BibleThianghlim – 1 John
Old Testament
Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalm Proverbs Ecclesiastes Song of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
New Testament
Matthew Mark Luke John Acts Romans 1 Corinthians 2 Corinthians Galatians Ephesians Philippians Colossians 1 Thessalonians 2 Thessalonians 1 Timothy 2 Timothy Titus Philemon Hebrews James 1 Peter 2 Peter 1 John 2 John 3 John Jude Revelation
1 John
- A ngantu: John
- A siartu: Asia Minor ih zumtupawl
- Ngan kum: A.D. 80-95
Apostol John hi Jesu dungthluntu hleihnih lakih mi pakhat a si. Amah hi dungthluntupawl lakah nauhakbik le Khrih-ih duhdawt hleice mi a si men ding. Hmel danglamnak tlang le Gesmani Hmuan sungah John, James le Peter lawng Jesu thawn an rak um. Asinan Jesu thah a si laiah John lawng a tâng. Khrih in a thih zawng teah a nu kilkhawi dingin John a ap ta. John cakuat pakhatnak câng hmaisabik pali sungah John in Jesu Khrih thawn an naihawknak le bulpâk in an pehtlaihawk thu a langter. Hi cakuat hi John in A.D. 80-95 hrawngah Asia Minor ih a um mi kawhhranpawl hnenah a ngan. John in Khrih thawn an pehtlaihawknak ruangih a aipuannak thu hi zumtupawl hlawm ve a duh.
Kum zabi pakhatnak cem lamah cun langhngan zetin kawhhran a ṭhangin a rak pitling zo. Tual sung kawhhran tampi dĭn a si zo ih, zumtupawl tla an pitling vivo. Cumi lakah tifel ṭul mi thubuai khal an rak tel. John cakuat pakhatnak rak dawngtu zumtupawl in thil ṭihnung pahnih an rak táwng. Cupawl cu zirhtu dik lo pawlih zirhnakpawl le theihnak an tlaksamnak hi a si. Zumtupawl hnenah an theih zo mi, asilole an theih ṭul mi theihnak dik cu khihhmuhin, cuih thil ṭihnung pahnih cu a do. Hi cakuat hi zumtuih zumnak theifiangawter dingih a ngan mi a si (5:13).
John in rundamnak theihfĕngnak thusimnak ah thupi pali a hmang. Thupipawl cu: pawlkăwmnak, dingfelnak, zirhnak dik lo le zumnak tla an si. Duhdawtnak ti mi khal hi cakuatih thupi pakhat a si ve.
John in a cakuat siartupawl hnenah kumkhaw nunnak an nei ti an theihfiang ding a duh (5:13). Thutak kan zum ih, tleu ah kan feh ih, pakhat le pakhat kan duhdawtawk tikah himi hi a langfiang. Zumnak dik in nundān dik a hring.
Thu Hlawm Ṭhen
- I. Thuhmaihruai (1:1-4)
- II. Zumnak dik cun nunpinak dik a rahsuah (1:5-2:17)
- III. Thurin dik takin thurin dik lo a thailang ih, thurin dik in a dikzia dingfelnak nun ah a langter (2:18-4:6)
- IV. Rundam fengnak hnget cu zumtu in mi dang a duhdawt tikah, Pathian thu a lun tikah le Cathiang a zum tikah a ra (4:7-5:21)
Nunnak Thu
1 aA tir ihsin a rak um mi nunnak Thu cu nan hnenah kan phuang. Cumi cu hna ih kan rak theih mi, kan mit rori ih kan rak hmuh mi, kan zohhliah mi le kanmai kut rori ih kan rak tham zo mi a si. 2 bCuih nunnak cu phuanlăng a si ih kan rak hmu zo, cule cuih thu cu kan theihter a si. Pa hnenih a rak um mi le kan hnenih phuanlăng a si mi kumkhaw nunnak cu nan hnenah kan phuang a si. 3 cNannih khal in kanmah in pawlkăwm thei nak dingah, kan rak hmuh mi le hna ih kan rak theih mi cu nan hnenah kan thăn a si. Thungaiten kan pawlkăwmawknak cu Pa le a Fapa Jesu Khrih thawn a si. 4 dCule nan aipuannak a famkim thei nak dingah, cuih thilpawl cu nan hnenah kan ngan a si.
