BibleThianghlim – Thusimtu
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
Thusimtu
- A ngantu: Solomon
- A siartu: Leitlun mi
- Ngan kum: B.C. 971-931 karlak
Thusimtu cabu ngantu hi thiltithei zet le mifim Siangpahrang Solomon a si (B.C. 971-931). Solomon cu Israel Siangpahrang David-ih fapa a si (1:1, 12). Siangpahrang bu khatnak bung 7-10 ih a tarlăng vekin, Solomon cu mineinung zet le hmuhtawn mi tampi nei a si (1:1, 12 zoh aw). Thusimtu cabu hi Thufim cabu thawn bangawknak an nei. Thufim cabu sungih thufim hrekkhat hi Solomon ih ngan mi a si. Thusimtu 1:1 ah Solomon in amah le amah “Thusimtu” tiah a tiaw. Hebru ṭawngfáng
Thusimtu cabu in “ni hnuaiih” nunnak sullam nasa zetin a buaipi. Thusimtu cabu ah “hawl” ti le “zingzawi” ti ṭawngfáng a tam zet. Solomon in nun lam tluanih thil harsa zetzet a buaipi ih a zingzawi. Nun lam tluanah theih lo mi thil a tam zet, asinan thihnak a rung thleng ding ti cu a fiang zet. Năwmtawlnak cu rei a daih lo ih, nun lam tluan cu beidăwnnak le diremlonak in a khat thei. Ziangah so leitlun ah diklonak tam zet a um? Nun lam tluanih thil umze nei cu ziang a si? Kan hmuh mi cu “ni hnuaiih” thil um mi lawng an si, asinan cumi lanah ziang thil so a um hrih? Himi cabu ah Solomon in a buainak a hliakhlai ih, a hmuhsuah mipawl a relsuak.
Thusimtu cabu-ih ṭawngfáng pawimawh cu “zianghmanlo” ti hi a si (vei 38). “Zianghmanlo” ti umzia cu rei lo te sung lawng daih, diriam lo, beidawng le vansanglam tinak a si. Ṭawngfáng pawimawh dang pawl cu “thli dawi,” “ni hnuaiah,” ti le “ṭuanbăngnak” tipawl an si. Asinan hi cabu hi a thim thluh ve ce lo. Solomon in Pathian lam hawiih thu a simnak vei 40 hnak tam kan hmu. Pathian ṭha hnen ihsi thilpek an si ruangah, kan ei le in ah, kan hnaṭuan ah le nunnăwmnak ah nuamaw dingin vei tampi Pathian in in fawrh.
Asinan cupawl cun lungawinak rei daih le kim a pe thei lo. Lungawinak rei daih le famkim cu Pathian kan zum, kan theih le a thu kan thlunnak lawngin a um thei. “Ni hnuaiih” thil ziangkim hi zianghmanlo an si ti mi thu cu Solomon in nasa zetin a sim. Cumi cu leitlun ih um Pathian malsawmnakpawl hawl loih, amah kan hawl thei nak dingah a si.
Leitlun fimthiamnak le nun lam tluan thu ruahdān in zirhtu cu thusimtu cabu hi a si. Pathian dik umsŭn rinsan le a thu lung dingin san i kip ih miphun zate hnenah Solomon in a fawrh (1Sp 4:29-34; 10:23-24; 2San 6:32-33).
Thu Hlawm Ṭhen
Mifim Khawruahnak
1 aDavid-ih fapa, Jerusalem ih siangpahrang, Thusimtuih ṭawngkampawl.
2 a“Zianghmanlo men, zianghmanlo men,” tiin Thusimtu in a ti;
“Zianghmanlo men, zianghmanlo men, thil hmuahhmuah hi zianghmanlo men a si,” tiin.
3 bMinung in ni hnuaiih a ṭuanbăngnak a hna zate ihsin,
Ziang ṭhathnemnak so a ngah?
4 cSan khat a liam ih, san dang a ra,
Asinan leilung cu kumkhuain a hmun.
5 dNi khal a suak ih, a tla,
Cule a suahnak lam panin zamrang zetin a kirleh.
6 eThlang lamah thli a hrang ih,
Sak lamah a herkûalsal;
Thli cu cak zetin a hrang vivo ih, a zin kel ah a kirsal.
7 fTivapawl hmuahhmuah in tifinriat ah an luanglut,
Cu cingin tifinriat cu a khat cuang lo;
Tivapawl cu an ra luansuahnak hmun,
Cu tawkah an kirsal lala.
8 gThil hmuahhmuah hi ṭuanbăngnak hlir an si;
Cuih thu cu minung in a relfiang thei lo.
Mit in hmuh khawp ti a nei lo ih,
Hna khalin theih khawp ti a nei lo.
9 hA um zo cu ra um leh ding a si,
Tuah zo mi khal tuah leh ding a si ih,
Ni hnuaiah thil thar zianghman a um lo.
10 “Zoh hnik, himi hi a thar a si,” ti theih ding mi ziang tal a um maw?
Cumi cu kan hlan kum reipi lai ihsi rak um cia zo a si.
11 iThil hmaisa pawl cīn ringring ti a um lo,
Lehhnuih ra um lai ding mipawl ih an cīn ringring ding mi,
Thil ra um ding mi zianghman a um lo.
1:2a Sam 39:5-6; Ths 12:8; Rom 8:20-21
1:3b Ths 2:11, 22
1:4c Job 8:19
1:5d Sam 19:5-6
1:6e Joh 3:8
1:7f Job 36:28
1:9h Ths 2:12
1:11i Sam 88:12; Ths 2:16; 9:15
Zianghmanlo Milai Fimnak
12 aKei, Thusimtu cu Jerusalem ah Israel siangpahrang ka si.
1:12a Ths 2:9
13 aCule van rāng hnuaiih tuah mi hmuahhmuah thuhla cu fimnakih hawlsuak ding le zăwihliah dingin ka thinlung ka ret; cucu Pathian in minung fapapawl hnenih buaipi dingih a pek mi hna harsa zet a si.
14 aNi hnuaiih hnaṭuan mi hmuahhmuah ka hmungah zo; cule ngai hnik, thil hmuahhmuah hi zianghmanlo men a si, thli dawi men a si.
1:14a Ths 2:11, 17
15 aA kawi mi cu dĭngter theih a si lo ih,
Um lo mi cu siar theih a si lo.
1:15a Ths 7:13
16 aKa thinlung in, “Zoh hnik, ka hlanih Jerusalem ih umpawl hnakin ropitnak ka ngah sawn ih, fimnak khal ka ngah sawn. Ka thinlung in fimnak nasa le theihnak nasa a theithiam,” tiin ka tiaw.
1:16a 1Sp 3:12
17 aCule fimnak thei dingin le atnak le mawlhnak thei dingin ka thinlung ka pe. Cu khal cu thli dawi men a si ti ka theisuak.
