About Bible Thianghlim | ©

BibleThianghlim – Puithiam Hnaṭuannak

Old Testament

Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

New Testament

Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation

Puithiam Hnaṭuannak

12345678910
11121314151617181920
21222324252627

• A ngantu: Mosi
• A huap sung cān: B.C. 1445 hrawng
• Ngan kum: B.C. 1445 hrawng

Pathian in amai “Puithiam miphun” si dingah Israel a hril. Leitlun miphunpawl lakah miphun thianghlim pakhat vekih nung dingah Pathian in anmah a rak hril (Suah 19:6). Suahlannak cabu neta lamin cuih thu in sim thawk, asinan Puithiam Hnaṭuannak cabu in cuih thu cu kimcâng sinsinin a rel. Hih cabu sungah “thianghlimnak” ṭawngfángpawl vei 150 leng lo a lang. Thianghlimnak cu thiarfihlimawknak tinak a si, a hleicein nuncan ṭha lo lak ihsi thiarfihlimawknak a rel duh. Pathian in Israel-mipawl in amai thianghlimnak an lăngter ding a duh. Hih hmuitin mi thleng thei dingin Puithiam Hnaṭuannak cabu hi cipciar zetih zohṭhim dingah anmah a pe.

Puithiam Hnaṭuannak cabu hi a tlangpiin thu hlawm pahnih ah ṭhen a si. Bung 1-10 in raithawinak hmangin a thianghlim mi Pathian cu ziangtin kan pan ding ti thu a rel. Himi bungpawl in Biakbûk ah Israel-mipawl ih an hlăn ding mi raithawinak thuhla tampi in sim. A sual mi minungpawl in raithawinak hmangin a thianghlim mi Pathian thawn pehzăwmawknak ziangtin an nei thei ih, an neipeh vivo thei ding ti kha hmuhsaknak hmangin in sim. Himi bungpawl in puithiampawlih covo khal an simfiang fawn. An raithawinakpawl tla pawmsak an si thei nak dingah milai in a tling mi aiawhtu an ṭul ti khal himi simfiangnakpawl in in rak hmuh. Riahsiatumzain, Pathian in puithiam hmaisabik pahnih Nadab le Abihu te cu a rak that, ziangahtile Pathian ih thu a rak pek hai mi tidān ding pawl kha annih in an rak thlun lo.

Bung 11-27 in a thianghlim mi Pathian hmaiah ziangtin nun thiangin kan nung thei ding ti an simfiang. Hi tawkih dānpawl hin ziangtin Israel-mipawl in Pathian-ih thianhlimnak an langter ding ti an langfiangter. Himi dānpawl lakih hrekkhat, a hleicein thiannak le thianlonak dānpawl in (bung 11-15), hmuhsaknakpawl hmangin thianhlimdān ding an zirh. A dang dān tam tak pawl in sual ihsin an nuncan kilhim dingah Israel-mipawl a bawm. Cupawl in hibang innsungsang thu, innhnen thu, nunau le mipa sinak thu, hnaṭuan thu le hnipuan thu ih ni tin nundān ding tampi an rel. Bung 16 hi bung thupi zet a si ih, Sualkhuhthawinak Ni a tarlang.

Mosi in Puithiam Hnaṭuannak cabu a ngan ihsi thawkin thil umdān nasa zetin a rak thlĕngaw. Asinan hi cabu ih in zirh mi cu tuihni ih kan nunpi dingah a tāng lai thotho. Hi cabu hin Jesu Khrih cu sual hrangih raithawinak famkim le Pathian hnenih in hruaitu puithiam tlamtling a sinak a sawhkhih. Ziangti vekin zumtupawl in kan nun tinkim ah thianghlimnak kan dawi a ṭul ti khal a fiangter fawn. Apostol Peter ih a ngan vekin, amah Pathian a thianhlim ruangah thianghlim ve dingin Pathian in in duh a si (1Pe 1:16).

1

Meiur Thilhlăn

1 ^aJehovah in Mosi a ko ih, Tawnawknak Puanthlam ihsin a hnenah, 2 ^b“Israel tefapawl sim awla, an hnenah, ‘Nan lakih zokhal in Jehovah hnenah thilhlăn a rak ken tikah, sumhnám lakih ranpi rual lak ihta maw, rante rual lak ihta simaw a keng pei.

1:1^a Suah 3:4

1:2^b Mip 15:3

3 ^a‘A thilhlăn cu Meiur Thilhlăn ding ranpi rual lak ihta asile, sawisel ding um lo mi a pa a hlan pei, Jehovah hmaiih Tawnawknak Puanthlam luhnak hmaiah amai lungpuak rori in a hlan ding a si. 4 ^bCun Meiur Thilhlăn lu parah a kut a suang pei, cule amah aiah a hrangih sualkhuhthawinak tuahnak ah cumi cu cohlansak a si ding. 5 ^cJehovah hmaiah caw pa a that pei, cule Aaron-ih fapa puithiampawl in a thisen an la pei ih, Tawnawknak Puanthlam luhnak kiangih Biakṭheng kimvel zaten an theh pei. 6 ^dCule Meiur Thilhlăn cu a vun a lip pei ih, a sa a cán nawi ṭheh ding a si. 7 ^ePuithiam Aaron-ih fapapawl in Biakṭheng parah meisa an ret pei ih, meisa parah remten thing an peng pei. 8 ^fCun Aaron-ih fapa puithiampawl in a sa can cia pawl, a lu le a thaupawl cu Biakṭheng par meisa tlunih thing parah remten an ret pei, 9 ^gasinan a sungrilpawl le a kepawl cu tidai in a khawlh pei. Cule puithiam in Jehovah hnenih rimthaw hrang meisa ih ur mi thilhlăn cu, Meiur Thilhlăn hrangah Biakṭheng parah a zaten a ur ding a si.

1:3^a Sem 8:20; Suah 12:5; Mip 6:16; Dnp 12:5-6, 11; Ezr 8:35; Isa 58:5; Mal 1:8; Heb 9:14; 1Pe 1:19

1:4^b Sem 32:20; Suah 29:10, 36; Eze 45:15

1:5^c Suah 29:11, 20; Mip 15:8; Dnp 18:3; Sam 50:9; Heb 12:24; 1Pe 1:2

1:6^d Suah 29:17

1:7^e Sem 22:9; Pui 6:8-13

1:8^f Suah 29:13; Pui 3:3-4

1:9^g Sem 8:21; Suah 29:17-18; Mip 18:17; 28:6, 19; Efe 5:2

10 ^a‘A thilhlăn cu Meiur Thilhlăn ding rante rualpawl ihta me, asilole tuu a si ahcun, sawisel ding um lo mi a pa a rak keng pei. 11 ^bJehovah hmaiah Biakṭheng sak lam sirah a that pei, cule Aaron-ih fapa puithiampawl in a thisen cu Biakṭheng kimvel zaten an theh pei. 12 ^cCule a lu le a thau thawn a sa a cán nawi ṭheh ding ih, puithiam in Biakṭheng par mei tlunih thing parah remten a ret pei, 13 ^dasinan a sungrilpawl le a kepawl cu tidai in a khawlh pei. Cun puithiam in a zaten a keng pei ih, Biakṭheng parah a ur pei, cumi cu Jehovah hnenih rimthaw, meisa ih ur mi thilhlăn, Meiur Thilhlăn a si.

1:10^a Sem 22:7; Suah 12:5; Mip 15:11

1:11^b Suah 29:11, 20

1:12^c Pui 3:3-4

1:13^d Suah 29:17; Dnp 12:27

14 ^a‘Cule Jehovah hnenih a thilhlăn, Meiur Thilhlăn cu vatepawl lak ihta asile, a thilhlăn hrangah thuropawl simaw, laileng note pawl simaw a rak keng pei. 15 Puithiam in cumi cu Biakṭheng ah a rak keng pei ih, a lu a merhtan hnuah, Biakṭheng parah a ur pei, a thisen cu Biakṭheng sirah a thlawrkâng pei. 16 ^bCule a cûr cu a hmulpawl thawn a thianfai pei ih, Biakṭheng nisuahnak lam sir, vutcâm retnak hmun ah a hlăwn pei. 17 ^cCun a thlapawl ṭhencataw lo dingin a âwm a băuhthlek pei, cule puithiam cun Biakṭheng parih meisa tlun thing parah a ur pei. Cumi cu Jehovah hnenih rimthaw, meisa ih ur mi thilhlăn, Meiur Thilhlăn a si.

1:14^a Sem 15:9; Luk 2:24

1:16^b Mip 4:13

1:17^c Sem 15:10; Pui 9:13

2

Thlairawl Thilhlăn

1 ^a‘Mi pakhat khat in Jehovah hnenah Thlairawl Thilhlăn a ken tikah, a thilhlăn cu sangvut phut a si pei. Cule a parah hriak a tawih pei ih, a parah frankinsense a hnih pei. 2 ^bAaron-ih fapa puithiampawl hnenah a rak keng pei ih, an lakih mi pakhat in sangvut phut zate khat le hriak cu frankinsense zate thawn a la pei. Cule puithiam in cumi cu a zate aiah Biakṭheng parah a ur pei, cumi cu meisa ih ur mi thilhlăn, Jehovah hnenih rimthaw a si. 3 ^cThlairawl Thilhlăn hlei mi cu Aaron le a fapapawl hrangah a si pei. Cumi cu meisa ih ur mi Jehovah hrangih thilhlănpawl lakah a thianghlim zet mi a si.

2:1^a Suah 29:2, 40-41; Mip 15:4; Neh 13:9; Isa 43:23

2:2^b Mip 5:26; Sam 16:5; Isa 1:13; 53:12

2:3^c Suah 30:36

4 ^a‘Cule thŭk ih kăn mi thilhlăn pakhat Thlairawl Thilhlăn hrangih na rak ken asile, hriak rawi mi sangvut phut ih tuah mi thilnu telh lo sang per pawl simaw, hriak măn mi thilnu telh lo sang per páte pawl simaw a si pei. 5 ^bAsinan na thilhlăn cu khēng dau ih kăn mi Thlairawl Thilhlăn a si ahcun, sangvut phut ih tuah mi thilnu telh lo hriak thawi rawi mi a si pei. 6 Cumi cu na phelnâwi ṭheh pei ih, a parah hriak na tawih pei, cumi cu Thlairawl Thilhlăn a si.

2:4^a Suah 29:2

2:5^b Eze 4:3

7 ‘Na thilhlăn cu khuh mi bel dau ih kăn mi Thlairawl Thilhlăn asile, sangvut phut le hriak ih tuah mi a si pei. 8 Himi thilpawl ih tuah mi Thlairawl Thilhlăn cu Jehovah hnenah na rak keng pei. Cule puithiam hnenih ap a si hnuah, anih in Biakṭheng kiang naiah a rak keng pei. 9 ^aCun puithiam in Thlairawl Thilhlăn ziangmaw zat cu a zate aiah a la pei ih, Biakṭheng ah a ur pei. Cumi cu Jehovah hnenih rimthaw meisa ih ur mi thilhlăn a si. 10 ^bCule Thlairawl Thilhlăn hlei mi cu Aaron le a fapapawl hrangah a si pei. Cumi cu meisa ih ur mi Jehovah hrangih thilhlănpawl lakah a thianghlim zet mi a si.

2:9^a Sem 8:21

2:10^b Ezr 2:63

11 ^a‘Jehovah hnenih na rak ken mi Thlairawl Thilhlăn cu thilnu thawi tuah mi a si lo pei, ziangahtile Jehovah hnenah meisa ih ur mi ziang vek thilhlăn lak khalah thilnu simaw, khuai tizu simaw na urcih lo pei. 12 ^bRah Hmaisabik Thilhlăn thuhla ah cun cupawl cu Jehovah hnenah nan keng ding a si, asinan rimthaw hrangah Biakṭheng parah ^cur ding an si lo. 13 ^dCule na Thlairawl Thilhlăn kip in cite na phulh pei ih, na Thlairawl Thilhlăn ah na Pathian thawi thukham cite na tuahnak beheuter sian ding a si lo. Na thilhlăn hmuahhmuah zawngah cite na keng ding a si.

2:11^a Suah 23:18

2:12^b Suah 34:22

2:12^c ur: A ṭawng hrampi ah cun, “kaisohter” ti a si.

2:13^d Mip 18:19; 2San 13:5; Mar 9:49

14 ^a‘Jehovah hnenah rah hmaisabik pawl lak ihta Thlairawl Thilhlăn na ken asile, Thlairawl Thilhlăn cu rah hmaisabik pawl vui hlâmte dēndip cia zo mi le meisa ih kăn mi na keng pei. 15 Cule a parah hriak na tawih pei ih, a parah frankinsense na culh pei. Cumi cu Thlairawl Thilhlăn a si. 16 ^bCun puithiam in a zate aiah a hrekkhat, thlairawl dēndip cia ziangmaw zat, hriak ziangmaw zat le frankinsense zate cu Jehovah hnenih meisa ih ur mi thilhlăn hrangah a ur ding a si.

2:14^a Suah 34:22; Mip 15:20; Dnp 16:13; Rut 3:2

2:16^b Mip 4:16; Jer 14:12

3

Remnak Thilhlăn

1 ^a‘A thilhlăn cu Remnak Thilhlăn raithawinak a si ih, ranpi rual lak ihta a nu maw a pa simaw a ken asile, cumi cu Jehovah hmaiah sawisel ding um lo a keng pei. 2 ^bCule a thilhlăn mi lu parah a kut a suang pei ih, Tawnawknak Puanthlam luhnak hramah a that pei, cule Aaron-ih fapa puithiampawl in a thisen cu Biakṭheng kimvel zaten an theh pei. 3 ^cCun Remnak Thilhlăn raithawinak ihta Jehovah hnenih meisa ih ur mi thilhlăn a keng pei. A sungrilpawl tuamtu thau le a sungrilpawl bawhtu thau hmuahhmuah, 4 ^da kaileng pahnih le a hnak kapih um, cuih kaileng pahnih bawhtu thau, a kailengpawl tlunih a thinhnûn thaupawl a phawrh pei, 5 ^ecule Aaron-ih fapapawl in Jehovah hnenih rimthaw, meisa ih ur mi thilhlăn hrangah meisa tlun thing parih a um mi Meiur Thilhlănnak thawn cupawl cu Biakṭheng parah an urcih ding a si.

3:1^a Suah 12:5; 32:6

3:2^b Suah 24:6; 29:15, 20; 40:2; Mip 8:10; 18:17

3:3^c Suah 29:13

3:4^d Suah 29:13

3:5^e Suah 29:13, 38-42; Mip 28:3-10

6 ^a‘Jehovah hnenih Remnak Thilhlăn raithawinak hrangih a hlăn mi cu rante rual lak ihta asile, a nu a si ah simaw, a pa a si ah simaw sawisel ding um lo a keng pei. 7 ^bA thilhlăn dingah tuu fa no a ken a si ahcun, Jehovah hmaiah a keng ding a si. 8 ^cA thilhlăn mi lu parah a kut a suang pei ih, Tawnawknak Puanthlam hmaiah a that pei, cule Aaron-ih fapapawl in a thisen cu Biakṭheng kimvel zaten an theh pei.

3:6^a Mip 15:3, 8

3:7^b Mip 15:5; 1Sp 8:62

3:8^c Pui 1:4

9 ^a‘Cun Jehovah hnenih meisa ih ur mi thilhlăn dingah Remnak Thilhlăn raithawinak ihta a hlan ding a si, a thau le a zāng ruh thawi a naihnak a mei thau pumpi a phawrh ding a si. Cule a sungrilpawl tuamtu a thau le a sungrilpawl bawhtu thau hmuahhmuah, 10 ^ba kaileng pahnih le a hnak kapih um, cuih kaileng pahnih bawhtu thau le a kailengpawl tlunih a thinhnûn thaupawl cu a phawrh ding a si, 11 ^ccule cupawl cu rawl vekin puithiam in Jehovah hnenih meisa ih ur mi thilhlăn ah Biakṭheng parah a ur pei.

3:9^a Isa 34:6; Jer 46:10; Eze 39:19; Zef 1:7

3:10^b Pui 3:4

3:11^c Mip 28:2

12 ‘Cule a thilhlăn cu me asile, cumi cu Jehovah hmaiah hitin a keng pei. 13 ^aAnih cun a lu parah a kut a suang pei ih, Tawnawknak Puanthlam hmaiah a that pei, cule Aaron-ih fapapawl in a thisen cu Biakṭheng kimvel zaten an theh pei. 14 Cun a thilhlăn ihta Jehovah hnenih meisa ih ur mi thilhlăn dingah a keng pei. A sungrilpawl tuamtu thau le a sungrilpawl bawhtu thau hmuahhmuah, 15 a kaileng pahnih le a hnak kapih um, cuih kaileng pahnih bawhtu thau le a kailengpawl tlunih a thinhnûn thaupawl cu a phawrh ding a si, 16 ^bcule cupawl cu rawl vekin puithiam in rimthaw hrangah meisa ih ur mi thilhlăn ah Biakṭheng parah a ur pei, a thau zaten Jehovah-ih ta a si.

3:13^a Suah 24:6

3:16^b Sem 4:4; 1Sam 2:16

17 ^a‘A thau siseh, a thisen siseh, nan ei lo pei ti mi hi nan cēnnak hmuahhmuah ah nan tesinfa san tiangin kumkhaw sakhaw dān a si pei,’ tiah sim aw,” tiah a ti.

3:17^a Sem 9:4, 12; Suah 12:14, 20; Dnp 12:16; Apo 15:20

4

Sual Thilhlăn

1 Jehovah in Mosi hnenah, 2 ^a“Israel tefapawl hnenah, ‘Mi pakhat in Jehovah-ih thupekpawl lakih pakhat khat dokalhih tum lo piin sual a tuah pang ih, tuah dingih mawi lo mi, cupawl lakih pakhat khat a tuah pang asile, hiti vekin na tuah ding a si.

4:2^a Mip 15:22, 24-29; Jos 20:3, 9

Puithiam hrang Sual Thilhlăn

3 ^a‘Hriak thih puithiam in sual a tuah ih mipi parah mawhnak a thlenter asile, sual a tuah mi hrang Sual Thilhlăn dingah Jehovah hnenah sawisel ding um lo caw pa tûai keng seh. 4 ^bJehovah hmaiih Tawnawknak Puanthlam luhnak ah caw pa tûai cu a rak keng pei ih, cuih caw pa lu parah a kut a suang pei, cule Jehovah hmaiah caw pa cu a that pei. 5 ^cCun hriak thih puithiam in caw pa tûai thisen ziangmaw zat a la pei ih, Tawnawknak Puanthlam ah a rak keng pei. 6 ^dPuithiam in thisen sungah a kut zung a vun hnīm pei ih, thisen ziangmaw zat cu Hmun Thianghlim puanzar hmaiih Jehovah hmaiah vei sarih a theh pei. 7 ^eCule puithiam in Tawnawknak Puanthlam sungih a um mi Jehovah hmaiih rimhmui thaw urnak Biakṭheng kipawl parah thisen ziangmaw zat a mān pei, cule a tāng mi caw pa tûai thisen cu Tawnawknak Puanthlam luhnak hmaiih a um mi Meiur Thilhlăn Biakṭheng tawphah ah a thle ṭheh pei. 8 Anih in Sual Thilhlăn hrangah caw pa thau hmuahhmuah cu cumi ihsin a la ṭheh pei. A sungrilpawl tuamtu thau le a sungrilpawl bawhtu thau hmuahhmuah, 9 kaileng pahnih le a hnak kapih um, cuih kaileng pahnih bawhtu thau le kailengpawl tlunih a thinhnûn thaupawl cu, 10 ^fRemnak Thilhlăn raithawinak caw pa ihsin phawrh a si vekin a phawrhsuak pei. Cule cupawl cu puithiam in Meiur Thilhlănnak Biakṭheng parah a ur pei. 11 ^gAsinan caw pa vun le a sa hmuahhmuah cu a lu le a kepawl, a sungrilpawl le a êk thawn, 12 ^hcaw pa cu a pumhlum in riahhmun khuarnak lengih vutcâm thletnak hmun fai ah a thiar ṭheh pei ih, thingpen parah mei in a ur pei; vutcâm thletnak hmun ah cumi cu ur ding a si.

4:3^a Suah 28:41; 30:10; Mip 15:27; Sam 66:15; Heb 9:13-14

4:4^b Mip 8:12

4:5^c Mip 19:4

4:6^d Suah 24:8; 25:8

4:7^e Suah 27:2; 29:12

4:10^f Suah 29:13; 32:6

4:11^g Suah 29:14; Mip 19:5

4:12^h Suah 29:14; Mip 19:9; Heb 13:11

Mipi hrang Sual Thilhlăn

13 ‘Cun Israel mipi umkhawm zaten tum lo piin sual an tuah ih, cuih sualnak cu mipungkhawmpawl ih hmuh loin Jehovah thupek mi pakhat khat dokalhin tuah mawi lo thil pakhat khat an tuah asile, an mawh a si; 14 ^aan sual tuah mi cu theihsuak a si tikah mipungkhawm in sual hrangah caw pa tûai an hlan pei ih, Tawnawknak Puanthlam hmaiah an rak keng pei. 15 ^bCule mipi umkhawm upapawl in Jehovah hmaiih caw pa lu parah an kut an suang pei. Cun caw pa cu Jehovah hmaiah thah a si pei. 16 ^cHriak thih puithiam in Tawnawknak Puanthlam ah caw pa thisen ziangmaw zat a rak keng pei. 17 ^dCun puithiam in thisen sungah a kut zung a hnīm pei ih, Jehovah hmaiih puanzar hmai lam kha thisen in vei sarih a theh pei. 18 ^eCule Tawnawknak Puanthlam sungih Jehovah hmaiih Biakṭheng kipawl parah thisen ziangmaw zat a mān pei, cule a tāng mi thisen cu Tawnawknak Puanthlam luhnak hmaiih a um mi Meiur Thilhlănnak Biakṭheng tawphah ah a thle ṭheh pei. 19 Anih in a thau zaten a la pei ih, Biakṭheng parah a ur pei. 20 ^fCule Sual Thilhlăn caw pa parih a tuah vek cekciin cuih caw pa parah a tuah pei, cuti vek cun a tuah ding a si. Cutin puithiam in an hrangah sualkhuhthawinak a tuah pei ih, an sual ngaidam a si ding. 21 ^gCun caw pa cu riahhmun lengah a thiar pei ih, a hmaisa caw pa a ur vekin a ur ding a si. Cumi cu mipungkhawm hrangih Sual Thilhlăn a si.

4:14^a Mip 15:24

4:15^b Suah 3:16; 29:10; Mip 8:10; 2San 29:23

4:16^c Pui 4:5-12

4:17^d Mip 19:4

4:18^e 2San 29:22

4:20^f Suah 29:36; Mip 15:25; Rom 3:25; Heb 10:10-12

4:21^g 2San 29:21

Hotu hrang Sual Thilhlăn

22 ^a‘Hotu pakhat in sual a tuah ih, tuah mawi lo mi thil ziang simaw Jehovah a Pathian thupekpawl lakih pakhat khat tum lo piin a tuah asile, a mawh a si, 23 ^basilole sual a tuah mi a sual a theihsuakawk asile, amai thilhlăn hrangah sawisel ding um lo me pa, me rual lakih me pa tûai pakhat a rak keng pei. 24 Cule me lu parah a kut a suang pei ih, Meiur Thilhlăn ran an thahnak hmun ah Jehovah hmaiah a that pei. Cumi cu Sual Thilhlăn a si. 25 ^cPuithiam in a kut zung in Sual Thilhlăn thisen ziangmaw zat a la pei ih, Meiur Thilhlănnak Biakṭheng kipawl ah a mān pei, cule a thisen cu Meiur Thilhlănnak Biakṭheng tawphah ah a thle pei. 26 ^dCule Remnak Thilhlăn raithawinak sa thau vek cekciin a thau cu Biakṭheng parah a ur pei. Cule puithiam in a sualnak thuhla ah sualkhuhthawinak a tuahsak pei ih, a sual ngaidam a si ding.

4:22^a Mip 31:13

4:23^b Pui 9:3

4:25^c Eze 43:20, 22

4:26^d Suah 32:30

Bulpâk hrang Sual Thilhlăn

27 ‘^aMivantlang lakih mi pakhat khat in tuah mawi lo mi pakhat khat Jehovah-ih thupekpawl lak ihta ziang simaw tuahnak in tum lo piin sual a tuah pang asile, anih cu a mawh a si, 28 ^basilole sual a tuah mi a sualnak a theihsuakawk asile, sual a tuah mi a sualnak hrangah thilhlăn ah sawisel ding um lo me nu pakhat, mêpawl lakih me nu note pakhat a rak keng pei. 29 ^cCule Sual Thilhlăn lu parah a kut a suang pei ih, Meiur Thilhlănnak hmun ah Sual Thilhlăn cu a that pei. 30 ^dCun puithiam in a kut zung in cuih thisen ziangmaw zat a la pei ih, Meiur Thilhlănnak Biakṭheng kipawl parah a mān pei, cule a hlei mi thisen zaten Biakṭheng tawphah ah a thle ṭheh pei. 31 ^eRemnak Thilhlăn raithawinak thau a phawrh vek cekciin a thau zaten a phawrh pei, cule puithiam in Jehovah hnenih rimthaw si dingah Biakṭheng parah a ur pei. Cule puithiam in a hrangah sualkhuhthawinak a tuah pei ih, a sual ngaidam a si ding.

4:27^a Mivantlang: Hebru cun “ram-mi” tinak a si.

4:28^b Eze 40:39

4:29^c Sem 8:20

4:30^d Pui 4:18, 25, 34

4:31^e Sem 8:21

32 ^a‘A Sual Thilhlăn dingah tuu fa no a rak ken asile, sawisel ding um lo a nu a rak keng pei. 33 Cun Sual Thilhlăn lu parah a kut a suang pei ih, Meiur Thilhlăn ran an thahnak hmun ah Sual Thilhlăn dingah a that pei. 34 Puithiam in a kut zung in cuih Sual Thilhlăn thisen ziangmaw zat a la pei ih, Meiur Thilhlănnak Biakṭheng kipawl parah a mān pei, a hlei mi thisen zaten Biakṭheng tawphah ah a thle ṭheh pei. 35 Remnak Thilhlăn raithawinak ihta tuu fa no thau a phawrh vek cekciin a thau zaten a phawrh pei. Cun cumi cu puithiam in Jehovah hnenih meisa ih ur mi thilhlănpawl bangtukin Biakṭheng parah a ur pei. Cutin sual a tuah mi a sualnak hrangah puithiam in sualkhuhthawinak a tuah pei, cule a sual ngaidam a si ding.

4:32^a Suah 29:38

5

Mawh Thilhlăn

1 ^a‘Mi pakhat cu miih thukamnak tuah awthâwm theiin a thil hmuh mi thuhla ah simaw, a thil theih mi thuhla ah simaw theihpitu a si ih, thuṭhennak hmaiih phuang dingih fial a si hnu khalah rel duh loin, sual a tuah asile, a mawhsualnak cu amah in a phur ding.

5:1^a Suah 28:38; Mip 5:31; Thf 29:24

2 ^a‘Asilole mi pakhat in a thiang lo mi ziangkhal, a thiang lo mi ramsa simaw, a thiang lo mi sumhnám ruak simaw, a thiang lo mi bawkvâk thilnung ruak simaw a thamngah asile, thei lo piih a tham mi a si hmanah amah khal a thiang lo mi le mimawh a si thotho. 3 ^bAsilole minung thianlonak a thamngah asile, milai bawrhbangter thei tu ziang vek thianlonak a si khalle, thei lo piih a tham mi a si hmanah a theihsuah tiktikah cun mimawh a si ding.