1:2b Joh 15:27; 1Ti 3:16; 1Pe 1:20
1:3c 1Ko 1:9
1:4d Joh 3:29
Tleu ih Feh
5 aFapa hnen ihsin hna ih kan rak theih mi thucah le nan hnenih kan thăn mi cu hihi a si: Pathian cu tleu a si ih, amah ah thim hrimhrim a um lo. 6 bThim ih feh thotho siin, amah thawn kan pawlkăwmaw kan ti asile, thuphan kan per ih thutak kan nunpi lo. 7 cAmah cu tleu ih a um vekin tleu ih kan feh asile, pakhat le pakhat kan pawlkăwmaw ih, a Fapa Jesu Khrih thisen in kan sual hmuahhmuah a khawlhfai a si.
1:5a 1Ti 6:16
1:6b Joh 3:19-21; 2Ko 6:14; Efe 5:8
1:7c Isa 2:5; Heb 9:14; Thu 1:5
8 aSual kan nei lo kan ti asile, kanmah le kanmah kan bumaw ih kanmah ah thutak a um lo. 9 bKan sualpawl kan phuan asile, kan sualpawl in ngaidam ding le kan dingfellonak hmuahhmuah in khawlhfaisak dingah anih cu a rinumin a dik a si. 10 cSual kan tuah lo kan ti asile, Pathian cu thuphan perhmang ah kan tuah ih, a kamsuakthu cu kanmah ah a um lo.
1:8a Thf 20:9; Jer 2:35; Joh 8:44; Rom 3:9-19; Jam 3:2
1:9b Mik 7:18-20; Heb 10:22
1:10c Joh 5:38
Thu in Simsaktu Jesu Khrih
1 aKa fahniangletla, sual nan tuahlonak dingah hi thilpawl hi nan hnenah ka ngan a si. Mi pakhat khat in sual a tuah asile, Pa hnenih thuhla in simsaktu midingfel Jesu Khrih kan nei. 2 bCule anih cu kan sualpawl hrangih tlăwnlungawithawinak a si, cule kanmai sualpawl hrang lawngah si loin, leitlun mi hmuahhmuah hrang khalah a si.
3 aA thupekpawl kan thlun asile, himi in amah Jesu Khrih kan thei ti kan thei. 4 b“Amah cu ka thei zo,” a titu in a thupekpawl a thlun cuang lo asile, cu pa cu thuphan per a si ih, amah ah thutak a um lo. 5 cSikhalsehla zokhal Pathian kamsuakthu a thluntu cu amah ah Pathian duhdawtnak a famkim taktak a si. Hiti zawngin amah ah kan um ti kan thei. 6 dAmah ah ka um a si a titu cun, Jesu-ih nundān vekin a nung tengteng ding a si.
2:3a Joh 14:15
2:4b Tit 1:16
2:5c Joh 14:15
2:6d Mat 11:29
Thupek Thar
7 aU le nau tla, nan hnenah thupek thar ka ngan lo, a tir ihsi nan rak neih mi thupek hlun kha a si sawn. Cuih thupek hlun cu a tirte ihsin hna ih nan rak theih zo mi kamsuakthu kha a si. 8 bNan hnenah thupek thar ka ngansal. Cumi cu amah ah le nanmah ah a dik a si, ziangruangahtile thim cu a cemrál rero ih, tleu diktak cu a ra êng zo.