1:17a Ths 2:3, 12; 7:3, 25
18 aZiangahtile fimnak a tamnak ah thinnatnak a tam,
Cule theihnak pungtertu cun riahsiatnak a pungter men.
1:18a Ths 2:23
Zianghmanlo Men Năwmtawlnak
1 aKa thinlung in, “Atu-ah ra aw, hlimnak in ka lo hniksak ding; curuangah na duh duhin nuamcēn aw,” tiah ka tiaw. Asinan ngai hnik, cumi khal cu zianghmanlo men a si thotho. 2 bHnihnak cu, “Atthlak a si!” tiah ka ti; cule hlimnak khal in, “Ziang tuahsuak mi a nei?” tiah ka ti. 3 cMinung fapapawl hrangah van rāng hnuaiih an nun sung hmuahhmuah ah ziang tuah hai sehla a ṭha pei ti ka hmuh hlanlo, ka thinlung cu fimnak thawn hruai phahin, sabit zu thawn ka taksa năwmawkterdān le atnak kaihdān ding ka thinlung in ka dapkûal.
2:1a Ths 7:4
2:2b Thf 14:13
2:3c Lai 9:13; Ths 1:17; 3:12-13; 6:12
4 aHna ropi pawl tla ka ṭuan: ka hrangah innpawl ka sak ih, ka hrangah sabit hmuanpawl ka tuah. 5 bKa hrangah pangpar hmuanpawl le cawlhhmunpawl ka tuah ih, a sungah thingthei kung phun zakip ka phun. 6 cThingkung hmuanpawl tidai tawih dingah keimai hrangah tilipawl ka dâwl. 7 dSiahhlawh nunaupawl le mipapawl ka lei ih, ka inn ih suak siahhlawhpawl khal ka nei. A si, ka hlanih Jerusalem ih rak umpawl zate hnakin ranpi rual le rante rual ka nei tamsawn. 8 eSiangpahrangpawl le ramṭhenpawl ihsin keimai hrangah sui le ngun le hlawnthil hleice pawl ka khawlkhawm. Hlasak thiam nunau le mipa le minung fapapawlih năwmnak nusun tampi ka nei.
2:6c Neh 2:14
2:7d 2San 8:7-8
2:8e 2Sam 19:35; 1Sp 9:28
9 aCutin ka hlanih Jerusalem ih umpawl zate hnakin miropi ah ka cang ih, ka hleih thluh hai. Ka fimnak cu keimah ah a rak um ringring thotho.
2:9a 1San 29:25
10 aKa mit ih hahio mi ziangkhal ka hlah lo.
Ziang năwmtawlnak ihsi khalin ka thinlung ka sûp lo,
Ziangahtile ka thinlung cu ka ṭuanbăngnak hmuahhmuah ah lungawi aipuangin a um;
Cule cucu ka ṭuanbăngnak zate ihsi ka lawmman a si.
11 bCun ka kut ih a ṭuansuak zo mi hnaṭuanpawl hmuahhmuah le ka rak ṭuansuah mi ṭuanbăngnak ka zoh;
Cule ngai hnik, thil hmuahhmuah hi zianghmanlo men le thli dawi men a si.
Ni hnuaiah thil ṭhahnem zianghman a um lo.
2:10a Ths 3:22; 5:18; 6:2; 9:9
2:11b Ths 1:3, 14
Neihnunnak khal Zianghmanlo Men
12 aCun keimah le keimah fimnak, atnak le mawlhnak tla ngaihtuah dingin thu ka băwtcat;
2:12a Ths 1:9, 17
Ziangahtile siangpahrang aiawhtu pa in teh,
Rak tuah zo mi siarlo ziang so a tuah thei?
13 aCun tleu in thim a hleih vekin,
Fimnak in atnak a hleih ti ka hmu.
14 bMifim mit cu a lu ah a um,
Asinan mi-â cu thim ah a feh.
Cuti va si khal sehla thil cang mi bangrep cu an zate parah a thleng ti ka hmusuak.
15 cCutin ka thinlung in, “Mi-â parih thleng vekin,
Ka par khalah a thleng ve,
Cuti asile ka fimsawn nak cun ziang ṭhathnemnak so a neih?” tiah ka ruat.
Cun ka thinlung in,
“Hi khal hi zianghmanlo men a si,” tiah ka ruat.
16 dZiangahtile mi-â cīn ringring a si lo vekin mifim khal kumkhuaih cīn ringring a si lo,
Cān ra lai dingah an zaten hngilh ṭheh an si ding.
Ziang vekin so mifim pa a thih?
Mi-â vek thothoin!
2:13a Ths 7:11-12, 19
2:15c Ths 6:8
2:16d Sam 88:12; Ths 1:11, 14
17 Curuangah nun hi ka hua, ziangahtile ni hnuaiih ṭuan a si mi hna cu ka hrangah thinnatnak an si; ziangahtile thil hmuahhmuah hi zianghmanlo men le thli dawi rero men an si.
Ṭuanbăngnak khal Zianghmanlo Men
18 aCule ni hnuaiih ka rak ṭuan mi hna hmuahhmuah hi ka hua, ziangahtile ka lehhnuih ra um ding pa hnenah ka tân ta zik si. 19 Cun anih cu mifim maw, mi-â a si ding ti zo in a thei? Cu cingin ni hnuaiah fim zetin ka rak ṭuansuak mi ṭuanbăngnak ka hna zaten anih in a uk ding. Cu khal cu zianghmanlo men a si. 20 Curuangah ni hnuaiih hna hmuahhmuah ka rak ṭuan mipawl parah ka bei a dawng riai. 21 Ziangahtile fimnak, theihnak le thiamnak thawi hna a ṭuantu mi pakhat rak um khal sehla ro hrangih ṭuan lo tu pa hnenah a ro cu a tan ta thotho ding. Cu khal cu zianghmanlo men le vansiatnak rapthlak a si. 22 bZiangahtile minung in ni hnuaiih a hna le thinlung bāng zetih a ṭuan mi hmuahhmuah ihsin ziang so a ngah? 23 cZiangahtile a nun sung hmuahhmuah tla hi riahsiatumza an si ih, a hnaṭuan tla phurritumza a si; zan rori hmanah a thinlung a cawlhahdam lo. Cu khal cu zianghmanlo men a si.
2:18a Sam 39:6
2:22b Ths 1:3
2:23c Sem 3:17; Job 7:2; Ths 1:18
24 aMinung hrangah ei le in le a hnaṭuannak ih thinlung năwmnak a hmuh hnakih thil ṭha zianghman a um lo. Cumi khal Pathian kut ihsin a si ti ka hmu. 25 Ziangahtile keimah hnakin zo so ei thei ih, zo so năwmnak nei thei? 26 bZiangahtile Pathian in a mithmuh ih miṭha hnenah fimnak, theihnak le thinnăwmnak pawl a pe; asinan Pathian hmaika ih miṭha hnenih a pek thei nak dingah, misual hnenah khawlkhawm hnaṭuan le lâkkhawm hnaṭuan a pe. Himi khal zianghmanlo men le thli dawi men a si.
