BibleThianghlim – 2 Korinth
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
2 Korinth
- A ngantu: Paul
- A siartu: Korinth Kawhhran
- Ngan kum: A.D. 56
Paul in cakuat pakhatnak a ngan cān hi a missionary khualtlawn a vei thumnak ih Efesa khua ah hlawhtling zetih rawng a bawl laiah a si. Korinth khua tlawnsal thei a duh nân, Efesa khua ih hlawhtlinnak a hmuh ruangah, cu tawkih cām hrih a tum nân (1Ko 16:5-9), Korinth kawhhran ah buaipi ṭul zet mi thubuai a um. A rawngbawlnak ah dokalhnak nasa zet a um thu a hmusuak ih, Korinth khua ah zamrang zetin a feh (2Ko 2:1-2). Hih ṭumah cun a tumtah mi a hlawhtling lo a bang. Cu tawk ihsin a tlun hnuah thubuai tifel dingin Korinth khua ih va fehsal aiah (1:23), ca a kuat sawn (2:4, 9).
Paul cun cuih a cakuat cu Korinth khua ih zumtupawl in ziangti vekin an cohlang ding tiin a dawn a har zet. Troas khua ah Tita thawn an tawnawk tiktikah, cuih thu cu theih ding a beisei (2:12; Apo 20:1-2). Ziang thu ruangah simaw Tita kha Troas khua ah a ra lo. Curuangah Paul cu Masidonia lamah a feh (2:13; 7:5). Cu tawkah Tita a va táwng ih, Korinth khua ih zumtupawl in lungthlĕngin, thulunnak lamih kir an duh thu a thei (7:6-16).
Korinth kawhhran ah thubuai a um lai thotho. Apostol deu pawl in nasa zetin Paul-ih rawngbawlnak an dokalh (11:13-15). Cupawl cun Korinth khua ih zumtupawlih thinlung an neh (11:19-20; 12:11, 20-21). Korinth cakuat a pahnihnak hi amah le a rawngbawlnak humhimnak hrangah, Korinth ih thubuai dang pawl rĕm dingah le rawngbawlnak dik sawh hnget dingah A.D. 56 hrawngah Paul ih a ngan mi a si.
Paul in apostol dik a sizia a simfiang ih, Khrih hrangih a tuarnak thu tla a sim. Pathian siahhlawh cu a cah lo bik cān ah a nun ah Pathian huham a langfiang bik ṭheu ti thu a simfiang. Paul in a cakuat kharnak ah a thu thlun dingah thu hngetkhoh a pe. Korinth khua ih zumtupawl in a thu an hnáwng a si ahcun, an hnenah va feh tahratin, rorum zetih an thubuai tifel a tum thu a sim.
Pathian zangfahnak hi a haidaih ih, “ka cah lo tikah ka cak ṭheu” (12:10), ti bangin kan cahlonak ah a cahnak a famkimter (12:9) a si.
Thu Hlawm Ṭhen
- I. Thuhmaihruai (1:1-11)
- II. Paul in a rawngbawlnak a hum ih, Pathian siahhlawh diktak thuhla a zirh (1:12-7:16)
- III. Paul in Jerusalem ih mithiangpawl hrang Zentel kawhhranpawl hnen ihsi sum khawn thu a rel (bung 8-9)
- IV. Paul a humaw ih, doralpawlih hēknak a sawn (10:1-13:10)
- V. Thukharnak (13:11-14)
Cibaibûknak
1 aPathian duh zawngih Jesu Khrih-ih apostol, Paul le kan unaupa Timothy in Korinth khua ih Pathian kawhhran le Akaia peng pumpi ih mithiangpawl hmuahhmuah hnenah:
1:1a Apo 16:1; 18:1, 12; 1Ko 1:1; 10:32; Efe 1:1; Kol 1:1; 2Ti 1:1
2 aKan Pa Pathian le Bawipa Jesu Khrih hnen ihsin zangfahnak le hnangamdaihnak nan hnenah um hram seh.
1:2a Rom 1:7
Lamzin Phun Zakip ih Thlangămtu Pathian
3 aKan Bawipa Jesu Khrih-ih Pa a si mi Pathian, zahngainakih Pa le lamzin phun zakip ih in thlangămtu Pathian cu thangṭhatin um seh. 4 bPathian ih in thlangamnak in buainak phun zakip a tuartupawl kan thlangăm ve thei nak dingah, anih cun kan buainak hmuahhmuah ah in thlangăm ṭheu. 5 cZiangahtile Khrih-ih tuarnak cu kanmah ih a luanliam vekin, Khrih zarah kan thlangamnak khal a luangliam a si. 6 Zăwnzaihnak kan neih asile, cucu nan thlangamnak le nan runsuahnak hrangah a si. Cumi cun kan tuar mi vek harsatnak tuartheinak a lo pe thei a si. Asilole Pathian in in thlangăm asile, cumi khal cu nanmai thlangamnak le rundamnak hrangah a si. 7 Cule tuarnakpawl ih tel ve tu nan si ih, thlangamnak khalih tel ve tu nan si ti kan theih ruangah, kan ruahsannak cu a hnget a si.
1:4b Isa 49:13; 2Ko 7:6-7, 13
1:5c Rom 8:17; Gal 6:17; Fil 3:10; Kol 1:24; 1Pe 4:13
8 aZiangahtile u le nau tla, Asia peng ih kan parih a thleng mi kan buainak kha thei loih nan um ding kan duh lo; kha tiin kan phurh thei lo ding mi phurrit nasa zet kan parah rung thlengin, cumi ruangah nun ding hman ruahsan lo tiangin kan um a si. 9 bA si, kanmah le kanmah rinsanaw loin, mithi kaithotu Pathian kan rinsan sawn thei nak dingah, thi dingih thuṭhensak mi vekin kan um. 10 cCuih Pathian cun khavek thihnak rapthlak ihsin in runsuak zo, atu khalah in run; in runsuak leh ding tiah amah cu kan rinsan. 11 dThilpek ruangah mi tampi in kanmah ruangah thangṭhatnak an pek thei nak dingah, nannih khal in kan hrangah thlacamnak in in rak bawmkhawm a si.
1:8a Apo 2:9; Rom 11:25; 1Ko 15:32
1:9b Jer 17:5, 7; Joh 5:21
1:11d Rom 15:30; 2Ko 4:15; Fil 1:19
Paul in a Khawkhan cia mi a Thleng
12 aZiangahtile kan tluangkhawndān cu hitin a si: milai fimnak si loin, Pathian zangfahnak ruang sawn ih nundān tluangtlamte le Pathian ṭihnak nun dik zetih hi leitlun ih kan nun ṭheu kha, kan sia le ṭha theihnak in in theihpi ih, nannih lak sinsin ah cun cuti vekin kan um sinsin a si kha. 13 Ziangahtile nan siar mi le nan theihthiam mi siarlo thil dang zianghman nan hnenah kan ngan lo. A cemnet tiang khal ziangkim nan theihthiam thluh ka zum. 14 bCuti vekin nannih cun ziangmaw zat cu in rak theithiam zo, Bawipa Jesu-ih Ni ah kannih cu nan tluangkhawnnak kan si bangin, nannih khal kan tluangkhawnnak nan si ding ka beisei.
1:12a Apo 23:1; 1Ko 1:17; 1Th 2:10
1:14b 1Ko 1:8
15 aCucu ka theihfiang ruangah a vei hnihnak hlawknak nan neih thei nak dingah nan hnenih rat hmaisak ka rak tum. 16 bMasidonia peng ka tlawn zawngah ka lo tlawng phah ding ih, Masidonia ihsin nan hnenah ka kirsal ding, tiah ka rak tum. Cule nannih in Judia peng ah in thlah uhla tiah ka rak ruat. 17 Curuangah himi ka tumtah tikah, awlsám tukin ka ti pang maw? Asilole ka tumtah mi thilpawl hi milai tidān vek menih tumin, keimah ah a si, a si tithul, a si lo, a si lo tithul dualdo ka simaw? 18 cAsinan Pathian cu mirinum a si vekin, nan hnenih kan ṭawngkam hi, a si tithul, a si lo tithul, dualdo a si lo.