2:7a 1Ko 10:14
2:8b Joh 1:9; 13:34; Rom 13:12; Efe 5:8; 1Th 5:5; Heb 10:25
9 aTleu ah ka um a ti ih, a unaupa a huatu cu atu tiangin thim ah a um lai hrih a si. 10 bA unaupa a duhdawtu cu tleu ah a um ih, amah ah tlûknak zianghman a um lo. 11 cAsinan a unaupa a huatu cu thim ah a um ih thim ah a feh, thim in a mit a câwtter zo ruangah khui tawkah ka feh ti a thei lo.
2:9a Pui 19:17
2:10b Sam 119:165
2:11c Joh 11:9
12 Fahniangletla, amai hmin ruangah Pathian in nan sualpawl cu a lo ngaithiam zo.
Curuangah nan hnenah ca ka ngan a si.
13 aPalenuh, a tir ihsin a um mi Pa cu nan rak theih zo ruangah, nan hnenah ca ka ngan a si.
Minopawl, misualrál pa nan rak neh zo ruangah nan hnenah ca ka ngan a si.
Fahniangletla, Pa nan rak theih zo ruangah nan hnenah ca ka ngan a si.
14 bPalenuh, a tir ihsin a um mi Pa nan rak theih zo ruangah nan hnenah ca ka rak ngan a si.
Tlangvalpawl, nannih cu nan cak ih nanmah ah Pathian kamsuakthu a um ringring, cule misualrál pa nan rak neh zo ruangah nan hnenah ca ka ngan a si.
2:13a Mat 5:37; Joh 1:1; 16:33
2:14b Joh 1:1; 5:38; Efe 6:10; Heb 4:12
Leitlun Duhdaw Hlah Uh
15 aHi leilung siseh, leilung tlun thilpawl siseh, duhdawt hlah uh. Mi pakhat khat in leilung a duhdawt a si ahcun, amah ah Paih duhdawtnak a um lo. 16 bZiangahtile hi leilung ih um mi thil hmuahhmuah: taksa câkhiarnak, mit câkhiarnak le hngalnak nun pawl hi Pa hnen ihta an si lo ih, leilung ihta an si sawn. 17 cCule hi leilung le a câkhiarnak cu a cemrál rero; asinan Pathian duhnak a tuahtu cu kumkhuain a hmun ringring ding.
2:16b Sem 3:6; Thf 27:20; Rom 13:14; Efe 2:3
Khrih Dodaltuih Thlarau
18 aFahniangletla, atu hi cān netabik a si. Khrih dodaltu a ra ding tiin hna ih nan rak theih zo vekin atu hmanah Khrih dodaltu tampi an rak suak zo, cumi in atu hi cān netabik a si ti kan thei. 19 bAnnih cu kan hnen ihsin an fehsuak, asinan annih cu kanmai mi an si lo. Ziangah cutin ka ti tile, kanmai mi rak si hai sehla cu, kan hnenah an rak tāng ding. An rak fehsuak zo ruangah an zaten kanmai mi an si lo ti a fiang.
2:18a Rom 13:11
20 aAsinan nannih cu Mi Thianghlim in hriak a lo thih zo ih, thil ziangkim nan thei. 21 bThutak nan theih lo ruangah si loin, thutak nan thei ih thutak sung ihsin thuphan a suah lo ruangah nan hnenah ca ka rak ngan a si sawn.
2:20a Jer 31:34; Mat 13:11; Mar 1:24; Joh 14:26; 2Ko 1:21
22 aThuphan pertu cu zo a si? Jesu cu Khrih a si ti hnáwngtu cu thuphan pertu a si. Pa le Fapa hnáwngtu cu Khrih dodaltu a si. 23 bZokhal Fapa hnáwngtu cun Pa a nei lo. Fapa a ṭantu cun Pa khal a nei a si.