2:24a Ths 3:12-13, 22; 1Ko 15:32
2:26b Job 9:4; 27:17; Thf 13:22
Ziangkim in Cān an Nei
1 aThil ziangkim hrangah cān a um,
Van rāng hnuaiih thuhla tinkim hrangah cān a um:
2 bSuah cān a um ih,
Thih cān a um;
Phun cān a um ih,
Phun cia phawi cān a um;
3 cThah cān a um ih,
Damter cān a um;
Ṭhiahbăl cān a um ih,
Sak cān a um;
4 dṬah cān a um ih,
Hnih cān a um;
Lusûn cān a um ih,
Lām cān a um;
5 Lungtopawl hlăwn cān a um ih,
Lungtopawl sarkhawm cān a um;
Pawmawk cān a um ih,
Pawmawk el cān a um;
6 Hawl cān a um ih,
Hlohter cān a um;
Retṭhat cān a um ih,
Hlăwnhloh cān a um;
7 eThlek cān a um ih,
Ṭhit cān a um;
Daiteih um cān a um ih,
Ṭawng cān a um.
8 Duhdawt cān a um ih,
Huat cān a um;
Doawk cān a um ih,
Remawk cān a um.
3:1a Ths 8:6
3:2b Isa 28:24
3:3c Dnp 5:17
3:4d Suah 15:20; Sam 126:2
3:7e Est 4:14
Pathian Pek Ṭuanvo
9 aHnaṭuantu in a ṭuanbăngnak ihsin ziang ṭhathnemnak so a hmuh? 10 bMinung fapapawl in a buaipi ding hrangih Pathian in a pek mi ṭuanvo ka hmu zo. 11 cPathian in thil ziangkim a cān teah mawiten a tuah. An thinlung sungah catuan khal a ret, cu cingin a tir ihsin a cem tiang Pathian in ziang a tuah ti zohman in an hmu bān lo.
3:9a Ths 1:3
3:10b Ths 1:13
3:11c Dnp 12:7, 18; Job 11:7; Sam 34:12; Ths 2:3, 24; 7:9; Rom 11:33
12 An nun sungih thinnăwm le thil ṭha tuah hnakih ṭha le, 13 ami kip in an hnaṭuan mi hmuahhmuah parah ei le in le thinnuam ih an um hnakih ṭha an hrangah a um lo ti ka thei, cucu Pathian thilpek a si.
14 aPathian thil ti mi pauhpauh,
Kumkhua a hmun ding ti ka thei.
Cumi ah zianghman bêt theih a si lo ih,
Cumi ihsin zianghman lâk theih a si lo.
Minungpawl in amah an ṭih thei nak dingah cucu Pathian in a tuah a si.
15 bCun a um lai mi hi rak um zo mi a si ih,
Ra um lai ding mi khal rak um cia thotho a si;
Cule minung in a rak tuah zo mi kha Pathian in a cek ding.
16 Cuihtlunah ni hnuaiih ka hmuh mi cu:
Thuṭhennak hmun ah,
Sualralnak a um;
Cule dingfelnak hmun ah,
Sualralnak a um.
17 aKa thinlung in,
“Pathian in midingfel le
Misualrál thu a ṭhen ding,
Ziangahtile thuhla tinkim hrangah le hna tinkim hrangah cān a um,”
tiin ka ruat.
18 aKa thinlung in, “Minung fapapawlih dinhmun thuhla ah, anmah cu ramsapawl vek an si ti an hmuhawk thei nak dingah, Pathian in a hniksak hai,” tiin ka ruat. 19 bZiangahtile minung fapapawl parih thil thleng mi cu ramsapawl par khalah a thleng; thil pakhat an parah a tla: pakhat a thih bangin a dang khal a thi ve. Thungaiten, an zaten thaw pakhat an nei; minung in ramsapawl hnakin cungnunnak a nei cuang lo, ziangahtile thil ziangkim hi zianghmanlo men an si. 20 cAn zaten hmun pakhat ah an feh: an zaten leivut ihsin an si ih, an zaten leivut thothoah an kirsal. 21 dMinung fapapawlih thlarau cu tlun lamah a kaiso ih, ramsapawlih thlarau cu leilung hnuai lamah a suk ti zo in a thei? 22 eCutin minung cu amai hnaṭuan mi parih lungawi aipuangih a um hnakih ṭha a um lo ti ka hmusuak, ziangahtile cucu ro ih a co mi a si. Ziangahtile amai hnuih thil cang ding hmu dingah amah cu zo in so a hruai thei ding?
3:18a Sam 73:22
3:19b Ths 2:16
3:21d Ths 12:7
Palbĕtawk Ṭhat Lo Zia
1 aCun ni hnuaiih palbĕtnak hmuahhmuah cu ka ngaihtuahsal:
4:1a Sam 1:5; Ṭah 1:6
Cule zoh hnik! Palbĕt mipawlih mitthli khi,
Annih cun hnemtu an nei lo.
Anmah palbĕttupawl lamah cun huham a um,
Asinan annih cun hnemtu an nei lo.
2 aCuruangah nungdam lai minungpawl hnakin mithipawl,
A rak thi cia zo pawl cu ka fak sawn.
3 bCuti cing khalin, cute pahnih hnakin rak sêm lo lawlaw mi,
Ni hnuaiih thil ṭha lo tuah mi hmu lo tu a ṭhasawn.
4:2a Job 3:17; Jer 20:17-18
4:3b Job 3:16, 22
Rualpi Manhlatzia
4 aCuihtlunah, milaiih ṭuan retheihnak zate le ṭuan thiamnak tinkim hi a innhnen elnak ruangah a si ti ka hmu. Himi khal hi zianghmanlo men le thli dawi men a si.
4:4a Ths 1:14
5 aMi-â cun a kut a băwm men ih,
Amai titsa a eirál ṭheh.
6 bṬuan retheihnak le thli dawinak thawi kut huam hnih thil neih hnakin,
Hahdamteih kut huam khat neih a ṭhasawn.
4:5a Thf 6:10
4:6b Thf 15:16-17
7 Cun ni hnuaiah zianghmanlo men ka hmusal:
8 aMi pakhat, hawipi nei lo a um,
Anih cun fapa siseh, unaupa khal siseh a nei lo.
Cu cingin a hna bangthlak pawl hmuahhmuah cu cem ti a nei lo ih,
A mit cu lennak ah a di a riam fawn lo.
Asinan, “Mai hrangih nunnăwmnak hloh ko in zawih hrangah ka ṭuan rethei?” tiah a ti dah lo.
Himi khal zianghmanlo men le har fualfo ih ṭuan zăwnzaih men a si.
9 Pakhat hnakin pahnih a ṭhadeuh,
Ziangruangahtile an hna bangthlak hrangah lawmman ṭha an nei.
