About Bible Thianghlim | ©

BibleThianghlim – 2 Siangpahrang

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

2 Siangpahrang

12345678910
11121314151617181920
2122232425

• A ngantu: Theih a si lo
• Thil cang kum: B.C. 853-560
• Ngan kum: B.C. 586 hnu

Siangpahrang cabu pakhatnak le pahnihnak hi a thawk ah cun bu khat a si. (Siangpahrang cabu pakhatnak Thuhmaihruai zoh aw.) Siangpahrang cabu pakhatnak cu siangpahrang mipawimawh pahnih: Israel siangpahrang Ahab le Judah siangpahrang Jehoshafat teih thihnak in a tawp.

Siangpahrang cabu pahnihnak cu siangpahrang thar pahnih: Israel laltokham parih Ahaziah le Judah laltokham parih Jehoram thu in a thawk. A thupi sinsin mi cu, Siangpahrang cabu pahnihnak thawknakah profet Elijah-ih rawngbawlnak kha profet Elisha-ih rawngbawlnak ih a sunzăwmnak kan hmu. “Jehovah-ih kamsuakthu” ti mi le cuih kamsuakthu phuangtu profetpawl cu Siangpahrang cabupawl ah an uar hleice ti cu Siangpahrang cabu pakhatnak Thuhmaihruai ah tarlăng a si zo.

Profet Elijah le Elisha-ih rawngbawlnak in Siangpahrang cabu pakhatnak le pahnihnak ṭhen thum ṭhen khat an luah. Siangpahrang cabu pakhatnak bung 17 ihsin Siangpahrang cabu pahnihnak bung 8 cu hi profet pahnih thuhla in a khat. Siangpahrang bu khatnak le Siangpahrang bu hnihnak ah Elijah-ih hmin vei 66 a lang ih (San Siarnak cabupawl ah cun vei 2 lawng), Elisha-ih hmin vei 58 a lang (San Siarnak cabupawl ah a lang lo). Profet ropi dang Isaiah khal Siangpahrang cabu pahnihnak sungah a lang ve (bung 19-20). Siangpahrang cabu pakhatnak ih kan hmuh vekin, profetpawl in anmai hnám nun ah mawhphurhnak pawimawh zet an la.

Sikhalsehla, a cemnakah lalram pahnih hruaitupawl le mi senpi in Pathian siahhlawh profetpawlih rawngbawlnak cu a netnakah cun an ngaihthah (17:13-23; 24:1-4).

B.C. 722 kum ah Assiria kut ah sak lam lalram a tluk thu (2Sp 17) le B.C. 586 kum ah Babilon kut ah thlang lam lalram a tluk thu (2Sp 24-25) Siangpahrang cabu pahnihnak in in sim. Cuti cingin hi cabu cu ruahsannak málte thawn a net. Babilon ah sál ih an hruai mi Judah siangpahrang netabik Jehoiakin cu thawng ihsin suah a si ih, ṭha zetih tuamhlawm a si.

Sál tān hnuih ṭha zetih Jehoiakin tuamhlawm a sinak hin, Judah khal a netnakah suah a sinak ding a hmuhsak a si men thei. Judah sál tang suahnak cu profet Jeremiah in a simsung cia. Kum reipi hnuah an thuhla hi siarin kan zingzawi leh ding ti hi siangpahrangpawl lakih pakhat hmanin an rak ruat dah lo. Siangpahrang pakhat thu na siar ih a thuhla na ruah tinten hi thusuhnakpawl hi nangmah te sutaw aw.

“Ka nun diktak Bible ah ngan si bang sehla ziang a bang pei?” “Ka thuhla ah Pathian in ziang a rel pei?” “Ka nun ihsin ziang zir ding a um ve pei?” “A tamsawn hi a ṭha lam maw a se lam a si pei?” Siangpahrangpawl hin siangpahrang sinak dinhmun hleice an rak nei, asinan kanmah bangin mi menmen khal an rak si ve.

1

Pathian in Ahaziah Thu a Ṭhen

1 ^aAhab a thih hnuah Moab ram cu Israel dokalhin a hél.

1:1^a Sem 19:37; 2Sam 8:2; 2Sp 3:4-5

2 ^aCule Ahaziah cu Samaria ih a pindan tlunta tukvirh kalhpaṭheng ihsin a tla ih hriamhma a pu, cule palaipawl a thlah ih an hnenah, “Feh uhla, himi hriamhma ihsin ka damsal pei maw tiin Baal Zebub, Ekron khaw pathian va sut uh,” tiah a ti.

1:2^a Lai 18:5; 1Sam 6:2; Isa 2:6; Mar 3:22

3 ^aAsinan Tishbi-mi Elijah hnenah Jehovah-ih vancungmi in, “Tho aw, Samaria siangpahrangih palaipawl táwng dingin so awla, an hnenah, ‘Israel ram ah Pathian a um lo ruangah maw, Ekron khaw pathian Baal Zebub thusut dingih nan feh?’ 4 ^bCuruangah atu-ah, Jehovah in hitin a ti: ‘Na rak kaisohnak ihkhun ihsin na ṭum lo ding, na thi rori sawn ding a si, tiin,’ ti aw,” tiah a ti. Cun Elijah cu a fehsuak.

1:3^a 1Sp 17:1; 21:17-18; 2Sp 5:8

1:4^b Sam 41:8

5 Cule palaipawl a hnenih an kirsal tikah, an hnenah, “Ziangah so nan ra kirsal?” tiah a ti hai.

6 Cun annih in a hnenah, “Kanmah táwng dingin mi pakhat a ra ih kan hnenah, ‘Feh uh, a lo thlahtu siangpahrang hnenah kirsal uhla a hnenah, “Israel ram ah Pathian a um lo ruangah maw Ekron khaw pathian Baal Zebub thusut dingih mi na thlah? Curuangah na rak kaisohnak ihkhun ihsin na ṭum lo ding, na thi rori sawn ding a si, Jehovah in a ti,” tiin sim uh,’ in ti,” tiah an ti.

7 Cun anih in an hnenah, “Nanmah lo táwng dingih ra tahratih himi ṭawngkampawl a lo simtu pa cu ziang vek minung so a si?” tiah a ti.

8 ^aCule annih in a hnenah, “Hmul tam zet nei, a tâi ih savun taikhap khapaw a si,” tiah an ti.

1:8^a Zek 13:4; Mat 3:4

Cule anih in, “Cu pa cu Tishbi-mi Elijah a si cu,” tiah a ti.

9 ^aCun siangpahrang in a hnenah mipa 50 hotu pakhat cu a mi 50 pawl thawn a thlah. Cule a hnenah a feh ih, zoh hnik, anih cu tlang zimah a rak to. Cule a hnenah, “Pathian mi, siangpahrang in, ‘Rung ṭum aw!’ a lo ti,” tiah a ti.

1:9^a Suah 18:25; 1Sp 18:42

10 ^aCule Elijah in mi 50 hotu cu a sawn ih a hnenah, “Keimah cu Pathian mi ka si le, van ihsin meisa rung tla-in nangmah le na mi 50 pawl cu lo kangrál seh,” tiah a ti. Cule van ihsin meisa a tla ih amah le a mi 50 pawl cu a kangrál hai. 11 Cun anih in a dang mi 50 hotu, a mi 50 pawl thawn a hnenah a thlahsal.

1:10^a 1Sp 18:38; Luk 9:54; Thu 11:5

Cule anih in a sawn ih a hnenah, “Pathian mi, ‘Zamrangten rung ṭum aw,’ tiin siangpahrang in a lo ti,” tiah a ti.

12 ^aCun Elijah in a sawn ih an hnenah, “Keimah cu Pathian mi ka si le, van ihsin meisa tla-in nangmah le na mi 50 pawl cu lo kangrál seh,” tiah a ti. Cule van ihsin meisa a tla ih amah le a mi 50 pawl cu a kangrál hai.

1:12^a Luk 9:54

13 ^aAnih in mi 50 hotu a pathumnak cu a mi 50 pawl thawn a thlah hai lala. Cule mi 50 hotu cu a so ih a thleng, cule Elijah hmaiah a khuk a bil, cun amah cu ngenin a hnenah, “Pathian mi, zangfahten ka nunnak le hi na siahhlawh 50 pawlih nunnak hi na mithmuh ah sunglawi hram seh. 14 Zoh hnik, a hmaisa mi 50 hotu pahnih cu van ihsin meisa a tla ih an mi 50 pawl thawn an kangrál thluh. Asinan atu-ah, ka nunnak hi na mithmuh ah sunglawi hram seh,” tiah a ti.

1:13^a Sam 72:14; Isa 1:5

15 ^aCule Jehovah-ih vancungmi in Elijah hnenah, “Amai zawngah suk awla, amah cu ṭih hlah,” tiah a ti. Cule Elijah cu a tho ih, cu pa zawngah siangpahrang hnenah a suk.

1:15^a Isa 51:12; Jer 1:8; Eze 2:6

16 Cun Elijah cun a hnenah, “ ‘Israel ram ah suh ding Pathian a um lo ruangah maw si Ekron khaw pathian, Baal Zebub thusut dingin palaipawl na rak thlah? Curuangah na kaisohnak ihkhun ihsin na ṭum nawn lo ding, na thi rori sawn ding a si,’ Jehovah in a ti,” tiah a ti.

17 ^aCule Ahaziah cu Elijah ih a rak sim mi Jehovah-ih kamsuakthu vekin a thi. Anih in fapa a neih lo ruangah, Judah siangpahrang Jehoshafat-ih fapa Jehoram a lal kum hnihnak ah, amah aiawhin Jehoram cu siangpahrang ah a cang. 18 Cun a tāng lai mi Ahaziah ih tuah mi a căngvaihnakpawl cu Israel siangpahrangpawlih san siarnak cazual sungah ngan an si lo maw?

1:17^a 2Sp 3:1; 8:16-17

2

Elijah Van a Kai

1 ^aCule hitin a si, Jehovah in phusîng hmangin van ah Elijah a lâksoh zik tikah, Elijah cu Elisha thawn Gilgal ihsin a fehsuak. 2 ^bCun Elijah in Elisha hnenah, “Zangfahten hi tawkah cām aw, ziangahtile kei cu Jehovah in Bethel ah i thlah a si,” tiah a ti.

2:1^a Sem 5:24; Jos 5:9; 1Sp 19:16; Jer 4:13; Heb 11:5

2:2^b Rut 1:15-16

Asinan Elisha in, “Jehovah a nun bangin le nangmah na nun bangin, ka lo tlansan lo ding!” tiah a ti. Cule Bethel ah an suk.

3 ^aCun Bethel ih um profet fapapawl cu Elisha hnenah an ra suak ih a hnenah, “Tuihsun ah Jehovah in na lu tlun ihsin na bawipa cu a lahlo ding, ti na thei maw?” tiah an ti.

2:3^a 1Sam 10:3, 5, 10

Cule anih in, “A si, ka thei, daiten um uh!” tiah a ti.

4 ^aCun Elijah in a hnenah, “Elisha, zangfahten hi tawkah cām aw, ziangahtile Jehovah in Jeriko ah i thlah a si,” tiah a ti.

2:4^a Jos 6:26; 1Sp 16:34

Asinan anih in, “Jehovah a nun rori bangin le nangmah na nun bangin, ka lo tlansan lo ding!” tiah a ti. Cule Jeriko ah an feh.

5 ^aCule Jeriko ih um profet fapapawl cun Elisha an ra naih ih a hnenah, “Tuihsun ah Jehovah in na lu tlun ihsin na bawipa a lahlo ding, ti na thei maw?” tiah an ti.

2:5^a 2Sp 2:15

Cule anih in, “A si, ka thei, daiten um uh!” tiah a ti.

6 ^aCun Elijah in a hnenah, “Zangfahten hi tawkah cām aw, ziangahtile Jehovah in Jordan ah i thlah a si,” tiah a ti.

2:6^a Jos 3:15; Rut 1:16-18

Asinan anih in, “Jehovah a nun rori bangin le nangmah na nun bangin, ka lo tlansan lo ding!” tiah a ti. Cule annih pahnih cu an feh vivo. 7 Cun profet fapa mi 50 pawl cu an feh ih, Jordan tiva kapih an pahnih ih an dīn laiah, hlaral ihsin anmah thlirin an ding. 8 ^aCun Elijah cun a puan a la, a zual ih, tidai cu a vuak, cule khat lam le khat lamah a ṭhenaw, cule an pahnih cun lei ro parin an tankai.

2:8^a Suah 14:21-22, 29; Jos 3:14-17; 1Sp 19:19

9 ^aCule hitin a si, an tankai hnuah Elijah in Elisha hnenah, “Dil aw! Na hnen ihsin lâkhlo ka si hlanah ziang ka lo tuahsak ding?” tiah a ti.

2:9^a Mip 11:17, 25; Dnp 21:17; 1Sp 3:5

Elisha in, “Zangfahten, na thlarau co mi a letin ka parah um seh,” tiah a ti.

10 ^aCu tikah anih in, “Thil harsa na dil a si. Sikhalsehla na hnen ihsin lâksoh ka si lai i hmuh asile, na hrangah cu vekin a si ding. Culole cu vekin a si lo ding,” tiah a ti. 11 ^bCun hitin a si, feh phah vivoin an ṭawng rero laiah, ngai hnik, meisa rangpawl thawn meisa rang lêng pakhat a lang ih, an pahnih cu a ṭhenawter. Cule Elijah cu van ah phusîng hmangin a kaiso.

2:10^a Apo 1:9-10

2:11^b Sam 68:17; Hab 3:8; Heb 11:5

12 ^aCule Elisha in cumi cu a hmu ih, “Ka pa, ka pa, Israel rang lêng le rang ralkappawl!” tiin a ausuak. Cule amah cu a hmu nawn lo. Cun amai hnipuan a kai ih ṭhen hnih ah a thlek. 13 Elijah hnen ihsin a tla mi a puan khal cu a la, cule a kir ih Jordan tiva kapah a ding. 14 ^bCun a hnen ihsin a tla mi Elijah-ih puan cu a la ih, tidai cu a vuak, cule, “Elijah-ih Pathian Jehovah cu khuiah so?” tiah a ti. Cule tidai a vuak tikah tidai cu khat lam le khat lamah a ṭhenaw ih Elisha cun a tankai.

2:12^a 2Sp 13:14; Job 1:20

2:14^b 1Sp 19:19; 2Sp 2:8

15 ^aCule Jeriko ihsin a ra mi profet fapapawl in amah an hmuh tikah, “Elisha parah Elijah-ih thlarau a um,” tiah an ti. Cule amah táwng dingah an ra thleng ih, a hmaiih lei ah an băwkkhup. 16 ^bCun annih in a hnenah, “Atu-ah zoh hnik, na siahhlawhpawl hnenah mipa cakvak 50 an um. Zangfahten anmah cu fehter hai awla, na bawipa cu hawl hai seh, amah cu Jehovah Thlarau in a lâkso ih tlang pakhat khat ah simaw, phaikuam pakhat khat ah simaw a thlak men tla a si ding sokhaw,” tiah an ti.

2:15^a Mip 11:17, 25-26; 1Sam 10:5; 2Sp 2:5

2:16^b 1Sp 18:12; Apo 8:39

Cule anih in, “Zohman nan thlah lo pei,” tiah a ti.

17 ^aAsinan a ning a zah tiangin amah an ngen ih, anih in, “Thlah uh!” tiah a ti. Curuangah mipa 50 pawl cu an thlah ih, ni thum sung an hawl, asinan amah cu an hmu lo. 18 Cule a hnenih an thlensal tikah, anih cu Jeriko ah a cām ih an hnenah, “Feh hlah uh, ka lo ti ko lo maw?” tiah a ti hai.

2:17^a Heb 11:5

Elisha in Thilmak a Tuah

19 Cun cuih khua mipapawl in Elisha hnenah, “Ngai hnik, ka bawipa in a hmuh bangin, hi khawpi dinhmun cu a nuam, asinan tidai a ṭha lo, leiram khal a cing,” tiah an ti.

20 Cule anih in, “Khēng thar in run ken uhla, cumi sungah cite ret uh,” tiah a ti. Cun annih in cumi cu a hnenah an keng. 21 ^aCule anih cu tidai dawhhna ah a fehsuak ih cu tawkah cite cu a vawrh, cule, “Jehovah in hitin a ti: ‘Hi tidai cu ka damter zo, cumi ihsin thihnak simaw, cĭnnak simaw a um nawn lo ding,’ tiin,” tiah a ti. 22 ^bCutin Elisha ih sim mi ṭawngkam vekin, tuihni tiangin cuih tidai cu a dam.

2:21^a Suah 15:25-26; 2Sp 4:41

2:22^b Suah 15:25-26

23 ^aCun anih cu cu tawk ihsin Bethel ah a so, cule lamzin ih a fehso rero laiah tleirawl hrekkhat cu khawpi ihsin an ra ih amah hmuhsuamin a hnenah, “Lukawlh pa, fehso aw! Lukawlh pa, fehso aw!” tiah an ti.

2:23^a 2Sp 2:11; 2San 30:10; 36:16; Job 19:18

24 ^aCule a heraw ih anmah cu a zoh ih, Jehovah hmin in a camsiat hai. Cule savâwm nu pahnih thing rûl lak ihsin an ra suak ih tleirawl 42 pawl cu an thlek. 25 ^bCun cu tawk ihsin Karmel tlang ah a feh, cule cu tawk ihsin Samaria ah a kir.

2:24^a 1Sp 13:21, 25; Thf 17:12

2:25^b 1Sp 18:19-20

3

Israel Parah Moab a Hél

1 ^aJudah siangpahrang Jehoshafat a lal kum hleiriatnak ah Ahab-ih fapa Jehoram cu Samaria ah Israel siangpahrang ah a cang ih, kum 12 sung a lal. 2 ^bCule anih cun Jehovah-ih mithmuh ah thil ṭha lo a tuah, asinan a nu le a pa ih tuah mi vek cu a si lo, ziangahtile a pa ih rak tuah mi Baal ṭhuamserh cu a hlăwn. 3 ^cSikhalsehla Israel sual tuahtertu, Nebat fapa Jeroboam-ih sualpawl ah a kăwpbet, cupawl cu a fehsan lo.

3:1^a 2Sp 1:17; 8:16

3:2^b Suah 23:24; 1Sp 16:30-33; 2Sp 10:18-28

3:3^c 1Sp 12:28-30; 2Sp 10:29

4 ^aCule Moab siangpahrang Mesha cu tuu vulhtu a si ih, Israel siangpahrang hnenah tuu fa no tingkhat le tuu cang tingkhat cu an hmul thawn a pe ṭheu. 5 ^bAsinan hitin a si, Ahab a thih tikah, Moab siangpahrang cu Israel siangpahrang dokalhin a hél.

3:4^a Sem 19:37; Isa 16:1

3:5^b 2Sp 1:1

6 Cu laiah Siangpahrang Jehoram cu Samaria ihsin a suak ih, Israel miphun zaten a khawm. 7 ^aCun fehin mi a thlah ih Judah siangpahrang Jehoshafat hnenah, “Moab siangpahrang cu keimah dokalhin a hél. Moab do dingah ka zawngah na feh lo ding maw?” tiah a ti.

3:7^a 1Sp 22:4

Cule anih in, “Ka fehso ding, keimah cu nangmah, ka mipawl cu na mipawl, ka rangpawl cu na rangpawl tluk an si,” tiah a ti. 8 Cun anih in, “Khui tawk zinin kan feh pei?” tiah a ti.

Cule anih in, “Edom Ramṭhing zinin,” tiah a sawn.

9 ^aCutin Israel siangpahrang cu Judah siangpahrang le Edom siangpahrang thawn an feh ih, ni sarih sung, cu tawkah an fehkûal, cule ralkap hrangah le anmah thluntu ṭilvapawl hrang khalah tidai a um lo. 10 Cule Israel siangpahrang in, “E heu law! Jehovah in hi siangpahrang pathum pawl hi Moab kut ih pek dingah a kokhawm hai a si hi!” tiah a ti.

3:9^a 1Sp 22:47

11 ^aAsinan Jehoshafat in, “Amah hmangin Jehovah kan suh thei nak dingah, hi tawkah Jehovah-ih profet a um lo maw?” tiah a ti.

3:11^a 1Sp 19:16, 21; 22:5, 7

Cun Israel siangpahrangih siahhlawhpawl lakih pakhat in a let ih, “Hi tawkah Elijah-ih kut tidai tawih ṭheu tu, Shafat-ih fapa Elisha a um,” tiah a ti.

12 ^aCule Jehoshafat in, “Jehovah-ih kamsuakthu cu a hnenah a um a si,” tiah a ti. Curuangah Israel siangpahrang, Judah siangpahrang le Edom siangpahrang pawl cu a hnenah an suk.

3:12^a 1Sp 2:15

13 ^aCun Elisha in Israel siangpahrang hnenah, “Nang le kei hi ziang pehtlaihawknak so kan neih? Na paih profetpawl hnenah le na nuih profetpawl hnenah feh aw,” tiah a ti.

3:13^a 1Sp 18:19; 22:6

Cule Israel siangpahrang in a hnenah, “Si lo e, hi siangpahrang pathum pawl hi Moab kut ih pek dingah Jehovah in a kokhawm hai a si,” tiah a ti.

14 ^aCule Elisha in, “A hmaiih ka dīn ṭheu nak ralkap rualpawlih Jehovah a nun rori bangin, thungaiten Judah siangpahrang Jehoshafat mithmai zoh lo ningna cu, na lam ka hawi lo ding ih, ka lo hmu fawn lo ding. 15 ^bAsinan atu-ah ka hnenah awnmawi tumtu run hruai uh,” tiah a ti.

3:14^a 1Sp 17:1

3:15^b 1Sam 10:5; Eze 1:3

Cun hitin a si, awnmawi tumtu in a tum tikah a parah Jehovah-ih kut a thleng. 16 Cule anih in, “Jehovah in hitin a ti, ‘Himi hawrkuam hi ti luannak kâwr in khatter uh,’ tiin. 17 ^aZiangahtile Jehovah in hitin a ti: ‘Thli nan hmu lo ding ih, ruah khal nan hmu lo ding, sikhalsehla khaih hawrkuam cu tidai in a khat ding, cutin nanmah, nan sumhnám le nan ṭilva pawl in nan in ding.’ 18 ^bCule himi hi Jehovah-ih mithmuh ah thil fate men a si. Amah in nan kut ah Moab-mipawl khal a lo pe ding. 19 Cun kulh nei khawpi kip le khawpi ṭhabik bik nan siatsuah ding ih, thing ṭha zaten nan hautlu ding, cule tihna kip nan phit ding ih, lungto thawn ram ṭhatnak hmun kip nan siatsuah ding a si,” tiin.

3:17^a Sam 107:35; Isa 12:3

3:18^b Sem 18:14; Jer 32:17, 27; Mar 10:27; Luk 1:37

20 ^aCule zing ah hitin a si, Thlairawl Thilhlăn a cût tikah, zoh hnik, Edom zin ihsin tidai a luang ih, cuih ram cu tidai in a khat. 21 Cule Moab-mipawl hmuahhmuah in anmah do dingin siangpahrangpawl an thleng ti an theih tikah, ralthuam keng thei mi hmuahhmuah le a tlun lam pawl cu fĭnkhawmawin, ramri ah an ding. 22 Cun annih cu zing ten an tho, cule tidai parah ni a tlang; Moab-mipawl in tidai cu thisen vekih sen in khat lam ral in an hmu. 23 Cule annih in, “Himi hi thisen a si, siangpahrangpawl pakhat le pakhat satawin an thataw a si rori ding, curuangah atu-ah ralthillâk cu Moab ta a si!” tiah an ti.

3:20^a Suah 29:39-41

24 Cun Israel ṭanhmun khuarnak an thlen tikah, Israel-mipawl cu an tho ih, Moab-mipawl cu an sat, cutin annih cu an hmaiah an tlân ih, Moab-mipawl thatin an ram ah an lut. 25 ^aCun khawpipawl an siatsuah ih, mi kip in ram ṭhatnak hmun ah lungto pakhat cio an hlăwn ih, an khatter, tihna zaten an phit ih, thing ṭha zaten an hautlu. Kir Haraseth-ih lungtopawl cu an tān ta. Cumi hman cu herhli saitupawl in an kulh ih an that.

3:25^a Isa 15:1; Jer 48:31, 36

26 Cule Moab siangpahrang in a hrangah doawknak a nasa tuk ti a hmuh tikah, Edom siangpahrang pahtlăng dingin a hnenah ralnâm kengtu mipa 700 a hruai, asinan an ti thei lo. 27 ^aCun amah aiawhih uktu ding a fapa upabik a hruai ih, kulh parah Meiur Thilhlăn ah a hlan, cule Israel parah an ai a thawk ciamco. Cuti cun annih cu a hnen ihsin an fehsuak ih anmai ram ah an kir.

3:27^a Dnp 12:31; 2San 28:3; Sam 106:38; Jer 19:4-5; Mik 6:7

4

Elisha le Nuhmeinuih Hriak

1 ^aProfet fapapawlih nupipawl lakih nunau pakhat in Elisha hnenah auin, “Na siahhlawh ka pasal a thi zo ih, na siahhlawh in Jehovah a ṭihzia cu na thei ko. Lei a baknak pa in a sál dingah ka fapa pahnih la dingin a ra,” tiah a ti.

4:1^a Pui 25:39-43; Neh 5:3-5; Mat 18:25

2 ^aCun Elisha in a hnenah, “Na hrangah ziang ka tuah ding? Inn sungah ziang na nei, i sim aw?” tiah a ti.

4:2^a 1Sp 17:12

Cule anih in, “Na siahhlawh nu in hriak thâwl khat ti lo cu inn ah zianghman a nei lo,” tiah a ti.

3 Cu tikah anih in, “Feh awla, na innhnenpawl hmuahhmuah hnen ihsin bungbel, a lawng mi bungbelpawl va sâng aw, málte lawng sang hlah. 4 Inn sung na luh tikah nangmah le na fapapawl dungih sângka khar aw. Cun cumi cu cuih bungbelpawl hmuahhmuah sungah thun awla a khat mipawl a dangah ret aw,” tiah a ti.

5 Cule nuhmeinu cu Elisha hnen ihsin a feh ih amah le a fapapawl dungih sângka cu a khar, a fapapawl cun bungbelpawl cu a hnenah an rak keng ih, anih in a thun vivo. 6 ^aCule hitin a si, bungbelpawl an khah tikah anih in a fapa hnenah, “Bungbel dang i rak ken aw,” tiah a ti.

4:6^a Mat 14:20

Cule a fapa in a hnenah, “Bungbel dang a um nawn lo,” tiah a ti. Cule hriak cu a kâng.

7 ^aCun nuhmeinu cu a feh ih Pathian mi cu a sim. Cule anih in, “Feh aw, cuih hriak cu zuar awla na leiba rul aw. Cule a tāng mi thawn nangmah le na fapapawl cu nung uh,” tiah a ti.

4:7^a Rom 13:8

Elisha in Shunemnuih Fapa a Nungtersal

8 ^aCule hitin a si, ni khat cu milangsar nunaunuih umnak hmun Shunem khua ah Elisha cu a feh ih, nunaunu in rawl mallai ei dingin amah cu a fial. Cule hitin a si, a paltlăng tinten, cu tawkah rawl ei dingin a pial phah ṭheu. 9 Cule nunaunu in a pasal hnenah, “Zoh hnik, in pál phah ringring tu hi, Pathian mi mithianghlim a si ti ka thei. 10 ^bZangfahten, inn tlun pindan fate tuah uhsi la, cu tawkah ihkhun pakhat, cabuai pakhat, tokham pakhat le meito ṭhuam pakhat hunsak uhsi. Cule hitin a si ding, kan hnenih a rat tinten cu tawkah a pial phah ṭheu ding,” tiah a ti.

