu Obed-Edom inn ihsin Jehovah-ih Thukham Kuang thiarso dingin aipuang zetin an feh. 26 ^bCule hitin a si, Jehovah-ih Thukham Kuang zawnsotu Levi-mipawl cu Pathian in a băwm hai ruangah, caw pa pasarih le tuu cang pasarih an hlan. 27 ^cDavid, Kuang zâwntu Levi-mi hmuahhmuah, hlasatupawl le hlasatu zawngih hla hruaitu Kenaniah cu pat zai fêmte ih tah mi kâwrfual an hruh. David khal in pat zai fêmte ih tah mi Puithiam Kâwrcung a hruh ve. 28 ^dCuti vek cun Israel miphun zaten au le tuu pa ki awn thawn, tawtawrawtpawl le sumselpawl thawn, cawngcingpawl le ṭingṭangpawl in awnmawi tumin Jehovah-ih Thukham Kuang cu an thiarso.

15:25^a 2Sam 6:12-13; 2San 1:4; Jer 3:16

15:26^b Mip 23:1-4, 29

15:27^c 1Sam 2:18, 28

15:28^d Suah 19:13; 1Sp 1:39; Zek 4:7; 1Th 4:16

29 Cule hitin a si, David-ih Khawpi sungih Jehovah-ih Thukham Kuang a thlen tikah, Saul-ih fanu Mikal in tukvirh ihsin a rak zoh ih, Siangpahrang David cu lam le awnmawi tumin a hmu, cule Mikal in a thinlung ten David cu a nautat.

16

Puanthlam sungah Kuang Ret a Si

1 Pathian Kuang cu an thiar ih, a retnak dingih David in a rak zar mi puanthlam sungah cun an ret. Cun Pathian hmaiah Meiur Thilhlănpawl le Remnak Thilhlănpawl an hlan. 2 ^aCule David in Meiur Thilhlănpawl le Remnak Thilhlănpawl hlăn a ṭheh tikah, Jehovah hmin in mipi thlawsuah a pe. 3 ^bIsrael-mi mi tin hnenah, a nu a pa in, sang hlăwm khat cio, sa sem khat cio le sabit rah car hlawm khat cio a zem hai.

16:2^a Suah 39:43; Mip 6:23-27; 1Sp 8:14

16:3^b Isa 16:7

4 Jehovah-ih Kuang hmaiih rawngbawl ding le Israel-ih Pathian Jehovah thei ringring ding, lungawi thu sim ding le thangṭhat dingin Levi-mi mi hrekkhat cu David in a ruat hai: 5 cupawl cu hotu ah Asaf, a sangtu ah Zekariah, cun Jeiel, Shemiramoth, Jehiel, Mattithiah, Eliab, Benaiah, Obed-Edom, cule cawngcingpawl le ṭingṭangpawl thawn a dang Jeiel tla an si ih, Asaf in sumsel in awthâwm a tuah; 6 Puithiam a si mi Benaiah le Jahaziel te in Pathian Thukham Kuang hmaiah cat loin tawtawrawt an phaw.

David ih Lungawi Thu Sim Hla

7 ^aCuih ni cu David in Asaf le a unau sungkhatpawl kha Jehovah hnenih lungawi thu sim dingin a ruat hmaisabik ṭum a si.

16:7^a Sam 47:7

8 ^aAw, Jehovah hnenah lungawi thu sim uh!
A hmin ko uh;
Miphunpawl lakah a thil ti mipawl theihter uh.
9 ^bA hnenah hlasak uh, a hnenah Sam hla sak uh;
A mangbangza thil ti mi zaten rel uh!
10 ^cA hmin thianghlim tluangkhawnpi uh;
Jehovah hawltupawlih thinlung cu lungawi aipuangin um seh.
11 ^dJehovah le a cahnak hawl uh;
A mithmai hawl camcin uh!
12 ^eA tuah mi mangbangza a thil tipawl cîng ringring uh,
A thilmakpawl le a relsuak mi thuṭhennakpawl khal,
13 Maw, a siahhlawh Israel cithlah,
Nannih Jakob tefa, a hril mipawl tla!
14 ^fAmah cu Jehovah kan Pathian a si;
A thuṭhennakpawl cu leilung hmuahhmuah ah a um.
15 ^gA thukham cîng kumkhua uh,
San 1000 hrangih thu a pek mi kamsuakthu,
16 ^hAbraham thawi a tuah mi thukham le,
Isak hnenih a thukam cu.
17 ⁱCule cumi cu Jakob hnenah sakhaw dān hrangah a nĕmhnget,
Israel hnenah kumkhaw thukham hrangah,
18 ^j“Na ro covo ah,
Na hnenah Kanaan ram ka lo pe ding,” tiin.
19 ^kMipum málte nan rak si lai,
Thungaiten mi málte nan si ih, cuih ram ih mikhual nan si laiah khan, ka lo ti a si.
20 ^lAnmahpawl cu miphun khat ihsin a dang phun khat ah an vâkvai ih,
Lalram pakhat ihsin mi dang hnenah.
21 ^mZohman anmah va dekcăwk ding a siang lo;
Anmah ruangah siangpahrangpawl a kawk,
22 ⁿ“Ka hriak thih mipawl dai hlah uhla,
Ka profetpawl tuahmawh hlah uh,” tiin.
23 Jehovah hnenah hlasak uh, leilung hmuahhmuah;
A runsuahnak thuthangṭha cu ni khat hnu ni khat phuang uh.
24 ^oMiphunpawl lakah a ropitnak thăn uh,
Minungpawl zate lakah a mangbangzapawl.
25 ^pZiangahtile Jehovah cu a ropi ih ropi zetih thangṭhat ding a si;
Amah cu pathianpawl zate hnakih ṭihzah ding a si.
26 ^qZiangahtile miphunpawlih pathianpawl zaten milem an si,
Asinan Jehovah cun van a tuah.
27 Upatnak le cungnunnak cu a hmaiah an um,
Cahnak le lungawinak cu amai hmunram ah.
28 ^rMaw miphunpawlih sungkuapawl,
Jehovah hnenah pe uh,
Jehovah hnenah sunlawihnak le cahnak pe uh.
29 ^sA hmin phu tawk sunlawihnak Jehovah hnenah pe uh;
Thilhlăn kengin, a hmaiah ra uh.
Aw, thianhlimnakih mawinak ah Jehovah cu biak uh!
30 ^tLeilung hmuahhmuah tla, a hmaika ah khūr uh.
Leitlun khal hngetkhoh zetih dĭnsuah a si,
A ṭhawn lo ding.
31 ^uLungawi aipuangin van cu um sehla, leilung khal lungawi seh,
Cule miphunpawl lakah, “Jehovah in a uk,” tiah ti hai seh.
32 ^vTifinriat le a sungih um zaten hûk dumdo hai seh;
Lóram le a sungih um zaten lungawi aipuangin um hai seh!
33 ^wCun tupi thingkungpawl Jehovah hmaiah lungawi aipuangin um hai seh,
Ziangahtile anih cu leilung thuṭhen dingin a ra.
34 ^xJehovah hnenah lungawi thu sim uh, ziangahtile anih cu a ṭha!
Ziangahtile a lainat duhdawtnak cu kumkhuain a hmun.
35 ^yCule, “Maw kan runsuahnak Pathian, in run aw;
Na hmin thianghlim hnenih lungawi thu sim dingah,
Tluangkhâwng zetih lo thangṭhat dingah,
Hmunkhat ah in fĭn awla, miphunpawl hnen ihsin in runsuak aw,” tiah ti uh.
36 ^zIsrael-ih Pathian Jehovah cu
Kumkhuain kumkhua tiang thangṭhatin um seh!

16:8^a 2Sp 19:19; 1San 17:19-20; Sam 107:1; 136:1

16:9^b Suah 15:1; Sam 7:17

16:10^c Sam 8:1; 66:2

16:11^d 2San 7:14; Sam 24:6; Thf 8:17

16:12^e Dnp 4:34; Sam 77:11; 78:43

16:14^f Sam 48:10; Isa 4:4; 26:9

16:15^g Sem 8:1; Sam 98:3

16:16^h Sem 12:7; 17:2; 26:3

16:17ⁱ Sem 28:10-15; 35:9-12

16:18^j Sem 13:14-17

16:19^k Sem 34:30; Dnp 7:7

16:20^l Sem 20:13

16:21^m Sem 12:17; Suah 7:15-18; Sam 9:5

16:22ⁿ Sem 20:7; Sam 105:15

16:24^o Isa 42:12

16:25^p Sam 18:3; 89:7

16:26^q Pui 19:4; Sam 8:3; 1Ko 8:5-6

16:28^r Sam 29:1-2

16:29^s Sam 29:2

16:30^t Sam 2:11; 93:1

16:31^u Sam 9:7; Isa 44:23; 52:7

16:32^v Suah 20:1; Isa 42:10

16:33^w 1Sam 2:10; Sam 7:8; 110:6; Isa 14:8; Joe 3:1-4

16:34^x Ezr 3:11; Sam 25:7; 35:3; 106:1; 136:1; Jer 33:11

16:35^y Dnp 32:15; Sam 18:46; 106:47-48; Mik 7:7

16:36^z 1Sp 8:15; Neh 8:6; Sam 72:18-19

Cule minungpawl hmuahhmuah in, “Amen!” an ti ih, Jehovah an thangṭhat.

Pathian Biakdān

37 ^aCun David in Jehovah-ih Thukham Kuang hmaiah ni tin a ṭuldān dānih rawngbawl ṭheu dingin Asaf le a unaupawl cu a tān ta, 38 cule Obed-Edom cu a unau sungkhat mipum 68 thawn le kăwtka kiltu Jeduthun-ih fapa Obed-Edom le Hosah thawn. 39 ^bPuithiam Zadok le a unau sungkhat puithiampawl cu Gibeon hmun sâng ih Jehovah-ih Biakbûk hmaiah David in a tan ta hai, 40 ^cJehovah hnenah Meiur Thilhlăn biakṭheng parah Meiur Thilhlănpawl zing le zan hlan ringring dingah le Jehovah in Israel thu a pek mi Jehovah-ih Dān sungih ngan mi hmuahhmuah bangtukih tuah dingah. 41 Cule anmah thawn Heman le Jeduthun le an hmin ko ih hril mi a tāng lai mipawl cu a zahngainak kumkhua a hmun ruangah Jehovah hnenih lungawi thu sim ding an si. 42 ^dHeman le Jeduthun cun tum dingah tawtawrawtpawl le sumselpawl an keng ih, Pathian hnenih awthâwm tuah dingah a dang awnmawi hmanruapawl khal an keng. Jeduthun-ih fapapawl cu kăwtka ah an um. 43 Mipi zaten anmai inn cio ah an tin, cule David cu amai sungkua thlawsuah pe dingin a kir.

16:37^a 1San 16:4-5; 2San 8:14; Ezr 3:4

16:39^b Jos 9:3; 1Sam 2:35; 2Sam 8:17; 2San 1:3

16:40^c Suah 29:38-42; Mip 28:1-8

16:42^d 2San 7:6

17

David thawi Pathian Thukham

1 Cule hitin a si, a inn ih David a cēn laiah, profet Nathan hnenah David cun, “Zoh hnik, kei cu sidar thing inn ah ka um, asinan Jehovah-ih Thukham Kuang cu puanthlam puanzar hnuaiah a um,” tiah a ti.

2 ^aCun Nathan in David hnenah, “Na thinlung ih um zaten tuah thluh aw, ziangahtile Pathian in a lo umpi a si,” tiah a ti.