10 Ziangahtile pakhat a tlûk asile, pakhat in a hawipi a kaitho ding.
Asinan mi a tlûk tikih mah te lawngih um cu a hmakhua a pit a si,
Ziangahtile amah kaithotu ding zohman a nei lo.
11 bCuihtlunah, mi pahnih an ittlang asile, an hlum ding;
Asinan ziangtin mi pakhat cu amah te lawng a hlum thei ding?
12 Mi pakhat cu mi dang in neh thei khal sehla, mi pahnih cun amah cu an rak do thei ding.
Cule záng thum thlak hrihrual cu áwlten a cat lo.
13 cThurawn pek duh nawn lo siangpahrang tar le â hnakin,
Mino mifarah fim a ṭhasawn.
14 dZiangahtile a uk mi ram sungah farahin sêm khal sehla,
Siangpahrang si dingin thawng sung ihsin a suak a si.
15 Ni hnuaiih minung veivâkpawl zaten ka hmu,
Siangpahrang aiawhih dingtu ding mino thawn.
16 Siangpahrang ih tuah mi paih uk mi mipi hmuahhmuah cu cem ti an nei lo;
Cu cingin netaih rapawl cu a parah lungawi aipuangin an um cuang lo ding.
Thungaiten, hi khal hi zianghmanlo men le thli dawi men thotho a si.
4:8a Thf 27:20
4:11b 1Sp 1:1-2
4:13c Ths 9:15
4:14d Sem 41:14, 41-43
Pathian Ṭihzah awla, Na Thutiamkam Tisuak Aw
1 Pathian inn ih na feh tikah na ke kil ṭha aw; cun mi-âpawlih raithawinak va pek hnakin ngaithla dingin naih sawn aw, ziangahtile thil ṭha lo an tuah ti an thei lo.
2 aNa kâ manhlap hlah seh,
Cule Pathian hmaiah na thinlung cun zamrang tukin ziangkhal ṭawngsuak hlah seh.
Ziangahtile Pathian cu van ah a um ih, nang cu leilung parah na um;
Curuangah na ṭawngkam mál seh.
3 bZiangahtile căngvaih tamnak ihsin mang a ra ih,
Mi-â aw cu a ṭawngkam tamnak ihsin theih a si.
4 cPathian hnenih thu na tiam tikah, cumi tisuak dingin muangcâng hlah;
Ziangahtile anih cu mi-âpawl parah lunghmuinak a nei lo.
Thu na rak tiam mi cu tisuak aw.
5 dThutiam si ih tisuak lo hnakin, thutiam lo lawlaw a ṭhasawn.
5:2a Lai 11:35; Job 6:24; Thf 20:25
5:4c Mip 30:2; Dnp 23:21; Lai 11:35; Sam 66:13-14; 119:60
5:5d Mip 30:2-4; Jon 2:9
6 Na kâ in na taksa sualter hlah sehla, cumi cu a palh a si tiah Pathian thuphurtu hmaiah ti hlah. Ziangruangah so na awthâwm ah Pathian a thinhengin, na kut ih ṭuan mi cu a tisiat ding? 7 aZiangahtile mang tamnak le ṭawngkam tampi umnak khal zianghmanlo men a si. Cuhnakin Pathian ṭih sawn aw.
5:7a Ths 3:14
Ngahnak le Upatnak khal Zianghmanlo Men
8 aRamṭhen sungah mifarah palbĕtnak le diknak le dingfelnak merhkawinak rapthlak na hmuh asile, cumi thu ah na mangbang hlah; ziangahtile bawi pakhat cu amah hnakih sâng bawi in a zoh ringring ih, an tlunah a sângsin mi bawipawl an um.
5:8a Sam 12:5
9 Cuihtlunah leiramih hlawknak cu mi zate hrangah a si; siangpahrang rori hman leiram in a câwm ve.
10 aSumpai a duhtu cu sumpai in a di a riam dah lo ding;
Neihnunnak a duhtu khal a sum lakluh mi in a di a riam dah lo ding.
Himi khal hi zianghmanlo men a si.
11 Thilri a punzai tikah, a eitu an pungzai ve.
Cule a neitupawl in mit ih zoh men ti siarlo ziang hlawknak so an neih?
12 bHnaṭuantu cu a ei tam ah simaw, a ei mal ah simaw, a ihhmuh a thaw;
Asinan milianih neih tamnak cun amah cu itthat lo ko a tuah ding.
13 cNi hnuaiih thil ṭha lo zet pakhat ka hmuh mi cu:
Lennak in a neitu hrangah tuahmawhawknak ding a khawl.
14 Asinan cuih lennak cu vansiatnak ruangin an hloral,
Fapa a hrin tikah, a kut ah zianghman a um lo.
15 dA nuih sūl ihsin a suah vekin, taklawng in a kirsal ding,
A rat lam vekin a tlungsal ding;
Cule a kut ih a ken thei mi a ṭuanbăngnak ihta zianghman a keng lo ding.
16 eCule himi khal hi vansiatnak a si:
A rat lam vek rori in, a tlunsal ding hi.
Cule thli ngah dingih ṭuanbāngtu in ziang hlawknak so a neih?
17 A nun sung hmuahhmuah khal thim lakah a ei ih,
Anih cun riahsiatnak, natnak le thinhengnak tam zet a nei.
5:10a Ths 4:8
5:12b Job 20:20
5:13c Ths 6:1-2
5:15d Job 1:21; Sam 49:17; Ths 1:3; 1Ti 6:7
5:16e Ths 1:3
18 aKa rak hmuh mi cu hihi a si: ei le in in le ni hnuaiih Pathian ih a pek mi a dam sung hmuahhmuah, ṭuanbăngnak thawi a ṭuansuah mi thil ih a năwmawk hi a ṭha ih a awm a si, ziangahtile cumi cu ro ih a co mi a si. 19 bPathian in lennak le neihnunnak a rak pek mi mi tin hnenah, cumi ei thei nak, a ro cohlan thei nak le a ṭuanbăngnak ih lungawi aipuan thei nak a pe, cumi cu Pathian thilpek a si. 20 cZiangahtile a dam sung cānpawl tla hi a ruat tuk lem lo ding, ziangruangahtile Pathian in amah cu a thinnăwmnak thawn ṭulbuai zet ko a tuah.
5:18a Ths 2:3, 24
5:19b 1San 29:12; Job 31:2; Ths 2:24; 6:2
5:20c Dnp 12:7
1 Ni hnuaiih ka rak hmuh mi thil ṭha lo a um, cule cumi cu minung lakih thil um tlangpi a si: 2 aamai hrangih a duhthusam mipawl hmuahhmuah tlasam lo ko Pathian in minung hnenah lennak, neihnunnak le upatnak a rak pe; sikhalsehla Pathian in cumi ei thei nak cu amah a pe lo, ram dang mi in a eisak thluh sawn. Himi hi zianghmanlo men a si ih, vansiatnak nasa tak a si.