5:2^a Mip 19:22; Dnp 14:8; Job 15:16; Sam 51:5; Isa 6:5; 52:11; Eze 36:17; Hag 2:13

5:3^b Mip 5:2; 19:11-16; Eze 44:25

4 ^a‘Asilole mi pakhat cu a ṭha simaw, a sia simaw tuah dingin ruat lo piih sia a săm zuahzo asile, milai in a thukamnak in ziang vek a phuan a si khalle, thei lo piih tuah a si hmanah, a theihsuah tiktikah cun himi thuhla pauhpauh ah mimawh a si ding.

5:4^a Mip 30:6, 8

5 ^a‘Cule hitin a si ding, himi thuhlapawl lakih pakhat khat ah a mawh ti a lăng ahcun, sual ka rak tuah ngai tiah a phuang pei, 6 ^bcule Sual Thilhlăn dingah rante rual lak ihta a nu, tuu fa no a nu, asilole me fa no a nu cu sual a tuah mi a sualnak hrangah Jehovah hnenah amai Mawh Thilhlăn ah a rak keng pei. Cule puithiam in a sualnak thuhla ah a hrangah sualkhuhthawinak a tuah pei.

5:5^a Mip 5:7; Jos 7:19; 1Sp 8:47; Thf 28:13

5:6^b Suah 32:30

7 ^a‘Tuu fa no a rak ken thei lo asile, a sual tuah mi amai mawh hrangah thuro pahnih, asilole laileng no pahnih cu Jehovah hnenah a rak keng pei, pakhat cu Sual Thilhlăn dingah, a dang pakhat cu Meiur Thilhlăn dingah a si pei. 8 Cule puithiam hnenah a rak keng hai pei ih, puithiam in Sual Thilhlăn hrang a hlan hmaisa pei, cule tánsuak ngaingai lo dingin a hngawng in a lu a merh ding a si. 9 ^bCun puithiam in Sual Thilhlănnak thisen ziangmaw zat kha Biakṭheng sirah a theh pei, cule thisen hlei mi cu Biakṭheng tawphah ah a thlawrkâng pei. Cumi cu Sual Thilhlăn a si. 10 ^cCule a pahnihnak cu zīn le dān bangtukin Meiur Thilhlăn ah a hlan ding a si. Cule sual a tuah mi a sualnak hrangah puithiam in amai aiawhin sualkhuhthawinak a tuah pei, cule a sual ngaidam a si ding.

5:7^a Sem 15:9; Mip 6:10

5:9^b Suah 24:6

5:10^c Suah 32:30

11 ^a‘Asinan thuro pahnih le laileng no pahnih khal a keng thei cuang lo asile, sual a tuahtu pa in Sual Thilhlăn dingah sangvut phut efa khat ih ṭhen hra ṭhen khat a rak keng pei. Cumi parah hriak a tawih lo pei ih, frankinsense khal a culh lo pei, ziangahtile cumi cu Sual Thilhlăn a si. 12 ^bCun cumi cu puithiam hnenah a rak keng pei, cule puithiam in a zate aiah zate khat in a la pei ih, Jehovah hnenih meisa ih ur mi thilhlănpawl bangtukin Biakṭheng parah a ur pei. Cumi cu Sual Thilhlăn a si. 13 ^cPuithiam in cu pa hrangah sualkhuhthawinak a tuah pei, hi thilpawl lakih pakhat khat a tuah mi a sualnak ruangah a si ih, a sual ngaidam a si ding. Thlairawl Thilhlăn vek thothoin a hlei cu puithiam covo a si pei,’ tiin sim aw,” tiah a sim.

5:11^a Sem 15:9

5:12^b Pui 4:35

5:13^c Suah 29:41; 32:30

Rulhsalnak

14 Cun Jehovah in Mosi hnenah, 15 ^a“Mi pakhat rinum loin a nung ih, Jehovah-ih ^bthil thianghlim pawl thawn pehparin tum lo piih sual a tuah asile, Mawh Thilhlăn hrangah rante rualpawl lak ihta sawisel ding um lo tuu cang pakhat, hmun thianghlim shekel bangtukin ngun tangka shekel man awm tawk na ti zat cu Mawh Thilhlăn hrangah Jehovah hnenah a rak keng ding a si. 16 ^cCule thil thianghlim thawi pehparih sual a tuah mi hrangah rĕmṭhatsalnak a tuah pei, cule ṭhen nga ṭhen khat bêtin puithiam a pe ding a si. Cule puithiam in Mawh Thilhlăn tuu cang thawn a hrangah sualkhuhthawinak a tuah pei, cule a sualnak cu ngaidam a si ding.

5:15^a Suah 29:3; 30:13; Mip 5:8; 6:12; 1Sam 6:3; Ezr 10:19; Isa 53:10

5:15^b thil thianghlim pawl: Ṭhen hra ṭhen khat, thlaithar lam thu siseh, thilhlăn ei lam thu a simnak a si.

5:16^c Mip 5:7

17 “Mi pakhat in sual a tuah ih, Jehovah-ih thupekpawl in tuah lo dingih a kham mi hi thilpawl lakih pakhat khat sual a tuah asile, thei lo piih a tuah mi a si hmanah, a mawh thotho ih, amai mawhsualnak cu a phur ding a si. 18 Cule Mawh Thilhlăn dingah a man a awm tawk na ti zat in rante rual lak ihta sawisel ding um lo tuu cang pakhat puithiam hnenah a rak keng pei. Cule tum lo piih sual a tuah mi a theihlonak thu ah puithiam in a hrangah sualkhuhthawinak a tuah pei, cule a sualnak cu ngaidam a si ding. 19 ^aCumi cu Mawh Thilhlăn a si, Jehovah dokalhin a mawh taktak a si,” tiin a sim.

5:19^a 2Sp 12:16

6

Bulpâk Mawh Thilhlăn

1 Jehovah in Mosi hnenah, 2 ^a“Mi pakhat in a kilhim dingih amah an ap mi thu ah simaw, tiamkam mi thu ah simaw, mi a suamnak thu ah simaw a innhnen pa bumnak in Jehovah parah sual tuahin rinum loih a um asile, asilole a innhnen thil a lawnsak ah simaw, 3 ^basilole anih in thil hlo sarin le cumi thu cu pheh tahratin, dik lo takin sia a săm ah simaw, mi pakhat khat in hi thilpawl lakih pakhat khat tuahnak in a sual asile, hitin a si ding. 4 ^cSual a tuah ih mimawh a si ruangah, a rûk mi siseh, a lâksak mi thil siseh, kilhim dingih a hnenih ap mi siseh, a thil hlo sar mi siseh, 5 ^ddik lo takih sia a săm zo mi thu hmuahhmuah siseh, a rūlsal ṭheh ding a si. Kimcângten a rulh hleiah ṭhen nga ṭhen khat a bêt pei, cule a Mawh Thilhlăn a hlăn ni ah a neitu pauhpauh hnenah a pe ding a si. 6 ^eCule Jehovah hnenah a Mawh Thilhlăn a rak keng pei, Mawh Thilhlăn hrangah rante rual lak ihta sawisel ding um lo tuu cang pakhat cu a man awm tawk na ti zat in puithiam hnenah a rak keng pei. 7 ^fCutin puithiam in Jehovah hmaiah a hrangah sualkhuhthawinak a tuah pei, cule hi thilpawl lakih pakhat khat a rak tuah mi mawh cu ngaidam a si ding,” tiin a sim.

6:2^a Suah 22:7; Mip 5:6; Sam 73:27; Jer 9:4-5; Apo 5:4; Kol 3:9

6:3^b Suah 23:4

6:4^c Eze 33:15; Luk 19:8

6:5^d Suah 22:10-12; Mip 5:7; Mat 5:23-24

6:6^e Mip 5:8

6:7^f Suah 32:30

Meiur Thilhlăn Dān

8 Cun Jehovah in Mosi hnenah, 9 “Aaron le a fapapawl hnenah, ‘Himi hi Meiur Thilhlăn hrang dān a si, Meiur Thilhlăn cu zanvarten zing lam tiang Biakṭheng thŭk parah a um pei, cule Biakṭheng meisa cu a alh ringring ding a si. 10 ^aCule puithiam in a pat zai sinfen a hruk pei ih, a pat zai bâwngbite cu a taksa sangtu bik ah a hruk pei, cule Biakṭheng parih meisa in a ur zo mi Meiur Thilhlănnak vutcâm cu a rût pei ih, Biakṭheng sirah a ret pei. 11 Cun a sinfen a hlit pei ih, sinfen dang pawl a hruk pei, riahhmun leng hmun fai ah vutcâm a thiar pei. 12 ^bCule Biakṭheng parih meisa cu a alh ringring pei; cumi cu a mit ding a si lo. Cule puithiam in zing tin zanthing a tik ṭheu pei ih, a parah Meiur Thilhlăn remten a ret ṭheu pei, cule a parah Remnak Thilhlănpawlih thau a ur pei. 13 Biakṭheng parah meisa a alh ringring pei; cumi cu a mit dah lo pei.

6:10^a Suah 28:39-42; 39:27

6:12^b Suah 29:13; 32:6

Thlairawl Thilhlăn Dān

14 ^a‘Himi cu Thlairawl Thilhlăn dān a si. Aaron-ih fapapawl in cumi cu Jehovah hmaiih Biakṭheng parah an hlan pei. 15 Thlairawl Thilhlăn sangvut phut ṭhuam khat cu Thlairawl Thilhlăn parih hriak le frankinsense zate thawn a la pei, cule rimthaw hrangah a zate aiah Jehovah hnenah Biakṭheng parah a ur pei. 16 ^bCule Aaron le a fapapawl in a hlei mi cu an ei pei, hmun thianghlim ah thilnu telh lo sang thawn an ei pei, Tawnawknak Puanthlam tualrawn ah an ei ding a si. 17 ^cCumi cu thilnu thawi kăn ding a si lo. Meisa ih ur mi keimai thilhlănpawl sung ihsin an covo dingah anmah ka pe hai a si, cumi cu Sual Thilhlăn le Mawh Thilhlăn bangin a thianghlim zet mi a si. 18 ^dAaron tefapawl lakih mipa zaten an ei pei. Cumi cu Jehovah hnenah meisa ih ur mi thilhlănpawl thawn pehparin nan tesinfanau san tiangin sakhaw dān a si kumkhua pei. Cupawl a daitu pauhpauh cu an thianghlim pei,’ tiin thu pe aw,” tiin a sim.

6:14^a Mip 6:15

6:16^b Suah 27:9, 21; 29:11; Mip 18:10; Eze 44:29

6:17^c Suah 29:28; 40:10; Mip 5:9; 18:9-10

6:18^d Sem 9:12; Suah 30:29; Mip 5:9; 18:9-10

Puithiam hrang Thlairawl Thilhlăn Dān

19 Jehovah in Mosi hnenah, 20 ^a“Himi cu amah hriak thih a si ni ah, Aaron le a fapapawl in Jehovah hnenih an hlăn ding mi thilhlăn a si. Sangvut phut efa khat ih ṭhen hra ṭhen khat cu ni tin Thlairawl Thilhlăn hrangah, a hrek zing lamah, a hrek sîm lamah an hlan ding a si. 21 ^bCumi cu khēng dau pakhat ah hriak thawn tuah ding a si. Cumi cu a rawiawkngah tikah na run kenglut pei. Thlairawl Thilhlăn kăn ih phel mi cu Jehovah hnenih rimthaw dingah na hlan pei. 22 ^cA fapapawl lak ihsin a aiawhtu dingih hriak thih puithiam in a hlan pei. Cumi cu Jehovah hrangah sakhaw dān a si kumkhua. A pumhlum ih ur ṭheh a si pei. 23 Ziangahtile puithiam hrangih Thlairawl Thilhlăn kip cu a pumhlum ih ur ding a si. Cumi cu ei ding a si lo,” tiin a sim.

6:20^a Suah 16:36; 28:41; 29:2; Mip 4:16; 5:15

6:21^b Pui 7:9

6:22^c Suah 28:41

Sual Thilhlăn Dān

24 Jehovah in Mosi hnenah, 25 ^a“Aaron le a fapapawl hnenah, ‘Himi cu Sual Thilhlăn dān a si, Meiur Thilhlăn an thahnak hmun ah Jehovah hmaiah Sual Thilhlăn hrangah thah a si pei. Cumi cu a thianghlim zet mi a si. 26 ^bSual hrangih a hlantu puithiam in cumi cu a ei pei. Cumi cu Tawnawknak Puanthlam tualrawn sungih hmun thianghlim ah ei ding a si. 27 ^cSa a daitu pauhpauh cu an thianghlim pei. Cule a thisen in a thehngah mi sinfen pauhpauh cu hmun thianghlim ah a thehngahnak zawn na sawp pei. 28 ^dAsinan a suannak lei bel cu khuai ṭheh ding a si. Cule dar bel ih suan asile, hnulfai ih tidai ih tleŭhfai ding a si. 29 ^ePuithiampawl lakih mipa zaten cumi cu an ei thei. Cumi cu a thianghlim zet mi a si. 30 ^fAsinan hmun thianghlim ah sualkhuhthawinak tuah dingih Tawnawknak Puanthlam sungih kenluh mi Sual Thilhlăn thisen cu ei ding a si lo. Cumi cu meisa ih ur ding a si.

6:25^a Suah 29:11; 30:10

6:26^b Suah 27:9, 21

6:27^c Suah 29:37; Eze 44:19; Hag 2:12

6:28^d Mip 19:15

6:29^e Eze 42:13

6:30^f Eze 45:15

7

Mawh Thilhlăn Dān

1 ^a‘Cuvek thothoin himi cu Mawh Thilhlăn dān a si, cumi cu a thianghlim zet mi a si. 2 ^bMeiur Thilhlăn ran an thahnak hmun ah Mawh Thilhlăn an that pei. Cule anih in cuih thisen in Biakṭheng par kimvel zaten a theh pei. 3 ^cCule a thau zaten a keng pei. A mei thau le a sungrilpawl tuamtu thau, 4 a kaileng pahnih le a hnak kapih um cuih kaileng pahnih bawhtu thau, a kailengpawl tlunih a thinhnûn thaupawl a phawrh pei. 5 ^dCule puithiam in cupawl cu Jehovah hnenih meisa ih ur mi thilhlăn dingah Biakṭheng parah a ur hai pei. Cumi cu Mawh Thilhlăn a si. 6 ^ePuithiampawl lakih mipa pauhpauh in cumi cu an ei thei. Cumi cu hmun thianghlim ah ei ding a si. Cumi cu a thianghlim zet mi a si.

7:1^a Eze 40:39

7:2^b Pui 1:11; 6:25

7:3^c Suah 29:13

7:5^d Suah 29:13

7:6^e Eze 42:13

7 ^a‘Mawh Thilhlăn cu Sual Thilhlăn vek thotho a si, an pahnih hrangah dān pakhat lawng a um. Sualkhuhthawinak tuahtu puithiam in cuih thilhlăn cu a co pei. 8 Cule mi pakhat khat ih Meiur Thilhlăn hlantu puithiam in a ken mi Meiur Thilhlănih phaw cu amai hrangah a co pei. 9 Thlairawl Thilhlăn thŭk ih kăn mi le sĭn mi bel dau, asilole khēng dau ih kăn mi hmuahhmuah khal cumi a kengtu puithiam covo a si ṭheh pei. 10 Thlairawl Thilhlăn pauhpauh hriak rawi le rawi lo khal, Aaron-ih fapapawl in zatrepten an co pei.

7:7^a Suah 30:10; Mip 5:8; 2Sp 12:16; 1Ko 9:13

Remnak Thilhlăn Dān

11 ‘Himi cu Jehovah hnenih anih in a hlăn ding mi Remnak Thilhlăn raithawinak dān a si. 12 ^aAnih in lungawi thu simnak hrangih a hlăn asile, lungawi thu sim raithawinak thawn, hriak rawi mi thilnu telh lo sang per pawl thawn, hriak măn mi thilnu telh lo sang per páte pawl, asilole hriak rawi mi sangphŭt ṭha zetih nawn mi sang thawn a hlan pei. 13 ^bCuih sang per pawl hleiah amai Remnak Thilhlăn lungawi thu sim raithawinak cu thilnu rawi mi sang thawn amai thilhlăn ah a kengcih ding a si. 14 ^cCule cumi sung ihsin Jehovah hnenih cawikhai thilhlăn hrangah thilhlăn pakhat ah sang pakhat fingfing a keng pei. Cumi cu Remnak Thilhlăn thisen thehtu puithiam ta a si pei.

7:12^a Mip 6:19; Sam 50:14; Jer 33:11; 44:19

7:13^b Amo 4:5

7:14^c Mip 18:8, 11, 19

15 ^a‘Lungawi thu simnak hrangih amai Remnak Thilhlăn raithawinak sa cu a hlăn ni lala ah ei a si pei. A thaizing tiang pakhat hman a hlah lo pei. 16 ^bAsinan amai thilhlăn thawinak cu thutiam simaw, lungpuak thawhhlawm simaw asile, cumi cu a raithawinak a ken ni lala ah ei a si pei, asinan a hlei cu a thaisun khalah ei theih a si pei, 17 ^ca ni thumnak ih a tāng mi raithawinak sa cu meisa in ur tengteng ding a si. 18 ^dCule a Remnak Thilhlăn raithawinak sa pakhat khat a ni thumnak ah ei a si pang asile, cohlan a si lo ding ih, a thilhlăn mi khal hlăn ih siarsak a si lo pei, cumi cu fihnungza a si ding ih, cumi a eitu tu in mawh an phur ding.

7:15^a Suah 12:10

7:16^b Sem 28:20; Suah 35:29; Mip 15:3; Dnp 12:6; 23:21-23; Sam 54:6; Eze 46:12

7:17^c Suah 12:10

7:18^d Mip 18:27; 2San 33:16

19 ‘Thil thiang lo pakhat khat a daingahtu sa cu ei ding a si lo, meisa ih ur ding a si. Cule a thiang mi sa lawngte cu mithiang zaten an ei thei. 20 ^aAsinan mi a thian lo laiih Jehovah-ih ta a si mi Remnak Thilhlăn raithawinak sa a eitu cu a mipawl lak ihsin sahcat a si pei. 21 Cuihhleiah milai thianlonak siseh, rannung thianlonak siseh, asilole fihnungza thil pakhat khat tivek thil thiang lo pakhat khat a thâmtu le Jehovah-ih ta a si mi Remnak Thilhlăn raithawinak sa a eitu cu a mipawl lak ihsin sahcat a si pei,’ tiin sim uh,” tiah a sim.

7:20^a Sem 17:14

Thau le Thisen Ei lo Ding

22 Jehovah in Mosi hnenah, 23 ^a“Israel tefapawl hnenah, ‘Caw pa thau siseh, tuu thau siseh, me thau siseh zianghman nan ei lo pei. 24 ^bCule amah teih a thi mi ran thau le sahrangpawl ih deh mi thaupawl cu thil dangah cun ziang vek khalah hman theih a si, asinan a ei lawngte nan ei hrimhrim lo pei. 25 Ziangahtile zokhal Jehovah hnenih meisa ih ur mi thilhlăn milaipawl ih an hlăn mi ṭilva thau a eitu, cumi a eitu cu an mipawl lak ihsin sahcat a si pei. 26 Cuihhleiah vate siseh, rannung siseh, nan cēnnak pauhpauh ah ziang thisen hman nan ei lo pei. 27 ^cThisen pakhat khat a eitu pauhpauh, cu pa cu a mipawl lak ihsin sahcat a si pei,’ tiin sim aw,” tiah a sim.

7:23^a Dnp 14:4

7:24^b Suah 22:31

7:27^c Sem 9:4

28 Cun Jehovah in Mosi hnenah, 29 ^a“Israel tefapawl hnenah, ‘Jehovah hnenih Remnak Thilhlăn raithawinak a hlantu cun a Remnak Thilhlăn thawinak sung ihta Jehovah hnenah a thilhlăn a keng ding a si. 30 ^bJehovah hnenih meisa ih ur mi thilhlănpawl cu amai kut rori in a rak keng pei. A ṭāng cu Jehovah hmaiih sēp thilhlăn dingah sēp a si thei nak dingah a thau cu a ṭāng thawn a rak keng pei. 31 ^cCule puithiam in a thau cu Biakṭheng parah a ur pei, a ṭāng lawngte Aaron le a fapapawlih covo a si pei. 32 ^dNa Remnak Thilhlăn raithawinak sung ihsin cawikhai thilhlăn dingah a vawrh lam cāwn khal puithiam na pe pei. 33 Aaron fapapawl lakih Remnak Thilhlăn thisen le a thau a hlantu pauhpauh cun anmai vo ah a vawrh lam cāwn an co pei. 34 ^eZiangahtile an Remnak Thilhlăn raithawinakpawl ihsin Israel tefapawl hnenin sēp thilhlănih a ṭâng le cawikhai thilhlănih a cāwn cu ka lâksak hai zo ih, kumkhaw sakhaw dān dingah Israel-mipawl hnen ihsin puithiam Aaron le a fapapawl ka pe zo,’ tiah sim aw,” tiin a sim.

7:29^a Pui 3:1

7:30^b Suah 29:24

7:31^c Suah 29:13, 27

7:32^d Suah 29:27; Mip 5:9

7:34^e Suah 29:22, 27; Mip 6:20; 1Sam 9:24

35 ^aHimi cu Mosi in puithiam dinhmun in Jehovah rian dingah a ap hai ni ah, Jehovah hnenih meisa ih ur mi thilhlăn lak ihta Aaron le a fapapawl covo dingih a serhhran mi a si. 36 An tesinfa san tiangin kumkhaw sakhaw dān dingih anmah hriak a thih hai ni ah himi cu Israel tefapawl in anmah pe dingah Jehovah in thu a rak pe.

7:35^a Mat 10:10; 1Ko 9:13-14

37 ^aHimi cu Meiur Thilhlăn, Thlairawl Thilhlăn, Sual Thilhlăn, Mawh Thilhlăn, serhhrannak le Remnak Thilhlăn raithawinak pawl hrangih dān a si, 38 ^bcumi cu Sinai Ramṭhing ah an thilhlănpawl Jehovah hnenih hlan dingin Israel tefapawl thu a pek ni ah Jehovah in Sinai tlang parah Mosi hnenih thu a rak pek mi a si.

7:37^a Suah 29:31

7:38^b Mip 36:13; Dnp 4:5

8

Puithiampawl Serhhrannak

1 Jehovah in Mosi hnenah, 2 ^a“Aaron le a hnenih um a fapapawl, sinfenpawl, hnih mi hriak, Sual Thilhlăn caw pa tûai pakhat, tuu cang pahnih le thilnu telh lo sang kho khat rak keng aw, 3 ^bcule Tawnawknak Puanthlam luhnak hmaiah mipi umkhawm zaten fĭnkhawmawter hai aw,” tiin a sim.

8:2^a Suah 28:1-2, 4, 43; 29:2-3; 30:23-25, 30

8:3^b Mip 8:9

4 Cule Jehovah in amah thu a pek vekin, Mosi cun a tuah. Cule mipi umkhawm cu Tawnawknak Puanthlam luhnak hmaiah an fĭnkhawmaw.

Aaron in Puithiam Lu bik Hnipuan a Hruh

5 Cule Mosi in mipi umkhawm hnenah, “Himi cu tuah dingih Jehovah ih thu a pek mi a si,” tiah a ti. 6 Cun Mosi in Aaron le a fapapawl cu a hruai ih, tidai in a khawlh hai. 7 Cule Aaron cu kâwrfualpi a hruhter ih, taikhap a khapsak, kâwrfual a hruhter ih Puithiam Kâwrcung a hruhter, cule thiam zetih tah mi Puithiam Kâwrcung taiṭem a khapsak ih, cumi in a parah Puithiam Kâwrcung cu a ṭawn. 8 ^aCun a parah ṭāngbĕn a hruhter ih, ṭāngbĕn sungah Urim le Thummim a ret. 9 ^bCule a lu ah puithiam lu bik lupâwng a pâwngter. Jehovah in Mosi thu a rak pek vekin lukhap thianghlim sui tlêp khal puithiam lu bik lupâwng hmai lamah a bĕn.

8:8^a Suah 25:7

8:9^b Suah 28:2, 36; 39:28

Biakbûk le Aaron Hriak Thihnak

10 Mosi in hnih mi hriak khal a la ih, Biakbûk le a sungih um thil zaten a hnih ih, a serhhran hai. 11 ^aHriak in Biakṭheng vei sarih a theh ih, Biakṭheng le a bungrua hmuahhmuah, Maihum le a tohkūalpawl cu serhhran hai dingah a hnih. 12 ^bCule amah serhhran dingah, Aaron-ih lu ah hnih mi hriak ziangmaw zat a thlerh ih, a thih.

8:11^a Suah 30:29

8:12^b Suah 30:30

13 ^aCun Jehovah in Mosi thu a rak pek vekin, Mosi in Aaron-ih fapapawl cu a hruai ih, kâwrfualpi a hruhter hai, taiṭawn in an tâi a ṭawnsak hai ih, an parah lupâwng a pâwngter.

8:13^a Suah 28:4, 39-40

Serhhrannak hrang Thawhhlawm

14 ^aCule Mosi in Sual Thilhlăn hrangah caw pa tûai a rak keng. Cun Aaron le a fapapawl in Sual Thilhlăn caw pa tûai lu parah an kut an suang, 15 ^bcule Mosi in caw pa tûai cu a that. Cun a thisen a la ih, a kut zung in Biakṭheng kimvel hmuahhmuah ih kipawl ah a mān ṭheh, cule Biakṭheng cu a thianfai. Cule thisen cu Biakṭheng tawphah ah a thle ih, a parih sualkhuhthawinak tuah dingah Biakṭheng cu a serhhran. 16 ^cCun a sungrilpawl parih thau zate, a thinhnûn thau le a kaileng pahnih le an thaupawl cu a la ih, Mosi in cupawl cu Biakṭheng parah a ur. 17 Asinan caw pa tûai cu a vun, a sa le a êk tla Jehovah in Mosi thu a rak pek vekin riahhmun khuarnak lengah meisa in a ur.

8:14^a Suah 30:10

8:15^b Eze 43:20; Heb 9:22

8:16^c Suah 29:13

18 Cun Meiur Thilhlăn dingah Mosi in tuu cang a rak keng. Cule Aaron le a fapapawl in tuu cang lu parah an kut an suang, 19 cule Mosi in tuu cang a that. Cun anih in Biakṭheng kimvel zaten thisen a theh. 20 Cule anih in tuu cang cu a cán nawi ṭheh ih, Mosi in a lu, a sa cán nawi mipawl le a thaupawl cu a ur. 21 ^aCun tidai in a sungrilpawl le a kepawl a khawlh. Cule tuu cang cu a zaten Mosi in Biakṭheng parah a ur ṭheh. Cumi cu Jehovah in Mosi thu a rak pek vekin Jehovah hnenih meisa ih ur mi thilhlăn, rimthaw Meiur Thilhlăn a si.