17:2^a 2San 6:7

3 Cuih zan lala ah hitin a si, Nathan hnenah Pathian kamsuakthu a thleng ih, 4 “Feh awla ka siahhlawh David kha va sim aw, ‘Jehovah in hitin a ti, ka cēnnak ding inn i saksak lo pei. 5 Ziangahtile Israel ka hruaisuah ni thawkin tuihni tiang inn ah ka cêng lo, cuhnakin puanthlam pakhat ihsin puanthlam pakhat ah le cēnnak hmun pakhat in a dangah ka ṭhawn vivo sawn a si. 6 Israel miphun zate thawi ka ṭhawn vivo nak hmun kip ah, ka mipawl câwm dingih thu ka pek mi Israel laireltupawl lakih zo hnen talah, “Ziangruangah sidar thing inn i saksak lo ka ti dah maw?” a ti,’ tiin.

7 ^a“Curuangah atu-ah ka siahhlawh David hnenah hitin sim aw, ‘Ralkap rualpawlih Jehovah cun hitin a ti a si, ka mi Israel uktu dingah ran tlannak ihta ran na khalh laiah ka lo la. 8 Na fehsuaknak kip ah ka lo umpi ih, na hmai ihsin na ralpawl zaten ka sâtcat thluh, cule leilung parih miropipawlih hmin vekin hmin ka lo tuahsak. 9–10 ^bCuihtlunah ka mi Israel hrangah hmun ka ruat ding ih, anmai hmun ah an cêng ih, an ṭhawnawk nawn lo nak dingah, hi hlanih ka mi Israel tlunih laireltupawl ka ruat laiih sualralnak fapapawl in an ti ṭheu vek khan an palbĕt nawn fawn lo nak dingah anmah cu ka phun hai ding. Na ralpawl hmuahhmuah khal ka duaiter hai ding. Cuihtlunah Jehovah in sungza a lo dĭnsak ding ti ka lo sim a si. 11 Cule na san a cem ih, ^cna pupápawl hnenih na feh tikah, hitin a si ding, nangmah hnuah na ci ka tungding ding, amah cu na fapapawl lakih pakhat a si ding ih, a lalram ka dĭn hnget ding. 12 ^dAnih cun inn i saksak ding ih, kei in a laltokham ka hngetter kumkhua ding. 13 ^eKei cu a Pa ka si ding ih, anih cu ka fapa a si ding; cule ka zahngainak na hlanih mi hnen ihsin ka rak lâksak bangin, anih cu ka lâksak lo ding. 14 ^fAnih cu ka inn le ka lalram ah ka dĭn kumkhua ding ih, a laltokham cu dĭnhngeh kumkhua a si ding,’ tiin,” tiah a ti.

17:7^a 1Sam 16:11-13; 2Sam 6:2

17:9-10^b Lai 2:16

17:11^c na pupápawl hnenih na feh tikah: Na thih tikah tinak a si.

17:12^d 1Sp 6:38; 2San 7:18; Sam 89:20-37

17:13^e Mat 3:17; Luk 1:32; 2Ko 6:18; Heb 1:5

17:14^f 1Sp 2:12; 2San 9:8; Sam 132:11; Jer 33:17

15 Hih ṭawngkampawl hmuahhmuah bangtukin le hi larawknak hmuahhmuah bangtukin Nathan in David a sim.

David-ih Thlacam

16 Cun Siangpahrang David cu a lut ih, Jehovah hmaiah a to. Cule anih in, “Maw Jehovah Pathian, keimah cu zo so ka si? Ka sungza teh ziang so maw an si ih, hi tiangtiang ih i hruai? 17 Maw Pathian, cumi cu na mithmuh ah cun thil tenau a si. Cule nang cun hmai lam hlatpi cān ih na siahhlawhih sungkua rung um vivo dān ding thu khal na rak rel. Maw Jehovah Pathian, nang cun mipawimawhbik vekin i ngaihsak. 18 Na siahhlawh upatnak na coter thuhla ah David in ziang a simbêt thei ding? Ziangahtile na siahhlawh cu na thei a si. 19 ^aMaw Jehovah, na siahhlawh hlawknak hrangah le nangmai thinlung zulhin, hi ropitnak hmuahhmuah hi na tuah ih, hi thil ropi pawl hmuahhmuah hi na theihter. 20 ^bMaw Jehovah, kan hna ih kan rak theih mi hmuahhmuah bangtukin, nangmah vek an um lo ih, nangmah siarlo Pathian an um fawn lo. 21 ^cIzip ram ihsin na tlen ih an hmai ihsin miphunpawl dawisuahnak in thil ti ropi le maksak pawl thawn na hmin thanter dingin, Pathian in a mi si dingah a hrangih a vung tlen mi, na mi, Israel vek hi leilung tlunah ziang miphun so um? 22 ^dZiangahtile na mi Israel cu kumkhua na ta si dingin na rak tuah, cule nang, Jehovah cu an Pathian ah na cang.

17:19^a 2Sam 7:16-17, 25

17:20^b Suah 8:10; Isa 44:6

17:21^c Suah 6:6

17:22^d Suah 9:5-6; Sam 147:20

23 ^a“Cun atu-ah, Maw Jehovah, na siahhlawh thuhla le a sungza thuhla ih na sim mi thil cu kumkhuain dĭn hnget si sehla, na rak sim vekin tuah aw, 24 ‘Israel-ih Pathian, ralkap rualpawlih Jehovah cu Israel-ih Pathian a si,’ tiin na hmin cu kumkhua cawimawi a si thei nak dingah dĭn hngeh si seh. Cule na siahhlawh David-ih sungza cu na hmaiah dĭn hngeh si hai seh. 25 Ziangahtile Maw ka Pathian, nang in na siahhlawh hnenah inn saksak dingin na rak phuanglang. Curuangah na siahhlawh in na hmaiih thlacam dingin a thinlung sungah a rak hmu a si. 26 Atu-ah, Jehovah, nangmah cu Pathian na si ih, na siahhlawh hnenah hi ṭhatnak hi na rak tiamkam zo. 27 ^bCuruangah atu-ah na siahhlawhih sungza cu na hmaiih an um kumkhua thei nak dingah malsawm pe dingin na lung a hmui. Ziangahtile, Maw Jehovah, nang in mal na sawm ih, cumi cu kumkhuain malsawm a si ding,” tiah a ti.

17:23^a 1Sp 8:25

17:27^b Sam 16:11

18

David-ih Lalram a Kau Vivo

1 Cumi hnuah hitin a si, David in Filisṭia-mipawl a do ih, a duaiter hai. Cule Gath le a khaw ṭêk pawl cu Filisṭia-mipawlih kut ihsin a lâk. 2 ^aAnih in Moab a neh ih, Moab-mipawl cu David-ih siahhlawh ah an cang, cule ngunkhuai an rak pe.

18:2^a Mip 21:29; 2Sam 8:2; Sam 60:8; Zef 2:8-9

3 ^aDavid in a uknak dĭn hnget dingin Zufraṭis tiva kiangih a feh phahah Zobah siangpahrang Hadadezer cu Hamath ah a neh. 4 ^bDavid in cu pa hnenin lêng 1000 le rang ralkap mipa 7000 le ke ralkap mipa 20000 a lâk. Cuihtlunah David cun lêng 100 hrangih a zuah mi siarlo, lêng hnûktu rang zaten an kaiza thahri a sahcatsak ṭheh.

18:3^a Sem 2:14

18:4^b Sem 49:6; 2Sam 8:4

5 ^aDamaskas ihsin Siria-mipawl cu Zobah siangpahrang Hadadezer bawm dingih an rat tikah, David in Siria mipa 22000 a rak that. 6 Cun David in Siria ram ih Damaskas ah ṭanhmun kiltu ralkappawl a ret, cule Siria-mipawl cu David-ih siahhlawh ah an cang, cule ngunkhuai an rak pe. Jehovah in David cu a fehnak kip ah a humhim. 7 Cule Hadadezer-ih siahhlawhpawl parih um sui ralphawpawl cu David in a lâk ih, Jerusalem ah a tlŭn. 8 ^bCuihtlunah Hadadezer khawpi Tibhath le Kun ihsin David in dar tam ngaingai a tlŭn, cumi thawn Solomon in dar Tikuangpi, dar ṭhuampawl le dar thilripawl a run tuah.

18:5^a 2Sam 8:5-6; 2Sp 16:9

18:8^b 1Sp 7:23; 2San 4:2-5

9 Hamath siangpahrang Tou in Zobah siangpahrang Hadadezer-ih ralkap zaten David in a neh thluh ti a theih tikah, 10 Hadadezer a do ih a neh ruangih cibaibûk ding le lungawipi dingin a fapa Hadoram cu David hnenah a thlah, ziangahtile Hadadezer cu Tou thawn an rak doaw ṭheu. Cule Hadoram in sui, ngun le dar ih tuah mi thilri phun zakim a rak ken. 11 ^aHi miphunpawl hmuahhmuah: Edom-mipawl hnen, Moab-mipawl hnen, Ammon-mipawl hnen, Filisṭia-mipawl hnen le Amalek-mipawl hnen ihsin a tlunpi mi sui le ngun phun zakip thawn, cupawl cu Siangpahrang David in Jehovah hnenah a serhhran.

18:11^a Mip 24:18, 20; 2Sam 5:17-25

12 ^aCuihhleiah Zeruiah-ih fapa Abishai in Cite Phaikuam ah Edom-mi 18000 a that. 13 Anih in Edom ah ṭanhmun kiltu ralkappawl a ret, cule Edom-mipawl an zaten David-ih siahhlawh ah an cang. Cule Jehovah in David cu a fehnak kip ah a humhim.

18:12^a 2Sam 23:18; 1Sp 11:15

14 Cuti cun David cu Israel miphun zate tlunah a lal, a mipi zate hnenah dik zet le dingfel zetin lai a rel. 15 ^aZeruiah-ih fapa Joab cu ralkappawl hotu lu bik a si; Ahilud-ih fapa Jehoshafat cu ngankhumtu a si; 16 Ahitub-ih fapa Zadok le Abiathar-ih fapa Abimelek cu puithiam an si; Shavsha cu cangantu a si; 17 ^bJehoiada-ih fapa Benaiah cu Kereth-mipawl le Peleth-mipawl hotu a si ih, David-ih fapapawl cu siangpahrang hnuaiih hotu an si.

18:15^a 2Sam 5:6-8

18:17^b 1Sam 30:14; 2Sam 15:18

19

David le Siangpahrang Hanun

1 ^aHimi hnuah hitin a si, Ammon-mipawlih siangpahrang Nahash a thi ih, a fapa cu a aiah a lal. 2 Cun David in, “A pa in ka parih ngilneihnak a rak lăngter ruangah, Nahash-ih fapa Hanun parah ngilneihnak ka langter ding,” tiah a ti. Cun David in a hnenah a paih thuhla ah hnem dingin thuphurtupawl a thlah. Cule Ammon-mipawlih ram ah David-ih siahhlawhpawl cu Hanun hnenah hnem dingin an va thleng.

19:1^a Sem 19:38; Lai 10:17-11:33; Zef 2:8-11

3 ^aAmmon-mipawlih tlangsuak upapawl in Hanun hnenah, “Mihnemtupawl na hnenih a rak thlah ruangah David in na pa a upat ngaingai tiah maw na ruah? A siahhlawhpawl cu ram zingzawi ding, linglet ding le thlingthla dingin an ra a si lo maw?” tiah an ti.

