BibleThianghlim – 1 Thessalonika
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
1 Thessalonika
- A ngantu: Paul
- A siartu: Thessalonika kawhhran
- Ngan kum: A.D. 51
Troas khua ah Paul in Masidonia larnak a dăwn tikcucān hi Paul, Silas le Timothy tepawl in a vei hnihnak missionary khual an tlawn laiah a si (Apo 16:6-11). Cuveten Aegean Tifinriat fehtlăngin Masidonia ah thusim dingin an fehsuak. Hremnak nasa zet lakah Filipi khua ah kawhhran pakhat an dĭn (2:2; Apo 16:12-40). Cule an feh vivo ih nitlaknak thlang lamah an feh ih, Masidonia ram khawpi Thessalonika an thleng. Cuih khua cu tifinriat kap tluanih um, Rom khawpi le nisuahnak lam rampawl pehtlaihawknak zinpi kapih um mi a si. Leitlun hmun kip ih sumdâwngpawl cu cuih khawpi ah an ra. Pathian in Thessalonika khua ih mi hrekkhat a rundam ih thuthangṭha in nasa zetin an nun a thleng. Cutin an zumnak thu cu a kiangkap hmunpawl le hmun dang tiang a thangsuak (1:8; 4:10).
Sikhalsehla Thessalonika khua ah hivek thlĕngawknak hi awlaiteih thleng mi a si lo (Apo 17:1-10). Missionary-pawl in Sabbath zarh thum sung Sinakok ih Jew-pawl hnenah thu an sim. Messiah khĕnbet a tuarnak le a thawhsalnak cu Thukham Hlun in a rak simsung cia ti annih in an hmuh. Nazareth Jesu cu cuih simsungnak famkimtertu a sizia an simfiang. Jew mi hrekkhat in an rak zum, asinan thuthangṭha in Zentelpawl lakih a hnaṭuan a nasasawn (2:14). Zum duh lo Jew-pawl in zumtupawl parah hremnak an căwktho. Cuti cun missionary-pawl khal an duh hnakih rangin an fehsuak a ṭul (2:15-16).
Cuti vek dinhmun harsa lakah Paul in Thessalonika zumtupawl a fehsan a ṭul tikah, ziangtin an rung um tiin a dawn a har. Curuangah Athen khua ih a um laiah an zumnak sawh hnget dingin Timothy a thlahkirsal (3:1-2). Thlang lam hladeuh Korinth khua tiang Paul a thlen tikah, Paul cu Timothy in a va fĭnsal (Apo 18:5). Timothy in zumtupawl Bawipa ah hnget zetin an um ti thu a sim (3:6). Cun A.D. 51 hrawngah khan Paul in 1 Thessalonika cakuat hi a ngan.
Hi cakuat hi ṭhen hnih ih ṭhen theih a si. A hmaisa bung thum cun Thessalonika khawmipawl hnenih Paul-ih rawngbawlnak thu le cumi ihsin zohṭhim theih ding mi thupawl a tarlang. A netasawn bung hnih cun zumtupawl hnenah thapeknak dangdang thu a ngan, a hleicein Khrih ratsalnak ding thu.
Hremnak a tuar rero tu zumtupawl hnenih cakuat dingah Paul-ih thinlung ah Pathian in hna a rak ṭuan. Hi cabu hin, “a uknak le a ropitnak sungih a lo kotu Pathian lăwm tlakih nan nun thei nak ding hrangah a si,” (2:12) ti mi nunpi dingin tha in pe a si.
Thu Hlawm Ṭhen
Cibaibûknak
1 aPaul, Silas le Timothy in, Pa Pathian le Bawipa Jesu Khrih ih a um mi, Thessalonika kawhhran hnenah:
1:1a Apo 15:22; 16:1; Rom 1:7; 2Th 1:1
Kan Pa Pathian le Bawipa Jesu Khrih hnen ihsin zangfahnak le hnangamdaihnak nan hnenah um hram seh.
Thessalonika-mipawlih Zumnak
2 aKan thlacamnak ah nan hmin sâlin nan zate hrangah Pathian hnenah lungawi thu kan sim ringring. 3 bZumnak ih nan hnaṭuan, duhdawtnak ruangih nasa zetih hna nan ṭuanzia le kan Bawipa Jesu Khrih ah ruahsannak ruangih nan tuarfainakpawl kha, kan Pathian le Paih mithmuh ah catbang loin kan cîng ringring. 4 cDuhdawt mi u le nau tla, Pathian ih a lo hrilnak kha kan thei. 5 dZiangahtile nan lakah nanmai hlawknak ding hrangah ziang vek minung kan si ti nan theih bangin, kan thuthangṭha cu ṭawngkam lawngin nan hnenah a thleng lo ih, huham le Thlarau Thianghlim le theihfĕngnak nasa zet thawn a thleng sawn a si kha!