2:22a 2Joh 1:7
24 aCuruangah a tir ihsin hna ih nan rak theih zo mi kha nanmah ah um ringring seh. Nanmah ah a tir ihsin hna ih nan rak theih zo mi a um ringring asile, nannih cu Fapa ah le Pa ah nan um ringring ding. 25 bCule hihi Pathian in kan hnenih sankhuk nunnak in rak tiamkam mi thutiamkam cu a si.
2:25b Mat 25:46
26 Hih thil, nanmah a lo bumtupawlih thuhlapawl nan hnenah ka rak ngan a si. 27 aCule Pathian hnen ihsi nan dăwn mi hriak thihnak cu nanmah ah a um ringring ih, zohman ih zirh nan ṭul lo. Hriak a lo thih tikah, cuih hriak thihnak cun thil ziangkim a lo zirh a si. Cucu thudik a si, thuphan a si lo. Cumi hriak thihnak ih a lo zirhdān vekin amah ah nan um ringring ding a si.
Pathian Fāte
28 aFahniangletla, atu-ah Fapa ah cun um ringring uh, amah a ra lăng tikah a hmaika ih kan ral a ṭhatnak ding le kan ning a zahlonak dingah amah ah um ringring uh. 29 bAnih cu midingfel a si ti nan theih asile, dingfelnak a tuahtu kip in Pathian ih hrin an si ti nan thei.
2:28a Efe 3:12; Kol 3:4; 1Th 2:19
2:29b Joh 1:13
1 aNgai hnik, Pa ih in rak pek mi hi ziangbangtuk duhdawtnak so a si, Pathian fāte tiih in kawh hi! Curuangah hi leitlun mipawl in in thei lo, ziangruangahtile amah an thei lo. 2 bKa duhdawt mitla, atu-ah kannih cu Pathian fāte kan si ih, ziang vek kan si lai ding ti lăngter a si hrih lo, asinan Fapa a ra lăng tikah cun amah kan bang leh ding ti kan thei; ziangahtile amah cu a sinak vekin kan hmu leh ding. 3 cAmah ah hi ruahsannak neitu kip in Khrih a thian vekin amah le amah a thianfaiaw ṭheu.
3:1a Joh 3:16
3:2b Joh 1:12; 17:24; Rom 8:29; 1Ko 10:14; 2Ko 3:18; Kol 3:4; 2Pe 1:4
3:3c Sam 18:26; 2Ko 7:1; 2Pe 3:13-14
4 Zokhal sual a tuahtu cu dān pahbăl a si, cule sual cu dān pahbăl hi a si. 5 aCun kan sualpawl lahlo dingah, anih cu a lang zo ti nan thei, amah ah sual a um lo. 6 Zokhal Khrih ih a um ringring tu cun sual a tuah lo. Zokhal sual tuahpeh vivo tu cun Khrih cu a rak hmu dah lo ih, a theih khal a thei fawn lo.
7 Fahniangletla, zohman in lo bum hlah hai seh. Dingfelnak a tuahtu cu Khrih a dingfel vekin a dingfel ve a si.
8 aSual a tuahtu cu Diabol hnen ihsin a si, ziangahtile Diabol cun a tir ihsin sual a rak tuah. Pathian Fapa
3:8a Mat 4:3; Joh 8:44; Heb 2:14
3:9b Sam 119:3; Joh 1:13; 1Pe 1:23
10 aPathian fātepawl le Diabol fātepawl an lăngfiangnak cu himi ah hin a si: zokhal dingfelnak a tuah lo tu cu Pathian hnen ihta a si lo ih, a unaupa a duhdaw lo tu khal Pathian hnen ihta a si lo.