1:15a Rom 1:11, 13; 1Ko 4:19
1:16b Apo 16:9; 19:21; 1Ko 16:5-7, 11; 3Joh 1:6
1:18c 1Ko 1:9
19 aZiangahtile Pathian Fapa, Jesu Khrih thu cu Silas le Timothy le kei in nan hnenah kan rak phuang. Cumi ruangah amai thuhla kan sim mi cu a si tithul, a si lo tithul dualdo si loin, amah ah cun, a si, ti lawng hi a si ringring. 20 bZiangahtile Pathian thutiamkam hmuahhmuah hi amah ah cun, “A si,” ti a si thluh. Kanmah ruangah Pathian cawimawiih a um thei nak dingah amah ah cun, “Amen,” ti a si. 21 cNannih le kannih Khrih ih in hngettertu le hriak in thihtu cu Pathian a si. 22 dAnih cun tacik in khĕn ih, kan thinlung sungah amahkhānnak ah Thlarau in rak pe.
1:19a Mat 4:3; Apo 15:22; 16:1; Heb 13:8
1:20b Rom 15:8-9; 1Ko 14:16
1:21c 1Ko 16:13; 1Joh 2:20, 27
1:22d Sem 38:18; Eze 9:4; Hag 2:23; 2Ko 5:5
23 aCuihtlunah ka lo ānhaiterlonak dingah a si, Korinth ih ka ratsal nawn lo, ka sim mi a dik a si ti ka nunnak ih i theihpitu cu Pathian a si. 24 bNan zumnak parah bawi vekih lo uk kan duh lo, cuhnakin nan aipuan thei nak dingah kannih cu nan hnaṭuanpi kan si sawn; ziangahtile nannih cu zumnak in nan ding hnget a si.
1:24b Rom 11:20; 1Ko 15:1; 1Pe 5:3
1 Asinan thinna cing cun nan hnen ra lo tlawngsal nawn lo dingin thu ka ruatcat zo. 2 Ziangahtile nan thin ka lo natter asile, zo in so ka lung i awiter ding? Thin ka natter mi nanmahpawl thotho kha ka lung i awitertu ding nan si lo maw? 3 aCule nan hnen ka ra thlen tikah ka ai i puangtertupawl in ka riah in siatterlonak dingah hitin ka ngan a si, ka aipuannak cu nan zate ih aipuannak a si tiah zum hngeh nak ka nei. 4 Ziangahtile zawnzai zet le thinlung ānhai zetin nan hnenah mitthli tampi thawn ca ka ngan, nan thinnatnak dingah a si lo, cuhnakin ka lo duhdawt zet ti nan theihnak dingah a si sawn.
2:3a Gal 5:10; 2Th 3:4; Flm 1:21
Sual Tuahtu hrangih Ngaidamnak
5 aAsinan mi pakhat in thinnatnak a suahter asile, keimah lawng ka thin in nater a si lo ih, nan zaten tawkfang cu nan thin a lo nater a si; ka ti luarkai tuk lo nak dingah málte lawng ka rel a si. 6 bCuvek mi hrangah cun mi tampi ih cawhkuan an pek mi hi a tawk a si. 7 cCu pa cu ngaidam le thlangamter sawn ding nan si, culole nasa zetih thinnatnak in cu pa cu a dawlh pang ding. 8 Curuangah amah nan duhdawtnak kha nĕmhnget dingin ka lo ngen a si. 9 Cumi ruangah nan hnenah thil ziangtinkimah thu nan ngai le ngai lo ka lo hniksak thei nak dingah ca ka rak ngan. 10 Ziang thil khalih mi nan ngaidam mi cu, kei khal in ka ngaidam ve. Ziangahtile ziang thil khal ka rak ngaidam asile, ka ngaidam mi pa cu, nanmah ruangah Khrih hmaiah ka ngaidam a si. 11 dCu lo asile Setan in kan hnen ihsin remcānnak a ngah pang ding, ziangahtile a khawkhandān cu thei lo kan si lo.
2:5a 1Ko 5:1-2
2:6b 1Ko 5:4-5
2:7c Gal 6:1; Efe 4:32; Kol 3:13
2:11d Mat 4:10; Luk 22:31; 1Pe 5:8-9
Khrih ah Nehnak
12 aThu dangah, Troas khawpi ih Khrih-ih thuthangṭha phuang dingih ka feh tikah Bawipa in ka hrangah sângka a áwng ti ka hmu. 13 bCu tawkah ka unaupa Tita ka hmuh lo ruangah ka thinlung a cawlhahdam thei lo. Cule an hnenah damten tiah ka ti hai ih, Masidonia lamah ka rak feh sawn.
2:12a Apo 14:27; Rom 1:1; 1Th 3:2
2:13b Apo 16:9; Gal 2:1, 3; Tit 1:4
14 aKhrih ah nehnak ih in hruai ringring tu le kanmah hmangih hmun zakip ih amah theihnak rimhmui vekih hmuitertu Pathian hnenah lungawi thu um hram seh.
2:14a Rom 6:17; Efe 5:2; Fil 4:18
15 aZiangahtile kannih cu rundam lai rero mipawl hnenah le a hloral lai rero mipawl hnenah Pathian hrangah Khrih rimhmui kan si. 16 bMi hrekkhat hnenah cun thihnak dingih thihnak rim kan si ih, mi hrekkhat hnenah cun nunnak dingih nunnak rim kan si. Cuih thilpawl hrangah zo so tling? 17 cZiangahtile mi tampi in sumpai hlawknak hrangih Pathian kamsuakthu an hman vekin, kannih cun kan hmang ve lo; cuhnakin thungaithlakin Pathian hnenih mi vekin Pathian mithmuh ah Khrih ruangah thu kan sim sawn a si.
2:15a Sem 8:21; Suah 29:18; Mip 15:3; 1Ko 1:18
2:17c Apo 20:33; 1Ko 5:8; 1Th 2:5
Thukham Thar Rawngbawltu
1 aMah le mah fakawk kan thawksal maw? Asilole mi dang in nan hnenih pek ding mi faknak capawl simaw, nanmah hnen ihsin faknak capawl an ṭul vekin kan ṭul ve maw si? 2 bNannih cu kan thinlung sungih ngan mi kan cakuat nan si, mi kip in cuih ca cu an thei ih an siar. 3 cNannih cu kan rĕn mi, Khrih-ih cakuat, cati thawi ngan mi si lo, a nung mi Pathian Thlarau thawi ngan mi sawn, lung pheng pawl parih ngan mi si lo, milai thinlung par sawn ih ngan mi nan si ti fiang zetih lăngter a si.
3:1a Apo 18:27; Rom 16:1; 1Ko 16:3
3:2b 1Ko 9:2
3:3c Suah 24:12; 31:18; 34:1; Dnp 9:10-11; Thf 3:3; Jer 31:33; Eze 11:19; 36:26; Mat 16:16
4 aCuti vek zum hngeh nak cu Khrih zarah Pathian lamah kan nei a si.
5 bKannih cu thil zianghman kanmah ihsin a suak tiih ruataw dingin kan tlak tiah ka ti lo, Pathian lawng hi kan haidaihnak a si sawn.
6 cPathian cun thukham
3:4a Efe 3:12
3:5b 1Ko 15:10
3:6c Luk 22:20; Joh 6:63; Rom 2:29
7 aMosi hmel lăngdan a ropit ruangah Israel-mipawl cun a hmel an zoh ringring thei lo, cuih ropitnak cu a hloral vivo. Sikhalsehla thihnak thlentu rawngbawlnak, lung pheng parih kherih ngan mi hman a ropit a si ahcun, 8 Thlarau rawngbawlnak cu ziang tluk ropi sinsin so a si pei? 9 bZiangahtile thiam lo mi cotertu rawngbawlnak hman a ropit a si ahcun, dingfelnak thlentu rawngbawlnak cu nasa sinsinin a ropi ding. 10 Ziangahtile thiam lo mi cotertu rawngbawlnak cu Pathian in ropi ko a rak tuah zo. Sikhalsehla dingfelnak thlentu rawngbawlnakih ropitnak cu a nasat tuk ruangah thiam lo mi cotertu rawngbawlnakih ropitnak cu zianghmanlo ah a cang. 11 Ziangahtile a hloral mi hman a ropit a si ahcun, a hmun ringring mi cu a ropi nasa sinsin a si.
