BibleThianghlim – Filipi
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
Filipi
- A ngantu: Paul
- A siartu: Filipi khua ih zumtupawl
- Ngan kum: A.D. 61-62
Apostol Paul, Timothy le mi hrekkhat cu an rak dăwn mi larnak thu lungin Masidonia ah an feh (Apo 16:9-10). A netnakah Paul cu cumi ramṭhen ih hmunpi a si mi Filipi khawpi a thleng (Apo 16:12). Filipi khawmipawl hi Rom-mi sinak neitu mirinum zet an si.
Cuih khawpi ah cun Jew-mi an tam lo ruangah, khawpi kăwtka lengih thlacam dingih táwngkhawmaw mipawl cu Paul in a va pan hai. Hmakhatteah Lydia le a sungkua in thuthangṭha an rak cohlang (Apo 16:14-15). Paul in sál nu pakhat khawsia a dawisuaksak tikah, Paul le Silas cu khawpi uktupawl in an vuak ih thawng an thlak (Apo 16:16-26; 1Th 2:2). Sikhalsehla thawng an thlaknak ah Pathian in thlawsuah a pe hai. Thawngtla kiltu pa le a sungkua in Khrih an zum (Apo 16:19-40). A thaisun ah Paul le Silas cu thuneitupawl in an suahsal. Cule Thessalonika ah an feh (4:16; Apo 17:1-9). Asinan Luke cu zumtupawl fingkhawi dingin an tan ta (Apo 16:40).
Kum nga hrawng a rei hnuah Paul in a vei thumnak missionary khualtlawn phahah zumtupawl cu vei hnih a vehsal hai (Apo 20:1, 3). Kum nga hnuah Paul cu Rom khawpi ah thawng a tla (1:7, 13, 14, 17; 4:22). Paul thawng a tlak laiah a farah zet mi Filipi khawpi ih zumtupawl in tirhsiang zetin an rak bawm (2Ko 8:1-5). Cun A.D. 61-62 hrawngah Filipi kawhhran in tirhsiang zetih Paul an băwm ruangah Paul in an hnenih lungawi thu sim dingin Filipi khawpi ih um zumtu Epafrodiṭas cu a hei thlah (4:10-18). Anmah thapek le nun zirh phah khal a duh.
Paul cun Filipi-mipawl hnenah rawngbawlnak a nei thei leh ding ti a zum (1:19, 25; 2:24). An hnenih an feh hlan sung zumtupawlih ni tin nun bawmtu dingah ca a kuat hai. Hi cakuat a hrek hnakih tam cu Paul in amai thuhla a ngan. Khrih, lungthin, lungrualnak, aipuannak thupawl uar zetin a ngan. Bung hnihnak ah Khrih titsa ih a cannak le cawisan a sinak thu ropi kan hmu. Paul in amah le amah Khrih thinlung neitu, Khrih zirtu le Khrih hnen ihsin cahnak cotu a sizia a relaw. Curuangah anih cu ziang vek dinhmun khalah, thawnginn sung tiang hmanah a ai a puang. A casiartupawl cu amah zohṭhimtu si dingah le amah vek a si mi Timothy le Epafrodiṭas zohṭhimtu si dingah a sawm hai.
“Kei ka hrangah nun cu Khrih a si ih, thih cu hlawknak a si” (1:21) tiih Paul ih a ti mi hi kan duh mi a si ve a ṭul.
Thu Hlawm Ṭhen
- I. Thuhmaihruai (1:1-11)
- II. Paul in atu-ih a dinhmun a rel (1:12-20)
- III. Paul in Khrih vekih thu ruat dingin tha a pe hai (2:1-11)
- IV. Paul in rinum dingin tha a pe hai (2:12-18)
- V. Paul in a khawkhan mi le a hnaṭuanpipawl a simfiang (2:19-30)
- VI. Paul in Khrih dawi dingin tha a pe hai (3:1-21)
- VII. Paul in a netabik thapeknak a pe (4:1-19)
- VIII. Thukharnak (4:20-23)
Cibaibûknak
1 aJesu Khrih-ih sál, Paul le Timothy in Filipi khua ih um, Khrih Jesu ih mithiangpawl hmuahhmuah le bishop-pawl
1:1a Apo 16:1; 2Ko 1:1; 1Ti 3:1, 8
2 aKan Pa Pathian le Bawipa Jesu Khrih hnen ihsin zangfahnak le hnangamdaihnak nan hnenah um hram seh.