8:21^a Suah 29:18

22 Cule Mosi in serhhrannak tuu cang a si mi, a pahnihnak tuu cang a rak keng. Cun Aaron le a fapapawl in tuu cang lu parah an kut an rak suang, 23 cule Mosi in tuu cang cu a that. A thisen hrekkhat a lâk ih, Aaron-ih vawrh lam hna zimah le a vawrh lam kut zungpi le a vawrh lam ke zungpi ah a hnih. 24 ^aCun anih in Aaron-ih fapapawl cu a rak hruai hai. Cule Mosi in an vawrh lam hna zimah le an vawrh lam kut zungpi le an vawrh lam ke zungpi ah thisen ziangmaw zat a mân. Cule Mosi in Biakṭheng kimvel zaten thisen a theh. 25 Cun anih in sa thau, a mei thau, a sungrilpawl bawhtu thau hmuahhmuah, a thinhnûn thaupawl, a kaileng pahnih le an parih thau le a vawrh lam cāwn pawl cu a la. 26 Cule Jehovah hmaiih a um mi thilnu telh lo sang kho sung ihta thilnu telh lo sang per pakhat, hriak măn mi sang per pakhat le sang per páte pakhat a la ih, a thau par le a vawrh lam cāwn parah a ret hai, 27 ^bcule anih in hipawl zaten Aaron-ih kut le a fapapawlih kut ah a ret. Cule cupawl cu Jehovah hmaiih sēp thilhlăn hrangah a sēp. 28 ^cCun Mosi in cupawl cu an kut ihsin a lâk ih, Meiur Thilhlăn hrangah Biakṭheng parah a ur. Cupawl cu rimthaw hrangih serhhran thilhlănpawl an si. Cumi cu Jehovah hnenih meisa ih ur mi thilhlăn a si. 29 Cule Mosi in a ṭāng cu a lâk ih, Jehovah hmaiih sēp thilhlăn hrangah a sēp. Jehovah in Mosi thu a rak pek vekin serhhrannak tuu cang ih ṭāng cu Mosi-ih vo a si.

8:24^a Heb 9:18-22

8:27^b Mip 5:25

8:28^c Sem 8:21; Suah 29:25

Aaron le a Fapapawl Tithianghlimnak

30 ^aMosi in hnih mi hriak hrekkhat le Biakṭheng parih um thisen hrekkhat a lâk ih, Aaron le a sinfen le a fapapawl le a hnenih um a fapapawlih sinfen cu a theh. Cule anih in Aaron, a sinfen, a fapapawl le a hnenih um a fapapawlih sinfen cu a serhhran.

8:30^a Suah 28:1

31 Cule Mosi in Aaron le a fapapawl hnenah, “Tawnawknak Puanthlam luhnak ah sa suang uhla, ‘Aaron le a fapapawl in an ei pei,’ tiih thu ka lo pek vekin serhhranawknak thilhlăn kho sungih sang cu cu tawkah ei uh. 32 ^aSa hlei le sang hlei pawl cu meisa in nan ur pei. 33 ^bCule nan serhhranawknak nipawl a cem hlanlo ni sarih sung Tawnawknak Puanthlam luhnak leng nan suak lo pei. Anih in ni sarih sung a lo serhhran hai ding a si. 34 ^cAnih in tuihsun ih a tuah vek cekci hin nan hrangih sualkhuhthawinak lo tuahsak dingin Jehovah in thu a rak pe zo a si. 35 ^dCuruangah thupek ka si zo bangin nan thihlonak dingah, ni sarih sung a sun a zanin Tawnawknak Puanthlam luhnak hmaiah nan um pei ih, Jehovah-ih thucah cu nan thlun ringring pei,” tiah a ti. 36 Cule Mosi hmangih Jehovah in thu a rak pek mi zaten Aaron le a fapapawl in an tuah ṭheh.

8:32^a Suah 29:34

8:33^b Mip 19:11; Eze 43:25

8:34^c Heb 7:16

8:35^d Mip 3:7; Dnp 11:1; 1Sp 2:3; Eze 48:11; Zek 3:7

9

Puithiampawl Rawngbawl an Thawk

1 ^aMosi in Aaron le a fapapawl le Israel upapawl a kawh hai hnu, a ni riatnak ah hitin a si. 2 ^bAnih in Aaron hnenah, “Sual Thilhlăn hrangah sawisel ding um lo caw pa no pakhat le Meiur Thilhlăn hrangah sawisel ding um lo tuu cang pakhat na hrangah la awla, cupawl cu Jehovah hmaiah keng hai aw. 3 Cule Israel tefapawl hnenah, ‘Sual Thilhlăn hrangah mêpawl lakih me pa no pakhat, Meiur Thilhlăn hrangah sawisel ding um lo kum khat ti veve mi caw pa no pakhat le tuu fa no pakhat, 4 ^cJehovah hmaiih raithawi dingah, Remnak Thilhlănpawl hrangah caw pa pakhat le tuu cang pakhat le hriak rawi mi Thlairawl Thilhlăn khal la uh, ziangahtile tuihsun ah Jehovah cu nan hnenah a lang ding,’ tiin na sim pei,” tiah a ti.

9:1^a Eze 43:27

9:2^b Pui 4:3; Eze 29:1

9:4^c Suah 29:43; 32:6

5 Cule Tawnawknak Puanthlam hmaiah Mosi ih thu a pek mi cu an rak keng. Cule mipi umkhawm zaten an rak naih ih, Jehovah hmaiah an ding. 6 ^aCun Mosi in, “Himi cu tuah dingah Jehovah in thu a lo pek mi thil a si ih, Jehovah-ih ropitnak nan hnenah a lang ding,” tiah a ti. 7 ^bCule Mosi in Aaron hnenah, “Biakṭheng kiangah feh awla, nangmai Sual Thilhlăn le Meiur Thilhlăn hlan aw, cule nangmai hrang le mipi hrangah sualkhuhthawinak tuah aw. Jehovah ih thupek vekin mipi thilhlăn hlan awla, an hrangah sualkhuhthawinak tuah aw,” tiah a ti.

9:6^a Suah 16:7

9:7^b Suah 30:10; Heb 5:1, 3

8 Curuangah Aaron cu Biakṭheng kiangah a feh ih, amai hrangah Sual Thilhlăn caw pa no a that. 9 ^aCun Aaron-ih fapapawl in thisen cu a hnenah an rak keng. Cule thisen sungah a kut zung a vun hnīm ih, Biakṭheng kipawl parah a mân, cule Biakṭheng tawphah ah thisen cu a thle. 10 ^bAsinan Mosi hnenih Jehovah in thu a rak pek vekin, Sual Thilhlăn ihta a thau, a kailengpawl le a thinhnûn thaupawl cu Biakṭheng parah a ur. 11 A sa le a vun cu riahhmun khuarnak lengah meisa in a ur.

9:9^a Suah 29:12; Eze 43:20

9:10^b Pui 4:8; 8:16

12 Cule anih in Meiur Thilhlăn hrangah ran a that, cule Aaron-ih fapapawl in a thisen cu amah an pe ih, cumi in Biakṭheng kimvel zaten a theh ṭheh. 13 Cun Meiur Thilhlăn cu a sa cán nawi mi le a lu thawn amah an pe ih, anih in cupawl cu Biakṭheng parah a ur hai. 14 Cule anih in a sungrilpawl le a kepawl cu tidai in a khawlh ih, Biakṭheng parah Meiur Thilhlăn thawn a urcih hai.

Jehovah hnenin Meisa

15 Cun anih in mipi thilhlăn a rak keng ih, mipi hrangih Sual Thilhlăn a si mi me pa a la ih a that, cule a hmaisa bangtukin sual hrangah a hlan. 16 Cule anih in Meiur Thilhlăn a rak keng ih, a dān bangtukten a hlan. 17 Cun anih in Thlairawl Thilhlăn a rak keng, ṭhuam khat in a la ih, zing lam Meiur Thilhlăn zawngah cumi cu Biakṭheng parah a ur.

18 Anih in mipi hrang a si mi Remnak Thilhlăn raithawinakpawl hrangah caw pa le tuu cang pawl khal a that. Cule Aaron-ih fapapawl in a hnenah thisen an pe ih, anih in Biakṭheng kimvel zaten a theh ṭheh. 19 Cule caw pa thau le tuu cang thau, a mei thau, a sungrilpawl tuamtu le a kailengpawl le a thinhnûn thaupawl khal a hnenah an run pe. 20 Cule a thau cu a ṭâng parah an ret. Cun anih in a thau cu Biakṭheng parah a ur. 21 ^aAsinan a ṭâng le a vawrh lam cāwn cu Mosi in thu a rak pek vekin Aaron in Jehovah hmaiah sēp thilhlăn ah a sep.

9:21^a Suah 29:24, 26

22 ^aCun Aaron cu mipi lamah a kut a hei thlir ih, mal a sawm hai, cule Sual Thilhlăn le Meiur Thilhlăn le Remnak Thilhlănpawl a hlănnak ihsin a rung ṭum. 23 ^bCule Mosi le Aaron cu Tawnawknak Puanthlam ah an lut. Cule an ra suak ih, mipi mal an sawm. Cun Jehovah-ih ropitnak cu mipi zate hnenah a lang, 24 ^ccule Jehovah hmai ihsin meisa a ra suak ih, Meiur Thilhlăn le Biakṭheng parih thau cu a kangrál ṭheh. Mipi zaten cumi an hmuh tikah an au ih, an băwkkhup ṭheh.

9:22^a Sem 48:20; Suah 39:43; Luk 24:50

9:23^b Suah 24:16; 40:2

9:24^c Suah 19:18; Lai 6:21; 1Sp 18:39

10

Meisa Danglam

1 ^aAaron-ih fapa Nadab le Abihu in meiling suahdur an la veve ih, a sungah meisa an ret, a parah rimhmui an paih, cule Jehovah ih thupek loin, Jehovah hmaiah meisa danglam an hlan. 2 ^bCule Jehovah hnen ihsin meisa a ra suak ih, anmah cu a kāng hai, cule Jehovah hmaiah an thi. 3 ^cCule Mosi in Aaron hnenah, “Jehovah in,

10:1^a Suah 6:23; 30:9; Mip 3:2-4; 16:7, 18, 46; 1Sp 7:50; 2Sp 25:15; 1San 6:3; 2San 4:22; Isa 6:6; Jer 52:19; Eze 8:11

10:2^b Sem 19:24; Mip 11:1; 16:35; Sam 2:12; Isa 29:6

10:3^c Suah 14:4; 19:22; 30:29; Mip 16:5; Isa 5:16; 44:23; Eze 28:22

‘Keimah i naihtu cun,
Thianghlim ah i ruat tengteng hai seh;
Cule mipi zate hmaiah sunlawih ka si ding,’

tiin a sim,” tiah a ti.

Cule Aaron cu daiten a um.

4 ^aMosi in Aaron paseu Uzziel-ih fapa Mishael le Elzafan a ko hai ih, an hnenah, “Ra nai uh, nan unaupawl hi Hmun Thianghlim hmai ihsin riahhmun khuarnak lengah thiarsuak uh,” tiah a ti hai. 5 ^bCutin annih cun an rak naih ih, Mosi ih sim vekin riahhmun khuarnak lengah an kâwrfualpi in an hei thiarsuak hai.

10:4^a Suah 6:18; 25:8; Apo 5:6, 9-10

10:5^b Suah 29:5

6 ^aCule Mosi in Aaron le a fapa Eleazar le Ithamar tepawl hnenah, “Nan lukhuh nan hlîp lo pei ih, nan hnipuan nan thlek lo pei, cu lo asile nan thi ding, cule mipi umkhawm zate parah thinlingnak a rung tla ding. Asinan nan unau Israel sungza pumpi cun Jehovah ih a urkăng mi, mikāngpawl cu ṭah ko hai seh. 7 ^bTawnawknak Puanthlam luhnak ihsin nan pâwtsuak lo pei, cu lo asile nan thi ding, ziangahtile Jehovah ih hnih mi hriak cu nan parah a um,” tiah a ti. Cule Mosi-ih ṭawngkam bangtukin annih in an tuah.

10:6^a Suah 6:23; Mip 1:53; 5:18; 20:29; Jos 7:1; Jer 41:5; Mar 14:63

10:7^b Suah 25:8; 28:41

Sabit zu Khamnak

8 Cun Jehovah in Aaron hnenah, 9 ^a“Tawnawknak Puanthlam ih nan luh tikah, nangmah in siseh, na hnenih um na fapapawl in siseh, sabit zu simaw, zu simaw nan in lo pei, culole nan thi ding. Cumi cu nan tesinfa san tiangin sakhaw dān a si kumkhua ding. 10 ^bCutin a thianghlim le thianghlim lo, a thiang le thiang lo nan thliardang thei ding. 11 ^cCule Jehovah in Mosi hmangin an hnenih a rel zo mi sakhaw dān zaten Israel tefapawl nan zirh thei ding a si,” tiin a sim.

10:9^a Sem 9:21; Suah 12:14; 29:40; Mip 15:5; Dnp 28:39; Isa 5:22; Mik 2:11; Luk 1:5; Efe 1:15; 1Ti 3:3; Tit 1:7

10:10^b Sem 7:2; Eze 22:26

10:11^c Dnp 17:10-11; Thf 4:27; Hag 2:11; Mal 2:7

12 ^aCule Mosi in Aaron le a tāng lai mi a fapa Eleazar le Ithamar hnenah, “Jehovah hnenih meisa ih ur mi thilhlănpawl lakih a hlei mi Thlairawl Thilhlăn cu la uhla, Biakṭheng kiangah thilnu telh loin ei uh, ziangahtile cumi cu a thianghlim zet mi a si. 13 ^bCumi cu hmun thianghlim ah nan ei pei, ziangruangahtile cumi cu Jehovah hnenih meisa ih ur mi thilhlănpawl ihta nangmai covo le na fapapawlih covo a si, ziangahtile cu vekih thupek zo mi ka si. 14 ^cSēp thilhlănih a ṭâng le cawikhai thilhlănih a cāwn cu nangmah, na fapapawl le na hnenih um na fanupawl in hmun fai ah nan ei pei. Ziangahtile cupawl cu Israel tefapawlih Remnak Thilhlănpawlih raithawinakpawl ihsin an pek mi na covo le na fapapawlih covo an si. 15 ^dCawikhai thilhlănih a cāwn le sēp thilhlănih a ṭāng cu sēp thilhlăn hrangih hlăn dingah a thau thawn meisa ih ur mi thilhlănpawl Jehovah hmaiah an rak keng pei. Jehovah in thu a rak pek vekin kumkhaw sakhaw dān hmangin, cumi cu na covo le na hnenih um na fapapawlih covo a si pei,” tiin a sim.

10:12^a Suah 29:41; 1Ko 9:13-14

10:13^b Eze 42:13

10:14^c Suah 29:31; Mip 5:9

10:15^d Suah 29:28

16 Sual Thilhlăn me pa thuhla kha Mosi in ṭhateih a zingzawi tikah, ngai hnik, me cu urkăng a rak si zo. Cule a tāng lai mi Aaron-ih fapa Eleazar le Ithamar tlunah a thin a heng ih an hnenah, 17 ^a“Sual Thilhlăn cu a thianghlim zet mi a si ih, mipi umkhawm mawh phurin an hrangih sualkhuhthawinak Jehovah hmaiih tuah dingah Pathian in cumi cu a lo pe zo fawn, ziangah so cumi cu hmun thianghlim ih nan rak ei lo? 18 Zoh hnik uh! A thisen cu hmun thianghlim ih luhpi a si lo, thu ka lo pek vek ten hmun thianghlim ah ei taktak ding nan si nan!” tiah a ti.

10:17^a Eze 42:13

19 Cule Aaron in Mosi hnenah, “Zoh hman, an Sual Thilhlăn le an Meiur Thilhlăn pawl cu Jehovah hmaiah tuihni ah an hlan a si, cubang thilpawl ka parih a thlen cu aw! Sual Thilhlăn cu tuihsun ah rak ei ningla, Jehovah-ih mithmuh ah cohlan a si cuang ding maw?” tiah a ti. 20 Cun cumi cu Mosi in a theih tikah a lung a kim.

11

Sa Thiang le Thiang Lo

1 Jehovah in Mosi le Aaron hnenah, 2 ^a“Israel tefapawl hnenah, ‘Leilung tlunih a um mi rannung zate lakah nan ei thei ding mi thilnung cu hipawl hi an si: 3 rannung lakah tín kâk, tín kâk suak mi le rawl irhsuaksal ih ṭhialsal mi pauhpauh cu nan ei thei. 4 Sikhalsehla rawl irhsuaksal ih ṭhialsal le tín kâk nei, hipawl cu nan ei lo pei: kalauk cu rawl irhsuaksalin a ṭhial ko nân, a tín a kâk lo ruangah nan hrangah a thiang lo; 5 ^bshafan cu rawl irhsuaksalin a ṭhialsal ko nân, a tín a kâk lo ruangah nan hrangah a thiang lo; 6 sabek cu rawl irhsuaksalin a ṭhialsal ko nân, a tín a kâk lo ruangah nan hrangah a thiang lo a si; 7 ^ccule văwk cu a tín a kâk ih, tín kâk suak a nei nain, rawl irhsuaksalin, a ṭhialsal lo ruangah nan hrangah a thiang lo; 8 ^dan sa nan ei lo pei ih, an ruak khal nan dai fawn lo pei. Cupawl cu nan hrangah an thiang lo a si.

11:2^a Apo 10:12-14

11:5^b Sam 104:18; Thf 30:26

11:7^c Isa 65:4

11:8^d Heb 9:10

9 ‘Ti sungih a um mipawl lakah hipawl zaten nan ei thei: ti sungih a um mi thla te le phawhir nei pauhpauh cu tifinriat sung ihta simaw, tiva ihta simaw nan ei thei. 10 Asinan thla te le phawhir nei lo mi tifinriat le tiva sungih a um mi hmuahhmuah, ti sungih a cangvai mi hmuahhmuah le ti sungih a um mi thilnung pauhpauh cu nan hrangah fihnungza an si. 11 Annih cu nan hrangah fihnungza an si; an sa nan ei lo pei, an ruak cu thil fihnungza ah nan ruat sawn pei. 12 Ti sungih um thla te le phawhir a nei lo mi pauhpauh cu nan hrangah fihnungza an si pei.

13 ^a‘Cule vate hmuahhmuah lakah hipawl cu fihnungza ah nan ruat pei, ei ding an si lo, fihnungza an si. Muvanlai, mulukawlh, khaupi, 14 ^bkilaw le khau phun pauhpauh; 15 ^ctlangâk phun pauhpauh, 16 kalauk va, sambak, tifinriat va, khaute phun pauhpauh; 17 sumbuh te, ngathûr va phun khat, sumbuh hrangkír, 18 ^dsumbuh râng, ^eka-at va, saruak ei mulukawlh; 19 ^fngathûr, hngawngdâk va phun pauhpauh, vasuangtûar le palâp pawl tla an si.

11:13^a Dnp 14:12-19; Job 39:26, 30

11:14^b Sem 1:11

11:15^c Sem 8:7

11:18^d Isa 13:21; Zef 2:14

11:18^e ka-at va: Sumbuk vek vate phun khat a si.

11:19^f Isa 2:20; Zek 5:9

20 ^a‘Zam thei ih ke li thawi băwkih a vâk mi cucikkhârbawk zaten nan hrangah fihnungza an si. 21 Cuti si khal sehla hibang a zam thei mi ke li thawi băwkih a vâk mi cucikkhârbawk zaten nan ei thei, cupawl cu, leilung parih an petnak dingah an ke tlunih an khuk a suak mipawl an si. 22 ^bKhaukhuap phun pauhpauh, mi siatsuahhmang khaukhuap phun pauhpauh, kharbawk te phun pauhpauh le kharbawk phun pauhpauh pawl cu nan ei thei. 23 Asinan a zam thei mi ke li nei cucikkhârbawk dang hmuahhmuah cu nan hrangah fihnungza an si.

11:20^a Apo 10:14

11:22^b Mat 3:4

24 ^a‘Hipawl ruangah mithiang lo ah nan cang ding; zokhal saruak lakih pakhat khat a daingahtu cu zan lam tiang mithiang lo a si pei; 25 ^bzokhal saruak lakih pakhat khat a thiartu cu a hnipuan a sawp pei ih, zan lam tiang mithiang lo a si pei. 26 Ṭilva a tin a kâk nain, a tín kâk suak lo mi le rawl irhsuaksal ih a ṭhialsal lo mi pauhpauh cu nan hrangah a thiang lo a si. A daitu kip in mithiang lo an si pei. 27 Cule ke li ih feh sa hmuahhmuah lakah tín ke bawr ih a feh mi pauhpauh cu nan hrangah an thiang lo. Cubangpawlih ruak pakhat khat a daingahtu pauhpauh cu zan lam tiang mithiang lo a si pei. 28 ^cCuvek ruak pakhat khat a thiartu cu a hnipuan a sawp pei ih, zan lam tiang mithiang lo a si pei. Cumi cu nan hrangah a thiang lo a si.

11:24^a Mip 19:7, 19

11:25^b Suah 19:10; Mip 8:7; 19:8

11:28^c Heb 9:10

29 ^a‘Leilung parih băwkih a vâk mi bawkvâk thilnungpawl lak khalah hipawl cu nan hrangah thil thiang lo an si pei. Cupawl cu: sinthir, zinghnam, laiking tûm phun pauhpauh; 30 dekdēr, thangkāwng, vunnel laiking tumpi, vunnel ngangdáwl le laiking tla an si. 31 Bawkvâk hmuahhmuah lakah hipawl cu nan hrangah a thiang lo a si. Hipawl an thih tikih a daingahtu pauhpauh cu zan lam tiangin an thiang lo. 32 ^bAn thih tikah an lakih pakhat khat in a tlakngah mi pauhpauh cu thiang lo an si ding, zanthing a si ah maw, hnipuan a si ah maw, saphaw a si ah maw, dip a si ah maw, ziang vek hmanrua a si khalle, cumi cu tidai sungah hnīm ding a si. Cule zan lam tiang thil thiang lo a si ding, cu ṭhehin a thiang ding. 33 Cuih thil pakhat khat lei bel pakhat khat sungih a tla mi cu nan khuai pei; cule a sungih um pauhpauh cu thil thiang lo a si. 34 Cubangtuk lei bel sungih tidai in ei ṭha rawl pakhat khat a fawrhngah mi cu thil thiang lo ah a cang ih, cu tawk sungih in ding ṭha pauhpauh khal thil thiang lo ah a cang. 35 Cule cubangtuk ruak sathêm in a tlakngah mi ziangtinkim cu thiang lo an si pei; thŭk a si ah simaw, suan bel a si ah simaw khuaikek a si pei; ziangahtile cupawl cu thiang lo an si ih, nan hrangah thil thiang lo an si. 36 Cuti a si hmanah tidai tampi umnak tihna le ticawm cu an thiang pei, asinan cubangtuk saruak a daingahtu pauhpauh cu thiang lo ah an cang. 37 Cule tuh ding mi thlaici pakhat khat parah cubangtuk saruak thêm a tlakngah asile a thiang hrih lai thotho. 38 Asinan tidai ih ciah zo mi thlaici a si ahcun, cubangtuk saruak thêm a parih a tlakngah tikah nan hrangah thiang lo ah a cang.

11:29^a Isa 66:17

11:32^b Mip 19:11

39 ‘Cule nan ei thei mi ṭilva ziangkhal a thih asile, a ruak daingahtu cu zan lam tiang mithiang lo ah a cang. 40 ^aA ruaksa a eitu cu a hnipuan a sawp pei ih, zan lam tiang mithiang lo a si pei. A ruak thiartu khal in a hnipuan a sawp pei ih, zan lam tiang mithiang lo a si pei.

11:40^a Heb 9:10

41 ‘Cule leilung parih băwkih a vâk mi bawkvâk thilnung kip in thil fihnungza an si pei. Ei ding an si lo. 42 Ziangkhal pum ih bawkvâk pauhpauh, ke li nei bawkvâk pauhpauh le ke tampi neiih leilung parah băwkih vâk mi bawkvâk zaten nan ei lo pei, ziangahtile fihnungza an si. 43 Băwkih a vâk mi bawkvâk ziang vek thaw hmanin nanmah le nanmah fihnungza ah nan tuahaw lo pei; anmah thawn nanmah le nanmah mithiang lo ah nan tuahaw fawn lo pei, cu lo asile anmah hmangin nan bawrhhlawh pang ding. 44 ^aZiangahtile keimah cu Jehovah nan Pathian ka si. Curuangah nan serhhranaw pei ih, nan thianghlim pei; ziangahtile kei cu ka thianghlim a si. Leilung parih băwkih a vâk mi bawkvâk ziang vek thaw khal in mithiang lo ah nan tuahaw ding a si lo. 45 ^bZiangahtile keimah cu nan Pathian si dingah Izip ram ihsi lo hruaisuaksotu Jehovah ka si. Curuangah nan thianghlim pei, ziangahtile kei cu ka thianghlim a si.

11:44^a Suah 6:2, 7; 22:31; 31:13; Mip 15:40; Jos 3:5; 24:19; 1Sam 2:2; 1San 15:12; 2San 29:5; Job 6:10; Sam 99:3; Isa 43:3; Eze 20:5; Efe 1:4; 1Th 4:7; 1Pe 1:15-16

11:45^b Sem 17:7; Suah 19:6; 1Pe 1:16

46 ‘Himi cu rannungpawl, vatepawl le tipi sungih a tlanglêng mi sersiam mi thilnung kip le leilung parih băwkih a vâk mi sersiam mi kip hrangih dān a si. 47 A thiang le thiang lo thleidannak dingah le ei ding thilnung le ei lo ding thilnung thleidannak hrangih dān a si,’ tiin sim hai aw,” tiah a sim.

12

Nau Neih hnuih Thianfaiawknak

1 Jehovah in Mosi hnenah, 2 ^a“Israel-mipawl hnenah, ‘Nunau in fa a vun ih, mipa a hrin asile, ni sarih sung mithiang lo a si pei, amai nunau dān kel ruangih a thian lo lai nipawl vekin mithiang lo a si pei. 3 ^bCule a ni riatnak ah a fapaih serh vun zim titsa tansak a si pei. 4 ^cCun a nu cu a thisen thianfaiawknak ah ni 33 a peh pei. Thil thianghlim zianghman a dai lo pei ih, a thianawkternak ni a kim hlanlo hmun thianghlim ah a lut fawn lo pei. 5 Asinan nunau a hrin asile, amai nunau dān kel vekin zarh hnih sung thiang lo a si pei ih, a thisen thianawkternak ah ni 66 sung a pehzăwm pei.

12:2^a Isa 64:6; Eze 18:6

12:3^b Sem 17:10; Suah 22:30; Luk 1:59

12:4^c Pui 15:31; Mip 9:6; 1Sam 21:5-6

6 ^a‘A thianawkternak ni a kim tikah, fapa a si ah simaw, fanu a si ah simaw, Meiur Thilhlăn dingah kum khat ti tuu fa no le Sual Thilhlăn dingah laileng no pakhat, asilole thuro pakhat Tawnawknak Puanthlam luhnak ih puithiam hnenah a rak keng pei. 7 Cun Jehovah hmaiah a hlan pei ih, a hrangah sualkhuhthawinak a tuah pei. Cule amah cu a thisen pût mi lak ihsin a thiang ding a si. Himi hi mipa simaw, nunau simaw a hringtu nu hrangih dān a si.

12:6^a Suah 29:38; Mip 6:12, 14; Luk 2:22

8 ^a‘Cule tuu fa no a rak ken thei lo asile, thuro pahnih simaw, laileng no pahnih simaw a rak keng pei ih, pakhat cu Meiur Thilhlăn hrangah, a dang pakhat cu Sual Thilhlăn hrangah a si pei. Cule puithiam in a hrangah sualkhuhthawinak a tuah pei ih, a thiang ding,’ tiin sim aw,” tiah a sim.