4:8^a Jos 19:18; 2Sam 19:32

4:10^b Mat 10:41; Rom 12:13

11 Cule ni khat cu hitin a si, cu tawkah a ra ih, inn tlun pindan ah a pial, cule cu tawkah cun a zau. 12 ^aCun a siahhlawh Gehazi hnenah, “Hih Shunam nunaunu hi va ko aw,” tiah a ti. Anih in cu nu cu a va ko ih, a hmaiah a ding. 13 Cule Elisha in a siahhlawh hnenah, “Hih nunaunu hnenah, ‘Zoh hnik, nang in hivek kilkhawinak hmuahhmuah thawn in ngaihsak. Ziang ka lo tuahsak ding? Siangpahrang simaw, ralkap bawipi simaw lo biaksak na duh maw?’ tiin atu-ah a hnenah sim aw,” tiah a ti.

4:12^a 2Sp 5:20

Cu nu in, “Ka mipawl lakah ka cêng ko si,” tiah a sawn.

14 Cule Elisha in, “Cuti asile ziang tuahsak sehla a ṭha pei?” tiah a ti.

Gehazi in, “Thungaite ti ah cun amah in fapa a nei lo ih a pasal le a tar fawn,” tiah a sawn.

15 Cule Elisha in, “Amah cu ko aw,” tiah a ti. Amah a kawh tikah, cu nu cu sângka ah a ding. 16 ^aCule Elisha in, “Hmai kum tu vek tikcu ah fapa na pawm ding,” tiah a ti.

4:16^a Sem 18:10-14

Cun anih in, “Lamlam ah, ka bawipa. Pathian mi, na siahhlawh nu hnenah thuphan per hlah!” tiah a ti.

17 Asinan nunau cu nau a pai ih, a hnenah Elisha ih a sim mi tikcucān khiah a thlen tikah fapa a hring.

18 ^aCule naute cu a ṭhang. Ni khat cu hitin a si, nauhak pa cu a pa hnen, rawl khawmtupawl hnenah a feh. 19 Cule anih in a pa hnenah, “Ka lu, ka lu!” tiah a ti.

4:18^a Rut 2:3-4

Cun a pa in a siahhlawh hnenah, “Amah kha a nu hnenah cawi aw,” tiah a ti.

20 Anih in a cawi ih a nu hnen a thlenpi tikah, nauhak cu a nuih khuk parah sundir tiang a to, cule a thi. 21 Cun nunaunu cu a kaiso ih Pathian miih ihkhun parah nauhak cu a hlum, sângka a kharkhum ih a fehsuak. 22 Cun anih in a pasal a ko ih, “Zangfahten Pathian mi hnenah ka tlân ih ka ra kirsal thei nak dingah, tlangvalpawl lakih pakhat le lākpawl lakih pakhat ka hnenah thlah aw,” tiah a ti.

23 ^aCule anih in, “Ziangah so amah hnenah tuihsun ih na feh ding? Thla Thar a si lo ih, Sabbath khal a si fawn lo,” tiah a ti.

4:23^a Mip 10:10; 28:11; 1San 23:31

Cule nunaunu cun, “A ṭha ko,” tiah a ti. 24 Cun a lāk a dăm ih a siahhlawh hnenah, “Mâwng aw, feh vivo aw, ka lo sim lo ahcun muangcângin i mawnsak hlah,” tiah a ti. 25 ^aCule cuti cun a fehsuak ih Karmel tlang ih Pathian mi hnenah a feh.

4:25^a 1Sp 18:20

Cule hitin a si, Pathian mi in hlaral ihsin amah a hmuh tikah a siahhlawh Gehazi hnenah, “Zoh hnik, Shunam nunaunu khi! 26 Zangfahten atu-ah amah táwng dingin tlân awla a hnenah, ‘Na dam maw? Na pasal teh a dam maw? Nauhak teh a dam maw?’ tiin sut aw,” tiah a ti.

Cule nunaunu cun, “A ṭha” tiah a ti. 27 ^aCun nunaunu cu tlang parah Pathian mi hnen a thlen tikah, a ke a kai, cule cu nu tûlkiang dingin Gehazi in a rak naih. Asinan Pathian mi in, “Um ko seh, ziangahtile nasa zetin a thinlung a buai a si hi, cumi cu Jehovah in ka hnen ihsin a thup ih, i sim hrih lo,” tiah a ti.

4:27^a Mar 14:6

28 ^aCule nunaunu in, “Ka bawipa, fapa ka lo dil maw? ‘I bum hlah,’ ka lo ti a si lo maw?” tiah a ti.

4:28^a 2Sp 4:16

29 ^aCun Elisha in Gehazi hnenah, “Na tâi ṭawn awla, na kut in ka kianghrăwl keng aw, cule feh aw. Mi pakhat khat na tawn asile amah cu cibaibûk hlah, cun mi pakhat khat in a lo cibai asile amah cu sawn hlah, cule nauhak hmai parah ka kianghrăwl ret aw,” tiah a ti.

4:29^a Suah 4:17; 1Sp 18:46

30 ^aCule nauhak paih nu in, “Jehovah a nun rori le nangmah na nun bangin, ka lo tlansan lo ding,” tiah a ti. Cule Elisha cu a tho ih cu nu cu a thlun. 31 Cule an hmaiah Gehazi cu a feh vivo ih nauhak paih hmai parah kianghrăwl a ret, asinan awka le theihnak a nei nawn lo. Curuangah Elisha táwng dingin a va kirsal ih, “Nauhak pa a ṭhang lo,” tiah a sim.

4:30^a Rut 1:16-18; 2Sp 2:2, 4, 6

32 ^aInn sungih Elisha a luh tikah, zoh hnik nauhak pa cu a rak thi, a ihkhun parih hlum a si. 33 ^bCuruangah a feh ih an pahnih dungih sângka cu a khar, cule Jehovah hnenah thla a cam. 34 ^cCun Elisha cu a kaiso ih nauhak paih parah a băwk, a kâ zawnah a kâ, a mit zawnah a mit le a kut zawnah a kut a ret. Cule nauhak paih parah a dăwkaw ih nauhak paih taksa cu a hung hlum. 35 ^dElisha cu a kirsal ih inn sungah dung le hmaiah a fehkûal, cule a kaiso lala ih, nauhak paih parah a dăwkaw. Cun nauhak pa cu vei sarih a hahthiau ih, a mit a hun meng. 36 ^eCule anih in Gehazi a ko ih, “Hih Shunam nunaunu hi ko aw,” tiah a ti. Cutin amah nu cu a ko. Cule a hnenih a vung luh tikah, Elisha cun “Na fapa hi cawi aw,” tiah a ti. 37 ^fCule cu nu cu a lut ih, a ke hramah a tlu, cun lei ah a băwkkhup, cule a fapa cu a cawi ih a fehsuak.

4:32^a 1Sp 17:19; Apo 9:37

4:33^b 1Sp 17:20-21; Mat 6:6

4:34^c 1Sp 17:21; Apo 20:10

4:35^d 1Sp 17:22

4:36^e Heb 11:35

4:37^f 1Sp 17:23-24

Elisha in Rawl a Thianfai

38 ^aCule Elisha cu Gilgal ah a kir, cule cuih ram ah mangṭam a rak um. Cun a hmaiah profet fapapawl an to ih, a siahhlawh hnenah, “Bel tumpi toh awla, profet fapapawl hrangah cencerh suang aw,” tiah a ti. 39 Cule mi pakhat cu thlai ṭăwt dingin ló ah a fehsuak, cule ramlak hri a va hmu, cumi ihsin ramlak ûm pawm khat a ṭăwtkhawm. Cule cupawl cu ziang a si ti an thei lo nân, cencerh bel sungah a hmál. 40 ^bCun cumi cu ei dingah mipapawl hnenih an suah tikah, hitin a si, cencerh an ei rero laiah an ausuak ih, “Pathian mi, bel sungah thihnak a um!” tiah an ti. Cule an ei thei lo.

4:38^a 2Sp 2:3; 8:1

4:40^b Suah 15:23

41 ^aCu tikah anih in, “Sangphŭt rak keng uh,” tiah a ti. Cule anih in cumi cu bel sungah a thlak ih, “Mipi hrangah suak uhla, ei hai seh,” tiah a ti. Cule bel sungah mi tina thei zianghman a um lo.

4:41^a Suah 15:25; 2Sp 2:21

Elisha in Mipa 100 Rawl a Do

42 ^aCun Baal Shalisha ihsin mipa pakhat a ra ih Pathian mi hnenah thlaithar ih tuah mi sang, barli sang hlăwm 20 le thlaithar cu dip in a rak keng. Cule anih in, “Mipi hnenah pe awla, ei hai seh,” tiah a ti.

4:42^a 1Sam 9:4, 7; Mat 14:17

43 ^aAsinan a siahhlawh in, “Ziang e? Himi hi mipa 100 ka hŭn ding maw?” tiah a ti.

4:43^a Mat 14:20; Luk 9:13; Joh 6:11-13

Anih in a simsal ih, “An ei dingah, mipi hnenah cumi cu pe aw, ziangahtile Jehovah in hitin a ti, ‘An ei ding ih, a hlei an nei ding,’ tiin,” tiah a ti. 44 Cun anih in an hmaiah a hûng, cule an ei ih, Jehovah-ih kamsuakthu vekin a hlei an nei.

5

Miphar Naaman a Dam

1 ^aSiria siangpahrangih ralbawipi Naaman cu a bawipaih mithmuh ah miropi le upat tlak a si, ziangruangahtile amah hmangin Siria hnenah Jehovah in runsuahnak a rak pe ṭheu. Amah cu micak ralṭha khal a si, asinan amah cu a phâr. 2 Cule Siria-mipawl cu a bur a bur in an fehsuak ih, Israel ram ihsin fala tleirawl pakhat ralkaih ah an rak hruai. Cu nu cun Naaman-ih nupi a rian. 3 ^bCun anih in a bawinu hnenah, “Samaria ih um, profet hnenah ka bawipa hi um sehla maw! Ziangahtile amah in a phār nat cu a damter ding,” tiah a ti.

5:1^a Pui 13:2-3; Luk 4:27

5:3^b Sem 20:7

4 Cule Naaman cu a va lut ih, “Israel ram ihsin nunaunute in cutin khatin a ti,” tiah a bawipa cu a sim.

5 ^aCu tikah Siria siangpahrang in, “Atu-ah feh awla, Israel siangpahrang hnenah ca ka kuat ding,” tiah a ti.

5:5^a Sem 24:53; Lai 14:12; 1Sam 9:7-8

Cule Naaman cu a păwk ih a zawngah ngun talent hra, sui tlêp 6000 le hnipuan thlĕngawknak zun hra a keng. 6 Cun anih in Israel siangpahrang hnenah cakuat a keng, cumi ah cun, “Na hnenah himi cakuat a thlen tikah, zoh hnik, a phār nat na tidamsak dingah na hnenah ka siahhlawh Naaman ka rak thlah a si,” tiih ngan a si.

7 ^aCule hitin a si, Israel siangpahrang in cakuat a siar tikah a hnipuan a thlek ih, “That dingah le nungter dingah, Pathian maw ka si ih hi pa in ka hnenah a phār nat damter dingah mi pakhat a thlah hi! Curuangah zangfahten ruat hnik uh, anih in keimah thawn toaw dingin ziangti vekin a hawl ti thei uh,” tiah a ti.

5:7^a Sem 30:2; Dnp 32:39; 1Sp 20:7

8 ^aCule hitin a si, Israel siangpahrang in a hnipuan a thlek ti Pathian mi Elisha in hna in a theih tikah, siangpahrang hnenah mi a thlah ih, “Ziangah so na hnipuan na thlek? Zangfahten amah cu ka hnenah rater awla, Israel ram ah profet a um ti a thei ding a si,” tiah a ti.

5:8^a 2Sp 3:11

9 Cun Naaman cu a rangpawl le a rang lêng thawn a feh ih, Elisha-ih inn sângka ah a ding. 10 ^aCule Elisha in a hnenah palai pakhat a thlah ih, “Fehin Jordan tiva ah vei sarih khawlhaw awla, na taksa cu a kel ah a cangsal ding ih, na thiang ding,” tiah a ti. 11 ^bAsinan Naaman cu thinaithawkin a um ih, a fehhlo, cule, “Zoh hnik, ‘Anih cu ka hnenah a ra rori ding ih, dīng tahratin Jehovah a Pathian hmin a ko ding, cule a natnak laiah a kut a văi ding ih, phār nat a damter ding,’ tiah ka rak ruat. 12 ^cDamaskas khua ih tivapawl, Abanah le Farpar tla hi Israel ram tidai hmuahhmuah hnakin an ṭhasawn lo maw si? Cupawl ah khawlhawin ka thiang thei lo maw si?” tiah a ti. Cuti cun a pial ih thinsosain a fehhlo.

5:10^a Pui 14:7; Joh 9:7

5:11^b 1Ko 2:14

5:12^c Thf 14:29

13 Cule a siahhlawhpawl in an ra naih ih a hnenah, “Ka pa, profet in thil khirhkhansawn tuah dingah lo sim sehla na tuah lo ding maw? Na hnenah, ‘Khawlhaw awla thiang aw,’ a lo ti tikah tuah sawn awm a si lo maw?” tiah an ti. 14 ^aCule anih cu a suk ih, Pathian mi ih sim mi vekin, Jordan tiva sungah vei sarih a hnimaw. Cule a taksa cu nauhak taksa vekin a ṭhasal ih, amah cu a thiang.

5:14^a Suah 4:7; Pui 14:7; Job 33:25; Luk 4:27; 5:13

15 ^aCule anih cu Pathian mi hnenah a kir, amah le a hopawl hmuahhmuah thawn, cule a thleng ih a hmaiah a ding, cun anih in, “Zoh hnik, atu-ah cun Israel ram siarlo ah, leilung hmuahhmuah ah Pathian a um lo ti ka thei; curuangah atu-ah, zangfahten na siahhlawh hnen ihsin laksawng la aw,” tiah a ti.

5:15^a Jos 2:11; 1Sam 9:7; Dan 3:29; 6:26-27

16 ^aAsinan anih cun, “A hmaiih ka dīn ṭheu nak Jehovah a nun rori bangin, zianghman ka cohlang lo ding,” tiah a ti. Cule la dingin a ngen nân, anih cun a êl.

5:16^a Sem 14:23; Dan 5:17

17 ^aCun Naaman in, “Cutin a si lo ahcun, zangfahten na siahhlawh hi lākrang pahnih phur khawp leilung pek si seh, ziangahtile na siahhlawh in Jehovah hnen ti lo ahcun pathian dang pawl hnenah Meiur Thilhlăn siseh, thawinak siseh a hlan nawn lo ding. 18 ^bCuti cingin himi thil ah hin Jehovah in na siahhlawh hi ngaithiam hram seh. Ka bawipa cu Rimmon temple ah pathian be dingin a feh tikah, anih cun ka kut a hngauhsan ih kei cu Rimmon temple sungah ka kûn, cule Rimmon temple sungih ka kun tikah, himi thil ah hin Jehovah in na siahhlawh ngaithiam hram seh,” tiah a ti.

5:17^a Suah 20:24

5:18^b 2San 30:18-20

19 ^aCun anih in a hnenah, “Hnangamten feh aw,” tiah a ti. Cutin anih cu a hnen ihsin hla tuk a feh lo.

5:19^a 1Sam 1:17; Mar 5:34

20 ^aSikhalsehla Pathian mi Elisha-ih siahhlawh, Gehazi cun, “Zoh hnik, ka bawipa cun Siria-mi Naaman cu a rak ken mi thil cohlang loin a suah. Jehovah a nun rori bangin amai dungah ka tlân dingih a hnen ihsin thil hrekkhat ka la ding,” tiah a ti. 21 Cule Gehazi in Naaman cu a dawi, Naaman in a dungih tlân rero a hmuh tikah amah táwng dingin rang lêng ihsin a ṭum ih, “Ziangkim a ṭha maw?” tiah a ti.

5:20^a Suah 20:7, 17; 2Sp 4:12

22 ^aCule anih in, “Ziangkim a ṭha. Ka bawipa in i thlah ih, ‘Zoh hnik, atu teah Efraim tlang ram ihsin profet fapa tlangval pahnih ka hnenah an ra thleng. Zangfahten ngun talent khat le sinfen thlĕngawknak zun hnih in anmah cu pe aw,’ a ti,” tiah a ti.

5:22^a 2Sp 4:26; 5:5

23 Cun Naaman in, “Zangfahten talent hnih la aw,” tiah a ti. Cule amah cu a ngen ih dip pahnih sungah ngun talent hnih cu thlĕngawknak sinfen zun hnih thawn a tuam ih a siahhlawh pahnih hnenah a hlan. Cule a hmaiah cupawl cu an rak phur.

24 Kulh hnget a thlen tikah an kut ihsin a lâk ih inn sungah a ret, cun mipapawl cu a fehter hai ih, an fehsuak. 25 Cule anih cu a lut ih a bawipaih hmaiah a ding. Elisha in a hnenah, “Khui tawkah na feh, Gehazi?” tiah a ti.

Cule anih in, “Na siahhlawh hi khui hmanah a feh lo,” tiah a ti.

26 ^aCun anih in, “Mi pakhat in nangmah lo táwng dingin a rang lêng ihsin a kir laiah ka thinlung cu na hnenah a feh a si lo maw? Paisa siseh, hnipuan siseh, olif hmuanpawl le sabit hmuanpawl siseh, tuupawl le caw cang pawl siseh, siahhlawh mipapawl le siahhlawh nunaupawl siseh, cohlan cān a simaw si? 27 ^bCuruangah Naaman-ih phār nat cu na hnenah le na tesinfapawl hnenah kumkhuain a bĕt ding,” tiah a ti. Cule a hmai ihsin vur vekih varih phārin a fehsuak.

5:26^a Suah 20:17

5:27^b Suah 4:6; Mip 12:10; 14:18

6

Hrei fáng a Lâng

1 ^aProfet fapapawl in Elisha hnenah, “Zoh hnik, nangmah thawi kan cēnnak hmun hi kan hrangah a fate tuk. 2 Zangfahten Jordan tiva ah feh uhsi la, cu tawk ihsin thing tlâng pakhat cio la fingfing in, cu tawkah kan cēnnak ding hmun tuah uhsi,” tiah an ti.

6:1^a 1Sam 10:5; 2Sp 2:3, 5, 7

Cule anih in, “Feh uh,” tiah a let hai.

3 Cun pakhat in, “Zangfahten na siahhlawhpawl zawngih ra feh ve ding rem ti hram aw,” tiah a ti.

Cule anih in, “Ka feh ding,” tiah a sawn. 4 Cutin an zawngah a feh. Jordan an thlen tikah, thingkungpawl an hautlu. 5 Asinan mi pakhat cu thing a hau rero laiah, hrei fáng cu ti sungah a tla, cule a ausuak ih, “A ze law, bawipa! Ka sancawp simaw a si,” tiah a ti.

6 ^aCule Pathian mi cun, “Cumi cu khui tawkah a tla?” tiah a ti. Anih in a tlaknak zawn cu a hmuh. Cule anih in fung pakhat a sattán ih, cu tawkah cun a hlăwn, cule thir cu a lâng. 7 Cule anih in, “Na hrangah lasuak aw,” tiah a ti. Cule a kut a suah ih cumi cu a la.

6:6^a Suah 15:25; 2Sp 4:41

Siria Ralkappawl Mitcâwtnak

8 Cule Siria siangpahrang in Israel dokalhin doawknak a tuah, cule a siahhlawhpawl a ráwn ih, “Ka riahhmun cu, cu tawk kha tawkah a si ding,” tiah a ti. 9 ^aCule Pathian mi in Israel siangpahrang hnenah mi a thlah ih, “Hi tawk hmun pál lo dingin ralring uh, ziangahtile cu tawkah Siria-mipawl an suk,” tiah a ti. 10 ^bCun Israel siangpahrang in, Pathian mi in amah a rak sim le ralrin a peknak hmun ah mi a thlah ih vei hnih vei khat lawng si loin a him phah ṭheu.

6:9^a Amo 3:7

6:10^b Jer 11:18

11 Curuangah himi thil in nasa zetin Siria siangpahrang thinlung a buaiter, cule a siahhlawhpawl a ko ih an hnenah, “Kan lakah zopawl hi saw, Israel siangpahrang lamih ṭang, in hmuh lo ding maw?” tiah a ti.

12 Cule a siahhlawhpawl lakih pakhat in, “Zohman an ṭang lo, Maw siangpahrang ka bawipa, Israel ram ih a um mi profet Elisha lawngin na ihnak pindan ih na ṭawng mi ṭawngkampawl tla Israel siangpahrang a sim ṭheu a si,” tiah a ti.

13 ^aCule anih in, “Mi ka thlah ih, ka kaihngah thei nak dingah, feh uhla, khuiah a um ti va thlingthla uh,” tiah a ti.

6:13^a Sem 37:17

Cule, “Zoh hnik, Dothan khua ah a um,” tiah amah cu an sim.

14 Curuangah cu tawkah rangpawl le rang lêngpawl le ralkap tam zet a thlah, cule annih cu zan ah an thleng ih, khua cu an kulh. 15 Cule Pathian miih siahhlawh cu zing ten a tho ih a va suak, zoh hnik, ralkappawl cun khua cu rangpawl le rang lêngpawl thawn an kulh. Cule a siahhlawh in a hnenah, “Ai maw, ka bawipa! Ziangtin so kan ti ding?” tiah a ti.

16 ^aCun anih in, “Ṭih hlah, ziangahtile kan lam ṭangtupawl cu an lam ṭangtupawl hnakin an tamsawn a si,” tiah a ti. 17 ^bCule Elisha cu thla a cam ih, “Jehovah, amah in a hmuh thei nak dingah a mitvângter hram aw,” tiah a ti. Cun Jehovah in tlangvalpaih mit cu a vângter, cule a hmu. Cun zoh hnik, Elisha kiangkap hmuahhmuah ah tlang cu rangpawl le meisa rang lêngpawl in an khat reprep. 18 ^cCule a hnenih Siria-mipawl an ra suk tikah, Elisha cu Jehovah hnenah thla a cam ih, “Hi miphunpawl hi mitcâwtnak in vaw hai hram aw,” tiah a ti. Cule anih in Elisha-ih ṭawngkam vekin, mitcâwtnak in a vuak hai.

6:16^a 2San 32:7-8; Sam 55:18; Rom 8:31; 1Joh 4:4

6:17^b Sam 34:7

6:18^c Sem 19:11; Apo 13:11

19 Cun Elisha in an hnenah, “Himi cu lamzin a si lo, khawpi khal a si lo. I thlun uhla, nan hawl mi pa hnenah ka lo hruai ding,” tiah a ti hai. Samaria lam sawnah anmah cu a hruai.

20 ^aCule hitin a si, Samaria an luh tikah, Elisha in, “Jehovah, an hmuh thei nak dingah hipawlih mitvângter aw,” tiah a ti. Cule Jehovah in an mit a vângter ih Samaria khaw sungih um an si ti an hmu!

6:20^a 2Sp 6:17

21 Cun Israel siangpahrang in anmah cu a hmu hai ih anih in Elisha hnenah, “Ka pa, ka that hai pei maw? Ka that hai pei maw?” tiah a ti.

22 ^aAsinan anih in, “Na that hai lo pei. Na ralnâm le na thál in na ralkaih mi na that ding maw? An ei, an in ih an bawipa hnenih an feh thei nak dingah an hmaiah rawl le tidai hŭn hai aw,” tiah a ti. 23 Cun an hrangah puai ropi a timtuah ih, an ei, an in hnuah anmah cu a thlahliam hai, cule an bawipa hnenah an feh. Cutin Siria-mi misîmtupawl cu Israel ram ah an ra nawn lo.

6:22^a 2San 28:8-15

Siria-mipawl in Samaria an Kulh

24 ^aCule himi hnuah hitin a si, Siria siangpahrang Ben-Hadad in a ralkap zaten a khawm, cule a hung so ih Samaria a kulh. 25 ^bCule Samaria ah mangṭam nasa zet a tlung, cun zoh hnik, lāk lu pakhat cu ngun shekel 80 in le thuro êk ^ckab hmun li ṭhen ih hmun khat cu ngun shekel nga ih zuar a si tiang an kulh ringring.

6:24^a 1Sp 15:18

6:25^b Pui 26:26; Isa 36:12

6:25^c kab: Kab khat cu no li hrawng a si.

26 Cun Israel siangpahrang cu khaw kulh parih a feh rero laiah a hnenah nunau pakhat a ausuak ih, “In bawm aw, ka bawipa, Maw siangpahrang!” tiah a ti.

27 Cule anih in, “Jehovah in a lo băwm lo ahcun, khui tawkah so na hrangah băwmnak ka hmuh ding? Hruih hmun ihsin maw, sabit sawrnak khur ihsin so?” tiah a ti. 28 Cun siangpahrang in cu nu hnenah, “Ziang in so a lo buaiter?” tiah a ti.

Cule anih in, “Hih nunaunu in ka hnenah, ‘Tuihsun ah kan ei dingah na fapa hi thawh aw, cule thaizing ah ka fapa kan ei ding,’ tiah i ti. 29 ^aCuruangah ka fapa cu kan suang ih kan ei. Cule a thaisun ah cu nu hnenah, ‘Kan ei dingah na fapa thawh ve thlang aw,’ tiah ka ti; asinan anih in a fapa cu a thup,” tiah a ti.

6:29^a Pui 26:29; Dnp 28:53-55

30 ^aCule hitin a si, siangpahrang in nunaunuih ṭawngkampawl a theih tikah, a hnipuan a thlek, cule khaw kulh parih a feh rero laiah mipi in amah cu an thlir ih, zoh hnik, sung hruh ah a taksa depah buri hnipuan a hruk. 31 ^bCun anih in, “Tuihsun ah Shafat-ih fapa Elisha-ih lu cu a parih a um hrih asile, Pathian in cu vekin i tuah seh, cuhnakih nasa khalin!” tiah a ti.

6:30^a Sem 37:34

6:31^b 1Sp 19:2

32 ^aAsinan Elisha cu a inn sungah a to, cule upapawl a zawngah an to. Cun siangpahrang in a hmaiah mi pakhat a thlah, asinan a hnenih palai a thlen hlanah upapawl hnenah, “Hi laithat fapa in ka lu lahlo dingin ziangti vekin mi a rak thlah ti nan thei maw? Zoh hnik uh, palai a thlen tikah sângka khar uhla, sângka ah amah rak kaibĕt uh. A dung ihta cu a bawipaih ke thâwm a si lo maw?” tiah a ti.

6:32^a 1Sp 18:4; Eze 8:1

33 ^aCule an hnenih a ṭawng rero laiah, zoh hnik, palai cu a hnenah a thleng. Cule siangpahrang in, “Thungaiten hi vanduainak cu Jehovah hnen ihsin a si, Jehovah cu ziangah so maw ka hngah hrih ding?” tiah a ti.

6:33^a Job 2:9-10; Isa 40:31

7

1 ^aCun Elisha in, “Jehovah-ih kamsuakthu ngai aw, Jehovah in hitin a ti: ‘Thaizing atu tikcu ah sangvut phut pung hrek cu shekel khat ah le barli sangvut pung khat cu shekel khat ah Samaria kăwtka ah zuar a si ding,’ tiin a ti,” tiah a ti.

