BibleThianghlim – 2 Thessalonika
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
2 Thessalonika
- A ngantu: Paul
- A siartu: Thessalonika khua ih zumtupawl
- Ngan kum: A.D. 51
Thessalonika khua ih zumtupawl cu thuthangṭha huham ruangah hremnak le harsatnak karlak khalah (1:3 le 1Th 1:6; 2:14; 3:3-4, 7 zohtlang aw) zumnak le duhdawtnak ah an ṭhang vivo (1:4 le 1Th 1:6, 8; 3:6-7; 4:9-10 zohtlang aw). Sikhalsehla kawhhran sungih buainak thar dangdang ruangah a pahnihnak cakuat ngan a ṭul. Hih cakuat hi A.D. 51, a cakuat hmaisa a kuat hnu, thla málte hnu A.D. 51 ih a kuat mi a bang. Khaih cān ah Paul cu Korinth khua ah a um.
Anmah hnenih a um laiih a rak zirh mi (2:15; 3:6) le Thessalonika cakuat pakhatnak a ngan mi parah ṭhumawin hih cakuat hi Paul in a ngan mi a si (1 Thessalonika thuhmaihruai siar aw). Zumtupawl cu Bawipaih ratsal cān tiang ding hnget thei dingah thapek le zirhbêt an ṭul. Bung khatnak ah zumtupawl kha hremnak le harsatnak tuar thei dingin tha a pe. Bawipa a rasal ding ih an ralpawl lak ihsin anmah a runsuak ding.
Bung hnihnak ah Bawipaih ratsalnak thu thawn pehparin zirhnak dik lo thu ah ralrinnak a pe hai. Thutak ihsin tluksiatnak rapthlak, Khrih dodaltu lăngnak ding le sual dawnkhamtu lâkhlo a sinak ding pawl an thlen hrih lo ruangah Bawipa a rasal hrih lo a si tiin a simfiang. Bung thumnak cun kawhhran sungih zumtupawlih thulunlonak thubuai thuhla a sim. Hi thu hi 1Th 4:11-12 sung khalah málte a rak sim zo nân, Paul ih thapeknak an rak ngaihthah a si ding. Zumtu hrekkhat cu Khrih ra cing ding vekih an ruah ruangah hnaṭuan an rak bansan tiah Bible zirhtu tampi cun an ruat.
Pathian duhdawtnak ah le Khrih-ih tuarfainak ah kan thinlung kha Bawipa in in hruai (3:5) ti mi thei dingin Paul in a duh ih, cumi tumtahnak neiin hrem mi le buaiter mi san i kip ih zumtupawl hnenah tha a pe.
Thu Hlawm Ṭhen
Cibaibûknak
1 aPaul, Silas le Timothy in Pathian kan Pa le Bawipa Jesu Khrih ih um, Thessalonika kawhhran mipawl hnenah:
1:1a 1Th 1:1
2 aKan Pa Pathian le Bawipa Jesu Khrih hnen ihsin zangfahnak le hnangamdaihnak cu nan hnenah um hram seh.
1:2a Rom 1:7
Lungawi Thu Simnak
3 aU le nau tla, nan zumnak cu nasa zetin a ṭhang vivo ih, nan zaten pakhat le pakhat nan duhdawtawktăwnnak cu a luanliam ruangah nanmai thuhla ah ti ding mawi a si vekin, Pathian hnenih lungawi thu sim ding hrimhrim kan si. 4 bCuti cun hremnakpawl le harsatnakpawl nan tuarnak hmuahhmuah ih nan tuarfainak le nan zumnak ruangah, Pathian kawhhranpawl hnenah kan rak tluangkhâwng ṭheu a si.
1:3a Rom 1:8; Efe 5:20; 1Th 3:12
1:4b 2Ko 7:14; 1Th 1:3, 6
5 aCumi cun Pathian uknak hrangih mi si tlak dingih ruat nan si ti Pathian thuṭhennak dingfel hminsinnak a langfiangter. Nannih khal cumi hrangih tuar nan si. 6 bNanmah a lo buaitertupawl harsatnak thawi lehrulh hi Pathian hrangah a dingfel mi thil a si. 7 cCule nannih buainak a tawngtupawl, Bawipa Jesu, a cak mi a vancungmipawl thawi a rung lăng tikah, kanmai zawngah a lo cawlhahdamter ding. 8 dPathian thei lo pawl le kan Bawipa Jesu Khrih-ih thuthangṭha a lung lo tupawl parih phuba la dingin, meialh thawn a ra ding. 9 eAnnih cu Bawipaih umpinak ihsin le a cahnak ropi zet ihsin ṭhenin kumkhaw siatralnak ah cawhkuan pek an si ding. 10 fCucu a mithiangpawl ih sunlawih a si thei nak ding le a zumtu zate lakah upat a si thei nak dingih amah a rat tikah, cuih Ni ah a si ding, ziangruangahtile nan hnenih thu kan lo theihter mi cu nan zum.