12:8^a Sem 15:9; Luk 2:22-24

13

Phār Thuhla Dān

1 Jehovah in Mosi le Aaron hnenah, 2 ^a“Mi pakhat in a vun parah bol, hma hnai asilole ṭhek, a taksa vun parah phār nat ih cang mi a neih tikah, puithiam Aaron asilole a fapa puithiam pakhat khat hnenah hruai ding a si. 3 Puithiam in a taksa vun parih hma cu a zohhliah pei, cule a hma sungih hmul kha a var ah a thlĕngaw ih, a hma cu a taksa vun hmun dang hnakin phaideuhih a lăng asile, cumi cu phār nat a si. Cun puithiam in a zohfel pei ih, mithiang lo a si tiah a thăn pei. 4 ^bAsinan a ṭhek cu a taksa vun parah a rāng nân, hmun dang hnakin phaideuhin a lang cuang lo ih, a hmul khal a varih a thlĕngawk lo asile, hma neitu cu puithiam in ni sarih sung a kharkhum lawk pei. 5 Cule a ni sarihnak ah amah cu puithiam in a zohfel pei, cule ngai hnik, a mithmuh ah hma cu cekfel le hma cu a vun parah a rak karhzai lo asile, puithiam in a dang ni sarih a kharkhumbêt pei. 6 ^cCun puithiam in a ni sarihnak ah a zohfelsal pei, cule ngai hnik, a hma cu a hîl ih, cuih hma cu a vun parah a rak karhzai lo a si ahcun, puithiam in a thiang tiah a thăn pei; cumi cu hma hnai menmen a si ih, a hnipuan a sawp pei ih, mithiang a si ding. 7 ^dAsinan a thiang tiah puithiam in a thăn hnuah a vun parah a hma hnai a karhzaibêt a si ahcun, puithiam in a zohsal pei. 8 Cule zoh hnik, puithiam in a hma hnai cu a vun ah a karhzai ti a hmuh asile, mithiang lo a si tiah puithiam in a thăn pei. Cumi cu phār nat a si.

13:2^a Suah 4:6; Mip 5:2; Dnp 24:8

13:4^b Mip 12:14-15; Dnp 24:9

13:6^c Mip 8:7; Mat 8:3; Luk 5:12-14

13:7^d Luk 5:14

9 “Mi pakhat parah phār nat a um tikah, amah cu puithiam hnenih hruai a si pei. 10 Cule puithiam in a zohfel pei, ngai hnik, a vun parih bol cu a var, a hmul khal a var ah a thlĕngaw ih, a bol ah titsa durh a um asile, 11 ^acumi cu a taksa vun parih phār hma hlun a si. Puithiam in mithiang lo a si tiah a thăn pei, cule anih cu a kharkhum lo pei, ziangahtile anih cu mithiang lo a si.

13:11^a Suah 4:6; Mip 12:10; Mat 8:2

12 “Cule a vun pumpi ah phār nat a puaksuak ih, a phār nat in hma neituih vun hmuahhmuah, a lu ihsin a ke zim tiang, puithiam ih zohnak hmun kip a khuh ṭheh asile, 13 puithiam in a zoh pei, cule ngai hnik, phār in a taksa a khuh thluh zo a si ahcun, hma neitu cu a thiang tiah a thăn pei. A zaten a var ah a thlĕngaw ṭheh zo. Anih cu mithiang a si. 14 Asinan a parah titsa durh a lăng tikah, amah cu mithiang lo a si pei. 15 Cule puithiam in a titsa durh cu a zohfel pei ih, mithiang lo a si tiah a thăn pei; ziangahtile titsa durh cu a thiang lo. Cumi cu phâr a si. 16 ^aCuti si loin titsa durh cu thlĕngawin a varsal asile, puithiam hnenah a feh pei. 17 Cule puithiam in a rak zohfel pei; cule ngai hnik, a hma cu a var ah a thlĕngawk a si ahcun, hma neitu cu puithiam in a thiang tiah a thăn pei. Anih cu mithiang a si.

13:16^a Luk 5:12-14

Khuaihli Thuhla Dān

18 ^a“Taksa in vun ah khuaihli a nei ih, cumi cu a dam zo, 19 cule cuih khuaihli hmun ah bol var simaw, ṭhek sen-ngo thlak simaw a puak asile, cumi cu puithiam hnenih hmuh ding a si; 20 cule puithiam in cumi a zoh tikah, ngai hnik, cumi cu hmun dang hnakin phaideuhin a lang, cule a hmul cu a varih a thlĕngawk a si ahcun, puithiam in anih cu mithiang lo a si tiah a thăn pei. Cumi cu phār nat, khuaihli ih rak puaksuak mi a si. 21 Asinan puithiam in cumi cu a rak zohfel, cule ngai hnik, cumi cu hmul var um loin, hmun dang hnakin phaideuh cuang loin, a rak hîl sawn lam asile, puithiam in ni sarih sung a kharkhum pei; 22 cule cumi cu a vun parah a rak karhzai asile, puithiam in anih cu mithiang lo a si tiah a thăn pei. Cumi cu phār nat a si. 23 Asinan ṭhek kha hmunkhat ah tâng ringringin, a rak karh lo a si ahcun, khuaihli hmasi men a si ih, puithiam in anih cu mithiang a si tiah a thăn pei.

13:18^a Suah 9:9

Meikāng Thuhla Dān

24 “Cuti si loin a taksa vun meisa in a kāng ih, a kăngnak titsa durh cu ṭhek sen-ngo thlak asilole a varih a can asile, 25 puithiam in a zohfel pei, cule ngai hnik, a ṭhek hmul cu a var ah a thlĕngaw ih, hmun dang hnakin phaideuhih a lăng a si ahcun, a kăngnak ah phār nat a puak a si. Curuangah puithiam in anih cu mithiang lo a si tiah a thăn pei. Cumi cu phār nat a si. 26 Asinan puithiam in cumi cu a zohfel, cule ngai hnik, a ṭhek ah hmul var um loin, a vun hmun dang hnakin phaideuh cuang loin, a rak hîl sawn a si ahcun, puithiam in anih cu ni sarih sung a kharkhum pei. 27 Cule puithiam in a ni sarihnak ah a zohfel pei. Cumi cu a vun parah a rak karhzai a si ahcun, puithiam in anih cu mithiang lo a si tiah a thăn pei. Cumi cu phār nat a si. 28 Asinan a ṭhek cu hmunkhat ah rak tâng ringringin, a vun ah rak karh loin, a rak hîl sawn a si ahcun, cumi cu kāng thling men a si. Puithiam in anih cu mithiang a si tiah a thăn pei, ziangahtile cumi cu kāng hmasi men a si.

Lu Hma Thuhla Dān

29 “Mipa simaw, nunau in simaw a lu, asilole a khabe ah hma a neih asile, 30 puithiam in a hma cu a zohfelsak pei; cule ngai hnik, a vun hmun dang hnakin phaideuhin a lang ih, hmul aire nemte a rak um a si ahcun, puithiam in anih cu mithiang lo a si tiah a thăn pei. Cumi cu lu, asilole khabe ih a um mi builiah phār nat a si. 31 Asinan puithiam in builiah hma cu a zohfel, cule zoh hnik, a vun hmun dang hnakin phaideuhin a lang cuang lo nân, hmul dum a keuh lo a si ahcun, puithiam in builiah neitu cu ni sarih sung a kharkhum pei. 32 Cule puithiam in a ni sarihnak ah a builiah cu a zohfel pei; cule ngai hnik, hma cu rak karhzai loin, cumi ah hmul aire khal um loin, a vun hmun dang hnakin a builiah cu phaideuhin a lăng cuang lo a si ahcun, 33 amah ten a hmul a ziat pei, a builiah zawn lawngte a ziat lo pei. Cule puithiam in builiah neitu cu a dang ni sarih a kharkhum pei. 34 A ni sarihnak ah puithiam in a builiah cu a zohfel pei; cule ngai hnik, a vun parah a builiah rak karhzai loin, a vun hmun dang hnakin phai cuangih a lăng lo a si ahcun, puithiam in anih cu mithiang a si tiah a thăn pei. Anih cun a hnipuan a sawp pei ih, a thiang ding a si. 35 Asinan a thiang tiih thăn hnuah a vun parah a builiah a rak karhzai a si ahcun, 36 puithiam in a zohfel pei; cule ngai hnik, a vun parah a builiah a rak karhzai a si ahcun, puithiam in a hmul aire a hawl a ṭul nawn lo. Anih cu mithiang lo a si. 37 Asinan a builiah cu kelawhin, hmul dum a keuh a si ahcun, a builiah cu a dam a si. Anih cu mithiang a si ih, puithiam in anih cu mithiang a si tiah a thăn pei.

38 “Mipa simaw, nunau in simaw a taksa vun parah ṭhek var, a hleicein ṭhek var zet a neih asile, 39 puithiam in a zoh pei; cule zoh hnik, a taksa vun parih a ṭhekpawl cu dál nawn te a si ahcun, cumi cu vun parih darhzai mi ṭhek var menmen a si. Anih cu mithiang a si.

40 ^a“A lu ihsin sám tla pa lawngte cu, thlung kawlh a si, asinan anih cu mithiang a si. 41 A lu hmai lam ihsin sám tla pa cu, cal ngawlh a si, asinan anih cu mithiang a si. 42 ^bCule thlung kawlh parah simaw, cal ngawlh parah simaw sen-ngo thlak hma a um asile, cumi cu a thlung kawlh ah asilole a cal ngawlh ah phār nat a puak a si. 43 Cun puithiam in cumi cu a zohfel pei; cule ngai hnik, a thlung kawlh par, asilole a cal ngawlh parih hma bol cu sen-ngo thlakin, taksa vun parih phār nat vekih a lăng a si ahcun, 44 amah cu miphar a si. Amah cu mithiang lo a si. Puithiam in anih cu mithiang lo a si tiah a thăn tengteng pei; a hma cu a lu ah a um a si.

13:40^a 2Sp 2:23; Isa 3:24; Eze 27:31; Amo 8:10; Mik 1:16

13:42^b 2San 26:19-20

45 ^a“Hma nei miphar cu a hnipuan thlek a si pei ih, a lu khuh a si lo pei; cule a hmur tlun lam a tuam pei ih, ‘A thiang lo! A thiang lo!’ tiin a au pei. 46 ^bCu pa cu mithiang lo a si pei. Anih cu hma a neih kulh sung mithiang lo a si pei. Anih cu mithiang lo a si ih, amah te lawng a cêng pei; a cēnnak cu riahhmun khuarnak lengah a si pei.

13:45^a Ṭah 4:15; Eze 24:17, 22; Mik 3:7; Luk 17:12

13:46^b Mip 5:1-4; 2Sp 7:3

Sinfen Phâr

47 “Sinfen khal a parih phār nathri a um asile, sahmul sinfen simaw, pat zai sinfen simaw, 48 pat zai fêmte simaw, sahmul simaw ih bān mi ah simaw, a hrawlh mi ah simaw a si ah siseh, savun simaw, savun ih tuah mi thil pakhat khat a si ah simaw, 49 ^acule cuih nathri cu sinfen ah simaw, savun ah simaw, a bān mi ah simaw, a hrawlh mi ah simaw, savun ih tuah mi thil pakhat khat ah simaw, hring nawnin maw sen nawnin simaw, a um a si ahcun, cumi cu phār nathri a si ih, puithiam hnenih hmuh ding a si. 50 ^bPuithiam in nathri cu a zohfel pei ih, nathri umnak thil cu ni sarih sung a kharkhum pei. 51 Cule a ni sarihnak ah nathri cu a zohfel pei. Nathri cu a bān mi ah siseh, a hrawlh mi ah siseh, savun asilole savun ih tuah mi thil pakhat khat ah siseh, sinfen parih a rak karhzai asile, cumi nathri cu phār nat ṭihnung a si. Cumi cu a thiang lo a si. 52 Curuangah nathri umnak sinfen cu bān mi a si ah siseh, hrawlh mi a si ah siseh, sahmul maw pat zai fêmte a si ah simaw, asilole savun ih tuah mi thil pakhat khat a si khalah simaw a ur pei; ziangahtile cumi cu phār nat ṭihnung a si; cuih sinfen cu meisa ih ur tengteng ding a si.

13:49^a Mar 1:44

13:50^b Eze 44:23

53 “Asinan puithiam in cumi cu a zohfel, cule ngai hnik, sinfen a bān mi ah maw, a hrawlh mi ah maw, asilole savun ih tuah mi thil pakhat khat ah simaw, a nathri cu a rak karhzai lo asile, 54 puithiam in nathri umnak thil cu sawp dingin thu a pe pei, cule cumi cu anih in a dang ni sarih a kharkhum pei. 55 Hnipuan cu sawp a si hnuah, puithiam in nathri a zohfel pei, cule ngai hnik, a nathri cu a rak karhzai lo nain, nathri rak umnak hmun a lăngdan a danglam cuang lo asile, cumi cu a thiang lo a si. Cumi cu meisa ah na ur pei; hnipuan cu a dung lam, asilole a hmai lam mawih vivo ko nathri cun a eirál vivo. 56 Puithiam in cumi cu a zohfel, cule ngai hnik, cumi cu sawp a si hnuah a nathri a rak reh a si ahcun, a bān mi simaw a hrawlh mi simaw, asilole savun a si khalle anih in a sinfen ih nathri kainak zawn cu a thlek pei. 57 Asinan cuih sinfen ah nathri a lăngsal asile, a bān mi ah maw a hrawlh mi ah maw, asilole savun ih tuah mi thil pakhat khat ah maw a si khalle, cumi cu a karhzai thei mi nathri a si; nathri um mi cu meisa ah na ur tengteng pei. 58 Cule cuih sinfen cu na sawp ih, a bān mi ah siseh, a hrawlh mi ah siseh, asilole savun ih tuah mi ziang vek khal siseh, cumi ihsin nathri a hloh a si ahcun, cumi cu a vei hnihnak sawp a si pei ih, a thiang mi a si ding.

59 “Himi cu phār nathri kainak sinfen, sahmul maw, pat zai fêmte simaw, a bān mi ah maw a hrawlh mi ah simaw, asilole savun ih tuah mi thil pauhpauh ah simaw hrangih a thiang tiih thăn dingah, asilole a thiang lo tiih thăn ding hrangih dān a si,” tiin a sim.

14

Phâr Thenfainak

1 Jehovah in Mosi hnenah, 2 ^a“Himi cu miphar thianter ni ih thlun ding mi dān a si: amah cu puithiam hnenah hruai a si pei. 3 Cule puithiam cu riahhmun khuarnak lengah a suak pei ih, cu pa kha a zohfel pei; cule ngai hnik, phār nathri cu miphar parih a dam asile, 4 ^bpuithiam in thianter ding mi pa hrangah, a thiang mi vate nung pahnih, sidar thing, pat phang senlar le hissop la dingin thu a pe pei. 5 Cule puithiam in vate pakhat deuh kha ti luang lai retnak lei bel ah that dingin thu a pe pei. 6 A nung mi vate lawngte cu a la pei ih, sidar thing, pat phang senlar le hissop thawn vate nung cu ti luang lai tlunih thah mi vate thisen sungah a hnīm pei. 7 ^cCule puithiam in phār ihsi thianter ding mi pa cu, thisen in vei sarih a theh pei ih, anih cu a thiang tiah a thăn pei; cule a nung mi vate cu ramlak ah a thlah pei. 8 ^dThianter ding mi pa cun a hnipuan a sawp pei, a sám zaten a ziat pei ih, tidai in a khawlhaw pei, cutin mithiang a si ding. Cuih hnuah riahhmun khuarnak ah a ra lut pei ih, amai puanthlam lengah ni sarih sung a um pei. 9 ^eAsinan a ni sarihnak ah a lusam zaten, a khabe hmul le a mit tlâng hmul a ziat pei, cutin a hmul zaten a ziat thluh pei. A hnipuan a sawp pei ih, tidai in a taksa a khawlh pei, cule anih cu mithiang a si ding.

14:2^a Dnp 24:8; Mat 8:2-4; Mar 1:40-44; Luk 5:12-14

14:4^b Suah 12:22; Mip 19:6; Sam 51:7

14:7^c 2Sp 5:10; Isa 52:15; Eze 36:25

14:8^d Suah 29:4; Mip 5:2-3; 19:7-8; 2San 26:21

14:9^e Mip 6:9

10 ^a“Cule a ni riatnak ah sawisel ding um lo tuu fa no a pa pahnih le sawisel ding um lo kum khat ti tuu fa no a nu pakhat le Thlairawl Thilhlăn hrangah hriak rawi cia sangvut phut efa khat ih ṭhen hra ṭhen thum le hriak ^blog khat a la pei. 11 ^cCun a thiangtertu puithiam in thianter ding mi pa le cuih thilpawl cu Tawnawknak Puanthlam luhnak ih Jehovah hmaiah a rak ap pei. 12 ^dCule puithiam in tuu fa no a pa a la pei ih, Mawh Thilhlăn a hlan pei, cule hriak log khat thawn Jehovah hmaiih sēp thilhlăn ah a sēp pei. 13 ^eCun Sual Thilhlăn le Meiur Thilhlăn ran a thah ṭheu nak hmun, hmun thianghlim ah tuu fa no cu a that pei; ziangahtile Mawh Thilhlăn sa cu Sual Thilhlăn sa vek thothoin puithiam covo a si. Cumi cu a thianghlim zet mi a si. 14 ^fPuithiam in Mawh Thilhlăn thisen hrekkhat a la pei ih, puithiam in thianter ding mi paih vawrh lam hna zimah, a vawrh lam kut zungpi le a vawrh lam ke zungpi pawl parah a mān pei. 15 ^gCule puithiam in cuih log ihta hriak ziangmaw zat a la pei ih, amai keh lam kut zaphak ah a thlerh pei. 16 Cun puithiam in a kut keh lamih hriak sungah a vawrh lam kut zung a hnīm pei ih, a kut zung in hriak ziangmaw zat cu Jehovah hmaiah vei sarih a theh pei. 17 Cule puithiam in a kut ih hriak tāng mi lakih ziangmaw zat kha thianter ding mi paih vawrh lam hna zimah, a vawrh lam kut zungpi le a vawrh lam ke zungpi pawl parih Mawh Thilhlăn thisen tlunah a hnih pei. 18 Puithiam kut ih a tāng mi hriak cu thianter ding mi paih lu ah a culh pei. Cule puithiam in a hrangah Jehovah hmaiah sualkhuhthawinak a tuah ding a si.

14:10^a Mip 6:10; 15:9; Mat 8:4; Mar 1:44; Luk 5:14

14:10^b log: Log khat cu liter 0.3 a si.

14:11^c Mip 6:10, 16

14:12^d Suah 29:24

14:13^e Suah 29:11

14:14^f Suah 29:20

14:15^g Pui 14:10

19 “Cun puithiam in Sual Thilhlăn a hlan pei ih, a thianlonak ihsi thianter ding mi pa hrangah sualkhuhthawinak a tuahsak pei. Cumi hnuah Meiur Thilhlăn ran a that pei. 20 Cule puithiam in Biakṭheng parah Meiur Thilhlăn le Thlairawl Thilhlăn a hlan pei. Cutin puithiam in a hrangah sualkhuhthawinak a tuahsak pei ih, anih cu mithiang a si ding.

21 “Asinan cu pa cu a farah ih a tlin lo asile, a hrangah sēp ih sualkhuhthawinak tuah dingah Mawh Thilhlăn hrangah tuu fa no a pa pakhat le Thlairawl Thilhlăn hrangah hriak rawi cia sangvut phut efa khat ih ṭhen hra ṭhen khat cu hriak log khat thawn le, 22 thuro pahnih simaw, laileng no pahnih simaw a tlin tawkten a rak keng pei; pakhat cu Sual Thilhlăn hrangah, a dang pakhat cu Meiur Thilhlăn hrangah a si pei.

23 “A thianawkternak hrangah, a ni riatnak ah Tawnawknak Puanthlam luhnak ah, Jehovah hmaiah cupawl cu puithiam hnenah a rak keng pei. 24 Cule puithiam in Mawh Thilhlăn tuu fa no cu hriak log khat thawn a la pei ih, puithiam in Jehovah hmaiih sēp thilhlăn ah a sēp pei. 25 ^aCun Mawh Thilhlăn tuu fa no a that pei ih, puithiam in Mawh Thilhlăn thisen ziangmaw zat a la pei, cule thianter ding mi paih vawrh lam hna zimah le a vawrh lam kut zungpi le a vawrh lam ke zungpi pawl parah a man pei. 26 Cule puithiam in a keh lam kut zaphak ah hriak a thlerh pei. 27 Cule puithiam in a vawrh lam kut zung in a keh lam kut ih hriak hrekkhat cu Jehovah hmaiah vei sarih a theh pei. 28 Cule puithiam in a kut ih hriak cu thianter ding mi paih vawrh lam hna zimah le a vawrh lam kut zungpi le a vawrh lam ke zungpi pawl parih Mawh Thilhlăn thisen tlunah a hnih pei. 29 Puithiam kut sungih hriak tāng lai mi cu Jehovah hmaiah a hrangah sualkhuhthawinak tuahnak ah thianter ding mi paih lu ah a culh pei. 30 Cule anih in thuropawl lakih pakhat simaw, laileng no pawl lakih pakhat simaw amai tlinbăn tawkin a hlan pei. 31 Amai tlinbăn tawkin Sual Thilhlăn hrangah pakhat le Meiur Thilhlăn hrangah a dang pakhat, Thlairawl Thilhlăn zawngah a hlan pei. Cule puithiam in Jehovah hmaiah thianter ding mi pa hrangah sualkhuhthawinak a tuah pei. 32 Himi cu thianawkternak dān kel a tlin lo tu phār hma neitu hrangih dān a si,” tiin a sim.

14:25^a Suah 29:20

Phâr Nathri Nei Innpawl

33 Cule Jehovah in Mosi le Aaron hnenah, 34 ^a“Nan co dingih ka lo pek hai mi Kanaan ram nan thlen tikah, nan co mi ram ih inn ah phār nathri ka ret asile, 35 ^ba inn neitu pa a ra pei ih, puithiam hnenah, ‘Inn ah ziang nathri simaw a um a bang,’ tiin a ra ti pei, 36 nathri zohfel dingih a luh hlanah, inn rak lawngter dingin puithiam in thu a pe hai pei; cutin inn sungih thil zaten thil thiang lo an si thluh lo ding. Cumi hnu lawngah inn zohfel dingin puithiam a lut pei. 37 Cule nathri cu a zohfel pei, cule ngai hnik, inn pharpawl ah a hring nawnin maw, a sen nawnin simaw a rak bĕt ih, phar eikuar deuh ih a lăng asile, 38 puithiam cu inn lengah a suak pei ih, ni sarih sung sângka a kharpit pei. 39 Cule puithiam cu a ni sarihnak ah a rasal pei ih, a zohfel pei; cule ngai hnik, inn pharpawl parih nathri a karhzai asile, 40 puithiam in thu a pe hai pei ih, nathri umnak lungtopawl cu an phawk pei ih, khaw leng hmun thiang lo ah an hlăwn pei. 41 Cule inn sung kimvel zaten a ziatter hai pei ih, an ziah mi bālnâwi cu khaw leng hmun thiang lo ah an sûng pei. 42 Cun lungto dang an la pei ih, cuih lungtopawl aiah an ret pei, cule anih in tlak dang a la pei ih inn cu a erh pei.

14:34^a Sem 12:5; 17:8; Suah 6:4; Mip 13:2; 27:12; Dnp 3:27

14:35^b Sam 91:10; Zek 5:4

43 “Cule cuih lungtopawl a phawh hnu le inn a ziah hnu le a erh hnuah, inn ah nathri a umsal ih, a puaksal a si ahcun, 44 puithiam a ra pei ih a zoh pei; cule ngai hnik, inn ah nathri a rak karhzai a si ahcun, inn ah phār nat ṭihnung a um a si. Cumi cu a thiang lo a si. 45 Cule puithiam in inn cu a băl pei ih, a lungtopawl, a zanthing le a erhnak zaten khaw leng hmun thiang lo ah a thiar hai pei. 46 Cuihhleiah inn kharpit a si laiih a sungih a luttu cu zan lam tiang mithiang lo a si pei. 47 Cule cuih inn sungih a ittu cun a hnipuan a sawp pei ih, cuih inn sungih rawl a eitu khal in a hnipuan a sawp pei.

48 “Asinan puithiam cu lut tahratin cumi cu a zohfel, cule ngai hnik, inn an erhṭhat hnuah inn ah nathri a rak karhzai lo asile, puithiam in inn cu a thiang tiah a thăn pei, ziangruangahtile nathri cu a dam. 49 ^aCule anih in inn thianfai dingah vate pahnih, sidar thing, pat phang senlar le hissop a la pei. 50 Cun ti luang lai retnak lei bel sungah vate pakhat deuh kha a that pei; 51 ^bcule anih in sidar thing, hissop, pat phang senlar le vate nung cu a la pei ih, cupawl cu thah mi vate thisen ah le ti luang lai sungah a hnīm hai pei, cule inn cu vei sarih a theh pei. 52 Cule inn cu vate thisen le ti luang lai le vate nung, cun sidar thing, hissop le pat phang senlar thawn a thianfai pei. 53 Cun vate nung cu khaw leng, ram ah a thlah pei ih, inn hrangah sualkhuhthawinak a tuah pei, cule cumi cu a thiang ding.

14:49^a 1Sp 4:33

14:51^b Sam 51:7

54 “Himi cu phār hma le builiah pauhpauh hrangih dān a si, 55 phār nathri kai sinfen le phār nathri kai inn hrang, 56 bol le hma hnai le ṭhek hrang a si. 57 Himi phār nat hrang dān cu thil pakhat khat a thian cān le a thian lo cān ih zirh ding mi a si,” tiin a sim hai.

15

Mipa Thil Put hrang Dān

1 Jehovah in Mosi le Aaron hnenah, 2 ^a“Israel tefapawl be hai uhla, an hnenah, ‘Mipa pakhat in a taksa ihsin thil put mi a neih tikah, a thil put mi ruangah amah cu a thiang lo a si. 3 Cule a thil put cu a taksa ihsi a dăwk laiah siseh, a taksa ihsi thil put a reh ah siseh, himi hi a thil put in amah a thian lo terdān cu a si. Amah cu a thiang lo a si. 4 Thil put neitu paih ihnak ihkhun kip cu a thiang lo ih, a tonak thil kip cu a thiang lo ding. 5 Cule zokhal a ihkhun a daingahtu cun a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 6 Thil put neitu paih to dah nak ziang par khalih a totu cu a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 7 Cule thil put neitu paih taksa a daingahtu cun a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 8 ^bThil put neitu pa in mithiang pa kha cil a phuingah asile, anih in a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 9 Thil put neitu paih tonak kung tawphah pauhpauh cu thiang lo a si ding. 10 ^cCu paih tăngih thil pakhat khat a daingahtu pauhpauh cu zan lam tiang mithiang lo an si ding. Cuih thil pakhat khat a thiartu cun a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 11 ^dCule thil put neitu paih daingah mi le tidai ih a kut a khawlhfai lo tu zokhal a hnipuan a sawp pei ih, tidai in a khawlhaw pei, cule zan lam tiang mithiang lo a si ding. 12 Thil put neitu paih a daingah mi lei bel cu khuai a si pei ih, thing bungbel pauhpauh cu tidai ih tleŭhfai ding a si.

15:2^a Mip 5:2; 2Sam 3:29; Mat 9:20

15:8^b Mip 12:14

15:10^c Mip 19:10

15:11^d Suah 30:19; Mat 15:2; Mar 7:3

13 ‘Cule thil put neitu pa cu a thil put ihsin thianter a si tikah, anih in a thian ni ihsin a hrangah ni sarih siar sehla, a hnipuan a sawp pei ih, ti luang laiah a taksa a khawlh pei; cun anih cu mithiang a si ding. 14 A ni riatnak ah thuro pahnih simaw, laileng no pahnih simaw a hrangah a la pei ih, Tawnawknak Puanthlam luhnak ih Jehovah hmaiah a ra pei, cule puithiam hnenah a pe hai pei. 15 Cun puithiam in Sual Thilhlăn hrangah pakhat, Meiur Thilhlăn hrangah a dang pakhat a hlan pei. Cule a thil put ruangah a hrangah puithiam in sualkhuhthawinak Jehovah hmaiah a tuah pei.