3:9b Rom 1:17
12 aCuvek ruahsannak kan neih ruangah, ralṭha zetin thu kan sim a si. 13 bCumi cu Mosi ih a rak tuah mi vek a si lo, anih cun Israel-mipawl in a hloral cuahco mi ropitnak kha a cemnet tiang an zoh ringring lo nak dingah puan in a hmai a khuh. 14 cAsinan an lungthin mit a caw. Ziangahtile hmai khuhnak cu Khrih ah lâkhloh a si zo nân, tuihni tiangin thukham hlun an siar tikah cuih hmai khuhnak cu a um lai thotho. 15 Asinan tuihni tiangin Mosi cazual an siar tikah, khuhnak cun an thinlung a khuh lai thotho. 16 dCuti si khal sehla, mi pakhat cu Bawipa lam a hawi tikah, khuhnak cu lâkhlohsak a si ding. 17 eBawipa cu Thlarau a si ih, cuih Bawipaih Thlarau umnak ah zalĕnnak a um. 18 fSikhalsehla kannih cu kan zaten hmai khuh loin, thlalang sungih hmuh vekin Bawipaih ropitnak kan hmu. Bawipaih Thlarau zarah ropitnak ihsin ropit sinsin nak ah, amah băngnak ah tidanglamin kan um lai rero a si.
3:12a Apo 4:29
3:13b Suah 34:33
3:14c Apo 13:15; Rom 11:7-8
3:16d Suah 34:34; Isa 25:7; Rom 11:23
3:17e Isa 61:1-2; Joh 8:32; Gal 4:6-7
3:18f Joh 17:22, 24; Rom 8:29; 1Ko 13:12
Thuthangṭha Tleu
1 aCuruangah zahngainak kan rak co vekin hi rawngbawlnak hi kan co ruangah, kan bei a dawng lo. 2 bCuhnakin ningzakza thil thup pawl cu kan bansan, hrăwkhrawlin kan um lo, Pathian kamsuakthu khal mi bumnak ah kan hmang lo ih, thutak cu fiang zetin kan sim sawn a si, cuti cun Pathian mithmuh ah, mi kip ih sia le ṭha theihnak ah kanmah le kanmah kan áwngaw thluh sawn a si. 3 cAsinan kan thuthangṭha hi khuhih a um a si ahcun, a hloral rero mi hnenah a si khuhih a um ding. 4 dKhrih-ih thuthangṭha ropi ih tleu in anmah a tlêt thei lo nak dingah, hi khawvel pathian in zumlotupawlih lungthin mit cu a câwtter, Khrih cu Pathian băngpi a si. 5 eZiangahtile kannih cu kanmai thuhla kan phuang lo. Khrih Jesu Bawi a si thu le Jesu ruangah kannih cu nanmai siahhlawh kan si thu kan phuang sawn. 6 fZiangahtile Pathian in thim lak ihsin tleu cu êng dingin thu a pe. Cuih Pathian cu Jesu Khrih hmel ih Pathian ropitnak theihnak ihsi a ra mi tleu pe dingah kan thinlung sungah a rung êng.
4:1a Isa 40:31; 1Ko 7:25; 1Ti 1:16
4:2b Rom 6:21; 1Ko 4:5; Heb 4:12
4:3c 1Ko 1:18
4:4d Joh 12:31; 14:4; 1Ko 1:20
Lei Bel sungih Hlawnthil
7 aAsinan huham nasa zet cu kanmah ihsi suak si loin, Pathian hnen ihsi suak a si sawn ti langter dingin cuih hlawnthil cu lei bel sungah kan nei a si. 8 Kil i kip ihsin palbĕt kan si, asinan palbêk cu kan si lo; mangbang vansangin kan um, asinan kan bei a dawng lo; 9 bhremin kan um, asinan thlauthlak kan si lo; hlăwnthlukin kan um, asinan kan thi lo. 10 cJesu-ih nunnak kha kan taksaruangpum ih a lăng thei nak dingah, Bawipa Jesu-ih thihnak cu kan taksaruangpum in kan phur ringring. 11 dZiangahtile Jesu-ih nunnak cu a thi thei mi kan taksa ih a lăng thei nak dingah, Jesu ruangah kannih a nungdampawl hi thi dingih hlăn kan si ringring. 12 Curuangah thihnak cun kanmah ah a ṭuan ih, nunnak cun nanmah ah a ṭuan.
4:7a Lai 7:2; Isa 64:8; 1Ko 2:5; 2Ti 2:20
4:9b Joh 15:20; Rom 8:35; Heb 13:5
4:10c Rom 6:6
4:11d Rom 8:36
13 aCule,
4:13a Sam 116:10; 1Ko 12:9
4:14b Apo 2:24; Efe 5:27; Kol 1:22; 1Th 4:14; Jud 1:24
16 aCuruangah kan bei a dawng lo. Kan leng lam minung cu ṭumsuk vivo hman sehla, kan sung lam minung cu ni khat hnu ni khat tharter vivo a si. 17 bZiangahtile rei lo te sung hrang lawng a si mi, zăwnzaihnak kan tuar mipawl tete hin ropitnak nasa zet kumkhaw hrangah in tuahsak nasa deuhdeuh a si. 18 cHmuh thei mi thilpawl kan zoh lo ih, hmuh thei lo mi thilpawl kan zoh sawn. Ziangahtile hmuh thei mi thilpawl cu a langte sung um mi an si ih, hmuh thei lo mi thilpawl cu kumkhua a hmun mi an si.
4:16a Isa 40:31; Rom 7:22; Kol 3:10
Van ih kan Umnak Hmun
1 aZiangahtile kan lei inn, hih puanthlam hi siatrál hman sehla van ah kut ih sak lo mi inn, Pathian hnen ihsin, kumkhuaih um ding mi kan nei a si ti kan thei. 2 bZiangahtile van ih kan inn thawi thăwmawk ding duhnak nasa zet neiin, hi lei inn ah hin kan aihram ṭheu a si. 3 Cutiih thăwm kan si taktakah cun taklawng ih hmuh kan si lo ding. 4 cZiangahtile hi puanthlam ah hin phurrit phurin kan aihram ṭheu a si. Thăwm loih um kan duh ruangah si loin, nunnak in thihnak cu a dawlh thluh thei nak dingah thăwmih kan um ding kan duh ruangah a si sawn. 5 dCumi hrangih in timtuahtu cu amah Pathian a si, anih cun amahkhānnak hrangah Thlarau khal in pe.
5:1a Isa 38:12; 1Ko 15:47; 2Pe 1:13-14
5:2b Rom 8:23; 1Ko 15:53-54
5:4c Rom 8:23; 1Ko 15:53-54
5:5d Rom 8:23; Efe 1:13-14
6 Curuangah hi taksaruangpum ih kan um sung cu Bawipa hnenah kan um lo ti theiin ngaihngam zetin kan um. 7 aZiangahtile hmuh mi in feh loin, zumnak in kan feh a si. 8 bNgaihngam zetin kan um, a si, taksaruangpum ah um loin Bawipa hnenih um kan duh sawn.
5:7a 1Ko 13:12
Khrih Tokham Thuṭhennak
9 aCuruangah kannih cun kan umnak lei ih kan um ah simaw, um lo ah simaw, amah lungawiter kan tum a si. 10 bZiangahtile kan zaten Khrih thuṭhennak tokham hmaiah kan lang leh tengteng ding, mi kip in an taksaruangpum ih an rak tuah mi a sia siseh, a ṭha siseh an tuah mi vekin an co ding.