1:3b Rom 8:25; 1Ko 13:13; Gal 5:6; Fil 4:20; 2Th 1:11; Jam 2:14-26
1:5d Rom 1:6; 15:13; 2Ko 2:12; 2Th 2:14
6 aCule zăwnzaihnak nasa zet tuarin, Thlarau Thianghlim ihsin aipuannak thawn kamsuakthu cu nan rak cohlang ih, nannih cu kanmah le Bawipa cawngtu ah nan cang.
7 bCuruangah nannih cu Masidonia peng le Akaia peng ih zumtu hmuahhmuah ih zohṭhim mi nan si.
8 cZiangahtile nan hnen ihsin Masidonia peng le Akaia peng lawngah Bawipaih kamsuakthu cu a thang a si lo ih, hmun tin khalah a thang a si. Pathian lamih nan zumnak cu a thangsuak, cutin zianghman kannih ih rel a ṭul lo.
9 dZiangahtile nan hnenih kan rat laiah, ziang vekin in zohṭha ti le a nung mi le a dik mi Pathian rian dingah milempawl hnen ihsin Pathian lamah ziangtin nan kir ti thu anmah rori in in thăn.
10 eCule van ihsi rung ṭum ding mi Pathian Fapa
1:7b Apo 16:4; 18:12; 1Ti 4:12
Thessalonika ih Paul Rawngbawlnak
1 aZiangahtile u le nau tla, nan hnenih kan ratnak kha a lak men a si lo ti nanmah rori in nan thei. 2 bAsinan a hlanah, Filipi ah harsatnak tuarin le ningzakzaih tuahin kan um hnu khalah, cuih hnuah nan theih vekin, dodalnak tam zet karlakah Pathian thuthangṭha nan hnenih sim dingah kan Pathian ah kan ral a ṭha a si. 3 cZiangahtile nan hnenih thazang peknak thu kan phuan mi hi bumnak thu men simaw, bawrhhlawhnak thu simaw, hrăwkhrawlnak thu men simaw ihsi suak a si lo.
2:1a 2Th 1:10
2:2b Apo 4:19; 16:22-23; 17:1-9; Fil 1:30
4 aCuhnakin thuthangṭha kil tlakah Pathian ih in pawm vekin, minung lunghmuiter tum loin, kan thinlung hniksaktu Pathian lunghmui zawngin thu kan phuang sawn a si. 5 bZiangahtile nan theih bangin ziangtik hmanah fakdernak ṭawngkampawl kan hmang dah lo ih, duhhamnak thup hmang khal kan si dah lo ti nan thei, Pathian cu in theihpitu a si. 6 cKhrih-ih apostol kan si vekin, phurrit lo pek thei nak kan nei ko nân, minung lakah siseh, nanmah le mi dang pawl lak khalah sunlawinak kan hawl dah lo.
2:4a Rom 2:29; Gal 2:7; 1Ti 1:11; Thu 2:23
2:6c Joh 5:41, 44; 1Ko 9:1-2; 2Ko 11:7-11
7 Sikhalsehla nu nau páwm in amai fāte a duat vekin, nan lakah zaidam zetin kan um sawn a si kha. 8 aCuti vek cun nannih cu kan hrangah duhnung zet mi nan si ruangah kan lo ngai tuk lawmmam ih, nan hnenih Pathian thuthangṭha sim lawng si loin, kanmai nunnak khal lo pek kan duh. 9 bZiangahtile u le nau tla, nan lakah zohman sumpai thu ah nan phur kan lo rihterlonak dingah, kan ṭuanbăngzia le kan harsatdān pawl, a sun a zan hnaṭuanin nan hnenah Pathian thuthangṭha kan lo sim kha nan cîng ringring.
2:8a Rom 1:1; 2Ko 12:15; 1Joh 3:16
10 aZumtu nannihpawl lakah ziangti vekin thianghlim le dik le sawihnăwm kai loin kan nung ti kha Pathian le nannih hi in theihpitu nan si. 11 bPa in a falepawl parih a tuah bangin, nan zaten ziang tlukin tha kan lo pe, kan lo hnem ih kan lo theihter ti nan theih vekin, 12 ccutin a uknak le a ropitnak sungih a lo kotu Pathian lăwm tlakih nan nun thei nak ding hrangah a si.