16 ^a‘Cule mipa zokhal a cihnâng a suak asile, tidai in a taksa zaten a khawlh pei, cule zan lam tiang mithiang lo a si ding. 17 Cule cihnâng kainak sinfen le savun pauhpauh cu tidai in sawp ding a si, cule zan lam tiang thil thiang lo a si ding. 18 ^bNunau pakhat cu mipa hnenah a it ih, cihnâng suak a um tikah tidai in an khawlhaw pei, cule zan lam tiang mithiang lo an si ding.

15:16^a Dnp 23:10-11

15:18^b 1Sam 21:4

Nunau Thil Put hrang Dān

19 ‘Nunau pakhat in thil put a nei ih, a taksa ihsi thil put cu thisen a si ahcun, ni sarih sung a dangten ret a si pei; cule zokhal amah a daingahtu cu zan lam tiang mithiang lo a si ding. 20 A thian lo sungih a ihnak thil kip cu thil thiang lo an si ding; a tonak thil tinkim khal thil thiang lo an si ding. 21 Cu nuih ihkhun a daingahtu pauhpauh cun an hnipuan an sawp pei ih, tidai ah an khawlhaw pei, cule zan lam tiang mithiang lo an si ding. 22 Cule zokhal a tonak thil ziangkhal a daingahtu cun a hnipuan a sawp pei ih, tidai ah a khawlhaw pei, cule zan lam tiang mithiang lo a si ding. 23 A ihkhun parah simaw, a tonak parah simaw thil pakhat khat a um asile, cumi a thâmngahtu pa cu, zan lam tiang mithiang lo a si ding. 24 ^aCule mipa zokhal cuih nunau thawn an ihtlang asile, nunaunuih thianlonak cu a parah a um pei ih, anih cu ni sarih sung mithiang lo a si ding; cule a ihnak ihkhun kip cu thiang lo an si ding.

15:24^a Eze 18:6

25 ^a‘Nunau pakhat cu amai thianlonak dān kel hnakih ni tamdeuh maw, asilole amai thianlonak dān kel hnakih thi tamdeuhin simaw ni tampi a thi a pût asile, a thi put thian lo sung hmuahhmuah cu a thianlonak dān kel tikcucān vek thothoin a si pei. Cu nu cu mithiang lo a si ding. 26 A thil put sung hmuahhmuah ih a ihnak ihkhun kip cu a hrangah amai dān kel ih a thianlonak cān ih a ihkhun vek thothoin a si ding; cule a thian lo cān ih thianlonak vek thothoin a tonak kip cu an thiang lo ding. 27 Cuih thilpawl a daingahtu pauhpauh cu mithiang lo an si ding; annih cun an hnipuan an sawp pei ih, tidai ah an khawlhaw pei, cule zan lam tiang mithiang lo an si ding.

15:25^a Mat 9:20; Mar 5:25

28 ‘Asinan a thil pûtnak thianter asile, anih in a hrangah ni sarih a siar pei ih, cumi ṭhehin amah cu mithiang a si ding. 29 ^aCule a ni riatnak ah anih in a hrangah thuro pahnih simaw, laileng no pahnih simaw a la pei ih, puithiam hnen, Tawnawknak Puanthlam luhnak ah a rak keng pei. 30 ^bCun puithiam in Sual Thilhlăn hrangah pakhat le Meiur Thilhlăn hrangah a dang pakhat a hlan pei ih, puithiam in a thianlonak thil put hrangah Jehovah hmaiah cu nuih hrangah sualkhuhthawinak a tuah pei.

15:29^a Pui 15:14

15:30^b 2Sam 11:4; Mar 5:25; Luk 8:43

31 ^a‘Hiti hin an thianlonak ihsin Israel tefapawl cu na serhhranawter hai ding a si, cu lo asile an lakih ka Biakbûk an bawrhbanter tikah an thianlonak ah an thi pang ding. 32 Himi cu thil put neitu le a cihnâng a suahnak ruangih a thiang lo mi pa hrang le 33 a thianlonak dān kel ruangih midam lo nu le nunau a si ah siseh, mipa a si ah siseh, thil put a dăwk mi le mithiang lo nunau a ihpitu mithiang lo pawl hrangih dān a si,’ tiah sim aw,” tiin a sim hai.

15:31^a Mip 5:3; 2Sam 15:25; 2Sp 21:7; Sam 33:14; Eze 5:11

16

Sualkhuhthawinak Ni

1 Aaron-ih fapa pahnih in Jehovah hmaiih meisa danglam an hlăn tikah, an thi; an thih hnuah Jehovah in Mosi a bia; 2 ^acule Jehovah in Mosi hnenah, “Kuang parih Sualkhuhthawinak Hmun hmaiih puanzar sung lam Hmun Thianghlim sungah cān tapauh ah lut lo dingin na unaupa Aaron kha sim aw, culole a thi pang ding, ziangahtile Sualkhuhthawinak Hmun tlunih mero lakah ka rung lang ṭheu ding.

16:2^a Suah 25:22; 26:33; 30:10; 40:34; 2Sam 22:10; Heb 6:19; 9:7, 25

3 ^a“Hitin Sual Thilhlăn hrangah caw pa tûai pakhat thisen le Meiur Thilhlăn hrangah tuu cang pakhat thisen thawn Aaron cu Hmun Thianghlim ah a lut pei. 4 ^bAnih in a taksa ah a thianghlim mi pat zai kâwrfualpi le pat zai bâwngbite a hruk pei; anih in pat zai ih tah mi taikhap a khap pei ih, anih cu pat zai ih tah mi puithiam lu bik lupâwng thawn a thuamaw pei. Hipawl cu sinfen thianghlim an si. Curuangah anih cu tidai in a taksa a khawlh pei ih, cuih hnipuan cu a hruk pei. 5 ^cCule Israel tefa umkhawm hnen ihsin Sual Thilhlăn hrangah mêpawl lak ihsin me pa tûai pahnih le Meiur Thilhlăn hrangah tuu cang pakhat a la pei.

16:3^a Heb 9:24-25

16:4^b Suah 28:39, 42; 29:4; Mip 20:26, 28; Eze 9:2; Heb 10:22

16:5^c 2San 29:23; Sam 50:9

6 ^a“Aaron in amai bulpâk hrangah Sual Thilhlăn ah caw pa a hlan pei ih, amah le a sungkua hrangah sualkhuhthawinak a tuah pei. 7 Anih in me pa pahnih a la pei ih, cupawl cu Tawnawknak Puanthlam luhnak ih Jehovah hmaiah a suahpi pei. 8 ^bCun Aaron in me pa pahnih cu camcawhfung a zûk pei: pakhat cu Jehovah hrangah, a dang pakhat cu thlah ding mi me pa hrangah a si pei. 9 ^cCule Aaron in Jehovah-ih camcawhfung tlûknak me pa cu a hruai pei ih, Sual Thilhlăn hrangah a hlan pei. 10 ^dAsinan thlah ding mi me pa si dingih camcawhfung a tlaknak me pa cu, ramṭhing ih thlah mi me pa fehsuakternak in sualkhuhthawinak tuah dingah a nungin Jehovah hmaiah a suahpi pei.

16:6^a Heb 7:27

16:8^b Mip 26:55; Jos 14:2; Lai 20:9; Neh 10:34; Est 3:7; Sam 22:18; Thf 16:33

16:9^c Mip 29:11

16:10^d Isa 53:4-10; Rom 3:25

11 “Cule Aaron in amai bulpâk hrangah Sual Thilhlăn ah caw pa a rak keng pei ih, amah le a sungkua hrangah sualkhuhthawinak a tuah pei, cule amai bulpâk hrangah Sual Thilhlăn ah caw pa a that pei. 12 ^aCun Jehovah hmaiih Biakṭheng ihsin meiling vâm thawi a khat mi meiling suahdur a la pei ih, dēndip cia rimhmui thaw thawn sumpi khat in puanzar sungah a kenglut pei. 13 ^bCule anih in Jehovah hmaiih meisa parah rimhmui a ret pei, cutin rimhmui khu in Theihpinak Kuang tlunih Sualkhuhthawinak Hmun a khuh pei, culole a thi ding. 14 ^cCaw pa thisen hrekkhat a la pei ih, nisuahnak lam sirih Sualkhuhthawinak Hmun parah a kut zung in a theh pei; cule anih in a kut zung in thisen hrekkhat cu Sualkhuhthawinak Hmun hmai cu vei sarih a theh pei.

16:12^a Suah 25:6; Thu 8:5

16:13^b Suah 25:17; 28:43

16:14^c Heb 9:7, 13, 25

15 ^a“Cun mipi hrangah Sual Thilhlăn me pa a that pei ih, puanzar sung lamah a thisen a kenglut pei, a thisen cu caw pa thisen a tidān vek cekciin a ti pei ih, Sualkhuhthawinak Hmun par le Sualkhuhthawinak Hmun hmai a theh pei. 16 ^bCule Israel tefapawlih an thianlonak ruangah le an dān pahbălnakpawl ruangih an sualpawl zate hrangah, Hmun Thianghlim hrangah sualkhuhthawinak a tuah pei; cutin mithiang lo pawl lakih a um mi Tawnawknak Puanthlam hrangah sualkhuhthawinak a tuah pei. 17 ^cAnih cu sualkhuhthawinak tuah dingin Hmun Thianghlim ih a luh tikah a ra suahsal hlanlo Tawnawknak Puanthlam ah mi zohman an um lo pei, cutin amai hrang, a sungkua hrang le Israel mipungkhawm zate hrangah sualkhuhthawinak a tuah thei ding a si.

16:15^a Mip 19:19; Isa 52:15; Eze 36:25; Heb 7:27; 9:3

16:16^b Suah 26:33; 29:36; Rom 3:25; Heb 9:25

16:17^c Luk 1:10, 21; 1Ti 2:5; Heb 9:7

18 “Cule anih cu Jehovah hmaiih Biakṭheng ah a ra suak pei ih, Biakṭheng hrangah sualkhuhthawinak a tuah pei, cule caw pa thisen hrekkhat le me pa thisen hrekkhat a la pei ih, Biakṭheng kimvelih kipawl ah a mān pei. 19 ^aCun Biakṭheng parah thisen ziangmaw zat a kut zung in vei sarih a theh pei ih, Biakṭheng cu a thianter pei, cule Israel tefapawlih thianlonak ihsin cumi cu a serhhran pei.

16:19^a Eze 43:20

20 “Cule anih in Hmun Thianghlim le Tawnawknak Puanthlam le Biakṭheng hrang sualkhuhthawinak a tuah ṭheh tikah, me pa nung a hruai pei. 21 ^aAaron in me pa nung lu parah a kut pahnih a suang pei ih, Israel tefapawlih mawhsualnak zate le an dān pahbălnak zaten an sualpawl hmuahhmuah thuhla ah sual a phuang pei, cupawl cu me pa lu parah ṭhumin mirin tlak paih kut in ramṭhing ah a thlahhlo pei. 22 ^bMe cang in an mawhsualnak zaten minung cēnlonak hmun ah a phur pei; cule anih in ramṭhing ah me pa cu a va thlah pei.

16:21^a Suah 29:10

16:22^b Isa 53:12

23 ^a“Cun Aaron cu Hmun Thianghlim sung a luh tikih a rak hruh mi pat zai sinfen kha a hlit pei, cule cupawl cu cu tawkah a tân ta pei. Cule Tawnawknak Puanthlam sungah a ra lut pei. 24 Cule anih cu hmun thianghlim ah ti in a taksa a khawlh pei, a sinfen a hruk pei, a ra suak pei ih a hrang le mipi hrangah Meiur Thilhlăn a hlan pei, cule amai hrang le mipi hrangah sualkhuhthawinak a tuah pei. 25 Sual Thilhlăn thau cu Biakṭheng parah a ur pei. 26 Cule thlah ding mi me pa si dingih me pa a va thlahtu pa cu a hnipuan a sawp pei ih, ti ah a taksa a khawlhaw pei, cule cumi hnuah anih cu riahhmun khuarnak ah a lut ding. 27 ^bHmun Thianghlim sungih sualkhuhthawinak tuah dingih an rak ken mi Sual Thilhlăn caw pa le me pa thisen cu riahhmun khuarnak lengah thiar ding a si. Cule an vun, an sa le an êk pawl cu meisa ah an ur pei. 28 ^cCun a urtu cun a hnipuan a sawp pei ih, ti in a taksa a khawlh pei, cule cumi hnuah anih cu riahhmun khuarnak ah a lut ding a si.

16:23^a Suah 28:42; Eze 42:14

16:27^b Suah 29:14

16:28^c Mip 19:8, 10

29 ^a“Himi cu nan hrangah kumkhaw sakhaw dān a si pei: a thla sarihnak, cuih thla a ni hratnak ah phahniamaw uhla, nan rammi in siseh, nan lakih cêng ram dang mi khal in siseh, ziang hna hman nan ṭuan lo pei. 30 ^bZiangahtile cuih ni ah puithiam in nanmah lo thiangter dingin nan hrangah sualkhuhthawinak a tuah ding, cutin Jehovah hmaiah nan sualpawl hmuahhmuah ihsin nan thiang thei ding a si. 31 ^cCumi cu nan hrangih cawlhnak Sabbath hleice a si ih, nan phahniamaw pei. Cumi cu kumkhaw sakhaw dān a si. 32 ^dCule a pa aiih puithiam si dingih hriak an thih mi le an serhhran mi puithiam in sualkhuhthawinak a tuah pei, cule sinfen thianghlim a si mi pat zai hnipuan a hruk pei; 33 ^ecun anih in Hmun Thianghlim hrangah sualkhuhthawinak a tuah pei ih, Tawnawknak Puanthlam le Biakṭheng hrangah sualkhuhthawinak a tuah pei, cule puithiampawl le a mipungkhawm mi senpi zate hrangah sualkhuhthawinak a tuah pei. 34 ^fHimi cu Israel tefapawl le an sualpawl hmuahhmuah hrangih sualkhuhthawinak kum khat vei khat tuah dingah nan hrangih kumkhaw sakhaw dān a si pei,” tiah a ti. Cule anih cun Jehovah in Mosi hnenih thu a pek vekin a tuah.

16:29^a Suah 12:14, 19; 31:15; Mip 29:7; Isa 58:3

16:30^b Suah 30:10; Sam 51:2; Jer 33:8; Eze 36:33; Zek 13:1

16:31^c Ezr 8:21; Isa 58:3, 5; Dan 10:12

16:32^d Suah 28:2; 30:30

16:33^e Eze 45:18

16:34^f Suah 27:21; Pui 23:31; Heb 9:7

17

Raithawinak hrang Hmun Pakhat

1 Jehovah in Mosi hnenah, 2 “Aaron le a fapapawl le Israel-mi zaten be awla, an hnenah, ‘Himi hi Jehovah in, 3 “Israel sungza mi pakhat khat in caw pa maw, tuu maw, me simaw, riahhmun khuarnak sung, asilole riahhmun khuarnak lengah a that ih, 4 ^aJehovah-ih Biakbûk hmaiih Jehovah hmaiah thilhlăn hlan dingin Tawnawknak Puanthlam luhnak ah a rak keng lo tu cu, a parah a thisen mawh phurhter a si pei. Anih in thisen a rak suah a si; cu pa cu a mipawl lak ihsin sahcat a si pei, 5 ^ba netnakah ram ih an hlăn mi an raithawinakpawl kha Israel tefapawl in an rak keng pang ding ih, Tawnawknak Puanthlam luhnak ih Jehovah hmaiih puithiam hnenah an rak keng pang ding, cule Remnak Thilhlănpawl hrangah Jehovah hnenah an rak hlan hai pang ding. 6 Cule puithiam in Tawnawknak Puanthlam luhnak ih Jehovah-ih biakṭheng parah thisen a theh pei, cule Jehovah hnenih rimthaw si dingah a thau a ur pei. 7 ^cHlawhhlang vekih khawsiapawl an rak thlun dah zo bang kha cun khawsiapawl hnenah an raithawinakpawl an hlan nawn lo pei. Himi cu an tesinfa san tiangin an hrangah sakhaw dān a si kumkhua pei,” tiin thu a pek mi thil a si,’ tiah sim aw.

17:4^a Sem 17:14; Dnp 12:5-21; 1Sp 8:4; 2San 1:3; Isa 66:3

17:5^b Pui 7:11-21; Eze 43:27

17:7^c Suah 12:14; 22:20; 34:15; Sam 106:37; Jer 3:6, 9; Eze 23:3; 1Ko 10:20

8 “Nang in an hnenah, ‘Israel sungza mi pakhat khat in simaw, nan lakih a cêng mi ram dang mi pakhat khat in simaw, Meiur Thilhlăn simaw, raithawinak simaw a hlan ih, 9 Jehovah hnenih hlan dingah Tawnawknak Puanthlam luhnak ih a rak keng lo tu pa cu a mipawl lak ihsin sahcat a si pei.

Thisen Ei Khamsalnak

10 ^a‘Cule Israel sungza mi pakhat khat simaw, nan lakih cêng ram dang mi pakhat khat simaw, ziang vek thisen khal a eitu cu, thisen eitu pa dokalhin ka hmai ka hawih ding ih, a mipawl lak ihsin ka sâtcat ding. 11 ^bZiangahtile taksa nunnak cu thisen ah a um ih, nan nunnak hrangah Biakṭheng parah sualkhuhthawinak tuah dingin thisen ka lo pe hai zo; ziangahtile nunnak hrangih sualkhuhthawinak tuahtu cu thisen a si,’ tiah na sim pei. 12 Curuangah Israel tefapawl hnenah, ‘Nan lakah zohman in thisen nan ei lo pei, nan lakih cêng zo vek ram dang mi khal in thisen a ei lo pei,’ tiah ka lo sim.

17:10^a Sem 9:4; Pui 7:26-27; Jer 44:11

17:11^b Heb 9:22; 13:12

Thisen in Nunnak a Pe

13 ^a“Israel tefapawl lakih mi pakhat simaw, nan lakih cêng ram dang mipawl lakih mi pakhat simaw in ram a tawi ih ei thiang mi thilnung asilole vate pakhat khat a kaihngah mi pauhpauh cu an thisen a thle pei ih, an thisen cu leivut in a khuh ta pei; 14 ^bziangahtile thisen cu taksa zate ih nunnak a si. A thisen in a nunnak a pe. Curuangah Israel tefapawl hnenah, ‘Ziang vek titsa thisen hman nan ei lo pei, ziangahtile taksa zate ih nunnak cu an thisen a si. Cumi a eitu pauhpauh cu sahcat an si pei,’ tiah ka lo sim.

17:13^a 1Sam 14:32-34; Eze 24:7

17:14^b Sem 9:4; Dnp 12:23

15 ^a“Cule amah teih thi mi simaw, sahrang ih deh mi simaw, a eitu pauhpauh cu nan rammi a si ah siseh, ram dang mi a si ah siseh, a hnipuan a sawp pei ih, tidai in a khawlhaw pei, cule zan lam tiang anih cu mithiang lo a si pei. Cu ṭhehin anih cu mithiang a si ding. 16 Asinan a hnipuan a sawp lo ih, a taksa a khawlh lo asile, amai mawhsualnak amah in a phur pei,” tiin a sim.

17:15^a Suah 22:31; Pui 22:8; Eze 4:14; 44:31

18

Hursualnak hrang Dān

1 Jehovah in Mosi hnenah, 2 ^a“Israel tefapawl be awla, an hnenah, ‘Keimah cu Jehovah nan Pathian ka si. 3 ^bNan rak cēn dah nak Izip ram ih an tuah mipawl vekin nan tuah lo pei ih, ka lo hruailuhnak ding Kanaan ram ih tuah mipawl vek khalin nan tuah lo pei; an sakhaw dān vek khalin nan nung lo pei. 4 ^cKa zīn le dān pawl nan thlun pei ih, nunpi dingin ka sakhaw dānpawl nan thlun pei, keimah cu Jehovah nan Pathian ka si. 5 ^dCuruangah ka sakhaw dānpawl le ka zīn le dān pawl nan thlun pei, mi in cumi a thlun asile, cupawl in a nung ding, keimah cu Jehovah ka si.

18:2^a Sem 17:7; Pui 20:7

18:3^b Suah 23:24; Dnp 18:9; 2Sp 16:3; 1San 5:25; Eze 20:7-8

18:4^c Sem 26:5; Dnp 4:1; Sam 119:4

18:5^d Amo 5:4-6; Mat 19:17; Luk 10:28; Rom 10:5; Gal 3:12

6 ^a‘Nan lakih zohman in a taklawngnak hlîp dingah mai sungkhat nai zokhal nan pan lo pei, keimah cu Jehovah ka si. 7 ^bNa paih taklawngnak simaw, na nuih taklawngnak simaw na hlîp lo pei. Anih cu na nu a si; a taklawngnak na hlîp lo pei. 8 ^cNa nu-eiih taklawngnak na hlîp lo pei; cumi cu na paih taklawngnak a si. 9 ^dNan inn ih a suak mi, asilole hmun dangih a suak mi a si khalah na paih fanu, asilole na nuih fanu a si mi na farnuih taklawngnak, an taklawngnak na hlîp lo pei. 10 Na fapaih fanu simaw, na fanuih fanu simaw ih taklawngnak na hlîp lo pei; ziangahtile annihih taklawngnak cu nangmai taklawngnak khal a si. 11 Na paih nupi-ih fanu, na pa ih hrin miih taklawngnak na hlîp lo pei, anih cu na farnu a si. 12 ^eNa ni-ih taklawngnak na hlîp lo pei; anih cu na paih sungkhat nai a si. 13 Na nuseuih taklawngnak na hlîp lo pei, ziangahtile anih cu na nuih sungkhat nai a si. 14 ^fNa paseuih taklawngnak na hlîp lo pei. A nupi na pan lo pei; anih cu na nute a si. 15 ^gNa fapa nupi-ih taklawngnak na hlîp lo pei, anih cu na fapa nupi a si, a taklawngnak na hlîp lo pei. 16 ^hNa unaupaih nupi-ih taklawngnak na hlîp lo pei, cumi cu na unaupaih taklawngnak a si. 17 ⁱNunau pakhat le a fanuih taklawngnak na hlîp lo pei, cu nuih taklawngnak hlîp ding khalin, a fapaih fanu siseh, a fanuih fanu siseh na ṭhi lo pei. Annih cu cu nuih sungkhat nai an si. Cumi cu sualralnak a si. 18 ^jA unau dang a nun laiah a taklawngnak hlîp dingin nunau pakhat cu a unau khîngpi si dingin na neicih fawn lo pei.

18:6^a Pui 20:11-12, 17-21

18:7^b Dnp 27:20; Eze 22:10

18:8^c Sem 35:22; 49:4; Dnp 22:30; 2Sam 16:21-22; 1Ko 5:1

18:9^d Dnp 27:22; 2Sam 13:13; Eze 22:11

18:12^e Suah 6:20

18:14^f Pui 20:20

18:15^g Sem 11:31; 38:12-26; Eze 22:11

18:16^h Dnp 25:5; Mat 14:4; Mar 6:18

18:17ⁱ Dnp 27:20

18:18^j Sem 30:1

19 ^a‘A thianlonak dān kel a neih laiah a taklawngnak hlîp dingin nunau pakhat na pan fawn lo pei. 20 ^bCuihhleiah amah thawn bawrhbangawter dingah, na innhnen nupi na ihpi fawn lo pei. 21 ^cCule na cithlahpawl zohman Molek hrangah mei sungah na lutter lo pei, na Pathian hmin khal na bawrhbangter lo pei, keimah cu Jehovah ka si.

18:19^a Pui 12:2; Eze 18:6; 22:10

18:20^b Suah 20:14; Thf 6:29; Mat 5:28; 1Ko 6:9; Heb 13:4

18:21^c Suah 6:2; 2San 28:1-4; Eze 16:20; 20:31; 23:37; Mal 1:12

Mipa le Mipa Pawlawk Khamnak

22 ^a‘Nunau ihpi vekin mipa na ihpi lo pei. Cumi cu thil fihnungza a si. 23 ^bAmah thawn bawrhbangawter dingin ṭilva pakhat khat khal na pâwl lo pei. Rannung thawn pawlaw dingin nunau cu rannung hmaiah a ding lo pei. Cumi cu thil linglet a si.

18:22^a Sem 19:5; Lai 19:22; Rom 1:27; 1Ko 6:9; 1Ti 1:10

18:23^b Suah 22:19

24 ^a‘Hi thilpawl lakih pakhat khat thawn bawrhbangawter hlah uh; hipawl ruangah a si, nan hmaiih ka dawisuak ding mi miphunpawl an bawrhbang ṭheh. 25 ^bZiangahtile ram cu a bawrhbang a si; curuangah a mawhsualnak a parah ka lehrūl ding ih, ram in a luahtupawl a khaksuak ṭheh a si. 26 ^cCuruangah ka sakhaw dānpawl le ka zīn le dān pawl nan thlun pei ih, nanmai miphun lakih pakhat khat in siseh, nan lakih cêng ram dang mi pakhat khat in siseh, hi thil fihnungza pawl hi pakhat hman nan tuah lo pei. 27 ^dZiangahtile nan hlanih a rak um mi cuih rammipawl in hi thil fihnungza pawl hmuahhmuah hi an rak tuah ih, cutin ram cu a bawrhbang a si. 28 ^eCu lo asile nan hlanih miphunpawl a rak khaksuak bangin, cuih ram nan bawrhbanter tikah nannih khal cuih ram cun a lo khaksuak ve pang ding.

18:24^a Dnp 9:4; 12:29-31

18:25^b Mip 35:34; Dnp 9:5; 21:23; Job 20:15; Jer 2:7; 16:18

18:26^c Sem 26:5; Dnp 4:1-2

18:27^d Dnp 20:18

18:28^e Ezr 9:1; Ṭah 1:17; Eze 36:17

29 ^a‘Ziangahtile zokhal himi fihnungza thilpawl lakih pakhat khat a tuah sual tu cu an mipawl lak ihsin sahcat a si ding. 30 ^bCuruangah nannih in ka thucah nan thlun pei, cutin nan hlanih an rak tuah sual mi himi fihnungza nunphungpawl lakih pakhat hman tuah sual hlah uh, cutin cupawl hmangin nanmah le nanmah nan bawrhbangawter lo ding a si, keimah cu Jehovah nan Pathian ka si,’ tiin sim aw,” tiah a ti.

18:29^a Suah 12:15; Pui 17:10; 20:6

18:30^b Pui 20:23

19

Ni Tin Nun Dān

1 Jehovah in Mosi hnenah, 2 ^a“Israel tefa umkhawm zaten be awla, an hnenah, ‘Nan thianghlim ding a si, ziangahtile kei, Jehovah nan Pathian cu ka thianghlim a si.

19:2^a Suah 15:11; 19:6; Pui 20:7, 26; 1Pe 1:16

3 ^a‘Nan lakih mi tin in nan nu le nan pa nan upat pei ih, ka Sabbath-pawl nan ul pei. Keimah cu Jehovah nan Pathian ka si.

19:3^a Suah 20:12; Dnp 5:6; Thf 6:20; 20:8; 31:13

4 ^a‘Milempawl lam nan hawi lo pei, nan hrangah burcawp pathianpawl khal nan tuah lo pei. Keimah cu Jehovah nan Pathian ka si.

19:4^a Suah 20:4; Lai 17:3; Sam 96:5; 1Ko 10:14; 1Joh 5:21

5 ^a‘Cule Jehovah hnenah Remnak Thilhlăn raithawinak nan hlăn asile, cumi cu nanmai lungpuak rori in nan hlan pei. 6 ^bCumi cu nan thawi ni lala le a thaisun ah ei a si pei, cule a ni thumnak tiang a tāng mi a um asile, cumi cu meisa in ur a si pei. 7 ^cA ni thumnak ih ei asile, cumi cu thil fihnungza a si. Cumi cu cohlan a si lo pei. 8 ^dCuruangah mi kip a eitu cun anmai mawhsualnak an phur pei, ziangruangahtile Jehovah-ih thilhlăn thianghlim a thangseter a si; cule cu pa cu a mipawl lak ihsin sahcat a si pei.