5:9a Rom 14:18; Efe 5:10; Kol 1:10; 1Th 4:1
5:10b Mat 16:27; Apo 10:42; Rom 2:16; Efe 6:8
Remawknak Rawngbawlnak
11 aBawipa ṭihzah cu ziang a si ti kan theih ruangah mi kan lēm ṭheu. Asinan Pathian cun in theifiang tuk ih, nan sia le ṭha theihnak khal in in theihfiang zet ka zum. 12 Ziangahtile kan relmawiaw leh sal si loin, thinlung ih um mi ruangah si loin a lăngdan menih tluangkhâwngpawl nan săwn thei nak dingah, kanmah in tluangkhawnpinak cān remcâng kan lo pe a si sawn. 13 Ziangahtile kan mumal lo asile, Pathian hrangah a si ih, kan lung a fim asile, nanmai hrangah a si. 14 bZiangahtile Khrih-ih duhdawtnak cun in tur a si, hitin thu kan ṭhencat: mi hmuahhmuah hrangih mi pakhat a thi a si ahcun, mi hmuahhmuah cu an thi a si; 15 ccule a nung mipawl cu anmai hrangah nung nawn loin, an hrang thi ih thosaltu hrangih an nun sawn thei nak dingah anih cu mi hmuahhmuah hrangah a thi a si.
5:11a Job 23:15; Heb 10:31; Jud 1:23
5:14b Rom 6:6-7; Gal 2:20; Kol 3:3
16 Cuti a si ruangah atu thawkin taksa lam dān in mi zohman kan thei nawn lo. A liam cia mi cān ah Khrih cu taksa lam dān in rak thei zohman nungla, atu thawk ihsi cun cuti vek zawng cun kan thei nawn lo. 17 aCuruangah mi zokhal Khrih ih a um ahcun, sersiam thar a si; thil hlun pawl cu an hloral ih, ngai hnik, thil hmuahhmuah cu a thar ah an cang. 18 bCule thil ziangkim hi Pathian hnen ihsin an si, anih cun Jesu Khrih zarah amah thawn in remawter zo ih, kan hnenah remawknak rawngbawl hna in rak pe. 19 cCumi cu Khrih ah Pathian in leitlun hi amah thawn a remawter ih, an mawhsualnakpawl cu anmai mawhsualnak ah a siarsak lo, cule cuih remawknak thu cu kan hnenah in ap a si.
5:17a Isa 65:17; Joh 1:13; Rom 6:4; 16:3; Gal 6:15; Thu 21:4-5
5:19c Rom 4:8
20 aCuruangah kannih cu Khrih hrangih palai kan si. Pathian in kanmah hmangih a lo ngĕn bangtukin, Khrih aiawhin Pathian thawn remaw uh, tiah kan lo ngen a si. 21 bZiangahtile Khrih ah Pathian dingfelnak kan si thei nak dingah sual a theihih thei lo cu kan hrangah sual ah a tuah.
5:21b Rom 1:17; 1Ko 1:30; Heb 4:15; 1Pe 2:22; 1Joh 3:5
Rawngbawlnak Hminsinnakpawl
1 aCule kannih, amai hnaṭuanpipawl in Pathian zangfahnak cu zianghmanlo men hrangih nan cohlanlonak dingah kan lo ngen a si. 2 bZiangahtile anih in,
tiah a ti.
Ngai hnik, atu hi cohlan tikcu a si, ngai hnik, atu hi rundamnak ni a si.
3 aMi in kan rawngbawlnak an sawisellonak dingah, mi tlûknak ding thil zianghman kan tuah hrimhrim lo. 4 Cuhnakin ziangtinkimah Pathian rawngbawltu kan sizia kan langter sawn a si. Tuarfainak in siseh, harsatnak in siseh, tlaksamnak in siseh, vansannak in siseh, 5 bvuaknak in siseh, thawngtlaknak in siseh, buainak in siseh, ṭuanbăngnak in siseh, it loih kilvennak in siseh, rawl ulhnak in siseh, 6 cthianhlimnak in siseh, theihnak in siseh, thinsaunak in siseh, ngilneihnak in siseh, Thlarau Thianghlim in siseh, a der si lo duhdawtnak taktakin siseh, 7 dthutak kamsuakthu in siseh, Pathian huham in siseh, vawrh lam le keh lamih dingfelnak hriamhrei in siseh, 8 eupatnak le nautatnak in siseh, relsiatnak le relṭhatnak in siseh, midik si siin mi bumtupawl vekin, 9 ftheih zet mi si siin, mi ih theih lo mi vekin; thi cuahco vekin, ngai hnik, kan nung fawn si, nunsim mi vek si siin, thah cu si si loin, 10 griahsia vek si siin, asinan aipuang ringring tho siin, mifarah vek si siin, mi tampi liantertu si tho siin, zianghman nei lo vek si si, ziangkim nei thotho siin, hipawl hmuahhmuah ah hin Pathian rawngbawltu kan sizia kan langter ṭheu.
6:3a Mat 5:24; 1Ko 8:9, 13
6:6c Rom 12:9; 1Ko 2:4; 1Th 1:5; 1Ti 1:5
6:7d Rom 13:12; Efe 6:10-18
6:8e Mat 27:63; 1Ko 4:10, 13
6:9f Rom 8:36
6:10g Mat 5:12; Rom 8:32; 1Ko 3:21
Thianghlim Uh
11 Maw nannih Korinth-mipawl! Nan hnenah tlăng zetin kan rak ṭawng, nan hrangah kan thinlung khal kau zetin kan rak áwng a si. 12 Kannih in kan lo phit lo, nanmai pumpi hmangin phih nan si sawn. 13 aIn lehrulhnak dingah nannih khal kanmah lamah kau zetin áwngaw uh, fale hnenih thusim vekin ka lo sim a si.
6:13a 1Th 2:11
Pathian Nung Temple
14 aZumlotupawl thawn a bangrep lo mi hngawngkol bâttlang hlah uh. Ziangahtile dingfelnak le dān pahbălnak in ziang ṭawmawknak so an neih? Tleu le thim in ziang pawlkăwmawknak so an neih? 15 bCule Khrih le cBelial in teh ziang lungrualnak so an neih? Asilole a zumtu in a zum lo tu thawn cotlang mi thil ziang so an neih? 16 dCule Pathian nung temple le milempawl in ziang lungrualnak so an neih? Ziangahtile nannih cu a nung mi Pathian temple nan si. Cumi cu Pathian in,
6:14a 1Ko 5:9-10; 6:6; Efe 5:7, 11; 1Joh 1:6
6:15c Belial: Setan relnak ih hman a si ih, a sullam cu santlaihnak zianghman nei lo, mihlothlau tinak a si.
6:16d Suah 29:45; Pui 26:12; Jer 32:38; Eze 37:27; 1Ko 3:16; 6:19; 10:21; Thu 21:3
tiah a ti mi vek khan a si.
17 aCuruangah Bawipa in,
6:17a Isa 52:11; Eze 20:34, 41; Thu 18:4
tiah a ti.
18 a
6:18a 2Sam 7:14; 1San 17:13; Isa 43:6; Jer 31:1; Rom 8:14
tiah Ziangkimtithei Bawipa in a ti.
1 aCuruangah, duhdawt mitla, thutiamkampawl kan neih ruangah taksa le thlarau bawrhhlawhtertu zate lak ihsin thianfaiaw uhsi, Pathian ṭihzahnak kan neih bangin kan thianhlimnak cu famkimter uhsi.
7:1a 1Ko 10:14; 1Th 4:7; 1Pe 1:15-16
Paul-ih Lungawinak
2 In cohlang uh. Zo hnen hmanah thil sual kan tuah lo, zohman kan siatsuah lo ih, zohman kan bum lo. 3 aCumi cu nanmah thiam lo lo coternak ah ka sim a si lo; ziangahtile thih le thihtlâng, nun le nungtlang dingin kan thinlung sungah nan um ti thu, hi hlanah ka rak lo sim zo. 4 Nanmah hnenih ṭawng ding cu nasa zetin ka ral a ṭha. Nanmah ruangih ka tluangkhawnzia hi a nasa a si. Hnangamnak in ka khat ih, kan harsatnak hmuahhmuah ah ka aipuannak a khatliam.