19:3^a Mip 21:32

4 Curuangah Hanun in David-ih siahhlawhpawl cu a kai hai ih, an kha hmul a ziahsak, cule an taw tiang, an sinfenpawl cu a laiin a tansak hai ih a thlahhlo. 5 Mi hrekkhat an feh ih, a milaipawl thuhla cu David an va sim; a milaipawl an ning a zah tuk ruangah anmah va táwng dingin mi a thlah. Cule siangpahrang in, “Nan kha hmul a cerh sau hlanlo Jeriko ah cām uhla, cuih hnuah tlung leh uh,” tiah a ti.

6 ^aAmmon-mipawl in anmah le anmah David ih ngei mi ah an tuahaw ti an hmuh tikah, Hanun le Ammon-mipawl in Mesopotamia ram ihsin, Siria Maakah ram ihsin le Zobah ram ihsin anmai hrangih rang lêngpawl le rang ralkappawl sannak ah ngun talent 1000 an kuat. 7 ^bAnmah hrangah rang lêng 32000 le Medeba hmaiah ra ih ṭanhmun khuar Maakah siangpahrang le a mipi cu an ruai. Cuihtlunah Ammon-mipawl cu an khawpipawl ihsin an fĭnkhawmaw ih, ral do dingin an feh.

19:6^a Sem 34:30; 1San 18:5, 9

19:7^b Mip 21:30

Joab in Ammon-mipawl a Neh

8 David in cuih thu a theih tikah, Joab le a ralkap micak zaten a thlah. 9 Cun Ammon-mipawl an ra suak ih, khawpi kăwtka hmaiah ral do dingin an tlaraw, cule a ra thleng zo mi siangpahrangpawl cu mah te mah te in ramlak ah an um.

10 Joab in a hmai lam le a dung lam ihsin an run do ding ti a hmuh tikah, Israel miṭhabik pawl lakih mi hrekkhat a hril ih, Siria-mipawl do dingin a tlarawter hai. 11 ^aCule a tāng lai mipi cu a unaupa Abishai hohatnak hnuaiah a ret, cule annih cu Ammon-mipawl do dingin an tlaraw ve. 12 Cule anih in, “Siria-mipawl hi ka hrangih an cak tuk asile, in bawm pei; asinan na hrangah Ammon-mipawl an cak tuk asile, ka lo bawm ding. 13 Ralṭhain um uhla, kan mipi hrangah le kan Pathian khawpipawl hrangah cak uhsi, cule Jehovah in a mithmuh ih ṭha a ti mi tuah seh,” tiah a ti.

19:11^a 1Sam 26:6

14 Cun Joab le a zawngih um mipi cu ral do dingin Siria-mipawl an va naih ih, a hmaiah Siria-mipawl an tlân. 15 Ammon-mipawl in Siria-mipawl an tlân ti an hmuh tikah, annih khal Joab-ih unaupa Abishai hmaiah an tlân ve ih, khaw sungah an lut. Cule Joab cu Jerusalem ah a tlung.

David in Siria-mipawl a Neh

16 Siria-mipawl in Israel in a neh hai zo ti an hmuh tikah, thuphurtupawl an thlah ih, Zufraṭis tiva ralkhat ih um Siria-mipawl cu an hruaisuak, cule Hadadezer-ih ralkap rualpawlih ralbawipi Shofak cu an hmaiah a feh. 17 Cuih thu cu David an sim tikah, Israel miphun zaten a fĭnkhawm, Jordan an tankai ih anmah cu an va fûk, cule anmah do dingin an tlaraw. Cule Siria-mipawl do dingin David in tlarawk a ṭheh tikah, Siria-mipawl cu an do. 18 Cun Siria-mipawl cu Israel hmaiah an tlân, cule David in Siria-mi rang lêng mâwngtu 7000 le ke ralkap 40000 a that, cule ralkap rualpawlih ralbawipi Shofak a that. 19 Hadadezer-ih siahhlawhpawl in anmah cu Israel in a neh hai zo ti an hmuh tikah, David thawn remnak an tuah ih, a siahhlawh ah an cang. Cutin Siria-mipawl cun Ammon-mipawl băwm an duh nawn lo.

20

Rabbah cu Neh a Si

1 ^aHitin a si, kum thawhtirah^b, siangpahrangpawl doaw dingih an suah tikcucān ah, Joab in ralkap cak pawl a hruaisuak ih, Ammon-mipawlih ram a rawtsiat, cule an feh ih Rabbah khawpi an kulhkhŭm. Asinan David cu Jerusalem ah a tāng ta. Cule Joab in Rabbah khawpi cu a neh ih a băl thluh. 2 Cun David in an siangpahrangih lukhum cu a lu ihsin a lâk, cule sui talent khat a rit ti a hmu, a sungah lung mankhung pawl tla an um. Cumi cu David lu parih ret a si. Khawpi ralthillâk khal a tawrih tawr a lasuak. 3 ^cCule David in khawpi sungih um mipi cu a hruaisuak hai ih, hluahpawl, thil hriam hmanruapawl le hreitlungpawl thawn hna a ṭuanter hai. David in Ammon-mipawlih khawpipawl hmuahhmuah cu cuti vekin a tuah. Cule David le mipi hmuahhmuah cu Jerusalem ah an tlung.

20:1^a Dnp 3:11; Amo 1:13-15

20:1^b kum thawhtirah: 2Sam 11:1 zoh aw.

20:3^c Dnp 29:11

Filisṭia Mimangkawngpawl Thahnak

4 ^aCule himi hnuah hitin a si, Filisṭia-mipawl thawn Gezer ah doawknak a um. Cuih cān ah Hushath-mi Sibbekhai in mimangkawng fapapawl lakih pakhat Sippai a that. Cule annih cu an duai.

20:4^a Sem 14:5; Jos 10:33; 2Sam 21:18

5 ^aFilisṭia-mipawl thawn doawknak a umsal ih, Jair-ih fapa Elhanan in Gath-mi Goliath-ih unaupa Lahmi a that, a feipi ngul cu thiam tlâng tlukih tûm a si.

20:5^a 1Sam 17:7; 1San 11:23

6 Gath ah doawknak a umsal lala, cu tawkah misâng zet, kut khat ih kut zung paruk veve le ke khat ih ke zung paruk veve nei, a zaten zung 24 nei a um ih, anih khal mimangkawngpawl lakih hrin mi a si ve. 7 Cu pa in Israel a va hmuhsuam hai tikah, David-ih upa Shimea-ih fapa Jonathan in amah cu a that.

8 Cupawl cu Gath khua ih mimangkawng lakih suak an si ih, annih cu David-ih kut le a siahhlawhpawlih kut in an tlu.

21

David in Israel le Judah Mipum a Siar

1 ^aIsrael parah Setan a dīng ih, Israel mipum siar dingin David a cawktho. 2 David in Joab hnen le mipi hruaitupawl hnenah, “Feh uh, Beersheba ihsin Dan tiang Israel mipum siar uhla, ka theih thei nak dingah an mipum zat cu in sim uh,” tiah a ti.

21:1^a 2San 14:8; 18:21; Job 1:6; Sam 19:6

3 ^aCule Joab in, “Jehovah in a mipawl cu a let 100 in karhter hram seh! Asinan ka bawi siangpahrang, an zaten ka bawipaih siahhlawh hlir an si thluh lo maw? Ziangruangah so ka bawi in hi thil hi a sut? Ziangah so Israel mawhtertu ih a can ding?” tiah a sawn.

21:3^a Dnp 1:11

4 Sikhalsehla siangpahrangih ṭawngkam cun Joab a neh. Curuangah Joab cu a păwk ih Israel miphun zate hrawhsuakin Jerusalem a thleng. 5 Joab in David hnenah mipi mipum zat cu a pe. Israel ih a neih mi zate cu mipa ralnâm zûk thei ting hleikhat an si ih, Judah ih a neih mi cu ralnâm zûk thei mipa ting li le thawng sawmsarih an si. 6 Asinan siangpahrang ṭawngkam cu Joab hrangah fihnungza a si ruangah Levi le Benjamin cu an lakah a siartel hai lo.

7 Hi thil ah Pathian ^aa lung a hmui lo, curuangah anih in Israel cu a vuak. 8 David in Pathian hnenah, “Nasa zetin ka rak sual a si, ziangruangahtile hi thil hi ka rak tuah a si. Asinan atu-ah ka lo dil, na siahhlawhih mawhsualnak hi lahlo aw, ziangahtile atthlak zetin ka rak tuah a si,” tiah a ti.

21:7^a a lung a hmui lo: A ṭawng hrampi ah cun, “mithmuh ah thil ṭha lo a si,” ti a si.

9 ^aCun Jehovah in David-ih hmutu Gad hnenah, 10 “Va feh awla David hnenah, ‘Jehovah in hitin a ti, “Thil pathum ka lo pe, na parih ka tuah dingah pakhat in hril aw,” tiin,’ a ti,” tiah sim aw.

21:9^a 1Sam 9:9; 22:5; Amo 7:12-13

11 Cule Gad cu David hnenah a feh ih, “Jehovah in hitin a ti, ‘Nangmai hrangah, 12 ^akum thum sung mangṭam, asilole na ralpawlih ralnâm thawi man zikzikih thla thum sung hual vivo, asilole Jehovah-ih ralnâm hmangin nathri sia ih Israel ram pumpi ni thum sung Jehovah-ih vancungmi ih lo thah ding, hril aw,’ tiin. Atu-ah i thlahtu hnenah ziang thulehnak so ka phurkir ding ti ruat aw,” tiah a ti.

21:12^a Sem 19:13; Dnp 32:24; Eze 30:25

13 ^aCule David in Gad hnenah, “Nasa zetih vansanglamin ka um a si. Jehovah-ih kut ah tlu ko ning, ziangahtile a zahngainak cu a nasa tuk; asinan milai kut ah cun i tluter hlah aw,” tiah a ti.

21:13^a Sam 6:4; 51:1; 130:4, 7

14 Cun Jehovah in Israel parah nathri sia a thlah ih, Israel mipa 70000 an tlu. 15 ^aTisiat dingin Jerusalem ah Pathian in vancungmi a thlah. Anih in a hun tisiat tikah, Jehovah in a zoh ih cuih thil ṭha lo thuhla ah a lamlêt, cule a tisiat rero tu vancungmi hnenah cun, “A tawk zo, na kut sūp thlang aw,” tiah a ti. Cule Jehovah-ih vancungmi cu Jebus-mi Ornan-ih hruih hmun kiangah a ding.

21:15^a Sem 6:6; 32:14; Suah 32:14; Sam 125:2

16 ^aDavid cu khua a tang ih, leilung le van karlakih a dīng mi Jehovah-ih vancungmi, ralnâm zûk cia a kut ih Jerusalem tlun tĭn cu a hmu. Cule David le upapawl cu buri hnipuan an hruh ih, leisin bihin an tlu. 17 ^bCun David in Pathian hnenah, “Mipum siar dingih thu petu cu keimah ka si lo maw? A sualtu le thil ṭha lo tuahtu taktak cu keimah ka si; asinan hi tuupawl hin ziang an rak tuah ih? Maw Jehovah ka Pathian, zangfahten na kut cu keimah le ka paih sungza parah tla seh, na mipawl lawngte cu pulh nat tuarter si hlah hai seh,” tiah a ti.