1:2a Rom 1:7
Lungawi Thu Sim le Thlacam
3 aNanmah ka lo mansuah tinten ka Pathian hnenah lungawi thu ka sim ṭheu. 4 bKa thlacamnak kip ah nan zate hrangah aipuannak thawn ka lo dilsak. 5 cZiangahtile a ni khatnak ihsin tu tiang thuthangṭha phuansuahnak ah nan tel a si. 6 dNan hnenih hnaṭuan ṭha a ṭuan thawktu cun Jesu Khrih-ih ni tiang a tifamkim ding, cumi rori cu ka zum hnget a si. 7 eHiti vekih nan zate thuhla ka ruah cu ka hrangah a dik a si, ziangruangahtile ka thinlung ah nan um, cikcin ih ṭawn ka sinak ah, thuthangṭha humnak ah le nemhngehnak ah nan zaten ka co mi zangfahnak i ṭawmpitu nan si. 8 fZiangahtile Jesu Khrih-ih lainat duhdawtnak in nan zaten ziang tlukin ka lo ngai ti i theihpitu cu Pathian a si.
1:3a Rom 1:8
1:4b Rom 1:10
1:7e Apo 21:33; 2Ko 7:3; 2Pe 1:13
1:8f Rom 1:9
9 aCule nan duhdawtnak cu theihnak le thuṭhenfel thiamnak hmuahhmuah ah a ṭhan sinsin thei nak dingah thla ka cam. 10 bCutin Khrih-ih ni tiang diktak le sawisel ding um lo nan si thei nak dingah, thil ṭhabik pawl cu nan thleidang thiam ding ih, 11 cPathian ropitnak le thangṭhatnak ah Jesu Khrih zarah dingfelnak rahpawl thawi khat mi nan si thei ding.
1:10b 1Ko 1:8
1:11c Jam 3:18
Paul, Cikcin thawn Thuthangṭha a Karhter
12 Asinan u le nau tla, ka hnenih thil cang mipawl hi thuthangṭha karhzaitertu ah an cang sawn riangri ti nan theih ka duh, 13 acutin Khrih ruangih cikcin ih ṭawn ka si ti cu siangpahrang inn bkiltu hmuahhmuah le cmi dang pawl hmuahhmuah in fiang zetin an hmu. 14 dBawipaih unau mi tampi cu cikcin ih ṭawn ka si ruangah an zum hnget phah ih, ṭih loin kamsuakthu phuansuahnak ah an ral a ṭha sinsin.
1:13a Apo 21:33
1:13b kiltu: Rom siangpahrang inn kiltu ralkap an si men thei. Annih hin ralkap dang pawl hnakin hlawh man a letin an ngah ih covo ṭha dangdang khal an nei.
1:13c mi dang pawl hmuahhmuah: Rom khawpi ih um mipi zate
1:14d Apo 21:33
15 Hihi a dik mi thu a si, mi hrekkhat cun nahsuahnak le eltainak thawn Khrih thu an sim ih, mi hrekkhat cun duhsaknak thawn an sim. 16 A hmaisa pawl khi cun cikcin ih ṭawn ka sinak ah zăwnzaihnak bêt ding tumin, lungput dik lo zetin, ṭhenṭhêkter duhnak lungput thawn Khrih thu an sim. 17 aAsinan a netapawl cun, keimah cu thuthangṭha humtu dingah ret mi ka si ti theiin duhdawtnak thawn thu an sim sawn. 18 A pawinak ziang a um? Ziang a va si hmanah, lamzin phunphunin a derin simaw, a taktakin simaw, Khrih cu phuansuahin a um. Cumi ah lungawi aipuangin ka um, a si, lungawi aipuangin ka um vivo ding.