6:2a Ths 5:13
3 aMi pakhat in fāte 100 nei in, kum tampi nungin, cutin a dam sung kumpawl cu tam zet hman sehla, a nunnak cu thil ṭha in a diriam cuang loin, phumtu hman nei lo pa cu, anih hnakin thi cia ih suak naute a ṭhasawn tiah ka ti. 4 Ziangahtile anih cu sullam nei loin a ra suak ih, thim lakah a feh, cule a hmin cu thim in a khuh ṭheh. 5 Anih cun ni hmu loin, zianghman thei lo khal sehla, cu pa hnakin cawlhhahdamnak tamsawn a nei. 6 bAnih cu kum 2000 a nun hmanah, ṭhatnak a hmu cuang si lo. Thil hmuahhmuah hi hmun pakhat ah an feh thluh a si lo maw?
6:3a Job 3:3, 16
6:6b Ths 2:14
7 aMilai hnaṭuan mi hmuahhmuah cu a kâ hrangah a si,
Cuti cing khalin a di a riam cuang lo.
8 bZiangahtile mifim in teh mi-â hnakin vanneihnak ziang a nei cuang?
A nung mi hmaiih fehdān ding thei mifarah pa in ziang a nei?
9 cDuhthusam vâkvai hnakin mit ih hmuh a ṭhasawn.
Cumi khal zianghmanlo men le thli dawi men a si.
10 dThil um mi pauhpauh hi hmin sak cia an si,
Milai khal hi ziang a si ti theih a si;
Ziangahtile anih cun amah hnakih caksawn a do thei lo.
11 Zianghmanlo men pungzaitertu thil tampi an um ruangah,
Minung hrangah ṭhathnemnak ziang so a um?
6:7a Thf 27:20
6:8b Ths 2:15
6:9c Ths 1:14
6:10d Ths 3:15
12 aZiangahtile thlahlim vekih rál zianghmanlo a dam sung ni tawite ah hin, milai hrangih ṭha zo in so a thei ding? Amai hnuah ni hnuaiah ziang a cang ding ti a hnenah zo in so a sim thei?
6:12a 1San 29:15; Job 10:20; 14:2; Sam 39:6
Thurawn Peknak Phunphun
1 aHriak mankhung hnakin hmin ṭhat a ṭhasawn,
Cule suah ni hnakin thih ni;
2 bPuai inn ih feh hnakin lusûn inn ih feh a ṭhasawn,
Ziangahtile cucu mi hmuahhmuah ih cemnetnak a si;
Cule a nungpawl in cumi cu thinlung ah an ret ding.
3 cHnih hnakin riahsiat a ṭhasawn,
Ziangahtile riahsia mithmai in thinlung a tuahṭha.
4 dMifimpawlih thinlung cu lusûn inn ah a um,
Asinan mi-âpawlih thinlung lawngte hlimnak inn ah a um.
5 eMi-âpawlih hlasak theih hnakin,
Mifim kawknak ngai a ṭhasawn.
6 fZiangahtile mi-â hnih cu bel hnuaiih hling kāngpuak awn bangtuk a si.
Hi khal hi zianghmanlo men a si.
7 gThungaiten palbĕtnak in mifim kha â vekin a langter,
Cule nawhthuh in thinlung a siatsuah.
8 hThil cemnetnak hi a thawknak hnakin a ṭhasawn;
Puarthaunak lungthin hnakin, thinsau a ṭhasawn.
9 iThinheng lohli dingin na lungthin manhlap hlah,
Ziangahtile thinhennak cu mi-âpawlih ṭāng ah a câm.
10 j“Ziangruangah tulai hnakin hlanlai a ṭhatsawn?” tiah ti hlah.
Ziangahtile hivek thusuh cu fimnak a si lo.
11 kFimnak cu ro tlukin a ṭha,
Cule ni hmungahtupawl hrangah cun hlawknak a si.
12 lZiangahtile paisa cu mkilhimawknak a si bangin,
Fimnak cu kilhimawknak a si ve;
Asinan theihnakih hlawkzia cu ziang a si ti le fimnak cun amah neitupawl hnenah nunnak a pe.
13 nPathian thil ti ngaihtuah hnik;
Ziangahtile ngawi ko a rak tuah mi cu zo in a dĭngter thei ding?
14 oHlawhtlin ni ah lungawi aipuangin um aw,
Asinan harsat mangbang ni ah khuaruat aw:
Thungaiten minung in amai hnuih thil thleng ding mi zianghman hmusuak lo dingin,
Pathian in a dang a rak remruah vekin pakhat khal a rak remruat.
7:1a Job 10:18; Thf 22:1; Sol 1:3
7:2b Ths 2:14
7:3c Thf 14:13
7:5e Thf 13:18
7:7g Suah 23:8
7:8h Thf 14:29
7:10j Sam 77:5
7:12m kilhimawknak: A ṭawng hrampi ah, “thlahlim,” ti a si ih, kilhimtu thlahlim a hmuhsak.
7:13n Ths 1:15
7:14o Job 1:21
15 aKa dam lai ni zianghmanlo men sungah thil ziangkim ka rak hmu:
7:15a Job 7:7; 21:7; Ths 8:12-14; Jer 12:1
Midik amai dingfelnak ih hloral a um,
Cule misualrál amai sualralnak ih dam rei a um.
16 aLuarkai tukin dingfel hlah awla,
Luarkai tukin fim fawn hlah:
Ziangah so nangmah le nangmah na tisiatawk ding?
17 bLuarkai tukin sualrál hlah awla,
Luarkai tukin â fawn hlah:
Ziangah so na cān kim hlanih na thih ding?
18 cHimi na kaihngah cu a ṭha,
Cule a dang ihsin na kut ṭhawn fawn hlah;
Ziangahtile Pathian ṭihtu cun cupawl hmuahhmuah ihsin a tlânsuak ding.
19 dKhawpi sungih uktu pahra pawl hnakin,
Fimnak in mifim a caktersawn.
20 eZiangahtile leilung tlunah thil ṭha tuah ih,
Sual tuah lo midik an um lo.
21 fCun mi ih an sim mi pauhpauh ah na thinlung pe tuk hlah,
Cuti a si ahcun, na siahhlawh ih a lo camsiat na thei pang ding.
22 Ziangahtile nangmah hmanin vei tampi mi dang na rak camsiat ve ti,
Nangmai thinlung in a thei.
23 gHipawl hmuahhmuah hi fimnak in ka hniksak thluh zo.
“Ka fim ding,” tiah ka rak ti;
Asinan cumi cu ka hnen ihsin a rak hla tuk lai.
24 hA hla zet lai mi le a thûk zet mi cu,
Zo in so a hmusuak thei ding?
25 iMi-â-ih sualralnak, mawlhnak le atnak tiang thei dingin,
Fimnak le thilumzia thei ding le zăwihliah ding le hawlsuak dingin ka thinlung ka hmang.