21:16^a Mip 14:5; Jos 7:6

21:17^b 2Sam 7:8; Sam 74:1; Jon 1:12

David in Biakṭheng a Dâwl

18 ^aJehovah-ih vancungmi in Gad hnenah David cu hung so tahratih, Jebus-mi Ornan-ih hruih hmun ih Jehovah hrang biakṭheng dâwl dingin David sim dingin thu a pe. 19 Gad-ih ṭawngkam vekin David cu a so, Gad in Jehovah hmin in a sim. 20 ^bOrnan cu dung a her ih vancungmi a hmu, cule a hnenih um a fapa pali cu an relh. Ornan cu sangvut a cil rero. 21 Ornan hnenah David a ra ih, Ornan in a zoh, cule David a hmu. Cule Ornan cu hruih hmun ihsin a fehsuak ih, David-ih hmaiah a hmai lei lam hawiin a băwk. 22 David in Ornan hnenah, “Jehovah hnenih biakṭheng ka dawl thei nak dingah hi hruih hmun hi i pe aw. Mipi hnen ihsin pulh nat lâkkir a si thei nak dingah a man kimten i ngen aw,” tiah a ti.

21:18^a 2San 3:1

21:20^b Lai 6:11

23 Ornan in David hnenah, “Na hrangah cumi cu la mai awla, ka bawi siangpahrang in a mithmuh ih ṭha a ti mi tuah seh. Zoh hnik, Meiur Thilhlănpawl hrangah caw cang pawl, tihthing hrangah hruih hmanruapawl le Thlairawl Thilhlăn hrangah sangvut ka lo pebêt ding; a zaten ka lo pe a si,” tiah a ti.

24 Cule Siangpahrang David in Ornan hnenah, “Si lo e, a man kimten ka lo lei hrimhrim ding, ziangahtile na ta a si mi cu Jehovah hrangah ka la lo ding ih, man nei lo mi Meiur Thilhlănpawl ka hlan fawn lo ding,” tiah a ti. 25 Cutin David in Ornan-ih hmunram hrangah sui shekel 600 rit a pe. 26 ^aCule cu tawkah David in Jehovah hrangah biakṭheng a dâwl ih, Meiur Thilhlănpawl le Remnak Thilhlănpawl a hlan, cule Jehovah a ko. Anih in van ihsin amah cu Meiur Thilhlăn biakṭheng parah meisa in a run let.

21:26^a Suah 19:18; Pui 9:24; Lai 6:21

27 Jehovah in vancungmi cu thu a rak pe ih, a ralnâm cu a kawm ah a thunkir.

28 Cuih cān ah, Jehovah in Jebus-mi Ornan-ih hruih hmun ah thu i let ti David in a hmuh tikah, cu tawkah rai a thawi. 29 ^aZiangahtile ramṭhing ih Mosi ih a rak tuah zo mi Jehovah-ih Biakbûk le Meiur Thilhlănnak biakṭheng cu cuih cān ah cun Gibeon hmun sâng ah an um. 30 Asinan David cu Pathian sut dingin cumi hmaiah a so ngam lo, ziangahtile Jehovah vancungmi-ih ralnâm a ṭih.

21:29^a Jos 9:3; 1Sp 3:4

22

1 ^aDavid in, “Himi cu Jehovah Pathian inn a si ih, himi cu Israel hrangah Meiur Thilhlănnak biakṭheng a si,” tiah a ti.

22:1^a Sem 28:17; 2Sam 24:18

David in Temple hrangah a Timlam

2 ^aCutin Israel ram ih um khawtluang mi hmuahhmuah fĭnkhawm dingin David in thu a pe; cule Pathian inn sak dingah lungtoser thiam pawl cu lungto ser dingin thu a pe. 3 ^bDavid cun kăwt sângka tlawngkhenpawl hrang le a pehawknak ding hrangah thir tam ngaingai a timlam, cule khīngkhai cawk lo dar tam ngaingai le, 4 ^csidar thing siar cawk lo a timlam, ziangahtile Sidon-mipawl le Ṭaiar-mipawl in sidar thing tam zet David hnenah an rak keng.

22:2^a Suah 1:11; 1Sp 5:17-18; 2San 8:10; Ezr 3:7; Isa 56:6

22:3^b 1Sp 7:47; 1San 22:14

22:4^c 1Sp 5:6

5 ^aDavid in, “Ka fapa Solomon cu a no lai ih, tawnteh mi a nei hrih lo, cule Jehovah hrangih sak ding mi inn cu a maksak tuk ding, a hmin le a ropitdān cu ram hmuahhmuah ih thang ding a si. Curuangah cumi hrangah timlamnak ka tuah ding,” tiah a ti. Cutin a thih hlanah David in timlamawknak tam ngaingai a tuah.

22:5^a 1Sp 3:7; 2San 2:5

6 ^aCun a fapa Solomon a ko ih, Israel-ih Pathian Jehovah hrangih inn sak dingin amah cu a cah. 7 ^bDavid in Solomon hnenah, “Ka fapa, ka lungthin ah Jehovah ka Pathian hmin hrangih inn sak ding a um; 8 ^casinan, ‘Nang cun thisen tam tuk na rak suah ih, ral doawknak nasa taktak na do; ka hmin hrangah inn na sak lo pei, ziangruangahtile ka mithmuh ah leilung parah thisen tam tuk na rak suah. 9 ^dNgai hnik, fapa na nei ding ih, anih cu cawlhahdam pa a si ding; cule a kimvelih a ral zate hnen ihsin amah cu cawlhhahdamnak ka pe ding. A hmin cu ^eSolomon a si ding, ziangahtile a san sung Israel hnenah remnak le daihnak ka pe ding. 10 ^fAmah in ka hmin hrangah inn a sak ding ih, amah cu ka fapa a si ding, cule kei cu a Pa ka si ding; Israel tlunah a lalram laltokham ka dĭn kumkhua ding,’ tiin Jehovah-ih kamsuakthu ka hnenah a thleng. 11 ^gAtu-ah ka fapa, Jehovah in lo umpi hram sehla, hmuingil hram aw, cule na hnenih a lo sim vekin Jehovah na Pathian hrangah inn sak aw. 12 ^hJehovah in Israel tlunih thucah a lo pek tikah, fimnak le theihthiamnak khal lo pe seh, cutin Jehovah na Pathian Dān na thlun thei ding. 13 ⁱCun Israel thuhla ih Jehovah in Mosi thu a cah mi sakhaw dānpawl le zīn le dān pawl tuahsuak dingih na fimkhur asile, na hmuingil ding. Cak le ralṭhain um aw; ṭih hlah, thlaphâng fawn hlah. 14 Ngai hnik, Jehovah inn hrangah harsa zetih ka rak timlam mi sui talent thawng zakhat, ngun talent tinghra, dar le thir khīngkhai cawk lo a um, ziangahtile a tawrin a tawr. Thing le lungto khal ka rak timlam ih, cupawl tlunah na bêt thei. 15 ^jCuihtlunah na hnenah hnaṭuan thiam: thingsalh thiam pawl, lungser thiam pawl, themthiam hna tinkim ṭuan thiam a tawrih tawr an um, 16 ^ksui le ngun le dar le thir khal siar cawk lo. Tho awla ṭuan thawk mai aw, cule Jehovah in lo umpi seh,” tiah a ti.

22:6^a Apo 7:47

22:7^b Dnp 12:5, 11; 2Sam 7:1-2; 1Sp 8:17

22:8^c 2Sam 7:5-13; 1Sp 5:3; 1San 28:13

22:9^d Jos 14:15; 2Sam 12:24; 1Sp 4:2; 5:4; 2San 14:6-7

22:9^e Solomon: Hebru ṭawngfáng shelomoh ti mi awsuah vek a si ih, Hebru ṭawng “hnangamdaihnak” ihsi ra a si men thei.

22:10^f 2Sam 7:13-14; 1Sp 9:5; 2San 6:15; Heb 1:5

22:11^g 1Sam 16:18; 1San 22:16

22:12^h 1Sp 3:9-12; 2San 1:10

22:13ⁱ Dnp 31:6; Jos 1:7-8; 1Sp 2:3

22:15^j Ezr 3:7

22:16^k 1San 22:11; 2San 2:7

17 David cun Israel hruaitupawl hmuahhmuah khal a fapa Solomon bawm dingin thu a pe, 18 ^a“Jehovah nan Pathian in a lo umpi a si lo maw? Cule na kimvelih minungpawl hnen ihsin cawlhhahdamnak a rak lo pe a si lo maw? Ziangahtile ka kut ah ram luahtupawl i pe ih, Jehovah hmai le mipi hmaiah ram cu duaiter a si. 19 ^bAtu-ah, Jehovah nan Pathian hawl dingin nan thinlung le nan nunnak pe uh. Curuangah Jehovah hmin hrangih sak ding mi inn sungah Jehovah-ih Thukham Kuang thiar dingin le Pathian thilri thianghlim pawl thiar dingin tho uhla, Jehovah nan Pathian-ih hmun thianghlim sak uh,” tiah a ti.

22:18^a Dnp 12:10; Jos 22:4; 2Sam 7:1

22:19^b 1Sp 8:1-11; 2San 7:14

23

Solomon cu Siangpahrang ih Tuah a Si

1 ^aDavid cu a upa thlang ih, a tar tikah, a fapa Solomon cu Israel tlunih siangpahrang dingah a tuah.

23:1^a 1San 29:28; 2San 1:8

Levi-mipawl

2 David in puithiampawl le Levi-mipawl thawn Israel hruaitupawl hmuahhmuah a fĭnkhawm. 3 ^aLevi-mipawl cu kum 30 le a tlun mi an siar ih, mipa mipum 38000 an si. 4 ^bDavid in, “Cupawl lak ihsin 24000 cu Jehovah inn hnaṭuan vilvengtu ding an si, 6000 cu hohatu ding le thuṭhentu ding an si, 5 ^cmi 4000 cu kăwtka kiltu ding an si ih, a dang mi 4000 pawl in thangṭhatnak dingih awnmawi hmanruapawl ka tuah mi hmangin Jehovah cu an thangṭhat ding,” tiah a ti.

23:3^a Mip 4:30-49; 8:24

23:4^b 2San 34:13; Ezr 3:8; Neh 4:1; Eze 44:24

23:5^c Neh 12:45; Sam 92:3

6 ^aLevi fapapawl cu Gershon, Kohath le Merari an si ih, Levi fapapawl lakah David in a bur a bur in a ṭhen.

23:6^a Suah 6:16; Mip 3:17; 2San 8:14

7 Gershon-mipawl lak ihsin Laadan le Shimei an si. 8 Laadan-ih fapapawl cu hmaisabikah Jehiel a si, cun Zetham le Joel an zaten pathum an si. 9 Shimei-ih fapapawl cu Shelomith, Heziel le Haran, an zaten pathum an si. Hipawl hi Laadan-ih pupápawlih sungza lubânpawl an si. 10 Shimei-ih fapapawl cu Jahath, Zina, Jeush le Bepriah an si. Hipawl hi Shimei-ih fapa pali pawl cu an si. 11 Jahath cu a pakhatnak a si ih, a pahnihnak ah Zizah a si. Asinan Jeush le Beriah in fapa tampi an nei lo; curuangah annih cu sungkua pakhat vekin ṭuanvo pek an si.