1:17a Apo 21:33
Nun cu Khrih a Si
19 aZiangahtile thla in camsaknak le Jesu Khrih Thlarau băwmnak thawngin himi cu runsuah ka sinak ah a cang ding ti ka thei. 20 bKa beiseinak nasa zet le ka ruahsannak bangtukin ziang thu hmanah ka ning a zak lo ding. Asinan ralṭhatnak hmuahhmuah thawn ka rak um kel vek ten, nunnak in simaw, thihnak in simaw, atu khalah Khrih cu ka taksaruangpum ah cawimawiin a um ding. 21 cZiangahtile kei ka hrangah nun cu Khrih a si ih, thih cu hlawknak a si. 22 Sikhalsehla taksa ih ka nun vivo asile, cumi cu ka ṭuanbăngnak rah suahtertu ding a si; cuti cing cun ziang ka hril sawn ding ti ka thei lo. 23 dZiangahtile kei cu thil pahnih karlakah rekbĕtin ka um, fehsuakih Khrih thawi um duhnak ka nei; cumi cu a ṭhasawn mi a si. 24 Sikhalsehla taksa ih ka um hi nanmai hrangah a ṭul sawn. 25 Cule cumi zum hngeh nak cu neiin, nan ṭhansonak dingah le zumnak ruangih nan aipuannak dingah, nan zate hnenah tāngin ka umpeh hrih ding ti ka thei. 26 Cuti cun nan hnenih ka ratsalnak ruangah ka hrangih nan aipuannak cu Khrih Jesu ah a tam sinsin ding.
1:19a Apo 16:7; 2Ko 1:11; Flm 1:22
1:20b Rom 8:19; 14:8; 1Ko 6:20
1:21c Gal 2:20
27 aZiang a va si khalle, nan nuntuzia cu Jesu Khrih-ih thuthangṭha thawn milaw phawt seh, cutin nan hnenah rain ka lo hmuh ah simaw, nan hnenih ka um lo khalah simaw, thlarau hmunkhat ah ding hngetin, thuthangṭha zumnak hrangah lungthin hmunkhatten nan ṭangtlang ti nan thuhla ka thei thei ding a si. 28 Cule nanmah a lo dotupawl kha ṭih hrimhrim hlah uh, cumi cu an hrangah siatralnak lăngfiangternak a si ih, nannih hrangah cun Pathian hnen ihsi a ra mi nan rundamnak lăngfiangternak a si sawn. 29 bZiangahtile Khrih zum lawng si loin, amai ruangih tuar ding hi Khrih zarah nan hrangih sian a si. 30 cDoawknak keimah ih nan rak hmuh mi, atu khalah keimah ah a um ti hna ih nan theih mi, cumi rori cu nan nei ve.
1:27a 1Ko 16:13; Efe 4:1; Jud 1:3
1:29b Mat 5:11-12; Apo 5:41
1:30c Apo 16:19-40; 1Th 2:2; Heb 10:32
Khrih-ih Tăngdawrnak Cawn Ding
1 aCuruangah Khrih ah thapeknak siseh, duhdawt thlangamnak siseh, Thlarau pawlkăwmnak siseh, lainat duhdawtnak le zahngainak siseh a um asile, 2 bruahnak bangrepih umin, duhdawtnak bangrep neiin, lungrualih lungthin pakhat neiin, ka aipuannak famkimter uh. 3 cMai ṭānghmasial ruangah siseh, thulolak pawrhawknak ruangah siseh zianghman tuah hlah uh, cuhnakin lungthin tăngdawrnak thawn mi tin in mi dang kha mah hnakih ṭhasawnah ruat cio sawn hai seh. 4 dMi tin in mai bul thil lawng ngaihsak loin, mi dang ta khal ngaihsak hai seh.
2:3c Rom 12:10; Gal 5:26; 1Pe 5:5
2:4d 1Ko 10:24
5 aHi lungthin Khrih Jesu khalih um mi hi nanmah ah um seh.
6 bAnih cu Pathian mizia nei si cingin, Pathian tlukih um cu kaih hnget ding thil ah a ruat lo,
7 ccuhnakin amah le amah kawlawngawter sawnin, sál pianzia lain, minung vekin a rung suak.
8 dCule minung pianzia kengin amah le amah hnuai a dawr ih, thi tiang rori thulungin a um, khraws
2:5a Mat 11:24
2:7c Mat 20:28; Joh 1:14; Rom 8:3; 2Ko 8:9; Heb 2:17
2:8d Mat 26:39; Joh 10:18; Rom 5:19; 1Ko 1:23; Heb 5:8
2:9e Isa 52:13; Dan 7:14; Apo 2:33; Efe 1:20-21; Heb 2:9
2:10f Isa 45:23; Mat 28:18; Rom 14:11; Efe 1:10; Kol 1:20
2:11g Joh 13:13
Arsipawl vekih Tleu
12 aCuruangah ka duhdawt mitla, thu nan rak lun ṭheu vek khan, ka um lai lawngah si loin, atu ka um nawn lo hnu khalah nasa sinin, ṭih le khūr phahin nan rundamnak cu ṭuansuak uh. 13 bZiangahtile a lunghmui zawng tuah duh ding le tuah dingih nan sungih a ṭuantu cu Pathian a si.