7:1^a 2Sp 7:18

2 ^aCule siangpahrang ih a kut a hngauhsan mi hotu pakhat in Pathian mi cu a sawn ih, “Zoh hnik, Jehovah in van ah tukvirhpawl a tuah hmanah hi thil cu a cang thei ding maw?” tiah a ti.

7:2^a Sem 7:11; 2Sp 7:19; Mal 3:10

Cule anih in, “Thungaiin, na mit in na hmu tengteng ding, asinan cumi ihta na ei lo ding,” tiah a ti.

Siria-mipawl an Tlân

3 ^aCun kăwtsuah ah miphar pali an um, cule pakhat le pakhat, “Ziangah so maw kan thih tiang, hi tawkih kan to rero ding? 4 ^b‘Khawpi sungah kan lut ding,’ ti sehla khawpi sungah mangṭam a um si ih, cu tawkah kan thi zik si. Cule hi tawkih kan to a si khalle kan thi thotho zik si. Curuangah atu-ah, ra uh, Siria ralkappawl hnenah ap-aw uhsi. Annih in nungdamih in ret asile, kan nung pei ih, in thah asile kan thi mai pei,” tiah an tiaw. 5 Cule Siria-mipawlih ṭanhmun khuarnak ih feh dingin khawthim zawngah an tho ih, Siria-mipawlih ṭanhmun khuarnak tăwntir an va thlen tikah, zoh hnik, cu tawkah zohman an um lo. 6 ^cZiangahtile Bawipa in Siria-mipawl cu rang lêngpawl thâwm le rangpawl thâwm, ralkap tam zet thâwm a theiter hai, cule pakhat le pakhat, “Zoh hnik, Israel siangpahrang in kanmah do dingah Heth-mipawlih siangpahrangpawl le Izip-mipawlih siangpahrangpawl a ruai a si hi!” tiah an tiaw. 7 ^dCuruangah annih cu an tho ih, khawthim zawngah an tlân, cule an thlampawl, an rangpawl, an lākpawl tlansan le an ṭanhmun khuarnak tiang a kel vek ten tânin an nunnak dingah an tlân. 8 ^eCule hi mipharpawl cu ṭanhmun khuarnak tăwntir an thlen tikah, thlam pakhat sungah an lut ih an ei ih an in, cun cumi ihsin ngun le sui le hnipuan an phur, cule an feh ih an thup. Cule an kirsal ih, thlam dangah an feh ih cu tawk ihsi khalin ziangmaw zat an la, cule an feh ih an thup.

7:3^a Pui 13:45-46; Mip 5:2-4

7:4^b Est 4:16

7:6^c Suah 14:24; Mip 13:29; 2San 12:2-3; Jer 46:21

7:7^d Lai 7:21; Sam 48:4-6; Thf 28:1; Isa 30:17

7:8^e Jos 7:21

9 ^aCun pakhat le pakhat, “Thil kan tidik lo. Tuihni hi thuthang ṭha thlen ni a si ih, daiteih kan um men hi. Zing khawvan tiang kan hngah a si ahcun, kan parah dāntatnak a thleng ding. Curuangah atu-ah, ra uh, feh uhsi la, siangpahrang sungkua sim uhsi,” tiah an tiaw. 10 Cule an feh ih khawpi kăwtka kiltupawl an ko ih an sim, “Siria-mipawlih ṭanhmun khuarnak ah kan feh ih, zoh hnik uh, zohman an um lo, minung thâwm a um lo, hren mi rangpawl, lākpawl le a kel vek teih um thlampawl lawng an um,” tiah an ti. 11 Cule kăwtka kiltupawl in an kosuak ih, a sungih siangpahrang sungkua cu an sim.

7:9^a Fil 2:4

12 ^aCun siangpahrang cu zan ah a tho ih, a siahhlawhpawl hnenah, “Atu-ah Siria-mipawl in kan hnenih an tuah mi ka lo sim ding. Annih in kan ril a râwng ti an thei, curuangah ramlak ah relh dingin ṭanhmun khuarnak ihsin an fehsuak, ‘Khawpi ihsin an ra suah tikah nung cingin anmah kan kai ding ih, khawpi sungah kan lut ding,’ an ti a si,” tiah a ti.

7:12^a Jos 8:4-8

13 Cule a siahhlawhpawl lakih pakhat in a sawn ih, “Zangfahten, mipa ziangmaw zat in khawpi sungih a tāng mi rangpawl lak ihsin a tāng lai mi panga hruai hai seh. Zoh hnik, annih cu khawpi sungih a tāng mi Israel mipi zate tluk simaw, siatrálter a si mi, Israel mipi zate bangtuk an si ding. Curuangah anmah cu thlah uhsi la, zoh uhsi,” tiah a ti.

14 Curuangah rangpawl thawn rang lêng pahnih an hruai ih, siangpahrang in anmah cu Siria ralkappawl dungah a thlah hai ih, “Fehin va zoh uh,” tiah a ti. 15 ^aCule Jordan tiva tiang an dung ihsin an feh ih, zoh hnik, zinpi zaten sinfenpawl le an manhlap ruangih Siria-mipawl ih an hlăwn mi hriamhreipawl in a khat. Cule palaipawl cu an kir ih siangpahrang an sim.

7:15^a Jon 1:5

16 ^aCun mipi cu an fehsuak ih Siria-mipawlih ṭanhmun khuarnak cu an răm. Cule Jehovah-ih kamsuakthu vekin, sangvut phut pung hrek cu shekel khat ah le barli sangvut pung khat cu shekel khat ah an zuar. 17 ^bCun siangpahrang ih a kut a hngauhsan mi bawi cu kăwtka ṭuanvo latu ah a ruat. Asinan a hnenih siangpahrang a rat laiih a ṭawngtu Pathian mi ih a rak sim bangin, mipi in amah cu kăwtka ah an pál ih a thi.

7:16^a Mip 23:19; 2Sp 7:1

7:17^b 2Sp 7:2; Mik 7:10

18 Cule Pathian mi in siangpahrang hnenah, “Barli sangvut pung khat cu shekel khat ah le sangvut phut pung hrek cu shekel khat ah thaizing tu vek tikcu ah Samaria kăwtka ah zuar a si ding,” tiih a ti tikah, 19 cuih bawi in Pathian mi cu a let ih, “Atu-ah zoh hnik, Jehovah in van ah tukvirhpawl tuah hman sehla, cuvek thil a cang thei pei maw?” tiin a rak let.

Cule anih in, “Thungaiten, na mit in na hmu ding nân, cumi ihta na eingah lo ding,” tiin a ti. 20 Cule a parah cuti vek cekci cun a thleng, ziangahtile amah cu mipi in kăwtka ah an pál ih, a thi.

8

Shunemnuih Ló Pekkirsalnak

1 ^aElisha in a fapa a nunter mi nunaunu hnenah a sim ih, “Tho awla feh aw, nangmah le na sungkua cu, na um thei nak hmun pauhpauh ah va cām uh. Ziangahtile Jehovah in mangṭam a ko zo ih, ram sungah kum sarih sung a thleng ding,” tiah a ti. 2 Cule nunaunu cu a tho ih Pathian mi ih sim vekin a tuah, cule a sungkua thawn a feh ih Filisṭia-mipawlih ram ah kum sarih sung an va cêng.

8:1^a Sem 12:10; Dnp 28:22; Rut 1:1

3 Kum sarih a cem tikah, hitin a si, nunaunu cu Filisṭia-mipawlih ram ihsin a kir ih a inn hrang le a ló hrang siangpahrang dil dingin a feh. 4 ^aCule siangpahrang in Pathian miih siahhlawh Gehazi cu a bia ih, “Zangfahten, Elisha ih thil ropi a tuah mipawl zaten i sim aw,” tiah a ti. 5 ^bCun hitin a si, Elisha in mithi a nuntersal thu Gehazi in siangpahrang a sim rero laiah, zoh hnik, a fapa a nuntersal mi nunau cun siangpahrang hnenah inn le ló a ra dil. Cule Gehazi in, “Ka bawipa, Maw siangpahrang, hi nunaunu hi a si, hihi a fapa, Elisha ih a nuntersal mi cu a si,” tiah a ti. 6 Cule siangpahrang in nunaunu a suh tikah, nunaunu cun a sim.

8:4^a 2Sp 4:12

8:5^b 2Sp 4:25-31, 36

Cun siangpahrang in cu nuih hrangah bawi pakhat a ruat ih, “Cu nuih ta hmuahhmuah le ram a suahsan ni ihsin tu tiangih ram in a suah mi zaten pesal thluh aw,” tiah a ti.

Ben-Hadad Thihnak

7 ^aElisha cu Damaskas ah a ra, cule Siria siangpahrang Ben-Hadad cu a dam lo. Cule, “Hi tawkah Pathian mi a thleng,” tiah amah cu an sim. 8 ^bSiangpahrang in Hazael hnenah, “Na kut in laksawng keng awla, Pathian mi táwng dingin feh aw, cule amah hmangin, ‘Hih nathri ihsin ka damsal pei maw?’ tiah Jehovah sut aw,” tiah a ti. 9 Cutin Hazael cu amah táwng dingin a feh ih, a zawngah laksawng, Damaskas-ih thil ṭha tinkim, kalauk 40 phur a keng. Cule a va thleng ih Pathian mi hmaiah cun a ding, cule, “Na fapa Ben-Hadad, Siria siangpahrang in, ‘Hih nathri ihsin ka damsal pei maw?’ tiin na hnenah i thlah,” tiah a ti.

8:7^a 1Sp 20:1

8:8^b Sem 32:20; Lai 18:5; 1Sam 9:7-8; 1Sp 19:15

10 ^aCule Elisha in a hnenah, “Feh aw, ‘Na damsal tengteng ding,’ tiin amah sim aw. Sikhalsehla a thi hrimhrim ding, ti Jehovah in i rak hmuh zo,” tiah a ti. 11 ^bCun anih cun a ning a zah tiangin a hmai a zoh ringring ih Pathian mi cu a ṭap.

8:10^a Isa 38:1

8:11^b Luk 19:41

12 ^aCule Hazael in, “Ziangah ka bawipa cu a ṭap?” tiah a ti.

8:12^a Sem 34:29; 1Sp 19:17; 2Sp 13:3, 7; Hos 13:16; Amo 1:3-5; Luk 19:44

Anih in, “Ziangruangahtile Israel tefapawl hnenih na tuah ding mi thil ṭha lo ka thei: an ral hruangkulhpawl meisa in na ur ding ih, an tlangvalpawl cu ralnâm in na that ding, cule an fātepawl na hlăwn ding ih, naupai mi nunaupawl cu na raitlek hai ding,” tiah a sawn.

13 ^aCule Hazael in, “Na siahhlawh, uico men hin hivek thil nasa a tuah ding maw si?” tiah a ti.

8:13^a 1Sam 17:43; 2Sam 3:8; 1Sp 19:15

Cule Elisha in, “Siria tlunah siangpahrang ah na cang ding, ti Jehovah in i rak hmuh zo,” tiah a sawn.

14 Cun anih cu Elisha hnen ihsin a suak ih, “Elisha in na hnenah ziang a sim?” titu a bawipa hnenah a thleng.

Cule anih in, “Na dam tengteng ding i ti,” tiah a sawn. 15 Asinan a thaisun ah hitin a si, anih cun puan sahpi a la ih tidai ah a hnīm, cule a thih thei nak dingah cumi cun a hmai a tuamsak; cule a aiawhin Hazael a lal.

Judah Siangpahrang Jehoram

16 ^aCule Israel siangpahrang Ahab-ih fapa Joram a lal kum ngatnak ah Judah siangpahrang Jehoshafat-ih fapa Jehoram lal a thawk (cu laiah Jehoshafat cu Judah siangpahrang a si). 17 ^bSiangpahrang a hung si tikah Jehoram cu kum 32 a si ih, Jerusalem ah kum riat sung a lal. 18 ^cCule Ahab sungza ih an rak tuah vekin, anih cun Israel siangpahrangpawlih lamzin a zawh, ziangahtile nupi ah Ahab-ih fanu a nei; Jehovah-ih mithmuh ah thil ṭha lo a tuah. 19 ^dCuti cingin a siahhlawh David ruangah, amah le a fapapawl hnenah tlaitluanin meito pek a rak tiamkam vekin, Jehovah in Judah ram cu siatsuah a duh lo.

8:16^a 2San 21:1-4

8:17^b 2San 21:5

8:18^c 2San 21:6

8:19^d 2Sam 7:12-15; 21:17; 2San 21:7

20 ^aAmai san ah Edom cu Judah-ih thuneihnak dokalhin a hél ih, anmah uktu ding siangpahrang an tuah. 21 Cule Joram cu a rang lêngpawl hmuahhmuah thawn Zair khua ah a feh. Cun zan ah a tho ih, amah le a rang lêng ralbawipawl kulhtu Edom-mipawl cu a do ih ralkappawl cu anmai thlampawl ah an tlânsia. 22 ^bCuti vekin Edom cu tuihni tiangin Judah-ih thuneihnak dokalhin a hél. Cule cuih cān ah Libnah khua khal an hél ve.

8:20^a 1Sp 22:47

8:22^b Sem 27:40; Jos 21:13; 2Sp 8:22

23 Cun a tāng lai mi Joram-ih căngvaihnakpawl le a tuah mi zaten Judah siangpahrangpawlih san siarnak cazual ah ngan an si lo maw? 24 ^aCun Joram cu a pupápawl hnenah a cawl ih, David-ih Khawpi ah a pupápawl hnenah phum a si. Cun a fapa Ahaziah cu a aiah a lal.

8:24^a 2San 21:20; 22:1

Judah Siangpahrang Ahaziah

25 Israel siangpahrang Ahab-ih fapa Joram a lal kum hleihnihnak ah Judah siangpahrang Jehoram-ih fapa Ahaziah lal a thawk. 26 ^aSiangpahrang a can tikah, Ahaziah cu kum 22 a si ih, Jerusalem ah kum khat a lal. A nuih hmin cu Athaliah, Israel siangpahrang Omri-ih fanu a si. 27 ^bCule anih cu Ahab sungza-ih lamzin a zawh, Ahab sungza bangin, Jehovah-ih mithmuh ah thil ṭha lo a tuah, ziangahtile amah cu Ahab sungza mâkpa a si.

8:26^a 1Sp 16:23; 2San 22:2

8:27^b 1Sp 16:30-33; 2San 22:3-4

28 ^aCule anih cu Siria siangpahrang Hazael do dingin Ahab-ih fapa Joram hnenah Ramoth Gilead khua ah a feh, cule Siria-mipawl in Joram cu an tuahmawh. 29 ^bSiangpahrang Joram cu Siria siangpahrang Hazael a do tikih, Siria-mipawl in Ramah khua ih hma an baih mi hriamhmapawl ihsin damsal dingah Jezreel khua ah a tlungkir. Cule Jehoram-ih fapa Judah siangpahrang Ahaziah cu Jezreel khua ah Ahab-ih fapa Joram a nat ruangah veh dingin a suk.

8:28^a Dnp 4:43; 2San 22:5

8:29^b 1Sp 19:15, 17; 2San 22:6

9

Israel Siangpahrang Jehu

1 ^aCule Elisha in profet fapapawl lakih pakhat a ko ih a hnenah, “Na tâi khap awla, na kut ah hi hriak bâwm hi keng aw, cule Ramoth Gilead khua ah feh aw. 2 Cun cuih hmun na thlen tikah, Nimshi fa Jehoshafat-ih fapa Jehu va hawlsuak aw, cule va lut awla, a unaupawl lak ihta thoterin, pindan sungta ah amah cu hruai aw. 3 ^bCun hriak bâwm la awla, a lu parah burh aw, cule, ‘Jehovah in hitin a ti: “Israel tlunih siangpahrang ah hriak ka lo thih zo,” tiin,’ ti aw. Cun sângka áwng awla tlân aw, muangcâng hlah,” tiah a ti.

9:1^a 1Sam 10:1, 5; 1Sp 18:46

9:3^b 1Sp 19:16; 2San 22:7

4 Cun profet-ih siahhlawh tlangval cu Ramoth Gilead khua ah a feh. 5 Cule a va thlen tikah, cu tawkah ralbawipawl an rak tokhawm ih anih in, “Ralbawi pa, na hrangah thucah ka nei,” tiah a ti.

Jehu in, “Kanmah lakih zo bik saw?” tiah a ti.

Cule anih in, “Ralbawi pa, nangmah hrangah,” tiah a ti. 6 ^aCun a tho ih inn sungah a lut. Cule a lu parah hriak a burh ih a hnenah, “Israel-ih Pathian Jehovah in hitin a ti: ‘Jehovah-ih minungpawl tlun, Israel tlunih siangpahrang ah hriak ka lo thih zo. 7 ^bKa siahhlawh profetpawlih thisen le Jezebel kut ih Jehovah-ih siahhlawhpawl hmuahhmuah ih thisen phuba ka lâk thei nak dingah, na bawi Ahab sungza na that pei. 8 ^cZiangahtile Ahab sungza pumpi cu an hloral ding a si, cule Israel ram ih mipa zaten, sál siseh, miluat siseh, Ahab ihsin ka sâtcat thluh ding. 9 ^dCuti cun Ahab sungza cu Nebat-ih fapa Jeroboam-ih sungza le Ahijah fapa Baasha-ih sungza vekah ka tuah ding. 10 ^eUicopawl in Jezebel cu Jezreel leilung parah an ei ding ih, amah phumtu ding zohman an um lo ding,’ tiin,” tiah a ti. Cule sângka a áwng ih a tlân.

9:6^a 1Sp 19:16; Dan 4:17

9:7^b Dnp 32:35, 43; 1Sp 18:4; Thu 6:10

9:8^c 1Sp 14:10

9:9^d 1Sp 14:10-11; 15:29; 16:3-4

9:10^e 1Sp 21:23

11 ^aCun Jehu cu a bawipaih siahhlawhpawl hnenah a ra suak ih mi pakhat in a hnenah, “Ziangkim a ṭha maw? Ziangah so hi mi-â pa hi na hnenih a rat?” tiah a ti.

9:11^a Jer 29:26; Joh 10:20

Cule anih in an hnenah, “Nannih in cu pa le a sim mi thu cu nan theih kha,” tiah a ti.

12 Cule annih in, “Kan thei lo! Atu-ah in sim aw,” tiah an ti.

Cun anih in, “Cutin khatin ka hnenah a ṭawng, ‘Jehovah in hitin a ti: Israel tlunih siangpahrang ah hriak ka lo thih zo,’ tiin, a ti,” tiah a ti.

13 ^aCun mi kip mai sinfen ciar an hlit hlauhhlo ih, kailawn tlun amai hnuaiah an phah, cule tuu pa ki an phaw ih, “Jehu cu siangpahrang a si!” tiah an ti.

9:13^a 2Sam 15:10; Mat 21:8; Luk 19:36

Israel Siangpahrang Joram Thah a Si

14 ^aNimshi fa Jehoshafat-ih fapa Jehu in Joram a phiarthup. Joram cun Ramoth Gilead khua cu amah le Israel miphun zate thawn Siria siangpahrang Hazael lak ihsin a hum. 15 ^bAsinan Siangpahrang Joram cu Siria siangpahrang Hazael thawi an doawk laiih, Siria-mipawl ih an rak tuahmawh mi hriamhma kha tidamaw dingin Jezreel ah a kir. Cule Jehu in, “Cumi cu nan lungput a si ahcun, zohman Jezreel khua ah hi thu hi sim dingah khua ihsin fehsuakter hlah uh,” tiah a ti. 16 ^cCule Jehu cu rang lêng parah a to ih Jezreel ah a feh, ziangahtile cu tawkah Joram cu hlŭm a si, cule Judah siangpahrang Ahaziah cu Joram zoh dingah a rung suk.

9:14^a 2Sp 8:28; 2San 22:5

9:15^b 2San 22:6

9:16^c 2San 22:7

17 ^aCule Jezreel-ih ral vennak parah kiltu pakhat a dīng ih, anih cun Jehu-ih hopawl ra thleng a hmu ih, “Mipa rual ka hmu,” tiah a ti.

9:17^a 1Sam 16:4; Isa 21:6

Cule Joram in, “Anmah táwng dingah rang ralkap pakhat thlah awla, ‘Remdaihnak a simaw?’ va ti seh,” tiah a ti.

18 Cutin rang ralkap cu amah táwng dingin a feh ih, “Siangpahrang in hitin a ti: ‘Remdaihnak a simaw?’ tiin,” tiah a than.

Cule Jehu in, “Remdaihnak cu nang ih theih ding ziang a um? Heraw awla i thlun aw,” tiah a ti.

Cule ralvengtu in, “An hnenah palai a feh nân a kirsal lo,” tiah a ti.

19 Cun a pahnihnak rang ralkap a thlah leh sal ih, an hnenah a va thleng, cule, “Siangpahrang in hitin a ti: ‘Remdaihnak a simaw?’ tiin,” tiah a ti.

Cule Jehu in, “Remdaihnak cu nang ih theih ding ziang a um? Heraw awla i thlun aw,” tiah a sawn.

20 ^aCule ralvengtu in a phuang ih, “An hnenah a va feh ih a kirsal lo, a mawndān cu Nimshi-ih fapa Jehu ih mawndān vek a si, ziangahtile anih cun nasa takin a mâwng!” tiah a ti.

9:20^a 2Sam 18:27

21 ^aCun Joram in, “Timtuahaw uh,” tiah a ti. Cule a rang lêng cu tiar cia in tuah a si. Cun Israel siangpahrang Joram le Judah siangpahrang Ahaziah cu anmai rang lêng vevein an fehsuak. Jehu táwng dingin an fehsuak ih, Jezreel-mi Naboth-ih hmuan ah amah cu an va táwng. 22 ^bCule hitin a si, Joram in Jehu a hmuh tikah, “Jehu, remdaihnak a simaw?” tiah a ti.

9:21^a 1Sp 21:1

9:22^b 1Sp 16:21, 30; 18:19; Thu 2:20

Cule anih in, “Na nu Jezebel-ih hlawhhlannak le a thilcam thiamnak a tam tuk laiah ziang remdaihnak so maw a um ding?” tiah a ti.

23 ^aCun ^bJoram cu a heraw ih a tlân, cule Ahaziah hnenah, “Ahaziah, phiarthupnak a si!” tiah a ti.

9:23^a 2San 23:13

9:23^b Joram: Câng 24 ih Jehoram kha a si.

24 ^aCule Jehu in a tha neih hmuah in a thál a nawp ih Jehoram-ih liang le liang karlakah a saingah, cule thál fung cu a lung ah a tlăngsuak, amah cu a rang lêng ah a tlu. 25 ^bCun Jehu in a ralkap hotu Bidkar hnenah, “Amah cu la awla, Jezreel-mi Naboth-ih ló ah hlăwn aw, ziangahtile nangmah le keimah in a pa Ahab dungih rang parih kan to laiah a parah Jehovah-ih thucah kha mang aw. 26 ^cJehovah in, ‘Thungaiten, mizansun ah Naboth-ih thisen le a fapapawlih thisen ka hmu, Jehovah in a ti, hih hmun ah phuba ka lo sam ding,’ tiah a ti leh. Curuangah atu-ah, Jehovah-ih kamsuakthu vekin amah cu la awla, hi hmun ah hin hlăwn aw,” tiah a ti.

9:24^a 1Sp 22:34

9:25^b 1Sp 21:19-22

9:26^c 1Sp 21:19, 29

Judah Siangpahrang Ahaziah Thah a Si

27 ^aCumi cu Judah siangpahrang Ahaziah in a hmuh tikah, Beth Haggan zinpi lamah a tlân. Cule amah cu Jehu in a dawi ih, “Rang lêng sungah amah khal sai uh,” tiah a ti. Cule Ibleam kiang, Gur lam sohnak ah amah cu an sai. Cun amah cu Megiddo ah a tlân ih, cu tawkah a thi. 28 ^bCule a siahhlawhpawl in amah cu rang lêng in Jerusalem ah an phur ih, amai thlān ah, a pupápawl hnenah, David-ih Khawpi ah an phum. 29 ^cAhab-ih fapa Joram a lal kum hleikhatnak ah Ahaziah cu Judah tlunah siangpahrang ah a cang.

9:27^a Jos 17:11; 2San 22:7-9

9:28^b 2San 35:24

9:29^c 2San 22:1

Thih Sia in Jezebel a Thi

30 ^aJehu cu Jezreel ah a thleng ti Jezebel in hna in a theih tikah a mit a ṭialter ih a lu a cei, cule tukvirh ihsin a cuan. 31 ^bCun Jehu cu kăwtka ah a lut ih Jezebel cun, “Remdaihnak a simaw, Zimri, na bawipa thattu?” tiah a ti.

9:30^a Jer 4:30; Eze 23:40

9:31^b 1Sp 16:9-10; 2Sp 9:18-22

32 ^aCule anih in tukvirh lam cu a hun zoh ih, “Zo si ka lamih ṭang? Zo a si?” tiah a ti. Cule tilper mi pahnih maw pathum simaw in amah cu an hei zoh.

9:32^a Suah 32:26

33 ^aCun anih in, “Jezebel cu hlăwnthla uh,” tiah a ti. Cule annih in amah nu cu an hlăwnthla ih a thisen hrekkhat cu khaw kulh parah le rangpawl parah an ṭekdarh, cule amah cu a ke hnuaiah a pal. 34 ^bCule anih cu a lut ih a ei ih a in. Cun anih in, “Atu-ah feh uh, hi camsiat mi nunaunu hi va zohfel uhla phum uh, ziangahtile amah cu siangpahrang fanu a si,” tiah a ti. 35 Cule amah phum dingin an feh, asinan a lu ruh le a kepawl le a kut zaphakpawl ti lo cu a dang an hmu nawn lo. 36 ^cCuruangah an ra kirsal ih amah cu an sim. Cule anih in, “Himi hi Jehovah-ih kamsuakthu, a siahhlawh Tishbi-mi Elijah hmangih a sim mi a si, ‘Jezreel leilung parah uicopawl in Jezebel-ih sa an ei ding ih, 37 ^dJezebel-ih ruak cu Jezreel hmun ah, ló parih êk vek a si ding, cutin “Hi tawkah Jezebel a um,” an ti lo ding,’ tiih a sim mi kha a si,” tiah a ti.

9:33^a 2Sp 7:20

9:34^b 1Sp 16:31

9:36^c 1Sp 21:23; Sam 68:23

9:37^d Sam 83:10; Jer 8:2

10

Ahab-ih fapa 70 Thah an Si

1 ^aAhab in Samaria ah fapa 70 a nei. Cule Jehu in ca a ngan ih Samaria ah, Jezreel khaw uktupawl hnen, upapawl hnen le Ahab-ih fapa kilkhawitupawl hnenah, 2 “Hi cakuat nan hnen a thlen veten, nan bawipaih fapapawl nan zawngah an um ih, rang lêngpawl le rangpawl siseh, kulh mi khawpi le hriamhreipawl khal nan neih ruangah, 3 ^bnan bawipaih fapapawl lak ihsin a tlingbik mi hril uhla a paih laltokham ah toter uh, cule nan bawipaih innsang hrangah do uh,” tiin ca a kuat.