7:3a Fil 1:7
5 aZiangahtile thungaiten Masidonia peng kan thlen tikah kan taksa in cawlhhahdam cān a nei lo, kil i kip in buainak in pe. Leng lamah sualawknakpawl an um ih, sung lamah ṭihphannakpawl an um. 6 Sikhalsehla dinhmun niam pawl thlangămtu, Pathian in Tita-ih ratnak in in thlangăm a si. 7 Cule Tita-ih ratnak in in thlangăm lawng si loin, amah nan rak thlangamnak ruang khalah a sibêt. Anih in keimah in hmuh nan hiarzia, nan thinnatzia, in humzia pawl in rak sim; curuangah ka aipuannak a nasa sinsin.
8 Ziangahtile ka ca lo kuat mi khan nan riah ka lo seter, cuih thu ah rak siraw dah zo khal ningla, atu-ah cun ka siraw lo. Ziangahtile khaih ca ka lo kuat mi khan nan riah a lo seter nân, cān tawite sung lawng a si ti ka thei. 9 Atu-ah ka ai a puang a si, nan riah a siat ruangah si loin, nan riahsiatnak in lungthlĕngnak ih a lo hruai ruangah a si sawn. Ziangahtile kanmah ruangih zianghman nan hlohlonak dingah, Pathian duhdān vekin riahsiatter nan si. 10 aZiangahtile Pathian hnen ihsi a ra mi riahsiatnak cun rundamnak ih hruaitu lungthlĕngnak a suakter, cumi cu pawi ti ding um loin a si. Asinan leitlun ihsi a ra mi riahsiatnak cun thihnak a thlen. 11 Ziangahtile ngai hnik uh, cuvek thil cu nan hnenah a rak thleng a si. Pathian hnen ihsi ra mi riahsiatnak cun nanmah ah thil ṭha tuah dingih taimaknak siseh, mah le mah humhimawk duhnak siseh, sual parih aithawknak siseh, ṭihnak siseh, thil ṭha tuah hiar duahdo nak siseh, humhim duhnak le sual cawhkuan peknak pawl a suah. Hi thu ah cun thil ziangkimah nannih cu nan thiang a si ti nanmah le nanmah nan langfiangawter zo. 12 bCuruangah nan hnenah ca ka rak ngan ko nân, cumi cu thil sual tuahtu paih ṭhatnak dingah simaw, thil a ti sualnak paih ṭhatnak ding hrang simaw a si lo. Cuhnakin Pathian mithmuh ih kan lo ngaihsaknak nan hnenih a lăng thei nak dingah a si sawn.
7:10a Apo 11:18
7:12b 1Ko 5:1-2
Tita-ih Aipuannak
13 Curuangah nan hnangamnak ah kan hna a ngam. Cule nan zaten a thlarau tha thar nan rak pek ruangah, Tita-ih lungawi aipuannak ah kan aipuannak a nasa sinsin. 14 Ziangahtile a hnenah nanmai thu ih ziang thil khalih tluang ka khawn a si khalle ka ning a zak lo. Asinan nan hnenah thil ziangkim dik zetih kan lo sim zo bangin, Tita hnenih kan tluangkhawnnak khal a dik a si ti a lang. 15 aCule nan zate ih thu nan lunzia, ṭih le khūr phah cingih amah nan cohlanzia pawl, Tita in a hngilh lo ih nanmah a lo ngainatnak cu a nasa sinsin. 16 Thil ziangkimah nanmah ah lo rinsan ngamnak ka neih ruangah lungawi aipuangin ka um.
7:15a Sam 55:5; 1Ko 2:3; Fil 2:12
Siang zetih Pe dingih Thapeknak
1 aCuihtlunah u le nau tla, Masidonia peng ih kawhhranpawl Pathian in a zangfahnak a pek kha nan theih ding kan duh. 2 bAnnih cu zăwnzaihnak in hniksaknak nasa zet an táwng ko nân, nasa zetin an ai a puang. An rethei zet ko na cingin lian zet vekin tam zet an rak pe. 3 cZiangah cutin ka ti tile an tithei tawkin an pe ti ka theihpi hai a si. Anmai palungsuak rori in an tithei tawk lăn tiangin pek an duh. 4 dMithiangpawl hrangih an thawhhlawm cohlang dingin le mithiangpawl rennak ah tel ve dingin nasa zetin in ngen. 5 Cumi cu kan beisei lo zawng piin an rak tuah, Bawipa hnenah anmah le anmah an rak peaw hmaisasawn ih, ka hnen khalah Pathian duhdān vekin anmah le anmah an rak peaw. 6 Cutin nan thawhhlawm kha Tita in a taw a rak thawh zo vekin, nan thawhhlawm khawnkhawm mi kha anih in a ṭheh lawlaw nak dingah, amah cu nasa zetin kan rak ngen. 7 eAsinan nannih cu ziangkimah, zumnak ah siseh, thusim ah siseh, theihnak ah siseh, taimaknak hmuahhmuah ah siseh, kanmah in duhdawtdān ah siseh nan khatliam a si. Curuangah khaih thawhhlawm khalah khan khatliam uh.
8:1a Apo 16:9
8:2b Suah 36:5
8:3c 1Ko 16:2
8 aThupek zawngin ka lo sim a si lo, mi dang pawlih taimaknak thawn khaikhinin nan duhdawtnak takzia ka hniksak sawn a si. 9 bZiangahtile kan Bawipa Jesu Khrih-ih zangfahnak nan thei, anih cu milian a si ko na cingin, nanmah ruangah mifarah ah a cang; cutiih a retheihnak cu milian nan si thei nak ding hrangah a si.
8:8a 1Ko 7:6
8:9b Mat 20:28; Rom 3:24; Fil 2:6-8
10 aCule himi thu ah thurawn ka lo pe a si: ziangahtile hihi nan hrangah hlawknak a si, kan dung kum ah nannih cu a pe hmaisabik tu nan si lawng si loin, pek a duh hmaisabik tu khal nan si. 11 bAtu-ah pesuak taktak ve thlang sawn uh, pek câknak a rak um zo bangin, nan neih mi hmangin pesuak uh. 12 cZiangahtile duhnak lungthin a um hmaisak asile, mi in a neih lo mi si loin, a neihdān izirin a pek mi cu Pathian in a cohlansak a si.
8:10a 1Ko 7:25, 40; 16:2-3
8:11b Suah 25:2
8:12c Mar 12:43-44
13 Ziangahtile mi dang pawl cu zângkhaiin, nannih phurrit uhci ka tinak a si lo.
14 aCuhnakin thil ziangkim bangrān ding ka duh sawn a si. Atu-ah nan neih liam cun an tlaksamnak a silhkhahsak ding ih, annihih neih liam cun nan tlaksamnak a lo silhkhahsak ve ding, cutin thil ziangkim a bangrān thei ding.
15 bCumi cu,
8:14a Apo 4:34
8:15b Suah 16:18
Korinth ah Paul in Tita a Thlah
16 aAsinan nanmah ka lo ngaihsaknak vek, Tita thinlung sungih rettu Pathian hnenah lungawi thu um seh. 17 Ziangahtile anih cun kan ngĕnnak cu a cohlang ngaingai ih, ngaihsaknak thinlung khal a nei bêt sin, amai duhhrilnak rori in nan hnenah a ra. 18 bCule thuthangṭha rawng a bawlnak ah kawhhran hmuahhmuah ih an lăwm mi, unaupa pakhat amai zawngah kan rak thlah. 19 cCulawng si loin, kawhhranpawl in an thawhhlawm thawn amah cu kan hnenih tlâwng ve dingin an hril. Mi dang băwm nan paihzia theihter ding le Bawipa amah rori a sunlawi thei nak dingah, cuih thawhhlawm cu kan fingkhawi a si. 20 Hi a tam zet mi thawhhlawm kan fingkhawinak thu ah mi ih sawisel hrial kan duh. 21 dBawipaih mithmuh lawngah si loin, milai mithmuh khalah thil dik tuah kan duh a si.