2:12a 2Ko 7:15
2:13b Ezr 1:5; 1Ko 12:6; Gal 2:8; Efe 1:5; Heb 13:21
14 aThil ziangkim hi phunzainak le elawknak um loin, tuah uh. 15 bCuti cun thinlung kawi le mikhêrmeipawl lakah sawihnăwm kai lo le thianghlim, kawk ding um lo Pathian fāte nan si ding ih, leitlun tleu vekin an lakah nan êng ding. 16 cNunnak kamsuakthu cu kai hnget uh, cuti cun a lakih tlân le a lakih ṭuan ka si lo ding ih, Khrih-ih ni ah tluang ka khawng thei ding.
2:15b Mat 5:45, 48; Apo 2:40; Efe 5:1; 1Th 3:13
17 aA si, kei cu nan zumnak raithawinak le rawngbawlnak parih Inding Thilhlăn vek ka si khalle ka lung a awi, nan zaten ka lo aipuanpi fawn. 18 Cuih thu thotho ruangah nannih khal lungawi uhla, lungawi aipuangin i umpi ve uh.
2:17a Rom 15:16; 2Ko 6:10; 12:15; 2Ti 4:6
Timothy le Epafrodiṭas
19 aAsinan nan umtudān ka theih tikih thazang ka ngah thei nak dingah, a rei hlanah nan hnenih Timothy thlah thei dingin Bawipa Jesu ah ruahsannak ka nei. 20 bZiangahtile hivek ruahnak nei, nan umdān thungaithlakih lo ngaihsaktu ding dang zohman ka nei lo. 21 cZiangahtile mi hmuahhmuah in Khrih Jesu-ih thilpawl hawl loin, anmai thil lawng an hawl. 22 dAsinan Timothy hi cu fa in a paih rawng a bawl vekin, thuthangṭha hnaṭuannak ah rawng i bawlpitu a si ti amah in a langter zo ti nan thei. 23 Curuangah ziangti vek ka si ding ti ka theih veten amah hi rak thlah lohli ka beisei. 24 Asinan nan hnenah keimah rori khal ka ra cing ding ti Bawipa ah ka zum a si.
2:19a Apo 16:1
2:20b 1Ko 16:10
2:21c 1Ko 10:24
25 aKa unaupa, Epafrodiṭas, ka hnaṭuanpi le ka ralkap ṭuanpi, nan palai le ka ṭulnak ih rawng i bawlsaktu cu nan hnenah thlah a ṭul tiah ka ruat. 26 Ziangahtile anih cun nan zaten a lo ngai zet ih, a nâ ti nan theih ruangah a van khal a sâng zet. 27 Ziangahtile thi zikin a na taktak, asinan Pathian cun a parah zahngainak a nei, amah lawng si loin, thinharnak parih thinharsinnak ka neihlonak dingah ka par khalah zah a ngai a si. 28 Curuangah amah nan hmuhsal tikih nan ai a puan thei nak dingah le ka ninghannak a demdeuh thei nak dingah, hlawptlo zetin amah cu ka rak thlah lohli. 29 bCuruangah lungawinak nasa zet thawn Bawipa ah amah cu rak cohlang uhla, hivek mi hi upat uh. 30 cZiangruangahtile keimah in săwmdawlnak sambau mi cu silhkhat dingah, a nunnak ui loin, Khrih-ih hna ruangah a thi zikte a si.
2:25a Rom 16:3, 9; 2Ko 8:23; Kol 4:11; Flm 1:1-2
2:30c 1Ko 16:17
Milai Thil Ti ih Ṭhumaw Lo
1 A netnakah, u le nau tla, Bawipa ah lungawi aipuangin um uh. Nan hnenih thu kel ngan nawlhsal ding hi ka hrangah thil buaithlak a si lo, cucu nan hrangah himnak ding a si sawn.
2 aUicopawl kha va ralring uh, ṭhatlonak tuahtupawl kha ralring uhla, mai taksa siatsuahawtupawl kha va ralring uh.