10:1^a Lai 8:30; 1Sp 16:24

10:3^b 2Sam 2:8-10

4 ^aAsinan annih cun nasa tukin an ṭih ih, “Zoh hnik uh, siangpahrang pahnih hmanih an doh thei lo mi cu kannih in ziangtin saw kan do thei ding?” tiah an ti. 5 ^bCule cuih inn hohatu, khawpi ṭuanvo neitu, upapawl le fapapawl rak kilkhawitupawl in Jehu hnenah mi an thlah ih, “Kannih cu na siahhlawh kan si, in fial mi zaten kan tuah ding; asinan siangpahrang ah zohman kan tuah lo ding. Na mithmuh ih ṭha na ti mi tuah aw,” tiah an ti.

10:4^a 2Sp 9:24, 27

10:5^b Jos 9:8, 11

6 ^aCule anih in a vei hnihnak an hnenah, “Nannih cu keimai hrang nan si ih ka aw nan ngaithlak asile, nan bawipaih fapapawlih lupawl la uhla, thaizing atu tikcu ah Jezreel khua ah ka hnenah ra uh,” tiah ca a ngan.

10:6^a Jos 7:24

Cule siangpahrang fapa 70 pawl cu anmah kilkhawitu khawpi mipawimawhpawl hnenah an um. 7 ^aCule hitin a si, an hnenih ca a thlen tikah, siangpahrang fapapawl cu an kai ih mi 70 pawl cu an that, an lu cu khopawl sungah an ret ih Jezreel khua ah a hnenah an kuat.

10:7^a Lai 9:5; 1Sp 21:21

8 Cun palai pakhat a thleng ih a hnenah a sim, “Siangpahrang fapapawlih lu an rak keng zo,” tiin.

Cule anih in, “Cupawl cu zing lam tiangin kăwtsuah ah pen hnih in pengkhawm uh,” tiah a ti.

9 ^aCule a thaizing ah hitin a si, anih cu a fehsuak ih a ding, cule mipi zate hnenah, “Nannih cu nan dingfel. Zoh hnik uh, ka bawipa ka rak phiar ih amah ka that, asinan hipawl hmuahhmuah thattu hi zo a si? 10 ^bCuruangah Ahab sungza thuhla ih Jehovah ih a sim mi Jehovah-ih kamsuakthu zianghman leilung ah a tla lo ding ti thei uh; ziangahtile Jehovah in a siahhlawh Elijah hmangih a sim mi cu a tuah zo,” tiah a ti. 11 ^cCule Jehu in Jezreel khua ih a tāng mi Ahab sungza hmuahhmuah, a mipawimawhpawl le a rualpi nai pawl le a puithiampawl zaten pakhat hman an tān nawn lo tiangin a that.

10:9^a 2Sp 9:14, 24

10:10^b 1Sp 21:19, 29

10:11^c Job 18:19; Hos 1:4

Jehu in Mi Tampi a That

12 Cule anih cu a tho ih a suak, cule Samaria ah a feh. Lamzin ih, tuu khāltupawlih tuu hmul mehnak ah, 13 ^aJehu in Judah siangpahrang Ahaziah-ih unaupawl a táwng ih, “Zo nan si?” tiah a ti.

10:13^a 2San 22:8

Cule annih in, “Kannih cu Ahaziah-ih unau kan si, siangpahrang fapapawl le siangpahrang bawinuih fapapawl cibai dingah kan rung suk a si,” tiah an sawn.

14 Cule anih in, “A nungin kai hai uh,” tiah a ti. Curuangah anmah cu a nungin an kai ih, tuu hmul mehnak khur ah an that, mipa 42 an si ih an lakih pakhat hman a zuah lo.

15 ^aCule cu tawk ihsin a fehsuak tikah, amah táwn tumtu Rekab-ih fapa Jehonadab cu a táwng, cule amah cu cibai a bûk ih a hnenah, “Ka thinlung cu na thinlung lamih a dik vekin na thinlung a dik maw?” tiah a ti.

10:15^a 1San 2:55; Ezr 10:19; Jer 35:6-10; Eze 17:18

Cule Jehonadab in, “Dik e,” tiah a sawn.

Jehu in, “Cuti asile na kut i san aw,” tiah a ti. Cun a kut a san ih amah cu rang lêng sungah a hnenah a hruai.

16 ^aCun anih in, “Ka zawngah ra awla, Jehovah hrangih ṭhahnem ka ngaizia hi zoh aw,” tiah a ti. Cutin a rang lêng parah amah cu an toter. 17 ^bCule Samaria a thlen tikah, Elijah hnenih a sim mi, Jehovah-ih kamsuakthu vekin, Ahab-ih milai Samaria ih a tāngsŭnpawl zaten a thah thluh hlanlo a that vivo.

10:16^a Mip 25:13; 1Sp 19:10

10:17^b 1Sp 21:21-22

Baal Betupawl Thah an Si

18 ^aCun Jehu cun mipi zaten a khawm ih an hnenah, “Ahab in málte lawng Baal a rian, Jehu in tam zet a rian ding. 19 ^bCuruangah atu-ah, Baal profetpawl zaten, a siahhlawhpawl zaten le a puithiampawl zaten ka hnenah ko uh. Pakhat hman kim lo um hlah hai seh, ziangahtile Baal hrangah thawinak ropi ka nei. A tel lo tu cu zohman an nung lo ding a si,” tiah a ti. Asinan Jehu cu Baal betupawl thah tumin, fimvar zetin a cangvai. 20 ^cCule Jehu in, “Baal hrangah tawnkhawmawknak hleice phuang uh,” tiah a ti. Cule thu an phuang.

10:18^a 1Sp 16:31-32

10:19^b 1Sp 18:19

10:20^c Joe 1:14

21 ^aCun Jehu cun Israel miphun zate hnenah mi a thlah ih, Baal riantupawl zaten an ra thleng, a ra lo mi zohman an um lo. Cule Baal temple sungah an ra thleng ih Baal temple cu khat lam ihsin khat lam tiang an khat ṭheh. 22 Cule thuamawknak ṭuanvo neitu hnenah, “Baal betu zate hrangah thuamawknakpawl kengsuak aw,” tiah a ti. Cule an hrangah thuamawknakpawl a kengsuak. 23 Cun Jehu le Rekab-ih fapa Jehonadab cu Baal temple sungah an lut ih Baal riantupawl hnenah, “Baal betupawl siarlo Jehovah-ih siahhlawhpawl nan hnenah an um maw ti hawl uhla, zoh hnik uh,” tiah an ti. 24 ^bCule thawinakpawl le Meiur Thilhlănpawl hlan dingah an lut. Cule Jehu in amai hrangah mipa 80 a lengah a ruat hai ih, “Nan kut sungih ka rak hruai mi mipapawl lak ihta a tlânsuaktertu cu, cu paih nunnak aiah a nunnak a si ding,” tiah a ti.

10:21^a 1Sp 16:32

10:24^b 1Sp 20:39-42

25 ^aCule hitin a si, Meiur Thilhlăn a hlăn ṭheh veten ralvengtu le ralbawipawl hnenah, “Lut uhla anmah that uh, pakhat hman suakter hlah uh!” tiah a ti. Cule ralnâm hriam in anmah cu an that, cun ralvengtu le ralbawipawl in anmahpawl cu an hlăwnsuak ih Baal temple pindan sungta ah an lut. 26 ^bCule Baal temple ihsin ṭhuamserhpawl an kengsuak ih an ur. 27 ^cCun Baal ṭhuamserhpawl an ṭhiat ih Baal temple an băl, cule cumi cu tuihni tiangin êkinn ah an hmang. 28 ^dCuti cun Jehu in Israel ihsin Baal a siatrálter.

10:25^a Suah 22:20; 1Sp 18:40

10:26^b Suah 23:24; 1Sp 16:31-33

10:27^c 1Sp 16:32

10:28^d 1Sp 19:17

29 ^aSikhalsehla Jehu cu Israel sual tuahtertu Nebat-ih fapa Jeroboam-ih sualpawl cu a bansan cuang lo, cucu Bethel khua le Dān khua ih sui caw pa no pawl biak a si. 30 Cule Jehovah in Jehu hnenah, “Ka mithmuh ah a dik mi tuahin thil ṭha na tuah ih, ka thinlung ih um zaten Ahab sungza ah na rak tuah ruangah, na fapapawl in Israel laltokham parah san litnak tiangin an to ding,” tiah a ti. 31 ^bAsinan Jehu cun a thinlung zaten Israel-ih Pathian Jehovah Dān thlun dingin a ngaihsak lo, ziangahtile Israel sual tuahtertu, Jeroboam-ih sualpawl a tlansan lo.

10:29^a 1Sp 12:28-32

10:31^b 2Sp 15:12

Jehu Thihnak

32 ^aCu laiah Jehovah in Israel-mi mi hrekkhat sahcat a thawk, cule Hazael in Israel ramṭhen, 33 ^bJordan tiva ihsin nisuahnak lam: Gilead ram hmuahhmuah, Gad, Reuben le Manasseh, Arnon tiva kiangih um Aroer ihsin, Gilead le Bashan telin a la vivo. 34 Cule a tāng lai mi Jehu-ih căngvaihnakpawl, a tuah mi hmuahhmuah le a cahnak hmuahhmuah cu Israel siangpahrangpawlih san siarnak cazualpawl ah ngan an si lo maw? 35 Cun Jehu cu a pupápawl hnenah a cawl, cule Samaria ah amah cu an phum. Cun a fapa Jehoahaz cu a aiah a lal. 36 Cule Jehu in Samaria ih Israel a uk sung cu kum 28 a si.

10:32^a 1Sp 19:17; 2Sp 8:12

10:33^b Mip 21:13-15; 32:34; Dnp 2:36; Lai 11:26

11

Judah Siangpahrangnu Athaliah

1 ^aAhaziah-ih nu Athaliah in a fapa a thi ti a hmuh tikah, a tho ih siangpahrang cithlah zaten a that thluh. 2 ^bAsinan Jehosheba, Siangpahrang Joram-ih fanu, Ahaziah-ih unaunu in Ahaziah-ih fapa Joash cu an thah mi siangpahrang fapapawl lak ihsin a thupten a lahlo, cule thah a silonak dingah Athaliah hnen ihsin amah le amah umtu cu ihnak pindan sungah an thup. 3 ^cCule anih cu kum ruk sung amah nu hnenah Jehovah inn ah, cuih ram ih Athaliah a lal sung cu thuh a si.

11:1^a 2Sp 8:26; 2San 22:10

11:2^b 2Sp 12:1; 2San 22:11

11:3^c 2San 22:12

Jehoiada in Joash cu Siangpahrang ah a Tuah

4 ^aA kum sarihnak ah Jehoiada in mi a thlah ih ^bKereth-mipawl le ralvengtupawl lak ihsin ralkap 100 hotupawl a ko hai ih, anmah cu Jehovah inn sungah a hnenah a hruailutter hai. Cule anih cun anmah thawn thukham a tuah ih, Jehovah inn sungah an hnen ihsin thukamnak a la, cule an hnenah siangpahrang fapa cu a hmuh hai. 5 ^cCun anih cun, “Hihi nan tuah ding mi a si: Sabbath ni ih ratupawl, nan lakih ṭhen thum ṭhen khat in siangpahrang inn an kil pei, 6 ^dṭhen thum ṭhen khat in Sur kăwtka, a dang ṭhen thum ṭhen khat in kilvengtupawlih dung kăwtka nan kil pei; inn cu siatter a silonak dingah ṭhaten nan kil pei. 7 ^eNan lakih bur hnih, Sabbath ni ih kiltu ṭuanvo nei lo pawl in siangpahrang hrangah Jehovah inn nan kil pei. 8 ^fAsinan mi kip mai kut ciar ah hriamhrei kengin, a kil kip in siangpahrang nan kulh pei, cule zokhal cuih kulh sungih ra cu thah a si pei. Nannih cu siangpahrang a fehsuak le a luh ah a zawngah nan um ding a si,” tiah thu a pe hai.

11:4^a 2San 23:1

11:4^b Kereth-mipawl: Siangpahrang inn le temple kiltu ralkappawl tinak a si.

11:5^c 1San 9:25; 2San 23:4

11:6^d 2San 23:5

11:7^e 2San 23:6

11:8^f 2San 23:7

9 ^aCule ralkap 100 hotupawl cun puithiam Jehoiada ih thu a pek mi hmuahhmuah bangtukin an tuah. Cule pakhat cio in mai milai cio Sabbath ni ih ṭuanvo nei ding le Sabbath ni ih cawl ding pawl cu an hruai ih, puithiam Jehoiada hnenah an ra. 10 ^bCule puithiam in ralkap 100 hotupawl hnenah Siangpahrang David-ih feipawl le ralphawpawl cu a pe. Cupawl cu Jehovah inn sung ihta an si. 11 ^cCun mi kip in an kut ah hriamhrei an keng ih, siangpahrang cu kulhin, temple vawrh lam kap ihsin temple keh lam kap tiang, biakṭheng le inn kiangah ralvengtupawl cu an ding. 12 ^dCule anih in siangpahrang fapa cu a hruaisuak, a parah lallukhum khumterin le Theihpinak pein siangpahrang ah an tuah ih hriak an thih, cule an kut an beng ih, “Siangpahrang cu a nunkhua sau hram seh!” tiah an ti.

11:9^a 2San 23:8

11:10^b 2Sam 8:7; 2San 23:9

11:11^c 2San 23:10

11:12^d Suah 25:16; 1Sam 10:24; 1Sp 1:39; 2San 23:11

13 ^aCule Athaliah in kilvengtupawl le mipi thâwm a theih tikah, mipi hnen Jehovah inn ah a ra. 14 ^bA zoh tikah, ngai hnik, tidān kel vekin ṭhuam kiangih siangpahrang ding le siangpahrang kiangih ralkap hotupawl le tawtawrawt phawtupawl um cu a hmu. Ram mipi zaten lungawi aipuangin le tawtawrawt phawin an um. Cuti cun Athaliah cun a hnipuan a thlek ih, “Phiarawknak! Phiarawknak!” tiin a au.

11:13^a 2San 23:12

11:14^b Sem 44:13; 1Sp 7:15; 2Sp 23:3; 2San 23:13

15 ^aCule puithiam Jehoiada in ralkap thuneitupawl a si mi, ralkap 100 hotupawl cu thu a pe ih an hnenah, “Hi nu hi kil phahin hruaisuak uhla, amah thluntu zokhal ralnâm in that uh,” tiah a ti. Ziangahtile puithiam in, “Jehovah-ih inn ah cu nu cu that hlah uh,” tiah a ti. 16 ^bCun Athaliah cu an kai ih, anih cu siangpahrang inn ah rangpawl luhnak zinin a feh ih amah cu, cu tawkah thah a si.

11:15^a 2San 23:14

11:16^b Sem 9:6; 2San 23:15; Jer 31:40

Jehoiada in Temple le Uknak a Tawlrel

17 ^aCun Jehoiada in Jehovah le siangpahrang le mipi karlakah, Jehovah-ih mi an sinak dingah thukham a tuah, siangpahrang le mipi karlak khalah. 18 ^bCule cuih ram mipi hmuahhmuah cu Baal temple ah an feh ih, cumi cu an ṭhiatbăl. A biakṭhengpawl le milimpawl cu zâm seksekin an băl thluh ih biakṭhengpawl hmaiah Baal puithiam Mattan an that. Cule puithiam in Jehovah inn ih thuneitu ding pawl a ruat. 19 ^cCun anih in ralkap 100 hotupawl, Kereth-mipawl, ralvengtupawl le ram mipi zaten a hruai hai, cule siangpahrang cu Jehovah inn ihsin an run hruai ih, ralvengtupawlih kăwtka zin ihsin siangpahrang inn ah an feh. Cule anih cu siangpahrangpawlih laltokham parah a to. 20 ^dCutin cuih ram mipi zaten lungawi aipuangin an um, cule Athaliah cu siangpahrang inn ah ralnâm in an rak thah zo ruangah khawpi cu ralmûangin a um. 21 Joash cu siangpahrang a can tikah kum sarih mi a si.

11:17^a Jos 24:25; 2Sam 5:3; 2San 15:12; 23:16

11:18^b Dnp 12:3; 1Sp 16:32-33; 18:40; 2San 23:17-19

11:19^c 2San 23:20

11:20^d 2San 23:21; Thf 11:10

12

Joash in Temple a Rĕm

1 ^aJehu a lal kum sarihnak ah Joash cu siangpahrang ah a cang ih, Jerusalem ah kum 40 a lal. A nuih hmin cu Zibiah, Beersheba khawmi a si. 2 ^bJoash cun puithiam Jehoiada in amah a zirh sung hmuahhmuah cu Jehovah-ih mithmuh ah thil dik a tuah. 3 ^cAsinan hmun sâng pawl cu lâkhlo an si lo, hmun sâng pawl ah mipi an thawiaw ih rimhmui an ur hrih thotho.

12:1^a 2San 24:1

12:2^b Dnp 12:28-32; 2Sam 8:15; 2San 24:2

12:3^c 1Sp 3:3

4 ^aJoash in puithiampawl hnenah, “Jehovah inn sungih rak ken mi serhhran mi thilpek paisa hmuahhmuah, mi kip ih mipum siarnak paisa, mi kip ih nun tlennak paisa le mi in an thinlung ih Jehovah inn sungih ken ding an tumtah mi paisa hmuahhmuah cu, 5 puithiampawl in an hmeltheih hnen ihsin anmai hrangah la hai seh, cule temple siatnakpawl, a siat hmuhnak hmun kip rĕm hai seh,” tiah a ti.

12:4^a Suah 25:2; 30:12-16; 2San 24:5

6 Cule hitin a si, Siangpahrang Joash a lal kum 23-nak tiangah puithiampawl in temple siatnakpawl an rĕm hrih lo. 7 ^aSiangpahrang Joash cun puithiam Jehoiada le puithiam dang pawl a ko ih an hnenah, “Ziangah so temple siatnakpawl nan rĕm lo? Curuangah atu-ah nan hmeltheih hnen ihsin paisa labêt nawn hlah uh, cuhnakin temple siatnakpawl tuahnak hrangah hmangsuak sawn uh,” tiah a ti. 8 Cule puithiampawl cun mipi hnen ihsin paisa cohlang nawn lo dingin le temple siatnakpawl khal rĕm lo dingin an lung a kim.

12:7^a 2San 24:6

9 ^aCun puithiam Jehoiada in kuang a la ih a sīn a vittlăng, cule cumi cu biakṭheng kiang, Jehovah inn sung luhnak vawrh lamah a ret. Cule sângka kiltu puithiampawl in Jehovah inn sungih rak ken mi paisa hmuahhmuah cu tawkah an ret. 10 ^bCule hitin a si, kuang sungah paisa tampi a um ti an hmuh tikah, siangpahrangih cangantu le puithiam lu bik cu an so ih, cumi cu dippawl sungah an săn, cule Jehovah inn sungih hmuh mi paisa cu an siar. 11 ^cCun an tuk mi paisa cu Jehovah inn vilvengtu, hna a ṭuansuaktupawl kut ah an pe. Cule cumi cu Jehovah inn ṭuantu lettamapawl le inn saktupawl hnenah, 12 lungser thiam pawl le lung attupawl hnenah, thing le ser mi lung leinak ah, Jehovah inn siatnak rĕmnak dingah an pesuak. Cule cupawl hmuahhmuah cu temple rĕmnak dingih peksuah mi an si. 13 ^dSikhalsehla Jehovah inn sungih ken mi paisa ihsin Jehovah inn hrangah ngun cawhtawlhpawl, caicehpawl, kheng kûm pawl, tawtawrawtpawl, sui bungruapawl le ngun bungruapawl cu tuah a si lo. 14 ^eAsinan cumi cu hnaṭuantupawl an pe ih, cumi thawn Jehovah inn an rĕm. 15 ^fCuihhleiah paisa an pek mi mipapawl hnen ihsin hnaṭuantupawl pek ding mi paisa hmandān thu an dil lo, ziangahtile annih cun rinumten an tuah. 16 ^gMawh Thilhlănpawl ihsin le Sual Thilhlănpawl ihsin paisa cu Jehovah inn ah ken a si lo, cumi cu puithiampawlih ta a si.

12:9^a 2San 24:8-10; Mar 12:41; Luk 21:1

12:10^b 2Sp 22:4; 2San 24:11

12:11^c 2Sp 22:5-6; 2San 24:12

12:13^d 1Sp 7:48-51

12:14^e 2San 24:13

12:15^f 2Sp 22:7

12:16^g Pui 4:1-35; 5:14-19; 7:7

Joash-ih Uknak Cemnak

17 ^aSiria siangpahrang Hazael cu a so ih Gath khua a do ih, a la. Cun Hazael cu Jerusalem ih feh dingin a hmai a hawi. 18 ^bCule Judah siangpahrang Joash in a pupápawl, Jehoshafat le Jehoram le Ahaziah, Judah siangpahrangpawl ih serhhran mi thil hmuahhmuah le amai serhhran mi thil hmuahhmuah, Jehovah inn le siangpahrang inn hlawnthilpawl lakih hmuh mi sui zaten a la ih, Siria siangpahrang Hazael hnenah a kuat. Cun amah cu Jerusalem ihsin a fehhlo.

12:17^a 2Sp 8:12; 2San 24:23-24

12:18^b 1Sp 15:18, 21

19 Cun a tāng lai mi Joash-ih căngvaihnakpawl le a tuah mi zaten Judah siangpahrangpawlih san siarnak cazualpawl ah ngan an si lo maw?

20 ^aCule a siahhlawhpawl cu an tho ih phiarthupnak an tuah, cule Joash cu Silla pannak zin ih Millo inn ah an that. 21 ^bZiangahtile a siahhlawh Shimeath-ih fapa Jozakar le Shomer fapa Jehozabad in amah cu an vuak ih, a thi; cule David-ih Khawpi ah a pupápawl hnenah an phum. Cun a fapa Amaziah cu a aiah a lal.

12:20^a 2Sam 5:9; 2San 24:25

12:21^b 2San 24:26-27

13

Israel Siangpahrang Jehoahaz

1 Judah siangpahrang Ahaziah-ih fapa Joash a lal kum 23-nak ah Jehu-ih fapa Jehoahaz cu Samaria ah Israel tlunih siangpahrang ah a cang ih, kum hleisarih sung a lal. 2 ^aCule Jehovah-ih mithmuh ah thil ṭha lo a tuah ih, Israel sualtertu, Nebat-ih fapa Jeroboam-ih sualpawl a thlun; cupawl cu a suahsan lo.

13:2^a 1Sp 12:26-33; 14:16

3 ^aCun Israel parah Jehovah-ih thinhengnak cu a alh ih, an dam sung hmuahhmuah Siria siangpahrang Hazael kut ah le Hazael fapa Ben-Hadad kut ah a pek hai. 4 ^bCule Jehoahaz cun Jehovah-ih duhsaknak a hawl, cule Jehovah in amah cu a ngaisak, ziangahtile anih in Israel palbĕtnak cu a hmu, ziangruangahtile Siria siangpahrang in anmah a palbĕt a si. 5 ^cCun Israel cu Siria-mipawlih kut hnuai ihsin an suahnak dingah, Jehovah in runsuaktu a pe, cule Israel tefapawl cu a hlan vekin anmai thlampawl ah an cêng. 6 ^dSikhalsehla Israel sualtertu Jeroboam sungkua ih sualpawl cu tlansan loin, an tuah sawn riangri. Cule Asherah khal Samaria ah a tāng lai. 7 ^eZiangahtile Jehoahaz hnenah rang ralkap mi 50, rang lêng pahra le ralkap 10000 lawng a tâng, ziangahtile Siria siangpahrang in anmah cu a that hai ih, hruih hmun ih leivut vekin anmah cu a tuah.

13:3^a Dnp 31:17; 1Sp 19:17

13:4^b Dnp 4:29; 2San 6:23-24

13:5^c Lai 2:18; Neh 9:27

13:6^d 1Sp 12:26-33; 16:33

13:7^e Isa 41:2

8 Cule a tāng lai mi Jehoahaz-ih căngvaihnakpawl, a tuah mi hmuahhmuah le a cahnak cu Israel siangpahrangpawlih san siarnak cazualpawl ah ngan an si lo maw? 9 Cun Jehoahaz cu a pupápawl hnenah a cawl ih, Samaria ah an phum. Cun a fapa Jehoash cu a aiah a lal.

Israel Siangpahrang Jehoash

10 Judah siangpahrang Joash a lal kum 37-nak ah Jehoahaz-ih fapa Jehoash cu Samaria ah Israel tlunih siangpahrang ah a cang ih, kum 16 sung a lal. 11 Cule anih cu Jehovah-ih mithmuh ah thil ṭha lo a tuah. Israel sualtertu Nebat-ih fapa Jeroboam-ih sualpawl zaten a tlansan lo, cuhnakin cupawl cu a tuah sawn riangri.

12 ^aCule a tāng lai mi Jehoash-ih căngvaihnakpawl, a tuah mi hmuahhmuah le Judah siangpahrang Amaziah a donak cahnak cu Israel siangpahrangpawlih san siarnak cazualpawl ah ngan an si lo maw? 13 ^bCun Jehoash cu a pupápawl hnenah a cawl. Cun a laltokham parah Jeroboam a to. Cule Jehoash cu Israel siangpahrangpawl hnenah Samaria ah phum a si.

13:12^a 2San 25:17-24

13:13^b Hos 1:1

Elisha Thihnak

14 ^aElisha cu a thihpi ding mi natnak in a nâ. Cun Israel siangpahrang Jehoash cu a hnenah a suk ih, a hmaiah a ṭap, “Maw ka pa, ka pa, Israel rang lêngpawl le an rang ralkappawl,” tiah a ti.

13:14^a 2Sp 2:12

15 ^aCule Elisha in a hnenah, “Thál le thál fung hrekkhat la aw,” tiah a ti. Cun anih in thál le thál fungpawl cu a la. 16 Cun anih in Israel siangpahrang hnenah, “Thál parah na kut ret aw,” tiah a ti. Cule cumi parah a kut a ret ih Elisha in siangpahrang kut parah a kut a ret. 17 ^bCule, “Nisuahnak lam tukvirh áwng aw,” tiah a ti ih, anih in a áwng. Cun Elisha in, “Sai aw,” a ti ih, a sai. Cule, “Jehovah-ih runsuahnak thál fung le Siria ihsin runsuahnak thál fung a si, ziangahtile Afek khua ah Siria-mipawl cu hloral tiang na neh hai ding,” tiah a ti. 18 ^cCun anih in, “Thál fungpawl la aw,” tiah a ti, cule anih in a la. Cule anih in Israel siangpahrang hnenah, “Lei sun aw,” a ti ih, anih in vei thum a sun, cule a bâng. 19 Cule Pathian mi cu a parah a thin a heng ih, “Vei nga vei ruk lai sun ding na si nân; cuti si sehla cu Siria-mipawl cu an hlohral tiangin na neh hai ding. Asinan atu-ah cun vei thum lawng Siria na neh ding,” tiah a ti.

13:15^a 1Sam 20:20

13:17^b Jos 8:18; 1Sp 20:26

13:18^c 2Sp 13:25

20 Cun Elisha cu a thi ih an phum. Cule kum thawhtirah^a, Moab misîmtupawl in ram an sîm. 21 ^bCule hitin a si, annih cun mi pakhat an phum rero laiah, zoh hnik, misîmtu bur khat rin lo pi-ah an hmu, cule cu pa cu Elisha-ih thlān ah an hlăwn. Cun cu pa cu an vun thlak ih, Elisha-ih ruhpawl a dai tikah a nungsal ih, a ke in a ding.