12 ^aKohath-ih fapapawl cu Amram, Izhar, Hebron le Uzziel, an zaten pali an si. 13 ^bAmram-ih fapapawl cu Aaron le Mosi an si, thil thianghlimbik pawl tithianghlim dingin, Jehovah hmaiih rimhmui ur dingin, amah rian dingin le a hmin in thlawsuah pe kumkhua dingin Aaron cu serhhran a si, amah le a fapapawl cu a kumkhuain. 14 ^cPathian mi Mosi-ih fapapawl cu Levi hnám ih siartel an si. 15 ^dMosi-ih fapapawl cu Gershom le Eliezer an si. 16 Gershom-ih fapapawl lakah Sheubuel cu a pakhatnak a si. 17 Elieazer tesinfapawl lakah Rehabiah cu a pakhatnak a si. Eliezar in fapa dang a nei lo, asinan Rehabiah-ih fapapawl cu an tam ngaingai. 18 Izhar-ih fapapawl lakah Shelomith cu a pakhatnak a si. 19 Hebron-ih fapapawl lakah Jeriah cu a pakhatnak a si, a pahnihnak ah Amariah, a pathumnak ah Jahaziel, a palitnak ah Jekameam a si. 20 Uzziel-ih fapapawl lakah Mikah cu a pakhatnak a si ih, Jesiah cu a pahnihnak a si.

23:12^a Sem 46:11; Suah 6:18

23:13^b Suah 6:20; 30:7-10; Mip 6:23; Heb 5:4

23:14^c Dnp 33:1

23:15^d Suah 6:16; 18:3-4

21 ^aMerari-ih fapapawl cu Mahli le Mushi an si. Mahli-ih fapapawl cu Eleazar le Kish an si. 22 ^bEleazar cu fapa nei loin a thi, asinan fanupawl tla a nei; cule an unau sungkhat Kish-ih fapapawl in cupawl cu nupi ah an ṭhi. 23 Mushi-ih fapapawl cu Mahli, Eder le Jeremoth, an zaten pathum an si.

23:21^a Suah 6:19; 1San 24:26, 29

23:22^b Mip 36:8; 1San 24:28

24 ^aHipawl hi an pupápawlih sungza lubânpawl, an pupápawlih sungza zulhih hmin ngan mi Levi tesinfapawl an si. Jehovah inn ih rawngbawl hna ṭuantu pauhpauh, kum 20 le a tlun lam cu bulpak in an hmin siar an si.

23:24^a Mip 4:3; Ezr 3:8

25 Ziangahtile David in, “Jerusalem ih an cēn kumkhua thei nak dingah, Jehovah Israel-ih Pathian in a mipawl hnenah cawlhhahdamnak a pe. 26 ^aCuruangah Levi-mipawl in Biakbûk an zâwn nawn lo ding ih, cumi rawngbawlnak hrang thilripawl lakih ziangkhal,” tiah a ti. 27 Curuangah David-ih ṭawngkam netabik bangtukin Levi-mipawl cu kum 20 le a tlun lam mipawl an siar. 28 ^bZiangruangahtile an ṭuanvo cu Jehovah inn, tualrawn le pindanpawl ih Aaron-ih fapapawl rawngbawl băwm, thil thianghlim hmuahhmuah thianfai le Pathian inn rawngbawl hna ṭuansuah a si. 29 ^cCuihtlunah an ṭuanvo cu Sangserh le Thlairawl Thilhlăn hrangah sangvut phut thawn, thilnu telh lo sang per páte le khēng dau ih kăn mi thawn, rawi mi le tah mi phun zakip thawi băwm a si. 30 ^dCule zing tin dīngin, Jehovah hnenih lungawi thu sim le thangṭhat, cuvek thothoin zan lam tin khalah, 31 ^ecule Sabbath-pawl ah, Thla Thar pawl ah le puaipawl ah Jehovah hnenih Meiur Thilhlănpawl hlăn a si tinten, Pathian in a ngĕn hai mi zat bangtukin, Jehovah hmaiih ding ṭheu ding an si. 32 ^fCule annih cun tawnawknak biakbûk ih ṭul mi, hmun thianghlim ih ṭul mi, Jehovah inn hnaṭuannak ih an unau sungkhat Aaron tefapawlih ṭul mi phihru ding an si.

23:26^a Mip 4:5; Dnp 10:8

23:28^b 2San 29:15; Neh 13:9; Mal 3:3

23:29^c Suah 25:30; Pui 19:35-36

23:30^d Sam 134:1

23:31^e Mip 28:9-29:39; Isa 1:13-14; Kol 2:16

23:32^f Mip 3:6-8, 38; 2San 23:18; Eze 44:14

24

Aaron Tesinfapawl Bur Ṭhennak

1 ^aHipawl hi Aaron-ih fapapawl bur ṭhendān cu a si. Aaron-ih fapapawl cu Nadab, Abihu, Eleazar le Ithamar an si. 2 ^bNadab le Abihu cu an pa hlanah an thi ih, fāte an nei lo; curuangah Eleazar le Ithamar cu puithiam dinhmun in rawng an bâwl. 3 ^cCun David cun Eleazar tefapawl lakih Zadok le Ithamar tefapawl lakih Ahimelek thawn Aaron tefapawl cu an rawngbawlnak ih an ṭuanvo zulhin anmah cu a ṭhen hai.

24:1^a Suah 6:23; Mip 3:2-4; 2San 5:11; Ezr 6:18

24:2^b Pui 10:1-2; Mip 3:1-4

24:3^c 2Sam 8:17; 1San 18:16

4 Eleazar tefapawl hnakin Ithamar tefapawl in hruaitu an nei tamsawn ti hmuh a si ruangah, hiti vekin annihpawl cu bur ṭhen an si: Eleazar tefapawl lakah an pupápawlih sungza lubân hleiruk an um ih, Ithamar tefapawl lakah an pupápawlih sungza lubân pariat an um. 5 Cuti vek cun annih cu camcawhfung zûkin bur ṭhen an si, bur tin bangrepin ṭhen an si, ziangahtile hmun thianghlim bawipawl le Pathian inn bawipawl an um, cupawl cu Eleazar tefapawl ihsin le Ithmar tefapawl ihsin an si. 6 Cangantu, Levi-mipawl lakih pakhat Nethanel-ih fapa Shemaiah in siangpahrang le hruaitupawl, puithiam Zadok, Abiathar-ih fapa Abimelek le puithiampawlih pupápawl sungza lubânpawl le Levi-mipawl hmaiah a ngan; pupá sungkua pakhat cu camcawhfung zûknak in a haha in Eleazar hnen ihsin pakhat, Ithamar hnen ihsin pakhat hril a si.

7 ^aPakhatnak camcawhfung cu Jehoiarib parah a tla, pahnihnak cu Jedaiah parah, 8 ^bpathumnak cu Harim parah, palitnak cu Seorim parah, 9 pangatnak cu Malkijah parah, paruknak cu Mijamin parah, 10 ^cpasarihnak cu Hakkoz parah, pariatnak cu Abijah parah, 11 pakuatnak cu Jeshua parah, pahratnak cu Shekaniah parah, 12 hleikhatnak cu Eliashib parah, hleihnihnak cu Jakim parah, 13 hleithumnak cu Huppah parah, hleilitnak cu Jeshebeab parah, 14 ^dhleingatnak cu Bilgah parah, hleiruknak cu Immer parah, 15 ^ehleisarihnak cu Hezir parah, hleiriatnak cu Happizzez parah, 16 hleikuatnak cu Pethahiah parah, 20-nak cu Jehezekel parah, 17 cun 21-nak cu Jakin parah, 22-nak cu Gamul parah, 18 cule 23-nak cu Delaiah parah, 24-nak cu Maaziah parah a tla.

24:7^a Ezr 2:36; Neh 12:6

24:8^b Ezr 2:39; Neh 10:5

24:10^c Neh 12:4, 17; Luk 1:5

24:14^d Ezr 2:37; Jer 20:1

24:15^e Neh 10:20

19 Himi cu Israel-ih Pathian Jehovah in Aaron thu a rak pek vekin, an pupá Aaron-ih kut ihsi an zīn le dān bangtukih Jehovah inn sungah lut ih an rawngbawldān ding a si.

A Dang Levi Tefapawl

20 A dang Levi tefapawl cu: Amram tefapawl ihsin Shubael; Shubael tefapawl ihsin Jehdeiah a si. 21 Rehabiah thuhla ah cun Rehabiah tefapawl lak ihsin a pakhatnak cu Isshiah a si. 22 Izhar-mipawl lak ihsin Shelomoth, Shelomoth tefapawl lak ihsin Jahath a si. 23 ^aHebron tefapawl lak ihsin Jeriah cu a pakhatnak a si, a pahnihnak ah Amariah, a pathumnak ah Jahaziel le a palitnak ah Jekameam an si. 24 Uzziel tefapawl lak ihsin Mikah, Mikah tefapawl lak ihsin Shamir a si. 25 Mikah-ih unaupa Isshiah, Isshiah-ih tefapawl lak ihsin Zekariah a si. 26 Merari-ih tefapawl cu Mahli le Mushi an si; Jaaziah-ih fapa cu Beno a si. 27 Jaaziah hnen ihsin Merari-ih tefapawl cu Beno, Shoham, Zakkur le Ibri an si. 28 Mahli hnen ihsin fapa nei lo Eleazzar a suak. 29 Kish-ih hnen ihsin Kish fapa Jerahmeel a si. 30 Muhsi tefapawl cu Mahli, Eder le Jerimoth an si. Hipawl hi an pupápawlih sungza bangtukih Levi-mipawlih tefa an si. 31 Annih khal an unau sungkhat Aaron tefapawl vekin, Siangpahrang David, Zadok, Ahimelek le puithiampawlih pupápawlih sungza lubânpawl le Levi-mipawl hmaiah camcawhfung an zûk ve. Pupápawlih sungza lubân kip khal in an naulepawl vekin an tuah cio.

24:23^a Hebron: Hebron hi 1San 23:19 ihsi lak mi a si, himi Bible câng ah cun a rak um lo.

25

Temple hrang Hlaremtupawl

1 ^aCuihtlunah David le ralkappawlih ralbawipawl in Asaf-ih fapapawl, Heman-ih fapapawl le Jeduthun-ih fapapawl cu ṭingṭangpawl, cawngcingpawl le sumselpawl thawn thuphuang ih rawngbawl dingin an serhhran. An rawngbawlnak bangtukih ṭuansuaktu mithiam mipum zat cu: 2 Asaf-ih fapapawl lak ihsin Zakkur, Joseph, Nethaniah le Asharelah an si. Asaf-ih fapapawl cu siangpahrang thupek bangtukih thupuangtu Asaf-ih kaihhruainak hnuaiah an um.

25:1^a 2Sp 3:15; Ezr 3:10; Neh 11:17

3 ^aJeduthun ihsin, Jeduthun-ih fapapawl cu: Gedaliah, Zeri, Jeshaiah, Shimei, Hashabiah le Mattithiah, paruk an si, Jehovah hnenih ṭingṭangpawl thawi lungawi thu sim le thangṭhat dingih thuphuangtu an pa Jeduthun-ih kaihhruainak hnuaiah an um. 4 Heman ihsin Heman-ih fapapawl cu Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti-Ezer, Joshbekashah, Mallothi, Hothir le Mahazioth an si. 5 Hipawl hmuahhmuah hi siangpahrangih profet Heman-ih fapapawl an si, Pathian thutiamkam bangtukih Heman khaisângtu ding an si. Ziangahtile Pathian in Heman cu fapa hleili le fanu pathum a pe.

25:3^a Sem 4:21; Sam 33:2

6 ^aHipawl hmuahhmuah cu Jehovah inn ah sumselpawl, cawngcingpawl le ṭingṭangpawl thawn Pathian inn ih rawngbawlnak ih an paih kaihhruainak hnuaiih hlaremtu an si. Asaf, Jeduthun le Heman cu siangpahrang thuneihnak hnuaiah an um. 7 An mipum zat cu, Jehovah-ih hla zirh cia mi an unau sungkhatpawl thawn 288 an si, an zaten an thiam zet.