19:5^a Pui 3:1-17

19:6^b Pui 7:11-17

19:7^c Pui 7:18-21

19:8^d Sem 17:14; Mip 18:32

9 ^a‘Nan ram ah thlairawl rah nan ah tikah, na ló kĕlkawm ihta tiang na at thluh lo pei ih, na thlairawl rah hrelh mipawl khal na sar fawn lo pei. 10 ^bCule na sabit ṭil na sar lo pei ih, na sabit hmuan ih sabit rah zaten na khawm thluh lo pei; mifarah le mikhual hrangah na hlah ding a si. Keimah cu Jehovah nan Pathian ka si.

19:9^a Dnp 24:19-22; Rut 2:15; Job 24:10

19:10^b Dnp 24:19-21

11 ^a‘Rûk nan ru lo pei, thuphan nan per lo pei, pakhat le pakhat nan bumaw lo pei. 12 ^bCule dik lo takin ka hmin sâlin sia nan săm lo pei, na Pathian hmin na bawrhbangter lo pei. Keimah cu Jehovah ka si.

19:11^a Suah 20:15-16; Jer 9:3-5; Luk 3:14; Efe 4:25

19:12^b Dnp 5:11; 18:19; Thf 18:10; Isa 42:8; Jer 5:2; Mal 3:5; Mat 5:33

13 ^a‘Na innhnen thil dik lo zetin na lâksak lo pei, na innhnen khal na suam fawn lo pei. Na hlawhfa-ih nihlawh man cu zing lam tiang zanvar na hnenah na hrensak lo pei. 14 ^bHnaset na camse lo pei, mitcaw hmaiah bahnak na ret fawn lo pei, cuhnakin na Pathian na ṭihzah sawn pei. Keimah cu Jehovah ka si.

19:13^a Suah 20:15; 22:15; Dnp 24:15; Jer 22:3; Mat 20:8; 1Ti 5:18; Jam 5:4

19:14^b Suah 4:11; Dnp 27:18; Rom 12:14

15 ^a‘Thuṭhennak ah diklonak na tuah lo pei. Mifarah na thleidang lo pei, milian na upat cuangce fawn lo pei. Dingfelnak in na innhnen thu na ṭhensak pei. 16 ^bNa mipawl lakah mirel setu siin na vâkkual lo pei; na innhnen ^cnunnak dokalhin thutheihpitu na si fawn lo pei. Keimah cu Jehovah ka si.

19:15^a Suah 23:2; Dnp 10:17; 16:19; 24:17; Thf 24:23; 28:21; Mal 2:9; Jam 2:1-4

19:16^b Suah 23:7; Dnp 10:17; Sam 15:3; Jer 6:28; Eze 22:9, 12

19:16^c nunnak: A ṭawng hrampi Hebru ah cun thisen ti a si.

17 ^a‘Na thinlung in na unau na hua lo pei. Amah ruangih sual na phurhlonak dingah na innhnen na kawk tengteng pei. 18 ^bPhulei na sám lo pei, na phunpipawlih tefapawl parah thincin na nei fawn lo pei, cuhnakin nangmah le nangmah na duhdawtawk vekin na innhnen na duhdaw sawn pei. Keimah cu Jehovah ka si.

19:17^a Mat 18:15; Efe 4:26; 1Joh 2:9, 11

19:18^b Sem 4:23; Dnp 32:35; Sam 103:9; Mat 5:43; Luk 10:27; Rom 12:19; 13:9; Gal 5:14; Heb 10:30

Ka Sakhaw Dānpawl Thlun Uh

19 ^a‘Ka sakhaw dānpawl nan thlun pei. Sumhnám phun dangdang ci na thlahawter lo pei. Na ló ah thlaici dangdang na cingrawi lo pei. Pat zai fêmte le tuu hmul tahrawi mi sinfen na hruh lo pei.

19:19^a Sem 26:5; Dnp 22:9, 11

20 ^a‘Tlen hrih lo mi simaw, luatter hrih lo mi simaw, mipa pakhat ih sál si dingah, ham cia mi nunau pakhat a ihpitu pauhpauh cu himi ruangah hremnak a um pei; asinan anmah cu thah an si lo pei, ziangruangahtile cuih nunau cu miluat a si lo. 21 ^bCule Mawh Thilhlăn hrangah tuu cang pakhat cu Tawnawknak Puanthlam luhnak ih Jehovah hnenah amai Mawh Thilhlăn hrangah a rak keng pei. 22 ^cPuithiam in a tuah sual zo mi a sualnak ruangah Jehovah hmaiah Mawh Thilhlăn tuu cang in a hrangah sualkhuhthawinak a tuah pei. Cule a tuah sual zo mi a sualnak cu ngaidam a si ding.

19:20^a Suah 21:20-21; Dnp 22:23-27

19:21^b Pui 5:1-6; 6:1-7

19:22^c Pui 4:20, 26

23 ‘Kanaan ram nan luh ih, rawl hrangih thingkung a phunphun nan phun tikah, an rah cu thiang lo zetah nan ruat pei. Kum thum sung nan hrangah thiang lo zet an si pei. Cumi cu ei ding a si lo. 24 ^aAsinan a kum litnak ah cun thingthei rah zaten Jehovah thangṭhatnak hrangah an thianghlim ṭheh ding a si. 25 Cule a kum ngatnak ah an rah nan ei ding, cutin thingkungpawl in nan hrangah rah tam sinsinin an rah ding. Keimah cu Jehovah nan Pathian ka si.

19:24^a Suah 22:29

26 ^a‘Zianghman thisen thawn nan ei lo pei, simsung thiamnak simaw, aizoh thiamnak simaw nan hmang lo pei. 27 ^bNan lu kimvelin nan met lo pei, pianzia nei loin na khabe hmul sirpawl na ziat fawn lo pei. 28 ^cMithi ruangah nan taksa nan hriatpem lo pei, nan taksa parah hminsinnak ṭial nan tuah fawn lo pei. Keimah cu Jehovah ka si.

19:26^a Sem 9:4; 30:27; Suah 22:18; Pui 7:26-28; 2Sp 17:17; Isa 44:25

19:27^b Dnp 14:1; 2Sam 10:4; Jer 41:5

19:28^c Dnp 14:1; 1Sp 18:28; Jer 16:6

29 ^a‘Na fanu cu hlawhhlang cang dingah, na zuarawter lo pei, culole ram cu hlawhhlannak ah a tlulut ding ih, ram cu sualralnak in a khat pang ding.

19:29^a Sem 34:7; Dnp 22:21; 23:18

Sabbath Ul Uh

30 ^a‘Ka Sabbath-pawl nan ul pei ih, ka hmun thianghlim nan zah pei, keimah cu Jehovah ka si.

19:30^a Suah 20:8; Pui 15:31

31 ^a‘Thlaraukawh thiam pawl le polpawl pan hlah uh; lo bawrhbangter dingin annihpawl cu hawl hlah uh, keimah cu Jehovah nan Pathian ka si.

19:31^a Suah 22:18; Pui 20:27; 1Sam 28:3-25

32 ^a‘Ṭuakpar hmaiah na tho pei ih, patar mithmai cu na zah pei, cule na Pathian ṭihzah aw. Keimah cu Jehovah ka si.

19:32^a 1Sp 2:19; 12:8; Job 29:8; 32:4; Thf 23:22; Ṭah 5:12; 1Ti 5:1

33 ^a‘Cule nan ram sungah na zawngih ram dang mi a cēn asile, amah cu na tuah se lo pei. 34 ^bNan lakih cêng ram dang mi cu nanmai miphun lakih mi pakhat vek rori a si pei, cule nangmah na duhdawtawk vekin amah cu na duhdaw pei; ziangahtile nannih khal Izip ram ah mikhual nan rak si dah ve. Keimah cu Jehovah nan Pathian ka si.

19:33^a Suah 22:21

19:34^b Suah 12:48-49; 22:21; 23:9; Dnp 10:19; Sam 146:9; Mat 5:43

35 ^a‘A sau lam, a rih lam, asilole a tum lam tahnak ah thuṭhennak dik lo nan tuah lo pei. 36 ^bKhīngkhainak dik, cuailung dik, efa dik le kalān dik nan hmang pei. Keimah cu Izip ram ihsin a lo hruaisuaktu Jehovah nan Pathian ka si.

19:35^a Dnp 25:13-16; Eze 45:10

19:36^b Suah 12:17; 20:2; Lai 6:19; Rut 2:17; Thf 20:10; Eze 45:10-11

37 ^a‘Curuangah ka sakhaw dānpawl hmuahhmuah le ka zīn le dān pawl hmuahhmuah nan thlun pei ih, cupawl cu nan tuah pei. Keimah cu Jehovah ka si,’ tiah sim hai aw,” tiin a sim.

19:37^a Sem 26:5; Dnp 4:5-6; Sam 119:5; Eze 18:9

20

Pathian Biaknak Dān Pahbăltu hrang Dāntatnak

1 Jehovah in Mosi hnenah, 2 ^a“Nang in Israel-mipawl hnenah, ‘Israel tefapawl siseh, Israel ram ih um ram dang mi siseh, Molek hnenih a cithlahpawl lakih pakhat khat a petu pauhpauh cu thah tengteng an si pei. A ram mi senpi in amah cu lungto in an deng pei. 3 ^bKa hmun thianghlim le ka hmin thianghlim bawrhbangter dingin, Molek hnenih a cithlah hrekkhat a pek ruangah, cu pa dokalhin ka hmai ka hawih ding ih, a mipawl lak ihsin ka ^csâtcat ding. 4 ^dCule Molek hnenih a cithlah hrekkhat a pek laiah, cu pa cu ram mi senpi in ziangti zawng khalin an mit huhsanin, amah cu an thah lo asile, 5 ^ecu pa dokalhin siseh, a hrin dokalhin siseh, ka hmai ka hawih ding; cule Molek hnenih hlawhhlannak sual tuah dingih amah thawi tawzuar hmuahhmuah le cu pa cu a mipawl lak ihsin ka sâtcat ding.

20:2^a Sem 26:11; Pui 18:21; Dnp 21:21; Jos 7:25

20:3^b Sam 74:7; Eze 5:11; 1Pe 3:12

20:3^c sâtcat: Sem 17:14 simfiangnak zoh aw.

20:4^d Dnp 13:8; 17:2-5; 1Sp 20:42; Thu 2:14

20:5^e Pui 17:10

6 ^a‘Cule thlaraukawh thiam pawl le polpawl pan ih, anmah thawi mah le mah tawzuar cu, amah dokalhin ka hmai ka hawih ding ih, amah cu a mipawl lak ihsin ka sâtcat ding. 7 ^bCuruangah nanmah le nanmah serhhranaw uhla, thianghlim uh, ziangahtile keimah cu Jehovah nan Pathian ka si. 8 ^cCule ka sakhaw dānpawl nan thlun pei ih, nan tuah pei, keimah cu a lo tithianghlimtu Jehovah ka si.

20:6^a Dnp 18:10-14

20:7^b Suah 6:2; 29:1; Pui 19:2; Efe 1:4; 1Pe 1:16

20:8^c Sem 26:5; Suah 31:13; Pui 18:4-5; Eze 20:12

Innsungsang Dān pahbăltu hrang Dāntatnak

9 ^a‘Ziangahtile a pa simaw, a nu simaw camsetu pauhpauh cu thah tengteng ding a si. Anih in a pa simaw, a nu simaw a camsiat a si. Amai thisen cu a parah a um ding.

20:9^a Suah 20:12; 21:17; Dnp 21:20-21; 22:30; 27:16; Jos 2:19; 2Sam 1:16; 1Sp 2:37; Thf 20:20; Eze 18:13; 22:7; Mal 1:6; Mat 15:4; Mar 7:10

10 ^a‘Mi nupi thawi uiretu cu a innhnen nupi thawi uire a si ih, a uiretu pa le a uiretu nu cu thah tengteng ding an si. 11 ^bA paih nupi a ihpitu pa cun a paih taklawngnak a hlîp a si; an pahnih in thah tengteng ding an si. An thisen cu anmai parah a um ding. 12 ^cMi pakhat cu a fapaih nupi a ihpi asile, an pahnih in thah tengteng ding an si. Thil linglet an tuah a si. An thisen mawh cu anmai parah a um ding.

20:10^a Sem 38:24; Suah 20:14; 21:12; Pui 18:20; Dnp 5:18

20:11^b Dnp 27:20

20:12^c Sem 11:31

Hursualnak parih Dāntatnak

13 ^a‘Mi pakhat cu nunau a ihpi vekin mipa a ihpi asile, an pahnih in fihnungza sual an tuah a si. Anmah cu thah tengteng ding an si. An thisen mawh cu anmai parah a um ding. 14 ^bMi pakhat in nunau pakhat le a nu a ṭhit asile, cumi cu sualralnak a si. Nan lakih sualralnak a um nawn lo nak dingah, cu pa le anmah cu meisa ih ur ding an si. 15 ^cMi pakhat cu ṭilva a pāwl asile, cu pa cu thah tengteng ding a si ih, cuih ṭilva khal nan that pei. 16 Nunau pakhat cu ṭilva panin a pawl asile, cu nu le cuih ṭilva cu na that pei. Anmah cu thah tengteng ding an si. An thisen mawh cu anmai parah a um.

20:13^a Sem 19:5; Lai 19:22; Rom 1:26-27; 1Ko 6:9; 1Ti 1:10

20:14^b Mip 16:39; Dnp 27:23; Jos 7:15, 25; Lai 14:15

20:15^c Suah 22:19; Pui 18:23; Dnp 27:21

17 ^a‘Mi pakhat in a paih fanu maw, a nuih fanu a si mi a farnu simaw neiin, cu nuih taklawngnak a hmu ih, cu nu in cu paih taklawngnak a hmuh asile, cucu thil zahthlak a si. Cule anmah cu an mi senpi mithmuh ihsin sahcat an si pei. A farnuih taklawngnak a hlîp a si. Amai mawhsualnak cu amah in a phur ding. 18 ^bMi pakhat cu nunau pakhat kha a nunau dān a neih laiah a ihpi ih a taklawngnak a hlîp asile, a thi put mi kha a langter ih, cu nu khal in a thi pûtnak a hlîp a si. An pahnih in an mipawl lak ihsin sahcat an si ding.

20:17^a Sem 17:14; Dnp 27:22

20:18^b Eze 18:6; 22:10

19 ^a‘Na nuih unaunu simaw, na paih farnu simaw ih taklawngnak na hlîp ding a si lo, ziangahtile amai sungkhat nai hlîp a si ding. An mawhsualnak anmah in an phur ding. 20 ^bMi pakhat in a paseu nupi a ihpi asile, a paih unau-ih taklawngnak a hlîp a si. An sualnak anmah in an phur ding; fa loin an thi ding. 21 ^cMi pakhat in a unaupaih nupi a neih asile, cucu thil thiang lo a si. A unaupaih taklawngnak a hlîp a si. Fa loin an um ding.

20:19^a Suah 6:20

20:20^b Sem 15:2

20:21^c Mat 14:3-4; Mar 6:18

22 ^a‘Curuangah ka sakhaw dānpawl hmuahhmuah le ka zīn le dān pawl hmuahhmuah nan thlun pei ih, nan tuah pei, cutin nan cēnnak dingih ka lo hruainak ram in a lo khaksuak lo ding. 23 ^bCule nan hmaiih ka dawisuak ding mi miphunih sakhaw dānpawl nan thlun lo pei; ziangahtile annih in hi thil hmuahhmuah hi an rak tuah, curuangah ka fih hai a si. 24 ^cAsinan kei in nan hnenah, “An ram cu ro ah nan co ding ih, hnawi ti le khuai tizu luannak ram, cuih ram cu nan neih dingah ka lo pe ding,” tiah ka lo sim zo kha! Keimah cu miphun dang lak ihsin a lo thliardangtu Jehovah nan Pathian ka si.

20:22^a Sem 26:5; Eze 36:27

20:23^b Dnp 9:5; 12:30-31; Jer 10:12

20:24^c Suah 3:8; 33:1-3, 16; Mip 14:8

25 ^a‘Curuangah rannung thiang le thiang lo, vate thiang le thiang lo nan thleidang pei ih, nan hnen ihsin thiang loih ka thliardan mi ramsa in simaw, vate in simaw, leilung parih bawkvâk thilnung phun khat khat in simaw, nanmah le nanmah fihnungza ah nan tuahaw lo pei. 26 ^bCule nannih cu ka hrangah nan thianghlim ding a si, ziangahtile kei Jehovah cu ka thianghlim ih, keimai ta si dingah, miphun dang pawl lak ihsin ka lo thliardang zo.

20:25^a Dnp 14:3-21; Mar 7:19; Apo 10:11-15

20:26^b Suah 33:16; Dnp 14:2; Jos 24:19; 2Sp 19:22; Sam 99:5, 9

27 ^a‘Mipa simaw, nunau simaw, thlaraukawh thiam pawl le polpawl cu thah tengteng ding an si; annih in cupawl cu lungto in an deng pei. An thisen mawh cu anmai parah a um ding,’ tiin na sim pei,” tiah a ti.

20:27^a Suah 22:18; Pui 20:6

21

Puithiampawl hrang Dān

1 ^aJehovah in Mosi hnenah, “Aaron-ih fapa puithiampawl sim awla, an hnenah, ‘Zohman in a mipawl lakih mithi ruangah a bawrhbangawter lo pei, 2 amah naihtu bik a sungkhat a si mi: a nu, a pa, a fapa, a fanu le a unaupa le 3 amah naihtu a farnu fala him, pasal nei dah lo pawl ruang lawngah a bawrhbangawter thei. 4 Asinan a mipawl lakih hotu a si ruangah amah le amah bawrhbangawter dingin mithiang lo ah a tuahaw lo pei. 5 ^bPuithiampawl cun an lu par khui tawk hman an metkawlh lo pei, an khabe hmul zim khal an ziat lo pei ih, an taksa an at-aw lo pei. 6 ^cAnnih cu an Pathian hrangah an thianghlim pei ih, an Pathian hmin an bawrhbangter lo pei, ziangahtile meisa ih ur mi Jehovah-ih thilhlănpawl le an Pathian-ih rawl an hlan; curuangah annih cu an thianghlim ding a si. 7 ^dHlawhhlang siseh, a bawrhbang mi nunau siseh, nupi ah an ṭhi lo pei, a pasal ih mâk zo mi nunau khal an ṭhi fawn lo pei; ziangahtile puithiam cu a Pathian hrangah a thianghlim a si. 8 ^eCuruangah amah cu na serhhran pei, ziangahtile anih cun na Pathian-ih rawl a hlan a si. Anih cu nan hrangah a thianghlim pei, ziangahtile kei Jehovah, a lo tithianghlimtu cu ka thianghlim a si. 9 Puithiam pakhat khat ih fanu cu hlawhhlang cannak in a bawrhbangawter asile, a pa a bawrhbangter a si. Cu nu cu meisa ih ur ding a si.

21:1^a Suah 28:1; Pui 10:6-7; 21:11; Mip 5:2

21:5^b Pui 19:27; Jer 7:29; Eze 5:1

21:6^c Suah 19:22; 29:44; Ezr 8:28

21:7^d Dnp 24:1-4; Eze 44:22

21:8^e Suah 28:41; 29:1; 31:13

10 ^a‘A lu ih hnih mi hriak tawih zo mi le sinfen hruh dingih serhhran zo mi, a unaupawl lakih puithiam lu bik cun a lukhuh a hlîp lo pei ih, a hnipuan a thlek fawn lo pei; 11 ^banih cu mithi ruak kiangah a feh lo pei, a nuih ruang, a paih ruang khalah a bawrhbangawter fawn lo pei; 12 ^chmun thianghlim ihsin a suak lo pei, a Pathian-ih hmun thianghlim a bawrhbangter fawn lo pei; ziangahtile a Pathian-ih serhhrannak hnih mi hriak cu a parah a um a si, keimah cu Jehovah ka si. 13 ^dCule anih cun nupi ah fala him a nei pei. 14 Anih cun hibang nuhmei maw, mâk mi nunau maw, a bawrhbang mi nunau maw, hlawhhlang simaw cu a ṭhi lo pei; a miphun lakih fala him kha a nupi ah a ṭhi sawn pei. 15 A miphun lakah a cithlah a bawrhbangter lo pei, ziangahtile keimah cu amah tithianghlimtu Jehovah ka si,’ tiin sim aw,” tiah a ti.

21:10^a Suah 29:7; Mat 26:65

21:11^b Mip 5:2; 6:7

21:12^c Suah 25:8; 28:41; Pui 8:9-12, 30

21:13^d Pui 21:7; Eze 44:22

16 Cule Jehovah in Mosi hnenah, 17 ^a“Aaron hnenah, ‘Na cithlah thlah sâwng vivo ah, taksa him lo mi cun, zohman in a Pathian rawl hlan dingin a pan thei lo ding. 18 ^bZiangahtile taksa him lo mipa pauhpauh cun an pan lo pei, cupawl cu: mitcaw, kebái, mithmai beheu mi, kutke hleifuan nei, 19 ke kiak, kut kiak, 20 ^ccun el kûn, mipingkirh, mit siat, vun thak nei, hma hnai nei le tilmu kuai mipawl an si. 21 Puithiam Aaron-ih cithlahpawl lakih taksa him lo mipa zohman in Jehovah hnenah meisa ih ur mi thilhlănpawl hlan dingin an ra naih lo pei. Anih cu taksa him lo a si; anih cun a Pathian-ih rawl hlan dingin a ra naih lo pei. 22 ^dAnih cun a thianghlim zet mi le a thianghlim mi a Pathian-ih rawl cu a phun hnih in a ei thei; 23 ^epuanzar lawngte a rak naih lo pei, asilole Biakṭheng a rak pan lo pei, ziangruangahtile anih cu a taksa a him lo, cu lo asile ka hmun thianghlim pawl a bawrhbangter pang ding; ziangahtile keimah cu anmah tithianghlimtu Jehovah ka si,’ tiin sim aw,” tiah a ti. 24 Cule cumi cu Mosi in Aaron le a fapapawl le Israel-mi zaten a sim hai.

21:17^a Pui 22:20-25

21:18^b 2Sam 4:4

21:20^c Dnp 23:1; Isa 56:3-5

21:22^d Mip 18:9-10; 1Ko 9:13

21:23^e Suah 25:8; Eze 44:9-14

22

Rawl Thianghlim Ei Thei Tu

1 Jehovah in Mosi hnenah, 2 ^a“Israel-mipawlih thil thianghlim pawl lak ihsin an serhhranawk thei nak dingah le ka hrangih an serhhran mi hmangin ka hmin thianghlim an bawrhbanterlonak dingah Aaron le a fapapawl sim hai aw, keimah cu Jehovah ka si. 3 ^bAn hnenah, ‘Nan tesinfa san tiangin nan cithlah hmuahhmuah lakih thianlonak a parih a um laifangih, Israel tefapawl in Jehovah hnenih an serhhran mi thil thianghlim pawl a naihtu pauhpauh cu ka hmaika ihsin sahcat an si pei. Keimah cu Jehovah ka si.

22:2^a Suah 20:7; Mip 18:23; Eze 44:8; Mat 5:33

22:3^b Mip 19:13; Ezr 8:28

4 ‘Aaron-ih cithlahpawl lakih miphar simaw, thil put nei mi simaw in amah a thianngah hlanlo, ziang vek thilhlăn thianghlim khal a ei lo pei. Cule zokhal mithi ruak ruangih a thiang lo mi thil, asilole a cihnâng a suak mi pa a daingahtu, 5 ^aasilole zokhal amah thiang lo ter thei tu bawkvâk thil a daingahtu, asilole mithiang loih a cangtu mi pakhat khat a daingahtu pauhpauh cu, a thianlonak cu ziang vek a si khalle, 6 ^bcuvek thil a daingahtu cu zan lam tiang mithiang lo a si pei ih, tidai in a taksa a khawlh lo ahcun, thilhlăn thianghlim pawl a ei lo pei. 7 ^cCule ni a tlak tikah anih cu a thiang pei; cule cuih hnuin thilhlăn thianghlim pawl a ei thei pei, ziangruangahtile cumi cu amai rawl a si. 8 ^dZiangkhal amah te a thi mi le sahrang ih a deh mi cu amah bawrhbangter dingin a ei lo pei. Keimah cu Jehovah ka si.

22:5^a Pui 11:43-44

22:6^b Pui 11:24-25; Hag 2:13

22:7^c Mip 18:11; Dnp 18:3-4

22:8^d Suah 22:31; Dnp 14:21

9 ^a‘Curuangah ka thucah an thlun pei, cu lo asile cumi hrangah an sualnak phurin, ka thucah an bawrhbanter tikah, cumi ruangah an thi ding. Kei Jehovah in anmah cu ka tithianghlim hai a si.

22:9^a Suah 28:38, 43; Pui 18:30

10 ^a‘Mi dang zohman in thilhlăn thianghlim an ei lo pei; puithiam hnenih a cêngtu mikhual le hlawhfa cun thil thianghlim an ei lo pei. 11 ^bAsinan puithiam in a ta dingah paisa in mi a lei asile, cu pa cun a ei thei; cule a inn ih a suaktu khal in a rawl cu a ei thei. 12 Puithiam fanu in ^ca leng mi a neih asile, cu nu cun thawhhlawm thianghlim pawl a ei thei lo ding. 13 ^dAsinan puithiam fanu cu a nuhmei, asilole mâk a tuar ih fa nei loin a paih inn ah a no lai vekin a ra kir a si ahcun, a paih rawl a ei ve thei ding; asinan mi dang zohman in cumi cu an ei lo pei. 14 ^eCule mi pakhat in tum lo piin thilhlăn thianghlim a ei pang asile, thilhlăn thianghlim cu puithiam a rūlsal pei ih, cumi ah ṭhen nga ṭhen khat a bêt pei. 15 ^fJehovah hnenih an hlăn mi Israel tefapawlih thilhlăn thianghlim pawl cu an bawrhbangter lo pei, 16 ^gasilole an thilhlăn thianghlim pawl einak in mi senpi cu mawhsualnak man phurhter sian ding an si lo; ziangahtile kei Jehovah in anmah cu ka tithianghlim hai a si,’ tiin sim aw,” tiah a sim.

22:10^a Suah 12:45; Mip 3:10

22:11^b Sem 17:13; Suah 12:44; Mip 18:11-13

22:12^c a leng mi: Jew si thotho siin, puithiam si lo mi a simnak a si.