3–4 bZiangahtile kei khal tisa ah rinsan ding nei khal ningla, kannih Thlarau ih Pathian betu, Khrih Jesu ih lungawi aipuangtu le tisa rinsan lo tupawl hi serh zim tan
3:2a Thu 22:15
3:3-4b Rom 2:28-29; 15:17; 2Ko 11:21; Gal 6:14-15; Kol 2:11
3:5c Luk 1:59; Rom 11:1; 2Ko 11:22
7 aSikhalsehla hlawknak dingih ka rak ruah mi cuih thilpawl cu, Khrih ruangah sunnak ah ka ruat thlang. 8 bA si, ka Bawipa Khrih Jesu theihnak cungcuang ruangah thil hmuahhmuah hi sunnak ah ka ruat ve. Amah ruangah thil hmuahhmuah sunnak ka tuar ih, Khrih ka neihngah thei nak dingah cupawl cu hnawmhne menah ka ruat. 9 cCule Pathian in Khrih ah i hmuh thei nak dingah, Dān parih ṭhumaw mi keimai dingfelnak cu nei loin, Khrih zumnak ruangih dingfelnak, zumnak ruangih Pathian hnen ihta dingfelnak cu ka nei sawn. 10 dCuti cun a thihnak băngnak neiih tuah mi siin, Khrih le a thawhsalnak huham le a tuarnakpawl ṭawmpinak cu ka theih thei nak dingah a si. 11 eCutin ziangmaw titiih, mithi thawhsalnak ih telngah thei ding ka duh.
3:8b Joh 17:3; Efe 4:13; 2Pe 1:2
3:11e Joh 11:24; Rom 6:5; Thu 20:5-6
Hmuitin Mi lam Pan
12 aKa congah zo ih ka famkim zo ka tinak a si lo, cuhnakin Khrih Jesu ih i kaihnak săn cu kaingah thei rori dingin ka dawi sawn a si. 13 bU le nau tla, ka kaingah zo tiah keimah le keimah ka ruataw lo; cuhnakin hi thil pakhat hi ka tuah sawn a si: dung lamih thil umpawl hngilhin, hmai lamih thil umpawl cu ka dawi, 14 cKhrih Jesu ah tlun lamih Pathian kawhnak nehman hrangah hmuitin mi lam panin ka năwr.
3:13b Luk 9:62
3:14c Rom 8:28; 1Ko 9:24; Heb 6:1
15 aCuruangah u le nau tla, a pitling mi hmuahhmuah in cuti vek lungthin nei uhsi. Cule ziang thil khalah lungthin danglam nei nan si le, Pathian in nan hnenah ka lo sim mi kha a lo theifiangter ding. 16 Ziang a va si khalle, kan thlen cintawk tiangah dān bangrepin feh uhsi la, thil bangrep kha ruat uhsi.
3:15a 1Ko 2:6; Gal 5:10; Efe 1:17; 1Th 4:9
17 aU le nau tla, keimah i cawngtu si uhla, zohṭhim ding kanmah in neih vekin, cuti vekih nungtupawl cu zohṭhim uh. 18 bZiangahtile mi tampi cu Khrih-ih khraws doral an si. An thuhla cu atu le atu ka rak lo sim, atu khalah ṭap phahin ka lo sim a si. 19 cCupawlih cemnak cu siatralnak a si, an pathian cu an pumpi a si ih, ningzakza thil an tuah mi ah an tluangkhâwng. Leilung thilpawl parih lungthin rettu an si. 20 dZiangahtile kannih cun vancungrammi sinak kan nei, cuih hmun ihsi a ra ding mi rundamtu, Bawipa Jesu Khrih cu hlawptlo zetin kan hngak a si. 21 eKhrih cun a santlailo zet mi kan taksaruangpum hi a ropi mi amai taksaruangpum vekih a can thei nak dingah a thleng ding. Cumi tuahnak ah thil ziangkim a thu hnuaiih ret thei nak huham a hmang ding.
3:18b Gal 6:12
3:19c Rom 16:18; Kol 3:2; Jud 1:13
3:20d 1Ko 1:7; Efe 2:19; Kol 3:1; Heb 12:22
3:21e Rom 8:29; Efe 1:19; Kol 3:4
1 aCuruangah ka duhdawt mi le ka ngai mi u le nau pawl, ka aipuannak le ka lallukhum, ka duhdawt mitla, cuti vek cun Bawipa ah dīng hnget uh.
4:1a 1Ko 16:13
2 Bawipa ah lungthin bangrep pu dingin Zudias ka ngen ih, Sinṭike khal ka ngen. 3 aCule ka hngawngkol bātpi diktak, nang khal, khaih nunaupawl kha bawm dingin ka lo ngen a si. Annih cun Klemen le a dang ka hnaṭuanpi Nunnak Cazual sungih an hmin ngan mipawl thawn thuthangṭha ah in ṭuanpi a si.