26 jCule a thinlung tháng le sur vek, a kut ih cikcin um nunau cu thihnak hnakin tampi in a khâsawn ti ka hmusuak.
Pathian lunghmuitertu cu, cu nuih hnen ihsin a tlânsuak ding,
Asinan misual cu, cu nu in a awkngah ding.
27 k“Ngai hnik, hihi ka hmuhsuah mi a si,” tiah Thusimtu in a ti,
“A săn hmusuak dingin thil pakhat parah a dang ka bêt vivo.
28 lCucu ka thinlung in a hawl rero,
Asinan ka hmu thei lo:
Mipa 1000 lakah pakhat ka hmusuak,
Asinan hi nunaupawl zate lakah pakhat hman ka hmu lo.
29 Thungaiten, hi lawng hi ka rak hmu:
Pathian in milai cu felin a tuah,
Asinan khawkhannak tampi an rak ruat zo,” tiah a ti.
7:17b Job 15:32
7:18c Ths 3:14
7:20e 2San 6:36; Job 4:17; Sam 14:3; Thf 20:9; Rom 3:12, 23
7:21f Thf 30:10
7:23g Ths 1:17
7:24h Job 28:12
7:26j Lai 14:15; Thf 2:16-19
7:27k Ths 1:1
7:28l 1Sp 11:3
1 aMifim bangtuk cu zo a si?
Cule thil hrilhfiahnak teh zo in so a thei?
Milai fimnak cun amai mithmai a panter ih,
A mithmai ti remrem khal a danglam.
8:1a Suah 34:29-30; Dnp 28:50
Thuneitupawlih Thu Lung Aw
2 “Pathian hnenih na thukam mi ruangah siangpahrang thupek thlun aw. 3 aA hmaika ihsin suak dingin manhlap hlah. Thil ṭha lo hrangah ṭanhmun khuar hlah, ziangahtile anih cun a lunghmui zawng pauhpauh a tuah,” tiah ka ti.
8:3a Ths 10:4
4 aSiangpahrang ṭawngkam ah huham a um;
Cule a hnenah, “Ziang na tuah?” tiah zo in a ti ngam ding.
5 A thupek thluntu cu buainak zianghman a táwng lo ding;
Cule mifim thinlung cun cān le thuṭhennak a ṭhenfel thiam,
6 bMinung vansiatnak cu nasa zetin pungzai hman sehla,
Ziangkim hrangah cān le thuṭhennak a um.
7 cZiangahtile anih in ziang a cang ding ti a thei lo;
Cule zo in a hnenah cumi cu ziang tikah a cang ding ti a sim thei?
8 Zohman in thlarau kaitâng dingin huham a nei lo,
Cule thih nikhua ah zohman in huham a nei lo.
Doawk laiah cawlh a um lo,
Sualrál zetih nungtupawl cu sualralnak in a hum lo ding.
8:4a Est 1:19
8:6b Ths 3:1
9 aHi hmuahhmuah hi ka rak hmu ih, ni hnuaiih ṭuan mi pauhpauh lamah ka thinlung ka hmang: mi pakhat in amai tuahmawhawknak dingah mi dang a uk cān a um a si.
8:9a Ths 5:8
Mi zate parah Thihnak a Thleng
10 aCun hmun thianghlim ih lut le suak ṭheu misualrálpawl an phum ka hmu; annihpawl cu cuvek an rak tuahnak khua ah hngilh an si. Cu khal zianghmanlo men a si. 11 bZiangruangahtile thil ṭha lo tuahnak parah zamrang zetih hremnak tuahsuak a si lo ruangah, minung fapapawlih thinlung cu thil ṭha lo tuah dingin a khat. 12 cMisual cun vei 100 lai thil ṭha lo tuah cingin a nunkhua sau hman sehla, Pathian ṭihzahtu, amah ṭihzahtupawl cu an lam a tluang ding. 13 dAsinan misualrál cu a lam a tluang lo ding ih, thlahlim vek a si mi a san khal a sau lo ding, ziangruangahtile Pathian a ṭihzah lo.
8:10a Ths 1:11
8:11b 2Pe 3:9
8:12c Suah 1:20; Dnp 12:28; Ths 3:14
8:13d Dnp 4:40; Job 18:5; 34:12; Isa 45:20
14 aLeilung tlunih thil cang mi zianghmanlo men a um, midik in misualpawlih tawn ding mawi an tawng; misualrálpawl in midik ih tawn ding mawi an táwng fawn. Hi khal hi zianghmanlo men a si tiah ka ti.
8:14a Ths 7:15
15 aCun năwmnak cu ka fak, ziangruangahtile minung in ni hnuaiah ei le in le năwmawk hnakih ṭha zianghman a nei lo, ziangahtile ni hnuaiah Pathian ih a pek mi a dam sung hmuahhmuah a ṭuanbăngnak ah cuih năwmnak cu a hnenah a um ringring ding.
8:15a Sam 108:1-4; Ths 2:1, 3
16 aFimnak thei dingin le leilung tlunih tuah mi hnaṭuan hmu dingin ka thinlung ka hman tikah (mi pakhat cu sun le zan it loin a um ko nân), 17 bPathian thil ti hmuahhmuah, ni hnuaiih thil ti mi cu milai in a hmusuak thei lo ti ka hmu. Ziangahtile minung cun cumi hmusuak dingin ṭuanbāng khal sehla, a hmusuak cuang lo ding; cuihtlunah mifim in cumi cu thei dingin ṭanla khal sehla, a hmusuak thei lo ding.
8:16a Ths 1:13, 17
8:17b Job 28:3, 23; Rom 11:33
1 aZiangahtile midingfel le mifim le an hnaṭuanpawl zaten Pathian kut sungih um a si ti ka thăn thei nak dingah, hipawl hmuahhmuah cu ka thinlung in ka rak ngaihtuah. Milai in an hmaiah duhdawtnak maw, huatnak so um ding ti an thei lo. 2 bThil hmuahhmuah hi mi zate hnenah bangrepin a thleng:
9:1a Ths 10:14
Midingfel le misualrál,
Miṭha, mithiang le thiang lo,
Raithawi le thawi lo hnenah thil pakhat a thleng.
Miṭha parih a si bangin, misual par khalah a si ve;
Sesămtu parih a si bangin, sesăm ṭihtu par khalah a si ve.
3 aHimi hi ni hnuaiih tuah mi hmuahhmuah ih thil ṭha lo cu a si: mi hmuahhmuah parah thil pakhat a thleng. Thungaiten minung fapapawlih thinlung cu ṭhatlonak in a khat. An dam laiah an thinlung cu atnak a um ih, cuih hnuah mithipawl hnenah an feh. 4 Asinan a nungdam mipawl zate lakih tel ve hrangah cun ruahsannak a um, ziangahtile a thi mi kiosa hnakin a nung mi uico a ṭhasawn.