22:13^d Mip 18:11-19

22:14^e Pui 5:16

22:15^f Mip 18:32; Eze 22:26

22:16^g Suah 28:38; Mip 18:11

Sawisel ding um lo Thilhlănpawl

17 Jehovah in Mosi hnenah, 18 ^a“Aaron le a fapapawl le Israel tefapawl hmuahhmuah sim awla, an hnenah, ‘Israel sungza mi pakhat khat in, asilole Israel ram sungih um ram dang mipawl lakih mi pakhat khat in Meiur Thilhlăn hrangih Jehovah hnenih an hlăn mi, amai thutiampawl lakih pakhat khat hrang, asilole amai lungpuak thawhhlawmpawl lakih pakhat khat hrangah a raithawinak a hlantu cun, 19 ^bnanmai lungpuak in ranpi rual lak ihta maw, tuu rual lak ihta maw, me rual lak ihta simaw, sawisel ding um lo a pa nan hlan pei. 20 ^cTaksa him lo pauhpauh cu nan hlan lo pei, ziangahtile cumi cu nan aiawhih cohlan theih a si lo pei. 21 ^dCule zokhal a thutiam, asilole a lungpuak thawhhlawm tlamtlingter dingah ranpi rualpawl lak ihta simaw, rante rualpawl lak ihta simaw, Jehovah hnenah Remnak Thilhlăn raithawinak a hlantu cu cohlan an sinak dingah sawisel ding um lo a si tengteng pei; a parah him lo a um ding a si lo. 22 ^eRannung mitcaw, ruh kiak, taksa kim lo, hma hnai pût nei, vun thak nei le hma hnai neipawl cu Jehovah hnenah nan hlan lo pei, Biakṭheng parah anmah hmangin Jehovah hnenah meisa ih thilhlăn nan tuah fawn lo pei. 23 Taksa hleifuan a sau simaw, a tawi simaw a neitu caw pa siseh, tuu siseh, lungpuak thawhhlawm hrangah na hlan thei, asinan thutiam hrangah cun cumi cu cohlan a si lo pei. 24 Ṭilva hmabaih mi siseh, taksa dup mi siseh, a pem mi siseh, sahpem mi siseh, Jehovah hnenah nan hlan lo pei; cupawl cu nan ram ah ziang vek thilhlăn khalah nan tuah fawn lo pei. 25 ^fRam dang mi kut in hipawl lakih pakhat hman nan Pathian rawl dingah nan hlan fawn lo pei, ziangruangahtile cupawl ah ṭhatlonak le himlonak an um. Nan aiah cohlan an si lo pei,’ tiah sim aw,” tiin a sim.

22:18^a Sem 28:20; Mip 15:8, 14; Jos 8:33; Sam 22:25

22:19^b Mip 28:11; Dnp 15:21

22:20^c Suah 28:38; Dnp 15:21; Eze 43:23; Mal 1:8; Heb 9:14; 1Pe 1:19

22:21^d Suah 12:5; 32:6; Amo 4:5; Mal 1:14

22:22^e Mal 1:8

22:25^f Mip 19:2

26 Cule Jehovah in Mosi hnenah, 27 ^a“Caw maw, tuu maw, me simaw a suah tikah a pi hnenah ni sarih sung a um pei; cule a ni riatnak ihsin le cuih hnuin cumi cu Jehovah hnenih meisa ih ur mi thilhlăn si dingah cohlan a si pei. 28 ^bCaw pi siseh, tuu pi siseh, ni khat ni ah a fāte thawn an pahnih in thattlang hlah uh. 29 ^cCule Jehovah hnenah lungawi thu sim thawinak nan hlăn tikah, nanmai lungpuak rori in hlan uh. 30 ^dNan hlăn mi cu a ni lala ah nan ei pei; a thaizing tiang zianghman nan hlah lo pei. Keimah cu Jehovah ka si.

22:27^a Suah 22:30; 28:38

22:28^b Suah 23:19; Dnp 22:6-7

22:29^c Heb 13:15

22:30^d Suah 16:19-20

31 ^a“Curuangah ka thupekpawl nan thlun pei ih, nan tuah pei. Keimah cu Jehovah ka si. 32 Ka hmin thianghlim nan bawrhbangter lo pei, cuhnakin Israel tefapawl lakah mithianghlim ka si sawn pei. Keimah cu ^bJehovah Mekkadesh, 33 ^cnan Pathian si dingih Izip ram ihsi a lo hruaisuaktu ka si. Keimah cu Jehovah ka si,” tiin a sim.

22:31^a Mip 15:40; Dnp 4:2, 40; Sam 105:45

22:32^b Jehovah Mekkadesh: “A lo tithianghlimtu Jehovah” tinak a si.

22:33^c Sem 17:7; Suah 6:6

23

Puaipawl

1 Jehovah in Mosi hnenah, 2 ^a“Israel tefapawl hnenah, ‘Jehovah-ih puaipawl, tawnkhawmawknak thianghlim pawl tiih nan phuan ding mi, ka puaipawl cu hipawl hi an si. 3 ^bNi ruk sung hna nan ṭuan pei, asinan a ni sarihnak cu cawlhnak Sabbath hleice, tawnkhawmawknak thianghlim a si. Cuih ni ah zianghman nan ṭuan lo pei; cumi cu nan cēnnak hmunpawl hmuahhmuah ah Jehovah-ih Sabbath a si.

23:2^a Mip 29:39; Eze 44:24; Kol 2:16

23:3^b Suah 20:9-10; Heb 4:9-10

Lanta Puai le Thilnu telh lo Sang Puai

4 ^a‘Hipawl cu anmai cān khiah ciar ih nan phuan ding mi, tawnkhawmawknak thianghlim pawl, Jehovah-ih puaipawl an si. 5 ^bA thla khatnak ni hleilitnak khawthim zawng cu Jehovah-ih Lanta Puai a si. 6 ^cCule cuih thla a ni hleingatnak cu Jehovah hrangih Thilnu telh lo Sang Puai a si; ni sarih sung thilnu telh lo sang nan ei tengteng pei. 7 ^dA ni khatnak ah tawnkhawmawknak thianghlim nan nei pei, hna kel nan ṭuan lo pei. 8 Asinan Jehovah hnenah meisa ih ur mi thilhlăn ni sarih sung nan hlan pei. A ni sarihnak cu tawnkhawmawknak thianghlim a si pei, hna kel nan ṭuan lo pei,’ tiah sim hai aw,” tiin a sim.

23:4^a Suah 23:14; Nah 1:15

23:5^b Suah 12:6, 11

23:6^c Suah 12:17, 19

23:7^d Mip 28:18

Rah Hmaisabik Puai

9 Jehovah in Mosi hnenah, 10 ^a“Israel tefapawl sim awla, an hnenah, ‘Ka lo pek mi ram ih nan luh tikah, cuih ram ih thlairawl rah nan at ding, cun nan thlairawl khawm mi lakih rah hmaisabik tēl khat cu puithiam hnenah nan rak keng pei. 11 ^bNan aiih cohlan a sinak dingah, anih in Jehovah hmaiah thlaithar tēl cu a sēp pei; cumi cu puithiam in Sabbath thaisun ah a sēp pei. 12 ^cCule cuih sun ih thlaithar tēl nan sēp tikah, Meiur Thilhlăn dingah, kum khat ti sawisel ding um lo tuu fa no a pa kha Jehovah hnenah nan hlan pei. 13 ^dCuih Thlairawl Thilhlăn cu hriak rawi cia sangvut phut efa khat ih ṭhen hra ṭhen hnih a si pei. Cumi cu rimthaw si dingah Jehovah hnenih meisa ih ur mi thilhlăn a si; cule cumiih Inding Thilhlăn cu, sabit zu kalān khat ih ṭhen li ṭhen khat a si pei. 14 ^eNan Pathian hnenih thilhlăn nan rak ken ni tiangin sang siseh, kăn mi thlairawl siseh, thlairawl hring siseh, nan ei lo pei. Cumi cu nan cēnnak hmuahhmuah ah nan tesinfa san tiangin sakhaw dān a si kumkhua pei.

23:10^a Suah 22:29; Mip 15:2; Rom 11:16

23:11^b Suah 28:38; 29:24; Pui 10:14

23:12^c Suah 12:5

23:13^d Sem 35:14; Mip 15:6

23:14^e Suah 34:26; Mip 10:8; Jos 5:11; Rut 2:14; 1Sam 17:17; 2Sam 17:28; Jer 2:3

Zarhkar Sarih hnu Puai

15 ‘Sēp thilhlăn thlaithar tēl nan rak ken ni, Sabbath ni a thaisun ihsin nanmai hrangah nan siar pei, Sabbath vei sarih a kim ding a si. 16 ^aA vei sarihnak Sabbath ni ih a thaisun tiang ni 50 siar uh; cun cuih sun ah Jehovah hnenah Thlairawl Thilhlăn thar nan hlan pei. 17 ^bNan cēnnak hmun ihsin efa khat ih ṭhen hra ṭhen hnih a ti mi sēp thilhlăn hrangah sang hlăwm hnih nan rak keng pei. Cupawl cu sangvut phut an si pei, cupawl cu thilnu thawn kăn an si pei. Jehovah hrangih rah hmaisabik an si. 18 ^cCule sang thawn kum khat a ti mi, sawisel ding um lo tuu fa no pasarih le caw pa tûai pakhat le tuu cang pahnih nan hlancih pei. Jehovah hrangih rimthaw si dingah, meisa ih ur mi thilhlăn a si mi an Thlairawl Thilhlăn le an Inding Thilhlănpawl thawn, cupawl cu Jehovah hnenih Meiur Thilhlăn a si. 19 Cun Sual Thilhlăn hrangah mêpawl lak ihsin me pa tûai pakhat le Remnak Thilhlăn raithawinak hrangah kum khat ti tuu fa no a pa pahnih in rai nan thawi pei. 20 ^dCupawl cu puithiam in Jehovah hmaiih sēp thilhlăn hrangah rah hmaisabik sang le tuu fa no pahnih thawn a sēp pei. Cupawl cu puithiam hrangah Jehovah hnenah an thianghlim ding. 21 ^eCule cuih ni lala ah himi cu nan hrangah tawnkhawmawknak thianghlim a si tiah nan phuang pei. Cuih ni ah cun hna kel zianghman nan ṭuan lo pei. Cumi cu nan cēnnak hmun hmuahhmuah ah nan tesinfa san tiangin sakhaw dān a si kumkhua pei.

23:16^a Apo 2:1

23:17^b Suah 34:22

23:18^c Suah 29:41; Jer 19:13

23:20^d Suah 29:24; Dnp 18:14

23:21^e Suah 32:5

22 ^a‘Nan ram ih thlairawl rah nan ah tikah, na ló kĕlkawm tiangin na at thluh lo pei ih, na thlairawl rah hrelh mi pakhat hman na sar fawn lo pei. Cupawl cu mifarah le mikhual hrangah na hlah pei, keimah cu Jehovah nan Pathian ka si,’ tiah sim hai aw,” tiin a sim.

23:22^a Dnp 24:19-21; Rut 2:2, 15

Tawtawrawt Phawt Puai

23 Jehovah in Mosi hnenah, 24 ^a“Israel tefapawl hnenah, ‘Thla sarihnak, cuih thla a ni khatnak ah hngilhlonak tawtawrawtpawl phawtnak, tawnkhawmawknak thianghlim pakhat, Sabbath cawlh nan nei pei. 25 Cuih ni ah cun hna kel zianghman nan ṭuan lo pei ih, Jehovah hnenih meisa ih ur mi thilhlăn nan hlan pei,’ tiin sim aw,” tiah a ti.

23:24^a Mip 10:9-10; 2Sp 11:14; 2San 13:12; Ezr 3:1

Sualkhuhthawinak Ni

26 Jehovah in Mosi hnenah, 27 ^a“Himi thla sarihnak a ni hratnak khal Sualkhuhthawinak Ni a si pei. Cuih ni cu nan hrangah tawnkhawmawknak thianghlim a si pei. Nan phahniamaw pei ih, Jehovah hnenih meisa ih ur mi thilhlăn nan hlan pei. 28 ^bCule cuih ni ah hna nan ṭuan lo pei, ziangahtile cumi cu nan hrangah Jehovah nan Pathian hmaiih Sualkhuhthawinak Ni a si. 29 ^cZiangahtile zokhal cuih ni thotho ih phahniamaw lo tu cu, a miphun lak ihsin sahcat a si pei. 30 Cule zokhal cuih ni thotho ih hna pakhat khat a ṭuantu, cu pa cu a mipawl lak ihsin ka hloralter ding. 31 Ziang vek hna phun hman nan ṭuan lo pei; cumi cu nan cēnnak hmunpawl hmuahhmuah ah nan tesinfa san tiangin kumkhaw sakhaw dān a si pei. 32 ^dCumi cu nan hrangah cawlhnak Sabbath hleice a si ih, nan phahniamaw pei; cuih thla a ni kuatnak zan lam ihsi thawkin a thaisun zan lam tiang nan Sabbath nan hmang pei,” tiin a sim.

23:27^a Suah 30:10

23:28^b Pui 16:34

23:29^c Sem 17:14; Mip 5:2

23:32^d Neh 13:19

Bûkte Puai

33 Cun Jehovah in Mosi hnenah, 34 ^a“Israel tefapawl hnenah, ‘Himi thla sarihnak ih ni hleingatnak cu Jehovah hrangih ni sarih Bûkte Puai a si pei. 35 ^bA ni khatnak ah tawnkhawmawknak thianghlim a um pei. Cuih ni ah hna kel nan ṭuan lo pei. 36 ^cNi sarih sung Jehovah hnenih meisa ih ur mi thilhlăn nan hlan pei. A ni riatnak ah tawnkhawmawknak thianghlim nan nei pei ih, Jehovah hnenih meisa ih ur mi thilhlăn nan hlan pei. Cumi cu tawnkhawmawknak hleice a si ih, cuih ni ah hna kel zianghman nan ṭuan lo pei.

23:34^a Suah 23:16; 1Sp 8:2; Hag 2:1; Joh 7:2

23:35^b Pui 23:25

23:36^c 1Sp 8:2; 2San 7:9; Neh 8:18

37 ^a‘Hipawl cu Jehovah hnenih meisa ih ur mi thilhlăn a si mi Meiur Thilhlăn le Thlairawl Thilhlăn, raithawinak le Inding Thilhlănpawl, ziangkim anmai ni ciar ah hlan dingin tawnkhawmawknak thianghlim si dingih nan phuan ding mi; 38 ^bJehovah-ih Sabbath-pawl hleiah, nan thilpekpawl hleiah, nan thutiampawl hmuahhmuah hleiah le Jehovah hnenih nan pek mi nan lungpuak thawhhlawmpawl thawn Jehovah-ih puaipawl tla an si.

23:37^a Mip 28:1-29

23:38^b Suah 20:10; 2San 2:4; Eze 45:17

39 ^a‘Cuih ram ih a rahsuah mi nan khawm ṭheh tikah, a thla sarihnak ni hleingatnak khalah, ni sarih sung Jehovah-ih puai nan tuah pei; a ni khatnak ah Sabbath cawlh a um pei ih, a ni riatnak ah Sabbath cawlh a um pei. 40 ^bCule a ni khatnak ah a mawi zetzet mi thingkung rah, ṭhulhfau hnge, hnah bŭk taktak hnge le tiva te kapih partiampawl cu nan hrangah nan la pei ih, Jehovah nan Pathian hmaiah ni sarih sung lungawi aipuangin nan um pei. 41 ^cCumi cu Jehovah hrangih puai si dingah kum tin ni sarih sung nan hmang pei. Cumi cu nan tesinfa san tiangin kumkhaw sakhaw dān a si pei. Cumi cu a thla sarihnak ah nan hmang pei. 42 ^dNi sarih sung bûkte sungah nan cêng pei. Suahkeh ihsin Israel a si mi zaten bûkte sungah an cêng pei, 43 ^ecutin nan tesinfanaupawl in Izip ram ihsin anmah ka hruaisuah hai laiah, Israel tefapawl cu bûkte sungah ka cêngter hai ti an thei ding. Keimah cu Jehovah nan Pathian ka si,’ tiin sim aw,” tiah a ti. 44 Cule Mosi in Jehovah-ih puaipawl cu Israel tefapawl hnenah a thăn.

23:39^a Suah 23:16; Isa 62:9

23:40^b Dnp 12:7; Neh 8:10, 14-17; Sam 9:2; 118:17; 137:2; Isa 44:4

23:41^c Suah 23:16

23:42^d Suah 23:16

23:43^e Sam 78:5

24

Meito hrang Hriak

1 Jehovah in Mosi hnenah, 2 “Catlak loih meitopawl ^avâng dingin, mei tleu hrangah sawr mi olif hriak fimte na hnenih rak keng dingin Israel tefapawl thu pe hai aw. 3 ^bTawnawknak Puanthlam sungih Theihpinak puanzar lengah, cuih hna cu Aaron in zan lam ihsin zing lam tiang Jehovah hmaiah a kilkhawi ringring pei; cumi cu nan tesinfa san tiangin kumkhaw sakhaw dān a si pei. 4 ^cJehovah hmaiah sui hlirhlăng ih tuah mi Meito ṭhuam parih meitopawl cu anih in a kilkhawi ringring pei.

24:2^a vâng: A ṭawng hrampi ah cun, “kaisohter” ti a si.

24:3^b Suah 12:14

24:4^c Suah 25:31

Sanghlăn

5 ^a“Cule sangvut phut na la pei ih, cumi in sang per hleihnih na kang pei. Sang per pakhat ah efa khat ih ṭhen hra ṭhen hnih ciar a si pei. 6 ^bSui hlirhlăng ih tuah mi Cabuai parah tlar khat ah paruk vevein tlar hnih in Jehovah hmaiah cupawl cu na ret pei. 7 ^cCule sang par, a tlar veve parah frankinsense hlirhlăng na ret pei, cutin cumi cu hngilhlonak, Jehovah hnenih meisa ih ur mi thilhlăn a si ding. 8 ^dJehovah hmaiah Sabbath ni tinten cat loin remten anih in sanghlăn cu a ret ṭheu pei, Israel tefapawl in cutiih tuah ding ṭuanvo kumkhaw thukham an nei a si. 9 ^eCule cumi cu Aaron le a fapapawlih ta a si pei ih, hmun thianghlim ah an ei pei; ziangahtile cumi cu kumkhaw sakhaw dān zulhin Jehovah hrangih meisa ih ur mi thilhlănpawl lak ihta a si ih, a hrangah a thianghlim zet mi a si,” tiin a sim.

24:5^a Suah 25:30; Heb 9:2

24:6^b Suah 25:23-30; Mip 4:7

24:7^c Mat 2:11

24:8^d Suah 25:30; Mip 4:7; 1San 9:32; 2San 2:4; Neh 10:33; Mat 12:5

24:9^e Mat 12:4; Mar 2:26; Luk 6:4

Thangsiattu hrang Dāntatnak

10 ^aIsrael-mipawl lakih a hung fehtel ve mi, a pa Izip-mi a si mi, Israel nunau pakhat ih fapa a rak um; cule riahhmun khuarnak sungah hi Israel nunau fapa le Israel-mi pakhat an sualaw. 11 ^bCule Israel nunauih fapa cun Jehovah hmin a thangsiat ih a camsiat; cule cutin cu pa cu Mosi hnenah an hei hruai. A nuih hmin cu Shelomith a si ih, Dan hnám Dibri-ih fanu a si. 12 ^cCun Jehovah-ih thusuak thutluknak hmuhter an sinak dingah cu pa cu khumnak hmun ah an ret.

24:10^a Suah 12:38

24:11^b Suah 3:15; 20:7; 31:2; Mip 1:4; Jos 7:18; 1Sp 7:14; 2Sp 6:33; Job 1:11

24:12^c Suah 18:16

13 Cule Jehovah in Mosi hnenah, 14 ^a“I camsetu pa cu riahhmun khuarnak ihsin hruaisuak uhla, cu paih ṭawng a theitu zate in a lu parah an kut suang hai seh, cule amah cu mipi umkhawm zaten lungto in deng hai seh. 15 ^bCun Israel tefapawl hnenah, ‘Zokhal a Pathian a camsetu cun anmai sual a phur pei. 16 ^cCule zokhal Jehovah hmin a thangsiattu cu thah tengteng ding a si. Rammi vek cekciin ram dang mi khal mipi umkhawm zaten an deng tengteng pei. Jehovah hmin a thangsiat tikah, amah cu thah a si pei.

24:14^a Dnp 13:9; Apo 7:58

24:15^b Suah 22:28

24:16^c Suah 21:12; 22:28; 1Sp 21:10, 13; Mat 26:66; Mar 14:64; Joh 10:33; Apo 7:58

17 ^a‘Mi pakhat khat thattu pauhpauh cu thah tengteng an si pei. 18 ^bṬilva thattu pauhpauh cun ṭilva aiah ṭilva lala in an rul pei. 19 ^cMi pakhat in a innhnen selan ta ko a tuahmawh asile, amai tuahdān vek cekciin amai parah tuah a si ve pei. 20 ^dRuh kiak aiah ruh kiak, mit aiah mit, hâ aiah hâ, selan ta ko mi a tuahmawh vekin a parah tuah a si ve pei. 21 Cule zokhal ṭilva a thattu cun cumi cu a rūlsal pei; asinan zokhal mi a thattu cu thah a si ve pei. 22 ^eRam dang mi le nanmai rammi hrangah zīn le dān bangrep nan nei ding a si. Ziangahtile keimah cu Jehovah nan Pathian ka si,’ tiin na sim pei,” tiah a sim.

24:17^a Sem 9:6; Dnp 27:24

24:18^b Thf 12:10

24:19^c Dnp 19:21

24:20^d Suah 21:23-24; Mat 5:38

24:22^e Suah 12:49; Mip 9:14; Eze 47:22

23 ^aMosi in Israel tefapawl a be hai; cule Pathian a camsetu pa cu riahhmun khuarnak lengah an hruaisuak ih, lungto in an dêng. Cutin Jehovah in Mosi thu a pek vekin Israel-mipawl cun an tuah.

24:23^a Heb 2:2-3; 10:28

25

Sabbath Kum

1 ^aSinai tlang parah Jehovah in Mosi hnenah, 2 ^b“Israel tefapawl be hai awla, an hnenah, ‘Ka lo pek mi ram ih nan luh tikah, Jehovah hrangah cuih ram cun Sabbath a ul pei. 3 ^cNa ló ah kum ruk sung thlai na cing pei ih, kum ruk sung na sabit hmuan na sial pei, cule a rah na khawm pei; 4 ^dasinan a kum sarihnak ah cun cuih ram hrangah cawlhnak Sabbath hleice a um pei, Jehovah hrangih Sabbath a si. Na ló thlai na cîng lo pei ih, na sabit hmuan khal na simsial lo pei. 5 ^eAmah teih a ṭo mi na thlairawl rah ziangkhal na at lo pei, na hleuhfai lo mi na sabit khal na khawm fawn lo pei, ziangahtile cuih kum cu cuih ram hrangih cawlh kum a si. 6 ^fCule Sabbath in a ram ihsin rah a lo suahsak ding mi kha nan hrangah rawl a si ding: nangmah, na siahhlawh mipa le nunau, na hlawhfa le na hnenih a cêng mi mikhualpawl hrangah le 7 ^gna sumhnám le na ram sungih a um mi ramsapawl hrangah. Sabbath kum in a rahsuah mi zaten rawl hrangah a si pei.

25:1^a Suah 19:11

25:2^b Dnp 34:4

25:3^c Suah 23:10-11

25:4^d 2San 36:21; Isa 36:16

25:5^e Sem 40:10; Mip 6:3; Dnp 23:24; 2Sp 19:29; Neh 13:15; Isa 5:2

25:6^f Pui 25:20-21

25:7^g Suah 23:11

Jubili Kum

8 ‘Cule na hrangah Sabbath kum, kum sarih na siar pei, cumi cu kum sarih hmun sarih a si; cule Sabbath kum, kum sarihnak tikcucān cu na hrangah kum 49 a si pei. 9 ^aCun thla sarihnak ni hratnak ah Jubili tuu pa ki na phawter pei ih, Sualkhuhthawinak Ni dingah nan ram pumpi ah tuu pa ki na phawter pei. 10 ^bCule a kum 50-nak cu nan serhhran pei ih, ram pumpi ih ram luahtu zate hnenah zalĕnnak nan phuang pei. Cumi cu nan hrangah Jubili a si; cule anmah cu an co mi ram lala ah nan kirtersal cio pei ih, mai hrin ciar ah nan kirsal fingfing pei. 11 ^cCuih kum 50-nak cu nan hrangah Jubili a si; cuih kum sung cu zianghman nan cîng lo pei ih, amah te a kho mi khal zianghman nan at lo pei, nan hleuhfai lo mi nan sabit khal nan khawm fawn lo pei. 12 Ziangahtile cumi cu Jubili a si; cumi cu nan hrangah a thianghlim pei; ló ihsin cuih kum in rah a suah mi nan ei pei.

25:9^a Suah 30:10; Mip 10:8; Jos 6:4; Lai 3:27; 1Sam 13:3; Isa 27:13; Zek 9:14

25:10^b Mip 36:4; Isa 61:1; Jer 34:8, 15, 17; Eze 46:17; Luk 4:19

25:11^c Pui 27:17

13 ^a‘Himi Jubili kum ah hin mi kip anmai co mi ram ah nan kirtersal pei. 14 ^bCule na innhnen hnenah thil ziang simaw na zuar, asilole na innhnen kut ihsin thil pakhat khat na lei asile, pakhat le pakhat nan palbĕtaw lo pei. 15 ^cJubili hnuih a tāng zat kum izirin na innhnen thil na lei pei ih, thlai cīn kum ding zat izirin a lo zawrh pei. 16 Kum a tamdān izirin a man na ṭhan pei ih, kum a maldān izirin a man na ṭhum pei; ziangahtile thlai cīn kum a tam le a mal ding izirin a lo zawrh a si. 17 ^dCuruangah pakhat le pakhat nan palbĕtaw lo pei, cuhnakin na Pathian na ṭihzah sawn ding a si. Ziangahtile keimah cu Jehovah nan Pathian ka si.

25:13^a Pui 27:24

25:14^b 1Sam 12:3-4; 1Ko 6:8

25:15^c Pui 27:18-23

25:17^d Job 31:16; Thf 22:4; Jer 7:5; Zek 7:10; 1Th 4:6

18 ^a‘Cutin ka sakhaw dānpawl nan thlun pei ih, ka zīn le dān pawl nan pawm pei, cule cupawl cu nan tuah pei; cule cuih ram ah himdamten nan cêng ding. 19 ^bCun ram in rah a suah ding ih, khăwpkhamten nan ei ding, cule cu tawkah himdamten nan cêng ding. 20 ^cCule nannih in, “Thlai cîng lo le kan thlairah khawm loin, zoh hnik, a kum sarihnak ah ziang so kan ei ding?” tiah nan ti asile, 21 ^da kum ruknak ah nan parah ka thlawsuah thu ka pe ding ih, cumi cun kum thum daihin rah a lo suahsak ding. 22 ^eCule a kum riatnak ah thlai nan cîng pei ih, a kum kuatnak tiangin rawl hlun nan ei pei; rah a suah hlanlo thlairawl rah hlun nan ei ding a si.

25:18^a Sem 26:5; Dnp 12:10; Sam 4:8; Jer 23:6; Eze 28:26

25:19^b Dnp 11:14; Isa 55:10

25:20^c Mat 6:25-34

25:21^d Suah 16:5; Dnp 28:8, 12; Sam 133:3; Eze 44:30; Hag 2:19; Mal 3:10

25:22^e Jos 5:11-12

23 ^a‘Ram nan zuar lan ta lo pei, ziangahtile ram cu keimai ta a si; ziangahtile nannih cu ka hnenih um ram dang mi le mikhual men nan si. 24 ^bCule nan co mi ram pumpi ah, ram tlen thei nak nan pe pei.

25:23^a Sem 23:4; Suah 19:5; Mip 36:7; 1Sp 21:3; Eze 46:18; Heb 11:13

25:24^b Rut 4:7; Jer 32:8

25 ^a‘Na unau lakih mi pakhat cu a rung farah ih, a co mi hrekkhat a rak zuar zo asile, tlen dingah a tlensaktu ding a sungkhat pa a ra a si ahcun, a unaupaih zuar zo mi cu a tlen thei. 26 Asilole mi pakhat cu a thil tlensaktu ding zohman a nei lo, asinan amah rori kha a hmuingil ih tlennak ding daih tawk a hmuh a si ahcun, 27 ^ba zuar mi ihsin a siar pei ih, a tāng lai mi kumpawl hrangah a zawrhnak pa cu a samsâl thluh pei, cutin a co mi ram ah a kirsalter ding. 28 ^cAsinan samsalnak ding daih tawk a hmuh lo a si ahcun, a zawrh mi leiram cu Jubili tiang a leitu paih kut ah a um hrih pei; cule Jubili ah cumi cu phawih a si pei ih, a co mi ram ah a kirsalter pei.