8:16a Thu 17:17
8:18b 1Ko 7:17
8:19c Apo 14:23; 1Ko 16:3-4
22 Cule cute pahnih zawngah kan unaupa pakhat cu kan rak thlah ve, amah cu a phunphunin kan hniksak hnuah mitaima zet a si ti kan thei. Amah cu nanmah lo rinsannak nasa zet a neih ruangah atu-ah cun a taima sinsin. 23 aMi pakhat khat in Tita thuhla an suh asile, amah cu ka hnaṭuanpi a si. Nanmah lakih keimah thawi hnaṭuan a si. Asilole kan unaupawl thuhla an suh asile, annih cu kawhhranpawlih palai le Khrih-ih ropitnak an si. 24 Curuangah an hnenah le kawhhranpawl hmaika ah nan duhdawt hai ti lăngternak le nanmah ruangih kan tluangkhawnnak săn hmuh hai uh.
1 aCule mithiangpawl rennak thuhla ah nan hnenih ca ka ngan a ṭul hrimhrim lo. 2 bZiangahtile rĕn ding nan hiarzia ka thei ih, cumi ruangah Masidonia peng mipawl hnenah, “Akaia peng mipawl cu kan dung kum khat lai ihsin an tiar cia zo,” tiah ka lo tluangkhawnpi zăwk rero. Ṭhahnem nan ngainak cun mi tampi a rak căwktho. 3 cSikhalsehla himi thuhla ih kan rak lo tluangkhawnpinak cu a lak men a silonak dingah le, “Rak tiar cia uh,” tiih ka rak lo cah vekih nan tiar cia nak dingah nan hnenah unaupawl hi ka rak thlah a si. 4 dCuti a si lo ahcun, Masidonia peng mipawl keimah zawngih an rat pang ih timlamaw hrih loih an lo hmuh pang asile, nannih si loin, kanmah sawn hi lo rinsan zetih kan lo tluangkhawnpinak ah hin kan ning a zak ding. 5 eCuruangah nan rak tiamkam cia mi, nan sian zet mi thawhhlawm cu, timlam cia si dingin unaupawl cu nan hnenah a hlankhanin ra dingin fawrh ṭulin ka ruat. Culawngah nan thawhhlawm cu hnekcawpih pek mi si loin, siang zetih pek mi a si thei ding.
9:2b Apo 18:12
9:3c 1Ko 16:2
9:4d Rom 15:26
9:5e Fil 4:17
Tampi Vawrh
6 aAsinan málte a tuhtu cun málte a at ding ih, tampi a tuhtu cun tampi a at ve ding ti hi ka sim a si. 7 bMi kip in ui cingin le pek lo theih lo a si ti ruat khalin pe loin, an thinlung ih an ṭhencat vekin pe ciar hai seh; ziangahtile Pathian in lungawi zetih petu a duhdaw a si. 8 cCule nannih in ziangtinkimah haidaih tawk zet nei camcinin le hnaṭuan ṭha tinkim nan ṭuansuak thei nak dingah, Pathian cun zangfahnak zaten nan parah a lo vur thei a si. 9 dCumi cu,
9:6a Thf 11:24-25; Gal 6:7, 9
9:7b Suah 25:2; Dnp 15:10; Rom 12:8
tiih ngan vek khan a si.
10 aThlaici tuhtu hnenih thlaici petu le rawl hrangih sang lo petu cun nan tuh mi thlaici cu karhterin, nan dingfelnak rahpawl cu ṭhangter hram seh. 11 bSiang zetih nan pek thei nak dingah ziangtinkimah Pathian in a lo lĕnter laiah, cumi in Pathian hnenah lungawi thu sim ko in tuah.
9:11b 1Ko 1:5
12 Ziangahtile hi săwmdawlawknak nan rawngbawlnak hin mithiangpawlih tlaksamnak a silhkhahsak lawng si loin, mi tampi Pathian hnenih lungawi thu tampi simnak khalah a cang. 13 aHi rawngbawlnak hin Khrih-ih thuthangṭha cu nan lung ih, cuih thuthangṭha ah nan tlukluhzia le an hrang le mi hmuahhmuah hrangih siang zetih tampi nan zemsuah ṭheu zia a lăngfiangter ruangah Pathian an thangṭhat a si. 14 Cule nan parih Pathian zangfahnak luangliam ruangah nan hrangih thla an cam tikah, lo hmuh ding an duh zet a si. 15 bṬawngkam ih sim theih lo a thilpek ruangah Pathian hnenah lungawi thu um seh.
9:15b Rom 5:15-16
Paul in a Rawngbawlnak a Hum
1 aNan hmaika ih zâmih um, nan hnen um lo tikih nanmah lamih ralṭha zet pa, keimah, Paul in Khrih-ih nunnemnak le zaidamnak in ka lo ngen hai a si. 2 bNan hnen ka um tikah, minung nundān ih nungih in ruattupawl dokalhin rinsanawknak thawn ralṭha zetih um ka tum, cuti vekih ralṭhat ka ṭullonak dingah ka lo ngen a si. 3 Ziangahtile kannih cu taksa in kan nung ko nân, tisa dān in kan do ve lo. 4 cZiangahtile ral donak ih kan hman mi hriamhreipawl cu milai hriamhrei an si lo, ral hruangkulhpawl ṭhiatbălnak dingah Pathian zarih thiltitheinak hriamhrei a si sawn. 5 dCuih hriamhrei in elnakpawl siseh, Pathian theihnak dokalhih mah te khaisângaw mi thil sâng pauhpauh siseh kan ṭhiatbăl ih, khawruahnak kip in Khrih thulunnak sál ah kan hruai a si. 6 Nan thulunnak a famkim tikah thulunlonak zaten cawhkuan pe dingin kan tiar a si.
10:1a Mat 11:29; Gal 5:2; Efe 3:1
10:5d Isa 2:11-12; 1Ko 1:19
7 aLeng lam lăngdan lawng nan zoh ṭheu a si lo maw? Mi pakhat khat in Khrih ta si roriih zum hngeh nak a neihawk asile, amah cu Khrih ta a si vekin kannih khal Khrih ta kan si ve ti ruatkirsal seh. 8 bZiangah cutin ka ti tile nanmah lo siatsuahnak dingah si loin, nanmah lo tuahṭhatnak ding sawnah Bawipa in thuneihnak in rak pek mi hi tluangkhawnpi deuh hlek hman ningla ka ning a zak lo. 9 Ka cakuat mipawl hmangin lo ṭhihṭhaih tum vekih ka lănglonak dingah a si. 10 cZiangahtile annih in, “A cakuatpawl cu an khohkhah zet ih hmual an nei zet, asinan amah ngaingai a um tikah cun a taksa cu a ṭawnṭai ih, a thusim khal zianghman a si lo,” tiah an ti. 11 Cuvek mi cun hihi ruat seh, nan hnenih kan um lo laiih cakuatpawl hmangih kan sim bangin, nan hnenih kan um tik khalah a taktakin kan si ding.
10:8b Jer 1:10
10:10c 1Ko 1:17; 2:3; Gal 4:13-14
12 Ziangahtile mah le mah relmawiawpawl lakah kan siartelaw ngam lo ih, anmahpawl thawn kan khaikhinaw ngam fawn lo. Asinan annih cu anmah lakah an tahaw ih an khaikhinawk tikah, fimnak an nei lo. 13 aSikhalsehla kannih cun Pathian in kan ṭuannak ding bial in zem mi siarlo cu tluangkhawnpi loin, Pathian in kan hnenih in zem mi hnaṭuannak ramri ih a huap mi sung lawngah kan tluangkhâwng sawn ding, cuih ramri cu nan hnen tiangin a huap. 14 bZiangahtile nannih tiang kan run lo bial hi kan bial băn lo pi run bial kan si lo, ziangahtile Khrih-ih thuthangṭha thawn nan hnen tiang kan ra thleng a si. 15 cRamri lanin, cumi cu mi dangih hnaṭuan mi ah kan tluangkhâwng lo, cuhnakin, nan zumnak a ṭhan tikah Pathian in nanmah hmangin nan lakah kan hnaṭuannak cu nasa zetin a kauter ding ti hi kan ruahsan sawn. 16 dCucu bial dangih mi dang pawl ih hnaṭuan cia mi ih kan tluangkhawnlonak dingah le nan umnak ralkhat lam tiangih thuthangṭha kan sim thei nak dingah a si.