25:6^a 1San 15:16, 19; 2San 23:18

8 Cule a tûm le a te, zirhtu le zirlai pawl cun an ṭuanvo hrangah camcawhfung an zûk.

9 A hmaisabik camcawhfung zûknak cu Asaf-ih fapa Joseph parah a tlu, pahnihnak cu Gedaliah parah, amah le a unau sungkhatpawl le a fapapawl thawn hleihnih an si; 10 pathumnak cu Zakkur parah, a fapapawl le a unau sungkhatpawl thawn hleihnih an si; 11 palitnak cu Izri parah, a fapapawl le a unau sungkhatpawl thawn hleihnih an si, 12 pangatnak cu Nethaniah parah, a fapapawl le a unau sungkhatpawl thawn hleihnih an si, 13 paruknak cu Bukkiah parah, a fapapawl le a unau sungkhatpawl thawn hleihnih an si, 14 pasarihnak cu Jesarelah parah, a fapapawl le a unau sungkhatpawl thawn hleihnih an si; 15 pariatnak cu Jeshaiah parah, a fapapawl le a unau sungkhatpawl thawn hleihnih an si; 16 pakuatnak cu Mattaniah parah, a fapapawl le a unau sungkhatpawl thawn hleihnih an si; 17 pahratnak cu Shimei parah, a fapapawl le a unau sungkhatpawl thawn hleihnih an si; 18 hleikhatnak cu Azarel parah, a fapapawl le a unau sungkhatpawl thawn hleihnih an si; 19 hleihnihnak cu Hashabiah parah, a fapapawl le a unau sungkhatpawl thawn hleihnih an si; 20 hleithumnak cu Shubael parah, a fapapawl le a unau sungkhatpawl thawn hleihnih an si; 21 hleilitnak cu Mattithiah parah, a fapapawl le a unau sungkhatpawl thawn hleihnih an si; 22 hleingatnak cu Jeremoth parah, a fapapawl le a unau sungkhatpawl thawn hleihnih an si; 23 hleiruknak cu Hananiah parah, a fapapawl le a unau sungkhatpawl thawn hleihnih an si; 24 hleisarihnak cu Joshebekashah parah, a fapapawl le a unau sungkhatpawl thawn hleihnih an si; 25 hleiriatnak cu Hanani parah, a fapapawl le a unau sungkhatpawl thawn hleihnih an si; 26 hleikuatnak cu Mallothi parah, a fapapawl le a unau sungkhatpawl thawn hleihnih an si; 27 cule kulnak cu Eliathah parah, a fapapawl le a unau sungkhatpawl thawn hleihnih an si; 28 kul hluankhatnak cu Hothir parah, a fapapawl le a unau sungkhatpawl thawn hleihnih an si; 29 kul hluanhnihnak cu Giddalti parah, a fapapawl le a unau sungkhatpawl thawn hleihnih an si; 30 kul hluanthumnak cu Mahazioth parah, a fapapawl le a unau sungkhatpawl thawn hleihnih an si; 31 kul hluanlitnak cu Romamti-Ezer parah, a fapapawl le a unau sungkhatpawl thawn hleihnih an si.

26

Temple Kăwtka Kiltupawl

1 Kăwtka kiltupawl bur ṭhendān cu: Korah-mipawl lak ihsin Kore-ih fapa Meshelemiah a si, cucu Asaf-ih fapapawl lakih mi a si. 2 Meshelemiah-ih fapapawl cu fatir ah Zekariah, pahnihnak ah Jediael, pathumnak ah Zebadiah, palitnak ah Jatniel, 3 pangatnak ah Elam, paruknak ah Jehohanan, pasarihnak ah Eliehoenai an si.

4 Obed-Edom fapapawl cu a fatir ah Shemaiah, pahnihnak ah Jehozabad, pathumnak ah Joah, palitnak ah Sakar, pangatnak ah Nethanel, 5 ^aparuknak ah Ammiel, pasarihnak ah Issakar, pariatnak ah Peultai tla an si; ziangahtile Pathian in Obed-Edom cu mal a sawm.

26:5^a 2Sam 6:10

6 A fapa Shemiah hnenah fapapawl hrinsak an si, cupawl cun an pupápawlih sungza an uk, ziangruangahtile annih cu titheinak nasa zet nei mi an si. 7 Shemaiah-ih fapapawl cu: Othni, Refael, Obed le Elzabad an si, Elzabad-ih unau Elihu le Semakiah cu titheinak nei mi an si.

8 Hipawl hmuahhmuah hi Obed-Edom tesinfapawl an si, anmah le an fapapawl le an unau sungkhatpawl cu hnaṭuan dingih micak le titheinak nei an si, Obed-Edom in tesinfa 62 a nei.

9 Meshelemiah in fapapawl le unau sungkhatpawl a nei, titheinak nei hleiriat an si.

10 ^aMerari-ih tefapawl lakih Hosah khal in fapapawl a nei: a pakhatnak ah Shimri (amah cu fatir a si lo nân, a pa in a pakhatnak ah a tuah), 11 pahnihnak ah Hilkiah, pathumnak ah Tebaliah, palitnak ah Zekariah a si; Hosah fapapawl le a unau sungkhatpawl an zaten hleithum an si.

26:10^a Dnp 21:16; 1San 16:38

12 Hi kăwtka kiltu bur ṭhen pawl cu, titheinak nei an hotupawl thawn, an unau sungkhatpawl zawngah, Jehovah inn ih rawngbawl hna ṭuantu ding an si. 13 A tûm siseh, a te siseh an pupápawl sungza zulhin kăwtka kip hrangah camcawhfung an zûk. 14 Nisuahnak lam kăwtka hrangih camcawhfung zûk mi cu Shelemiah parah a tlu. Cun mifim thurawn petu a fapa Zekariah hrangah camcawhfung an zûk ih, Sak lam kăwtka cu a covo ah a tlu. 15 ^aObed-Edom hrangah thlang lam kăwtka, cule a fapapawl hrangah thilri retnak. 16 Shuppim le Hosah hrangah nitlaknak lam kăwtka le zinpi so kiangih Shalleketh kăwtka cu an covo ah a tlu. Kiltupawl cu hiti vekih ṭhen a si: 17 nisuahnak lamah Levi-mi paruk an um ih, ni tin sak lamah pali, ni tin thlang lamah pali, thilri retnak hrangah mi pahnih veve tiin. 18 Nitlaknak lamih ^bParbar tualrawn hrangah zinpi ah mi pali le Parbar tualrawn ah mi pahnih tiin. 19 ^cHipawl hi Korah-ih fapapawl lak le Merari-ih fapapawl lakih kăwtka kiltu bur ṭhen pawl cu an si.

26:15^a 2San 25:24

26:18^b Parbar: Hebru ṭawng ihsi lak mi a si ih, tualrawn asilole ṭhuam thlaraw a si men thei.

26:19^c 2San 35:15; Neh 7:1; Eze 44:11

20 ^aLevi-mipawl lak ihsin Ahijah cu Pathian inn sungih hlawnthilpawl kilkhawitu le serhhran mi hlawnthilpawl kilkhawitu a si. 21 Gershon tesinfapawl lakih pakhat Laadan-ih tefapawl cu hipawl hi an si: Jehieli cu Laadan tefa lakih pakhat a si ih, Laadan pupápawlih sungza lubânpawl lakih pakhat, Gershon-mi a si. 22 Jehieli-ih fapapawl cu Zetham le a unaupa Joel an si, anmah cu Jehovah inn sungih hlawnthilpawl kilkhawitu an si. 23 ^bAmram-mipawl, Izhar-mipawl, Hebron-mipawl, Uzziel-mipawl lak ihsin: 24 Mosi fapa Gershom-ih fapa Shebuel cu hlawnthilpawl hohatu a si. 25 Eliezer ihsi a unau sungkhatpawl cu Rehabiah a fapa a si, cuih fapa cu Jeshaiah a si, cuih fapa cu Joram a si, cuih fapa cu Zikri a si ih, cuih fapa cu Shelomith a si.

26:20^a 2Sam 24:5; Ezr 2:69

26:23^b Suah 6:18; Mip 3:27

26 ^aHi Shelomith le a unau sungkhatpawl cu cuih hlawnthil serhhran mi thil hmuahhmuah kilkhawitu an si. Siangpahrang David, an pupápawlih sungza lubânpawl, ralkap 1000 hotupawl, 100 hotupawl le ralbawipawl in cuih thilpawl cu an serhhran. 27 Ral donak ih ralthillâk hrekkhat an ngah mipawl cu annih in Jehovah inn rĕmṭhatnak dingah an serhhran. 28 ^bHmutu Samuel le Kish-ih fapa Saul, Ner-ih fapa Abner, Zeruiah-ih fapa Joab tepawl ih an serhhran mi hmuahhmuah, thil serhhran mi kip cu Shelomith le a unau sungkhatpawlih kut hnuaiah a si.

26:26^a 2Sam 8:11

26:28^b 1Sam 9:9

29 ^aIzhar-mipawl lak ihsin Kenaniah le a fapapawl in Israel tlunah leng lam hna, bawi ṭuanvo le thuṭhentu ṭuanvo an nei.

26:29^a Dnp 17:8-13; 1San 23:4; Neh 11:16

30 Hebron-mipawl lak ihsin Hashabiah le a unau sungkhat, miralṭha mipa 1700 pawl cu Jehovah-ih hna hmuahhmuah hrangah le siangpahrang rawngbawlnak ah Jordan nitlaknak lam kapih um Israel kilkhawi ding ṭuanvo an nei. 31 ^aHebron-mipawl lakah a pupápawlih cithlah sâwngawkdān bangtukin Jerijah cu Hebron-mipawlih lubân a si. David a lal kum 40-nak ah, annih cu hawl an si ih, anmah lakah Gilead ram ih Jazer ah mithiltitheipawl an hmusuak. 32 Jerija-ih unau sungkhatpawl lakih miralṭha 2700 pawl cu an pupápawlih sungza lubân an si. Cupawl cu Siangpahrang David in Reuben-mipawl, Gad-mipawl le Manasseh hnám hrek kilvengtu ah a tuah hai. Annih cun Pathian lam thilpawl le siangpahrang thil zate tlunah ṭuanvo an nei.

26:31^a Jos 21:39; 2Sam 5:4

27

Ralkap Bur Ṭhen Pawl

1 Israel tefapawl, an mipum bangtukin, an pupápawlih sungza lubânpawl, ralkap 1000 hotupawl le 100 hotupawl le an bawipawl cun ralkap bur ṭhen thuhla tinkim ah siangpahrang an rian. Cuih bur ṭhen kum khat sungih thla tin thlĕngaw ṭheu, bur ṭhen tin ih mi cu 24000 an si.