1:6b Luk 18:7-8; Kol 3:25; Thu 6:10
1:7c Heb 10:27; 2Pe 3:7; Jud 1:14; Thu 1:14
1:8d Sam 79:6; Isa 66:15; Jer 10:25; Rom 2:8; 2Ko 2:12; Gal 4:8
1:9e Isa 2:10, 19, 21; Fil 3:19; 1Th 5:3; 2Th 2:8; 2Pe 3:7
11 aCuruangah a lo kotu kan Pathian in cuih kawhnak milih a lo ruahnak ding le ṭhatnak hrangah a ṭha mi tumtahnak kip in le huham thawi zumnak hnaṭuan kip in a lo tlamtlinternak dingah, nan hrangah thla kan cam ringring. 12 bCutin kan Pathian le kan Bawipa Jesu Khrih-ih zangfahnak zulhin, kan Bawipa Jesu Khrih hmin cu nanmah ah sunlawih a si thei ding ih, nannih khal amah ah sunlawih nan si thei ding.
1:11a Rom 8:28; 15:14; 1Th 1:3
1:12b Isa 24:15; Fil 2:9-11
Dān Nei Lo Pa
1 aU le nau tla, kan Bawipa Jesu Khrih a ratsalnak le a hnenih kan tawnkhawmawknak ding thuhla ah, 2 bKhrih ni ra thleng zo vekin, kanmai cakuat vek phun cakuat in simaw, thlarau in simaw, thusimnak in simaw, zamrang zetin nan lungthin lo hnînter hlah sehla, lo buaiter fawn hlah seh tiah kan lo ngen a si. 3 cZohman in ziangti lam hmanin lo bum hlah hai seh, ziangahtile Tlûksannak a ra thlen hmaisat ih, misualrál pa, siatralnak fapa, a lăng lai hlanlo, cuih Ni cu a thleng lo ding. 4 dAnih cu Pathian tiih kawh mi hmuahhmuah le an biak mi hmuahhmuah cu doin, an tlunah a khaisângaw ding. Cutin Pathian vekin Pathian temple hmun thianghlim sungah toin amah rori cu Pathian ka si tiah a tiaw ding.
2:1a Mar 13:27; 1Th 4:15-17
2:3c Mat 24:10; Mar 13:5; Thu 13:5-6
2:4d Isa 14:13-14; Eze 28:2; Dan 11:36; 1Ko 8:5
5 aNan hnenih ka um laiah khan hih thilpawl hi ka lo sim ṭheu ti nan cîng nawn lo maw si? 6 Cule amai cān teih a ra lăng thei nak dingah, atu-ah ziang in a kham hrih ti nan thei. 7 Ziangahtile dān pahbălnak thuthup cun atu khalah hna a ṭuan rero zo; atu-ih a khamtu hi lâkhloh a si hlan sung lawng a kham hrih ding. 8 bCuih hnuah dān pahbăltu cu a ra lang ding, cule Bawipa in anih cu a kâ ih thaw in a hloralter ding ih, a ratnak tleu in a ṭhiatbăl ding. 9 cDān pahbăltu ratnak cu Setan hnaṭuannak vekin, huham hmuahhmuah, hminsinnak hmuahhmuah le thuphan mangbangza hmuahhmuah thawn a si ding. 10 dCun rundam ih an um thei nak ding duhdawtnak thutak cu an rak cohlan lo ruangah, a hloral cuahco mipawl hnenah a dingfel lo mi bumnak tinkim thawn a ṭuan ding. 11 eCule himi ruangah thuphan zum dingin, Pathian in an hnenah theihthiam thei lo nak nasa zet a thlah ding. 12 fCumi cu thutak zum loih dingfellonak ih a nuamaw sawn tu zaten thiam lo an co thluh thei nak dingah a si.
2:5a 1Th 3:4
2:8b Isa 11:4; Luk 17:30; Thu 2:16
2:9c Mat 4:10; 24:24; Joh 4:48; Thu 13:13
2:10d Thf 3:17-19; 1Ko 1:18
2:11e Mat 24:5; Mar 13:5; Rom 1:25, 28
2:12f Rom 1:32
Hnget zetih Din
13 aAsinan Bawipaih duhdawt mi u le nau tla, Thlarau tithianhlimnak le thutak zumnak ruangin rundam si dingah a tir ihsin Pathian in a lo hril zo ruangah, nan hrangah Pathian hnenih lungawi thu sim ringring ding kan si. 14 bCumi hrangah kan Bawipa Jesu Khrih-ih ropitnak co ve dingah, Pathian cun kan thuthangṭha hmangin a lo ko hai a si. 15 cCuruangah u le nau tla, dīng hnget uhla, ṭawngkam in simaw, kan cakuat in simaw kan lo zirh mi thurosiahpawl kha kai hnget uh.