13:20^a kum thawhtirah: 2Sam 11:1 zoh aw.

13:21^b Mat 27:52-53

22 ^aCule Siria siangpahrang Hazael in Israel cu Jehoahaz dam sung hmuahhmuah a palbĕt. 23 ^bAsinan Jehovah cu Abraham, Isak le Jakob thawi a thukham ruangah, an parah zangfahnak a nei, a lainat hai ih anmah a ngaihsak, cule anmah cu a hloralter hai lo ih, a hmai ihsin a hlăwn hai hrih lo.

13:22^a 1Sp 19:12; 2Sp 8:12

13:23^b Sem 17:2-7; Suah 2:24; 33:15

24 Cule Siria siangpahrang Hazael cu a thi. Cun a fapa Ben-Hadad cu a aiah a lal. 25 ^aCule Jehoahaz-ih fapa Jehoash in Hazael-ih fapa Ben-Hadad-ih kut ihsin doawknak in a pa Jehoahaz kut ihta a rak lâk mi khawpipawl cu a lasal. Joash in vei thum sung amah a neh ih Israel khawpipawl a lasal.

13:25^a 2Sp 13:18-19

14

Judah Siangpahrang Amaziah

1 Jehoahaz-ih fapa, Israel siangpahrang Jehoash a lal kum hnihnak ah Judah siangpahrang Joash-ih fapa Amaziah cu siangpahrang ah a cang. 2 ^aSiangpahrang a can tikah amah cu kum 25 mi a si ih, Jerusalem ah kum 29 sung a lal. A nuih hmin cu Jehoaddan a si ih, Jerusalem khawmi a si. 3 ^bCule anih cun Jehovah-ih mithmuh ah a dik mi a tuah, asinan a pupá David vek cu a si lo. A pa Joash ih rak tuah mi pauhpauh a tuah. 4 Sikhalsehla hmun sâng pawl cu lâkhlo an si lo ih, hmun sâng pawl ah mipi an thawiaw ih rimhmui an ur hrih thotho.

14:2^a 2San 25:1

14:3^b 2San 25:2

5 ^aCule hitin a si, uknak cu a kut ih dĭn hngeh a si veten, a pa siangpahrang rak thattu a siahhlawhpawl cu a that hai. 6 ^bAsinan laithattupawlih fātepawl cu a that hai lo, Mosi Cazual, Dān sungih, “Palepawl cu an fātepawl aiah thah an si lo pei ih, fātepawl khal an palepawl aiah thah an si lo pei, cuhnakin mi pakhat cu amai sual ruangah thah a si pei,” tiih Jehovah thupek ngan mi vekin.

14:5^a 2San 25:3

14:6^b Mip 26:11; Dnp 24:16; 2San 25:4; Jer 31:30; Eze 18:4, 20

7 ^aAnih in Cite Phaikuam ah Edom-mi 10000 a that ih, doawknak ihsin Sela khawpi a la, cule cumi hmin cu tuihni tiangin Joktheel tiah a ko.

14:7^a 2Sam 8:13; 2San 25:5-16

8 ^aCun Amaziah in Israel siangpahrang, Jehu fapa Jehoahaz-ih fa Jehoash hnenah palaipawl a thlah ih, “Ra aw, doawknak ah pakhat le pakhat kan hmaităwnaw pei,” tiah a ti.

14:8^a 2San 25:17

9 ^aCule Israel siangpahrang Jehoash in Judah siangpahrang Amaziah hnenah, “Lebanon tlang ih hling bur in Lebanon tlang ih sidar thing hnenah, ‘Na fanu hi ka fapa hnenah nupi ah pe aw,’ tiin mi a thlah. Cule Lebanon tlang ih ramsa pakhat a vâk ih cuih hling bur cu a pál. 10 ^bEdom cu na rak neh tak ngai, cule na thinlung in a lo khaisâng. Cumi ah sunlawihaw awla, inn ah um men aw. Nangmah le Judah ram tlûknak dingah, ziangah so buainak taw na thawh ding?” tiah a ti.

14:9^a Lai 9:8-15; 2San 25:18

14:10^b 2San 25:19; 26:16

11 ^aAsinan Amaziah in a ngaithla cuang lo. Curuangah Israel siangpahrang Jehoash cu a fehsuak ih, Judah siangpahrang Amaziah thawn Judah ram Beth Shemesh khua ah an hmaităwnaw. 12 ^bCule Judah cu Israel in a neh ih, mi kip anmai riahbûk cio ah an tlânsia. 13 ^cCun Israel siangpahrang Jehoash in Judah siangpahrang, Ahaziah fapa Joash-ih fa Amaziah cu Beth Shemesh ah a kaingah, cule Jerusalem ah a feh, cun Jerusalem kulh cu Efraim Kăwt ihsin Kil Kăwt tiang dawng 400 a băl. 14 ^dCule anih in sui le ngun hmuahhmuah, Jehovah inn le siangpahrang inn ih hlawnthil retnak ih hmuh mi bungruapawl hmuahhmuah cu a la ih, âmkhām hrangih kaih mipawl thawn Samaria ah a tlung.

14:11^a Jos 15:10; 2San 25:20-21

14:12^b 1Sam 4:10; 2San 25:22

14:13^c 2San 25:23; 26:9; 33:14; Neh 8:16; Jer 31:38; Zek 14:10

14:14^d 1Sp 7:51; 2San 25:24

15 ^aCule a tāng lai mi Jehoash ih tuah mi căngvaihnakpawl, a cahnak le Judah siangpahrang Amaziah a dodān cu Israel siangpahrangpawlih san siarnak cazualpawl ah ngan an si lo maw? 16 Cun Jehoash cu a pupápawl hnenah a cawl ih Israel siangpahrangpawl hnenah Samaria ah phum a si. Cun a fapa Jeroboam cu a aiah a lal.

14:15^a 2Sp 13:12

17 ^aJoash-ih fapa Judah siangpahrang Amaziah cu Jehoahaz-ih fapa Israel siangpahrang Jehoash thih hnuah kum hleinga a nungdam. 18 ^bCule a tāng lai mi Amaziah-ih căngvaihnakpawl cu Judah siangpahrangpawlih san siarnak cazualpawl ah ngan an si lo maw? 19 ^cCule annih in Jerusalem ah amah phiarthupnak an tuah, cule anih cu Lakish khua ah a tlân; asinan Lakish khua ah cun a dung ihsin mi an thlah ih, cu tawkah amah cu an that. 20 ^dCun amah cu rangpawl in an phur ih, David-ih Khawpi ah a pupápawl hnen Jerusalem ah an phum.

14:17^a 2San 25:25

14:18^b 2San 25:26

14:19^c Jos 10:3, 31-32; 2San 25:27

14:20^d 2San 25:28

21 ^aCule Judah-mipawl hmuahhmuah in kum hleiruk mi, Azariah cu an hruai ih a pa Amaziah aiah siangpahrang ah an tuah. 22 ^bAnih cun Elath a dĭn ih, cumi cu Judah ram ah a telhsal, cuih hnuah siangpahrang cu a pupápawl hnenah a cawl.

14:21^a 2San 26:1; Isa 1:1; Hos 1:1; Amo 1:1

14:22^b 1Sp 9:26; 2San 26:2

Israel Siangpahrang Jeroboam II

23 ^aJoash-ih fapa, Judah siangpahrang Amaziah a lal kum hleingatnak ah Israel siangpahrang Jehoash-ih fapa Jeroboam cu Samaria ah siangpahrang ah a cang ih, kum 41 sung a lal. 24 ^bCule anih cun Jehovah-ih mithmuh ah thil ṭha lo a tuah, Israel sualtertu Nebat-ih fapa Jeroboam-ih sualpawl zaten a tlansan lo. 25 ^cIsrael-ih Pathian Jehovah in a siahhlawh, Gath Hefer khawmi Amittai-ih fapa profet Jonah hmangih a rak sim mi vekin, Israel ramri cu Hamath luhnak ihsin Arabah phairawn tipi tiang a lasal. 26 ^dZiangahtile Jehovah in Israel-ih zăwnzaihnak cu a khâ tuk ti a hmu, cule sál le miluat khal an tâng lo, Israel hrangah bawmtu a um lo. 27 ^eCule Jehovah in van hnuai ihsin Israel hmin thaihlo dingin a rel lo, Jehoash-ih fapa Jeroboam kut hmangin anmah a run hai sawn a si.

14:23^a 1San 5:17; Amo 1:1

14:24^b 1Sp 12:26-33

14:25^c Mip 34:8; Dnp 3:17; Jos 19:13; Jon 1:1

14:26^d Dnp 32:36; Sam 107:12-13; Isa 63:5; Ṭah 1:7

14:27^e 2Sp 13:5, 23

28 ^aCule a tāng lai mi Jeroboam-ih căngvaihnakpawl le a tuah mi hmuahhmuah, a cahnak, ral a dodān le Judah ta a si mi Damaskas ihsin Hamath tiang Israel hrangih a laksaldānpawl cu Israel siangpahrangpawlih san siarnak cazualpawl ah ngan an si lo maw? 29 Cun Jeroboam cu a pupápawl, Israel siangpahrangpawl hnenah a cawl. Cun a aiawhah a fapa Zekariah a lal.

14:28^a 2Sam 8:5-9; 1Sp 11:24

15

Judah Siangpahrang Azariah

1 ^aIsrael siangpahrang Jeroboam a lal kum 27-nak ah Judah siangpahrang Amaziah-ih fapa Azariah cu siangpahrang ah a cang. 2 ^bSiangpahrang a can tikah amah cu kum hleiruk mi a si ih, Jerusalem ah kum 52 sung a lal. A nuih hmin cu Jekoliah a si ih, Jerusalem khawmi a si. 3 ^cCule a pa Amaziah ih tuah mi hmuahhmuah bangtukin, Jehovah-ih mithmuh ah a dik mi a tuah, 4 ^dhmun sâng pawl lawngte lâkhlo an si lo; hmun sâng pawl ah mipi an thawiaw ih, rimhmui an ur hrih thotho. 5 ^eCule Jehovah in siangpahrang cu a vua ih, anih cu a thih ni tiangin miphar a si. Cun anih cu inn pâk pakhat ah a cêng. Cule siangpahrang fapa Jotham cu siangpahrang sungza tlunah, ram mipi lairelin a um.

15:1^a 2Sp 14:16-17; 2San 26:1

15:2^b 2San 26:3

15:3^c 2San 26:4

15:4^d 2Sp 12:2-3

15:5^e Pui 13:46; 2San 26:16-23; 27:1; Mik 1:1

6 ^aCule a tāng lai mi Azariah-ih căngvaihnakpawl le a tuah mi zaten Judah siangpahrangpawlih san siarnak cazualpawl ah ngan an si lo maw? 7 ^bCule Azariah cu a pupápawl hnenah a itthat ih, David-ih Khawpi ah a pupápawl hnenah an phum. Cun a fapa Jotham cu a aiah a lal.

15:6^a 2San 26:22

15:7^b 2San 26:23; Isa 6:1

Israel Siangpahrang Zekariah

8 Judah siangpahrang Azariah a lal kum 38-nak ah Jeroboam-ih fapa Zekariah in thla ruk sung Samaria ah Israel a uk. 9 ^aCule a pupápawl ih tuah mi bangin Jehovah-ih mithmuh ah thil ṭha lo a tuah. Israel sualtertu Nebat-ih fapa Jeroboam-ih sualpawl cu a tlansan lo. 10 ^bCun Jabesh-ih fapa Shallum in amah dokalhin a phiar ih amah cu mipi hmaiah a parah a kut a thlak ih a that, cule a aiawhin amah in a uk.

15:9^a 1Sp 12:25-33

15:10^b Hos 1:4

11 Cule zoh hnik, a tāng lai mi Zekariah-ih căngvaihnakpawl cu Israel siangpahrangpawlih san siarnak cazualpawl ah ngan an si.

12 ^aHimi hi Jehovah-ih kamsuakthu, Jehu hnenih, “Na fapapawl in Israel laltokham parah san litnak tiangin an to ding,” tiih a sim mi a si. Cule cutin a rak cang.

15:12^a 2Sp 10:30

Israel Siangpahrang Shallum

13 ^aJudah siangpahrang ^bUzziah a lal kum 39-nak ah, Jabesh-ih fapa Shallum cu siangpahrang ah a cang, cule anih cu Samaria ah thla khat pumhlum a lal. 14 ^cCule Gadi-ih fapa Menahem cu Tirzah khua ihsin a so ih Samaria ah a thleng, cule Jabesh-ih fapa Shallum cu Samaria ah a parah a kut a thlak ih a that. Cule a aiawhin amah a lal.

15:13^a 1Sp 16:24

15:13^b Uzziah: Azariah-ih hmin dang a si.

15:14^c 1Sp 15:33

15 ^aCun a tāng lai mi Shallum-ih căngvaihnakpawl le a tawthawh mi phiarthupnak cu, zoh hnik, Israel siangpahrangpawlih san siarnak cazualpawl ah ngan an si.

15:15^a 1Sp 15:31

16 ^aCun Menahem in Tirzah khua ihsin Tifsah khua ih um mi hmuahhmuah le a ramṭhen cu a do hai. Annih cu an pekawk lo ruangah, an parah a kut a thlak. Cu tawkih naupai nunau zaten a ráitlek thluh.

15:16^a Hos 13:16

Israel Siangpahrang Menahem

17 Judah siangpahrang Azariah a lal kum 39-nak ah, Gadi-ih fapa Menahem cu Israel siangpahrang ah a cang ih, Samaria ah kum 10 a lal. 18 ^aCule anih cun Jehovah-ih mithmuh ah thil ṭha lo a tuah, a dam sung hmuahhmuah ah Israel sualtertu Nebat-ih fapa Jeroboam-ih sualpawl a tlansan lo. 19 ^bAssiria siangpahrang Pul cu cuih ram dokalhin a ra, cule Menahem in amai kut ah lalram hngetter dingin a kut cu a hnenih a umnak dingah, Pul hnenah ngun talent 1000 a pe. 20 Cule Menahem in Assiria siangpahrang hnenih pek dingah Israel ram ihsin, milian zetzet zate hnen ihsin mi pakhat ah ngun shekel 50 cio a khâwng. Cun Assiria siangpahrang cu a kirsal ih, cuih ram ah cun a câm lo.

15:18^a 1Sp 12:25-33

15:19^b 1San 5:6, 26

21 Cun a tāng lai mi Menahem-ih căngvaihnakpawl le a tuah mi hmuahhmuah cu Israel siangpahrangpawlih san siarnak cazualpawl ah ngan an si lo maw? 22 Cun Menahem cu a pupápawl hnenah a cawl. Cule a fapa Pekahiah cu a aiah a lal.

Israel Siangpahrang Pekahiah

23 Judah siangpahrang Azariah a lal kum 50-nak ah, Menahem-ih fapa Pekahiah cu Samaria ah Israel siangpahrang ah a cang ih, kum hnih sung a lal. 24 ^aCule anih cun Jehovah-ih mithmuh ah thil ṭha lo a tuah, Israel sualtertu Nebat-ih fapa Jeroboam-ih sualpawl cu a tlansan lo. 25 ^bCun a ralbawi pakhat, Remaliah-ih fapa Pekah in amah cu a phiarthup ih, Samaria ah siangpahrang inn ih kulhhnget sungah a parah a kut a thlak, Argob le Arieh khal. Cule a zawngah Gilead-mi, mipa 50 an tel. Anih in amah cu a that ih a aiah a lal.

15:24^a 1Sp 12:25-33

15:25^b 2San 28:6; Isa 7:1

26 Cule a tāng lai mi Pekahiah-ih căngvaihnakpawl le a tuah mi hmuahhmuah cu, ngai hnik, Israel siangpahrangpawlih san siarnak cazualpawl ah ngan an si.

Israel Siangpahrang Pekah

27 ^aJudah siangpahrang Azariah a lal kum 52-nak ah Remaliah-ih fapa Pekah cu Samaria ah Israel siangpahrang ah a cang ih, kum 20 sung a lal. 28 ^bCule anih cun Jehovah-ih mithmuh ah thil ṭha lo a tuah, Israel sualtertu Nebat-ih fapa Jeroboam-ih sualpawl cu a tlansan lo. 29 ^cIsrael siangpahrang Pekah-ih san laiah, Assiria siangpahrang Tiglath-Pileser a ra ih Ijon khua, Abel Beth Maakah khua, Janoah khua, Kedesh khua, Hazor khua, Gilead le Galili ram, Naftali ram zaten a la, cule anmah cu Assiria ram ah a hruaihlo hai. 30 ^dCun Elah-ih fapa Hoshea in Remaliah-ih fapa Pekah cu a phiarthup, cule a parah a kut a thlak ih a that. Cun anih cu Uzziah-ih fapa Jotham a lal kum 20-nak ah a aiah a lal.

15:27^a 2San 28:6; Isa 7:1, 4-9

15:28^b 1Sp 12:25-33

15:29^c 1Sp 15:20; 2Sp 17:6; 1San 5:26; 2San 16:4; 28:20; Jer 50:17

15:30^d 2Sp 17:1

31 ^aCule a tāng lai mi Pekah-ih căngvaihnakpawl le a tuah mi hmuahhmuah cu, zoh hnik, Israel siangpahrangpawlih san siarnak cazualpawl ah ngan an si.

15:31^a 1Sp 15:31

Judah Siangpahrang Jotham

32 ^aRemaliah-ih fapa, Israel siangpahrang Pekah a lal kum hnihnak ah, Judah siangpahrang Uzziah-ih fapa Jotham lal a thawk. 33 ^bAmah cu siangpahrang a can tikah kum 25 mi a si ih, Jerusalem ah kum hleiruk sung a lal. A nuih hmin cu Jerusha a si ih, Zadok-ih fanu a si. 34 ^cCule anih cun Jehovah-ih mithmuh ah a dik mi a tuah, a pa Uzziah ih a rak tuah mi hmuahhmuah bangtukin a tuah. 35 ^dSikhalsehla hmun sâng pawl cu lâkhlo an si lo. Hmun sâng pawl ah mipi an thawiaw ih, rimhmui an ur hrih thotho. Anih in Jehovah inn ih Kăwtka Tlunta a sak.

15:32^a 1San 5:17; Isa 1:1; Hos 1:1

15:33^b 2San 27:1

15:34^c 2San 26:4-5; 27:2

15:35^d 2San 23:20; 27:2-3

36 ^aCun a tāng lai mi Jotham-ih căngvaihnakpawl le a tuah mi zate cu Judah siangpahrangpawlih san siarnak cazual ah ngan an si lo maw? 37 ^bCu laiah Jehovah in Judah dokalhin Siria siangpahrang Rezin le Remaliah-ih fapa Pekah thlah a rak thawk. 38 ^cCule Jotham cu a pupápawl hnenah a itthat, cule a pa David-ih Khawpi ah a pupápawl hnenah phum a si. Cun a fapa Ahaz cu a aiah a lal.

15:36^a 2San 27:7

15:37^b Isa 7:1

15:38^c 2San 27:9

16

Judah Siangpahrang Ahaz

1 ^aRemaliah-ih fapa Pekah a lal kum 17-nak ah, Judah siangpahrang Jotham-ih fapa Ahaz lal a thawk. 2 ^bAhaz cu siangpahrang a can tikah, kum 20 mi a si ih Jerusalem ah kum hleiruk sung a lal. Cule anih cun a pupá David ih a rak tuah vekin, Jehovah a Pathian mithmuh ah a dik mi a tuah ve lo. 3 ^cIsrael siangpahrangpawlih lamzin a zawh sawn, a si, Jehovah in Israel tefapawlih hmaika ihsin a dawisuak mi miphunpawlih thil fihnungza pawl bangtukin, a fapa cu meisa a paltlăngter. 4 ^dCule hmun sâng pawl par, tlangmûalpawl par le thing bŭk nîm hnuai kip ah rai a thawi ih rimhmui a ur.

16:1^a Isa 1:1; Hos 1:1; Mik 1:1

16:2^b 1Sp 15:5; 2San 28:1

16:3^c Pui 18:3, 21; Dnp 9:4-5; 2Sp 17:6-23; 2San 28:2-3

16:4^d Dnp 12:2; 1Sp 14:23; 2San 28:4

5 ^aCun Siria siangpahrang Rezin le Remaliah-ih fapa Israel siangpahrang Pekah cu doawknak tuah dingin Jerusalem ah an so ih, Ahaz cu an kulh, asinan an neh thei lo. 6 ^bCu laiah Siria siangpahrang Rezin in Siria hrangah Elath khua a lakirsal ih, Elath khua ihsin Judah mipapawl a hnawhsuak. Cun Edom-mipawl cu Elath khua ah an feh ih tuihni tiangin cu tawkah an cêng.

16:5^a Isa 7:1

16:6^b 1Sp 9:26; 2San 26:2; Isa 9:11-12

7 ^aCun Ahaz in Assiria siangpahrang Tiglath-Pileser hnenah palaipawl a thlah ih, “Kei cu na siahhlawh le na fapa ka si. Ra awla, i do dingih tho, Siria siangpahrang kut ihsin le Israel siangpahrang kut ihsin i run aw,” tiah a ti. 8 ^bCule Jehovah inn sungih hmuh mi ngun le sui le siangpahrang inn ih hlawnthil retnak ihta cu Ahaz in a la ih, Assiria siangpahrang hnenah laksawng ah a kuat. 9 ^cCun Assiria siangpahrang in amah cu a ngaithla, cule Assiria siangpahrang cu Damaskas khua dokalhin a so ih, a la, a minungpawl cu Kir ram ah a hruaihlo hai ih, Rezin cu a that.

16:7^a 2Sp 15:29; 2San 28:5, 16, 20; Jer 2:17

16:8^b 1Sp 15:18; 2Sp 18:15-16

16:9^c Isa 22:6; Amo 1:5; 9:7

10 ^aCule Siangpahrang Ahaz cu Assiria siangpahrang Tiglath-Pileser táwng dingin Damaskas khua ah a feh ih, Damaskas khua ih a um mi biakṭheng cu a hmu, cule Siangpahrang Ahaz in puithiam Urijah hnenah biakṭheng tuahdān le pianzia, cumi tuahserdān hmuahhmuah vekin a kuat. 11 Cun Siangpahrang Ahaz in Damaskas khua ihsin a kuat mi hmuahhmuah vekin, puithiam Urijah cun biakṭheng pakhat a dâwl. Cule Damaskas khua ihsin Siangpahrang Ahaz a thlenkir hlanah, puithiam Urijah in a rak tuah. 12 ^bCule siangpahrang cu Damaskas khua ihsin a thlenkir tikah, siangpahrang in biakṭheng a hmu ih, siangpahrang in cumi cu a naih, cule cumi parah thilhlănpawl a hlan. 13 ^cCun a Meiur Thilhlăn le a Thlairawl Thilhlăn cu a ur, cule a Inding Thilhlăn cu a burh ih, biakṭheng parah a Remnak Thilhlănpawlih thisen a theh. 14 ^dJehovah hmaika ih um mi dar biakṭheng khal temple hmai ihsin, a biakṭheng le Jehovah inn karlak ihta a la ih, cumi cu a biakṭheng ih sak lam kilah a ret. 15 ^eCun Siangpahrang Ahaz in puithiam Urijah cu thu a pe ih, “Biakṭheng tumpi thar parah zing lam Meiur Thilhlăn siseh, zan lam Thlairawl Thilhlăn siseh, siangpahrangih meiur thawinak le a Thlairawl Thilhlăn siseh, rammi hmuahhmuah ih Meiur Thilhlăn thawn, an Thlairawl Thilhlăn siseh, an Inding Thilhlănpawl siseh, ur aw, cule cumi parah Meiur Thilhlăn thisen hmuahhmuah le thawiawknak thisen hmuahhmuah cu theh aw. Cule dar biakṭheng cu ka hrangah thuzawinak a si ding,” tiah a ti. 16 Cuti cun puithiam Urijah in Siangpahrang Ahaz ih thupek mi hmuahhmuah vekin a tuah.

16:10^a Dnp 12:30; Isa 8:2

16:12^b 2San 26:16; 28:23

16:13^c Suah 29:40; Pui 6:8-13; 7:11-21

16:14^d Suah 40:6; 1Sp 8:64; 2San 28:24

16:15^e Suah 29:38-41; Hos 4:12

17 ^aCule Siangpahrang Ahaz in tohkālpawlih pharpawl a sattán ih, cupawl ihsin maihumpawl cu a ṭhawn, cule Tikuangpi cu a hnuaiih dar caw cang pawl ihsin a lathla ih, cumi cu lungtopawl rĕmkhawm mi parah a ret. 18 ^bTemple sungih an rak sak mi, Sabbath hulhliap le Jehovah inn ihsin siangpahrangih luhkâ lengta cu Assiria siangpahrang ruangah a ṭhawn.

16:17^a 1Sp 7:23-39

16:18^b 1Sp 10:5; Eze 16:28

19 ^aCule a tāng lai mi Ahaz ih tuah mi căngvaihnakpawl cu Judah siangpahrangpawlih san siarnak cazual ah ngan an si lo maw? 20 ^bCun Ahaz cu a pupápawl hnenah a itthat, cule David-ih Khawpi ah a pupápawl hnenah phum a si. Cule a fapa Hezekiah cu a aiah a lal.

16:19^a 2San 28:25

16:20^b 2San 28:27; Isa 14:28

17

Israel Siangpahrang Hoshea

1 ^aJudah siangpahrang Ahaz a lal kum 12-nak ah, Elah-ih fapa Hoshea cu Samaria ah Israel siangpahrang ah a hung cang ih, kum kua sung a lal. 2 ^bCule Jehovah-ih mithmuh ah thil ṭha lo a tuah, asinan amai hlanih Israel siangpahrangpawl vek cu a si lo. 3 ^cAmah dokalhin Assiria siangpahrang Shalmaneser a ra suak, cule Hoshea cu a siahhlawh ah a cang ih, a hnenah ngunkhuai a pe. 4 ^dCule Assiria siangpahrang in Hoshea ih phiarthupnak cu a hmusuak, ziangahtile anih in Izip siangpahrang So hnenah palaipawl a thlah ih, kum tin ih a tuah vekin, Assiria siangpahrang hnenah ngunkhuai a keng lo. Curuangah Assiria siangpahrang in amah cu a kharkhum ih thawnginn sungah a ṭawn.

17:1^a 2Sp 15:30

17:2^b Dnp 4:25

17:3^c Hos 10:14

17:4^d Sam 146:3; Isa 30:1-7; Jer 2:36; Hos 12:1

Israel cu Assiria Sál ah Hruai a Si

5 ^aCule Assiria siangpahrang cu ram pumpuluk hmuahhmuah ah a feh ih, Samaria tiang a so, cule kum thum sung a kulh.

17:5^a Hos 13:16

6 ^aHoshea a lal kum kuatnak ah Assiria siangpahrang in Samaria a la ih, Israel cu Assiria ram ah a hruaihlo, cule Halah khawpi le Habor tiva kiang, Gozan tiva le Medes khawpipawl ah a ret hai.