3:10a Joh 1:12
Pakhat le Pakhat Duhdawtawknak
11 aZiangahtile a tir ihsin nan rak theih mi thucah cu, pakhat le pakhat duhdawtaw ding kan si, ti hi a si. 12 bKain vek si ding kan si lo, anih cu misualrál pa hnen ihta a si ih, a naupa a that. Ziangah so a naupa a thah? Ziangruangahtile a thil tuah mipawl an ṭha lo ih, a naupa ih thil tuah mipawl cu an dingfel. 13 cKa u le ka nau tla, leilung mipawl in an lo huat tikah, nan mangbang hlah uh. 14 dKannih cu unaupawl kan duhdawt ruangah thihnak ihsin nunnak ah kan lan zo ti kan thei. A unaupa a duhdawt lo tu cu thihnak ah a tāng hrih lai tinak a si. 15 Zokhal a unaupa a huatu cu laithat a si, cule laithattu cun amah ah sankhuk nunnak a nei lo ti nan thei.
3:11a Joh 13:34-35; 2Joh 1:5
3:12b Sem 4:8; Sam 38:20; Thf 29:10; Mat 5:37
3:13c Joh 15:18-19
3:14d Joh 5:24
16 aJesu Khrih in kan hrangih a nunnak a pek ruangah duhdawtnak cu ziang a si ti kan thei. Kannih khal unaupawl hrangah kan nunnak pe ve ding kan si. 17 bAsinan zokhal hi leitlun thil le ri neiin, a unaupa tlasamin a hmu ih, cu pa parah lainatnak a nei lo tu cu ziangtin so Pathian duhdawtnak cu amah ah a um ringring thei ding? 18 cKa fahniangletla, ṭawngkam lawngin le kâ lawngin duhdawaw loin, tuahnak in le thungaingaiin duhdawaw sawn uhsi. 19 Cule thutak ihta kan si ti kan thei ding ih, cumi in Pathian hmaika ah kan thinlung ṭihphâng lo ten a umter ding. 20 Ziangahtile kan thinlung in thiam lo in coh asile, Pathian cu kan thinlung hnakin a tumsawn ih, thil ziangkim a thei.
3:16a Joh 10:11, 13, 15; Fil 2:17; 1Th 2:8
3:17b Dnp 15:7-8; Jam 2:15
21 aDuhdawt mitla, kan thinlung in thiam lo in coh lo asile, Pathian hmaika ah ralṭhatnak kan nei. 22 bCule kan dil mi pauhpauh a hnen ihsin kan ngah, ziangruangahtile a mithmuh ah a thupekpawl kan thlun ih, a lunghmuitertu thilpawl kan tuah ringring. 23 cCule a thupek cu hihi a si: a Fapa Jesu Khrih hmin kan zum ding le kan hnenih thu in pek vekih pakhat le pakhat kan duhdawtawk ding hi a si. 24 dPathian-ih thupekpawl a thluntu cu Pathian ah a um ringring ih, Pathian khal amah ah a um ringring. Cule kan hnenih in rak pek mi Thlarau zarin anih cu kanmah ah a um ringring a si ti kan thei.
3:22b Mat 7:7; Joh 8:29; 14:15; Heb 13:21
3:23c Luk 24:47; Joh 1:12; 6:29; 13:34; 1Ko 6:11
3:24d 1Th 4:8
Thlaraupawl Zăwihliahnak
1 aDuhdawt mitla, thlarau pauhpauh zum hlah uh, Pathian hnen ihta an si le si lo thei dingah thlaraupawl cu zăwihliah hmaisa ta sawn uh, ziangruangahtile profet deu tampi hi leitlun ah an ra suak zo. 2 bPathian Thlarau nan theih thei dān cu hihi a si: Jesu Khrih cu milai taksa in a ra ti a phuangtu thlarau pauhpauh cu Pathian hnen ihta a si. 3 cCule Jesu Khrih cu milai taksa in a ra ti a phuang lo tu thlarau pauhpauh cu Pathian hnen ihta a si lo. Cucu Khrih dodaltuih thlarau a si. Cule hihi Khrih dodaltuih thlarau a ra ding tiih nan rak theih mi cu a si, atu-ah cuih thlarau cu leitlun ah a rak um zo.