2:11b 1Ko 4:14; Gal 4:19; 1Ti 1:2; Flm 1:10; 1Joh 2:1
13 aKan hnen ihsin nan rak theih mi Pathian kamsuakthu nan rak cohlan tikah milai ṭawngkam vekin si loin, a zumtu nanmah hnen khalih hmual nei zetih ṭuantu Pathian kamsuakthu diktak a sinak vek sawnin nan rak cohlang, cumi ruangah catbang loin Pathian hnenah lungawi thu kan sim.
14 bZiangahtile nannih, u le nau tla, Khrih Jesu ih a um mi Judia peng ih Pathian kawhhranpawl nun cawngtu ah nan cang. Annih in Jew-pawl hnen ihsin an tuar bangin nannih khal nan khawpipawl hnen ihsin cuvek thilpawl cu nan tuar ve.
15 cCuih Jew-pawl cun Bawipa Jesu le anmai profetpawl an that ih, kannih khal in hrem; cule Pathian lung an hmuiter lo ih, mi hmuahhmuah an dokalh.
16 dAnnih cun Zentelpawl
2:16d Mat 23:32
Paul in Thessalonika-mipawl Hmuh a Hiar
17 aAsinan u le nau tla, thinlung lamah si loin, taksa in rei lo te sung kan ṭhenaw, hmaităwnih lo hmuh ding hi kan hiar zet, lo hmuh ding khal hngakhlap zetin kan zuam a si. 18 bCuruangah nan hnenih rat kan rak duh ṭheu. Keimah, Paul rori khal vei khat rat ka rak tum ih, cuih hnuah ka tum leh sal nân, Setan in i kham. 19 cZiangahtile kan ruahsannak le kan aipuannak le kan aipuannak lallukhum cu zo so a si? Bawipa Jesu Khrih a rat tikah, a hmaika ah nanmah rori hi nan si lo ding maw? 20 dZiangahtile nanmah hi kan ropitnak le kan aipuannak cu nan si.
2:19c Isa 62:3; Mat 16:27; Luk 17:30; 1Ko 1:7; 2Ko 1:14; Fil 4:1; 2Th 1:8; 1Pe 1:7; 1Joh 2:28; Thu 1:7
2:20d 2Ko 1:11
1 aCuruangah kan tuar thei nawn lo tikah, keimah lawng hi Athen khua ah tāng ta sehla a ṭha ding tiah kan ruat. 2 bCule kan unaupa Timothy, Pathian rawngbawltu le Khrih thuthangṭha ih kan hnaṭuanpi hi lo hngetter ding le nan zumnak thu ah tha lo pe dingin kan rak thlah. 3 cCuti cun tuih cān ih zăwnzaihnakpawl hin zohman a hnînter lo ding; ziangahtile hivek tuar dingih ruat mi kan si ti cu nanmah rori in nan thei. 4 Ziangahtile nan hnenih kan um lai khalah khan harsatnak kan tuar cing ding tiah kan lo sim cia zo, kan sim vek taktakin a rak thleng ti nan thei. 5 dHimi ruangih ka tuar thei nawn lo tikah, nan zumnak thei dingin amah kha ka run thlah, cu lo asile ziangti zawngin simaw sualfawrhtu cun sual a lo fawrh pang ding ti ka phâng ih, nasa zetih kan hnaṭuan cu a lak menah a cang pang ding.
3:1a Apo 17:15
3:2b Apo 16:1; 1Ko 3:9; 2Ko 2:12
3:3c Mar 4:17; Joh 16:33; Apo 9:16; Rom 5:3; 2Ko 1:4; 2Ti 3:12
3:5d Mat 4:3; Gal 2:2; Fil 2:16
Timothy-ih Thusim Lungawiumza
6 aAsinan atu-ah Timothy cu nan hnen ihsin kan hnenah a ra thleng zo ih, nan zumnak le nan duhdawtnak thuhla ah thu lungawium zet in rak sum. A ṭha lamih in man ringring thupawl siseh, nasa zetih hmuh kan lo hiar vekin nannih khal in hmuh in hiar ve ti thupawl in sim. 7 Curuangah, u le nau tla, kan zăwnzaihnak le vansannak hmuahhmuah ah nan zumnak ruangah nan thuhla ah hnangam zetin kan um. 8 bBawipa ih nan dīn hngeh ruangah atu-ah cun kan nung hlunhlo a si.
3:8b 1Ko 16:13
9 Curuangah nanmah hrangah Pathian hnenah ziang lungawi thu so kan simsal thei ding? Kan Pathian hmaika ah nanmah ruangah aipuannak phun zakip thawn lungawi aipuangin kan um a si. 10 aNan hmel kan hmuh thei nak dingah le nan zumnak lamih tlaksam mi kan lo silhkhahsak thei nak dingah, a sun a zan cawl loin thla kan cam.