9:3a Job 9:22; 21:26; Ths 1:2, 14; Jer 11:8
5 aZiangahtile a nungdam mipawl in an thi leh ding ti an thei;
Asinan mithi cun zianghman an thei lo ih,
Lawmman khal an nei nawn lo,
Ziangahtile an hmin cu hngilh an si.
6 bAn mi duhdawtnak, an mi huatnak le an mi iksiknak pawl tla atu-ah cun an hloral zo;
Annih cu ni hnuaiah ziang thil hmanah telnak an nei nawn lo ding.
7 cFeh awla, lungawi aipuangten na rawl ei aw,
Cule thinnuamten na sabit zu in aw;
Ziangahtile Pathian in na hnaṭuanpawl a lo cohlansak zo.
8 dNa sinfen var ringring sehla,
Na lu in hriak tlasam dah hlah seh.
9:5a Job 14:21; Sam 9:6; Ths 1:11
9:6b Job 21:21
9:8d Thu 3:4
9 aNi hnuaiih a lo pek mi zianghmanlo men na dam sung hmuahhmuah ah na duh mi nupi thawn blungawi aipuangin um aw, zianghmanlo men na dam sung hmuahhmuah in; ziangahtile cumi cu dam sung le ni hnuaiih na ṭuansuah mi na ṭuanbăngnak ih na covo a si.
9:9b lungawi aipuangin um aw: A ṭawng hrampi ah cun, “hmu” ti a si.
10 aZiangkhal na kut ih ṭuan ding a hmuh mi cu, na tha neih tawp suahin ṭuan aw; ziangahtile na fehnak ding Sheol
9:10a 1Sam 10:7; Sam 6:5; Ths 2:24; 11:6; Isa 38:18
11 aNi hnuaiah hipawl tla hi ka hmusal:
9:11a Dnp 8:18; Job 32:13; Sam 147:10; Ths 2:14; Jer 9:23; Amo 2:14-15
Tlan cak ruangah nehnak co a si lo,
Cahnak ruangah ral nehnak co a si fawn lo,
Fim ruangah rawl ngah a si fawn lo,
Theihthiamnak nei mipawl in lennak an nei cuang lo ih,
Thil thiam ruangah duhsaknak co a si cuang fawn lo;
Asinan mi zate hnenah cān le remcānnak a thleng a si.
12 aZiangahtile milai in amai cān a thei lo:
Sur ih awh ngapawl vek le,
Thang ih awh vatepawl vekin,
Minung fapapawl cu rin lo piin an parih cān ṭha lo a tlak tikah, anmah a awk a si.
9:12a Sam 73:22; Thf 29:6; Ths 2:14
Fimnak Cungnunnak
13 Ni hnuaiah hih fimnak khal hi ka rak hmu ih, cucu ka hrangah a ropi zet a bang: 14 minung málte lawng umnak khawte pakhat a rak um; cule siangpahrang ropi a ra ih, cuih khua cu a kulhkhŭm, cun a kimvelah tháng maksak zetzet a kam. 15 aCule cuih khaw sungah mifarah mifim pakhat a um, cule cu pa cun a fimnak in cuih khua cu a runsuak. Cu cingin cuih mifarah pa cu zohman in an mang lo.
9:15a Sem 40:14, 23; Est 6:2-3; Ths 1:11
16 aCun kei in:
“Fimnak cu cahnak hnakin a ṭhasawn,”
tiah ka ti.
Sikhalsehla mifarah paih fimnak cu zianghman ih siar a si lo ih,
A ṭawngkampawl cu ngaithlaksak an si lo.
17 Mifim ṭawngkampawl, dimtei ṭawng mi cu, mi-âpawl uktu au mi hnakin a ṭhasawn.
18 aFimnak cu ral donak hriamhreipawl hnakin a ṭhasawn;
Asinan misual pakhat in thil ṭha tampi a siatsuah.
9:18a Ths 2:13
1 aThothe thi in rimhmui hmangtuih hnih mi hriak a namseter ih,
Cumi in rimhmui thâwl khat rimse ko a tuah;
Cu vekin atnak málte in fimnak le upatnak neitu a umter.
2 Mifim thinlung cu a kut vawrh lamah a um,
Asinan mi-â thinlung cu a keh lamah a um.
3 bMi-â cu lamzin parih a feh rero lai hmanah,
Fimnak a tlasam ih,
Mi kip hnenah mi-â a sizia a langter.
4 cUktu na parih a thin a heng asile,
Na dinhmun suahsan hlah;
Ziangahtile daiteih umnak cun hmuhsualnak nasa tak a daiter.
5 Ni hnuaiih thil ṭha lo ka rak hmuh mi a um,
Cumi cu uktu ih ti sual mi a si:
6 dMilian hmun niam ih a to laiah,
Mi-â cu hmun zahum ih toter a si.
7 eRangpawl parah siahhlawhpawl le,
Siahhlawhpawl bangtukin tlangsuak upapawl lei parih an feh ka hmu.
8 fKhur laitu cu cuih khur sungah a tla ding,
Cule zokhal hruang băltu cu rul in a cuk ding.
9 gLungtopawl laisuaktu cu cuih lungtopawl in an tuahmawh ding,
Cule zanthing cektu cu cuih zanthing in a tuahmawh ding.
10 Hreitlung a bīl ih,
A tât-hriam lo asile,
A thazang tamdeuh a hman a ṭul.
Asinan fimnak cun nehnak a thlen.
11 hAizelh hrih lo rul in mi a cuk asile,
iAizēl thiam si khal a ṭhahnem lo.
12 jMifim ṭawngkampawl cu a thlum,
Asinan mi-â hmur cun amah le amah a siatsuahaw ding.
13 A kamsuak ṭawngkampawl cu atnak in a thawk ih,
A ṭawng cemnak cu atnak ṭha lo a si.
14 kMi-â cun ṭawngkampawl khal a karhzaiter.
Zohman in ziang a cang ding ti an thei lo;
Amai hnuah ziang a um ding ti zo in so amah sim thei ding?
15 Mi-âpawlih hnaṭuan cun anmah a cauter,
Ziangahtile ziangtin khawpi feh ding ti hman an thei lo!
16 lNauhak siangpahrang ṭuannak le
Na tlangsuak upapawl zing ih ruai an ṭhehnak, Maw leiram, na hmakhua a pit a si!
17 mMizahumpawlih fapa in siangpahrang a ṭuannak le,
Rîtnak hrangah si loin cahnak hrangih,
Na tlangsuak upapawl in a cān teih ruai an ṭhehnak, Maw leiram, hualvanṭha na si!
18 nZangzelnak ruangah innpi a măwt,
Cule kut zet nak ruangah inn a zŭn.
19 oPuai cu năwmnak duhpawl hrangih tuah a si ih,
Sabit zu in hliparnak a thlen;
Paisa cun thil ziangkim a tifel.