4:1a Jer 29:8; Mat 7:15; 1Ko 10:14; 2Th 2:2
4:3c 2Joh 1:7
4 aFahniangletla, nannih cu Pathian hnen ihta nan si ih, nan sungih umtu Pa cu leilung ih umtu pa hnakin a nasatsawn ruangah annihpawl cu nan rak neh zo. 5 bAnnih cu leilung ihta an si. Curuangah annih cun leilung thil thuhla an rel ih, leitlun mipawl in an thu an ngaithla. 6 cKannih cu Pathian hnen ihta kan si. Pathian theitu cun in ngaithla ih, Pathian hnen ihta a si lo mi cun in ngaithla lo. Himi in thutak phuangtu thlarau le mi bumtu thlarau cu kan thei thei.
4:4a 2Sp 6:16; Joh 12:31; 16:33; Rom 8:31
4:5b Joh 15:19
4:6c Mar 13:5; Joh 8:47; 14:17
Khrih vekih Duhdawt
7 aDuhdawt mitla, duhdawtnak cu Pathian hnen ihta a si ruangah, pakhat le pakhat kan duhdawaw ding a si. Mi a duhdawtu pauhpauh cu Pathian ih hrin mi a si ih, Pathian a thei. 8 Mi a duhdaw lo tu cun Pathian a thei lo, ziangahtile Pathian cu duhdawtnak a si. 9 bPathian duhdawtnak cu kan hnenah hitin a lang, a Fapa zarih kan nun thei nak dingah, Pathian in a Fapa neihsŭn hi leitlun ah a thlah. 10 cDuhdawtnak cu hihi a si, Pathian kan rak duhdawt si loin, Pathian in in rak duhdaw ih, kan sualpawl hrangah tlăwnlungawithawinak dingah Pathian in a Fapa a thlah ti a si sawn. 11 dDuhdawt mitla, cuti vekin Pathian in in rak duhdawt a si ahcun, pakhat le pakhat duhdawaw ve ding kan si. 12 eZohman in ziangtik hmanah Pathian an hmu dah lo. Pakhat le pakhat kan duhdawtawk asile, Pathian cu kanmah ah a um ringring ih, a duhdawtnak cu kanmah ah famkimter a si.
4:7a Joh 1:13
4:11d Joh 3:16; 15:12; 1Ko 10:14
4:12e Joh 1:18
13 Pathian in kan hnenah a Thlarau in rak pek zo ruangah, cumi in kannih cu Pathian ah kan um ti le kanmah ah Pathian a um ti kan thei.
14 aCule Pa in Fapa cu leitlun Rundamtu si dingah a thlah ti kan hmu ih, cumi cu kan theihter a si.
15 Zokhal Jesu cu Pathian Fapa
4:14a Luk 2:11; Joh 3:17; 15:27
17 aThuṭhen ni ih ralṭhatnak kan neihnak dingah, duhdawtnak cu hitin kanmah ah famkimter a rak si. Ziangruangahtile kannih cu amai nundān vekin hi leilung tlunah hin kan nung a si. 18 bDuhdawtnak ah ṭihnak a um lo, duhdawtnak famkim cun ṭihnak a dawihlo sawn, ziangruangahtile ṭihnak ah hremnak a tel. Ṭihnak a neitu cu duhdawtnak ah famkimter a si hrih lo. 19 Amah in in rak duhdawt hmaisak ruangah amah cu kan duhdawt a si.
4:18b Rom 8:15
20 aMi pakhat in, “Pathian ka duhdawt,” ti siin a unaupa a huat asile, amah cu thuphan per a si. Ziangahtile a hmuh mi a unaupa hman a duhdawt lo asile, a hmuh dah lo mi Pathian cu ziangtin so a duhdawt thei ding? 21 bCule amai hnen ihsin kan neih mi thupek cu hihi a si: Pathian a duhdawttu cun a unaupa khal duhdawt seh.