3:10a 2Ti 1:3
Kawhhran hrang Thlacam
11 aCun kan Pathian le Pa rori le kan Bawipa Jesu Khrih in nan lam panin kan lamzin in hruai hram seh. 12 bCule nanmah lamih duhdawtnak kan neih vekin, pakhat le pakhat nan duhdawtawknak le mi hmuahhmuah nan duhdawtnak cu Bawipa in karhzaiterin luangliamter hram seh. 13 cCuti cun kan Bawipa Jesu Khrih, a mithiangpawl hmuahhmuah thawi a rat tikah, kan Pathian le Pa hmaika ah nan thinlung cu thianhlimnak ah sawihnăwm kai loin, lo dĭn hnget hram seh.
3:11a Fil 4:20
3:13c Sam 15:2; Fil 2:15; 4:20; 2Th 1:7; 1Ti 6:14; 2Pe 3:14
Pathian Lungawiter dingih Nun
1 aCuihhleiah, u le nau tla, nan umtudān ding le Pathian nan lunghmuiterdān ding kan hnen ihsin nan ngah zo vekin nei sinsin dingin Bawipa Jesu ah kan lo ngen ih, kan lo fawrh a si. 2 Ziangahtile Bawipa Jesu thawngin ziang thupekpawl kan lo pe ti nan thei.
4:1a 2Ko 5:9; 13:11; Efe 4:1; 2Th 3:1
3 aZiangahtile Pathian duh zawngih nan serh thianhlimawknak ding cu hihi a si: nunau-mipa sualnak hrial uh.
4 bNan lakih mi tin in anmai cbungbel cu thianhlimnak le zahumnak ah ziangtin an nei thei ding ti thei hai seh.
5 dPathian thei lo tu Zentelpawl
4:4b 1Ko 7:2, 9
4:4c bungbel: Grik ṭawng ih umtuzia ah cun hman ṭangkai mi thil ziangkim a sawhkhih thei, asinan hi tawkah cun nupi a sim duhnak a si a zumum.
4:5d Rom 1:26; Gal 4:8; Efe 4:17
4:6e Dnp 32:35; 1Ko 6:8; Heb 10:30-31
4:7f 1Pe 1:15
4:8g Rom 5:5; 2Ko 1:22; Gal 4:6; 1Joh 3:24
9 aAsinan unau duhdawtnak thu ah cun nan hnenih ka ngan nan ṭul lo, ziangahtile pakhat le pakhat duhdawawtăwn dingin, nanmah rori kha Pathian in a lo zirh. 10 bMasidonia peng ih um unaupawl hmuahhmuah hnenah cucu nan tuah taktak ko nân, u le nau tla, nasa sinsinih tuah dingin kan lo ngen a si.
4:9a Joh 6:45; 13:34; Rom 12:10
4:10b Apo 16:9
11 aCun thu kan lo pek zo bangin ngawingam teih nun zuam uhla, nanmai hnaṭuan cio ṭuanin, nanmai kut rori in hnaṭuan uh. 12 bCutin leng lam mipawl hmuh ah mawi zetin nan nung thei ding ih, cutin tlaksam mi zianghman nan nei lo ding.
4:11a Efe 4:28
4:12b Mar 4:11
Bawipaih Ratnak
13 aSikhalsehla u le nau tla, mi dang ruahsannak nei lo pawl vekih nan riah a siatlonak dingah, a itthatpawl thuhla thei loih nan um ka duh lo. 14 bZiangahtile Jesu cu a thi ih a thosal ti kan zum asile, Jesu ih a itthat mipawl cu Pathian in amai zawngah a run hruai hai leh ding.
4:13a Mat 9:24; Rom 11:25; Efe 2:12
4:14b Rom 14:9; 1Ko 15:3-4
15 aCumi ruangah Bawipaih kamsuakthu hmangin hihi nan hnenah kan lo sim, kannih Bawipaih rat tiang nungdam ih a tāngtupawl in a itthatpawl kan khelh hrimhrim lo ding. 16 bZiangahtile Bawipa amah rori cu authâwm thawn, vancungmi lu bik ih aw le Pathian tawtawrawt aw thawn, van ihsin a rung ṭum ding. Cule Khrih ih mithipawl an tho hmaisa ding. 17 cCun kannih nungih a rak umtupawl cu boruak ah Bawipa táwng dingah anmahpawl thawn hmunkhat ah mero lakah lâksohtlang kan si ding. Cuti cun Bawipa hnenah a kumkhuain kan um ding. 18 Curuangah hih ṭawngkampawl hin pakhat le pakhat hnemawtăwn uh.