4:3a Luk 10:20
4 aBawipa ah lungawi aipuangin um ringring uh, ka simsal ding, lungawi aipuangin um uh! 5 bNan zaidamzia cu mi hmuahhmuah in thei hai seh. Bawipa cu a nai a si. 6 cZiang thu hmanah dawnhar hlah uh, ziangkimah thlacamnak le dilnak in, lungawi thu simnak thawn nan dilnakpawl cu Pathian hnenah theihter sawn uh. 7 dCule milai ih theihthiam băn lo mi Pathian-ih hnangamdaihnak cun nan thinlung le nan lungthin cu Khrih Jesu ah a lo kilsak ding.
4:6c Efe 6:18; 1Ti 2:1; 1Pe 5:7
4:7d Isa 26:3; Joh 14:27; Efe 3:19
8 A netnakah u le nau tla, a dik mi thil pauhpauh, zah tlak mi thil pauhpauh, a dingfel mi thil pauhpauh, a thianghlim mi thil pauhpauh, a duhnung mi thil pauhpauh, a thangmawi mi thil pauhpauh, tlinnak ziang tal simaw, thangṭhat tlak ziang tal simaw a um a si ahcun, cupawl cu ngunngaih zetin ruat uh. 9 aCuih thilpawl, keimah ih nan zir mi le nan cohlan mi, hna ih nan theih mi le nan hmuh mipawl kha tuah uh, cule hnangamdaihnak Pathian in a lo umpi ding.
10 aSikhalsehla in ngaihsaknak cu cān reipi hnu, atu-ah nan run tharthawhsal ruangah Bawipa ah nasa zetin ka ai a puang a si; cumi cu nan rak ngaihsak zet nân, tikcucān remcâng nan rak hmu lo men a si. 11 bKa tlaksam ruangah hih thu sim ka si lo, ziangahtile kei cu ziang vek dinhmun ih ka um khalah, lungkim tawkdān ka zirngah zo. 12 cTlasam zetih umdān ka thiam ih, lian zetih umdān khal ka thiam. Hmun tin ah le thil ziangkimah tlai le rilrawngin umdān, lian zetih umdān le tlasamih umdān ka zirngah zo. 13 dCahnak i petu Khrih thawngin thil ziangkim ka tuah thei a si.
4:10a 2Ko 11:9
4:11b 1Ti 6:6, 8; Heb 13:5
4:13d 2Ko 12:9; 1Ti 1:12; 2Ti 4:17
14 Cuti si hman sehla, ka vansannak in tuarpi ve hi cu nan ti ṭha a si. 15 aCule nan hnenih thuthangṭha ka thlenter thawk lai, Masidonia ihsin ka fehsuak laiah khan, nanmah siarlo pek le dăwn thu ah kawhhran pakhat hmanin in hlawm lo ti cu nanmah Filipimi khal in nan thei. 16 bZiangahtile Thessalonika khua khalah nannih in ka ṭul mi hrangah vei khat lawng si loin, vei hnih lai in rak kuat. 17 cThilpek ka hawl ruangah a si lo, nanmah lamah rah tampi a um thei nak ding ka hawl sawn a si. 18 dSikhalsehla ziangkim ka nei ih, tampi ka nei, Epafrodiṭas hnenih thil nan rak kuat mipawl ka rak ngah ih ka daihaw ngah a si. Cupawl cu thil rimthaw, Pathian cohlan tlak le lungawi zawng raithawinak a si. 19 eCule ka Pathian cun ropitnak ih a lendān zulhin nan ṭul mi zaten Khrih Jesu zarah a lo pe ding.
4:15a 2Ko 11:8-9
4:17c 1Ko 9:11-12
4:18d 2Ko 2:14
20 aAtu-ah kan Pathian le kan Pa hnenah ropitnak cu kumkhuain kumkhua tiang um hram seh. Amen.
21 bKhrih Jesu ih mithiang zaten cibai in bûksak uh. Ka hnenih a um mi unaupawl in cibai an lo bûk.
22 cMithiangpawl hmuahhmuah in cibai an lo bûk, a hleicein Kaisar
4:20a Rom 11:36; Gal 1:4; 1Th 1:3
4:21b Gal 1:2
4:22c Apo 9:13
23 aKan Bawipa Jesu Khrih-ih zangfahnak cu nan zate hnenah um hram seh. Amen