4:20a Joh 1:18
4:21b Mat 5:43
Leilung Nehnak
1 aZokhal Jesu cu Khrih a si ti a zumtu cu Pathian ih hrin mi a si ih, mi kip amah hringtu pa a duhdawtu cun a hrin mi khal a duhdaw a si.
2 Pathian kan duhdawt ih a thupekpawl kan thlun tikah, himi in Pathian fātepawl kan duhdawt a si ti kan thei.
3 bZiangahtile Pathian kan duhdawtnak cu hihi a si, a thupekpawl kan thlun hi. Cule a thupekpawl cu phurrit an si lo.
4 cZiangahtile Pathian ih hrin mi pauhpauh cun leilung a neh. Leilung a nehtu kan nehnak cu kan zumnak hi a si.
5 Leilung nehtu cu zo a si, Jesu cu Pathian Fapa
Pathian Fapa Theihpitu
6 aAnih cu ti le thisen ihsi a ra mi Jesu Khrih a si. Anih cu ti ihsi lawngin a ra lo ih, ti le thisen ihsin a ra a si. Thlarau cu thutak a si ruangah, theihtertu cu Thlarau a si.
7 bZiangahtile van ah theihpitu pathum an um: Pa, Thu le Thlarau Thianghlim an si. Cuih pathum cu pumkhat an si.
8 Cule leitlun ah theihpitu pathum an um: Thlarau, ti le thisen an si. Cuih pathum cu pakhat ah an lung a rual.
9 cMilai theihternak hman kan cohlan a si ahcun, Pathian theihternak cu a ropisin a si. Ziangahtile Pathian-ih theihternak cu a Fapa thu a theihter mi hi a si.
10 dFapa a zumtu cun amah ah theihpitu a nei. A zum lo tu cun Pathian in a Fapa thuhla a rak theihter mi a zum lo ruangah, Pathian cu thuphan per ah a tuah.
11 eCule theihternak thu cu hihi a si: Pathian in kan hnenah sankhuk nunnak in rak pe zo ih, cuih nunnak cu a Fapa ah a um.
12 fFapa a neitu cun nunnak a nei; Pathian Fapa
5:7b Mat 18:16
5:9c Mat 3:16-17; Joh 5:32, 34, 37
5:10d Joh 3:33; Rom 8:16; Gal 4:6
5:12f Joh 3:15-16, 36
5:13g Mat 25:46
Thlacamnak Hnget
14 aAmah ih kan neih mi ralṭhatnak cu hihi a si, amai duhnak thawn milawih ziangkhal kan dil asile anih in in ngai a si. 15 bCule a hnenih kan dil mi pauhpauh a ngai a si ti kan thei. Cumi kan theih asile, a hnenih kan dil mi cu kan ngah ding a si ti kan thei.
5:15b 1Sp 3:12
16 aMi pakhat khat in thihnak ih mi hruaitu si lo sual, a unaupa in a tuah rero lai a hmuh asile a hrangah thlacam seh. Cule Pathian in thihnak ih mi hruaitu sual a si lo mi a tuahtu hnenah cun nunnak a pe ding. Thihnak ih mi hruaitu sual a um. Cumi hrangah thlacam seh ka ti lo. 17 Dingfellonak zaten sual a si, cule thihnak ih mi hruaitu si lo sual a um.
5:16a Suah 23:21; Jer 7:16; Heb 6:4-6; Jam 5:15
18 aZokhal Pathian ih hrin mi cun sual a tuah vivo lo ti kan thei. Pathian ih hrin mi cun amah le amah a kilhimaw ih misualrál pa in amah cu a thâm thei lo.
19 bKannih cu Pathian hnen ihta kan si ti le leitlun pumpi hi misualrál paih kut sungih um a si ti kan thei.
20 cPathian Fapa
5:19b Joh 12:31
5:20c Mat 25:46; Luk 24:45; Joh 17:3
21 aFahniangletla, milempawl ihsin kilhimaw uh. Amen.