25:25^a Rut 4:4, 7-8; Jer 32:7

25:27^b Pui 25:16

25:28^c Pui 25:13

29 ‘Mi pakhat in kulh nei khawpi sungih a inn a zuar asile, a zuar ihsin kum khat pumhlum sungah a tlen thei; tlen thei nak dingah kum khat pumhlum a nei. 30 Asinan kum khat pumhlum a kim tikah a tlen lo asile, cuih kulh nei khawpi inn cu a leitu in a tesinfa san tiangin a nei lan ta ding a si. Cumi cu Jubili khalah phawih a si nawn lo ding. 31 Sikhalsehla an kimvelih kulh nei lo mi khawte innpawl cu lóram vekah rel an si pei. Cupawl cu tlen theih an si ih, Jubili ah phawih an si pei.

32 ^a‘Cuti si khal sehla Levi-mipawlih khawpipawl le khawpipawl ih an neih mi innpawl cu Levi-mipawl in ziangtik cān pauh khalah an tlen thei. 33 ^bCule mi pakhat in Levi-mi hnen ihsin inn a lei asile, khawpi sungih a neih mi a zuar mi a inn cu Jubili ah phawih a si pei; ziangahtile Levi-mipawlih khawpi sungih innpawl cu Israel tefapawl lakah anmai ta a si. 34 ^cAsinan an khawpipawlih ran tlannak lóram cu zuar theih a si lo, ziangahtile cumi cu a kumkhuain anmai ta a si.

25:32^a Mip 35:1-8; Jos 21:1-45

25:33^b Mip 18:20-24; Dnp 18:1-2

25:34^c Mip 35:2-5; Eze 48:14; Apo 4:36-37

35 ^a‘Na unau pakhat a rung farah ih, nan lakah a tlaksiat asile, amah cu ram dang mi le mikhual vekin na bawm pei, cutin anih cu na hnenah a um thei ding. 36 ^bA hnen ihsin a faṭhang siseh, sum ṭhang siseh, zianghman na la lo pei; cuhnakin na Pathian ṭihzah sawn aw, cutin na unaupa cu na hnenah a um thei ding. 37 ^cA hnenah na paisa a faṭhangin na cawih lo pei, na rawl a pungin na cawih fawn lo pei. 38 ^dKeimah cu Kanaan ram nanmah lo pe ding le nan Pathian si dingih Izip ram ihsi nanmah lo hruaisuaktu Jehovah nan Pathian ka si.

25:35^a Dnp 15:7-11; 24:14-15; Sam 37:21, 26; Thf 21:26; Luk 6:35

25:36^b Suah 22:25; Jer 15:10

25:37^c Suah 22:25

25:38^d Sem 10:19; 17:7

Sál Thuhla Dān

39 ^a‘Na kiangih cêng, na unau pakhat a rung farah ih, na hnenih a zuarawk asile, sál vekih hnaṭuan dingin amah cu na năwr lo pei. 40 ^bAnih cu na hnenah hlawhfa le mikhual vekin a um pei, cule Jubili kum tiang a lo rian pei. 41 ^cCule amah le a tefapawl thawn a lo suahsan pei ih, amai hrin ah a kirsal pei. A pupápawlih neih mi ram ah a kirsal pei. 42 ^dZiangahtile annih cu Izip ram ihsin ka hruaisuah mi ka siahhlawh an si; sál vekih zuar ding an si lo. 43 ^eKhohkhah tukin na uk hai lo pei, cuhnakin na Pathian ṭihzah sawn aw.

25:39^a 1Sp 5:13; Jer 34:14

25:40^b Suah 21:2

25:41^c Jer 34:8

25:42^d Pui 25:55

25:43^e Sem 42:18; Suah 1:13-14; Eze 34:4; Kol 4:1

44 ‘Cule na neih ding mi na siahhlawh nunau le na siahhlawh mipa pawl lawngte cu nan kiangkapih a um mi miphun dang pawl lak ihta an si pei, anmahpawl hnen ihsin sál nu le sál pa pawl tla nan lei thei. 45 Cuihhleiah nan lakih cêng mikhualpawlih fātepawl le nan ram ih an hrin mi, nan hnenih um, an innsungsangpawl cu nan lei thei; cule nan thilri vekah an cang pei. 46 ^aCule annihpawl cu nan hnuih nan tefapawl hrangah ro ih an neih dingah nan la thei; annih cu nan sál an si lan ta ding. Asinan nan unau Israel-mipawl thuhla ah cun, pakhat le pakhat khohkhah tukin nan ukaw ding a si lo.

25:46^a Pui 25:43

47 ^a‘Na kiang nai ih a um mi mikhual simaw, ram dang mi simaw a hung lian ih, a kiangih a cêng mi na unau pakhat a rung farah ih na kiang nai ih a um mi ram dang mi, asilole mikhual hnenah, asilole ram dang mi hrin pakhat khat hnenih a zuarawk asile, 48 ^bzuar a si hnuah anih cu tlen theih a si. A unau lakih pakhat khat in an tlen thei; 49 ^casilole a paseu maw, a paseu-ih fapa in simaw amah cu a tlensal thei; asilole a hrin lakih a sungkhat nai pakhat khat in a tlen thei; asilole amah te a ti thei a si ahcun, amah le amah a tlenaw thei. 50 ^dCuti cun amah le a leitu pa thawn a zuarawk kum ihsin Jubili tiang an tuak pei ih, amah phawihnak man cu a um zat kum thawn an milaw pei; cumi cu hlawhfa-ih nihlawh man thawi bangawin a si pei. 51 Kum tampi a tāng lai hrih asile, amah an lei kumpawl milin a tlenawknak ding man paisa cu a khirhsal pei. 52 Cule Jubili hlanah kum málte lawng a tān asile, an siartlang pei ih, a kum tāng zat izirin a tlenawknak man cu amai hnenah a khirhsal pei. 53 ^eAnih cu kum tin hlawhfa vekin a hnenah a um pei ih, na mithmuh ah khohkhah tukin a uk lo pei.

25:47^a 1Sam 2:7-8; Neh 5:5; Job 24:9

25:48^b Neh 5:5, 8

25:49^c Pui 25:26-27

25:50^d Isa 16:14

25:53^e Pui 25:43; Kol 4:1

54 ^a‘Cule anih cu hi kumpawl sungah tlen, asilole amah le a hnenih a tefapawl thawn Jubili kum ah phawih an si pei. 55 ^bZiangahtile Israel tefapawl cu ka siahhlawh an si; annih cu Izip ram ihsi ka hruaisuak mi ka siahhlawh an si. Keimah cu Jehovah nan Pathian ka si.

25:54^a Pui 25:10, 13, 28

25:55^b Pui 25:42

26

Malsawm Dăwnnak Lamzin

1 ^a‘An hmaiih băwkkhup dingah nan hrangah milempawl nan tuah lo pei; nan hrangah khercawp milim siseh, ṭhuamserh siseh, nan phun lo pei; nan ram sungah lem kher mi lung nan dĭn fawn lo pei. Ziangahtile keimah cu Jehovah nan Pathian ka si. 2 ^bKa Sabbath-pawl nan ul pei ih, ka hmun thianghlim nan zah pei, keimah cu Jehovah ka si.

26:1^a Suah 20:4; 23:24; Mip 33:52; Sam 97:7; Isa 48:5; Jer 44:19; Hab 2:18

26:2^b Suah 20:8

3 ^a‘Ka sakhaw dānpawl nan nunpi ih, ka thupekpawl thlunin, nan tuahsuak asile, 4 ^ba tikcu teah ruahpi ka lo pe ding, leiram in a rahsuah a suah ding ih, lóram ih thingkungpawl in an rah an suah ding. 5 ^cSabit khawm tikcu tiang rawl nan khawm ding ih, rawl ci cīn tikcu tiang sabit nan khawm ding; puarkhawpin rawl nan ei ding ih, nan ram ah himdamten nan cêng ding. 6 ^dRam sungah daihnak ka umter ding ih, nan cawlhahdam ding, cule zohman in ṭihnak an lo thlen lo ding; ram sungih sahrangpawl ka rehter ding ih, nan ram pumpi ah ralnâm a lêng lo ding. 7 ^eNan ralpawl nan dûm ding ih, nan hmaiah nan ralnâm hmangin an thi ding. 8 ^fMi panga in mi 100 nan dûm ding ih, mi 100 in mi 10000 nan tlânter ding; nan hmaiah nan ralnâm hmangin nan ralpawl an thi ding. 9 ^gZiangahtile duhsak zetin ka lo zoh ding ih, ci tampi ka lo zaihter ding, ka lo karhzaiter ding ih, nanmah thawi ka thukham ka hngetter ding. 10 ^hThlairawl rah hlun nan ei ding ih, a thar ruangah a hlun cu nan thian ding. 11 ⁱNan lakah ka Biakbûk ka ret ding ih, ka nunnak in a lo fih lo ding. 12 ^jNan lakah ka tlanglêng ding ih, nan Pathian ka si ding, cule nannih cu ka mi nan si ding. 13 ^kKeimah cu Izip ram ihsin an sál si lo dingih a lo hruaisuaktu Jehovah nan Pathian ka si; nan hngawngkol tlâng pawl ka lo bălsak ih, fel zetih feh ko ka lo tuah.

26:3^a Sem 26:5; Suah 24:8; Dnp 6:17

26:4^b Job 5:10; Sam 65:9; 68:9; Jer 5:24; Hos 6:3; Zek 10:1

26:5^c Dnp 6:11

26:6^d Sem 37:20; Sam 29:11; Isa 17:2; Jer 30:10; Mik 4:4; Zef 3:13

26:7^e Sam 18:37

26:8^f Dnp 28:7; Jos 23:10; Lai 15:15; Isa 30:17

26:9^g Sem 1:22; 17:6-7, 9; Neh 9:23

26:10^h Pui 25:22

26:11ⁱ Suah 25:8; Dnp 31:6; Sam 74:7; Eze 37:27

26:12^j Sem 3:8; Suah 6:7; Jer 7:23; 2Ko 6:16

26:13^k Suah 6:6; Isa 10:27; Jer 2:20

Thulung lo Dāntatnak

14 ^a‘Asinan ka thu nan lung lo ih, hi thupekpawl hmuahhmuah nan thlun lo, 15 ^bcule ka sakhaw dānpawl nan hnáwng ih, ka zīn le dān pawl nan nunnak in a fih, cutin ka thupekpawl hmuahhmuah thlun loin, ka thukham nan pahbăl asile, 16 ^ckei khal in himi hi nan hnenah ka tuah ve ding.

26:14^a Mal 2:2

26:15^b Sem 17:7

26:16^c Pui 25:27, 51; Dnp 28:22; 1Sam 2:33; Sam 78:33

Dāntatnak Pakhatnak

‘Ṭihnak rapthlak, cuap nat, mit tisetu ding khawsik nat le thinhartertu ding tiang nan parah ka ruat ding. Cule nan thlaici tuh mi cu a lak menah a cang ding, ziangahtile nan ralpawl in cumi cu an ei ding. 17 ^aNanmah dokalhin ka hmai ka lo hawih ding ih, nan ralpawlih nehin nan um ding. A lo huatupawl in an lo uk ding ih, zohman ih an lo dawi lo laiah nan tlân ding.

26:17^a Dnp 28:7, 25, 48

Dāntatnak Pahnihnak

18 ^a‘Cule cuti cing khalih ka thu in lun cuang lo asile, nan sualpawl ruangah a let sarih ih tam in nun ka lo sim ding. 19 ^bNan thiltitheinak ruangih nan hngalnak cu ka siatsuah ding ih, nan van cu thir vekah le nan leilung cu dar vekah ka cangter ding. 20 ^cCun nan cahnak cu a lak menih hman a si ding; ziangahtile nan leiram in rahsuah a suah lo ding ih, ram thingkungpawl khal in rah an suah lo ding.

26:18^a Sam 99:8; Amo 3:14

26:19^b Dnp 28:23; Job 38:38; Sam 10:4; Isa 16:6

26:20^c Sam 127:1; Hag 1:6

Dāntatnak Pathumnak

21 ^a‘Cun keimah kalh zawngin nan nung ih, ka thu nan lun duh lo asile, nan sualpawl zulhin a let sarih tam in nan parah hremnak ka thlengterbêt ding. 22 ^bNan lakah sahrang ka thlah ding, cupawl cun nan tefapawl an thiarhlo ding ih, nan sumhnámpawl an deh ding, cule ka lo málter deuhdeuh ding ih, nan zinpipawl an ṭhing thluh ding.

26:21^a Sem 4:15

26:22^b Sem 37:20; Dnp 28:62

Dāntatnak Palitnak

23 ^a‘Cun hi thilpawl hmangin ka lo rĕm thei cuang lo ih, keimah dokalh zawngih nan nun sawn asile, 24 ^bkei khal nanmah dokalh zawngin ka nung ding ih, nan sualpawl ruangah a let sarih tiangin dān ka lo tat ding. 25 ^cCule thukham hrangih phulei samnak thlentu ding ralnâm nan parah ka run thlen ding; nan khuapawl ih nan umkhawm tikah nan lakah a rapthlak zet mi nathri sia ka thlah ding ih, ral kut ah pek nan si ding. 26 ^dNan rawl ngahnak hrampi ka sahcat tikah, nunau pahra in thŭk pakhat ah nan sang an káng ding ih, nan sang cu tahcawpte ten an lo zemsal ding, nan ei ding ih nan khawp cuang lo ding.

26:23^a Jer 2:30; Zef 3:2

26:24^b Pui 26:28, 41; 2Sam 22:27

26:25^c Suah 5:3; Mip 16:46; Hab 3:5

26:26^d Isa 3:1; Jer 37:21; Eze 4:16-17

Dāntatnak Pangatnak

27 ^a‘Cuti cing khalin ka thu in lung cuang lo ih, keimah dokalh zawngih nan nun sawn asile, 28 ^bthinsoin nanmah dokalh zawngin ka nung ve ding; cule kei, keimah rori in nan sualpawl ruangah a let sarih in nun ka lo sim ding. 29 ^cNan fapapawlih sa nan ei ding ih, nan fanupawlih sa khal nan ei ding. 30 ^dNan hmun sâng pawl ka siatbăl ding, nan rimhmui urnak biakṭhengpawl ka cimter ding ih, nan ruak cu nan milem ruangpawl parah ka hlăwn ding; cule ka nunnak in a lo fih ding. 31 ^eNan khuapawl ka rămter ding ih, nan hmun thianghlim pawl ka ṭhingter ding. Nan rimthaw ka hnīm lo ding.

26:27^a Pui 26:21, 24

26:28^b Dnp 7:10; 32:19; Lai 2:14; Sam 78:59

26:29^c 2Sp 6:29; Jer 19:9; Ṭah 4:10

26:30^d 1Sp 3:2, 4; Isa 27:9

26:31^e Isa 1:7; Jer 4:7

Dāntatnak Paruknak

32 ^a‘Ram cu ka ṭhingter ding ih, cu tawkih cêng nan ralpawl cu, cumi ah an khawruah a har ding. 33 ^bMiphun dang pawl lakah ka lo ṭekdarhter ding ih, a lo dawitu ding ralnâm ka phawi ding. Nan ram a ṭhing ding ih, nan khuapawl khal an răm ding. 34 ^cCun ram a ṭhin sung le nan ralpawl ram ih nan um sung cu ram cu a Sabbath-pawl ah a nuamaw ding; cule ram cu a cawl ding ih, a Sabbath-pawl ah a nuamaw ding. 35 ^dNan ram ih nan cēn laiah nan ram cu nan Sabbath-pawl ah a rak cawlh lo ruangah ram cu a ṭhin sung hmuahhmuah a cawl ding a si.

26:32^a Isa 5:6; Jer 12:11; 18:16

26:33^b Dnp 4:27; Jer 40:3, 15; Eze 34:6; Joe 3:2

26:34^c 2San 36:21; Jer 7:34; Eze 33:29

26:35^d Isa 24:5-6

36 ^a‘Nan lakah a tāng mipawl cu an ralpawl ram ah cauhnak an thinlung ah ka thlah ding; thing hnah cāng thâwm in a tlânter hai ding; ralnâm ih dawi mi bangin an tlân ding ih, zohman in an dawi lo laiah an tlu ding. 37 ^bZohman ih dawi loin ralnâm hmaiih tlân bangin thuahawin an tlu ding; nan ral hmaiih dīn thei nak thazang nan nei lo ding. 38 ^cMiphun dang lakah nan hloral ding ih, nan ralpawlih ram in a lo ei thluh ding. 39 ^dCule nan lakih a tāngsŭnpawl cu nan ralpawlih rampawl ah an mawhsualnak ah an cimit ding; an hnenih um mi, an pupápawlih mawhsualnak khalah an cimit ding.

26:36^a Jos 7:12; 2Sp 25:5; Job 13:25; Sam 58:7; Ṭah 1:3, 6; Nah 3:3

26:37^b Jer 37:10

26:38^c Dnp 4:26; Job 4:9; Sam 1:6; Isa 1:28; Jer 16:4

26:39^d Suah 20:5; Isa 14:21; 24:16

Thukham Hngilhlonak

40 ^a‘Asinan an mawhsualnak le an pupápawlih mawhsualnak thawn, ka parah rinum loih an umnak an rinumlonak le keimah dokalh zawngih an nun zo nak pawl khal an phuan asile, 41 ^banmah dokalh zawngih ka nun zo nak le an ralpawl ram ih ka rak hruai zo nak khal, an thinlung serh tanlonak tla an hnuaidawr ih an mawhsualnak an pawm asile, 42 ^cJakob thawi ka thukham ka máng ding ih, Isak thawi ka thukham le Abraham thawi ka thukham ka máng ding; cule ram khal ka máng ding. 43 ^dRam cu anmah tel loin lawng ko tān a si ding ih, anmah tel loih a ṭhin sung cu a Sabbath-pawl ah a nuamaw ding. Ka zīn le dān pawl an hnawn ruangah le ka sakhaw dānpawl an thinlung ih a fih ruangah an mawhsualnak an pawm ding. 44 ^eCuti cing khalin anmah siatsuah ṭheh dingin le anmah thawi ka thukham pahbăl thluh dingin, an ralpawl ram ih an um laiah ka dawihlo hai lo ding ih, ka fih hai fawn lo ding. Ziangahtile keimah cu Jehovah an Pathian ka si. 45 ^fSikhalsehla an Pathian ka si thei nak dingih miphun dang pawl mithmuh ah Izip ram ihsin ka hruaisuah mi an thlahtupawlih thukham cu anmah ruangah ka cîng ringring ding, keimah cu an Pathian ka si ding. Keimah cu Jehovah ka si,’ tiah sim aw,” tiin a sim. 46 ^gHipawl hi, Sinai tlang ah Mosi-ih kut in Jehovah in amah le Israel tefapawl karlakih a tuah mi sakhaw dānpawl, zīn le dān pawl le dānpawl an si.

26:40^a Neh 9:2; Sam 32:5; 106:6; Jer 3:12-15; Hos 5:15; Luk 15:18; 1Joh 1:9

26:41^b Dnp 10:16; 2San 7:14; Isa 6:7; Jer 4:4; Eze 20:43; 44:9; Apo 7:51

26:42^c Sem 26:5; 28:15; Suah 2:24

26:43^d Mip 11:20; 1Sam 8:7; Sam 69:25; 106:24; Isa 6:11; Jer 2:15; Ṭah 1:1; Eze 21:23

26:44^e Dnp 4:31; Lai 2:1; 2Sp 17:20; 2San 6:36; Jer 4:27; 31:37; Rom 11:2

26:45^f Suah 6:8; Dnp 4:31

26:46^g Suah 19:11

27

Mipi Tlennak Man

1 Jehovah in Mosi hnenah, 2 ^a“Israel tefapawl sim awla, an hnenah, ‘Nangmah ih a man na khiah mi milih mi pakhat in thutiamnak in mi hrekkhat Jehovah hnenih a serhhran tikah, 3 ^bmipa kum 20 ihsin kum 60 tiang mipa hrangih a man na khiah asile, hmun thianghlim shekel tangka tăwnin a man na khiah zat cu ngun tangka shekel 50 a si pei. 4 Cumi cu nunau asile, a man na khiah mi cu shekel 30 a si pei; 5 ^ccule kum nga ihsin kum 20 mi tiang mipa hrangih a man na khiah zat ding cu shekel 20 a si pei ih, nunau hrangah cun shekel hra a si pei; 6 ^dcule thla khat ihsin kum nga mi tiang mipa hrangih a man na khiah zat ding cu ngun tangka shekel nga a si pei ih, nunau hrangih a man na khiah zat ding cu ngun tangka shekel thum a si pei; 7 mipa kum 60 ihsin a tlun lam hrangih a man na khiah zat ding cu shekel hleinga a si pei ih, nunau hrangah cun shekel hra a si pei. 8 ^eAsinan a man na khiah zat pe dingah a farah tuk a si ahcun, puithiam hmaiah a va suak pei ih, puithiam in thutiam tuahtu paih tlin thei ding tawkten a hrangah a man a rak khiah pei, puithiam in a man a khiah ding a si.

27:2^a Sem 28:20

27:3^b Suah 30:13

27:5^c Sem 37:28

27:6^d Mip 3:47

27:8^e Pui 14:21-22

Ṭilva Tlennak Man

9 ^a‘Mi in Jehovah hnenih thilhlăn an rak ken ding mi cu ṭilva a si ahcun, zokhal in Jehovah hnenih an pek mi zaten an thianghlim pei. 10 ^bAnih in a sia aiah a ṭha simaw, a ṭha aiah a sia simaw tiin ai a awhter lo pei, a thlĕng khal a thlĕng lo pei; ṭilva aiah ṭilva lala a thlĕng ceng asile, a thlĕngnak thawn an pahnih in thil thianghlim veve an si pei. 11 ^cCumi cu Jehovah hnenah thilhlăn ih hlăn kel lo mi ṭilva thiang lo a si ahcun, cu pa in a ṭilva cu puithiam hnenah a rak hmuh pei; 12 cule a ṭhat le a siat izirin puithiam in cumi cu a man a rak khiah pei; nang, puithiam in a man na khiah zatzat cu a man a si pei. 13 ^dAsinan cu pa in cumi cu tlen a duh ceng asile, a man na khiah zat tlunah ṭhen nga ṭhen khat a bêt pei.

27:9^a Sem 28:20; Suah 40:9; Mip 6:20; Dnp 15:19

27:10^b Pui 27:15-33

27:11^c Suah 13:13; Mip 18:15

27:13^d Pui 27:10

Inn le Ló Tlennak Man

14 ‘Mi pakhat in Jehovah hnenih thianghlim dingih a inn a hlăn tikah, a ṭhat le a siat izirin puithiam in a man a khiah pei; puithiam in a man a khiah zatzat cu a man a si pei. 15 Mai inn hlantu in tlen a duh asile, a man na khiah zatih ṭhen nga ṭhen khat paisa a bêt pei ih, cumi cu a ta ah a cang ding.

16 ‘Mi pakhat in Jehovah hnenah a ló neih miih a ṭhen a zar a hlăn asile, a man na khiah ding mi cu a thlaici cīn ding mi zulhin a si pei. Barli sangvut ci ^ahomer pakhat man cu ngun tangka shekel 50 a si pei. 17 Jubili kum ihsin a ló a hlăn asile, a man na khiah zatzat cu a man a si lan ta pei. 18 ^bAsinan Jubili hnuah a ló a hlăn a si ahcun, puithiam in Jubili tiangih kum tāng lai zat in a man ding paisa a tuaksak pei ih, cumi cu a man na khiah mi sung ihsin na dirsal pei. 19 Cule a hlăn mi ló cu tlen a duh asile, a man na khiah mi paisa ṭhen nga ṭhen khat a pebêt pei ih, cumi cu amah in a nei pei. 20 Asinan ló cu tlen a duh lo ah simaw, mi dang hnenah a zuar zo simaw asile, tlen theih a si nawn lo pei; 21 ^cló cu Jubili ah phawih a si tikah, serhhran mi ló a si vekin Jehovah hrangah thil thianghlim a si sawn pei ih, cumi cu puithiam covo ah a cang pei.

27:16^a homer: Homer khat cu pung 4 hrawng a si.

27:18^b Pui 25:15-16

27:21^c Mip 18:14; Eze 44:29

22 ‘Mi in amai ta a si lo mi a leicawp mi lóram kha, Jehovah hnenih a hlăn asile, 23 Jubili kum tiang hrang a man awm tawk na khiahsak mi cu, puithiam in cu pa hrangah a siarsak pei ih, cuih ni lala ah a man na khiahsak mi paisa cu Jehovah hnenih thilhlăn thianghlim si dingah a pe pei. 24 Jubili kum a thlen tikah cuih lóram cu a leinak pa, a ram neitu ngaingai hnenah a ta dingah khirhsal a si pei. 25 ^aCule thil man na khiah mi zaten hmun thianghlim shekel zulhin an si thluh pei ih, shekel pakhat ah gerah 20 a si pei.

27:25^a Suah 30:13; Mip 3:47; Eze 45:12

Fatir Tlennak Man

26 ^a‘Asinan Jehovah-ih fatir si ding mi, ṭilva fatir cu mi zohman in an serhhran lo pei. Cumi cu caw a si ah siseh, rante a si ah siseh Jehovah-ih ta a si. 27 Cule cumi cu ṭilva thiang lo a si ahcun, a man na khiah zat izirin a tlen pei ih, ṭhen nga ṭhen khat a bêt pei; asilole tlen a si lo ahcun, a man na khiah zatzat in cumi cu zuar a si pei.

27:26^a Suah 13:12

Hlăn Mi Thil Tlennak Man

28 ^a‘Cuti si khal sehla mi in a neih mi zate lak ihta Jehovah hnenih serhhran ding mi serh mi thil cu milai siseh, ṭilva siseh, a ta a si mi lóram siseh, zuar ding a si lo, tlen ding khal a si lo. Serhhran mi tinkim cu Jehovah hrangah a thianghlim zet mi a si.

27:28^a Mip 18:14; Jos 6:17-19

29 ^a‘Thi dingih hlăn zo mi, milai pauhpauh cu tlen ding an si lo, thah tengteng ding an si.

27:29^a Mip 21:2-3; Dnp 7:26; 1Sam 15:18-23

Ṭhen hra ṭhen khat Tlennak Man

30 ^a‘Cule ram in a suah miih ṭhen hra ṭhen khat zaten, cuih ram thlaici le thingthei rah cu Jehovah-ih ta a si. Cumi cu Jehovah hrangah thil thianghlim a si. 31 Mi pakhat in amai ṭhen hra ṭhen khat a tlen duh ceng asile, ṭhen nga ṭhen khat a bêt pei. 32 ^bRanpi rual le rante rual ṭhen hra ṭhen khat thuhla ah, kianghrăwl hnuaiih a tlanglêng mi pauhpauh ih ṭhen hra ṭhen khat cu Jehovah hrangah a thianghlim pei. 33 ^cAnih in cumi cu a sia maw a ṭha ti a zingzawi lo pei, a thlĕng khal a thlĕng fawn lo pei; a thlĕng ceng asile, a thlĕngnak thawn an pahnih in thil thianghlim an si pei; cumi cu tlen ding a si lo,’ tiah sim aw,” tiin a sim.

27:30^a Mip 18:26; Dnp 7:6; Ezr 9:2; Neh 10:37; Isa 6:13; Mal 3:8

27:32^b Jer 33:13; Eze 20:37

27:33^c Mip 18:21

34 ^aHipawl cu Sinai tlang parah Israel tefapawl hrangih Jehovah in Mosi hnenih a pek mi thupek an si.

27:34^a Suah 19:11; Joh 1:17; Apo 7:38; Gal 4:24-25; Heb 12:18-25