17:6^a Dnp 28:64; 29:25-27; 1San 5:26; Hos 13:16

7 ^aZiangahtile hitin a si, Israel tefapawl cu Izip siangpahrang Faro kut hnuai ihsin, Izip ram ihsin anmah rak hruaisuaktu Jehovah an Pathian dokalhin thil sual an rak tuah, cule pathian dang pawl an ṭih ih, 8 ^bJehovah in Israel tefapawl hmaika ihsin a dawisuah mi miphunpawl ih an rak tuah mi sakhaw dānpawl le Israel siangpahrangpawlih sualnak an thlun. 9 ^cIsrael tefapawl cun Jehovah an Pathian parah a dik lo mi thilpawl a thupten an rak tuah, an khawpipawl hmuahhmuah ah, ral vennak dawlsâng ihsin kulh nei khawpi tiangin anmai hrangah hmun sâng pawl an dĭn. 10 ^dAnmai hrangah tlang sâng kip parah le thing bŭk nîm hnuai kip ah, ṭhuamserhpawl le Asherah-pawl an dĭn. 11 ^eAnnih in cu tawkih hmun sâng pawl hmuahhmuah ah, Jehovah in an hmaiih a dawisuah mi miphunpawl vekin rimhmui an ur, cule Jehovah thinheng dingih căwktho dingin sualralnak thilpawl an tuah. 12 ^fJehovah in an hnenah, “Hih thil nan tuah lo pei,” tiih a ti mi milempawl an rian.

17:7^a Suah 20:2; Jos 23:15

17:8^b Suah 34:15; Pui 18:3; Dnp 9:4

17:9^c Dnp 13:6-9; 2Sp 18:8

17:10^d Suah 23:24; Dnp 12:2-4; Mik 5:14

17:11^e 1Sp 16:30-33

17:12^f Suah 20:4-5; Dnp 12:4

13 ^aCuti cingin Jehovah in, “Nan pupápawl thu ka pek mi Dān hmuahhmuah le ka siahhlawh profetpawl hmangin nan hnenih ka thlah mi bangtukin, nan lamzin ṭha lo pawl ihsin kir uhla, ka thupekpawl le ka sakhaw dānpawl thlun uh,” tiin Israel le Judah hnenah a profet zate le hmutu zate hmangin a theihter. 14 ^bSikhalsehla annih in an ngaithla lo, Jehovah an Pathian rak zum lo tu an pupápawlih rĭng bangin an rĭng an khăwngter sawn. 15 ^cCule a sakhaw dānpawl, an pupápawl hnenih a rak tuah mi a thukham le anmah dokalhih a theihter mi a thutheihter mipawl tla an hnáwng, milempawl an thlun, milem betu ah an cang ih, anmah vekin nan tuah lo pei tiih Jehovah in a rak cah mi, an kimvelih um miphunpawl an rak thlun. 16 ^dCule annih cun Jehovah an Pathian-ih thupekpawl zaten tlansanin, anmai hrangah burcawp caw pa no lem pahnih an tuah, Asherah pakhat an tuah ih, van ih thilmak rual zaten an bia, cule Baal an rian. 17 ^eCule an fapapawl le an fanupawl meisa an paltlăngter, thilcam thiamnak le aizoh thiamnak an hmang ih, Jehovah mithmuh ih thil ṭha lo tuah dingin, a thinheng ko căwktho dingin anmah le anmah an zuaraw. 18 ^fCuruangah Jehovah cu Israel parah a thin a heng tuk ih, a mithmuh ihsin anmah cu a ṭhawn, Judah hnám siarlo a tāng mi zohman an um lo.

17:13^a Neh 9:29; Jer 3:6-7; Apo 7:51

17:14^b Suah 32:9; 2San 30:6-8; Apo 7:51

17:15^c Suah 24:7; Dnp 12:30-31; Hos 11:2

17:16^d Dnp 4:19; 16:21; Lai 2:11-13; 1Sp 12:28; Isa 40:26

17:17^e Dnp 12:31; 18:10-12; 1Sp 21:20; Eze 16:20-21; Rom 7:14

17:18^f 1Sp 11:13, 32, 36; 2Sp 23:27

19 ^aJudah khal in Jehovah an Pathian-ih thupekpawl a thlun lo, cuhnakin Israel ih tuah mi sakhaw dānpawl a thlun sawn. 20 ^bCule Jehovah in Israel tesinfapawl zaten a hnáwng, anmah cu a zawnzaiter hai ih, a mithmuh ihsin anmah a hlăwnhloh hai hlanlo, misuamtupawlih kut ah anmah cu a pe.

17:19^a Jer 3:6-10; Eze 23:13

17:20^b 2Sp 13:3; Jer 7:15

21 ^aZiangahtile anih in Israel cu David-ih sungza ihsin a ṭhen ih, annih in Nebat-ih fapa Jeroboam cu siangpahrang ah an tuah. Cun Jeroboam cun Israel in Jehovah a thlunnak ihsin a hruaipêng ih anmah cu sual rapthlak a tuahter. 22 Ziangahtile Israel tefapawl cun Jeroboam ih tuah mi sualpawl zaten an thlun, cucu an tlansan lo, 23 ^bJehovah in a siahhlawh profetpawl zate hmangih a rak sim vekin, a mithmuh ihsin Israel a ṭhawnhloh tiangin. Cule Israel cu anmai ram ihsin Assiria ram ah tuihni tiang hruaihlo an si.

17:21^a 1Sp 11:11; 12:20, 26-30

17:23^b 1Sp 9:7; 14:16; Eze 39:23-24

Samaria Mipawl in Milem an Bia

24 ^aCun Assiria siangpahrang in Babilon khawmipawl, Kuthah khawmipawl, Ava khawmipawl, Hamath khawmipawl le Sefarvaim khawmipawl cu a hruai hai ih, Israel tefapawl aiah Samaria khawpipawl ah a ret. Cule Samaria cu an nei ih, a khawpipawl ah an cêng. 25 ^bCule hitin a si, cu tawkih an cēn thawhtirah Jehovah an ṭih lo, curuangah Jehovah in an lakah kiosapawl a thlah ih, an lakih mi hrekkhat an dehthat. 26 Cun Assiria siangpahrang hnenah an sim ih, “Na rak ṭhawn ih Samaria khawpipawl ih na ret mi miphunpawl in, hih ram Pathian biakdān an thei lo, curuangah anih in an lakah kiosapawl a thlah, cule zoh hnik, cupawl in anmah cu an dehthat, ziangruangahtile annih in cuih ram Pathian biakdān an thei lo,” tiah an ti.

17:24^a Ezr 4:2, 10; Isa 37:13; Jer 50:17

17:25^b 1Sp 20:36; 2Sp 2:24

27 ^aCun Assiria siangpahrang in thu a pe ih, “Cu tawk ihsin nan hruai mi puithiampawl lakih pakhat thlah uh, anih cu feh sehla, cu tawkah cêng seh. Cule anih in cuih ram Pathian biakdān cu anmah zirh seh,” tiah a ti. 28 ^bCun Samaria ihsin an rak hruai mi puithiampawl lakih pakhat a thleng ih, Bethel ah a cêng, cule Jehovah ṭihdān ding anmah a zirh.

17:27^a Lai 17:13

17:28^b Dnp 33:10

29 ^aSikhalsehla miphun kip in mai pathian cio an tuah vivo ih, cupawl cu Samaria-mipawl ih tuah mi hmun sâng pawl ih innpawl parah, miphun kip in an cēnnak khawpipawl ah an ret. 30 Babilon-mipawl in Sukkoth Benoth an tuah, Kuth-mipawl in Nergal an tuah, Hamath-mipawl in Ashima an tuah ih, 31 Avit-mipawl in Nibhas le Tartak an tuah, cule Sefarvit-mipawl in an pathian Adrammelek le Anammelek hnenah an fātepawl meisa ah an ur. 32 ^bCun annih cun Jehovah an ṭih ih, anmai lak ihsin an duh mimi kha hmun sâng puithiampawl ah an tuah ih, hmun sâng innpawl ah thawinak an tuahsak. 33 ^cJehovah an ṭih, cu cingin hruaisuah an sinak miphunpawlih tidān vekin, anmai pathianpawl an rian.

17:29^a 1Sp 12:31; Jer 2:28; Mik 4:5

17:32^b 1Sp 12:31

17:33^c Zef 1:5

34 ^aTuihni tiangin hlanlai tidānpawl an hmang vivo. Jehovah an ṭih lo ih, amah in Israel tiih a kawh mi Jakob tefapawl hnenah Jehovah in thu a rak pek mi an sakhaw dānpawl siseh, an zīn le dān pawl siseh, dān le thupek khal an thlun lo. 35 ^bAnmah thawn Jehovah in thukham a tuah ih, “Nannih in pathian dang pawl nan ṭih lo pei, anmah cu nan be lo pei ih, anmah nan rian lo pei, an hnenah nan thawiaw fawn lo pei. 36 ^cIzip ram ihsin huham ropi le bān suahih a lo hruaisuaktu Jehovah cu nan ṭih pei, amah nan be pei, cule a hnenah thawinak nan hlan pei. 37 ^dCule nan hrangih a ngan mi sakhaw dānpawl, zīn le dān pawl, dān le thupek thlun kumkhua dingin nan ralring pei, pathian dang pawl nan ṭih lo pei. 38 ^eCule nanmah thawi ka rak tuah mi thukham nan hngilh lo pei ih, pathian dang pawl khal nan ṭih fawn lo pei. 39 ^fCuhnakin Jehovah nan Pathian nan ṭih sawn pei, cule anih in nan ralpawl zate ih kut ihsin a lo runsuak ding a si,” tiah a cah hai. 40 Sikhalsehla annih in an rak ngaithla lo, cuhnakin an hlanlai tidānpawl an thlun sawn.

17:34^a Sem 32:28; 1Sp 18:31

17:35^b Suah 20:3, 5

17:36^c Suah 3:20; Dnp 6:13; Sam 136:11-12

17:37^d Pui 19:37; Dnp 5:32

17:38^e Dnp 6:12

17:39^f Suah 23:31

41 ^aCun hi miphunpawl in Jehovah an ṭih ih, an milimpawl khal an riancêm. An fātepawl le an fātepawlih fātepawl khal in tuihni tiangin an pupápawl vekin an tuah vivo.

17:41^a 1Sp 18:21; Ezr 4:2; Mat 6:24

18

Judah Siangpahrang Hezekiah

1 ^aElah-ih fapa Israel siangpahrang Hoshea a lal kum thumnak ah hitin a si, Ahaz-ih fapa Judah siangpahrang Hezekiah lal a thawk. 2 ^bAmah cu siangpahrang ih a can tikah kum 25 mi a si ih, Jerusalem ah kum 29 sung a lal. A nuih hmin cu Abi a si ih, Zekariah-ih fanu a si. 3 ^cCule anih cun a pupá David ih a rak tuah mi hmuahhmuah bangtukin, Jehovah-ih mithmuh ah a dik mi a tuah.

18:1^a Isa 1:1; Hos 1:1; Mik 1:1; Mat 1:9

18:2^b 2San 29:1

18:3^c 1Sp 14:8; 2San 29:2

4 ^aHmun sâng pawl a ṭhiat ih ṭhuamserhpawl a siatsuah, Asherah a hautlu ih, Mosi ih rak tuah mi dar rul khal a khuaidarh ṭheh, ziangahtile cuih cān tiangah Israel tefapawl in cu tawkah rimhmui an ur ih, cumi cu ^bNehushtan tiah an ko. 5 ^cAnih cun Israel-ih Pathian Jehovah a rinsan ih, Judah siangpahrang zate lakah amai hnuah siseh, amai hlanah siseh, mi pakhat hman amah vek an um lo. 6 ^dZiangahtile anih cun hnget zetin Jehovah a pawkbĕt, amah thlun cu a tlansan lo, Jehovah in Mosi thu a rak pek mi, a thupekpawl cu a thlun. 7 ^eA hnenah Jehovah a um, a fehnak kip ah a hmuingil. Cule Assiria siangpahrang dokalhin a hél ih amah a rian lo. 8 ^fAmah in Gaza khua le a ramri tiangin, ral vennak dawlsâng ihsin kulh nei khawpi tiang Filisṭia-mipawl a neh.

18:4^a Suah 23:24; Mip 21:9; 2San 31:1; Isa 36:7

18:4^b Nehushtan: Himi thuanthu ih micuktu rulngân kha Hebru ah Nakhash ti a si. Cuih rulngân dar ih tuah mi kha an bia ih, a hmin ah Nehushtan tiah an ko.

18:5^c 2Sp 23:25; Sam 13:5

18:6^d Dnp 10:20

18:7^e Sem 39:3; Ezr 4:19; Isa 36:5

18:8^f 2San 28:18

Assiria Siangpahrang in Samaria le Judah a La

9 ^aCun Siangpahrang Hezekiah a lal kum litnak ah, cumi cu Elah-ih fapa Israel siangpahrang Hoshea a lal kum sarihnak a si, hitin a si, Assiria siangpahrang Shalmaneser cun Samaria a hung do ih a kulh. 10 Cule kum thum a cem tikah, cumi cu an la. Hezekiah a lal kum ruknak, Israel siangpahrang Hoshea a lal kum kuatnak ah Samaria cu lâk a si. 11 ^bCun Assiria siangpahrang in Assiria-ih ralkaih ah Israel cu a hruaihlo ih, Halah khawpi le Habor tiva kiang, Gozan tiva le Medes khawpipawl ah a ret, 12 ^cziangruangahtile annih cun Jehovah an Pathian thu an lung lo ih, a thukham le Jehovah-ih siahhlawh Mosi ih thu a pek mi zaten an pahbăl sawn, cule cupawl cu an ngaithla duh lo ih, an thlun duh fawn lo.

18:9^a 2Sp 17:3-7

18:11^b 2Sp 17:6; 1San 5:26

18:12^c 1Sp 9:6; Dan 9:6, 10

13 ^aCule Siangpahrang Hezekiah a lal kum hleilitnak ah Assiria siangpahrang Sennakerib cu Judah ram ih kulh nei khawpipawl hmuahhmuah do dingin a hung so ih a lâk ṭheh. 14 ^bCun Judah siangpahrang Hezekiah in Lakish khua ah mi a thlah ih, Assiria siangpahrang hnenah, “Ka rak ti sual a si, ka hnen ihsin kir aw. Nangmah ih i phût mi pauhpauh cu ka tuah ding,” tiah a ti. Cule Assiria siangpahrang in Judah siangpahrang Hezekiah cu ngun talent 300 le sui talent 30 a tuk. 15 ^cCun Hezekiah in Jehovah inn ih hmuh mi ngun hmuahhmuah le siangpahrang inn ih hlawnthilpawl lak ihsin a pe. 16 ^dCuih cān ah Hezekiah in Jehovah-ih temple sângkapawl ihta le Judah siangpahrang Hezekiah ih a rak khût mi ṭhuampawl ihta sui cu a khăwk ih, cumi cu Assiria siangpahrang a pe.

18:13^a 2San 23:1; Isa 36:1; Mik 1:9

18:14^b 2Sp 18:7

18:15^c 1Sp 15:18; 2Sp 12:18

18:16^d 2San 29:3

Sennakerib Tluang a Khâwng

17 ^aCule Assiria siangpahrang in Lakish ihsin Tartan, Rabsaris le Rabshakeh pawl cu ralkap tampi thawn Jerusalem dokalhin Siangpahrang Hezekiah hnenah a thlah. Cule an so ih Jerusalem an thleng. An thlen tikah, an feh ih puan sawptuih ló zin ih um, tili sakta tikáwng kiangah an ding. 18 ^bCule annih in siangpahrang an kawh tikah, inn hohatu a si mi Hilkiah-ih fapa Eliakim, cangantu Shebna le Asaf-ih fapa ngankhumtu Joah pawl tla an hnenah an ra suak.

18:17^a 2San 32:4, 9, 30; Isa 20:1; 22:9

18:18^b Isa 22:15, 20; 36:3

19 ^aCule Rabshakeh in an hnenah, “Hezekiah hnenah atu-ah, ‘Siangpahrang ropi Assiria siangpahrang in hitin a ti: nan rinsan mi rinawknak hi ziang a si? 20 Doawknak hrangah ruahmannak le huham neiin na sim, asinan cupawl cu ṭawngkam men lawng an si. Atu-ah zo na rinsan ih keimah dokalhih na hél? 21 ^bAtu-ah zoh hnik! A kiak mi himi câlte kianghrăwl, Izip na rinsan a si hi, a parih mi a ṭhumawk asile, a kut sungah a lut ding ih a sun ding. Cu vekin Izip siangpahrang Faro a rinsantu hmuahhmuah an cang ding. 22 ^cAsinan ka hnenah, “Jehovah kan Pathian kan rinsan,” na ti asile, cumi cu a hmun sâng pawl le a biakṭhengpawl cu Hezekiah in a lahlo zo ih, Judah le Jerusalem ah, “Jerusalem ih himi biakṭheng hmaiah nan be ding,” a ti a si lo maw?

18:19^a 2San 32:10; Job 4:6; Isa 36:4

18:21^b Isa 20:5-6; Jer 25:19; Eze 29:6-7

18:22^c 2San 31:1; Isa 36:7

23 ^a‘Curuangah atu-ah, ka lo dil a si, Assiria siangpahrang ka bawipa hnenah thukamnak pe awla, nangmah lamin an parih totu ding pawl na ret thei ding asile, rang 2000 ka lo pe ding! 24 ^bRang lêngpawl le rang ralkappawl hrangah Izip rinsanin, ka bawipaih siahhlawhpawl lakih a tebik pawl lakih ralbawi pakhat hman ziangtin so na khir thei ding? 25 ^cAtu hi Jehovah tel loin, hi hmun dokalhih siatbăl dingah ra maw ka si? Jehovah in ka hnenah, “Hi ram dokalhin so awla, cumi cu siatbăl aw,” in ti a si,’ tiin sim uh,” tiah a ti.

18:23^a Isa 36:8

18:24^b Isa 10:8; 36:9

18:25^c 2San 35:21; Isa 36:10

26 ^aCun Shebna, Joah le Hilkiah-ih fapa Eliakim tepawl in Rabshakeh hnenah, “Zangfahten na siahhlawhpawl hnenah Aramik ṭawng in ṭawng aw, ziangahtile cucu kan theithiam, cule khaw kulh parih um, mipi hnatheih ah Hebru ṭawng in in be hlah,” tiah an ti.

18:26^a Ezr 4:7; Isa 36:11; Dan 2:4

27 ^aAsinan Rabshakeh in an hnenah, “Ka bawipa in na bawipa hnen le na hnen lawngah hi ṭawngkampawl hi sim dingin in thlah maw si? Khaw kulh parih topawl, mai êk ei le mai zun in ding pawl hnen khalah in thlah a si lo maw?” tiah a ti.

18:27^a Isa 36:12

28 ^aCun Rabshakeh cu a dīng ih Hebru ṭawng in aw ring zetin a ausuak ih a ṭawng, “Siangpahrang ropi, Assiria siangpahrangih ṭawngkam hi ngaithla uh, tiin. 29 ^bSiangpahrang in hitin a ti: ‘Hezekiah in lo bum hlah seh, ziangahtile anih in a kut sung ihsin a lo runsuak thei lo ding, 30 ^cHezekiah in, “Jehovah in in runsuak tengteng ding, hi khawpi cu Assiria siangpahrang kut ah pek a si lo ding,” tiah tiin Jehovah lo rinsanter fawn hlah seh,’ a ti. 31 ^dHezekiah cu ngaithla hlah uh, ziangahtile Assiria siangpahrang in hitin a ti: ‘Laksawng hmangin keimah thawn remnak tuah uhla, ka hnenah ra suak uh; cule nan lakih mi kip in anmai sabit hri ihsin le mi kip in anmai theipi kung ihsin an ei ding ih, mi kip in anmai tikhur cio ih ti an in ding. 32 ^eKa ra thlen ih nanmai ram vek, thlairawl le sabit zu ram, sang le sabit hmuan ram, olif hriak thar le khuai tizu thar ram ih ka lo hruaihloh hlanlo, nan nun ih nan thihlonak dingah, atu roriah thilpek hmangin keimah thawn remnak tuah uhla, ka hnenah ra suak uh. Hezekiah cu ngaithla hrimhrim hlah uh, cu lo asile, “Jehovah in in run ding,” tiin a lo lēm ding. 33 ^fMiphunpawl pathian lakih pakhat tal in a ram cu Assiria siangpahrang kut ihsin a rundam maw si? 34 ^gHamath le Arpad teih pathianpawl cu khuiah so? Sefarvaim le Hena le Ivah teih pathianpawl teh khuiah so? Annih in ka kut ihsin Samaria kha an rak runsuak maw? 35 ^hHi rampawlih pathianpawl zate lakin zopawl in so ka kut ihsin an rampawl rak runsuak? Cuti asile Jehovah in ka kut ihsin Jerusalem a runsuak thei ding maw si?’ a ti,” tiah a ti.

18:28^a Isa 36:13

18:29^b 2San 32:11; Isa 36:14

18:30^c Isa 36:15

18:31^d 1Sp 4:25; Isa 36:16; Jer 14:3; Ṭah 4:4

18:32^e Suah 3:8; Dnp 30:19; Isa 36:17-18

18:33^f 2San 32:14; Isa 36:18

18:34^g Isa 10:9; 36:18-19; Jer 49:23

18:35^h 2San 32:15; Sam 2:1-2; Isa 36:20

36 ^aAsinan mipi cu daiten an um ih, kam khat hman an let lo, ziangahtile siangpahrangih thupek cu, “Amah kha sawn hlah uh,” ti a si. 37 ^bCun siangpahrang inn kilkhawitu, Hilkiah-ih fapa Eliakim, cangantu Shebna le Asaf-ih fapa Joah, ngankhumtu cu an hnipuan tlêkpi thawn Hezekiah hnenah an thleng ih, Rabshakeh-ih ṭawngkampawl cu an sim.

18:36^a Isa 36:21

18:37^b Isa 33:7; 36:21

19

Isaiah in Runsuahnak a Fiangter

1 ^aCule hitin a si, Siangpahrang Hezekiah in cuih thu a theih tikah, a hnipuan a thlek ih, buri hnipuan a khuhaw, cule Jehovah inn ah a lut. 2 ^bCun anih in siangpahrang sungkua hohatu Eliakim, cangantu Shebna le puithiampawl lakih upapawl cu buri hnipuan khuhawin Amoz-ih fapa profet Isaiah hnenah a thlah hai. 3 ^cCule annih in a hnenah, “Hitin Hezekiah in a ti, ‘Tuihni cu buainak le kawkawknak le thangsiatawknak ni a si, ziangahtile naute suah a cu thlang, asinan sangsuak dingin tha a nei lo. 4 ^dA nung mi Pathian simse dingih a bawipa Assiria siangpahrang in a thlah mi Rabshakeh-ih ṭawngkampawl zaten Jehovah na Pathian in a theih ka zum, cule Jehovah na Pathian in a theih mi ṭawngkampawl ruangah amah cu a kawk ding. Curuangah tān mi a tāngsŭnpawl hrangah thlacam aw,’ tiin,” tiah a ti.

19:1^a Sem 37:34; 2San 32:20; Isa 37:1

19:2^b Sem 37:34; Isa 1:1; 37:2

19:3^c Isa 37:3; Hos 13:13

19:4^d 1Sam 17:26; 2Sam 16:12; Isa 37:4; Jer 37:3

5 ^aCun Siangpahrang Hezekiah-ih siahhlawhpawl cu Isaiah hnenah an feh. 6 ^bCule Isaiah in an hnenah, “Nan bawipa hnenah hitin nan sim pei, ‘Jehovah in, “Assiria siangpahrangih siahhlawhpawl ih in thangsiatnak na theih mi ṭawngkampawl kha ṭih hlah. 7 ^cNgai hnik, a parah thlarau pakhat ka ret ding ih, anih in thuthang a thei ding, cule amai ram ah a kir ding; cule amai ram ah ralnâm ih tlu dingin ka tuah ding,” a lo ti,’ tiah nan ti pei,” tiah a ti hai.

19:5^a Isa 37:5

19:6^b Dnp 3:2; Jos 1:9; Isa 37:6

19:7^c 1Sam 23:27; 2San 32:21; Isa 37:7; Jer 51:46

8 ^aCun Rabshakeh cu a kirsal ih, Assiria siangpahrang in Libnah khua a do rero lai a va hmu, ziangahtile anih cu Lakish khua ihsin a suak zo ti a hna in a thei. 9 ^bCule siangpahrang in, “Zoh hnik, anih cu nangmah thawi doaw dingin a fehsuak zo,” tiah Kush siangpahrang Tirhakah-ih thuhla a thei. Cule anih cun Hezekiah hnenah palaipawl a thlahsal ih, 10 ^c“Judah siangpahrang hnenah hitin nan sim pei, ‘Na rinsan mi na Pathian in, “Jerusalem cu Assiria siangpahrang kut ah pek a si lo ding,” tiin lo bum hlah seh. 11 ^dZoh hnik! Assiria siangpahrangpawl in siatbăl ṭheh verver ko ram zate parih an tuah mi cu na hna in na thei zo. Cuti a si ahcun nang cu runsuahin na um ding maw? 12 ^eMiphunpawlih pathianpawl in ka pupápawl ih an rak siatbăl mi, Gozan le Haran le Rezef le Telassar ih a um mi Eden-mipawl kha an rak runsuak dah maw? 13 ^fHamath siangpahrang, Arpad siangpahrang, Sefarvaim khawpi siangpahrang, Hena siangpahrang le Ivah siangpahrang pawl kha khuiah so?’ tiin nan va sim pei,” tiah a ti hai.

19:8^a Jos 10:29, 31; Isa 37:8

19:9^b 1Sam 23:27; Isa 37:9

19:10^c 2San 32:15; Isa 37:10

19:11^d 2San 32:13-14; Isa 37:11

19:12^e 2San 32:17; Isa 37:12; Eze 27:23

19:13^f Isa 10:9-11; 37:13; Jer 49:23

Hezekiah Thlacamnak

14 ^aCule Hezekiah in palaipawl kut ihsin cakuat cu a cohlang ih a siar. Cule Hezekiah cu Jehovah inn ah a so ih, Jehovah hmaiah cakuat cu a pharh. 15 ^bCun Hezekiah in Jehovah hmaiah, “Maw Jehovah, Israel-ih Pathian, cherub-pawl karlakih cêng, nang hi, nangmah lawng hi, leilung lalrampawl hmuahhmuah ih Pathian na si. Nang in lei le van na rak tuah. 16 ^cMaw Jehovah, na hna thawng awla, rak ngai aw; Maw Jehovah, na mit meng awla, zoh hnik; a nung mi Pathian simse dingih a kuat mi Sennakerib-ih ṭawngkampawl hi ngaithla aw. 17 ^dMaw Jehovah, Assiria siangpahrangpawl in miphunpawl le an rampawl cu an ṭhingter thluh ngaingai ih, 18 ^ean pathianpawl cu meisa ah an urkāng, ziangahtile annih cu pathian taktak an si lo, milai kutsuak thing le lung an si sawn. Curuangah cupawl cu annih in an rak siatbăl ṭheh a si. 19 ^fCuruangah atu-ah, Maw Jehovah kan Pathian, leilung lalrampawl hmuahhmuah in nangmah lawng hi Jehovah Pathian na si ti an theihnak dingah, a kut ihsin in rundam hram aw,” tiin thla a cam.