4:16b Mat 16:27; 2Th 2:1; Thu 14:13
Bawipaih Ni
1 aSikhalsehla u le nau tla, a tikcu le a cān thu ah cun ka ngansak nan ṭul lo. 2 bZiangahtile Bawipaih ni cu zan ih fifir vekin a ra ding ti famkim zetin nanmah rori in nan thei. 3 cZiangahtile mi in, “Daihnak le himnak!” tiih an ti laitakah, nunau fahrin nat tuar vekin, hmakhatteah siatralnak an parah a thleng ding ih, an tlânsuak thei hrimhrim lo ding.
5:1a Apo 1:7
4 aAsinan u le nau tla, nannih cu cuih Ni in fifir vekin lo kaingah dingin thim ah nan um lo. 5 bNan zaten tleu fāte le sun khawvâng fāte nan si. Zan fāte kan si lo ih, thim fāte khal kan si lo. 6 cCuruangah mi dang pawl vekin itthat hlah uhsi, ralringin le harhvângin um sawn uhsi. 7 dZiangahtile a itthatpawl cu zan ah an itthat ṭheu ih, zuripawl khal zan ah an ri ṭheu. 8 eAsinan kannih sun ihta a si mipawl hi cun, zumnak le duhdawtnak cu awmphaw ah hmangin, rundam ruahsannak cu lukhum ah hmangin harhvângin um uhsi. 9 fZiangahtile Pathian in thinlingnak tuar dingah si loin, kan Bawipa Jesu Khrih zarah rundamnak co dingah in ruat sawn a si. 10 gKan men ah simaw, kan ihthah ah simaw, amah thawi kan nuntlang thei nak dingah, anih cu kan hrangah a thi. 11 hCuruangah nan tuah rero zo bangin, pakhat le pakhat hnemaw uhla, pakhat le pakhat tuahṭhaaw uh.
5:5b Luk 16:8
5:6c Mat 25:13; Apo 24:25; Rom 13:11
5:8e Isa 59:17; Rom 8:24; Efe 6:14
5:9f 2Th 2:13-14
5:10g 2Ko 5:15
5:11h Efe 4:29
Thucah Netabik
12 aCule u le nau tla, nan lakih bāng zetih hna a ṭuantu le Bawipa ah nan hotupawl le nun a lo zirhtupawl kha ṭihzah dingah kan lo ngen a si. 13 bCun an hnaṭuannak ruangah duhdawtnak ah nasa zetin anmah cu ngaisang dingin ka lo ngen. Nanmah lakah remawten um uh. 14 cAtu-ah u le nau tla, mizangzêlpawl cu ralrinnak pe uhla, thanaupawl kha thape uh, a ṭawnṭai mipawl cu săwmdawl uhla, mi hmuahhmuah hnenah nan thinsau uh tiah kan lo fawrh a si. 15 dZohman in sual cu sual in zo hnen hmanah va lehrūl loin, nanmai lakah le mi hmuahhmuah hnenih tuah dingih a ṭha mi kha va dawi ringring sawn uh.
5:12a Rom 16:6, 12; Heb 13:17
5:13b Mar 9:50
16 aLungawi aipuangin um ringring uh, 17 bcatbang loin thlacam uh, 18 cziangkimah lungawi thu sim uh; ziangahtile cucu Khrih Jesu ah nanmai hrangah Pathian duh zawng a si. 19 dThlarau mitter hlah uh. 20 Profet thuphuan ih thuphuannak cu ziang siar loin um hlah uh. 21 eThil ziangkim hniksak uhla, a ṭha mi cu fekten kai uh. 22 Thil ṭha lo zaten hrial uh.
5:16a Fil 4:4
5:17b Luk 18:1
5:18c Efe 5:20
5:19d Efe 4:30
5:21e 1Joh 4:1
23 aCun hnangamdaihnak Pathian rori cun famkimten lo thianghlimterin, nan thlarau, nan thinlung le nan taksaruangpi pumhlum cu kan Bawipa Jesu Khrih a rat tikah sawihnăwm kai loin, humhimin um hram seh. 24 bA lo kotu a rinum vekin, cumi cu a tuah khal a tuah ding.
5:23a Heb 4:12
5:24b 1Ko 1:9
25 aU le nau tla, kan hrangah thlacam uh.
26 bUnau zaten hnămawknak
5:26b Rom 16:16
28 aKan Bawipa Jesu Khrih-ih zangfahnak cu nan hnenah um hram seh. Amen
5:28a Rom 16:20