2 ^aBur ṭhen pakhatnak a thla khatnak ih hotu cu Zabdiel-ih fapa Jashobeam a si ih, amai bur ṭhen ah mi 24000 an um; 3 Jashobeam cu Perez-ih tefapawl lakih pakhat le a thla hmaisabik hrangih ralkap bawipawl zate ih lu bik a si. 4 ^bA thla hnihnak bur ṭhen hotu cu Ahoh-mi Dodai a si ih, amai bur ṭhen lakih Mikloth khal hruaitu a si ve; amai bur ṭhen ah mi 24000 an um. 5 ^cA thla thumnak ih ralkappawl hotu pathumnak cu puithiam lu bik Jehoiada-ih fapa Benaiah a si; amai bur ṭhen ah mi 24000 an um. 6 Hi pa cu micak 30 lakih tel Benaiah le mi 30 hotu kha a si; amai bur ṭhen ah a fapa Ammizabad a tel. 7 ^dA thla litnak ih ralbawi a palitnak cu Joab-ih unaupa Asahel a si ih, amah hnuah a fapa Zebadiah in ṭuanvo a run la; amai bur ṭhen ah mi 24000 an um. 8 A thla ngatnak ih a pangatnak ralbawi cu Izrah-mi Shamhut a si; amai bur ṭhen ah mi 24000 an um. 9 ^eA thla ruknak ih a paruknak ralbawi cu Tekoa-mi Ikkesh-ih fapa Ira a si; amai bur ṭhen ah mi 24000 an um. 10 ^fA thla sarihnak ih a pasarihnak ralbawi cu Efraim tefapawl lak ihsin Pelon-mi Helez a si; amai bur ṭhen ah mi 24000 an um. 11 ^gA thla riatnak hrangih a pariatnak ralbawi cu Zerah-mipawl lak ihsin Hushath-mi Sibbekhai a si; amai bur ṭhen ah mi 24000 an um. 12 ^hA thla kuatnak hrangih a pakuatnak ralbawi cu Benjamin-mipawl lak ihsin Anathoth-mi Abiezer a si; amai bur ṭhen ah mi 24000 an um. 13 ⁱA thla hratnak hrangih a pahratnak ralbawi cu Zerah-mipawl lak ihsin Netofat-mi Maharai a si; amai bur ṭhen ah mi 24000 an um. 14 A thla hleikhatnak hrangih a hleikhatnak ralbawi cu Efraim tefapawl lak ihsin Pirathon-mi Benaiah a si; amai bur ṭhen ah mi 24000 an um. 15 ^jA thla hleihnihnak hrangih a hleihnihnak ralbawi cu Othniel tefa, Netofat-mi Heldai a si; amai bur ṭhen ah mi 24000 an um.

27:2^a 2Sam 23:8; 1San 11:11

27:4^b 2Sam 23:9

27:5^c 2Sam 23:20; 1San 18:17

27:7^d 2Sam 2:18; 1San 11:26

27:9^e 2Sam 23:26; 1San 11:28

27:10^f 2Sam 23:26; 1San 11:27

27:11^g 2Sam 21:18; 1San 20:4

27:12^h 2Sam 23:27

27:13ⁱ 2Sam 23:28

27:15^j Jos 15:17; 2Sam 23:29

Hnám Hleihnih Hotupawl

16 Israel hnámpawl tlunih uktu: Reuben-mipawl tlunih uktu cu Zikhri-ih fapa Eliezer a si; Simeon-mipawl tlunih uktu cu Maakah-ih fapa Shefatiah a si; 17 ^aLevi-mipawl tlunih uktu cu Kemuel-ih fapa Hashabiah a si; Aaron-mipawl tlunah Zadok; 18 Judah tlunah David-ih unaupawl lakih pakhat Elihu; Issakar tlunah Maikal-ih fapa Omri; 19 Zebulun tlunah Obadiah-ih fapa Ishmaiah; Naftali tlunah Azriel-ih fapa Jerimoth; 20 Efraim tefapawl tlunah Azaziah-ih fapa Hoshea; Manasseh hnám hrek tlunah Pedaiah-ih fapa Joel; 21 a dang Manasseh hnám hrek tlunah Gilead ah, Zekariah-ih fapa Iddo; Benjamin tlunah Abner-ih fapa Jaasiel; 22 Dān tlunah Jeroham-ih fapa Azarel cu uktu a si. Hipawl hi Israel hnámpawl hruaitu an si.

27:17^a 2Sam 8:17; 1San 26:30

23 ^aAsinan David in kum 20 le a hnuai lam cu mipum a rak siar lo, ziangruangahtile Jehovah in vanih arsipawl vekin Israel cu ka karhzaiter ding tiah a ti. 24 ^bZeruiah-ih fapa Joab in mipum siar a thawk, asinan a rak ṭheh lo, ziangahtile Israel parah hi mipum siarnak ruangah thinlingnak a thleng; siangpahrang David-ih san siarnak cazin khalah mipum zat ngankhum a si lo.

27:23^a Sem 12:2; Dnp 6:3; 2Sam 24:1

27:24^b 2Sam 24:15; 1San 21:1-7

David-ih Bawipawl

25 Adiel-ih fapa Azmaveth cu siangpahrangih hlawnthilpawl kilkhawitu a si ih, Uzziah-ih fapa Jonathan in lóram lam, khawpipawl, khawtepawl le dawlsângpawl ih thilri retnakpawl a kilkhawi. 26 Kelub-ih fapa Ezri cu lóram hnaṭuantu lei lettupawl hohatu a si. 27 Ramath hmun ih um mi Shimei cu sabit hmuan ṭuantupawl hohatu a si ih, Shefam hmun ih um mi Zabdi cu sabit hmuan rahsuah sabit zu ṭuantupawl hohatu a si. 28 ^aGeder hmun ih um mi Baal-Hanan cu olif thingpawl le hmun niam pawl ih ^bsikamor kungpawl fingkhawitu a si ih, Joash cu hriak retkhawmnak hohatu a si. 29 ^cSharon hmun ih um mi Shitrai cu Sharon hmun ih ranpi rual fingkhawitu a si ih, Adlai-ih fapa Shafat cu phaikuampawl ih ranpi rual fingkhawitu a si. 30 Ishmael-mi Obil cu kalaukpawl kilkhawitu a si ih, Meronoth hmun ih um Jehdeiah cu lākpawl fingkhawitu a si, 31 cule Hagar-mi Jaziz cu rante rual fingkhawitu a si. Hipawl hi Siangpahrang David-ih thil kiltu bawipawl an si.

27:28^a 1Sp 10:27

27:28^b sikamor: Theipi kung phun khat a si.

27:29^c Sol 2:1; Isa 33:9

David-ih Bulpâk Bawipawl

32 Cuihhleiah David-ih paseu Jehonathan cu thurawn petu, mifim le cangantu a si; cule Hakmoni-ih fapa Jehiel cu siangpahrangih fapapawl zawngah a um. 33 ^aAhithofel cu siangpahrang thurawn petu a si ih, Arki khawmi Hushai cu siangpahrang hawipi a si. 34 ^bAhithofel sangtu ah Benaiah-ih fapa Jehoiada le Abiathar an si. Siangpahrangih ralbawi lu bik cu Joab a si.

27:33^a 2Sam 15:12, 32-37

27:34^b 1Sam 22:20; 2Sam 2:13; 1Sp 1:7

28

Hotupawl hnenih David Thusim

1 David in Israel hruaitupawl hmuahhmuah a fĭnkhawm: hnámpawl hotupawl le siangpahrang riantu ralkap bur ṭhen ralbawipawl, ralkap 1000 hotupawl le ralkap 100 hotupawl le siangpahrang le a fapapawlih sum le neih mi thil zate tlunih hotupawl le an fapapawl, bawipawl, miralṭhapawl le micak ralṭha zaten Jerusalem ah a kokhawm.

2 ^aSiangpahrang David cu a ke in a ding ih, “Ka unau sungkhatpawl le ka mipawl, i ngaithla hnik uh: Jehovah-ih Thukham Kuang cawlhnak ding hrang le kan Pathian ke retnak ding hrangah inn sak ding ka thinlung ah a rak um ih, cumi sak dingin timlamnakpawl khal ka rak tuah. 3 ^bAsinan Pathian in ka hnenah, ‘Nang cun ka hmin hrangah inn na sak lo pei, ziangruangahtile nang cu ral do mi na si ih, thisen na rak suah,’ tiah i ti. 4 ^cSikhalsehla Israel-ih Pathian Jehovah in ka pa teih sungza hmuahhmuah lak ihsin Israel tlunih kumkhua siangpahrang si dingin i hril zo, ziangahtile anih in uktu dingah Judah a rak hril. Ziangahtile Judah sungza ihsin ka pa teih sungza a hril ih, ka paih fapapawl lak ihsin Israel miphun zate tlunih siangpahrang si dingah siangpahrang ih i tuah dingin anih cu ka parah a lung a hmui. 5 ^dJehovah in fapa tampi in pe ih, ka fapapawl zate lak ihsin ka fapa Solomon cu Israel tlunih Jehovah lalram laltokham parih to dingah a rak hril. 6 ^eAnih in ka hnenah, ‘Na fapa Solomon hi ka inn le ka tualrawnpawl saktu ding a si; ziangahtile amah cu ka fapa si dingah ka hril ih, kei cu a Pa ka si ding. 7 Anih in tuihsun vekin, ka thupekpawl le ka zīn le dān pawl tuahsuak dingin a ding hnget asile, a lalram cu kumkhuain ka dĭn hnget ding,’ tiah i ti. 8 ^fCuruangah atu-ah hi ram ṭha hi nan co ih, nan hnuih nan tefapawl hrangah kumkhaw ro ih co ta dingih nan tān vivo thei nak dingah, Jehovah-ih mipungkhawm, Israel miphun zate hmuh ah le kan Pathian hnatheih ah Jehovah nan Pathian thupekpawl hmuahhmuah hi thlun uhla hawl uh.

28:2^a 1Sam 10:7; 2San 6:41; Sam 132:1-5; Isa 60:13

28:3^b 1Sam 7:5, 13; 1Sp 5:3

28:4^c Sem 49:10; Mip 24:17-19; 1Sam 16:1-13; Apo 13:22

28:5^d 2Sam 12:24; 1San 22:9

28:6^e 1Sam 7:13; 2Sam 7:13; 1Sp 8:20

28:8^f Dnp 4:1; 6:1

9 ^a“Nang, ka fapa Solomon, na paih Pathian thei awla a rinum mi thinlung thawn le duhnak lungthin thawn amah cu rian aw; ziangahtile Jehovah in thinlung hmuahhmuah a zăwisuak ih, tumtah mi ruahnakpawl hmuahhmuah tla a theithiam ṭheh. Amah na hawl asile, amah cu na táwngngah ding; asinan amah na hnawn asile, a lo thlauthla kumkhua ding. 10 Atu-ah ruat aw, ziangahtile hmun thianghlim hrangih inn sak dingah Jehovah in a lo hril a si; cakin um awla cumi cu tuah aw,” tiah a ti.

28:9^a Dnp 4:31; Jos 24:20; 1Sam 2:3; 1Sp 9:7; 2San 7:19; Sam 7:9; 40:16; 44:23

Temple Ruang Zĭng

11 ^aDavid in a fapa Solomon hnenah hulhliap, innpawl, hlawnthil retnak, tlunta pindanpawl, sungta pindanpawl le Sualkhuhthawinak Hmun ruang zĭng mi cu a pe, 12 cule Thlarau thawngih a neih mi ruahmannakpawl hmuahhmuah: Jehovah inn tualrawnpawl, a kimvel hmuahhmuah ih pindanpawl, Pathian inn hlawnthil retnakpawl le serhhran thilpawl hrangih hlawnthil retnakpawl; 13 puithiampawl le Levi-mipawl bur ṭhendān ding, Jehovah inn ih rawngbawl hnaṭuan hmuahhmuah hrang le Jehovah inn ih rawngbawlnak thilripawl hrang khal. 14 Rawngbawlnak phun zakip hmanruapawl hmuahhmuah hrang, sui thilpawl hrangah sui khīngkhaiin; rawngbawlnak phun zakip hmanruapawl hrangah ngun thilpawl hrangah ngun khal khīngkhaiin; 15 ^bsui meito ṭhuampawl hrang le an sui meitopawl hrangah khīngkhaiin, meito ṭhuam kip le a meito cio hrang khīngkhaiin; ngun meito ṭhuampawl hrangah khīngkhaiin, meito ṭhuam le a meitopawl hrang, meito ṭhuam kip ih hman ding mi bangtukin; 16 ^cSangserh cabuaipawl hrangah sui khīngkhaiin, cabuai kip le ngun cabuaipawl hrangah ngun a pe; 17 ^dcule sa lâknak hmanruapawl, cawhtawlhpawl le sui hlir ih tuah mi thâwlpawl hrangah sui hlirhlăng a pe, cule sui kheng kûm pawl hrangah kheng kûm kip sui khīngkhaiin a pe; cule ngun kheng kûm pawl hrangah kheng kûm kip ih khīngkhaiin; 18 ^ecule rimhmui biakṭheng hrangah er mi sui khīngkhaiin; cule an thlapawl pharhih Jehovah-ih Thukham Kuang hliaptu cherub-pawlih rang lêng ruangâm hrangah sui a pe. 19 ^fDavid in, “Jehovah in hipawl hmuahhmuah hi ka parih a kut in thei thei ko i tuah. Hi ruahhmannak hnaṭuan hmuahhmuah hi ngan cia in i pe,” tiah a ti.