20 pNa thinlung sung men hmanin siangpahrang camse hlah;
Na ihnak pindan sung hmanin, milian camse hlah;
Ziangahtile tlun zuang vate in na aw a thiar ding ih,
Tlun zuang vate in cuih thuhla cu a rel ding.
10:1a Thf 13:16
10:3b Thf 13:16
10:6d Thf 29:2
10:7e Thf 19:10
10:8f Est 2:23; Sam 9:16; 57:6; Amo 5:19
10:9g Thf 26:27
10:11h Sam 58:5
10:11i Aizēl thiam: A ṭawng hrampi ah cun, “ṭawngthiam” ti a si.
10:12j Thf 10:6, 32
10:14k Ths 5:3
10:16l Isa 3:4-5, 12
10:17m 1Sam 25:36; Thf 31:4
10:18n Thf 20:4
10:19o Lai 9:13
10:20p Suah 22:28; Dnp 24:19
1 aTi parah na sang paih aw,
Ziangahtile cumi cu ni tampi hnuah na hmu leh ding.
2 bMi pasarih hnenah covo pe aw, cule pariat hnen khalah,
Ziangahtile leitlun ah ziang vek vansiatnak a um leh ding ti na thei lo.
3 Khawdurpawl cu ruahti thawi a khah asile,
Anmah ten leilung parah an kawlawngawter;
Cule sak lam lole thlang lamih thingkung a tlûk asile,
Thingkung cu a tlûknak hmun ah a lum ta ding.
4 Thli thlirtu cun thlaici a tuh lo ding ih,
Khawdur ngaihventu cun fang a at lo ding.
5 cThli lamzin, asilole naupai nuih sūl sungah ziangtin ruhpawl an ṭhang ti na theih lo vekin,
Ziangkim tuahtu Pathian hnaṭuanpawl na thei lo.
6 dZing lamah na thlaici tuh awla,
Sîm lamah na kut sūp hlah;
Ziangahtile khui mi a hlawhtling ding ti na thei lo,
Himi maw, khimi sawn,
Asilole an pahnih in bangrepin an ṭha ding ti simaw.
11:1a Dnp 15:10; Thf 19:17; Mat 10:42; Gal 6:9; Heb 6:10
11:2b Sam 112:9; Luk 6:30; 1Ti 6:18-19
11:5c Sam 139:14-16; Joh 3:8-10
11:6d Ths 9:10
No laiah Pathian Hawl Aw
7 aThungaiten tleu cu a duhum ih,
Mit hrangah ni hmuh cu a ṭha.
8 bAsinan mi pakhat kum tampi nungin,
Cuih sung hmuahhmuah lungawi aipuangih a um khalle,
Thimnak nipawl cîng ringring seh,
Ziangahtile cuih nipawl cu an tam leh zik si.
Thil ra thleng lai ding mi hmuahhmuah hi zianghmanlo men an si.
9 cTlangval, na no lai cān ah, lungawi aipuangin um awla,
Na no lai cān ah na thinlung nuam seh.
Na thinlung ih duhnak nak ah le na mithmuhnak nak ah feh aw;
Asinan hih thil hmuahhmuah ruangah Pathian in thuṭhennak ah a lo hruai ding ti thei aw.
10 dCuruangah na thinlung ihsin riahsiatnak ṭhawnhlo awla,
Na taksa ihsin thil ṭha lo hlăwn aw,
Ziangahtile nauhak lai le no lai pawl cu zianghmanlo men an si.
11:7a Ths 7:11
11:8b Ths 12:1
11:10d Ths 2:24
1 aNa no lai cān ah a lo Sersiamtu máng aw,
Harsat cān a thlen hlan le,
“Hi kumpawl ah năwmnak zianghman ka nei lo,” tiih na ti ding kum a naih hlanah.
2 Ni le tleu,
Thlapi le arsipawl,
An thim thluh hlan le,
Ruah surngah hnuih khawdur an kirsal hlan;
3 Inn kiltupawl ṭhia reroin le,
Micakpawl kûnih an um tik ni ah;
Thil rialtupawl an mal ruangih an cawlh le,
Tukvirh ihsin khawcuantu hmufiang lo deuhdeuh ih an um tikah;
4 bKăwtthler ah sângkapawl khar le,
Thil rial awn a dēm tikah;
Vate aiawn ruangih mi a ṭhang le,
Awnmawi fanupawl hmuahhmuah dimter an si tikah;
5 cCuihhleiah annih in hmun sâng le,
Lamzin ih thil ṭihnungpawl an ṭih;
Almond thing
Kharbawk cu phurrit a si ih,
Câkhiarnak a reh.
Ziangahtile milai cu a kumkhaw inn ah a feh ih,
Lusūnpawl cu kăwtthler ah an tawivâk.
6 Ngun hri phawih a si hlan,
Sui kheng kûm khuai a si hlan,
Tihna ih ti bel khuai a si hlan,
Tikhur ih lêng ke khuai a si hlanah,
A lo Sersiamtu máng aw.
7 dCun leivut cu leilung ah amah kelin a kirsal ding ih,
Thlarau cu a petu Pathian hnenah a kirsal ding.
8 eThusimtu cun, “Zianghmanlo men, zianghmanlo men,
Thil ziangkim hi zianghmanlo men an si,” tiah a ti.
12:1a 2Sam 19:35; Ths 11:8
12:4b 2Sam 19:35; Jer 25:10
12:5c Job 10:21; Jer 9:17; Amo 5:16
12:7d Sem 2:7; Job 20:8; Sam 146:4; Ths 3:21
12:8e Ths 1:1-2
Thukharnak
9 Cuihtlunah Thusimtu a fim ruangah, mipi hnenah theihnak a zirh; a si rori, anih in a ruat ih a hawlsuak, cule thufim tampi a rĕmkhawm. 10 aThusimtu cun pawm tlak thupawl hmusuak dingin a hawl; cule ngan ih um thutak thupawl cu an dik.
12:10a Thf 22:20-21; Ths 1:1
11 aMifim ṭawngkampawl cu ran khalhnak fung zúm vek le mithiam sang pawlih ṭawngkampawl cu tlawngkhen dirhsuak vek, Tuu khāltu pakhat ih pek mi an si. 12 bCule cuihtlunah, ka fapa, hi ṭawngkampawl in nun lo sim seh. Cazual tampi ngan hi cem ti a um lo ih, tam tuk zir cu taksa hrangah cauhnak a si.
12:12b Ths 1:18
13 aThil hmuahhmuah kharnak hi ngai hnik uhsi:
12:13a Suah 20:20; Dnp 4:2, 6; 1Sam 12:24; Job 23:15; 37:24; Sam 19:9
Pathian ṭihzah awla, a thupekpawl thlun aw,
Ziangahtile milai mawhphurh cu hi lawng hi a si.
14 aZiangahtile ṭuan mi tinkim,
A ṭha siseh, a sia siseh,
Thuthup tinkim tel thluh in,
Pathian in thuṭhennak ah a thlen ding a si.