10:13a Rom 12:3
10:14b 1Ko 3:6
17 aSikhalsehla,
10:17a Sam 34:2; Jer 9:24; 1Ko 1:31
10:18b Rom 2:29
Paul le Apostol dik lo Pawl
1 a zetih ka ṭawng tikah málte tal in rak zāwi thei uhla ka va duh ve! A zāwi khal in zāwi taktak. 2 bZiangahtile Pathian thîknak thawn ka lo thîk hai a si. Ziangahtile nannih cu Khrih hnenah a thianghlim mi fala him vekih ka lo hlăn thei nak dingah pasal pakhat hrangah ka lo ham zo. 3 cAsinan rul in a hrăwkhrawlnak in Evi a bum bangin, Khrih ih nan taknak ihsin nan lungthin a bawrhhlawhter pang ding ti ka phâng. 4 dZiangahtile kan phuan mi si lo Jesu dang thu phuang nan hnenah an ra ding ih, nan co dah lo mi thlarau nan co ding ih, nan rak cohlan zo mi si lo thuthangṭha dang kha a ṭha tiin nan cohlang pang ding ti ka phâng! 5 eZiangahtile apostol thupibik pawl hnakin fate hman ka niam ce cuang lo, tiin ka ruat. 6 fThusim thiam lo khal ningla, theihnak ah cun cuvek ka si lo. Thil ziangkimah cipciar zetin nan lakah kannih cu lăngter zo kan si sawn a si kha.
11:1a Mat 17:17
11:2b Hos 2:19; Efe 5:26-27
11:3c Sem 3:1-6; 1Ti 2:14; Thu 12:9
11:4d Rom 8:15; 1Ko 3:11; Gal 1:6-9
11:5e Gal 2:6
7 aKhaisan nan si thei nak dingah keimah le keimah hnuaidawrawterin nan hnenah man la loin, Pathian thuthangṭha ka phuan ruangah thil sual ka tuah maw si? 8 bNanmah ka lo rĕn thei nak dingah kawhhran dang pawl ka suam ih, an hnen ihsin hlawh man ka la. 9 cCule nan hnenih ka rak um laiah, ka tlaksam tikah zo hrang hmanah phurrit ka si lo, ziangahtile ka tlaksam mi cu Masidonia peng ihsi a ra mi unaupawl in in silhkhahsak ṭheh. Nan hrangah phurrit ka silonak dingah thil ziangkimah keimah le keimah ka rak kilaw. Cuti vekin ka kilawpeh vivo ding. 10 dKhrih-ih thutak keimah ih a um vekin, Akaia rampawl ah hitiih ka tluangkhawnnak hi zohman in in kham thei lo ding. 11 eZiangah so? Ka lo duhdawt hai lo ruangah maw si? Pathian in a thei!
11:8b Fil 4:15, 18
11:9c Fil 4:15, 18
11:10d Apo 18:12; Rom 9:1; 1Ko 9:15
11:11e Rom 1:9
12 Mi hrekkhat cu kanmah bangih an lăng thei nak dingah an tluangkhâwng, tluangkhawnnak cān remcâng duhtupawl hnen ihsin cān remcâng cu ka sahcatsak hai nak dingah, ka tuah mi hi ka tuahpeh vivo sawn ding. 13 aZiangahtile cuvek mipawl cu anmah le anmah Khrih-ih apostol ah an tuahawcawp ih, apostol deu le mi bumhmang hnaṭuantu an si. 14 bMangbang ding a um lo! Ziangahtile Setan amah rori hman tleu vancungmi vekah a tuahaw. 15 cCuruangah a siahhlawhpawl khal dingfelnak siahhlawh vekih an tuahawk tikah, thilmak a si lo, an cemnetnak ding cu anmai hnaṭuan mi vekin a si ding.
11:13a Mat 7:15; Tit 1:10; Thu 2:2
11:14b Mat 4:10
Paul in a Tuarnakpawl a Sim
16 Ka simsal a si, zohman in mi-â ah in ruat hlah hai seh, cuti vekih in ruah ceng asile, málte tal ka tluangkhawn thei ve nak dingah mi-â cohlan vekin i cohlang uh. 17 aHitiih ka ṭawng mi hi Bawipaih thupek ih ka ṭawng mi a si lo, mah le mah rinawknak thawi ka tluangkhawn tikah, mi-â vekih ṭawng ka si sawn. 18 bMi tampi cu taksa dān in an tluangkhâwng, curuangah kei khal ka tluangkhâwng ve ding. 19 cZiangahtile nannih cu mifim nan si ruangah, mi-âpawl cu lungawi zetin nan zawi. 20 dZiangahtile mi pakhat in sál ah a lo hruai ah siseh, a lo eirál thluh ah siseh, nan neih mi thil a lo lâksak ah siseh, amah le amah a khaisanawk ah siseh, nan hmai a lo beng ah siseh lungawi zetin nan zāwi a si. 21 eA hlanah cak lo vekih kan rak lăng thuhla a rel ka ning a zak. Sihmansehla zo vek khalih an ngăm mi cu, mi-â bangin sim men sehla, kei khal in ka ngăm a si.
11:17a 1Ko 7:12, 25
11:18b Fil 3:3-4
11:19c 1Ko 4:10
11:20d Gal 2:4
11:21e Fil 3:4
22 aAnnih cu Hebru-mi an simaw? Kei khal ka si ve. Israel-mi an simaw? Kei khal ka si ve. Abraham cithlah an simaw? Kei khal ka si ve.
23 bKhrih rawngbawltu an simaw? Â zetin ṭawng men sehla, kei cu annih hnakin ka si sinsin. Annih hnakin ka ṭuanbāng sawn, siar cawk lo vuaknak, annih hnakih thawngtlak leuhleuh nak, vei tampi thi zikteih umnak tuartu ka si.
24 cVei 39 vuaknak kha Jew-pawl hnen ihsin ṭum nga ka tuar.
25 dFungfêk in vei thum vuak ka si, vei khat lungto ih den ka si; lăwng siatnak vei thum ka táwng, ni khat le zan khat sung tifinriat parah ka rak um.
26 eAtu le atu khual ka tlâwng, tivapawl ah ṭihphannak, suamhmangpawl hnen ihsin ṭihphannak, ka mipawl hnen ihsin ṭihphannak, Zentelpawl
11:22a Luk 3:8; Rom 9:4; 11:1; Fil 3:5
11:23b Apo 16:23; Rom 8:36; 1Ko 3:5; 15:10
11:24c Dnp 25:3
11:25d Apo 14:19; 16:22; 27:1-44
11:26e Apo 20:3; 21:31; Gal 2:4
11:27f Apo 18:3; 1Ko 4:11-12; Kol 1:29
11:28g 1Ko 7:17
11:29h Mat 5:29; Rom 14:1; 1Ko 2:3
30 aKa tluangkhâwng ding ceng asile, ka cahlonak lam thilpawl hi a si ka tluangkhawnpi sawn ding. 31 bPathian le kan Bawipa Jesu Khrih-ih Pa, kumkhuaih thangṭhat ding mi cun, thuphan ka per lo ti a thei. 32 cDamaskas khawpi ah Siangpahrang Areṭas hnuaiih ram uktu khan kaih i duh ruangah, Damaskas khawpi cu a kilter. 33 dAsinan an hauhruangkulh mi tukvirh ihsin kho in in ṭhum ih, a kut ihsin ka tlânsuak.
11:31b Rom 1:25
11:32c Apo 9:24
11:33d Apo 9:25
Paul-ih Larnak a Hmuh Mi le Pathian in a hnenih a Pek Mi Hling
1 aTluangkhawn hi ka hrangah hlawknak a um lo ti cu rinhlelh ding a um lo. Bawipaih larawknakpawl le a phuanawknakpawl cu ka hun rel hnik pei:
2 bKhrih ah mi pakhat ka thei, kan dung kum hleili laiah khan cu pa cu van thumnak ah lâksohin a um. Cu pa cu taksaruangpum in a simaw, taksaruangpum tel loin a simaw ka thei lo, Pathian in a thei.