19:14^a 2San 32:17; Isa 37:14

19:15^b Sem 1:1; Suah 25:22; Jos 2:11; Isa 37:15-16

19:16^c 1Sp 8:29; Sam 31:2; Isa 37:17

19:17^d Isa 37:18

19:18^e Dnp 4:28; Isa 37:19; 44:9-11; Jer 10:3-10; Apo 17:29

19:19^f Jos 4:24; 1Sam 17:46; 1Sp 8:43; 1San 16:8; Isa 37:20

Sennakerib Thuhla ih Jehovah Ṭawngkam

20 ^aAmoz-ih fapa Isaiah in Hezekiah hnenah, “Israel-ih Pathian Jehovah in, ‘Assiria siangpahrang Sennakerib thuhla ah ka hnenih thla na cam mi ka rak theih ruangah, 21 ^bhihi Jehovah in amah dokalhih a rel mi a kamsuakthu cu a si:

19:20^a 1Sp 9:3; Isa 37:21

19:21^b Job 16:4; Sam 44:14; 109:25; Isa 10:5; 37:22; Jer 14:17; 18:16; Ṭah 2:13; Amo 5:2

‘Fala him, Zion fanu cun,
A lo nautat ih, hmuhsuamin a lo hnihsan;
Jerusalem fanu cun
^aNa dung ihsin a lu a lo thĭn!
22 ^bZo so na simsiat ih na thangsiat?
Zo dokalhin saw na aw na suah ih,
Na mit sâng ih na ngauhnawh?
Israel-ih Mi Thianghlim dokalhin a si lo maw?
23 ^cNa palaipawl hmangin Bawipa rak simsia-in,
“Ka rang lêng tampi thawn
Tlang sangpi pi ah ka kai,
Lebanon tlang sannak bik ah cun;
A sidar thing sangpi pi le,
A mirang far thing ṭhaṭha pawl ka hau ding;
Ramri dĕng cēnnakpawl, a tupi ṭha ah ka lut ding.
24 ^dTikhur ka lai ih tidai danglam ka in,
Cule ka ke zaphak in kilhimnak tiva te zaten ka kāngter ṭheh,” tiah na ti.
25 ^eHihi hna in na thei dah lo maw si?
Tuan le mang laiah cumi cu ka rak ruatfel zo,
Khuahlan ihsin cumi cu ka rak tum zo,
Kulh hnget nei khawpipawl siatbălin thil se penkhawm menih na canter dingah,
Atu-ah cumi cu ka cangsuakter a si.
26 ^fCuruangah an sungih cêngpawl in huham málte an nei.
Annih cu an thla a ṭem ih an ān a hai;
Annih cu ramlak hrampi le
Thlai hring vek an si,
A pitlin man hlanih ni ih a emro mi inn luanglu rawn parih hrampi vek an si.
27 ^gAsinan na cēnnak hmun,
Na thil ti mi zate le,
Ka parih na thinsosatnak ka thei.
28 ^hKa parih na thinsosatnak le na vaivungawknak cu
Ka hna ih a hung thlen ruangah,
Ka sio cu na hnar ah ka thluah ding ih,
Ka kakharh cu na kâ ah;
Cule na ratnak zinin ka lo kirter ding.
29 ⁱ‘Hihi na hrangih hminsinnak a si pei:
Tuih kum ah amah teih kho mi nan ei ding ih,
A kum hnihnak khal cumi ihsin a kho mi thotho nan ei ding;
A kum thumnak khalah nan tuh pei ih nan at pei,
Sabit hmuanpawl tla nan tuah pei ih, a rah nan ei pei.
30 ^jCule Judah sungza lakih a tlânsuak minung tāngsŭn cu
Hnuai lamih hram thla le
Tlun lamih rahsuahin an umsal ding.
31 ^kZiangahtile Jerusalem ihsin mi tāngsŭn pawl an feh ding,
A tlânsuak mipawl cu Zion tlang ihsin.
Ralkap rualpawlih Jehovah-ih ṭhahnemngainak in himi hi a tuah ding a si,’ tiah a ti.

19:21^a Na dung ihsin: Assiria a si.

19:22^b Pui 19:2; Isa 1:4; 37:23; Hos 11:9

19:23^c 2Sp 18:17; Sam 20:7; Isa 10:18, 34; 37:24; Eze 20:47; 31:3

19:24^d Isa 19:6; 37:25

19:25^e Isa 10:5-6; 37:26; 45:7; Mik 1:6

19:26^f Sam 6:10; 37:2; 129:6; Isa 37:27

19:27^g Sam 139:1-4; Isa 37:28

19:28^h 2San 33:11; Isa 30:28; 37:29; Amo 4:2

19:29ⁱ Suah 3:12; Pui 25:4-5; Sam 107:37; Isa 7:11; 37:30; Luk 2:12

19:30^j Isa 1:9; 37:31; Eze 17:22; Amo 2:9

19:31^k Isa 9:7; 37:32; Joe 2:32; Zek 14:16

32 ^a“Curuangah Jehovah in Assiria siangpahrang thuhla ah hitin a sim:

19:32^a Isa 8:7-10; 37:33

‘Anih cu hi khawpi sungah a lut lo ding ih,
Cu tawkah thál fung khal a sai lo ding,
Khawpi hmaiah ralphaw keng khalin a ra fawn lo ding,
Khawpi kulhkhŭmnak lei sūnpâwng a dâwl fawn lo ding.
33 ^aA ratnak zin thothoin a tlungkir ding,
Cule anih cu hi khawpi sungah a lut lo ding, Jehovah in a ti.
34 ^bZiangahtile keimah le ka siahhlawh David ruangah,
Hi khawpi run dingin ka kilveng ding,’

19:33^a 2Sp 19:28, 36; Isa 37:34

19:34^b 2Sam 7:15; Isa 31:5; 37:35

tiah a ti,” tiin.

Sennakerib Sunnak le Thihnak

35 ^aCule cuih zan ah hitin a si, Jehovah-ih vancungmi cu a fehsuak ih, Assiria-mipawlih ṭanhmun khuarnak ah mi tingkhat le thawng sawmriat le thawngnga a that; cule zingteih mipi an thawh tikah, zoh hnik, mithi ruang hlir an um. 36 ^bCun Assiria siangpahrang Sennakerib cu a suak ih a feh, inn ah a kir ih, Nineveh ah a va um. 37 ^cCule hitin a si, a pathian Nisrok-ih temple ih pathian a biak laiah, amai fapa Adrammelek le Sharezer in amah cu ralnâm in an sahthluk; cule anmah cu Ararat ram ah an tlanhlo. Cun a aiah a fapa Esarhaddon a lal.

19:35^a Sem 19:13; Suah 12:23; 2San 32:21; Job 24:24; Isa 17:14; 37:36

19:36^b Sem 10:11; Isa 37:37

19:37^c 2San 32:21; Isa 37:38; Jer 51:27

20

Hezekiah a Dam Lo

1 ^aCu laiah Hezekiah cu a na ih a thi zikte. Cule Amoz-ih fapa profet Isaiah cu a hnenah a va feh ih, a hnenah cun, “Jehovah in hitin a ti: ‘Na innsang felten tawlrel aw, ziangahtile na thi ding ih na nung lo ding,’ a lo ti a si,” tiah a ti.

20:1^a 2Sam 17:24; 2San 32:24; Isa 38:1

2 ^aCun anih cu phăr lam a hawi ih, Jehovah hnenah thla a cam, 3 ^b“Maw Jehovah, ka lo ngen a si, thungaithlak le rinumnak thinlung thawi na hmaika ih ka nundān le na mithmuh ih thil ṭha ka tuah mipawl kha cing hram aw,” tiah a ti. Cule Hezekiah cu nasa zetin a ṭap.

20:2^a Isa 38:2

20:3^b Sem 8:1; 1Sp 2:4; 2San 31:20; Neh 13:14, 22, 31; Isa 38:3

4 ^aCule hitin a si, Isaiah cu tualrawn laifang a thlenngah hlanah a hnenah Jehovah-ih kamsuakthu a thleng ih, 5 ^b“Kirsal awla, ka mipawl hotu Hezekiah kha sim aw, ‘Na pa David-ih Pathian, Jehovah in hitin a ti: na thlacam ka thei, na mitthlipawl ka hmu, zoh hnik, ka lo tidam ding. A ni thumnak ah Jehovah inn ah na so ding. 6 ^cCule na dam sung nipawl cu kum hleinga ka bêt ding. Assiria siangpahrang kut ihsin nangmah le hi khawpi ka runsuak ding ih, keimai ruangah le ka siahhlawh David ruangah hi khawpi ka hum ding,’ tiin,” tiah a ti.

20:4^a Isa 38:4

20:5^b 1Sp 9:3; Sam 6:6-9; Isa 38:5-6

20:6^c 2Sp 19:34

7 ^aCun Isaiah in, “Theipi rah hmeh mi hlawm khat la uh,” tiah a ti. Cule annih in an la ih khuaihli parah cun an bĕn, cule anih cu a dam.

20:7^a 2Sp 4:41; Isa 38:21

8 ^aCule Hezekiah in Isaiah hnenah, “Jehovah in i damter ding ih, a ni thumnak ah Jehovah inn tiang ka so ding, ti hminsinnak cu ziang a si?” tiah a rak ti.

20:8^a Isa 7:11; 38:22

9 ^aCule Isaiah in, “Himi hi na hnenah Jehovah hnen ihsin hminsinnak a si, Jehovah in a sim zo mi thil a tuah ding: thlahlim cu hmai lamah kal hra simaw, dung lamah kal hra simaw a feh ding?” tiah a ti.

20:9^a 2Sp 19:29; Isa 38:7-8

10 Cule Hezekiah in, “Thlahlim kal hra ṭum ding cu thil áwl a si aw, cuti cun si hlah seh, thlahlim cu dung lamah kal hra kir sawn seh,” tiah a ti.

11 ^aCun profet Isaiah cu Jehovah hnenah a au. Ahaz-ih kailawn parih thlahlim a ṭum hnuah, Jehovah in dung lamah thlahlim cu kal hra in a kirter.

20:11^a Jos 10:13; 2San 32:24; Isa 38:8

Babilon ihsin Palaipawl

12 ^aCu cān ah Baladan-ih fapa, Babilon siangpahrang Berodakh-Baladan in Hezekiah hnenah cakuatpawl le laksawng a kuat, ziangahtile anih cun Hezekiah a dam lo ti thu a thei. 13 ^bCule Hezekiah cun anmah a ngaihsak ih, a hlawnthil retnak inn ihta hmuahhmuah, sui le ngun, rimhmuipawl le hnih mi hriak mankhung le a ralthuam retnak in sung hmuahhmuah, a hlawnthil retnak ih um hmuahhmuah a hmuh ṭheh hai. Hezekiah in an hnenih a hmuh hai lo mi a inn sungah siseh, a uknak ram hmuahhmuah ah siseh pakhat hman a um lo.

20:12^a 2San 32:31; Isa 39:1

20:13^b 2San 32:27; Isa 39:2

14 ^aCun profet Isaiah cu Siangpahrang Hezekiah hnenah a feh ih, a hnenah, “Hi milaipawl in ziang so an rel ih, khui ihsin so na hnenih an rat?” tiah a ti.

20:14^a Jos 9:6; Isa 39:3

Cule Hezekiah in, “Ram hlapi, Babilon ihsin an ra,” tiah a ti.

15 ^aCule anih in, “Na inn ah ziang so an hmuh?” tiah a ti.

20:15^a Isa 39:4

Cun Hezekiah in, “Ka inn sungih um mi zaten an hmu ṭheh; ka hlawnthil retnak innpawl ah anmah ka zohter lo mi pakhat hman a um lo,” tiah a sawn.

16 ^aCun Isaiah in Hezekiah hnenah, “Jehovah-ih kamsuakthu hi rak ngai aw: 17 ^b‘Ngai hnik, na inn sungih a um mi hmuahhmuah le na pupápawl in tuihni tiangih an rak khawl mipawl hmuahhmuah, Babilon ih an thiar thluh ding cān a ra thleng ding; zianghman tān mi an nei lo ding, tiah Jehovah in a ti. 18 ^cCule annih in na hrin ding mi, nangmai tesinfa a si ding mi na fapapawl lakih mi hrekkhat an hruaihlo ding; cule annih cu Babilon siangpahrang inn ih tilper ah an cang ding,’ a ti,” tiah a ti.

20:16^a Isa 39:5

20:17^b 2San 36:10; Isa 39:6; Jer 20:5

20:18^c 2San 33:11; Isa 39:7; Dan 1:3; Mik 4:10

19 ^aCule Hezekiah in Isaiah hnenah, “Na rak sim mi Jehovah-ih kamsuakthu cu a ṭha e!” tiah a ti. Ziangahtile anih in, “Ka dam sungah daihnak le thutak a um tâkah!” tiah a ti.

20:19^a 1Sam 3:18; Isa 39:8

Hezekiah Thihnak

20 ^aCun a tāng lai mi Hezekiah-ih căngvaihnakpawl, a cahnak hmuahhmuah, tili le tikáwng a tuahdān le khawpi sungih tidai a hruaidān pawl cu Judah siangpahrangpawlih san siarnak cazualpawl ah ngan an si lo maw? 21 ^bCule Hezekiah cu a pupápawl hnenah a itthat. Cun a fapa Manasseh cu a aiah a lal.

20:20^a 2Sam 5:8; 2San 32:32

20:21^b 2San 32:33

21

Judah Siangpahrang Manasseh

1 ^aManasseh cu siangpahrang a hung si tikah, kum hleihnih mi a si ih, Jerusalem ah kum 55 sung a lal. A nuih hmin cu Hefzibah a si. 2 ^bCule anih cun Jehovah in Israel tefapawl hmaiih a rak hlăwnsuak zo mi miphunpawlih thil fihnungza pawl zulhin, Jehovah-ih mithmuh ah thil ṭha lo a tuah. 3 ^cCule anih cun a pa Hezekiah ih rak siatbăl mi hmun sâng pawl a dĭnsal; Israel siangpahrang Ahab ih a rak tuah vekin, Baal hrangah biakṭhengpawl a dâwl ih Asherah pakhat a tuah; cule van ih thilmak rual zaten a bia ih a rian. 4 ^dAnih in, “Jerusalem ah ka hmin ka ret ding tiih,” Jehovah ih a tinak Jehovah inn ah biakṭhengpawl khal a dâwl. 5 ^eCule Jehovah inn tualrawn pahnih ah van ih thilmak rual zate hrangah biakṭhengpawl a dâwl. 6 ^fCuihhleiah a fapa meisa a paltlăngter, aizoh thiamnak a hmang, thilcam thiamnak a hmang ih, thlaraupawl le thlaraukawh thiam pawl a ráwn. A thinhengnak căwktho dingah Jehovah hmaiah thil ṭha lo tam tuk a tuah. 7–8 ^gJehovah in David le a fapa Solomon hnenah, “Israel hnám zate lak ihsin ka hril mi hi inn ah le Jerusalem ah kumkhuain ka hmin ka ret ding. Cule anmah thu ka rak pek hai mipawl hmuahhmuah bangtukin le ka siahhlawh Mosi in anmah dān a pek mi hmuahhmuah bangtukih tuah dingin an fimkhur asile, an pupápawl ka rak pek mi ram ihsin Israel ke cu vâkvaiin ka tuah lo ding,” a rak tinak inn ah kher ih a tuah mi Asherah milim a ret. 9 ^hAsinan annih cun an ngaithla lo ih, Manasseh cun Israel tefapawl hmaiih Jehovah in a rak siatsuah mi miphunpawl hnakih thil ṭha lo tamsin tuah dingin anmah cu a hruai sual hai.

21:1^a 2San 33:1; Isa 62:4

21:2^b Dnp 4:25; 9:4; 2San 33:2; Jer 15:4

21:3^c Dnp 16:21; 17:3; 1Sp 16:31; 2Sp 18:4; 2San 33:3; Jer 19:13

21:4^d 2Sam 7:13; 1Sp 8:29; 2San 33:4; Jer 32:34; Eze 23:39

21:5^e 1Sp 7:12; 2San 33:5

21:6^f Pui 18:21; 19:31; Dnp 18:10, 14; 2San 33:6

21:7-8^g Suah 20:24; Dnp 16:21; 2Sam 7:10; 1Sp 9:3; 2San 33:7-8

21:9^h Dnp 9:4; 1Sp 14:9; 2San 33:9-10; Eze 5:6-7

10 Cule Jehovah in a siahhlawh profetpawl hmangin a sim ih, 11 ^a“Judah siangpahrang Manasseh in himi thil fihnungza pawl hi a tuah, a hmaiih Amor-mi zate hnakih sualrálsawnin a cangvai ih, a milempawl thawn Judah a sualter ruangah, 12 ^bIsrael-ih Pathian Jehovah in hitin a ti: ‘Zoh hnik, Jerusalem le Judah tlunah vanduainak ka thlĕn ding, cumi a theitu zokhal a hna a pahnih in a khīng ding. 13 ^cCule Jerusalem tlunah Samaria-ih tahnak hri le Ahab inn ih darhlumthlai hri ka thlai ding. Jerusalem cu mi in khēng a hnawt ih, a ling a let ih a hnawt bangin ka hnawt ding. 14 ^dCun ka ro co mitangsŭn cu ka thlauthla hai ding ih an ralpawl kut ah ka pe hai ding, cule an ralpawl hmuahhmuah ih ralthillawn le ralthillâk ah an cang ding, 15 ^eziangahtile ka mithmuh ah thil ṭha lo an rak tuah ih, Izip ihsin an pupápawl an ra suah ni ihsin tuihni tiangin thinheng dingah keimah in căwktho,’ tiin,” a ti.

21:11^a Sem 15:16; 1Sp 14:9; 21:26

21:12^b 1Sam 3:11; Jer 19:3

21:13^c Isa 28:17; Ṭah 2:8; Amo 7:7-9

21:14^d Neh 9:27-37; Sam 78:60; Isa 1:9; Jer 6:9; 12:7; Mik 2:12

21:15^e Dnp 31:27; Jer 25:7

16 ^aJehovah mithmuh ah thil ṭha lo tuahin Judah a sualternak sual hleiah, Manasseh cun Jerusalem khat lam ihsin khat lam khat ko tiangin mawhnak nei lo thisen tam zet a suah.

21:16^a 1Sp 14:16; Jer 2:34; Ṭah 4:13; Eze 7:23; Hos 4:2

17 ^aCun a tāng lai mi Manasseh-ih căngvaihnakpawl, a tuah mi zate le thil sual a tuah mi cu Judah siangpahrangpawlih san siarnak cazualpawl ah ngan an si lo maw? 18 ^bCule Manasseh cu a pupápawl hnenah a cawl ih, Uzza hmuan ih amai inn hmuan ah phum a si. Cun a fapa Amon cu a aiah a lal.

21:17^a 2San 33:18-19

21:18^b 2Sp 21:26; 2San 33:20; Est 1:5

Judah Siangpahrang Amon

19 ^aAmon cu siangpahrang a hung si tikah kum 22 a si ih, Jerusalem ah kum hnih sung a lal. A nuih hmin cu Meshullemeth, Jotbah-mi Haruz-ih fanu a si. 20 ^bCule anih cun a pa Manasseh in a rak tuah vekin, Jehovah-ih mithmuh ah thil ṭha lo a tuah. 21 Cun a pa ih zawh mi lamzin zaten a zawh ih, a pa ih rĕn mi milempawl a rian ih a bia. 22 ^cA pupápawlih Pathian Jehovah a tlansan ih, Jehovah lamzin a zawh lo. 23 ^dCun Amon-ih siahhlawhpawl in amah an phiarthup ih amai inn roriah siangpahrang cu an that. 24 ^eAsinan cuih ram mipi in Siangpahrang Amon phiarthuptu zaten an that ṭheh. Cun cuih ram mipi in a fapa Josiah cu a aiah siangpahrang ah an tuah.

21:19^a 2San 33:21

21:20^b 2Sp 21:2-7; 2San 33:22-23

21:22^c 1Sp 11:33; 2Sp 22:17

21:23^d 2Sp 14:19; 2San 33:24

21:24^e 2San 33:25; Zef 1:1

25 Cun a tāng lai mi Amon ih tuah mi căngvaihnakpawl cu Judah siangpahrangpawlih san siarnak cazualpawl ah ngan an si lo maw? 26 ^aCule anih cu Uzza hmuan sungih amai thlān ah phum a si. Cun a fapa Josiah cu a aiah a lal.

21:26^a 1Sp 13:2; 2Sp 21:18

22

Judah Siangpahrang Josiah

1 ^aJosiah cu siangpahrang a hung si tikah kum riat mi a si ih, Jerusalem ah kum 31 sung a lal. A nuih hmin cu Jedidah, Bozkath khawmi Adaiah-ih fanu a si. 2 ^bCule anih cun Jehovah-ih mithmuh ah a dik mi a tuah ih, a pa David-ih lamzinpawl zaten a zawh; vawrh lamah simaw, keh lamah simaw a pial lo.

22:1^a Jos 15:39; 2San 34:1; Jer 1:2

22:2^b Dnp 5:32; 17:19-20; 1Sp 14:8; 2San 34:2

Hilkiah in Dān Cazual a Hmusuak

3 ^aCun hitin a si, Siangpahrang Josiah a lal kum hleiriatnak ah Siangpahrang in Meshullam-ih fa Azaliah fapa cangantu Shafan cu Jehovah inn ah a thlah ih, 4 ^b“Puithiam lu bik Hilkiah hnenah feh awla, Jehovah inn sungih rak ken mi, mipi hnen ihsin sângka kiltupawlih khawnkhawm mi paisa siar seh. 5 ^cCule cumi cu Jehovah inn ih hna vilvengtu kut ah pe hai seh. Cule annih in cumi cu Jehovah inn sungih inn se rĕmtu hnaṭuantu, 6 ^dlettamapawl le inn saktupawl le lung sertupawl hnenah thing le ser mi lung leinak ah le inn rĕmnak ah pe hai seh. 7 ^eSikhalsehla an kut sungih ap mi paisa cu cek ṭulih ruah ding a si lo, ziangahtile annih in rinumten an hmang a si,” tiah a ti.

22:3^a 2San 34:8, 20

22:4^b 2San 34:9; Ezr 7:1

22:5^c 2Sp 12:11-12; 2San 34:10

22:6^d 1Sp 5:18; 2Sp 12:12; 2San 34:11

22:7^e 2Sp 12:15; 2San 34:12; 1Ko 4:2

8 ^aCun puithiam lu bik Hilkiah in cangantu Shafan hnenah, “Jehovah inn sungah Dān Cazual ka sar,” tiah a ti. Cule Hilkiah in Shafan hnenah cuih cazual cu a pe ih anih in cumi cu a siar.

22:8^a Dnp 28:61; 2San 34:14-15; Gal 3:10

9 ^aCun cangantu Shafan cu siangpahrang hnenah a feh ih thu a phursal, “Na siahhlawhpawl in inn sungih hmuh mi paisa an khawm ih, cumi cu Jehovah inn vilvengtu, hnaṭuantupawlih kut ah an ap,” tiah a ti. 10 ^bCun cangantu Shafan in, “Puithiam Hilkiah in cazual pakhat i pe,” tiin siangpahrang cu a hmuh. Cule cumi cu Shafan in siangpahrang hmaiah a siar.

22:9^a 2San 34:16-17

22:10^b 2San 34:18; Jer 36:21

11 ^aCun hitin a si, siangpahrang in Dān Cazual sungih kamsuakthupawl a theih tikah a hnipuan a thlek. 12 ^bCun siangpahrang in puithiam Hilkiah, Shafan-ih fapa Ahikam, Mikaiah-ih fapa Akbor, cangantu Shafan le siangpahrang siahhlawh Asaiah pawl cu, 13 ^c“Feh uh, ka hrang, mipi hrang le Judah zate hrangih sar a si mi, hi cazual sungih kamsuakthupawl thuhla ah Jehovah sut uh, ziangahtile kanmah dokalhih a tho mi Jehovah-ih thinlingnak hi a nasa tuk, ziangahtile kanmai thuhla ngan a si mi hmuahhmuah vekih tuah dingin kan pupápawl in hi cabu sungih kamsuakthupawl an rak thlun lo,” tiin thu a pei hai.

22:11^a Jos 7:6; 2San 34:19

22:12^b 2San 34:20; Jer 26:24

22:13^c Dnp 29:24-28; 2San 34:21; Isa 5:25; Amo 2:4

14 ^aCun puithiam Hilkiah, Ahikam, Akbor, Shafan le Asaiah cu hnipuan kiltu Harhas fapa Tikvah-ih fapa Shallum-ih nupi profet Huldah hnenah an feh. Cu nu cu Jerusalem khua Veng Thar ih cêng a si. Cule amah cu an bia. 15 ^bCun cu nu cun an hnenah, “Israel-ih Pathian Jehovah in hitin a ti, ka hnenih lo thlahtu pa hnenah, 16 ^c‘Jehovah in hitin a ti: zoh hnik, Judah siangpahrang in a siar mi cazual sungih kamsuakthupawl hmuahhmuah cu, hi hmun le a luahtupawl parah vanduainak ka thlengter ding, 17 ^dziangruangahtile annih cun anmai kut ih tuah mi hmuahhmuah thawn ka thinlingnak căwktho dingah, keimah in tlansan ih pathian dang pawl hnenah rimhmui an ur. Curuangah hi hmun ah ka thinlingnak a alh ding ih, a mit lo ding, tiin sim uh,’ tiah a ti.

22:14^a Suah 15:20; Lai 4:4; 2San 34:22

22:15^b 2San 34:23

22:16^c Dnp 31:29; Jos 23:15; 2San 34:24; Jer 6:19; Dan 9:11

22:17^d 1Sp 9:9; 2San 34:25; Amo 2:4

18 ^a“Asinan Jehovah sut dingih lo thlahtu Judah siangpahrang hrangah, a hnenah hitin nan sim pei, ‘Israel-ih Pathian Jehovah in hitin a ti: na rak theih mi ṭawngkampawl thawn pehparin, 19 ^bna thinlung a nem ih, hi hmun dokalh le a luahtupawl dokalhih răm mi le camsiat mi an si ding tiih ka ṭawng mi na theih tikah na hnipuan na thlek, ka hmaiah na ṭap ih, Jehovah hmaiih na phahniamawk ruangah, kei khal in ka lo ngaithla ve a si, tiin Jehovah in a ti. 20 ^cCuruangah zoh hnik, na pupápawl hnenah ka lo fĭn ding ih, na thlān ah hnangamten fĭn na si ding, cule hi hmun ih ka thlenter ding mi vanduainak zaten na mit in a hmu lo ding,’ tin sim uh,” a ti. Cun annih in siangpahrang hnenah thu cu an phurkir.

22:18^a 2San 34:26; Jer 21:2

22:19^b Suah 10:3; Pui 26:31-32; 2San 34:27; Isa 57:15; Mik 6:8

22:20^c 1Sp 21:29; 2San 34:28; Jer 18:11

23

Josiah in Pathian Biak a Tungdingsal

1 ^aCun siangpahrang in mi a thlah ih, Judah ram le Jerusalem upapawl zaten a hnenah an kokhawm. 2 ^bSiangpahrang cu Judah ram ih mipa zate le Jerusalem luahtupawl, puithiampawl, profetpawl, mipi zate a tûm a te pawl thawn Jehovah inn ah a hung so. Cule anih in Jehovah inn sungih hmuhsuah mi Thukham Cazual sungih kamsuakthupawl zaten an hnatheih ah a siar.