28:11^a Suah 25:9; Apo 7:44; Heb 8:5

28:15^b Suah 25:31-39; 1Sp 7:49

28:16^c Suah 25:23

28:17^d Suah 27:3

28:18^e Suah 25:20, 22; 30:1-10; 1Sp 6:23

28:19^f Suah 25:9, 40; 1Sp 6:38

20 ^aDavid in a fapa Solomon hnenah, “Cakin um aw, ralṭhain um awla, ṭuansuak aw; ṭih hlah, lungphâng fawn hlah, ziangahtile Jehovah inn ih rawngbawl hna hnaṭuan hmuahhmuah na ṭheh hlanlo, Jehovah Pathian, ka Pathian in a lo umpi ding. A lo tlansan lo ding ih, a lo tān ta fawn lo ding. 21 ^bNgai hnik, bur ṭhen puithiampawl le Levi-mipawl cu Pathian inn rawngbawl hna hmuahhmuah hrangah an si. Cule duhnak nei zungthiam pauhpauh cu hna zate hrangah, rawngbawl hna tinkim hrangah na hnenah an um ding; hruaitupawl le minung hmuahhmuah khal na thupeknak hnuaiah an um ṭheh ding,” tiah a ti.

28:20^a Dnp 4:31; 31:6; Jos 24:20; 1Sp 6:14; 2San 7:11; Hag 2:4

28:21^b Suah 35:25-36:5; 1San 24:1-26:32

29

Temple Saknak ding hrang Thawhhlawm

1 ^aSiangpahrang David in mipungkhawm zate hnenah, “Pathian lawngih hril mi ka fapa Solomon cu a no lai ih, hmuhtawn mi a nei hrih lo; hna le a ropi tuk, ziangruangahtile temple cu milai hrangah a si lo, Jehovah Pathian hrang sawnah a si. 2 ^bKa Pathian inn hrangah ka cahnak hmuahhmuah thawn sui ih tuah ding thilpawl hrangah sui, ngun ih tuah ding thilpawl hrangah ngun, dar ih tuah ding thilpawl hrangah dar, thir ih tuah ding thilpawl hrangah thir, thing ih tuah ding thilpawl hrangah thing, onik lungpawl, bun dingah lungpawl, răwng phunphun nei a tle mi lungpawl, lung mankhung phun zakim le marbal lung a tawrih tawr ka rak timlam. 3 ^cCuihhleiah ka Pathian inn ah ka lungsinak ka ret ruangah, ka hlawnthil hleice sui le ngun cu, inn thianghlim hrangih ka rak timlam mi hmuahhmuah hleiah ka Pathian inn hrangah ka pe: 4 ^dSui talent 3000, cupawl lak ihsin Ofir sui le ngun er mi talent 7000 cu innpi pharpawl khût dingah; 5 sui thilpawl hrangah sui le ngun thilpawl hrangah ngun, cule zungthiampawl kut ih tuah ding mi hna phun zakip hrangah an si. Zo so tuihni ah Jehovah hnenih serhhranaw duh?” tiah a ti.

29:1^a 1Sp 3:7; 2San 13:7; Thf 4:3

29:2^b Ezr 1:4; Isa 54:11; Hag 2:8; Thu 21:18

29:3^c 2San 24:10

29:4^d Sem 10:29; 1Sp 9:28

6 ^aPupápawlih sungza hruaitupawl, Israel hnám hruaitupawl, ralkap 1000 hotupawl le 100 hotupawl cu siangpahrang hna tlunih bawipawl thawn mai palungsuakin an pe. 7 ^bPathian inn hna hrangah sui talent 5000 le sui darik 10000, ngun talent 10000, dar talent 18000 le thir talent thawng zakhat an pe. 8 ^cLung mankhung nei pauhpauh in Jehovah inn hlawnthil retnak ah, Gershon-mi Jehiel kut ah an pe. 9 ^dMipi cu an ai a puang, ziangahtile siang zetin an pe, ziangruangahtile thinlung taktakin Jehovah hnenah siang zetin an pe; cule siangpahrang David khal nasa zetin a ai a puang.

29:6^a Suah 25:1-8; 2San 24:10; Ezr 7:15

29:7^b Suah 25:2; Neh 7:70-71

29:8^c Suah 35:27; 1San 23:8

29:9^d 1Sp 8:61; 2Ko 9:7

David-ih Pathian Thangṭhatnak

10 Mipungkhawm zate hmaiah David in Jehovah a thangṭhat. David in,

“Kan Pa, Israel-ih Pathian Jehovah, nangmah cu kumkhuain kumkhua tiang thangṭhat na si.
11 ^aMaw Jehovah, ropitnak,
Huham le sunlawihnak,
Nehnak le cungnunnak cu nangmai ta a si;
Ziangahtile van le lei ih a um mi zaten nangmai ta a si;
Maw Jehovah, lalram cu nangmai ta a si ih,
Nangmah cu ziangtinkim tlunah lu ih khaisan na si.
12 ^bLennak le upatnak a pahnih in na hnen ihsin an ra,
Cule an zate tlunah nang in na uk,
Na kut ah huham le cahnak a um;
Na kut ah mi hmuahhmuah ropi ko tuah thei nak le
Cahnak pek thei nak a um.
13 Curuangah kan Pathian,
Na hnenah lungawi thu kan sim ih,
Na hmin sunglawi kan thangṭhat.
14 ^cAsinan hiti vekin siang zetih pe thei dingin,
Zo so maw ka si ih, ka mipawl cu zo so an si?
Ziangahtile thil hmuahhmuah hi na hnen ihsi ra an si,
Cule nangmai ta sung ihsin kan lo pe a si.
15 ^dZiangahtile kannih cu kan pupápawl hmuahhmuah vekin,
Na hmaiah khawtluang mi le mikhual kan si;
Leilung tlunih kan dam sung nipawl tla cu thlahlim vek an si ih, ruahsan ding a um lo.

29:11^a Sam 24:8; 89:11; Mat 6:13; Thu 5:12-13

29:12^b 2San 1:12; Ezr 7:27; Ths 5:19; Rom 11:36

29:14^c Sam 8:4

29:15^d Sem 7:8; Job 7:6; Sam 39:12; 102:11; Ths 6:12; Heb 11:13

16 “Maw Jehovah kan Pathian, na hmin thianghlim hrangih inn lo saksak dingih kan rak timlam mi, himi a tawrih tawr hi na kut ihsin an si ih, a zaten na ta an si. 17 ^aKa Pathian, nang cun thinlung na hniksak ih dĭngnak ah lunghmuinak na nei ti khal ka thei. Kei lawngte cun, a ding mi thinlung thawn, hi thil hmuahhmuah hi siang zetin ka pe ih, na hnenih siang zetih petu ding hi tawkih um na mipawl cu aipuang zetin ka rak hmu. 18 Maw Jehovah, kan pupá Abraham, Isak le Israel-ih Pathian, himi cu na mipawl thinlung ih khawruah mipawlih tĭn mi ah hngetter kumkhua awla, nangmah lamah an thinlung hawiter aw. 19 ^bKa fapa Solomon lawngte cu na thupekpawl, na thutheihter mipawl le na sakhaw dānpawl thlunih, cupawl hmuahhmuah tuah dingin le ka rak timlam zo mi temple sak dingin thinlung famkim pe aw,” tiah a ti.

29:17^a Sam 15:1-5; 139:23; Thf 11:20; Jer 6:20

29:19^b 1Sp 8:61; 1San 28:9; Sam 72:1; Isa 38:3

Siangpahrang dingah Solomon Hriak Thih a Si

20 Cun David in mipungkhawm zate hnenah, “Jehovah nan Pathian thangṭhat uh,” tiah a ti. Cule mipi umkhawm zaten an pupápawlih Pathian Jehovah cu an thangṭhat ih, siangpahrang le Jehovah hmaiah an lu an kûn ih an băwkkhup.

21 ^aA thaisun ah Jehovah hnenah thawinakpawl an tuah ih, Jehovah hnenah Meiur Thilhlănpawl an hlan: caw pa 1000, tuu cang 1000 le tuu fa no 1000 cu an Inding Thilhlănpawl thawn Israel miphun zate hrangah thawinak tam ngaingai an hlan. 22 ^bCutin cuih ni ah Jehovah hmaiah lungawi zetin an ei ih an in. David-ih fapa Solomon cu siangpahrang ah a vei hnihnak an tuah ih, hruaitu si dingin Jehovah hmaiah hriak an thih, cule Zadok cu puithiam dingah. 23 ^cA pa David aiah Solomon cu Jehovah hmaiah siangpahrang dinhmun in laltokham ah a to, cule anih cu a hmuingil ih, Israel miphun zate in a thu an ngai. 24 ^dHruaitu zate, ral do mi zate le siangpahrang David-ih fapapawl hmuahhmuah khal siangpahrang Solomon hnenah an tlulut. 25 ^eJehovah in Solomon cu Israel miphun zate hmaiah nasa zetin a khaisâng ih, Israel ram ah amai hlanih siangpahrang zohman ih co dah lo siangpahrang sinak ropi zet cu a parah a pek.

29:21^a 1Sp 8:62-63

29:22^b 1Sam 2:35; 1Sp 1:32-35

29:23^c Dnp 17:18; 1Sp 2:12

29:24^d 1Sp 1:9; Ths 8:2

29:25^e Jos 3:7; 1Sp 3:13; 2San 1:1, 12; Ths 2:9

David Thihnak

26 Cuti vekin Jessi-ih fapa David cu Israel miphun zate tlunah a lal. 27 ^aIsrael tlunih David a lal sung cu kum 40 a si, Hebron ah kum sarih a lal ih, Jerusalem ah kum 33 a lal. 28 ^bAnih cu kum upa, tar kûnin, lian zet le upat siin a thi, cule a aiah a fapa Solomon a lal. 29 ^cSiangpahrang David-ih căngvaihnakpawl cu a thawk ihsin a cem tiang, ngai hnik, hmutu Samuel-ih cazual, profet Nathan-ih cazual le hmutu Gad-ih cazual sungah ngan a si, 30 a uknak thuhla le a thiltitheizia hmuahhmuah, amai par, Israel par le a uk mi ram hmuahhmuah parih thil cang mipawl thawn.

29:27^a Sem 23:19; 2Sam 5:4-5; 1Sp 2:11

29:28^b Sem 15:15; 25:8; Apo 13:36

29:29^c 1Sam 9:9; 22:5; 2Sam 7:2