3 Cule ka theih mi pa cu taksaruangpum in a simaw, taksaruangpum tel loin a simaw ka thei lo, Pathian in a thei.
4 cCu pa cu Paradise
12:2b Apo 8:39; Rom 16:3; Efe 4:10
12:5d 1Ko 2:3
7 aCule ka hnenih thuphuansuah mi a ropit tuk ruangih keimah le keimah ka khaisanawklonak dingah, ka titsa ah hling pek ka si, cuih hling cu kutthak i hnawttu Setan palai a si, culole sâng tukah ka retaw pang ding. 8 bCuih hling cun i suahsan dingin, Bawipa hnenah vei thum ka rak dil. 9 cCule Bawipa in ka hnenah, “Ka zangfahnak hi na hrangah a tawk, ziangahtile ka cahnak cu cahlonak ah hin famkim ko tuah a si,” tiah i ti. Curuangah Khrih huham cu ka parih a um ringring thei nak dingah ka ṭawnṭaihnakpawl ah hin lungawi zetin tluang ka khâwng sawn ding. 10 dCuruangah Khrih ruangah ṭawnṭaihnakpawl ah siseh, mawhthluknakpawl ah siseh, tlaksamnakpawl ah siseh, hremnakpawl ah siseh, vansannakpawl ah siseh ka lung a hmui a si. Ziangahtile ka cah lo tikah ka cak ṭheu a si.
12:7a Mip 33:55; Mat 4:10; 1Ko 2:10
12:8b Mat 26:39, 44
12:9c 1Sp 19:12; Rom 3:24; 1Ko 2:3; Fil 4:13
Paul in Korinth Zumtupawl a Ngaihtuah
11 aKei cu nanmah ih lo theih loih in năwrnak ruangah tluangkhawnnak ah mi-â ah ka cang. Ziangahtile kei cu nanmah ih relmawi zo ding mi ka si, ziangahtile keimah cu zianghmanlo te si hman ningla apostol mithupi zet pawl hnakin ka tenau ce lo. 12 bThungaiten Apostol sinak hminsinnakpawl cu nan lakah thinsau ringring ten, hminsinnakpawl, mangbangzapawl le thilmakpawl tla tuahsuak an si. 13 cZiangahtile keimah rori hi nan hrangih phurrit ka silonak siarlo, ziang lam talah kawhhran dang pawl hnakih nan niam ce nak a um maw? Himi ka ti sualnak ah hin i ngaidam uh!
12:11a 1Ko 15:9-10
12:12b Joh 4:48
12:13c 1Ko 9:12, 18
14 aNgai hnik uh, nan hnen ra tlawng dingih vei thum ka tiarnak a si. Nan thil neih mi hawl ka si lo ih, nanmah lo hawl ka si sawn ruangah nan hrangah phurrit ka si lo ding; ziangahtile falepawl in nu le pa hrangah thil an khawlsak ding a si lo ih, nu le pa in fale hrangah an khawlsak sawn ding a si. 15 bCule kei ih ka lo duhdawtnak cu a tam sinsin ih, nannih ih in duhdawtnak cu mál deuhdeuh khal sehla, kei cun nan nunnak hrangah lungawi zetin ziangkhal ka hmang ding, cule keimah le keimah khal ka hmangrálaw thluh ding. 16 Asinan sumpai thu ah nan phur ka lo ritter lo. Cuti cingin mihrăwkhrawl ka si ruangah bumnak hmangin ka rak lo kaingah a si! 17 Nan hnenih ka rak thlah mi pakhat khat hmangin nan hnen ihsin hlawknak lâk mi ka nei maw? 18 Nan hnenih va feh dingin Tita ka rak ngen ih, amah thawn unaupa pakhat ka rak thlah. Tita cun nan hnen ihsin hlawknak ziang tal a la maw si? Kannih cu thinlung bangrepin kan nungtlang lo maw si? Zin bangrep zawhtlang kan si lo maw si?
12:14a Thf 19:14; 1Ko 4:14-15
19 aNan hmaiah kanmah le kanmah humaw reroah in rak ruatbêt a simaw? Khrih ah Pathian hmaika ah kan ṭawng a si, duhdawt mitla, kan tuah mi hmuahhmuah hi nan ṭhatnak dingah a si sawn. 20 bZiangahtile cuti a si lo ahcun, nan hnenih ka rat tikah ka beisei vekin ka lo hmu lo ding ih, nannih khal in nan beisei vekin in hmu lo pang ding. Cuti asilole nan lakah tawhawknak siseh, iksiknak siseh, thinlingnak siseh, ṭhenṭhêkawknak siseh, relsiatawknak siseh, mi thuhla rel thektho nak siseh, hngalnak siseh, hnăwkbuainak siseh a um pang ding. 21 cCuti a si lo ahcun, ka ratsal tikah ka Pathian in nanmah ruangah hnuai i dawrter pang ding ih, hi hlan ihsi sual a tuahtupawl, bawrhhlawhnak le nunau-mipa sualnak, fihnungza hursual tuahnak pawl ihsin lungthlĕng lo mi, mi tampi cu ka ṭah hai pang ding ti ka phâng.
12:19a Rom 9:1; 14:19; 1Ko 10:14
12:20b Rom 1:29-30; 1Ko 1:11; 4:8, 21; 14:33; Gal 5:20
12:21c 1Ko 6:18
Nunsimnak Netabik
1 aHihi nan hnenih ka rat a vei thumnak a si ding.
13:4c Rom 1:4; 6:5; 1Ko 1:25; 2:3; Fil 2:7-8; 1Pe 3:18
5 aZumnak ah nan um maw um lo ti nanmah le nanmah cekaw uh. Nanmah le nanmah hniksakaw uh. Tling lo nan si lo ahcun, Jesu Khrih cu nan sungah a um ti nan thei lo maw? 6 Asinan kannih cu tling lo kan si lo ti nan thei ding tiah ka zum. 7 Thil ṭha lo nan tuahlonak dingah Pathian hnenah thla ka cam. Cutiih thla ka camnak săn cu kannih hi Pathian ih pawm mi kan sizia langter dingah si loin, nanmah in thil zahum nan tuahsuaknak ding hrangah a si sawn. Tling lo vekin lang khal nungla cuti vekin thla ka cam a si. 8 Ziangahtile kannih cun thutak ṭan ding lo cun, thutak dokalh ding zawngin zianghman kan tuah thei lo. 9 bZiangahtile kannih kan cah lo laiih nannih nan cah tikah kan lung a awi. Cule famkimih tuah nan si thei nak ding hrang khalah thla kan cam. 10 Curuangah siatsuahnak dingah si loin, tuahṭhatnak ding hrang sawn ih Bawipa in ka hnenih thuneihnak i pek dān izirin nan hnenih ka um tikah, cuih thuneihnak hmangin nā tukih nun ka lo simlonak dingah nan hnenih ka um lo laiah hi thilpawl hi ka ngan a si.
13:5a Ṭah 3:40; Joh 6:6; Rom 8:10; 1Ko 11:28
Cibaibûknak Netabik
11 aNetabikah u le nau tla, damten. Nanmah le nanmah famkimawter uhla, nanmah le nanmah thapeaw uh; lungthin hmunkhat pu uhla, remawten um uh. Cule duhdawtnak le remnak Pathian cun a lo umpi ding.
13:11a Mar 9:50; Efe 6:23; 1Joh 4:16
12 a Pakhat le pakhat hnămawknak
13:12a Rom 16:16
13 aMithiangpawl hmuahhmuah in cibai an lo bûk.
13:13a Fil 4:22
14 aBawipa Jesu Khrih-ih zangfahnak, Pathian duhdawtnak le Thlarau Thianghlim pawlkăwmnak cu nan zate hnenah um hram seh. Amen