23:1^a 2San 34:29

23:2^b Suah 24:7; Dnp 31:11; 2San 34:30

3 ^aCun siangpahrang cu ṭhuam pakhat kiangah a ding ih, Jehovah thlun dingin, a thupekpawl le a thutheihter mipawl le a sakhaw dānpawl tla a thinlung zate le a nunnak zaten thlun dingin le hi cazual sungih ngan mi hi thukham thupawl cu tuahsuak dingin Jehovah hmaiah thukham a tuah. Cule mipi zaten thukham ah cun an ding. 4 ^bCule siangpahrang in puithiam lu bik Hilkiah, a sangtu puithiampawl le sângka kiltupawl cu Jehovah-ih temple sungih Baal hrang, Asherah hrang le van ih thilmak rual zate hrangih tuah mi bungruapawl zaten lasuak dingin thu a pe hai. Cun Jerusalem lengih Kidron ramlak ah a ur ih an vutcâm cu Bethel ah a phur. 5 ^cCun Judah khawpipawl le Jerusalem kiangkap hmuahhmuah ih hmun sâng pawl parih rimhmui ur dingah Judah siangpahrangpawlih rak ruat mi milem bia puithiampawl le Baal hnen, ni hnen, thlapi hnen, arsipawl hnen le van ih thilmak rual hmuahhmuah hnenih rimhmui urtupawl a ṭhawnhlo. 6 ^dCule Jehovah inn ihta Asherah cu Jerusalem lengih Kidron Hawrkuam ah a lasuak ih Kidron Hawrkuam ah a ur, cule a rialdip thluh ih a vutcâm cu mivantlangpawlih thlān parah a vawrh. 7 ^eCun anih cun Jehovah inn sungih nunaupawl in Asherah hrangih puanzarpawl an tuahnak, ^fmipa hlawhhlang bûkpawl cu a cimter. 8 ^gCule Judah khawpipawl ih puithiampawl zaten a ko hai ih, Geba ihsin Beersheba tiangin puithiampawlih rimhmui urnak hmun sâng pawl a bawrhbangter. Khawpi kăwtka keh lamih um, khawpi uktu Joshua-ih Kăwtsuah kăwtkapawl ih hmun sâng pawl khal a siatbăl. 9 ^hSikhalsehla hmun sâng puithiampawl cu Jerusalem ih Jehovah-ih biakṭheng ah an so ve lo, asinan an unaupawl lakah thilnu telh lo sang cu an ei ve.

23:3^a Dnp 13:4; 30:10; 1Sp 7:15; 2San 34:31-32

23:4^b 2Sp 21:3-5; Jer 52:24

23:5^c Jer 8:2

23:6^d Suah 32:20; Mip 19:16; 2San 34:4; Jer 26:23

23:7^e Dnp 23:17; 1Sp 14:24; Eze 16:16

23:7^f mipa hlawhhlang: Sakhua thawi pehtlaiaw mi hlawhhlang a si. An sakhua temple ah an um ṭheu.

23:8^g Jos 21:17; 1Sp 15:22

23:9^h Eze 44:10-14

10 ^aCule zohman in an fapa simaw, an fanu simaw Molek hnenih mei an paltlăngter nawn lo nak dingah, Hinnom Fapaih Phaikuam ih um ^bTofeth cu a bawrhbangter. 11 ^cCun Jehovah inn luhnak, tualrawn ih um, pindan kiltu Nathan-Melek pindan kiangih Judah siangpahrangpawl in ni hnenih an rak hlăn mi rangpawl cu a ṭhawnhlo ih, meisa in ni rang lêngpawl cu a ur. 12 ^dSiangpahrang cun Judah siangpahrangpawl ih rak tuah mi Ahaz pindan tlunta, luanglu parih biakṭhengpawl le Jehovah inn tual pahnih ah Manasseh ih rak tuah mi biakṭhengpawl a bălthla ih, cu tawkah a rawtzâm, cule an vutcâm cu Kidron Hawrkuam ah a hlăwn. 13 ^eCun Jerusalem nisuahnak lam, Bawrhhlawhnak Tlang thlang lamih um, Israel siangpahrang Solomon in Sidon-mipawlih fihnungza ^fAshtoreth hrang, Moab rammipawlih fihnungza Kemosh hrang le Ammon-mipawlih fihnungza Milkom hrangih an dĭn mi hmun sâng pawl cu siangpahrang in a bawrhbangter. 14 ^gCule ṭhuampawl cu cip seksekin a khuai ih Asherahpawl a hautlu, cule mipapawlih ruh in an hmunpawl cu a khatter.

23:10^a Pui 18:21; Dnp 18:10; Jos 15:8; Isa 30:33; Jer 7:31

23:10^b Tofeth: Aramik ṭawngfáng ihsi lâk mi a si men thei, a sullam cu “meisa kāng hmun” tinak a si; Jerusalem thlang lam, Hinnom Fapaih Phaikuam hmun ih hmun hleice pakhat a si.

23:11^c Dnp 4:19; Jer 44:9; Eze 8:16

23:12^d 2Sp 23:6; 2San 33:5, 15; Jer 19:13; Zef 1:5

23:13^e Mip 21:29; 1Sp 11:5, 7; Jer 11:13

23:13^f Ashtoreth: Fonisia-mipawlih nunau pathian a si. “Astarte” ti khalih kawh a si.

23:14^g Suah 23:24; Mip 19:16

15 ^aCuihhleiah Bethel ih biakṭheng le Israel sualtertu Nebat-ih fapa Jeroboam in a rak tuah mi hmun sâng, cuih biakṭheng le hmun sâng a ṭhiatbăl, cule hmun sâng cu a ur ih, a rawtdip thluh, cule Asherah cu meisa in a ur. 16 ^bJosiah cu a heraw ih tlang parih um thlānpawl a hmu. Cule mi a thlah ih thlānpawl ihta ruhpawl cu a la ih biakṭheng parah a ur, cumi cu hi thu rak phuangtu Pathian mi ih phuan mi Jehovah-ih kamsuakthu vekin a bawrhbangter. 17 ^cCun anih in, “Hih ka hmuh mi thlānlung cu ziang a si?” tiah a ti.

23:15^a 1Sp 12:27-33; 13:3; 14:16

23:16^b 1Sp 13:2, 32

23:17^c 1Sp 13:1, 30-31

Cun khaw sung mipapawl in, “Bethel biakṭheng dokalhin na tuah mi hih thilpawl rak phuangtu, Judah ram ihsi ra, Pathian miih thlān a si,” tiin amah an sim.

18 ^aCule anih in, “Um ko seh, zohman in a ruhpawl ṭhawn hlah uh,” tiah a ti. Cun annih in a ruhpawl cu Samaria ihsi ra profet-ih ruhpawl thawn zianghman an ti lo.

23:18^a 1Sp 13:29, 31

19 ^aCun Josiah in Jehovah-ih thinhengnak căwktho dingah Israel siangpahrangpawlih rak tuah mi, Samaria khawpipawlih umhmun sâng pawl ih innpawl hmuahhmuah khal a lahlo ih, Bethel khua ih rak tuah mi thil ti hmuahhmuah vekin anmah parah a tuah.

23:19^a 2San 34:6-7

20 ^aCu tawkih umhmun sâng pawlih puithiampawl zaten biakṭhengpawl parah a that hai ih, an parah mipapawlih ruhpawl cu a ur, cule anih cu Jerusalem ah a kir.

23:20^a Suah 22:20; 1Sp 13:2; 2San 34:5

21 ^aCule siangpahrang in mipi hmuahhmuah cu thu a pe ih, “Himi Thukham Cazual sungih ngan mi vekin, Jehovah nan Pathian hnenah Lanta puai hmang uh,” tiah a ti. 22 ^bCuvek Lanta Puai cu Israel thu rak ṭhentu laireltupawl san ihsin siseh, Israel siangpahrangpawl le Judah siangpahrangpawlih san hmuahhmuah khalah hman a si dah hrimhrim lo. 23 ^cAsinan Siangpahrang Josiah a lal kum hleiriatnak ah cun Jerusalem ah Jehovah hmaiah hi Lanta Puai cu hman a si.

23:21^a Suah 12:11; Dnp 16:1-8; 2San 35:1

23:22^b 2San 30:1-3; 35:18

23:23^c Suah 12:11; Mip 28:16

24 ^aCuihhleiah Josiah in thlaraukawh thiam pawl le thlarau rawntupawl, sungkaw milempawl le milimpawl, Judah ram le Jerusalem ih hmuh mi thil fihnungza pawl hmuahhmuah cu puithiam Hilkiah in Jehovah inn sungih a hmuh mi cazual sungih ngan mi dān ṭawngkampawl a tuahsuaknak dingah a hlăwn. 25 ^bCun zohman amai hlanah Mosi Dān hmuahhmuah vekih thinlung zate, nunnak zate le cahnak zate ih Jehovah hnenih kir siangpahrang an um lo ih, amai hnu khalah an suak lo.

23:24^a Sem 31:19; Pui 19:31; Dnp 7:26; 18:10-11; 2Sp 22:8

23:25^b Dnp 6:5; 1Sam 7:3; 2Sp 18:5

26 ^aSikhalsehla Jehovah cu Manasseh ih a căwkthawh mi a aithawhnak hmuahhmuah ruangah Judah parih a alh mi a thinhengnak, ṭihnungza a thinlingnak nasa zet ihsin a lamlêt cuang lo. 27 ^bCule Jehovah in, “Israel ka ṭhawnhlo vekin, Judah khal ka mithmuh ihsin ka ṭhawnhlo ding, ka rak hril mi himi khawpi Jerusalem le, ‘Cu tawkah ka hmin a um ding,’ ka rak tinak inn khal ka hlăwn ding,” tiah a ti.

23:26^a 2Sp 21:1-16; Jer 15:4-6

23:27^b 1Sp 9:3; 2Sp 17:18-19; 21:12-13

Doawknak ah Josiah a Thi

28 ^aCule a tāng lai mi Josiah-ih căngvaihnakpawl le a tuah mi zaten Judah siangpahrangpawlih san siarnak cazualpawl ah ngan an si lo maw? 29 ^bA san laiah Izip siangpahrang Faro Neko cu Assiria siangpahrang dokalhin Zufraṭis tiva ah a feh. Siangpahrang Josiah cu amah dokalhin a feh ih a va tawn tikah Megiddo ah Faro Neko in amah cu a rak that. 30 ^cCun a ruak cu a siahhlawhpawl in Megiddo ihsin rang lêng in an phur, Jerusalem ah an tlunpi ih, amai thlān ah an phum. Cule ram mipi in Josiah-ih fapa Jehoahaz cu an hruai ih hriak an thih, cule a pa aiah siangpahrang ah an tuah.

23:28^a 2San 35:26-27

23:29^b 2San 35:20-24; Jer 46:2

23:30^c 2San 35:24-25; 36:1

Judah Siangpahrang Jehoahaz

31 ^aJehoahaz cu siangpahrang a hung si tikah, kum 23 mi a si ih, Jerusalem ah thla thum sung a lal. A nuih hmin cu Hamutal a si ih, Libnah khawmi Jeremiah-ih fanu a si. 32 ^bCule anih cu a pupápawl ih rak tuah mi hmuahhmuah zulhin Jehovah-ih mithmuh ah thil ṭha lo a tuah. 33 ^cCule amah cu Jerusalem ih a lal thei lo nak dingah, Faro Neko in Hamath ram sungih Riblah ah a ṭawn ih, cuih ram parah ngun talent 100 le sui talent khat ngunkhuai a tuk. 34 ^dCun Faro Neko in Josiah-ih fapa Eliakim cu a pa Josiah aiawhah siangpahrang ah a tuah. A hmin khal Jehoiakim tiin a thlĕngsak. Cule Faro in Jehoahaz cu a hruai ih, Izip ram ah a feh, cule cu tawkah a thi.

23:31^a 1San 3:15; 2San 36:2; Jer 22:11

23:32^b 2Sp 21:2-7

23:33^c Mip 34:11; 1Sp 8:65; 2San 36:3

23:34^d 1San 3:15; 2San 36:4-8; Jer 1:3; 22:11-12

Judah Siangpahrang Jehoiakim

35 ^aCun Jehoiakim cun Faro hnenah ngun le sui a pe, cuih ram cu Faro thupek vekin paisa pe dingin siah a khuanter; Faro Neko hnenih pe dingih mi kip khuan dingih a tuk zat cio vekin, cuih rammipawlih ngun le sui a khuanter. 36 ^bJehoiakim cu siangpahrang a hung si tikah, kum 25 mi a si ih, Jerusalem ah kum hleikhat sung a lal. A nuih hmin cu Zebudah a si ih, Rumah khawmi Pedaiah-ih fanu a si. 37 ^cCule anih cu a pupápawl ih rak tuah mi hmuahhmuah zulhin, Jehovah-ih mithmuh ah thil ṭha lo a tuah.

23:35^a 2Sp 15:19-20

23:36^b 2San 36:5; Jer 26:1

23:37^c 2Sp 21:2-7

24

1 ^aAmai san ah Babilon siangpahrang Nebukhadnezzar cu a hung so ih, Jehoiakim cu kum thum sung a siahhlawh ah a cang. Cun Jehoiakim cu a pial ih amah dokalhin a hél. 2 ^bCule Jehovah in amah do dingah Kaldia miburpawl, Siria miburpawl, Moab miburpawl le Ammon miburpawl a thlah. A siahhlawh profetpawl hmangih a rak sim mi, Jehovah-ih kamsuakthu vekin Judah ram tisiat dingin anmah cu a thlah hai. 3–4 ^cThungaiten himi hi, Manasseh ih a rak tuah mi sualpawl hmuahhmuah ruangah le mawhnak nei lo thisen tiang a suah ruangah, a mithmuh ihsi anmah ṭhawnhloh ding cu Judah parih Jehovah-ih thupek vekin a si. Ziangahtile anih cun Jehovah in a ngaithiam lo ding mi mawhnak nei lo thisen in Jerusalem a khatter.

24:1^a 2San 36:6-7; Jer 25:1, 9; 35:11; Dan 1:1-2

24:2^b Jer 5:15; 35:11; Eze 23:23-24; Dan 1:2; Hab 1:6

24:3-4^c 2Sp 21:12-14, 16; Jer 15:4; 22:3; Ṭah 3:42

5 ^aCun a tāng lai mi Jehoiakim-ih căngvaihnakpawl le a tuah mi zaten Judah siangpahrangpawlih san siarnak cazualpawl ah ngan an si lo maw? 6 ^bCule Jehoiakim cu a pupápawl hnenah a cawl ih a aiawhah a fapa Jehoiakin a lal.

24:5^a 2San 36:8; Jer 22:18-19

24:6^b Jer 22:24

7 ^aBabilon siangpahrang in Izip siangpahrangih neih mi Izip Hawrkuam ihsin Zufraṭis tiva tiang ram zaten a lak ruangah Izip siangpahrang cu a ram ihsin a suakvak nawn lo.

24:7^a Sem 15:18; Jer 1:14; 46:2, 25-26

Judah Siangpahrang Jehoiakin

8 ^aJehoiakin cu siangpahrang a si tikah kum hleiriat mi a si ih, Jerusalem ah thla thum sung a lal. A nuih hmin cu Nehushta, Jerusalem-mi Elnathan-ih fanu a si. 9 ^bCule anih cu a pa ih rak tuah mi hmuahhmuah vekin, Jehovah-ih mithmuh ah thil ṭha lo a tuah.

24:8^a 1San 3:16; 2San 36:9; Jer 22:24

24:9^b 2Sp 23:37

10 Cuih cān ah Babilon siangpahrang Nebukhadnezzar-ih siahhlawhpawl cu Jerusalem dokalhin an hung so ih, khawpi cu an kulh. 11 Cule Babilon siangpahrang Nebukhadnezzar cu a siahhlawhpawl in cumi an kulh laiah, khawpi ah a ra thleng. 12 ^aCun Judah siangpahrang Jehoiakin cu a nu, a siahhlawhpawl, a ralbawipawl le a bawipawl thawn Babilon siangpahrang hnenah an fehsuak, cule Babilon siangpahrang a lal kum riatnak ah amah cu a hruaihlo.

24:12^a 2San 36:10; Eze 17:12

Jerusalem Sál Tānnak

13 ^aCule anih in Jehovah inn ih hlawnthilpawl hmuahhmuah le siangpahrang inn ih hlawnthilpawl cu a phursuak ih, Israel siangpahrang Solomon in Jehovah ih sim vekin, Jehovah-ih temple sungih a rak tuah mi sui bungrua zaten a sâtdarh thluh. 14 ^bCuihtlunah Jerusalem ih mi hmuahhmuah: ralbawi hmuahhmuah le micak ralṭha hmuahhmuah, dawisuah mi 10000 le zungthiam hmuahhmuah le thirser thiam pawl cu a hruaihlo thluh, cuih ram ih mifarahbik pawl ti lo cu zohman an tâng lo. 15 ^cCule Jehoiakin khal Babilon ah a hruai. Siangpahrangih nu, siangpahrangih nupipawl, a bawipawl le ram micakpawl cu Jerusalem ihsin Babilon ah a hruaihlo hai. 16 ^dMicak hmuahhmuah mi 7000 le zungthiam le thirser thiam mi 1000, ral donak hrangih cak le tling hmuahhmuah cu Babilon siangpahrang in Babilon ah ralkaih ah a hruai thluh.

24:13^a 1Sp 7:51; 2San 36:7; Isa 39:6; Jer 15:13

24:14^b 2Sp 25:12; Jer 24:1

24:15^c 2Sp 24:8; 2San 36:10

24:16^d Jer 24:1; 29:2

Judah Siangpahrang Zedekiah

17 ^aBabilon siangpahrang in Jehoiakin-ih paseu Mattaniah cu a aiawhin siangpahrang ah a tuah ih, Zedekiah tiin a hmin a thlĕngsak.

24:17^a 1San 3:15; 2San 36:10; Jer 1:3; 37:1

18 ^aZedekiah cu siangpahrang a si tikah kum 21 mi a si ih, Jerusalem ah kum hleikhat sung a lal. A nuih hmin cu Hamutal a si ih, Libnah khawmi Jeremiah-ih fanu a si. 19 ^bAnih khal Jehoiakim ih a rak tuah mi hmuahhmuah bangtukin, Jehovah-ih mithmuh ah thil ṭha lo a tuah. 20 ^cJehovah-ih thinhengnak ruangah a hmaika ihsin anmah a hlăwnsuak tiangin, hihi Jerusalem ah le Judah ah a cang. Cun Zedekiah cu Babilon siangpahrang parah a hél.

24:18^a 1San 3:16; 2San 36:11; Jer 52:1

24:19^b 2Sp 23:37; 2San 36:12; Jer 37:2

24:20^c Dnp 4:23-26; 2San 36:13; Eze 17:15-21

25

Judah Tlûknak le Sál Tānnak

1 ^aCun hitin a si, a lal kum kuatnak, a thla hratnak, a ni hratnak ah Babilon siangpahrang Nebukhadnezzar le a ralkap rual zaten Jerusalem an do ih, ṭanhmun an khuar. Cule cumi kimvel hmuahhmuah ah kulhkhŭmnak sūnpâwng an tuah. 2 Cun Siangpahrang Zedekiah a lal kum hleikhatnak tiang khawpi cu kulh a si. 3 ^bThla litnak, a ni kuatnak ah khawpi sungah ṭam a luarkai tuk ih rammipawl hrangah rawl a um lo.

25:1^a 2San 36:17-20; Jer 21:2; 32:1-2; Eze 21:21-22

25:3^b Pui 26:26; 2Sp 6:24-29; Jer 14:18; Ṭah 2:20

4 ^aCun khawpi kulh cu siatbăl a si ih, Kaldia-mipawl in khawpi kimvel zate ah ṭanhmun an khuar na cingin, ral do mipa zate cu zan ah siangpahrang hmuan kiang, phăr pahnih karlak kăwtka zin ihsin an tlânsuak thluh. Cule siangpahrang cu Arabah phairawn lam panin a feh. 5 ^bAsinan Kaldia ralkappawl in siangpahrang cu an dawi ih Jeriko phairawn ah an man. A ralkappawl zaten amai hnen ihsin an ṭekdarh ṭheh. 6 ^cSiangpahrang cu an kai ih, Riblah khua ih Babilon siangpahrang hnenah an hruai, cule a parah thuṭhennak an tuah. 7 ^dCun Zedekiah-ih fapapawl cu a mithmuh ah an that, cule Zedekiah-ih mit cu an phawrhsuak ih, dar kol an bun, cule Babilon ah an hruai.

25:4^a Jer 4:17; 39:4; Eze 33:21

25:5^b Jer 39:5; Eze 12:14

25:6^c Mip 34:11; Jer 32:4; 38:23

25:7^d Dnp 28:34, 36; 2San 36:6; Jer 21:7; Eze 12:11, 13

8 ^aBabilon siangpahrang, siangpahrang Nebukhadnezzar a lal kum hleikuatnak, thla ngatnak, a ni sarihnak ah, kiltupawl hotu Nebuzaradan, Babilon siangpahrangih siahhlawh cu Jerusalem ah a ra. 9 ^bAnih cun Jehovah inn le siangpahrang inn a urkāng; Jerusalem inn zaten, miropi inn zaten meisa in a ur ṭheh. 10 ^cCule kiltupawl hotu hnenih um Kaldia ralkappawl zaten Jerusalem kulh hmuahhmuah cu a kil kip in an bălthla.

25:8^a Jer 52:12

25:9^b 2San 36:19; Neh 1:3; Sam 74:3-8; Jer 52:13; Amo 2:5; Mik 3:12

25:10^c Neh 1:3; Jer 39:8; 50:15; 52:14

11 ^aCun kiltupawl hotu Nebuzaradan in khawpi sungih rung tâng mipawl le Babilon siangpahrang hnenah ap-aw ih rak peawtupawl cu a tāng lai mi mipi thawn ralkaih ah a hruaihlo hai. 12 ^bAsinan kiltupawl hotu in cuih ram ih mifarahpawl lakih hrekkhat cu sabit hmuan simsialtu dingah le ló thlotu dingah a tân.

25:11^a Pui 26:44; 2San 36:20; Jer 39:9; 52:15

25:12^b Jer 39:10; 40:7; 52:16

13 ^aJehovah inn ih dar ṭhuampawl le Jehovah inn ih a tohkālpawl le dar Tikuangpi cu Kaldia-mipawl in an khuai nêknêk ih, an dar cu Babilon ah an thiar. 14 ^bBelpawl, suahdurpawl, caicehpawl, haipawl le puithiampawl in rawngbawlnak ih an hman mi dar bungbelpawl hmuahhmuah khal an la thluh. 15 ^cMeiling suahdurpawl le kheng kûm pawl, sui a si mi pauhpauh le ngun a si mi pauhpauh cu kiltupawl hotu in a lahlo. 16 ^dSolomon in Jehovah inn hrangih a tuah mi ṭhuam pahnih le Tikuangpi pakhat le a tohkālpawl, hi dar bungbelpawl hmuahhmuah cu tah cawk a si lo. 17 ^eṬhuam pakhat ih san lam cu dawng 18 a si ih, a zimah dar lu bol a um. Cumi dar lu bol ih san lam cu dawng thum a si ih, dar lu bol kimvelih ṭelh mi le talê rahpawl cu dar hlir an si. Ṭhuam pahnihnak khal ṭelh mi thawn an bangaw.

25:13^a 1Sp 7:15, 23-45; 2San 36:18; Jer 52:17

25:14^b 2San 4:16, 20-22; Ezr 1:7; Jer 42:18

25:15^c Jer 15:13; 52:19

25:16^d 1Sp 7:15, 23, 27, 47; Jer 52:20

25:17^e 1Sp 7:15-22; Jer 52:21-23

18 ^aCule kiltupawl hotu in puithiam lu bik Seraiah, puithiam pahnihnak Zefaniah le sângka kiltu pathum cu a hruai hai. 19 ^bRal do mipawl parih hotu ih ṭuanvo pek mi pakhat le siangpahrang thurawn petu khawpi sungih pacang panga, ram mipi khawmtu ralkappawlih cangantu lu bik le khawpi sungih hmuh mi rammi pacang 60 pawl khal khawpi sung ihsin a hruaisuak hai. 20 ^cKiltupawl hotu Nebuzaradan in hipawl cu a hruai hai ih, Riblah ah, Babilon siangpahrang hnenah a thlenpi hai. 21 ^dCun Babilon siangpahrang in cupawl cu Hamath ram Riblah ah a sat hai ih, a that hai. Cuti cun Judah cu amai ram ihsin ralkaih ih hruaihlo a si.

25:18^a 1San 6:14; Ezr 7:1; Neh 11:11; Jer 21:1; 52:24

25:19^b Jer 52:25

25:20^c 2Sp 23:33; Jer 52:26

25:21^d Mip 34:11; Jos 23:13; 1Sp 8:46; Jer 34:21; 52:27

Judah Ram Uktu Gedaliah

22 ^aCun Shafan-ih fa, Ahikam-ih fapa Gedaliah cu Judah ram ah Babilon siangpahrang Nebukhadnezzar ih tān mi, a tāng mipawl uktu ah a tuah. 23 ^bCule ralkappawlih bawipawl zate, anmah le an mipapawl in Babilon siangpahrang in ram uktu ah Gedaliah a tuah ti an theih tikah, Mizpah khua ah Gedaliah hnenah an feh, cupawl cu: Nethaniah-ih fapa Ishmael, Kareah-ih fapa Johanan, Netofat-mi Tanhumeth-ih fapa Seraiah le Maakath-mi paih fapa Jaazaniah, anmah le an hopawl thawn an si. 24 ^cCule Gedaliah in annihih hmaika le an mipapawl hmaika ah sia a săm ih an hnenah, “Kaldia-mipawlih siahhlawhpawl cu ṭih hlah uh. Ram sungah cêng uhla, Babilon siangpahrang cu rian uh, cule cumi cu nan hrangah a ṭha ding,” tiah a ti.

25:22^a 2San 23:20; Jer 39:14; 40:5-12

25:23^b Jer 40:7-8

25:24^c Jer 27:12; 40:9

25 ^aAsinan a thla sarihnak ah hitin a si, siangpahrang cikuang ihta Elishama-ih fa Nethaniah fapa Ishmael cu mipa pahra thawn a feh ih Gedaliah, Judah-pawl le Mizpah khua ih a hnenih um Kaldia-mipawl thawn an bei ih an that. 26 ^bCule mi hmuahhmuah, a tûm a te in, ralkap hotupawl thawn Kaldia-mipawl cu an ṭih ruangah an tho ih Izip ram ah an feh.

25:25^a Jer 41:1-15; Zek 7:5

25:26^b Isa 30:2; Jer 41:16-18; 43:4-7

Thawng ihsin Jehoiakin Suah a Si

27 ^aJudah siangpahrang Jehoiakin sál ih hruai a si kum 37-nak ah hitin a si, a thla hleihnihnak, cuih thla ni 27 ah, Babilon siangpahrang Evil-Merodak a lal thawk kum ah Judah siangpahrang Jehoiakin cu thawng ihsin a suah. 28 ^bAmah cu ngilnei zetin a bia ih, Babilon ih a hnenih um siangpahrangpawl hnakih tokham cungnungsawn a pe. 29 ^cCule Jehoiakin cun a thawngtla sinfen cu a thlĕng ih, a dam sung hmuahhmuah siangpahrang hmaika ah rawl a ei ringring. 30 ^dCule amah cawmnak ah, siangpahrang in tlaitluanin a covo, a dam sung hmuahhmuah, a ni tin covo cu amah a pe.

25:27^a Sem 40:13, 20; Jer 52:31

25:28^b 1Sp 8:50; Ezr 7:6, 28; Neh 2:1; Jer 52:32; Dan 2:48

25:29^c Sem 41:14; 2Sam 9:7, 13; Jer 52:33

25:30^d Neh 12:47; Jer 52:34; Dan 1:5