2:13a Rom 1:8; Efe 1:4; 1Th 5:9; 1Pe 1:2
2:15c 1Ko 16:13
16 aCun kan Bawipa Jesu Khrih rori le Pathian kan Pa, in duhdawtu le zangfahnak ruangih kumkhaw thlangamnak le ruahsannak ṭha in petu cun, 17 bnan thinlung lo thlangăm sehla, ṭawngkam ṭha le hnaṭuan ṭha tinkim ah lo hngetter hram seh.
Thlacam dingih Ngĕnnak
1 aA netabikah, u le nau tla, Bawipaih kamsuakthu nan rak sunlawih vek khan, cak zetih karhzai le sunlawih a si thei nak dingah, thla in camsak uh, 2 bcuti cun mithinlung kawi le misualrálpawl hnen ihsin runhim kan si thei ding. Ziangahtile mi hmuahhmuah in zumnak an nei thluh lo.
3:2b Rom 15:31
3 aAsinan Bawipa cu a rinum a si, anih cun a lo hngetter ding ih, miṭha lo pa hnen ihsin a lo kilhim ding. 4 bCule nan thuhla ah thu kan lo pek mi thilpawl kha nan nunpi ih nan nunpi vivo ding ti Bawipa ah zum hngeh nak kan nei. 5 cCule Pathian duhdawtnak ah le Khrih-ih tuarfainak ah nan thinlung kha Bawipa in lo hruai hram seh.
3:4b 2Ko 2:3
3:5c 1San 29:18
Thapeknak Netabik
6 aCun u le nau tla, kan hnen ihsi nan dăwn mi thurosiah vekih a nung lo le mawi loih a nungtu unau pauhpauh hnen ihsin thiarfihlimaw dingin kan Bawipa Jesu Khrih hmin in thu kan lo pe a si. 7 bZiangahtile nanmah rori in ziang vekin kan nun cawng ding nan mawi ti nan thei, ziangahtile kannih cu nan lakah mawi loin kan nung dah lo. 8 cZo-ih rawl hman a lakin kan ei dah lo, nan lakah zohman sumpai thu ah kan lo phurritterlonak dingah, a sun a zan bāng zet le cau zetin hna kan ṭuan sawn a si. 9 dThuneihnak kan neih lo ruangah si loin, in cawn ding mi, nan zohṭhim dingah kanmah te kan tuahawk mi a si sawn. 10 eZiangahtile nan hnenih kan um lai khalah khan, “Mi pakhat khat in hnaṭuan a paih lo a si ahcun, ei khal ei hlah seh,” ti khalin thu kan lo pe.
3:7b 1Ko 4:16
3:9d 1Ko 9:4-14, 16
3:10e 1Th 3:4
11 aZiangahtile mi ṭhenkhat cu nan lakah mawi loin an um ti hna in kan thei. Annih cun hnaṭuan loin, mi dang thuhla ah an va hrawlhaw rero sawn men. 12 bCuvek mipawl cu daiten hnaṭuan dingin le anmai rawl ei dingin kan Bawipa Jesu Khrih hmin in thu kan pe ih kan fawrh a si. 13 cAsinan u le nau tla, nannih cun thil ṭha tuah ning hlah uh.
3:11a 1Ti 5:13
3:13c Gal 6:9
14 aCule mi pakhat in hih cakuat sungih kan ṭawngkam a thlun lo asile, cu pa cu hminsin uhla, a ning a zah thei nak dingah kawm hlah uh. 15 bAsinan ral vek cun ruat hlah uhla, unau vekin nun zirh sawn uh.
Cibaibûknak Netabik
16 aAtu-ah daihnak Bawipa rori cun a phunphunin hnangamdaihnak lo pe camcin sehla, Bawipa cu nan zate hnenah um hram seh.
17 aKeimah, Paul in hih cibaibûknak hi ka kut rori ih ka ngan mi a si, hiti vekih ka ngan hi ka cakuat kip ih hminsinnak a si.
3:17a 1Ko 16:21
18 aKan Bawipa Jesu Khrih-ih zangfahnak cu nan zate hnenah um hram seh. Amen.
3:18a Rom 16:20